NINI MAANA YA MAPENZI - 4

 

Simulizi : Nini Maana Ya Mapenzi

Sehemu Ya Nne (4)





Kwenye gari Erica aliamua kumuuliza Moses kimtego,

“Kwani Erick kakuambia mimi ni nani yake?”

Moses alicheka kisha akamjibu,

“Kasema wewe ni partner wake”

Erica akatabasamu, ila Yule Moses akamuuliza,

“Niambie kama kuna cha zaidi?”

“Hamna bhana, ndio hivyo hivyo”

“Ila mbona Tumanini anakuchukia sana?”

“Sijui kwanini”

“Na kwenye hilo duka yupo yeye”

Erica alivyosikia hivyo alihisi akikosa muelekeo kabisa, maana hakuna kitu alichokuwa anakiogopa kama kukutana na Tumaini, akamwambia Moses kuwa asiende tena, ila Moses alikazana kusema ni lazima Erica afike kwenye hilo duka.

“kwani unamuogopa nini Tumaini, lile ni duka la Erick, Tumaini anakusumbua nini sasa?”

“Hapana, sikutaka tu kuonana nae kwasasa”

“Usijali, mimi nipo”

Moses alimshawishi Erica hadi akakubali kwenda kwenye hilo duka.



Bahati alifika nyumbani kwakina Erica na kugonga, alifunguliwa mlango na mama yake Erica ambaye alionyesha kushangaa sana ujio wake, Bahati akamsalimia na kumuulizia Erica, ila huyu mama alimkaribisha ndani kwanza ili amuhoji, Bahati akaingia na kukaa, kisha mama Erica akaanza kuongea,

“Haya leo umekumbuka nini, si niliambiwa umeoa wewe?”

“Mama, nimemuona Erica, naye anasema nimeoa niongozane na mke wangu, kwakweli mama sielewi hata imekuwaje hadi nimeoa mwanamke mwingine, mwanamke ninayempenda ni Erica tu na itabaki hivyo siku zote”

“Sasa mwanangu atakuwa mke wa pili?”

“Nipo tayari kumuacha huyu niliyemuoa”

“Weee usilete laana kwenye ukoo wetu, yani umuache huyo umuoe mwanangu! Haipo hiyo, kwanza Erica hayupo?”

“Yuko wapi?”

“Wewe si ulioa? Erica nae kaolewa, kwahiyo yupo kwa mume wake”

Mama Erica alimdanganya Bahati maana alishajua alivyoking’ang’anizi ila Bahati alijihisi vibaya saba kuambiwa kuwa Erica kaolewa, alitamani hata ardhi ipasuke, akaanza kulia,

“Mama, kwanini mmenifanyia hivyo lakini? Erica wangu nampenda sana, kwanini mama?”

“Weee usinichulie, mara ya mwisho umekuja hapa na familia yako mkaongea maneno ya kejeli sana, halafu baada ya hapo hukuja tena eti leo hii ndio unafika na kilio kuwa unampenda sana Erica, umechelewa kwakweli tena umechelewa haswaa, ulikuwa ukiishi huko kwa raha zako hata mwanangu humkumbuki, leo hii eti Erica ndio mwanamke wa maisha yangu. Hebu nitolee balaa mimi, ulimwaga mboga, na sisi tukamwaga ugali, umeoa na Erica ameolewa kwaheri”

Kwakweli Bahati aliinuka na kuondoka ila alikuwa anajisikia vibaya sana, kiasi kwamba hakuweza hata kwenda nyumbani kwake kwa muda huo na kuamua kwenda ufukweni ambako alikutana na Erica kwa mara ya kwanza.



Walifika dukani na kushuka, kiukweli Erica hakutaka kabisa kuingia kwenye duka ambalo yupo Tumaini maana akifikiria na matatizo aliyoyapata Sia ndio akazidi kuwa na mashaka. Walivyoshuka tu Erica aliomba kuonyeshwa uwani ili akajisaidie, na aligoma kuacha mkoba wala mtoto wake, ikabidi Moses amuonyeshe,

“Ukizunguka hapo nyuma tu utaona vyoo vya kulipia”

Basi Erica akazunguka ila hakuingia chooni badala yake alisimamisha bodaboda na kupanda na mwanae kisha ile bodaboda ikaondoka.

Walipofika mbele mbele, bodaboda iliishiwa mafuta kwahiyo Yule wa bodaboda akapita sheli ili kuweka mafuta, wakati yuko pale sheli alitokea mtu mmoja na kumshika bega, Erica alipogeuka Yule mtu alikuwa ni Babuu, basi akasalimiana nae huku akihisi lazima Babuu ataongea nae maneno machafu tu, ila Babuu alianza kusema,

“Erica huyu mtoto anazidi kufanana na Rahim”

“Sitaki uendelee kumfananisha mwanangu na mwanaume ambaye hajui umuhimu wa mtoto”

“Sijasema kwa ubaya wala kwa kejeli ila nimesema ukweli, ila Erica kupanda pikipiki na mtoto sio vizuri ujue”

Yule bodaboda alipomaliza kujaza alimwambia Erica apande tena waondoke, ila Babuu akamuuliza Yule bodaboda,

“Kwani unamdai shilingi ngapi hadi hapa?”

“Elfu mbili”

Babuu aliitoa ile hela na kumpa bodaboda, kisha Yule dereva akaondoka zake, kisha Babuu akamwambia Erica,

“Hata kama Rahim hataki kumuhudumia mtoto ila bado sio sababu yaw ewe kupanda pikipiki na mtoto, ni hatari sana. Baba zake wadogo tupo, tuambie tutamuhudumia, ila naumia sana maana huyu mtoto angekuwa damu yangu kabisa, yani mimi badala ya kuwa bamdogo ningekuwa baba”

“Achana na mimi kabisa”

Erica akataka kwenda kusimamisha usafiri mwingine aondoke, ila Babuu alimuitia usafiri na muda kidogo tu gari la kukodi lilifika kisha Babuu akafungua mlango ili Erica na mtoto wapande na walipopanda tu na yeye akapanda na kumuelekeza dereva kwakina Erica ili awapeleke.

Erica alimuangalia Babuu maana alimshangaa ule moyo wa huruma vile kautoa wapi,

“Kwanini umeamua kufanya yote haya?”

“Erica, kiukweli nimekaa nikafikiria na kuona kwamba katika maisha yako nina sababu kubwa sana ya kujilaumu na mimi kuliko kukulaumu wewe, kukuita malaya sijui hufai sio maneno yanayofaa kwani kwa kiwango Fulani ni mimi nimesababisha yote”

“Kwanini unasema hivyo?”

“Erica, mimi nina makosa kwako nina uhakika kama ningekutambulisha ndugu zangu basi isingetokea iliyotokea kuwa ungetembea na ndugu zangu. Erica, siwezi kukuweka kwenye kundi la wanawake malaya ila najua kuna kitu kilisababisha tusiwe pamoja, na kama hatukuwa pamoja tena isingekuwa rahisi kwa wewe kuishi tu bila mtu, yani umetembea na ndugu zangu imeniuma ila kosa ni langu kwa kutokukutambulisha ndugu zangu. Mapenzi yetu tulikuwa tunayajua wenyewe, Erica hukumfahamu ndugu yangu hata mmoja wala rafiki yangu, wala mawasiliano yao kwahiyo mimi kukulaumu kuwa umetembea na ndugu zangu nitakuwa nafanya makosa maana ulifanya vile kwa kutokujua.”

“Na mimi samahani sana kwani sikusikiliza ushauri wako, nakumbuka siku ile niliyoenda kukutana na Rahim sikutaka hata kukusikiliza kuwa unazungumzia nini, nilimuamini sana Rahim, niliamini ni mwanaume atakayenifaa yani sikuhisi kama kuna kipindi Rahim atabadilika kama sasa”

“Usijali Erica, ila kuhusu huduma za mtoto uwe unatuambia hata sisi, ili mradi tunajua ukweli kuwa ni mtoto wa ndugu yetu, tuambiage tumuhudumie”

“Niwaambie wakati mama yenu hajaonyesha kujali hadi leo?”

“Muache Yule mama kapagawa sasa hivi, kaletewa watoto watatu wa Rahim pale kwake yani haamini maana alimuona Rahim ni mpole sana, kumbe bora ya sisi”

Erica akashangaa sana, kuwa Rahim kapelekewa watoto watatu? Akawaza na mke wa Rahim anajihisi vipi,

“Na mke wake je kakubali hiyo hali?”

“Akatae vipi sasa, ila yupo kama kachanganyikiwa, anagombana na kila mwanamke anayehisi ni mwanamke wa Rahim, na hivi ana mimba ndio balaa”

Walifika kwakina Erica na kusha, kisha Babuu akaagana nae kurudi kwenye lile gari halafu Erica akaingia ndani kwao.



Alimkuta mama yake ambaye alimuuliza,

“Kheee kliniki gani mwenzetu hadi saa hizi?”

“Aaaah mama, kulikuwa na foleni”

“Basi alikuja mumeo wa zamani”

“Nani huyo tena mama?”

“Si Yule muuza samaki”

Hapo ndio Erica akapata picha kuwa Bahati alijua ameenda kwao ndiomana akamfata, ila alishindwa kuelewa kuwa akili zimemrudi au vipi, kisha akamuuliza mama yake ambacho kilisemwa na Bahati, na mama yake akamueleza Bahati alivyosema, Erica alimsikitikia sana,

“Masikini Bahati, kweli alirogwa Yule”

“Ila sio kosa letu, ni kosa la ndugu zake”

“Ndio mama, ila kwanini ndugu hufikia hali kama hiyo jamani! Ona sasa atahisi kuchanganyikiwa Bahati”

“Kwahiyo wewe unamtaka Bahati au Erick?”

“Erick nampenda ila Bahati namuonea huruma, hata kuachana nae ningeachana nae kwa amani ila sio kwa njia waliyoitumia ndugu zake, unajua amemuacha mkewe hospitali na kunifata mimi? Yani nimekutana nae kliniki, wakati natoka ndio kanifatilia”

“Haya mbona yeye aliwahi kufika na wewe ndio unaingia saivi?”

“Nilipita kwenye lile duka la nguo mama, lile Angel amekuwa balozi, waliniita mara moja”

“Mbona mwanzo umenidanganya kuwa kliniki kulikuwa na foleni?”

“Nisamehe mama”

“Yani uongo huachi! Hebu jifunze kuwa mkweli Erica, kwa mtindo huo utamuingopea hadi mumeo na muanze kugombana bure, jifunze kuwa mkweli”

“Sawa mama, nisamehe”

Kisha Erica akaenda chumbani kwake ila habari ya Bahati ilimuuzunisha sana, hakuelewa ni kwanini Bahati alipomuona alistuka,

“Au zile dawa hazikutaka aonane na mimi? Ningejua toka ile siku anafunga ndoa si ningejionyesha anione? Nampenda Erick ila namuhurumia Bahati, ningeweza kuachana nae kwa amani na angetafuta mwanamke anayempenda kweli na sio mwanamke wa kuvutiwa kwa madawa, kwakweli ndugu zake wamefanya dhambi sana.”

Akaendelea kufanya mambo mengine tu.



Usiku ulivyofika akampigia Erick, na kusalimiana nae na kuongea nae kisha akamuuliza,

“Erick, kwanini kutaka kunipeleka mimi dukani kwa Tumaini na unajua sipatani nae?”

“Muda gani nilitaka kukupeleka dukani kwa Tumaini?”

Erica akamueleza Erick ilivyokuwa hadi kutaka kwenda dukani kwa Tumaini na kukimbia,

“Erica, unaniambia Moses alikupa fomu usaini?”

“Ndio, kasema wewe ndio umeagiza eti nisaini sijui kuna event ya tarehe nne mwezi wa nne, kasema nisaini kuna mahali inapelekwa”

“Na Moses huyo huyo akataka kukupeleka dukani kwa Tumaini?”

“Ndio”

“Huyu Moses vipi katumwa au nini? Subiri niwasiliane nae ili nijue kwanini kafanya hivyo, hakuna kitu ulichotakiwa kusaini, kwanini kafanya hivyo jamani? Aaaah yani penzi letu kila kukicha linavamiwa na vidudu mtu tu, huyo Moses nitamuuliza asiponipa majibu ya kuridhisha namfukuza”

“Hapana Erick usifanye hivyo, jua yeye ndio anasimamia vyema”

“Hata kama, sijamtuma aingilie maisha yangu binafsi mimi, subiri kesho”

Kisha akaagana nae na kukuta simu, kiukweli hata Erica alikuwa akijiuliza haswaa kuwa kama Erick hajatoa hayo maelezo ni kwanini sasa Moses afanye hivyo? Hakuelewa na kuamua kulala, ila kabla hajalala akapokea ujumbe, kuangalia ulitoka kwa Rahim,

“Erica, umeamua kunidhalilisha kwa ndugu zangu kuwa simuhudumii mtoto? Ingia kwenye mtandao tuongee”

Erica aliangalia ule ujumbe mara mbili na kuweka simu pembeni kisha akalala kwani hakutaka hata kujisumbua kuingia kwenye mtandao.



Kulipokucha aliamka na kufanya shughuli zake za hapa na pale, mchana akapigiwa simu na namba ngeni, alipopokea alikuwa ni Sia akasema,

“Erica, niachie Erick tafadhali, nakufa kwaajili yake”

“Sia, niachie Erick tafadhali nakufa kwaajili yake”

Yani Erica alimgeza Sia yale yale maneno aliyoyaongea, ila hakujua kama hiko kitendo kimemkera sana Sia kiasi kwamba aliamua kukata simu sababu aliona ni kejeli, ila alipokata simu Erica alijisemea,

“Kwani sisi wengine ndio hatujui kufa au? Na mimi nakufa kwaajili yake asinibabaishe”

Kwakweli Erica alikuwa kashachoshwa na mada za malalamiko na lawama ndiomana akafanya vile, muda kidogo akapigiwa na namba nyingine ngeni na kupokea, ilikuwa ni sauti ya Tumaini,

“Hivi wewe Erica unajiona una nini wewe? Yani wewe wa kunigombanisha na mdogo wangu?”

“Nimekugombanisha nini?”

“Kwanini umwambie kuwa kuna fomu ulikuja kusaini?”

“Sasa Tumaini, nisaini fomu halafu nisimwambie muhusika nitakuwa mzima kweli? Yule ndio muhusika ndiomana nimemwambia”

“Halafu Sia anakupigia unamjibu kwa jeuri, msichana una kiburi sana wewe”

“Labda una mambo yako tu ila mimi sina ubaya wowote na wewe wala na huyo Sia”

“Subiri nitakufundisha somo”

Kisha akakata simu, kuna mambo mengine Erica alikuwa akishangaa tu, maana Tumaini anaonekana anafanya kila hali ili kakake asiwe na Erica, ila Erica hakutaka kabisa kuwaza hayo yote, akamshangaa Sia pia kutoka hospitali tu na kuanza kuwaza kuhusu maswala ya mapenzi yale yale yaliyomsababisha ajaribu kujiua,

“Ndiomana serikali ukijaribu kujiua tu unafungwa kuepeka watu wenye akili mbovu kama Sia”

Kisha akaendelea na shughuli zake.



Jioni ya siku hiyo akiwa ametulia zake huku akicheza na mwanae, akapigiwa simu na Dora, na kuamua kupokea hivyo hivyo ingawa anapataga kukereka sana kutokana na maneno ya Dora,

“Erica, sikuonei wivu na wala usione nakusumbua ila nataka nikuponye”

“Uniponye vipi wakati nishakwambia huyo mzee simtaki!”

“Sawa ila kuna jambo nataka nikwambie la kukusaidia”

“Jambo gani hilo”

“Erica, nasikia kuna siku huyo baba alikutumia vocha ya shilingi elfu hamsini, kama una hela nenda kaweke vocha na umrudishie”

“Kwanini?”

“Erica, mzee huyu atatumia hilo swala, kukuumiza na kukutesa. Nakupenda rafiki yangu naomba ufanye hivyo”

Erica aliamua kusikiliza ushauri wa Dora na kuamua kwenda kuchukua hela ndani kwao, kisha akamuacha mtoto na mama yake halafu yeye akaenda kununua vocha, kwakweli hakutaka mchezo na Yule mzee kabisa maana mambo yake yanajulikana yalivyo.

Alienda dukani na kununua vocha, ila wakati anarudi alikutana na rafiki yake Johari, ni kitambo sana hakukutana nae, alimkumbatia pale na kuanza kuongea nae ambapo Johari akamwambia,

“Erica umekuwa adimu sana, jamani nilikuja kwenu mamako alinitimua balaa”

“Aaaah pole mwaya, vipi bado unaishi na Yule mume wako?”

“Ndio, na anakuja ndio tunaenda nyumbani kusalimia. Subiri umuone shemeji yako”

“Oooh nitafurahi sana kumfahamu”

“Anakuja, kwakweli namshukuru sana Mungu baada ya kupitia machungu yote akatokea wa kunifuta machozi yangu, baba wa wanangu, nampenda sana maana kanifichia aibu yangu. Si nilikusimulia Yule mwalimu alichofanya eeeh! Ila Mungu mwema nimempata mume wangu, amenifichia aibu yangu, nimezaa nae mtoto mmoja ila anamlea na Yule mtoto wa mwalimu, huwezi kutofautisha kwani anawapenda wote kama wanae”

Basi huyo mtu alifika na Johari kuanza kumtambulisha Erica kwa shemeji yake,

“Huyu anaitwa Erica ni rafiki yangu sana, Erica huyu anaitwa Juma ndio mume wangu”

Erica akampa mkono Juma, ila alijisikia vibaya sana kwani huyu Juma ndio Yule jamaa wa TRA ambaye alimtengenezea leseni na ndio Yule alimjibu vibaya kwenye daladala, ila hakutaka Johari ajue kama ameshawahi kumjibu vibaya huyo kaka, akaongea ongea nao kidogo na kuagana nao.

Alirudi kwao na sura ya aibu sana kwani hakutegemea kukutana tena na Juma zaidi ya ofisini kwa shemeji yake,

“Kumbe kijana wa watu ni mpole tu, kweli usimfikirie mtu ubaya kwa kumuona, kumbe Juma ana moyo wa upendo. Mungu amzidishie kwakweli”

Erica alifika kwake na kuweka ile vocha kisha muda ule ule akamtumia mzee Jimmy na kuendelea na mambo yake mengine.



Usiku wake akapokea simu kutoka kwa Dora akimuuliza kama ile vocha ameshaituma,

“Tayari nimeshairudisha”

“Basi akikuuliza mwambie mpenzi wako kaiona kwahiyo kasema uirudishe”

“Sawa, lakini kwanini hivyo?”

“Erica, ipo siku nitakwambia kwanini ila kwasasa fanya hivyo, usitake vocha ya elfu hamsini tu ikuponze”

Erica alimuitikia kwani hata yeye alipatwa na uoga kiasi falani.

Wakati wa kulala alipokea simu ya Erick, na kusalimiana nae kisha kuongea nae,

“Unajua Erica, kuna mambo yanatendeka sijui sababu niko mbali ila ningekuwa karibu nina hakika ysingetokea. Wiki ijayo nakuja”

“Erick kweli?”

“Ndio ni kweli, wiki ijayo nakuja”

“Wow, nimefurahi sana basi utaniambia ni lini ili nije kukupokea”

“Sawa na mimi nitafurahi sana kupokelewa na wewe maana nimekukumbuka sana”

“Sawa Erick, tuko pamoja”

Erica alionekana kufurahi sana kwani alikuwa akitamani kila siku Erick arudi, kisha akaagana nae na kulala, ila kabla hajalala alipigiwa simu na namba ngeni, hakutaka kupokea ila alipokea akihofia labda kuna maelekezo ya ile vocha aliyoituma kwa mzee Jimmy, na kweli alikuwa ni mzee Jimmy,

“Mbona umenirudishia ile vocha?”

“Ulinitumia nyingi sana”

“Ndio kuamua kuirudisha yote kweli?”

“Ndio maana mpenzi wangu aliiona na kuuliza vocha nimetumiwa na nani? Akaniamuru niirudishe”

Yule mzee akakata simu na Erica alilizika tu maana alikata simu kwa matakwa yake, alishukuru kwa Dora kumpa yale maelekezo,

“Dora ni mbaya ila mara nyingine ni mtu maana angeniacha niangamie, ninayosababu ya kumshukuru kwakweli”

Aliwaza hilo na kulala.

Kulipokucha alikuta kuna ujumbe kwenye simu yake ukitoka kwa Rahim,

“Erica, ingia kwenye mtandao, kuna jambo la muhimu sana nataka kukwambia”

Kiukweli Erica hakuwa na hamu kabisa ya kuwasiliana na Rahim kwahiyo hakuingia kwnye mtandao wala nini.



Siku hiyo ilikuwa ya kurudi Erick kwahiyo alijiandaa kwenda kumpokea, alijiandaa vizuri sana na kumuaga mama yake kisha akaenda uwanja wa ndege kumpokea Erick, alifika na kukaa mahali ili amsubirie, alivyoona karibia muda unafika alienda kusimama karibu karibu ili amsubirie Erick, na kweli alipoangalia mbele alimuona Erick ila alikuwa ameongozana na kijana mmoja na waliongea kama wanafahamiana vile, alipomuangalia vizuri Yule kijana alishtuka sana kwani alikuwa ni Rahim, hofu ilimjia kuona Erick na Rahim wanafahamiana.





Siku hiyo ilikuwa ya kurudi Erick kwahiyo alijiandaa kwenda kumpokea, alijiandaa vizuri sana na kumuaga mama yake kisha akaenda uwanja wa ndege kumpokea Erick, alifika na kukaa mahali ili amsubirie, alivyoona karibia muda unafika alienda kusimama karibu karibu ili amsubirie Erick, na kweli alipoangalia mbele alimuona Erick ila alikuwa ameongozana na kijana mmoja na waliongea kama wanafahamiana vile, alipomuangalia vizuri Yule kijana alishtuka sana kwani alikuwa ni Rahim, hofu ilimjia kuona Erick na Rahim wanafahamiana.

Akaamua arudi nyuma na kujificha kwani alihisi angejitokeza basi habari ingekuwa nyingine, alikuwa akiwaangalia tu na walionekana wakiongea mambo mbalimbali, kisha akamuona Erick kachukua simu akimpigia, akaangalia mkononi akaona namba ya Erick ya nchini, akaacha tu iite maana haikuita kwa sauti, aliona akipokea anaweza kuzua mengine, yani alikuwa akiwaangalia tu Rahim na Erick, mara akatokea binti mwenye asili ya kishombeshombe pia, alimkumbatia Rahim na kusalimiana na Erick, yani muda wote huo Erica alijibanza tu akiwaangalia, kisha akaona Erick akimpigia tena simu ila hakupokea na badae akaona Rahim na Yule binti wakikodi gari na kuondoka, wakati huo Erick nae alionekana kukodi gari kwani alitaka kuondoka tu baada ya kuona Erica hapokei simu ile gari alilopanda Erick lilivyoanza kwenda tu akampigia simu Erick,

“Erick, nimefika uwanja wa ndege huku uko wapi?”

“Mbona nimekupigia sana simu Erica?”

“Nisamehe kulikuwa na foleni, halafu simu ilikuwa kwenye mkoba na gari nililopanda lilijaa sana kwahiyo sikuweza kupokea”

Erick alisikika akimsimamisha Yule dereva huku akimuuliza Erica alipo ili wamfate, ila Erica aliwafata yeye kwani ni muda tu alikuwa akiwaona, alivyofika pale Erick alishuka kwenye gari na kumkumbatia sana Erica maana alimmiss sana, kumbe kuna mtu alikuwa akiwaangalia vile wanavyokumbatiana, alikuwa ni George na alitumwa na mama yake Erick ili akampokee Erick, aliamua kuwafata, na kuwasalimia ila alikuwa na kitu moyoni mwake, kisha akamwambia Erick,

“Nimetumwa na mama yako nije kukupokea”

“Mama nae, mimi ni mkubwa sana kwasasa, nimepokelewa na mpenzi wangu kwahiyo wewe rudi tu. Hata hivyo nimeshakodi gari”

Kisha George akamuuliza Erick,

“Kwani una undugu wowote na huyu binti? Labda huko kwa baba yako?”

