KURUDI KWA MOZA - 1

 

IMEANDIKWA NA : ATUGANILE MWAKALILE



*********************************************************************************



Simulizi : Kurudi Kwa Moza

Sehemu Ya Kwanza (1)





Moza alikuwa msichana mrembo ila aliishi maisha ya shida na kumfanya ajaribu kufanya kazi za ndani, na kwa bahati akapata kazi kwenye nyumba ya mama mmoja tajiri, aliyejulikana kwa jina la Rose ila huyu mama mara nyingi alikuwa hadumu na wafanyakazi wa ndani mara nyingi huwa anawafukuza na watu walijua hivyo hakuna aliyejua ukweli kuhusu wafanyakazi wa Rose kwani gafla utakuta wamepotea na ameleta mfanyakazi mpya kwahiyo wengi walihisi huwa anawafukuza.

Siku ya kwanza kumleta Moza nyumbani kwake alimpa onyo kabisa,

"Mambo ya nyumba hii uyaache kama yalivyo, wewe fanya kazi zako tu basi. Usiingilie mambo yasiyokuhusu"

"Sawa mama nimekuelewa, unadhani naweza kuingilia yasiyonihusu? Siwezi kufanya huo ujinga "

"Yani usithubutu kuingilia utaishia kubaya"

"Mbona unanitishia mama?"

"Sikutishii ila nakwambia hali halisi, umbea kwangu sitaki kabisa kama huwezi kazi unaweza umbea useme kabisa uondoke"

"Hapana mama simaanishi kuwa naweza umbea, kwanza binafsi umbea siupendi kabisa kwahiyo hata usijali kuhusu mimi"

Basi huyu mama alimuonyesha kazi zote za ile nyumba na vyumba vyote vya kusafisha, kwakweli nyumba ilikuwa ni kubwa sana lakini alimuonyesha yote, ila kulikuwa na chumba flani kilikuwa na chumba kwa ndani kile chumba kilikuwa kama choo cha ndani ya chumba na vigumu kujua kama kuna chumba ndani ya chumba, yule mama alimwambia Moza

"Hiki chumba ukishasafisha unakifunga halafu funguo unaweka juu ya mlango"

"Na hiko choo je nitakuwa nakishafishaje maana naona kufuli au hakisafishwagi?"

"Wee binti mbona umeanza kunitisha, umekionaje hiko?"

"Nilijikuta nimeangalia tu nyuma ya hilo kabati, nisamehe lakini. Kwani hakisafishwi au?"

"Hiko kilitengenezwa kwa lengo la kuwa choo ila kishazibwa na hakitumiki, nyuma yake kushabomolewa ila hapa mwanzo mlango ulibakia na kufuli, huwa hapafunguliwi maana hakuna choo wala nini na ukitoka ni nje kabisa ndiomana nimeweka kabati kama kuziba. Na wewe uache kuchunguza chunguza, kazi yako kwenye chumba hiki ni kusafisha tu nikikwambia ili kusiwe na vumbi basi ingawa halali mtu lakini panatakiwa kusafishwa."

Wakatoka nje na kumuonyesha sehemu zingine za kusafisha kisha alipomaliza ndipo Moza alianza kazi rasmi kwenye nyumba hiyo.

Moza alianza kumfahamu mtoto mmoja mmoja wa yule mama na hatimaye akamfahamu mume wa yule mama aliyejulikana kwa jina la Mr.Patrick, ila kitu kilichomshangaza Moza ni kuwa huyu baba hakuwa na sauti yoyote kwa mkewe yani chochote kitakachosemwa na mkewe kwake ni sawa, Moza alishangaa sana na kujiuliza,

"Ina maana huyu baba hawezi kuhoji? Au ndio mambo ya mjini ya mume kulelewa na mke wake, hata kama ndio akubali kila kitu. Ila nishaambiwa nisifanye umbea kwenye nyumba hii, ngoja niendelee na kazi zangu mie "

Moza aliendelea na kazi zake ila alijikuta akizoeana sana na mtoto wa kwanza wa yule mama, mtoto huyo alikuwa ni mdada mkubwa na alijulikana kwa jina la Sara, huyu msichana alimpenda Moza sababu Moza alikuwa anamsikiliza mambo yake,

"Unajua kwanini nakufagilia? "

"Sijui, hebu niambie kwanini"

"Sababu wewe unapenda kunisikiliza ninachosema "

"Unajua kila mtu anapenda kusikilizwa, lakini kwanini wewe hupendagi kumsikiliza baba yako?"

"Achana na yule baba bhana utaniudhi, kwanza hana hadhi ya kuwa na mtoto kama mimi. Yule ni bwege la mama tu"

Sara akaondoka zake ila Moza alibaki na maswali mengi sana kuwa kwanini yule Sara aseme vile, inamaana si mtoto wa yule baba? Na watoto wengine je, mbona wote hawamuheshimu yule baba? Moza aliwaza sana lakini badae alijiambia.

"Mambo ya umbea nilishaonywa kwenye nyumba hii"

Muda kidogo akiwa anafanya usafi wa kusafisha dirisha aliwasikia watoto wawili wa kiume wa yule mama Wakiongea, yule mama alikuwa na jumla ya watoto wanne, wa kwanza wakike aliyejulikana kwa jina la Sara, wa pili ni wakiume ambao walikuwa ni mapacha walijulikana kama Kulwa na Doto, wa mwisho alikuwa wakike ila alikuwa sio mkubwa sana na alijulikana kwa jina la Ana. Sasa watoto ambao Moza alitegesha sikio lake kuwasikiliza ni hao mapacha na hata hawakujua kama kuna mtu anawasikiliza, Moza alitulia tu akiwasikiliza:

"Yani mimi nikitaka kuoa nitamwomba sana Mungu nisije pata mke kama mama yetu"

Mwenzie akasikika akacheka kisha akasema,

"Kumbe inakuuma eeehh anavyofanyiwa huyu baba? "

"Yani inaniuma kinoma, sema tu ndio hivyo sio baba yetu hatuna cha kufanya ila inaniuma sana yani sana"

"Lakini moyoni unafurahia maisha ambayo mama anatupa, hivi ushawahi kujiuliza ungekuwa wapi maana baba yetu alishatukataa toka kitambo."

"Mi nadhani alichofanyiwa mama na baba yetu labda ndio kimemfanya awe hivi alivyo, ila nashukuru Mungu tunakula vizuri, tunaishi maisha mazuri tunayoyataka. Ila anayoyafanya mama yetu duh!"

"Mama alishasema tusiwaze sana na anachokifanya, tuwe makini na maisha yetu tu."

"Hata kama, hivi unakumbuka juzi aliku.......... "

Moza gafla alishtuliwa na Ana, na kumfanya ashtuke sana na aache kusikiliza umbea,

"Dada twende ukanitandikie kitanda"

Moza aliondoka na Ana huku akijiuliza maswali mengi sana juu ya yule baba mwenye Nyumba.

Moza alifika chumbani kwa Ana na kumtandikia kisha akamuuliza,

"Hivi mtoto mkubwa kama wewe unashindwaje kujitandikia kitanda"

"Wenzako kama wewe walikuwa na maswali ya kudadisi sana kwangu, kazi ikawashinda na mama akawatokomeza. Wewe umekuja kufanya kazi au kuuliza maswali?"

Ikabidi Moza amuombe msamaha mtoto Ana kisha kuondoka zake kwenda kuendelea na kazi zake huku akijiuliza maswali mengi sana.

Usiku wake Moza alishangaa yule mama akimuita kwa ukali sana,

"Wee Moza wewe"

Moza alishangaa kuitwa kwa ukali vile na kwenda kwa haraka sana, alivyofika pale tu cha kwanza alipigwa kofi hadi chini, akamtazama yule mama aliyeonekana na hasira sana, kisha yule mama akamuuliza Moza,

"Maswali gani ya kijinga hayo unamuuliza mwanangu?"

Moza alikuwa kimya alishindwa kujibu maana hakujua ubaya wa swali lake kwa yule mtoto ukizingatia anaonekana ni binti tayari wa karibia miaka kumi na mbili.





Usiku wake Moza alishangaa yule mama akimuita kwa ukali sana,

"Wee Moza wewe"

Moza alishangaa kuitwa kwa ukali vile na kwenda kwa haraka sana, alivyofika pale tu cha kwanza alipigwa kofi hadi chini, akamtazama yule mama aliyeonekana na hasira sana, kisha yule mama akamuuliza Moza,

"Maswali gani ya kijinga hayo unamuuliza mwanangu?"

Moza alikuwa kimya alishindwa kujibu maana hakujua ubaya wa swali lake kwa yule mtoto ukizingatia anaonekana ni binti tayari wa karibia miaka kumi na mbili.

Moza alibaki akishangaa tu, mara kibao kingine akapigwa, kasha Yule mama akamwambia,

“Si nilishasema mambo ya udadisi kwenye nyumba yangu sitaki, huyu mtoto asipoweza kutandika kitanda wewe inakuhusu nini? Inamaana wewe ndio unajua kulea sana au, mambo ya mtoto wangu hayakuhusu. Kama hajui kufanya kazi yoyote mwache tu kama alivyo, nimekuajili wewe sio uje kukaa tu na kuuliza uliza maswali ya kijinga. Sitaki, na ninakwambia sitaki kabisa huo upuuzi na nisisikie tena”

Ikabidi Moza amwombe msamaha mama huyu,

“Nisamehe mama, kwakweli haitajirudia tena. Naomba nisamehe. Nisamehe sana”

“Mimi sio wa kuniomba msamaha, nenda kamuombe msamaha Ana huko”

“Lakini Ana nilishamuomba msamaha”

“Mpaka kaniambia mimi inamaana hajakusamehe, nenda kamuombe msamaha tena mpaka akusamehe ndio uje hapa. Na asipokusamehe jiandae kurudi kijijini kwenu”

Moza akaondoka taratibu mpaka chumbani kwa Ana akaingia na kumuamsha kasha kuanza kumuomba msamaha, Ana akamuangalia Moza akamsonya kasha akamwambia,

“Hivi unaingiaje chumbani kwangu bila ya hodi, hujui kugonga hodi au? Halafu unaniombaje msamaha huku umesimama kama mlingoti? Toka nje huko, ugonge mlango nikuruhusu kuingia kasha uje na magoti ndio uniombe msamaha”

Moza akatoka nje na kugonga mlango, aliporuhusiwa na Ana alipiga magoti, akaingia chumbani kwa Ana na magoti kisha akamuomba msamaha, Ana alicheka kasha akamwambia,

“Nimekusmehe ila siku nyingine usirudie tena. Nilijua na wewe ni kiburi kama waliopita. Haya ondoka zako”

“Asante Ana”

Moza alitoka huku macho chini, alienda kumalizia kazi zake kasha akaenda kulala.



Alipokuwa chumbani aliwaza sana, na kujisemea

“Jamani umasikini huu loh, yani mimi kweli wa kudhalilishwa na yule mtoto mdogo jamani? Yule si sawa na mtoto wa dadangu jamani, yani kanidhalilisha nimpigie magoti nimuombe msamaha, yote haya ni sababu ya umasikini tu. Ningekuwa na uwezo au kwetu kungekuwa na uwezo yasingenipata yote haya, ila wadada wengi wa kazi tunateseka sababu ya umasikini.”

Alijifikiria sana, ila aliamua kulala ili kesho awahi kuanza usafi na shughuli zingine.

Akiwa kwenye usingizi mzito wakati panakaribia na kukucha akajikuta yupo kwenye ndoto nzito sana, alijiona yupo mahali halafu kuna wadada kama watano wapo pande ya pili wakimuomba msaada, akawa anasikia kelele,

“Moza tusaidie, Moza tusaidie tafadhari,Moza ni wewe tu unaeweza kutusaidia”

Wakati anataka kwenda kuwasaidia akashtuka kutoka usingizini, alikaa akitafakari kuwa ni ndoto ya aina gani ile. Lakini alipoangalia saa aliona karibu panakucha, alitoka chumbani na kwenda kuanza shughuli za usafi, alishangaa kumkuta baba mwenye nyumba yani Mr.Patrick akiwa sebleni muda ule amesinzia, hakutaka kuhoji kwani taratibu za nyumba ile bado hakuzijua vizuri kwahiyo alianza tu kufanya kazi zake hadi muda wanaamka wengine na kujiandaa kutoka huku wengine wakisubiria chai mezani ikabidi awaandalie.

Siku hiyo Ana alichelewa kuamka, ila kwavile hakujua taratibu za nyumba ile alijua ndio kawaida, mama mwenye nyumba aliamka na kumfata Moza jikoni,

“Umeshamuamsha mtoto aende shule?”

“Mtoto yupi mama? Kwanza shikamoo”

“Nitolee uwendawazimu wako mie, inamaana humuoni Ana kuwa ni mtoto! Kwahiyo hujamuamsha hadi muda huu unategemea nini? Mwanangu haendi shule, au ulijua hasomi kama watoto wa kijijini kwenu? Haya nenda kamuamshe na utaenda nae shule, wewe ndio utamtetea kuchelewa kwake”

Moza hakubisha ila alienda hadi chumbani kwa Ana, ila alipofika mlangoni akasita kuingia maana jana yake huyo Ana alimfokea kwa kitendo cha kuingia bila ya hodi. Ikabidi aanze kugonga hodi, aligonga na kugonga na kugonga ila hakuitikiwa akawa anajishauri tu kuwa afanyaje, wakati anajishauri, Sara alipita pale na kumkuta anagonga,

“Weee huyo mtoto analalaga kama pono, yani hapo utagonga hadi vidole viote sugu. Ingia tu umuamshe”

Moza akamwambia Sara,

“Lakini jana alinikataza kuingia chumbani kwake bila ya hodi”

“kitoto kina amri sana hicho sijui kwanini, ila ingia tu. La sivyo atazidi kuchelewa shuleni”

Ikabidi Moza aingie huku akiwa na hofu ya kufokewa na Ana. Akaanza kumuamsha kwa utaratibu,

“Ana, amka uende shule mtoto mzuri”

Ana alimka, kasha akatabasamu baada ya kuamka, na kumwambia Moza

“Kaniwekee maji ya kuoga nioge halafu niandalie na sare kabisa”

Moza alimuandalia huku akimsikiliza kuwa ni nguo gani amuandalie kasha Ana akaenda kuoga na kuvaa, baada ya kumaliza ilitakiwa Moza ndio ampeleke Ana shuleni, akatoka sebleni na kumkuta mama na baba,

“Mama, ndio nataka kumpeleka Ana shuleni”

“Si umpeleke, unataka mimi nifanyeje?”

“Nampelekaje mama?”

“Hivi si uzembe wako, gari ya shule imemuacha? Mpeleke sasa utajua wewe utampelekaje”

Moza akajifikiria akakosa jibu, mjini kwenyewe hajawahi kuishi kivile sasa ni njia gani atampeleka huyo mtoto shuleni ikiwa hata shule ilipo hajui, wakati anawaza hayo akamsikia Yule baba mwenye nyumba akisema,

“Naomba niwapeleke mke wangu, nipe ruhusa yako.”

“Si mafuta yako hayana kazi”

“Ila mke wangu, huyu mdada bado ni mgeni”

“Bhana wee wapeleke ila ndio ajifunze sio kesho tena amuache mtoto alale mpaka muda huu. Na hakikisha unaenda kumtetea mtoto kwa walimu. Tumeelewana Moza?”

“Ndio mama”

Kisha, Moza, Ana na Mr.Patrick wakatoka na kuelekea kwenye gari la Mr.Patrick halafu safari ya shule ikaanza.

Walipofika shuleni, Moza alishuka na Ana hadi kwa walimu wake, ambapo mwalimu mmoja akasikika akisema

“Ana umechelewa na leo ila kama kawaida yako umeletwa na mtetezi. Haya dada tunashukuru kwa kumleta Ana, nenda tu. aAna nenda darasani”

Moza alimshukuru pale kasha akarudi kwenye gari na safari ya kurudi nyumbani ikaanza, huyu baba alimuuliza Ana,

“Hivi kitu gani kilifanya uje kufanya kazi pale kwetu?”

“Nilikuwa natafuta kazi tu ndio nikapata pale”

“Unajua kama ukiingia pale hutoki?”

“Sitoki kivipi?”

“Yani huwezi kurudi kwenu”

“Kivipi baba mbona sijakuelewa?”

“Ile nyumba nilijenga mwenyewe kwa mikono yangu, kwa hela zangu ila hata mimi kutoka siwezi. Nafahamu vingi ila sina ufahamu wa kutoka”

Moza akajikuta akivutiwa sana na mazungumzo haya, huku akimuuliza Yule baba kwa makini,

“Hebu nieleweshe vizuri baba, nasikia wafanyakazi waliotangulia mama aliwafukuza sasa sijui walifukuzwa kwa nini?”

“Hawajafukuzwa ila walipo hata mimi sijui na mke wangu hajanipa nafasi ya kujua. Nimechagua leo kukusindikiza ili nikwambie haya. Nakuona huna hatia, ila umeingia sehemu sio yenyewe. Mimi ni baba mwenye akili zangu timamu kabisa lakini zipo kama hazipo. Nina mtoto ambaye ni damu yangu kabisa, naamini ni damu yangu ila mke wangu huyu ananiaminisha kuwa Yule mtoto si damu yangu”

“Yuko wapi huyo mtoto? Je ni mmoja kati ya waliopo nyumbani?”

“Hapana si mmoja wao, yupo kwa mamake anaitwa. Yani Yule mtoto ni damu yangu kabisa ila mke wangu hataki kumuona wala hataki niwasaidie. Ujana umeniponza mimi, mwanangu anapata shida huko alipo ila kumsaidia siwezi. Kwa wale waliopo nyumbani, siamini hata mmoja kuwa ni mwanangu, wale watatu nilimkuta nao mke wangu ila huyu Ana amezaa akiwa na mimi. Ila siamini kama ni mwanangu kwani kuna mwanaume alishaletwa nyumbani, na mke wangu alikuwa anamuita baba Ana halafu Ana nae alikuwa anamuita huyo mwanaume baba”

“Baba, yani sielewi kabisa. Na kwanini umeniambia yote haya?”

“Nimejisikia tu kukwambia, kisha kuwa makini sana. Ila mke wangu sijue kama nimekwambia, usithubutu kuongea chochote na kumuonyesha kama kuna jambo nimekwambia. Mimi siendi sehemu nyingine mpaka aniruhusu yeye. Ningepata mtu wa kunisaidia, kunitoa kwenye hiki kifungo ningefurahi sana”

“Pole sana baba”

“Tafadhali usiseme, nakuomba usiseme. Utapotea”

Gari ikaingia ndani, kisha kimya kilitanda na wakashuka garini, moza alipoingia ndani alimkuta Yule mama akijiandaa kuondoka ila kabla hajatoka alimwambia,

“Haya mume wangu umesharudi naomba ukalale hadi nitakapokuja”

Yule baba hakupinga, alienda moja kwa moja chumbani kisha Yule mama akamuangalia moza na kusema,

“Kama nilivyokwambia, kuwa makini. Mambo ya umbea kwenye nyumba yangu sitaki”

Yule mama akatoka zake, na Moza akaenda kwenye shughuli zake zingine.



Akiwa jikoni, walikuja wale mapacha na kumuaga pia,

“Sie tunatoka, sasa ukipika vyakula kama vya kijijini kwenu utakula mwenyewe”

Wakaondoka zao, na muda kidogo akaja Sara nae na kusema,

“Leo nina hamu na maini rosti na chapati na juisi. Tafadhali nitengenezee hivyo, nikirudi nitakula maana nataka kutoka”

“kwahiyo ndio niandae chakula hicho leo?”

“Sijui wengine wanapenda nini, kwani mama hajakwambia anachotaka leo?”

“Hajasema”

“Basi mkaangie samaki, mwekeena viungo. Mama anapendaga samaki sana”

“Na chakula gani sasa?”

“Utamuwekea na hizo chapatti, anapenda pia. Ila Ana anapenda wali, yani fanya ufanyavyo ila wali usikose. Halafu baba anapenda ugali, ila baba usimjali sana maana atakachosema mama atakula tu. Mimi ndio natoka hivyo, tuitaonana badae”

Sara akaondoka zake, yani moza kabaki tu anajiuliza,

“Humu ndani kama hotelini, yani kila mtu anaagizaa chakula anachotaka yeye yani nitakonda humu. Ila umaskini huu loh, ndio umesababisha yote haya. Ila wale mapacha hawajasema ni chakula gani, natumaini nao watakula maini rosti na chapati.”

Moza alianza kuandaa mapishi yake huku akijikuta anamfikiria sana Yule baba, yani maisha ya Yule baba yalimsikitisha sana, hakuwa na kauli yoyote kwa mkewe na alimsikiliza mkewe kwa chochote alichomwambia.

Wakati anaendelea na mapishi, roho yake ikamtuma aende kwenye kile chumba ambacho kinaonekana kina choo ndani kilchofungwa,

“Mmh mama akinikuta kwenye kile chumba, nitamwambia nilikuwa nafanya usafi. Ngoja niende”

Alipomaliza tu kuandaa chakula, moja kwa moja akaenda kwenye kile chumba na kuchukua ufunguo juu ya mlango kisha akafungua na kuingia ndani. Ila mawazo yake yalikuwa ni kwenye mlango wenye kufuri basi huku akijiuliza kama ule mlango unatoka nje mbona kwa nje hauoni? Akajisogeza moja kwa moja huku akihisi kuwa huenda akishika kufuli unaweza kufunguka, basi Moza akasogelea na kushika lile kufuli gafla alipigwa na shoti ya ajabu na kutupwa kabisa.

