NINI MAANA YA MAPENZI - 1

 

IMEANDIKWA NA : ATUGANILE MWAKALILE



*********************************************************************************



Simulizi : Nini Maana Ya Mapenzi

Sehemu Ya Kwanza (1)





Alikuwa binti mpole ila muongeaji sana, aliyelelewa katika mazingira ya dini, nyumba yao ilijihusisha zaidi na maswala ya dini kiasi kwamba hakutaka kujihusisha na maswala ya mapenzi kwa umri mdogo kwani akiangalia dada zake wote walikuwa kwenye ndoa zako, kwahiyo ndoto yake yeye ilikuwa ni kumaliza shule, kuanza kazi kisha kupata mchumba na kuolewa. Ni mtoto wa mwisho kwenye familia ya watoto wanne, wakike watatu na wakiume mmoja tu.



Alikuwa na dada yake mmoja ambaye alipatana nae sana na kipindi hicho dadake huyo ndoa yake ilikuwa bado changa kwani ndio kwanza alitoka kuolewa, alikuwa akipenda kupiga nae stori na mara zote dadake alikuwa akimshauri kuwa makini sana na vijana,



“Erica mdogo wangu, nakupenda sana. Naomba uwe makini sana na vijana, ni wadanganyifu. Unatuona dada zako, tumejiheshimu hadi tumeolewa, ni fahari kwetu na heshima kwa familia. Alitangulia dada yetu Maria, nimefata mimi. Najua na wewe utaenda katika mtiririko unaofaa. Usikubali kushawishiwa kijinga na wanaume”



“Dada Bite najua unanijua vizuri mdogo wako, hayo mambo sina. Ndio kwanza nipo kidato cha pili”



“Ndio upo kidato cha pili, yani hiko kidato ndio asilimia kubwa huharibikia hapo kuwa makini sana”



“Usijali kuhusu mimi dada”



Walikuwa wakiongea vizuri sana kirafiki kama marafiki wa kawaida vile lakini ilikuwa ni mtu na dada yake.



Beatrice alimrudisha mdogo wake nyumbani kwao baada ya kutoka kumsalimia kwani mama yao alikuwa anampenda sana binti yake huyo na alikuwa anamuona bado ni mdogo kutembea mwenyewe.



Erica alikuwa na rafiki aliyeitwa Johari, na alimpenda sana na kupiga nae stori za kila aina ila tofauti ya Erica na Johari ni kuwa Johari alikuwa mapepe sana, ila Erica alikuwa mpole sana yani yeye ni uongeaji tu.



Wakiwa darasani siku hiyo aliletwa kijana mgeni kwenye darasa lao, kwa hakika Yule kijana alikuwa ndio amehamia hapo shuleni, ila alipoingia tu macho yote yalianguka kwake. Mwalimu akamtambulisha Yule kijana kwa wanafunzi wote,



“Huyu ni mwenzenu anaitwa Erick mpokeeni vizuri”



Darasa lote wakaguna na kumuangalia Erica kiasi cha kumtia aibu Erica na kuangalia chini, hadi mwalimu akawauliza walichoguna, mmoja akajibu



“Tumeguna sababu kuna pacha wake humu anaitwa Erica”



Wakaangua kicheko wote, mwalimu akawatuliza,



“Kufanana majina ni kawaida tu, kwani hamjawahi kusikia hayo majina? Acheni habari zenu za ajabu, haya mpokeeni mwenzenu huyo”



Kisha mwalimu akamkabidhi Yule kijana kwa wavulana wenzie halafu yeye akaondoka zake. Johari akamuangalia Erica na kumwambia,



“Umesikia jina la Yule kijana?”



“Nimesikia ndio”



“Sasa mbona hujafurahia?”



“Nifurahie nini sasa?”



“Mmmh kijana mzuri vile, macho yake ya kuvutia kama anaita, halafu kafanana jina na wewe, huoni kama ni bahati hiyo”



“Johari, tafadhali achana na habari hizo kwangu”



“Mmmh wewe nae na ulokole wako, yani hiyo chance ya kufanana jina ningeipata mimi basi leo leo ningemfata Yule kijana. Ila Yule kijana mzuri jamani loh kama ameshushwa, lazima nitembee nae, nitampitia tu”



“Johari jamani hivi hatuwezi kuangelea habari zingine zaidi ya hizo?”



“Haya mama Mchungaji, leo umekusanya sadaka kiasi gani?”



Erica alikaa kimya kwani tayari alikuwa ameshachukia kutokana na watu kuguna pindi tu Yule kijana wakati anatambulishwa na vile ambavyo Johari amemwambia.







Muda wa kurudi nyumbani ulifika na Erica alirudi nyumbani kwao na kufanya shughuli zake kama kawaida, alipokaa na kutulia alishangaa picha ya Yule kijana ikimjia kichwani na jinsi Johari alivyokuwa akimsifia kuwa Yule kijana ni mzuri sana.



“Mungu wangu, sitaki kumfikiria Yule kijana, kwanini nimfikirie jamani? Sijawahi kumfikiria kijana yoyote maishani mwangu, kwanini nimfikirie Yule, hapana sitaki”



Alitulia ila bado picha ya Yule kijana ilikaa kwenye mawazo yake na alikuwa akijisemea moyoni kuwa Yule kijana ni mzuri kweli hata alipoletwa darasana kidogo moyo wake ulipatwa na mshtiko kuwa kijana mzuri vile katoka wapi ila bado alijipa moyo wa kupambana na zile hisia kwani hakutaka kabisa maswala ya mapenzi huku akifikiria ushauri aliopewa na dada yake.



Usiku akiwa amelala, alimuona Erick kwenye ndoto zake, tena aliona kamavile ana mahusiano na Erick, alishtuka sana.



“Jamani mimi ni mtoto wa kike nitaanzaje kumwambia mwanaume nampenda? Kwanza sio utamaduni wetu, hata hivyo sitaki kumpenda, nataka nisome nimalize shule name nije kuolewa na kupata heshima kama dada zangu. Erick ondoka kwenye akili yangu”



Kwavile ilikuwa pamekucha tayari, ikabidi aamke na kujiandaa kwa ajili ya kwenda shule.







Erica alifika shuleni na asilimia kubwa ya wadada walionekana wakimuongelea Erick tu kuwa ni kijana mzuri aliyefika shuleni kwao,



“Jamani Yule kaka ni mzuri, hadi natamani anitongoze. Yani akithubutu kunitongoza wala sitalaza damu”



“Unangoja hadi akutongoze subiri uone, mi nitamtongoza mwenyewe”



“Kujidhalilisha huko”



“Hata kama mwenzangu, unaweza ukasubiri mwisho wa siku ukakuta mwenzio kashawahi. Hapa shule kuna wasichana wazuri eti, unafikiri Yule Erick atafikiria kukufata wewe? Aache kufikiria wakina Miriam, wakina Manka akufikirie wewe thubutuuu”



Erica alisikiliza kwa makini sana na kuona ni jinsi gani Erick alikuwa akigombewa shuleni kwao, na kuondoa kabisa tumaini la kuweza kuwa hata karibu na huyo Erick ila upande mwingine wa roho yake alifurahia maana kuwa mbali na kijana ambaye ameanza kumpenda kutamuwezesha yeye kutimiza ndoto zake za kumaliza shule kwanza.



Stori nyingi shuleni hapo zilikuwa ni kuhusu huyu kijana mpya aliyefika yani kila binti alihitaji kumpata huyu kijana.







Zilipita wiki mbili, ilikuwa siku ya Jumamosi siku hiyo hawakwenda shule, Erica alikuwa nyumbani. Akachukua kioo na kujiangalia, kisha akasema



“Mimi ni msichana wa kawaida sana, sina uzuri wa kupendwa na kijana kama Yule. Hawezi kunipenda mimi, natakiwa kumsahau na kumtoa kwenye akili yangu”



Akajiwa na mgeni alikuwa ni rafiki yake Johari, akamkaribisha vizuri sana kisha akaanza kupiga nae stori ila stori za Johari mara zote ni kuhusu wanaume, na umbea ila siku hiyo stori yake kubwa ilikuwa ni kuhusu Erick, ingawa stori za vile Erica alikuwa hapendezewi nazo ila kwavile zilimuhusu Erick alikuwa akizisikiliza,



“Basi bhana, si nimefatilia nyumbani kwao Yule Erick, loh wana hela hao balaa”



“Kumbe”



“Ndio hivyo, halafu nasikia shuleni kuna wadada kama wane wamebambwa na mwalimu walimuandikia Erick barua za mapenzi”



“Kheee, wewe umepona kweli?”



“Hahaha mimi nimtongoze kwa barua nina wazimu au? Mi nitamtongoza live kabisa, tuangaliane ana kwa ana. Hapo ndio nitajua kama ana aibu au la”



“Kwahiyo utamtongoza lini?”



“Nipe mwezi, nataka nimzoee zoee kwanza”



“Je akikukataa”



“Najua atanikataa, ila kwangu hata ile kumtongoza tu napo ni raha”



Erica alikuwa anamshangaa sana huyu rafiki yake ambaye yeye alikuwa akijionea kila kitu kuwa kawaida kabisa.







Jumatatu yake, siku ya shule kama kawaida ila leo kidogo Erica alichelewa shule. Sasa muda anaingia darasani kwa kunyata akajikuta amekumbana kikumbo na Erick maana nae alikuwa anatoka kidogo, Erica alinyanyua macho yake na kumwangalia Erick kisha akamwambia,



“Samahani”



“Hamna shida usijari”



Erica alienda kukaa ila mwili wake ulipatwa na msisimko mkubwa sana vile alivyokumbana kikumbo na Erick.



Alikaa huku akihema, rafiki yake Johari alimfata na kumuuliza,



“Mbona unahema sana, vipi wewe?”



“Nilichelewa shule leo”



“Ndio uheme hivyo sababu ya kuchelewa? Nimekuona vizuri, uligongana kikumbo na Yule mkaka mzuri”



“Ni bahati mbaya tu”



“Sawa, ila umeona macho yake? Jamani macho ya Yule kaka yanaita, kama anakwambia njoo njoo uwiii jamani natamani hiyo nafasi ya kugongana nae ningeipata mimi maana ningemkumbatia pale pale”



“Ushaanza hivyo Johari, kwanza mimi sina uzuri huo wa kuwa na Yule mkaka”



“Kwani wewe una ubaya gani sasa? Kwanza hapa shuleni hujirembi hufanyi nini ila bado unapendeza, usijidharau Erica wewe ni mzuri, ila tu Yule Erick niachie mimi”



Wakacheka tu na kuendelea na kazi zingine za darasani.







Muda wa mapumziko siku hiyo Erica hakutoka sababu kuna kazi alikuwa anaimalizia kufanya, kwahiyo alikaa anaandika wakati wanafunzi wengine wako nje. Mara alisikia kuna sauti imefika na kumsalimia,



“Mambo”



Erica alinyanyua macho yake na kumuangalia aliyekuwa anamsalimia, alikuwa ni Erick kitu ambacho kilimfanya Erica kukosa ujasiri kidogo huku sauti yake ikitetemeka tetemeka na kuitikia,



“Safi”



Halafu akarudisha macho yak echini huku akiendelea kuandika,



“Mbona hujatoka kupumzika?”



“Kuna kazi ya kuandika naifanya”



Erica alikuwa anamjibu huku macho yake yapo kwenye daftari tu hakutaka kutoa nafasi ya kumtazama Erick kwani aliogopa kijana Yule kubaki kwenye akili yake. Ila Erick aliendelea kuongea,



“Samahani ile asubuhi, unajua ni kosa langu ndiomana tumegongana. Nilikuwa siangalii mbele”



“Hapana ni kosa langu”



“Sio lako ni langu, naomba unisamehe Erica”



Erica akainua macho yake sasa na kumtazama Erick vizuri kwani hakutambua kama huyu mkaka angeweza kumuita kwa jina lake, kwa mawazo yake yeye alijua huyu kijana halijui jina lake. Ila wakati ameinua macho yake, alifika Johari na kaunza kumsalimia Erick,



“Mambo vipi Erick”



“Safi”



“Mbona hujatoka kwenda kunywa chai?”



“Nilimuona Erica amejiinamia hapa, ndiomana nikaja kumuuliza kwanza yeye kuwa kwanini hajaenda mapumziko”



“Ana kazi huyu, nikusindikize basi utembee tembee kidogo mazingira ya shule”



“Sawa, ila ngoja nimuulize kitu Erica”



Erica alivyosikia aulizwe kitu akashtuka kidogo na mapigo ya moyo kumuenda kwa kasi maana tayari alikuwa anampenda huyu kijana ila alikuwa akipambana na hisia zake ili aweze kuishi bila mahusiano mpaka atakapomaliza shule, Erica akainua macho yake kisha Erick akamuuliza,



“Utakula nini mama nikuletee?”



Kiukweli Erica aliona aibu sana na kukataa kuwa asimletee chochote ila Erick alisisitiza kuwa atamletea chochote kisha akatoka na Johari.



Erica alijikuta kama akiganda kwa muda hivi kwani akili yake iliruka kabisa kwa wakati huo kila alipoifikiria kauli ya Erick kuwa utakula nini mama nikuletee yani alijikuta ufahamu ukikatika kabisa.



Muda wa kutoka ulipofika, Erica alifatwa tena na Erick huku akimkabidhi mfuko,



“Nimekununulia juisi na keki ila kwavile muda wa darasani ulikuwa umefika sikuweza kukuletea tafadahari pokea”



Erick alimshika mkono Erica na kumfanya apokee ule mfuko huku akitoa asante ambayo hata haikusikika vizuri maana sauti yake ilikumbwa na tetemeko la gafla.



Erica alifika nyumbani kwao akianza kuwa na mawazo maradufu kuhusu Erick,



“Hapana Erick usinipende mimi tafadhali, sio mimi usinipende”



Alijikuta akiongea peke yake maana alianza kushikwa na hofu ukizingatia yeye tayari ameshampenda Erick halafu Erick ameanza kumuonyeshea hisia ambazo ni hakika atakuwa naye anampenda,



“Sipo tayari kuwa na mahusiano yoyote, natakiwa nisome nimalize shule, nianze kazi nipate mume niolewe kama dada zangu. Hapana sitaki kuwa na mahusiano shuleni”



Aliwaza hayo ila muda wote aliokaa mwenyewe sura ya Erick ilimjia machoni pake na kumfanya akose raha kabisa, alimfikiria Erick muda mwingi sana na hata usiku alipolala alimuona Erick kwenye ndoto zake.







Siku hiyo alienda shuleni ilikuwa ni siku ya michezo, wanafunzi walikaa mbalimbali kwa lengo la kucheza, mara Erick akamfata Erica na kumpa kipande cha karatasi halafu akaondoka zake, Erica alifungua ule ujumbe ulindikwa “I LOVE YOU” alishtuka sana na kutetemeka, rafiki yake Johari alifika na kutaka kujua kuwa kile kikaratasi kimeandikwa nini.







Siku hiyo alienda shuleni ilikuwa ni siku ya michezo, wanafunzi walikaa mbalimbali kwa lengo la kucheza, mara Erick akamfata Erica na kumpa kipande cha karatasi halafu akaondoka zake, Erica alifungua ule ujumbe ulindikwa “I LOVE YOU” alishtuka sana na kutetemeka, rafiki yake Johari alifika na kutaka kujua kuwa kile kikaratasi kimeandikwa nini.



Erica akaona kwamba Johari atakichukua na kukisoma, hivyo akakitumbukiza mdomoni na kukitafuna, Johari alimwangalia sana rafiki yake na kumwambia,



“Loh Erica jamani yani umekitafuna kweli? Niambie basi rafiki alikuwa amekuandikia nini?”



“Eti alikuwa anaomba daftari langu la Kiswahili”



“Mmmh kama ndio hivyo mbona umekitafuna?”



“Sasa kwani wewe unahisi nini?”



“Mbona unapaniki rafiki yangu? Mimi nimeuliza tu kuwa hicho kikaratasi kilikuwa kinahusu nini?”



“Kwahiyo unahisi alikuwa ananitongoza au?”



Johari alianza kucheka sana kisha akamwambia rafiki yake,



“Hebu nitolee vituko mie, huyo Erick anavyotongozwa na wasichana wote hapa shuleni aanze kukutongoza wewe kwa lipi? Mtu mwenyewe binti mlokole, hata vijana wanakuogopa”



Erica alinyamaza kimya tu ila maneno ya Johari yalimuingia vilivyo, alikuwa akimuangalia Erick kwa mbali alivyokuwa amezungukwa na wadada akicheka nao.







Erica siku hiyo alikuwa na mawazo sana kiasi kwamba alikuwa kama mgonjwa na kuamua kwenda kuchukua ruhusa kwa mwalimu na kurudi nyumbani, alienda nyumbani kwao kama mgonjwa siku hiyo akijiuliza maswali kadhaa kuwa ni kweli kile ambacho Erick alikiandika kwenye kikaratasi alikuwa anamaanisha? Na kama alikuwa anamaanisha mbona alikuwa akiongea na kucheka na wanawake wengine, na pia maneno aliyoyasema rafiki yake yalimuondoa katika hali ya kupendwa kabisa na Erick.



Akiwa njiani kurudi kwao alikutana na rafiki wa dada yake akiwa kabeba mtoto mgongoni, akamsalimia. Huyu rafiki wa dada yake alianza kumuuliza maswali



“Vipi Erica mbona mapema sana leo?”



“Najisikia vibaya Da Rehema”



“Pole, ila mdogo wangu soma. Usiwaendekeze wanaume, unaona hapa, wengine tunahangaika na watoto migongoni, wengine nyumbani wanalialia. Hatujaolewa hadi leo tunatanga na njia tu, mdogo wangu soma, achana na mapenzi kabisa yani wewe jail masomo yako tu”



“Asante dada”



Erica aliachana na huyu dada ila maneno ya dada huyu yalimuingia kwenye akili yake, na kumfanya ile hali ya kujihisi homa iishe katika mwili wake na kuanza kujihisi yuko salama kabisa, alifika nyumbani na mamake alimuuliza kuwa nini tatizo ilibidi ajifanye kuwa tumbo linauuma sababu kwa wakati huo hakuwa na hali ya homa kabisa.





Kesho yake shuleni alikwenda akiwa na hali mpya, fikra za mapenzi alizifuta kabisa katika akili yake. Alipofika alikutana na rafiki yake Johari,



“Vipi wewe jamani mbona jana ulipotea tu?”



“Nilikuwa najihisi vibaya, tumbo lilikuwa laniuma”



“Kwahiyo ukaomba ruhusa?”



“Ndio”



“Ila wewe kuruhusiwa ni lazima maana walimu wanajuaga kuwa wewe si muongo”



Basi Erica alikuwa akiulizia masomo yaliyompita jana, kwani wazo la mapenzi lilipotea kabisa kwenye akili yake kwa wakati huo.



Muda wa mapumziko akiwa anaandika kazi ya jana, alikuja Erick na kukaa karibu yake kisha akamuuliza,



“Jana uliondoka mapema sikukuona tena?”



“Kwani ulikuwa unanitafuta?”



“Hapana, ila nilikuangalia tu sikukuona. Vipi nikakuletee nini nje?”



“Sitaki chochote”



“Mbona unaongea kwa hasira?”



“Hivi nimeongea kwa hasira eeh! Samahani ila sitaki chochote”



Ilibidi Erick aondoke zake ila Erica alifanya vile sababu hakutaka tena kujihusisha na maswala ya mapenzi aliona angeharibu maisha yake.



Alipokuwa amekaa pale muda kidogo Johari alirudi, na kama kawaida alianza kuongea aliyoyaona nje,



“Mwenzangu nimemuona Manka anamuongelea Erick, mmmh Yule mtoto kwa weupe ule na uzuri ule atamuopoa tu Erick”



“Kwahiyo Manka anamtaka Erick?”



“Aaah nasikia Erick ndio anamtaka Manka halafu Manka nae anampenda Erick, mmh nangoja nione tu picha la malavidavi litakavyoenda”



Kiukweli maneno haya yalimchoma Erica vilivyo ingawa hakutaka habari za Erick tena ila swala la kuambiwa kuwa Erick anamtaka Manka na inaonyesha Manka anampenda Erick zilimchanganya vilivyo ukizingatia akijiangalia yeye na Manka alimuona Manka kuwa na mvuto zaidi kwani yeye hakujiweka kabisa kwenye kundi la wasichana wanaovutia.







Muda wa kutoka shule, aliweza kumshuhudia Erick akiwa ameongozana na Manka yani hapo moyo wake ukalia kabisa, alihisi kupasuka moyo na kuanza kuwa na wivu ila alijipa moyo asiendelea kumuonea wivu Erick,



“Mwanamke yeyote atakaye kuwa nae ni sawa, sitaki kumpenda”



Alirudi nyumbani kwao ila alionekana kuwa na mawazo sana, alimkuta mama yake na hakuweza kumwambia chochote ukizingatia bado binti mdogo atamwambiaje mama yake kuhusu mapenzi, alijiuliza tu moyoni,



“Mapenzi ni nini? Kwanini najisikia hivi kwa Erick? Kwanini nimeumia moyo kumuona Erick yupo na Manka? Aaah sitaki mapenzi jamani, siku zote nafundishwa ubaya wa mapenzi ila kwanini nijisikie hivi kwa Erick? Natamani Erick aniambie ananipenda, ila hapana hawezi kuniambia hilo neno. Mmmh na kile kikaratasi alichoniandikiaga je? Hapana labda alimuandikia mwingine ndio akajisahau na kunipa mimi”



Alikuwa akijiuliza maswali na kujijibu mwenyewe kisha kuamua kufanya kazi zake za shule na mambo yake ya masomo.



Usiku wa siku hiyo mamake alimuita na kumwambia,



“Mwanangu Erica, umemuona Aisha?”



“Sijamuona, kafanyaje kwani?”



“Shule imemshinda kabeba mimba, tafadhari Erica usinitie aibu ya aina hiyo maana sijui sura yangu nitaiweka wapi”



“Mama jamani mimi naweza kufanya hivyo!”



“Mwanangu, kidato cha pili ndio kidato cha watoto kuota mapembe maana huwa hamsikilizi nyumbani wala walimu shuleni, na wengi shule inawashinda hapo. Mwanangu usinitie aibu, soma kama dada zako, maliza upate kazi ndio uolewe. Yani watoto wako uzae ndani ya ndoa, maswala ya kurukaruka na vijana hapana, tena ikitokea kuna kijana anakusumbua huko sijui nakupenda sijui nini na nini njoo uniambie mwanangu. Wewe niambie halafu mimi nitajua nifanye nini na huyo kijana, sitaki maswala ya mtu kukuchezea binti yangu. Umenielewa!”



“Sawa mama nimekuelewa”



Kisha akamuaga mama yake na kwenda kulala.







Akiwa amelala, Erica alijiona yuko mahali ufukweni halafu Erick yupo pembeni yake na akimuonyesha mapenzi ya hali ya juu na kumfanya apagawe zaidi. Akashtuka kutoka usingizini akihema hema,



“Shindwa shetani, sitaki maswala ya mapenzi, sitaki kupenda jamani”



Alikaa chini ila wazo la ile ndoto likafanya kazi kwenye akili yake na kuanza kujihisi akitamani kuwa karibu na Erick ila alipingana vikali na wazo hilo.



Kulipokucha kama kawaida alijiandaa na kwenda shuleni, ile anafika tu shuleni akashangaa kumuona Erick akiwa ameongozana na Manka, hakupendezwa na ile kitu kabisa, kisha Erick akaenda upande mwingine halafu Manka akasogea alipo Erica na kumsalimia,



“Erica mambo”



“Poa”



“Mbona leo sio mchangamfu?”



“Kawaida tu, nipo kawaida”



“Ngoja nikuulize kitu”



“Niulize”



“Hivi mimi na Erick tunapendezana eeh!”



Hili swali Erica hakulipenda kabisa, ila kwavile alitaka kumuonyesha Manka kuwa yupo kawaida aliamua kulijibu,



“Mnapendezana, ndio shemeji nini?”



Manka akacheka na kujibu,



“Hapana, ila nina mpenzi wangu kafanana na Erick huyo ndio nilikuwa nataka kujua kama tunapendezana”



“Mmmh Manka jamani, si useme ukweli tu kama ndio shemeji”



Manka akacheka na kumuacha Erica halafu yeye akaelekea darasani kwao, ila Erica aliweza kuelewa pale kuwa Erick na Manka wameshakuwa na mahusiano tayari ukizingatia toka jana amjibu vibaya Erick wala hakuonekana kumfata akimuuliza chochote kile.



“Alikuwa ananipima tu jana, sijui kajua kuwa nampenda kwahiyo anataka kucheza na hisia zangu? Simtaki na sitaki kupenda”



Aliingia zake darasani na kumuona Erick akiwa anazungumza jambo na Johari, alipita kama hawaoni vile maana alienda moja kwa moja kukaa sehemu yake.







Johari alimfata Erica na kuanza kuongea nae,



“Umeniona pale nilikuwa nimekaa na Erick?”



“Nimekuona ndio”



“Basi mwenzangu, Erick alikuwa ananitongoza”



“Mmmh anakutongoza?”



“Ndio, Erick alikuwa ananitaka yani anasemaje hapa shuleni wasichana wote hakuna anayenifikia mimi kwa uzuri”



“Mmmh sasa wewe umemjibu vipi?”



“Nimemkataa”



“Mmmh Johari wewe umemkataa? Unakumbuka ulisema utamtongoza mwenyewe Erick sasa umepata bahati hiyo amekutaka mwenyewe kweli umkatae”



“Nimemkataa ndio, unafikiri Erick mwenyewe ni mzuri kivile, wala wa kawaida tu”



“Ila jana ulisema alimtongoza Manka”



“Kumbe Erick alimwambia Manka kuwa aje aniambie mimi kuwa ananipenda ila Manka nae anamtaka Erick hajaja kuniambia ndiomana Erick kaamua aniambie mwenyewe leo”



Ikabidi Erica amueleze rafiki yake vile ambavyo aliambiwa na Manka na kuhisi kuwa Manka na Erick washakubaliana,



“Hana lolote huyo Manka, anajivunia ule weupe wake tu. Erick ananitaka mimi ila nimemkataa”



Ilibidi Erica akubaliane na ukweli wa Johari kuwa Erick anamtaka yeye, na moja kwa moja alihisi kuwa Erick ni kijana muhuni na anataka kuchzea wasichana tu ndiomana anawatongoza tongoza hovyo.



Muda kidogo wasichana wote wakaitwa na mwalimu wa malezi pale shuleni alikuwa ni mmama wa makamo, aliwaita na kuanza kuongea nao kuhusu maadili,



“Hivi kweli kabisa msichana unamuandikia barua mvulana ya kumtaka kimapenzi, hamjui kuwa mnajiharibia maisha yenu! Mapenzi yapo tu na mtayakuta mkimaliza shule, hawa vijana wasiwababaishe kabisa, mtu anayekupenda hawezi kukuharibia masomo, atasubiri umalize shule kwanza. Ni aibu kubwa sana kwa jamii ya kiafrika haswaa ya kitanzania kwa mtoto wa kike kumtongoza mvulana. Muache hiyo tabia mnatutia aibu. Leo siwataji wahusika wa tabia hii ila safari ijayo msipojirekebisha nitawataja, hiyo tabia ikome kabisa mnatutia aibu”



Yule mama malezi wao aliwaelekeza vilivyo na kufanya wenye kuelewa waelewe ila wasioelewa kwao ilikuwa ni anapiga makelele tu.



Muda wa kuondoka leo Erica aliongozana na Johari,

“Unajua madam alikuwa anawasema wakina nani pale”

“Wakina nani?”

“Mwenangu Manka kabambwa na barua kamuandikia Erick kuwa anampenda yani Manka bhana hadi ameshindwa kuniambia mimi ukweli kuwa Erick ananipenda mimi kumbe alishamwandikia barua ya kumtaka”

“Ila mimi hizo hbari za Erick sizitaki”

“Mmmh na mfano akija kukutongoza na wewe?”

“Naenda kumsemea kwa mama yani asithubutu kabisa kabisa. Anafanya wanawake kama mpira eeh kila anayetaka anabutua, kwakweli anikome ingawa najua hawezi kunitongoza mimi”

“Mmmh huwezi jua ya Mungu mengi, ila unatakiwa kuwa na msimamo shoga yangu. Wanaume wana tamaa, yani kama Erick anatamaa sana, mtu mgeni lakini anatamani wanawake hapa shuleni balaa. Yani kuwa makini”

Waliachana kisha Erica kurudi nyumbani kwao na kujiuliza kuwa ni kwanini rafiki yake alikuwa anamsisitiza kuwa awe makini maana yeye aliona kawaida tu na wala hakufikiria kama Erick anaweza kumtongoza ila rafiki yake alivyomtahadhalisha ni balaa.



Siku hiyo ilikuwa ni siku ya Ijumaa na iligubikwa na michezo mbalimbali pale shuleni kwao, Erica alikuwa darasani mwenyewe na rafiki yake Johari walikuwa wakipiga stori za hapa na pale. Muda kidogo aliingia mule darasani Erick akiwa ameongozana na rafiki yake Musa walikaa mbele kidogo na walipokaa Erica na johari.

Wakati maongezi yao yanashamili mara Erick aligeuka na kuita,

“Erica”

Erica alimuangalia Erick ila hakumuitikia, kisha Erick akamuita tena Erica na muda huu Erica alivyomuangalia akamwambia,

“Erica nakupenda”

Moyo wa Erick ulienda kwa kasi sana, na kumfanya asijibu chochote ila Erick alisema tana,

“Erica nakupenda”





Erica alimuangalia Erick ila hakumuitikia, kisha Erick akamuita tena Erica na muda huu Erica alivyomuangalia akamwambia,

“Erica nakupenda”

Moyo wa Erica ulienda kwa kasi sana, na kumfanya asijibu chochote ila Erick alisema tena,

“Erica nakupenda”

Erica alijihisi vibaya moyoni maana lile swala la kutongozwa mbele ya rafiki yake Johari na mbele ya Musa hakupendezwa nalo, alinuka na kutoka nje kwa aibu, cha ajabu wala rafiki yake Johari hakumfata alipotoka, alikaa peke yake mpaka muda wa kwenda nyumbani.

Leo aliondoka akiwa ameongozana na wanafunzi wengine huku ameweka begi lake mgongoni, mara akavutwa begi na kuwa kama mtu aliyevutwa kwa nyuma, alipogeuka alimuona Erick halafu alikuwa akimuangalia kwa jicho la hamasa sana, huku akiongea kwa sauti kama ya kunong’oneza na yenye mtetemeko ndani yake,

“Erica nakupenda”

“Sitaki uniambie maneno hayo Erick, nitaenda kusema kwa mama”

Kauli hii ilimchekesha Erick na kufanya aanze kucheka, kisha akamuuliza,

“Sasa Erica kukupenda wewe kunahusiana vipi na kwenda kumwambia mama yako? Mimi nakupenda wewe Erica, naomba nielewe”

Erica akaona hii sasa itakuwa ngoma nzito aliamua kukimbia na kumwacha Erick akiwa ameduwaa pale maana Erica alienda kujichanganya na wanafunzi wengine katika mlolongo wa kwenda nyumbani.

Alifika kwao huku sauti ya Erick ikimjia kichwani kuwa Erica nakupenda, aliwaza sana na kutafakari ila uoga nao ulikuwa unamshika vilivyo.

Siku hiyo hadi wakati wa kula chakula cha usiku bado sauti ya Erick ilifanya kazi vilivyo masikioni mwake, hadi akaamua kuwahi kwenda kulala lakini usingizi haukumpata mapema kwani alikuwa akisumbuliwa na sauti ile ile ya Erick.



Kesho yake akiwa ametulia nyumbani kwao alienda rafiki yake Johari na kumkuta pale na kusalimiana nae kisha kuanza stori za hapa na pale,

“Eeeh jana uliishiana vipi na Erick?”

“Shiiii, punguza sauti mama yupo ndani atasikia”

“Mmmh umemkubalia nini? Sema ukweli Erica”

“Jamani si upunguze sauti nimekwambia, tubadilishe stori kwanza”

“Ila wewe si ulisema akikutongoza utakuja kumwambia mama yako, saivi unasema nipunguze sauti umemkubali nini?”

Mara mama yake Erica alitoka ndani na kuuliza,

“Kitu gani hicho?”

Johari alijibu haraka haraka,

“Kuna kijana mama anaitwa Erick kaja shuleni na amemtongoza Erica halafu huyo kijana anatongoza kila msichana shuleni”

“Amemtongoza?”

“Ndio kamtongoza”

“Yani nyie watoto mmeanza habari za kutongozana kweli? Hayo ndio mambo mnayojifunza huko shuleni, na udogo huo mshaanza kutongozana. Erica niambie hayo maneno ni kweli?”

Erica alikaa kimya na kuinamia chini, mama yake alimuuliza tena ila Erica alinyamaza tu. Mama yake akamsogelea na kumnasa kibao,

“Wewe Erica si naongea na wewe, unaniletea upunguani eeh! Yani binti mdogo hivyo unatongozwa shuleni unaacha kusema kwa mama yako? Na Jumatatu tutaenda wote shuleni nikamuone huyo shababi wa kutongoza tongoza hovyo”

Huyu mama alionekana amechukia vilivyo kisha akaondoka zake, Erica alimuangalia kwa gadhabu sana Johari na kumwambia kuwa aondoke zake.

“Ondoka kwetu”

Johari hakubisha kitu chochote na kuinuka kisha akaondoka zake.



Siku ya Jumapili, mama Erica alienda na Erica kanisani na baada ya ibada alimpeleka kwa mchungaji,

“Naomba umuombee mwanangu, ni binti mdogo ila anatakwa kutekwa na ulimwengu wa uzinzi”

Mchungaji alimuangalia Erica na kumuuliza,

“Umesimama wapi binti yangu? Unataka kuharibu usichana wako?”

Erica hakujibu chochote, mchungaji akamuomba mama Erica awapishe ili wapate kuongea kidogo na Erica, basi mama Erica alifanya hivyo. Na baada ya maombi mchungaji alianza kuongea na Erica,

“Ni kweli umeanza uzinzi Erica?”

“Hapana baba”

“Unajua kama uzinzi ni dhambi?”

“Najua na sijafanya uzinzi mimi”

“Sasa imekuwaje mamako aseme umeanza uzinzi?”

“Kuna kijana mmoja shuleni amenitongoza, sijamkubali ila rafiki yangu kaja kusema nyumbani kuwa nimetongozwa”

“Kidato cha pili mnaanza kutongozana jamani!”

“Sikuwa na lengo la kumkubali, tafadhali mchungaji ongea na mama anielewe. Mimi sio mtoto mbaya”

“Sawa nitaongea naye, ila kumbuka kuwa hata kwenye biblia Mithali 4:13 inasema “Mkamate sana elimu, usimuache aende zake” Kuwa makini na masomo yako mwanangu”

“Nimekuelewa”

Basi mchungaji aliahidi kupata siku na kuzungumza na mama yake Erica kwahiyo muda huo akamruhusu kuondoka.

Erica alirudi na mama yake nyumbani ila alimuona mama yake kama hakuwa na furaha kabisa kwa siku hiyo na hakujua ni kitu gani mama yake anakipanga moyoni mwake.



Jumatatu kama kawaida Erica alijiandaa na kwenda shuleni, ila nay eye hakuwa na furaha kabisa siku hiyo kutokana na vile alivyosemewa na Johari na jinsi alivyosemewa na mama yake kwa mchungaji wao.

Akiwa amekaa darasani mara alikuja kuitwa na mwalimu, na kuongozana nae kuelekea ofisini. Alipoingia tu moyo wake ulishtuka sana kwani alimkuta mama yake na mwalimu wa nidhamu. Kwakweli raha ilizidi kumuisha kabisa kwani hakujua kuwa mama yake ameenda kufanya nini,

“Haya sogea huku Erica”

Erica alisogea kwa mwalimu na kuanza kumsikiliza,

“Ni kijana gani aliyekutongoza?”

Erica alikaa kimya kwani aliogopa kusema kwa kuhofia ni aibu kwa Erick, ila mama yake alimuangalia kwa gadhabu sana, na kumsogelea mwenyewe halafu akamnasa tena kofi,

“Hebu mtaje huyo mwendawazimu mwenzako”

Mwalimu nae akashika bakora kuwa asipotaja atamuadhibu, mwalimu akataka kumchapa bakora. Erica aliamua kusema,

“Lakini hakuna mtu aliyenitongoza”

Mama yake akawaka kwa hasira,

“Kwahiyo mimi ni chizi? Nimekuja kuleta habari za uongo, hebu muiteni rafiki yake Johari aje kuthibitisha ujinga wa huyu”

Mwalimu alimuangalia Erica na kumuamuru apige magoti, kisha mwalimu mwingine alienda kumuita Johari.

Alipofika aliulizwa kuhusu mwanaume aliyemtongoza Erica,

“Ni Erick mwalimu, ila msinitaje”

“Hebu toa ujinga wako hapa, na umuite huyo Erick upesi”

Basi Johari akatoka na kwenda
kumuita Erick ambaye alishangaa kufika ofisini na kukuta kuna mmama amekaa huku walimu wawili wakiwa wamesimama na viboko vyao halafu Erica kapigishwa magoti.

Alipofika nae aliamriwa kupigwa magoti na kuulizwa kama ni kweli amemtongoza Erica,

“Ni kweli mwalimu ila sijamwambia kwa lengo baya ni kweli nampenda”

“Nyamaza upesi, unajua kupenda wewe? Ndio nyie mnaoanzaga kuharibu maisha ya wenzenu bado mapema kabisa, unakubali kirahisi rahisi tu.”

Wale walimu walimuomba mama Erica aondoke maana walisema watamshughulikia huyo Erick, kisha wakamwambia Erica ainuke na kwenda darasani.

Kiukweli Erica alishikwa na moyo wa huruma sana, kwani walimu wale walianza kumuadhibu Erick kwa viboko pale pale, basi Erica akasema

“Mwalimu lakini Erick hajanitongoza”

“Nyamaza upesi na wewe, unataka adhabu tukupe wewe eeh! Haya Erick tongoza tongoza nenda darasani, adhabu yako apate huyu kipenda roho”

Erick aligoma na kuwaambia walimu,

“Mimi ndio naye stahili kuadhibiwa kwani ni kweli nilimwambia Erica kuwa nampenda, ingawa sikuwa na nia mbaya. Na ninampenda kweli”

“Nyamaza wewe kijana, Erica toka upesi nenda darasani. Na siku nyingine mtu akikutongoza shuleni uje useme kwa walimu na sio kwenda kusema nyumbani. Mnawapanikisha sana wazazi”

Erica alitoka mule ofisini ila alijawa na roho ya huruma sana, alirudi darasani ila roho ilikuwa inamuuma mno.



Erica alikuwa kimya kabisa darasani huku watu wakitamani kumuuliza kuwa imekuwaje kule ofisini walipoitwa, ila walishindwa sababu Erica alionekana kuchukizwa sana.

Baada ya masaa mawili, Erick alirudi darasani na kuchukua begi lake kisha akaondoka zake. Yani Erica alitamani kumuuliza kuwa imekuwaje kuwaje, ila hakuweza kufanya hivyo ila Erick alipotoka tu Johari nae alimfata nyuma kumuuliza,

“Pole Erick, imekuwaje tena?”

“Sikujua kuwa Erica ni msichana mjinga kiasi hiki. Kumbe ulijua kuwa atanisemea kwa mama yake kwanini hukuniambia?”

“Ila mimi nilikwambia Erick usimtongoze Erica yani kaniingizia matatizo na mimi, nimeshangaa tu ofisini naitwa nithibitishe eti amesema wakati unamtongoza mimi nilikuwepo. Yani Erica ni muuwaji kwakweli, pole sana Erick. Kwahiyo imeishiaje?”

“Aaah walimu nao wale sijui vipi yani hawaelewi kuna kupenda”

“Kwahiyo umekubali kabisa kuwa kweli ulimtongoza?”

“Kwanini nikatae sasa wakati ni kweli nimemtongoza! Sikuona sababu ya kukataa ukizingatia ni kweli nampenda Erica, wanaweza sema ni akili za kitoto ila kutoka moyoni kabisa nampenda Erica”

“Jamani ukaamua ujitoe muhanga hivyo! Ungekataa kuwa hukumtongoza”

“Siwezi kukataa kitu ambacho nimefanya kweli ila nimeshangaa walimu waliponiambia kuwa Erica amemwambia mama yake kuwa mimi natongoza wasichana hovyo shuleni, jamani toka nimekuja kwenye shule hii sijawahi kumtongoza msichana yeyote Yule, hata shule nilizotoka sijawahi kumtongoza msichana ila Erica nimejikuta yupo moyoni mwangu ila ameniponza”

“Duh pole sana, kwahiyo walimu wamechukua uamuzi gani?”

“Wamesema nikamuite mzazi wangu, wewe rudi darasani yani acha tu”

Erick aliondoka na kumuacha Johari akirudi darasani, ila Joharia alienda moja kwa moja alipokaa rafiki yake na kujaribu kuzungumza nae,

“Jamani Erica usinichukie. Mimi ni rafiki yako ujue, nimefanya yote haya kukuokoa tu”

“Sasa umeniokoa nini na umemuingiza kijana wa watu kwenye matatizo”

“Matatizo gani? Sikia nikwambie, pale nimemfata Erick na kumuuliza kinafki tu. Akasema kuwa alikutongoza mbele yangu ili roho iniume kuwa anakutaka wewe wakati kashanitongoza na mimi. Halafu anasema amekubali ofisini ili wewe umuonee huruma na siku zijazo umkubali ili amalize machungu yake kwako. Yani wanaume ni wapumbavu sana.”

Erica maneno ya Johari yalimuingia kwa kiasi Fulani kwani aliweza kuona kuwa pengine ni kweli Erick alikuwa akimjaribu tu na swala la Erick kukubali ofisini inawezekana ni sababu anahitaji tu amuonee huruma ili mwisho wa siku baada ya zile adhabu amkubali.



Erica alirudi nyumbani kwao ila hakutaka kumuuliza mama yake kuwa aliongea maneno gani shuleni kwao kwani alijua kama angemuuliza basi angeanzisha mada upya, ila mamake akamuita mwenyewe,

“Yule kijana mwanangu, walimu wamesema lazima atafukuzwa shule”

“Atafukuzwa shule?”

“Ndio, nimemsemea na swala lake la kutongoza kila binti hapo shuleni kwenu. Yani kijana mzuri vile halafu anakuwa na matendo ya ajabu, anajivunia uzuri wake. Yani vijana wa vile huwa hawafai, kazi yao ni kuchezea chezea wasichana”

Erica hakutaka kuchangia mada yoyote kabisa alibaki tu kumsikiliza mama yake kisha kwenda chumbani kwake, ila alikuwa anajiuliza sana kama kosa alilolifanya Erick lina haki ya yeye kufukuzwa shule.

Siku hiyo hakupata usingizi kabisa maana alijikuta akiwaza kuhusu Erick tu na kile kilichotokea siku hiyo hadi panakucha alijiandaa tena na kwenda shuleni.

Aliangalia darasani huku na huku hakumuona Erick, akajikuta akianza kujihisi vibaya katika moyo wake. Akainuka na kutaka kutoka nje ya darasa kidogo akamuona Erick akiwa ameongozana na mama wa makamo alihisi ni mama yake Erick, alitamani sana kujua kuwa ni kitu gani kinaenda kuzungumzwa ofisini.

Alitoka vizuri darasani na kuwa kama anaelekea uwani, ila hakwenda uwani kwani alienda nyuma ya ofisi ya walimu ili kusikiliza kilichokuwa kinajadiliwa.

Alianza kusikia walimu wakiongea na Yule mama ila sauti ya Erick haikusikika,

“Mwanao kaonyesha nidhamu mbovu hapa shuleni hivyobasi tunamsimamisha masomo”

“Jamani walimu, mpeni nafasi nyingine sidhani kama mwanangu atarudia hiko kitu baada ya adhabu yote mliyompa”

Erica alikuwa makini sana kule nyuma akisikiliza, mara alihisi kama kuna mtu kamshika kiuno, akageuka haraka na kumuangalia alikuwa ni Erick.





Erica alikuwa makini sana kule nyuma akisikiliza, mara alihisi kama kuna mtu kamshika kiuno, akageuka haraka na kumuangalia alikuwa ni Erick.

Ila Erick alikuwa akitabasamu tofauti na Erica alionyesha sura ya kuchukizwa sana kwani hakutegemea kushikwa kiuno na Erick, basi kabla hajasema chochote Erick alimsogelea na kumbusu, kitendo kile kilimzubaisha kidogo Erica kisha Erick akamwambia,

“Najua sitakuona kwasasa maana hii shule ndio basi tena! Ila nimekubusu kama ishara ya upendo wangu kwako”

Erica alikuwa kimya tu, basi Erick akasogea na kumbusu tena ila kwa bahati mbaya wakabambwa na mwalimu wa nidhamu,

“Kheeee yani kesi bado haijaisha mnafanya mambo ya ajabu huku, haya piga magoti”

Wakapiga magoti huku Erica akitetemeka sana na kuanza kumuomba msamaha mwalimu,

“Mwalimu naomba msamaha”

“Msamaha gani niutoe kwa mambo ya kijinga kama hayo? Mimi ni mwalimu wa nidhamu mnataka watu wafikirie nini kwenye shule yetu ikiwa wanafunzi mnafanya vitendo vya ajabu hivyo!”

Erick nae akaongea,

“Lakini mwalimu hakuna kibaya ulichotukuta tunafanya, mimi nimembusu tu Erica”

“Hebu nyamaza na wewe, haya inukeni hapo twendeni ofisini mkapate adhabu yenu”

Basi wakainuka pale kisha mwalimu akaongozana nao hadi ofisini,

“Nimewakuta hawa wajinga nyuma ya ofisi hapo wanabusuana”

“Kheee nyie watoto mna nini lakini? Ni mapenzi gani hayo? Kwakweli sina mjadala hapa, Erick shule basi, na wewe Erica kesho uje na mzazi wako. Mama Erick hakuna cha kusikiliza kutoka kwako, hatutaki vijana wa kuharibu mlolongo wa shule hapa, naomba uondoke na mtoto wako, barua hii hapa nilishawaandalia”

Mama Erick aliona mwanae kamtia aibu sana, kwahiyo akaondoka nae na Erica alitakiwa kwenda kwao muda ule ule kuita mzazi wake.



Erica aliondoka akiwa na mawazo sana maana hata hakuelewa kuwa mama yake atamueleza kitu gani sababu ni picha mbaya tayari, alifika kwao na kunyata kuingia ndani ila mama yake alimuona na kumuuliza,

“Wewe vipi una matatizo gani wewe? Na mbona mapema hivi?”

Erica alianza kujiuma uma kwani hakuelewa ni jinsi gani amueleze mama yake kuwa anahitajika shuleni na amekutwa na Erick.

“Wewe Erica wewe mbona husemi chochote, kuna tatizo gani mbona mapema?”

“Walimu wamesema nije nikuite”

“Mungu wangu, umefanya ujinga gani tena Erica mwanangu jamani eeh! Niambie ujinga gani umefanya?”

“Sijafanya chochote mama”

“Haiwezekani hujafanya chochote niitwe shuleni kwenu, sema umefanya nini?”

“Sijafanya chochote mama”

“Usiniletee uchizi wako kabisa, tunaenda huko shuleni kwenu sasa hivi, unajua kama una mtihani wa taifa wewe? Unafanya ujinga kweli? Ngoja nijiandae twende”

Yule mama alitumia muda mfupi sana kujiandaa kisha kuanza kukokotana na Erica kwenda shuleni, kwakweli kile kitendo kilikuwa ni cha aibu sana machoni pa Erica.

Walipofika shuleni, wakati mama Erica anaingia getini akielekea ofisini, Erica alirudi nyuma na kujificha kisha akatumia njia za panya kuondoka. Kwahiyo mama Erica alijikuta akiingia mwenyewe ofisini.

Erica alirudi tena nyumbani na kujifungia chumbani kwake akilia, kwakweli alilia sana nah ii aliiona kuwa ni siku mbaya sana kwake kwani kaonekana ni msichana mbaya mwenye tabia mbaya, roho ilimuuma sana.



Mama Erica alirudi nyumbani akiwa na hasira sana kwanza kwa kile alichoambiwa mwanae kakifanya na pia kuhusu swala la mwanae kumkimbia shuleni. Aliingia ndani na kumkuta Erica sebleni akijiliza, kwakweli mama Erica alimshika Erica na kuanza kumpiga sana,

“Umenitia aibu sana wewe mtoto, nitaiweka wapi sura yangu hii. Yani siku zote najivunia wanangu wametulia ni wasomi halafu wewe unataka kuharibu sifa ya familia kweli? Sijapenda ulichokifanya Erica, na umesimamishwa masomo mjinga wewe, sijui utafanyaje na kuna mtihani wa kidato cha pili”

Erica alilia sana hadi alikosa raha kabisa kwa kulia, akaenda kujifungia chumbani kwake akilia, yani siku hiyo hakutoka tena nje ukizingatia alionekana ni msichana mstaarabu halafu gafla kaonekana ni msichana asiye na maadili kabisa, alijikuta akiyachukia mapenzi na kukosa raha kabisa.

Mama Erica, alipiga simu kwa Bite ili washauriane kuhusu Erica, naye Bite aliamua kwenda ili akajue imekuwaje.

Baada ya mazungumzo na mama yao aliamua kwenda kuzungumza na mdogo wake,

“Pole mdogo wangu Erica”

“Nisameheni dada ila sijafanya chochote kibaya”

“Naelewa ila niambie ukweli jinsi ilivyokuwa ili nijue jinsi ya kukusaidia”

Erica aliamua kumueleza kitendo cha yeye kwenda nyuma ya ofisi ili kusikiliza alichokuwa anaambiwa mzazi wa Erick na jinsi Erick alivyokuja nyuma yake na kumbusu kisha mwalimu kuwakuta,

“Dada sijafanya chochote kibaya, hata mimi nilikuwa nikimshangaa tu kunibusu ila nimeshangaa walimu kuchukua maamuzi mazito sana kwangu”

“Sawa mdogo wangu nimekuelewa basi usiwe na mawazo sana”

“Mawazo lazima dada, nipo kidato cha pili natakiwa kufanya mtihani”

“Si bado namba za mitihani hamjaandikisha?”

“Ndio ila nitafanyaje?”

“Usijali nitakufanyia mpango haraka iwezekanavyo na tutaenda kuishi wote kule kwangu hadi umalize kidato cha nne na kumaliza masomo yoko yote vizuri ila niahidi tu kuwa hutoniangusha. Yani maswala ya mapenzi hayatakuwepo kwenye akili yako”

“Dada nataka kusoma, sitaki habari za mapenzi kabisa nataka kusoma”

“Basi usijali, ngoja niongee na mama. Tutaondoka leoleo maana mama inaonyesha amechukizwa sana asije akafanya kitu kibaya bure, ngoja twende ili mama nae apunguze mawazo”

“Sawa dada nimekuelewa”

Basi Bite aliamua kwenda kuongea na mama yao ili kuangalia namna ya kumsaidia mdogo wake huyu.



Erica alichukuliwa na dada yake kisha akatafutiwa shule nyingine na kuanza masomo yake huko, kwakweli alijikuta akifikiria zaidi masomo na kuyachukia mapenzi kwani yalishamwekea doa na sifa mbaya, hakupenda ile kitu ijirudie katika maisha yake ya kwenye shule hiyo mpya kwahiyo alijitahidi kusoma kwa bidii na kujiweka mbali na watoto wa kiume kwani kila aliporudi nyumbani dadake alikuwa akimuhusia kuhusu mapenzi kuyaanza mapema yanavyoumiza moyo,

“Kwahiyo dada ni kipindi gani kizuri kuanza mapenzi?”

“Usifikirie hayo kwasasa mdogo wangu, kipindi kizuri ukikua utakijua tu ila kwasasa usifikirie chochote kuhusu mapenzi yani wewe fikiria elimu yako tu. Mapenzi yapo na utayakuta huko mbele, kwasasa fikiria masomo”

“Sawa dada”

“Na kama kuna jambo lolote unakumbana nalo huko shuleni usisite kuniambia, nieleze mimi ni dada yako na nimepitia mengi nayajua”

Erica alimuelewa sana dada yake huyu na aliona anafanya yote haya sababu anamuhurumia kwahiyo ikabidi asome kwa bidii, hata akaachana na marafiki wote aliokuwa nao awali zaidi ya kufatilia masomo yake.



Erica alimaliza kidato cha nne na matokeo yalitoka alikuwa amefaulu vizuri tu na kuchaguliwa kuendelea na masomo yake kwenye shule ya bweni ya wasichana, alifurahi maana aliona huko kutamsaidia zaidi kutokujihusisha na maswala ya mapenzi.

Dada yake alimfanyia mipango yote ya kuweza kuanza shule na alianza shule aliyopangiwa, ila muda ambao marafiki aliokutana nao kule wakiwa wanaongelea mada za mapenzi kwenye kichwa chake inamjia picha ya mtu mmoja tu ambaye ni Erick hadi mara nyingine anawaza kuwa Erick atakuwa wapi, kuwa nay eye je anaendelea na shule? Kwenye moyo wake aliona ni kweli anampenda Erick na aliamini ipo siku atakutana tena na Erick halafu Erick atamtongoza tena na kuanza mahusiano,

“Sijui kwanini huyu Erick hatoki kwenye akili yangu, ni siku nyingi lakini Erick bado kaganda kwenye akili yangu. Kuna siku nitamuona tena kweli? Kama Erick alikuwa ananipenda kweli nina hakika nay eye atakuwa anasubiri tukutane tena tukiwa wakubwa”

Ndio mawazo yake yalivyokuwa yakimueleza maana moyo wake ulimpenda Erick vilivyo.



Shule ilifungwa na wanafunzi walikuwa wakirudi likizo, alipanda kwenye basi na wanafunzi wengine, ila siti aliyokaa yeye alipakana na kijana mmoja ambaye pia alikuwa ni mwanafunzi anarudi kwao likizo, Yule kijana alianza kwa kumuongelesha Erica,

“Naitwa John, sijui mwenzangu unaitwa nani”

“Naitwa Erica”

“Oooh jina zuri sana, unajua safari ni ndefu mno bora tuzoeane tu. Unaishi sehemu gani?”

Erica alianza kuzungumza na yule John na kujikuta wakiongelea habari nyingi za hapa na pale ila mwisho wa siku John akamuomba Erica namba za simu,

“Sina simu”

“Mmmh huna simu mdada wa kidato cha tano?”

“Ndio sina simu, shuleni wanakataza. Nyumbani ndio kabisa, dadangu aliniambia nikimaliza kidato cha sita ataninunulia”

“Sasa itakuwaje? Mi napenda tuendelee kuwasiliana”

“Sijui itakavyokuwa, tutawasiliana tu siku nyingine tukionana ila simu mimi sina”

John akafungua begi lake la mgongoni na kutoa simu,

“Nina simu mbili, naomba uchukue hii moja tuwe tunawasiliana, natamani niwe na mawasiliano na wewe ya karibu sana Erica. Tafadhali naomba usikatae”

“Mmmh sasa wewe unaniamini nini mimi hadi kunipa simu?”

“Moyo wangu umekuamini Erica, tafadhali chukua simu hii tuwe tunawasiliana nakuomba, laini ipo nitakuwa nakupigia hata kama ukikosa vocha uwe unaniambia nikurushie”

John alimbembeleza sana Erica naye Erica aliona John ana moyo wa kipekee sana yani kumpa simu mtu asiye mfahamu vizuri ni kitu cha ajabu sana. Baada ya kubembelezwa sana Erica alikubali simu ile kwani kiukweli hata yeye alitamani sana kumiliki simu ila tu kwao walikuwa wanamzingua kumnunulia kwahiyo bahati ya kupewa simu na Yule kijana ilikuwa ni nzuri sana kwake ukizingatia Yule ni mwanafunzi mwenzie kwahiyo aliona katoa kwa upendo tu.



Erica alifikia nyumbani kwao maana mama yake alisema likizo awe anarudi nyumbani, kwahiyo ile simu aliyopewa na John aliificha chumbani kwake.

Ila likizo yake alikuwa akishinda sana chumbani kiasi kwamba mama yake akajua ni sababu ya kushinda sana shuleni kumbe alikuwa makini akiwasiliana kwa njia ya ujumbe na John, ila kila mama yake alipomuita aliificha ile simu. Alikuwa akiwasiliana na John kiasi kwamba aliona kuwa anaanza kumpenda John hata akasahau kama kuna mtu wa kuitwa Erick kwenye kichwa chake,

“Unajua Erica wewe ni msichana mrembo sana, natamani siku moja uje kuwa mke wangu”

“Jamani John mmmh!”

“Tupange kuonana kabla ya kurudi shule”

“Sasa tutaonana wapi?”

“Kuna sehemu nzuri sana mitaa ya Kigamboni, nitakwambia na tutaonana mapema sana halafu utarudi kwenu jioni”

“Sijui kama nitaweza, sijui kama nitapewa ruhusa”

“Kwanini wasikuruhusu binti mkubwa tu!”

“Kwetu ni watu wa dini sana, mama yangu ni mlokole yani hataki nitoke kabisa hata sijui nitamuagaje”

“Huwezi kumwambia unaenda kusalimia ndugu zako?”

“Yani mimi kutoka nyumbani labda dada yangu akijaga kunichukua kuwa twende nae mahali, na kusalimia ndugu wote anakujaga kunichukua yeye. Yule dada yangu aliyekuja kunipokea stendi”

“Sasa tutaonana vipi Erica?”

“Sijui”

“Hutaki kujifunza mapenzi wewe?”

“Mmmh naogopa ujue”

“Usiogope nitakufundisha”

Erica aliitwa na mama yake ikabidi aache simu na kwenda kumsikiliza,

“Mwanangu Erica mbona toka umerudi unajifungia tu chumbani au bado una mambo yale yale yaliyopita mwanangu? Yaliyopitwa si ndwele jamani Erica”

“Hapana mama sijifungii sababu hiyo nakuwa tu nimechoka”

“Kuwa mkweli mwanangu, yani nimeomba likizo urudi hapa nyumbani. Maana toka kipindi kile chote umekaa kwa dada yako, nikaona mwanangu umeenda mbali sana, nikaomba urudi hapa ili nikae kae na wewe japo kidogo ila tangu umerudi ni kujifungia ndani tu hadi sielewi kuwa una tatizo gani?”

“Hapana mama sina tatizo lolote”

“Basi uwe unakuja tunaongea ongea kidogo, hujanimiss mama yako jamani! Hutaki kuongea kidogo na mama yako huoni ni furaha hiyo”

“Nimekuelewa mama ila hata rafiki zangu wa mtaani nimewakumbuka, natamani nikawasalimie”

“Ukawasalimie nini watoto mapunguani wale, Yule rafiki yako Johari unajua kama ana mtoto!”

“Ana mtoto?”

“Ndio ana mtoto shule ilimshinda, yani kaendekeza mapenzi mwishowe ana mtoto. Nilikutana nae siku hiyo anaenda kliniki kachakaa hatari, ndiomana mwanangu nakwambia usome, hao rafiki zako hata sio watu”

“Ila mama ningeenda kuwasalimia tu”

“Unataka ukamsalimie nani Johari? Nitakupeleka kwao maana mimi pia nahitaji kwenda mitaa ya kule kwao kesho”

Erica ilibidi tu akubaliane na mama yake maana sharia za mama yake zilikuwa zinambana kiasi kwamba alikosa hata raha ya kufanya mambo yake mengine.



Kesho yake kama alivyopanga na mama yake walienda kwakina Johari, mama yake alikuwa anaongea na mama Johari halafu Johari alibaki kuongea na Erica,

“Kheee Johari kumbe una mtoto kweli?”

“Ndio rafiki yangu nina mtoto”

“Shule tena!!”

“Unadhani kuna cha shule hapa, nalea tu. Ila unajua aliyenizalisha?”

“Nani?”

“Geuka nyuma umuone anakuja”

Erica akageuka, alipomuona alishangaa sana maana hakuamini kabisa.





“Kheee Johari kumbe una mtoto kweli?”

“Ndio rafiki yangu nina mtoto”

“Shule tena!!”

“Unadhani kuna cha shule hapa, nalea tu. Ila unajua aliyenizalisha?”

“Nani?”

“Geuka nyuma umuone anakuja”

Erica akageuka, alipomuona alishangaa sana maana hakuamini kabisa.

Alimuangalia tena na kumuangalia Johari kisha akamuuliza kwa mshangao,

“Johari umezaa na mwalimu wa nidhamu!”

“Ndio hivyo rafiki yangu”

“Sasa nidhamu iko wapi hapo ikiwa mwalimu anazaa na mwanafunzi? Huyu mwalimu alisababishwa hadi nifukuzwe shule sababu ya busu la Erick tu ila leo umezaa nae! Inamaana ulikuwa na mahusiano na mwalimu?”

“Erica yani acha tu haya mambo haya sijui nikuelezeje ila acha tu”

Mama yake Erica alimfata Erica na kushangaa pia uwepo wa Yule mwalimu, ila Erica hakumficha mama yake ni pale pale alimpasulia kuwa mtoto wa Johari ni wa Yule mwalimu,

“Kheee baba kumbe tulijua unatuchungia wanetu kumbe wewe ndio fisi loh!”

Kisha mama Erica akaondoka na Erica na kurudi nae nyumbani, walipofika tu akaanza kumpa tena sharia zake,

“Hapa nyumbani hutoenda popote zaidi ya kwenda shuleni shule zikifunguliwa, na nitauliza walimu wako kama umefika shuleni. Ole wako uniletee upuuzi kama wa mwenzio Yule sijui hiko kitoto chako utakiweka wapi, sitaki ujinga mimi”

Kwa maneno haya ya mama yake aliona itakuwa ni vigumu kabisa hata kuonana tena na John ingawa alikuwa akiwasiliana nae kwenye simu.



Aliwasiliana na John kwa hakika hakuweza kukutana nae hadi likizo inaisha ila wakaahidiana aende na simu shuleni ili wawe wanawasiliana kinyemela kwani aliamini kuwa wapo wanafunzi wenye simu, alikubaliana nae kufanya hivyo.

Siku ya kurudi tena shuleni ilifika na alifatwa alfajiri na dada yake ili akapandishwe kwenye basi la kwenda shuleni, katika harakati za kuwahi akajikuta akisahau simu yake chumbani na aligundua wakati ameshapanda basi la kwenda mkoa.

Kwakweli alipatwa na gadhabu sana na kuwaza ikiwa mama yake ataiona hiyo simu itakuwaje maana hakuwa na uhakika wa haswa kuwa wapi ameiacha,

“Sijui nimeisahau vipi jamani, si John ataona kuwa namfanyia makusudi? Sijui imekuwaje nimesahau ile simu”

Alifika hadi shuleni akiwa na mawazo ya kusahau simu yake tu huku akisubiri likizo nyingine akienda nyumbani kwao, ila ilikuwa tofauti kwani likizo iliyofuata dada yake naye alikuwa kwenye mkoa huo na kumwambia kuwa atakuwa nae kwenye likizo nzima kwahiyo hakuweza kurudi nyumbani mpaka tarehe ya kufungua akarudi tena shuleni, alipatwa na mawazo sana ila mwisho wa siku akaamua kuachana na wazo hilo na kuona kama ni bahati basi anaweza akaja kukutana tena na Yule John kwa sehemu nyingine.

Alimaliza kidato cha sita na dada yake alihudhuria kwenye mahafali yake na kumwambia kuna zawadi amemuandalia ambapo wakati wakirudi nyumbani atampatia.

Na kweli kipindi anarudi dada yake akamkabidhi simu na laini na kumwambia kuwa kafurahishwa nae sana kuweza kumaliza shule na kumzawadia hiyo simu,

“Najua ulikuwa unatamani sana kumiliki simu, hiyo hapo utatumia na nilishamwambia mama amekubali pia”

“Asante sana dada”

Basi safari ilifanyika hadi wakafika nyumbani na kumkabidhi kwa mama yake, kisha dada yake kuelekea nyumbani kwake.

Sababu walifika usiku alikuwa amechoka sana, hivyo alifikia kuoga, kula na kulala.



Kulipokucha akakumbuka kuhusu simu yake aliyoiacha nyumbani kwao hapo, akajiuliza kuwa aliiacha sehemu gani na je bado itakuwa nzima au mbovu akaanza kutafuta mule chumbani, alitafuta sana ila hakuipata, muda kidogo mama yake akamuita, alitoka na kumsalimia

“Unaonekana upo busy sana, unatafuta nini?”

“Hamna kitu mama”

“Mmmh mpaka leo Erica bado unamficha mama yako jamani, najua unachotafuta ni simu”

Erica akashtuka kidogo maana hakudhania kuwa mama yake anajua kuhusu ile simu, alibaki anamtazama tu na mama yake aliendelea kuongea,

“Umekuwa msichana mkubwa sasa na karibia utaenda chuo kikuu, mwanangu nilikuwa nafanya yote kukulinda ila bado nikashangaa umepata ujasiri wa kuhongwa simu! Mwanangu mwanaume aliyekuhonga simu hakukutakia mema na maisha yako, na Mungu ni mkubwa sana ukaisahau, unajua uliisahau wapi?”

Erica aliangalia tu chini, na mama yake aliendelea kuongea

“Uliisahau hapo kwenye meza ya kula chakula. Nilijua tu ni wewe umeiacha maana humu ndani tunakaa san asana wawili, sasa unajua kilichotokea kwenye ile simu?”

“Sijui”

“Basi ile simu ilianza kuita na hukuweka mlio zaidi ya mtetemeko tu, nilisikia kitu kikiungurumisha mezani, nikakuta anapiga mtu aitwaye John maana uliandika jina hilo. Nikataka nipokee nijue mbivu na mbichi kama ujuavyo mama yako sipendi kinishinde chochote, ila kwa bahati mbaya muda huo nilikuwa nimeweka ndoo maji ili nideki na ile simu iliniponyoka na kuingia kwenye maji”

Erica alishangaa sana, huku akitamani kujua nini kiliendelea kwahiyo alimuuliza mama yake,

“Kwahiyo ndio ikafa hapo?”

“Hapana, niliitoa na kuifungua nilitaka niweke ile laini kwenye simu nyingine ila wakati natoa ile laini kwenye ile simu ilivunjika, yani laini ilivunjika kabisa, na simu nimeiacha ndani nadhani imekuwa kopo sasa. Haya mwanangu uliitoa wapi na John ni nani?”

Erica aliona sasa ni njia pekee ya kujitetea maana mama yake hajajua ukweli wowote wa ile simu,

“Ile simu haikuwa yangu mama, ila kuna rafiki yangu wakati tunarudi aliisahau kwenye begi langu na bahati mbaya alisafiri kabla yangu kwahiyo alisema nimpelekee shuleni, na mimi nikaisahau hata sikujua nimeiacha sehemu gani”

“Kheee kumbe ni ya rafiki yako? Na huyo John?”

