USINIBANIE - 4

 

Simulizi : Usinibanie

Sehemu Ya Nne (4)





BAADA ya siku moja tu toka niokolewe na kina Omar nyumbani kwa Mzee Nurdin nikapokea simu toka kwa Tausi. "Halo..Jhemapele Tausi!" alimaanisha kuwa naitwa Tausi.



Kwanza nilichanganyikiwa kuisikia sauti yake, netiweki ya

mbongo ilianza kuwa luzi. Ilikuwa ikiingia na kutoka, nahisi

aligundua kuwa nimepagawa.

CHANZO:  https://deusdeditmahunda.blogspot.com/

Kilichotokea ni kwamba sikujua niheme kwanza au niongee

kwanza maana hamu ya kuongea ilikuwepo, wakati huo huo pumzi zilikuwa zimenibana. Kuja kutahamaki simu ikawa imekatika, nikaruka hewani mtu mzima. Muito uliendelea kwa muda bila kupokelewa, mwisho simu ikakatika.

Baada ya myda mfupi, akaruka yeye hewani, nikaipokea fasta.



"Komatitapel?" Nilimuuliza tena jina lake kwa lugha ya

kifaransa. "Tausi binti Nurdin" Nikashusha pumzi ndefu,

kabla sijajitambulisha akaniambia kuwa amepata habari za

Hoza.



Nikasita kwanza kujitambilisha ili nimhoji na kuzijua hizo

habari za Hoza. Nilihisi mwili unaishiwa nguvu pale

alipokuwa akiniambia kuwa Hoza ni mpenzi wake na muda ule yuko naye! Kwanza nilitoa kicheko cha masikhara, ila kwa sauti aliyoendelea nayo sikuhisi kama alikuwa ni mtu ambaye alikuwa akitania.



Nikajikaza kiume, nikamwambia kuwa nataka kuongea naye, nikijua wazi kuwa hakuna namna yeyote ya yeye kuwa na Hoza kuwa kuwa mimi ndio Hoza. Na isitoshe ilikuwa ni muda ambao sio rahisi kwa Tausi kuwa karibu na mwanaume yeyote. Ilikuwa inakaribia saa tano za usiku.



"Haloo!" Ilisikika sauti ya kiume wakati Tausi aliponiambia

kuwa anampa mpenzi wake Hoza aongee na mimi. Nilijihisi

nikitetemeka na kushindwa kuongea, nikakata simu. Simu

ikaita tena nikaipokea. Nikajikuta nikiongea Kiswahili "We

nani?"



"Shemeji, mbona huongei na mpenzi wangu Hoza? Si umesema kuwa ni ndugu yako, au sio Hoza huyu?" Naye akaniongelesha kwa Kiswahili. Donge likanishika nikajihisi machozi yakinitoka, ila sikujua nalilia nini.



Ikasikika tena sauti ya kiume, "haloo, mbona huongei?"

Nilijikuta nikimpa tusi ambalo nilikuwa na muda mrefu

sijalitumia, ila cha ajabu wala halijamuuma. Najua

halijamuuma kwa kuwa aliamua kunicheka.



"Tusi la kizamani namna hiyo umelipata wapi wakati we

unajifanya hujui vizuri Kiswahili?" Nikajihisi kutetemeka

huku jasho likinitoka. Simu bado ilikuwa sikioni.



"Kama hukuhitaji mawasiliano na mimi nduguyo Hoza ulikuja kufanya nini? Kuanzia sasa hatutakupigia tena simu na wewe usijaribu kuipiga tena namba hii, sawa Mfaransa koko?"



Liliongea jamaa kwa majivuno ya hali ya juu.





Baada ya maneno hayo simu ilikatwa na sikuwahi kuipata tena hewani namba hiyo hadi leo hii. Nilibaki nikizunguka huku na kule bila kujua kinachonizungusha na wala sikujua

nilichokuwa nikikiwaza.



Kimsingi nilikuwa nazunguka zunguka tu kama mchaga

aliyeunguliwa na duka lake alilokopea hela Saccos.

Mara simu yangu ya mkononi ikaita tena nikaanza kuitafuta

ilipodondokea, nikaja kuikuta imejibana katikati ya mashuka bila mimi kujua kuwa ilifikaje. Nikaiona ni namba ngeni, nikaipokea. Kwa namna nilivyoipokea kwa pupa endapo yangekuwa ni maji ningepaliwa!



