USINIBANIE - 3

 

Simulizi : Usinibanie

Sehemu Ya Tatu (3)





NIKAONA ni jambo la hatari kumruhusu mpinzani akutawale

mchezoni. Mwanamume nikaanza kupiga ’kaunta ataki’ au kwa

lugha fasaha mashambulizi ya kushtukiza. Nikawa namgusa zile

sehemu zitakazomfanya apoteze kasi yake.

CHANZO:  https://deusdeditmahunda.blogspot.com/

Nilianza kumtoa kitambaa cha kichwani alichokitumia

kuzistiri nywele zake, nikaanza kuzichezea nywele zake

taratibu nikimpiga busu masikioni na kushuka taratibu hadi

shingoni. Nikamuona akianza kuhema kama mgonjwa wa pumu.

Tausi alianza kuhema kwa shida akitetemeka, nikajua sasa

nimeudhibiti mchezo. Nikamlaza pole pole kitandani.



"Nakupenda sana Hoza" aliniambia akihema.



Nilimwangalia kwa makini, hakuonyesha masihara akitamka maneno yale. Mambo yote toka tuliache gari pale mbele ya benki yalituchukua takribani dakika kumi na tano, nikaona kuwa

bado naweza kulifanya nilitakalo kwa muda uliobakia.

Nikajipa tena dakika tano za ’shoo gemu’.



"No, no Hoza!" Tausi alisema akinizuia kwa mikono kuendelea

na pilika zangu za kimuvi muvi. Nikaweka kituo na

kumwangalia usoni nikimshangaa. Nilimshangaa kwa kuwa yeye ndiye aliyeanzisha pambano kwa pasi zake za haraka haraka iweje sasa asimamishe pambano!



"Vipi mpenzi!" Nilimropokea neno mpenzi kiasi cha kumfanya

atabasamu kabla ya kuniambia sababu ya kunizuia vile tena

wakati nalikaribia lango.







Alinieleza sababu ya msingi ambayo ilinifanya nikatulia kwanza kabla ya kuamua kumkumbatia kwa nguvu pale kitandani,

bila kusemezana chochote.



Mkanganyiko wa mawazo ulitawala kichwa changu, wakati

mwingine nilijiona mwenye bahati ila wakati mwingine

nilijiona nina bahati mbaya. "Huyu mtoto atanitia uchizi

mimi!" Nilijisemea moyoni.



Ghafla akakurupuka na kunitaka tujiandae kutoka tusije

kushtukiwa na dereva pamoja na yule binti mtumishi wa ndani.

Pamoja na kuwa hatukumalizia tulichokianza, tulitoka nafsi

zetu zikiwa shwari kabisa.



Burudani tuliyoifanya ilikonga moyo wa kila mmoja wetu.

Tausi, yaani we acha tu! Mtoto alinipa burudani ya uhakika,

yaani kama ni timu ya mpira leo ilikuwa ni mechi ya Arsenal

na Barcelona.



Ngoma ilikuwa inagongwa moja moja huku tukiachiana nafasi ya kuonyesha vipaji binafsi. "Mi hata ng’ombe mia nalipa kwa

ajili ya Tausi" nilijikuta nikijisemea wakati nikimwangalia

anavyojitengeneza kwenye kioo. "Tausi" Nilijikuta nikimuita

Tausi "Abe mpenzi wangu!"



Nikaanza kumweleza kilicho moyoni mwangu, nilimweleza kwa

sauti ya kutulia. Nilimwambia.



"Nikisema sijawahi kupenda kabla, nitakuwa nakudanganya

lakini ukweli ni kuwa sijawahi kuwa na penzi tamu kama hili. Tausi, hakuna maneno ambayo yanaweza kutafsiri ninavyojihisi

moyoni mwangu kwa penzi hili. Nakiri nakupenda sana!"



Nilipomaliza kumwambia maneno hayo, niliyaona machozi

yakitoka machoni pake. Aliinuka na kunikumbatia, "We ndio

mwanamume wa maisha yangu, Hoza. Ila naomba nikuulize kitu!"



Nilidakia kumruhusu aniulize, akaniuliza kama nitamweleza

ukweli wa atakayoniuliza. Nikaahidi kujibu ukweli tupu.



"Umeoa?" Nikamjibu hapana. Akaendelea kuniuliza maswali

mengi ya kiuhusiano na yote nikamjibu ukweli mtupu. Swala la

mwisho aliloniambia ndilo lilinibabaisha kuliko yote aliyoniuliza.



"Unaonekana una ufahamu mkubwa kuliko kazi

unayoifanya nitatafuta siku unipe historia yako ya maisha."



Kimtindo nilijuta kuyaanzisha maongezi yale, nilijikuta

nimejiweka katika mazingira magumu sana endapo angenihoji

kweli.