Hapo akazimia, na lilipita lisaa limoja akazinduka akiwa amechoka sana, akajaribu kuinuka akaweza, kisha akatoka na kufunga mlango halafu funguo akazirudishia pale pale juu. Akaelekea sebleni sasa, Mara akakutana na mama mwenye nyumba nae anaingia sebleni kutoka nje akiwa na hasira sana.





Hapo akazimia, na lilipita lisaa limoja akazinduka akiwa amechoka sana, akajaribu kuinuka akaweza, kisha akatoka na kufunga mlango halafu funguo akazirudishia pale pale juu. Akaelekea sebleni sasa, Mara akakutana na mama mwenye nyumba nae anaingia sebleni kutoka nje akiwa na hasira sana. Alikuwa anahema juu juu, akamsogelea Moza na kumuuliza kwa ukali

“Umefanya nini?”

“Sijafanya chochote mama”

Rose alimuacha Moza pale sebleni na kuelekea mitaa ya chumbani ambapo moja kwa moja alielekea kwenye kile chumba, Moza alienda jikoni huku uoga ukiwa umemshika na kuomba kuwa huyu mama asijue kama aliingia mule chumbani. Ingawa moza alikuwa kamaliza kupika ila alikaa tu jikoni akiwaza, muda kidogo Rose alirudi sebleni na kumuita Moza kwa ukali, kitendo ambacho kilimuogopesha Moza na kuhisi kuwa pengine Rose amegundua. Alienda sebleni kwa uoga kiasi, kisha huyu mama akamuuliza,

“Baba aliamka toka ameenda kulala?”

“Hapana mama, toka muda ule sijamuona tena sebleni?”

“Sikia Moza, naomba vitu vya nyumba hii uviache kama vilivyo”

“Ila sijafanya kitu mama”

“Nilikuwa mbali sana, ila kuna kitu kimefanyika ndani nimepata taarifa ndiomana nikaja haraka sana. Ila kwavile umesema hujafanya kitu, basi. Hata hivyo hicho kitu ambacho nilikuwa nakihisi kuwa umekifanya basi muda huu ningekukuta na hali mbaya sana. Tafadhali Moza, vitu vya nyumba hii viache kama vilivyo. Unaweza ukanishangaa kuwa mbona narudia rudia msemo wangu, nina maana kabisa, viache kama vilivyo”

“Sawa mama nimekuelewa”

“Na sitoki tena saivi,ngoja nikapumzike tu. Nipikie ugali na samaki, nitakula nikiamka”

Moza alienda jikoni kuandaa huo ugali huku akiwaza kuwa amepona ila aliwaza ameponapona vipi bila kubambwa ingawa alizimia kwa karibu lisaa lizima, pia akawaza kuwa huyu mama kapata vipi taarifa huko alipokuwa kwamba ule mlango ulishikwa? Hapo kidogo akapatwa na uoga, akawa tu anajisemea mwenyewe

“Mimi Moza mimi jamani nitulie tu, kwetu nakupenda pia. Nitakuwa sirudi mmmh”

Alipomaliza alienda chumbani mara moja.



Alipoingia chumbani alijiweka kitandani, mara usingizi ukampitia. Akaanza kuona kama anaingia tena kwenye kile chumba, kisha anafungua mlango wa kile choo ila mule aliwakuta wadada watano wakiwa wamechoka sana, ni wadada walewale ambao walikuwa wakimuomba msaada kwenye ndoto ya jana yake. Kwahiyo ndoto hii ilikuwa kama muendelezo wa ile ndoto ya usiku ila ndoto hii ilikuja kivingine. Wakati anawashangaa wale wadada, halafu akawa kama anataka kuwahoji, mara gafla akasikia sauti ikiita…

“Moza, Mozaa…”

Akashtuka kutoka usingizini na aliposikiliza vizuri ilikuwa ni sauti ya Ana, ikabidi atoke haraka kwani alitambua itakuwa Ana amerudi shuleni. Moza alivyofika sebleni akamkuta Ana amekaa na amevimba kwa hasira, ilibidi Moza aanze kwa kumuomba msamaha

“Nisamehe Ana, nilipitiwa na usingizi kidogo”

“Umekuja kulala au kufanya kazi, yani mimi nakuita muda wote huitiki, haya piga magoti”

Moza hakubisha alipiga magoti, kisha Ana akamwambia,

“Nivue viatu”

Moza alimvua Ana viatu, kisha akanza kumsikiliza ujumbe mwingine

“Begi langu la madaftari nimeliacha pale getini kwa mlinzi kalichukue unipelekee chumbani.”

Moza alienda kwa mlinzi kuchukua begi, Yule mlinzi akamwambia Moza

“Usisubiri siku nyingine akukumbushe, yani akirudi tu uje uchukue begi lake. Yeye hawezi kubeba eti ni zito”

Moza aliondoka na lile begi hadi chumbani kwa Ana akagonga na kuruhusiwa kuingia, kisha akaenda kuliweka lile begi. Ana akamwambia Moza,

“Nipikie tambi na mayai, nataka kula hivyo leo”

Moza aliitikia kisha akaenda jikoni kuandaa huku akiwaza moyoni,

“Hivi mimi ni mfanyakazi wa ndani au ni mfanyakazi wa hotelini? Mmmh hii nyumba unaweza kujikuta siku nzima unapika tu”

Aliwaza Moza huku akifikiria kutoweza kufikisha hata miezi miwili humo ndani,

“Kazi za humu ni za kitumwa sana, yani mwezi huu ukiisha tu nipate mshahara wangu nirudi kwetu nikaangalie ustaarabu mwingine”

Alipika na alipomaliza, alitoka nje na moja kwa moja alienda getini kwa mlinzi, kisha akamuuliza

“Kaka samahani, hivi wewe una muda gani toka uanze kulinda hapa?”

Huyu mlinzi akacheka kwanza, kisha akamwambia

“Ni kitambo sana, kabla huyo Ana hajazaliwa. Mimi nipo hapa, yani huyo Ana anakuwa namuona”

“Kheee kumbe! Mbona nasikia wafanyakazi wa hapa hawakai yani wanafukuzwaga”

“Ni wa huko ndani sio mimi, ni sababu hawawezi kufatilia sheria za huyu mama. Mfanyakazi ambaye alikaa hapa kwa muda mrefu ni mmoja tu, ambaye anaitwa Ashura. Yeye peke yake ndio alikaa hapa kwa muda mrefu na aliondoka mwenyewe ila ni mtu mwenye siri nzito sana”

“Yuko wapi huyo Ashura?”

“Dada, tambua kwamba unaongea na mwanaume. Nimekaa kwa muda mrefu kwenye nyumba hii sababu mimi ni mwanaume. Mambo ya umbea sifanyi. Naomba kaendelee na kazi zako”

Moza aligeuka nyuma akamuona mama mwenye nyumba amesimama, ikabidi Moza aende upesi kumsikiliza,

“Kule getini unatafuta nini?”

“Nilikuwa namuuliza mlinzi masoko yalipo kwa hapa”

“Yule mwanaume na mambo ya masoko ni wapi na wapi? Moza, chunga sana nakuangalia ujue nakuangalia sana, huo mwenendo wako sijui kama tutawezana. Haya kaniwekee chakula mie”

Moza aliingia ndani, kisha Yule mama alienda kwa mlinzi, inaonyesha alienda kumuuliza pia kilichompeleka Moza pale getini.



Moza alipomaliza kuandaa, Yule mama aliingia na kukaa mezani, kisha akamwambia Moza

“Una bahati sana, Yule mlinzi kaniambia ni kweli ulikuwa unamuuliza kuhusu masoko. Vinginevyo ungenitambua. Haya kaniitie kipenzi changu Ana nije kula nae”

Moza aliondoka kwenda kumuita Ana huku akijiuliza, Yule mlinzi kama amepanga nae vile, imekuwaje nae amesema kama yeye kuwa alikuwa anaulizia masoko, yani kama alikuwa kwenye akili ya Moza.

Kma kawaida aligonga kwa Ana na kumuita ambapo aliitikia wito na kwenda sebleni, kisha akamwambia Moza amletee chakula chake, ambapo Moza akafanya hivyo. Rose alipoona mwanae ameletewa kile chakula akasema,

“Oooh kipenzi changu leo umetaka tambi na mayai”

“Ndio mama, kuna sehemu nimeona picha nikatamani”

Kisha Rose akamuita Moza na kumuuliza,

“Wengine umewaandalia chakula gani?”

“Dada Sara amesema nimuandalie chapati na rosti ya maini, wale mapacha wamesema niwaandalie chakula chochote kizuri. Kwahiyo nao nimewaandalia chapati na rosti ya maini. Ila kuhusu baba nilimuuliza Dada Sara akasema anapendeleaga ugali kwahiyo nae nimemuandalia ugali”

“Wewe Moza wewe, hizo habari sijui za dada Sara sijui mapacha sitaki kuzisikia, sijui baba sitaki kusikia. Hao wote wanakula chakula ninachosema mimi. Mwenye amri humu ndani ni mimi tu, na Ana. Kwahiyo chakula ukiambiwa ukiandae na Ana, fanya upesi au mimi nikikwambia uharakishe ila usiniletee hayo madudu mengine.”

“Lakini si watoto wako pia?”

“Wewe, wewe, weeee msichana wewe usitafute maneno yani naona unachokonoa chokonoa mambo. Kwani wakiwa watoto wangu ndio nini sasa? Wawe na amri kwani nyumba yao hii? Tena sitaki kusikia. Mwenye amri humu ndani ni mimi na Ana tu nimemaliza”

Moza aliitikia na kwenda zake jikoni huku akijiuliza maswali mengi sana bila ya majibu, na haswa ni kuhusu baba mwenye nyumba, masikini toka alipoambiwa akalale hajapewa amri ya kuamka hadi muda ule.

Moza akiwa kule jikoni, Yule mama alimuita kutoa vyombo kisha akamwambia,

“Siku nyingine sio mpaka nikuite kutoa vyombo, unatakiwa kujiongeza mwenyewe.”

“Sawa mama”

Moza alitoa vile vyombo ila alihisi kama Ana na mama yake wana maongezi ya ishara ambayo yeye hakuyaelewa moja kwa moja, na muda kidogo Ana na mama yake wakatoka yani wakaondoka kabisa hapo nyumbani ila muda huu hata hawakumuaga wala hawakumwambia kama wanatoka, kwahiyo Moza alibaki akishangaa tu mwenendo wa watu kwenye nyumba ile ila akajisemea kuwa atazoea tu.

Muda si muda akarudi Sara na alionekana kuwa amechoka sana, Moza alimkaribisha na kumpa pole

“Pole na mizunguko dada Sara”

“Asante, yani ni mizunguko haswaa. Vipi mama karudi?”

“Ndio alirudi ila ameondoka tena”

“Kheeee alirudi duh! Aliniambia kuwa leo atachelewa sana kurudi kumbe alisharudi mmmh huyu mama nae. Kwahiyo kaenda wapi sasa?”

“Sijui ila kaondoka na Ana”

“Yani mama na Ana mmh! Ngoja nikaoge mie uniandalie chakula changu”

Sara aliondoka zake ila Moza alitamani amdadisi na Sara pia ili aujue undani wa familia ile.



Kwenye mida ya saa tatu usiku, wale mapacha nao walirudi na cha kwanza kabisa waliulizia chakula ambapo Moza aliwaandalia, pacha mmoja akaulizia kuhusu mama yao na Moza aliwapa taarifa kama aliyompa Sara, kisha Yule pacha akamuuliza kuhusu baba yao, mwenzie akamkatisha

“Sasa unamuulizia wa nini huyo?”

“Ni binadamu mwenzetu Kulwa, eti baba yuko wapi?”

“Kalala”

“Kalala saa hizi?”

“Hapana, ni tangu asubuhi mama alipomwambia akalale hajaamka tena”

“Duh”

Yule pacha akainuka pale mezani, Moza alitulia tu akiangalia picha inavyoendelea, baada ya muda Yule Dotto akarudi na Mr.Patrick na kumkaribisha mezani pia, ambapo Yule mzee alikula kama anakimbizwa, baada ya hapo Yule pacha akaongozana na Yule baba na kumrudisha tena chumbani kisha yeye akarudi sebleni. Yule Kulwa nae alikuwa ameshamaliza kula, akamwambia mwenzie

“Mama akigundua hili sijui utamwelezaje?”

“Vyovyote vile, Yule ni mwanaume mwenzetu, najua hata wewe hupendi kufanyiwa vile ila sababu unamuogopa mama”

Wakaondoka na kuelekea chumbani, Moza alitoa vyombo haraka haraka ili aende dirishani akawasikilize pia, na kweli alipoenda dirishani aliwakuta bado wana mada za Yule baba,

“Nimekuuliza Kulwa, unapenda anavyofanyiwa Yule baba?”

“Sipendi, lakini sina cha kufanya”

“Cha kufanya kipo ila hatujakifikiria”

“Kipi hicho?”

“Nahisi tutakigundua pindi huyu baba akifa”

“Hivi unadhani mama atamuachia huyu baba afe? Anamtesa tu, hajafikia hali ya ukatili kiasi hicho”

“Ila kwa nini mama yetu yupo hivi? Yani nawazaga hata sipati jibu”

“Hata mimi mwenyewe sijui halafu sasa yani mimi na wewe ni kwavile tu ni watoto wake ila mama hatupendi pia, labda baba yetu alimfanya vibaya mama. Yeye kipenzi chake anaanza Ana halafu anafatia Sara, yani mama sisi hatupendi kabisa”

“Ila kuna kitu nahisi kuhusu mama”

“Kipi hicho?”

Sauti ya Sara ikasikika akimuita Moza, naye Moza aliamua kwenda kimya kimya kwani alijua akiitika tu atawashtua wale mapacha.

Alivyofika kwa Sara,

“Inamaana mama bado hajarudi?”

“Hajarudi ndio”

“Nilitaka nimpe taarifa”

“Taarifa gani?”

“Leo nimekutana na Ashura, humjui wewe yani Yule mdada mama anamtafutaga sana. Ngoja nikuonyeshe picha yake nimepiga nae leo”

Sara akatoa simu yake na kumuonyesha Moza picha ya Ashura, ila Moza alishtuka kidogo sema alijigelesha ili Sara asigundue mshtuko wake.

Kisha Sara akamwambia Moza,

”Yani huyu Ashura alikuwa mzuri sana, halafu hata hakufanania na kazi za ndani. Alikuwa mpole na mkimya. Ni yeye tu aliweza kuishi kwa muda mrefu kwenye nyumba hii akifanya kazi za ndani ila baada yeye kuondoka hakuna tena msichana aliyeweza kuishi kwa muda mrefu hapa. Mmmh halafu sijui hata ni kwanini nakuambia yote haya, nenda kaendelee na shughuli zako Moza”

Moza alitoka pale na kwenda jikoni kusafisha vyombo huku akifikiria kuhusu Ashura,

“Mbona namjua Yule, alikuwa akifanya kazi za ndani duh! Si nimefanya kazi kwao Yule! Hapa lazima kuna kitu”

Moza alimaliza shughuli zote, kwenye saa sita kasoro ndipo Rose na mwanae Ana walirejea na kama kawaida Moza alipewa amri ya kwenda kutandika kitanda cha Ana.

Wakati anatandika kitanda cha Ana akasikia kama sauti inamwambia afunue godoro, wakati anataka kufunua mara Ana akaingia ndani na kumuuliza kwa ukali,

“Unafanya nini?”

Moza alipatwa na bumbuwazi tu, alishikwa na kigugumizi asiweze kujibu, mara Ana akamsogelea na kumzabua kofi.





Wakati anatandika kitanda cha Ana akasikia kama sauti inamwambia afunue godoro, wakati anataka kufunua mara Ana akaingia ndani na kumuuliza kwa ukali,

“Unafanya nini?”

Moza alipatwa na bumbuwazi tu, alishikwa na kigugumizi asiweze kujibu, mara Ana akamsogelea na kumzabua kofi.

Moza alivumilia kile kibao cha Ana, ambapo Ana alimuuliza tena

“Unatafuta nini huko?”

Akili ya Moza ikacheza pale pale maana alitambua kuwa Ana anapenda kunyenyekewa kwahiyo alipiga magoti na kumuomba msamaha, ambapo Ana alimwambia atandike haraka haraka na aondoke chumbani kwake, Moza alifanya hivyo na kutoka.

Wakati Moza anatoka chumbani kwa Ana ndio akamsikia Rose akimtoa mumewe huku akimwambia,

“Na leo kakae sebleni hadi kunakucha utulinde”

Ndio hapo Moza akaelewa kuwa kwanini jana yake alimkuta yule baba amejikalia sebleni tu, Moza alisikitika ila hakuwa na la kufanya hapo. Alienda moja kwa moja kwenye chumba chake huku akitafakari vitu vingi sana kwa wakati mmoja hadi alihisi akili yake inagoma kufanya kazi.

Alitafakari kuhusu Ashura, akatafakari kuhusu wafanyakazi waliopita kwenye nyumba hiyo wako wapi, akatafakari kuhusu baba mwenye nyumba kwanini anateseka vile, akatafakari kuhusu Ana na chini na godoro la Ana kuna nini, mwisho wa siku alipitiwa na usingizi pale pale.

Akiwa amelala, akajiona kama yupo kijijini kwao na bibi yake halafu bibi yake anamwambia,

“Moza, upo kwenye ile nyumba kwa makusudi kabisa. Unatakiwa kumuokoa Yule baba, unatakiwa kumuokoa mtoto wa Yule baba, Unatakiwa kumfanya Yule mama aache kuyatenda anayoyatenda upo pale kwa makusudi. Moza mjukuu wangu, nipo na wewe siku zote usijione upo mwenyewe.Twende nikakuonyeshe sasa”

Moza alishtuka na kuhema juu juu huku akijisemea,

“Jamani bibi yangu si ameshakufa? Sasa namuona ndotoni kivipi? Mbona sielewi?”

Usingizi wa Moza ulikata kabisa, ila alikuwa kama anasikia sauti za watu nje, akaamua kuinuka na kwenda kuchungulia dirishani, kwakweli alichungulia kwa tahadhari kubwa sana na kufanikiwa kuona vivuli vya watu vikiwa vinaishia, Moza alishtuka sana na kujikuta akihemea juu juu. Jambo hilo lilimfanya uoga umshike na usingizi akose kabisa.



Kulipokucha akafanya shughuli zake kama kawaida ikiwa ni pamoja na kumuamsha Ana aende shuleni, leo Rose alionekana nyumbani kwake na kuwafanya wanae waage tu kuondoka bila kutoa oda ya chakula wanachotaka wapikiwe, hapo ndio moza akaelewa kuwa walifanya vile jana sababu walijua kuwa mama yao hayupo. Ila leo ilikuwa siku ya tofauti kidogo kwani hadi mr.Patrick aliruhusiwa kutoka,

“Nenda tu kwenye shughuili zako, zunguka tani yako leo. Utarudi nyumbani pindi tu nikikupigia simu kuwa urudi”

“Je usiponipigia nisirudi? Na je naweza kwenda kwa ndugu zangu?”

“Ole wako Patrick, usitake nibadili mawazo.Kwanza nenda ofisini kwetu, wamekumisi sana maana ni kitambo sana hawajakuona”

Mr.Patrick akaondoka zake na hakupenda kuongea sana.

Baada ya muda mfupi alikuja mgeni, mgeni huyu alikuwa ni Ashura ila alijifanya kamavile hamfahamu Moza yani utadhani ni mara yake ya kwanza kumuona, kitendo ambacho Moza kilimpa shauku kubwa ya kutaka kujua kuna nini katikati.

Rose na Ashura walikaa katika maongezi ila Moza alienda kukaa sehemu ambayo angewasikiliza, maana maongezi yao walifanyia sebule nyingine ambayo mara nyingi wale mapacha walifanya kama chumba chao cha kusomea vitabu.

Moza alikuwa makini kabisa kusikiliza maongezi ya Rose na Ashura.

“Sikia nikwambie Ashura, mi nilishakwambia sitaki Patrick ajue ukweli kuhusu Yule mtoto Salome lakini kwanini ameanza kuulizia?”

“Anamuulizia hadi jina?”

“Hapana, jina la mtoto halijui”

“Lakini mimi dada ukweli kabisa sijamwambia wala sijawahi kukaa na shemeji Patrick kumueleza chochote kile kuhusu mtoto wake. Nadhani ni watu waliomuona Salome kuwa kafanana sana na shemeji ndio wamemwambia”

“Mmh hivi kafanana nae sana eeh!”