"Koma savaa" nilikimwaga Kifaransa kabla sijapokewa na

kicheko toka upande wa pili wa simu.



"Umegeuka mfaransa kaka?"



"Nani?"



"Biskuti imeyeyuka kwenye glasi yako ya maji!" Iliniambia

sauti ya kike toka upande wa pili wa simu.



Nikashusha pumzi ndefu, nilijua fika kuwa simu hiyo

inamaanisha nini. Ilikuwa ni simu ya kikazi. Nilipoangalia

saa ilikuwa yakaribia saa sita na robo za usiku!



Nikajimiminia pegi kadhaa za whisky ili ubongo ukae vizuri

kidogo, nikavaa haraka haraka, nikajilodi silaha na kuanza

safari ya kwenda kwa mkuu.



"Tausi ushakufa, tutaonana kuzimu!" nilijisemea sio kwa

sababu kazi niliyokuwa nikielekea kuifanya ilimuhusu Tausi

bali nilikuwa nikijilazimisha niamini kuwa Tausi amekufa ili

akili iweze kufikiria mambo mengine.



Hii ndio njia ambayo huwa naitumia kumtoa mtu akilini,

lakini kwa Tausi iligoma. Kila nikijilazimisha akilini

nimuone yuko kwenye jeneza, namuona akiniangalia kwa mahaba.



Tena nilikuwa namuona kwa picha iliyokuwa wazi utafikiri

alikuwepo pale, nilimuona kifuani alivyo na mvuto, nilimuona sehemu za tumboni na namna alivyotanuka baada ya kiunoni.



Niliamua kutumia njia mbadala, nikafungulia muziki kwa sauti ya juu na kujilazimisha kuuimba wimbo ulio hewani kwa sauti kubwa nikiufuatisha lakini wapi.



Muda si mrefu nilikuwa ofisini kwa mkuu. "Namba tatu,

sifuri, moja," mkuu wa kazi aliniambia akiniangalia usoni

kwa makini. Ilikuwa ni kazi ya Mzee Nurdin, ameingia kwenye mtego hivyo ilitakiwa akakamatwe katikati ya uhalifu wanaoutarajia kuufanya.



Mkuu akanipa taarifa zote, aliniambia kuwa usiku ule

watakuwa wakiwasafirisha watoto kuwaleta Dar es Salaam kwa ajili ya kuwapandisha ndege.



Akili yangu ilifanya kazi kwa haraka sana, nikajua kuwa ni

mojawapo ya fursa chache sana zinazoweza kupatikana.

Nikamuonyesha dalili fulani mkuu nikitegemea matokeo fulani.



Mkuu aliponiangalia akaanza kuhisi kuwa siko sawa na ndio

kitu nilichotaka akiamini, akaniuliza zaidi ya mara tatu

nikamwambia kuwa niko sawa sawa.



Unajua kwa nini? Ukimwambia kuwa hauko sawa, atakupa namna ya kulitatua tatizo lako kisha utatakiwa ukaifanye kazi uliyopangiwa. Ila ukimwambia kuwa uko sawa sawa, hawezi kukuruhusu kwenda kazini kama anakuona huna dalili za kuwa uko sawa.



Mkuu akaniamuru nikapumzike, akampa jukumu mtu mwingine.



"Naenda kwa Tausi" nilijisemea moyoni.



Nilijua ulinzi usingezingatiwa kwa kuwa akili ya Mzee Nurdin isingekuwepo pale nyumbani kama mambo yangekuwa yameharibika barabarani.

"Mkuu ningependa nijue kila hatua" niliomba. Nikapewa namba maalum za kuwasiliana na watu watakaokwenda kwenye hiyo operesheni ya kumliza ba mkwe! Wakati natoka ofisini kwa mkuu ilikuwa yapata saa nane, usiku!



Niliendesha gari kwa kasi kuelekea kwa Mzee Nurdin. Kwa kuwa tayari nilikuwa tayari niko kikazi sikuwa na sababu ya kurudi kwanza nyumbani. Baada ya muda nilikuwa nikikaribia kwenye himaya ya Mzee Nurdin.



