KURUDI KWA MOZA - 3

 

Simulizi : Kurudi Kwa Moza

Sehemu Ya Tatu (3)





Rose alikuwa kwenye maua akifanya dawa kwaajili ya mzimu wa Moza usifike kwenye nyumba yake maana alianza kupata hisia kuwa huenda mzimu wa Moza ndio unaosumbua akili yake, basi alipiga magoti kwenye lile ua ambalo moza aliwahi kulifukua na kutoa kile kimpira kilichopelekea mpaka kifo chake, kwa upande wa Rose hili ua lilikuwa na maana kubwa sana kwake na lilikuwa likimsaidia vitu vingi sana kwahiyo alipiga magoti na kuanza kusema maneno ambayo hayatakiwi yakatishwe akianza kuyasema mpaka ayamalize, akiwa katikati yay ale maneno alishikwa bega na Sara,

“Mama, mama”

Rose hakumjibu chochote Sara na aliendelea na kusema maneno yake ila Sara nae hakuacha kumuita mama yake hadi akawa anamtingisha,

“Mama, mama jamani mama ndio uchawi gani huu sasa mpaka umeanza kufanya peupe ili tujue kama mama yetu ni mchawi jamani!”

“Mama, namuhitaji Ommy wangu, nirudishie Ommy mama. Nipo tayari kuachana nae ila nirudishie Ommy mama”

Alipoona mama yake hamjibu chochote zaidi ya kuendelea na kitu anachofanya, akapata wazo la kuchukua maji na kumwagia hivyo akafanya kama wazo lake lilivyomtuma. Akafungua bomba na kukinga maji kwenye ndoo kisha akaenda kummwagia mama yake.

Kwakweli hakuna siku ambayo Rose aliwahi kuchukia kama siku ya leo maana aliinuka kwa hasira halafu alimpiga mwanae hadi alizimia yani kipigo alichompiga haikuwahi kutokea, mlinzi alisikia kelele tu na kumfanya azunguke nyuma ambako kelele zilitokea ila akaona Sara akipigwa na mama yake hadi kuzimia kisha mama yake alimuacha Sara hapo na kwenda ndani, yani Rose hakujali kama mwanae amezimia au nini alikuwa na hasira zilizopindukia.

Mlinzi alijaribu kumuinua Sara pale, sema sababu alikuwa na nguvu kwahiyo aliweza kumuinua na kumuweka pembeni kwenye kivuli kisha akaanza kumpepea ila hakuzinduka kwa muda huo.

Salome nae alitoka ndani na kukuta yale yaliyopo kisha akachukua maji na kummwagia Sara, yale maji yalimfanya Sara azinduke ila alikuwa na maumivu makali sana ya kupigwa na mama yake, kisha Salome na mlinzi wakasaidiana kumshika Sara na kumtembeza hadi chumbani ambako walimuweka kitandani apumzike. Mlinzi alitoka na kumuacha Salome akiwa na Sara chumbani, kwakweli Sara alikuwa na maumivu mwili mzima kiasi kwamba hata alivyopigwa pigwa na mama yake hakukumbuka vizuri huku akijiuliza mwenyewe,

“Hivi kilichonipeleka nyuma kule na kuanza kumfanyia fujo mama ni nini? Hivi kilichofanya nichungulie mama anachofanya ni nini?”

“Usijilaumu kwa chochote Sara, katika maisha kila kitu huwa kinapangwa na kinakuwa na maana yake kwahiyo usijipe lawama za bure”

“Hapana Salome, nimejitakia mwenyewe. Mwili wote unaniuma yani wote unaniuma. Mama yangu hajawahi kunipiga kiasi kile, mama yangu hajawahi kuwa na hasira na mimi kiasi kile. Hata kama mama yangu ni mchawi ila sikutakiwa kumfanyia fujo kiasi kile”

Salome alimuangalia Sara kisha akaondoka na kumuacha Sara mwenyewe chumbani akijilaumu tu kwanini amemfanyia fujo mama yake maana mwili wote ulikuwa unamuuma,

“Eti nampigia kelele mama amrudishe Ommy wa kazi gani sasa Ommy, janaume Malaya vile la nini? Kama limewekwa msukule na liwe tu msukule, ona nilivyopigwa na mama, huyu Salome nae sio wa kumsikiliza ushauri wake. Hivi yeye anaweza kufanya kwa mama yake ujinga kama huu! Mama ni mama hata akiwa mchawi, natakiwa kwenda kumuomba msamaha mama”

Sara aliinuka kwa kujikongoja akajivuta hadi chumbani kwa mama yake ambapo aligonga bila kufunguliwa, ikabidi afungue mwenyewe. Alishtuka na kushangaa mama yake akiwa mtupu kabisa ila Rose alizidi kupatwa na hasira kwa mwanae na kuongea kwa hasira,

“Hivi wewe mtoto una nini wewe? Unataka upate laana yangu au?”

sara aliondoka kwa aibu hata hakuweza kuzungumza na mama yake kwani hakutegemea kama angemkuta mama yake akiwa mtupu kabisa, Sara alirudi chumbani kwake huku akijiongezea makosa aliyomkosea mama yake kwa siku hiyo na kujiona ni mtoto mpumbavu asiye na maadili halafu ndio mtoto wa kwanza wa mama yake halafu maadili hana anafanya mambo ya ajabu kama yale.

“Nimemdhalilisha mama yangu, sifai mimi yani sifai kabisa”

Alikuwa akijilaumu tu kwa wakati huo.



Kwa upande wa Neema aliamini kuwa mwanae angeenda nyumbani kwa siku hiyo na angechukua ushauri aliopewa na mama Pendo wa kumpeleka Salome kwenye maombi,

“Ila mwanangu atachukia akijua nimewaambia watu kuhusu yaliyomkuta, ila sikuwa na jinsi maana Yule mtu alituona”

Akawaza ila uhakika wa Salome kufika siku hiyo hakuwa nao, wanae wale wadogo nao walikuwa wamerudi na wametulia sebleni kwao wakimuangalia mama yao akiwa na mawazo sana, mmoja akamuuliza

“Mama mbona una mawazo hivyo?”

“Nawaza kuhusu dada yenu Salome sijui leo atakuja”

“Si umpigie simu mama”

“Salome hana simu”

“Mbona anayo, huwa tunamuona nayo akiongea na watu na akiitumia”

Neema akashangaa kusikia kuwa mtoto wake ana simu maana yeye aliamini kuwa mwanae hana simu, aliwauliza wanae kwa mshangao.

“Hebu achene maneno yenu, lini mmemuona dada yenu na simu?”

“Kila siku tunamuona nayo mama, tena muda mwingine anakuwaga anaitumia sana. Toka tumehamia huku anayo”

“Mmh sijui alinunuliwa na nani? Au Ashura?”

“Sijui ila mamdogo Ashura toka siku ameanguka wakati tunakula ndio hatujamuona tena”

Neema akazidi kushangaa na kuwauliza vizuri watoto wake,

“Mbona siwaelewi?”

“Dada alituambia tukacheze eti yeye na mamdogo wanacheza michezo ya kutaniana, na tulipoondoka badae akatuita na kutupakiza kwenye gari halafu tukahamia hapa”

“Inamaana hapa hamkuja na Ashura?”

“Hatukuja nae, dada Salome alisema mamdogo kaondokea kule kule. Ila mimi nilifurahi maana ona huku tunaishi kwa amani sana”

Wakatoka nje na kucheza huku wakimuacha Neema kwenye maswali mengi sana, akajiuliza na kama Ashura aliondokea kule kule ni kwanini Salome alimdanganya kuwa aliondokea kwenye nyumba mpya waliyohamia? Na michezo gani hiyo ya kuanguka wakati wa kula? Alijiuliza maswali mengi sana bila ya majibu, na kubwa zaidi ni kuhusu kumiliki simu kwa Salome. Alijiuliza sana na mwishowe akaamua kuchukua simu yake na kumpigia Ashura ila namba haikupatikana, alipiga na kupiga lakini aliambiwa haipatikani.



Sara bado hakuwa na raha kwani alijiona ni mkosaji sana kwa mama yake akawaza namna ya kumuomba msamaha mama yake, muda huu akatoka chumbani ila alimkuta Salome kwenye korido yao halafu Salome akamwambia Sara nifate, Sara hakujiuliza mara mbili zaidi ya kwenda kumfata Salome.

Alimfata taratibu hadi kwenye chumba ambacho Salome alichukua ufunguo juu na kufungua kisha akaingia nae ndani na kufunga mlango kwahiyo ndani wakawa wawili tu, halafu akamwambia Sara huku akimuonyeshea mlango mdogo wa kwenye chumba kingine ndani ya chumba hiko,

“Fungua ule mlango”

Sara alikuwa akishangaa maana hajawahi kuingia kwenye chumba kile na wala hakuelewa kama kuna chumba kidogo ndani yake kama choo. Ila kwa muda huu aliamriwa na Salome kuwa afungue kile kimlango, Sara akakataa,

“Hapana Salome, unataka nifunguie ili iweje? Sijawahi kuingia humu ndani, sijawahi kujua kama chumba hiki kina chumba ndani yake halafu leo unaniambia nifungue hapana sifungui”

“Kama hutaki basi, ila mimi lengo langu ilikuwa ni kukusaidia”

“Kunisaidia kivipi?”

“Wewe kafungue tu halafu utaona nitakusaidiaje”

Sara akaanza kusogea akitaka kufungua, ila gafla akashtuliwa na sauti iliyotokea nyuma yake ilikuwa ni sauti ya mama yake.

“Unafanya nini hapo?”

Sara aligeuka na kumtazama mama yake ambaye alikuwa amemkazia sura vilivyo, ila cha kushangaza alivyoangaza huku na huku hakumuona Salome.



Itaendelea kesho usiku……!!!!!!

Jumapili huwa situmi sababu huwa natingwa sana, yani siku yangu hii inakuwa na mambo mengi. Ila leo afadhali kidogo nimeweza hata kujivuta vuta nakutuma. Asanteni kwa maombi yenu.





Sara akaanza kusogea akitaka kufungua, ila gafla akashtuliwa na sauti iliyotokea nyuma yake ilikuwa ni sauti ya mama yake.

“Unafanya nini hapo?”

Sara aligeuka na kumtazama mama yake ambaye alikuwa amemkazia sura vilivyo, ila cha kushangaza alivyoangaza huku na huku hakumuona Salome.

Sara alishangaa sana kwa kutokumuona Salome hadi mama yake akamuuliza,

“Mbona unashangaa hivyo?”

Akataka kumwambia mama yake kuwa alikuwa na Salome ila akashangaa mdomo unakuwa mzito kupita maelezo, akabaki tu kimya na mara akamuuliza mama yake,

“umeingiaje humu?”

“Badala nikuulize wewe umeingiaje humu eti unaniuliza mimi! Badala uniulize utatokaje humu unauliza nimeingiaje? Hujui kama humu ni ndani kwangu, popote nina uhuru wa kuingia. Haya umeingiaje humu? Na umefuata nini”

Sara alikuwa kimya tu akimuangalia mama yake kwani kiukweli hata yeye mwenyewe hajui humo amefuata nini maana alikuwa akimfuata tu Salome ndiye aliyempeleka humo ingawa hakumuona tena, mama yake alimuangalia tena kwa hasira na kumuuliza,

“Ulikuwa unafata nini humu? Unashida gani humu wewe mtoto lakini? Yani yote uliyonitendea leo unaona hayatoshi zaidi ya kuendelea kunichokonoa chokonoa? Ngoja nisiongee kwanza humu tutoke kwanza”

Rose alimvuta mwanae mkono kisha akafungua mlango tu kawaida kanakwamba haukufungwa na funguo halafu akatoka nae ila Sara alimchoropoka mama yake kwani bado alikuwa akijiuliza kuwa Salome yuko wapi, alienda moja kwa moja kwenye chumba ambacho huwa analala Moza na kufungua mlango ilia one kama Salome yupo ila alifungua mlango na hakumuona yoyote, mama yake alikuwa nyuma yake na kumuuliza,

“Sasa unatafuta nini?”

Sara alitamani kumwambia mama yake kuwa kwenye chumba kile aliingia na Salome na hakumuona tena kwahiyo alitaka kumuangalia kama chumbani kwake yupo, ila mdomo ulikuwa mzito kusema hayo na alishindwa. Mama yake alipoona mwanae anabung’aa bung’aaa akamvuta tena mkono na kupita nae sebleni, halafu akaenda nae kwenye sebule nyingine ambayo wale mapacha hupenda kuitumia. Akakaa nae na kumuuliza,

“Sara, mimi ni mama yako au sio mama yako?”

“Wewe ni mama yangu”

“Kwanini huniheshimu sasa?”

“Mama sio kwamba sikuheshimu ila linapokuja kwa wewe kuhusishwa na habari za kichawi ndio huogopa”

“Una uhakika kama mimi ni mchawi?”

“Mbona Ana ni mchawi mama”

“Kwahiyo kama Ana ni mchawi huo uchawi nimempa mimi?”

“Hapana mama sijamaanisha hivyo”

“Na kama nimempa Ana uchawi basi nyie wote kwenye nyumba hii ni wachawi, unaponaje kuwa mchawi wakati mama yako mzazi ni mchawi? Uchawi unaujua wewe? Kwanza nani aliyekuambia kama mimi ni mchawi?”

“Sijui mama”

“Sara mwanangu, acha fikra mbaya. Wewe ni mwanangu wa kwanza na mambo mengi nafanya kwaajili ya maisha yenu, kumbuka baba yako alikukataa wewe toka upo tumboni mwangu. Je alikukataa kwavile nilikuwa mchawi? Nimehangaika mimi nimeteseka, nikawapata kaka zako nao wakakataliwa na baba yao. Sasa mimi kumpata mtu na kumdhibiti asifurukute kwenye himaya yangu na awajali nyie na kuwapenda na kuwapa chochote mtakacho ni uchawi huo? Kumtafuta mtoto kama Ana ili kuongeza upendo kwa mwanaume niliyempata, ni uchawi huo? Unaacha kujiuliza kwanini huolewi na umri umeenda umekazana kutafuta uchawi wa mama yako. Sitaki yakukute yaliyonikuta mimi, usiamini maneno au vitendo vya kusema mimi ni mchawi ila nafanya vitu kwaajili na maisha yenu yani wewe na wadogo zako. Sina tatizo na Ana, ni wa tofauti na nyie Yule. Sahau katika maisha yako kama utakuja kuolewa, na kaka zako wasahau maishani mwao kama watakuja kuoa, ila Ana ataolewa na ataolewa sababu nataka amtese mume wake. Mimi sio mchawi mwanangu, na sitaki unifatilie tena. Nadhani tumeelewana!”

“Nimekuelewa mama na ninakuahidi sitakufatilia tena, ila kwanini unasema kuwa mimi sitaolewa wala kaka zangu hawataoa?”

“Nitakwambia sababu ila sio leo, nyie mtaishi name miaka yote”

Rose aliondoka na kumuacha mwanae kwenye dimbwi la mawazo, alikosa jibu kuwa kwanini hatoolewa ila aliweza kuolewa kuwa ni kwanini kila mwanaume anayemleta mama yake anampinga mwanaume huyo, yani hapo ndio akaelewa kuwa mama yake hataki yeye aolewe, akasema lazima awataarifu kaka zake kuhusiana na hicho alichoambiwa na mama yao.

Kisha Sara aliinuka pale na kutoka.



Wakati Sara anatoka kwenye ile sebule aliamua kupitia jikoni, alishangaa kumuona Salome anapika na kumuuliza kwa mshangao,

“Kheee Salome unapika?”

“Ndio napika, unafikiri sijui kupika? Mamangu amenifundisha kupika”

“Sio kwamba nashangaa unapika ila nashangaa ulivyotoweka kwenye kile chumba”

“Nimetoweka!”

“Ndio umetoweka, wewe Salome ndio mchawi na sio mama yangu”

Salome akacheka kisha akamuuliza Sara,

“Lini nimekwambia kuwa mama yako ni mchawi?”

Sara akajaribu kuvuta kumbukumbu lakini hakupata siku ambayo Salome alimwambia kuwa mama yake ni mchawi, akajiuliza tena kuwa kuhusu mama yake ni mchawi ni nani amemwambia, lakini hakupata jibu.

“Mbona umenyamaza? Ni kuwa huna jibu ya kuwa lini nimekwambia kuwa mama yako ni mchawi, wewe mwenyewe umekuwa ukisema kuwa mama yako na mdogo wako ni wachawi”

“Ni kweli nilisema mwenyewe”

“Haya sasa, mimi nitajulia wapi uchawi wa mama yako? Kumbuka kuwa mimi ni mtoto wa mama mwingine na ninatokea mbali, sijawahi kuishi na mama yako ila wewe uliyeishi nae ndio ulisema hivyo. Jibu ni kuwa sijawahi kukwambia hivyo ila kuwa makini sana na maamuzi yako”

Sara akaondoka na kuacha kumuuliza tena Salome kuwa ni kivipi alitoweka na vipi anapika, je ameambiwa afanye hivyo. Ila Sara siku ya leo alikuwa akisubiria kwa hamu kaka zake warudi na awape ujumbe wa mama yao.

