NINI MAANA YA MAPENZI - 2

 

Simulizi : Nini Maana Ya Mapenzi

Sehemu Ya Pili (2)





“Haya, basi niambie sasa ilikuwaje juzi mpaka kunirudia nyumbani jana?”

“Mama, hata mimi sina kumbukumbu”

“Huna kumbukumbu kivipi? Erica ujue nimekuona na mwanaume aliyekurudisha mkibusiana kwenye geti langu bila hata ya aibu? Kwakweli Erica ningekuwa mzazi mwingine yani ningekufukuza kabisa. Yani wewe nakuona na mwanaume halkafu unasema huna kumbukumbu kweli!”

“Hivi mama hata nikikwambia ukweli utaniamini?”

“Niambie tu ukweli, kama huyo mwanaume anakupenda sana basi akuoe uone jinsi ndoa vilivyo na uchakae hadi ukumbuke chakula ulichokuwa unakula hapa nyumbani. Unataka kunificha nini kwa mfano? Wakati shemeji yako aliona kila kitu ukiwa umelewa na kuondoka na mwanaume. Erica naongea kwa uchungu hivi aaargh sitaki hata kuongelea tena, ni kichefuchefu tu kukuangalia”

Mama yake Erica aliinuka zake, Erica aliwaza sana akaona ni vyema kumwambia mama yake ukweli ila alitaka tu kusikia kuwa Bahati ameshatoka ndio amwambie ukweli mama yake kwani kauli ya kusema kuwa alionekana amelewa na kuondoka na mwanaume ilimuumiza sana.



Erica aliingia chumbani kwake, na kukuta simu yake kuna mtu alipiga kisha akakuta ujumbe,

“Erica mpenzi wangu una nini lakini? Hewani hupatikani, unafanya niwe na mawazo mwenzio jamani, unajua huku ni usiku muda huu ila hadi sasa sijalala, usingizi hauji kabisa sababu yako, Erica basi ingia fecebook kidogo tuongee mpenzi wangu”

Ikabidi Erica aiwashe na ile simu yake nyingine na kuingia kwenye mtandao, ni kweli alikuta jumbe kadhaa za Rahim hadi zilimtia simanzi kwakweli na kuona ni jinsi gani Rahim alimpenda, alijisikia fahari sana kupendwa na Rahim na kujiona ni msichana mwenye bahati sana kati ya wenye bahati ulimwenguni.

Aliwasiliana nae kwa bashasha sana na kumwambia kuwa anakaribia kufungua chuo, basi Rahim akamuahidi kumtumia pesa nyingine itakayokuwa ikimsaidia pindi atakapofungua chuo, Erica alifurahi sana na kuona kweli mwanaume kapata, akawasiliana nae sana mpaka usiku ulifika kwa upande wa Erica na kwa upande wa Rahim ilikuwa kumekucha, alimwambia

“Erica, kwa hakika leo nimekesha”

“Pole Rahim, sasa si utasinzia leo kwenye mambo yako”

“Hapana siendi popote leo, ngoja nilale tu. Nadhani ile hela nitakutumia kesho”

“Asante mpenzi wangu”

Erica aliagana na Rahim huku akiwa na tabasamu kubwa sana usoni mwake, alikaa akimuwaza sana Rahim kisha kuinuka na kwenda kufanya maandalizi ya kula chakula cha usiku na kulala maana hakuwa na kazi nyingine ya ziada ya kufanya kwa wakati huo, yani toka sakata la juzi basi mama yake amekuwa akifanya kila kazi mwenyewe na wala hakupoteza muda wa kumuita ita mtoto wake kwani aligundua ni mengi sana anamficha.

Erica alienda jikoni na kuangalia chakula ambapo alikuta mama yake ameshapika, ila akaona chakula cha siku hiyo hataweza kukila mpaka apate soda maana ilikuwa ni ndizi nay eye alipenda kula ndizi huku akinywa soda, kwahiyo akaenda kuchukua hela ili aende dukani kununua soda.

Wakati ametoka nje akitaka kwenda dukani, alishangaa kuona mtu amejikunyata pale nje ya geti lao, akashtuka sana na kumshtua Yule mtu kuwa ni nani, alishangaa sana kuona mtu huyo ni Bahati,

“Kheee Bahati!”

Bahati aliinuka na kumkumbatia Erica,

“Jamani Erica wangu, nafurahi kukuona”

“Unafanya nini hapa!”

“Erica nimeruhusiwa muda si mrefu kutoka selo, ila nikasema iendi nyumbani nitakuja hapahapa nje ya nyumba yenu labda Mungu asikie kilio change nikuone. Nimeteseka Erica, nimepigwa Erica bila ya kosa lolote, siwezi kukutenda chochote kibaya ila nikashangaa nikipigwa eti nilitaka kukubaka kwakweli imeniuma sana”

“Sikuelewi Bahati”

“Nielewe tu Erica, kwani hukujua kama jana nilikuja hapa kwenu na mkasa huo wa kupelekwa selo kunikuta?”

“Hebu nieleze vizuri”

Bahati akamueleza ilivyokuwa jana yake hadi yeye kupelekwa selo, kwakweli Erica alishangaa sana kile kitendo cha kuambiwa kuwa James alimpiga kwanza Bahati na kumpeleka polisi,

“Jamani huyu James ananitaka nini mimi jamani! Pole Bahati ila naomba uende kwenu”

“Nitaenda Erica, ila niambie kwanza ilikuwaje hadi simu zako hazipatikani, na nyumbani kwenu kunihisi mimi vibaya ilikuwaje?”

“Bahati naomba uende kwenu, maana sitaki matatizo zaidi”

“Matatizo gani?”

“Wewe nenda kwenu tu, na wakikuuliza ulikuwa wapi utasemaje?”

“Nitajua cha kusema”

“Ila naomba usiseme kama ni mimi ndiye nimesababisha umefungwa, kwenu wataniua”

“Sikuelewi Erica, una maana gani?”

Erica hakuona umuhimu wa kumficha ilibidi amwambie ukweli kuhusu nyumbani kwao walichomtenda siku ile aliyoenda kuangalia mabwawa ya samaki, kwakweli Bahati aliumia zaidi baada ya kuambiwa vile kuwa kwao walimshambulia Erica, kwa jinsi alivyochukia alitamani hata aruke kwenda kwao. Ila alimsindikiza kwanza Erica dukani akanunue soda na kurudi kwao kisha yeye akaondoka kwenda kwao.



Erica alirudi ndani kwao na kula, kisha alipomaliza alikaa na mama yake kumueleza maana muda huo aliamua kumueleza siku hiyo kuhusu shemeji yake,

“Mama, naomba saizi nikwambie ukweli kilichotokea kwangu juzi”

“Haya niambie”

“Mama, shemeji alienda na mimi hotelini kupata chakula cha jioni, nikaletewa kinywaji baada ya kunywa nikahisi kizunguzungu na kutokujielewa kabisa, alikuja tu mtu kuninyanyua na kuniondoa eneo lile kiukweli hata sikuelewa. Sasa nilipozinduka ndio Yule mtu akaniambia ukweli, mama shemeji alitaka kunibaka”

“Kheeee nilikaa kimya nikisubiria hiyo kauli yako ya kusema alitaka kukubaka, hivi Erica huna aibu kabisa! Yani James anavyotusaidia kwenye nyumba hii, ni kitu gani ambacho James hatusaidii? Leo hii ndio atake kukubaka kweli? James amekujua wewe hata kujitoa tongotongo huwezi halafu leo hii useme James alitaka kukubaka! Erica una matatizo gani wewe mwanangu?”

“Mama, kwani James kakupa nini wewe? Kama ameweza kutembea na msichana wa kazi hadi kumpa mimba, ndio ashindwe kunibaka mimi! Hebu mambo mengine uwe unafikiria mama yangu, nimeamua kukwambia ukweli, ukiukubali haya na ukiukataa haya, ila Yule James sitaki tena msaada wake, sio mtu mzuri kwangu Yule. Anataka kunibaka, hata kama unamuamini vipi ila ndio hivyo alitaka kunibaka”

Erica aliinuka na kwenda chumbani maana hakutaka mama yake amuelewe au asimuelewa ila yeye alitaka kusema ukweli na ndivyo alivyofanya.

Alitaka kulala ila kabla hajalala alipigiwa simu na Babuu akiulizwa hali yake na kumjibu kuwa yupo salama,

“Vipi naweza kukuona kesho”

“Mmmh nitaangalia kama nitakuwa na muda”

“Jamani Erica, basi hata nije kwenu nikuone”

“Nitakwambia basi, ila usipende kunipigia pigia sana simu usiku mimi ni mchumba wa mtu”

“Ila Erica kwani huyo mume unaishi nae jamani! Najua upo kwenu ndiomana nimekupigia”

Basi akaongea ongea nae kidogo pale na kulala, ila ikiwa ni saa kumi alfajiri alisikia kama mlio wa simu yake, akaangalia na kukuta ni Rahim alimtafuta, akajua lazima atakuwepo facebook akaamua kuingia kwenye simu yake,

“Tayari nishakutumia Erica, nimekutumia milioni mbili”

Yani Erica hadi usingizi ulikata maana alijua hela ya matumizi angemtumia ndogo tu ila kuona kamtumia hela nyingi alijikuta hadi akiamka vizuri na kuendelea kusoma jumbe zingine za Rahim huku akimjibu na kumshukuru. Kwa upande mwingine alianza kupanga matumizi kwa ile hela aliyotumiwa, alikuwa tu akijisemea

“Ila mimi sinaga matumizi ya hela nyingi hivi. Yani laity Rahim angejua kama maisha yangu ni ya kawaida kabisa hata asingehangaika kunitumia hela nyingi hivi”

Aliongea ongea pale na Rahim kwa njia ya ujumbe huku akipanga kuwa kesho yake ndio aende akatoe zile pesa.



Kulipokucha aliamka saa nne asubuhi kwasababu toka ile saa kumi alikuwa akitumia tu facebook mpaka saa moja asubuhi, sasa alilala tena na kuamka saa nne. Alimkuta mama yake sebleni na kumsalimia kisha mama yake akamwambia,

“Mmmmh hii tabia ya kuamka saa nne hapana mwanangu, haifai kwa mtoto wa kike”

“Samahani mama, ni leo tu”

“Ni leo tu wapi wakati ndio tabia yako siku hizi hiyo, hata sijui chuo unasomaje”

Alimkanya kanya pale ila baada ya hapo tu Erica alijiandaa na kutoka.

Moja kwa moja alienda benki ambayo ingekuwa rahisi kwake kutoa zile pesa, alipokuwa nje alipigiwa simu na Babuu akiulizwa mahali alipo, sababu hakuwa na mashaka yoyote na Babuu alimtajia tu alipo kisha akakata simu na kuingia benki ila muda kidogo Babuu alimtumia ujumbe,

“Unajua mimi muda huu hata sipo mbali na hapo uliposema, nakuja nitakusubiri nje nipo na mamdogo”

“Sasa mamako mdogo wa nini?”

“Niliwahi kumwambia kuwa kuna msichana mmoja niliwahi kumpenda sana, ndio leo nimekutana nae kanisikia nikiongea nawe kwenye simu kapenda akuone”

“Mmmh! Haya sawa, utanisubiri basi”

Erica alifanya zile harakati zake za kutoa pesa na kuweka katika pochi yake kisha akatoka, na alishasahau wazo la kuonana na Babuu kabisa kwani alipochukua zile hela akili yake ilikuwa ikiwaza hela tu.

Akawa anaondoka, mbele kidogo Babuu alimuita,

“Erica, Erica, Erica”

Erica akageuka nyuma na kumuangalia Babuu akamuona kwa mbali kuna mwanamke kasimama nae, alipomuangalia mwanamke Yule vizuri aligundua ni Mrs.Peter yaani mama yake Rahim.





Erica alifanya zile harakati zake za kutoa pesa na kuweka katika pochi yake kisha akatoka, na alishasahau wazo la kuonana na Babuu kabisa kwani alipochukua zile hela akili yake ilikuwa ikiwaza hela tu.

Akawa anaondoka, mbele kidogo Babuu alimuita,

“Erica, Erica, Erica”

Erica akageuka nyuma na kumuangalia Babuu akamuona kwa mbali kuna mwanamke kasimama nae, alipomuangalia mwanamke Yule vizuri aligundua ni Mrs.Peter yaani mama yake Rahim.

Erica alishtuka kidogo na akili ya haraka haraka ikacheza kuwa Yule ndio mamake mdogo na Babuu kwahiyo kuna undugu flani upo kati ya Babuu na Rahim, hakutaka kupoteza muda kwakweli maana aliisikia bodaboda ikipitakaribu yake aligeuka na kuisimamisha akapanda na kuondoka bila kujali Babuu alimuita kwa kiasi gani, kwani hakutaka kuanza kuulizana tena maswali na Yule mama halafu alihisi Yule mama hajamuona vizuri kwahiyo alishukuru ile bodaboda kupita karibu yake, yani ni alimuelekeza tu kwao kisha Yule wa boda boda akampeleka.

Erica alifika kwao na kuingia ndani akamkuta mama yake akiendelea na ile kazi yake ya kushona, akamsalimia mama yake kisha baada ya salamu alimuuliza mama yake,

“Mama unataka hela?”

“Hivi kuna mtu asiyetaka hela mwanangu? Katika dunia hii, kuna mtu asiyependa hela? Nataka ndio”

Erica akaingia kwanza chumbani kwake, halafu akamchomolea mama yake laki tano na kumpelekea, mama yake alihamaki sana,

“Erica, hela zote hizi?”

“Ndio mama, kwani kuna tatizo gani?”

“Isije kuwa ndio posa napewa kwa mtindo wa tofauti!”

“Hapana mama sio posa, ila kuna mwanaume ananitongoza ndio kanipa hela hizo”

“Kheee mwanangu jamani, una bahati sana. Huyo mwanaume mlete nyumbani haraka umtambulishe. Nitawapa baraka zote”

Erica akacheka na kusema,

“Mama na wewe”

“Sio mama na wewe, mwanaume wa kukupa hela zote hizi ni wa kumshikilia tena umshikilie haswaaa, ungemleta tu nyumbani nimtambue”

“Nitamleta mama, ila kwasasa hayupo nchini. Akirudi tu namleta”

“Wow, Erica sikujua kama una akili kiasi hiko, yani umetafuta mwanaume wa maana kiasi hiko! Erica mwanangu nakupa Baraka zote kwa huyo mwanaume”

Erica alitabasamu sana na kwenda chumbani huku akimuwaza mama yake pia kuwa anaona pesa mbele tu na kama angemuonyesha zote ambazo Rahim alikuwa anatuma ingekuwaje. Erica alitulia chumbani kwake akiwaza vitu vingi sana, hakuwa na matumizi mengi ya pesa kama wanawake wengine kwahiyo ile pesa kwake ilikuwa ni nyingi sana.

Alichukua simu yake na kukuta amepigiwa sana na Babuu, kisha akaamua kumpigia,

“Erica mbona umenikimbia? Umefanya nionekane mjinga kwa mamdogo”

“Sikutaka tu kukwambia ukweli ila sikutaka kuonana na ndugu yako yoyote”

“Kwani kuna tatizo gani Erica, maana hata Yule mamdogo ameuliza kuwa kwanini ulikimbia”

“Kwani aliniona wakati naondoka?”

“Amekuona ndio wakati ile bodaboda uliyopanda ikiondoka, akaniuliza kuwa wewe ni Erica gani?”

“Ukamjibuje?”

“Sikumjibu chochote sababu hakufahamu”

“Babuu sikia, mimi hukuniandaa kabla zaidi ya kuniandikia ujumbe tu kuwa upo na mamako mdogo, kiukweli sikujiandaa kukutana na mtu mwingine yeyote asiyenizoea. Nisamehe kwa hilo”

“Poa. Usijali Erica”

Alikata simu kwani alianza kuwaza namna ya kumkwepa Babuu kwani aligundua kuwa Babuu ana undugu na Rahim yani ni mtoto wa mamkubwa na mdogo na hawezi kumuacha Rahim kwasababu ya Babuu kwahiyo alitafuta njia tu za kumkwepa Babuu.

Alitulia ila jioni yake alisikia mtu akigonga geti lao, akatoka na kukuta ni Bahati, akamuuliza kwa mshangao,

“Bahati tena! Umekuja kufanya nini sasa?”

“Erica sikujua yote ambayo ndugu zangu wamekutendea, Erica bora hata ndugu zangu wote wanitenge lakini sio wewe. Nakupenda sana”

“Ila mimi sikupendi”

“Erica najua unasema kwa hasira tu, nakupenda sana. Wewe ndio mke wangu, ndoto zangu zote ni kuwa na wewe. Nakupenda Erica wangu”

“Hivi Bahati nifanye kitu gani ili uamini kwamba sikutaki tena? Sijawahi kukupenda Bahati na sitokupenda kamwe, yupo mwanaume mwingine nimpendaye”

“Ndiyo huyo Erick au?”

“Sio Erick ila yupo mwingine nimpendaye, tafadhali bahati endelea na mambo yako tu”

“Kama hunitaki Erica ujue nipo tayari nifie hapa mlangoni kwenu”

Erica alimuacha pale mlangoni na kuingia zake ndani.



Erica alikaa ndani kwao kwa muda sana ila akafikiria akili za Bahati akaona kuwa hawezi kuondoka pale, na kiukweli hakupenda kuona Bahati akiteseka sababu yake, akaamua kutoka nje na ilikuwa saa nne usiku lakini alimkuta Bahati pale pale nje, kwa bahati siku hiyo mamake alikuwa ndani tu kwahiyo angetoka toka nje angemuona Bahati.

Alimkuta pale ikabidi aongee nae kwa utaratibu,

“Bahati jamani, unajua sipendi kuona ukipata shida au kuhangaika”

“Ila mimi nahangaika sababu yako Erica, nakupenda sana”

“Sikia nikwambie kitu, kama wanipenda sana naomba huu muda unaopoteza hapa utulie ufanye biashara zako. Kwa hakika ukitoka kimaisha itakuwa rahisi kuwa na mimi”

“Ila Erica, mimi nahangaika kwenye shughuli zangu sababu yako ila wewe kama hunitaki tena shughuli zangu zina maana gani! Sioni umuhimu wa shughuli zangu ikiwa hunitaki tena”

“Kwahiyo nikikutaka ndio utakuwa busy na shughuli zako?”

“Nitafanya shughuli zangu kwa raha sababu najua upo”

“Sasa Bahati jamani, fanya shughuli zako kwaajili ya watoto wako na sio mimi”

“Hao watoto nitapata nikiwa na wewe Erica, nakuomba Erica uwe na mimi”

“Sikia basi masharti yangu, ukifata haya masharti ndio nitakuwa na wewe”

“Niambie hayo masharti Erica”

“Nataka uwe busy na biashara, unanipigia simu hovyo hovyo ndiomana nilizima simu yangu. Sitaki unipigie simu hovyo hovyo, nyumbani kwetu unapajua ila sio sababu yaw ewe kuja kila unapojisikia. Nakuomba Bahati, tafuta maisha kwanza ndio iwe rahisi kwa mimi kuwa na wewe, ukiendelea hivi kuhangaika hangaika kwa hakika hakuna kitu utakachokuwa unafanya, yani utapoteza hela tu bila matunda yoyote. Tafuta maisha kwanza”

“Sawa Erica, ila basi naomba niwe naongea nawe hata kwenye simu kidogo itakuwa afadhari kuliko hivi Erica. Usinione hivi ila nawaza maisha yetu sana tu, hapa nataka nikiingiza faida ya kutosha kwenye ile biashara yetu, nianzishe biashara nyingine ambapo ukimaliza chuo wakati unasubiria ajira utakuwa unaendelea nayo”

“Yani wewe una mawazo ya biashara tu”

“Ndio nina mawazo ya biashara ila hela tu ndio inakuwa shida kwangu ila nina uhakika hizi biashara nikizikazania haswaaa yani maisha yatakuwa mazuri tu. Maisha yetu yatabadilika Erica, siwezi chezea hela zile ulizonipa lazima zizae matunda na ipo siku nitakufanyia kitu ambacho huwezi kukifikiria kuwa naweza kufanya ila nitakufanyia kitu kikubwa sana Erica”

Erica alimwambia asubiri kidogo na kuingia ndani, Bahati hakujua ni kitru gani ambacho Erica anaenda kufanya ila alimsubiria tu.

Muda kidogo Erica alirudi na kumwambia,

“Sasa, nataka uwe busy na biashara, si umesema kuna biashara unataka kunianzishia na mimi ili nikimaliza chuo nihangaike nayo. Sasa mimi harakati za kuanzisha biashara kwasasa sina ila hela ninayo, nakupa hela hii ukafanye hiyo biashara”

“Lakini Erica sijasema kuwa nataka pesa”

“Nakuomba upokee hela hii Bahati, nina maana yangu halafu naomba usiwe unanifatilia sana. Nahitaji kuwa huru sio kugandwa gandwa na mwanaume kila ninapokuwa hadi nashindwa kupumua ndiomana sikutaki”

“Ila hapana Erica siitaki hiyo hela”

“Kama hii hela huitaki basi, usinifatilie tena na mimi na wewe basi”

Ilibidi Bahati awe mpole na kupokea ile hela kwa Erica huku akiahidi kufata masharti yake maana anaogopa kweli kuambiwa hatakwi na Erica, kisha Erica alimwambia akodi bodaboda aondoke,

“Ila bado kitu kimoja Erica”

“Kitu gani hicho?”

“Naomba namba yako ya simu nyingine”

“Bahati, kwetu unapajua, kwa dadangu unapajua, chuo ninachosoma unakijua unataka nini tena? Namba ya simu sikupi hadi ujirekebishe tabia yako, sitaki unitafute mara kwa mara yani kuanzia leo hapa kwetu uwe unakuja mara moja kwa mwezi”

“Dah Erica kwanini lakini unanifanyia hivyo?”

“Siku ukiendelea na kununua gari ninalopenda mimi ndio nitakuruhusu uje kwetu mara kwa mara, ila kwasasa kafanye kazi”

“Dah! Erica unanitesa lakini?”

“Ukitaka kupatana na mimi fanya kile ninachosema, fanya kazi kwa bidii maana sioni fahari niseme kuwa mpenzi wangu ni mvuvi. Tafadhali jiimalishe na ubadilishe aina ya kazi. Kwaheri”

Bahati ilibidi akubali kila kitu maana alihisi pengine akiendelea kuongea labda Erica atabadilisha mawazo tena na kumtimua kabisa, alipigia simu bodaboda kisha ikafika akapanda na kuondoka zake.



Erica alirudi ndani, yani hata alikuwa hajutii kitendo cha kutoa hela kwa Bahati kwani yeye aliwaza kuwa pengine baada ya Bahati kupata zile hela angemkimbia hata alishangaa kuona bado Bahati akimng’ang’ania.

Basi alienda kulala tu muda huo, ila kwa upande wa Bahati alikuwa na hisia kubwa sana kuwa Erica anampenda sana sababu si rahisi kwa mtu asiyekupenda kukupa pesa kama Erica anavyofanya kwa Bahati, aliiangalia vizuri ile hela aliyopewa na Erica ilikuwa ni milioni moja na alipanga kufanya kitu cha maana zaidi ili siku atakayoonana tena na Erica amuonyeshe kitu kizuri alichokifanya, muda mwingi Bahati aliutumia akimfikiria Erica ila tofauti kwenye kichwa cha Erica maana kwa kipindi hiko hakuweza kutumia hata sekunde tu kumuwaza Bahati ila alifanya vitu ili Bahati aismfatilie tena wakati huo huo hakutaka kumuumiza.

Mawasiliano ya Erica na Rahim yalipamba moto na hakutaka Babuu ajue chochote kwani aliwaza kama Babuu angejua basi angemuharibia.

Erica alifungua chuo na kwenda chuoni kama kawaida akitokea kwao kwani toka yale maswala ya yeye kusifika kwa jina baya chuoni hakutaka tena kuishi hosteli.

Alikuwa akienda chuo na kurudi kwao huku akiwasiliana na Rahim tu kwa kipindi hiko hata Babuu alipompigia simu alimwambia kuwa yupo busy sana na masomo yake kiasi kwamba hawezi kuonana na mtu yeyote.



Siku hiyo Mage alienda nyumbani kwao kuzungumza na mama yao, muda huo Erica alikuwa chumbani kwahiyo alisikia kila kitu ambacho dadake aliongea na mama yao. Mama Erica alimsimulia Mage vile alivyoambiwa na Erica kuwa James alitaka kumbaka,

“Hivi unaamini hilo jambo Mage?”

“Mama, Erica ni ndugu yetu sisi tusimuamini halafu tumuamini James inakuja kweli? Kumbuka James kampa mimba msichana wa kazi tena mama sijakwambia lingine, kumbe kuna msichana pale mtaani kazaa na James nimezipata hizo habari ila sijataka kumwambia mdogo wangu atachanganyikiwa”

“Kheee kumbe yule mwanaume ndio ana akili fupi kiasi hicho?”

“Ndio hivyo mama ila usipaniki wala nini, halafu hiyo habari ya James kutaka kumbaka Erica naomba ibaki kuwa siri yetu na isifike kwa Bite, ana mtoto mdogo kwasasa atachanganyikiwa”

Mama yao alikubaliana nae na kumwita Erica ambapo waliongea nae kuwa habari ile ifanywe kuwa ni siri kati yao.

“Hakuna shida, nimesema ukweli ili nisiendelee kusingiziwa kwenye mambo ambayo sijayafanya”

“Sawa, ila Erica nataka niongee mara moja na wewe tu”

Ilibidi muda wa kuondoka dada yake amsindikize na aweze kuongea nae,

“Nasikia Erica ulikuwa na mahusiano na Derick kabla ya kujua ni ndugu yako”

“Hapana dada, nani kakwambia?”

“Usibishe Erica, nataka nikusaidie unajua kutembea na ndugu ni laana tena laana kubwa sana tu, nataka nikusaidie mdogo wangu”

“Sijawahi kuwa na mahusiano nae”

“Basi ilimradi umekataa siwezi kukulazimisha”

Basi Erica aliagana na dada yake na kuondoka, aliwaza sana kuwa siri ya kutembea na Derick nani kaitoa, akawaza tena kuwa pengine ni Derick mwenyewe ila amewezaje wakati ni aibu kwa wote wawili, ila kwa upande wake aliona ni vyema kumkatalia dada yake kuwa hajawahi kuwa na mahusiano na Derick kabla.



Kipindi hiki chuoni hakuwa na makubwa sana kwani wale waliokuwa wakimtisha wote walishamaliza chuo yani Tumaini na Dora walishamaliza kwahiyo alibaki na watu wachache tu, hata Derick alikuwa kashamaliza na walikuwa wakijiandaa kwaajili ya kwenda kwenye mahafali.

Ilikuwa kesho yake ndio siku ya mahafali na Erica alipanga siku hiyo ya kesho asifike kabisa chuoni, ila akakutana na Fetty,

“Erica umepotea sana”

“Fetty kumbe upo!! Nilijua ni mmoja kati ya waliomaliza chuo”

“Nipo ndio, ila pole nasikia kipindi cha likizo ulipata matatizo”

“Matatizo gani tena?”

“Si nasikia ulitekwa”

Akakumbuka kuwa dada yake alimwambia kwamba kupotea kwake aliulizwa na Derick kwahiyo kwa vyovyote vile ni Erick ndio kasema habari hiyo ila aliamua kuikana pale kwa Fetty kwani alijua habari bila kuikana ndio inazidi kutembea na kukuchafulia jina, kisha Fetty akamuuliza tena,

“Vipi kesho umeandaa zawadi gani za kuwapa watu wako wa karibu?”

“Hapana kesho siji”

“Kwanini?”

“Sina mtu yeyote wa karibu, sitakuja kesho”

“Ila ungekuja Erica, ungepata uzoefu wa mahafali yako mwakani”

“Fetty, mahafali yangu mwakani itakuwa ya kipekee kwahiyo sina haja ya kupata ujuzi”

Kisha akamuaga Fetty ila lile swala la kusema kuwa mahafali yake mwakani yatakuwa ya kipekee lilimuingia vizuri sana Fetty kwenye akili yake, ila alimuangalia tu Erica muda mwingine alimuona kama ni msichana mwenye malingo sana.

Erica aliondoka na kurudi kwao, usiku wa siku hiyo aliwasiliana sana na Rahim,

“Nataka kuja nchini Erica”

“Wow, nitafurahi sana”

“Ila sitasema nyumbani kama nimekuja nataka iwe siri ya mimi na wewe. Nyumbani nitaenda tu ila sitaki wajue kama narudi siku ipi”

“Karibu sana Rahim, itakuwa ni lini hiyo?”

“Nahisi baada ya miezi mitatu au mine”

“Ukija kipindi nimefunga chuo itakuwa vizuri sana”

“Basi utaniambia tarehe za kufunga chuo, ila nitakutumia pesa kidogo ya maandalizi ya kunipokea”

“Nitakwambia”

“Ila ungependa nikuletee zawadi gani?”

“Yoyote tu Rahim”

“Sema bhana”

“Basi niletee cheni, heleni na saa”

“Aaah sawa, nitakuletea na nimefurahi umetaja zawadi uitakayo”

Erica aliwasiliana kwa furaha sana na Rahim na alijiwekea asilimia mia moja kuwa Rahim ndio mume wake moja kwa moja kwani kitendo tu cha kutaka kurudi kwaajili yake ni kitendo cha tofauti, alilala akiwa na furaha sana.



Siku hiyo alitafutwa sana kwenye simu na Babuu ikabidi apokee ili asikie kuwa anataka kuongea nae nini,

“Nahitaji kuonana na wewe Erica”

“Njoo nyumbani kwetu”

Kwa kipindi hiko Erica hakutaka kuonana na mtu mbali na nyumbani kwao kwa kuhofia usalama wake, pia alikuwa akijilinda kwaajili ya mpenzi wake Rahim.

Babuu alifika nyumbani kwao na kumpigia simu ambapo Erica alitoka nje kwenda kuzungumza nae,

“Erica jana nilienda chuoni kwenu kwenye mahafali”

“Ulienda kufanya nini?”

“Na nilijua utakuwepo kumbe wala haupo, kuna ndugu yangu amemaliza chuo ndio nilikuwa pale kwenye mahafali yako. ILa nilikutana na Yule rafiki yako Dora dah habari aliyonipa sikuielewa”

Kwa muda huo Erica hakutaka kufahamu ni ndugu gani wa Babuu alikuwa kwenye mahafali ila alitamani kujua kuhusu habari alizopewa ni zile zile za siku zote au ni habari gani, akamuuliza na kumsikiliza kwa makini kuwa ni habari gani, akashangaa babuu akimpa zile habari ambazo zilizagaa chuo kuhusu yeye.

“Hizo habari ni za uongo Babuu”

“Hata mimi sijaziamini ila Erica, ningependa usafishe jina lako”

“Sasa nitalisafishaje na wenyewe washaamini hivyo?”

“Nilihusu nikusaidie kulisafisha”

“Kivipi? Hebu niambie utalisafishaje”

“Subiri utaona ila nitasafisha jina lako na hautokuwa tena na sifa mbaya”

“Haya nashukuru”

Aliongea ongea nae pale na kuagana nae, kisha yeye kurudi ndani kwao. Hakutaka kujua Babuu atatumia njia gani kusafisha jina lake kwani hata jina lake kuchafuliwa bado haikuwa tatizo sana kwake kwani aliamini kwasasa yupo mwanaume ampendaye na mwenye vigezo vyote.



Kitendo cha Babuu kusema kuwa anataka kusafisha jina la Erica kwenye kile chuo kilifanya Babuu awe karibu sana na Erica huku akiwasiliana nae mara kwa mara bila kumwambia kuwa ni njia gani atazitumia kulisafisha jina lake.

Erica alipoona anakaribia kufunga chuo, alimtaarifu Rahim nae alimwambia tarehe atakayoenda kisha akamtumia pesa, alimtumia milioni moja kwaajili ya maandalizi ya kwenda kumpokea.

“Erica naomba unitafutie hoteli ya kufikia maana sitaki kufika nyumbani moja kwa moja, shida yangu nikuone wewe kwanza”

“Sawa Rahim nitafanya hivyo”

Siku ambayo Rahim alikuwa anafika, Erica aliaga kwao kuwa anaenda chuo mara moja kumbe alikuwa na yake ya kumpokea Rahim.

Aliondoka kwao na kwenda kutafuta kabisa hoteli ambayo Rahim angefikia kwasababu alishaambiwa kuwa atafute kabisa hoteli ya kufikia Rahim. Alipokodi mahali akaondoka na kwenda uwanja wa ndege sasa kwa lengo la kumpokea Rahim, wakati yupo ametulia akimsubiri Rahim akapigiwa simu na Babuu,

“Erica kuna mahali nakuona halafu nina shida na wewe”

“Shida gani?”

“Tuonane kwanza Erica, nina shida na wewe”

“Babuu jamani, tutaongea siku nyingine”

“Unajua nakuona, upo uwanja wa ndege”

Erica akaona ameonekana kweli, ikabidi tu amwambie amfate ili aongee nae, muda kidogo Babuu alifika, kwahiyo hakuwa mbali na pale kwakweli Erica alihisi kama akili inamruka vile kwani kabla hajaongea na Babuu, alipokea ujumbe toka kwa Rahim,

“Erica, hii ni namba yangu ya hapa, nishaingia nchini upo upande gani mpenzi wangu?”

Alihisi kuchanganyikiwa kabisa maana pale alisimama na Babuu halafu Babuu ana undugu na Rahim.



Erica akaona ameonekana kweli, ikabidi tu amwambie amfate ili aongee nae, muda kidogo Babuu alifika, kwahiyo hakuwa mbali na pale kwakweli Erica alihisi kama akili inamruka vile kwani kabla hajaongea na Babuu, alipokea ujumbe toka kwa Rahim,

“Erica, hii ni namba yangu ya hapa, nishaingia nchini upo upande gani mpenzi wangu?”

Alihisi kuchanganyikiwa kabisa maana pale alisimama na Babuu halafu Babuu ana undugu na Rahim.

Akili ikamcheza pale na kumwambia Babuu amsubirie pale kwani yeye anaenda uwani, Babuu alikubali na Erica akaondoka.

Simu yake ilikuwa ikiita sana na alikuwa akipigiwa simu na Rahim, sababu alikuwa kachanganyikiwa hata kupokea hakuweza, alitafuta gari ya kukodi na kupanda huku dereva akimuuliza kuwa anaenda wapi ila hata kumjibu hakumjibu kwani akili yake ilishapotea kabisa.

Muda kidogo akapokea ujumbe mwingine toka kwa Rahim,

“Mpenzi nimekutana na ndugu yangu ambaye sikutegemea kukutana nae kabisa kwa muda huu, uko wapi nikutambulishe tu maana nimemwambia asiseme popote nipo na shemeji yake”

Erica alisoma ule ujumbe na kuhisi akili kumruka kabisa.

Akili ikamcheza tena muda ule ule na kumwambia Yule dereva wa ile gari asogee yale mazingira ambayo Rahim na Babuu wamesimama, alipokuwa anawaona vizuri alimwambia dereva asimamishe kwanza gari kisha akachukua simu yake na kumpigia Babuu,

“Hellow Babuu nina shida huku uwani nakuomba mara moja”

“Ila kuna ndugu yangu nimekutana nae hapa, kuna mtu tunamsubiria au nije nae?”

“Usitake kunikera Babuu, nilishakwambia maswala ya kunijia na watu, wewe unajua nimekutwa na nini huku hadi uje na ndugu yako? Njoo mara moja bhana”

“Haya nakuja”

Babuu alionekana kumuaga Rahim na kuondoka, muda ule ule Erica hakutaka kupoteza muda alimwambia dereva asogeze lile gari hadi alipo Rahim, halafu akazima simu yake na kushuka ili kumshtua Rahim, kwakweli Rahim alifurahi sana na Erica hakutaka kupoteza nae muda kwani alipanda nae kwenye lile gari na kuondoka kuelekea hotelini ambako aliambiwa na Rahim kuwa amkodie hoteli. Muda wote huo Erica alikuwa amezima simu yake kwani hakutaka Babuu ampate hewani kabisa kwa muda huo.



Walifika hotelini na kuingia kwenye chumba ambacho Erica alimkodia Rahim, kisha kabla ya vyote Rahim alitaka kwenda kuoga kwanza ila Erica alitoka mule ndani na kwenda kuagiza chakula, alipoenda kuagiza chakula aliwasha tena simu yake na kukuta jumbe kama tatu za Babuu akilalamika kuwa mbona simu haipokelewi, Erica aliamua kumtumia ujumbe,

“Mwenzio nimeshikwa na tumbo la kuhara, nimeona unachelewa nikaamua kukodi bajaji. Nipo nyumbani saivi”

“Sasa ile shida yangu ya maongezi na wewe”

“Tutaongea siku nyingine Babuu, mwenzio naugulia tumbo”

“Pole Erica”

Basi aliposoma huo ujumbe, akazima tena simu yake kwani hakutaka iwe wazi akihofia kupigiwa tena na Babuu.

Alirudi chumbani huku akisubiri kile chakula ambacho alimwagizia Rahim, na chakula kilifika kisha yeye na Rahim wakala na kukaa wakifanya maongezi huku Rahim akimtolea zile zawadi ambazo alimuagiza na Erica alizipenda sana kwani zilikuwa za kuvutia, ilipoanza kuingia jioni Erica alimwambia Rahim kuwa anarudi kwao,

“Yani unamaanisha unataka uondoke Erica uniache peke yangu!”

“Sasa Rahim si nishafanya vyote ulivyosema?”

“Ndio umefanya ila leo huondoki hapa, yani tutalala wote kwakweli, huwezi ukaniacha peke yangu niboreke basi haikuwa na maana ya mimi kutokufikia nyumbani kwetu”

“Ila sijaaga nyumbani Rahim!”

“Sio tatizo, piga simu nyumbani kwenu waambie kuna sehemu umeenda kufanya project ili wasiwe na mashaka ila leo huondoki hapa”

Ilibidi Erica awashe simu na kupiga simu kwa mama yake kwani ndio anakuwaga wa kwanza kushikwa na uoga, akamwambia kuwa kuna sehemu ya gafla wamesafiri kimasomo na wamechelewa kurudi kwahiyo kwao ataenda kesho, mama yake aliitikia ila kwa shingo upande tu, ilibidi amuamini hivyo hivyo ingawa ilikuwa ni ngumu sana kuamini kile alichoambiwa na Erica.



Erica hakuwa na namna nyingine zaidi ya kuwa pamoja na Rahim tu kwani alishajitoa kuwa ndiye mpenzi wake, kwahiyo siku hiyo usiku mzima alikuwa pamoja na Rahim.

Palipokucha alikuwa amechoka kwakweli na hakuweza tena kuendelea na chochote zaidi ya kumuomba Rahim arudi kwao tu,

“Nitakuruhusu Erica ila bado sijaridhika”

“Basi naomba nikapumzike kidogo tu nyumbani”

“Mmmh mbona umeanza kunitisha mapema hivyo? Hivi utaweza kweli kuishi kwenye ndoa?”

“Nitaweza ndio”

“Sasa, mume mwenyewe si ndio mimi. Ndoa inahitaji uvumilivu Erica, sasa kama vitu vidogo hivi kuvumilia huwezi vikubwa je?”

“Sio hivyo ila kumbuka nyumbani nimewaambia kuwa narudi leo sasa mama hawezi kunielewa”

“Sikia nikwambie kitu, tutakodi usafiri kwenda kwenu halafu utamuaga mama yako kuwa mnasafiri kimasomo, utajiandaa halafu tutarudi tena hapa hotelini. Hupendi kuwa na mimi Erica?”

“Napenda”

“Sasa kama unapenda mbona unachoka mapema sana?”

Erica hakuwa na jibu zaidi ya kukubaliana na kile alichosema Rahim, kisha kujiandaa na kuondoka nae hadi kwao ambapo Rahim alikaa mahali akimsubiri atoke kwao.

Erica aliingia kwao ila alikuwa na mawazo sana kwani katika maisha yake ya mapenzi yote, siku hiyo alichoka na kuumia halafu mtu ndio anamsubiri bado ila kwavile alikuwa akiiota ndoa ilibidi avumilie tu kwani aliona uvumilivu ndio utamsaidia.

Hakumkuta mama yake ndani, akajiandaa kisha akamuandikia mama yake barua na kumuwekea laki mbili ndani yake kwani ugonjwa wa mama yake ni hela na alishaujua kwahiyo alivyomuwekea hivyo alijua mama yake asingemsumbua tena na angemuamini hiyo safari aliyoenda.

Kisha akatoka na kumpigia simu Rahim ambapo alikodi tena gari na kurudi nae tena hotelini.

Walikaa huko hotelini na Rahim ila baada ya siku tatu uzalendo ukamshinda Erica, ingawa aliandika barua kwa mama yake kuwa ni safari ya wiki ila baada ya siku tatu aliomba tu kurudi kwao,

“Rahim, sidhani kama tunachofanya ni sawa. Maana sie bado hatujaoana”

“Ndio umetambua leo kwamba bado hatujaoana?”

Erica aliitikia tu ila alitamani apate nafasi ya kwenda kupumzika, na kwa wakati huu Rahim alimruhusu kwani alisema kuwa ameridhika kiasi, kisha akamwambia,

“Swala langu linabaki pale pale, usiwe karibu na mama yangu sawa!”

“Sawa”

Kisha ukafanyika mpango wa kurudi nyumbani kwao.



Kwakweli Erica kilanga cha kumuwaza Rahim kilimuisha kabisa, akaanza kumkumbuka Bahati jinsi alivyokuwa mpole kwake, akakumbuka siku alikutana na bahati kimwili ila alipomwambia amechoka tu Bahati alimsikiliza na kumuacha apumzike ila kwa Rahim imekuwa tofauti maana hakujua neno la nimechoka yani yeye ukisema nimechoka ni kamavile unasema endelea, Erica aliwaza sana ila kwavile maji alishayavulia nguo akajisemea ni sharti ayaoge maana bado kwenye akili yake alimuweka Rahim kama mume wake.

“Kuna wakati pesa ni mbaya sana, nimekuwa mtumwa wa penzi la Rahim sababu ya hele zake ila isingekuwa hela zake wala nisingekuwa mtumwa kiasi hiki. Sijui kitu gani nifanye nisipende hela, ila mimi sina matumizi makubwa ya hela tatizo lipo kwa watu wanaonizunguka. Inabidi nivumilie tu kuhusu Rahim maana ndio mume wangu”

Alikuwa akijisemea tu mwenyewe, muda kidogo Mama yake alimuita na kumuuliza vizuri mahali alipokuwa,

“Erica, toka umeanza chuo sijawahi kukusikia umesafiri kimasomo, eeeh kipindi hiki imekuwaje? Ulisafiri kimasomo kweli?”

“Ndio mama”

“Erica mwanangu, kumbuka kuna mimba. Nahisi sijawahi kukwambia swala hili, hebu kaa chini nikueleze”

Erica alikaa akimsikiliza mama yake sasa,

“Erica, ukipata mimba na kuzaa kabla ya ndoa halafu Yule mwanaume aliyekupa mimba asikuoe yani utayaona maisha kuwa machungu sana mwanangu. Wanaume wengi hawapendi kuoa wanawake wenye watoto yani utajikuta unaolewa na watu wazima sababu ndio wanakubali, kwenye vijana wanaokubali ni wachache sana. Jichunge mwanangu, sitakuwa na furaha kukuozesha kwa mzee pia sitakuwa na furaha kwa mwanangu wewe msomi kuzalia nyumbani. Naomba ujichunge Erica”

“Sawa mama nitajichunga”

Alimuhasa sana maana alitambua akili za vijana huwa zinabadilika kama kinyonga, baada ya hayo alienda chumbani kwake na kulala, kiukweli alikuwa na uchovu sana maana alipokuwa na Rahim hakupata muda wa kupumzika maana Rahim alikuwa kama mtu ambaye yupo kazini.



Kulipokucha alichukua simu yake na kuiwasha, na moja kwa moja akampigia Rahim, kumuuliza kuhusu anavyojisikia na hali yake ikoje, kisha akamuuliza kama ameshaenda nyumbani kwao,

“Erica, mimi sikurudi kwaajili ya kwenda nyumbani kukaa na mama, nilirudi nikiwa na maana yangu kabisa”

“Sasa utakaa hapo hapo hotelini?”

“Ndio, nitakaa hapa hapa, hakuna tatizo. Ukijisikia kuja niambie kwanza”

Erica aliitikia ila ile kauli ya niambie kwanza ilimpa mashaka maana aliwaza kuwa kwanini aambiwe wakati ni jambo la kusema nipo nje, lakini kamwambia aambiwe kwanza, hakutaka kuwa na mashaka nae sana na pia hakutaka kwenda kumtembelea wakati bado anajiuguza maumivu yake ukizingatia hajawahi kuwa na mwanaume kwa kipindi kirefu vile kwahiyo Rahim ni kama mwanaume wake wa kwanza kuwa nae kwa kipindi kirefu.

Kwahiyo kwa kipindi hiko alikuwa akiwasiliana na Rahim kwenye simu tu.

Erica alishukuru jinsi ambavyo Rahim hakumwambia tena kuwa wakutane kwani alijua akikutana nae ni kwenda kuyazoa maumivu mengine.



Babuu nae hakuacha kumtafuta Erica kwani bado alikuwa na ya kumueleza, ilipita kama mwezi mmoja ambapo Erica alimruhusu Babuu kwenda kwao kuzungumza nae alichotaka kusema, hakumruhusu mapema kwa kuhofia kuwa Rahim anaweza kufika kwao maana kwa mawazo ya Erica alihisi kuwa ni kwa kipindi chochote kile Rahim angepeleka posa kwao, ila mwezi mzima ilikuwa kimya na wala akiongea na Rahim kwenye simu haongelei maswala ya yeye kwenda kujitambulisha kwao. Alihofia kuwa endapo Rahim angemkuta Babuu nyumbani kwa kina Erica ingekuwa mtafaruku mkubwa, ila kwavile Rahim hakuonyesha lengo la kwenda kwakina Erica ndipo Erica alipomruhusu Babuu kwenda kuzungumza nae.

“Ila Erica siku ile hukunifanyia vizuri kwakweli, yani kuniacha kwenye mataa kweli!”

“Nisamehe bure ni tumbo”

“Sasa siku ile ulivyoondoka alikuja ndugu yangu, yani sikutegemea kumuona pale na wala na yeye hakutegemea kuniona. Tulisalimiana nikamuuliza vipi kumbe kama kawaida kwao hawajui kama kaingia nchini, tena safari hii ameniambia anakomesha”

“Anakomesha nini?”

“Yani huyo ndugu yangu ana wanawake wengi huyo ila mamake hajui tu, anamuonaga mtakatifu balaa ila ana wanawake jamani dah! Siku ile yenyewe kuna mwanamke wake mwingine alitaka kunitambulisha, Yule jamaa wanawake wanampenda sababu ya ushombeshombe na wengine wanamuhonga sana pesa kiasi kwamba hela zake anachezeaga tu hazina kazi”

Erica alihisi kama kubanwa na tumbo la kuendesha maana alijihisi vibaya na tumbo kuunguruma, aliomba kidogo udhuru na kwenda chooni huku akiwaza kuwa anayoyasikia kuhusu Rahim ni kweli au ni kitu gani, hakuelewa kwakweli ila alihisi kuchanganyikiwa tu.

Aliporudi alikaa tena na Babuu kumsikiliza hoja zake, ila hakumuuliza alichokuwa akimuitia siku hiyo ila alimuuliza tu kuhusu huyo ndugu yake,

“Kwahiyo huyo ndugu yako ana wanawake wengi wapi? Hapa nchini au?”

“Yani ni hivi, Yule ni shombeshombe basi wanawake wengi wanavutiwa nae, wengine huwa wanamtongoza wenyewe na kumpa pesa kiasi kwamba ana hela nyingi sana Yule. Kwanza babake ana hela sana, kwahiyo babake tu anampaga hela nyingi halafu na wanawake nao wanampa hela balaa, kwahiyo ana wanawake wengi balaa ila ukimuona huwezi kumdhania anaonekana ni mpole balaa ila ni kicheche hafai”

“Babuu naomba uende, mama yangu atarudi muda sio mrefu”

“Ila swala langu bado sijakwambia”

“Utaniambia tu siku nyingine, ila kwasasa naomba uende”

Babuu hakuwa na jinsi zaidi ya kuondoka.

Erica alihisi kuchanganyikiwa kabisa yani akili yake ilikuwa haijisomi kwa muda huo tangu ameambiwa maneno yale na Babuu, alichukua simu na kumpigia Rahim ila iliita sana hadi ilikatika, alikosa raha kwakweli.

Mama yake alirudi na kumkuta katika mazingira ya kutokuwa na furaha, alimuuliza,

“Nini tatizo mwanangu?”

Leo Erica alijikuta akimuuliza mama yake,

“Mapenzi ni nini mama?”

“Kheee swali gani la kuniuliza hilo Erica?”

“Samahani mama”

Kisha akainuka na kuelekea chumbani kwake, kwakweli akili yake haikuwa sawa kabisa kiasi kwwamba hata siku hiyo hakuweza kupatwa na usingizi, alijikuta akishikwa na wivu maradufu yani alitamani hata kufanya kitu asichokielewa ndipo alipotambua nguvu ya wivu vizuri,

“Yani Rahim, umetembea na mimi kumbe una wasichana wengi. Kumbe unanipaga hela unayopewa na wasichana wako, kwanini Rahim umeamua kunifanyia hivi?”

Alilia sana, ila akawaza kitu kimoja je kama ana mimba au ukimwi, maana ameshaambiwa kuwa Rahim ana wasichana wengi, alilia sana kisha akasema kuwa kesho yake ataenda hospitali kupima mimba na ukimwi.

Aliwaza sana, kitendo hiko kilimfanya akose usingizi kabisa.



Kulipokucha Erica aliondoka kwao asubuhi na kwenda hospitali ambapo alienda kupima mimba na ukimwi, majibu yakaletwa,

“Hongera, huna ukimwi ila una mimba”

Alihisi akili yake kuruka kabisa, akikumbuka ahadi yake ya mwisho alisema hatokuja kutoa tena mimba katika maisha yake, ila sasa ana mimba ya mtu ambaye ni muhuni, aliwaza sana na kulia kwa daktari hata daktari mwenyewe alimshangaa akilia,

“Sasa unalia nini wakati watoto ni Baraka kwa Mungu, hivi unajua kuwa kuna watu wanatafuta watoto”

“Tatizo sio mtoto, tatizo ni baba wa mtoto”

“Kwani kuna wanawake wangapi wanalea watoto wao bila baba? Hebu ondoa mawazo mgando kwenye fikra zako. Kwa muda huu unatakiwa kuanza kuandaa mazingira mazuri kwa mtoto ajaye.”

Erica alitoka pale kwa daktari na kuondoka bila hata ya kumuaga, akawaza kuwa mtu wa kwanza kumwambia ni Rahim, kwa vyovyote vile alihisi pengine akimwambia Rahim kuwa ni mjamzito basi hilo swala la kuwa na wanawake wengi litapotea kwa Rahim na ataanza kumfikiria yeye. Akachukua simu yake na kumpigia Rahim ila iliita sana tu kama jana yake na bila ya kupokelewa ila akakumbuka kuwa Rahim aliwahi kumwambia kuwa yupo hotelini kwa mwezi mzima, ikabidi aende pale hotelini.

Alifika chumba alichomkodiaga Rahim na kugonga ila alifunguliwa na mwanamke, akawa anamshangaa Yule mdada gafla akamuona Rahim akiwa amejifunga taulo yani ametoka kuoga.





Akachukua simu yake na kumpigia Rahim ila iliita sana tu kama jana yake na bila ya kupokelewa ila akakumbuka kuwa Rahim aliwahi kumwambia kuwa yupo hotelini kwa mwezi mzima, ikabidi aende pale hotelini.

Alifika chumba alichomkodiaga Rahim na kugonga ila alifunguliwa na mwanamke, akawa anamshangaa Yule mdada gafla akamuona Rahim akiwa amejifunga taulo yani ametoka kuoga.

Akili ilimruka kabisa Erica na kushindwa hata cha kufanya kwa muda huo huku akitamani hata kukimbia, wakati amegeuka nyuma ili aondoke, alishikwa mkono na Rahim na kuingizwa chumbani, kisha Yule mdada aliyekuwa mule chumbani kwa Rahim alitoka.

Erica alikuwa akilia sana, yani alilia hadi alihisi kuchanganyikiwa ila Rahim alimkalisha chini, kisha kumuacha akilia halafu yeye akivaa nguo. Alipomaliza alimsogelea na kumuangalia tu akilia hadi Erica aliona ni ujinga wa kuendelea kulia, akanyamaza na kumuangalia Rahim kwa hasira sana, ila kabla hajaongea chochote Rahim alimuuliza,

“Sasa kinachokuliza ni nini?”

Erica alimuangalia Rahim na kuongea kwa gadhabu sana,

“Yani bila hata aibu unaniuliza kinachoniliza ni nini!”

“Aibu gani sasa?”

“Hivi Rahim wewe ni mtu wa aina gani? Yani mimi nikutafutie hoteli halafu wewe ulale na wanawake wengine?”

“Kwahiyo hiyo hoteli uliyonitafutia unalipa wewe au nalipa mimi?”

Erica alizidi kupata hasira na kumwambia,

“Hata kama unalipa wewe ndio unifanyie mambo ya ajabu kweli? Ni haki hiyo?”

“Mambo ya ajabu yapi?”

“Hivi unaona ulichofanya ni sawa? Kulala na mwanamke mwingine unaona ni sawa?”

“Erica hebu acha masikhara, wewe ulichoka na nilikwambia kuwa nilirudi kwaajili yako ila ulidai umechoka kwahiyo ulitaka nifanyeje?”

“Yani Rahim ndio unaniambia hivyo kweli? Asante sana”

Erica akainuka, ila Rahim alimshika tena mkono na kumkalisha chini kisha akamwambia,

“Hebu acha mawazo ya kijinga, nilikuwa napima uelewa wako na wivu kama unao. Hivi kweli Yule anagekuwa mwanamke wangu angeondoka? Si angeanza kugombana na wewe? Halafu nianze tu kutafuta wanawake na kulala nao kwenye chumba kile kile ulichonikodia? Si nitakuwa sina akili, kwani hoteli hapa mjini zimeisha Erica? Kama ningekuwa na tabia hiyo basi hata hii hoteli nisingekaa sana, lazima ningetafuta hoteli nyingine ya kwenda kuwa na wanawake wengine”

“Kwahiyo Yule mwanamke ni nani?”

“Hilo ndio swali ulilotakiwa kuniuliza toka mwanzo sio kuanza kujiliza, Yule mwanamke nilimpa nguo zangu akanifulie na aliniletea leo, sasa nikamwambia aniwekee kitandani sababu naoga, nashangaa ndio wakati anatoka sijui wewe ndio umegonga na muda huo nimetoka bafuni. Yani una mawazo ya kijinga Erica jamani! Huamini mama, amini nakupenda sana”

Erica sasa akatabasamu kwani hakuamini kama Rahim angeongea nae kwa uzuri kiasi kile, kisha akamuangalia na kumuuliza,

“Kwahiyo Rahim wewe sio muhuni?”