Nikazima taa nikawa naliendesha gari gizani kwa mwendo wa taratibu ambao haukuwa ukitoa kelele. Nikaliegesha gari

mbali kidogo na nielekeapo. Hali ya hewa ilikuwa imetulia

sana, labda ni kutokana na muda wenyewe.

CHANZO:  https://deusdeditmahunda.blogspot.com/

Nikaanza kutembea taratibu kwa tahadhari kubwa, nilitembea hadi karibu kabisa na ukuta wa kwa mzee Nurdin. Nilikuwa nimebeba mkoba ambao ndani niliweka mkasi maalum wa kukatia ukuta, vifaa vya kuundia mabomu ambayo hayana madhara na

kimtungi kidogo cha gesi.



Ndani ya begi pia kulikuwa na kemikali kadhaa za kuniwezesha kutimiza kazi yangu. Pia bastola yangu ilikuwa mkononi.



Vingi kati ya hivyo nilivipata wakati nikihudhuria kozi

maalum ya kijeshi nchini Marekani iitwayo CRT.





Nilivyokuwa nikimhadithia rafiki yangu mmoja alishangaa

kusikia kuna mkasi maalum wa kukatia ukuta. Mikasi hiyo ipo na inatumiwa sana kwenye operesheni za uokoaji kwenye majeshi yanayoendeshwa kisasa, inakata ukuta kama karatasi.



Nikasogea hadi kwenye ukuta, nikaukata tundu kubwa ambalo linaweza kumfanya mtu akapita kwa kuinama. Nikaingia ndani nikikimbia hadi kwenye giza giza hadi karibu na dirisha la Tausi, nikapiga simu kuulizia operesheni inaendaje.



Nikaambiwa kuwa kila mtu yuko kwenye nafasi yake wakisubiri amri. Nikawatakia kila la heri. Nikawa pale chini nasubiri taarifa, kidogo nikapata ishara fulani kupitia simu yangu.



Nikafanya mawasiliano, nikajulishwa kuwa vijana wa Mzee

Nurdin wameshakamatwa na watoto waliokuwa wakitaka

kuwasafirisha, na tayari kuna kikosi kimetumwa ili kumchukua Mzee Nurdin.



Nikatambaa hadi chini ya dirisha la Tausi, lile lile

nililokuwa napigiaga chabo, nikajiinua taratibu. Kulikuwa na mwanga hafifu, lakini niliweza kuona vyema ndani. Tausi

alikuwa amejilaza kitandani, nikaanza kupata hisia mbaya.



Nilikuwa namuona kama amechoka choka, nikawa nahisi kuwa Hoza wa bandia ameshafanya mambo.



Hasira zilinipanda sana, nikajihisi natetemeka. Lakini

sikufanya pupa. Nikatulia kama dakika kumi hivi nikasikia

mlio wa gari linaloingia kwa Mzee Nurdin, nikajua akili zote

za walinzi zitakuwa getini.



Nikakimbia na kupanda bomba kuelekea juu ya nyumba ya Mzee

Nurdin, kama hesabu zangu zilivyonipa, mlinzi akawa

anaangalia getini. Nikaingia chini haraka haraka, nikabetua

kitasa na kuingia chumbani kwa Tausi.



Sikuwa na muda tena wa kuremba, nikatoa pamba na kuimiminia

kemikali kidogo. Nikamkandamizia puani, akahangaika kidogo

kisha akapitiwa na usingizi. Nikatulia kusikilizia hali ya

hewa.



Nikasikia watu wakiongea ongea kisha kukawa kumetulia,

nikawa nayasikia maongezi kwa mbali. Nikatoka kuchungulia,

kulikuwa shwari. Nikarudi ndani nikamuweka Tausi begani kama

kiroba.



Nikapanda nae juu kupitia zile ngazi, nikamuweka karibu na

geti kisha nikatoka kuchungulia. Yule mlinzi wa juu, alikuwa

bado kaganda kuangalia getini. Nikamtua Tausi chini.



Nikamnyatia mlinzi kisha nikamzimisha, kwa mapigo mawili ya

nguvu, akatulia chini kimya.



Nikamrudia Tausi, nikamuweka begani nikaanza kushuka nae

hadi chini. Kufika chini, nikategesha bomu pale chini. Bomu

hilo huwa linatoa mlio mkubwa sana lakini halina madhara.