“Yani dada uongo dhambi kwakweli ila kadri Yule mtoto anavyozidi kukua ndio shemeji mtupu”

“Mmh tuachane na hayo kwanza. Unajua wewe ndio unajua kila kitu kuhusu Yule mtoto. Wengine wote hawajui Ashura, mimi nimekupeleka kwenye ile familia kwa makusudi ili siri isitoke sitaki habari za Yule mtoto zisikike. Tena natamani ningekuwa na uwezo ningekimaliza kabisa”

“Mmh dada usifikie huko jamani”

“Sasa unadhani tutafanyaje? Nataka kuizima kabisa hii ishu maana hata ndugu wa Patrick wakijua wataleta varangati. Unafikiri mchezo, hata kumfanya huyu Ana ahisi ni mtoto wake”

“Kwakweli cha kufanya sijui”

“Halafu kwanini nakutafuta sikupati mpaka ukutane na wakina Sara”

“Hapana dada, unajua wakina Sara walianza kuhisi kitu ndiomana nikajiweka mbali kabisa ili wasifikirie chochote”

“Achana na wale watoto bhana, unajua Ashura nakutegemea sana. Huniangushagi wewe”

“Ila dada kuna jambo nataka nikwambie”

“Jambo lipi”

“Ni kuhusu huyu mdada wa kazi uliyemuweka sasa hivi”

“Eeh hebu nieleze”

“Yani huyu aliwahi kufanya kazi kwa Neema, kule ninakoishi mimi na watoto wa Neema akiwepo na Salome anawajua vilivyo”

“Mmmh inamaana anajua kila kitu?”

“Hamjui baba wa Salome ila nina mashaka nae sana, ngoja nimuone kama ananikumbuka vizuri”

Moza akasikia harufu kama mboga inaungua ikabidi akimbilie jikoni, na kweli alikuta mboga inaungua, hapo sasa wakati anahangaika iliafiche soo la kuunguza mboga akasikia Rose akiita kwa nguvu huku akitembea,

“Moza, weeee Moza wewe”

Moza aliitikia na kwenda,

“Ulikuwa unafanya nini hadi umeunguza mboga”

“Nisamehe mama”

Rose akacheka kisha akamwambia Moza,

“Dawa yako inachemka”

Halafu akatoka na Ashura wakaondoka. Hapo Moza alikuwa na maswali mengi sana, kuwa Ashura na Rose wako vipi vipi, na kwanini Ashura alikuwa akiishi kule ambako Moza alikuwa akifanya kazi mwanzoni na mbona anaishi nao kama ndugu kivipi?

“Mmmh kumbe Yule Salome ndio mtoto wa mzee Ptrick. Ila sasa naanza kupata picha, Yule Salome kweli amefanana na huyu mzee. Masikini mzee Patrick jamani, masikini na dada Neema nae jamani anaishi na nyoka ndani bila kujua dah”

Kisha Moza akarudi tena jikoni, ni kweli alikuwa ameunguza mboga sababu ya kufatilia umbea. Akaanza kufanya jitihada za kuiweka sawa, akaibadilisha kwenye sufuria linguine, muda kidogo Rose alirudi na kumuita sebleni, Moza alienda

“Hivi nilikwambiaje kuhusu habari za humu ndani?”

“Nisizifatilie”

“Haya, niambie sasa Ashura unamjua?”

Hili swali lilikuwa la mtego sana kwa Moza, akajikuta akiwa kimya tu kwani hakujipanga na hakutegemea kuulizwa swali la namna ile, Rose akamuuliza tena kwa kumshtua

“nijibu basi, unamfahamu vipi Ashura?”

Moza akatetemeka na kujibu,

“Simfahamu”

Rose akacheka kisha akamwambia

“Vizuri sana. Humfahamu eeh!”

“Ndio simfahamu”

“Na kipi kimekufanya uunguze mboga?”

“Nisamehe mama”

“Hivi unadhani msamaha wangu ndio unatoka kirahisi rahisi hivyo?”

“Nisamehe mama”

“Nadhani wewe hunijui vizuri, ila nataka unijue ili safari ijayo ujiheshimu. Msamaha wangu utaupata leo saa nane usiku”

Moza akashtuka na kuuliza kwa hamaki,

“Saa nane usiku!”

“Ndio saa nane usiku, mbona unashtuka? Huo si muda tu kama muda mwingine. Mbona kuunguza mboga hukufikiria kuiambia mboga ikusamehe isiungue? Leo saa nane usiku utaona msamaha wangu utakavyoupata. Haya kaendelee na kazi zako, na unikaangie ndizi. Hiyo mboga ya kuungua iweke pembeni halafu saa nane usiku nitakwambia inafanywa nini ila sitaki uwape wanangu mboga ya kuungua”

Moza aliondoka na kuendelea na shughuli zake huku akiulaumua umbea wake kwani ndio uliomponza hadi akaunguza mboga, na ndio uliomponza hadi anapewa msamaha saa nane usiku.



Siku hiyo Ana nae aliwahi kurudi ila alionekana kuwa amechoka sana kwani alivyofika tu sebleni akalala. Ikabidi kama kawaida aende getini kuchukua begi la Ana kwa mlinzi. Alipoenda kuchukua, mlinzi alimuuliza,

“Na leo Ana anaonekana kuchoka sana, ameenda wapi saa hizi?”

“Amelala sebleni kwenye kochi”

“Sikia sasa, cha kukusaidia. Peleka begi lake, kisha urudi kumbeba na kumpeleka chumbani kwake akalale.”

Moza akamshukuru na akafanya vile, akambeba Ana na kwenda kumlaza ambapo kitandani akaamua amvue viatu kisha amwache amelala halafu yeye akatoka.

Kufika sebleni wale mapacha nao walikuwa wamerudi na walimwambia Moza awaandalie chakula ila muda huo huo mama yao nae alienda pale sebleni, akamzuia Moza kuandaa chakula kisha akatoa pesa na kuwapa watoto wake,

“Nendeni mkanunue na mkale mnachotaka”

Wale mapacha walifurahi sana na kutoka zao, Moza alimuuliza Yule mama

“Mbona umezuia nisiwaandalie chakula?”

“Moza, unataka nikutukane au? Hivi mboga yako iliyoungua hiyo uwaandalie wanangu wakiumwa matumbo je!”

Moza akawaza kuwa tatizo ni mboga kuungua au kuna lingine.

Sara nae aliporudi ikawa vilevile, mama yake alimpa pesa akatafute chakula, kwakweli Moza aliwaza sana siku ya leo kuwa tatizo bado ni kuunguza mboga au kuna linguine, muda huu akaamua kumuuliza tena huyu mama,

“Mama, tatizo ni kuunguza mboga au kuna linguine?”

“Lingine lipi?”

“Sijui”

“Lakini unataka kujua?”

“Ndio, ningependa kujua”

“Wewe si mbea, utajua tu”

Huyu mama aliinuka na kwenda chumbani, kwakweli Moza aliogopa ukizingatia ni kweli mboga iliungua sababu ya kufanya umbea. Moza alikuwa na mawazo sana, kitu kilichomfanya atoke na aende kwa mlinzi ili kujaribu kumdadisi kama kawaida yake,

“Kaka samahani, naomba unisaidie”

“Nini tena? Umefanya vituko vingine ndani?”

“Nimeunguza mboga bahati mbaya kaka, ila mama kawapa watoto wake wote hela wakale nje sababu nimeunguza mboga”

“Sasa wewe umekuuma nini kuwapa watoto wake hela wakale?”

“Kumbuka nimepika ila amewapa watoto wake hela wakale, kwahiyo kile chakula kitamwagwa?”

“Unajua katika wafanyakazi vimeo bosi aliowahi kuwaleta, basi wewe ni kimeo namba moja. Kwa kifupi, hii nyumba haiunguzwagi mboga, yani kama umeunguza mboga leo ujipange”

Moza alizidi kupatwa na uoga, mara akaitwa na mama mwenye nyumba alikuwa mlangoni, Moza akaenda kisha Yule mama akamuuliza

“Na leo ulikuwa unaulizia masoko?”

“Hapana”

“Ila ulikuwa unaulizia nini?”

Moza akawa kimya tu, na kumfanya Yule mama aongee tena

“Wewe Moza wewe yani nitakachokufanya leo hutakaa kusubiria umbea tena, akili itakukaa sawa. Nitakukomesha”

“Ila mama nimekuomba msamaha”

“Unadhani huo msamaha wako ndio umenunua mboga? Huo msamaha wako ndio hela? Nakwambia nitakukomesha”

“Mama nina ombi”

“Eeeh ombi gani?”

“Naomba kurudi kwetu”

Rose akacheka sana, na kumuangalia Moza kisha akamwambia

“Yani wewe hata mwezi huna kwenye nyumba hii unataka kurudi kwenu, tena baada ya kufanya makosa. Hivi unafikiri kuondoka hapa ni rahisi kiasi hicho? Mboga yangu uliyounguza una hela ya kunilipa? Nijibu sasa”

Kabla hajajibu alimsikia Ana akimuita kwa nguvu sana,

“Mozaaa”

Rose alimuangalia Moza na kumsonya kisha akamwambia

“Nenda huko, malkia anakuita”

Moza alienda huku akitetemeka maana aliitwa kwa nguvu sana.

Alipoingia chumbani kwa Ana alizabuliwa kofi kwanza, kisha Ana akamwambia kwa ukali

“Nani amekutuma univue viatu”

Kabla Moza hajajibu alishtukia akizabuliwa kofi lingine lililompeleka hadi chini, yani la sasa hivi alipigwa na mtu mzima kabisa sio kofi la kitoto kama la Ana.





Moza alienda huku akitetemeka maana aliitwa kwa nguvu sana.

Alipoingia chumbani kwa Ana alizabuliwa kofi kwanza, kisha Ana akamwambia kwa ukali

“Nani amekutuma univue viatu”

Kabla Moza hajajibu alishtukia akizabuliwa kofi lingine lililompeleka hadi chini, yani la sasa hivi alipigwa na mtu mzima kabisa sio kofi la kitoto kama la Ana.

Moza aliugulia pale chini na kusikia sauti ya Rose sasa,

“Unamvuaje mwanangu viatu bila ruhusa yake?”

Rose akamwongezea Moza teke, kisha akamwambia atoke mule chumbani.

Moza alitoka na kwenda bafuni ambako alijikuta akilia sana huku akijiuliza,

“Kwani kosa langu ni nini jamani? Hivi kumvua mtu viatu ni vibaya?”

Akaitwa tena na mama mwenye nyumba, kwahiyo Moza akajifuta machozi yote na kwenda,

“Unafanya nini?”

“Sifanyi kitu mama”

“Unanificha eeh! Hujui kama nyumbani kwangu huruhusiwi kulia bafuni?”

“Nisamehe mama”

“Yani wewe ni hodari sana wa kuomba msamaha, sasa nataka ukae hapa sebleni hadi hiyo saa nane usiku ifike ikukutie hapa hapa. Umenielewa?”

“Ndio mama”

Moza alikaa pale sebleni huku akiwa na mawazo sana, kwakweli leo hakuwa na raha kabisa alijiona yupo ufungwani. Muda kidogo, Rose na mwanae Ana wakatoka, Moza akaelewa tu kuwa nao wanaenda kula. Alikaa pale sebleni amenyong’onyea kama kamwagiwa maji.



Kwenye mida ya saa tatu usiku wale mapacha walirudi na walimkuta Moza pale sebleni, walimsalimia tena na kutaka kuelekea chumbani ila mmoja akamuuliza moza

“Mbona unaonekana umenyong’onyea sana”

Moza akajibu bila hata kufikiria mara mbili,

“Nimeunguza mboga kwa bahati mbaya”

“Yani kuunguza mboga ndio unyong’onyee hivyo!”

“Mama kaniambia nikae hapa hadi atakaporudi kunipa adhabu”

Yule pacha mwingine akacheka na kusema,

“Yani mama yetu bhana, ana vijimambo vya ajabu ajabu. Sasa mtu kuunguza mboga ndio mpaka adhabu!”

Wakaondoka zao na kumuacha Moza pale sebleni, muda kidogo Sara nae alirudi na alimuuliza Moza swali lile lile aliloulizwa na wale mapacha nae akamjibu kama vile vile ila Sara alionyesha mshtuko kidogo,

“Mungu wangu, umeunguza mboga? Nyumba hii haiunguzwagi mboga”

“Ni bahati mbaya Sara”

“Pole sana”

“Asante”

“Unatia huruma sana”

Sara akawa anaelekea chumbani ila akaonekana anakumbuka kitu, kisha akamfata Moza na kumuuliza,

“Kwahiyo mama ndio kakwambia ukae hapo sebleni hadi atakaporudi?”

“Ndio kaniambia hivyo”

“Kakwambia adhabu yako anakupa saa ngapi?’

“Kasema saa nane usiku”

“Pole sana, nina uhakika mama na Ana watarudi hiyo saa nane muda wa adhabu ila kwa kukuokoa wewe na hiyo adhabu nenda chumbani kwako muda huu kalale yani hiyo saa nane ikukute umelala”

“Mmmh mama si atasema nimekiuka amri zake?”

“Moza, nimekusaidi tu ila usinitaje. Wewe nenda kalale, akikuuliza mwambie usingizi ulikushika kwa uoga. Mwambie kuwa wewe ukiogopa kitu unapatwa na usingizi”

Moza aliamua kumsikiliza Sara na kwenda chumbani kwake kulala ingawa ilimchukua muda sana kupatwa na usingizi.



Moza alikuwa amelala lakini usingizi wake ulikuwa umejawa uoga wa hali ya juu huku akihisi kwamba hiyo saa nane atakuja kuamshwa na kufanyiwa hiyo adhabu ila alishangaa hiyo saa nane ilionekana kupita kwani alisikia kwa mbali majogoo yakiwika na kuhisi kuwa huenda ikiwa saa tisa na nusu au saa kumi alfajiri.

Usingizi ukampitia sasa, akajiona kwenye ndoto yupo kwenye kile chumba na wale wadada watano wakimshukuru sana kwa kuunguza mboga, mmoja akamwambia Moza

“Ila wewe una bahati sana, kwani wenzako unafikiri makosa yetu nini kuwa huku. Ni kuunguza mboga tu”

“Kuunguza mboga!”

“Ndio, tuliunguza mboga tukaletwa huku. Ila wewe una bahati sana. Yani unafanya makosa makubwa zaidi yetu ila bado upo. Sikia Moza kile chumba unacholalia kuna kitabu change kidogo sana, kapekue utakiona. Kina habari za bibi yangu atakupa mbinu za kutusaidia”

“Mbona huku unaongeaga wewe peke yako?”

“Wenzangu wote vinywa vyao vimefungwa, hwawawezi kuongea chochote. Kuhusu mimi ukisoma kile kidaftari change utaelewa. Kipo kwenye droo, kuna taiti nyeusi katikati kuna kitabu changu”

“Ila bado sijaelewa, yani kuunguza mboga ni furaha yenu ili mimi niletwe humu?”

“Furaha yetu ukiunguza mboga tunakuwa huru sana, ila siku ukifikia kuunguza na kuwa kama mkaa……”

Moza akashtuliwa na kelele za kuitwa, ambapo akashtuka kutoka kwenye ile ndoto, aliyekuwa anamuita ni Sara ambaye aliingia ndani na kumgusa Moza, kisha akamwambia

“Kheee bado umelala tu! Amka bhana utuandalie chai unajua muda umeenda sana”

Kisha Sara akatoka mule chumbani, Moza alikurupuka na kufungua dirisha ambapo aliona jua kali limeshawaka yani pameshakucha kabisa, alipotazama saa ilikuwa ni saa mbili asubuhi,

“Mungu wangu, yani nimelala hadi saa hizi! Sijamuamsha Ana aende shule, sijafanya usafi bado. Mungu wangu”

Alijitoa matongotongo kwa kidole kisha akatoka nje, ila sebule ilikuwa kimya sana ambapo alikuwepo Sara tu akichezea simu yake,

“Nisamehe madam Sara, nilipitiwa na usingizi”

“Nimekuelewa, niandalie chai tu halafu nikaangie na mayai”

“Wengine wameenda wapi?”

“Wote wameshaondoka”

“Ana nae?”

“Hebu acha kunichekesha na wewe, Ana awepo anafanya nini muda huu? Kashaenda shule”

Moza akaenda jikoni na kuanza kumtaarishia Sara kifungua kinywa ila kichwa chake hakikuwa sawa kabisa, alijikuta akijiuliza maswali mengi sana bila ya majibu.



Alipomaliza alimuandalia Sara mezani na kumkaribisha, ila aliona karatasi mezani na hela, akalifunua lile kafratasi limeandikwa ‘KANUNUE SAMAKI’ Sara aliposogea pale mezani akamuuliza,

“Eti huu ujumbe kaacha mama”

“Itakuwa ni yeye tu”

Moza akamuacha Sara pale anakunywa chai kisha yeye akaenda kujiandaa ili akanunue hao samaki.

Alikuwa akijiandaa huku akijiuliza maswali mengi sana ila bado hakupata majibu ya maswali yake yote, hakuna jibu alilolipata. Akawa amezubaa tu, ila akasikia sauti ya Sara ikimuaga

“Tafadhali Sara naomba unisubiri ili unionyeshe tu mabucha ya samaki”

“Fanya upesi, nina haraka zangu”

Moza akafanya haraka akatoka na Sara, ila walipokuwa njiani Moza alimuuliza Sara

“Kwani wewe unafanya kazi au unasoma?”

“Kwanini umeniuliza hivyo?”

“Kila siku unatoka”

“Mimi nafanya kazi ila nasimamia miradi ya mama”

“Na wale mapacha je!”

“Nao wanasimamia miradi ya mama sehemu nyingine, na leo wametoka na mama”

“Na baba je!”

“Sasa nimeelewa kwanini mama anataka kukuadhibu wewe”

“Kwanini?”

“Hivi hujioni kuwa ni mbea sana, yani unajifanya kama FBI.”

“FBI ndio nini?”

“Sitaki maswali bhana, mabucha ya samaki yale pale. Kwaheri”

Sara aliondoka na kumuacha Moza akielekea kwenye yale mabucha, ila moza tabia ya kuuliza maswali alikuwa nayo kwenye damu yani hata akijifanya siulizi tena anajikuta tu ameshauliza.



Moza alienda kwenye bucha la samaki kununua samaki, wakati anaondoka akashikwa bega kutazama alikuwa ni Salome ambapo alimkumbatia kwa upendo,

“Kheee Salome umekuwa, umekuwa sana”

“Ndio dada, shikamoo”

“Marahaba, upo darasa la ngapi saivi?”

“Nipo kidato cha tatu”

“Kheee hongera sana. Mama hajambo!”

“Hajambo”

“Nimewakumbuka sana, na wale wadogo zako mapacha”

“Nao hawajambo”

“Twende ukapafahamu ninapofanyakazi siku hizi”

“Mmh dada, nitachelewa. Unajua tumehama pale tulipokuwa tunakaa”

“Hakuna shida, huchelewi wewe twende ukapaone basi”

Moza akaongozana na Salome hadi kwenye ile nyumba aliyokuwa anafanya kazi, na kumkaribisha Salome ndani. Kwakweli mlinzi alishikwa na bumbuwazi alipomuona Salome ila hakuweza kuuliza zaidi.

Waliingia ndani, kwakweli Salome alishangaa ukubwa wa nyumba ile,

“Kumbe ndiomana ulitukimbia dada, kumbe matajiri walishakuiba”

“Hapana sio hivyo mdogo wangu, kipindi kile nilirudi kweli kijijini kwetu. Bibi yangu alikuwa anaumwa sana na nimemuuguza kipindi chote hiki ila mwisho wa siku alikufa. Nilikaa kijijini nikaona sina ishu nikarudi mjini, nilikuja pale mlipokuwa mnakaa nikaambiwa mmehama ila ndio nikapata kazi hii, yani hata sina siku nyingi hapa”

“Pole dada”

“Asante, ila umlete na mama yako hapa aje kuniona na apafahamu”

Salome akamuaga Moza, na wakati anamsindikiza Mr.patrick nae akawa anaingia akawakuta ndio wanatoka wakamsalimia pale na kuondoka ila moyo wa Mr.Patrick ulihisi kitu, alijikuta akitamani sana kujua kuhusu huyo mtoto kwahiyo alikuwa anangoja Moza aingie ndani amuulize.



Mlinzi nae, Moza alivyoagana tu na Salome kisha kurudi ndani akamuuliza,

“Yule mtoto ni nani?”

“Anaitwa salome Yule”

“Mbona kafanana sana na mzee Patrick!”

“Si ulisema wewe ni mtoto wa kiume, umbea hupendi. Kwaheri”

Moza alienda ndani na kumuacha mlinzi ameduwaa tu, ila alipoingia sebleni tu alibambana na swali kutoka kwa mzee Patrick,

“Yule mtoto ni nani?”

“Anaitwa Salome Yule”

“Ni mtoto wa nani na anaishi wapi?”

“Nilikuwa nafanya kazi kwao kabla ya hapa”

“Mbona swali na jibu haviendani? Nimekuuliza ni mtoto wa nani na anaishi wapi?”

Mara mlango ulifunguliwa na aliingia Rose, ambaye alionekana kumungalia kwa hasira sana mume wake, kisha akamuuliza bila hata ya salamu

“Kwanini jana hujarudi?”

“Sasa ningerudi vipi mke wangu na umeniambia mpaka unipigie simu”

“Sasa leo nimekupigia simu?”