Muda kidogo alimsikia Ana akirudi nyumbani ila Salome alimfata Ana chumbani kwake. Kitendo hiko Sara alikiona na kufanya aende taratibu kwenye mlango ili asikilize maongezi ya salome na Ana. Kwa upande wa Ana kitendo cha kumuona Salome chumbani kwake kilimchukiza sana na kumfanya aulize kwa hasira,

“Kwanini umenifata tena bila ya hodi?”

“Nahitaji kuzungumza na wewe”

“Ila mimi sihitaji kuzungumza na wewe”

“Na ujue kwamba sikulazimishi na ukigoma jua nitazungumza na wewe kwa lazima kwa muda wangu”

“Unaniambia hivyo wewe kama nani?”

“Ninakwambia hivi nikiwa kama mtu niliyekushuhudia kitendo ulichofanya leo, Ana muachilie Yule mwalimu lasivyo nitakuumbua mbele ya wanafunzi wenzio na walimu wote”

“Hivi unanitishia mimi unanijua vizuri au Kitendo nilichofanya mimi unakijua wewe? Najiamini na hakuna chochote utakachoweza kunifanya wewe. Tena utoke chumbani kwangu kabla sijachukia”

Salome akacheka sana, kisha akamwambia Ana,

“Subiri sasa utakachokiona”

Kisha Salome akatoka na kumkuta Sara mlangoni ambaye alikuwa amepigwa na butwaa tu kwa maneno ambayo Salome alimwambia mdogo wake, kisha yeye akaingia ndani kwa mdogo wake ili kumuona vizuri na kujaribu kumuuliza mawili matatu,

“Ana vipi?”

“Vipi nini, nani amekwambia na wewe uingie chumbani kwangu bila ruhusa?”

“Jamani Ana”

“Jamani nini? Naona na wewe unanitafuta kama huyo mtoto wa kuokota uliyemleta humu ndani eti aje atupe vitisho, sikiliza wewe mdada usiyejielewa na akili zako mbovu hizo. Usitake na leo nikufanyie kitu kibaya”

“Kwani wewe Ana ni mchawi?”

“Ndio mimi ni mchawi ulikuwa hujui eeeh! Mimi ni mchawi wa wachawi na huwa sibabaishwi na vikaragosi kama wewe na huyo mwehu mwenzio”

“Kheee kumbe kweli wewe ni mchawi sasa umepata wapi uchawi?”

“Nimepata wapi? Usinichekeshe na wewe, uliona wapi mtoto wa paka akawa mbwa?”

“Inamaana mama naye ni mchawi?”

“Usiniulize maswali mwehu nini wewe, tena usinikere sasa hivi. Nina uwezo wa kukugeuza hata mende namuonea huruma tu mama yako. Ondoka chumbani kwangu upesi”

Sara aliondoka ila ndio akapata maswali mengi zaidi kuwa ni kweli mdogo wake na mama yake ni wachawi.



Mr.Patrick hakuonekana kabisa lakini Salome alielewa kitu gani kimempata Mr.Patrick na alihitaji kumsaidia bila yaw engine kuwa na mashaka, akajifanya kumuita mama yao sebleni maana alijua muda huu ni karibia wale mapacha walikuwa wanarudi, ni kweli baada ya kumuita tu wale mapacha nao walikuwa wamerudi, Salome alianza kwa kumuuliza,

“Yuko wapi baba yangu?”

“Sijui”

“Hujui!”

“Ndio nimekwambia sijui, halafu wewe mtoto sitaki maswala ya kunipanda kichwani kwenye nyumba yangu mwenyewe sitaki unipande kichwani”

“Sawa sitakupanda kichwani ila kila mmoja humu ndani ataona baba alipo leo”

“Unamaanisha nini?”

“Si hujataka kusema baba yuko wapi, basi nitamuonyesha kila mmoja alipo baba”

“Hivi wewe msichana una nini na kwanini unajiamini hivyo?”

“Unaogopa kujiamini kwangu eeh! Najiamini sababu najua hakuna wa kunishinda, baba yangu yuko wapi? Nimekuwa mpole sana kwa siku zote hizi ila hujiongezi wala nini. Subiri tena nakwambia kila mmoja nitamuonyesha baba alipo leo”

kisha Salome akaondoka zake na kwenda chumbani kwake, kwakweli Rose alimshangaa sana Salome kuwa anajiamini na nini mpaka anafikia kumwambia yeye maneno yale wakati watu wengi sana wanamuogopaga yeye, ikabidi aonoke aende chumbani kwa binti yake Ana kuzungumza nae basi na yeye akamueleza mama yake vitisho alivyopewa na Salome,

“Hivi anajiamini nini Yule?”

“Hata mimi mwenyewe namshangaa mama sijui anajiamini nini?”

“Tunatakiwa kufanya jambo mapema iwezekanavyo”

“Ndio mama”

“Sasa tutafanya nini?”

“Tumuingize kwenye kile chumba”

“Sawa sawa mwanangu”

Wakaanza kukubaliana pale namna watakavyomtokomeza Salome, bila ya kujua kuwa mbinu nyingi Salome anazijua.



Muda huu Sara alienda kuwafata kaka zake na akaongea nao namna ambavyo mama yake alimwambia mchana, ila wale mapacha wakapinga vikali kauli ya mama yao,

“Haiwezekani, kwakweli haiwezekani kabisa. Mimi nitaoa labda wewe Doto ndio hutooa”

“Mimi pia nitaoa, labda wewe mwanae wa kwanza ndio hutaolewa. Sisis tusioe kwa misingi gani? Kwanza mchumba wangu yupo tayari, ni kitendo tu cha kumleta nimtambulishe”

“Mmmh msiwe wabishi, mwenzenu mchumba wangu amepotelea humu kwenye nyumba”

“Kivipi?”

Sara aliwaeleza jinsi Ommy alivyopotea kiajabu ajabu, na kuwaambia kuwa kitu hiko amekiona kwenye ndoto.

“Mmh kwa staili hii simleti tena Yule mchumba wangu”

“Mimi nitamleta tu bila kujali chochote, Yule ni mama yetu lakini hatakiwi kuingilia kwenye mahusiano yetu. Kwanza tusioe kwanini? Au wewe usiolewe kwanini? Hebu acha hizo bhana.”

Mmoja akajikuta akikumbushia ishu ya Salome,

“Jamani huyu dogo Salome mnamuelewa kweli?”

“Jamani Yule mtoto kaka zangu ni ana mambo ya ajabu yani ya ajabu sana, nimejaribu hata kulala nae nimchunguze ila cha kushangaza nikilala nae nakuwa kama mzigo yani nikilala sishtuki hadi kunakucha yani hata chooni siendi. Yule dogo mi mwenyewe simuelewi”

“Ila wewe Sara una moyo, hata kulala na mtu asiyeeleweka vile unaweza mmmh! Mtoto haeleweki Yule, sijawahi kumuelewa toka siku ya kwanza amekuja humu ndani”

“Ila kuna kitu nahisi kuhusu huyu dogo”

“Kipi hicho doto?”

Gafla wakasikia sauti ya mama yao akimuita Salome kwa ukali sana, ikabidi nao waende kushuhuia kuwa kuna nini mbona ameitwa hivyo.

Kufika sebleni walimkuta mama yao akiwa na Ana halafu muda kidogo Salome nae alifika ila kabla hakijaongelewa chochote walishangaa kumuona mama yao akimsogelea Salome na kumsukuma kwa nguvu. Rose alijua Salome ataanguka chini ila ilikuwa kinyume maana Salome hakuanguka chini, Rose akamsukuma tena ila Salome alisimama kamavile mlingoti. Muda huu Rose alipotaka kumsukuma tena Salome alishangaa mkono wake ukianza kutetemeka.





Rose alijua Salome ataanguka chini ila ilikuwa kinyume maana Salome hakuanguka chini, Rose akamsukuma tena ila Salome alisimama kamavile mlingoti. Muda huu Rose alipotaka kumsukuma tena Salome alishangaa mkono wake ukianza kutetemeka. Kila mmoja ndani ya nyumba yake alimshuhudia Rose akitetemeka mkono, Ana akainuka kwani aliona mama yake asije akaumbuka yeye kisha Ana akamsukuma yeye Salome ila kwake ndio ikawa kinyume kabisa kwani mkono wake uliganda kwenye mwili wa Salome, kila mmoja alikuwa akishangaa na kati ya wale mapacha na Sara hakuna aliyeweza kuongea neno lolote.

Mara Salome alianza kuelekea vyumbani ila Ana ambaye mkono wake uliganda kwa Salome alikuwa akimfata nyuma, halafu Rose naye ambaye mkono wake ulikuwa ukitetemeka alikuwa akimfata nyuma pia, kitendo hiko kiliwafanya wale mapacha na Sara wafate nyuma kwani walitaka kujua ni nini kinaendelea au ni kitu gani huyo Salome anataka kufanya.

Salome aliongoza moja kwa moja mpaka chumbani kwa Rose na kufungua mlango, kila mmoja alikuwa akimfata nyuma huku wengine hawaelewi elewi, alikutwa Patrick akiwa amelala chini sakafuni, Salome akamuangalia Rose na kumuamuru,

“Muamshe”

Rose akiwa anatetemeka, alisogea kwa Patrick na kujaribu kumuamsha. Alimuamsha kwa muda akashindwa, akainua kichwa chake na kumtazama Salome kwa uoga kisha akamwambia,

“Nakuomba basi wanangu watoke humu chumbani nimuamshe”

“Unashindwa nini kumuamsha hivyo hivyo?”

“Tafadhali usinidhalilishe, nakuomba watoke kwanza ndio nimuamshe. Nipeni dakika chache tu nitakuwa nimemuamsha”

Salome akatoka nje na wengine wote walimfata nyuma hadi sebleni kwahiyo walimuacha mama yao akiwa chumbani na Patrick.

Kila mmoja alikuwa akimshangaa tu Salome na wala Ana hakuweza kuutoa mkono wake kwenye mwili wa Salome maana uligandia alipotaka kumsukuma, kwahiyo walikuwa wamesimama tu na hakuna yeyote aliyethubutu kukaa wala kusema neno lolote kwa wakati ule kwani wote walijikuta wakimtazama tu Salome.



Baada ya muda kidogo, mama yao alirudi na Patrick sebleni na muda huu hata Ana akaweza kuutoa mwili wake kwenye mwili wa Salome, basi Salome alienda kumfata Patrick na kumkalisha kwenye kiti kisha akapitisha mkono wake machoni pake na kusema,

“Nataka uone yote na zaidi ya yote amabayo mkeo amekuwa akikutendea kwa miaka yote hii”

Ikawa kama akili ya Patrick imefunguka kiasi hivi kwani alianza kujishangaa na kuhoji kuwa yuko wapi,

“Nikowapi hapa?”

Ni Salome pekee aliyekuwa na ujasiri wa kumjibu,

“Unatakiwa kutulia kwanza maana ndio umetoka kifungoni ni ngumu kujua kwa mara moja ulipo. Tulia kwanza tuliza akili halafu utajua ulipo na kila kitu ingawa kuna baadhi ya vitu utavitambua badae sana”

Patrick alikaa kimya kwani alikuwa kama haelewi elewi vile.

Walitamani kumuhoji Salome lakini hakuna aliyekuwa na ujasiri wa kufanya hivyo, kisha Salome akainuka na kwenda zake ndani kisha akawaacha wote pale sebleni. Yani kama kuna siku ambayo Rose aliwaonea wanae aibu basi ilikuwa ni siku ya leo maana nae hakuweza tena kukaa pale sebleni bali aliondoka na kwenda chumbani kisha Ana nae akafata na kwenda chumbani kwake. Kwahiyo sebleni walibaki wale mapacha, Sara na Patrick. Muda kidogo Patrick alimuangalia Sara na kumuomba jambo,

“Naomba kaniletee simu yangu na funguo za gari chumbani”

Sara hakubisha wala nini, alifanya hivyo na kwenda chumbani kwa mama yake ambapo aligonga na mama yake alimkaribisha kwani alijua ni Ana, akashangaa kumuona ni Sara. Akamuuliza kwa mshangao,

“Vipi tena?”

“Baba kanituma funguo za gari na simu yake”

“Chukua hivyo hapo mezani mpelekee”

Yani siku ya leo hata kuhoji hakuhoji zaidi ya kusema funguo zilipo na simu ya mumewe, simu ambayo mume wake ana kitambo sana hajaishika wala kuwasiliana na watu. Sara alichukua na kwenda kumpelekea baba yake huyo wa kambo. Alipompa tu Patrick alitoka nje na kuondoka zake, tena hakuna aliyemuaga kuwa anaenda wapi.

Wale mapacha waliangaliana na dada yao Sara, halafu Sara akawaambia,

“Yani kwa matukio haya naogopa hata kulala peke yangu”

“Sasa utalala na nani?”

“Sijui yani”

“Basi kalale na Ana au Salome”

“Mmmh hao watu ni bora uniambie nikalale getini na mlinzi, nawaogopa hao watu kama kitu gani”

Mara Salome akatokea, Sara akajikuta tu akimwambia

“Baba kaondoka tena bila kuaga, halafu leo kachukua na simu yake”

“Ungekuwa ni wewe ungeweza kuaga?”

“Kivipi?”

“Unajifanya hujui ambayo baba yangu alikuwa akitendewa kwenye nyumba hii? Sasa anatambua kila kitu, maswala ya kumfanya mwenzenu kama ndondocha mwisho”

Sara aliwaangalia wenzie, halafu Salome alitoka nje kabisa na alionekana akielekea getini ambako alitoka na kuondoka.

Sara aliwauliza wenzie,

“Jamani mnamuelewa huyu mtoto?”

“Simuelewi na sitaki kuongea sana”

“Hata mimi pia simuelewi na naogopa kuongea sana”

Kisha wale mapacha wakaondoka zao na Sara akaondoka zake.



Rose alipoona mwanae Ana hajaenda chumbani kwake ikabidi yeye mwenyewe ndio aende chumbani kwa Ana, aliingia na kumuuliza mwanae,

“Hivi wewe umeweza kumuelewa huyu Salome?”

“Mama naomba tuzungumze usiku kwenye muda wetu sio muda huu”

“Hata tukisema tuzungumze usiku hatatusikia kweli?”

“Mama, mimi ndio nimekwambia na bado natafakari maana sipo sawa kabisa. Amewezaje Yule kugandisha mkono wangu mama? Yule msichana ana majini sio bure”

“Ndiomana nakwambia tujadili sasa hivi, unajua ile majuzi nilienda kwa mganga mwingine halafu ndani kwa mganga nilimkuta Moza”

“Moza!”

“Ndio nilimkuta Moza”

“Si amekufa huyo mama”

“Mwanangu hatuna uhakika na kifo cha Moza, kumbuka maiti yake ilitoweka kaburini”

“Ndio ilitoweka ila nikajua utafanya jambo, na imekuwaje hadi Moza awe hajafa kweli?”

“Sijui mwanangu, ila kama ile dawa iliyomuua Moza ilichomwa moto basi tumeisha”

“Unamaana gani mama?”

“Ile dawa mwanangu nilipewa na ilikuwa hairuhusiwi kuonekana na mtu yeyote halafu sitakiwi kuiweka mbali na nyumba yangu ndiomana nikaifukia kwenye ua ili nijue ni ua gani nimeifukia. Ni ya muda mrefu sana ile dawa na ilikuwa hairuhusiwi kuonekana na mtu yeyote wala kuungua na moto ndiomana hata kuunguza mboga humu kwenye nyumba yangu huwa sitaki. Sasa kama imechomwa moto sijui itakuwaje, ndiomana tulitakiwa kumzika nayo Moza”

“Sasa mama kama imechomwa moto imechomwa na nani wakati Moza alikuwa amekufa nayo mkononi”

“Kwamaana hiyo inawezekana ipo mahali eeh! Lakini mbona tuliitafuta bila kuiona popote”

“Mi nadhani mama tufanyie usafi kile chumba cha Moza tuitafute kabla hayajawa majanga”

“Sasa lile shetani linalolala kwenye chumba kile tutalifanya nini?”

“Yani huyo mtu ananiumiza kichwa balaa, ila mama na wewe kwanini dawa ya maana hivyo ukaenda kuifukia kwenye ua? Mbona mimi dawa yangu ile ipo chini ya godoro”

“Ni masharti ya ile dawa, kwanza haikutakiwa kuwekwa ndani ya nyumba ila inatakiwa iwe karibu na nyumba halafu haitakiwi mtu aione.”

“Basi mama nitatumia dawa yangu kufanya kitu ili tuweze kupekua kile chumba cha Moza”

“Sawa mwanangu, ndiomana nilikuwa nakufata tujadili. Sasa wewe unataka tufanye kwenye muda wetu, unadhani mambo yalivyotinga hivi tutakumbuka kujadiliana kweli! Ni ngumu mwanangu”

“Kweli mama ila chanzo cha mambo yote haya ni mwanao Sara, yani simpendi Yule mdada simpendi kabisa”

“Kweli mwanangu ni chanzo cha yote lakini ni mwanangu, kumbuka hilo. Yule ni dada yako mpende tu”

Rose akajiribu pale kumshawishi mwanae ili ajende upendo kwa ndugu yake maana alikuwa anapenda watoto wake wapendane.



Salome alienda nyumbani kwa mama yake na kumkuta kama kawaida akiwa na wale wadogo zake John na Joseph. Aliwasalimia kisha mama yake akamuomba chumbani kwake ili wakazungumze

“Kwanza imefurahi umerudi nyumbani maana mambo yako siku hizi siyaelewi kabisa. Halafu ngoja nikuulize, hivi una simu”

Salome akacheka,

“Sio unacheka Salome, nijibu una simu?”