Tukaanza safari ya kurudi garini kupitia njia ile ile,

nikamuuliza aliijuaje, akaniambia kuna mtu alimhadithia kuwa

ametapeliwa katika jengo la Ushirika. Niliishia kucheka

kabla ya kujiweka katika hali ya kuwa tena mfanyakazi na

bosi wake.



Tukarudi ndani ya gari, nikimcheka ujinga yule dereva

aliyekuwa akiniona kimbelembele. Nikamuona akiangalia saa

kibwegebwege.



Usiku ule nilijilaza nitandani nikiwazia maneno aliyokuwa

akiniambia Tausi, Tausi hajawahi kufanya ngono katika maisha

yake. Alikuwa bikira!



Na siku ile ilikuwa ndio nimuingize katika ulimwengu

mwingine. tatizo likawa ni namna atakavyoonekana akitembea

wakati anarudi! Dah ingekuwa bonge la noma! Halafu ishu

kubwa aliyokuwa akiiogopa ni tabia ya mama yake kumkagua

kila akiwa anarudi baada ya kutoka. Hupenda kumwangalia na

kumhoji sana.



Mtihani nilioupata ni kuwa natakiwa kuifanyia shughuli hiyo

chumbani kwake kwa njia ile ile ambayo huwa ninaitumia

kumbinjukia. Baada ya siku kama kumi za mawasiliano ya simu,

niliamua kujitoa kimasomaso siku moja kuivamia ngome ya Mzee Nurdin ili nitimize kazi iliyobakia, kuufaidi uroda wa

Tausi. Nikajiweka tayari kwa ajili mashambulizi.



Giza lilipoingia tu, nikatoka polepole na kunyata taratibu

kuelekea nyumba kubwa. Kwanza nikaenda mpaka dirishani

kumpigia chabo. Nikam’bamba akiwa katoka kuoga, alikuwa

akijifuta maji. Moyoni niliamini kuwa alikuwa akijiandaa

kunipokea.



Hali hiyo ilinipa ujasiri wa hali ya juu, nikazunguka fasta

na nikaanza kupanda bomba kuelekea juu ya nyumba ya Mzee

Nurdin ili niitumie njia ile ile kuingilia ndani. Kufika juu

nikakutana uso kwa uso na walinzi wawili wanaopasha misuli

moto.



Mmoja akashtuka, "mwizi!" Akaja kwa kasi kuja kunifuata

katika kigiza kile akinipelekea ngumi kama nne za kasi

ambazo moja ilinipunyua na moja ikanipata vizuri haswa huku

mbili nikizikwepa.



Kabla sijajiweka vizuri nilijikuta nikichapwa teke moja kali

sana nikayumba na kutaka kudondoka chini. Nikarudi kwa kasi

na kulidaka bomba, nikajiselelesha hadi chini. Natua tu

chini, na yule mlinzi akawa ametua tayari kwa kuniendelezea

kichapo.

CHANZO:  https://deusdeditmahunda.blogspot.com/

Nikajua hapa nikilegea tu nitajikuta mikononi mwa Mzee

Nurdin na kila kitu kitakuwa kimeharibika. Nikaamua kukomaa

naye, akarusha tena ngumi mbili, nikaziona. Nikampelekea

teke moja la tumbo, akaguna na kuinama chini, nikampiga

kifuti cha uso akainuka na kutoa mlio kama mbwa aliyepigwa

jiwe.



Nikajikuta nimedandiwa shingoni na mlinzi mwingine,

nikampiga ugokoni kwa kisigino kwa haraka nikamuongeza

kiwiko ambacho kilimpata vyema kwenye chembe. Nikamsikia

akiugulia na kuiachia mithili ya aliyepigwa na shoti ya

umeme.



Yule mwingine tayari alikuwa amesogea huku amekinga ngumi

utafikiri yuko ulingoni. Nilicheza nao kwa takribani dakika

tatu hivi nikitumia mapigo makali sana na kuwaacha wakiwa

hoi wanagalagala kwa maumivu.



Nikakimbia kwa kasi na kurudi kibandani kwangu, nikamtumia

ujumbe Tausi kuwa sitaenda nimepatwa na dharura. Najihisi

kichwa kinaniuma sana, akanipa pole tukalala.



Niliogopa kumwambia kilichotokea kwa kuwa kingemshtua na

kuzidisha mashaka kuhusu ukweli juu yangu. Asubuhi hali

ilikuwa shwari sana, wakati nafagia nikapita karibu na wale

walinzi wa usiku uliopita.



Walikuwa wakipakana dawa za kuchua misuli. "Ngumi za yule

babu zinauma sana!" Nikawa nachekea tumboni. Waliniona kama babu kutokana na nilivyovaa usiku ule, nilivaa suruali fupi

kama za wale jamaa wenye msimamo mkali wa kidini na nusu

kanzu. Kichwani nilijifunga kitambaa kama kilemba. Vyote

hivyo vilikuwa ni vyeusi!