Nikamuweka begani Tausi na kuendelea na safari yangu gizani

huku mbwa wa Mzee Nurdin wakitusindikiza. Inaelekea walikuwa

wamenimisi sana! Nikajibana, kwenye kagiza fulani

nikisubiria bomu langu, huku nikiwa nimeachama midomo, pia

nilimtanua midomo Tausi.



Mlio mkubwa ulisikika ghalfa, nikakimbia hadi kwenye tundu

la ukuta nililolitengeneza. Nikamuegesha Tausi, nikatoka

kisha nikamvutia nje. Nikamuweka begani na kukimbia naye

hadi kwenye gari, nikamuweka kwenye siti ya nyuma. Nikapanda

gari na kutoka nalo kwa kasi.



Wakati naiangalia saa yangu ilikuwa yapata saa kumi kasoro

alfajiri, nilikuwa nakaribia kuingia kwangu Boko. Baada ya

kuingia ndani nilimbadilisha nguo Tausi, nilimvalisha traki

suti yangu baada ya kumfuta futa, nikamlaza kitandani

nikisubiri azinduke.



Muda huo nikaanza kufanya mawasiliano na watu waliokuwa

kwenye operesheni, wakaniambia kuwa Mzee Nurdin bado

anashikiliwa lakini imefanywa ni siri kubwa sana, wanaojua

ni watu wachache sana.



Nilirudi chumba alichokuwemo Tausi, nikawa pembeni yake

nikimwangalia. Nilikuwa na hamu ya kujua hali ikoje nyumbani

kwa Mzee Nurdin lakini sikutaka kuchukua hatua yeyote

kufutilia.



Nilikuwa nasubiria kwa hamu kumuona Tausi wangu, kwa kweli

sikuweza kuvumilia kusikia yuko na mwanamme usiku ule. Na

kama ningemkuta, nadhani ningeua.



Wakati nikiwaza hayo, Tausi alifumbua macho akawa kama

anayeota. Nilimuacha kwanza aangaze angaze ili akili yake

ikae sawa. Akajiinua na kukaa chini akiwa anafinya finya

macho, akageuka akanitazama. Tukakutana macho kwa macho.



"Tausi!" Nilimuita. Tausi hakujibu kitu, alikuwa kama bado

anaota. "Hapa uko kwa kaka yangu, walikufuata jana usiku

kwenu. Waliamua hivyo kwa kuwa nilitaka kujiua baada ya

kusikia una mwanamme mwingine."



Tausi akawa bado yuko kimya akinitazama, nilitamani kujua

anachofikiria lakini nilihisi kuwa anatafakari maneno

niliyomwambia.



"Hoza!" Hatimaye aliniita.





"Tausi" Nilimchukulia juisi na kumpa Tausi, akaipokea. Kabla

ya kunywa, aliniangalia kwa muda. Akanywa kisha akarudi

kujilaza. Sikumuelewa kwa muda ule, nikaanza kuingiwa na

hofu. Alitulia kimya pale kitandani.



Niliamua kufanya mawasiliano mbadala, nami nikajilaza

pembeni yake nikamkumbatia. Tukawa kimya! Zilipita takribani

dakika arobaini tukiwa vile vile, japo sikujua anachowaza

lakini nilikuwa na uhakika kuwa hanichukii, bado ananipenda.



"Hoza, ni kweli ulitaka kujiua?" Ni swali la ghafla

lililonifanya nijihisi ubaridi, ilikuwa ni ngumu kumdanganya

Tausi wangu ila ilibidi.

CHANZO:  https://deusdeditmahunda.blogspot.com/

"Siwezi kuishi bila wewe Tausi, ulikuwa na nani?"



"Baba na msaidizi wake mmoja."



Akili yangu ilianza kuzunguka, mambo mengi yakipita

kichwani. Tausi alinielezea mkasa mzima kuwa iligundulika

kuwa nilikuwa na uhusiano wa kimapenzi na Tausi, hivyo

mpango ulikuwa nisingiziwe kesi.



Kwa kifupi mpango wa Mzee Nurdin ulikuwa ni kunipoteza,

hivyo mawasiliano yote aliyokuwa akiyafanya Tausi yalikuwa

yakidhibitiwa ili tu Hoza nikamatwe na kupotezwa.