“Huyu ni mpenzi wangu sio ndugu yangu”

Kisha George akamuangalia Erica na kusema,

“Erica kumbe hunitaki tena sababu ya Erick? Unajua mimi na Erick tukoje?”

Erica alikaa kimya kwanza alikuwa akiwaza mambo mengi tu kuwa kakimbia moja halafu la pili limemjia kwa namna mbaya sana, Erick alimuangalia Erica na kumuuliza,

“Unamfahamu huyu?”

Erica leo hakutaka kabisa maswahibu ya George yamuharibie siku, alijibu kwa uso mkavu kabisa,

“Simfahamu”

Kisha Erick akamwambia George,

“Bhana George tusiharibiane siku, mwenyewe kasema hakufahamu, kama umemfananisha shauri yako. Erica twende”

Akamfungulia mlango wa lile gari Erica akapanda kisha nay eye kupanda na kuondoka.



Wakiwa njiani, Erica alimuuliza Erick kuwa wanaenda wapi kwanza,

“Tunaenda hotelini Erica kwani ulifikiri tutaenda wapi?”

Ni kweli Erica alikuwa amemmiss sana Erick lakini akaona asipokuwa makini basi yatamtokea mambo kama yaliyomtokea kwa Rahim, kupata mimba juu na kutukanwa malaya, kwahiyo akatafuta njia ya kumdanganya Erick ili asilale nae kwa siku hiyo,

“Ooooh Erick jamani, ungeniambia mapema ili nikupe mlolongo wa siku zangu, yani hapa nilipo nimeingia kwenye siku zangu”

“Mmmh Erica jamani, unataka kuninyina kweli?”

“Jamani eick hivi mimi naanzaje kukunyima wewe jamani! Hivi kwa jinsi ninavyokupenda hivi hadi mtoto nimemuandika kwa jina lako nikunyime kweli? Huniamini au?”

“Hapana nakuamini Erica”

Erica alifurahi sana kuaminiwa na Erick, aliamua kumshauri tu mule kwenye gari kuwa aende nyumbani kwao ili asikae kwenye mazingira ya vishawishi, basi Erick akamwambia,

“Hakuna shida, basi kwa muda huu tutafute mahali tukae, tule, tuongee halafu nitaenda nyumbani”

Basi wakatafuta mahali ambapo palikuwa na mandhari nzuri sana ya kwenda kukaa hapo ili kuongea kidogo, na kujikuta wakijadiliana mambo mbalimbali,

“Erica usijali kuhusu mimi lazima nitakuoa yani lazima nitakuoa tu, haijalishi nini kipo mbele yetu ila lazima nikuoe”

“Nitafurahi sana Erick, yani siku mimi nikiwa kwenye shela na wewe kwenye suti uwiiii sitaisahau hiyo siku katika maisha yangu”

“Usijali Erica, yani usijali kuhusu ndugu zangu wala mtu gani?”

“Ila kuna swali nataka nikuulize?”

“Niulize tu”

“Unajua wakati nimefika pale uwanja wa ndege nimekuona na mkaka mmoja na mdada ndio wanaondoka, ndugu zako wale?”

“Hapana, wale si ndugu zangu ila Yule kaka anaitwa Rahim, ni rafiki yangu kuna kipindi nilikuwa marekani nilikuwa nae, kipindi hiko nilikuwa nakunywa sana kwahiyo tulikuwa tunakunywa nae na yeye ndio alikuwa akiniunganisha kwa wanawake”

“Mmmh kumbe ni mlevi pia? Ila Erick ulikuwa balaa nadhani ushatembea na wanawake wakila rangi!”

“Yamepita hayo Erica usiyakumbushie, yani kama vile walokole wanavyosemaga yakale yamepita nimekuwa mtu mpya, mimi saivi ndio Yule Erick uliyemuhitaji maishani, Erica wewe ndio ulikuwa sababu ya yote haya, ila sio kwamba hao wanawake wote nilikuwa nalala nao hapana, wengine ni wa kwake huyo jamaa”

“Kwahiyo nae mlevi?”

“Tena bora ya mimi, yeye ndio mlevi balaa. Nimekutana nae leo tukajikuta tunakumbushiana mambo yaliyopita, nikamwambia mwenzie nimebadilika, ila yeye sasa hajabadilika wala nini maana Yule dada uliyetuona nae ni mwanamke wake”

“Kheee ana wanawake wengi sana eeeh!”

Erica alijikuta akiulizia sana habari za Rahim hadi Erick alimuuliza,

“Mbona unaniuliza sana habari za Yule mkaka, unamjua?”

“Mmmh hapana, na Yule aliyekuja kukupokea je una undugu nae upi?”

“Yule ana undugu na mama yangu huko kwenye ukoo wao, mie sina ukaribu nae sana wala nini”

“Tumaini anamfahamu?”

“Kumbuka Tumaini ni ndugu yangu mimi, halafu Yule na Tumaini ni watofauti maana Yule ni ndugu wa mama yangu, labda wafahamiane siku hizi. Halafu natamani kumuona Angel, sijui nije lini?”

“Wewe tu na muda wako unakaribishwa kuja kumuona”

“Ila Erica tuache masikhara, tunazungumza mengi sana ila mwenzio nina hamu tena sana”

“Erick, nivumilie tu siku zangu zipite na tutakuwa pamoja, mbona hakuna tatizo. Si ulikuwa unavumilia South sembuse usharudi jamani! Nivumilie Erick”

“Sawa nimekuelewa ila kaa ukijua nina hamu sana”

Erica aliamua kubadilisha mada kwani aliona ile mada ikiendelea basi anaweza kujikuta akiangukia kwenye uzinzi ambao hakuutaka kwa kipindi hiko.

Wakaongea ongea na muda ulipoenda ilibidi Erick arudi kwao akapumzike na alimkodia gari pia Erica na kumkodia gari arudi kwao.



Erica alimkuta mama yake nyumbani amefura hasira, akamsalimia ila mama yake hakumjibu na kuanza kumsema tu,

“Wewe mwanangu ndio huna akili yani huna akili huna akili kabisa, sijui niseme vipi ndio unielewe jamani. Haya umeenda kumpokea huyo Erick wako, umeshindwa kucharanga miguu kurudi nyumbani mpaka uende kulala nae? Yani kwa stahili tiyo utakuwa unadhalilika kila siku na kutukanwa na wanaume, hakuna jema kwenye macho ya mwanaume, utajitoa na kuona nimejitoa kwa mpenzi wangu ila bado atakuona malaya.”

“Ila mama umenifikiria vibaya tu, sijaenda kulala na Erick, nimeongea nae tu”

“Labda mdanganye Angel hayo maneno yako, mpaka muda huu ni maongezi tu hayo?”

Erica aliamua kumueleza mama yake vile alivyomdanganya Erick ili asilale nae, mama yake alimsikia na kumwambia,

“Siku nyingine hata usihangaike kumdanganya mwanaume, kuwa muwazi, sitaki sipo tayari. Kama kukuacha na akuache sio kutaka kukuharibia maisha, yeye katoka nje huko hata kusema mpenzi wangu tukapime hakuna, moja kwa moja twende tukalale, akikupa maradhi je! Ila napo umetumia akili kumwambia hivyo ingawa kuna wanaume wengine mathomaso atataka mpaka aone damu, yani mapenzi mwanangu ni kizunguzungu ila kama hujakubali namshukuru Mungu, najua ulikosea mwanangu ila ni muda wa kujitunza huu, acha yote jitunze”

“Sawa mama nimekuelewa”

“Kuzaa sio kugawa gawa kwa kila anayetaka, sio pipi ya kusema kila mtoto anyonye, tunza ujana wako, umezaa nje ya ndoa lakini ukijiheshimu utaheshimika na sifa mbaya juu yako zitapotea mwanangu”

“Asante mama”

Erica alienda kuoga na kwenda chumbani kwake huku akitafakari baadhi ya maneno ya mama yake, kuwa wanaume hawana shukrani hata umpe nini, ila akamkumbuka Bahati, huyu alikuwa ni mwanaume wa ajabu saba kwake maana anakumbuka siku ya kwanza kukutana na Bahati kimwili alionekana bikra mbele ya macho ya Bahati, na alipewa shukrani ambazo hata Babuu aliyemtoa bikra kweli hakuwahi kumpatia, kwahiyo aliona Bahati ni mwanaume wa ajabu sana kwake.

“Kwa mambo ya wanaume walivyo, ningekuwa na tuzo basi ningemzawadia Bahati maana ndio mtu pekee aliyeonekana kujali na kuthamini ulivyo. Ila sio wangu tena, ni wa mwingine mie wangu ni Erick, nampenda sana”

Basi alipotaka kulala aliwasiliana kidogo na Erick kisha akalala sasa.



Kulivyokucha tu, asubuhi na mapema Erica akapigiwa simu na Dora, kiukweli alikuwa akishangaa sana Dora alivyokuwa akishughulika nae,

“Erica unajua kilichopo kwako?”

“Kwangu kipo kipi?”

“Nasikia mzee Jimmy, kaweka shilingi milioni kumi kwenye akaunti ya mtoto wako”

“Kheee huyu mzee ana wazimu jamani, ana nitakia nini mimi?”

“Sijui ila ndio hivyo”

“Itabidi nikaangalie, sasa nifanyeje?”

“Mrudishie maana Yule mzee mmmh!”

“Nashukuru Dora, au unaonaje nikutumie wewe”

“Tena hapo utakuwa umefanya jambo la maana ili nitayarishe hela za kununulia sanda na jeneza langu”

“Yani Dora, unaongea kama ugonjwa wa kawaida huo!”

“Sasa nifanyeje wakati ninao tayari”

“Ngoja niende benki nikaangalie”

Erica alijiandaa kisha akamuaga mama yake na kutoka kwenda benki, alipofika benti alienda moja kwa moja huduma kwa wateja na kuulizia salio na kuona kweli kuna milioni kumi imeongezwa kwenye ile akaunti, akaomba apewe taarifa fupi ya akaunti ya mwanae, wakampa na akaiangalia vizuri sana na akaona kuwa kawekewa hiyo hela, akawaza kuwa hata kuirudisha atairudisha vipi ikiwa akaunti namba ya Yule mzee haijui halafu hawezi kutoa pesa zote hizo na kutembea nazo ili azirudishe ni hatari kubwa sana kwake, na pia hakuweza kuulizia akaunti ya Yule mzee pale huduma kwa wateja kwani alihisi ni kumchafulia sifa Yule mzee, kwahiyo aliamua kwenda kwa meneja wa ile benki.

Alimkuta na kuamua kuongea nae kirafiki tu, kwanza Yule meneja alimuomba msamaha sana kwa kutofanikisha swala la mwanae kuwa balozi,

“Nisamehe bure Erica, nilitamani sana Angel awe balozi wetu maana sifa zote anazo ila mamlaka ipo kwa mkurugenzi mkuu”

“Hamna usijali, naelewa ila kuna jambo nataka tuongee, kama ndugu yangu unipe ushauri”

“Sawa hakuna tatizo, ongea tu”

“Sikia nikwambie, huyu mkurugenzi mkuu nilikuwa namfahamu kabla ya kuonana nae hapa benki na alikuwa akinitaka kimapenzi ila nilimkataa, ndiomana swala la mwanangu kuwa balozi alivyoniona alinizungusha sana, sasa jambo lililonileta mpaka kuja kuomba ushauri ni kuwa nasikia amemuwekea mwanangu milioni kuzi, nimekuja kuhakikisha ni kweli na taarifa fupi ya akaunti ya mwanangu ni hii (Akamkabidhi lile karatasi lenye taarifa fupi) wazo lililonijia ni kumrudishia, sasa sijui akaunti namba yake, nimeona kuuliza pale mapokezi sio sifa njema ndiomana nimekuja kwako meneja ili nikuulize na unishauri”

“Kwanza kabisa nakupa hongera sana yani hongera mno, hakuna binti anayeweza kuchomoka akitongozwa na mzee Jimmy maana ana hela, ila wewe umechomoka hongera sana, halafu hakuna binti ambaye amewahi kuongwa hela nyingi hivi na mzee Jimmy, kwakweli wewe ndio wa kwanza, hongera sana. Jambo la kukushauri ni hili, hii hela hujamuomba sehemu yoyote, na ametuma kwenye akaunti ya mwanao, kwanini ujisumbue kumrudishia? Kwani hutaki mwanao ale vizuri, aishi vizuri afurahi? Hebu tumia hela hiyo kwa mahitaji ya mwanao, najua mwanao atakuwa na mahitaji mengi kama watoto wengine, tumia hela, karibia atakuwa Yule na ataenda shule, tunza hela hii imsomeshe badae, yani hata usihangaike kuirudisha tena jifanye hukujua kama amekutumia wala nini”

“Nisimrudishie eeh!”

“Usimrudishie ndio, na anayekushauri umrudishie anataka ufe masikini, hivi kwa usawa huu kweli mtu anakupa hela bila kuomba umrudishie? Weee hakuna kurudisha hiyo.”

“Kheee umenifungua macho sana, bora nimekuja kwako”

“Yani usiirudishe”

“Basi nikupe na wewe hela ya soda, nikupe ngapi?”

“Mwenzangu ile ni nguvu yako ya kupush mtoto leba, ila sababu umeamua kunipa hakuna shida. Nipe laki tu”

Basi Erica alitoka mule ofisini na kwenda kutoa hela kisha alimpa laki moja yule meneja na kuagana nae.



Akiwa njiani alifikiria sana kuhusu ile hela, atafanyia nini milioni kumi ikiwa hata wazo la biashara hana ila aliona aitumie kidogo kidogo tu ili mwenye nayo akitaka amrudishie, sasa pale kwenye siti aliyokaa alisikia wamama wakiongea,

“Unajua hatuendelei kwasababu moja, unaiacha hela ikae tu badala ujishughulishe upate faida ya ile hela unaacha tu mwisho wa siku tunalalamika umasikini umasikini kumbe ni matatizo yetu”

“Umeongea vyema, nakumbuka mimi nilianza kukopesha vitenge na mtaji wa laki moja tu ila saivi mtaji wangu unagoja milioni mbili sababu sikukata tamaa”

“Haya sasa, ungeiacha hiyo laki ikae tu ungepata hizo milioni mbili?”

“Nadhani wengi tatizo linakuwa moja, mtu anakuwa na wazo la biashara na anahitaji sana kuifanya ila hajui namna ya kuanza biashara”

“Mimi mwenyewe nilikuwa hivyo hivyo ila nilisikia kuna semina ya wanawake wajasiliamali, sikuwa na biashara ila nilienda, jamani nilipata muhamko wa hali ya juu, kuna mambo yanafungua jaman I, yani ujinga tupa kule, nilifunguliwa haswaa kwenye ile semina, maana unasikia mwingine nilianza na mtaji wa elfu kumi niko mbali sasa? Nikajiuliza amewezaje? Ila mwingine akasema usiseme amewezaje ila sema kama Yule anaweza basi na mimi naweza, toka hapo nikafata tu mlolongo wa ile semina na ilipoisha nilianza kufanyia kazi kile nilichofundishwa basi nimekuwa mbali”

“Wengine unajua wanakosea nini, anaweza akahudhuria kama hivyo semina, anachanganyikiwa na kila ushuhuda wa mtu, anasikia natengeneza sabuni niko mbali, natengeneza batiki, napika tambi, nauza vikoi, sasa yeye sababu ndio anaanza anatakiwa aanze na kimoja kwanza basi utamkuta mara atengeneze batiki aache, atengeneze sabuni, humo humo vikoi anashangaa mtaji unakata anaanza kusema biashara haina faida”

Kwakweli Erica alijikuta akivutiwa sana na maongezi ya wale wakina mama, alitamani kuendelea kuwasikiliza ila ndio walikuwa wanashuka, basi aliendelea na safari ila maneno ya wale wamama yalikaa kwenye mawazo yake muda wote na kujikyta tu akitamani kuanza biashara ili afike mbali maana hata yeye alichoka kutegemea hela ya kuomba omba tu na kutegemea hela anayoingiziwa mwanae kama balozi, kwahiyo alikuwa anawaza vitu vingi sana. Alifika kwao na kushuka, kisha kuelekea nyumbani kwao.

Njiani alikutana tena na Johari na mume wake wanaondoka, Johari na Juma wakamsalimia Erick, muda huu Juma alitangulia mbele kidogo maana alienda dukani kununua vocha, kwahiyo Erica alibaki na Johari, akamuuliza,

“Inaonyesha mnapendana na mumeo eeeh!”

“Kwakweli tunapendana sana ten asana, namshukuru Mungu kwa kunipa mume mwenye hofu ya Mungu, usimuone hivyo mume wangu, si mlevi, havuti sigara na anafanya ibada vizuri sana”

“Wewe je unafanya ibada?”

“Nimebadilika Erica, Johari huyu si Johari Yule, hakika Juma kanibadilisha yani maisha yangu yamebadilika haswaaa, mwenzio siku hizi hadi Ramadhani nafunga”

“Kheeee kweli umebadilika Johari”

“Huyu mwanaume kanibadilisha, yupo vizuri sana. Hapa tunawahi kwenda nyumbani ila muda wa swala usimkutie kwenye daladala”

“Hongera sana Johari kwa kupata mume mwema”

“Asante, nawe Erica utapata mume mwema ila namkumbuka Erick, natamani siku moja mkutane na muoane”

Erica alicheka tu kwani ukwlei ni kuwa anawasiliana sana na Erick, Basi mume wa Johari alimaliza kununua vocha na kuweka kwahiyo Johari alimuaga Erica na kuondoka, Erica aliwaangalia hadi walipokuwa wanaishia stendi kisha yeye kwenda nyumbani kwao.



Njiani alijiuliza sana, kuwa Yule Juma hanywi pombe, havuti sigara na anapenda ibada mbona ni rafiki wa James sasa? Alijiuliza sana maana hakuona uwezekana wa James kuwa na rafiki kama Juma ikiwa Juma ni mume mwema tofauti na James.

Alifika nyumbani kwao na kushangaa sana kumuona Babuu kwenye geti lao, alifika na kumsalimia kisha akamuuliza,

“Umefata nini tena kwetu?”

“Erica jamani kwani haturuhusiwi kuja hapa?”

“Hapana, nimekuuliza tu”

“Nilikuja kukuona wewe Erica, nimekaa nyumbani nimeboreka ndio nikaamua kuja kukuona”

“Aaah karibu, nilimuona kwa mbali jana Rahim, vipi kasharudi nyumbani?”

“Erica, umeanza tena na Rahim? Yule sio mwanaume atakupoteza Yule”

“Hapana, sijaanza nae tena nimesemea tu”

“Kwanza hajafika nyumbani nahisi atakuwa na mwanamke tu na nyumbani atarudi hadi wiki iishe”

“Mmmh!”

“Mbona unaguna?”

“Naguna sababu nilikosea sana kuwa na Rahim kwakweli yani sijui hata nilianzaje jamani”

“Usijali ni mapito tu hayo”

“Haya, karibu ndani”

“Wapi? Mamako kanitimua kama mwizi, hata sitaki nishakuona kwaheri”

Basi Babuu akaondoka zake ila Erica hakuelewa ni kwanini Babuu atimuliwe na mama yake, kwahiyo aliingia ndani kwanza ili amuulize mama yake chanzo nini, alimkuta mama yake anacheza cheza na Angel, Erica alimsalimia mama yake na kumuuliza,

“Mama mbona umemtimua Yule kijana?”

“Ujinga ujinga kwenye nyumba yangu sitaki, anakuja kujitambulisha hapa oooh mimi ndio nilikuwa mwanaume wa kwanza kwa Erica, sasa ujinga huo unanihusu nini? Kuna mzazi anayefurahia kumuona aliyemuharibu mwanae? Hakuna mzazi anayekubali ujinga ujinga wa namna hiyo, ndiomana nimemtimulia mbali”

“Ila mama Johari nae ulimfukuza?”

“Ndio nilimfukuza, Yule rafiki yako alianza tabia za ajabu sana na ashukuru Mungu kapata huyo mwanaume wa kusitiri tabia zake, Johari alikuwa akitembea na kila mwanaume hapa mtaani yani hakutamanika Johari ndiomana nikamtimua pia”

Erica hakutaka kuendelea kumuhoji mama yake kwani anajua ambacho kingetokea baada ya kuendelea kumuhoji.



Erica alikuwa amechoka kutokana na mizunguko ya siku hiyo sababu aliondoka kwao tangia asubuhi, kwahiyo alienda kujilaza tu, wakati kajilaza alipokea ujumbe toka kwa Erick, akafungua na kusoma,

“Erica nina hamu mwenzio hadi sina raha, nina hamu sana”

Ule ujumbe ulifanya asisimke mwili ila bado alishikilia msimamo wake kuwa asitembee na Erick kwanza kwa kipindi hiko, kwahiyo alimtumia ujumbe kuwa avumilie tu,

“Nivumilie hadi lini Erica?”

“Nivumilie jamani eeh! Nakupenda sana, nivumilie”

Erica alijaribu kumpa mpa maneno matamu pale na kulala, alilala usingizi mzito sana hadi akaanza kuota ndoto za ajabu ajabu tu, kuja kushtuka ni jioni kabisa na aliposhika simu yake alikutana na jumbe kadhaa za kutoka kwa Erick na kugundua alipolala, bado Erick alimtumia ujumbe ambao hakuujibu, jumbe za Erick zilionyesha ana hamu ya tendo la ngono tu, akaona hata akimpigia tena simu muda huo bado atamwambia jambo lile lile.

Basi akajiweka sawa na kwenda kufanya shughuli zake za jioni ile na alipomaliza walikuwa na kujiandaa kulala, mama yake akamwambia,

“hivi siku hizi unasikiliza mahubiri kweli?”

“Mmmh mama na wewe, nasikiliza”

“Usikilizage ni mazuri”

Basi alipoenda kulala, alifungua redio ila kuna stesheni ilikuwa na miziki mizuri sana akaamua aisikilize hata aache kufungua ile ya mahubiri maana aliona ile miziki ingempita, basi ile miziki ilivyoisha kulikuwa na kipindi cha wanawake, yani kuna mwanamke anaelimisha wanawake wengine waliokuwa katika ndoa, akaanza kusikiliza,

“Mwanamke unakuwa nyumbani, mumeo anarudi wala hujishughulishi kumpokea yani ndugu yangu huyo mume atakukimbia, ataenda kwa wenzako wanaomnyenyekea, mumeo akitaka mpe, yani ukimnyima ndio utamfanya aende kwa wengine, sio unajifanya umechoka, mpe mumeo haki yake, shauri yako utashangaa tu sio wako tena”

Erica akazima redio, maana akikumbua jumbe za mchana za Erick alipatwa mashaka, akaamua kumpigia Erick simu ila simu yake haikupatikana, akaamua kuchukua simu na kuingia kwenye mtandao wa kijamii, ile ameingia tu akaona ametumiwa ombi la urafiki na Sia, akashangaa sana ila akakubali lile ombi, mara ujumbe ukaingia,

“Erica, wewe umempokea ila sisi ndio tunafaidi”

Muda kidogo akaona picha zimetumwa na Sia, kuangalia zile picha akaona Sia yuko pembeni na Erick amelala inaonyesha amelala kwa uchovu wa mambo aliyokuwa akifanya na Sia.





Akaamua kuchukua simu na kuingia kwenye mtandao wa kijamii, ile ameingia tu akaona ametumiwa ombi la urafiki na Sia, akashangaa sana ila akakubali lile ombi, mara ujumbe ukaingia,

“Erica, wewe umempokea ila sisi ndio tunafaidi”

Muda kidogo akaona picha zimetumwa na Sia, kuangalia zile picha akaona Sia yuko pembeni na Erick amelala inaonyesha amelala kwa uchovu wa mambo aliyokuwa akifanya na Sia.

Kwakweli Erica alihisi kama kurukwa na akili hivi, yani hakujielewa kabisa, hakujua kama alie au afanye nini akajikuta akijisemea,

“Ndiomana mama anasemaga wanaume ni mbwa, loh kunifanyia hivi Erick jamani! Kumpenda kote huku!”

