MREMBO ALIYEPOTEA - 2

 

Simulizi : Mrembo Aliyepotea

Sehemu Ya Pili (2)



 “..Lete mashuka mengine..??, Na muondoe mashuka haya hapa..??”

“..Sawa Dokta tumekuelewa..!!”

Haraka haraka kukafanyika kwanza kitendo cha kubadilisha mashuka ambayo yalikuwa yametapakaa damu na kuweka mashuka mengine.

“..Haya nawaombeni wote mtoke nje mniache kama baada ya nusu saa niweze kumtibu huyu mgonjwa..”

Dokta aliamrisha kisha baadhi ya manesi wa zamu wakiongozwa na John wakatoka nje na kumuacha Dokta akiendelea na zoezi la kumtibia Alice. Akili ya John muda wote bado ilikuwa imeganda kwa marehemu mpenzi wake Angel na haswa alikuwa akifikiria kiumbe kilichopotea tumboni mwa Angel. Alijitahidi kuvuta kumbukumbu vizuri kuanzia kipindi kile ambacho alimkuta Angel akijiuza Posta usiku wa manane na kisha akamshawishi kumuomba amzalie na wakakubaliana hadi Angel mwenyewe ndio aliotoa taarifa kwa John kuwa ameshika ujauzito. Ile furaha na ahadi ambazo John alikuwa amemuhaidi Angel sasa akawa anaona kama ni ndoto ambayo amelala usiku nakuamka asubuhi hamna kitu. Alitamani sana tukio lote aliloshuhudia usiku ule ligeuke nakuwa ndoto.CHANZO:  https://deusdeditmahunda.blogspot.com/

“..Shiiiiit…!!!!, Why me God…!!, Kwanini mimi tu Mungu wangu, Nimekosa nini kwako..?? najua umenipatia Mwanamke nikamuoa hakuwa na uwezo wa kuzaa.., Nikatafuta njia nyingine nikafanikiwa kumpa Mwanamke mwingine ujauzito na sasa amefariki, umemchukuwa..??, Why me…??, kwanini Mungu..?? AAahhh…!!!”

John alijikuta akipiga mateke fuko la uchafu ambalo lilikuwa pembeni yake huku akijishika shati lake kwa nguvu kama anataka kulichana. Sura yake sasa ikawa imezoea mateso kwa muda. Ule uso wa huzuni ukamzidia mara mbili kwani ulikuwa umetuna haswa huku macho yake yakionekana kuwa mekundu sana. Alikuwa kama nusu chizi nusu mzima kwani hata lile shati lake alilikunja mikononi nakuwa kama mtu anayetaka kuingilia ugomvi ama kutaka kupigana kabisa. Hatua za kuelekea kule wodini zikaanza.

“..Hapana haiwezekani Angel wangu afe hivi hivi..??, Nani atakuwa amemuua..??, ni nani nasemaa.??.”

“..Wewe Kaka vipi..??, unaenda wapi huko si Dokta kasema asiingie mtu..??.”

“..Niacheni..!!, nielekezeni mochwari mlipompeleka mchumba wangu Angel nikamuage..??, Nipelekeni nimesema..??, Nipelekeee..??”

John alikuwa mkali kidogo kwa awale manesi wa zamu. Alihitaji kumuona tena Angel wake. Bado hakuamini kabisa kama Angel wake amepoteza uhai. Kwa woga waliokuwa nao wale manesi na walitaka kutii ile amri ya Daktari wao kuwa asiingie mtu mule wodini, walijikuta waakimuelekeza John mochwari ilipo napo John akaongoza mpaka mlangoni nakukutana na mlinzi wa zamu ambaye alikuwa ni Mzee wa makamo.

“..Namtaka mke wangu aliyeletwa humu usiku huu..??”

“..Unasemaje kijana..??”

“..Kama ulivyosikia namtaka mke wangu..??, Ameletwa huku..!!”

John alikuwa mbishi hakutaka kabisa kujibizana na yule mlinzi wa ile monchwari, kwa kuwa yule mlinzi alikuwa mzee japo si sana lakini John alifanikiwa kumsukuma nakuingia mpaka ndani ya monchwari. Alipofika ndani hakuweza kuutambua mara moja kutokana na yale mazingira aliokuwa ameyakuta. Kuna maiti ambazo zilikuwa zimelaliana huku zikionesha zimevimba sana. John alijitahidi kuangalia kama atamuona kwa wale waliolaliana lakini hakuambulia kitu. Sasa zoezi likawepo kwenye kufungua yale majokofu yaliokua nayo yamehifadhiwa miili ya watu waliokufa moja baada ya jingine. Ile hali ya ujasiri ikaanza kumpotea John akajikuta akilegea kila akifungua jokofu na kushuhudia maiti za watu wengine. Kuna waliokuwa wamepata ajali sura zao zikiwa hazitamaniki, Wengine wamepondeka sura. Hatimaye akafanikiwa kukutana na jokofu lililokuwa limehifadhiwa maiti ya Angel. John alitoa sana machozi, alitumia mikono yake kushika kichwa cha Angel huku akikilila.

“..Angel..??, Kwanini hukuniambia kama unakufa..? nani sasa atanizalia Angel.. nasema nani..? mdogo wako umemuacha peke yake na sasa nayeye anataka kukufuata huko ulipo.., Pliiz japo fungua macho Angel uniage nitaridhika.., fungua Angel..??, Angeeeelllll….????”

Nguvu zikaanza kumlegea John nakujikuta taaratibu miguu ikikosa nguvu huku mikono ikimtetemeka zaidi mithili ya mtu aliyepigwa shoti ama aliyemwagiwa maji ya barafu, hivyo akadondoka peke yake mpaka chini nakupoteza fahamu



*****



Namba za simu, Pasipoti ya kusafiria ambazo ziikuwepo katika mifuko ya suruali ya John vikiambatana sambamba na funguao za gari lake ndizo zilikuwa zikimjulisha John Mapunda. Kazi yake ya kusimamia warembo wa miss Tanzania ndio ilimpa jina sana. Sura yake haikuwa ngeni kwa baadhi ya wafuatiliaji wa mashindano ya ulimbwende. Taarifa juu ya John kuwa hoi na kulazwa hospitali ya Amana usiku wa manane sasa ikawa imeshamfikia mkewe Janet. Janet alipokea simu kwa mtu asiyemfamhamu lakini alijitambulisha kwa jina moja tu kuwa ni Daktari katika hospitali ya Amana, ndipo na simu nyingine kutoka kwa baadhi ya marafiki zake na john zikaendelea kumiminika kumpa taarifa juu ya mumewe. Akili ya Janet moja kwa moja ilihamia kwenye ajali, Alijua ni wazi John atakuwa amepata ajali ya gari kwa sababu tabia ya mumewe kuendesha gari huku amelewa ni tabia yake ya kila siku. Haraka haraka Janet akaingia jikoni nakutengeneza uji wa ulezi aliokuwa akiupenda sana mumewe kisha akapika ndizi zikawa laini sana akavipaki, halafu akampitia rafiki yake wakaribu, Mary na safari ya kuelekea hospitali ya Amana kwa kutumia teksi iliyowatoa magomeni ikaanza.

“..Kwani jana hakukupigia simu alipotoka kazini..??”

“..Hapana..!!, yaani nashangaa tu leo kupigiwa simu, Namimi nilishamkatazaga haya mambo yake ya kuendesha gari huku amelewa ona sasa yaliomtokea..!!”

“Janet usisimeme hivyo jamani..!!, yaani badala umsikitikie na kwenda kumpa pole wewe kabla hatujafika umeanza kumsemea vibaya..!! usifanye hivyo mpendwa..!”

“..Hapana Mary..!!, John amezidi..!!, kwanza kutwa ni wasichana utafikiri hana mke..??, na hiyo mipombe yake ndio kabisaa..!!”

Janet alikuwa bado anahasira. Njia nzima kuanzia kwenye teksi waliokodi yeye na mwenzanke Mary, alikuwa akimsemea vibaya John.

“..Yaani Mary, mie nimechoka.., nimechoka.., ni bora angekufa tu nikajua sina mume kuliko anavyonifanyia.. wewe rafiki yangu na ni kama ndugu tena wa muda mrefu unajua sana matatizo ambayo ninayo ya kutokuzaa.., sasa John ndio amechukulia ni jambo la kumkosesha raha ya maisha wakati watu wengine wanaishi vizuri kwenye ndoa zao.

“..Ndio Janet..!!, Lakini John..?? , MMmhh..!!!”

“..Na jana nilipewa ushaurii juu ya ya tatizo letu nikaambiwa kuwa inawezekana sana tukapata mtoto wa kupandikiza. Sasa ndio nilikuwa nataka nije tushauriane ona alichokifanya kapata ajali huko na Malaya zake..”

Njia nzima ilikuwa ni ya Janet kuongea huku Mary akiwa kimya kwa kumuitikia. Haikuwachukua muda wakawa wamefika hospitali ya Amana, alimkabidhi yule dereva teksi pesa yake kisha akachukuwa simu nakuanza kupiga zile namba alizopigiwa na Dokta.

“..Samahani Dokta..!!, Nimeshafika hapa Amana na nilikuwa namuulizia Mume wangu ambaye umeniambia yupo hapa hospitali kalazwa..”

“..Anhaa.., nyosha na njia ya kuingilia hapo getini moja kwa moja kama unaelekea mochwari angalia wodi ya pembeni yako unayotizamana na hiyo mochwari halafu ungie hapo.., Ingia mpaka kwenye kitanda namba 26 ndio utamkuta hapo..”

Ramani yote aliyopewa na Daktari sasa ikawa imeshahamia ndani ya halmashauri ya kichwa cha Janet. Janet alikuwa rahisi sana kunasa kitu. Sasa akawa njia moja na rafiki yake Mary huku wanaangaza huku na kule wakisoma namba za pembeni mpaka wakafikia namba waliotajiwa yaani namba 26. Watu waliokuja kumtembelea walikuwa ni wengi japo si sana. Janet alimkuta mumewe katika hali ambayo haikuwa nzuri kwani mwili wake kuanzia sehemu za usoni ulikuwa umemvimba sana japokuwa hakuwa na majeraha yeyote. Alichokifanya Janet ni kushusha kapu ambalo alikuwa amebebea vyakula na kisha akachukuwa mkono wake wa kulia na kumshika John maeneo ya usoni kuanzia mashavuni mwake. Uzalendo ukaanza kumpotea kabisa Janet, Akasahau yale yote aliokuwa akimlaani mumewe njiani na sasa akawa kama kuna kitu kimepungua katika mwili wake. Janet alijihisi kuchanganyikiwa ghafla, machozi ya hasira sasa yakaanza kupenya ndani ya uso wake huku akijihisi kama amepigwa ganzi.

“..Mume wangu nini kimekusibu..??, Kwanini lakini ..?? Na kwanini hukunipigia simu wewe wakati unatoka kazini..??? Kwanini..??? Ona sasa ulivyokuwa..??”

Maneno ya taratibu naya majonzi yakaanza kumtoka Janet huku akimsema mumewe John aliyekuwa bado katika usingizi, alilalamika sana kiasi cha kila mmoja aliyekuja pale kumshangaa. Muda wote huo John alikuwa bado hajahamka.

“..Amka basi Mume wangu unijibu maswali yangu..? Amka John wangu..??, Nakupenda sana Mume wangu..!!, Amkaa japo ule.., Amka John.., Mimi ni wako milele kama tulivyoahidi kanisani wakati tunafunga ndoa.., Amka nikulishe Mume wangu..??”

Taratibu John akaanza kufungua jicho lake moja na baadaye likafuatia jngine na sasa akawa anaangaza huku na kule nakushangaa watu waliokuja kumuona..

“..Mke wangu yuko wapi..? Angel wangu yupo wapi nimesema..??”

John alishtuka nakuanza kumtaja Angel hali iliowafanya kila mmoja wa marafiki zake kumshangaa hadi mkewe wakajua atakuwa amechanganyikiwa na kukosea kwa kumtaja Angel badala ya mkewe Janet. Akili ya Janet sasa ikawa ni kuhakikisha mumewe anajua kuwa yupo pale nakuwa amrekebishe mumewe asimtaje Angel amtaje Janet.

“..Mume wangu..??, nimekuja ni mimi Mkeo Janet.., amka ule..??”

“..Hapana najua wewe ni Janet lakini namtaka Angel wangu sasa hivi..”

“..Angel ndio nani..??, kwanza Angel hayupo hapa yupo kwao hukoo..!!”

Janet alijikaza bila ya kujua angel anayezungumziwa na John hivyo akaona kama amemdanganya atatulia tu.

“..Jamani sitaki mivyakula yenu namtaka Angel nimesema..??, Kwanza Alice nayeye amepona..?? yupo wapi..??”CHANZO:  https://deusdeditmahunda.blogspot.com/

Hasira kali zilizoambatana na wivu ndani yake zikaanza kujijenga kichwani mwa Janet, Ule uvumilivu aliokuwa ameuonesha toka mwanzo ukawa sasa umeisha. Aliona dunia chungu kwa muda, Hakuamini kama Mumewe John yupo siriazi kwa kutaja hao wanawake asiyewajua hata kwa sura. Alifikiria mengi sana mpaka akajiona hana thamani hata kwa mwanaume yeyote, aliamini kila rafiki yake aliyekuja kumtembelea atakuwa anajua matatizo yake ya kutokuzaa hivyo hata hao anaowataja John watakuwa wanamjua ila wanamficha tu. Sasa akaamua kujishusha kama mwanamke aliyefundishwa na wazazi nakuanza kumbembeleza John ale kwa mara nyingine.