“Hivi Erica, ningekuwa muhuni ningehangaika nini kukutafuta wewe? Kwanza nani aliyekwambia kama mimi ni muhuni? Sina hizo tabia mimi, nadhani hata mama yangu ashakwambia mengi sana kuhusu mimi, sinaga mambo ya wanawake kabisa. Niambie kipenzi changu maana naona umekuja kunishtukiza leo”

Erica akafungua pochi yake na kutoa yale majibu kuwa yeye ni mjamzito, kwakweli Rahim alonyesha kufurahi sana,

“Wow Erica jamani, umeamua kunibebea mimba! Nimefurahi sana Erica, na mimi nitaitwa baba sasa”

“Ndio, na mimi nitaitwa mama”

“Sawa, nakuomba Erica usitoe mimba yangu. Mwanangu nitamlea”

“Siwezi kutoa, ila uje nyumbani basi ujitambulishe na tufanye maswala ya harusi”

“Sawa, usijali kuhusu hilo, ila kwasasa nataka tena kusafiri. Yani nilitaka nikupigie simu leo kuwa kesho narudi Marekani. Nitakuja safari nyingine na kuja kwenu kujitambulisha na kukamilisha kila kitu”

“Jamani Rahim, sasa itakuwaje? Mama akijua?”

“Usijali, mwambie mama, mume yupo yani sitakawia kurudi Erica si unajua hata kwetu sijafika”

“Sawa Rahim, ila mimba haina siri mama akijua litakuwa balaa, unadhani mama yangu ataelewa nikimwambia kuwa mume yupo? Hatonielewa kwakweli”

“Usijali Erica, baada ya miezi miwili tu narudi. Nitakuja kwenu kukamilisha kila kitu”

Erica hakuwa na namna zaidi ya kumkubalia Rahim tu kuwa kesho yake anasafiri na ataenda kujitambulisha kwao akirudi baada ya miezi miwili ila alijipa moyo kuwa tumbo litakuwa bado kujitokeza. Kisha Rahim akamwambia tena Erica,

“Nakuomba leo tulale wote mpenzi wangu ili kesho unisindikize”

“Mmmh jamani hata nyumbani sijaaga?”

“Kwani na wewe huna njia ya kuaga nyumbani kwenu jamani Erica, nahitaji kumuaga mwanangu, si unajua nasafiri naenda mbali. Naomba tulale wote jamani Erica”

Ilibidi Erica akubali na atafute namna ya kumwambia mamake kwenye simu ili asiwe na wasiwasi.



Kesho yake Erica aliamka na Rahim kwenye ile hoteli kisha kujiandaa kwaajili ya kwenda uwanja wa ndege maana Rahim alisema ndio safari yake imewadia, kisha Rahim alimpa hela Erica na kumwambia,

“Chukua hii milioni moja ikusaidie saidie maana mimba zina mambo mengi sana, unaweza kutamani hiki mara hiki, hii pesa itakusaidia”

“Asante sana Rahim”

Kisha Erica alichukua ile pesa na kuiweka kwenye pochi yake, kisha Rahim alimwambia,

“Erica napenda kukwambia tena uwe mbali na mama yangu, sio saivi una mimba ndio unaenda kumtafuta mama yangu sijui uwe nae karibu. Tafadhali kuwa mbali na mama yangu, atakupa mawazo mama Yule. Mimba hazitaki mawazo Erica, mimba inataka pumziko la moyo. Kuwa mbali na mama yangu, sitaki ndugu yangu yeyote awe karibu na wewe”

“Nimekuelewa Rahim ila kumbuka siku ile ulitaka kunitambulisha kwa ndugu yako”

“Yani Yule nilikutana nae kwa bahati mbaya, akaniuliza kuwa mbona sijasema ujio wangu ndio nikamwambia yupo na shemeji yake yani nikamgelesha tu ngoja nimtambulishe ila siku ile nilishukuru kweli alivyoitwa maana hata mimi nilitaka kumfanyia mchezo pale wa bila kumtambulisha. Ndugu zangu ni wambea wambea sana, ndiomana sipendi kuwa nao karibu. Ila nakusisitiza tena kuwa mbali na mama yangu”

“Nimekuelewa Rahim”

Kisha wakaondoka na kwenda uwanja wa ndege ambapo Erica alimuacha Rahim kaingia uwanjani kisha yeye akarudi nyumbani kwao.

Erica aliingia kwao ila kwa muda huo mama yake hakuwepo kwahiyo alienda kuoga na kulala, alikuwa akishangaa tu mimba ya kipindi hicho imeanza bila makeke ya kutapika au kujihisi kichefuchefu.



Erica aliamka usiku kwenye mida ya saa mbili na kutoka chumbani kuelekea sebleni ambapo mama yake alikuwa amekaa, akamsalimia,

“Kheee kumbe ulirudi?”

“Ndio nilirudi mama”

“Nilijua na leo utalala huko huko maana siku hizi unajiamulia tu”

“Ila mama si nilikwambia jamani!”

“Erica mwanangu, Erica binti yangu kila siku ninapokusema hapa unaona kama nakuonea ila ipo siku utasema kweli mama alisema. Utanidanganya ila na mimi nilikuwa msichana kabla yako, naelewa kila kitu. Nitakwambia ulikuwa kwa mwanaume ila utabisha, sawa nidanganye tu ila mimi si ndio mama wa kudanganywa! Unasahau kama mama unatakiwa umweke kama rafiki yako na umshirikishe mambo yako ili akushauri zuri na baya, mwanangu hujaolewa bado, unawezaje kwenda kwa mwanaume na kulala nae hadi asubuhi? Unajua wewe si mke, unawezaje kufanya hivyo? Mwanaume wa hivyo atakuoa kweli? Hakuna mwanaume anayetaka kuoa mwanamke asiyetulia, atakuchekelea kuwa ndio vizuri tulale wote hadi asubuhi ila kumbuka si mumeo huyo, ni mpenzi wako, hata kama kakuahidi ndoa, basi subiri ndoa ndio ukakeshe nae kwenye kulala ila sio mwanaume wakuitana sijui baby halafu unalala nae hadi asubuhi”

“Ila sikuwa kwa mwanaume mama”

“Huwezi kukubali ila mimi ni mama naelewa kila kitu na ipo siku utayakumbuka maneno yangu, napenda upate mwanaume mwenye pesa aje kuwa mume wako ila sijasema ukipata mpenzi mwenye pesa basi ujiachie ukalale nae. Sijasema hivyo, hata kama huyo mwanaume awe na pesa kiasi gani ila kitendo cha wewe kwenda kulala kwake hadi asubuhi ni kujishushia heshima. Sio mke wewe, usitake kujifanya unachukua majukumu ya mke kabla hujaingia kwenye ndoa. Yangu ni hayo, utasema mama vipi anaongea sana ila maneno yangu utayakumbuka”

Erica alimtakia mama yake usiku mwema kwani alijua akiendelea kuongea nae pale basi mama yake yatamtoka maneno mengi sana na hakupendezewa nayo sababu yalikuwa yanamchoma.

Alirudi chumbani kwake na kutafakari maneno ya mama yake ila aliona hata akiyatafakari bado hayana suluhisho kwake maana kama mwanaume kashalala nae kwa siku za kutosha tu, na kwa kipindi hiki ana mimba kwahiyo maneno ya mama yake yalikuwa ni msumari wa moto lakini usioweza kumchoma muhusika maana tayari ameshakosea.

“Inabidi mama nisimwambie kama nina mimba hadi pale Rahim atakaporudi na kujitambulisha nyumbani. Natumaini tumbo halitakuwa kubwa”

Alijipa moyo maana alijua ikiwa mama yake atagundua kuwa ana mimba itakuwa ni balaa hilo.



Chuo kilifunguliwa na alianza tena kwenda chuo ila kwa kipindi hiki alikuwa anachoka sana yani ile kwenda chuo na kurudi tena nyumbani kwao ilikuwa ni swala la uchovu sana, ilibidi awasiliane na Rahim amwambie kuwa anapata shida ya kutoka kwao kwenda chuo,

“Kumbe hiko chuo ulichohamia unakaa nyumbani?”

“Ndio, nachoka sana”

“Basi tafuta chumba cha kupanga karibu hapo, nitakutumia hela ya kodi na nyingine ununue kitanda na godoro upate sehemu ya kupumzika ukitoka chuo yani kwenu uende mara moja moja sana”

“Nashukuru sana kwakweli”

Basi Erica alitumiwa hela na Rahim kisha alitafuta chumba kwenye maeneo karibu na chuo na kuweka kitanda na godoro na vitu kadhaa tu vya kumsadia akiwa kwenye chumba kile na kukaa, yani akawa akitoka chuo anarudi kwenye kile chumba ila mama yake alimdanganya kuwa anaishi hosteli, hakutaka kusema amepanga maana mama yake asingependezewa na swala la kusikia kuwa amepanga.

Kwa kipindi hiko alikuwa anaenda tu kwao kwa kuchungulia yani siku hiyo hiyo anaondoka kiasi kwamba mama yake aliuliza ila alidanganya kuwa masomo ya mwishoni yanasumbua sana akili kwahiyo muda mwingi anatumia kusoma.

Kwa kipindi hiko hakutaka kukutana na mtu yeyote wala hakwenda kwa ndugu yake yeyote kiasi kwamba alikuwa akipigiwa simu na shemeji yake James alikuwa akikata kwani hakutaka kabisa kuongea na shemeji yake huyo.

Siku hiyo akiwa anaelekea kwake alisimamishwa na Fetty njiani,

“Erica, mbona siku hizi umebadilika sana?”

“Nimekuwaje kwani?”

“Umenenepa, wakati wewe sio mnene maana mwili wako huwa kawaida tu ila kwasasa umenenepa”

“Pengine sababu nakaribia kumaliza chuo”

“Vipi umewahi kuonana na Derick hivi karibuni?”

“Hapana, kwani imekuwaje?”

“Mwenzangu Derick kumbe kuna wadada wawili hapa chuo kawazalisha halafu hana mpango wa kuwaoa wala nini, hadi nikasema loh na rafiki yangu Erica angeingia mkenge kumbe!”

“Hivi inakuwaje mwanaume anadanganya watu wawili kwa wakati mmoja?”

“Kheee hujui eeeh! Sasa mbona Derick alikuwa anakudanganya wewe wakati ana wanawake wengine? Yani mwanaume akikwambia nakupenda msikilize palepale ila ndio usijiwekee moyoni ukaona unapendwa balaa. Yani wanaume wenzako sijui wana mioyo mingapi maana mmoja anaweza akapenda hata kumi”

“Na wote akawaonyesha upendo sawa?”

“Ndio, mwanaume hashindwi ila nadhani anakuwepo mmoja anayependwa sana. Ila mwenzio unafikiri wanaume nawaamini sana hata siwaamini, usiniona hivi nishatoa mimba hadi sijui kama nitazaa tena, yani wanaume hawa loh! Kwahiyo unaishi wapi siku hizi?”

“Huko chini”

“Basi siku moja nitakuja kukutembelea unapoishi”

“Sawa karibu”

Fetty aliondoka na Erica alienda anapoishi ila sio kwamba maneno aliyoambiwa hayakumuingia hapana, yalimuingia vilivyo kuwa mwanaume mmoja anaweza kuwa na wanawake hata kumi, alijihisi kuwa na wivu sana yani wivu aliokuwa nao kwa Rahim hajawahi kuwa na wivu wa kiasi kile hadi alikuwa akijihisi vibaya, wivu wake kwa Rahim ulimfanya hata akimtafuta hewani asipopatikana ajihisi vibaya sana na kugundua kuwa hisia zake kwa kipindi hiko zinaendeshwa na wivu.



Fetty alionekana kumfatilia sana Erica na mwisho wa siku akapafahamu Erica alipokuwa akiishi, na alikuwa akienda kumtembelea mara kwa mara ila Erica hakumwambia kama anaujauzito ingawa tumbo liliendelea kuwa mbele,

“Erica kama una mimba!”

“Jamani kwanini?”

“Nikuonavyo tu”

“Hapana sina mimba”

“Ila kuwa na mimba ni swala la kheri Erica, unajua mimba zinatafutwa siku hizi! Mimi mwenyewe nikibeba mimba nazaa tu, umri ushaenda nitajibana bana hadi lini, yani mimba ikijichomekea tu nazaa”

Erica alikuwa akicheka tu ila hakuthubutu kumwambia Fetty kuwa ni mjamzito ingawa dalili zote alikuwa nazo halafu naye Fetty alishamuhisi kuwa Erica ni mjamzito.

Mara zote Erica alizokuwa akiwasiliana na Rahim alikuwa akimuuliza tu kuwa atarudi lini ili aende kujitambulisha nyumbani kwao, ila Rahim alimwambia swala moja tu kuwa ataenda karibuni,

“Unajua Rahim mimba hii inazidi kukua yani hata nyumbani wakijua sijui nitasema nini, utakuja lini Rahim?”

“Erica, usiwe na mashaka. Nitakuja tu yani hata usiwe na wasiwasi”

“Ila lini Rahim nijue siku niwe na uhakika”

“Usijali Erica, nitakuja tu”

“Kumbuka uliniambia baada ya miezi miwili ila hadi leo kweli ni miezi mingapi imepita Rahim? Hata huonekani jamani na husemi lini utakuja”

“Erica usijali mpenzi wangu, nitakuja tu”

Yani jibu la Rahim lilikuwa ni moja tu kuwa nitakuja usijali, wakati kwa upande wa Erica aliona karibia siri itabumbuluka maana kama nyumbani kwao alikuwa akienda na kuondoka ila alijisemea tumbo likizidi sana basi kwao hatokwenda kabisa.



Mimba ya Erica iliendelea kukua na kipindi hiki walifanya mitihani ya mwisho chuoni kwahiyo wakafuna chuo ili wasubirie majibu nyumbani na baada ya hapo yafanyike mahafali, akaona kwenda kuishi kwao na mimba ishaanza kuwa kubwa ni swala la aibu kwahiyo aliendelea kuishi pale pale huku akimdanganya mama yake kuwa bado chuo hajamaliza.

Ulipita mwezi bila ya Erica kwenda nyumbani kwao, mama yake akawa anamlazimisha kwenye simu kuwa arudi nyumbani,

“Erica mwanangu hebu rudi nyumbani”

“Bado chuo mama”

“Bado nini? Mbona nasikia chuo mshamaliza muda tu”

“Tumeambiwa mpaka tusubiri matokeo”

“Sasa kwanini hayo matokeo usije kuyasubiria nyumbani jamani”

“Hamna mama”

“Hebu niambie ukweli, nini kinakusibu mwanangu?”

“Hamna kitu mama”

“Una mimba Erica?”

Erica akashtuka na kushindwa hata kumjibu mama yake, Yule mama alipoona kimya alimuuliza tena,

“Una mimba Erica?”

Erica bado alikuwa kimya maana alishindwa kumjibu mama yake ingawa ni kwenye simu. Mama yake aliendelea kuongea,

“Erica, kumbuka mimi ni mama yako na unapaswa kuniambia ukweli. Hivi ukinificha mimi utamwambia nani?”

“Sina mimba mama”

“Sasa kwanini hutaki kurudi nyumbani? Erica kama ni mjamzito halafu unanificha utakuwa umetenda kosa kubwa sana, kwanza umenikosea mimi na umemkosea Mungu, unawezaje kupata mimba nje ya ndoa?”

“Sina mimba mama”

“Rudia tu hayo maneno na iwe kweli huna mimba maana ukiwa nayo sijui nitakufanya nini? Erica wewe ni binti yangu wa mwisho, tunahitaji kucheza harusi yako, tusherekee kwa furaha sio uniletee watoto nyumbani kabla ya ndoa. Narudia tena jichunge”

“Nitajichunga mama”

“Sawa, na vipi kuhusu kurudi nyumbani?”

“Nitarudi mama usijali”

Mama yake Erica alimsisitiza sana Erica kuhusu swala la kurudi nyumbani, huku Erica akihofia kuonekana kwao akiwa mjamzito, na yale maneno ya mama yake ndio yalimtisha maradufu hakujua mama yake angemwambia kitu gani pindi akimkuta mjamzito.



Siku hiyo alikuwa akiwasiliana na Rahim kwenye mtandao wa facebook kama kawaida, alishangaa kukutana na ujumbe wa Tumaini,

“Erica, mambo vipi. Nimekumiss jamani, natamani nikuone. Erick alirudi ila tulikutafuta hewani bila kukupata, na hajapenda kusikia nina ugomvi na wewe. Anataka kuona tukicheka pamoja, alikuja na zawadi zako kaniachia nikupatie, sasa je nije kwenu kukuletea”

Erica alisoma mara mbili mbili ila hakumjibu maana alijua kama akimruhusu atagundua kuhusu mimba yake maana kwa kipindi hiko ndio tumbo lilikuwa limejitokeza haswaa, ila alijipa moyo kuwa hawezi kuonana nae sababu haishi nyumbani kwao.

Akiwa amekaa mule kwenye chumba chake alisikia mlango wake ukigongwa, akainuka na kwenda kufungua, akashtuka sana maana mlangoni alimuona Fetty akiwa ameambatana na mama yake Erica.





Akiwa amekaa mule kwenye chumba chake alisikia mlango wake ukigongwa, akainuka na kwenda kufungua, akashtuka sana maana mlangoni alimuona Fetty akiwa ameambatana na mama yake Erica.

Erica hakujielewa kwa muda huo, ila mama yake naye alipiga yowe kama kapatwa na habari za msiba,

“Yereeeee uwiiiii Mungu wangu, Erica mama umeniabisha. Uwiii ndio msomi wangu wewe!”

Huyu mama ilionyesha kachanganyikiwa kabisa, ikabidi Fetty amuingize ndani kwa Erica kwa kuhofia kujaza watu pale nje.

Erica nae kwa upande wake hakujua ni kitu gani atafanya na mama yake, ila wakati mama yake ndio kaingizwa ndani ili waweze kuzungumza wakiwa ndani, Erica alipiga magoti na kutaka kuanza kumuomba msamaha mama yake ila kabla ya kuongea alianza kulalamika tumbo kumuuma na alionekana kuwa na hali mbaya gafla, ilibidi mama yake aache kulia sasa na kuanza kushughulika kumsaidia mwanae, ambapo Fetty alienda kuchukua gari ya kukodi kisha wakaenda hospitali, Erica aliingizwa kwa daktari.

Mama yake alibaki nje akiwa na mawazo sana juu ya mwanae, aliwaza vitu vingi maana mimba zina mambo mengi sana, akachukua simu yake na kupigia dada zake Erica ambao walishangaa pia kwa lile waliloambiwa na mama yao, kisha baada ya muda mfupi nao walifika hospitali alipopelekwa Erica ila mpaka muda huo bado daktari hakutoa majibu yoyote na kufanya wamkute mama yao kuwa na mawazo sana,

“Mama jamani, punguza presha”

“Yani sielewi hapa watoto wangu, sielewi kabisa”

“kwanza imekuwaje mama? Hebu tueleweshe kwa ufupi, najua Mungu atamsaidia mdogo wetu na atakuwa salama”

“Sikilizeni, nadhani niliwapigia simu nikiwaambia kuhusu mwenendo wa mdogo wenu kuwa nasikia washamaliza chuo ila yeye hataki kurudi nyumbani, ila nyie mkapuuzia wakati haya mambo ilibidi yachukuliwe kwa umakini sana, kwakweli nimeona kimya jamani wiki zinapita tu, miezi inapita tu kimya. Leo nikaamua niende chuoni kwao, Mungu mwema nikakutana na huyu binti chuoni sijui alikuwa anafanya nini ila nikamuuliza na kumwambia kuwa mimi ni mama yake Erica, hakutaka kunipeleka anapoishi Erica ila alinihurumia kwani mimi ni mama na pia napaswa kufahamu anapoishi mwanangu. Sasa tumeenda pale, ile kugonga Erica katoka akiwa na mimba jamani, tena mimba kubwa tu, nyie Erica kanivua nguo jamani”

“Mama jamani, punguza presha. Cha muhimu ni uzima wa Erica sio swala la kukuvua nguo. Kwani wangapi watoto wao wanapataga mimba mama? Ni wengi tu, usiwe na presha kiasi hiko”

“Nyie hamjui tu, hivi mjomba yenu akisikia habari hizi itakuwaje? Yani alikuwa akitolea ada mbuzi jamani? Naomba uzima kwa binti yangu ila kanitia aibu sana, na nitamsema sana”

Wakati wanazungumza akaja daktari na kuwaita ili kuzungumza nao,

“Tumejitahidi na kwasasa huyu mgonjwa wenu yuko sawa, kabakiza wiki chache tu kujifungua, naona kuna mshtuko alipata ndiomana hali imekuwa hivi. Tunampa mapumziko hapa hospitali kwa siku mbili tumuangalie hali yake ila tunaomba hata atakaporudi nyumbani asifanye kazi yoyote kwasasa maana yupo kwenye hatari. Pia asipate kitu chochote cha kumpa mawazo yani mkiwa mnaongea nae msiongee nae habari za kushtua maana presha yake haipo vizuri”

Daktari aliwaelekeza pale namna watakavyoishi na Erica na wao wakaelewa.

Basi daktari alivyoondoka wakajadiliana,

“Mama, kwasasa Erica asisemwe chochote mpaka ajifungue. Bora umwngalie tu maana tutakosa vyote mama yangu tutamkosa Erica na mtoto wake, tuwe wapole tu kwasasa”

“Kheee jamani mimba hizi, kwahiyo siruhusiwi kuuliza hata baba wa mtoto?”

“Mama huwezi jua pengine ni jambo litakalompa stress”

“Jamani, mbona mimba zetu haikuwa hivi!”

“Hiyo ni zamani mama, siku hizi kuna mambo mengi yanaingiliana”

Wakaongea pale na kwenda kumuona Erica sasa.



Waliongea nae kwa ustaarabu sana kwani kila mmoja alihofia kumpa matatizo Erica, kisha wakaongea nae kuwa akitoka hospitali wamrudishe nyumbani kwahiyo vitu vya kule alikopanga vihamishwe, naye alikubali kwahiyo dada zake walienda kwa lengo la kuhamisha vile vyombo vya Erica na kuvipeleka nyumbani kwao.

Walipelekwa na Yule Yule Fetty kwenye chumba alichopanga Erica, walifika na kuingia ndani, kwakweli walishangaa vitu vilivyokuwepo mule ndani kwa Erica, kisha wakamwambia Yule Fetty akawatafutie usafiri wa kuhamisha vitu vile. Fetty aliondoka na kuwaacha wakishangaa tu,

“Hivi Bite unaelewa mdogo wangu?”

“Hata sielewi dada”

“Yani huyu Erica kapanga lini jamani mpaka kununua vitu vyote hivi!”

“Tena vya gharama”

“Mmmmh nahitaji kumjua huyo mwanaume aliyempa Erica mimba”

“Sio Yule Bahati kweli!”

“Hapana, Yule alikuwa amechoka sana. Sema hata hivyo tutajua mtoto akizaliwa”

Wakapanga panga vitu kisha Fetty akafika na usafiri, wakasaidiana na vijana wa pale kupakia vitu kwenye gari kisha kuanza safari ya kwenda kwao, kwenye safari zote hizo Fetty alikuwepo hadi nyumbani kwakina Erica, usiku ulishaingia sana, ikabidi walivyofika tu asikae sana na kuaga kisha akaondoka zake.

Ndani walibaki mama yao, Bite na Mage, walikuwa wakiongea tu kuhusu vitu alivyonunua mdogo wao,

“Hivi mama, mwanao kapata wapi hela ya kununua vitu vyote hivi?”

“Hata mimi mwenyewe nashangaa, yani sielewi kabisa”

“Mmmh ngoja tumsubiri huyo mumewe lazima atakuwa bonge la bwana”

Ila mama yao leo katika siku zote hakuwa na furaha hata kidogo yani ile misukosuko ya siku hiyo ilimkosesha amani na furaha kabisa, alijikuta akiwaambia wanae,

“Hao bonge la bwana unafikiri ni waoaji? Hivi kuna muoaji kweli hapa? Mwanaume aweze kukununulia kila kitu cha ndani ila ashindwe kuja kwenu kujitambulisha na kukuoa, kutembea na mwanaume tajiri si ufahari ila ufahari pekee ni kupata heshima ya kuwa mke wa mtu Fulani”

Mage akamwambia mama yake,

“Kheee mama kumbe kuna heshima ya kuwa mume wa mtu hata kama huyo mume akiwa masikini!”

“Hebu nitoleeni mambo yenu kwanza leo nimechanganyikiwa”

Wakaona wakiendelea kuongea watamkera mama yao ikabidi wamuage na kupanga kukutana nae tena kesho asubuhi hospitali kumuona Erica, na walifanya hivyo kwa siku zote ambazo Erica alikuwa hospitali.



Siku hiyo ilikuwa siku ya kutoka Erica hospitali kwahiyo walienda kumchukua na kumrudisha nyumbani kisha alienda moja kwa moja chumbani kwake huku wakimsisitiza asiwaze sana na apate muda wa kutosha wa kupumzika, dada zake waliongea nae maneno mazuri tu kanakwamba hakuna kosa alilolitenda kumbe wanaogopa kuhatarisha maisha ya mdogo wao, kwahiyo walikuwa wanaombea tu ajifungue ili waweze kuongea ya moyoni.

Siku hiyo usiku ndio Erica alipata tena muda wa kushika simu yake maana toka ile siku ya sekeseke hakushika simu kabisa, aliingia kwenye facebook na kukutana na jumbe za Rahim,

“Erica mpenzi, siku ya tatu leo haupo hewani. Tatizo ni nini mama?”

Erica alitabasamu kuona Rahim anaonekana kumjali sana, kile kitendo kilimfanya ajipe matumaini kuwa Rahim anampenda sana na atakuja tu kumuoa,

“Rahim, nilipatwa na matatizo yani leo ndio nimetoka hospitali”

“Usiniambie mimba imetoka Erica!”

“Hapana mimba haijatoka ila nimeambiwa nisifanye kazi ngumu na nisiwe na stress, nimebakiza wiki chache tu kujifungua”

“Erica, tafadhali nakuomba fata ushauri wa madaktari, mwanangu ni muhimu sana huyo. Nakuomba mwanangu asipate madhara yoyote yale Erica, kuwa makini sana maana likitokea baya kwa mwanangu sijui nitakutenda nini, kuwa makini sana na mwanangu”

“Usijali Rahim, kumbuka huyu ni mtoto wetu wa kwanza na tunampenda sana, nipo makini sitaki mawazo ya ajabu ajabu yazingire kichwa changu, ila lini utakuja kunioa?”

“Erica, sidhani kama ni wakati muafaka wa kujadili hilo swala. Sikia, kesho nitakutumia pesa za kufanya maandalizi yako wakati wa kujifungua, kuwa makini na mtoto Erica. Usitembee tembee kwa miguu, uwe unakodi gari, zile hela nakutumia ili unitunzie mwanangu”

“Usijali Rahim”

Erica aliongea kwa uzuri sana na Rahim hata akalala kwa tabasamu na kusahau kabisa kama Rahim huwa anampa ahadi za kuja kesho tu na wala hatokei.

Aliamka asubuhi na kukuta kila kitu akifanyiwa na mama yake tena bila ya kuulizwa chochote sijui kuhusu mwanaume anayehusika sijui kuhusu mambo mambo gani yani hakuna kitu chochote alichoulizwa na ile hali ilimfanya awe katika hali ya kawaida tu na asijione kuwa amekosea sana kubeba ile mimba.

Jumbe za Tumaini kwenye facebook alikuwa akizipotezea tu kanakwamba hazioni kwani hakutaka afanye nae mawasiliano ya kufika kwao maana aliogopa angemuona na ile mimba, halikadhalika hata simu za Babuu alikuwa hazipokei kabisa.



Siku ilifika ambapo alipatwa na uchungu sana, kisha mama yake kumkimbiza hospitali yani hapo ndio akaelewa kwanini mama kaitwa mama maana sio maumivu yale aliyokuwaga anayapata pindi akienda kutoa mimba, yale yalikuwa cha mtoto maana hapo ndio alisikia yale maumivu yenyewe yenye neno la uchungu wa mwana aujuaye mzazi.

Alijikuta akipiga kelele za maumivu bila ya machozi na aliyaugulia yale maumivu kwa muda hadi akabahatika kujifungua, yani alionyeshwa tu mtoto wako huyu hapa halafu hapo hapo akazimia ilibidi madaktari waanze harakati za kumsaidia Erica.

Mama yake alikuwa nje na alikuwa amechanganyikiwa sana, aliona mwanae akitolewa leba na kupelekwa kwenye chumba cha wagonjwa wanaohitaji uangalizi sana, jamani hapo huyu mama alichanganyikiwa zaidi, maana kwanza ndugu zake wengine hakuwaambia kuhusu matatizo ya Erica halafu maswala kama hayo yasiyoeleweka yalizidi kumpa kichaa yani hakujielewa kabisa, aliwapigia simu wanae hovyo hovyo maana alishawaambia kuwa yupo hospitali nab ado walikuwa hawajafika, na walipofika walimkuta mama yao akiwa na hali mbaya sana yani amechanganyikiwa kabisa,

“Mama sasa, usijage hospitali, bora tuwe tunakuja wenyewe sasa unachanganyikiwa hivyo ndio nini? Si tuulize vizuri madaktari kuliko kuchanganyikiwa hivyo”

Wakaona Erica akitolewa kwenye kile chumba cha wagonjwa wa uangalizi maalum na kupelekwa wodini, ikabidi wamuite daktari ili awaeleze vizuri,

“Mtamuona sasa, msijali ni mzima kabisa. Alichoka sana kusukuma kwahiyo alizimia ila yupo vizuri kwasasa na mtoto yupo vizuri”

“Oooh asante Mungu, kajifungua mtoto gani?”

“Hongereni sana, kajifungua mtoto wa kike”

Wakafurahi pale na kumshukuru sana daktari, kisha wakaomba kwenda kumuona Erica na mtoto, waliruhusiwa maana hospitali ile ilikuwa ni ya binafsi kwahiyo haikuwa na masharti mengi.

Walifurahi sana kumuona Erica na mtoto, waliambiwa kuwa Erica ataruhusiwa kutoka kesho yake ili kuangalia vizuri anavyoendelea.

Walimpa mtori pale anywe ambao alibebewa na Mage, kisha walivyomuaga walipanga kumpelekea chakula kingine badae ambapo walimuacha na juisi na matunda kwanza.

Waliondoka na kwenda moja kwa moja nyumbani ili kujadiliana kwa ufupi tu,

“Jamani tumeletewa mwarabu mama, yani Yule kama sio mwarabu basi mpemba”

“Jamani ni utoto tu akikua atabadilika”

“Wapi? Mtoto wa kiarabu Yule, watoto wa Kiswahili wanajulikana bhana, Yule ni mwarabu kabisa. Hebu mama sema”

“Sina usemi mimi ila alipojidumbukiza mdogo wenu sijui nani atamuopoa, kwenda kuzaa na waarabu kweli? Aaah huyu mtoto kanishinda tabia mimi jamani loh! Huyo baba wa kiarabu atakuja kweli hapa nyumbani? Jamani sijui mimi ila mmenidhalilisha mama yenu”

“Usiseme hivyo mama, ngoja tuandae chakula cha mzazi sie, iwe mtoto wa kiarabu au wa kipemba ndio mtoto wetu tuliyepewa na Mungu”

Kiukweli mama yao alikuwa akiwaza tu aibu atakayoipata kwa ndugu zake maana hakujua hata ataweka wapi sura yake kuwakwepa.



Erica alitoka hospitali na kurudi nyumbani ambako aliendelea kupewa vyakula vya mzazi na kuhudumiwa kama mzazi anavyohudumiwa, ni kweli ilikuwa inamuuma sana mama yake ila alijikaza na kumuhudumia mwanae hadi alikuwa katika hali ya kawaida tu, Erica alikuwa anafanya kazi ya kumpiga picha mtoto na kumtumia Rahim ambapo Rahim alionyesha kufurahia sana ujio wa mtoto wao huyo,

“Eeeeh tunamuita nani mama?”

“Kwani wewe unapenda tumuite nani?”

“Chagua tu jina wewe mwenyewe, nimekupa nafasi hiyo”

“Napenda nimuite Angel”

“No, aitwe tu Malaika”

“Ila Malaika na Angel si jina moja jamani kasoro lugha tu”

“Ndio, ila itapendeza zaidi akiitwa Malaika”

“Jamani, mi naona nitapendeza zaidi nikiitwa mama Angel”

“Erica, huoni kama akiitwa Malaika itapendeza zaidi?”

“Basi, mimi nitakuwa namuita kwa kingereza halafu wewe unamuita kwa Kiswahili”

“Jamani mama Malaika, unapenda mabishano eeh! Jina mtoto si aitwe moja tu au nimpe jina la mama yangu”

“Nani?”

“Tumuite Mwajuma maana mama yangu anaiitwa Mwajuma”

“Mwajuma? Ndio jina gani hilo? Mama yako si anaitwa Mrs.Peter jamani, hiyo Mwajuma imetoka wapi?”

“Ndio jina lake, Peter ni jina la mumewe”

“Aaah hilo jina silitaki mimi, mwanangu ataitwa Angel tu”

“Sawa nimekubali hakuna tatizo, ataitwa vile unavyopenda wewe”

Erica aliwasiliana na Rahim ila alikuwa na maswali mengi sana kwenye akili yake kuwa mama yake Rahim kumbe anaitwa Mwajuma, yani akawaza vitu vingi sana ikiwa ni pamoja na jambo la dini kuwa lazima yeye na Rahim kutakuwa na utofauti,

“Mungu wangu sasa atanioaje? Ooooh nimeruka mkojo nimekanyaga mavi, si bora na Bahati aliyeniambia ukweli toka mwanzo jamani, mmmh ila hapana huenda Rahim ni mkristo nitamuuliza tu”

Aliwaza bila ya jibu.



Erica alipomaliza miezi miwili ya uzazi, mama na dada wa Erica walitoka kidogo na kuzungumza kuhusu mtoto wa Erica,

“Jamani wanangu nadhani sasa ni kipindi muafaka cha mimi kumuuliza mdogo wenu kuhusu baba wa mtoto wake au mnasemaje?”

“Ni kweli mama muulize, na hivi mtoto mwenyewe mwarabu sijui baba yake nani?”

“Kanitia aibu mtoto huyu jamani loh! Kazaa mtoto mzuri kweli ila raha ya mtoto awe na baba sio mtoto tunaishi nae hata baba hajulikani, mwezi wa pili huu hatujawahi kumuona baba wa mtoto wala ndugu wa mwanaume. Inamaana huyo mwanaume hana ndugu jamani? Mimi huyu mtoto kanishinda tabia”

“Usilalamike mama, muulize kwanza maana huwezi jua ni kwanini mwanaume hajafika hadi leo”

Wakakubaliana na mama yao pale ili amuulize kisha walipoaga na kuondoka ndipo mama yao alipomuita Erica na kuanza kuongea nae.

“Haya Erica mwanangu, najua sijawahi kukuuliza wala hatujakaa tuongee, niambie huyo baba wa mwanao yuko wapi na atakuja lini hapa nyumbani?”

“Yupo Marekani, na amesema atakuja tu”

“Kwahiyo ni Mmarekani?”

“Hapana, yupo kule kimasomo tu ila ni wa hapahapa”

“Haya, anaitwa nani?”

“Anaitwa Rahim”

“Kheee Rahim? Mwanangu jamani mwanangu wewe, akili yako ikoje jamani? Kumbe ni Mwislamu”

“Ni Mwislamu!”

“Inamaana hujui au? Yani msomi mzima unashindwa kutofautisha dini kwa majina? Wewe wa wapi wewe?”

“Sikujua kama ni Mwislamu mama”

“Haya sasa, wewe na yeye mtafunga ndoa gani? Usije ukaniletea uwehu wa kubadili dini, yani nyie watoto wa kike jamani mpo kama mafungu ya nyanya, mtu akitaka kupika mchuzi haya, akitaka kukatakata kachumbari haya, akitaka kutengeneza chachandu haya. Hivi ulishindwa kuchagua maisha uyatakayo? Unajifanya kushangaa hapa, unashangaa nini sasa?”

Erica alikuwa kimya tu kwani kama hakuelewa elewa vile, mama yake aliendelea kuongea,

“Erica, narudia kukuita Erica, ukithubutu kubadili dini sahau kuwa mimi ni mama yako. Yani utajua mwenyewe utakachofanya na huyo mpemba wako ila ukithubutu kubadili dini Erica, nisahau kabisa. Umenitia aibu wewe mtoto na wala sikutegemea jamani aaah!”

Erica alikosa raha kabisa kwani alizidi kupata picha kuwa amekosea sana kumuamini Rahim na kuacha mahusiano yake yaliyopita, kwa muda huo alimuona Bahati kuwa ndiye mtu pekee aliyekuwa anajieleza kwa ukweli kwake, sasa atafanyeje kuhusu Rahim, alihisi kuchanganyikiwa.

Usiku ulipofika aliwasiliana na Rahim na kuanza kumdadisi kuhusu kuoana yeye na Rahim,

“Halafu Rahim kumbe mimi na wewe tumetofautiana dini?”

“Ndio, kwani ulikuwa hujui”

“Nilikuwa sijui Rahim”

“Kwahiyo ungejua ungenikataa? Mapenzi hayana dini Erica”

“Sawa nakubali mapenzi hayana dini, ila je utanioa kwa ndoa ya aina gani?”

“Upo tayari kubadili dini nikuoe?”

Hilo lilikuwa ni swali la utata kwa Erica na kumfanya achanganyikiwe zaidi.





Usiku ulipofika aliwasiliana na Rahim na kuanza kumdadisi kuhusu kuoana yeye na Rahim,

“Halafu Rahim kumbe mimi na wewe tumetofautiana dini?”

“Ndio, kwani ulikuwa hujui”

“Nilikuwa sijui Rahim”

“Kwahiyo ungejua ungenikataa? Mapenzi hayana dini Erica”

“Sawa nakubali mapenzi hayana dini, ila je utanioa kwa ndoa ya aina gani?”

“Upo tayari kubadili dini nikuoe?”

Hilo lilikuwa ni swali la utata kwa Erica na kumfanya achanganyikiwe zaidi.

Ila aliamua kumuuliza tena Rahim,

“Hivi hakuna njia nyingine ya mimi na wewe kuoana zaidi ya kubadili dini?”

“Unadhani tunaweza kuoana kwa njia gani?”

“Si kuna ndoa za bomani Rahim!”

“Ndoa za bomani kwangu ni haramu, Erica kubali kubadili dini nikuoe”

“Ngoja nifikirie basi”

“Ila sio swala la kufikiria sana, ni swala tu la kutolea maamuzi. Kama unahitaji kuishi na mimi basi kubali kubadili dini nikuoe”

Kwakweli Erica aliona wazi kabisa ndoto yake ya kuolewa na Rahim imekufa maana Rahim kashasema hawezi kumuoa hadi abadili dini na mama yake kashasema kuwa akibadili dini basi asahau kuwa yeye ni mama yake yani hapo akashikwa na mkanyiko wa mawazo sana.

Alimuangalia mwanae na kuamua kulala tu kwani kwa vyovyote vile Yule atabaki kuwa mtoto wake,

“Angel wangu, niolewe au nisiolewe ila nitakupenda daima”

Alimkumbatia mwanae na kulala.



Palipokucha kama kawaida alikuwa wa kwanza kuamka maana kipindi hiko mtoto anaamka mapema sana kwahiyo kwa vyovyote vile aliamka na kuanza kumnyonyesha mwanae na kumuweka katika hali ya usafi. Kama kawaida mama yake alifika na kuanza kumuogesha mjukuu wake, alipomaliza alimvalisha kisha Erica alimnyonyesha na mtoto kulala.

Mama Erica alianza tena kuzungumza na binti yake,

“Vipi kuhusu huyo mwanaume wako hujanijibu?”

“Sielewi mama”

“Huelewi nini sasa?”

“Sikujua kama Yule mwanaume ni Mwislamu mama”

“Haya umejua sasa, una mpango gani?”

“Sijui mama, itakuwaje?”

“Yani wewe mtoto tumekusomesha bure tu, ndiomana serikali ilikunyima mkopo maana akili zako walishaziona kuwa hazimo, masikini kaka yangu kajitahidi kwa uwezo wake wote kuhakikisha unasoma halafu leo aje asikie umezaa na mwarabu sijui mpemba halafu upo upo tu hata huelewi cha kufanya”

“Ila mama unanilaumu bure tu, wewe ndio uliyesababisha yote kwenye maisha yangu. Ulisema nichague mwanaume mwenye hela”

“Nilikutuma mimi ukapanue miguu yako kwa huyo mpemba wako? Nilikutuma? Hebu Erica uwe na akili muda mwingine, ndio nilisema utafute mwanaume mwenye hela, je nilisema ukimpata ukalale nae mzae watoto kabla ya ndoa? Mambo mengine ni ya kujiongeza tu, maisha ni wewe mwenyewe unavyoyachagua na sio watu wanavyosema, wewe msomi mzima hujui hili ni zuri au baya? Nilikwambia utafute mwanaume mwenye hela ndio, ila sikuwa na maana mbaya, sikutaka mwanangu upate shida kwenye ndoa yako sababu mimi nishapitia ila sikukwambia ukabebe mimba kabla ya ndoa. Au uliambiwa ukizaa na mwanaume ndio kigezo cha mwanaume huyo kukuoa? Unajua Erica bora hata ungekuwa mkubwa sana ningesema mwanangu kaona umri umeenda kaamua kuzaa, mwanangu ndio kwanza una miaka 23, dah umenitia aibu sana. Haya sasa huyo mpemba ana mpango gani?”

Erica aliona hata aibu kumjibu mama yake kuwa Rahim kamwambia abadili dini maana aliwaza kuwa ataanza njia gani kumueleza hayo wakati kashakatazwa yani alikuwa njiapanda haswaa, kwavile hakumjibu tena mama yake aliamua kuondoka zake kuendelea na kazi zingine maana aliona ni kama kumpigia mbuzi gitaa.



Siku hiyo walifika dada zake na wao wakaongea nae kuhusu swala lile lile la baba wa mtoto wake, walikaa chini na kuongea na mdogo wao.

“Erica tulijua baada ya kutenda kile kitendo cha kukutoa mimba ungejifunza mdogo wetu, hivi huyu mtoto ulipanga au ni vipi?”

“Ni bahati mbaya dada”

“Bahati mbaya? Yani tuseme Erica hukujua hata nji za uzazi wa mpango jamani!”

“Nilikuwa najua dada zangu, ila kwa maoni ya watu wengi walisema kuwa ukitumia njia za uzazi wa mpango unaweza usizae maisha yote”

“Yani na wewe msomi unasikia na kuamini hizo stori za wadada wa mitaani?”

“Hapana dada, ila kuna watu kabisa nilikuwa na ushahidi nao ndiomana sikuweza kutumia, walisema ni afadhali uzae kabisa ndio utumie:”

“Sasa utatumia kwasasa wakati ushakosea?”

“Msinikandamize dada zangu, nakubali kuwa nimekosea ana ila msinikandamize kiasi hiko”

“Hatukukandamizi ila unampa mawazo mama ujue, raha ya mtoto ni awe na baba, sasa mtoto wako unabaki kusema tu baba yake yupo yupo, yuko wapi?”

Akadakia Bite na kusema,

“Hatuwezi sema ni Yule kijana wa watu maana mtoto hamfananii hata chembe, tuambie Erica baba wa mtoto ni yupi na una mpango nae upi?”

Yani Erica aliona ndugu zake wakimpa kizunguzungu tu, na usiku ulipofika alijaribu kuwasiliana na Rahim ila msimamo wa Rahim ulikuwa pale pale kuwa Erica abadili dini amuoe, yani swala la kubadili dini kwa Erica lilikuwa kizunguzungu sana kwani hakutaka kumkosa Rahim na muda huo huo hakutaka kumkosea mama yake.

Na kila siku mama yake alimwambia jambo moja kuwa amlete kijana aliyezaa nae amfahamu,

“Hata kama hamna ndoa, basi nimfahamu Erica, mlete huyo kijana nimfahamu”

“Nitamleta mama”

“Yani wewe mtoto hujielewi kabisa, hujielewi Erica, umeharibu maisha yako ukiwa na miaka 23 tu. Ijui unategemea lini huko mbele ya safari”

“Mama jamani”

“Sio mama jamani, umlete huyo mjinga mwenzio ambaye mlishindwa kufikiria hadi mkazaa sijui unataka kumuweka mtoto kwenye kundi gani?”

“Atakuja mama”

Yani kichwa cha Erica kilivurugwa haswaa kwani kila akimuuliza Rahim kuwa anarudi lini alipewa jibu moja tu kuwa nitakuja usiwe na wasiwasi.



Kadri alivyoulizwa na mama yake kuhusu baba wa mtoto wake ndivyo alivyozidi kupatwa na mawazo mbalimbali hadi kufikia hatua ya kuwa na mawazo yasiyofaa,

“Yani dunia nzima, mkosa ni mimi tu natamani hata kufa kwakweli”

Alichukua simu yake na kuingia kwenye mtandao wa kijamii, wakati anaperuzi tu akakutana na makala yenye kichwa “HAKUNA SABABU YA KUJIUA, MAISHA NI MATAMU SANA. UKIANGUKA INUKA NA USONGE MBELE” alivutiwa na makala ile na kuanza kuisoma, kwakweli iliandikwa vitu vilivyogusa maisha yake, kuna mahali alisoma,

“Unapoamua kujiua, fikiria kwanza unaowaacha, unawaacha vipi? Unaweza kuamua kujiua sababu ya mtu mmoja kakuudhi ila unaacha watu milioni moja wanaokupenda sana na wanapenda uwepo wako. Unaweza kujiua sababu kuna jambo limekukera ila fikiria maisha kuna mambo mangapi mazuri ambayo Mungu ametuzawadia? Jambo moja tu likufanye ukose maisha na mbingu? Ukianguka usiwaze sana ila inuka na usonge mbele, usikubali kilichokuangusha kikuangushe tena. Fikiria watoto unaowaacha, wazazi, marafiki wanaokupenda, ndugu, majiraniwA wanaokupenda. Kwanini ujiue na kuacha wote hawa na simanzi? Ni dhambi kubwa sana kufikiria kujiua, kumbuka Mungu katupa uhai na pumzi bure tu, kwahiyo anatupenda sana na atakusaidia utoke kwenye hiyo hali inayokupa wazo la kujiua”

Erica hii makala ilimuingia akilini sana, akamtazama mtoto wake Angel na kuona kweli ana sababu ya kuendelea kuishi kuyapigania maisha ya Yule mtoto mdogo asiye na hatia.

Leo nyumbani kwao kulifikwa na ugeni, alifika mama Derick ambaye alipoelezwa na Mage kuwa Erica ana mtoto alipenda kwenda kumsalimia, na kwa bahati muda aliofika mama yake Erica hakuwepo alikuwa ameenda kwenye vikoba vyake, Erica alimkaribisha na kumsalimia.

“Kumbe kwetu unapafahamu?”

“Napafahamu ndio, nimewahi kuishi hapa ujue”

“Aaaah karibu sana”

“Asante, niliwasiliana na Mage, akasema una mtoto nikaona ni vyema kuja kukuona”

“Mmmh inamaana na Derick anajua kama nina mtoto?”

“Hapana, unajua Derick alisafiri. Hajui chochote, kwani hutaki Derick ajue?”

Erica alicheka tu ila kiukweli hakutaka Derick ajue kwani alijua kama habari ikifika kwa Derick basi yeyote atakayekutana nae atamueleza kuhusu yeye, kwahiyo alitafuta kauli ya kumdanganyishia mama yake Derick kuwa asimueleza Derick kuwa ana mtoto,

“Basi mama, usimwambie Derick”

“Kwanini?”

“Nataka siku akikutana na mimi ashangae tu, yani iwe ni kitu cha kushangaza kwake. Asijue kwasasa”

Mama Derick aliitikia kisha akamuomba Erica akamlete mtoto ili amsalimie, Erica alienda kumtoa mtoto ndani na kumpa mama Derick, ambaye alimuangalia kwa muda na kusema,

“Umezaa mtoto mzuri sana Erica, hongera kwa hilo. Ila huyu mtoto sio mswahili eeh!”

Erica akacheka na kumuuliza,

“Kwanini unasema hivyo?”

“Namuona ni mtoto wa kipemba”

Erica akacheka, kisha mama Derick akaendelea,

“Baba yake yuko wapi?”

Kiukweli swali la baba wa mtoto lilikuwa linamkera sana Erica na kumkosesha raha kabisa, ila aliamua kuongea kikubwa kwa mama Derick kwani anajua kuwa hata huyu mama ameshawahi kupitia changamoto za mapenzi, kwahiyo alihisi pengine anaweza akampa mawazo mazuri,

“Baba wa mtoto yupo, ila nimetofautiana nae dini na ameniambia nibadili dini ndio anioe”

“Nilihisi tu mtakuwa tofauti dini, ila Erica ngoja nikwambie kitu. Usibadili dini sababu ya mapenzi yani usithubutu kabisa kubadili dini sababu ya mapenzi”

“Kwanini?”

“Sikia nikwambie, dini ni mambo ya imani halafu ni kitu kikubwa tofauti na sisi tunavyokichukulia. Dini inabadilishwa ikiwa moyo wako umeridhia yani umesikia mafundisho ya dini nyingine, umeyaelewa ndio unabadilisha ila sio kubadilisha sababu ya mapenzi. Ni kazi bure kubadili dini sababu ya mapenzi kwanza ukumbuke hiyo dini utaenda tu ila kiukweli haipo kwako, kwahiyo utakuwa unajidanganya mwenyewe. Badili dini kwa maamuzi yako binafsi ila sio mapenzi”

“Sasa mwanaume anasema nibadili dini ndio anioe”

“Erica kama mwanaume hataki kukuoa huwa wanatafuta sababu nyingi sana, kwamaana hiyo unaweza kubadili dini akakuoa kisha akakufanyia mambo ya ajabu. Mimi nina mifano iliyo dhahiri na pia najiona nilikosea sana. Mimi ni Mwislamu yani nimelelewa katika maadili ya dini tu ila mwanaume wa kwanza kuzaa nae alikuwa Mkristo na aligoma kunioa kwa kigezo cha dini ingawa kwa kipindi hiko nilikuwa tayari kugombana na wazazi wangu ili nibadili dini niolewe na Yule mwanaume, nikaanza kufata mambo yote wakristo wanayoyafanya, nilianza hadi kwenda kanisani mimi, nikabatizwa kisiri bila familia yangu kujua kisha nikamwambia Yule mwanaume nimekuwa mkristo na tuoane ili tulee mtoto pamoja ila mwisho wa siku mwanaume akazingua na kuoa mwanamke mwingine. Niliumia sana na kuona kama dunia imenitenga, nikarudi kwa wazazi na wakanisaidia kumlea Yule mtoto, ndipo nikapata mwanaume wa kuishi nae ambaye pia alihitaji nimzalie mtoto. Nikazaa mtoto, nikamuomba tuoane. Yule mwanaume alikuwa ni Mwislamu kama mimi ila alipodokezewa na watu kuwa mimi nimewahi kubadili dini aliniacha na kusema hawezi kuoana na mwanamke kigeugeu, nikaumia sana na hata hivyo hakumpenda kabisa mwanangu wa kwanza. Ndio kwenda nikampata baba yenu Jose, akaahidi kunioa, nikamuuliza wewe ni mkristo utawezaje kunioa na mimi wakati una mke? Akaniambia nisiwe na shaka kwani kuna wakristo wanaishi na wake wawili, akanitaka nibadili dini, nikabadili tena yani kwa kifupi sikuwa na msimamo ila naye ndio yakanitokea yale yaliyonitokea. Erica, msimamo ni kitu chema sana katika maisha, usipende udhaifu ulikuangusha uendelee kukuangusha, yani ule udhaifu chukulia kama changamoto katika maisha yako. Mimi nilifanya makosa sana sababu sikuwa na msimamo, ukikosa msimamo maisha yanakuwa ni machungu sana. Ushakosea ndio ila sio mwisho wa maisha yako, chagua maisha uyatakayo sasa, usikubali kubadili dini sababu ya mapenzi”

Gafla mama yake Erica akaingia ndani, ila cha ajabu alikuwa akitabasamu sana, kisha alianza kuongea,

“Nilichungulia kwanza na kukuona ni wewe, nilishikwa na gadhabu ya hali ya juu, ila niliposikia ulichokuwa ukimshauri mwanangu kwa hakika kimenigusa sana. Nakushukuru mdogo wangu, umemshauri jambo jema mwanangu”

Kisha mama Derick akainuka na kukumbatiana na mama Erica, huku wakiongea mambo mbalimbali kanakwamba hawajawahi kugombana katika maisha yao yote, mama Erica alizidi kumshukuru mama Derick kisha akamuuliza,

“Ila kwanini umemshauri Erica asibadili dini ikiwa ni dini yako? Huoni kama utaongeza muumini?”

“Sikia dada, dini ni zaidi ya tunavyoitafakari, unatakiwa kuhamia dini nyingine kwa kuamua kutoka moyoni sio sababu ya mapenzi. Kubadili dini sababu ya mapenzi ni kumchezea Mwenyezi Mungu na kukosa msimamo, akija huyu utamfata, akija huyu utabadili tena, dhana ya kusema mwanamke hana dini tuiache. Inasemekana hivyo sababu inajulikana mwanamke hana msimamo, ila tungekuwa na msimamo basi isingesemekana kuwa mwanamke hana dini. Mimi naamini kuwa kama mtu anakupenda kweli basi ndoa mtafunga nae tu, mbona za bomani zipo? Mkiishi ndani na kuiona dini ya mwenzio nzuri, umeielewa vizuri unaweza kuifuata ila sio kufuata sababu ni lazima kufuata yani utajikuta hutendi vile inavyopaswa kutenda. Tufikie hatua ya kubadili dini ikiwa tumeielewa vyema dini tunayoiendea”

“Kwahiyo kwasasa wewe ni dini gani?”

Mama Derick alicheka kisha akasema,

“Nilirudi kwenye dini yangu, niliomba toba basi nikarudi, najua nilikosea sana na ndiomana nasema ili mwingine asikosee kama mimi. Maisha yanataka msimamo, ila ukikosa msimamo tu basi utasumbuliwa sana na maisha, sikuwa na msimamo mimi jamani yani kipindi kile hata mpagani angetokea basi ningemfata yani maisha niliona yamenibadilikia kabisa. Ila saivi nina misimamo yangu yani sitaki kutetereshwa”

“nashukuru kwa ushauri wako kwa binti yangu, Erica umesikia ushauri huo sasa ole wako ubadili dini”

“Dada usimwambie hivyo, unatakiwa tu kumfundisha, unajua unapomwambia ole wako usibadili dini bado hujafanya kitu. Ila mpe mafundisho ya dini yako ilia pate ugumu kwenye nafsi yake mwenyewe akifikiria swala la kubadili sio ole wako usibadili, bado hujafanya kitu hapo. Wanawake sie akili zetu tunazijua wenyewe yani, unatakiwa tu uwe mpole dada yangu”

“Nimekuelewa”

Wakaendelea na maongezi mengine hadi pale mama Derick alipoaga, Erica aliamua kumsindikiza kidogo ambapo huyu mama aliendelea kumshauri,

“Erica kutenda kosa si kosa bali kurudia kosa, usije ukasubiri kurudia makosa, umeshatenda kosa angalia mstakabali wa maisha yako”

“Sasa sitaolewa?”