“Hata simjui mama, huniaminigi tu mama ila mimi sina mambo hayo, unamuona Yule mwalimu aliyesingizia kuwa kaniona mimi na Erick, kiko wapi sasa ndio kamzalisha Johari, mama kuna watu hawapendi tu maendeleo yangu, hayo mambo sina”

“Jitunze mwanangu, jitunze nije kula mahali yako nzuri. Uwe mtoto mwema na mzuri, umalize shule uolewe, mama zenu tulijitunza ndiomana hadi leo tupo kwenye ndoa zetu”

“Sina mambo hayo mama hata usinifikirie vibaya, mimi mwenyewe nataka nisome na nipate kazi halafu ndio niolewe. Sitaki kuchezea maisha yangu mama”

“Sasa huyo mwenzio ulimalizana nae vipi?”

“Nilimueleza dada Bite, na alimlipa Yule mwenzangu, ndiomana akaninunulia na mimi simu”

“Kwasasa tumia tu simu ila wasiliana na wasichana wenzio sio wakina John, sijui Erick hapana utaharibu maisha yako”

“Jamani mama, sina mambo hayo”

Erica aliona sasa amefaulu ule mtihani wa kutokuaminiwa na mama yake ingawa alijua wazi hawezi kuwasiliana tena na John, pia hakujua kama ingetokea siku aneonana tena na Erick, watu hawa alishawatoa kwenye akili yake ingawa mara moja moja alipatwa na mawazo kuwahusu ila bado hakujua ni yupi amchague kati yao maana wote walimvutia.



Erica kwasasa alikuwa nyumbani tu na alijiona kuboreka sana ukizingatia hakuwa na wa kuwasiliana nae na hakuwa na cha kufanya zaidi ya kufanya kazi za nyumbani na kuangalia televisheni tu.

Siku hiyo akiwa anaangalia televisheni usiku akaona kipindi kinaitwa cha rafiki nakutafuta, akavutiwa nacho. Ilikuwa kwenye saa tano usiku na aliona watu wakiandika namba zao za simu kuwa wanatafuta marafiki wa kuwasiliana nao, akaona ni vyema nae aangalie hapo, ndipo alipoinyaka namba moja na kuandika kwenye simu yake kisha kujaribisha kuipiga, akashangaa ile namba ikiita akaogopa na kukata. Muda kidogo ile namba ilianza kupigwa, ikaita hadi kukatika, ikaanza kuita tena akaamua kuzima televisheni na kwenda chumbani kwake kupokea, ilikuwa ni sauti yam kaka,

“Hallow, mambo umenibipu”

“Samahani, niliona namba yako kwenye tv ndio nikaijaribisha”

“Aaah unapenda kuchat”

“Ndio”

“Unaitwa nani?”

Erica akajiuma uma akajikuta akiropoka tu jina,

“Naitwa Irene, na wewe je?”

“Mimi kama jina langu lilivyotokea kwenye screen naitwa Babuu”

“Aah sawa”

“Basi tuwe tunachat”

Yule kijana akamuaga pale Erica na kukata simu, kwakweli Erica alihema kiasi na kuona kumbe wale watu wanaotafuta marafiki wanakuwaga wa kweli yeye alijua ni watu uongo, ila alishangaa kuona akiongea ni mtu kweli. Aliamua kulala sasa maana hakuwa na kingine cha kufanya.



Alipoamka asubuhi tu alikutana na ujumbe kwenye simu yake kutoka kwa Babuu,

“Hellow Irene, mambo vipi?”

Akatabasamu, ila kwavile hakuwa na vocha alisema kuwa mpaka anunue vocha ndio ataweka ili awasiliane nae, kwahiyo akaamka vizuri na kwenda kufanya kazi zingine za pale nyumbani kwao.

Kwenye mida ya saa nne asubuhi alisikia simu yake inaita na kwenda kuiangalia, aliona akiwa Babuu anapiga, akapokea kwa uoga,

“Mambo Irene?”

“Safi tu”

“Mbona nakutumia sms zangu hujibu jamani, tatizo nini mama?”

Erica alianza kujiuma uma na kuamua kuongea,

“Simu haikuwa na salio ila nikiweka salio nitakujibu”

“Usijali, ngoja nikuungie kifurushi”

Simu ilikatika, na muda mfupi Erica aliona ameungiwa kifurushi kwenye simu yake, na kubaki tu,

“Wow huyu mkaka hata hanijui masikini ya Mungu jamani ila ameniungia kifurushi loh ngoja niwasiliane nae”

Akaanza kutumiana ujumbe na Babuu kwa njia ya ujumbe alijikuta akitumia simu mara kwa mara kuandika ujumbe kwa kuwasiliana na huyo babuu alishangaa sababu ni mtu ambaye alikuwa kila muda lazima awezeshe kuchat nae.



Toka Erica afahamiane na Babuu ilikuwa ni muda wote kuwa na simu yake, alikuwa na hiyari akale chakula chumbani ili atumie simu yake kuwasiliana na Babuu kwa njia ya ujumbe,

“Nakupenda Irene”

“Mmmh utanipendaje na hujawahi kuniona!”

“Irene, moyo ni kitu cha ajabu sana. Ni kweli sijawahi kukuona ila huwezi amini, kila siku nakuona kwenye ndoto zangu. Nakupenda Irene, naimani wewe ndiye mwanamke unayefaa kuwa mke wangu”

“Mmmh Babuu jamani”

“Kweli kabisa, ila sijui kama wewe utanipenda mimi. Mwenzio nakupenda”

“Kwani wewe upoje?”

“Mimi ni mfupi kiasi na mweusi kiasi”

“Mmmh”

“Mbona unaguna?”

“Kiukweli wanaume wafupi na weusi huwa siwapendi”

“Kwanini?”

“Basi tu siwapendi”

“Jamani Irene usinifanyie hivyo, basi tupange siku moja tuonane kwa hakika nitaridhika hata nikikuona”

“Hakuna shida tutaonana ila mi naona bora tuendelee kuwasiliana tu hivi hivi, yani wanaume wafupi halafu weusi siwapendagi hata kidogo”

“Sawa ila siku zote Irene utakaa katika moyo wangu, nakupenda sana”

Erica alijikuta akiwaza sana kuhusu muonekano wa Babuu, alivutiwa na mawasiliano ya Babuu yalivyo ila hakuvutiwa na jinsi Babuu alivyomwambia kuwa yupo hivyo.

“Aaah hapana siwezi kumpenda hata kama yeye ananipenda vilivyo ila mimi kumpenda siwezi. Yani mi napenda mwanaume awe mrefu halafu awe na maji ya kunde, nikimpata kama huyo nitafurahi sana”

Akawaza pale, akakumbuka mwanaume aliyekuwa vile alivyokuwa anapenda yeye alikuwa ni Erick,

“Mmmh kweli Erick alikuwa ninavyopenda mimi ila je Erick alinipenda kweli? Erick alitongoza wadada wengi shuleni, inawezekana Johari aliongea ukweli kuwa Erick alitaka kunichezea tu. Ila hivi mimi nitapata mpenzi kweli? Natamani na mimi niwe na mpenzi, nipate mwanaume nimpende na badae aje kuwa mume wangu nitafurahi sana, sijui kama nitampata? Muda wote nipo nyumbani ndani, hata njiani sionekani, kuna dalili yoyote ya kupata mwanaume kweli? Labda nikienda chuo”

Aliwaza sana ila hakupata majibu.



Babuu aliendelea kusisitiza kuhusu swala la kuonana na Erica ambaye yeye alimjua kwa jina la Irene sababu ndio jina alilojitambulisha nalo kwake, ilibidi Erica amwambie jinsi ilivyokuwa ngumu kwa yeye kutoka nyumbani kwao,

“Jamani Irene si umesema ndio umemaliza kidato cha sita wewe?”

“Ndio”

“Sasa watakukataza vipi na ushakuwa mkubwa? Huwezi kusema unataka kwenda kumtembelea rafiki yako?”

“Hata sijui nyumbani nitasemaje maana kama ni rafiki wa hapa mtaani mama atasema twende wote”

“Wewe hupendi kutembea ufukweni?”

“Napenda”

“Basi mimi nataka tukutane ufukweni, yani tuonane tu nitaridhika. Najua kunipenda huwezi Irene ila tuonane tu basi ili tufahamiane kwa sura”

“Sawa ila kwetu nitaagaje?”

“Ngoja nikufundishe, leo mwambie mamako kuwa kuna rafiki yako anaumwa na kesho mmepanga kukutana na wenzio ili mkamuone hospitali, na hakika atakuruhusu tu. Mwambie rafiki yako ambaye hamjui yeye mliyesoma nae bweni huko, mtaje yeyote”

“Basi nitajaribu”

“Haya utaniambia ili kesho nijiandae kukutana na wewe malaika wangu”

“Mmmh!”

“Usigune bhana, wewe ni malaika wangu”

“Ila si nimekwambia sitaki”

“Nisamehe bure ni moyo wangu ndio king’ang’anizi, ila naomba tuonane tu Irene”

Basi Erica akajaribu tu kuongea na mama yake kamavile alivyoelekezwa ila mama yake alimkubalia hata yeye mwenyewe akashangaa kuwa mama yake mbona kawa mwepesi vile kukubali.

“Nitakupa na nauli mwanangu, ni vyema kuwa na ushirikiano hivyo na wenzio”

“Asante mama”

Erica alifurahi sana, yani siku hiyo alilala huku akitabasamu.



Kesho yake alijiandaa vizuri kabisa, na kwenda kumuaga mama yake ambaye kweli alimpa nauli kama alivyomuahidi maana alijua ni kweli anaenda hospitali kumuona mwenzao anayeumwa ila ukweli ni kuwa Erica alikuwa anaenda kuonana na Babuu.

Erica alifika hadi eneo ambalo alipanga kukutana na Babuu, akampigia simu alipo ila alishangaa Babuu akimwambia Erica.

“Nishakuona tayari, nakuja hapo sasa hivi”

Erica akashangaa kwani Babuu alikuwa hamjui Erica kwa sura halafu kamwambia nimeshakuona, akashangaa amemuona vipi, akiwa anashangaa mara kuna mtu alimshika began a kumuita,

“Irene”

Aligeuka na kumuangali, ila Erica alipigwa na bumbuwazi kiasi kwamba hakuweza kuongea chochote kwa wakati huo.





Erica akashangaa kwani Babuu alikuwa hamjui Erica kwa sura halafu kamwambia nimeshakuona, akashangaa amemuona vipi, akiwa anashangaa mara kuna mtu alimshika began a kumuita,

“Irene”

Aligeuka na kumuangali, ila Erica alipigwa na bumbuwazi kiasi kwamba hakuweza kuongea chochote kwa wakati huo.

Babuu alimuuliza Erica,

“Mbona unashangaa?”

Erica alikuwa kimya kwenye mshangao, na baada ya muda alimuuliza,

“Si ulisema wewe mfupi?”

“Ndio mimi ni mfupi, kwani nina urefu gani?”

“Si ulisema wewe ni mweusi?”

“Ndio mimi ni mweusi kwani nina weupe gani?”

Erica alikuwa kwenye mshangao bado kwani Babuu aliyekuwa akimfikiria sio huyu aliyemuona kwenye macho yake, Babuu huyu alikuwa ni kijana anayevutia sana na alivutia macho yake kiasi cha kumfanya Erica hata aone aibu kumtazama.

Ila Babuu alimshika mkono Erica na kwenda kukaa nae mahali pale pale ufukweni ili waongee mawili matatu, na waliongea kweli ila Erica alitumia muda mwingi sana kumuangalia Babuu kiasi kwamba hata Babuu aliposema kuwa ni muda wa kuondoka ilikuwa ngumu sana kwa Erica kukubaliana na hilo ila kila alipokumbuka kwao ilibidi tu atake kuondoka na yeye. Ila aliamua kumwambia Babuu ukweli wa jina lake,

“Babuu mimi sio Irene, ila naitwa Erica. Nilikudanganya tu”

“Usijali Irene, ooh sorry Erica, ila nimezoea kukuita Irene, usijali jina sio tatizo kwangu”

“Sawa hamna shida hata ukiniita hilo Irene sio tatizo”

Walienda hadi kwenye stendi ya daladala ambapo Babuu alihakikisha Erica kapanda basi ya kwenda kwao halafu akampa na nauli, kisha yeye kuondoka zake.

Yani Erica mule kwenye daladala alijikuta akiwaza kuhusu Babuu tu, alimuwaza sana Babuu hadi anafika nyumbani kwao.



Alipoingia ndani, mama yake alimuuliza,

“Mbona umechelewa?”

“Foleni mama”

“Kwani ni hospitali gani?”

“Ni Muhimbili”

“Anaendeleaje”

“Hajambo anaweza akaruhusiwa kesho”

“Eeeh Mungu ni mwema kwakweli, nimekuwa nikimuombea jamani bora aruhusiwe tu”

Erica aliongea ongea pale kidogo na mama yake kisha kwenda chumbani ila mawazo mengi yalikuwa kwa huyu mtu anayeitwa Babuu.

Alioga na kula huku akiwaza sana, alitamani Babuu amtongoze tena na kusema iwapo itatokea hiyo nafasi basi atamkubali haraka iwezekanavyo,

“Hivi mkaka mzuri vile kweli anakosa wanawake hadi atafute kwenye tv? Mbona mkaka mzuri Yule”

Ujumbe kutoka kwa Babuu ukaingia,

“Wewe ni msichana mrembo sana, macho yangu yalitamani muda wote yakutazame wewe, kwa hakika nakupenda. Tafadhali Erica usinikatae utanitesa”

Erica aliusoma ujumbe huu mara mbili mbili, kisha akamjibu,

“Ni kweli kabisa unanipenda Babuu?”

“Nakupenda sana tena sana Erica”

“Na mimi nakupenda pia”

Inaonyesha Babuu hakuamini kabisa kwani alipiga na simu ili kuhakikisha kuwa anayewasiliana nae kwenye ujumbe ni Erica na leo kamjibu kuwa anampenda pia, walianza kuongea kwenye simu ila Erica alikuwa na aibu sana na kumuomba Babuu kuwa waendelee kuongea kwa njia ya ujumbe. Ikabidi Babuu akate na waendelee kwa njia ya ujumbe,

“Unajua furaha niliyo nayo hadi siamini kama kweli umenikubalia Erica, nakupenda sana naahidi kukupenda siku zote za maisha yangu”

“Nakupenda pia Babuu”

“Sijawahi kumpenda msichana yeyote katika maisha yangu, wewe ni msichana wa kwanza kabisa. Nakupenda sana, naimani nitadumu na wewe mpaka mwisho wangu”

Erica alikuwa akitabasamu tu na alijikuta akiwasiliana na Babuu hadi usiku wa manane wa siku hiyo.



Kesho yake aliamka saa mbili na nusu asubuhi hadi mama yake akamshangaa maana sio kawaida yake kuchelewa hivyo kuamka, huwa akichelewa sana basi ni saa moja asubuhi kwahiyo kuamka saa mbili na nusu siku hiyo ilikuwa ajabu kidogo.

“Leo mwanangu umechelewa kuamka?”

“Leo usingizi ulikuwa mtamu mama nahisi ndiomana nimechelewa kuamka”

Alifanya shughuli zake ila alionekana kuwa na furaha sana hata mama yake akashangaa kuwa mtoto wake kuwa na furaha vile ni kitu cha ajabu.

Siku hiyo alifika dada yake Bite kumsalimia mama yao, kwahiyo nay eye alipata muda wa kuongea nae kidogo kama kawaida yake,

“Dada, hivi mapenzi ni nini?”

“Mapenzi ni kitu flani hivi ambacho unajisikia moyoni kuwa unampenda mtu Fulani halafu mtu huyo nae anakupenda wewe. Yani mapenzi ni kupendana, ila raha ya mapenzi ni kupendwa. Kupendwa raha mdogo wangu asikwambie mtu”

“Na utajuaje kama mtu anakupenda?”

“Anakujali, anakusikiliza na ana hisia na wewe”

“Mmmh ni hivyo tu?”

“Maelezo marefu bhana, kuna mtu anakupenda nini mdogo wangu?”

“Hamna dada nimeuliza tu, na hivi unajuaje kama unampenda mtu Fulani?”

“Unajisikia moyoni kuwa unampenda halafu unakuwa na wivu na mtu huyo yani inakujaga tu automatically”

Erica alimsikiliza dada yake ila kama alikuwa anamuelewa na kama alikuwa hamuelewi kwani kwa muda huo mawazo yake ni Babuu tu.

Na aliendelea kuwasiliana na Babuu siku zote ila kuonana nae ilikuwa ngumu sababu ya kukosa ruhusa ya kutembea tembea kutoka kwao.



Erica alibahatika kuchaguliwa chuo kwahiyo alikuwa na harakati za kuanza chuo ambapo ilimlazimu kukaa hosteli, kitu ambacho kwa upande mwingine alikipenda sana kwani aliona kuwa atakuwa huru sasa na kuonana na Babuu na akajiona atapanga vingi sana akiwa anaonana na Babuu.

Alimuona Babuu kama ni kijana pekee katika maisha yake, akampenda kupita maelezo ya kawaida hata siku zilivyoenda na Babuu kumuomba mapenzi hakuwa na sababu ya kumkatalia kwani ameshakuwa ni mpenzi wake wa muda mrefu, na walionyesha kupendana sana.

“Pole Erica ila nimefurahi sana mimi kuwa mwanaume wa kwanza kwako, naahidi kukupenda siku zote za maisha yangu”

“Asante Babuu, natumaini wewe ndiye mume wangu”

Walijikuta muda mwingi sana wakiongea kuhusu maswala ya mapenzi yao tu, mpaka watu wengine aliokuwa analala nao Erica kwenye chumba walikuwa wakishikwa na wivu ila pale chuo alipata rafiki aliyeitwa Dora na walipatana sana.

Miezi mitatu tangu aanze chuo alienda kumtembelea dada yake Bite, ila leo dada yake alimpa usia mpya kabisa,

“Mdogo wangu, usikubali kulala na mwanaume mpaka uolewe”

Alimuitikia dada yake lakini huo usia alishauvunja kwa kulala na Babuu kwani aliamini ndiye mwanaume ampendaye ukweli.



Alimtambulisha Babuu kwa rafiki yake Dora, baada ya Babuu kuondoka rafiki yake alimuuliza,

“Yule Babuu anjishughulisha na nini?”

“Yupo tu, aliishia kidato cha nne na alishindwa kuendelea na masomo kwahiyo kuna shughuli shughuli anajishughulisha nazo”

“Unajua rafiki yangu unaenda kuwa na shahada, yani mwanaume wa kidato cha nne hakufai tena”

“Una maana gani?”

“Aaah usinifikirie vibaya, ila Babuu hatokufaa tena”

“Mimi nampenda Babuu na ninaamini kuwa yeye ndiye mwanaume bora kwangu”

“Mmmh haya, ila mimi nimesema tu usinifikirie vibaya”

Erica hakupenda huo ushauri maana aliona kwa Babuu amefika na hakutaka mwanaume mwingine zaidi ya Babuu.

Jioni ya siku hiyo kama kawaida Babuu alienda tena kumtembelea Erica kwenye hosteli yao,

“Babuu huchoki kunitembelea, mchana si ulikuwa huku huku?”

“Ndio Erica hivi nawezaje kuchoka kumuona kila muda msichana nimpendae? Sichoki sababu nakupenda na muda mwingi nahitaji kuwa na wewe Erica”

“Naelewa na mimi najisemea tu kiukweli nafurahi sana unavyokuja mara kwa mara kuniona, unafanya niamini kweli Babuu unanipenda”

Walijikuta wanaongea sana hadi usiku kabisa,

“Mmh Erica leo nimechelewa?”

“Umechelewa sana mpenzi, na usafiri saivi haukatishi huku sijui utafanyaje mpenzi?”

“Usijali nitafika tu nyumbani, mbona siku nyingine nafika”

“Lakini huchelewagi kama leo”

“Au niende pale kwenye nyumba ya wageni nikalale”

“Usiniudhi Babuu, sasa kwenye nyumba ya wageni pale ukalale na nani? Bora uende kwenu, mi siafikiani na swala la wewe kwenda kulala nyumba ya wageni vishawishi ni vingi”

Erica alionyesha kuchukizwa kiasi, ikabidi Babuu amuahidi kuwa atarudi kwao kwa njia yoyote ile. Basi akambusu kisha wakaagana na kuanza kuondoka.

Erica alirudi hosteli ila usiku huo ilikuwa ajabu sana maana Babuu hakumtafuta kabisa hata kuwasiliana nae hakuwasiliana nae na kufanya Erica ashangae maana haikuwa kawaida yao, ikabidi amtumie ujumbe ila ujumbe wake haukujibiwa, na alipiga simu ila simu yake haikupokelewa kwa mara ya kwanza Erica alipata maumivu ya mapenzi moyoni mwake maana hakuelewa ni kwanini Babuu hakutaka kupokea simu yake, alimtafuta vilivyo ila Babuu hakupokea simu yake kabisa.

Siku hiyo hata usingizi hakuupata kabisa yani hakuweza kulala sababu ya mawazo, alijikuta akifikiria sana kuwa Babuu kapatwa na majanga gani au kapitia nyumba ya wageni kama alivyosema yani alijikuta akiwa na mawazo lukuki.



Kesho yake alivyofika chuoni tu, kutokana na mawazo yake alijikuta akigongana na mkaka mmoja kitendo kilichofanya aangushe vitabu vya Yule kaka, ikabidi ainame na kuanza kumuokotea huku akimuomba msamaha,

“Samahani sana”

“Bila samahani, najua ni bahati mbaya tu. Ila ni vizuri tukafahamiana”

“Sawa, naitwa Erica nipo mwaka wa kwanza”

“Sawa, naitwa George nipo mwaka wa tatu. Ni vizuri kufahamiana, na kama hivyo upo mwaka wa kwanza unapata urahisi wa kusaidiwa na mimi. Halafu mimi ni waziri wa michezo”

“Aaaah sawa, nashukuru kukufahamu”

Basi George akamuomba Erica namba ya simu ili wawe wanawasiliana, kisha Erica aliendelea na harakati zake za kuwahi kipindi.

Baada ya kipindi tu alitafutwa na George na kumuita mgahawani waweze kula pamoja na kuongea ongea, Erica alienda kumsikiliza ingawa alikuwa na mawazo sana kipindi hiko kuhusu Babuu.

Alifika mgahawani na kumkuta George yupo mahali pale, na kumuagizia chakula

“Umejuaje napenda chakula hicho?”

“Nimejua tu, unajua kuna vitu tunavyo sisi watoto wa kiume. Yani Mungu katuumba na upeo wa ajabu sana, huwezi jua ila nimejua kwa kukuangalia tu kuwa unapenda chakula gani”

“Mmmh basi wewe ni noma”

Chakula kililetwa na walianza kula huku wakiongea habari za pale chuoni,

:”Chuo unakionaje?”

“Ni kizuri, unajua ndoto zangu ilikuwa ni kusoma chuo hiki kwahiyo kitendo cha ndoto zangu kutimia kwasasa kimenifurahisha sana”

“Na hujapotea, hiki ni chuo bora kati ya vyuo vyote. Na daima hutoa watu bora, ndoto zako za badae ni nini baada ya hapa?”

“Nikimaliza, nitatafuta kazi”

“Kwahiyo unawaza kuajiriwa?”

“Ndio, sasa nitawaza nini zaidi?”

“Ila nyie watoto wa kike hamna tatizo, sisi watoto wa kiume ndio watafutaji wa haswaaa. Mi nikimaliza chuo naenda kuendeleza biashara zangu, kwahiyo kazi itakuwa ni akiba tu, yani labda mshahara wangu wa kwenye kazi ni kumpa mke wangu pesa hizo atumie labda saluni au matumizi yake mengine kwani najua biashara zangu zinalipa sana”

“Kumbe una biashara?”

“Ndio, mimi nasoma huku naendeleza biashara zangu kwahiyo nikimaliza chuo ndio nitazisimamia vizuri zaidi”

“Hongera sana, ni vijana wachache sana wanaofanya hivyo”

“Vijana wanaofanya hivi ni wale wanaofikiria maisha yao ya badae, najua badae nahitaji mke wangu na watoto wasipate tabu kabisa. Nataka kuishi nao maisha ya kifahari”

“Mmmh mkeo atakuwa na raha sana”

“Kawaida tu, lazima mke apate raha na afurahie maisha. Ila ukiwa na shida yoyote Erica usisite kuniambia”

Walicheka na kuongea mengi sana kisha kuagana na kuahidi kuendelea kuwasiliana mara kwa mara.



Erica alirudi hosteli na siku hiyo alijiandaa na kurudi kwao kumsalimia mama yake maana alimkumbuka tayari na ukizingatia ilikuwa ni mwisho wa wiki, alifika na kumsalimia mama yake kisha kuongea nae mawili matatu.

“Umemuona rafiki yako Johari?”

“Sijamuona”

“Kachakaa jamani, yani kachakaa vilivyo. Unajua nyinyi mabinti mnajiingizaga kwenye mambo mengine bila ya kufikiria kwa makini, haya sasa huyo mwalimu ni anampa nini zaidi ya kumuongezea mikosi tu”

“Jamani mama kwanini unasema hivyo?”

“Unajua Yule mwalimu alifukuzwa kazi sababu hakuonyesha maadili mazuri shuleni pale, hana kazi nyingine wala biashara yani yupo yupo tu. Rafiki yako Johari kajidumbukiza haswaa na atajutia maisha yake yote. Unajua unapoamua kuwa na mwanaume angalia mwanaume mwenye faida na wewe, kwanza kabisa awe msomi, ajue kutafuta pesa, asitegemee kazi tu maana kuna leo na kesho akifukuzwa kazi, ujasiliamali utawawezesha ila wanaume ambao wapo wapo tu sio wanaume wa kupoteza nao muda kwakweli. Mwanangu kuwa makini, chagua mwanaume sahihi katika maisha yako, ukipata mwanaume wa kukuoa uangalie vigezo hivyo nilivyosema”

Erica aliongea ongea na mama yake pale ila badae alipokaa na kujifikiria aliona kuwa sifa anazozisema mama yake basi zote zipo kwa George,

“Mmmh ndio kusema George anafaa kuwa mume wangu jamani!”

Aliwaza sana, na upande mwingine akamfikiria Babuu,

“Mmmh kuna Babuu, tulipendana sana ila mbona hanitafuti tena hewani? Ila Babuu hana sifa anazozisema mama, sio msomi kama mimi nitakavyokuwa na shughuli zake hazieleweki kabisa, ila George yupo sawa, halafu nahisi ananipenda na atanitongoza tu”

Alijikuta akimlinganisha George na Babuu ila hakuelewa atafanyaje fanyaje maana bado alikuwa akimpenda Babuu ila aliona kuwa George ndio mwanaume anayemfaa kwani ana sifa zote zilizotajwa na mama yake.



Erica alienda tena chuoni ila aliendelea kuwasiliana na George, sema tu toka siku ile hakuweza kumpata Babuu hewani kabisa na kumfanya kuhisi kuwa Babuu ana msichana mwingine ila kwavile alimpata George kuwasiliana nae aliona faraja kiasi.

Na siku hiyo George aliomba kuonana nae kwenye vimbweta vya pale chuoni, na alikutana nae na kuzungumza,

“Hivi Erica una mpenzi?”

Erica akacheka na kujibu,

“Hapana, sina mpenzi”

“Oooh Mungu ni mwema kunikutanisha na wewe”

Wakati anaongea na George pale, aliangalia pembeni gafla akamuona Babuu akiwa na nguo zile zile ambazo alivaa siku ile usiku na alionekana akimtafuta yeye mwenyewe.





Wakati anaongea na George pale, aliangalia pembeni gafla akamuona Babuu akiwa na nguo zile zile ambazo alivaa siku ile usiku na alionekana akimtafuta yeye mwenyewe.

Erica aliona Babuu atamuharibia hapo, ikabidi aombe udhuru kidogo kwa George kisha akaondoka zake na kwenda sehemu nyingine kwani hakutaka kabisa kuonana na Babuu.

Kwa bahati nzuri Babuu alikutana na Dora na kumsalimia kisha kumuuliza kuhusu alipo Erica,

“Mmmh hata sijui, sijaonana nae leo. Kwanini usimpigie simu yake?”

“Simu yangu imezimika”

“Na mbona upo hivyo una tatizo gani?”

“Nilipata matatizo, niliwekwa selo na nimetoka leo. Moja kwa moja nimekuja hapa ili nionane tu na Erica halafu niende kwetu”

“Pole kwa matatizo, ila na wewe ulishindwa kwenda kwanza kwenu ndio uje huku kumtafuta Erica?”

Babuu alijiangalia na kweli akajiona kuwa ni mchafu mchafu, kwa aibu akaamua kumuaga Dora na kuondoka zake. Dora alimuangalia Babuu na kumsikitikia,

“Kijana mzuri ila tatizo hajasoma. Mmmh! Pole yake”

Kisha akaondoka zake na kuelekea hosteli ya kwa kina Erica.



Alimkuta Erica amejiinamia tu nje ya hosteli yao,

“Vipi Erica?”

“Safi tu”

“Umemuona Babuu?”

“Sitaki hata kumuona huyo mtu”

“Bora usitake kumuona, yani kaja mchafu huyo balaa, eti anasema aliwekwa selo”

“Selo?”

“Ndio, alikuwa rumande nadhani alikamatwa na polisi. Ndio mwanaume wa kuwa naye huyo loh hapana jamani, sio saizi yako kabisa, hakufai”

Mara simu ya Erica ilianza kuita alipoiangalia alikuwa ni George anapiga, akapokea

“Erica mbona hukurudi tena au nilikuwa nakuboa na maswali yangu?”

“Hapana George, tumbo liliniuma gafla nikarudi hosteli”

“Aaah pole sana, naomba nielekeze hosteli uliyopo nije”

Basi ikabidi Erica amuelekeze George alipo kisha akakata simu, ila alitaka kumdanganya Dora ambapo Dora alimshtukia kabla hajamdanganya,

“Mmmh usinidanganye Erica, nimeona sura yako unataka kunidanganya, bora uniambie ukweli tu. Ni nani huyo ulikuwa unazungumza nae?”

“Humjui”

“Nimekusikia unamuelekeza hapa hosteli, nasubiri nimuone nimjue”

“Mmmh na wewe Dora loh!”

“Nini sasa kwani vibaya? Mimi na wewe tumeanza kufichana Erica?”

“Hapana, basi utamuona”

Wakaendelea na maongezi mengine, na baada ya muda mfupi George alifika pale walipo Erica na Dora, ikabidi Erica amtambulishe kwa Dora kuwa ni rafiki yake,

“Na huyu ni kaka yangu anaitwa George”

“Mmmh Erica! Kaka yako!”

“Mmmh wewe nae Dora jamani, karibu George”

George alikuwa akicheka tu kwa kuwasikiliza wale mabinti wawili, kisha baada ya muda kidogo Dora aliaga na kuondoka zake kwani alijua anatakiwa kuwapa nafasi ya kuongea hawa wawili.

Alipoondoka tu, George alimuomba Erica kuwa ampeleke hospitali,

“Hapana George nimeshapona”

“Najali afya yako Erica jamani”

“Usijali nimeshapona”

“Sawa, kuna jambo napenda kukuomba”

“Jambo gani hilo?”

“Napenda kuanzia sasa mimi na wewe tusiwe marafiki tu bali tuwe wapenzi na badae uje kuwa mke wangu”

Erica alikaa kimya kidogo kwani neno hili alikuwa akilitamani muda sana, ila hakuweza kujibu kwa muda huo huo sababu ya aibu.

George akamwambia tena,

“Naomba nikuachie muda utafakali swala hilo kwani najua ni gafla tu nimekwambia, Erica tutawasiliana badae”

Basi George alimuacha Erica na kuondoka zake, ila angejua ukweli kuwa Erica alishamkubali toka kitambo tu na alikuwa akingoja kauli tu kuwa anampenda ila pale pale alishindwa kumjibu.



Usiku wa siku hiyo alikuwa akiona simu yake ikipigwa na Babuu ila hakupokea kabisa, yani Babuu alipiga na kupiga ila Erica hakupokea badala yake muda huo alikuwa akiwasiliana na George kwa njia ya ujumbe kuwa amekubali kuwa mpenzi wake, kwahiyo kwenye moyo wake alianza kumuweka George na vile alihisi kuwa Babuu ni msaliti hakumtaka tena kuonana na Babuu wala kuwa na Babuu. Basi wakaahidiana na George kuonana kesho yake ili kuongea vizuri zaidi.

Na kweli kesho yake wakaonana na kuongea mengi zaidi, George alitaka kupima uaminifu wa Erica na kumuomba simu yake kidogo,

“Naomba simu yako kidogo, nikae nayo tukiwa tunazungumza”

“Mmmh kwanini?”

“Niangalie tu picha zilizopo, na wewe shika ya kwangu”

George akampa Erica simu yake naye Erica akampa George simu yake ila kimoyomoyo alishukuru sababu alikuwa amefuta picha zote alizowahi kupiga na Babuu pale tu alipoumia moyo na kuhisi kuwa Babuu anamsaliti kwahiyo hakukuwa na chochote cha Babuu.

Wakati George ameshika ile simu ya Erica akiangalia angalia picha zilizomo mara uliingia ujumbe kwenye simu ile, na ilionekana umetoka kwa Babuu, George akaufungua ule ujumbe na kuusoma;

“Erica mpenzi wangu, nakupigia simu ila hupokei sijui tatizo ni nini. Lakini mwenzio nilipatwa na matatizo, siku ile nilipokuwa natoka kuonana na wewe, nilikamatwa na polisi kwa uzurulaji. Basi niliwekwa rumande hadi walipokuja kunitoa, ila niligoma kwenda nyumbani hadi nikaja chuoni kwenu ila sikukukuta. Nielewe Erica, usinifikirie vibaya bado nakupenda sana”

George alisoma mara mbili mbili ule ujumbe, kisha aliufuta kabisa na kumuangalia Erica kisha akamuuliza tena,

“Ni kweli Erica hujawahi kuwa na mpenzi kabla yangu?”

Erica alikaa kimya kidogo ila akona ni vyema amwambie ukweli maana ipo siku Babuu atatokea halafu atashindwa kujieleza,

“Ngoja nikwambie ukweli, nilikuwa na mpenzi wa kuitwa Babuu ila alinisaliti na kwenda kuwa na wengine nikaamua kuachana nae”

“Je huyo Babuu hukufanya nae chochote?”

Erica alijifikiria sana kuhusu hilo, ila ikabidi ajibu kuwa hajawahi kufanya chochote na Babuu. George aliposikia vile alifurahi sana, na kuinuka kisha akamkumbatia Erica na kumwambia,

“Nakuomba unipende mimi tu, achana na mawazo ya Babuu huyo kabisa. Na ninakuomba kitu kimoja, futa namba zake kwenye simu yako”

Erica alichukua simu yake na kufanya hivyo na kuzidi kumfurahisha zaidi George kiasi ya kwamba George alimuahidi kumpenda mpaka mwisho wa maisha yake.

Ingawa Erica alifuta namba zote za Babuu kwenye simu yake ila ni wazi kuwa George hakuridhika kwani kesho yake alikuja na laini mpya na kumpa Erica kuwa atumie laini hiyo na aivunje ile ya zamani, kwahiyo alichokifanya Erica ni kukopi majina tu kisha kutaarifu ndugu zake wa karibu kuwa kabadilisha namba ya simu. Hakuona kama ni tatizo kufanya vile sababu alishamuingiza George moyoni mwake na aliamini kuwa ndiye mume wake wa badae.



Erica alionekana kuwa na furaha sana, hata alipoenda chuo rafiki yake aliweza kugundua furaha yake,

“Niambie ukweli Erica”

“Mmmh sijui nikwambie”

“Niambie bhana”

“Yule George kuanzia sasa ni shemeji yako”

“Mmmh nilihisi tu, ila anakufaa sana Yule”

“Kwanini?”

“Ni mrefu, mtanashati, msomi kwakweli ndio mwanaume anayekufaa ila sio wakina Babuu”

“Hahaha achana na habari za huyo Babuu sitaki hata kumuona kwasasa”

“Kwanini?”

“Msaliti Yule, aliondoka akaenda kulala guest”

“Ila una uhakika gani kama amekusaliti?”

“Nahisi tu ni msaliti bhana, tuongelee habari za George maana nampenda haswaaa”

“Hata kwa Babuu ulisema hivyo hivyo”

“Mmmh Dora jamani, ngoja nikuulize kitu hivi mapenzi ni nini?”

“Mapenzi ni kupendana”

“Yani kupendana kiaje?”

“Mapenzi ni kumpenda na yeye akupende”

“Kama mimi na George”

Dora alicheka tu na kugundua kuwa ni penzi jipya ndiomana linauliziwa sana, muda kidogo George alimpigia simu na kuhitaji kwenda nae kwenye chakula cha mchana.



Ilipita kama miezi miwili, Babuu alikosa mawasiliano na Erica kabisa na alipojaribu kwenda chuoni kwao hakuweza kuonana nae, ikabidi aende tena ili ajaribu kuonana hata na Yule Dora ambaye ni rafiki wa Erica. Na alikuwa akienda mara kwa mara ila mara zote hakumpata yeyote kati ya Erica wala Dora, mpaka siku hiyo ilikuwa kama bahati maana alimuona Dora na kumuita,

“Dora”

Dora aligeuka nyuma kuangalia ni nani anamuita na akamuona ni Babuu, akaitika na kusogea ili kumsikiliza kuwa ana ujumbe gani.

“Naomba kuzungumza na wewe Dora”

“Hakuna shida, twende tukakae pale kwenye kimbweta”

Basi wakaenda kukaa kisha Babuu akaanza kutoa maelezo yake.

“Nina matatizo Dora, naomba unisaidie niweze kuonana na Erica”

“Si umpigie simu”

“Mwanzoni alikuwa hapokei simu yangu ila kwasasa simpati kabisa hewani, yani huwezi amini kila siku nakuja hapa chuoni ili kuangalia kama nitamuona ila leo Mungu mkubwa nimekuona wewe. Tafadhari naomba nisaidie kuonana na Erica”

“Nikuulize swali Babuu?”

“Niulize”

“Hivi huwezi kuwa na msichana mwingine zaidi ya Erica?”

“Jamani dora! Natumai unajua kuhusu kupenda, nampenda kweli Erica ninampenda sana”

“Na kama yeye hakupendi tena je?”

“Kama yeye hanipendi tena sijui ila ninachojua nina mpenda sana”

“Hivi huwezi hata kujiongeza, mwanamke ulikuwa unampigia simu hapokei simu zako na siku hizi ukimpigia humpati hewani yani unashindwa kujiongeza tu kuwa umeachwa?”

“Jamani Dora usiniumize moyo wangu, unajua nampenda sana Erica yani nampenda sana”

Dora alimuangalia jinsi Babuu alivyokuwa akiongea kwa huruma, na mbele yake kidogo akawaona Erica pamoja na George wakiwa wameongozana huku wameshikana mikono, Dora alimuangalia Babuu na kumwambia,

“Angalia kule ujionee”

Babuu aligeuka na kuangalia, kwakweli hakuamini macho yake na kuyafikicha fikicha yani hakuamini kabisa kama Erica aliyemopenda kupita maelezo ya kawaida yupo kwa mtu mwingine,

“Hapana Dora, yani Erica kaniacha kweli?”

“Ndio umeachwa, wakati anakupigia simu wewe na hupokei ulikuwa unamaanisha nini? Kama kuwekwa rumande alikutuma wewe kwenda kuchokoza polisi?”

“Dah! Unaniumiza Dora ila nashukuru sana ingawa roho inaniuma. Mimi nilikamwatwa na polisi baada ya kutoka kuonana na Erica yani siku hiyo nilichelewa sana kurudi, ila kama Erica kaamua kunifanyia hivi sawa bhana Mungu atannilipia”

Dora alicheka sana na kumwambia,

“Akulipie kwa lipi? Usinichekeshe mie, haya ni mapenzi tu, ukitendwa sehemu moja tafuta sehemu nyingine ujiliwaze. Pole sana”

Babuu hakuweza kuendelea kukaa mahali pale na kuamua kuondoka kwani aliona akizidi kuumia tu kwahiyo hakutaka kuendelea kujiumiza moyo kwa kitu ambacho ameona kwa ushahidi kabisa kuwa Erica ameamua kuachana nae na kuwa na mwingine kabisa kabisa.



Dora wala hakutaka kujisumbua kumwambia rafiki yake kuwa Babuu alifika akitia huruma badala yake kila alipokutana nae alimwambia kuwa George anampendeza sana, na siku zote alikuwa akimsifia George tu katika maongezi yake.

Baada ya siku nyingi kupita, Dora aliamua kumchunguza rafiki yake kuhusu George na kujua kuwa kuna mipango gani inaendelea baina ya rafiki yake nba George maana ilionyesha kuwa Erica siku hizi kuna mambo anamficha, kwahiyo aliamua kutumia mbinu ya kuongea nae kwa kumsifia George ili ajue kinachoendelea baina yao.

“Yani George anakupendeza rafiki yangu balaa”

“Mmh Dora, ya kweli hayo?”

“Ndio ni kweli kabisa, anakupendeza sana. Sipati picha siku ya harusi yenu”

“Amesema akimaliza tu chuo ataenda nyumbani kwetu kujitambulisha na atanivesha pete ya uchumba”

“Wow jamani, hongera sana rafiki yangu. Umepata bahati haswaa, kumpata mwanaume mwenye upendo kama George ni vigumu sana kwasasa, unatakiwa shoga yangu na wewe kuwa mjuzi usiwe mshamba”

“Mmh ushamba gani tena?”

“Kwani hujatembea nae tu?”

“Sijatembea nae, nimemwambia asubirie ndoa”

“Hahaha usinichekeshe ujue, hiyo ndoa ya lini? Hivi wanaume unawajua au unawasikia? Yani utaona akipendwa mwenzio halafu wewe ukiachwa yani itakuuma moyo? Hivi unajua kwanini wanaume wanaamua kuoa?”

“Kwanini?”

“Mwanaume sio kwamba anafata kupikiwa, kama kupika anajua, sio kufuliwa yani kufua anajua. Ila anataka hilo tunda la katikati, sasa wewe endelea kumbania utashangaa unakosa mwana na maji ya moto. Mpe mtoto wa watu afaidi na akupende zaidi”

“Mmmh unanishawishi”

“Sikushawishi ila nakwambia ukweli, mpe tunda mtoto wa mwenzio achanganyikiwe vizuri na hakika baada ya hapo yani atakupenda maradufu”

Maneno ya Dora yalimuingia kichwani Erica vilivyo ukizingatia ni mara nyingi tu George amemuomba kufanya nae mapenzi ila alimkatalia kwa kumwambia kuwa wasubirie ndoa ila maneno ya rafiki yake yalimfanya aseme kuwa George akimwambia tena basi amkubalie.



Ilikuwa siku ya kuzaliwa ya George na aliamua kwenda kwenye matembezi na mpenzi wake Erica,

“Utanipa zawadi gani kwenye siku yangu hii muhimu?”

Erica alicheka tu,

“Tafadhali Erica usiishie kucheka ujue nakupenda, na ninatamani kuwa na wewe”

Erica alijikuta amemkubalia George kuwa yupo tayari kutembea naye kwa siku hiyo, kwakweli George alifurahi sana na kutafuta chumba maeneo yale haraka iwezekanavyo.

Wakiwa ndani baada ya tendo, George alionekana kuchukizwa sana kisha kuchukua nguo zake na kuvaa halafu alimuangalia kwa chuki sana Erica, mpaka Erica aliogopa na kumuuliza,

“Vipi George imekuwaje?”

“Vaa nguo twende”

“Imekuwaje tena George?”

Safari hii George aliongea kwa ukali,

“Nimesema vaa nguo twende”

Kisha George alitoka nje, ikabidi Erica nae achukue nguo zake na kuvaa upesi upesi huku akijiuliza kuwa ni kitu gani amefanya.





Kisha George alitoka nje, ikabidi Erica nae achukue nguo zake na kuvaa upesi upesi huku akijiuliza kuwa ni kitu gani amefanya.

Lakini alikosa jibu kabisa maana yeye aliona kuwa ni kawaida sasa swala la George kuchukia kiasi kile lilimshangaza sana, akatoka nje ila hakumkuta George kwa maana kwamba alishaondoka muda tu, akachukua simu na kumpigia ila George hakupokea simu ile. Akajiangalia mfukoni, hakubeba hela yoyote maana George alimfanyia safari ya kumshtukiza, akawaza sana kuwa atafanyaje. Akampigia simu rafiki yake Dora,

“Best nimekwama huku, una hela kidogo unitumie nirudi, nikifika nitakupa hela yako”

“Umekwama wapi na kipi kilichokukwamisha?”

“Nitakwambia nikifika ila kwasasa nahitaji msaada wa pesa kidogo niweze kufanya nauli”

“Sina sh kumi shoga yangu, pole weee. Mpigie George”

“Hadi nimekupigia wewe jua nimekosa msaada kote huko, naomba nisaidie rafiki yangu”

“Sina hela”

“Niazimie hata kwa mtu nikirudi nitampa”

Simu ikakatika maana salio liliisha na kumfanya Erica achanganyikiwe zaidi ukizingatia kosa alilolifanya kwa George mpaka muda huo hakulijua na pia hakujua kuwa anarudi vipi hosteli, yani hapo kichwa kilikosa uelekeo kabisa.

Alienda kukaa mahali akilia maana hakujua hata aanzie wapi na aishie wapi, kuna mmama wa makamo alimuona na kumsogelea karibu na kumuuliza,

“Mwanangu vipi una tatizo gani? Mbona umejiinamia hapo? Unajua ni usiku huu?”

Erica aliinuka na kumuangalia Yule mama kwa uchungu sana, kisha akamwambia,

“Nimeibiwa mkoba wangu ndio ulikuwa na nauli hata sijui narudi vipi nyumbani”

“Pole sana, inuka mwanangu twende nyumbani kwangu maana huku nilikuwa nafanya mazoezi tu. Twende nyumbani nikakupe nauli naamini itakusaidia na utafika kwenu”

Erica aliinuka na Yule mama kisha kuanza kuondoka nae taratibu kuelekea anapoelekea Yule mama, kumbe alikuwa haishi mbali na maeneo yale maana walifika kwenye nyumba moja na kumkaribisha Erica,

“Karibu, hapa ni nyumbani kwangu. Karibu ndani nikutolee nauli binti yangu”

“Usijali mama, nitasubiria hapa hapa”

Erica hakutaka kukaribia ndani maana mambo ya mjini hayaelewekagi, unaweza kujikuta umekaribia kumbe unaenda kuchinjwa ila Yule mama nae hakutaka kumlazimisha sana Erica, alienda ndani na kumtolea nauli.

Alirudi na noti ya elfu kumi na kumkabidhi, kisha kujitambulisha

“Naitwa Mrs.Peter unaweza tu kuniita mama. Sijui wewe binti yangu unaitwa nani?”

“naitwa Erica”

“Karibu sana nyumbani kwangu, hapa ni kwangu hata usiwe na mashaka yoyote yale yani wewe ujisikie upo nyumbani. Sinaga mtoto wa kike, nina watoto wawili tu wa kiume na wote wapo masomoni nje ya nchi, karibu sana mwanangu”

“Asante sana”

“Unaweza ukawa unakuja kunitembeleaga, na vizuri ukinipa na namba zako za simu”

Basi Erica alimpa Yule mama namba zake za simu na kumshukuru sana kwa ukarimu wake kisha akamuaga na kuondoka zake.



Erica alifika hosteli muda ukiwa umeenda sana, hakuamua kufanya chochote zaidi ya kuoga na kwenda kulala ila alikuwa na mawazo mengi sana kwani George hakumtafuta hewani kabisa na kumfanya akose raha.

Kulipokucha alioga na kuanza tena kumtafuta George hewani ila hakupokea simu zake na kuamua kumtumia ujumbe,

“George mpenzi wangu nimekukosea nini kwani? Kwanini unanifanyia hivi jamani?”

Ila ujumbe wake haukujibiwa, alijaribu kutuma tena na tena ila hakujibiwa kabisa na kumfanya akose raha zaidi, hata chai siku hiyo hakuweza kunywa kwani alikuwa na mawazo mengi sana muda huo kiasi kwamba alitaka hata kwenda nyumbani kwao kwani anamtindo wa kwenda kila mwisho wa wiki ila alishindwa sababu ya mawazo na kutokuwa na raha.

Wakati anawaza sana chini ya mti alikuja rafiki yake Dora na kumsalimia,

“Hapana Dora wewe sio rafiki kabisa, yani wewe wa kushindwa kunisaidia mimi? Hata ulishindwa kuniombea hela kwa mtu?”

“Jamani rafiki yangu nisamehe bure, yani jana nilivurugwa usione vile. Yani kuna mwanamke kanipigia simu kuwa ana mahusiano na mpenzi wangu yani akili yangu yote ikaruka. Nisamehe rafiki yangu, na wewe yamekusibu yepi?”

Erica baada ya kuambiwa maneno hayo na rafiki yake na jinsi alivyoweza kuona kweli mapenzi yanachanganya, akamuamini na kuamua kumuelezea kilichotokea ila baada ya maelezo Dora alicheka sana na kumfanya Erica amuulize kilichomchekesha,

“Sasa unacheka nini?”

“Samahani rafiki yangu, usinifikirie vibaya kwa kucheka ila sijui kama nikifikiriacho ni cha kweli”

“Kipi hicho?”

“Hivi Erica unafikiri George miaka yote mitatu hii aliyokaa chuoni hakuona mwanamke kweli akaja kukuona wewe”

“Kwanini unasema hivyo Dora?”

“Siamini kama kweli George anakupenda maana kama angekuwa nakupenda hata kama umemfanyia kitu gani asingethubutu kuondoka na kukuacha mwenyewe”

“Ni kweli usemayo, sasa ndio kimekuchekesha hicho?”

“Hapana, ukiongea na George nitakwambia kilichonichekesha”

“Kivipi?”

“Twende nikupeleke anapokaa George uweze kuongea nae”

“Kumbe unapajua?”

“Sio kupajua anapokaa tu ila George namjua vizuri yani in and out ndiomana sikushtuka sana uliponitambulisha na ndiomana toka siku ya kwanza nilikwambia unanidanganya kusema kuwa ni kaka yako”

“Mbona unanitisha Dora, George unamjua vipi wewe?”

“Erica usijipe presha ya bure, twende anapokaa George uongee nae, swala la mimi kumjua utamuuliza mwenyewe vizuri”

Erica aliwaza sana ila alikubali kwamba Dora ampeleke akaongee na George maana aliamini ana mengi ya kuongea nae.



Erica aliongozana na Dora hadi mahali alipoonyeshwa kuwa George anakaa hapo, basi Dora alimwambia Erica aende nae akafanya hivyo.

Alivyofika akagonga mlango, na George ndiye aliyemfungulia, Erica akashangaa nae George akashangaa,

“Nani amekuleta hapa?”

“Kumbe kweli unaishi hapa?”

“Sasa unashangaa nini? Ulijua naishi kwenye kiota cha ndege?”

“Hapana sio hivyo ila nimeshangaa sababu hujawahi kunionyesha unapoishi kumbe sio mbali na chuo”

“Sasa ulitaka nikuonyeshe ili iweje?”

“Khee yamekuwa hayo? George mbona umebadilika gafla, tatizo ni nini?”

George hakumjibu kitu na kuingia ndani, ilibidi Erica nae amfate ambapo alimkuta amekaa tu kwenye kochi kwani chumba kile kilikuwa na kochi moja na kitanda, kwahiyo Erica alisimama tu na kuendelea kumuuliza George kuwa kwanini anamfanyia vile,

“Hivi wewe si umeahidi kuwa mume wangu jamani? Sasa mbona unanifanyia hivi?”

“Usitake kunichekesha Erica, hivi una sifa za kuwa mke wewe? Mke gani anaongea na mtu huku amesimama?”

Erica akajiangalia pale aliposimama, hata hivyo hapakuwa na sehemu nyingine ya kukaa zaidi ya kitandani na chini kwahiyo ilibidi akae chini na kumuuliza tena,

“Kwahiyo hatma yangu ni nini?”

“Unadhani ukikaa chini ndio utaonekana mke mwema? Kwani kitanda hukukiona kuwa unaweza kukaa pale?”

“George jamani, si uniambie tu kuwa nimekufanyia nini kuliko kunifanyia hivi?”

“Sikia nikwambie Erica, wewe hufai kuwa mke wangu yani hufai kabisa. Nilipenda mke wangu, mimi ndiye niwe mwanaume wake wa kwanza, ila sio mwanamke ambaye ameshapitiwa na wanaume wengine. Erica nilikuuliza kuhusu mahusiano yako ya nyuma ili uniambie ukweli lakini ulisema kuwa mimi ni mwanaume wako wa kwanza, kumbe ushapitiwa. Kweli mtu ni mpaka umuone ndani ila nje haitoshi kuonyesha mtu anayefaa. Yani kwa nje unaonekana ni binti mpole, mlokole kumbe ni mchafu tu”

Erica alikaa kimya kwa muda na kumfanya George aendelee kuongea,

“Umeona unashindwa kujieleza? Ningekukuta ni msichana bikira basi hata leo ningeenda kwenu kujitambulisha ila ilimradi ushapitiwa siwezi hata kuendelea na mahusiano na wewe”

Erica aliumia sana, alijikuta akiinuka na kuondoka bila ya kuaga.

Muda huu alienda kupanda gari kwani hata hakutaka tena kuonana na mtu yeyote maeneo yale, moja kwa moja alienda ufukweni.



Alifika ufukweni na kukaa mahali peke yake, kisha alilia sana yani alilia kama mtu aliyefiwa vile hadi macho yalimvimba, hakuwa na raha kabisa hapo ndio alipoona kuwa mapenzi yanaumiza kiasi kile maana hakufikiria kuwa mapenzi yangemuumiza kile kiasi.

Alilia sana, yani hata Dora alipompigia simu hakupokea, akakumbuka siku ya kwanza kukutana kimwili na Babuu ilionyesha Babuu kafurahi sana tofauti na alivyokutana na George,

“Ndiomana dada aliniambia nijitunze mimi, ni mjinga sana mimi sijui nilikubali vipi kutembea na Babuu na sijui nimekubali vipi kutembea na George kumbe ni mwanaume mpumbavu kabisa”

Alilia sana, kuna mtu alisogea na kumshika bega, Erica akanyanyua kichwa kumtazama alikuwa ni mkaka aliyemuuliza kwa upole,

“Vipi dada una matatizo gani?”

Erica alikaa kimya tu huku akiendelea kulia,

“Pole dada ila una tatizo gani?”

Alikuwa akilia sana na kadri huyu kaka alivyomuuliza maswali ndivyo alivyozidi kulia kwani alihisi kama yale maswali yakimuumiza kichwa zaidi.

Yule kijana hakukata tamaa kwani alikaa pale pale akisubiria Erica anyamaze kulia huku akijitahidi kumbembeleza.

Erica alisikiliza wosia wa Yule kaka na kuamua kunyamaza kwani muda nao ulikuwa umeenda sana,

“Naitwa Bahati, sijui wewe mwenzangu unaitwa nani?”

“Naitwa Erica”

“Jina zuri, je nini kimekupata Erica hadi unalia?”

“Ni historia ndefu sana”

“Huwezi kuniambia hata kwa kifupi?”

Machozi mengine yalimtoka Erica na kumfanya Bahati kumbembeleza tena huku akijaribu kumpa maneno ya kumshauri,

“Matatizo tumeumbiwa, sio siku zote mtu utaishi kwa raha tu. Kuna kipindi utajikuta ukipatwa na matatizo ila si vizuri kuyaacha matatizo yachukue nafasi katika maisha yetu. Erica pole sana ila muda umeenda na si vizuri kuendelea kukaa mahali hapa, nakuomba tuondoke”

Erica aliamua kukubali na kumwambia kuwa anahitaji kwenda nyumbani kwao, kwavile Bahati alijitolea kumsaidia alimuomba ampeleke nyumbani kwao.

“Usijali nitafika tu”

“Hapana ni usiku sana kwasasa, naomba nikupeleke. Mimi ni mtoto wa kiume tofauti na wewe mtoto wa kike”

Basi Erica akakubali kisha akaongozana na Bahati hadi nyumbani kwao kwani Erica aliamua kurudi kwao tu na sio kwenda tena hosteli.

Alivyofika tu kwao, Bahati aliamua kuaga na kumuomba namba ya simu ambapo Erica alifanya hivyo kisha akagonga mlango wao na mama yake kumfungulia.



Alipoingia ndani, mama yake alifoka,

“Erica mwanangu mbona usiku huu? Unajua ni saa tano sasa hivi!”

“Nisamehe mama ila nilipakumbuka nyumbani halafu leo kipindi kilichelewa kuisha, na muda narudi kulikuwa na foleni sana njiani”

“Kipindi kimechelewa kuisha Jumamosi? Si unakujaga asubuhi wewe?”

“Mama leo tulikuwa na kipindi cha dharula na tulitangaziwa jana jioni halafu kikawekwa leo jioni ndiomana imekuwa hivi”

“Na hayo macho vipi mbona yamevimba?”

“Nadhani ni sababu ya kusoma sana”

“Kheee pole mwanangu, nenda kaoge ule halafu ukapumzike”

Erica alienda kuoga ila alikula kidogo sana kwani kiukweli hakuwa na raha kabisa, kisha akaenda chumbani kwake kwa lengo la kulala.

Siku hiyo hakutaka kurudi hosteli kwani hakupenda wajue kuwa alikuwa na mawazo kiasi kile, kwahiyo alipoingia chumbani kwake alikaa kitandani huku bado akiendelea na mawazo yake. Akakumbuka siku ya kwanza kuwasiliana na Babuu, akakumbuka jinsi alivyokutana na George alijikuta akijisemea,

“Hakuna mwanaume mwenye upendo duniani, Erick nilijua ananipenda ila alitaka wasichana wote shuleni. John nae alinitaka kimapenzi tu, hivi alishindwa hata kuja kunitafita kwenye shule yangu? Babuu nae niliamini ananipenda kumbe alikuja kuniharibia maisha yangu, nimeharibu usichana wangu mimi nani atanioa ikiwa hata George amenikataa?”

Machozi mfululizo yalimtoka, kidogo akapokea ujumbe kwenye simu yake,

“Mambo Erica, mimi nimefika nyumbani salama kabisa. Je unaendeleaje?”

Erica alisoma ule ujumbe na kutamani hata ungekuwa umetoka kwa George ila sio kwa mtu ambaye amekutana nae ufukweni tu, ila ujumbe mwingine ukaingia.

“Naweza kukupigia simu Erica japo tuongee kidogo tu?”

Huu ndio akaujibu,

“Hapana tutaongea kesho”

“Basi hakuna tatizo, usiku mwema Erica. Kumbuka kuwa Mungu anakupenda sana ndiomana upo hadi leo”

Kidogo hili neno la kusema Mungu anampenda sana lilimuingia kwenye moyo wake na akajihisi fiuraha kidogo kwani aliona japo kuna vitendo vingi alivyoviona kwake vya ajabu ila Mungu anampenda sana. Akaamua kulala sasa na kupumzisha mawazo yake.



Kesho yake baada ya kutoka kanisani alifika dada yake Bite na kumkuta pale nyumbani, na baada ya kusalimiana nae tu dada yake alimuuliza,

“Hivi kwanini ulibadilisha namba Erica?”

“Nilipoteza laini dada”

“Ulipoteza laini? Ulipotezaje?”

“Kuna mtu aliomba kuweka laini yake kwenye simu yangu, basi yangu tuliitoa na kuja kuitafuta tena sikuiona”

“Sawa kwanini usiende kurenew laini ile upate mpya kama ile”

“Mmmh wazo hilo hata sikuwa nalo halafu niliona ni mbali sana ndiomana nikanunua laini mpya tu”

“Erica mdogo wangu laini niliyokupa ilikuwa na maana sana, siku zote sikupati hewani hadi leo nimeamua kuja nyumbani na nimebahatika kukukuta. Laini hiyo mpya kila nikikupigia inatumika, yani mdogo wangu umekuwa kama kibanda cha simu?”

“Nisamehe dada”

“Nataka uirudishe ile laini ya awali”

“Sawa dada nitairudisha”

Ila Bite alimuona mdogo wake kama hana furaha ila kila alipojaribu kumuuliza, Erica alikuwa anabadilisha mada ili asiendelee kuulizwa kuwa kwanini anaonekana ana mawazo sana.

“Mdogo wangu unanificha hadi mimi dada yako? Unajua mimi ndio msiri wako, unatakiwa kuniambia mimi vitu vinavyokutatiza, nakuona kabisa huna furaha lakini unanificha”

“Hapana dada sikufichi chochote”

“Nyumbani kwangu unapafahamu, ukiona mambo yanakutatiza uje nyumbani nikushauri”

“Sawa dada”

Basi dada yake akaongea ongea nae kisha akajiandaa kwaajili ya kuondoka kwahiyo ikabidi aondoke nae maana nay eye alitaka kuelekea hosteli.



Alifika hosteli na baada ya muda kidogo tu Dora nae alifika, ikabidi atoke nae nje kuzungumza nae,

“Jamani Erica una tabia mbaya, yani jana umeondoka bila hata ya kuniaga?”

“Nilichanganyikiwa rafiki yangu”

“Ulichanganyikiwa na nini?”

“Acha tu rafiki yangu”

“Mmmh niache nini si uniambie tu ukweli kuwa George hakukukuta na bikra”

“Umejuaje?”

“Najua vizuri, George huwa anapenda mabinti bikra na ndiomana alikupenda wewe ila hivyo kakuta huna bikra hawezi kukutaka tena”

“Kumbe unajua, mbona hukuniambi?”

“Na mimi mwenyewe sikujua kama wewe ushatumika”

Kisha akaanza kucheka,

“Sasa unacheka nini?”

“Usichukie rafiki yangu, kwa muonekano wako unaonekana ni msichana aliyetulia sana. Hata mimi sikujua kama umetumika tayari, George huwa anapenda mabinti bikra ndiomana akakupenda wewe”

“Ila wewe sio rafiki mwema, hata kama hukujua chochote kuhusu mimi ulitakiwa kunitahadhalisha na sio kunishawishi ili mwenzio niumbuke ufurahi”

“Hapana sijafurahi Erica”

“Nimegundua, wewe si rafiki mwema. Kwaheri”

Erica aliinuka na kurudi ndani kwani maneno ya rafiki yake hayakumfurahisha hata kidogo imekuwa kama alimpangia mpango ili aumbuke.

Akakumbuka jinsi alivyokuwa akimshawishi kuwa alale na George na kumfanya azidi kumchukia maana alimfanyia kitu kibaya.



Erica alitulia ila ujumbe pekee alioupata kwenye simu yake kwa siku hizo ulikuwa unatoka kwa Bahati na ilionyesha huyu mkaka amempenda pia Erica,

“Anitolee balaa na yeye hata sitaki tena mapenzi, wanaume ni waongo sana”

Ila Bahati alizidi kumtumia ujumbe mbalimbali na jumbe zingine zilikuwa za kumpa moyo na kumfanya asikate tamaa, kwa sehemu nyingine alimuona Bahati kama rafiki mwema kwani muda wote alikuwa akimtumia ujumbe wa maana tu na sio wa kumtongoza.

Erica alijikuta akimaliza mawazo yake kwa kusoma ujumbe ambao anatumiwa na Bahati, kwahiyo siku zote alijiliwaza kwa ujumbe tu aliotumiwa na Bahati na katika siku zote hizo hakuna siku ambayo alitumiwa ujumbe na George.

Ilitokea siku moja alitumiwa ujumbe na dadake Bite,

“Umefikiria nini kuhusu swala la kurudisha laini yako ya mwanzo?”

Ila kabla hajajibu ujumbe huo alishangaa kupokea ujumbe kutoka kwa George,

“Erica, njoo uchukue picha zako”

Kwahiyo alijikuta akipaniki na kujibu kwanza ujumbe huo,

“Hizo picha kaa nazo, mwanaume wa ajabu sana wewe. Ulikuwa na lengo la kutembea na mimi tu eti hunitaki tena sababu mimi sio bikra. Kama ungetaka mabikra si ungeenda kuoa kijijini kwenu. Baki nazo hizo picha sizitaki”

Akatuma, baada ya hapo akaona ujumbe umefika, alipoangalia vizuri alikuta ujumbe ule umefika kwa dada yake Bite na si kwa George kama alivyodhamilia.





Ilitokea siku moja alitumiwa ujumbe na dadake Bite,

“Umefikiria nini kuhusu swala la kurudisha laini yako ya mwanzo?”

Ila kabla hajajibu ujumbe huo alishangaa kupokea ujumbe kutoka kwa George,

“Erica, njoo uchukue picha zako”

Kwahiyo alijikuta akipaniki na kujibu kwanza ujumbe huo,

“Hizo picha kaa nazo, mwanaume wa ajabu sana wewe. Ulikuwa na lengo la kutembea na mimi tu eti hunitaki tena sababu mimi sio bikra. Kama ungetaka mabikra si ungeenda kuoa kijijini kwenu. Baki nazo hizo picha sizitaki”

Akatuma, baada ya hapo akaona ujumbe umefika, alipoangalia vizuri alikuta ujumbe ule umefika kwa dada yake Bite na si kwa George kama alivyodhamilia.

Akatetemeka sana na kuogopa hadi akaamua kuzima simu, na kujilaza kwa uoga huku akiwaza sana kuwa dada yake atamfikiriaje.



Badae akawasha simu yake kwa uoga sana kwani alikuwa anawaza kuwa atamweleza nini dada yake, alipowasha tu alipigiwa simu na dada yake, akaipokea kwa uoga,

“Nipo hapa kwenye baa ya karibu na hosteli kwenu njoo”

Erica akainuka pale kitandani kwa uoga uoga kwani ingawa ni mchana ila alilala sababu hakudhamiria kumtumia ujumbe kama huo dada yake.

Alienda alipo dada yake na kumuangalia kwa aibu sana, kisha dada yake akamwambia twende, akainuka nae na kwenda kupanda gari la dada yake kisha safari ya kwenda kwa dada yake ikaanza.



Walifika nyumbani kwa dada yake na kuingia ndani, Erica alikuwa amesimama kama mlingoti, dada yake akamuamuru akae,

“Hivi Erica wewe ni wa kunificha mimi? Umeanza lini mambo ya ajabu haya? Kuwa muwazi mimi ni dada yako na najua jinsi ya kukusaidia”

“Nisamehe dada”

“Kukusamehe ndio nini? Kumbuka umetoa mwili wako, nini maana ya msamaha kwenye mwili wako?”

“Sikudhamilia dada”

“Hukudhamilia? Au nikosomee tena ujumbe wako? Yani unamwambia mwanaume kama angekuwa anataka bikra angeenda kuuoa kwao, wewe ushatembea na wangapi hadi huyo kakukuta umetumika?”

“Dada itakuwa hukuielewa tu meseji yangu”

“Sikuielewa? Kwahiyo mimi nimepaniki bila kuelewa? Unajua mimi ni mtu mzima Erica, kumbuka dada zako wote tumeolewa tena kwa ndoa za heshima sasa wewe kwanini unataka kutuaibisha kiasi hiki jamani!”

“Dada umenifikiria vibaya”

“Kama nimekufikiria vibaya, niambie ni kweli wewe sio bikra?”