Wakati ananihadithia yote hayo hakuwa akinitazama usoni, ila

sauti yake nyororo iliutuliza moyo wangu. Tatizo lililobaki

ni kuwa ningemwambiaje ukweli kuhusu mimi?



Na angeuchukuliaje ukweli huo? "Unaonaje tukienda kuoga?"

Nilichombeza nikiwa na lengo la kuomba mambo kiaina.

Tausi akajiinua taratibu, nikainuka haraka zaidi.



Nikamnyanyua na kumpeleka bafuni. Nikaanza kumvua traksuti,

kisha nami nikavua nguo zangu. Tukawa kama tulivyozaliwa

bafuni mule.



Niliduwaa nikiukagua mwili wa Tausi ambaye alishindwa

kunikazia macho akawa ananiangalia kwa aibu. Nilifarijika

sana moyoni nikajisifu kwa uharamia nilioufanya,

nikamsogelea na kumkumbatia huku mkono mmoja ukibonyeza

kuyaruhusu maji yatiririke kwenye miili yetu.



Kilichobaki ilikuwa ni kusuguana kulikopitiliza, na hata

tulipotoka bafuni hakuna aliyemsemesha mwenzake, tukajilaza

kitandani tukijifunika shuka kubwa.



Nilishtuliwa na mlio wa simu, alikuwa ni Mkuu. Haikuwa

kawaida kwa Mkuu kupiga simu muda kama ule, hivyo nikaanza

kujiuliza maswali yasiyo na idadi. Kumtupia jicho Tausi,

naye akawa ameshtuka ananiangalia kwa jicho la kwa nini

hupokei hiyo simu?



Nikaifuata na kuipokea, mkuu aliniuliza maswali kama matatu

hivi lakini uzito wake ulinifanya nitokwe na jasho kwenye

paji la uso.



Kimsingi alikuwa akinihoji kama niliona pilika zozote kwa

Mzee Nurdin kuwa kuna watu wanamfuatilia Tausi, kabla

hajanitaarifu kuwa ametekwa na watu wenye mbinu za kijasusi.



Akaniambia kuwa tukio hilo lilipishana muda kidogo sana na

muda aliokwenda kuchukuliwa Mzee Nurdin kwa ajili ya

mahojiano.



Baada ya Mkuu kukata simu, nilijikuta bado nimeishikilia ile

simu mkononi nisijue jambo la kufanya kwa haraka haraka ila

sikupata presha sana kwa kuwa mtu aliyeteuliwa kulifuatilia

suala hilo naujua uwezo wake.



"Vipi?" Tausi aliniuliza akiwa anajiinua kitandani.

Nikamdanganya kuwa aliyepiga simu ni kaka.



"Kuna kitu unanificha Hoza, na bora nikisikie toka mdomoni

mwako kuliko nikikisikia kwa mwingine. Kwa maana

sitakusamehe" aliniambia Tausi akionesha kuwa hana masihara

hata chembe.



Nilibaki kimya nikimtazama, nilijaribu kupata picha endapo

angeniacha, nikajihisi maumivu makali sana moyoni. Nikampa

mkono, akaushika. Nikamwinua, akanyanyuka. Nikammiminia

mabusu mfululizo huku mikono yetu ikiwa imeshikana vyema.



Tukaanza michezo michezo yetu, huku tukifurahi kisha

nikamwambia tutoke tukatembee ufukweni. Akanitania kuwa

tutembelee majini sio ufukweni, nilicheka lakini

nilimwelewa. Nikampa bukta na fulana moja nyepesi, nami

nikabadili tukatoka.



Baada ya muda mchache tulikuwa katikati ya maji tukiendelea

na mchezo wetu uliopelekea kuonja mahaba ya ndani ya maji,

shughuli ilikuwa tamu usipime! Kwa muda wote aliokuwa pale

kwangu, Tausi alikuwa akiyafaidi mapishi yangu. Alionekana

kufurahia mno.



Nakumbuka kilichoniponza. Jioni iliyofuatia nilimchukua

Tausi tukaenda kukaa ufukweni jua lilipokuwa likikaribia

kuzama. Tausi alikuwa ametulia akinisikiliza kwa umakini,

ambacho nilitaka kumwambia.