“Kama huyo mwanaume anakupenda basi atakuoa tu bila kujali dini, na pia usijiwekee kuwa asipokuoa ndio mwisho, huyo ni mmoja tu ila kuna wengi wanaotamani uwe mke kwahiyo usikate tamaa”

“Nashukuru kwa ushauri wako”

Akaagana nae kisha Erica akarudi ndani kwao.



Erica akiwa amekaa nyumbani, leo kwa mara ya kwanza aliamua kumpigia simu Bahati maana ni muda mrefu hakuwasiliana nae. Yeye ndio mwenye namba za Bahati ila Bahati hana namba zake sababu alibadilisha, kwakweli Bahati alihisi hata kuchanganyikiwa ile kuzungumza na Erica,

“Kwa hakika ningekuwa Dar, basi leo ningekuja nyumbani kwenu kukusalimia yani nimefurahi sana Erica”

“Uko wapi kwani?”

“Nipo Tanga, kuna mzigo nimeufata ila nikirudi tu Dar nakuja kwenu”

“Sawa, ila ngoja nikuulize jambo. Mimi mkristo na wewe Mwislamu hivi tukitaka kuoana tutaoana kwa ndoa ipi?”

“Erica jamani, hapo si ndoa ya bomani tu. Upo tayari nije nikuoe Erica”

“Hapana, nimekuuliza tu”

“Jamani Erica, unaumiza moyo wangu ila najua ipo siku tu utakubali niwe mume wako”

Basi Erica alikata simu huku akiwaza kuwa endapo Bahati akigundua kuwa ana mtoto itakuwaje? Alijikuta na mawazo pia, ila akaendelea kujipa imani kuwa kuna muda Rahim atafikiria pia kufunga nae ndoa bomani.

Akiwa kule chumbani, alimuona mama yake alifika na kumuita,

“Erica, kuna mgeni wako”

Ikabidi ajiandae na kutoka nje ili kuangalia ni nani huyo mgeni.

Alifika na kushangaa kuwa mgeni mwenyewe ni Babuu,

“Nimeona kimya sana Erica, leo nimeamua kujitoa muhanga na kuja kwenu”

“Karibu”

Muda kidogo mtoto wa Erica akaamka na kuanza kulia, mama yake Erica alifika sebleni na kumwambia Erica,

“Kanyonyeshe mtoto kaamka huko”

Ikabidi Erica aende ndani kumnyonyesha mwanae, Babuu alikuwa akishangaa tu kuwa Erica ana mtoto.

Baada ya muda Erica alirudi na kumtoa Babuu nje kwani hakutaka Babuu amuone mtoto wake,

“Erica umenitoa nje ili nisijue kama una mtoto jamani! Ila mbona nimesikia mama akisema ukamnyonyeshe, Erica unaficha hata mtoto. Kamlete basi nimuone”

“Kalala”

“Haya, si ulisema utazaa ukiolewa, kikowapi sasa? Erica si bora hata mimi ningekuoa kwanza ndio nikuzalishe, huyo mchumba uliyesema unae ndio kakuzalisha kabla ya ndoa? Pole ila atakuoa tu, nilikupenda sana Erica dah na bado nakupenda”

“Sema kilichokuleta uende”

“Jamani Erica usiwe na hasira hivyo, nilipita kukusalimia tu. Leo nilikuja mitaa ya huku kwenu kuna ukumbi wa harusi nilikuja kuuangalia maana ndio tumeshauriwa tutumie ukumbi huo”

“Harusi ya nani? Unaoa?”

“Hapana, mimi kuoa bado. Unakumbuka siku ile uwanja wa ndege ulinikimbia, sasa nilikutana na ndugu yangu Yule niliyekusimulia ndio anaoa”

Erica alihisi kama tumbo la uzazi linamcheza na kuuliza kwa makini,

“Anamuoa nani sasa?”

“Yani wanaume sisi dah! Yule jamaa kachezea mabinti wengi sana, halafu anakuja kuoa msichana mwingine aliyetunziwa. Binti mwenyewe anakaa kwa mama yake, anaitwa Salma”

Yani hapo alihisi kama tumbo la kuendesha limemshika gafla.





Erica alihisi kama tumbo la uzazi linamcheza na kuuliza kwa makini,

“Anamuoa nani sasa?”

“Yani wanaume sisi dah! Yule jamaa kachezea mabinti wengi sana, halafu anakuja kuoa msichana mwingine aliyetunziwa. Binti mwenyewe anakaa kwa mama yake, anaitwa Salma”

Yani hapo alihisi kama tumbo la kuendesha limemshika gafla.

Badiliko la Erica hata Babuu alilifahamu na kufanya amuulize kwa makini zaidi,

“Erica sikuelewi nini tatizo?”

“Sijisikii vizuri, kwaheri”

Akamuacha Babuu pale nje kisha yeye akaingia ndani kwao, moja kwa moja alienda uwani kwanza maana alihisi tumbo lake si zuri. Na alipotoka aliingia chumbani kwake na kujifungia mlango ambapo alilia sana, yani alilia kupita siku zote alizowahi kulia sababu ya mapenzi,

“Hivi wanaume kwanini mpo hivi jamani? Yani umeniharibia maisha, umenizalisha mtoto halafu leo unaoa msichana mwingine kweli? Kwanini mimi nina kasoro gani? Kwanini wanaume wote hawawi na moyo kama wa Bahati, mbona Bahati ana upendo sana jamani?”

Erica alikosa raha kabisa, na alikuwa analia tu hata anamnyonyesha mwanae huku akilia kiasi kwamba mama yake alihisi kitu na kwenda kumgongea mlango kwani alivyoufungua aligundua kuwa umefungwa.

Erica alifuta machozi na kwenda kumfungulia mama yake,

“Mwanangu, umejifungia mwenyewe chumbani. Ila kujifungia chumbani sio vizuri, hebu njoo na sebleni kidogo na mtoto”

“Sawa nakuja mama”

Kuna jambo mama Erica alilielewa kutokana na ile sauti ya Erica, kisha alimuangalia mwanae kwa simanzi sana na kwenda kumbeba mjukuu wake kisha kumwambia Erica amfate sebleni.

Erica alienda sebleni alipo mama yake, Yule mama alimshika vizuri mtoto wa Erica kwa mtindo wa kumrusha rusha akisema,

“Mjukuu wangu mzuri mwenyewe yani anastahili kuitwa Angel, huyu mtoto ni mzuri mwanangu yani kazuri sana. Hivi Erica umeuona kweli uzuri wa mwanao huyu?”

“Ndio mama, ni mzuri ndio ila naikumbuka kauli yako bado kuwa uzuri wa mtoto haujakamilika kama hana baba”

“Ndio, mtoto anatakiwa kuwa na baba na mama ila mtoto anapokosa baba inaashiria nini? Prngine mama humjui baba wa mtoto au baba kamkana mtoto wake, ila kwa yote ni mtoto kulelewa kwenye maadili yanayofaa ingawa akiwa na baba inapendeza zaidi. Kwani baba yake kasemaje?”

Erica alikuwa kimya tu hakumjibu mama yake, kisha mama yake akaendelea kuongea,

“Erica, inaonyesha ulikuwa unalia. Haya nini kinachokuliza?”

“Hapana mama silii”

“Erica usinifiche nakujua vizuri sana, mwanangu ni kweli umefanya makosa na umenitia aibu sana ila ni wakati sasa wa kuongea na huyo mwenzio ili tujue mstakabali wake kuhusu huyu mtoto. Sasa ukilia Erica inasaidia nini? Hapa tunaangalia maisha ya huyu Angel, kuna leo na kesho mtoto anapaswa kumujua baba yake, usifikirie ninavyokuuliza uliza sikupendi, tena nakupenda sana sana mwanangu hujui tu”

“Nimekuelewa mama”

“Kama unanielewa basi usikazane kulia ila kazana kumwambia huyu mwanaume afike hapa nyumbani, najua mwanangu wewe sio malaya kiasi cha kutokumjua baba wa mtoto wako. Ni dhahiri unamtambua naye pia anajua, basi tumia elimu yako kumfanya aje hapa nyumbani”

“Sawa mama”

Erica aliitikia ila alijua yote anayotasema mama yake hayawezekani maana mwanaume mwenyewe ndio amepata taarifa kuwa anataka kuoa.



Usiku ulipofika Erica aliingia kwenye mtandao wa kijamii ili awasiliane na Rahim, aliamua kupiga moyo konde na kumuuliza muhusika, kwani alipenda kufahamu mbichi na mbivu kutoka kwenye kinywa cha muhusika. Kwa kipindi hicho haikuwa kama zamani kwani mawasiliano yake na Rahim yalipungua wakati kuna muda hadi alikuwa akimtafuta kwenye simu ya kawaida ila sio kwa kipindi hiki yani Erica ndio alikuwa akimvizia ili akimuona hewani kwenye facebook basi awasiliane nae, na kwa bahati siku hiyo alimkuta hewani na kumsalimia kisha kuanza kushusha makala yake ya malalamiko,

“Hivi Rahim kipi nilichokutenda kibaya mimi mpaka kunifanyia hivi? Ulishindwa kusema kuwa Erica nipo na wewe tu ila sikuoi? Hivi kweli mimi ni wa kusikia kuwa Rahim unaoa? Tena unamuoa Yule Yule Salma uliyesema umetafutiwa tu hata humtaki? Rahim, hukutaka niwe karibu na mama yako sababu hukutaka nijue ukweli kuhusu mambo unayoyafanya. Rahim wewe wa kunichezea mimi na kuniacha kweli jamani? Liko wapi neno ulilokuwa unasema siku zote kuwa Erica nakupenda sana? Ulisema nibadili dini kama njia tu ya kufanya kuwa imeshindikana kunioa sababu ya dini ila kiukweli ulishapanga yote haya. Umeniumiza Rahim ila Mungu atanilipia”

Alimtumia huo ujumbe huku akisubiri jibu kutoka kwa Rahim, alitegemea atajibiwa makala pia, ila alijibiwa kwa kifupi tu,

“Erica, sikuelewi”

Erica alishikwa na hasira sana na kumuuliza huku akiwa na jazba,

“Hunielewi nini Rahim wakati unaoa?”

“Namuoa nani?”

“Si unamuoa Salma”

“Hizo habari nani amekupa?”

“Unadhani duniani kuna siri? Hakuna siri duniani, mambo yaote yako wazi, najua kama unaoa Rahim ila ulichonifanyia sio sawa”

“Erica, usipende kusikiliza maneno ya watu. Sasa mimi kama naoa nikufiche ili iweje? Kipi naogopa kutoka kwako, usinikere bhana. Kwanza ni usiku sana saa hizi huko hebu lala, unanitesea mwanangu na masimu simu yako”

Erica alisoma huu ujumbe mara mbili mbili na kuona kweli thamani yake imeshuka maana Rahim hata hakujali kuhusu maumivu yake ya moyo zaidi ya kumtaka alale, kiukweli Erica hakuweza kulala kabisa sababu ya mawazo kwani aliwaza sana bila ya kuwa na majibu na alijiona kama kuna kitu kimepunguka katika maisha yake.

Aliendelea kuperuzi facebook ingawa Rahim hakuonekana tena hewani toka muda aliomwambia alale, wakati anaperuzi akakutana na mtu kaandika,

“Yani mimi mwanaume akijifanya anafanya siri eti rafiki zake wasinijue sijui ndugu wasinijue, yani siku nafika mbele yao namuaibisha balaa, na siku hiyo ndio atajua kichaa changu vizuri. Anikatae mbele ya hao asiotaka wanijue”

Akakuta kuna watu wamesapoti wangine wakicheka, wengine wakisema ndio kukomesha wanaume, yani aliona kila mmoja na wazo lake ila mawazo ya wengi yalikuwa yakusapoti kile kilichoandikwa, nay eye alijikuta akipata wazo jipya pale pale,

“Hivi kwanini nisiende hiyo siku ya harusi nikamuaibishe Rahim? Yani naenda na mtoto, hapo ndio watanijua vizuri, kila mmoja kwao atajua kuwa nimezaa na Rahim”

Ila akawaza pia kuwa atajuaje ratiba za ndoa ya Rahim? Aliona ni vyema kama atauliza kwa ujanja ujanja kwa kupitia Babuu ili ajue vizuri. Ila wakati ameafikiana na hilo wazo lake sasa, aliweza kupata moyo wa kulala.

Kulipokucha aliamua kumpigia simu Babuu ili kumuuliza hiyo sherehe ya ndugu yake ni linin a inafanyika ukumbi gani,

“Erica, kwani vipi? Unataka kuhudhuria?”

“Kwani vibaya nikihuduria?”

“Sio vibaya, ila niambie kwanini unataka kuhudhuria?”

“Babuu, mimi napenda sana vyakula vya kwenye sherehe halafu pia napendaga kuona watu wakicheza kwenye sherehe. Sijapata tu nafasi ya kuhudhuria sherehe mbali mbali ila napenda ndiomana nimekuuliza, hutaki nije jamani?”

“Basi hakuna tatizo, nitakuelekeza Erica. Na kama ukifika ukazuiliwa nipigie simu nitakuingiza”

Basi Babuu akamtajia sehemu hiyo sherehe itakuwepo, tarehe na muda, na Erica alimshukuru sana ila tu hakujua kuwa Erica ana mpango gani.

Baada ya hapo, Erica aliona sasa mpango wake wa kumuaibisha Rahim utatimia maana ataenda moja kwa moja kwenye harusi yao.



Ilikuwa siku ya kumpeleka mwanae kliniki, kiukweli kwa siku zote za kumpeleka Yule mtoto wake kliniki alikodi gari kwani hakutaka mtu yeyote amuone, na alienda hospitali ya mbali na kwao kwani hakutaka hata kukutana na jirani yao na akagundulika kuwa ana mtoto kwani wengi watajiuliza kuwa harusi vipi, na siku hiyo kama kawaida alimpigia simu dereva wa gari za kukodi kisha kujiandaa na kusubiria afike ili ampeleke mtoto wake kliniki.

Wakati anatoka na lile gari, akamuona Tumaini akiwa amebeba pochi na boksi na alionekana kama anaelekea nyumbani kwao, alijiuliza sana

“Yule Tumaini anaenda kwetu kufanya nini? Au ndio zile zawadi alizosema ni Erick amenipa? Mungu wangu jamani, akijua kama nina mtoto itakuwaje? Erica mimi dah!”

Akachukua simu na kumpigia simu mama yake,

“Mama, kuna rafiki yangu nimemuona anakuja hapo nyumbani, nakuomba usimwambie chochote kama nina mtoto. Tafadhali mama yangu”

“Hadi kwa rafiki zako unaficha?”

“Nakuomba mama usimwambie”

“Kwahiyo nimwambie umekwenda wapi?”

“Mwambie nimeenda kwa dada, nitarudi kesho ili aondoke mapema. Akishaondoka unipigie simu nirudi nyumbani”

“Hahaha wewe mtoto loh! Unanifundisha mamako uongo kama wako”

“Nisaidie mama, nakuomba”

“Haya sawa”

Kisha Erica akakata ile simu na kuendelea na safari yao ya kliniki, alifika na kushuka na mwanae kisha Yule dereva kuondoka, yeye akampeleka mtoto kliniki na kumaliza mambo ya vipimo vya mtoto.

Wakati anatoka kliniki akiwa anataka kutafuta usafiri wa kumrudisha nyumbani kwao, akashtuka akishikwa bega, alipogeuka alikuwa ni Rehema rafiki wa dada yake, ambaye amewahi kumpa ushauri pindi anasoma kuwa asiendekeze wanaume,

“Kheee Erica kumbe una mtoto?”

Erica alikuwa kimya tu kwani kama alikumbwa na bumbuwazi na kushindwa hata kumjibu kuwa ana mtoto au la, kwani atakataaje ikiwa mtoto yupo nae mwenyewe, ila aliendelea kumwabia,

“Mtoto wako mzuri sana Erica, hongera mdogo wangu”

“Asante”

“Vipi sherehe za kimya kimya hata hatualikani jamani mdogo wangu?Umeolewan lini? ”

“Hamna dada sijaolewa, nimezaa tu”

Erica aliongea kwa aibu aibu flani hivi, Rehema alielewa na kumwambia,

“Ila usijali mdogo wangu, kuzaa kabla ya ndoa sio mwisho wa maisha na kuolewa kupo tu. Unaniona dada yako, nikikusimulia jinsi nilivyoteseka ni huyu mdudu anayeitwa mapenzi utanihurumia. Nilijua sitakuja kuolewa kamwe, maana nina watoto watatu halafu kila mtoto na baba yake yani kwa kifupi hadi nilishajikatia tamaa. Ila wiki ijayo ni harusi yangu, nitakuja kuwaletea kadi ya mualiko na pale nyumbani”

“Mmmh dada kwanini umeniambia yote hayo?”

“Nimekwambia haya mdogo wangu sababu nimeona sura yako wakati nimekuuliza swali la je umeolewa? Ukainamisha sura chini na kunijibu, hata usijisikie vibaya mdogo wangu, ngoja mambo yangu ya harusi yaishe nitakuja kuzungumza na wewe”

“Sawa dada nashukuru”

“Ila hongera sana mdogo wangu, umepata mtoto mzuri sana, mshikilie huyu yani mfanye kila kitu katika maisha yako na wala hao wanaume hawatakuumiza akili mdogo wangu”

Kisha akaagana nae na kutoka nje ya ile hospitali, akampigia simu mama yake akiulizia kama Yule mgeni ameshaondoka, alipoambiwa kuwa aliondoka alifurahi na kupanda gari kisha kumwambia dereva ampeleke kwao.



Alifika nyumbani kwao na kumkuta mama yake, akamsalimia ila kabla hajauliza kuhusu mgeni aliyefika mama yake akamwambia,

“Mgeni wako kakuachia huu mzigo wako, amesema nikupatie halafu anasema mbona hupatikani hewani? Eti kakukumbuka sana”

“Aaah asante”

Erica akachukua lile boksi na kuingia nalo chumbani kwake huku akishikwa na kimuhemuhe kujua kuna nini kwenye lile boksi, kwavile mwanae alikuwa amelala akamlaza halafu akafunga mlango wa chumbani kwake na kuanza kufungua lile boksi.

Alipofungua, juu kabisa alikutana na kadi halafu na karatasi ndogo yenye maandishi, akaichukua na kuisoma,

“Kwako Erica, nimetumia njia ya zamani kidogo sababu najua kama tungeanza mapenzi yetu kipindi kile basi tungetumia njia hii pindi tungesoma shule za mbali mbali, ila Erica ulikubali maneno ya watu yatenganishe mapenzi yetu. Nakiri kukupenda toka siku ya kwanza kukuona darasani, wewe ni msichana wa kwanza kwangu kumpenda nab ado nakupenda toka kipindi kile. Ni mengi nimeambiwa na dada yangu kuhusu wewe, na picha nimetumiwa ila nikawaza sana kuwa kwanini maneno yaendelee kuharibu mahusiano yetu? Moyo wangu unaniambia kuwa wewe ndiye mama wa watoto wangu, inawezekana umepata habari kuwa nilikuwa na wasichana wengi sana na wengi walitamani kuzaa na mimi ila kwavile nimeshaipanga akili yangu kuwa nahitaji kuzaa na wewe basi siwezi kuzaa na yeyote Yule labda ukatae. Nikawa na msichana huku ila sina furaha maana wewe ndio umebeba furaha yangu, Erica nakupenda sana na pia najua kuwa unanipenda sana. Watu wengi husema ni vigumu wapendanao kuwishia pamoja ila najua kwetu itawezekana ikiwa tu tutaamua kuishi bila kusikiliza maneno ya watu. Upatapo ujumbe huu Erica tafadhali nitafute hewani, usiponitafuta najua ujumbe wangu hujaupata na kama nimeambiwa umeupata na hujanitafuta nitajua moyo wako haupo tena kwangu. Tunapendana Erica, naomba tuwe pamoja. Zawadi niliyokuwekea ni kitu ambacho ulionekana kuvutiwa nacho sana siku ile kwenye picha hotelini, hukujua ila kuna picha moja ulivutiwa nayo sana na ilikaa akilini mwangu na leo nimeweka zawadi hiyo kwenye boksi hili. Nakupenda Erica, ni mimi kipenzi chako Erick”

Chozi lilimtoka Erica kwani alijiona ni msichana mpumbavu kuliko wote maana alichoandikiwa na Erick ndio kitu alichokuwa anakitamani maisha yote ila atafanyaje sasa na ana mtoto na mwanaume mwingine? Je Erick atamuelewa kweli? Alihisi kama kuchanganyikiwa vile, kwani ukweli upo wazi anampenda sana Erick na alitamani siku moja aambiwe maneno aliyoambiwa na Erick kwenye barua, sasa bahati hiyo imemjia ila ana mtoto tayari, akisoma barua ya Erick anaona ni jinsi gani mwanaume huyo kajiuzuia asiwape wasichana mimba sababu anataka mtoto azae na Erica, vipi yeye aliyejiachia na kupata mimba na kusahau kabisa kama kuna Erick wakati anampenda sana? Alihisi kupagawa hata akashindwa kumtafuta Erick hewani na wala hakuendelea kulifungua lile boksi kwani alijua ni atajiumiza zaidi kwani anampenda sana Erick. Akainuka na kulibeba lile boksi kisha kuliweka kwenye kabati lake na kulifungia, alirudi kitandani na kuinama huku akilia kwani moyo wake uliumia kila alipofikiria kuhusu Erick maana ndiye mwanaume ampendaye ila Rahim ndiye baba wa Angel yani hapo alihisi akili yake inakengeuka.



Kesho yake alitumiwa ujumbe na Babuu,

“Ile shughuli ni leo”

Erica alishtuka sana na kisha kujiandaa ili awahi ukumbini maana aliambiwa saa tisa mpaka saa kumi itakuwa imeanza. Basi ilipofika saa kumi akamvalisha mwanae na kuita gari ili iwapeleke, wakati anataka kutoka tu mama yake akamuwahi,

“Haya haya, kiguu na njia. Miguu imeanza kukuwasha eeh! Unaenda wapi na mjukuu wangu?”

Kwavile hakujiandaa kusema chochote alijikuta akijiuma uma tu,

“Naenda kumsalimia 

Johari”

“Usinichekeshe mie, si wewe mwenyewe ulisema kuwa hutaki watu wajue kama una mtoto! Iweje utake kwenda kwa Johari na mtoto?”

“Aaah mama, sikuona mtu wa kumuachia hapa nyumbani, halafu Johari kaomba niende”

“Haya mlete”

Erica alimkabidhi mtoto mama yake, kisha mama yake akamwambia,

“Nenda mwenyewe huko unapotaka kwenda, mjukuu wangu niachie”

Kwakweli pozi lilimuisha gafla Erica maana hakuelewa kabisa, ila kwavile alishaita na gari ilibidi atoke tu ili aende.

Wakati anatoka getini ili apande gari, alimkuta Bahati nje ya geti ndio anataka kugonga.





Erica alimkabidhi mtoto mama yake, kisha mama yake akamwambia,

“Nenda mwenyewe huko unapotaka kwenda, mjukuu wangu niachie”

Kwakweli pozi lilimuisha gafla Erica maana hakuelew kabisa, ila kwavile alishaita na gari ilibidi atoke tu ili aende.

Wakati anatoka getini ili apande gari, alimkuta Bahati nje ya geti ndio anataka kugonga.

Bahati alimsogelea Erica na kumkumbatia, ila gari nalo lilikuwa nje likimsubiri Erica, alimuangalia Bahati hakujua kwa muda huo amwambie kitu gani, Bahati alimuuliza Erica,

“Vipi mbona uko hivyo?”

“Kuna mahali natakiwa kuwahi”

“Basi twende wote”

“Aaah wewe nisubiri tu hapa”

Erica akasogelea lile gari na kufungua mlango ili aingie, ila Bahati akamshika mkono na kusema,

“Erica, nimeacha kazi zangu zote na nimekuja kwa lengo la kukuona wewe. Kumbuka hata ningekupigia simu yangu usingepokea, ila unataka kuondoka na kuniacha una maana gani? Nimekwambia twende wote hutaki”

“Bahati, nielewe yani kuwa muelewa pale mtu anaposema jamno. Niache niende, kuna mahali nawahi”

“Kwahiyo mimi sio wa muhimu?”

“Sijui kama unanielewa”

Ila kabla Bahati hajamuachia mkono, mara alitoka mama Erica pale nje na kumwambia Erica,

“Eeeeh afadhali bado hujaondoka, mtoto kacharuka mwenzangu”

Yani Erica ndio aliona hapo pamechanganywa maji na mafuta maana mama yake nae kaja kuvuruga tu kama kawaida. Ikabidi ampe Yule dereva pesa ya usumbufu, halafu aingie ndani ambapo Bahati nae alimfata nyuma huku akijiuliza maswali kuhusu mtoto aliyecharuka.



Erica aliingia ndani na kumchukua mtoto kwa mama yake kisha kwenda nae chumbani kumnyonyesha, kwahiyo sebleni alibaki mama Erica na Bahati. Ambapo Bahati alimsalimia vizuri sasa huyu mama, kisha huyu mama alianza kwa kumuomba msamaha,

“Nisamehe mwanangu kwa yaliyopita, yani sikujua nilijua ndio unaniharibia mwanangu hadi tukakupeleka polisi. Nisamehe sana”

“Usijali mama”

“Yani kijana una moyo wewe, nilijua toka siku ile hutokuja tena nyumbani kwangu, ila umekuja jamani una moyo sana. Haya mwenzio huyo ana mtoto”

“Ana mtoto?”

“Ndio, kumbe hujui?”

“Sijui mama”

“Mtoto angekuwa wa Kiswahili tungekuhisi ni wewe ila mtoto ni wa kiarabu sijui kipemba na baba yake hajulikani”

Kiukweli Bahati alijihisi vibaya sana ila hakuweza kujionyesha pale kuwa kajihisi vibaya na hakuweza kumjibu zaidi huyu mama kwani maneno yale yaliujeruwi moyo wake, huku akitamani sana kusikia kutoka kwenye kinywa cha Erica maana bado hakuamini amini kama Erica ana mtoto.

Baada ya kimya kuzidi mama Erica alimuuliza tena Bahati,

“Utakunywa kinywaji gani?”

“Aaah usihangaike mama”

“Hapana sio nisihangaike, hujawahi kunywa chochote hapa nyumbani kwangu, leo nahitaji utie baraka kwa kunywa kitu kwenye nyumba yangu”

“Basi maji mama”

Basi mama Erica alienda kuleta maji na kumpa Bahati ambapo bahati alikunywa maji yale na kuyamaliza kwa muda mfupi tu kwani alihisi kama kuna kitu kimekaa kooni halafu Erica hakutoka chumbani wala nini, ikabidi wakati mama yake anarudisha kikombe aende na kumuita Erica.

Alimkuta kalala pembeni ya mwanaye,

“Yani Erica umeingia kumnyonyesha mtoto na kulala hapo hapo wakati kuna mtu anakusubiri kweli!”

Erica akashtuka na kukumbuka ni kweli Bahati alikuwa akimsubiria ila usingizi ulimpitia alivyokwenda kumyonyesha mtoto kitandani na kuwa na mawazo mengi kuhusu harusi aliyoambiwa ni ya Rahim. Akainuka ili akamsikilize Bahati, alipotoka mama yao alitoka nje na kuwaacha waendelee na maongezi.

Erica hakuongea chochote ila Bahati ndio alianza kuongea,

“Erica kumbe una mtoto? Mbona hukuniambia?”

Erica alikuwa kimya tu, na Bahati aliendelea kuongea

“Ungeniambia mapema Erica, unajua ni jinsi gani nakupenda na sipo tayari kuona ukiaibika. Mamako kaniambia kuwa baba wa mtoto hajulikani ila ungeniambia mapema ingekuwa rahisi kuliweka sawa swala hili. Naweza kuwa baba wa mtoto, haijalishi mtoto huyo anaonekanaje, mama kasema sijui ni mwarabu au mpemba, ninachojua mimi ni kuwa kitanda hakizai haramu, naweza kuwa baba wa mtoto Erica sio sawa kuwa na mawazo kiasi hiko. Yani unapatwa na tatizo unashindwa hata kunishirikisha jamani Erica? Ulihisi nitakataa au?”

Erica alikaa kimya tu ila alikuwa akijiuliza kuwa Bahati ana upendo wa aina gani maana alikuwa ni tofauti na wanaume wote ulimwenguni, alishangaa sana kwani hakujua kama kuna wanaume wenye moyo kama wa Bahati, kwakweli alimshangaa sana na kubaki akimuangalia tu bila ya kumjibu. Bahati aliendelea kuongea,

“Sema neno lolote nielewe Erica, mimi nipo kwaajili yako”

“Nashukuru sana kusikia kuwa bado upo kwaajili yangu, ila kuhusu mtoto haikuwa nafasi nzuri kwa leo kuliongelea hilo swala. Nilitaka nikutafute kwa muda wangu nikueleze ila kwavile umejua sina budi kukwambia, ni kweli nina mtoto na kuhusu swala la baba wa mtoto bado ni kitendawili kwangu. Ila bado nina msimamo wangu ule ule wa tafuta pesa kwa bidii Bahati ili leo na kesho mkeo na watoto wako wafurahie uwepo wako”

“Mke wangu ni wewe na mtoto wangu wa kwanza ni huyo uliyemzaa wewe Erica, nitafanya kazi kwa bidii kweli ili mimi,wewe na mtoto wetu tuishi vizuri. Na kwa hakika kabisa Erica huwezi amini ambayo Mungu katutendea, najua ulishakosea ila hujakosea bado maana hujanikosa mimi. Biashara yetu imekuwa kubwa sana, yani huwezi amini samaki wamekuwa na soko kubwa ambalo sikulitegemea, pia nilikuanzishia biashara ambayo nilisema utaifanya ukimaliza chuo ila sababu unalea acha niendelee tu kuifanya”

“Ni biashara gani?”

“Erica, siwezi kutoka nje ya ufugaji kwahiyo biashara ambayo nilianzisha ni ya kuku wa kienjyeji. Uwiii natamani uone jinsi biashara hiyo ilivyo na neema yani Erica jamani biashara imekuwa kubwa naogopa, na juzi nilikuwa mkoani kuchukua kuku wengine niliagizwa. Na leo nilikuwa nabahatisha tu, ila kwasasa nitakuletea kuku na samaki uwe unakunywa na supu kwaajili ya afya yako na mtoto”

Mara mtoto wa Erica alianza kulia, na Erica akainuka ili akamchukue, Bahati akamwambia,

“Naomba uniletee mwanetu nimuone Erica”

Basi Erica alipotoka ndani alitoka na mtoto, ambapo Bahati alimshika mtoto Yule na alionekana kumfurahia balaa kama mwanae vile.

Bahati hakuondoka mapema kwakina Erica na kuzidi kufanya Erica kukosa muda kabisa hata wa kwenda tena ukumbini kama alivyopanga, basi kwenye mida ya saa mbili na nusu usiku ndipo Bahati alipoaga kuwa anaenda, alimwambia Erica amuitie mama yake ili amuage ambapo Erica alifanya hivyo, wakati mama yake anatoka Erica alienda kumlaza mtoto ndani, kwahiyo mama Erica alivyofika sebleni alimkuta Bahati akijiandaa kuondoka, Bahati akampa mkono wa kwaheri mama Erica ambapo alimwachia na pesa,

“Asante mama, kwaheri. Tutaonana tena”

Mama yake Erica alitabasamu sana na kuendelea kumkaribisha hadi Erica alipotoka na kumsindikiza hadi getini na kumuaga.

Erica alirudi ndani na kumkuta mama yake akiwa ameshika hela mkononi,

“Kheee mama, hela za nini unaenda wapi?”

“Naenda wapi? Nimepewa hela na baba Angel”

“Baba Angel! Sikuelewi mama”

“Si Yule kijana kanipa hela, yani sikujua kama Yule kijana ana moyo wa upendo kiasi hiki”

“Kakupa shilingi ngapi? Mama bhana, sasa Yule kijana kawa baba Angel toka lini?”

“Yule ndio baba Angel mwanangu, ona alivyokaa kumbembeleza mtoto hapa. Yale ile ndio aina ya wanaume wanaotakiwa ulimwenguni. Kanipa elfu hamsini ya pole ya kulea mzazi, nimefurahi sana hata kama mtoto mwarabu ila Yule ndio baba yake”

Erica alimuangalia mama yake ambaye alienda chumbani nay eye akaenda chumbani pia.



Erica alimfikiria sana mama yake na kumkosea jibu kabisa,

“Mama yangu anashangaza sana, siku zote anasema mwanaume mwenye hela ndio mwanaume halafu mimi kuzaa lawama zote kanipa haya leo kapewa hela na Bahati kaanza kumsifia kuwa ndio mwanaume. Dah jamani mama yangu ni balaa”

Kisha akainuka na kwenda kuoga, halafu kula na kurudi na mawazo yake ila kiukweli swala la Bahati lilimchanganya sana yani alishindwa kuelewa kuwa Bahati ni mwanaume wa aina gani ambaye huwa haoni maovu kwake,

“Yani yeye kila kitu kwangu ni sawa, jamani kwanini wanaume wengine wasiwe kama Bahati? Laiti Erick angekuwa na moyo wa Bahati ningefurahi sana, lakini akijua nina mtoto najua upendo wake kwangu utaishia hapohapo. Au anaweza kuwa na moyo kama Bahati! Jamani Bahati mbona yupo tofauti sana na wanaume wengine?”

Hakupata jibu ila aliingia kwenye mtandao ilia one kama Rahim yupo amuulize maswali yake ila cha kushangaza siku hiyo hakumkuta kabisa Rahim hewani na kumfanya aamini kuwa ni kweli alikuwa ameoa, roho ilimuuma sana na kumfanya ashindwe hata kupata usingizi tena kwa mawazo. Mwanae alipokuwa akiamka alikuwa akiongea nae kama mtoto anayesikia,

“Angel mwanangu, wanawake tuna mitihani mingi sana ila nisingependa ukikua uwe kama mimi. Napenda uwe ni mtoto wa kusikiliza ushauri na kuupima, ona mama yako nilimuamini baba yako ila kaniacha na kwenda kuoa mwanamke mwingine. Baba yako katuacha Angel, haoni thamani yetu”

Machozi nayo yalikuwa yakimtoka na kumkosesha raha kabisa yani siku hiyo hakulala kabisa na alikuwa akigalagala tu kitandani, akainuka na kwenda kuchukua lile boksi alilotumiwa na Erick na kutoa ile barua ya Erick akaisoma tena na kulia haswaaa kwani muda huu ni kama alikuwa akitonesha kidonda chake kwani hawezi kupingana na ukweli kuwa Erick ndiye mwanaume anayempenda sana ila tu maisha ndio yaliyomtenganisha naye. Bado hakuwa na ujasiri wa kufungua zawadi alizoletewa na Erick, alirudisha lile boksi kabatini ila safari hii hakulifunga kabati. Alirudi kitandani na ile barua aliyoandikiwa na Erick, alikuwa akiibusu huku akilia sana kisha akafungua mkoba wake na kuiweka kwani alitaka kila muda akiitaka aichukue tu na kuisoma imchome moyo wake, kwani alijiona kuwa anastahili kuchomwa moyo.

Siku hiyo alijikuta yuko macho hadi alfajiri kabisa kwahiyo ile asubuhi ndio akalala, tena alilala sana ule usingizi wa hoi kabisa.



Ilikuwa kwenye mida ya saa tano na nusu asubuhi ambapo Erica aliamshwa na dada yake Bite,

“Loh! Yani wewe unalala kama mzigo? Ndio kusema mtoto kakusumbua sana usiku au? Mama kamchukua mtoto kamuogesha hadi mtoto kalala tena ila wewe bado umelala”

Erica aliinuka ila macho yalikuwa mazito sana ni kweli mamake wakati anamchukua mtoto kumuogesha alimsikia ila alishindwa kumjibu sababu ya usingizi, na hakukumbuka chochote zaidi ya kulala, basi akaamka pale na kumsalimia dada yake ambapo dada yake alimwambia akaoge ilia pate nguvu kwahiyo Erica aliinuka na kwenda kuoga ili kupata nguvu na kuondoa uchovu wa usiku.

Erica alipotoka kuoga alimshangaa dada yake akiwa kitandani na lile boksi yani kashalipekua lote na alikuwa ameshika vitu vya kwenye lile boksi, Erica alimshangaa dada yake,

“Kheee dada!”

“Unashangaa nini Erica? Kwani ni dhambi mimi kuona zawadi ulizoletewa na baba Angel?”

“Nani kakuonyesha hilo boksi dada?”

“Nilikuwa natafuta mtandio ndio nikafungua kabati lako na kukutana na hili boksi, oooh kumbe baba Angel anakupenda kiasi hiki!”

Ilibidi tu Erica awe mpole maana kama boksi dada yake alishalisaula na kila kitu kilikuwa juu kwahiyo hata kama hakupenda kuviangalia ilibidi aangalie tu, na kumuuliza dada yake,

“Kwanini unasema ananipenda?”

“Unajua ukiona mwanaume anakuletea zawadi hadi ya nguo ya ndani ujue anakupenda sana, anakujali yani huyo mwanaume usimuache”

Kisha dada yake alizishika zile nguo za ndani na kuzitathmini vizuri huku akisema,

“Ooooh ni nzuri hizo, mdogo wangu una bahati sana. Nimeishi na James kwa miaka mingi, hadi tumepata mtoto, amekuwa na kuchangamka sasa, anaita hata baba ila James hajawahi kuniletea zawadi ya nguo ya ndani hata ndotoni. Siku zote nimekuwa nikijisifia kuwa James ananipenda sababu ananipa pesa lakini pesa sio kila kitu katika maisha. Kuna vitu vingi zaidi ya pesa, kama mtu kukujali na kukuthamini. Baba Angel simfahamu ila kwa zawadi hizi kwa hakika anakupenda”

“Dada jamani, yani kwa zawadi tu ndio kusema mwanaume ana upendo jamani!”

“Ndio, hebu angalia huu mkoba aliokuletea yani dah mtamu huo unavutia hata kuuangalia, mwanaume anajua kuchagua jamani, sijapata kuona.”

Erica alimuangalia dada yake alivyokuwa akisifia vitu vilivyoletwa na Erick akijua ni baba yake Angel kumbe ni mtu mwingine kabisa maana baba Angel yupo mahali akila raha zake.

“Ngoja nikuulize dada, mapenzi ni nini?”

“Mapenzi ni kupendana, yani ukipendana na mume wako utajiona kama upo dunia nyingine sababu unaishi na mtu anayekupenda na wewe unampenda. Ila kuishi na mtu unayempenda halafu yeye hakupendi ni mzigo na kuishi na mtu anayekupenda halafu wewe humpendi ni mzigo. Ubaya wa mapenzi upo sehemu moja, kuna watu ni waigizaji nalaa, yani anaweza kukuigizia anakupenda kufa na kupona hadi ukaweka moyo wako kwa mtu wa aina hiyo na mwisho wa siku unaumia na kujiuliza kuwa huyu mtu si alikuwa ananipenda! Imekuwaje tena! Kumbe alikuwa anakuigizia, yani kupenda bhana kupo automatic kuna viashiria Fulani ukiviangalia kwa mtu unaelewa kuwa huyu ananipenda haswaa na ukiangalia kwa mwingine unaona kuwa huyu hakuna lolote ila na stress zake tu ndio anakuja kumalizia kwangu kwa kujifanya kuwa ananipenda.”

“Wewe na shemeji mpo kwenye kundi gani? Mnapendana?”

“Jamani mambo ya mimi na James aache tu, mwanaume ni muigizaji Yule sijapata kuona. Niliamini napendwa balaa, nikajitoa kwa moyo wangu wote na kumpenda pia, jamani hadi nimezaa huyu mtoto ndio nimekuja kujua James hakuwa na mapenzi na mimi kama nilivyofikiria ila navumilia nitafanyaje sasa. Nahitaji mwanangu apate malezi ya baba na mama, halafu siwezi kumkimbia James niache nafasi kwa lile janamke lisilokuwa na akili kurudi pale kwangu. Erica mdogo wangu, mapenzi yanaumiza kichwa sana, mshikilie huyu baba Angel, anaonyesha anakupenda sana na inaonyesha na wewe mnampenda. Utaishi nae vizuri mlee mtoto wenu”

“Haya dada asante”

Erica aliamua kuitikia ilia amridhishe dada yake ila kiukweli alikuwa anaumizwa sana, alianza kuvaa kisha dada yake akamwambia kuwa alimfata sababu alikuwa na shida nae amsindikize mahali,kisha dada yake alitangulia sebleni ambapo Erica alijiandaa halafu akabeba zile zawadi ambazo dada yake amezisasambua pale kitandani na kuzirudisha kwenye boksi kisha kuweka kabatini kwake ila alikuwa na mawazo sana kiasi kwamba hakujua mume yupi ni sahihi kwake, alitoka sebleni ikambidi akamue maziwa ya kumuachia mtoto wake halafu wakamuacha na mama yao na wenyewe kuondoka.



Wakiwa kwenye gari ya Bite, Erica alimuuliza dada yake,

“Ni wapi huko tunaenda dada?”

“Sikutaka tu kusema nyumbani ili mama asijue, nimemdanganya kuwa kuna mkopo nataka kuchukua inabidi Erica akanisainie. Ila kiukweli mdogo wangu, dada yako hapa nimechanganyikiwa kabisa, yani mapenzi yananichanganya haswaaa.”

“Kivipi dada?”

“Si Yule msichana mjinga nae ana mtoto, nasikia James kampangishia nyumba mahali na anamuhudumia. Tatizo sio kumuhudumia, tatizo ni kuwa James anashinda huko jamani yani James asikii wala haoni, huwezi kuamini siku hizi hadi nyumbani harudi yani akili yangu imegoma kufanya kazi kabisa.”

“Kheee makubwa, sasa tunaenda wapi dada?”

“Tunaenda huko anapoishi huyo mwanamke, tukifika nataka wewe uingie ndani kwanza halafu mimi nitakuwa nje.”

“Sasa mimi nitaingia kufanya nini dada?”

“Nataka James ajue kama familia yote tumejua upuuzi anaoufanya, unajua sijamwambia dada Mage wala mama maana haya mambo ya aibu jamani yani dah! Huyu mwanaume siamini mwenzenu, sina raha kabisa yani. Sijui nitakuwaje nikihakikisha kuwa ni kweli James anakuwaga kwenye nyumba hiyo, nataka uingie ndani wewe kwanza, nitakuwepo nje nikisikilizia kama ni yeye au la kisha nitaingia na mimi”

Erica aliweza kumuona dada yake alivyoonyesha kuumizwa na swala hilo la shemeji yake, kwahiyo alikubali kwenda kumfumania shemeji yake.

Walifika na dada yake kwenda kupaki gari mahali, kisha wakashuka na kuanza kuelekea kwenye nyumba ambayo James alimpangia mwanamke wake, ila kwa bahati Yule mwanamke hakuwepo hapo ndani kwa muda huo alikuwa ameenda dukani.

Bite alikaa nje na kumtaka mdogo wake aingie ndani, Erica alifungua mlango na kuingia alimkuta James akiwa amekaa tu tena hana habari, Erica alimwambia kwa mshangao,

“Shemeji!”

“Kheee Erica! Umekuja kufanya nini?”

“Nikuulize wewe unafanya nini?”

“Jamani Erica kipenzi changu, yani anaacha kuwa na wivu dadako unakuwa na wivu wewe. Kweli tunapendana”

Bite alichukia sana kusikia maneno hayo.





Bite alikaa nje na kumtaka mdogo wake aingie ndani, Erica alifungua mlango na kuingia alimkuta James akiwa amekaa tu tena hana habari, Erica alimwambia kwa mshangao,

“Shemeji!”

“Kheee Erica! Umekuja kufanya nini?”

“Nikuulize wewe unafanya nini?”

“Jamani Erica kipenzi changu, yani anaacha kuwa na wivu dadako unakuwa na wivu wewe. Kweli tunapendana”

Bite alichukia sana kusikia maneno hayo.

Kwakweli Bite hakuweza kuvumilia zaidi yay eye kuingia ndani pia, alimuangalia mumewe kwa gadhabu sana,

“James, hivi ni dharau kiasi gani unanionyesha? Umeona kuzaa na msichana wa kazi haitoshi, ukaamua kumpangishia nyumba na wewe kuzamia hukuhuku. Halafu bila haya unamuita mdogo wangu kipenzi chako eti mnapendana sana, hivi James una nini lakini?”

Bite alikuwa na hasira sana hata maneno hayo alikuwa akiongea huku machozi yakimtoka, James alikuwa kama amepigwa na butwaa vile maana hakufikiria kama Erica amefika na mkewe, kitendo cha James kukaa kimya kilimchukiza zaidi Bite na hasira zake alienda kumalizia kwenye vyombo vya nyumba ile,

“Unaniacha nyumbani, unaniambia siku hizi hela ngumu kumbe unakuja kutumbua kwa malaya wako huku”

Bite akaifata Tv na kuibeba juu kisha akaibwaga chini, James akashtuka akasema,

“Bite hebu acha uchizi huo”

Muda huo Bite alienda katika kabati la vyombo na kubwaga vyombo vyote vilivyokuwa kwenye lile kabati,

“Wewe Bite, kuwa na heshima basi. Nyumbani kwa watu hapa”

“Nyumbani kwa watu? Kwani mimi nyani? Yani mwanaume una roho mbaya wewe hata shetani anakuogopa, hivi ni wa kunifanyia vitendo vya ajabu kiasi hiki wewe? Hata humfikirii mtoto? Nimevunja ndio, wewe si tajiri, na ununue vingine”

Muda huo alikuwa anaelekea kwenye friji, ilibidi James atake kumfata, ila Bite aliwahi kisu mikononi mwake,

“Ukinifata tu wewe kenge nakuchoma, yani leo napelekwa jela na wewe unakufa halafu sijui mtoto atalelewa na nani”

James akamuangalia Erica na kumwambia,

“Erica nakuomba mtulize dada yako”

Kisha James aliruka nje na kutoka maana aliona pale ni balaa tupu kumbe hata mwanamke wake alikuwa amerudi ila baada ya kuona lile balaa alikimbia.

Erica alimuangalia tu dada yake, ni kweli aliona anachofanya dada yake si sawa ila alitambua kuwa dada yake anafanya yale kwa hasira tu na si vinginevyo. Sema alipaswa kumzuia kwani dada yake mwenyewe alionyesha kutokwa na damu kwamaana hiyo vile vyombo alivyopasua vingine vilimchoma, Erica alimuangalia dada yake,

“Dada, hasira haijengi. Hebu mfikirie Junior, hivi wewe ukienda jela na shemeji akifa halafu Junior akawa yatima kwa wazazi kujitakia hasara ya nani? Twende mahali dada yangu ukatulize hasira zako, achana na huyu mwanaume.”

“Erica, niache. Huyu mwanaume si hela inamuwasha, atanunua vingine”

“Ndio dada, ila ufanyacho sio suluhisho dada yangu, tuondoke”

Erica alijitahidi kumwambia dada yake maneno ya kumsihi hadi akakubali kuondoka, waliondoka na kwenda moja kwa moja walipoacha gari. Yani walipoingia tu Bite alianza kulia kamavile kafiwa kama sio aliyekuwa anaongea akitabasamu mwanzoni, hapo Erica akatambua kuwa mwanzoni dada yake alikuwa na hisia tu sababu kashaambiwa kila kitu sasa pale kathibitisha na macho yake kuwa kweli mumewe ana nyumba ndogo ndiomana imemuuma sana. Alilia sana kisha kuanza kuongea mwenyewe,

“Wanaume ni mbwa kabisa, yani wanaume hawafai. Lijitu unalipenda, unajitunza kwaajili yake jamani, kwani hakukuwa na vijana wengine walionitaka zaidi ya james? Ni vijana wengi walinitongoza mimi nab ado wengine wananitongoza ila nilijitunza kwaajili ya mume wangu, siku zote nilisema nampenda mume wangu, ndio chaguo langu nimepewa na Mungu na nilijua hata yeye ananipenda pia. Hata baada ya kuzaa na msichana wa kazi nikahisi kuwa ni bahati mbaya sababu sikuwa nyumbani, kumbe janaume lenyewe ni mbwa tena mbwa koko uuuwiii jamani mimi huyu mwanaume huyu”

Bite alikuwa akilia kama mtoto, mdogo wake alikuwa akimbembeleza na kumsihi kuwa waondoke mahali pale, ilibidi Erica ndio aendeshe gari, kwa bahati alikuwa amejifunza kuendesha gari maana bila ya hivyo wangebaki kubembelezana tu bila mwisho.



Wakiwa kwenye gari, Erica aliona ni vyema waende nyumbani kwanza ila dada yake alimkataza na kumuomba ampeleke nyumbani kwake,

“Twende kwanza nyumbani kwangu nikamchukue Junior wangu”

Basi walienda hadi nyumbani kwa Bite na kumchukua mtoto tu, kisha akampa hela Yule mdada wa kazi na kumwambia aende kwao na atamwambia akimuhitaji tena, Yule msichana alishangaa ila ikabidi ajiandae na kuondoka kisha Bite akafuna milango na kupanda kwenye gari akiwa yeye, mtoto na Erica. Ila bado aliongea kwa uchungu sana,

“Nimejikuta nikimchukia na huyu mdada wa kazi wakati huyu hajanifanyia lolote baya, hivi kumbe mdada wa kazi anaweza kukuchukulia mume kabisa kabisa ukabaki umebung’aa tu. Ila uliniambia mdogo wangu, sema sikusikia mimi, nilijiamini napendwa, nilijiona nimepata kumbe nimepatikana.”

Alikuwa akitoa machozi tu hadi wanafika nyumbani kwao, aliingia ndani na hata mama yao akawashangaa kuwa tatizo ni nini,

“Bite, nini tatizo mwanangu imekuwaje tena? Si mlisema mnaenda kusaini mkopo? Imekuwaje tena”

“Mama, subiri nikueleze”

Bite hakuweza kumficha mama yake kwani hakuweza kukaa na lile jambo moyoni, alihisi moyo kulipuka tu muda wowote. Akamueleza mama yake kila kitu na hadi alivyoenda na Erica, jinsi alivyomsikia James akisema na Erica,

“Yani anathubutu hata kumuita mdogo wangu ni kipenzi cahake? Imeniuma sana”

“Yani kumbe Erica alituambia ukweli ila tuylimpuuzia”

“Alisema nini mama?”

“Alisema kuwa James alitaka kumbaka”

Yani hapo Bite ndio akashtuka zaidi baada ya kusikia kuwa mumewe alishawahi kutaka hata kumbaka mdogo wake, alimuita Erica ili amsikie Erica mwenyewe, na Erica hakuacha neno alimueleza kila kitu dada yake toka ile siku ya kwanza alivyotaka kumbaka,

“Jamani mdogo wangu, mbona hukuniambia?”

“Sikutaka kuvunja ndoa yenu dada”

“Hukutaka ila imevunjika sasa, mama simtaki tena James simtaki”

“Tulia mwanangu, ni hasira tu hizo. Tuliza hasira, Yule ni mumeo”

“Sitaki mama, James sio mume wangu kuanzia sasa”

Mama yao alijua tu ni hasira na hakuweza kumshauri kwa chochote kwa muda huo. Badala yake alimuacha na kumwambia aende chumbani akapumzike,

“Bite mwanangu hapa ni nyumbani kwenu, jisikie huru kabisa wala usibabaishwe na mambo ha mumeo ila ndio wanaume walivyo. Usijali mwanangu yatakwisha tu”

Alimwambia akapumzike huku Erica nae akienda chumbani kwake na mwanae.



Kuna muda Erica aliwaza sana kuhusu mambo ya wanaume na kukosa jibu,

“Mfano ningejitunza, kwahiyo George angenioa sababu angenikuta bikra? Je angenipenda kweli au angekuwa kanipenda sababu ya bikra? Na je George ni mwanaume wa kuishi vizuri na mwanamke, ikiwa tu mimi aliniwekea kisasi cha kunibaka kwa kosa ambalo sio langu? Ningeolewa na aina hiyo ya mwanaume, si ndio yangekuwa haya haya ya dada Bite. Ila wanaume hawa wanawafikiria na kuwakosea jibu kabisa, hivi wote wangekuwa kama Bahati, hivi kuna mwanamke ulimwenguni hapa angelia jamani? Kwanini hawana moyo wa Bahati, hivi Bahati anaweza kumtenda mwanamke kweli? Hapana jamani”

Alijikuta akiwaza sana, na kujaribu kutmtafuta Rahim hata kwa muda huo ila bado hakumkuta hewani, na kumfanya ajipe asilimia mia moja kuwa Rahim ameoa kweli.

Alipoona dada yake amepumzika vya kutosha, akaona akamuulize maswali kadhaa ya kuhusu mapenzi maana alihisi lazima atakuwa na majibu maana tayari ameshaumia,

“Dada samahani, hivi katika maisha yako, mwanaume wako wa kwanza kumpenda ni shemeji?:”

“Sikia mdogo wangu, katika maisha yangu niliamini kuwa mwanaume asipokukuta bikra ndio anakusaliti na niliamini wanawake wote wanaosalitiwa ni kwavile hawakukutwa bikra, nilijua wanaume wengi wanapenda wanawake mabikira ni kweli wanapenda ila wanapenda kwavile anajisikia raha kusema wanawake kadhaa nimewatoa bikira zao ila sio kwa mapenzi. Nilijitunza mdogo wangu, nilijitunza sana, kuna mkaka mmoja nakumbuka vizuri, alikuwa anaitwa Deus, alinipenda sana na kuja kuja kunipa habari za kunitongoza mara kwa mara, nilijikuta nikianza kuvutiwa nae ila nikaona nitatenda dhambi bure, nikaamua kuwa nae mbali kabisa. Nilfata mafundisho ya mama, ni heri nikae kanisani kuliko kuwaza wanaume. Ilinisaidia sana kwani mawazo ya wanaume hayakuchukua nafasi katika akili yangu, ndipo akaja James, na tena huwezi amini ila James alikuja kanisani sababu yangu na kujifanya kaokoka pia, kwakweli niliona napendwa yani mwanaume anaacha vitu vyote vya anasa sababu tako, nikamkubali na akatangaza ndoa. Tulioana na kukaa kwenye ndoa kwa mwezi mmoja tu ndipo James akasafiri na kwenda nje, nilikuwa na furaha moyoni kwa kupata mwanaume mwenye upendo wa dhati, na zaidi ya yote ni mcha Mungu. Hiyo ilikuwa furaha yangu, ila kumbe sikumjua James vizuri, kipindi amerudi nchini ndio nimemjua James jamani, mwanaume kumbe ni mlevi balaa ila aliniigizia mimi tu kipindi cha uchumba kujifanya hanywi pombe ili niamini ni mlokole kweli. Sasa bora hata angekuwa ni mlevi tupu, kumbe ni mzinzi pia jamani, si kuleteana maradhi huku eeeh! Mi bora niishi mwenyewe tu”

“Pole dada, ila mapenzi yanaumiza sana. Hivi inakuwaje mtu upo hivi ila unapata mwanaume yuko hivi yani haendani na wewe. Na kwanini kwenye ndoa wengi wanalia? Yani wengine tunatamani kuolewa halafu wengine mmechoka kwanini?”

