NINI MAANA YA MAPENZI - 3 ~ SIMULIZI ZA KUSISIMUA

hivyo! Sikujua, kumbe hata bima ya afya kafanya mpango yeye, aaah sina pingamizi tena mwanangu, acha tu Angel aitwe Angel Erick”

Erica akacheka sana maana mama yake kuna muda anakuwa kigeugeu sana, ila mama yake akasema tena,

“Ila nitachunguza maana bado hainiingii akilini yani mwanaume amthamini hivyo mtoto ambaye si wake mmmh! Nahisi kama kuna kitu nyuma ya pazia, nitachunguza, nitakuwa nakuuliza maswali kila mara maana nataka kujua ukweli”

Erica alimuitikia tu mama yake maana alijua hata akichunguza bado atapata ukweli kuwa Erick na Erica wanapendana.

Usiku alijiandaa kwaajili ya kulala ila akapigiwa simu na Erick akimsalimia na kumuuliza kuhusu kazini alipoenda amepaonaje kwa siku ile ya kwanza,

“Aaaah ni pazuri tu”

“Kama ni sehemu itakayokuboa niambie Erica, unajua mwanzo sikufikiria kama unauhitaji wa kazi, ila kwavile ushapata sio mbaya, sema kama ni sehemu inayoboa niambie ili nikuunganishie sehemu nyingine”

“Sawa, ila pako sawa kabisa na nimepapenda. Mazingira mazuri, pametulia na panavutia”

Basi wakaongea mengi mengi hadi muda wakaagana na kulala, kwakweli moyo wa Erica ulikuwa umepumzika kwa kipindi hiko maana hakukuwa na kitu cha kuumiza akili yake tena kama mwanzo, ukizingatia kama kazi kapata, na yupo mpenzi anayemjali na kumsikiliza kwahiyo alikuwa na furaha sana.

Kesho yake kama kawaida alijiandaa na kwenda kazini ila napo hakumkuta Yule wa kumuelekeza, na siku hiyo Yule mama alimruhusu mapema zaidi na kumuhakikishia kuwa Yule wa kumuelekeza atafika kesho.

“Unajua nini, lazima Yule awepo maana ndio anajua mlolongo mzima hapa. Hata wiki iliyopita nilikwambia wiki hii ni sababu yake, ila jana nilipompigia alisema kuwa kesho kutwa yani kesho ndio atakuwa hapa ofisini, ni kijana mzuri tu, mstaarabu na utafanya nae kazi vizuri”

“Asante mama”

Kisha aliruhusiwa kuondoka, wakati yupo stendi akisubiri daladala ndipo akakutana tena na Yule jirani wa Bahati ambaye alimuita na kumwambia,

“Tena afadhali nimekuona Erica, twende”

“Wapi?”

“Twende mara moja, kuna mahali nilionyeshwa twende”

Kwakweli Erica alimshangaa huyu dada kuweka mazoea ya karibu hivyo na yeye ila hakupenda kumfanyia dharau kwa kukumbuka kuwa watu wote ni sawa, na usipende kumdharau mtu maana hujui anataka kusema nini.

Akaondoka na huyo dada, kuelekea sehemu anayomwambia waende, kufika mbele walipanda bajaji na kufanya kidogo Erica awe na mashaka na kuhisi pengine huyu dada anampeleka nyumbani kwa Bahati,

“Ila dada si nilishakwambia, mambo ya Bahati sitaki tena”

“Ni kweli hutaki mambo ya Bahati Erica, ila Bahati ile sio akili yake halafu kuna kitu kingine nimeambiwa juu yako ndiomana nimeamua kufanya hivi”

“Kitu gani?”

“Erica, nimeambiwa kuwa wewe kuna kitu umepakwa, tunaita kimavi yani hapo utatanga tanga, utahangaika hangaika ila hutokuja uolewe kamwe. Yani aliyechafua kuhusu Bahati alimalizia tu kuchafua kuhusu wewe, hebu jiulize binti mzuri kama wewe una kasoro gani ya kutokuolewa? Kwanini usiolewe, sikujui Erica ila nilichoambiwa kuhusu wewe kimeniuma kama mzazi pia, utakuwa unajiona huna bahati, mikosi imekuandama kumbe wamekuchafua.”

“Ila mimi nina mchumba wangu”

“Sikatai unae ila unaweza shangaa huyo mchumba anawiwa vigumu sana kutaka kukuoa wewe maana kuna vitu umefungiwa”

“Kwahiyo unataka kunipeleka wapi?”

“Kwa mtaalamu Erica”

Erica alimwambia Yule dereva wa bajaji asimamishe, kisha Yule dereva akasimama halafu Erica akamuuliza,

“Unatudia pesa ngapi?”

“Ya pale hadi hapa?”

“Ndio”

“Elfu mbili”

Erica akatoa elfu mbili na kumpa Yule dereva, kisha akatoa elfu tano na kumpa Yule dada kisha akamwambia,

“Nashukuru kwa kunihurumia, kwaheri”

Erica akaondoka zake, akavuka barabara na kupanda daladala.

Alifika kwao ila hakutaka kufikiria kabisa kuhusu swala la kuambiwa yeye sijui kapakwa kimavi sijui nini na nini hakutaka kabisa kujua maswala hayo hata hakuona kama ni ya msingi kumueleza mama yake, aliingia ndani na kumsalimia na moja kwa moja kwenda chumbani kwake.

Ila mama yake alimuita na kumueleza yaliyojiri kuhusu shemeji yake,

“Basi nasikia shemeji yako hadi leo hajakanyaga nyumbani kwake, ndio mapya hayo”

“Kheee makubwa, vipi kazini kwake mmeulizia?”

“Bite kasema kauliza kaambiwa kazini ameenda, jana, leo ila nyumbani hajaenda”

“Huyo anatafuta sababu tu, ila atarudi kwake mwenyewe”

Kisha Erica akainuka na kurudi tena chumbani kwake maana tayari alikuwa na mawazo yake ya kumtosha tu.

Mpaka muda analala alikuwa hataki kuweka mawazo ya Yule dada kwenye akili yake ila maneno ya Yule dada yalikuwa yakisikika tu kwenye kichwa chake hadi alipopitiwa na usingizi.

Kesho yake kama kawaida alijiandaa na kwenda kazini, alifika na kwenda kwa Yule mama ambapo Yule mama alimwambia,

“Leo Yule ambaye utafanya nae kazi pamoja amefika, ngoja nimuite nikutambulishe akufahamu”

Kisha Yule mama alipiga simu na kusema neno moja tu,

“Njoo ofisini kwangu”

Baada ya muda kidogo muhusika alifika, Yule mama akamwambia

“Karibu ukae nikutambulishe”

Erica akamuangalia huyu aliyeingia ofisini kwa huyu mama alikuwa ni George Yule aliyewahi kuwa mpenzi wake chuoni, hadi akawa na visasi nae.

Kisha Yule mama alipiga simu na kusema neno moja tu,

“Njoo ofisini kwangu”

Baada ya muda kidogo muhusika alifika, Yule mama akamwambia

“Karibu ukae nikutambulishe”

Erica akamuangalia huyu aliyeingia ofisini kwa huyu mama alikuwa ni George Yule aliyewahi kuwa mpenzi wake chuoni, hadi akawa na visasi nae.

George alionekana kumuangalia Erica, nae alimuangalia George huku moyoni akiwaza kuwa kwanini wa kufanya nae kazi awe George na si mwingine, basi Yule mama akaendelea kumtambulisha,

“Erica, huyu anaitwa George ndio kijana mtakayekuwa mkisaidiana nae na atakuelekeza kazi za kufanya. George, huyu anaitwa Erica, ndio Yule msaidizi tuliyekuwa tunamuhitaji”

George alimpa mkono Erica wa kumkaribisha, naye Erica alimpa mkono pia, hawakutaka kuonyesha tofauti zao mbele ya bosi wao.

Kisha George akamkaribisha Erica kuwa amfuate eneo la kazi, Erica aliinuka na kufatana nae.

Walipofika kwenye ofisi ambayo wapo wenyewe wawili tu, George akaanza kumuelekeza Erica kazi ambapo kabla ya yote alimuhoji,

“Erica, umemuhonga nini huyu mama hadi kakupa kazi?”

“Kwani hapa kazi watu hupata kwa kuhonga? Na wewe ulihonga nini?”

“Umeanza kuwa na majibu ya shombo hivyo loh! Kumbuka ni mimi ndio wa kukuelekeza kazi hapa, na vilevile mimi nipo juu yako, sasa kuniletea majibu ya shombo hivyo nitaenda kukushtaki?”

“Sikia George, sijaja kufanya kazi nilumbane na mtu, wewe utaniulizaje mimi kuwa nimehonga nini? Kuna cha kuhonga nilichokuwa nacho? Sikia, hayo maswali kamuulize bosi maana ni yeye aliyeniajiri hapa”

“Mmmh sawa, ila ngoja nikwambie. Bosi alisema anatakiwa mtu wa kunisaidia kazi, na tukatangaza kazi na kuchukua watu ishirini kwaajili ya usahili, nilisimamia mwenyewe ule usahili na sikukuona kabisa ila iweje wale wote wamepigwa chini uwekwe wewe! Hainiingii akilini kabisa”

“George, nishakwambia nenda kamuulize muhusika sio mimi”

“Umekuwa na majibu Erica eeh!”

“Tufanye kazi George, maswali ya kijinga jinga hapana kwakweli”

George akamuangalia Erica na kuanza tu kumuelekeza kazi ilimradi siku iende, maana ingekuwa ni ofisi yake kwa majibu yale ya Erica basi angemsimamisha kazi kwa hasira zake maana huwa anapenda anyenyekewe.

Muda wa kazi ulivyoisha, Erica aliondoka zake na kurudi kwao. Leo hakukutana na Yule dada stendi kwahiyo alishukuru tu kwavile hakuonana nae, alipanda daladala na kwenda kwao.

Alifika kwao ila kitendo cha kufanya kazi ofisi moja na mtu aliyewahi kumfanyia vitu vya ajabu maishani mwake alichukia sana, hakupenda kwakweli. Siku hiyo hata mama yake alimuona kama mwanae hakuwa na raha, akamshangaa maana hata jana yake alirudi bila raha. Baada ya salamu akamuuliza,

“Erica unajua tangu jana sijakuelewa kabisa, jana umekuja bila raha na leo tena umerudi bila raha tatizo ni nini na kazi ndio umeanza?”

“Hakuna tatizo mama”

“Lipo, mimi naliona, Erica hata kama unahisi tatizo hilo ni la kijinga niambie mama yake na nitakusaidia kwa vitu vingi tu, kwa ushauri au kwa lolote, niambie mwanangu hata kama unahisi ni la kijinga”

“Sijui nianzie wapi mama”

“Anzia popote tu ila niambie”

“Ila usinifikirie vibaya mama yangu”

“Erica niambie tu tatizo ni nini, mimi ni mama yako lazima tatizo lako liwe kwangu pia, nisipokusaidia mimi atakusaidia nani tena?”

“Mama, kuna mwanamke nilikutana nae jana akasema kuwa mimi nimepakwa kimavi ndiomana siolewi, eti naweza kuona muda bado ila nitatanga tanga ila sitaolewa kamwe maana nimepakwa kimavi”

“Kumbe ndio jambo linalokupa mawazo hilo mwanangu!”

“Ndio mama ila niliona sio la muhimu ndiomana sikukwambia”

“Sikia, lisingekuwa la muhimu basi lisingesumbua akili yako, halafu waswahili husema lisemwalo lipo na kama halipo linakuja, unajua mambo kama hayo sio ya kuyafumbia macho! Tena nashukuru mwanangu kwa kuniambia maana nitaanza kuombea jambo hilo na kuwaomba watumishi wa Mungu wanisaidie, sikia usipuuze mambo ya muhimu kama hayo ukiambiwa ila unatakiwa uchukue tahadhari mapema sana, hicho kitu sio cha kukikalia kimya, halafu miaka iende ndio tushtuke kuwa kuna tu analisema hivi, kwanini hatukufanyia kazi tulivyoambiwa? Wakati ni huu na wakati ni sasa”

“Ila mama kwani ni muhimu sana mtu aolewe”

“Wewe mtoto usiniletee laana hizo, kuolewa ni muhimu hata maandiko yamesema utawaacha wazazi wako utaambatana na mwenzako na mtakuwa mwili mmoja, mambo ya kusema sijui kwani lazima kuolewa sitaki kuyasikia kabisa, Mungu aliumba mwanaume na mwanamke kwa makusudi kabisa, kungekuwa hakuna umuhimu wa kuoana basi Mungu asingeumba mwanamke maana mwanaume angetosha ila alisema si vizuri mtu huyu awe peke yake, kwahiyo mashetani ya kuniambia sio lazima kuolewa sitaki kuyasikia kabisa. Sema tumuombe Mungu uolewe na mtu anayefaa ila sio swala la kuniambia kwani kuolewa ni lazima, tena nyamaza kabisa”

“Sawa mama nimekuelewa”

“Ila nashukuru kwa kunihabarisha kuhusu hayo uliyoambiwa maana ni ya muhimu sana kwangu, sisi ni wanadamu huwezi jua ni kitu gani kimefunga huko, huyo mtu namshukuru”

“Ila alisema niende nae kwa mtaalamu kutibiwa”

“Sitaki kusikia na huo ujinga, toka nimekuzaa lini nimekupeleka kwa mtaalamu wewe? Lini? Sitaki hayo mauza uza kabisa, nichanganye maji na mafuta ya nini? Kwani Mungu hasikii? Tumuombe Mungu tu atatusikia ila maswala ya waganga siyataki kwenye nyumba yangu”

“Sawa mama”

Erica alimuitikia mama yake na kwenda chumbani kwake ambapo alifanya shughuli zake zingine, alienda kula na kujiandaa kulala, alipotaka kujilaza tu mwanae aliamka maana alimkuta kalala.

Basi Erica alianza kujigelesha kwa kila hali huku akimbembeleza mtoto ili alale tena nay eye aweze kulala ila mtoto hakulala, hadi saa sita usiku mtoto alikuwa macho, kila Erica alipojaribu kulala mwanae alimfanyia fujo hadi hakuweza kulala, Erica alijitahidi kumbembeleza ila mtoto hakulala, ikabidi aanze kumuuliza kwa taratibu,

“Kwani mwanangu unataka nini leo jamani? Unajua sio kawaida, kweli hadi muda huu hujalala jamani? Unataka nini, eti Angel unataka nini mwanangu?”

Mwanae alimjibu kitu ambacho kilimshangaza sana kwa muda huo,

“Ataka ongea ababa”

“Kheee makubwa, Erick kashaniharibia mtoto”

Ikabidi achukue simu yake ili ampigie Erick, ila simu haikuwa na salio, uwiii Erica aliona sasa atakesha na huyu mtoto, akainuka ili amuombe mama yake simu ampigie Erick.

Akamgongea mama yake na kumuomba simu,

“Erica, simu yangu usiku huu unataka ya nini?”

“Nina shida nayo mama, naomba tafadhali”

“Kuna kivocha change, ukikimaliza kesho ujue kununua”

“Sawa mama”

Erica akachukua simu kwa mama yake na kurudi chumbani, kisha akampigia Erica ambapo kwa muda mfupi tu alipokea,

“Naomba nipigie Erick, mimi Erica”

Kisha akakata simu na baada ya muda kidogo tu Erick alipiga na kusalimiana na Erica,

“Unajua kabisa kitu ulichomzoesha mwanangu jamani Erick halafu humpigii simu!”

“Erica useme mwanao tu, sema mwanetu, huyo ni mtoto wetu sote. Kashalala?”

Muda huo Erica alishang’anywa simu na mtoto wake, kwakweli alicheka tu maana mtoto anavyoonyesha kupenda kuongea na Erick ni balaa.

Baada ya kuongea nae ndio alimpa simu mama yake kisha akasogea akajilaza tena kitandani, Erica akamuuliza Erick,

“Unampaga maneno gani mwanangu wewe hadi leo anigomee hadi aongee na wewe?”

“Usiseme mwanao sema mwanetu, nahitaji anizoee maana mimi ndio baba yake, vipi namba uliyonipigia mwanzo ya nani”

“Ya mama ile”

“Kwahiyo niitunze eeeh!”

“Ifute weee”

“Naitunza, maana siku nisipokupata tu basi nampigia mama”

“Yani wewe loh! Tutaongea kesho basi, saivi ngoja nilale”

Basi wakaagana pale na Erica akalala sasa maana hata mtoto wake alilala.

Kulipokucha alijiandaa na kwenda ofisini, alifika na kukuta George kashafika alimsalimia na kuanza zile kazi alizomuelekeza jana, ila George akaanza kusema,

“Unachukua muda mwingi sana kujiremba hadi unachelewa ofisini”

Erica hakumjibu na kuendelea na zile kazi,

“Ila unapendeza sana, umekuwa mrembo Erica hadi natamani tena kuwa na wewe”

Bado Erica hakumjibu na kuendelea na kazi, na alipomaliza alimuomba amuelekeze zaidi ili aendelee kufanya kazi,

“Sasa kazi itafanyika vipi kama tunafanya kibubu?”

“Kibubu kivipi?”

“Nakuuliza kitu hunijibu ila ukiwa na shida wewe tu ndio unaniuliza”

“Sikia George, tuulizane mambo ya kazi uone kama sitokujibu. Unaniuliza mambo binafsi kwenye kazi kweli! Nakujibu vipi”

“Kukwambia umependeza ni vibaya? Usinifanyie hivyo Erica, unajua nimekuwa na maisha yangu sasa, na ninaishi mwenyewe nahitaji mwenzangu”

Erica hakumjibu kitu, na kuendelea na kazi hadi muda wa kuondoka ulipofika, alichofanya Erica ni kumuaga tu kuwa wataonana kesho,

“Hapana Erica, subiri nikupeleke kwenu unajua nina usafiri siku hizi eeh!”

“Asante kwa lifti ila napenda zaidi kupanda daladala”

“Erica umekuwaje kwani? Hunitaki tena?”

“Unajua usinichekeshe George, tangu lini nimekutaka? Naomba tufanye kazi”

Erica akaondoka zake na kuelekea stendi, kwakweli George alishangazwa sana na majibu ya Erica, alihisi kuna kitu Erica anajivunia nacho maana hakuona kama ni kawaida kwa Erica kuwa na majibu ya aina ile.

Erica alisimama stendi ili kupanda daladala, ila kabla hajapanda akavutwa na Yule dada, ila kiukweli Erica hakupenda namna ambavyo Yule mdada alimvuta maana ndio alitaka kupanda kwenye gari.

Erica alimuuliza Yule mdada,

“Lipi jipya leo?”

“Erica, usione nakufatilia, napenda maisha yako. Nilienda mwenyewe nikaambiwa kuna mtu unamfahamu utakutana nae, na huyo atahusika sana kuzidi kuvuruga maisha yako ila ninachokwambia kuwa makini, sikulazimishi tena kwenda kwa mtaalamu ila kuwa makini kwa yeyote unayekutana nae. Ni kweli Bahati karogwa yani hasikii wala nini ila dawa zitakapoisha atateseka sana kwani Yule mtaalamu kaniambia kuwa Bahati anakupenda wewe. Erica natamani kukusaidia ila sijui wewe unanifikiriaje, ni hayo tu kwaheri”

Huyu dada aliondoka ni kwavile alijiona tu akitiririka kuelezea wakati hata Erica hakuwa na muda wa kumjibu, kisha Erica alipanda basin a kurudi kwao.

Alipofika kama kawaida alimsalimia mama yake ambapo mama yake alikaa nae na kuanza kuzungumza nae,

“Unajua Erica maneno ya huyo mtu kama yanaanza kuniingia akilini ila najua Mungu ni mwaminifu atatusaidia tu. Sijui ni wapi walikupaka huo ujinga mwanangu ila najua Mungu ni mwema”

Erica alimuitikia tu mama yake na kuingia ndani, leo alipigiwa simu na Erick muda ule ule na alianza kumuuliza kuhusu kazini ila Angel alikuja na kupokonya simu ambapo akaongea kidogo na Erick na alipolizika alirudisha simu kwa mama yake,

“Yani huyu mtoto jamani”

“Muache mtoto Erica, kwani si vibaya kuchukua simu na kuongea na baba yake. Kuna mzigo mpya natuma dukani kwahiyo Jumamosi umpeleke mtoto akajaribishe”

“Sawa hakuna shida”

“Halafu, vipi kazini kwako kupo salama?”

“Ndio kupo salama”

“Umepapenda?”

“Mapema sana Erick kuniuliza hivyo, kumbuka ni wiki ya kwanza hii”

“Sawa ila bado nasisitiza kama unapaona hapako sawa basi acha, mimi nitakutafutia pengine”

“Sawa, nimekuelewa Erick”

Basi akaagana nae na kumalizia mambo yake mengine na kulala tu.

Kulipokucha alijiandaa na kwenda kazini kama kawaida, siku hiyo aliwahi kushinda George na kuanza kazi zake, muda kidogo George nae alifika na kuendelea na kazi za hapa na pale. Kisha Erica aliitwa ofisini na Yule mama na kuamua kwenda, alipofika alimsalimia kisha Yule mama alimuuliza,

“Unaionaje kazi Erica?”

“Ni nzuri tu mama”

“Ila jitahidi uongeze ubunifu katika kazi, umefikia. Jaribu kuangalia kwa makini anavyofanya George nawe ufanye, najua ni mara yako ya kwanza kufanya kazi hii ndiomana inakuwa sio kwenye ubora ule ninaotaka mimi. Ila kuwa huru, lolote linalokutatiza uje kuuliza, sawa”

“Sawa mama, asante”

“Haya kaendelee na kazi”

Erica alirudi kuendelea na kazi ila kuna kitu alielewa maana alihisi George amfundishi kwa ufanisi, aliendelea na kazi kwa muda kisha akamfata na kumuuliza,

“George, kwanini unaniweke kinyongo mimi hadi leo? Kumbuka mimi ndio natakiwa kuwa na kinyongo na wewe ila sio wewe kuwa na kinyongo na mimi, kumbuka umenifanyia mambo ambayo hayastahili kabisa ila mimi nimenyamaza, kwanini usinielekeze kwa ufanisi sasa”

“Kwani nimekuelekeza vibaya?”

“Ndio, kwanini bosi aniulize kuwa sifanyi kiufanisi wakati wewe unasema umenielekeza vizuri. George haya ni maisha tu, nipo hapa nikitafuta maisha kama wewe ambavyo unatafuta maisha”

“Usijali, ila nikuombe kitu”

“Kitu gani?”

“Naomba unipe mapenzi tena, kwa hakika nitakufurahisha na utapendwa sana”

“George sikia, huwa sili matapishi nikishatapika. Nione kawaida kabisa tena kama dada yako wa tumbo moja, maana hicho ulichosema hakiwezekani na hakitawezekana kamwe”

“Kwanini kisiwezekane Erica, kunipa mara moja tu!”

“Hivi wewe George una matatizo gani? Sitaki”

“Mbona kipindi kile ulinipa?”

“Kipindi kile ulikuwa mpenzi wangu ila sio kwasasa, naomba uachane na habari hiyo kwangu kabisa, sipo hivyo unavyonifikiria”

“Unajifanya mstaarabu sio, wakati masela wengi washakupitia”

“Hivi si wewe ndio ulisema unataka wanawake bikra, sasa bikra imerudi kwangu? Sitaki”

“Wewe Erica, unajifanya keki wakati kipindi kile ulitoa tu”

“George sikia, Erica wa kipindi hiko sio Erica wa kipindi hiki. Nilikuwa natafuta penzi la dhati na sasa nimelipata, sina sababu ya kusaliti penzi langu, unikome na ukiendelea kuniondolea furaha katika kazi sitakaa kimya, nitasema tu kwa bosi”

Ila George alicheka sana, na Erica alienda kuendelea na kazi zake, na alipomaliza alienda kwa bosi wake kumuomba ruhusa ya kutokufika kesho yake kazini,

“Usijali, hata hivyo Jumamosi ni siku fupi hakuna shida.”

Erica alishukuru kisha akajiandaa na kurudi kwao.

Wakati yupo stendi, akamuona Yule mwanamke anayempaga habari za Bahati, kwa muonekano wa Yule mwanamke ni wazi alikuwa akimtafuta Erica, kwavile Erica alikuwa akimkwepa basi gari lililokuwa limekuja ingawa lilijaa ila alipanda hivyo hivyo ili kwa siku hiyo asiongee tu na Yule mwanamke.

Alifika kwao ila hakumkuta mama yake inamaana alikuwa ametoka, akawaza kuhusu mtoto ila naye hakusikika ndani kwamaana hiyo mama yake alitoka nae, baada ya muda kidogo mama yake na mtoto walirudi, akamsalimia na kumuuliza,

“Kheee mama leo ulitoka na Angel?”

“Wee nitamficha mjukuu wangu hadi lini? Kwanza amesifiwa njia nzima, na anavyojua kupokea sifa mwanao yani anatabasamu tu yeye, mtoto huyu kwakweli ana haki ya kupendwa. Halafu leo nimemfananisha na wewe wakati mdogo, hukujua kununa Erica, labda ukubwani ndio unanuna mara nyingine ila udogoni ulikuwa ni mtu wa tabasamu tu”

Erica alitabasamu kwa kufurahia ile sifa aliyopewa na mama yake, kisha akamchukua mtoto kwenda nae chumbani, alipofika tu simu ikaita, kuiangalia ni Erick alikuwa anapiga, Erica akaipokea, ile kusema tu,

“Hallow Erick”

Mwanae alimpokonya simu na kuiweka sikioni kwake, kwakweli Erica alikuwa akicheka na kusema kuna siku ataweka sauti kubwa ili asikie ni maneno gani Erick anaongeaga na mtoto wake kiasi cha kumfanya Yule mtoto kupenda kuongea nae ingawa bado hajui kuongea vizuri.

Kisha Angel alimkabidhi mama yake simu huku akitabasamu tu na Erica akaongea na Erick pale huku akiendelea kumsisitiza kuhusu kesho kwenda dukani,

“Nitamtuma mtu aje awachukue mapema”

“Sawa hakuna tatizo”

Kisha akaagana nae na kuamua kufanya mambo mengine hadi kulala.

Jumamosi kulipokucha alijiandaa mapema kabisa na mwanae, na gafla alipigiwa simu na Moses akapokea,

“Erica, nipo hapa nje ya nyumba yenu nikikusubiri”

Kwakweli alitabasamu, alijua kuwa Moses kapewa oda tu ya kumfata, kisha akamuaga mama yake na kuondoka ambapo walienda kupanda gari na kuelekea dukani.

Walifika na moja kwa moja Angel alianza kujaribishwa nguo na kupigwa picha maana nyuma ya duka palikuwa na bustani nzuri sana, kwahiyo walitumia eneo hilo kumpiga picha Angel.

Wakati Angel akiendelea kupigwa picha, Erica akaitwa na kutoka nje ili kuona nani anamuita alishangaa kumuona Tumaini siku hiyo akimuita kwa nje, akamfata na kumsalimia,

“Sihitaji salamu yako, msichana ni mbaya sana wewe tena ni mchawi”

“Uchawi wangu nini sasa?”

“Yani uzae na mwanaume mwingine halafu mtoto umbambikizie kaka yangu kweli? Erica unaona ulichofanya ni kizuri? Mwanamke wa kaka yangu umegombana nae na umeharibu mimba yake ambayo ndio ya mtoto halali wa Erick”

“Kwani Tumaini tatizo lako ni nini? Unajua huwa sikuelewi?”

“Tatizo langu ni wewe kumkandamiza kaka yangu kwa uchawi wako, ona sasa ulichofanya kwa wifi yangu? Umeenda kupambana nae ili tum toe mimba aliyobeba ambayo ina mtoto halali wa Erick, wewe ni muuwaji”

“Bado sikuelewi”

“Hunielewi nini, muangalie Yule humtambui?”

Tumaini akanyoosha mkono ambapo Erica aligeuka na kuangalia, alishangaa kuona Yule mwanamke aliyemsukuma ofisini mpaka akadakwa na Sia ndio anakuja.

“Bado sikuelewi”

“Hunielewi nini, muangalie Yule humtambui?”

Tumaini akanyoosha mkono ambapo Erica aligeuka na kuangalia, alishangaa kuona Yule mwanamke aliyemsukuma ofisini mpaka akadakwa na Sia ndio anakuja.

Erica akaona hapo ni balaa kwa upande wake, kwani akikumbuka huyu mdada alivyomsukuma hadi akataka kuanguka ilionyesha kuwa ana nguvu sana, akahofia isije huyu mdada akamchangia na Tumaini na kumfanya awe mboga yao bure kwa muda huo.

Kwakweli hata Tumaini hakuelewa jinsi Erica alivyomtoroka ila alimshangaa tu akiwa mlangoni wa duka akiingia ndani.

Erica alienda kwa Moses moja kwa moja na kumuomba,

“Moses, tafadhali naomba niondoke na mwanangu”

“Ila bado hatujamaliza, tena nilikuwa naanza kukutafuta hapa maana ulitoweka gafla”

“Sipo salama hapa, naomba niende”

“Haupo salama kivipi? Kipi kinakutisha kwani?”

“Tumaini hataki kuniona hapa dukani”

“Kwani Erica wewe na Tumaini kuna nini kinaendelea kati yenu? Unajua huwa sielewi”

“Hamna chochote ila hapendi tu kuniona hapa”

“Erica, Tumaini sio mwenye hili duka hata asikubabaishe. Hebu twende kwanza huko bustanini maana mtoto wako amenuna kwa kutokukuona”

Basi Erica akaongozana na Moses hadi bustanini ambapo Angel kweli alikuwa amekaa pembeni tu hacheki wala nini kumbe tatizo ni hakumuona mama yake, ila alipomuona alifurahi sana na kumkimbilia akamkumbatia huku akimtaka waende nyumbani,

“Bado hatujamaliza mwanangu”

Ila alionyesha aking’ang’ania kwenda nyumbani, Erica akaona dawa ya mtoto wake huyo ni kumpigia Erick ili aongee nae kwani alijua atatulia tu, basi Erica alimpigia simu Erick kisha kumwambia kuwa aongee na Angel, ambapo Erick aliongea nae kidogo na baada ya muda alikubali tena kubadilishwa nguo na kupigwa picha, kile kitendo cha Angel kuongea kwanza na Erick kilimshangaza sana Moses, na baada ya zoezi la picha aliamua kumuuliza Erica,

“Inamaana mwanao kamzoea sana Erick eeeh!”

Erica akacheka tu kisha Moses akaamua kuwabeba kwenye gari yake na kuwarudisha kwao, ambapo Angel alishafungiwa nguo za kurudi nazo nyumbani.

Walifika na kushuka kisha Moses akawaaga na kuondoka zake, Erica aliingia ndani na mwanae na kumkuta mama yake ambapo alianza kumuonyesha zile nguo alizopewa Angel.

“Kweli siku hizi kuna rah asana, yani mtoto anapata nguo za bure tu. Ndiomana umemshikilia huyo mwanaume, aje nyumbani sasa”

Erica akacheka tu kisha akamuuliza mama yake kuhusu dada yake Bite kuwa anaendeleaje,

“Anaendelea vizuri tu, ila unajua shemeji yako ni aibu tele imemshika hataki kurudi kwake”

“Kutokutaka kurudi sio tatizo, ila tatizo ni kuwa analala wapi? Dada aende kazini kwa shemeji jumatatu, na amtishie jambo moja tu kuwa ataondoka na amtishie kuwa akiulizwa atasema ukweli wa kilichomfanya aondoke, mama shemeji atarudi tu nyumbani sidhani kama atataka aumbuke mara mbili”

Mama yake alikubali swala hilo maana aliona ni jambo jema sana, kisha Erica alienda kufanya kazi zake zingine na kumpa mwanae chakula.

Muda wa kulala ulipofika, Erica alienda kulala na mwanae ila kabla hajalala alipigiwa simu na Erick,

“Erica, si nilikwambia uwe unanieleza kila kitu kinachotokea kwako?”

“Ila hakuna kilichotokea”

“Mbona nimesikia leo hadi ulitaka kuondoka dukani sijui sababu ya Tumaini, kwani tatizo ni nini?”

“Hamna tatizo ila sijui ni kwanini hadi leo dada yako hanipendi”

“Erica swala hilo lisikupe shida hata kidogo, yule ni dada yangu na wewe ni mpenzi wangu, nyie wawili mnacheza nafasi tofauti katika maisha yangu sidhani kama kuna sababu ya nyie kuchukiana. Erica, mimi ndio nakupenda wewe, si lazima dada yangu akupende, cha muhimu ni mimi kukupenda wewe. Halafu kingine lile ni duka langu, sio duka la Tumaini lile, naomba uwe huru kabisa unapoenda pale, sawa”

“Sawa nimekuelewa”

“Sitaki tena uwe na simanzi kipenzi changu, nakupenda Erica, sitanii namaanisha nisemayo, nakupenda”

“Asante, nakupenda sana”

Basi akaagana nae na kulala ila alikuwa na furaha sana kwa siku hizo Erica, alihisi kama kaibeba dunia.

Kama kawaida ya siku hii mama yake alijiandaa na kwenda kwenye ibada na kumuacha Erica akiwa mwenyewe, ila leo alipigiwa simu na dada yake Mage na kumsalimia,

“Erica, mdogo wangu kuna habari nimepata nahisi ni ya kweli ila ulinificha kwasababu zako binafsi”

“Habari gani dada?”

“Nasikia umewahi kulala na Derick”

Erica alishtuka kuona ile habari imefika kwa dada yake, akamuuliza kwa uoga,

“Nani amekwambia maneno hayo dada?”

“Dunia haina siri Erica, usidhani ukificha wewe kila mtu ataficha tena habari yote nimeipata”

“Si kweli dada”

“Usitake kupinga wala kukataa Erica, ni Derick mwenyewe kanieleza mambo haya. Erica nilikuuliza kwa kukupenda kabisa maana hiyo ni laana ambayo wewe na Derick mmeifanya”

“Ila Dada, sijui niseme vipi naomba nisamehewe sikujua kama Derick ni ndugu yangu hata hivyo alininywesha pombe. Naomba hii habari isifike kwa mama”

“Kwa mama labda uifikishe mwenyewe, sina huo mpango wa kufikisha habari hii kwa mama, ni aibu na fedheha kwakweli ila mimi kama dada natakiwa nisimamie swala hili maana ni laana kwenye ukoo”

“Sasa tutafanyaje dada?”

“Natakiwa nikawashirikishe kwanza wakina bamdogo na wao wataniambia cha kufanya ila lazima wewe na Derick muwepo, kwakweli mlifanya kitendo cha ajabu sana, ndugu jamani mmmh!”

“Sikujua dada”

“Basi ngojea nitakupigia simu nikishajua cha kufanya, ndiomana nilikuwa nakuuliza mapema kuwa kuna lolote mmefanya mkawa mananikatalia wakati mnajua fika mshaharibu”

Kisha Mage akakata simu, kwakweli Erica alichukia sana kwa Derick kutoa ile siri maana hakutaka ile siri ifichuke maana aliona inamuoinyesha yeye kama mtu mchafu sana wa kutembea hadi na kaka yake.

“Nakuchukia Derick, na wewe George nakuchukia maana ndio chanzo cha kufanya Derick na mimi tuwe karibu maana kunibaka kwako ndio nikapata msaada kwa Derick, jamani sijui hata nifiche wapi aibu hii, kama hadi wakina bamdogo wanaenda kuambiwa ni lazima mama nae atajua tu”

Kiukweli alikosa raha kabisa, hadi mama yake anarudi kanisani bado hakuwa na raha ila alijaribu kujigelesha kwenye macho ya mama yake asionekane kuwa na matatizo.

Usiku wa siku hiyo alilala tu hata hakutaka kusikiliza simu wala kitu gani, asubuhi alikurupuka na kujiandaa kisha kwenda kazini.

