USINIBANIE - 1

 

 IMEANDIKWA NA : IGNAS MKINDI



*********************************************************************************





Simulizi : Usinibanie

Sehemu Ya Kwanza (1)



NINAKUMBUKA kabisa siku ile ilivyokuwa, siiwezi kuisahau kwa jinsi nilivyouweka rehani utu wangu. Nakumbuka nilipokuwa chini ya dirisha nikinung’unika, nikimlalamikia mpenzi wangu Tausi.

CHANZO:  https://deusdeditmahunda.blogspot.com/

Pamoja na ushupavu wangu wote wa kiaskari, nilijikuta

nikilia kama mtoto mdogo. Sikupanga kulia bali niliuhisi

moyo wangu ukivuja damu kwa majeraha yalioachwa na Tausi

baada ya kuling’oa penzi lake kinguvu.



Nilipokuwa pale chini ya dirisha, mawazoni nilipata twasira

hasa ya Tausi, niliuhisi urembo wake akilini akiwa amejilaza

chali kitandani katika mwanga hafifu japo kwa wakati huo

sikuwa nachungulia.



Naikumbuka kwa ukamilifu picha niliyokuwa nayo akilini,

ngozi yake nyororo nyeupe, ilimfanya ang’ae katika mwanga

hafifu, niliyaona matiti yake yakiwa yametulia kifuani pasi

kufunikwa na chochote, niliviona vyote vilivyonifanya niwe

punguani juu yake.



Ilikuwa ni katika maeneo ya Kihesa, Iringa mji ulioko nyanda

za juu, kusini mwa Tanzania. Giza nene lilikuwa limetanda na

wakati huo ilikuwa yakaribia saa saba za usiku. Baridi

lilikuwa ni kali mno kama ilivyo kawaida ya mji ule.



Japo nilivaa koti kubwa na refu na sweta ndani yake lakini

mavazi hayo hayakuweza kunifanya niache kujikunyata kwa

baridi.



Kwa kweli nilikuwa nafanya kitendo cha hatari sana, na laiti

kama yeyote angebaini uwepo wangu pale angeweza kuniitia

mwizi na nisipate la kujitetea, lakini sikuwahi kuiwazia

hatari hiyo iliyokuwa ikinikabili.



Kwa maneno niliyokuwa nikimwambia mrembo Tausi siku ile,

hiki nikionacho leo hakinistaajabishi. Nakumbuka fika kuwa

kabla ya kumtupia maneno yale matamu nilimuita Tausi kwa

majina yake kamili, Tausi binti Nurdin.



Ingawa hakuitikia, nina uhakiwa kuwa alisikia kwa kuwa

nilichungulia dirishani mara tu nilipowasili mahali pale.

Wakati nachungulia, nilimuona akiingia chumbani, nadhani

alikuwa anatokea sebuleni.



Nilitulia nikimwangalia kwa muda mrefu, nilikuwa

nikishuhudia akitoa nguo zake moja baada ya nyingine.

Alipomaliza zote nilijihisi kuishiwa nguvu, nikakaa chini.



Niliamua kumrushia maneno nikiwa pale pale chini, nilijua

fika kuwa aliutambua uwepo wangu mahali pale lakini kubwa

alitambua hali yangu.



Alijua ya kuwa niko taabani juu yake, sijiwezi.Nilimwambia, "Tausi binti Nurdin, kulikosa penzi lako nimebaki masikini,

nimekuwa kama ndege mkiwa aliyenyeshewa mtini, umeniachia

mwili lakini nafsi yangu yote unayo wewe. Nimeacha yote kwa

ajili yako, na sitafanya lolote bila penzi lako, Tausi,

nafsi zetu zimeumbwa kuishi pamoja, najua wajua ila

unailazimisha miili yetu itengane, nihurumie mpenzi,

niridhie nirudi penzini kwako."



Pamoja na maneno yote hayo, Tausi aliendelea kuwa kimya na

mimi nikajiapiza kuwa nisingeondoka pale hadi niisikie sauti

yake. Niliendelea kunung’unika kila baada ya muda hadi

ilipotimu saa tisa kasoro usiku.



Jina langu ni Musa Njiwa, wakati huo nilikuwa nina miezi

miwili toka niandike barua ya kuacha, kazi ya upelelezi

ambayo ndiyo iliyokuwa ikinipa mahitaji yangu ya muhimu.

Sikuwa nimejibiwa barua yangu hadi wakati huo.



Pamoja na kutojibiwa lakini nafsini kwangu tayari nilikuwa

nishaiondoa kazi hiyo na hata ningelazimishwa kuendelea

nisingeweza japo hakuna aliyeamini kama ningeacha kazi hiyo

niliyokuwa nikiipenda na kuifanya kwa ufanisi.



Nilihojiwa sana na viongozi wangu kuhusu sababu ya kuchukua

uamuzi huo mzito, lakini siri yangu ilikuwa iko moyoni.

Sikuwahi kumwambia mtu yeyote japo kuna ambao waliihisi

sababu ya kweli.



Usiku ule nilitamani kumtazama Tausi usoni wakati

nikimtamkia maneno yale, tena miili yetu ikiwa imegusana,

lakini sikupata kibali machoni pake, alikuwa kajifungia

chumbani kwake. Nilitamani kulihisi joto lake lakini

nilibaki pale nikiumia kwa baridi.



Nilimwomba anipe adhabu yeyote lakini asilitupe penzi letu,

lakini maneno yote hayakusaidia kwa usiku ule. Tausi

aliniacha pale nje nikiendelea kupata baridi kali

lililoambatana na upepo.



Saa tisa kasoro usiku, Tausi alisimama dirishani akaniita

kwa sauti yake ya upole. Nikajiinua taratibu, tukawa

tunatazamana japo tulikuwa tukitenganishwa na ukuta, nyuso

zetu zilitazama kupitia dirishani.