Nilimwambia ukweli! Nilimwambia kuwa aliyekuja siku ile ni

mimi na sina kaka. Nilimwambia wazi kuwa mimi ni afisa

upelelezi ila nilimficha kuwa nilikuwa pale kwao kumpeleleza

baba yake.



Nilichomwambia ni kuwa, nilikuwa likizo nikaamua kwenda pale kwa Mzee Nurdin ili nipate nafasi ya kuwa naye. Nikamueleza

kuwa niliwahi kumuona siku moja uwanja wa ndege, nikavutiwa

naye. Nikaamua kuchunguza habari zake nikagundua kuwa yeye

ni nani na anakaa wapi.



Nilimweleza mengine mengi na ni kwa kiasi gani nampenda na

sitaki kumpoteza katika maisha yangu. Muda wote huo Tausi

alikuwa akiniangalia tu kama anatizama sinema ya kihindi.

Nilishindwa kujua anafikiria nini ila alikaa kimya kwa muda

mrefu.



Nilijaribu kumshika, lakini hakutaka nimshike. Alisema nimpe

nafasi kwanza akili yake iweze kupembua maneno

niliyomwambia, niliogopa. Baada ya muda mchache, Tausi

aliinuka taratibu na kuanza kuondoka akiongozea nyumbani kwangu.



Nikainuka na kuanza kumfuata nilichanganyikiwa kwa kweli.

Tausi alirudi moja kwa moja hadi chumbani, akabadili nguo.

Alivaa nguo nilizomnunulia mchana ule, akajiandaa kama ana

safari fulani, kisha akakaa kitandani.



Nilimfuata nikaishia mlangoni nikimwangalia nisijue ni lipi

la kumwambia, sikujua anawaza nini kwa muda ule. Ila alikuja

kuniambia neno moja tu, "mimi na wewe basi!"



Nilijikuta machozi yananidondoka japo sikuwa nalia.





"Ni heri kumuona mwanamume akikata roho kuliko kumuona

akitoa machozi!" nilimwambia kwa huzuni nikimkazia macho.

Nilimwambia, "toka nipate akili timamu, hata mama yangu

mzazi hajawahi kuliona chozi langu. We ndio mwanamke wa

kwanza kuliona chozi langu, sitakubali utoke katika maisha

yangu!"



Tausi aliniangalia kwa muda, alionekana mwenye huzuni sana.

Nilipoendelea kumwangalia nilimshuhudia akiangua kilio,

nilimsogelea nikakaa pembeni yake.



Alilia kwa muda kisha akageuka kunitazama, moyoni nilijawa

na huzuni lakini sikulia tena. Nilijikaza kiume tukabaki

tunaangaliana. "Huwezi kuamini ninavyokupenda Hoz.. sijui

sasa nikuiteje?" Tausi aliniuliza.



"Niite Musa, nimeamua nijivue niwe halisi."

"Ok, nitalizoea taratibu. Nakupenda sana Musa, lakini siwezi

kukuamini tena!" Maneno ya Tausi yalikuwa ni kama msumari wa

moto moyoni mwangu, yalinichoma na nikaumia haswa.



Nikajaribu kumwelezea sana kuhusu namna nnavyompenda lakini

kwake ilikuwa ni kazi bure, aling’ang’ania msimamo wake kuwa

mimi na yeye basi.

CHANZO:  https://deusdeditmahunda.blogspot.com/

"Mara zote nilikuwa nikiambiwa kuwa maaskari hawaaminiki, na

mimi nilijiapiza kuwa sitakuja kufanya urafiki na askari.

Tazama leo, mpelelezi ndio amekuwa mwanamme wangu wa kwanza" alisema Tausi akilia.



Nilijaribu kumwelewesha sana lakini haikusaidia, maswali

aliyokuwa akiniuliza yalinivunja nguvu. Mfano aliniuliza

kuwa atajuaje kama sikumtaka yeye ila nimchunguze baba yake.

Alinielezea kuwa baba yake alishahisi kuwa mimi ni

mpelelezi, na tayari alishamuonya kuhusu tabia za askari na

akaniambia kuwa askari hatuna mapenzi ya kweli.