“Mimi bado ni bikra dada”

“Kuwa mkweli Erica”

“Ni kweli dada, mimi ni bikra.”

“Sasa ule ujumbe ulikuwa unamaanisha nini? Ngoja nikusomee tena labda huelewi ulichotuma “Hizo picha kaa nazo, mwanaume wa ajabu sana wewe. Ulikuwa na lengo la kutembea na mimi tu eti hunitaki tena sababu mimi sio bikra. Kama ungetaka mabikra si ungeenda kuoa kijijini kwenu. Baki nazo hizo picha sizitaki” Ujumbe wako huo ulikuwa unamaanisha nini?”

“Dada, huyo mkaka alikuwa ananitongoza na aliniuliza kama mimi ni bikra nikamjibu kuwa mimi si bikra ili nipime imani yake, sasa kugundua hivyo akadai hanitaki tena ndio akasema nikachukue picha zangu. Kuna picha zangu alijipendekeza kuzichukua kwa mpiga picha, ndio nikamjibu vile dada ila sina mahusiano na huyo kijana wala sijawahi kutembea na kijana yeyote”

“Erica, Erica mdogo wangu, hivi unajua kuwa uzinzi ni dhambi? Unakumbuka ulivyocheza na kufurahi kwenye harusi yangu? Je wewe hutaki tucheze na kufurahi kwenye harusi yako? Erica mdogo wangu nilikwambia jitunze, ukijitunza ndio utapata mwanaume wa maana wa kukuoa ila ukiwa unaruka ruka ni ngumu kuolewa. Hakuna mwanaume anayependa msichana aliyetumika”

“Sijatumika dada”

“Sitaki kutafuta ushahidi ila sitaki aibu kwenye ukoo wetu, kuanzia sasa utaishi hapa kwangu na chuo nitakuwa nakupeleka nikiwa naenda kazini, ila kurudi utarudi mwenyewe na ufikie hapa. Hatutaki aibu Erica”

“Kwahiyo leo sirudi hosteli?”

“Leo utalala hapa, kesho utaenda chuo”

“Jamani dada, vitabu vyangu vyote vipo kule. Nitajisomea nini sasa?”

“Ulikuwa unajisomea wewe au unawasiliana na wanaume kwenye simu? Utakaa hapa kwa mwezi mmoja nichunguze tabia yako halafu ndio utarudi tena kukaa hosteli, hivyo vitabu vyako utaenda kuvichukua kesho”

Erica hakutaka kubisha sana kwani kwa upande mwingine alimuogopa sana dada yake huyu ingawa ni dada waliyefatana ila alimzidi mbali sana kimiaka na kimaisha, kwahiyo ilibidi awe mpole tu.



Kesho yake alienda chuo kama kawaida ila kwa kipindi hiko hakutaka kuwa karibu na rafiki yeyote maana aliona wanazidi kumpoteza kimalengo, akiwaza jinsi Dora alivyomdumbukiza kwa kijana George ndio anakosa hamu ya marafiki kabisa.

Siku hii alikutana na George njiani, kwakweli hakusalimiana nae kabisa kwani alimuona kama ni mwanaume asiyefaa, aliposogea mbele kidogo akageuka nyuma kumuangalia George alikuwa akielekea wapi, akashangaa kumuona George amesimama na Dora huku wakiongea na kucheka, ilimuuma sana na kuzidi kumlaumu Dora katika maisha yake, wakati anawashangaa alitokea kijana mmoja nyuma yake na kumuuliza,

“Mbona unawashangaa hivyo wale?’

“Aaah nawashangaa tu”

“Wazoee, yani wale wana mipango ya ajabu ajabu hapa chuoni”

“Kivipi?”

“Nitafute kwa muda wako nikueleze”

Yule kijana akaondoka, Erica akaanza kumfata nyuma kwani kwa hakika alitamani kujua kuwa wana mipango ya ajabu ajabu ipi, alipomfikia alimuomba tena amueleze,

“Saivi nipo busy, kama vipi niachie namba yako nitakucheki”

Erica akampa namba na kumwambia,

“Naitwa Erica, sijui wewe unaitwa nani?”

“Naitwa Adam”

Basi Yule Adam akaondoka na kumuacha Erica akiwa na hamu ya kujua kuwa ni kitu gani kinaendelea kati ya George na Dora.

Akamaliza mambo yake yote chuoni akisubiri dadake aende kumchukua ila dada yake hakufanya hivyo, ikabidi ampigie simu kumuuliza kuwa imekuwaje,

“Wewe njoo tu mwenyewe, shemeji yako anarudi leo naenda kumpokea”

Ni muda mrefu tangu shemeji yake huyo asafiri, kwahiyo ile kama siku ya kurudi huyo shemeji yake lazima dadake aandae mazingira ya kumpokea.

Bahati alimtumia ujumbe Erica mara baada tu ya kukata simu ya dada yake akimuomba waonane, Erica akaona vyema amtajie mitaa ya kuonana karibu na kwa dadake ili iwe rahisi kwa yeye kurudi nyumbani. Alimtajia mitaa hiyo nae Bahti aliafiki.



Erica alifika mahali alikopanga kuonana na Bahati, na kweli Bahati nae alifika mitaa ile na kukaa chini kuanza kuzungumza nae.

“Sijui Erica nimekukosea kitu gani, hujibu meseji zangu. Kiukweli unaniumiza sana”

“Pole”

“Mmmh haya asante, ila Erica mie mwenzio kama jina langu lilivyo yani najiona ni mwenye bahati sana kukutana na wewe”

“Kheee na wewe unataka kunianzia hoja za kunitongoza eeh! Mwenzio nina maumivu moyoni hata sitaki wanaume”

“Kuwa na maumivu moyoni suluhisho lake sio kutokutaka wanaume, ukumbuke kila binadamu kaumbwa na vitu vyake na tabia yake. Tunaweza kufanana sura ila tusifanane tabia, si kila mwanaume ni muongo. Tupo wengine wa kweli”

“Yani ndio ulichotaka kukutana na mimi hiko Bahati? Nilijua huwezi kuniambia ujinga maana siku zote hunitumiagi meseji za ujinga, imekuwaje leo?”

“Erica, toka ile siku ya kwanza nakuona hubanduki kwenye akili yangu, kiukweli nakupenda Erica. Unaweza kuona mimi ni mjinga ila mimi si mjinga nakupenda kweli, na leo sikuwa na lengo la kukwambia haya ila nimeshindwa kujizuia, ni kwelki nakupenda”

“Haya, ngoja nikuulize maswali nione kama una vigezo vyangu”

“Niulize tu”

“Umesoma hadi wapi?”

“Nimeishia la saba”

Erica alicheka sana yani sana na kumuuliza kwa mshangao,

“La saba!!!”

“Ndio la saba”

“Halafu bila hata aibu unakuja kunitongoza mimi mdada wa chuo?”

“Mapenzi Erica hayaangalii elimu, kabila, dini wala umri”

“Usinichekeshe mie, sina ndoto ya kuolewa na mwanaume wa la saba. Samahani Bahati, huna bahati kwangu, siwezi kukukubali”

“Jamani Erica?”

“Ndio hivyo sikutaki, kwanza dini gani wewe?”

“Mimi ni Mwislamu”

“Kheee Mwislamu kumbe!! Mimi ni Mkristo, uliona wapi Mwislamu na Mkristo wakaendana?”

“Mapenzi Erica, hayaangalii dini”

“Kwanza unafanya kazi gani?”

“Mimi ni mvuvi”

“Usinichefue, kwaheri yani bora hata ungekuwa na kazi ya maana labda ningekufikiria kidogo, yani mvuvi ndio uwe na mimi loh!”

Erica akaondoka zake na kumuacha Bahati akiwa peke yake, ila Bahati alimfatilia Erica bila ya Erica kujua, ila alimfatilia hadi kwa dada yake, alipohakikisha anaingia ndani ndipo akaondoka.



Bite alimkaribisha mdogo wake na kumuonyesha shemeji yake tena,

“Umemuona shemeji yako, baada ya miaka mingi”

“Kheee huyu ndio Erica, amekuwa mdada siku hizi”

“Ndio yupo chuo”

“Hongera sana Erica”

Alitabasamu pale na kuongea ongea kidogo na shemeji yake. Kisha akaenda
kwenye chumba chake ambacho huwa analala.

Siku hiyo alitumiwa ujumbe mwingi mwingi na Bahati ila hakujibu hata ujumbe mmoja kwani alimuona Bahati sio hadhi yake,

“Natakiwa nipate mume kama wa dada, msomi na ana hela. Sio wakina Bahati, kuniekea gundu tu. Mwanaume kaishia la saba, halafu mvuvi loh nitamtambulishaje kwa rafiki zangu? Anitolee balaa mie”

Siku iliyofuata ilikuwa ni mwisho wa wiki kwahiyo Erica hakwenda chuoni na alibaki nyumbani, muda huo shemeji yake alikuwa ametoka kwenda kutembelea ndugu, jamaa na marafiki. Erica alimuuliza dada yake,

“Dada ulimpataje shemeji?”

“Ni mwanaume niliyempata kwa bahati sana halafu ananipenda balaa maana alinikuta bikra. Unajua mwanaume akikukuta bikra anakupenda sana, yani James ananipenda mdogo wangu jamani ananipenda balaa”

“Kwahiyo hawezi kukusaliti?”

“Umefikiria nini kuuliza hivyo?”

“Nasikia asilimia kubwa ya wanaume ni wasaliti, yani wanakuwa na nyumba ndogo”

“Mambo hayo si kwa James wangu, kumbuka kuwa kanikuta bikra na nimekamilika kila idara, ataanzaje kunisaliti yani kwa mwingine anafata nini labda”

“Hongera dada”

“Sio hongera tu, na wewe ujitunze. Hakuna kitu wanaume wanapenda kama kuoa mwanamke bikra”

“Sawa dada nitajitunza”

Aliinuka Erica na kwenda chumbani, kiukweli alikuwa akiumia sana moyoni na kujiona kuwa atakosa bahati kabisa,

“Hivi kwanini kwangu imetokea hivi? Kuna atakayenioa wakati mimi sio bikra kweli? Hivi wadada wote walioolewa wameolewa wakiwa bikra mmh jamani! Sijui nifanyeje?”

Aliumia sana kwenye moyo wake, mara ukaingia ujumbe kutoka kwa Bahati,

“Erica nakupenda sana, usijali kuhusu elimu yangu, kuhusu dini yangu, kuhusu kazi yangu au kabila langu angalia upendo wa kweli. Nakupenda sana Erica, haijalishi umepita na wanaume wangapi wakakuumiza moyo ila mimi nakuahidi nitakusahaulisha yote”

Erica akamuuliza kwa ujumbe,

“Je upo tayari kuoa mwanamke asiye bikra?”

“Kwani bikra ni kitu gani katika mapenzi? Watu wanaoa wanawake walioathirika sembuse kuoa mwanamke asiye na bikra! Erica haijalishi ni wanaume wangapi wamepita kwako ila mimi najiona kama ni mwanaume wa kwanza kwako, hao makapi wote siwapi nafasi uwakumbuke”

Kidogo haya maneno yakaanza kumuingia akilini, na kutaka kumkaribisha Bahati katika moyo wake, ila akawaza hoja ya elimu na kuona kuwa atachekwa na watu, ikabidi asijibu chochote hadi atakapojihoji kwenye akili yake.



Ilikuwa ni siku ya Jumapili, Bite alienda kanisani ila Erica hakwenda na mume wa Bite nae alidai kuwa bado anauchovu na safari kwahiyo hawezi kwenda kanisani, kwahiyo nyumbani walibaki wawili.

Erica hakwenda sababu alikuwa yupo na simu tu akipeana ujumbe na Bahati kwani kwa kiasi Fulani ulikuwa unamfariji, akiwa chumbani shemeji yake akamuita.

“Erica, toka nimerudi hatujapata muda wa kuzungumza”

Erica alitabasamu tu, na James aliendelea kuongea,

“Unatumiaga kilevi?”

“Hapana situmii kilevi”

“Aaah upo kama dada yako?”

“Siye kwetu wote hatutumii kilevi”

“Hahaha walokole eeeh! Sawa, ila siku hizi umekuwa mtamu”

“Kivipi?”

“Umekuwa umependeza yani ulikuwa mzuri wakati upo mdogo ila saivi umezidi kuwa mzuri”

“Asante shemeji”

“Mume mwenzangu ni nani?”

“Kivipi?”

“Namaanisha mpenzi wako”

“Hapana sina mpenzi”

James akainuka na kwenda chumbani, baada ya muda kidogo alimuita Erica chumbani kwao,

“Mmmh nije kufanya nini huko shemeji?”

“Kuna kitu naomba uje kunisaidia”

Erica hakuwa na wazo baya juu ya shemeji yake, akaenda na kumkuta James akiwa amejifunga taulo tu, kabla Erica hajashangaa vizuri James alikuwa tayari ameshamvuta karibu yake.



Itaendelea kesho usiku……!!!!

Jamani nyie mnaochukua story zangu na kuziweka huko kwenye page zenu au magroup yenu bila kunishirikisha na chochote, sipendi hiyo tabia. Mananivunja moyo kwakweli.

Kwa wale wanaohitaji story ya maisha yangu wanifate inbox sababu ile ni ya private kwa walioguswa.





Erica hakuwa na wazo baya juu ya shemeji yake, akaenda na kumkuta James akiwa amejifunga taulo tu, kabla Erica hajashangaa vizuri James alikuwa tayari ameshamvuta karibu yake.

James alikuwa na lengo moja tu muda huo ni kumbaka Erica maana alijua hatotoa ushirikiano kwake, na katika purukushani hadi alichana blauzi ya Erica.

Hapo Erica akajiongeza kuwa hata akifanya fujo haitamsaidia kitu sababu mtu ameshadhamilia kumbaka, kwahiyo ilibidi awe mpole na kuongea nae taratibu.

“Shemeji unajua hiki kitendo hakinogi kama ukitaka kunifanya kwa nguvu?”

“Mimi sitafanya kwa nguvu, taratibu tu”

“Sina tatizo juu ya hilo shemeji hata nashangaa umejukua jukumu la haraka sana kutaka kunibaka wakati ingewezekana ungeongea kawaida tu na mimi. Tunatakiwa wote tufurahie na kama tunataka kufurahi basi tusifanye hapa nyumbani maana hatutakuwa huru, dada atarudi muda wowote”

“Kwahiyo unataka tukafanye wapi?”

“Twende mahali shemeji hata guest, huko tutafurahi pamoja”

James akatabasamu kwani maneno ya Erica yalikuwa matamu sana kwa upande wake ukizingatia alikuwa akiongea kwa sauti ya kuvutia sana,

“Tunaweza kwenda saizi?”

“Ndio, kwanini nikatae?”

“Na dadako akirudi bila kutukuta utamwambiaje?”

“Swala la dada ni dogo sana, wewe utasema ulienda safari zako, na mimi nitasema nilienda chuo wenzangu waliniita. Mbona sio shida hiyo”

Shemeji yake alifurahi sana na kumsogelea Erica halafu akambusu, Erica akamwambia,

“Basi jiandae na mimi nikajiandae tuondoke”

“Mtoto mtamu wewe dah! Yani nitamuacha hata dada yako kwaajili yako, unaonekana unavutia sana halafu mambo unayaweza. Nakupenda Erica”

“Nakupenda pia”

Basi Erica akatoka chumbani kwa shemeji yake, alienda chumbani kwake na kuchukua blauzi, akavaa haraka haraka na kutoka kimya kimya.



Alivyofika nje alishangaa kumuona Bahati,

“Khee wewe umefata nini hapa?”

“Nimekufata wewe Erica”

“Basi, naomba tuondoke”

Akamvuta mkono na kuondoka nae, mbele kidogo walisimamisha bodaboda na kwenda nayo stendi. Kufika stendi Erica aligundua kuwa hakutoka na pochi yake yenye hela ila aliogopa kwenda kuifata tena nyumbani,

“Bahati unajua sijatembea na pochi yenye hela!”

“Hela ya nini Erica, huyo bodaboda nitamlipa mimi”

Kisha Bahati akamlipa Yule wa bodaboda na kupanda daladala kisha kuondoka pale, ila hakujua Erica anataka kwenda wapi kwa muda huo ilibidi amuulize na Erica akamjibu kuwa anataka kwenda ufukweni, kisha wakaelekea huko.

Walifika ufukweni ila Erica alionekana kuwa na mawazo sana, ikabidi Bahati amuulize,

“Mbona una mawazo sana Erica?”

“Wewe acha tu, ngoja nikuulize. Pale nje kwetu ulikuwa unafanya nini? Na kama ulinifata mimi, ulijuaje kama naishi pale?”

“Siku ile nilikufatilia hadi unapokaa, na leo nilikuja kwa lengo moja nilihitaji kukuona. Nilijua umeenda kanisani, kwahiyo nilikuja na kukaa pale nje kwenu ili ukirudi kanisani nikuone”

“Kheee huoni kama ni tatizo, mfano dada yangu angekukuta je?”

“Ningemwambia ukweli kuwa nahitaji kukuona wewe sababu ni kweli nakupenda”

“Mmmh ila nyie wanaume ni waongo sana”

“Sio wanaume wote ni waongo, uongo ni hulka ya mtu Erica”

“Unaweza ukaoa, na mkeo akakupa kila kitu unachohitaji ila bado unatamani wanawake wa nje”

“Hiyo ni tabia ya mtu Erica”

“Mmmh na nyie waislamu kuoa wake wengi siwawezi”

“Sikia nikwambie Erica, kuna mwanaume anaweza kuoa mke mmoja, wake wawili, watatu au wanne ila akawaheshimu wote na kuwatimizia mahitaji yao yote sawa kwa sawa halafu wanajuana wote. Na kuna mwingine anakuwa na mke mmoja ila nyumba ndogo kila mahali, Kwa hapo inakuwa bora hata aliyewaoa kuliko huyu anaoewachezea wanawake wengi halafu anajifanya kaoa mmoja. Na si kila mwanaume wa Kiislamu ni lazima aoe wake wengi”

“Kwahiyo wewe utaoa wangapi?”

“Mimi nataka kuoa mke mmoja tu, ninayempenda, nitamtunza na kumuheshimu siku zote. Na si mwingine zaidi yako Erica, na sitakuwa na nyumba ndogo yoyote ile”

“Mmmh kama kweli vile”

“Ni kweli Erica, sikudanganyi wala sitanii”

Erica alimuangalia Bahati na kutabasamu tu kwani kiukweli alikuwa anaongea nae tu ila mawazo yake yalikuwa mbali sana.



James alivyotoka chumbani alikuwa ameshavaa na kukaa sebleni akimsubiria Erica ila alishangaa kuona Erica hatoki chumbani kwake, ikabidi aende akamuangalie Erica. Alishangaa sana kutokumkuta, akajaribu kumuita ila hakumuitikia, wakati akimuita ita Erica mule chumbani kwake, mkewe nae akawa amerudi na kumshangaa James akiwa ametoka chumbani kwa Erica,

“Kheee vipi tena, ulifata nini kwa dogo huyo?”

“Nimemuita nikaona kimya, ndio nikaenda kumuangalia maana siku hizi ya dunia mengi”

“Sasa yuko wapi?”

“Sijui, hata mimi mwenyewe sielewi maana hajaniaga. Sasa nilikuwa namuita ili nimuage ndio sijamkuta”

“Na wewe ulitaka kwenda wapi”

“Si kutembea tembea jamani mke wangu”

“Ndio ulishindwa kunisubiria nikitoka kanisani twende wote, jamani James!!”

“Basi yaishe mke wangu”

Kisha Bite akaanza kuulizia vizuri kuhusu mdogo wake kaenda wapi na kwanini kaondoka bila kuaga, alipokosa jibu la maana aliamua kumpigia simu mdogo wake,

“Wewe Erica uko wapi? Na kwanini umeondoka bila ya kuniaga?”

“Nisamehe dada, ila kuna kazi ya muhimu sana niliitiwa chuo”

“Kwahiyo upo chuo kwasasa?”

“Ndio dada”

“Ukitoka urudi huku nyumbani”

Kisha Bite akakata ile simu ila Erica alikuwa anawaza sana kurudi kwa dada yake na kuwaza endapo dada yake akaondoka tena kwa bahati mbaya si shemeji yake atambaka na hawezi kumdanganya tena maana atajulikana ni muongo ukizingatia alishamdanganya, ila tatizo hakuchukua vitabu vyake kwahiyo ilibidi akubaliane na swala kwamba anatakiwa arudi kwa dada yake ila alipanga kesho yake abebe vitabu vyake na kurudi hosteli tu kwani aliona pale kwa dada yake si salama tena kwake.



Muda ulifika alimwambia bahati kuwa anataka kurudi nyumbani, ila kwakweli Bahati hakumuelewa Erica kuwa ana tatizo gani sema sababu alitokea kumpenda hakutaka kumuuliza uliza sana kwa kuhofia kuwa atamkera, kwahiyo alivyosema anataka kurudi nyumbani aliongozana nae hadi nyumbani kwa dadake.

“Mmmh si ushanifikisha ondoka basi”

“Naondoka ila nasubiri uingie ndani”

Mara shemeji yake akatokea, kumbe alikuwa mitaa ya nje ya nyumba kwahiyo akamkuta Erica amesimama na huyo Bahati, aliwaangalia kwa ukali kama mkaka anayemlinda mdogo wake,

“Vipi wewe kijana una shida gani?”

Aliuliza kwa ukali mno, ikabidi Erica ajibu kwa niaba ya Bahati,

“Ni rafiki yangu, alinisindikiza tu”

Mara dada yake nae akatoka ndani na kuwakuta pale nje, ilibidi aulize kuwa kuna nini, James alijibu,

“Hata mimi nashangaa maana nimekuta wamesimama tu hapa nje”

“Erica mdogo wangu jamani, umeanza kuongozana na wanaume?”

Bahati akaanza kujitetea,

“Msilaumu tu mimi nilimsindikiza”

James akamuangalia kwa ukali na kumwambia,

“Kelele wewe, utamsindikiza kama nani? Ndio nyie mnaoharibu watoto wa watu, ondoka hapa upesi”

Bahati alisimama tu ikabidi Erica ampe ishara kuwa aondoke tu, kisha Bahati akaondoka na wao kuingia ndani. Bite alienda moja kwa moja na Erica chumbani kwa Erica ili kuzungumza nae, muda huo kumbe James alimfata Bahati, ndani walijua James yupo ndani nao ila alimfata Bahati.

Bite kama kawaida alianza kumsema mdogo wake,

“Erica mdogo wangu lini utajifunza wewe jamani? Yani unaanza kuongozana na wanaume jamani, mbona unataka kututia aibu?”

“Ila dada, mimi ni msichana mkubwa tayari”

“Kuwa chuo haimaanishi kuwa wewe ni msichana mkubwa Erica, angalia maisha yako ya badae. Kijana kama Yule atakupa maisha gani eeh! Jitathmini, ana hadhi ya kuwa na wewe Yule? Nimekwambia wanaume wanapenda sana wasichana bikra ila usiuze bikra yako kwa mwanaume asiyekuwa na maana, mwanaume asiyekuwa na maisha. Yule si mwanaume wa kuwa na wewe, unasoma nae?”

“Hapana”

“Amesoma hadi wapi?”

“Kaishia la saba”

“Haya sasa, mwanaume wa la saba kweli ukampe maisha yako? Kwanini kujidhalilisha kiasi hiko wakati wewe ni binti msomi jamani, angalia dada yako, nimeolewa na mwanaume mwenye maisha na ananipenda kupindukia sababu alinikuta bikra”

“Mmmh!”

“Unaguna nini sasa? Usitutie aibu, sitaki kumuona tena Yule kijana umenisikia eeh! Sitaki tena kumuona, na ukirudi nitamueleza mama hadi ule ujumbe uliotuma kwangu”

“Basi yaishe dada”

Kisha Bite akatoka na kumuacha Erica mule chumbani.



James alimuita Bahati na kumsimamisha, kisha akamnasa kofi,

“Ila kaka unanionea”

“Nakuonea nini mshenzi mkubwa wewe, unataka kuharibu maisha ya Erica nikuangalie tu”

“Nampenda kweli na sina haja ya kuahribu maisha yake”

Akamnasa tena kibao,

“Na ole wako nisikie umetembea nae, nitakuchinja na utanijua vizuri mimi ni nani. Kuanzia sasa, Yule muone kama kituo cha polisi, nitakufunga mimi. Potea mbele yangu”

James alikuwa na hasira sana maana kila akikumbuka jinsi Erica alivyomlaghai halafu anakutana na kijana wa ajabu ajabu alikuwa na Erica roho ilimuuma sana kamavile Erica ni mke wake.

Alirudi nyumbani na kumkuta mkewe sebleni,

“Kheee ulienda wapi na wewe?”

“Yani Yule mjinga nilienda kumpa onyo sababu sikuridhika kabisa”

“Asante mume wangu kwa kumjali mdogo wangu”

“Kwanza yuko wapi? Anatakiwa nae tumpe onyo asituletee tena watu wa kijinga jinga hapa nyumbani”

“Yupo chumbani kwake, ila nishaongea nae”

“Haitoshi, mimi ndio baba mwenye nyumba. Aibu ikija hapa tutadhalilika wote”

“Kweli mume wangu, yupo chumbani kwake kule”

James akaenda kwenye chumba cha Erica na kufungua mlango ila ulikuwa mgumu na kuonyesha kuwa umefungwa kwa ndani, James akasema kwa hasira,

“Wewe Erica fungua mlango”

Erica nae akajibu kwa kwa kujiamini,

“Sifungui mlango, dada ameshanisema inatosha”

“Una kiburi eeh!”

Erica akawa kimya na kumfanya James achukie zaidi, akarudi sebleni alipo mkewe na kumwambia,

“Dogo lako lina kiburi sana, unajua limegoma nisiongee nalo!”

Bite akachukia pia na kuinuka, akafungua mlango wa Erica ukawa haufunguki na kumwambia,

“Wewe Erica nifungulie mlango kichaa wewe”

Erica akafungua mlango, dada yake akamzaba kibao,

“Unajifungia milango nyumba yako hii? Nyumba ni yangu na mume wangu halafu bila aibu unajifungia milango na kugoma kutufungulia. Na kwanini umegoma shemeji yako asikuseme?”

“Dada ulishanisema nimesikia jamani, nianze kusemwa tena kwanini?”

“Hivi unajua kama Yule ndio baba mwenye nyumba?”

“Najua dada”

“Sasa unabishaje kusemwa na shemeji yako?”

“Dada, ngoja nikuulize swali. Hivi ni tamaduni za wapi eti shemeji aje chumbani kwangu kunisema? Hata kama hii ni nyumba yenu, ila hiki chumba nalala mimi na sidhani kama ni jambo linalofaa eti shemeji aingie chumbani kwangu? Hiki ni chumba cha msichana, naweka vitu vya kike, yani shemeji akutane na chupi zangu kweli? Au akutane na pedi zangu? Labda kama nimezidiwa sijiwezi kabisa na hakuna msaada anaweza kuja kunisaidia ila sio nikiwa mzima hivi, ni tamaduni za wapi hizo? Kama mnahitaji kunishambulia kwa kunisema si mniite sebleni hapo, mnisemeee weee hadi yaniingie ila sio kwa shemeji kunifata chumbani kwangu”

Kwa kiasi Fulani haya maneno yalimuingia Bite ila ilibidi ajitete kidogo,

“Sasa kwani wewe unahisi nini kama angeingia na kukusema humu? Yule si kama kaka yako tu?”

“Ni kweli kama kaka yangu ila kumbuka si kaka yangu ni shemeji yangu”

“Usimfikirie vibaya mume wangu, hawezi kufanya ujinga kwako hata mara moja, kwanza anakuona kama mwanae hata sijui umeanzaje kumfikiria vibaya hivyo shemeji yako Erica! Huyu ni mume wangu, hajawahi kuwa na mwanamke mwingine yeyote nje zaidi yangu, iwe kumtamani mdogo wangu kweli?”

“Sijasema hivyo dada labda kama umefikiria vibaya na wewe pia ila nimekwambia sio tamaduni zetu”

Bite kwa kiasi maneno ya mdogo wake yalimuingia na kwa kiasi yalimchukiza na kuamua kutoka zake mule chumbani kwa Erica.



Siku hiyo Erica hata kula hakwenda sababu muda wa kula dada yake alimuita hakutoka, sasa aliwaza akitoka muda ambao shemeji yake amebaki mwenyewe sebleni itakuwaje, kwahiyo aliamua kukaa chumbani tu huku akijisemea,

“Sitaki kuharibu ndoa ya dada yangu, siwezi kumwambia ukweli wowote ila mimi nitajiepusha na hapa. Huyu shemeji si mzuri tena kwangu. Hivi ndio dada anasema mwanaume akikukuta bikra hakusaliti kweli mmh!! Mimi tu mdogo wa mke wake alinitamani, je wa huko nje inakuwaje? Hakuna cha kuolewa na bikra wala nini, asinibabaishe na yeye, kwanza nishaharibu siwezi kurudisha siku nyuma”

Aliwaza na kupanga vizuri vitabu vyake kwaajili ya kujiandaa kesho kwenda chuo.

Asubuhi alikuwa ashajiandaa na kutaka kutoka na dada yake, ila Bite alidai kuwa siku hiyo alichelewa sana kazini, basi James akasema sababu na yeye anatoka basi atampitisha chuoni, mmh Erica akaona hiyo sio sawa kwake ilibidi amuombe dada yake amshushe hata stendi maana alikuwa na haraka sana asingeweza kumsubiria shemeji yake, dada yake alivyopanda tu kwenye gari yake, Erica nae alikuwa amepanda na kumuomba amuache tu kituoni, ilibidi dadake afanye hivyo.

Erica alienda moja kwa moja hosteli, ila hakuwa na kipindi chochote siku hiyo kwahiyo alikuwa na lengo tu la kurudi chuo na si kukaa pale nyumbani na shemeji yake.

Akawa amekaa tu akiwasiliana na Bahati kwa njia ya ujumbe, Bahati alimuomba Erica aende kumuona maana anajisikia vibaya, ukizingatia hakuwa na kitu chochote cha kufanya kwa siku hiyo akaona ni vyema tu kwenda kumuona Bahati na kupafahamu anapoishi.



Alifika anapoishi Bahati na kumkuta, walikuwa wawili tu ndani, Bahati akamuuliza Erica,

“Unajua ninachoumwa?”

“Unaumwa nini?”

“Naumwa mapenzi Erica”

“Unaumwa mapenzi? Kivipi?”

“Erica, wewe ndiye tiba yangu, wewe ndiye wa kunifanya nipone”

“Sikuelewi”

Bahati alimuangalia Erica kwa macho ya huruma sana huku akiongea kwa sauti ya huruma,

“Kheee kwahiyo umeniita ili ufanye mapenzi na mimi?”

“Usinifikirie hivyo Erica, nakupenda”

“Hapana, sipo tayari Bahati. Sipo tayari kabisa”

Erica akainuka ili aondoke, Bahati akashika kisu na kumwambia Erica,

“Ukiondoka najiua, ni heri nife kuliko kukukosa wewe”

Huruma ikamshika Erica ila hakutaka kulala na mwanaume kwakweli huo ulikuwa mtihani mgumu sana kwake, ila hakuwa na jinsi kwani hata taswira ya kawaida ya Bahati ilibadilika kabisa, ikabidi Erica akubali.

Baada ya lile tendo, Bahati alimuangalia Erica na kumwambia,

“Pole Erica”

“Pole ya nini?”

“Najua nimekuumiza Erica, ila nashukuru kwa kunipokea”

Erica alimuangalia tu huyu Bahati ambaye aliendelea kuongea,

“Asante Erica, asante kwa kunitunzia”

“Sikuelewi”

Hunielewi Erica? Nakushukuru sana, yani siamini kuwa mimi ni mwanaume wa kwanza kwako, asante sana Erica kwa kunitunzia bikra yako”

Erica alimshangaa sana huyu Bahati.



Itaendelea kesho kutwa Usiku…..!!!!

Kwa wale wa story ya maisha yangu mnifate inbox. Ile story siitoi public, ni story ya private, kuna sababu za mimi kutokuiweka public na ukibahatika kuisoma utaelewa ni kwanini sijaiweka public.





Erica alimuangalia tu huyu Bahati ambaye aliendelea kuongea,

“Asante Erica, asante kwa kunitunzia”

“Sikuelewi”

Hunielewi Erica? Nakushukuru sana, yani siamini kuwa mimi ni mwanaume wa kwanza kwako, asante sana Erica kwa kunitunzia bikra yako”

Erica alimshangaa sana huyu Bahati.

Ila Bahati aliendelea tu kumsifia Erica kuwa ni msichana wa pekee sana, Erica aliamua kumuaga Bahati kuwa anarudi hosteli. Bahati aliinuka na kutaka kumsindikiza Erica,

“Kheee si ulisema unaumwa wewe?”

“Ndio nilikuwa naumwa ila nilikuwa naumwa mapenzi”

Erica alimuangalia Bahati kisha kuanza kuondoka na Bahati alikuwa akimsindikiza, na alimpeleka hadi hosteli.

Muda wote Bahati alikuwa akimsifia Erica kwa uzuri aliokuwa nao,

“Erica mpenzi wangu, wewe ni msichana mrembo sana najua kuna vijana wengi watakufata na kukudanganya kuwa wanakupenda huku wakikusifia kuwa wewe ni mzuri, wakikwambia kuwa wewe ni mzuri na mrembo waambie unajua utaweza kwa kiasi Fulani kuwakata makali yao. Wakikutaka kimapenzi waambie kuwa una mpenzi, Erica sikudanganyi wala sikutanii nakupenda sana”

Erica alikuwa anamsikiliza tu anavyoongea hadi alivyofika hosteli na kuagana nae.



Kufika hosteli alipoenda kuoga alijilaumu sana kwa kujiingiza kwenye mapenzi na Bahati,

“Uuuh Mungu wangu, kwahiyo sasa nimetembea na wanaume watatu. Si ndio nimekuwa Malaya jamani? Na kati yao hakuna wa kuwa mume wangu, ila mimi nina kilanga, kilichonifanya nitembee na Bahati ni nini? Nadhani ni mawazo niliyonayo sababu ya George, ila Yule mwanaume ni mpuuzi sana, wa kuniacha mimi kweli? Mbona Yule Bahati amejisifia kuwa yeye ndio wa kwanza kwangu? Au wanaume wapo tofauti? Ila Mungu anisaidie nisije kutembea na mwanaume mwingine tena, kama nimeamua kuwa na Bahati basi niwe naye yeye tu”

Aliwaza sana, na kumaliza kuoga kisha kwenda ndani kuvaa nguo, alipomaliza alifika mtu na kumwambia

“Erica kuna kijana anakuita nje”

Erica hakuelewa kuhusu huyo mtu anayemuita, kwahiyo alitoka kwenda kumuangalia na ilikuwa tayari saa mbili usiku.

Alishangaa kumuona kuwa ni Adam, Yule kijana aliyemwambia kuwa anaelewa kuhusu George na Dora.

“Adam, umejuaje kama nakaa hosteli hii?”

“Nimejua tu, nilikuwa nikiulizia unapokaa”

“Haya karibu”

“Asante, ila ni vyema tukitafuta mahali tuongee”

“Usiku huu? Ungeongea tu hapa hapa au tuongee kesho’

“Hapana tusingoje kesho”

Erica akashangaa sana kuwa wasingoje kesho, ni ujumbe gani anataka kumwambia ila bado hakujua ni wapi angekaa nae na kuzungumza nae. Adam akamuomba wakakae kwenye vimbweta vya bustanini ili azungumze nae, Erica alikubali.



Walifika kwenye vimbweta vya eneo hilo na kujikuta wakiwa wawili tu maana lile eneo taa zake ziliharibika kwahiyo palikuwa na giza na kufanya hata watu kujisomea eneo hilo iwe ni vigumu sababu ya giza, basi Adam alikaa pale na Erica kwaajili ya maongezi yao.

“Eeeh nakusikiliza Adam”

“Unajua Erica wewe ni msichana mrembo sana?”

“Najua, sema lingine”

“Mmmh ngoja tuachane na hiyo mada kwanza. Nilitaka kukueleza kuhusu George na Dora”

“Eeeh”

“Yani George ni mwanaume muongo sana, kashawadanganya wasichana wengi sana, na kuharibu maisha ya wasichana wengi sana. Tena alishwahi kuwa na mahusiano na Yule Dora ila badae wakawa marafiki. Dora aliwahi kuwa mpenzi wangu, kwahiyo George alimpora Dora kwangu iliniuma sana”

“Kumbe! Dora si rafiki mwema na sitaki tena urafiki naye”

“Ila mimi nina Wazo”

“Wazo gani?”

“Najua wewe ulikuwa na mahusiano na George na umeumizwa na George na Dora, mimi nimewahi kuwa na mahusiano na Dora na rafiki yangu alikuwa George, wameniumiza pia watu hawa. Naomba tuwafanyie revenge”

“Kivipi?”

“Mimi na wewe tuwe pamoja”

“Pole, ila umechelewa Adam”

“Kivipi?”

“Mimi nina mahusiano na mtu mwingine kwasasa”

“Mmmh Erica jamani, najua unasema hayo sababu hunijui kwa undani vizuri. Ila ungenijua usingesema hayo”

Adam akawa anamsogelea Erica ili ambusu mdomoni, ila Erica alimrudisha nyuma na kumwambia,

“Adam, nina mpenzi tayari hata hapa unaponiona nimetoka kufanya nae mapenzi”

“Unasemaje?”

“Ndio hivyo, siwezi kuwa na mpenzi mwingine tena”

Adam akaona kuendelea kumuomba Erica kuwa wapenzi ni kujisumbua tu kwa hivyo aliamua kuagana nae, kisha Erica akarudi hosteli.

Na alipofika tu uliingia ujumbe kutoka kwa Bahati,

“Nakupenda sana Erica, wewe ni mwanamke muhimu sana katika maisha yangu”

Alisoma ujumbe huu na kutabasamu alijiuliza kuwa inakuwaje wakati kwa kawaida wanaume wanapokutana kimwili na mwanamke ndio wakati wa mwanaume huyo kutokumtaka tena huyo mwanamke ila ilikuwa tofauti sana kwa Bahati.

Kwnye mida ya saa tano usiku akapokea simu kutoka kwa dada yake Bite,

“Wewe mbona hujarudi nyumbani?”

“Dada, nimeamua kurudi hosteli”

“Hivi una akili wewe, yani unafanya jambo bila hata ya kunishirikisha kweli?”

“Dada nisamehe ila sikuwa na la kufanya zaidi ya kurudi hosteli”

“Ili iwe rahisi kufanya madudu yako?”

“Hapana dada usinifikirie hivyo”

“Kesho shemeji yako atakuja kukuchukua na utarudi nyumbani sawa”

“Lakini dada”

“Sitaki cha lakini, nimemaliza”

Bite akakata simu na kumuacha Erica akiwa na mawazo sana kwani alifikiria cha kufanya sababu hakutaka tena kurudi nyumbani kwa dada yake na hakutaka kumwambia dada yake ukweli kwa kuhofia atavunja mahusiano ya dada yake na shemeji yake.

Yani usiku wa siku hiyo alikuwa akiwaza tu kesho anamkwepaje shemeji yake.



Kulipokucha mapema kabisa, aliamshwa na simu ya Bahati na alikuwa akimsalimia na kumtakia masomo mema.

“Mmmh huyu mwanaume nae ana kibarua loh!”

Akainuka na kujiandaa kwaajili ya kwenda chuo maana siku hiyo alikuwa na kipindi cha asubuhi.

Wakati anaingia kwenye bwalo la kusomea, akapishana na George ambaye alionekana kumuangalia sana Erica ila Erica alipita kamavile hamuoni, akaingia zake darasani.

Wakati anatoka, Dora alimfata nyuma na kumsalimia,

“Erica mambo”

“Safi ila sitaki mazoea na wewe Dora”

“Erica jamani, kumbuka tunasoma wote”

“Tunasoma wote? Kwani na wewe ni mwaka wa kwanza kama mimi? Wewe si mwaka wa pili, umecarry hili somo ndiomana tunaonana”

“Hata kama Erica, ila sio vizuri unavyonifanyia”

“Ila ni vizuri kwako kwa mwanaume uliyetembea nae wewe kumlengesha atembee na mimi! Hivi mkoje watu jamani? Yani hata huoni kinyaa kwa mwanaume uliyekuwa na mahusiano nae kuja kuwa na mahusiano na rafiki yako? Usiniambie ndio usomi au uzungu, huo ni uchafu? Na kwa taarifa yako, hutoniona tena nikimfatilia huyo George wala nikiumia kwaajili yake, kwangu mimi ni kama mtu ambaye hajawahi kuwepo katika maisha yangu”

Erica akaondoka zake, ila mbele kidogo kuna mdada alimsimamisha Erica na kumwambia kuwa amesikia alichokuwa anaongea na Dora.

“Pole sana, unajua sisi wasichana mara nyingine ni sisi wenyewe ndio tunaharibiana ndiomana wanasema adui wa mwanamke ni mwanamke”

“Kweli kabisa, yani Yule Dora kanifanya nisiwe na hamu na marafiki kabisa”

“Ila si wote wenye tabia zisizofaa”

“Sijawahi kuwa na rafiki mwenye tabia njema, yani napataga vimeo tu”

“Hapana usiseme hivyo, By the way naitwa Tumaini sijui mwenzangu unaitwa nani.”

“Naitwa Erica”

“Ningependa tuwe marafiki, hata kwa kawaida tu yani tuwe tunaongea na kubadilishana mawazo”

“Hakuna shida”

“Unajua Yule Dora uongo ndio uliomfanya hadi akafeli na kurudia lile somo”

“Kumbe unamjua”

“Ndio namjua”

Basi Erica aliongozana na huyu mdada hadi hosteli na kugundua kuwa anaishi nae hosteli moja kasoro vyumba tu. Akaagana nae na kuelekea kwenye vyumba vyao.



Erica alitulia na kupigiwa simu na namba ngeni akapokea,

“Erica, mimi ni shemeji yako James. Nakuuliza nije saa ngapi kukuchukua?”

“Hapana shemeji, mimi hosteli pananitosha”

“Ila dada yako kasema nije nikuchukue”

“Hapana shemeji”

“Nakuja Erica”

James akakata simu, kwakweli Erica alijiona yupo kwenye mtihani mzito sana kwake kwani hakutegemea kabisa kama shemeji yake huyo anaweza kuwa king’ang’anizi kiasi hiko, akawaza sana, akataka kuondoka hapo hosteli.

Ila wakati anatoka tu akakutana na Tumaini,

“Khaa kumbe ulitaka kuondoka Erica, mi nilikuwa nakufata. Unataka kwenda wapi kwani?”

“Kutembea tembea tu”

“Basi twende pamoja, mimi nilikuwa nakufata ili nikuonyeshe chumba ninachoishi”

“Si ushanionyesha ni pale”

“Hapana, pale nakaa kihosteli ila kipo chumba mtaani nimepanga. Twende Erica”

Kwasababu Erica alitaka kuondoka hapo hosteli na hakuwa na mahali pa kuelekea kwa muda huo akaamua kukubali tu kwenda na Tumaini.

Walifika nyumbani kwa Tumaini na kumkaribisha ndani, alishangaa sana kuona Tumaini ana kila kitu kwenye chumba chake,

“Kheee hongera, umewezaje kumiliki vyote hivi?”

“Boom, yani boom ninalopata ndio nanunulia vitu ninavyotaka. Unajua kwetu wananipa hela ya kila kitu na hawajui kama Napata mkopo, kwahiyo ule mkopo ndio nafanyia mambo yangu”

“Kwahiyo ada”

“Mimi Napata mkopo asilimia mia, na kwetu huwa wananipa ada yote, sasa nitafanya nini hapo zaidi ya kujipendezesha”

“Mmmh hongera sana”

Mara simu ya Tumaini ikaita na akaongea nayo kwa muda, alipokata akamuangalia Erica na kumwambia,

“Ni mdogo wangu nilikuwa nawasiliana nae, kasema anakuja kunitembelea.”

“Aaah sawa basi, ila kwenu wewe una deka sana?”

“Hahaha hapana bhana, halafu kwa baba tupo wawili tu mimi na huyo mdogo wangu anayekuja ila mama tofauti.”

“Wazazi wako wanaishi pamoja?”

“Hapana, baba na mama yangu hawajaoana, ila baba ana hela sana kwahiyo huwa anatuhudumia kwa kila kitu. Sijui kuishiwa mimi, Yule mdogo wangu anayekuja ndio balaa maana baba anamuhudumia na mama yake nae anamuhudumia yani baba na mama yake wanashindana kumuhudumia, hajaanza kazi ila ana hela uchafu.”

Erica alijikuta akitamani sana maisha ya Tumaini na kutamani hata yeye ndio angekuwa Tumaini. Muda kidogo mdogo wa Tumaini alifika na kugonga mlango, Tumaini akamfungulia na kuingia ndani.

Erica alibaki anamshangaa tu kwani alikuwa ni Erick, Yule aliyesoma nae.



Itaendelea kesho usiku…..!!!!

Wale wa story ya maisha yangu mnifate inbox ila sio mnifate kwa kunilaumu tu, mimi pia ni binadamu kama kuna mahali nakosea niambie kwa ustaarabu. Utaratibu wa story hiyo ni private na sio public, naomba mnielewe, nashukuru kwa wale mnaonielewa mbarikiwe sana.







Erica alijikuta akitamani sana maisha ya Tumaini na kutamani hata yeye ndio angekuwa Tumaini. Muda kidogo mdogo wa Tumaini alifika na kugonga mlango, Tumaini akamfungulia na kuingia ndani.

Erica alibaki anamshangaa tu kwani alikuwa ni Erick, Yule aliyesoma nae.

Tumaini ndiye aliyemshtua Erica na kumtoa kwenye mshangao,

“Erica mbona unashangaa hivyo? Huyu ni mdogo wangu anaitwa Erick. Karibu Erick, huyu ni rafiki yangu na ni mdogo wangu pia anaitwa Erica.”

Erick alimuangalia sana Erica, ila Erica nae alimuangalia sana Erick kisha Erick akampa mkono Erica na kumwambia,

“Nashukuru kukufahamu”

Hii hali kidogo ilimchanganya Erica maana Erick ni mtu anayemjua fika ila leo anaishia kumpa mkono tu na kumwambia kuwa anashukuru kumfahamu, alishindwa hata kujibu na kujikuta akikaa kimya na kutikisa kichwa tu.

Kisha Tumaini akaanza kuongea na mdogo wake,

“Naona uenifanyia surprise leo”

“Aaah nilikuwa napita mitaa ya huku ndio nikaamua kuja kukutembelea dada”

“Nimefurahi sana”

“Dada kaninunulie kinywaji basi”

“Aaah kwa mara ya kwanza leo umetaka kinywaji, basi sawa ngoja nikakununulie kinywaji chako unachopendaga”

Tumaini akatoka na kuwaacha Erica na Erick ndani, kisha Erica alimuita Erica,

“Erica”

“Abeee”

“Mbona umetulia sana?”

“Nifanyeje sasa na umejifanya hunijui”

“Mmmh sio hivyo nakukumbuka vizuri Erica ila nakumbuka pia ulivyofanya nidhalilike shuleni, sikutaka dada ajue kuwa wewe ni msichana uliyefanya mdogo wake nipate aibu shuleni ndiomana nikajifanya sikufahamu. Ila ni vyema tukipeana mawasiliano halafu tutaongea vizuri zaidi”

Erica alimpa Erick namba zake, muda kidogo Tumaini alirudi na vinywaji mkononi. Kisha akawafungulia na kuwakaribisha,

“Hapana mimi situmii kilevi”

“Kwanini Erica?”

“Situmii tu”

“Mmmh unakosa uhondo basi”

Ikabidi achukue ile bia kisha amuwekee juisi Erica maana yeye hajalelewa katika mazingira ya kunywa kilevi.



Waliongea ongea pale kisha Erick alimtumia ujumbe Erica kuwa aage na amsubirie mahali ili waongee, kwahiyo Erica akamuaga Tumaini,

“Dada, mi naona niende”

“Jamani kwani una kipindi jioni hii? Mbona mapema?”

“Hapana, ila kuna mahali natakiwa kwenda”

“Subiri basi, mdogo wangu akiondoka nikusindikize”

Erick akadakia kwa dadake,

“Unajua mimi naondoka muda gani?”

Ikabidi wacheke tu kisha Tumaini akamruhusu Erica kuondoka huku akimsindikiza kidogo.

Wakiwa njiani, Erica alitumiwa ujumbe na Erick,

“Jitahidi umkwepe huyo dada maana huwa akiamua kumng’ang’ania mtu anamng’ang’ania huyo balaa. Hashindwi kukupeleka na ukarudi nae”

Kisha Tumaini nae akamuuliza tena,

“Kwani Erica unawahi wapi jamani?”

Mara Erica akapigiwa simu na shemeji yake,

“Nakuja kukuchukua Erica”

“Sawa shemeji”

“Ushajiandaa?”

“Ndio nishajiandaa”

James alishangaa pia muda huu yani Erica kaongea nae bila kubisha chochote kile kumbe Erica alikuwa anaongea vile ili kumuaminisha Tumaini kuwa kuna mahali anawahi,

“Natakiwa kuwahi hosteli maana shemeji anakuja kunichukua”

“Unaenda nae wapi”

“Naenda nae nyumbani, alisema dada jana aje anichukue”

“Aaah sawa, basi usije ukachelewa kujiandaa”

Basi Tumaini akaita bodaboda na kumlipa kisha akamwambia amfikishe Erica hosteli, kwahiyo Erica alipanda ile bodaboda.



Baada ya Tumaini kurudi tu Erick nae akamuaga,

“Jamani Erick kumbe unaondoka muda huu huu si ungeniambia tu mi nimpeleke Erica?”

“Mmmh dada nawe yani unaanza kuthamini wageni kupita mimi jamani?”

“Basi yaishe”

Basi Erick alitoka pale na kuondoka, kisha akawasiliana na Erica, sababu alikuwa na gari ilikuwa rahisi kumfata Erica hosteli kwao.

Alipofika maeneo ya karibu na pale hosteli alimshtua Erica naye alitoka kisha Erick akamuomba apande kwenye gari yake na kuanza kuondoka,

“Mmmh tunaenda wapi Erick?”

“Nahitaji kuongea na wewe Erica, hujui tu ni furaha gani ipo moyoni mwangu baada ya kukuona na wewe”

Basi Erick alipeleka gari hadi hotelini na kukodi chumba, kisha akaingia na Erica huku akimwambia kuwa lengo lake anahitaji tu kuongea nae.

Walifika chumbani na kukaa kwaajili ya maongezi,

“Erica nilikutafuta sana ila sikujua ni wapi pa kukupata, nashukuru nimekupata sasa. Vipi bado unanipenda?”

“Mmmh!”

Erica aliguna maana alifikiria kuhusu Bahati, na vipi amkubali Erick itakuwaje kwa Bahati wakati anaonyesha akimpenda sana,

“Mbona unaguna Erica, hunipendi?”

“Hapana”

“Nini sasa Erica?”

“Sijui”

“Hujui nini?”

“Sielewi”

Erick alimsogelea karibu Erica na kumbusu, kwakweli Erica hakuweza kukataa chochote kwa Erick sababu ni mwanaume aliyekuwa katika moyo wake kwa kitambo sana, na ile hali ilimpa urahisi Erick wa kufanya chochote kwa Erica.



Erica alijikuta akifanya mapenzi na Erica na walipomaliza katika siku zote ile siku alijawa na aibu kupita maelezo ya kawaida, alishikwa na aibu sana baada ya kumaliza lile tendo na Erick kiasi kwamba hakuweza hata kumuangalia tena usoni, hadi Erick aliamua kumuuliza

“Erica vipi mbona umejawa na aibu kiasi hiko?”

“Hapana”

“Usijali Erica, nakupenda ujue. Usijali kwa yote yaliyopita kati yetu, najua una maisha yako na mimi nina maisha yangu kwasasa ila upendo ni kitu cha ajabu sana, bado utaendelea kuishi moyoni mwangu kama mimi ninavyoishi moyoni mwako. Usinionee aibu Erica”

Bado Erica aliona aibu sana, basi Erick aliinuka na kwenda kuagiza chakula.

Erica alioga na kuvaa kisha kuchukua simu yake, akakuta kuna simu ambazo hazikupokelewa za shemeji yake pamoja na Bahati, kisha akakuta ujumbe kutoka kwa Bahati,

“Kumbuka nakupenda sana Erica, tafadhali usinisaliti”

Alisoma ule ujumbe huku moyo wake ukimsuta sana kwani tayari alishamsaliti Bahati kwa kulala na Erick, alijiuliza cha kufanya lakini hakuwa na jibu,

“Erick nampenda tena nampenda sana, naye ananipenda ila sijui maisha yake kwasasa na sijui anafikiria nini kuhusu mimi. Bahati ananipenda sana, hata sijui nifanyeje”

Aliwaza sana na kukosa jibu, Erick alikuja na chakula ambapo alimbembeleza Erica wale kile chakula.

Walipomaliza alimbembeleza kuwa alale pale na ampeleke hosteli kesho yake,

“Hapana Erick, inabidi nirudi leo”

Wakati anabishana na Erick pale kuna ujumbe kwenye simu yake ukaingia kutoka kwa shemeji yake,

“Erica uko wapi? Nimekuja kukuuliza kwenye hosteli yenu hapa wamesema hawajui ulipoenda? Uko wapi na nilikwambia nakuja kukuchukua? Nakungoja hapa nje ya hosteli yenu nipo kwenye gari yangu”

Erica alisoma ule ujumbe na kumuangalia Erick ambaye alimuuliza kuwa tatizo ni nini ila akajikuta ameropoka tu kuwa amekubali kulala nae hapo hotelini hadi asubuhi, jambo hilo lilikuwa ni furaha sana kwa Erick huku akimpa Erica ahadi za kila aina.

Erica aliamua kuzima simu ili shemeji yake asimpate tena hewani ila hakujua kama kile kitendo chake cha kuzima simu kilimuumiza sana Bahati.



Bahati alipoona kuwa hampati hewani Erica akaamua kwenda hosteli kwa Erica, alipofika moja kwa moja alienda kumuulizia akaambiwa kuwa Erica hayupo na kumfanya azidi kupatwa na mashaka kuwa huenda Erica kapatwa na matatizo, wakati anatoka ndipo alipokutana na shemeji wa Erica ambaye alikuwa anataka kuondoka sababu alishamsubiri sana Erica bila ya matokeo yoyote.

Bahati alishtukia tu akikamatwa na kuingizwa kwenye gari kisha akapuliziwa kitu machoni na kumfanya apoteze fahamu.

Kuja kushtuka alikuwa baharini anapigwa tena inaonyesha alipigwa sana,

“Kaka nisamehe”

“Nikusamehe nini mbwa wewe, yani mimi naenda kumchukua Erica halafu wewe ulimfungia!”

“Si kweli kaka”

Ila James hakutaka kumsikiliza zaidi ya kumuongezea kipigo na kumuacha pale pembezoni mwa bahari.

James aliondoka hadi hosteli kwakina Erica tena, alimuulizia Erica ila bado hakuwepo alichukia sana na kurudi nyumbani kwake. Bite alimuuliza mume wake,

“Vipi Erica yuko wapi?”

“Mdogo wako ni mjinga sana kati ya wajinga, unajua alikuwa na Yule jamaa hadi simu kanizimia”

“Jamaa gani?”

“Si Yule wa siku ile, ila nimempiga sana yani mimi vijana wa kuharibu mabinti siwapendi kabisa”

“Jamani huyu Erica mbona anataka kututia aibu jamani! Itabidi kesho niende kwa dada yetu Yule mkubwa nikamueleze habari za huyu Erica maana atatutia aibu kwakweli”

Bite alichukia sana kwa mwenendo huo wa mdogo wake maana aliona sasa amekuwa mtu wa ajabu.



Palipokucha, Erica alijiandaa vizuri kabisa kisha Erick alimrudisha hosteli. Alikuwa amechoka sana kwahiyo alifikia kulala kwanza mpaka jioni ndio akajiandaa kwaajili ya kwenda chuo maana alikuwa na kipindi muda huo.

Alirudi jioni kabisa na kuwasha simu yake, alikutana na jumbe mbali mbali zilizoongozana ila ujumbe uliomshtua zaidi ni ujumbe wa Bahati,

“Jana nilikuja hosteli kwenu maana sikukupata hewani, ila nilikamatwa na Yule ndugu yako wa kiume wa siku ile na amenipiga sana akidai kuwa nimekufungia”

Erica aliamua kumpigia simu Bahati, hata ongea yake ilionyesha wazi kuwa ni mtu mwenye maumivu sana, ila aliongea nae na akamueleza ilivyokuwa ila yeye hakuweza kumueleza kuwa ni kwanini alizima simu yake maana hakujua ni jinsi gani amwambia ukizingatia kapigwa kwaajili yake.

Wakati anawasiliana na Bahati, Erick nae akamtumia ujumbe kuwa amemkumbuka sana,

“Erica kipenzi cha moyo wangu nishakukumbuka tayari”

Akatabasamu na kusahau kabisa kama kuna mtu alikuwa anawasiliana nae aliyekuwa na maumivu ya kupigwa.

“Nakukumbuka pia Erick”

“Naomba nikuulize swali Erica”

“Niulize tu”

“Je una mpenzi?”

Erica alifikiria na kuona kama atamwambia ukweli Erick basi atamkosa kwahiyo hakuwa na budi zaidi ya kumdanganya kuwa hana mpenzi,

“Hapana sina, vipi wewe?”

“Upande wangu ni historia ndefu, ila tuachane na hayo. Unajua nakupenda Erica”

Lile swala la kwa upande wangu ni historia ndefu lilimpa changamoto kubwa sana Erica kwani alihisi huenda kuna mwanamke ana mahusiano na Erick, alijikuta akimuonea wivu kupindukia, ila hakuweza kumwambia Erick amueleze huo mlolongo wa stori ndefu.

Basi Erick akamuomba Erica kuwa aonane nae keshokutwa.

“Nitakuja hosteli kwenu kukufata”

“Sawa Erick”

Akakubaliana nae kuwa atafika kuonana nae, moyoni mwake kwa muda huo alikuwepo Erick tu tena hakukumbuka wengine wote zaidi ya kumuwaza Erick.

Swala hilo lilimfanya apotezee kabisa simu za Bahati kwani aliona akimpotezea ndipo Bahati ataacha kumfatilia ukizingatia kashamwambia Erick kuwa hana mahusiano mengine yoyote yale.



Ilifika siku aliyopanga kuonana tena na Erick, na kweli Erick kama alivyopanga alienda hosteli anapokaa Erica na kumsubiria kwa nje, Erica alipofika nje alikutana na Bahati akiwa na alama alama za kupigwa kumbe Bahati alipoona tena kimya aliamua kuja kumuona Erica, kwahiyo wakati Erica akimshangaa Bahati kuwa kafata nini tena, muda ule ule Bahati alisogea alipo Erica na kumkumbatia kisha akambusu, wakati huo Erick alikuwa mbele yake akiwaangalia kwa mshangao.





Ilifika siku aliyopanga kuonana tena na Erick, na kweli Erick kama alivyopanga alienda hosteli anapokaa Erica na kumsubiria kwa nje, Erica alipofika nje alikutana na Bahati akiwa na alama alama za kupigwa kumbe Bahati alipoona tena kimya aliamua kuja kumuona Erica, kwahiyo wakati Erica akimshangaa Bahati kuwa kafata nini tena, muda ule ule Bahati alisogea alipo Erica na kumkumbatia kisha akambusu, wakati huo Erick alikuwa mbele yake akiwaangalia kwa mshangao.

Erica akona sasa picha yake itavurugika, akajitoa kwenye mikono ya Bahati, kisha Bahati akamuuliza,

“Vipi tena Erica?”

Erica akawa anaondoka akielekea alipo Erick, ila Erick aliingia kwenye gari yake akapanda na kuondoka zake. Ila Bahati nae alikuwa akimfata kwa nyuma, na ilionyesha jinsi gani Erica amechukia kwa Erick kuondoka kwahiyo mbaya wake kwa muda huo alikuwa Bahati, akageuka nyuma kwa gadhabu ili amseme Bahati, ila kabla hajamsema Bahati akamwambia,

“Yani Erica hukutaka kukumbatiwa na mimi sababu ya kijana mwenye gari? Sina gari ndio ila nina mapenzi ya dhati kwako Erica, nakupenda sana”

“Sitaki kuusikia huo wimbo tena”

“Erica jamani, kosa langu ni nini kwako? Kosa langu ni kukupenda? Angalia nilivyoumia kwa kipigo sababu ya kukupenda wewe”

“Usinibabaishe, umeyataka mwenyewe. Bahati sitaki tena unifatilie”

“Siwezi Erica, siwezi kamwe nakupenda sana”

“Lakini mimi sikupendi”

“Hunipendi sababu ya Yule kijana mwenye gari Erica? Muda ukifika, Mungu akipenda na mimi nitamiliki gari yangu”

“Sitaki kusikia hizo ngonjera, kwaheri”

Erica alirudi zake ndani mule hosteli kwani aliona kashaharibu na hakujua ni kwa jinsi gani anaweza kufanya aweze kuelewa na Erick.



Alipokuwa ndani alipigiwa sana simu na Bahati ila hakupokea hata moja, akapata wazo kuwa inabidi aende kwa Tumaini ili ajaribu kumdadisi kuhusu Erick, ila akawaza kuwa lazima Bahati atakuwa chini akaimsubiri maana huwa hakati tamaa kwahiyo ikabidi atumie njia ya kumkwepa ili aende kiurahisi.

Alijiandaa na kutoka, ni kweli wakati anatoka alimuona Bahati amejikalia chini ya mti akimsubiria,

“Yani huyu mkaka wa ajabu hakati tamaa loh!”

Akamsogelea, kisha Bahati akainuka ili amsikilize,

“Bahati mpenzi wangu yani bado unanisubiri hapa nje?”

“Nitafanyaje sasa na wewe umechukia Erica?”

“Mimi sikuchukia ila nilikuwa napima tu upendo wako, nimegundua una upendo wa hali ya juu Bahati. Ila ukapumzike kwasasa mpenzi wangu, pole sana umeumia kwaajili yangu. Yani moyo umeniuma kweli”

Bahati alitabasamu kusikia maneno haya kutoka kwa Erica maana hakutegemea kabisa kama Erica angemwambia maneno yale ya kumbembeleza, alimuahidi kuwasiliana nae muda wote na kupokea simu zake huku akimbembeleza kuwa aondoke, hadi Bahati akakubali kuondoka.

“Mimi nina kipindi, kwahiyo ukiona sijapokea simu zako ujue nipo kwenye kipindi kwasasa. Tutakuwa tunawasiliana mpenzi wangu, hata usijali”

Basi wakaagana pale kisha Bahati akaondoka halafu Erica akaenda kwa Tumaini.



Ilikuwa Bahati kwani ni muda ule ule Tumaini alikuwa ndio amerudi toka kwenye matembezi yake,

“Karibu Erica, jamani si ungesema nikupitie”

“Nilikukumbuka tu dada yangu”

“Karibu, za tangu siku ile”

Wakaanza kuongea huku wakifurahi sana ilikuwa kama watu ambao wamefahamiana kwa muda mrefu sana kumbe sio siku nyingi tangu wawe marafiki, ilionyesha wanapatana sana.

Erica alianza kumuuliza kwa kumtega,

“Vipi Yule mdogo wako Erick ana mchumba?”

“Mmmh Erica usiniambie kuwa umempenda mdogo wangu Yule?”

“Aaah jamani dada nimeuliza tu”

“Erica nakupenda sana mdogo wangu ten asana, siwezi kukushauri uwe na Erick kwakweli”

“Kwanini?”

“Nimejua tu ushampenda, Erick huwa anapendwa na wadada wengi sana sababu ana sura ya mama yake na mwili wa baba. Ni mzuri kwakweli wa kuvutia na wengi wanampenda”

“Kwasababu watu wengi wanampenda ndio hafai kuwa na mimi?”

“Aaah hiyo sio sababu ila Erick nahisi kuna kipindi aliathirika kisaikolojia”

“Kwanini?”

“Ni anabadilisha wasichana Yule kama nguo, yani kila siku nafanya kazi ya kumpa ushauri maana magonjwa mengi ila anajidai wanamfata wenyewe. Erick amekuwa na msichana mmoja anaitwa Sia, ni mvumilivu sana yani Yule Sia hata amfumanie hapo Erick hakubali kumuacha, yani atanipigia simu na kujiliza sana ila hamuachi Erick, yani Yule dada anampenda Erick balaa ila mdogo wangu Yule ni pasua kichwa”

“Aaah mfano mimi ananifaa kijana wa aina gani?”

“Wewe anakufaa kijana mpole, mtulivu na mwenye upendo wa dhati. Erica nakupenda sana na hakika ningependa urafiki wetu ukuwe na ningefurahi uwe wifi yangu ila sio kwa Erick, hapana kabisa Erick hafai, ni mdogo wangu ila hafai”

Tumaini alimwambia Erica ila hakujua alivyoumiza moyo wa Erica kila alipomwambia kuwa Erick hamfai ukizingatia nanampenda sana. Basi akaongea ongea nae pale na kumuaga, kama kawaida Tumaini alimkodia bodaboda Erica imfikishe hosteli.



Erica alikuwa na mawazo sana siku hiyo, akikumbuka kuwa Erick alimuona na Bahati wakikumbatiana ila Erick aliondoka kwa hasira na mpaka muda huo hakumtafuta, Erica akiwaza kuwa amtafute yeye na kujaribu kumuelewesha ila kila alipokumbuka aliyoambiwa na Tumaini hakutaka tena kuwasiliana na Erick,

“Sijui kwanini nimetembea nae, itabidi kesho nikapime ukimwi. Kumbe Erick kawa muhuni vile, najuta mimi Erica”

Aliwaza sana na kumfanya aumie sana moyoni mwake, ila jumbe alizozipata toka kwa Bahati zilimpa faraja sana.

Kesho yake hakuweza kufanikisha lile swala lake la kwenda kupima maana masomo yalikuwa mengi sana, kwahiyo akajikuta akiwa yupo makinisana na masomo yake, na alishtukia kuwa mwezi huo ni mwezi wa mitihani kwahiyo alijishughulisha sana na masomo hata hakutaka kuwasiliana sana, hata dadake alipompigia simu na kumwambia kuhusu kuongea nae alimwambia kuwa kipindi hiko ana mitihani kwahiyo aongee nae kwa kipindi kingine.

Kwahiyo karibia mwezi mzima alikuwa busy sana na masomo yake hadi pale walipomaliza mitihani na kufunga chuo kwaajili ya kuingia mwaka mwingine, mtu pekee aliyekuwa akiwasiliana nae mara moja moja kwa kipindi hiko alikuwa ni Bahati tu.



Erica alirudi kwao likizo ila alijiona kuwa yupo tofauti sana na siku zote, kwanza alikuwa akichoka sana na muda mwingi alijisikia usingizi na kujiuliza kuwa atakuwa na tatizo gani, akawaza kuwa kesho yake aende hospitali ili akaangalie hali yake vizuri.