“Wewe tamani tu kuolewa, baba Angel anakupenda sana. Sio mimi niliyependwa kwa kupewa pesa tu na kununuliwa kile kigari ila sina furaha ya ndoa”

Erica alitamani amueleze dada yake kuhusu mikasa yake ya mapenzi ila aliona aibu na pia hakujua dada yake angemchukuliaje, kwahiyo alijikuta akiitikia tu kuwa kweli baba Angel ana upendo sana.

Wakaongea vitu mbali mbali na kushauriana mambo mbalimbali, ilikuwa ni jioni ambapo mama yao alienda kuwaita,

“Haya, mabosi wenye mawazo njooni mnywe supu mtulize mawazo yenu”

Walitoka na kwenda sebleni ambapo mama yao aliwawekea supu ya kuku, Bite alimuuliza mama yake,

“Kheee supu ya kuku! Umeenda kununua muda gani mama au wakati sie hatupo?”

“Hata sijanunua, kaja baba Angel kaleta kuku wane na misamaki kibao nimeweka kwenye friji. Mwaka huu hadi mtu fidenge amalize kunyonyesha na mimi nitakuwa nimefutuka”

Erica alielewa kuwa mama yake anamuongelea Bahati ila Bite hakuelewa bado alijua ni baba Angel aliyeleta zile zawadi ndio kaleta na hizo kuku na samaki,

“Kheee baba Angel ana upendo jamani. Mungu ambariki”

Akamgeukia mdogo wake na kumwambia,

“Mshikilie baba Angel mdogo wangu, huyu ndio mwanaume”

Erica alitabasamu tu na alipomaliza kunywa ile supu aliingia chumbani kwake na kumpigia simu Bahati,

“Kumbe ulikuja kwetu?”

“Ndio, ila sikukukuta nikaamua kumuachia mama mzigo”

“Ndio una kuku wengi sana nini hadi umeleta wane!”

“Erica, afya yako ni bora kuliko kitu chochote kile. Kuku wapo mama, wewe jilie tu na kama na kesho mtahitaji utaniambia”

“Hapana bhana, labda wiki ijayo, usilete tena”

“Basi nitakuja kumsalimia mtoto”

“Usije hadi nikwambie, sawa”

“Ila Erica usinifanyie hivyo. Unajua kama ndugu zangu wote nimewaambia kuwa nimezaa na wewe”

Kwakweli Erica alimshangaa Bahati kuwa akili yake ikoje hadi afikie hatua ya kuwaambia ndugu zake kuhusu mtoto ambaye anajua fika si wa kwake, alimshangaa sana. Aliongea nae na kukata simu.

Erica aliendelea na shughuli zingine ila barua ya Erick ilimkaa sana kichwani mwake, alitamani hata kumtafuta ila kilichomzuia ni swala la mtoto kuwa Erick akigundua ana mtoto itakuwaje?

“Ila nisipomtafuta pia atahisi simpendi tena. Ni kweli Bahati ananipenda sana na yupo tayari kuishi na mimi kwa hali yoyote ile lakini simpendi na hilo limekuwa tatizo kwangu, najitahidi balaa ila upendo kwake haupo hata kidogo. Nikiangalia upande wa Rahim, ni baba wa mwanangu pia nimejitolea kuishi nae ila inaonyesha hanipendi na alikuwa akinitumia tu. Maana halisi ya mapenzi kutokana na maneno ya dada nadhani nikiwa na Erick ndio nitakuwa nimekamilisha neno mapenzi kwangu, ila nawezaje kuwa na Erick wakati nishazaa na mwanaume mwingine? Oooh Erica mimi jamani yani sijielewi kabisa.”

Ni kweli hakujielewa, na alikuwa akijishughulisha na kazi za hapa na pale ili tu kupisha siku.



Kesho yake alifika dada yao Mage maana alipata ile habari kwa mama yao kuhusu James, kwahiyo alifika ili azungumze na mdogo wake.

Muda ambao Mage alikaa kuzungumza na Bite ilikuwa ni chumbani kwa Erica kwahiyo Erica naye alikuwepo ndani. Mage alisema ili wote wajifunze, ila bado ilikuwa ngumu kwa Bite kukubaliana na jambo alilolisema mage,

“Dada sijui kama kuna jambo utasema nikaelewa, dada sirudi tena kwa James bora niishi mwenyewe tu”

“Bite, elewa jambo moja. Una mtoto sasa na mtoto anahitaji malezi ya baba na mama, unajua kila ndoa zinachangamoto nyingi. Najua utasema ya kwako imezidi ila ukisikia za wengine utaona ndio balaa, angalia maisha ya Junior kwasasa sio unajali tu furaha yako, jail na furaha ya mtoto”

“Dada sikuelewi, kwahiyo unanishauri nirudi tena kwa James!”

“Sikushauri kwa ubaya ila ndoa inahitaji uvumilivu wa hali ya juu na wala haiitahi usikilize maneno ya watu, najua si maneno ya kuambiwa ila ni kitu cha kushuhudia ila ni wewe unayeweza kuitetea ndoa yako na kuifanya isimame tena. Kuikimbia ndoa sio suluhisho katika ndoa yako”

“Ila suluhisho ni kuendelea kuishi mahali ambako unajua fika utapata ukimwi!”

“Bite, ukimwi si kuna kupima jamani? Mimi nakupa ushauri kwaajili ya mtoto wako, hakuna malezi bora kama ya baba na mama yani mtoto bora ni Yule anayelelewa na wazazi wawili. Kama mzazi mmoja amekufa basin a ijulikane amekufa sio yupo hai halafu haiwezekani kuishi nae au haiwezekani kuwa karibu na mtoto, jamani kumuweka mtoto mbali na baba yake ni kumsononesha mtoto”

Erica alikuwa ameinamia chini tu kwani kwa kiasi Fulani nae yale maneno yalimgusa, kisha dada yake Mage akamwambia,

“Na wewe, hakuna kitu chema kama mtoto kuwa na wazazi. Sasa wewe toka umlete huyu mpemba kwenye familia hii mbona baba yake hatumuoni? Tatizo nini?”

“Sasa dada nifanyeje?”

“Ufanyeje nini? Akuoe sasa”

“Kama hanitaki?”

“Hivi ulianzaje kuzaa na mtu asiyekutaka, yani Erica kuna muda unaongea kama sio msomi vile. Wewe umesoma, napenda kukwambia heshima ya mwanamke sio elimu yake tu bali kuwa kwenye ndoa sio kutangatanga na kuzaa hovyo”

Erica alikuwa kimya maana walipewa darasa ambalo hata hakujua kwa yeye atalichukuliaje hilo darasa maana kwa vitu vinavyoendelea kwake, alihisi kuchanganyikiwa tu na hilo darasa.

Mage aliwafundisha pale, na badaye kuongea zaidi na mdogo wake huku akimsihi kuwa amsamehe James na wakaishi walee mtoto wao, ila bado msimamo wa Bite ulikuwa palepale kuwa hawezi kumsamehe James.



Siku hiyo Erica alihisi kila akifikiria kichwa chake kinavurugika tu, kwani tangu habari za ndoa ya Rahim, zilipita kama wiki mbili na Rahim hakupatikana hewani kabisa, kitu hicho kiliumiza sana moyo wa Erica kwani kila akikumbuka maneno ya dada yake kuwa mtoto anahitaji malezi ya baba na mama aliumia sana, kwani bado aliona itakuwa ngumu sana kumkubalia Bahati kuwa mtoto awe mtoto wake.

Akapata wazo moja kuwa aende nyumbani kwakina Rahim na akaongee na mama yake, akaona vyema akienda na mtoto kwani atakuwa na uthibitisho kwa mama yake Rahim kuwa amezaa na Rahim.

Akajiandaa kila kitu na kutaka kutoka ila kama kawaida mama yake alimzuia kutoka na mtoto,

“Jamani mama, sasa kama naenda nae kliniki!”

“Erica, sio mjinga mimi eeh! Tarehe zote za kliniki nazijua. Huwa machale yananicheza kuwa una mipango yako isiyopendeza ndiomana nataka uende mwenyewe na mjukuu wangu niachie”

Erica akaona isiwe shida, na kumuacha mwanae nyumbani kisha yeye kuondoka zake.

Alifika kwa Mrs.Peter na kugonga geti, alifunguliwa na Salma yani msichana Yule Yule aliyeambiwa kuwa kaolewa na Rahim.

Erica alijikuta akishikwa na hasira za hali ya juu hata kutamani kumparamia Yule dada, kwa hasira alizokuwa nazo alijikuta akimsukuma na kuingia ndani. Yule dada alikuwa na mshangao kuwa huyu ana maana gani, akamsogelea na kumuuliza

“Kwanini umenisukuma?”

Kabla Erica hajaeleza gadhabu aliyokuwa nayo, alimuona kijana anayemfahamu akitoka kwenye nyumba ya kina Rahim na kumfanya abaki na mshangao.





Alifika kwa Mrs.Peter na kugonga geti, alifunguliwa na Salma yani msichana Yule Yule aliyeambiwa kuwa kaolewa na Rahim.

Erica alijikuta akishikwa na hasira za hali ya juu hata kutamani kumparamia Yule dada, kwa hasira alizokuwa nazo alijikuta akimsukuma na kuingia ndani. Yule dada alikuwa na mshangao kuwa huyu ana maana gani, akamsogelea na kumuuliza

“Kwanini umenisukuma?”

Kabla Erica hajaeleza gadhabu aliyokuwa nayo, alimuona kijana anayemfahamu akitoka kwenye nyumba ya kina Rahim na kumfanya abaki na mshangao.

Yani alibakinkama dakika tano hivi akishangaa kiasi hata Yule Salma alibaki akimuangalia, mara akatoka Mrs.Peter, na kama kawaida ya huyu mama akimuonaga Erica anavyomfurahia kwahiyo alimfurahia kama siku zote na kumuita kwa nguvu,

“Wao Erica binti yangu jamani”

Alimsogelea na kumkumbatia huku akimkaribisha pale ndani kwake ila Erica alibaki nje tu akimuangalia Yule kijana ambapo Mrs.Peter alianza kwa utambulisho,

“Erica, si nilikwambia kuwa nina watoto wawili. Basi wa pili ndio huyu anaitwa John”

Kisha akamgeukia Yule mwanae na kumwambia,

“John, huyu ni binti yangu pia anaitwa Erica”

John akamuuliza mama yake kwa mshangao,

“Binti yako?”

“Ndio, ni msichana niliyezoea kumuita binti yangu maana nilitokea kumpenda”

John alimsogelea Erica na kumkumbatia kwa furaha kisha akamwambia,

“Yani leo siamini kama huyu Erica nimemuona tena jamani”

Mama yake alimuuliza kwa mshangao,

“Kwani mnafahamiana John?”

Muda huu Erica alikuwa kimya kabia maana hata yale makeke aliyoenda nayo kwenye nyumba ile hakuwa nayo tena, John aliongea kwa tabasamu zito,

“Mama, huyu ndiye msichana niliyekueleza kuwa nilimpenda sana. Nilimtafuta sana bila mafanikio na siku ile kama angekuwepo yeye basi ni yeye ndiye ningemvalisha pete ya uchumba kwani katika maisha yangu nilishasema ya kwamba sitokuja kuchezea hisia za msichana kamwe na nikimpenda msichana nitampenda kweli na wala maneno yangu hayatakuwa ya uongo kwake maana nitahakikisha kumuoa”

“Kheee kumbe Erica nisingemfahamu kwa njia ile ya kukutana nae njiani basi ningemfahamu kwa njia ya kuolewa na mwanangu! Ila mimi nampendaga tu huyu binti, hata mwanaume aliyempata pia ni mpole kama wewe John mwanangu”

Erica alikuwa kimya kabisa kwani aliona kama anagongelewa msumari wa mto, ndoto yake kwa muda huo ni ndoa halafu anasikia kuhusu John kutaka kuoa kwakweli alijikuta akikosa raha sana, kile kitendo cha kutokujibu kilimfanya Mrs.Peter kuendelea kuongea,

“Nisamehe Erica kwa kutokukualika kwenye shughuli ya mwanangu, ni kwavile simu yako haipatikani na sijui nini tatizo, ila ningekualika ungeona jinsi ilivyofana”

Erica alimuangalia John ambaye bado alionyesha ana furaha sana ya kuonana nae, kisha John akamvuta Erica kwa pembeni kuzungumza nae kwani alimuona Erica kama kapigwa na bumbuwazi Fulani hivi ambalo binafsi hakulielewa.

“Erica, una tatizo gani mbona kama sikuelewi au umechukia niliposema kuwa kuna msichana nimemvalisha pete ya uchumba!”

“Hapana”

“Sasa mbona unaonekana huna raha”

“Basi tu”

“Kweli Erica, niliposema nakupenda nilikuwa namaanisha kuwa nakupenda na ndiomana nikakupa simu ili tuwasiliane. Cha kushangaza gafla sikukupata hewani, kwa muda nikahisi kwavile umerudi shuleni, nilihamishiwa kimsaomo nje ya nchi ila baada ya miaka miwili nilirudi na lengo langu lilikuwa kukutafuta wewe. Nilihisi kuna siku ningekupata klwenye ile namba ila sikuweza kukupata hadi mwaka juzi naipiga ile namba naambiwa tafadhali ichunguze namba ya mteja unayepiga na upige tena, niliumia sana maana kila nilipokuangalia Erica sikukupata. Ndipo nilipoamua kutafuta msichana mwingine wa kutimiza ndoto zangu za kumaliza masomo na kuoa, na hivi ninavyokwambia ni baada ya miezi miwili ndoa”

Erica alihisi kama akiumia kuendelea kusikiliza yale maneno na kujikuta akimuga John,

“Naomba niende, nitakuja siku nyingine”

“Ila Erica, yani wewe ndio ulikuwa msichana wa ndoto zangu maana nilitamani uwe ni mama wa watoto wangu, sijui ni kitu gani kiliingilia kati hadi hukutaka tena kunitafuta Erica, nilijiuliza maswali mengi sana, pengine hukunipenda ndiomana ikawa vile ila mimi nilikupenda sana Erica”

“Sawa, nitakuja siku nyingine ila kwasasa naomba niende tu”

Erica alianza kuongoza kwa kutoka nje hata John alimshangaa kuwa Erica amekumbwa na kitu gani maana alionekana kama yupo tofauti sana, alimfata tena na kumwambia,

“Usichukie Erica, kwani unanipenda na wewe?”

Erica alikaa kimya tu na kuendelea kutoka, na alipofika nje alisimamisha bodaboda ili impeleke stendi ingawa stendi haikuwa mbali ila alifanya hivyo ili tu kumuepuka John.



Alifika stendi na kuingia kwenye daladala, kwa hakika alikuwa na mawazo mengi sana kiasi cha kumkosesha raha kabisa kabisa.

Wakati anashuka kwenye daladala ili aingie kwenye daladala lingine alishikwa bega, alipogeuka nyuma alishangaa kuona aliyemshika bega ni Dora yani Yule rafiki yake wa kitambo chuoni, halafu Dora alionyesha furaha sana kukutana na Erica maana alimkumbatia kwa furaha, na kuanza kumsalimia ila Erica hakuwa na furaha kabisa kwanza alikuwa na mawazo yake halafu pia hakufurahishwa na kumuona Dora, rafiki msaliti kwake.

“Jamani Erica, bado tu unanichukia hadi leo jamani!”

“Hapana sikuchukii”

“Yani ungejua nilivyofurahi kuonana na wewe jamani!”

“Kilichokufurahisha?”

“Kwanza nimefurahi kukutana na rafiki yangu wa muda mrefu, pia nimefurahi maana tatizo langu wewe unaweza kunisaidia”

“Tatizo gani?”

“Erica, naomba tuweke tofauti zetu pembeni kwa muda. Twende pale tuongee kidogo, nina shida rafiki yangu”

Erica alimuangalia Dora, ila kwa jinsi alivyokuwa akiongea ilionyesha kweli alikuwa na shida, ikabidi asogee nae mahali chini ya mti kwenye kivuli ili amsikilize alikuwa na shida gani,

“Erica, nilikuwa mkoani mwenzio nikapata mchumba na ananipenda ile ile yani yule mkaka ananipenda haswaaa. Sasa nikaja Dar, kwa bahati mbaya nikakutana na mpenzi wangu wa zamani, kwa hakika nilishindwa kumkataa na kujikuta nikibeba mimba maana ilikuwa ni siku za hatari halafu nilimshauri atumie kinga akasema atamwaga nje ila matokeo yake kanisababishia matatizo”

“Sasa kubeba mimba ni tatizo Dora? Si uzae tu”

“Erica, najua unatambua vizuri kuwa kuzaa kunataka malengo. Siku zote huwa natumia uzazi wa mpango maana nilivyotoaga zile mimba tatu sikutaka tena ujinga nikawa natumia uzazi wa mpango ila tangu nilipopata Yule mchumba wa mkoani niliacha sababu Yule mkaka alionyesha ana lengo na mimi na kashanitambulisha kwa ndugu zake wote kule mkoani, ila yani mimba nazo kama zinatumwa jamani yani nimeacha kunasa kwa Yule kaka nimekuja kunasa kwa huyu mjinga. Na kumbambikia Yule kaka haitawezekana maana Yule mjinga alivyo mtoto ataniumbua tu. Nataka kutoa shoga yangu, yani nitoe tu hii mimba”

“Sasa dora jamani, kutoa mimba ni siri ya mtu ndio unanieleza kweli!”

“Erica, mimi najua kila kitu kuwa hata wewe ulishawahi kutoa mimba, shida yangu nielekeze hospitali uliyoendaga kutolea maana nimeenda pale pa siku zote dokta kanizingua eti anasema nizae tu na mimi sipo tayari kuzaa na Yule mwanaume jamani. Naomba nielekeze Erica”

“Yani Dora naona unanichanganya tu kwakweli na wala sielewi kitu chochote unachonieleza, habari za kutoa mimba mimi sina na nikuambiavyo nina mtoto kwasasa”

“Khee hongera Erica jamani, umeamua kuzaa, hongera sana. Ila mimi sitaki kuzaa kabla ya ndoa na Yule mchumba wangu kaniambia anakuja Dar kunitambulisha kwa ndugu zake wengine halafu tuanze harakati za ndoa. Erica sitaki kuikosa ndoa sababu ya uzembe wa mimba, nahitaji kuitoa hii mimba”

“Sawa, ila mimi sijui madokta wa kutoa mimba”

“Poa, Erica nibanie ila hii mimba nitatoa na kwenye harusi yangu nitakualika. Nipe namba zako”

“Sina haja ya kuja kwenye harusi yako, kwaheri”

Erica aliondoka zake na kwenda kupanda daladala ya kwenda kwao sasa, akiwa ndani ya daladala alijikuta akiwaza mambo mengi sana,

“Au Dora ndio mchumba wa John? Mungu wangu jamani, yani Dora na uuhuni wake lakini ndio anapata bahati ya kuolewa jamani! Kweli kuolewa sio kutulia loh!”

Aliwaza sana bila ya kupata jibu la aina yoyote, alikuwa akiondoka kwao huku ana mawazo mengi sana na hakuwa na raha kabisa.



Alivyofika kwao alishangaa kuna ugeni, alishangaa kumuona kaka yake ambaye kwa siku nyingi sana alikuwa akiishi kwa mjomba wao, alimsogelea na kukumbatiana kwa nguvu na kaka yake,

“Kheee Erica mdogo wangu umekuwa mkubwa jamani hadi una mtoto! Wakati kaka yako wala sina”

Erica alikuwa akitabasamu tu, kisha kumkaribisha vizuri kaka yake nyumbani,

“Kaka Tony, karibu sana ndio ulizamia Arusha jamani utafikiri ulikuwa nchi nyingine ambavyo hukutaka kurudi nyumbani. Karibu sana”

Walifurahiana nae na kuongea mambo mbalimbali kwa furaha kisha Erica aliinuka na kwenda chumbani kwake, alifunga mlango wa chumba chake kwani alikuwa na mawazo sana na alihitaji apate hata muda kidogo wa kulia.

Alivyojifungia mlango alianza kulia huku akijilaumu jinsi alivyoyafanya maisha yake, maneno ya mama yake kuwa yeye ndiye aliyekuwa na uwezo wa kuchagua maisha yake yalimrudia akilini na kuanza kujisemea,

“Kama mimi ndio nilikuwa na uwezo wa kuchagua maisha yangu, mbona maisha yangu nimechaguliwa? Nilikuwa nawasiliana vizuri sana na John hadi tukaahidiana mambo mbalimbali ila kitendo cha mimi kusahau simu mezani ikawa ndio mwisho wa mawasiliano yangu na John kwani hata niliporudi bado majanga, mama alisema simu kaitumbukiza kwenye maji na laini imevunjika. Sikuweza kuwasiliana tena na John. Kumbe alinitafuta sana, huenda ndio angekuwa mume wangu na wala yote haya ya kukutana na watu wa ajabu ajabu yasingetokea, mama yangu kachangia pakubwa sana kuharibu maisha yangu ila hataki tu kukubali ukweli. Asingeleta vurugu shuleni wala usikute hadi leo ningekuwa na Erick na wala nisingetangatanga na wanaume, akaniharibia kwa Erick, akaniharibia kwa John na pia akaniharibia kwa Bahati halafu bado anajitoa kuwa hakuna alichoharibu kwangu eti nimejiharibia mwenyewe”

Akainama tena na kulia sana, ila muda huu alikuwa hajamchukua bado mtoto wake, kwahiyo mama yake alienda kumgongea ili amchukue mtoto wake, Erica alifuta machozi na kwenda kufungua mlango,

“Kheee nimekusikia saa nyingi sana kuwa umerudi na ulikuwa ukiongea na kaka yako, kumbe hujaoga hata kuoga! Hebu nenda kaoge huko umnyonyeshe mjukuu wangu, sio umnyonyeshe na majashojasho yako ya huko njiani”

Erica alienda kuoga ila bado alikuwa na mawazo sana, kwani kimsingi maisha yake mengi yameharibika na chanzo kikubwa ni mapenzi, na sasa alikuwa akihitaji mtoto wake apate malezi ya baba na mama, ila atajielezeaje kwenye familia ya John kuwa alikuwa na mahusiano na Rahim yani hapo ndio palimshinda na kumfanya hata siku hiyo ashindwe kujieleza maana kilishatokea kitu cha kumuwekea pingamizi.



Usiku wake alijaribu tena kuingia kwenye mtandao, ila leo alimkuta Rahim yuko hewani. Kabla hata ya salamu, Erica alimuuliza Rahim swali kwani hakuona umuhimu wa salamu,

“Kwahiyo ndio umemaliza honeymoon leo umekuja hewani sio?”

“Honemooy ipi Erica? Unajua mara nyingine sikuelewi yani unatoaga lawama tu”

“Si ulishaoa kwahiyo ulikuwa kwenye mapumziko ndio leo umekuja hewani”

“Sasa nimemuoa nani?”

“Si umemuoa Salma wewe”

“Hivi Erica una tatizo gani kwani? Huyo Salma hata kumuona kwa macho sijawahi zaidi ya kutumiwa picha zake, sasa kumuoa nimemuoa saa ngapi? Au umeanza tena maongezi na mama yangu kwahiyo kashakuchanganya akili!”

Erica akaona atumie nafasi hiyo hiyo kumwambia kuwa alikutana na mama yake na kamuhakikishia kuwa ameoa,

“Mama yako mwenyewe kanihakikishia kuwa umeoa”

“Si ungemwambia akupe picha za harusi uzione, unajua wanawake msiwe na tabia ya kukurupuka. Hujauliza kuwa nilikuwa na tatizo gani, mbona sikupatikana siku zote hizo ila wewe unakuja tu kuniparamia na lawama eti sijui nimeoa nimetoka honeymoon, Erica mke gani wewe mwenye lawama kila kukicha?”

“Haya basi ulikuwa wapi?”

“Ungeanza na swali hilo mwanzoni ndio ningekujibu ila kwasasa siwezi kukujibu wakati swali nimekupa mwenyewe. Vipi mwanangu anaendeleaje?”

“Hivi wewe Rahim unajua ni kwajinsi gani unaumiza moyo wangu? Unajua unavyonitesa?”

“Nakutesa kwa lipi? Je nilikataa mimba? Hapana, je nimekataa mtoto? Hapana, sasa nakutesa kwa lipi. Mbona hutumii akili Erica”

“Kwahiyo unaona unachofanya ni swa? Yani mimi sielewi hatma yangu, sijui kama nitaolewa na wewe au la, yani umenifanya niwe njiapanda”

“Kwani Erica jamani una miaka mingapi hadi uwe na mawazo ya ndoa kiasi hiko? Si nilishakwambia kwenu nitakuja kwani wewe tatizo ni nini jamani? Kwani sikutumii hela za kumtunza mtoto? Unataka nini sasa? Unajua nilijua nimepata mwanamke mwanachuo atakuwa anajitambua sana ila kitendo cha kuona bado hujitambui Napata shida ya kuelewa shahada uliyochukua”

yani majibu ya Rahim yalikuwa yakimtia hasira Erica hata akatamani angekuwa karibu maana sio kwa kumtia hasira vile kwa majibu yale,

“mapenzi hayana usomi, unaniumiza Rahim”

“Nilishakwambia kaa mbali na mama yangu, Yule mama atakupa kichaa bure. Nimeambiwa kuwa mdogo wangu John alikuwa anamvalisha mchumba wake pete ndio wakafanya sherehe, ila wewe uliambiwa mimi naoa loh! Ni maswala ya ajabu hayo Erica, narudia tena kaa mbali na mama yangu. Atakuchanganya akili Yule mama”

“Kiukweli Rahim sikuelewi yani sikuelewi kabisa”

“Naomba ulale na ukiamka utanielewa kwa urahisi zaidi ila hivyo unavyobisha tu itakuwa ngumu sana kunielewa”

Erica alituma ujumbe mwingine ila hakujibiwa na Rahim, ilibidi tu alale huku akiwa amechukia vilivyo moyoni mwake maana aliona kama Rahim anamfanyia vitu vya makusudi.

Alilala huku akiwa na mawazo mbalimbali kuwa pengine mambo yake katika maisha yatabadilika.



Kesho yake alifika James nyumbani kwakina Erica, akiwa ameongozana na Mage, alikuwa na lengo la kuomba msamaha ila kiukweli Bite aligoma kabisa kuongea nae, aliwakuta sebleni ila Bite hakuitikia hata salamu yake.

Ila James alishangazwa kumkuta Erica na mtoto akicheza nae sebleni, aliuliza kwa mshangao,

“Mtoto wa nani huyo Erica?”

“Wa kwangu”

“Kheeee kumbe Erica una mtoto? Mbona mimi sijui”

Hapo ndio Bite alipomjibu mume wake,

“Utajulia wapi na siku zote upo busy na malaya wako”

Ikabidi Mage aingilie maana alijua ni mzozo mwingine utaibuka,

“Mmmh Bite mdogo wangu jamani, hata kama mtu kakukosea vipi ila usimwambie maneno makali hivyo”

“Sasa neno kali nillolitamka ni lipi? Kumwambia ukweli ndio neno kali?”

“basi yaishe, ila pokea msamaha wa mwenzio”

“Sitaki, tena naongea mbele ya wote hapa. James kuanzia leo mimi na wewe basi”

“Bite, kumbuka tumefunga ndoa ya kanisani na tulikula kiapo kuwa hatutaachana mpaka kifo kitakapotutenganisha”

“Usinibabaishe na hayo maneno, ambacho hutaachana nacho mpaka kifo ni mwili wako tu ila sio mimi tena unikome”

Ilibidi Mage amtoe kidogo James na kwenda kuongea nae kuwa arudi siku nyingine maana inaonyesha Bite bado alikuwa na hasira sana.

Ila kabla James hajaondoka aliomba kidogo kuongea na Erica, na aliongea nae jambo moja tu,

“Erica nitakutafuta ili unisaidie swala la kurudiana na mke wangu, najua wewe unajua kuwa mimi nifanye nini ili Bite akubali”

“Sijui mimi, hebu nipishe wasije hisi unanitongoza tena bure”

“Erica najua unajua, na nitakutafuta tu”

Kisha James aliondoka zake, na Erica kurudi ndani ila dada yake alimkata jicho hilo ambalo lilimtisha na kumwambia dada yake,

“Mbona unaniangalia hivyo dada?”

“Ngoja utakapoolewa halafu ufanyiwe ninayofanyiwa mimi na James uweze kuona moyo wako unavyokuwa”

Erica alikuwa kimya tu kwani bado kuolewa ila moyo wake ulikuwa na maumivu ya hali ya juu maana hata hakujua kuwa ni nani atakayemuoa.



Baada ya wiki kaka yao aliwaita ndugu zake wote na kuwaeleza dhumuni la kwenda nyumbani kwao kwa kipindi hiko,

“Jamani nimepata mchumba, nikaona ni vyema nije kumtambulisha nyumbani”

Walimpa hongera pale, na mama yake akamwambia kuwa ni uamuzi wa busara kumtambulisha mchumba wake, kwahiyo aliwaambia kuwa Jumamosi ya wiki hiyo ndio wajiandae kumpokea huyo mgeni ambaye ni mchumba wake, basi wakafurahi na kusema kuwa watajiandaa.

Siku ya Jumamosi, walikusanyika wote nyumbani yani mama yao, Mage, Bite na Erica huku wakimsubiri kaka yao amlete huyo mchumba aliyempata.

Muda kidogo kaka yao alifika na mgeni na kuanza kumkaribisha, muda huo Erica alienda chumbani kumlaza mtoto wake, ila aliposikia mgeni amefika alimlaza haraka mwanae na kwenda kumuona mgeni.

Alipofika tu sebleni alishangaa akigongana macho kwa macho na Dora, kwahiyo Dora ndio mchumba wa kaka yake.





Muda kidogo kaka yao alifika na mgeni na kuanza kumkaribisha, muda huo Erica alienda chumbani kumlaza mtoto wake, ila aliposikia mgeni amefika alimlaza haraka mwanae na kwenda kumuona mgeni.

Alipofika tu sebleni alishangaa akigongana macho kwa macho na Dora, kwahiyo Dora ndio mchumba wa kaka yake.

Erica alimtazama Dora na kuanza kucheka sana hadi ndugu zake wakamshangaa kuwa imekuwaje, mama yake akamuuliza,

“Vipi Erica, mbona unacheka hivyo baada ya kumuona mgeni?”

Muda huu Dora alikuwa akitazama chini tu, kisha Erica akasema,

“Ukisikia usiyempenda kaja ndio leo loh!”

“Erica hatukuelewi”

Erica akamsogelea Dora, na kuinama alipo kisha akapitisha mkono wake na kumshika tumbo halafu akamuuliza,

“Vipi shoga yangu, ile mimba ulishaitoa?”

Familia nzima ilikuwa ikishangaa tu, hakuna aliyeelewa haswa Tony na ilimbidi amuulize Erica kwa hasira,

“Wewe Erica, mbona unamfanya hivyo wifi yako jamani? Mbona unakosa heshima wewe?”

“Kaka sikia, huyu mwanamke sio mara ya kwanza kumuona huyu Dora namjua vilivyo tena alikuwa rafiki yangu”

Kisha akamuangalia mama yake na kuwaangalia dada zake na kusema,

“Jamani huyu ni mtu aliyefanya nione chuo kichungu, huyu ndio alipanga na watu wanibake ila hawakufanikiwa nab ado akatangaza chuo kizima kuwa nimebakwa. Kaka kama unaamua kuishi na huyu mwanamke ni juu yako ila nakwambia ukweli huyu mwanamke ni shetani”

Mama yao akamuuliza swali Erica,

“Na mimba uliyomuuliza ni ipi?”

“Huyu Dora nimekutana nae hivi karibuni tu, alikuwa anatafuta daktari wa kumtoa mimba akidai kuwa kabeba mimba bila kutarajia na kapata mchumba sasa itakuwa so huyo mchumba akijua, dah inaniuma sana kuona mchumba mwenyewe ni kaka yangu jamani! Kaka hivi hujaona wanawake wengine kweli?”

Dora alikuwa ameinama ila aliinuka bila kuongea na yeyote na kutoka nje, yani ni Tony ndiye aliyeanza kumfata nyuma Dora huku akimuita ila Dora hakuitika kwani kiukweli alishaaibika.

Ikabidi Tony aendelee tu kumfata Dora ili akazungumze nae.



Ndani walibaki wenyewe kwenye familia huku wakisikitika yale mambo waliyoyasikia,

“Jamani Erica, usingekuwa unamjua huyo msichana si ndio kaka yako angekuwa anadumbukia kwenye mdomo wa mamba?”

“Kweli mama,yani Erica asingemjua wala tusingekuwa na wasiwasi nae maana anaonyesha ni mpole kweli”

“Hata mimi nilipoanza urafiki nae chuoni nilijua ni mpole yani hata sikudhania kama ana mambo ya ajabu kiasi hiki, ila jamani mama na dada zangu mambo ya mapenzi yalivyo utashangaa kaka anapewa uongo na Yule mwanamke hadi sisi tunaonekana wabaya”

Bite akacheka na kumwambia Erica,

“Kweli umekuwa mdogo wangu naona unaanza kuelewa maana ya mapenzi, yani mapenzi bhana ni kweli usemayo yani inawezekana wote tukaonekana maadui hapa sababu ya mtu mmoja tu. Ila bora umesema mdogo wangu ili leo na kesho likibumbuluka tutamwambia si tulikwambia, ila usingesema ingekuwa ni lawama tu kwanini hukusema”

Walijadiliana pale ila hawakujua kilichoendelea kwa kaka yao, ila mama yao alionekana kuwa na misimamo yake ya kumkataa huyo msichana hata iweje, ili mradi tu kajua kuhusu huyo mwanamke hamtaki tena.

Jioni ilifika kisha Mage akaondoka na kuwaacha wakibaki wenyewe pale nyumbani, wakaendelea na maongeze mengine na usiku kufika wakalala ila Tony hakurudi.



Kesho yake wakiwa wanajadiliana kuwa Tony mbona hakurudi nyumbani ndio alifika, kwakweli mama yao alimsema sana maana hakupendezewa na lile jambo kabisa.

“Mama jamani, nampenda Dora na hana tabia hizo, huyu mwanao Erica anamsingizia tu”

Erica akadakia,

“Nilijua tu, ila kaka kama ukiamua kujiweka kwenye mdomo wa mamba shauri yako ila mimi nishakwambia ukweli”

Mama yao aliendelea kuongea,

“Tony, huyo mwanamke simtaki katika nyumba yangu yani simtaki kabisa na kama unaamua kumuoa basi utajuana na mjimba wako ila huyo mwanamke simtaki”

“Mama jamani, kwanini mnanifanyia hivyo? Erica aliyekutia aibu hapa kwa kuzaa nyumbani wala huna tatizo nae ila mimi ninayeweka heshima kwa kumtambulisha wangu humtaki”

“Hivi wewe mtoto uambiwe vipi jamani eeeh! Tushakwambia Yule msichana hakufai, au mpaka siku akuletee mtoto wa kipemba kama dada yako ndio akili ikukae sawa. Haya na jana ulilala wapi?”

“Mmmh nilijua tu, muulizeni dada Mage, nililala kwake”

Kisha akainuka na kwenda chumbani kwake, kwakweli mama yao aliona Erica na kaka yake ni watu wanaomchanganya sana akili.



Siku hiyo walimuita tena Tony kuongea nae habari za kusema Dora hawamtaki, ila na yeye alionekana kuanza kuelewa elewa,

“Mama, jana sikuwaaga ila nilienda kwakina Dora dah nimemkuta na mwanaume amesimama nae halafu mazingira sikulizika nayo kabisa, eti kaniambia ni kaka yake mmmh Napata shida kwa huyu mwanamke ila nampenda”

“Sitaki hiyo habari ya kumpenda huyo mwanamke asiyefaa”

Tony akainuka na kuondoka, mama yao akamtazama Erica sasa, ikawa zamu ya Erica, kama kawaida yake hakuacha kuongelea swala la mume wa Erica,

“Haya wewe mtoto, huyo mwanaume anakuja lini?”

Hili swali huwa linammaliza nguvu kabisa Erica, yani huwa anakosa raha akiulizwa swali la namana hii, muda ule ule alinyong’onyea na kumfanya mama yake aongee

“Nilijua tu utanywea, hivi Erica unataka sura yangu hii niiweke wapi? Tunafanya siri kila kukicha, hivi mtoto ana siri? Unafikiri watu hawajui kama una mtoto? Shida sio kwa majirani ila ndugu wakijua, jamani nitaweka wapi sura yangu mimi? Erica, fanya juu chini umlete huyo mwanaume, ni afadhali wakigundua niseme mwanaume yupo kuliko hivi. Umenisikia”

“Sawa mama”

“Yani sio unanijibu sawa tu, kinachotakiwa ni vitendo. Waje hapa wajitambulishe na kumuona mtoto wao, waniambie hatma yako kwa huyo mwanaume. Inamaana huyo mwanaume hana ndugu jamani, maana hatujawahi kuona ndugu yake wala rangi ya ndugu yake”

Muda kidogo mtoto wa Erica aliamka na leo alitoka mwenyewe hadi sebleni, Bite alisema,

“Kheee Angel mjanja jamani yani katoka mwenyewe chumbani kuja sebleni”

Mama yao akadakia,

“Sio ujanja tu, hiyo ni kuonyesha kama mtoto amekua. Huyu Angel amekua sasa”

Erica akamchukua mwanae na kumpakata, mama yake akasema,

“Erica, hivi huoni aibu? Mtoto anazaliwa, anakaa, anatambaa na sasa anatembea na wiki ijayo anaenda kufunga mwaka ila hakuna mwanaume wala rangi yake. Hapo ulipo hata mahafali ulishindwa kuhudhuria sababu ulikuwa unanyonyesha, Hivi iko wapi elimu yako? Iko wapi sifa yangu ya kusema mtoto anasoma? Umenitia aibu Erica, haya huyo mwanaume yupo nje, ndugu zake je? Huyo mwanaume hana ndugu? Basi sio binadamu wa kawaida kama hana ndugu. Kiukweli umenitia aibu Erica jamani yani umenitia aibu balaa, haya baba wa mtoto yuko wapi? Yani sitaacha kuuliza swali hili hadi nitakapomuona. Nilikuuliza toka mtoto mchanga ukanijibu atakuja, atakuja hadi leo kimya na wiki ijayo mtoto anatimiza mwaka ila baba hola, aua ulidanganyika siku ile niliposema kuwa Yule muuza samaki ndio baba Angel? Kama umekubaliana nae basi mlete ajitambulishe rasmi na akuoe maana sina muda wa kukwambia mwanaume gani anafaa kukuoa kwasasa, ukizingatia ushaharibu maisha yako. Fanya ufanyavyo ila nahitaji kumjua baba wa huyu mtoto. Erica, mtoto anahitaji malezi ya baba na mama, hivi hutamani ukiona baba na mama wameongozana wakiwa wamebeba kitoto chao hutamani? Erica nahitaji jibu, huu mwezi usipite mwanangu, huyu mtoto amekua sasa sio muda wa kucheleweshana huu. Nadhani umenielewa”

“Nimekuelewa mama”

Erica alikuwa mpole sana na kuinuka na mwanae kisha kwenda nae ndani, ila alipoingia chumbani kwake alijifungia na kulia kama kawaida ingawa alijua wazi kilio chake hakimsaidii kitu.

Alilia sana na kujikuta akilaumu sana kuhusu Rahim, ingawa maneno ya mama yake yalimchoma ila kuna muda aliona kuwa mama yake alikuwa na ulazima wa kuyasema maana asingeweza kuacha mwanae ateketee.



Usiku wake kama kawaida alianza kumtafuta Rahim hewani maana akisemwa semwa ndio anapoteza raha kabisa, alimtafuta na kumkuta tu hewani akamtumia ujumbe maana siku hizo ilikuwa tofauti na zamani kuwa Rahim ndio alikuwa anamtafuta Erica, kwa siku hizo ni Erica ndio wa kumtafuta Rahim tena anaweza kutuma jumbe hata nne ndio akajibiwa, ile kitu ilimuumiza sana Erica.

“Rahim kwanini lakini unanifanyia hivyo jamani! Lini utakuja kumuona mtoto?”

“Erica, kwani kitu gani unataka haswaa maana huwa sikuelewi”

“Rahim jamani, kumbuka sisi ni wazazi. Na mtoto anahitaji mapenzi ya baba na mama”

“Kwani niliwahi kukwambia simpendi huyo mtoto?”

“Hapana Rahim sio hivyo, ila mbona umebadilika sana jamani Rahim yani sio Yule ambaye nilikujua jamani”

“Erica, hebu zungumza unachotaka kusema sio kuanza kueleza eleza vitu visivyokuwa na kichwa wala miguu. Sasa kitu gani ambacho nimebadilika mimi, mbona unaeleza vitu visivyoeleweka, wewe sema unataka nini kwangu. Maana kama pesa za kumtunza mwanangu huwa nakutumia haya kitu gani unataka”

“Rahim, kumbuka nimezaa nje ya ndoa na nyumbani hawakufahamu”

“Kwahiyo unataka nini?”

“Nataka nyumbani wakufahamu na unioe”

“Hahahaha unanichekesha Erica, unataka ndoa? Hiyo ndoa utaiweza wewe au unaitaja tu ilimradi umeitaja”

“Jamani Rahim kweli ndio maneno ya kuniambia hayo? Kuna mwanamke asiyeweza ndoa hapa duniani? Rahim, kumbuka ahadi zako kwangu, kumbuka uliniambia nini”

“Si nilikwambia ubadili dini nikuoe”

“Rahim, dini sio kigezo cha wewe kushindwa kunioa. Kuna ndoa za bomani, watu wanafunga na dini tofauti”

“Hahahah hivi sharia zetu unazijua wewe? Hebu ulizia vizuri uelezwe kama ulishawahi kuona mtu kama mimi kafunga ndoa ya bomani au kabadilisha dini. Hivi wewe ni mwanamke gani usiyemuelewa? Hujui kama mwanamke hana dini? Ukitaka nikuoe badili dini nikuoe mwisho. Kama hutaki jua kwamba hakuna kitu kinachoitwa ndoa baina yangu na wewe”

Erica aliona machozi yakitoka machoni mwake, alijisikia uchungu wa hali ya juu, kisha akabadilisha ujumbe wa kumwambia Rahim,

“Sawa, nimekubali hakuna ndoa basi njoo nyumbani uonekane. Umuone mtoto na ndugu zangu wakufahamu, mama ananiuliza sana maana hata ndugu zako hujawaambia kuhusu mimi na mtoto una maana gani?”

“Ila nilishakwambia mama yangu alivyo, yani siwezi kumwambia mama aje kwenu maana namjua vizuri. Pili mimi nitakuja tu, sasa usinipangie siku ya kuja, jua nitakuja tu. Huyo mtoto sijamkataa, ni wangu na ninampenda kwahiyo nitakuja tu hata usiwe na mashaka kuhusu swala la mimi kuja”

“Kwahiyo ni lini?”

“Nimekwambia Erica usinipangie, nitakuja tu”

Hapa Erica alipumua na kuweka simu pembeni maana alianza kulia tena na alilia hadi alihisi kichwa kumuuma na kujiona kama ametupwa duniani na hana uelekeo kabisa, alikosa raha.

Akikumbuka maneno ya mama yake, na akiwaza kile alichoambiwa na Rahim alihisi kupata kizunguzungu kabisa, alilia sana na kulala huku akilia kwani hakuweza tena kuongea na Rahim alihisi kuendelea kuumia tu.



Asubuhi palivyokucha ni dada yake alienda kumgongea mlango na kisha kuinuka na kufungua, Bite aliingia ndani na kumuangalia mdogo wake akamuuliza,

“Nini tatizo Erica, mbona macho yamekuvimba hivyo?”

“Hakuna tatizo dada”

“Hakuna tatizo wapi, ulikuwa unalia wewe”

Erica alikuwa kimya tu na kukaa kitandani kisha Bite nae akakaa kitandani na kuendelea kuongea na mdogo wake,

“Erica mdogo wangu, unalizwa na maneno ya mama kweli? Yani unakosa raha sababu ya maneno ya mama jamani?”

“Hapana si maneno ya mama”

“Basi kipi kinakuliza”

Erica alijikuta akianza tena kulia maana alishindwa kujizuia na kusema,

“Dada, nakubali kuwa nimefanya makosa tena makosa makubwa sana ila dada sikutegemea kama ingekuwa hivi katika maisha yangu. Yani mama anahitaji niolewe ila mwanaume hataki kunioa, ina niuma dada tena inaniuma sana”

“Usiumie mdogo wangu, wala sijaona sababu yaw ewe kuumia. Bado mdogo wewe, huyo mwanaume mwache aende zake na utapata mwingine wa kukuoa. Halafu usikimbilie ndoa mdogo wangu, zina mambo mengi sana yani unaweza hadi kuchanganyikiwa sababu ya ndoa. Niangalie dada yako, si niliolewa mimi na harusi na vigelegele kabisa ila kiko wapi? Hata nikirudi bado nitakuwa na maumivu moyoni, mdogo wangu wewe ni binti mdogo, angalia maisha yako. Ukikosea usikae kwenye makosa ila inuka na usonge mbele”

“Sasa nitasongaje mbele dada? Mwanaume hataki hata kujionyesha nyumbani”

“BHivi wewe si kuna Yule muuza samaki, ongea nae aje yeye kujitambulisha kama unahisi kupungukiwa na kitu ila ningekuwa ni wewe hata nisingeusumbua moyo wangu”

Maneno ya dada yake kidogo yalimtia moyo, na dada yake akamtaka akaoge ili awe na nguvu na aweze kumuogesha mwanae na kumlisha, kwahiyo alifanya hivyo na kuwa na nguvu.



Mchana aliamua kuwasiliana na Bahati, ila kabla hajaongea nae lengo lake Bahati akamwambia,

“Erica, tena bora umenipigia maana kuna jambo nataka kukwambia”

“Jambo gani hilo?”

“Nimeshawaambia ndugu zangu kuwa nimezaa na wewe, na wanataka kuja kumuona mtoto”

Erica akafikiria kwa muda kuwa itakuwaje, kisha akamuuliza Bahati

“Kwanini umechukua uamuzi huo wakati unajua mtoto sio wako Bahati?”

“Mtoto wako wewe ndio wangu Erica, kumbuka mimi ni mwanaume wako wa kwanza kwahiyo lazima nichukue jukumu hilo. Erica, nishawaambia ndugu zangu naomba usiniaibishe mpenzi wangu. Ndugu zangu wote wanajua nimezaa na wewe mtoto wa kike, mama amefurahi sana hata zile tofauti na wewe zimeondoka, naomba waje kumuona mtoto”

“Sasa ndugu zako hawatashtuka kama tunawadanganya Bahati?”

“Erica, kitanda hakizai haramu. Nahitaji kukuoa tena swala la mtoto itakuwa ndio kigezo kikubwa sana maana nitasema nataka kumuoa mama wa mtoto wangu. Erica, huyo mtoto ni wa mimi na wewe, haijalishi yukoje ila ni mtoto wetu”

“Sawa kama umeamua hivyo”

“Nakupenda Erica, tafadhali mwambie mama kuwa keshokutwa nakuja na ndugu zangu kumuona mtoto na tutajitambulisha siku hiyo maana nitakuja na mshenga kabisa na barua ya kuomba mke”

“Sawa nitamwambia”

“Nakupenda sana Erica”

Kisha wakamaliza yale maongezi, kwa upande wa Erica alijihisi amani kidogo kwenye moyo wake kwani kwa wakati huo hakuangalia kupenda sana wala nini, ilimradi mtu afike kwake na lengo la kumuoa basi huyo alimfaa.

Alipomaliza kuongea nae, alienda kumwambia mama yake kuhusu ujio wa Bahati na barua ya uchumba,

“Kwahiyo huyo ndio baba Angel?”

Erica alikuwa kimya, na mama yake akamuuliza tena,

“Huyo ndio baba Angel?”

“Ndio mama”

“Siri ya mtoto unayo wewe, ulisema baba yake anaitwa Rahim, saivi Bahati unataka kutupiga changa la macho kwa Yule muuza samaki eeeh! Au umemdanganya mtoto wake!”

Erica alikuwa kimya tu, mama yake akasema tena,

“Sawa nimekubali, ila tutakuwepo familia tu hapa. Nitawaambia dada zako basi, tutakusanyika hiyo keshokutwa kuwapokea”

Kitu ambacho hakumueleza mama yake kuwa wanakuja na kumuona mtoto ila alimwambia tu wanakuja kujitambulisha.



Usiku wake aliamua tena kumtafuta Rahim hewani, akamsalimia leo na kumuuliza,

“Rahim, kwahiyo unaniruhusu niolewe na mwanaume mwingine?”

“Hahaha hebu usinichekeshe Erica, nikupe ruhusa au nisikupe kwani nimekuoa? Mwenye maamuzi ni wewe mwenyewe ila mimi siwezi kutoa maamuzi juu yako”

“Rahim, hivi huna wivu hata kidogo na mimi?”

“Erica, hata nikiwa na wivu itasaidia nini? Niko mbali mie sasa unadhani kuna ninachoweza kufanya? Wewe fanya unachoona ni kizuri kwako, ukiamua kuolewa haya, ukiamua kutokuolewa haya, ukiamua kunisubiri mie haya ila sikupi ruhusa yoyote maana mimi sio wa kukupa ruhusa wewe. Hiyo ruhusu ichukue kwenye moyo wako”

“Dah”

Erica aliona akidharaulika balaa na kila siku aliyoongea na Rahim alikosa raha kabisa, maana mawazo yalizidi maradufu kwake.

Alilala kwa shida sana usiku ule maana aligubikwa na mawazo, hata kesho yake usiku hakuweza tena kumtafuta Rahim kwani alijua atamuongezea mawazo maradufu.



Wote leo walitulia wakisubiri ugeni walioambiwa na Erica, na muda kidogo ugeni uliwasili, alikuwepo Bahati akiwa ameongozana na mbaba wa makamo kisha na mama yake Bahati na dada zake waweli. Mama Erica aliwakaribisha kwa vizuri kabisa, kisha kuanza kusalimiana nao na walionyesha kuwa na furaha tu.

Walikaa na Erica akaitwa, alitoka bila mtoto ila alipofika tu sebleni mtoto wake nae alimfata nyuma, na alikuwa ndio ameanza anza kuongea, Yule mtoto akawa anamuita Erica,

“Mama, mama”

Pale sebleni wote walikuwa wakimuangalia Angel, muda huo Bahati alionyesha tabasamu kubwa na kumwambia Angel

“Njoo mama”

Basi Angel akawa anamsogelea Bahati na alipofika pale Bahati alimuinua na kumpakata, ila kabla hawajafanya maongezi mengine alisikika mama Bahati akiuliza,

“Kwahiyo Bahati, mtoto wako mwenyewe ndio huyo?”

“Ndio mama, ndio huyu anaitwa Angel”

Huyu mama alisimama na kung’aka,

“Wewe mtoto hebu nitolee uchizi mimi, hata kipofu hawezi kudanganywa kuwa huyu mtoto ni wake maana hata akimpapasa nywele tu atajua si mtoto wake. Wewe mwenye macho mawili kabisa unaanzaje kusema huyu mtoto wa kiarabu ni wako?”

Wote walinyamaza kimya, Erica alishindwa hata aseme nini maana mambo kama yale aliyahisi tu.





Huyu mama alisimama na kung’aka,

“Wewe mtoto hebu nitolee uchizi mimi, hata kipofu hawezi kudanganywa kuwa huyu mtoto ni wake maana hata akimpapasa nywele tu atajua si mtoto wake. Wewe mwenye macho mawili kabisa unaanzaje kusema huyu mtoto wa kiarabu ni wako?”

Wote walinyamaza kimya, Erica alishindwa hata aseme nini maana mambo kama yale aliyahisi tu.

Yule mama aliwaangalia ndugu zake na kusema,

“Tulihisi tu kuwa tunaenda kupigwa changa la macho maana huyu binti hawezi kuwa mkweli kamwe. Tuondokeni”

Kisha akamuangalia mwanae na kusema,

“Acha ubwege, weka mtoto chini twende”

Kiukweli hili swala hata Bahati hakulipenda kwani aliona kama amedhalilishwa, kwahiyo aliinuka na kutoka na familia yake nje maana ilikuwa ni aibu kwake na wala hakufikiria kama familia yake ingeweza kufanya kitu kama kile, haswa mama yake. Na wakati wanatoka, mama na dada zake Bahati walimuangalia Erica na kumsonya yani kila mmoja alikuwa akimsonya. Kitendo hiki kilimkera sana mama yake Erica, aliinuka na kuwazuia kutoka nje,

“Hivi nyie mmepata wapi ujasiri wa kuongea shombo zenu kwenye nyumba yangu? Na ubaya zaidi kumsonya mtoto wangu, kuna sababu gani nyie ya kumsonya mwanangu? Nawauliza? Kama mwenye matatizo hapa si kijana wenu na sio mtoto wangu, tena sikieni leo ndio iwe mwanzo na mwisho kwa nyie kukanyaga katika nyumba hii. Haya ondokeni”

Muda huu wakati mama Erica anaongea hakuna aliyethubutu kumjibisha maana hata ndugu wa Bahati waliogopa kuanza varangati kwenye nyumba ya mtu, wataonekana wakorofi ila kiukweli angekuwa kwenye eneo lao wangeanza kumchamba kama kawaida yao, mama Erica akawapisha watoke nao walitoka ila Bahati alirudi nyuma na kwenda kupiga magoti kwa mama yake Erica,

“Mama, naomba nisamehe mimi. Sio wale watakaoishi na Erica ila ni mim, nampenda sana Erica mama usinichukie mimi”

“Inuka na uende na nduguzo tafadhali”

“Mama nisamehe”

Mama Erica hakujibu na kwenda kukaa ila hakujua tabia ya Bahati kuwa anaweza akapiga magoti pale mpaka kesho yake asubuhi asipopewa jibu kuwa amesamehewa, na kweli ndugu wote wa Bahati na Yule mshenga walikuwa wameondoka ila Bahati alibaki amepiga magoti tu ndani kwakina Erica.

Bite alimfata mama yao na kumwambia kuwa Yule kijana bado kapiga magoti, mama yao alishangaa sana,

“Mpaka muda huu!”

Erica alikuwa akijiinamia tu ila swala la kusikia Bahati bado amepiga magoti ikabidi amuombe mama yake akamwambie kuwa amemsamehe aende,

“Kwahiyo wewe umeridhika na kile walichofanya ndugu zake?”

“Sijaridhika nacho mama, ila Bahati namfahamu mama. Yani anaweza piga magoti hapo hadi asubuhi”

“Kheee mkubwa”

Mama yao aliinuka na kumwambia Bahati kuwa amemsamehe na aende, ndipo Bahati aliinuka na kuondoka.



Ndugu wa Bahati walichukizwa sana na kitendo cha Bahati kubaki ndani akipiga magoti kwa kuomba msamaha, walipokuwa pale nje kabisa na nyumba ya kina Erica maana walitoka nje kabisa, walijadiliana ambapo alianza dada yake Bahati,

“Hivi mama huyu kijana wako ana nini jamani, kwanini anakuwa hivi?”