Hakujielewa na kahuweza kulala tena, alitamani awe anapajua kwakina Erick aende hata usiku huo huo, labda akapigane na Sia, ila muda mwingine akaona ujinga kugombea mapenzi, akawaza mtoto wake aliyembadilisha jina maana Erick kawa sio mtu sahihi tena kwenye macho yake, akajikuta akianza kulia, alilia sana, alinyamaza aliposikia mlio wa simu yake, akaichukua na kuangalia akaona namba mpya, ila alihisi pengine ni Erick anataka kunuomba msamaha, akapokea ili amsikilize, hakuwa Erick bali alikuwa ni Rahim, hata alimshangaa usiku huo kampigia simu ili iweje,

“Erica nimerudi mpenzi wako hata kunitafuta?”

Erica akatamani hata kumpa tusi sema hakuzoea kutukana kwahiyo alikaa kimya tu, Rahim akaendelea kuongea

“Mbona unanyamaza mpenzi wangu, nimekumiss sana. Kesho nitakutafuta tutoke na mtoto wetu tukatembee”

Aliamua kumjibu,

“Rahim, mimi sio mpenzi wako unikome”

“Mbona umekuwa mkali hivyo Erica? Mtoto anahitaji malezi ya baba na mama, na mimi ndio baba na wewe mama, tusimnyime haki mtoto wetu, au kama vipi njoo ili sisi wazazi tuyajenge”

“Rahim, nikome uyajenge na nani? Sio mimi, umeshindwa hata kufika kwa wazazi wangu halafu unaniita kuyajenga? Sitaki Rahim na siji”

“Erica usiwe mkali hivyo, kumbuka sisi ni wazazi, unanijua vizuri, nakujua vizuri, nimemiss vile unavyoliaga kitandani?”

Erica akachukia na kukata simu, alikuwa na hasira sana na ile simu akaizima kabisa, alikaa na kuendelea kulia huku akisema hamtafuti tena Erick, na hataki kuwa karibu na rahim bora awe mwenyewe tu, kwani hakuwa na raha tena hadi panakucha.



Mama yake ndiye aliyemuita baada ya kuona muda mrefu umepita na mwanae hajatoka ndani, Erica alitoka na kumsalimia mama yake, mama yake alimuangalia na kumuuliza,

“Vipi mbona macho yamekuvimba hivyo?”

Erica hakuweza kujizuia kwa mama yake, alijikuta akimfata na kumkumbatia huku akianza tena kulia, mama yake akamwambia,

“Wewe vipi tena, kama babako kafa mara ya pili jamani? Kilio hiko vipi mwanangu eeeh!”

“Mama, leo nimeamini maneno yako kuwa mwanaume sio wa kumuamini”

“Eeeeh vipi tena? Ila kila siku nakuambia, mwanaume sio ndugu yako mwanangu”

“Kwakweli mama Erick kanifanyia kitu ambacho sielewi mpaka muda huu”

“Niambie mamako usinifiche, nilishakwambia mimi ni rafiki yako kwahiyo kuwa huru kusema chochote”

Erica alianza kumuelezea mama yake yaliyotokea kwa Erick na jinsi Sia alivyomtumia picha Erica,

“Ooooh katoto kangu jamani, kwanza tulia, tuliza akili zako, usipaniki, hayo mambo ni ya kawaida tu na huwatokea wengi sana. Tuliza akili, hakuna sehemu imeandikwa kuwa Erick ni mwanaume peke yake kwahiyo hakuna wengine, hapana wapo. Na sio kwamba nilivyosema wanaume hawajatulia basin i wote, hapana waliotulia wapo sema tu ni ngumu kuwatambua sababu tumezoea msemo kuwa samaki mmoja akioza basi wote wameoza”

“Lakini mama kwanini anifanyie hivi? Kwanini lakini? Kwanini nina mkosi hivi juu ya mapenzi? Sina raha mama, kwanini mimi?”

“Hapana, usijiumize kichwa sana. Ngoja nikuulize, hizo picha Erick alipigwa akiwa anachekelea kabisa kuwa na Sia au?”

“Hapana alikuwa amelala”

“Basi huna sababu ya kupata presha mwanangu, ingawa wanaume ni waongo ila bado anayetakiwa kukupa majibu ni Erick. Ndoa ni uvumilivu mwanangu, na uvumilivu unaanzia kwenye mahusiano. Sikia nikwambie, usipaniki wala nini, muulize Erick kwa upendo tu na atakwambia ukweli”

“Nitawezaje kumuuliza kwa upendo mama ikiwa nimeumia hivi?”

“Ndiomana nakwambia shusha presha, shusha hasira, ukiona upo sawa ndio umuulize. Kumbuka Sia ni rafiki mkubwa wa Tumaini, kwahiyo kuna uwezekano mkubwa hata Erick hajui kama alipigwa picha, kwahiyo wewe tulia na umuulize”

“Ikiwa kama ni kweli mama?”

“Ikiwa kweli maamuzi ni yako kusuka au kunyoa ila uvumilivu unaanzia kwenye mahusiano”

“Uvumilivu wa kumvumilia mwanaume muhuni mama?”

“Sasa kuna asiyekuwa muhuni?”

“Bahati mama ni mpole, hana hayo mambo”

“Kwahiyo unataka Bahati amuache mkewe na akuoe wewe, au unataka kuwa mke wa pili? Hebu nitolee ujinga mie, wewe mwenyewe ulikuwa unaimba wimbo hapa nampenda Erick, nampenda Erick, mvumilie ndio maradhi yako hayo”

Erica alizidi kunyong’onyea ila mamake alivyoona vile aliamua kumbembeleza, sasa maana alimuona kakosa raha kabisa,

“Aaah mwanangu jamani usijali, Erick ataongea nawe vizuri tu. Halafu mwanangu acha kupenda sana utaumia, nipende mimi mama yako niliyekubeba tumboni miezi tisa sio Erick aliyekufahamu ukubwani, usiwe kama Sia, kifo cha mama yake hajajaribu kujiua ila kuachwa na mwanaume amejaribu kujiua, na tena hata ajisikiliziii vizuri, kashapona na kwenda kwa mwanaume, Yule hana akili mwanangu, usiwe vile, sawa mama”

“Sawa mama, nimeelewa”

Basi mamake alimtaka Erica aoge na avae vizuri na awe na amani tu.



Mchana wa siku hiyo, Erica akiwa chumbani alisikia mama yake akimtimua mtu akataka kujua kuwa anayetimuliwa ni nani, akatoka na kushangaa ni Derick alifika na mama yake, alimsikia mama ake akisema,

“Wewe mama sina shida na wewe ila huyu mwanao simtaki kabisa hapa kwangu, mtoto mchawi huyu”

“Lakini kaja kuomba msamaha”

“Msamaha kitu gani wa kichawi, mtoto hafai huyo alitaka kumbaka mwanangu”

Inaonekana hata mama Derick hakulijua hilo kwani alishtuka sana kusikia mwanae alitaka kumbaka Erica, ilibidi amtulize kwanza mama Erica ili wakae wakizungumza, mwishowe mama Erica alikubali kuwakaribisha ila kiukweli hakupenda kabisa uwepo Derick mahali pale.

Erica alipowaona ni wao, alirudi zake chumbani kwake tu kwani hata yeye hakutaka uwepo wa Derrick ukizingatia kamuaibisha sana.

Basi akawasha tena simu yake, na muda huo huo Rahim akampigia simu tena, kiukweli hakujisikia kuipokea kwahiyo aliiacha iite hadi ikatike.

Kisha akajaribu tena kuipiga namba ya Erick napo haikupatikana na kuzidi kumtia simanzi, akachukia sana, huku asitamani hata kuongea na mtu mwingine kwa wakati huo, ila mama yake alimuita maana Derick alienda kuomba msamaha, kwahiyo muda huu Erica alienda kuwasikiliza sera zao, akawasalimia pale na kukaa, mama yake akaongea,

“Haya, wewe Derick, omba msamaha kwa Erica kwa hayo madudu uliyomfanyia”

“Erica, naomba unisamehe sana, nimefanya kitu ambacho hakitakiwi kabisa, sisi ni ndugu Erica na tuishi kindugu, sisi ni dada na kaka kwahiyo tupendane na tuishi vizuri”

Sababu erica hakutaka kuweka maongezi marefu akaamua kumsamehe tu, muda huo mtoto wa Erica aliyekuwa amelala aliamka na kulia kiasi na kuanza kwenda sebleni, kwahiyo Erica alimchukua mwanae na kumpakata, ila mama Derick akasema,

“Jamani huyu mtoto sikumuona alivyokua, daha kafanana na mtoto mtoto wa ndugu yangu anaitwa Rahim”

Derick akadakia,

“Ndio baba yake huyo, kumbe mama hujui?’

“Babake!”

“Ndio mama”

Mama Derick alimuangalia Erica na kumwambia,

“Kheee pole Erica, ulianzaje kuzaa na Yule? Yani matendo yake Yule si mazuri hata kidogo ila mamake huwa haamini kama mwanae mchafu hata umwambie vipi, sina cha kuficha wala cha kukupa moyo, kwakweli Rahim hakufai”

Erica akasema kwa aibu maana hakutaka mama Derick ajue ila mambo yote yako wazi,

“Ila nilishaachana nae huyo Rahim”

“Kwakweli pole yani pole sana, Yule ndugu yangu mtoto amepata ni John tu, ni mpole na anapenda kweli ila sio Rahim, hata mke wa kuoa hakujua amuoe nani, ikabidi babake amuolee tu mke, yani Rahim sijui labda akikuua ataacha ila pole sana”

Mamake Erica nae hakutaka hayo mambo ya kujadiliana kuhusu Rahim ilihali ni Rahim aliyeharibu maisha ya mwanae kwahiyo aliikatisha ile mada,

“Jamani sitaki kusikia habari za huyo mtu, huyu ni mjukuu wangu na atabaki kwenye himaya yangu, badilisheni mada kama zimeesha ondokeni”

Mamake Erica alionekana kuwa na kirirani tu kila muda. Basi waliongee ongea na kuaga ambapo walishikana mikono na kuagana.

Jioni ilipofika mama Erica alimuuliza mwanae,

“Kwanza Erica ni nani alikutumia picha na ujumbe kwamba Erick yupo na Sia?”

“Ni Sia mama”

“Aaah! Kumbe, mwenzio anataka kukurusha roho tu sasa wewe usionyeshe kama umeumia wala nini, onyesha kuwa upo kawaida kabisa, nay eye ndio atajisikia vibaya”

“Ila mama dah mapenzi haya, hapana kwakweli”

“Mapenzi ndivyo yalivyo mwanangu, kuna wakati utacheka na kuna wakati utalia, ndio mapenzi hayo”

Erica aliachana na mama yake na kwenda kufanya shughuli zake zingine.



Hadi usiku unaingia Erica hakutafutwa na Erick, swala hilo lilimuumiza moyo sana na kumfanya akose raha kabisa, hakuwa na usingizi ingawa ilikuwa ni usiku hivyo akachukua simu na kuingia kwenye mtandao ili kuone kama kuna jipya lolote labda Erick amemtumia ujumbe hakuona , ila leo aliamua kukagua akaunti ya Erick akaona hakuweka picha yoyote kwenye akaunti yake zaidi ya picha za maua na ujumbe ujumbe, akajiuliza kwanini hakuweka picha? Hakujua sababu, akaangalia na marafiki zake, akaona wote wale wa kwenye ofisi ya Erick ni marafiki zake, akiwemo na Sia, yani alijikuta akitamani sana kujua namba ya siri ya Erick ili ajiridhishe kuwa anaongeaga na nani mule kwenye mtandao. Akaona kuna jumbe Fulani kwenye ukurasa wa wazi wa Erick, akaona wa kwanza ukitoka kwa msichana,

“Erick nilikutafuta kweli, natumai wewe ndio Erick wangu wa kipindi kile”

Huo ujumbe ulitumwa jana, aliona moyo wake ukipasuka tu kwa wivu, akazidi kuangalia na kuona zingine za kawaida ila moyo ulikuwa unamuuma sana, mara akatumiwa ujumbe na Sia,

“Hulali shoga yangu, saa sita hii upo facebook! Pole sana, mapenzi yatakuua. Pole eeeh! Ila ndio ujifunze, sio kubambikia wanaume watoto, kwa taarifa yako shughuli niliyoifanya jana kwahakika nimepata mimba ya Erick na nitazaa nae uone kama atakufikiria wewe”

Erica aliumia sana ila alijiuliza kuwa huyu anayenishangaa silali, yeye amelala? Akamjibu

“Na wewe mbona hujalala? Na safari hii utakunywa sumu ya panya ufe kabisa, Erick ananipenda ingawa sijazaa nae ila ananipenda, unaweza ukazaa nae na asikupende, aliyekwambia kuzaa na mwanaume ndio kupendwa nani? Pole sana”

Aliamua nae kuwa na ujasiri kuliko kuendelea kujiumiza moyo, sia akamjibu tena

“Kama anakupenda mbona yupo na mimi?”

Erica akamjibu tena ili Sia aone kuwa hajaumia,

“Kuwa nae sio kwamba anakupenda sana, kuna watu hadi wanaolewa na hawapendwi kwahiyo kuwa nae wala sio sababu hiyo. Wewe hupendwi na ndiomana ukajaribu hata kujiua, ila mwenzio nina uhakika napendwa yani hata iweje Erick ananipenda sana, na kwa taarifa yako unafikiri kwa vipicha vyako ndio nitamuacha Erick! Hiyo haipo dada, tafuta njia nyingine”

“Yani Erica unanijibu hivyo?”

“Ndio, ulitaka nikujibu vipi? Na saivi hadi ndoa yani usage kabisa vichupa uchanganye na sumu ya panya unywe ili usiamke tena sababu kila ukishtuka tu utanikuta nae”

Sia hakumtumia tena ujumbe Erica, na kumfanya Erica ahisi kuwa Sian aye kaumizwa nay ale maneno, akaamua kuzima data sasa na kuweka simu pembeni ila kiukweli alikuwa akijikaza tu ingawa moyo ulimuuma sana kuhusu Erick.

Alijaribu kulala ila usingizi ulimpa kwa shida sana maana alilala saa kumi usiku.



Kulivyokucha aliamshwa na mwanae maana alimletea swaga mpya kabisa alipoamka, kwanza alimfinya mashavu mama yake hadi akaamka na alipokaa tu akaanza kusema,

“Mama mpigie baba”

Alimshangaa mwanae maana hakumtegemea kama angemwambia vile kwa asubuhi ile, akamuuliza,

“Babako nani nimpigie?”

“Baba Erick, ataka ongea nae”

Kwakweli Erica alitamani sana kujua ni kitu gani Erick huwa anaongea na mwane kiasi kwamba mwanae amkumbuke asubuhi yote ile, basi akachukua simu na kujaribu kumpigia Erick akakuta hapatikani na kumwambia mwanae,

“Babako hapatikani”

Angel alianza kulia mpaka Erica ikabidi amsikilizishe kuwa hapatikani ndio akanyamaza na kutoka kwenda kwa bibi yake, kwakweli kwa kiasi Fulani Erica alichukia vile ambavyo mwanae alizoeshwa na Erick, sema hakuwa na la kufanya sababu mwanae alishazoeshwa hivyo.

Kwahiyo alitoka tu chumbani kwake na kwenda kufanya shughuli zingine.

Mama yake alimuaga kuwa kuna mahali anaenda kwenye shughuli zake za vikoba, ila akaongea nae,

“Ila mwanangu mamako nimechoka, maana shughuli hii nimeanza muda tu ila bado kuna watu wameendelea hadi natamani maendeleo yao. Kuna biashara haitanisumbua hata kichwa kuifanya ila sina mtaji”

“Biashara gani mama?”

“Natamani nianze kukopesha wamama, ningekuwa na milioni tano tu ingeniingizia faida nzuri sana halafu wala nisingetumia jasho sana”

“Ila biashara ya kukopesha mama utaiweza?”

“Naiweza ndio, idea zote ninazo sema sina hela tu”

Basi mama yake akaondoka zake, ila Erica aliona swala la mama yake ni swala zuri nap engine hela zake zitapata matuzimi, ila alijua akimwambia ukweli tu mama yake itakuwa tatizo kubwa sana. Basi mama yake alipoondoka tu na yeye akavaa na kuita gari kisha akaondoka na mwanae kuelekea benki, alikuwa akifanya haraka ili arudi kabla ya mama yake, na kweli alifika benki na kutoa zile hela, wakati anatoka pale benki akakutana na John, alitaka ampite ajifanye hajamuona ila John alimsogelea,

“Erica, unataka kunikimbia kweli?”

“Hamna bhana”

“Naona mtoto wa kaka anazidi kuchanua, mwenyewe karudi umeonana nae?”

“Hapana”

“Dah! Sio vizuri kwakweli, naenda kuweka hela ila ngoja nikupe kidogo kwa matumizi ya mtoto”

John alitoa laki tatu na kumpa Erica, ila kiukweli Erica alishangaa sana wasio na mtoto wana uchungu kuliko mwenye mtoto, Erica alichukua na kuondoka zake ambapo moja kwa moja alienda na ile gari nyumbani kwao.

Kufika tu kwao, mwanae alimuuliza,

“Mama Yule nani?”

Erica akaona mwanae kuna siku atamuumbua na maswali yake maana toka amejua kuongea amekuwa na maswali ya ajabu sana, kwahiyo hakumjibu bali alimgeresha tu na kuendelea na mambo mengine.



Ilikuwa ni Mchana na mama yake alikuwa hajarudi ila alisikia simu inaita akaamua kwenda chumbani kwake kuipokea, akakuta mpigaji ni Tumaini, akapokea hata hakumuogopa ingawa Erick alimwambia kuwa amblock Tumaini ila yeye hakumblock na alijipanga kumjibu kwa lolote atakalomuuliza,

“Hivi wewe Erica una akili kweli? Ndio nini kumjibu vile Sia?”

“Hivi wewe unahusika nini na ugomvi wa wake wenza? Unatakiwa kuwa mpole tu maana utake usitake ujue atakayeolewa na Erick ndio wifi yako”

“Aliyesema Erick atakuoa wewe nani?”

“Kumbe hujui!! Mimi ndio mke wa Erick”

“Hivi wewe Erica unajiamini nini wewe?”

“Najiamini sababu mimi ni mwanamke, na Erick atanioa mimi, kwaheri”

Erica akakata ile simu aliamua kufanya vile sababu ya jambo moja tu hakutaka kuona vile wakimsema wakati huo ameumizwa kuhusu swala la Erick na kutokupatikana kwake, kwahiyo alitaka na wao wajihisi vibaya kwa majibu yake.

Muda huu mama yake alikuwa amerudi na anajiongelesha mwenyewe tu kwa swala la kutokuwa na pesa, basi Erica akaenda na bahasha kwa mama yake na kumkabidhi, mama yake akahamaki,

“Nini tena?”

“Hela hizo mama”

“Zimetoka wapi?”

“Niliongea na Erick kuhusu swala la biashara unayotaka kufanya, ila sikumwambia kama ni wewe nilimwambia ni mimi ndio akaniletea hela za biashara hiyo”

“Kwahiyo pesa ngapi?”

“Ni laki tano mama”

“Weeee usiniambie, kumbe Erick ndio yupo hivi? Usimuache Erick mwanangu, achana na mada za wakina Sia”

Erica alicheka sana maana mama yake amekuwa kigeugeu baada ya kuona zile hela ila za mzee Jimmy hakuzitaka kabisa, kusikia za Erick alifurahi sana. Erica alishukuru mamake hajajua ukweli na akajua hawezi kumuuliza Erick kwani hajamzoea halafu amemwambia kuwa aliomba hela za kufanya biashara yeye kwahiyo hawezi kumuuliza.



Jioni wakati Erica akiendelea na shughuli zake akasikia mlio wa simu yake na kwenda ndani kuipokea, alikuta ni Erick anapiga kwahiyo akapokea ili asikie uongo wake,

“Erica, najua utashangaa kuwa sio kawaida yangu na kweli sio kawaida yangu nilikuwa nje tu lakini haipiti siku nakupigia simu, iwe nchini kweli nishindwe kukupigia? Tafadhali Erica usinihisi vibaya, nakupenda sana. Naomba unisamehe”

“Nikusamehe umefanya kosa gani?”

“Sijakutafuta hewani, naomba unisamehe”

“Na mbona ulikuwa hupatikani?

“Erica hata sijui simu yangu iliwekwa wapi, ila kesho tuonane nikusimulie yaliyonikuta”

“Sawa, ila kesho nampeleka mtoto kliniki”

“Sawa, ukiwa kliniki utaniambia halafu mimi nitakuja kuwachukua wewe na mtoto, nataka nikueleze yaliyonisibu maana hata nikikwambia humu kwenye simu hautaelewa”

Erica alimuitikia tu ila alihisi tu maelezo atakayopewa na Erick ni uongo mtupu, akaagana nae.

Usiku ulipofika, mwanae akamuanzishia tena swala la kutaka kuongea na Erick, kwahiyo ilibidi ampigie na ampe mwanae aongee nae ambapo Angel alikuwa na furaha zaidi kumbe Erick alimwambia kuwa kesho wataonana.

Alivyomaliza Erica alichukua simu yake ile na kuweka pembeni kisha akachukua simu yake nyingine na kuingia nayo kwenye mtandao, alitaka kuona na siku hiyo Sia angemuandikia nini, ila kuna post aliiona akajikuta akiifatilia, ilisema

“Je mwanaume ukigundua kuwa mtoto wako amebadilishwa ubini na kupewa ubini wa mwanaume mwingine utafanyaje”

Aliona kama inamuhusu vile kwahiyo aliamua kuangalia watu waliochangia walikuwa na maoni gani, kwa bahati akakutana na maoni ya Rahim,

“Kwakweli kama ni mimi huyo mwanamke niliyezaa nae nitamuua kabisa hata asiwepo kwenye uso wan chi yani anibadilishie ubini mtoto wangu! Damu yangu! Naua kabisa”

Kwakweli hili oni lilimsisimua sana ukizingatia mtoaji wa oni hilo ndio muhusika ambaye mwanae kabadilishwa jina, aliamua kutoka kwenye mtandao kabisa akajiuliza,

“Hivi hawa watu wa mtandao ndio maswali gani hayo ya kuuliza watu? Mmmh sijui nifanyeje, Mungu wangu jamani”

Aliwaza sana ila alikosa jibu na kuamua tu kulala zake.



Asubuhi akajiandaa na kumuandaa mwanae kwaajili ya kwenda kliniki, aliondoka nyumbani na alifika na kuhudumiwa vizuri sana, ila sababu mwanae mtundu muwa wanaondoka akagoma kubebwa na kutembea, akamnyang’anya mamake pochi kisha akamwaga vitu vya kwenye pochi alikuwa na hasira sababu Erick alisema angeenda kuwachukua wakati wanaondoka ila akaona wanaondoka na mama yake bila baba yake kuja, wakati Erica ameinama kuokota vitu vya kwenye pochi yake, kuna mwanaume alitokea na kuinama pia kumsaidia Erica kuokota, alipoinua macho kumtazama alishangaa kumuona Rahim, wakati anamshangaa Rahim akamuona ameishika bima ya afya ya Angel akiiangalia, kisha Rahim akasema kwa mshangao,

“Angel Erick?”;





Asubuhi akajiandaa na kumuandaa mwanae kwaajili ya kwenda kliniki, aliondoka nyumbani na alifika na kuhudumiwa vizuri sana, ila sababu mwanae mtundu muwa wanaondoka akagoma kubebwa na kutembea, akamnyang’anya mamake pochi kisha akamwaga vitu vya kwenye pochi alikuwa na hasira sababu Erick alisema angeenda kuwachukua wakati wanaondoka ila akaona wanaondoka na mama yake bila baba yake kuja, wakati Erica ameinama kuokota vitu vya kwenye pochi yake, kuna mwanaume alitokea na kuinama pia kumsaidia Erica kuokota, alipoinua macho kumtazama alishangaa kumuona Rahim, wakati anamshangaa Rahim akamuona ameishika bima ya afya ya Angel akiiangalia, kisha Rahim akasema kwa mshangao,

“Angel Erick?”;

Erica akamnyang’anya Rahim ile kadi, Rahim akamuangalia Erica na kusema,

“Kweli Erica umeamua mtoto wangu umpe jina la huyo malaya mwenzio Erick?”