Alipofika na kuanza kazi zake ndipo alipokumbuka kuwa alisahau simu yake nyumbani ila halikuwa tatizo sana kwake hilo alijua akifika tu nyumbani basi ataikuta sema alikuwa tu anawaza kama mwanae ataiona simu hiyo itakuwaje? Akaamua kutoa mawazo hayo na kuendelea na kazi.

Wakati anaendelea na kazi zake, George alimfata leo na kumuomba namba yake ya simu maana ile ya awali haikupatikana,

“George tunafanya kazi sehemu moja ila haina maana kuwa wewe uwe na namba yangu, ni bora tusiwasiliane tu”

“Hivi Erica wewe unawazaga nini? Yani muda wote unawaza kuwa mtu anataka kukutongoza jamani kweli! Nakuomba namba ya simu sio maswala ya mapenzi ila hapa tupo kikazi kuna kuhabarishana mambo mbalimbali ila unagoma kutoa namba yako ya simu. Sikulazimishi ila kuna siku utaona umuhimu wake”

Kisha George aliondoka kuendelea na kazi zake zingine ila ilionyesha kuwa alichukizwa na jibu la Erica kiasi kwamba toka muda huo hadi wanafunga kazi hakumuongelesha tena.

Muda ulifika na Erica akaenda nyumbani kwao, alipofika tu mama yake alianza kumwambia,

“Leo kumbe ulisahau simu, basi mjukuu wangu akaileta. Nimeiweka hapo juu, ikapigwa na kupigwa ila sikuipokea ila kuna mtu alipiga kwenye simu yangu, nikapokea na kumuuliza nani akaniambia ni Erick, sasa mimi nikasema Erick wa wapi? Jamani mwanao alivyonipora ile simu hata sikutarajia”

Erica akacheka sana, mama yake akamuuliza kuwa anacheka nini,

“Yani Angel bhana, akisikia tu Erick anapiga basi anachanganyikiwa”

“Mtoto wako hafai yani kashikilia ile simu kisha akanipa mwenyewe halafu Yule kijana kaniaga tu bila kujieleza, nikahisi ndio yule uliyemuokota na kumpa Angel. Haya mtoto kaanza vipi kumzoea hivyo?”

Erica akamueleza mama yake jinsi Erick anavyopiga simu kila siku akitaka kuongea na Angel na mwisho wa siku kamzoesha,

“Aaah kumbe, huyo Erick ni hatari, ukiona mkaka anavutiwa hivi na mtoto huyo ni mlezi mwema na atafanya mtoto kujisikia furaha kuwa nae. Ila ni tatizo pia maana mwanao hata ukija kumuonyesha baba yake wa ukweli atamkubali tu ila hatompenda kama huyo”

Erica akatabasamu tu na kwenda ndani kwake ila kwa yeye ndio kitu alichokuwa akikitaka, hakutaka Angel awaze tena kuhusu Rahim hata akimtambulisha amuone kawaida tu maana tayari alishaingiwa chuki na Rahim.

Kesho yake alijiandaa na kwenda kazini ila ilikuwa kama kuna chuki ipo kati yake na George maana hapakuwa na mawasiliano mazuri kabisa kati yao, hata hawakuongea tena yani walikuwa wakifanya tu kazi hata Erica akiuliza kitu kwa George hajibiwi vile inavyotakiwa hadi kumfanya asijisikie vizuri kabisa.

Ilikuwa Ijumaa ambapo Erica hata akatamani kwenda kuongea na Yule bosi wao kuhusu tabia ya George maana hakuielewa kabisa, ila kabla hajajipanga kwenda kuongea nae, bosi wake alipiga simu na kumuita ofisini kwake ikabidi Erica aende, akamsalimia na kukaa.

“Erica, nimekuita hapa kukuuliza kuhusu maendeleo ya kazi. Vipi kazi unaionaje?”

“Ni nzuri mama”

“Na George unamuonaje?”

Erica akatamani kusema kuhusu George ila moyo mwongine akaona si jambo jema kumchongea, kwahiyo akajibu kwa upole tu,

“Yupo vizuri, tunashirikiana nae vizuri sana”

“Nilijua tu kuwa lazima mtashirikiana vizuri, kwakweli George ni kijana aliyetulia, mpole na mwerevu yani toka nimeanza kufanya nae kazi hapa najivunia sana uwepo wake. Erica umeolewa?”

Erica akasita kidogo, na kujibu huyu mama,

“Sijaolewa ila nina mchumba”

“Yuko wapi huyo mchumba?”

“Anaishi nje ya nchi”

“Unamuamini?”

“Ndio namuamini”

“Waswahili husema fimbo ya mbali haiui nyoka, sitaki kukuvunja moyo ila huwa sina imani na penzi la mbali. Ningekuwa ni wewe ningeangalia mwanaume mwenye malengo na mimi, na mwanaume mwenye malengo na wewe ni Yule aliyekaribu nawe kwamaana mtaweza kupanga nae chochote kile”

Erica hakuelewa ni kwanini huyu mama ameamua kumueleza haya yote ila hakuweza kumpinga kwa chochote kwani ndio mwenye ofisi kwahiyo akamsikiliza tu. Kisha Yule mama akaendelea kuongea,

“Oooh nimeshasahau kama ni ofisini, sikia Erica naomba kesho tule wote chakula cha mchana muda wa kuondoka tafadhali”

Erica alimuitikia huyu bosi wake kisha akamruhusu kuendelea na kazi, Erica alirudi kwenye kazi zake na kufanya zile kazi. Muda wa kuondoka ulivyofika aliondoka zake na kwena nyumbani.

Kwa siku hizo zote hakukutana tena na Yule dada ambaye alikuwa jirani wa Bahati kwahiyo kwa namna nyingine aliona ni afadhali hakutani nae.

Alifika kwao na kumsalimia mama yake kisha kwenda chumbani, na baada ya muda tu mama yake alimuita,

“Erica, nasikia shemeji yako alitishiwa kama ulivyosema basi karudi kwake na aibu hatari halafu Bite alichomwambia ni kuja kuomba msamaha, nahisi kesho au keshokutwa watakuja”

“Sawa hakuna shida”

Erica aliitikia na kutaka kurudi tena chumbani kwake ila mama yake akamzuia na kusema,

“Mbona una haraka hivyo wee mtoto, sijamaliza yangu ujue. Haya, huyo Erick anakuja lini? Nataka kujua maana ushauza mtoto”

“Atakuja tu mama”

“Kwa Rahim ulisema hivyo hivyo, atakuja atakuja na siku zikaenda unajua mara nyingine nawaza Yule aliyesema una kimavi usikute kweli mwanangu. Hebu leo muulize huyo Erick wako atakuja lini na unipe jibu, yani leo na kesho nakupa hiyo kazi halafu keshokutwa nitakuuliza tena swala la kuniambia atakuja tu sitaki kulisikia”

“Sawa mama”

Erica alimuitikia mama yake ila alihisi naye anataka kumchanganya tu kwani bado alikuwa na maswali mengi sana kichwani kuwa kwanini Yule mama amsifie George na badae kumuuliza kuhusu mahusiano yake, alijaribu kuwaza bila hata ya jibu ila hakutaka kile anachofikiria kiwe kweli maana alihisi huenda George na Yule mama ni watu wa karibu mno kwahiyo George amemueleza Yule mama kuhusu yeye na Yule mama anatafuta namna ya kumuweka karibu na George,

“Mmmmh ashindwe, simtaki George na sitamtaka kamwe bora nikose kazi ila sio kuwa tena na shetani kama George”

Aliwaza sana na mwishowe akapigiwa simu na Erick kama kawaida ila akaona hapo ni muda mzuri kumuuliza kuhusu alichoulizwa na mama yake,

“Erick, mama anahitaji kujua ni lini utakuja kwetu?”

“Nitakuja tu Erica”

“Ndio utakuja, ila ni lini?”

“Basi ngoja niandae mazingira kwanza, halafu kesho jioni nitakupa jibu kuwa ni lini”

“Halfu kitu kingine Erick, kama umeamua kweli kuwa na mimi naomba hao wanawake zako wote uachane nao.”

“Mbona nishaachana nao Erica”

“Bado hujaachana nao bhana, ukiachana nao nitajua. Waambie wazi watambue ya kwamba kuna unayempenda, nahitaji uachane nao kweli ili niwe na furaha kuwa napendwa na wewe”

“Sawa nitafanya hivyo Erica, nakupenda sana ujue”

“Nakupenda pia ila fanya hivyo nitafurahi sana”

“Furaha yako ndio furaha yangu, vipi mwanetu kalala?”

“Hahaha kalala ndio, si angenipora simu hapa”

“Basi akishtuka akitaka kuongea nami nibipu tu nitapiga”

“Sawa”

Basi Erica akaagana na Erick na kuamua kulala kwa muda huo.

Kesho yake kama kawaida, alijiandaa na kwenda kazini, ila siku hiyo ilikuwa ni siku fupi tofauti na siku zingine.

Alifika na kufanya shughuli zake, muda wa mchana ulivyofika yani karibu na kuondoka Yule mama alimuita Erica na kumkumbushia swala lake la kwenda kula nae chakula cha mchana, kwahiyo alimwambia amsubirie kidogo ambapo Erica alifanya hivyo.

Basi Yule mama alipomaliza alitoka na Erica na kupanda nae kwenye gari yake kisha wakaenda kwenye mgahawa mmoja mzuri sana na kumwambia Erica aagize anachotaka na yeye akaagiza.

Wakiwa wanasubiri chakula Yule mama alianza kuongea kwa kumuuliza Erica,

“Ulisema mchumba wako yupo mbali?”

“Ndio yupo mbali”

“Napenda kukushauri Erica, kuwa na mwanaume anayejielewa. Kwakweli George ni kijana anayejielewa”

Erica akatabasamu tu, kisha huyu mama aliendelea kuongea,

“Nakumbuka nilipokuwa binti kama wewe mapenzi yalinitesa sana sababu tu nilijifanya nachagua wachumba, uwiii yakanitokea puani yani mwanaume niliyezaa nae huwa najuta tu kuwa nilianzaje kuchukua maamuzi ya kuzaa nae. Ipo siku nitakueleza kwa undani zaidi, mimi nilibeba mimba nilikuwa nalia kila siku, nilijisemea nikizaa wa kike nitamfundisha kuwa wanaume ni viumbe wabaya na wenye roho mbaya. Nikasema nikizaa wa kiume basi nitamfundisha mwanangu awe na upendo wa kweli, asimuache mwanamke kulia, ajue kumbembeleza mwanamke maana lile shetani langu hata kubembeleza halijui”

Chakula kililetwa na kabla hawajaanza kula, yule mama alipigiwa simu kwahiyo aliinuka na kwenda kuongea na simu yake, alivyorudi alianza kuongea na Erica kuhusu simu aliyopokea na kusahau mada za nyuma,

“Kumbe mwanangu alikuwa akinipigia simu, jamani mimi nina mtoto mmoja tu kama jicho langu ila mtoto huyu ni pasua kichwa jamani mpaka huwa nahisi kizunguzungu sijui nilikosea wapi kwenye mimba yake”

“Kwanini mama?”

“Unajua alichoniambia? Eti kapata mchumba anataka kuja kumtambulisha kwangu, unajua nimechoka eeeh! Wasichana wengi wanakuja kwangu wakilia kuhusu mwanangu, nasikia uchungu sana kwangu na mimi nimepitia katika hali kama yao, huwa namuuliza mwanangu kwanini yupo vile? Hanijibu na mimi nakosa jibu kwakweli, nilishindwa kukaa nae hadi ilibidi akakae na babake tu labda karithi kutoka kwa babake huo uhuni. Kwakweli sitaki aniletee mwanamke mwingine kunitambulisha, kuna mmoja tu ndio namkubali, akishindwa kuoa huyo basi”

Erica alimuangalia tu huyu mama, kwani bado hakuelewa ni kwanini anamueleza yote hayo.

Wakati Yule mama akiendelea kulalamika kuhusu mwanae, simu yake ikaita tena na kuinuka kwenda kuongea nayo, baada ya kurudi akamwambia Erica,

“Mkwe wangu nimpendaye kanipigia simu, ila analia huyo balaa yani kashalizwa na mwanangu, nimemwambia aje hapa tuongee. Jamani mwanangu sijui kwanini anamliza mtoto huyu wa watu wakati nishamfundisha asimlize mwanamke, sijui amekuwaje jamani”

Kwakweli Erica hakujua kama aongee kitu gani maana alihisi kama ni mada zisizomuhusu vile, alipomaliza kula aliamua kumuaga huyu mama,

“Aaah jamani Erica, hutaki kumuona mkwe wangu?”

“Nitamuona siku nyingine mama”

Basi Yule mama akampa ruhusa ya kuondoka tu bila kinyongo, wakati Erica anatoka kwenye ile hoteli alimuona Sia mlangoni, alishtuka sana akaamua kujibanza ili Sia asimuone basi Sia akapita pale na Erica akaanza kumfatilia nyuma kuwa Sia anaenda wapi, akamuona akienda alipo Yule mama na alipofika alikumbatiana na Yule mama, ndipo akili ikamjia kuwa Yule ni mama Erick.

Basi Yule mama akampa ruhusa ya kuondoka tu bila kinyongo, wakati Erica anatoka kwenye ile hoteli alimuona Sia mlangoni, alishtuka sana akaamua kujibanza ili Sia asimuone basi Sia akapita pale na Erica akaanza kumfatilia nyuma kuwa Sia anaenda wapi, akamuona akienda alipo Yule mama na alipofika alikumbatiana na Yule mama, ndipo akili ikamjia kuwa Yule ni mama Erick.

Kwakweli Erica aliishiwa raha muda ule, hata furaha hakuwa nayo tena, akaondoka na kuelekea nyumbani kwao.

Alipotoka tu nje ya ile hoteli wakati anatembea akielekea kituoni, hakuangalia mbele, kuna mmama aligongana nae na kujikuta akiangusha vitabu vya Yule mama ambavyo alikuwa amevibeba, aliinama kuviokota huku akimuomba msamaha sana Yule mama, ila Yule mama alimwambia,

“Usijali binti, ila unaonyesha una mawazo sana”

Erica alicheka tu ili kujigelesha swala la kuwa na mawazo, basi Yule mama alimuomba Erica namba ya simu na kusema,

“Mimi ni mwanamaombi, nimeomba namba yako ili niwe nakualika kwenye maombi kanisani kwetu. Hivi nawahi kanisani”

Kwavile Yule mama alijitambulisha kuwa mwanamaombi basi Erica hakusita kutoa namba yake kwa Yule mama kisha alimuaga na kuendelea na safari ya kuelekea kituoni.

Wakati yupo njiani akielekea kupanda daladala, alikutana na Moses njiani ambaye alisimamisha gari na kutaka kumpa lifti,

“Hapana usijali, naenda tu mwenyewe”

“Hapana Erica, yani nikuone hapa njiani nikuache kweli! Unataka nionekanaje mimi, naomba nikupeleke tu, si unaenda kwenu?”

“Ndio”

“Basi, naomba nikupeleke”

Basi Erica hakuona kama ni vyema kuendelea kubishana na Moses pale kwahiyo alipanda ile gari ya Moses na safari ya kuelekea kwao ikaanza.

Ila Moses alimuona Erica kama anainesha hana furaha ilibidi amuulize,

“Mbona unaonekana huna furaha?”

“Hamna nipo kawaida tu”

“Ni muda mfupi nimekuzoea Erica, hapana hivi ulivyo sio kawaida, inaonyesha una tatizo. Haya bhana kama hutaki nilijue”

Erica aliamua kubadilisha mada na kumuuliza,

“Kwani ulikuwa unaenda wapi?”

“Aaah leo niliwahi kutoka ili nimuwahi mke wangu, nimemmiss sana, wiki yote hii nipo busy sina siku ya kupumzika yani kila siku nipo kazini, kwakweli leo nimewahi kutoka na kesho nimemuomba udhuru Erick maana sitafungua duka nahitaji kuwa karibu na mke wangu”

“Sasa kumbe unawahi kwa mkeo, mbona umejitolea kunipeleka mimi nyumbani?”

“Erica, hivi naanzaje kumwambia Erick nilikutana na Erica njiani akielekea nyumbani ila sikumpeleka, naanzaje kusema? Unajua sielewi kipi kipo katikati yenu wewe na Erick ila nahisi mnajuana, mi nikikupeleka ndio nitaenda kwa mke wangu najua hata Erick nikimwambia hivyo atafurahi sana”

Erica akatabasamu tu na kumuuliza tena Moses,

“Inaonyesha unampenda sana mke wako”

“Yani nahisi nampenda kuliko hilo neno na sana, yani nampenda balaa”

“Hukuwahi kuwaza kumsaliti?”

Moses akacheka,

“Erica, huwa nakutana na wasichana warembo kama wewe hivyo ila kwakweli sababu mke wangu nimempa nafasi ya kwanza basi anakuwa ni mrembo kuwazidi wote. Na kwanini umeniuliza hilo swali?”

“Nasikia wanaume hawajatulia na mwanaume hawezi kutulia na mwanamke mmoja yani lazima atatafuta wa pembeni”

“Tatizo watu hutoa jibu kwa mfano wa mtu mmoja tu. Mimi toka nimuoe mke wangu sijawahi kumsaliti hata mara moja na wala sifikirii kumsaliti nampenda sana. Sisi wanaume pia tunapenda, ukiona mwanaume anahangaika na huyu mara Yule ujue hajapata bado Yule wa kwenye roho yake ndiomana anashika huyu mara huyu ili kuangalia je anaweza akamteka akili yake, ila akishampata wa kwake lazima atatulia. Yani mara nyingine sio mambo ya kulaumu sana sijui wanaume hawajatulia sijui nini na nini, watu hawaelewi tu mtu anakuwa hajapata hitaji lake au anayempenda kwa dhati anazingua ndio utakuta anahangaika hangaika ila akimpata wake hadi utashangaa ndio huyu kweli wa kuruka ruka na wanawake”

Erica alitabasamu tu kwani hapo aliweza kuelewa kuwa kwa Erick basi ni yeye ndiye mwenye nafasi kubwa sana, Moses alimuona Erica akitabasamu tu na kumuuliza,

“Vipi mbona furaha tu”

“Nimefurahi, nimependa vile ulivyosema unampenda sana mkeo. Hakika ulimwengu ungekuwa kama unavyosema basi hata magonjwa ya zinaa yasingekuwepo. Tatizo ni moja tu huyo mwenye upendo wa dhati utamjuaje?”

“Inamaana wewe humjui unayempenda kwa dhati? Yani mtu ukimpenda jamani, hata ukisikia jina lake tu unajisikia furaha, unaweza ukakaa halafu labda likatokea jambo unajikuta ukiwaza angekuwepo Fulani hapa yani unajikuta unapenda tu uwepo wake. Ila kama mtu upon aye tu kupeleka siku mbele vyovyote vile unaona sawa, awepo asiwepo unaona sawa, apige simu, asipige unaona sawa yani hata hujali uwepo wake ila unaweza kujigelesha na kujifanya kuwa unamkumbukaga kumbe kiukweli hakuna kitu”

Walifika nyumbani kwakina Erica, kwakweli Erica alimshukuru Moses na alishukuru pia kwa mazungumzo aliyozungumza nae kwa siku hiyo, kisha akamuaga na kuingia ndani.

Aliingia ndani kwao na kumkuta dada yake Bite pamoja na James, inaonyesha walifika kama mama yao alivyosema kuomba msamaha, pia ilionyesha ni muda huo huo ndio wametoka kufika. Baada ya salamu Erica aliambiwa na mama yake akae pale kwani walihitaji wasikie wote msamaha anaouomba James kwa Erica, basi james alianza,

“Erica shemeji yangu, mdogo wangu naomba unisamehe maana nilichokuwa nafanya kwako sio sawa. Ni shetani tu huyu anataka kuharibu undugu wetu, naomba unisamehe sana. Mimi bado ni shemeji yako na mimi bado ni mwanafamilia wenu. Naomba unisamehe Erica”

“Hakuna tatizo, nishakusamehe ilimradi umegundua kosa lako basi nimekusamehe”

“Nashukuru sana, mama naomba nawe unisamehe sana mtoto wako. Nisamehe kwa yote niliyokuwa nasema kuhusu Erica, nisamehe kwa tukio lile, ni shetani tu alinipitia”

“Nilikuwa nakusikiliza kwa makini sana habari za kusema shetani kakupitia, James usisingizie shetani ila ni akili zako mbovu ndio zimekutuma kufanya vile. Mimi sina tatizo, kaa chini na mkeo mlee mtoto wenu, ujinga ujinga wa kuendekeza ngono utakuponza. Mbona mwanangu Bite mzuri tu jamani kwanini unashindwa kuridhika James? Hebu tulia na mwenzio, na kipindi ukimchoka niletee mwenyewe nikae nae.”

“Usifike mbali mama yangu, nisamehe mtoto wako”

“Nishakusamehe na sina tatizo tena. Ila naomba nikuombe jambo moja”

“Jambo gani mama?”

“James, ingawa tumekusamehe na hatuna tatizo na wewe ila tafadhali sana sitaki ukaribu wako tena na Erica maana huyo shetani wako akakupitia tena ukasababisha matatizo kwa wanangu bure. Sitaki tena ukaribu wako na Erica, una shida yoyote kwa Erica niambie mimi nitafikisha ujumbe”

“Sawa mama nimekuelewa”

“Sawa, najua na mkeo mlishaombana msamaha huko mpaka mmefika hapa”

Bite akajibu,

“Ndio mama, nimeshamsamehe”

“Ila sio unasema umeshamsamehe huku bado una kinyongo moyoni, mumeo kakiri mwenyewe hapa ana urafiki na shetani hadi huwa wanapitiana, kwahiyo elewa kabisa sio unaitikia halafu kesho na keshokutwa unaanza sijui mama kimeenda kimerudi sitaki”

“Sawa mama”

Kisha wakainuka na kushikana mikono, na muda ule ule Bite na mumewe waliaga kwani bado James aliona aibu kuendelea kuwa mahali hapo akizingatia mama yao na wakina Bite hajambakisha na kitu, amemwambia ukweli tu.

Walipoondoka, Erica nae alienda chumbani kwake.

Kwakweli Erica hakuwa na raha kabisa, kuna mambo mengi sana alikuwa akijiuliza bila jibu hata kidogo,

“Hivi hii maana yake nini katika maisha yangu? Nilikuwa na shida haswaa baada ya kuachwa kwenye mataa na George, akatokea msamalia mwema kunisaidia, akaonyesha kunipenda na kunijali huku akitamani hata ningekuwa mtoto wake, msamalia mwema huyo ndio mama wa Rahim, hakutaka hata kusikia kuwa nina mahusiano na mtoto wake kiasi kwamba hata mjukuu wake hana imani naye, kwamaana hiyo mama huyu imani na mimi imemuondoka gafla, haya sasa katokea mama mwingine na kunifuta machozi ya kutokuwa na kazi kwani kanipa kazi ila ndio mama yake Erick, kuna nini katikati yangu jamani! Sidhani kama ni baraka hii ila ni mkosi tu hata sijui nifanyeje, sitamani hata Jumatatu ifike maana akiambiwa kuhusu mimi hivi atanionaje?”

Aliwaza bila ya jibu, ila kwa upande mwingine akakumbuka kuwa kuna mama alikuwa akimuombea msamaha Erick, ila mbona hakuwa huyu bosi kama ndio mama wa Erick? Kwakweli hakuwa na raha kabisa ila alihitaji kuujua ukweli, akaamua kujilaza kidogo.

Mwanae ndio alimuamsha na giza lilishaingia tayari kwahiyo aliamka na kwenda kumuogesha mwanae kisha kumpa chakula, kwakweli yeye hakujihisi hata hamu ya kula kwangu alikuwa anahisi kila kitu ni kibaya kwa upande wake, akatamani kumueleza ukweli Erick ila akawaza kuwa ataanzia wapi, kuna moyo mwingine ukamuambia kuwa lazima aseme ukweli ili Erick ajue kuwa itakuwaje, muda kidogo wakati anatafakari Erick alipiga simu na kama kawaida mwanae alichukua na kuongea nayo kisha kuirudisha kwake, halafu Erica akaanza kuongea na Erick ila alitaka kujua ukweli kwanza kama Yule mwanamke wa ofisini ni mama yake Erick, alianza kumuuliza kwa mitego,

“Hivi Erick, Yule mama aliyekuwa akikuombea msamaha ofisini kipindi kile unafukuzwa shule ndio mama yako mzazi?”

“Hapana, Yule alikuwa mama mdogo, maana mama yangu kuna kipindi aliniacha nalelewa na mamdogo”

Kisha akaona bora amuulize kwanza kuhusu alichomwambia jana ili asikie Erick ana jibu gani hapo,

“Erick, niambie sasa utakuja lini kwetu na utanioa lini?”

“Erica, unaweza kuhisi nakuongopea au ukahisi sina lengo jema na wewe ila si kweli Erica, nakupenda sana na lazima utakuwa mke wangu ila kuna mazingira tu lazima niyaweke sawa kwanza”

“Mazingira gani? Niambie”

“Ngoja nikueleze ukweli Erica, nimemwambia mzee wangu kuhusu swala la mimi kutaka kuoa jamani huyu mzee kanipinga vikali sana akidai kuwa mimi bado ni mtoto mdogo, sasa mimi nina udogo gani jamani? Wanaoa vijana wa miaka ishirini sembuse mimi kweli! Nadhani ni sababu baba yangu hajawahi kuoa maishani mwake, ila akaniambia kitu cha kunishangaza sana, kuwa hivi karibuni na yeye ataoa kwahiyo nimsubirie yeye aoe ndipo na mie nianze na wazo la kuoa. Ilibidi niachane na huyu mzee, nikampigia mama, yani na yeye ni shida tupu. Kuna msichana mmoja anaitwa Sia, huyu msichana anampaga maneno ya sumu sana mama yangu hadi mama kajikuta anampenda huyu msichana na kunichagulia mimi kuwa nimuoe ila mimi simtaki Sia, yani mama nimerumbana nae sana, na jioni katoka kunipigia simu sijui yupo na huyo Sia yani tumegombana tu. Sasa, kwa baba na mama kote sijafika nao muafaka ndiomana nakuwa mgumu sana kusema kuwa ndoa ya mimi na wewe ni lini? Erica, tunaweza kuoana tu ila baraka za wazazi nazo ni muhimu. Naomba nipe muda niliweke sawa jambo hili”

“Mfano wazazi wako wakikazana kuwa hawataki tuoane utafanyaje?”

“Erica nipe muda tafadhali. Nishakwambia kwasasa hakuna kitu cha kunifanya mimi nikuache wewe, nakupenda sana. Wazazi wangu watanielewa tu maana hata wafanyeje bado mimi ni mtoto wao. Nipe muda Erica nakuomba”

Erica alikubali na kuagana nae, baada ya kukata simu aliwaza swala la mama yake Erick, jinsi alivyokuwa akiongea nae na jinsi Sia alivyofika, yani pale picha halisi inakuja ya mama yake Erick ila akawaza kama akimwambia Erick kuwa mama yake ndio bosi wake kazini inaweza ikawa tatizo kubwa maana Yule mama atamjua mapema na pengine kumletea longolongo, akaona bora kama yakimshinda kabisa basi ndio amwambie Erick kuwa huyo mama ndio bosi wake.

Kwa muda huo aliamua kulala ila kabla hajalala kuna ujumbe uliingia kwenye simu yake, akafungua na kusoma akakuta umetumwa na Yule mwanamama aliyesema kuwa ni mwanamaombi, ujumbe ulisema kuwa

“Mkumbuke muumba wako siku za ujana wako”

Akawaza ni kwanini Yule mama amemtumia ujumbe huo kwa muda huo ila hakutaka kufikiria sana akaamua kulala tu.

Palivyokucha wakati mama yake akijiandaa kwenda kanisani, Erica nae alijiandaa na kumwambia mama yake kuwa siku hiyo ataenda nae kanisani,

“Kheee kwakweli Mungu mkubwa yani leo kwa hiyari yako Erica umekubali kwenda kanisani?”

“Ndio nimekubali mama”

Basi akajiandaa na kumuandaa na mwanae na kwenda kanisani.

Wakati wanatoka kanisani, kuna wamama walisogea wakimuuliza Erica kuwa mtoto wa nani, aliposema ni wake walikuwa wanakataa kabisa maana hawakuwahi kumuona akiwa na mimba,

“Kheee mtoto una siri wewe, kumbe ulibeba mimba hadi ukazaa?”

Mwingine akasema,

“Hata mama yake ni msiri, hata kutudokeza hamna jamani!”

Erica alicheka tu, wakamuangalia mtoto pale hadi kuondoka ana kwenda nyumbani, walipofika nyumbani mama yake alianza kuongea,

“Yani wale wanawake ulisimama nao ni waongo hao hatari, ndiomana nilivyoona wamesimama na wewe tu nikajificha”

“Kheee mama, watu wameokoka halafu wanakuwa waongo?”

“Sikia Erica, uongo ni tabia ya mtu halafu mwingine anasema ameokoka si kweli mbona hata maandiko yamesema sio wote wasemao Bwana Bwana watauona ufalme wa mbingu. Cha msingi ni wewe kushikilia kile unachokiamini, usimuamini mtu sababu kasema ameokoka yani usiamini kabisa, kuwa na imani yako moyoni itakayokuongoza”

“Sawa mama, ila leo nimejisikia afadhali. Sema kuna jambo nataka nikushirikishe mama yangu”

“Jambo gani hilo?”

Erica akawaza sana, na kutokuelewa anaanzaje kuelezea kuhusu mama yake Erick, ila akajaribu kumuuliza swali mama yake,

“Hivi mama mfano unataka kuolewa ila wakwe zako hawakupendi inakuwaje?”

“Mwanangu, hakuna ndoa inayoumiza moyo kama ndoa ya kuchukiwa na wakwe sijui mawifi sijui mashemeji, tena ndoa ya hivyo bora uombee mumeo awe upande wako, ila akiwa upande wa ndugu zake utahisi dunia ikipasuka. Kwanini umeniuliza hivyo?”

“Mama, wakwe zangu hawanipendi?”

“Unawajua? Ushatambulishwa?”

“Bado, ila hawataki hata kunifahamu”

“Mmmh ndio wazazi wa Erick hao?”

“Ndio mama”

“Kheee na mtoto ushauza kwenye ukoo wa watu wasiojielewa kama hao, mmmh ila usipaniki ngoja mwanangu nitaliombea swala hilo”

“Nashukuru mama”

Erica alienda chumbani kwake sasa, alitulia kidogo kuwa kamueleza mama yake ingawa hakumwambia ukweli wote.

Aliamua kulala ila kabla hajalala alisikia simu yake inaita, akaichukua na kuiangalia akakuta ni Dora anampigia, akaamua kuipokea kwani hakujua ni jambo gani limemfanya apige simu usiku huo ukizingatia ni muda tangu aongee nae, alipokea ambapo Dora alianza kwa kumsalimia kisha akamwambia,

“Erica, una mpango gani na Yule baba?”

“Hivi Dora kwanini huelewi? Nishakwambia Yule mzee simtaki tena simtaki kabisa”

“Sikia Erica, Yule mzee anakupenda kweli. Aliniuliza kuwa rafiki yako nimfanyie nini akubali, nikamwambia labda umuoe maana rafiki yangu ni muda mrefu sana anahitaji ndoa. Yule mzee kanihakikishia kuwa hataki kukuchezea, anataka kukuweka ndani kabisa uwe mke wake, na kasema ataifanya familia yako ifurahie utajiri wake. Erica Yule mzee anakupenda”

“Dora usione nimenyamaza nakusikiliza ukadhani nafurahia huo ujinga wako unaozungumza, yani ungejua unanichefua tu. Dora, mimi na wewe urafiki ulishaishha na licha ya hivyo huyo mzee Jimmy mfikishie ujumbe kwamba Erica hata umuhonge dunia hakutaki. Kwaheri”

Erica alikata simu ya Dora, ila hakutaka kufikiria alichokuwa akiongea na Dora badala yake alikuwa akiwaza tu kuhusu Jumatatu kwani aliiona ni mbaya kwake ukizingatia hakujua ni maneno gani Sia kamwambia Yule mama, alikosa raha kabisa kiasi kwamba alilala kwa mang’amung’amu.

Kulivyokucha, mapema kabisa aliamka na kujiandaa na kwenda kazini, alifika na kuanza kazi zake na kama kawaida alimkuta George ila hakupewa salamu wala nini, ilibidi leo aamue kumsalimia mwenyewe ila George aliitikia kwa sauti ya chini kabisa na kumfanya Erica ajiulize sana kuwa kwanini George anamfanyia vile ila bado halikuwa tatizo hilo kwake kwani hakuwa hata na wazo la kurudiana na George.

Wakati anaendelea na kazi zake, muda kidogo aliitwa na Yule bosi wake ambaye alianza tena kuongea nae kuhusu habari za George,

“Erica, binti yangu sikia, nimekuita hapa ili kukwambia jambo moja. Tangu nimeanza kufanya kazi na George hapa ni miaka imepita na hakuna siku aliyowahi kuniambia kuwa kuna mtu kampenda, kwakweli ni mara ya kwanza George kaniambia kuna mtu kampenda na anataka kumuoa. Erica, kwakweli George anakupenda sana ila kukueleza anashindwa ndiomana kaniambia mimi”

Erica akamjibu huyu mama,

“Mama, ila mimi nina mchumba wangu na ninampenda sana”

“Ila si nishakueleza madhara ya kuwa na mchumba wa mbali Erica!”

Kabla Erica hajampa maelezo mengine, simu ya Yule mama ikaita na akaipokea na kuongea nayo. Alipomaliza akamuangalia Erica na kusema,

“Kwakweli wanawake tunashida jamani ndiomana huwa wanasema tuombee matumbo yetu kabla ya kubeba mimba na kuzaa, jamani mimi sijui nimezaa kituko cha aina gani, hivi mwanangu ni wa kunifanyia hivi kweli?”

Ilibidi Erica aulize,

“Kafanyaje?”

“Jamani, eti kapata mwanamke ila huyo mwanamke ana mtoto kumbe halafu yeye kajimilikisha huyo mtoto na kuchukua majukumu ya mtoto kama yeye ndio baba, yani hapa ndio dadake kanipigia simu alikuwa ananieleza, nimemwambia aje hapa ofisini ili niongee nae vizuri, nahiotaji kumjua huyo shetani aliyevuruga akili ya mwanangu”

Erica akaona hapa ni balaa juu yake hadi alihisi akishikwa na tumbo la kuhara, na kuomba ruhusa mara moja.

Alienda chooni ila hata hakuweza kujisaidia, alihisi tu tumbo likimsokota, alitulia kwa muda hadi tumbo lilipotulia.

Akarudi kwenye ofisi yake ila hakuweza kufanya kazi ya aina yoyote kwani aliona kila anachoshika hakishikiki, wasiwasi wake ni pale Tumaini atakapofika na kumkuta, ikabidi atumie kigezo cha kuumwa na tumbo ili kuomba ruhusa ya kwenda nyumbani.

Alienda kwa bosi wake na kumueleza jinsi tumbo linavyomsumbua,

“Mbona gafla jamani, kwani tangu asubuhi lilikuwa likikusumbua?”

“Hapana, limeanza gafla tu. Huwa nina vidonda vya tumbo, nahisi ndio vimecharuka”

“Aaah pole sana, nenda nyumbani kapumzike ila kuwa makini sana na vyakula unavyokula kuepuka hivyo vidonda”

Erica alimuitikia huyu mama, kisha akainuka na kwenda kuchukua mkoba wake na kutoka.

Wakati anatoka mlango wa nje, sababu alikuwa na harakati akajikuta akigongana kikumbo na mtu, kumuangalia vizuri alikuta ni Tumaini naye akimuangalia pia.

