ONLY YOU ( NI WEWE TU ) - 2

 

Simulizi : Only You ( Ni wewe Tu )

Sehemu Ya Pili (2)





Alichokifanya ni kumpa Jackline usumbufu, kila wakati alikuwa akimpigia simu na kuzungumza naye, wakati mwingine alikuwa akichati naye huku akimwambia mambo mengi kuhusu maisha.

“Jackline, nikuulize swali?” aliuliza Daniel baada ya wiki ya kwanza kupita tangu waanze kuwasiliana.

“Niulize!”CHANZO : http://deusdeditmahunda.blogspot.com/

“Unaijua picha halisi ya mapenzi moyoni mwako?” aliuliza.

“Unamaanisha nini?”

“Yaani nguvu ya mapenzi ilivyokuwa kubwa moyoni mwako!”

“Ndiyo! Naijua.”

“Unakumbuka siku za kwanza ulipokutana na mpenzi wako na kuanza uhusiano?” aliuliza.

“Nakumbuka!”

“Mapenzi yake yalikuwaje?”

“Mmh! We acha, yalikuwa ni balaa...”

“Bila shaka alikuwa akikutafuta kwa siku kila dakika!”

“Exactly” (kabisa)

“Mpaka meseji mia mbili mliziona chache!”

“Yaani we acha tu!”

“Na sasa hivi? Yapo vilevile?”

“Mmh! Hapana kwa kweli!”

“Unahisi kwa nini?”

“Labda tumezoeana!”

“Kwa hiyo mkizoeana mapenzi yanapungua? Kujali kunapungua? Na mawasiliano yanapungua pia?” aliuliza.

“Mh! Maswali magumu hayo,” alisema Jackline huku aitoa tabasamu.

“Jackline! Mapenzi yana nguvu sana, unapoambiwa kwamba mtu anajiua kwa ajili ya mapenzi, usichukulie kawaida, mapenzi yanaleta stress, picha ya mapenzi ni kubwa mno.

“Siku ya kwanza ulipoanza kumpenda mpenzi wako, ile ndiyo picha halisi ya mapenzi, ile ndiyo nguvu ya mapenzi, baada ya kuzoeana, mapenzi yanapungua na mwisho kuondoka kabisa. Sisi ndiyo tunayafanya mapenzi yapungue, ila nguvu ya mapenzi ipo vilevile,” alisema Daniel.

“Inaonekana unafahamu mengi kuhusu mapenzi!”

“Mimi ni masta! Yaani kama chuo cha mapenzi nina PhD,” alisema Daniel na wote kuanza kucheka.

Walizungumza mambo mengi siku hiyo, alichokuwa akikitaka Daniel ni kumteka msichana huyo, alitaka kuwa mtu wa kwanza kumpigia simu asubuhi, na wa mwisho kumpigia simu usiku, alihitaji kuwa mtu wa kwanza kumtakia kula chakula cha mchana na usiku, kwa kifupi, alitaka kumuonyeshea kwamba alikuwa akimjali sana.

Upande wa pili moyo wa Jackline ulianza kubadilika taratibu, kile alichokuwa akikifanya Daniel kilionekana kuanza kumuingia. Kwa siku, Daniel alikuwa akimpigia simu zaidi ya mara kumi, mara kumjulia hali, mara kumtakia chakula chema, mara kumuuliza ni nguo gani alikuwa amevaa siku hiyo, yaani kila kitu alichokuwa akikifanya kilianza kumtenganisha na mpenzi wake.

“Mungu! Naomba unisaidie, sitaki mwanaume yeyote auchukue moyo wangu kutoka kwa Peter,” alisema Jackline.





“Mungu! Naomba unisaidie, sitaki mwanaume yeyote auchukue moyo wangu kutoka kwa Peter,” alisema Jackline.

Wakati mwingine mpenzi wake, Peter alipokuwa akipiga simu alikuwa akiiangalia tu, aliipokea na kumsikiliza. Mwanaume huyo hakuwa mchangamfu kama Daniel, hakuweza kumchombeza kwa maneno matamu kama kijana huyo, aliongea naye na alipokata tu, simu iliyofuata ilikuwa ni ya Daniel.

“Umekwishakula?”

“Leo sijisikii kula!”

“Kwa nini?”

“Nahisi kama naumwa!”

“Pole sana! Labda nikutoe lunch, unaonaje?”CHANZO : http://deusdeditmahunda.blogspot.com/

“Lunch? Wapi?”

“Manzese, kuna mama ntilie mmoja anapika chakula safi sana,” alisema.

“Kwa mama ntilie? Manzese?”

“Yeah!”

“Are you serious?”

“Nakutania, naomba tuonane hapo Mlimani City!”

“Marry Brown au KFC?”

“KFC.”

“Sawa. Ndani ya nusu saa nitakuwa hapo,” alisema.

Siku zote hizo walikuwa wakiwasiliana kwenye simu tu, hawakuwa wameonana, kitendo cha kusema kwamba waonane Mlimani City kilimpagawisha Daniel, akakurupuka, akaingia bafuni kuoga harakaharaka na kujiandaa kisha kuondoka.

Daniel hakukisahau kikaratasi kile alichokiandika kwa mara ya kwanza alipomuona Jackline, alikichukua na kukiweka mfukoni, alihitaji kumuonyeshea msichana huyo ili ajue ni kwa kiasi gani alikuwa amempenda tangu siku ya kwanza alipomtia machoni mwake.