Ni wazi Rahim hakutambua kuwa Erick anayesemwaga na erica ni Yule Yule rafiki yake, Erica alikaa kimya tu kwa bahati alisogea karibu yao Salma na mimba kubwa sana inaonyesha Rahim alimpeleka Salma kliniki, halafu gafla Salma alianza kupiga kelele za maumizu, ilionyesha uchungu ulimsika kabla hata hajasema chochote, basi Rahim akainama kumsaidia Salma, Erica alitumia mwanya huo kuondoka mbele yao kwani hakutaka yaanze mengine.

Erica alitoka nje ya geti la ile hospitali, mara akamuona Erick ndio anashuka, cha kushangaza Angel alimkimbilia Erick na kumuwow kamavile alishawahi kumuona au aliambiwa kuwa Yule ndio Erick babake anayeongeaga nae, kwakweli hata Erica alibaki kaduwaa jinsi Angel alivyomkimbilia Erick, naye Erick alimdaka kwa furaha na kumbusu huku akisema,

“Aaaah binti yangu mzuri jamani, nakupenda sana”

Kisha akamuangalia Erica na kumwambia,

“Nisamehe kwa kuchelewa mpenzi”

Ila Erica hakujibu ambapo Erick aliwataka wapande kwenye gari ambayo alienda nayo, nao wakapanda ila bado kichwani kwa Erica kulikuwa na maswali mengi sana kuwa Angel amepatwa vipi na muunganiko na Erick ikiwa hakuwahi kumuona? Na kama damu nzito kuliko maji basi Angel alitakiwa amfurahie Rahim ila ndio kwanza alikuwa akishangaa tu Rahim akishangaana na mama yake, kwa hakika Erica hakuelewa kabisa. Basi walivyokuwa kwenye gari, Erica, Erick pamoja na Angel walikaa kiti cha nyuma na mbele ni dereva alikuwa akiwaendesha, Angel alipakatwa tu na Erick huku akimuuliza,

“Zawadi yangu baba”

Erica alizidi kushangaa kwakweli maana siku hiyo ni siku ambayo mwanae alimchanganya sana kupita siku zote.

Ile gari ilienda moja kwa moja ufukweni ambapo walishuka na kutafuta mahali pazuri na kukaa kisha wakaanza kuongea, ambapo Erica alimuuliza kwanza Erick,

“Imekuwaje Angel kakufurahia sana wakati hajawahi kukuona?”

“Ni kweli hajawahi kuniona kwa macho ila naamini amewahi kuniona ndotoni, damu ni nzito kuliko maji”

Erica akaguna maana hiyo damu nzito vipi wakati mtoto sio wake, kisha Erick akamwambia,

“Unajua ili mtoto akupende na akuzoee huwa inabidi upendo utengenezwe, kuna upendo wa asili na kuna upendo wa kutengeneza, mimi nipo kwenye upendo wa kutengeneza ambao mwisho utakuwa upendo wa asili, sitataka kumuona Angel akikosa raha, sitapenda kumuona Angel analia na siku zote nitampenda katika maisha yangu”

Kwakweli bado Erica haikumuingia akilini hata kidogo, gafla simu yake ikaanza kuita ila sauti ilikuwa ndogo sana, kuangalia mpigaji alikuwa ni Rahim, ikabidi amwambie Erick kuwa anaenda chooni ili akapokee hiyo simu ajue Rahim atasema nini, Erick hakuwa na tatizo kwani alibaki akicheza cheza na Angel.



Erica alijiuliza sana kuwa Rahim anataka amwambie vitu gani, hofu ilikuwa kubwa sana kwake maana Rahim alishaujua ukweli kuhusu jina la mtoto, simu ikakatika na kuanza kuita tena, ikabidi aipokee,

“Hivi wewe mwanamke ambaye umehangaika dunia nzima na wanaume wote, leo hii unambadilisha mwanangu jina kwa misingi ipi? Yani naona post sijui ukikuta mwanao kaandikwa ubini mwingine najua tu ni mambo ya kawaida kumbe yapo! Niambie wewe malaya umeanzaje kumpa mwanangu baba mwingine?”

Erica akawa kimya tu na kumfanya Rahim aendelee kuongea,

“Erica, nadhani hunijui vizuri ulikuwa unaniona tu, mimi nina roho mbaya kuliko unavyofikiria. Mimi ni gaidi wewe mwanamke, nina uwezo wa kuteketeza wewe na familia yako kwa dakika, nina uwezo wa kuteketeza hicho kimwanaume chako kwa sekunde, mimi ni mafia, unawezaje kunifanyia kama hivi? Mwanamke mwenyewe hata hufai kutazamwa usoni kwahiyo umeuza mwanangu ili uolewe na hiko kibasha chako? Ni nani mwenye ujasiri wa kuoa mwanamke kama wewe mwenye kutembea na ukoo mzima, si atakuwa kaolea kijiji!”

Hakuna kitu kinachomuumaga Erica kama kutukanwa sababu ya kutembea na wanaume aliotembea nao yani hapo ndio huwa anaweza sema vibaya bila hata kuogopa maana maneno yale huwa yanamuumiza, akaanza kumjibu

“Rahim, nanyamaza kimya usifikiri mimi ni mjinga, nina akili zangu timamu. Kuhusu kumbadili mtoto jina sijakurupuka tu kama unavyodhani, hivi ulivyositisha huduma kwa mtoto ulifikiri atahudumiwa na malaika? Huna muda na mtoto, humjali, humthamini ila unajiita kuwa na wewe ni baba, hivi wewe ni baba kweli? Mtoto kakuona leo wala hajakushobokea sababu hakujui ila unaanza kufoka kuona bima ya afya ya mtoto, usipojiongeza kuwa watu watajiongeza kwaajili yako. Na kuhusu swala la umalaya hata wewe ni malaya ndio mana ulitembea na mimi mwanamke malaya, na kuhusu Angel kuwa Angel Erick ni sawa kabisa maana Erick sio wa ukoo wenu, na unajua fika toka siku ya kwanza nilikwambia mwanaume ninayempenda anaitwa Erick, kwahiyo usinichanganye, sitegemei chochote kutoka kwako”

“Hivi errica unapata wapi ujasiri wa kuongea hayo? Sihudumii mtoto sijui nini na nini, kipindi tupo kwenye mahusiano nilikuwa nakupa hela mara kwa mara, leo hii unadikiri kusema simuhudumii mtoto? Mbona huna akili wewe mwanamke, hela zote zile nilizokuwa nakupa, kwanini usingefanyia hata biashara eeeh! Umekalia tu kusema simuhudumii mtoto wakati nilikuwa nakupa hela kibao”

“Wewe ndio huna akili Rahim, usinitoe akili kabisa, wewe ndio huna akili namba moja. Sikatai ulikuwa ukinipa pesa ni nyingi tu na nilikuwa nakushukuru ila hazikuwa pesa kwaajili ya matumizi ya mtoto, zilikuwa peasa kwaajili ya matumizi yangu binafsi, na wakati nina mimba ilikuwa bado unanihudumia mimi, pindi mtoto kazaliwa ukasitisha huduma, hivi unategemea mtoto atakula nini huyo eeeh!”

“Ulishindwa hata kujiongeza ufanye biashara?”

“Ndio nimejiongeza sasa kwa mtafutia Angel baba mwingine wa kumlea, malaya anakuwaga na baba wa mtoto? Yeyote tu atakayetoa matumizi kwa mtoto ndio baba, yani Rahim usinitibue sijui utaiteketeza familia yangu kwa dakika siogopi yani jua kabisa siogopi, wewe ukiiteketeza yangu kwa dakika basi yako hata sekunde simalizi kuiteketeza, kumbuka nishatembea na ukoo wako mzima, achana na mimi, ulishasema mtoto wa malaya nae atakuwa hivyo hivyo kwanini sasa uhangaike na mwanangu? Muache kama alivyo, na Erick akishindwa kumlea nikipata mwingine nambadilisha vilevile, siri ya mtoto anayo mama, kwaheri.”

Kisha akakata simu na kuizima kabisa, alimjibu Rahim kiujasiri ila alikuwa amejawa na uoga vilivyo huku akijua kuwa ingekuwa ana kwa ana basi angepigwa atolewe ngeu siku hiyo lakini sababu kwenye simu aliamua kujibu anavyojisikia.



Erica akarudi alipowaacha Angel na Erick na kukuta Angel amelala kwenye mikono ya Erick kisha Erick akamjuuliza,

“Mbona umechalewa hivyo Erica, hiyo uwani uwani gani?”

“Ni tumbo linanisumbua gafla”

“Ooooh basi niwapeleke nyumbani”

“Itakuwa vizuri kwakweli”

Basi wakatoka pale na kwenda kupanda gari tena, huku Erica akimpa maelekezo Yule dereva kuhusu mahali wanapoelekea maana Erick hakupafahamu kwakina Erica, muda huu Erica hakukumbuka hata maswali ya kumuuliza Erick maana alikuwa ameshachanganywa na mambo mengi na kujikuta akiwa kimya kabisa hadi wanafika kwao, Erick alimuuliza,

“Mbona umekuwa hivyo Erica, kuna kitu nimekuudhi? Je nimekubore eeeh!”

“Hapana nit umbo tu”

Basi wakashuka ambapo Erick alishuka na Angel, na moja kwa moja waliingia ndani kwakina Erica na kumkuta mama Erica yupo ametulia tuli, basi wakamsalimia na Erica kumchukua Angel kwenda kumlaza yani hakuwa hata na wazo la kumtambulisha Erick kwa mama yake maana akili yake ilishavurugwa kabisa yani hakukumbuka chochote kile, maneno ya Rahim yalimchanganya vilivyo, alijikaza tu kumjibu lakini maneno yale yalimchanganya sana.

Pale sebleni alibaki Erick na mama yake Erica, kisha alianza kumuuliza,

“Wewe ndio Erick?”

“Ndio mimi mama”

“Haya, lini utakuja kumuoa mwanangu?”

“Mama, lazima nimuoe Erica yani lazima nimuoe, nitakuja rasmi hapa”

“Hujaogopa kufika muda huu?”

“Sijaogopa mama maana nia yangu kwa Erica sio mbaya, nina nia njema na Erica”

“Haya mwanangu, nakutakia mipango mizuri halafu nilisahau kukushukuru asante kwa zile pesa ulizompa Erica”

“Zipi hizo mama?”

“Si ile milioni tano, kwakweli nakushukuru sana maana kanipa karibia nitaanza biashara”

Erick hakujua kama aitikie au vipi, maana anakumbuka wazi kuwa hajawahi kumpa Erica hiyo hela sasa iweje ashukuriwe kwa hela ambayo hajawahi kuitoa? Alijikuta tu akijichekelesha ili Yule mama ashiwe na shaka nae ila alitaka sana kumuuliza Erica kuhusu huyo hela, wakatu huo huo mamake Erica akasema tena,

“Mbona unacheka tu baba eeeh! Nashukuru mamako kwakweli umetusaidia sana”

Erick akaamua kujibu tu,

“Hakuna tataizo mama”

Huku akiwa na mashaka kuwa huenda Yule mama anampa mtego ambapo akikubali ni tatizo ila aliamua kujitoa muanga na kukubali aone itakuwaje, ila Yule mama alikuwa akifurahi tu.

Wakati mama Erica akiongea na Erick, walishangaa ni muda mrefu sana Erica hakutoka ikabidi mama ke aende kumuangalia, akamkuta kumbe alilala pembeni ya Angel yani wakati ameenda kumlaza Angel nae akajilaza pembeni yake, ikabidi mamake Erica atoke na kumwambia Erick kuwa Erica amelala pamoja na mtoto, ilibidi Erick aage na kuahidi kwenda siku nyingine,

“Nitakuja tena Jumamosi mama”

“Sawa, karibu sana”

Basi Erick alitoka ila alijiuliza sana kuwa kuna kitu gani ambacho Erica anamficha maana hata ile hali ya siku hiyo hakuielewa kabisa, alishamweleza kuwa amwambie kila kitu lakini yeye anamficha, yani hakuelewa kabisa kuwa ni kwanini anafichwa na Erica. Basi aliondoka zake tu maana hakuwa na namna zaidi ya kuondoka.



Ilikuwa ni jioni kabisa wakati Erica ameamka sasa maana alilala sana siku hiyo na hata hakujua kalala vile kwasababu gani, aliamka na kutoka nje ambapo alimkuta mama yake akifanya fanya shughuli zake, akamsalimia kisha mamake akamuuliza,

“Erica ndio tabia gani hiyo unakuja na mgeni hata umtambulishi?”

“Oooh nilisahau mama, yani nilisahau kabisa”

“Na kilichokusahaulisha ni nini eeeh! Yani leo unachanganyikiwa na kufikia hatua ya kusahau kama umekuja na Erick?”

“kwahiyo alijitambulisha mwenyewe?”

“Hamna nilihisi tu na kuanza kumuhoji maswali, haya wewe umevurugwa na kitu gani hiko hadi usahau mgeni?”

“Mama, leo wakati natoka kliniki nilipatwa na majanga”

“Majanga gani?”

Akajaribu kumsimulia mama yake kuwa alikutana na Rahim na jinsi Rahim alivyoona ile kadi ya bima ya afya ya mtoto na jinsi alivyomwambia kuwa ataimaliza familia yake, ila hakusema yeye ni majibu gani alimpa Rahim, mama yake alimuhurumia kwani kwa kiasi alimuona mwanae ana mapito,

“Ila mwanangu kosa lako ni moja tu”

“Lipi mama?”

“Huyo Rahim sababu aligoma kutoa matumizi ya mtoto yani kipindi kile kile ungemwambia bwana mimi nambadilisha mtoto jina maana umeshindwa kulea halafu ungeona angefanyeje, ila swala lingine je Erick najua kama Rahim ameanza kukufatilia?”

“Hajui mama”

“Mwambie ukweli, mwambie na vitisho alivyokupa, mwambie na jinsi alivyoona kadi ya mtoto, siku zote nakwambia ukweli huweka watu huru, ni bora kusema ukweli ili Erick ajue kuwa akikutana na Rahim basi akabiliane nae vipi, yani usimche, mwambie ukweli mtupu kuwa wewe na Rahim mko vipi, asishangae kusikia Rahim akikuita malaya, mwambie akupende ulivyo sio akupenda halafu akijua rangi yako halisi asumbue”

“Mmmh mama yani nimueleze yote hayo? Huoni kama nitampoteza Erick?”

“Basi usimwambie ila mwambie kama Rahim anakufatilia na ameshaona kadi ya mtoto, hilo ni la muhimu sana mueleze ukweli huo ajue”

“Sawa mama nitafanya hivyo”

“Na tena nimemshukuru Erick kwa ile milioni tano aliyokupatia”

Erica alishtuka kusikia hivyo maana mama yake alikuwa amemuongezea mabalaa, yani kumshukuru Erick wakati hajaitoa hela kwa Erick! Ulikuwa mtihani huo, mshtuko wake hata mama yake aliuona na kumuuliza,

“Wewe Erica vipi kushtuka hivyo?”

“Hapana sijashtuka mama”

“Niambie ukweli Erica, mshtuko wako huo sio wa kawaida”

“Hamna kitu mama ila sikujua kama umemwambia maana sikutaka ajue kama zile hela nilikupa wewe”

“Na mimi sijaona ubaya kumshukuru hata kama hakujua kama umenipa mimi, kushukuru ni jambo jema sana. Nimejifunza shukrani kwahiyo lazima nishukuru”

Erica alikaa kimya tu ila alitambua wazi kuwa mama yake kamuharibia tu.



Usiku uliingia na kwenda kulala ila Erick hakumtafuta kabisa hewani akaamua kumpigia yeye simu ila simu ya Erick iliita tu bila yan kupokelewa na kumfanya ajihisi vibaya sana kuwa Erick amechukia juu ya zile pesa, basi aliamua kutuliza mawazo yake kwa kuingia kwenye mtandao wa kijamii, aliingia tu na kukutana na picha ya Rahim akiwa ananyanyua chuma halafu kaandika,

“Katika mazoezi ya kumtoa mtu kafara mwaka huu”

Hakupenda kuendelea kuangalia ile picha maana aliona inamletea simanzi tu, kwani kila akifikiria maneno ya Rahim alihisi kichwa chake kuumia zaidi, basi alijitahidi tu na kuweza kulala.

Kulipokucha yani alfajiri kabisa alipigiwa simu na Dora na kuipokea ile simu na kuanza kuongea nayo,

“Erica, nilikwambiaje kuhusu hela za Yule mzee? Shauri yako, unadhani nakuonea wivu? Hapana nakuonea huruma”

“Sasa Dora, mi ningefanyeje jamani eeeh! Sikuwa na akaunti ya Yule mzee ningewezaje sasa kumrudishia?”

“Mi nilikwambia lakini bora hata ungezileta kwangu ningejua namna ya kukabiliana na huyu mzee lakini kuzitumia ni jambo litakalokutesa sana, una mtoto kumbuka”

“Na amejuaje kama nimezitoa?”

“Kumbuka Yule mzee ndio yuko pale benki kwahiyo anauwezo wa kufatilia taarifa za kila mteja halafu kajitapa kweli hela zake umeshazichukua?”

“Sasa nifanyeje Dora, yani unanishauri nini?”

“Sikia, wewe kama zile hela bado unazo kazirudishe halafu mimi nikafungue akaunti kwenye ile benki na kisha unihamishie ile pesa kama ilivyo yani aone kabisa kuwa zile pesa zilihamia kwangu”

“Dora jamani itawezekana vipi?”

“Itawezekana tu, ngoja le oleo nikafungue akaunti kwenye ile benki, jali maisha yako rafiki yangu, sitaki uteketee na uhangamie”

“Sawa nimekuelewa”

Basi akakata simu ila akawa na mawazo sana, anawezaje kumwambia mamake ukweli wa zile hela, na anawezaje kuzirudisha zile hela wakati kashampa mama yake na ameshaanza kuzikopesha? Yani akawa na maswali mengi sana, hadi anaamka na kwenda kufanya kazi alifanya kimawazo sana maana hakuelewa kwa usawa ule atatoa wapi milioni tano ya gafla na kwenda kuirudisha maana mama yake aliogopa kumwambia sababu kama akijua ni hela ya Yule mzee angemsema sana ila hakuwa na jinsi zaidi ya kuwa na mawazo tu.



Mchana wa siku hiyo hakuwa na namna nyingine zaidi ya kumpigia simu Erick, ingawa hakumuanza ila aliamua kumuanza yeye ili kujaribu kuongea nae, muda huo Erick alipokea simu ya Erica,

“Erick tafadhali nahitaji kuongea na wewe, usikatae nakuomba”

“Sawa, muda gani?”

“Hata muda huu, niambie popote ulipo nitakuja, nakuomba Erick”

Basi Erick alikubali na kumtajia sehemu ya kukutana nae, Erica alijiandaa na kumuaga mama yake kuwa kuna mahali anaenda ila hakumwambia tu ni wapi.

Basi aliondoka zake na kwenda kukutana na Erick, cha kushangaza Erick alifurahi sana kumuona Erica akamkumbatia kwa nguvu, na kwenda kukaa nae kuongea,

“Erick, mbona jana hukunitafuta na wala hukupokea simu zangu?”

“Erica lazima nijiridhishe kuwa kweli bado una upendo na mimi, kweli mtu gani wewe? Ulichonifanyia ni sawa/ Tunaenda kwenu halafu unaenda kulala bila kuniaga jamani? Ni sahihi hiyo?”

“Nisamehe Erick, najua si sawa ila si nilikwambia naumwa? Nisamehe sana”

“Hata kama unaumwa ila ulitakiwa kuniaga basi, halafu swali lingine umetoa wapi milioni tano na kumpa mama yako na kusema kuwa mimi ndio nimekupa? Una wanaume wengine Erica eeeh!”

“Ila nyie wanaume ni watu wa ajabu sana, yani mimi sijakuuliza kuhusu picha zako na Sia ila wewe unauliza kuhusu milioni tano ambayo huna hata uhakika kuwa nilipewa na mwanaume”

“Uitoe wapi? Huna kazi, upo tu, uitoe wapi Erica? Ungeniomba mimi sawa ila wewe kama wewe unaitoa wapi?”

“Ndio nimekutafuta nikueleze kuhusu hiyo hela, nisamehe sana kwa kutokukwambia mapema”

“Haya nieleze”

“Ni hivi, kuna baba mmoja huwa ananitaka na kulazimisha kuwa niwe mpenzi wake sema nilimkataa sasa alivyoijua akaunti ya Angel ndio akaenda kuweka hela hizo kwenye akaunti ya Angel, sasa mama aliponiambia ana shida na hela nikaona nikamtolee tu zile, ila kwasasa roho inanisuta balaa, na mama siwezi kumwambia anirudishie maana kashazifanyia kazi, nahitaji kumrudishia Yule mzee hela yake”

“Utamrudishia wapi?”

“Nitaenda kuomba akaunti yake na kumrudishia humo, hata hivyo mke wake nimemueleza kasema niirushe kwake”

“Sawa sawa, bora uiweke kwenye akaunti ya mke wake, na hiyo hela utaipata wapi?”

“Sijui, Yule mzee aliweka milioni kumi ndio nimetoa tano, zimebaki tano kwahiyo inabidi niirudishe hiyo tano nyingine ile mkewe nimtumie hizo kumi, ila mpaka sasa sijui hiyo tano naipata wapi? Nikamdai mama! Itakuwaje nikimdai sasa? Yani sielewi”

“Basi sikia, mimi nitakupa lakini kwa sharti moja”

“Sharti gani hilo?”

“Utaniletea fomu ya kumuhamishia huyo mke wake hela”

“Ooooh asante sana Erick, ninashukuru kwakweli”

“Aaaah usijali”

Basi wakaendelea na mazungumzo mengine, kisha Erica akakumbuka swala la Sian a kumuuliza Erick,

“Eeeeh Erick ndio kunifanyia nini vile?”

“Nini tena?”

“Erick kweli wa kunisaliti na Sia wewe! Yani Sia ananitumia kabisa picha mkiwa mmelala pamoja, halafu simu ukazima siku mbili kweli?”

“Halafu unajua ni zawadi gani nimekuletea kutoka nilipokuwa?”

“Erick, mbona unataka kubadilisha mada wewe, yani swali langu lingine halafu na wewe unaniletea swali lingine”

Mara simu ya Erick ikaita, akaipokea na kwenda pembeni kuongea nayo, kwakweli Erica alishangaa sana jinsi Erick anavyokwepa mada ya kuwa alilala na Sia, alipomaliza kuongea na simu alikuwa akitabasamu tu na kumwambia Erica,

“Twende”

“Wapi?”

“Yani leo imekuwa siku nzuri sana, ile zawadi niliyoagiza imefika”

“Zawadi gani?”

“Twende ukaione”

Kwahiyo wakaondoka pale na Erick na kupanda gari ambalo lilienda hadi bandarini, walishuka na kwenda ofisi za bandari ambapo Erick alimuonyesha Erica, gari mpya tena nzuri sana na kumwambia kuwa ni zawadi yake aliyomnunulia, kwakweli Erica alipagawa na ile zawadi, alijikuta akipata furaha isiyo kifani, akaiangalia ele gari na kufurahi sana, kisha wakakubaliana na Yule wa bandari kuwa,

“Mje muichukue Jumatatu, kuna mambo nakamilisha”

“Sawa hakuna shida, nilitaka tu mke wangu aone zawadi yake”

Yule mtu wa bandari aliwapongeza sana kuwa inaonyesha wanapendana sana,

“Endeleeni hivyo hivyo kupendana, ni vizuri sana”

Erica alitabasamu tu kisha Erick alimpeleka hadi kwao na kumuaga mlangoni tu na kumwambia kuwa alishamwambia mamake kuwa ataenda Jumamosi kwahiyo kesho yake ndio atafika mahali pale, wakaagana pale na kuingia ndani.