"Usifanye mambo yazidi kuwa magumu. Mimi na wewe basi" Japo hayakuwa maneno ya kutia moyo lakini nilifarijika kuisikia

sauti yake.



"Umenisikia nilichokueleza, fuata moyo wako utakavyokuambia"

nilimwambia nikigeuka taratibu kuondoka kama mkware

aliyefumaniwa na mkwewe.



*********



Miaka kadhaa iliyopita yalitokea mauaji ya kutatanisha ya

mmojawapo wa watumishi wa Mzee Nurdin katika shamba lake la mifugo lililopo maeneo ya Chalinze, mkoani Pwani.

CHANZO:  https://deusdeditmahunda.blogspot.com/

Mzee Nurdin ni mfanyabiashara maarufu sana hapa nchini na ni

mmojawapo wa watu wanaojitolea kwa hali na mali kukifadhili

chama tawala, jambo linalomfanya awe karibu sana na viongozi

wakubwa wa chama na serikali.



Maiti ya mtumishi huyo aliyejulikana kwa jina la Kabuti

ilikutwa ikiwa imeharibika vibaya kutokana na kukaa muda

mrefu. Kabla ya maiti hiyo kugundulika, Kabuti alitoweka

katika mazingira ya kutatanisha nyumbani kwa Mzee Nurdin.



Hakukuwa na yeyote aliyehusishwa moja kwa moja na mauaji

hayo ila ilisadikiwa kuwa Kabuti aliamua kujiua kwa

kujinyonga. Lakini sababu za Kabuti kujinyonga hakuna

aliyezifahamu.



Kwenye msiba huo wa Kabuti, Mzee Nurdin aligharamia kila

kitu na kuahidi kuendelea kuisaidia familia ya Kabuti hasa

wazazi wake, kwa kuwa alikuwa hajaoa na hakuwa na mtoto.



Watu wengi walimpongeza kwa moyo wake wa huruma lakini

kutokana na fununu zilizoenea kuhusiana na kifo cha Kabuti

kwamba Mzee Nurdin anahusika, nilipewa kazi ya kupeleleza

mienendo ya Mzee Nurdin kwa namna yeyote.



Kwa mujibu wa mkuu, kazi hiyo nilipewa mimi kwa kuwa ni muda mrefu sikuwa hapa nchini, kazi zangu nyingi nilizifanyia nje ya nchi kwa hiyo haikuwa rahisi kugundulika. Hakuna ofisa

yeyote aliyejulishwa kuhusu kazi niliyopewa lakini wote

waliambiwa kuwa naenda nje ya nchi kwa miezi sita ambayo

ndiyo nilipangiwa kikamilisha kazi hiyo.



Siku nne baada ya kupewa taarifa hiyo na Mkuu, nilipigiwa

simu kuwa nikamuone dada mmoja niliyetambulishwa kwa jina

moja la Marina ndani ya dakika arobaini na tano na

niliambiwa kuwa nitamkuta kwenye jengo la Benjamini William

Mkapa, ghorofa ya saba.



Ilipofikia dakika ya arobaini na mbili, nilifika na kumkuta

kasimama kama anayesubiri lifti. Tutakambuana kwa ishara

ndipo a nikapewa maelezo yote ikiwemo utambulisho mpya

nitakaoutumia katika kazi niliyopewa.



"Utaitwa Hoza, kwenu ni Mashewa, Tanga. Maelezo mengine yako kwenye hii bahasha," aliniambia Marina akigeuka na kuingia kwenye lifti namba moya iliyokuwa inayopandisha juu.



Nilibaki pale kwa sekunde kadhaa nikiangaza angaza huku na

kule kisha nami nikaingia kwenye lifti namba tano iliyokuwa

ikishuka chini.



Baada ya maandalizi ya awali kukamilika nilifuatwa na mzee

mmoja ambaye hakuwa na maneno mengi, akanipeleka kwa Mzee Nurdin.



"Huyu ndio yule kijana uliyeniagiza, naomba umchukulie kama

mwanangu kwa maana nimekabidhiwa na wazazi wake,"aliongea huyo mzee akimtazama usoni Mzee Nurdin.



"Mara nyingi huwa sishughuliki na masuala ya wafanyakazi,

ngoja nitamtuma dereva ampeleke nyumbani huko atapangiwa

kazi za kufanya. Hata hivyo nashukuru," alisema Mzee Nurdin.





SIKU ya kwanza wakanibwekea, walinzi wakaja fasta,

nikawazuga kuwa nilikuwa nasafisha nje ya banda. Baada ya

muda wale mbwa wakawa wamenizoea kiasi kwamba nilikuwa

naweza kwenda wakati wowote hata nikaingiza mikono

kuwachezea. Nikawa nimefaulu tena.



Usiku wa kwanza ulikuwa wa kufanya ziara isiyo rasmi ya

kukitafuta chumba cha Tausi kupitia madirishani,

nikakigundua.



Usiku uliofuatia, mapema tu baada ya giza kuingia nikawatoroka wenzangu kwa kujifanya naingia kulala, nikapitiliza hadi dirishani kwa Tausi. Ilipofika saa tatu, taa ya chumbani kwa Tausi ikawashwa.



Tausi aliingia na kujifungia, akaanza kutoa kibanio alichofungia nywele zake ndefu, nywele zikafumuka na kummwagikia usoni. Akatikisa kichwa kuzirudisha nyuma. Akaanza kufungua vifungo vichache vya blauzi yake ya rangi

ya bluu bahari.



Baada ya maandalizi ya awali kukamilika nilifuatwa na mzee

mmoja ambaye hakuwa na maneno mengi, akanipeleka kwa Mzee

Nurdin.