Tangu alipoanza kuoga, ni ndani ya dakika ishirini tayari alikuwa Mlimani City katika Mgahawa wa KFC akimsubiria Jackline ambaye aliingia baada ya dakika kadhaa. Haraka Daniel akasimama, akamkaribisha na kumkumbatia, wakakaa.

“Nimechoka sana kukwambia kitu kimoja kila siku,” alisema Daniel.

“Kipi?”

“Kwamba unapendeza sana! Yaani kila siku nikikwambia hivyo, nachoka, basi hata siku nyingine vaa kawaida,” alisema Daniel, Jackline akatoa tabasamu.

“Nashukuru!”

“Na unanukia vizuri sana! Kama Muingereza!”

“Hahah! Una maneno!”

“Sure! Jackline, wakati mwingine nahisi ni kama ndoto kufahamiana na wewe! Najiona muda wowote ule nitaamshwa na kuambiwa niende chuo,” alisema.

“Mimi mbona wa kawaida tu!”

“Najua! Hata Bill Gates anajiona ni mtu mwenye hali ya kawaida kiuchumi!”

“Jamani! Unanifanya nasikia aibu.”

“Hebu angalia macho yako, angalia lipsi zako, angalia mashavu yako, Jackline, nina uhakika hujazaliwa kama sisi, wewe umeshushwa kutoka juu,” alisema Daniel huku akimwangalia Jackline machoni.

“Jamaniiiiiii...”

“Na kama umezaliwa, basi si hospitalini, umezaliwa supamaketi kule Dubai!”

“Hahah! Jamani Daniel!”

“U mzuri sana mpaka unaboa!”

Daniel hakuacha kumsifia Jackline, uzuri wake ulikuwa ukionekana dhahiri, watu wengi waliokuwa mahali pale walikuwa wakimwangalia msichana huyo.

Alipendeza, alivutia na kikubwa zaidi alionekana kama msichana kutoka katika ulimwengu mwingine kabisa. Waliongea mambo mengi mahali hapo, Daniel hakutaka kumwambia kuhusu suala la uhusiano wa kimapenzi, alichokihitaji ni kumuonyeshea jinsi alivyokuwa akimpenda tu.

Daniel hakutaka kuchelewa, alichokifanya ni kuingiza mkono mfukoni na kukitoa kile kikaratasi alichokuwa amekiandika siku ya kwanza alipomuona Jackline na kumgawia.

Jackline akakichukua na kuanza kukisoma, alishangaa, alimwangalia Daniel, akatoa tabasamu, hakuamini kama kweli kijana huyo alikiandika kikaratasi kile siku ya kwanza alipoonana naye.

“Hii ilianza tangu siku ya kwanza, nilikuona kuwa wa tofauti sana,” alisema Daniel huku akiachia tabasamu.

“Kipi kimekuchanganya?”

“Uzuri wako, unatisha sana, yaani kama ni kuumba, nadhani siku hiyo Mungu alitulia sana, alihakikisha hakuna kazi yoyote anayoifanya siku nzima, ni kukuumba wewe tu,” alisema Daniel na wote kuanza kucheka.

“Jamaniiiiiiii!”

Walipomaliza kula, akamchukua na kumpeleka kwenye sinema ambapo kulikuwa na filamu nzuri ya mapenzi na kuingia. Walikuwa pamoja, walitembea pamoja na kukaa pamoja.

Jackline alijihisi tofauti kabisa, alikuwa huru na wakati mwingine hata Peter alipokuwa akipiga simu, aliifunika simu yake, hakutaka kuongea kwani alamini kwamba kama angeipokea, angemvurugia umakini wake kwa mwanaume huyo. Filamu ilipokwisha, wakatoka!

“Tutaonana siku nyingine! Ahsante kwa chakula na ahsante kwa filamu!” alisema Jackline.

“Usijali! Ila na wewe ahsante kwa kukubaliana nami kuja hapa,” alisema Daniel wakati huo walikuwa wamesimama pembeni ya gari alilokuja nalo Jackline.

“Usijali!”

“Kwa hiyo kuonana mpaka Yesu arudi au?”

“Hahaha! Tutaonana tu!”

“Lini? Mwaka kesho?”

“No! Hivi soon. Kuna vitu nitakuwa navyo bize kidogo, ila tutaonana.”

“Sawa. One last thing!” (kitu cha mwisho)

“What is it?” (kipi hicho?)

“Umependeza sana! You look stunning!” (unang’aa)

“Ahsante! Ila usichoke kuniambia hivyo!”

“Haina shida!”

“Sawa. Bye!”

“Bye!” alisema Jackline, akaingia ndani ya gari, Daniel akabaki amesimama nje huku akimwangalia kwa uso wenye tabasamu.

“Mbona huondoki?”

“Nataka mpaka uondoke, nisije kuondoka halafu watu wakakuiba! I have to keep you safe” (natakiwa kukulinda) alisema.

“Ooh! Sawa. Nashukuru kwa kunijali!”

“Nashukuru kwa kuniruhusu kukujali!” alisema Daniel, Jackline akawasha gari na kuondoka mahali hapo huku mwanaume huyo akibaki akiwa amesimama akimwangalia msichana huyo alivyokuwa akiondoka.

***

Japokuwa moyo wa Jackline ulianza kutekwa na kijana Daniel lakini hakutaka kuonyesha ishara yoyote ile. Kwake, alikuwa na mpenzi mmoja aliyekuwa akimpenda kwa moyo wake wote, mwanaume ambaye aliamini kuwa kuna siku angekuja kumuoa, mwanaume huyo alikuwa Peter.