Kiukweli Erica alikuwa na furaha sana kiasi kwamba hata akasahau kumwambia Erick kuhusu Rahim kwa furaha ya gari alilopewa na Erick, mamake aliiona furaha aliyokuwa nayo,

“Eeeh mwanangu, unafuraha sana leo. Yani umerudi na furaha tushirikishane basi”

“Subiri Jumatatu mama”

“Jumatatu nini? Ndio Erick anakuja kujitambulisha au?

“Hapana ila subiri utaona tu”

“Kupeana mshtuko huko, jambo la heri au shari?”

“Ni heri mama”

“Haya sawa kama ni jamboo la heri”

kwakweli Erica alikuwa na furaha sana hadi muda anajiandaa kulala alikuwa akitabasamu tu, Erick alimpigia simu na kuanza kuongea nae muda huo,

“Halafu nilisahau Erica. Ile hela nitakupa Jumatatu”

“Sawa, hakuna shida”

“Ila naamini Erica wale wanaume zako wa zamani ulishaachana nao wote, sitaki kusikia uchafu wowote unakufata”

“Erick, sina mwanaume mwingine zaidi yako mpenzi wangu”

“Yani Yule kijana niliyepigana nae siku ile simpendi jamani yani nilimchukia, nab ado namchukia hadi leo”

“Aaaah achana na Yule, kwanza ameoa Yule ana mke wake”

“Yani sitaki yoyote akufatilie Erica, wewe ni wangu”

“Hakuna mwingine Erick”

“Unajua uchungu wa mke eeeh! Mimi nina uchungu na wewe, nimekutoa mbali sana, tafadhali Erica nipende mimi tu”

“Nakupenda wewe tu Erick”

Alijikuta akiongea nae vingi sana vya kuhusu mapenzi yao na kusahau kila kitu kuwa alisalitiwa, yani hakukumbuka chochote ila alichowaza yeye ni kuwa Erick anampenda sana.

Hadi wanaagana na kulala, alilala na tabasamu zito sana.



Kulivyokucha alifanya kazi zake kama kawaida ila Dora alimpigia tena simu kumuwekea msisitizo wa zile hela,

“Nishafungua akauntui Erica”

“Basi Jumatatu au Jumanne nakutumia, nitumie akaunti namba na jina la akaunti”

“Sawa, nakutumia”

Basi ile simu ikakatika na muda kidogo tu Erica akapokea ujumbe toka kwa Dora wa namba na jina la akaunti, hakuwa na shida na ujumbe huo maana ni yeye mwenyewe ameutaka.

Wakati anataka kuweka simu pembeni akapigiwa na namba ngeni, akajua ni Dora pengine anataka kumpa maelezo mengine, akapokea akashangaa kumsikia Bahati,

“Erica, namba yako sikuikuta kwenye simu yangu yani nimehangaika sana kuipata, nimejaribu kupata kumbukumbu zangu na kuikumbuka ilikuwa kichwani mwangu, Erica nakupenda sana, mwanamke niliyemuoa simpendi mimi, nakupenda wewe erica”

“Kheee Bahati, niondoleee mabalaa jamani, si umeshaoa wewe, hebu tulia na mke wako”

“Hapana Erica, mke wangu simpendi, ninayekupenda ni wewe yani wewe ndio mwandani wangu, wewe ndio kila kitu kwangu”

Erica akaona huyu Bahati anamletea balaa tu, kwahiyo akaamua kumkatia simu na kumblock ili asimtafute tena. Basi akaenda kuendelea na kazi zake zingine za hapa na pale, kisha mchana mama yake alimuaga kuwa anatoka kuna mahali anaenda kuelimisha wamama kuhusu ujasiliamali, aliweza kuona ni jinsi gani mamake zile hela zimemchanganya hadi kawa muelimishaji wa ujasiliamali. Basi mama yake akaondoka na kubakia mwenye nyumbani na Angel.

Jioni ya siku hiyo aliamua kwenda kukaa nje kidogo kupata hewa ya nje, alipotoka tu alikuta Bahati ndio amefika, kiukweli alichukia kwani hakutaka Bahati tena afike kwao, ila Bahati alisogea na kumkumbatia Erica tena hakutaka kumuachia huku akidai amemkumbuka sana na sio kosa lake kuoa, muda huo huo wakati Bahati kamkumbatia Erica, ndio Erick nae alifika mahali pale na kuwashangaa.





Jioni ya siku hiyo aliamua kwenda kukaa nje kidogo kupata hewa ya nje, alipotoka tu alikuta Bahati ndio amefika, kiukweli alichukia kwani hakutaka Bahati tena afike kwao, ila Bahati alisogea na kumkumbatia Erica tena hakutaka kumuachia huku akidai amemkumbuka sana na sio kosa lake kuoa, muda huo huo wakati Bahati kamkumbatia Erica, ndio Erick nae alifika mahali pale na kuwashangaa.

Erica hakuwa na habari yoyote kama Erick kawaona, hata Angel nae hakujua maana alikuwa akishangaa tu mamake alivyokumbatiwa na Yule mtu.

Erick alichukia sana na kuondoka kwa hasira, wakati anatoka getini alikutana na mama yake Erica, kwakweli mama Erica alihisi kuna tatizo na kumuuliza,

“Mbona watoka kwa kasi hivyo kuna nini?”

Erick alimuangalia huyu mama na kuangusha machozi kisha akasema,

“Sijawahi kuangusha chozi kwaajili ya mwanamke, ila leo Erica amefanya nilie mama”

“Kafanyaje tena?”

“Erica ana mwanaume mwingine mama”

“Ana mwanaume mwingine? Haiwezekani, huyo mwanaume katokea wapi? Mwanangu haya mambo sio ya kuchukulia hasira kiasi hiko, naomba twende tukazungumze”

“Hapana mama, siwezi kuvumilia kumuona Erica wangu na Yule mwanaume”

“Mwanangu tafadhali nisikilize mimi nakuomba, twende tukazungumze tafadhali. Leo nimerudi mapema kwaajili yako maana nilikuwa nakumbuka ahadi yako ya kuja leo Jumamosi, tafadhali mwanangu twende”

Basi Erick alikubali na kuongozana na mama yake Erica, wakaenda hadi mlango wa kuingilia ndani kwakina Erica, walimkuta Bahati amepiga magoti akimuomba jambo Erica, mama Erica akamuangalia Erick na kumwambia,

“Yani huyu mwehu ndio anasababisha uchukie hivyo mwanangu! Subiri nisogee pale”

Akasogea karibu na kumshika mkono Yule Bahati akasimama juu na kuanza kumwambia,

“Hivi wewe kijana unataka nini kwa mwanangu? Unataka roho yake au? Si umeoa wewe, unataka nini kwa mwanangu, si ukatulie kwa mkeo huko”

Bahati akajibu,

“Baba sikuoa kwa kupenda, haikuwa akili yangu walinipa limbwata”

“Usinichanganye mie, limbwata limbwata, kamwambie huyo mkeo akuwekee limbwata lingine, niachie Erica wangu, hivi akili yako haipo sawa tu, Erica sio wako ni wa Erick”

Kisha akamuita karibu Erick na kusema,

“Mwanangu Erick, huyu kijana mwanzo alikuwa anakuja kuniuzia samaki kumbe alikuwa akimtaka mwanangu, ila Mungu mwema akaoa mwanamke mwingine halafu saizi anakuja tena kwa mwanangu, huyu kijana ni hafai kabisa”

Kisha akamuangalia Erica na kumwambia,

“Hivi wewe Erica unawezaje kumkaribisha mume wa mtu nyumbani kwangu? Si kuniletea laana huku, haya muombe msamaha Erick upesi”

Erica alimuangalia Erick na kumwambia,

“Erick nisamehe”

Ila mama yake akasema kwa ukali,

“Hebu piga magoti wewe mtoto wa kike, msamaha gani unaomba huku umesimama kama mlingoti!”

Erica akapiga magoti na kumuomba msamaha Erick, ambapo Erick alimsimamisha na kusema amemsamehe kisha akamkumbatia, mama Erica akasema,

“Haya ingieni ndani, halafu huyu muuza samaki nitaongea nae mwenyewe”

Erick, Erica na Angel wakaingia ndani na kumuacha mama yao na Bahati pale nje.

Kwakweli Bahati hakuwa na furaha kabisa, alimuona mama yake Erica ni mtu mbaya sana kwani amemkatili kwa mwanamke ampendaye, alimwangalia kwa masononeko sana na kumwambia,

“Mama ungenihurumia mimi ni mwanao pia”

“Sijakataa kama wewe si mwanangu ila umeshaoa”

“Mama sijaoa kwa akili zangu, wamenifanyia madawa”

“Hayo madawa si wamekufanyia ndugu zako sababu hawakutaka umuoe Erica!”

“Ndio mama, ila mimi nampenda Erica”

“Kama unampenda Erica basi muache aishi kwa amani, usimfanyie vurugu maana hata yeye hakukufanyia vurugu kwenye ndoa yako. Kitu kingine wasiompenda Erica ni ndugu zako wamefikia hatua hadi ya kukufanyia dawa ili usimuoe Erica, unadhani ukimuoa si watamfanyia mwanangu dawa hadi awe chizi! Nampenda mwanangu”

“Mama, ila sio kusudio langu. Nashindwa kumuacha Erica maana ni yeye ndiye amefanya maisha yangu yamebadilika, ni yeye aliyefanya niwe na nyumba na gari, ni yeye aliyefanya niwe na maisha mazuri”

“Sawa kakufanyia hivyo, mwache na yeye afanyiwe vizuri kama ulivyofanyiwa wewe, nay eye anapenda awe nyumba na gari, nay eye anapenda awe na maisha mazuri, muache Erica wangu bora niishi nae mwenyewe nyumbani kuliko kuja kutiwa ngeo nyumbani kwenu”

Kwakweli Bahati alijisikia vibaya sana na kuamua kukaa chini kabisa, kisha Yule mama akamwambia,

“Bahati leo sina urafiki na wewe kabisa na wale sikuchekei kwa ule ujinga ujinga wako unaoufanyaga, naomba kwa amani kabisa ondoka nyumbani kwangu maana nikiingia ndani nikitoka upo ujue utakuwa pamoja, mimi sitakufanya ufe ila nitakufanya ulazwe maisha yote na madonda maana nitakumwagia maji ya moto, naenda kuchemsha maji hivyo, ondoka sitaki kukuona kabisa, nenda kambembeleze mkeo huko na umuulize kwanini alikuwekea dawa”

Bahati alijihisi vibaya sana ila hakuwa na namna zaidi ya kuondoka tu kwani kosa lilikuwepo kwa ndugu zake maana bila ya hivyo basi yeye angekuwa kashamuoa Erica, na kwavile alimuona mama Erica akiongea huku kakunja sura akajua pale lazima yale maneno hatanii na anaongea kwa kumaanisha, kisha akamuaga na kuondoka,

“Na usirudi tena”

Bahati hakuitikia kwani alijua lazima angerudi tena tu.



Kwakweli mama erica alishukuru sana kumfanya Bahati aondoke kwenye nyumnba yaake, kisha aliingia ndani akiwa na furaha ila alishangaa ambapo kuona Erica na Erick wapo kama mabubu yani hakuna kitu wanachozumzia, ikabidi huyu mama awaulize,

“Vipi mbona hamuongei?”

Erick akajibu,

“Hakuna mama, kilichonileta leo ilikuwa kuzungumza na wewe na si kuzungumza na Erica, muda upo nitazungumza nae tu.”

Basi mama Erica alikaa na kuzungumza na Erick alijikuta akimkubali sana na aliona ndiye anafaa kuwa mume wa mwanae maana sifa zote aliziona kwa huyo kijana, kisha Erica aliinuka na kwenda kumlaza mtoto maana alilala, hapo mama Erica akaendelea kumuhoji Erick,

“Kwahiyo mwanangu mipango ya ndoa yako na Erica vipi?”

“Mipango ipo mama, ila mimi wazazi wangu hawaishi pamoja nataka siku nipange na Erica tukamuone baba yangu na siku tukamuona mama yangu:”

“Mmmh mama yako si ndio hamtaki Erica?”

“Kwani mama yangu anamfahamu Erica”

“Ndio, kwani Erica hajakwambia kuwa alikuwa anafanya kazi kwenye ofisi ya mamako, na ndio mamako alipomgundua tu hakutaka tena awe karibu na wewe”

“Mmmh mbona Erica hajawahi kuniambia!”

“Mwanangu, mimi ndio mama wa Erica, ngoja nikwambie kabisa tatizo la mwanangu huyu, huyu mtoto ana tatizo moja la uongo yani kusema kweli sijui huwa anaonaje hata kama ni jambo la kweli lazima achanganye na uongo nadio anajihisi raha, ila ndio anajirekebisha siku hizi anaanza kuwa mkweli taratibu natumai mpaka mnaoana hatokuwa na uongo katika kinywa chake”

“Sawa mama nimekuelewa na ninaelewa sana labda Erica anakuwa muongo sababu ni muoga wa kujieleza ila nimempa uhuru kwangu awe ananiambia kila kitu hata nashangaa hajanieleza kuhusu kufahamiana na mama yangu, ila sio tatizo sana maana mama naweza kuelewana nae kuliko baba hata hivyo babangu ni muelewa sana kwahiyo hakuna tatizo”

Kisha Erica alirudi sebleni na mama yake alianza kumuuliza,

“Kumbe Erica hukumwambia mwenzio kama umewahi kufanya kazi ofisini kwa mamake?”

“Aaaah mmmmh aaah”

“Unajiuma uma tu masikini, si huwa nakwambia useme ukweli wewe, kwanini unapenda kuficha mambo kama haya, sema ukweli ili ujue hatma yako”

“Sawa mama nimekuelewa”

Siku hii Erica alikuwa mpole sana maana mama yake alikuwa upande wa Erick tu, baada ya maongezi ya hapa na pale Erick aliamua kuaga maana muda ulienda kwahiyo mama Erica alimruhusu ambapo Erica alitoka nje kumsindikiza, Erick alimuuliza Erica,

“Unaonyesha huna raha kabisa, sababu yay ale mambo yaliyotokea jioni? Usiwe hivyo tafadhali umesikia, mimi nishasahau yale”

“Sawa nashukuru”

“Halafu Jumatatu asubuhi uje ofisini pale kwenye duka uchukue hela ukaweke kwa huyo mwanamke, utakuta nimemuachia maagizo Moses maana mimi sitakuwepo hiyo asubuhi. Halafu jioni nitakuja kukuchukua twende bandarini kuchukua ile gari, sawa mpenzi wangu eeeh!”

Muda huu Erica alitabasamu kwani mwanzo alihisi huenda Bahati zake zimepotea, maana alikuwa na maswali mengi sana na hakujua angefanyaje kulipa hela yam zee Jimmy, ila ilimradi Erick kakubali basi kwake ilikuwa furaha sana.

Basi Erick alimuaga pale na kumbusu kisha kuondoka zake.



Kiukweli Bahati alienda nyumbani kwake huku akiwa na mawazo mengi sana, alifika na mkewe kumpokea ila alimsukuma pembeni bila kujali kuwa ana mimba wala nini, Nasma alimuuliza mume wake,

“Unanifanyia hivi mme wangu, nimekukosea nini?”

“Sikia wewe Nasma, sikupendi na sijawahi kukupenda. Nampenda mwanamke mmoja tu wa kuitwa Erica”

Lile swala lilimfanya Yule binti ajihisi vibaya sana, ila ukweli wa mambo aliujua na alichangia ingawa hakupenda mumewe abadilike vile, alimuangalia Bahati akikaa mwenyewe na kuonekana mwenye mawazo sana, alimfata tena na kujaribu kuongea nae,

“Inamaana siku zote hizi ulizoishi nami Bahati hujanipenda kweli?”

“Sikupendi Nasma na kamwe sitokupenda”

“Usiseme hivyo, kumbuka tumefunga ndoa”

“Ndoa gani hii? Ndoa batili hii, sijafunga kwa akili zangu, mwanamke ninayempenda mwingine nikakuoa wewe ambaye hata kwenye akili yangu sijawahi kukuwaza”

Nasma alijaribu kumsogelea mume wake ili ajaribu kumbembeleza, ila kile kitendo cha kumsogelea Bahati akamsukumiza, na hapo hapo Yule binti alianza kulia kwa kuugulia uchungu, ilibidi Bahati amuinue na kumpandisha kwenye gari yake kumpeleka hospitali.

Ilikuwa usiku ushaingia, wakampeleka leba na kumpima njia, kuona bado bado walimrudisha wodini na huko alikuwa akiugulia vilivyo, hadi kufahamiana na mwanamke mwingine aliyejifungua siku mbili kabla yake, walifahamiana kwa vile alivyokuwa akihangaika sana.

Alfajiri alijihisi tena uchungu mkali sana kwahiyo wakampeleka leba ambako hakukawia sana alijifungua, alifurahi sana kupewa mwanae mikononi kwani alikuwa ni mtoto wa ndoto zake, maana siku zote alitamani kumzalia mtoto wa kwanza mumewe awe wa kiume na mtoto Yule alikuwa wa kiume kwahiyo nilikuwa furaha sana kwake na kusahau yote ya jana yake kwani alijua upendo kwake utaonekana maradufu.

Akarudishwa wodini na kwenda kukaa na kichanga chake maana walimwambia ni baada ya masaa ishirini nan ne kupita ndio angepewa ruhusa ya kwenda nyumbani, Yule mwanamke waliyezoeana nae usiku alimpongeza sana na kumuuliza,

“Hongera, umejifungua mtoto gani mwenzangu?”

“Wa kiume, yani ndio mtoto wa ndoto zangu”

“Oooh kama mimi ila mimi nimejifungu kwa operasheni yani nilikuja kama siku ngapi zilizopita huko ila uchungu unakuja na kuacha kumbe nyonga ndogo ndio jana nimepasuliwa”

“Kheee hongera na pole”

“Asante, ila mimi naitwa Salma, sijui mwenzangu waitwa nani?”

“Naitwa Nasma”

Wakafurahi sana kufahamiana kisha wakaanza kufanya mazungumzo ya hapa na pale huku wakiangalia vichanga vyao.

Muda wa kuona wagonjwa ulipofika walikuja ndugu zao kuwaona na kuwaletea chakula na zawadi za watoto, baada ya muda kuondoka kwa ndugu zao walibaki wenyewe sasa, Salma alianza kuongea,

“Mimi nitaruhusiwa kesho hata wewe utaruhusiwa kesho, ila hongera ndugu yangu naona mumeo alikuja kukuona pia”

“Mmmmh mume aje wapi, jana yenyewe kanileta hospitali sababu hakuwa na namna ya kufanya ila hata kuniuliza tena imekuwaje hakuna, ingawa nimejifungua ila sijui mtiti wa nyumbani”

“Mmmh jamani wanaume hawa, mbona hawana huruma loh! Mimi nililetwa na mume wangu pia ila toka siku hiyo hadi leo hajaja tena hapa hospitali nadhani kaenda kufatilia kile kijanamke chake tulichokutana nacho hapa hospitali, yani wanaume hawana huruma jamani, kweli hali kama hii ambayo mtu unahitaji upendo na faraja ila wenyewe wanakuacha kwenye mataa kweli! Dah Mwenyezi Mungu atusaidie tu”

“Jamani wanaume hawa loh! Hadi kakutana na kimwanamke chake jamani tena hapa hapa hospitali! Loh”

“Yani mimi namchukia Yule mwanamke, namchukia maisha yangu yote”

“Kumbe unamjua mke mwenzio?”

“Ndio, ila hawezi kuwa mke mwenzangu nadhani bahati ya kuolewa hana. Ndiomana wanasemaga usililie uzuri lilia bahati, hiko kisichana kinaitwa Erica yani sikipendi kufa loh!”

“Kheee mbona wewe na mimi tumeanza kufanana sasa”

“Kwanini?”

“Mume wangu hanijali siku hizi, hataki kuniona sababu ya msichana mmoja anaitwa Erica”

“Kheee yukoje huyo msichana?”

Nasma alianza kumueleza Bahati kuhusu Erica alivyo kutokana na jinsi alivyomuona siku ile kliniki, kwakweli Salma alihisi kabisa Erica wanayemsema ni mmoja na kuchukia sana,

“Haiwezekani mwanamke mmoja asumbue akili za watu kiasi hiki, yani tushindwe kufurahia ndoa zetu sababu yake loh! Tuungane shoga yangu na tumtokomeze huyo Erica”

“Sawa, bora tuungane maana na mimi nachefuka haswaaa jamani mwanaume hata kufurahia nimemletea jembe jamani, ndio kwanza hata hospitali hajaja, yani kidudu mtu Erica namchukia pia”

Walijikuta wote wakieleza chuki za wazi wazi walizo nazo dhidi ya Erica.



Siku ya leo Erica aliamua kwenda tena kanisani na mama yake, na kama kawaida walimshangaa na Yule mtoto huku kila mmoja akisema lake, na walipotoka kwenye ibada kama kawaida walimfata na kumuuliza kuhusu mtoto aliyembeba,

“Ni wa nani huyo Erica?”

“Ni wangu jamani”

“Yani hata harusi hatujacheza umezaaa, kumbe umezaa nje ya ndoa”

“Bora mimi niliyezaa ila kwavile naonekana basi ndio mnaona ni mwenye dhambi kuliko watu wote, na je wanaotoa mimba kila kukicha, wao ni wasafi? Huyu mtoto ni wangu na sina sababu ya kumficha kwenu”

Basi wakamuangalia tu maana yale majibu yaliwashangaza sana na kuona Erica kabadilika haswaaa ukizingatia hakuwa na majibu ya aina hiyo.

Erica aliondoka na kurudi nyumbani, ila hakuongozana na mama yake kwani mama yake alienda kwenye vikundi vya wakinamama muwaelimisha kuhusu ujasiliamali na mikopo, Erica alikuwa akicheka tu na kujisemea,

“Yani mama yangu kamiliki milioni tano ila utafikiri anamiliki milioni mia, yupo kwenye semina kila leo kuelimisha wamama kuhusu mikopo, ikimuishia atakopesha nini? Hahahah mama nae”

Erica aliendelea na safari yake ya kwenda nyumbani kwao, siku hii hakupanda pikipiki wala bajaji, aliamua kutembea tu na mwanae.

Wakati anarudi kwao akakutana njiani na Rehema, alikuwa ni rafiki wa dada yake Bite hapo kitambo, Rehema alifurahi sana kumuona Erica na kumkumbatia kisha wakasalimiana pale na Rehema akasema,

“Yani nilitaka kuwaletea kadi ya harusi yangu ila siku nimekuja sikumkuta yeyote nyumbani kwenu na sikuwa na muda mwingine kwahiyo nilishafanya sherehe hadi nimesahau, mnisamehe bure”

“Usijali dada”

“Ila nilikutana na dada yako jamani, kheee Bite amekonda halafu hana raha kwani ana matatizo gani?”

“Sijui”

“Inaonyesha ana matatizo kwenye ndoa yake, nikipata muda nitakuja kuongea na mama yenu, unajua ndoa zina mengi sana yanoyotendekaga ndani ambayo kwa macho ya nje hatuyafahamu ila wenyewe wanandoa tu ndio wanayajua, kwakweli Bite kakonde, hana raha yani yupo yupo tu, ana gari nzuri lakini hana furaha”

“Ndio maisha hayo dada”

“Ila mdogo wangu cha kukushauri uwe makini sana kabla ya kuingia kwenye ndoa ili usije kujutia maisha yako yote, kuwa makini sana na mwanaume atakayekuoa, hakikisha mume anayekuoa anakupenda kweli hakika hutoteseka hata kama mmeolewa sita”

“Mmmh dada, ndoa za kuolewa wengiwengi sipendi”

“Hahaha nimesemea tu, ila kuwa makini usiolewe tu sababu wenzio wameolewa ila olewa sababu kuna nia ya kuoana wewe na mwenzio. NIkipata mida siku moja nitakuja kwenu kuongea na mama”

“Haya, karibu”

Erica aliondoka zake na kurudi kwao, ambapo alianza kufanya shughuli zake tu.