“..Mume wangu John..!!, kula basi halafu ndio uongee hayo mambo mengine..!!”

“..Hivi hamnisikii heee.., wewe nimesema sikutaki tena maishani mwangu, na ni mmoja tu aliokuwa amebeba mimba yangu na nilimpenda sana, Angel..!! Yes! Angel..!! nipelekeni nikamuone..”

John hasira zilimpanda zaidi akachukuwa bakuli ambalo tayari Janet alikuwa amemimina zile ndizi na kumwaga chini, Kisha akajitoa ile dripu aliokuwa amefungwa nakuinuka.

“..Haya namtaka Angel wangu sasa hivi..??, Na pia nataka nimuone Alice..??”



*********

Ule uvumilivu ambao ulikuwa ukioneshwa na marafiki zake na John na hata wafanyakazi wenzake sasa ukawa umefika ukingoni. Walijitahidi sana kumvumilia nakumuona kama mgonjwa, sasa ikawabidi waingilie kati ugomvi ule aliokuwa ameuanzisha John mule wodini.

“..Hivi John rafiki yetu..?? Uko sahihi kweli kwa unachokinena mbele ya mkeo.. hivi unajua thamani yake wewe..? Si mkeo wa ndoa huyu..”

“..Hata kama mke wa ndoa jamani lakini siwezi nikaponeshwa hiki kidonda ambacho kimenitokea cha kuondokewa na Angel..??”

“..Angel..? Angel ndio nani..??, Maana sisi kama wafanyakazi wenzako tunamtambua Janet kama mkeo na hata kwenye nyaraka zote za kwako za ofisini zinamtambua mkeo kama mrithi wa vitu vyako japokuwa bado huna mtoto..”

Akili ya john sasa ikawa kama imeaza kuelewa kitu gani anachosemeshwa, Japo alinyanyuka alijikuta mwenyewe akirudi tena mpaka chini kukaa kitandani huku akichukuwa mkono wake na kumshika mkewe Janet. Alimuangalia mkewe kwa jicho la aibu na kukaa kimya kwa muda kisha.

“..Nakupenda sana Mke wangu..!!”

“..Nakupenda pia Mume wangu..!!”

Mwili wa Janet ulijihisi kusisimka, Alimwangalia rafiki yake Mary waliokuja naye kwa tabasamu. Aliifananisha siku hii kama ile siku yake ya ndoa walipokuwa wakifungishwa kanisani na mchungaji. Kitendo cha kuchukuwa chombo kingine na kumuwekea tena uji mumewe alifananisha na tukio la kuchukuwa pete na kumvalisha John. Moyo wa Janet haukuwa tayari kuvunjika haswa kwa mtu ambaye hata hamfahamu. Jina la Angel sasa likawa limemfutika John ghafla. Alijihisi kuwa na ganzi ya muda, kila akinyosha shingo yake kuwaona wageni waliomtembelea ndipo na akili yake ikawa inafanya kazi vizuri.

“..Haya kunywa basi Mume wangu,,”

“..Sawa nipe taratibu tu..”

John alikubali kupokea vijiko vya uji kutoka kwa mkewe Janet nakunywa. Hakuwa mbishi tena kama alivyokuwa hapo awali. Kila mmoja aliyekuja hapo kumtembelea alikuwa na sura ya tabasamu kuona John akiwa katika hali ya furaha na amani kwa mkewe. Alipomaliza kunywa uji tu, Bosi wake aliyekuwepo pembeni akamkabidhi bahasha ya kaki iliyokuwa na kiasi kidogo cha pesa ndani yake kisha akamuaga. Muda wote Mary jirani yake na Janet alikuwa pembeni akimsubiria Janet waondoke lakini haikuwezekana kuongozana naye tena.

“..Janet..??, wacha na mimi niwahi nyumbani kupika si unajua sijaandaa chochote na watoto niliwaacha wameenda shule..”

“..Haya mimi acha niwe karibu na mgonjwa wangu, tutaonana huko huko nyumbani shosti..”

“..Haya baadaye, shemeji..??”

“..Naam..!!”

“..Ugua pole shemeji wangu nitakuja kukuona jioni au kesho asubuhi sana..!!”

“..Ok ahsante kwa kuja..!!”

Watu karibu wote walikuwa wameshaondoka, na sasa John alibaki kitandani na mkewe pembeni huku akimfariji. John alijihisi ni dhambi nyingi sana anazo kwa kumtendea mke wake katika kipindi cha nyuma. Wazo la kumng’ang’ania Angel na kumtaja ovyo akaliyeyusha ghafla. Ni kama aliendewa kwa mganga kwa muda maana alivyomsahau ghafla hata hakutaka kuamini. Alijipa moyo na kuhaidi kuendelea kuwa na mkewe milele.

“..Sasa Alice atahudumiwa na nani..?? Nndio inabidi niachane na Angel kwanza ameshafariki lakini nitakuwa na dhambi endapo nitamtelekeza na Alice.. Hapana hapa haiwezekani..??”

John alijikuta akiusemea moyo huku akimfikiria sana Alice. Alikuwa katika dimbwi kubwa la mawazo, Alishinda kabisa jinsi ya kumuanza mkewe juu ya Alice kwani ni lazima angemtaja Angel ambaye walizua ugomvi muda mfupi uliopita. Alijitahidi kujikaza na kuvumilia mpaka muda ambao Daktari alikuwa akiwapitia na kuwajulia hali ndipo John akanyanyua kinywa chake na kuuliza.

“..Samahani Dokta..??”

“..Bila samahani mgonjwa uliza..??”

“..Jana nilikuwa naamuulizia yule mgonjwa wa kike niliyekuja naye usiku wa jana..”

“..Annhaa..??, ndio wewe kumbe..?”

“..Ndio mimi Dokta..!!”

“..Yule binti kajitahidi kutuelekeza lakini tumeshindwa kukufahamu vizuri kama ni wewe ndio uliokuwa na yule. Kwa maana mlipokelewa na manesi wa zamu wengine ambao kwa sasa hawajafika mpaka usiku ndio zamu yao ikabidi tusubiri wakija hiyo usiku ndipo waweze kukutambua.. Aisee umefanya jambo la busara sana.. sasa..”

“..Ndio Dokta..”

“..Kwa sababu yule binti hakuwa na tatizo sana zaidi ya kuishiwa pumzi hivyo mpaka kufikia alfajiri hali yake ilikuwa safi na alikuwa akipumua vizuri tu na kwa sasa tumemuacha apumzike tu huku akisubuiri ndugu zake waje kumchukuwa..”

“..Ndugu zake ndio sisi Dokta..?””

John alijibu kwa haraka haraka hali iliyomfanya Janet kutokuelewa kitu na kuona kama John ameanza tena kuchanganyikiwa kama hapo awali alivyokuwa akifanya. Kitendo cha kusema ni ndugu yao wakati hata kwa sura Janet hamfahamu huyo binti anayezungumziwa ilikuwa ni fumbo kubwa sana kwa Janet.

“..Ngoja nikamchukuwe nakumleta sasa hivi..!!, wala msiwe na shaka..”

Yale maneno ya Dokta yalimfanya Janet amuangalie mumewe John kwa jicho la ukali na hasira ya hali ya juu, Japokuwa walibaki wawili tu pale kitandani lakini tayara Wivu ulikuwa umekizunguka kichwa na mwili wake kwa ujumla, Janet alikuwa na wivu sana katika suala zima la mapenzi. Alijua ni wazi watakuwa ni visichana vyake ambavyo John hutembea navyo pindi amelewa hivyo mara ya mwisho watakuwa walikuwa wote wakinywa na mpaka wakapata ajali. Hakutaka kuropoka wala kufanya ugomvi lakini duku duku ambalo lilimkaa moyoni alikuwa akitaka kulitoa..

“..John Mume wangu..??”

“..Eenhee niambie mpenzi..”

“..Samahani lakini Mume wangu kma nitakuwa nimekukosea..”

“..Bila samahani niambie tu Mke wangu..”

“..Eti..??, huyo Binti aliyeenda kuletwa na Daktari ni nani kwako..??”

Janet alionesha kujiamini kwa kumuuliza John huku akimtolea macho kwa msisitizo akitaka ajibiwe juu ya huyo Binti. Kwa kujiamanini John alimuelezea vyote kuhusiana na mchezo mzima aliokuwa akiufanya juu ya Angel mpaka alipokuja kujuana na Alice ambaye ndiye mdogo wake na marehemu Angel. Janet alisikitika sana kwa mimba ambayo alikufa nayo Angel. Aliona mumewe anamakosa sana lakini akaapa kutoka moyoni mwake kuwa amemsamehe na kuahidiana kamwe haitakuja kutokea tena kitendo kama hicho cha aibu. Sasa Janet ana John wakarudi kama zamani kama Mke na Mume waliokamilika na kwa muda huu walikuwa pamoja huku John ameegemea katika kitanda cha wagonjwa wakimsubiria Alice ambaye alienda kuchukuliwa na Daktari. Muda wa dakika takribani kumi zilimtosha Dokta kwenda na kurudi na Alice, hakuwa amevaa mavazi yake ya jana yake usiku sababu yalilowa sana na damu hivyo alikuwa amevalishwa mavazi spesho ya hospitali na sasa alkuwa ameshikwa mkono na Dokta huku wakikaribia eneo ambalo alikuwepo John na mkewe.

“..Alice.. hujambo..? ”

“..Sijambo kaka shikamoo..!! , Shikamoo Dada..”

“..Marhaba!!, Vipi unajisikiaje..”

“..Hapana sina tatizo tena kaka.., najisikia vizuri tu..”

Alice alijibu kwa uoga huku akimtolea macho Mke wake John bila ya kumfahamu kama ni mke wa John au la!. John Alimpokea vizuri Alice na kisha Dokta yule akaondoka hivyo wakabaki watatu. Kikao kifupi ambacho John alikitengeneza cha yeye Mkewe na Alice kilikuwa jibu tosha kwa Janet kumfahamu Alice. Alimsikitikia sana na kuahidi watakuwa pamoja katika kumsaidia Alice. Japo Alice alikuwa bado katika majonzi ya kuondokewa dada yake lakini Alice alijiona tena mwenye bahati ya mtende baada ya Janet na John kuafikiana kumsaidia Alice kwa hali na mali mpaka mwisho wa maisha yake.



******



Muda wa mwezi ukawa umekatika kwa Alice kumsahau Dada yake Angel. Kwakuwa Angel hakuwa na ndugu yeyote hapa Dar na wala hakukuwa na mtu aliyepafahamu nyumbani kwao Kigoma hivyo ikabidi azikwe chini ya Manispaa na zoezi hilo lilifanyika kwa haraka nakuhuduriwa na Alice, Janet na John tu. Alice alijitahidi kusahau lakini ilikuwa ni vigumu kidogo. Mali zote ambazo Angel alikuwa nazo zikawa chini ya Alice. Ni John pekee ndio alitoa wazo la kuziondoa mali zote nakuzihamishia kwake na pia kuishi na Alice kwakuwa alikuwa ndio kwanza ana miaka kumi na nane na hakuweza kujitegemea mpaka angekuwa na mtu au anafanyakazi. Wazo hilo lilipokelewa na Alice bila kizuizi chochote na sasa akawa chini ya familia ya John na mkewe Janet. Furaha yake ya maisha ikarudi pale pale kwa kuwa janet hakuwa na uwezo wa kuzaa hivyo alimchukulia Alice kama mtoto wake wa kumzaaa. Elimu yake ya darasa la saba aliyosomesha na Baba yake miaka ya nyuma haikukidhi kabisa kuelewana na mtu yeyote msomi. Hivyo John alikuwa bega kwa bega katika kumsaidia Alice na kitu alichokifanya ni kumpeleka kozi ya kiingereza kisha akampeleka kujifunza kompyuta. Sasa Alice akawa siyo Alice yule wa zamani. Uzuri wake ukaongezeka maradufu. Aliijiheshimu sana mbele ya John na Janet kwakuwa aliwachukulia kama wazazi wake wa kumzaa. Kazi aliyokuwa akiifanya John ya kusimamia walimbwende wa Tanzania sasa ikawa imehamia kwa Alice. John alitaka Alice ashiriki mashindano hayo.

“..Alice mwanagu..??, nahitaji ushiriki katika Miss Tanzania mwaka huu..??”

“..Kweli Dady..??”CHANZO:  https://deusdeditmahunda.blogspot.com/

“..Ndio kwani nakuona kwa sasa unafaa na unaweza kushinda na ukafika mbali sana tu..”

“ ..I love you Dady wangu..!!”

“..Hivi ukiwa kama mrembo anayeiwakilisha Tanzania mwanangu vitu gani utavifanya..??”

