Simulizi : High School
Sehemu Ya Tano (5)
“Asante”
“Umekaa hapa mahabusu kwa muda gani?”
“Nina miezi miwili”
“Pole sana”
“Asante”
“Ujauzito wako unaweza ukawa una miezi mingapi?”
“Mara ya mwisho kuhudhuria hospitali ulikuwa na miezi mitano, unaweza ukawa na miezi saba kwa sasa.”
“Pole sana”
“Nashukuru”
CHANZO: https://deusdeditmahunda.blogspot.com/
“Nitakusaidia, nitahakikisha unatoka hapa”
“sina hata cha kukulipa zaidi ya kushukuru”,
“labda tu nikupe taarifa za wazazi wako.”
“Baba yako anaendelea vizuri na muda wowote anaweza akafika hapa kwa ajili kufuatilia kesi yako pamoja na shangazi yako, ninawasiliana nao mara kwa mara na ninawajulisha kuhusu hali yako. Nakuhahakishia kuwa utatoka hapa uwe na imani na usiache sana kuomba”.
Alizidi kunitia moyo mwanamama huyu.
Nilifuta machozi, na kumshukuru sana mwana mama huyu.
“Usijali binti yangu haya yote ni mambo ya dunia yataisha tu”, alisema
“Asante mama yangu” nilijibu kwa sauti ya kukauka.
“Sasa ngoja mimi niondoke nikaandae mpangilio mzima wa kesi yako kwa sababu una ujauzito mkubwa nitaomba rufaa ili utolewe humu. Kwasababu mazingira ya humu hayawezi kuruhusu wewe kuendelea kukaa na ujauzito mkubwa hivyo. Hivyo basi naomba urudi nikajaribu kuongea nao nakutakia wakati mwema.”
“Asante sana”
Aliongea yule mama na kisha kuondoka mahali pale, polisi walikuja kunikokota na kunirudisha kwa wenzangu, sikupenda kujichanganya nao.
Mara nyingi walikuwa wakinisema,
“daa aisee unaweza kukutana na watu na usiamini, kabinti kadogo hivi kauaji bora mimi limama lizima nimekamatwa kwa kesi ya kuiba. Huyu mtoto mdogo hivi kaua mtu akija kuwa mmama kama mimi huyu si gaidi kabisa”
Maneno yao yaliniumiza sana ila sikutaka kujali ukweli wote nilikuwa naujua mwenyewe na nisingeweza kukaa kumwadithia kila mtu.
Nilidumu katika kuomba siku zote, sikuacha kuomba kwa ajili ya maisha yangu na kwa ajili ya kesi iliyokuwa ikinikabili.
CHANZO: https://deusdeditmahunda.blogspot.com/
Baada ya wiki moja yule mama alirejea tena,
“Cathe” aliniita baada ya kufikishwa mbele yake.
“Unamfahamu Edwin?”
“Edwin!! Hapana”
“Humfahamu Edwin Maloya?”
“Namfahamu sikuwa najua kama anaitwa Edwirn”
“Ahaa, Yeye atatoa ushahidi kuhusu kesi yako kwamba unahusika.”
“Mimi naona kama anaweza kumaliza kwa kutoa ushahidi huo”
Nilivuta pumzi na kuishusha.
“sijui itakuaje wakili.”
“Lakini ulisema mara ya mwisho alikuwa akikutafta Candy na ulipofika chooni mlianza kuzozana kabla hajadondoka”
“Ndio”, nilimjibu.
“Utaongea hivyo kisha utasema alishikwa na kizunguzungu kabla ya kudondoka sawa”
“Ndio” nilijibu kwa unyonge
“Usijali lazima utoke, hii kesi wala haiwezi kukufunga ni kesi ndogo sana”
Najua kuwa alikuwa akinitia moyo tu.
“Naenda kuendelea kupanga kesi yako nitakuja tena pale nitakapokuhitaji uwe na wakati mwema” aliondoka.
Nilikuwa nimekaa nimejinamia kiunyonge baada ya siku nyingi kupita bila wakili kurejea.