Wakati anatoka mlango wa nje, sababu alikuwa na harakati akajikuta akigongana kikumbo na mtu, kumuangalia vizuri alikuta ni Tumaini naye akimuangalia pia.

Erica alishtuka na kuwa kama amesizi kwa muda maana ndio huyo huyo alikuwa akikimbia ili asimkute halafu ndio kagongana nae kikumbo, Tumaini alitingisha kichwa na kusema,

“Ama kweli wewe binti ni mchawi, yani hadi ofisini kwa mama yake Erick! Ulikuwa unafata nini huku?”

Kwavile Erica alishavurugwa, aliamua kumjibu tu kwani kwa muda huo alijisemea kuwa liwalo na liwe,

“Hivi wewe Tumaini kwani unanitakia nini mimi? Sio kwa kunifatilia huko”

“Nakutakia nini? Achana na mdogo wangu”

“Unajua wewe una mambo ya Kiswahili sana halafu ndio unasema baba yenu tajiri umelelewa maisha ya kitajiri, na umesoma ila una uswahili mwanzo mwisho. Kufatilia yangu, kwanini muda huo usikae kufatilia ya mumeo atakayekuoa? Kwani wewe huna mchumba? Huna mpenzi? Yani unaacha kupanga mambo na mchumba wako huko, unakazana kila leo kumfatilia Erica, unapata faida gani unapofanya hivyo? Na unasema niachane na mdogo wako, huyo mdogo wako unamtaka wewe au nini?”

Alipoongea hayo alikuwa mbali kabisa anaishia maana alijua kama angekuwa karibu basi Tumaini angemdunda, maana pale Tumaini alionyesha amechukizwa sana kiasi kwamba Erica angekuwa karibu basi angemkomesha.

Erica aliliona jicho la Tumaini linavyomuangalia kwa hasira, hivyo akaamua kusimamisha bodaboda na kupanda kuelekea nayo stendi.

Wakati amepanda daladala, leo alikutana tena na Fetty na kumfurahia sana, ambapo waliongea mengi mengi, Fetty akamuomba wakae mahali waongee na kushauriana mambo mbalimbali, kwavile ilikuwa mapema Erica hakuona tatizo la kukaa na kuongea na Fetty.

Kwahiyo walishuka mahali na kwenda kukaa kwenye mgahawa Fulani wakiongea huku wakipeana ushauri mbalimbali,

“Erica nimefurahi sana kukutana na wewe, kuna mambo yananitatiza akili yangu ila najua nimekutana na wewe utanishauri”

“Yapi hayo?”

“Bhana mwenzio kuna kitu nimefanya, kwakweli sijapenda ila niliamua kufanya maana maji yalinifika shingoni”

“Kitu gani hiko?”

“Nishawahi kukwambia kuhusu baba wa mwanangu, sasa baada ya kunitimua kule na kurudi nyumbani. Watu wakaniambia nisikubali nizunguke zunguke maana sio hali ya kawaida, na mimi nimeangalia kweli sio hali ya kawaida ukizingatia mwanzoni alikuwa akinipenda tu. Nikaamua kwenda kwa mtaalamu”

Erica akaamua asikilize kwa makini sasa,

“Eeeeh!”

“Sasa bhana, mtalaamu Yule kiboko yani anaonyesha kila kitu unaangalia kwenye kioo kama sinema vile. Ni kweli ndugu wa baba wa mwanangu hawakutaka awe na mimi, sasa kuna mwanamke walimtafutia ndugu yao, walichofanya ili ndugu yao aachane na mimi ni kwenda kwa mganga wakachukua dawa. Ila dawa zenye nguvu bhana huwa zinataka muhusika mwenyewe atende kile kitendo kwahiyo Yule mwanamke alipika chakula na kuweka dawa aliyopewa kisha yeye mwenyewe akamtengea Yule bwana chakula kisha Yule bwana akala si ilikuwa kwao bhana, hata kujiuliza kwanini chakula nitengewe na huyu hakuna, kala kile chakula ndio akaanza varangati kwangu hadi kunifukuza. Kwakweli nimesikitika sana Erica, sasa Yule mtaalamu kasema kazi anaiweza, eti nishirikiane nae tutengeneze makombora ya kumrushia Yule mwanaume ili arudi kwangu. Nimemuitikia tu kuwa nitaenda tena, ila nikajifikiria, Yule mwanaume kapewa dawa, na mimi nimpe dawa zingine si ndio mwanzo wa kuwa chizi Yule!”

“Dah! Rafiki yangu Fetty, kwanza nakupongeza kwa kuwa na moyo wa huruma kama huo maana mwisho wa siku mtamchanganya tu huyo mwanaume, mi naamini kuwa dawa huwa zinaisha nguvu, yani kuna siku tu atarudi kuwa na akili zake timamu.”

“Ni kweli Erica, ila ndugu jamani sijui akili zao zikoje yani wanaacha kufatilia mambo yao wanaanza kufatilia mambo ya watu wengine. Yani wanashangaza sana”

Erica akaamua kumueleza pia kuhusu yeye na Bahati, na jinsi alivyoambiwa kuwa Bahati karogwa,

“Tusiandikie mate wakati wino upo, una elfu kumi hapo?”

“Ya nini?”

“Nataka twende kwa huyo mtaalamu na wewe ukaone kila kitu kilichotokea kwa huyo mwanume. Majina yake yote si unayajua?”

“Ndio nayajua, ila Fetty mimi sijawahi kwenda kwa mganga yeyote toka nizaliwe”

“Erica, kwani tunaenda kuua? Tunaenda kupata ukweli tu, twende acha uoga”

“Kwanza mganga mwenyewe yuko wapi?”

“Yupo Kigamboni”

“Mmmmh jamani Fetty, toka kigamboni si nitachelewa sana nyumbani”

“Hivi Erica mbona unachekesha, kuna watu wanakaa chamanzi na wanafanya kazi kigamboni, wanaenda na kurudi kila siku sembuse wewe wa karibu hapo”

“Kigamboni yenyewe sehemu gani?”

“Kigamboni kwa huyo mtaalamu sio pale ni kigamboni kule unaweza hadi kukutana na Mbagala. Kwahiyo tukubaliane tu tuwahi kwenda ili tuwahi kurudi”

“Jamani Fetty”

“Usijali, kutoka nitakusindikiza hadi kwenu”

Basi Fetty akamshawishi shawishi pale mwisho wa siku akakubali na kwenda na Fetty kwa mganga.

Walifika kwa huyo mganga na kukuta kuna watu wachache tu, kisha walipoisha waliingia wao ili kuangaliziwa matatizo yao, Erica aliamriwa aweke elfu kumi kwenye kimtungi kidogo kisha aliambiwa ataje jina la huyo mtu anayehisi amefanyiwa limbwata ili waone imeanzia wapi. Baada ya hapo, Yule mganga alipaka unga kwenye kioo chake na kuanza kuwaonyesha Erica na Fetty, kwakweli Erica alishangaa sana kwani ilikuwa kama anaangalia sinema.

Aliwaona ndugu wa Bahati na Yule mshenga wakienda kwa mganga kuchukua dawa, na baada ya hapo walimkabidhi dawa Yule binti ila Yule binti kisha alienda nyumbani kwakina Bahati na kumuandalia Bahati chakula ambapo alimtayarishia na kula, kisha Bahati akaonekana amepatwa na usingizi baada ya kile chakula.

Ikaonyesha tena Yule dada alipelekwa tena kwa mganga na baba yake, safari hii akapewa dawa nyingine, ile dawa Yule dada alionekana akiiweka sehemu za siri baada ya hapo akaandaa chakula na kumpelekea Bahati na alionekana anakula kisha alimpa kinywaji ambacho kiliwekwa pia dawa hiyo, alikunywa pia na baada ya hapo ilionekana harusi kisha Yule mganga akafuta ule unga kwenye kile kioo na kikawa tu kioo cha kawaida, kwakweli Erica alishangaa sana kwani hakuwahi kushuhudia mambo kama yale, aliamua kumuuliza Yule mtaalamu,

“Sasa kwanini dawa nyingine ile aliweka sehemu za siri?”

“Sehemu za siri zina nguvu sana, na ukifanyiwa limbwata la sehemu za siri huwa nguvu yake si ya mchezo yani unajikuta ukisahau kila jambo”

“Mmmmh makubwa”

“Inatakiwa tuanze tiba mapema, si unataka arudi kwako”

“Aaah muache tu mpaka dawa zitakapoisha”

Yule mganga akamuangalia Fetty na kumuangalia Erica kisha akasema,

“Wewe Fetty, ya kwako hatujamalizana, huyu rafiki yako naye hatumalizi tunaacha viporo tu kwanini?”

Fetty akajitetea pale,

“Yani sisi babu tulitaka tu kujua ukweli”

“Haya sawa, ukweli mmeshaujua. Ngoja nikuombe kitu kimoja Fetty, kamsubiri nje huyu rafiki yako Erica, halafu wewe Erica ubaki hapa na mimi kuna mambo nataka nikuonyeshe”

Basi fetty akatoka, Erica alibaki mwenyewe na Yule mganga ila alikuwa na wasiwasi sana, Yule mganga alikoroga dawa na kumpa Erica ili anywe, pale pale Erica akakumbuka jinsi limbwata linavyofanya kazi nay eye ana damu ya kupendwa pendwa akaogopa maana inawezekana hata mganga akawa amempenda, hakutaka kumuwekea mashaka ila hakutaka kunywa ile dawa, aligoma kuinywa na kumfanya Yule mganga amuulize kwanini anagoma kunywa,

“Sijaja kwa ugonjwa hapa, kwahiyo sioni sababu ya kunywa dawa”

Yule mganga alimuangalia Erica, na kumpulizia kitu ambapo kwa muda mchache macho ya Erica yalikuwa kama yamepuliziwa pilipili na kumfanya ajifikiche sana, basi Yule mganga akawa anampa ile dawa anywe kuwa ndio pona yake ila bado Erica aligoma, na muda ule ule aliinuka na kutazama kwa shida hadi kutoka nje kwani macho yalikuwa yakimuwasha ila alivyofika nje muwasho uliisha pale pale, hakutaka hata kukaa alimwambia tu Fetty waondoke ikabidi Fetty amfate kwa nyuma, kwakweli Erica alitembea kwa haraka haraka sana, mpaka ilibidi Fetty atembee kwa mwendo kama wa kukimbia, walivyofika stendi Fetty alimuuliza Erica kuwa imekuwaje,

“Unajua Yule mganga alikuwa akinilazimisha ninywe dawa yake, kumbuka Fetty sijaja huku kwa ugonjwa”

“Ila kwanini umegoma kunywa?”

“Fetty, tumetoka kuangalia pale pale limbwata linavyofanya kazi je kama Yule mganga kanitamani je!”

“Hahaha Erica jamani, sasa kwanini Yule mganga akutamani?”

“Hujui tu Fetty, kwakweli niende nyumbani kwasasa, nimechelewa hivi sijui mama nitamueleza vipi?”

Walipopata usafiri basi safari ikaendelea.

Kwenye mida ya saa tano usiku ndipo Erica aliingia nyumbani kwao, kwakweli mama yake alifoka sana maana hakupendezewa kabisa kuona mwanae kachelewa kufika nyumbani kiasi kile.

“Erica, kweli mpaka muda huu mwanangu”

“Nisamehe mama”

“Sijapenda, yani sijapenda kabisa”

Akataka kumchukua mtoto ili akamlaze chumbani,

“Hebu nenda kaoge huko usinipakie mjukuu wangu unajisi, najua umetoka wapi hadi muda huu kweli? Nenda kaoge huko”

Basi Erica alienda kuoga kisha kumchukua mwanae kwenda nae chumbani, kiuwekili hata hamu ya kula hakuwa nayo kabisa.

Aliamua tu kulala, akiwa katikati ya usingizi, akamuona Yule mganga ndotoni akimwambia,

“Nakupenda sana Erica, nitakufanyia kila kitu utakacho. Nakupenda sana”

Kisha akamuona Yule mganga akimsogelea kama anataka kumbusu hivi, Erica akashtuka huku jasho likimtoka, akaogopa sana hata kulala tena aliogopa na kuanza kukumbuka story za watu kuwa kuna majini mahaba, kwahiyo alijikuta akijawa na mashaka sana kuwa pengine akute majini mahaba.

Alikaa kaa kisha akaamua kulala tena, muda huu aliona kama yupo ka Yule mganga halafu anataka kunywa kile kinywaji, Erica alishtuka na kuita mama yake kwa nguvu, mama yake alifika na kumkuta Erica akihema sana ikabidi amuulize kuwa tatizo ni nini,

“Kuna mtu wa ajabu nikilala ananijia mama yani nakosa hadi usingizi”

Ikabidi mama yake aingie kwenye maombi, na baada ya yale maombi ndipo Erica akalala sasa.

Kulivyokucha, mama yake alienda kumshtua saa mbili asubuhi,

“Kheee wewe huendi kazini? Wewe mwenyewe urudi saa tano za usiku halafu hadi saa hizi hujaenda kazini tatizo ni nini?”

“Nilisahau kuamka mama”

“Haya amka ujiandae”

“Ila mama nishachelewa”

“Aaah sitaki kusikia hizo mada, jiandae uwende kazini utatafuta jinsi ya kumueleza bosi wako ila uende kazini, na kama huendi utoe taarifa sio kama mambo ya shemeji yako James kuwa kila siku ulikuwa unamuomba ruhusa, kumbuka huko ni ofisi mpya”

Basi Erica aliinuka kitandani na kwenda kuoga halafu kujiandaa ili aende kazini, sema kiukweli hakutaka kwenda tena kazini ila akaenda tu sababu ya mama yake.

Basi alifika ofisini kwenye mida ya saa nne kasoro, akaona ni vyema aende kwanza kwa bosi wake kuripoti ili ajue mbivu na mbichi ila cha kushangaza alivyofika kwa bosi wake hakumkuta ofisini, kwahiyo akaamua kwenda kwenye ofisi yao na kumkuta George akiendelea na kazi, akamsalimia kisha George akamuuliza,

“Mbona leo umechelewa sana?”

“Nilishikwa na tumbo la asubuhi yani limeniendesha sana”

“Aaah pole ila mbona upo hivyo?”

“Nipoje?”

“Aaah hamna kitu”

“Na bosi yuko wapi maana nilikuwa nataka nimwambie kuwa kwanini nimechelewa”

“Hivi unadhani huyu mama huwa anafatilia kiasi hiko? Kama kitengo hiki ninayefatilia ni mimi, sema na uzuri ni kuwa leo hajafika ofisini na sijui kwanini hajafika”

“Aaah kumbe”

Basi Erica akaanza kufanya kazi za pale ila alikuwa na mawazo sana kiasi kwamba hakuwa na raha kabisa.

Muda wa kutoka, leo George alimwambia tena swala la kumpa lift Erica ila Erica aligoma kwani bado alikuwa na kumbukumbu ya kitendo cha kipindi kile cha George kutaka kumbaka, sasa akimgeukia humo kwenye gari itakuwaje? Kwahiyo akaona ni vyema akapande daladala tu kama kawaida.

Basi akaondoka na kwenda stendi ya daladala kama kawaida, ila leo kabla hajapanda alihisi kama kuna uwepo wa mtu nyuma yake, akageuka ila hakumuona mtu yeyote, akaamua kusogea eneo lingine bado alijihisi kuna mtu kasimama nyuma yake, ila alipogeuka hakuona mtu tena. Hofu ikamshika na kutamani daladala ifike tu apande maana hakuelewa ni mtu gani anamfatilia, gafla akapigiwa simu na kupokea, Yule aliyempigia alijitambulisha kuwa Yule jirani wa Bahati, kwa hapo akahisi kuwa ni huyo ndio anamfanyia mchezo wa kukaa nyuma yake ila akamsikiliza’

“Erica, ikija daladala hata kama imejaa ingia upande, ukifika nyumbani nipigie nikwambie maana mtu aliyekuwa nyuma yako si mtu mzuri. Usinijibu ila panda daladala iliyojaa akose nafasi”

Erica aliogopa hata kumjibu Yule dada, na kweli daladala ilikuja imejaa maana muda wote alikuwa akisubiri daladala tupu ili akae kwenye siti, ila toka ameambiwa hivyo alipanda daladala iliyojaa na kuondoka zake.

Alivyofika kwao, alimsalimia mama yake kisha aliingia chumbani kwake kwani alikuwa na hamu sana ya kujua kuwa ni kitu gani Yule mdada anataka kumwambia, akampigia simu na kumsikiliza,

“Ushafika nyumbani?”

“Ndio nimefika”

“Erica, kuna mtu alikuwa akikufatilia ila si mtu mzuri Yule maana alikuwa akitokea na kutoweka”

Erica alishtuka na kumuuliza Yule mwanamke kuwa huyo mtu yukoje, kwa jinsi Yule mwanamke alivyomueleza moja kwa moja Erica alijua ni Yule mganga maana sifa zote za Yule mganga ndio alizoambiwa, kwakweli Erica aliogopa na hakuweza kukaa kimya zaidi akaamua kumueleza ukweli huyu dada jinsi alivyoenda na rafiki yake kwa mganga na jinsi Yule mganga alivyotaka kumpa dawa na yote yaliyomtokea usiku, Yule dada alishtuka sana na kumuuliza vizuri Erica,

“Eeeeh huyo mganga ni wa wapi?”

Ikabidi Erica aanze kumuelekeza vile alivyokwenda na rafiki yake,

“Uwiii Erica umepotea yani umepotea kabisa, bora hata ungeniomba ushauri kwanza. Huyo mganga ni mzuri sana ila ana majini makali sana, yani kama hivyo kashakupenda tayari na ili kumuepuka labda tupate mganga wa zaidi yake. Namfahamu stori zake huyo mganga, kashalala na wadada wengi waliokwenda kwake ilimradi awapende tu, yani yeye hakutongozi usoni ila atakuvutia kwa dawa na ndotoni”

“Naogopa dada, sasa nifanyeje”

“Inatakiwa twende kwa mganga zaidi yake, ila leo ngoja nikufundishe cha kufanya maana atakufata usiku utajikuta tu umelala nae hata ndotoni”

Kwakweli Erica aliogopa sana na kuanza kusikiliza maelezo anayopewa na Yule mdada, kisha alipokata simu akatoka na kumuaga mama yake kuwa anaenda dukani ila alienda kutafuta vitu alivyoambiwa na Yule mwanamke.

Kwakweli mama yake hakumuelewa kabisa na kujiuliza kuwa mwanae ana matatizo gani, maana toka amerudi kazini hakuekeweka kabisa, akajipanga kumuuliza kuwa tatizo ni nini akitoka dukani ila Erica alikawia sana kurudi mwisho wake wakati anarudi alimkuta mama yake amesinzia sebleni na mjukuu wake mikononi.

Erica aliingia chumbani akawasha dawa aliyoambiwa kisha akaenda kuoga, ile harufu ya ile dawa ndio ilimshtua mama yake usingizini na hadi akaanza kutafuta harufu inatokea wapi, wakati huo Erica alitoka kuoga na kurudi chumbani kwake ila aliona kama kuna ujumbe umeingia kwenye simu yake, akachukua na kuuangalia, akaona umetoka kwa Yule mwanamke aliyesema ni mwanamaombi ulisema,

“Watu wangu wanaangamia kwa kukosa maarifa”

Akashangaa kwanini katumia ujumbe huo na Yule mama, kisha mama yake akamgongea kwa nguvu, Erica akafungua na mama yake akaanza kufoka,

“Umewasha mavitu gani kwenye nyumba yangu?”

Erica alimuangalia tu mama yake, kisha mama yake alichukua maji na kwenda kuzima, ndipo Erica sasa akamwambia mama yake,

“Aaah mama umezima wakati nataka kujifukiza”

“Hivi wewe mtoto una akili kweli? Mambo ya kiganga haya, nieleze sasa umeanza lini kwenda kwa waganga?”

“Mama nisamehe”

“Mjinga wewe, nisamehe ndio nini? Hebu fungua madirisha huko harufu yako itoke hii, kuniletea ujinga kila kukicha kwenye nyumba yangu, hivi una nini lakini Erica jamani? Kwanini unakuwa hivyo, iko wapi elimu yako? Na usomi huo bado unaamini waganga? Wewe mtoto una matatizo gani? Fungua madirisha hayo na uje sebleni unieleze ujinga wa hizo dawa umeutoa wapi uchome kwenye nyumba yangu”

Basi Erica alifungua madirisha ya chumbani kwake na kwend akuzungumza na mama yake, alipofika sebleni alimuona mama yake amechukia sana akitamani hata kumnasa vibao Erica, ila akamuangalia tu na kumtaka aeleze ukweli wote asimfiche jambo lolote.

Ilibidi Erica amueleze kila kitu mama yake kwani akaona hata akificha hatopata faida na ile hali itazidi kumtesa, akamueleza hata jana yake kuwa ndio chanzo cha yeye kushtuka usiku wa manane maana huyo mganga alikuwa akimfatilia kwenye ndoto. Kitu pekee ambacho hakumwambia mama yake ni kuhusu kazini kwake tu, kwakweli yale maelezo mama Erica alionekana kuchukizwa sana na kuanza kusema,

“Unajua nimechukia sana ila sitaki kuongea kwa hasira maana hutonielewa, unajua mara nyingine mtu unafanya vitu ambavyo badae unakuja kujutia. Ujinga wako ungefanya uwe mke wa mganga wewe, badala uje kusema mama kuna hili na lile na lile, nisaidie maombi mama ila wewe miguu inakuwasha moja kwa moja kwa mganga haya unayachukua na kuyachukua, nakwambia utamsahau huyo Erick na yeye atakusahau kwa ujinga wako. Kijana wa watu ana moyo balaa, yani hupatikani kwenye simu sijui upokei ila anapiga na kuongea na Angel yani wewe Erica wewe usipojiangalia utakosa mwana na maji ya moto”

“Nisamehe mama, naomba unisaidie mama yangu yani sielewi”

“Sitaki kuongea sana ila tutasali pamoja na kama usiku ukiona chochote hukielewi basi uniamshe mama yako tuombe sio kesho tena miguu ikuwashe uwende kwa mganga mwingine.”

“Sirudii mama kufanya hivi”

Basi mama yake alienda nae chumbani kwake na kufanya maombi kwa muda kidogo kisha akamwambia akale ndio alale maana hata kula alikuwa hajala, basi Erica alienda kula na kurudi chumbani kwake ili alale.

Tangia jana hakuwasiliana kabisa na Erick sababu hakupata muda wa kumtafuta kutokana na muda aliofika na kulala, jana kumaliza shughuli zote alilala saa sita, na siku hiyo baada ya mambo yote alijiona saa sita ikimgongea na muda huo akataka kulala ila alipigiwa simu, kuangalia ni namba ya Yule mwanamaombi, akapokea na kuanza kuongea nae baada ya salamu,

“Erica, najikuta Napata mzigo juu yako kuwa nikuombee sana. Napata picha kuwa unapitia kwenye magumu sana”

“Kweli kabisa napitia kwenye magumu”

“Basi usiache kuomba, kilichonifanya nikupigie simu usiku huu ni kitu kimoja”

“Kitu gani hiko?”

“Kuna kitu nakiona kipo siku ya kesho, sijui ni kitu gani ila naona kipo kwako. Kama utaweza basi kesho tulia kwenu tu ukifanya ibada na usiende popote”

Basi Erica alimshukuru na kukata simu ila alijifikiria na kusema,

“Mmmmh ndio hawa hawa anaanza nakuombea nakuombea, sijui kesho usitoke kuna kitu kibaya kwako. Yeye kajuaje? Halafu kesho atanitafuta na kutaka sadaka na kusema nimekuzuia sijui nini na nini. Ngoja nilale zangu mie”

Basi akataka kujilaza ila aliamua kufanya maombi kwanza kwa muda mfupi ingawa aliomba na mama yake ila alijiona ana sababu za kufanya maombi,

“Eeeh Mungu nisaidie, mimi ni mwenye dhambi nakukosea sana nisamehe Mungu wangu. Naomba nisianguke kwenye mikono ya wote wanaonihitaji kwa mabaya, Yule mganga asinipate wala yeyote Yule asinipate, naomba nitunze kwaajili ya Erick tu. Amen”

Alimaliza maombi yake ila akajiuliza,

“Hivi maombi ndio yanatakiwa yawe hivi kweli? Lakini sijui kuomba, Mungu atanisaidia tu maana ananijua”

Muda huo aliamua kulala na alilala vizuri tu kwani hakujiwa na ndoto yoyote kama iliyomjia jana yake.

Kulipokucha ni mama yake alimuamsha kuwa aende kazini maana mama yake hakujua chochote kinachoendelea kwenye kazi juu ya mwanae, kwa upande mwingine Erica alihisi kwamba huenda Yule bosi wake hajaelezwa ukweli na Tumaini maana kama angeelezwa ukweli basi jana yake angemkuta, ila kwavile hakumkuta alihisi ni amani tu kwake na ataendelea kufanya kazi huku kujizuia kuwa Yule mama asimjue.

Alijiandaa vizuri na kwenda kazini, alifika na kwenda ofisini kwao moja kwa moja ila hakumkuta George akashangaa kuwa siku hiyo George kachelewa au vipi ila kuna upande mwingine aliamua kwenda kwa bosi wao yani Yule mama yake Erick, alivyofika mlangoni kabla ya kugonga alitegesha sikio na kusikiliza Yule mama anaongea na nani maana alisikia kama anaongea na mtu, ndipo akagundua kuwa anaongea na George, akategesha vizuri sikio kusikiliza,

“Yani George, kumbe Yule Erica hafai hafai kabisa huwezi amini, nimemuajiri hapa kumbe nimeajiri nyoka wa kumtafuna mwanangu.”

“Kuna lipi kafanya tena”

“Yule msichana kazaa huko, halafu mtoto kamsingizia mwanangu”

“Kumbe ana mtoto Erica”

“Ndio ana mtoto, jana nilienda na Tumaini mahali kwakweli alivyonionyesha vimenisikitisha sana. Sikutegemea kama binti niliyemuona mpole, mtulivu na mcha Mungu kumbe ni shetani wa mashetani, hivi kashafika uniitie? Usimwambie lolote, nitaongea nae mwenyewe”

Erica akaona msala, aliingia kwenye ofisi yao na kuchukua mkoba wake na kutoka, alipita pale mapokezi kama kishada vile yani hakutaka hata kusimama.

Alipotoka nje ya ofisi wakati anatembea akielekea stendi, alishangaa kuna gari ilipaki pembeni yake milango ikafunguliwa na muda huo huo akaingizwa kwenye lile gari yani kilikuwa kitendo cha muda mfupi na kumfanya ashindwe hata kupiga kelele, wakati ameinua sura yake apige kelele alishangaa kumuona Mzee Jimmy ndio yupo ndani ya gari lile.

Alipotoka nje ya ofisi wakati anatembea akielekea stendi, alishangaa kuna gari ilipaki pembeni yake milango ikafunguliwa na muda huo huo akaingizwa kwenye lile gari yani kilikuwa kitendo cha muda mfupi na kumfanya ashindwe hata kupiga kelele, wakati ameinua sura yake apige kelele alishangaa kumuona Mzee Jimmy ndio yupo ndani ya gari lile.

Erica akaona hapo asipotumia akili basi atabakwa, kwahiyo aliamua kuwa mpole ili kuona kama anaweza kuiteka akili yam zee Jimmy, kwakweli hata yeye alimshangaa Erica maana mwanzoni alionyesha kama kutaka kupiga kelele ila gafla alivyomuona mzee Jimmy alitulia tuli, ilibidi mzee Jimmy amuulize,

“Mbona hujafanya purukushani sasa ili nikushushe?”

“Nifanye purukushani za nini sasa? Nitakuwa sina akili, Dora kaniambia kila kitu jinsi unavyonipenda halafu nianze purukushani kweli?”

“Aaaah kwahiyo nawe umeridhia? Mbona Dora alisema umegoma?”

“Niligoma ili nione Dora nae ana lengo gani maana Yule rafiki yangu ana tamaa sana, ila nilipofikia unataka kunioa nilifurahi sana maana hiyo ndio ndoto ya maisha yangu”

“Erica nitakuoa kweli, basi chagua eneo tukafurahi pamoja”

Erica alifikiria kisha akachagua mahali ambapo alijua ni rahisi kwa yeye kuweza kurudi kwao, kisha Yule mzee akaenda nae alipopachagua, kiukweli Erica hakutaka kufanya fujo yoyote maana hakujua huyu mzee kajipanga vipi ukizingatia, nyuma ya lile gari la mzee Jimmy kulikuwa na gari nyingine ndogo ambayo nayo ilienda pale pale kwenye hoteli ambayo Erica aliichagua na walikaa meza ya pembeni kidogo na ile aliyokaa Erica na mzee Jimmy.

Kisha Erica na mzee Jimmy wakaagiza vinywaji huku Erica akiendelea kumuhoji mzee Jimmy ili kuweka uaminifu kwake,

“Kwahiyo utanioa lini?”

“Yani mwaka huu haupiti Erica, utakuwa mke wangu. Ila nina hamu mwenzio, basi twende ukanipe”

“Sawa usijali, tunywe kidogo tupate nguvu na nikakupe kwa staili yoyote unayotaka”

Alikuwa akisema hayo huku akiwaza sana maana hakujua hata afanye kitu gani, muda kidogo akapigiwa simu alipoiangalia aliona ni Yule mwana maombi, ikabidi Erica apokee kwani aliona kama mkosi wa siku hiyo ndio umejengeka,

“Hallow Erica, sehemu uliyokuwepo si salama, ondoka upesi”

Erica akakata ile simu na kumuangalia mzee Jimmy huku sura yake ikionyesha machozi, ikabidi mzee Jimmy amuulize kuwa imekuwaje,

“Mama kanipigia simu eti mwanangu kazidiwa sana, Mungu wangu sijui nitafanyaje mimi!”

“Sasa itabidi apelekwe hospitali, basi twende wote kwenu”

“Tukienda wote mama yangu hatotuelewa kabisa, masikini mwanangu sijui nafanyaje”

“Sikia basi, twende nje pale nikuchukulie tax halafu uende nayo hadi kwenu mchukue mtoto muwaishe hospitali, halafu utanijulisha ni hospitali gani usijali kila kitu nitalipa mimi”

Basi Erica alionekana kuchanganyikiwa kabisa hadi mzee Jimmy alimuhurumia, wakatoka nje na kumchukulia gari ya kukodi ambapo akampa pesa Erica za kumlipa Yule dereva ili kama pesa aliyompa haikutosha maana kuna pesa nyingine alimpa Yule dereva wa gari ya kukodi.

Kisha Erica alipanda kwenye ile gari na dereva alianza safari ya kumpeleka kwao.

Walivyofika Erica aliingia ndani kwa muda na kuweka mkoba wake, kisha akatoka na kusimama mlangoni akimwambia Yule dereva aondoke tu akamwambia kama mzee Jimmy atamuuliza amwambie kuwa ulikuta gari nyingine inasubiri kunipeleka hospitali, kwavile dereva alishalipwa chake kwahiyo hakuona tatizo kujiondokea tu.

Erica akarudi ndani kwao, hakutaka hata kuongea chochote na mama yake zaidi ya salamu na kwenda chumbani kwake, kakweli hakuamini kama karudi nyumbani akiwa mzima kabisa, ila kwa tukio lile kuna jambo kubwa sana alikuwa kajifunza.

Kwanza alijiuliza, Yule mzee Jimmy ilikuwaje akapita pale nje ya ofisi ya mama Erick? Na alijuaje kama yeye yupo pale? Alijiuliza na kukosa jibu ila alimshukuru Mungu tu kwa kumuokoa maana mpaka muda huo hakuamini kabisa kama alikuwa amepona toka mikononi mwa mzee Jimmy, aliamua kujilaza sasa.

Jioni ndio mama yake akaenda kumuamsha na kumfanya aamke na kwenda kuoga ili kuondoa uchovu, kisha mama yake alimuita na kuongea nae,

“Unajua Erica sijakuelewa tangu umerudi, maana umenisalimia tu ukapitiliza kulala. Tatizo ni nini maana leo umerudi mapema kutoka kazini halafu hukuwa kwenye hali ya kawaida, tatizo ni nini?”

“Ngoja nikwambie ukweli mama yangu”

“Niambie”

Akaanza kumueleza mama yake alivyokutana na Yule mwanamaombi na zile jumbe alizokuwa akimtumia na tangu jana alivyomwambia kuwa asitoke,

“Sasa mimi leo uliponiambia niende kazini nikaamua kwenda tu, sikutaka kusikia yale maswala ya usitoke wala nini maana nilihisi nae pengine ana mambo kama ya waganga wa kienyeji. Ila nilipokuwa kazini, nikatoka nje mara moja gafla nilikamatwa na mtu na kuingizwa kwenye gari, kuangalia mama alikuwa mzee Jimmy yani ilikuwa hatari leo”

“Eeeeh kwahiyo huyo mzee akakubaka?”

“Hapana mama hakunibaka”

“Ila ikawaje?”

Ikabidi amueleze ilivyokuwa hadi akaweza kuondoka mikononi mwa Yule mzee,

“Kwakweli mama leo ingekuwa habari nyingi, maana ningebakwa hivi najiona”

“Wewe mtoto una kilanga, tena una kilanga haswaa, mtu wa watu kaonyeshwa kuwa kuna baya mbele yako na kakwambia usitoke ila wewe mjuaji basi kiguu na njia Yule ukatoka. Ulishindwa nini kuniambia leo mama siendi kazini sababu ya moja mbili na tatu, ningekataa? Yani na ungebakwa ungekuwa umejitakia mwenyewe kwa kilanga chako? Mtoto hujielewi kabisa wewe, kila siku nasema wewe ni bure kabisa, sikukuzaa hivyo Erica hata huwa sielewi hiyo akili mbovu unaitoa wapi”

“Mama jamani”

“Sio mama jamani, tena nahisi huyo mzee ameathirika yani leo ungepata mimba na ukimwi juu. Mshukuru sana huyo aliyekuwa akikuombea maana ulimpa mzigo mzito wa kufanya maombi juu yako, hata hiyo akili ya kumkwepa leo mzee Jimmy ni Mungu tu kakusaidia mjinga wewe. Ulishindwa nini kunieleza jana mama yako? Unahisi ni mazuri maswala haya?”

“Hapana mama ila sijui hata ilikuwaje sikukwambia”

“Hivi na huyo mzee anataka nini kwako mwanangu? Naomba akikutafuta mwambie aje nyumbani, nataka nizungumze nae kama mzazi, hivi anakutakia nini mwanangu jamani? Ujanani ale na nani na uzee aje amfie nani? Kuna watu wengine hawajiheshimu kabisa, anatakiwa kuheshimu hisia zako kuwa humtaki sio kukulazimisha lazimisha”

“Nishamwambia simtaki mama ila namshangaa kwakweli, ila leo dah sijui ingekuwaje jamani hata sielewi”

“Sikia Erica, siku zote nakwambia ila hunielewi nazungumzia nini. Nimekwambia kuwa lisemwalo lipo na kama halipo linakuja, hayo ni maneno ya waswahili ila yana maana sana. Unapopata ujumbe wowote usiupuuzie na kusema kuwa haiwezi kutokea, haitotokea kama utasimama kweli kumuomba Mungu kuwa hilo jambo baya unalikataa lisitokee katika maisha yako. Sio kuomba hujui halafu unajifanya eti hakuna kitu wakati mtu kashakuzuia usitoke”

“Mama sikujua, nilihisi anajisemea tu”

“Hata mtu akiwa anjisemea tu unatakiwa kukemea sio kujifanya hamna kitu. Maneno yanajenga, maneno yanaumba. Mwisho wa siku unaanza kujilaumu kuwa ningejua ningejua, na kumbuka kuwa majuto ni mjukuu, wewe mtoto usinitafutie makubwa ujue, kila kitu uwe unaniambia maana nishaanza kuona kama akili zako mbovu. Umenisikia, kila kitu uwe unaniambia”

“Sawa mama nitakuwa nitakwambia”

“Mficha maradhi kifo humuumbua, na kumbuka kusali tu kwani maombi ndio silaha tosha, mambo yako ya kushawishiwa kwenda kwa mganga sitaki kuyasikia sawa”

“Sawa mama”

Erica alimuitikia mama yake na kwenda kufanya mambo mengine, kisha kumchukua mwanae na kwenda nae chumbani.