Peter ndiye alikuwa mwanaume wake wa kwanza, walionana nchini Afrika Kusini walipokuwa wakisoma katika Chuo cha Pretoria kilichokuwa nchini humo.

Walipendana! Kwa uzuri aliokuwanao Jackline, wanaume wengi walimfuata na kumtongoza lakini hakutaka kukubaliana nao, kwake, mwanaume ambaye alionekana kuuteka moyo wake alikuwa mmoja tu.

Wakawa pamoja, wakafanya mambo mengi huku wakiwa wanatoka kwenda sehemu mbalimbali. Peter alikuwa na muda wa kuyafurahia maisha yake na mpenzi wake huyo.

Walipokuwa wakirudi Tanzania, walikuwa pamoja, walionyesheana mapenzi kemkem kiasi kwamba mpaka wazazi wa pande zote mbili walijua kile kilichokuwa kikiendelea.

Walipanga mambo mengi maishani mwao na kuahidi kwamba wangeishi pamoja mpaka pale ambapo wangefukiwa ardhini. Walikuwa na imani hiyo na kila mtu aliyekuwa akiwaangalia alijua dhahiri kwamba watu hao wangeishi pamoja siku moja.

Kwa kuwa walikuwa watoto wa matajiri, kila walipokuwa wakirudi nchini Tanzania, walikuwa wakiondoka kwenda Misri katika mapiramidi yaliyokuwa Giza na sehemu mbalimbali kuyafurahia maisha yao.CHANZO : http://deusdeditmahunda.blogspot.com/

Hakukuwa na mtu aliyekuwa radhi kumuacha mwenzake, walipenda kupita kawaida. Walipambana, kulipokuwa kukitokea vishawishi vingi, walihakikisha wanashikama na kuvishinda ilimradi tu mwisho wa siku waendelee kuwa pamoja.

Huku maisha yakiendelea kama kawaida, Peter akaanza kuona tofauti kwa mpenzi wake, hakuwa kama alivyokuwa kipindi cha nyuma, yale ambayo hakuwa akitaka kuyaona kwa mpenzi wake, yakaanza kuonekana kitu kilichomtia hofu ya kumpoteza msichana huyo.

Alipokuwa akimpigia simu, msichana huyo hakuwa akipokea na wakati mwingine simu yake ilikuwa ikitumika kwa kipindi kirefu na kila alipokuwa akimuuliza, alimwambia kwamba alikuwa akizungumza na ndugu zake.

Hilo likamfanya Peter kukosa amani, akahisi kulikuwa na kitu kilichokuwa kikiendelea ambacho Jackline hakutaka kukiweka wazi.

Hakutaka kuliona penzi lao likipotea, alichokifanya ni kuwasiliana na Jackline na kumwambia kwamba walitakiwa kuonana kwani kulikuwa na mambo kadhaa walitakiwa kuyazungumza kama wapenzi.

“leo?” aliuliza Jackline.

“Ndiyo!”

“Mbona umenishtukiza sana mpenzi?” aliuliza msichana huyo kwa sauti nyembamba.

“Dakika kadhaa tu bebi!”

“Jamaniiii!”

“Basi nakufuata!”

Ni ndani ya dakika kadhaa tu tayari Peter alikuwa ndani ya eneo la nyumba ya mzee Mwamanda. Akateremka kutoka kwenye gari lake la kifahari na kuufuata mlango wa kuingilia sebuleni na kuingia ndani.

Kila mtu aliyemuona alifurahi, kijana huyo alionekana kuwa sahihi kwa Jackline, alipendwa kwa kuwa tu alionekana kuwa na penzi la dhati ambalo mwanaume alitakiwa kumuonyeshea mwanamke.

Jackline alikuwa chumbani kwake, aliposikia kwamba Peter amefika, kitu cha kwanza kilikuwa ni kuchukua simu yake na kuzifuta meseji zote alizokuwa amewasiliana na Daniel.

Hilo lilimuuma kwa kuwa kila alipokuwa akimkumbuka kijana huyo alichukua simu hiyo na kuanza kuangalia jinsi walivyokuwa wakichati lakini kwa kuwa hakutaka kuona mpenzi wake akihisi kitu chochote kibaya, akaamua kuzifuta meseji hizo.

“Mmh! Asije akanipigia simu bure,” alisema Jackline, alichokifanya ni kuibloke namba ya Daniel, yaani kwa kifupi hakutaka kupokea ujumbe wala meseji kutoka kwa mwanaume huyo wakati akiwa na Peter.

Alipohakikisha amerekebisha kila kitu kwenye simu yake, akavaa nguo zake na kutoka chumbani kwake, alipofika sebuleni, akamkumbatia mpenzi wake na kutoka.

Ndani ya gari Jackline akajifanya kuwa na furaha isiyokuwa na kifani. Alitaka kumuonyeshea mpenzi wake kwamba hakukuwa na kitu chochote kilichokuwa kikiendelea upande wa pili.

Kile kikampa upofu Peter na kuona kwamba hakukuwa na kitu chochote kibaya kilichokuwa kikiendelea kwa mpenzi wake. Waliendelea na safari mpaka walipofika katika mgahawa wa kishua wa Brown Dolphin uliokuwa Masaki, wakaingia na kuanza kupata chakula.

“Kuna kitu gani kinaendelea mpenzi?” aliuliza Peter huku akimwangalia Jackline, wakati huo walikuwa wamekwishamaliza kula.

“Kivipi mpenzi?”