“Moyo uliniuma sana nilihisi ameamua kuniiacha, peke yangu kwanza yule wakili ni nani na ametokea wapi mbona mi mimi simjui.”
“Atakuwa ameamua kuniacha peke yangu mimi najua mungu wewe ndio msaada wangu”.
Nilijiinamia kwenye chumba hicho ambacho hakikua na hadhi ya binadamu kuishi.
“Catherine Kindamba”
Nilisikia jina langu likitwa kwa sauti ya ukali, nilisimama
Mlango ulifunguliwa na kisha nikaamuliwa kutoka nje nilitoka, nilipelekwa hadi kwa mkuu wa gereza.
Nilishangaa kuona nakabidhiwa vitu vyangu
“Mungu wangu nini kimetokea!!”, nilimkuta wakili amesimama pembeni katika mlango wa kutokea.
“Mama nilimwita na kwenda kumkumbatia huku machozi yakibubujika”,
“Ashukuriwe Mungu” alisema tu mwanamke yule.
“Nini kimetokea?” nilimwachia gafla na kumuuliza.
“Niliomba ukae nje kwa sababu ya kesi yako, kwamba huhusiki na mauaji ya Candy, lakini pia una ujauzito”.
“Hivyo sio mahali salama kuwepo huku ukizingatia siku zako za kujifungua zimekaribia”, nilishusha pumzi ndefu na kuangua kilio.
Tuliongozana hadi nyumbani kwa mwanamama yule.
Lilikuwa ni jambo la kumshukuru Mungu katika maisha yangu alijibu maombi yangu ulikuwa ni wakati ambao furaha yangu ilikamilika kwa kiasi kikubwa.
Niliona ya kwamba hatimaye naweza kuachiliwa kwa hiyo kesi. Kwa tuhuma nilizokuwa nimepewa kwa mauaji ya Candy.
Tumaini lilirejea kwa kasi na tabasamu pia, ingawa nafsi yangu haikuacha kujuta kwa kumpoteza Martin nilijuta kwanini nilibadilisha laini, Martin ungekuwepo ungekamilisha furaha yangu.
“Kama kweli ungenipenda usingejali kuhusu mtoto huyo ambaye sio wa kwako” niliendelea kuwaza
Ilikuwa ni furaha sana kukutana tena na baba yangu na shangazi yangu.
Niliwakumbatia kwa nguvu sana, baba alilia kama mtoto,
“pole mwanangu hii ndiyo mitihani ya maisha” alisema baba.
CHANZO: https://deusdeditmahunda.blogspot.com/
Nilishindwa kumjibu chochote nilibaki nikitoa machozi,
“tunamshukuru sana wakili Happiness kwa kukusaidia”
Nilimgeukia mwanamama yule nilishindwa hata kutamka neno la shukrani kwake kila neno niliona halifai hakika alistahili shukrani nyingi sana.
Nilimwachia baba na kwenda kumkumbatia wakili wangu Happiness
“Mungu azidi kukutunza”,
alisema “usijali binti yangu”.
Nilimwangalia na kisha nikaachia tabasamu, alitabasamu pia, hakika alionekana kuguswa sana na mimi nilimwona kama malaika aliyoshuka kutoka mbinguni, asante mungu kwa kumleta malaika wako duniani.
“Sasa” alisema
“tuelekee nyumbani”, wakili yule aliongea kwa sauti yake nzito.
Tuliingia kwenye gari na safari ya kuelekea nyumbani, Kapri point alipokuwa akiishi ilianza.
Tulikuwa tuna furaha sana vicheko vilisikika mule garini tuliongea mambo mengi na stori za hapa na pale hadi tulipofika.
Tuliingia sebuleni kulikuwa kuna hafla fupi ilikuwa imeandaliwa, tulikunywa tulikula na baadhi ya watu walialikwa.