“Ndio nina simu”

“Umeitoa wapi?”

“Baba yangu kaninunulia ili niweze kuongea nae”

“Haya, wadogo zako wameniambia Ashura hakuja huku kwenye nyumba mpya, halafu wewe na Ashura kuna mchezo mlikuwa mnacheza kisha Ashura akaanguka. Unajua sijaelewa naomba nieleweshe maana huyo Ashura hata nikimpigia simu zangu hapokei zaidi ya kunitumia ujumbe tu”

“Hivi hat nikikueleza unaweza ukanielewa!”

“Nieleze tu, kwanini nisikuelewe?”

“Acha tu ufahamu unavyofahamu, Yule Ashura si ndugu yako? Uliza kwa ndugu zenu alipo”

“Hivi wewe mtoto unaongelea nini mbona sikuelewi?”

“Huyo mamdogo Ashura yupo kwenye kijiji cha baba yenu amesema anaenda kuangalia kaburi la baba yenu kwahiyo ungeenda na wewe kijijini ili uulize vizuri kuhusu Ashura”

“Tutaenda na wewe?”

“Hapana, mimi nitabaki ila utaenda na wadogo zangu. Mimi nabaki na baba yangu.”

“Haya nitafikiria kwenda”

Salome akainuka, na kumfanya Neema amuulize tena,

“Sasa mbona unaondoka kabla hata sijamaliza maongezi na wewe”

“Subiri nakuja sasa hivi”

Salome aliondoka zake, Neema nae alitoka ila kiukweli hakumuelewa kabisa mwanae na mambo aliyokuwa anayafanya.

Alipokaa muda kidogo mwanae alirudi kisha akampa mama yake tiketi,

“Nimeshakukatia tiketi, wewe na wadogo zangu ya kwenda kutembelea kaburi la babu”

“Kheee kwahiyo ndio unataka tusafiri!”

“Ndio, si mnaenda kukaa wiki tu mnarudi”

“Kwahiyo tiketi umekata ya kuondoka lini?”

“Kuondoka kesho”

“Kheee Salome hebu acha masikhara, tutaondokaje kesho wakati hatujajipanga!”

“Unataka mjipangaje?”

“Sijapanga nguo za watoto, sijawanunulia mama zangu vitenge”

“Ni hayo tu au kuna mengine?”

“Ni hayo ndio”

“Basi nitakusaidia, yani wewe tulia tu nitakusaidia kupanga ila tiketi ni ya kesho”

Neema alimshangaa sana Salome kuwa mtoto wake amebadilika sana na amekuwa na maamuzi ya haraka haraka, akawa anaziangalia tu zile tiketi ambazo alikuwa amekatiwa na Salome.



Usiku kwenye mida ya saa tatu, Neema akiwa amejipumzisha kidogo akamsikia Salome akiingia ndani kwake na kumwambia,

“Mama kila kitu nimekupangia kwahiyo kesho safari”

“Na nguo zangu, na za wadogo zako umepanga?”

“Ndio tayari”

“Ila vitenge bado sijanunua”

“Nilishaenda kununua”

“Kheeee hebu tuvione”

Salome alimtolea Neema vitenge ambavyo aliviangalia na kushangaa tu kuwa Salome amewezaje kwenda mjini kwa muda mfupi vile na kuchagua vitenge bvizuri vile, akainuka na kuangalia mabegi ni kweli yalikuwa yamepangwa vizuri kabisa kwahiyo hakuwa na cha kubisha kuhusu safari ya kesho, swala hilo hata likamsahaulisha kuwa alishauriwa mwanae ampeleke kwenye maombi.

“Nishaongea na dereva tax, kwahiyo atakuja kuwachukua kesho asubuhi”

“Kwahiyo nyumba nani atafunga?”

“Mimi nitafunga, na mkiwa mnarudi mtanikuta maana nitakuwa narudi mara kwa mara”

Neema alimuangalia mwanae Salome hakummaliza maana kwa kawaida Salome wake ni muoga ila leo hii anakubali kuachwa mwenyewe nyumbani na anasema atakuwa anaenda mara kwa mara hata wakirudi watamkuta, alimshangaa kwakweli ila akajisemea labda ndio kukua kumemfanya abadilike.



Usiku wa manane, Rose alichukuana na mwanae kwenda kufanya msako kwenye chumba cha Moza kutafuta ile dawa iliyomuua Moza maana walihisi bado ipo ndani. Basi walipekua na kupekua lakini hawakufanikiwa kuiona, ndipo walipoanza kupekua nguo moja moja ya Moza ila Ana akamwambia mama yake,

“Mama, tutajichosha bure. Ngoja twende chumbani kwangu nikachukue ile dawa yangu ituonyeshe”

Rose aliafikiana na mwanae na kujilaumu kuwa kwanini walikuwa wakijichelewesha wakati kuna njia rahisi ya kufanya, basi wakatoka mule chumbani kwa Moza na kuelekea chumbani kwa Ana walipofika walishangaa kumuona mtu amekaa kitandani kwa Ana halafu mtu huyo akawaangalia na kuwafanya wagundue kuwa ni Moza.



Rose aliafikiana na mwanae na kujilaumu kuwa kwanini walikuwa wakijichelewesha wakati kuna njia rahisi ya kufanya, basi wakatoka mule chumbani kwa Moza na kuelekea chumbani kwa Ana walipofika walishangaa kumuona mtu amekaa kitandani kwa Ana halafu mtu huyo akawaangalia na kuwafanya wagundue kuwa ni Moza.

Kwa mara ya kwanza Ana alishikwa na uoga ambao hajawahi kuupata kabla, wakafunga mlango haraka haraka na huku wakihema juu juu, hakuna aliyeelewa kwa wakati ule ila wakajikuta tu wanaenda tena chumbani kwa Moza, ila kwa wakati huu napo walimkuta amekaa kitandani, katika siku zote leo mkojo ulimtoka Ana kwa uoga walifunga tena mlango na kukimbilia sebleni huku wakihema juu juu na wakikumbatiana mama na mtoto, kwa wakati huo hakuna uchawi walioweza kuufanya maana uwepo wa Moza uliwachanganya kuwa ni mzimu au ni kitu gani. Hata sebleni hawakuweza kukaa sana kwa uoga wakafungua mlango na kukimbilia nje. Kitendo hiki kilimshtua pia mlinzi aliyekuwa kalala, aliamka na kwenda kuwauliza kuwa tatizo ni nini, Ana alijikuta akiropoka,

“Kuna mzimu ndani”

“Mzimu!”

“Ndio, kuna mzimu wa Moza”

Gafla wakahisi kama eneo hilo linatingishwa yani kama mtu anatingisha ardhi, kisha wote wakazimia. Rose, Ana na mlinzi wao.



Kulipokucha, wale mapacha waliamka na kujiandaa kutoka kama kawaida na wazo lao walihisi kumkuta mama yao sebleni ila hawakumkuta, muda kidogo Sara nae akatoka na kuwauliza kaka zake,

“Eti mama ameshaondoka?”

“Sijui, sisi wenyewe hatujamkuta hapa sebleni”

“Nimeenda kumuangalia chumbani kwake nimemkosa, sijui atakuwa wapi”

“Sie tunaondoka bhana”

“Nisubirini, yani jumba lote hili mniache peke yangu”

“Mbona zamani ulikuwa unaweza kubaki peke yako!”

“Ushasema zamani, siku hizi mambo yamebadilika. Nisubirini bhana”

Wakamsubiri dada yao ajiandae, alipomaliza akatoka kisha wakatoka nje ili kuondoka ila wakashangaa walipotoka kumuona mama yao, mdogo wao na mlinzi wakiwa chini wamelala maana walipowaamsha waliamka na kushangaa sana, Sara alimuuliza mama yake,

“Imekuwaje mama?”

“Sina jibu kwasasa”

Yule mlinzi aliinuka na kwenda kwenye lindo lake, kisha Rose na Ana waliinuka na kwenda ndani. Ila muda huo Rose aliwaomba wanae wasiondoke wamsubiri kwanza, ikabidi wamsubiri kwani hakuna aliyekuwa anajua kuwa mama yao amepatwa na nini.

Wakati ameenda kujiandaa walienda kumuuliza mlinzi kuwa ni kitu gani kimetokea,

“Hata mimi sielewi”

“Huelewi kivipi?”

“Yani sielewi sijui hata imekuwaje mpaka nimelala pale”

“Kwahiyo hujui ni kitu gani kilitokea?”

“Sijui kweli yani sijui kabisa”

Wakamuacha na kurudi ndani wakimsubiri mama yao na Ana. Baada ya muda kidogo mama yao akatoka, na swali la kwanza alimuuliza Sara,

“Salome mbona sijamuona kaenda wapi?”

“Aliondoka jana na hakurudi tena”

“Aaah sawa, jamani leo mkitoka nawaomba muda wa kurudi msubiri hadi niwapigie simu, asirudi yeyote hapa ndani hadi niwapigie simu. Mimi na Ana kuna mahali tunaenda”

Watoto wake wakatazamana maana hawakuona kama lile jambo lilikuwa na umuhimu kiasi cha wao kurudishwa wasiondoke kwa muda huo na wasubirie maana angeweza hata kuwapigia simu na kuwapa ujumbe huo, baada ya maongezi hayo nyumba nzima wakatoka, kwakweli Rose hakuwa hata na muda wa kuulizia kuhusu Patrick kwani kadri siku zilivyoenda mbele ndivyo akili yake ilivyozidi kuchanganyikiwa.



Rose alikuwa na mwanae kwenye gari na safari ilikuwa ni kwenda kwa mganga,

“Kwahiyo mama tunaenda kwa mganga yupi?”

“Kuna mganga alikuwa ananisaidia sana, ila yupo mbali yani gari haifiki kule anapoishi. Hapa itabidi tuache gari mahali halafu tuanze kukanyaga kwenda, huyo ni kiboko najua atatusaidia na hili jinamizi la Moza”

“Kwahiyo mama kwa huyo mganga ni mbali hivyo, bora ungeenda mwenyewe tu mi nitachoka kutembea”

“Mwanangu usichoke, nitawaomba hata watu wakubebe maana ukiwa na pesa kila kitu kinawezekana”

“Sawa mama, ila una uhakika atatusaidia huyo? Hivi mama hukuwahi kufikiria mambo kama haya?”

“Kwanza sijawahi kufikiria kama kuna mtu angeiona ile dawa niliyoichimbia chini kwenye lile ua ukizingatia nilikuwa nataka kila siku limwagiliwe maji ili palowane na pasiunguzwe na jua. Yani Yule mwehu Yule dah sijui nafanyaje kumuepuka, ila twende huko mwanangu”

Wakaenda hadi wakafika mahali pa kuacha gari na kuanza kutembea kwa miguu,

“Kheee mama, lile daraja nitawezaje kuvuka?”

Wakati anafikiria namna ya mwanae kuvuka hapo darajani, akamuona kijana na kumuomba ili amvushe mwanae ila Ana machale yakamcheza na kukataa kuvushwa na yule kijana kisha akamwambia mama yake ambebe tu mgongoni,

“Jamani mwanangu, unajua umekua sasa”

“Ndio nimekua mama ila kuvushwa na huyo kijana hapana, nibebe tu mwenyewe univushe. Nitakwambia kwanini nimegoma kuvushwa na Yule kijana”

Basi Rose akaamua kumbeba mwanae mgongoni na kuvuka nae, lile daraja lilikuwa na mwendo kidogo ila walimaliza kuvuka na kufika ng’ambo ya pili.

Rose alimuuliza mwanae kuwa kwanini amegoma kuvushwa na Yule kijana,

“Hakuwa mtu wa kawaida Yule mama”

“Kivipi?”

“Mama, kumbuka ulivyonielezea kuhusu kule kwa mganga ulipoenda unajua kwanini yalikukumba maswahibu?”

“Kwanini?”

“Kwasababu uliliokota lile begin a kuliweka kwenye gari lako halafu ukatembea nalo kila mahali, yani Yule kijana angenivusha pale darajani asingekubali anishushe na tungeenda nae mpaka kwa huyo mganga halafu yangetupata maswahibu”

“Mmmh mwanangu!”

“Ndio hivyo mama”

Wakaendelea na safari yao, mahali ambako Ana alichoka alimwambia mama yake ambebe na alitembea nae, walitembea kwa takribani lisaa limoja, kwakweli Ana alichoka sana ila alivumilia sababu yeye na mama yake walihitaji tiba haswaa kwa muda huo.

Hatimaye walifika kwa mganga waliyemtaka na walikuta foleni ya watu kama watatu hivi, nao wakaunga foleni. Huyu mama akamuuliza wa mbele yake

“Hivi hakuna njia rahisi ya kutuleta huku?”

“Njia ipo ila ni mbali sana, unazunguka sana mpaka kufika huku yani unaweza kutumia siku nzima”

“Kheee lakini gari si linapita?”

“Gari linapita ndio, ila inatakiwa kuwa makini sana huko. Ila hata huku sio mbali kivile ni daraja tu ndio linaharibu njia lakini boaboda zipo”

“Mbona hatukuziona?”

“Hamkuziona? Labda zilikodiwa zote ila huwa zipo”

Kidogo Rose alishukuru alivyosikia bodaboda zipo maana kwa huyo mganga alikujaga muda mrefu sana, kwahiyo hakujua kama kuna maendeleo ya kuwepo bodaboda ingawa hawakuziona na mwanae muda walipokuwa wanaenda hata njiani hawakukutana na bodaboda ya aina yoyote.



Siku ya leo wale mapacha na dada yao walienda sehemu moja ila njiani wakakutana na Salome akidai kuwa anaenda nyumbani,

“Ila hakuna mtu nyumbani”

“Kuna nguo yangu naenda kuichukua”

“Unawezaje kwenda kwenye nyumba ya watu bila ya wenyewe kuwepo?”

“Leo unaniuliza hivyo Sara, hivi siku ile ningeogopa kuja ungepona macho yao hayo?”

“Ila mama amekataza kwenda nyumbani amesema hadi apige simu?”

“Amewakataza ninyi sio mimi”

“Mmmh kasema mtu yeyote”

“Jamani nina uhakika hata nikiwauliza sababu ya kukataza mtashindwa kunijibu, Ngoja niende zangu tu.”

Sara akawa kimya kwa muda basi Salome akawaaga na kuondoka, wakati Salome anaondoka tu kabla hawajaongea chochote alitokea rafiki yake na Sara, kisha aliwasalimia na kuwauliza kuwa Salome ni nani yao,

“Yule aliyeondoka ni nani yenu?”

“Ni ndugu yetu”

“Aaah kumbe siku zile alipona?”

“Siku gani?”

“Siku ile aliyoangukia kaburini”

Wote wakamshangaa kwani hakuna aliyekuwa na wazo kuwa ni Salome ndio aliangukia kaburini,

“Mbona hatukuelewi?”

“Siku ile wakati anazikwa Yule mdada wenu wa kazi basi huyu msichana ndio aliangukia kaburini na akawa kama amepigwa shoti”

“Mmmh au umemfananisha?”

“Hapana sijamfananisha, zile nguo ndio zile zile alikuwa amezivaa siku ile. Halafu nilimshuhudia hadi anapakizwa kwenye gari ili apelekwe hospitali. Nikataka kwenda na mimi ila wakanikatalia. Tena nakumbuka hata dereva aliyembeba ni mtu ambaye anafahamiana na mtu ninayemfahamu, ngoja tukamuulize vizuri ila ni yeye”

“Mmh wewe rafiki yangu wewe Jesca, acha maneno yako”

“Jamani mimi ule umbea mlinifukuzaga kwenu pale nisikanyage nimeshaacha na wala huu ninaoongea sio umbea ni ukweli kabisa. Yule msichana alitumbukia kaburini na akakauka kama amepigwa shoti ya umeme”

Wale mapacha hawakuyaamini maneno ya rafiki wa Sara na kuomba wapelekwe kwa huyo dereva kwa uthibitisho kwani lazima dereva aliyembeba alikuwa anajua, na Yule msichana aliamua kuacha mambo yake aliyokuwa anafanya kwa muda huo na kwenda kumtafuta huyo dereva.



Zamu yao ilifika ya kuingia kwa Yule mganga, waliingia na kumkuta ambapo kabla hawajamueleza matatizo yao Yule mganga aliwaambia,

“Najua kila kitu, yani kitu pekee kinachowasumbua ni Moza”

Walishtuka na kuangaliana sababu huyu mganga amejua kabla hata hawajamueleza, Rose akamuitikia Yule mganga,

“Tawile baba, yani hata hatujui tufanye nini”

“Hapa ndio mwisho wa matatizo, yani mimi ndio kila kitu. Mimi ni tishio la vitu vyote vya ajabu, Yule Moza amerudi kwa lengo moja la kukukomesha wewe. Yule msichana alijua siri zako mapema sana kabla hata hujajua kuwa anafatilia siri zako, na kitendo chake cha kupata ile dawa ndio kila kitu kimekuwa wazi kwake”

“Kwahiyo inamaana Moza ni mzimu?”