“Yaani naona kama kuna mabadiliko yameanza kujitokeza, kuna nini?” aliuliza Peter huku akimwangalia mpenzi wake huyo.

“Hakuna kitu!”

“Una uhakika?”

“Yeah! Kwani kuna lolote lile?”

“Kama hakuna haina shida. Unajua wakati mwingine nakuwa na wasiwasi sana,” alisema Peter na kuanza kucheka.

Mwili wa Jackline ulikuwa mahali hapo lakini akili yake ilikuwa kwa Daniel. Ni kweli Peter alikuwa kijana mzuri, tajiri lakini kila alipokuwa akiongea naye, alionekana kuwa tofauti kabisa.





Mwili wa Jackline ulikuwa mahali hapo lakini akili yake ilikuwa kwa Daniel. Ni kweli Peter alikuwa kijana mzuri, tajiri lakini kila alipokuwa akiongea naye, alionekana kuwa tofauti kabisa.

Alikuwa mwanaume wa usiriazi kila walipokuwa, alikuwa mwanaume ambaye hakutaka kumfurahisha, hakupenda utani tofauti na Daniel ambaye alijua kumfanya mwanamke kucheka na kujiona wa thamani katika dunia hii.

Walizungumza na walipomaliza, wakaondoka. Jackline alipofika nyumbani kwao, akajifungia chumbani kwake na kulala kitandani, kitu alichokisubiri kilikuwa ni simu kutoka kwa Daniel tu.

Alisubiri, wakati mwingine aliichukua na kuangalia jina lake, alitamani kumpigia lakini akasita, hakutaka kabisa kumuonyeshea mwanaume huyo kwamba hata na yeye alikuwa ameanza kuzimika.

Alimmisi Daniel lakini hakutaka kumpigia simu, alihisi kama angeonekana dhaifu hivyo kusubiri simu ya mwanaume huyo. Muda ulizidi kusogea, dakika, saa lakini bado simu yake haikuita, na mpaka analala, hakupokea simu kutoka kwa Daniel.

Hakulala kwa raha, usiku ulikuwa ni wa mang’amung’amu, kila wakati alikuwa akishtuka na kitu cha kwanza kabisa kuangalia kilikuwa ni simu yake, alihitaji hata kuona meseji ya salamu ili moyo wake uridhike.

Hakuwa amepigiwa simu wala kutumiwa ujumbe wowote ule. Moyo wake uliuma kupita kawaida, hakujua ni kitu gani kilitokea kwa Daniel, na mbaya zaidi hakutaka kumpigia kwa kuwa angekuwa ameonyesha udhaifu kwa mwanaume huyo.

Alikaa siku ya pili, kimya, siku ya tatu ikaingia, napo kukawa kimya. Moyoni aliumia lakini alivumilia, ilipoingia siku ya nne bila kupokea simu wala ujumbe kutoka kwa mwanaume huyo, akaamua kumpigia, hata kama angeonekana dhaifu, alikuwa radhi. Alipopiga tu, simu ikaita na kupokelewa.

“Halo Jackline,” alisikia akiitwa, moyo wake ukapata faraja kubwa kupita kawaida, mtu aliyeongea alikuwa daniel.CHANZO : http://deusdeditmahunda.blogspot.com/

“Halo!”

“Nini kinaendelea huko! Naona umeifunga simu yangu, nakutafuta tangu majuzi, sikupati, meseji haziji, tatizo nini? Kuna lolote baya nililokufanyia?” aliuliza Daniel.

Hapo ndipo Jackline alipokumbuka kwamba siku ambayo alikwenda kuonana na Peter aliamua kuifunga simu ya Daniel ili isiweze kuingia kwa kupiga wala meseji, kwa siku zote alizokuwa akisubiri simu ya mwanaume huyo, si kwamba hakuwa akimtafuta, alimtafuta ila simu haikuwa ikiingia.

Alijiona mjinga, alihuzunika, hakuamini kama angesahau kama ilivyokuwa hivyo kuanza kumuomba msamaha kwamba alifanya hivyo kwa kuwa kuna mambo alikuwa akihitaji kuyafanya.

“Ndiyo unibloku?”

“Samahani sana mpenzi!” alisema Jackline, kwa kile kilichotokea, aliamini akimuita mpenzi ingesaidia, alivyofikiria ndicho kilichotokea, moyo wa Daniel ukaburudika na kujisikia faraja.

“Usijali! Nahitaji kukuona!”

“Leo?”

“Ndiyo!”

“Haina shida! Wapi?”

“Unaweza kuja nyumbani?”

“Wapi? Mwenge?”

“Yeah!”

“Sawa haina shida!”

Baada ya kukubaliana, Jackline akakata simu na kuanza kujiandaa. Moyo wake ulikuwa na shauku kubwa ya kukutana na mwanaume huyo, aliumia baada ya kuona kwamba kipindi chote hakuwa amewasiliana na kijana huyo kwa sababu ya uzembe wake.

Kipindi hicho, hakumfikiria tena Peter, kwake, Daniel ndiye alikuwa kila kitu. Alipomaliza kujiandaa, akatoka, akachukua gari na kuondoka nyumbani hapo kuelekea Mwenge alipokuwa akiishi Daniel.

Hakuchukua muda mrefu akafika Mwenge Mataa ambapo akawasiliana na Daniel na kumuelekeza mahali alipokuwa akiishi na kwenda huko. Alipofika, akaelekezwa kuliingiza gari ndani ya nyumba ya akina Daniel na kuteremka.