Lengo lilikuwa ni kuuondoa kabisa muonekano ambao ingekuwa rahisi kunishuku endapo ningefumwa na kukimbia. Sikuwahi kufikiria kabla kama ningeingia kwenye mapambano. Na cha kustajaabisha ni kuwa, wale walinzi hawakutoa taarifa ya uvamizi ule. Nahisi waliogopa kuonekana wazembe na kuharibu kibarua. Ila nilijua kuwa ulinzi ungeimarishwa.



Wakati nimejipumzisha baada ya kazi, nikapokea ujumbe toka

kwa Tausi, ’jitahidi leo, baada ya leo itabidi usubiri siku

za hatari zipite na kabla hazijaisha nitakuwa safirini.’



Sikutaka kufikiri kuhusu hiyo safari anayoisema japo kujua

tu anapoenda, akili yangu ilikuwa kwenye kulifanikisha zoezi

la kuingia chumbani kwa Tausi. Kumuingiza katika ulimwengu

wa mapenzi ndiyo kitu pekee kilichobakia kichwani mwangu,

nilikuwa nikipanga na kupangua njia za kutumia. Mwisho

kichwa kilichoka nikapitiwa na usingizi.



Baada ya saa kadhaa kupita, nilishtuka, usingizi wangu

haukuwa mzuri kwa kusema ukweli. Nilikuwa naota vitu vya

hovyo hovyo tu ambavyo havieleweki.



Saa hazigandi, usiku ukawadia wakati kichwani sikuwa na

mpango wowote wa kupenya na kuingia chumbani kwa Tausi.

Kidogo meseji ya Tausi iliingia, alikuwa akiulizia kama

nitaenda ama la.



Meseji ile ilinihamasisha na hatimaye kupata njia. Nikamjibu

ndio nakuja. Nikajiandaa mwanamume, nikatoka. Nikaenda

lilipopaki gari la kununulia mahitaji ya ndani, nikatoa

kiasi fulani cha petroli na kukiweka kwenye chupa yangu.



Nikaiziba na karatasi nililolifinyanga. Nikatambaa hadi karibu na getini, nikikodolewa macho na mbwa ambao nadhani walikuwa wakinishangaa wasijue nilichokuwa

nakifanya. Nilipokaribia getini nikaliwasha lile karatasi na

kuirushia ile chupa nyuma ya kibanda cha walinzi.



Nikarudi mbio hadi nyuma ya nyumba kubwa, ghafla ukasikika

mlio mkubwa sana. Lilikuwa ni bomu la petroli. Nilisikia

vishindo vya walinzi wakikimbia huku na kule, nikapanda juu

haraka kupitia bomba, nikamuona mlinzi wa juu akiwa

anatumbulia macho getini.



Nikaingia kwa haraka kupitia ngazini hadi ndani kwenye chumba kidogo kile cha giza. Nikaenda kwenye swichi kubwa ya umeme na kuizima, kisha nikachubua nyaya na kuzikutanisha. Giza likatawala.



Nikatembea kwa haraka, nikauchokonoa mlango ule mdogo ambao huwa ninautumia kuingia eneo la vyumba. Nikaingia na kwa kasi nikazama chumbani kwa Tausi. Wakati huo wote sikuwahi kufikiria kuwa nitatokaje ndani ya jumba hilo la Mzee

Nurdin.



Nje nilimsikia mlinzi akitangaza kuwa kila mtu atulie alipo

hadi atakapotangaza tena. Ndani nilimkuta Tausi anatweta kwa

woga, nikawahi kumkumbatia nikijitambulisha ili asije

akapiga kelele. Akanikumbatia kwa nguvu akiniuliza kuwa ni

nini kimetokea.



Nikamjibu kuwa sikuona kitu labda ni hitilafu ya umeme.

Tukabaki tumekumbatiana huku tumesimama, nikamchukua

taratibu na kumpeleka kitandani. Tukawa tumejilaza kitandani

bila kuongea chochote wala kufanya chochote, nilijua kuwa

Tausi bado hakuwa tayari kuhamia katika ulimwengu wa mahaba.



Baada ya takribani dakika arobaini hivi, wakawasili polisi

kadhaa na mafundi umeme. Kila kitu kikarekebishwa hali ikawa

shwari, mlinzi akathibitisha.



"Twende tukaoge" nilimnong’oneza Tausi bila kujali kuwa

alikuwa ameshaoga ama la lakini ilikuwa ndio njia ya

kumuondoa hofu na kuirudisha akili yake mchezoni.

Niliinuka kwa haraka, nikimwacha akijiinua taratibu.



Nikamsaidia kunyanyuka kabla sijambeba ghafla na kumpeleka

kwenye bafu ambalo limo humo humo ndani ya chumba chake.

Nikazitoa nguo zangu kama niliyepagawa.