Kabla ya kulala leo alipigiwa simu na Erick, kisha akapokea na kumsalimia,

“Kweli Erica jamani mpenzi wangu, siku mbili nzima hakuna kuwasiliana kweli?”

“Nisamehe bure”

“Namba yako kila nikiitafuta siipati jamani, nimekuwa nikimtafuta bibi yake Angel tu ili niongee na Angel, ni haki kweli hiyo unayonifanyia Erica?”

“Nisamehe Erick jamani”

“Au kwavile nimesema hadi nifikirie cha kufanya kuhusu swala la ndoa mimi na wewe ndio ukaamua kunifanyia visa hivi!”

“Erick, ngoja nikwambie ukweli. Kazi ninayofanya inanibana sana kiasi kwamba nakosa muda kabisa hata sielewi labda simu inakuwa imejizima au nini ila narudi nimechoka sana”

“Kama ni hivyo basi hiyo sio kazi inayokufaa, bora ukae nyumbani tutafute kazi nyingine Erica kuliko kazi ya kukufanya hadi usahau majukumu yako. Unafikiri itakuwaje hata tukiishi pamoja yani upon a kazi tu hakuna muda wa familia unafikiri inakuwaje? Naomba tukubaliane Erica, hiyo kazi uache”

Kwavile Erica alihitaji kuacha kazi kutokana na kujua ukweli kuhusu bosi wake, kwahiyo hakuona tatizo la kusema kuwa anaacha hiyo kazi, ila tu hakutaka kumwambia ukweli Erick kama bosi ni mama yake kwani alihisi ni kumchanganya zaidi,

“Erick nimesikia, nakuahidi naacha hiyo kazi”

“Unaacha lini?”

“yani kuanzia leo ndio nimeacha hivyo, kesho sitaenda tena maana nisijenikaenda wakanilazimisha nisiache, bora nisiende tu na kisha waniachishe wenyewe moja kwa moja”

“Sawa sawa, nimefurahi kuona una masikio ya kunisikiliza mumeo ninachotaka. Tutatafuta kazi nyingine na kama nikiona kazi zinakubana sana basi nitakutafutia biashara ya kufanya kwani najua kukaa nyumbani kunabore sana, kuhusu swala la pesa nitakuagizia pale dukani ukachukue, sawa”

“Sawa, asante”

Erica alitabasamu zaidi aliposikia kuhusu swala la pesa kwani kwa yeye pesa ndio inayomfanya atafute kazi na kuhangaika na mambo mbalimbali ila akiwa na uhakika wa kupata pesa basi atajishughulisha na mambo madogo madogo tu, yani hadi anaagana nae kulala alikuwa na furaha sana.

Usiku wa manane kwenye ndoto akajiwa tena na Yule mganga, safari hii alimwambia,

“Haijalishi ni jinsi gani unanikwepa ila lazima nitakupata Erica”

Akawa kawa anamsogelea ili ambusu, Erica alianza kupiga makelele na mama yake alienda chumbani, kisha akamsimulia mama yake kuhusu aliyoyaota, ikabidi mama yake aingie kwenye maombi na baada ya hapo ndipo alilala tena hadi panakucha hakujiwa na ndoto ya Yule mganga kabisa.

Kulipokucha Erica akaamshwa na mlio wa simu, kuangalia ni Yule mama muombaji, akapokea na kumsalimia kisha aliamua kumueleza kilichomtokea jana,

“Kwakweli simu yako ndio ilinisaidia”

“Ni Mungu ndio kakusaidia Erica, ila unatakiwa kuomba sana. Na jana usiku ni kitu gani kilikupata? Maana nilishangaa nikipata mguso wa kuomba kwaajili yako”

Basi Erica aliamua kumueleza huyu mwanamke kuhusu swala la yeye na rafiki yake kwenda kwa mganga na jinsi huyo mganga anavyomsumbua katika ndoto na jinsi anavyomuamshaga mama yake na kisha kufanya maombi.

“Erica, mshukuru Mungu sana una mama anayemjua Mungu maana kwa mapito yako ungejikuta upo sehemu mbaya sana”

“Kwakweli namshukuru Mungu kwa hili”

“Sasa ngoja tuendelee kumsihi Mungu tujue tatizo ni nini mpaka huyo mganga anaweza kuendelea kuja ndotoni, Mungu ni mwaminifu Erica na atatujulisha tu. Unajua tukijua chanzo inakuwa rahisi sana kuifunga ile namna anayopitia kuja katika ndoto zako. Nitaendelea kukuombea ila na wewe uendelee kujiombea”

“Asante, nashukuru”

Basi akakata simu na kuamua kuamka tu kama kawaida ila siku hii wala mama yake hakumuimiza tena kwenda kazini, ila ile asubuhi alimuuliza tu kuwa inakuwaje na maswala ya kazi,

“Mama nimeona Yule mzee kashapajua pale ninapofanyia kazi atanisumbua sana, nimeamua kuacha kazi tu”

“Aaah mwanangu, unaacha kazi kirahisi kama hivyo sababu ya mjinga mmoja anayekusumbua akili yako. Sikia mwanangu naomba huyo mzee akikutafuta tena mwambie aje nyumbani, nahitaji kuzungumza nae maana sio kitu kizuri huwezi fanya kazi sehemu yoyote ile maana akiijua tu unaanza kuwa na mashaka na maisha yako, nahitaji afike hapa nizungumze nae maana sijapendezewa na tabia yake kabisa. Vipi hajakutafuta?”

“Hajanitafuta mama”

“Sawa, halafu inabidi tuendelee na maombi na wewe usiache kuomba maana ni makubwa sana umeenda kutazoa kwa yule mganga”

“Sawa mama nimekuelewa”

Akaelewana na mama yake pale kisha akaendelea kufanya mambo mengine.

Kwenye mida ya mchana akiwa chumbani kwake alipigiwa simu na dada yake Mage ikabidi apokee na asikie kuwa ana kipi cha kumwambia, baada ya salamu dada yake alianza kumueleza kuhusu alipofikia kwenye swala la yeye kutembea na ndugu yake,

“Erica, tumeongea na baba wadogo nimewaeleza ukweli, wamesema inabidi tukafanye tambiko”

“Tambiko?”

“Ndio tambiko Erica, unajua ili jambo sio la kawaida yani bila tambiko hiyo laana haitofutika”

“Ila dada kwanini tusiende kwenye maombi tu”

“Wewe Erica hebu niondolee kichaa mie, wakati unaenda kulala na Derick mlikumbuka maombi? Hayo unayoyaita maombi, ulikumbuka kuyafanya wakati unaenda kulala na ndugu yako?”

“Jamani dada”

“Sio jamani dada, ujinga wa namna hiyo siwezi kuukubali hata kidogo umesikia? Tunatakiwa tukafanye tambiko, nimejitoa kwaajili ya maisha yako wewe na Erick, kumbuka sihusiki kwa lolote ila ni nyie wawili ndio mmefanya hadi inabidi tukafanye tambiko”

“Lakini dada”

“Hakuna cha lakini, mwenzio nishamwambia na amekubali, ni Jumamosi tutasafiri kwenda kufanya hilo, kwahiyo na wewe ujiandae”

“Ila dada mama amekataza mambo hayo ya waganga”

“Aliyekwambia tambiko ni mambo ya waganga nani? Inamaana kusoma kote huko hujui maswala ya tambiko? Umefanya mambo ya ajabu lazima tufanye tambiko”

“Kwanini tusifanye maombi tu badala ya tambiko?”

“Hivi wewe Erica unajua maombi wewe? Tangu lini ukajua maombi? Ungeyajua maombi ungezaa nje ya ndoa? Ungeyajua maombi ungetembea na ndugu yako? Ungeyajua maombi ungezaa na mtu unayotofautiana nae dini? Maombi huyajui wewe, hebu nitolee balaa na ukizidi kubisha nitamweleza mama kila kitu halafu uone mama atasemaje baada ya kusikia kuwa ulilala na kaka yako”

“Jamani dada usimwambie mama tafadhali”

“Basi jiandae Jumamosi tusafiri tukaivunje hii laana”

“Sasa mama nitamwaga vipi?”

“Ni siku nyingi hatujaenda kuwasalimia baba wadogo, unatakiwa umuage mama kuwa unaenda kuwasalimia baba wadogo ila mmmh hapana mama atagoma maana anaugomvi wake na wale watu. Basi mwambie mama kuwa kuna mahali unaenda na mimi, ili aniulize mimi na nitajua cha kumwambia yani wewe mwambia kuwa hufahamu chochote kuhusu sehemu unayoenda. Jiandae mapema kabisa, tukutane stendi kuu asubuhi na mapema, Jumatatu utakuwa umerudi nyumbani”

“Mtoto je?”

“Mtoto utaenda nae wapi?”

“Ila bado ananyonya dada”

“Huyo mtoto unamnyonyesha uchafu tu, sikia tutakavyoondoka ndio itakuwa njia pekee ya kumuachisha mwanao ziwa maana utakavyorudi atakuwa ashazoea”

“Dada jamani, nilitaka mwanangu afike miaka miwili kwanza ndio nimuachishe”

“Kwani miaka miwili ndio nini?”

“Kliniki wanashauri kuwa ni vizuri kwani mtoto anakuwa na afya”

“Achana na habari za kliniki, mtoto akitembea tu anaachishwa ziwa sembuse huyo Angel anayemaliza maneno. Haya sisemi lingine tena ila jiandae tu Jumamosi kwaajili ya hiyo safari”

“Sawa dada”

Kisha dada yake akakata simu, kwakweli hakuwa na namna ya kufanya zaidi ya kukubali tu kwani hakuwa na namna zaidi ingawa kila akifikiria kuwa baada ya hapo itakuwa mwisho kumnyonyesha mwanae aliumia zaidi maana alipenda aendelee kumnyonyesha mpaka afunge miaka miwili.

Alitoka chumbani na kwenda sebleni ambako alikuwepo mama yake ila kumwambia chochote hakuweza, wakati akiongea nae mengine simu yake iliita na alipoiangalia ilikuwa ni namba ya mzee Jimmy, akasita kidogo na mama yake akamuuliza,

“Mbona unasita wakati simu inaita?”

“Ni mzee Jimmy mama”

“Sikia, pokea na umwambie kuwa aje nyumbani nahitaji kuonana nae, yani mwambie lolote ila aje hapa nionane nae haiwezekani animalizie furaha ya mwanangu kiasi hiki”

Basi Erica alipokea ile simu na kuongea nayo ambapo akamwambia kuhusu swala la kufika nyumbani kwao kwanza kwani mama yake anataka kumuona,

“Aaah mama mkwe anataka kuonana nami?”

“Ndio”

“Anataka tusemezane kitu gani?”

“Sijui, ila anataka kuonana nawe”

“Basi mwambie nitakuja kesho jioni”

“Sawa nitamwambia”

Basi alivyokata simu akampa huo ujumbe mama yake, na kumuuliza,

“Sasa mama, utaongea nae nini?”

“Erica, mimi ni mzazi na ninaumia sana tofauti na wewe unavyodhani. Nahitaji kuongea nae kwani najua kuwa hata yeye ni mzazi, hapa ni nyumbani kwangu nimemuita hapa kwa makusudi kabisa na akili zangu zinachemka”

“Sasa mama kama akifanya kitendo kibaya hapa nyumbani?”

“Hapa ni nyumbani na hata hivyo naamini Mungu atatusimamia katika hili, nahitaji kuongea nae ukweli sio kukukosesha raha na furaha kiasi hiko, kwanini akufanyie hivyo? Mapenzi huwa hayalazimishwi”

“Sawa mama nashukuru kwa upendo wako maana nilishachanganyikiwa juu ya hili swala”

Wakajadiliana pale kuhusu mambo mbalimbali ila hakuthubutu kugusia kuhusu swala la yeye na dada yake kwenda kufanya tambiko kwani alijua akimwambia tu mama yake basi habari yake kuwa alilala na Derick itajulikana na yeye hakutaka ijulikane.

Usiku ulipofika kama kawaida hakutaka tena kupoteza muda bila kuwasiliana na Erick, aliongea nae na kumpa mtoto aongee nae kisha yeye kuendelea kuongea nae ambapo Erick alimuuliza,

“Kwahiyo leo hukwenda kazini kama tulivyokubaliana jana usiku si eti eeh!”

“Ndio, sikwenda si nilikwambia naacha kwahiyo nimeacha”

“Sawa, sasa unapenda kufanya kazi gani nyingine?”

“Kazi yoyote tu”

“Sawa, kuna mtu nimeongea nae kuhusu maswala ya kazi nadhani atakutafuta Jumamosi ili uongee nae vizuri, najua atakaa na wewe vizuri kazini maana nishamwambia kuwa asikupe kazi za kukuchosha mwili wala akili yako”

“Sawa Erick, nashukuru sana”

“Unajua Erica wewe ndio mke wangu, mimi nakupenda sana wewe yani wewe si sehemu tu ya maisha yangu bali wewe ni maisha yangu”

Kwakweli Erica alikuwa akijihisi rah asana kila alipoongea na Erick kwani Erick alikuwa na maneno matamu sana ya kumvutia, kisha akaagana nae na kulala.

Kama kawaida ya kipindi hiko, alijiwa na Yule mganga kwenye ndoto na akaanza kumwambia,

“Erica, siwezi kukuacha na nitaanza na huyo unayehisi unampenda sana. Kesho usiku ukithubutu tu kuongea nae kwenye simu nammaliza”

Erica akashtuka na kupiga kelele tena, ambapo mama yake alitoka na Erica alimsimulia mama yake alichokiota,

“Mmmmh Napata mashaka sana, unajua tunafanya maombi ya kumtuliza huyo mtu maana baada ya maombi haji tena kwenye ndoto zako ila inabidi tufanye maombi ya kumuondoa kabisa yani asikuone. Kuna kipi chake unacho?”

“Sina chochote chake mama”

“Lazima kipo, haiwezekani akufatilie kiasi hiki Erica, ngoja tuingie kwenye maombi”

Basi mama yake aliomba sana kuhusu swala lile kisha alimwambia mwanae,

“Erica, haya ni mapambano makubwa umeenda kuzoa mambo mwanangu. Habari za waganga nilishakukataza mwanangu, ona sasa. Itabidi nishirikishe na watu wengine wa maombi wanisaidie swala hili maana anachosema huyo mtu unaweza ukahisi ni ndoto ila ndio hali halisi, na wewe unatakiwa ujue kujiombea Erica”

“Sawa mama”

Kisha Erica akalala tena, muda huu alilala vizuri tu hadi panakucha.

Ila alikuwa na mawazo sana kwa siku hii yani hakuwa na raha kabisa kila akikumbuka maneno ya Yule mganga kuwa asithubutu kuongea na simu usiku, yani hakuwa na raha kabisa, aliwaza kwanini Fetty alimpeleka kwa mganga kama Yule? Kwakweli ile siku hakuwa na raha.

Ilikuwa inakaribia jioni, sikmu yake ikaita akaangalia mpigaji akaona ni Fetty, akapokea na kuanza kumueleza kuhusu yale yote anayoyaona kwenye ndoto kuhusu Yule mganga,

“Pole rafiki yangu, mimi pia sikujua tabia ya Yule mganga, ndio nimeambiwa na watu nikaamua nikupigie simu rafiki yangu kama umepona. Nasikia Yule mganga kashalala na wateja wake wengi sana kwa kutumia madawa, kwakweli niliposikia imeniuma nikasema ngoja nikuulize rafiki yangu maana nakumbuka siku ile wakati umetoka haraka kwa mganga uliangusha leso, sasa watu wanasema Yule mganga akipata kitu chako kimoja basin i rahisi sana kukuteka. Nimekumbuka hilo nikaamua kukupigia simu”

“Mmmh sasa tutafanyeje maana ananitishia kwenye ndoto”

“Sikia cha kufanya, kuna mganga mwingine nimeambiwa nasikia wengi waliotendwa na Yule mganga wanaenda kwa huyo mwingine, ni kiboko yeye ana nguvu zaidi”

“Hapana Fetty, sitaki tena kwenda kwa mganga”

“Erica, uliangusha leso unadhani kama aliichukua utapona kweli? Ataendelea kukufatilia kila siku, ujue”

“Ngoja nikamwambie mama, ila swala la kwenda tena kwa mganga hapana aisee”

Erica akakata simu na kwenda kufungua mkoba wake ili kuhakikisha kama kweli aliangusha leso, alifungua mkoba wake na kukuta leso yake ipo, akajiuliza kuwa kama kaangusha leso mbona bado ipo kwenye mkoba? Akaichukua kuiangalia vizuri, akashtuka sana kwani leso ile ilikuwa kipande, yani hapo ndio akapata maswali zaidi kuwa kipande kilichobaki kikuwapi?

Akawa anatoka ili akamueleze mama yake, alivyofika sebleni tu alisikia mtu akigonga, na mama yake aliinuka kwenda kumfungulia kwahiyo yeye alisimama pembeni kuangalia kuwa ni nani, mama yake alivyofungua alishangaa kumuona mzee Jimmy ila hakushangaa zaidi kwavile alimwambia jana kwamba anaitwa na mama yake, ila kilichomshangaza ni kuwa mama yake alinyanyua mkono na kumnasa kibao mzee Jimmy kamavile ni mtu anayemfahamu.

Akawa anatoka ili akamueleze mama yake, alivyofika sebleni tu alisikia mtu akigonga, na mama yake aliinuka kwenda kumfungulia kwahiyo yeye alisimama pembeni kuangalia kuwa ni nani, mama yake alivyofungua alishangaa kumuona mzee Jimmy ila hakushangaa zaidi kwavile alimwambia jana kwamba anaitwa na mama yake, ila kilichomshangaza ni kuwa mama yake alinyanyua mkono na kumnasa kibao mzee Jimmy kamavile ni mtu anayemfahamu.

Kisha mama Erica aliwaka na kusema,

“Haya kilichokuleta kwangu ni nini wewe firauni mkubwa? Unataka nini nyumbani kwangu, shetani kama wewe?”

Erica akasogea kwa mama yake na kumwambia mama yake kuwa Yule ndiye mzee Jimmy ila mama yake ndio alizidi kuongea,

“Kheee kumbe ndiomana umekazana kutaka watoto maana watu wazima wote ushamaliza, hivi wewe mwanaume unataka nini kwa walimwengu wewe? Unadhani nasahau ujinga uliotaka kunifanyia, nikiwa na mtoto mdogo huyu huyu ambaye leo unamtaka, shetani mkubwa wewe. Tena umkome mwanangu, ondoka hapa shetani wewe, sikujua jina lako kumbe unaitwa Jimmy, ondoka kwangu upesi shetani wewe na mwanangu umkome, ukiendelea nasema mambo yako yote unayofanyiaga watu, tamaa tu. Hivi watu wazima wameisha? Utaacha lini umalaya wewe? Si ufate watu wazima wenzio, mwanangu mkome mzee wewe, na uondoke kwangu sitaki hata kuongea nawe”

Mzee Jimmy hakusema neno zaidi kwani alionyesha kushikwa na aibu sana kwahiyo alitoka moja kwa moja hadi nje ya geti na kupanda gari lake na kuondoka zake, ila mama Erica aliendelea kuongea hadi Yule mzee alipokuwa ametoka nje bado mama Erica alikuwa akiongea,

“Huna akili hata kidogo wewe mzee, yani maisha yako uhangaike huko balaa halafu uje kuhangaisha na watoto wetu tena, muone vile. Muache mwanangu kama alivyo”

Kisha Yule mama aliingia tena sebleni na kufunga mlango huku akiongea kwa hasira sana na kulaani vikali kitendo cha Yule mzee kuonekana mahali pale.

Ikabidi Erica asogee kwa mama yake na kumuuliza kwa makini kuwa vipi anafahamiana na huyo mzee,

“Mama, kumbe unafahamiana na Mzee Jimmy? Umemfahamu vipi?”

“Yule mzee ni mbwa tena mbwa koko, yani mzee yule hafai ni malaya hatari, kumbe bado anaendelea na tabia yake loh! Unajua sikumjua kuwa ni yeye ulipokuwa unasema mzee Jimmy mzee Jimmy wala sikuwa na wazo kuwa ni yeye maana sikumjua jina lake ila tulimuita kiwembe tu kipindi hiko maana anakata huku na huku”

“Eeeeh mama”

“Yani mzee huyu ni malaya tena malaya koko yani hafai kabisa, ngoja nikueleze nilivyomfahamu huyu mbwa huyu, si uniona mama yako huwa natembea kama nachechemea eeh!”

“Ndio mama”

“Basi chanzo ni huyu mbwa”

“Kheee kumbe! Ilikuwaje?”

“Kipindi cha nyuma kama unavyonijua mama yako napenda kujishughulisha basi ndio hivyo tulikuwa na chama chetu tunakopa huko benki halafu msimamizi alikuwa huyu mzee, jina la kiwembe lilianza pale ambapo alitembea na dada mtu na mdogo mtu ndio watu wakamuita kiwembe kuwa anakata kata tu, sasa kumbe ukitaka mkopo haraka lazima ulale nae ndio upate yani hiyo ndio ilikuwa tabia yako. Sikutaka hata kukutana nae yani nilikuwa namuona ona tu hata sikutaka mazoea nae, kipindi hiko wewe mdogo nakubeba mgongoni, siku hiyo zamu yangu ya kupata mkopo ilifika nimeenda akaanza kuniletea habari zake kuwa lazima nilale nae ndio anipe mkopo, nikamwambia ila mimi nimefata taratibu zinavyosema wala sitaki kwa njia za panya ndiomana sijaharakisha kupata, ila akasisitiza kuwa lazima nilale nae ndio nipewe mkopo nikamgomea kwakweli. Sasa siku hiyo akaniambia kuwa niende ofisini kwake nikasaini makaratasi ya mkopo, basi nikajibeba na mwanangu hadi ofisini kwa bahati nzuri mwanangu nilikuwa nimekubeba kwa mbele maana ingekuwa mgongoni basi saivi nadhani usingekuwepo kwenye macho yangu, nikaingia mule ofisini ili nisaini namsikia mshushe mtoto nikagoma, akasema leo lazima ulale na mimi ndio usaini hizi karatasi, nikagoma kuwa kama ndio hivyo basi, weee Yule mbaba hakukubali akaanza kunilazimisha kuwa nishushe mtoto, nikawa nimegoma tukaanza kupambana yani alinisukuma vibaya nikaanguka chini kwa mgongo hivi dah nilihisi viungo vyangu vimekatika, namshukuru Mungu ulikuwa mbele kwahiyo nilianguka ila nilichokumbuka ni kukushikilia mwanangu bila kujali maumivu ninayopata pale chini, baba asiye na huruma Yule akaainama na kutaka kuanza kunivua nguo, nikapiga kelele ila wapi kelele zangu hazikugonga mwamba, ila ikawa bahati tu kwani muda ule ule kuna watu walikuja na kugonga kwenye ofisi yake, ndipo aliponiachia na kuruhusu wale watu waingie huku akijifanya kuwa ananipa huduma ya kwanza eti nilianguka, yani sina hamu nae, nilitoka nachechemea na kurudi kwangu kumbe kulikuwa na maumivu ya ndani kwa ndani juu yangu, kumbuka hatukuwa vizuri kipesa kipindi hiko. Nilitaka nikafungue kesi kuhusu huyu kiwembe ila watu wakanishauri kuwa itanishinda maana huyu pesa anayo na mimi sina hela kwahiyo kesi itanishinda tu, nilikuja kwenda hospitali wakati tatizo limeshakuwa kubwa na mpka leo nachechemea mwanangu sababu yake. Toka hapo nikaona kuwa sisi wanyonge hatuna mtetezi maana kama nikifungua kesi basi mwenye pesa atanishinda, mtetezi pekee wa wanyonge ni Mungu tu, ndipo nilipoamua kuokoka ili niwe nashtaki kwa Mungu”

Erica alikuwa akilengwa lengwa na machozi kwa maelezo hayo ya mama yake, na akaona kweli ana haki ya kumzaba kibao mzee Jimmy, kwa stahili hiyo hafai kabisa, alimuhurumia mama yake kwani ni kweli alikuwaga akichechemea kwenye kutembea, siku zote hakujua chanzo cha mama yake kuchechemea kumbe ilikuwa ni yeye mwenyewe,

“Pole mama, Mungu atakusaidia mama yangu”

“Mungu ameshanisaidia mwanangu na anaendelea kunisaidia, si jambo jema kuona Yule Yule mtu aliyetaka kunibaka mimi ndio atake kumbaka na mwanangu kweli?? Mara nyingine huwa nahisi yeye alitia kama mkosi kwako mwanangu hata unapata maswahibu mbalimbali katika maisha yako, yani namchukia Yule halafu leo nimuone nimchekee, weee haipo hiyo kwakweli”

Erica alizidi kumpa pole mama yake kwani aliweza kujua kwa undani zaidi ubaya wa mzee Jimmy na kumfanya hata asishangae kuona katembea na Dora nab ado anahitaji kutembea na yeye, kwakweli alikuwa akishangaa sana huku akiendelea kuongea mambo mbalimbali na mama yake.

Kisha Erica aliinuka na kwenda chumbani kwake, na giza lilishaanza kuingia, akaona simu yake inaita kuangalia akakuta Erick anapiga, kwakweli akaogopa kupokea maana alikumbuka maneno yale aliyoambiwa kwenye ndoto na Yule mganga, ndipo akakumbuka hata ile leso ambayo ipo nusu kwahiyo alitoka tena ili kumueleza mama yake.

Akamwambia alivyozungumza na Fetty na jinsi alivyoenda kuangalia pochi yake na kukuta leso nusu,

“Mmmh mwanangu, hatujamaliza hili linazuka lingine jamani tutapona kweli?”

“Sijui mama”

“Hebu mpigie Yule mwanamaombi umueleze hayo na mimi ngoja niwapigie watumishi wengien niwaeleze maana sio kitu cha kawaida hiko”

Basi Erica alichukua simu yake na kumpigia Yule mwanamaombi, kisha baada ya salamu alimueleza Yule mganga alivyomtokea usiku na akamueleza jinsi alivyoongea na rafiki yake na jinsi alivyoona leso yake,

“Erica, kwanza tunatakiwa kumshukuru Mungu sana kwa hilo. Kwakweli Mungu wetu ni muaminifu sana, tulihitaji kujua ni kwanini bado anakufatilia? Ila Mungu katuonyesha kwa wazi kabisa kumbe Yule mganga ana kipande cha leso yako, sasa naomba niingie kwenye maombi ili nijue cha kufanya na hiyo leso. Na wewe uombe tafadhali”

“Sawa, na mimi naomba”

Erica alivyokata simu akamueleza mama yake aliyokuwa akiongea na Yule mwanamaombi,

“Hata mimi watumishiwamesema waombee kwanza swala hilo na kunitaka na mimi kuingia kwenye maombi. Njoo tuombe kwa pamoja mwanangu”

Basi Erica alisogea kwa mama yake na kushikana mikono kisha kuanza maombi ya kwa pamoja ambapo yalifanyika kwa muda kama wa nusu saa, kwakweli Erica alijihisi kuchoka maana hakuyaweza maombi ya vile ila ni mama yake tu ndio alikuwa akiomba.

Basi baada ya maombi wakati wametulia tulia, simu ya Erica iliita tena na alikuwa ni

mwanamaombi anapiga, basi Erica alipokea na kuanza kuongea nae,

“Sasa Erica, chukua hicho kitambaa na mtoke nje kabisa ya nyumba yenu kimwagie mafuta ya taa na ukichome moto huku ukiendelea kuomba, maana huyo tayari ni adui kwako hafai”

Basi Erica alipokata simu alimfahamisha mama yake kisha walibeba kile kitambaa mpaka nje na kukitupa kisha kumwaga mafuta ya taa na kukichoma yani kilikuwa kinatoa harufi kama kuna damu inaungulia, hadi mama Erica akasema,

“Mmmmh mara nyingine tunakaa ndani kiajabu jamani, sasa kukaa na kitambaa kinachomwa kinakuna kama damu mmmh! Makubwa haya”

Walihakikisha kitambaa chote kimeungua kisha walirudi ndani na kujiandaa kwaajili ya kulala kwani ilikuwa ni usiku tayari, walifanya tu maombi ya kulala na kwenda kulala.

Kwakweli kwa siku ya leo Erica alilala tu kwani hakutaka hata kuongea na Erick kwenye simu kwani bado alikuwa na uoga nay ale maneno ya Yule mganga.

Kulipokucha, Erica aliamka na kuanza kufanya mambo yake mengine kisha alienda kumsalimia mama yake ambapo alimuuliza kuhusu usiku wa jana kuwa ulikuwaje kwake,

“Vipi lile shetani lilikujia tena ndotoni?”

“Hapana mama, sikumuona ndotoni”

“Basi itakuwa ni kile kitambaa ndio kilikuwa kinamfanya aje kwa urahisi kwenye ndoto zako, mwanangu hilo liwe fundisho sasa mambo ya waganga hapana, yani utahisi una nia njema ya kwenda kwa mganga ila atakachokufanya utajuta maisha yote. Waganga hawana tiba yoyote zaidi ya kukuongezea majini tu ambayo yakicharuka yatafanya ufanye vitu vya ajabu”

“Ila mama nilienda ili kujua ukweli kuhusu Bahati”

“Eeeh ukishajua ukweli?”

“Nijue tu basi”

“Yani wewe nae una mambo ujue, yani Yule Bahati kafanyiwa michezo na ndugu zake, acha kama ilivyo, kwani wewe ndio una uchungu zaidi na Bahati kushinda ndugu zake? Kwanini kujitakia matatizo yasiyo na lazima? Ukiujua ukweli ufanye nini sasa? Kama kachezewa na ndugu zake acha, Yule sio mumeo kusema uhangaike nae mpaka utake kuingia matatizoni, angekuwa mumeo sawa ila sio mumeo Yule, usitake kujiletea tena matatizo. Maana utaambiwa kuna mganga wa kumrudisha Bahati kwako utaenda, huku mtoto ushamuuza kwahiyo atakuwa na baba watatu au?”

Erica alikaa kimya tu na mama yake aliendelea kumuasa kuwa aachane na hayo mambo ya kwenda kwa mganga wa kienyeji maana hayatamsaidia chochote.

Basi akaendelea kufanya mambo mengine, muda kidogo akapigiwa simu alipoangalia ni ile namba ya Yule bosi wake ambaye ni mama yake Erick, kwa hakika alishindwa kupokea kwani aliogopa na kuacha iite hadi ikatike hata ilipopigwa tena napo hakupokea wala nini.

Jioni ya siku hiyo, akapigiwa simu na namba ngeni, alikuwa na mashaka nayo ila aliamua kuipokea, sauti ilikuwa ni ya Yule bosi wake ambaye ni mama yake Erick, alimsalimia kwa uoga kisha Yule mama akamuuliza,

“Mbona hujaonekana kazini kwa siku ya tatu sasa?”

Alikuwa akijiuma uma tu kwani hakuwa na cha kujieleza, kisha Yule mama aliendelea kuongea,

“Hata kama ulihitaji kuacha kazi, hukujua kama kuna utaratibu wa kuacha kazi? Ungekuja na kuniuliza, kwani kuna siku nimegombana na wewe Erica hadi uache kazi gafla hivyo?”

“Hapana sijaacha kazi”

“Sasa kwanini huji kazini?”

“Aaah naumwa”

“Hujui taratibu za kazi? Huwa watu wakiumwa hawaji tu kazini? Kuna taratibu zake,na hata kuacha kazi kuna taratibu zake”

“Naomba nisamehe”

“Sawa, Jumatatu nakuhitaji hapa kazini na ulete na uthibitisho wa daktari kuwa ulikuwa unaumwa, nimekupa siku nyingi za kushghulikia swala hilo. Kuumwa au kuacha kazi kuna taratibu zake, sio kujiamulia tu, hii kazi sio ya baba yako au ya mama yako. Nakuhitaji kazini Jumatatu, kwaheri”

Yule mama akakata simu, kwakweli Erica alibaki na mawazo kwani hakuelewa kuwa ataanzaje kwenda kazini ikiwa Yule mama anaujua ukweli wote ila akasema atajua hiyo hiyo Jumatatu kuwa ataenda au la.

Usiku uliingia na alifanya mambo yake kama kawaida ila akapigiwa tena simu na Erick, bado alikuwa anaogopa kupokea kutokana na maneno ya Yule mganga, kwahiyo hakupokea ingawa iliita na kuita ila hakupokea. Alijua kama anafanya makosa na anaumiza moyo wa Erick ila hakutaka kupokea kwani alijua kama Erick angepata matatizo basi kwake ndio ingekuwa kuzidi.

Aliiacha tu ile simu kuita hadi kukatika, muda wa kulala ulifika na akalala.

Saa kumi alfajiri akapigiwa na dada yake Mage na kupokea,

“Amka Erica ujiandae, saa kumi na moja utoke hapo uje stendi”

“Dada jamani, mama ushamwambia?”

“Ukiwa unajiandaa, ukimaliza kujiandaa nibipu halafu mimi nitapiga kumwambia mama ni wapi tunaenda?”

“Sawa dada”

Basi simu ikakatika na Erica akaanza kujiandaa hadi alipomaliza kupakia na nguo zake kwenye begi la mgongoni akambipu dada yake kisha ilionyesha kama mama yao kapigiwa maana alimsikia akiongea na simu huku akitoka chumbani kwake inaonyesha alikuwa anakuja kwenye chumba cha Erica.

Alimuangalia mwanae sana aliona atamkumbuka sana kwa hizo siku mbili atakazokuwa huko mkoani.

Kisha mama yake alifika chumbani kwake na kumwambia,

“Kumbe Erica una safari na dada yako? Kwanini hukuniambia?”

“Nilisahau mama, yani dada ndio kanikumbusha asubuhi hii. Nisamehe mama”

“Haya mfanye haraka, leo uwahi kurudi sitaki ujinga wa kuchelewa”

“Sawa mama”

Hakujua ni wapi ambapo mama yake ameambiwa na dada yake, ila alimshika mwanae na kumbusu kisha kumuaga mama yake na kuondoka, kitu pekee ambacho mama yake hakukielewa ni kumuona akibeba begi la mgongoni na pochi ila hakuuliza sana kutokana nay ale aliyoelezwa na Mage, Erica hakuelewa ni kitu gani mamake alichoambiwa na dada yake ila yeye alishukur tu kupata ruhusa na kuondoka.

Alifika stendi na kukutana na dada yake kisha wakaingia kwenye basi, na muda kidogo safari ilianza na alikuwa kimya tu safari nzima, ila walipokaribia kufika alimuuliza dada yake,

“Dada, umemuaga vipi mama?”

“Nimemwambia kuna kuna project nafanya, kwahiyo namuhitaji Erica maana zinatakiwa zipigwe picha alfajiri, akakubali ndiomana hata umetoka na begi mgongoni hajakuuliza maana nimemwambia kuwa utabeba nguo kadhaa”

“Kheee na tusiporudi leo?”

“Wewe tulia tu, jioni nitampigia simu mama. Najua jinsi ya kumpanga na atanielewa tu”

Erica alimuitikia dada yake, na hatimaye karibia na jioni ya siku hiyo walifika kwenye kijiji cha baba zao wadogo na kupokelewa vizuri sana.