“Nimehisi labda umejisahau mke wangu ndiomana leo nimeamua kurudi. Jana mbu wamening’ata sana usiku pale ofisini”

Rose akacheka sana, kisha akamuangalia Moza na kukunja sura, halafu akamwambia

“Na wewe unasikiliza nini? Yanakuhusu haya? Hivi kwanini wewe ni mbea mbea, hebu kwenda kwenye kazi zako huko”

Moza aliondoka pale sebleni na kuelekea jikoni, ila ingawa alikuwa jikoni ila masikio yote yalikuwa sbleni akisikiliza tu kinachozungumzw na Rose pamoja na Patrick.

Aliwasikia vilivyo mazungumzo yao kwani hayakuwa ya kunong’ona yani yalikuwa ya sauti kabisa,

“Sikia nikwambie Patrick, humu ndani kuna kidudumtu naa hicho kidududumtu lazima nikikomeshe”

“Ni nani huyo?”

“Si huyu mfanyakazi, yani ni mbea sijapata kuona. Ndio amefanya nisahau kukupigia simu jana, ni mbea ameshindikana, unaelewa maana ya umbea mume wangu. Huyu msichana ni mbea na lazima nimkomeshe”

“Sasa unataka kumfanya nini?”

“Utaona leo usiku yani akilala tu ninae”

“Mmmh mke wangu yani akilala ndio unamkomesha? Kwanini usimsamehe?”

“Nimsamehe! Thubutuuu, jana kaunguza mboga yangu sababu ya umbea wake. Yani leo akilala tu namkomesha”

“Sasa mbona unaongea kwa sauti, huoni kama anakusikia?”

“Hanisikii bhana, na leo nitamkomesha”

“Halafu kama maajabu hivi, kwanini unanieleza yote hayo leo?”

“Sababu nakupenda mume wangu, kila kitu ninachotaka kufanya lazima nikueleze”

“Mmmh!”

“Usigune mume wangu, yani huyu msichana leo akilala tu ninae. Anadhani nimesahau, twende chumbani mume wangu nikakukande kande kwa uchovu”

“Kila siku ingekuwa hivi sijui ningenenepaje”

“Unene mimi siupendi, twende bhana achana na mawazo hasi”

Rose na mume wake walielekea chumbani huku Moza akiwa amejawa na uoga na kujilaumu kuyasikiliza yale mazungumzo, yani anawaza kuwa bora asingesikia chochote.

“Mmmh mimi Moza leo silali yani silali kabisa”

Alikuwa na uoga wa hali ya juu.



Ana alirudi, na leo ni tofauti na siku zingine kwani begi lake alilibeba mwenyewe na kwenda kuliweka chumbani kwake, hakumuongelesha Moza kabisa. Ila muda kidogo alienda chumbani kwa mama yake, ambapo Moza kama kawaida akanyata ili akasikilize kitu ambacho Ana aliongea na dada yake.

“Yani mama, huyu dada nikimuona nahisi kichefuchefu balaa kwa kitendo chake cha jana”

“Hata usijali mwanangu yani huyu akilala tu leo ninae, nimepanga kumkomesha”

“Mmh mama akilala? Sio akiwa macho?”

“Akilala mwanangu, yani leo akilala tu ninae. Nitamkomesha leo”

Kimya kikatawala na kumfanya Moza arudi jikoni huku amenyong’onyea maana leo aliona amepangiwa mapango kabambe. Huku akijisemea

“Ila umbea wangu umesaidia maana mipango yote aliyonipangia huyu mama nimeijua”

Kulwa, Dotto na Sara walirudi kwa kuongozana, mama yao alitoka sebleni na kumtaka Moza aandae chakula.

Moza aliandaa kisha Yule mama aliita watoto wake wote na mume wake, yani leo familia nzima ilikuwa mezani wakila kasoro Moza aliambiwa akale jikoni.

Wakati wanakula pacha mmoja akamwambia mama yake,

“Mama ingekuwa hivi kila siku basi familia yetu ingekuwa ni kati ya familia znye furaha sana”

“Hata hivyo tunafuraha, kwani hakuna mwenye furaha hapa? Mimi nafurahi sana kuwaona watoto wangu na mume wangu tukiwa pamoja tunakula”

Sara akadakia na kusema,

“Ila mama mmh leo sio bure, haijawahi kutokea kama hivi kwakweli. Sio bure kabisa mama”

“Sasa sio bure ndio nini?”

“Nahisi kuna kitu unataka kufanya”

“Cha kufanya kipo ndio, kuna mjinga mmoja lazima nimkomeshe leo”

“Nani huyo mama?”

“Nyie kuleni tu wanangu, hata hamuhusiki”

Moza bado tumbo joto hata hamu ya chakula hakuwa nayo kwani alijua hata akisinzia siku hiyo basi lazima atakomeshwa na huyu mama, na kinachomuumiza kichwa zaidi ni kuwa hajui atakomeshwaje komeshwaje.

Moza akachemsha maji na kutia kahawa sababu alishawahi kusikia kuwa maji ya kahawa yanakata usingizi, alikunywa vikombe vinne ila bado alikuwa akihofia kuwa akisinzia itakuwaje.



Muda wa kulala ulipofika, kila mtu alienda chumbani kwake hata Moza pia alienda chumbani kwake ila alikuwa na mawazo sana na alikuwa akiwaza ni jinsi gani anaweza kukaa macho kwa usiku wote hadi asubuhi, Ilipofika saa sita usiku akapata wazo la kwenda kukaa sebleni maana aliamini kama angekaa sebleni basi asingepata usingizi na mfano ungemnyemelea basi angeenda kunywa kahawa tena.

Wakati anataka kutoka akasikia sauti,

“Moza lala”

Akashtuka sana na kugeuka ili aone sauti inatokea wapi, ila hakumuona mtu yoyote akataka akafungue malango tena, kasikia

“Moza lala”

Safari hii ile sauti ilimwambia kwa ukali kidogo.





Wakati anataka kutoka akasikia sauti,

“Moza lala”

Akashtuka sana na kugeuka ili aone sauti inatokea wapi, ila hakumuona mtu yoyote akataka akafungue malango tena, kasikia

“Moza lala”

Safari hii ile sauti ilimwambia kwa ukali kidogo. Moza alizidi kupatwa na uoga hadi akawaza kutoroka kwenye ile nyumba ila atatorokaje usiku huo na kuna mlinzi getini, yani akawa na mawazo mbali mbali mpaka akajihisi kuchanganyikiwa. Ila bado alikuwa na wazo la kwenda sebleni kukaa lakini sauti ile ilizidi kumwambia moza alale, alipoona ile sauti inazidi maana ilianza kuongea kama mwangwi,

“Moza lala, Moza lala, Moza lala”

Uoga ulimjaa Moza hadi akataka kutoka kwa nguvu ila alipofungua mlango ulikuwa mgumu na ile sauti ilizidi kumsihi alale, Moza alitetemeka zaidi akataka kupiga kelele ili afunguliwe mlango ila moyo mwingine ukamwambia ukipiga kelele ndio utamshtua mwenye nyumba kuja kukuadhibu, akaamua kwenda kukaa kitandani huku akiombea asilale ila sauti ya kumsihi kulala ilizidi na kumtia hofu zaidi. Alipotaka kuinuka tena muda huu alishtukia akipigwa kibao kilichomuangusha hadi chini halafu taa ya chumbani ilizimwa yani hapo ndio uoga zaidi ukamshika na kujikuta akishindwa kuinuka pale chini ila cha kumshangaza wakati anaogopa sana, usingizi ukampata pale pale.



Wakati amelala akajiona yupo mahali chini ya mti halafu kaja Yule dada anayeongeaga kati ya wale wadada watano, akaanza kuongea nae ila leo Moza hakuweza kujibu wala kuuliza swali.

“Moza, ni mbishi sana wewe ndiomana nimekufanyia hivi. Yani hujui kutofautisha kati ya mtego na kitu cha kweli. Yule mama angetaka ulale ili akufanyie mambo mabaya unafikiri angeongea kwa sauti kubwa vile? Kaongea kwa sauti kubwa sababu amejua wewe ni mbea na utasikiliza tu kwahiyo alikuwekea mtego, na usingelala ndio angejua kama ni mbea kweli maana kwanini unasikiliza maongezi yao? Halafu kwa sheria za huyu mama amfanyiagi kitu mbaya mtu akiwa amelala, ndiomana hata jana hakukufanya lolote sababu ulilala ila ungekuwa macho ungepatwa na makubwa. Usifikirie siku zote nitaweza kukusaidia, nimeweza leo sababu ile juzi uliunguza mboga kwahiyo nimepata nguvu. Jifunze kuelewa mitego Moza, tutakupoteza na wewe. Usifikirie ni rahisi hivyo kutoroka kwenye hii nyumba. Kitabu nilichokwambia kipekue kesho uanze kukisoma ndio kitakusaidia sana kwenye mambo yote ya kufanya. Halafu unatakiwa kuwa makini sana kwenye kila kitu unachofanya, yani fikiria kabla ya kutenda jambo lolote. Kwasasa lala tu”

Huyu mdada aliondoka, ila ni usingizi mzito sana ulimshika Moza wakati huo.

Kuja kushtuka ilikuwa ni kumeshakucha, akaamka pale chini na kujishangaa shangaa kuwa imekuwaje mpaka akalala hapo chini, akaanza kukumbuka matukio na kukumbuka kuwa mara ya mwisho alinaswa kibao na kuanguka hapo chini kisha kukawa na giza kubwa lililompa uoga na kupitiwa na usingizi kwa uoga, pia akakumbuka alivyoota. Akainuka pale chini haraka haraka baada ya kukumbuka kuwa alitakiwa kuadhibiwa, akatoka sebleni ila nyumba ilikuwa kimya kabisa yani ilionyesha hapakuwa na mtu yeyote mule ndani.

Akasogea mezani ambapo alikuta ujumbe, ‘UPIKE WALI, MAHARAGE NA SAMAKI’ akaelewa kuwa ujumbe huo umeachwa na mama mwenye nyumba, hivyo akahisi kuwa huenda nyumba nzima wameondoka na hivyo kwenda kuoga na kuanza kufanya kazi za hapa na pale mule ndani hadi alipoanza kupika kile chakula alichoagizwa.

Alipomaliza kupika alikiandaa kabisa mezani ila alikuta ujumbe mwingine ‘TENGENEZA NA JUISI YA MATUNDA YAPO KWENYE FRIJI’ akaangalia kulia na kushoto, mbele na nyuma na kujiuliza,

“Mbona ujumbe huu sikuukuta mwanzoni? Humu ndani si nimebaki mwenyewe? Au sikuangalia vizuri!”

Akajiuliza bila ya jibu kama kawaida kisha akaanza kuiandaa hiyo juisi na kuiweka kwenye friji, ila aliporudi mezani alikuta ujumbe mwingine ‘CHEMSHA MAJI YA KUOGA YA ANA UMUWEKEE KWENYE CHUPA’ hapo uoga ukamshika na kuanza kuhisi tofauti, kisha akajiuliza,

“Mbona huyo Ana hajawahi kusema nimchemshie maji ya kuoga? Huu ujumbe ananiwekea nani? Siwezi kwakweli, naogopa. Inamaana sikuuona pia?”

Alikuwa na mashaka sana ila akaenda kuchemsha hayo maji na kuyaweka kwenye chupa, alipomaliza alirudi tena mezani na kukuta ujumbe mwingine ‘DEKI TENA NYUMBA’

Aliogopa sana sasa hivi na kuamua kukimbilia nje hadi kwa mlinzi huku akihema juu juu, Yule mlinzi alimuuliza,

“Humo ndani sielewi”

“Huelewi nini?”

“Nimebaki peke yangu ila nakutana na ujumbe mezani, kila nikifanya nakuta ujumbe mwingine. Naogopa kwakweli”

Yule mlinzi alianza kucheka sana kisha akamuuliza,

“Kwahiyo wewe unahisi ni nini?”

“Nahisi labda ni jinni”

“Usinichekeshe wewe, hivi jini unalijua wewe? Ushawahi kuona jini?”

“Sijawahi”

“Sasa unaogopa nini?”

“Naona mambo ya ajabu, ukizingatia ndani nipo mwenyewe”

“Upo mwenyewe wapi wewe, fanya tu ujinga wako uone. Mama yupo ndani leo hajatoka”

Moza akapumua kidogo na kujiona kama mjinga, kwani alihisi mitego ya Yule mama iliendelea kwahiyo ikabidi ajipange na majibu kama mwenye nyumba akimuuliza.



Moza alirudi ndani sasa na kuanza kudeki, na alipomaliza Rose alitoka ndani na kwenda sebleni ila Moza hakuonyesha kushtushwa sababu ameshaambiwa na mlinzi kuwa Rose yupo ndani, huyu mama alimuangalia Moza na kumuuliza

“Mbona hujashtuka?”

“Nishtuke nini sasa mama?”

“Ushtuke kuniona”

“Sijashtuka sababu nilijua tu kuwa upo ndani”

“Umejuaje”

“Nilipoona ujumbe mara ya kwanza, na nilipoona mara ya pili nikajua tu kuwa upo ndani”

Rose akacheka kisha akamwambia Moza,

“Unajifanya mjanja eeh wakati ushafanya umbea kwanza, nilitaka leo kukufundisha kazi za kufanya maana ni uhakika hujui kazi za kufanya ndiomana unapata na muda wa kufanya umbea. Laiti kama ungekuwa na kazi za kufanya basi umbea usingefanya. Haya nenda kamwagilizie maua maji, na nikitoka nikute yamelowana haswaaa”

Moza alitoka nje na kwenda kufunga mpira na kuanza kumwagilia maua, wakati anamwagilia kuna sauti ikamtuma kupekua ua moja wapo, akahisi kama kuchimba mzizi wa lile ua. Ikabidi amwagilie kwanza ili pakilowana achimbe mzizi huo aone ni nini na kwanini hisia zake zinamtuma afanye hivyo.

Palivyolowana, akaitwa na Rose kwani Ana alikuwa tayari amesharudi. Moza alivyofika pale, akashangaa kumuona Ana akiwa amebeba mwenyewe begi lake halafu Yule mama alimwambia kwa ukali,

“Hivi Moza huoni mtoto anahangaika na begi, si umpokee”

Moza akataka kumpokea lile begi Ana, ila Ana akawa mkali sana na kumkatalia kisha akamwambia mama yake

“Hili lidada limbea sana, lisije likafungua begi langu bure. Siwezi kumruhusu tena abebe begi langu”

Ana akaondoka zake, Rose akamuangalia Moza na kumfokea pale,

“Unaona sasa faida ya umbea wako, hadi mwanangu hakutaki yani wewe sijui kama mwezi huu utamaliza humu ndani. Umbea wako utakuwa umekuponza, haya kaendelee na umwagiliaji huko, sasa ole wako nisikie unafanya umbea hadi kwenye maua yangu”

Moza akataka kutoka, wale mapacha nao walirudi na walikuwa wakilalamika njaa sana,

“Ila chakula nimeshaandaa mezani”

“Hivi wewe Moza si nishakwambia kaendelee na umwagiliaji, mtu gani wewe hujielewi. Kwani hawa wakilalamika njaa ni wanakulalamikia wewe? Wewe ndio unaetafuta chakula humu ndani au? Hebu nenda zako huko”

Moza akondoka kwa aibu maana hakutegemea kama muda huu huyu mama angesema hivi.



Alienda tena kwenye ile bustani ya maua na kuendelea kumwagilia,ila bado mawazo yake yalimtuma kwenye lile ua ili afukue mzizi ajue kuna nini ila akakumbuka ile sauti ya mwenye nyumba kuwa ole wako nisikie unafanya umbea kwenye maua yangu,ile kauli ikawa inamrudia ila akajisemea.

“Kwani mimi natafuta umbea au nataka kuangalia mizizi ya lile ua? Kwani kuangalia mizizi ni umbea nao? Hapana bhana si umbea, nataka tu kuridhisha roho yangu maana inanituma niangalie mizizi ya ua lile, mbona haujanionyesha ua lingine zaidi ya lile! Huu si umbea bhana”

Yani alikuwa anajihoji mwenyewe na kujijibu mwenyewe basi aliacha kumwagilia na kwenda kufukua, alipokuwa anafukua hakuona mizizi kama alivyodhani ila alichokiona alistaajabu sana kwani alikuta mfuko na kitu kimefungwa kama mpira akataka kukifungua ila akajua akifungua hapo atabambwa kwahiyo akakificha kwenye nguo zake ili akakifungue ndani akiingia chumbani kwake kulala.

Tangu amkificha kile kimfuko nguvu ya kumwagilia ilimuisha kabisa na akajisikia hamu ya kuangalia kuna nini ila akajikaza kuwa ataenda kuangalia ndani. Roho yake ikamtuma kuwa akipeleke chumbani kwake kabisa, basi akaacha tena kumwagilia na kuanza kutembea ili apelike ule mfuko ndani ila kadri alivyokuwa anatembea nguvu zilikuwa zinamuisha, yani mpaka anaingia chumbani kwake alianguka kabisa ndipo alipotoa ule mfuko haraka haraka, ila alipoutoa tu na kuutupia pembeni nguvu zake zilirejea tena na kumfanya awe na mashaka zaidi kuhusu ule mfuko,

“Kilichomo humu kwenye mfuko si kimpira kama ninavyodhani ila nadhani kuna kitu kingine haiwezekani nguvu ziniishe kiasi hiki, lazima niangalie kuwa ni nini”

Ila muda huo akaitwa na Sara na kumfanya ainuke na kwenda alipo Sara ambapo alienda moja kwa moja chumbani kwa Sara, alifikiwa na swali,

“Jana ulikuja na nani hapa nyumbani?”

“Jana?”

“Ndio jana, usijipumbaze”

“Aaah nilikuja na mtoto mmoja hivi anaitwa Salome”

“Ni nani huyo mtoto?”

“Kwani wewe kakwambia nani kama nilikuja nae?”

“Moza, unafikiri umbea unauweza peke yako tu? Usitake kujua kaniambia nani, ila nijibu huyo mtoto ni nani na anamahusiano gani na familia yetu?”

“Ila kwanini umeniuliza hivyo Sara?”

“Moza, usiniulize maswali ila nijibu nilichokuuliza”

“Kwakweli sijui nikujibu vipi hilo swali lako, ila Yule mtoto ni wa bosi wangu wa zamani yani mwanzoni nilikuwa nafanya kazi kwao. Nimekutana nae buchani sasa nikamlete ili apafahamu ninapoishi kwasasa”

“Mama anajua kama uliwahi kufanya kazi kwa mama wa huyo mtoto?”

“Hajui, kwani kuna uhusiano gani kati yenu na huyo mtoto?”

“Sitaki maswali Moza, ila hili swala lazima mama nimfikishie maana umemleta mtu bila ruhusa ya mama. Vipi baba alimuona?”

“Alimuona ndio wakati namsindikiza”

“Yani wewe Moza wewe unatafuta mabalaa ambayo huwezi kuyatatua. Sikia nikwambie ujue kama ulikuwa hujui, Yule mtoto aliwahi kusingiziwa baba kuwa mtoto wake yani ilitokea mtafaruku mkubwa sana hapa nyumbani. Kipindi hicho hadi mama akaanza kutafuta mtoto kwa haja zote ndio baada ya miaka kadhaa akampata Ana. Sasa mama ana hasira sana na familia ya Yule mtoto halafu wewe unaenda kumchukua na kumleta nyumbani”

“Lakini mimi nilikuwa siyajui yote hayo, na kama ndio hivyo mbona Salome hakuonyesha kama anapafahamu hapa?”

“Sikia Moza, kwanza Yule haitwi Salome nadhani hilo jina wamempa ukubwani. Alikuwa anaitwa Maria, mamake anapajua hapa vilivyo na hawezi kusogelea hapa. Yule mtoto hapajui hapa, usijaribu tena kumleta Yule mtoto kwenye nyumba hii”

“Lakini ningependa unieleweshe zaidi, mbona kafanana sana na baba”

“Moza Moza, naenda kukusemea kwa mama maana naona unazidi kuchokonoa mambo”

“Tafadhali, naomba unisamehe”

“Unamuogopa eeh”

“Ndio namuogopa”

“haya, kaendelee na shughuli zako”

Moza alitoka mule chumbani kwa Sara na kwenda jikoni kuosha vyombo ambavyo tayari walikuwa wamelia chakula, hapo akawaza tena kuhusu Salome kuwa Yule baba inasemekana kasingiziwa lakini inaonyesha wazi Salome ni mtoto wa Patrick, ila kwanini Patrick mwenyewe anauwalakini kuhusu mtoto wake huyo na kwanini Salome alibadilishwa jina kama ni kweli alibadilishwa jina, alitamani kujua kwa undani zaidi ambapo alijua wa kumjibu mwingine ni mama yake Salome ambaye ni Neema.

Alitamani apate muda wa kwenda kuzungumza na Neema ili ajue kwa undani zaidi,

“Lakini umbea huu loh hata kuacha sitamani, najikuta tu natamani kujua sijui nifanyeje masikini Moza mimi”

Kumbe maneno hayo aliongea kwa sauti ya kusikika, akasikia sauti ikimwambia, ilikuwa ni sauti ya Rose,

“Haya ni nini unachotamani kujua?”