Kesho yake ilivyofika, kabla hajajiandaa kuondoka, walifika nyumbani dada zake wawili, dada yake Bite akiwa ameongozana na dada yake Mage, aliwasalimia na kuwakaribisha.

“Mama yupo?”

“Ametoka ameenda kwenye kikoba”

“Haya, kilichotuleta sio mama ila tuna shida na wewe”

“Shida gani?”

“Erica, inabidi tukakupime ujauzito”

“Mkanipime ujauzito kwanini?”

“Erica usije ukatutia aibu, hebu nenda kajiandae huko twende hospitali, tulikuwa tunangoja tu ufunge chuo mjinga wewe”

Erica aliwashangaa sana dada zake hawa ila hakuweza kuwabishia maana walikuwa wakimfatilia vilivyo, basi akajiandaa ili aende nao huko hospitali, ila Mage akawakatisha

“Bite, kwanini tujisumbue kwenda mpaka hospitali wakati kuna vile vipimo vya mimba!”

“Vinapatikana wapi sasa”

“Maduka yote ya madawa, nenda kanunue basi”

Mage akamuelekeza Bite kisha Bite akaondoka na kwenda kununua, kwahiyo Erica alibaki na dada yao mkubwa Mage ambaye alimuita Erica karibu,

“Mdogo wangu kwanini umekuwa na tabia za ajabu?”

“Hapana dada sina tabia za ajabu”

“Yani kweli wanaume wanakufata hadi nyumbani unasema huna tabia za ajabu kweli?”

“Sasa dada mnavyonifanyia hivi mnaona ni sahihi? Mimi ni msichana mkubwa sasa”

“Hatukatai ni mkubwa ila bado hujaolewa, upo kwenye uangalizi wetu. Unafikiri leo na kesho ukileta matatizo hapa aibu kwa nani? Sisi ndio tutaaibika Erica. Katika watoto wote wa mama sikufikiria kama wewe unaweza kuwa na tabia za ajabu kiasi nilichoambiwa”

“Hapana dada, sina tabia za ajabu mimi”

“Sasa mdogo wangu huwa unahangaika na nini, si utulie tu ukimaliza chuo utaolewa”

“Dada, aliyewaambia mimi nahangaika nani? Mbona mimi ni mpole tu”

Mage alitumia muda mwingi sana kumshauri mdogo wake huyu na kumwambia kuwa kwanini wameamua kuja kumpima ujauzito maana wamekuwa na mashaka nae halafu habari zake wamezisikia.

“Mmezisikia wapi dada?”

“Jua kwamba habari zako tunazijua”

Erica alijiuliza sana kuwa wanajua habari zake zipi na wanazijua jua vipi ila hakupata jibu.

Bite alirudi na kipima mimba, kisha wakamtaka Erica kukinga mkojo wake ambapo alifanya hivyo na wakapima pale nay eye akiwa anaangalia,

“Mungu wangu Erica una mimba? Aibu gani hii umetupa jamani Erica?”

“Nilijua tu dada, ndiomana nikakuzania tuje tumpime ujauzito, aliyeniambia anamjua sana huyu mdogo wetu, kipindi hiki alikuwa na mitihani ila alikuwa analala sana badala ya kujisomea, kumbe ana mimba loh!”

Erica alikuwa kimya tu akiwaza maana ni swala la aibu kweli ila hakujua afanye nini, dada zake nao waliongea kwa ukali sana na gadhabu kubwa.

“Bite mdogo wangu twende kwanza tukajadiliane cha kufanya, tukikaa hapa na huyu mtoto tutampasua bure”

Wakaondoka na kumuacha Erica pale, muda kidogo mama yao alirudi ila Erica hakumwambia ukweli mama yake kuwa dada zake walifika maana aliona ni swala la aibu sana na hakujua hata ataanzia wapi kumwambia mama yao, kwani hata yeye swala lile lilimchanganya vilivyo.



Aliingia chumbani kwake na kuwaza sana, aliwaza kuwa kama hiyo mimba itakuwa ya nani,

“Mungu wangu, mdada wa chuo kweli na sijui mimba ya nani? Si akili mbovu hii! Je ya Erick au ya Bahati? Mungu wangu”

Aliwaza sana na kukumbuka kuwa alilala na Bahati halafu kesho yake akalala na Erick,

“Mmmh nimefanya umalaya na sasa nina mimba, hata sijui ni ya nani. Sijui nitafanyaje?”

Aliwaza sana, kisha akachukua simu yake na kumtumia ujumbe Erick,

“Nina mimba yako”

Kisha akamtumia ujumbe huo huo Bahati halafu akatulia kusikilizia kuwa yupi kati yao atakayejibu.

Muda kidogo simu yake ilianza kuita na mpigaji alikuwa ni Bahati, hakutaka kupokea kwani hakutaka kusikika akiongelea habari za mimba kwa mama yake, kisha Bahati aliamua kumtumia ujumbe.

“Erica kweli uyasemayo? Kama ni kweli basi nimefurahi sana, maana ndoto yangu ni wewe kuwa mke wangu na kuwa mama wa watoto wangu, nakupenda sana Erica”

Alingoja ujumbe kutoka kwa Erick ila hakutumiwa ujumbe wa aina yoyote ule na kumfanya aumie sana moyoni mwake kuwa kwanini Erick amemfanyia vile ilihali amemwambia kuwa ana mimba.

Muda kidogo simu yake ilianza kuita na namba ilikuwa mpya akaipokea,

“Habari, naitwa Sia. Nimeona ujumbe wako kwenye simu ya mpenzi wangu, tafadhari achana na Erick, habari za mimba utajijua mwenyewe ila naomba uachane na Erick. Tuache kwa amani tunapendana sana”

“Kheeee”

“Usishangae, habari ndio hiyo. Erick ni mpenzi wangu. Kama ulikuwa hujui basi ujue, Erick ana mpenzi ambaye ndio mimi. Sitaki tena uwe karibu na Erick achana nae”

Erica alikata ile simu kisha alijikuta akilia sana, tena alilia mno kama siku ambayo alisingiziwa shuleni kuwa amekutwa na Erick wakibusiana yani alilia sana, hakuamini kuwa angeambiwa yale maneno na msichana wa Erick.

“Kumbe Erick ana mwanamke kweli? Alikuwa ananidanganya tu jamani! Mapenzi ni mabaya sana”

Alilia mno kwani moyoni mwake alimpenda Erick vilivyo na hata wangesema kuhusu ile mimba kama ingekuwa ya Erick wala asingejali kitu ila kwanza hana uhakika na mimba ya nani halafu alichoambiwa na msichana wa Erick kilimuumiza sana, alijikuta siku hiyo akishindwa kulala kabisa na kuwa macho siku nzima.



Kesho yake walifika dada zake Erica na kumwambia mama yao kuwa wanataka kutoka na Erica, walimwambia kuwa ajiandae kisha alipomaliza wakaondoka nae.

Erica hakuelewa ila dada zake walikuwa wakienda nae hospitali, walipofika Bite alibaki nje kisha mage akaenda nae kwa daktari,

“Huyu hapa ndiyo tuliongea habari zake umtoe mimba”

Erica akahamaki,

“Kutoa mimba!”

“Ndio, tena ufunge bakuli lako hilo hakuna kupiga makelele, ulibeba mwenyewe mimba kwenye starehe zako, hakuna atakayekubali umletee aibu nyumbani”

Basi daktari akawaelekeza chumba cha kumpeleka Yule mgonjwa, yani Erica hakuweza kubisha chochote kwa dada zake maana akifikiria kuwa mama yake ataambiwa ukweli ndio pale aliona uchizi kabisa.

Aliingia kwenye chumba na daktari aliingia na kumuandaa kwaajili ya kumfanyia zoezi la kumtoa mimba, muda kidogo Yule daktari akapigiwa simu na kupokea. Erica alisikia tu daktari alichokuwa akijibu,

“Usiondoke bhana, nisubirie nje ya chumba cha mwishoni, kuna kazi nafanya naimaliza sasa hivi usijali…….. Nitakwambia nikitoka, ni muda mfupi tu hata nusu saa haifiki……. Mimi na wewe tena, sisi ni kama ndugu rafiki yangu, nitakwambia bhana”

Kisha daktari akakata ile simu na kuanza kumshughulikia Erica, kwakweli maumivu aliyoyapata Erica alijikuta akiapa kutokufanya mapenzi tena katika maisha yake, yalikuwa ni maumivu ya muda mfupi ila yalikuwa ya hali ya juu.

Daktari alivyomaliza alimpa pole, kisha akamwambia,

“Pumzika kidogo, nitamuandikia dadako dawa za wewe kwenda kutumia pole sana”

Daktari alitoka, kwakweli Erica hakuwa na furaha kabisa kwani kile kitendo hakukitegemea na kilikuwa ni kitendo cha ajabu kwake, akajifikiria kuwa Erick na Bahati watamfikiriaje maana ataonekana kuwa muuwaji, akajiambia kuwa atamwambia Bahati kwamba alimdanganya kuhusu mimba, ukweli ni hakuwa na mimba wala nini kwahiyo swala la Bahati kwake halikuwa tatizo kabisa, akafikiria pia kuhusu Erick kwanza hata kuhusu mimba Erick alikuwa hajui sababu ujumbe ulijibiwa na mwanamke wake kwa maana hiyo mwanamke wake ndio alisoma ule ujumbe na lazima atakuwa ameufuta, kwahiyo hakuna tena wa kumuhofia kati yao.

Hakutaka kuendelea kupumzika zaidi mahali hapo kwani palimfanya awaze vitu vingi sana, kwa muda huo alitaka tu kwenda nyumbani, na kama kupumzika basi akapumzike nyumbani kwao. kwahiyo aliinuka na kujiandaa kutoka ili awafate dada zake waondoke.

Erica alitoka kwenye kile chumba, kupiga jicho mbele yake aligongana macho na Erick akiwa amesimama na Yule daktari, kumbe ni Erick ndiye alikuwa akiwasiliana na daktari muda ule ndani.





Erica alitoka kwenye kile chumba, kupiga jicho mbele yake aligongana macho na Erick akiwa amesimama na Yule daktari, kumbe ni Erick ndiye alikuwa akiwasiliana na daktari muda ule ndani.

Erica alitamani hata kurudi ndani ila hata kama akirudi Erick alishamuona, kwahiyo akajifanya anaondoka kamavile hajamuona Erick ila aliitwa,

“Erica, Erica”

Alisimama na Erick akamsogelea na kumuuliza,

“Kumbe ni wewe Erica uliyekuwa unafanya yale yasiyofaa kwenye kile chumba?”

Erica alimuangalia, na pale pale akamgeuzia kibao maana hakutaka apewe lawama kwa muda huo, alimwambia,

“Sasa kinachokushangaza ni nini?”

“Umeanza lini mchezo huo?”

“Leo”

“Kwanini Erica? Hujihurumiii, hujui kama watu huwa wanakufa kwa kufanya hivyo?”

“Usitake kunitibua Erick, nilikutumia ujumbe kuwa nina mimba yako ukampa simu mwanamke wako anitukane. Halafu leo ulitegemea nifanyeje? Huyo mtoto ningezaa nilee peke yangu? Tena achana na mimi kabisa”

Erica akaondoka na kumuacha Erick akimshangaa sana maana alivyokuwa anaongea kana kwamba kitu alichokifanya ni sahihi wakati hakiruhusiwi kabisa ila yeye aliongea bila hata ya mashaka.

Erick alirudi kwa Yule daktari na kuagana nae, ila muda anatoka ndio aliwaona Erica pamoja na ndugu zake wakiondoka pia ikabidi awafate nyuma ili apajue anapoishi Erica.



Ilikuwa tofauti maana Bite alienda nao mpaka nyumbani kwake, alitaka mdogo wake augulie hapo kwanza, kwahiyo Erick alijua pale ndio nyumbani kwakina Erica, kisha akaondoka zake.

Erica alionekana kutokupakubali kabisa kwa dada yake,

“Hapana dada, mngenirudisha nyumbani tu”

“Hapana, nyumbani nitakupeleka kesho kutwa, uugulie hapa kwangu”

“Hapana dada, nawaomba nirudi nyumbani”

“Erica usiwe mbishi, unajua haupo sawa na mama hajui ni sisi tu tunaojua, keshokutwa nitakupeleka nyumbani ubaya uko wapi?”

Erica alikubali kukaa kwa dada yake kwa muda ila kwa shingo upande kwani hakupenda kabisa kukaa hapo kutokana na vile alivyotaka kufanyiwa na shemeji yake, yani aliamua kukaa kwa machale sana.



Kesho yake Erica aliwasiliana na Bahati na kumuomba amtumie hela kwenye simu yake,

“Nitakutumia shilingi ngapi Erica? Simu yangu haina hela ya kutosha”

“Nitumie yoyote tu”

“Kwani uko wapi kwasasa”

“Nipo huku kwa dada na nina shida na hela”

Basi akatumiwa shilingi elfu tano na Bahati, kisha akatoka nje na kumuaga dada yake kuwa anaenda dukani kununua vocha,

“Niagize mdogo wangu nitaenda kukununulia”

“Hapana dada, dukani hapo tu acha niende mwenyewe”

Basi Erica aliondoka, na moja kwa moja alienda kutoa ile elfu tano na kufanya nauli ya kurudi kwao.

Mama yake alishangaa sana alipomuona,

“Vipi mbona hujarudi na dada yako wakati yeye kasema utarudi naye?”

“Mama, sitaki kukaa kwa dada. Nimemtoroka tu”

“Kwanini umefanya hivyo?”

“Mama, nimekumiss sana mama yangu hata sitaki kukaa mbali na wewe ndiomana nimemtoroka maana ningemuaga aisngekubali niondoke”

Muda kidogo mama yake alipigiwa simu na Bite akimwambia kuwa Erica haonekani,

“Yani ndio kafika huku muda huu huu”

Kisha mama akampa simu Erica aongee na dada yake,

“Hivi wewe Erica una matatizo gani? Mfano ungeniaga ungepungukiwa na nini? Kwanini unapenda kufanya mambo ya kijinga lakini”

“Nisamehe dada”

“Kiukweli unakera yani unakera sana”

Dada yake akakata simu, kisha Erica akaelekea chumbani, alikaa na kulia kwanza maana tayari alifanya kitendo ambacho hakutarajia kukifanya katika maisha yake, tayari alikuwa ametoa mimba, roho ilimuuma sana.

“Labda mtoto wangu ndio alikuwa huyo huyo, Mungu wangu jamani. Hivi familia zingine zikoje hizi? Eti nitawatia aibu, hivi ni aibu yangu au aibu zao? Yani mdada mkubwa wa chuo bado nachungwa kiasi hiki kweli?”

Alilia sana, hakuwa na raha hata kidogo, aliamua kulala tu.



Erica hakuwa na hamu hata na simu yake kwani hakutaka kuwasiliana na yeyote Yule, akaiweka mbali naye kabisa akajikuta akipiga mahesabu tu ya wanaume aliotembea nao,

“Nilimpata Babuu, tulipendana sana tena sana ila Babuu kaishia kidato cha nne na kazi zake ni za kubangaiza, nikaachana nae na kuangukia kwa George, kweli kabisa kwa sifa za George ni msichana gani ambaye mahusiano yake hayaeleweki atamkataa George? Aliahidi kunioa na alionyesha kunipenda sana kumbe nae hamna kitu, sasa huyu niliyekutana nae ufukweni ndio balaa, anajitia hadi kulia kwasababu yangu ila hali yake ya maisha ni ngumu sana. Nikaamua kumkubali Erick ambaye ni mwanaume wa maisha yangu ila kumbe ana wanawake kibao. Hivi mapenzi ni nini? Mbona yananitenda hivi jamani? Sitaki kuwasiliana na yeyote kati yao, bora hata Babuu ila sidhani kama atanipenda tena”

Alikuwa na mawazo sana na kuamua kulala tena hadi kunakucha.

Siku hiyo siku nzima alijishughulisha na kazi za nyumbani hata simu hakutaka kushika tena ingawa alijua atakapoichukua atakutana na simu za kutosha toka kwa Bahati ila hakujali kwa muda huo .



Kwenye mida ya saa mbili usiku ndipo alichukua simu yake kuona waliompigia, ila alikuta waliompigia sana ni wawili tu yani Bahati na Erick, kwa mara ya kwanza alikuta Erick amempigia simu zaidi ya mara tatu ingawa sio kawaida yake, anayepigaga simu hovyo ni Bahati.

Akakutana na ujumbe wa Bahati kwanza,

“Erica ulichonifanyia sikutegemea kabisa, nimekuja kukuona kwa dada yako kumbe alikuja na Yule bwanako mwenye gari! Erica umefanya nipigane sana na Yule jamaa, na kasema kuwa umetoa mimba, Erica umetoa mimba yangu kweli? Nalia tu mimi, jamani mwanangu wa kwanza umemuua Erica”

Ni pale alipogundua kuwa Bahati kakutana uso kwa uso na Erick nyumbani kwa dadake ila alijiuliza kuwa Erick alipafahamu vipi pale hakuwa na jibu, akashuka chini na kukutana na ujumbe wa Erick,

“Erica unajua wazi ni kwajinsi gani nakupenda, wewe msichana umekuwa fimbo kwangu ya kuumiza moyo wangu kila kukicha. Uliniumiza kipindi kile nikajua sababu ya utoto, umefanya niwe na tabia za ajabu sana kwa kukukosa, na muda nakupata kumbe ndio umekuwa hufai kabisa, Erica wa kunidanganya mimi huna mwanaume kumbe unaye? Wa kwenda kutoa mimba yangu Erica kweli? Na mimba yenyewe umemdanganya na jamaa kuwa ni yake. Kwakweli Erica umeniumiza sana, sikutegemea kama kuna mwanamke wa kuniumiza kiasi ambacho umeniumiza Erica. Niliwahi kukwambia kuwa sitoacha kukupenda, na kweli sitoacha kukupenda Erica. Kwaheri”

Ule ujumbe ulipasua moyo wa Erica, na ulionekana kutumwa jana yake, yani kwa muda huo hata hakuelewa kuwa ni kitu gani afanye, alichukua simu yake na kuanza kumpigia Erick ila ile simu haikupokelewa, akaamua kuandika ujumbe,

“Tafadhali pokea simu yangu Erick”

Ujumbe haukujibiwa pia, na kumfanya Erica kupatwa na mawazo yasiyokuwa na mwisho.

Siku hiyo hakuweza kulala kabisa na aliona kuwa usiku ni mrefu sana, alijitoa muhanga kuwa kesho akamtafute Tumaini ili amuelekeze alipo Erick akaongee nae,

“Kumbe Erick ananipenda kweli? Mungu wangu jamani, nitafanyaje mimi Erica jamani”

Muda huo Bahati nae alikuwa akimpigia simu ila zile simu za Bahati alihisi zikimpigia kelele tu kwani kwa muda huo alitaka kuona simu ya Erick tu.

Saa kumi na mbili asubuhi akaanza tena kumpigia simu Erick ila haikupokelewa simu yake, akaamua kumtumia tena ujumbe,

“Erick nakuomba pokea simu yangu usikie ninachotaka kusema”

Baada kama ya lisaa limoja ujumbe ule ulijibiwa,

“Useme nini kwangu? Ni kipi cha kuniambia Erica ambacho sikijui? Leo saa nne asubuhi naondoka na baba kwenda Afrika kusini, haikuwa safari ya kwenda mimi ila nimemuomba baba kwenda nae, nahitaji kutuliza akili yangu kwanza. Kama unataka kuongea na mimi njoo uwanja wa ndege kabla ya hiyo saa nne uniage, kwaheri”

Erica alihisi kuchanganyikiwa kabisa, akaenda bafuni kuoga kisha akajiandaa kwaajili ya kuondoka ili akamuwahi Erick.

Wakati anatoka, mama yake akamuuliza,

“Unaenda wapi asubuhi asubuhi hii Erica?”

Akawa anajiuma uma maana hakufikiria kama kuna maneno ya kumdanganya mama yake kwa muda huo,

“Mbona unajiuma uma, hebu kaa pale tuzungumze kwanza”

Yani Erica alitamani hata kumtukana mama yake maana hiyo ilikuwa saa mbili asubuhi nay eye alikuwa anataka awahi, ila atafanyaje sasa lazima amsikilize mama yake,

“Erica mwanangu ni siku nyingi sijakaa kuzungumza na wewe? Unaendeleaje kwanza?”

“Naendelea vizuri, ila mama si tuzungumze wakati nikirudi”

“Erica utanipangiaje muda wa kuzungumza na wewe lakini? Ujue mimi ni mama yako!”

Ilibidi Erica awe mpole na kumsikiliza mama yake ila kiukweli alikuwa akikereka tu na mabayo mama yake alimwambia kuhusu maisha maana alitaka kuondoka na mama yake alimkawiza hadi saa tatu na robo ndio akampa ruhusa ya kuondoka.

Erica alikata tamaa ya kuonana na Erick ila bado alienda uwanja wa ndege.



Alifika uwanja wa ndege kwenye saa nne na nusu, yani hakuwa na furaha kabisa, wakati anasonga pale uwanjani akiwa na mawazo akagongana na mtu, alimuangalia na kumuomba msamaha,

“Uwe makini binti, mtoto mdogo hivyo unawaza nini?”

Erica alimuangalia vizuri sasa huyu mtu alikuwa ni mkaka wa kishombeshombe, Erica alikuwa kama akimshangaa hivi, Yule mkaka aliamua kujitambulisha,

“Naitwa Rahim, sijui mwenzangu unaitwa nani?”

“Naitwa Erica”

“Mbona unaonekana kuwa na mawazo sana?”

Erica alikuwa kimya tu akimtazama, Yule mkaka alimwambia Erica,

“Anyway, chukua kadi yangu hii tutawasiliana”

Erica akachukua ile kadi na kuiweka kwenye pochi yake, kisha akaendelea na safari yake halafu Yule mkaka nae akaondoka zake.

Aliposogea mbele alishikwa bega, alipogeuka tu alikutana na Tumaini,

“Kheee Erica unafanya nini tena huku?”

Erica alijiuma uma, alitamani kumwambia ukweli ila alihofia ikabidi amrudishie swali yeye,

“Na wewe unafanya nini huku dada?”

“Mimi nimekuja kumsindikiza mdogo wangu Erick na baba wanaenda South”

“Kumbe mdogo wako kasafiri?”

“Ndio, yani mdogo wangu hadi namuhurumia”

“Kwanini?”

“Ngoja tukae mahali nikusimulie”

Wakaondoka mahali hapo na kutafuta sehemu yenye mgahawa na kukaa kisha kuagiza vinywaji na kuendelea na maongezi, ila kabla hawajaongea kitu chochote simu ya Tumaini iliita na Tumaini aliipokea,

“Tutaongea badae, saivi kuna sehemu nipo mara moja”

Alivyokata akamuangalia Erica na kumwambia,

“Yani huyu msichana king’ang’anizi huyo?”

“Msichana gani?”

“Si Yule Sia nilikwambiaga kuwa ni mchumba wa Erick”

“Kafanyaje tena?”

“Huyu msichana hajielewi hata sijui kwanini anamng’ang’ania hivyo mdogo wangu wakati mdogo wangu mwenyewe yupo kama kachanganyikiwa. Bora aende zake huko labda ajipatie hata mzungu”

Erica akatabasamu kidogo ila kiukweli alikuwa anaumia moyo, akamwambia tena Tumaini,

“Eeeh nieleze sasa”

“Sikia nikwambia, mdogo wangu Yule Erick kuna kipindi alikuwa akiishi na mamake mdogo na kuna shule moja alipelekwa mgeni tu halafu akafanya madudu na kufukuzwa, nilimuuliza mdogo wangu kwanini alifukuzwa shule akasema ni sababu ya msichana Fulani hajawahi kunitajia jina la huyo msichana ila alisema kuwa alimtongoza huyo msichana halafu huyo msichana akamsemea kwa walimu, kitendo kilichofanya Erick achukiwe na kufukuzwa shule ingawa mamake mdogo aliomba sana Erick asamehewe. Nilimuuliza kuwa ni kweli alimpenda huyo msichana huwa ananijibu hadi leo anampenda sana. Unajua sisi wanawake mara nyingine tunasababisha wanaume kuwa na tabia za ajabu ajabu, yani mdogo wangu Erick kawa mlevi, unajua anakunywa Yule balaa, kawa mtu wa wanawake lakini chanzo chote ni huyo dada”

“Kheee jamani masikini yake, je unatamani kumjua huyo mdada?”

“Sitaki hata kumjua maana nitamuumiza nikimjua, kaumiza sana maisha ya mdogo wangu, hili nililosikia sasa ndio balaa”

“Lipi hilo?”

“Nasikia Erick alikutana tena na huyo mdada na mdada akadai kuwa ana mimba yake, ila Erick kamshuhudia kwa macho yake Yule mdada akitoka kwa dokta kutoa mimba yake, yani katoa mimba ya mdogo wangu kumbe Yule mdada ana mwanaume mwingine. Juzi mdogo wangu kapigana na huyo mwanaume balaa, jamani mdogo wangu hajawahi kupigania mapenzi ndio mara yake ya kwanza. Huyo dada ni shetani kwakweli”

“Inasikitisha lakini”

“Kwakweli inasikitisha sana, yani mimi sipendi mwanamke anayetoa mimba simpendi kabisa. Unajua kutoa mimba ni uuwaji! Hivi sisi tungetolewa na wazazi wetu, tungekuwepo leo? Ila mwanamke muuwaji hana hata huruma anatoa mimba kwakweli, nawachukia watoa mimba. Huyo msichana nikimjua nitamraruwa kwakweli”

Erica hakuwa hata na usemi kwani muhusika alikuwa ni yeye tena ilionyesha Tumaini akiongea kwa uchungu sana jinsi gani alivyo na hasira na huyo msichana ambaye ndio yeye,

“Nimemwambia mdogo wangu, huyo msichana hakupendi labda anapenda pesa ulizonazo tu lakini upendo hana. Hivi Yule msichana anajiona kutoa mimba ndio kashinda, anadhani anabaki kuwa binti loh! Hapana hajui tu, anakuwa mama wa marehemu na sio binti tena”

Erica alinyamaza kwani yale maneno yalimgusa vilivyo, na kuuliza tena

“Kwahiyo mdogo wako atarudi lini?”

“Si oleo wala kesho, kwanza hakutakiwa kusafiri ila kwa hali aliyokuwa nayo, baba ameona bora aende nae. Halafu sasa mpaka tupo nae airport bado anajipa imani kuwa huyo msichana atakuja kuongea nae, cha kushangaza hadi wameingia ndani hakuna huyo msichana kuja wala nini. Mdogo wangu anatia huruma kwakweli, ila Erica huku airport ulifata nini?”

“Aaah dada alinipa mzigo kuna mfanyakazi wa hapa nilikuwa nimempelekea, na nimefika muda sana sema nimechelewa tu kuondoka, ningejua mpo hapa hata ningewatafuta. Namuonea huruma mdogo wako, mpe pole sana”

“Yani kuna wakati natamani kumjua huyo mama marehemu na atanitambua kwakweli, atanieleza sababu za kumuumiza moyo kaka yangu na sababu za kumuua aunt yangu”

Erica aliamua kuagana na Tumaini huku akidai kuwa anatakiwa kurudi kwao mapema ila ukweli ni kwamba maneno ya Tumaini yalimuingia vilivyo na moyo kumuuma sana.

Ila Tumaini alimwambia kuwa anahitaji waende wote nyumbani kwao ili akapafahamu anapoishi Erica, hakubisha juu ya hilo na kuamua kuondoka nae.



Walifika nyumbani kwao, kupiga jicho getini alimuona kuna kijana amekaa chini, aliposogea akagundua kuwa ni Bahati, kwakweli Erica alitamani kurudi na Tumaini walipotoka ila kabla hajafanya chochote Bahati aliinua kichwa chake na alipomuona kuwa ni Erica aliinuka na kwenda kumkumbatia huku akilia, ikabidi Erica amuulize,

“Sasa unalilia nini?”

“Nalilia kiumbe changu Erica, namlilia mwanangu”

Erica aligeuka na kumtazama Tumaini kama naye anayasikia yale maneno anayoyasema Bahati.





Walifika nyumbani kwao, kupiga jicho getini alimuona kuna kijana amekaa chini, aliposogea akagundua kuwa ni Bahati, kwakweli Erica alitamani kurudi na Tumaini walipotoka ila kabla hajafanya chochote Bahati aliinua kichwa chake na alipomuona kuwa ni Erica aliinuka na kwenda kumkumbatia huku akilia, ikabidi Erica amuulize,

“Sasa unalilia nini?”

“Nalilia kiumbe changu Erica, namlilia mwanangu”

Erica aligeuka na kumtazama Tumaini kama naye anayasikia yale maneno anayoyasema Bahati.

Akamuona Tumaini akimuangalia pia, kwahiyo alijua moja kwa moja Tumaini amesikia kile kilichokuwa kikiongelewa na Bahati, kwahiyo alijishauri pale pale na halmashauri ya kichwa chake na kumsukuma Bahati pembeni,

“Erica unanifanyia hivi Erica?”

“Una matatizo gani wewe? Nishakwambia usinizoee”

Kisha akamuangalia Tumaini na kumshika mkono,

“Dada twende ndani”

Aliingia getini na Tumaini na kumuacha Bahati pale nje, Tumaini alikuwa na maswali mengi sana juu ya Erica kwanini kamfanyia kaka wa watu vile, kwahiyo akamuuliza,

“Erica, kwanini lakini umemfanyia vile”

“Nitakuhadithia ndani, ni chizi Yule”

Basi waliingia sebleni, kisha Erica akaenda chumbani kwa madai kuwa anaenda kuweka mkoba ila kiukweli alienda kumpigia simu Bahati maana kwa vyovyote vile Bahati asingeondoka pale kwao na angezidi kumsababishia matatizo, alipiga simu na Bahati alipokea,

“Samahani mpenzi wangu kwa nilichokufanyia nisamehe bure”

“Ila kwanini umenifanyia hivi Erica?”

“Nitakusimulia vizuri ila kwasasa naomba uondoke, unajua yule ni dada yangu na sikutaka ajue mahusiano yetu. Wakati ukifika watajua tu ila sio kwasasa, nakuomba mpenzi wangu niokoe mwenzio maana na mama nae akikukuta hapo ni balaa”

“Sawa, basi badae nitakupigia tuongee. Nakupenda Erica”

“Usijali, nakupenda pia”

Ilibidi ampe maneno ya kumlainisha ili iwe rahisi kumuondoa pale kwao maana angemuharibia sifa yake kwa Tumaini.



Kisha akarudi kwa Tumaini, ambapo Tumaini alitaka haswaa kujua kuhusu Yule mkaka pale nje,

“Iko hivi, Yule mkaka alikuwa na mke wake anayeitwa Erica. Sasa inasemekana mkewe alikimbia na watoto kwahiyo Yule mkaka kama kaathirika kisaikolojia, yani yeye kila mdada anayeitwa Erica anadhani kuwa ni Yule mkewe basi ndio shida yake mara ukutane nae aanze kulia sijui leta mwanangu sijui nini na nini, ananikera balaa”

“Duh! Pole, sasa kama ndio hivyo atakuharibia sana ukija kupata mchumba”

“Kweli ataniharibia”

“Erica, sijawahi kukuuliza. Hivi una mchumba mdogo wangu?”

“Hapana dada”

“Kwanini?”

“Nayaogopa mapenzi, wanaume hawaaminiki”

“Ila wapo wenye mapenzi ya kweli, sema ni vigumu kuwatambua. Ila unaweza kwa mara ya kwanza usimpende mwanaume ila ukimkubali unaanza kumpenda taratibu, wenye mapenzi ya kweli wapo Erica”

“Basi nasubiria hao wenye mapenzi ya kweli, mmoja wapo anipende mimi”

Tumaini akatabasamu tu na kuanza kumuuliza Erica kuwa pale anaishi na nani,

“Hapa naishi na mama tu, hizo nyumba mbili hapo nje wanaishi wapangaji wetu. Mimi na mama tuna funguo kwahiyo asiponikuta atafungua na nisipomkuta nitafungua na kuingia ndani”

“Aaah sawa”

Simu ya Tumaini ikaanza kuita, akaichukua na kuingalia kisha akasema,

“Aaah ni Sia tena, huyu nae loh”

Akapokea na kuanza kuongea nae, Erica alitulia kimya akisubiri amalize kuongea halafu amuulize kuwa kuna nini tena kwa huyo Sia. Tumaini alipomaliza tu kuongea Erica alimuuliza,

“Kwani huyo Sia anataka nini?”

“Yani huyu Sia ananichekesha tu hadi nakereka na mashtaka yake, mwanaume mwenyewe kashaondoka sijui anafikiri huo msamaha nitamuombea wapi”

“Kafanyaje kwani?”

“Nasikia Yule mama marehemu wa Erick alituma sms kuwa ana mimba ya Erick halafu Sia akaifuta ile sms sijui na kuongea nae huyo mama marehemu, nasikia huyo mdada alishtaki kwa Erick basi ndio Erick kamchukia Sia na hata hii kuondoka hajamuaga”

“Kheeee!!”

“Ndio hivyo, wasichana wengine jamani. Ila mimi ningekuwa Erick ningempenda sana Sia, ana mapenzi ya dhati Yule dada ila sio huyo mama marehemu wake yani na nikimjua huyo mama marehemu jamani atanikoma”

“Inaonyesha Erick alimpenda sana huyo mdada”

“Ndio alimpenda sana ila msichana mwenyewe hapendeki, kwanza sio msichana ni mama marehemu. Yani simfahamu huyo mdada ila namchukia balaa, maisha yangu yote nitamchukia ni kivuruge Yule kaivuruga akili ya mdogo wangu”

Erica alipumua kwanza sababu laiti kama Tumaini angejua kuwa anayemsimulia ndio muhusika mwenyewe sijui angefanyaje ila hakuelewa.

Mama yake alirudi na alimtambulisha Tumaini kwa mama yake kisha Tumaini akaaga na kuondoka zake.



Erica alienda chumbani kwake ila alihisi akili yake yote ikivurugika kwani alijikuta akifikiria sana kuhusu Erick, akakumbuka toka siku ya kwanza ambayo Erick alifika shuleni kwao, akakumbuka jinsi Erick alivyomtongoza na jinsi walivyofukuzwa shule, akakumbuka jinsi alivyokutana nae tena na vile ilivyokuwa, aliumia sana moyoni,

“Kumbe ilikuwa ni kweli Erick ananipenda, nimempoteza Erick wangu mimi. Hivi na Tumaini akija kujua kuwa mwanamke mwenyewe ndio mimi? Mungu wangu, ila sijatoa mimba kwa kupenda, ni nani atakayeniamini kuwa sikutoa mimba kwa kupenda? Erick ndio anafaa kuwa na mimi na si mwingine yoyote, roho inaniuma mimi, nitampata wapi tena Erick jamani?”

Aliwaza sana na kumwambia ukweli Tumaini hakuweza kuwa labda aombe namba za Erick atakazokuwa anatumia kule alipo , hakuweza chochote alibaki akilia tu na moyo wake na kuzidi kutokuwa na raha wala furaha, kwa wakati huo hakuna aliyekuwa anaumiza akili yake zaidi ya Erick tu.

Aliamua kulala tu maana akili yake ilikuwa imevurugwa haswaaa.

Kesho yake akiwa anapangapanga vitu kwenye mkoba wake, akaona kadi alipo iangalia ilikuwa ya Rahim,

“Aaah Yule mkaka wa jana uwanja wa ndege, mmmh sijui nimpigie? Hapana kwakweli nitaingia kwenye majaribu mengine bure, mkaka mwenyewe mzuri vile na hivi nina mawazo ya Erick nisije kujikuta majaribuni bora niache tu”

Akaichukua ile kadi na kwenda kuitupa nje kwani hakutaka kujiingiza kwenye majaribu mengine maana aliona aliyo nayo yana mtosha.

Baada ya kuitupa alijishangaa akikaa hivi sura ya Yule mkaka ikimjia akilini,

“Shindwa shetani, sitaki mawazo ya kijinga mie, niliyo nayo yananitosha”

Akatoka tena nje na kuitafuta ile kadi kwenye matakataka kisha akaenda kuichoma moto kabisa ili asishawishike kumtafuta Rahim kabisa maana aliona kama ipo kwenye matakataka kuna muda atajisahau na kuichukua tena kwahiyo akaona ni vyema kuichoma moto kabisa, kisha akarudi ndani na kuendelea na kazi zake zingine.



Zilipita kama siku mbili huku Bahati akimuomba muda wa kuzungumza nae, alimuomba sana ikabidi Erica akubali kwenda kuongea na Bahti, walienda ufukweni kwaajili ya maongezi kwani Bahati alitaka kujua kuhusu mimba. Alivyofika alimkuta Bahati ameshafika muda tu kwahiyo alikaa na kuanza maongezi nae,

“Niambie ukweli Erica, ulitoa mimba yangu”

“Bahati, hivi ni nani aliyekupa hizo habari unajua unanishangaza”

“Nilikutana na Yule mwanaume wako mwenye gari, nikaanza kugombana nae ndio akasema umetoa mimba yake, nikamwambia ni yangu basi ndio ugomvi wetu ulikuwa hapo”

“Una uthibitisho gani kuwa mimi nilikuwa na mimba na una uthibitisho gani kuwa mimi nilitoa mimba”

“Sina uthibitisho zaidi ya ujumbe ulionitumia kuwa nina mimba”

“Nikikwambia kuwa ule ujumbe nilituma kukupima imani yako utaniamini?”

“Kunipima imani?”

“Ndio, nilitaka kujua kama unanipenda kweli. Wanaume wengi wanaposikia wanawake zao wana mimba huwakimbia ndiomana nilitaka kujua na wewe utafanyaje”

“Kwahiyo si kweli kwamba ulikuwa na mimba?”

“Sijawahi kuwa na mimba Bahati”

“Na si kweli kama umetoa?”

“Nitatoaje mimba ambayo sijawahi kuwa nayo, hata nakushangaa kwakweli. Huyo mkaka atakuwa na yake tu, sijawahi kuwa ni mimba mimi na sijawahi kutoa mimba mimi”

“Erica unaniambia ukweli?”

“Ndio, kwanini nikudanganye sasa?”

Bahati alimuangalia Erica ila kwavile alikuwa anampenda sana ikabidi amkubalie kwa chochote alichokisema wala hakuweza kumpinga.

“Kaninunulie juisi basi, kweli unanikalisha hapa tunaongea tu bila hata kinywaji?”

Bahati akaona ni kweli, kwahiyo akainuka ili akamnunulie juisi, muda huo Erica nae akainuka na kuanza kutembea tembea pembezoni mwa maji, alijisemea mwenyewe,

“Mwanaume kununua juisi tu anapata mawazo, je kulea mtoto ataweza huyo! Yani hapa nimebugi, nimebugi kabisa sijui nifanyeje kumuepuka mtu huyu na kaniganda kama ruba”

Wakati anajisemesha aligongana na mtu mbele yake, kumuangalia ni Yule mkaka aliyekutana nae uwanja wa ndege Rahim, na huyu mkaka alimkumbuka vizuri sana Erica, kwani alimuita kwa taratibu,

“Erica”

“Samahani”

“Usijali, inaonyesha mar azote unakuwa na mawazo sana. Na mbona haukunitafuta?”

Erica alikuwa akijiuma uma tu kwa maelezo, Yule mkaka akatoa kadi yake nyingine ya namba na kumpa Erica,

“Naomba unitafute, nina kitu muhimu sana cha kukwambia wewe. Au huna vocha?”

“Hapana ninayo”

Yule kaka alitoa elfu ishirini mfukoni mwake na kumkabidhi Erica,

“Tafadhali pokea, weka vocha unipigie”

Erica alichukua ile hela na kuiweka mfukoni, kisha akaondoka zake na kurudi alipokaa, akamkuta Bahati amechukia sana,

“Mbona umechukia hivyo?”

“Yule ulikuwa unaongea nae pale ni nani?”

“Mmmh jamani Bahati ndio uchukie hivyo kweli?”

“Ndio, ni nani Yule?”

“Alikuwa ananiuliza tu mazingira ya huku hayajui vizuri”

“Anakuuliza hajui kama wewe ni mke wa mtu”

“Mmmh ushaanza na wivu wako, hebu tuondoke”

Bahati alionekana wazi kuchukizwa na kile kitendo cha Erica kuzungumza na Yule mkaka, kwahiyo Erica aling’ang’ania kuondoka na ikawa bora kwao kuondoka tu kwa muda huo.

Erica alifika tena nyumbani kwao na kuchukua kile kikadi chenye namba ya Rahim, akataka ampigie ila moyo wake ukasita akaamua kwenda tena nje kukichoma moto akiogopa kuingia mtegoni.

Erica alijaribu kumuweka Bahati moyoni ila ilikuwa ngumu sana kwake kwani upendo wake ulikuwa kwa Erick tu na kitu hiko kilisumbua sana akili yake, akajikuta akitamani sana kuwasiliana na Erick.



Siku hiyo aliamua kwenda kumtembelea Tumaini ila lengo lake lilikuwa ni kuweza kuongea nae apate namba ya Erick yani alitaka ajaribu kutumia maneno ya ujanja apewe namba ya Erick kwani hakutaka Tumaini ajue ukweli kuwa kivuruge ndio yeye.

Alifika kwa Tumaini na kusalimiana nae, ila kabla hajaanza nae maongezi mengine Tumaini alipata ugeni, na mgeni huyo alikuwa mdada ambapo Tumaini akamtambulisha Erica,

“Erica, huyu ni wifi yangu mchumba wa Erick anaitwa Sia. Sia, huyu ni mdogo wangu pia anaitwa Erica”

Basi Erica akasalimiana na Yule Sia ila alishangaa sana kwani yeye alihisi kuwa labda Sian i mdada asiyevutia, alishangaa kumuona Sian i msichana mrembo sana tena anavutia hata akashangaa inakuwaje na yeye anasumbulkiwa na penzi la Erick wakati anaweza akamuacha na kupendwa na mkaka mwingine.

Sia alionekana kuwa na maongezi binafsi na Tumaini ila Tumaini aligoma kwenda pembeni,

“Sia, ongea tu hapa hapa nakusikiliza”

“Mmmh wifi jamani!”

“Ndio, mi nina mambo yangu hapa, wewe ongea tu”

“Umewasiliana na Erick?”

“Hapana, vipi wewe umewasiliana nae?”

“Ndio, nilimpigia simu ila inaonyesha alikuwa amelewa sana”

“Ila kulewa si ndio kawaida yake”

“Dada nisaidie, nampenda Erick ujue, yani nampenda sana. Kiukweli hataki hata kuongea na mimi, nimembahatisha tu na anasema alijua ni mtu mwingine hakujua ni mimi. Akaanza kulalamika kuwa namba nimepewa na nani, na kusema hapokei tena simu yangu. Dada nampenda sana Erick”

“Sasa Sia, mimi nitakusaidiaje hapo wifi yangu? Maana hata mimi mwenyewe namuonea huruma sana mdogo wangu”

“Dada, nina wazo”

“Wazo gani?”

“Ongea na Erick akuelekeze anapoishi huyo msichana tumtafute, maana nahisi huyo msichana kuna kitu amemfanyia Erick sio bure”

“Umesema jambo la msingi, sasa tukishampata tutafanya nae nini?”

“Tukishampata najua cha kumfanya wifi, mi nataka Erick arudi kwenye akili sawa na mwanzo. Yani sijui kwanini alikutana tena na huyo shetani”

“Sasa nawaza, hivi Erick atakubali kweli kututajia jina au anapoishi huyo mdada? Atakubali kweli Erick?”

“Hapo pagumu wifi, ila tukimfahamu tu mchezo umeisha”

Erica akaona sasa yupo hatarini ila akayatumia maongezi yale kama nafasi ya yeye kupata namba ya Erick, akatumia uongo wa kuwashawishi ili apewe yeye namba ya Erick,

“Dada nina wazo”

“Wazo gani tena Erica”

“Nipe namba za Erick, niwasiliane nae najua hajanizoea kivile ila nitajaribu kuongea nae hadi anitajie huyo mwanamke, nitamwambia kuwa sitakwambia wewe wala nini ila nitamdanganya mpaka atanitajia”

“Mmmh Erica utaweza kweli? Unajua humjui Erick vizuri eeh tena akijua ni mtu usiyemjua atakuzimia na simu kabisa”

“Sidhani kama anaweza fanya hivyo”

Sia nae akaunga mkono hoja ya Erica, laiti kama angejua ndio mke mwenzio yani asingekubali kabisa.

“Wifi nadhani ungempa tu huwezi jua akamtajia labda, tujaribu tu maana Erick hashikiki kwasasa”

Basi Tumaini akamtajia namba Erica halafu wakaendelea kupanga mipango yao ya kufanya akipatikana huyo kivuruge.



Erica alirudi kwao akiwa na mawazo sana kuwa laity wakijua kuwa mtu wanayemtafuta yupo karibu yao itakuwaje, yani alihisi kudata kabisa.

Alivyofika tu alianza kupiga ile namba ila iliita bila ya kupokelewa na kujiambia kuwa ataendelea kuipiga kesho yake, ila muda kidogo alipigiwa simu na namba mpya,

“Hallow Erica, mimi ni mrs.Peter sijui unanikumbuka?”

“Nakukumbuka ndio, shikamoo”

“Marahaba mwanangu, umenitupa sana, naomba uje unisalimie jamani”

“Nitakuja mama”

“Naomba uje kesho, nakuomba Erica”

Basi Erica akaongea na Yule mama na kukubaliana nae kuwa kesho yake ataenda kumsalimia.

Kesho yake ilivyofika alijiandaa na kwenda kumsalimia Yule mama, alifika hadi kwa Yule mama na kukaribishwa na Yule mama hadi ndani, tena alionyesha kuwa na furaha sana.

“Erica jamani, nilikukumbuka sana. Mbona ulinitupa hivyo?”

“Nisamehe bure mama yangu”

“Haya nimekusamehe, mwanangu wa kwanza karudi toka uingereza, yani nimetafuta namba yako hatimaye jana nikaipata. Nataka nikutambulishe umjue”

Basi Yule mama aliinuka na kwenda kumuita mwanae, Erica alikuwa ametulia tu pale sebleni na hakuwa na wazo lolote lile.

Yule mama alifika na mwanae, Erica akainua macho yake kumtazama mtoto wa Yule mama, alikuwa ni Rahim Yule ambaye amekuwa akichoma kadi ya mawasiliano nae.







Yule mama alifika na mwanae, Erica akainua macho yake kumtazama mtoto wa Yule mama, alikuwa ni Rahim Yule ambaye amekuwa akichoma kadi ya mawasiliano nae.

Erica alikuwa ameduwaa tu, hadi Yule mama akamshtua,

“Erica mwanangu jamani una mawazo gani? Huyu ni mwanangu anaitwa Rahim”

“Nashukuru kumfahamu”

“Rahim, huyu ni mwanangu pia anaitwa Erica”

Basi Erica na Rahim wakapeana mikono ya kusalimiana kamavile hawajawahi kuonana sehemu yoyote.

Baada ya salamu, Rahim aliondoka na kurudi chumbani kwahiyo pale alibaki Erica na Yule mama,

“Huyu ni mwanangu wa kwanza”

“Aaah ila mbona yeye kama mpemba mpemba hivi?”

“Hahaha Erica, safari ya ujana ina mambo mengi sana. Baba yake na Rahim ni mpemba kweli ila sikuweza kuoana nae sababu kwao hawakutaka aoe mwanamke ambaye sio sawa na wao, ila nashukuru alimuhudumia mtoto vizuri kabisa na mpaka kawa mkubwa hivyo”

“Na mwanao mwingine ni mpemba pia?”

“Hapana, yeye nilizaa na mwanaume mwingine ila sikuolewa nae kwani alikuwa ni mume wa mtu halafu mimi nilizaa nae bila kujua. Mwanangu, unatakiwa kujua sana hawa wanaume kabla hujajiingiza kwenye mapenzi”

“Asante kwa ushauri, ila umepata bahati ya kuolewa tena”

“Nimepata bahati kweli maana aliyenioa sijazaa nae kabisa ila ana upendo na mimi. Sikia mwanangu nikwambie, linda sana ujana wako. Wewe ni binti wa kike, mzuri, mpole unaonyesha ni mtulivu. Tulia hivyo hivyo mpaka pale utakapopata anayekufaa katika maisha yako, msichana unapozaa mtoto wa kwanza kama bado hujaolewa jua kwamba unajipunguzia nafasi za kuolewa na mwanaume umtakaye. Maana ukiwa hujazaa bado una nafasi kubwa sana ya kuolewa tofauti na ukizaa, ukija kuzaa mtoto wa pili nyumbani, thamani yako inashuka zaidi, watatu na kuendelea utajikuta kuolewa inakuwa ni ndoto kwako au unaolewa na mwanaume usiyemtaka sababu tu amesema atakuvumilia. Inatakiwa uwe makini sana, wanaume waaminifu wapo na wachezeaji wapo”

Maneno haya yalimuingia akilini Erica, wakaongea ongea na huyu mama kisha Erica akamuaga huyu mama kuwa anaondoka ila huyu mama akamuita mwanae Rahim kuwa ampeleke Erica kwao,

“Rahim, hakikisha unamfikisha kwao kabisa”

“Sawa mama, hakuna tatizo”

Basi Erica akaondoka na Rahim kwa kutumia gari ya Rahim.



Walipokuwa njiani, Rahim alimuuliza Erica kuwa anapendelea kula nini,

“Mmmh napenda sana ice cream”

“Aaah kuna supermarket hapo mbele wanauza nzuri sana, ngoja tupitie mara moja”

Basi Rahim akapeleka gari lake mpaka kwenye supamaketi moja wapo na kushuka pamoja na Erica, kisha wakaingia kwenye lile duka kubwa, wakati wanachukua zile koni kuna mtu alimgusa bega Erica, alipogeuka na kumuangalia alikuwa ni Tumaini, basi akakumbatiana nae kwa furaha,

“Mmmh Erica mdogo wangu ndio upon a shemeji nini?”

Erica akawa anacheka tu, ila Tumaini akamvuta pembeni na kumnong’oneza

“Mdogo wangu unajua kuchagua, mshikilie haswaa unaendana nae”

Kisha Tumaini akawaaga, nao ndio walikuwa wanatoka wakaelekea kwenye gari.

Rahim alihakikisha kweli anamfikisha Erica hadi nyumbani kwao, kisha akamwambia

“Sasa leo itabidi unipe namba zako maana kila siku hunitafuti”

Erica hakuona tatizo kumpa Rahim namba zake kwani alijua hata asingempa basi lazima Rahim angepewa na mama yake, basi akaagana nae pale kisha Erica akaingia ndani kwao.

Alipoingia tu ndani alikuwa anapigiwa simu, na alipoangalia ni namba mpya akapokea

“Erica, ni Rahim hapa. Unajua nishakumiss tayari”

Erica akawa anacheka tu, kisha Rahim aliendelea kuongea,

“Kama hutojali naomba kesho kutwa tuonane Erica, niongee na wewe japo kwa ufupi tu moyo wangu utaridhika”

Erica alikuwa anatabasamu tu na hakuelewa kuwa akubali au akatae, ikabidi akamwambia,

“Basi nitakwambia badae kama itawezekana”

“Naomba iwezekane Erica, please nakuomba”

Basi akaongea ongea nae na kukata simu, Erica akajikuta akiwaza sana, ila akakosa majibu kwani aliona ni jinsi gani Rahim akiingia kwenye moyo wake kiasi kwamba kumtoa ilikuwa ngumu sana ila akakumbuka pia kuwa anampenda Erick ila akawaza kuwa je Erick atampenda tena baada ya ile kushuhudia kuwa alitoa mimba.

Usiku wa siku hiyo alipigiwa simu na Tumaini pia, na alipopokea swala lilikuwa lile lile la kumsifia Rahim kuwa Erica kachagua mwanaume wa maana,

“Yani kama Yule kaka ningemuona miyeyusho ningekwambia pale pale mdogo wangu, ila Yule ni mwanaume tena ni mwanaume haswaa anayeendana na wewe”

“Mmmh dada”

“Kweli mdogo wangu, Yule Rahim ni mwanaume anayekufaa”

Erica alikuwa akitabasamu tu kwani moyoni mwake alimpenda sana Erick ila alivutiwa na huyu Rahim.

Ilipokatika simu ya Tumaini iliingia simu ya Bahati nayo ilimkera sana ila aliamua kupokea maana akili za Bahati alizijua vizuri kuwa asipopokea basi kesho atakuja hapo kwao.

“Nimekumiss Erica”

“Asante”

“Mmmh hata wewe hujanimisi jamani!”

“Sasa unataka nikwambie nini?”

“Niambie kuwa umenimiss pia”

“Kheee makubwa, haya nimekumiss pia”

“Naomba kesho kutwa tuonane mpenzi”

“Aaah hapana, kesho kutwa nipo busy sana”

“Busy na nini Erica wakati chuo mmefunga?”

“Aaah kuna sehemu naenda kesho kutwa, labda tuonane kesho”

“Kesho nitakuwa kazini Erica ndiomana nimekuomba kesho kutwa”

“Basi haitawezekana maana kuna sehemu naenda”

“Jamani Erica, basi nikusindikize”

“Hapana, hairuhisiwi kwenda na mwanaume”

“Duh! Haya bhana”

Akaongea ongea nae na kukata simu huku akichukia jinsi gani Bahati amekuwa akimfatilia vile,

“Sijui yukoje, yani kahisi kesho kutwa nina mtoko anajifanya kutaka kuonana na mimi. Anakera huyu loh!”

Erica alikuwa akichukizwa sana na mwenendo wa Bahati kwani hakupenda kabisa jinsi Bahati alivyokuwa akimfatilia, basi akaamua kulala.



Kulipokucha baada ya kufanya kazi zake za hapa na pale, alishangaa kutembelewa na rafiki yake na alimkaribisha vizuri sana. Ni muda mrefu sana tangu rafiki yake huyo kumtembelea ni tangu wakati wanasoma sekondari, alikuwa ni Johari.

“Nilikuwa najaribisha tu kama nitakukuta”

“Nipo rafiki yangu, nipo likizo”

“Hongera sana kwa kuchagua njia sahihi ya kusoma rafiki yangu, ila hata mimi nataka nirudi shuleni”

Walishauriana pale umuhimu wa masomo, na baada ya maongezi ya hapa na pale ilibidi leo Erica amuulize vizuri Johari kuhusu Erick kipindi kile.

“Hivi Johari, ni kweli Erick alikuwa muhuni sana kipindi kile?”

“Kwanza nisamehe Erica kuhusu huyo Erick, kiukweli rafiki yako nilisumbuliwa na wivu. Erick hajawahi kunitaka tena hata Manka hajawahi kutongozwa na Erick, kumbe Manka ndio alikuwa anamfatilia Erick”

“Mmmh kumbe, sasa kwanini ulikuwa unaniambia vile kuwa Erick ni muhuni?”

“Sikia Erica, kipindi kile moyo wangu ulikuwa unaendeshwa na wivu yani nilikuwa na wivu sana kiasi kwamba niliona wewe hufai kuwa na Erick, mvulana mzuri vile. Kiukweli Erick alinifata na kuniambia nikwambie kuwa anakupenda sana sababu mimi ni rafiki yako, ila mimi nilirudi na kumwambia kuwa Erica hataki hata kusikia habari hizo na amesema siku ukimtongoza basi atakusemea kwa walimu. Erick alionekana kujisikia vibaya ila alinihakikishia kuwa lazima atakuja kukwambia ukweli kuwa anakupenda. Ndiomana nikatumia njia ya kumchafua Erick kwako kwa kukwambia kuwa ni muhuni sana ili usimkubali”

“Aah Johari jamani, kwanini ulinifanyia hivyo? Umefanya niwe na chuki na Erick kwa kipindi chote jamani Johari!”

“Ndiomana naomba msamaha maana chuki zaidi niliijenga mimi mwenyewe kwa Erick nakumbuka kuwa mimi ndio nilimueleza ukweli mama yako na mimi ndio niliwaeleza ukweli walimu. Na baada ya Erick kufukuzwa shule nilimfata na kumwambia kuwa wewe ndio umesababisha yote, nilisema kwamba umemsemea kwenu na umeenda kumsemea kwa walimu, nilisema maneno mengine hata hayafai ili kuhakikisha tu kuwa Erick hawi karibu na wewe”

“Ndio urafiki huo Johari? Ni urafiki au uuwaji huo? Unajua mara nyingine mtu unapata laana bila ya kujua umepata vipi laana kumbe ni mambo uliyotenda kwa wenzio. Sikia hata kama sikuwa katika rika la kujiunga na mapenzi ila ningetafuta njia bora ya kutokuwa na Erick kwa kipindi kile kuliko njia ambayo umeiweka wewe. Johari, nadhani hujui ila jua kwamba nampenda sana Erick kwahiyo umehusika kuliua penzi la watu waliopendana”

“Nisamehe Erica, hata nikikutana na Erick siku moja nitamwambia ukweli”

Kiukweli Erica hakupenda kabisa vile ambavyo rafiki yake alimfanyia kwa kipindi cha nyuma kwani anaona kama hayo mambo yamechangia yeye kuwa tangatanga wa mapenzi na mwisho wa siku kumpata hadi king’ang’anizi kama Bahati.

Johari baada ya kuona Erica hana furaha tena aliamua kuaga na kuondoka zake.



Erica aliingia chumbani kwake na kuwaza sana kuwa amekosa penzi la mwanaume mwenye mapenzi ya dhati kwake kwa kusikiliza maneno ya watu kuwa hafai, akachukua tena simu na kujaribu kupiga ile namba aliyoiomba kwa Tumaini ila alipiga weee bila ya kupokelewa na kumfanya azidi kupatwa na mawazo na kukosa raha kabisa.

Muda kidogo akapigiwa simu na Rahim na kupokea,

“Erica natumaini swal la kukutana na wewe kesho bado lipo palepale, tafadhari usibadili mawazo”

Erica akacheka tu na kukubali kuonana nae, kisha wakapanga mahali pa kukutania, baada ya kukata simu akajiambia,

“Usikatae wito, kata neno. Ila mmmh huyu kaka akinitongoza nitaweza kumkataa kweli? Ila bora kuwa na huyu kuliko Bahati maana kumpata tena Erick ni ndoto kwangu”

Wakati anawaza hayo tu iliingia simu ya Bahati na akaona huyu anamzingua sasa hakupokea kabisa na akaamua kuzima simu kabisa baada ya Bahati kumpigia kwa muda mrefu.

Kisha alitoka na kwenda kuongea na mama yake,

“Hivi mama, mimi nafaa kuolewa na mwanaume wa aina gani?”

“Umeshapata mchumba nini?”

“Hahaha hapana mama, si ulisema mpaka nimalize chuo!”

“Sio mpaka umalize chuo mwanangu, ila hata kama bado kumaliza chuo ila ukapata mchumba wa maana mlete nyumbani ajitambulishe na ikiwezekana alipe mahali kabisa, halafu harusi tunaweza tukafanya pia ila kama anaeleweka”

“Sasa ni mwanaume wa aina gani?”

“Erica mwanangu, unatakiwa uolewe na mwanaume msomi, mwenye kazi, awe na pesa, ikiwa ana nyumba na gari itapendeza zaidi. Usije ukaniletea kapuku hapa, nitaweka wapi sura yangu mtaani mimi? Inatakiwa ulete mwanaume wa maana”

“Aaah sawa mama, ikiwa ana pesa je halafu sio msomi?”

“Na wewe huyo asiye msomi unadhani kuna la maana anaweza fanya na hizo hela? Huoni kama ni sifa kuwaambia wenzio mume wangu kamaliza chuo kikuu, ana degree au ana masters au phd huoni kama ni sifa hiyo! Sio kusema mume wangu kaishia form four sijui la saba. Hebu mwanangu ondoa mawazo ya watu ambao hawajasoma, lete msomi hapa nyumbani lakini awe na hela”

“Sawa mama nimesikia”

Erica aliinuka na kwenda chumbani kwake ila kwa maneno ya mama yake aliona kuwa ni Rahim tu ndiye anayemfaa kwa wakati huo ila sio Bahati maana hana kigezo hata kimoja anachokitaka mama yake.



Alifikiria sana, hakuwasha simu yake kabisa kwa kuhofia kupigiwa na Bahati wakati amelala na kupata usumbufu.

Asubuhi palipokucha aliwasha simu yake na akapata wazo la kumpigia tena Erick kwani licha ya kwamba alimpenda sana Erick ila alitaka kuongea nae kuhusu swala la yeye kutokutajwa kwa Tumaini kuwa ndiye muhusika maana atamchukia, kwahiyo alitaka kuongea na Erick kuhusu swala hilo na kujaribu tena kumwambia kuwa anampenda, aliipiga tena namba ile ya Erick kwa zaidi ya mara tatu ila haikupokelewa na kumfanya ajihisi vibaya.

Akatoka na kwenda kufanya shughuli zake za hapa na pale huku akisubiria muda ambao Rahim atamwambia kuwa ajiandae waonane, alipomaliza shughuli zake alichukua tena simu yake na kupiga namba ya Erick ila haikupokelewa kama kawaida, kwa wakati huu akaamua kutuma ujumbe kwa Erick,

“Erick, mimi ni Erica. Nina shida sana na wewe, tafadhali pokea simu yangu. Usinichukie Erick”

Akamtumia na kukaa kwa muda ila haikuingia simu yoyote, muda kidogo akapigiwa na Rahim na kumwambia kuwa ameshafika lile eneo ambalo wamepanga kukutana kwahiyo anamsubiri.

Erica aliinuka na kujiandaa kisha kutoka, akamkuta mama yake sebleni

“Eeeh wapi saa hizi!”

“Naenda kwa rafiki yangu mama”

“Mmmh siku hizi sikuelewi kabisa Erica, kama umepata mchumba mlete tu ajitambulishe kuliko kujificha ficha hivyo!”

“Hamna mama, ni rafiki yang utu. Yule dada wa siku ile”

Alimaanisha kuwa ni Tumaini, na kumfanya mama yake kumruhusu bila ya kinyongo chochote.

Erica alitoka na kuondoka zake, ila kitu pekee ambacho hakukijua Erica ni kuwa siku hiyo Bahati alikuwa nje ya nyumba yao akimsubiri amuone anapoelekea kwahiyo alipotoka na kuondoka, Bahati alimfata kwa nyuma bila yay eye kujua chochote.



Erica alifika hadi alipoahidiana na Rahim, ilikuwa ni hotelini na walikaa mahali Fulani kwenye bustani. Kwakweli Erica alifurahia sana mandhari yale,

“Jamani mbona sijawahio kufika sehemu ya hivi?”

“Ukiwa na mimi utafika kila mahali”

Erica akatabasamu, kisha Rahim aliendelea na porojo zake ambapo cha kwanza kabisa alimuomba Erica simu yake kuwa aangalie picha,

“Mmmh jamani, mbona kuna picha za kawaida tu humu?”

“Naomba hivyo hivyo, nawe chukua yangu uangalie”

Erica hakuona kama ni tatizo kufanya hivyo, akabadilishana simu na Rahim.

Wakati wakiendelea na maongezi, Erica aliomba kwenda msalani na Rahim alimuelekeza, Erica alienda ila alisahau simu yake kwa Rahim.

Huku nyuma simu ya Erica ilianza kuita, Rahim akaitazama ile simu akaona namba imeandikwa Erick, akajua kwa vyovyote vile ni mwanaume, akaipokea

“Hallow”

“Namuomba mwenye simu”

“Una shida nae ipi?”

“Hiyo si simu ya Erica? Namuomba mwenye simu”

“Una shida gani na mke wangu?”

“Erica ni mke wako?”

“Ndio ni mke wangu, wewe una shida nae ipi”

“Aaah basi, mwambie asante”

Ile simu ikakatika, na kumfanya Rahim ajiulize sana kuwa huyo Erick ni nani na anamahusiano gani na Erica.

Basi Erica aliporudi, alianza kupiga nae story akamuuliza,

“Erica una mchumba”

“Kwanini umeniuliza hivyo?”

“Nimekuuliza tu, una mchumba?”

“Aaah hapana sina”

Rahim akapumua kidogo, kisha akaendelea kumwambia Erica

“Je upo tayari kuwa mchumba angu na badae kuwa mke wangu? Tafadhali kubali Erica nakupenda sana”

Kabla Erica hajamjibu Rahim, alifika Bahati kwenye maongezi yao na kusema,

“Nimekuja mbele yako Erica unikane kwa macho yangu kuwa mimi si mchumba wako”





Rahim akapumua kidogo, kisha akaendelea kumwambia Erica

“Je upo tayari kuwa mchumba angu na badae kuwa mke wangu? Tafadhali kubali Erica nakupenda sana”

Kabla Erica hajamjibu Rahim, alifika Bahati kwenye maongezi yao na kusema,

“Nimekuja mbele yako Erica unikane kwa macho yangu kuwa mimi si mchumba wako”

Kwanza ni kitu ambacho Erica hakukitegemea kwahiyo alipigwa na bumbuwazi hivi kwa muda na kujikuta akiwa hana cha kujibu kwa muda kidogo, ila akakumbuka kuwa simu yake ipo kwa Rahim, akamuangalia na kumpa simu yake kisha akamwambia,

“Na mimi nipe simu yangu”

Rahim alimshangaa kwa muda kidogo Erica na kumuuliza kwa mshangao,

“Kwani imekuwaje? Huyu kijana ni nani?”

“Simjui”

Bahati akaongea kwa mshangao,

“Leo hii hunijui mimi Erica sababu ya huyu kijana wa kitajiri? Unanidharau sababu sina uwezo wa kukupeleka sehemu za aina hii Erica? Nilihisi yote haya maana huyu kijana simsahau kabisa toka siku ile beach”

Rahim akashangaa,

“Mlikuwa wote beach?”

“Ndio, huyu Erica ni mpenzi wangu”

Rahim akamuangalia Erica na kumwambia,

“Erica kwanini unakuwa muongo hivyo? Hupendezi kuwa muongo msichana mzuri kama wewe, kumbuka umeniambia hapa muda sio mrefu kuwa huna mchumba, kumbe unaye. Basi sema hapa ni yupi unayempenda kati yetu!”

Bahati akadakia,

“Ukweli ni kuwa Erica ananipenda mimi, ila wewe kakudanganya sababu kakuona ni tajiri”

Erica alichukizwa sana na maneno ya Bahati na kujikuta akiongea kwa jazba,

“Tena wewe Bahati unikome, nikome kabisa. Sijawahi kukupenda maisha yangu yote, nilikuwa na wewe sababu ya kukuonea huruma tu. Katika maisha yangu nampenda kijana mmoja tu anayeitwa Erick, na kwa ujinga wako huu huu umefanya nimkose Erick wangu”

Kisha akachukua mkoba wake na kuondoka, halafu akawaacha pale Rahim na Bahati wakiwa wanashangaa tu. Na wao hawakuweza kuendelea kuongea kwani muhusika alishaondoka na walimuona akipanda bodaboda na kutokomea, kwahiyo waliangaliana kisha Rahim akamwambia Bahati,

“Hakuna haja ya kugombana mimi na wewe ikiwa muhusika ameondoka, hata angekuwepo bado yeye ndio angekuwa na muafaka, sio mimi na wewe”

“Sawa lete simu yake”

“Hukunikabidhi wewe, nitairudisha mwenyewe”

“Usiwe mbishi, jua mimi ni mpenzi wake”

“Ila amekukana mbele yangu kuwa hajawahi kukupenda. Yani tusibishane bure hapa, si wewe wala si mimi anayependwa na Erica bali ni Erick. Kwaheri”

Rahim aliondoka zake, ikabidi Bahati nae aondoke zake ila bado alikuwa hajaridhika na moyo wake.