Tausi akawa akiniangalia kwa wizi wizi huku akiona aibu,

nikaanza kumtoa nguo zake taratibu. Nikamkumbatia na

kulifungulia bomba la mvua wakati tayari nimerekebisha

mchanganyiko uliotoa maji ya uvuguvugu.



Nilikuwa nikimsugua kwa kugusa zile pointi muhimu ambapo

nilikuwa pale mahsusi kwa ajili hiyo. Tulipomaliza kuoga

alikuwa hoi, nikamfuta taratibu na kujifuta mwenyewe.

Nikamnyanyua kumrudisha kitandani.



Tausi alikuwa mpole sana mithili ya ngamia aliyepigwa dua na

kulala akisubiri kisu kipite shingoni, niliendelea

kumchokoza na kumhamasisha. Naye akijibu kwa kutoa

ushirikiano unaostahili.



**********



Ilikuwa yapata saa saba za usiku tuliporudi bafuni kuoga.

Ilionekana dhahiri kuwa Tausi hakutaka niondoke usiku ule,

muda wote alikuwa kaniganda.



Tulirudi kulala kitandani lakini pamoja na kuifanya shughuli

iliyonipeleka pale kwa ufanisi wa hali ya juu, akili yangu

yote ilikuwa juu ya namna ntakayofanya ili niweze kutoka

katika jumba lile bila kushtukiwa.



"Saa kumi na mbili walinzi wanabadilishana, utatoka muda

huo" alisema Tausi huku akipandisha kifua chake juu ya kifua

changu. Baada ya muda Tausi alikuwa amelala fofofo kifuani

kwangu kwa kudeka, lakini sikuwa hata na lepe la usingizi.



Nilishindwa kuelewa ni nini Tausi anachonitakia mtoto wa

mwanamke mwenzake. Kutokana na uchovu nilionao baadaye

nilijikuta na mimi nikipitiwa na usingizi.



Tulikuja kushtuka saa mbili kasoro dakika chache, ilibidi

aanze kutoka Tausi ili aangalie hali ilivyo. Kote kulikuwa

kumejaa wafanyakazi na walinzi.

CHANZO:  https://deusdeditmahunda.blogspot.com/

Na tayari kulikuwa na wengine ambao walikuwa tayari kwa

ajili ya kukifanyia usafi chumba cha Tausi. Tausi akarudi

ndani tulibaki tunaangaliana tusijue la kufanya.



"Tutafanyaje Hoza?" Aliniuliza Tausi akiwa na hofu.



Nilimfuata aliposimama, nikamkumbatia kwa nguvu kumtoa hofu. Nilijua kuwa hata nikiogopa isingesaidia kitu sana sana

ningepoteza uwezo wa kufikiri. "Nitatoka tu, usihofu"

nilimwambia nikimvutia kitandani na kulianzisha tena.



"Wee Hoza, huogopi?" aliniuliza akiwa kakosa raha. Nami

sikumjibu bali niliendelea kumlegeza viungo na kumpagawisha.

Tukawa tumejilaza kitandani, ’nikimkuza’.



Baada ya kumalisha shughuli pevu ya kumlea Tausi, tukawa

kitandani tukipumzika. Nikaanza kumweleza Tausi. "Leo

itanibidi niondoke, niache kazi." Tausi alishtuka sana na

kuniangalia.



"Kwa nini?"



"Hadi sasa watakuwa wamekwishagundua kuwa sipo, na sitaweza kuelezea nilipokuwa. Kwa hiyo sina budi

kutoroka!" Machozi yalianza kumtoka Tausi, mwisho akaanza

kulia akinikumbatia kwa nguvu.



"Utaishije Hoza mpenzi wangu bila kazi, isitoshe ni lazima

baba atakusaka ili kujua ulipokimbilia. Atakuumiza au

atakuweka ndani" aliongea kwa uchungu Tausi. Nilimhakikishia

Tausi kuwa nitakuwa poa tu.



Nilijaribu kucheza na akili yake nikafanikiwa kumfanya

aniamini. Akanifungia kwenye kabati kubwa la nguo lililo

ukutani kisha yeye akatoka kuelekea sebuleni kwao. Nikasikia

watumishi wakiingia kufanya usafi, huku wakimteta kuwa

amechelewa sana kutoka huku wakichunguza ili kujua

kilichomchelewesha.



Bahati nzuri mashuka yote yaliyotumika tuliyaficha, alikuwa

anataka ayafue mwenyewe kwa kuwa yalikuwa na siri kubwa.

Watumishi walimaliza wakaondoka na umbeya wao. Mara Tausi

akaingia, akaufunga mlango wake na kunitoa mule kabatini.



"Njoo tule" Alikuwa kabeba msosi wa maana! Baada ya

kuhifadhi ile menyu tumboni, tukarudi kitandani na kulala

huku tukipiga stori na kupanga namna tutakavyokuwa

tukiwasiliana baada ya mimi kutoka pale.