Baada ya muda kidogo Derick nae alifika, na kwenda kupokelewa ambapo nae alifikia hapo kwa baba zao wadogo., na walikaa nyumbani kwa baba yao mdogo ambaye ndio mkubwa kwenye eneo hilo

Baba zao wadogo watatu walifika na walikaa nao ili kuzungumza nao, ambapo kwanza waliambiwa kuwa kesho asubuhi wataenda kwenye kaburi la baba yao na kuweza kuanza kufanya hayo matambiko, Erica alitulia kimya akisikiliza.

“Kwakweli mimi kama baba yenu mdogo ambaye ndio mkubwa kwasasa nimesikitishwa sana na haya mambo nilipoyasikia. Unajua baba yenu ndio alikuwa wa kwanza kwenye familia yetu, kwahiyo kitendo kama hiki ni laana kubwa sana na hakitakiwi kabisa kwa jamii. Ni bora mmeamua kukiri ili tuvunje laana hii, kwanza kabisa Erica na Derick mshikane mikono na kukubaliana kuwa nyie ni ndugu maana mmetenda vitendo vya aibu sana”

Erica alifanya hivyo ila hakuwa na tatizo kabisa, kwani hakuwahi kuwa na matamanio na Derick hata kulala nae ni Derick ndio alifanya njama ila kwa yeye mwenye hakutaka kitu cha namna hiyo kitokee.

Kisha baba zao wadogo walitaka kujua chanzo cha wao kujikuta wakifanya laanza hiyo, ila walijitetea kuwa walikuwa hawafahamiani kama ni ndugu, basi baba zao walisema kuwa wamewasamehe na kuwa tayari kufanya tambiko la kuvunja hiyo laana kwao.

Walipomaliza pale, baba yao mdogo aliwapeleka mtoni ili wapate kuona mandhari ya mto hata wakipenda kuoga waoge huko, kwakweli mandhari ile ilikuwa nzuri sana ila hapakuwa na watu kabisa, Erica akauliza,

“Mbona mandhari inavutia lakini hakuna watu baba?”

“Unajua siku hizi, asilimia kubwa wana mabomba nyumbani kwahiyo huku mtoni watu huja mara moja moja kutembea tu. Ila panavutia sana na maji yake ni mazuri kushinda hata yanayotoka nyumbani, mara nyingine huwa tunakuja kuoga huku kama kuondoa mikosi katika maisha yetu”

Erica alipenda wazo la maji kutoa mikosi, hivyo akaamua kuchota ili akaoge nyumbani maana walienda nan doo, na baba yao mdogo aliwaambia wabebe ndoo kwavile maji yale hupendwa na watu wengi sana, kwahiyo alijua watayapenda tu.

Usiku walikula na kuonyeshwa sehemu za kulala, kweli Mage alimpigia mama yao simu na kutafuta namna ya kumdanganya kuwa siku hiyo haitawezekana kurudi,

“Hivi Mage unajua kuwa Erica ana mtoto mdogo nab ado ananyonya?”

“Mama nawe jamani! Huu ndio wasaa mzuri kwa huyo mtoto kuacha ziwa”

“Ila bado hajafikisha miaka miwili”

“Mama, siku hizi nani ananyonyesha mtoto miaka miwili? Hiyo ilikuwa zamani bhana, ila tusamehe mama mambo yameingiliana”

Basi alikubali tu ili kishingo upande.

Kesho yake waliamka na kwenda mtoni kuchota maji kwani tayari Erica aliyapenda maji yale, kisha walirudi na kuoga na kujaribu kujishughulisha kidogo pale, wakisaidiana na mama yao mdogo huku wakisubiri muda wa tambiko, ila Yule baba yao mdogo alikuja na kusema,

“Jamani, mzee wa mila kaniambia kuwa hii sio siku nzuri kwa tambiko kwahiyo itabidi tufanye kesho”

Erica akashtuka kidogo,

“Jamani hadi kesho!”

“Ndio, hadi kesho nadhani hamjui vizuri mambo ya tambiko. Mambo mengine sio ya kulazimisha, siku nzuri kwa tambiko ni Jumanne na Alhamisi yani hata kesho Jumatatu tutafanya tu ila Jumanne ilikuwa nzuri zaidi. Ila leo Jumapili ni mbaya haifai”

Ilibidi tu wakubali kwani wao hawakujua mambo ya tambiko, kisha wakaendelea na mambo mengine ya pale nyumbani kwa baba yao mdogo huku wakitembelea mashamba mbalimbali na kuangalia vitu mbalimbali.

Mchana wa siku hiyo, Erica alipigiwa simu na mama yake, akapokea na kumsalimia, ila mama yake alianza kwa kumpa lawama,

“Wewe mtoto una nini lakini? Umeondoka hata mwenzio hujamuaga ni haki hiyo Erica? Halafu simu zake hupokei kwanini? Unajua una mambo ya ajabu wewe, hebu pokea simu ya mwenzio sio vizuri ujue”

“Sawa mama nimekuelewa”

“Tena kijana wa watu anaonekana ana upendo sana ila namuhurumia kwakweli maana wewe huwa hueleweki kabisa, kwanza huko ulipoenda na dada yako sipaelewi kabisa. Vipi mnarudi saa ngapi leo?”

Erica hakuwa na jibu bali alimkimbizia dada yake simu ili aongee na mama yao, kama kawaida Mage alitafuta Kiswahili cha kumlainisha mama yao kisha akakata simu, muda huo Erica alikuwa nje, kisha dada yake aliweka simu kabatini.

Erica akiwa hana habari nje, simu yake ilianza kuita na ni Derick ndio aliiona na kuifata kuiangalia, akaona mpigaji ameandikwa ‘My love Erick’

Kiukweli alijihisi kutokuwa na furaha gafla na kupokea ile simu, hata Erica hakujua kuwa ni kitu gani Derick aliongea na Erick.

Jioni ya siku hiyo Erica alitaka tena kwenda mtoni kuteka maji kwavile alijikuta akipenda sana maji ya kutoka mtoni, akamuomba dada yake amsindikize,

“Dada, nisindikize nikachote maji”

“Aaah jamani Erica, asubuhi si tumeenda jamani, unataka maji yam to kila muda loh! Hata hivyo sio mbali sana unaweza kwenda tu”

“Ila naogopa mwenyewe, sijazoea halafu bamdogo alisema watu hawaendi endi kule”

Akatokea Derick na kusema kuwa yeye atamsindikiza maana hana cha kufanya na alitaka kuendelea kuangalia mto, na Mage akadakia,

“Bora umsindikize maana Erica kwa uoga ni balaa”

Kwahiyo Erica aliondoka na Derick kuelekea mtoni kuchota maji.

Kufika mtoni Derick alianza kumchombeza Erica,

“Hivi Erica, huwa ukikaa hunikumbuki?”

“Nikukumbuke kivipi?”

“Yani huwa hukumbuki kabisa kama umewahi kuwa na mahusiano na mimi?”

“Aaah hayo yashapita Derick, sisi ni ndugu ujue”

“Ndugu wa kweli Erica ni Yule uliyezaliwa naye mama mmoja kwani mama ndio anajua ukweli wa mtoto kuwa baba yake nani”

“Kwahiyo una maana mimi si ndugu yako?”

“Hapana, ila mwenzio nakukumbuka sana Erica”

“Hebu acha habari hizo Derick, sisi ni ndugu nione dada yako kama mimi ninavyokuona kuwa u kaka yangu”

“Ila Erica, yani kesho laana itakuwa imevunjwa ila leo tumeachiwa kwa makusudi kabisa”

“Sikuelewi”

“Tumeachiwa siku ya leo kufunga ukurasa wetu, tafadhali Erica, nipe mara moja tu”

“Hivi una akili wewe, huko kichwani ni mzima? Yani huna hata aibu kweli kabisa mimi nikatembee tena na wewe? Kwanza wewe si mpenzi wangu, ninaye wangu tayari, pili wewe ni ndugu yangu yani wewe ndiye umefanya tufike huku kuvunja laana halafu bila aibu unaniambia ushetani huo”

“Erica sio ushetani, kiukweli nakutamani sana yani kadri tunavyoenda mie nazidi kupatwa na hisia, sina raha kabisa Erica, naomba mara moja tu. Nimeamua kukwambia ukweli, sina raha tangu nimekuona Erica, naomba mara moja tu”

“Nitolee ujinga wako mie”

Erica alichota maji na kubeba ndoo yake kisha kuanza safari ya kurudi kwani alijua kuendelea kuongea na Derick hapo ni kutafuta matatizo tu.

Erica aliongoza mbele sana, ila akasikia kishindo kuwa Derick kaanguka kwakweli hapo alishikwa na huruma ukizingatia ni ndugu yake, akatua ndoo yake na kurudi nyuma kumuangalia, wakati anamuangalia Derick alimvutia kwa chini ambapo Erica alianguka chali sababu hakujipanga, kisha Derick akaenda juu ya Erica ilionyesha wazi alikuwa na lengo la kumbaka.

Erica alichota maji na kubeba ndoo yake kisha kuanza safari ya kurudi kwani alijua kuendelea kuongea na Derick hapo ni kutafuta matatizo tu.

Erica aliongoza mbele sana, ila akasikia kishindo kuwa Derick kaanguka kwakweli hapo alishikwa na huruma ukizingatia ni ndugu yake, akatua ndoo yake na kurudi nyuma kumuangalia, wakati anamuangalia Derick alimvutia kwa chini ambapo Erica alianguka chali sababu hakujipanga, kisha Derick akaenda juu ya Erica ilionyesha wazi alikuwa na lengo la kumbaka.

Kwakweli Erica aliona hafanyiwi jambo jema, kama kawaida hakutaka kupambana sana na Derick sababu alijijua nguvu hana kwahiyo kama kupambana Derick atamshinda tu na hakika atambaka, yani kumuumiza atamuumiza na kumbaka atambaka, kwahiyo akawa mpole gafla na kuongea sauti kama ya kubembeleza,

“Derick kwanini unifanyie hivi jamani wakati haya mambo yanahitaji starehe eeh!”

“Erica nakutamani na wewe unakuwa mbishi, sasa mimi nifanyeje unadhani?”

“Hebu angalia mazingira haya yalivyo eeh! Hivi watu wakitukuta watatufikiriaje, uandhani wakina bamdogo wakija huku watasemaje eeh! Sikia mimi na wewe tupange twende mahali tukafanye yetu kwa uhuru”

“Leo leo?”

“Ndio leo leo, yani hujui tu ulivyokuwa unaongea hata mimi umenipa hamasa balaa, nakumbuka siku ya kwanza tumefanya nikiwa nimelewa halafu leo unibake jamani ni haki hiyo? Nisisikie hata utamu wako jamani Derick”

Kwakweli Derick alianza kulegea na kuingia laini kwa kinachosemwa na Erica maana alikuwa akiongea kwa kubembeleza sana, ilibidi Derick akubaliane na Erica kuwa wakirudi nyumbani watatoka mara moja,

“Sawa hakuna tatizo, ngoja tufike nioge halafu twende huko tukajifaidie. Ila mazingira ya huku unayajua vizuri Derick?”

“Nitauliza tu, hakuna mahali ambako hakuna nyumba za wageni, Erica mwenzio nina hamu na wewe? Ikishindikana basi twende hata bafuni kwa bamdogo unipe”

“Sawa hakuna tatizo Derick”

Kisha Erica akaambusu Derick na kumfanya Derick aweze kuinuka pale juu ya kifua cha Erica, wakati wanainuka pale chini waligundua kuwa kulikuwa na mtu anawaangalia, waliposhtuka Yule mtu aliondoka kwahiyo walimuona kisogo tu yani alikuwa ni mtu wa makamo, ila Derick hakujali kitu ingawa Erica ilimpa mashaka kidogo,

“Mmmh Mungu wangu, kumbe tulikuwa tunaonwa!”

“Aaah usijali Erica, kwani wakituona tatizo ni nini? Hawajui mapenzi wao? Yule mzee mzima badala atulie kwake na familia anafanya kazi ya kuangalia vijana. Mwehu Yule, sikia Erica, twende haraka nyumbani ili tuwahi mahali tukafanye yetu, hapa kila nikikuangalia nakutamani tu bora tukafanye”

“Sawa hakuna tatizo”

Kisha walisogea alipoacha Erica ndoo ya maji na Derick akamsaidia kumtwisha ndoo ya maji kisha wakaelekea kwa baba yao mdogo. Njia nzima Derick alikuwa akiongea tu mada za mapenzi na Erica hadi wanaingia kwa baba yao mdogo.

Walipofika, Erica alienda kuoga, kisha akaenda chumba walichotengewa, akapokea ujumbe tu toka kwa Derick,

“Naenda kuulizia vyumba Erica, nikishapata tu nakuja kukuchukua ili twende pamoja, kwahiyo nitakushtua nje hapo utoke”

Erica alisoma ule ujumbe huku akitafuta namna tu ya kumkatalia, alitamani dadake awe karibu nae zaidi ili wazo la Derick lisiwepo tena maana Derick alimsumbua ilihali akijua ni nduguye.

Kwenye mida ya saa moja moja, Derick alionekana kurudi ila alipiga simu ya Erica ambayo haikupokelewa kwahiyo ilibidi amuagize dada yao Mage kuwa anamuita Erica, dada yao alivyofika ndani alimwambia Erica,

“Wewe, kakako anakutafuta huko nje”

“Dada, naomba nikwambie kitu”

“Kitu gani? Unataka kuanza tena habari za mama, nilishakwambia niachie kuhusu mama najua jinsi ya kuongea nae.”

“Hapana dada, sio kuhusu mama”

“Ila kuhusu nini?”

“Ni kuhusu huyu Derick”

Mara simu ya Erica ilikuwa inaita na mpigaji alikuwa Derick, dadako akamkazania kuwa apokee simu au atoke akaongee na Derick kisha wao wataongea badae,

“Hapana dada sio badae, ni muda huu inabidi tuongee”

“Ni kuhusu nini?”

“Dada, huyu Derick ananitaka”

“Aaaah Erica hebu acha zako mdogo wangu, Derick mwenyewe ndio kaniomba tuivunje hii laana halafu mwenyewe akutake inawezekana kweli hiyo?”

“Ila Dada, mimi ni mdogo wako nisikilize”

“Hata Derick nae ni mdogo wangu”

“Dada, siendi kuongea na Derick hadi kesho kwenye tambiko, na hata hapo nje sitoki leo”

“Erica, sikuelewi”

“Nielewe tu”

Basi dada yake alitoka, na Derick alipiga tena ikabidi Erica apokee ili amkatalie ajue msimamo wake,

“Derick, sitaki tena sitaki ujinga wako huo”

“Unajua nataka kukwambia nini lakini?”

“Nini?”

“Toka nje”

“Sitoki”

“Ni hivi vyumba nimekosa Erica, kwahiyo nilikuwa nakwambia basi twendo bafuni kama tulivyopanga”

“Nikome Derick, mimi ni dada yako. Kwaheri”

Erica akakata simu ila kiukweli alikuwa na hofu hata ya kwenda nje kwa siku hiyo kwani alihisi pengine Derick anaweza kumvizia hata chooni, kitendo hiko kilimfanya Erica asitoke nje kabisa, hata chakula cha usiku hakula na kusema kuwa ameshiba ila si kweli kwamba alishiba ila hakutaka kula sababu hakutaka kutoka nje kwenda uwani kujisaidia hata haja ndogo maana alihisi vibaya kuhusu Derick kuwa huenda akamvizia uwani na kumbaka sababu Derick alionekana hana hata habari ya undugu wao.

Wakati anataka kulala, akapigiwa simu na mama yake, ikabidi apokee na kumsalimia,

“Hivi Erica una akili gani wewe? Yani huna uchungu hata na mwanao? Hupati wasiwasi hivyo hujamuona mwanao hadi leo?”

“Nisamehe mama”

“Nikusamehe kitu gani na umemfanyia roho mbaya mwanao, siku ya pili hii inakatika ukiwa mbali na mtoto, unamsononesha mtoto kwakweli. Halafu kitu kingine ni kwanini unamtesa kijana wa watu?”

“Nani mama?”

“Wewe mwenyewe uliniambia ooh mama nampenda sana Erick, hivi mtu unayempenda sana unaweza kumfanyia huo ujinga? Yani unaenda mahali hata humuagi? Kuwa mbali sio kigezo ila swala la kumuaga lipo palepale, ulitakiwa kumpigia simu mpenzi wako na umuage, ushauza mtoto halafu unafanya ujinga kweli? Kijana wa watu anakupigia simu unampa mwanaume apokee kweli Erica?”

Hapo Erica alishangaa kuwa ni mwanaume gani kampa aongee na Erick, ila akashindwa namna ya kumuuliza mama yake vizuri na kuishia tu kumuomba msamaha,

“Sasa kesho uwe hapa nyumbani, sitaki kusikia hizo habari sijui tunaenda kupiga picha, sijui ujinga ujinga gani sitaki kusikia. Mmekazana kupiga piga picha mmekuwa waigizaji nyie, mnatengeneza filamu? Hebu tuwekane wazi basi, huo ujinga sitaki, kesho muwe hapa nyumbani. Sawa!”

“Sawa mama nimekuelewa”

Basi Erica akakata simu ya mama yake ila alijiuliza maswali mengi sana kuhusu na aliyepokea simu ya Erick, muda huo huo akapokea ujumbe toka kwa Erick,

“Erica, nakupigia simu mpenzi wangu hupokei ila leo ukaamua kumpa mwanaume apokee simu kweli Erica jamani! Mbona mimi nakupenda sana, kwanini unifanyie hivyo? Halafu mwanangu umemuacha wakati bado alikuwa ananyonya, mmemkosesha haki mwanangu, nimeumia sana”

Yani Erick aliandika kamavile ni baba mzazi wa Yule mtoto kiasi kwamba yale maneno Erica yalimuingia, akatamani kumpigia simu Erick ili ajaribu kumuelewesha ila simu yake haikuwa na salio, na muda huo huo dada yake na watoto wengine wa baba yake mdogo waliingia kulala kiasi kwamba hakuweza tena kumsimulia vizuri dada yake kuhusu sakata la Derick.

Kulivyokucha, waliamka na kufanya shughuli ndogo ndogo kisha baba yao mdogo ambaye ndio alikuwa mkubwa alifika na wale wengine watatu na kuwataka Erica, Derick na Mage waongozane nao kwenda makaburini.

Waliondoka na walivyofika kwenye kaburi la mzee wao alifika mzee wa kimila na kuanza kusema mambo ya kimila wanayotakiwa kufanya, kwanza kuna mashuka walitakiwa wavae kisha wakae kwenye lile kaburi sababu baba yao alikufa, kwa maana hiyo angekuwa hai basi angewapakata wakati Yule mzee anawasomea mila.

Basi kimya kilitanda wakati Yule mzee akifanya mambo yake ya mila za kuvunja laana ya kutembeleana ndugu, alipokaribia kumaliza aliweka mikono yake juu ya vichwa vya wale watoto yani Derick na Erica na kusema,

“Hawa watoto nawaleta kwenu mizimu muwaangalie, watoleeni laana iliyokuwa mbele yao. Huyu wa kike apate mume wa kuolewa nae na huyu wa kiume apate mke wa kumuoa. Laana yote juu yao imevunjika muda huu.Hawakutambua makosa yao, wahurumieni”

Kisha aliendelea na maneno ya kilugha kwa muda na kuwataka wainuke kisha kuna mahali walitakiwa wakanyage na kulikuwa na kitu kama mbao laini ambapo kila alipokanyaga mmoja ile mbao ilivunjika kisha Yule mzee akachukua vile vipande na kuchimba pembeni ya kaburi la baba yao na kuvifukia, hapo wakaambiwa ndio mwisho wa tambiko lao ila wanatakiwa waende kwanza mtoni wakaoge.

Kwahiyo walianza safari ya kwenda mtoni muda ule, kisha wakaoga kwa maelekezo ya Yule mzee na walioga na nguo, kisha walitakiwa kukaa pembeni kukauka yani wanakauka na nguo zao huku Yule mzee akiendelea na mambo mengine ya mila zao.

Baada ya hapo waliambiwa ni muda wa kurudi kule walipofikia ila ilikuwa mchana tayari na jua lilikuwa ni kali sana, kiasi kwamba walikuwa wakitembea na kupumzika yani hadi wanafika nyumbani walikuwa wamechoka choka kwa mizunguko ya siku hiyo na mambo yaliyokuwa yakifanywa.

Kufika nyumbani, Erica alimwambia dada yake kuwa wajiandae na waondoke siku hiyo hiyo, baba yao mdogo alikuwa akiwapinga kuondoka siku hiyo,

“Jamani si bora mngeondoka asubuhi!”

“Natakiwa kazini bamdogo, kwahiyo bora tuondoke leo na tutaingia usiku wa manane nyumbani”

“Jamani Erica, ila wewe mtoto mbishi sana na ukiamua lako huwa hutaki kupingwa haya, ila sidhani kama ni vyema kufanya hivyo”

Mage hakumbishia sana mdogo wake kwani tayari alishamdanganya sana mama yao kwahiyo hata yeye aliona ni vyema waondoke tu wafike kwao usiku, ila kabla ya kwenda kujiandaa Yule mzee wa kimila alisema kuna kitu kimoja alikisahau na anatakiwa kukifanya juu yao, walimsikiliza vizuri na kuwaambia kuwa inatakiwa wachanjwe, kwakweli Erica alishtuka na kuuliza,

“Kuchanjwa tena!”

“Ndio, hii itawasaidia kuwapa kinga kwani hata watu wabaya hawataweza kuwapata”

Erica hakuweza kukataa kwani dada yake alimkazia macho kwahiyo akakubali kisha mzee wa mila akaanza na mmoja mmoja na kuwachanja, ila zamu ya Erica ilipofika ilikuwa kazi sana maana Erica alikuwa muoga kiasi kwamba hakumchanja vizuri inavyotakiwa, ila akampaka dawa hivyo hivyo.

Baada ya hapo aliwaambia kuwa wanatakiwa wasioge hadi kesho, baba yao mdogo akasema,

“Basi inabidi waondoke kesho maana huyu mtoto mbishi leo anaweza kwenda kuoga huko kwao”

Baba yao mdogo alisema kuhusu Erica, na baba zao wadogo wote wakaafiki kuwa waondoke kesho yake, kwahiyo hawakuwa na namna zaidi ya kukubali kuondoka kesho yake tu.

Wakati bado wamesimama pale wakiongea ongea, alifika mzee mmoja na kusalimiana na Yule mzee wa kimila kisha na wale baba zao wadogo, ambapo baba yao mdogo mmoja alianza kumtambulisha Yule mzee kwa wale watoto wa ndugu yake, Yule mzee alihamaki huku akiwaonyeshea kidole Erica na Derick,

“Kwahiyo hawa watoto ni ndugu?”

Baba yao mdogo akamjibu,

“Ndio ni ndugu, watoto wa kaka”

“Kwakweli kuna tatizo kubwa hapa, tena tatizo kubwa”

“Tatizo lipi hilo?”

“Hawa watoto nimewakuta jana kule kichakani karibu na mtoni wakifanya mapenzi”

Kila mmoja alishangaa na kuwaangalia Erica na Derick, huku baba yao mdogo akiuliza kwa hamaki,

“Eti nini?”

“Nimewakuta hawa wakifanya mapenzi, nimewaona kwa macho yangu haya mawili, mliposema ni ndugu nimeshangaa sana amakweli dunia imeisha”

Baba yao mdogo aliwauliza, ila Erica akakaa kimya maana hakujua kama mada ya jana ingeibuka hapo kwa namna hiyo, baba yao alipoona Erica kanyamaza alijua ni kiburi tu kinamsumbu, ikabidi amuulize Derick, ambaye aliamua kujibu,

“Tusameheni baba wadogo, naomba mtusamehe sana. Kwavile tuliona tunaenda kuvunja laana, Erica aliniomba tufanye mapenzi mara ya mwisho, jamani mimi ni mwanaume sikuweza kukataa, naomba mtusamehe”

Wale baba wadogo walimuangalia Erica kwa ukali sana, na kumuamuru kuwa apige magoti chini kwa hasira huku baba mdogo wake akiongea kwa gadhabu,

“Wewe mtoto una matatizo gani eeeh! Kumbuka wewe mezaliwa na mama halali wa ndoa yani mke halali wa baba yenu, yani leo mnakuja kusuluhishwa kwa ujinga mlioufanya halafu unaenda kumshawishi ndugu yako kufanya tena kile kitendo kweli!”

Ikabidi Mage aingilie kati,

“Ila wewe Derick hebu kuwa mkweli, unajua jana Erica aliniambia kuwa unamtaka nikamwambia haiwezekani, hebu kuwa mkweli Erica amekushawishi wewe kufanya hivyo jamani! Ni kweli Erica ana kiburi, mbishi lakini hawezi kufanya hivyo, hana tamaa ya mapenzi kiasi hiko”

Erica nae alijaribu kujitetea na kuonyesha ule ujumbe wa Derick kuwa hata alitaka kutafuta chumba ili wakalale, ila Derick alijitetea,

“Erica, hebu kuwa mkweli si ni wewe mwenyewe ndio uliniambia hujaridhika pale polini, unataka nikatafute chumba twende huko tukamalizane kabla ya leo, na jana nilienda tu kujigelesha ili kukuridhisha na muda ule nimekuita nje nilitaka kukwambia kuwa chumba sijapata ili wewe uweze kuachana na wazo hilo”

“Jamani Derick unanisingizia hivyo kweli!”

Alikuwepo na mama yao mdogo, mke wa baba yao mdogo akasema,

“Lakini hapa kuna namna, kwanini Erica alikuwa anang’ang’ania jana kwenda mtoni, hata dada yake alimkatalia ila aling’ang’ania, lazima maneno ya Derick yaaminike maana kwanini ulitaka kwenda mtoni jioni ile?”

Yule mzee nae akaongezea na kusema,

“Kwa mimi naweza kumuamini huyu kijana kwani kwa macho yangu nilimshuhudia huyu binti akimshika huyu kijana na kumbusu”

Lile swala lilifanya wote wazidi kumuangalia kwa mshangao Erica, kiasi kwamba Erica alijilaumu kwa kutokurekodi mazungumzo ya yeye na Derick maana ingemsaidia kwa kiasi Fulani kulalamika, hakuweza kujitetea zaidi kwani huwa hawezagi kujitetea kwahiyo alijikuta akiinama na kuanza kulia.

Ikabidi dada yake ainame akimbembeleza mdogo wake maana alimfahamu vizuri sana, kwakweli hadi wazee walijikuta wakikosa maamuzi kwa muda huo, wakasema wasubiri kesho wafanye maamuzi ila Erica aligoma, alilia sana akimwambia dada yake kuwa anataka aende nyumbani tu. Dada yake akamwambia,

“Erica kulia hakusaidii kitu, simamia ukweli wako ila ukilia utajiumiza bure tu”

Kisha Mage aliinua macho yake na kumtazama Derick kisha akamwambia,

“Yani sikujua kama wewe ni mbaya kiasi hiki, huna vitu vingine vya kufanya zaidi ya kumsingizia Erica eeh!”

“Sasa mimi nimsingizie kwa lipi jamani, muulize kama hakuwahi kutoa mimba yangu, muulize hapo”

Wale baba wadogo walimuangalia Erica kwa masikitiko sana, mmoja akamuuliza,

“Kumbe hadi mimba ulipata na kutoa? Kheee jamani mbona makubwa haya!”

“Tena huyu Erica asitake kuniweka mimi ubaya, hapo alipo ana mtoto ambaye hata hajui baba wa mtoto ni nani sababu alitembea na familia nzima”

Baba wadogo wakashangaa zaidi kwani habari za mtoto walifichwa kwahiyo kubumbuluka huko kuliwashangaza sana, ilibidi wamuangalie Mage ili awaambie ukweli,

“Yani hadi wewe Mage wakutuficha sie kweli!!”

“Tusameheni jamani, tulitaka kutafuta siku maalumu ndio tuwashirikishe kuhusu hili, hata mashangazi wanajua”

“Kwahiyo nao wametuficha? Kweli wanawake mnajuana, ila mficha maradhi kifo humuumbua. Kumbe Erica una tabia chafu kiasi hiki kweli”

Kwakweli Erica alichoka kusikia yale maneno na akaamua kutoa ya kwake ingawa huwa akiongea kama ana hasira hivyo ndio huwa anaonekana hana adabu kabisa,

“Nashukuru sana, mimi ni mwanamke ndiomana nimeonekana malaya sababu nimezaa, sijui unasema nimetoa mimba nashukuru sana. Ila huyo Derick kama wanaume wangekuwa wanapata mimba basi angekuwa na mimba hadi ya pua, sitaki kuongea sana kwaherini”

Erica aliinuka pale alipopigishwa magoti na kuingia ndani kuchukua begi lake, kwakweli baba zake walisikitika sana maana waliona kama kawadharau kitendo cha kuinuka walikompigisha magoti.

Ila Erica alitoka ndani na begi lake tayari kwa kuondoka, ilibidi Mage nae akachukue begi ili waondoke, kisha wakaenda pale kwa baba zao kuwaaga maana Mage asingeweza kumuacha mdogo wake aondoke mwenyewe ikiwa ni yeye aliyemshawishi mdogo wake kwenda kule, ila Yule mzee wa mila aliwaomba wasiondoke kwanza,

“Erica, naomba nikufanyie dawa kwanza. Unaonekana una matatizo sana wewe binti”

“Hapana, sitaki tena dawa yoyote”

Erica aligoma ila dada yake alimbembeleza akubali kufanyiwa hiyo dawa waondoke, kwavile Erica alitaka kuondoka, akakubali kufanyiwa hiyo dawa ambapo Yule mzee wa mila alimpaka paka madawa usoni na shingoni na kumsomea somea maneno pale kisha kuwaruhusu waondoke.

Muda ulikuwa umeenda sana, kwahiyo ilibidi wakapande zile gari zinazofanya safari za usiku kwa usiku yani Erica alitaka afike kwao tu.

Wakawasindikiza hivyo hivyo kishingo upande, wakafika stendi na kupata basi, kisha Erica na dada yake wakapanda, kwakweli Erica alijihisi gasia sana na zile dawa alizopakwa kiasi kwamba hakutaka kukutana na yeyote anayemfahamu hadi aingie kwao, maana alijihisi kunuka midawa ya kienyeji mwili mzima, ile hali ilikuwa inamkera sana,

“Dada, tukishuka tu itabidi nichukue tax hadi nyumbani”

“Ndio tutachukua gari ila hiyo hali mama akikuona nayo itakuwa balaa, me nadhani tuchukue gari twende kwangu kwanza ukaoge halafu ndio uende nyumbani”

“Ila bora ningepata sehemu hata huku huku ningeoga”

“Haitakiwi kuoga Erica, maana kuna dawa umepakwa kwahiyo hadi kesho”

Kwakweli Erica alikuwa amekereka sana ila kwavile alihitaji kufika nyumbani tu aliona ni afadhali.

Basi gari ile ilitembea usiku kwa usiku, ilivyofika saa saba usiku kuna mahali ilibidi isimame kwa muda kisha kwenye mida ya saa kumi iliendelea na safari mpaka wakafika stendi kuu, ilikuwa pamekucha kabisa tayari maana ilikuwa kwenye mida ya saa moja asubuhi.

Walishuka na moja kwa moja walisogea kwa dereza wa gari za kukodi ili kuongea nae awapeleke wanapohitaji kwenda, wakati wanaongea nae alifika mama kwa Yule dereva akimwambia,

“Kijana nimekuja kukushukuru, umenipa ushauri mzuri sana wa kumpeleka ndugu yangu apande bodaboda awahi basi, na kweli ameliwahi kashanipigia simu kuwa kapanda tayari”

“Aaah usijali mama”

Kisha Yule mama alionekana kama anatoa hela ya kumpa Yule dereva kama asante, wakati huo Yule mama alimuangalia Erica na kusema maana Erica alimpa mgongo kwahiyo hakumuona usoni,

“Mbona umbo la huyu binti kama nalifahamu”

Yule mama akazunguka kwa mbele kumuangalia, akashtuka na kusema,

“Kheee Erica!”

Erica naye alimuangalia huyu mama, alimtambua kwa sauti ila alipomuangalia ndio akamtambua vizuri, alikuwa ni Yule bosi wake yani mama yake na Erick.

Yule mama alimuangalia Erica na kusema maana Erica alimpa mgongo kwahiyo hakumuona usoni,

“Mbona umbo la huyu binti kama nalifahamu”

Yule mama akazunguka kwa mbele kumuangalia, akashtuka na kusema,

“Kheee Erica!”

Erica naye alimuangalia huyu mama, alimtambua kwa sauti ila alipomuangalia ndio akamtambua vizuri, alikuwa ni Yule bosi wake yani mama yake na Erick.

Erica alikaa kimya tu, kisha Yule mama aliendelea kuongea,

“Unanuka madawa ya kienyeji mwili mzima, mmh mtoto mshirikina wewe. Nilijishangaa kukuingiza kazini bila hata usahili kumbe mtoto mshirikina loh!”

Erica akaona ni tatizo pale, akaanza kumwambia dada yake kuwa wafate gari nyingine, ila wakati wanaondoka Yule mama alimvuta Erica,

“Umeshindwa hata kunisalimia kweli!”

“Shikamoo”

“Mpaka niombe Erica! Au mganga wako kakwambia kuwa usiongee na mimi? Ila namshukuru sana Mungu kwa kunionyesha rangi yako halisi, hata nilitaka nikufikirie kidogo ila siwezi kukufikiria tena Erica, wewe ni mchafu sana”

Erica akaona hata akijitetea kwa hali ile hawezi kusikilizwa na Yule mama, hivyo aliondoka tu na kuingia kwenye gari nyingine kisha Mage alipanda pia na kumtaka dereva awapeleke waendapo.

Safari ilikuwa moja kwa moja kwa Mage, ila ambacho hawakujua ni kuwa Mama Erick alikuwa akiwafatilia nyuma na walipofika ndipo aliondoka kwani alijia pale ndio kwakina Erica, basi waliingia ndani na moja kwa moja Erica akajiandaa ili akaoge, dada yake akamwambia kuwa akimaliza kuoga anywe chai kwanza ndipo aende kwao maana hata usiku wa jana hakula, alikubaliana nae na alienda kuoga kwanza ili kwenda kwao akiwa safi na hata mama yake asimshtukie, alipomaliza kuoga, alikwenda kuvaa, wakati anatoa nguo zake kwenye begi aliona kuna kitu kama dawa imeviringishwa kwenye karatasi, alishtuka sana ila hakuelewa imefika fika vipi kwenye begi lake na hakuelewa ni kwanini imewekwa kwenye begi lake ila alivaa na kurudisha vitu kwenye begi lake kisha akataka kwenda kumuuliza dada yake kuhusu hiyo dawa, muda huo aliweka mizigo yake sebleni. Sasa wakati anatoka nje alimsikia dada yake akiongea na shemeji yake na kugundua kuwa shemeji yake ameambiwa kuwa yeye yupo hapo kwake, akamsikia akimwambia mkewe,

“Huyo mdogo wako unadhani namuamini tena! Hata kuja kwangu hapa sitaki, yani mtoto kamuumbua James Yule balaa, ndiomana kazaa mtoto asiye na baba”

“Usiseme hivyo jamani mume wangu, Yule ni mdogo wangu”

“Hata kama, hafai kabisa, hafai kuigwa na jamii. Sasa dada yake akiachana na mume wake yeye atapata faida gani? Na usikute ni yeye katengeneza kila kitu ili James aonekane mbaya, nilikutana na James dah aliongea kwa masikitiko sana, na kilichomuumiza zaidi ni kuambiwa aombe msamaha kwa Yule mdogo wako eti ampigie magoti, kwakweli mimi simtaki hapa kwangu”

Kwakwele Erica akajihisi vibaya sana, kisha akatoka mule ndani na kumsalimia shemeji yake ambaye alionekana kumuitikia ilimradi tu, kisha akamwambia dada yake kuwa anahitaji kuondoka,

“Aaaah subiria mdogo wangu unywe chai”

“Nitaenda kunywa nyumbani, kwaheri dada”

Aliingia sebleni na kuchukua begi lake kisha kuanza kuondoka, hata dada yake alipomsimamisha ili amsindikize hakusimama na muda huo alipofika njiani akasimamisha pikipiki na kupanda kisha akamuelekeza Yule bodaboda ampeleke hadi kwao maana alitaka tu kuwahi nyumbani, sababu moyo wake alihisi kama una fundo vile.