"Huyu ndio yule kijana uliyeniagiza, naomba umchukulie kama

mwanangu kwa maana nimekabidhiwa na wazazi wake"aliongea

huyo mzee akimtazama usoni Mzee Nurdin.



"Mara nyingi huwa sishughuliki na masuala ya wafanyakazi,

ngoja nitamtuma dereva ampeleke nyumbani huko atapangiwa

kazi za kufanya. Hata hivyo nashukuru" alisema Mzee Nurdin.





*****

Nyumbani kwa Mzee Nurdin nilipangiwa kazi za utunzaji wa

bustani na usafi wa mazingira ambayo niliifanya kwa ufanisi

kiasi cha kuifanya jamii iliyo kwa Mzee Nurdin ianze

kunipenda.



Muda wote huo nilikuwa nikiishi katika mojawapo ya vibanda

vitatu vya wafanyakazi vilivyo ndani ya eneo la jumba la

kifahari la Mzee Nurdin.



Kwa muda mfupi niliokaa pale niliwaona viongozi mbalimbali

wakiingia na kutoka, pia niliwaona maafisa kadhaa wa polisi

wakipishana kumtembelea Mzee Nurdin.



Katika upelelezi wangu, cha kwanza kuhisi ni kuwa kuna njia

nyingine ambayo Mzee Nurdin huitumia kutokea ndani ya eneo

lake mbali na milango ya kawaida. Nikajaribu kulipata hilo

toka kwa wafanyakazi wa ndani wa Mzee Nurdin lakini nikashindwa.



Jitihada zangu zote za kuzoeana na watumishi wa ndani ya jumba la Mzee Nurdin zilishindikana kwa kuwa hawakuruhusiwa kuongea na mtu yeyote, hata wafanyakazi wenzao ambao wanafanya kazi za nje.



Siku moja nikakata shauri kumvaa mmojawapo wa wafanyakazi wa ndani ya jumba hilo, alinijibu kifupi tu bila hata kusimama,



"Ulizia kuhusu Kabuti". Mlio wa hatari ukaita kichawani. Ikanibidi nitulie kwanza nijipange upya. Niliona wazi kuwa kazi ni ngumu kuliko nilivyofikiria awali ila hali hiyo ilinipa uhakika kwamba kuna tatizo katika mwenendo wa Mzee

Nurdin.





******

Ilikuwa jioni moja, ukikaribia mwezi toka nianze kazi pale

aliwasili binti mmoja mrembo sana. Baadae nilikuja kugundua

kuwa anaitwa Tausi, binti kitindamimba wa Mzee Nurdin.

CHANZO:  https://deusdeditmahunda.blogspot.com/

Alikuwa mrefu wa wastani, mweupe, mwenye mwili wa wastani,

sio mwembamba sana wala mnene. Ila kikubwa alikuwa mpole na

mkarimu tofauti na mabinti wanaotokea katika familia za

kitajiri.



Ni kama binti huyu alikuwa na sumaku, toka alipowasili mawazo yangu yakawa hayabanduki juu yake, lakini niliogopa kuchukua uamuzi wowote kwa kuogopa kuharibu kazi niipendayo. Ila tatizo kubwa ambalo hunikabili ni kuwa nikiwa na nimekolea kwa msichana, akili haiwezi kufanya chochote hadi nimnase.



Katika vitu ambavyo vinaweza kunifanya niwe mtumwa ni

mapenzi. Mi ni mgonjwa mno wa sekta hiyo. Kutokana na

ugonjwa wangu huo nilijipa moyo kuwa miezi mitano iliyobakia

ni mingi, ningeweza kumaliza kiu yangu ya kumpata Tausi

ambaye sikuwa na uhakika na muda ambao angeendelea kuwepo

pale.



Nikajiwekea mkakati, kazi yangu ya kwanza ikiwa ni kumpata

Tausi! Suala likawa nitampataje? Kwanza huwa hatoki mara kwa

mara, pili uwezekano wa kumfanya anisikilize ulikuwa mdogo

kwa hali niliyoivaa pale. Kichwa kikaanza kuniuma, akili

yangu yote ilihama kutoka kwenye kazi iliyonileta pale.



Nikaanza kuzisoma ratiba na tabia zake kama ambavyo makocha

wa soka huzisoma timu pinzani. Ulinichukua takribani wiki

mbili kumsoma Tausi na hatimaye nilihitimisha utafiti wangu.

"Huyu anatakiwa kuchezewa kama soka la ki-Brazil maarufu

kama Samba", nilifikia uamuzi.



Soka la ki-Brazil halihitaji mapepe, unagonga pasi moja moja

ukicheza taratibu kama vile hutaki kufunga. Na pindi

mpinzani wako akizubaa unacheka na nyavu, na kuondoka na

ushindi.



Kwa kawaida napenda kulifananisha zoezi la kumtaka msichana

kimapenzi na mifumo ya kucheza mpira wa miguu. Huwa kuna

mitindo mitatu ambayo mara nyingi huwa napenda kuitumia,

Kibrazili, Kihispania na Kiitalia. Kihispania ni mchezo wa

kasi wa kushambulia kwa pasi fupi fupi, huu unawafaa masista

duu kwa kuwa wanapenda mapenzi ya kujionyesha mbele za watu.



Mtindo wa Kiitaliano huwa unatumika kutafunia kuku wa

kienyeji, mademu wa uswahilini. Hawa ukijifanya kuremba tu

umewakosa, ni fulu miguvu na kushambulia kibabe.



Kikwazo kikawa namna ya kumuanza, ikabidi nianzishe mazoea

na paka wa Mzee Nurdin. Tausi anampenda sana paka wa pale

kwao kiasi kwamba mara nyingi alikuwa akimpa chakula

mwenyewe. Nikaanza mchezo wa kudamka asubuhi sana na kwenda kuanzia usafi karibu na mlango mkubwa wa kuingilia kwa Mzee Nurdin.