Wakasogeleana na kukumbatiana kwa furaha, kila mmoja hakuamini kumuona mwenzake mahali hapo. Moja kwa moja Daniel akamchukua na kuelekea naye ndani.

Kwa jinsi Jackline alivyovaa, Daniel alichanganyikiwa, kwake, siku hiyo alionekana kuwa msichana mrembo kuliko wote aliowahi kukutana naye.

Alivalia gauni refu jekundu, nywele zake alikuwa amezibana, chini alivalia viatu virefu kidogo na alikuwa amebeba mkoba wa rangi ya damu ya mzee.

Alikuwa akinukia vizuri kiasi kwamba alipoingia ndani ya nyumba hiyo, n harufu ya manukato yake tu ndiyo iliyokuwa ikisikika kila kona. Walikaa sebuleni kwa dakika chache huku akimtambulisha msichana huyo kwa wadogo zake na dada wa kazi kisha kuelekea chumbani kwake.

Macho ya Jackline yalikuwa yakiangalia huku na kule, kiukweli kwa jinsi Daniel alivyokuwa akiishi na familia yake, walikuwa wakiishi katika maisha ya kawaida sana, hayakufanana na maisha ya akina Peter lakini moyoni mwake hakutaka kuyafikiria maisha hayo kwa sana, kwake, kitu alichokuwa akikifikiria ni kuwa na mwanaume huyo tu.

Waliongea, wakachombezana, wakashikana hapa na pale mwisho wa siku wakabaki watupu kitandani, kilichosikika baada ya hapo ni sauti ya kitanda iliyokuwa ikilalamika.

Jackline hakutegemea kufanya mapenzi na Daniel lakini akajikuta akifanya naye kwa kuwa hakuona kama kungekuwa na mwanaume mwingine ambaye angestahili kufanya naye kwa kipindi hicho.

“Jackline! How do you feel,” (Unajisikiaje, Jackline?) aliuliza Daniel huku akimwangalia msichana huyo usoni.

“Normal!” (kawaida) alijibu msichana huyo huku akionekana kusikia aibu.

“Do you really love me?” (unanipenda kweli?)

“I need some time to answer such a question,” (nahitaji muda kulijibu swali kama hilo) alisema Jackline.

“Why?” (kwa nini?)

Jackline hakulijibu swali hilo, alibaki akiangalia pembeni tu, Daniel hakutaka kumuacha hivi hivi, alichokifanya ni kumvutia tena kwake na kuanza kubadilishana mate.

Wakati huo walikuwa watupu kabisa, kilichotokea ni kuanza kufanya tena mapenzi kitu ambacho kwa Jackline kilimfanya kumpenda zaidi Daniel lakini hakuwa radhi kumwambia ukweli kwamba alikuwa akimpenda mno.

Mtu ambaye alikuwa kichwani mwake ni Peter, aliona kabisa kwamba kulikuwa na kazi kubwa kuachana na Peter lakini kwa jinsi Daniel alivyokuwa akija kwa kasi kichwani mwake, aliona dalili zote kwamba hakuwa na muda mrefu wa kuwa na mwanaume huyo.

Walipomaliza kila kitu, tayari ilikuwa ni saa moja usiku, wakaenda kuoga, walipomaliza, msichana huyo akaaga na kuondoka kurudi nyumbani kwao.

Njiani, akachukua simu yake na kuiangalia, kulikuwa na missed calls nyingi kutoka kwa mpenzi wake, Peter, alikuwa amemtafuta zaidi ya mara kumi lakini hakuwa amepokea kwa sababu simu ilikuwa kwenye ‘silent’ lakini pia hakutaka kuishika kuogopa simu yoyote ya Peter kuonekana.

Alitamani kumpigia lakini akasita, kuzungumza na Peter ilikuwa ni lazima afike nyumbani kwanza ndipo ampigie. Akaiacha na kuendelea na safari yake.

Alimfikiria Daniel, ni kweli aliwahi kufanya mapenzi na Peter lakini kwa mwanaume huyu wa leo alikuwa balaa. Alijua kuuchezea mwili wake, alijua kuzishika sehemu zilizokuwa zikimchanganya, alijua kumlamba sehemu zote mwili mwake, kwa kifupi, kwake, Daniel alikuwa fundi zaidi ya mkandarasi.

“Daniel! You are the man,” (Daniel, wewe ni mwanaume) alijisemea Jackline huku safari ya kurudi nyumbani ikiendelea kama kawaida.

Kutokana na foleni kubwa iliyokuwa njiani, alichukua dakika arobaini mpaka kufika nyumbani, akaliingiza gari ndani, alipolipaki, akateremka na kuelekea sebuleni.

Alipoingia tu, macho yake yakagongana na macho ya Peter aliyeonekana kuwa na hasira mno, mbali ya mwanaume huyo, pia kulikuwa na wazazi wake, wao walikuwa wakimwangalia kwa jicho la kusikitisha, kwa jinsi hali ilivyoonekana, kulikuwa na kitu kilichokuwa kikiendelea.

“Umetoka wapi?” aliuliza baba yake baada ya salamu!CHANZO : http://deusdeditmahunda.blogspot.com/

Jackline alibaki kimya, aliogopa, mahali hapo hakukuonekana kuwa na amani, kuwaambia kwamba alitoka kwa akina Daniel lilikuwa jambo gumu, alibaki akiwaangalia watu wote waliokuwa humo kwa zamu.

“Nimekuuliza umetoka wapi?” aliuliza mzee Mwamanda huku akionekana kukasirika.