Kwakweli dada yake hakumuelewa kabisa kuwa kwanini kafanya vile, hakujua kama maongezi aliyokuwa akiongea na mumewe yote Erica kayasikia.

Erica alifika nyumbani kwao akiwa na hasira sana, kwanza sehemu aliyoenda na dada yake na maneno aliyoyasikia toka kwa shemeji yake, aliingia ndani na kumkuta mama yake ambaye alisikitika sana baada ya kumuona, akamsalimia kisha akataka kwenda chumbani ila mama yake alimrudisha nyuma,

“Weee weee rudi hapa, rudi hapa upesi yani huna hata aibu unataka kwenda chumbani? Leta hilo begi lako hapa”

“Kwanini mama?”

“Nimekwambia lete”

Ikabidi Erica ashushe lile begi la mgongoni ampe mama yake, kisha mama yake akamwaga nguo zote za kwenye lile begi, kisha na kile kifurushi cha dawa kilianguka na kumshtua zaidi mama yake ambapo alianza kukishika kile kifurushi, Erica alijaribu kumsihi mama yake aachane nacho ila mama yake hakukubali, alikifungua kile kifurushi na kukuta dawa mbali mbali za kienyeji zikiwa zimeandikwa vitu mbali mbali, nyingine iliandikwa ‘dawa ya mvuto kazini - ya kuweka kwenye mkoba’ ‘dawa ya kumvuta mpenzi aliye mbali - ya kuchoma na kunuiza’ ‘dawa ya mapenzi – ya kujifukiza’

Kwakweli mama yake alimuangalia kwa mshangao Erica,

“Kheee Erica mwanangu kumbe ulienda tena kwa mganga?”

“Hapana mama”

“Hapana kitu gani na uthibitisho huu hapa? Yani umeenda kutafuta dawa ya mvuto kazini? Dawa ya kuvuta mpenzi aliye mbali? Unataka nini wewe ikiwa kijana wa watu anakupenda jamani Erica? Umeenda kutafuta dawa ya mapenzi? Nani amekudanganya kuwa mapenzi yana dawa jamani Erica!”

Mama yake alimpa lawama zote, na kisha kumtaka akae ili aongee nae vizuri,

“Kwanza niambie vizuri ulipoenda na dada yako hadi kupata kilanga cha kumuachisha mtoto ziwa, kupata kilanga cha kulala mbali na mtoto wako, kupata kilanga kushindwa kupokea simu ya mwanaume unayeimba wimbo kuwa unampenda sana, kupata kilanga cha kutafuta dawa zisizoeleweka. Kwanza kabla ya yote ni kwanini ulikuwa hupokei simu ya kijana wa watu?”

“Mama, kuhusu simu niliogopa kutokana na yale maneno niliyoambiwa na Yule mganga kwenye simu, kwahiyo niliogopa asije kupatwa na madhara kweli”

“Akili mbovu kabisa wewe, sasa apatwe na madhara gani?”

“Mama, uliniambia lisemwalo lipo na kama halipo linakuja kwahiyo mimi nikaogopa kitu kibaya kumpata Erick”

“Ila kwanini Erica unapenda kuharibu maana ya maneno, hivi iku ile tumeingia kwenye maombi hadi kuchoma ile leso chanzo ni nini? Chanzo ni maneno mabaya na jinsi alivyokuwa akikufatilia Yule mganga ila tulivunja maneno yake kwa kuchoma kile kitambaa na kukemea, halafu wewe hupokei simu ya kijana wa watu sababu ya ujinga?”

“Nisamehe mama”

“Haya niambie ukweli ulienda wapi na dada yako? Sitaki ujiume ume nataka uniambie ukweli na ukweli mtupu ndio nauhitaji”

“Mama nisamehe ila kiukweli tulienda kwakina baba wadogo”

“Hivi una akili wewe? Kwanini mnifiche mimi na kwanini muende kule? Ni miaka mingapi sijaenda kwa hao baba zenu wadogo? Hivi Erica una akili kweli?”

“Dada alisema twende”

“Aaaah yani huyu Mage huyu. Ya kwake hajamaliza halafu anaanza na mengine, kwahiyo hao baba zenu wadogo ndio wamekupa na hii dawa eeeh!”

“Hapana mama, hata mimi sielewi hiyo dawa imetokea wapi?”

“Punguani wewe, nenda ukaoge huko na hili begi niachie mwenyewe, umeniudhi sana mimi”

Erica alimuitikia mama yake maana alishamuona kuwa kacharuka, kisha akainuka na kwenda chumbani kwake ambapo alienda kuoga tena kama ambavyo mama yake alimwambia, kisha akabadilisha nguo, na kwenda tena sebleni kumuuliza mama yake kuwa mwanae yuko wapi,

“Sasa unadani yuko wapi?”

“Sijui mama”

“Amelala chumbani kwangu”

Basi akaenda kuchukua chakula na kula, gafla mama yake akapigiwa simu na kuanza kuongea nayo, kwa jinsi mama yake alivyokuwa akiongea alihisi tu aliyempigia ni baba yake mdogo na ilionyesha alikuwa akilalamika swala la Erica kuwa na mtoto na wenyewe kutokuambiwa, mama yake alivyomaliza kuongea na simu tu akasema,

“Ujinga mlioufanya na dada yako kwakweli sijaupenda kabisa, ngoja nimpigie simu huyo dada yako”

Mama yake alionekana kumpigia simu Mage na kumwambia kuwa aende nyumbani kwao, ilibidi Mage nae akubali maana alijua tayari ana mashtaka kwa mama yake.

Baada ya kumaliza kula, Erica alienda chumbani kwake kupumzika na kuamua kulala kidogo kwani alikuwa na uchovu sana, ingawa alijua wazi kuwa mama yao kanpigia simu dada yake ila alitaka dada yake akifika ndio aamke na hadi akiitwa ndio ataenda kusikiliza mamake anachoongea na dada yake, wakati usingizi umempitia vizuri leo akapigiwa simu, akashtuka na kuangalia akaona ni namba ngeni, kupokea ni Mzee Jimmy,

“Kweli kabisa Erica wa kunidanganya mimi mtu mzima na ndevu zangu?”

“Nimekudanganya nini tena?”

“Ulinidanganya kuwa mwanao anaumwa kumbe unanikimbia, sikia Erica sijawahi kupenda mwanamke hivi katika maisha yangu. Ingawa huyo mwanamke ni mama yako kiasi cha kutotaka mimi niwe na wewe ila Erica nakupenda sana, sitaki kukuchezea nahitaji kukuoa. Yani wewe kubali tu nitangaze ndoa na utachagua tufungie wapi”

“Nashukuru sana kwa wazo lako la kutaka kunioa ila mimi nina mchumba wangu nampenda sana, hata bila ya mama na wewe kujuana ila nampenda sana mchumba wangu, ni yeye ndio atakuwa mume wangu, hujui tu siku ile ilikuwaje ila mimi nishamuomba Mungu kuwa mwili wangu huu uwe ni mali ya mume wangu tu, sitaki mwingine wa kuchezea mwili wangu, samahani sana sikutaki, sikuhitaji, nisamehe bure. Nampenda sana mume wangu mtarajiwa”

“Mmmh wewe binti wewe labda nisijue kama unaolewa maana nitahakikisha huolewi”

Erica akaamua kukata ile simu kwani hakutaka kusikia mtu yeyote akimpa vitisho tena kuhusu Erick, kwa muda huo alikuwa akisubiri usiku aongee vizuri na Erick kwenye utulivu maana alijua lazima Erick amechukia kwahiyo alitaka aongee nae vizuri zaidi ili Erick apunguze hasira zake, akaangalia simu yake na kukumbuka kuwa hakuwa na vocha kwahiyo akaamua kwenda dukani kununua vocha.

Aliponunua vocha tu, akashikwa began a mtu akashtuka na kugeuka, akashangaa kumuona Sia, alishangaa sana kwani hakutegemea kumuona mtaani kwao,

“Mbona unashtuka sana, umeona mzimu au nini?”

“Hapana, nashangaa mitaa ya kwetu huku umefuata nini?”

“Kumbe unaishi mitaa ya huku eeh! Huku ni kwetu pia, ila nimefurahi kukuona kuna kitu nataka nikuulize”

“Kitu gani?”

“Hujaongea na Erick kwa siku ngapi?”

“Kwanini?”

“Nilimpigia simu, anaonyesha ana jazba sana. Nikamuuliza tatizo nini anasema ni kwavile hajaongea na wewe, Erica umempa nini Erick na mimi nimpe?”

“Sijampa chochote”

“Erica, nilishakwambia kuwa erick ndio moyo wangu, erick ndio maisha yangu, umempa nini Erick mpaka kuchanganya akili yake kiasi hiki! Mama yangu ni mgonjwa, alihitaji kuongea na Erick ila Erick ananijibu kuwa hawezi kuongea na mama yangu sababu akili yake imevurugika hajaongea na wewe. Limbwata gani Erica umempa Erick?”

“Sijampa chochote ila mimi na erick tunapendana sana”

“Humpendi Erick wewe, ungempenda usingezaa na mwanaume mwingine. Erica kwanini usiende kuwa na mwanaume uliyezaa nae jamani hadi kuwa na Erick kweli? Unanikosesha raha Erica, unaikosesha familia yangu raha, unadhani mama yangu akifa leo lawama nitampa nani kama sio wewe?”

“Utakuwa unanionea Sia, mwenye maamuzi ni Erick sio mimi. Najua nampenda Erick ila bado Erick ana maamuzi kama awe na mimi au la, najua Erick kawa na mimi sababu ananipenda, kwahiyo usinifikirie vibaya”

“Erica, tafadhari naomba uachane na Erick kwa usalama wa maisha ya mama yangu, nakuomba uachane na Erick kabisa, sitaki shida mimi. Nahangaika na mama yangu, hataki kula toka juzi sababu ya kutokuongea na Erick, nadhani unaelewa jinsi gani mama anauma, naomba uachane na Erick”

Erica akaona akiendelea kuongea na Sia hapo wanaweza kugombana bure maana aliona sura ya Sia inavyobadilika na kuwa na gadhabu zaidi, basi aliamua kuondoka tu ila hakujua kuwa alipokuwa akirudi kwao Sia nae alikuwa akimfata nyuma nyuma, hadi anaingia nyumbani kwao hakujua kama Sia alimfatilia hadi kwao ila Erica aliingia tu kwao.

Alipoingia tu ndani akasikia dada yake akizungumza na mama yake na kujua kuwa dada yake alifika, tena dada yake alionyesha kumwambia habari yote mama yao na hapo alijihisi aibu sana, alipoingia tu mama yake alimuita na kumwambia akae ili asikilize ile habari.

Kwakweli dada yake alikuwa akiongea hadi Erica alikuwa akijihisi aibu, alipomaliza dada yake kueleza akamwambia mama yao,

“Muulize mwanao huyo kama kuna uongo hapo?”

“Eeeh Erica, kuna uongo hapo?”

“Hakuna”

“Ila nilikwambia uniambie ukweli wote wewe mtoto jamani, jioni hii umeumbuka ona sasa!”

“Nisamehe mama”

“Ulivyohodari kuomba msamaha sasa huwa hukumbuki hata ujinga unaoufanya”

Kisha mama yao akamgeukia Mage na kuanza kuongea nae kwa kumfokea,

“Ila na wewe Mage huna akili yani huna akili kabisa, sikutegemea kama unaweza kufanya ujinga wa aina hii. Haya mdogo wako angebakwa na huyo Derick ungepata faida gani? Halafu una uhakika gani Derick ni mtoto wa baba yenu? Mtoto gani haendani tabia na baba yenu hata kidogo eeeh! Huyo Derick ndio alimfanya mdogo wako kuona chuo kichungu halafu mnakaa na kumsikiliza, na wewe unasikiliza na kufanya maamuzi yako. Erica ni mwanangu, kafanya makosa mlete kwangu niambie sijui katembea na kaka yake, ulishawahi kusikia katembea na Tony? Huyo hamjui ndiomana imekuwa hivyo, na hiyo laana ndio ya kuvunja kwa matambiko jamani! Yani na wewe Mage kama sijakulea kwenye dini vile, ulishindwa kuja kuniambia mama hivi na hivi ili niombe halafu unampeleka mdogo wako kwenye matambiko kweli! Sijapenda yani sijapenda kabisa”

“Mama unanilaumu bure, badala umkanye huyo Erica unanilaumu mimi mama jamani. Na huyo mtoto wako wakina bamdogo wamenipigia simu kuwa jana alivyoondoka kwa kisirani vile wamechukizwa sana”

“Kheee usinitibue, wewe na hao baba zenu wadogo kwanza wamenipigia simu hapa nimekorofishana nao tu na wewe usinitibue, ulitaka aendelee kukandamizwa kuwa amemtaka Derick kimapenzi au! Hata kama Derick sio ndugu yake bado sana Erica kumtaka kijana kama Derick, aisee umenitibua leo Mage, ondoka tu nenda kwa mume wako”

Ilibidi Mage ainuke na umuaga mama yake ila mama yake alionyesha kuchukizwa sana, muda huo Erica hakuamini macho yake kuwa mama yake ameamua kuwa upande wake na kumtetea kwakweli alijihisi furaha kiasi.

Basi wakati dada yake ameondoka na yeye akainuka ili kwenda chumbani, ila mama yake aliongea kwa ukali,

“Wewe mjinga, hebu kuja ukae hapa”

Erica alirudi kukaa na kumuangalia mama yake aliyeonyesha kubadilika kabisa sura, kisha akaanza kusema,

“Wewe mjina ulianzaje kutembea na mjinga kama Derick? Kuwa muwazi kwangu, niambie ukweli nikusaidie, usinifiche chochote”

Sababu dada yake alishaelezea mambo mengi ikabidi Erica awe mkweli tu akaanza kumueleza mama yake toka siku aliyotaka kubakwa na wakina George na jinsi Derick alivyomsaidia, akaeleza pia jinsi Derick alivyomuwekea kilevi na kujikuta akilala nae, alimueleza kila kitu hadi walivyokutwa na Mage, yani alimueleza mama yake kila kitu kasoro swala la kutoa mimba tu kwani alihisi lingemchukiza zaidi mama yake.

“Kheee Erica mwanangu kumbe huko chuo ndio ulifikia hali hiyo ya kwenda hadi disco mwanangu kweli!! Ila mimi nilijua siku nyingi sana kuwa huyu Derick ni shetani, ila mwanangu kwanini hupendi kusema unakaa na siri moyoni? Hebu ona vitu walivyoenda kukufanya nab ado amekusingizia ujinga, naomba uniruhusu nikachome zile dawa na zile nguo zako zote zinazonuka madawa”

“Jamani mama”

“Usitake kunifanya nipate kichaa, tena unyamaze kimya, ungetaka kusema jamani mama basi ungeniambia kabla ya kwenda huko kwenye tambiko. Haya njoo unionyeshe nguo zote walizokuwa wakifanya tambiko”

Basi walitoka na lile begin je huku giza likiwa limeingia tayari, Erica alimuonyesha mamake nguo ambazo alimwagia mafuta ya taa na kuzichoma pamoja na ile dawa huku akimtaka Erica amsimulie kilichokuwa kikifanywa kwenye tambiko,

“Ila tuliambiwa ni siri”

“Wewe hakuna siri kwa mama yako, tena uniambie kila kitu usinifiche chochote”

Ilibidi Erica aanze kumsimulia mama yake kutoka mwanzo hadi mwisho, hadi muda aliposikia mwanae anaita bibi kuwa kaamka, basi Erica alienda ili kumpokea mwanae maana ni siku nyingi sana, ila mwanae akampita na kwenda kwa bibi yake ambaye alimnyanyua na kuingia ndani,

“Jamani mama, Angel hanitaki”

“Atakutaka vipi ulimkimbia, hata simu ya uongo na ukweli kuwa nimpigie mwanangu hakuna, atakutaka vipi?”

Erica alijiona kweli ana makosa, hivyo akaamua kuanza kumbembeleza mwanae hadi badae akamkubalia na kukaa nae kwa muda.

Muda wa kulala ulipofika alienda nae chumbani kulala, ila aligoma na kutaka kulala na bibi yake kwahiyo Erica hakuwa na jinsi zaidi ya kumruhusu mtoto wake akalale na bibi yake, kisha yeye kurudi chumbani kwake ambapo aliweka ile vocha na kumpigia Erick na baada ya muda tu Erick alipokea ile simu, kwahiyo Erica alianza kwa kumuomba msamaha kwa kuondoka bila kumuaga huku akimbembeleza na kuongea nae vitu vingi,

“Ila Erica sijapenda kwa simu yako kupokelewa na mwanaume, kwakweli sijapend kabisa, Erica hujawahi piga simu yangu ikapokelewa na mwanamke na kwanini mimi unifanyie hivi?”

“Nisamehe Erick”

“Na mwanaume anajitapa kabisa kuwa ni mtu wako, Erica kwanini unifanyie hivi? Au ni sababu nimekwambia swala la ndoa mimi na wewe mpaka niweke mambo sawa”

“Hapana Erick sio hivyo, nakupenda sana hata sielewi huyo mtu aliyepokea simu alikuwa na maana gani.”

Erica alitumia njia ya kumbembeleza sana Erick na mwisho wa siku Erick alimuelewa kisha akamuuliza jambo lingine,

“Je kuna siku ambayo dada yangu amekusumbua tena? Au kipi kingine kilichokusumbua?”

“Kinachonisumbua ni mwanamke wako Sia, kila akikutana na mimi ananitaka mimi niachane na wewe na kusema kuwa yeye hawezi kuachana nawe, nahisi utatuoa wawili yani moyo unaniuma sana ila huwa siwezi kubishana nae. Erick, wewe ndiye mwenye maamuzi ya mwisho, nakumbuka ulisema kuwa unaachana na wanawake zako wote, hivi kama huyu Sia ungekuwa umeachana nae, hivi angewezaje kunitishia mimi niachane na wewe”

“Erica, huyo mwanamke hana akili tu yani anajua ukweli kuwa nakupenda wewe ila yeye anajifanya ni king’ang’anizi, ila simtaki”

“Kama humtaki mbona huwa unawasiliana nae?”

“Huwa ananitafuta mwenyewe sasa”

“Mwambie huwezi kuwasiliana nae tena, sitaki anipe vitisho najua mimi na wewe tunapendana”

“Sawa malkia wangu”

Basi Erica aliongea kwa furaha sana na Erick na kisha kuagana na kulala.

Kesho yake Erica aliamka na kufanya mambo yake ya hapa na pale, kisha kwenda kumchukua mwanae, ila muda huo wa asubuhi akapigiwa simu na Erick tena, kwahiyo akapokea na kuongea nae,

“Erica, Yule mtu wa kazi alikutafuta ila ndio ulikuwa hupokei, alitaka akutafute leo ila nimemuomba akutafute Jumamosi ili Jumatatu ukaanze kazi, sawa”

“Ila hata leo angenitafuta kusingekuwa na tatizo, niko tayari kuanza kazi”

“Aaah pumzika kwanza, kaa kidogo na mtoto na utaenda tu kufanya kazi, usiwe na haraka”

Basi akaongea nae na kukata simu, kisha muda huo huo akaona ujumbe toka kwa Rahim akaufungua na kuusoma,

“Erica, hutaki kuingia kwenye mtandao, hutaki kuongea na mimi ila unachokifanya kitakutokea puani. Mwezi ujao narudi nakuja kumchukua mtoto wangu”

Kwakweli bado kidogo akili imruke baada ya kusoma ujumbe huo ila kwavile alikumbuka mama yake alimwambia kila kitu awe anasema ikabidi aende kwa mama yake kumueleza kuhusu ujumbe aliopokea kutoka kwa Rahim, akamsikiliza mama yake atakachosema,

“Erica mwanangu usiwe na mashaka, ila lazima uwaze maana mtoto ushamuuza kwa mwanaume mwingine, yani hayo ndio makosa uliyoyafanya bila kunishirikisha. Ni kweli wanaume huwa wanakera sana ila si vizuri kuuza mtoto kwa baba mwingine, labda kama baba wa mtoto alimkataa”

“Ila mama hata Rahim alimkataa Angel”

“Ila alikuwa akimuhudumia mwanzoni, kuna wanawake huko amebeba mimba tu anamwambia mwanaume ila mwanaume anasema sitaki uniambie habari hizo, hiyo mimba siijui, kwahiyo wewe ulipata bahati sana. Hata alibadilika labda kuna kitu alifanyiwa maana wanaume ni wahuni sana na uhuni wao wakikutana na wanawake waliojichokea akili huwa wanawakorogea dawa basi hapo ndio anakuwa mbogo na wala haelewi kitu. Kosa lako wewe ni kuuza mtoto tu”

“Sasa mama nitafanyaje?”

“Hebu tulia kwanza, yani usiwe na presha wala nini, anaanzaje kufika tu na kuchukua mtoto? Kuna taratibu, na hata hivyo mtoto hachukuliwi kwa mama hadi afike miaka saba, ila una uwezo wa kukataa, wanasema mtoto ni wa baba ila kiukweli mtoto ni wa mama yani mama anaouwezo wa kufanya chochote kwa mtoto, usiwe na mashaka mwanangu. Kesho nitakwambia cha kufanya ila kwasasa kuwa na amani kwanza”

Basi Erica alisikiliza ushauri wa mama yake na kuendelea na mambo mengine kwa siku hiyo.

Usiku kama kawaida aliwasiliana na Erick, ila leo alimpa habari iliyomfurahisha kidogo,

“Erica, Yule Sia hatokusumbua tena, nishamalizana nae, nahitaji kuwa nawe Erica”

“Nimefurahi sana kusikia hivyo”

“Halafu mwezi ujao narudi, Erica lazima nikuoe kwahiyo usijali kitu yani lazima tuishi wote”

Kwakweli Erica alifurahi sana kwani jambo hili lilimpa raha vilivyo.

Akalala huku akitabasamu, kulipokucha alisikia kelele nje ya nyumba yao na kumfanya ashtuke na kutaka kutoka, akakutana na mama yake ambaye pia alikuwa akitoka maana zile kelele alizisikia, walishangaa kuona kuna binti akijigalagaza na kulala kwenye uwanja wao, ikabidi mama Erica na Erica wamsogelee binti Yule ili kumuuliza kuna nini, walipomsogelea na kumuinua na kumuuliza, binti aliinua kichwa na Erica alishtuka sana kwani alikuwa ni Sia halafu alisema kwa uchungu,

“Erica umeniulia mama yangu”

Hata mama Erica alishangaa kusikia vile.

kulipokucha alisikia kelele nje ya nyumba yao na kumfanya ashtuke na kutaka kutoka, akakutana na mama yake ambaye pia alikuwa akitoka maana zile kelele alizisikia, walishangaa kuona kuna binti akijigalagaza na kulala kwenye uwanja wao, ikabidi mama Erica na Erica wamsogelee binti Yule ili kumuuliza kuna nini, walipomsogelea na kumuinua na kumuuliza, binti aliinua kichwa na Erica alishtuka sana kwani alikuwa ni Sia halafu alisema kwa uchungu,

“Erica umeniulia mama yangu”

Hata mama Erica alishangaa kusikia vile.

Ilibidi mama Erica amuinamie vizuri Sian a kuongea nae,

“Hebu ongea taratibu binti nikuelewe”

“Erica kaniulia mama yangu”

“Sasa usipayuke hivyo nyumbani kwangu, utanijazia watu, Erica kamnyonga huyo mama yangu, kamtilia sumu au kamfanya kitu gani hadi useme kamuua?”

Sia alikuwa akilia tu, ilibidi mama Erica amuinue na kumuingiza ndani maana pale aliona angemjazia watu, na angemjazia watu kweli jinsi alivyokuwa akilia kwa kisirani, alipomuingiza ndani ndipo alipoanza kumuuliza tena,

“Hebu ongea taratibu binti nikuelewe, mimi ndio mama wa huyu Erica unayesema kakuulia mama yako, nataka kujua kamuua vipi? Maana nipo na Erica usiku wote, sasa katoka muda gani kuja kumuua mama yako?”

Sia alikuwa akilia tu, kisha mama Erica akamwambia tena,

“Lia, ukimaliza utanieleza vizuri maana sikuelewi (Halafu akamuangalia Erica na kumuuliza) Au wewe unamuelewa?”

“Simuelewi pia mama”

Hapo ndipo Sia alipoibuka na hasira, akasogea karibu na Erica na kumzaba kofi, mamz Erica akamrudisha nyuma na kumpa onyo,

“Wewe binti usitake kunipandisha kichaa change, na mimi ni kichaa kama wewe. Nishakwambia mimi ndio mama wa Erica, huyo Erica kakuulia mama yako vipi? Unainuka na kumpiga mwanangu kofi, sasa mimi sitajali umefiwa wala nini, nitakusambulia hapa uione dunia chungu, haya sema sasa Erica kamuua vipi mama yako”

“Anajua mwenyewe, ila Mungu atanilipia nashukuru sana”

Akainuka na kutaka kutoka pale kwakina Erica, ila mama Erica akamzuia na kusema,

“Wewe ungekuwa na haja ya kuacha Mungu akulipie sidhani kama ungefika hapa kwangu na kupiga yowe, nahitaji kujua tatizo ni nini? Nahitaji kujua mwanangu huyu kaanza lini uuwaji? Huondoki hapa bila ya kunieleza kwakweli”

“Unanionea tu wakati mimi nina uchungu, ni hivi mama yangu ni mgonjwa sana na Erica anajua hilo, mama yangu huwa nafuu yake ni kuongea na Erick, nampenda sana Erick ni mpenzi wangu na tumekubaliana kuoana, mama anatambua hilo hata marehemu baba yangu anatambua hilo na kabla ya kifo chake alinipa baraka zote za kuolewa na Erica, sasa huyu Erica kamwambia Erick asiongee na mimi wala mama yangu wakati anajua ni mgonjwa sana, hivi tunavyoongea mama yangu yupo kwenye hali mbaya sana, toka jana Erick amegoma kuongea na mama, na mama yangu anakufa ila chanzo ni Erica”

“Kwahiyo huyo mama yako bado hajafa ila yupo kwenye hali mbaya?”

“Ndio mama yangu yupo kwenye hali mbaya sana, hakuna matumaini ya kupona”

“Kwahiyo mamako akiongea na Erick ndio atapona?”

“Ndio”

Huku akiendelea kulia, ila mama Erica alimtuliza na kumwambia,

“Sasa hukutakiwa kuja na kupiga kelele mlangoni kwangu, mambo kama hayo ulitakiwa kuongea kuwa ni hivi na hivi na hivi unaeleweka sio kupiga kelele sijui Erica kaniulia mama yangu sijui nini na nini haipendezi, hivi watu wangejaa unadhani ingekuwaje na wangemfikiriaje Erica? Haya nenda kwa mamako na Erick atampigia simu muda sio mrefu, kwaheri”

basi Sia alitoka na kuondoka zake, mama Erica hakuongea chochote na Erica ila alienda humbani kwake na kuchukua simu yake kisha kumpigia simu Erick, kwakweli hata Erick alishangaa siku hiyo kupigiwa simu na mama yake Erica, basi alipokea na kumsalimia ila kabla Yule mama hajaitikia salamu akamwambia Erick,

“Wewe kijana fanya majukumu yako, unajua kuna mama anayetegemea simu yako kwa maisha yake, mpigie simu mama huyo, usimtafutie mwanangu matatizo, kwaheri”

Mama Erica akakata simu kisha akarudi sebleni.

Muda amerudi sebleni Erica alikuwa ameenda chumbani, akamuita kwa ukali sana, ikabidi Erica aende kumsikiliza mama yake,

“Hivi Erica, hukuona wanaume wengine au nini? Ni raha gani ya kugombea mwanaume? Sipendi kitu kinaitwa kugombea mapenzi jamani, sipendi kabisa. Kwanini mapenzi yapo hivi lakini? Erica umeshindwa kabisa kupata mpenzi wako peke yako hadi mpenzi wa kugombea hadi uambiwe umeua mama wa watu sababu ya kugombea mapenzi Erica?”

“Mama, kiukweli nampenda Erick, nampenda sana”

“Hivi unajua kupenda wewe, nakuuliza unajua kupenda? Huyu Erica sio ndio Yule kijana aliyekusababishia matatizo wakati upo shuleni kweli?”

“Ndio yeye mama”

Mama yake akamnasa kibao pia na kumwambia,

“Nimekupiga kwa uzembe, yani mwanaume aliyekusababishia matatizo shuleni umeamua kumkubali hadi mtoto kumuuzia, hivi wewe Erica ni mjinga kiasi gani? Huyo Erick ana nini cha zaidi huyo hadi mtu afike na kugalagala hapa ooh Erica ananiulia mama yangu, sijui nishaahidiwa Erick ndio mume wangu, haya na wewe uliahidiwa na majengo ya shule yenu ile kuwa Erick ndio mume wako?”

“Hapana mama”

“Kuanzia leo sitaki kusikia habari za huo uchafu wa kuitwa Erick, tulia wewe mtoto upate wako, mbona mwanangu wewe ni mzuri tu unahangaika na nini jamani? Erick, Erick ndio nani yeye, ni mwanaume pekee duniani? Mbona kuna wanaume wengi sana”

“Ila mama nampenda Erick”

“Unampenda ila yeye hakupendi, kashamuahidi msichana wa watu atamuoa, sasa wewe atakuweka wapi? Mbona hujiongezi jamani!”

“Ila mama Erick ananipenda pia”

“Nimekwambia sitaki kusikia habari za Erick kwenye nyumba yangu, sijui habari za Bahati sitaki kusikia, maana kasikia raha kuendeshwa na madawa huko, sitaki kusikia habari zake”

“Sasa mama niwe na nani?”

“Usiniulize mie, unataka nikufanyie chaguo la wa kuwa nae? Kwanza tushughulike swala la Angel maana tayari ushamuuza kwa huyo Erick kumbe ana mwanamke kashaahidiana nae huko hadi kuoana, sitaki kumsikia huyo Erick, maana kashanitibua tayari”

Kwakweli leo ilikuwa siku mbaya kwa Erica, yani hakuamini kama mama yake mwishoni angefikia maamuzi ya kutokumtaka Erick, aliinuka na kwenda chumbani kwake, akawaza sana na kufikiria kuhusu Erick, hakika alimpenda sana yani moyo wake aliona ukijaa kuhusu Erick tu kwahiyo swala la kuambiwa kuwa Erick asisikike mule ndani kwao lilimpa ukakasi sana.

Aliingia ndani na kulala tena yani hata kuoga hakwenda kuoga, ilimbidi mamake ndio amuogeshe mtoto amlishe na abaki akicheza cheza nae.

Jioni ya siku hiyo, mama yake Erica aliamua kumuita mwanae maana hakumuelewa kwani hakula kabisa siku hiyo na alipomuita alijibu kuwa hajisikii kula, mama yake akasema,

“Yani sababu ya Erick ndio hadi kula umesamehe, masikini mwanangu, huyo Erick kakupa nini eeeh! Huyo Erick ana nini ambacho wanaume wengine hawana”

“Mama hujui tu, nampenda Erick, nampenda sana”

“Katika maisha yako hujawahi kupenda mwingine zaidi ya Erick?”

“Sijawahi mama”

“Kwahiyo ulikuwa unatembea nao tu, ukamaliza familia nzima kutembea nayo bila kuwapenda, ukatembea na mtu hadi ukazaa nae bila kumpenda, hivi inaingia akilini hiyo? Erica eeeh! Hebu niambie labda mimi sijui, Erick ana nini ambacho wanaume wenzie hawana?”

“Mama, nampenda tu naomba niruhusu niwe na Erick”

“Haya kuwa nae ila baada ya wiki mbili unijibu kuwa Erick ana nini ambacho wenzie hawana”

Kitendo tu cha mama yake kumruhusu kuwa na Erick kilikuwa ni kitendo cha furaha sana kwake maana alihisi kama kadhulumiwa nafsi kwa kuambiwa kuwa aachane na Erick wakati anampenda sana.

Kwahiyo muda huo alifanya shughuli zake zingine na kula, hadi muda wa kulala ulipofika. Leo mwanae alikubali kwenda kulala nae, kumbe alikuwa na nia zake, alitaka kuongea na Erick, kwahiyo ikabidi Erica apige simu na kumpa Angel aongee nae, alipomaliza akaichukua yeye sasa na kuanza kuongea nae,

“Erica, niambie ni nini kimetokea leo?”

Ikabidi Erica amsimulie jinsi Sia alivyofika nyumbani kwao na jinsi alivyokuwa akilia lia,

“Poleni Erica, najua ni kosa langu ila naomba mnisamehe sana. Erica, kipindi umeniacha sikujielewa yani sikujielewa kabisa, nimeanza kunywa pombe sababu yako Erica, nikawa na wanawake wengi sababu yako ndio mwisho wa siku hadi nikaangukia kwa Sia, ila yote nilikuwa natafuta penzi la dhati kuwa labda kuan mahali nitapenda kama ninavyokupenda wewe, ila sijaweza Erica, na watu hawa wamekuwa wagumu kuelewa kama siwapendi maana zamani nilikuwa nawaigizia kuwa nawapenda, Erica nilifanya yote haya kupata unafuu wa moyo, Erica nimeanza kukupenda muda mrefu sana, siku ya kwanza kukuona tu nilikupenda na wala sio kwamba nilikutamani, hapana ila nilikupenda. Erica, nakuomba vumilia tu kwa yote yanayotendeka ila upendo wetu ubakie vilevile, tuendelee kupendana siku zote za maisha yetu”

“Erick nakupenda, sitamani chochote kitenganishe mapenzi yetu, ni kweli naumia sana kuhusu wanawake zako wa nyuma ila ongea nao vizuri wasinifanyie fujo, Sia anadai uhai wa mama yake unategemea simu yako wewe”

“Yule nae aniondolee wazimu mie, nitashika uhai wa mama yake mimi nimekuwa Mungu? Wale wajinga sana, badala wampeleke mama yao hospitali eti wanasema akiongea na mimi ndio atapoan, balaa likiwashika ndio atakumbuka maneno yangu niliyokuwwa nikimwambia kuwa tatizo sio mimi ila mpelekeni hospitali huyo mama, oooh ukiongea nae ndio anapona, jamani mimi nimekuwa malaika hadi nisaidie watu kupona? Nimekuwa dakari? Huwa siwaelewi kabisa”

Basi Erica alikuwa akifarijiana tu na Erick na kujisikia amani sana kwa kufanya hivyo kwani aliona kupata amani ya moyo, hadi wanaagana alikuwa na furaha sana.

Zilipita siku tatu, ilikuwa ni jioni wakati mama Erica akifagia uwanja wake, akashangaa kumuona tena Sia, na leo alivalia nguo nyeusi huku macho yakiwa mekundu kweli kweli, kwakweli mama Erica alihisi kuna jipya linazuka tena muda sio mrefu, ikabidi amuulize kulikoni, ila Sia alimsogelea mama Erica akamkumbatia na kulia sana, Yule mama akamuuliza kuwa imekuwaje,

“Mama yangu amekufa kweli, sina mama mimi. Liwazo langu kaondoka”

Akaendelea tena kumkumbatia mama Erica akilia, ikabidi mama Erica amuulize,

“Tatizo ndio lile lile la Erick kutokuongea na mama yako ndio kasababisha kifo au nini?”