Karibu mara zote nilizokuwa nikifika pale nilikuwa nikimkuta

yule paka akitoka au akikaribia kutoka. Nikawa naingia

gharama za kumnunulia misosi yule paka. Akitoka tu nampa

misosi, nacheza naye hadi akanizoea.



Zoezi la kwanza likafanikiwa, nikaanza mpango wa pili.

Asubuhi sana nikawa nampa chakula paka, lakini sikuwa

nafanya usafi pale mbele ya lango kuu. Nikawa nafanya usafi

muda mchache kabla ya saa tatu ambapo mara nyingi Tausi huwa

anakuwa anazunguka zunguka maeneo yale akicheza na paka.



Kutokana na mazoea na Paka yule, kila nilipofika alikuwa

akinikimbilia, na mimi nilikuwa nikimbeba na kucheza nae

hadi Tausi atoke. Mara zote Tausi akawa anasubiria nimruhusu

paka aende kwake ndipo naye aanze kucheza nae. Lakini hakuwa

akinisemesha chochote, na mimi sikuwa namuangalia hata mara

moja. Nilikuwa nikimfanya kama hayupo.



Mbinu hii huwa inanisaidia sana kupata wasichana warembo

wanaoshindikana. Msichana anayeangaliwa sana na kufuatwa

fuatwa na wanamme kutokana na urembo wake humshangaa sana

mwanamme anayeonyesha kutomjali na hali hiyo humfanya

amuangalie kwa jicho tofauti. Hapo inakuwa rahisi sana

kumfanya akusikilize.



Mara kadhaa Tausi akawa anataka kuniongelesha lakini sikuwa

nampa nafasi. Akaanza kuwa anaulizia tabia zangu kwa

wafanyakazi wenzangu, kitendo ambacho kilikuwa

kikiwashangaza sana. Nikawa nimefaulu kumfanya autambue

uwepo wangu.



Lakini kwa upande mwingine nikawa nimejipalia makaa ya moto

kwani kiongozi wetu wa wafanyakazi akaanza kunikasirikia

akidhani nataka kuichukua nafasi yake. Nikamuona vipi sijui,

mi nina mipango mingine ye’ ananiletea habari za kugombea

madaraka!



Basi jamaa likanibadilishia utaratibu, akamweka mtu mwingine

kufanya usafi eneo la mbele karibu na mlango mkubwa wa

kuingilia. Zikapita siku tatu bila kuonana na Tausi. Moyo ulikuwa ukiniuma sana, nikaamua kuwa namzuia paka asirudi

maeneo ya mbele ya lango kuu ili Tausi ashawishike kuja

nilipo lakini wapi! Haikusaidia.



Kumbe Tausi naye akawa hana raha kwa kutoniona nikicheza na

paka! Baadae tulipozoeana aliniambia eti alikuwa akivutiwa

kuniangalia jinsi nilivyokuwa nikicheza na paka. Si dharau

hizi jamani?



Tausi ndiye aliyekuja kapata ufumbuzi wa tatizo letu la

kutoonana, akawa anaingia chumba kimojawapo ambacho dirisha

lake linatazama maeneo niliyopangiwa kufanyia usafi. Madai

yake ananichungulia kumbe mi nilikuwa nimemuona muda mrefu

tu. Nikawa najifanya naelekea lilipo dirisha, naye eti akawa

anajificha nisimuone!



Niliupenda sana mchezo huo tuliokuwa tukiucheza. Kwa tafsiri

za haraka haraka nikaona kuwa mchezo wa Ki-Brazil, samba

umeanza kuzaa matunda. Ikawa ndio maskani yangu, naye chumba kile kikawa ndiyo maskani yake.



Kazi iliyokuwa ikinikabili ni namna ya kumvunjia ukimya,

hapo nikamkumbuka mwalimu wangu wa saikolojia ambaye

alinifundisha kuwa ukitaka kukipata kitu kwanza pata picha

yake kichwani. Nikaanza kutafuta namna ya kuanza kumpigia

chabo usiku ili nimjue vyema.



Likaibuka tatizo jingine ambalo ni kubwa zaidi. Kilichokuwa

kinanikwamisha ni kuwa usiku kunakuwa na mbwa wawili

wanaachiwa. Mbwa hao wakibweka tu, walinzi wanafika mara

moja kuangalia kinachojiri.



Mbwa hao wamewazoea walinzi, na Mzee Nurdin tu! Yaani

kikitokea chochote nje ya kufanywa na Mzee Nurdin wenyewe

basi walinzi watakuwa wanahusika. Nikaanza kudili na banda

la mbwa kwa kificho, baada ya kugundua namna wale walinzi

wanavyowasiliana nao.

CHANZO:  https://deusdeditmahunda.blogspot.com/



Siku ya kwanza wakanibwekea, walinzi wakaja fasta,

nikawazuga kuwa nilikuwa nasafisha nje ya banda. Baada ya

muda wale mbwa wakawa wamenizoea kiasi kwamba nilikuwa

naweza kwenda wakati wowote hata nikaingiza mikono

kuwachezea. Nikawa nimefaulu tena.



Usiku wa kwanza ulikuwa wa kufanya ziara isiyo rasmi ya

kukitafuta chumba cha Tausi kupitia madirishani,

nikakigundua.



Usiku uliofuatia, mapema tu baada ya giza kuingia

nikawatoroka wenzangu kwa kujifanya naingia kulala,

nikapitiliza hadi dirishani kwa Tausi. Ilipofika saa tatu,

taa ya chumbani kwa Tausi ikawashwa.



Tausi aliingia na kujifungia, akaanza kutoa kibanio

alichofungia nywele zake ndefu, nywele zikafumuka na

kummwagikia usoni. Akatikisa kichwa kuzirudisha nyuma.