Giza lilipoingia alinipa cheni yake ya dhahabu na simu yake,

mi nikamuachia ile Nokia ya jeneza (3310). Nikaanza safari

yangu ya kutoka. Kufika kwenye chumba cha giza nikaanza

kupandisha ngazi taratibu kuelekea juu, kwa tahadhari.



Ghafla nikahisi nimewekewa kitu cha baridi kichwani, nikajua

ni bunduki! "Tulia hivyo ulivyo!" ilisikika sauti nzito.

Niliongozwa kupanda juu huku mtutu ukiwa kichwani. Ilibidi

nijifanye mwoga sana, nikawa nalia nikiomboleza kuwa

wasiniue mi sio mwizi.



Nilifanya hivyo ili nitakapohojiwa iwe rahisi kwao kuamini

kuwa nasema ukweli hata kama ningewadanganya. Nilipofika juu nikakalishwa chini, wakaongezeka walinzi wengine wawili.

Wakati huo kote kulikuwa shwari, ni mbwa tu waliokuwa

wakizungukazunguka.



"We ni nani na unatafuta nini humu?" Kabla sijajibu mlinzi

mmoja akanimulika na tochi usoni, nikafumba macho kuzuia

mwanga mkali wa tochi usiniumize. "Kha! We mgosi! Hoza!"



Kimya kilitawala kwa sekunde chache, yule aliyeniwekea mtutu

wa bunduki akautoa kichwani kwangu. Wote wakazunguka na

kusimama mbele yangu. Walinihoji pale kwa zaidi ya dakika

kumi, ilibidi niwaambie ukweli kuwa nilienda kum’binjukia

Tausi.



Nilijua bila kuwaeleza vile yangefumuka mambo kuhusiana na

upekuzi nilioufanya ofisini kwa Mzee Nurdin. Hakuna

aliyeamini kama ni kweli nilikuwa kwa Tausi hadi pale

nilipompigia Tausi na kumweleza kuwa nimekamatwa na walinzi



na wanataka kunipeleka kwa Mzee Nurdin.

Kimsingi nilichomwambia Tausi ndicho nilichoelekezwa na

walinzi niseme. Alichosema Tausi ni kuwa nimpe mlinzi

mmojawapo aongee naye. Alichosema na yule mlinzi ni siri yao

lakini kilichofanyika toka pale ni kwamba nilipelekwa hadi

kibandani kwangu, nikachukua vitu vyangu vya muhimu.



Baada ya hapo nilisindikizwa hadi nje ya geti kubwa na

kuruhusiwa kuondoka. Nijani wale walinzi walikuwa wakinisifu

japo kwa kutumia maneno ya kuudhi. Eti waliniambia mimi ni

mchawi, nimemloga mtoto wa bosi wao hadi akaingia laini.



Nilikereka kwa namna walivyonishusha kiwango lakini sikutia

neno, niliona ni heri nusu shari. Unajua nikiamuaga

kujifanya bwege hadi utanichukia, lakini ili mradi ubwege

huo uwe ni kwa faida yangu.



Nilipofika mbali na pale kwa Mzee Nurdin, ilinibidi nitoe

taarifa kwa mkuu kuhusu lililotokea lakini sikumwambia kuwa

niliuzamia uroda wa Tausi, nilimdanganya kuwa niliingia

kuendelea na uchunguzi wangu.



Kikubwa kilichonisukuma kutoa taarifa usiku ule ni usafiri,

sikuwa na namna yeyote ya kufika nyumbani usiku ule. Mkuu

akanitumia gari lakini aliniamuru kwamba niripoti ofisini

kwake usiku ule ule kwa ajili ya majadiliano zaidi.



Kwa sauti aliyokuwa akiiongea mkuu nilijua wazi kuwa

kitawaka, ila kwa kulinganisha na uroda nilioupata kwa Tausi

sikuwa na wasiwasi wowote. Nilichukulia poa tu, kama mbwai

mbwai!



Njia nzima nilikuwa nikiwasiliana na Tausi, alionekana

ameridhika sana na mapenzi niliyompa na alikuwa na matarajio

makubwa sana kutokana na uhusiano tulioanzisha. Ila kuna

kitu kimoja kilikuwa kinanitatiza kuhusiana na mapenzi

nilioyaanzisha na Tausi, nitamwambiaje kuwa mimi ni

mpelelezi?



Mara zote nilijisikia kumweleza kutokana na maongezi yake

ambayo yalinisisitiza nijiendeleze kielimu ili nipate kazi

nzuri tuweze kuishi maisha ya raha.



Katika kipindi kile cha takribani miezi mitano kasoro

nilichokuwa kwa Mzee Nurdin niligundua vitu vingi sana

kutokana na mienendo ya ingia toka ya baadhi ya watumishi wa

serikali wasio waaminifu.