Akainuka kwenye kochi na kumsogelea Jackline pale alipokuwa amesimama, alipomfikia, akamzaba kibao. Mzee huyo alikasirika, si kwamba Peter alikuja mahali hapo tu bali msichana huyo aliondoka pasipo kuaga.

Peter alikuwa kimya, moyo wake ulimuuma kupita kawaida, alimpigia simu msichana huyo mara kadhaa lakini haikuwa ikipokelewa, alichanganyikiwa na kuhisi kulikuwa na kitu kilichokuwa kikiendelea na hivyo kuelekea nyumbani kwao.

Hapo nyumbani alipofika, hakumkuta, roho ilimuuma na kitu ambacho kilikuja kichwani mwake ni kwamba msichana huyo alikuwa na mwanaume sehemu fulani. Aliwaelezea wazazi wake kilichotokea na hivyo kumsubiri.

“Ulikuwa wapi?” aliuliza mzee Mwamanda lakini bado Jackline hakujibu kitu.

Jackline alikasirika, kwa hasira zake, akaondoka sebuleni hapo na kuelekea chumbani kwake ambapo akajifungia na kuanza kulia.

Peter aliyekuwa sebuleni akasimama, akaondoka kuelekea chumbani kwa Jackline, alijaribu kuufungua mlango lakini ulikuwa umefungwa kwa ndani hivyo kuanza kugonga akimtaka msichana huyo amfungulie.

Hakukubali, hakutaka kuzungumza na mtu yeyote kwa kipindi hicho, aliendelea kubaki chumbani huku Peter akiendelea kugonga kwa takribani dakika arobaini na tano lakini msichana huyo hakufungua mlango.

“Mama! Naondoka, nitazungumza naye kwenye simu,” alisema Peter huku akionekana kunyong’onyea.

Akaondoka huku moyo wake ukiwa na huzuni tele, alitegemea kwamba angezungumza na mpenzi wake na kumuuliza kilichokuwa kimetokea lakini ilishindikana.

Akaondoka nyumbani hapo, njiani, Peter alikuwa na mawazo tele, kichwa chake kilifikiria kuhusu kusalitiwa tu jambo ambalo hakutaka kuona likitokea katika maisha yake yote kwa kuwa tu alimpenda Jackline.

Alipofika nyumbani, kitu cha kwanza kabisa kilikuwa ni kumpigia simu msichana huyo, hazikupokelewa, alipojaribu kumtumia meseji pia hazikujibiwa kitu kilichomfanya kuwa kwenye wakati mgumu kupita kawaida.

Wakati yeye akihuzunika, Jackline alikuwa chumbani kwake akilia, hakupenda kuona baba yake akimpiga kibao mbele ya mpenzi wake, kwake, ile ilionekana kuwa dharau kubwa.

Alikaa chumbani huku akilia, katika kipindi kigumu kama hicho alihitaji jambo moja tu, kufarijiwa na mwanaume, tena asiwe mwingine zaidi ya Daniel ambaye ndiye aliyekuwa moyoni mwake kipindi hicho. Wakati akiwa kwenye huzuni huku akisubiria faraja, mara simu yake ikalia mlio kuashiria kwamba kulikuwa na meseji iliyokuwa imeingia, akaichukua simu, ilitoka kwa Daniel.

“Ulifika salama mpenzi?” aliuliza Daniel kwenye simu kwa njia ya meseji.

“Yeah! Ila nilipigiwa!”

“Na nani?”

“Baba!”

“Kisa?”

“Niliondoka bila kuaga!”

“Pole sana mpenzi!

“Ahsante sana!”

“Nije nikuone?”

“Sasa hivi?”

“Yeah! Umepigwa, sidhani kama ni jambo zuri nikibaki nyumbani na wakati msichana nimpendaye amepigwa!” aliandika Daniel.

“Hapana! Ni usiku sana sasa hivi!”

“Hata ingekuwa saa kumi alfajiri, bado ningeweza kuja kwa ajili yako, naomba uniruhusu mpenzi!” aliandika Daniel.

“Hapana! Kesho mpenzi!”

“Sawa.”

Walichati tu mpaka ilipofika majira ya saa saba usiku. Moyo wa Jackline ulichanganyikiwa kabisa, kwake, Daniel alionekana kuwa kila kitu, yule Peter ambaye alikuwa kwenye moyo wake kwa kipindi kirefu alianza kuondoka na mwanaume huyo mpya kuanza kukalia kiti moyoni mwake.

Daniel alijua kila kitu, kuanzia kujali na hata kufanya mambo mengine ya kumdatisha msichana kama yeye. Hakumfikiria tena Peter na kitu pekee alichokuwa akikifikiria ni kumwambia mwanaume huyo ukweli kwamba hakutaka kuwa naye tena kwa sababu kulikuwa na mwanaume mwingine aliyeingia moyoni mwake.

Hakujua ni kwa jinsi gani angeanza kumwambia ukweli wa kilichokuwa kikiendelea. Alijaribu kufikiria njia nzuri, akawaza kumpigia simu, akaona njia hiyo si sahihi, akafikiria kuhusu kumtumia meseji lakini napo akagundua kwamba jambo hilo si zuri, alichokifikiria mara ya mwisho ni kumwambia kwamba waonane halafu amwambie ukweli kile kilichokuwa kikiendelea.

“Mmh! Nitaweza kweli?” alijiuliza.

Ilikuwa ni lazima afanye hivyo, moyo wake haukuwa na uwezo wa kuwaweka watu wawili na kuwapenda kwa upendo sawasawa, ilikuwa ni lazima mmoja aondoke, na huyo mtu aliyetakiwa kuondoka alikuwa Peter.