“Moza ni zaidi ya mzimu ambao unajua wewe, Moza ana nguvu za ziada kwani ana nguvu za kutoka kwenye mzimu wa bibi yake na ana nguvu za ile dawa yako maana ilichomwa”

Rose alishtuka sana kusikia kuwa dawa yake ilichomwa kwani hapo alihisi kila kitu kimeharibika, kwakweli alihisi nguvu kumuisha akauliza kwa upole,

“Sasa kama ile dawa yangu ilichomwa, aliichoma nani na je nifanye nini?”

“Ile dawa ilichomwa na mume wako”

Rose na Ana walishangaa sana kuwa ile dawa imechomwa na aliyeichoma ni Patrick, kwahiyo walijiuliza kuwa Patrick alipata wapi ujasiri wa kuchoma ile dawa na kwanini alifikia uamuzi wa kuchoma ile dawa,

“Kama nilivyowaambia, Moza anaongozwa na mzimu wa bibi yake na mzimu huo ndio ulimtuma Patrick akachome ile dawa halafu Moza aliongezeka nguvu mara mbili. Nyie mnahisi Moza amekufa ila kiuhalisia Moza hajafa na amerudi kwaajili yenu”

“Sasa tufanyaje?”

“Cha kufanya hapa ni kimoja tu”

“Kipi hiko?”

Akamuangalia Rose na kumwambia,

“Unatakiwa ulale na mlinzi wako”

“Nilale na mlinzi wangu?”

“Ndio, unatakiwa ulale nae”

“Kheee nitawezaje kulala na mlinzi wangu?”

“Nitakupa dawa ya kukusaidia, na ukilala nae kwa hakika kila kitu utaona kimebadilika”

“Jamani mganga sikuelewi, kwanini mlinzi wangu nilale nae?”

“Yule mlinzi alikuwa anampenda sana Moza yani alikuwa na mapenzi ya dhati na Moza. Unatakiwa kulala nae ili kutimiza ile azma ya mapenzi yake kwa Moza kisha ndio tutamuweza Moza. Tena unatakiwa ulale nae kwenye chumba alichokuwa analala Moza”

“Mmh mbona umenipa mtihani mkubwa sana, je litawezekana hilo?”

“Nitakupa dawa na itawezekana”

Rose alijifikiria sana namna ya kulala na mlinzi wake maana siku zote amekuwa akimdharau sasa leo anatakiwa alale nae, kwakweli aliona ni mtihani mkubwa sana ila kwavile alichoshwa na vimbwanga vya hapa na pale akajisemea ni lazima afanye hivyo ili aepukane na vimbwanga vile.

Kwahiyo akakubali kuchukua dawa aliyopewa na mganga, kisha kuuliza kuwa baada ya kulala nae afanyaje.

“Baada ya kulala nae tu, yani kwanza mumeo atarudi na kuwa chini yako halafu Moza atakufa kweli. Nitakupa tu maelekezo ya hii dawa, ukifika getini iweke mdomoni usiongee chochote na mlinzi wako, yani wewe mshike mkono tu hadi chumbani kwa Moza halafu lala nae”

“Hawezi kuniletea shida?”

“Usiongee kitu chochote, na kukataa hawezi hata usijali”

Basi Moza akachukua ile dawa na kuanza safari ya kuondoka akiwa na binti yake Ana, ila muda huu walipata usafiri wa boaboda hadi darajani.



Salome alifika na kumkuta mlinzi akiwa getini, basi Salome akamuomba kitu Yule mlinzi,

“Kuna mahali nataka nikuagize”

“Mmmh yani niondoke niache lindo langu? Hapana kwakweli”

“Katika maisha yako, umewahi kupewa hela ipi nyingi kwa mkupuo”

“Nimewahi kupewa laki tano”

“Basi mimi nataka nikupe milioni mbili ila tu ukiniahidi kwenda ninapotaka kukuagiza”

Yule mlinzi aliposikia milioni mbili, kwakweli akili yake iliruka kidogo na kusikiliza anapotaka kuagizwa,

“Sio sehemu mbaya, nakuagiza hotelini alipo mzee Patrick uende ukamshawishi hadi urudi nae hapa. Jitahidi kwa ujui wako wote umshawishi arudi”

Yule mlinzi hakuona kama ile ni kazi ngumu, ila alihitaji kupewa hizo hela kabisa na kuuliza tena,

“Na hapa getini atakaa nani?”

“Mimi nitakaa hapa getini kwa siku ya leo na siendi popote, unajua Yule ni baba yangu. Nahitaji aje nyumbani”

Kisha Salome akamkabidhi pesa Yule mlinzi na kumuelekeza mahali alipo mzee Patrick halafu Yule mlinzi akaondoka zake, ilikuwa ni mara ya kwanza kwa Yule mlinzi kuondoka kwenye lindo lake hilo wakati mama mwenye nyumba hayupo.

Muda kidogo alirudi Rose na binti yake Ana, ila walimkuta mlinzi yupo getini amesinzia. Rose alikunywa dawa yake na kuanza kumvuta mlinzi mkono ili waelekee nae ndani, ila mlangoni akakutana na Salome. Rose akashtuka kwani hakutegemea kukutana na Salome mlangoni, halafu Salome akamuuliza,

“Vipi huyo mlinzi unampeleka wapi?”

Rose alitamani kumjibu Salome ila akakumbuka masharti aliyopewa na mganga kuwa asiongee kabisa akimeza ile dawa, hakujibu ila akataka kuingia ndani ila Salome akamzuia mlangoni na kumfanya Rose achukie sana akatamani hata mwanae Ana angekuwa karibu apambane na Salome kwani muda huu Ana alikuwa ameachwa getini akisubiria mama yake amalize kwanza shughuli na mlinzi.

Rose akawa anang’ang’aniza aingie ndani,

“Sikupishi hadi uniambie huyo mlinzi unampeleka wapi?”

Rose alipambana na Salome pale mlangoni hadi akajikuta akimwambia,

“Nipishe bwana weee”

Salome alimpisha huku akicheka sana, Rose alikuwa na hasira sana na alijiuliza kama dawa itafanya kazi kama alivyoambiwa na mganga maana kashakosea masharti na kuongea wakati aliambiwa asiongee chochote.

Aliingia na Yule mlinzi kwenye chumba cha Moza na kumuweka kitandani, kisha yeye akainuka na kuanza kuvua nguo zake ila alipomaliza tu kutazama kitandani hakumuona mtu yeyote.





Salome alimpisha huku akicheka sana, Rose alikuwa na hasira sana na alijiuliza kama dawa itafanya kazi kama alivyoambiwa na mganga maana kashakosea masharti na kuongea wakati aliambiwa asiongee chochote.

Aliingia na Yule mlinzi kwenye chumba cha Moza na kumuweka kitandani, kisha yeye akainuka na kuanza kuvua nguo zake ila alipomaliza tu kutazama kitandani hakumuona mtu yeyote.

Mlinzi alikuwa ametoweka, kitendo hiki kilimshtua sana Rose na kumfanya achukue nguo zake haraka haraka na kuvaa kisha kukimbia kutoka kwenye kile chumba cha Moza, ila kwenye korido akakutana na Salome yani muda huu hakuweza hata kuongea na Salome zaidi ya kukimbilia nje alipo mtoto wake, Salomealicheka sana kisha akaenda kukaa sebleni na kuwaangoja Rose na mwanae watakavyorudi tena ndani.

Basi Rose alifika alipo mwanae Ana kwenye kile kijumba cha mlinzi, Ana alimuuliza mama yake,

“Tayari mama?”

“Tayari nini mwanangu? Mambo yameharibika”

“Kivipi?”

Mara geti lilifunguliwa halafu wakamuona mlinzi ambaye aliingia na kwenda kufungua geti kubwa na liliingia gari la Patrick. Rose alishtuka sana na kufikicha macho yake kwani alihisi ni kiini macho. Alimshika mwanae mkono na kumpakiza kwenye gari kisha akaondoa gari nje hata mlinzi na Patrick walikuwa wakishangaa ila Patrick alihisi kuwa Rose anamkimbia kwani anajua kuwa anaujua ukweli wa mambo yote sasa.



Patrick na mlinzi waliingia ndani na kumuta Salome, kwakweli Salome alimpongeza sana Patrick kwani aliona jinsi alivyomfanyia kazi yake kuwa rahisi kwa siku hiyo, kisha akamkaribisha Patrick pale ndani,

“Karibu tena kwenye nyumba yako”

“Ni kweli hii ni nyumba yangu mwanangu, ila sina hamu nayo na siwezi kuishi humu tena”

“Kwanini?”

“Sijisikii tena kuishi na mwanamke shetani kama Rose, nilimuacha mke wangu mpole, mzuri na mcha Mungu Neema, aliyenipenda kwa dhati. Lakini nilimuhisi vibaya kwa makosa ya kusingiziwa, kumbe alisingiziwa kila kitu juu yake. Ashura ni ndugu wa mama yako ila ni mtu mbaya sana”

“Hapana Ashura hakuwa ndugu wa mama”

“Kivipi hakuwa ndugu yake na wakati alikuwa akiishi nae?”

“Niambie kwanza Ashura ni mtu mbaya kivipi na nitakueleza ni namana gani hakuwa na undugu na mama”

Patrick alianza kumueleza kwa kifupi jinsi ilivyofikia hadi kuachana na mama yake,

“Sikia, sikuwa namjua Ashura ila nilikutana nae nyumbani kwa Rose na alitambulishwa kwangu kama msichana wa kazi wa Rose, wakati tunamuongelea mke wangu basi Yule Ashura alidai ya kwamba anamfahamu yani yeye na Neema wamechangia baba. Na akaanza kunieleza kuhusu historia ya Neema, anasema Neema alianza uhuni mapema sana toka yupo darasa la tano na ametoa mimba nyingi sana, ingawa mimi nilimuoa mapema pia ila hakuweza kunizalia sababu kizazi chake hakikuwa na uwezo wa kuzaa maana katoa mimba sana. Ndiomana sikuona umuhimu tena wa kuendelea na Neema wakati ukweli nimeujua. Niliporudi kwa Neema nilikuwa na lengo moja tu la kumuacha kwani mawazo yangu kwa muda huo yalikuwa ni kuanzisha maisha na Rose. Ila Neema aliweza kunishawishi hadi tukashiriki nae tendo la ndoa, na baada ya hapo nikaondoka ila nikapata shinikizo la kumfukuza kwani niliambiwa Neema alikuwa na mahusiano na kijana Fulani pale mtaani, na nikambamba akiongea nae kwakweli nilikuwa na hasira sana nikamfukuza kabisa. Nikashangaa baada ya mwaka mama ananiambia eti kuna mtoto nimezaa na Neema, sikuamini. Kuna moyo mwingine ulikubali lakini niliendelea kujazwa ujinga kuwa haiwezekani lazima mimba ile ilikuwa ya mtu mwingine kwahiyo nisijihusishe na huyo mtoto. Sikutaka kujihusisha kweli, ila niliamini zaidi baada ya kuona Neema akiishi na Ashura, hapo ndio nikajua ni ndugu yake.”

“Pole sana, hizo zote ni mbinu za Rose. Neema hakuwa na undugu wowote na Ashura ila kuna mipango ilipangwa ndiomana ikawa hivyo na utaelewa tu”

“Ila wewe nae unanishangaza, mara nyingine unamuongelea Neema kamavile sio mama yako nan i mtu uliyekuwa nae labda sawa”

“Usijali kuhusu kuongea kwangu, huwa naongea ili mtu anielewe, ila huyu mlinzi amefanya kazi nzuri sana”

Salome akamuita Yule mlinzi na kuwaandalia chakula mezani. Kisha akawakaribisha mezani Patrick na mlinzi wale chakula, ilikuwa ni mara ya kwanza kwa mlinzi kula ndani ya ile nyumba.



Wakina Sara walifikishwa na Jesca kwa mkaka ambaye anasadikika kuwa alimbeba Salome wakati ameanguka kaburini, waliweza kufika baada ya Yule Jesca kuwaunganisha na Yule ambaye alikuwa akimjua vizuri Yule dereva.

Walifika na kusalimiana kisha wakaanza maongezi ya hapa na pale na haswa ni kuulizia kuhusu Salome,

“Jamani hata mimi mwenyewe sielewi, Yule mtoto alikuwa na mama yake kwenye gari na mama yake alikuwa akilia sana, gafla nilisikia akiongea na mama yake na muda kidogo mama yake akaniambia kuwa tusiende tena hospitali bali twende nyumbani kwao. Basi nilifanya hivyo kwa kuwapeleka nyumbani kwao”

“Mmmh kwahiyo hujui alizindukaje zindukaje. Wewe si ulimbeba na uliiona hali yake?”

“Ni kweli nilimbeba na alikuwa kama mtu aliyepigwa na shoti ya umeme tena nilijua amekufa yani nilikuwa naenda nao tu hospitali ila nilikuwa najua lazima tutaambiwa kuwa amekufa. Hata mimi nilipomsikia anaongea tena akiwa mzima kabisa nilishtuka sana”

“Mmmh inabidi tukaongee na mama yake, lazima kuna kitu anakijua. Unapajua kwao?”

“Napakumbuka vizuri sana, kwa tukio kama lile lazima nikumbuke kwao ni wapi”

Basi wale kaka wa Sara wakamuomba huyu dereva awapeleke kwao na Salome ili wakaongee na mama yake kwani kuna kitu walianza kuhisi kuwa hakipo sawa na Salome na walihisi kuwa wakiongea na mama yake wataujua ukweli wa mambo yote.

Basi safari ikaanza ya kuelekea kwakina Salome, na kweli walifika ila kwa bahati mbaya ilikuwa ni kwakina Salome kwa zamani na hakuna hata mmoja pale mtaani aliyejua nyumba mpya waliohamia wakina Salome, na waliambiwa ni kitambo sana wamehama. Ikabidi waachane pale na kila mmoja kuelekea sehemu yake, ambapo wale mapacha na dada yao waliamua kurudi tu nyumbani kwani siku ya leo hakuna walichofanya zaidi ya kufatilia mambo hayo.

“Ila mnakumbuka kuwa mama alisema tusirudi mpaka atupigie simu”

“Sasa mpaka saa hizi jamani, saa mbili hii labda mama kasahau. Tumpigie tu simu sisi wenyewe”

Wakaamua kumpigia simu mama yao ila simu ya mama yao iliita bila ya kupokelewa ikabidi wakubaliane tu kurudi nyumbani.



Rose na Ana waliamua kwenda hotelini kwanza kutuliza akili, Rose alianza kuongea na mtoto wake jinsi ndani ya nyumba alivyopatwa na mauzauza,

“Ila mama si ungejitahii usiongee!”

“Mwanangu, ningewezaje kujitahidi kufanya hivyo? Ilihali nishakwambia hali halisi ilivyokuwa. Yule mwehu alikuwa ananizuia mlangoni, yani Yule mtoto sijui katumwa Yule loh!”

“Sasa mama tutafanyaje? Ni kurui kwa Yule mganga au?”

“Ndio, hakuna jinsi zaidi ya kurudi kwa Yule mganga tu”

“Kwahiyo mama usiku wetu wa leo tutamalizia humu hotelini?”

“Ndio, hakuna namna mwanangu”

“Hapana mama turudi nyumbani, hatutakiwi kuwa waoga kiasi hicho kwenye nyumba yetu wenyewe. Turudi nyumbani mama, yani ni nyumbani tu ndiko tunakoweza kufanya hata dawa zetu zikafanyika, ila huku hotelini tutachukua muda mrefu sana kufanya mambo yetu”

Ana akatumia muda mrefu sana kumshawishi mama yake ili aweze kukubali warudi nyumbani na hatimaye akakubaliana na Ana, kisha wakaagiza chakula kwanza na kula halafu ndio safari ya kurudi nyumbani ikafatia ingawa ilikuwa ni usiku tayari.



Salome alikuwa nyumbani ila Leo aliongea sana na Patrick pamoja na yule mlinzi, kisha Patrick akataka kuondoka tena ila muda huu Salome alimruhusu kuondoka kiasi cha mlinzi kushangaa kuwa imekuwaje tena wakati alimpa hadi hela kuwa amlazimishe mzee huyo warudi nae nyumbani, sasa iweje amruhusu kuondoka tena ila hakutaka kuhoji zaidi. Kisha yule mlinzi alirudi getini halafu nae Patrick alienda kupanda gari yake na kuondoka zake.

Basi mlinzi akiwa amekaa pale karibu na geti, Salome alienda na kumuuliza maswali,

"Hivi kifo cha Moza, wewe umekionaje onaje au unahisi kama ni kitu gani?"

"Mimi nahisi kamavile ni kifo cha kimazingara maana sukuelewa mwanzo wala mwisho"

"Na Moza mwenyewe ulikuwa unamuonaje?"

"Sijui niseme nini ila nakiri wazi kuwa nilimpenda"

"Mbona hukumwambia?"

"Ningemwambiaje vile alivyokuwa anafanya mambo anayopenda yeye, ila nilitaka kumwambia hivyo hivyo sema umauti tu ndio umeharibu mambo"

"Je unaamini kama Moza amekufa kweli?"

"Hata Sijui niamini au, ila kama hajafa kweli basi atakuwa wapi yani najiuliza bila jibu"

"Mbona mimi unanijibu kila ninachokuuliza tofauti na Moza ulimwambia hupendi umbea"

Mlinzi akacheka kidogo na kujibu,

"Hela hii yani hela inafanya mtu hadi aongee ya ndani, mbona na wewe unaniuliza bila kujali kuwa ni usiku sasa?"