CHANZO:  https://deusdeditmahunda.blogspot.com/

Kikubwa kilichokuwa kikiniweka ni kujua ni lini wangefanya

biashara yao ili nitoe taarifa wakamatwe, nilikuwa hasa

naivizia biashara ya kusafirisha binadamu.



Usiku ule nilikaa na mkuu hadi kunakucha tukijadili mambo

mbali mbali kuhusiana na uchunguzi wangu. Baada ya

kuridhika, mkuu akaniruhusu kupumzika kwa siku tatu tu.

Nikarudi nyumbani kwangu kwa mara ya kwanza baada ya karibia miezi mitano.



Nyumba yangu iko maeneo ya Boko, haiko mbali sana na bahari

ya Hindi. Niliingia na kujitupa kitandani ili kupunguza

uchovu wa kazi na wa kulala sehemu mbovu kwa miezi.



Jioni ya siku hiyo baada ya kupumzika na kurekebisha masuala

mbalimbali ya nyumbani, niliinua simu na kumpigia Tausi ili

nimjulie hali. Simu ya Tausi haikuwa ikipatikana.



Mapigo ya moyo yalianza kunienda mbio huku nikiijaribu tena

mara kadhaa bila mafanikio. Kichwa kikaanza kuniuma! Sio

siri, Tausi nilimpenda toka moyoni, nilimpenda haswa na hilo

hata mwenyewe alilijua.



Hadi naamka asubuhi siku ya pili, simu ya Tausi bado ilikuwa

haipatikani. Nikaanza kufikiria namna ya kuwasiliana na

Tausi, sikuweza kuvumilia kabisa ukimya ule. Lazima niende,

lazima nionane na Tausi au nipate habari zake kwa hali

yeyote.



Siku mbili za kutowasiliana na Tausi zilikuwa ni ngumu sana

kwangu. Nilifikiria kumkamata msichana wangu yeyote wa

zamani anitoe mawazo lakini katika mademu wangu wote

niliowafikiria hakuna aliyekaribia kiwango cha kunitoa

mawazo ya Tausi.



Giza lilipoingia nilivaa suti yangu nyeusi, ndani nilivaa

fulana ya bluu bahari na kichwani nilivaa pama kubwa jeusi

lililoficha kidogo uso huku macho nikiyaficha na miwani.

Nikakachukua kagari kangu keusi aina ya Toyota Starlet na

kutoka pale kwa mwendo wa kasi.



Akili yangu yote ilikuwa ni kuhusu Tausi, nikawa

nimeshapanga cha kufanya. Baada ya muda mchache nikawa

nakaribia geti la nyumbani kwa Mzee Nurdin, niliongeza sauti

ya muziki katika gari.



Kutokana na muziki kuwa mzito, gari lenyewe lilikuwa

linatikisika. Niliongeza spidi na kuingia kwa kasi katika

geti ambalo lilikuwa limeachwa wazi na walinzi.



Nikalisimamisha karibu kabisa na lango la nyumba kubwa.

Nikafungua mlango wa gari na kutoka bila kuufunga.

Kutahamaki walinzi wakawa wamenizunguka na silaha mkononi,

nikaanza kutukana kwa kutumia lugha za Kifaransa na

Kiingereza.



Nilikuwa nikitukana huku nikiangalia lango la nyumba kubwa,

hakuna mlinzi aliyejaribu kunijibu chochote kwa kuwa

hawakuwa wakielewa nilichokuwa nakizungumza.

Katika uhalisia, kwa kitendo hicho nilichokuwa nikikifanya

pale ni tiketi ya kufukuzwa kazi moja kwa moja na

kufunguliwa kesi kwa mujibu sheria za jeshi. Lakini

sikufikiria chochote, akili yangu ilikuwa kwa penzi la

Tausi.



Nilikuwa nikidai nimemfuata mdogo wangu Hoza ambaye

amechukuliwa kijijini na kuletwa kutumikishwa kazi kwa Mzee

Nurdin. Nadhani walinzi walichokuwa wakisikia ni jina tu la

Hoza.



Ilibidi atoke Mzee Nurdin mwenyewe ambaye ndiye anayejua

Kiingereza kwa ufasaha. Nikabadilisha na kuanza kuongea

kifaransa tupu, nilijua kuwa hawatakuwa na ujanja zaidi ya

kumtoa Tausi.



Katika kipindi nilichokaa niligundua kuwa Tausi anakifahamu

Kifaransa vizuri mno kutokana na kusomea nchi zinazotumia

lugha ya Kifaransa.



Muda mfupi kidogo Tausi akaitwa, kitu cha kwanza

nilichokigundua kwa Tausi ni kwamba, alikuwa akiniangalia

sana kifuani. Nikagundua kosa nililolifanya, nilivaa mkufu

alionipa Tausi.



Nikamwambia kuwa awaambie kuwa mimi ni kaka yake Hoza,

nimerudi toka ughaibuni na kukuta kuwa mdogo wangu

amechukuliwa kutumikishwa kazi.