Hakutaka kuchelewa, akachukua simu yake na kumpigia, ilipopokelewa, akamwambia kwamba alitaka kuonana naye hivyo watafute sehemu kwani kulikuwa na mambo mengi waliyotaka kuzungumza.

“Kuna tatizo?” alisikika Peter akiuliza.

“Hapana! Ninataka kuzungumza nawe,” alisema Jackline na kukata simu.

Baada ya saa moja, wawili hao walikuwa katika mgahawa wa Jumanji uliokuwa Mbezi Beach, Jackline alionekana kuwa na hofu juu ya kile alichotaka kumwambia Peter. Ni kweli mapenzi kwake yalipungua lakini upande mwingine alimuonea huruma mwanaume huyo.

Alianza naye mbali, alimpenda, alimpa zawadi nyingi, alimfanya kuwa mwanamke mwenye furaha lakini hayo yote yalikuja kutoweka baada ya kumpata Daniel ambaye hakuwa na pesa sana, hakuwa na kitu chochote cha kumpa lakini mapenzi aliyomuonyeshea, jinsi alivyomjali ilikuwa ni tofauti na Peter.CHANZO : http://deusdeditmahunda.blogspot.com/

Peter alionekana kuwa na wasiwasi, hakujua ni kitu gani kilikuwa kikiendelea kwa mpenzi wake, alimwangalia, kwa jinsi Jackline alivyoonekana, alionekana kuwa na kitu fulani alichotaka kumwambia mahali hapo.

Walikula na kunywa kwani Jackline aliamini kwamba kama wasingekula, baada ya kuzungumza kusingekuwa na mtu ambaye angekuwa na hamu na chakula.

“Jack mpenzi, kuna nini?” aliuliza Peter huku akimwangalia msichana huyo usoni.

“Peter! Naomba usinielewe vibaya,” alisema Jack, akameza funda la mate na kuendelea:

“Nimekaa na kufikiria sana, naomba usipingane na uamuzi wangu kwa kuwa unaweza kupingana nao na baadaye kujuta,” alisema msichana huyo maneno yaliyomfanya Peter kuwa na hofu zaidi, mapigo yake ya moyo yakaanza kudunda kwa nguvu.





“Peter! Naomba usinielewe vibaya,” alisema Jack, akameza funda la mate na kuendelea:

“Nimekaa na kufikiria sana, naomba usipingane na uamuzi wangu kwa kuwa unaweza kupingana nao na baadaye kujuta,” alisema msichana huyo maneno yaliyomfanya Peter kuwa na hofu zaidi, mapigo yake ya moyo yakaanza kudunda kwa nguvu.

“Kuna nini?” aliuliza huku kijasho kikimtoka.

“Naomba tuachane! Naomba kila mtu aangalie maisha yake,” alisema Jackline kwa sauti ndogo.

Ilikuwa ni sentensi ndogo lakini iliyobeba maumivu makali mno. Peter alimwangalia Jackline, alitaka kuhakikisha kwamba kile alichokisikia ndicho alichokizungumza au alisikia vibaya.

Akamkazia macho, alihitaji kuona kama msichana huyo alikuwa akimaanisha au alikuwa akimtania, mbali na hiyo pia akafikiria tarehe na mwezi kwani alihisi kwamba ilikuwa ni tarehe ya Siku ya Wajinga dunini, ilikuwa ni tofauti kabisa.

“Unasemaje?” aliuliza Peter huku akionekana kushtuka.

“Peter! Naomba tuachane, nimefikiria sana kuhusu uhusiano wetu, mahali unapokwenda ni kubaya zaidi, kabla hatujafika huko, naomba tuachane,” alisema msichana huyo.

“Tatizo nini? Kuna nini mpenzi? Kama kuna tatizo naomba tulirekebishe,” alisema Peter, alionekana kuwa na hofu, hakuamini kabisa kile alichokuwa akikisikia kwa msichana huyo.

“Hakuna tatizo, ukweli ni kwamba nahisi moyo wangu ukimpenda mtu mwingine zaidi. Najua unaumia kwani najua sana jinsi unavyonipenda na kunijali. Ila Peter, moyo wangu umetekwa na mtu mwingine kabisa, naomba tuachane kwani naamini huko mbele kuna mambo mengi makubwa na mabaya yanaweza kutokea kama tu nitaendelea kuwa nawe,” alisema Jackline, alijipa ujasiri kwani ndicho kilikuwa kitu pekee ambacho kingemfanya kuachana na Peter kwa usalama.

“Tatizo nini?”

“Nimeangukia katika penzi la mwanaume mwingine!”

“Ni nani huyo?”

“Si lazima umjue lakini kuna siku utamjua!”

“Ni tajiri? Ana pesa zaidi yangu? Ni mzuri zaidi yangu?” aliuliza Peter.

“Ni masikini, hana pesa, si mzuri wa sura kama wewe lakini anajali, anasikiliza, ni mcheshi zaidi yako. Wakati mwingine mapenzi hayahitaji pesa Peter, hayahitaji uzuri wa mtu, mapenzi yanahitaji muda, yanahitaji kujaliana Peter,” alisema Jackline.

“Kwa hiyo tatizo ni kwamba sikuwa na muda na wewe?”

“Inawezekana ikawa sababu! Wakati wewe ukiniambia upo bize, kuna mtu alikuwa akinihitaji, hakuwa bize, alinijali sana. Peter, siwezi kuendelea na wewe,” alisema Jackline.