Moza akashtuka na kumjibu kwa uoga uoga,

“Hakuna kitu mama”

“Usinichekeshe Moza, wakati nimekusikia kila kitu. Niambie unachotamani kukijua ili nikusaidie ukijue”

“Hakuna kitu mama”

“Hakuna kitu eeeh!”

“Ndio mama hakuna kitu”

“Mimi nakiona kipo”

Rose alimshika mkono Moza na kuanza kumkokota, kwakweli Moza alishikwa na uoga kwani moja kwa moja Rose alimpeleka Moza kwenye kile chumba chenye chumba kidogo ndani kisha akamwambia,

“Unataka kujua kilichopo mule eeeh!”

Moza alikuwa kimya tu,

“Najua unajiuliza kuwa ukubali au ukatae, huku moyo wako mwingine ukitamani kujua siri iliyomo kwenye chumba kile. Haya chukua funguo hapo juu”

Rose alimwambia Moza kwa kumkaripia ambapo Moza alichukua funguo huku akitetemeka,

“Haya fungua sasa”

Moza alianza kufungua huku akitetemeka kwani alihisi kama hapelekwi nay eye kwenye chumba hiko basi ataona vitu vya ajabu, ila leo tofauti na siku ile aliyotaka kuchungulia kwani alipigwa na shoti ila leo hakupigwa na cheche yoyote. Na alipofungua tu alijiona yupo nje,

“Umeona sasa, huu ni mlango wa kutoka nje. Sasa wewe ulikuwa unafikiria ni nini?”

“Hapana mama, sijafikiria chochote”

“Haya tuzunguke tukaingie ndani”

Wakazunguka na kuingia ndani tena, kisha Rose akamuuliza moza,

“Sasa una amani eeh”

Moza aliitikia kwa kichwa tu kuwa ameridhika, Rose alicheka na kumuacha moza anaenda jikoni ambapo alienda kumalizia vile vyombo vyake ila alikuwa na mawazo mengi sana.



Moza aliingia chumbani kwake ila bado alikuwa na maswali mengi sana, kwanza kabisa alijiuliza kuhusu chumba alichopelekwa ambacho mlango wa ndani ulimtoa nje,

“Mmmh huyu mama hajanifanyia mtego kweli, mbona kama chumba sio kile? Nahisi kanifanyia mchezo Yule mama lakini kwanini anifanyie mchezo wakati mimi si chochote wala lolote kwenye hii familia”

Wazo lingine likamjia ni kuhusu Ana maana siku hizi Ana hakutaka kitu chochote afanyiwe na Moza jambo ambalo lilimchanganya pia. Wakati anawaza hayo, mlango wake uligongwa alipoenda kufungua alimkuta mama mwenye nyumba ambaye alimwambia

“Dawa yako inachemka”

Huyu mama akaondoka, Moza akatoka na kwenda jikoni huku akiangalia hiyo dawa aliyoambiwa inachemka iko wapi maana hakubandika dawa yoyote kwahiyo ule usemi wa dawa yako inachemka kwa muda huo hakuelewa alijua ni dawa kweli.

Moza alivyoona hakuna dawa inayochemka alirudi tena chumbani,muda huu akili ikamtuma achunguze ule mfuko alioutoa kwenye maua. Akuchukua ule mfuko na kuanza kuuchunguza kwa kuufunua ambapo kweli alikuta kama mpira wa makaratasi umefungwa fungwa. Moza akaanza kufungua ila kadri alivyofungua ndivyo nguvu zilivyomuisha, hadi mwishoni akaanguka kabisa na kuwa kimya hapo hapo.





Moza alivyoona hakuna dawa inayochemka alirudi tena chumbani,muda huu akili ikamtuma achunguze ule mfuko alioutoa kwenye maua. Akachukua ule mfuko na kuanza kuuchunguza kwa kuufunua ambapo kweli alikuta kama mpira wa makaratasi umefungwa fungwa. Moza akaanza kufungua ila kadri alivyofungua ndivyo nguvu zilivyomuisha, hadi mwishoni akaanguka kabisa na kuwa kimya hapo hapo.

Kimya kilitanda sana chumbani kwa Moza hadi kesho yake asubuhi kila mtu aliamka kwenye ile nyumba na kufanya shughuli zao za hapa na pale kasoro Moza, ila Rose alijua Moza amepitiwa kama kawaida yake ila aliona kengele ya hatari ikilia kwenye kichwa chake lakini alipuuzia na kuondoka kama kawaida yake kisha akaacha ujumbe mezani ila bado nyumba ilitawaliwa na ukimya.

Rose ile asubuhi alimpeleka mwanae shuleni kisha na kupanga kupitia kwenye shughuli zake,

“Hivi kwanini siku hizi Ana hutaki kabisa kupelekwa shule na Moza?”

“Mama, kiukweli ni kuwa Yule dada simpendi kabisa yani simpendi mfukuze bhana mama”

“Namtafutia kosa la kumfukuza ila sikutaka kumfukuza kwanza mpaka nitakapomfunza adabu, unajua Yule msichana amezidi sana”

“kwahiyo mama umepanga tufanyaje nae? Maana unamchekea tu Yule, jitu linachunguza kila kitu mara kutandika kitanda hadi atake kufunua godoro langu, mara anivue viatu bila ruhusa yangu. Na siku ile aliyonivua viatu kanimaliza nguvu kabisa mama”

“Sawa mwanangu naelewa, ila ukitoka shule nisubirie hapo hapo shuleni twende mahali kwanza, tukitoka hapo twende nyumbani na Yule Moza atakoma. Yani Yule simfukuzi ila atajitegesha mwenyewe”

Rose alimfikisha mwanae shule na kumuacha hapo, kisha yeye akaenda kwenye shughuli zake.



Rose alipotoka kwenye shughuli zake kama alivyopanga alimpitia mwanae na kwenda nae mahali,

“Tunaenda wapi mama?”

“Kwa babu”

“Babu yupi?”

“Yule anayefanya tuwe na nguvu”

“Mbona mimi simjui huyo?”

“Utamjua tu, yeye ndio kiboko alinisaidia hata kupata mimba na kukuzaa wewe. Yeye ndiye aliyenisaidia hata kumfanya Yule mzee ndani anisikilize mimi tu. Wewe mwanangu una nguvu za ziada ila huyu babu ndio atakupa nguvu zaidi maana ndio anayejua kuhusu wewe vizuri”

Walivyofika kwa Yule babu, walisikia sauti ya Yule babu ikiwaambia,

“Mmeshachelewa tayari”

“Tumechelewa kivipi?”

“Ndani ya nyumba yenu mlikuwa mnaishi na mtu wa hatari sana”

“Bado sijaelewa, hebu nieleweshe vizuri babu”

“Fanyeni hima mkamzike Yule mtu”

“Nani tena?”

“Kwani hujui? Yule msichana wako ameshakufa”

Rose na mwanae Ana walishikwa na bumbuwazi, na kujikuta wakiuliza kwa pamoja tena kwa mshangao,

“Amekufa!”

“Ndio amekufa, yani hakuna cha Moza tena wala mdudu wa Moza”

“Ila mbona ulisema tumechelewa? Na amekufaje kufaje?”

“Mngewahi tungemmaliza wenyewe mtu huyu”

“Kwahiyo kamalizwa na nani?”

“Kamalizwa na mpira wa maajabu”

“Kheee kautoa wapi huo mpira?”

“Si mliuweka kwenye bustani, sasa ameuchukua wakati wa kumwagilia”

“Kheee mpira wangu, sasa itakuwaje babu”

“Hakuna namna, cha msingi ameshakufa. Cha kufanya nyie muwe wa kwanza kuioana maiti yake, kisha ule mpira msiutoe mikononi mwake, hakikisheni mnamzika nao. Kisha mimi nitawatengenezea mpira mwingine, yani hakikisheni ule mpira mnamzika nao. Msiutoe kabisa mikononi mwake”

“Sasa tusipotangulia sisi kumuona itakuwaje?”

“Jitahidini muwe wa kwanza nyinyi sababu nitawapa dawa ya watu wengine kutokuuona ule mpira, yani mtakuwa mnauona nyinyi tu. Jitahidini kesho muuzike. Mwisho wa Moza umefika tena kautafuta mwenyewe”

“Basi inabidi tufanye haraka maana watoto wangu nina mashaka nao wasije wakaenda kumtoa bure. Ngoja niwapigie simu niwaongezee majukumu ili wasirudi nyumbani”

Muda ule ule Rose akaanza kuwapigia watoto wake, akampa kila mtu majukumu ambapo kwa majukumu waliyopewa ilikuwa ni vigumu sana kurudi nyumbani yani ni lazima wangerudi kesho yake ambayo hata huyo Rose ndio alipanga kesho yake hiyo ndio amzike Moza. Ana akamuuliza mama yake,

“Kwani watakuja watu kwenye huo msiba?”

“Watu watoke wapi? Kwanza ndugu wa Moza hatuwafahamu yani hapa tutaongea na vijana tukamzike na ikiwezekana sijui tukiwahi tumzike usiku huu”

Yule mganga akawaambia,

“Hapana Yule si wa kuzikwa usiku, anatakiwa kuzikwa mchana kwenye jua kali kabisa sababu ndio itakuwa uthibitisho wa kifo chake na hakika hatawasumbua tena kwani hata kumbukumbu yake haitakuwepo”

“Sasa si watu wa serikali watatushtukia?”

“Kuna dawa nitakupa ya kumwaga getini kwako pindi tu ukirudi kisha kila kitu kitakuwa shwari kabisa. Hakuna mtu atakayejua chochote”

“Utakuwa umetusaidia sana, yani Yule msichana loh nilitokea tu kutokumpenda ila cha kushangaza kumfukuza nilikuwa siwezi ila kajiua mwenyewe bora maana hata kwa Mungu sina dhambi juu yake. Kajimaliza mwenyewe”

“Nawapa na dawa ya kuoga yani baada ya maziko ya Moza mkaoge, ila baada ya wiki mje tena kuna tambiko inabidi tulifanye, Yule Moza hakuwa mtu wa kawaida Yule kama wengine”

Basi Rose na Ana wakaondoka zao huku Ana akimuhoji mama yake,

“Moza hakuwa mtu wa kawaida kweli mama maana tukipanga hivi yeye anafanya vile, ila kufa sijui ndio kafaje kafaje”

“Tutajua huko huko nyumbani tukifika”

Njiani gari yao ikapata pancha, ikabidi Rose atafute watu wa kuziba pancha ya gari yake.



Leo Salome akiwa nyumbani kwao na mama yake, akamueleza kuhusu alivyokutana na Moza na jinsi alivyompeleka hadi anapoishi,

“Jamani kumbe kasharudi hapa mjini”

“Ndio mama”

“Naomba kesho unipeleke nikaonane nae maana nina mengi ya kuzungumza nae”

“Sawa mama nitakupeleka”

“Unajua Yule Moza alikuwa na utambuzi wa hali ya juu yani alikuwa anatambua mambo sana, natumaini nikikaa kyzungumza nae basi tutazungumza mambo mengi sana. Halafu kuna kitu nataka anisaidie”

“Kitu gani hicho mama”

“Salome, wewe bado mwanangu ila ukikua utaelewa yote ambayo mwanawake yanatupata. Kuna dawa alishawahi nidokeza ipo kwa bibi yake”

“Huyo bibi yake ameshakufa”

“Kheee amekufa! Maskini jamani yani yeye alikuwa anasema amebakiwa na bibi yake tu, kumbe alikufa masikini dah! Ila natumai hiyo dawa atakuwa anaijua”

Basi Neema na mtoto wake wakapanga kuwa kesho yake waende huko anapoishi Moza ili Neema akazungumze nae bila ya kujua kuwa huyo Moza ameshapatwa na majanga kule nyumbani.



Kwa upande wa Sara nae alipopigiwa na mama yake simu na kuambiwa kuwa aende Morogoro na airudi nyumbani siku hiyo hadi kesho yake kwakweli moyo wake ulikuwa mzito sana kufanya hivyo,

“kwakweli mama nae amezidi, kwanini asiniambie tangu asubuhi kuwa niende Morogoro? Yani anakuja kuniambia jioni hii hapana kwakweli, sijisikii kabisa kwenda Morogoro muda huu. Nitaenda tu kesho asubuhi, ngoja nirudi nyumbani nitamwambia tu nyumbani kuwa nimeshindwa kwenda Morogoro saa hizi”

Wakati anapanga hayo akapigiwa simu na namba mpya na kuipokea,

“Nani mwenzangu?”

“Ommy anaongea hapa”

“Kheee Ommy jamani, ulivyonifanyia sio vizuri Ommy unajua name nina moyo”

“Naelewa Sara, ila nataka kuzungumza na wewe kwanza”

“Sasa muda huu naenda nyumbani, labda uje nyumbani au unasemaje?”

“Sawa, hata mimi nipo mitaa karibu na kwenu. Basi wewe ukifika tu nishtue nije”

“Sawa”

Akakata simu, yani hapo ndio wazo la kwenda Morogoro kwa wakati huo likakatika kabisa kwani mawazo yake yote alikuwa akitaka kumsikia Ommy atasema nini baada ya kutokuonana nae kwa kipindi kirefu sana.

Safari yake muda huo ilikuwa ni moja kwa moja nyumbani kwao.



Kwakweli lile swala la pancha liliwakosesha sana raha Rose na mtoto wake Ana, huku wakijiuliza kilichopelekea hali hiyo. Ana akamuuliza mama yake,

“Hivi kwa mfano wakina kaka na dada warudi nyumbani na wao wawe wa kwanza kumuona Moza amekufa itakuwaje?”

“Kwanza swala la kurudi nyumbani bila ruhusa yangu hawawezi kufanya hivyo. Wananisikiliza sana wale na nimewaambia kazi ya Morogoro ni ya le oleo sio ya kulala ile”

“Sawa mama, lakini watoto wako hawajielewagi wale haswa dada Sara na kaka Kulwa”

“Hata kama wakiona wao kwanza hakuharibiki kitu, najua Sara ni muoga sana kwahiyo akiona cha kwanza atanipigia simu na nitamwmbia asifanye chochote yani wale wasikutishe mwanangu yani Moza lazima tumzike na asahaulike katika dunia hii. Kwani kuna kosa tumefanya hapo? Kifo si amekitaka mwenyewe! Mwache afe”

Rose bado alikuwa anashughulika na vijana wazibe ile pncha hata alishangaa ni kwanini imechelewa vile kwani hakudhania kabisa kama itachukua muda mrefu hivyo.

Ila fundi aliyekuwa anatengeza alimuhakikishia muda huo kuwa ndani ya masaa machache atakuwa ameshamaliza.



Ilikuwa ni saa kumi na mbili jioni ikienda saa moja, mlinzi pale getini alishangaa sana siku hiyo bila kumuona Moza hata mara moja,

“Mmmh sio kawaida yake, tuseme amekosa cha kuniuliza kabisa leo? Ila mbona sijasikia kelele zozote za mapishi ndani? Ila ni sababu mimi sili chakula cha ndani humo ila nina wasiwasi, sijui Moza ni mzima!”

Muda kidogo alifika Sara akiwa ameongozana na huyo mgeni wake aitwaye Ommy, na kumkaribisha ila wakati wanaenda ndani huyu mlinzi akamwambia,

“Sara, mwambie Moza sio vizuri kunichunia leo”

“Mmh umeanza kumpenda nini Moza!”

“Hapana ila sio kawaida yake”

“Sema ukweli bhana, au kumtongoza unaogopa. Mmmh! Kwanini hizo salamu zako usimuagize Ana”

“Bado hajarudi”

“Mpaka saa hizi duh!”

“Yani wewe ndio wa kwanza kurudi”

“Labda anarudi na mama yake Yule”

Kisha Sara akawa anamkaribisha mgeni wake ndani hadi ameingia nae sebleni,

“Yani leo mama alikuwa anataka niende Morogoro”

“Sasa hujaenda na leo mmh si ndio atanichukia mimi?”

“Hapana bhana, nilighairi kwenda kabla hata hujanipigia simu”

Kisha Sara akaanza kumuita Moza ili amletee kinywaji mgeni, aliita na kuita ila Moza hakumuitikia,

“Huyu Moza vipi? Sio kawaida yake kukaa kimya akiitwa au alilala jioni ndio kalala hadi saa hizi”

“Nenda kamuangalie, usimlaumu tu labda anaumwa”

Sara akaenda moja kwa moja chumbani kwa Moza, akagonga ila hakuitikiwa akaamua kufungua mlango, akashangaa kumuona Moza amelala chini. Alimsogelea na kumtikisa,

“Weee wewe Moza weeee”

Ila Moza hakumuitikia na kumfanya Rose ashikwe na mashaka na kwenda kumuita Ommy,

“Njoo unisaidie kumuangalia sijui kapatwa na nini maana hasemi chochote”

Ommy akaenda na Sara hadi chumbani kwa Moza, alivyomshika tu Ommy akagundua na kumwambia Sara,

“Huyu mtu ni wa baridi, inaonyesha amekufa muda mrefu sana”

“Amekufa!”

“Ndio amekufa”

Sara aliishiwa nguvu kabisa na kujikuta akikaa chini, alihisi kama akili yake inaruka huku akisema

“Moza amekufa, hapana jamani. Moza amekufa!”

Akajikuta akipiga kelele za yowe na kufanya hata mlinzi aingie ndani ilia one kuna nini,

“Kuna nini Sara?”

“Eti Moza amekufa uwiiiii jamani Moza amka jamani, nyie niambieni ni uongo Moza hajafa. Jamani Moza amka jamani”

Mlinzi akamuangalia Ommy, naye Ommy alimuonyesha ishara kuwa amuangalie pia Moza nay eye alipomtazama aliona kweli amekufa yani hata yeye mlinzi ingawa alikuwa ni mwanaume ila machozi yalimlengalenga. Ommy akamuangalia saran a kumwambia,

“Kulia hakusaidii Sara, bora tumpeleke hospitali akahifadhiwe halafu wakirudi nyumbani hapa ipangwe mipango ya mazishi”

“Siwezi kujizuia Ommy, labda uniambie huko hospitali anaenda kupimwa vizuri ila Moza hajafa bhana”

“Sawa anaenda kupimwa vizuri, basi njoo uchukue kanga zake tumfunikize kisha tumpeleke hapo hospitali ya karibu”

Basi Yule mlinzi alipomuinamia Moza pale chini, alimuona na kile kimpira ambapo alikitoa kwenye mkono wa Moza na kukitupia pembeni ambapo kilikusanyika na nguo zingine chafu za Moza maana Moza mwenyewe alikuwa amepanga siku hiyo afue ila mauti ikamshika na kuzuia kufua kwake.

Sasa walikuwa wanawaza kumyanyua hapo kwani kwa kawaida za maiti huwa ni nzito sana ila ilikuwa tofauti kwa maiti ya Moza yani alikuwa ni mwepesi hadi mlinzi aliamua kumbeba mwenyewe, kisha Ommy akampigia simu dereva wa gari za kukodi ili wampeleke hospitali. Ila walipotoka nje na kutaka kwenda kumpakia kwenye gari, muda huo huo Rose na mwanae walifika kisha Rose akawauliza kwa mshangao,

“Kuna nini hapa?”

Sara akajibu kwa uchungu sana huku akilia,

“Moza amekufa mama”

“Kwahiyo kama amekufa ndio mnataka kufanyaje?”

Akajibu mlinzi,

“Tunataka kumpakia kwenye gari tumpeleke hospitali”

“Hivi nyie mna akili kweli? Mtu ameshakufa sasa hospitali akafanye nini?”

Ommy akajibu,

“Wakaupumzishe mwili wake”

“Ili iweje? Mlisikia wapi maiti anachoka hadi apumzishwe”

“Mmmh mama”

“Kelele na wewe Sara, huna akili hata moja wewe. Huko kupumzisha mwili hospitali mnadhani ni bure? Hubu rudisheni hiyo maiti chumbani kwake halafu tupange shughuli za mazishi kesho. Mnafikiri ni rahisi kuhifadhi maiti eeeh! Rudisha hiyo maiti upesi”

Alimfokea Yule mlinzi, ikabidi airudishe ile maiti ya Moza chumba kile alichokuwa analala Moza. Kila mmoja pale alibaki amestaajabu haswa Sara hakufikiria kama mama yake anaweza akawa katili kiasi kile tena kwa mtu ambaye ameshakufa.

Yule dereva wa gari za kukodi ilibidi aondoke kwani alipigwa na butwaa kwa maneno ya Yule mama, na ndio akaenda kusambaza maneno mtaani kuwa nyumba ile ina msiba.



Walirudi sebleni ambako walikuwa wakimsikiliza mwenye nyumba kwa makini kabisa kuhusu taratibu za mazishi,

“Kesho saa saba mchana tutaenda kuzika”

“Khee mama hatuwatafuti ndugu wa Moza?”

“Hivi nani atafanya hiyo kazi ya kutafuta ndugu huku akiendelea kuhifadhi maiti kwenye nyumba yake? Kwanza nimemuhurumia tu, ilitakiwa nikamzike leoleo”

“Mmh mama jamani!”