“..Kwanza kabisa kama shughuli ambazo huwa zinateuliwa za kusaidia jamii, nitahakikisha nimeisaidia jamii yangu kwa asilimia kubwa tu na malengo yangu haswa ni kusaidia wanawake wasiojiweza hapa namaanisha vikongwe. Ujue nini Baba..? Serikali yetu inawasahau sana hawa watu sasa mimi nitakuwa bega kwa bega kuhakikisha wanapata huduma zinazostahili..”

John alibaki akitikisa kichwa akishangaa kwa maneno ambayo Alice akiongea, hakuamini kama Alice huyu anayemjua ndio anaongea ama ameambiwa na mtu mwingine. Ilimbidi amtege tena.

“..Eenhee mwanangu na kitu gani kingine utakifanya ukiwa kama mrembo anayewakilisha hapa Tanzania..??’

“..Natamani sana kuwasaidia vijana wenzangu ambao wamepoteza mwelekeo wa kimaisha, hapa naamaanisha kwa wakiume na wakike. Kuna Dada ambao wameshakata tamaa ya kuishi na hata wengine wameishia kujiuza miili yao na wengine kuhamia kwenye madawa ya kulevya. Ujue Baba sisi wanawake ndio tunaonewa na kunyanyaswa sana haswa tunapoingia katika suala zima la ndoa, Wanawake tumekuwa hatuthaminiwi nakupewa haki zetu za msingi hivyo basi nikiwa kama mrembo atakayeiwakilisha Tanzania nitahakikisha nakuwa sambamba na taasisi ambazo zinajishughulisha na masuala haya ya kusaidia wanawake ili kuweza kutokomeza tatizo zima la kunyanyaswa. Na kuhusu wanaume napo vijana wenzangu wengi sana wamepotea haswa kwa kufuata mikumbo wanajikuta mwisho wa siku wana ingia katika biashara za kuuza madawa na hata wengine kuyatumia na mwishowe kuwa mateja na hata kupoteza nguvu ya taifa..”

John sasa akawa ameshusha pumzi zake kwa maneno ya ushawishi ambayo alikuwa akiyatoa Alice. Hakutaka kuamini hata kidogo kama aliyekuwa akizungumza naye ni Alice kweli ama mwingine lakini ikabidi aamini ukweli aliokuwa akiushuhudia mbele ya macho yake.

“..Sasa mwanangu si unajua mashindano haya huwa yanaanzia ngazi za mikoa lakini kwa hapa Dar yamegawanyka kwa wilaya hivyo kuna mkuu mwenzangu anasimamia kanda ya chang’ombe na wewe ndipo utakapoenda kugombea huko, haina wasiwasi kuhusu ushindi kila kitu tutaweka sawa cha msingi onesha kujiamini tu mwanangu..”



..sawa Baba nakuhaidi sintokuangusha, Wewe mwenyewe utajionea, naweza Dady niamini kwa hilo, naweza na tena napenda sana..”

John alionesha tabasamu kwa kukubaliana na Alice. Kuanzia sura umbo na hata muondoko ulimthibitishia kuwa Alice anafaa kujiunga na mashindano hayo. Siku nzima ikawa ni furaha sana kwa Alice, alijihisi ndoto zake za miaka ya nyuma juu ya maisha yake sasa zinaenda kufanikiwa. Alijihakikishia Tanzania nzima na dunia kwa ujumla iweze kumtambua mchango wake na kumjua yeye ni nani katika jamii. Hata Janet mke wa John alihafiki kitendo cha Alice kujiingiza rasmi katika mashindano ya kumtafuta mrembo wa Tanzania. Baraka zote alizopewa Alice zilizidi kumuweka katika hali tofauti. Alifanya kazi zote kwa bidii, hakutaka kamwe amuuzi Janet wala John katika maisha yake kwani ndio walikuwa walezi wake kwa sasa.

*****



Hoteli ya Rozalimo iliyopo Bagamoyo mjini ndio sehemu ambayo kuliwekwa kambi warembo waliokuwa wanachuana kanda ya Chang’ombe. Takribani washiriki ishirini na mbili walikuwa wakijichua haswa kwa mazoezi mbali mbali na hata muda mwingine walikuwa wakitoka kambini na kutembelea taasisi mbali mbali zinazosaidia jamii. Pia walipata fursa ya kuona baadhi ya makampuni ya kutengeneza vinywaji kama vile kampuni ya Bakhresa. Kila mmoja alionekana kuwa karibu na mwalimu ambaye alikuwa akiwafundisha mbinu mbalimbali jinsi ya kuwa mshindi. Maswali na majibu mbali mbali ambayo yalikuwa yakitolewa na baadhi ya washiriki kwenda kwa mwalimu wao yalikuwa yakijibiwa kiufasaha. Warembo wote walikuwa ni wazuri na wenye sifa za kukubalika kuliwakilisha Taifa hili la Tanzania. Miongoni mwa warembo hao alikuwepo Alice Majaliwa akifuatilia kila pointi aliokuwa akiitoa mwalimu wao huyo. Alice alikuwa mdadisi sana na mwenye kutaka kujua mengi na hali hiyo ilimfanya hata baadhi ya warembo wenzake kumchukia na kumuona kwamba anaringa sana.

“..Sasa mwalimu kwa mfano ukitaka kutoa misaada unafanyaje sasa mpaka unakutana na vyombo vya habari ili wajue kuwa unawakilisha kitu..??”

“..Safi sana Alice..!! Ni kwamba ukiwa kama mrembo unaowakilisha nchi, Ni dhahiri kwamba vyombo vya habari vinakuwa karibu yako. Hapa namaanisha kuwa utakuwa na ofisi yako ambayo itakuwa inaratibu shughuli zako zote ikiwa ni pamoja na safari zako na hata misaada utakayokuwa unapeleka..”

“..Na je mwalimu..? kuhusiana na skendo ambazo huwa zinatolewa na magazeti ya udaku, hiyo unakabiliana nalo vipi kama mtu anakuwa mrembo wa kuliwakilisha Taifa..??”

“..Ukiwa kama mrembo unayewakilisha Taifa lako kwanza kabisa unatakiwa usiwe mtu wa kuruka ruka na wanaume na hata kuolewa mpaka kipindi chako kiishe, pili ni lazima upewe ulinzi. Hapa namaanisha kuwa utakuwa na mawakili wako au wakili wako ambaye atakuwa bega kwa bega na wewe katika kuhakikisha hayo mambo hayatokei na hata wakati mwingine sisi kama waratibu wa mashindanno hayo huwa tunahusika kuingilia kati tunapoona mrembo amechafuliwa jina..”

Alice alionekana kuridhika kwa maswali, na sasa akawa anatamani sana siku yenyewe ifike ili awadhihirishie watanzania kwamba anaweza kufanya yale yanayotakiwa hata kuikwakilisha nchi. Alice alikuwa hajui kuogelea lakini alijua huko huko kambini. Viatu virefu wala nguo fupi hakujua kuvivaa lakini kutokana na mashindano yalivyo na huko kambini ilibidi kujua kuvaa hivyo ili aendane na mazingira. Michezo mbali mabali ya ufukweni ilimfanya ajione mtu tofauti sana hapa duniani. Akili yake yote ilikuwa siku ya kutangazwa mshindi wa Miss Chang’ombe na Tanzania kwa ujumla. Mazoezi yake binafsi ambayo alikuwa akijifanyia baada ya kufundishwa na mwalimu yaliufanya mwili wake kuwa mwepesi na hata kuwa na pumzi ya kutosha. Alijitahidi sana kuwa anaongea mbele ya wenzake ii kumuondolea woga siku ikifika kama atahojiwa mbele ya umati. Mawasiliano na wazazi wake wakufikia yaani John na Janet yalikuwa karibu na mara zote John alikuwa akimpa moyo na kumuhaidi mengi mbeleni na kumuhakikishia kwa asilimia zote kuwa ni lazima atashinda ila kinachotakiwa kwake ni ushiriki na wenzake ili isije kuonekana kuwa wamepanga matokeo.Wiki mbili zilitosha kabisa kwa warembo wanaowakilisha Chang’mbe kuweka kambi katika hotel ya Rozalimo huko Bagamoyo. Basi ambalo liliwachukuwa mara ya kwanza sasa likawa limekuja kuwachukuwa moja kwa moja na kuwapeleka katika ukumbe wa TCC chang’ombe ambapo mashindano hayo yalifanyika. Kila mmoja alikuwa na hofu ya kushinda, kwa upande wa Alice naye alikuwa na hofu lakini kwa mavazi ambayo yalibuniwa na Abduel Urassa alijiona hamna mtu wa kuweza kumfikia. Muziki mkubwa uliokuwa unatokea ndani ya ukumbi ulitetemesha sana mioyo ya warembo wakijihisi sasa wanaelekea kifungoni ama kushinda ama kubaki uraiani. Ni wawakilishi wawili tu ambao watatakiwa kutoka katika kanda hii ya Chang’ombe kwenda kuwakilisha mashindano makubwa tena ya Miss Tanzania. Waliposhuka tu pale ukumbini warembo wote walienda nyuma ya jukwaa kuu na baada ya hapo wakavalishwa tisheti za wadhamini wa mashindano na kuelekea jukwaani kujitambulisha. Walipofika jukwaani kwanza warembo wote walicheza kwaito na kisha wakarudi nyuma ya jukwaa tayari kujiandaa mmoja mmoja kuanza kuonesha mavazi yake. Alice alijihisi woga umeanza kumpata, Mwili wake ulikuwa kama umemwagiwa maji ya baridi ghafla huku midomo yake ikimtetemeka, Alijihisi kama amerogwa ghafla kwani kichwa kilianza kumzidia, haraka haraka alimwomba mwalimu wake aelekee chooni mara moja kujisaidia.

“..Eeeh Mungu baba.., nitazame hapa nilipo weza kunilinda Baba, nitolee hali yote ya hofu, Baba tazama haya ndio maisha yangu na nikishindwa hapa sintokuwa na kitu kingine Baba, Mungu Baba nioneshe njia, niponye kichwa changu ambacho kimeanza kunisumbua, tazama Baba bado natetemeka, sitaki kushindwa, sitakiiii..??, nakuomba nioneshe njia, Ameeen..!!!”

Alice alisali sala fupi chooni kisha alipomaliza aliizima simu yake nakurudi nyuma ya jukwaa.

“..Mbona umechelewa sana Alice..”

“..Nilizidiwa mwalimu.., nilibanwa na haja..”

Alice alidanganya huku akimtolea macho mwalimu wak e alionesha kuchukizwa kidogo na tabia ya Alice kuchelewa kurudi chooni wakati mashindano yameanza.

“..Haya mavazi yako ya jioni yapo tayari..?? kwani muda si mrefu itakuwa zamu yako kupanda jukwaani..”

“..Ndio yapo tayari mwalimu..”

“..Haya yavae haraka si unajua namba yako ya pembeni hiyo ni namba sita na sasa hivi ameenda Rosemary mwenye namba tano. Jitahidi uvae haraka upande jukwaani Alice…??”

Mwalimu wa alice alikuwa bega kwa bega kumuwaisha Alice afanye haraka. Haraka haraka Alice alivua na kubadilisha zile nguo ambazo zilikuwa zimebuniwa na mbunifu chipukizi hapa Tanzania, Abduel Urassa. Alice alikuwa tayari kwenye Vazi hilo la jioni la rangi ya kijani lililopambwa kwa manyoya ya mng’aro yenye kuwaka waka mithili ya taa za rangi nyingi. Tabasamu alilolionesha mbele ya umati wa watu alipopita Alice lilihamsha hisia za makelele kila mmoja kujikuta akipiga shangwe kwa furaha. Lile vazi lilikuwa limemkaa Alice vilivyo kwani lilimbana nakumonesha umbo lake halisi ikiwa ni pamoja na umbo la namba nane. Majaji walibaki bize kwa kumpa maksi kupitia karatasi zao.

“..Mpeni ushindi tu huyooo, wengine wanajikongoja..??”

Aliropoka mmoja wa kina Dada ambaye alikuwa akihudhuria hali iliyochochoe zaidi kelele zilizoambatana na vigelele huku Alice akigeuza na kupishana na mrembo mwingine. Muda wakuonesha mavazi yote muhimu ulikuwa umeshakatika, onesho lilihudhuliwa na watu takribani hamsini na mgeni rasmi alikuwapo mheshimiwa Joseph Kazindaki mkuu wa manispaa ya Ilala. Na sasa mheshimiwa Joseph Kazindaki akawa kwenye meza kuu akifuatilia kwa makini Majaji wanachozungumza. Homa na presha za hapa na pale zilikuwa zimeshawatawala washiriki wote wa Miss Chang’ombe. Wote walikuwa wamepanga mstari sasa kujua nani atatangazwa mshindi wa kwanza na nani atakuwa wa pili na hata wa tatu. Alice muda wote alikuwa kimya huku akijiamini kwa asilimia zote mshindi ni yeye wala hakuwa na mpinzani licha ya kuwa aliambiwa atapitishwa moja kwa moja kuwa mshindi. Alijitahidi kuliangalia jukwa a lote japo kumshuhudia Baba yake wa kufikia John lakini alishindwa kumuona zaidi ya kumshuhudia Janet mke wa John. Jaji mmojawapo alisimama na kuanza kumtaja mshindi wa tatu na wa pili ambapo Alice hakuwepo kati ya hao, hali iliyowakosha mashabiki kufura kwa furaha ukumbi wote. Na sasa yule Jaji akamkabidhi bahasha ya mshindi wa kwanza mhesimiwa Joseph Kazindaki kumtangaza mshindi wa shindano la Miss chang’ombe kwa usiku huu.