Kabla hajajibu, waliwasili wale mapacha pamoja na dada yao Sara. Ila baada ya salamu tu, Salome aliwakaribisha nao ndani hata wakashangaa kuwa Leo inakuwaje wanakaribishwa kwenye nyumba yao wenyewe, wakaingia ndani na kumuuliza Salome kama mama yao alirudi,

“Bado hajarui, kwani mmeshawasiliana nae?”

“Hapana, hapokei simu”

“Basi, na mimi sijamuona kurudi”

Kila mmoja aliendelea na shughuli zake nyingine pale nyumbani kwao kama kula halafu kwenda chumbani kila mmoja, ila Salome alikuwepo pale pale sebleni siku hiyo maana hakwenda kabisa chumbani kwake kule.

Kwenye mida ya saa tano usiku, Rose na mwanae Ana walirudi na kumkuta Salome pale sebleni ila hawakuongea nae kitu chochote kile zaidi ya kupitiliza na kwenda vyumbani mwao.



Rose aliingia chumbani kwake akihisi kwamba Patrick atamkuta maana alimuona akirudi ila alijiuliza kitu,

“Inawezekana akawa Patrick wa mazingaombwe Yule. Mlinzi mwenyewe hata kumsalimia namuogopa maana sina hakika kama ni yeye kweli”

Akaenda kuoga kisha akarudi, ila leo akakumbuka dawa zake ambazo huwa zinamsaiia kumtoa uoga kabisa, na mara nyingi huzitumia kama anataka kufanya tukio la tofauti ili asipatwe na uoga. Sasa kutokana na matukio ya siku hiyo na yale ya siku za karibuni akaona ni vyema kuchukua hiyo dawa yake na kuanza kuichoma, kwahiyo akachukua kiberiti na kuanza kuwasha dawa zake hizo ambapo harufu ya dawa zile ilienea nyumba nzima. Mara akasikia mlango wake ukigongwa, akainuka na kwenda kufungua, akamkuta Salome mlangoni akionyesha kujawa na hasira halafu akamwambia,

“Zima hizo dawa zako”

“Nizime ili iweje? Kwani wewe zinakusumbua nini?”

“Sizitaki zinaniumiza kichwa, nimekwambia zima”

“Wewe mtoto usinitishie maisha, kwanza umeharibu sana mfumo mzima wa maisha yangu halafu saivi unajifanya unajua kila kitu. Dawa hizi sizimi na utanitambua baada ya kumaliza kuchoma hizi dawa”

“Unasema huzimi?”

“Ndio sizimi”

“Unajiamini kabisa?”

“Najiamini ndio na sizimi, usinibabaishe”

Rose akafunga mlango wake kwa nguvu kwani aliona kamavile Salome anampigia makelele tu, kisha akarui na kuendelea kuchoma dawa zake ambazo kwa yeye zilikuwa zinmburudisha sana na alikuwa anajisikia vyema moyoni ila ile dawa ilikuwa inawaumiza sana watu aliowafungia kwenye chumba chake na ndiomana Salome hakuitaka maana aliweza kuyahisi maumivu waliyoyapata watu wale.

Rose akiwa amestarehe kabisa na dawa zake, huku amezishika akizichoma gafla alihisi kama kuna mtu amekuja na kuzizima, alipoangalia vizuri alimuona Salome. Rose akashtuka kidogo kisha alimuuliza Salome,

“Hivi wewe ni mchawi? Umeingiaje humu?”

“Dawa imeanza kukupa ujasiri eeh!”

“Nijibu umeingiaje?”

“Kama ambavyo wewe huingiaga kwenye vyumba vya watu vikiwa vimefungwa”

“Wewe ni mchawi”

“Hapana mimi si mchawi”

Gafla Rose akainuliwa na nguvu ya ajabu yani alikuwa kama yupo juu akimtazama Salome kwa chini na mara akaona kama macho ya Salome yakiwaka waka taa, kwa mara ya kwanza Rose alishikwa na uoga kiasi na kutaka kupiga kelele ila alihisi kama akizibwa mdomo na hapo hapo akapata jibu kuwa mtu pekee anayewasumbua kwenye nyumba ile si Moza bali ni Salome, yeye alihisi kuwa Moza ameshakufa ila Salome ana nguvu za kichawi ndio anawasumbua. Kitu kilichomshangaza kuhusu Salome kuwa ni mchawi wa aina gani ambaye hatambuliki na wachawi wengine. Mdomo wa Rose ulikuwa umezibwa na akaamua awe mpole, alimuomba jambo moja tu Salome,

“Niruhusu hata nikalale sebleni kwa siku ya leo”

“Kwani unaogopa? Wewe ni jasiri, unatoa wapi uoga wa namna hiyo? Kama umeweza kufuga watu na hawafurukuti kwako unawezaje kumuogopa mtu kama mimi?”

Rose alikuwa kimya tu akitetemeka kwani ukweli ni kuwa uoga ulimshika vilivyo.

“Muda wa kufanya uwanga wako unafika? Unajua matatizo ya uchawi wa kununua? Utakudhuru mwenyewe tu. Haya toka ukalale sebleni”

Akajikuta tu ameachiwa na kuanguka kisha akainuka upesi na kuanza kutoka chumbani kwake kwa uoga na kufanya haraka haraka, kufika sebleni akamkuta Salome amekaa kwenye kochi, hapo ndipo akili yake ikapoteza dira kabisa.





Akajikuta tu ameachiwa na kuanguka kisha akainuka upesi na kuanza kutoka chumbani kwake kwa uoga na kufanya haraka haraka, kufika sebleni akamkuta Salome amekaa kwenye kochi, hapo ndipo akili yake ikapoteza dira kabisa.

Akashtuka ila Salome akacheka na kumuuliza,

“Unashtuka nini sasa?”

Rose alikuwa kimya kabisa na kushindwa kujibu kwani kadri alivyomuona Salome ndivyo uoga ulivyokuwa ukimshika, kisha Salome akamwambia tena,

“Wewe si ulikuwa unataka mimi niuwawe wewe, eti unamwambia Ashura aniwekee sumu kwenye chakula, sasa unashtuka saivi umeona mzimu au nsyuka? Si kila siku unaniona hapa, sasa unashtuka nini? Pona yako wewe ni kuachana na mambo unayoyafanya, kwanza kabisa uwafungulie wale uliowafungia”

Rose alikuwa akitetemeka tu, ila Salome aliendelea kuongea,

“Nipe ahadi utawafungua lini?”

“Nisamehe kwa hilo sitaweza kufanya, naogopa kufa”

“Kama wewe unaogopa kufa mbona unaua wenzio bila huruma? Kwani Moza alikukosea nini hadi ufurahie kifo chake?”

“Sikufurahia na wala sikutaka afe ila Moza alikuwa mbea ndio kitu ambacho sikukipenda”

“Mbea wa kuchunguza mambo yako mabaya unatyoyafanya, uliona nini kuacha baada ya kugundua ni mbea? Na hata hivyo, sababu mbea ndio utake afe? Angekuwa muongo je? Unajua tofauti ya mbea na muongo? Muongo huongea vitu vya uongo, ingawa kuna uongo wa aina mbili wa kubomoa na kujenga. Ila mbea anaongea vitu vya ukweli, tofauti ya ukweli na uongo ni moja tu, ukweli unauma ndiomana mtu mbea anaonekaga kuwa mbaya kuliko muongo. Ila siku ukikutana na mtu muongo na mnafki ndio utasema bora ya mbea.”

“Unanichanganya Salome, sipo hapa kuulizia tofauti ya mbea na muongo ila nipo hapa ili nipumzike kidogo, uwepo wako unanifanya nisiweze kupumzika”

“Toka lini wewe ukapumzika usiku? Huu si ndio muda wa kufanya mambo yako yasiyofaa? Halafu unataka mimi niende wapi nikapumzike pia?”

“Si kule chumbani kwa Moza”

“Chumba ambacho ulitaka kufanyia uchafu! Mimi niko makini kuliko wewe, niingie kwenye chumba ulichotaka kuzini na mlinzi wako!”

Kumbe Sara aliposikia mabishano sebleni alitoka, na muda huo ndio akasikia kuwa chumba cha Moza, mama yake alitaka kuzini na mlinzi wao. Alijikuta akisema kwa nguvu,

“Mama azini na mlinzi!”

Salome alijibu kanakwamba alitambua kuwa Sara angekuja na kuuliza hilo swali,

“Ndio, mama yenu alitaka kuzini na mlinzi kwenye chumba cha Moza. Muoneeni huruma mama yenu, kaeni nae chini muongee nae anapoelekea atazini hadi na maiti ili arekebishe nyumba yake. Rose nyumba imebadilika hii kama kitumbua tayari kimeingia mchanga, swala ni wewe tu kuachana na hayo unayoyafanya”

Rose aliinama chini kwani hapo ataliweza kudhihilika wazi kuwa anafanyaga mambo ya ajabu yani hata kujitetea hakuweza kabisa, alimuangalia mwanae kwa macho ya kuibia ila cha kushukia Salome alinyoosha mkono wake juu kisha Rose na Sara walijikuta wakilala pale sebleni.



Ilikuwa ni siku nyingine, siku hii Neema alikuwepo kwenye kijiji cha mama yake na kuamua kwenda kutembelea kaburi la baba yake kisha kwenda kumsalimia aliyekuwa mama yake wa kambo, na hapo akakumbuka kuhusu Ashura na kuamua kuuliza.

“Eti mama, nilikuwa na ndugu yangu mwingine kwa baba?”

“Mmmh atoke wapi?”

“Eti alizaliwa na mama mwingine”

“Neema, baba yako alikuwa na mtoto mmoja tu ambaye ndiye wewe ila hakuwahi kuzaa tena mtoto mwingine”

Ikabidi Neema amueleze mama yake huyu jinsi alivyokutana na Ashura na jinsi alivyojitambulisha kwake kuwa ni ndugu yake, ila huyu mama alionekana kushangaa sana na kumwambia Neema,

“Sikia Neema, wewe ni mtoto wa pekee wa marehemu baba yako. Hajawahi kuwa na mtoto mwingine sehemu yoyote, alipatwa na ugonjwa wa ajabu baaa tu ya kuzaliwa wewe na hakuweza kuzalisha tena, hata mimi sijazaa nae sababu ya matatizo hayo. Sasa hizo habari za huyo ndugu yako wa kuitwa Ashura sizijui, ningekuwa simjui vizuri mume wangu sawa, ila nilimjua vizuri sana na alipenda watoto balaa kwahiyo ingekuwa huyo mtoto wake lazima ningejua. Labda huyo Ashura ni ndugu yako kwa mama yako huko ila baba yako hajawahi kuwa na mtoto mwingine zaidi yako”

Neema alishangazwa sana na ile habari na kukumbuka jinsi Ashura alivyoonyesha kumfahamu, na jinsi alivyoishi nae kama ndugu yake hadi ilifikia hatua ya kumpa hadi siri zake, alishangaa kusikia baba yake hakuwa na mtoto mwingine kwahiyo Ashura hakuwa ndugu yake ila akajiuliza kama ni kweli hakuwa ndugu yake sasa kwanini kamdanganya? Hakupata jibu ila huyu mama yake wa kambo alimsisitizia kabisa kuwa hakuwa na ndugu wa dizaini hiyo.



Ana ndiye aliyemuamsha mama yake baada ya kumkuta anakoroma sebleni,

"Mama, mama imekuwaje tena?"

Rose aliamka ila alikuwa akishangaa shangaa tu, mara wale mapacha nao walikuja na kumuamsha Sara maana waliona mama yao akiamshwa na Ana. Walimuuliza dada yao kuwa kapatwa na nini hadi kalala sebleni, hakukumbuka kwa wakati huo, wakamsogelea na mama yao ila mama yao akawaambia wamuache na alitaka kwenda chumbani kwake ila aongozane na Ana, basi akaondoka na Ana na kuwaacha wale wengine pale sebleni.

Walibaki wakiendelea kumuuliza tu Sara kuwa ni kitu gani ila bado Sara hakuweza kuwajibu kwani hakuwa na jibu la imekuwaje kwa wakati huo, akili yake ilikuwa kama imesizi hivi kwa kiasi fulani, basi kaka zake wakamshauri kuwa akajiandae ili waondoke pamoja, nae Sara akainuka ili akafanye hivyo alivyoshauriwa na kaka zake.

alipofungua mlango wa chumbani kwake alishtuka sana kwani alimkuta Salome akiwa kitandani kwake amejilaza,

"Kheeee Salome!"

"Ndio ni mimi, mbona umeshtuka sana?"

"Sikutegemea kukukuta chumbani kwangu, umeingiaje bila ruhusa yangu!"

"Na wewe kwako kunataka ruhusa? kwani mama yenu kabla ya kufanya yote aliyoyafanya aliomba ruhusa?"

Ndio hapa Sara akajikuta akikumbuka mambo ya usiku na kujikuta akiuliza kwa makini,

"Ni kweli mama yangu alitaka kuzini na mlinzi?"

"Nadhani itakuwa vyema kama ukimuuliza mwenyewe"

Sara hakuendelea tena kuuliza chochote bali alitoka na moja kwa moja akaenda chumbani kwa mamake, na kugonga mlango ila alimkuta mama yake ndio alikuwa anatoka na Ana,

"Kheeee mama unaenda wapi?"

"Ndio salamu hiyo?"

"Hapana mama, shikamoo"

"Sina haja, Ana twende mwanangu"

Wakatoka na kumuacha Sara akiwa palepale mlangoni, ila alijaribu kuwafata nyuma ambapo aliwashuhudia tu wakiondoka bila hata kuwaaga wale mapacha waliokuwepo pale sebleni. Sara aliwasogelea kaka zake, ila na wao wakamshangaa kuwa hajajiandaa toka muda ule,

"Vipi bado hujajiandaa tu!"

"Jamani, si muda huu huu jamani!"

"Muda huu huu! Tumekusubiri hapa karibia lisaa limoja, unasema muda huu huu, kwakweli tunaondoka Sara"

"Jamani acheni masikhara, lisaa limoja limepita saa ngapi wakati ni muda huu huu!"

"Utatukuta ukija"

Na wao wakatoka na kuondoka kwahiyo wakamuacha Sara pale sebleni.

Muda kidogo Salome alitoka na kumwambia Sara,

"Ulitaka kuniacha peke yangu, hapana leo utashinda na mimi hapa"

Sara alimuangalia Salome na kuona kama mtu anayefanya mambo ya ajabu kwenye nyumba yao, ila hakumuuliza chochote zaidi ya kwenda chumbani kwake ili ajiandae na atoke hivyo hivyo.

Basi Sara akajiandaa na alipomaliza alitoka sebleni ilia toke nje na aondoke zake ila pale sebleni alikuwepo Salome ambaye alimwambia Sara,

“Si nimekwambia leo tunabaki wote!”

“Tunabaki wote kivipi? Mimi nina safari zangu bhana”

“Usiwe mbishi Sara, leo tunabaki wote humu ndani. Mimi leo siendi popote na wewe leo huendi popote. Tunabaki wote”

“Na wewe Salome aaah usinibabaishe bhana”

Sara akafungua mlango na kutoka nje, ila gafla akajikuta yupo chumbani kwake,

“Jamani si nimefungua mlango wa kutoka nje, iweje nimerudi tena chumbani?”

Hakuelewa aliona kamavile ni mchezo wa kuigiza, akatoka mule chumbani kwake na kwenda tena sebleni ambako alimkuta Salome amekaa kama kawaida na kuwaza kuwa mwanzoni laba ilikuwa ni mawazo yake ila si kweli kuwa alifungua mlango na kutoka nje, basi akajikuta akimuuliza Salome,

“Hivi tumeongea mimi na wewe muda si mrefu?”

“Ndio tumeongea, kwanini umeuliza?”

“Ulinikataza kutoka nje na ukasema tutabaki wote leo?”

“Ndio, leo tutabaki wote. Mimi siendi popote na wewe utabaki hapa na mimi”

Sara akamuangalia Salome bila ya kummaliza, kisha akaenda tena kufungua mlango wa nje na kujikuta yupo chumbani kwake tena. Akili yake sasa ikaanza kuchanganyikiwa kwani aliona kamavile ni mazingaombwe kabisa ukizingatia mambo hayo yalikuwa ni ya ajabu sana kwake, alijiuliza kuwa ule mchezo anafanyiwa na nani, kama ni Salome basi Salome ni mtu wa aina gani mwenye uwezo wa kukurudisha chumbani wakati ulikuwa ukitoka nje? Alifanya hivyo kama mara tano, na mar azote alijikuta akirudi chumbani. Uoga ukamshika na kuamua kukaa chini pale chumbani, akachukua simu yake na kumpigia mama yake.

“Mama, nipo ndani nataka kutoka ila nashindwa, eti kila nikitoka najikuta nimerudishwa chumbani”

“Mbona sikuelewi Sara, hebu nieleweshe”

“Sijui nikueleze vipi ila kutoka ndani ya nyumba siwezi”

Sara aliamua kama kumuelekeza mama yake kwenye simu ila bado ilikuwa ngumu kwa Rose kumuelewa mwanae, ikabidi Sara akate tu simu ya mama yake na kujibaza kwenye kitanda chake.