“Kelele na wewe, wewe ndio mbaya. Hivi hamjui kuwa mambo mengine mnajitafutia kesi bure tu. Hata sitaki majirani wajue kama kuna msiba hapa. Na kulia kwako sitaki kusikia, unamlilia ndugu yako huyu? Alikuwa ni mfanyakazi tu, kwanza kwenye nyumba hii hana hata mwezi halafu anakufa unajifanya kulia lia, umemzoea lini. Hebu nitolee balaa mie.”

Rose akainuka na kumuinua mwanae Ana ili waende chumbani kuichunguza vizuri maiti ya Moza.



Waliingia chumbani kwa Moza na kuichunguza vizuri ila hawakumuona na kitu chochote mkononi, wakajaribu kupekua mule chumbani kwake ila hawakuona chochote,

“Sasa itakuwaje mama?”

“Yani hata sielewi hapa, inamaana ule mpira umeyeyuka au? Si Yule mganga amesema tuhakikishe anazikwa nao?”

“Ndio, sasa tutafanyaje mama?”

“Lakini ilimradi amekufa basi hakuna kitu kitakachoharibika, cha msingi tuhakikishe tu kesho tunamzika”

“Sawa mama, ila inabidi tufanye kitu ili Sara aache kulia kabisa watu wasije wakajua kama kuna msiba hapa”

“Usijali juu ya hilo, ngoja nikamtimue Sara aondoke na huyo Ommy wake”

Rose na Ana wakaelekea sebleni ila walipofika tu waliona jambo la kushangaza sana.





Rose na Ana wakaelekea sebleni ila walipofika tu waliona jambo la kushangaza sana.

Walikuta watu wamejaa sebleni tayari kwa maombolezo, kwakweli hiki kilikuwa ni kitu cha kuwashangaza sana kuwa watu wote wale wametoka wapi kwa muda mfupi ule. Lakini kabla hajajiweka sawa kuwauliza maswali, wakafika wengine yani Rose alizidi kuchukia, nao wakawa wanamsogelea na kumpa pole kwa msiba.

Ikabidi Rose akae chini sasa na kuzungumza na waliokuwa karibu yake,

“Mmmh watu wa huku mna ushirikiano, hivi mmejuaje kama kuna msiba ikiwa hata sisi wenyewe tumejua muda huu”

“Kuna Yule dereva Juma, amepita mtaani na kutuambia wote nyumba baada ya nyumba kuwa huyu msichana wa hapa amekufa. Kwakweli tumesikitika sana, alikuwa mtu wa watu sana huyu msichana”

Rose akashangaa kuwa mtu wa watu kivipi wakati hata mwezi hana kwenye nyumba yake, ikabidi aulize tena,

“Kwani mlikuwa mnamfahamu?”

“Ndio, Moza tena tusimfahamu! Siku ya kwanza tu alikuja kujitambulisha kila nyumba kuwa anaitwa Moza na anaishi hapa. Tena mara zote alipokuwa akienda gengeni alikuja kutusalimia, kwakweli tumemfahamu kwa kipindi kifupi halafu amekufa. Inasikitisha sana, ndiomana unaona watu wote hawa wamekuja msibani, ni muda mfupi tumemfahamu Moza ila alikuwa ni mtu wa watu”

Rose akainuka na kwenda chumbani kwake akawaza kuwa Moza alikuwa anapata wapi muda wa kwenda kuwatembelea majirani na kuzungumza nao,

“Yani kuna wengine pale hadi mimi mwenyewe siwajui ila Moza wanamfahamu loh kweli huyu msichana kwa umbea alishindikana jamani”

Ana nae akafika chumbani kwa mama yake na kumuuliza,

“Sasa mama tutafanyaje?”

“Yani hapa nachanganyikiwa kabisa, yote haya kayasababisha Sara na kiburi chake, lile toto sijui nilibadilishiwa hospitali! Kwakweli sio toto langu lile”

“Sasa mama huu sio wakati wa kulumbana, unajua watu ni wengi na bado wanaendelea kuja huku kila mmoja akiulizia chanzo cha kifo cha marehemu. Sijui tufanyeje kuwatoa hapa nyumbani”

“Hebu kaniitie kwanza huyo Sara”

Ana akatoka na kwenda kumuita Sara.



Alifika sebleni na kukuta watu wameongezeka kushinda wale wa mwanzo tena wengine walijaa nje, yani ilionyesha wazi majirani wa hapo walitaka siku tu wapate nafasi ya kwenda kwenye nyumba hiyo maana ni kitu cha kushangaza kuwa watu wamesikia msiba muda sio mrefu na washajaa nyumba yenye msiba, ni kwamba hawakuwa na majukumu mengine walikuwa wanasubiri tu msiba utokee au ni nini, ila Ana alihisi kuwa watu hao walikuwa wakitamani sana kuingia kwenye nyumba ile. Kwahiyo siku hiyo ilikuwa imetokea kama bahati hivi. Ana alienda kumuita Rose ambaye alikuwa katikati ya watu wakimuuliza chanzo cha kifo cha marehemu,

“Kwakweli hata hatujui ni nini labda aliumwa gafla maana tumerudi tu tumemkuta amekufa”

“Dada unaitwa na mama”

Sara alimwangalia mdogo wake kwa makini sana maana siku hiyo alimuita kwa heshima zote, kisha akainuka na kwenda chumbani alikoitwa na mama yake. Kufika kule Rose akaanza kumwambia mwanae,

“Fanya ufanyavyo hao watu waondoke kwenye nyumba yangu”

“Kheee mama wataondokaje na wamekuja msibani”

“Sara sitaki ujinga, msiba msiba, msiba huo vipi? Kwani hapa ni nyumbani kwakina Moza? Hapa ni kwao hadi waje hapa? Waambie waende kwakina Moza huko kijijini ndio wakafanye msiba, nyumbani kwangu siwataki, kwanza nataka kulala saa hizi”

“Kwakweli mama siwezi, labda uje kuwaambia mwenyewe ila mimi siwezi”

Sara alitoka chumbani kwa mama yake na kumfanya mama yake azidi kupatwa na hasira huku watu kwenye sebule yake wakizidi kumkera.

“Sikiliza mwanagu Ana, kachukue nguo zako kisha uje tulale huku wote. Naenda kuzima umeme wakae na giza hapo sebleni”

Ana akaenda kuchukua nguo na kwenda chumbani kwa mama yake ambapo mama yake akawasha taa ya kuchaji mule chumbani na kuzima umeme wa nyumba nzima kisha wao wakajifungia chumbani.

Sebule ilitawaliwa na giza totoro na kufanya ndani kutishe kiasi ila sababu watu walikuwa wengi na wengine wakawasha tochi za simu zao ikasaidia kufanya ndani kusitishe sana. Ila kulikuwa na matukio yaliyofanya watu wasipatwe na usingizi pale kwani kulikuwa kama kuna vitu vinawapitia kichwani, sema kwavile watu walikuwa wengi kwahiyo wasiwasi ukawa sio mkubwa.



Kulipokucha, Rose alijua watu wameondoka. Akaoga na kuvaa vizuri kisha kumuandaa mtoto wake ila walipotoka sebleni walishangaa kuona watu wamejaa, huku wamama wawili wa makamo wakimfuata Rose na kumuuliza,

“Sasa asubuhi hii tutapika nini kuwapa watu hawa? Na je upo tayari tulete kuni tuanze mapishi?”

Rose akawaangalia kisha akawauliza,

“Kwani watu hawa hawana makwao?”

“Wanapo ila wamekuja msibani”

“Kwani msibani ndio sehemu ya kumaliza njaa zao? Wakale makwao”

“Makwao kupo, hata kulala hapa msibani ni heshima tu halafu ni utaratibu wetu waafrika mpaka pale tutakapozika”

“Sikia nikwambie, sina hela ya kulisha watu hao halafu nyumbani kwangu sitaki mpikie makuni. Waambieni wakale makwao”

“Dada jamani usiseme hivyo, watakususia msiba mwenyewe”

“Usitake kunichekesha na wewe, kwani wakisusa ndio nini, sitaweza kuzika au nini? Nitoleeni balaa mie”

Rose alikuwa na hasira sana na watu hawa, kisha akatoka na mwane Ana bila hata ya kumwambia Sara. Wale wamama ikabidi waende kumueleza Sara walichojibiwa na mama yake,

“Jamani Yule ndio mwenye nyumba, sina usemi mimi.”

“Mmmh makubwa ya leo, nimehudhuria misiba mingi tu lakini hakuna msiba wenye vimbwanga kama huu mara tuzimiwe taa usiku,mara tutembelewa na wadudu popo si popo sijui wadudu gani wale, haya kumekucha eti kila mtu akale nyumbani kwake mmmh sijawahi kusikia mie. Hata kuturuhusu tupike uji jamani!”

Ikabidi hawa wamama wafikishe ujumbe kwa wengine, lakini watu walisema wataondoka kidogo kidogo kwenda kula ili tu washuhudie mwisho wa msiba huo utaishia wapi.

Sara akaona vyema ampigie simu na baba mwenye nyumba ili ampe hizo taarifa maana wanadhalilika mtaani halafu akawapigia simu na wale mapacha ambao walikuwa tayari Morogoro,

“Kuna msiba huku?”

“Msiba? Wa nani tena? Au baba kafa?”

“Hapana sio baba, ni Moza amekufa”

“Kheee Moza amekufa jamani masikini, loh tunageuza tunakuja huko msibani”

“Sasa mama anavyofanya vihoja huku msibani yani anatudhalilisha mtaani haswaaa. Njooni kaka zangu bhana tusaidiane”

Halafu na Mr.Patrick nae akampa habari hizo ambaye alibaki anashangaa tu ila akakumbuka kuwa mkewe amemwambia jana yake kuwa asirudi kabisa nyumbani,

“Mmmh Sara kwakweli hiyo habari imenishtua sana, nakuja nyumbani muda sio mrefu”

Sara akapumua sasa baada ya kupiga simu hizo na kushukuru kwa kupiga kwani kidogo zimempa amani baada ya kuambiwa na ndugu zake kuwa wanakuja.



Mr.Patrick akiwa na harakati za kuwahi nyumbani kwake, njiani akamuona mtu amesimama barabarani. Alikuwa ni mwanamke amejitanda khanga, ikabidi Patrick ashuke ili ajue huyo mwanamke amekumbwa na nini, alipotaka kumtazama Yule mwanamke aligeuka na kumwambia Patrick,

“Usinitazame”

Patrick akashtuka sana kwani sauti ilikuwa kama sauti ya Moza, Patrick alijikuta akimuuliza Yule mwanamke kwa wasiwasi sana,

“Mbona sauti kama ya Moza”

“Ndio, mimi ni Moza”

Kwakweli Patrick alipatwa na uoga zaidi na kuuliza kwa wasiwasi zaidi,

“Ila nimeambiwa kuwa Moza amekufa”

“Umeambiwa hivyo ila kiukweli mimi sijafa”

“Kwahiyo wewe ni Moza?”

“Ndio mimi ni Moza, unatakiwa kunisaidia kwani msaada wangu kwasasa ni wewe”

“Kheee sasa mimi nitafanya nini?”

“Nitakupa maelekezo ya kufanya ukifika nyumbani, halafu jitahidi nisiende kuzikwa saa saba kama alivyopanga mama bali nizikwe saa tisa”

Yani Patrick alikuwa anamsikiliza huku akitetemeka sana, Yule mtu alimpa malekezo mzee Patrick ila hakumuangalia usoni kabisa na wala mzee Patrick hakumuona kwahiyo alimuamini sababu tu ya sauti ilikuwa ni ya Moza.

Mzee Patrick aliondoka mahali pale huku akili yake ikiwa haipo kabisa kwenye muelekeo wa kawaida kwani jambo aliloliona halikuwa la kawaida kabisa kwake.



Nyumbani kwa Rose, kwenye mida ya saa tano, Rose alirudi na mtoto wake Ana ila bado watu walikuwa wamejaa pale nyumbani kwake kwani wote walikuja kwa nia ya msiba, Rose akawaambia watu wale,

“Nishaongea na wachimba kaburi, kwahiyo saa saba tutaenda kuzika”

Wale wamama wa asubuhi wakauliza,

“Kwahiyo na ndugu wa Moza watakuwa wamefika muda huo?”

“Hivi nyie watu mnafikiria kwa akili gani, yani nitunze maiti kwenye nyumba yangu nikisubiria ndugu zake!”

“Si ungempeleka hospitali”

“Halafu hiyo hela ya kuhifadhia maiti mtatoa nyie?”

Wakawa kimya, ila wakaongezea lingine

“Basi turuhusu tukamsafishe marehemu kabla ya maziko. Na tuwaite watu wa dini kwaajili ya mazishi”

“Hivi nyie ndio mnamfahamu sana Moza kushinda mie, mnaijua dini ya Moza nyie? Kipindi hiki nilichoishi naye, sijawahi kumuona akienda kanisani wala msikitini. Hakuna siku aliyoongelea kanisa wala msikiti, sasa nyie mnataka kuita watu wa dini wafanye nini wakati mtu huyu alikuwa mpagani. Hebu niondoleeni ujinga mie”

“Basi tukamsafishe”

“Hivi mbona mnakazania sana au nyie wachawi? Maana sio kwa kukazania huko. Nitamsafisha mwenyewe”

Ikabidi wawe kimya na wangoje huo muda ambao amesema wa kuzika ufike, Rose na mwanae wakaingia ndani ila watu pale msibani yani kila mtu alikuwa akiongea lake kuhusu ule msiba na mwenendo wa pale msibani.

Kwenye saa sita na nusu, mzee Patrick nae alifika nyumbani kwake, ila muda huu mkewe alikuwa ndani kumbe alikuwa akijiandaa kwa maziko.

Moja kwa moja alionana na Sara kwanza ambapo alimuuliza,

“Maiti ya Moza iko wapi?”

“Chumbani kwake baba”

“Nahitaji kuiona”

Patrick aliongozana na Sara hadi chumbani kwa moza, ambapo Patrick alimuomba Sara akamletee maji, wakati Sara ameondoka Patrick akatumia muda huo kuipulizia ile maiti dawa aliyoambiwa na mtu aliyekutana nae huku akisema kama itafanya kazi sawa na hata isipofanya kazi hakuwa na namna zaidi kwani alifanya vile alivyoelekezwa. Kisha alienda kuifunua ile maiti na kumpaka ile dawa puani, Sara alikuwa amerudi na kumshangaa baba yake,

“Baba, unafanya nini tena?”

“Unajua nilikuwa siamini kabisa kama Moza amekufa kweli, ndio nikawa namuangalia hapa”

Wakasimama, muda kidogo akaja Rose ambapo alishangaa kumuona mume wake hapo,

“Mchezo gani huo umeanza wa kurudi bila kusema?”

“Nisamehe mke wangu, ila niliambiwa kuna msiba ndiomana nikarudi”

“Haya sasa mtoke nataka kuita vijana wambebe tukazike maana wachimba kaburi washanipigia simu kuwa tayari”

“Mmh mke wangu kwahiyo tunamzika kama hivyo tu?”

“Ndio, tunamviringisha nguo zake tunamzika”

“Mmmh mke wangu jamani, kwanini tusimwagizie jeneza!”

“Sina hela za mchezo, huyu msichana hana hata mwezi halafu nianze kumgharamikia hivyo. Siwezi kwakweli wanakuja kumchukua tukazike. Kwanza nimechoka kukaa na maiti yake humu ndani kwangu”

Patrick akawa anawaza ni njia gani atumie ili waweze kidogo kupeleka mbele muda wa kuzika kama alivyoombwa na Yule mtu, basi akajifanya amemuitikia pale mke wake kisha akawa anatoka akaanguka chini na kumfanya Rose aache kuwapigia simu vijana wa kuja kumbeba moza ili kuzika na kuanza kushughulika na mumewe,

“Vipi tena?”

"Mguu wang"

“Mguu wako! Umeteguka au?”

Ikabidi amshike na kumkongoja hadi chumbani kwao ambapo Patrick alionekana kulalamika kweli kuhusu mguu, ikabidi Rose amchue kwanza.



Mapacha wa Rose nao walifika kwenye saa saba kwahiyo Sara alikuwa akiwapokea ndugu zake na kuwaeleza kinagaubaga kuhusu kifo cha Moza kwa uelewa wake,

“Kwahiyo ulimkuta tu ndani ameshakufa?”

“Ndio, ila mama kafanya vituko sana”

“Ila mama yetu tunamfahamu, na watu hawa walivyojaa hapa najua ndio amechefukwa balaa”

“Na amesema tunaenda kuzika muda sio mrefu”

“Ila hicho kifo nina mashaka nacho hata sio cha kawaida ila wengine tukisema midomo michafu, ngoja nikae kimya tu.”

Wakamsubiria mama yao pale, mzee Patrick nae alimpotezea muda Rose hadi alihakikisha saa nane inamfikia pale ndio akamuacha achukue vijana aende kuzika ila yeye alisema haendi sababu bado alikuwa na maagizo mengine aliyopewa na yule mtu kwahiyo alitaka kuyatekeleza wakienda makaburini na kubaki mwenyewe nyumbani.

Rose alitoka na kutaka watu waharakishe huku akiwaelekeza maeneo ya makaburi ili waanzage kwenda, basi alichukua na vijana wakumtoa Moza mule ndani ila hata wale vijana walimshangaa Moza kwakweli alikuwa mwepesi kabisa kama hawajabeba mtu vile ingawa aliviringishwa mashuka ila bado alikuwa mwepesi sana.

Wakati watu wanatoka ndio njiani wakakutana na Salome na mama yake ambao walikuwa wanaenda kwa Moza, walipoona watu wengi wengi wanatembea ikabidi waulize,

“Kuna nini kwani?”

“Kuna msiba, Yule msichana muongeaji. Mpenda watu amekufa”

“Nani huyo?”

“Anaitwa Moza”

Kwakweli nguvu ziliwaisha kabisa ila ilibidi waongozane na hao watu makaburini, lakini Salome alikuwa haamini kabisa.



Walifika makaburini, na wale waliobeba maiti nao walifika makaburini. Wakataka kuzika sasa, ila Salome aliwafata na kuwaomba

“Naombeni hata mnionyeshe tu dada Moza nimuone kama kweli amekufa”

Wale vijana wakamuangalia Rose na kumuuliza,

“Eti tumruhusu amuone?”

“Ametoka wapi huyo, aone nini na yeye embu atutolee balaa huko. Hakuna cha kuona, zikeni na nyie tumalize watu waende zao maana wanataka tu kushuhudia moza anavyozikwa”

Kwa wakati huo Rose hakumtambua Salome kabisa kwani alikuwa na mawazo yake, kwanza kashachelewa muda wa kuzika.

Wale watu walimtumbukiza Moza kwenye shimo, ila bila kutegemea Salome nae aliingia kwenye lile shimo. Ndani ya muda huo kila mmoja akistaajabu tukio la Salome, walipoenda kumchungulia Salome kwenye kaburi la Moza alionekana amekauka kama mtu aliyepigwa na shoti ya umeme.





Wale watu walimtumbukiza Moza kwenye shimo, ila bila kutegemea Salome nae aliingia kwenye lile shimo. Ndani ya muda huo kila mmoja akistaajabu tukio la Salome, walipoenda kumchungulia Salome kwenye kaburi la Moza alionekana amekauka kama mtu aliyepigwa na shoti ya umeme.

Neema hakutegemea lile tukio la mtoto wake kabisa, akajikuta akipiga kelele za yowe, ilibidi vijana waingie kwenye lile kaburi kumtoa Salome na kumpeleka kwenye gari ili kumuwaishe hospitali ambapo mama yake naye alifatana nao hospitali ila kitu cha kushangaza kwenye kaburi la Moza haikuonekana maiti yoyote wala zile nguo walizokuwa wamemfungia yani kwa kifupi maiti ya Moza ilitoweka yani kila mmoja alipigwa na butwaa kwani ni kitu ambacho hakuna aliyekitarajia kabisa kwa wakati huo.

Pale kaburini kulikuwa na mzozo mkubwa kuwa maiti imeenda wapi, kila mtu hakuelewa kitu chochote kwani ilikuwa ni kwa muda mfupi sana kwa Salome kutumbukia kwenye kaburi na kutolewa halafu maiti ya Moza kutokuonekana, hakuna aliyejua kuwa maiti iko wapi kila mtu alikumbwa na bumbuwazi.

Wakati wapo kwenye mshangao pale kaburini mara upepo mkali ulianza kuvuma huku vumbi jingi likipepea na kufanya watu wafunge macho na baada ya muda kila mtu alisambaratika na kujikuta pale kaburini wamebaki wale vijana na Rose.

Kwahiyo walijiona wenyewe baada ya upepo ule,

“Jamani, mbona mambo ya ajabu sana haya. Kwakweli mama kwaheri, kazi ya namna hii siiwezi tena”

Mmoja alisema hivyo, huku mwingine akisema

“Yani unasikia kabisa wengine wakikimbia na kuondoka ila sisi kama tumeshikiliwa na sumaku. Kuondoka hatuwezi”

Na walipojaribu kuondoka walishindwa kwenda, ikabidi mmoja atoe wazo kuwa wafukie kwanza kaburi, kwakweli Rose alikuwa kimya kabisa kwani hakutegemea kama ingekuwa vile.