Usiku ulipofika ndipo mama yake alirudi kutoka kwenye shughuli zake na kumkuta mwane, ambapo baada ya salamu Erica alimuuliza mama yake,

“Mama, hiyo milioni tano tu, ikiisha utakopesha nini?”

“Kheee mwanangu ishaisha ujue, halafu walioandikisha wanataka mkopo kwangu wapo wengi mpaka mama yako naishia kucheka tu, wangejua nilikuwa na milioni tano tu! Wenzio wanajua nina mahela mengi mengi, wengine wanataka wakope milioni mbili nimewakalia yani nimewakopesha wa elfu ishirini, elfu hamsini, laki na mwisho laki tano yani akiongeza tu simkopeshi”

Erica alicheka kweli maana mama yake alijifanya kibosile haswaaa na hela zenyewe zimemuisha, kisha akaanza kumuuliza,

“Mama na wewe jamani, jana ndio nini kunifanyia vile mwanao kwa Erick! Yani umenijoboa mweeeh hadi umenipigisha magoti mama”

“Kheee wewe mtoto hebu uelewe kula na kipofu, bila Erick hiyo milioni tano ningeipata wapi ndotoni au? Yani na Yule mjinga asije tena sitaki aweke kitumbua mchanga, tena hao wa kumroga wamroge tena ili asahau kabisa kuhusu wewe”

“Mama jamani!”

“Hakuna cha mama jamani, tunaangalia maendelea tu kwasasa, Erick ana akili sana halafu ana heshima yani nimempenda bure tena ukifanya ujinga nitakutembeza kwa magoti wewe kutoka barabarani kwenda kuomba msamaha kwa Erick, utapata wapi mwanaume kama yeye? Hebu acha ujunga huko, tuangalie maendeleo, na siku ukiona nipo halafu kaja Erick unatakiwa kunyenyekea, jana umeniudhi sana, hata chakula hukupika utajiondolea alama za ndoa ujue”

“Jamani mama, kwani ndoa ni mpaka kupika?”

“Ndio, unatakiwa ujue kupika, uwe msafi, uwe mpole, mnyenyekevu utafanya mume akupende mara dufu, akija hapa mnyenyekee, muulize atakunywa nini sio kukaa nae sebleni kama mabubu, akitaka kinywaji leta kwa unyenyekevu ikiwezekana na goti kabisa, unafikiri wanawake wa kijijini kwanini wanaolewa? Sababu ni wanyenyekevu, kila mwanaume anapenda kunyenyekewa, kusikilizwa na kuheshimiwa. Tena vijana wa ajabu ajabu marufuku kufika kwangu hapa sijui Yule wa kujitapa mimi ndio mwanaume wa kwanza kwa Erica, sitaki kumuona kabisa, umesikia!”

“Sawa mama, nimekuelewa”

Erica alimuitikia mama yake ili alitambua maneno yote hayo ni sababu ya hela zile alizoambiwa kapewa na Erick maana tangia hapo kampenda sana.



Basi muda wa kulala alienda kulala na mwanae ila akapigiwa simu na Dora, alikuwa akimkumbusha kuhusu swala la hela,

“Erica usisahau”

“Ni kesho Dora, hata sijasahau yani usijali”

“Sawa, nakuonea huruma ndiomana nakupigia pigia shoga yangu”

“Sawa, nimekuelewa”

Basi waliagana na Erica kuamua kulala.

Kesho yake mapema kabisa, alijiandaa na kumuaga mama yake kisha kwenda kwenye duka la Erick ambapo alimkuta Moses, aliyemkabidhi mzigo alioachiwa na Erick, basi alivyochukua akawa akiongea ongea na Moses ila Moses akamwambia,

“Erica, samahani siku ile kwa ile fomu niliyokusainisha haikuwa lengo langu nilitumwa na Tumaini kufanya vile halafu kuhusu kukupeleka dukani kwa Tumaini naomba unisamehe, yani hapa kwenye hili duka wengi huamini ni duka langu, maisha yangu yamebadilika sababu ya hili duka, sasa nisingependa nirudi nilipotoka, nakuomba Erica unisamehe”

“Sawa usijali”

Muda kidogo akapokea simu na alipomaliza kuongea nayo akamwambia Erica,

“Naomba uondoke maana kuna watu wanaagizwa na Tumaini na hawana nia njema kwako halafu usimwambie hata Erick kama nimekwambia hili la sasa hivi”

Erica hakutaka hata kuendelea kusikiliza zaidi kwani kwa muda huo maisha yake yalikuwa bora sana kuliko kingine chcochote, akaenda moja kwa moja benki na kukutana na Dora alishafika muda anamngoja tu, basi Erica akaenda kuweka zile hela na kuzihamishai kwenye akaunti ya Dora.

Yani waliondoka pamoja huku Dora anatabasamu tu na kumwambia Erica,

“Yani hutokuja kujutia kwa hiki ulichokifanya shoga yangu, nimefurahi sana kwa kuniamini. Yule mzee sio mtu mzuri”

“Sawa nimekuelewa Dora”

“Yani Erica wewe ndiomana unabarikiwa sana yani huna tamaa za kijinga, hela zinakufata lakini huna tamaa za kijinga na hilo swala litakuokoa”

“Kwahiyo wewe tamaa ndio zinakuponza?”

“Mmmmh mimi yani sijui mwisho wangu ni nini ila ulilolifanya leo Erica nakupongeza sana, wewe ni mwanamke shujaa”

Wakaagana na kuondoka, kwakweli Erica alishangaa sana zile sifa kedekede alizopewa na Dora ila alimuitikia maana ukweli wa mambo hakuujua zaidi ya Dora mwenyewe. Kisha Erica alirudi tu kwao akisubiria muda wa kufatwa na Erick kwaajili ya kufata gari.



Jioni kama alivyoahidi Erick alienda kumchukua Erica na kumkuta ashajiandaa kabisa na kuondoka nae, wakiwa kwenye gari akamuuliza,

“Mama umemwambia?”

“Hapana, nataka kumshtukiza tu”

“Ni vizuri sana”

Basi walienda na kufika bandari, wakati wapo kwenye makabidhiano mara alitokea mtu karibu yao na kuwasalimia, Erica alimuangalia mtu huyo alikuwa ni Rahim, aliogopa na kujiuliza kuwa Rahim kafata nini bandari.





Jioni kama alivyoahidi Erick alienda kumchukua Erica na kumkuta ashajiandaa kabisa na kuondoka nae, wakiwa kwenye gari akamuuliza,

“Mama umemwambia?”

“Hapana, nataka kumshtukiza tu”

“Ni vizuri sana”

Basi walienda na kufika bandari, wakati wapo kwenye makabidhiano mara alitokea mtu karibu yao na kuwasalimia, Erica alimuangalia mtu huyo alikuwa ni Rahim, aliogopa na kujiuliza kuwa Rahim kafata nini bandari.

Kiukweli Erica alipatwa na mashaka sana akikumbuka yale maneno ya Rahim kuwa anaweza kuwateketeza, muda huo huo Erica alijishika tumbo na kuanza kulalamika kuwa tumbo linamuuma sana, ila Rahim alicheka na kusema,

“Erica tumbo linakuuma wewe! Kwahiyo huyo Erick unayemsemaga ndio huyu!”

Erica alikuwa akiugulia tut umbo kitendo ambacho Erick hakufikiria kama Erica anaigiza ila alimuonea huruma, na kumchukua upesi upesi hadi kwenye gari yake na hata maneno ya Rahim kama anamfahamu Erica hakutaka kuyasikiliza, basi alipanda na erica kwenye gari yake na kuelekea hospitali wakati huo Rahim nae aliingia kwenye gari yake na kuwafata nyuma huku akisema peke yake,

“Huyu msichana asinitanie kabisa, na leo nitawavuruga”

Erick alimpeleka Erica hospitali ile ile ambayo Erica huwa anaenda kliniki, waliposhuka tu kwenye gari na kuelekea hospitali bado Erick aliona kama Erica ana hali mbaya maana alikuwa akiugulia tumbo hadi anatoa machozi, Rahim nae alikuwa amefika akiwafata nyuma.

Wakati wanaingia Erica na Erick wakapishana na Nasma na Salma maana walilazwa hospitali ile na muda ule walisharuhusiwa kutoka sema ndugu zao hawakufika kuwachukua, walikuwa wamebeba watoto wao huku wakiangalia kama kuna ndugu zao wanakuja kwahiyo walitoka ili kuangalia ndugu zao kisha kuondoka nao, kwahiyo kitendo cha Erick kupita huku amemshikilia Erica na tena akionekana analia kama anaumwa sana, ila walipopita karibu yao tu wote walijikuta wakisonya na kuangaliana kisha Salma akasema,

“Ndio erica Yule sijui limekuja kufata nini hapa hospitali kama sio uchawi tu wa kuturogea vitoto vyetu”

Muda kidogo akamuona Rahim akiwafata nyuma, pale ndio akachoka kabisa na kumwambia tena Nasma,

“Jamani ni mume wangu Yule ona alivyopita kama hanioni vile, na nimempigia simu kabisa kwamba nimeruhusiwa kasema yupo busy sana hawezi kuja kunichukua ila saizi yupo busy kumfatilia Erica jamani ni haki hii kweli?”

Aliongea kwa masikitiko sana, Nasma akamwambia,

“Pole mwaya, ila mie mume wangu na ubishi wake kaniambia anakuja nadhani muda sio mrefu atafika”

Kweli muda sio mrefu Bahati alifika ila alipitiliza na kwenda kule kule alipopelekwa Erica, kumbe muda Erica na Erick wanashuka yeye aliwaona maana ndio alikuwa anaingia hospitali kwahiyo alitaka ajue ni kitu gani kimempata Erica, kwakweli Nasma nae aliongea kwa masikitiko,

“Mungu wangu ona na mume wangu hata mimi hajaniona kaenda kule kule”

“Kheee Yule aliyepita ndio mumeo”

“Ndio yani hadi nashangaa, dada tusikalie kimya swala hili lazima tufanye jambo”

“Kweli sasa tufanyeje?”

“Hebu tupeane namba za simu baada ya arobaini za watoto wetu tushirikiane, haiwezekani huyu kiumbe mmoja Erica atukoseshe raha kiasi hiki, kwani yeye ana nini ambacho sisi hatuna eeeh! Lazima tufanye jambo”

Pale pale wakabadilishana mawasiliano yao ila kuna mmama pembeni alisikia mazungumzo yao, akawafata na kuwaambia,

“Jamani wanangu nimewasikiliza vizuri, najua ni kiasi gani inauma kuona mumeo anakuacha na kwenda kufatilia mwanamke mwingine, ila kabla ya yote mnachotakiwa kufanya sasa ni kufuata waume zenu na kuwalazimisha mrudi nyumbani na watoto halafu mengine yatafuata, mnitafute niwaambie cha kufanya maana hata mimi mume wangu alikuwa hivyo nikamdhiti”

Pale pale wakachukua namba za Yule mama kisha wakafata ushauri wake wa kwanza wa kufata waume zao, waliwafata na kukuta wapo nje katika chumba cha daktari ambapo ndani alikuwepo Erica na Erick, ila ilionyesha hata wao kama wamechanganyikiwa hivi wakitaka kujua hali ya Erica, kila mmoja alimfata mume wake na kumuomba warudi nyumbani, kwakweli Rahim alikuwa mkali sana kwa mkewe na Bahati nae ilikuwa hivyo hivyo,

“Huoni kama kuna mgonjwa nataka kujua hali yake hapa”

“Jamani Bahati kumbuka mimi ni mkeo na huyu ni mwanao, toka nimejifungua hujaja kutuona na leo tunatoka ukaahidi kuja kutuona kweli unadhani ni sahihi unachotaka kufanya kwangu?”

Wakati huo mke wa Rahim nae alikuwa akimlalamikia mumewe maana Rahim ndio alikuwa na majibu ya shombo balaa kwa mke wake, Bahati akamtazama na kugundua kuwa ni Rahim ambaye waliwahi kubishana kuhusu Erica miaka ya nyuma, alisogea na kumwambia,

“Wewe jamaa si ndio siku ile ulisema Erica hatutaki wote anamtaka mtu wake Erick, haya unasubiri nini sasa? Erica si ameingia na mtu wake humo!”

Rahim akamjibu kwa ukali,

“Achana na mimi”

Bahati akaona itakuwa shari hapo kwahiyo aliamua tu kuondoka na mkewe huku akisema kwamba ataenda kwakina Erica kujua hali yake, kwahiyo alibakia Rahim na mkewe,

“Jamani mume wangu siku zote huniambia kuwa humpendi Erica, alijipendekeza tu kwako sasa unamsubiri wa nini hapa?”

“Wewe ni mwanamke tu hujui lolote, kwanza nyie wanawake sio wa kuwaamini, kwani wewe unaweza kuwa na tofauti gani na Erica, si mwanamke mwenzio huyo”

“Mwamani mume wangu, nimekuzalia mtoto wa kiume”

“Kwani mtoto wa kiume ndio nini? Mtoto ni mtoto, kumbuka Erica ana mtoto wangu pia”

“Rahim nimechoka kwakweli, nitaanza kupiga kelele hapa hospitali uumbuke”

Rahim alizijua akili za mkewe kwahiyo ilibidi akubali tu kuondoka nae maana alijua kifuatacho ni kudhalilishwa tu, akaondoka nae ila alikuwa akilalamika njia nzima kuwa kwanini ameoa mwanamke wa dizaini ile,

“Ni kosa la baba kunitafutia mwanamke chizi, bora hata Erica”

Yani mkewe alimuangalia tu ila aliridhika sababu amekubali warudi nyumbani.



Wakiwa kwa daktari Erica na Erick bado Erica aliendelea kulia sana, huku dakari akijaribu vitu vyote kumtuliza ilishindikana,

“Dada, tulia basi uniambie hata kwa kifupi nini kinakusumbua nielewe vizuri kisha nihudumia wagonjwa wengine”

“Ila Erica alichukua muda mrefu sana na daktari alishindwa kuwafokea au kuwatoa sababu walipoingia tu Erick alianza kwa kumpa hela ili amuhudumie mtu wake vizuri, basi daktari akaamua kumwambia Erica apande kitandani ili kujua tatizo ni nini, alipopanda tu kitandani Erica alimpa ishara Yule daktari kuwa amtume Erick nje ili amueleze basi daktari alitumia uelewa wake kisha akamtoa damu Erica na kuweka kwenye bomba kisha kumuandikia maelezo Erick kuwa aende maabara akapime damu hiyo na asubirie majibu, akawapigia wa maabara kuwa wampokee kwamaana hiyo Erica hakwenda hata maabara. Daktari alifanya vile maana hakukuwa na namna nyingine ukizingatia Erick aligoma kutoka kwenye chumba cha daktari kabisa. Erick alipotoka tu kupeleka kile kipimo, daktari alianza kumuuliza Erica vizuri,

“Eeeeh tatizo ni nini?”

“Daktari sina tatizo lolote ila naomba umwambie mchumba wangu kuwa nina vidonda vya tumbo, sasa vilinishika ndiomana kuongea nilikuwa siwezi. Naomba umwambie hivyo maana akigundua nimemdanganya ataniacha”

“Sawa hakuna shida, sasa wewe utanisaidiaje kwa kudanganya hivyo?”

“Nina elfu thelathini dada yangu, nitakupa”

“Aaaah elfu thelathini ni ndogo sana yani nifiche siri kwa hela ndogo hivyo hapana”

“Basi nikupe ngapi?”

“Labda laki”

“Sawa, nitakupa laki moja dokta, nakuomba nisitiri”

“Mmmh haya mambo, ila huwa tunakutana na mengi sana zaidi ya haya, sema sikufahamu ujue!”

“Ndio ila mimi naitwa Erica, na mwenzangu waitwa Dokta nani?”

“Naitwa Dokta Doroth”

“Sawa, nisitiri Dokta nakuomba”

Kwavile Yule ni dokta, alihisi kuna jambo limempata Yule binti kwahiyo aliamua kumbebea aibu yake, akamuuliza tena

“Na hiyo laki naipataje?”

“Nakutumia kwenye simu yako, tafadhali”

“Kwenye simu yangu lini?”

“Nakuomba niamini tafadhali”

“Nikuamini vipi?”

Alikuwa na elfu thelathini akamkabidhi Yule dokta ila bado dokta alitaka amaliziwe chake mapema, Erica alimsisitiza kuwa atammalizia,

“Sikia binti sikujui hunijui, nimalizie changu kabisa, la sivyo nasema ukweli”

“Sasa nitaitoa wapi hapa? Yani hela ipo nyumbani, nakuomba nisitiri mwanamke mwenzio, sikudanganyi nitakumalizia kweli tena”

“Hapana kwakweli na mimi nipo kazini hapa, nimalizie kabisa”

“Dada nakuahidi kuimaliza, basi naomba nikuachie simu yangu halafu kesho nikija kumaliza deni nitaichukua”

Daktari alikubali kuachiwa ile simu na Erica, basi Erick aliporudi na vipimo alikuta Erica yupo sawa na dakatari akamwambia kuwa kampa dawa ya kumtuliza, kisha akamuelekeza,

“Huyu ana vidonda vya tumbo kwahiyo asikae na njaa kwa muda mrefu na aepuke kula vyakula vyenye aside, akizingatia hayo atapona”

“Nashukuru daktari maana nilikuwa na mawazo sana”

Kisha Erica na Erick wakatoka pale hospitali na kupanda gari wakielekea nyumbani ila Erica alikuwa na mawazo sana maana yaliyotokea kwake siku hiyo ni makubwa sana, walitembea njia nzima na Erica alikuwa haongei chochote, sababu ilikuwa ni usiku Erick akamwambia,

“Erica, mpigie mama simu kuwa utachelewa kidogo maana nataka tupite kula”

Erica akajiuma uma maana simu hakuwa nayo, hadi Erick akarudia tena kumwambia, ndipo akaamua kujifanya anaitafuta na kushtuka,

“Kheee kumbe nimeiacha hospitali kwa Yule daktari”

“Erica jamani, umeanzaje kusahau simu jamani, ngoja turudi kuifata”

“Hapana Erick usisumbuke, nitaifata kesho”

“Hapana haiwezekani, yani jishindwe kuwasiliana nawe usiku sababu simu umesahau kwa daktari! Nageuza gari tukaifate”

Basi Erick aligeuza gari kitendo hiko kilifanya Erica ashikwe na mashaka balaa maana hakujua hata kitu gani atafanya alibakia tu kusema,

“Mungu nisaidie”

Maana uongo aliofanya siku hiyo hakutegemea kusamehewa na Erick kabisa, basi walifika hospitali yani Erick alivyosimamisha tu gari Erica alishuka na kumwambia,

“Erick usihangaike kuliingiza ndani na kupaki ngoja nikaichukue mara moja twende”

“Hapana bhana, hali yako bado si sawa, ukizidiwa huko je!”

Erica hakusikiliza haya maoni kwani alienda tu hospitali na moja kwa moja kuingia kwa Yule daktari na bahati hakuwa na mgonjwa, Yule Doroth alimshangaa na kumuuliza,

“Kheee umerudi tayari, si unaona usingeacha simu usingeniletea”

“Dada sio hivyo, yani jamaa yangu hataki kunielewa kabisa kuwa simu nimeacha hospitali nakuomba kesho nikuletee hiyo hela, naomba simu tafadhali”

“Unadhani naweza kukuamini kirahisi hivyo!! Sikujui hunijui, hiyo kitu haiwezekani, nipe change ndio uondoke”

Basi akapata wazo la kumpigia simu Bahati, akamuomba Yule dada simu ili apige kwa mtu wa kumtumia hela, basi Yule dada akampa na kuiwasha kisha kumpigia Bahati,

“Erica, nini tatizo mama angu eeeh! Nimesikitika sana sijakujulia hali hospitali”

Tena ikawa ni vyema kwa Erica kusikia kuwa amejua kwamba alikuwa hospitali, akamwambia

“Bahati naomba nitumie laki moja nina shida nayo muda huu”

“Shida gani tena?”

“Nitakwambia ila naomba unitumie, nakupa namba za kunitumia, nitumie nay a kutolea”

Kisha Erica akamtumia ujumbe Bahati wa namba ya simu ya Yule daktari kuwa amtumie hela kwenye hiyo namba, na muda kidogo tu Bahati alikuwa kashatuma hela, Erica alimpigia na kumshukuru sana kisha akakata ile simu na kumwambia daktari,

“Basi ile elfu thelathini yangu naomba”

“Aaaah sikupi, ile nimekata kwa usumbufu”

“Jamani daktari”

“Unafikiri kudanganya kazi ndogo eeeh! Sikupi”

Aliona simu yake inaita yani Erick alianza kumpigia simu kwahiyo aliamua kuondoka zake maana hakuwa na namna tena ingawa aliona Yule dokta kamfanyia unyama wa hali ya juu ingawa angeamua kuweka wazi yote yale yasingetokea.

Basi alirudi kwenye gari na kumpigia mama yake kuwa atachelewa kidogo,

“Mama nitachelewa kidogo, kuna mahali naenda kula na Erick”

“Ila kuwa makini mwanangu”

“Usijali mama, nipo makini”

“Nakujua unavyompenda huyo mwanaume na umejikuta kumuamini balaa ila narudia tena usimuamini mwanaume, siyo ndugu yako wa kuaminiwa hata mara moja”

“Sawa mama usijali”

Kisha safari ikaendelea na kwenda sehemu ya kula na Erick ila akaona ni vyema wakiwa wanakula abwage manyanga, aliamua tu siku hiyo aseme ukweli maana aliona vyema nafsi yake ibaki huru kwakuwa alikumbuka jambo moja kwamba ukweli humuweka mtu huru, kwahiyo aliamua siku hiyo aseme ukweli tu.



Basi walifika kwenye hoteli nzuri sana na kushuka, kisha kukaa kwenye meza na kuagiza chakula ila Erica alikuwa na mawazo sana, kwanza hakupenda ambacho Yule daktari alimfanyia na pia hakupenda kushindwa kwake kupata gari sababu ya Rahim, ila hapo alitulia akijipanga kusema ukweli kwa Erick juu ya Rahim, walipoanza kula ni Erick ndio alimuuliza Erica,

“Hivi erica, unamfahamu Rahim?”

Erica alitulia kwa muda na kujibu,

“Ndio namfahamu”

“Erica, nakumbuka kuwa uliniuliza maswali mengi sana kuhusu Yule mtu, na mbona hukuniambia ukweli kama wamfahamu?”

“Nisamehe Erick ila sikujua ungechukulia vipi kama ningekwambia ukweli”

“Haya niambie mnafahamiana vipi?”

“Yule kijana ndio babake Angel”

Erick alijikuta akikohoa hadi chakula alichokuwa anakula kikaanguka, na kumuuliza tena Erica,

“Unasema!”

“Nisamehe Erick, ila Yule ndio babake Angel”

“Yani bora hata usingeniambia kama unamjua ila huna aibu Erica, unaniambia kabisa Yule ndio babake Angel ili iweje, na mimi ni nani?”

“Nisamehe Erick”

“Hivi Erica ulishindwa kuzaa na mimi ukaenda kuzaa na Yule kweli? Uliniona mimi malaya ila Yule akawa mtakatifu kwako kweli? Hivi Erica ni wewe ambaye nilikuwa nakuona shuleni kama binti mlokole au ni Erica mwingine? Sielewi Erica, hukuona wanaume wote wa kuzaa nao zaidi ya Yule?”

“Nisamehe Erick”

“Nikusamehe kitu gani? Yani unachojua wewe kusema ni nisamehe tu hata hufikirii jambo lingine zaidi ya nisamehe, nilikwambia tuzae ukagoma, nimerudi nimekwambia nina hamu umegoma ila kumpa Yule mjinga umeona sawa, kweli Erica wewe ni wa kutembea na Rahim jamani! Sijawahi kufikiria kama inaweza tokea siku moja mke wangu akawa amewahi kutembea na wanaume vichaa kama Rahim, nimejitolea kwa kila hali juu yako, nakupenda, nakujalo, nakuthamini lakini wewe ndio kunidhalilisha kiasi hiki kweli!”