Rose muda huu alikuwa mwenyewe akielekea kwa Yule mganga, siku ya leo alimuacha Ana aende shule kama kawaida halafu yeye ndio alienda tena kwa Yule mganga, na njiani nio alipigiwa simu na mwanae Sara akimueleza jinsi hawezi kutoka ndani ya nyumba. Hiki kitu kilimstaajabisha sana Rose ila alijisemea kuwa atamwambia na swala hilo mganga kwani bado hakukata tamaa kuwa ameshindwa kupambana na alioamini kuwa ni mzimu ndio unasumbua ingawa mganga alimuhakikishia kuwa sio mzimu.

Alifika kwa mganga na kama bahati leo hakukuta foleni kubwa kama alivyoena mara ya mwisho. Yule mganga kama kawaida alianza kwa kumuelezea yeye matatizo yake,

“Najua kuwa umekosea masharti, tatizo lako mdomo, yani huwezi kunyamaza kimya”

“Nisaidie mganga nifanyeje?”

“Sasa inatakiwa nitume kombora la kushambaratisha nyumba nzima, yani kila kilichopo ndani kombora langu litaenda kusambaratisha”

“Ndani ya nyumba yangu?”

“Ndio nyumbani kwako, natakiwa kutuma kombora yani kila kitu kinasambaratika mule nani. Nyumba inakuwa nyeupe kabisa”

“Sasa mwanangu Sara yupo ndani”

“Yeye hajatoka? Mpigie simu na umshawishi atoke”

“Ametoka kunipigia simu na amesema kuwa kila akijaribu kutoka anashindwa”

Yule mganga akaanza kuangalia kibuyu chake, kisha akatikisa kichwa na kumwambia Rose,

“Ndani kwako kuna mtu yani yeye anajua mipango yetu kabla hata hatujapanga, kwamaana hiyo amefanya makusudi mwanao asitoke ili kombora likitumwa basin a mwanao adhurike”

“Huyo mtu ni nani?”

“Namuona binti mdogo, mwenye sura ya kipole ila ana roho ya kikatili”

“Anaitwa Salome huyo mganga, sijui ni mchawi”

“Najaribu kuangalia nguvu alizonazo huyu binti nashindwa”

“Mwanzoni huyo binti niliweza kumdhibiti lakini saivi siwezi, nilikuwa najua tunasumbuliwa na Moza kumbe ni Yule Yule Salome. Je Moza yuko wapi?”

“Naona kuna nguvu za Moza zikifanya kazi kwenye nyumba yako ila alipo simuoni, sema sijajua huyu binti ana nguvu za aina gani. Nadhani ni vyema kama nitakuja kwako”

“Dah utakuwa umenisaidia sana, huyo mtoto Salome sikumpenda toka mdogo ila kila nikijaribu kumuua nashindwa”

“Basi tutafanya kitu, nitakuja nyumbani kwako”

Rose alifarijika sana kusikia kuwa huyu mganga atafika nyumbani kwake, na aliamua kumuomba kuwa waende nae siku hiyo hiyo. Alimuomba sana na hatimaye Yule mganga akakubali.



Rose na mganga walijiandaa kisha wakaianza safari ya kwena nyumbani kwa Rose, walienda vizuri njia nzima hadi walifika getini kwa Rose na kufungua mlango na kuingiza gari ndani. Rose alimuonyesha Yule mganga alipo mlinzi wake, Yule mganga alitikisa kichwa tu.

“Basi jana alitoweka ndani huyo”

“Ni mazingaombwe tu hayo, ila usijali maana sasa kila kitu kinaenda kufika mwisho”

Basi wakashuka kwenye gari na kwenda kufungua mlango wa sebleni ili waingie nani, ila walipofungua tu walishangaa kujikuta wapo kibandani kule kule kwa mganga walipotoka.





Basi wakashuka kwenye gari na kwenda kufungua mlango wa sebleni ili waingie nani, ila walipofungua tu walishangaa kujikuta wapo kibandani kule kule kwa mganga walipotoka.

Yani kila mmoja alimuangalia mwenzie kwa mshangao, tena Rose akawa wa kwanza kumuuliza mganga,

“Mbona tumerudi tena huku huku wakati tulishafika mpaka nyumbani?”

“Hata mimi mwenyewe sielewi imekuwaje, ila ngoja nifanye dawa zangu kwanza. Naomba nisubiri nje”

Rose alitoka nje ya kibanda cha mganga huku akiangalia huku na kule, kwani mazingira ni hay ohayo na waliondoka kabisa hadi akakumbuka kuwa alimuonyesha mganga mlinzi na wakaongea halafu wameruishwa tena kule kule, kwakweli ilikuwa ngumu sana kwa Rose kuelewa.

“Kama ni uchawi basi huu ni wa viwango vingine, inamaana ni Moza au Salome! Yule mtoto atapata wapi nguvu za hivi? Anapata wapi uwezo wa kufanya makubwa haya? Ila sidhani kama ni yeye, ila na huyo Moza kwa staili hii ya kurudishwa na mganga tutaweza kupambana nae kweli? Kuna uwezekano wa kupambana na huyu kiumbe kweli?”

Alijiuliza sana huku akingoja mganga wake afanye dawa, na baada ya muda mganga alimuita tena Rose na kuanza kuongea nae,

“Unajua nguvu aliyokuwa nayo Yule binti nyumbani kwako ni kubwa mno, yani kiasi kwamba tunaweza siku nzima ya leo hadi usiku wa manane tukawa tunaenda kwako na kurudishwa hapa hapa”

“Sasa tutafanyaje?”

“Inabidi tutoe kafara”

“Kafara ipi?”

“Kafara ya damu, damu ya mtu unayempenda”

“Mmmh labda Patrick”

“Huyo ndio umpendae?”

“Ndio”

“Si kweli, mtu umpendae huwezi kukubali kwa haraka haraka hivyo atolewe kafara, huyo humpendi”

“Ya watoto wangu hapana, nimefikia hatua hii sababu yao. Nawapenda sana wanangu, tafadhari kafara isiwe ya wanangu, bora Patrick nipo tayari kumtoa”

“Upo tayari, ila kumtoa huyo mtu ni ngumu sana”

“Kwanini ni ngumu?”

“Huyo mtu analindwa sana, naona amezingirwa na ulinzi wa hali ya juu. Kumtoa kafara haiwezekani”

“Basi nimtoe mlinzi wangu”

“Hausiani na wewe huyo, bora siku ile ungekuwa umefanikisha zoezi la kulala nae ningekuruhusu kumtoa ila kwasasa haiwezekani. Inatakiwa ni mwanao tu”

“Tafadhari mganga bora tutafute mbinu nyingine, wanangu ndio maisha yangu. Tafadhari nisiwatoe kafara wanangu, nawapenda sana. Sijaweza kujiunga makundi ya wachawi wazoefu sababu ya kuogopa kutolewa wanangu, nawapenda sana”

“Unawapenda wanao ila unaishi na hatari ndani ya nyumba yako”

“Tujaribu tena kwenda mganga”

“Hata tukijaribu ni kazi bure, tutarudishwa tena hapa hapa, labda uende kwanza wewe halafu mie nije leo leo au hata kesho”

“Leo leo mganga, pale kwangu hapalaliki mganga, njoo leo leo”

“Ila ngoja nikupe onyo kabla hujaondoka”

“Onyo gani?”

“Msifanye sherehe yoyote pale kwako mpaka nije kufanya dawa, yani msifanye tukio lolote la sherehe sijui ya kuzaliwa, sijui kipaimara msifanye”

“Sinaga tabia ya kufanya sherehe nyumbani kwangu, hata birthday za wanangu huwa nikiamua basi naenda nao hotelini ila huwa hatufanyi sherehe nyumbani”

“Sawa sawa, nimekutahadhalisha kabisa kwani pale kwako hapatakiwi kusikika vigelegele vya shangwe kwa kipindi hiki mpaka nitakapofika na kufanya dawa, kuna nguvu kubwa sana pale kwenye nyumba yako”

“Nimekuelewa ila naomba ufike mapema iwezekanavyo”

“Usijali kwa hilo, ngoja tu nifanye dawa kwanza”

Bas Rose akamuachia mganga nauli ya kutosha kisha yeye akaanza safari ya kurudi nyumbani kwake kwa mara nyingine.



Rose alifika kwake wakati usiku ulikuwa umeshaingia hadi akajishangaa kuwa ametumiaje muda hadi usiku umeingia vile, aliangalia saa yake aliona ni saa tatu ya usiku. Aliingia ndani na kukuta familia yake yote ikiwepo sebleni, halafu wakionekana kama walikuwa wanamngoja kwa shauku kwani alipoingia tu, wote wakapiga kelele,

“Surprise”

Rose akawashangaa sana kuwa ni surprise ya kitu gani, ila wote walianza kumuimba mama yao,

“Happy birthday to you, happy birthday to you, happy birthday dear mommy, happy birthday to you”

Na vigelegele vikasikika, yani Rose alichoka kabisa na kukaa chini kwani aliona wanae wakiharibu kila kitu. Alipokaa chini walidhani mama yao amevutiwa na walichokuwa wanafanya basi wakamuagiza Ana alete keki ambapo Ana alileta keki na kuanza kuimba,

“Kata keki tule……”

Ila mama yao alitahamaki sana na kusema,

“Hadi wewe Ana!”

Akaanguka chini na kuzimia kidogo, wote wakashtuka

“Jamani surprise gani hii kwa mama yetu mpaka amezimia!”

Wakaanza kumpepea, ila Salome akaenda kuchukua maji kidogo na kuja kumwagia kwahiyo Rose akazinduka na alivyozinduka tu watoto wake wakapiga kelele za shangwe kisha Sara akaanza kumwambia mama yao,

“Mama jamani usistaajabu kiasi hiko, watoto wako tunakupenda na hatujawahi kukufanyia kitu cha namna hii hata mara moja. Nashukurun leo Salome katukumbusha kitu hiki, kumbe alikuwa ananikataza kutoka sababu leo ni siku yako ya kuzaliwa. Natumai mama yetu umefurahi! Tumeandaa keki na vyakula tofauti tofauti vya kujipongeza kama familia”

“Naomba niacheni kidogo niende chumbani”

Kisha Rose akainukana kwenda chumbani kwake,watoto wake wakashangaa sana kwani mama yao hakuonyesha kufurahia lile jambo hata kidogo, na keki yao hakukata wala nini.

“Jamani, mama tumemfanyia kitu kikubwa hivi ila haonyeshi kufurahishwa nacho kabisa. Hebu Ana kaongee na mama”

Ana akaondoka na kuwaacha pale sebleni wakijadiliana kwanini mama yao hajapendezwa na kile kitu walichomfanyia, ila Salome akawapooza,

“Mnajua mambo ya kumshtukiza mtu huwa yanachanganya sana, itakuwa leo hakujipanga kabisa kuhusu sherehe labda ndiomana amestaajabu sana ila natumai kafurahia”

“Natumai pia kafurahia”

Kuhusu swala la kuandaa sherehe fupi ya kuzaliwa kwa Rose ni Salome aliipanga na wote walimsifia kwani hawakuwahi kumfanyia mama yao sherehe.



Ana alimfata mama yake chumbani na kuanza kuzungumza nae, alimuuliza mama yake kwanini hajafurahishwa na ile surprise yao,

“Ana nilikuwa nakuamini sana, sikutegemea kama na wewe ungeweza kuingia kwenye mtego kiasi hiko jamani! Toka lini birthday yangu ikawa mwezi huu? Hivi kwanini kupena kuharibiana dawa? Nani ametoa wazo hilo?”

“Mama, mimi sijui. Kama kawaida nimerui kutoka shule na kuwakuta hapa nyumbani wamejipanga vilivyo kuwa kuna sherehe ya kuzaliwa wewe, mwanzoni nilibisha ila Sara alileta vitambulisho vyako na vilionyesha tarehe ya leo na mwezi wa leo, kwakweli hata mimi niliona ni wazo jema kukufanyia wewe sherehe ukizingatia hatujawahi kukufanyia hivyo. Siku zote huwa sishirikiani nao ila leo niliona ni jambo jema”

“Ana mwanangu, ni mtego huo unajua umeharibu dawa zangu na hivyo vigeregere vyenu! Yani mganga amenisisitiza sana kutofanya sherehe ya aina yoyote ile na kutokupiga vigeregere ila nimerudi nyumbani ndio kilichotokea”

Rose alianza kumueleza Ana kuhusu siku hiyo na jinsi walivyofika hadi hapo nyumbani na kurudishwa tena kwenye kibanda cha mganga, hadi mua huo kuamua kuja mwenyewe.

“Mama, kwamaana hiyo huyu Salome ni mchawi eeh!”

“Angekuwa mchawi tungemtambua, ni zaiddi ya mchawi halafu mganga amesema kuwa Salome ana nguvu nyingi sana, ambapo amejaribu kuziangalia ila hajaweza kuzichanganua”

“Mmmh sasa mama tutafanyaje?”

“Hata sijui maana masharti nishayaharibu tena, hapa hata sielewi nianzie wapi na niishie wapi”

“Ngoja nikatafakari mama”

Ana alitoka mule chumbani kwa mama yake na kwenda chumbani kwake kutafakari ambapo alijaribu kufanya dawa zake halafu kitu kikamuonyesha kuwa kama hawatokata ile keki waliyomuandalia mama yao basi wanaweza kidogo wakapona kwenye mtego, kwahiyo akainuka ili aende akaitupe ile keki, kufika sebleni alishangaa kuona dada yake Sara na wale mapacha walishaikata ile keki kitambo na walikuwa wanakula huku wakimuita walipomuona,

“Ana, keki tamu hiyo yani tamu sana”

“Sasa kwanini mmekata kabla mama mwenyewe hajakata? Nani katoa wazo la kuikata kabla ya muhusika kuja?”

“Salome katushauri tukate labda mama amechoka sana, ndiomana tumeamua kuikata na jinsi ilivyokuwa inatamanisha ndio kabisa yani”

Ana alisikitika sana kwani ndugu zake ndio wamekuwa rahisi kabisa kutekwa akili zao tofauti na mtu mwingine.

Akaamua kuichukua ile iliyobaki na kuibwaga chini, ila kabla haijafika chini alishangaa kuiona bado ikiwa kwenye sahani yake, kitendo hiko kilimchanganya sana ingawa ndugu zake walihisi kama Ana amewafanyia mazingaombwe hapo maana walishamjua kwa uchawi, ila hawakujua kama kitendo hiki kilimshangaza sana Ana na akajikuta akikimbilia chumbani kwa mama yake na kumueleza kuhusu dawa aliyokuwa akifanya na jinsi alivyopata ushauri wa kuhusu keki, na alichokiona sebleni.

“Mama, sasa nimeanza kuelewa kuwa ilikuwaje mkajikuta mnarudishwa kwa mganga wakati mlifika hapa nyumbani. Yani ile keki niliona kabisa nimeibwaga chini ila mara gafla naiona tena kwenye sahani, hapa naelewa kabisa kuwa inawezekana leo sio siku yako ya kuzaliwa ila hizi tarehe zimechanganywa changanywa ndani kwetu. Hivi mama hakuna kingine cha kufanya kweli kudhibiti hili maana naona mbona kama hao waganga wako wanashindwa”

“Hapana mwanangu, basi leo tulale wote tufanye vitu wenyewe tuone inakuwaje kuwaje”

“Mmmh mama sijawahi kufikiria kama kuna kiumbe kitakuja kunisumbua sumbua mimi”

“Usijali mwanangu, cha kuhakikisha ni kuwa kila mmoja akalale chumbani kwake halafu mimi na wewe tulale pamoja tushughulike na majanga ya humu ndani”

“Usijali juu ya hilo, yani wale wakimaliza tu kula najua kila mmoja ataena kulala chumbani kwake”

Basi Ana na mama yake wakakubaliana siku hiyo walale pamoja, kisha Ana akaenda chumbani kwake kujipanga kwaajili ya mashambulizi ya usiku huo.



Pale sebleni wale mapacha na Sara, walikula ile keki, walikula chakula na kunywa kwa furaha sana yani siku hiyo walikuwa kama watu waliolewa vile. Kisha walienda kukaa kwenye kochi na kuendelea na maongezi, ilikuwa ni mara ya kwanza kwa wao kufanya maongezi usiku huo sebleni maana muda kama huo kila mmoja kati yao huwa chumbani kwake anajiandaa na kulala ila siku hiyo walikuwa sebleni wakipiga stori, Salome nae alikuwepo sebleni ila alikuwa kimya kabisa kamavile hayupo.

Muda kidogo, wote pale sebleni walipitiwa na usingizi na wakalala pale pale kwenye makochi. Ana alikuja kuwaangalia kama washaondoka, alishangaa sana kuwaona bado wapo sebleni na ubaya wamelala kabisa, Ana aliwashangaa na kumsogelea Sara kisha kuanza kumtikisa,

“Sara, Sara”

“Niache bhana nina usingizi”

“Inuka ukalale ndani”

“Niache bhana”

Alienda kuwatingizha nao kaka zake walimjibu vile vile ila aliposogea ili amtingishe Salome alijikuta mkono wake ukishindwa kumshika Salome, kisha akainuka na kwenda kumwambia mama yake,

“Mwanangu hakuna namna hapo, ila Yule mganga nitaongea nae aje tu hivyo hivyo maana kila tunachokifanya hatuwezi”

“Sawa basi mama tusubiri usiku wa saa nane kasoro ndio mzuri ili na sisi tujaribu ya kwetu”

“Sawa mwanangu”

Walikazana kufanya mambo mengine huku wakisubiria usiku wa saa nane kasoro ufike, ila kila walipoangalia saa iliwaonyesha kuwa ni saa sita yani kila walipoangalia iliwaonyesha ni saa sita. Kuja kutahamaki walisikia jogoo akiwika na walipoangalia saa muda huo ilionyesha ni saa kumi na moja alfajiri,

“Mama tumepitiliza wapi?”