“Nashukuru Mungu nimeweza kufanikiwa kumtetea huyu binti ingawa bado kesi haijaisha lakini yapo matumaini makubwa sana ya yeye kuachiwa katika kesi inayomkabili kwasababu hahusiki na Mungu amemtetea” alisema mwanamama yule ambaye anaonekana ana imani kali ya Mungu.
Nilitoa uchozi.
Niliitwa kutoa neno lolote nilitoa neno la shukrani huku nikimwombea baraka tele Happiness kwangu alikuwa ni mama yangu mwingine.
“Mama umerudi tena kupitia huyu kiumbe wako, ulikuwa ukinitetea na kunipigania siku zote mama yangu sasa nafasi yako Happiness ameichukua”, niliwaza kwa furaha ndani ya moyo wangu.
Usiku nililala kwa amani zote huku ndoto nyingi tamu zikiniijia.
Nafsi yangu sikuacha kuwa na majuto kwa kumpoteza Martin nafsi iliniuma sana.
Kwa njia zote nitahakikisha nakupata nilisema.
Siku ziliendelea na kesi yangu ilihairishwa ili kupisha kujifungua kwa maana siku za kujifungua kwangu zilikuwa zimekaribia.
Nilikuwa nachoka sana, na ilinilazimu kufanya sana mazoezi ili isilete shida wakati wa kujifungua ukizingatia sikuwa na umri mkubwa sana.
Nilikuwa nikiamka asubuhi na kukimbia nusu kilometa, kisha kurudi, baada ya hapo ningefanya kazi mbali mbali pale nyumbani. Hakika nilikuwa mchapakazi sana. Wakili happy alinipenda.
Baba aliniita siku moja,
“huyu mwanamama ana roho nzuri sana, ujue tangu nilipoondoka nililazwa hospitali kwa muda mrefu sana, nilikuwa sipati nafuu yoyote nilihisi ningekufa wakati wowote.
Wewe pekee ulikuwa tumaini langu na kukamatwa kwako na polisi nilijua utaishia gerezani.
Ndipo siku moja huyo mama alinipigia simu aliniambia amesikia habari zako na anataka kukutetea.
Hivyo kila kitu kitakuwa katika mikono yake kiasi fulani ilinipa faraja na amani nilijitahidi sana kupata unafuu nilijitahidi kula na kufanya mazoezi ili kuwaridhisha madakatari kuwa nimepona ili nije huku Mwanza niendelee kuisimamia kesi yako.
CHANZO: https://deusdeditmahunda.blogspot.com/
Nilimwambia kwamba nitakuja Mwanza.
Alinikaribisha hapa kwake tangu nimefika mimi na shangazi yako tunaishi hapa, tunaishi vizuri anatuhudumia kama ndugu zake.”
“Ukweli huyu mama ana roho ya upekee sana”, aliongea baba kwa huzuni.
Maneno ya baba yalinitoa machozi nilishindwa jinsi ya kusema nilishindwa kuongea chochote kumhusu mwanamama huyu ambaye kwangu alikuwa kama malaika.
“Baba yote ni mipango ya Mungu zaidi ya yote tumshukuru Mungu kutufikisha hapa Mungu alishamuandaa wakili Happiness kwa ajili ya hili”,
“ni kweli mwanangu” aliongea baba akinikumbatia.
Tuliishi kwa amani kama ndugu wa wakili Happiness.
Siku moja aliniita,
“Catherine unampango wowote wa kumwambia Maloya kwamba huyu ni mtoto wake”
“hapana nitamlea mwanangu mwenyewe” alitabasamu,
“haya sawa” alicheka kabisa.
“Mbona unacheka” nilimuuliza na mimi nikicheka.
“Hamna, nilitaka kujua msimamo wako, uko vizuri sana”
Alipenda sana ucheshi nilimpenda kwa hilo.
Siku zangu za kujifungua zilikaribia, ilikuwa kiasi kama mwezi mmoja tu ili nijifungue.
Siku moja jioni baada ya maongezi mafupi ya hapa na pale nilianza kusikia maumivu makali.
“Baba tumbo linaniuma” nilimwambia baba.