Walifukia hadi walifanikiwa kumaliza, na walivyomaliza tu walijikuta wakiweza kuondoka, kwakweli walikimbia kutoka pale makaburini balaa.

Rose alienda kwenye gari yake huku akitafakari bila ya majibu, kwa wakati huo hata hakujiuliza kuwa mwanae Ana yuko wapi, wazo lililomjia kwa muda huo ni kwenda kwa Yule babu ili akapate ukweli wa mambo kuwa imekuwaje kuwaje maana hakuelewa.



Nyumbani nako, Patrick alikuwa anafanya maelekezo aliyopewa na Moza bila kujua kuwa yale maelekezo yaliharibu kila kitu makaburini kwani yale maelekezo karibu yote ndio yaliyofanya yale yaliyotokea kule makaburini.

Kwani alitafuta kile kimpira kwenye ngui chafu kama alivyoambiwa, kisha akakibeba na zile nguo na kwenda nje ambapo alichimba shimo na kuingiza zile nguo pamoja na ule mpira kwenye shimo, halafu akakata ua aliloelekezwa na kulidumbukiza kwenye lile shimo, ua lile lilisinyaa gafla hata yeye mwenyewe alishtuka kwakweli maana kile kitu hakikutegemea kabisa. Basi akatoa zile nguo pamoja na lile ua, kisha akautupa ule mpira pembeni halafu akaviringisha lile ua kwenye nguo chafu akapeleka ndani, halafu alivyorudi ndio akamwagilizia mafuta ya taa na kuuchoma ule mpira huku akipepea moto, na ndio kitendo hicho kilichopeleka upepo kule makaburini, baada ya hapo ndio akatumbukiza majivu kwenye lile shimo na kulifukia, ndiomana kule makaburi wale wahusika waligandishwa mpaka watakapo fukia kaburi.

Alipomaliza alirudi ndani, alishangaa watoto wake wale wakirudi kwa kasi ya ajabu nyumbani, kila mtu alirudi kivyake ambapo walitangulia wale mapacha, kisha Sara na Ana walikuwa wanahema juu juu, ikabidi aulize kwa makini,

“Kwani imekuwaje tena?”

“Maajabu yametokea makaburini baba”

Sara alimjibu baba yao, Yule baba nae aliuliza kwa mshangao,

“Nini tena?”

“Kuna binti mmoja hivi sijui katokea wapi alikuwa anataka kumuangalia Moza mara ya mwisho wakamkatalia, sasa Moza alipotumbukizwa kaburini Yule mtoto nae alitumbukia. Sasa muda huohuo huyo mtoto alikauka gafla kama mtu aliyeungua, sasa mama yake akawa analia wamtoe mwanae. Walivyomtoa na kupanda kwenye gari kwenda hospitali, muda huo huo kwenye shimo nako hakionekana maiti ya Moza wala nini, mara upepo mkali wenye mavumbi ukaanza kuvuma kwakweli kila mtu pale kaburini alikimbia na njia yake. Ni maajabu makubwa kakweli.”

“Kheee ni maajabu sana, sasa mama yenu yuko wapi?”

“Atakuwa anakuja tu maana kila mtu alikimbia pale kaburini hakuna aliyebaki hata mmoja”

“Makubwa haya jamani”

Ila Ana akadakia na kumuuliza baba yake,

“Kwanini wewe hukwenda? Hukutaka kumzika Moza?”

“Hapana mwanangu, niliteguka mguu”

“Sasa huo mguu saivi umeacha?”

“Saivi afadhali”

“Mmh nitajua tu”

“Utajua nini?”

Ana akawa kimya hakuwajibu tena, ila kila mtu alikuwa na maswali kwa kile alichokisema Ana kuwa kama kina ukweli ni mambo gani yanaendelea huku Patrick akiwa na mashaka kuwa inawezekana Ana ametambua alichokifanya na inawezekana aliyoyafanya ndio yamesababisha yote hayo ila akajisemea moyoni ni amri alipewa kwahiyo hakuwa na namna.



Kwenye gari ambalo Neema alikuwa amepanda na mtoto wake Salome huku akimpeleka hospitali, machozi yalikuwa yanamtoka mfululizo kwani aliamini kuwa mwanae alikuwa amekufa ukizingatia alikuwa amekauka kabisa kama aliyepigwa na shoti ya umeme. Kijana aliyewabeba kwenye gari alikuwa anaendesha haraka haraka ili awahi hospitali kwani hata yeye alipatwa na huruma kwa mtoto Yule ila walipokuwa wanakaribia hospitali, ikawa kama miujiza kwani Salome aliamka gafla na kumfanya mama yake hata machozi yamkatike, kwani alipoamka tu alimwambia mama yake,

“Msinipeleke hospitali tafadhali, nirudisheni nyumbani”

Mama yake alimuangalia kwa kustaajabu sana,

“Ila mwanangu tunatakiwa tukupime kwanza”

“Nirudisheni nyumbani, sitaki kwenda hospitali. Huko mkinipeleka nitakufa”

Hata Yule dereva alipatwa na mshangao tu, Neema alimuangalia dereva na kuanza kumuelekeza ili waende nyumbani.

Kwahiyo safari ilibadilika haikuwa ya hospitali tena bali safari ya nyumbani, kwakweli Neema alikuwa anamuangalia mwanae bila ya kummaliza kwani alimuona kama amebadilika hivi. Mpaka wanafika nyumbani na kushuka,

WAkati wanashuka, Salome alimwambia mama yake,

“”Tafadhali usimwambie yeyote kilichonipata”

“Kwanini?”

“Sitaki wajue mama wataniogopa, tafadhali usimwambie yeyote”

“Nakuahidi sitamwambia yeyote mwanangu, uzima wako ndio furaha yangu”

“Niahidi tena mama kuwa hutomwambia yeyote”

“Nakuahidi kweli mwanangu, hakuna yeyote nitakayemwambia”

Salome alionekana akishangaa shangaa tu mazingira ya pale kwao, mpaka mama yake akamuuliza,

“Mbona unashangaa hivyo Salome?”

“Naona kumebadilika”

“Hapana hakujabadilika, ni huku huku ndio nyumbani kwetu”

Waliingia ndani na Ashura ndio alikuwepo nyumbani na wale mapacha wadogo zake Salome, ila Salome alipomuona Ashura alimwambia,

“Khee Ashura bado upo huku?”

Mama yake alishangaa na kumwambia kwa mshangao,

“Kheee wee Salome, toka lini mama yako mdogo umemuita kwa jina lake? Adabu ya wapi hiyo? Halafu unamuuliza bado upo huku, ulifikiri mamako mdogo atakuwa wapi! Yani usingekuwa umepatwa na matatizo leo ningekupiga sana”

“Nisamehe mama”

Ikabidi Ashura nae aulize,

“Matatizo, kwani amepatwa na matatizo gani?”

“Mwenzangu makubwa”

“Yapi hayo?”

Salome akamuangalia mama yake na kumwambia,

“Kumbuka umeniahidi mama”

“Naelewa mwanangu”

Sasa Ashura akabaki na bumbuwazi na kuzidi kuuliza kulikoni imekuwaje kuwaje,

“Aaah si huyu Salome, kagombana na wenzie shuleni huko ndio leo niliitwa shuleni kwao”

“Kheee kwahiyo muda ule mnaondoka hapa ilikuwa mnaenda shuleni kwakina Salome? Imekuwaje leo kwenye kesi zake amekuchukua wewe badala ya kunichukua mimi?”

“Anaelewa makosa yake, tuachane na hizo habari mdogo wangu. Hebu tufikirie leo tutakula nini?”

“Tumuulize huyo mpenda ugomvi, leo anataka kula nini?”

“Nataka ugali, mlenda wa kuchanganywa na ngoga na samaki”

Neema na Ashura wote waliangaliana na kumuuliza Salome kwa mshangao tena kwa pamoja,

“Wewe ngoga unaijua?”

“Ndio, si ndio nyanyachungu”

“Toka lini ukala ugali Salome? Mpenda wali wewe, leo hii unataka ugali makubwa!”

“Tena ugali na ngoga, mbona makubwa haya ya leo dada”

“Makubwa haswaaa, huyu Salome wangu wa leo ni kiboko”

Salome akainuka na kwenda chumbani, ambapo alifika na kujilaza.

Baada ya muda mama yake akawa anamtafuta,

“Salome kaenda wapi jamani?”

“Ila sijamuona akitoka”

Mara wakaja wale mapacha wawili na kumwambia mama yao,

“Kalala chumbani kwetu”

“Kheee kalala chumbani kwenu, hivi Salome mzima akili yake kweli leo? Ameshasahau kama analalaga na mamake mdogo”

Neema akainuka na kwenda kumuasha Salome, alipoamka alikaa nae na kuzungumza nae

“Hivi Salome umeanzaje kuja kulala huku? Tuseme hujui chumba unacholala au? Hujui kama unalala na mamako mdogo wewe? Halafu hata kuoga hujaoga, hivi yale mambo yaliyotokea unaona ni madogo yale mwanangu? Naomba uinuke ukaoge halafu kama kulala ukalale chumbani kwenu”

“Mama naomba unisaidie kitu”

“Kitu gani hicho?”

“naomba msaada wako ila usimshirikishe mtu yeyote”

“Wewe niambie tu, simwambii mtu mwanangu”

“Kwakifupi mama kuna vitu mimi nimesahau, vitu vingine naomba unipe maelekezo”

“Sasa mwanangu, lile tukio halikuwa la kawaida ndiomana nikakwambia twende hospitali wakakucheki”

“Mama nitakuwa sawa tu, naomba vitu vingine unielekezage na usimwambie mtu yeyote. Lile tukio lililonitokea mimi kweli halikuwa la kawaida na limehusika haswa na mambo ya kishirikina ndiomana sitaki unipeleke hospitali maana huko utanipoteza kabisa, je upo tayari mwanao nife?”

“Sipo tayari mwanangu, nitaumia sana”

“Basi naomba iwe siri yako, mtu yeyote asijue, hata mabadiliko yangu asijue mtu yeyote. Wewe ndio mama yangu nakutegemea, naomba unielekezage tu cha kufanya”

“Haya niambie unataka nikuelekeze nini”

“Nielekeze chumba ninacholalaga, nielekeze nguo zangu za kuvaa, nielekeze choo chetu kilipo nikaoge”

“Mmh mwanangu inamaana vyote hivyo umesahau? Mbona unanitisha?”

“Usiogope mama yangu, nifanyie hivyo tu”

Neema aliinuka na kuanza kumuelekeza mwanae, ambapo aliporudi sebleni na kumuacha Salome anaoga ndipo Ashura nae akauliza,

“Imekuwaje tena, mbona Salome kama haeleweki hivi!”

“Achana nae, akili yake inawaza kupigana tu hapo”

Ashura akawa kimya ila alihisi kuna kitu cha tofauti kimempata Salome ingawa hakujua ni kitu gani.



Nyumbani kwa mr.Patrick, napo usiku ulifika bila ya Rose kurudi nyumbani ikabidi Patrick awaulize tena watoto wake,

“Jamani mna uhakika mama yenu alikuwa anakuja na yeye?”

Sara alijibu,

“kwakweli baba hatujui maana pale kila mtu alikimbia na lwake”

“Kwahiyo hata hamna wasiwasi na mama yenu?”

“Atarudi tu baba, mama ni mtu anayejielewa na uhakika atarudi”

“Hivi na huyo binti ambaye alianguka kwenye kburi la Moza mnajua hali yake?”

“Kwakweli hakuna aliyefatilia, hata sijui anaendeleaje na hatumjui kwakweli hata watu pale makaburini walisema hawamjui zaidi ya huyo aliyekuwa akilia na kudai ni mama yake”

Ni kweli hawakumtambua Salome kwani ilikuwa ni kitendo cha muda mfupi sana lakini bado mr.Patrick alijikuta akitaka kujua mengi kuhusu huyo binti, nab ado jibu lilikuwa vile vile hatujui.

“Sawa nimekubali, huyo binti sio ndugu yenu ndiomana hamjamfatilia. Haya mama yenu nae haonekani nyumbani. Kumfatilia nae inakuwaje?”

“Mmmh baba jamnai, kwahiyo tukashatki polisi kuwa mama haonekani?”

“Sio hivyo, ila ningeomba mnipeleke huko makaburini nikamtafute mke wangu”

“Hivi atakayekupeleka makaburini muda huu ni nani? Ukizingatia tumetoka kumzika mtu wa maajabu, kwakweli baba hapana. Kwanza kwenda makaburini usiku ni nuksi”

Patrick aliinuka na kwenda chumbani, kwa upande mwingine aliona ni afadhali mkewe hayupo muda huo ila kwa upande mwingine alimkumbuka kwani alishamzoea maana tayari ni mke wake na alikuwa akiishi nae, kwa muda huo aliamua kulala tu.

Kwa upande wa watoto, Rose aliwaomba wenzie wakae sebelni kwa siku hiyo kwani aliogopa kulala peke yake, ila Kulwa akatoa wazo,

“Si uende ukalale na Ana”

Doto akasema,

“Mmmh na Ana atakubali kweli?”

“Ndio hapo sasa Doto, hebu nitetee na wewe. Hivi Ana atakubali kweli kulala na mimi?”

“Hebu nenda kwanza tuone”

Sara aliinuka na kwenda chumbani kwa Ana ambapo alimkuta ameshalala, hivyo alirudi na kuwaaga kaka zake halafu akaenda chumbani kwa Ana na kulala pembeni yake kimya kimya.



Kwa upande wa Rose sass, akili yake ilikuwa haisomi ramani kabisa kwa wakati huo alijikuta anaendesha gari hovyo hovyo ili awahi kwa Yule mganga, njiani kwasababu ya haraka zake alizokuwa nazo akagonga mtu ila hakutaka kusimamisha kwani alijua angesimamisha wananchi wangemsongasonga hivyobasi akaendelea mbele huku watu wakimpigia kelele ila yeye aliongeza mwendo, na kuenda moja kwa moja gereji.

Lengo lake alitaka kubadilisha gari ili watu wasimjue kuwa ni yeye aliyegonga, kwavile mwenye gereji hiyo alimzoea Rose na alimjua kwa pesa zake, akampa gari nyingine bila kinyongo kisha Rose akamuachia ile gari yake bila ya kumwambia kuwa aligonga.

Rose akaendelea na safari ya kwenda kwa Yule babu na hatimaye akafika, alikuta wagonjwa wengi tu wakimsubiri. Mke wa Yule babu akamsogelea Rose na kumwambia,

“Yani leo yupo busy kweli na kazi yako, yani hata saivi ameenda kufata dawa kwaajili ya kazi yako maana kashaonyeshwa kuwa mambo yameharibika huko”

“Ni kweli mambo yameharibika yani nimechanganyikiwa hapa, sijui itakuwaje”

“Hata usijali, hakuna kitu ambacho babu anashindwa. Nina uhakika mambo yote yataenda sawa kama inavyotakiwa”

Basi walikaa muda mrefu sana bila ya babu kurejea hadi giza liliingia ila babu hakurejea hata mkewe akapata mashaka kuwa babu amekumbwa na maswahibu gani.

Kwenye mida ya saa nne usiku, walifika vijana pale nyumbani kwa babu na kutoa taarifa iliyowashtua wengi sana,

“Babu, kapata ajali. Akiwa njiani, kagongwa na gari na kufa papohapo sababu ya kucheleweshwa hospitali kwa matibabu”

Kwakweli taarifa hii iliraluwa moyo wa Rose, na kujikuta akichanganyikiwa sana, na alipouliza zaidi kuhusu gari iliyomgonga wale vijana walimtajia na hapo hapo akagundua kuwa ndio ile gari yake, Rose akaanguka na kuzimia.





Kwakweli taarifa hii iliraluwa moyo wa Rose, na kujikuta akichanganyikiwa sana, na alipouliza zaidi kuhusu gari iliyomgonga wale vijana walimtajia na hapo hapo akagundua kuwa ndio ile gari yake, Rose akaanguka na kuzimia.

Ikabidi waanze kumpepea pale, yani mke wa babu alichanganyikiwa na taarifa ile ila akajua Rose imdmchanganya kutokana na mambo yanayomsibu. Rose alipepewa pale hadi akazinduka na aliona watu wanaanza kusogea nyumbani pale, kwakweli Rose alijiona kama yupo ndotoni kwani kila kitu kilitokea kwake bila ya matarajio, akamuita tena Yule kijana aliyeleta taarifa mwanzoni ili amuulize vizuri maana alihisi kama sio kweli vile,

“Hebu niambie vizuri ilikuwaje?”

“Yani mimi nilikuwepo kabisa eneo la tukio, babu alikuwa anavuka barabara mara ikatokea gari sijui mwenye gari alikuwa amelewa Yule yani alimgonga babu na kuondoka, tulijaribu kumpigia kelele ili asimamishe hakufanya hivyo. Pale tulipokuwepo ni mbali na hospitali, na msaada ulipatikana badae kabisa tena tulimpeleka babu na baskeli mpaka hospitali na kufika alikata roho hapo hapo, daktari akasema ni kwavile tumemchelewesha”

Hapo ndio Rose akaelewa kabisa kuwa hiyo ajali ameisababisha yeye na kumfanya achanganyikiwe zaidi ila akaogopa kuropoka kuwa amesababisha ajali klwani alijua angezua mengine makubwa zaidi. Akawaza kimoyo moyo,

“Sijui hata nifanyeje? Sina la kufanya kwakweli ngoja tu nisubirie pakuche halafu nitajua cha kufanya”

Alikuwa na mawazo mengi sana.



Kwakweli leo Sara ilikuwa ni mara yake ya kwanza kulala pamoja na mdogo wake Ana, kwahiyo siku zote huwa hajui kinachoendelea kwa Ana. Usingizi kwa upande wa Sara kwa siku ya leo ulikuwa ni wa mang’amung’amu sana kwani bado taswira ya makaburini ilimjia kichwani, akiwa kwenye usingizi wa kuvizia akamuona Ana akinyanyuka kitandani lakini alihisi kuwa Ana anaenda chooni kujisaidia. Ila Ana huyu alienda moja kwa moja dirishani na kutokea kwenye dirisha, kitendo hiko kilimshtua sana Sara na kumuogopesha, akajikuta akitazama pale ambapo Ana alilala mwanzoni. Kwakweli alistaajabu zaidi kwani alimuona Ana akiwa bado amelala hajitambui, jasho la uoga lilianza kumtoka Sara, ni kweli Ana ni mdogo wake ila matendo ya namna hii hajawahi kuyashuhudia kabisa. Sara alikuwa anaogopa hadi alianza kutetemeka kwa uoga, aliinuka haraka haraka na kukimbilia nje ya chumba huku akipiga kelele ambapo kaka zake walitoka na kumuuliza kuna nini, lakini bado alikuwa akilia kwa kelele nyingi, hadi kaka zake wakamshtua na kumuuliza kwa makini,

“Sara, Sara una nini wewe?”

Mara gafla akaja na Ana, kwakweli Sara ndio alizidi kuchanganyikiwa baada ya kumuona Ana na alikuwa akimnyooshea kidole,

“Sasa mbona unamnyooshea kidole Ana kafanyaje?”

“Ana ni……”

Kabla hajamaliza sentensi yake, Ana alimuangalia kwa jicho kali sana dada yake na kumfanya dada yake azimie pale, wale mapacha wakamuangalia Ana na kumuuliza.

“Kwani kapatwa na mimi?”

“Jamani mi nitajuaje sasa!”

“Utajuaje kivipi wakati ulilala nae!”

“Nililala nae? Alilala na mimi muda gani?”

“Mbona alikuja kulala na wewe”

“Mi hata sijui kama alilala na mimi, kwanza ndio ustaarabu wa wapi unaenda kulala na mtu hata umwambii ili akukubalie au akukatalie. Hata sijui kilichompata kwani na mimi nilikuwa nimelala”

Ilibidi wamuinue na kwenda nae sebleni ambapo waliendelea kumpepea ili azinduke huku wakitumaini kuwa akizinduka atawaeleza jambo.

Mara Ana akawaambia,

“Mnajisumbua tu kumpepea huyo, nendeni kamlazeni kitandani kwake halafu asubuhi akiamka ndio mtaongea nae”

Walimpepea pale bila ya mafanikio ikabidi wachukue wazo la Ana, wakambeba Sara na kumpeleka chumbani kwake kumlaza kisha na wao wakarudi chumbani kwao.



Kulipokucha asubuhi, hwa mapacha kabla hawajafanya lolote walienda kwanza kumuangalia dada yao ambapo walimuamsha ni kweli aliamka, ila walichomuuliza chochote hakuwajibu ndipo walipogundua kuwa dada yao amepoteza uwezo wa kuongea.

“Sara, kuongea huwezi?”

Alitingisha tu kichwa, kwa kifupi Sara hakuweza kusema chochote, walitoka na dada yao hadi sebleni wakijitahidi kumsaidi ya hapa na pale, Mr.Patrick alikuja na kushangaa huku akiuliza imekuwaje,

“Inamaana baba hujasikia makelele ya usiku wakati dada Sara analia?”