Erica alirudi nyumbani kwao huku akijua wazi kuwa siku hiyo amechanganya mafaili vilivyo, ila akajisemea,

“Natakiwa kuachana kabisa na mambo ya mapenzi maana yataniumiza kichwa tu. Sitaki tena mapenzi kwasasa, huyu Bahati hapana kwakweli simtaki tena anikome kabisa”

Akaingia chumbani kwake na kuoga, aliporudi kukaa akakumbuka kuhusu simu yake,

“Mungu wangu, simu yangu jamani nitafanyaje na nimemuachia Rahim!”

Akawaza sana kuwa aende muda huo akawaza, kuwa mama yake akirudi bila kumkuta itakuwaje na muda utakuwa umeenda akaona ni vyema aende kesho yake kuchukua hiyo simu yake maana hakuwa na namna.

Alitulia hadi mama yake aliporudi na kumkuta nyumbani, ila alimuona kama binti yake hakuwa na raha kabisa, alimuita na kujaribu kuongea nae,

“Erica vipi mwanangu, mbona unaonesha huna raha?”

“Nilipoenda leo nilisahau simu yangu yani ndio nawaza sasa”

“Sasa kwanini hukwenda kuifata?”

“Niliona muda umeenda sana mama”

“Sawa, basi usiwaze sana utaenda hata kesho kuichukua”

Basi akakubaliana na mama yake kuwa ataenda kesho yake kuchukua hiyo simu, aliona ni vyema kumwambia vile ili kesho akiwa anatoka asiulizwe chochote na mama yake.

Alienda kulala ila kiukweli alikuwa na mawazo sana, aliwaza mno kuhusu simu yake na akawaza pia alivyomjibu Rahim na Bahati na pia akiwaza jinsi ya kuachana na mapenzi kabisa maana yalizidi kuivuruga akili yake.



Kesho yake baada ya kazi zake za hapa na pale alijiandaa kisha akamuaga mama yake na kuondoka, moja kwa moja kuondoka alienda nyumbani kwakina Rahim yani kwa Mrs.Peter, ambaye alimkaribisha vizuri sana, Erica alikaribia ndani ila kabla hajasema chochote, Yule Mrs.Peter alimwambia Erica,

“Tena kuna mzigo wako, bora umekuja leo maana ningesahau bure”

Yule mama alienda ndani kumletea Erica huo mzigo, Erica alijua kwa vyovyote vile ni simu aliyoisahau kwa Rahim ila hakujua ni kwanini Yule mama kamwambia ni mzigo.

Muda kidogo Yule mama alirudi na kiboksi kidogo kwenye mfuko, na kumkabidhi,

“Mzigo wako huo, Rahim alisema nikupe”

“kwani yeye yuko wapi?”

“Rahim hayupo mbona, kasafiri leo ameenda Marekani kuna mambo anaenda kumalizia, alirudi mara moja tu”

“Aaah sawa”

“Basi, kaniachia mzigo wako tu huu anasema sijui siku ile mlivyoondoka mlipitia supermarket ila ukasahau mzigo kwenye gari yake, ndio kakufungia humo”

“Aaah asante sana, nashukuru. Nilijua bado yupo”

“Hapana, kaondoka leo. Yule mwanangu angekuwa na mambo ya wanawake basi ningehisi anataka kukutongoza ila Yule mwanangu namwamini sana, hana kabisa mambo ya wanawake”

“Ila mimi na yeye ni kama dada na kaka”

“Ni vizuri sana hivyo Erica, mi sipendi nione kuna mtu anachezea maisha yako au kuna mtu anachezea maisha ya mwanangu. Nashukuru Mungu mwanangu Yule, sio mlevi, havuti sigara na wala hana maswala ya wanawake, na sijui kama ataweza kutongoza mwanamke yule”

Erica akacheka na kumuuliza tena,

“Unapenda aoe mwanamke wa aina gani?”

“Mwanamke mwenye hofu ya Mungu tu basi, yani huyo atakuwa mke mwema kweli kwa mwanangu”

“Na atampataje ikiwa kutongoza hawezi?”

“Nadhani mwanangu ataoa mzungu Yule sababu wale ndio waelewa hata wasipotongozwa ila sio waafrika hawa, au labda nitamtafutia mwenyewe mwanamke ila mwanangu Yule kutongoza hawezi kabisa, na sijawahi kumuona na mwanamke.”

Erica akacheka tu kisha akaongea ongea kidogo na Yule mama kisha akaaga na kuondoka.

Alikuwa akirudi nyumbani kwao huku akiwaza kuwa kwenye boksi lile kuna kitu gani zaidi ya simu, ila akaamini tu kuwa kuna simu labda Rahim ameweka kwenye boksi lile ili mama yake asijue kama alikutana tena na Erica.



Alifika nyumbani na cha kwanza kabisa ni kuingia chumbani kwake na kufungua lile boksi kuona kuna kitu gani, aliona simu yake halafu kuna boksi lingine, alivyolifungua alikuta kuna simu mpya ya kisasa na kumfanya ashangae sana, kisha kulikuwa na bahasha iliyokuwa na pesa taslimu shilingi laki mbili, kisha kuna karatasi lililokuwa limeandikwa,

“Erica, najua upatapo ujumbe huu sitakuwepo nitakuwa nimeshaondoka. Nakumbuka neno lako ulilosema kuwa unampenda sana Erick ila tambua kwamba na mimi nakupenda sana na nategemea kuwa wewe ndiye utakuwa mke wangu. Achana na watu ambao hawaeleweki kwako kama Yule kijana, sijapenda kujikuta nikibishana eti na Yule kijana tukikugombea wewe, sijapenda kwakweli. Ile sio type yako Erica, nakupenda sana. Nimekupa hiyo simu ya kisasa ili iwe rahisi kuwasiliana, maana humo utapata mitandao ya kijamii na tutawasiliana kwenye facebook, itakuwa rahisi sana. Nimekuwekea na laini yenye vocha kabisa, nadhani itakusaidia kwa siku kadhaa. Erica nakupenda sana, sijamwambia ukweli mama ila nataka nae tumshtukize tu siku nikimwambia kuwa nataka kumtambulisha mchumba wangu, nakupenda sana Erica. Nimerudi Marekani ila tutakuwa tunawasiliana, jitunze Erica, nakupenda sana sana”

Kwakweli Erica alichanganywa sana na ujumbe huu na alichanganywa zaidi na zile zawadi alizopewa na Rahim,

“Mmmh huyu ndio mwanaume sasa, natumai hata mama atampenda. Ila mmmh nampenda Erick sijui nifanyaje?”

Akawaza na kuchukua ile simu mpya aliyopewa na kuiweka kwenye chaji ilia aanze kuitumia.

Aliwasha simu yake ya siku zote na kukuta ikiwa haina jumbe hata moja wala haina simu yoyote iliyopigwa, hapo hakuelewa kuwa inawezekana Rahim amefuta au alibadilisha vitu kwenye simu yake, ila haikumuuma chochote kwani cha msingi alikuwa amepata simu mpya.



Asabuhi alianza kuitumia ile simu mpya, aliipenda sana kwani siku zote alitamani kupata simu nzuri zaidi ila hakuweza kumwambia mama yake kuwa anataka simu nyingine, kwahiyo kitendo cha kupata simu hiyo kiliufurahisha sana moyo wake, akakumbuka kuwa ni Tumaini ambaye alimuona akitumia simu ya aina ile, aliamua kumpigia simu ilia amuelekeze baadhi ya vitu.

Aliongea na Tumaini, naye Tumaini alimuelekeza jinsi ya kufanya kwenye ile simu, kitu cha kwanza kabisa aliitafuta facebook na kujiunga nayo, huku akisubiri kwa hamu pale ambapo Rahim atamtafuta, ila rafiki yake wa kwanza facebook alikuwa ni Tumaini na kumshauri aweke picha zake mbali mbali kwani ndio itakuwa rahisi kwa watu kumfahamu.

Siku hiyo alijiweka vizuri kabisa na kuchukua ile simu kisha kujipiga picha kadhaa na kuziweka kwenye facebook,

“Mmmh hapo atajua tu ni mimi”

Simu yake ya kawaida ikaanza kuita, akaona anayepiga ni Bahati, na kumfanya achukie sana ila akapokea,

“Erica jamani, Erica mpenzi wangu nakupenda sana”

“Bahati, tafadhari achana na mimi”

“Kwahiyo Erica ulienda kwa Yule jamaa kuchukua simu au alikuletea kwenu?”

“Hayakuhusu”

“Erica, wewe ni mwanamke wa muhimu sana kwangu. Kumbuka mimi ni mwanaume wako wa kwanza Erica”

“Hivi wewe una kichaa nini? Hukuwa mwanaume wangu wa kwanza wewe, ulikuwa watatu”

Erica akakata ile simu huku akisema kuwa Yule asimzoee zoee, kwani alikuwa yupo makini na kutafuta marafiki kwenye mtandao wa facebook yani siku hiyo hata akasahau kufanya majukumu yake mengine sababu ya simu.

Mamake akamuita maana ilikuwa ni jioni na siku hiyo mama hakumuona kabisa Erica akitoka nje zaidi ya mara moja moja tu,

“Erica, hivi umekula wewe leo?”

Erica akagundua kuwa siku hiyo hata kula hakula kwani alikuwa na simu tu akihangaika nayo kila kurasa akiangalia vitu mbali mbali.

“Vipi mwanangu unaumwa?”

“Hapana mama”

“Sasa mbona upo hivyo?”

Hakuwa na jibu la kumpa mama yake kwahiyo kwa kujigelesha ilibidi aende jikoni na kuanza kufanya kazi za hapa na pale.

Kisha akarudi chumbani kwake kwa lengo la kulala ila hakulala mapema siku hiyo kwani alijikuta na simu tu ingawa mtu pekee aliyekuwa akiwasiliana nae kwa muda huo alikuwa ni Tumaini, ila muda mwingi alikuwa akiwaza kuhusu Rahim na kujaribu kumsahau Erick,

“Hata hivyo natakiwa kumsahau kabisa Erick, kwanza hawezi kunisamehe maana amenihisi kuwa na tabia mbaya. Ila pia nikimkataa mwanaume kama Rahim nitaonekana ni msichana mjinga sana kati ya wasichana wote, hivi ni nani asiyependa mwanaume anayejua kuhonga? Kila mwanamke anatamani ampate mwanaume anayejua kuhonga kama Rahim, hebu ona sifahamiani nae vizuri ila kapata uthubutu wa kuninunulia simu na kunipa pesa. Erick nampenda ndio, na hela anazo ila hajawahi kunihonga tofauti na huyu Rahim ambaye hata hanijui vizuri, nadhani huyu ndiye mwenye upendo. Ila sijui nitamsahau vipi Erick!”

Aliwaza waza kiasi, yani kwa wakati huo Bahati hakuwepo hata kidogo kwenye akili yake, alishamfuta kabisa. Kisha akalala.



Kulipokucha aliamka na kuendelea na shughuli za hapa na pale, kisha alipomaliza alienda tena chumbani na kuzama kwenye simu yake. Ila leo mama yake alimuita tena na kumkalisha kitako,

“Erica mwanangu kakuona upo busy sana, ngoja nirudie hoja yangu niliyokugusia gusia siku zilizopita. Kwenye nyumba yangu sitaki uniletee mwanaume aliyechoka, yani mwanaume asiye na uwezo sitaki umlete yani ukithubutu nitamtoa na panga kwakweli”

“Jamani mama”

“Jamani nini? Unajua kwanini nimekwambia hivi?”

“Sijui mama”

“Nimekwama kwenye hela zangu za vikoba huko, sasa kila siku namtegemea Bite tu maana ndio kaolewa na mwanaume anayeeleweka ila dada yenu Mage uuuh sijui alikumbwa na zimwi gani, kaolewa na mwanaume hana mbele wala nyuma. Leo nimewapigia simu kuwa nimekwama hela ya kikoba wanasema hawana hela, yani wameniudhi sana, hivi kila siku nimtegemee Bite tu wakati nina watoto wengine? Huyo kaka yenu naye ameenda kuoa masikini huko yani wanamtegemea yeye tu, Erica tafadhari sana usije ukaolewa na waliochoka. Umenielewa eeh!”

“Nimekuelewa mama”

“Haya sasa, kaendelee na shughuli zako ila jua kabisa mauza uza siyataki kwenye nyumba yangu. Hapa nina mawazo kweli na hela ya kikoba”

Erica aliingia ndani na kutoka na elfu hamsini kisha akamkabidhi mama yake, kitendo hiko kilimfurahisha sana mama yake,

“Jamani huyu mkwe aliyekupa hizi pesa ndio namtaka kwakweli, ila tutaongea vizuri ngoja niende kwenye kikoba kwanza”

Mama yake aliondoka kisha Erica akaenda chumbani na kuendelea kuperuzi mtandao wa facebook.

Leo alipigiwa simu na namba mpya, aliipokea kwa shauku sana maana ilikuwa ni namba ya marekani na akahisi tu atakuwa ni Rahim, na kweli alikuwa ni yeye, Erica aliongea nae huku akicheka cheka tu.

“Naona umefurahi sana Erica!”

“Ndio nimefurahi”

“Furahi mama na jua kwamba Rahim anakupenda sana”

Erica alizidi kutabasamu, kisha Rahim akamuuliza Erica kama ameshajiunga na mtandao ambapo alimkubalia na kuamua kuhamia kwenye mtandao sasa na kuendelea kuwasiliana nae.

Erica alitabasamu muda wote alipokuwa akiwasiliana na Rahim, kwa wakati huo alianza taratibu kusahau kuhusu uwepo wa Erick, ingawa akimtaja anahisi kumkumbuka ila alijitahidi kwa kadri awezavyo amsahau kabisa. Simu yake ya kawaida iliita mara kwa mara na mpigaji alikuwa ni Bahati, Erica aliamua kuizima ili kuepuka usumbufu.

Aliwasiliana sana na Rahim siku hiyo kwa njia ya ujumbe bila ya kujua kuwa kule aliko Rahim kumekucha na kwao ni usiku, aliwasiliana nae sana hadi kuja kushtukia ni saa kumi na moja kasoro,

“Mmmh nimekesha jamani”

Ikabidi amuage Rahim na kulala.



Asubuhi aliamshwa na mama yake, kwenye mida ya saa nne,

“Erica, umelala mpaka muda huu kweli? Hebu njoo kuna kijana anakuulizia na wala simuelewi”

Erica aliinuka na kujiuliza kuwa ni nani huyo aliyekuwa anamuulizia, aliamka na kuvaa, kisha akatoka kumuona aliyekuja kumuulizia, alishangaa kuona ni Bahati ndio yupo sebleni akimsubiria.





Asubuhi aliamshwa na mama yake, kwenye mida ya saa nne,

“Erica, umelala mpaka muda huu kweli? Hebu njoo kuna kijana anakuulizia na wala simuelewi”

Erica aliinuka na kujiuliza kuwa ni nani huyo aliyekuwa anamuulizia, aliamka na kuvaa, kisha akatoka kumuona aliyekuja kumuulizia, alishangaa kuona ni Bahati ndio yupo sebleni akimsubiria. Yani Erica alishindwa hata cha kusema na alishindwa jinsi ya kushangaa maana alikuwa anaona maajabu tu ya huyu Bahati, alisimama akimuangalia, mama yake Erica nae alikuwa ametulia pembeni akisubiri utambulisho ila alishangaa kuona kimya kikitawala, Bahati aliamua kutoa ule ukimya,

“Erica, mambo vipi?”

Erica alisogea na kumshika mkono Bahati kisha kutoka nae nje, mama yake alikuwa pale pale sebleni akishangaa tu.

Erica alifika nje na Bahati na kumwambia

“Umekuja kufata nini wewe?”

“Nimekufata wewe Erica”

“Si nishakwambia sikutaki”

“Erica nakupenda”

Akapiga na magoti huku akitaka kulia, Erica akaona hilo balaa lisije kuonekana na mama yake akamuinua pale chini na kumtaka aondoke,

“Erica sitaondoka hapa hadi uniambie kuwa unanipenda”

“Haya nakupenda, basi nenda”

“Erica, niahidi kwamba utapokea simu zangu”

“Ndio nitapokea, haya kwaheri”

Bahati alisogea ili ambusu Erica ila Erica alisogea kwa nyuma kidogo akiashiria kuwa hataki busu la Bahati, ila aliamua kumuaga kwa uzuri ili asimtie aibu kwa mama yake.

Aliporudi ndani tu, mama yake alimuuliza,

“Erica, ni nani Yule?”

Erica alifikiria kidogo na kumjibu mama yake,

“Yule ni kijana anayenileteaga samaki hosteli sasa nilimuelekeza kwetu ndio leo amekuja kupafahamu”

“Jamani, sasa mbona hujanitambulisha na unajua fika mama yako napenda samaki? Mwambie awe ananiletea”

“Sawa mama nitamwambia”

Erica aliitikia ila kiukweli hakupanga kumwambia kabisa Bahati kwani alijua wazi kwa jinsi Bahati anavyopenda sifa basi yupo tayari kupeleka samaki kila siku ilimradi apendwe.



Alirudi ndani kujiweka sawa kwa siku hiyo maana hata kuoga hakuoga, kwahiyo alienda kuoga na alipomaliza alivaa kabisa na kutoka tena sebleni, mamake akamwambia,

“Mwanangu, Yule kijana ametuletea samaki”

Erica alishangaa sana kuwa Bahati amejuaje kama mama yake anataka samaki, na amewezaje kuwapata kwa muda mfupi vile, alijiuliza sana ila alitabasamu tu kwa mama yake.

Aliporudi ndani alimpigia simu Bahati na kumuuliza kuhusu samaki alizozileta,

“Nilirudi nje kwenu na nikasikia uliyokuwa ukiongea na mama yako, najua usingeniambia Erica ndiomana nilijiongeza na kuleta wale samaki”

“Yani wewe akili zako loh!”

“Usinifikirie vibaya Erica, familia yako ni sawa na familia yangu ndiomana nikafanya hivyo”

“Haya kwaheri”

Erica alikata ile simu na kujiuliza kuwa huyu Bahati ataacha usumbufu wake lini, maana alishangaa kuwa ni mtu wa aina gani anakataliwa lakini bado anang’ang’ania.

Na ikawa vile mara kwa mara alipeleka samaki kwakina Erica kiasi kwamba mamake Erica alimzoea vilivyo hadi pale Erica alipofungua chuo na kurudi hosteli bado Bahati alikuwa akipeleka samaki nyumbani kwakina Erica.



Safari hii Erica hakuwa na marafiki wa kuongea nao zaidi ya kuongea na Tumaini na kumalizana na simu yake baada ya masomo, leo Tumaini alimuuliza

“Erica, ulichukua namba ya Erick vipi uliishia nae wapi maana Sia anaulizia”

“Erick hajawahi kupokea simu yangu hata mara moja”

“Ila nae ana facebook mtafute, andika tu Prince Erick utaona picha yake. Mule anaweza akakujibu”

“Sawa, nitajaribu”

Hakutumia muda mwingi sana kuongea sababu muda wake uliishia kwenye masomo na kwenye simu.

Siku ya leo alitafutwa na dada yake Bite, ambapo alionana nae na kuongea nae,

“Mdogo wangu dadako natafuta msichana wa kunisaidia kazi za ndani, niulizie ulizie huko”

“Dada msichana wa kazi wa nini na wakati pale mko wawili tu wewe na shemeji?”

“Dada yako nina ujauzito, yani unanisumbua huo balaa”

“Kumbe! Ila mimi nilikuwa sishauri kuweka mdada wa kazi”

“Kwanini?”

“Bora hata uweke mkaka wa kukusaidia”

“Mkaka? Shemeji yako hawezi kukubali huo ujinga, niulizie bhana mdada anisaidiage”

“Wadada siwaamini dada, unaweza shangaa akakusaidia vyote. Unashangaa akamchukua na mumeo”

“Unaongea nini wewe Erica, mume wangu unamchukulia kirahisi eeh! Sio wa hivyo shemeji yako anajiheshimu sana, na pia ananipenda sana mimi yani mimi ndio kila kitu katika maisha yake”

“Dada naomba nikuulize tu, hivi ni kitu gani kilikufanya ugundue kuwa shemeji anakupenda sana?”

“Mume wangu si mtu wa wanawake, na alinikuta bikra akaniambia Bite sitakuja kutembea na mwanamke mwingine yeyote zaidi yako, mume wangu hata akisafiri na kukaa miaka hata miwili najua anavumilia mpaka arudi kwangu. Muombe sana Mungu akupe mume wa dizaini hii, mwenye upendo wa kweli”

“Wewe dada una uhakika gani kuwa hanaga wanawake wengine zaidi yako?”

“Erica, naona unaanza mada zisizoeleweka. Wewe elewa tu kuwa ananipenda mimi tu na hana mwanamke mwingine zaidi yangu”

Ilibidi Erica asiongee zaidi maana yeye kwa siku chache alizokaa na shemeji yake aliona kuwa ana tabia zisizofaa kwahiyo swala la dada yake kumsifia kiasi kile lilimchanganya sana, aliongea ongea nae pale na kumuahidi kumsadia ila kiukweli hakupanga kumsaidia wala nini ila alimpa moyo tu kwani alielewa tabia ya shemeji yake kuwa lazima atapita na huyo dada wa kazi.



Erica alifikiria sana kuhusu wanaume, alifikiria zaidi kuhusu dada yake aliyekuwa anajiona anapendwa asilimia mia moja wakati mwanaume mwenyewe anamtongoza hadi mdogo wake, aliwaza sana,

“Naweza nikaona Rahim ananipenda sana ila nyuma ya pazia kumbe ana wanawake wengi, ila mama yake alisema kuwa hana maswala ya wanawake. Kwa upande wa Erick, ni kweli ananipenda nampenda ila Yule kashakuwa na wanawake wa kila aina ataacha kweli? Mwenye asili haachi asili, kwa upande wa Bahati, naona huyu mtu ni msumbufu tu na sidhani kama ataacha usumbufu kwangu, labda nikiolewa ndio atakoma”

Aliwaza sana kuhusu wanaume na kukosa jibu la moja kwa moja, akiwa pale hosteli aliambiwa kuwa kuna mgeni wake anamuita nje.

Erica alitoka, na kumkuta George, akamshangaa

“Kheee George si umemaliza chuo wewe?”

“Ni kweli nimemaliza chuo ila kuna kitu bado sijakikamilisha na kinaumiza sana moyo wangu”

“Kitu gani hiko?”

“Niliahidi kukuoa Erica, na sijafanya hivyo kwakweli moyo unaniuma sana”

“Hata usiumie, mimi sina mpango tena wa kuolewa”

“Kwanini Erica?”

Kabla hajamjibu alitokea Bahati, kiukweli kipindi hiki Erica alikuwa hata hapendi kumuona Bahati kabisa kwahiyo kile kitendo cha kumuona tu pale alijua ni wazi lazima atapaniki kwa kumuona amesimama na mwanaume, Erica alimuacha George pale kasimama kisha akaondoka zake na kumuacha George akiwa amesimama pale, muda ule Bahati nae alikuwa na hasira sana kwahiyo alihisi moja kwa moja ni Yule anayemsumbua Erica kwa kipindi hiko ndiomana Erica hataki kumuona tena.

Bahati alienda moja kwa moja alipo George na kumkunja, hata George alimshangaa sana Bahati, ambapo Bahati akampiga ngumi George iliyomuangusha hadi chini na kisha kuanza kumshambulia ila George hakumgusa popote Bahati, watu wakaanza kujaa lile eneo la tukio na mwisho wa siku walinzi wa pale hosteli walisogea na kuwakamata kisha wakawapeleka kituo cha polisi.

Ikawa gumzo pale hosteli kuwa vijana wawili wamepigana sababu ya Erica, ila Erica mwenyewe alikuwa ndani na wala hakufatilia kilichotokea nyuma.



Alienda msichana mmoja na kumwambia Erica,

“Kheee Erica, ama kweli wewe ni kiboko yani inatokea mpaka wanaume wanapigana kwasababu yako!”

“Wanaume gani?”

“Ina maana kelele za hapo nje hujazisikia?”

“Kelele gani? Sijasikia chochote”

“Wale wanaume zako uliowaacha nje, wamepigana sababu yako. Wewe ni noma Erica? Mmmh nipe siri ya mafanikio, na mimi nataka wanaume wapigane sababu yangu”

Erica akacheka tu, na kuamua kutoka nje ili akaone kuwa imekuwaje, alipokuwa nje aliona kuna askari mmoja kafika kumbe alikuwa anamuulizia yeye mwenyewe, kwahiyo akachukuliwa na kupelekwa kituoni.

“Erica, vijana hawa wameletwa na imesemekana kuwa wamegombana kwasababu yako. Je una mahusiano nao wote?”

“Hapana, kwanza siwajui. Mimi nina mtu wangu”

Polisi wakaandika maelezo ya Erica na kumpa ruhusa aondoke. Aliondoka ila hakutaka tena kurudi hosteli, siku hiyo alimpigia simu dada yake Mage ili aende kwa dada yake huyo akalale huko sababu hakutaka kurudi hosteli na hakutaka kwenda nyumbani kwao kwani alihisi kuwa mama yake angemuuliza maswali mengi sana ukizingatia sio mwisho wa wiki na kwenda kwa dada yake Bite alipopazoea hakutaka kwani bado alikuwa na hofu na Yule shemeji yake.



Erica alifika kwa dada yake Mage kwenye mida ya saa kumi na mbili jioni, na dada yake alimkaribisha vizuri sana,

“Kwa mara ya kwanza leo umeamua kuja kwangu kulala? Unanitenga sana mdogo wangu”

“Nisamehe dada”

“Haya, usijali karibu. Ila mimi ni dada yako, mimi ndio dada yako mkubwa, hutakiwi kunikwepa”

Basi Erica alikaribia pale kwa dada yake na kuongea ongea nae, kisha watoto wa dada yake walifika kumsalimia maana alikuwa na watoto watatu, na aliona jinsi watoto walivyokuwa wakubwa. Walipoondoka akamuuliza dada yake,

“Ila kwanini wanao huwa huwaleti nyumbani waje kukaa na bibi yao?”

“Mdogo wangu, hujui tu. Mama ni mama yetu, napenda sana kumletea wajukuu zake akae kae nao ila mama alinisema toka siku naolewa hakumpenda mume aliyenioa kabisa ila alikubali tu sababu nilikuwa mjamzito”

“Kheee kumbe uliolewa na mimba?”

“Ndio, niliolewa na mimba mdogo wangu”

“Sasa mbona mimi mlienda kunitoa mimba?”

“Erica, sitaki upitie tuliko pitia wengine. Napenda umalize shule, ndio uolewe na kuzaa. Hapo unakuwa kwenye maisha yenye furaha sana , tofauti na kuishi kwa stahili hii”

“Mmmh dada jamani, kwahiyo nyie mnataka niolewe mwanaume wa aina gani?”

“Swala sio kuolewa na mwanaume gani, swala ni kutokupata mimba kabla ya ndoa. Subiri uolewe kwanza, kuna njia nyingi tu za kujizuia kupata mimba”

“Ila wewe binafsi ungependa niolewe na mwanaume wa aina gani?”

“Mimi sikuchagulii mwanaume
wa kuolewa nae, ila kwa ushauri wangu ukitaka kufurahia maisha basi olewa na mwanaume anayekupenda kwa dhati. Kwa hakika hutojutia maisha yote”

“Na nitamjuaje mwanaume anayenipenda kwa dhati?”

“Siku uje tena nikupe darasa kabisa la mapenzi, ila kwa leo tuendelee na mada zingine.”

Erica alitamani sana dada yake amwambie jinsi ya kumjua mwanaume anayempenda kwa dhati ila aliamua asikilize shauri lake kuwa atamueleza siku nyingine, kwahiyo akazungumza nae mazungumzo mengine kabisa kwa wakati huo, na mwisho wa siku walienda kula na kulala. Erica alielewa kwanini mama yake anataka wanaume wenye hela sababu mazingira aliyokuwa akiishi dada yake hayakuvutia kabisa, na alilala sababu ni kwa dadake ila ingekuwa vinginevyo asingelala pale, ila alimuheshimu sana mume wa dada yake kwani mwanaume huyu siku zote alimuona Erica kama mtoto wake, na akiongea nae ni kama baba anaongea na mtoto na si vinginevyo, Erica alijisemea moyoni,

“Mtu anaweza asiwe na pesa nyingi ila akawa na mapenzi ya dhati, na mtu anaweza akawa na pesa na akakosa mapenzi ya dhati. Nadhani mapenzi ni jinsi mtu anavyofanya yeye mwenyewe tu, ni tabia ya mtu bila kujali kipato chake”

Basi kesho yake akajiandaa vizuri na kuwaaga kisha kurudi hosteli ambapo alienda kubadilisha nguo na kwenda chuo.



Alivyofika chuo, alipishana na Dora ambaye alimfata nyuma,

“Erica”

Erica akasimama na kumsikiliza kuwa anasemaje,

“Erica, ulichofanya sio sawa”

“Kitu gani hicho?”

“Yani unasababisha George apigwe na kijana asiyeeleweka halafu polisi unajifanya kumkana George?”

“Sikia Dora, habari za George kwangu zilishafutika hata nashangaa kwa wewe kuzifufua tena, George sina mahusiano nae kwahiyo polisi ningekubali kuwa nina mahusiano na George? Siwezi, na sijamwambia anifatilie kayataka mwenyewe”

“Erica najua humjui George vizuri, ila nikwambie tu George hawezi kuridhika kwa ulichomfanyia na atakukomesha.”

“Usinitishe Dora, kwahiyo atanifanya nini?”

“Sikutishi ila nakwambia ukweli halisi, George huwa hapendi ujinga kabisa, na kwa mambo haya ya kijinga uliyomfanyia utajutia”

“Hebu achana na mimi Dora”

“Sawa ila George atakufanya kitu kibaya wewe, hutakuja kusahau katika maisha yako”

“Nimekwambia achana na mimi Dora, siogopi chochote.”

Kisha Erica akaondoka zake na kuelekea kwenye kipindi, alipomaliza kipindi kuna mkaka alimfata nyuma na kumshika mkono.

“Samahani dada, naitwa Derick sijui wewe unaitwa nani?”

Erica alimuangalia vizuri huyo aliyejitambulisha kwake maana jina kidogo tu liendane na Erick, akamuangalia sana na kumwambia

“Naitwa Erica”

“Nafurahi kukufahamu, naweza kupata mawasiliano yako?”

Katika swala ambalo lilikuwa halimpi shida Erica ni swala la kutoa mawasiliano yake, yani kwa yeyote aliyehitaji mawasiliano yake alimpa ila swala la kutongozwa ndio alikuwa anaangalia sana mwanaume mwenye mvuto ndio amkubali.

Kwahiyo alimpa namba Derick bila ya tatizo lolote lile, naye Derick alimshukuru sana Erica kisha akaagana nae.



Erica alirudi hosteli na jioni ya siku hiyo alikuwa na kipindi kwahiyo alienda tena chuo, muda anaenda alipigiwa simu na namba mpya na mwenye ile namba alijitambulisha kuwa ni Derick.

“Naweza kuonana nawe muda huu Erica?”

“Hapana nina kipindi”

“Basi ukitoka kwenye kipindi”

“Hapana, nitaenda kulala hosteli”

“Basi naomba nije nikusindikize hosteli tu”

“Hapana, usijisumbue”

Kisha Erica akakata ile simu, na kuingia kwenye kipindi. Alipotoka alishangaa akiitwa na aliyekuwa akimuita alikuwa ni Dora, akasimama na kumsikiliza kuwa amemuitia nini.

“Erica, nakuomba tumalize tofauti zetu”

“Dora, mi nilishamalizana na wewe ila kuwa tena marafiki mimi na wewe hilo haliwezekani na halitawezekana kamwe”

Dora bado alikuwa akimbembeleza Erica huku akimpa maneno mbali mbali, kiasi kwamba kuja kushtukia, chuo kilikuwa kimya kabisa na kuona kamavile kabakia yeye na Dora tu. Ikabidi Erica amuage Dora kuwa anaondoka,

“Huogopi peke yako?”

“Siogopi”

Kiukweli alikuwa anaogopa ila hakutaka kumwambia Dora kwamba anaogopa, Dora akawa anacheka tu maana yeye alikuwa anaishi ndani ya hosteli za chuo ila Erica alikuwa akiishi hosteli za nje ya chuo.

Erica aliondoka pale huku akitembea haraka haraka, alisikia kuna mtu anamuita nyuma yake ila hakutaka kusimama kabisa kwani alikuwa na uoga sana, ila kufika mbele alikuta kuna vijana watatu wamemzingira na kumfanya aogope zaidi, na kabla hajafanya chochote alitokea George mbele yake, yani akiwa ni kijana wa nne.



Erica aliondoka pale huku akitembea haraka haraka, alisikia kuna mtu anamuita nyuma yake ila hakutaka kusimama kabisa kwani alikuwa na uoga sana, ila kufika mbele alikuta kuna vijana watatu wamemzingira na kumfanya aogope zaidi, na kabla hajafanya chochote alitokea George mbele yake, yani akiwa ni kijana wa nne.

Uoga ulimzidi zaidi Erica, ila George alimsogelea na kumnasa kofi kisha akamkunja na kumwambia,

“Leo nadhani utataja jina la marehemu baba yako, maana leo tunaenda kukubaka wote wane”

Erica machozi yakamtoka, akashtukia akipigwa teke tu na kuanguka chini yani pale pale wale vijana walianza kumvua nguo kwa nguvu sana, huku George akitelemka chini na kuwa wa kwanza kumuingilia, Erica alitamani kupiga makelele ila mkaka mmoja alitumika kumziba mdomo Erica huku mwingine akimshika mikono na mwingine akimkamata miguu na kufanya iwe ngumu hata kufurukuta, Erica alikuwa akiugua moyoni na kumuomba Mungu muujiza utokee. Ila gafla alitokea mtu mbele ya wale vijana akiwa na mbwa na kuanza kuwabwekea huku akimfata George ambaye alikuwa chini na Erica na kumng’ata kwenye makalio, kitendo hiko kilifanya wale vijana wengine wamuachie Erica na wakimbie na George nae alimuachia Erica na kukimbia ambapo yule mbwa alikuwa akiwambiza.

Kisha aliinama Yule kijana aliyeenda na mbwa na kumuinua Erica pale chini huku akimpa pole kwa kilichotokea, kwakweli Erica alishangaa sana moyo wa huyu msamalia ila kwa wakati huo hakumgundua sababu ya mawenge ya kutaka kubakwa, Yule kijana alimsaidia Erica kujisitiri nguo zake kisha kumsaidia kutembea hadi walifika mahali penye mwanga karibu na hosteli, Erica alimtazama Yule kijana kumshukuru, akashangaa sana kuona Yule kijana alikuwa Derick, alimshukuru sana kwakweli na kumuomba akapumzike kwanza kuwa atazungumza nae kesho, ila Derick aliongozana na Erica hadi alipofika kwenye mlango wa chumba cha Erica ndipo akaondoka zake.



Erica alienda kubadilisha nguo na kuoga, kisha kurudi kitandani yani siku hiyo hata hamu ya kula hakuwa nayo alikuwa akijitafakari tu,

“Kwahiyo asingetokea Yule Derick ningebakwa na vijana wane leo, duh ningekuwa mtu kweli? Hivi kwanini wanaume wana tabia za hivi jamani, huyu George aliuumiza sana moyo wangu, na ni yeye aliyefanya hadi nimeangukia kwa Bahati sababu ya mawazo, leo hii ananifata tena mimi, anagombana na Bahati halafu anataka kunifanyia mimi mambo ya ajabu. Kwani mimi kibaya nilichofanya kwake ni nini? Hivi amesahau kuwa aliniacha mahali hata nauli ya kurudia sina jamani? Kwanini lakini wanaume wanakuwa hivi?”

Aliwaza sana Erica na kujihurumia, yani siku hiyo hata hamu ya kuwasiliana kwenye facebook hakuwa nayo maana moyo wake bado ulikuwa unatetemeka kwa kile kitendo kilichotokea.

Aliamua kulala tu muda huo maana alikuwa na uoga balaa, asubuhi na mapema aliamka na kilichomuamsha ni simu ya Derick aliikariri namba yake sababu alimpigia jana yake, akaipokea

“Erica samahani ila naomba nikufate twende hospitali ukapime ili uangalie kama wale vichaa hawajakuwekea madhara, na kama kuna madhara basi upate dawa mapema”

Erica aliona ni ushauri mzuri aliopewa na Derick kwahiyo alikubali na kujiandaa kisha Derick akampitia na kwenda hospitali kupima.

Walipima na kukutwa hana maambukizi yoyote ila alipewa dawa tu za kumzuia endapo kuna vilivyokuwemo na kutajiwa siku nyingine ya kuenda tena hospitali.

Waliondoka pale hospitali kisha Derick kumwambia Erica kuwa waende mgahawani wakapate jambo kitu cha kula maana walikuwa hawajala kitu chochote.



Walikaa mgahawani na kuanza mazungumzo ambapo Erica aliendelea kumshukuru sana Derick na kumuuliza kuwa alijuaje kuwa yupo mashakani,

“Sikia Erica, kwanza utambue kuwa nakupenda na yote haya nimefanya sababu ya upendo wangu kwako”

Erica hakujibu chochote ila aliendelea kumsikiliza,

“Erica, mimi sikukutana na wewe muda ule ulipomaliza kipindi ila nilikuona muda tu na yule rafiki yako, nikakupenda na muda ule kipindi kimeisha nilikufata na kukuomba namba, nashukuru ulinipa. Sasa kuna muda nilimuona Yule rafiki yako uliyekuwa unaongea nae ule mchana, nilimkuta mahali akiongea na mkaka mmoja hivi, nikamsikia akisema nitamgelesha ili achelewe na awe peke yake wakati wa kuondoka na iwe rahisi kwenu. Sikuelewa ila nilihisi kama unaongelewa wewe, nilijiuliza ni kitu gani wanapanga kwako, sikupata jibu ndipo nilipoamua kukupigia simu jioni, nikiwa na lengo la kuzungumza na wewe ila ulisema kuwa una kipindi, nikakuomba kuwa nikusindikize ukitoka kwenye kipindi ila ulikaa, nilijisikia vibaya kwakweli na nikasema niache tu kama ilivyo. Ila kadri nilivyokaa ndivyo moyo ulivyoniuma, nikaamua kupigia simu tena ili nikutahadharishe hata kwenye simu ila sikukupata hewani, nilijua ni sababu ya kwenye kipindi ndiomana umezima ila sikuwa na raha kabisa, nilirudi ninapokaa bado sikuwa na raha, nilipoona ni mida ya kutoka kwenye kipindi nikaamua kuja tena chuoni kukusubiri, nikaona umetoka na Yule rafiki yako akiongea na wewe nilisema sitaondoka hadi nijue mwisho wake, sikutaka kukufata pale sababu nilihisi huwenda ukanishushua, najua ilichukua mud asana hadi wewe kuondoka, ulipokuwa unaondoka nilikuita ila hata nyuma hukugeuka ndio nikashangaa mbele umezingirwa na vijana, nikajua wale ndio walipanga kukufanyia vibaya wewe, nilijua peke yangu nisingeweza ila kwavile mimi huwa naelewana sana na mbwa sababu nishawafuga sana, nilisogea sehemu yenye mbwa na kumpa ishara kisha nikaja nae na kukuokoa wewe”

“Dah! Kwakweli Derick una upendo wa ajabu na una utu sana, nashukuru kwakweli nashukuru sana, maana bila wewe sijui ningekuwa wapi muda huu”

“Asante pia Erica, ila nakupenda sana Erica, tafadhali usinikatae”

“Ila nina mchumba tayari”

Derick akashtuka kidogo na kumuuliza,

“Yuko wapi huyo mchumba?”

“Yupo Marekani”

“Erica, ngoja nikwambie kitu. Unaweza sema naongea tu ila ndio ukweli ulivyo, mwanaume wa mbali utawasiliana nae ndio na atakwambia anakupenda ila hakuna mwanaume anayeweza mahusiano ya mbali hivyo. Lazima huko Marekani ana wanawake ila kwasababu wewe anakuhitaji pia lazima akwambie anakupenda”

“Mmmh!”

“Ndio ilivyo, ila hata hivyo huyo sio mume kwahiyo bado hawezi kunikosesha nafasi ya kuwa na wewe. Huwezi jua Erica, labda mimi ndio Mungu amekupangia niwe mume wako, huwezi jua ni kwanini Mungu amenituma nikufatilie hadi nikuokoe”

“Mmmh!”

“Usigune Erica, nakupenda. Mapenzi mazuri ni mtu umuone, akuonyeshe mapenzi ya dhati sio ya kuwasiliana, nakwambia huyo jamaa atakuliza bure, wanaume wa kweli tupo. Usihangaike kunijibu sasa ila nakupa muda ufikiria na uone jinsi gani Mungu anataka tuwe pamoja”

“Sawa, ngoja nifikirie basi”

“Ila usipange kunikataa Erica, nakupenda sana”

Kisha Erica akamuomba Derick arudi hosteli tu naye Derick alimsindikiza hadi hosteli na kumwambia,

“Erica ukiwa na kipindi cah jioni mpaka usiku uwe unaniambia tafadhali ili niwe nakuja kukusindikiza”

“Sawa”

Kisha akaagana nae na kuelekea kwenye chumba chake.



Erica aliwaza sana, kwanza aliwaza kuhusu Dora kuwa msichana aliyemuamini kuwa ni rafiki yake siku zote ndio amekuwa adui yake namba moja hata baada ya kuacha urafiki naye, alishangaa kwakweli kuwa hata angepatwa na matatizo Yule rafiki yake angepata faida gani, alishangaa sana. Ila pia alifikiria kuhusu Derick kuwa atamkubali vipi wakati siku hizi mawasiliano yake na Rahim ni motomoto, ndio Rahim ni mpenzi wa kuwasiliana nae tu ila Derick amemsaidia sana na anadai kumpenda sana, je anamkataaje na je atakubali vipi kuwa na mahusiano na wanaume wawili yani alijiona yupo njiapanda kabisa.

Alikuwa na kipindi, akaenda kwenye kipindi ila alipotoka alienda kwa Tuamini maana ni siku nyingi kidogo hakuonana nae, alimkuta na wakaongea mengi sana ila kubwa zaidi lililomshtua ni pale Tumaini alipomwambia habari za Erick,

“Yani nimefurahi kuhusu mdogo wangu Erick”

“Kafanyaje tena?”

“Erick kaachana na Sia, ila sijamlaumu sabau Erick hajawahi kumpenda Sia”

Hii habari ilikuwa nzuri sana kwa upande wa Erica na kutaka kujua zaidi

“Kheee au kampata huyo msichana wake anayempenda?”

“Yule tahira, mama wa marehemu loh! Erick hawezi kumrudia Yule mama wa marehemu hata kwa dawa. Ila huwezi amini, Erick amesema amepata mwanamke kule Afrika kusini na wanapendana sana, amesema akirudi atarudi kumtambulisha kwetu. Amenitumia na picha zao, inaonyesha wanapendana sana yani Erick hataki hata kuongelea habari za mama marehemu, nimefurahi sana kwa mdogo wangu kupata faraja ya moyo”

Kisha Tumaini akafungua simu yake na kuanza kumuaonyesha Erica picha za Erick na huyo mwanamke, Erica alitabasamu tu ila kiukweli hizi habari zilichoma moyo wake, alijihisi wivu uliopitiliza, alihisi kama tumbo lake likiungurumisha, kiukweli alikosa raha kabisa. Muda ule ule aliamua kumuaga Tumaini na kuondoka.

Alirudi hosteli, akaenda chooni na kulia sana, kwani ingawa alikuwa anawasiliana na Rahim ila ukweli kwenye moyo wake ulibaki pale pale kuwa alimpenda sana Erick,

“Yani Erick nimekupigia simu hutaki kupokea, nimekutumia ujumbe hutaki kunijibu jamani Erick kumbe ushaamua kuanzisha maisha na mwanamke mwingine? Erick, nitakuwa na mahusiano mengi kila leo ila ukweli uko pale pale, nakupenda sana Erick, nakupenda sana”

Alikuwa akiongea mwenyewe chooni huku akilia sana kwani hakutegemea kabisa kupata habari kama zile kuwa Erick kashaamua kuwa na mwanamke mwingine na kapanga kumtambulisha akirudi kwao,

“Kumbe ndiomana Erick hutaki kwenu wanijue, yani hata dadako hukutaka ajue kama mimi ni mwanamke unipendaye. Hukunipenda Erick kweli hukunipenda kabisa, umeona huko wasichana wazuri umenisahau kabisa mimi”

Alikuwa akilia huku akiwaza sana, akajikuta kwa muda huo akimchukia hata Rahim,

“Hata Rahim nae ni kama Erick tu, sababu angekuwa muwazi kwa mama yake ila kanificha nisijulikane. Mwanaume pekee aliyenitambulisha kwa ndugu zake ni Bahati, ila simpendi jamani. Nakupenda Erick, kwanini umenifanyia hivi?”

Kila alipokumbuka zile picha alilia sana na kuzidi kukosa raha kabisa, alirudi chumbani na kujifunika shuka kama mtu aliyelala ila kiukweli bado alikuwa akilia, na hapo aliweza kujua ni jinsi gani alimpenda sana Erick na alimuhitaji katika maisha yake. Hakuwa na raha kabisa kiasi kwamba alikuwa na kipindi kingine jioni ila hakwenda maana alijikuta na mawazo kupita maelezo ya kawaida, alimuwaza Erick na alitoa machozi sababu ya Erick.

Erica alilia sana pale kitandani na kulala, hakutaka wale wa kwenye chumba chake wajue ndiomana alijifunika na shuka hadi usoni, na kwavile hakuwa na mahusiano nao ya karibu sana zaidi ya kulala nae kwenye chumba kimoja kwahiyo ilikuwa ngumu sana kwa wao kumuuliza kuwa vipi amelala vile kwa kujifunika na hajatoka kula. Usingizi ulimpitia pale pale.



Asubuhi kulipokucha alikuwa anapigiwa sana simu na kuamua kuipokea, mpigaji alikuwa ni Derick,

“Mbona unaongea hivyo Erica, unaumwa?”

“Hapana”

“Naomba kuonana na wewe, twende basi tukanywe chai pamoja”

“Basi ngoja nijiandae”

Erica aliinuka pale kitandani na kwenda kuoga, kisha kutoka nje ili ampigie simu Derick, ila alishtuliwa na Yule msichana wa siku ile aliyekuwa anamwambia Erica kuwa ampe ujuzi ili na yeye apiganiwe na wanaume,

“Erica mambo”

“Safi”

“Mbona macho yamekuvimba hivyo?”

Mbele kidogo akatokea Derick kumfata Erica kwahiyo alimuita ili waondoke, ikabidi Erica amuage Yule binti,

“Badae Fetty”

Aliondoka na kumuacha Fetty akimuangalia tu.

Derick alienda kwenye mgahawa na Erica, wakaagiza chakula, akamuangalia Erica usoni naye alimuuliza kwa mshangao,

“Mbona macho yamekuvimba hivyo”

“Aaah sijui, kwani yamevimba sana?”

“Sio sana, ila inaonyesha umelia sana. Nini kilikuwa kinakuliza Erica, kuwa muwazi kwangu. Mimi ni muelewa sana”

Erica aliinama na machozi kidogo yalimtoka, na kumfanya Derick amsogelee na kumuuliza kwa upole kuwa kipi kinamliza,

“Sikiliza Erica, kukaa na kitu moyoni sio suluhisho kwani kitaendelea kuumiza milele. Wote wanaojiua sio kwamba wamependa ila hutokea sababu waliweka vitu moyoni na kushindwa wa kumshirikisha mtu mwishowe wakaona bora wajiue wakati kama wangeeleza matatizo yao wala isingepelekea kujiua. Usiupo moyo wako mateso ya kubeba mizigo ambayo haibebeki, unaposema unaupa moyo wako mwangaza na uhuru yani utajikuta moyo umeachia kabisa. Usipende kitu kikutese moyoni, niambie Erica una tatizo gani?”

“Sikia Derick, kuna mwanaume mmoja nampenda sana tena sana, yupo nje ya nchi ila nimesikia ana mwanamke mwingine”

“Pole Erica? Najua mapenzi yanavyoumiza, ila mimi si nilikwambia, hakuna mwanaume mwenye mapenzi ya dhati anapokuwa mbali. Mimi nikija kuoa, kama natakiwa kusafiri kikazi basi nitasafiri na mke wangu, siwezi kumuacha mke wangu na upweke. Usijali Erica, ndio mapenzi yalivyo. Utamsahau kabisa huyo mtu”

“Hujui tu jinsi gani nampenda, nampenda sana Erick”

“Anaitwa nani?”

“Anaitwa Erick”

“Wow, ona sasa Mungu alivyo mwema huyo alikuwa anaitwa Erick, na mimi naitwa Derick yani jina langu na lake limetofautiana kwa herufi moja tu yani D. Ila Mungu ana makusudi yake kukuletea mimi, acha huyo aende sababu hakutakiwa kuwa na wewe ila mimi ndio mwenye sifa za kuwa na wewe Erica, yani mfute Erick kabisa katika maisha yako na sasa muwaze Derick tu. Nahitaji ufurahi, huwa unapenda kwenda wapi?”

“Napenda kwenda ufukweni”

“Basi tupange siku, twende tukapunge upepo. Erica, mtoe Erick kabisa katika akili yako, je kuna mwingine anayeisumbua akili yako zaidi ya Erick?”

“Hapana”

“Basi usijali, Derick nipo na nimeletwa kwako ili huyo mtu asikusumbue tena mawazo yako. Mimi ni mwanaume wa tofauti sana,najua kupenda, kujali na kumdekeza mwanamke yani kwangu utapata ambavyo huyo Erick hajawahi kukupatia. Elewa nakupenda sana Erica”

Maneno ya Derick yalikuwa yakimuingia kwenye akili yake vilivyo ingawa kiukweli hakudhania kama anaweza tokea mtu wa kumsahaulisha yeye kumpenda Erick, ukizingatia ni muda mrefu ameanza kumpenda toka wako shuleni na hajaweza kuacha kumpenda.

“Sasa naomba jioni, twende kwenye mgahawa moja tukale, ni mzuri sana yani utaupenda”

Erica alikubali kisha kuagana na Derick na kurudi hosteli, siku hii hakuwa na kipindi chuo kwahiyo alirudi tu hosteli na kukusanya nguo zake chafu na kwenda kufua.

Wakati anafua alienda Yule Fetty na kuanza kumuongelesha Erica huku akimwambia,

“Hongera sana, sijui una kismati gani wewe mdada, majuzi tu wamepigana wakaka kwaajili yako halafu leo nakuona unaondoka na Yule Derick”

“Kwani unamjua Yule”

“Namfahamu ndio”

“Unamfahamu vipi?”

“Namfahamu tu, ila anaonekana yupo romantic sana mmh hongera”

Erica alicheka tu maana hizi hongera alizokuwa anapewa wakati alikuwa akimuwaza Erick tu muda wote huo.

Alimaliza kufua na kuendelea kupiga stori tu na huyu Fetty, kwa siku hizo mbili hakuwa na habari kabisa ya kuingia kwenye mtandao wa kijamii wala hakutaka kujua kama Rahim alimtafuta au la, kwahiyo alikuwa tu akiongea na Yule Fetty pale na kufurahi ili kusogeza siku tu.

“Kumbe wewe Fetty ni mcheshi sana”

“Ndio, si wewe unajiweka peke yako pake yako ndiomana watu wanaogopa hata kukukaribia”

“Hapana bhana, marafiki walinitenda ndiomana sitaki hata kuwa na marafiki wa karibu”

“Ila unatakiwa kuwa na rafiki, kuna mambo yanakupata unaona umuhimu wa kuwa na marafiki sema cha msingi ni kuchagua marafiki wema kwako”

Wakati wanaongea ongea, Derick alifika eneo lile kwa lengo la kumfata Erica na kwenda nae alipomuahidi.

“Mmmh Derick, mbona mapema sana”

“Ndio vizuri mapema”

“Basi ngoja nikajiandae”

Erica aliinuka pale na kumuacha Derick akiwa na Fetty, na baada ya muda alikuwa tayari na kumuaga Fetty kisha akaondoka na Derick.



Walikuwa wakitembea huku wakipiga stori za hapa na pale sababu Derick alisema sio mbali sana na maeneo yale, kwahiyo waliamua kutembea. Wakati wanaendelea kutembea, Erica alimuona mdada mmoja akija mbele yake, akamkumbuka vizuri huyo dada ni dada yake Bahati, Yule dada alivyofika alipo Erica alimnasa kofi, wakati Erica akigusa pale aliponaswa kofi, alishangaa kuona akinaswa kofi upande mwingine.





Wakati wanaendelea kutembea, Erica alimuona mdada mmoja akija mbele yake, akamkumbuka vizuri huyo dada ni dada yake Bahati, Yule dada alivyofika alipo Erica alimnasa kofi, wakati Erica akigusa pale aliponaswa kofi, alishangaa kuona akinaswa kofi upande mwingine.

Ilibidi Derick aende mbele kwa Erica ili kumzuia Yule dada asiendelee kumpiga kofi,

“Sogea wewe kijana”

Yule mdada aliongea kwa ukali sana,

“Kwani tatizo nini dada? Umefika tu na kumpiga, tatizo ni nini?”

“Wewe acha kumtetea huyo Malaya, anajua kila kitu”

Kisha Yule dada alimuangalia kwa jazba sana Erica na kusema,

“Binti mshenzi sana wewe, yani wa kumsababishia mdogo wangu matatizo halafu anaenda jela ila wewe hujali unakula raha tu na wanaume wengine, sogea na wewe nitakuchakaza sasa hivi”

Akamsukuma Derick pembeni na kuanza kumshambulia vizuri Erica ilibidi Derick atumie uanaume wake kumgombelezea Erica,

“Wewe kijana hujui tu, ila mwenzako akinyolewa zako tia maji, huyo binti ni shetani wa mashetani”

Kisha Yule dada akamuangalia Erica na kumwambia,

“Bado sijamalizana na wewe mwanaizaya, siku yako inakuja mwanaharamu wewe”

Yule dada akaondoka huku anasonya sana, kiukweli hata hamu ya kuendelea kula na Derick ilimuisha Erica kwanza alikuwa amechafuka maana Yule dada alimuangusha chini, kwahiyo akaomba kurudi hosteli tu, ikabidi wakodi bajaji iwarudishe hosteli maana ni aibu hata kutembea.



Walifika hosteli, na kwa aibu alishindwa hata kumuaga Derick kwani moja kwa moja alienda chumbani kwao, ila Fetty alimuona na kumfata Derick,

“Vipi tatizo nini?”

“Sijui, yani kuna mwanamke tumekutana nae njiani kaanza tu kumshambulia Erica hata sijui kwanini”

Fetty akacheka kidogo na kupiga makofi kama ya umbea kisha akasema,

“Mapenzi bhana ni kitu cha ajabu sana, yani leo unaweza sababisha wanaume wakapigana sababu yako ila kesho unapigana na mwanamke mwenzio sababu ya mwanaume. Mmh Derick, huyo mwanamke aliyemshambulia Erica humjui kweli? Ni mwanamke wako”

“Kwanza sikuelewi Fetty, unazungumzia nini?”

“Majuzi hapa palitokea gumzo kubwa sana, kulikuwa na vijana wawili wanapigana na chanzo kilikuwa ni Erica halafu leo eti Erica kapigana na mwanamke mwingine, mmmh chanzo ni wewe”

“Unajua bado sikuelewi Fetty, unamaanisha kuna wanaume wamepigana sababu ya Erica?”

“Ndio”

“Mbona Erica mchumba wake yupo nje. Hao waliopigana ni wakina nani?”

“Kalagabao, umeambiwa upo peke yako? Jua kuna wenzako msururu, yani mapenzi ya siku hizi ni ngoma droo, wewe una wanawake msururu na yeye ana wanaume msururu”

Derick hakutaka hata kuendelea kusikiliza haya maneno, aliamua kumuaga Fetty na kuondoka zake huku akitafakari kwa kina yale aliyoyasikia.



Erica alienda kubadilisha nguo kisha akakaa na kujitafakari ila alipaona hosteli pagumu kwa muda ule, akajiuliza kuwa aende wapi, akaona bora arudi nyumbani kwao hata mama yake akimuuliza maswali amdanganye tu.

Kwahiyo akajitahidi na kuondoka pale hosteli akarudi nyumbani kwao, na kama kawaida mama yake alimuuliza kulikoni amerudi mapema yani sio mwisho wa wiki,

“Mmmh mama hivi hujisikiagi upweke kukaa nyumba yote hii mwenyewe?”

“Najisikia upweke ndio ila napenda usome”

Akaamua amuanzishie mada nyingine ili mama yake asiendelee kumuuliza kuwa kwanini amerudi nyumbani siku ya chuo.

“Mama, najiuliza sana kwa dada Mage kuna wajukuu zako ila kwanini hakuna siku uliyosema waje kukaa hapa nyumbani kama una upweke?”

“Wewe Erica, mada hizo umeanzia wapi?”

“Si nakuuliza tu mama, unajua Yule ni dada yetu tena ni mtoto wako wa kwanza. Kukaa mwenyewe humu ndani kama mkiwa si vizuri, ila angekuwepo hata mjukuu wako mmoja angekuchangamsha.”

“Tayari nimekuelewa”

“Kama umenielewa mama, chukua hatua basi umwambie dada alete watoto wake”

“Erica, tafadhali usinipande kichwani unajua ujinga alioufanyaga dada yako hapa? Wakati baba yenu yupo, Mage alituletea Yule mwanaume wake, tulimkataa kabusa maana hakua anafaa, Yule dadako mjinga kuona vile akaamua kubeba mimba na kujipeleka kukaa kwa mwanaume, ilibidi tumkubali hivyo hivyo ila baba yenu alimkataa kabisa hata mahali yake hakupokea. Sasa unadhani naanzaje kupokea watoto wake hapa nyumbani? Watoto nitakaopokea hapa ni watoto wa Bite tu na wewe ukiolewa ila siwezi kupokea watoto wa Mage”

“Sasa mama, makosa tayari yalishafanyika. Hata ukiwachukia watoto wa dada Mage bado haitasaidia kitu, kwasasa ungesema tu ni kitu gani wafanye ili uwasamehe. Mama dada Mage ni mwanao na hilo halipingiki, kumbuka watoto wake wana haki kwako kama bibi yao, ukiwatenga ni kuwatesa tu. Mama kwasasa ni kusema kitu gani wafanye uweze kuwasamehe”

“Sina kinyongo nao, ila nadhani labda waje upya kujitambulisha. Nitawapokea maana baba ndio hakuwataka kabisa ila hayupo tena, sema hata alipokuwa anakufa alisema kama wakifata taratibu niwapokee ila mpaka leo hawajajiongeza. Ni matahira wale”

“Jamani mama”

“Hata usiniambie habari zao”

Erica alifanikiwa kubadilisha mada kwa mama yake na kwenda chumbani kwake, ila pia alifanikiwa cha kumsaidia dada yake maana alimuona kwa hakika anatia huruma maana naye alionekana kutamani watoto wake wawe wanaenda kwa bibi yao hata likizo ila haikuwezekana sababu ya mambo ambayo alikuwa hajamalizana na mama yao.



Erica alikaa akijitafakari jinsi yeye alivyo, akaanza kuhesabu idadi ya wanaume aliokuwa nao na kuangalia wapi alipokosea,

“Nilikuwa na Babuu ila huyu alinisaliti, alienda kwa wanawake zake akasingizia kuwa aliwekwa rumande kwa uzurulaji, nikampata George na kuamini kuwa nimempata mume wa maisha yangu ila akaniacha sababu sikuwa bikra, akaja Bahati yani huyu mwanaume sijawahi kumpenda ila nilimkubali sababu nilikuwa na mawazo sana ila ndio amekuwa msumari wa miba kwenye maisha yangu. Alikuja mwanaume niliyempenda kupita kiasi, sikuweza kumkataa sababu nilimpenda sana ila Bahati ndio kaniharibia kwa huyu Erick, kaenda kupigana nae na dada zangu nao wamechangia kwa kunitoa mimba ila ningekuwa nayo hadi leo kwa hakika kusingekuwa na mahusiano mazuri ya mimi na mama yangu sababu anasisitiza nisome siku zote. Haya sasa, Bahati imemkataa, George nae nimemkataa ila wamejifanya wamepigana kwasababu yangu mwisho wa siku wananipangia kunibaka mara dada yake Bahati anipige na kusema nitaona, kwani kosa langu nini jamani? Mbona wananifanyia hivi jamani mpaka najihisi vibaya”

Aliwaza sana yani kwa muda huo hakutaka kumtafuta yeyote Yule na hakutaka mawasiliano na yeyote, alipanga kwenye akili yake kuwa kesho yake aende kwa dada yake Mage bila ya kumwambia mama yake maana atamuaga kuwa anaenda chuo, kwa muda huo alichukua simu yake na kuizima kwani hakutaka kupatikana hewani kabisa.

Muda wa kulala ulipofika akalala, na kulipokucha aliamka na kujiandaa kwaajili ya kwenda kwa dada yake kama alivyopanga,

“Utakaa huko huko chuoni au utarudi nyumbani?”

“Nitarudi mama”

Aliondoka zake na safari yake kama alivyopanga alienda moja kwa moja kwa dada yake, kwa muda huo alimkuta dada yake pekee maana watoto wa dada yake walienda shule na shemeji yake alienda kwenye shughuli zake, alizungumza na dada yake vile alivyoongea na mama yao.

“U na uhakika mama atatukubali tukifata sharia tu?”

“Mama kasema, mkifata sharia atakubali yani nyie ni kujiongeza tu ila usimwambie kabisa kama mimi ndio nimekwambia”

“Asante mdogo wangu, sikuwahi kufikiria kama ungekuwa na busara kiasi hiki, anachojua Bite ni kuniletea mashtaka tu ila hajawahi kufikiria kuwa naweza kupatana tena na mama kiasi cha kuwakubali wanangu maana huwa nakuja kumsalimia tu, ila umenipa muangaza mdogo wangu kwani hata wanangu nina uhakika watapenda kuwa karibu na bibi yao”

“Usijali dada, tuko pamoja. Nakupenda dada yangu na pia napenda kushirikiana nawe. Ila leo naomba unijibu na mimi nawezaje kumjua mwanaume anayenipenda?”

“Ngoja nikwambie kwa ufupi tu ila ipo siku nitakufundisha kwa undani zaidi”

“Niambie dada hata hiyo kwa ufupi nitaridhika”

“Yani mdogo wangu ipo hivi, mtu anaweza akawa na pesa kupindukia ila asiwe na mapenzi ya dhati na mwingine akawa na pesa na mapenzi ya dhati akawa nayo, ila kuna mwingine ni masikini kabisa ila akawa na mapenzi ya dhati hadi ukaogopa, sasa kuna namna ya kumjua mtu mwenye mapenzi ya dhati”

“Namna ipi hiyo dada?”

“Mtu anayekupenda kwanza kabisa anakujali, anachukulia tatizo lako kama lake, anapenda kukuona ukiwa na furaha, na ukiwa na huzuni atatafuta namna ya kukufanya usijisikie vibaya. Hawezi kukuchukia sababu ya mapungufu yako, na atakusaidia kurekebisha tabia yako kama haiko sawa, mtu wa hivi ana mapenzi ya dhati kwako, hapendi kuona ukiumia”

“Mmmh dada sikuelewi”

“Hunielewi sababu kichwa chako kinafikiria vitu vingi sana, nina uhakika hapo unajiuliza kuwa uliyenaye ana mapenzi ya dhati kwako?”

“Umejuaje dada?”

“Nimejua tu, haya niambie uliyenaye ana sifa gani?”

“Mmmh kusema ukweli dada hata sijielewi, ila kuna kijana simpendi kabisa ila ananifatilia huyo hadi kero yani, hata anikute nimesimama na mwanaume mwingine ananifatilia, ila simpendi”

“Ila hilo ni tatizo, ingekuwa unataka kuolewa ningekwambia utajifunza kumpenda ndani ya nyumba, ila nadhani ni vyema ukimleta nimfahamu huyo kijana, nitakwambia kama anakufaa”

Erica alimuahidi dada yake kuwa atampeleka huyo kijana, kisha muda huo akajiandaa kwenda tena chuoni ila alitaka akaangalie tu mambo yameendaje maana hata kwa siku hiyo hakuwa na kipindi kabisa.



Wakati anaingia chuo, aliitwa na kugeuka alimuona Derick, ambaye alimsimamisha na kumuuliza,

“Na mbona jana hukupatikana hewani?”

“Simu yangu ilizima chaji”

“Ila nilikuja hosteli hukuwepo”

“Nilienda nyumbani”

“Erica, mbona umekuwa na majibu ya mkato hivyo kwani nimekufanya nini?”

“Hujanifanya chochote”

“Erica, ningekuwa na hasira nawe kwa hakika nisingekutafuta tena, kwanza ulinidanganya kuwa ni mwanaume mmoja tu uliyekuwa naye kumbe kuna wengine walipigana hosteli. Ila Erica mimi sitaki kupigana na yeyote Yule, yani sitaki niwe na ugomvi na yeyote Yule. Kila kitu kifute katika maisha yako na tuanze kurasa mpya ya mapenzi, nakupenda Erica, na napenda tuwe pamoja mpaka mwisho. Sitakuchukia kwa lolote lile maana kwangu ni kama changamoto tu, na kwavile nakupenda basi nataka niwe nawe milele”

Erica alikuwa kimya tu akisikiliza maneno ya huyu Derick ambaye alikuwa akimchombeza vilivyo,

“Erica haijalishi ni wanaume wangapi wamepita kwako na haijalishi wamefanya nini kwako ila bado swala litabaki palepale kuwa nakupenda sana”

“Nimekuelewa Derick, naomba tuongee badae kwasasa kuna mambo nayaweka sawa”

Wakaagana na Derick huku akimuahidi kumfata badae hosteli, wakati akiwa pale chuoni akakutana na Tumaini tena na kusalimiana nae,

“Jamani Erica uliondoka gafla juzi hadi sikukuelewa kabisa, ila unaendeleaje mdogo wangu”

Kabla hajamjibu, simu ya Tumaini ikaanza kuita na Tumaini akamwambia Erica asubiri kidogo aongee na ile simu kwahiyo Erica alikaa pembeni akisubiri Tumaini amalize kuongea na ile simu.