“Ila Erick sijatembea nae kwa kipindi hiki, ilikuwa ni zamani alinidanganya”

“Inamaana na elimu yako hukuweza kutambua mwanaume wa kweli yupi na wa uongo yupi, hukuwa na maana ya kusoma basi. Ni afadhali ungezaa na mjinga mwingine kuliko mpumbavu kama Rahim, nilihisi tu nilivyomuona mtoto ila sikutaka kuongea. Kiukweli Erica umeniboa yani umeniboa sana hata chakula hiki siwezi tena kukila, kwaheri”

“Lakini Erick usinifanyie hivyo!”

“Nisikufanyie hivi nini, mtu hujielewi nakuomba mapenzi hutaki unajifanya kuumwa sijui siku zako kumbe unamtunzia Rahim, kwahiyo mimi nikuleee, na kukuhudumia halafu starehe apewe Rahim, mimi sio bwege kiasi hiko Erica, umeniboa sana kwaheri”

Erick akainuka huku amefura hasira na kuondoka, alimuacha pale kwenye hoteli Erica peke yake, kwakweli Erica alihisi kuchanganyikiwa alijikuta akiinama na kulia maana hakujua kuwa afanye nini kwa muda huo maana hakutegemea kama Erick angeweza kumuacha kiasi kile, kumuacha eneo lile ni bora hata angeenda kumuacha kwao, alijiangalia hakuwa na hela yoyote maana yote alitoa hospitali kwa Yule dokta, alijihisi kuchanganyikiwa, alipotaka kuinuka ili aondoke, muhudumu wa ile hoteli akamsimamisha na kumwambia,

“Dada, hamjalipia chakula bado”

Erica alijikuta akianza kulia huku akisema,

“Mungu wangu nitafanyaje mimi, uwiii Erica leo nimepatikana. Akajaribu kuongea na Yule muhudumu kuwa pesa hiyo apelike kesho ila muhudumu akagoma na kusema,

“Wakati mnaagiza vitu vya gharama hivyo mlikuwa mnategemea nini? Hapo mnadaiwa elfu ishirini na tano”

“Ila hatujala”

“Haijalishi maana mlishaagiza”

“Basi naomba niache simu yangu, kesho nilete hiyo pesa”

“Simu yako haina umuhimu kwetu, umesikia dada, unachotakiwa ni kulipa hiyo hela. Twende kwa meneja”

Erica alipelekwa kwa meneja wa ile hoteli ambaye nae alichukia kuambiwa chakula walichoagiza na hawajalipia,

“Sasa mdada unategemea nini?”

“Naomba niache simu yangu hii na nitakuja kulipa kesho”

“Unadhani simu yako ni muhimu kwetu? Cha muhimu ni pesa, nyie wadada ndio zenu hamjifunzi tu ukienda hotelini na mwanaume unatakiwa kuwa na hela yako ya ziada ili likitokea la kutokea uweze kujinasua ila wewe hukujua hilo unaenda matembezi na mwanaume na huna hela yoyote, sasa mimi nakupa cha kujifunza ili siku nyingine usirudie kutoka na mwanaume na kuagiza vitu vikubwa wakati huna hela mfukoni”

Kisha akamuangalia Yule muhudumu na kumwambia,

“Mpeleke akaoshe vyombo huyo, hatuna shida na simu yake”

Erica alipelekwa sehemu ya kuosha vyombo, macho yake yalijaa kwa machozi alijikuta akilia sana na hakutegemea kama jambo kama lile lingempata kwa siku hiyo ya furaha, maana gari hakupata ila kapata majanga juu ya majanga na kuweza kuelewa usemi wa Yule mama kuwa ana kimavi, alikosa raha kabisa.

Alikuwa akiosha vyombo huku amejawa na machozi kwenuye macho yake, muda kidogo simu yake ikaita, alihisi ni Erick anapiga labda kajirudi ila alichukua na kukuta mama yake anapiga, machozi yalizidi kumwagika na kupokea ile simu huku akilia, mamake akamfokea

“Wewe mtoto vipi? Hujarudi nyumbani halafu nakupigia simu unajitia kulia, Erica hebu acha ujinga wako huko, kwanini hujarudi nyumbani?”

Erica hakumjibu mama yake na kuendelea kulia, mama yake aliendelea kuongea,

“Erica, nakwambia kama umeanza ujinga wako tena wa kujirahisisha kwa wanaume usahau hapa nyumbani, ndio nakuozesha hivyo bila harusi, yani wewe kutoka kidogo na Erick ushaenda kulala nae! Na ukirudi hapa utanieleza, sio kujiliza kwenye simu, kwani unafikiri siujui uongo wako au!”

Erica aliweka simu pembeni na kuendelea kulia yani hakuwa na raha na wala hakuweza kuendelea kuosha vile vyombo, muhudumu akaenda na kumwambia,

“Dada, usilie osha hivyo vyombo”

“Dada, hivi huna huruma na mwanamke mwenzio, hivi nyie ni wanawake wa aina gani ambao mna roho mbaya kiasi hiki”

Aliongea huku akilia, Yule muhudumu akaenda kumuita meneja tena, meneja alifika na kumwambia Erica,

“Tutakupeleka polisi, hatutaki ujinga kabisa, tutakupeleka kuwa umetaka kututapeli, hebu osha vyombo hivyo”

Kwakweli Erica alilia tu ila wazo la kumpigia simu tena Bahati likamjia, ila alipiga simu haikupokelewa Yule muhudumu akamwambia,

“Huyo mwanaume ashakuacha, yani wanawake wengine nyie sijui akili zenu ziko vipi, mnashindwa kujifunza au? Tena ushukuru tumekupa kazi ya kuosha vyombo unapata hata pa kujistiri, tukikuruhusu kuondoka saa hizi saa saba si utabakwa huko useme tuna roho mbaya! Bora ung’atwe na mbu tu hapo uoshe vyombo”

Kisha wakaondoka na kumuacha ila Erica alikuwa na kilio cha hali ya juu na hakupenda ile hali.



Erick hakwenda kwao kwa mawazo aliyokuwa nayo ila alienda baa na kuanza kunywa sana, yani ni alikunywa hatari ila badae akakumbuka kuwa alimuacha pale Erica bila ya kumpa nauli wala kulipa ile bili, alidhani kuwa wangemsumbua sana Erica, ingawa alikuwa amelewa ila alimuonea huruma sana Erica, akataka kuinuka ila akamuangalie Erica pale, sema muda huo huo akapigiwa simu na Rahim na kupokea,

“Aiseee umenisikitisha sana Erick, yani kumbe erick aliyechukua majukumu ya kulea mwanangu ni wewe!”

“Bwana Rahim, achana na mimi”

“Sio niachane na wewe, hivi unamjua Yule mwanamke vizuri au unamsikia, unajua kwanini kazaa na mimi ila sijamuoa? Erica ni msichana mzuri sana ambaye kila mwanaume atatamani kuwa nae ila ni msichana asiye na akili, huwezi amini, Erica katembea na ukoo wangu mzima, nikikwambia vitu alivyofanya Erica huwezi kuamini”

“Sawa hakuna tatizo ila hayo yalipita, kama alitembea na ukoo wako mzima yalipita, nampenda Erica”

“Shauri yako, nakuonea huruma, nilivyorudi tu kesho yake au keshokutwa nilikuwa na Erica tukila raha, ndio mwanamke wa kujihesabia nae wewe”

Lile jambo ndio lilimuumiza zaidi Erick na kujikuta akikata ila simu na kuagiza pombe nyingine, alikunywa sana na kujikuta akilala pale pale Bar maana hakuwa na raha hata kidogo.



Bahati alikuwa na mawazo tu tangia muda ule Erica kamuomba laki, hakujua ni jambo gani limempata Erica mpaka kawa vile maana sio kawaida kabisa, alikuwa na mawazo mno juu ya Erica, Nasma alitambua hilo ya kuwa mumewe ana mawazo juu ya Erica, alimzia mumewe kalala akachukua simu yake na kwenda kuiweka bafuni na ndiomana muda wote Erica anampigia hakupokea, Bahati alikuwa amelala kwenye kochi, kwenye mida ya saa kumi alfajiri alishtuka na kuanza kutafuta simu yake ila hakuiona, aliitafuta sana ila hakuiona popote pale, wazo likamjia kuwa huenda ni mke wake tu kaificha.

Bahati alimfata mkewe chumbani na kumuuliza ilipo simu ila mkewe akasema hajui ilipo, Bahati alifoka kwa hasira,

“Humu ndani tupo wawili tu, wewe, mimi na mtoto mdogo je simu achukue nani?”

“Tupo wawili sababu umekataa ndugu zangu wasije kuniuguza”

“Ulishindwa nini kusema nikupeleke kwa ndugu zako? Yani hapa sitaki ndugu zako wala ndugu zangu, hujui hii nyumba nimeipataje wewe. Haya simu iko wapi?”

“Sijui”

Bahati aliamua kutumia nguvu ili mkewe amuonyeshe simu ilipo, alimzaba vibao kadhaa mpaka mkewe akasema ukweli kuwa simu kaiweka bafuni.

“Mwanamke mjinga sana wewe, sijui nilianzaje kuoa mwanamke mjinga kama wewe”

“Jamani Bahati hunipendi, nimekuzalia mtoto ila hunipendi jamani kwanini unanitesa hivi!”

“Usinibabaishe nikaongea mengine bure”

Bahati akaenda kuchukua simu yake nakukuta alipigiwa na Erica mara mbili, alichukia sana na kumpigia Erica ila Erica alisema tu hoteli aliyokuwepo bila kusema tatizo ni nini, kwakweli Bahati hakusubiri kwani muda huo huo alijibeba na kuondoka kwakweli mke wake alikuwa na simanzi sana na kuona anaonewa maana hakufikiria kama mumewe wa ndoa angemfanyia hivyo.



Bahati alienda hadi hoteli aliyoambiwa na Erica, akamuulizia na kupelekwa alipowekwa kuosha vyombo ila vyombo vyenyewe aliosha vichache sababu ya kulia, Bahati akauliza kwanini Erica kafanyiwa vile,

“Huyu mwanamke kaja na mwanaume wameagiza chakula mwanaume kamkimbia, hana hela ya kulipa ndio tukampa kazi ya kuosha vyombo”

“Kwani mnamdai pesa ngapi?”

“Elfu ishirini na tano”

Bahati akatoa zile hela na kumuinua Erica aliyekuwa amekaa chini sababu ya kilio na kwenda nae nje kupanda gari yake kisha akampeleka moja kwa moja kwao, walipofika aliingia nae ndani na kwenda kugonga mlango wa nyumbani kwao maana ilikuwa mapema sana, saa kumi na mbili kasoro, mamake alitoka ila alichukia sana kuona Erica kaletwa na Bahati ila kabla hajasema chochote Erica alianguka miguuni pake.





Bahati akatoa zile hela na kumuinua Erica aliyekuwa amekaa chini sababu ya kilio na kwenda nae nje kupanda gari yake kisha akampeleka moja kwa moja kwao, walipofika aliingia nae ndani na kwenda kugonga mlango wa nyumbani kwao maana ilikuwa mapema sana, saa kumi na mbili kasoro, mamake alitoka ila alichukia sana kuona Erica kaletwa na Bahati ila kabla hajasema chochote Erica alianguka miguuni pake.

Ilibidi mama Erica ainame na kumuokota mwanae alikuwa kazimia, ni sababu ya kulia sana, huyu mama alimfokea sana Bahati,

“Umemfanya nini mwanangu wewe?”

“Sijamfanya chochote mama”

Mamake Erica alikuwa akihangaika na Erica pale ila Bahati alipotaka kusaidia alimtimua kabisa na kumwambia aondoke, hataki kumuona, ila bahati aliganda tu pale, wakati mama Erica akihangaika na Erica Bahati alienda kuchukua chupa ya maji kwenye gari yake na kummwagia Erica, akazinduka lakini alionekana kuwa na uchovu sana, mamake alimuuliza kama wampeleke hospitali ila Erica aligoma na kusema akalale tu, mamake akamshauri jambo moja kuwa kabla ya kwenda kulala akaoge kwanza, basi Erica alikuwa akijikongoja tu ikabidi mamake ampeleke na kummwagia maji kisha ndio akampeleka kulala. Muda huo wote Bahati alikuwepo tu sebleni. Mama Erica akarudi sebleni na kumwambia Bahati,

“Nashukuru sana kijana kwa kuniletea maradhi yangu ila nakuomba uondoke maana mwanangu sasa yupo kwenye mikono salama”

Bahati hakuwa na usemi na wala hakuweza kubishana na mama yake Erica, hivyo aliamua kutoka zake na kuondoka.

Mama Erica alibaki na maswali sana kuhusu kilichompata mwanae yani hakuelewa kabisa ila alimwacha apumzike kwanza kama mwenyewe alivyoomba kuwa apumzike kwanza.



Muda kidogo Bahati alirudi tena akiwa kabeba samaki na kuku wawili na kumwambia mamake Erica,

“Mama nimekuja kidogo kuleta hii ili Erica atengenezewe supu, samahani mama”

Kisha akaacha pale na kuondoka zake, kwa upande mwingine hata mamake Erica alimuhurumia ila tu ndio alishaoa. Akaamua kuandaa ile mboga kwaajili ya mwanae akiamka.

Kwenye mida ya mchana mama Erica alienda kumuamsha mwanae maana kila muda alikuwa akimchungulia ila akaona ni vyema muda huo amuamshe tu, Erica aliamka ila mwili wake ulikuwa umechoka sana, mamake akampa ushauri,

“Nenda kaoge mwanangu upate nguvu, sijui nini kimekukuta, sijui nini kimekukumba lakini najisikia imani, nenda kaoge tena upate nguvu mwanangu”

Erica alinyanyuka na kwenda tena kuoga kisha mamake akaenda nae mezani na kumuwekea supu na chakula ili ale, na kweli alikula kamavile hajawahi kula chakula, mama yake alikuwa akimuangalia tu mwanae anavyofakamia chakula, alipomaliza alikuwa na nguvu sasa, mama yake alikaa nae na kuzungumza nae,

“Eeeeh mwenzetu, kimekusibu kipi?”

Erica alitoa tena machozi ila mama yake alimbembeleza na kumwambia kuwa amwambie ukweli wote ilivyokuwa,

“Mama, jana niliamua kumueleza ukweli Erick kwamba mtoto nimezaa na Rahim, kumbe Erick na Rahim wanafahamiana, huwezi amini mama Erick amechukia sana na amediriki hadi kuniacha hotelini ikiwa bado hajalipia chakula”

“Sikuelewi mwanangu, hebu nieleweshe”

Erica akamueleza mama yake alichofanyiwa hotelini, jinsi walivyomuoshesha vyombo na jinsi alivyowasiliana na Bahati kwenda kumchukua,

“Hivi ni ya kweli hayo? Yani Erick akuache wewe!”

“Kweli mama, tena bora angeniacha sehemu nzuri kuliko kunidhalilisha vile”

“Amakweli mapenzi hayana dhamana, kila siku nakwambia mwanaume sio ndugu yako ila hunielewi mwanangu, na leo nakuongezea lingine, mapenzi hayana dhamana, usimuamini mtu kupitiliza kwani mtu anaweza kukugeuka kwa muda mfupi tu na usijielewe, mapenzi ni kitu kingine kabisa”

“Ila mama nakumbuka uliniambia ukweli humuweka mtu huru, ukweli ndio mzuri ila mbona mimi nimepata majanga kwa kusema ukweli?”

“Erica mwanangu, nishawahi kukwambia unaposema ukweli angalia ni ukweli kuhusu nini na mazingira gani unasema huo ukweli, yani ukweli mwingine kabla hujasema jifikirire kwanza wewe ukiwa Yule mtu utachukua maamuzi gani, je ulikuwa unajua kama Rahim na Erick wanafahamiana?”

“Nilikuwa sijui mama ila nikajua siku ile uwanja wa ndege maana niliwaona wote nikajificha”

“Je ulimuuliza Erick kuwa anafahamiana vipi na Rahim?”

“Nilimuuliza mama na akasema ni rafiki yake”

“Ooooh kama ni rafiki yake basi kuna siri nyingi sana wanafichiana, sasa mwanangu kwa mazingira hayo ungeniambia hata mimi nimwambie huyo Erick ukweli hata kama kupaniki angepanikia hapa nyumbani kuliko kukudhalilisha hivyo mwanangu, kuna watu sio waelewa yani huyu Erick anafanya nae nianze kumchukia loh!”

“Ndio hivyo mama, mwanao nimedhalilika sana ten asana, kwakweli alichonifanyia Erick siwezi kukisahau”

“Basi mwanangu tulia yaishe”

Basi mama Erica akachukua simu yake na kujaribu kumpigia Erick ila iliita tu bila ya kupokelewa , kwahiyo akahisi huenda ana mambo yake ndiomana hata simu yake hapokei, basi yeye akaendelea tu kuongea na mwanae na kumpa nguvu.



Jioni ya siku hiyo, mama Erica alitoka kidogo na kumuacha mwanae nyumbani, muda kidogo alikuja mgeni na kugonga mlango, Erica alipoenda kufungua alikuwa ni Tumaini hata akamshangaa kuwa siku hiyo kafata nini kwao, Tumaini bila salamu alimuuliza Erica,

“Mama yupo?”

“Mama yangu wa nini?”

“Nimekuuliza tu yupo? Nijibu”

“Hayupo katoka”

Erica akashtukia kapigwa kibao, cha kwanza na cha pili kwakweli Erica hakumuelewa kabisa Tumaini kumbe aliulizia kuhusu uwepo wa mama yake Erica ili aweze kumpiga Erica, aliamua kumuuliza,

“Haya umenipiga, umenipigia nini sasa?”

“Unaona ulichomtendea kaka yangu ni sahihi? Umefanya kajifungia ndani na kusema Erica Erica, umekuwa nani wewe katika jamii?”

“Tumaini naomba uondoke maana nisije kuongea maneno mengine ya karaha ukashindwa kuvumilia hapa, naomba uondoke”

“Hebu ongea hayo maneno yako ya karaha nikusikie”

“Hivi wewe Tumaini una nini na mimi lakini? Kama unamtaka kaka yako si ukatembee nae”

“Unasemaje wewe”

Tumaini akataka kumvaa Erica ila akatokea Bahati na kuingia katikati yao, alishangaa sana kuona ule ugomvi na akamuuliza Erica kuwa kuna nini, ila Erica alijibu kwa kujiamini,

“Namshangaa huyu dada, toka nipo na kaka yake kutwa kufatilia maisha yangu, sijui haridhishwi huko kwingine! Kama unamtaka kaka yako kamchukue uone laana itakavyokufatilia”

Kwakweli Tumaini alifura hasira kitendo ambacho Bahati aliamua kumuingiza Erica ndani na kumwambia Tumaini aondoke kisha yeye kuingia ndani, akaanza kuongea na Erica,

“Kwanini uwe na mwanaume ambaye ndugu zake wanakunyanyasa hivi wakati mimi nipo!”

“Usinichekeshe na wewe, ndugu zako si ndio ukoo mzima hawanitaki sasa hiyo wewe upo ndio nini?”

“Erica, mimi nipo tayari kwa chochote hata ukitaka leo hii naenda kumuacha Yule mwanamke wala simpendi wala nini, nakupenda wewe Erica, naomba ukubali nikuoe”

“Bahati ushachelewa, Yule mwenyewe nilikuwa namjibu tu ila kwasasa sitaki mahusiano ya aina yoyote bora niwe mwenyewe tu, sitaki mwanaume yeyote, nitalea mwanangu tu”

“Erica usiseme hivyo wakati mimi nipo na ninakupenda sana, Erica nilishasema hata dunia nzima iseme kuwa wewe malaya na unajiuza ila mimi nitaendelea kukupenda tu. Maana nimefundishwa kupenda na si kitu kingine, nitakupenda maisha yangu yote”

“Asante Bahati ila kwasasa hapana, mimi na wewe tubaki tu marafiki au ndugu”

Basi Bahati alikuwa akijitahidi pale kusema ya moyoni mwake ila ilikuwa ngumu sana kueleweka kwa Erica.



Muda huu mke wa Bahati alikuwa na mawazo sana ya jambo la kufanya aliamua kumpigia simu Salma ili ajaribu kumshirikisha anachowaza,

“Salma ndugu yangu mwenzio nimefikiria nimeona tukingoja mpaka arobaini iishe tutakuwa tumeumia sana, huyu Erica ni ana nitesa vilivyo”

“Eeeeh kafanyaje tena?”

“Hebu fikiria nimetoka kujifungua ila mume hanijali wala nini yani, hataki ndugu zangu waje kuniuguza hapa wala ndugu zake anasema nikitaka kuuguzwa niende ila sio ndugu kuja hapa, na mimi siwezi kuiach nyumba yangu nimeamua kuvumilia tu, jamani jana tumerudi nyumbani hata sikuwa na raha muda kidogo simu, sijui Erica anapiga, mwanaume anahaha huku na kule, muda kidogo simu sijui Erica anataka nini, nikaamua kuficha simu bafuni, ndugu yangu alivyogundua nimeficha simu, nimepigwaje? Yani nimepigwa hatari na tangu aondoke hiyo alfajiri hajarudi hadi muda huu, hebu fikiria mume wa mtu kweli anafanya hivi jamani!”

“Sikia Nasma, mimi niliongea na Yule mmama akasema kuna dawa sijui ya kumfunga mume ila kwa upande wangu huyu mume wangu sijui kama atafungika jamani, na ndugu zake wakijua nimemfunga yani wataniharibu maana hapa naishi kwao tena sababu ya mama mkwe ana roho nzuri, sasa sijui tufanyeje?”

“Mimi nina wazo Salma”

“Wazo gani?”

“Tumfanye Erica kuwa chizi, yani wote watamkimbia, huyo mumeo atamkimbia na Bahati wangu atamkimbia, yani awe chizi kabisa abaki kuhangaika na familia yake”

“Mmmh hilo swala zuri, ila inawezekanaje?”

“Kuna mtaalamu namfahamu yani kinachotakiwa ni kupata majina matatu ya Erica basi kazi imeisha, sasa sijui hayo majina tuitayapata wapi maana mimi hata kumuuliza mume wangu siwezi, nitapigwa hadi nishangae”

“Hiyo sio kazi kwangu, nina shemeji yangu ana undugu na Erica yani yeye ndio atanitajia majina matatu ya Erica hata usiwe na shaka. Nakwambia huyo Erica habari yake imekwisha maana akiwa kichaa nani tena atamtaka?”

“Hakuna, yani tutamkomesha. Basi nakutegemea, tufanye haraka maji ya shingo yamenifika dhoga yangu”

“Aaaah usijali, ndani ya siku mbili hizi atakuja tu Yule shemeji kuniona nitakupa majina ya Erica sio kazi kuyapata”

Basi walifurahia na kupongezana kwa ajenda yao.



Usiku mama Erica alirudi na Bahati akaondoka, kwahiyo Erica akaongea ongea na mama yake na kumwambia maamuzi yake aliyoamua kuwa hataki tena kujiingiza kwenye mahusiano ya kimapenzi, basi wakaongea na kwenda kulala.

Kabla ya kulala Erica alipigiwa simu na Derick akaipokea simu ile,

“Erica, dada yangu kipenzi nimekumiss”

“Asante”

“Mmmh erica, hata kusema nimekumiss pia jamani hakuna”

Erica alicheka tu na kumuuliza,

“Haya niambie kilichofanya unipigie usiku usiku huu”

“Kwani kuna ubaya ndugu kwa ndugu kupigiana simu?”

“Hakuna ubaya ila undugu wako wewe nina mashaka nao, haiwezekani ukawa na mawazo finyu kama unayokuwaga nayo”

“Jamani Erica, basi tuachane na hayo, ila naomba tuonane nina maongezi na wewe”

“Njoo tuongee nyumbani kwetu, kwakweli siji popote utakaposema nije”

“Mbona una roho mbaya hivyo Erica?”

“Nadhani huna cha kuongea na mimi, kwaheri”

Erica akakata ile simu na kulala zake kwani hakutaka kujiumiza kichwa kwa wakati huo.