“..kabla ya yote ningependa kutoa shukrani zangu za dhati kwa kuweza kualikwa kuwa mgeni rasmi katika mashindano haya ya kumtafuta mrembo wa Chang’ombe ambaye ataenda kugombea kuiwakilisha Tanzania. Ni matumaini yangu waote walikuwa wazuri na walivaa mavazi mazuri ambayo kila mmoja yalimvutia. Siku zote kwenye mashindano kuna kushinda a kushindwa na asiyekubali kushindwa si mshindani kabisa.. Labda nisiwapotezee muda sana kwa kuwa kila mmoja ana hamu ya kujua nani atakuwa mrembo mpya wa mwaka huu atakayeiwakilisha vilivyo katika kinyanganyiro cha Miss Tanzania na Dunia kwa ujumla..”

Warembo wote ambao hawakutajwa wakawa kimya ikiwa ni pamoja na Alice. Wote walikuwa wakimuangalia mgeni rasmi kwa jicho la hofu huku wengi wao sura zao zikipambwa na tabasamu pana la kujua kuwa watakuwa washindi. Mapigo ya moyo ya Alice sasa yakawa yanaenda mbio baada ya yule mgeni rasmi kuchelewesha kutaja matokeo. Maongezi mengi aliokuwa nayo mgeni rasmi yalimfanya Alice azidi kutetemeka.CHANZO:  https://deusdeditmahunda.blogspot.com/

“..Na mshindi wetu usiku wa leo ni…, Mshindi wetu ni.., Nasema hiiivii mnanisikia wote”

“..Ndioooooooooo…!!!”

Ukumbi wote ukajibu kwa mbwembwe na miruzi

“…Mshindi wetu wa usiku wa leo ni ni niii…. AISHA SULEIMAN…”



*****************



Ukumbi wote ulinyamaza kwa muda wa dakika mbili nzima. Kila mrembo aliyekuwa akishiriki alibaki kutoa macho na mdomo kuuachia wazi kwa mshangao. Hakuna hata mmoja aliyeamini matokeo yaliotajwa na mheshimiwa Joseph Kazindaki. Alice alijihisi kulegea mwili mzima na hata alijihisi tayari mkojo umepenya katika chupi yake ya ndani. Majaji walibaki kutazamana peke yao huku wakichekelea kutolewa jibu la mshindi.

“..Mbona mmenuna sasa..?”

Mheshimiwa Kazindaki alibaki akiwaambia tena wageni wote waliokuwa wamejitokeza kushuhudia mtanange huo wa kumtafuta mrembo atakayeiwakilisha Chang’ombe katika mashindano mengine ya Miss Tanzania ya mwaka huu. Baada ya kumtaja AISHA SULEIMAN kama mshindi kila mmoja wa washiriki alibaki kumtolea mwenzake macho kwa kumshangaa mheshimiwa Kazindaki kutaja jina la mshindi ambaye hata hawamjui na hakukuwa na mshiriki katika shindano hilo mwenye jina la AISHA SULEIMAN. Kila mmoja alionekana kumnong’oneza mwenzake kuwa mheshimiwa kachemka. Baadhi ya wafuatiliaji wakawa wameshaligundua hilo tatizo na sasa kilichofuata ni kuanziasha zomea zomea ndani ya ukumbi.

“..Hapana jamani..!!, Hapana hatuendi hivyo..?? Unajua wengi naona mkiguna tu nakushindwa kunielewa, Ni kwamba hakuna mshiriki anayeitwa AISHA SULEIMAN kati ya washiriki wote unaowaona hapa zaidi ya ishirini, Na mimi nimefanya kusudi niwajue mtakuwa na muamko gani..”

Baada ya maneno hayo ukumbi wote ukarudia katika hali ya makofi na vigelegele huku wale warembo walioshiriki, kurudisha hali yao ya kawaida na kuendelea kusisimka zaidi kumsubiria mshindi atatangazwa nani. Sasa Alice akajihisi amepuliziwa feni ghafla katika mwili wake wotr, Lile paji lake la uso ambalo lilishaanza kuvimba sasa likawa laini huku likifanya mashavu kubonyea sambamba na tabasamu zito lenye hamu kubwa ya kumjua mshindi. Akili yote ikawa ni kumtizama Mama yake wa kufikia ,Janet eneo ambalo alikuwa ameketi lakini hakuwepo tena hivyo moja kwa moja Alice akajua huenda alichukizwa na matokeo ya uongo yaliotajwa na mheshimiwa Kazindaki.

“..Na sasa namtaja mshindi mwenyewe ambaye ndiye atakayetuwakilishia hapa Chang’ombe katika mashindano ya kumtamfuta mrembo wa Tanzania. Namleta kwenuuuu ALICE MAJALIWA..”

Hakuna aliyeacha kupiga kelele. Alice alikuwa na haki zote za kushinda kutokana na sifa zote alizokuwa nazo. Washiriki wenzake waliokuwa wamesalia waliafiki matokeo bila ya kipingamizi chochote. Alice alivyotajwa tu alijikuta mwili wote unamsisimka Alichukuwa mikono yake na kuufumba mdomo kwa furaha aliyoukuwa nao. Na sasa moja kwa moja jicho lake likahama kutoka kwa mgeni rasmi aliyemtangaza mpaka katika mlango wa kutokea ambapo jicho lake lilikutana moja kwa moja na Mama yake wakufukia ,Janet akirudi kushuhudia mshindi kwa mara ya pili. Alice alipita kwa mikogo huku akiinyanyua mikono yake kuwapa ishara ya asante kwa washiriki wenzake na wageni wote waliokuwa wamehudhuria. Sasa akawa analetewa taji na aliyekuwa mrembo wa chang’ombe mwaka jana YASINTA HAULE. Alivalishwa kichwani mwake sambamba nakutupiwa maua madogomadogo yenye kumelemeta kisha akapewa kipaza sauti aongee chochote.

“..Kwanza kabisa kabla ya kuongea chochote nakuomba Mama yangu usogee karibu hapa mbele..”

Alice alikuwa na hamu maneno yote ayasikie Mama yake wakufikia Janet ambaye alikuwa amekata tamaa mara ya kwanza alipotangazwa mshindi ni AISHA ASULEIMAN. Janet alisogea kwa ukaribu huku akiyaweka masikio yake sawa tayari kwa kumsikiliza Alice.

“..Napenda kutoa shukrani zangu kwa washiriki wenzangu wote tuliokuwa pamoja kuanzia kambini mpaka hapa kwenye mashindano. Pia nitakuwa mchoyo wa fadhila endapo sitamshukuru mwalimu wangu kwa kuweza kunifundisha mambo mengi sana. Yeye ndiye chachu kubwa sana ya ushindi huu nasema asante sana mwalimu wangu. Shukrani zangu pia ziwaendee waandaaji wote na majaji ambao mmefanya kazi kubwa sana ya kuweza kupambanua mpaka mkanipata mimi Alice kama mshindi. Mwisho wa yote asanteni sana kwa wote mliohuduria na kunipa faraja kila nilipokuwa napita hapa jukwaani najua maisha ni safari na mpaka nilipofika hapa ni kwa juhudi za mwenyezi Mungu tu..”

Alice alishukuru wote kisha akajikuta akishindwa kuendelea na kumwaga mchozi. Si machozi ya furaha peke yake bali alikuwa akilia kwa kumpoteza Dada yake Angel kipindi cha nyuma ambaye yeye ndiye alimfanya mpaka amjue John na hata kufika hapa. Pia alilia sana alipokumbuka maisha yake aliyotoka nayo ya kukaanga samaki na kuwauza na kilichomuumiza sana ni kitendo cha Baba yake kumpiga sana Mama yake na kutoroka hivyo akabaki katika mateso makali ya kubakwa kila kukicha na mzee wake mpaka alipotoroka kwao na kutokomea kusikojulikana. Waandishi wa habari walikuwa sambamba na Alice kwa kumpiga picha mbali mbali za kupamba magazeti yao kesho yake. Zawadi kubwa ya nyumba ikiwa na kila kitu ndani yake ambayo ilitolewa na wadhamini wakuu wa shindano hili sasa wakawa wanamkabidhi Alice funguo wa nyumba hiyo sambamba na hundi ya shilingi milioni mbili. Alice hakuamini macho yake, alitamani sana haya maisha kwani alikuwa akiyaota ila leo hii yamemtokea kweli. Alice akiwa bado kwenye dimbwi la mawazo ya ghafla huku akipokea zile zawadi, Jaji mkuu alichukuwa kipaza sauti na kumpa maswali Alice.

“..Unachagua Kiingereza ama Kiswahili..??”

“..Kiswahili.!!”

“..Sasa ningependa kumuuliza kidogo mshiriki wetu wa mwaka huu AlICE MAJALIWA. Wewe ndiye tuliokuteuwa kama mshindi wa kwanza na pia ndiye utakayeenda kuiwakilisha Chang’ombe katika masindanio haya ya mrembo wa Tanzania embu tuambie unatuahidi yapi..?”

“..Kwanza kabisa nitajitahidi kupigania ushindi huu nilioupta hapa leo huko niendapo. Nitahakikisha nafanya yale yote yanayotakiwa ikiwa ni pamoja na kuibuka mshindi wa kuiwakilisha Tanzania katika mashindanio ya mrembo wa dunia..”

Kile kipaza sauti alichukuwa Jaji wa pili yake naye akatoa swali lake.

“..Unachagua Kiingereza Kiswahili?”

“..Kiswahili..”

“..Swali la kwanza, Utaepukana vipi na skendo ambazo zinawakumba warembo wetu wa hapa Tanzania. La pili kwakuwa warembo wote wanaopita huwa wanajishughulisha na shughuli za kijamii, sasa wewe ukiwa kama mrembo atakayeikwalisha Chang’ombe yetu umepanga vipi kuisaidia jamii yako inayokuzunguka..?”

“.. Labda kwa kuanza na swali lako la kwanza ni kwamba, Nitahakikisha najiepusha na skendo hizi kwa kuwatumia mawakili na hata waratibu wa mashindano haya ya urembo pale linapotokea swala la mimi kuchafuliwa na vyombo vya habari. La pili nitaandaa mipango kabambe kwa ajili ya kusaidia jamii haswa kwa wazee ambao hawajiwezi, mayatima na vijana walioathirika kwa madawa ya kulevya na umalaya..”

Alice alijibu kwa kujiamini hali iliowafanya ukumbi wote uendelee kulipuka kwa shangwe. Baada ya maswali hayo alikaa pamoja na mshindi wa pili pembeni yake na kulia kwake akawepo mshindi wa tatu wote wakipigwa picha na waandishi wa magazeti mbali mbali hapa nchini. Baada ya picha hizo sasa Mama wa kufikia, Janet akawa ameshafika karibu na Alice na kilichofuata walikumbatiana kwa hisia zote.

“..Hongera mwanangu umenipa faraja kubwa sana moyoni mwangu, naamini unaweza na utazidi kuweza mwanangu..!!, ashukuliwe mwenyezi Mungu..”

“..Asante sana Mama yangu mungu yu pamoja nami kila mahali..!! Baba yupo wapi..?”

“..Amesafiri kwenda Mwanza kusimamia mashindano kama haya..”

“..Sawa Mama..!!”