Tumaini alipomaliza kuongea na ile simu alionekana kuwa na furaha sana kiasi kwamba Erica ilibidi amuulize kuwa kitu gani kimemfurahisha,

“Yani Erick kanipigia simu, na kanipa huyo msichana wake niongee nae jamani ana sauti nzuri huyo dada balaa, anaitwa Jack. Oooh natamani nimuone huyo wifi yangu, nimefurahi sana”

“Kwahiyo ndio yupo nae muda huu?”

“Ndio, anasema Yule dada kamwambia mpigie wifi yangu simu ndio kanipigia, jamani nimefurahi sana yani mdada yupo vizuri Yule duh sauti yake tamu hiyo, kwakweli mdogo wangu kabahatika jamani”

Tumaini hakujua kuwa kadri alivyokuwa akisifia kuhusu Yule msichana wa Erick ndivyo alivyozidi kuumiza moyo wa Erica maana muda huo huo Erica aliamua kumuaga kuwa anawahi kipindi ila haukuwa ukweli, kwani alipoondoka pale alijifanya kama anaenda kwenye kipindi ila mbele yake alikatisha na kuanza safari ya kutoka chuo kwani moyo wake ulikuwa na maumivu sana kwa muda huo.



Wakati anatoka pale chuo alishikwa bega, na aliyemshika alikuwa ni Derick alijikuta akimkumbatia kwa kilio, na kumfanya Derick atambue kuwa lazima atakuwa ana matatizo na kumfanya ampe ushauri,

“Twende mahali Erica”

Derick alikodi bajaji na kuondoka eneo lile na Erica.

Moja kwa moja alienda na Erica ufukeni na kuanza kuongea nae maneno ya kumpa faraja,

“Najua una matatizo Erica, name nimejitolea kubeba matatizo yako kama yangu. Niambie sasa kinachokusibu ni nini au bado ni kuhusu Erick?”

Erica alitikisa kichwa huku akiendelea kulia, Derick alijitahidi kumpa maneno ya faraja sana mpaka giza liliwakutia palepale,

“Erica, naomba usirudi hosteli kulala ila twende mahali tukacheze, tufurahi usahau kila kitu”

“Wapi huko?”

“Twende club”

“Hapana, sijawahi kwenda club maisha yangu yote. Kwanza kucheza sijui”

“Sio wote wanaoenda disko wanajua kucheza ila hata ile midundo na mziki ukiusikiliza unakuliwaza, twende club Erica tafadhali, hautacheza, tutakaa tu mahali tukitazama watu”

“Basi, ngoja nirudi hosteli nikabadilishe nguo ila hata mavazi ya club sina”

“Hata usiumize kichwa, vaa tu suruali na tisheti basi”

Kisha akaondoka nae hadi hosteli kujiandaa, ambapo Erica alioga na kuvaa alivyoshauriwa kisha kutoka na kuondoka na Derick, ambapo alienda nae kwanza sehemu ya kula ili kupoteza poteza muda.

“Mpaka saa hizi?”

“Ndio, club pananoga muda ukienda enda.Twende sasa”

Walienda disko, kwakwelki ilikuwa ni mara ya kwanza kwa Erica kujishuhudia watu wakiwa disko na kucheza maana siku zote alisikia tu kwenye stori ila siku hiyo alijionea mwenyewe, walifika mahali na kukaa kisha Derick akaagiza vinywaji, Erica akadakia

“Mimi nataka soda”

“Erica my dear, humu hakuna soda”

“Basi mimi sinywi, situmii pombe kabisa”

“Kwanini hutumii pombe?”

“Sababu ni chungu”

“Aaah sasa kuna kinywaji kimoja hivi kinaitwa Reds kipo humu yani hata sio kichungu na wala hakina mandhari ya pombe, ngoja nikuagizie ukijaribu”

Basi Derick akamuagizia Erica kile kinywaji na kweli Erica alikunywa na kkukipenda, akajikuta anakunywa tu huku akifurahia mziki unavyopigwa na watu wanavyocheza, ilikuwa kikiisha tu Derick anaita kingine kwahiyo Erica alikunywa sana na akaanza kujihisi kizunguzungu huku mara nyingine akilia peke yake, mara amkumbatie Derick na kumwambia anampenda yani pombe ilianza kufanya kazi kwenye akili yake.

Derick aliamua kutafuta chumba maeneo yale ya karibu ili akapumzike na Erica.



Kulipokucha, Erica alijikuta yupo kifuani mwa Derick akiwa hana nguo kwamaana kwamba alifanya mapenzi na Derick, kiukweli alichukia sana na kumshtua Derick,

“Ndio umefanya nini na mimi sasa?”

“Usinilaumu Erica, tulikuwa tumekunywa wote, ni pombe ndio zimepelekea tukafanya hivi”

“Ulijua fika ndiomana ukanishawishi mimi ninywe zile pombe”

“Ila usijali Erica, huu ni mwanzo mzuri wa mahusiano yetu”

“Kwenda zako huko”

Erica aliinuka na kuanza kuvaa nguo zake,

“Tukaoge basi mpenzi”

“Achana na mimi, nitaenda kuoga hosteli”

Ila akajifikiria akaona ni vyema akaoge kuliko kutembea na mijasho ya mtu mwingine, alienda na nguo zake chooni na kuoga kisha akavalia huko huko. Alipotoka alimkuta Derick ameshavaa,

“Mbona wewe hujaenda kuoga?”

“Nataka niwe nanusa jasho lako mwilini mwangu muda wote”

Erica akamsonya Derick kisha kutoka kwenye kile chumba, Derick alitoka na kufatana na Erica kwa nyuma hadi kwenye kituo cha daladala ndipo alipogundua yale maeneo ni karibu na kwa dada yake Mage, uoga ulimshika wa kukutana na dada yake, ila jambo la bila kutarajia dada yake alitokea mbele yao,

“Kheee Erica, unakuja kwangu kwa kunishtukiza hivi, umeniletea na mgeni jamani! Kwanini hukuniambia?”

Kisha akamuangalia Derick na kumwambia,

“Khee Derick umekuwa jamani, karibuni nyumbani. Kweli damu nzito kuliko maji yani Erica na Derick mmekumbukana? Karibuni sana nyumbani”

Erica alipigwa na mshangao kwa muda kidogo maana alijiona haelewi kabisa, kuwa Derick ni ndugu yake kwakweli hakuelewa.





Kisha akamuangalia Derick na kumwambia,

“Khee Derick umekuwa jamani, karibuni nyumbani. Kweli damu nzito kuliko maji yani Erica na Derick mmekumbukana? Karibuni sana nyumbani”

Erica alipigwa na mshangao kwa muda kidogo maana alijiona haelewi kabisa, kuwa Derick ni ndugu yake kwakweli hakuelewa.

Mshangao aliokuwa nao Erica ni sawa na mshangao aliokuwa nao Derick, huyu mdada alimfahamu ila Erica hakumfahamu hata akashangaa kuwa undugu wake na Erica umetokea wapi, kisha Mage ndio akawaondoa kwenye mshangao na kuwaambia kuwa wakaribie nyumbani kwake.

Waliongozana na Mage hadi nyumbani kwake, muda wote si Erica wala si Derick aliyekuwa akiongea chochote zaidi ya Mage.

Alifika nao nyumbani kwake na kumwambia Derrick,

“Derick, hapa ndio nyumbani kwangu. Jisikie upo huru, najua siku zote ulijiuliza kuwa Yule dada anaishi wapi, ila naishi hapa. Karibu sana”

Akashukuru na kisha Mage kuwauliza,

“Mmekutana wapi jamani na mmekumbukana vipi? Nakumbuka mara ya mwisho nyie kuonana mlikuwa wadogo sana, toka hapo Derick hukuweza tena kufika kwetu. Sasa sijui mmefahamiana vipi? Najua utajiuliza kuwa kwanini mimi sijafika kwenu kwa siku nyingi ila mamako alihama bila hata ya kuniambia, ila upendo wangu upo pale pale. Kwakweli Mungu mkubwa jamani, mmefahamiana vipi?”

Muda wote Erica alikuwa kimya kabisa, ila muda huu aliamua kumuuliza dada yake kwa mshangao,

“Dada, mimi na huyu Derick tunasoma chuo kimoja ndio tulikofahamiana, ila huo undugu na huyu uko vipi maana hata sielewi”

“Kwahiyo hamkuwa mnakuja kwangu eeh!”

“Ni kweli hatukuwa tunakuja kwako”

“Mlikuwa mnaenda wapi?”

“Tuachane na hizo habari kwanza dada, ila tueleweshe undugu wetu uko vipi”

Erica alitaka kujua undugu wake na Derick ukoje maana hakuelewa kabisa,

“Iko hivi, baba yetu alizaa mtooto mwingine nje yani huyu Derick kazaliwa umepishana nae mwaka mmoja tu. Mwanzoni wakati wewe una miaka mine huyu Derick aliletwa nyumbani ila mama alimkataa sababu hakutaka mtoto wa nje ya ndoa, ila baba alikuwa akimuhudumia tu vizuri na ni mimi aliyekuwa ananituma nipeleke hela za matumizi kwakina Derick, yani hadi kipindi baba anakufa alisema nimuangalie sana Derick na ndio sababu ya mimi kwenda mara kwa mara kumuona Derick ila sikumwambia mama kwani sikupenda ajue kuwa naendaga, nimeacha kwenda mwaka juzi maana mama yake Derick alihama pale alipokuwa anakaa na sikuwa na mawasiliano nae”

“Kwahiyo dada unamaanisha kuwa mimi na Derick ni watoto wa baba mmoja?”

“Ndio, na ndiomana nikasema damu nzito. Yani wewe na Derick ni baba mmoja ila mama mbalimbali, yani Derick ni ndugu yetu kwa mama mwingine, tumechangia baba”

Alishangaa kuwaona wote wakiinamia chini yani Derick na Erica, ikabidi awaulize,

“Vipi kwani, hamkupenda muwe ndugu? Nisamehe mimi Derick nilisema ningekuja kukuchukua ufahamu ndugu zako wengine, ila sio kosa langu, ni sababu mama yako alihama”

“Ila kwanini baba hakutaka tufahamiane?”

“Erica, sio kosa la baba ni kosa la mama. Baba hakuwa na sauti yoyote kwa mama, kwahiyo kila alichoambiwa na mama alikubali”

“Kwanini?”

“Erica, hujui mambo mengi katika ujana wa mama na baba nasikia nyumbani kwakina mama walikuwa na uwezo sana hata zile nyumba ni mama amejengewa na wazazi wake, kwahiyo baba hakuwa na kauli yoyote, pale mama aliposema sitaki kukiona hiki kitoto nyumbani kwangu, ilibidi atii amri tu. Ila sio kosa lao wote, nakumbuka babu yani baba yake mama alikuwa mkali sana na alimwambia mama asikubali mtoto wa nje kwenye nyumba aliyojenga yeye. Nakumbuka baba aliniomba nifanye siri hata swala la kumtembelea Derick na kupeleka hela ya matumizi, ndiomana hata baada ya kifo cha baba bado haikuwa rahisi kwa mama Derick kuja kudai mirathi ya mwanae”

Kwa kiasi Fulani Erica alisikitika na Derick nae alisikitika, ila dada yao Mage aliendelea kuzungumza,

“Ndiomana mama habari zake huwa anasisitiza watoto wake kuolewa na wanaume wanaojiweza maana anasema kuwa mwanaume kudharauliwa na ukoo inauma sana, inasemekana ukoo wa mama walimdharau sana baba”

Derick alitokwa na machozi maana zile habari kuwa baba yake alidharaulika zilimuumiza na kilichomuumiza zaidi ni kitendo chake cha kutembea na dada yake bila ya kujua alijihisi maumivu sana moyoni, dada yao hakuelewa ila wadogo zake waliinama chini kwa muda na kushindwa kuongea chochote.

Derick aliinua kichwa na kuamua kumuaga dada yao kuwa anawahi chuoni, Erica nae alimuaga dada yake. Mage hakuwaelewa kwakweli ila yeye aliendelea kuwakaribisha tu nyumbani kwake, na kuchukua mawasiliano ya Derick pamoja na mawasiliano ya mama Derick ila Derick aliinuka kuondoka mpaka pale Mage alipomsimamisha kuwa awasindikize wote, walipofika stendi walipanda gari moja ila hakuna mmoja aliyemuongelesha mwenzie.

Mage aliwaacha wamepanda gari ila hakuwaelewa kwakweli kiasi kwamba alijiuliza maswali mengi bila majibu.



Erica alifika njiani na kushuka kwenye lile gari kwani alipanda gari la kwenda kwao, ila Derick hakumuuliza chochote kile Erica.

Alienda hadi kwao na kukuta mama yake ametoka, alitulia akimsubiri kwa hamu kwani alijikuta ana maswali mengi sana kwa mama yake bila hata majibu, alijiuliza kuwa hata kama babu yao alikataa yeye alitakiwa awe na uamuzi wa mwisho, kwanini amfanyie hivyo mtoto wa baba yao asiye na hatia? Alikosa jibu kwakweli, pia alimlaumu baba yao kuwa walikuwa na haki ya kufahamiana hata kwa siri na sio kufahamishwa kwa mtoto mmoja tu.

Alimsubiria mama yake afike kwa hamu sana, na baada ya muda kidogo mama yake alifika na kumshangaa sana kuwa vipi yupo nyumbani muda wa kuwa chuo,

“Mama, sina hata hamu ya kuwa chuo ndiomana nimerudi”

“Kivipi?”

“Nimekutana na mtoto mmoja anaitwa Derick, kumbe ni mtoto wa baba jamani? Kwanini hukuniambia?”

“Kwahiyo kukutana na mtoto wa baba yako sijui ndio kukukoseshe hamu ya kuwa chuoni?”

“Hapana mama”

“Ila nini?”

“Mama, dunia ina mambo mengi sana kama watoto tunapaswa kufahamiana maana kuna leo na kesho, naweza patwa na matatizo au yeye akapatwa na matatizo tukashindwa kusaidiana kumbe ni ndugu, ilitakiwa tufahamiane. Na ni nyie ndio wazazi wa kutufahamisha watoto wenu”

“Erica, usiwe unaongea kama unatapika kama kitu hujui bora kuuliza kuliko kunipa lawama za kijinga”

“Nisamehe mama, ila ningependa kujua”

“Najua sasa umekuwa na unaweza kuelewa, baba yenu nilimpenda tena nilimpenda sana na yeye alinipenda sana. Aling’ang’ania kutaka kunioa ila kwetu walimkataa sababu ukoo wao hawakuwa na hela za kutosha ila mimi nilimpenda na kung’ang’ania kuwa wakubali niolewe. Ikawa wamekuja kwetu na kukubaliwa kunioa, wakatajiwa mahali, ila ilikuwa ni kubwa sana kwa upande wa baba yenu ila kuna kitendo nilifanya nyumbani. Babu yangu mimi alikuwa na ng’ombe wengi sana, nilitumia kumlaghai Yule mchunga ng’ombe hadi nikafanikiwa kuuza ng’ombe watano, kisha pesa nilimpelekea baba yenu na kufanikisha swala la mahali hadi swala la kuoana. Baba hakutaka niishi kwenye mazingira magumu alinizawadia nyumba na kiwanja. Nyumba hii alinijengea mwenyewe alisema niishi kwenye nyumba ya kisasa, kwahiyo nyumba aliyonizawadia tulipangisha pia na tukaweza kujenga nyingine mbili hapo na kupangisha. Nilimpenda baba yenu, nilimuamini na nilifanya chochote alichotaka ila alinichefua siku moja nilipoletewa mtoto hapa nyumbani kwangu kuwa kazaa na mwanamke mwingine. Nilijiuliza hivi huyu mwanaume kakosa nini kwangu? Kama watoto nilimzalia, wakike kwa wakiume, kwakweli kama nisingekuwa nimezaa na baba yenu ningemkimbia. Kwakweli hakuna cha kusema sijui masikini ana mapenzi ya dhati, baba yenu alikuwa masikini na nilimpenda na kufanya chochote alichosema ila bado alinisaliti ndiomana huwa nawaambia watoto wangu sitaki mwanaume masikini hapa kwangu.”

Kwa kiasi Fulani maneno ya mama yake yalimuingia akilini, ila mama yake aliendelea kuongea

“Hivi mwanaume nimsaidie, nimzalie watoto, nilee watoto halafu aniletee mtoto kazaa wapi sijui nilee. Samahanini sana huo upuuzi siwezi kufanya, nilisikia ushauri wa baba yangu kuwa nyumba yake asikae mtoto wa kufikia, nilimwambia baba yenu kama kidume basi ajenge nyumba ya kuweka hao watoto wake aliowaokota kwenye umalaya. Toka kipindi hiko nilimchukia baba yenu yani nilikuwa nae tu sababu ni mume wangu, nikikumbuka vijana wengi walinitaka enzi za ujana wangu, vijana waliokuwa na pesa zao ila sikuwakubali sababu ya kuamini kuwa yeye atakuwa muaminifu kwangu. Wanaume uhuni wameumbiwa”

“Kwahiyo mama, hukumpenda baba hadi amekufa?”

“Niavche Erica. Si kweli. Upendo ulipungua ila haukutoka kwani siku zote atabaki kuwa mwanaume niliyempenda sana, na hakuna pigo nililopata maishani kama kifo cha baba yenu. Ukizingatia hapa mwishoni ndio alianza kujitahidi kweli kusaka pesa ila ndio hivyo akafa. Nikikumbuka kifo cha baba yenu naumia sana”

“Ila mama kwanini baada ya kifo cha baba usimuenzi kwa kututambulisha kwa huyo mtoto wake?”

“Erica, mama wa huyo mtoto hajawahi kuwa karibu na mimi wala baada ya kifo cha mume wangu bado hakuweza kujileta kwangu ili tumalize tofauti zetu. Siwezi kujipendekeza mimi sio mwenye shida, aje mwenyewe kumleta mwanae ajuane na watoto wangu”

Erica hakuwa na maswali zaidi kwa mama yake kwani aliona hata akiendelea kumuuliza ni kazi bure kwani mengi ameshajibiwa.



Erica alienda chumbani kwake, alioga na kubadilisha nguo. Alikuwa akitafakari sana vitu ambavyo hakuwa na majibu navyo, alitafakari sana kuhusu mapenzi.

“Nimetembea na kaka yangu sababu ya mawazo ya mapenzi, najuata kufanya vitu bila kufikiria na kusema ukweli siwezi kabisa. Hivi Yule Bahati ananipenda kweli? Mama kasema wanaume wote ni wasaliti haijalishi ni tajiri au ni masikini, ukiangalia Rahim ameshindwa hata kunitambulisha kwa mama yake, mmh ananipenda kweli? Ila yote ni Erick wangu jamani, kaamua kweli kuwa na mwanamke mwingine? Hapana jamani, Erick nakupenda, nimetembea na kaka yangu mimi hata sijui nitamuangaliaje?”

Aliwaza sana ila aliona kichwa kikimzunguka tu, leo alipigiwa simu na namba mpya, alipoiangalia ilikuwa ni namba ya nchi nyingine, akapokea,

“Erica, mimi ni Rahim. Mbona kimya hivyo mpenzi? Nini nimekukosea?”

“Hujanikosea chochote kile Rahim, ni masomo tu yalinibana”

“Ila ukiwa na tatizo lolote niambie Erica, nipo kwaajili yako”

“Sawa Rahim, nimekuelewa”

“Naomba tuwasiliane basi Facebook”

“Sawa”

Erica alikata simu ya Rahim ila kiukweli kwa muda huo kama angepigiwa simu na Erick basi angejisikia vizuri sana, lakini haikuwa hivyo aliamua kuwa mpole tu na kwenda kujilaza kwani alikuwa na mawazo kupitiliza.

Alilala sana siku hiyo yani kuja kushtuka ni usiku wa saa tatu na kichwa chake kilikuwa kizito sana, akatambua kuwa hata kula hakula, akamsikia tu mama yake akimuita kwa kulalamika,

“Wewe mtoto ndio kuchoka gani na masomo huko jamani, yani unalala kama mzigo hadi unapitiliza. Nishakuamsha sana hadi nimetamani nikaite daktari, hebu amka ule”

Erica alijinyoosha nyoosha na kwenda kula ila alikula kidogo sana kwani alihisi mwili kuchoka vilivyo, alimaliza na kwenda tena kuoga kisha kurudi kitandani,

“Itakuwa Yule mwanaume jana alinipindua pindua vilivyo, mmh Mungu wangu ni kaka yangu eti! Aibu hii sijui nitaiweka wapi”

Akashangaa kuona Derick akimpigia simu, ila kwa uoga na aibu akaipokea

“Erica, naomba tusameheane ila sio kosa langu na wala sio kosa lako, sijui ni namna gani ya kukutazama tena ila sitaki kuamini kuwa wewe ni dada yangu”

“Derick, sisi ni ndugu kweli. Ni wakati kwa wazazi wetu kuwa pamoja na kutukutanisha ila kwa kilichotokea kwetu naomba ibaki kuwa siri yetu”

“Hata mimi nilitaka kukwambia hivyo hivyo, sikulala na wewe kwa kutaka Erica ila ni pombe ndio zilipelekea kufanya vile naomba unisamehe ila ibaki kuwa siri yetu milele”

“Sitamwambia yeyote siri hii, kwanza ni aibu sana yani nililala na ndugu yangu? Hapana sitaki kuamini kabisa, naomba tusionane Derick hadi mambo haya yakae sawa”

“Nimekuelewa Erica”

“Siku tukija kuonana iwe kama dada na kaka yani kama hakuna kitu kilichotokea kati yetu tusahau kabisa”

“Ni ngumu kusahau ila nitajitahidi”

Simu ilikatika ila Erica alizidi kuwa na mawazo yani kuna vitu alikuwa akijiuliza bila ya kupata majibu,

“Baba kuwa na mtoto mwingine si vibaya wala si dhambi, mimi kumfahamu mtoto wa baba si vibaya kwani ni ndugu yangu ila kwanini mimi na Derick tufahamiane kwa njia hii? Kwanini Derick anipende dada yake? Hivi hapakuwa na njia nyingine ya kunifahamisha mimi kwa Derick zaidi ya njia ya kufanya naye ngono? Sielewi jamani yani sielewi kabisa, hivi Derick alianzaje kuwa na hisia na dada yake jamani? Aaah Erica mimi yani kuna muda hata sijui nifanyeje”

Alijiona tu hana raha, na akakumbuka kuwa Rahim alimwambia awasiliane nae facebook ila hata hakuwa na hamu ya kufanya hivyo maana bado akili yake ilizingirwa na mambo mengi sana. Akaamua kulala tena tu.



Kesho yake akajiandaa na kwenda chuoni ila kiukweli hakupanga kabisa kuonana na Derick, kiasi kwamba alikuwa akimaliza kipindi tu anarudi kwao yani hata harandirandi maeneo ya chuo kwani bado aibu na dhamira ya moyo wake vilimsuta.

Akiwa nyumbani, akaingia facebook ili aweze kuwasiliana na Rahim atulize mawazo yake, akakuta kuna jumbe alitumiwa na Tumaini, kufungua jumbe zile zilikuwa ni picha zikimuonyesha Erick na huyo mwanamke wake mpya, kisha Tumaini akamuandikia ujumbe,

“Huyo ndio wifi yangu, mwanamke mpya wa Erick yani kwangu ni raha tu kila siku”

Erica hakujibu ule ujumbe kwani ulikuwa ukimkera tu, alijiuliza kuwa pengine huyu Tumaini anamfanyia makusudi,

“Mmmh lakini haiwezekani maana hanijui jamani kama ni mimi niliyekuwa na mahusiano na Erick, anawezaje kunifanyia vitu vya kuniumiza moyo? Itakuwa anajisikia tu”

Ila aliona cha muhimu ni kuacha kabisa kuwasiliana na Tumaini kwenye mtandao wa kijamii ili asiendelee kuumiza kichwa chake kwa picha za Erick na mwanamke wake.

Alikaa vile vile mwenye mashaka moyoni kwa mwezi mzima yani anaenda chuo na kurudi kwao, hakutaka kulala hosteli kabisa kwani alihisi kama akilala hosteli huenda akaonana na Derick.

Siku hiyo akiwa nyumbani, chumbani kwake, mama yake alienda kumuita

“Erica, Yule muuza samaki amekuja tena kuulizia”

Erica moyo ulilia paaa kwani alijua kwa vyovyote vile ni Bahati, na kweli alitoka na kumkuta Bahati, kwa kipindi chote hiko alijiona amepumua kwa Bahati na wala hakujua kama Bahati angejitokeza tena katika maisha yake.

Akamvutia nje Bahati ilia aongee nae, ambapo walivyotoka tu nje Bahati alianza kwa kulalamika,

“Kwakweli Erica ulichonifanyia sio haki kabisa, mimi nilifungwa kwaajili yako ila wewe hata siku moja ya kuja kuniona hakuna? Hata kutaka kujua kuwa kipi kilinikuta hakuna? Erica kweli unanifanyia hivi binadamu mwenzio?”

“Bahati, kwanza pole ila na wewe hujui kuwa ugomvi wako pale hosteli umenisababishia matatizi gani mimi. Unaniona sikai tena hosteli sababu ya ukorofi wako ulioufanya yani hadi napaona hosteli kama kituo cha polisi. Hapana kwakweli”

“Ila Erica bado nakupenda”

“Kheee, wewe mwanaume hivi umerogwa au?”

“Nimekuletea na samaki, hizi”

Bahati akachukua mfuko aliofika nao ulikuwa na samaki akamkabidhi Erica, ila Erica alipopokea tu ule mfuko gafla akajihisi kichefuchefu cha hali ya juu na kwenda kutapika sana.

Bahati alishangaa na kuuweka ule mfuko wenye samaki pembeni,

“Bahati, ondoka na samaki zako sizitaki”

“Kwani una matatizo gani Erica? Mbona samaki huwa unazipenda tu”

“Nimekwambia ondoka na samaki zako”

Ila Bahati hakukubali bali alienda tena ndani kwakina Erica na kuacha ule mfuko wake wa samaki mezani kisha akatoka nje alipo Erica huku akimpa ushauri kuwa waende hospitali,

“Hospitali nikafanye nini? Kwani kutapika ndio kuumwa? Labda ni minyoo”

“Sawa, ila hata kama ni minyoo Erica unatakiwa kupima”

“Aaah na wewe hebu achana na mimi, tutaongea siku nyingine kwa muda huu naenda kupumzika ndani”

Erica alionekana kuchukizwa kabisa, na kwenda ndani kwao ikabidi Bahati aondoke tu.



Mama yake Erica alishangaa kukuta mfuko wa samaki mezani,

“Yani Erica umeshindwa hata kuwashughulikia hawa samaki jamani! Yani umeletewa na kuwaacha hapa mezani?”

Erica alienda kuwachukua kwa kinyaa sana ili akawashughulikie, ila kabla ya kufanya chochote alitapika sana mpaka mama yake akaenda kumdaka,

“Una tatizo gani Erica”

“Najisikia vibaya tu mama”

“Basi twende hospitali”

“Ngoja nikajiandae”

Erica aliingia ndani kama anajiandaa kwaajili ya kwenda hospitali ila alifika kitandani na kujilaza, na usingizi ukampitia pale pale. Mama yake alisafisha wale samaki na kuwapika ila Erica alikuwa bado kalala, ikabidi hadi mama yake amuamshe ila alidai ni uchovu tu wala hajihisi vibaya kiasi cha kwenda hospitali.

Ila kesho yake aliamua kwenda mwenyewe hospitali kupima minyoo, ila daktari alimshauri wapime na ujauzito.

Majibu yalipotoka yalionesha kuwa Erica ana mimba, yani swala hilo likaichanganya kabisa akili yake.





Ila kesho yake aliamua kwenda mwenyewe hospitali kupima minyoo, ila daktari alimshauri wapime na ujauzito.

Majibu yalipotoka yalionesha kuwa Erica ana mimba, yani swala hilo likaichanganya kabisa akili yake.

Daktari alimuangalia sana kwa makini Erica alivyokuwa amechanganyikiwa, akamuuliza,

“Vipi hukutarajia au?”

“Sikutarajia dokta na hata sijui nifanye nini mimi!”

“Kama huna mpango na hiyo mimba nakushauri utoe”

Yani huu ushauri ulipenya vilivyo kwenye akili ya Erica na aliona kuwa unamfaa sana, akamuangalia dokta kwa makini na kumuuliza,

“Kwahiyo inawezekana kutoa?”

“Ndio, inawezekana, ila kuna gharama zake”

“Shilingi ngapi”

“Sababu mimba yako ina zaidi ya wiki nne ni laki moja na nusu”

“Duh!”

“Ndio, hivyo. Kutoa mimba ni gharama, nenda jipange ila usichelewe sana maana kadri inavyozidi kukua ndivyo gharama inavyoongezeka”

Erica alimuaga Yule dokta ila kiukweli alikuwa kachanganyikiwa na hakujua hata aanzie wapi na aishie wapi, akijangalia hakuwa na hela hiyo kwa kipindi hiko na hakujua ni wapi ataipata. Akasogea mahali na kuamua kumpigia simu Derick na kumuomba kuwa waonane siku hiyo ana mazungumzo nae.



Walikutana na Derick ila hata Derick aliweza kuona mashaka aliyokuwa nayo Erica, alimuuliza kwa makini kuwa tatizo ni nini,

“Nimetoka hospitali kupima nimekutwa na mimba”

“Una mimba?”

“Ndio nina mimba”

“Ya nani?”

“Ya kwako Derick”

“Yani siku moja tu erica ndio upate mimba kweli? Haya sasa tunafanyaje”

“Nataka kutoa”

“Kutoa? Unajua kama kutoa mimba si vizuri!”

“Haya ngoja nikuulize, mimi na wewe ni ndugu, je huyo mtoto atatuitaje unajua mambo mengine yalifanywa bila ya kufikiria! Naomba sapoti yako Derick, nisaidie nitoe hii mimba”

“Sasa mimi nitakusapoti vipi?”

“Unipatie hela nikatoe, dokta kaniambia ni shilingi laki moja na nusu”

“Kheee laki na nusu? Hela yote hiyo, si bora uzae tu. Kwanza sina hiyo hela”

“Sasa kama laki na nusu ya kutolea huna, hiyo hela ya kulea mtoto utakuwa nayo? Umeniharibia maisha yangu Derick halafu unagoma hapo, unataka ndugu zetu wajue kama tulikuwa na mahusiano”

“Ila Erica, hebu kuwa mkweli basi hiyo mimba ya nani? Yani mimi siku moja tu nikupe mimba kweli?”

Erica aliona huyu Derick anamfanyia masihara wakati yeye alishachanganyikiwa na swala lile la mimba, alimuangalia kwa gadhabu sana na kumwambia,

“Hivi aliyekwambia mimba inaingia ukifanya mapenzi wiki nzima nani? Mimba inaingia siku moja tu na wakati mmoja”

“Kama ndio hivyo basi zaa halafu nitaangalia mtoto kama atafanana na mimi”

“Katika watu waliowahi kunichefua katika maisha yangu, wewe ni namba moja. Kwaheri”

Erica aliondoka zake, alisimamisha bodaboda na kwenda kwao huku ana mawazo tele akiwaza kuwa atafanya nini na ile mimba maana hakutaka mama yake ajue na hawezi kwenda kumuomba hela dada yake Bite maana atauliza tu kuwa hela ya nini, alihisi kuchanganyikiwa kabisa.



Usiku ulifika ila hakuwa na usingizi, mawazo yalijaa kwenye akili yake maana aliwaza kuhusu ile mimba, yani kwa akili iliyojaa kichwani mwake ni kutoa tu ile mimba na si vinginevyo.

Alichukua simu yake na kuingia facebook, akamuona Rahim yuko hewani akaamua kumtumia ujumbe,

“Nina shida na laki moja na nusu”

Akaituma kisha akaizima kabisa simu huku akiwaza maswali kadhaa,

“Lazima ataniuliza ya nini, sijui nitamjibu vipi mimi? Akisema sina, oooh nitakuwa nimeumbuka mimi Erica”

Akachukua simu yake ya kawaida na kuandika ujumbe mfupi, kisha akamtumia Tumaini,

“Naomba nikopeshe laki moja na nusu”

Akatuma huku akiwaza pia kuwa lazima Tumaini atamuuliza kuwa ana shida nayo ipi, na kweli ujumbe toka kwa Tumaini uliingia ukimuuliza,

“Una shida gani na hiyo hela Erica?”

Hakuweza kujibu kwani hata hakujipanga kuwa aseme ana shida ipi na hiyo hela, badala yake akatuma ujumbe kwa dada yake Bite,

“Dada, naomba laki moja na nusu nina shida nayo”

Muda kidogo baada ya kutuma, dada yake alianza kumpigia na kumfanya ashindwe kupokea kwani bado hakujipanga na maelezo. Ikabidi sasa aanze kujifikiria kuwa akiulizwa hiyo laki moja na nusu ya nini atafute uongo wa kusema, alijiuliza sana na kukosa jibu. Aliamua kutokuangalia simu yake kuwa ni ujumbe gani amejibiwa au ni nani anampigia, ila kuna muda simu yake iliita sana na kila ilipokatika ilianza kuita tena ikabidi aichukue kuipokea maana alipoangalia alikuwa na Bahati na akaona asipopokea Yule Bahati hatoacha kumpigia na kama akizima simu basi dada yake atamuuliza kuwa kwanini alizima simu,

“Erica mpenzi wangu una matatizo gani?”

“Usiniulize bhana nina matatizo gani, mimi nina shida na hela”

“Shilingi ngapi unataka mpenzi wangu?”

“Nahitaji laki moja na nusu”

“Duh hela yote hiyo ya nini mama?”

“Kama huna sema huna sio kuniuliza hela yote ya nini”

“Erica, wewe ni mpenzi wangu na nina wajibu wa kuhoji kuwa una tatizo gani. Hata hivyo hiyo hela sina, ila nina elfu ishirini, naomba nikutumie huenda ikakusaidia kidogo”

“Haya tuma”

Kisha Erica alikata simu, na baada ya muda kidogo alikuwa ametumiwa elfu ishirini na Bahati,

“Yani angekuwa na hela huyu ningefaidi sana, ila sema mtu mwenyewe masikini”

Alipigiwa tena simu na Bahati na kupokea,

“Hata kama hujataka kuniambia kuwa una tatizo gani, ila nipo tayari kukusaidia. Kesho nitajitahidi kupambana na nitakachopata nitakutumia mpenzi wangu”

“Haya asante, usiku mwema”

Kisha Erica akakata simu na kulala, ila kiukweli usingizi bado haukuja kabisa maana alikuwa akiwaza kuhusu ile mimba na atafanya kitu gani aweze kupata pesa za kuitoa, hakuwa na marafiki wengi na wachache alionao hawakuwa na uwezo wa kumkopesha laki na nusu, mwenye uwezo ni Tumaini ila hakuweza kumwambia tatizo lake kwani Tumaini anapinga vikali swala la kutoa mimba.

Akawaza kuwa amuulize Johari, akaona hapana maana hapo siri zake za kutoa mimba zitajulikana, akakumbuka kuna siku aliwahi kusikia watu wakisema kuwa kunywa majivu kunatoa mimba. Akainuka na kwenda jikoni, akakoroga majivu kwenye kikombe na kunywa kisha akarudi chumbani ili kusikilizia matokeo ya majivu yale.



Hadi kesho yake hakuona dalili yoyote ile na kuhisi huenda ni dawa ya uongo au hakusikiliza vizuri kuhusu njia za kutolea mimba kwa kutumia majivu.

Akawasha tena simu yake na kuingia facebook ili kuona kama Rahim kamjibu ila akaona hajajibiwa, akakosa raha kabisa, muda kidogo aliona ujumbe facebook kutoka kwa Rahim,

“Yani leo ndio nimeingia kwenye mtandao na kukuta una shida na hiyo pesa, naomba kesho nikutumie kwa western union, nitumie tu details zako Erica”

Yani Erica alisoma ule ujumbe mara mbili, hakuamini macho yake hata akawaza kuwa aandike kwanza asante au atume taarifa zake kwanza, alihisi kuchanganyikiwa maana kati ya wote aliowaomba ni Rahim tu ambaye hakumuuliza kuwa pesa ile anaihitaji ya nini, alichukua simu yake na kumtumia taarifa zake kisah chini yake kumshukuru ila Rahim alimjibu,

“Usijali, hayo ni mambo madogo sana kwangu”

Erica alitabasamu na kuweza kuendelea na shughuli zake zingine maana alikuwa na uhakika wa kuipata ile pesa.

Jioni yake alitafutwa na Bahati pia kwenye simu, akaamua kupokea simu yake,

“Erica mpenzi wangu, nimepambana kadri niwezavyo, nimemkopa rafiki yangu na nimepata elfu hamsini tu naomba nikutumie tafadhali”

Erica akaona kama akikataa basi atamfanya Bahati ajisikie vibaya, kwahiyo alimkubalia na baada ya muda mfupi Bahati alimtumia ile elfu hamsini kwahiyo ikawa jumla elfu sabini ukiongeza na ile elfu ishirini ya jana yake, kiukweli alijua ni wazi kabisa kama Bahati angekuwa na hela za kutosha basi angemsaidia ni kwavile tu hakuwa na hela za kutosha. Akamshukuru pia huku akingoja hela atakayotumiwa na Rahim kesho yake.

Usiku wake Rahim alimtumia taarifa za kwenda kuchukua hela zake, na kusema kuwa kesho asubuhi angeenda kuchukua.

Na kweli alienda kuchukua na kushangaa sana, maana alijua Rahim kakosea kusema nimetuma laki tano, akakuta kweli anapewa laki tano, alistaajabu sana na kuona ni kweli anapendwa sana na Rahim, moja kwa moja alienda kule hospitali alipoahidiana na Yule dokta na kupewa muda wa kufanyiwa tukio la kutoa mimba.

Muda ulipofika alielekea alipoambiwa ila moyoni mwake alijiapia,

“Hii itakuwa ni mimba ya mwisho kutoa katika maisha yangu yote, nikija kupata mimba tena nitazaa bila kujali chochote. Nimejifunza sasa na sitarudia tena”

Daktari alifika na kumfanyia ile shughuli, maumivu aliyoyapata siku hii yalikuwa makali sana ila dokta alimaliza kumtoa mimba na kumuandikia dawa kisha kumuacha apumzike kidogo.



Alirudi nyumbani sasa na kwenda kulala ila alishukuru sana kwa kufanikisha swala lake la kutoa mimba, ila akajisemea kuwa hataki tena kujihusisha na maswala ya ngono,

“Ilimradi mwanaume anipendaye yupo nje ya nchi basi akirudi labda ndio nitakuwa nae pamoja, ila kwasasa sitaki kuwa karibu na mwanaume yoyote Yule. Bahati naweza kummudu, ni msumbufu sana ila naweza kummudu najua nikimwambia sitaki hawezi kunilazimisha ila sitakaa na mwanaume yoyote Yule kwenye maeneo hatarishi”

Lile lilikuwa somo kubwa sana kwake maana kutembea na kaka yake lilikuwa swala la ajabu na aibu sana katika maisha yake.

Alijifikiria kuhusu elfu sabini aliyopewa na Bahati akaona kama atamrudishia basi Bahati atajisikia vibaya sana, akaona ni vyema amnunulie Bahati zawadi kwa ile hela au aongezee kidogo ampatie ila swala la kumrudishia litamfanya Bahati ajisikie vibaya, akajifikiria sana kuwa ampatie zawadi gani Bahati, akakumbuka kuwa ndani kwa Bahati kuna jiko la mkaa tu kwahiyo akawaza kuwa amnunulie jiko la gesi.

Akalala muda huo akiwa na amani moyoni mwake, alikuja kushtuka wakati usiku umeshaingia mama yake ndio alienda kumuamsha,

“Una matatizo gani siku hizi mwanangu, unajua sikuelewi? Toka umerudi yani hueleweki kabisa, una tatizo gani, niambie unajua mimi ni mama yako”

Muda ule ulke simu ya mama yake ikaita, na akaipokea ilionyesha kuwa alikuwa akiongea na Bite kwani alikuwa akimueleza matatizo aliyokuwa nayo Erica kwa kipindi hiko, Erica akainuka na kwenda kuoga kwani alijua baada ya hapo angeitwa tu na mama yake kuulizwa kuwa ana tatizo gani tena.

Na kweli baada ya kumaliza tu kuoga, mama yake alimuita na alipoenda alianza kumuuliza,

“Ulimuomba dada yako laki moja na nusu ya nini?”

“Mmmh jamani dada Bite nae, yani kakwambia”

“Ndio lazima aniambie mimi ndio mama yenu, na amekuuliza ya nini hujamjibu. Haya niambie sasa hiyo hela ulitaka ya nini?”

“Mama, kuna rafiki yangu anaolewa sasa nilikuwa nataka hela ya mchango maana nilimuahidi nitamchangia yani sikuwa na furaha sababu sherehe yake imepita jana”

“Hivi wewe kama kuna jambo kama hilo kwanini usiseme mapema?”

“Mama, yani sikuelewa nimekuja kushtukia tu siku zimeisha na nimeogopa kumwambia dada sababu najua angenishushua”

“Ndio lazima akushushue, mtu unasoma halafu unataka kuanza kujishughulisha na kuchanga michango mikubwa hiyo ya harusi. Ujinga huo, michango waniambie mimi”

Erica alishukuru mama yake akubaliana na uongo aliomdanganya kwani muda wote alikuwa anatafuta uongo wa kusema kuhusu kukaa na mawazo vile na kuomba hela.



Kesho yake alienda kwenye maduka ya gesi na kununua mtungi mdogo wa gesi uliokuwa na kila kitu kwa elfu tisini, kisha akakumbuka kuwa ndani kwa Bahati kuna joto sana, aliamua kumnunulia na feni ya chini ya elfu sabini maana hela alikuwa nazo kwa kipindi hiko. Akakodi bajaji hadi alipokuwa akiishi Bahati maana alifanya kwa kumshtukiza tu.

Alimkuta Bahati anafua, yani Bahati hakuamini kile alichokiona kuwa Erica kamnunulia zawadi, Erica alishusha zile zawadi na kumwambia Bahati kuwa anawahi chuo ila hakujua kama kile kitu kimetengeneza kitu gani kwenye moyo wa Bahati, kwani Bahati alijiona kuwa ni mwanaume anayependwa na Erica kuliko watu wote duniani kwani hakufikiria kama inawezekana kwa mwanamke asiyekupenda kukufanyia vile, ukizingatia hata hela aliyompa Erica haikufikia vitu ambavyo Erica alimnunulia.

Erica hakutaka kukaa sana kwa Bahati kwani aliogopa maswala ya kujikuta akiingia tena kwenye uzinifu kwa kushawishiwa, alishajisemea kuwa hatokuwa kwenye mazingira hatarishi tena kwahiyo alijizuia hata kuingia ndani kwa Bahati.

Alipokuwa chuoni, jioni yake alifatwa na Bahati, hakupinga kwenda kuongea nae,

“Kwakweli Erica nimeamini unanipenda, na nakuahidi kukupenda hadi pumzi yangu ya mwisho”

Erica alimuangalia tu Bahati, huku Bahati akiendelea kuongea,

“Sasa lini utahitaji nikufurahishe kwa mapenzi mpenzi wangu?”

“Naomba nikwambie jambo hili Bahati, sitaki tena ngono hadi pale nitakapoingia kwenye ndoa”

“Hilo sio tatizo Erica, si ukubali tu nikuoe hata sasa”

“Hapana siwezi kuolewa hadi nimalize chuo, kama unanipenda basi kubaliana na mawazo yangu, sitaki kufanya chochote tena hadi ndoa”

Bahati hakuwa na usemi zaidi ya kukubali kile ambacho Erica alisema kwani alimpenda sana Erica,

“Pia naomba usiwe unakuja mara kwa mara hapa hosteli nakuomba”

“Sawa, hakuna shida”

Kisha Erica akaagana nae, hakutaka kuendelea kumkataa wakati mtu bado anajilazimisha kwake akaona njia pekee ni kumuomba asiwe anaenda mara kwa mara pale hosteli, na alishukuru kuona vile amekubali.

Kitu ambacho hakukifahamu Erica ni kuwa watu wengi pale chuoni walikuwa na habari zake mbali mbali nzuri na mbaya, alizozijua na asizozijua, sababu hakutaka kuwa karibu na marafiki maana siku zote walitumika kuumiza moyo wake, ilikuwa ni ngumu sana kujua habari yoyote inayoendelea juu yake pale chuoni, alichojali yeye ni kufanya masomo yake tu.



Mawasiliano ya Erica na Rahim yalipamba moto kiasi kwamba walijikuta hadi wakipanga mipango ya ndoa kwenye simu na idadi ya watoto watakaowazaa, Erica alianza taratibu kuuweka moyo wake kwa Rahim kwani aliona ndiye mwanaume ampendaye.

Siku hiyo akiwa anawasiliana nae kwa njia ya ujumbe facebook kama kawaida yao, alishangaa kuona kuna mtu kamtumia ombi la urafiki, kumuangalia mtu Yule akaona ni Erick, moyo ulimlipuka paa, akamfungua mtu huyo na kuangalia picha zake vizuri, akaona ni Erick Yule Yule anayempenda siku zote, alihisi akili yake kuhama kwakweli maana kila akimfikiria mtu huyu huwa anashindwa kuelewa kama anaweza kukubali kuolewa na mwanaume mwingine ikiwa Erick hajaoa, ingawa taarifa za kuambiwa kuwa Erick ana mwanamke zilimuumiza sana na kujiapia kuwa atamsahau ila kitendo cha kuona kamuomba urafiki facebook kilihamisha akili yake kabisa na kujikuta akikubali ombi la urafiki wa Erick huku akitamani kumtumia ujumbe ila kabla hajamtumia alishtukia tu kuna ujumbe ukitoka kwa Erick kwenda kwake,

“Hongera Erica, ulinitafuta ilihali ukijua kuwa umeshaolewa? Iliniuma sana kuongea na mume wako”

Erica alishangaa sana na kumuandikia ujumbe,

“Hizo habari za mimi kuolewa umezitoa wapi Erick? Mimi sijawahi kuolewa na wala simu yangu haijawahi kushikwa na mwanaume”

“Acha uongo Erica, mwanaume wako alipokea hadi usiku akisema umelala nae, niliumia sana Erica yani wewe msichana unaumiza akili yangu”

Sasa muda huo wakati anasoma huo ujumbe kuna ujumbe uliingia kutoka kwa Tumaini ukimwambia,

“Erica toka siku ile hujanijibu hadi leo kuwa hela ile ulikuwa unataka ya nini, halafu ni mwezi sasa hatujaonana kwanini mdogo wangu? Una matatizo gani? Usinifiche, kuna habari nyingi sana nimesikia kuhusu wewe, ndiomana nakuuliza kwa makini ikiwezekana tuonane na tuongee kuhusu hizi habari kama zina ukweli maana zinaniumiza sana”

Aliisoma na kujiuliza sana kuwa ni habari gani hizo ila hakupata jibu, ila akaona ni vyema amjibu Erick kwanza, halafu ndio aendelee kuulizana na Tumaini

“Unajua ninavyokupenda Erick, siwezi kufanya huo upuuzi”

Akatuma, na kushtuka kwani aligundua kuwa ule ujumbe ametuma kwa Tumaini na sio Erick.







Aliisoma na kujiuliza sana kuwa ni habari gani hizo ila hakupata jibu, ila akaona ni vyema amjibu Erick kwanza, halafu ndio aendelee kuulizana na Tumaini

“Unajua ninavyokupenda Erick, siwezi kufanya huo upuuzi”

Akatuma, na kushtuka kwani aligundua kuwa ule ujumbe ametuma kwa Tumaini na sio Erick.

Erica alitetemeka sana na hakujua hata aseme nini, ujumbe ukatoka kwa Tumaini,

“Erica, unamuongelea Erick mdogo wangu eeh! Nimeona taarifa hapa kuwa mmekuwa marafiki leo, eeh niambie umeanza lini kumpenda mdogo wangu Erica?”

Erica alijifikiria sana kuwa amjibu kitu gani Tumaini, alijihisi hadi kuchanganyikiwa kabisa, alikuwa kimya na ujumbe mwingine ukaingia kutoka kwa Tumaini,

“Nijibu Erica umeanza lini kumpenda mdogo wangu? Ndio sababu ya kuniomba namba eeh! Kumbe ulikuwa unatukejeli pale na Sia wakati unampenda mdogo wangu?”

Ikabidi Erica amjibu,

“Hapana dada, sio Erick mdogo wako”

“Mwehu wewe, usinitanie, kama sio mdogo wangu nitumie jina analotumia humu facebook nimuulize, unadhani tabia yako sijaambiwa? Unaonekana binti mpole ila una mambo ya ajabu sana, usinidanganye lolote, niambie umeanza lini kumpenda mdogo wangu?”

“Nisamehe dada, ila sio Erick mdogo wako”

Erica aliamua kumjibu hivyo maana aliona jumbe zinazotumwa na Tumaini ni za kuchukizwa sana ingawa hakujua kuwa ni vitu gani ambavyo Tumaini amesikia kuhusu yeye.

“Kesho tuonane Erica, nina shida na wewe”

“Sawa, hakuna shida”

Kwa muda huo Erica hakuwa na hamu tena ya kuendelea kutuma meseji kwa mtu yeyote kwani hadi pozi zilimuisha haswaa, alihisi kuchanganyikiwa huku akijiuliza kuwa Tumaini anamuhitaji kuonana nae ili aongee nae kuhusu tabia yake ipi, aliamua kulala tu huku akisubiri kesho yake akaonane na Tumaini.



Kesho yake kama kawaida alienda chuo kwenye kipindi, na alipotoka tu kwenye kipindi alitafutwa na Tumaini na kutajiwa mahali ambako Tumaini yupo kisha akaenda kumsikiliza. Alimkuta na kumsalimia ila Tumaini hakuitikia salamu ya Erica, akamuuliza

“Haya sasa nionyeshe huyo Erick uliyekuwa unamwambia kuwa unampenda facebook”

Erica hakutaka kumdanganya Tumaini ila pia hakutaka kumwambia ukweli kama ni yeye ndiye aliyekuwa anasemwa na Erick, kwahiyo akamwambia

“Ni kweli niliyekuwa nawasiliana nae ni Erick mdogo wako ila sikutaka kukwambia ukweli maana ulishachukia tayari”

Tumaini akamzaba kibao Erica na kumuuliza,

“Ni lini umeanza kumpenda mdogo wangu?”

Erica alikuwa akijishika shika shavu pale alipozabuliwa kofi,

“Ni tangia nilipomuona kwako”

“Nilijua tu mwanaizaya wewe, mtoto shetani kabisa wewe. Kwan je unaonekana mstaarabu kumbe mbwa mwitu, kwahiyo siku ile ulitulaghai na Sia ili uchukue namba ya mdogo wangu na uanza kumchombeza? Ndiomana kila nikikwambia kuhusu mchumba wa Erick unapata kimuhemuhe na kuaga”

“Nisamehe dada”

“Nikusamehe nini shetani mkubwa wewe, ninachotaka ni uachane na mdogo wangu atulie na mchumba aliyempata kwanza ni mzuri sana. Sitaki mdogo wangu aanze kuhangaika na watanzania tena, haswaa mtu kama wewe mwenye skendo kila kona ya chuo hiki”

“Ila dada kwani mimi nina skendo gani?”

“Tena utulie, unafikiri mambo yako ni siri? Kila mtu hapa chuo anayajua mambo yako, ulisababisha vijana wawili wapigane hosteli sababu yako, hapo ulipo ushabakwa na wanaume wane unafikiri ni siri? Kila mtu anajua, tena ulivyomzoefu wa hayo mambo yani ulibakwa na kuonekana kujionea sawa tu. Na zaidi ya yote nimepata habari kuwa ulikuwa na mahusiano na Derick, hakuna asiyejua hapa chuoni kama Derick ni mwanaume Malaya chuo kizima yani kazi yake ni kubadilisha wanawake tu, ila kwako akakuzoa maana ushazoea kuzolewa na wanaume. Hivi wa kumtaka mdogo wangu wewe? Hapo ulipo unanuka zinaa, mwanaharamu wewe”

Erica alikuwa kimya kabisa maana hakuamini kama maneno haya yanaongelewa na Tumaini, aliyemuona kama dada yake hapo chuoni, aliona kuwa amepata ndugu na si rafiki na ndiomana akawa nae karibu, ila leo amemwambia maneno makali sana ambayo alibaki kuyashangaa tu. Kitendo cha Erica kuwa kimya kilimfanya Tumaini aendelee kuongea,

“Nakuomba Erica uachane na mdogo wangu tafadhali, au kwavile kwetu nilikwambia tuna uwezo? Achana na Erick nakuomba, achana nae kabisa. Niahidi sasa hivi kuwa utaachana na Erick”

“Nakuahidi dada, sitaendelea nae tena”

“Yani wewe loh”

Akatema na mate chini na kuendelea kuongea,

“Unatia hata kichefuchefu yani, msichana mzuri hivyo, unaonekana mpole tena binti mlokole kumbe hakuna kitu ni jamvi la wageni yani wewe kila anayekutaka anakupata, na isitoshe ushabakwa na watu zaidi ya wanne halafu bila haya unamwambia mdogo wangu unampenda, na nitamtafuta Erick nimwambie skendo zako ili hata asikukubali mwanaizaya wewe”

Tumaini akaondoka na Erica akaondoka pia bila ya kumjibu chochote maana alikuwa akishangazwa tu, kichwa chake kilijaa mawazo ya kila aina na kufanya akose raha kabisa huku akijiuliza kuwa ni wapi alipokosea maana hakuelewa kabisa, swala lake la kutafuta penzi la kweli limemfanya aonekane Malaya na hafai kabisa kwa jamii, Erick ni mwanaume anayempenda sana ila dalili ya kumpata tena hakuwa nayo kwa zile skendo alizosikia kuhusu yeye.



Alirudi hosteli akiwa na mawazo sana, akaona kuwa atawaza sana bila ya kuwa na majibu yanayoeleweka, akajiangalia ni kweli hakuwa na rafiki pale chuoni sasa ni nani anayeweza kumwambia ukweli kuwa zile kashfa za ajabu ajabu kwake zimeenezwa na nani na zimeanza vipi, akamkumbuka Fetty kuwa anaongeaga ongeaga nae, akatoka kwenda kumuulizia kwenye chumba chake ili akaongee nae maana alimuona kuwa na maneno mengi sana na kwa vyovyote vile lazima atakuwa ni binti mbea.

Alienda kumuulizia na kweli alimkuta na kwenda nae nje kwenye kivuli kisha akaa nae ili kuzungumza nae,

“Samahani Fetty, eti ni habari gani zinazoenea kuhusu mimi?”

“Tatizo lako Erica huna marafiki na ndiomana huwezi kujua kitu chochote kinachoendelea kuhusu wewe, ila kiukweli habari zako ni mbaya sana yani ningekuwa wewe hata chuo ningehama”

“Niambie Fetty ni habari zipi hizo?”

“kwanza kabisa, lile swala lako la wanaume kupigana sababu yako limeenea hosteli hapa kote na sio hosteli tu hadi chuoni habari hizo wanazo yani hakuna mtu anayejua, halafu swala lako la kubakwa na wakaka wane limeenea kote”

Erica alimkatisha kwanza Fetty na kumuuliza kwa makini,

“Nimebakwa! Jamani hizo habari kazieneza nani? Mbona mimi sikubakwa jamani!”

“Erica, wewe unasema hujabakwa ila wakaka waliokubaka wameeneza habari hosteli kote hya kwamba walikubaka siku hiyo saa nne, eti ulijichelewesha kuondoka na kuna jamaa yako ulikuwa unamsubiri ila hakutokea, na wale walikuwa wamekuvizia maana ulishawadanganya wote na umekula hela zao, kwahiyo wakakubaka”

“Jamani jamani loh! Hiki chuo kina mambo ya ajabu jamani, sijawahi kubakwa mimi, sijawahi kubakwa kabisa katika maisha yangu. Na kuhusu Derick je maana nimesikia sikia habari”

“Shoga, Derick ni Malaya koko ila sikutaka tu kukwambia siku ile maana sijui kama ungenielewa ila Derick ni Malaya koko. Sasa kitendo cha wewe kuwa na mahusiano na Derick kimejulikana chuo kizima yani watu wamekuzania kuwa na wewe ni malaya maana kumkubali Derick anayejulikana chuo kizima kuwa ni malaya ni swala la ajabu”

“Jamani! Kumbe Derick ni malaya? Sikujua Fetty”

“Utajulia wapi na hauna mashoga, katika maisha unatakiwa kuwa na marafiki ili kutambua vitu kama hivi, watu wanakuwa na marafiki ili kujua mambo mbalimbali. Kidole kimoja hakivunji chawa shoga yangu, unatakiwa kuwa na marafiki ili kuweza kuisafisha sifa yako. Sasa swala la kubakwa ungekuwa na marafiki hata wangekutetea kwa watu kuwa hukubakwa ila marafiki huna na habari imeenea chuo kizima kuwa ulibakwa”

Erica alipumua kidogo huku akijiuliza kuwa ni nani aliyeeneza habari zake kuwa alibakwa wakati hakubakwa, kiukweli hakupendezewa kabisa na zile habari ila alimshukuru Fetty kwa kumwambia ukweli,

“Tena nasikia kuna habari yako hiyo kubwa kuliko zote ila bado mwenye nayo hajapata ushahidi vizuri”

“Habari gani hiyo?”

“Sijui, ila wanasema tu kuna habari yako mbaya inakuja kuenea chuoni. Erica kuwa makini sana, kuwa makini na watu unaoanza nao mahusiano ya kimapenzi, nahisi habari zako nyingi zinaenezwa na Derick, kuwa nae makini sana, ni mvulana malaya Yule na anapenda kumchafulia sifa msichana ndiomana wengi wanamkwepa kuwa nae kwenye mahusiano.”

“Nashukuru sana Fetty, inatosha kwa uliyoniambia asante”

Erica aliondoka na kuingia ndani hosteli, akapabeba mkoba wake na kuondoka zake, yani muda huo aliondoka na kwenda nyumbani kwao kabisa kwani zile habari hazikumfurahisha kabisa.



Alipokuwa kwao alifikiria sana, na kuanza kuhisi huenda maneno aliyoyasema Fetty yana ukweli kuwa huenda Derick ndio amesambaza habari mbaya kuhusu yeye,

“Itakuwa ni Derick tu maana ndio aliyeshuhudia wale vijana waliotaka kunibaka, jamani kwanini ananifanyia hivi wakati ni ndugu yangu! Na habari kubwa anayotaka kueneza kuhusu mimi ni ipi?”

Akawaza sana na kusema,

“Mungu wangu, asije akaeneza kuwa nimetoa mimba, jamani nitaweka wapi sura yangu mimi Erica? Najuta kumfahamu huyu mtu, ni kwanini nimempata ndugu wa aina hii?”

Aliwaza sana, na kusema kuwa kesho yake ataenda kumtafuta Derick ili aongee nae na aache kumfanyia vitu vya ajabu kiasi hiko kama kumsambazia vitu vya uongo, kiukweli Erica hakuwa na raha kabisa na alijiona akikosa amani moyoni mwake kila siku maana ni kama liliibuka jipya kila siku, usiku ulifika na mama yake alimuuliza kuwa imekuwaje amerudi tena kutoka chuoni, alisema uongo wake wa kumkumbuka ila kiukweli chuo kile kilianza kumchosha kwa kipindi hiko.

Kesho yake alienda chuoni na alimtafuta Derick hewani ili aonane nae, na kweli Derick alikubali kuonana nae na kwenda kuongea nae,

“Derick kwanini lakini umeamua kunifanyia hivi? Kweli kabisa wewe ni wa kueleza habari mbaya kunihusu mimi?”

“Habari gani Erica?”

“Wewe umewaambia watu kuwa mimi nilibakwa na wanaume wane sijui, jamani Derick, unajua fika kuwa sikubakwa, kweli ni wa kunisambazia habari za hivyo?”

“Erica, kwani habari hizo ni za uongo”

“Ndio ni uongo, kwani wewe hukuona kama sikubakwa?”

“Kama hukubakwa mbona ulikubali twende kupima mimba na magonjwa ya zinaa? Erica, unaweza kumdanganya mtoto ila sio mimi, na kila leo unajiliza liza, hata hivyo habari hizo zilizagaa kipindi kile kile hata sijagundua kuwa wewe ni ndugu yangu”

“Sasa umepata faida gani kwa mfano kunisema hivyo? Unataka watu wanichukie eeh! Unajua wewe ni muuwaji?”

“Hivi uuwaji wangu mimi unaweza kufikia uuwaji wako wa kutoa mimba? Nyie kwenu ni wauaji ndiomana mamako hakunitaka”

“Hivi wewe Derick unaongea au unaropoka? Jamani siku ile da Mage si amesema maneno ambayo mimi na wewe hatukuyajua kabisa, kwanza kumbuka ulilala na mimi bila ridhaa yangu, halafu unataka nionekane malaya, hivi ukoje Derick, wewe ni mtoto wa baba kweli? Labda baba alisingiziwa tu”

Derick akacheka kwa kejeli na kusema,

“Mamako hajanipa haki zangu sababu naye akikazania kuwa mimi ni mtoto wa kusingiziwa, sikia nikwambie Erica, siku niliyogundua kuwa wewe ni ndugu yangu nimekuchukia balaa. Katika watoto wa baba nampenda dada Mage tu sababu amekuwa name bega kwa bega maisha yote, hivi wewe ulishindwa kuzaa hadi kwenda kutoa ile mimba kama sio mchezo wako? Hata kama nilifanya mapenzi nawe kwa bahati mbaya ila si ungezaa tu na tungeendelea kufanya iwe siri maana kama mapenzi tumefanya kweli”

“Basi yaishe, tushakuwa ndugu sasa naomba yaishe. Niheshimu kama dada yako”

“Nitaanza kukuheshimu pale tu nitakaposema kuwa ulitoa mimba na watu wote wajue rangi yako halisi, maana unaonekana binti mpole kumbe hakuna lolote”

Erica alihisi kuchanganyikiwa kabisa maana huyu ndugu yake hakumuelewa hata kidogo aliona akimchanganya tu akili hata akajiuliza kuwa baba yao alianzaje kuzaa nje mtoto wa aina ile asiyekuwa na akili ya utu hata kidogo.

“Hivi Derick, undugu wa wewe na mimi uko wapi? Hivi unajua kuwa mimi ni dada yako?”

“Tena nitasambaza kuwa huna aibu umelala na kaka yako hadi ukapata mimba na mimba hiyo ukaenda kutoa, yani Erica utapata sifa chafu sana kutoka kwangu. Unafikiri maisha niliyoishi mimi niliyafurahia? Mama yangu alipata shida sana sababu ya mama yako na tena alisema baba alikataa nisilelewe pale sababu mkewe alikuwa na mtoto mdogo, umefanya nikose upendo wa baba, halafu unajishauwa nini? Nataka upate uchungu nilioupata mimi wa kuishi bila upendo wa baba”

“Derick unadhani utapata faida gani kufanya hivyo? Au maisha uliyoishi wewe kutaka wengine wayaishi kutakufaidisha nini? Sasa mimi nahusika vipi na kuteseka kwako? Wakulaumiwa sio mimi ni baba”

“Sikia Erica, mimi nimeteseka sana sababu sijawahi kupata upendo wa baba, kila mwanaume aliyetaka kumuoa mama yangu haikuwezekana sababu mama ana mtoto ambaye ni mimi, baba amemfanya mama yangu asifurahie kama kuna kitu kinaitwa ndoa maishani mwake, nimeteseka sana mimi, na wewe ukaenda kutoa mimba kama ambavyo baba alitaka mimba yangu itolewe”

“Sasa ulitaka nizae mtoto wa laana, tena bora hata mimba yako ingetolewa tusingeletewa machizi kama wewe duniani”

“Mimi chizi eeeh! Subiri, uchizi wangu utauona vizuri, hiki chuo kitakuwa kichungu sana kwako”

Erica alimshangaa sana huyu Derick yani hakumuelewa kabisa, Yule Derick akaondoka zake kisha Erica nae akaondoka zake na kurudi hosteli huku akiwa na mawazo mengi sana maana akili yake alihisi ikiruka kabisa.



Alifika hosteli na kukaa kwenye kitanda chake huku akiwa na mawazo mengi sana akachukua simu yake na kuiwasha ambapo alikutana na ujumbe toka kwa Rahim,

“Mbona kimya mpenzi? Kwani una tatizo gani? Nieleze”

Ilibidi aanze kumjibu kuwa hana tatizo ila kiukweli alihisi moyo wake kuuma sana, na alijihisi kuwa na matatizo mengi sana ila hakuweza kuyaweka wazi.

Akapokea na ujumbe mwingine toka kwa Tumaini,

“Kesho nitakuja hosteli hapo, nina shida nyingine na wewe”

Aliisoma bila ya kujibu maana akili yake ilikuwa imevurugwa kabisa, muda huo Bahati nae alikuwa akimpigia, akaamua kupokea,

“Erica, hupokei simu zangu siku hizi, kwani una tatizo gani mpenzi?”

“Sina tatizo”

“Erica, nakuhisi tu kuwa hauko sawa mpenzi wangu”

“Nipo sawa”

Erica alivyoona maswali mengi sana akaamua kukata ile simu ya Bahati na hata alipompigia tena hakupokea kabisa.

Muda kidogo akaona ujumbe toka kwa Erick,

“Ndio mumeo alikukataza nini kuchat na mimi maana toka siku ile kimya?”

“Sio hivyo Erick”

“Naomba nikuulize kitu”

“Niulize tu”

“Je dada yangu amejua chochote kuhusu mimi na wewe? Je amejuwa kama tulishawahi kuwa na mahusiano”

“Hapana, ila tu nilimwambia kuwa nakupenda”

“Sitaki ajue Erica maana atakuchukia sana, na sitaki dada yangu akuchukie. Ameniambia kuwa kuna kitu ataniambia kuhusu wewe, ndiomana nilitaka kujua kama umemwambia chochote”

Erica akawaza kwanza kuwa ni kitu gani Tumaini anataka kumwambia Erick, alihisi tumbo kumsokota na kuamua kwenda kwanza chooni.

Alitoka chooni na kumtumia tena ujumbe Erick,

“Ni vitu gani hivyo anavyotaka kukwambia?”

“Sijui ila kaniambia vinakuhusu wewe”

Erica alishindwa hata kuendelea kuwasiliana na kuamua tu kulala huku akisubiri kesho kitajiri kitu gani.



Kulipokucha alijiandaa kwaajili ya kwenda chuo kwanza alishasahau kama Tumaini alisema kuwa ataenda kuonana nae, yeye kwenye mida ya saa nne akaenda zake chuo, wakati akipita maeneo ambayo wanachuo walikaa vikundi vikundi aliweza kuhisi ni jinsi gani wanamsema maana walionekana kumuangalia sana hadi akajishtukia yani kamavile ni mtu aliyetenda mambo ya ajabu kweli katika jamii, aliingia kwenye kipindi, ingawa hakuwa na marafiki ila aliona ni jinsi gani watu walivyomkwepa, alihisi kutakuwa na habari mbaya zaidi zimesambazwa kuhusu yeye, alijisikia vibaya sana.