“Nenda kapumzike mwanangu unywe na dawa.”
Nilinyanyuka nilijitahidi kutembea lakini nilishindwa baba alinisaidia kunipeleka chumbani kwangu,
“baba tumbo linaniuma sana” nilimwambia.
“Ngoja nipige simu wakili Happy” ambaye wakati huo alikuwa ofisini kwake.
“mwite shangazi” nilisema.
Shangazi aliitwa “Mungu wangu anataka kujifungua huyu.”
Nilishtuka “mmmh!!”
Maumivu yake yalikuwa makali sana ambayo hayawezi kusimulika.
Wakili alipigiwa simu haraka sana alirudi na kunipakia kwenye gari kisha kunipeleka hospitali ya bungando nilipokelewa na kuingizwa leba.
Uchungu wa kuzaa ulikuwa mkali sana kwangu nililia sana mpaka nilihisi kuishiwa nguvu, manesi walikuwa wakinitia moyo kwamba niendelee kusukuma kwa nguvu na mimi nilijitahidi kusukuma mtoto kwa nguvu ili mtoto atoke.
Wakili happy alikuwepo humo ndani ili kunisaidia.
Nilisukuma, hatimaye mtoto aliweza kutoka nilifurahi sana kumpata mwangu kifungua mimba changu.
Nilipelekwa chumba cha kupumzika muda mchache baadae nesi aliingia,
“hongera sana Catherine umejifungua mtoto wa kiume”.
Hakika moyo wangu ulijawa na furaha sana lakini kila nilipomkumbuka Maloya roho iliniuma sana. Naomba huyu mtoto afanane na mimi asifanane na Maloya maana roho itaniuma sana naweza nikamchukia nilipeleka maombi yangu kwa Mungu.
“Mtoto yuko salama mzima na pia ana afya njema, mda si mrefu utaletewaa mtoto wako umuone” nesi aliongea huku akiachia tabasamu.
“Asante Mungu kwa zawadi ya mtoto” nilisali tu hivyo,
Baada ya muda mfupi nililetewa mtoto wangu. “Mungu wangu!!” nilijikuta nikisema kwa mshangao.
Haikuhitaji kuambiwa wala kuelezewa mtoto huyu alikuwa kama pacha, hakika alifanana sana na Martin
“Mungu wangu kumbe hii mimba ilikuwa ni ya Martin mtoto kafanana na Martin kheeeh! ni pacha wake kabisa” nilishangaa nesi aligundua mshangao niliokuwa nao
“vipi”
CHANZO: https://deusdeditmahunda.blogspot.com/
“aanh, mwanangu ni mzuri”,
“yeah umezaa mtoto mzuri sana hongera”, niliachia tabasamu.
Moyo wangu ulijawa na furaha ambayo siwezi kuielezea.
“Mungu hatimaye umeufariji moyo wangu nikurudishie nini mimi nikurudishie nini kiwe sawa na fadhli zako Jehova” nilijikuta nikisali.
Nilisali si kidogo, nilimshukuru Mungu kwa yote ambayo yaliwahi kutokea katika maisha yangu hatimaye mungu umenipa faraja ya milele mwanangu mpenzi.
Nilishindwa cha kuongea ilikuwa ni furaha isiyo na kipimo.
Hatimaye baba, wakili Happiness pamoja na shangazi yangu waliruhusiwa kuja kuniona pamoja na ndugu wa wakili Happiness walifurahi kumuona mtoto huyu mzuri,
“mtoto mzuri sana huyu wa kiume”
Ilikuwa ni furaha isiyo kipimo.
Wakili Happiness alikuja kwa tabasamu,
“unapenda mwanao aitwe nani”, niliachia tu kicheko,
“bado sijafikiria kuhusu hilo” nilimwambia
“naomba mimi nimpe jina.” Alisema
Nilicheka “sawa”
“Nitampa jina kwa wakati wake”,
“nitashukuru.”
Tuliruhusiwa kuondoka hospitalini hapo baada ya kila kitu kukaa sawa.