Akaanza kufungua vifungo vichache vya blauzi yake ya rangi

ya bluu bahari.



Kadiri alivyokuwa akifungua kimoja baada ya kingine, mapigo

yangu ya moyo yalizidi kasi. Alipokitoa kiblauzi kile

nilijikuta miguu ikinitetemeka na mawasiliano kuanza

kukatika kichwani kwa jinsi alivyojaaliwa matiti mazuri

yenye chuchu zinazoelekea kwenye wekundu.



"Ndio ugonjwa wangu huu!" Nilijikuta nikijisemea peke yangu

kwa kunong’ona. Hakuwa amevaa sidiria binti huyu ambaye

laiti angejua kuwa kuna mtu anamtazama sijui ingekuwaje.



Taratibu akaanza kuangaza huku na kule akaichukua kanga na

kujifunga kuyasitiri maziwa, nikajikuta nanung’unika kama

shabiki wa ligi ya Uingereza aliyezimiwa televisheni

katikati ya mechi kali ya Manchester United na Arsenal.



Akajifungua zipu ya sketi na kuiacha idondoke kabla

hajaiinua kwa mguu kama anayebetua mpira na kuirushia kwenye kasha la nguo chafu. Akamalizia kwa kuingiza vidole ndani ya khanga yake kuitoa nguo ya ndani, akainama kumalizia kuitoa miguuni.



Sikukumbuka ni nini kilitokea lakini nilijikuta tu

nimedondoka chini na miguu haiwezi tena kuhimili uzito wa

mwili wangu. Mtoto kaumbika! Nilitulia pale pale chini kwa

muda ili nikusanye nguvu kwanza.



Akilini picha za Tausi zilikuwa zikinipitia kwa mtindo

onyesho la mtelezo, ’slide show’. Baada ya mapigo ya moyo

kuirudia kasi yake, nilijiinua taratibu na kuchungulia tena.



Safari hii Tausi alikuwa ametoka kuoga, anajifuta na kataulo

kake. Mashallah mtoto huyu, sijui nimfananisheje kwa jinsi

alivyoumbika.



Niliuhisi mwili wangu ukivutwa kutaka kuukumbatia wake,

hakika sumaku ya mwili nayo ina nguvu. Niliendelea

kumwangalia huku nikijiapiza kuwa ni lazima nimpate.



Tausi akalivaa gauni lake la kulalia la rangi ya udhurungi,

linaloonyesha kila kilichomo ndani. Akapanda kitandani na

kujifunika shuka. Nikashusha pumzi ndefu.



Nilirudi chumbani kwangu akili ikiwa haifanyi kazi katika

mfumo wa kawaida, ilikuwa inavaibreti mithili ya simu ya

’Philips Savy’ nikiwaza na kuwazua mikakati ya kumnasa Tausi

binti Nurdin.



Kuna kitu kimoja ambacho nilikiona kutokana na macho yangu

ya kipelelezi lakini kwa muda ule sikukitilia maanani. Ila

baada ya kufikiria sana kitu hicho kikawa kinanirudia rudia.

"Inaelekea ndio aina ya wanaume anaowapenda" nilijisemea

nilipomaliza kuwaza.



Katika chumba cha Tausi, ukutani kuna picha tatu za wanaume

tofauti mastaa. Lakini wanachofanania ni kuwa wote wana

miili iliyojengeka na wako vifua wazi.



Nikakurupuka hadi kwenye kioo cha kakabati tulichoweka

katika kila chumba huku nikivua shati. Nikaanza kujigeuza

geuza nikiwa kifua wazi kama ninayeshiriki mashindano ya

kutunisha misuli.



"Bodi inalipa kimtindo", nilijisemea na kuzidi kujitia

mzuka. Nikaweka miguu juu ya kitanda, mikono sakafuni

nikaanza kupiga ’push up’ ili vimsuli vyangu vitunetune.

Uzuri ni kwamba mwili wangu umejengeka kimazoezi kutokana na kazi yangu ya upelelezi.



Asubuhi ilipofika nikapasha misuli moto nayo ikatutumka

nikatafuta kashati kepesi fulani na jeans langu mpauko.

Nilipojitazama kwenye kioo nilicheka. Nilikumbuka kipande

cha shairi la wimbo wa msanii wa bongo fleva, Kali P,

’umevaa jeans lako la kupayuka, manguo yako na manywele

yananuka halafu unadai huuzi nyago, huuzi nyago wewe?’



Nikaenda moja kwa moja kwenye kituo changu cha kurushana

roho na Tausi. Kama kawaida Tausi akawa katika sehemu yake

ya uchungulifu. Nikajifanya simuoni nikawa naendelea kucheza

cheza na paka wake kisha kabla ya kumuachia paka aondoke,

nikafungua vifungo vya kale kashati kimtindo.



Nikamtupia jicho Tausi wakati nikimruhusu paka aondoke,

nikamwona ametulia kama amemwagiwa maji ya baridi. Nikajua nishamroga.



Kwa kawaida nikimwachia tu paka aondoke na Tausi hutoka pale dirishani kwenda kumchukua paka wake, lakini siku ile

alibaki pale pale dirishani kwa muda mrefu, ’mtoto kazimia

bodi’. Basi babaako nikazidisha manjonjo ili niroge zaidi.

CHANZO:  https://deusdeditmahunda.blogspot.com/

Tausi alibaki pale kwa muda mrefu sana, nikataka kulivua

shati kabisa lakini nikasita kwa kuwa ngozi ya mwili wangu

haionyeshi kama nastahili kuwa mfagizi.



Baada ya siku hiyo ya ulozi, nikaendelea kuvaa nguo zangu

kubwa kubwa kama kawaida na nikabadilisha ratiba kabisa.