Tausi akawa anawatafsiria huku macho yake yakinichunguza

kupita kiasi. Tausi aliniambia kuwa Hoza katoroka, ila

alivyoufikisha ujumbe huo alikuwa kama anayenitega. "Kama

Hoza sio wewe, Hoza alitoroka."



Moyo ukaanza kwenda kasi, nikamuuliza kama kuna ajuaye

kifaransa pale, akanijibu hakuna. Ila aliniambia kuwa

anahisi Mzee Nurdin anasikia juu juu ila hataki kujionyesha

kama anajua. Nikaamua liwalo na liwe, nikamchana laivu.



"Mbona simu yako haipatikani?" nilimuuliza swali ambalo

lilimfanya atake kuanguka kwa mshtuko.



"Ni wewe?" Nilihisi kitu kutokana na mtazamo wa Mzee Nurdin.

Baadae nililijua kosa langu, unajua nilipofika pale mara ya

kwanza nilikuwa na mzuka, nilikuwa napayuka hovyo hovyo,

lakini alipotoka Tausi nilipigwa ganzi.



Ujasiri wangu wote ulitoweka, nilijisikia kama nimrukie,

nimkumbatie na kummiminia mibusu isiyo idadi. Nilikuwa

nimemmisi haswa mpenzi wangu Tausi. Kingine kilichonifanya

niache kupayuka ni ukweli kuwa nilikuwa nikijaribu

kumwangalia kwa umakini kama yuko salama, ukimya wake

ulinitisha sana.



Sijui nikuhadithieje ili upate picha ya urembo wa Tausi,

huyu binti amenifanya mtumwa ndani ya moyo wangu. Alikuwa

amevaa gauni refu na pana huku amejifunika kichwani, lakini

haikutosha kuufunika urembo wake uliokithiri. Nilijikuta

nakwama kuendelea kuigiza.



Nilipomtupia jicho Mzee Nurdin, nilihisi kuwa aliwapa ishara

fulani walinzi wake. Mlio wa hatari ukalia kichwani mwangu,

hasa pale walinzi hao walipotawanyika.



Tausi akarudia tena kuniuliza swali lake, "Ni wewe?"

Sikumjibu kwa kuwa sikuweza kumdanganya, bali nikamwambia

kuwa nitarudi siku nyingine kupata habari za Hoza. Ukweli ni

kwamba nilikuwa najichanganya changanya katika kauli zangu

ila kikubwa naamini kuwa Tausi alishajua kuwa ni mimi.

CHANZO:  https://deusdeditmahunda.blogspot.com/

Ila nilijishebedua kumwomba kuwa anipe taarifa yeyote

atakayoipata kuhusu Hoza, nikajifanya kusema kuwa hata kama

atakuwa amekufa wasisite kunijuza. Nikamtajia namba yangu

kwa kuirudia rudia ili hata kama karatasi litakaloandikiwa

namba yangu likibaki kwa Mzee Nurdin, Tausi naye awe

kaikariri kichwani mwake.



Wasiwasi wa kuwa Tausi ni mzima wa afya au la ulinitoka, ila

nikawa ukaonegezeka wasiwasi mwingine. Kanimwaga? Kama Tausi ni mzima, ni nini kilichokuwa kikimfanya asinipigie? Na kama

kungekuwa na bifu kati yake na wazazi wake mbona sikuona

dalili yeyote alipoitwa na Mzee Nurdin.



Kwa kuwa namba hiyo ni rahisi sana kukaririka, nilikuwa na

uhakika kuwa Tausi ataikariri. Kazi ilikuwa ni kushika namba

ya kuanzia ya mtandao tu. Sikutaka kuaga, nikaingia ndani ya

gari langu na kuligeuza kwa fujo.



Kufika getini nikalikuta geti limefungwa. Kila nilipopiga

honi hakukuwa na dalili za kufunguliwa, nikajua kuwa

nimekwisha.



Nilianza kujilaumu kwa kuwa mtumwa wa penzi la Tausi, nikawa

nikiwaza ni nini kingetokea endapo taarifa zingemfikia mkuu.

Heshima yangu yote ingepotea achilia mbali kupoteza kazi na

kufukunguliwa mashitaka.



Nilianza kuingiwa na ubaridi, kutahamaki nikaliona difenda

la polisi likiingia kwa kasi. Wakati halijasimama vizuri

wakashuka vijana wakazi kama watano hivi, wote wakiwa na

silaha. Nikajua hapa tena kumekucha, akili yangu ikaanza

kwenda spidi japo haikuwa ikiweza kufikiria jambo lolote kwa

sekunde kadhaa.



Nikaanza kupata picha ya magazeti ya kesho yake ambavyo

yangeripoti tukio hilo. ’Mzee Nurdin anusurika kuuawa,

Jambazi lamiminiwa risasi na polisi’ Nikaanza kusisimkwa

mwili, nikawa namuona mkuu anavyoipokea taarifa hiyo.