Baada ya siku kadhaa kupita, baba alishauri apewe jina la muda wakati wakili Happiness akiandaa jina lake.
Mwanangu aliitwa Blessing hakika alikuwa ni Baraka kwangu na kwa maisha yangu.
Kesi yangu mahakamani iliendelea, hatimaye siku ya hukumu ilifika nilisimama kizimbani nikitetemeka sana.
Mwanangu alikuwa amebebwa na wakili Happiness machozi yakinitiririka wakati huo wakili Happiness alikuwa na furaha wakati wote.
“Anafurahi nini wakati hukumu haijatolewa nikifungwa je?” nilisema
Akili yangu haikutuliai kabisa,
“ee Mungu naomba usinitenganishe na mwanangu naomba unipe muda wa kumlea nampenda sana mwanangu.”
Hatimaye muda wa hukumu ulifika, hakimu alisimama kwa ajili ya kutoa hukumu,
“kutokana na ushahidi kutoka pande zote mbili, mahakama imeamua kwamba Catherine Kindamba kuwa hana hatia kwa kuwa hakuhusika na kifo cha Candy, ila Candy alifariki baada ya kushikwa na kizunguzungu na kisha kudondoka na kujingonga ukutani hivyo basi mahakama inapenda kumwachilia huru Catherine Kindamba kuanzia sasa”, nilijikuta nikipiga magoti kizimbani nilisali nilishukuru.
Baba alishindwa kujizuia aliachia machozi kwa pamoja wote walikuja kizimbani na kunitoa na kisha kunikumbatia kwa furaha.
Watu wengi walikuwa wakifatilia kesi yangu siku hiyo nilimwona mwalimu mkuu wa Hanspop Academy Mr. Maige alikuja kunipa hongera
CHANZO: https://deusdeditmahunda.blogspot.com/
“hongera sana Cathe wewe ni msichana Shujaa sana.”
Nilishindwa kujizuia machozi yalinitoka nilitamani kumuulizia kuhusu Martin lakini sikuwa na shaka kwamba alikuwa ameisha maliza shule kwa wakati huo.
“Asante mwalimu”
“Nashukuru ingawa umepoteza nafasi ya kusoma lakini naamini kwamba kuna siku itajirudia tena, endelea kujipa moyo Mungu yupo pamoja nawe” aliongea kwa upole sana mwalimu Maige na kisha kupotea machoni pangu.
Nilibaki tu machozi yakinitiririka.
“Tulilia kwa furaha mimi pamoja na familia yangu mpya nilimkumbatia mwanangu Bless.
“Catherine” niligeuka na kutizama, wakili Happiness alikuwa akiniita,
“mtoto wako ataitwa Comfort” akimaanisha faraja
Niliachia tabasamu,
“jina zuri sana nimelipenda nahisi nitakuwa na furaha sana kuitwa mama Comfort”, ila mwisho wa yote baba yake atakuja kuamua jina la mwisho mwanae ambalo atapewa.
Maneno yake yalinifariji sana ingawa sikuwa najua ni namna gani ningekutana na Martin, nilirejea nyumbani.
Watu wote waliingia ndani wakili Happiness aliniita
“nimekuandalia zawadi kubwa sana binti yangu, wewe ni sawa na mwanangu. Naomba uipokee zawadi yangu” nilicheka,
“mama” nilijizoeza kumwita mama.
“niambie mwanangu”
“mimi ndiyo ninapaswa kukupa wewe zawadi mama umenifanyia mambo mengi sana”,
“hapana haya mambo yote yasingefanyika hupaswi kunipa zawadi mimi kama unataka kutoa zawadi ipeleke kanisani nimefanya haya yote IN THE NAME OF LOVE”,
“IN THE NAME OF LOVE” nilijiuliza anamanisha nini? “Sawa nipo tayari kupokea hiyo zawadi yako” aliachia tabasamu “naomba nikuzibe macho ili usiione. Iwe surprise kwako” alimalizia, “hasa.. mama nimebeba mtoto si tutajikwaa tudondoke jamani” “Hamna mimi nitakuongoza”, aliongea kwa utani kama kawaida yake, Nilicheka tu,
Aliniziba macho na kuniongoza sikujua hata tunaelekea wapi, baada ya kutembea hatua chache hatimaye tulifika ambapo tulipaswa kufika, alinifumbua macho.