Nikamtia hamu Tausi, hamu ya kuniona.



Mpango wangu ulikuwa ni kufanya shambulizi la kushtukiza,

nikawa namtafutia nafasi. Kipindi chote ambacho alikuwa

hanioni nilikuwa nikipokea umbeya kuwa ananiulizia mara kwa

mara. Ila mimi nilikuwa namuona, unajua nilikuwa namuonaje?

Nilikuwa sikosi dirishani kumpiga chabo!



Siku ile ya kwanza niliyomfanyia manjonjo nilimuinjoi sana

alivyokuwa akiwaza huku anaangalia na kuzigusa gusa picha za

wale wanaume ukutani. Nikajua kisu kimegonga mfupa. Siku

moja Mzee Nurdin alisafiri nje ya nchi kwa uwazi.



Kama unakumbuka nilikwambia kuwa nilikuwa nimehisi kuwa ana mlango mwingine wa kutokea eneo lile hivyo siyo rahisi

kuzijua safari zake. Kitu pekee kilichokuwa kikinijulisha

kuwa yupo au hayupo ni uimara wa ulinzi katika eneo lile.



Kuna wakati ulinzi unapwaya na wakati mwingine unakuwa wa

hali ya juu.



Basi akasafiri nje ya nchi na wapambe wake kadhaa katika

safari zake za kibiashara. Pale nyumbani kukawa shwari, watu

wakawa wamejiachia kwa kuwa wote walijua kuwa mzee hayupo.



Siku iliyofuata tu, nikajifanya naumwa sana, na pale mkuu

aliyebaki kama kiongozi alikuwa Tausi. Mke wa Mzee Nurdin ambaye ni mama yake Tausi alikuwa akitegemea sana kuongozwa na Tausi kwa kuwa elimu ya mama

huyo haikuwa ya kutosha. Tausi akawaagiza wasaidizi wake

wanipeleke nyumba kubwa.



Mwanamume nikachukuliwa hadi mbele ya uso wa Tausi, malaika wangu. Nikafikishwa nikiwa nimeshikwa huku na huku

nikijitetemesha kwa baridi na kwa kuwa nilishatafuna

pilipili, mwili nao ulishakolea joto.



Kama kuna kitu ambacho ndio mara ya kwanza kukiona kwa

ufasaha katika mwili wa Tausi ni macho. Tausi ana macho

mazuri balaa! Akaweka kiganja chake mwilini mwangu, sehemu

ya shingo.



Kwa kweli nilisisimka mwili mzima, Tausi akashtuka.

Nikadhani amenishtukia kama nimesisikwa na mwili. Kumbe

alishtuka kwa jinsi mwili wangu ulivyokuwa na joto kali.



Haraka haraka akaagiza nipelekwe hospitali naye akiwa

kiongozi wa msafara. Mungu anipe nini! Tukafika hospitali na

kupokewa ki-VIP.



Vipimo vilifanyika kwa umakini mkubwa. Wakati nasubiri

majibu nikawa nimelazwa kitandani, Tausi amesimama pembeni

yangu. Nikamuona jinsi anavyonionea huruma, nikaichukua

fursa hiyo fasta.



Nikamuonyesha ishara kuwa kuna kitu ninataka kumwambia,

akaniinamia akilisogeza sikio lake karibu na mdomo wangu.

"Naomba nishike mkono" nilimnong’oneza Tausi.



Aliniangalia kwa huruma huku akiniloga na kwa macho yake mazuri, tukagongana macho akaangalia chini. Akanipa mkono,

nikaushika nikaung’ang’ania na kuusogeza kifuani pangu.



Akaketi pembeni yangu kitandani.



Vipimo vilifanyika kwa umakini mkubwa. Wakati nasubiri

majibu nikawa nimelazwa kitandani, Tausi amesimama pembeni

yangu. Nikamuona jinsi anavyonionea huruma, nikaichukua

fursa hiyo fasta.



Nikamuonyesha ishara kuwa kuna kitu ninataka kumwambia,

akaniinamia akilisogeza sikio lake karibu na mdomo wangu.

Nikamnong’oneza.



"Naomba nishike mkono" nilimnong’oneza Tausi. Aliniangalia

kwa huruma huku akiniloga na kwa macho yake mazuri,

tukagongana macho akaangalia chini. Akanipa mkono,

nikaushika nikaung’ang’ania na kuusogeza kifuani pangu.

Akaketi pembeni yangu kitandani.



Mpambe mmoja aliyeng’ang’ania kubaki ndani akaona aibu

mwenyewe, akatoka na kutuacha wawili. Tausi alikuwa katulia

sana, nilihisi kuwa naye anajisikia raha mkono wake kuwa

kifuani pangu. Madaktari nao kwa kutafuta sifa, wakaleta

majibu haraka haraka! Yaani dah, wala sikuwa nimefaidi sana.



Nahisi hata Tausi mwenyewe walim’boa kwa kuwahisha majibu ya

vipimo. Kimsingi, hawakuona ugonjwa wowote, wakanipa dawa za

kushusha homa. Ila wakataka nibaki kwa muda kwa uangalizi wa

karibu, nadhani walikuwa katika mkakati wa kibiashara kwa

kuwa kama ningelazwa kitanda kingelipiwa.



Sikuuachia mkono wa Tausi naye akawa anasita kuniambia kuwa

anataka kuondoka. Sijui kama aliogopa kumkatili mgonjwa au

naye alisikia raha! Tausi akageuka kunitazama nikafumba

macho kujifanya nimelala usingizi.



Sijui kama aliendelea kuniangalia ama lah! Ila niliuhisi

mkono wake ukitetemeka. Ghafla nikamsikia akiniita kwa mbali

sana, inaelekea sauti yake iligoma kutoka. Akarudia tena,



"Hoza.." Nikanyamaza kimya, akarudia mara tatu.