Nilijihisi napata homa kali, sikuwa na pointi tena za

kujitetea kwa kuwa Tausi alionekana kudhamiria kunifungia

milango ya mapenzi. Nikajilaza kitandani nikisubiri hatima

ya yote, sikuwa na nguvu tena ya kumshawishi Tausi.



Ila kikubwa nilimpa muda wa kutafakari maneno niliyomwambia.

Nilikuwa nimefumba macho nikiongea taratibu, ilikuwa ni kama

namkumbusha Tausi mambo tuliyoyafanya pamoja, niliyachagua

yale yaliyokuwa yakisisimua. Nilimsikia akishusha pumzi

ndefu, nikaendelea na simulizi zangu.



Nilimwambia hadi jinsi nilivyokuwa silali bila ya kumpiga

chabo, nilipofikia hapo nikamsikia akijizuia kucheka.

Sikujali japo nami nilijizuia kucheka, niliendelea

kumhadithia hatua kwa hatua hadi nilipobambwa mara ya kwanza

nikapigana na walinzi.



Mwisho nikaanza kumuelezea namna nnavyojisikia moyoni

kutokana na uamuzi wake, uamuzi ulionifanya nijihisi kama

mtoto yatima anayekimbiwa na mama yake. Kufikia hapo Tausi

akausogeza mkono wake na kuushika wangu, akauvuta na

kuukumbatia.



Nikawa nalihisi joto la mwilini mwake. Nikaona kuwa ulikuwa

ni wakati muafaka kuiacha miili ibembelezane na kuchukua

nafasi ya midomo. Nikamvutia kitandani. Akaanza kunipa

ushirikiano wa kutosha.



Tukawa tumezama mapenzini huku maneno yakiwa hayanikauki

mdomoni, nilimsihi asije kulivunja penzi letu. Tulipomaliza

Tausi alikuwa amelala kifuani kwangu.



Aliufungua mdomo na kuniambia maneno niliyoyaelewa japo

yaliniumiza sana, alinihakikishia kuwa ananipenda na

anaamini kuwa penzi langu ni la kweli. Lakini tusingeweza

kufikia tunapotaka kwa kuwa kwanza baba yake asingekubali

tuoane, akaniambia wazi kuwa hadhani kama kuna mtu

anayechukiwa na baba yake hapa duniani kuliko mimi.



Pili kwa yeye isingekuwa rahisi yeye kuniamini kama

ningeendelea kuwa katika kazi yangu ya upelelezi kutokana na

mambo anayoyasikia na kuyasoma kuhusu wapelelezi. Ila

aliniambia kuwa atabaki kunikumbuka katika maisha yake yote

na hadhani kama kuna mwanamume ambaye angeweza kunitoa

katika moyo wake.



Pamoja na kuwa maneno hayo yalinifariji lakini sikuwa

nahitaji kumpoteza Tausi, nilikuwa naumiza kichwa ni njia

gani itakayonibakizia Tausi wangu. Tulilala tumekumbatiana

kwa nguvu sana usiku ule.



Naukumbuka vizuri usiku ule, joto la Tausi nililihisi hadi

moyoni mwangu. Kila nilipofikiria kuwa ile ndio ilikuwa ni

mara yangu ya mwisho, moyo uliniuma sana. "Sikubali"

nilijisemea usiku ule.



Tuliendelea kulala vile vile pamoja hadi ilipofika asubuhi.

Tausi akawa anataka kwenda kwao, nilimsihi asubiri giza

liingie. Akaniuliza swali gumu kuwa ningemrudisha kama

nilivyomchukua? Nikamwambia hapana, ningemrudisha kivingine.

Ila kwa namna ambayo atakuwa salama. Nikarudia tena

kumwambia namna ninavyompenda, ila alinikatiza kabla

sijamalizia.



"Usifanye mambo yale magumu, nielewe mpenzi" aliniambia

akinibusu mdomoni na kuufanya mdomo wangu uhisi ganzi!

Baadae kidogo Tausi akaniambia kilichonishangaza,

sikutegemea kama angenifikiria jambo lile. Akaniomba iwe

zamu yake kunipikia, nikamuuliza unaweza? Akabaki anacheka,

akaniambia subiri uone.