“Hapana mama, Erick alikuwa akiongea vizuri kabisa na mama yangu hata leo asubuhi kaongea nae ila hali ya mama imebadilika jioni hii wakati tunatafuta usafiri tumuwaishe hospitali mama alikuwa ameshakufa”

Akaendelea kulia, ikabidi mama Erica aanze biashara ya kumbembeleza, kisha akaenda ndani kwake na kujivika kanga vizuri na kumuaga Erica,

“kuna msiba wa gafla umetokea ndio naenda”

Hakumpa Erica maelezo ya kutosha ila aliyoka nje na kuongozana na Sia kwenda msibani.

Alifika pale msibani kisha sia kwenda kuungana na ndugu zake wengine wakiendeleza vilio, Mama Erica aliingia nae ndani na kutoa pole kisha akatoka nje ili kuungana na wanawake wengine katika shughuli za pale kama kuandaa chakula na kuweka sawa mazingira ya msiba maana msiba hauna ugeni, aliwakuta wanapika chakula cha watu kwa usiku wa siku hiyo, sema hapakuwa na wamama wengi sana sababu msiba ndio umetokea siku hiyo hiyo, hadi mama Erica akaauliza,

“Mbona watu si wengi?”

“Aaah kwani na wenyewe walikuwa na tabia ya kushtuka msiba ukitokea basi? Baba yao ndio alikuwa hodari na alipokufa basi tena ila wat wengi watakuja siku ya mazishi”

wakati wanapika pika na wanawake wa pale wakaanza kuongea wakiongea,

“Yani hawa watoto akili zao jamani ni mbovu tu, mama yao anaumwa siku nyingi badala wampeleke hospitali eti atapona tu”

Mwingine akadakia,

“Mimi nilikuwa nikimkuta kazidiwa, nikiwaambia habari za hospiatali wanasema wana dawa zao”

“Kwanza cahanzo cha ugonjwa wa mama yao ni nini?”

“Huyu mama tangu mumewe amekufa basi na yeye akaanza kuumwa, ila kipindi hiki ndio vikachachamaa ila watoto wanadai wana dawa zao”

“Dawa gani hizo? Mbona mama yao kafa sasa kama wana dawa zao?”

“Yani watoto wajinga wale, sijui dawa gani wenyewe. Nakumbuka miaka miwili iliyopita kulikuwa na kijana mmoja anabadilishaga magari Yule mvulana, kazuri zuri hivi, ndio alikuwa anakuja na kumpeleka Yule mama hospitali hadi akawa anaendelea vizuri ila nimeshangaa mwaka huu toka uanze ukimkuta kazidiwa unajibiwa kuwa kuna dawa zake”

“Unajua hospitali ni muhimu sana, hata kama unatumia dawa za kienyeji ila nenda hospitali kwanza ujue unaumwa na nini, hata waombeaji wenyewe huwa wanasema kapime kwanza, maana ugonjwa ukijulikana ni rahisi zaidi tofauti na ugonjwa usipojulikana”

Mama Erica alisikiliza kwa makini sana na kugundua kuwa pale kulikuwa na tatizo licha ya Yule mama kuugua hadi kufa ila kulikuwa na tatizo.

Basi mama Erica alishughulika pale kisha alipoona usiku umeingia sana akaamua kuondoka kidogo kurudi nyumbani kwake maana asingeweza kulala hapo msibani kwani hata kwake hakutoa maelezo ya kutosha.

Alimkuta Erica akiwa sebleni tu maana ilikuwa ni usiku tayari. Erica alimsalimia mama yake kisha kumuuliza kuwa alikuwa akiwahi kwenye msiba wa nani maana alimwambia tu kuwa anaenda msibani,

“Nilienda kwenye msiba wa mama wa mke mwenzio”

“Mama wa mke wmenzangu? Kivipi?”

“Mama yake na Sia amekufa”

“Kheee mamake amekufa, masikini jamani”

“Hiyo kusikitika ya leo mbona haikuwepo siku ile Erica eeeh!!”

“Jamani mama! Lazima nisikitike maana si kitu nilichokitarajia, mbona niliongea vizuri na Erick kuwa awe anampigia simu mara kwa mara mama yake Sia, jamani mama wa watu amekufa! Inamaana Erick alikuwa apigi simu?”

“Hebu wewe nawe nitolee ujinga mie, huyo Erick ni daktari kusema akipiga simu anasema watumie dawa Fulani au nini? Erick ndio malaika mtoa roho kusema huyu nimchukue sasa au nini, hebu nitoleeni balaa, sema uzuri hujawa chanzo tena cha kifo cha huyu mama. Nadhani kifo chake kilifika ila kama kawaida wanadamu hutafuta sababu tu, mwishowe wakuchukie bure.”

Erica alibaki kusikitika tu, kisha akaenda chumbani kwake na kumpigia simu Erick ila simu yake haikuwa na salio, yani pale alipata mawazo sana kwani alihitaji haswa kuongea na Erick, akawaza akaona ni vyema akanunue vocha ili ampigie na kuongea nae, akatoka chumbani kwake na kujifunika kanga, ila mama yake alikuwa sebleni na kumuuliza,

“Haya saa hizi unataka kwenda wapi?”

“Nataka kwenda dukani mama kununua vocha”

“Hapana, siwezi kukuruhusu uende dukani muda huu, Erica mwanangu kumekuwa na matukio kwako yasiyoeleweka kabisa, hivi naanzaje kukuruhusu kwenda dukani eeeh! Ngoja kesho utaenda”

“Jamani mama”

“Nimesema leo hutoki, umenisikia? Wewe jione ni mtu mzima ila mimi nakuona bado ni mdogo sana, leo hutoki kwenda popote muda huu”

kisha mamake akaenda kufunga mlango na kwenda na funguo chumbani kwake, kwahiyo Erica hakuwa na namna yoyote ile zaidi ya kurudi chumbani kwake, ila alikuwa na mawazo sana hadi hakuwa na raha sababu alitamani sana muda huo aongee na Erick na hakujua ni kwanini Erick hakumpigia simu siku hiyo.

Alipokuwa amekaa na mawazo chambani kwake muda kidogo akapigiwa simu na namba ngeni, Erica alipokea simu hiyo kwani alikuwa na mawazo sana na Erick, kwani alikuwa akidhani mtu akimpigia simu ni Erick ingawa alikuwa akiona kabisa ile namba si namba ya nchi aliyokuwepo Erick, alipokea na kuongea nayo na kugunduwa kuwa mpigaji ni mzee Jimmy,

“Kheee bado unanifatilia wee mzee?”

“Naachaje kukufatilia Erica eeeeh! Katika maisha yangu sijawahi kumpenda mwanamke yoyote kama ninavyokupenda wewe, usisikilize maneno ya mama yako, nikubali mimi na huyo mwanao ataishi maisha mazuri kama jina lake”

“Asante kwa hayo maisha mazuri ila mimi nimeridhika”

“Erica, nishaiambia familia yangu yote kuwa nataka kuoa na wote wamenikubalia, niruhusu nikuoe Erica”

“Unajua unanichosha yani unanichosha sana, huwa sipendi hata kukusikia ukiongea kwenye simu unanichosha balaa”

“Erica, pole kwa kukuchosha. Naomba unisamehe, nifanye nini ili unisamehe?”

Erica akakumbuka kuwa anahitaji vocha, alijikuta tu akimuambia,

“Nitumia vocha”

“Hilo tu Erica? Niambie kitu gani tena?”

“Nitumie vocha nina shida nayo”

“Nikutumie ya shilingi ngapi?”

“Ya elfu tatu”

“Sawa nakutumia Erica, nakupenda sana umechanganya akili za mtu mzima mimi”

Basi Erica akakata ile simu na baada ya muda mfupi vocha iliingia kwenye simu yake, kuangalia ilikuwa ni vocha ya elfu hamsini, akatabasamu kisha akabonyeza namba za Erick na kumpigia, ambapo simu iliita bila kupokelewa, alipiga kama mara tatu na sim haikupokelewa, alikuwa na mawazo sana maana sio kawaida kabisa, hakuwa na ugomvi mkubwa na Erick wa kusema ashindwe kupokea simu, akashangaa sana, alikaa kama lisaa lizima, yupo macho tu akajaribu tena kupiga simu muda huu Erick alipokea simu ya Erica, ila Erick aliongea katika hali ya ulevi sana, mpaka Erica akamshangaa,

“Erick umeanza tena kunywa pombe kiasi hiko kweli? Si ulisema ulevi ulianza sababu yangu, leo vipi upo na mimi na unakuwa mlevi?”

“Erica huelewi tu”

“Sielewi nini sasa”

Erick alikuwa hata kujibu hajibu vizuri sababu ya kulewa hadi Erica aliamua kukata simu kwa hasira, huku akichukia sana moyoni, alihisi Erick kuna mwanamke mwingine anamsumbua ndiomana kaamua kunywa pombe, alijikuta akiumia sana yani siku hiyo hakuweza kulala kabisa.

Kwa kukosa usingizi hadi aliamua kuingia tena kwenye mtandao wa kijamii baada ya kipindi kirefu sana tangu alipogombana na Rahim, na alivyoingia tu alikutana na jumbe kadhaa za Rahim zikimpa lawama tu, kisha muda huo huo Rahim alituma tena ujumbe,

“Erica, leo umeingia mtandaoni siamini”

“Nipo”

“Habari Erica, mtoto anaendeleaje?”

“Leo ndio umejua kuwa una mtoto na mimi? Wewe si ulijifanya kunijibu shombo wewe?”

“Erica, una matatizo wewe sio bure, kwani hujui kosa lako la mimi kuwa vile? Hivi unawezaje kumuomba mwanaume milioni kumi na tano? Kuna mwanaume kichaa anayeweza kufanya hivyo? Hakuna mwanaume wa kukupa hela hiyo hata awe na hela kiasi gani”

“Si kweli Rahim, ungekuwa na malengo na mimi ungenipa. Najua hiyo hela uwezo nayo unao, na hata kama ungekuwa huna ungeniambia kiustaarabu ila sio kwa majibu yal uliyonipa, sikufurahishwa nayo kwakweli”

“Sawa, hukufurahishwa nayo ila namtaka mwanangu Erica”

“Usinichanganye, unamtaka mwanao kivipi? Mama yako mwenyewe alikuja hapa na hata kurudi tena hajataka, na mtoto mwenyewe alikuwa na mashaka nae kuwa si wa kwako halafu wewe unamuhijtaji mwanao kwa kigezo kipi haswa?”

“Unajua fika Yule ni mwanangu, yani hata uongee vipi ila ukweli unaujua kuwa Yule ni mwanangu, sikukutuma uje kwangu ila umalaya wako ndio uliokuleta kwangu, hadi ukadanganya kwenu kuwa unasafiri wakati unakuja kulala na mimi sababu ya umalaya wako na mimba ukabeba ukijua nitakuoa, ulibugi kwakweli kwani siwezi kuoa mwanamke kama wewe”

“Yani leo hii Rahim ndio unaniita malaya? Kwahiyo mtoto umezaa na malaya?”

“Erica, unajua sipendi kuongea sana, namtaka mwanangu. Ndio wewe ni malaya, kwani nani hajui hilo? Wewe mwanamke hufai ndiomana hata wazo la kukuoa halikuwepo katika akili yangu”

“Ulivyokuwa unaniambia unanipenda?”

“Nilikuwa nawe ili kupoteza muda tu, nilikwambia vile ili uniamini ila kiukweli wala sikukupenda. Mwanamke gani wewe, nasikia ulitembea na familia yangu nzima, na atakayekuoa wewe atakuwa chizi, hakuna mwenye akili timamu atakayemuoa mwanamke wa dizaini yako, na hata huyo mtoto namtaka tu ila sijui kama naye hajanitia aibu maana mtoto wa nyoka ni nyoka”

“Kwahiyo ndicho ulichotaka kuongea na mimi hicho mtandaoni kuwa kila siku ingia mtandaoni kumbe ndio ujinga huo unataka kuniambia?”

“Sio ujinga ila nakwambia ukweli, kawaida wanaume kuwa na wanawake wengi ila mwanamke kuwa na wanaume wengi kwa hakika huyo mwanamke hafai kwenye jamii, Erica huwezi kuolewa wewe kamwe, maana mtu akijua tu tabia yako atakuacha”

Erica alichukia sana na kutoka kwenye mtandao wa kijamii huku akianza kutokwa na machozi na kuitathmini tabia yake, ila alihangaika kote kutafuta penzi la kweli, alijiona mjinga sana kuhangaika na wanaume waliomwambia kuwa wanampenda kwa kumsanifu tu.

“Hivi mtu unawezaje kujifanya unampenda mtu wakati humpendi? Kweli kabisa leo hii huyu Rahim ndio ananiambia maneno haya jamani? Kuna uwezekano mkubwa sana wa wote waliosema wananipenda kumbe hawanipendi wala nini? Ni nani anayenipenda kweli? Hivoi Erick ananipenda kweli au na yeye atanigeuka siku moja kama leo alivyolewa? Lakini hapana Erick ananipenda bhana, nayachukia mapenzi, sijui kwanini yapo.”

Kiukweli siku hiyo hakulala kabisa kwani alijikuta akiwa na mawazo mengi sana mpaka asubuhi.

Mama yake alijiandaa mapema kwenda msibani na kumuaga Erica pale kwani kulikuwa na hati hati kuwa wanaweza kuzika siku hiyo, basi akaondoka zake na Erica kurudi chumbani kwake.

Alifika msibani na kweli alikuta kuna mipango ya mazishi siku hiyo wakashugulika na kazi za pale kisha kwenye mida ya saa sita walienda kuzika na kurudi tena pale nyumbani, alimuona Sia ameongozana na binti mwingine ambaye sura ilimjia jia kuwa anamfahamu, walipofika karibu yake ndio akagundua kuwa Yule binti ni Tumaini ambaye alikuwa akijua ni rafiki wa Erica, muda huu Sia alimsogelea tena mama yake Erica na kumkumbatia kwa kilio,

“Mama yangu hayupo tena, nimebakiwa na Erick tu”

Basi mama Erica alikuwa akimbembeleza lakini hakuelewa ni kwanini alikuwa akiyasema yale aliyokuwa akiyasema, basi Tumaini nae akasogea karibu na Yule mama ili kumsalimia, na alipomaliza kumsalimia tu akamwambia,

“Familia tunamtambua Sia, familia tunamtaka Sia kuwa mke wa Erick, nakuomba mama mwambie Erica akae mbali na Erick maana hatumtambui”

Kwakweli mama Erica alikuwa akiwashangaa sana wale mabinti, hakufikiria kama wangeleta habari hizo msibani, muda huo huo Tumaini akamwambia mama Erica kuwa anaenda kumuita na mama Erick ili amwambie jinsi Erica wasivyomtaka kwenye familia yao, ila muda ule ule Sia alifatwa na mama yake mdogo ila alipofika pale alianza kumshangaa mama yake Erica na kusema,

“Kumbe ni wewe!”

Walitazamana kwa muda na kujikuta wakikumbatiana kwa furaha.

Kwakweli mama Erica alikuwa akiwashangaa sana wale mabinti, hakufikiria kama wangeleta habari hizo msibani, muda huo huo Tumaini akamwambia mama Erica kuwa anaenda kumuita na mama Erick ili amwambie jinsi Erica wasivyomtaka kwenye familia yao, ila muda ule ule Sia alifatwa na mama yake mdogo ila alipofika pale alianza kumshangaa mama yake Erica na kusema,

“Kumbe ni wewe!”

Walitazamana kwa muda na kujikuta wakikumbatiana kwa furaha.

Kisha wakaenda pembeni kuzungumza, kwahiyo Sia alibaki mwenyewe pale akishangaa tu kuwa watu wale wamejuana vipi, wakati huo Tumaini nae alifika na mama yake Erick ila hawakumkuta mama Erica, Tumaini akamuuliza Sia kuwa mama Erica ameenda wapi,

“Muda ule ule alifika mama yangu mdogo, sasa sijui wanafahamiana vipi, wakachukuzana na kuondoka”

Ikabidi Tumaini aombe radhi kidogo kwa kumsumbua mama Erick, kisha akamwambia,

“Ila mama usijali, napafahamu kwakina Erica, au nikupeleke muda huu?”

“Hapana, saivi kuna mahali nataka kwenda, nilikuja kuzika tu”

Basi akaondoka na kumuacha Tumaini na Sia pale huku Tumaini akimpa mpa moyo Sia kuwa aijali yeye ndio mke halali wa Erick.

Sababu ya kutokulala usiku, basi muda huo Erica alikuwa hoi na usingizi hadi maam yake anarudi na kugonga mlango kwakweli Erica alikuwa amelala sana hadi ilibidi akamgongee dirishani ndipo Erica alipotoka na kuwafungulia kisha mama yake akaingia na Yule mgeni huku akimkaribisha sana,

“Karibu, karibu. Hapa ndio nyumbani kwangu”

“Jamani ni siku nyingi sana”

“Ten asana”

Basi Erica akawasalimia na kurudi kulala chumbani kwake kwani kiukweli alikuwa na usingizi sana, basi mama yake na Yule mwenzio walijikuta wakiongelea mambo mbalimbali ya zamani hadi kuanza kuongelea na msiba uliotokea,

“Hivi aliyekufa pale ni nani yako?”

“Ni dada yangu”

“Aaah pole sana, dada yako tumbo moja?”

“Ni dada wa bamkubwa na bamdogo yani tumbo moja”

“Kwani alikuwa akisumbuliwa na nini?”

“Mwenzangu hata hatuelewi maana ugonjwa aliokuwa akiumwa nadhani ni siri ya watoto wake, nilikuwa naenda kumuona yani kuna kipindi unakuta kazidiwa haswaa naanza kufokea wale watoto kuwa kwanini hawampeleki dada yangu hospitali, basi wanasema Sia ndio anajua dawa ya mama yao, Sia ndio Yule binti nilikukuta nae. Ni mtoto wa dada yangu Yule, ndio mwanae wa mwisho. Nikimuuliza Sia dawa ya dada ni nini, ananiambia subiri basi sijui anapiga simu wapi na kumpa mama yake aongee nayo baada ya hapo utakuta dada kaamka na kuanza kula tena, nilikuwa nashangaa sana, na sijui kwanini walikuwa hawampeleki hospitali”

“Ila ndugu mnatakiwa kujua sababu, sio watoto kuwaficha ficha”

“Na hakika wanatuficha ficha sana, ila Yule Sia ndio huwa simuelewi kabisa, msiba umetokea muda kidogo na yeye akapndoka, ila asilimia kubwa ya watu waliofika msibani wanasema habari wamepewa na Sia, nadhani alienda kusambaa habari si mbaya ila yule mtoto wa dada yani hata sijui kapagawa na nini? Wewe umemfahamia wapi maana ndio nilikukuta nae”

Ikabidi mama Erica amwambie kwa kifupi tu jinsi alivyo mfahamu Sia,

“Kheee mtoto ana wazimu Yule, yani aje kulia mlangoni kwake jamani! Mtoto mjinga Yule, ila kiukweli nimefurahi sana kuonana na wewe, tuachane na hizo habari za huyo mtu ila nataka kujua kwani huyo kijana na mwano wana mpango gani?”

“Wamepanga kuoana, wana mtoto tayari”

“Oooh hongera sana, jamani binti yangu kazaa na mwanaume huyo hajielewi wala nini, mtoto anaenda miaka minne sasa ila baba haeleweki na hajawahi kuja kumuona mtoto wake”

“Pole ndugu, ndio uzazi huo”

Basi wakawa wanaongea mambo mbali mbali na kukumbushana vitu vingi ila Yule mama aliaga na kusema kuwa angerudi siku nyingine ili waongee vizuri,

“Ngoja nikamalize mambo ya msiba kwanza, nitakuja kukuaga na tutaongea vizuri, ila habari za watoto zisikuumize kichwa hizi, nitaenda kuongea na Sia tu nijue muafaka ni nini. Sawa ndugu yangu!”

“Sawa, utakuwa umenisaidia sana”

Basi akamsindikiza na kuagana nae, alivyorudi ndani sasa alimkuta Erica ametoka sebleni na mtoto wake,

“Yani wewe pindi mgeni yupo ndani hapa ndio

ukajifanya hutoki chumbani, umeona kaondoka ndio umetoka”

“Nisamehe mama, kwani ni nani Yule?”

“Ungekuja kumsalimia ningekutambulisha, ni rafiki yangu wa siku nyingi sana. Nilikuwa nasoma nae. Ila una tabia mbaya, umesubiri kaondoka ndio umetoka”

“Hapana mama, nilikuwa na usingizi”

“Kwahiyo saivi umeisha?”

“Angel ananisumbua mama”

“Mpe chakula, mtoto njaa huyo”

Basi Erica akamuacha pale mtoto na mama yake na yeye kwenda jikoni kumuandalia mwanae chakula.

Muda huo huo simu yake ilianza kuita, ila ilikuwa na mtetemeko tu maana alitoa sauti ila muda huo simu ilikuwa kwenye kochi basi Angel akashuka kwa bibi yake na kwenda kuichukua, bibi yake akaidaka ili kuangalia mpigaji, akakuta ni Erick, akacheka na kumuita Erica aliyekuwa jikoni,

“Haya mpenzi wako anapiga simu maana hadi kaandikwa my love mmmh!! Wewe mtoto wewe mapenzi yanaumiza sana, sijui hujawahi kuumia na mapenzi?”

“Nimewahi mama na nimeumia mara nyingi tu”

“Ungekuwa umewahi usingethubutu kuandika hata mpenzi, yani ungeweka jina lake tu bila vikorombwezo vingine, mtu pekee wa kujidai nae na kumpa majina uyatakayo ni mume wako ila hawa wasioeleweka utajiumiza moyo bure”

“Jamani mama!”

“Sio cha jamani, pokea simu hiyo, ona ishakatika”

Na kweli simu ilikatika muda ule wakati Erica akiongea na mama yake, ila Erica alikaa chini na kuongea na mama yake,

“Mama, mapenzi ni nini? Sielewi yani sielewi kabisa, kichwa changu kinavurugika kila kukicha”

“Maliza kuandaa chakula cha mtoto, mlishe kisha njoo ukae sasa uniulize nikuelekeze kidogo”

Basi Erica alienda kumalizia kuandaa chakula cha mtoto na alipomaliza alimlisha kama mama yake alivyomwambia.

Muda huu sasa alimfata mama yake kwani alihitaji kujua mapenzi ni nini ikiwa kila anachofanya kinamuumiza tu katika mapenzi,

“Mama, nimemaliza sasa nahitaji kujua mapenzi ni nini?”

“Kwanza kwanini unataka kujua mapenzi ni nini? Tuanzie hapo ndio nitaweza kukuelewesha kidogo”

“Mama, mwanao nimekuwa nikipata changamoto mbalimbali za mapenzi, nimekuwa nikikutana na watu mbalimbali wakidai wananipenda ila kumbe si kweli walikuwa na lengo lao tu, yani mpaka nachanganyikiwa hapa kuwa mapenzi haya ni kitu gani na kwanini mimi yananiumiza hivi”

“Mwanangu pole sana, ila mara nyingine ni kosa langu kutokukaa na wewe na kukuelimisha kuhusu swala zima la mapenzi kwani sikufikiria kuwa mwanangu umekuwa sasa, ila mwanangu mapenzi yamejaa unafki sana, kwanini nasema hivi sababu mtu anaweza kukuonyesha anakupenda hadi unaweza hisi nikimuacha huyu atakufa, kumbe kuna kitu anahitaji toka kwako ndiomana anaonyesha anakupenda, haya yuko wapi baba Angel? Si ulisema alikuwa hadi anakutumia pesa? Ziko wapi hizo pesa sasa? Angekuwa mwingine si ndio angekujali sana hivi una mtoto wake? Yani mapenzi kila mtu anayatafsiri kwa namna yake ila yakikupitia ndio unajua haswaa mapenzi ni nini, ndiomana nimekuuliza hujawahi kuumizwa na mapenzi? Kama umewahi, unawezaje kumuamini mtu asiye mume wako? Ingawa hata kwenye swala la ndoa kuna watu wanaingia kwenye ndoa sio sababu ya mapenzi ila kuna kitu anahitaji, yani mapenzi ni swala pana kidogo”

“Mama, jana nimetukanwa sana mwanao na huyo unayemsema baba Angel, ndiomana nashindwa hata kuelewa mapenzi ni nini. Huyu mwanaume aliniambia kuwa ananipenda kuliko msichana yeyote humu ulimwenguni, ila jana alivyonitukana kama si yeye aliyesema maneno yale kipindi kile”

Mama yake alicheka kama anamcheka mwanae vile, kisha akamwambia amuonyeshe alivyomwambia, kwavile Erica alishaamua kuwa mkweli kwa mama yake hakuona kama ni tatizo kumuonyesha alichoandikiwa na Rahim, alienda kuchukua ile simu yake na kufungua mtandao wa kijamii kisha kumuonyesha mama yake zile jumbe ambazo Rahim alikuwa akimtumia jana,

“Yani kaniita malaya kweli!”

“Hajakosea, wewe ni malaya ndio ndiomana ukamkubali shetani kama yeye bila hata kujiuliza, kumbe ulikuwa ukiniongopea nasafiri halafu unaenda kukutana na shetani kama hili! Watu wanagombana ila sio kufikia hatua ya kutukanana na kuhisi mmoja hafai, Erica mwanangu nilikufundisha kama naimba nyimbo, mwanangu jitunze hadi ndoa ila wapi ukaona natwanga maji kwenye kinu, umeona asante ya mwanaume eeeh! Yani mwanaume anakupa na mbinu ya kutoroka kwenu ila mwisho wa siku anakuona malaya kwa starehe yake mwenyewe, ila mwanangu usijali wala usiumizwe na maneno ya huyu Rahim, mi ninachokuombea ni uolewe tu mwanangu na huyu Rahim na familia yake yote tutawaalika kwenye harusi yako, wala maneno yake yasikukatishe tamaa, yani kuna mijitu haina akili hata kidogo, mwanamke kajitoa kubeba mimba kwaajili yako, kazaa kwa uchungu na analea mtoto wako kwenye mazingira ya kusemwa kila siku kuwa kazaa nje ya ndoa halafu unashindwa hata kufikiria mazingira anayopitia Yule mwanamke unafurahi tu kumuita malaya! Nimechukia sana, simpendi huyo Rahim yani simpendi kabisa, nimechukia sana. Acha tu mwanangu uendelee kujifariji kwa huyo Erick, natumaini atakuwa wako kweli”

Kwahiyo alijikuta na mama yake mada yako ya kuelezana mapenzi ni nini imeishia hapo kusikitishwa na majibu ya Rahim tu, maana hata mama yake Erica hakufikiria kama Erica angepata tabia za kuweza kuitwa kwa jina baya vile, alimuangalia mwanae na kusema tena,

“Unajua nakuangalia Erica sikumalizi, hivi ni kweli ni wewe niliyekulea katika maadili yote? Mtu anafikia kusema hakuna mwanaume atakayekuoa mwanamke kama wewe, kwaini aseme hivyo? Najiuliza sana, hivi ulianzaje kutembea na familia nzima? Najiuliza bado, ulianzaje kutembea na shetani kama Derick? Unajua ninavyokuangalia na haya mambo yanayokuhusu hakika huendani nayo, hivi ilikuwaje Erica! Aaah kama sikukulea mimi vile dah! Najaribu kukufikiria nakosa jibu, si utakuwa umemaliza kijiji mwanangu wewe, na sijui kama huyo Mzee Jimmy hukutembea nae kweli! Wewe uliweza hata kutembea na Yule Bahati kipindi kile anavua samaki hukuona hata kinyaa mmmh! Ila mwanangu ni mchafu wewe loh! Bora nikalale mie, nisije kuongea na mengine”

Erica nae alijisikia vibaya sana, ilikuwa ni usiku tayari alienda chumbani kwake.

Alipofika chumbani kwake aliinama na kutoa machozi kwa hakika alitamani siku zirudi nyuma na awe Erica mpya, alijikuta akijuta sana kwa yale matendo yaliyopita nyuma,

“Najuta kumfahamu Babuu maana ndio kanifanya niyajue mapenzi, najuta kumfahamu pengine nisingemfahamu ningeweza kujitunza hadi ndoa ila kwavile nilishaharibu sikuweza tena kujitunza. Najuta mimi Erica, ila nimebadilika sema natazamwa kwa yale matendo ya nyuma tu”

Alijikuta akilia sana, simu yake iliita tena alipoitazama ni Erick alikuwa akipiga tena, akapokea huku akiendelea kulia na kumfanya Erick ajue pengine Erica analia kwa kitendo chake cha kulewa jana yake,

“Erica nisamehe mpenzi wangu, nilikwambia nitakuwa nakunywa kistaarabu, naomba unisamehe Erica tafadhari, sitarudia tena”

“Silii hicho Erick ila nalia sababu mimi nimekuwa mwanamke asiyefaa”

“Nani kasema wewe ni mwanamke usiyefaa?”

“Erick, wanawake wanaofaa wote wanaolewa wakiwa bikra ila sio kama mimi”

“Erica, hebu achana na hizo desturi potofu, kwani ukiwa na bikra au usipokuwa nayo ndio nini katika maisha eeeh! Tunachoangalia ni upendo, Erica kuna wasichana wengi wadogo wanatamani kuwa na mimi, kuna wasichana wengi waliobikra na hawana watoto wanatamani kuwa na mimi ila mimi siwataki nakutaka wewe, unajua kwanini? Sababu moyo wangu upo kwako, wewe ndiye mwanamke wa maisha yangu, wewe ndiye nikupendaye kwahiyo hata utokee mlolongo wa wasichana ujipange kwaajili yangu siwezi kuchagua yeyote maana kwangu upo wewe tu. Erica usilie wala usiwe na mawazo, kuzaa nje ya ndoa si kusema kwamba ni malaya, hapana, tena mimi naweza kukuita wewe ni mwanamke shujaa maana najua ni vikwazo vingapi umekumbana navyo wakati wa mimba ya Angel, Erica mama yangu usilie ila furahi kuwa na Angel na ufurahi kuwa na mimi, kwa pamoja tutamlea Angel na kumuweka katika maadili yanayofaa”

Kwakweli maneno ya Erick yaliupa faraja moyo wa Erica kwani alijikuta akitabasamu tu na kusema,

“Erick nakupenda”

“Hunifikii mimi malkia wangu, nakupenda sana”

Yani Erica kila akiongea na Erick alikuwa akijihisi raha sana, basi akaagana nae na kuweza kulala, kwakweli alilala kwa tabasamu zito sana, yani hata hakumuuliza Erick kuwa kwanini jana yake alilewa ila alilidhika tu na kubembelezwa na Erick.

Kulivyokucha, mama Erica alijua kama kawaida kuwa angemkuta Erica amevimba macho kwa kulia kwa yale maneno aliyomwambia jana ila alishangaa sana kuona Erica ameamka na tabasamu huku akifanya kazi za hapa na pale, alimsalimia mwanae na kumuuliza,

“Nipe siri ya tabasamu lako”

“Hamna mama, nimefurahi tu”

“Mmmh Erica, najua tu kipo kilichokufurahisha”

Simu ya Erica ilikuwa mezani na ikaanza kuita, mama yake akachungulia na kuona mpigaji ni Erick kisha akona Erica akichukua simu na kwenda kupokelea chumbani huku akiwa amejawa na tabasamu, kwakweli hapo ndio akaelewa furaha ya mwanae imekuwa Erick,

“Ila huyu Erick anagombewa na Sia, mmmh sijui itakuwaje? Ngoja nitulie mie”

Ilibidi tu aka echini akimsubiri huyo mwanae amalize kuongea na simu, basi Erica nae alikuwa akiongea na simu,

“Jana nilisahau kukwambia Erica, kuna mzigo mpya umeingia, kwahiyo Jumamosi uwende na Angel”

“Mmmh umesahau kuniambia au ulitaka kuongea na mimi tu!”

“Nilisahau kukwambia kweli, kwani jana nilikwambia?”

“Hapana hujaniambia, ila si Moses yupo angeniambia”

“Erica bhana, ila kiukweli nilimiss tu kusikia sauti yako kipenzi change, ngoja nifanye kazi zangu huku nahitaji tuishi maisha ya furaha sana. Nakupenda Erica”

“Nami nakupenda pia”

Kisha akakata simu na kwenda sebleni kwa mama yake ambaye alisema,

“Nimesikia nakupenda pia, hahaha penzi likiwa change unajihisi kama una miliki dunia”

“Jamani mama, usiseme hivyo. Niombee tu mwanao nifike mbali na Erick”

“Unafikiri sikuombei mwanangu, mafanikio yako ndio mafanikio yangu”

Wakasikia mtu akibisha hodi, ikabidi mama Erica ainuke kwenda kufungua kwani muda huo huo Angel alikuwa akilia kwahiyo Erica alienda kumbeba mtoto wake, alipofungua mlango alishangaa kumuona Sian a Tumaini, hakutaka kuongea nao vibaya mlangoni kwahiyo aliwakaribisha ndani na kuanza kusikiliza kilichowaleta, baada ya salamu Tumaini alianza kuongea,

“Mama, samahani sana usione kama tunakusumbua ila huyu wifi yangu kwasasa yupo kwenye hali mbaya sana, tafadhali mwambie Erica amuache kidogo Erick aweze kuwasiliana na familia yake.”

Sian aye akaongea,

“Mama, nipo chini ya miguu yako, Erick ndio kila kitu kwangu, Erick ndio pumzi yangu, siwezi kitu mimi bila Erick nampenda sana, nisaidie mama yangu, ongea na Erica ni mwanamke mwenzangu anielewe ninakopitia mwenzie”

Mama Erica baada ya kuwasilikiliza kwa makini akaanza kuwajibu, muda huo Erica alipogundua ni wao alijibanza chumbani hakutaka kwenda sebleni kuonana nao, Yule mama alianza kuwaeleza,

“Nimewasikia yote, toka jana nimewasikia ila kuna swali nataka nikuulize wewe Sia”

“Niulize tu mama”

“Kati ya mama yako mzazi na huyo Erick nani ni muhimu kwako?”

“Mama jamani, mama yangu mzazi ameshakufa kwahiyo Erick ndio amebaki katika maisha yangu kwasasa”

“Tuchukulie mfano mama yako bado yupo, je kati yake aliyeingia leba kukuleta wewe mtoto mpumbavu na huyo Erick nani wa muhimu kwako?”

“Sasa mbona unanitusi mama?”

“Sikutusi ila nakwambia ukweli, ungekuwa mjinga wewe ungeelimika ila wewe ni mpumbavu, yani hujui umuhimu wa aliyeingia leba kupigana na maisha yake sababu yako, ila unajua umuhimu wa mwanaume unayekutana nae kwaajili ya atarehe za kimwili tu. Wewe mama yako kafariki juzi, jana hapo tumezika, leo kiguu na njia kuja kugombania mwanaume, hivi una akili wewe? Ndio nyie wazazi wanawazaa kutoa change tumboni tu maana ungebaki kwenye tumbo la mama yako basi ungemuua kwa uvimbe”

“Jamani mama”

“Hakuna cha jamani hapa, wewe Sia huna akili hata robo, unakuja kwangu kwa sura ya huruma sijui Erick ndio uhai wangu, sijui ndio pumzi yangu, siwezi ishi bila yeye, Erick ni nani katika maisha yako? Unakuja kunieleza mimi kuhusu Erick kukuchanganya ili nikusaidiaje? Unajua nyie watoto wa siku hizi hamna akili kabisa, unaendekeza mapenzi, unaacha kumthamini mama yako aliyehangaika na mimba yako miezi tisa, bado akaenda kuteseka leba kwa uchungu na kukulea kwa shida, leo bila aibu unakuja kuniambia ujinga kuwa Erick ndio wa muhimu kwako? Saivi ulitakiwa kutulia huko ukiomboleza kifo cha mama yako, ukikumbuka mazuri ya mama yako na kuyaenzi ila wewe kiguu na njia kuja kutafuta penzi, jana nimekustai tu pale nilijua utajirekebisha kumbe hamna kitu. Haya nigeukia upande wako wewe Tumaini, huna mama wewe?”