“Kivipi? Muda si bado haujafika”

Ana akamuonyesha saa mama yake, ambaye alishangaa pia kwahiyo siku hiyo wamefanya mkesha usiokuwa na faida yoyote ile. Ila mama yake akamuahidi Ana kuwa siku hiyo watahakikisha kila kitu kitafanikiwa,

“Asubuhi ya leo naenda kuongea na dereva tax amlete Yule mganga hapa kwa gharama zangu, najua akiletwa na mtu mwingine haitotokea zengwe kabisa. Atafika na mambo haya yatafika mwisho”

“Itakuwa vizuri mama, kwahiyo leo nisiende shule eeh!”

“Ndio usiende shule”

Rose alikubaliana pale na mwanae Ana jinsi atakavyofanya siku hiyo.



Kulipokucha kabisa, pale sebleni kila mmoja aliamka na kujinyoosha huku wakiwa na uchovu wa hali ya juu na kila mmoja kusema kuwa hatotoka kwa siku hiyo, watabaki tu nyumbani. Pacha mmoja alimwambia dada yake,

“Leo nitamwita na wifi yako aje umfahamu”

“Sawa ila mama asijue kama ni wifi”

“Mama atajulia wapi? Hakuna kumwambia, atajua siku ya ndoa”

Wakawa wanacheka pale, mama yao nae alitoka sebleni wakamsalimia akaitikia na kutaka kwenda nje. Ila Salome alimuuliza,

“Mama, unataka kwenda wapi?”

“Safari zangu hazikuhusu”

Rose akataka kufungua mlango, ila kabla hajafungua Salome alimwambia,

“Usihangaike, mgeni wako nimekuletea”

Kisha Salome ndio akaenda kufungua mlango na mara akaingia Yule mganga.





Wakawa wanacheka pale, mama yao nae alitoka sebleni wakamsalimia akaitikia na kutaka kwenda nje. Ila Salome alimuuliza,

“Mama, unataka kwenda wapi?”

“Safari zangu hazikuhusu”

Rose akataka kufungua mlango, ila kabla hajafungua Salome alimwambia,

“Usihangaike, mgeni wako nimekuletea”

Kisha Salome ndio akaenda kufungua mlango na mara akaingia Yule mganga. Kwakweli Rose alishangaa sana alijikuta akikaa chini kabisa kwani hakuelewa kabisa kinachoendelea na aliona kiini macho kikifanya kazi vilivyo, ila Salome akamwambia Rose,

“Sasa umeshtuka nini? Unakosa raha kwanini? Si nio ulikuwa ukimuhitaji huyu! Ulitaka hadi kwenda kutuma dereva wa kumfata, mimi nimekuletea eti unaishiwa nguvu kabisa”

Rose hakujibu chochote ila Yule mganga aliingia na kukaa pia, halafu akamuangalia Rose na kumsalimia,

“Habari za tangu jana”

Rose akajibu,

“Mbaya”

Salome aliwaambia watoto wengine wa Rose wamuache mama yao aongee na mgeni,

“Kwetu nilifundishwa kuwa mama anapopata mgeni natakiwa kuondoka na kumuacha mama anazungumza na mgeni, kwahiyo kitendo cha kukaa hapa wakati mama kapata mgeni sio picha nzuri”

Basi nao wakasikiliza ushauri wa Salome kisha kila mmoja kuinuka na kwenda zake chumbani ila Salome alienda kwenye sebule ambayo wale mapacha walipenda kuitumia kwa sana.

Rose alibaki sebleni na Yule mganga, kisha akamuangalia kwa makini kwani alihisi kama ni kiini macho, akamuuliza

“Hivi ni wewe au ni nini?”

“Ni mimi ndio”

“Umefikaje hapa?”

“Niliona yaliyokutokea usiku wa jana, kwahiyo leo mapema nikaanza safari ya kuja huku. Ni sababu tulishakuja mwanzo kwahiyo nilishika njia”

“Ulishika njia vile tumekuja na kurudishwa kimaajabu?”

“Ndio nilishika njia, kwahiyo huniamini kuwa ni mimi!”

“Nakuamini ila mambo yamenichanganya sana, unajua umekuja kiajabu ajabu mpaka nimeshangaa. Kwahiyo tutafanya dawa siku ya leo?”

“Ndio tutafanya dawa, ila kwanza ukanionyeshe kila kitu ambacho huwa unatumia kwenye mambo yako”

Rose akafikilia kidogo kisha akakubali kwenda kumuonyesha kwahiyo yeye na Yule mganga wakahamia ndani na baada ya muda walitoka na kuondoka kabisa pale nyumbani, na Rose alimuaga mwanae Ana tu kuhusu anapoenda na Yule mganga.



Baada ya muda watoto wa Rose walirudi sebleni na siku hii Salome aliwaandalia chakula cha kuwafurahisha sana, hadi wakawa wanamsifia haswa wale mapacha,

“Yani wewe Salome ni binti mdogo ila unajua kupika kila chakula jamani halafu unapika vizuri balaa”

Kisha Doto akamuangalia dada yake Sara na kumwambia,

“Dada na wewe ujifunze kupika jamani, kwa staili yako utaolewa kweli wewe!”

“Aliyekwambia anataka kuolewa nani, hebu nitoleeni balaa”

“Basi dada usichukie kiasi hiko jamani, leo wifi yako anakuja. Nishampigia simu kumuelekeza kwahiyo akafika tu nitaenda kumchukua nje na utamuona na hakika utamfurahia”

“Bora uongelee mada za hivyo sio kuniletea mada za upishi upishi kama sijui kupika ni mimi msinilazimishe”

Sara alionekana kuchukizwa kabisa na swala la kuambiwa kuwa atakosa mume sababu hajui kupika, na kujikuta akimkumbuka Ommy ambaye alijua wazi kuwa Sara hajui kupika ila alionyesha kumpenda hivyo hivyo, ila akakumbuka kuwa Ommy kafichwa na uchawi wa mama yake na kujikuta akikumbuka kuwa Ommy alimsaliti na mtu mwingine, kila alipokumbuka Ommy ni msaliti basi huruma yake kwa Ommy ilipotea muda huo huo.

Alikuwa kimya kwa muda hadi Salome akamshtua,

“Unawaza nini dada Sara?”

“Niache tu”

“Pole sana, mapenzi yanaumiza eeh! Ila bado, utaona yanavyoumiza zaidi”

“Kivipi Salome mbona sikuelewi”

“Utanielewa tu, mapenzi yanaumiza sana ila kuna jambo linaweza kutokea ukajihisi labda utapata unafuu wa moyo ila ukashangaa unafuu hupati zaiddi ya maumivu”

Wale mapacha nao wakaingilia hizo stori,

“Jamani achene hizo habari za kuumizwa na mapenzi, wengine hatutaki kusikia kabisa. Ziacheni bhana, kila mtu ashughulike na penzi lake”

Salome alitabasamu tu kisha akaenda tena kwenye ile sebule ambayo mapacha wa Rose huwa wanapenda kukaa.

Kwa upande wa Ana alikuwa chumbani kwake tu toka mama yake katoka na Yule mganga kwani yeye alijikuta akiwaza kuwa ni mtego tu mama yake kawekewa maana hakuwa na wazo kuwa Yule ni mganga waliyoendaga kabisa,

“Na kama ni yeye amewezaje kuja mapema hivi ukizingatia kule anakotoka ni ndani ndani sana? Nina mashaka”

Akajaribu nae kukaa akifanya fanya dawa zake huku akiwa amejifungia kabisa kwenye chumba chake, hakutaka kabisa kuongea na mtu yeyote kwa muda huo.



Wakiwa pale sebleni Sara na kaka zake, basi kaka yake akasema kuwa mchumba wake amefika kwahiyo akaenda kumpokea kwahiyo Sara na kaka yake mwingine wakabaki wenyewe wanamsubiri huyo wifi kwa Sara na shemeji kwa Kulwa. Ila Sara alimuuliza kaka yake,

“Vipi unamjua huyo mchumba wa Doto?”

“Hata simjui kabisa, Doto msiri sana hajawahi kunionyesha hata mara moja huyo msichana wake”

“Wewe je umeshawahi kumuonyesha wa kwako?”

“Hapana, mimi mwenyewe sijawahi kumuonyesha hata mara moja ila nimepanga siku nimtambulishe hapa nyumbani. Hata leo nilitamani aje pia ila kaniambia amepata udhuru”

“Sawa”

“Na wewe wako? Najua ni Ommy ila sijamuona siku zote hizi”

“Achana na huyo mtu, kwanza ananiumiza kichwa tu. Yani mapenzi yameniumiza kweli mimi, kumbe Ommy alikuwa ananisaliti, kunionyesha kote upendo kule kumbe amepata kasichana kengine ananisaliti nako. Siku niliyogundua niliumia sana”

“Kwahiyo Ommy yuko wapi?”

“Achana nae bhana, atajijua mwenyewe alipo”

“Mmh dada jamani, unajua mtu akikusaliti unatakiwa kuwa mpole kwanza, ujue ni kwanini amekusaliti sio kuweka hasira mbele”

Sara alianza kukohoa na kumuomba kaka yake huyu akamchukulie maji ya kunywa,

“Mmmh maneno yangu yamekufanya upaliwe, basi pole. Ngoja nikakuchukulie hayo maji”

Basi Kulwa akainuka na kwenda kumchukulia maji ya kunywa Sara, ila muda huu huu Doto nae alikuja na kuingia ndani kisha akamwambia dadake asimame kumkaribisha mgeni maana ameshafika,

“Mmmh kama tunamkaribisha raisi jamani! Kumbe utamu wa mtu”

“Acha maneno yako Sara bhana”

Basi akamkaribisha Yule msichana ndani, ila Sara alipoangusha macho yake kwa Yule msichana alishtuka sana kwani alikuwa ni Mishi, alijikuta akimuuliza kaka yake kwa umakini huku akifikicha fikicha macho,

“Kaka, mwanamke mwenyewe ndio huyo?”

“Ndio, kwani vipi mzuri eeh!”

Sara alifikicha tena macho yake, ila kabla hajasema chochote Kulwa nae alikuwa ametoka jikoni akiwa na glasi ya maji ila alipomuona shemeji yake huyo, alihamaki na kumuita kwa mshangao,

“Mishi!!!”

Mishi aliangalia kwa aibu sana, na hakuongea lolote zaidi ya kufungua mlango wan je na kuondoka kuelekea getini, alifika getini na kutoka ila alivyotoka tu alijishangaa akijikuta tena yupo pale pale sebleni halafu mara Salome nae alitoka kwenye ile sebule nyingine akicheka, na kuwakuta pale sebleni huku Mishi akiwa anashangaa shangaa, kisha Salome akasema,

“Sasa Mishi unashangaa shangaa nini? Unaona kama maajabu eeh! Wakati unatenda vitu vya namna hii hukujua kama ni maajabu ya namna hii yangetokea mbele yako? Unataka kukimbia uende wapi na ukimbie kwasababu ya nini? Kaa hapo ujieleze, ni kwanini umechanganya ndugu hawa”

Doto alikuwa na hamaki tu na kujikuta akimuuliza Kulwa,

“Kwani huyu msichana unamfahamu?”

“Nio huyu nilisemaga mchumba wangu mwenyewe, leo nilitaka anitembelee pia akasema ana kazi kumbe ananichanganya na pacha mwenzangu!”

Sara nae akadakia na kutoa dukuduku lake la moyoni,

“Yote tisa, kumi ni kuwa huyu dada ndio kidudu mtu aliyekuwa anatembea na Ommy hadi moyo umeniuma sababu yake”

Wote wakashangaa kuwa Mishi amewachanganya kiasi kile, Doto akajikuta akimwambia,

“Yani kukuhudumia kote kule Mishi bado ulikuwa unanichanganya na ndugu yangu!”

Mishi alikuwa kimya kabisa kwani aibu aliyoipata leo hakuitegemea kabisa, Salome nae akaongea,

“Yani sio kwamba wewe Doto ulikuwa ukimuhudumia peke yako, ni hivi huyu binti wote mmeshiriki kumuhudumia. Kulwa pia umemuhudumia sana huyu binti, halafu hata Sara umemuhudia sana maana hela zote ulizokuwa unampa Ommy alikuwa anapeleka kwa huyu binti. Haya sasa nirudi kwako wewe fundi wa kuumiza mioyo ya watu, hivi hukuwahi kuwaza kuwa mambo unayoyafanya ipo siku utaumbuka? Hivi ni bahati za watu wangapi umezifunika wewe mmoja? Yani wewe utembee na Kulwa, wewe utembee na Doto na wewe utembee na mwanaume wa dada yao, kwahiyo umechanganya familia vilivyo”

“Nisameheni sikujua kama ni ndugu”

MIshi alipiga magoti, na kumfanya Salome acheke sana na kusema,

“Kwahiyo kama si ndugu ni sawa kuwafanyia hivyo? Mwanzoni nilijua ni Ommy anakudanganya kumbe ni wewe unaewadanganya wenzio, hivi ungefanyiwa wewe hivi ungejisikiaje?”

“Nisamehe jamani, nisameheni”

Sara alikuwa na hasira sana na huyu Mishi, hata wale mapacha nao walikuwa na hasira nao vilivyo wakatamani wote wamvamie na wampige ila Salome aliwakataza na kwenda kumkinga Mishi ili wasimpige.

“Tafadhalini jamani msimpige wala msimuumize, mwacheni jamani nataka huyu atembee na laana yangu”

Doto alikuwa na hasira sana, ila Salome alimzuia kabisa kumpiga mishi yani alijikuta akiganda tu bila kumpiga. Salome alifungua mlango na kumruhusu Mishi aondoke ila akamwambia,

“Kumbuka utatembea na laana yangu siku zote, leo utafurahi sana kuwa umewachanganya ndugu lakini hujafanywa lolote ila utatembea na laana yangu siku zote. Laiti kama ningekuwa wewe nisingeondoka leo ila ningekesha nikiomba msamaha”

Mishi hakutaka kusikiliza sana kwani alitoka muda huo huo na hakutaka tena kubakia kwenye nyumba hiyo kwani alijiona kama anamkosi kwa siku hiyo.

Kwakweli si Sara wala wale mapacha waliofurahishwa na kitendo kile kwani kila mmoja alienda njia yake mule ndani akiwa na mawazo yake, haswa Doto alihisi kudhalilishwa sana na Yule mwanamke, kwahiyo sebleni alibaki Salome peke yake.



Mishi alitumia muda mrefu sana kufika kwao, hata akashangaa kuwa imekuwaje tena wakati ametoka kule muda mrefu. Wakati akitembea aliona usiku umeingia, mara alikatisha kwenye njia hiyo na kujiona yupo mwenyewe hadi akaogopa na kujiuliza,

“Hii njia leo vipi jamani? Imekuwaje yani sioni watu!”

Mara akashikwa bega, kugeuka ni chizi alikuwa amemshika bega, alishtuka sana na kuanza kukimbia ila Yule chizi alimzidi nguvu na kuanguka chini halafu akapiga kelele lakini hakuna mtu yeyote aliyeonekana kumsaidia hadi Yule chizi akambaka halafu akamwambia,

“Asante sana kwa penzi lako”

Yule chizi akaondoka zake na kumuacha Mishi akilia sana, muda kidogo walitokea vijana wawili ambapo Mishi alipowaona aliwaita na kuwaomba msaada kwahiyo wakamuinua Mishi pale chini huku wakimpa pole

“Pole sana dada, ila saizi saa saba usiku mtoto wa kike unatafuta nini njiani?”

Mishi alishangaa sana kuwa ni usiku wa saa saba wakati aliondoka mapema sana kwakina Doto,

“Jamani nisaidieni jamani, sikujua kama ni usiku sana saa hizi”

Wale vijana waliondoka na Mishi ila njiani nao wakamgeuka na kumbaka, kwakweli siku ya leo ilimfanya Mishi achanganyikiwe kabisa kwani walimbaka kwa nguvu hadi akazimia pale pale.



Rose alirudi nyumbani kwake usiku, na kwenda chumbani kwa Ana moja kwa moja ili ampe habari ya kitu alichofanya na Yule mganga. Ila cha kushangaza kabla hajamueleza chochote, Ana alianza kusema,

“Mama ila sina imani na Yule mganga uliyeondoka nae. Naogopa hata usiniambie ambacho umefanya na Yule mganga maana sina imani nae kabisa. Simuamini Yule mganga mama”

“Usiseme hivyo mwanangu, nimefanya nae vitu vingi sana”

“Ndio mama ila sina imani nae, kwanza ujio wake wa kiajabu ajabu sina imani nae kabisa”

“Mwanangu lakini kanirekebishia vitu vingi sana, utaona mabadiliko kuanzia kesho”

“Kabla ya hayo mabadiliko, naomba kesho asubuhi twende kwa huyo mganga tujue mbivu na mbichi mama manake sina imani kabisa hapa”

“Kwahiyo hutaki nikueleze chochote ambacho kimetendeka leo”

“Hata usinieleze na wala usiniambie ulipokuwa siku ya leo, sina furaha kabisa na sidhani kama ulipokuwa palikuwa ni pema”

Ikabidi Rose akubaliane na mwanae kuwa ataenda nae kesho yake kwa Yule mganga, ingawa yeye binafsi alikuwa ameridhika kwa huduma ambazo alifanyiwa siku hiyo na Yule mganga, kwahiyo akaenda chumbani kwake baada ya kumaliza maongezi na Ana.