Sikuitaka kuamini nilichokiona mbele yangu.
Martin na Martha walikuwa wamesimama mbele yangu walikuwa wamependeza sana Martin wangu alizidi kuwa mzuri na hakika alionekana mbaba nyuso zao zilijawa na tabasamu.
Nilishindwa kujizuia machozi yalinitoka
“Martin” sauti iligoma kutoka,
Martin alilia alijongea polepole hadi nilipokuwa nimesimama, “Cathe mwanamke wa maisha yangu.” Alinikumbatia kwa nguvu zote huku akilia,
Furaha iligeuka vilio kila mtu alitokwa na machozi.
Martin alimchukua mwanangu na kumbeba
“my first born” aliongea kwa sauti ya chini.
“Nakupenda sana Catherine”, alisema Martin.
“Nakupenda Martin” nilijibu.
Nilishindwa kuelewa mazingira yaliyokuwepo mahali hapo.
Martin alianza kujielezea.
“Catherine siku uliyoondoka ndani ya begi lako uliacha kitabu chako cha kumbu kumbu, niliweza kusoma matukio yote ambayo uliwahi kukutana nayo hapa shuleni.
Nilijua kwamba ulibakwa na Maloya, nilijua kwamba uhusiki na kifo cha Candy ingawa mwanzo nilikuwa nikikutilia hofu, nilijua jinsi ulivyokuwa na wakati mgumu sana kwa ajili yangu.
Mambo mengi sana hukutaka niyajue lakini kupitia kitabu chako kile niliweza kuyafahamu nilijua hata mpango wako wa kutaka kupoteza mawasiliano na mimi kisa ikiwa ni ule ujauzito.
Vyote hivyo vilikuwepo ndani ya kitabu chako cha kumbukumbu.”
Niliinamisha uso,
CHANZO: https://deusdeditmahunda.blogspot.com/
“Baada ya muda tulitangaziwa kwamba unatafutwa na polisi, mwalimu alikuwa akipenda sana kutuletea habari zinazohusiana na kesi ya Candy na hadi mwisho nilipata taarifa kwamba umekamatwa Dar na umeletwa huku Mwanza na kufunguliwa kesi, moyoni mwangu niliumia sana niliazimia kukusaidia kwa namna yoyote ile.
Nilifanya mawasiliano na mama yangu mkubwa Happiness ambaye ni mama yake na Martha.”
Moyo ulinipasuka paa, sikuwa najua kitu hiko.
“Niliongea naye nilimwelezea kila kitu nikampatia na kile kitabu chako cha kumbukumbu, aliguswa sana na shida zako na aliamua kukusaidia.”
“Tunashukuru mungu kwamba kila kitu kilienda sawa na Mungu alionekana na hatimaye leo umeachiliwa huru.
Lakini kilichonipa furaha kabisa ni kwamba ujauzito haukuwa ni wa Maloya ulikuwa ni wa kwangu, sorry Candy kwa kukatisha masomo yako.”
“Naomba nikupe kitu ambacho kinawakilisha ombi langu langu la msamaha kwako aliongea kwa uzuni na kwa sauti ya kilio.”
Niliinama tu nilishindwa la kusema.
Niliziba macho yangu na kiganja changu nikibaki nimejiinamia,
“Catherine” aliniita Martin,
“will you marry me?”
Nilitoa kiganja kilichokuwa kimefunika macho yangu
“Say whaaat!!” Alikuwa ameshikilia pete ambayo ilionekana imenakshiwa na madini ilionekana kuwa pete ya thamani sana.
“Yes” aliongea kwa kunong’ona.