Alipojiridhisha kuwa nimelala, akaanza kuutoa mkono wake

taratibu nami nikalegeza wangu. Akafanikiwa kuutoa. Lakini

cha ajabu hakuondoka. Nilimhisi bado kakaa pembeni yangu,

nikawa nasubiri kujua anataka kufanya nini.



Nikasubiri kama dakika tatu hivi, nikamsikia akishusha pumzi

ndefu. Nilitamani kufungua macho nishuhudie kuwa yuko katika

hali gani. Ghafla nikahisi giza likiukaribia uso wangu,

kisha nikalihisi joto likinikaribia na hatimaye mdomo wa

Tausi ukawa juu ya paji langu la uso. Alinibusu!



Mwili wangu wote uliishiwa nguvu, niliuhisi umekufa ganzi.

Laiti kama angeni-ofa penzi ghafla kwa muda ule sidhani kama

ningeweza kufanya chochote. Nilichanganyikiwa!



Baada ya muda mchache nikamsikia Tausi akitoa maagizo kwa

dereva, kuwa amrudishe nyumbani kisha arudi kunifuata.

Ukimya ulipotawala nikafumbua macho.



Daktari mmoja mtu mzima hivi, anayeonekana kukaribia ama

kuzidi kidogo miaka hamsini akaingia kuangalia naendeleaje.

CHANZO:  https://deusdeditmahunda.blogspot.com/

"Vipi Hoza?"



"Niko safi dokta" nilimjibu. Ikabidi nimweleze dokta kuwa mi

siumwi ila nilijifanya naumwa ili nipumzike kazi,

nikamdanganya kuwa sijapata ofu siku nyingi. Badala ya

kukasirika ikabidi daktari acheke sana.



"We kijana ni mtundu sana. Haya nitakuandikia upumzike kwa

siku tatu!"



"Ahsante sana dokta."



Baada ya kurudishwa, nilikaa bila kutoka mchana kwa siku

zote tatu, ila usiku ilikuwa kama kawa, kunako chabo. Katika

siku hizi tatu Tausi alikuwa akionekena mwenye mawazo mengi

sana. Nilitamani kujua alichokuwa anakiwaza japo nilihisi

kuwa ameanza kuzama penzini lakini akili yake haitaki

kukubali.



Unazijua dalili za mtu aliyezama penzini halafu akili yake

haitaki kukubali? Nikianza kukuelezea tutapoteza muda,

hadithi bado ndefu sana.



Nilipomaliza siku tatu za mapumziko niliwahi asubuhi sana

nikafanya usafi sehemu zote kisha nikakaa pale kwenye kijiwe

changu.



Baada ya muda kidogo nikamuona Tausi akichungulia. Nikatoa

kalamu yangu kwenye nfuko wa suruari na karatasi la barua,

nikaanza kuandika. Nikaandika kwa muda mrefu kiasi huku

nikiwa na vipindi vya kufikiria mara kwa mara.



Sio kwamba nilikuwa nafikiria cha kuandika bali nilikuwa

namvuta Tausi ili apate shauku ya kujua ninachoandika, hizo

ni baadhi ya mbinu za kimchezo.



Nilipomaliza kuandika nikajifanya naisoma kwa umakini mkubwa

kisha nikajifanya nawaza halafu ghafla nikaikunja kunja na

kuitupia pembeni yangu nikainuka na kuondoka eneo lile.

Nikaenda kujificha ndani ya kibanda ninachoishi nikiangalia

pale nilipoliacha karatasi lile.



Ghafla nikamuona Tausi akizuga zuga eneo lile kisha

akaliokota lile karatasi na kuondoka nalo. Ilikuwa bado

kidogo nishangilie kwa nguvu.



"Hesabu zimekubali" Nikajisemea kabla sijakurupushwa na bosi

wangu nitoke nje.



Mijamaa mingine bwana ikipewaga vyeo sijui inakuwaje, eti mi

nimemaliza kazi zote ye linataka nizagae zagae tu nje bila

mpango wowote. Hili jamaa linanikumbusha afande wangu mmoja

wakati natoka depo, Moshi. Ile kuripoti tu jamaa

likanichukia ghafla likaanza kuniletea nongwa.



Kwanza sikujua ni sababu gani, ila baadae nikaja kujua kuwa

tatizo nimemzidi elimu kwa mbali sana hivyo akahisi

nitapanda vyeo fasta na kumzidi. Utafikiri mi ndio baba yake

niliyeshindwa kumlipia ada ya shule.



Siku hiyo nilikuwa na furaha sana lakini hakuna aliyejua

kuwa nafurahia nini. Nilitamani usiku ufike nikampige chabo

Tausi. Sijui kama atavumilia kuniuliza.



Kwa kile nilichoandika kwenye karatasi ulikuwa ni mtihani mzuri sana kujua maendeleo ya harakati zangu, ningejua kama kazama

kwenye penzi au kama nimemtafsiri vibaya pia ningejua.



Niliojiona nimedharaulika sana mwanamume mimi, lakini Tausi

hakuonyesha kujali kabisa. "Unaweza kuniambia

uliyemuandikia?" aliniuliza akiniangalia usoni.

Mapigo ya moyo yalibadilika ghafla.



Niliandika mistari mfano wa hadithi. Tausi alikuwa

kajifungia ndani lakini nilikuwa kama namuona akiisoma

karatasi ile, mistari yangu ikisomeka...



’Sikutegemea maishani ingekuja nitokea, Picha hii mawazoni

haitakuja nipotea, Ndege mrembo pembeni yangu katulia,

Nahisi joto la mwili wake huyu malkia, Kiganja chake

kiganjani mwangu, Vimeweka makazi kifuani pangu, Macho yake

yamelegea kama aliyekula kungu, Kitandani ametulia najikuta

naishiwa nguvu, Sijui kama itakuja jirudia, Ninayojihisi

natamani kumwambia, Lakini naogopa hatanisikia, Ila kwa busu

la uso alonipa nimeridhia.’