“Hata mimi nashangaa dada, mama inabidi tufanye kitu. Haiwezekani Bahati akawa bwege kiasi hiki, au huyu msichana kamapa dawa ndugu yetu?”

“Inawezekana maana sio hali ya kawaida, mtu unaona kabisa mtoto sio damu yako ila unakazana kusema mwanangu. Hivi kwani Bahati ana shida gani kwasasa? Kila kitu anacho, biashara nzuri hadi gari hii kanunua (akionyesha gari aina ya Noah waliyoenda nayo kwa kina Erica), kanunua kwa pesa yake mwenyewe. Sasa kitu gani kinamfanya amng’ang’anie huyu mwanamke? Saivi ameanza ujenzi na nyumba karibia inaisha”

“Sio karibia, ni imeisha ila mjinga Yule kasema akimuoa huyu mwanamke wake ndio ataenda kuishi nae kule. Kwahiyo bado anakaa kwenye chumba cha kupanga sio kwamba nyumba haijaisha, imesha ila mjinga kasema mpaka akaishi na Erica, sijui Yule mtoto nimfanye nini jamani”

Mshenga alikuwa akiwasikiliza kwa makini sana na alikuwa kimya muda wote, ila sasa ndio akaongea,

‘Unajua leo ndio nimeshangaa, kumbe Bahati ana maendeleo kiasi hiki! Unajua tulivyokuwa tunakuja na gari hii nilijua labda kaomba rafiki zake kama kipindi kile alivyokuwa anaomba bodaboda, kumbe ni yake jamani huyu kijana loh! Kumbe na nyumba amejenga! Kweli ana kila sababu ya kuoa, sasa tunaweza kulalamika bure hapa kuwa inakuwaje ila kwa mazingira yalivyo ni wazi kuwa Bahati kapewa dawa na huyu msichana. Sasa mimi nina ushauri kama mtaafiki”

“Ushauri gani huo?”

“Kumbuka nina binti yangu, Yule Nasma ndio kamaliza kidato cha nne mwaka jana. Kwanini Bahati asimuoe huyo?”

Wakatazamana, kisha mama Bahati akasema,

“Itakuwa vizuri, ila itawezekanaje?”

“Sikia niwaambie, sababu Bahati kapewa madawa itakuwa ngumu sana kwa kumwambia hivi hivi ila inatakiwa tumuendee kwa mtaalamu kisha apewe dawa. Najua kwenu ndio itakuwa rahisi kumfanyia dawa hiyo na atajikuta akikubali kumuoa Nasma, na akikubali tu yani ndoa tunaifanya haraka haraka tusipoteze muda kabla mambo hayajaharibika, nitampaka binti yangu akiingia ndani tu abebe mimba maana hata dawa za Yule zikianza tena Bahati hawezi kumrudia sababu Nasma atakuwa na mtoto nae. Au mnasemaje kuhusu hilo?”

“Dah! Hilo swala zuri sana, kwanini hatukupanga siku nyingi? Dah! Asante Mungu maana mwanangu atapata pumziko la moyo sasa”

Wakaendelea kujadiliana pale, mpaka Bahati alipotoka ndani kisha kupanda nao kwenye gari na kuondoka nao maana hakutaka hata kuongea nao jambo lolote ukizingatia walishamdhalilisha.



Nyumbani kwakina Erica walianza kumsema Erica, haswa mama yake,

“Hivi Erica, angalia aibu uliyonitia mama yako jamani! Hivi ulishindwa kupanga na huyu muuza samaki wako, kwani hukuelewa kuwa ndugu zake wangefika wangeshtushwa na mtoto? Wangapi wanaolewa wakiwa na watoto tayari? Ni wengi tu lakini wanakuwa na makubaliano na wenza wao yani hilo linajulikana wazi, bora hata mtoto angekuwa wa Kiswahili, tatizo mtoto ni wa kiarabu Erica yani hapo ndio kuna shida mwanangu dah hata sijui inakuwaje”

Erica aliinuka na kwenda chumbani kwake maana yeye alipata aibu kushinda ile aliyoipata Tony kwa kumleta Dora.

Alifika chumbani na kumuweka mwanae pembeni ila machozi yalimtoka, kitendo hiko kilionekana kinamuumiza pia mtoto wake kiasi kwamba hata mtoto wake alianza kulia, ikabidi Erica anyamaze na kuanza kumbembeleza mtoto.

Alitulia kimya sasa ila baada ya muda kidogo dada zake yani Bite na Mage walienda chumbani kwa Erica kuzungumza nae,

“Erica, usisononeke kwa hili lililotokea ila sisi tunaelewa mdogo wetu ulikuwa tu ukitaka kutuliza haja ya moyo wa mama ila ukweli upo wazi kuwa Yule mwanaume si muhusika wa huyu mtoto, si ndio?”

“Ndio”

“Basi kama ni hivyo, inamaana yote haya uliyategemea mdogo wetu. Sidhani kama ni jambo jema kwako kuendelea kuwa na mawazo”

“Sawa dada zangu nimewaelewa”

“Ila hebu leo tuongee kirafiki, baba wa Angel yuko wapi? Na huwa anasema nini kuhusu swala la ndoa wewe na yeye? Na huwa anasemaje kuhusu kumuona mtoto? Kuwa muwazi mdogo wetu”

“Dada zangu ngojeni tu niongee, baba wa mwanangu nadhani nilifanya makosa sana kumuamini mwanaume kiasi hiki ila kiukweli kanitamkia wazi kuwa hana mpango wa kunioa mpaka nibadili dini”

Erica akainama na kulia, ila dada zake wakamtuliza,

“Eeeh swala la kutokukuoa bado sio tatizo, unaweza kuolewa na mtu mwingine. Vipi kuhusu kumuona mtoto?”

“Yani siku zote huwa ananiambia nitakuja na hataki kusema atakuja lini?”

“Na vipi kuhusu kumuhudumia mtoto?”

“Huwa anamuhudumia”

“Basi sio tatizo”

“Ni tatizo dada, yani kiukweli Rahim kabadilika sana siku hizi. Zamani kabla sijawa na mtoto alikuwa akinitumia hela nyingi sana, hata wakati naenda kujifungua alinitumia hela nyingi ila siku hizi kabadilika kwanza shida ya hela hadi nimwambie halafu hanitumii kwa kiwango kile alichokuwa ananitumia mwanzoni. Yani siku hizi naweza nisimpate hewani hata mwezi na nusu halafu akiibuka nikimwambia nashida na hela basi anatuma laki mbili, na hapo nikimtumia ujumbe mwingine wa kumuomba hela hajibu ujumbe wangu. Ndiomana namuuliza mara kwa mara atanioa lini? Pengine nikiishi nae atamuhudumia vizuri mtoto wake”

“Mmmh ila Erica, hebu tuambie ukweli unajua wewe hata mtu akikusikiliza kuhusu swala la mwanaume kutokukutumia pesa hatokuamini kabisa, kwanza toka mtoto kazaliwa huyu hujawahi kupanda nae daladala, unaendaga kliniki ya mbali kabisa na unaenda na tax na kurudi na tax. Hufanyi kazi wala biashara Erica, nina uhakika hata mama hajawahi kukupa hela ya tax ila ni hela zako. Kama huyo mwanaume kabadilika siku hizi basi mwanzoni alikuwa anakutumia hela nyingi sana si ndio? (Erica akatingisha kichwa kumuitikia dada yake) Haya sasa, alikuwa akikutumia kama kiasi gani?”

“Mara nyingine milioni moja, mbili au tatu na akituma laki tano basi ndio ametuma hela ndogo”

“Mmmh kwa aina hiyo ya mwanaume mdogo wetu ulikuwa na haki ya kubabaika ila ungetushirikisha dada zako na tungekufundisha mbinu za kula na kipofu, haya sasa hizo hela nyingi umefanyia nini?”

“Nifanyie nini dada? Nilikuwa natumia tu”

“Unatumia milioni tatu, sijui mbili kwa matumizi gani hayo? Erica mdogo wangu hata hukuwaza kuanzisha biashara!”

“Dada, kipindi kile nilikuwa nasoma wala wazo la biashara sikuwa nalo. Kwanza nilijua nikimaliza chuo basi nitaanza kazi, kwahiyo sikuwa na wazo la biashara kabisa kichwani”

“Sasa hizo hela ziko wapi? Inamaana zote umekula?”

“Dada, hela niliweka benki ila kwa matumizi yangu na mtoto zimebaki kidogo sana na nikimwambia yeye ananitumia hela za mawazo hadi kichwa change kimevurugika na sijui cha kufanya”

“Watu huwa wanafurahia mapenzi kabla ya ndoa na kabla ya kuzaa, ungetuuliza kwanza dada zako. Yani kabla hujachukua uamuzi wa kubeba mimba, ungetuuliza kwanza, huyo kaka inaonyesha ana hela, mwanaume afikie hatua ya kukutumia milioni tatu ya matumizi tu! Huyo ni tajiri, sasa mdogo wangu ungeuliza ila cha ajabu hizo hela hata dada zako hatujawahi kuziona. Kumbe ndiomana ulikuwa huoni shida kukodi gari kutoka nyumbani hadi chuoni, kumbe ulikuwa na hela!”

“Nisameheni dada zangu, ila mnanishauri nifanyeje kwasasa?”

“Cha kukushauri maana ulishakosea tena ulikosea kabisa ila unatakiwa tu kuwa mpole, yani huyo mwanaume wasiliana nae kwa upole kabisa, ila kwavile kasema hatokuoa hadi ubadili dini ujue hapo ndoa hakuna”

Bite akatoa ushauri mwingine,

“Sasa dada, mdogo wetu akitaka apate tena hela za Yule mwanaume ajifanye anakubali kubadili dini ndio atamchota vizuri”

“Bite mdogo wangu, unafikiri kuna muowaji kweli hapo? Yani kuhusu dini ni kisingizio tu, yani hapo hamna cha ndoa wala nini ila Erica shukuru Mungu umeshaujua ukweli halafu usonge mbele. Saivi angalia jinsi ya kutunza mtoto wako tu, usihofu kuhusu mume utapata tu”

Erica alianza kuwaelewa dada zake na kuishiwa maumivu kidogo yale aliyokuwa anayawaza moyoni.



Usiku wake Erica aliwaza sana kuhusu yale aliyokuwa akizungumza na dada zake kwa siku hizo, ila neno la dada yake Bite lilimuingia akilini kuwa amwambie Rahim kuwa anakubali kubadili dini kwani kiukweli bado Erica alikuwa na wazo la ndoa licha ya kumwambia kuwa aachane na wazo hilo.

Aliingia kwenye mtandao na kumtumia ujumbe Rahim, ambapo kwa leo alianza na salamu kisha Rahim alimuitikia halafu Erica akaandika tena ujumbe mwingine,

“Rahim, nipo tayari kubadili dini unioe”

Akamtumia huku akisubiri majibu, ila alikaa kama nusu saa bila ya kujibiwa na kujiuliza kuwa imekuwaje maana hakuelewa sababu alijua lile jambo lazima lingemfurahisha Rahim, alipoona kimya akatuma ujumbe mwingine,

“Mbona kimya Rahim”

“Kimya nini?”

“Si nimekutumia ujumbe, mbona hujanijibu”

“Ujumbe gani?”

“Si nimekwambia nipo tayari kubadili dini unioe”

“Sasa hilo ni swali umeniuliza au ni nini maana sijaelewa ndiomana sijakujibu”

“Rahim jamani, mbona unakuwa hivyo. Yani nakwambia kitu kingine unanijibu vingine. Kwanini lakini?”

“Sijakuelewa”

“Si ulisema nibadili dini ndio unioe? Nipo tayari kubadili dini sasa, lini utakuja kunioa?”

“Ila wewe Erica hebu muda mwingine uniache nipumue jamani, kila siku hakuna vitu vya msingi tunavyozungumzia zaidi ya ujinga ujinga tu. Kwanza mwanangu anaendeleaje?”

“Yani wewe mwanaume laity ungeingia kwenye moyo wangu na kujua jinsi gani naumia sijui kama ungekuwa unanifanyia hivyo, huyu mwanao unataka kujua anaendeleaje unampenda kweli? Kama ungempenda si ungekuja kumuona? Yani Rahim kuanzia leo sitakwambia tena habari za mtoto”

“Sasa Erica huko unafika kubaya, kumbuka wewe ndiye mwandani wangu, kumbuka tumezaa Erica, huyo mtoto anatuhitaji wote wawili sasa ukisema hutoniambia tena kuhusu mtoto wangu utakuwa hunifanyii vizuri”

“Ungeujua umuhimu wa huyu mtoto basi ungejua na umuhimu wa mama yake”

“Erica, nielewe ninaposema nitakuja. Tatizo lako unapenda nifanye vitu ambavyo sina uwezo navyo kwasasa, kuwa muelewa basi Erica. Kesho nitakutumia pesa”

Rahim alitumia swala la kumwambia Erica kuwa atamtumia pesa ili kumpooza maana alimuona ameshapaniki, naye Erica hakuweza kuendelea kuongea nae zaidi, kwahiyo aliamua kulala tu.



Alipoamka aliendelea na kazi zingine ila akatumiwa ujumbe na Rahim kuwa ametumiwa pesa,

“Nimekutumia laki moja na nusu”

Erica alisoma ule ujumbe na kuona kweli Rahim kabadilika maana mwanzoni ilikuwa akimtumia hela kubwa kubwa ila kwa ile hali inamaana kuwa kuna siku atatumiwa elfu tano, ila kwavile alikuwa na shida alishukuru hata hiyo aliyoipata maana kwa siku hizo Rahim alikuwa akimtumia moja kwa moja kwenye akaunti yake.

Muda kidogo akaitwa na mama yake, kisha mama yake akaanza kumwambia,

“Haya Erica mwanangu, umeona jana ulivyoniaibisha mama yako? Umeona?”

Erica aliitikia kwa kichwa tu, kisha mama yake aliendelea kuongea,

“Una mpango gani sasa? Una mpango gani na maisha yako? Au unasubiri huruma za kudhalilishwa kiasi hiki hadi lini? Hujishtukii mwanangu?”

“Mama, nakuomba mama yangu usinikandamize”

“Sikukandamizi mimi ila ujinga wako ndio uliokukandamiza, sijakutuma ulete mwanaume mwingine halafu umsingizie mtoto. Hapa usinione hivi, nimechanganyikiwa, wiki ijayo wajomba zakowanakuja sijui hata nitaweka wapi sura yangu”

Kiukweli Erica hakujua cha kumjibu mama yake na kujikuta akiwa kimya tu na kumuacha mama yake aongee hadi anyamaze.

Mchana wa siku hiyo alifika James na kumkuta Erica na mama yao maana Bite hakuwepo siku hiyo, alienda nyumbani kwa Mage kwahiyo James alipata upenyo wa kwenda kuzungumza pale.

James alikaa sebleni na Erica akizungumza nae, ni wazi James alihitaji sana kusamehewa na mke wake,

“Erica, niambie nifanye nini ili dada yako anisamehe”

Erica akawaza kuwa dada zake waliposikia alikuwa anatumiwa pesa nyingi na Rahim walionyesha kumpenda sana na hata kuona mdogo wao hajafanya makosa kuzaa na Rahim kwahiyo dada zake bado walihusudu pesa. Pia akakumbuka dada yake aliwahi kulalamika kuwa ameambulia kigari kisichoeleweka kwahiyo inamaana akipata gari nzuri zaidi atamsamehe mume wake,

“Shemeji, najua hela unayo ila kwanini usimnunulie mkeo gari nyingine? Mshtukize kwa kumletea gari nyingine hapa, najua atakusamehe tu”

“Sasa gari gani?”

“Yoyote nzuri, yani gari utayoona imezidi ubora ile gari ya mwanzo maana huwa anailalamikia sana ile gari.”

“Una uhakika Erica, nikifanya hivyo dadako atanisamehe?”

“Fanya hivyo kwanza halafu uone kama atakusamehe au la”

James aliona aage mapema kabla mkewe hajarudi na kumkuta hapo nyumbani, kwani hakutaka mkewe ajue kama alifika kwao.



Usiku kama kawaida, Erica alianza kwa kumtafuta Rahim na leo alimuuliza,

“Mbona siku hizi hunitumii hela kama zamani?”

“Hela nyingi wewe unataka za nini?”

“Jamani, kuna vitu vingi. Mtoto ana mahitaji mengi kwahiyo ndiomana nahitaji pesa”

“Yani wewe Erica ni bure kabisa, umesoma lakini ni bure yani ndio nyie ambao elimu haijawakomboa. Nilijua utaniambia nitumie hela nyingi nifanye biashara ila wewe umekazania kusema tu una mahitaji mengi. Ndio mke wewe? Loh!”

“Rahim acha kunisema vibaya, najua mimi sio mke kwako. Nitakuwaje mke na wewe umeshaoa?”

“Ushaanza kuota tena, aliyekwambia nimeoa nani? Erica acha mawazo mgando, mke wangu ni wewe”

Katika siku alizotabasamu tangu awe na mtoto basin i leo toka alipoambiwa kuwa mke wangu ni wewe yani alijihisi kuwa na furaha iliyopitiliza kiasi kwamba hakuendelea tena kumtumia ujumbe mwingine Rahim zaidi ya kumtakia siku njema na kulala huku akitabasamu na kuwaza kuwa yupo ndani ya nyumba akiishi yeye, Rahim na mtoto wao.



Kulipokucha, alifanya shughuli za nyumbani kwao. Siku hii ilikuwa ni siku ya kumpeleka mwanae kliniki kwahiyo alimuandaa vizuri nay eye kujiandaa kisha kuita gari kwaajili ya kwenda kliniki.

Gari lilifika na alipanda na kwenda kliniki, ambapo alihudumiwa vizuri tu, wakati anatoka akakutana uso kwa uso na Mrs.Peter akiwa ameongozana na Yule Salma yani Erica alishindwa hata kujificha ila kwa bahati muda huo mtoto wake alikuwa mgongoni amelala.

“Kheee Erica, mtoto wa nani huyo?”

“Wa dada yangu”

“Aaah ndio umemleta kliniki! Mwenyewe yuko wapi?”

“Kaenda kazini”

“Aaah! Mimi nimekuja na mkwe wangu hapa, ana mimba change basi inamsumbua balaa, ndio nimemsindikiza aanze kliniki”

Swala la kuambiwa Salma ana mimba lilipasua moyo wa Erica.







Gari lilifika na alipanda na kwenda kliniki, ambapo alihudumiwa vizuri tu, wakati anatoka akakutana uso kwa uso na Mrs.Peter akiwa ameongozana na Yule Salma yani Erica alishindwa hata kujificha ila kwa bahati muda huo mtoto wake alikuwa mgongoni amelala.

“Kheee Erica, mtoto wa nani huyo?”

“Wa dada yangu”

“Aaah ndio umemleta kliniki! Mwenyewe yuko wapi?”

“Kaenda kazini”

“Aaah! Mimi nimekuja na mkwe wangu hapa, ana mimba changa basi inamsumbua balaa, ndio nimemsindikiza aanze kliniki”

Swala la kuambiwa Salma ana mimba lilipasua moyo wa Erica.

Muda huo ilikuwa kama Erica kapigwa na bumbuwazi maana alisimama tu bila kwenda mbele wala kurudi nyuma, ila Mrs.Peter alikuwa ametangulia mbele akijua Salma anamfata nyuma ila muda huo Salma alikuwa akisimama palepale na alionekana akimuangalia Erica kwa chuki ya waziwazi, kitu ambacho kilimshangaza hata Erica mwenyewe, na kumuuliza,

“Mbona unaniangalia hivyo?”

“Utaacha lini uongo wewe mwanamke? Eti mtoto wa dada yangu (Huku akibana pua, na kuendelea kusema). Mtoto wako mwenyewe unasingizia wa dada yako, kwani ni kipi unachohitaji kwa huyu mama?”

Erica alimuangalia huyu Salma na kutamani hata kumpa tusi ila tu swala la kutukana halikuwepo kwenye kinywa chake, muda kidogo mwanae akaamka na kuanza kulia, ikabidi Erica amfunue na kumgeuzia kwa mbele, muda huo Salma alikuwa akiondoka kumfata Mrs.Peter ila Erica akamshika vizuri mkono Salma na kumrudisha nyuma kisha akamwambia,

“Mwangalie vizuri huyu mtoto ndio utaelewa ni kwanini sikusema wa kwangu.”

Kisha Erica akaondoka ila alimuacha Salma akiwa na maswali mengi sana, aliendelea kumfata Mrs.Peter ila kiukweli alikosa raha.



Erica alipotoka pale hospitali hata hakutamani kuita gari ya kukodi, na moja kwa moja alielekea kupanda daladala maana alijiona kama ni kudhalilika tayari ameshadhalilika vya kutosha, aliamua kuacha tu jamii yake ijue kuwa ana mtoto, hakuwa na sababu tena ya kumficha mtoto wake.

Akiwa kwenye daladala, alikaa siti ya nyuma ambako kulikuwa na wamama wawili wamekaa kwa pembeni yake wakiongea, yale maongezi yao aliyasikia yote na yalionyesha kuvuta sana hisia zake,

“Yani mwenzangu, kipindi kile natoka na mume wa mtu halafu mkewe hata simjui ila cha kushangaza nilikutana nae njiani si nikagombana nae, yani jamani mapenzi bhana yana wivu ambao mwizi humjui ila unashangaa unagombana nae. Niligombana na Yule mkewe hadi mumewe akaja kutuamulia ndio hapo nikajua kumbe Yule ndiye mkewe, na ubaya hakuniambia kuwa ameoa weee balaa lilizuka ila nikaamua kuwa mpole na kujitoa”

“Ila mapenzi ndio yalivyo, yani mnaweza kuwa mnatoka na mtu mmoja hamjuani ila unashangaa kuna mambo gafla tu mnachukiana jamani, sijui wale wanaoishi wake wawili au watatu wanajisikiaje ndani”

“Washazoea wale, ila katika ujana wangu nimejifunza jambo. Hawa wanaume ni bora kuwachuna tu, ukijiendekeza kuwapenda utalia jamani, ni waongo balaa”

“Hahaha, ila wakweli wapo bhana, sio wote waongo kumbuka hata na wao wanalalamika kuwa wanawake ni waongo”

“Ndio, ila wao wamezidi”

Basi kituo kilichofata wale wanawake walishuka na kumuacha Erica akitamani hata kuwauliza baadhi ya maswali ila hakuweza maana hakuwazoea.

Ila waliposhuka tu kule nyuma alipanda mkaka na kukaa karibu na Erica, Yule mkaka alimtazama Erica na kumtazama mtoto wa Erica kisha akamwambia,

“Dada, hongera sana una mtoto mzuri. Halafu ana tabasamu vizuri”

“Asante”

“Mmmmh sijaanza hata kukusalimia maana nilivutiwa na uzuri wa huyu mtoto, hali yako lakini”

“Nzuri, ila usijali”

“Ngoja nijitambulishe kidogo, dada mimi naitwa Moses. Nina duka langu zuri sana la nguo za watoto wakike na wa kiume. Naomba uje dukani kwetu hata mara moja uone huduma zetu, business card yangu hii”

Akamkabidhi Erica, naye Erica akapokea huku akisikiliza maelekezo mengine toka kwa Yule kaka,

“Tafadhali dada, naomba ufike. Nimevutiwa sana na mwanao. Najua atapendeza sana akivaa nguo zetu zile. Ila unaitwa nani, na mwanao anaitwa nani?”

“Mimi naitwa Erica, na mwanangu anaitwa Angel”

“Wow, majina mazuri sana. Nakutegemea basi dada ufike dukani kwetu. Ila ungenipa na namba zako”

Basi Erica akataja na namba zake kwa Yule kaka, kisha alivyofika kwenye kituo chake alishuka na kuelekea nyumbani kwao.



Alifika kwao na kukutana na mama yake ametoka dukani kwahiyo waliingia wote getini, mama yake alimuuliza kwa mshangao,

“Kheee Erica, leo umekuja kwa mguu bila gari? Yani mtoto wako umemuacha wazi kabisa”

“Nimechoka mama, nitamficha mtoto huyu hadi lini?”

“Ukiwaza hayo, wazo na kuwa utawezaje kueleza watu kuwa mtoto hana baba?”

“Jamani mama, kwani kuna watoto wangapi baba zao wamekufa na wanaishi?”

“Weeee usitake kufananisha watoto ambao baba zao wamekufa na mwanao, kumbuka wale baba zao wapo ila wamekufa ila mwanao hana baba kabisa yani hiyo ndio tofauti yao”

“Mama, kwakweli humu ndani mnanichanganya jamani. Mimi nishajiamulia kuishi na aibu yangu, kama huyu mtoto simtaki basi nikamuuze huko ila sio kumficha”

“Yani Erica, unamjibu mamako majibu ya shombo kiasi hiko jamani. Wewe mtoto loh! Utajibu mwenyewe wajomba zako wakija, na Yule mjomba wako aliyekuwa akikulipia ada utamuonyesha shahada uliyoipata chuo ulipomaliza walikutunuku mtoto”

Erica akaona si vyema ajibishane na mama yake, kwahiyo aliamua kwenda ndani tu.

Alicheza cheza na mwanae na kumlisha, kiukweli mwanae hakuwa mtoto msumbufu na alikuwa na afya nzuri tu kwahiyo haikumpa shida sana kwenye kumlea.

Usiku wake akawaza jambo moja, akakumbuka jinsi Rahim alivyomwambia kuwa anaomba hela za matumizi badala aombe hela za biashara, akafikiria kumuomba Rahim hela ya biashara ila akafikiria ni biashara gani sasa atafanya,

“Mmmh nitaenda kwa yule kaka kuangalia biashara ya hivyo vitu vya watoto halafu niianze hiyo biashara”

Akamsikia dada yake amerudi maana dada yake alianza tena kwenda kazini, kwahiyo alimfata kuongea nae ili kumuuliza kama ameshawahi kusikia biashara ya vitu vya watoto, alimsalimia pale na kumpa pole ya kazi kisha akamuuliza kuhusu hiyo biashara,

“Ni biashara nzuri sana umewaza mdogo wangu, ila hiyo biashara ukitaka ufanye vizuri na uheshimike, unatakiwa uwe na mtaji wa kutosha”

“Kama kiasi gani dada?”

“Kwa kuanzia sio mbaya ukiwa na milioni kumi na tano”

“Mmmh dada, mbona hela nyingi hivyo?”

“Hahaha Erica, bado hujaijua hela wewe yani milioni kumi na tani ni nyingi? Ukiwa na hela hata sio nyingi, sema ni kwavile hela hamna ndiomana”

“Nataka nimuombe baba wa mwanangu”

“Ila kama huyo mwanaume alikuwa nankupa hadi milioni tatu, nne sidhani kama milioni kumi na tano itamshinda. Tena atafurahi sana ukiwa na wazo la kufanya hivyo”

“Sawa dada, kwahiyo nimuombe milioni kumi na tano eeeh! Si utanisaidia dada kwenye hiyo biashara?”

“Nitakusaidia ndio, mimi nina rafiki zangu wengi tu wanajishughulisha na maswala ya bishara. Hata usijali nitakusaidia maana kusubiri kazi ni ngumu kwa kipindi hiki”

Erica alimshukuru pale dada yake, kisha muda wa kwenda kulala alimtafuta Rahimhewani na alimkuta ila leo hakutaka kabisa kumuanzishia mada sijui amekutana na mama yake pamoja na Salma, sijui swala la kumdanganya kumbe Salma ni mjamzito. Hakutaka kuzungumza nae swala hilo, na moja kwa moja alimueleza swala lake la kutaka biashara,

“Biashara gani utaiweza wewe?”

“Nataka biashara ya kuuza nguo za watoto na vitu vyao vya kuchezea”

“Kwahiyo unataka mzigo ukachukue China na Dubai?”

“Aaah ikiwezekana kufanya hivyo nitafanya, ila kwasasa nahitaji kuanza hiyo biashara”

“Haya, mtaji kiasi gani?”

“Milioni kumi na tano”

“Na wewe una kiasi gani?”

“Mimi sina hela ndiomana nimekwambia wewe Rahim, si unajua nimemaliza chuo nikawa kwenye uzazi, sasa hela nitatoa wapi mimi?”

“Usinitanie Erica, hela zote nilizokuwa nakupa ulizipeleka wapi?”

“Rahim jamani, hakuna hela uliyonipa bila sababu. Hel azote zilikuwa na sababu na zilienda kwenye matumizi ya hizo sababu, sasa ningekuwa nazo ningekuomba kweli?”

“Erica, kuna wanawake wangapi wanauza maandazi, vitumbua, kachori, visheti? Kuna wanawake wangapi?”

“Wengi sana”

“Na wewe kwanini usiwe katikati ya hao wanawake?”

“Jamani Rahim, kwanini lakini unanifanyia hivyo? Sijazoea kuuza vitumbua, sijui visheti, hizo biashara zinataka mazoea”

“Aliyekwambia wale wamezoea nani? Yani Erica unataka mimi nitoe milioni moja, mbili, tatu, nne hadi kumi na tano kweli? Wewe msichana una akili kichwani mwako? Kichwa chako kizima hiko? Yani nitoe milioni kumi na tano kweli? Yani unaitamka kama sijui ni hela ndogo. Erica, kweli kabisa milioni kumi na tano?”

“Jamani Rahim, unajua mimi nikifanya biashara sitakusumbua wewe kuhusu swala la mtoto maana nitakuwa najitosheleza kuliko hivi. Kumbuka ni wewe ulinishauri nifanye biashara, kweli saizi unanishangaa jamani?”

“Kama unataka kusaidia kwenye malezi ya mtoto, kwanini usitafute kazi? Au basi ungeniambia naomba hela nianze biashara ya sambusa, najua mtaji wake hata elfu hamsini haifiki, unaniambia kitu cha mtaji wa mamilioni ya pesa jamani Erica? Unahisi sina majukumu mengine ila nina majukumu ya wewe tu?”

“Rahim, sikuelewi yani sikuelewi kabisa. Kwani ni kitu gani unachotaka mimi niwe? Kwakweli Rahim hapana jamani, mtandaoni kwenyewe nikutafute mimi, kila kitu nikubembeleze kama mtoto mchanga. Na kutwa kunitoa akili yani kama duniani nipo peke yangu nisiyekuwa na akili. Nashukuru Rahim kwa hayo unayoniambia”

“Ila kwani nakwambia uongo? Erica kiukweli akili huna, hata mwanaume atakaye kuoa atajuta, wewe sio mwanamke wa kuolewa maana huna akili hata kidogo. Huwezi kuja kuniomba hela yote hiyo mimi, kwa kazi gani ninayofanya?”

“Kweli nimeamini, mwanaume akishakutumia anakuona huna thamani tena. Siku zote hukujua kama sina akili hadi umenizalisha? Na ulianzaje kuzaa na mwanamke asiye na akili? Rahim, kwasasa nimefika mwisho maana nishajibembeleza kwako hadi nimechoka”

“Kwahiyo unamaanisha nini?”

“Rahim, kuanzia leo sitakutafuta tena hewani, sitakuomba tena hela yoyote ya matumizi ya mtoto yani sitakusumbua kwa chochote kile. Mimi ni mwanamke ndio ila nitapambana na nitaishinda hii hali, nimepata aibu, nimedhalilika ila bado sijafika mwisho. Kwaheri”

Alituma ujumbe ule akitegemea kujibiwa kwa kuombwa msamaha na Rahim ila ule ujumbe haukujibiwa na ilipita saa nzima bila ujumbe kujibiwa huku Rahim akionekana hewani tu, kitendo hiko kilimuumiza sana Erica, alijikuta akimwaga machozi.

Alilia sana hadi alisikia jogoo zikiwika na kugundua kuwa kumekucha, akachukua simu yake kuangalia mida akakuta ni saa kumi alfajiri, alihisi kichwa kikimuuma kwa kulia sana ila muda huu alijifuta machozi na kusema,

“Leo ndio mwisho wa kulia, sitalia tena. Kwasasa natakiwa kuinuka na kuonyesha kuwa naweza, mtoto wangu nitamlea mwenyewe”

Erica alilala kwa muda huo huku kichwa kikimuuma sana.



Kesho yake aliamka na kujiandaa kisha akamuacha mwanae na mama yake na kwavile nyumbani kwao kulikuwa na mdada wa kazi wa dada yake Bite, ikawa rahisi zaidi.

Erica akaenda mjingi akizunguka kwenye maofisi kadhaa kuulizia kazi, alizunguka sana siku hiyo hadi jioni alirudi kwao akiwa amechoka sana bila mafanikio yoyote.

Alichoka sana, dada yake alimuita na kumuuliza kuwa alienda wapi siku hiyo, Erica alimueleza kuwa alienda kutafuta kazi,

“Kwani huyo mwanaume alikwambiaje kuhusu hela ya biashara?”

Erica alimueleza dada yake kila kitu alichojibiwa na Rahim,

“Kwahiyo mdogo wangu umechukia sababu hajakupatia hiyo milioni kumi na tano?”

“Hapana dada, sijachukia sababu hiyo. Ila nimechukizwa na majibu anayonipa, kwani kutoa hela ni lazima? Si unasema tu sina, sasa majibu aliyonipa dada ndio yaliyoniumiza sana”

Erica aliamua kumuonyesha dada yake jumbe zote alizokuwa akijibiwa na Rahim, kiukweli hata Bite alianza kujiwa na huruma na mdogo wake, alijaribu kuhisi ni wapi anakopitia ndiomana kakosa hata uelekeo na kuamka tu kuanza kutafuta kazi kwa kuulizia tu maana alikuwa hana muelekeo.

“Sikia Erica, umeshawahi kufanya field kwa shemeji yako James, kwanini usiende tena huko”

“Mmmh dada, kwa shemeji tena!”

“Usiogope Erica, tumeshajua kila kitu kwahiyo hakuna tatizo lolote. Mwanzoni tulikuwa hatujui, najua James hawezi kukataa wewe usifanye kazi kwenye ofisi yake ila vilevile hawezi kukufanyia tena vitendo vya ajabu wakati ukweli tunaujua kama kukulazimisha kuwa akurudishe nyumbani, hawezi tena maana kipindi kile ni mimi nilikuwa namtetea. Ila sasa swala la kuongea nae akuweke kazini mimi silifanyi kwakweli maana huyo James ananitia kichefuchefu tu”

Erica aliongea ongea na dada yake na kwenda kulala, ila alishafikiria jambo kuwa shemeji yake akifika kumuomba msamaha dada yake basi ndio siku hiyo aongee nae kuhusu swala la yeye kwenda kazini kwake.



Siku hiyo alikuwa nyumbani kwao hana hata habari, alishangaa kumuona shemeji yake James akifika, na kujua lazima atakuwa anataka kuomba msamaha vizuri, na ni kweli kabisa James alikuwa amekuja kwa lengo la kumuomba mkewe msamaha, James akamwambia Erica,

“Nenda nje kaone gari niliyomnunulia dada yako, sijui ataipenda? Hebu kaiangalie kwanza”

Erica alitoka nje na kuiangalia ile gari, kwa hakika ilikuwa nzuri sana,

“Mmmh jamani, dada alikuwa akitamani sana kupata gari ya mtindo huu. Sasa kaipata, mmmh kweli shemeji ana pesa, dada yangu amsamehe tu”

Muda kidogo Bite naye alifika nyumbani kwao, na kupaki gari yake, akashuka na kumuangalia mdogo wake akishangaa ile gari kisha akamuuliza,

“Gari mpya nzuri hii ya nani?”

“Umeipenda dada?”

“Nimeipenda ndio, ila hata nikiipenda kazi bure. Kwasasa natakiwa kuwa mpole tu, hizi gari nzuri nitabaki kuziangalia kwa macho”

Basi Erica akampokea dada yake mkoba na kwenda nae ndani, ila Bite alipomuona James alionyesha kuchukizwa na hata hakumsalimia na kupitiliza ndani ila Erica aliongea na shemeji yake kwa ishara kuwa dada yake amelipenda sana lile gari.

James akainuka na kumwambia Erica asubiri kisha aliporudi alikuwa na boksi mkononi, akalishusha chini, ilikuwa ni keki.

Erica akamuita dada yake kwa furaha, Bite alienda tu pale sababu mdogo wake kamuita, kisha Erica alifungua lile boksi, akashangaa kuona keki imeandika ‘Happy birthday Angel’ kwakweli Erica alijihisi kutokwa na machozi maana kweli ilikuwa ni siku ya kuzaliwa mwanae ila hakutaka kuikumbuka kwavile hakuwa na chochote cha kufanya kwaajili ya mtoto wake ila shemeji yake alimpa mshtukizo wa hali ya juu, Erica alimuangalia na kumuuliza,

“Umejuaje shemeji?”

“Nilimuuliza dada mkubwa Mage kubwa ulijifungua lini na mwanao anaitwa nani, nikaona leo siku ya kuzaliwa ya mtoto huyu iwe ni siku ya furaha kwetu. Ndiomana nikamletea na mke wangu zawadi ya gari alilokuwa analitamani kwa siku nyingi sana, (Akamuangalia mkewe na kumwambia) Najua mke wangu huwezi kukataa zawadi yangu kwenye siku muhimu kama hii ya kuzaliwa kwa malaika kwenye familia yenu. Naomba nikiri wazi nakupenda mke wangu Bite na familia yako ni familia yangu. (Kisha akatoa kadi ya gari na funguo kimkabidhi Bite)”

Bite alijikuta akimsogelea mume wake na kumkumbatia huku akitoa machozi maana hakutegemea kama kitu kile kingempa furaha kiasi kile mdogo wake ukizingatia kwa siku za karibuni tu alionekana akiwa na masononeko mkubwa.

Walikata keki na kufurahi kwa pamoja, kisha James akawaomba kuwa waende mahali wakapate chakula cha usiku, ila Erica alikataa kwavile alitaka shemeji yake na dada yake wapate muda wa kuzungumza.

Kisha Bite akajiandaa na kutoka na mumewe na walitumia gari lile jipya ambalo mumewe alifika nalo kama zawadi ya Bite.



Erica alitulia mwenyewe na watoto sebleni maana mama yake hakuwepo ila baada ya muda mfupi alirudi na kuulizia kuwa Bite yuko wapi,

“Ametoka”

“Ametoka muda huu? Mbona gari yake ipo nje?”

Erica alimueleza mama yake kuhusu kilichotokea kuwa Bite kapatana na mume wake,

“Nilijua tu, yani mambo ya mapenzi sio ya kuingilia kabisa. Unaweza kusema hadi koo likukauke ila unashangaa hao washarudiana”

“Ila mama kwani hukupenda warudiane?”

“Nisipende kwa lipi? Unafikiri nafurahi kuona watoto wangu ndoa zinawashinda? Ila nilitaka ampe adabu kidogo Yule mwanaume maana hanta adabu jamani, ningekuwa mimi hata nisingekubali kirahisi hivyo. Ila mapenzi mmmh!”

Baada ya usiku kuingia vizuri Bite na James walirudi na kujiandaa kwaajili ya kurudi kwao, mama yao akamuuliza Bite,

“Usiku huu?”

“Ndio mama, kesho si kazini”

“Mmmh haya bhana, mapenzi siyaingilii”

Basi Bite alijiandaa kisha kumuaga mama yao na kuanza safari, na waliondoka na ile gari mpya, kwahiyo gari ya mwanzo ya Bite iliachwa pale pale nyumbani.

Erica alikuwa chumbani kwake kwa lengo la kulala, ila akafikiria sana, akatamani apate mwanaume ambaye hata akifanya makosa anajua jinsi ya kuomba msamaha ila sio aina ya Rahim ambaye hata hajali chochote.

Akawaza kuhusu Bahati kuwa ndiye mwanaume pekee aliyeonekana kumpenda sana, ila alishangazwa na hali ya Bahati ya kutokumtafuta toka siku ile wakati sio kawaida ya Bahati, lazima angeenda kuendelea kumuomba msamaha au angempigia simu ila ni kimya kabisa.

Aliamua yeye kumpigia simu ila hakuipata namba ya Bahati hewani, jmbo lile lilimfanya ajihisi vibaya sana kwani kwa muda huo alihisi kuhitaji sana uwepo wa Bahati.

Basi wiki nzima alikuwa akifanya kazi ya kumtafuta Bahati hewani ila hakumpata na kumfanya azidi kukosa amani, akaona ni vyema aende anapoishi Bahati ili ajue nini kimempata Bahati maana sio kawaida kabisa.



Siku hiyo akajiandaa vizuri kabisa, kisha kumuaga mama yake kuwa kuna mahali anaenda ila hakumwambia ukweli kama anaenda nyumbani kwa Bahati, alimuacha mtoto wake pale na kuondoka.

Alifika hadi mahali ambako Bahati alikuwa amepanga, alikuta baadhi ya majirani, akawasalimia na kwenda kwenye chumba cha Bahati ila alikuta kufuri kwahiyo Bahati hakuwepo. Aliamua kumuuliza jirani mmoja wa Bahati, huyo jirani alikuwa ni mdada.

“Dada, samahani eti Bahati yuko wapi?”

“Kheee Bahati, yupo kuoa. Ana shughuli leo”

“Kuoa!”

Erica alishtuka sana na kuuliza kwa umakini ila Yule jirani alimuhakikishia Erica kuwa Bahati yupo kuoa,

“Kwani hujui?”

“Sijui”

“Ngoja nikupeleke anapofungia ndoa”

Basi Erica akaanza kuongozana na Yule mwanamke kuelekea mahali ambako Bahati alikuwa anaoa, walifika kwenye nyumba ambako kulikuwa na watu wengi na shamra shamra, kitu kilichodhihirisha kuwa kuna shughuli.

Muda kidogo maharusi walikuwa wanatoka ndani yani ndoa ilishafungwa, bado Erica alikuwa haamini na kuangalia kwa makini hao maharusi wanaotoka ndani.

Alishangaa kuona Bahati akiwa ndiyo bwana harusi, akiwa ameambatana na binti mmoja ambaye ndio bibi harusi, yani Erica alihisi kizunguzungu muda huo.





Basi Erica akaanza kuongozana na Yule mwanamke kuelekea mahali ambako Bahati alikuwa anaoa, walifika kwenye nyumba ambako kulikuwa na watu wengi na shamra shamra, kitu kilichodhihirisha kuwa kuna shughuli.

Muda kidogo maharusi walikuwa wanatoka ndani yani ndoa ilishafungwa, bado Erica alikuwa haamini na kuangalia kwa makini hao maharusi wanaotoka ndani.

Alishangaa kuona Bahati akiwa ndiyo bwana harusi, akiwa ameambatana na binti mmoja ambaye ndio bibi harusi, yani Erica alihisi kizunguzungu muda huo.

Yule mwanamke aliyempeleka Erica pale alimuona alivyokuwa anapepesuka, ikabidi amdake na kwenda nae mahali chini ya mti na kumkalisha, kisha kumuuliza

“Nini tatizo dada, umechanganyikiwa gafla”

“Acha tu dada yangu”

“Pole, au Bahati alikuwa ni mwanaume wako?”

“Hapana, ila sijapenda vile hajanipa taarifa”

“Ila usimlaumu dada, hii ndoa yenyewe imekuwa haraka haraka sana hata sisi tumeshangaa ila kwavile hatukumjua msichana wake labda pengine alikuwa nae kitambo ila ndoa ya gafla sana hii”

Erica aliomba asaidiwe kuinuka aondoke, kisha Yule mwanamke akamsaidia na kumuitia bodaboda ambayo Erica alipanda na kuondoka.

Yule mwanamke alionekana kusikitika sana ni kweli Erica alimdanganya ila yeye alihisi jambo kuwa pengine Bahati alikuwa na mahusiano na msichana Yule, alikuja jirani mwingine na kumuelezea jinsi Yule msichana alivyoondoka pale,

“Kheee kwani wewe humjui Yule?”

“Simjui, ni nani kwani?”

“Yule msichana amewahi kuja mara moja au mbili pale nyumbani, na ukiongea na Bahati mar azote alisema ni jinsi gani alimpenda Yule msichana hata nashangaa imekuwaje kuoa msichana mwingine. Mmmh mapenzi haya!”

“Mmmh kwa mtindo huo hata usiyalaumu mapenzi, sidhani kama Bahati alikuwa akimuongopea Yule msichana ila baba yake Nasma huyu binti anayeolewa na Bahati jamani baba ni mchawi Yule hakuna mfano”

Walijikuta wakiongelea tukio lile lile la Erica kutaka kuzimia na jinsi ndoa ya Bahati ilivyofanywa kwa haraka sana.



Erica alirudi nyumbani kwao, na hata hakuongea na mtu kwani mwanae muda huo alikuwa chumbani na bibi yake, basi Erica aliingia chumbani kwake na kujifungia mlango kisha kulia sana, yani alilia ila alikumbuka maneno yake kuwa hatolia tena ila bado machozi yalimtoka,

“Hivi Bahati kweli ndio ulikuwa unasema unanipenda sana na hakuna mwanamke unayemuona zaidi yangu kweli? Umeamua kuoa Bahati, ama kweli mimi ni fungu la kukosa jamani. Inamaana Yule msichana kaanza nae muda mrefu sana, huwezi kuniambia ndani ya wiki mbili tu umfahamu mtu mpaka mfikie kuoana, yani lazima Yule msichana anajuana nae kwa siku nyingi sana. Siamini kama Bahati kanisaliti jamani”

Erica aliumia sana moyo wake na kukosa raha kabisa ila hakuwa na la kufanya kwa wakati huo, akakumbuka jinsi alivyokuwa akipewa hela na Rahim na jinsi alivyokuwa akimpa hela Bahati ila leo hii Rahim kamkosa na Bahati kamkosa pia, alikosa raha kabisa na kujiona hana thamani.

Mama yake alimuhisi kuwa Erica amerudi na kumuita, ilibidi Erica ajifute machozi yote na kwenda kumsikiliza mama yake,

“Kheee yani unarudi kimya kimya husemi jamani, na utafute msichana wa kazi sasa maana mtoto utakuwa unamuachia nani? Utafute msichana wa kazi”

“Sawa mama”

“Na mbona macho yamekuvimba? Ulipotoka huko umepigwa au nini?”

“Hamna kitu mama”

“Unajua wewe mtoto utachanganyikiwa jamani, siku hizi huendi kanisani yani upo upo tu. Huwa kuna mahubiri kwenye redio, basi mara moja moja hata uwe unawasha na kusikiliza mahubiri”

“Sina redio mimi”

“Hata simu zina redio, ila ngoja nitakupa maana mimi nina redio mbili. Uwe unasikiliza na mahubiri uweze kukaa vizuri na moyo wako”

Yale maneno ya mama yake hayakumuingia wala nini, badala yake alimchukua mwanae na kuingia nae chumbani ila muda huu hakuweza kuendelea kulia maana mtoto wake alipomuona akilia alilia pia, kwahiyo alijizuia asilia mbele ya mtoto wake badala yake alicheza nae tu.

Usiku ulipofika alijaribu kutafuta usingizi ila kiukweli usingizi aliukosa kabisa huku akijihisi ni msichana mwenye mkosi katika maisha yake, kwa muda ule alitamani sana kupata hata mtu wa kumbembeleza kwenye simu, akawaza sana kuwa afanye nini, akafikiria watu aliokuwa kwenye mahusiano nao, Rahim ndio huyo kageuka mbogo, Bahati ndio huyo kaoa, kusema Babuu asingeweza tena kuweka ukaribu nae kwani kiukweli ni shemeji ingawa hajamuweka wazi, hapo wazo likamjia kumtafuta Erick tu maana kwa muda huo hakuona mwingine wa kumliwaza kwa kumwambia maneno matamu.

Akainuka na kuchukua ile barua ya Erick kisha kuangalia namba zake na kumpigia, ila simu iliita na kukata, akapiga tena simu iliita na kukata, akahisi kuwa huenda Erick amelala kwa muda huo.

Akaiweka simu pembeni huku akijaribu kutafuta usingizi ila aligalagala kitandani kwa muda wote na wala hakupata usingizi kwani kiukweli alikuwa na mawazo sana na ndiyo yalimfanya asiweze kupata usingizi.

Kwenye mida ya saa kumi alfajiri, alisikia simu yake ikiita, aliichukua na kuangalia mpigaji akaona ni Erick, alitabasamu sana akaipokea na kuanza kuongea nae, ila akagundua Erick alikuwa amelewa na kufanya awe na maneno mengi sana,

“Erick, mbona umelewa hivyo?”

“Wewe ni Erica?”

“Ndio, mimi ni Erica”

“Wewe ndio unayenipa sababu za kulewa Erica, hivi unajua ni jinsi gani nakupenda? Kweli Erica siku zote hizo ndio umenitafuta leo? Nimeona namba hata sijajua ni wewe nimepiga tu kumbe ni wewe kipenzi change, nakupenda sana Erica”

“Ila umelewa Erick”

“Ndio nimelewa ila nimelewa kwaajili yako”

Na ikawa kimya ilionyesha kama mtu anakoroma kwamaana hiyo Erick alilala na simu kwavile alikuwa amelewa, ilibidi Erica akate ile simu, ila alitabasamu kuona kumbe Erick bado anamkumbuka, na muda huo akalala na tabasamu usoni huku akisahau yote ambayo yametokea mbele yake.



Palipokucha aliamka na kufanya shughuli zake zingine ila kwenye mchana hivi akapigiwa simu, kuangalia ni Erick alikuwa akimpigia, Erica alipokea ile simu huku akitabasamu,

“Hivi jana nilikuwa naongea na wewe kweli Erica au mtu gani?”

“Ni mimi mwenyewe, umenisahau?”

“Siwezi kukusahau Erica, ila umejua kuniumiza wewe mwanamke kwanini lakini? Umepata ujumbe wangu muda mrefu tu ila umenikaushia, kwanini ulinichunia Erica?”

“Nisamehe Erick?”

“Hunipendi tena?”

“Hapana, bado nakupenda”

“Kama wanipenda, kwanini unafanya niumie moyo Erica? Nilirudi nchini ila sikuweza kukaa sana na kuamua kuja tena Kusini maana nilihisi hutaki hata kuniona”

Erica alijaribu kuongea na Erick na walionekana kupatana sana ila katika maongezi yale Erica hakuthubutu kumwambia Erick kuwa ana mtoto maana hakujua angechukulia vipi swala hilo ukizingatia hakutaka kuumia kabisa.

Kwahiyo siku ya leo ilikuwa ni siku ya tabasamu zito kwa Erica hata mama yake aliweza kugundua ni jinsi gani binti yake anavyoonyesha furaha.

Jioni ilipofika alipigiwa simu na shemeji yake James,

“Erica, nimeambiwa na dada yako kuwa unahitaji kazi. NImelifanyia kazi swala hilo, hivyobasi naomba ujiandae na wiki ijayo uje kuanza kazi”

“Shemeji unasema kweli?”

“Ndio Erica, kuna muda nimetaniana na wewe? Njoo kazini na utafurahi na moyo wako, ni mengi kanieleza dada yako nimeingiwa na huruma sana ila najua utakapokuwa kazini itakuwa rahisi kuendesha maisha yako. Naomba wiki ijayo uje kuanza”

Erica alimshukuru sana shemeji yake kwa uamuzi ule maana kwake ilikuwa ni faraja sana ukizingatia katika maisha yake hiko kilikuwa ni kipindi kigumu sana.

Alipomaliza alienda kumueleza mama yake kuwa amepata kazi kwenye ofisi ya shemeji yake, alijua mama yake angefurahi sana ila ilikuwa kinyuma.

“Kheee mama, mbona hujafurahi?”

“Erica, unaweza ukahisi labda mama yako sikupendi au nini na nini ila nakupenda sana, unajua nakupenda. Na yote ninayokwambia huwa nakwambia kwa upendo, najua kwasasa una shida sana na kazi ila kazi ya kufanya kwa shemeji yako sijaipenda”

“Jamani mama, ila shemeji kabadilika”

“Wewe wasema hivyo, ila wanaume nawajua vizuri sana kushinda hata wewe na ndugu zako mnavyowajua. Ulinipa habari kuwa James alimletea mwanao keki, nilitabasamu tu eti anaonyesha kujali familia ya mke wake. Wapo wa kujali familia ya mke ila sio kwa James, yani haaminiki hata kidogo. Gari ya mwanzo ya dada yako imeachwa hapa nje, nina uhakika shemeji yako atakupa wewe. Na kazi ndio hivyo kakupa, yani James ana akili kupita tunavyofikiria yani lazima atakusumbua tu halafu sitaki ugombane na dada yako”

“Jamani mama, haiwezi kuwa hivyo”

“Haya, ila mimi ni mkubwa nimetangulia kuliona jua. Kwavile umeamua sawa, mimi nakutakia kila la kheri ila uwe makini sana”

“Usijali mama kuhusu umakini”

“Uliniambia hivyo hivyo mwanzo ila ukamaliza degree na degree ya mtoto, kuwa makini. Mwanaume sio ndugu yako, yani muone kama samba na usipende kuwa nae karibu, sijui shemeji itakutokea puani”

Erica alimsikiliza mama yake ila alimuona mara nyingine mama yake anaongea ongea tu ukizingatia ni yeye mwenyewe ndiye kafanya hata atafute kazi sababu ya kumsema sana kuwa anakaa nyumbani hana shughuli yoyote.

Mama yake Erica aliinuka na kumletea Erica redio ambapo alimwambia awe anasikiliza mara moja moja hata mahubiri maana akili yake ilionekana kulala sana.



Kiukweli Erica toka apewe na mama yake redio hakuwahi kusikiliza mahubiri wala nini na mara nyingi alikuwa akiongea na Erick tu.

Siku ilifika ya Erica kwenda kazini kwahiyo akaenda kazini, siku hizo alikuwa na tabasamu usoni ukizingatia mara kwa mara alikuwa akiwasiliana na Erick, na mara nyingi aliwasiliana nae mtoto akiwa amelala kwahiyo hakumweka wazi kuwa ana mtoto kwani hakujua Erick angechukulia vipi swala la yeye kuwa na mtoto.

Alifika ofisini na shemeji yake alimpokea na kumuonyesha kazi ya kufanya ambapo alimuweka kwenye mapokezi ya kuingia kwenye ofisi yake,

“Yani mtu yeyote asije kuniona bila kupitia kwako Erica, utafanya kazi zingine ila utahakikisha hilo. Sitaki watu wafanye mazoea ya kuingia ofisini kwangu kama chooni”

“Sawa bosi nimeelewa”

“Aaah usiniite bosi bhana”

“Sasa nitakuita shemeji wakati tupo kazini? Lazima nikupe heshima yako, wewe ni bosi wangu”

“Niite James itapendeza zaidi”

Kisha James akaelekea ofisini kwake na kumuacha Erica pale azoee mazingira. Alifanya kazi zake na muda ulipofika tu alibeba mkoba wake na kuondoka kwani hakutaka ile tabia ya kuagana na shemeji yake ukizingatia matendo ya shemeji yake tayari alishayajua.

Erica alienda kupanda daladala moja kwa moja, ila kabla hajapanda alishikwa bega, kugeuka alikutana na Dora na alionyesha kuwa mpole sana,

“Erica, mambo”

“Safi”

“Erica, nihurumie mwenzio angalia ninavyopata shida. Sikupenda iwe hivi ndiomana nakuomba msamaha, kwanza kabisa napenda tuwe marafiki kama zamani hata kama sitaolewa tena na kaka yako ila nahitaji tuwe marafiki.”