Ila siku hiyo Ana hakuweza kulala kabisa kwani alikuwa na mauzauza yaliyopitiliza, hakuweza kufanya chochote na wala hakuweza kulala alitamani tu pakuche ili aende na mama yake kwa huyo mganga, alihisi kwa siku hiyo mamake badala ya kuyajenga yani ndio kayabomoa kabisa. Basi kulivyokucha tu ni yeye ndiye alienda kumuamsha mama yake ambaye alimkuta amelala hoi kabisa, yani siku hiyo Rose alilala hadi alijisahau basi mwanae alivyomkurupua ndio akaenda kujiandaa kisha wakatoka na mwanae na kuanza safari ya kwenda nyumbani kwa mganga.

Walivyofika walishangaa kuona watu wengi sana wamejaa kwa mganga Yule na walipoulizia kwa umakini zaidi, walipewa taarafa ya kuwashangaza sana,

“Eti kuna nini?”

“Kwani huna taarifa?”

“Taarifa gani?”

“Mganga amekufa”

“Kheee amekufa? Lini tena jamani wakati jana nilikuwa nae”

“Ulikuwa nae wapi na muda gani wakati kafa usiku wa kuamkia jana!”

Rose alimuangalia mwanae Ana akiwa anashangaa sana.





Walivyofika walishangaa kuona watu wengi sana wamejaa kwa mganga Yule na walipoulizia kwa umakini zaidi, walipewa taarafa ya kuwashangaza sana,

“Eti kuna nini?”

“Kwani huna taarifa?”

“Taarifa gani?”

“Mganga amekufa”

“Kheee amekufa? Lini tena jamani wakati jana nilikuwa nae”

“Ulikuwa nae wapi na muda gani wakati kafa usiku wa kuamkia jana!”

Rose alimuangalia mwanae Ana akiwa anashangaa sana. Alishindwa kujibu kuwa alikuwa nae muda gani na wapi kwani kila akikumbuka matukio ambayo kafanya na huyo mganga halafu anaambiwa kuwa amekufa alihisi kuchanganyikiwa kabisa, Yule mwanamke akamuuliza tena,

“Ulikuwa nae kivipi ndugu wakati amekufa jana alfajiri na amezikwa jioni”

“Kheeee na kuzika tayari?”

“Ndio, ila bado nakushangaa ulikuwa nae wapi”

“Ni juzi, nimechanganya siku. Yani kifo kimenichanganya hiko”

Ilibidi ajigeleshe lakini ukweli ni kuwa kifo cha huyu mganga kilimchanganya vilivyo ukizingatia na yaliyotokea baina yake na mganga huyo siku ya jana, kumbe mganga alikuwa ameshakufa na jioni aliyomuaga ndio alikuwa anazikwa kwakweli Rose alijihisi kudata kabisa. Akaamua asogee kwa mke wa mganga ili apate tetesi kuwa hata ilikuwaje maana bado alikuwa gizani. Alimkuta mke wa mganga akiwa kajiinamia kwa majonzi, na kumpa pole pale kisha kumuuliza kuwa imekuwaje,

“Eti imekuwaje tena maana ni gafla sana”

“Kweli ni gafla sana, kazi aliyokuwa anafanya mume wangu ni kazi ya hatari sana yani nilijua tu ipo siku nitamkosa kama leo jamani”

Huyu mama aliinama tena akilia, basi Rose akawa anambembelea huku akiendelea kumsikiliza kuwa ni kitu gani kilitokea,

“Mume wangu aliniambia amepata kazi ya hatari sana, nilimwambia aachane na kazi hiyo ya hatari ila hakunisikia alisema lazima ataifanya. Sasa juzi jioni aliniambia kuwa mteja wake huyo mwenye kazi ya hatari kamzuia asifanye sherehe yoyote maana akifanya hivyo atadhurika yeye kwani nyumba ya huyo mteja alianza kuizungushia dawa huku huku. Usiku wake akaniambia mteja amekiuka masharti kwani amefanya sherehe na kupiga vigelegele, yani alikuwa anaumia sana na kujishika tumbo huku akisema wanamuumiza kwa kupiga vigelegele, nilikuwa naogopa sana. Mara akasema wanamuua kwa kukata keki, sikuelewa kabisa ila gafla niliona kimya na nilianza kupiga makelele ya kuomba msaada. Ila walipokuja kumuangalia waliona ameshakufa”

Yule mwanamke akaangua tena kilio, basi Rose akawa anambembeleza huku akijlaumu moyoni kwani alijiona kuwa yeye ndio chanzo cha mambo yote hayo maana kama watoto wake wasingefanya ile sherehe basi yale yote yasingetokea. Ila hakusema hapo kuwa mteja mwenyewe mwenye majanga ndio yeye kwani aliogopa kusema na kuona kuwa atamuweka hasira huyu mama ukizingatia anaonekana alimuonya sana mume wake kuachana na kazi ya hatari kama yake.

Rose alimfariji fariji pale mfiwa kisha akaaga na kuondoka na mwanae ila siku hiyo hata nguvu ya kusubiri pikipiki hawakuipata waliamua kutembea tu mpaka kwenye gari yao, na kwavile walikuwa na mawazo basi hata hawakuona kama ni mbali kutoka kule kwa mganga hadi walipoacha gari. Waliingia kwenye gari huku akili ya Rose ikiwa haifanyi kazi kabisa,

“Lakini mama nilikwambia kuwa nina mashaka”

“Mwanangu usiongee sana, hapa nimechanganyikiwa kabisa yani kabisa kabisa, unajua nimezini na marehemu!”

“Kheeee umezini na marehemu?”

“Tuache hizo habari, twende nyumbani tu. Nishachanyikiwa hapa”

Rose alikuwa amechanganyikiwa kweli yani akili yake haikufanya kazi kabisa kwa muda huo, Ana alikuwa akimuhurumia tu mama ingawa alimuonya kabla ya yote. Rose alikuwa akiendesha gari kurudi nyumbani ila aligubikwa na mawazo mengi sana.



Kwa upande wa Mishi, alishtuka akiwa nyumbani kwao wanampepea na aliposhtuka wote walimpa pole akauliza,

“Nimefikaje hapa?”

“Umeokotwa tu mwanangu na wasamalia wema ndio umeletwa muda sio mrefu, hivi ndio tulikuwa tunakupa huduma ya kwanza halafu tukuwaishe hospitali.”

Mishi alijitahidi kuinuka na kumwambia mamake asiangaike na swala la hospitali, ingawa alikuwa na maumivu makali sana ila alijua ni maumivu ya kubakwa kwani tukio zima la usiku wake lilimjia kichwani mwake. Alijitahidi kwenda kuoga na kwenda kupumzika chumbani kwake ila mama yake alionekana kumuhurumia sana binti yake, ila Mishi alijiinamia tu chumbani kwake huku akikumbuka maneno ya Salome kuwa bora angekesha siku nzima pale akiomba msamaha kuliko kuondoka,

“Kwani msichana anayechanganya wanaume nip eke yangu jamani! Kwanini kunipa laana ya hivi! Kwahiyo nimebakwa ndio furaha yao? Yani kama nimepata ukimwi nahakikisha nausambaza kwao, haiwezekani nikafanyiwa hivi. Kwanza Yule ni mtu wa aina gani wa kutoa laana kwangu? Ila dah nimekoma jana, sijui kama nitarudia. Najipa moyo tu”

Aliwaza sana, hakutaka waende hospitali wala hakutaka kuwaeleza nyumbani kwao kilichompata, kwanza alishukuru Mungu kuzinduka kabla ya kupelekwa hospitali kwani kwa yeye ni aibu kubwa mno kusema kuwa alibakwa. Alitulia kidogo na kumuaga mama yake kuwa anaenda duka la madawa,

“Kwanini usimuagize mtu mwanangu Mishi?”

“Mama, mimi ni mzima, acha tu niende mwenyewe”

Hakutaka kuagiza mtu kwani bado alihisi huenda mtu ambaye angemuagiza angejua tatizo lake, alifika duka la madawa na kununua dawa azitakazo ila wakati anarudi kwao, njiani akakutana na Salome na kumfanya ashtuke sana,

“Mbona unashtuka hivyo Mishi? Umeona mzuka, mzimu au kitu gani?”

“Aaaah hapana kitu”

“Hukutegemea kuniona hapa eeeh!”

Mishi alikuwa kimya tu kwani alianza kumuona Salome kama kidudu mtu kutokana na ile laana aliyompa jana yake,

“Mishi, nimekuja kukupa ujumbe mmoja tu. Acha tabia yako hiyo, kama unahitaji mwanaume basi upate mwanaume akuoe na uwe mke wa mtu na utulie kwenye ndoa yako sio kutwa kucha kiguu na njia. Unawazibia wenzio liziki zao, wadada wenzio wapo wengi tu wakitaka wachumba halafu wewe bila aibu una miliki wote. Aibu umeipata kwa wachache tu wale, ila ukiendelea ipo siku nitakukutanisha na wanaume wote unaowachanganya, tulia upate mume”

Mishi alimuangalia Salome kisha alijiuliza kimoyo moyo kuwa huyu binti mdogo hivi anajiamini nini mpaka kusema yale ila hakujua Salome anajiamini nini, hakumjibu kitu na kuanza kuondoka ila Salome akamwambia,

“Ningekuwa ni wewe ningeuliza kuwa baada ya kubakwa kitanipata nini ili nikijua nianze kuchukua hatua ila kwavile wewe ni kiburi na mjuaji basi utakula jeuri yako”

Salome akaondoka na kumfanya Mishi ajiulize sana, na moja kwa moja akahisi labda ni ukimwi.

“Itabidi nikapime ukimwi, jamani katokea wapi binti Yule? Hata sijui kanijulia wapi”

Mishi alirudi kwao ila akiwa na wazo la kwenda kupima ukimwi tu.



Rose na mwanae Ana walifika nyumbani, kiukweli Rose alikuwa na mawazo sana.

Walipoingia sebleni tu walimkuta Salome akiwa peke yake pale sebleni, na Walipoingia tu aliwapa pole ya msiba, Rose alimwangalia na kujiuliza kuwa amejuaje, ikabidi amuulize,

"Pole ya msiba wa nani?"

"Si wa mganga wako"

"Halafu wewe Salome, nakuangalia tu muda mrefu. Siku zote nakuangalia tu, na utahama humu ndani mwangu"

Kisha Rose akaondoka na Kwenda zake chumbani ila Salome alikuwa akicheka tu kiasi kwamba alimfanya Ana amuangalie kwa hasira sana, ila Salome alimuangalia pia Ana na kumwambia,

"Na bado, mpaka mtaacha"

Ana aliondoka na kuelekea chumbani kwake pia ila alijiuliza sana kuwa huyu Salome anajiamini kitu gani mpaka awe anacheka kwa dharau vile, kumbe mama yake nae alikuwa alijiuliza swala hilo hilo maana Ana aligundua baada ya kwenda kwa mama yake ili wakajadili vizuri na kumkuta mama yake akiongea,

"Hivi huyu Salome anajiamini nini?"

Ana aliingia na kumwambia mama yake kuwa hata yeye kitu hiko kinampa sana mawazo, na kumuuliza mama yake,

"Tutamuweza kweli!"

"Kwanini tusiweze wakati ni binadamu wa kawaida tu yule"

"Kwahiyo tutafanyaje mama?"

"itabidi tutumie nguvu, yani yule Salome tumtoe kwa nguvu maana bila hivyo atatushinda"

"Sawa mama, ila je umeshajua kinachowamaliza waganga tunaowatafuta! Sio huyu huyu Salome kweli!"

"Atatoa wapi nguvu za kufanya vitu vikubwa hivyo?"

"Mama, hebu jaribu kufikiria kwanza. Unakumbuka jana asubuhi yule mganga alifika hapa kabla hujaenda kumfata halafu Salome akakuambia kuwa ni yeye ndio amemleta mganga yule, ukawa huru na kumuonyesha kila kitu, tumeenda kwake na kugundua alikufa juzi kwahiyo yule wa jana labda alikuwa mzimu au uliletewa marehemu bila kujijua"

"Ana tafadhali mwanangu usiendelee kuongea, unanikumbusha machungu. Unajua yule mganga nimefanya nae vitu vingi sana, hadi nimeenda kumuonyesha ile nyumba yangu ya juu ambayo haikaliwi na mtu. Samahani kwa kukwambia haya mwanangu ila yule mganga nimezini nae"

"Yani mama kwa swala hilo tambua kwamba umezini na marehemu, kuanzia leo hata sitaki tena mazoea na yule Salome, na amesema na bado mpaka tuache. Mama bado nina maswali mengi sana, Salome si mtu wa kawaida. Nitaendelea na dawa zangu mwenyewe nikishindwa basi ila kwa waganga wako siendi tena. Inaonyesha nao hawamuwezi"

"Hutakiwi kukata tamaa mapema hivyo mwanangu, ngoja tutumie nguvu kwanza halafu kuna mganga wangu mwingine ndio kiboko kabisa"

"Mama, siku ile yenyewe tulijaribu mikono ikaganda. Kwakweli sitaki tena"

"Mwanangu naomba tujaribu mara ya mwisho tafadhali na sitokusumbua tena tikishindwa kwasasa"

Rose alitumia muda wa ziada kumshawishi mwanae mpaka akakubali mipango ya mama yake.



Wale mapacha pamoja na dada yao Sara hawakuwa na raha kabisa yani hata siku ile hawakutoka nyumbani kabisa, walikaa ndani tu kwahiyo hata muda ambao mama yao amerudi hawakumsikia sababu walikuwa na mawazo sana. Walikaa wote kwenye sebule ile nyingine huku wakijaribu kujadiliana.

“Jamani mimi sijapendezewa kabisa na Yule Mishi kuondoka bila kumpiga kidogo”

“Nyie ni wanaume ila wote mmemuogopa Salome alivyo mkingia kifua Yule Mishi, yani msichana simpendi Yule loh alifanya nione mapenzi machungu na nilie siku nzima ila ni Salome huyo huyo aliyenizuia kumpiga”

“Ila hatuwezi jua jamani, labda tujipange namna ya kumshambulia Yule binti ila nitawaachia nyie, sina hamu nae mimi yani ananiambia kuna mahali anaenda kumbe analetwa kwetu kutambulishwa na ndugu yangu! Sina hamu nae Yule msichana kabisa”

“Jamani nyie achene tu, nishapoteza hela zangu nyingi sana kwa Yule msichana na lazima nitamkomesha siwezi kukubali”

Doto alionekana kuwa na hasira zaidi na Mishi sababu amejiona kama mjinga na alipata aibu jana ukizingatia ni yeye aliwaambia wenzie kuwa mchumba wake anakuja kumbe mchumba mwenyewe anajulikana na wote maana kashawaharibia mahusiano yao wote, Doto alikuwa na mpango kabambe kwa Mishi na hakutaka kushirikisha wenzie kwani hakutaka kuzuiwa kufanya anavyotaka yeye, kwahiyo walivyoongea ongea pale akawaaga wenzie kuwa anatoka kidogo nao hawakutaka kumuhoji zaidi.

Doto aliondoka zake na safari yake ilikuwa ya kwenda kwakina Mishi, ambapo alifika na kuambiwa kuwa Mishi kalala ila aliomba kuongea nae, Mishi bila ya kujua kuwa ni nani alitoka ila alipomuona kuwa ni Doto akatamani kurudi ndani ila kwavile hakutaka kupata aibu pale kwao kuwa amegonganisha ndugu ikabidi atoke nae, aliposogea nae tu Doto hakuweza kuzungumza na Mishi kwanza kwani alijikuta akinyanyua mkono wake na kutaka kumzaba kofi ila cha kushangaza kabla ule mkono haujaangukia kwenye shavu la Mishi, Doto alijikuta yupo sebleni kwao halafu Salome akiwa mbele yake. Doto alishangaa sana, akajikuta akiuliza

“Imekuwaje?”

“Imekuwa hivyo hivyo ilivyokuwa, si nishawakataza kumpiga Mishi nyie! Kwanza na nyie mmeyataka wenyewe, wewe unakuwaje na mwanamke halafu pacha mwenzio humuonyeshi? Mnataka nini kama sio kutembeleana? NImesema Yule msichana asipigwe ila atapigwa na laana yangu, na nina maana kubwa sana kufanya hivi”

Doto alimuangalia Salome kwa hasira sana kwani alionekana ni msichana mdogo ila aliyekuwa na amri zaidi, ila bado alikuwa hajielewi elewi hata alivyorudishwa nyumbani na kumuuliza swali Salome bado hakuelewa kabisa, akataka kutoka tena nje ila kabla hajatoka akamuona mama yake akiwa na Ana wakija kwa kasi sana na wameshika sufuria la maji ya moto na kummwagia Salome, ila muda huo huo alishangaa kuona kuwa yale maji kumbe alikuwa anamwagiwa yeye na sio Salome, alijikuta akipiga kelele za maumivu.







ITAENDELEA