“Ninae”

“Huna mpenzi?”

“Ninae”

“Mpenzi wako na mama yako nani muhimu zaidi?”

“Mama ni muhimu zaidi”

“Sasa kama unatambua hilo kwanini unamfundisha ujinga huyu mwenzio, ulitakiwa umwambie rafiki yangu, sijui wifi yangu, huu ni muda wa kuomboleza kifo cha mama, mapenzi yapo tu jamani, nyie watoto wa siku hizi mkoje? Mbona mnatupa simanzi wazazi wenu, naombeni muondoke sasa hivi, Sia rudi katafakari mambo mema ya mama yako uyafate, ujinga ujinga muache”

Hawakuwa na neno la ziada zaidi ya kuaga na kuondoka zao, na walivyoondoka tu Erica ndipo akatoka chumbani na kwenda kwa sebleni kwa mama yake kwani hakuamini kama mama yake angewatimua hao watu.

“Kheee mama umewafundisha vizuri”

“Ndio ujinga sitaki, hivi nyie watoto hamjui uchungu ambao mama anapitia au? Hivi Angel huyo awe mkubwa halafu aseme aliyekutana nae ukubwani ndio muhimu zaidi kushinda wewe, atakuwa anawaza kwa kutumia nini jamani? Yani hawa nimewaangalia sana na ujinga wao toka jana”

Erica akacheka tu kwani alijua akiendelea kumwambia chochote kwa muda huo mama yake basi mada itamgeukia yeye.

Basi akaendelea na shughuli zingine hadi muda wa kulala, na kuchukua simu yake kumpigia Erick, alimuuliza pia swala la kazi ambayo alisema angemtafutia,

“Vipi kuhusu yule mtu wa kazi?”

“Kuna jambo lingine nimelifikiria Erica”

“Jambo gani hilo?”

“Nimewaza kuhusu kazi, nimeona itakufanya ukose muda wa kuwa karibu na mtoto ila nilikuwa nafikiria namna ya kukusaidia, unaweza kufanya biashara?”

“Mmmh sijawahi, ila kila kitu ni kujaribu, sidhani kama nitashindwa”

“Sawa basi kesho utaniambia ni biashara gani unafikiria kujaribu kuifanya”

Kisha wakaongea mada mbali mbali na kuagana.

Kesho yake Erica alijifikiria sana, maana mwanzo alifikiria kuhusu biashara ya vifaa vya watoto ila akajifikiria tena kuwa mbona ndio biashara kwenye duka la Erick, akawaza tena na kukumbuka maneno ya Rahim kuwa hakuna mwanaume anayeweza kumpa kiasi cha pesa alichowahi kuomba, aliwaza hilo jambo, hakuwa na wazo la biashara yoyote ila akajisemea kuwa Erick akimpigia atajaribu kumuomba hela hiyo asikie kuwa naye atasemaje.

Mchana wa siku hiyo Erick alipiga na kuongea nae vizuri sana kisha akamuuliza,

“Umeshafikiria biashara ya kufanya?”

“Hapana, ila nimefikiria mtaji wa kuanza nao”

“Unataka kuanza na kiasi gani?”

“Ningependa nianze na milioni kumi na tano”

“Biashara gani hiyo Erica ya milioni kumi na tano?”

Akafikiria na kuamua kujibu kama wazo lake la mwanzo,

“Nilifikiria kufanya biashara ya kama lile duka lako la vitu vya watoto na nguo”

“Mmmh mbona mtaji uliofikiria ni mdogo sana?”

“Nilikwambia lakini sina ujuzi vizuri wa biashara”

“Basi ngoja, kuna kitu nitafanya, tulia tu”

“Mmmh nini hiko Erick?”

“Sikwambii ila hiyo siku utakijua, subiri tu ila nadhani kuhusu kazi ungevumilia kidogo tuangalie na michakato mingine hii inasemaje”

“Sawa, nimekubali”

Basi aliongea nae kwa tabasamu zito sana, kisha kukata simu.

Alipokata ile simu tu ikaingia simu nyingine, kuangalia ni Tumaini alikuwa akipiga, Erica akapokea na kuongea nae,

“Erica unajua ulichosababisha kwa Sia?”

“Nimesababisha nini kwani?”

“Huna huruma na msichana mwenzio, wewe binti hufai hata kidogo”

“Sikuelewi Tumaini”

“Utanielewa tu, subiri”

Kwakweli Erica hakumuelewa Tumaini kuwa ana maana gani, muda huo alimsikia mama yake akimkaribisha mgeni, akatoka na mwanae kwenda kumuona huyo mgeni, alikuwa ni Yule mama ambaye mama yake alikuja nae kutoka msibani kwa mama Sia, Erica akamsalimia huyu mama ila Yule mama alionekana kumshangaa sana mtoto wa Erica, hadi mama Erica akamuuliza,

“Vipi mbona umemshangaa hivyo?”

“Jamani, duniani wawili wawili yani huyu mtoto kafanana na mjukuu wangu balaa”

“Aaah! Mjukuu wako, baba yake ni nani?”

“Usingeniambia kuwa mwanao ana mchumba ningefikiria ndiyo Yule mjinga kazaa nae pia”

“Nani huyo?”

“Mjinga mmoja hivi anaitwa Rahim”

Kwakweli mama Erick alishtuka kidogo na kutambua tabia ya Rahim.

Erica akamsalimia huyu mama ila Yule mama alionekana kumshangaa sana mtoto wa Erica, hadi mama Erica akamuuliza,

“Vipi mbona umemshangaa hivyo?”

“Jamani, duniani wawili wawili yani huyu mtoto kafanana na mjukuu wangu balaa”

“Aaah! Mjukuu wako, baba yake ni nani?”

“Usingeniambia kuwa mwanao ana mchumba ningefikiria ndiyo Yule mjinga kazaa nae pia”

“Nani huyo?”

“Mjinga mmoja hivi anaitwa Rahim”

Kwakweli mama Erick alishtuka kidogo na kutambua tabia ya Rahim.

Mama Erica akauliza tena kwa makini,

“Unasema Rahim?”

“Ndio mjinga mmoja hivi anaitwa Rahim, hebu fikiria mtoto anatimiza miaka minne sasa, Yule Rahim hajawahi kufika nyumbani”

“Kheee pole mwenzangu”

“Asante”

“Ila wewe ushawahi kumuona?”

“Nimewahi ndio, kipindi hicho anamdanganya danganya mwanangu na vihela vyake, kumbe Yule mjinga anapewaga hela na wanawake wengine, ila tuachane na hizo habari, nimekuja kukuaga tu”

“Karibu ukae basi, ndio wima wima jamani!”

Mama Erica alikuwa akiongea ila moyoni mwake alikuwa anajisikia vibaya sana kutokana na kusikia habari za Rahim, basi Yule mama akakaa kidogo na kufanya maongezi ya hapa na pale na mwenzie maana ni kipindi kirefu ila hakuweza kuongea nae sana sababu alikuwa na haraka zake, basi muda huo huo aliamua kuaga ila wakati anaaga gafla akapigiwa simu, na kuipokea ila ilionekana kama hiyo simu imemchanganya kidogo, kwahiyo alivyokata ilibidi mama Erica amuulize kuwa kulikoni,

“Mwenzangu, eti mtoto wa marehemu kalazwa”

“Kalazwa? Anaumwa nini tena?”

“Eti alitaka kujinyonga, jamani huyu mtoto mbona anatutafutia makubwa sisi! Ngoja niende huko hospitali, nishachanganyikiwa sasa hivi”

Ilibidi mama Erica nae avae mara moja na kuondoka na Yule mwenzie wakielekea hospitali.

Erica alibaki nyumbani na mwanae ila alijisikia vibaya sana kwani yale maongezi ya Yule mama na mamake aliyasikia yote, akajiuliza sana kuwa au ndio ile simu aliyopigiwa na Tumaini kuwa kuna kibaya kimetokea kwa Sia,

“Yani Sia alitaka kujinyonga sababu ya mapenzi kweli? Inamaana Sia anampenda zaidi Erick kuliko mimi ninavyompenda? Hapana haiwezekani, mbona mimi nampenda sana Erick ila hata nilipoachana nae sikuthubutu kujidhuru, siamini kama Sia anampenda Erick kuliko mimi. Ila lawama naletewa mimi, kweli mimi nimsababishie kifo jamani? Mbona naonewa sana?”

Erica aliwaza sanahuku machozi yakimklenga lenga ila alipokumbuka mambo ya Rahim, hakutaka kuwaza tena maana mambo ya Rahim yalimchefua sana, yani kijana aliyekuwa akiifiwa na mama yake kuwa ni kijana mtulivu kumbe ndio kijana mchafu hafai, ingawa siku ile alimtusi ila alijipanga kuwa siku hiyo usiku amtafute hewani amsikie sera zake za kukimbia watoto.

Jioni alijifikiria akaona ni vyema awasiliane na Erick ili ajue kama anajua kuwa Sia alitaka kujinyonga, basi akampigia simu Erick kama kawaida Erica alivyoanza kuongea tu mwanae alimpora ile simu kwahiyo Erica alimuangalia tu mwanae aongee na Erick, alipomaliza ndio alimpa mama yake, Erica alicheka na kumuuliza Erick,

“Hivi huwa unaongea nini na huyu mtoto hadi anachanganyikiwa hivi?”

“Mambo ya baba na mtoto yaache tu, wenyewe tunajua tunachoongeaga, hivi hujui? Mtoto wa kike ni wa baba na wa kiume ni wa mama kwahiyo huyu lazima anipende baba yake”

“Yani wewe loh! Tuachane na hizo habari, ila umesikia?”

“Kusikia nini?”

“Majanga yaliyotokea?”

“Yapi hayo?”

“Nasikia Sia alitaka kujinyonga eti”

“Nani kakwambia?”

“Tumaini alinipigia simu”

“Kwanza Erica, huyo dada yangu mblock kwenye simu yako wala usiwasiliane nae tena, nadhani hana jema na penzi langu, Erica nakupenda, tafadhali usisikilize maneno ya watu, ajinyonge sababu yangu ni mumewe mimi? Lini nimeoa labda ndio kanifumania na kuchukua uamuzi mbaya, yani mtu kama huyo wala asikuchanganye Erica wangu akili, achana nao kabisa. Mimi nakupenda wewe yani hadi dunia nzima iwe kinyume na mapenzi yangu kwako bado nitasimama na kusema nakupenda wewe, kwanini Erica unashindwa kusimama kwaajili ya penzi langu? Huyo dada yangu labda akikutafuta na namba nyingine mwambie malalamiko aniletee mimi maana mimi ndiyo nimependa ila wasisumbue akili yako kabisa”

“Ama kweli Erick unanipenda sana, hadi najihisi raha”

“Erica, wewe nenepa tu upo na mimi. Yani katika akili yako tambua kwamba hakuna mwanaume anayekupenda kama anavyokupenda Erick”

“Asante sana nami nakupenda”

Kiukweli Erica alipata ahueni ya moyo kwani hakutegemea kama Erick angempa moyo kiasi kile, ila alifurahi sana kuzungumza na Erick.

Hadi muda wa kulala ulifika ila mama Erica alikuwa hajarudi kiasi kwamba Erica alikuwa na mashaka na kusinzia sebleni akimsubiri mama yake, muda kidogo alirudi ila alionekana kuchoka sana kiasi kwamba hakutaka kuhojiana maswali na kwenda kuoga, kula na kulala. Erica nae aliamua kwenda chumbani kwake, ila muda huu usingizi ulikata maana alikumbuka ahadi yake ya kuingia kwenye mtandao ili amseme Rahim, na kweli alipoingia tu alimkuta Rahim yupo hewani kama kawaida, akamsalimia na kumuuliza,

“Hivi wewe Rahim, watoto wangapi umetelekeza?”

“Niondolee balaa mimi huwa sitelekezi mtoto”

“Unajua wewe mamako anakuona msafi sana, kumbe ni mchafu mchafu hufai, sikukujua vizuri, nasema tena sikukujua vizuri, kumbe kutelekeza watoto ndio kawaida yako loh! Mwanaume hufai wewe”

“Erica, usitake niongee maneno machafu, sasa wewe unafaa kwa lipi? Umetembea na familia yangu nzima, ndio unafaa wewe? Kumbe umetembea hadi na kaka yako, ndio unafaa wewe? Ushatoa mimba ya Derick, ndio unafaa wewe? Hapo ya Derick tu ndio tunaifahamu, ila nahisi ushatoa mimba zaidi ya kumi hata huyo mtoto umezaa kwa kuhurumiwa tu, Erica nikija kumchukua huyo mwanangu itabidi nikapime DNA”

Yani Erica ingawa ni yeye alianzisha mada ili amseme Rahim ila ilimshinda maana hakuweza kuendelea kuongea nae ukizingatia kila alichosemwa na Rahim kilimshika vilivyo, alijihisi vibaya sana moyoni mwake, alijikuta tu akimuandikia,

“Usiku mwema”

“Unalala? Kweli siku hizi huna soko Erica, hivi wapo wanaobabaishwa na wewe tena kweli? Nakwambia hata ndotoni huwezi kuwa mke wangu Erica, maana nitakuwa naoa uchafu tu, mwanamke umepitiwa na kila aina ya mwanaume, hapana kwakweli”

Erica akazima mtandao na kuamua kulala tu kwani alijihisi maumivu haswa kwenye moyo wake, kuna muda alitamani kuyachukia mapenzi ila alipofikiria kuhusu Erick alitabasamu tu na kuamua kuendelea kuyapenda mapenzi.

Kulivyokucha Erica aliamka na kufanya shughuli zake za hapa na pale ila muda kidogo mama yake alimuita na kuanza kuongea nae,

“Erica, sikuwahi kuwaza kuwa kuna watu wanasumbuliwa na mapenzi kiasi hiki, Sia ametaka hata kujiua sababu ya Erick! Tena unaambiwa mama Erick ndio aliyemuokoa, ila hatukumkuta hospital alishaondoka, Erica mwanangu kama mzazi nimejihisi vibaya sana. Ngoja nikuulize kitu”

“Niulize mama”

“Ni kiasi gani unampenda Erick?”

“Nampenda Erick mama, sijui ni kiasi gani ila nampenda sana”

“Kwanini unampenda?”

“Sina sababu mama ila nampenda tu yani Erick amekaa kwenye moyo wangu mama”

“Na je huyo Erick anakupenda kama wewe unavyompenda?”

“Ndio mama Erick ananipenda sana”

“Ila mwanangu Erica mapenzi unayajua vizuri kweli? Wanaume wanabadilika kama kinyonga, hata Sia aliamini kuwa Erick anampenda sana na hawezi kumuacha mwisho wa siku kamuacha, Erica mimi ni mama yako na ndio naujua uchungu wako, mimi ndiye nikupendaye kwa dhati mwanangu. Unanielewa Erica?”

“Nakuelewa mama”

“Naomba uachane na Erick”

“Hapana mama,nampenda sana Erick”

“Kumbuka kuna mtu alijaribu kujiua sababu ya Erick, je moyo wako utakuwa na amani iwapo Sia akifa?”

“Hapana mama, ila je wewe utakuwa na amani iwapo mimi nikifa?”

“Kwanini unasema hivyo sasa?”

“Mama, mkiniachanisha na Erick basi sina sababu ya kuishi pia”

“Wewe mtoto ni punguani sana, hebu nitokee mbele ya macho yangu hapa tafadhali. Erick, Erick ni nani kwenye nyumba yangu? Aah watoto wa siku hizi, tuzaa basi tu”

Erica aliondoka na kwenda kuendelea na shughuli zingine ila alishukuru vile alivyomwambia mama yake ukweli kuwa hawezi kuachana na Erick.

Jioni ya siku hiyo kuna simu ilimpigia Erica, alipoiangalia kwa makini akaona ni namba ya mzee Jimmy, hakutaka kupokea ila aliipokea tu,

“Erica, hupendi kuishi kwenye nyumba ya kifahari nay a kisasa?”

“Unazungumzia nini kwani?”

“Aaah nilikuwa nakusalimia tu, binti chaurembo”

“Haya asante, kwaheri”

Erica akakata simu kwani hakutaka kutumia muda wake mwingi kuongea na Mzee Jimmy wakati hamtaki.

Siku moja jioni, wakati Erica akifanya shughuli zake, alishangaa kupata ugeni na mgeni huyo alikuwa ni Dora, ila Erica alimkaribisha tu sababu hakuwa na ugomvi nae kwa kipindi hiko, kwao alimkaribisha ila mialiko ya Dora hakuitaka.

Dora alianza kuzungumza na Erica,

“Erica nimeamua kuja kukwambia jambo hili sio unicheke au unione kuwa sina akili hapana, nimekuja kukwambia tu ili na wewe ujilinde”

“Jambo gani hilo Dora, siwezi kukucheka”

“Erica nimetangatanga sana, yani mimi nadhani nimetembea na wanaume wa kila rangi ila siku zote nilikuwa naenda kupima na kujikuta niko mzima tu, kiasi kwamba nilihisi ukimwi haupo duniani, niliona watu wanaosema tuna ukimwi hajajifikiria vizuri, ila kipindi hiki yamenitokea puani, huwezi amini, nimeenda kupima wiki iliyopita nimekutwa nimeathirika, Erica Yule mzee jimmy ameathirika”

Kiukweli Dora alikuwa akiongea kama mtu anayejutia sana na alitia huruma, hata Erica akamuonea huruma sana, Dora aliendelea kuongea,

“Erica, Yule mzee si mtu mzuri, anaambukiza mabinti wengi sana, Yule mtu mzima kumbe ana lengo lake la kuua vijana, hadi huwa najuta vile nilivyokuwa nakulazimisha utembee na Yule babu, Erica nisamehe rafiki yangu”

“Usijali nishakusamehe”

“Jambo lingine Erica, tena ngoja nikwambie kabla sijasahau”

“Jambo gani hilo?”

“Kama una mpenzi Erica, usitaje jina la mpenzi wako kwa huyu mzee, yani alichomfanya mpenzi wangu dah!”

“Kamfanyeje?”

“Nitakwambia tu siku moja ila kwa leo yanatosha hayo niliyokwambia”

“Mmmh Dora ungeniambi kidogo”

Dora aliamua kubadilisha mada kwani hakutaka kujadili kile ambacho mpenzi wake alifanywa na mzee Jimmy.

“Ila uwe unakuja kunitembele, mwenzio sina raha kabisa kabisa Erica”

“Sawa usijali, pole sana”

Kisha Dora hakukaa sana aliondoka zake, kwakweli Erica alitafakari sana na akatafakari kama ingetokea siku hiyo Yule mzee angembaka ingekuwaje,

“Kwakweli Mungu alinisaidia sana jamani, Mungu nilinde hadi niolewe na Erick”

Alikuwa akijisemea tu, giza lilipoingia alienda chumbani kwake na kusikia simu inaita, kuangalia ni namba ngeni, akapokea na kukuta ni mzee Jimmy, Yule mzee baada ya salamu tu akaanza kumwambia Erica,

“Usisikilize maneno ya Dora, Yule binti ni mjinga sana sijapata kuona”

“Mbona sikuelewi?”

“Kaniambia kuwa anakuja kukwamabia kwamba mimi nimeathirika, Yule binti ni mpumbavu na wivu tu unamsumbua, kisa kaona kuna nyumba nzuri nimenunua na nimesema nataka nikupe wewe zawadi kwenye siku yako ya kuzaliwa basi yeye kasikia wivu akaniambia ooh siku zote unakuwa na mimi halafu ukampe zawadi Erica kweli? Akasema anakuja kukwambia kuwa mimi nina ukimwi ili unichukie ila si kweli Erica”

“Iwe kweli au si kweli, bado sina mpango na wewe nampenda sana mpenzi wangu”

“Anaitwa nani huyo mpenzi wako?”

Erica akakumbuka maneno ya Dora kuwa huyu mzee hata akikuuliza jina la mpenzi wako usimwambia sababu ana hela, anaweza akamfanyia jambo lolote baya, basi Erica akamwambia,

“Hapana, sikwambii na sio muhimu wewe kumfahamu”

“Ila Erica, kumbuka nakupenda sana hata ukisema vipi ila upendo wangu kwako uko pale pale”

Erica aliamua kukata simu tu kwani alihisi ni kizunguzungu.

Muda kidogo aliitwa na mama yake maana na siku hiyo alitoka pia, Erica alienda kuongea na mama yake,

“Nilienda tena kumuona Sia, mwanangu Sia anatia huruma sana, ila kuna kitu sielewi kabisa”

“Kitu gani mama?”

“Yule binti ni mjinga sana, hivi kupendaje huko hadi utake kudhuru maisha yako sababu ya mwanaume loh! Watoto wetu mmepotea kwakweli, ila ngoja nikuulize tena na wewe”

“Niulize mama”

“Utawezaje kuishi na mwanaume ambaye ndugu zake wote hawakutaki?”

“Mama, ngoja niseme mambo ambayo huwa yananitokea, sijawahi kupata mwanaume yoyote ambaye ndugu zake wakanipenda, je sitaolewa? Nashukuru Mungu ingawa ndugu wa Erick hawanitaki ila Erick ananipenda”

“Ushawahi kujiuliza kwanini ndugu huwa hawakutaki?”

“Huwa sielewi mama ila hakuna ndugu wa mwanaume amewahi kunipenda mimi, anaweza kunipenda ila akisikia tu nina mahusiano na ndugu yake basi upendo wake unaishia hapo”

“Je mama yake Erick umewahi kuonana nae?”

“Ndio nimewahi mama, yani Yule mama alikuwa akinipenda sana mwanzoni ndio kazini kwake nilikuwa nafanya kazi ila gafla Yule mama aliposikia kuwa nina mahusiano na mtoto wake akanichukia tena kanichukia haswaa bila hata sababu, je wewe umeonana nae?”

“Hapana sijaonana nae ila kwa inavyoonyesha Yule mama hakutaki kabisa kutokana na maelezo niliyopata kwa Tumaini, tena anasema kuwa umemroga mtoto wake. Ila Erica ningekuwa mimi ni wewe nisingeendelea na huyo mtu”

“Mama samahani kwa hili nitakalokuuliza, umewahi kusema hata uliiba ng’ombe kwenu ili uolewe na baba, si inamaana ulimpenda sana kiasi kwamba hukujali lolote lile, mbona mimi unanikataza kumpenda Erick mama? Nampenda sana Erick, labda aniache yeye ila mimi sina mpango wa kumuacha”

“Kweli hapa mtoto sina jamani, haya nimechoka hayo maneno yako ya nampenda nampenda nampenda, mwambie aje hapa nyumbani na tufanye harusi, maswala ya kupendana siyataki”

“Atakuja mwezi ujao”

“Ndio alivyokudanganya hivyo! Haya bhana, nenda kalale tu maana kila nikiongea nawe nachefuka”

Basi Erica aliondoka ila alikuwa na imani kuwa ipo siku Erick atamuoa, kipindi hiko aliamua kujitoa kwa hali zote kuwa amsubirie Erick tu bila kujali kama Erick akibadilisha maamuzi atamuumiza kwa kiasi gani, kichwani mwake aliona bora amuwaze Erick tu.

Aliingia chumbani kwake na kujisemea,

“Kwa kipindi hiki nitakomaa na Erick hadi kieleweke, hata akiniacha najua na Mungu naye atanipigania ila siwezi kutangatanga tena na mapenzi, imetosha kuitwa majina ya ajabu, nimekuwa Erica mpya. Dunia haina usawa kabisa hii, mtu anakutongoza na kukuonyesha dalili zote za kukupenda, unaamua kumkubali na kuwa naye, unamuheshimu na kumpenda, eti kesho na keshokutwa anakuita malaya kweli? Malaya sababu ulimpenda, malaya sababu ulijitoa kwaajili yake? Rahim nimemvumilia, nilikuwa naumia ila nakazana kwani niliamini ndiye mume wangu, ila leo ananiita malaya kweli? Ananiita mwanamke nisiyefaa kwenye jamii sababu nilitunza mimba aliyonipa na kuzaa? Wanaume hawa, ila nampenda Erick hata iweje nampenda Erick”

Aliwaza sana na kutaka kulala, ila kabla hajalala akapigiwa simu na Erick na kutabasamu vilivyo, alipopokea simu ya Erick akamsalimia,

“Mambo Erick”

“Mmmh unatakiwa uanze kujifunza sasa Erica”

“Kujifunza nini?”

“Uwe unaniambia uhali gani mume wangu, unajua mimi ndio mumeo eeh!”

Erica akatabasamu tu yani kiukweli alikuwa akisikia raha sana kuongea na erick.

“Kuna kitu nataka kukuuliza Erica”

“Niulize tu”

“Hivi umezaliwa tarehe ngapi na mwezi gani? Nataka kujua siku yako ya kuzaliwa”

Erica akatabasamu na kumjibu Erick maana kipindi chote amekuwa akiwasiliana na Erick ila hawajawahi kuulizana kuhusu tarehe zao za kuzaliwa, leo ilikuwa ni mara ya kwanza yani Erica alihisi labda kuna kitu Erick anataka kufanya kwaajili ya siku yake ya kuzaliwa, alimjibu kwa bashasha kubwa sana,

“Nimezaliwa tarehe nne mwezi wa nne”

“Kheee Erica, hapana kwakweli”

“Hapana nini?”

“Unajua na mimi nimezaliwa tarehe ngapi?”

“Ni ngapi ndio”

“Tarehe nne mwezi wa nne yani tarehe hiyo hiyo na mwezi huo huo uliozaliwa wewe, kwakweli tunahaki ya kupendana Erica, sisi ni wa tofauti ujue”

Erica alitabasamu tu ila kiukweli hakupendezewa kuwa na tarehe moja ya kuzaliwa na Erick maana alianza kuhisi vitu vingi sana. Ila aliongea tu kama kawaida na kuagana na Erick.

Alipokuwa analala akajiwa na wazo,

“Mungu wangu isije kuwa Erick nae ni ndugu yangu, kwanza nafanana nae majina, halafu nimezaliwa nae tarehe moja mmh! Jamani nina mashaka na hivi watu wanaibaga watoto uwiii, naomba asiwe na undugu na mimi jamani nampenda sana”

Alisubiri pakikucha amuulize kwa mitego mama yake.

Palivyokucha, alifanya shughuli zake na alipomaliza alitaka kuongea na mama yake ila hakuwepo kumbe alidamkia tena hospitali kumuangalia Sia, kwenye mida ya mchana mchana ndio akarudi ndipo Erica aliongea na mama yake,

“Hivi mama hujawahi kuzaa mapacha wewe?”

“Mmmh sijawahi, hata kwetu hakuna historia ya pacha. Kwanini umeuliza hivyo?”

“Napenda sana mapacha, natamani siku moja nizae mapacha”

“Ili uwaite Erick na Erica sio, maana umeona mwanaume mnafanana kidogo majina basi ndio umekufa umeoza”

Erica akacheka tu na kumuuliza tena mama yake,

“Hujawahi kuzaa mtoto mwingine wa kiume zaidi ya kaka Tony?”

“Kwakweli Tony, ndio mwanangu pekee wa kiume. Nilipokuwa na mimba yako nilijua labda atakuwa wa kiume ila wapi, nikajifungua wa kike ila nawakubali watoto wangu ambao Mungu amenipa”

“Mama hujawahi kuwaza kuwa pengine mimi niibadilishwa hospitali!”

“Nibadilishiwe kwa lipi? Wewe ni change langu na nimekukubali, mimi nimezaa kawaida kabisa, na mtoto nimempokea mwenyewe, nabadilishiwaje sasa, halafu wewe badala uniulize habari za hospitali unakazana kuniuliza maswali ya kijinga”

“Jamani mama”

“Sio, jamani mama badala uulize Sia anaendeleaje wala hujishughulishi kujua wala nini?”

“Nilisahau mama, anaendeleaje?”

“Mpaka nikuseme loh! Roho mbaya hiyo, Sia anaendelea vizuri ila nashangaa kwakweli huwa wanasema mama Erick anampenda sana Yule binti ila tangia nianze kwenda hospitali sijawahi kukutana na huyo mama Erick hata kidogo, ndio upendo ule hapana. Sasa mwanangu ile sio familia kama mtu wanatempenda ndio wanamfanyia hivyo, je wewe wasiyekupenda itakuwaje, tafakari chukua hatua mapema, sina mengi ya kusema ila kuwa makini”

Erica alimsikiliza mama yake ila kwa muda huo alishakata shauri la kumpenda tu Erick hata iweje.

Jioni ya siku hiyo Erica alipigiwa simu na Dora, akapokea na kuanza kuongea nae,

“Erica sina nia mbaya na wala si wivu unaofanya nikwambie haya, Yule mzee kanunua nyumba ya kukupa wewe ila kuna siri nzito sana katika hiyo nyumba”

“Ila Dora si nilikwambia kuwa simtaki huyo mzee wala chochote chake, au hukunielewa jamani! Huyo mzee hata anipe dunia simtaki”

“Erica, Yule mzee ana akili sana usifikiri hajui kuwa utaikataa ila mpango alioweka kwako ni kabambe, utajikuta ukikubali mwenyewe”

“Kheee Dora ushindwe na ulegee”

“Yani wewe badala ya kusema ni nini eti unasema nishindwe, nilitaka nikusaidie ila sababu hutaki kusaidiwa basi kwaheri”

Dora akakata ile simu ila Erica alibaki na maswali mengi sana, sema aliamua kupotezea kwani hakuhisi kuwa kuna lolote baya juu yake ukizingatia Yule mzee hakumtaka.

Basi wkati wa kulala aliamua kumpigia simu Erick ili kuongea nae tu kwani baada ya kuwa na uhakika si ndugu yake alijikuta akiwa na upendo nae maradufu,

“Eeeh Erick kwanini jana uliuliza kuhusu tarehe yangu ya kuzaliwa?”

“Subiri uone kuna kitu nitafanya siku hiyo, na hivi ni tarehe moja na yangu nataka iwe siku ya kumbukumbu kwenye maisha yetu:”

“Kitu gani hiko?”

“Hapana sikwambii Erica ila ni kitu cha kukushtukiza tu”

Erica alimbembeleza sana amwambie ila hakumwambia, kwahiyo alibaki tu kungoja kuwa ni kitu gani kitatokea siku hiyo, aliagana nae na kulala.

Ilikuwa siku ya Erica kumpeleka mwanae kliniki, kwahiyo alijiandaa kisha akampeleka mtoto wake kliniki, wakati anatoka akakutana na mwanamke akiwa na mimba kubwa tu ameongozana na mumewe, basi akajikuta akigongana macho na Yule mwanaume, akashangaa sana kuona kuwa yule mwanaume ni Bahati ila kile kitendo cha Erica kugongana macho na Bahati kilikuwa kama kimewehusha akili ya Bahati, kwani alionekana kama mtu aliyeshtuka toka usingizini na kusema,

“Erica”

Ilikuwa siku ya Erica kumpeleka mwanae kliniki, kwahiyo alijiandaa kisha akampeleka mtoto wake kliniki, wakati anatoka akakutana na mwanamke akiwa na mimba kubwa tu ameongozana na mumewe, basi akajikuta akigongana macho na Yule mwanaume, akashangaa sana kuona kuwa yule mwanaume ni Bahati ila kile kitendo cha Erica kugongana macho na Bahati kilikuwa kama kimewehusha akili ya Bahati, kwani alionekana kama mtu aliyeshtuka toka usingizini na kusema,

“Erica”

Erica alimuangalia tu bila kusema chochote, ila Bahati alimsogelea Erica na kumshika yani kama mtu anayechunguza jambo Fulani, kisha akasema

“Erica, kumbe ni wewe”

Akamkumbatia, mkewe alikuwa pembeni tu akimuangalia ila alikuwa amechukizwa sana, na Erica aliweza kuiona chuki ya Yule msichana, ikabidi ajigeleshe na kumwambia Bahati,

“Wewe Bahati kwani vipi?”

Ile sauti ya Erica ni kama iliongezea kumshtua Bahati kiasi kwamba Bahati akumbuke hadi Yule mtoto wa Erica aliahidi kuwa atakuwa wa kwake,

“Erica, mwanetu hajambo? Nipe Angel nimbebe”

Mke wa Bahati akasogea karibu na kuingia kati yale maongezi ya Bahati na Erica, akamwambia Bahati,

“Mme wangu tumekuja kliniki au umekuja kuongea na wanawake zako jamani?’

Bahati aliongea kitu cha kumjibu Yule mkewe hadi Erica alishangaa kwakweli,

“Hivi mimi nimekuoaje wewe Nasma, naanzaje kukuoa wewe na kumuacha Erica? Sikutambui”

Erica akaona kutakuwa na mgogoro hapo kwahiyo akaamua kuondoka ila Bahati alimuacha mke wake pale na kumfatilia Erica hadi nje ya ile hospitali, Erica alitaka kupanda bajaji ila akamzuia na kusema,

“Kwanini upande Bajaji wakati mimi nipo nina gari?”

“Bahati, nenda kwa mkeo kule anakusubiri”

Erica akasimamisha bajaji na kupanda kisha akaondoka na kumuacha Bahati akiwa ameduwaa pale.

Bahati alionekana kama kuchanganyikiwa hivi kwani alikuwa hata haelewi imekuwaje amuoe Nasma wakati anayempenda ni Erica? Akaamua kwenda kwenye gari yake ili aende kwakina Erica maana alikuwa anakufahamu ila hajaelewa tu imekuwaje mpaka kipindi chote hiko hajawahi kwenda kwakina Erica.

Wakati Erica yupo kwenye bajaji, Moses alimpigia simu na kumwambia kuwa afike dukani mara moja, kwahiyo Erica alimuelekeza Yule wa bajaji ampeleke dukani ili aonane na Moses ajue anamuitia nini.

Alipofika alimkuta Moses akimsubiria nje, Erica alishuka na mwanae, Moses akamsalimia na kumuuliza,

“Imekuwaje upande bajaji?”

“Hahaha, tunapanda kile ambacho tunaweza kugharamia”

“Erick anajua hilo?”

“Kwanini umeniuliza hivyo?”

“Nimeuliza tu, karibu”

Basi Erica aliongozana na Moses hadi kwenye ofisi ya duka, kisha alianza kumsikiliza kuwa ni kitu gani alichomuitia,

“Kuna faili unatakiwa usaini”

“Linahusu nini?”

“Kwani Erick hajakueleza?”

“Hapana, hajaniambia chochote”

“Kuna event ipo tarehe nne mwezi wan ne, unatakiwa usaini ili niipeleke kwa wahusika”

“Wahusika ndio wakina nani hao?”

“Wewe isaini halafu muulize hayo maswali Erick atakujibu”

Basi Erica alichukua kweli na kusoma, akaona muhusika wa hilo jambo ni yeye na Erick, hakuelewa ni jambo gani sema sababu alimuamini Erick aliamua kusaini bila mashaka yoyote, kisha akataka kuondoka ila Moses alimwambia kabla hajaondoka anataka ampeleke kwenye duka lingine la Erick, kwakweli Erica alishangaa kidogo na kukubali, kisha walitoka pale na Moses na kupanda gari ya Moses wakielekea huko.

ITAENDELEA

SIMULIZI ZA KUSISIMUA

Karibu Katika Maktaba ya Simulizi, Riwaya, Chombezo na Hadithi Afrika Mashariki. %% Welcome to the Library of Stories, Novels, Comedy and Stories in East Africa. BURE SERIES: https://bure0.blogspot.com/

Menu

Search This Blog

Sunday, 20 November 2022

NINI MAANA YA MAPENZI - 3

0 comments:

Post a Comment

Blog

Blog Archive