“Dora, sitaki tena urafiki na wewe”

“Sikia Erica, hakuna binadamu aliyemkamilifu duniani, kila mtu hajakamilika na kila mtu ana mapungufu sake. Nakubali kuwa nilikuwa malaya, nishatoa mimba nyingi, ila nimebadilika sasa, hivi unadhani wewe ukihukumiwa kwa makosa ambayo uliyafanya kipindi cha nyuma utajisikiaje? Erica, kuna mahali nafanya kazi ili siku ziende tu ila kiukweli sina raha, toka lile songombingo la nyumbani kwenu. Kakako kaniambia kuwa yeye hana matatizo ila anasema kwamba uhuru wake umeubeba wewe yani wewe ndiye mwenye maamuzi ya mimi kuendelea na kaka yako au la. Erica hata kama hutaki mimi niwe na kaka yako ila naomba basi tuwe karibu, tuwe marafiki, nimejirekebisha Erica na ninakiri shoga yangu”

Erica alimuangalia Dora ambaye aliongea kama mtu kweli ila kwavile Erica alishajiwekea kutokupatana tena na Dora, ikabidi aachane nae kisha yeye kuondoka zake. Akaend kupanda daladala na kuondoka.



Alifika nyumbani kwao akiwa na uchovu sana ambapo mama yake alimuuliza kuwa hiyo siku ya kwanza kazini aliionaje,

“Aaah mama ipo vizuri kabisa, yani pale ofisini wamenipokea vizuri ukizingatia niliwahi kuwa pale kabla”

“Hivi na mahubiri unasikiliza kweli?”

“Nasikiliza mama”

“Haya kama unasikiliza”

Erica alimuitikia mama yake ili kiukweli hakuwahi kusikiliza toka mama yake ampe redio, alienda kuoga na kula chakula cha usiku.

Muda anaenda kulala siku hiyo akaona ni vyema asikilize hayo mahubiri anayoyasema mama yake, akafungua kituo alichoambiwa na mama yake na kukuta muhubiri akiendelea na mahubiri,

“Unajua mara nyingine ufanikiwi kumbe sababu ya kufanya mambo mabaya kwa wenzio, hakuna kitu chema kama kusamehe ndiomana maandiko yanasema samehe saba mara sabini, tunatakiwa kuwa watu wa misamaha. Tusamehe ili kuachilia baraka zetu, swala la kukaa na kinyongo sio zuri”

Erica alihisi usingizi na kuzima redio ila yale mahubiri yalimuingia vilivyo,

“Kwa maana hiyo sina baraka sababu sijamsamehe Dora, labda sababu namuwekea vikwazo Dora kuolewa na kaka yangu ndiomana na kwangu kumetokea vikwazo. Inabidi nimsamehe tu, potelea mbali aliyonifanyia ila natakiwa kumsamehe”

Alijiambia na moyo wake kuwa atakapokutana tena na Dora atamsamehe.



Kesho yake alienda kazini, ila James alimuigta kuzungumza naye,

“Erica, kwanini jana hujaja kuniaga?”

“Sikujua kama napaswa kukuaga, nilipoona wengine wameondoka basi na mimi nikaunganisha nao”

“Erica, mimi ni shemeji yako na wakati huo huo mimi ni bosi wako. Nimekuweka katika kitengo cha karibu na mimi kwa makusudi kabisa, kwanza nakuamini halafu sitaki wafanyakazi wengine wakusumbue sumbue. Kitengo ulichokuwepo hutakiwi kuondoka bila ya kuniaga, kwani kuna umuhimu mkubwa wa kufanya hivyo ili hata muda huo najua kuwa umeondoka na nitakabiliana vipi na watakaokuja kuniona. Usifanye tena hivyo Erica”

“Sawa bosi nimesikia”

“Usiniite bosi Erica, niite tu James. Na vipi ulitumia usafiri gani?”

“Nimetumia daladala”

“Sasa kwanini utumie daladala wakati gari ya dada yako ipo tu pale kwenu imekaa, ngoja kesho nikuletee funguo na uanze kuiendesha”

Erica alimshukuru shemeji yake pale kisha kuendelea na kazi zake za pale ofisini, kwenye mida ya mchana walifika watu wawili wakiomba ruhusa ya kuongea na bosi wake,

“Mnahitaji kuongea nae nini?”

“Kampuni yetu kuna bidhaa inajihusisha nazo, kwahiyo tulihitaji kuongea nae ili atupe ruhusa tuweze kuzungumza na wafanyakazi wake”

Erica aliinuka na kwenda kuwaombea ruhusa kwa bosi wake ambapo aliruhusu aingie mmoja wapo, kwahiyo Yule mwingine alibaki pale na Erica, mara kidogo alifika na mwenzao mwingine, Yule akamsalimia Erica, Erica alimtazama na kumuona ni Dora, kumbe alikuwa miongoni mwa wale watu kwenye ile kampuni, Dora alipomuona Erica tu akaona sasa hapa itakuwa shida kupata nafasi maana alijua ni jinsi gani Erica alimchukia.

Dora kabla ya salamu alimfata Erica na kumwambia,

“Erica nakuomba jusitukatalie hili sababu na mimi nipo, Erica ni kazi hii wenzio yani hapa ndio pananifanya niendelee kuishi, nakuomba Erica”

Dora akapiga na magoti na kumfanya Yule mwenzie aliyeambatana nae amshangae, Erica alisimama na kumshika mkono Dora akimsimamisha kisha akamkumbatia na kumwambia,

“Nishakusamehe, huna sababu ya kupiga magoti kwangu”

Dora alionekana kufurahi sana, hata Yule mwenzao alipotoa kwa bosi alishangaa kumuona Dora akifurahi sana ingawa yeye akutoka na furaha, Erica akamuuliza imekuwaje,

“Bosi kasema hakuna nafasi ya kuongea na watu wake”

“Aaah msijali, nitaongea nae na nitawapigia simu”

Kwahiyo wakamuachia Erica namba za simu na kuagana nae pale.

Muda wa kuondoka, Erica alienda kumuaga shemeji yake na kumwambia kuhusu wale watu kuja kuzungumza nao,

“Sasa Erica mimi nimeshindwa kupanga ratiba, labda upange wewe”

“Nitapanga basi bosi”

“Aaah Erica jamani, sitaki unite bosi. Acha hilo jina tafadhali”

“Sawa”

Kisha James akampa Erica alfu ishirini kwaajili ya nauli ya siku hiyo, Erica alikataa ila James alimsisitiza achukue kwahiyo alichukua na kuondoka zake.



Alirudi nyumbani kwao, akamkuta mama yake na kumsalimia,

“Ila leo umewahi kurudi?”

“Nimerudi na bodaboda mama”

“Yani kuanza kazi tu ushaanza kukodi pikipiki za kukurudisha nyumbani!”

“Hapana mama, shemeji alinipa nauli ndio nikapanda pikipiki”

“Mmmh ameanza kukupa nauli? Sisemi kwa ubaya Erica, ila kuwa makini sana na shemeji yako”

“Nimekuelewa mama”

Erica aliingia chumbani kwake ila hakudhania kama kuna tatizo litatokea baina yake na shemeji yake kwani kwa kipindi hiko hakutaka kujihusisha na maswala ya mapenzi kabisa, aliona kuzungumza na Erick pekee inatosha, na siku hiyo kabla ya kulala alimtafuta hewani na kuzungumza nae,

“Tena Erica, kuna kitu nilikuwa nawaza. Kwakweli natamani sana kuwa na mtoto, usingetoa ile mimba yangu saivi mtoto wetu angekuwa mkubwa sana. Basi Erica naomba nitakaporudi tuzae, usitoe tena mimba yangu”

“Mmmh kabla ya ndoa hapana kwakweli”

“Nitakuoa Erica, nakupenda ujue ila tuzae kwanza. Nakuomba tafadhali”

“Tutajadiliana hilo, usijali”

Walijadiliana mambo mbalimbali kisha kuagana usiku mwema na Erica kulala, hakutaka kumwambia ukweli Erick kuwa yeye tayari ana mtoto, swala hilo lilimuuma ila hakujua ni jinsi gani angemwambia Erick.

Kesho yake alienda kazini kama kawaida, na shemeji yake kumkabidhi funguo za lile gari la dada yake kuwa awe anaenda na gari lile ofisini, ila Erica alikuwa akienda bila gari kwani alijua angezua maswali mengi sana kwa mama yake. Ile wiki yote aliimaliza kwa kutokwenda na gari kabisa, na kila siku alimpa visingizio shemeji yake vya kwanini hakwenda na gari.



Ilikuwa ni Jumamosi asubuhi, Erica akapigiwa simu na namba ngeni akapokea, Yule mpigaji alijitambulisha kuwa ni Moses na kuanza kumkumbusha Erica walipokutana hadi Erica akakumbuka.

“Naomba leo uje ofisini kwetu”

“Ila bado sina pesa ya kuja kununulia nguo au vifaa vya kuchezea mtoto”

“Hapana, sikuiti kwaajili ya kununua nguo au vifaa ila kuna jambo lingine la muhimu sana nakuitia, naomba uje na mtoto wako”

Erica aliongea na Yule mtu na kukubaliana nae kuwa atakwenda, baada ya kukata simu aliwaza kuwa atatokaje pale kwao na mtoto wake? Wakati anawaza hayo, mama yake alimuita,

“Erica, wiki nzima umefanya nishinde nyumbani hapa na mtoto, ni wakati sasa wa kutafuta mdada wa kazi. Leo natoka, naenda kukutana na wamama wenzangu maana wiki yote sijaonana nao”

Erica alimuitikia haraka mama yake kwani alijua akitoka tu, itakuwa rahisi kwake kutoka pia.

Na kweli mama yake alivyotoka tu, alijiandaa na kumuandaa mtoto wake kisha akaita gari ya kukodi na kuondoka zake, alitamani aondoke na gari ya dada yake ila aliwaza mtoto atamuwekaje kwenye gari ukizingatia hakuwa na kiti cha kupanda na mtoto kwenye gari, halafu mtoto mwenyewe alikuwa na utundu wa kimya kimya.

Erica alifika kwenye duka la kina Moses na kushangaa duka lilikuwa kubwa sana, na alipofika tu Moses alimsalimia na kumdaka mtoto wa Erica huku akiita wenzie,

“Njooni mmuone sasa mtoto huyu alivyo mzuri”

Wenzie wote walifika na kumbeba beba Angel huku wakimbusu na kusifia kuwa ni mzuri sana, Moses alianza kuongea na Erica,

“Kwanza kabisa hongera kwa kupata mtoto mzuri hivi, yani ndoto zetu tulihitaji kupata mtoto awe balozi wa bidhaa zetu na siku niliyokuona na mtoto wako nilivutiwa nae sana, nimekuja kuwasilisha swala hilo kwa wenzangu waliafikiana na mimi na ndio leo naona kila mmoja hana la kusema kwa uzuri wa mtoto huyu. Sasa upo tayari tusaini mikataba mtoto wako awe balozi wetu?”

Erica alikaa tu kimya kwani kama alipigwa na bumbuwazi hivi kwa mwanae kupata ubalozi ikiwa si mtoto wa mtu maarufu wala nini ila alipendwa tu, wakati amekaa kimya kwa muda akasikia sauti ya mdada,

“Kheee mtoto mzuri hivi, mamake yuko wapi?”

Erica akageuka kumuangalia mdada huyo, macho yake yakagongana na Tumaini, ambaye ni dada wa Erick.





Erica alikaa tu kimya kwani kama alipigwa na bumbuwazi hivi kwa mwanae kupata ubalozi ikiwa si mtoto wa mtu maarufu wala nini ila alipendwa tu, wakati amekaa kimya kwa muda akasikia sauti ya mdada,

“Kheee mtoto mzuri hivi, mamake yuko wapi?”

Erica akageuka kumuangalia mdada huyo, macho yake yakagongana na Tumaini, ambaye ni dada wa Erick.

Tumaini alipomuona Erica alimsogelea kwa tabasamu zito na kumkumbatia,

“Jamani Erica, za siku”

Kabla Erica hajajibu, Yule Moses akamwambia Tumaini,

“Huyu sasa ndio mama wa Yule Malaika mzuri unayemuona pale”

Tumaini alimuangalia mara mbili mbili Erica bila ya kummaliza maana alikuwa akishangaa na kupigwa na bumbuwazi kidogo, ila Moses alikatisha ule mshangao wao na kumwambia Erica atoe maamuzi ya kusaini mkataba kwao ili mtoto wake awe balozi, Tumaini akasema

“Kabla ya yote, naomba kwanza niongee na huyu mdada halafu atakuja kumalizana nanyi”

Tumaini akatoka nje na Erica, ambapo mtoto wa Erica aling’ang’ania kubembwa kwahiyo ikabidi Erica amnyanyue mtoto wake na kuongozana na Tumaini na kwenda kusimama mahali ili waongee. Tumaini alianza kumuuliza Erica,

“Umempata lini huyu mtoto Erica? Ina maana siku ile nilipokuja kwenu ulikuwa tayari na mtoto?”

“Ndio”

“Mbona ni msiri kiasi hiko Erica? Ndiomana hukutaka kunitafuta hewani kabisa, siku zote ukafanya nipate lawama kwa Erick sababu yako kumbe tayari una mtoto!”

Erica alikaa kimya tu kwani alijihisi aibu na hata hakujua aseme kitu gani, Tumaini aliendelea kuongea,

“Je Erick anajua kuwa una mtoto?”

“Hapana”

“Erica, unajua wewe ni muuwaji eeh! Hivi unajua ni kiasi gani Erick anakupenda? Unashindwa kumwambia swala kama hili ili mwenzio asonge mbele maana anakaa kukufikiria wewe kumbe tayari ulishazaa na mwanaume mwingine”

“Ni bahati mbaya Tumaini”

“Bahati mbaya? Kwahiyo ulibakwa? Kuna mapenzi huwa yanafanywa kwa bahati mbaya Erica? Ama kweli unamuumiza kaka yangu, sasa Erica naomba swala hili la wewe kuwa na mtoto umwambie mwenyewe, mimi sitasema ila umwambie mwenyewe”

“Naogopa nitamuumiza”

“Kama unaogopa kumuumiza basi mwambie, maana unavyokaa hivyo bila kumwambia ndio unamuumiza maradufu. Mwambie mapema ili ajue anajipangaje, mimi sitasema huu ujinga wako ila wewe useme mwenyewe”

“Tumaini jamani nisamehe”

“Nikusamehe nini sasa mimi? Kuna ulichonikosea? Hakuna, ila umemkosea Erick, naomba umweleze ukweli wa mambo ili mdogo wangu awe na maamuzi kama kusuka au kunyoa”

“Sawa, basi nitamwambia”

“Nakujua vizuri Erica, binti cha uongo. Umesema hivyo kuniridhisha tu, sasa naomba usikubali kusaini mkataba wa mwanao kuwa balozi hadi pale utakapokuwa umemueleza ukweli Erick”

“Sasa mimi nitaondokaje hapa bila kusaini? Si itaonyesha nimekataa jamani?”

“Erica, waambie kuwa unaenda kufikiria kwanza. Sitaki usaini na ukiwa mbishi hata huo ubalozi mwanao ataukosa kabisa, sijapendezewa na ulichofanya, sijapendezewa kabisa. Jitahidi umwambie ukweli Erick”

Erica alikubali kuwa atamwambia ukweli Erick, kwahiyo aliingia tena dukani na kuwaomba mkataba asaini siku nyingine kisha akaondoka zake.

Hakuna aliyeelewa kuwa Tumaini alikuwa akiongea nini na Erica ila walishangaa tu Erica akiwaambia kuwa mkataba atasaini siku nyingine, mpaka akajifikirie kwanza wakati kiukweli kwa Erica wala halikuwa swala la kujifikiria.



Erica alirudi nyumbani na mwanae, tena kwa bahati alikuta mama yake bado hajarudi maana angemkuta amerudi sijui angemueleza nini amuelewe. Alitulia akitafakari kuwa ni namna gani atamueleza Eick, alitamani sana ubalozi kwa mwanae ila je atatumia njia gani kumueleza Erick kuwa ana mtoto? Alijikuta akiwaza sana bila ya jibu, hata hakujua aanzie wapi na aishie wapi, aliwaza sana hadi kujikuta usingizi ukimpitia akiwa pale sebleni na mwanae.

Mama yake alifika na kumshtua,

“Wewe Erica vipi? Kazi ndio kwanza wiki ya kwanza, ndio unashikwa na uchovu kiasi hiko!”

“Hamna mama”

“Halafu mbona inaonyesha kama mlitoka hivi!!”

“Hamna mama, tulikuwa hapa hapa nyumbani”

“Haya, ila swala la kutafuta mdada wa kazi ulifikirie na kulipa kipaumbele”

Erica aliinuka muda huu na kwenda chumbani kwake kumlaza mwanae nay eye kupumzika vizuri, aliwaza kuhusu maneno ya mama yake,

“Mama anaona sifai kufanya kazi kwa shemeji wakati huo huo anahitaji nitafute msichana wa kazi, jamani nitamlipa nini sasa nisipokazana na kazi?”

Aliwaza ila alijua wazi kwa wakati huo hakuwa na uchaguzi wa aina yoyot, aliamua tu kulala na mwanae.

Aliamshwa na simu ya Erick na kupokea kwa kuanza kumsalimia,

“Erica, nimekumiss sana mpenzi wangu:”

“Hata mimi nimekumiss”

“Sijui lini nirudi ili tufanikishe swala letu la kuwa na mtoto”

Hapo kidogo moyo wa Erica ulisizi kwani alihisi kama akishindwa kuendelea kuongea zaidi na Erick kwani hakujisikia kabisa kumueleza ukweli, aliamua kukatisha maongezi na kusema anaenda kuoga atampigia akitoka.

Alipokata alijitafakari sana,

“Hivi nitawezaje kumwambia Erick kuwa nina mtoto? Na je Erick atalichukuliaje hilo swala? Sitaumiza moyo wa Erick kweli? Sitaki aumie kama mimi nilivyoumia”

Alishindwa kuongea nae kabisa na hakuweza tena kumpigia simu.



Siku ya kwenda kazini tena alijiandaa na kuondoka ila aliogopa kuchukua lile gari la dada yake, alipofika tu ofisini kwenye mida ya saa nne bosi wake alimuita,

“Erica, unajua sikuelewi yani gari nimekupa ila bado unakuja kwa daladala na kila siku unanipa visingizio nisivyovielewa kabisa, mara leo nimechelewa nikaona nisije na gari sijui leo imefanyaje. Kwani tatizo ni nini Erica?”

“Ngoja nikwambie ukweli, sijui kuendesha”

“Kumbe ni hivyo tu jamani! Si ungeniambia mapema, basi nitakupa pesa uende kusomea udereva. Kwahiyo utakuwa unawahi kutoka ukasome”

Erica aliitikia tu, kiukweli kuendesha alijua sema hakuwa na leseni tu na hiyo haikuwa sababu sana ya yeye kutokwenda kazini na gari ila alimuogopa mama yake, kwahiyo akaendelea na kazi zake zingine.

Jioni ilipofika, shemeji yake alimuita tena na kumkabidhi laki tatu kuwa akasomee udereva,

“Hapana shemeji usinipe pesa, nitasoma nikipata mshahara”

“Hapana Erica, nishakwambia usiniite shemeji. Naomba upokee hii pesa na ukasome udereva, sikupangii pa kwenda kusoma ila wewe tafuta sehemu yoyote ukasome, na pesa isipotosha njoo uchukue nyingine”

Erica alijijkuta yupo mtegoni tu, na kuchukua ile pesa kisha kuondoka zake.

“Kwahiyo nikatafute mahali pa kusomea udereva”

“Kesho usije ofisini, nenda katafute mahali kisha utakuwa unaenda ukitoka kazini. Nitakuwa nakuruhusu mapema tu, najua ndani ya wiki mbili utakuwa tayari umemaliza, na swala la leseni, kesho kutwa nitamuita mwenzangu wa TRA hapa na atakupa mlolongo wote kisha ataenda kukutengenezea leseni”

Erica hakuwa na jibu la kumpa shemeji yake zaidi ya kukubaliana na kile alichokuwa akisema, kisha James akaendelea kuongea,

“Sina nia yoyote mbaya na wewe Erica, nadhani bado huamini kama nimeachana nay ale mambo. Nafanya hivi kwa upendo kwa mdogo wa mke wangu ambaye ni mdogo wangu pia, sitaki uteseke. Hujui tu ni jinsi gani nimeumia alivyonieleza dadako kuhusu baba wa mtoto wako, nakuhurumia sana Erica na sitaki ujione kama ni mwenye makosa sana duniani kwahiyo sifanyi vitu kukuweka kwenye mitego yangu au nini, nafanya kwa upendo tu ndiomana nimekwambia utafute mwenyewe sehemu ya kusomea udereva, hata usiniambie ni wapi ila nitakuwa nakupa ruhusa uende kusoma”

“Sawa nimekuelewa shemeji”

“Jamani Erica kila siku nakwambia usiniite shemeji”

“Unadhani nitakuitaje? Nakuheshimu na siwezi kukuita jina lako”

“Hata kama ila hakuna tatizo, usinifikirie vibaya Erica, hata sina nia mbaya na wewe”

James aliongea kama mtu aliyekuwa akijutia sana makosa yake, hivyo Erica alikubaliana nae na kwenda kuendelea na kazi.



Aliporudi kwenye kazi zake akakumbuka kuwaandalia ratiba wale wakina Dora kuhusu kuja kuzungumzia bidhaa zao, kwahiyo aliangalia namba zao na kupiga kuwa kashawaandalia barua ya ratiba waende kuchukua.

Baada kama ya lisaa limoja, Dora alikuwa mahali pale kuchukua barua kutoka kwa Erica alisalimiana nae vizuri sana kisha Erica akampa ile barua ila kiukweli Erica hakutaka ukaribu wa haswaa na Dora ila kwa Dora ilikuwa tofauti maana alionyesha kutaka ukaribu zaidi na Erica.

“Erica hongera sana rafiki yangu, umepata kazi sehemu nzuri sana, nani alikuunganishia?”

“Kwanini umeniuliza hivyo?”

“Na mimi Erica, kama kuna aliyekuunganishia na mimi nahitaji”

“Hakuna aliyeniunganishia, mimi nilituma maombi ya kazi tu na kupata”

“Basi na mimi nilete maombi yangu ya kazi, na ukisikia kama kuna nafasi ya kazi uniambie Erica, tafadhali maisha ni kusaidiana”

“Leo ndio unalijua hilo?”

“Erica, ulisema tusahau yote yaliyopita na tuanze mapya”

“Haya yameisha”

“Nashukuru Erica, kwaheri eeh!”

Dora akaaga na kuondoka, Erica alikuwa akiongea na Dora ilimradi tu maana alishamwambia kuwa amemsamehe kwahiyo hakuona kama ni swala zuri kutokuongea vizuri na Dora.

Alipomaliza kazi zake kama kawaida, alienda kumuaga shemeji yake na kukumbushwa swala la kesho yake kutafuta sehemu atakayo somea udereva.

Kwahiyo Erica aliondoka na kwenda kupanda daladala ili kuelekea nyumbani kwao, alipokuwa kwenye daladala ile wakati akiwa na uchovu uchovu sababu ya kukaa kwenye kompyuta kwa muda mwingi, alijikuta tu akisinzia kwenye kiti cha daladala , mara akashtuliwa na mkaka mmoja aliyekuwa pembeni yake,

“Pole sana dada, inaonyesha umechoka sana”

“Asante”

“Samahani dada yangu unaitwa nani?”

“Naitwa Erica”

“Basi mimi naitwa Juma, nimefurahi kukufahamu. Napenda tuwe marafiki, naomba namba zako”

“Umesema unaitwa nani?”

“Naitwa Juma”

“Namba zangu za nini?”

“Nahitaji tuwe tunawasiliana Erica”

“Unikome tena unikome kabisa, sipendi mazoea ya kijinga. Nikome, sihitaji kuzoeana na wewe”

Huyu kaka alimshangaa sana Erica kuwa ana tatizo gani maana kamjibu kwa hasira utafikiri kuna jambo baya amemwambia, hadi mkaka wa watu akajihisi vibaya kuwa pale hajamtongoza je akimtongoza itakuwaje? Alibaki akimshangaa kisha akamwambia,

“Kwani dada tatizo ni nini? Kufahamiana na mtu ni tatizo? Kama hutaki kunipa namba yako si ungesema tu sitaki kuliko kuanza na mada za unikome sijui nini na nini jamani?”

“Tena usinizoee wala usiendelee kuniongelesha, kwenye daladala yote hujaona wadada wa kuwasemesha zaidi yangu? Sitaki mazoea”

Huyu kaka alimshangaa sana Erica ila ilibidi awe mpole tu na kumwambia kwa upole,

“Binadamu hatwendi hivyo Erica, unaweza ukaanguka nikakuinua au mimi nikaanguka ukaniinua. Binadamu hatujibishani vibaya”

“Sikia wewe, sijui Juma sikia nikwambie yani mimi hata ukiniona nakufa hapo niache nife ila mazoea na wewe sitaki”

“Kwanini umekuwa mkali hivyo dada?”

“Nyie wanaume ni watiu wabaya sana, yani hapo utakuwa unajiongelesha sijui namba yako namba yako ila lengo lako ni kunitongoza. Nishakwambia naitwa Erica, na wewe Juma umeona kabisa itikadi zetu hazifanani ila unakazana kutaka namba yangu. Unanitakia nini mimi? Sitaki yani sitaki kabisa, mwisho wa siku ndio uniambie badili dini nikuoe, nikisema nipo tayari ulete propaganda zingine, sitaki na usiniongeleshe tena”

Kituo kilichofuata Erica alishuka sio kwamba alifika ila hakutaka kuendelea kuongea na huyu Juma ndiomana alishuka kituo ambacho sio chake.

Kisha alipanda daladala nyingine na kwenda hadi kituo chake akashuka na kuelekea nyumbani.



Alifika nyumbani, ila alipokaa na kutafakari kuhusu alichomjibu Yule mkaka wa kwenye daladala aliona yupo sawa kabisa,

“Yani wanaume wana mazoea ya kijinga kabisa, sitaki mazoea na mtu yeyote yule”

Mama yake alimsikia na kumuuliza kuwa tatizo ni nini, alimueleza mama yake kuhusu mkaka aliyemuongelesha kwenye daladala na jinsi alivyomjibu, alijua mama yake angempongeza maana mama yake alikuwa akitaka mwanae asiwe karibu na wanaume, ila mama yake hakumpongeza kabisa kwa kitendo kile,

“Erica mwanangu, sivyo nilivyokufundisha hivyo. Jifunze kuwa na kauli nzuri kwa watu”

“Sasa mama alitaka namba yangu ya nini kama sio kunitongoza, anajijua kabisa yeye ni Mwislamu na mie ni Mkristo sasa alitaka namba yangu ya nini?”

“Dini sio tatizo, ila tatizo ni utu na ustaarabu. Mtu unamjibu vibaya, hivi leo na kesho ukakutana nae mahali halafu ndio wa kukusaidia unadhani atakusaidia?Huwezi jua mtu huyo utakutana nae wapi tena”

“Hahaha, hujamuona mtu mwenyewe mama. Kwa msaada gani alionao Yule mtu? Hakuna lolote, hawezi kunisaidia chochote. Na siwezi kuhitaji msaada wake”

“Usimdharau usiyemjua Erica”

“Hujamuona mtu mwenyewe mama, anachekesha balaa”

“Watu hatuendi hivyo Erica, huwezi kumuhukumu mtu kwa kosa la mtu mwingine, si mkaka wa watu alikutuma uzae na huyo mwarabu wako. Usipeleke hasira zako kwa watu wasikuwa na hatia, jifunze kauli mwanangu, hatakama mtu humtaki hutakiwi kuongea nae kwa ukali. Mwambie kwa ustaarabu, nina mume wangu siwezi kutoa namba yangu, basi ukiona huwezi kumpa namba yako na sio kumjibu vibaya”

“Sawa mama nimekuelewa”

Alimuitikia mama yake na kuinuka kwenda chumbani ila kuikweli yale maneno ya mama yake hayakumuingia akilini hata kidogo maana yeye aliwaza kuwa njia pekee ya kuwakwepa wanaume ni kuwajibu vibaya, kila alipofikiria mapito yake aliona ni vyema kuwajibu vibaya.



Kesho yake Erica alijiandaa kwaajili ya kwenda kumtafutia mwanae nguo maana hakuona umuhimu wa kutafuta chuo cha udereva sababu tayari alijua kuendesha kwahiyo zile hela aliona ni vyema akamnunulie mwanae nguo, kwahiyo akajiandaa na kuondoka zake hata mama yake hakumwambia kama siku hiyo haendi kazini maana alijua kuwa mama yake angekuwa na maswali mengi sana.

Alifika kwenye duka la nguo za watoto na kununua nguo baadhi kwaajili ya mtoto wake, ila hakutaka kwenda kwenye lile duka la Moses maana hakuwa tayari kumjibu maswali yoyote Tumaini.

Wakati anatoka kwenye lile duka, alishikwa bega kugeuka alimuona Fetty. Alikumbatiana nae kwa furaha maana ni siku nyingi hakuonana nae, toka siku ya mimba.

“Jamani Fetty, toka siku ile ukapotea! Ulikuwa wapi?”

“Nisamehe Erica, kwanza umejifungua mtoto gani?”

“Mtoto wa kike”

“Hongera sana, anaitwa nani?”

“Anaitwa Angel, na wewe ulikuwa wapi kipindi chote hiko hata kuja kuniona jamani!

“Erica, acha tu maisha haya ni kizunguzungu haswaaa. Yani mwenzio nilipatwa na majanga balaa, mapenzi haya yani acha tu”

“Yamekufanyaje tena?”

“Ni historia ndefu ndugu yangu”

“Niambie hata kwa kifupi”

“Nilipata mwanaume wa kuishi nae, nikasafiri nae na kwenda Iringa. Ila yani alichonitenda Yule bwana sitakuja kusahau kamwe, hebu fikiria nimezaa nae mtoto mmoja, eti gafla kasema ndugu zake hawako tayari aoane na mimi kisa yeye Mkristo na mimi ni Mwislamu unajua kanitimua kwake nikiwa sijielewi hata pa kwenda! Nashukuru Mungu nilikuwa nafanya kazi ndio kitu kilichonisaidia, na nimeomba uhamisho na kurudi hapa Dar. Sina hamu na wanaume”

“Mmmh pole sana, sasa wanaume gani wazuri? Wakristo au Waislamu?”

“Wote wabaya ndugu yangu yani mwanaume huwa anokoteza tu sababu na mimi nina mkosi kwakweli natongozwa na Wakristo tu, nawachukia balaa”

“Hata mimi nina mkosi sio peke yako, natongozwa na Waislamu tu”

“Mmmh hadi baba Angel sio Mkristo mwenzio?”

“Sio mwenzangu, nina mkosi tu”

“Ila tusijiombee mikosi, sidhani kama dini ni tatizo ila tunaokutana nao ndio tatizo ndugu yangu. Nitakuja kwenu tuongee vizuri”

Erica akafurahiana pale na Fetty kisha kuagana nae na kurudi nyumbani kwao.

Alirudi na zile nguo alizomnunulia mwanae, mama yake akamuona na kuuliza,

“Erica, hata mwisho wa mwezi haujafika, hizo hela za kumnunulia mtoto nguo nzuri hivi umetoa wapi?”

“Jamani mama, kwani mimi sina hela?”

“Kumbuka, ulikuwa ukilalamika umeishiwa hadi huruma. Haya nguo hizi umezitoa wapi?”

“Mama, kuna siku nilipata daladala na walimpenda sana Angel, wamesema wanahitaji Angel awe balozi wa nguo za watoto ndio leo wamenipigia simu nikachukue nguo hizi”

Mama yake akafurahi sana na kuona mtoto wake ana bahati,

“Unaona sasa, mara nyingine ni vizuri kupanda kwenye usafiri wa jumuiya maana unaonekana”

Erica akacheka tu maana tayari alishamdanganya mama yake.



Kulipokucha alijiandaa kwenda kazini, na kwenda kama kawaida kisha akaanza kufanya kazi zake, muda kidogo James alitoka ofisini kwake na kwenda kumsalimia Erica,

“Vipi ulipata chuo?”

“Nilipata ndio”

“Basi vizuri, nishaongea na jamaa wa TRA nadhani atafika muda sio mrefu na atakusaidia kuhusu swala la kupata leseni”

“Haya, asante”

James alitoka nje huku Erica akiendelea na kazi zake, muda kidogo Erica alipigiwa simu na James kuwa atoke nje akatambulishwe huyo jamaa wa TRA ambaye ndio atamsaidia.

Erica aliacha shughuli zake na kutoka nje, kufika alipo James ndio akashtuka kuona jamaa mwenyewe ni Yule Juma aliyekutana nae kwenye daladala juzi na akamjibu vibaya.





James alitoka nje huku Erica akiendelea na kazi zake, muda kidogo Erica alipigiwa simu na James kuwa atoke nje akatambulishwe huyo jamaa wa TRA ambaye ndio atamsaidia.

Erica aliacha shughuli zake na kutoka nje, kufika alipo James ndio akashtuka kuona jamaa mwenyewe ni Yule Juma aliyekutana nae kwenye daladala juzi na akamjibu vibaya.

James alimuona Erica alivyosimama na kusita, kwahiyo akamuita,

“Erica, vipi mbona umeganda gafla?”

Erica akasogea ila alikuwa na hofu kupindukia, kisha James akaanza kutambulisha,

“Erica, huyu ni jamaa yangu wa TRA ambaye niliyesema nitaongea nae maswala ya leseni anaitwa Juma. Ndugu yangu Juma, huyu anaitwa Erica, ni mfanyakazi wangu nan i shemeji yangu ndiomana nahitaji umfanyie swala la leseni haraka haraka”

Juma alinyoosha mkono kama ishara ya kusalimiana na kufahamiana na Erica, Erica nae alinyoosha mkono pia na kumpatia ila aligubikwa na aibu ya hali ya juu kwani hakufikiria kama Yule Juma ndiye mtu wa kumsaidia, akakumbuka hadi maneno ya mama yake kuwa huwezi jua utakutana wapi na mtu huyo na atakusaidia nini, alibaki tu kumuangalia Juma kwa aibu na kushindwa hata kusema nae chochote, basi James akamwambia,

“Nenda pale ofisini kwako, kakae na Juma akuelekeze vitu vinavyotakiwa, mimi natoka kidogo. (Kisha akamuangalia Juma na kumwambia) Kwa swala lolote la hela, njoo kwangu.”

Kisha James akaondoka zke na kumuacha Erica akiongozana na yule Juma hadi ofisini.

Kwakweli Erica alikuwa akisikiliza tu kile Juma alichomwambia na alichoagizwa na Juma ndio alichokifanya kwa wakati huo, kisha Juma alivyomaliza alimwambia Erica aandike namba yake na aliandika bila pingamizi na kumuga huku akimwambia,

“Naomba tusahau yote yaliyopita, nisamehe”

“Usijali”

Juma akaondoka zake, kwakweli hii haikuwa siku ya furaha kwa Erica maana alihisi kudhalilika vibaya mno.



Kwenye mida ya saa kumi jioni, James alimuita Erica na kumpa ruhusa ya kuondoka,

“Yani hata hukumbuki kuwa unatakiwa kwenda chuo?”

“Nilisahau”

“Hebu acha mawazo Erica, fikiria maendeleo yako tu kwasasa, acha mawazo ya kijinga hayo mdogo wangu”

Muda huu Erica alijisikia vizuri sana kuitwa mdogo wangu na James, basi akamuaga pale na kuondoka zake.

Alienda kupanda daladala, ila leo kuna wakaka walikaa pembeni yake na akasikia maongezi yao,

“Yani mademu hawa vimeo vimeo, kuna demu nimekutana nae, ukimuona ni staarabu kumbe ni mbwa tu”

“Yule wa siku ile? Nilikwambia lakini jomba hukunisikia, uliona kama nakuonea wivu ndugu yangu, Yule demu jau yani kimeo cha mwisho”

“Najuta hata kutokufuata ushauri wako, ila mimi nikija kupata demu mwenye upendo wa dhati hakika nitatulia”

“Upendo wa mademu upo kwenye hela, yani ukiwa na pesa utapendwa wewe balaa ila uwe kapuku sasa utajuta yani mademu kwa pesa huwawezi ndiomana mimi sina demu wa kudumu huwa natembea nao na kuwaacha”

Erica aliwasikiliza mpaka alipofika kwenye kituo chake na kushuka ila kwa maongezi yale aliyoyasikia aliona kuwa wanaume wanapenda kuchezea wanawake wakati hata wao walikuwa wanalalamika kuwa wanawake wana matatizo.

Alifika nyumbani kwao na kumsimulia mama yake kuwa Yule mtu alifika ofisini kwao, ila hakumwambia kilichomnfikisha pale Yule mtu,

“Kumbe ni rafiki wa shemeji bhana Yule mkaka”

“Kheee mwanangu ila nilikwambia, kuwa makini na majibu sio kila kitu ni kujibu vibaya”

“Ila mama kama mtu anakutongoza na humtaki?”

“Si nishakwambia, mjibu kiustaarabu kwani ukisema hapana sitaki kuna tatizo gani? Sio unaanza ooh wewe sijui dini nyingine, kimeenda kimerudi sasa ndio nini hapo? Unatakiwa kuwa na jibu moja linaloeleweka”

“Sawa mama nimekuelewa na sitorudia tena mama yangu”

“Ndio usirudie, unanidhalilisha mimi ukifanya ujinga”

Erica aliinuka na kwenda chumbani haraka haraka maana alijua pengine mama yake angemuuliza kuwa mbona kawahi kurudi.

Alikaa chumbani ila wazo la Erick lilimjia kichwani na wakati akimfikiria Erick alipigiwa simu muda huo huo na Erick, kwakweli Erica akatabasamu na kuona ni jinsi gani upendo kati yake na Erick ulivyo mkubwa kiasi kwamba hata Erick anamuwaza vile vile na yeye anavyomuwaza, Erica akapokea ile simu

“Mbona kimya mpenzi wangu hukunitafuta tena?”

“Siku hizi nimeanza kazi Erick, kwahiyo narudi nyumbani nikiwa nimechoka balaa ila nakukumbuka sana tu, yani hata muda huu nimetoka kukukumbuka”

“Vipi facebook siku hizi hutumii?”

“Natumia”

“Mbona huwa sikuoni?”

Erica akakumbuka kuwa alifuta urafiki na erick maana hakutaka kumkwaza Rahim, alimwambia Erick,

“Labda nilitoa urafiki kwa bahati mbaya, ngoja nikuombe tena urafiki ili tuwe tunawasiliana”

“Sawa”

Erica alikata simu na kwa mara hii akachukua ile simu yake na kuingia kwenye mtandao ingawa kwa siku hizo hakupenda kuingia kwani kila alipomuona Rahim alihisi kuumia sana, na leo alikuta Rahim yupo hewani vizuri kabisa ila hakutumiwa ujumbe wowote na Rahim, akamtumia Erick ombi la urafiki na Erick alilikubali muda ule ule na kuanza kuwasiliana nae kwenye mtandao sasa,

“Ila Erick, muda sio mrefu nitalala, maana nimechoka”

“Sawa Erica, ila nakumiss sana na ninatamani siku moja tuishi wote. Subiri tu nirudi kutoka Kusini, ila usinisaliti Erica”

Kidogo Erica alisita kujibu maana kama usaliti kashaufanya sana tu mpaka na mtoto kapata, ila akamjibu kuwa asijali hatomsaliti, bado hakuweza kumwambia Erick kuhusu mtoto aliyekuwa nae maana alihisi kama upendo juu yake utapungua.

Akamuaga Erick kuwa muda huo analala, ila kabla hajatoka hewani alishangaa ujumbe kuingia kutoka kwa Rahim, akaufungua na kuusoma,

“Kweli mwenye asili haachi asili, kwahiyo umemtafuta Erick hadi kuanza tena urafiki nae? Nashukuru Erica, hela zote nilizokuwa nakupa ni kazi bure”

Erica alisoma mara mbili mbili ujumbe wa Rahim bila hata kuelewa kuwa Rahim amejuaje kuwa yeye na Erick wameanza urafiki tena, ila akakumbuka kuwa facebook ina mtindo wa kuandika Fulani na Fulani wamekuwa marafiki, kwahiyo inamaana labda Rahim kaona ujumbe huo ndio kajua kuwa Erica na Erick wamekuwa marafiki tena. Erica hakujua ajibu nini kwahiyo alipotezea huo ujumbe na kulala tu.



Kulipokucha akajiandaa na kwenda ofisini kama kawaida, leo akiwa ofisini akapigiwa simu na Yule Moses mwenye duka la vitu vya watoto na nguo.

“Erica, mbona unaniangusha jamani, hujaipenda ofa yangu? Mpe mtoto nafasi hiyo huwezi jua atakuwa nani ukubwani? Naomba ukubali Erica, mwanao awe balozi wa bidhaa zetu, inamaana bado hujafanya maamuzi?”

Erica akawaza kwa muda kuwa ajibuje kwani kiukweli alikuwa akihitaji sana tu ila sharti alilopewa na Tumaini ndio lilikuwa gumu sana kwake, ila Yule Moses alimuuliza tena,

“Mbona kimya Erica?”

“Nimekubali”

“Wow, lini sasa utakuja kusaini mkataba wetu kisha mwanao aanze kuonekana kwenye matangazo yetu?”

Erica alitamani kuulizia kuwa Tumaini ni nani kwenye lile duka ila hakuweza kuulizia na akawaahidi kwenda kesho yake na mtoto, aliona ni rahisi kwake sababu ni siku yake ya kwenda kliniki.

Alikubaliana nae hivyo na Moses alionyesha kufurahishwa sana na swala hilo.

Kisha Erica alipomaliza kazi zake, kama kawaida akaenda kumuomba ruhusa bosi wake na kumwambia kuwa kesho atampeleka mtoto kliniki kwahiyo hatoweza kufika kazini,

“Hakuna tatizo Erica, yani wewe ukiwa na swala lolote lile usisite kuniambia, sawa eeh!”

“Sawa”

Kisha Erica akataka kuondoka ila James alimzuia kidogo na kumpa laki moja ambayo Erica alikuwa akiikataa,

“Hapana Erica, pokea pesa hii itakusaidia kesho kumpeleka mtoto kliniki. Naelewa shida unayopitia Erica, inaniumiza sana kuona kuna mwanaume mwenye miguu miwili kama mimi na mwenye ufahamu kama mimi ila kaumiza moyo wako, inaniuma sana. Naomba pokea hii pesa, si kwaajili yako ila ni kwaajili ya Angel”

Erica alipokea ile hela na kumshukuru pale kisha kuondoka zake na kurudi nyumbani kwao.

Leo mama yake alimuuliza kuwa mbona karudi mapema,

“Kesho nampeleka Angel kliniki kwahiyo nimeomba ruhusa mapema kwaajili ya maandalizi”

“Kheee makubwa, kuna maandalizi ya kumpeleka mtoto kliniki!”

“Si kama kutafuta kadi lake mama”

“Haya nimekubali ila kishingo upande”

“Sasa mama unafikiria ni nini?”

“Hakuna kitu”

Leo Erica alifanya mambo yake mengine yote ila hakuingia kwenye mtandao kabisa, hadi saa ya kulala alimchukua tu mwanae na kumlaza pembeni yake.



Kesho yake alijiandaa na kutoka na mwanae, sababu hela alikuwa nayo hakuona tatizo la kukodi gari la kumpeleka kliniki, wakati anatoka kliniki na siku hiyo akagongana tena na Salma ila leo Salma alimpa Erica msonyo huo uliomuacha mdomo wazi kisha akasema,

“Najua umezaa na Rahim, hata ufiche vipi mi naujua ukweli. Ila ngoja nikwambie kitu, kuzaa na Rahim hakutakusaidia chochote maana umezaa mtoto wa kike, kama watoto wakike Rahim anao wa kutosha tu, sio peke yako uliyezaa na Rahim mtoto wa kike. Ila humu kwenye tumbo langu kuna kidume, mrithi wa Rahim”

Erica alimuangalia Salma ila akaona kujibishana nae ni kuweka mzozo tu, kwahiyo akaachana nae na kuondoka zake. Kiukweli roho ilimuuma ila akaona hana sababu ya kuumia kwaajili ya Rahim maana alishaamua kusonga mbele, kwahiyo alitoka pale kliniki na kuelekea stendi kisha kupanda daladala na kwenda kwenye duka la Moses.

Alifika pale na kuonana na Moses kwakweli Moses alifurahi sana, na kumpa ule mkataba ausome kisha asaini maana hakutaka kuchelewesha tena, wakati Erica anasoma ule mkataba na wao walikuwa wakimjaribisha mtoto wa Erica nguo huku wakimpiga picha, Moses alimpenda sana mtoto Yule maana hakuwa mlizi kama watoto wengine na alikuwa na tabasamu muda mwingi, yani walimpiga picha pale na kurudi kwa Erica,

“Kweli huyu ni Angel jamani, mtoto anatabasamu hadi raha. Una mtoto mzuri sana Erica, hongera tena na tena”

Erica alimjibu asante na kumkabidhi mkataba pale maana tayari alishasaini.

“Nimefurahi sana umekubali kusaini mkataba na sisi, huyu mtoto wako atakuwa balozi wetu mzuri sana. Hakuna nguo anayovaa ikamchukiza, angalia hizi picha tulizompiga”

Moses akaanza kumuonyesha Erica zile picha alizopigwa mwanae, kwakweli alipendeza sana hata yeye aliweza kuuona uzuri wa mtoto wake kwenye picha, siku zote walimsifia mzuri mzuri ila yeye alimchukulia kawaida ila kwenye zile picha aliona vizuri kuwa mwanae anastahili kuitwa mzuri na mrembo.

Lile swala la kusaini mkataba lilipoisha, Angel alipewa baadhi ya nguo na kukabidhiwa Erica,

“Sikia, ukimvalisha mpige picha halafu tutumie. Sawa eeeh!”

“Sawa hakuna tatizo”

“Halafu ukamfungulie mtoto akaunti benki ili hela zake tuwe tunaingiza huko, kwa kuanzia tutakuingizia wewe kwenye akaunti yako ila mfungilia ili kila mwezi tuwe tunamuingizia huko maana kila mwezi tutakuwa tunamlipa”

“Oooh nashukuru sana jamani”

“Mshukuru mwanao, maana umepata bahati sana ya kupata mtoto mzuri halafu anajua kutabasamu, mtoto ana pozi kama mtu mzima! Kwakweli kwa mwaka huu huyu ndio mtoto bora kwangu”

Erica akatabasamu na kuendelea kushukuru kisha akahitaji kuondoka, hivyo Moses akamwambia,

“Basi naomba nikupeleke mwenyewe nyumbani kwenu maana ni vyema nikafahamu na kwenu hata leo na kesho iwe rahisi kukupata, mfano tukishusha mzigo mpya tutahitaji mwanao afike, sasa nikipajua kwenu itakuwa rahisi mimi mwenyewe kuja kuwafata”

“Sawa, hakuna tatizo”

Kwahiyo Moses alipanda na Erica kwenye gari yake kisha kuanza safari ya kwenda kwakina Erica huku akifata maelekezo toka kwa Erica.

“Ila kumbe una gari, mbona siku ile ulipanda daladala”

“Mfano nisingepanda daladala basi nisingekutana na wewe, unajua kutembea na usafiri wako ni vizuri sana ila kutembea kwenye usafiri wa jumuiya ni vizuri zaidi. Kwanza unaweza kufahamiana na watu usiowatarajia, pili unaweza kupata fursa mbalimbali kwa kusikia mazungumzo ya watu kwenye daladala na pia kuona vitu mbalimbali vinavyotendeka. Sio wote wanaopanda daladala hawana usafiri binafsi, wengine wanao ila wapo kwenye daladala ili kujifunza changamoto mbalimbali.”

“Aaah hapo nimekuelewa”

“Mimi huwa napanda gari binafsi nikiwa na mambo ya haraka ila kama sina haraka basi daladala itanihusu kwanza ni rahisi kujua mahitaji ya watu mbalimbali ukiwa nao karibu”

Erica alimuelewa sana Moses na kumuona ni mtu mwenye uelewa wa hali ya juu.

Walifika kwakina Erica ila Moses hakuingia ndani alimuaga tu pale kisha kuondoka na kumuahidi kuwa ataingia ndani siku nyingine.



Mama yake Erica kama kawaida alishangaa mzigo wa nguo aliorudi nao Erica ila bado Erica alimwambia swala lile lile kuwa mwanae kachaguliwa balozi kwenye duka la nguo kwahiyo wanampa nguo kama motisha.

“Kheee una bahati sana mwanangu, hapa ndio mtu unaelewa ule msemo wa watu kuwa usimtupe mtoto. Jamani Erica ulikuwa ukilia lia mwanangu na kumuona kama mtoto wako huyu akiwa nuksi kumbe ana baraka zake kwa Mungu. Hongera sana mwanangu”

“Asante mama, ila hongera yetu sote maana ni wewe uliyemlea mtoto huyu vizuri hadi kawa na afya ya kuonekana kupendeza machoni mwa watu. Asante mama, yani Angel ana mwaka tu ila kila anayemuona anampenda yani hadi najisikia raha”

“Ila mwanangu kuwa makini na watu, maana sio wote wanaomsifia mtoto ni watu wazuri. Hata usiwaachie mtoto bila sababu ya msingi eti kwavile mtoto anatabasamu na kufurahi, achana nao yeni ukiwa mahali wewe kuwa makini na mtoto tu, watu wanasifia mzuri mzuri gafla wanatoweka na mtoto, utalia kilio cha mbwa mwanangu, mtoto anauma asikwambie mtu”

“Sawa mama nimekuelewa, naamini maneno yako uliyowahi kuniambia kuwa kila mtoto ni mzuri ila ni vile tu mzazi anavyomuweka. Na umemfanya mwanangu aonekane kwenye muonekano wa kuvutia maana umemuweka vizuri. Asante mama”

Mama yake alitabasamu kwa kuona kuwa Erica amethamini mchango wake kwa mjukuu wake, kisha Erica alienda chumbani kwake ila alijiona kafanya jambo jema kwenda kusaini mkataba mwanae awe balozi,

“Jamani kuna watu wana roho mbaya, sasa Tumaini mapenzi ya kaka yake yanamuhusu nini? Kama kaka yake namdanganya, yeye anaumia na nini? Siwezi kumwambia Erick kwasasa maana nahitaji akili yangu ikae sawa kwanza ndio nimwambie, maana sijui atachukulia vipi. Hapa nilipo ubongo umejaa mawazo halafu nikaongeze na mawazo ya kukataliwa na Erick mwanaume nimpendaye? Hapana kwakweli, siwezi kumwambia kwasasa, na swala la mwanangu kuwa balozi nilikuwa nalihitaji sana kwani kwasasa sina sehemu yoyote ya kusaidiwa kulea mtoto ila kwasaivi itanisaidia, hebu ona hela nilizopata hata itafanya nisipokee tena hela za shemeji ambazo nina mashaka nazo kuwa zinaniingiza matatizoni ingawa mwenyewe anajifanya hana tatizo. Halafu Yule Salma nae ana nini jamani? Sijui kajuaje kama nimezaa na Rahim mmmh! Ila nimefanya vyema kutokumjibu, asinibabaishe sijui mtoto wa kike sijui wa kiume, mtoto ni mtoto asinibabaishe. Kwanza mwanangu kashakuwa balozi, aka mwenyewe naanza kujifaidia matunda ya mtoto akiwa bado mdogo”

Alikuwa akiongea mwenyewe tu huku akitabasamu na kuendelea na shughuli zake zingine. Kisha muda wa kulala ulivyofika alilala tu.



Kesho yake alijiandaa na kwenda kazini kama kawaida, ila alipofika tu James alimuita ofisini kwake,

“Vipi jana, ulimpeleka mtoto huku kliniki?”

“Ndio nilimpeleka”

“Vizuri sana, Erica wewe ni mama bora unamjali mtoto wako”

Erica akatabasamu tu, kisha akakumbuka swala la kumfungilia akaunti mtoto wake na kumuomba ruhusa James kuwa aende benki mara moja,

“Unataka kwenda kufanya nini?”

“Nahitaji kumfungulia akaunti mwanangu ili niwe namuwekea pesa kidogo kidogo kwaajili ya elimu yake”

“Aaah nimekupenda bure Erica, wewe ni mama bora. Nakupa ruhusa, tena naomba nikupe nah ii pesa iwe kama kianzio kwenye akaunti ya mwanao”

“Hapana bhana usinipe hela”

“Erica, hii pesa si kwaajili yako ila ni kwaajili ya mtoto wako. Vitu muhimu vya mtoto vyote umebeba?”

“Ndio nimebeba”

“Naomba uchukue hii hela Erica, sio yako hii ni ya mtoto. Ukishamuwekea uniletee na risiti”

Erica akakubali kwani aliona ni kweli James ana lengo la kumsaidia tu. Alipokea zile pesa toka kwa James ambazo zilikuwa laki mbili.

Kisha akaweka kazi zake sawa na kwenda benki kwaajili ya kumfungulia mwanae akaunti.

Alipofika benki wakampa mlolongo mzima sema vitu vyote alikuwa navyo maana alijipanga tangia nyumbani, kwahiyo walianza kufungua hiyo akaunti.

Walipofika kwenye picha za mtoto, mkaka aliyekuwa akishughulikia kumfungulia Yule mtoto akaunti alichukua ile picha na kwenda kuwaonyesha wenzie kisha akarudi,

“Dada, naomba usijisikie vibaya, nimeshindwa kuangalia uzuri wa huyu mtoto peke yangu ndiomana nikapeleka na wenzangu wamuone. Una mtoto mzuri sana”

“Asante”

Alipomaliza, aliombwa kidogo kwa meneja wa benki, kwahiyo akaenda na kuongea nae,

“Dada, tutakuhitaji hivi karibuni kuna mambo tunahitaji utusaidie”

“Mambo gani hayo?”

“Tutakwambia siku hiyo ya kikao, ila tuachie namba yako ya simu hapa mezani. Najua ipo kwenye mitambo yetu ila ni vizuri ukiniandikia kwenye hiki kitabu niwe na kumbukumbu vizuri”

Erica aliandika namba zake kwenye kitabu alichoonyeshwa kisha kuondoka zake na kurudi ofisini ambapo alienda kumpelekea James risiti kuwa ameweka zile pesa kwenye akaunti ya Angel.

“Wow, Erica hata mwanaume atakayekuoa atakuwa ni mwanaume mwenye bahati sana. Una akili sana, sikutegemea kama ungeniletea risiti kweli! Wewe ni mwanamke makini”

Erica alitabasamu tu na kwenda kuendelea na kazi zake na muda ulipofika alienda kuaga na kuondoka zake, bado aliondoka mapema ili kuonyesha kuwa anasoma ila hakuwa akisoma wala nini bali alikuwa akienda nyumbani kwao.



Siku hiyo alienda kwenye duka la Moses moja kwa moja kumpelekea akaunti namba ambapo Moses alifurahi sana kisha kuagana nae na kumuomba kuwa aende na mtoto Jumamosi kwaajili ya kumpiga picha na nguo zingine. Erica alikubali na kuagana nae pale.