Machozi yalinitoka upya, nilimtizama baba yangu alikuwa akilia, shangazi yangu naye pia.
“Yes Martin niko tayari”, nilijibu kwa sauti ya upole.
Alipiga magoti na kunivalisha pete ile kidoleni kwangu ilikuwa ni furaha kubwa kwangu na si kwangu peke yangu bali kwa wote.
“Catherine” wakili Happiness aliniita,
“baada ya dhiki huja faraja” alisema.
“Niwatakie maisha mema ila naitwa Happiness Lutabenza niliolewa miaka kadhaa iliyopita na Denis Lutabenza na kufanikiwa kupata mtoto mmoja tu Martha kabla mume wangu hajafariki. Nampenda sana mwanangu Martin kwa sababu yupo karibu nasi hasa na binti yangu nah ii ni sababu niliamua kukusaidia kwa nguvu zote yani IN THE NAME OF LOVE.” Hapo alicheka.
Nilishituka sana Martin alikuwa akiitwa Martin Lutabenza.
“Martin ni mtoto wa mdogo wa marehemu mume wangu, David Lutabenza.”
Tuliachia tabasamu wote.
Ulikuwa mwanzo wa maisha ya furaha.
Nampenda sana mume wangu Martin maisha yangu yote.
>>>>>>>>>>>>>>>>>> MWISHO<<<<<<<<<<<<<<<<<<<<<<
HITIMISHO
CHANZO: https://deusdeditmahunda.blogspot.com/
Napenda kuwashukuru watu wote ambao mlikuwa pamoja namI tangu mwanzo wa hii hadithi hadi hapa tumefikia mwisho.
Mungu azidi kuwabariki sana natumaini kwamba kuna kitu mmekipata, yani hamkutumia muda wenu bure mmesoma na mmepata kitu.
Lengo kubwa la kuandika hadithi hii ni kwamba kuna vitu nilikuwa nataka mvione.
Watoto wana ndoto nzuri lakini wazazi ndiyo chanzo cha kufeli kwa ndoto za wanafunzi na za watoto wengi.
Inatia huzuni sana,
Tunazaa watoto kwa sababu tunataka kuwa wazazi, lakini mara zote wazazi wengi sana wanakimbia majukumu ya kuwa wazazi.
Watoto wana mahitaji mengi sana.
Ili mtoto aweze kufikia ndoto zake mzazi anahitajika kujitoa kwa hali na mali, ili mtoto huyo aweze kufanikiwa.
Watoto wengi sana wakiharibikiwa mara zote tumekuwa tukiwatupia lawama huku tukiangalia sababu chache tu ambazo zinaonekana lakini tukiacha sisi wenyewe wazazi tunashindwa kujibebesha lawama kwamba sisi ndio tunahusika katika namna zote.
Hata hivyo lawama kubwa nazipeleka kwao wazazi kwasababu wao wanahusika
Watoto wanahitaji muda,
Wanahitaji mtu wa kuwajali,
Wanahitaji mapenzi,
Wanahitaji kuongozwa,
Wanahitaji ulinzi,
Wanahitaji maombi,
Wanahitaji kupata muda wa kupumzisha akili,
Wanahitaji kuchanganyika na watu,
Wanahitaji kusikilizwa,
Wanahitaji uhuru,
Wanahitaji amani na kujifunza.
Watoto wakipata hayo yote ni vigumu sana kwa mtoto kupoteza ndoto zake maana mtoto huyo atakuwa anajitambua kwa sababu tayari ana mahitaji yake yote ya msingi.
Kama wazazi tumekuwa tukifikiria kwamba watoto wanahitaji mavazi, elimu, malazi na chakula basi.
Lakini hayo yote hayatoshi na ndiyo maana ndoto za watoto waliowengi zinaishia njiani.
Watoto wanakuhitaji sana mzazi.
CHANZO: https://deusdeditmahunda.blogspot.com/
CHILDREN ARE BREAKABLE HANDLE THEM WITH CARE.
MWISHO
0 comments:
Post a Comment