Alice aliongea kwa uchungu huku wakiachiana na Janet. Na sasa ikawa zamu ya Alice kuwaaga baadhi ya washiriki wenzake mbali mbali aliokuwa nao katika mashindano. Aliwaaga majaji, mgeni rasmi na baadhi ya wahudhuliaji waliojitokeza kuangalia mashindano hayo. Alipiga picha na kila mmoja aliyekuwa akihitaji. Tabasamu lake aliliendeleza mpaka wanatoka na gari ambayo ilikuwa imetayarishwa kwa ajili ya kumpeleka mrembo na wazazi wake mpaka kwenye hotel maalum kwa siku mbili ndipo arudi kwao. Usiku huo Alice hakupata kabisa usingizi, Mawazo yake yalikuwa mengi sana. Kila alichokiwaza alikuwa akikikataa. Aliwaza hata hiyo nyumba atakayokabidhiwa akaishi huko lakini wazo lilimfukita kwani Baba yake wakufikia John asingekubali kamwe. Aliwaza kuanzisha mtaji kwa hizo millioni mbili lakini nalo wazo likabaki pale pale katika kulifuta kwani aliamini mtaji hautadumu hata hivyo alijiwekea mashaka ya kutokukubaliwa kufungua chochote zaidi ya kutunziwa pesa zake na wazazi wake hao wa kufikia. Hotel kubwa ya Kilimanjaro Kempinski ndipo alipokuwa amehifadhiwa Alice na Mama yake wa kufikia, Janet. Alice alilaala chumba kimoja na Janet. Usiku kutwa Alice alikuwa sebuleni akiranda randa huku amemuacha Janet chumbani . Hakuweza kupata kabisa usingizi. Nguo za mara ya mwisho alizokuwa amezivaa hakutaka kabisa kuzivua kwani aliamini ndizo zilizochangia kumpa ushindi kwaa usiku ule. Alisogelea mpaka kwenye kioo nakujigeuza huku na kule huku akijiangalia vizui kwa furaha ya hali ya juu. Mpaka inafika saa nane za usiku Alice alikuwa kapitiwa na usingizi sebuleni tena chini kwenye sakafu ya maru maru pale hotelini huku Mama yake wa kufikia akiwa chumbani amelala peke yake. Taa za hotelini zile za kuning’inia zilizokuwa zimedaniwa vizuri kwa urembo urembo sasa zikawa zinatoa mwanga hafifu pale sebuleni, Kuna kipindi mwanga uliongezeka nguvu na kipindi ulipungua. Alice hakuwa anajielewa kabisa, Alikuwa kama mtu aliyekunywa pombe nyingi akalewa. Hata ule mwanga wa zile taa hakuweza kuushudia zaidi ya kupitiwa na usingizi mzito sana. Na sasa ule mwanga ulikuwa umezidi kasi mpaka mwisho na kupasuka pasuka na kudondoka mpaka chini katika lile eneo alilokuwapo Alice. Nyaya ambazo zilikuwa zimeshikana na lile taa kubwa sasa zikawa zimetapakaa baada ya kudondoka mpaka chini. Kutokana na hali ya uchovu wa siku nzima na pilika pilika za mashinano zilizomfanya Alice alale fofofo sasa akawa anajipindua bila ya kuelewa chochote mpaka akajikuta amekumbatia zile nyaya ambazo zilikuwa na shoti ya umeme..

“..Mama nakufaaaaaaa..?? Mama niokeoeeee..??, mamaaa..?”

Alice alipiga sana kelele mule hotelini hali iliyomfanya Mama yake wakufikia Janet atoke mule chumbani na kumfuata hadi sebuleni alipokuwepo Alice. Hakuweza kumuona alipo Alice kutokana na lile taa kuungua na kuanguka hivyo sebule yote ikapamba kwa giza pana.

“..Alice mwanangu, Alice uko wapi mwanangu..?”



Mlango ulivunjwa na wahusika wa hotel baada ya kuhisi kuna tatizo limetokea katika chumba ambacho alilala Alice na Janet. Ule mshindo wa lile taa kubwa lililokuwa limedondoka mpaka chini na kutawanyika nyaya zake ambazo zilimsababishia Alice shoti katika mwili wake hali iliyompelekea kupoteza fahamu kabisa. Wale wahudumu walifanikiwa kuuvunja mlango, Walimchukuwa Alice na Mama yake ambapo wote walikuwa wamezimia na kuwapa huduma ya kwanza kwa kuwasha kiyoyozi kwa spidi kubwa. Ndani ya dakika kumi nzima Alice alikuwa hajaweza kupata fahamu yeyote zaidi ya Mama yake wa kufikia Janet kushtuka.

“..Kafanyaje tena mwanagu..??, Hapa ni wapi..? si nawauliza nyie..??”

“..Tulia kwanza Mama..!!, Hapa mpo hotelini.., Unaona pale..??”

Janet alioneshwa lile taa lilivyoanguka. Alijiziba mdomo kwa mshangao huku akimtolea macho Alice.

“..Niambieni na mwanangu kapona..??, Mwanangu Aice mzima..??, nawauliza nyie Alice mzima..??”

“ ..Mama si unaona bado anapigwa na hicho hapo kiyoyozi huku tukimsaidia kwa kumpepea, Hata na wewe ulikuwa umepoteza fahamu hivyo tumekupepea umepata fahamu. Msubiri atazinduka tu wala usijali..”

Janet alitulizwa pembeni huku akiendelea kupepewa na wale wahudumu wa ile hoteli. Muda wote Janet alikuwa akitetemeka kuanzia midomo mpaka miguu na mikono yote. Alisali taratibu na kwa haraka haraka kumuomba mwenyezi Mungu aweze kufungua njia japo Alice azinduke. Aliona aibu kama hii ataipeleka wapi? Na hata John akijua kuwa Alice amezimia ama amekufa atakuwa mgeni wa nani? Dakika takribani ishirini za kumpepea Alice kwa kutumia kiyoyozi zilizokuwa zikimefikia tamati. Hakukuwa na dalili yeyote ya Alice kuzinduka zaidi ya kuanza kutoka Damu nyingi puani. Kila mmoja alianza kutetemeka kwa hali ambayo ilimtokea Alice ya kutokwa na damu nyingi puani. Baadhi yao walianza kuondoka ili kuepusha lawama huku baadhi yao wakijishuku kwa kuzima kiyoyozi ambacho walihisi huenda kimechangia kusababisha damu nyingi kumvuja kupitia puani. Muda wote Janet alikuwa amezidi kuchanganyikiwa asijue afanye nini kumnusuru Alice zaidi ya kuendelea kumuombea kwa Mungu kupitia sala fupi fupi.

“..Huyu tumpelekeni hospitali haraka anaweza kuwa ametufia hapa hatujui kwani hata na mapigo yake ya moyo si unayaona hayadundi kabisa..?”

Aliongea mmoja wa wahudumu wa ile hoteli huku akimnong’oneza mwenzake kwa sauti ya chini chini ambayo Janet hakujua chochote. Walimfuta Alice zile damu ambazo zilikuwa zinaendelea kumtoka puani kisha wakambeba nakuongozana na Janet mpaka nje kabisa ambapo huwa kuna gari ya msaada wa dharula kwa ajili ya wageni wa hoteli hii ya Kilimanjaro Kempinski. Hospitali ya Regency ambayo ipo pale Upanga ndio lilikuwa jibu sahihi kwa hoteli hii ya kempinsiki kutokana na wateja wao wote na hata wafanyakazi kuwa wakitibiwa hapo. Alice alifikishwa kwa haraka zote kisha akapokelewa kwenye kitanda cha kubebea wagonjwa na kufikishwa kwenye wodi ya wagonjwa mahututi. Mama wa kufikia wa Alice, Janet alionekana kuzidi kuchanganyikiwa kwa kitendo kilichotokea, Alihisi kama ni ndoto tu iliyotokea. Alianza hata kulaani kitendo cha kupelekwa hapo hotelini na kamati ya warembo ambao ilipendekeza mshindi alale hapo hotelini na famiilia yake.CHANZO:  https://deusdeditmahunda.blogspot.com/

“..Kwanini nilikubali kirahisi vile..??, Ona sasa nitamweleza nini John wangu kuhusu yaliotukuta. Hapana sitamwambia..??”

Janet alichanganyikiwa kwa muda nakujihisi anajiuliza maswali mwenyewe na kujijibu. Eneo la hospitali ya regency aliliona dogo kwa muda kwani alipiga hatua kila kona huku aijiongelesha mwenyewe na kujijibu mithili ya mtu aliyechanganyikiwa. Ilichukuwa lisaa zima kwa Daktari kumtibu Alice na sasa yule Daktari mkuu akawa anatoka kwenye chumba ambacho alikuwa akimtibu Alice huku akiwafuata wahudumu walliokuwa wamemleta Alice pale hospitali.

“..Nani mhusika wa huyu binti..??”

“..Ni yule pale Mama..!!, We Mama..??, Mama..?”

Janet alirudi mbio mpaka eneo ambalo alikuwepo yule Daktari na wahudu mu wa hoteli.

“..Ndio Dokta mimi hapa..??, Vipi mwanangu kapona..??, Nauliza kapona..??”

“..Ndio maana nimekutafuta nikupe maendeleo yake..!!, Haya tuongozane wote ofisini ,twende..??”

Janet aliongozana na yule Daktari mpaka ofisini kwake. Akili yote ya Janet haikuwa sawa kwa kila hatua aliyokuwa akiipiga kuelekea ofisini kwa Daktari.., Alijihiisi mapigo yake ya moyo yanakwenda mbio hivyo anastahili kupumzika. Lakini aliweza kujikizua mpaka wakafika ofisini kisha akaketi na kumsikiliza Daktari yule alitemtibu Alice.

“..Mgonjwa ni mwanako kabisa..??”

“..Ndio Dokta..”

“..Kuna tatizo lolote ambalo liliwahi kumpata hapo awali..??”

“..Ndio nakumbuka mara ya mwisho alipoteza pumzi kabisa tukamuwaisha hospitali ambapo aliwekewa mirija ya kupumulia...”

Janet alijitahidi kujibu kwa kubahatisha kwani alishawahi kusimuliwa na John hapo awali kuwa Alice aliishiwaga pumzi na hivyo wakajua amekufa mpaka wakamuwaisha hosptali ndipo akapona. Sasa hilo jibu alilikariri na kumjibu yule Daktari kama vile alikuwepo..

“..Ok..!!, Nimejalirbu kumpima kila kitu kwa haraka na kwa vyombo vyetu vya kisasa zaidi..”

“..Ndio Dokta..!!”

“..Ebu niambie tena..??, Anafanya kazi gani huyu binti yako..??”

“..Hapana hafayikazi ila janajishughulisha na maswala ya urembo na hivi jana alikuwa akigombea mashindano ya urembo kanda ya Chang’ombe na akaibuka kuwa mshindi hivyo akapewa zawadi sambamba na kupewa ofa ya kulala hoteli ya Kilimanjaro ambapo alipata tatizo la kudondokewa na zile kubwa za sebuleni na kumpelekea kupata shoti kupitia zile nyaya za lile taa..”

“..Anhaa!!, Ok nimejaribu kuangalia hapa na nimegundua kwanza kabisa mwanao anatatizo la kuishiwa na pumzi. Tatizo hili huwa linajijenga sana haswa ukiwa na mbanano wa mawazo na kufikiri huku ukihema kwa haraka zaidi na pia ukichanganya na hasira kali huku unahema kwa nguvu mara kwa mara huchangia kupungua ama kukosa pumzi kabisa. Pili inaonekana alivuta hewa chafu aina ya Carbon YG 18RR8YD ambayo huwa inakaa katika taa nyingi za kichina ndani yake, Hivyo baada ya taa hiyo kupasuka ilitoa hewa hiyo chafu nakuingia mpaka mwilini mwake kupitia puani. Na hivyo kumsababishia kitu kinachoitwa (Heart Attack) ninaposemea (Heart attack) namaanisha shambulio la moyo. Tatizo kama hilo mara nyingi humsababishia mgonjwa kuwa na ugojwa wa kuanguka mara kwa mara pindi mapigo ya moyo yanapoenda kasi..”

“..Inamaana mwanagu tayari ana kifafa, Mwanangu huyu Alice..??”

“..Tuliza jazba Mama nimalizie kukueleza najua wewe ni kama mzazi mwenzangu na tatizo kama hili halimaanishi kuwa mgonjwa kafa au atakufa la hasha! Ni kwamba linaweza kutibika haraka iwezekananvyo kama litafanyiwa upembuzi yakinifu..”

Janet aliangua kilio pale ofisini kwa Dokta, Hakutaka tena kumsikia yule Daktari, Alitamani akamchukuwe mtoto wake Alice warudi nyumbani. Alitamani hata Alice aachane na maswala ya kuwa mrembo wa Tanzania tena. Kilio kilimzidia mpaka ikambidi Dokta awaite wahudumu wamtoe nje. Napo nje alizidisha kelele zaidi lakini baadaye mwenyewe akapoza sauti nakuanza kulia kwa sauti ya chini chini.

“..Nirudisheni kwa Dokta..??”

Janet aliwaamrisha wale Manesi na baadhi ya wahudumu wa hoteli aliokuja nao waliokuwa wamemtoa Janet nje kwa kupiga makelel kupita kiasi. Walimchukuwa na kumrudisha tena ndani kwa Dokta.

“..Anhaa..!!, Katulia sasa..??”

“..Ndio Dokta..!!!”

“..Sasa Mama yangu ni kwamba kama nilivyokueleza hapo mwanzo juu ya mwanao. Kinachotakiwa ni uangalizi wa hali ya juu. Siku zote mtu mwenye matatizo haya ya kifafa huwa tunashauri kama ni mdogo basi aisiwekwe mbali na wazazi ama msimamizi wa karibu. Na kwa huyu mwanao kwa mzunguko tu na jinsi nilivyompima huenda akawa anasumbuliwa na tatizo hilo kwa mwezi mara moja ama hata mbili kulingana na mzunguko wa mwezi na pia hasira, mawazo yakumtawala kichwa na hata mshtuko wowote hatakiwi kuwa navyo kwani vitamfanya awe anadondoka ovyo.”

“..Sawa Dokta nimekuelewa..!!”

Janet alibaki amechanganyikiwa kwa jinsi alivyoambiwa na yule Daktari. Mawazo yake mengi yalikuwa juu ya mumewe, John ni kwa jinsi gani atamueleza na pia Alice mwenyewe ataanzaje kumwambia matatizo ambayo anayo. Ushawishi mkubwa ambao ulitanda katika halmashauri yake ya kichwa ni juu ya kumshawishi Alice aachane na kugombea mashindano ya mrembo wa Tanzania. Sasa Janet akaongozana na Daktari moja kwa moja mpaka chumba alichokuwa Alice amelazwa. Alimkuta Alice akiwa bado amewekewa oksijeni ya kuweza kumsaidia kupumua vizuri sambamba na kumpa hewa ya ziada.