Alirudi nyumbani kwao na kuongea kidogo na mama yake kisha kuingia chumbani kwake na kufanya mambo yake mengine.

Siku hii usiku aliingia kwenye mtandao maana alipokea ujumbe kutoka kwa Erick akimuomba aingie mtandaoni, wakati akiwasiliana na Erick alishangaa Erick kumtumia picha ya mtoto wake.

Erica alishangaa kuwa Erick kaitoa wapi picha ya mtoto wake.



Siku hii usiku aliingia kwenye mtandao maana alipokea ujumbe kutoka kwa Erick akimuomba aingie mtandaoni, wakati akiwasiliana na Erick alishangaa Erick kumtumia picha ya mtoto wake.

Erica alishangaa kuwa Erick kaitoa wapi picha ya mtoto wake.

Alikuwa kimya kwa muda, akashangaa tena kuona Erick akimtumia picha kama tatu za mtoto wake, ikabidi Erica ajibaraguze na kumuuliza Erick,

“Kafanyaje huyo mtoto?”

“Nimekutumia uone uzuri wa huyo mtoto”

“Kweli ni mzuri”

“Erica, nilipoona picha za huyu mtoto nimejikuta nikitamani kuwa na mtoto balaa. Erica tafadhali naomba tuzae”

“Tutazaa tu”

“Erica, usingetoa ile mimba mtoto wetu angekuwa mkubwa sana saivi, natamani mtoto Erica, huwezi amini picha za huyu mtoto nimetumiwa jana basi nimekaa nikiziangalia balaa yani muda wote najihisi nikitaka kumuangalia. Natamani angekuwa mwanangu”

Erica akawaza kuwa pengine Erick alikuwa akimuweka mtegoni ila akajipa moyo kuwa ataukwepa mtego wa Erick, alikuwa kimya tu akisoma jumbe za Erick. Kisha Erick alimuuliza tena,

“Mbona kimya Erica? Husemi chochote kuhusu huyo mtoto?”

“Sasa niseme nini Erick”

“Nimekwambia mwenzako natamani tupate mtoto, wewe hata huchangii kuwa unatamani pia”

“Na mimi natamani, sema upo mbali”

“Nikutumie nauli uje South?”

Erica akawa kimya kwa muda maana aliona akiwa mtegoni zaidi, kisha akamjibu,

“Hapana Erick, kuna kazi ndio nimeanza kufanya, siwezi kuomba likizo mapema hivyo”

“Kwani huko kwenye kazi wanakulipa shilingi ngapi?”

“Mmmh jamani Erick!”

“Niambie tu wanakulipa ngapi?”

“Laki tisa kwa mwezi”

“Basi mimi nipo tayari nikupe mwenyewe kila mwezi hiyo hela, nitakupa na hela nyingine ya matumizi. Erica, natamani tuwe na mtoto”

“Erick, ukirudi nchini tutapanga hayo mambo, hatutakiwi kufanya kwa haraka hivyo”

Erica aliamua kumpooza ila aliogopa kumuuliza kuwa picha za mtoto Yule kazitoa wapi kwa maana alihofia angeanza maneno mengine.

Aliamua kuagana nae tu kwa muda huu na kulala.



Siku iliyofatia alienda kazini kama kawaida, alifika na kufanya shughuli zake. Muda ulivyofika aliinuka na kwenda kumuaga shemeji yake kwaajili ya kuondoka,

“Kwa siku ulizo jifunza funza bado hauwezi kuendesha hata kidogo Erica?”

“Bado bado”

“Aaaah haiwezekani au wazembe hao!Basi siku za mwisho wa wiki nikufundishe mwenyewe”

“Mmmh nitaelewa tu shemeji usijali”

“Mmmh Erica wewe”

“Usijali shemeji”

Kisha Erica akamuomba kuondoka na kuondoka zake, ambapo moja kwa moja alienda stendi ya daladala ila kabla hajapanda, alishikwa mkono na mtu, kugeuka ni Fetty ambaye alimfurahia na kumkumbatia kisha Fetty akasema kwavile wamekutana tena acha aende naye nyumbani kumuona mtoto, Erica hakukataa na kuanza kwenda nae.

Walifika nyumbani kwakina Erica na kumkuta mama yake ambapo Erica alimsalimia kisha Yule Fetty nae akamsalimia, akaweza kumkumbuka vizuri kutokana na siku ile waliyoondoka kwenda hospitali.

“Karibu sana”

“Asante mama”

Muda kidogo mtoto wa Erica alitoka chumbani na kwenda sebleni, inamaana alikuwa ameamka maana alikuwa amelala, kwahiyo alivyomuona mama yake alionyesha kufurahi sana, kisha Erica alimnyanyua mtoto wake kama ishara ya kumsalimia, na kumpa Fetty amsalimia.

Fetty alimchukua mtoto Yule na kusema,

“Hiiii jamani ni mzuri, uwiiii mzuri sana”

Mama Erica akasema,

“Mmmh taratibu mtoto, huo uzuri mpaka wa kushtuka wa huyo mtoto uko wapi? Mpaka ushangae kweli, kama kusifia si usifie kawaida tu, kwanza ni wa kawaida. Mlete mjukuu wangu”

Ilibidi Fetty ampe mama Erica Yule mtoto ambapo alitoka nae nje, Erica alikuwa amesimama tu akimshangaa mama yake na kushindwa hata kuongea jambo lolote.

Alivyotoka alianza kumuomba msamaha Fetty,

“Fetty, naomba unisamehe mimi. Sijui mama yangu vipi yani mambo yake daha nashindwa hata kuelewa, nisamehe Fetty”

“Hata usijali rafiki yangu, mimi ni muelewa na nimeelewa. Hata hivyo nimeshangaa sana, ila sio kosa la mama ni kosa langu kushangaa sana”

“Jamani Fetty hadi najisikia vibaya”

“Usijisikie vibaya Erica, tena mama hajafanya chochote kibaya. Unajua watoto wengi sana wanazaliwa wazuri, wanapendeza ila huharibika kutokana na maneno ya watu. Kila mtu na mtazamo wake, mwingine anamsifia mtoto kumbe ana kinyongo moyoni, na usiombee awe mchawi basi anaweza kumshika na kumsiriba kimavi”

“Kimavi? Yani anampaka kinyesi?”

“Hapana, ila kimavi ninachosema hakionekani kwa macho ya kawaida ila utashangaa mwanao ni mzuri anapendeza ila hakuna mtu anayetambua uzuri wa mwanao, yani mtoto wako haonekani kabisa. Tena utashangaa vitu vingine anapitwa kupewa, ujue mtoto kapakwa kimavi, yani kuna kipindi kinafika hadi kuna jambo unafanya unashangaa wewe binafsi umemsahau mwanao kwenye jambo hilo na kujiuliza kwanini kumbe mtoto kashapakwa kimavi”

“Ooooh asante kwa kunijulisha, sasa nitajuaje mwanangu anataka kupakwa kimavi?”

“Usimuachie mtoto mtu ambaye umeanza kuingia mashaka nae, na ukiona mtoto ameshaanza kuwa na sifa za kutokuonekana, kutengwa yani unaweza fika kliniki na mtoto, wenzio wakahudumiwa halafu wewe ukaachwa hadi ukamshtua nesi kuwa mbona nipo, yani hapo kuwa na mashaka kuwa pengine ni wewe au mtoto ana kimavi. Kama ni mtu wa jadi, mpeleke mtoto kwa mganga, na kama ni mtu wa maombi basi mpeleke mtoto kwenye maombi”

“Mmmh umenifungua macho Fetty, sasa mama ana mashaka gani na wewe?”

“Mama hajapenda vile nilivyomshangaa mtoto ndiomana kainuka na mjukuu wake ila sio kosa lake inaonyesha mamajo yupo makini sana yani hata mwanao wakimchafua basi mamako yupo makini nae, usione mwanao anapendeza Erica unatakiwa kumshukuru mama yako”

Erica alimsikiliza Fetty maana alijua atakuwa amechukia sana ila ni tofauti, ndio kwanza Fetty alikuwa akimuelekeza tu mambo asiyoyajua, kisha Fetty akaaga kuwa anahitaji kuondoka, ikabidi Erica akaweke mkoba wake ndani na kwenda kumwambia mama yake kuwa Fetty anaondoka.

Mama yake Erica alitoka kwa aibu kidogo maana alijua Fetty ameaga mapema vile sababu ya kumnyang’anya mtoto,

“Nisamehe mwanangu, najua sijafanya vyema”

“Hapana mama, nimekuelewa hata usijali”

Mama Erica alimpa tena mtoto Fetty ili amuaga, ambapo Fetty bila kinyongo alimchukua mtoto Yule na kumuaga kisha kumrudisha kwa bibi yake na kuanza kutoka nje ambapo Erica alimsindikiza.



Fetty na Erica walikuwa wakisindikizana huku wakiongea mambo mbalimbali,

“Unajua Fetty, wewe ni mtu mzuri sana nashangaa ni kwanini sikuwa na urafiki na wewe wa karibu chuoni”

“Sio kosa lako, kwa mtu ambaye hupendi umbea huwezi kuwa karibu na mimi sana. Mimi ni mbea sana na ninajijua ndiomana wakati nilipokutana na mama yako na anaulizia kwako unapoishi wala sikusita kumleta maana nina asili ya umbea”

Erica alicheka na kusema,

“Yani wewe mbea na unajikubali?”

“Ndio mimini mbea yani najua hilo, kule nilipokuwa naishi na Yule mwanaume nimeachika kwa mengi ndugu yangu. Mume ana mapungufu yake na mimi pia nina mapungufu yangu, ila najua ananimiss sana maana nikishinda nyumbani mimi basi habari za mtaa mzima ninazo. Bora nikienda kazini, ila kazini naenda siku zote halafu Jumamosi na Jumapili napumzika, weee habari zote nazipata yani burudani kwahiyo nikianza kumpa mlolongo wa habari Yule mume anabaki mdomo wazi. Ingawa kanitimua kwa kusikiliza ndugu zake na kusingizia dini ila najua ananimiss sana”

“Hahahaha Fetty wewe, mawifi zako hawakupenda umbea?”

“Basi tu walikuwa na yao, halafu umbea wangu hata sikuwa nafanya nao hata nawashangaa kunichukia. Ila ndugu yangu Erica, mwanaume anayekataa majukumu ya mwanae huwa anaumbuka vibaya tena vibaya sana. Unajua watoto ni baraka njema ambayo Mungu ametupatia, ila ikitokea mtu anakataa majukumu ya ile baraka ambayo Mungu ameitoa basi ujue ipo siku mtu huyo ataumbuka balaa. Yani aibu ya wale viumbe inanukia”

Erica akacheka sana kisha gari likaja na Fetty akapanda na kuondoka.

Wakati Erica anarudi kwao, akakutana na Johari na kushangaana kwa muda,

“Erica kumbe upo kwenu hatuambizani?”

“Majukumu, nisamehee sana”

“Vipi ulishamaliza chuo?”

“Mbona siku nyingi sana”

“Mahafali umefanya kimya kimya hata hatujaalikana”

Erica akanyamaza kwa muda kwani kiukweli hata mahafali yenyewe hajafanya kwahiyo swala la kuambiwa kafanya kimya kimya aliona linamchanganya tu, ikabidi abadili mada,

“Una watoto wangapi saivi Johari?”

“Wawili”

“Kumbe wawili tu? Ulizaa na Yule Yule au?”

“Wawili tu kwani wachache? Wananitosha, natumia uzazi wa mpango mwenzio unajua ukishaharibu maisha yako basi usipende kuendelea kuharibu. Yule mwanaume achana nae, kumbe sikukwambia eeeh! Yule mwalimu bhana kumbe alikuwa na mke wake, kipindi anakuja kuja kuniona mkewe hakuwepo alisafiri kikazi sasa ndio akawa anamalizia shida zake kwangu. Mtoto wa pili sijazaa nae yeye, yupo mkaka amenipenda na mwanangu ndio naishi nae ndiomana siku hizi huku sionekani sana maana naishi huko sehemu nyingine na huyo mwanaume”

“Pole na hongera kwa kumpata huyo anayekujali”

“Na wewe vipi, huna mpango wa kupata mtoto au ndio hadi uolewe? Tupe basi kadi za harusi hiyo”

“Mmmh Johari wewe, nitakwambia tu hata usijali”

Kisha Erica akajifanya anapitia dukani ndio aende kwao, alifanya vile kwasababu hakutaka kwenda kwao na Johari. Kwahiyo waliagana nae, halafu Johari aliendelea na safari yake nay eye kwenda dukani na kununua kitu ambacho wala hakukihitaji kwa wakati huo.

Baada ya hapo, Erica alirudi kwao na jioni ilikuwa imeingia na kigiza nacho kuanza kutanda.

Alivyoingia tu ndani, leo mama yake alikumbuka kuhusu Bahati na kuulizia yuko wapi,

“Erica, hivi Yule muuza samaki aliishia wapi jamani toka siku ile hadi leo kimya!”

“Mmmh! Mama leo ndio unamkumbuka? Kweli umuhimu wa kitu huonekana pale unapokikosa, yani Bahati hayupo tena ndio unamkumbuka wakati siku zote huwa unajifanya humtaki”

“Mmmh Erica jamani ni lazima nimkumbuke, alikuwa anampenda Angel mwenyewe alikuwa anatuletea kuku, samaki nimejifaidia haswaaa. Alikuwa ananiachia hela, jamani lazima nimkumbuke. Akija anashinda na Angel, anacheza cheza nae na mtoto nae anafurahi anakuwa kama watoto wengine wenye baba. Nimemkumbuka sana Yule kijana, yuko wapi?”

Erica akainama chini, hapo kumbukumbu zote za ndoa ya Bahati zilimjia na kujikuta akiumia sana. Alikuwa kimya tu tangu mamake 

alipokumbushia mazuri ya Bahati, ilibidi mamake amuulize tena,

“Kwani kuna nini Erica? Kwani huyo Bahati yuko wapi?”

“Mama, sielewi kabisa yani sielewi, kweli mwanao mimi ni fungu la kukosa”

“Kwanini unasema hivyo mwanangu?”

“Katika ulimwengu huu hakuna mwanaume niliyejua ananipenda kufa kama Bahati, maana hata nikifanya baya ila kwake ataliona zuri hadi nilijiona ni mwanamke mwenye bahati kama jina lake. Lakini huwezi amini, Yule Bahati aliyenipenda kufa, aliyeonyesha kufanya vyote kwaajili yangu ameoa”

“Ameoa?”

“Ndio ameoa”

“Kwahiyo siku zote alikuwa akija hapa tayari ana mke au?”

“Hapana mama, ila wiki mbili tu baada ya kutoka hapa huwezi amini mama nilimshuhudia Bahati kwa macho yangu akiwa amefunga ndoa. Yani hili jambo sijaambiwa na mtu bali nimelishuhudia kwa macho yangu, Bahati ameoa mama. Hadi nashangaa mama yani kwa wiki mbili tu Bahati ameoa, sikuamini”

“Mmmh yani kwa wiki mbili apate mwanamke mwingine wapange maswala ya ndoa hadi kuoana! Mbona hainiingii akilini hiyo? Au alishakuwa naye huyo mwanamke na walishapanga maswala ya ndoa ila walikuja kwetu kujikosha ili mamake alete maneno ya shombo na tuseme ni mamake kumbe wamejikosha”

“Hata mimi nahisi hivyo mama, kwakweli watu wanajua kuigiza yani Bahati alivyoniigizia ananipenda yani siamini, nashindwa kuamini kabisa. Ndiomana inakuwa ngumu kwangu kuelewa maana ya mapenzi kama mtu anaweza kukuigizia kama Bahati jamani mpaka unaamini unapendwa kumbe hakuna kitu”

“Ila usijali mwanangu, kama ridhiki yako ipo basi ipo tu hata usijali, si unaona saivi sikupigii kelele kuhusu baba wa mtoto ingawa najua kaka zangu wakija hapa ni balaa ila sitaki kuendelea kukuumiza kichwa mwanangu. Usijali, hata mimi sikufikiria kama Bahati anaweza kufanya hivyo”

Erica aliinuka na kuelekea chumbani kwake kwani alijisikia kulia na hakupenda kulia mbele ya mama yake kwahiyo aliingia chumbani na kulia, huko alijikuta akikumbuka mambo mengi sana,

“Hivi mapenzi ni nini? Siyaelewi kabisa, na kwanini yalikuwepo? Niliamini Bahati ananipenda sana ndiomana hela nilizokuwa napewa na Rahim nilimpa Bahati maana nilipenda awe na muonekano wa mwanaume ninayependa kuwa nae, ila ni nini sasa kimenitokea? Bahati nimemkosa, Rahim nae nimemkosa”

Alilia sana hadi mama yake alienda kumgongea,

“Wewe Erica, hebu njoo umchukue mtoto umlaze chumbani”

Erica alifuta machozi na kwenda kumchukua mwanae kisha kuingia nae chumbani, hakutaka kuendelea kuwaza sana badala yake aliamua kulala tu.



Jumamosi ilipofika Erica aliamka na kujiandaa kisha kumuandaa mtoto wake kwaajili ya kwenda dukani kwa Moses maana alimwambia kuwa ampeleke mtoto Jumamosi hiyo, alikuwa anawaza kuwa siku hiyo apande daladala na mwanae,

“Mmmh kukodi tax kila leo itaniumiza sana, nahitaji kumtunzia mwanangu hela za kumsaidia badae na masomo yake. Mfano ningetunza zile pesa nilizokuwa napewa na Rahim labda ningefanya kitu bora kuliko kumrundikia Bahati ambaye kaniacha na kwenda kuoa msuchana mwingine. Inaniuma kila nikifikiria, namuomba Mungu tu anipe ujasiri”

Wakati analalamika hayo mamake alimsikia, na kutoka kumuuliza kwa hamaki,

“Wewe Erica, usiniambie kuwa ulikuwa unampa hela Bahati?”

Erica akakaa kimya, kisha mamake akaendelea kuongea,

“Yani unampa hela mwanaume? Umepata wapi akili ya kijinga hivyo Erica? Badala mwanaume akupe wewe eti wewe ndio unampa hela mwanaume! Ulimpenda sana eeeh! Nadhani Bahati alikuwa anakubembeleza sababu ya hela ulizokuwa unampa na sio mapenzi. Wewe mtoto ni mjinga sana”

“Ila mama, mbona wanawake huwa tunapewa hela na wanaume? Kwanini iwe ngumu hivyo kwa wanawake kuwapa wanaume?”

“Hebu kuwa na akili kidogo wewe mtoto, tumesomesha kopo tu, uwe unasoma hata maandiko basi, imeandikwa mwanamke atazaa kwa uchungu na mwanaume atakula kwa jasho yani mwanaume anatakiwa kutafuta sio wewe utafute umpe ili iweje? Si bora ungenipa mimi mama yako hata nisingekuwa nakusema sana maana hela tumekula wote, ila hela umeenda kuzimwaga kwa tahira Yule, unaona sasa kaona mwanamke mwingine! Mwanaume sio ndugu yako”

“Sawa mama, nimekuelewa”

“Haya, unataka kwenda wapi na mjukuu wangu?”

“Si kule nilipokwambia mama kuwa mjukuu wako amekuwa balozi, sasa ndio leo wanaenda kumpiga picha”

“Mmmh mambo ya kizungu hayo hata siyaelewi, ila ita gari ikupeleke hadi kituoni halafu upande daladala. Usimtembeze mjukuu wangu juani kwa ujinga wako, jua kali hili”

Ilibidi Erica achukue ushauri wa mama yake na kwenda kupanda gari hadi kituoni halafu kupanda daladala.



Alifika dukani na kwenda moja kwa moja kwa Moses, kama kawaida pale dukani walimfurahia sana mtoto wa Erica, kisha Erica akasogea kuongea na Moses ambapo Moses alionyesha mzigo mpya ambao walitaka kumjaribisha Angel na kumpiga picha, hilo zoezi halikuwa gumu maana mtoto wa Erica alipenda picha sana kwahiyo ilikuwa rahisi sana kwake, kwani aliweka mapozi kama mtu mzima, walipomaliza Moses akamwambia Erica,

“Hiki ndio kitu kinachofanya huyu mtoto awe tofauti na watoto wengine, kuna baadhi ya watoto kuwapiga picha hadi uwavizie maana wakikuona na camera tu ni balaa ila huyu mtoto ana pozi na kutabasamu kabisa. Nampenda sana huyu mtoto”

Moses akamnyanyua Angel huku akimuonyesha baadhi ya vitu vya kuchezea watoto, wakati Erica yupo akitabasamu tu mara alitokea Tumaini na kumuita Erica pembeni, sura ya Tumaini ilionyesha kuchukizwa sana, Erica alimfata nje na kuanza kuzungumza nae,

“Hivi wewe Erica una akili gani? Yani Erick hujamwambia ukweli halafu umenizunguka na kuja kusaini mkataba. Kwanini umefanya hivyo?”

Erica alikuwa kimya na kumfanya Tumaini aendelee kuongea,

“Erica, ngoja nikwambie kitu. Kwa baba tumezaliwa wawili tu yani mimi na Erick, kwa mama yangu tupo sita kwahiyo nina ndugu zangu wengine kwa mama ila Erick kwa mama yake napo yupo peke yake kwahiyo ndugu pekee wa Erick ni mimi tu, Erick anasikiliza ushauri wangu kupita ushauri wowote ule. Sasa wewe umejifanya kiburi, hivi hujui kama naweza kukuharibia? Hujui? Nijibu usinikalie kimya”

Muda huu Erica aliona maneno yamemchosha kwahiyo aliamua na yeye kutoa ya moyoni mwake,

“Tumaini, sikia nikwambie. Ulikuwa mtu mzuri sana kwangu, sikutegemea kama ungekuja kuwa mbogo kiasi hiko. Haya ni maisha ya mwanangu, unaniambia nisisaini mkataba kweli?”

“Maisha ya mwanao? Unajua duka la nani hili?”

“Si la Moses”

Tumaini akabana pua na kumgeza Erica yale maneno,

“Si la Moses, unaongea kama umetoka kufufuka. Si la Moses, unamjua sana Moses wewe? Nilikwambia umwambie ukweli Erick nilikuwa na maana yangu kabisa”

“Sasa hiyo maana yako usiponiambia nitajuaje?”

“Ni duka la Erick hili”

Erica alishangaa kusikia lile ni duka la Erick, kisha Tumaini akaendelea kuongea,

“Endelea kushangaa hivyo hivyo, unadhani Erick atakubali kumuweka mtoto wa kambo balozi?”

“Tumaini nakuomba usimwambie tafadhali, usimwambie Erick”

“Wewe si umejifanya kiburi, eti duka la Moses. Unamjua sana huyo Moses eeeh! Subiri uone sasa kitakachotokea”

Tumaini akaondoka na kumfanya Erica abaki na mawazo, kisha akarudi dukani ili kumchukua mwanae. Moses alimuona Erica alivyonyong’onyea gafla na kumuuliza,

“Tatizo nini Erica?”

“Hakuna tatizo”

“Yani kila ukiongea na Yule Tumaini huwa unarudi umepooza sana, Yule nae sijui anatafutaga nini hapa. Kisa tu duka la ndugu yake ndio kujifanya anakuja mara kwa mara”

Erica alihamaki na kumuuliza,

“Kheee kumbe duka sio lako?”

“Wengi wanajua duka ni langu, ila humu dukani kuna bidhaa zangu pia. Duka hili ni la mtu mmoja anaitwa Erick, ananiamini sana na ana duka lake lingine kubwa kama hili South”

Erica hakuwa na mengi ya kuongea ila alimwambia Moses kuwa anaondoka, Moses akamkodia gari na kumpa baadhi ya nguo kwaajili ya Angel ila hakuelewa ni kwanini Erica kaondoka akiwa amenyong’onyea vile.



Erica alifika nyumbani kwao akiwa hana raha kabisa, mamake alimshangaa karudi na nguo za mtoto ila hana furaha wala nini. Alienda chumbani kwake, muda huo alimuacha mwanae sebleni na bibi yake alikuwa akitafakari sana,

“Sasa jamani kama lile duka ni la Erick itakuwaje? Ila bora nimeshasaini mkataba maana wakivunja mkataba itabidi wanilipe ila dah inaniuma sana, kwani Tumaini hajawahi kukosea katika maisha yake?”

Wakati anawaza hayo, simu yake ilianza kuita, kuangalia ni Erick alikuwa akipiga, Erica alijishauri kidogo na kupokea. Siku hiyo Erick hakuanza na salamu, moja kwa moja alisema,

“Erica, niambie kuwa sio kweli kwamba una mtoto?”

Erica alikuwa kimya, na kumfanya Erick aendelee kuongea,

“Niambie Erica kuwa nilichoambiwa ni uongo!”

Mara Angel aliingia chumbani kwa mamake huku akisema,

“Mama, mama, mama”

Ile sauti ilisikiwa vilivyo na Erick na akauliza tena kwa mshangao,

“Kumbe ni kweli Erica una mtoto!”





Erica alikuwa kimya, na kumfanya Erick aendelee kuongea,

“Niambie Erica kuwa nilichoambiwa ni uongo!”

Mara Angel aliingia chumbani kwa mamake huku akisema,

“Mama, mama, mama”

Ile sauti ilisikiwa vilivyo na Erick na akauliza tena kwa mshangao,

“Kumbe ni kweli Erica una mtoto!”

Erica alikaa kimya na kukata simu, kisha akamnyanyua mtoto wake na kuanza kulia huku akimuangalia, na mtoto huyu kwasasa alikuwa ni Yule mtoto anayejifunza maneno,

“Mama aiya nini?”

Angel alionekana kumfuta mama yake machozi kwa mikono, Erica aliamua kunyamaza kwani aliona ni kumkosesha mtoto furaha. Aliweka simu pembeni na hakutaka kuisikiliza tena.

Jioni mama yake alimuita na kuanza kuongea nae,

“Hivi Erica redio niliyokupa usikilizage unasikilizaga kweli?”

“Huwa nasikiliza mama”

“Haya niambie, jana alikuwa akihubiri nani na mahubiri yalihusu nini?”

“Ila jana sijasikiliza”

“Wewe mtoto wewe, unajijua kabisa akili yako haipo sawa, kanisani huendi yani upo upo tu na mahubiri nayo kwenye redio usikilizi kweli? Unadhani akili zako hizo mbovu zitaponaje?”

“Nisamehe mama, leo nitasikiliza”

“Hebu acha ujinga, mama yako nakupenda. Waswahili husema mtoto akiunyea mkono sio uukate bali uusafishe, sasa mimi nataka nikusafishe wewe ila wewe ni mbishi balaa unajifanya huelewi ila Erica kuwa makini mwanangu maisha haya, ushaharibu mwanzo usitake kuharibu hadi mwisho, kuwa makini sana”

“Nimekuelewa mama”

Erica alimuitikia mama yake na kumpa mwanae chakula, kisha muda alivyoenda chumbani kulala akaamua kufungua redio kama mama yake alivyomshauri ili kusikiliza mahubiri, alishangaa kuona mahubiri yakimlenga yeye tu.

“Hakuna kitu kibaya katika maisha kama uongo, yani jitahidi uikimbie dhambi ya uongo kumbuka uongo ndio ulifanya Adam na Eva wakala lile tunda, maana walidanganywa na nyoka kwahiyo uongo umetumika hapo. Uongo unatutenga na Mungu, halafu shetani ndio baba wa uongo kwahiyo ukiwa muongo ujue baba yako ni shetani. Kwani ukisema ukweli utapungukiwa na nini? Hata kama utaona kuwa kuna kitu utakipoteza kwa kusema ukweli bora upoteze kitu hiko na Mungu atakusimamia kwenye ukweli unaosema ila uongo utakutesa siku zote za maisha yako. Huwezi kukazana kumuomba Mungu akusaidie wakati katika maisha yako hakuna jambo la kweli yani ni uongo mwanzo mwisho, na uongo hauwezi kukuokoa kamwe. Ondoka sasa kwenye uongo na uwe mtu wa kusema ukweli, kumbuka ukweli humuweka mtu huru”

Erica alizima redio kwani aliona mahubiri yale yanamgusa moyo wake kabisa maana tabia yake ilikuwa imehusishwa moja kwa moja ila alifikiria sana kuwa anawezaje kuacha uongo,

“Ila siku hizi nimepunguza uongo, huwa sidanganyi ila sijibu. Nitawezaje kusema ukweli?”

Akawaza sana na kuamua kulala tu.



Kesho yake mamake alienda kanisani ila Erica alibaki nyumbani kama kawaida na mtoto wake huku akifanya shughuli za hapa na pale, simu yake iliita tena akaiangalia ni namba ya Erick, akaipokea,

“Erica, leo nimeamua kwenda kanisani kwaajili yako, jibu lako ndio litategemea uamuzi wangu. Niambie ukweli Erica, una mtoto?”

“Ndio nina mtoto”

Simu ikakatika, Erica akajaribu kupiga tena ile namba ya Erick ila hakuipata hewani kabisa, wasiwasi ulimshika Erica maana hakujua ni nini kimempata Erick, alijikuta akijawa na mashaka kupita maelezo,

“Mungu wangu, ukweli humuweka mtu huru au ukweli humuongezea mtu matatizo? Sasa Erick wangu kakumbwa na nini? Mungu wangu, sijui nani ataweza nieleza habari za Erick”

Siku hiyo hakuwa na raha kabisa siku nzima na kila alipojaribisha namba ya Erick bado hakuipata hewani na kumfanya kuwa na mashaka zaidi.

Hata mama yake aliporudi aligundua hali ya Erica,

“Ndiomana nakwambiaga uwe unaenda na kwenye ibada, wewe ni mtu gani kila siku mawazo?”

“Hapana mama, ila ngoja nikuulize jambo. Ukweli humuweka mtu huru au ukweli humuongezea mtu matatizo?”

“Kwanini ukweli ukuongezee matatizo? Ukweli ni mzuri sana na hukuweka huru, hebu fikiria ungekuwa unakuja kwa mama yako na kuniambia ukweli, mama kuna mwanaume hivi na hivi na vile, mimi kama mama ningekushauri kuhusu huyo mwanaume. Unafikiri ingefikia hatua ya Angel kutokuwa na baba? Katika maisha tunatakiwa kujifunza kusema ukweli maana unapokuwa mkweli ni rahisi kusimamia maneno yako ila njia ya muongo ni fupi maana kuna muda utasahau hata ulikuwa unaongelea nini?”

“Sasa mama, kuna ukweli wa kuumiza, unawezaje kumwambia mtu ukweli wa kuumiza wakati unajua unaumiza?”

“Sasa hapo penye ukweli wa kuumiza unatakiwa kupata ushauri kwa mtu anayeelewa kuongea na mtu mwingine ambaye atatoa ukweli kwa ushauri. Ukijua ni kitu cha kuumiza, hutakiwi kutoa ukweli kwa kukurupuka, unatakiwa kupata ushauri kwanza na ukishindwa hata mtumie mtu mwenye busara kusema. Mfano madaktari wetu wamejifunza kuongea na mgonjwa na endapo wakimpima mtu na kugundua kaathirika huwa hawakurupuki tu na kusema una ukimwi maana wanajua ule ni ukweli ila unaumiza na ukikurupuka kumwambvia mtu unaweza kumpoteza maana ile mara ya kwanza mtu kuambiwa una ukimwi huwa inachangaya akili hatari mtu huwa anatamani hata kufa. Ila madaktari wetu hutumia kauli za busara na upendo kiasi kwamba mtu Yule aliyeathirika anapoambiwa ana ukimwi huwa tayari ameshaweza kukubaliana na hali yake na kuona kuna watu wameathirika na bado wanaishi vizuri tu. Ukijua kabisa ukweli huu unaumiza basi usiutoe kwa pupa”

Erica akainama chini kidogo kwani jinsi alivyomjibu Erick ni kwamba aliutoa ukweli kwa pupa na hakujua ni kipi kinaweza kutokea kwa Erick, alimuuliza tena mama yake

“Na kama hukujua hilo ukajikuta umetoa ukweli kwa pupa itakuwaje?”

“Kuna ukweli gani umeutoa kwa pupa? Unajua unaposema ukweli inategemea na mtu unayemwambia huo ukweli, mfano una mpenzi anakupenda sana na anakujali kwa kila kitu ila umejikuta humpendi basi tafuta namna ya kumfikishia huo ujumbe sio unakurupuka na kumwambia sikupendi, sikutaki yani hujui tu utasababisha nini kwa Yule mtu labda kama hakuwa na upendo na wewe ila anayekupenda sana unaweza fanya akawa kichaa wengine ndio huchukua hata jukumu la kujiua kama hajapata watu wazuri wa kumshauri. Ukweli ni mzuri sana ila jifunze kutoa ukweli katika staili inayofaa, na uangalie huo ni ukweli wa aina gani, kama wa kuumiza basi tafuta namna ya utaratibu kufikisha ujumbe kwa muhusika”

Erica alishajiona amekosea alivyomueleza Erick, aliumia sana moyoni ila ndio alishamueleza na kumfanya akose raha kabisa.

Siku hiyo alikuwa na mawazo sana, hata usiku hakushika simu wala chochote ila usingizi ulimpata kwenye mida ya saa tisa.



Kulipokucha mama yake alienda kumkurupua,

“Wewe Erica, huendi kazini?”

Alikurupuka na kwenda kuoga kwaajili ya kwenda kazini, alijiandaa na kwenda kazini kama kawaida ila alikuwa kazini na mawazo sana.

Alifika na kufanya kazi zake kama kawaida, ila hata James alijua kuwa ana mawazo, alimuita ofisini kwake na kumuuliza kuwa mbona anaonekana hayupo kawaida, ila Erica naye alimuuliza James,

“Mfano bado hujaoa, na kuna mwanamke unampenda sana ila unakuja kugundua huyo mwanamke ana mtoto na mtoto kapata ndani ya mahusiano yenu na mwanaume mwingine, utajisikiaje?”

“Eeeh bhana eeeh! Hilo jambo limewahi kunitokea, inauma asikwambie mtu yani inauma sana tena usikute ulimuomba mzae akagoma halafu akaenda kuzaa na mjinga yani inauma sana.”

“Sasa wewe ilivyokutokea ilikuwaje?”

“Unajua mara nyingi kwasababu ya Yule mwanamke mmoja nimeona wanawake wote hawafai wakati Bite wangu yupo tofauti kabisa, yani ukimfanyia hivyo jamaa yako unamchukiza sana tena anaweza kukuchukia milele. Ndio imetokea kwako hiyo Erica nini? Maana nimeambiwa huyo uliyezaa nae hakujali, je ulikuwa na mpenzi kabla yake ndio kakuchukia?”

“Yani mwanaume ninayempenda ndio kajua ukweli kuwa nina mtoto, na amechukia sana”

“Ndio swala linakupa mawazo hilo Erica?”

“Naumia sana, sababu nampenda”

“Hebu ondoa hayo mawazo, tena ondoa mawazo hayo kabisa kichwani mwako. Huyo mwanaume hawezi hata kukuoa maana tayari ushaingia doa, mwanaume atakayeweza kukuoa ni Yule atakaye kukuta na mtoto kwasasa na akakupenda hivyo hivyo ila kwa huyo uliyetia doa sahau. Ila usijali Erica, naomba leo usiondoke mapema nikupeleke mahali ukarelax kidogo”

Erica alimuitikia ila akajua kama kawaida shemeji yake ameshaanza upuuzi wake, kwahiyo alimuitikia ili kumridhisha tu.

Alimaliza kazi zake leo ila hakwenda kumuaga James na kuondoka zake kurudi nyumbani kwao.

Akiwa njiani akakutana na Dora, ambapo alimsalimia na kumkumbatia,

“Erica unaenda wapi?”

“Naenda nyumbani”

“Unakumbuka kuwa ni leo jioni ndio ulisema tuje ofisini kwenu? Yani nipo na wenzangu wale pale ndio tunaelekea ofisini kwenu sasa wewe ndio unaondoka tena jamani!”

“Ila wapo wenzangu”

“Ndio Erica, ila uwepo wako ndio mzuri zaidi. Naomba tuongozane pamoja tafadhali”

“Basi ngoja na mimi nikuombe kitu”

“Niombe tu”

“Naomba mkimaliza useme kuwa unataka kwenda na mimi nyumbani na usiondoke hadi tuondoke wote, hata wenzio waondoke tu”

Ilibidi Dora akubali maana kiukweli alihitaji sana waweze kuongea na wafanyakazi wa ile ofisi, kisha wenzie Dora walifika pale na safari ya kurudi kazini kwa James iliwadia.



Walifika kisha Erica alienda kumwambia James kuwa wale watu wa kuongea na wafanyakazi wake wamefika, James alimwambia Erica aweze kuwaambia wafanyakazi wote ili wakutane kwenye chumba cha mkutano maana tangazo alishabandika toka wiki iliyopita kuwa karibia na muda wa kutoka kutakuwa na semina fupi, sema tu Erica mwenyewe alisahau.

Aliwaambia kisha wote wakajiandaa na muda ulipofika wakaenda kwenye chumba cha mkutano ambapo wale wakina Dora walipewa muda wa nusu saa tu ya kuzungumza mambo yao, na waliyazungumza walipomaliza waliwashukuru kila mtu alirudi sehemu ya kazi yake kwaajili ya kufunga na kuondoka maana muda wa kazi nao ulikuwa umeisha. Kwahiyo wale wengine waliondoka kisha kumuacha Dora pale akimsubiria Erica.

Kisha Erica akataka kwenda kumuaga shemeji yake maana hakuweza kuondoka kama mwanzo sababu tayari alishaonekana kwenye kikao, ila kabla hajaenda kumuaga shemeji yake alimwambia,

“Erica nisubiri, kumbuka kuna kitu nilikwambia kuwa kuna mahali tutaenda”

“Aaaah shemeji, kuna rafiki yangu ananisubiri niende nae nyumbani”

“Rafiki yako yupi huyo?”

“Ni mmoja kati ya wale waliokuja kwenye semina”

“Mwambie atakufata siku nyingine”

“Aaaah shemeji, leo kaacha shughuli zake zote kwaajili yangu, itawezekanaje kumwambia hivyo? Sio vizuri eti”

“Basi nisubiri nae, nikamilishe kazi hapa mara moja”

Erica hakumuelewa shemeji yake kwakweli, ila ilibidi afate maagizo yake maana licha ya kuwa shemeji yake wakati huo huo ni bosi wake.

Kwahiyo Erica alienda kwa Dora na kumwambia kuwa wasubiri mara moja, muda kidogo James alimaliza kazi zake na kumwambia Erica amfuate pamoja na rafiki yake.

Walipofika nje, James alijitambulisha kwa Dora,

“Hey, Dora mimi naitwa James nadhani unanifahamu kama mmiliki wa hii kampuni ila pia mimi ni shemeji yake Erica. Jina lako nimelisikia kwenye utambulisho wenu na Erica ameniambia kuwa wewe ni rafiki yake wa dhati na kaniambia kuwa leo unataka kwenda nae kwao ila mimi nahitaji kumpeleka mahali shemeji yangu akatulize akili yake kidogo maana imevurugika. Kama hutojali basi tuungane”

Dora hakujua kama akatae au akubali maana kwenye makubaliano na Erica ni kuwa ajifanye kwamba anamsubiria Erica kwenda nae nyumbani, ila kwa hoja ile hakujua kama akubali au akatae, Erica akaamua kujibu,

“Ila shemeji…”

James akamkatisha Erica na kusema,

“Erica wewe nyamaza, mimi nimemuuliza Dora, je yupo tayari kuungana na sisi au la”

Dora alikubali ili kujua kuwa Erica na shemeji yake wamepanga kwenda wapi. Basi wakapanda kwenye gari ili kuelekea ambako anapajua James.



Wakiwa kwenye gari James akawaambia,

“Sasa tutangulie sehemu moja hivi, wanapikaga kitimoto kitamu hiko balaa. Twendeni tukale kitimoto”

Erica akamwambia shemeji yake,

“Hapana mimi silagi kitimoto”

“Kwanini huli kitimoto?”

“Basi tu imetokea huyo mdudu huwa sili”

James akamuuliza na Dora,

“Wewe je?”

“Mimi nakulaga”

“Basi tutapanga siku nyingine tukale mimi na wewe, yani Erica ana mambo ya kishamba hadi yanakera. Basi twendeni tukale nyama ya mbuzi hadi tusahau matatizo”

Napo Erica akapinga,

“Hapana huwa sili mbuzi”

“Una matatizo gani wewe Erica? Kwahiyo nyama gani unapenda?”

“Napenda kuku na samaki”

“Basi twende mahali kuna mishikaki ya kuku mitamu sana, yani wanajua kuchoma hao balaa huko tunakula huku tunaangalia bendi”

“Shemeji kumbuka nina mtoto mdogo bado ananyonya, ananisubiri nyumbani, si vizuri nianze kuzurula zurula”

“Erica usiwe hivyo jamani, mimi nitakurudisha hadi kwenu. Nahitaji tu ukatulize mawazo yako, tafadhali usiniuzi na mimi”

Kwakweli Erica hakujisikia kabisa kwenda mahali na shemeji yake ila kwavile shemeji alionekana kadhamiria siku hiyo kutoka na Erica hakuwa na namna zaidi ya kumsikiliza mambo mengine.

Wakafika kwenye hiyo hoteli ambako walikuwa wanachoma kuku huku kuna bendi inatumbuiza, walienda kukaa kwenye viti na kuagiza nyama kisha wa vinywaji akaja, James akaagiza pombe yake, Dora nae akaagiza bia yake, Erica akaagiza soda. James akamzuia muhudumu kwenda kumletea kwanza,

“Erica usituletee nzi hapa, utaagizaje soda?”

“Shemeji, giza lishaingia sasa hao nzi watoke wapi? Halafu niagize nini zaidi ya soda?”

“Agiza bia, yani usiagize juisi wala soda, sitaki kuchafuliwa meza”

“Sinywagi pombe”

“Ila kuna pombe laini”

“Hapana sinywi pombe, hata hivyo nina mtoto mdogo bado ananyonya mwanangu siwezi kuchanganya maziwa yangu na vilevi. Sinywi pombe nampenda mwanangu”

James akamuangalia Erica na kuruhusu muhudumu amletee kinywaji anachotaka, na alipoletewa tu na kumiminiwa kwenye glasi, James akachukua na pombe yake kuimimina kwenye glasi ya Erica,

“Shemeji ndio unafanya nini?”

“Erica, kunywa pombe sio zambi hata hivyo pombe ukichanganya na soda haileweshi”

Erica akakumbuka mara ya kwanza kunywa pombe alishawishiwa na Derick na kuambiwa kuwa ile pombe haileweshi, halafu akanywa na kulewa na kisha kufanya mapenzi na Derick hadi kupata mimba na kuja kupata dhambi ya kutoa maana alibeba mimba ya ndugu yake, halafu shemeji yake bila aibu anamshawishi anywe pombe, akaona ni ujinga.

Akawaza ni kwa jinsi gani atamkwepa shemeji yake, aliamua kumuaga kuwa anaenda chooni na akirudi atakuja kunywa.



Alienda chooni Erica na kupita mlango wa nyuma halafu kuondoka zake, yani alimuacha shemeji yake na Dora, kwa muda huo hakujali kuhusu Dora alimuacha mwenyewe ajiokoe maana amekubali tu wito hata asioujua chanzo chake.

Erica alienda hadi nyumbani kwao na kumkuta mama yake ambaye alimfokea sana,

“Yani Erica mpaka muda huu kweli? Saa nne hii jamani? Hiyo kazi kazi gani, mbona siku zote unawahi kurudi, huna uchungu na mtoto wako?”

“Namuhurumia mama ila leo tulikuwa na kikao ofisini, halafu tulivyotoka foleni. Najua mara nyingine nawahi ila leo bahati mbaya mama. Nisamehe mama”

“Haya nenda ukaoge uje kumchukua mtoto ukamlaze”

Basi Erica alienda kuoga kisha akaenda kumchukua mtoto wake na kwenda kumlaza, yeye hakuweza hata kula maana hakujisikia tena ila mama yake alimwambia kuwa anatakiwa kula kwahiyo akala kidogo na kwenda chumbani.

Wakati yupo chumbani leo alijikuta gafla alijikuta akimkumbuka Bahati hadi moyo ulimuuma maana ndiye mwanaume aliyekuwa tayari kumfanya mtoto wake kuwa na baba, tofauti na Erick aliyemzimia simu maana aliamini kuwa Erick alimzimia simu.

Ingawa siku zote hakumpata Bahati hewani ila siku hiyo alipiga na simu ya Bahati iliita, na muda kidogo ilipokelewa na ilipokea sauti ya kike na kumfanya Erica kidogo ajiume ume,

“Bahati yupo?”

“Anaoga, kwani una shida gani?”

“Shida natakiwa niongee nae yeye”

“Mimi ni mke wake kwahiyo unaweza kunieleza shida yako”

“Mmmh! Nyie wanawake wengine ndiomana mnaachikaga nyie, kupokea simu ya mume wako ndio nini?”

“Wewe inakuhusu nini? Huyu ni mume wangu mie, chochote chake nina uhuru nacho umesikia eeeh! Tena usinipandishe mashetani yangu nikuangushie matusi saizi”

Erica kusikia matusi akakata ile simu,

“Hivi kweli au naota? Yani muda mwingine nakuwa mgumu kuamini kuwa Bahati kaoa ingawa nilimshuhudia kwa macho yangu. Kweli mwanaume sio ndugu yako, yani Bahati alivyonigeuka gafla loh hadi nashindwa kuamini”

Aliwaza ya Bahati pale kisha akawaza ya shemeji yake na kulala.



Kulipokucha alijifanya kuwa anaumwa na hatoweza kwenda kazini, ilibidi mama yake amuache kalala kisha akamtumia ujumbe shemeji yake,

“Jana nilishikwa na tumbo la kuhara, sikuweza tu kukwambia ila nilikuwa na hali mbaya sana ndiomana nikaondoka, sasa leo ndio tumbo linaniuma balaa”

Akamtumia ujumbe huo na baada ya muda kidogo shemeji yake alimjibu,

“Pole sana”

Erica alishukuru uongo wake umetenda kazi muda huo na kuendelea kulala kujitoa kwenye uchovu.

Kwenye mida ya mchana, Erica alipokea ujumbe toka kwa Dora,

“Siamini Erica kama umeamua kunilipizia mambo yale ya zamani kwa stahili hii wakati ulisema umenisamehe dah! Siamini kabisa”

Kabla hajatafakari ule ujumbe alisikia mtu akigonga mlango wao, akainuka na kwenda kumfungulia. Alipofungua tu ni Tumaini aliingia ndani na baada ya kuingia alimnasa kibao Erica, na kabla Erica hajakaa sawa alishtukia tu kibao cha pili kikiingia kwenye shavu lake.





Kwenye mida ya mchana, Erica alipokea ujumbe toka kwa Dora,

“Siamini Erica kama umeamua kunilipizia mambo yale ya zamani kwa stahili hii wakati ulisema umenisamehe dah! Siamini kabisa”

Kabla hajatafakari ule ujumbe alisikia mtu akigonga mlango wao, akainuka na kwenda kumfungulia. Alipofungua tu ni Tumaini aliingia ndani na baada ya kuingia alimnasa kibao Erica, na kabla Erica hajakaa sawa alishtukia tu kibao cha pili kikiingia kwenye shavu lake.

Kwakweli Erica alikuwa akiugulia vile vibao na kushangaa tu kuwa imekuwaje kupigwa kiasi kile, kumbe mama Erica alikuwa ameenda dukani kwahiyo muda ule amerudi aliweza kushuhudia mwanae akizabwa vibao.

Tumaini akamzaba kibao kingine Erica kabla hata hajajiweka sawa, muda kidogo alienda mbele ya Erica mamake na Erica kisha akamkunja Tumaini na kumzaba vibao vinne mfululizo kisha akamuachia na kumuuliza,

“Wewe binti umezaa? Unaujua uchungu wa mtoto wewe? Utakuja vipi nyumbani kwangu na kumnasa mwanangu vibao?”

Kisha akamgeukia Erica na kumwambia,

“Hivi mwanangu Erica una akili wewe? Mtu anaweza vipi kukupiga nyumbani kwenu?”

Akamuangalia tena Tumaini aliyekuwa akiugulia vile vibao alivyopigwa na mama yake Erica, kisha akamuuliza

“Haya niambie kilichokufanya umpige mwanangu ni nini? Sijali kuhusu urafiki wenu, sijali kama mmechukuliana wanaume huko, ila hapa ni nhumbani kwangu na huyu ni mwanangu, uchungu wa Erica naujua mimi na si mwingine. Haya sema kilichokuleta”

Tumaini alikaa chini na kuanza kulia ila mama Erica alimuangalia tu na Erica alipotaka kuinama ili ambembeleze mamake alimzuia, na kumwambia akae pembeni na wamuache Tumaini alien a atasema kinachomsibu.

Ila kabla hawajafanya lingine lolote, Tumaini alianza kuongea

“Umenipiga mama ila umenipiga kimakosa, ungejua kwanza binti yako alichokifanya kwangu ndio ungenipiga. Mama kwa baba yangu nina kaka mmoja tu ambaye nasaidiana nae kwa shida na raha, sasa mwanao huyu alichomfanya kaka yangu ni Mungu anajua, asanteni sana Mungu atanilipia”

Tumaini akainuka na kuondoka, Erica alitaka kumfata nyuma ila mama yake alimrudisha ndani na kuingia nae sebleni kisha akamkalisha chini na kuongea nae.

“Haya niambie hayo uliyomfanya kaka yake huyu ni yapi? Na je huyo kaka yake ndio baba yake Angel?”

“Hapana mama sio”

“Haya ni yapi umemfanyia?”

“Mama, ngoja nikwambie ukweli maana nimejifunza kusema ukweli hata kilichoniponza sasa ni kusema ukweli”

“Niambie sasa sio unazunguka zunguka”

“Mama, kaka yake na Tumaini niliwahi kuwa na mahusiano nae ila yupo Afrika kusini, sasa aliachana na mimi sababu ya huyu huyu dada yake alimpa maneno ya unafki. Nikawa na baba Angel ambaye amenitenda, sasa kipindi hiki kaka yake kanitafuta mwenyewe kwenye simu ila hakujua kama nina mtoto, ndio juzi kaniuliza kuwa una mtoto? Nikamjibu ndio, basi akakata simu na sikumpata tena hewani”

“Yani hiyo ndio sababu ya huyu kukupiga?”

“Ndio hivyo hivyo mama”

“Kwahiyo wewe kuwa na mtoto ndio jambo la kusema umesababisha matatizo kwa kaka yake?”

“Hata mimi sielewi mama”

“Ila mwanangu hebu uache ujinga mara nyingine, hivi unaachaje mtu akuzabe vibao kwenye nyumba yenu? Huo si ujinga huo?”

“Lakini mama, si imeandikwa mtu akikupiga kofi upande wa kushoto mgeuzie na wa kulia”

“Mungu wangu, nina mtoto mjinga haijapata kutokea, ndiomana nakwambiaga uwe unasikiliza mahubiri, usikie watumishi wa Mungu wakifafanua neno. Hivi dunia ya leo ilivyo eti ukipigwa shavu la kushoto geuza na la kulia, si utaonewa sana wewe! Nimekusomesha ili kufuta ujinga kwenye akili yako hiyo, kama hadi umemaliza chuo na una ujinga wa namna hiyo inamaana akili yako ilikuwa mbovu zaidi, pengine nisingekusomesha ningekuwa najuta tu. Kwa stahili hiyo si utateswa sana mwanangu, hebu achaga ujinga, kwanza neno lolote ukilisikia njoo uniambie mama yako nikuelekeze vizuri ila ukichukulia kwa pupa na akili zako hizo si nitakukosa wewe. Ndio nyie mkianza kuokoka sababu hamjui kuchambua maandiko unashangaa unakutana na wale manabii wa uongo wanaanza kukufundisha lete pesa zote kwa Mungu, unashangaa unakufa masikini sababu tu hukutumia akili. Tumepewa akili na utashi, kila jambo linaloingia kwetu lazima tulitafakari ndiomana kuna watu wa kutafakari neno maana ukitumia kwa akili zako yani utaona dini ni ngumu kuifuata ila ukijua kutafakari neno utaenenda sawa sawa na mapenzi ya Mungu. Sitaki tena kuona ujinga wa namna hii, mtu anakupiga nyumbani kwenu, sio kwao hapa pa kujichukulia sharia, hapa ni kwenu una uwezo wa kumtimua ila sio kumuachia akupige”

“Sawa mama nimekuelewa”

“Tena unielewe vizuri na habari zako za kutangatanga na wanaume sitaki, ukipata mchumba mlete nyumbani, habari za kutanga tanga utamleta mdogo wake Angel asiye na baba pia. Hivi hujisikii kuwa huna furaha kuona mtoto hana baba, ni mama mama mama, jamani hakuna raha kama mtoto kuona mama na baba, akijisikia anasema baba, akijisikia mama, ila mtoto ni mama mama mama, inauma sana. Usirudie tena makosa, hurumia kizazi chako”

Erica alimuitikia mama yake kwani maneno ya mama yake yalimuingia vilivyo, kisha akaendelea na kazi zingine hata akasahau tena habari ya Dora mpaka usiku uliingia.



Alipoenda kulala wakati anashika simu ndio akakutana na ule ujumbe wa Dora, akawaza sana

“Mmmmh shemeji kamfanya nini Dora mpaka kalalamika hivi”

Akaamua kumpigia simu Dora kumuuliza na kumpa pole, Dora alivyopokea Erica alianza kuongea nae,

“Dora, nisamehe rafiki yangu. Nilikusamehe kwa moyo mmoja hata sijadhamiria kwa chochote, kwani shemeji kakufanya nini?”

“Njoo kesho nyumbani unione”

“Nyumbani kwenu ni wapi? Nitakuja asubuhi kabla ya kwenda kazini”

Dora akamuelekeza Erica nyumbani kwao kwa njia ya ujumbe kisha Erica alisema kuwa ataenda kesho yake kabla ya kwenda kazini.

Kisha aliamua kulala, ila alipigiwa simu akashtuka na kuangalia simu yake, akaona ni namba ya Bahati akajua kuwa Bahati amejirudi na kupokea ile simu ambapo alianza kuongea mwenyewe moja kwa moja,

“Kwakweli Bahati umeniudhi kupita kitu chochote maishani, kwanini unifanyie hivi kwanza? Uko wapi ule upendo uliosema mpaka kufa kwako utanipenda tu? Kwanini Bahati”

Ila cha kushangaza akasikia sauti ya mwanamke ile ya jana ambaye alijitambulisha kama mke wa Bahati,

“Dada sikia nikwambie, kama ulikuwa na mahusiano na Bahati ni huko mwanzoni ila sasa hivi Bahati ni mume wa mtu. Jifunze kuwa na heshima na ndoa za watu, mimi na mume wangu tunapendana na wala hajawahi kuniambia kama alipenda mdudu kama wewe. Naomba umkome mume wangu”

“Lakini mimi sijapiga simu, umenipigia simu mwenyewe”

“Ndio nimekupigia simu ili kukujua mwizi wangu usiyeheshimu ndoa za watu. Jifunze kuelewa kuwa Bahati kaoa sasa, huo usumbufu wa kijinga hatuutaki tuache na mume wangu tufurahi, ndoa yenyewe bado change hii unataka uiwekeee kigundu! Utukome”

Erica aliamua kukata ile simu maana aliona ni itamfanya awe na hasira za bure tu na aache kuwaza mambo ya maana aweze ujinga wa kugombana na mke wa Bahati. Kisha akasema,

“Sijawahi kugombana na mwanamke yeyote sababu ya mwanaume, hebu anitolee balaa mie”

Kisha kabla ya kulala akafungulia redio na kusikiliza mahubiri kidogo,

“Jifunze kuombea wengine, Mungu atafungua milango ya baraka kwako pale unapowaombea wengine. Sio unajikumbuka wewe tu, ila kumbuka na wengine”

Erica akazima redio na kusema,

“Hawa wahubiri nao kila leo wana jipya, kwahiyo wanataka nimuombee mke wa Bahati? Nimuombee nini sasa? Wanaona kabisa nimemaliza kuongea na adui yangu eti jifunze kuombea wengine. Jamani mambo mengine, ngoja nilale zangu mie”

Kisha akaamua kulala tu.