“Sijasikia chochote wanangu, yani leo nilijikuta nimelala hoi kabisa yani hoi sikujitambua mpaka kumekucha kwahiyo hakuna nilichosikia”

Basi wakamueleza kinagaubaga kilichotokea hata yeye alibakia anastaajabu tu kwani bado ukweli alikuwa nao Sara pekee ila kusema tu ndio alikuwa hawezi kwani aliondolewa uwezo wa kusema. Ana alitoka na kuwaaga kuwa anaenda shule, Patrick akamuuliza Ana,

“Kwahiyo huna hata mashaka na mama yako hajarudi hadi leo, na vipi dada yako aliyepatwa na ugonjwa wa gafla haongei. Hivi unapata wapi nguvu za kwenda shuleni Ana?”

“Elimu ndio ufunguo wa maisha, kama nyie mlikimbia shule shauri zenu ila mimi acha nisome kwa raha zangu”

“Laiti kama kusoma kungekuwa unavyosoma wewe basi walimu wote Tanzania wangeacha kazi”

“Unanikosea heshima baba”

“Naomba unisamehe, haya nenda shule mwanangu”

Ana aliondoka zake ila inaonyesha alikuwa amekasirika vilivyo. Kulwa alimuangalia baba yao na kumuuliza,

“Baba unafahamu nini kuhusu Ana?”

“Ni mengi tu nayafahamu, huyu mtoto mbaya sana. Ndiye anafanyaga nilale kama mzigo”

“Hebu tueleweshe baba”

Mara Ana akarudi ndani, kisha akamuangalia baba yao na kusema,

“Nimeghairi kwenda shule”

Wote walimtazama Ana kwani ni maamuzi ya gafla ameyafanya, ila hawakumuuliza tena wala hawakuendelea kumuuliza baba yao mabaya ya Ana kwani ni wazi asingeweza kuwaeleza wakati Ana yuko pale.



Kulikucha sasa nyumbani kwakina Salome pia ila leo Salome aligoma kwenda shule,

“Kheee makubwa, mwanangu leo kwenda shule hutaki?”

“Siendi mama, ila ungeenda kuniomnbea nipumzike kwa muda najiona siko sawa, kwakweli siwezi kwenda shule kwasasa”

Ashura nae akaingilia kati,

“Dada, kama hataki kwenda shule achana nae. Sio lazima shule, mwache azulule zulule akipata mimba ndio ataelewa”

“Kheee Ashura ndio maneno gani hayo kwa mwanangu, badala umbembeleze na wewe ndio unamkandamiza”

“Namkandamiza kitu gani, kwanza mtu mwenyewe vitu vingine anaongea hata haeleweki kama sio msomi na ndiomana jana sijampikia hizo nyanyachungu zake”

“Kwanini?”

“Atasemaje tumpikie ngoga eti ndio nyanyachungu wakati zinaitwa ngogwe”

“Aaah kumbe ndio zinaitwa hivyo”

“Wewe hukujua kama amekupiga changa la macho huyu tujue anajua Kiswahili kumbe hajui lolote, eti nipikieni ugali, samaki na ngoga. Katafute hiyo ngoga kama utaipata, hata sijui kaongea kilugha cha wapi”

“Ila Ashura ni swala tu la kumuelekeza mtoto kuwa sio ngoga ni ngogwe, huyu bado mtoto anajifunza vitu. Ni kumuelekeza tu, mi mwenyewe mtu mzima sijui sembuse huyu mtoto jamani mmh!”

“Kuwa makini na mtoto wako dada, kuwa naye makini sana”

Ashura alitoka muda huo na kusema kuwa anawahi sokoni ili akanunue vitu, kwahiyo Neema alimuongeza na hela kidogo.

Nyumbani akabaki Salome na mama yake, ila leo Salome alimuuliza mama yake swali ambalo mama yake hajawahi kutegemea kama angeulizwa na Salome.

“Mama, hivi wewe na Ashura undugu wenu uko vipi?”

“Halafu nishakwambia kuwa na adabu, Yule ni mamako mdogo ni mdogo wangu. Usimwitage Ashura”

“Nisamehe kwa hilo mama, ila ningependa kujua huyu mamdogo na wewe ni mdogo wako kivipi? Na ndugu zako wengine wako wapi sijawahi kuwaona?”

“Mmmh Salome jamani, si mwezi uliopita tu nilikupeleka kwa kaka yangu, tuseme ushasahau!”

“Haya mama, tuachane na hayo ila huyu mamdogo ni ndugu yako kivipi kuna jambo nataka nikueleze niambie kwanza undugu wenu ndio nikueleze”

“Sikia, mimi baba yangu na mama yangu walikuwa hawaishi pamoja na kwa upande wa mama na baba, mimi ni mtoto wao wa pekee sana ila kumbe baba alikuwa na mtoto mwingine ila sio mtoto aliyezaa na mkewe waliyokuwa wanaishi nae. Mimi kwa mama tumezaliwa wawili tu, yani mimi na kaka yangu niliyekupeleka kwake mwezi uliopita. Hatuna mazoea ya karibu sababu Yule kaka alikulia nyumbani kwa baba yake. Ila mama ndio alinitambulisha kama ni kaka yangu. Sasa kwa upande wa Ashura ni mtoto wa baba kumbe naye alikuwa analelewa na mama yake, yeye ndio alinitafuta mimi kwakweli alipojitambulisha nilifurahi sana kwani nilipata ndugu hadi leo niko nae.”

“Mmmh kwahiyo ulimpeleka kwa baba yako akutambulishe?”

“Baba alishakufa kitambo sana, na laiti kama angekuwa hai basi ningempeleka”

“Na huyo mke wa babu si yupo, kwanini usimpeleke akutambulishe”

“Sasa huyo atakuwa anajua vinini, kwanza wanitambulishe nini wakati mtu alishajitambulisha na tunaishia nae hadi leo”

“Je shangazi zenu na baba zenu wakubwa au wadogo mnawatembeleaga”

“Wapo kijijini, kwakweli hatujawahi kupanga safari ya kuwatembelea. Inatia uvivu ujue halafu hatujawazoea”

“Mmmh na kaburi la baba yenu je mmewahi kwenda kulitembelea?”

“Tunapangaga kufanya hivyo ila hata sijui inatokeaga nini, tunajikuta hatujaenda”

“Mama, ngoja nikwambie kitu. Huyu unayemuita mdogo wako si ndugu yako”

“Salome, si ndugu yangu kivipi?”

“Wewe nielewe tu mama ila si ndugu yako na kama hujui shauri zako, atakapokufanyia kitu kibaya ndio utashtuka. Na angekuwa amekufanyia kitu kibaya mud asana, ila wewe unalindwa na mzimu wa baba yako. Huna kosa na wala hustahili kufanyiwa mambo mabaya, ila kwa kifupi huyu si ndugu yako, Tafakari, maswali niliyokuuliza na majibu uliyonipa halafu chukua hatua”

Salome aliinuka na kwenda kuoga, muda huu Neema alibaki kwenye lindi la mawazo kwani hajawahi kufikiria hata mara moja kuwa Ashura anaweza akawa si ndugu yake,

“Jamani huyu Salome mbona ananitisha, halafu yeye kajuaje kama huyu si ndugu yangu? Hivi inawezekana kweli nimeishi siku zote na mtu asiye ndugu yangu huku nikiamini ni ndugu yangu! Haiwezekani jamani”

Neema aliwaza sana bila ya kupata jibu la aina yoyote ile, ingawa kuna mashaka aliyapata kwa jinsi alivyoambiwa na Salome.

Akajikuta akimsubiria kwa hamu Ashura atakaporudi ili amuulize baadhi ya maswali,

“Lakini hata hivyo, kama ni kweli si ndugu yangu ni kwanini amenidanganya? Hivi inawezekana kweli! Hapana nahisi Salome kachanganyikiwa tu”

Muda kidogo Ashura nae alirudi, na Neema alijikuta akimuuliza,

“Hivi Yule mke aliyekuwa anaishi na baba ulikuwa unamfahamu?”

“Aah ndio, hapana hata sikumbuki”

“Mbona sijakuelewa hapo, ulikuwa unamfahamu au la”

“Nilikuwa mdogo sana, hata sikumbuki kama namfahamu au la”

“Basi tupange siku tukamsalimie”

“Mmmh umekumbuka kitu gani?”

“Nimemkumbuka tu basi, najua atafurahi sana”

“Sawa tutapanga”

Ila Ashura alionekana kukosa furaha tangu Neema amuulize kuhusu mke wa baba yao.



Rose alikuwa kwenye wakati mgumu sana na siku hii hakuweza kuendelea kuwepo tena pale msibani, aliamua kuwaaga kuwa anaenda kwanza nyumbani kwake halafu atarudi tena. Kiukweli alikuwa kama mtu aliyechanganyikiwa hivi, alijiona kama ameonewa kwa wakati huo. Mke wa babu alimfata Rose wakati anataka kuondoka,

“Jamani, kweli unataka kutuacha wenyewe kweli kwenye wakati mgumu kama huu”

“Hapana bibi, hujui tu jinsi msiba huu ulivyonichanganya hapa, nakosa hata uelekeo. Nina matatizo mzigo hata sijui naanzia wapi na kuishia wapi”

“Naelewa kama una matatizo ila tafadhali usiondoke hadi tutakapozika”

“Kwani mazishi ni lini?”

“Ni leo, halafu kesho utaondoka. Tafadhali sana naomba usiondoke”

Rose akajifikiria ila ikabidi apige simu nyumbani kwake kwani alijua ni wazi watakuwa na wasiwasi, na alimpigia simu Sara kwani anajuaga ndio kiherehere wa wasiwasi ila simu ya Sara iliita mara nyingi bila kupokelewa ikabidi ampigie simu mume wake,

“Mbona Sara hapokei simu, au kaenda kazini leo?”

“Hapana, Sara yupo ndani ila hawezi kuongea”

“Hawezi kuongea kivipi?”

“Sijui nikuelezeaje ila uwezo wa kuongea wa Sara umekatika gafla”

“kheee jamani, mambo gani hayo? Ngoja nirudi le oleo”

Rose akakata simu kisha akaenda tena kwa mke wa babu na kumpa taarifa za nyumbani kwake huku akimueleza kuwa anapaswa aende maana mwanae ni mgonjwa. Yule bibi hakuwa na namna nyingine zaidi ya kumruhusu tu.

Rose akapanda gari na kuondoka zake, alikuwa na mawazo mengi sana kushinda yale mawazo ya kwanza maana aliona kama matatizo yanamzidia ingawa kiuhalisia yeye ndiye chanzo cha matatizo yote.

Wakati anaendesha gari akasikia sauti,

“Rose, umenigonga nimekufa halafu kwenye maizshi yangu unakimbia!”

Rose alishtuka na kusimamisha gari kwa haraka huku akiwa amejawa na hofu iliyomfanya ashindwe hata kutazama nyuma ya gari kuwa hiyo sauti inatoka wapi. Akiwa amejawa na hofu zaidi, ile sauti ikajirudia tena, na kumfanya Rose ashuke kabisa kwenye gari ile, alipokuwa chini akatazama kwenye kioo cha gari gafla alimuona kama Yule babu yupo ndani ya lile gari.





Wakati anaendesha gari akasikia sauti,

“Rose, umenigonga nimekufa halafu kwenye maizishi yangu unakimbia!”

Rose alishtuka na kusimamisha gari kwa haraka huku akiwa amejawa na hofu iliyomfanya ashindwe hata kutazama nyuma ya gari kuwa hiyo sauti inatoka wapi. Akiwa amejawa na hofu zaidi, ile sauti ikajirudia tena, na kumfanya Rose ashuke kabisa kwenye gari ile, alipokuwa chini akatazama kwenye kioo cha gari gafla alimuona kama Yule babu yupo ndani ya lile gari.

Uoga ulizidi kumshika Rose na kujikuta akiacha gari kisha kuanza kukimbia hovyo, alikimbia sana hadi akachoka kwakweli. Alifika kwenye mti mmoja na kukaa chini yake huku akiwaza kuwa alikuwa anaota au ni vipi maana yale mambo yalikuwa kama ndoto.

“Hivi ni kweli au naota? Lakini mimi uoga umeanza lini kwangu? Hivi mi naweza kuwa na uoga wa namna hii kweli? Ningeweza kuwafuga wale wajinga wangu? Hapana kwakweli, mimi ndio mimi uoga kwangu ni mwiko”

Akainuka na kuanza safari ya kurudi kwenye gari yake ila aligundua kuwa ni mbali sana ameiacha hiyo gari.

Alitembea kwa umbali mrefu sana hadi kuifikia, alivyofika alikuwa amechoka vilivyo, akafungua na kuingia ndani ya gari yani ingawa milango ya gari hakufunga na funguo ila ilionyesha wazi hakuna mtu aliyeingia kwenye gari ile kwani kila kitu alikuta kama kilivyo. Aliendesha gari na kwenda moja kwa moja hotelini, hakutaka kwenda nyumbani kwake kwanza kwahiyo aliamua kwa wakati huo akalale hotelini kwanza.



Kwa upande wa nyumbani kwa Neema, ilipofika usiku Salome aligoma kwenda kulala na mamake mdogo Ashura, kitendo hiko kilimshangaza sana Neema kwani kwake ilikuwa ni ajabu,

“Kwahiyo, Salome unataka ukalale wapi?”

“Nataka leo nikalale na wewe mama”

“Una nini lakini Salome jamani?’

“Sina chochote mama ila nataka nikalale na wewe”

Neema hakuwa na jinsi zaidi ya kukubali tu vile alivyoambiwa na mtoto wake ila Ashura nae kwakweli alimshangaa sana Salome ila hakusema chochote.

Muda wa kulala ulipofika, moja kwa moja Salome alikwenda na mama yake chumbani ila walipotaka tu kulala, Salome akaanza kumwambia vitu Neema vilivyomshangaza sana, tena muda mwingine akamuuliza maswali ambayo Neema hakufikiria kama kuna siku Salome atamuuliza maswali ya namna hiyo,

“Mama, baba yangu yuko wapi?”

“Mmmh Salome, ndio maswali gani hayo?”

“Kila mtu kwenye ulimwengu huu ana baba yake, mimi je baba yangu yuko wapi?”

“Jamani, Sa lome kwanini kutaka kunikumbushia machungu yaliyopita? Wewe ni mwanamke pia, ukikua vizuri utatambua nazungumzia nini”

“Mama, mimi ni mkubwa tayari au unataka nikue mara ngapi? Nataka kujua baba yangu alipo”

“Baba yako alishakufa”

‘Si kweli mama”

“Sasa ukweli ni upi? Baba yako alishakufa, wewe huna baba”

“Sawa, baba yangu alishakufa. Je baba wa hawa wadogo zangu je nae alikufa? Maana nae sijawahi kumuona na wote tunatumia majina ya babu!”

“Salome, tafadhali niache nilale, wala sitaki maswali zaidi”

Neema aliona maswali ya Salome yanamchanganya kichwa tu, ila Salome hakuendelea na maswali zaidi halafu akajifanya muda huo huo amelala ila kumbe alikuwa kijicho kimoja akimchungulia mama yake kila alichofanya kwa muda huo, kwani Neema nae hakulala tena maswali ya Salome yalimkumbusha mbali sana hivyo hakuyataka tena, Ila kabla hajalala aliinuka pale kitandani na kupekua vitu kwenye kabiti lake, kuna kitu alikitoa kilikuwa kama daftari dogo, akakiangalia sana kisha akakirudisha na kurudi kitandani halafu akalala sasa.

Salome akainuka pia na kwenda pale alipokuwa anapekua Neema, akapata kile kitu kumbe ilikuwa ni kadi ya kliniki ya miaka ya nyuma, iliandikwa jina la mtoto Maria Patrick. Alitazama vizuri ile kadi kisha akairudisha na kwenda kulala pia.



Leo usiku ilikuwa sokomoko pia nyumbani kwa Patrick kwani bado Sara ilionyesha hataki kulala mwenyewe ingawa kuongea alikuwa hawezi ila kila walipotaka kumpeleka akalale aliangusha machozi,

“Mmmh hapa kazi ipo, ila Sara mbona mchana ulikubali. Kwanini usiku huu unakataa?”

Sara alizidi kutokwa na machozi hivyo kufanya maamuzi ya kubaki sebleni ila Ana alitaka kwenda chumbani kulala,

“Kheee Ana, wewe si ndio ulitakiwa kubaki na dada yako hapa!”

“Hivi nyie vipi, humuoni kuwa mimi ni mtoto mdogo. Halafu huyo anagoma kwenda kulala kwa misingi ipi? Ngoja niende nikalale mie, huyo akilala mkamlaze”

“Sasa humuonei huruma kwani?”

“Namuonea huruma ila inabidi nikalale kwanza ndio huruma yangu ifanye kazi”

Ana aliwaacha pale kisha yeye akaenda chumbani kwake ila

Muda huo huo Sara alianguka na kuhisi kuwa amezimia ila walipomuangalia alikuwa kwenye usingizi mzito sana. Ikabidi wambebe na kwenda kumlaza chumbani kwake, kisha na wao kwenda chumbani kwao kulala.

Ila Patrick yeye aliamua kukaa sebleni, muda kidogo akafatwa na Ana na kumwambia,

“Nenda kalale”

“Mmmh nini tena mpaka unanilazimisha nikalale Ana!”

“Sasa sebleni unabaki kufanya nini?”

“Namsubiri mama yenu”

“Harudi leo ni hadi kesho, kwahiyo wewe nenda kalale”

“Hivi kwa mfano nikigoma kwenda itakuwaje?”

“Goma uone”

“Mmmh!”

Patrick mwenyewe aliinuka kwenye kochi na kuelekea chumbani kwani hakutaka makubwa ukizingatia huyu mtoto alikuwa na kauli sana tena kuzidi hata mama yake, kwahiyo Patrick aliona ni vyema atumie busara kuliko kugombana na huyo mtoto mdogo.



Kulipokucha, wale mapacha walikuwa wa kwanza kutoka sebleni ila harufu ya sebleni iliwashangaza sana yani ilionekana kama kuna kitu kilikuwa kimechomwa hapo, Doto akamuuliza mwenzie,

“Hivi na wewe hii harufu unaisikia?”:

“Ndio nilitaka kukuuliza na wewe ndugu yangu, ila ni harufu ya nini?”

Hawakupata jibu ila badae wakamkumbuka dada yao ambaye haongei chumbani ikabidi waende kumuamsha na kumtoa sebleni ila hali yake iliwashtua tena kwani kwasasa dada yao hakuweza kuongea wala kufumbua macho.

“Mmmh kamuamshe baba Doto, tumpeleke huyu mtu hospitali. Mbona mambo yanazidi kuwa makubwa”

Basi Doto akenda kumuamsha baba yao ambaye nae alishangazwa na hali ya Sara kuzidi kuwa mbaya, wakakubaliana pale kuwa suluhisho ni kumpeleka hospitali tu hakuna kingine.

Wakati wanajiandaa ili kumpeleka hospitali, Ana nae aliamka na kwenda sebleni kisha akawauliza,

“Mnataka kufanya nini?”

“Tunataka kumpeleka Sara hospitali”

“Hakuna kumpeleka”

“Kheee unaongea kwa kujiamini kabisa!”

“Ndio najiamini”

“Halafu mtoto, unanyodo wewe. Hebu tupishe huko tumpeleke Sara hospitali”

“Nimesema hamna kumpeleka”

“Unaongea hivyo kama nani?”

“Naongea kama Ana, hakuna kumpeleka popote”

Kaka zake walitazamana pamoja na Patrick bila kumuelewa huyu Ana anamaanisha nini au ni kitu gani anakitaka hadi kusema vile. Ila Patrick akajikuta akiwataadhalisha wenzie,

“Jamani, Ana kashakataa tutulie tu”

“Kwani baba, Ana ni nani kwenye nyumba hii hadi tumuheshimu? Ana sauti gani kwenye nyumba hii? Ni bado kinda tu huyo, ana ukubwa gani huyu! Anajua matatizo ya mtu huyu? Sara anaumwa na hakika anajisikia vibaya sana, hospitali ndio suruhisho la pekee kwa matatizo yaliyompata kwani watachunguza kinywa na macho yake yamepatwa na nini. Achana na huyu Ana baba, tushirikiane tumpeleke Sara hospiatali”

Ana akacheka, kisha akasema

“Kwani Ana ndio nani? Ana sauti gani kwenye nyumba hii? Nadhani wote mnataka kunua nina sauti gani kwenye nyumba hii na mimi ni nani. Sasa endeleeni kung’ang’ania kumpeleka hospitali niwaonyeshe kuwa mimi ni nani”

Kaka zake walimuangalia kwa gadhabu sana, kisha wakaanza kumbeba Sara ili amtoe nje na wakampakize kwenye gari waende hospitali ila gafla wote walipiga miyeleka na kuanguka chini tena walianguka vibaya sana, halafu cha kushangaza ni kuwa kila aliyejaribu kuinuka alishindwa na kila aliyejaribu kuongea alishindwa pia. Wakabaki chini tu wakiugulia maumivu. Ila Ana alikaa na kuwacheka sana, kisha akaenda kuchukua juisi na kunywa huku akiwaangalia na kucheka.





ITAENDELEA