“..Alice mwanangu..??, Alice..”

Janet alinyanyua mkono wake nakuanza kumshika maeneo ya shingoni mpaka usoni. Mirija mirefu na kitu kama kibakuli kilichokuwa kimemfunika pua na mdomo ndicho kilichomfanya Alice aonekane tofauti na lushindwa kuongea kabisa. Tabasamu alilokuwa nalo na gauni lile lile lililomfanya kuwa mshindi wa shindano la mrembo wa Chang’ombe ndilo lilikuwa likileta hisia tofauti kwa Janet na kumfanya kutoa machozi. Alice hakuweza kuongea zaidi ya kutoa macho tu. Macho yaliokuwa yamerembwa kwa kope za bandia nakuwa kama mdori sasa yakawa yakimuangalia Mama yake wa kufikia, Janet.





******



Alice alipata nafuu nakuweza kurudi tena nyumbani. Zile damu ambazo zilimvuja usiku kutwa sasa zikawa zimeshakatika kabisa kutokana na matibabu ya pale hospitali. Alipewa madawa mengi sana kwa ajili ya kujilinda na afya yake sambamba na kichupa ambacho huwa kinatumika kujipulizia mdomoni pindi hewa inapokuwa imeisha ama inataka kukatika. Walikodishiwa teksi haraka haraka sambamba na kupitia vitu vyao pale hotelini na hii yote ni kukwepa waandishi wa habari na hata waandaaji wenyewe kutokujua kinachoendelea ama kilichotokea usiku. Mawazo ya Janet na wenye hotel yalikuwa sahihi kwani waliambizana kutokuzieneza habari hizi popote huku wenye hotel wakiogopa kufunguliwa kesi endapo itabainika taa lile kubwa lilimdondokea mrembo hivyo ni kosa lao la kutokuwa makini na vifaa vyao. Kiasi kidogo cha pesa ambacho alipewa Janet kwa ajili ya kuendelea kumuuguza Alice kama ataendelea kuumwa toka kwa wahusika wa Kilimanjaro kempinsik ilikuwa ni siri kubwa sana kwa Janet.

“..Kwa heri mgonjwa..!!, Nakutakia uugue salama..!!”

“..Asante..!!”

“..Tuko pamoja nawewe katika maombezi, Utapona tu mdogo wetu..!!”

Yule mhusika mkuu wa hotel ya Kilimanjaro alimuaga Alice. Alice alijibu kihuzuni huku akili yake yote akiirudisha jana yake alipotangazwa kuwa mshindi wa kuiwakilisha kanda ya Chang’ombe katika mashindano ya Miss Tanzania. Aljiangalia mara mbili mbili lile vazi ambalo bado lilikuwa mwilini mwake huku akielekea ndani na Mama yake wakufikia, Janet.

“..Mama..? Jana uliniona vizuri jukwaani wakati napita na vazi langu hili..??”

“..Ndio mwanangu.., Mhh ulipendeza kweli..!! Ujue mwanangu una vigezo vyote na ndio maana ushindi ulikuwa kwako. Halafu nikwambie kitu mwanangu..?”

“..Ndio.., Niambie tu Mama yangu..?”

“..Siri ya ushindi wako ni kujiamini, Yaani umejieleza mpaka nikasisimka hiyo jana..!!”

Janet alijitahidi kumpoteza Alice mawazo kwa kukumbushia matukio ya mashindano ya jana yake usiku ambapo yalimpelekea Alice kuibuka na ushindi katika kanda ya Chang’ombe. Alice alijihisi kusisimka mwili wote kwa maneno aliyokuwa akiyapata toka kwa Janet. Alitamani tukio kama lile la kushinda liwepo kote anapopita kuanzia mashindano ya miss Tanzania hadi yale makubwa ya mrembo wa dunia. Janet alikuwa na dukuduku kubwa ambalo bado lilijijenga katika halmashauri ya kichwa chake. Halikuwa dukuduku la hasira bali lilikuwa ni dukuduku la kumwambia ukweli Alice juu ya ugonjwa ulioibuka kwake. Machozi ya huruma aliokuwa akiyatoa dhahiri yalimfanya Alice ajihisi kuwa Mama yake huyo yupo tofauti na alivyomzoea.

“..Mama vipi tena..?? Mbona machozi yanakutoka Mama yangu..??”

“..Hapana mwanangu, Haya ni machozi ya furaha.., Hujajua tu jana ulinigusa sana katika maisha yangu.. mwanangu kweli sasa umepiga hatua na kama kweli ulisema malengo yako ni kutusaidia sisi wakina mama na vijana wenzako hapo mwanangu Mungu atakuzidishia..”

Janet alijitahidi kumbadilishia Alice maada. Alice alionesha tabasamu pana kisha akamsogelea na kumkumbatia Janet kwa hisia huku na yeye machozi yakimlenga lenga.

“..Mama..?”

“..Abee manangu..”

“Mungu ndiye anajua vyote.. mpaka kufika hapa unajuwa wazi safari yangu ilivyokuwa. Nimefikiria sana juu ya zawadi ya nyumba ambayo nimepewa. Lakini kabla hata hamjaamua chochote ninyi kama wazazi wangu, Mimi nimeamua tuipangishe tu na pesa hizo zitasaidia kuniendesha mimi na nyie kwa ujumla na pesa nilizokabidhiwa kama zawadi mojawapo nitakupa milioni moja kama shukrani yangu kwa wewe mama. Najua nitapata zawadi nyingi zaidi nikishinda taji kubwa la miss Tanzania, napo nakuhaidi mama yangu kukupazawadi nyinginenzuri zaidi nitakazopewa..”

Alice aliongea kwa hisia hali ambayo ilizidi kuyachochea machozi ya Janet kumdondoka zaidi bila ya kuyafuta. Janet alijihisi atakuwa mkosaji mkubwa endapo atatunza siri hii ya ugonjwa wa kifafa ambayo imempata Alice. Kitu kikubwa kilichokuwa kikimsukuma asiweze kumwambia ni katika hali alionayo sasa. Na alijihisi endapo atamwambia basi inaweza kumsababishia mshtuko na kifafa kikamuanza tena. Alighairi hata swala la kumzuia Alice kushiriki mashindano hayo.

“..Eeeh Mwanyezi Mungu..!!, Weza kumlinda na kumuongoza mwanangu Alice afanikishe ndoto zake za kuwa mmoja wapo kati ya wanaoiwakilisha nchi hii.. Baba mfanye Alice awe mshindi katika mashindano makubwa yajayo..Ameni..”

Janet alijisalia kimoyo moyo huku akiendelea kumkumbatia Alice kwa hisia kali. Na baada ya kumuachia alichukuwa kitambaa chake nakujifuta yale machozi kisha akaenda jikoni tayari kutengeneza chakula.

Baada ya wiki mbili kupita, Alice alikuwa tayari ameshakabidhiwa zawadi yake ya nyumba maeneo ya kurasini. Jumba kubwa liliokuwa na vyumba vinne pamoja na chumba kimoja chaa kujitegemea chenye choo na bafu ndani yake. Nje kulikuwa na uzio mkubwa na sehemu kubwa ya kuhifadhi hadi magari hadi matano. Alice Hakuifanyia chochote zaidi ya kukabidhi funguo kwa mama yake wakufikia, Janet. Furaha kwake iliongezeka mara mbili. Mpaka siku hiyo ya kukabidhiwa kwake zawadi, John hakuwa akipatikana kwenye simu japokuwa walilitambua kuwa anakazi nzito ya kusimamia warembo katika jiji la mwanza. Janet aliaamini Mwanza ni jiji kubwa hivyo watakuwa na kazi ngumu sana kufanya mchujo mpaka kumpata mshindi. Hawakutaka kabisa kumsumbua John baada ya kujaribu kumpigia simu nakumuona hapatikani. Furaha waliokuwa nayo yakukabidhiwa nyumba Alice kama sehemu mojawapo ya zawadi ya mshindi wa kanda ya Chang’ombe katika mashindano ya u miss, waliituza moyoni mpaka siku ambayo John arudi ndipo waanzishe tena kufurahia.



***********

CHANZO:  https://deusdeditmahunda.blogspot.com/

Jiji la mwanza lilikuwa limelipukwa kwa sherehe mbali mbali. Usiku wa kuanzia saa mbili karibu kumbi zote zilikuwa zipo katika sherehe zao mbali mbali. Kuna waliokuwa wanafurahia kwa watoto wao kupata kipaimara kanisani, baadhi yao wakisherekea kubatiza watoto wao. Wapo waliokuwa wakisherekea kicheni pati na hata harusi. Baa nyingi zilikosa wateja kutokana na watu kukimbilia kwenye sherehe hizo ambapo zilikuwepo bia na vyakula vya bure. Katika ukumbi maarufu wa Gold first ambao upo Kinyapa road, Nyamagana ulikuwa umesheheni warembo mbali mbali ambao walikuwa wakishiriki mashindano ya kumtafuta mlimbwende ambaye ataiwakilisha vyema jiji hili la Mwanza katika kinyang’anyiro kingine cha kumtafuta mrembo wa Tanzania mwaka huu. Takribani ya washiriki ishirini walikuwa wamepanga mstari huku majaji zaidi ya watano wakiwa sambamba na mgeni rasmi ambaye ni mbunge wa Nyamagana jiji la mwanza (Mheshimiwa Ezekiel Wenje). Kati ya majaji hao waliokuwa wameketi mbele huku wamevalia suti nyeusi, alikuwepo John Mapunda. Taarifa juu ya jana yake Alice kushinda taji ndio ilimfurahisha haswa na kumfanya kila muda awe na furaha. Sasa kichwa chake kikawa pamoja na kufikiri ushindani ambao atakutana nao Alice katika mashindano makubwa yafuatayo. Ni Jamila Said peke yake aliokuwepo katika halmashauri ya kichwa cha John mara zote. Jamila alikuwa mzuri sana na alikuwa na kila sifa ya kuwa mshindi katika jiji hili la Mwanza, lakini kwa hilo halikumsababishia yeye kushinda taji hilo la Mwanza mbele ya washiriki wenzake zaidi ya kumi na tisa, Mpaka pale alipolala na John katika hotel ya Savoy siku mbili kabla ya mashindano haya. Muda wote Alipokuwa Jamila akipita, John alikuwa akimpa maksi japo kwa kutetemeka. John alijitahidi kutoa pesa kwa majaji wenzake ili tu Jamila aweze kupita na kumtimizia malengo ya siku nyingi ambayo yalikuwa yakimpa tabu licha ya kusuluhishwa yakaisha.

“..Hapa kinachoangaliwa ni mtoto tu..!, Ndipo nitaridhika na maisha, Ndio mtoto..!!”

John alijikuta akiongea mwenyewe kimoyo moyo huku akichukuwa karatasi yake na kumpitisha Jamila. Baada ya warembo wote kumaliza kupita pale mbele, John aliwaweka majaji wenzake chini kisha wakalipitisha jina la mshindi na kumkabidhi mgeni rasmi. Kamwe John hakulifikiria swala la Alice, alijua fika atamwaga tu Jamila kwa kumpa ushindi wa pili wa mashindano makubwa na pia malengo yake yatakuwa yameshatimia ya kumpa mimba. Punde mgeni rasmi mheshimiwa Ezekiel Wenje akapanda na kisha kumtangaza mshindi wa shindano la kumtafuta mrembo wa jiji la mwanza. Alimtaja yule yule aliyopitishwa na John pamoja na majaji wenzake,Jamila Said. Wapo baadhi waliguna lakini wengi wao waliafiki juu ya ushindi huo. Moyo wa John sasa ukawa umesharidhika huku ukitambua fika sasa malengo yake yatatimia juu ya kumpata mtoto kupitia mrembo huyo Jamila Said. John alitamani kesho yake ifike ili alale naye tena kwa mara ya mwisho na kisha arudi Dar es salaam kupanga mikakati mingine.

Baada ya siku moja kumpata mrembo atakayeliwakilisha jiji la Mwanza Jamila Said. Sasa ikawa ni zamu ya John kwa ahadi walizokuwa wamepeana. John alifurahi kuwa na Jamila kwa mara ya pili. Na kwa usiku ule alifanikiwa kupata Hotel ya Savoy ambayo ilijificha sana, kisha wakaagiza chumba na kulala na Jamila.

“..Baby umenifurahisha sana jana..!!”

“..Ok.., kwangu mie wala usiwe na shaka Jamila, Na kama utashika mimba tu kabla hatujaingia kwenye fainali ya kumtafuta mrembo wa Tanzania nakuhaidi moja kwa moja wewe utakuwa wa kwanza na nitahakikisha siri ya wewe kuwa na mimba yangu yote inafichwa mpaka unajifungua nakuendelea kuhudumia kwa kila kitu..”

“..Kwani umeoa John..??”

“..Kuoa..??, Hapana.., Ila nilishawahi kuishi na mwanamke lakini kama bahati Mungu akanionesha, Hakuwa na uwezo wa kushika mimba hivyo nikamrudisha kwao na kwa sasa naishi na mtoto wa Dada yangu tu, tena ni kabinti kadogo sana na nakasomesha kapo kidato cha pili..”