Kipindi kilipoisha alirudi hosteli, na moja kwa moja alienda kitandani kwake na kujilaza, ila hakulala usingizi, alijifunika shuka tu na huku akilia, alijisikia vibaya sana watu kuonekana dhahiri wanamnyanyapaa utafikiri ni kitu gani kipo kwake.

Wakati amejilaza, alifika Fetty chumbani kwake na kumuita,

“Erica, kuna mgeni wako nje”

Erica alijifuta machozi yake vizuri ndani ya shuka kisha kushuka kitandani kuongozana na Fetty,

“Ni mgeni gani huyo?”

“Utamuona tu, pole Erica naona ulikuwa unalia. Najaribu kuyahisi maumivu yako pole sana, kwakweli habari zinazoenea kuhusu wewe si nzuri kabisa”

“Habari gani nyingine?”

“Inasemekana Erica una ukimwi”

Kwakweli Erica alihisi moyo wake ukijaa machozi ila hakutaka kujionyesha kwa Fetty kama zile habari zimemuumiza kiasi gani, alifika kwa aliyekuwa mgeni wake akamtazama alikuwa ni Bahati.

Kwakuwa Erica alikuwa na maumivu sana moyoni mwake, alimsogelea Bahati na kumkumbatia kwa nguvu huku machozi yakimtoka. Mara gafla alisikia mtu akipiga makofi, kumuangalia mtu Yule alikuwa ni Tumaini akamwambia,

“Nimekupiga na picha Erica, namtumia Erick sasa hivi”

Erica alikuwa ameduwaa tu huku macho yake yakiwa yamejaa machozi.





Kwakweli Erica alihisi moyo wake ukijaa machozi ila hakutaka kujionyesha kwa Fetty kama zile habari zimemuumiza kiasi gani, alifika kwa aliyekuwa mgeni wake akamtazama alikuwa ni Bahati.

Kwakuwa Erica alikuwa na maumivu sana moyoni mwake, alimsogelea Bahati na kumkumbatia kwa nguvu huku machozi yakimtoka. Mara gafla alisikia mtu akipiga makofi, kumuangalia mtu Yule alikuwa ni Tumaini akamwambia,

“Nimekupiga na picha Erica, namtumia Erick sasa hivi”

Erica alikuwa ameduwaa tu huku macho yake yakiwa yamejaa machozi.

Ila Tumaini aliendelea kuongea,

“Usijilize Erica, ujinga wako wote leo unafika sehemu husika”

Bahati hakupendezewa na kitendo cha kumuona Erica akiwa amejawa machozi kiasi kile, alimshika mkono na kwenda nae barabarani kisha akakodi bajaji na kwenda nae ufukweni kwani alijua jinsi gani Erica aliyapenda maeneo ya ufukweni, na hata hivyo alijua tu Erica hayupo sawa kwa wakati huo.

Walifika na kukaa kwenye michanga, ni kweli Erica hakuwa sawa kabisa, Bahati alimuuliza,

“Nini tatizo Erica?”

“Najiona kama sina faida tena hapa duniani, sina thamani ya kuishi”

“Kivipi ukose thamani Erica?”

“Sipendwi tena, watu wote hawanipendi kwa maneno ya uongo. Natamani hata kufa”

“Erica jamani usiseme hivyo, siku zote jua kuna Bahati wako anakupenda sana hata iweje. Kwanza ni maneno gani waliyokutangazia?”

“Wamezusha eti mimi nilibakwa yani habari imeenea chuo kizima na wamesema kuwa mimi nina ukimwi, kwakweli sina raha mimi bora hata nife”

“Erica usinichekeshe yani utamani kufa sababu ya habari hizo, wamesema umebakwa, hayo ni maneno tu hata kama kweli ulibakwa ndio nini sasa? Wanasema una ukimwi, kwani unao kweli? Hata kama unao kwani utawaambukiza wao? Utaniambukiza mimi, yani maneno kama hayo ningekuwa ningeambiwa mimi ningewashushua kwakweli, Erica ngoja nikwambie kitu, wewe hata uwe malaya dunia nzima wakufahamu sababu ya umalaya ila mimi sikuachi. Wewe hata uwe na ukimwi na vipimo vyote vionyeshe kuwa una ukimwi, mimi sikuachi. Nakupenda Erica, na ninakupenda kweli yani kupita yeyote Yule aliyewahi kukwambia kuwa anakupenda”

Erica alimuangalia Bahati na kumshangaa kwakweli maana alikuwa anaongea maneno kama mfu, yani alishangaa kuwa Bahati ni mwanaume wa aina gani ambaye hakati tamaa kwake, yani yeye anamuimbia wimbo wa nakupenda kila siku.

Bahati alimshauri Erica asirudi hosteli bali aende kwao akapunguze mawazo,

“Ila nataka kuchukua na nguo zangu hosteli”

“Inamaana kwamba hutaki tena kukaa hosteli?”

“Sitaki ndio, bora nikae nyumbani, hata kile chuo chenyewe sikitaki natamani hata kuhama”

“Hivi inawezekana kuhama chuo?”

“Nitaenda kuulizia, kwakweli Bahati nahitaji akili yangu ipumzike. Najua nimebakiza mwaka mmoja ila sitaki kumalizia pale chuoni, bora nihame”

“kama inawezekana, sina pingamizi mimi. Ilimradi wewe ukiridhika basi na mimi nimeridhika”

Akakubaliana nae arudi kwanza hosteli akachukue nguo zake, na alirudi hosteli kwenye mida ya saa moja jioni, Bahati alibaki kwenye bajaji akimsubiria, siku hiyo Bahati alikuwa na hela kwahiyo haikuwa shida kwa yeye kukodi bajaji.



Erica aliingia hosteli na moja kwa moja alienda kwenye chumba alichokuwa analala, na kubeba nguo zake huku zingine akiziweka kwenye mkoba, ilibidi wenzie wa kwenye chumba hicho wamuulize,

“Vipi Erica mbona unabeba nguo zote, unahama?”

“Mmmh hapana, nitarudi tu. Nataka nikabadilishe baadhi ya nguo”

Akawaaga pale na kutoka, alikutana na Fetty nje ambaye alimuuliza pia,

“Vipi Erica unahama?”

“Nataka nikapumzike kidogo nyumbani”

“Ila Erica hata mimi kama ningekuwa wewe kweli tena ningeenda kupumzika, jamani yani wanaume wengine sio wa kutembea nao kabisa, lete begi nikusaidie”

Erica alimpa begi lake ambapo Fetty alimsaidia kubeba huku wakielekea nje, na Fetty akiendelea kuongea,

“Yani Derick shetani kabisa Yule, unajua amesema eti umetoa mimba”

“Nimetoa mimba!”

“Ndio, kasema umetoa mimba jamani Derick anakuchafulia sifa zako balaa, ila shoga yangu siku nialike tukutane na Derick yani siku hiyo nitamchamba sitamuacha chochote yani mwanaume mzima hovyo. Naomba namba yako Erica”

Ikabidi Erica ampatie huyu Fetty namba yake, kisha akafika kwenye bajaji na kuagana nae ambapo Erica alipandisha mabegi yake na kuondoka na Bahati.

Alifika kwao kwenye mida ya saa tatu usiku, na kumfanya mamake ashangae sana alipoenda na mabegi, kwa wakati huo alikuwa ameshaagana na Bahati.

“Kheee vipi wewe na mabegi?”

“Nimechoka kukaa hosteli mama”

“Sasa utaweza kutoka huku nyumbani kila siku kwenda chuo?”

“Nitaweza mama”

“Kwani tatizo ni nini Erica mbona unaonekana huna raha mwanangu?”

Erica alishindwa kujizuia kwa mama yake na kuangusha machozi, ilibidi mama yake ambembeleze na kumuuliza kwa makini, Erica aliamua kumueleza mama yake baadhi ya maneno yanayomliza huku yale ya ukweli akiyaficha,

“Mama, hivi Yule Derick kwanini alikuwa mtoto wa baba?”

“Kafanyaje kwani?”

“Analalamika kuwa mimi ndiye nilimfanya akose upendo wa baba sababu hata nyumbani mligoma kumuhudumia sababu nilikuwepo mimi”

“Kwani nani amekukutanisha na huyo mwanaharamu?”

“Dada Mage ndio kanifahamisha kuwa Yule ni mtoto wa baba”

“Aaah Mage nae, hanaga akili Yule ndiomana akaolewa na choka mbaya. Sasa huyo Derick ndio anakuumiza kichwa hadi unalia mwanangu?”

“Silii sababu ya Derick ila ninalia sababu ya maneno ya uongo aliyoeneza juu yangu eti nipate uchungu kama alioupata yeye kwa kukosa upendo wa baba”

“Maneno gani hayo?”

“Derick katangaza chuo kizima, na habari zimeenea kote sababu mimi sio muongeaji, eti ametangaza kuwa mimi nilibakwa na nina ukimwi”

“Kheee mtoto ana wazimu huyo eeh! Ukimwi aache kuupata mama yake kwa umalaya wake, uje uupate wewe”

“Yani mama chuo kizima wananinyanyapaa”

“Unajua wanaume nao mara nyingine sijui akili zao zipo kwenye makalio yani hata hawajifikiriagi, unamsaliti mkeo unaenda kuzaa na mwanamke mwingine basi msaliti na mwanamke mwenye akili timamu, unaenda kumsaliti na chizi na unazaa nae, yani baba yenu sijui alikuwa na akili gani, Yule mwanamke hana akili hata kidogo ndiomana nilimtimua hapa na vitoto vyake, mwanamke ni tahira Yule. Nyumba yangu mwenyewe halafu anakuja na mitoto yake hana hata aibu, Yule mwanamke ni malaya wa kutupwa., halafu anajifanya kama yeye ni mke kwenye familia hii yani atoe amri anavyojisikia, nikasema sitaki kuona uchafu wake wala watoto wake. Sikufanya kosa kuwatimua kwakweli, ona shetani alilolikuza sasa, hivi ndio linatumika kuharibu furaha ya mtoto wangu! Nyamaza Erica wangu, mama yako najua mwanangu hujawahi kubakwa na huna ukimwi, maneno ya hao watu yasikuumize”

“Mama hujui tu, chuo chote wananinyooshea vidole, halafu kanizushia kuwa nilitoa mimba”

“Hivi anataka nini huyo mtoto jamani! Kwanini kukuzushia habari za kijinga namna hii. Baba Mage, unaona ujinga uliofanya kwenda kuzaa na matahira, mwanetu anadhalilika sasa bila sababu, Erica naomba kesho nikakutane na huyo Derick, mbwa mkubwa huyo”

Erica akaona mama yake akienda kukutana na Derick itakuwa soo kubwa zaidi, akamuomba jambo moja mama yake,

“Mama, usiende ila mimi nataka kuhama chuo”

“Umebakiza mwaka mmoja tu mwanangu”

“Ndio huo mmoja nataka nikamalizie kwenye chuo kingine”

“Yani yote haya kayataka babako, yani wanaume hawaelewagi tu kama mwanamke unayezaa nae inabidi umtambue uelewa wake mapema sana, sio kila mwanamke ni wa kuzaa nae, ndio mwisho wa siku kuzaa na matahira kama hao. Yani hilo litoto litakuwa na akili za mama yake na labda limeambiwa lifanye visasi, unafikiri babako angezaa na mwanamke makini ningegoma kulea mtoto? Hata kama kwetu hawakutaka ila nisingegoma kulea, ila siwezi kulea toto la mwanamke tahira kama mama yake Derick. Siku ukimuona huyo mama utagundua maneno yangu, huyo mama hajisomi yani yupo yupo tu. Ila mwanangu, kuhama kunataka pesa hiyo pesa nitatoa wapi kwa kipindi hiki?”

Erica akafikiria akaona ni kweli kuhama kunahitaji pesa, ila aliamua kwenda chumbani tu kujifikiria vizuri zaidi.



Alienda kuoga na kurudi kulala maana siku hiyo kichwa chake kilikuwa kibovu sana na alifikiria mambo mengi sana, aliwaza kuwa afanye kitu gani kwa muda huo, akapata wazo la kuongea na dada yake ampe namba za mama yake Derick ili akazungumze na mama yake Derick kwani hata kuhama chuo bado isingekuwa suluhisho kwake ikiwa bado kuna sifa mbaya kuhusu yeye zitazungumzwa, akawaza pia pesa ya kuhama chuo ataipata wapi maana aliwaza vitu vingi sana ambavyo vitamuingia gharama ikiwa pia ni kujaribu kuhonga ili apate nafasi ya kuhamia chuo kingine, aliwaza sana.

Alichukua simu yake na kumpigia dada yake,

“Samahani dada Mage, nilikuwa naomba namba ya mama yake Derick”

“Si ungemuomba Derick!”

“Jamani dada, ukiona hivyo nina shida nayo, nataka kumshtukiza tu Derick”

“Sawa, nakutumia basi”

Kisha Mage akakata simu na kumtumia Erica namba ile, Erica alifurahi sana kuipata huku akiwaza kama akimpigia huyo mama atakubali kukutana nae? Hakutaka kufikiria sana, akaamua kumpigia tu, kisha mama Derick akapokea na kumsalimia, kisha aliulizwa kuwa ni nani,

“Mimi ni rafiki wa Derick mama, nina shida na wewe sijui naweza kuja nyumbani kesho kuonana nawe?”

“Unaonekana ni binti mpole sana, karibu nyumbani”

“Basi nielekeze mama, ila sitaki Derick ajue kama nakuja”

“Hakuna shida mwanangu”

Kisha Yule mama alimuelekeza Erica anapoishi na Erica alimuahidi kwenda kesho, baada ya hapo akakata simu na kufurahi sana kwani shida yake kwa muda huo ni kuonana na huyo mama yake Derick na kuongea nae maana hakuelewa kabisa kwanini Derick anafanya vile.

Alipokuwa anataka tu kulala aliamua kuingia kwenye mtandao kidogo ili kuangalia kama kuna chochote kipya kinaendelea, muda huo huo akapokea ujumbe toka kwa Rahim,

“Mpenzi kimya sana, tatizo nini au una shida gani?”

Erica akafikiria ila akaona ni vyema amwambie Rahim kuhusu swala lake la kuhama chuo,

“Yani Rahim nina mawazo sana, chuo ninachosoma kinanipa kero. Wanafunzi hawanipendi sababu tu sina urafiki nao, wananitangazia mambo mabaya hadi sina furaha”

“Jamani mpenzi wangu pole, ila kama sehemu haikupi furaha si uhame tu!”

“Natamani kuhama kweli ila tatizo pesa maana najua itakuwa gharama sana”

“Erica mpenzi wangu, unajua mimi nipo kwaajili yako na nimekwambia kuwa ukiwa na shida yoyote usisite kuniambia, kweli kitu kama hicho ni cha kukupa mawazo mpenzi wangu? Sikia, wiki hii nitakutumia pesa, natumai itakutosha katika shughuli za kuhama. Kwani ada anakulipiaga nani au ni mkopo?”

“Sina mkopo, ada analipaga mjomba na hela za matumizi nazo ananipaga”

“Sawa, na umebakiza miaka mingapi kumaliza? Je ada ni shilingi ngapi?”

“Ni mwaka mmoja tu, ada ni milioni moja. Najua ada mjomba atanilipia ila swala la kuhama chuo hawezi kunishughulikia”

“Je wewe mwenyewe utaweza kujishughulikia uhamisho?”

“Nitaweza Rahim, nimechoshwa na masimango”

“Basi usijali mpenzi, aiki hii nitakutumia hela itakayokusaidia mambo ya uhamisho na matumizi kidogo”

“Nashukuru sana”

Kwakweli Erica alishangazwa sana na Rahim maana kwake kutoa pesa hakukuwa tatizo hata kidogo, alijisemea mwenyewe tu

“Jamani huyu mwanaume ananipenda hadi naogopa, nikimwambia mama kuhusu huyu mwanaume ni atamkubali asilimia mia moja ila nitawezaje kumuacha Bahati maana ni king’ang’anizi hakuna mfano, nitapata tu njia ya kumuepuka Bahati ila kwasasa nijitunze kwaajili ya Rahim natumai yeye ndio atakuwa mume wangu”

Aliagana na Rahim pale kwa njia ya ujumbe na kulala zake, huku akiwa na tabasamu zito usoni.



Kesho yake alijiandaa kama alivyopanga kuonana na mama yake Derick, aliwasaliana nae kisha kuondoka kwao mpaka sehemu aliyoelekezwa akawasiliana nae tena na kufika hadi nyumbani kwakina Derick na kukutana na huyo mamake Derick na kumsalimia kisha Yule mama akamkaribisha vizuri sana na kwenda kukaa nae ndani.

“Karibu sana binti yangu, natumaini wewe ni mchumba wa mwanangu”

Erica akacheka tu kisha akamwambia,

“Hapana mama, ila mimi nasoma na Derick naitwa Erica ni mtoto wa mzee Joseph ambaye pia ni baba wa Derick”

“Kheee kumbe mtoto wa Jose!! Nani amekupa namba yangu na imekuwaje umetaka kuonana na mimi?”

“Sina nia mbaya mama, maana nakuchukulia wewe kama mama yangu. Mwanzoni sikujua kama Derick ni ndugu yangu na kujikuta tukiwa kwenye mahusiano ila badae nikajua kama Derick ni ndugu yangu, nikamwomba tusahau yaliyopita kati yetu na tuchukuliane kama ndugu. Ila anachonifanyia Derick chuoni ndio kilichofanya nije hapa”

“Kwanza mwanangu, nafurahi sana umekuwa mkweli maana Derick aliwahi kunieleza kuwa kuna msichana alikuwa na mahusiano nae na amegundua kuwa ni mtoto wa babake. Nimefurahi umekuwa mkweli kwa hilo, pole kwa hayo maana tatizo ni kwetu wazazi kutowaweka wazi watoto wetu. Haya niambie sasa tatizo lingine ambalo Derick anakufanyia chuoni”

Erica alimshukuru huyu mama kwa kuwa muelewa kwanza, kisha akamueleza jinsi Derick alivyomsambazia yeye kuwa alibakwa na kumsambazia kuwa ana ukimwi na kumsambazia kuwa ametoa mimba na jinsi wanavyomnyooshea kidole na kumuita malaya,

“Na amesema atafanya mpaka nione chuo kichungu ili nipate uchungu alioupata yeye kwa kukosa mapenzi ya baba, kwakweli mama mimi sijui kosa langu, ananiumiza sana, yeye ni ndugu yangu wa kuwa karibu na mimi ila yeye ndio anafanya kuniumiza mimi yani sina raha kabisa, chuo nakiona kichungu kweli, watu wananinyanyapaa sina raha wala amani”

“Kwanza pole sana mwanangu, sikia nikwambie mimi siwezi kumtuma Derick afanye huo upuuzi kwanza kabisa huwa sipendi mabinti kama nyie mpitie maisha ambayo nilipitia mimi. Ngoja nikwambie kwa kifupi kuhusu mimi na utaweza kuelewa ni maisha gani niliyopitia, ilifikia hatua ya kuitwa malaya na majina yote mabaya na iliniuma sana ila mwanangu sipendi kuona mwingine anaopitia maisha haya”

Erica alitulia kwa makini akimsikiliza mama yake Derick,

“Derick sio mwanangu wa kwanza, ila mtoto wangu wa kwanza yupo na nilizaa nikiwa shuleni. Mwanangu thamani ya mwanamke inapungua sana akizaa yani mwanamke ukiwa na mtoto kisha Yule baba mtoto hakutaki tena ujue itachukua muda mrefu sana kumpata mtu sahihi wa kukupenda wewe na mwanao, kiukweli mwanaume aliyenipa mimba wakati nasoma alinikimbia na kufanya nikose uelekeo ila nikasaidiana na nyumbani kumkuza Yule mtoto, nikapata mwanaume wa kuishi nae ila alionekana wazi hampendi mwanangu huku akinilazimisha nimzalie na yeye, nilizaa nae ila akanikimbia hapo nikawa na watoto wawili wasio na baba, sifa mbaya juu yangu zikaanza nikajisikia vibaya sana. Ndipo nikakutana na Jose, na aliniambia kuwa ana mke ila aliahidi kunioa mimi pia, nikawa tayari ili angalau nipate baba wa kulea watoto wangu, alinipangia chumba ikawa ni faraja kwangu ndipo nikazaa nae Derick, nikamwambia sababu ameahidi kunioa anipeleke nyumbani kwake mkewe anijue, akagoma, basi nikamvizia siku anaenda kwake nikamfata nyuma na kwenda hakuweza kunifukuza, nikaenda kuwachukua na wanangu kuishi nao pale ila mama yako alinitukana sana majina yote mabaya aliniita na siku hiyo alinifukuza mimi na wanangu na kusema nata Yule mtoto hamtambui, nilichukia sana nikakaa na ile chuki kwenye moyo wangu, wakati wangu wanakuwa siku zote niliwaambia nilivyomchukia mama yenu na ninyi haswa Derick nilikuwa naongea nae sana habari hizi sababu alikuwa baba yake nahisi ndiomana Derick anakuchukia ila saivi ni mtu mzima naelewa, nimejifunza kuwa halikuwa kosa la mama yenu maana naye alikuwa akitetea penzi lake, ila mimi ndio niliyeharibu maisha yangu toka mwanzo kwa kuchanganya mapenzi na shule. Nilikuwa naumia sana kuitwa malaya kwakuwa na watoto watatu wenye baba tofauti halafu baba wote hawataki watoto wao ila Jose alikuwa tofauti sana kwani alikuwa anamtuma mwanae mkubwa Mage aniletee hela za matumizi hadi kifo chake bado Mage aliendelea kuniangalia hadi nilipohama pale nilipokuwa nakaa. Erica nisamehe mimi maana ndio nimeweka chuki hiyo kwa mwanangu, ila nitaongea na Derick na hatokuumiza tena”

“Pole mama kwa yote hayo yaliyokupata, najua hukupenda yakupate hayo ila ni bahati mbaya tu, yani mimi natamani kuhama hata chuo”

“Hata usihame chuo mwanangu, nitaongea nae Derick atanielewa tu. Sitaki maisha niliyopitia mwingine ayapitie. Ila kuwa makini sana mwanangu, nitafurahi siku ukinialika nije kusherekea harusi yako”

Kiukweli Erica alimpenda sana huyu mama kwa jinsi alivyokuwa akiongea, na ilionyesha jinsi gani alikuwa akiyajutia makosa aliyoyafanya.

“Nafurahi sana kuongea na wewe, sikutegemea kama ungekuwa mzuri kwangu kiasi hiki”

“Usijali mwanangu, hata hivyo nimeongea tu na wewe bila hata kinywaji chochote! Dah sio vizuri kwakweli, unakunywa nini mwanangu?”

“Aaah usijali mama”

“Niambie bwana, unakunywa nini? Hutoondoka hapa bila kunywa kinywaji kwenye nyumba yangu”

“Basi maji tu yananitosha”

“Sawa, ngoja nikakuletee”

Mama Derick aliinuka na kutoka nje, Erica akasikia mlio wa meseji kwenye simu yake, akachukua na kufungua akakuta Rahim kamtumia meseji ya kawaida kabisa,

“Hellow kipenzi changu, tayari nimekutumia pesa kwaajili ya kuhama chuo. Ukiingia facebook utaona nimekutumia taarifa za kuchukua pesa hiyo, nimekutumia milioni tatu, isipotosha utaniambia. Nakupenda sana, saizi nalala. Byee”

Erica alisoma mara mbili mbili huu ujumbe na alijiona kama anaota vile, alichukua simu yake nyingine na kufungua mtandao kweli alikuta ujumbe wa Rahim wenye taarifa zote za msingi za kuipata pesa hiyo, yani alihisi kimuhemuhe kabisa tayari ile hela ilishamchanganya.

Mama Derick alirudi na maji ya dukani, Erica aliyapokea kisha kumuaga huku akimshukuru sana,

“Sasa mbona mapema hivyo mwanangu?”

“Nahitajika chuo mama, ila tutaendelea kuwasiliana”

“Sawa mwanangu ila usihame chuo, nitaongea na Derick halafu mwambie mama yako nilishamsamehe kwa yote na yeye anisamehe kwa yote.”

Erica aliaga na kuondoka, kwakweli alikuwa na harakati sana, kwani muda huo akili ilikuwa ikiwaza zile pesa alizotumiwa na Rahim tu.



Akiwa njiani kuelekea benki, kuna gari ilisimama karibu yake na kwenye hiyo gari alishuka Mrs.Peter yani mama yake na Rahim, kisha akasalimiana na Erica pale na kumkumbatia,

“Umenitupa mwanangu”

“Sijakutupa mama”

“Ngoja nikutambulishe basi”

Kisha Yule mama alimuita binti aliyekuwa nae kwenye gari kisha Yule binti akashuka, kisha Mrs.Peter akamwambia Yule binti,

“Salma, huyu anaitwa Erica ni kama binti yangu. Mimi sinaga mtoto wa kike kwahiyo kumpata huyu imekuwa bahati sana kwangu, ni mwanangu pia huyu kwahiyo ni wifi yako”

Neno la wifi yako lilimshangaza kidogo Erica ila alitulia kusikia zaidi, kisha mrs.Peter akageuka kwa Erica na kuendelea na utambulisho,

“Erica, huyu anaitwa Salma ni mkwe wangu yani ni mchumba wa Rahim”

Erica alionyesha mshangao wa wazi wazi,

“Mchumba wa Rahim? Kwani Rahim ana mchumba?”

“Najua lazima ushangae, ila Rahim kampigia simu baba yake kuwa amtafutie mchumba si unajua Rahim kutongoza hawezi, ndio baba yake kamtafutia huyu na tumemtumia Rahim picha kasema amempenda. Hivyo ndio nampeleka na nyumbani kwangu akapafahamu”

Erica alihisi kama masikio yameziba asikii vizuri maana hakuelewa kabisa.





“Erica, huyu anaitwa Salma ni mkwe wangu yani ni mchumba wa Rahim”

Erica alionyesha mshangao wa wazi wazi,

“Mchumba wa Rahim? Kwani Rahim ana mchumba?”

“Najua lazima ushangae, ila Rahim kampigia simu baba yake kuwa amtafutie mchumba si unajua Rahim kutongoza hawezi, ndio baba yake kamtafutia huyu na tumemtumia Rahim picha kasema amempenda. Hivyo ndio nampeleka na nyumbani kwangu akapafahamu”

Erica alihisi kama masikio yameziba asikii vizuri maana hakuelewa kabisa.

Mpaka Yule mama alimshtua tena Erica maana alionekana kushangaa sana,

“Unashangaa eeeh! Ipo hiyo ya kutafutiana wachumba, ulikuwa hujui? Inafanywa sana na wazazi kama mtoto hawezi kutafuta, unajua Rahim amekuwa eeh! Anatakiwa kuwa na mwanamke”

“Sawa mama, nashukuru kumfahamu”

Kisha Erica akampa mkono Yule dada ila ni mkono wa kinafki kwani kiukweli alikuwa anaumia sana moyoni mwake, na hapo hapo akaaga na kuondoka, akaiweka akili yake sawa kuwa asilie muda huo ila akaenda kwanza benki alipokuwa anaenda kuchukua hizo pesa alizotumiwa na Rahim.



Erica alipochukua zile pesa akarudi nyumbani kwao moja kwa moja, ila aliwaza sana kuwa ni kwanini mwanaume kama Rahim anafikia hadi kiwango cha kumtumia pesa halafu huku kuna mwanamke mwingine amesema atafutiwe, akawaza sana akaona kichwa kinamuuma tu kwa kuwaza, akapigiwa muda huo simu na Bahati,

“Erica upo sawa?”

“Nipo sawa ndio”

“Nahisi kama unatakiwa uwe sehemu upigwe na upepo kidogo, hisia zangu zinasema haupo sawa. Kwani uko wapi sahizi”

“Nipo nyumbani”

“Twende beach basi”

“Muda huu jamani!! Si saa kumi na moja hii”

“Ndio kwani kuna ubaya gani, si hata tukikaa nusu saa itatosha mpenzi wangu!”

“Mpaka nijiandae, kuondoka hapa saa kumi na moja”

“Ndio ukiwa tayari niambie, nije nikufate na pikipiki. Kuna rafiki yangu kaniachia pikipiki yake leo nitembee tembee nayo”

Erica alikubali tu kwani kweli alihitaji apate mahali atakapotuliza akili yake kidogo kwani aliona ikivurugika haswaaa maana kila alipomfikiria Rahim alikosa raha, akainuka na kujiandaa kisha akampigia simu Bahati na ilionyesha hakuwa mbali na kwao maana muda huo huo alifika na kumchukua kisha wakaenda ufukweni.

“Ulikuwa unanisubiria nini mitaa ya nyumbani, maana muda huo huo umefika”

“Yani muda nakupigia simu nipo mitaa ya kwenu, nikasema kama utakuwa chuo basi ningekufata, unajua ni jinsi gani nakupenda Erica! Najua hujui sababu ungejua basi ungeona hata dunia yote hii ipo chini yako kwa upendo wangu kwako. Nakupenda Erica yani hadi nahisi neno lenyewe la nakupenda halitoshi kueleza hisia zangu kwako. Niambie nifanye nini ili unipende pia”

Erica akacheka kisha akamwambia,

“Kwani leo umetambua kuwa sikupendi?”

“Erica sikia nikwambie, hata ukinieleza mara ngapi kuwa hunipendi ila moyo wangu utasema kuwa wewe ni wangu na umeumbwa kwaajili yangu, Erica siku moja nitakuwa na pesa kama hao wenye majumba na magari, nakupenda sana na wala sitokuacha nikiwa hivyo kwani sikuzote wewe utabaki kuwa thamani yangu”

Erica alisikiliza maneno ya Bahati ambaye alikuwa tofauti kabisa na wanaume wengine, ila aliamua kumpinga kidogo,

“Ila wanaume wote ndio zenu, nakupenda, nakupenda kumbe hakuna lolote. Siku moja unakuja kunisaliti, nyie wanaume sio watu kabisa, nyie ni waongo maradufu, hamuaminiki”

“Erica, sikatai kuna wanaume waongo duniani ila wakweli nao wapo. Katika wanaume wakweli mfano wapo ni mimi, Erica hakuna chochote ninachoweza kukudanganya wewe, nitaona wasichana mbalimbali ila wewe ni zaidi ya wote, najua umona wanaume wengi, au umeona wengi kwa rafiki zako ama kwa ndugu zako wakiwa ni waongo ila sio mimi Erica, najua maneno yangu utayaamini tu ipo siku, maana mimi hata nikizeeka bado nitakupenda wewde hadi naingia kaburini”

Kwakweli Erica alimuona Bahati kuwa mwanaume wa ajabu sana kati ya wanaume wote aliokuwa nao tatizo ni moja tu, hakuwa na upendo hata kidogo kwa huyu Bahati. Akajifikiria jambo na kuamua kumuuliza kitu Bahati,

“Ngoja nikuulize”

“Niulize tu”

“Unajua mimi sipendi kazi yako ya uvuvi wa samaki, sasa ni kitu gani unaweza kufanya kuboresha biashara yako ili angalau uwe na thamani”

“Erica, kwasasa sina pesa ila uvuvi unalipa vizuri tu. Nikipata pesa nitaboresha kazi yangu, kwanza nitatafuta eneo, nitanunua friji kubwa ya kuhifadhi samaki na nitakuwa nauza kwa watu wengi sana, nitapata faida kubwa sababu navua mwenyewe. Na nikiendelea vizuri naanza kufuga samaki wengine sababu kuwahudumia najua”

“Ungetaka kama kiasi gani?”

“Kwa kuanzia nikipata kama milioni mbili nitakuwa mbali sana. Kwanini umeniuliza hivyo Erica?”

“Aaaah hamna kitu”

Wakaaongea ongea mambo mengine na muda ulikuwa umeenda hivyo Erica akasema arudi kwao maana anaelewa kuwa mama yake atakuwa amerudi tayari.



Na kweli alifika kwao na kumkuta mama yake anakula, akamuita,

“Eeeeh umegfikia wapi swala lako la kutaka kuhama chuo?”

“Bado mama, ila nadhani nisihame tu”

“Hata mimi nilitaka nikushauri hivyo mwanangu, angalia mjomba wako anavyojitoa kwaajili yako halafu asikie umehama chuo atasemaje? Usihame chuo mwanangu, huyo Derick nitamtafuta mama yake na nitamwambia ni vibaya anavyofundisha watoto”

Erica aliamua kumwambia mama yake jinsi alivyomtafuta mama yake Derick na jinsi alivyosema kuwa atamkanya mtoto wake,

“Mama kumbe Yule mama wala hana hata roho mbaya, usimchukie mama ni baba alimlagkai kuwa atamuoa mke wa pili. Usimchukie mama Derick, kasema msameheane”

“Wewe nae ni mtoto hata huelewi ila nishamsamehe, hivi unadhani kutembea na mume wa mtu ni sifa? Eti aliahidiwa kuolewa mke wa pili, aondoe mashetani yake hapa, aseme lingine ila aongee tu na huyo shetani wake”

“Amesema ataongea nae, ila usimchukie mama”

“Kwahiyo unataka nimchukie baba yenu au? Wanawake hawajielewi hawa, nisingemtoa kitimutimu angejizalisha watoto kama kumbikumbi hapa. Hebu kula ukalale huko usiniletee habari za vichaa”

Yule mama akainuka zake kisha Erica alikula pale na kwenda kuoga kisha akaenda kulala, kwakweli hata hakutamani kuingia kwenye mtandao na wala hakuzitamani hela za Rahim maana yeye alishaanza kumkaribisha kwenye moyo wake halafu anakuja kugundua mambo ya ajabu, hakutaka kabisa kumfikiria.

Kulipokucha alijiandaa asubuhi, akaweka vitabu vyake vizuri kwa lengo la kwenda chuo, ila alitaka kufanya kitu cha kushtukiza kwa Bahati.

Aliondoka kwao na kwenda moja kwa moja hadi kwa Bahati, na kweli lilikuwa jambo la kushtukiza kwani Bahati hakufikiria kama Erica angeenda kwake kwa muda huo,

“Karibu mpenzi wangu, naona leo umeamua kunishtukiza”

“Nawahi chuo ila nimeona ni vyema nipitie hapa, nina zawadi yako”

“Zawadi!!”

“Ndio zawadi yako”

Erica akatoa bahasha kubwa kidogo na kumkabidhi Bahati,

“Nini hiki Erica?”

“Utafungua nikiondoka, ngoja niwahi chuo”

Bahati alitaka kumsindikiza ila Erica alikuwa ameenda na bodaboda kwahiyo akatoka na kumuaga Bahati kisha akapanda bodaboda na kuondoka.

Bahati alipata kimuhemuhe cha kufungua ile bahasha, akaifungua akashangaa ni hela kwakweli Bahati alishangaa sana, akaanza kuzihesabu akakuta ni milioni mbili na laki tano.

“Kheee kwahiyo Erica ameamua kunipa hela ili nifanye vizuri hii biashara! Jamani huyu mwanamke ni ananipenda tena ananipenda sana ila hataki tu kujionyesha. Erica bila ya chochote kile naahidi kukupenda maisha yangu yote, najua unafanya haya ili nifanane na aina ya wanaume ambao unatamani kuwa nao. Sitakuangusha Erica, nitafanya kazi kwa bidii hadi ujisikie fahari kunitambulisha kwa rafiki zako kuwa mimi ndiye mume wako. Nakuahidi Erica, nitakupenda hadi pumzi yangu ya mwisho.”

Bahati alijikuta akisema peke yake tu kama mjinga maana si kitu alichokitegemea kabisa.



Erica alienda chuo maana alikuwa na kipindi ila alipomaliza kipindi tu alipanda gari na kurudi nyumbani kwao kwani kiukweli hakutaka kukaa maeneo ya chuo kabisa, alijisikia amani kutoa zile pesa na kumpa Bahati,

“Sababu kasema anataka kuboresha biashara yake, acha aboreshe. Mimi nitabaki nah ii laki tano ila nayo hata siitamani sijui hata nifanyie kitu gani, yani mwanaume kanichefua Yule amefanya niione dunia chungu kuliko uchungu wenyewe”

Akamsikia mama yake anajiongelesha ongelesha sebleni akaenda kumsikiliza,

“Yani mwanangu safari hii kikoba kitanitokea puani”

“Kwanini mama?”

“Unajua nategemeaga biashara yangu ya vitambaa ila vimebuma yani wengi nimewakopesha hawajalipa, halafu dadako Bite toka amepata mimba yani hakuna msaada tena kwangu, kila ukipigia simu habari yake ni mimba mimba yani kama wimbo wa taifa. Huyo Mage ndio sio wa kumtegemea kabisa, mtoto wa kiume sasa, ninae kama sina ni hana msaada wowote toka anaishi kwa mjomba wake. Yani nahisi kukwama, sijui mwezi huu nitapata hela wapi ya kupeleka kwenye kikoba, maana ni kesho hapo na ukichelewa kupeleka faini”

“Kwani ni sh ngapi mama?”

“Si elfu hamsini, yani hapa sielewi kabisa”

Erica aliondoka pale sebleni na kuelekea chumbani, mama yake alijua mwanae kamdharau, ila baada ya muda Erica alirudi na kumkabidji mama yake hela,

“Laki mbili hiyo mama, najua itakusaidia”

“Kheee wewe mtoto wewe jamani Mungu akuweke, Erica hujaanza kazi ila nakula matunda yako mapema hivi. Ukianza kazi si nitanenepa mimi jamani, Erica mwanangu, nakupenda sana jamani”

Mama Erica alifurahishwa sana na ile hela kwani hakuitegemea pia, na wala hakumuuliza kuwa kaitoa wapi. Erica alirudi zake chumbani kwake na kujilaza.

Alipokuja kushtuka ilikuwa tayari saa mbili usiku, akakutana na ujumbe wa kawaida kutoka kwa Rahim,

“Mpenzi hata salamu jamani! Facebook huingii kabisa, nini tatizo Erica kipenzi changu? Unajua nakupenda sana, ingia basi facebook tuchat kidogo”

Erica alisonya kisha akachukua simu yake na kuingia facebook kuona kuwa huyu Rahim ana kipi kipya, akakutana na ujumbe wa Rahim

“Nimefurahi umeingia facebook mpenzi, najua umechukizwa na vitu visivyokuwa na uhalisia. Mama aliniambia kuwa kakutana na wewe sijui kakutambulisha msichana walionitafutia”

Erica alipumua kidogo, kisha akamtumia ujumbe pia,

“Ndio, Rahim kumbe unanidanganya tu hunipendi wala nini!”

“Hivi Erica kama ningekuwa sikupendi ningekuwa nahangaika na wewe kiasi hiki ili iweje? Wasichana wangapi wananitaka mimi huku nilipo ila kwanini nahangaika na wewe?”

“Sijui mwenyewe una maana gani?”

“Najua huelewi mambo ya familia yangu, yule mwanamke wameshauriana wenyewe kumtafuta sababu mama yangu huwa anafikiria kuwa mimi siwezi kutongoza na wanaona umri unaenda, wanataka nioe ila mimi ninayekutaka ni wewe. Sitarudi nchini mpaka umalize chuo, sijataka kuwakatalia kwani sitaki kuanza kuumizana nao vichwa kwasasa, sijamwambia mama kama ni wewe nikupendae sababu mama yangu namjua ataanza kukusumbua. Yule ni mama yangu namjua vizuri sana Erica, wewe unamjua kwa juu juu ila mimi namjua vizuri sana Erica. Tambua kwamba wewe ndiye mwanamke nikupendaye na ninafanya vyote hivi sababu ya upendo wangu kwako, jitunze Erica nakupenda sana”

Kwakweli Erica hakuelewa hata ajibu nini kwa Rahim, alisoma ule ujumbe mara mbili mbili huku akijaribu kutafakari ila alishindwa amjibu kitu gani huyu Rahim, akamuuliza tena,

“Kwahiyo Yule msichana humpendi?”

“Erica nielewe ninaposema nakupenda wewe, hakuna msichana mwingine yeyote ninayempenda zaidi yako, ila nakuomba usiwe karibu kabisa na mama yangu, atakupa presha za bure, yani jitenge na mama yangu. Ukimuona A, basi wewe pita B. Nielewe mimi Erica, mimi ndiye ninayekupenda na si mwinginewe”

Erica alianza kulainika kwa maneno yale ya Rahimu maana alijisikia vizuri sasa kuwa Rahim anampenda ila hela ndio alishazigawa tayari, ila kabla hajamuandikia Rahim ujumbe mwingine wowote alimuandikia,

“Nitakutumia pesa nyingine kwaajili ya matumizi yako ya hapa na pale Erica, tambua nakupenda sana. Mapenzi mengi huvunjika kwa kusikiliza maneno ya watu ila nakuomba usisikilize maneno ya watu bali angalia vitendo vyangu mimi”

Alijikuta akiwasiliana nae kwa muda mrefu sana hadi pale alipoamua kumuaga na kulala.



Alipoamka alikuwa akijifikiria sana, huku akijiuliza kama Rahim anampenda kweli au la, alikosa jibu kabisa huku kichwani mwake akishindwa kumtoa Erick ila akishindwa pia kumtafuta hewani maana alihisi kuwa Tumaini alimwambia mambo mengi sana maana toka siku ile hakuona tena meseji kwenye simu yake kutoka kwa Erick wala kwenye facebook yake.

Alijiandaa na kwenda chuo kama kawaida, alipotoka tu kwenye kipindi aliitwa na Derick, aliamua kwenda kumsikiliza,

“Erica, naomba unisamehe na tuanze maisha mapya. Nimetambua makosa yangu”

“Nishakusamehe tayari, ila kama umetambua makosa yako ni vizuri”

“Sasa nitakulinda dada yangu, nitakutunza sitapenda kuona wakikusema vibaya. Nisamehe sana”

“Usijali nishakusamehe”

“Ila dada yangu, naomba ujitulize. Usituamini sana sisi wanaume, tuna maneno matamu kushinda asali ila ni waongo wa kupindukia, dada yangu napenda tuishi kindugu na endapo utakuwa na swala lolote la kunishirikisha mimi niambie tu nitakuwa nawe bega kwa bega, au hatakama unahitaji kuniuliza kama mwanaume yupi anakufaa nifate nitakuambia. Ila dada yangu usirudie tena kutoa mimba ni hatari kwa afya yako, hebu jihurumie dada yangu isije siku ukashindwa hata kuzaa kumbe sababu ya kutoa mimba”

“Nimekuelewa”

Kiukweli hizi mada za kutoa mimba Erica hakuzipenda kabisa, aliamua tu kumuaga Derick pale na kumuahidi kuwa watakuwa wakiwasiliana vizuri tu.

Erica aliondoka akielekea nyumbani kwao ila hakuwa na sababu tena za kuhama chuo kile akajisemea kuwa hatohama ila atamdanganya Rahim kuwa amehama ili Rahim asione kuwa pesa yake imeenda bure.

Alifika nyumbani kwao na kuongea ongea kidogo na mama yake ila kwakuwa usiku ulikuwa umefika akaona vyema aende kulala, ila kabla ya yote aliingia kwanza facebook ili kuangalia kama kuna jipya, alipofungua tu akakutana na ujumbe wa Rahim,

“Nimetoka sasa hivi kukutumia milioni mbili, najua itakutosha kwasasa.”

Erica alitabasamu na kuona kweli kuwa Rahim anampenda ingawa hataki mama yake ajue, akamshukuru sana na kuongea nae mambo mengi sana,

“Erica, kaa mbali na mama yangu. Namjua mama yangu alivyo, sipendi kuumia moyo, mama huniambia kitu hata nisipomuuliza, halafu namuamini sana, naomba ukae mbali na mama yangu”

“Ila hata nikiwa nae karibu kwani nitafanya nini?”

“Mama akijua una mahusiano na mimi atakufatilia kila nyendo zako, unaweza kusimama na mwanafunzi mwenzio tu ila mama akajua ni mchumba wako, akiniambia nitaumia sana na nitakuchukia Erica, naomba ujitenge na mama yangu name niendelee kukuamini. Najua unanipenda, naomba ukae mbali na mama yangu”

“Sawa, nimekuelewa Rahim nitafanya hivyo”

“Hata swala la kukutana na wewe, sikumuuliza ila aliniambia tu ilivyokuwa na jinsi sura yako ilivyoonyesha mshangao hadi akaniuliza kuwa kuna nini baina yetu ila nikamwambia sina mazoea na wewe, tafadhali kaa mbali na mama yangu. Sitaki uumie moyo, sitaki uniumize moyo”

“Nimekuelewa Rahim”

Alizungumza nae sana kisha akamuaga kuwa analala, na akalala.



Kulipokucha alijiandaa kama kawaida kwenda chuo ila siku hiyo hakuwa na vipindi chuoni aliamua kwenda kwanza benki kuchukua pesa ambayo Rahim alimtumia, alifika na kuzitoa kisha kutaka kurudi tena kwao ila kabla hajapanda basi alipigiwa simu na Bahati akimuomba afike mahali ambako yeye yupo, naye Erica alienda kwani alijua asipoenda basi Bahati angefika nyumbani kwao,

“Nimekuita hapa kukuonyesha mahali nilipopatafuta kwaajili ya biashara yangu”

“Aaah kumbe! Ndio umepata kwa haraka hivyo!”

“Ndio, kuna mama mmoja nampelekeaga samaki ndio kanipatia eneo hilo, nimemwambia kuwa nataka kufanya biashara na mchumba wangu. Amefurahi sana, twende yupo pia, akakufahamu”

Basi Erica akaongozana na Bahati hadi kwenye eneo hilo na kuingia ndani, mama mwenye eneo alifika na Bahati kuanza kumtambulisha Erica kwa Yule mama,

“Mama, huyu anaitwa Erica ni mchumba wangu yani mke wangu mtarajiwa”

Muda huo mapigo ya moyo ya Erica yalikuwa yakienda kwa kasi sana kwani mama Yule alikuwa ni Mrs.Peter yani mama yake na Rahim.





Basi Erica akaongozana na Bahati hadi kwenye eneo hilo na kuingia ndani, mama mwenye eneo alifika na Bahati kuanza kumtambulisha Erica kwa Yule mama,

“Mama, huyu anaitwa Erica ni mchumba wangu yani mke wangu mtarajiwa”

Muda huo mapigo ya moyo ya Erica yalikuwa yakienda kwa kasi sana kwani mama Yule alikuwa ni Mrs.Peter yani mama yake na Rahim.

Huyu mama aliuona uoga aliokuwa nao Erica, akamuuliza

“Mbona hivyo Erica?”

Ndio Bahati akashangaa kuwa wanafahamiana,

“Kumbe mnafahamiana?”

Mrs.Peter akajibu,

“Ndio, yani huyu Erica ni kama binti yangu vile. Nimefurahi sana kuona mko pamoja, Erica bingti yangu mshike sana huyu kijana. Anakutajaga sana ila sikujua kama anayekutaja ni wewe, huwa anasema anakupenda sana, hadi anatamani dunia yote ijue ni jinsi gani anakupenda. Mshike sana huyu”

Erica aliitikia tu ila kinafki kwani haikutoka moyoni, hakutaka hata kuendelea kuangalia mandhari ile kwani aliaga kuwa anawahi chuo na akaondoka na kurudi kwao huku akiwa na mawazo mengi sana.

Alifika kwao na kuwaza sana, aliwaza kuwa aanze yeye kumtafuta Rahim na kumwambia au aache kwanza kinuke ndipo atafute njia za kujitetea, alikuwa anawaza kuwa hata kujitetea atajiteteaje, aliwaza sana bila ya jibu.

Mama yake aliporudi alimfata kuongea nae,

“Mama nina rafiki yangu mmoja hivi kapatwa na matatizo, sasa anaomba ushauri”

“Matatizo gani?”

“Ana mchumba wake yupo nje ya nchi na huyo mchumba wake anamjali haswaa yani kama hela anamtumia na kila kitu, ila sasa kuna mwanaume hapa nchini ni anamfatilia hadi kero, kuna siku alikuwa kwenye matembezi yake Yule mwanaume nae alienda mara gafla akakutana na mamake Yule mchumba wake wan je ya nchi, sasa anawaza kuwa afanye nini maana Yule mchumba wake ataambiwa na mama yake”

“Huyo rafiki yako nae ni chizi, yani ni chizi kabisa namba moja. Mtu unapata mwanaume anayekujali na pesa anakutumia halafu unaanza kuzunguka na hawa vinuka mkojo wakusaidie nini kwanza kama sio utahira huo? Unajua wanasema unaposhikwa shikamana, sasa huyo rafiki yako atakula jeuri yake. Ila na wewe mwanangu wakati wenzio wanapata wanaume nje ya nchi kwanini wewe hupati? Kwani una kasoro gani mwanangu jamani!”

“Mama utamjua tu mchumba wangu hata usijali”

“Usije ukanitambulisha Yule muuza samaki, kwakweli Erica nitakunyofoa macho hayo. Sitaki ujinga kabisa, tafauta na wewe wanaume wan je ya nchi ndio wanakuwaga na hela”

“Mama jamani, kwahiyo kwako hela ni bora kuliko mapenzi ya kweli!”

“Hebu nitolee balaa za mapenzi ya kweli, tumepitia haya mambo ndiomana nakupa ushauri wa kumng’ang’ania mwenye hela. Mimi nilimpenda baba yenu ingawa alikuwa fukara ila sababu ya upendo wa kweli nikaowana nae, ona sasa alichokuja kunifanyia, kujitia yeye mashuhuri wa kuoa wake wawiliwawili wakati bila mimi asingepata heshima hii iliyomfanya ajidai duniani. Mwanangu unaweza ukawa na fukara na akakusaliti na unaweza ukawa na mwenye pesa na akakusaliti sasa bora kusalitiwa na mwenye pesa haiumi sana ila kusalitiwa na fukara inauma mwanangu asikwambie mtu”

“Sawa mama nimekuelewa, kwahiyo ushauri wako kwahuyo rafiki yangu”

“Huyo sina ushauri kwake, atachagua mwenyewe kusuka au kunyoa. Wenzie wanatafuta wanaume kama hao wenye pesa halafu yeye anachezea bahati. Yani ingekuwa enzi zangu nipendwe na mwanaume mwenye pesa yani njiani hata salamu ya mwanaume mwingine nisingeiitikia”

“Mmmh mama hata salamu ya baba usingeitikia?”

“Achana na mambo hayo bhana”

“Sasa mama kwahiyo hakuna ushauri kwa huyo rafiki yangu?”

“Sina ushauri maana hayo matatizo ni ya kujitakia. Ngoja nifanye shughuli zangu mie, ushauri kuwapa watu wasiokuwa na akili sitaki”

Mamake aliondoka, Erica nae alienda chumbani kwake, akawaza sana kuwa hata mama yake kamtoa akili,

“Kwani kosa langu mimi ni nini? Najifikiria sana ila sijui kosa langu kabisa, kosa langu ni kujiingiza kwenye mahusiano ya kimapenzi au kosa langu ni nini? Na kwanini kila neema inapokuja kwangu linatokea jambo la kuharibu neema hiyo, kosa langu ni nini haswaa? Erick nimemkosa na huyu Rahim nimkose pia jamani! Yani mwanaume pekee anayekuwa na mimi bega kwa bega ni Bahati, sielewi kwakweli”

Aliamua kulala tu ingawa hakuwa na usingizi kwa muda huo ila aliamua kujilaza.



Ilipofika usiku aliingia kwenye mtandao huku akiwaza kama Rahim ameshapata habari ila siku hiyo aliwasiliana vizuri sana na Rahim, ikionyesha kwamba habari hajapata, akawa anamuomba Mungu mamake Rahim asahau na asimwambie ukweli Rahim, kitu pekee ambacho alisisitizwa na Rahim kwa siku hiyo ni kuwa asome basi na sio swala lile kabisa, hakuulizwa.

Aliendelea na mawasiliano na Rahim na hakuna siku ambayo Rahim alimuuliza chochote kuhusu Bahati na kuhisi kuwa huenda mama yake Rahim hajamwambia chochote.

Dada yake alikuwa kajifungua kwahiyo alikuwa akihudumiwa pale nyumbani kwao, muda mwingi alijikuta akimdadisi dada yake kuhusu shemeji yake maana hakumuamini,

“Dada. Kwahiyo Yule msichana wako wa kazi ndio umemuacha na shemeji”

“Ndio, maana mume wangu atashindwa kwenda kazini anatakiwa kuhudumiwa kila kitu, kufuliwa nguo, kupigiwa pasi, kupikiwa lazima Yule mdada abakie”

“Ila pia na huku kuna kazi, kumuangalia mtoto, kumuhudumia, kufua nguo za mtoto. Kwanini usingekuja nae huku akusaidiage?”

“Unayosema ni kweli ila kule mume wangu nae anatakiwa kuhudumiwa, kuna msichana nimeagiza atakuja kunisaidia hapa nyumbani”

“Kwahiyo utakaa hapa hadi uzazi uishe?”

“Kwani mdogo wangu vipi? Hutaki kuniona hapa nyumbani au? Nakuzibia nini hapa? Mbona shughuli zote anafanya mama, kwani ni wewe unatumwa kufanya kazi za hapa”

“Hapana dada, ila nasikiaga wanaume kipindi wake zao wakitoka kujifungua hupenda sana kutembea na wasichana wa kazi”

“Ushindwe na ulegee, sio kwa mume wangu mimi. Kashindwa kunisaliti kote huko ulaya alikokuwa, aje kunisaliti na msichana wa kazi? Hiko kitu hakunaga, mume wangu ana kinyaa sana hawezi tembea na msichana wa kazi”

“Dada, ila wanaume si wa kuwakatalia sana maana hata msichana wa kazi naye ni mwanamke kama wewe”

“Weee mtoto wewe, ujue mimi ni mkubwa wako na mapenzi nimeyajua kabla yako, au kwavile ulibeba mimba ya Yule taahira ndio unazani mapenzi yapo hivyo? Kwanza wewe mdogo wangu sijui ukoje, huna kinyaa, hivi kweli wewe wa kwenda kutembea na Yule mwanaume? Loh! Uchafu mtupu, mwanaume huendani nae hata kidogo, yani wewe mdogo wangu wewe, ndiomana unahisi kusalitiwa tu. Wanaume masikini na wachafu wachafu ndio wanaosaliti ila sio wanaume wasomi na waliondelea”

“Mmmh dada, haya yaishe”

Erica hakutaka kumwambia vitu vingi dadake kuhusu shemeji yake, ila alikuwa na hisia mbaya sana kuhusu shemeji yake maana hakumuamini kabisa. Ila alimshangaa sana dada yake kuwa na imani vile na mume wake.



Erica alikuwa akienda chuo akitokea nyumbani kwao, walipokuwa wanakaribia kumaliza mwaka wa pili walitakiwa kutafuta sehemu watakayo fanya mafunzo kwa vitendo, na kwa bahati alipata kwenye ofisi ya shemeji yake James. Alifurahi ila akafikiria sana namna itakavyokuwa hapo ofisini kwa shemeji yake, ni kweli kapata sehemu ya mafunzo ila mtihani uliopo ni kuwa kwenye mafunzo hayo ni kwa shemeji yake ambaye amekuwa akimtaka, ila kwavile alishajisemea kuwa hatotembea na mume wa dada yake akaamua kushikiria msimamo wake huo huo.

Kwahiyo walipofunga chuo, walihamia kwenye mafunzo kwa vitendo, na alikuwa akienda mara kwa mara kama alivyohimizwa na dada yake.

Siku hiyo shemeji yake alimuita ofisini,

“Mbona unanikwepa sana Erica? Au ule uongo wako ndio unafanya unikwepe sana siku hizi!”

“Hapana shemeji”

“Si ulininyima ukaenda kuwapa wale mabwege, ila nakutamani mtoto wewe”

Erica alikuwa kimya tu ila shemeji yake aliendelea kumuongelesha,

“Basi naomba siku tutoke Erica wangu jamani”

Erica bado alikuwa kimya kabisa kwani hakujua hata amjibu nini huyu shemeji yake ukizingatia ndio yupo kwenye ofisi yake akiendelea na mafunzo, aliwaza kuwa ni kitu gani kinaweza kumfanya huyu shemeji yake asimsumbue kabisa.

Akaona akifika nyumbani atapata wazo kuwa afanye kitu gani ila kwa muda huo hakuweza kumjibu shemeji yake. Muda wa kuondoka ulipofika, shemeji yake alimkazania kuwa ampe lifti ya kumpeleka nyumbani na akamuangalie na mtoto, kwa bahati kuna mtu alitokea na kumuita shemeji yake kwahiyo yeye akaondoka na kwenda nyumbani.



Aliwaza sana maana ndio kwanza alikuwa na siku ya tatu kwenye ile ofisi ila shemeji yake kashamuanzishia tamaa, akawaza sana kuwa atafanya kitu gani, akapata wazo moja kuwa amuombe Bahati awe anaenda ofisini kumchukua ili shemeji yake akose hata ile nafasi ya kusema kwamba nikupe lifti kumbe ana mambo yake mengine.

Akampigia simu Bahati na kumwambia hilo swala, kwakweli hilo swala lilikuwa ni swala la furaha sana kwa Bahati na alijiona kuwa ana bahati kama jina lake maana hiyo nafasi aliihitaji sana na kipindi hiko akaipata,

“Erica, nitakuwa nafunga biashara zangu mapema ili nije kukuchukua mpenzi wangu. Nashukuru kwa kuniamini”

Erica alikubaliana nae muda wa kwenda kufatwa pale ofisini na kumuelekeza ofisi ilipo, maana yeye toka siku ile amuone mrs.Peter hakutaka tena kwenda kwenye ofisi ya Bahati ili kumuepuka na vile ambavyo Rahim hakumuuliza kulimfanya kuona kuwa Rahim hajaambiwa chochote kuhusu yeye.

Na siku zote alikuwa akiwasiliana kawaida tu na Rahim na hakuthubutu kumwambia kuwa kwa kipindi hiko yupo kwenye mafunzo ya vitendo kwani alihisi labda atazua maswali mengi sana kwa Rahim.

Kesho yake alienda ofisini kwa shemeji yake kama kawaida, ila muda wa kutoka alifika Bahati na kumfanya yeye aondoke nae, shemeji yake akamuita,

“Erica, jana umenikimbia tusiongozane na leo tena unakimbia. Kwanini unafanya hivyo?”

“Aaaah shemeji kuna mtu huwa anakuja kunichukua”

“Mtu gani huyo?”

“Ni mchumba wangu”

Kisha Erica akamuaga shemeji yake na kuelekea nje, kitendo ambacho kilimfanya James kutoka pia ili kuona ni nani huyo anayeenda kumchukua Erica, alichukia sana baada ya kumuona ni Bahati maana hakumpenda kijana huyo toka siku ya kwanza aliyomuona na Erica.

Ila swala la shemeji yake kuchukia halikumfanya Erica ajali chochote kwani yeye cha msingi yupo salama tu, akaenda nyumbani kwao.



Baada ya kufika tu nyumbani muda kidogo James nae alifika kwenda kumuona mtoto wake, na akaanza kulalamika kwa mke wake kiasi kwamba Bite aliamua kumnuita mdogo wake,

“Wewe Erica, kwanini usingekuwa unasubiri lifti ya shemeji yako?”

“Dada kuna rafiki yangu huwa anakuja kunichukua”

“Rafiki? Rafiki yako yupi?”

James alidakia pale pale,

“Si kile kimwanaume chake”

“Kheee yani Erica mdogo wangu umeanza tena na kile kimwanaume? Hivi hujisikii aibu?”

“Dada, mimi ni msichana mkubwa sasa na wala hakuna sababu ya kunigombeza. Nina machaguo yangu na mimi maana nimekuwa sasa. Haijalishi yukoje ila ndio chaguo langu”

“Aaah umekuwa eeeh! Na usiniombe hela tena”

“Lini nimekuomba tena hela dada?”

“Kheee wewe Erica wewe, ndio anakupa kiburi Yule mwehu eeeeh! Subiri sasa, atakusimulia.”

Erica aliondoka zake kwani swala la kulazimishwa kuwa yeye aongozane na shemeji yake hakulifurahia kabisa, ukizingatia shemeji yake huyo aliyajua mambo yake.



Siku hiyo dada yake alimuaga kabisa kuwa kesho yake atakaporudi hatomkuta sababu anarudi kwa mume wake,

“Kesho mdogo wangu narudi kwangu, mwanangu amechangamka sasa. Na mimi nisharudi katika hali yangu”

“Na kweli umerudi katika hali yako, maana kukaa uzazi miezi mitatiu sio mchezo, na mwezi mmoja wa matamazio kweli mumeo atakuwa amekumiss sana maana ni muda umepita”

“Kweli uyasemayo, lazima kanimiss sana hadi namuoneaga huruma ila ndio nilikuwa nafata sharia”

“Sasa, utakuwa na wafanyakazi wawili au mmoja utamuondoa?”

“Kwasasa nadhani inabidi niwe nao wote wawili maana mmoja atakuwa na mtoto halafu mwingine shughuli za nyumbani si unajua nitaanza na kwenda kazini!”

“Sawa dada, nakutakia maisha mema”

Aliongea vizuri na dada yake ila alikuwa na hofu kubwa sana juu ya msichana wa kazi ambaye dada yake kamuacha kule kwake.

Kesho yake akaelekea kazini kama kawaida, alifanya kazi zake ila akaitwa na shemeji yake,

“Hivi Erica unajua unavyonifanyia sio vizuri kabisa”

“Kwanini shemeji?”

“Yani wewe Erica wa kunikataa mimi kweli sababu ya kile kimwanaume jamani! Sikia Erica, mimi ukinikubali nitakufanyia vitu vingi sana vizuri”

“Mbona dada yangu hujamfanyia?”

“Achana na habari za dada yako, sikia kitu kizuri naomba leo umwambie jamaa yako asije kukufuata kuna sehemu nataka niende na wewe. Ni sehemu special kwako”

“Kheee shemeji, badala leo uwahi kurudi nyumbani unataka tena uwende mahali na uchelewe kwako!”

“Kwanini niwahi sasa?”

“Dada leo amerudi nyumbani kwako, wahi ukacheze na mtoto”

Ila ile habari ilionekana kumshtua kabisa James,

“Ameendaje nyumbani bila kunitaarifu jamani?”

“Kheee pale si nyumbani kwenu? Akutaarifu nini sasa? Labda alitaka kukushtukiza”

“Aaaargh yani Bite akili zake ni ziro kabisa”

James aliondoka na kumwambia Erica akaendelee na kazi, kisha yeye aliaga na kuondoka kabisa pale ofisini, Erica alihisi kuwa lazima kuna tatizo maana sio swala rahisi, akaamua kumpigia simu dada yake ili amuulize tu kwa kimtego na ajue tatizo ni nini, ila dada yake alipokea simu na kuongea kwa jazba sana,

“Erica, huyo James yupo ofisini hapo?”

“Ametoka”

“Kwakweli sielewi mdogo wangu, unaweza kuamini, nimemkuta huyu msichana ni mjamzito yani nashindwa kuelewa James aliishi vipi na mdada mwenye mimba hapa”

“Usipaniki dada, kwani umemuuliza kuwa mimba ni ya nani?”

“Ananichanganya kwakweli nachanganyikiwa, ananijibu kwa nyodo kuwa yeye ni mke mwenzangu. Nimechanganyikiwa hapa mdogo wangu”

“Subiri kidogo dada”

Erica aliamua kumpigia simu dada yao Mage ili kumuharakisha kuwa aende nyumbani kwa Bite maana yeye kidogo ana busara, pengine wanaweza wakaelewana. Kisha nay eye alianza kumalizia kazi zake ili akimaliza aende kwa dada yake pia ajue kilichojiri.



Erica alimaliza shughuli alizopangiwa kisha akaaga ili kuondoka, ila alipotoka ofisini tu alimkuta Bahati akimsubiriria nje, na alipomuona alimsogelea na kumkumbatia ila kilichomshangaza ni kumuona Mrs.Peter akiwapiga picha, akaanza kumuuliza Bahati kabla hawajamsogelea huyu mama,

“Vipi umekuja na mama huyu?”

“Aliuliza kila siku nawahi wapi, nikamwambia huwa nawahi kumpitia mke wangu nimrudishe nyumbani kwanza. Ndio akasema leo tuje wote”

“Sasa mbona alikuwa anatupiga picha?”

“Kuhusu picha sielewi, labda ngoja tumuulize”

Walisogea karibu na kumsalimia, Yule Mrs.Peter alianza kujieleza mwenyewe kabla hata hajaulizwa,

“Nimekupiga picha Erica ili kupata picha ya ukumbusho na uthibitisho. Unajua Rahim nilimwambia kuwa nimemuona mumeo akanikatalia katakata kuwa huna mume, sasa leo nataka nimtumie na picha kabisa aone”

Erica alihema kwanza na kumuuliza,

“Khaaa mama, sasa picha za mimi na mume wangu umtumie Rahim za nini?”

“Unajua ulivyoongea hivyo nimekurekodi na nishamtumia? Picha nazo nishamtumia kwani kuna ubaya gani?”

Erica alimuangalia huyu mama na kutamani hata kumnasa vibao.





Walisogea karibu na kumsalimia, Yule Mrs.Peter alianza kujieleza mwenyewe kabla hata hajaulizwa,

“Nimekupiga picha Erica ili kupata picha ya ukumbusho na uthibitisho. Unajua Rahim nilimwambia kuwa nimemuona mumeo akanikatalia katakata kuwa huna mume, sasa leo nataka nimtumie na picha kabisa aone”

Erica alihema kwanza na kumuuliza,

“Khaaa mama, sasa picha za mimi na mume wangu umtumie Rahim za nini?”

“Unajua ulivyoongea hivyo nimekurekodi na nishamtumia? Picha nazo nishamtumia kwani kuna ubaya gani?”

Erica alimuangalia huyu mama na kutamani hata kumnasa vibao.

Huyu mrs.Peter aliona jinsi Erica alivyoonekana kuchukizwa na swala lile, akamuuliza tena,

“Kwani nimefanya vibaya mwanangu?”

Erica alikuwa kimya tu, Yule mama akamuangalia Bahati na kumuuliza

“Eti baba nimefanya vibaya?”

“Hapana mama, naona ni vizuri tu maana mimi na Erica tunapendana sana”

“Asante, ndio nilichokuwa nakitaka, kwaheri”

Yule mama aliondoka na kuwaacha pale wamesimama, ila kiukweli Erica hakuwa na raha hata safari ya kwenda kwa dada yake aliahirisha na kutaka tu kwenda moja kwa moja nyumbani kwao.



Erica alifika kwao ila mama yake hakumkuta kwa muda huo akahisi labda mama yake amechelewa kwenye vikoba vyake siku hiyo, ila sababu alikuwa na mawazo aliamua kwenda kulala tu, ila hata usingizi wenyewe haukumpata kwani alikuwa na mawazo lukuki, akawaza kuwa pesa ambazo huwa anapewa na Rahim zitakuwa zimefikia mwisho maana akiambiwa tu na mama yake na kutumiwa ushahidi wa picha na sauti yeye atakuwa ameisha kabisa, aliwaza sana na muda nao ulienda ila mama yao alikuwa bado hajarudi hadi akataka kumpigia simu ili ajue tatizo ni nini. Ila wakati anawaza kumpigia simu alisikia sauti yake ikiita, ikabidi aende kumsikiliza,

“Kila siku huwa nasema wanaume ni mbwa jamani tena mbwa kabisa”

“Kwani vipi mama?”