Nikajiona kweli nimebugi stepu kwenda pale, nikajua tayari

’nimeingia choo cha kike’.



Kabla sijashangaa vizuri likaingia gari jingine la polisi

likiwa na msaidizi wa Mkuu wa Upelelezi wa Mkoa. Kutahamaki

gari langu likawa limezungukwa likiwa chini ya ulinzi.



Kwanza nilifikiria nikubali kukamatwa halafu nikifika

kituoni nijitambulishe lakini kutokana na mawasiliano

yaliyokuwa yakifanyika nikahisi hatari. Wangeweza

kunimiminia risasi kisha wakanisingizia ujambazi, nikapiga

akili ya haraka haraka nikapata wazo.



Nikaitoa simu yangu kumtafuta Omar, huyu Omar ni rafiki

yangu mkubwa na tulikuwa wote mafunzoni ila yeye amepangiwa

kuwa katika misafara ya rais.



Mimi na Omar huwa tunasaidiana sana katika vimeo hasa

ambavyo hatutaki wakubwa wetu wajue japo mwenzangu amenizidi kwa viskendo vya hapa na pale. Wakati huo yule bosi wa

upelelezi alikuwa akiongea na Tausi na Mzee Nurdin huku gari

langu likiwa limewekwa chini ya ulinzi na vijana wa kazi.



Walipomaliza maongezi yao akaja liliposimama gari langu na

kunionyesha ishara ya kushuka kwa kuwa nilikuwa nimejifungia

garini. Sikuteremka wala kujibu lolote, mijamaa ikawa

inalizunguka zunguka tu gari langu. Zilipita takribani

dakika tano wakiwa wanajadiliana namna ya kufanya.



Kimsingi wasingepata maelezo ya kutoa endapo wangenimiminia

risasi mule ndani ya gari lakini endapo ningetoka wangekuwa

na mengi ya kusema na kuandika.



Ghafla ulionekana mwanga mkali wa taa za magari kisha

ulisikika mlio wa magari matatu yanayoongozana. Yakasimama

nje ya geti.



Zilikuwa benzi mbili nyeusi zenye namba za ikulu, walinzi

wakazifungulia huku wale polisi wakibaki wameshangaa. Kule

barazani pia nilimuona Mzee Nurdin na mlinzi wake mmoja

wamepigwa na butwaa.



Akateremka Omar, nikashusha pumzi ndefu. Msaidizi wa mkuu wa

upelelezi wa mkoa akamsogelea na kutoa heshima. Wakati huo

kwenye kila benz walitoka watu watatu watatu waliovalia suti

nadhifu, jumla wakawa tisa, na Omar alikuwa wa kumi.



Polisi wote wakaamuriwa kukaa mbali na gari langu, sijui

Omar alimwambia nini yule bosi wa polisi bali baada ya

kuongea kidogo ndipo amri ile ilitolewa. Nikatoka ndani ya

gari, Omar na wenzake wakanipa heshima.



Nikachekea moyoni, na kwa haraka haraka nikajua ilikuwa ni

namna ya kuwatishia zaidi wakina Mzee Nurdin kuhusu wadhifa

wangu.



Nikawapa mikono na kurudi ndani ya gari langu, nikafungulia

muziki kwa sauti kubwa kama kawaida. Nyumbani kwa Mzee

Nurdin kukageuka kuwa kama ukumbi wa disko kwa muda kabla

sijapandisha vioo tena.



Omar akarudi ndani ya gari na wenzake wakamfuata na kuingia

kila mtu kwenye gari alilotokea, likaanza kuondoka la kwanza

kisha nikawasha gari langu na kulifuata. Nyuma lilifuatia

gari alilopanda Omar, na jingine likamalizia nikaacha

mshangao mkubwa nyumbani kwa Mzee Nurdin.Ila bado nilikuwa

na mawazo kuhusu Tausi.



Tuliongozana kwa umbali fulani kisha tukaachana huku Omar

akitaka kujua chanzo cha yote yaliyonitokea, ila ’nikampotezea’.

Nikamwambia ningemhadithia siku nyingine.

CHANZO:  https://deusdeditmahunda.blogspot.com/

Ila nilikuja kumhadithia mkasa mzima wa kumfukuzia Tausi

japo uongo ulikuwa ni mwingi zaidi, sikumwambia kama vile

hasa ilivyo na kazi niliyopewa na mkuu, nilimdanganya kuwa

nilionana naye nje ya nchi.



Baada ya siku moja tu toka niokolewe na kina Omar nyumbani

kwa Mzee Nurdin nikapokea simu toka kwa Tausi. "Halo..Jhe

mapele Tausi!" alimaanisha kuwa naitwa Tausi.





ITAENDELEA