John alizidisha kumdanganya Jamila. Jamila hakujua lolote hivyo ilimbidi kukubaliana na yote kutokana na wazazi wake kumwachia laana kwa kukataa kuendelea na masomo huku akitanga tanga na wanaume sambamba na kujihusisha na kuigiza filamu za kibongo japo hazikumpa umaarufu sana katika jiji la mwanza. John aliyafurahia mapenzi usiku mzima huku akiamini malengo yake lazima yatimie ya kuitwa Baba, haijalishi mtoto atampata wa kiume ama wa kike.



 Muda wa wiki mbili za kuwasili warembo wote watakaoiwakilisha Tanzania katika mashindano ya Dunia sasa ukawa umeshafika. Warembo zaidi ya thelathini kutokea mikoa mbali mbali ya hapa Tanzania wakawa tayari wameshaanza kuwasili katika hoteli maarufu kwa kudhamini mashindano haya ya ‘Giraffe Green View. Ni mikoa michache tu ndio ilikuwa bado wawakilishi wao wako njian na wengine wakiendelea kuwasili, na kati ya mikoa hiyo ni pamoja na Dodoma., Morogoro na Jiji la Mwanza. Kwa upande wa jiji la Mwanza tayari wale warembo wawili waliopatikana walikuwa ndani ya ndege kuelekea Dare s salaam huku wakiongozwa na John pamoja na baadhi ya waandaaji. Ndani ya ndege John bado aliendelea kuwa karibu sana na mrembo aliyeshinda taji katika Jiji la Mwanza, Jamila Said. Japo baadhi ya waandaaji walioongozana naye walikuwa wakijua fika kuwa John alitembea na Jamila kutokana na kuwapa pesa kidogo kisha wakampitisha kuwa mshindi.





********





Taarifa juu ya John kuwepo njiani na ndege pamoja na baadhi ya washindi watakaoiwakilisha Mwanza sasa ikawa imeshamfikia mke wa John, Janet. Taarifa hiyo alimpa moja kwa moja mwanawe, Alice. Alice alijihisi pungufu ndani ya moyo wake endapo ataripoti kambini bila ya kumpokea Baba yake wa kufikia, John. Alichokifanya ni kuchukuwa baadhi ya nguo zake muhimu zitakazomsaidia huko kambini kisha wakachukuwa taksi na kwenda mpaka uwanja wa ndege wa Mwalimu Nyerere. Mapigo ya moyo ya Janet hayakuwa sawa na hii yote ni kutokana na vitu viwili vilivyokuwa vikiisumbua halmashauri yake ya ubongo. Kwanza ni presha juu ya kumuona John na kumpa taarifa za ushindi wa Alice walivyoupokea. Pili ni kuhusiana na ugonjwa uliomkuta Alice. Aliwaza sana ni jinsi gani atamuanza kumwambia John.

“..AAhh…!!!! Liwalo na liwe..??”

Janet aljikuta akiropoka mwenyewe punde baada ya kushuka katika taksi hali iliyomfanya Alice ausikie ule mguno kutoka kwa Janet.

”..Mama vipi tena mbona unaonekana haupo sawa..?”

“..Hapana mwanangu mbona nipo sawa tu..!!”

“..Mama., Nakujua Mama yangu hata ukiwa na hasira.. unaonekana umechukia kitu, au mimi nimekukera.. kama nimekukosea kwa chochote nisamehe Mama yangu..?”

“..Mwanangu Alice..? Hujajua tu ni kwa kiasi gani nakufikiria hadi nakasirika..?”

“..Unanifikiria kwa kitu gani tena Mama mbona unanitisha,,,??”

“..Mwanangu..??, ujue unaniacha katika majonzi mazito. Ndio unaelekea huko kambini, ujue nimekuzoea sana mwanangu kuwa karibu na wewe, ona sasa unaniacha mwenyewe unaenda huko kambini. Ndio maana naumia sana..!!”

Janet alijitahidi kumdanganya Alice huku akimwangalia kwa jicho la uongo. Alice alijihisi kusisimka karibu mwili wote hali iliyomfanya kumkumbatia Mama yake huyo kisha wakaelekea kumsubiri John. Ndani ya lisaa moja tayari ndege ya shirika la Tanzania ambayo inafanya ruti zake kutokea Mwanza mpaka Dar es salaam ndani ilikuwa imeshawasili katika Jiji la Dar es salaam. Shauku kubwa kutoka kwa Alice na Mama yake wa kufikia Janet sasa ikawa kama imezidishwa. Kila mmoja alikuwa akitoa macho kuangaza huku na kule huku wakipishana na baadhi ya abiria wakitoka.

“..Mama..??? Baba yule kuleee..!!!, umemuana..??”

“..AAnhaa..!!, Ndio mwenyewe na kishatuona..”

Alice pekee alikuwa mtu wa kwanza kumtambua Baba yake wa kufikia, John. John alionekana kuongozana na warembo wawili huku wakiwa wamebebewa mabegi yao na wasaidizi katika uwanja wa ndege. Sasa akawa naye kashawaona Alice na mkewe. Mwanzoni alionesha kama kushtuka lakini alijikaza na kusogea taratibu mpaka pale walipo Alice na Janet. Alianza kwa kumkumbatia Alice kisha akamfuatia mke wake.

“.. Nafurahi kuwaona mpo salama.. sasa..?”

John alionekana kuwa na haraka sana.

“..Inanibidi niende mpaka kambini na hawa wahusika nikawakabidhi na baada ya hapo niingie ofisini nikaripoti ndio nirudi kwangu.. vipi na wewe Alice mimi najua upo kambini..??”

“..Hapana Dady..!!, nilikuwa nataka kwanza kuja kukupokea kisha ndio nikaripoti kambini. Nakupenda sana Dady yangu..”

Alice alishindwa kujizuia hisia zake nakujikuta anamkumbatia tena kwa mara ya pili Baba yake wa kufikia, John. Kile kitendo cha kumkumbatia moja kwa moja kikawa kimeshapita katika mboni ya macho ya Jamila ambaye muda wote alikuwa na wenzake kwa umbali kidogo wakimsubiri John. Hasira kali zilizochanganyikana na wivu wa ghafla vikaanza kumtawala Jamila. Ni wazi alijua huenda john ni Malaya hivyo wale ni wasichana wake tu. Jamila alijikuta akiubetua mdomo wake ovyo huku sura yake akiikunja vilivyo mithili ya yule muimbaji mkongwe wa taarabu kutoka Zanzibar, Bibi Kidude. Dakika takribani kumi nzima zikakatika kwa John kusimama na Janet pamoja na Alice. John alifarijika sana kusikia Alice amekabidhiwa nyumba kama sehemu mojawapo ya ushindi wake. Alichokifanya alichukuwa begi lake na kisha kumkabidhi mkewe, Janet.

“..Sasa mke wangu hili begi tangulia nalo nyumbani. Halafu wewe Alice sisi tunaelekea wote kambini na wale kulee..??’

“..Sawa Baba..!!”

“..Haya tuongozane kuna gari spesho limekuja kutuchukuwa tena nadhani litakuwa lile kule twende..”

John aliongozana na Alice huku wakimwacha Janet akirudi mwenyewe kwa shingo upande. Alice aliumia sana kumwacha kwa muda Mama yake wa kufikia lakini alijipa moyo kujituma zaidi huko endapo kwenye mashindano. Walipofika kwenye lile gari lilliokuwa likiwasubiri.

“..jamani ndugu na washiriki tuliotoka Mwanza, huyu hapa ni mshiriki mwenzetu na yeye ndiye atakayeliwakilisha kanda ya Chang’ombe katika mashindano haya yanayoenda kuanza.. anaitwa Alice Majaliwa..”

Alice alionesha uso wa tabasamu huku akiwapa mkono watu karibia wote waliokuwa wameongozana na John katika safari ya kutokea Mwanza. Alipofikia kwa Jamila, Jamila hakutaka kabisa kumpa mkono alichokifanya, alibetua mdomo wake kisha akatoa jicho la dharau kumuangalia Alice. Alice hakuwa akijua chochote zaidi ya kumtolea tabasamu Jamila kisha akaketi kwenye gari tayari kwa safari ya kuelekea kambini. Mwendo wa nusu saa uliwatosha kabisa kufika katika hoteli ya Giraffe Green View ambayo ni maarufu sana katika kudhamini mashindano haya ya mrembo wa Tanzania. John akiongozwa na wale waandaaji wenzake walikuwa wa kwanza kushuka kisha wakafuatia washiriki wengine kama Alice na kina jamila. Makofi na vigelegele vilikuwa vimeanza kutawala kwa washiriki wengine ambao ndio walikuwa karibu kuwapokea. Alice alijihisi mwenye faraja sana kufikishwa hotelini hapo. Aliona sasa ile kazi aliofikiria muda mrefu sasa imefika pahala pake. Alitamani sana siku zikimbie tu mpaka ifike siku ya mwisho atangazwe kuwa mshindi. Kwa upande wa Jamila hakutaka kumuachia kabisa John kwani walipotawanyika Jamila alimfuata kwa kumkimbilia John kimya kimya huku akijifanya kuna kitu anamuwahishia John amekisahau..

“..Please mkuu, chukuwa hiki umekisahau kwenye gari ukiwa unashuka..”

Hakuna hata mmoja aliyegundua kitu anachotaka kukifanya Jamila zaidi ya kumuona mkononi kashika kitu kama anataka kumpa John. Alipofika karibu na John, Jamila alipooza sauti ya chini.

“..John, yote hii nafanya kwa ajili yako.. hii ni cheni ya kwangu lakini wale kule wote wanajua nimekuwaishia ulisahau kwenye gari wakati siyo yako ni ya kwangu..”

“..Sawa, enhee vipi mimi narudi kwanza kwangu nikampumzike, ila nitakuwa nakuja mara kwa mara hapa kambini na pia namba yako ya simu ninayo hivyo sina tatizo na wewe Jamila..”

“..hata kama unayo namba yangu John.. mie bado nakupenda na natamani hata tukalale tena mpenzi wangu..”CHANZO:  https://deusdeditmahunda.blogspot.com/

“..Hapana Jamila, unajua tayari umeshaingia kambini hivyo mtakuwa chini ya mwalimu wenu na hakuna hata mmoja atakayeruhusiwa kutoka nje ya kambi hivyo kuwa mvumilivu mpaka siku ya mwisho kwani inachukuwa wiki mbili tu kambini, tutakuwa pamoja mpaka utachoka mwenyewe, cha muhimu nipe nafasi kwanza nikapange mikakati yote kuhusu wewe kuwa mshindi..”

“..Nikuulize kitu John..?”

“..lakini Jamila…? hivi si unaona kule mbaali kila mmoja anatuangalia hapa..? haya uliza haraka haraka unasemaje..?”

“..Nataka kujua kale kabinti tulichopanda nacho gari ni kanani kwako..?”

“..yule si mshiriki kama wewe..??, Sema yeye alikuwa amekuja kupandia gari pale alivyosikia tunakuja huku kambini..”

“..John..?? John..?? ndio mkumbatianae naye pale uwanja wa ndege..?”

“.. Jamila, embu hayo mambo mengine ni ya kuongea kwenye simu, hapa utafanya tumwahge mchele kwenye kuku wengi..”

John alikwepa swali na kisha akamuahca Jamila nakukimbilia mpaka ndani ya gari nakuondoka zake..

“..mimi ndio Jamila, nitahakikisha haka kabinti hata kwenye mashindano hakafiki, nisipokauwa basi nakufa mimi..”

Alijisemea Jamila kimoyo moyo huku akiweka mikono nyuma nakurudi zake kujiunga na wenzake tayari kwa kujiandaa na mazoezi mbali mbali..

John alimwangalia Jamila mara mbili mbili huku akimuacha akirudi kujiunga na wenzake pale kambini.

“..Mmh.., hajanijua tu..!!, naendapo akinizalia nadhani atanijua vizuri.. wee acha adeke tu kwa muda huu..”

John aliongea peke yake kwa sauti ya chini chini huku akielekea kwenye gari tayari kwenda kazini kisha kurejea nyumbani kwake ambapo hakufika tangu aliposafiri kwenda Mwanza kwa ajili ya kuwatafuta warembo wawili ambao watawakilisha Jiji la Mwanza katika mashindano haya ya mrembo waTanzania. Muda wa masaa mawili yalijitosheleza kabisa kwa John kuweka sawa mambo yake ya kiofisi na kwa muda huu akawa mbele ya mlango wa nyumbani kwake.

“..Janet mke wangu..?? Janet fungua mlango..”

Janet aliufungua mlango ule wa sebuleni ambao alikuwa ameurudishia kutokana na kuwa bize kwa kumtengenezea mume wake chakula jikoni. Alimfungulia na kisha kumkumbatia sambamba na mabusu mazito mazito.

“..Karibu sana Mume wangu..!!, Karibu kwako sasa..?”

“..Asante sana..!!, Enhee niambie Mke wangu kwema lakini..?”

“..Ndio ni kwema tu wala hakuna tatizo lolote.. Twende chumbani kwanza ukabadili nguo uoge kisha ule ndio tuongee zaidi Mume wangu sawa..?”