Asubuhi na mapema aliamka na kujiandaa kwenda kazini ila kama alivyopanga kuwa hatoenda kazini kwanza hadi apitie kwakina Dora, kwahiyo alimtumia shemeji yake ujumbe kuwa anapitia hospitali halafu ndio ataenda kazini, shemeji yake alimjibu kawaida tu kuwa poa. Hakujiuliza sana akaona labda shemeji hataki kumuhoji hoji sana.

Erica alienda hadi kwakina Dora ambapo alipofika kituoni alipiga simu halafu mdogo wa Dora alifika na kumpeleka hadi kwakina Dora, ambapo aliingizwa hadi chumbani alikolala Dora kisha Yule mdogo wake alimuacha na Dora na kutoka nje.

Erica alikaa karibu na Dora na kumpa pole huku akimuuliza kipi kimetokea,

“Erica sikutegemea Yule shemeji yako ni mshenzi kiasi hiki”

“Mmmh Dora usitukane tafadhari”

“Nisitukane kitu gani? Unajua alichonitenda? Tena ngojea nikuonyeshe namna ya kumtusi”

Dora alianza kuporomosha matusi na kumfanya hadi Erica aogope, kisha akamwambia,

“Dora, ukiendelea na hayo matusi kwakweli sitaweza kuvumilia, unajua kabisa mimi na matusi ni mbalimbali”

“Mbona ukayafanya hadi ukapata mimba na kuzaa”

“Dora, Dora nakuhurumia ndiomana niko hapa, sijaja unipe matusi au unionyeshe uwezo wako wa kutukana. Sijalelewa hivyo tafadhari, kama hayo mengine niliyofanya yaache nilifanya ila siwezi hayo ya kuongea. Wewe nishakupa pole, nimekuuliza nini kimekusibu unaanza kuporomosha matusi hivi hata ukifika mahakamani ukaporomosha hivyo matusi ni nani ataonekana mwenye makosa kati yako na shemeji yangu?”

“Haya yaishe ila shemeji yako kanifanyia kitu kibaya sana, hadi nikawaza kuwa labda umemtuma anifanyie vile maana wewe ulikimbia na kuniacha nae”

“Hapana, mimi tumbo lilinishika na muda ule ningemuaga shemeji angekataa tu si unaona alikuwa akinibishia nisiondoke”

“Haya bhana, shemeji yako Yule nina haki ya kumuita mshenzi maana alichonifanyia hakifai hata kidogo.Tulikunywa pombe na shemeji yako pale balaa, na wewe hukutokea, nilikuwa nimelewa haswaa nikaamua kumuaga kuwa naondoka ila shemeji yako akasema twende club, sababu nilikuwa nimelewa nikaenda nae, huko nako tulikunywa sana na nilikuwa nimelewa sana. Shemeji yako akanichukua sijui akanipeleka chumba cha hoteli kumbuka nilikuwa nimelewa, shemeji yako akanibaka na kunifanyia mchezo mbaya maana alinifanya kinyume na maumbile”

Erica akashtuka na kushangaa sana,

“Kheee shemeji ndio ana tabia chafu kiasi hiko?”

“Ndio hivyo, tena alivyo mshenzi sababu nilikuwa sijitambui kanitoa pale hotelini na kaenda kunitupa karibu na mtaro, watu ndio wameniokota na kunileta nyumbani. Kwakweli alichonifanyia shemeji yako hapana, nimeenda kushtaki polisi ila shemeji yako kanikana kabisa kuwa hafahamu chochote kuhusu mimi, yani Erica nimeumia sana, shahidi yangu ni wewe maana kesi ipo mahakamani”

Kwakweli Erica alisikitika sana maana alichofanyiwa rafiki yake hakikuwa kitendo cha utu hata kidogo, ingawa rafiki yake huyo amewahi kumtendea mambo mabaya ila yeye hakupanga vitu vibaya kwa huyo rafiki yake. Erica alikuwa kimya tu kisha Dora aliendelea kuzungumza,

“Eraca tafadhari nakuomba uwe shahidi wangu maana ni wewe tuliyekuwa pamoja na ndio unajua kuwa uliniacha na shemeji yako. Kanifanyia kitendo cha kikatili sana, sina nguvu sasa nalala tu unadhani kubakwa ni jambo rahisi? Raha ya mapenzi ufanye kwa utayari ila sio kwa kubakwa halafu kitu kinachoniuma zaidi ni kile kitendo cha kuniingilia kinyume cha maumbile, Erica inauma asikwambie mtu”

“Pole sana rafiki yangu yani nawaza nakosa hata jibu”

“Nisaidie rafiki yangu, nahitaji kupata haki kwa kindendo nilichotendewa, najua huyu mtu ni shemeji yako ila kumbuka kuwa mimi ni mwanamke mwenzako”

“Naelewa Dora, nitakusaidia. Pole sana”

Kisha Erica aliamua kumuaga Dora, na kumuachia hela kidogo kwaajili ya kumsaidia saidia,

“Sina pesa ndugu yangu, ila pokea hiki kidogo”

“Nashukuru Erica, ila usiache kuja mahakamani kutoa ushahidi nakuomba”

“Usijali nitafika”

Kisha Erica akaondoka na kumuona shemeji yake ni mtu asiyefaa kabisa kwenye jamii maana hakuelewa ni kwanini katenda kitu kama kile kwa Dora. Alitembea njiani akielekea kituoni huku akiongea mwenyewe,

“Yani wanaume sijui wana akili gani jamani? Kweli kabisa shemeji anafanya ujinga kiasi hiki! Nawachukia wanaume mie, siwataki kabisa, bora niishi mwenyewe kwa stahili hii sio kwa haya jamani, dada yangu namuhurumia maana sijui awe na moyo wa aina gani kuweza kupokea upuuzi huu alioufanya mumewe”

Wakati anaongea peke yake, kuna gari ilikuja na kupaki mbele yake. Mwenye gari alishusha kioo na kumsalimia Erica,

“Habari yako binti”

“Salama”

“Si unaenda stendi, twende nikusogeze”

“Hapana, asante nafanya mazoezi ya kutembea”

“Aaah! By the way naitwa Jimmy, sijui wewe unaitwa nani?”

“Naitwa Erica”

“Sawa Erica, basi naomba namba zako”

Akakumbuka maneno ya mama yake na kumwambia,

“Hapana, siwezi kukupa namba. Mimi ni mke wa mtu, na sipendi kuongea kwenye simu na mtu mwingine zaidi ya mume wangu”

“Hebu acha kunichekesha Erica, umesikia wake za watu huwa hawatoi namba? Unajua namba yako naitaka ya nini? Pengine ni maswala ya kazi? Sio kila mwanaume anayetaka namba zako ni ana lengo la kukutongoza, hebu futa hiyo fikra kwanza. Utakosa bahati kwa kujifanya oooh mimi mke wa mtu. Shauri yako, mimi nahitaji namba yako maana kuna kazi nataka kukushirikisha”

Erica akafikiria kidogo na kuamua kumtajia mtu Yule namba yake sababu mtu Yule alionekana ni mtu wa makamo na mwenye heshima zake, kisha akaagana na Erica.



Erica alielekea ofisini, na alipofika kwenye meza yake tu James alimuita, kiukweli Erica alienda ofisini kwa James ila hakuwa na amani anayokuwaga nayo siku zote. James alimsalimia kisha akamwambia,

“Najua Yule mjinga kashakuelezea habari za kijinga ndiomana umekuja bila amani”

“Hapana shemeji ila kwanini umefanya vile?”

“Erica, wewe ni msomi ila nashangaa umeanza vipi urafiki na Yule msichana asiye na akili hata kidogo”

“Hata kama hana akili ndio umfanyie vile kweli?”

“Erica, unanifahamu vizuri shemeji yako na unamfahamu vizuri mke wangu Bite, hivi nina mke mzuri kama Bite halafu nikafanye ujinga na Yule rafiki yako mjinga mwenye sura nzito kama uji kweli? Nampenda sana mke wangu, Bite wangu mzuri bhana, hawezi kufanana na ujinga ujinga ule”

“Mmmh shemeji, kumbuka nilikuacha nae”

“Sikia Erica, labda kama umepanga na Yule mjinga wako kunichafua jina langu ila kumbuka mimi ni shemeji yako tena ni mume wa dada yako mzazi ambaye umezaliwa nae tumbo moja. Ukisikiliza maneno ya kijinga unataka nini kwangu? Huwa nakusaidia kwa moyo mmoja na hata sina lengo baya, nilikwambia mambo ya kijinga niliyoyafanya mwanzo hayapo tena kwangu, nianze vipi kwa rafiki yako asiye na mvuto Yule!”

Erica alikuwa kimya tu akimsikiliza shemeji yake anavyojitetea, kisha James akaendelea kuongea,

“Sikia siku ile ilivyokuwa, baada yaw ewe kuondoka na hukurudi tena nikakupigia simu hukupokea. Nikaenda kuangalia chooni ila kuna mtu alikuona akasema kuwa uliondoka, nilirudi na kukaa na Yule mjinga, nikamtaarifu kuwa umeondoka ila hakuwa hata na mashaka aliendelea kunywa pombe na kula nyama. Msichana hajielewi hata robo Yule, anakunywa kila kilevi, castle lite twende, dompo twende, valuer twende mpaka konyagi jamani Yule rafiki yako kashindikana. Namwambia mimi naondoka anadai yeye anaendelea kupombeka ikabidi kwa huruma yangu nimuachie hela hata akimaliza kulewa akodi tax arudi kwao, nilimuachia elfu hamsini nikaondoka zangu. Nashangaa kuitwa polisi eti nina kesi ya kubaka sijui kumuingilia mtu kinyume na maumbile na kumtupa, jamani Yule binti sina hamu nae loh! Ataje aliokuwa nao kwenye ulevi wake, muda huo nilikuwa na familia yangu mie nalala na mke na mwanangu halafu yeye ananiletea habari za kijinga kiasi hiko”

“Kheee kumbe ndio ilivyokuwa?”

“Ndio hivyo Erica, najua atakuwa amekulisha sumu ili kuniona mimi mbaya. Hivi rafiki yako anachofanya si kunichafulia jina jamani! Mimi nina kampuni yangu na nina pesa zangu halafu kijitu cha ajabu ajabu kinataka kunichafulia jina jamani dah! Hivi nikitaka mwanamke mimi naweza kukosa? Kama pesa ninayo, mgonjwa mkubwa wa mwanamke ni pesa, licha ya hivyo machangudoa wamejaa tele si ningewachukua na kufanya nao ujinga huo kama nahitaji kufanya ujinga ila mimi siwezi kufanya hivyo, naiheshimu familia yangu Erica, nampenda dada yako naomba uelewe na uondoe dhana potofu kuwa mimi naweza kufanya ujinga wa namna ile. Erica wewe ni binti uliyesoma, achana na marafiki wasiojielewa”

Erica alimsikiliza shemeji yake kisha akamuaga kuwa anaenda kufanya kazi sasa, ila James aliendelea kuongea na kumwambia,

“Unapokuwa kwenye kazi zako hapo jaribu kufikiria kama mimi naweza kufanya ujinga ulioambiwa na rafiki yako. Sipendi kusingiziwa mimi, nampenda sana mke wangu”

Erica alienda kukaa na kuendelea na kazi zake ila kiukweli mpaka muda huo hakujua wa kumuamini ni nani kati ya Dora na shemeji yake James maana wote walionekana kuwa wanaongea ukweli.

Erica alifanya kazi zake na alipomaliza alimuaga shemeji yake na kwenda zake kwao.



Alifika kwao akitafakari mambo ya Dora na shemeji yake James ila hakupata jibu na hata hakujua kuwa akienda mahakamani atasema nini maana hakujua ukweli, ukizingatia ukweli waliujua wenyewe wawili kwahiyo kwa Erica ilikuwa kitendawili kikubwa sana.

Basi akaoga na kula kisha kwenda chumbani kwake na mwanae, muda kidogo akapigiwa simu, namba ilikuwa ni ngeni akapokea na kuanza kuongea nayo,

“Hallow, nani mwenzangu?”

“Mimi Jimmy, Yule umekutana naye mchana. Unaendeleaje muda huu?”

“Salama tu”

“Mbona mimi huniulizi kuwa naendeleaje?”

Erica akaona mitego hiyo, ila akaamua kujigelesha na kumuuliza,

“Unaendeleaje?”

“Kiukweli siendelei vizuri maana nina mawazo haswaaa”

“Aaah pole”

“Asante, ila hujaniuliza ni mawazo ya nini?”

“Haya, ni mawazo ya nini?”

“Erica, tangu nimekuona ile asubuhi sina raha kabisa, nipo kazini nakuwaza tu wewe. Nakupenda Erica”

“Ila si nimekwambia mimi ni mke wa mtu?”

“Kwani mke wa mtu kitu gani Erica? Kwani ukinipa naondoka nayo jamani? Si inabaki kwako? Niponye mtoto wa mwanamke mwenzio”

Erica akakata ile simu na akaizima kabisa kwani hakutaka gasia maana kwake zilikuwa gasia zile ukizingatia alishaanza kukataa habari za wanaume, ingawa hakujua kati ya shemeji yake na Dora ni nani mwenye makosa.

Aliamua kulala, wakati amelala akajiwa na njozi kuwa Erick yupo hospitali na ana hali mbaya sana, aliamka na kuhema sana alijikuta tu akipiga magoti na kuomba,

“Eeeh Mungu nakuomba mtetee Erick na afya yake, sikukusudia mimi kumfanya aumwe au awe katika hali mbaya. Nakuomba Mungu wangu nisamehe kwa yote niliyoyatenda, naomba itetee afya ya Erick. Amen”

Alirudi tena kitandani akachukua simu yake na kuiwasha, ila alipoiwasha tu kuna ujumbe uliingia kuwa amepokea muda wa maongezi wa shilingi elfu kumi, alipoangalia aliona umetokea kwa Yule mzee Jimmy, ila kwa muda huo Erica hakutaka kufikiria kuhusu Yule mzee, kwahiyo alimpigi Tumaini ili kujaribu kuulizia hali ya Erick ingawa hakujua kama Tumaini angepokea simu yake au la ila kwa muda mfupi tu Tumaini alipokea ile simu na alivyopokea tu akamwambia Erica,

“Nakutumia namba za hospitali upige mwenyewe simu uongee na Erick, sitaki kusema chochote mimi”

Tumaini akakata simu halafu akamtumia namba Erica, ambapo Erica alizipiga zile namba na kuomba kuongea na Erick ambapo Erick alipewa ile simu,

“Ni wewe Erica kweli ndio umepiga muda huu?”

“Ndio ni mimi Erick, nakuombea upone baba yangu”

“Erica umeniita baba?”

“Ndio, wewe ni mwanaume na unauwezo wa kunilea kwahiyo wewe ni kama baba kwangu”

“Siamini Erica, ila nitakutafuta kesho”

Erick alionekana kuongea kwenye hali ya furaha sana hapo mwishoni kwahiyo akaagana na Erica na kukata simu, kisha Erica akalala sasa.



Kulipokucha kama kawaida akajiandaa na kwenda kazini, alifika na kufanya kazi zake, ila kwenye mida ya saa nne alipigiwa simu na Yule meneja wa benki akimtaka Erica aende muda huo, kwahiyo Erica alienda kumuaga bosi wake kisha kwenda huko benki.

Alifika na kuingia ofisini kwa meneja,

“Nimekuita hapa, maana leo kuna kikao cha bodi na wakurugenzi wote watakuwepo. Niliwasilisha kuhusu swala la mwanao na wamempenda sana, tunahitaji mwanao awe balozi wa akaunti ya watoto hapa benki”

Kwakweli Erica alijihisi furaha sana moyoni mwake, na hata hakupinga kuhusu swala hilo kisha baada ya lisaa limoja Yule meneja akamwambia Erica kuwa aende nae kwenye kikao ili amtambulishe na kisha kesho yake amlete mtoto wake, Erica alikubali na kuanza kufatana na Yule meneja.

Kisha walipokarinia Yule meneja akamwambia Erica,

“Inabidi uwe na majibu mazuri maana leo na mkurugenzi mkuu yupo”

“Sawa”

Wakaingia ndani, Erica akaona kuna wababa watano, kisha kuna mmoja alikuwa amekaa kwenye kiti cha mbele ambapo Yule meneja alimwambia Erica kwa taratibu,

“Yule wa mbele ndio mkurugenzi mkuu”

Erica alipomuangalia vizuri, akagundua ndio Yule mzee Jimmy.





Wakaingia ndani, Erica akaona kuna wababa watano, kisha kuna mmoja alikuwa amekaa kwenye kiti cha mbele ambapo Yule meneja alimwambia Erica kwa taratibu,

“Yule wa mbele ndio mkurugenzi mkuu”

Erica alipomuangalia vizuri, akagundua ndio Yule mzee Jimmy.

Alijikuta akiishiwa nguvu kabisa ila bado alisimama ili kujua hatma yake, alimsikia Yule meneja akimtambulisha Erica kwa wale wakurugenzi,

“Huyu anaitwa Erica, ndio mama wa Yule mtoto”

Kisha meneja akatambulisha majina ya wale wakurugenzi kwa Erica, ila alishangaa kuona mzee Jimmy hata hakushtuka wala hakujifanya kumfahamu zaidi zaidi walimuuliza baadhi ya maswali kisha Mzee Jimmy akasema,

“Binti, Jumamosi saa nne asubuhi umlete huyo mtoto wako tuje tumuangalie vizuri na tukusainishe mikataba yetu”

Erica alikubali, kisha wakamruhusu kuondoka. Kwakweli alivyotoka nje ya ile benki ndio aliweza kupumua sasa, huku akiliangalia lile jingo refu la ile benki. Alikuwa amekubali tu ila hakujua kwakweli kama itakuwa rahisi maana Yule mzee alishaonyesha kumtaka.

Erica alirudi ofisini akiwa hana raha kabisa, James alimuita na kumuuliza kuwa imekuwaje alipotoka maana alimdanganya kuwa anaenda hospitali,

“Mbona unaonekana huna furaha?”

“Hamna mbona nipo kawaida tu”

“Erica, nakufahamu wewe pengine kupita hata unavyojifahamu au umeanza tena kumuwaza Yule mwanaume wako?”

“Hapana”

Kisha Erica akaenda kuendelea na kazi zake ila muda huo ndio alianza kumfikiria Erick sasa, alitamani kujua Erick anaendeleaje, aliinuka na kutoka nje kisha kupiga ile namba aliyopewa usiku, ila alipopiga aliambiwa kuwa Erick aliruhusiwa kurudi nyumbani na aliendelea vizuri, muda huo Erica aliamua kupiga namba ya Erick, na kweli iliita na kumfanya afurahi sana kisha Erick akapokea simu,

“Unaendeleaje Erick?”

“Salama kabisa, unanijali hadi kunijulia hali!”

“Ndio nakujali Erick”

“Hivi kweli unanipenda Erica?”

“Ndio nakupenda sana Erick”

Muda huo kumbe James alikuwa nyuma ya Erica kwahiyo lile neno la mwisho alilosema Erica alilisikia vizuri sana, akamfokea Erica hadi akaangusha simu

“Yani unaacha kufanya kazi unaanza kuongea maswala ya mapenzi ofisini? Haya Erica, nifate ofisini kwangu”

Erica aliinama kuokota simu yake kisha akamfata nyuma James kuelekea ofisini kwake ila kwa mara ya kwanza aliweza kuona sura ya James ikichukia sana na kuonyesha hasira za waziwazi, Erica alipofika James alianza kuongea,

“Erica, kipi kimekufanya uwepo hapa ofisini?”

“Ni kazi bosi”

“Sasa kazi ya kuongea na simu na kumwambia mtu unampenda ndio iliyokuleta hapa ofisini?”

“Nisamehe bosi”

“Aaah umenikera sana, mimi napenda kazi, muda wa kazi fanya kazi, na muda wa madudu yako huko fanya madudu sikuzuii ila sio ofisini kwangu. Erica katika wafanyakazi wangu umekuwa namba moja kuomba udhuru mara leo sijui imekuwaje, mara nampeleka mtoto kliniki, mara naenda kumfungulia mtoto akaunti, mara tumbo linaniuma siji, mara naenda hospitali yani umefanya kama ofisi hii ni ofisi ya baba yako sasa yani unafanya unavyotaka wewe na sio anavyotaka mwenye ofisi. Ushemeji wa mimi na wewe unaishia nyumbani lakini sio ofisini, ndiomana watu huwa hawaajili ndugu zao sababu ya mambo kama haya yani kazi haziendi na ndugu akitoa taarifa lazima umsikilize hata kama hiyo taarifa ni uongo. Nimekuvumilia sana Erica, na sasa naomba nikwambie kuwa nimekusimamisha kazi”

“Jamani shemeji nihurumie”

“Nishakwambia, ushemeji ni nyumbani, ila nikiwa ofisini sina ushemeji na wewe. Yani uharibu kazi zangu kwa dhana ya ushemeji? Kuna umuhimu gani wa kumuajiri mtu asiyejielewa kama wewe? Yani huna akili hata kidogo, unabebwa ila hubebeki, unataka ufanyiwe nini ubebeke? Erica, nishafanya upande wangu hata Mungu mwenyewe anaona ila kwasasa nimechoka, na ninamaanisha kuwa nimekusimamisha kazi”

Erica akapiga magoti kwa shemeji yake huku akilia na kuzidi kuomba msamaha,

“Naomba unisamehe bosi, haitajirudia tena”

“Mwambie huyo uliyekuwa unamwambia kuwa unampenda sana akutafutie kazi ila kwangu umesimamishwa kwasasa, mpaka pale nitakapoamua mimi kukurudisha tena kazini”

Erica alikazana kuomba msamaha ila shemeji yake alishaamua kwani alichukizwa sana na ile simu ya Erica ya kusema ‘nakupenda sana Erick’ yani muda wote alijikuta hilo neno likiimba kwenye kichwa chake kama mziki, kwahiyo hakuweza tena kuendelea kumuona Erica hapo ofisini, kwahiyo Erica ilibidi ainuke na kwenda kuweka sawa kazi zake kisha kudhikabidhi na kuondoka.

Alikuwa na mawazo sana, alihisi kama kichwa chake kitavurugika tena maana hakujua kuwa amekosa kazi atafanya nini tena, maana lile swala la kwenda kazini tu lilikuwa likifariji moyo wake.

Akiwa kwenye daladala alichukua simu yake na kuiangalia, aliiona kioo hakitamaniki kabisa maana aliiangusha sana na kumfanya akose raha zaidi ila akaiwasha na ikawaka, akaona ni vyema imewaka ingawa imevunjika kioo ila swala la kuwaka lilikuwa ni bora kwake maana hakutaka kutumia hela yoyote ya mtoto wake kwaajili ya kununua simu ukizingatia kazi tena ndio ilikuwa basi, sasa akianza kujiendekeza kutumia hela za mtoto itakuwaje? Alishukuru tu vile simu inawaka.



Alifika nyumbani kwao hata mama yake alishangaa jinsi mwanae alivyowahi sana siku hiyo,

“Mbona leo mapema zaidi?”

“Mama nimesimamishwa kazi”

“Kheee James kakusimamisha kazi au nini?”

“Ndio”

“Chanzo nini?”

“Alinikuta naongea na simu”

“Wewe nae, unaongea na simu ofisini jamani! Hata hivyo simu tu ndio usimamishwe kazi! Ni kawaida yako kuongea na simu au?”

“Halafu mama sikuongea ofisini, nilitoka nje kumbe na yeye alikuja nyuma yangu na akanisikia kuwa naongea na simu ndio balaa”

“Mmmh ngoja ninyamaze mie nisiongee sana maana sizijui sharia za hiyo ofisi ila kuongea na simu mara moja tu jamani loh! Tulia mwanangu, haikuwa ridhiki yako, kuna mahali Mungu kakuandikia, hata usiwe na mawazo sana. Si unaniona mama yako eeeh! Nimekuwa mpole siku hizi, sitaki tena kufanya makosa ya mwanzo kwako mwanangu, nahitaji ukae kwenye mstari ulionyooka. Tulia mwanangu, kama ridhiki yako ipo basi ipo tu”

“Asante mama”

Kisha Erica alienda chumbani kwake, kwavile alihisi kama kuvurugwa vurugwa akaamua kulala.

Ilikuwa jioni sana akastuliwa na mlio wa simu yake, kuangalia mpigaji alikuwa ni Erick, akapokea na kuongea nae,

“Mbona muda ule ulikata simu gafla Erica?”

“Aaah muda ule, aaah simu iliniponyoka ikaanguka”

“Aaah pole, haijaharibika kweli!”

“Imevunjika kioo tu, ila sio sana”

“Pole sana Erica, unafanya nini muda huu?”

“Nimejilaza tu”

“Mwanetu yuko wapi?”

Erica alijihisi fahari sana baada ya Erick kumuita mtoto wa Erica mwanetu kwamaana hiyo Erick alikuwa amemkubali mtoto wa Erica, alijibu kwa furaha sana,

“Yupo kwa bibi yake”

“Aaah sawa, haya pumzika mama. Nitakutafuta tena. Msalimie sana mtoto wetu”

Kisha Erick alikata simu ila kwenye moyo wa Erica ilikuwa ni furaha sana maana hakutarajia kama ingekuwa rahisi vile kwa Erick kumkubali Angel, alijikuta akisema,

“Kweli kabisa ukweli humuweka mtu huru, na ukisema ukweli Mungu nae atakusimamia. Kwakweli Mungu kanisimamia ingawa nilitoa ukweli wa kuumiza ila mungu kanisimamia. Asante Mungu”

Erica aliinuka sasa na kwenda kumchukua mtoto kwa mama yake kisha kuendelea na mambo mengine mpaka muda wa kulala.



Kulipokucha aliendelea na shughuli zake zingine, ila alipochukua simu yake alikuta kuna ujumbe kutoka kwa Dora,

“Erica, nakuomba mara moja. Njoo nyumbani”

Kwavile mwenzie alikuwa anaumwa, Erica aliamua kwenda kumuaga mama yake kwanza ili apate ruhusa ya kwenda,

“Haya, kazi umesimamishwa. Unaenda wapi? Ndio kutafuta kazi nyingine?”

“Hapana mama, kuna rafiki yangu anaumwa ndio niende kumuona”

“Na uwahi kurudi sio maswala ya kunirudia usiku hapa wakati haupo kazini”

“Sawa mama”

Kisha Erica akamaliza shughuli zake na kwenye mida ya saa sita alijiandaa na akaondoka zake kwenda kwakina Dora.

Alifika na kumkuta leo Dora kachangamka tofauti na ile juzi aliyofika kumuona, akamuuliza kama anaendeleaje na Dora alimwambia kuwa anaendelea vizuri kabisa.

“Ila nilichokuitia hapa ni yale yale, nakuomba msaada Erica, nahitaji kupata haki yangu. Wewe ndio shahidi pekee uliyebaki, unajua nimeenda kwenye ile hoteli tuliyoenda kula kuku wamenikana kabisa, hata Yule muhudumu aliyetuhudumia nikawa namkumbusha hadi matukio yaw ewe kukataa pombe na kutaka soda ila amenikana kabisa na kusema hajawahi kuniona na hawezi kutoa ushahidi kwenye kesi za uongo. Nimeenda kule club ila napo wamenikana kabisa, hapa pale tulipoenda kulala na shemeji yako wamenikana. Jamanai Erica najua watu hawa wamepewa pesa ndiomana hawawezi kuwa upande wangu, sasa mtetezi wangu umebaki wewe tu”

“Dora, samahani yani mpaka hivi sasa kesi yenu bado inanipa maswali mengi maana wewe unavyonielezea vingine na shemeji nae anavyonielezea vingine”

“Anasemaje kwani?”

Erica akaanza kumuelezea vile ambavyo ameelezewa na James, ila ambacho hakumwambia ni kuwa tu James amesema kuwa ana sura nzito, yani hilo ndio hakumgusia ila yote aliyoelezewa na James alimwambia.

“Khaaa Erica, Yule shemeji yako ni muuwaji jamani, yani ametunga story kiasi hiko? Sikatai kweli napenda kunywa ndio nibaki kunywa peke yangu? Na je ni nanai aliyekuwa ananinunulia pombe? Erica nilikuwa na akili zangu timamu hadi tunaingia chumbani naelewa ila ndio nikalala sababu ya pombe na shemeji yako akatumia mwanya huo kunifanya vibaya na kwenda kunitupa. Au alijua nimekufa kwahiyo alinitupa ili kuepuka ushahidi? Hapana kwakweli shemeji yako mtu mbaya sana.”

Muda kidogo Dora aliitwa nje kwahiyo alitoka na kumuacha Erica pale ndani, kwakweli Erica bado alijiuliza maswali bila ya jibu, ukumbuke kashamuudhi shemeji yake ofisini halafu asimame kwenye kesi amtetee Dora si atachukiwa zaidi tena sio na shemeji yake tu bali hata dada yake atamchukia maana Yule ni mume wake.

Wakati akitafakari hayo, kuna ujumbe uliingi kwenye simu yake, alipouangalia ulikuwa unatoka kwa mzee Jimmy,

“Hujambo binti mzuri Erica, naomba leo tuonane jioni saa kumi. Kuna mambo nahitaji kuongea na wewe kabla ya kesho kusaini mkataba”

Erica aliguna na kushindwa kujibu huo ujumbe kabisa kwani alihisi kama unamuongezea mawazo tu. Alikaa kimya kwa muda, ila akapokea ujumbe mwingine toka kwa mzee Jimmy,

“Mbona hujanijibu mtoto mzuri? Juwa bila mimi hakuna chochote kinachoweza kufanyika, nahitaji kuongea nawe maswala ya biashara. Unajua kama hii ya mwanao kuwa balozi ni swala la biashara? Basi kutana na mimi tujadiliane maswala haya, nijibu tafadhari”

Erica alikuwa kimya tu maana hakujua kuwa ni kitu gani amjibu maana aliona akimchanganya tu, Dora akarudi ndani na kuanza kuongea na rafiki yake

“Yani kuna watu wana mambo ya ajabu sana, unajua mimi nilipopatwa na matatizo juzi basi nilipelekwa kwanza kwa mamangu mdogo halafu ndio kuletwa nyumbani kwahiyo mamdogo anajua kila kitu kilichonipata. Jamani mwanamke Yule unajua kanitangazia kwa watu yani mpaka anawaambia msimuone hajaenda kazini ana majanga ya kubakwa, jamani kweli kabisa huyo ni ndugu au muuwaji?”

“Pole mwaya, ila si mamako mdogo kabisa huyo?”

“Ndio ila ni mbeya balaa hadi kwenye ukoo wanamtengaga sababu ya umbea, sasa kunitangazia mimi nimebakwa ndio anapata faida gani sasa? Kunichafulia jina tu mtaani hapa, halafu huyo shemeji yako ajiangalie. Erica ngoja nikwambie kitu, nikishindwa kwenye kesi mimi, huyo shemeji yako nitamuendea hata kwa mganga, kama amezoea kusumbua wengine basi sio mimi”

“Kheee Dora, bado una imani za waganga tu?”

“Hebu na wewe nitolee maswali ya kijinga huko, kuna mtu kwenye dunia hii haendi kwa mganga? Wewe mwenyewe na familia yako mnaendaga ila mmefanya siri.”

“Mmmmh kwahiyo hata kaka yangu ungemroga wewe eeeh!”

“Ningeamua hata nisingeshindwa sema kwavile kaka yako mwenyewe ana hela za mawazo wala siwezi kujisumbua, ila angekuwa dizaini ninayotaka mimi ningemroga ndio kwanini nikufiche? Watu wanaroga huko na wanafanikiwa, maisha haya bila kujikinga kinga ni ngumu kufanikiwa”

“Mmmmh leo umeniambia makubwa Dora, hata sikukufikiria. Ila kiukweli mimi sijawahi kwenda kwa waganga toka nizaliwe hata sijui kukoje”

“Basi siku nikupeleke”

“Hapana shoga yangu, mimi namuamini Mungu tu”

“Ambaye hamuamini Mungu nani? Hao waganga wenyewe wanamuamini Mungu, yani usijidanganye kuwa waganga hawana Mungu, hata wao wanamuamini Mungu ndiomana wapo”

“Mmmh haya rafiki yangu, ila kwa hilo nimekushindwa tabia”

“Hebu acha ujinga na wewe Erica jamani”

Muda huo simu ya Erick ilikuwa ikiita anaikata sababu mpigaji alikuwa ni mzee Jimmy na hakuwa tayari kuongea nae ingawa hata hakujua hatma ya mwanae na swala la kuwa nalozi wa benki. Kisha Erica aliamua kumuaga rafiki yake ila bado Dora alimsisitizia kuwa akamtetee mahakamani siku ya kesi, Erica alimpa moyo Dora kuwa ataenda ila kiukweli Erica alianza kukata tamaa ya kwenda kwenye kesi kabisa, na vile mwenzie alivyosema maswala ya kwa mganga ndio yakamvuruga kabisa.

Basi Dora akaamua kujiandaa vizuri ili kumsindikiza Erica maana leo alidai kuwa na nguvu kabisa tofauti na siku ile alikuwa na maumivu.



Basi wakawa wanatembea njiani wakielekea kituoni, gafla kuna gari ilikuja na kusimama mbele yao, kioo kiliposhushwa ni mzee Jimmy ambapo alimsalimia Erica,

“Hellow Erica”

Dora alimwambia Erica kwa sauti ya chinichini,

“Erica wewe matawi, hadi unafahamika na huyu mzee”

Erica alimuangalia Yule mzee na kuitikia salamu yake kisha akamuamkia, Yule mzee akamuitikia na kumuuliza,

“Mbona hupokei simu zangu?”

“Simu yangu imeharibika spika”

“Aaah si ungeniandikia hata ujumbe, twende basi kwenye mazungumzo”

Erica hakushindwa kujitetea hapo ila akamwambia Dora kuwa waende wote, yani Dora kwa Yule mzee alijikuta akisahau kabisa mambo yaliyompata na kukubali kuongozana na Erica.

“Nipo na huyu sasa itakuwaje?”

“Basi, twendeni wote”

Basi wote wakaingia kwenye gari ya mzee Jimmy na safari ikaanza, moja kwa moja walifika mjini kwenye duka kubwa la simu kisha Erica akaambiwa achague simu anayoitaka, Erica alisema yoyote, Yule mzee akachagua simu na kulipa pale milioni moja keshi kisha Erica akakabidhiwa ile simu, alimshukuru Yule mzee na kuwataka warudi tena kwenye gari kisha safari ikaendelea hadi kwenye hoteli Fulani ambapo walishuka na kukaa mahali kisha Yule mzee aliwaambia waagize vinywaji halafu yeye aliinuka kama kuna mtu anaenda kuongea nae. Waliagiza vinywaji, kisha Dora alimuangalia Erica na kumwambia,

“Unajua Erica una bahati sana, huyu mzee umemjuaje?”

“Tena nilimjua siku ileile niliyotoka kwenu alitaka kunipa lifti kwa gari yake”

“Aaah rafiki yangu una bahati, umeogea mpendwa pendwa nini?”

“Ndio nini?”

“Aaah tuachane na hayo, ila rafiki yangu una bahati. Jamani mzee tajiri huyu, ni ana hela uchafu halafu hana hata familia ya kumuumiza kichwa maana watoto wake wote wakibwa, ni ana watoto wawili tu. Mzee ana hela huyu Erica, uwiii yani huyu unamwambia akujengee nyumba tena anakujengea ya kifahari, unamwambia akununulie gari, anakununulia gari la kifahari, unamwambia nifungulie ofisi yani ukiwa na huyu mzee hata kazi kwa shemeji yako unaacha”

“Dora, umejuaje habari za huyu mzee?”

“Namfahamu huyu mzee ni tajari hapana”

“Watoto wake wako wapi?”

“Sijui, sijawahi kuwaona nasikia wana malingo sana. Sitaki kuwafahamu ila baba yao ni hatari, mzee tajiri huyu Erica. Kama anakutaka wala usijifikirie mkubali upesi”

“Mmmh kwakweli mimi nina mwanaume wangu nampenda sana anaitwa Erick”

“Na wewe Erica unaleta habari za vijana, ulisikia wapi vijana wakawa na mapenzi ya kweli? Kitu wazee wanajua kupenda, wanajua kuhonga yani hadi raha. Erica kweli rafiki yangu kama huyu mzee anakutaka usimkatae”

Muda kidogo mzee Jimmy akarudi na kuanza kuongea nao,

“Mbona mmeagiza juisi tu!”

Dora akacheka na kutaka kuagiza pombe ila Erica aliwahi na kumwambia mzee Jimmy,

“Huwa hatutumii vileo ndiomana tumeagiza juisi”

“Aaah vizuri lakini”

Kisha mzee Jimmy alianza kuongea pale pale tena bila hata ya kumuhofia Dora,

“Sasa Erica, mwanao unahitaji awe balozi wa benki yetu. Mimi ndio mkurugenzi mkuu wa benki ile, kama ukifanya ninavyotaka mimi basi mkataba wa mwanao dau lake litakuwa mara tatu ya lilivyo sasa.”

Erica alikuwa kimya huku akiinama chini na kujiuliza kuwa Yule mzee anataka mambo gani tena, kisha Yule mzee akaendelea kuongea,

“Sijaona shida ya kuongea mbele ya rafiki yako, binti unaitwa nani kwanza”

Dora bila hiyana alitaja jina lake upesi upesi,

“Naitwa Dora”

“Unanifahamu mimi?”

“Nakufahamu ndio hadi nyumbani kwako”

“Sawa, basi vizuri. Sasa Dora, nadhani unajua kuwa kila mwanadamu kaumbwa na kitu cha muhimu sana, kila mwanadamu kaumbwa na hisia. Rafiki yako nampenda na sijaona shida yoyote ya kuongea hivi mbele yako”

Erica alihisi moyo wake ukienda mbio kwani alizidi kuona kama huyu mzee hana nia njema kwake, kisha Yule mzee akamtazama tena Erica na kumwambia.

“Erica, huwa sinaga tabia ya kupindisha pindisha maneno yangu. Mimi nakutaka, kama utakubali kuwa name siku zote sawa ila kama hutaki kuwa name siku zote basi naomba kwa leo tu unipe hilo tunda lako hakika moyo wangu utafarijika”

“Hapana kwakweli, sipo tayari kwa chochote”

Dora akamkata jicho Erica na kumfinya kidogo, Erica alimuangalia Dora na kusema tena,

“Namaanisha nisemayo Dora, sipo tayari”

Yule mzee Jimmy alimuangalia Erica kisha akasema,

“Erica nakupa muda ujifikirire kuhusu swala hilo, naenda kuongea na muhudumu wa chumba, hatuchukui muda mrefu ni dakika tano tu. Ilimradi roho yangu isuuzike”

Kisha Yule mzee akasimama na kuondoka, Dora akamuangalia Erica na kumwambia,

“Erica usiwe mjinga, kwa huyu mzee ni hela nje nje, hutaki bahati wewe? Watu wengine mkoje? Yani unapewa bahati hutaki, ona mzee wa watu alipita kukununulia hadi simu tena ya gharama ila bado unaleta ubishi wa kulala nae mara moja tu! Kwani anaondoka nayo?”

“Ingekuwa tatizo ni kuondoka nayo nadhani hata wewe usingekuwa unalalamika kubakwa na shemeji, ila tatizo ni utu na heshima. Yule mzee ni sawa na mzazi wangu, hata hivyo nina mpenzi wangu nampenda sana. Siwezi tena kufanya makosa ya namna hii, kama shida ni simu hii hapa akifika mpe”

Erica alimpa Dora ile simu kisha yeye akainuka na kuondoka zake, Dora alijaribu kumsihi asiondoke ila Erica hakusikiliza usia wa Dora, alitoka nje ya ile hoteli na kusimamisha bodaboda kisha kuondoka nayo.



Erica aliondoka hadi stendi kisha kupanda daladala na kuelekea kwao, ambapo alifika kwao na kumkuta mama yake amekaa na Angel kisha akaanza kumlalamikia,

“Erica kweli kwenda kumuangalia rafiki yako hadi muda huu mwanangu? Unajua sipendi upatwe na matatizo?”

“Nisamehe mama, haitajirudia tena”

“Kwenye kuomba msamaha ni mwepesi hatari ila mambo unayoyafanya hayaendani na msamaha unaoomba. Ila nimekusamehe, usirudie tena kuchelewa nyumbani”

“Sawa mama”

Erica alienda chumbani kwake ila aliwaza sana kuwa Yule baba kwanini atake kumfanyia vile,

“Jamani au mzee kaathirika Yule anataka wa kwenda naye? Dora nae na ujinga wake hata maumivu ya kubakwa hayajaisha vizuri ila Yule mzee akimtaka analala nae, jamani nilikuwa mjinga nikisaka penzi la kweli ila sio kwa mzee mwenye umri wa mzazi wangu, hapana kwakweli jana mama aliniambia, kama ridhiki yangu ipo ipo tu”

Aliamua kulala tu maana hakutaka hata kuwasiliana na mtu yeyote.

Kesho yake ilikuwa ni Jumamosi siku ambayo aliambiwa kuwa aende kule benki ila alivunjika moyo jana na kusema kuwa hatoenda tena maana Yule mzee asingekubali asaini mkataba ukizingatia alishakataa kutembea nae, kwahiyo aliendelea na kazi zake tu.

Kwenye mida ya saa nne, alipigiwa simu na Yule meneja wa benki,

“Erica habari, mbona hujafika mpaka saa hizi na mtoto?”

Erica akawa anajiuma uma tu maana alishajipa jibu mwenyewe, kisha Yule meneja aliendelea kuongea,

“Fanya haraka ufike na mtoto, wakurugenzi wameshakaa kwenye kikao, ndio nimeitwa na nimeulizwa kuhusu wewe”

“Basi nakuja sasa hivi”

Erica alijiandaa haraka haraka na kumuandaa mwanae, akahisi kuwa labda Yule mzee hawezi kusababisha mwanae asipewe mkataba ndiomana wamemuita tena.

Alipomaliza kujiandaa, kwa bahati mama yake alikuwa ametoka kwahiyo hata yeye ikawa rahisi kwake kujiandaa na kuondoka haraka, aliita gari ya kukodi kisha aliondoka na usafiri huo hadi benki.

Alipofika alishuka na mwanae, ila kabla hajaingia benki alikutana na Babuu akiwa ametoka kwenye ile ile benki,

“Kheee Erica, kumbe huyu ndio mwanao?”

Erica aliitikia kwa aibu tu kuwa Yule ndio mwanae,

“Kheee mbona kafanana fanana na Rahim? Kwahiyo Erica umezaa na Rahim?”

Erica akawa kimya tu, muda huo huo alitoka John kumbe nae alikuwa ndani kwenye benki hiyo, akamkuta pale Erica, Babuu na yule mtoto wa Erica. Naye akashangaa na kusema,

“Huyo mtoto mbona kafanana fanana na Rahim?”





Alipofika alishuka na mwanae, ila kabla hajaingia benki alikutana na Babuu akiwa ametoka kwenye ile ile benki,

“Kheee Erica, kumbe huyu ndio mwanao?”

Erica aliitikia kwa aibu tu kuwa Yule ndio mwanae,

“Kheee mbona kafanana fanana na Rahim? Kwahiyo Erica umezaa na Rahim?”

Erica akawa kimya tu, muda huo huo alitoka John kumbe nae alikuwa ndani kwenye benki hiyo, akamkuta pale Erica, Babuu na yule mtoto wa Erica. Naye akashangaa na kusema,

“Huyo mtoto mbona kafanana fanana na Rahim?”

Erica alikuwa akiangalia chini tu, John akamtazama Erica na kumsalimia

“Mambo Erica”

Erica akajibu,

“Poa”

kisha John akauliza vizuri,

“Kwani mtoto wa nani huyu?”

Babuu akamtazama John na kumuuliza,

“Kumbe unamfahamu Erica?”

“Ndio namfahamu, alikuwa ni msichana wa kwanza kumpenda. Nilimpenda sana msichana huyu”

“Kheee Erica, ndugu wawili sasa tumekutana kwenye mlolongo mmoja. Haya sasa, mtoto huyu kufanana na Rahim ni wake?”

John akamuuliza Babuu kwa mshangao,

“Sijakuelewa Babuu, unamaanisha nini?”

Erica akaona hawa watu watamchanganya akili ni watafanya achelewe kuingia ndani, akaachana nao pale nje akambeba mwanae na kuingia zake ndani ya benki, hakutaka kujua nyuma walijadili vitu gani ila tu alijua kama angeendelea kusikiliza hoja zao basi angechanganyikiwa kabisa. Walijaribu kumuita ila kwavile Erica alishadhamiria kutokuendelea kusikiliza hoja zao ikabidi aingie zake ndani ya benki.



Alivyofika alienda kwenye ofisi ya meneja moja kwa moja ambapo wafanyakazi wa pale walionyesha kufurahi sana walipomuona mtoto wa Erica kwa macho yani mubashara na sio kwa picha tena.

Alifika ofisini kisha meneja akamkaribisha na Erica kukaa na mtoto wake, Yule meneja alitabasamu na kumsifia mtoto wa Erica,

“Kwa hakika huyu mtoto anastahili kuitwa jina ulilomuita, yani una mtoto mzuri sana hongera”

“Asante”

Erica alikuwa akitabasamu kisha Yule meneja aliendelea kuongea,

“Ila hata wewe ni mzuri, naona huyu mtoto kachukua uzuri wako, sasa yeye na ushombeshombe ndio kazidi uzuri”

Erica alikuwa akitabasamu tu ila muda huo alikuwa akisubiri kupewa mkataba wa kusaini kwaajili ya mtoto wake maana alihisi itakuwa rahisi kama kule dukani. Kisha meneja akamwambia tena,

“Erica, sijui umechelewa wapi wakati ntulipanga tangu saa nne! Muda ule nakupigia simu, wakurugenzi walikuwa kwenye kikao yani sijui unechelewea wapi ila hakijaharibika kitu, Mkurugenzi mkuu amenipa hii bahasha amesema ukifika nikupatie maana ina maelekezo humo na kasema wiki ijayo ndio uje na mtoto maana wenyewe kuna mahali wameenda.”

Yule meneja akamkabidhi Erica ile bahasha ambapo Erica alijiuliza kama apokee ile bahasha au afanyaje, na akaona asipopokea lazima Yule meneja atajua kuwa kuna kitu hapo, ikabidi apokee tu na kumuaga Yule meneja.

Kisha akatoka na kuwaaga wale wengine, alipofika nje alishukuru kuona John na Babuu walishaondoka kwahiyo ilikuwa furaha kwake maana hakutaka tena mtu wa kumuumiza kichwa, kisha akapanda gari na mwanae na kuondoka kurudi kwao.



Alifika nyumbani ambapo mama yake alikuwa bado hajarudi, Erica alikaa sebleni na kufungua ile bahasha, kwanza kabisa ilitoka ile simu ya jana ambayo alinunuliwa na mzee Jimmy,

“Uwiii Mungu wangu yani ile simu kanipa tena!”

Akaendelea kufungua na kukuta kuna bahasha ndogo, akaichukua na kufungua hela zikaanguka kutoka kwenye ile bahasha, mwanae alikuwa anacheza cheza ila kuona zile hela akaenda kuziokota na kuanza kuzichezea,

“Wewe Angel, acha hela hizo”

Mtoto bado alikuwa akichezea zile hela yani kwenye ile bahasha hapakuwa na kitu kingine zaidi ya zile hela na simu, wakati akimwambia mwanae aache zile hela, mama yake aliingia na kushangaa,

“Kheee hela zote hizo Erica umezitoa wapi?”

Erica akamnyang’anya kwanza mtoto zile hela huku akijifikiria namna ya kumjibu mama yake maana hata hakujua kama alitoka siku hiyo, alipomaliza kuziokota mama yake akamuuliza tena,

“Erica, hizo hela umezitoa wapi?”

“Mama, subiri nikwambie. Kuna mbaba mmoja huwa ananitongoza ila nimemkataa ila leo nimeshangaa kamtuma kijana alete bahasha kwangu, yani Yule kijana kaja kagonga geti na kunipa hii bahasha kisha akasema imetoka kwa mzee Jimmy, ndio nimeichukua kufungua ndio nikaona hiyo simu halafu kulikuwa na bahasha nyingine ndani ndio kulikuwa na hizo hela”

“Kheee huyo mzee ana maana gani? Hebu lete hiyo simu niione”

Erica akampa mama yake ile simu, mama yake akahamaki sana,

“Hizi simu si ndio wanazisema za gharama sana, jamani huyo mzee anataka nini kwako mwanangu?”

“Sijui mama”

“Hebu hesabu na hizo hela”

Erica akaanza kuhesabu zile hela na kumwambia mama yake,

“Ni milioni mbili mama”

“Kheeee mbona makubwa haya, yani mtu akupe simu ya gharama hivi na pesa zote hizo, anataka nini huyo mzee jamani? Hao ndio wenye mpango mbaya na watoto wetu, huwa sipendi ujinga wa namna hiyo kabisa, huo ni ujinga. Anatuona sisi tuna dhiki sana eeeh kwahiyo anataka kukuteka kwa hela zake, umesema alimtuma kijana kuja hapa?”

“Ndio mama”

“Dah! Hebu nipe hivyo vitu kwanza, akikutafuta utaniambia amesemaje maana najua lazima akutafute”

Erica alirudisha zile hela kwenye bahasha na simu kwenye ile bahasha kubwa kisha akampa mama yake, ambapo mama yake alionekana kuchanganywa nay ale mambo kabisa kwani alienda chumbani kwake na ile bahasha bila kusema chochote.

Erica alienda chumbani na mwanae, akajilaumu sana kufungua ile bahasha sebleni,

“Zile hela si ningeenda kuweka kwenye akaunti ya mwanangu jamani, mama naye loh! Kama hajasema turudishe sijui maana mama ana sheria huyu balaa”

Akawaza ila akaendelea na mambo mengine.



Jioni ilipofika, Erica akapokea ujumbe kutoka kwa mzee Jimmy,

“Natumaini zawadi zangu umezipata na umezipenda, sasa hiyo ni rasharasha tu, mvua yenyewe itakuja. Naomba tukutane kwenye ile hoteli ya juzi, nina hamu sana na wewe binti yangu. Njoo kwenye mida ya saa mbili usiku”

Erica alifikiria sana akasema,

“Hivi huyu mzee ana akili kweli, si nimemwambia kuwa nimeolewa sasa ataanzaje kusema kuwa tukutane kwenye hiyo hoteli? Mmmh mambo haya ni makubwa, ngoja nikamwambie mama tu”

Erica akaenda kumueleza mama yake na kumuonyesha ule ujumbe, mama yake alisikitika sana,

“Inamaana Erica, ushawahi kulala na huyo mzee?”

“Hapana mama”

“Na kwanini aseme tukutane kwenye hoteli ya juzi? Kumbe ndiomana juzi ulichelewa nyumbani?”

“Hapana mama, sijawahi kulala nae”

“Hizi laana hapana sizitaki katika maisha yangu umesikia eeeh! Huwa namuomba Mungu mwanangu upate mume wa kukuoa, mume mwenye akili timamu na mapenzi ya dhati, mume mwenye hofu ya Mungu. Sijamuomba Mungu upate mababa ya kukuingiza majaribuni, sasa jiandae twende huko hotelini”

“Jamani mama”

“Hakuna cha jamani, usiniletee ujinga kabisa mimi, sijakulea kijinga hivi.”

Ikabidi Erica aende kujiandaa na kumuandaa mtoto wake, kisha mama yake alimuita yani alishajiandaa huyu mama na kumwambia Erica aite gari linalompelekaga liwapeleke,

“Sasa mama, mwenye gari atataka pesa”

“Nitamlipa bhana, sitaki ujinga ujue, mambo ya kijinga namna hii siyataki na siku nyingine mizigo ya kijinga hivi usipokee”

Kisha Erica akaita ile gari na kupanda na mama yake hadi kwenye ile hoteli kisha mama yake akamwambia Erica apeleke mzigo ule mapokezi na awaambie wampatie Yule mzee akifika, Erica alienda kupeleka huku mama yake akimuangalia kwa makini akimkabidhi Yule wa mapokezi na kusainishana kisha Erica kurudi kwa mama yake na kupanda tena gari kurudi nyumbani.

Walipofika mtoto wa Erica alikuwa kashalala, mama yake akamwambia kuwa akamlaze mtoto halafu yeye aende aongee nae, alivyomlaza alirudi sebleni na kumsikiliza mama yake,

“Sikia Erica, kipindi nakuzaa kila mtu alikupenda sana, yani ulikuwa mtoto wa pekee kwangu na wala sikutegemea kama ingetokea ungezaa nje ya ndoa maana nilijua ungeolewa kwanza ndio ungezaa ila haikuwa hivyo, basi nimekubaliana na matokeo lakini sio kwa stahili hii ambayo inaendelea sasa, Erica sina hela ila nimetumia hela yangu kurudisha mizigo ya huyo firauni maana najua wanaume wanaotumiaga hela hivi wana lengo gani, siku zote hawana lengo jema. Kama mtu ana lengo jema, kwanini asiseme nipeleke kwa wazazi wako nijitambulishe nikuoe, kwani tatizo liko wapi kama hela anazo! Ila anazitumia hela hizo kukuchimbia kaburi, halafu licha ya hivyo, ushasema huyo ni mtu mzima lazima ana familia yake, anaicha na nani familia yake hadi kuja kwako? Huwa sipendagi ujinga wa namna hii kabisa, siku nyingine wakikuletea waambie warudishe walipoutoa, maana pesa zina haribu sana fikra za watu najua hata huyo aliyekupa mimba ulimvumilia sababu ya pesa, pengine hata ulijua kuwa matendo yake hayafai ila pesa ikakuzugisha. Mwanangu jifunze kumsoma mtu kabla ya matatizo hayajakutokea, huu ujinga siutaki tena katika nyumba yangu”

“Sawa mama nimekuelewa”

“Sio kunielewa tu, fanyia kazi nilichosema”

“Sawa mama”

Basi Erica akaagana na mama yake na kwenda kulala, alisikia simu yake ikiita ila hakuipokea wala kuiangalia maana alijua ni Yule mzee anapiga, na hakutaka kuongea nae kabisa maana kwa muda huo alitaka kumuwaza Erick tu maana ndio alianza kumuamini kuwa ni mwanaume anayempenda kweli.





ITAENDELEA