Kwenye kila neno alilokuwa akilizungumza mahali hapo lilionekana kuwa mwiba mkali moyoni mwa Peter. Ni kweli alichokisema, Peter hakuwa na muda naye, alijifanya yupo bize na kazi aliyokuwa ameianza, Jackline alihitaji muda wa kuwa naye, kuongea naye kwenye simu na hata kuchati lakini hakuwa akipata nafasi hiyo.

Akampata Daniel ambaye alimfurahisha, kila alipokuwa akiamka, ilikuwa ni lazima kukuta meseji zake kwenye akaunti yake WhatsApp, mwanaume ambaye alizichukua picha zake nyingi mtandaoni na kumtumia yeye mwenyewe na kumwambia jinsi alivyokuwa mzuri, alivyokuwa na lipsi tamu, jinsi alivyokuwa akimpenda kwa kila kitu.

Jackline hakutaka kubaki mahali hapo. Alifanya kitu ambacho katika maisha yake hakuwahi kufikiria kwamba kuna siku angekifanya. Aliumia kumpoteza Peter lakini aliamini kwamba mwanzo wake na Daniel usingekuwa mbaya kwa kuwa walikuwa wakipendana mno.

Peter alibaki kwenye kiti kama mtu aliyepigwa shoti ya umeme, kile alichokisikia kutoka kwa mpenzi wake hakikuaminika, wakati mwingine alihisi kama alikuwa akiota ambapo baada ya muda fulani angeamka kutoka usingizini.

Alimwangalia Jackline jinsi alivyokuwa akiondoka, hakutaka kukubali, akasimama na kuanza kumfuata, alihitaji kuzungumza naye zaidi kwani kwa maneno yale aliyokuwa ameyazungumza yalimvunja nguvu na kumuumiza mno.

“Jackline mpenzi! Siwezi kukuacha, kama sikukupa muda wa kutosha, naomba unipe nafasi ya pili, naomba unielewe, nipe nafasi ya pili nikuonyeshe jinsi ninavyokupenda,” alisema Peter huku akiwa amemshika mkono Jackline, wakati huo hata watu waliokuwa pembeni walikuwa wakiwaangalia.

“Umechelewa Peter!”

“Never too late.” (sijachelewa)

“Peter! Maumivu unayoyasikia sasa hivi ni madogo kulinganisha na yale ambayo utayasikia hapo baadaye. Naomba tuachane, huu ni uamuzi wangu ambao siwezi kuubadilisha. Mtu akiniuliza kuhusu wewe, nitamwambia kwamba nakupenda lakini naomba tuachane kwa sababu sitaki kumuona mtu ninayempenda akiumia kama ambavyo utaumia baadaye,” alisema Jackline.

“Lakini naomba nafasi ya pili!”

“Hapana! Peter, kwa hilo hapana,” alisema Jackline kwa sauti ndogo, akajitoa mikononi mwa Peter, akalifuata gari lake, akaingia, akaliwasha na kuondoka mahali hapo.

Peter alibaki akiwa amesimama tu, aliliangalia gari la Jackline jinsi lilivyokuwa likiondoka mahali hapo. Alihisi kama mwili wake umepigwa ganzi, kila kitu kilichokuwa kikiendelea kilionekana kuwa kama mchezo fulani wa kuigiza.

Watu walikuwa wakimwangalia, wasichana walishangaa, kijana mwenye sura nzuri kama Peter hakutakiwa kuachwa, alitakiwa kunyenyekewa na mwanamke yeyote yule lakini kilichoshangaza ndiyo kwanza aliachwa.

Peter hakutaka kuendelea kubaki mahali hapo, akalifuata gari lake, akaingia na kuondoka. Alichokifikiria kilikuwa ni kwenda nyumbani kwa akina Jackline na kuonana na wazazi wa msichana huyo tu.CHANZO : http://deusdeditmahunda.blogspot.com/

Alihitaji kuwaambia ukweli, kila kitu kilichokuwa kimetokea ili hata kama ingekuwa ni rahisi kuzungumza nao, wafanye hivyo lakini si kumkosa Jackline.

Moyoni mwake, ndani kabisa alikiri kwa kile alichokuwa ameambiwa na Jackline. Hakuwa na muda na msichana huyo, hakumuonyeshea kumjali, hakumuonyeshea upendo ule ambao alitakiwa kumuonyeshea kama mpenzi wake.

Hakumpa muda ambao alistahili kumpa, alijifanya kuwa bize na mambo yake, alijisahau na mwisho wa siku alikuwa akivuna kile alichokuwa amepanda.

Ndani ya gari mawazo yake yalikuwa kwa msichana huyo, alikumbuka nyuma kabisa alivyokuwa ameanza naye uhusiano wa kimapenzi, alimuahidi kila kitu kwamba angempenda mpaka kifo chake, angemjali, angempa muda wake lakini siku chache zilizopita, akayasahau yale aliyomuahidi na kuwa bize na mambo yake.

Hakuchukua dakika nyingi akafika nyumbani kwa akina Jackline, akaliingiza gari ndani, katika sehemu ya maegesho, hakuliona gari la msichana huyo na kuhisi kwamba alikuwa amekwenda sehemu fulani.

Akateremka na kuelekea ndani, akafungua mlango na kuingia. Alipazoea nyumbani hapo, palikuwa kama kwao, alikuwa akija muda wowote aliokuwa akiutaka na hakukuwa na mtu aliyemuuliza lolote lile.



ITAENDELEA