Niliandika bila kuyafikiria kabla maneno yale lakini kwa

hakika yamewakilisha kilichomo katika mawazo yangu.



Ulipofika usiku, nilinyata hadi kwenye chaka langu la

kupigia chabo. Nikajiweka sawa kabla ya kujiinua ili nianze

kupiga chabo. Kuinua uso nikakikuta chumba cheupe, hamna

mtu.



Nikasubiri kwa muda mrefu lakini Tausi hajatokea.

Nikashtushwa ghafla na mlio wa mbwa waliokuwa wakibweka.

Nikarudi mbio kwenye kibanda changu. Sikujua ni nini

kilikuwa kinaendelea, ghafla nikasikia walinzi wakizunguka

huku na kule.



Nikatulia kimya kitandani japo hata viatu nilikuwa

sijavivua, nafsi yangu haikuridhika kulala bila kupiga chabo

huku nikijisema kuwa n’shazoea tabia mbaya. Hali ilipotulia

nilikwenda tena dirishani kwa Tausi.



Safari hii nikamkuta Tausi ameketi kitandani akiwa mwingi wa

mawazo, sikujua nini kinamtatiza. Mara akainuka, akawa

anajongea dirishani upande niliokuwepo.



"Dah kaniona nini?" Nikajiuliza huku nikichuchumaa chini

kujificha. Tausi akawa kasimama pale dirishani anaangalia

nje. Nikahisi kuwa ni yeye aliyekuwa anabwekewa na mbwa.

Kama ni kweli alikuwa, anataka kwenda wapi?



Wivu ukaanza kunijaa moyoni, nikahisi nataka kuzidiwa kete.



"Itanibidi nifanye fasta, chelewa chelewa utakuta mwana si

wako. Sasa nitafanyaje mie? Huyu mtoto atanitia uchizi

mimi!" nilijisemea.



Alisimama pale dirishani kwa muda mrefu kisha akaondoka.

Nilijiinua taratibu nikaanza kunyata kurudi kibandani

kwangu. Usiku ule nilipata shida sana kupata usingizi,

nilikuwa nikimuwaza Tausi na mbinu za kumpata. Nimeyaanzia

nini mimi haya maswahibu?



Nilipopitiwa na usingizi wala sikujua ilikuwa ni saa ngapi

ila nakumbuka nilijikuta nimesimamiwa na kiongozi wangu

akiwa kanishikia kiuno. Ilikuwa ni saa mbili asubuhi,

nilipofungua macho nikatulia kwanza kwa muda. Jamaa likawa

linaniangalia tu utadhani linanidai.

CHANZO:  https://deusdeditmahunda.blogspot.com/

Nikamyeyusha kuwa sikuwahi kuamka kutokana na kujisikia

vibaya, akaniambia nifanye fasta kutoka nikafanye usafi.

Wakati najiandaa ukaja ujumbe kuwa naitwa katika nyumba

kubwa. Nikajua kuwa tayari kishawaka, nikaanza kupanga

maneno ya kujitetea.



Nilipofika sebule ya nyumba kubwa nikajikuta niko uso kwa

uso na Tausi anayeonekana amekasirika kweli kweli, kakunja

uso. Nikaanza kujihami kuwa nilikuwa najisikia vibaya ndiyo

maana nimechelewa kufanya usafi. Bila kutarajia Tausi

akatabasamu.



"Sikukuitia hilo" alisema. Kidogo akaja

mtumishi mmoja wa mule ndani, Tausi akamgeukia.



"Na ukirudia tena sitakusamehe" Tausi akamwambia binti yule,

mtumishi wa ndani. Nikashusha pumzi nikajua kuwa lile soo

sio langu,



"sasa anataka nini we mtoto?" nikamuuliza kimoyo

moyo. Tausi akanigeukia wakati yule mtumishi akiondoka,

akaniangalia kwa muda akinikazia macho.



Nikaona kuwa hapa nikikwepesha macho tu atanitawala, na mimi

nikamkazia. "Nataka nikupe kazi, na nitakulipa vizuri

ukinifanyia kazi hiyo" alianza kunieleza kwa kujiamini kabla

ya kuendelea.



"Nimeona maneno yako kwenye karatasi"

aliniambia akiniangalia machoni.



Nikajifanya kushtuka kisha nikajikakamua kumtazama lakini

mwili wote ulikuwa ukinitetemeka. Sikujua nimjibu nini.



"Nataka uniandikie maneno kama yale, kuna mtu nataka kumpa"

alisema kwa upole akijiamini.



Hasira zilinipanda kichwani nikajiona nadhalilika mwanamume

mimi, niliona wazi kuwa nakosewa adabu. "Nimchape vibao

nini?" Nilijikuta nikiwaza kwa haraka haraka.



Bahati nzuri akaingia mmojawapo wa watumishi wa mule ndani,

cha kushangaza Tausi hakuufurahia ujio ule. Akamdakia,



"sihitaji usumbufu, nina shauri muhimu na Hoza. Waambie na

wenzio!" Yule mtumishi akatoka haraka haraka na kuishia zake

nje.



Nikashusha pumzi ndefu kisha nikatulia kwa muda ili kuipa

nafasi hekima ichukue mkondo wake. Akili ilipotulia

nikamjibu. "Mimi sio mtunzi wa mashairi, huwa naandika

kilichopo moyoni wangu. Samahani kama nimekukwaza" nilimjibu

kwa upole lakini kwa chuki kubwa.

CHANZO:  https://deusdeditmahunda.blogspot.com/

ITAENDELEA