“..Hapo ndipo ninapokupendea Mke wangu..!!”

John aliingia mpaka chumbani kwake kisha akabadili nguo nakuelekea bafuni huku akimwacha Janet akienda jikoni kuendelea na mapishi. Ndani ya dakika kumi John, alikuwa tayari kashamaliza kuoga na kuvaa kabisa nguo za kushindia nyumbani. Alienda mpaka sebuleni ambapo alikuta tayari Mke wake, Janet ameshaandaa chakula anamsubiri tu wale.

“..Enheee niambie Mke wangu..??, maisha umeyaonaje na Mwanangu Alice toka nimewaacha..??”

“..Mazuri tu Mume wangu.. nimeishi na Alice vizuri sana, nilikuwa naye pamoja toka kwenye yale mashindano mpaka akawa mshindi..?”

“..Hakukuwa na tatizo lolote lililotokea..??”

Janet alionesha kushtuka pale John alipouliza kuwa hakukuwa na tatizo lolote. Halmashauri ya kichwa cha Janet moja kwa moja ikampeleka huenda kuwa John anataarifa zote juu ya Alice kudondokewa na taa kule hotelini Kempinski.

“..Mhh.. Mhh hakukuwa na tatizo lolote jamani..”

“..Mbona umeguna Mke wangu..??, unauhakika na unachokinena..?”

“..Ndio jamani..”

Janet alijikaza nakujibu kiuoga kama yuko sahihi na anachokijibu.

“..Actually, Nimefurahi sana kusikia Janet ameshinda mashindano hayo. Na ujue sikujua kama zawadi ilikuwa ni nyumba..? Kwa hiyo keshakabidhiwa kila kitu..?”

“..Ndio Mume wangu..!!, mwanetu Alice alikabidhiwa nyumba ipo Kurasini na funguo zake zote ziko chumbani. Yaani ni jumba kubwa tu mbona..”

“..Kwa hiyo mmeshaanza labda kufanya chochote..?”

“..Hapana Mume wangu.., ni kwamba kwanza tumejitahidi kuitunza furaha yetu mpaka utakaporudi ndipo tuanze kufurahia kwa pamoja sambamba na kupanga tufanye kitu gani ile nyumba.”

“..Kwani Alice mwenyewe anasemaje kuhusiana na hiyo nyumba yake aliyokabidhiwa maana si mali yetu mali ya mshindi ambaye ni Alice..”

“..Unayosema ni kweli Mume wangu, lakini mtoto wetu Alice mwenyewe kasema hatahusika zaidi ya kutuachia sisi tuamue cha kufanya lakini alitoa wazo kama inawezekana tuipangishe na hela zitakazopatikana zitusaidie kuendesha maisha yetu kwa ujumla..”

“..Safi sana.. wazo zuri..”

John alikuwa na furaha hata kabla hakuiona hiyo nyumba, alitamani asubuhi ifike haraka akaishuhudie hiyo nyumba ambayo alikabidhiwa Alice kama mshindi wa mashindano ya kumtafuta mrembo wa Chang’ombe. Usiku wote huo John alikuwa katika furaha huku zile furaha akisherekea na Mke wake. Furaha ya John ilionekana kupitiliza hali iliyomfanya hata kukosa kabisa usingizi huku akitamani kukuchwe tu. Muda ulizidi kuyoyoma hatimaye asubuhi ikawadia na John akamuamsha Mke wake nakujiandaa kisha safari ya kuelekea huko Kurasini kwenye hiyo nyumba ikaanza. Walipofika ndipo John akaamini kama yale yaliosemwa na Mke wake ni kweli. Mawazo mengi yalimtawala kila akiingia kwenye chumba kimoja baada ya kingine, na alipofikia kwenye kile chumba cha kujitegemea alishangaa sana kwa jinsi kilivyorembwa na marumaru za kuvutia kuanzia chini mpaka bafuni. Kuna kipindi John mawazo mgando yakaanza kutawala kichwa chake nakutamani kama asubiri baada ya mashindano aje kumpangisha Jamila ili awe anampata kirahisi pindii atakapokuwa anamhitaji. Allibaki amezubaa sana pale chumbani mithili ya sanamu la kuchonga huku mawazo mengi yakimsonga.

“..John Mume wangu vipi tena mbona umezubaa hivyo..??”

“..Amm..!! mmh..!! hapana Mke wangu nafikiria mbali zaidi kwanza nafikiria kama kutakuwa na faida nyingi endapo tutapangisha..?”

John alibadilisha mada nakujifanya kama alichokuwa anawaza ni tofauti kidogo. Wakiwa bado wanashangaa mazingira ya ile nyumba punde John akapigiwa simu. Alibaki akiitolea macho ile simu kutokana na namba ngeni aliokuwa akiiona kupitia simu yake ikiita.



********



Joto kali ambalo bado liliendelea kulitikisa Jiji la Dar es salaam huku kila mmoja akitamani kulala na feni mpaka asubuhi. Kwa wale wenye pesa zao wao walikuwa wakiwasha viyoyozi mpaka asubuhi na wale walala hoi wao walikuwa katika kushikilia mashati yao hata pengine mashuka yao nakujipepea mfano wa zile feni za panga boi usiku kucha huku wakiiombea asubuhi ifike. Hali ilizidi kuwa tofauti sana kwa siku ya kwanza tu pale hoteli Girrafe Green View ambapo warembo wote watakaoiwakilisha Tanzania katika mashindano ya Dunia walikuwa wameweka kambi. Kila chumba kimoja cha hoteli kilihifadhiwa warembo wawili wawili. Ni mwalimu wao wa mazoezi mbali mbali ya hapo kambini ndio aliokuwa ameteua warembo wawili wawili wakae katika chumba kimoja. Miongoni mwa warembo hao ni Alice na Jamila ambapo walijikuta wamepangwa katika chumba kimoja. Tangu kupangwa usiku huo baada ya chakula cha pamoja Alice alionekana mnyonge sana kutokana na Jamila kumuonesha wazi kulinga sana. Matunzo ambayo alilelewa nayo Alice juu ya kuishi na watu ni kati ya vitu vilivyojijenga sana maishani mwake. Kimoyo moyo Alice aliapa hatakuja kumchukia mtu yeyote kwani ndio mbinu mojawapo ya ushindi.

“..Jamila rafiki vipi twende tukalale jamani..??, funguo yetu si umepewa wewe..??”

Jamila hakumjibu Alice zaidi ya kumuangalia kwa jicho la dharau kisha akamfanyia ishara ya kuongozana huku Jamila akiwa mbele na Alice nyuma tayari kwenda chumba cha kulala. Walipofikia chumba chao ambacho ni namba 24 bado Jamila alijawa na dharau huku akizirusha nywele zake kwa kutumia kichwa chake. Alice alijitahidi kujipendekeza sana japo kutamka maneno mawili matatu kwa Jamila lakini aliambulia masonyo na kebehi huku Jamila akizidisha maringo yake na kuufungua mlango mpaka ndani. Muda wa kulala ulipo wadia, Alice alibadilisha nguo zake nakuingia bafuni kujimwagia maji lakini kabla hajatoka alishangaa kupigana kikumbo na Jamila mlango wa kuingilia bafuni. Jamila alilisogelea sinki kisha akatapika sana. Haikuwa tapika ya kawaida kwani tumbo lilishaanza kumshika vilivyo huku akijihisi kitovu kinavutwa. Kichefu chefu cha ghafla kilichokuwa kikimtawala kilimfanya moja kwa moja kujihisi tayari mimba imeingia katika tumbo lake.

“..Oooh my God..??, Thanx..!! , Thanx..!!!”

Jamila alishukuru sana kupata mimba lakini Alice muda wote alikuwa amendelea kumtolea macho Jamila akitapika. Alice hakuwa anajua dalili zozote za mwanamke mwenye mimba maishani mwake. Alishangaa badala Jamila asikitike kwa kutapika yeye ndio kwanza anamshukuru mwenyezi Mungu.

“..Pole sana Jamila..!! Pole jamani..!! sasa si ungekunywa da..??”

“..SSshhiiii..!!!!, Pumbavu mkubwa, tena uishie hapo hapo..!!..”

Jamila alimkatisha maongezi Alice kisha akamtukana nakuelekea kitandani kulala. Kila akiutafuta usingizi kwake ulikua shida alichukuwa simu yake na kumpigia John japo kumpa taarifa hizi lakini John hakupatikana kwenye simu, alikuwa ameizima. Jamila Alitamani sana asubuhi kukuchwe haraka japo John apate taarifa. Ile hali ya Joto katika jiji la Dar es salaam ukichanganyia na kuvurugika tumbo kwa Jamila kulimfanya ajisikie kizungu zungu nakumpelekea afungulie kiyoyozi japo kupata hewa. Alice muda wote alikuwa ameshapitiwa na usingizi baada ya kuona Jamila kawa mkali. Kile kiyoyozi kilichofunguliwa kwa fujo na Jamila sasa kikawa kimefika juu zaidi hali iliyomfanya Alice kujisikia vibaya. Baridi kali ambalo lilikuwa likipenyeza mbavuni mwake huku likihamsha mapafu yake nakumfanya kukohoa sana lilimfanya Alice aamke.

“..Samaahani Jamila unaweza kupunguza japo hicho kiyoyozi kidoogo, kwani kiafya sijisikii vizuri..”

“..Hujisikii vizuri..??, Eehhhee heeee..!!, MMhh wacha nicheke Jamila mie.. kwani..? Hujawahi kupuliziwa na kiyoyozi maishani mwako enheee..? sasa hapa sipunguzi kama unaenda kulala nje we nenda tu babu wee..”

Alice alijihisi mtu mkosaji sana duniani tena kwa baadhi ya watu. Aliaamini kuna vizingiti vikubwa na hii yote alichukulia kama mitihani ya maisha. Alice hakutaka kabisa ugomvi na Jamila, alichokifanya alichukuwa shuka lake la kulalia kisha akafungua mlango wa bafuni nakujifungia humo halafu akalala chini kwenye sakafu ya baridi. Haikupita hata lisaa, Alice akawa ameshapitiwa na usingizi. Kitu kilchokuja kumshtua ni maji maji yaliokuwa yametawala katika shuka lake la kujiifunikia. Alihisi kama shuka lote limelowa. Alivumilia kwa muda lakini uzalendo ukamshinda na kujikuta amelitoa shuka lote kisha macho yake yakakutana uso kwa uso na Jamila mbele yake.

“..Unasemaje Dada yangu..?”

“..Nani Dada yako..??, Pumbavu wewe na bado..!!”

Maskini Shuka lote aliokuwa amejifunika Alice kule bafuni likawa limelowa matapishi ya Jamila ya usiku wote. Mabaki ya chakula walichokula mara ya mwisho hotelini sasa yakawa yameshaenea katika lile shuka. Harufu kali ya bia aina ya Red’s ikawa imeshatawala katika lile shuka. Alice aliinuka na kisha kuliloweka kwenye sinki huku akitumia sabuni ile ya kuogea kulifua kwa usiku ule. Akiwa bado mule bafuni akilifua lile shuka mara Jamila naye akaingia mule bafuni tena.

“..Wee..?? wee..?? wee..?? unafanyaje usiku huu..? kwanini unamaliza hizo sabuni za hotelini..? kanunua Baba yako..? Enhee..???”

“..Hapana..!!”

“..Sasa kwanini unaifulia tena shuka wakati ni ya kuogea..? na mimi asubuhi nitaogea nini shetani wewe..? pumbavu wee..??”

Jamila alichukuwa mkono wa kushoto na kumpiga Alice. Alice aliliacha lile shuka nakujiziba usoni ili asiumizwe. Nguvu kubwa alizokuwa nazo Jamila zilimfanya Alice apigwe sana. Jamila alimuwekea Alice lile shuka chafu mdomoni kisha akaanza kumpiga sana huku Alice akishindwa kuhema wala kutoa sauti.

“..Ndio ukome kudandia waume za watu.. na leo nahakikisha nakuua kabisa ufe..??”

Jamila aliazidisha nguvu zake mpaka akashuhudia Alice amelegea mwili wote huku uso wake ukionesha dhahiri kumvimba. Kile kipigo kilimfanya Alice kupoteza fahamu huku povu jingi likimjaa mdomoni sambamba na damu nyingi kummwagika zikitokea puani. Ule moyo wa kijasiri alioumbiwa nao Jamila ulimfanya kushangilia ushindi ule na kisha akammalizia Alice kwa kumpiga mateke katika kifua chake huku akitoka kule bafuni nakuelekea kitandani mpaka kwenye begi lake kisha akachukua mkasi nakurudi nao tena bafuni. Jamila alianza zoezi zima la kumyoa nywele zote Alice mpaka akahakikisha amebakiwa na upara kisha akazichukuwa zile damu zilizokuwa zinatawanyika katika pua ya Alice na kumpakaza nazo kichwani. Alipomaliza hapo Jamila alienda moja kwa moja mpaka kwenye simu yake kisha akamwandkia John ujumbe mfupi.CHANZO:  https://deusdeditmahunda.blogspot.com/

“GAME IS OVER JOHN..”



ITAENDELEA