Tausi akaingia jikoni, mi nikawa msaidizi wake. Nikawa

nasaidia kukatakata vitunguu, mara niambiwe lete chumvi basi

ilikuwa raha tu. Kikubwa nikawa nasubiri kitakachotoka kama

utamu wake utafanana na Tausi? Tausi ana tabu kweli, unajua

alichokuwa amevaa? Alivaa kagauni fulani kafupi, kepesi na

kanaonyesha.

CHANZO:  https://deusdeditmahunda.blogspot.com/

Nilikuwa nikisisimkwa kila nikimuangalia japo nilikanunua

mwenyewe, mtoto huyu mvuto wake umepitiliza yaani utadhani

ni binti jini! Uzalendo ukanishinda, ikabidi tuliweke kando

kwanza suala la kupika likawa ni suala la kupikana humo humo

jikoni.



Baada ya kuhakikisha presha zimeshuka, zoezi la kupika

likaendelea huku Tausi akinionyeshea viwango vya jikoni.



Siku hiyo tuliinjoi sana, nilijitahidi kupata raha kwa

kadiri ilivyowezekana pamoja na kumpa raha za kutaka

kumkomoa ili abadili uamuzi wake.



Nilimuomba afikirie tena kuhusu uamuzi wake, ila nilimwambia

asinijibu pale pale. Nilipomwona anakosa raha nikabadilisha

maongezi nikampa stori za kumchekesha chekesha. Akarudi

kwenye ’mudi’! Baadae muda wa kuondoka ukawadia!



Tukaanza kujiandaa, mpango ulikuwa ni kwenda na Tausi hadi

karibu na nyumbani kwao kisha ningemuacha na watu ambao

tayari nilikuwa nimewapanga. Kila nilipomwangalia Tausi,

nilijihisi kuwa ni mwanamume mwenye bahati mno.



Ni aina ya msichana ambaye hata ukimuhonga gari ukawa

unatembelea daladala huwezi kujilaumu. Watu hao niliowaandaa

wangemfikisha Tausi hadi nyumbani kwao kwa madai kuwa

walimuokota akiwa kapoteza fahamu nje ya mji.



Kila kitu kilikuwa kimepangwa vyema. Sikutegemea kufeli kwa

kuwa watu niliowaandaa walikuwa ni kina mama wawili maaskari

na mzee mmoja. Pia nilitumia ’uchawi wa kizungu’, pesa!



Wote hao sikuwaambia ukweli ila niliwadanganya kuwa Tausi ni

demu wangu, lakini kwao geti kali hivyo kwa kuwa

nilimtorosha nikachelewa kumrudisha ingekuwa kesi nzito. Utu

uzima dawa, walinielewa vyema japo walikuwa wakininanga

kizamani. Eti kwa nini usitoe posa, unaendekeza uhuni tu?

Wazee wengine bwana!



We unafikiri ningemtangulizia posa Mzee Nurdin hata nafasi

ya kuongea na Tausi ningeipata? Si Mzee Nurdin angeona

namletea uchuro tu? Baada ya kumaliza kujiandaa, tulitoka

kwa kutumia gari la rafiki yangu.



Sikutaka kutumia gari langu kutokana na sababu maalum. Tausi

alizifunga tu nywele zake kwa nyuma, akavaa gauni kama lile

alilovaa siku ile nilipomchukua. Kuna kitu nilitaka

nisikihaditie lakini ngoja tu niwaambie.



Unajua alipomaliza kuvaa kama nilivyomchukua, lile gauni

lilimuonyesha umbile lake vyema. Na kila nilipomtazama,

mawasiliano kichwani yakaanza kupotea kama netiweki ya simu

mbovu. Tukakata kiu tena.



Muda mfupi baadae tukawa tukiingia barabara ya Bagamoyo

ambako jioni ile hakukuwa na foleni kabisa. Kagiza kalikuwa

kameshamiri.



Niliingia barabara hiyo kuu nikiendesha huku mpenzi wangu

Tausi kanilalia begani na mkono wake ukiwa pajani kwangu

akinifariji, dunia yote ilikuwa yangu. Muziki laini ulikuwa

ukiunguruma garini huku Lionel Richie akifanya vitu vyake

vya kiutu uzima. Kwa kweli ukijipanga pepo inashuka hapa

hapa bongo!

CHANZO:  https://deusdeditmahunda.blogspot.com/



ITAENDELEA