“Si Yule shemeji yako James, kumbe kampa mimba Yule msichana wa kazi, yani sokomoko la huko leo lilikuwa balaa, hujashangaa hujanikuta hapa nyumbani!”

“Nimeshangaa na nikajiuliza kuwa imekuwaje, nikadhani labda upo kwenye kikoba”

“Kikoba wapi? Mambo yalikuwa sio mambo huko, Mage alinipigia simu ndio nikaenda, jamani mwanaume Yule anaonekana mstaarabu kwa nje kumbe mbwa tu”

“Ila mama kwani wanaume wote wapo hivyo?”

“Hakuna mwanaume aliyetulia mwanangu, yani kuhusu usumbufu wa wanaume ni kilio cha kila mwanamke”

“Mmmh mama ila si huwa unawasema makapuku tu, kumbe wenye hela nao hawafai”

“Hakuna cha mwenye hela wala kapuku, yani kiukweli mwanangu mimi hata sielewi kama kuna wanaume wanaishi bila usaliti jamani”

“Wapo mama”

“Hawapo, labda ashushwe toka mbinguni. Usimkatalie mwanaume hata mara moja, uwezi jua mambo anayoyafanya nyuma ya pazia”

“Mmh sawa mama, ila mmeishia vipi kwa dada sasa?”

“Yani Bite alitamani kurudi nyumbani ila nimemshauri kurudi nyumbani sio suluhisho, kwani ni lazima akae hapo na mumewe na wajue ni wapi alikosea mpaka mume wake akamsaliti.”

“Kwahiyo huyo mwenye mimba kaenda wapi?”

“Tumemfukuza, unajua unapokuwa mke wa mtu inabidi ujivike moyo wa ukatili maana ukiwa mpole sana mumeo atawapa mimba hadi kuku na kukuletea nyumbani. Tumemfukuza pale, atajua mwenyewe pa kwenda”

“Na shemeji?”

“Hajarudi hadi tunaondoka ila kwa nilichomfundisha Bite Yule mumewe ataelewa tu. Nawajua wanaume kupita hata wanavyojijua wenyewe”

Erica alimuangalia mama yake anayesema anawajua wanaume sana ila alishindwa kumshauri mwanae kuwa akae karibu na mumewe asiibiwe na msichana wa kazi maana ingewezekana kabisa Bite angejifungulia kwa mume wake na mama yake angekuwa anaenda kumtazama ila kwavile alitulia kwao ilitoa upenyo mkubwa sana kwa mumewe kuwa na msichana wa kazi ukizingatia mume wake mwenyewe ni penda penda.



Erica aliagana na mama yake na kwenda kulala maana ilikuwa ni saa tano usiku, hakuwa na usingizi sababu ya mawazo ila aliamua kwenda tu kujilaza, ila kabla hajajibembeleza vizuri na usingizi akapokea ujumbe wa kawaida ukitoka kwa Rahim,

“Naomba uingie facebook muda huu”

Ilibidi Erica achukue simu yake na kuingia kwenye mtandao kwani alijua lazima atakutana na lawama sababu Yule mama inaonyesha tayari alishasema, alipoingia tu akakutana na jumbe kadhaa kutoka kwa Rahim, kwanza aliona picha za yeye na Bahati pia akatumiwa zile sauti ya kwanza akasikia yeye akisema “Khaaa mama, sasa picha za mimi na mume wangu umtumie Rahim za nini?” na sauti ya pili ilikuwa ya Bahati na ilisikika, “mimi na Erica tunapendana sana”

Erica alizisikiliza na kumshangaa sana mrs.Peter

“Jamani Yule mama ana mambo ya Kiswahili loh! Sasa kumtumia mwanae picha na sauti ili iweje jamani? Kwani anahisi natoka na mwanae au? Sasa anamchunga hivyo mwanae na kumtafutia wachumba wa nini sasa? Loh mama mswahili sijapata kuona”

Kisha akaendelea kuangalia ujumbe utakaofatia toka kwa Rahim,

“Erica naomba unieleze kuhusu hizo picha na hiyo sauti”

“Rahim hata sijui nikwambie nini”

“Unajua Erica umeniumiza sana, hivi unajua hilo? Umeumiza sana moyo wangu, kwanini kunifanyia hivi? Yani unanifanya mimi kama poyoyo”

“Hapana Rahim usinifikirie vibaya, nadhani tu mama amenielewa vibaya”

“Hivi nyie wanawake mkoje? Mnataka mpewe nini ndio mridhike nyie? Kwenu mwanaume akikupa pesa ni shida, akikupa mapenzi ni shida, hivi mnataka nini haswaa? Kuna kitu hupati kwangu Erica? Nimekwambia ukiwa na shida yoyote niambie nitakusaidia, nimejitoa kwaajili yako Erica halafu wewe unaenda kunifanyia upuuzi huu kweli?”

“Rahim hata sijui nikueleze nini ila mama kanielewa vibaya tu”

“Erica nilishakutahadhalisha kuhusu mama yangu, hata hivyo mama yangu sio chizi kusema akurupuke tu kufanya mambo. Sikutegemea Erica kama ungeweza kudanganywa na kijana mwingine ilihali nakupa kila kitu cha kukuonyesha kwamba nakupenda. Unajua kinachoniuma zaidi ni nini? Ni huyo kijana, nakumbuka nilibishana nae kuwa kati yake na mimi anapendwa nani? Sasa kama mimi na huyo tu hujui umchague nani, je huyo Erick akisema arudi utanifikiria mimi kweli?”

Erica alisoma huu ujumbe mara mbili mbili na kushindwa ajibu vipi ila aliishia tu kutuma meseji,

“Nisamehe Rahim”

“Erica, kuna siku nitakufanyia kitu ambacho hutokuja kukisahau katika maisha yako”

“Jamani Rahim, ndio unafikia huko kweli? Naomba unisamehe maana hata nikikuelezea hautaniamini ila naomba unisamehe”

“Erica umeniudhi haijapata kutokea yani leo umefanya siku yangu iwe mbaya kuliko siku zote, umeniudhi sana Erica hata sijui nifanyeje”

“Naomba unisamehe Rahim”

“Erica, sijui niseme nini ila kwavile nakupenda. Kwasasa lala tu, sina cha kukwambia”

Erica alibaki kuandika jumbe za kuomba msamaha tu bila ya kujibiwa tena huku akiwaza kuwa ni kitu gani kibaya atakachopangiwa na Rahim, hakuelewa ila pia hakujua kama Rahim anaweza kumsamehe na aendelee kuwasiliana nae kama zamani kwani kwa kipindi hiko ni kweli hela ya Rahim ndio iliyokuwa inamtia kiburi.

Akaamua kulala tu maana hata akiendelea kufikiria sana haina maana na muda huo ulikuwa umeenda ilikuwa ni saa nane usiku, halafu kesho yake anahitajika aende kule kwenye mafunzo asubuhi halafu anachelewa hivyo kulala. Ikabidi tu atafute usingizi ingawa kwa nadra, akalala, huku akifikiria kuanza kumuweka moyoni mwake Bahati maana hakujua ni kitu gani Rahim kapanga kwaajili yake, akawaza ile hela aliyopewa na Rahim ile milioni mbili kuwa alifanya vyema kupunguza milioni moja na kumpa Bahati aongezee mtaji ambao ni hela nyingine aliyoipata kwa Rahim ila kwa muda huo alihisi huenda Bahati ndiye mwanaume wa kutengeneza nae maisha.



Kulipokucha siku hiyo aliamshwa na mama yake maana yeye alilala hoi hata habari hakuwa nayo, aliamka na kujiandaa kisha kwenda ofisini, alimkuta shemeji yake yupo ofisini tayari kanakwamba alilala palepale na alikuwa na nguo zile zile za jana, ikabidi aende ofisini kwa shemeji yake kuongea nae vizuri maana zile ofisi zilikuwa za vioo ambavyo vilikuwa vinaonyesha kama bosi yupo au hayupo.

Erica aliingia kuzungumza nae,

“Shemeji vipi? Inaonyesha hukurudi nyumbani kwako!”

“Na kweli sikurudi hata sijui ni jinsi gani nitamuangalia mke wangu”

“Ila mbona jana uliondoka hapa kama unaenda kwako?”

“Unajua nimechanganyikiwa eeh Erica, ni kweli nilikuwa naenda nyumbani kwangu ila nilipofika tu nilimsikia mke wangu akigombana na kile kisichana halafu kwa mbali nikamuona dada yenu Mage anakuja, mmmh namuogopa Yule dada, nikaona hapa balaa ndio nikaondoka sijarudi kabisa nyumbani tena”

“Sasa utaweza kufanya kazi hivyo?”

“Hata sijui, kichwa chote kimenivurugika. Jana nilienda kunywa pombe, na nilizinywa sana ili mawazo yakae sawa”

“Basi, ilitakiwa leo unywe supu kwanza”

“Basi nisindikize Erica, nakuomba na wala sitakwambia tena mambo ya mapenzi”

Kiukweli James alionekana mtu wa kujutia kwa kile alichokitenda, na Erica alikubali kumsindikiza shemeji yake akapate supu kwahiyo ilibidi amuachie maagizo msaidizi wake na kuondoka na Erica.

Walifika kwenye baa kisha akaagiza supu, ikabidi naye Erica aagize supu huku akijaribu kuongea na huyu shemeji yake maana lazima kuna kitu kinachomfanya shemeji yake kuwa katika ile hali,

“Hivi shemeji, kwani humpendi dada?”

“Hapana, nampenda”

“Sasa kwanini unamsaliti?”

“Erica, ngoja leo nikwambie sababu ya mimi kumsaliti dada yako. Mimi ni mwanaume, nahitaji mapenzi yale yenyewe yenyewe kiasi kwamba nikiyapata wala nisitamani mwanamke mwingine. Jamani Erica, dada yako hajui mapenzi kabisa yani hajui kitu hata najuta kuoa mwanamke mshamba kama yeye. Kwa nje anaonekana mjanja ila kumbe mshamba”

“Mmmh jamani! Nyie wanaume hamna shukrani, umepata mwanamke bikra unasema ni mshamba, ila ukipata aliyetangatanga ndio mjanja halafu wakati huo huo mnapenda kuoa mabikra sababu ndio heshima. Ushamba wa dada yangu hauwezi kufanya wewe umsaliti, kumbuka wewe ndio wa kumfundisha mapenzi dada, hivi usipomfundisha wewe atafundishwa na nani?”

“Erica, hujui tu. Nilipoenda ulaya nilijua nikirudi atakuwa amejifunza mambo mengi ila ndio kwanza yupo kama gogo hata hajishughulishi na alivyopata mimba ndio kabisaaa kila ukimshika anadai anaumwa, hivi kuna wanawake wangapi wanaishi vizuri na waume zao na mimba zao? Dadako anadeka sana, yani yeye ndio anapelekea mimi kumsaliti”

“Ila unavyofanya sio vizuri, wewe ndio wa kumbadilisha dada, mwambie hupendi ambavyo anakosa ubunifu nina uhakika dada atajifunza vitu vipya vya kufanya na wewe. Usihangaike nje shemeji yangu, magonjwa mengi sana.”

“Una maneno ya busara sana, hadi natamani wewe ndio ungekuwa mke wangu, yani Bite nilimuoa basi tu”

“Umeanza maneno yako shemeji”

“Sio nimeanza Erica, kiukweli natamani wewe ndio ungekuwa mke wangu. Upo tofauti sana Erica, wewe ni msichana kati ya wasichana ambao sijawahi kukutana nao maishani. Erica ungekuwa aina nyingine ya msichana ungeshatangaza kwenu kuwa nilikutaka kimapenzi ila mpaka leo imebaki kuwa siri yako kwa kulinda penzi la dada yako. Erica kiukweli, mume atakaye kuoa atakuwa amepata mke haswaaa, tofauti na dada yako kitu kidogo lazima aseme nyumbani kwenu hadi najuta kumuoa”

“Mmmh jamani! Ulilazimishwa kwani?”

“Hapana sikulazimishwa ila kuna mwanamke nilikuwa nae kabla ya Bite, alikuwa ni binti wa ukweli ila sikuweza kuoana nae sababu ya itikadi. Na nilivyokutana na Bite, binti mpole basi nikatangaza ndoa maana Yule msichana niliyempenda nae alikuwa ameolewa”

“Mmmh mapenzi bhana, kizunguzungu tu. Kwahiyo wewe ulimpendea nini dada?”

“Kiukweli Bite nampenda akicheka anavyobonyea mashavuni yani hapo roho yangu burudani, ila sikujua kama atakuwa mshamba vile kwenye mapenzi”

“Yani ulimpendea dimpozi tu? Ila kwasasa si unampenda dada kushinda Yule wa zamani?”

“Ndio, nampenda sana Bite halafu nampenda kweli ila kwasasa naomba unisaidie jambo moja tu, naomba wewe uende kwanza nyumbani kwangu. Ongea kwanza na dadako ndio mimi nitakuja maana najua una maneno ya busara na unaweza kumfanya dadako anisamehe na tuendelee vyema kumkuza mtoto wetu”

Erica alikubali na shemeji yake alimuomba muda ule ule aende kwahiyo James alimuombea tu udhuru ofisini,

“Ila shemeji usinywe tena pombe basi”

“Sinywi, ukiongea nae tu vizuri akikaa kwenye mstari niambie nije”

Sawa”

Erica aliondoka pale na kwenda kwa dadake, huku akiwaza kuhusu vitu vingi sana, aliona kuwa mapenzi ni kitu cha ajabu sana kumbe mtu anakwambia anakupenda halafu alimpendaga mwingine ila hayupo nae tena kwahiyo inabidi aishie kukwambia wewe tu anakupenda, ila hakufikiria kama ushamba wa dada yake ndio unamfanya shemeji yake awe msaliti ila ile ni tabia ya shemeji yake ndiomana ameweza kumtongoza hata yeye.



Alifika na kumkuta dadake kajiinamia tu, na alionyesha kuwa na mawazo mengi sana. Alimkaribisha ila alikuwa na unyonge wa hali ya juu,

“Pole dada, naelewa matatizo unayopitia”

“Yani acha tu mdogo wangu”

Erica alijaribu kuongea na dada yake kwa maneno ya busara ili hata akirudi mume wake asije akamfanyia hasira,

“Dada najua unavyompenda shemeji na yeye anakupenda, wala usiruhusu shetani ayaingilie mapenzi yenu. Msamehe Yule ni mumeo, akirudi mkaribishe na akipumzika muulize kwa upendo tu kuwa ilikuwaje akafikia hatua ile, unajua na yeye ni binadamu, kila binadamu ana mapungufu yake hakuna aliyekamilika ila usiruhusu shetani kuyavuruga mapenzi yenu. Yani mchukulie huyo msichana kama shetani tu”

Erica alijaribu kumuelewesha dada yake hadi alionyesha kuwa yupo kwenye mstari kisha akamtumia ujumbe shemeji yake kuwa arudi tu nyumbani.

Halafu yeye akamuaga dada yake kuwa anaondoka kwani alitaka shemeji yake akifika apate muda wa kutosha wa kuzungumza na dada yake maana alijua kwa vyovyote vile kama mtoto angesumbua basi angekaa na Yule msichana wa kazi ambaye kazoea kumlea mtoto Yule tokea wapo kwao.

Muda huo aliondoka na kwenda kwa dada yake Mage, na alifika na kumkuta kisha akamsalimia na kuanza kuongea nae,

“Sasa dada kwanini mlifikia hatua ya kumfukuza Yule dada aliyepewa mimba na shemeji?”

“Kwanini aachwe? Kwanza msichana ana kiburi sana Yule, anajisema eti mi mke mwenzio, na sisi tukasema hutujui eeh! Dawa ya kiburi ni jeuri Erica, yani tulivyomtimua pale hajaamini macho yake. Sipendagi ujinga kabisa mimi”

“Ila dada, wewe hujawahi kuletewa mtoto wa nje?”

“Sikia Erica nikwambie kitu, kwasasa sijui kama mume wangu kazaa huko nje ila siwezi sema kuwa namuamini na hawezi kuzaa nje, siwezi sema hivyo. Ila ikitokea nikiletewa mtoto wan je nitamlea tu tena kama mwanangu wa kumzaa ila mama yake huyo mtoto akiwa mstaarabu nitaongea nae kistaarabu hata kuwa na urafiki nae ila akijifanya jeuri yani hatokanyaga hata hapa kwangu kuja kumsalimia mwanae.”

“Mmmh dada, haya kuhusu swala la kuja nyumbani na shemeji mmejipangaje?”

“Tumejipanga ujue, yani mwezi huu hauishi tutakuwa nyumbani tayari. Ila mdogo wangu najisikia kukwambia tu, kuwa makini sana na hawa wanaume maana mwingine anaweza kuonyesha anakupenda kweli kumbe nyuma ya pazia wala hakupendi ila anavutiwa nawe tu sababu ya kitu Fulani”

“Hivi inawezekana mtu akavutiwa nawe kwa kitu Fulani na akaonyesha kuwa anakupenda?”

“Inawezekana ndio, utasikia mwingine nakupendea macho yako, jiulize kwamba hivi niking’olewa macho itakuwaje? Yani hutonipenda tena? Nakupendea miguu yako, hivi miguu ikikatika hutonipenda? Kuna vitu tunatakiwa kujiuliza, mwenye mapenzi ya kweli huwa hana sababu ya kukupenda yani yeye huwa anakupenda tu hata uweje”

Kwa maneno haya ya dada yake yalionyesha kuwa mwanaume pekee anayempenda yeye ni Bahati tu sababu ndio anaonekana anampenda bila kujali sababu yoyote, akaongea ongea pale na dada yake ila akapigiwa simu na Bahati 
  
 
akimuomba akamuonyeshe kitu nyumbani kwao.

“Natumaini sio kwa Yule mmama tena, sitaki kuonana na Yule bosi wako”

“Usijali Erica, ni nyumbani kwetu”

Basi Erica akakubali na kumuaga pale dada yake na kuondoka.



Alifika hadi mitaa ya kwakina Bahati kisha Bahati akaenda kumchukua na kwenda nae nyumbani kwao, akampeleka mahali ambapo kulikuwa na mabwawa ya samaki,

“Erica nimekuja kukuonyesha kuwa, ile milioni moja uliyoniongezea nilikuja kutengeneza mabwawa ya samaki, na sasa samaki wanaendelea vizuri. Mpenzi wangu Erica tutakuwa matajiri sana sisi”

Bahati akamkumbatia Erica, na ilionyesha alikuwa na furaha sana kwani alikuwa akitabasamu tu, muda kidogo simu ya Bahati ikaita akaipokea na kuongea nayo, alipomaliza alimuangalia Erica na kumwambia,

“Kuna rafiki yangu kaja, sasa yupo stendi na hapa nyumbani hapajui inabidi nikamfate stendi. Sasa twende wote au utabaki unaangalia samaki!”

“Mimi nitabaki tu”

“Sawa, ila sitakawia kurudi, jisikie upo nyumbani kabisa maana hapa ni kwenu pia”

“Sawa”

Erica aliendelea kuangalia wale samaki jinsi wanavyoogelea mule kwenye bwawa.

Gafla alifika dada wa Bahati, Yule ambaye alikutanaga na Erica na kumpiga kibao, alikuwa ameongozana na wadada wengine wawili wa Bahati na mama yao.

Yule dada alimsogelea Erica karibu na kumwambia,

“Yani msichana mpumbavu wewe, umeona mdogo wetu kaanza kupata vipesa umeanza kujipendekeza tena”

Kisha akamuangalia mama yao na kumwambia,

“Mama, ndio huyu msichana aliyesababisha mwanao alale jela mwezi mzima tena hata hakujishughulisha kuja kumuona”

“Khaaa kumbe ndio huyu firauni”

Yule mama alimsogelea Erica na kumnasa kibao, wakati Erica akijishika shavu Yule mama akamsukuma Erica kwenye bwawa la samaki.





Kisha akamuangalia mama yao na kumwambia,

“Mama, ndio huyu msichana aliyesababisha mwanao alale jela mwezi mzima tena hata hakujishughulisha kuja kumuona”

“Khaaa kumbe ndio huyu firauni”

Yule mama alimsogelea Erica na kumnasa kibao, wakati Erica akijishika shavu Yule mama akamsukuma Erica kwenye bwawa la samaki.

Halafu wakawa wanacheka pale juu, Erica akajitahidi kwa kuhangaika sana na kutoka kwenye lile bwawa la samaki kwa upande mwingine, ila wakamfata na kumvutia pembeni kisha kila mmoja alianza kumshambulia kwa makofi yake, mmoja kati ya wale dada wa Bahati akashauri kwamba aachiwe ameshakoma,

“Akome wapi? Malaya anakomaga? Huyu msichana ni malaya, kasababisha mdogo wetu kaka ndani mwezi mzima, halafu kwa umalaya wake nikamkuta na malaya mwingine wanakumbatiana kumbatiana njiani. Huyu msichana hafai ni kichefuchefu”

Mama Bahati, akamsimamisha Erica pale chini kisha akamuangalia na kumwambia,

“Yani wewe binti naomba uelewe swala moja, kama ulifikiri ya kwamba kuna siku utakuja kuolewa na mwanangu yani isahau kabisa hiyo siku labda niwe nimekufa”

Dada yake akadakia,

“Sio wewe tu mama, labda ukoo mzima wa Bahati tuwe tumekufa. Yani huyu mwanamke hajielewi hata robo, umemuona Bahati kaanza kushika hela vizuri, kaanza kuwa tajiri ukaona hapa ndio umalizie shida zako na familia yako. Umenoa kwakweli”

Erica alikuwa kimya kabisa, kajikunyata kama kikuku kilichonyeshewa na mvua, nguo zote zimelowa, na makofi ya kutosha hadi amebaki na alama usoni, hakujua hata afanye nini kwa muda huo. Yule mama Bahati akamwambia,

“Sasa muda huu fanya upesi uondoke hapa kwangu, sitaki kukuona maana tutakufanya mboga bure. Ondoka”

Erica alianza kukimbia tu na alipotoka nje ya uwanja wa nyumba ile aliiona bodaboda ikipita akaisimamisha na kupanda huku akimuomba ampeleke hadi kwao na hela atampa akifika kwao maana hata mkoba wake ulikuwa chapachapa.

Yule wa bodaboda alimuhurumia na aliona kuwa baridi lingempiga sana ikabidi ampe koti lake avae kisha wakaanza kuondoka.

Njiani akapishana na Bahati anarudi kwao, ila Bahati pia alimshangaa Erica akiwa kwenye bodaboda na kujaribu kuisimamisha ile bodaboda lakini Erica alimwambia Yule wa bodaboda asisimame kwahiyo Yule dereva aliendeleza mwendo tu.

Bahati hakuelewa, akarudi kwao na kumkuta dadake nje akamuuliza kuwa imekuwaje hadi Erica kaondoka,

“Kwani wewe umemuona wapi?”

“Nimemuona kwenye bodaboda halafu kama amevaa koti la Yule mwendesha bodaboda!”

Dadake akacheka na kumwambia,

“Ila wewe sijui una akili gani? Sijui unataka tukwambie kwa lugha gani, Yule msichana ni malaya, tena ni malaya koko. Nadhani anajuana na huyo mwendesha bodaboda maana mi nilikuwa hapa nikashangaa anaongea na simu gafla namuona katoka mara kapewa koti na Yule dereva kavaa na kupanda bodaboda akaondoka. Kwanza msichana hana adabu Yule loh! Hata kunisalimia kaona shida”

“Mmmh dada jamani, Erica anaweza kufanya hivyo kweli?”

“Hebu na wewe kuwaga na akili, unamuona kabisa mwanamke anaondoka na mwanaume mwenzio halafu unabaki kutetea ujinga hapa eti hawezi kufanya hivyo, hebu kuwa na akili basi”

Bahati hakuridhika kabisa na majibu ya dada yake, akasogea pale kwenye bwawa lake la samaki, akashangaa kuona maji kwa pembeni, alijiuliza kuwa imekuwaje lakini alikosa jibu, na akapata wazo kuwa mgtu pekee atakayekuwa na jibu ni Erica tu.



Erica alifika kwao na kumuuliza Yule bodaboda ni shilingi ngapi,

“Hapana dada, mimi nimekusaidia tu”

“Hii ni biashara kaka yangu sio swala la kunisaidia. Naomba nisubiri hapo mara moja, ikuletee hili koti lako”

Erica aliingia ndani kwao, na kwa bahati hakumkuta mama yake kwahiyo alienda kubadilisha nguo kisha akatoka na hela na kumkabidhi Yule bodaboda pamoja na lile koti,

“Kheee zote hizi, hapana”

“Aaah usijali, umenisaidia sana. Nenda nazo tu, maana hata hili koti lako ingebidi nilifue, ila nakuomba utapitisha kwa wale wafua nguo, nakuomba”

Yule bodaboda akawa anakataa ila Erica alimuomba achukue kisha akachukua na kuondoka zake, halafu Erica alirudi ndani kwao amabapo cha kwanza alienda kuoga maana alihisi mwili wake wote unanuka samaki.

Alimaliza na kukaa chumbani kwake akitafakari,

“Hivi kosa langu haswaa ni nini jamani? Mbona kila ninachoshika hakishikiki? Sina raha ya mapenzi kabisa mimi, hakuna ninachofanya kikafanyika, kila kitu kwangu ni majanga.”

Aliwaza sana kuwa yeye ndiye aliyempa pesa Bahati ila leo hii anaonekana yeye ndio anafuata pesa kwa Bahati, roho ilimuuma sana na kujiona kwa hakika hana bahati na mapenzi kabisa.

Akachukua simu zake kwenye mkoba, na kwa bahati hazikuingia maji ila zilikuwa zimezimika, akaziwasha na alikuwa na mawazo sana huku akijisemea kuwa ni vyema angerudi kwao tu kuliko kupitia alikoitwa na Bahati. Alipokaa kidogo simu yake ikaanza kuita, mpigaji alikuwa ni Bahati kwakweli hakupokea kabisa kwani hakujisikia hata kuongea nae kila akifikiria maneno ya ndugu wa Bahati na vile walivyomfanyia hakuwa na hamu kabisa. Mama yake hata aliporudi alimkuta amelala, ila hakulala kwa raha kwani kiukweli alikuwa na mawazo sana.

Kulipokucha alihisi viungo vyote mwilini vinauma, akagundua ni sababu ya ile misukosuko aliyoipata jana yake, basi akampigia simu shemeji yake na kumtaarifu kuwa anajisikia vibaya na hatoweza kufika ofisini, shemeji yake alimkubalia ukizingatia huwa anampenda kwahiyo hawezi kukataa kuwa asipumzike kwenda ofisini halafu yupo mafunzoni tu sio kazi kamili.



Kwenye mida ya saa nne asubuhi alikuwa akikereka sana na zile simu za Bahati ambazo alikuwa akipiga kila baada ya dakika chache, akajiandaa kisha akaenda mjini, kwa mara ya kwanza alienda kwenye ofisi za laini na kurudisha ile laini yake ya zamani kabisa, alipokuta hakuna mtu mpya anayeitumia alifurahi sana, akairudisha ile laini na kurudi nyumbani kwao kisha kuiweka kwenye simu. Halafu ile laini yake ya siku zote aliikata kata huku akijisemea kuwa atakuwa Erica mpya, hataki tena ujinga wala masikhara, kwani alihisi kuwa hii laini aliyotafutiwa na George ndio iliongeza mkosi kabisa katika maisha yake.

“Ngoja nikumbuke kwanza, laini hii nilitafutiwa na George halafu alinifanyia vituko sana kiasi kwamba nilijiona sina thamani, kwa mawazo nilikutana na mama yake Rahim na kwa mawazo nilikutana na Bahati halafu watu hawa wote wamekuwa ni changamoto kubwa sana katika maisha yangu, ngoja niangalie ukurasa mpya wa maisha yangu kwasasa”

Ile laini ambayo aliwekewa na Rahim, hakuitumia kupiga zaidi ya kwenye mtandao tu, kwahiyo alikuwa akitumia bando tu la ile simu basi.

Baada ya kubadilisha hii laini aliamua kumpigia simu shemeji yake maana akaona ni vyema kumtaarifu sababu anaweza akamtafuta,

“Kumbe Erica, mbona umebadilisha namba?”

“Ndio nilikuwa nakutaarifu tu kuwa nimebadilisha namba”

“Sawa, ila nikitoka ofisini nakuja kukuona”

“Hapana usijali shemeji, naendelea vizuri”

“Lazima nije nikuone Erica, usinikatalie”

Erica hakuwa na jinsi ila alitaka tu muda atakaokuja shemeji yake basi na mama yake awepo ndani.

Kiukweli mwili wake ulikuwa umechoka choka sana, aliamua kwenda kupumzika, wakati amelala na kujisahau kumbe giza lilishaanza kuingia, akasikia tu mtu akigonga mlango wa ndani kwao kwa nguvu, Erica aliinuka na kwenda kumfungulia, akamkuta ni shemeji yake akiwa anathema halafu alionyesha kuwa na hasira sana,

“Vipi shemeji, kuna nini?”

“Naomba maji kwanza”

Erica akaenda kuchukua maji na kumpa, akayanywa kwa haraka sana kwani ilionyesha alikuwa na hasira vilivyo, kisha akamuangalia Erica na kumuuliza,

“Erica, Yule mbwa umempa nini wewe mpaka anakung’ang’ania hivyo?”

“Mbwa gani shemeji?”

“Si kile kibwana chako, aaargh nitakimaliza mimi”

“Sikuelewi shemeji, imekuwaje?”

“Kwanza mama yuko wapi?”

“Mama, katoka kidogo ila sasa hivi anarudi”

“Nimemkuta nje kwenu hapo Yule bwanako muuza samaki, ndio nimetoka kugombana nae”

“Kwanini umegombana nae sasa shemeji?”

“Sitaki akufatilie”

Erica alimuangalia shemeji yake na kushindwa hata kumtafakari maana anamuonea wivu wa nini sasa, muda kidogo mama yao alirudi na kumkuta James pale na kumkaribisha, wakasalimiana kisha James akasema dhamira yake ya kuja kumuona Erica,

“Endelea na moyo huo huo baba angu, ni wachache sana wanaojali ndugu wa upande wa pili. Kwakweli mwanangu kapata mume”

James mwenyewe alishangaa ambavyo mama huyu hakumkumbusha kabisa kuhusu makosa aliyoyafanya ya kumpa mimba msichana wa kazi, baada ya muda kidogo akaaga maana asingeweza kuendelea na zile mada zake zisizoelewekaga mbele ya mama mkwe wake. Kisha akamuuliza Erica kama ataweza kwenda ofisini kesho yake naye alisema kuwa ataenda. Kisha akaaga tena na kuondoka zake.



Muda huu Erica alikaa na mama yake na kujaribu kuongea nae vitu vichache vichache kama kumdadisi,

“Hivi mama, mfano mwanamke kaolewa ila familia ya mume hawampendi huyo mwanamke inakuwaje hapo?”

“Mmmh mwanangu huo ni mtihani mkubwa sana, japo wengi wanasema akikupenda mume inatosha ila kiukweli usopopendwa na familia kuna karaha yake, raha ya ndoa upendwe na mume na ndugu nao wakupende hapo utajiona kama upo pepo dogo, ila mume anakupenda halafu ukizunguka huku masimango, ukienda huku masimango yani utaiona ndoa chungu kwakweli. Utasema mume akikupenda inatosha je hutashirikiana na wale ndugu zake kwenye jambo lolote? Yani kiukweli ili furaha itimie basin a wao wakupende hata kama sio wote ila wawepo ambao watakupenda”

“Sasa mtu huwa anafanya nini kupendwa na ndugu wa mume?”

“Hiyo huwa inatokea tu, mwingine ana damu ya kupendwa basi wanajikuta wanampenda ila mwingine ni mume ndio anatakiwa afanye ndugu zake wakupende. Kwani mume ana nafasi kubwa ya kufanya ndugu zake wakupende au wakuchukie, yani hatakiwi kusema mabaya yako kwa ndugu zake, yani hata kama una mabaya basi atafute hata mazuri ya kujitungia ili ndugu zake wakupende”

“Mmmmh mama, ila ndoa ni ngumu sana?”

“Vipi mwanangu unataka kuolewa nini? Ndoa si ngumu ila kabla hujaolewa mchunguze huyo muowaji, maana unaweza kuangukia pua uione dunia chungu.”

“Hapana sio nataka kuolewa ila nauliza tu nijue, hivi ndugu wa mume wakikuchukia kuna namna unaweza fanya wakupende kweli?”

“Mwanangu umechukiwa na ndugu wa mume au? Sikuelewi, na kwanini uchukiwe?”

“Nimeuliza tu mama”

“Basi nitakujibu siku nyingine”

Erica alienda chumbani kwake akawa anajiongelesha mwenyewe,

“Erick, dada yake hataki hata kunitazama mara mbili yani hanipendi kabisa. Kuolewa na huyu ni mtihani maana yeye na dada yake ni wanapatana balaa halafu dada yake hanipendi. Rahim nae mama yake nahisi hataki ukaribu wangu na mwanae maana anafatilia kila njia yangu, na siku akisikia nina mahusiano na mwanae atakuwa mbogo kwakweli. Bahati sasa, mwanaume niliyemuamini kuwa hateteleshwi na chochote, nikaanza kumkabidhi moyo wangu maana na yeye ananipenda sana, ila ndugu zake wote hawataki hata kunisikia, mbona sina bahati na mapenzi jamani! Nina mkosi gani mimi Erica?”

Hakujielewa, akafungua simu yake ile nyingine na kuingia kwenye mtandao, akakutana na jumbe toka kwa Rahim,

“Mbona namba yako nimeipiga haipatikani?”

“Nimebadilisha laini”

“Kwanini?”

Erica alifikiria cha kumwambia Rahim, badae akapata wazo,

“Sitaki tena kuwasiliana na watu wa ajabu ajabu ndiomana nimebadilisha laini”

“Kweli Erica? Kwahiyo Yule Bahati hutowasiliana nae tena?”

“Ndio, siwasiliani nae, nimeanza maisha mapya”

“Kama umeamua hivyo Erica nimefurahi sana ten asana”

“Ndio nimeamua hivyo”

“Niambie zawadi gani unataka?”

Erica akatabasamu kwa kuweza kurudisha moyo wa Rahim tena kwake, yani kwa siku hiyo akawasiliana nae vitu vingi sana kwani ilikuwa ni furaha mno sana kurudisha moyo wa Rahim, hadi anamuaga kulala amejawa na furaha kwenye uso wake, yani kwa muda huo hakujali swala la kusema kuwa mama yake Rahim hampendi wala nini.



Kulipokucha alienda ofisini kama kawaida ila alikuwa akijitahidi kutoka kwa muda ambao Bahati hamkuti nje, yani alikuwa anajitahidi kumkwepa Bahati kwa vyovyote vile kwani aliona kuwa Bahati si mwanaume wake maana hata tena namna ya kufanya ndugu wa Bahati wasimchukie.

Siku hiyo wakati anatoka ofisini na anakaribia na kwao, simu yake ikaita kwa namba ngeni kabisa, akajiuliza kuwa ni nani ila akapokea,

“Erica”

“Ndio, mimi ni Erica”

“Siamini masikio yangu, naongea na Erica kweli?”

“Ndio, kwani wewe nani?”

“Mimi ni Babuu”

“Babuu? Kumbe upo?”

“Nipo ndio Erica, siamini kama leo nimekupata hewani. Uko wapi saizi?”

“Naelekea nyumbani”

“Naomba nipajue nyumbani kwenu, walau nije nikusalimie”

Basi Erica akamuelekeza Babuu nyumbani kwao, na muda mchache tu baada ya Erica kufika kwao Babuu nae alikuwa amefika, na Babuu alipomuona Erica alimkumbatia kwa furaha sana,

“Siamini kama nimekuona Erica, nimekusaka wewe mwanamke dah! Umejua kuutesa moyo wangu Erica”

“Ila mimi nina mwanaume mwingine”

“Shiiiii sijakuuliza habari za kuwa na mwanaume Erica, ila nimefurahi kukuona naomba uwe unaniruhusu kuja kukuona maana moyo wangu utakuwa na amani. Erica, wewe ni msichana wangu wa kwanza, na mimi ni mvulana wako wa kwanza. Siwezi kukutoa kwenye akili yangu Erica, yani kwenye mawazo yangu unatembea wewe tu”

“Ni kweli usemayo Babuu ila mimi sio kama Erica Yule wa mwanzo, nimebadilika sana siku hizi”

“Haijalishi Erica, kubadilika kwako hakuwezi kufuta kumbukumbu zako kwangu. Erica haijalishi ni kitu gani kilitokea kati yetu ila bado upo moyoni mwanagu, haijalishi upo kwenye mahusiano na nani ila moyoni mwangu bado unaishi”

Erica alimuangalia Babuu ambaye alionekana kuwa na maneno matamu kama aliyokuwa nayo mwanzo, kisha Babuu alimuuliza Erica kuwa anafanya nini kwa kipindi hiko.

“Niko field, na kesho ndio siku ya mwisho maana karibia tutafungua chuo na ndio utakuwa mwaka wangu wa mwisho”

“Field upo sehemu gani?”

Erica akamuelekeza, Babuu akamuomba kuwa kesho akitoka waonane ili angalau amsindikize hadi hapo kwao, Erica alimuitikia kisha akamuaga na kuingia ndani kwao.

Alipokuwa ndani alimuwaza sana Babuu, akakumbuka siku ya kwanza kuonana na Babuu jinsi akili yake ilivyoruka, alikuwa binti mbichi kipindi hiko hata nyumbani kwao haruhusiwi kutoka ila kwasasa kawa gumegume, kashatoa mimba mbili yani thamani yake imebaki machoni pa watu tu ila kiukweli imepungua, hata akashangaa kwa Babuu kuendelea kumwambia maneno ya upendo kuwa bado anampenda sana. Kiukweli siku hiyo, hadi alilala alikuwa bado akimuwaza Babuu ingawa hakujua kama angeweza kumfikiria namna hiyo.



Siku iliyofuata alijiandaa na kwenda ofisini ila ilikuwa ndio siku yake ya mwisho kwa mafunzo, alikuwa akifurahia mwenyewe kwani tangu amekuwa pale kazini hajawahi kukorofishana na mtu yeyote. Alipofika ofisini, shemeji yake alimuita kwa furaha sana,

“Leo ni siku ya mwisho kuwa hapa ofisini Erica, ila ningependa tule chakula cha jioni pamoja”

“Hakuna tatizo shemeji, wapi hapo?”

“Kuna hoteli Fulani hivi, wanapika chakula kizuri sana”

“Nitajie shemeji”

James akamtajia na kumwambia kuwa akitoka ofisini ajiandae, basi Erica akakaa kwenye meza yake na kukumbuka kuwa Babuu alimuomba aende ampitie ofisini siku hiyo, ikabidid amtumie ujumbe kuwa ataenda kwenye chakula cha jioni na shemeji yake kisha akamtajia hoteli watakayokuwepo, Babuu alipiga simu ya Erica na kuanza kuongea nae huku akimuuliza vizuri kuhusu hapo mahali atakapokuwepo,

“Erica, mimi nitakuja hata hapo hotelini hata nikikaa mbali tu nikakuona nitaridhika”

“Ila usijali, huyu ni shemeji yangu atanirudisha mwenyewe nyumbani”

“Ndio Erica ila nitakuja tu”

“Khaa wewe nae mbishi, kwaheri”

Erica akakata simu na kuendelea kuweka mambo yake sawa.

Jioni ilipofika shemeji yake alimshtua mpaka kwenye hiyo hotel, walishuka kwenye gari na kuingia hotelini kisha wakakaa bustanini, huku kwa mbali ukisikika mziki laini na kisha kuletewa vinywaji na chakula ila kile kinywaji Erica alipokunywa tu alianza kujihisi kizunguzungu hatari kama mtu aliyekunywa pombe balaa, James akainuka na kwenda kuongea na muhudumu,

“Naomba kile chakula utubebee utupelekee chumbani kule nilipokodi maana mpenzi wangu hawezi kula hapo amelewa”

Wakati James anarudi ili amchukue Erica, alishangaa kuona Erica akikokotwa na kijana mwingine wakitoka nje ya ile hoteli.





Jioni ilipofika shemeji yake alimshtua mpaka kwenye hiyo hotel, walishuka kwenye gari na kuingia hotelini kisha wakakaa bustanini, huku kwa mbali ukisikika mziki laini na kisha kuletewa vinywaji na chakula ila kile kinywaji Erica alipokunywa tu alianza kujihisi kizunguzungu hatari kama mtu aliyekunywa pombe balaa, James akainuka na kwenda kuongea na muhudumu,

“Naomba kile chakula utubebee utupelekee chumbani kule nilipokodi maana mpenzi wangu hawezi kula hapo amelewa”

Wakati James anarudi ili amchukue Erica, alishangaa kuona Erica akikokotwa na kijana mwingine wakitoka nje ya ile hoteli.

James alipigwa na bumbuwazi kuwa Yule kijana ni nani na kwanini kamchukua Erica, akaanza kumfata kwa nyuma ila alipofika nje alimuona Yule kijana akimpakiza Erica kwenye bajaji kisha kuondoka na ile bajaji, bado James alikuwa na bumbuwazi, akaenda akapanda gari yake ili kufata ile bajaji, ila alipofika barabara kuu tu ile bajaji ilimpoteza kabisa yani hakuelewa ilipoenda, kile kitendo kilimfanya ajilaumu kwanza, muda wake, pesa yake kila kitu chake alichofanya kwa siku hiyo ilikuwa ni bure kabisa.

Kuna muhudumu wa ile hoteli alipewa madawa ya kulevya na James ili aweke kwenye kinywaji cha Erica, naye alitimiza wajibu wake, James alijilaumu sana kuwa ni bora angemkokota na kwenda nae chumbani kuliko kubembwa na mtu asiyejulikana. Kwa muda huo hata hakuelewa kuwa aende wapi kumtafuta Erica, akajaribu kupiga simu ya Erica ila iliita sana bila ya kupokelewa hadi kukatika, alipiga tena na tena ila simu yake haikupokelewa na mara ya mwisho wakati anajaribu namba ya Erica haikupatikana na kuhisi kuwa simu ya Erica imezima, yani hapo ndio akili yake ilichanganyikiwa kabisa. Akapata wazo kuwa aende nyumbani kwao akamuulizie kwanza kwani hata kurudi pale hotelini hakutamani ukizingatia mambo yake hayajawa alivyotaka, halafu akawaza kuwa kama Erica akiwahi nyumbani basi atamsemea sifa mbaya yeye, kwahiyo akaona bora yeye awahi nyumbani kwakina Erica.



James alifika nyumbani kwakina Erica na kugonga, kisha mama mkwe wake akamfungulia mlango na kumkaribisha, James akamsalimia na kumuuliza,

“Erica kashafika nyumbani?”

“Bado hajafika, hata namshangaa leo kachelewa chelewa halafu hajaniambia kama atachelewa”

“Samahani mama ila utaona kama namfatilia binti yako, ila Yule ni kama mdogo wangu ndiomana namfatilia kwa lengo zuri tu”

“Hakuna tatizo mwanangu, tena unavyomfatilia ndio vizuri, sasa atakuwa wapi?”

“Unajua leo ni siku yake ya mwisho kufanya mafunzo pale ofisini, sasa nikaongea nae vizuri kuwa anisubiri nimalize kazi zangu nimrudishe nyumbani. Nikiwa sina habari najua ananisubiri, nikashangaa tu kuna mtu kaja kunitonya kuwa njoo umuone shemeji yako, nikatoka nikamuona Erica kashikiliwa na mwanaume halafu akionekana kuwa amelewa kisha akapanda bajaji na Yule mwanaume na kuondoka. Yani….”

“Subiri, subiri kwanza. Erica anakunywa pombe? Jamani Mungu wangu, yani binti yangu mimi anakunywa pombe? Eeeh Mungu, nimekukosea wapi mimi? Binti yangu kawa mlevi?”

Mama Erica machozi yalikuwa yakimlenga lenga kwani kwa binti zake wote hakuna hata mmoja aliyepata sifa ya kunywa pombe, kwahiyo kuambiwa swala la Erica alilewa lilimshtua sana, akamuuliza tena,

“Kwahiyo akaenda wapi na huyo mwanaume?”

“Sijui mama, nimejaribu kuwafatilia lakini wamenipotea, nikampigia simu Erica kwakweli kaniambia vitu vya kunitia simanzi sana”

“Vitu gani baba?”

“Erica kaniambia, acahana na mimi, usinifatilie huna undugu na mimi. Nikamwambia naenda kuwaambia ndugu zako mambo haya, akasema tena usithubutu kusema maana ukisema nitakusingizia kuwa ulitaka kunibaka. Kwakweli mama hiyo kauli imeniuma sana”

“Jamani huyu Erica kapatwa na shetani gani mwanangu jamani? Yani akusingizie wewe kubaka? Erica jamani, mbona hana fadhila mwanangu! Yani kumsaidia kote huko aseme maneno ya ujinga kama hayo? Ngoja aje hapa nyumbani, nashukuru kwa taarifa mwanangu ingawa zimenichanganya haswaa”

“Pole mama, ila Erica nampenda kama mdogo wangu. Sikutaka aharibikiwe maana yupo kwenye ofisi yangu na ni mimi mtasema sikumuangalia vizuri, ila Erica alinishushua mbele ya dada yake kuwa nisimfatilie maisha yake, mwanaume yoyote anayetaka kuwa nae ni yeye. Maana mwanzoni kulikuwa na kimwanaume kimoja kinakuja kumchukua akitoka kazini, namuhurumia Erica mama!”

“Na wewe kwanini hukuja kuniambia siku zote hizo mpaka maji yamemwagika?”

“Mama, siku zote Erica ananiambia nisiseme chochote, yani siamini kuwa ndio mtoto Yule mdogo wa kipindi kile ndio kawa hivi”

“Hizi habari zimenichanganya kabisa yani sielewi, narudia maneno kama kichaaa, sielewi”

James akaaga na kuondoka, mamake Erica alikuwa na mawazo sana huku machozi ya hasira yakimjaa kuwa binti yake kaanza lini ulevi na zaidi ya yote tabia ya kuanza kuzunguka na wanaume,

“Erica leo utanieleza kwakweli, sijalea mtoto mlevi mimi, sijalea mtoto malaya mimi, sijalea mtoto muongo mimi. Hiyo tabia umeitoa wapi Erica, yani mtu anayekusaidia eti unataka umtungie stori kuwa alitaka kukubaka! Erica huna hata uso wa aibu!”

Alikuwa na huzuni sana na hasira kwani katika mabinti zake wote hakuwahi kumtegemea Erica kuwa binti wa tabia zisizofaa.

Mama Erica alikaa macho hadi usiku sana ila bado Erica hakurudi hadi aliamua kwenda kulala kuwa akirudi atagonga mlango kwani mpaka usiku sana Erica hakurudi.



Kulipokucha huyu mama alizidi kupatwa na hasira kwani bado Erica hakurudi nyumbani, akili yake ikakosa uelekeo kabisa maana kila alipopiga simu ya Erica haikupatikana, akaamua kwenda kwa mwanae Bite maana alishachanganyikiwa.

“Mumeo hajakueleza kuhusu mambo ya Erica?”

“Kaniambia juu juu na nimeshangaa kwakweli, vipi karudi?”

“Bado hajarudi nyumbani jamani mtoto huyu ananitaka nini mimi?”

Ikabidi Bite amueleze mama yake kuhusu kijana anayekuwaga na erica na jinsi hata walivyomkataza na mumewe alivyowajibu,

“Alisema yeye ni msichana mkubwa na tumuache na maisha yake, kwakweli mama niliumia sana maana Erica ni mdogo wangu natakiwa kuwa nae makini ila akasema tuachane nae kabisa”

“Hapa nimechanganyikiwa, huyu mtoto sijui atakuwa wapi”

Mama akaamua kupiga simu kwa Mage ambaye alipopata ile taarifa ilibidi aende kwa Bite pia ili wajadiliane, walijaribu kupiga simu ya Erica haikupatikana na hapo ikawa ni hofu kubwa sana kwao kuwa ni kitu gani kilichompata ndugu yao.

“Sasa huyo mwanaume hamjui anapoishi jamani?”

“Hatujui mama, ila Yule kijana ndio anatokaga sana na Erica yani tumefanya mambo ambayo hata haiwezekani kukwambia mama, huyu Erica huyu loh!”

Mage akaamua kumpigia simu Derick ili kujaribu kumuuliza alipo Erica labda alijua ila Derick alijibu kuwa hajui popote alipo Erica,

“Kwani imekuwaje hadi Erica apotee?”

“Inavyosemekana alikuwa amelewa sana na akaondoka na huyo mwanaume hadi muda huu hakuna anayejua Erica yuko wapi jamani, na ubaya zaidi hata simu zake hapokei”

“Ila dada mngepunguza presha tu, Erica ni binti mkubwa na hawezi kupotea kirahisi hivyo, atapatikana tu hata msiwe na mashaka”

“Derick tumechanganyikiwa, Erica ni mtu mzima kweli ila yupo chini ya wazazi angetakiwa kusema sehemu alipo, au hata angeongea kwenye simu ingekuwa afadhali kidogo kuliko hivi, hewani hatumpati na hatujui alipo”

“Ila cha kuwashauri tu ni kuwa muwe wapole jamani, nina uhakika Erica atarudi akiwa salama salimini”

Ila Derick nae alishangazwa nah ii taarifa kuwa Erica alikuwa amelewa maana kwa ajuavyo Erica hanywi pombe, akawaza kuwa labda amenza kunywa pombe. Ila kitendo cha familia ya Erica kumuulizia Erica kwa Derick hawakujua tu kuwa ni swala ambalo lingezua utata mkubwa sana pindi Erica atakaporudi maana Derick sio mtu wa kunyamaza.

Walikaa pale na kujadiliana ila hawakupata shuluhisho, James nae alirudi mapema kujifanya anasaidia swala la kupotea kwa Erica, ila akashauri warudi nyumbani tu ili kuangalia kama Erica amerudi, basi waliondoka James, Mage na mama yao. James alifanya vile ili kuwaondoa tu pale nyumbani kwake.



Kufika nyumbani wakamkuta Bahati getini kumbe nae alikuwa akimsubiria Erica baada ya kumkosa hewani kabisa kwa siku kadhaa mfululizo maana Erica alibadilisha laini ya simu, kwahiyo alihisi akifika nyumbani kwao itakuwa rahisi kumuona. James alipomuona Bahati akamwambia mama mkwe wake,

“Eeeh mama, kijana mwenyewe ndio Yule pale anayesumbua akili ya Erica”

“Khaaa si muuza samaki huyu!”

Mama Erica alimfata Bahati kwa hasira sana, na kumkunja kisha James akasogea na kumpiga vibao kadhaa kisha akasema kuwa wasimsikilize chochote kwani huyo ndio mtuhumiwa namba moja, walimpandisha kwenye gari ya James na kwenda nae kituo cha polisi. Kwakweli Bahati alikuwa akishangaa tu, maana hata hakuelewa kuwa imekuwaje kuwaje yeye kushikwa kama mwizi kiasi kile maana hata hakujua kama Erica alipotea.

Walivyofika kituoni, James alishuka na Bahati na kuwaambia wale wamsubirie kwenye gari, James alienda na Bahati kwa mapolisi, na aliimuita polisi mmoja pembeni na kumpa kitu kidogo ili amshikishe adabu Bahati, na Yule polisi pale pale alianza kumshurutisha Bahati.

Kisha James akarudi kwenye gari na kuwaambia wale kuwa Erica atapatikana tu, akaenda kuwarudisha nyumbani, kisha akaondoka.

Mage nae alikaa kidogo tu na kumuaga mama yao, kwani kuna mahali alitakiwa aende,

“Mama naomba uniruhusu tu”

“Sawa, ila hapa sina hata hamu ya kula”

“Ila mama jaribu hata kunywa juisi tu, twende ninavyoondoka uchukue juisi dukani. Badae nitarudi”

Mama Erica alikubali na kwenda na Mage dukani ila kiukweli alikuwa na mawazo sana.



Erica alishtuka kichwa chake kikiwa kizito sana kiasi kwamba hakuna alichoelewa kimetendeka juu yake, akaangaza macho huku na huku akagundua yupo kwenye chumba asichokijua kwani hayakuwa mazingira ya nyumbani kwao, akiwa anashangaa shangaa akamuona Babuu akiingia kwenye kile chumba,

“Ooooh Erica, umezinduka asante Mungu”

Erica alikuwa akishangaa tu na kumuuliza Babuu,

“Kwani imekuwaje? Hapa wapi? Nafanya nini hapa?”

“Erica, hapa ni nyumbani kwangu”

“Nyumbani kwako! Nimekuja kufanya nini hapa?”

“Usiwe na jazba erica, nisikilize kwanza nikwambie”

“Haya niambie”

Aliongea huku akionekana kuchukizwa sana kupelekwa pale,

“Erica, jana nilifika kwenye ile hoteli mliyopanga kwenda na shemeji yako kabla hata ya muda wenu na hadi mnaingia pale nawaona. Sasa shemeji yako alienda kuagiza vinywaji sijui na chakula, nilimuona akiongea na kijana mmoja na kumpa pesa, ilibidi nifatilie ili nijue ni kutu gani. Yule kijana nilimuona akibeba vinywaji ambapo kimoja wapo ilikuwa ni juisi kwenye glasi ila nilimuona akitia kitu kwenye ile juisi, nikafatilia kuona ni nini kinaendelea. Pale mlipokaa vikaletwa vinywaji na chakula, ukaanza kunywa ile juisi ila taratibu ulionekana kuregea hadi kulaza kichwa chako kwenye meza, nikamuona Yule shemeji yako ameinuka. Sikutaka kujua ameenda kufanya nini ila nilichohisi ni kuwa ana lengo baya na wewe, ikabidi nianze kukukokota pale ili nikutoa eneo lile. Tulifika nje nikakodi bajaji tukaanza kuondoka ila shemeji yako akawa anatufata nyuma ikabidi nimwambie Yule dereva bajaji atupitishe njia za panya na tukampoteza mwelekeo Yule shemeji yako. Nilitaka nikupeleke kwenu ila nikakumbuka kuwa mama yako ni mlokole na hatopendezewa kukuona kwenye hali kama ya ulevi, yani Erica ulikuwa kama mtu aliyekuwa pombe saana, ikabidi nikulete hata nyumbani kwangu. Erica hakuna chochote nilichofanya kwako, siwezi kufanya jambo lolote bila ridhaa yako, furaha yangu mimi ni kuona ukizinduka tu”

Erica alijaribu kufikiria na kukumbuka vizuri, akakumbuka pale alipokunywa kinywaji na kuzidiwa na kizunguzungu basi ila mengine hakuyakumbuka ila alitambua kwamba shemeji yake alikuwa na lengo baya kwake,

“Yani Yule shemeji yangu jamani, kweli alitaka kunibaka loh! Asante kwa kuniokoa Babuu, nashukuru sana. Saa ngapi saa hizi?”

“Ni saa sita mchana hii yani hadi nilikuwa na mashaka nikasema usipozinduka nikupeleke hospitali ila nilikuwa nahofia kuwa nitaenda kujielezea nini”

“Mungu wangu, mama atakuwa na wasiwasi balaa, naomba niende nyumbani”

“Hakuna shida, nitakusindikiza ila ngoja unywe kahawa kwanza”

Babuu alimmiminia Erica kahawa na kumpa anywe ili angalau aweke kichwa vizuri,

“Na simu yako iliita sana jana ila nilipoangalia jina niliona Shemeji james, na alikuwa akipiga sana kwahiyo nikaamua kuizima. Samahani kwa hilo kama litakukwaza”

“Hata usijali Babuu, cha msingi umeniokoa toka kwenye mikono ya lile shetani. Yani mtu anatembea na dada yangu, bado haridhiki anataka kunibaka na mimi loh! Sijui wanaume mmeumbwaje!”

“Sio wote bhana Erica, hiyo ni tabia ya mtu hata kuna wanawake wengine wenye tabia hizo”

“Hapana, wanaume nyie sio watu kabisa mna tamaa sana”

“Erica, kumbuka na mimi ni mwanaume pia ila umelala hapa bila kujitambua na sijakufanya chochote. Tumetofautiana wanaume, na hiyo ni tabia ya mtu tu. Huyo shemeji yake itakuwa ndio tabia yake hiyo”

“Sawa ila kwa muda huu nahitaji kumuona mama yangu tu maana najua atakuwa na mawazo sana”

Baada ya hapo Babuu alimsaidia kujiweka sawa Erica kwani bado kichwa chake hakikuwa vizuri. Kisha wakatoka nje na kukodi bajaji ya kuwapeleka nyumbani kwakina Erica.



Walifika nyumbani kwakina Erica, Babuu alitaka aingie nae ndani ila Erica alimzuia,

“Hapana Babuu, nenda tu. Sitapenda mama aone nimefika nikiwa nimeongozana na mwanaume, nashukuru sana kwa msaada wako”

“Haya Erica, ila kumbuka upatapo jambo lolote juwa yupo Babuu bega kwa bega na wewe kukusaidia. Siwezi kuacha kukupenda Erica”

Babuu alisogea na kumkumbatia Erica, kisha akambusu na kumuaga halafu Erica akaingia ndani kwao.

Kumbe mama Erica alikuwa ametoka dukani kwahiyo kile kitendo cha Babuu kumkumbatia Erica na kumbusu alikishuhudia vilivyo, alipatwa na hasira sana yani alijikuta hata alichonunua amekitupa, huku akijaribu kuwakimbilia ila Babuu nae alishapanda kwenye ile bajaji na iliondoka.

Mama Erica alifika na kuingia ndani kwa gadhabu sana na kuita,

“Erica, wewe Erica, hebu njoo hapa”

Erica alitoka chumbani na kwenda sebleni maana alitaka kujiandaa akaoge, mamake alimshika na kuanza kumpiga,

“Umefanya usiku wote nishindwe kulala, kumbe umeenda kufanya umalaya wako”

Huyo mama alimpiga sana Erica bila hata kusikiliza kuwa Erica ana jambo gani la kueleza maana hakumuuliza na wala hakumpa nafasi ajieleze ila yeye alimpiga tu, hadi Erica alizimia.

Baada ya kuzimia alihamaki,

“Mungu wangu, mwanangu! Erica mwanangu jamani, mwanangu Erica!”

Erica alikuwa kimya kabisa na kufanya mamake achanganyikiwe.





Huyu mama alimpiga sana Erica bila hata kusikiliza kuwa Erica ana jambo gani la kueleza maana hakumuuliza na wala hakumpa nafasi ajieleze ila yeye alimpiga tu, hadi Erica alizimia.

Baada ya kuzimia alihamaki,

“Mungu wangu, mwanangu! Erica mwanangu jamani, mwanangu Erica!”

Erica alikuwa kimya kabisa na kufanya mamake achanganyikiwe.

Alishindwa hata aanzie wapi na aishie wapi, akachukua simu yake na kumpigia Mage kumpa taarifa kuwa Erica amerudi na kuzimia kwahiyo awahi na usafiri wampeleke hospitali, kwa bahati Mage hakuwa amefika mbali sana kwahiyo alirudi nyumbani akiwa kwenye bajaji, alishuka kisha kusaidiana na mama yao kumbeba Erica na kumpakia kwenye bajaji kwaajili ya kumpeleka hospitali.

Wakiwa kwenye bajaji Mage alimuuliza mama yake,

“Kwani imekuwaje mama?”

“Usiniulize habari hizo Mage, ngoja kwanza tukamuhudumie hospitali”

Walifika hospiatali na kupokelewa ambapo moja kwa moja Erica alikimbizwa kwa daktari. Kwakweli mama yao alikuwa amechanganyikiwa sana, hata hakujua ni nini afanye kwa wakati huo. Mage akapata wazo la kumpigia simu shemeji yake kwani alijua hapo hospitali lazima kutakuwa na maswala ya pesa, kwahiyo mtu wa kuwasaidia kwa haraka ni shemeji yake James,

“Shemeji tupo hapa hospitali tumemleta Erica amezidiwa yani hata hatuelewi”

“Imekuwaje kwani?”

“Sijui shemeji”

“Basi nakuja”

Mage alikata simu huku akiendelea kumpa moyo mama yake kuwa Erica atakuwa sawa kabisa.

Baada ya muda kidogo Erica alitolewa kwa daktari na kupelekwa wodini, kisha wakataka kwenda kumuona ila daktari aliwazuia kwa muda na kuwaita pembeni,

“Msijali amezinduka na atakuwa sawa kabisa”

“Ooooh asante Mungu jamani mwanangu dah!”

“Usijali mama, ila tulia kuna mambo nataka nikuulize”

“Niulize tu”

“Kwani mwanao mara ya mwisho alikuwa wapi? Ameangukia wapi?”

“Ameangukia nyumbani, ila mara ya mwisho sijui alikuwa wapi”

“Inaonekana mwanao alitumia madawa ya kulevya”

Mage na mama yake walishtuka sana na kumuuliza daktari kwa mshangao,

“Madawa ya kulevya?”

“Ndio, sasa sielewi alitumia kwa ridhaa yake au imekuwaje ila inaonekana ametumia madawa ya kulevya tena mengi, halafu alipigwa maana ana alama”

Wakati akiendelea kuwaelezea alifika James eneo lile na kuingilia kusikiliza yale mazungumzo, kitendo kile cha kusikia kuwa Erica alitumia madawa ya kulevya kilifanya amvute dokta pembeni ili aongee nae cha kuwaambia wale ndugu wa Erica na sio habari za madawa tena.



Kwenye mida ya saa mbili usiku, Erica aliruhusiwa kurudi nyumbani kwahiyo walirudi nae, kwakweli Erica alikuwa kimya tu huku akimuangalia shemeji yake akiwaendesha kuwarudisha nyumbani, alikuwa na chuki nae kwakweli na laiti angejua shemeji yake alichosema kwao basi hasira zingemzidi maradufu.

Walifika nyumbani na kumuacha akapumzike, kwani alionyesha kutokutaka kuongea jambo lolote ukizingatia mwili wake ulikuwa na maumivu maumivu ya kupigwa na mama yake.

Alienda kuoga na kukaa kitandani huku akijiuliza sana,

“Hivi kosa langu nini lakini? Kwanini mimi? Sielewi, yani nataka kubakwa nafanyiwa kitu cha kikatili kama kuwekewa madawa kwenye kinywaji change, ila narudi nyumbani mama anashindwa nata kuniuliza anafikia tu kunipiga jamani hii ni haki kweli? Kwanini nafanyiwa hivi lakini? Kichwa chote bado kinaniuma”

Aliamua kujilaza tu kwani hata akiendelea kujiuliza ni kuendelea kujiumiza kichwa tu.

Kulipokucha mama yake alienda kumuamsha na kumuomba akanywe chai,

“Nakuomba uje kunywa chai mwanangu”

“Sawa mama”

Erica aliinuka na kwenda kuoga kwanza kisha akaenda kunywa chai, na alipomaliza sasa alienda kukaa na mama yake ili ajue ni kwanini mama yake alichukua jukumu la kumpiga tu,

“Mama, mbona jana ulinipiga tu bila kuuliza ilikuwaje!”

“Mwanangu, kwanza nisamehe bure ila mimi ni mzazi na nina umia sana pindi nikisikia kuwa mwanangu kaanza tabia mbaya. Ngoja nikuulize tu kidogo, umeanza lini kunywa pombe mwanangu?”

“Hapana mama, mimi sio mlevi”

“Unajua mwanzoni daktari alisema kuwa inaonyesha ulitumia madawa ya kulevya ila badae alikuja kusema kumbe sio madawa ni pombe kali. Mwanangu umeanza lini kunywa pombe? Kumbuka nimekulea katika maadili ya dini, na siku zote nakufundisha kuwa pombe ni mbaya. Umeanza lini kunywa pombe? Niambie ukweli mimi ni mama yako”

“Hapana mama, situmii pombe mimi”

“Niambie ukweli Erica, mimi ni mama yako. Ukinificha mimi utamwambia nani tena? Halafu Yule mwanaume muuza samaki uliniambia anakuleteaga samaki kumbe ni mwanaume wako!”

“Kheee mama, nani kakwambia kuwa ni mwanaume wangu?”

“Erica na hilo unanificha kweli?”

“Sikufichi mama ila nashangaa aliyekupa hizo taarifa”

Ilibidi mama Erica, amuelezee Erica jinsi walivyomkuta Bahati pale mlangoni na jinsi James alivyosema hadi kumpeleka polisi,

“Kheee mama, kwahiyo kijana wa watu mmempeleka polisi!”

“Ndio, kama mtu kaenda kunifichia binti yangu kwanini nisimpeleke polisi!”

“Jamani mama, hausiki na kupotea kwangu huyo. Ni nani aliyetoa wazo hilo la kumpeleka Bahati polisi? Ni James eeeh!”

“Kheee wewe mtoto huna adabu yani James unamuita James badala, umuite shemeji yako!”

Erica aliinuka na kwenda chumbani kwake, akachukua simu yake ilikuwa bado imezimwa, akaiwasha na baada ya muda akampigia simu shemeji yake,

“Erica mrembo, unaendeleaje?”

“Mbwa wewe, usiniulize chochote. Kwanini umemuweka Bahati polisi? Eeh! Sasa naenda huko polisi, halafu nasema ujangili uliotaka kunifanyia”

“Sasa polisi unaenda kufanya nini?”

“Naenda ili wamuachie Bahati”

“Acha kunichekesha Erica, unafikiri huyo Bahati anaweza kuachiwa kwa njia ya jazba kama usemayo wewe? Hiyo sio njia ya kuachiwa huyo Bahati, hivi unajuaga mimi ni mtoto eeeh! Nina akili kukuzidi na huwa nafanya vitu kwa akili, unatakiwa kuwa mpole niombe kwa adabu kuwa nimtoe Bahati na sio kwa kunikaripia”

Erica alinyamaza kwa muda na alikuwa na hasira sana na huyu shemeji yake, ila kwavile alitaka Bahati atoke ikabidi awe mpole tu, kwani kiukweli nay eye ni muoga wa polisi balaa,

“Basi shemeji nakuomba umtoe Bahati”

“Sawa, nitamtoa ila kwa sharti moja yani ukilivunja namrudisha tena rumande”

“Naomba lisiwe sharti gumu”

“Hata sio gumu, naomba usiseme chochote kuhusu mimi”

Erica alimuitikia shemeji yake kwa shingo upande na shemeji yake aliahidi kumtoa Bahati, kiukweli roho ilimuuma sana Erica kwani shemeji yake ndio muhusika halafu anawekwa ndani mtu hata asiyehusika. Alikata simu huku akiwa na kinyongo sana kwenye moyo wake, alikaa kule kule chumbani akiwa na mawazo ila mama yake akamuita tena na kumwambia,

“Erica, hutakiwi kukaa na mawazo kwakweli, ujue mamako nipi. Niambie nini kinakusibu?”

“Hakuna kitu mama”



ITAENDELEA