Kulipokucha aliamka mapema kabisa na kujinyoosha mwili katika kazi za hapa na pale, akapigiwa simu na Fetty na kuanza kuongea nae,

“Shoga yangu nina shida, nina shida, nina shida”

“Shida gani tena?”

“Nina shida ya laki tatu, naomba unikopeshe tafadhari”

Erica akakaa kimya kwa muda na kuwaza zile hela alizozituma kwa Dora, maana zingekuwepo kwake basi asingeshindwa kumtumia Fetty, na kumwambia hana aliona sio swala zuri sababu alishamwambia mwanae amekuwa balozi kwahiyo lazima ahisiwe kuwa na hela, akamwambia

“Fetty, subiri kidogo kuna mahali nikuulizie halafu nitakutaarifu”

“Nashukuru sana ndugu yangu, nashukuru kwa kunusitiri”

Basi simu ile ilivyokatika, Erica akapata wazo la kumpigia simu Dora ili amuombe hela kidogo, alipiga iliita hadi kukatika, akapiga tena hivyo hivyo, akapiga tena ndio Dora akapokea na alikuwa akiongea sauti ya usingizi kabisa,

“Kheeee Dora, inaenda saa nne hii hujaamka?”

“Niamke mapema nina shida gani? Wenye shida ndio wanaamka mapema ila sio sisi wenye raha zetu”

“Mmmmh mna raha ya nini?”

“Raha ya kila kitu maana dunia ya sasa kuwa na hela ndio kila kitu, unaenda unapotaka, unafanya unachotaka, unakula unachotaka, kwahiyo acha niburudike mie.”

“Mmmmh hujampa mzee Jimmy zile pesa?”

“Nimpe nina wazimu?”

“Si ulisema bora nikupe wewe”

“Ndio bora unipe mimi nitumie, Erica Yule mzee kashanitumia sana nishampa mapenzi sana ila hakuna nilichoambulia kwake zaidi ya vilaki laki halafu wewe usiyempa chochote ndio anakujazia mavitu, kwakweli roho iliniuma yani kazi nifanye mimi na faida upate wewe, kwahiyo hii ni haki yangu hata mzee Jimmy akifanya chochote hakitanipata maana hii ni haki yangu”

“Ila wewe jamani, si ulisema lengo la mzee Jimmy ni bay asana?”

“Ila wewe Erica hujiongezi! Huna huruma wewe, yani matatizo yote niliyokwambia ninayo sababu ya mzee Jimmy ila bado ukataka ule hela yake usiyoitolea jasho! Nimeenyeka mwenzio, nimekukuruka ach anile matunda ya kazi yangu, jana na juzi nilikuwa kwenye starehe tu ndiomana nimeamka na uchovu”

“Haya bhana ila nisaidie kitu, mwenzio sina hela yoyote yani hakuna kitu mfukoni kwangu, naomba unisaidie laki tatu”

“Shoga yangu laki tatu tu, sio kitu kwangu nitakupa ila tukutane kesho mahali nikupatie maana kuna jambo nahitaji kuongea nawe”

“Sawa hakuna tatizo kwahiyo muda gani?”

“Iwe kwenye saa kumi kumi Erica wangu sawa mama eeeh! Ninakupenda shoga yangu uuuh yani ushoga wetu hudumu daima”

“Sawa bhana maana mimi mjinga kukupa wewe hela zote”

“Hata sio mjinga shoga yangu umefanya cha maana sababu ulijiona hustahili kumiliki hizi pesa, sasa ni mimi ndio nastahili kuwa nazo ndiomana ukanipatia, acha mwenzio nijifute jasho kwa kazi niliyoifanya siku zote hizi kwa Yule mzee”

Erica aliongea ongea nae na kukata simu ila alijiona ni mjinga sana kumkabidhi pesa Dora ila kwa upande mwingine aliona acha tu atumie aliyezihangaikia.

Akampigia simu Fetty na kumuahidi kuipata hiyo pesa kesho kutwa, na Fetty alimshukuru sana maana alikuwa na shida haswaaa na ile pesa.



Basi jioni yake Erica alipigiwa simu na Erick kwa hakika hakutaka kuipokea na kuifanya iite mara nyingi nyingi bila ya kuipokea hadi Erick alipopiga simu kwa mara ya tatu ndipo Erica alipokea ile simu na akamwambia,

“Ongea kilichokupigisha simu”

“Usiwe mkali hivyo Erica, hujui ni kitu gani kimetokea?”

“Kitu gani kunidhalilisha vile? Hivi Erick una akili kweli, mwanamke unayempenda unaweza kumdhalilisha kiasi kile? Erick sikutaki tena kuanzia leo”

“Erica usiseme hivyo kumbuka mimi na wewe tuna mtoto”

“Tuna mtoto kitu gani? Ungetambua hilo ungenidhalilisha kiasi kile kwenye ile hoteli? Ungefanya mimi nionshe vyombo usiku kucha? Kwakweli Erick nakuchukia yani nakuchukia haswaa”

Erica akakata simu ila kiukweli yale yote alikuwa akiongea kwa hasira tu kwani moyo wake ulijaa habari za Erick tu nay eye peke yake aliyekuwa anampenda, alitamani muda wote Erick ampigie simu kumuomba msamaha ila mpaka usiku unaingia na kulala, Erick hakupiga simu tena yani kitu hiko kilimuuma moyo zaidi na kujisemea,

“Hivi kwanini wanaume wana roho mbaya hivi? Ndio huyu aliyekuwa anasifiwa kuwa anajua sana kubembeleza jamani? Mbona hamna kitu chochote maana sioni kubembelezwa wala nini jamani, aaah Erick hanipendi”

Akawaza sana na kukosa raha kabisa, hadi analala na kuamka asubuhi hakupata simu yoyote ya Erick zaidi ya kumpigia simu Dora ili ajue ni wapi atakutana nae kwa siku hiyo kama walivyopanga.



Mchana wa siku hiyo Erica aliamua kumshirikisha mama yake ambayo aliongea na Rehema alipokutana nae,

“Mama nilikutana na Da Rehema kasema Da Bite kakonda sana hadi amemuonea huruma”

“Jamani watoto wangu sijui mna matatizo gani jamani, hivi Bite anaacha kuja nyumbani hapa kunieleza shida zake mpaka anaonekana na watu huko kuwa ana matatizo jamani!”

“Yani Da Rehema kaniambia siku akipata muda atakuja ili muongee vizuri maana hali ya Da Bite imemshtua sana”

Kwakweli mamake hakuweza kuvumilia zaidi akaamua kumpigia simu Bite ili kujua tatizo ni nini, akampigia na kumsalimia kisha kumuuliza,

“Mnaendeleaje Bite?”

“Salama mama, tunaendelea vizuri”

“Kila siku nikikupigia simu ni swala hilo hilo la kuendelea vizuri, hivi Bite mwanangu una matatizo gani? Hutaki kuja nyumbani, ndio ulichukia ujinga aliofanya mumeo? Huyo mumeo tunajua mambo yake kwahiyo hata habari zake zisikuogopeshe kuja nyumbani, kwanza niambie tatizo ni nini, usinifiche mimi ni mama yako”

“Mama, ni bora hata ningekuwa mwanamke malaya yani ni bora ningekuwa hivyo kuliko ninachofanyiwa na huyu mwanaume jamani, mama huyu mwanaume ananitesa tena sio kwa kipigo ila ananitesa kisaikolojia, mama hadi nachanganyikiwa”

“Vipi ni kuhangaika na wanawake tena au?”

“Ndio hiyo tabia hajaacha wala nini mama, halafu kinachoniumiza zaidi nimeanza kuumwa na ugonjwa wa ajabu”

“Ugonjwa gani huo?”

“Nimeenda kupima, wameniambia nina ugonjwa wa kansa ya shingo ya kizazi, mama ugonjwa huu husababushwa na ngono yani mwanaume anautoa kwa mwanamke mwingine na kuuleta kwa mwanamke wake, yeye hadhuriki ila mwanamke ndio nadhurika, jamani huyu James kwanini anataka kuniua jamani kosa langu nini”

“Bite, akili zako zifanye kazi, kwani ugonjwa huo hautibiki? Utapona tu mwanangu, ila rudi nyumbani, kwanza una uwezo wa kuishi maisha yako mwenyewe cha msingi kuwa na msimamo tu kuwa umeondoka na haurudi tena, asikubabaishe James bhana, mtu alitaka hadi kumbaka mdogo wako, ni mtu huyo kweli? Kwakweli mwanangu ni muda wa kufanya mabadiliko huu, usikubali kuumizwa kiasi hiko”

“Sawa mama nimekuelewa”

Basi pale mama Erica aliongea ongea na mwanae maneno ya kumpa moyo kwa kile alichomwambia kuwa asijihisi vibaya, awe kawaida tu na achukulie ni ugonjwa wa kawaida usimpe presha sana.



Salma alimpigia simu Nasma na kuongea nae,

“Nimepata majina matatu ya Yule mtu”

“Eeeeh nitajie”

“Nakutumia kwenye ujumbe, unajua nimetumia ujanja gani kuipata?”

“Eeeeh niambie umetumia ujanja gani?”

“Basi bhana Yule shemeji yangu nikaongea nae kuhusu majina akaniuliza kwani vipi, sikutaka kumwambia ukweli ila akasisitiza nimwambie ikabidi nimwambie kumbe nae ana ugomvi na huyo mwanamke tena kaniambia ndio vizuri tena umfanye chizi kabisa aokote makopo yani asijitambue”

“Sawa sawa, yani mimi ninapoipeleka kazi wala sio sehemu ya kugushi ndani ya wiki hii hii utasikia matokeo”

Mara Bahati akatokea na kumkuta mkewe akiongea na ile simu akamuuliza kwa makini kuwa anaongelea kuhusu nini,

“Hamna kitu mme wangu”

“Unajua nyie wanawake mkipigwa mnasema mmeonewa, hivi mwanamke umempata mwanaume kwa ushirikina hivi unawezaje kujisifia kuwa huyu mwanaume ni wangu? Kwanini unashangaa nikimtaka nimpendaye? Halafu simu unayoongea nayo hapo ni ushirikina mtupu, unajua najuta kukuoa Nasma, yani hata kama ndugu hawakumtaka Erica basi wangenizesha hata kwa Sakina Yule dada katulia ila sio wewe, yani hapo ulipo unanuka ushirikina tu”

“Hamna mume wangu sifanyi ushirikina wowote”

“Yani Nasma nikigundua kuna ujinga wowote unafanya utaondoka huku unatambaa nakwambia, na kwa taarifa yako hata Erica agome kuolewa na mimi basi wewe nitakuolea hata wake sita maana siwezi kuishi na mwanamke mshirikina kama wewe”

Nasma alikaa kimya tu ila bado wazo lake la kumfanya Erica kuwa kichaa lilikuwa kichwani ingawa mumewe kamtishia kwahiyo wazo hilo lilikuwa likimjia na kumtoka.



Wakati Erica anajiandaa huku akingoja simu ya Dora kuwa wakutane wapi, akapigiwa simu na Erick, kwa muda huu hakuweza kujizuia kutokuipokea kwani alikuwa akiacha kuipokea anaumia moyo sana, akaanza kuongea nae, Erick alimuomba waongee kwahiyo Erica alimwambia sehemu anayoenda kukutana na rafiki yake,

“Huyo rafiki yako ni muhimu sana hadi unakutana nae?”

“Ndio ni wa muhimu sana, ni rafiki yangu mkubwa”

“Sawa, na mimi sipo maeneo ya mbali na sehemu hiyo, ukifika basi utanikuta”

“Sawa, hakuna tatizo”

Erica alimaliza kujiandaa kisha akamuaga mama yake na kuondoka zake, alifika kwenye ile hoteli na kumkuta rafiki yake Dora ameshafika kwahiyo walikaa nae na kuanza kuongea nae,

“Erica, kabla ya yote jamani nimekutana na mkaka mmoja hapo nje huwa namfahamu fahamu jamani ila sina mazoea nae, Yule kaka ni mzuri, sijategemea leo kumuona, mkaka ni mzuri Yule nilitamani hata nikambusu ila sijamzoea halafu hanipendagi”

“Dora nawe, hakupendagi kwani anakufahamu?”

“Ananifahamu ndio na ndiomana siwezi kuwa nae karibu ila nampenda balaa, natamani angekuwa wangu, mkaka Yule ni mzuri”

“Mmmh Dora tuachane na habari hizo, hebu tuongee ya kwetu bhana”

Muda kidogo Erica akapigiwa simu na mpigaji alikuwa Erick, ilibidi Erica amuelekeze walipokaa ili aende hapo. Basi akakata simu na kuendelea kuongea na Dora,

“Sasa Erica, ninachotaka kuongea nawe ni kuhusu shemeji yako James”

“Kafanyaje tena shemeji yangu James?”

Gafla akamwambia Erica ageuke nyuma,

“Wow, Erica geuka nyuma Yule mkaka mzuri nilikwambia anakuja kwenye meza yetu sijui ananifata!”

Erica akageuka na kumuona anayekuja ni Erick, kwakweli alimuona rafiki yake Dora anatamaa sana, Erick alifika pale ila kabla ya salamu alimuuliza Erica kwa mshangao huku akimuonyeshea Dora,

“Yani Erica, huyu ndio rafiki yako!”





Gafla akamwambia Erica ageuke nyuma,

“Wow, Erica geuka nyuma Yule mkaka mzuri nilikwambia anakuja kwenye meza yetu sijui ananifata!”

Erica akageuka na kumuona anayekuja ni Erick, kwakweli alimuona rafiki yake Dora anatamaa sana, Erick alifika pale ila kabla ya salamu alimuuliza Erica kwa mshangao huku akimuonyeshea Dora,

“Yani Erica, huyu ndio rafiki yako!”

Erica alikuwa kimya tu kwani hakuelewa toka mwanzo kuwa mwanaume aliyekuwa anasemwa na Dora ni Erick, ila pale pale kabla hajajibu Dora akasema,

“Kheee Erica huyu kaka mzuri kumbe ndio mpnzi wako!”

Erick alimuangalia Erica bila hata kucheka na kumtaka waondoke, sasa Erica hakuwa na maamuzi zaidi ya kufata kile anachokisema Erick kwahiyo ilibidi ainuke na kuanza kufatana na erick, kwakweli Dora alimshangaa Erica na kumwambia,

“Kwahiyo ile hela hutaki tena?”

Kiukweli hela alikuwa anataka lakini wakati huo huo hakutaka kumkera Erick, alitoka nae hadi nje na kupanda gari ya Erick ambapo kwenye gari Erick alianza kuongea,

“Unajua Erica muda mwingine mwanaume anampiga mwanamke sio kwasababu huyo mwanaume anapenda kupiga, hapana ila ni sababu ya vitendo vya huyo mwanamke. Hivi Erica Yule ndio rafiki yako kweli?”

“Ngoja nikueleze ukweli kuhusu Yule mtu”

“Haya nieleze”

Erica alimueleza Erick jinsi alivyokuwa na urafiki na Dora wakati yupo chuo ila akamueleza jinsi alivyoacha urafiki nae, alimwambia ni sababu ya kumsingizia maneno ya uongo ila hakusema tatizo kubwa kuwa lilikuwa ni George, alimueleza na jinsi kaka yake alivyotaka kumuoa na yeye alivyokataa,

“Erick naelewa kabisa kama Dora hana tabia nzuri ila nipo nae karibu kipindi hiki si sababu ni rafiki yangu bali kuna rafiki yangu mwingine alinituma kuchukua hela kwa Dora”

“Na mbona uliniambia mimi ni rafiki yako?”

“Nimekosea kusema hilo sababu sikujua niseme kitu gani ila Erick najua umetafuta sababu tu, hivi unadhani ulichofanya kwangu siku ile ni sawa? Kuniacha mimi bila kulipa hoteli? Kuniacha nioshe vyombo? Unafikiri ni sawa, wewe mwenyewe ulisema kuwa tusahau yote yaliyopita, nilikwambia ukweli kuwa nina mtoto ukakubali, na sasa nikakwambia baba wa huyo mtoto halafu unathubutu kuniacha hotelini kweli?”

“Erica, nilikuwa na hasira sana kumbuka nakupenda”

“Hata kama unanipenda ndio kunifanyia vile kweli?”

“Erica, niliumia sana umeacha kunipa mimi mapenzi umeenda kumpa Rahim kweli? Nimerudi na kukwambia kuwa mpenzi wangu nina hamu ila ukanipa kisingizio kuwa upo kwenye siku zako, na Rahim umeenda kumpa”

“Erick, sijawahi kutembea na mwanaume yeyote toka nijifungue, mimi sio kichaa wa kusema nibadili mwanaume huyu mara huyu, nina akili zangu timamu mimi. Nilisema yaliyopita ilikuwa zama za ujinga, nilihisi ndio njia ya kupanda penzi la kweli, sasa nimejua ukweli nianza tena kutembea na wanaume jamani! Huyo Rahim ni muongo”

“Basi kama muongo naomba unipatie haki yangu”

“Haki gani?”

“Unajifanya huelewi Erica jamani? Si nilikwambia nina hamu, nahitaji mapenzi”

“Hapana Erick, mimi nilikuwa nataka tufanye hadi ndoa”

“Hahaha usinichekeshe Erica, hivi siku hizi ni nani anayengoja ndoa? Hamu ipo muda wote kweli mtu utasubiria ndoa? Siku hizi hata mwanamke bikra anajaribishwa kabla ya ndoa sembuse wewe Erica ambaye ushazaa jamani! Hata hivyo kwani mimi na wewe ni mara ya kwanza kufanya? Hebu usinifanyie hivyo mwenzio, naomba haki yangu Erica tafadhali, mimi ni mpenzi wako niende wapi tena?”

“Sawa hakuna tatizo, ila naomba jambo moja”

“Hayo ndio maneno sasa, haya jambo gani?”

“Naomba tukapime”

“Kwahiyo Erica huniamini? Yani kipindi chote hiko huniamini?”

“Usipaniki Erick maisha yamebadilika sana, nasema tukapike sababu ya kukuokoa wewe na kujiokoa na mimi, kumbuka…..”

“Basi usiendelee kusema, tumalize mjadala, kesho nakuja kukuchukua tukapime”

“Basi fanya kesho kutwa maana kesho haitawezekana”

Erica alikumbuka ahadi aliyotoa kwa Fetty kwahiyo alitaka aitumie siku ya kesho kutimiza ahadi yake kwa Fetty, ila Erick akamuuliza

“Kwanini haiwezekani?”

Erica akawa anajiuma uma kisha Erick akaongea,

“Ooooh nimekumbuka kitu, ngoja kesho nikafatilie tena ile gari bandarini unajua Erica ulinichanganya sana siku ile, basi kesho nitaenda kufatilia mwenyewe halafu keshokutwa twende tukapime”

“Sawa hakuna tatizo”

“Halafu tukitoka hapo tunaenda kufanya”

“Mmmmh!”

“Usigune, ujue mimi na mwanaume na wewe ni mwanamke tumetofautiana maumbile, ukinibania mimi unataka niende wapi?”

Erica alikaa kimya tu na kumuomba kuwa anataka kurudi nyumbani, wakati huo hata ile laki tatu kwa Dora hajaipata na hajaweza kusikiliza kuwa ni nini Dora alimuitia kuhusu shemeji yake, na pia aliogopa kumuomba Erick hiyo hela maana alikuwa anataka Erick ampe mwenyewe na sio amuombe, kwahiyo Erick akageuza gari na kuanza safari ya kwenda kwakina Erica huku akimpapasa papasa,

“Mmmh Erick usifanye hivyo bhana, tupo barabarani ujue”

“Hata barabara inaelewa ni jinsi gani nakupenda”

Erica hakupenda kushikwa vile maana alikuwa akipatab msisimko na hakuutaka huo msisimko sababu alihisi ungechochea kufanya mapenzi kitu ambacho hakukitaka kwa wakati huo.



Walifika nyumbani kwakina Erica, na kabla Erica hajashuka Erick aliomba kuongea nae tena kidogo,

“Usijifikirie vibaya mimi kushangaa urafiki wako na Yule msichana, Yule msichana labda hanifahamu vizuri ila mimi namfahamu vizuri sana sana, Yule msichana hana tofauti na changudoa kwa kifupi Yule msichana hafai, yani anawafata wanaume kwaajili ya pesa, ile sio aina ya kuwa na urafiki nao Erica, wewe ni msichana unayejielewa, unayejithamini, unayevutia usianze kuzunguka nay ale makorokoro, sawa mama eeeh!”

“Sawa nimekuelewa”

“Halafu kitu kingine nakupenda sana, siwezi kuingia ndani kwenu maana kama umemwambia mama yako sijui nitaweka wapi sura yangu, ila keshokutwa nikija kukuchukua lazima nije nionane na mama”

“Sawa hakuna tatizo”

Kisha Erick akashuka na kumfungulia Erica mlango wa gari akambusu na kumuaga, halafu Erica akaingia ndani kwao ila akiwa na mawazo sana kuwa hiyo laki tatu aliyomuahidi Fetty atampaje mpaje, akaingia ndani tu na kumsalimia mama yake kisha kwenda chumbani kwake, alijisemea,

“Sisi wasichana kitu kinachotusumbua sana ni hela, unakuwa na mpenzi kama Erick unajua kabisa hela anayo ila hakupi na ukiomba atauliza ya kazi gani yani hapo ndio panakuwa pagumu! Nilianguka kwa Rahim sababu alikuwa mtoaji sana kwangu, alikuwa akinihonga sana ila sikujua kisa na mkasa cha kuhongwa vile na mwisho wa siku nimeambulia maumivu, hivi kweli Erick anaweza kutoa milioni tano kwaajili ya mimi kulipa deni anauwezo wa kutoa pesa kwaajili ya kuninunulia gari, anashindwaje kutoa pesa kwaajili ya matumizi yangu?”

Erica alijiuliza sana ila alipotulia tulia aliamua kumpigia simu Dora ili kujaribu kuongea nae kuhusu ile hela aliyomuomba,

“Yani Erica ukaacha kunisikiliza mimi sababu ya Yule, hajakupa hela?”

“Hajanipa?”

“Halafu mjinga ana hela kweli Yule sema bahiri tu ndio tatizo lake”

“Unajua sana eeeh!”

“Namfahamu ndio ila Erica hongera, umepata mwanaume mzuri balaa hadi natamani kama angekuwa wangu”

“Basi tuachane na hayo mambo, vipi kuhusu hela?”

“Erica, nilitaka kukupa hela ya kuonana kabisa ila hela ya kutuma hapana, labda nikutumie laki”

“Mmmmh Dora wewe”

“Ndio, kubali tu nikutumie laki”

“Sawa basi nitumie hata hiyo”

“Halafu unajua jana ulivyoniacha pale nini kilitokea?”

“Aaah Dora, usiniletee habari zingine bhana, nitumie hiyo laki”

“Basi ngoja nikutumie”

Erica alikata simu akisubiri kutumiwa hiyo laki maana hakuwa na jinsi zaidi ya kukubali hiyo hiyo huku akiwaza mahali pa kumtafutia Fetty laki mbili maana katika marafiki zake alimuona Fetty kuwa rafiki mwema kwake ingawa kuna vichache anampeleka sipo ila kwa kiasi Fulani aliona kuwa ni mwema na anakila sababu ya kumsaidia.

Alivyomaliza kuongea na Dora alipigiwa simu na Erick na kuongea nae tena Erica hakuongea nae kwa raha kwani alikuwa na shida na hela halafu kumwambia hakuweza,

“Erica nakupenda sana”

“Nashukuru kwa kunipenda ila Erick sina kazi ujue?”

“Najua mpenzi wangu, nilikwambia hilo hata lisikupe shida nitakutafutia cha kufanya yani kuwa na amani tu”

Erica alikuwa akichukia kwani alitamani aulizwe hela unayo aseme sina ili aweze kupewa hela anayoitaka, hakutaka kutoa hela za kwenye akaunti ya mwanae kwani hakutaka kuendelea kuimaliza akaunti hiyo ukizingatia hela nyingi anazozitumia ni kutoka kwa mwanae, kwahiyo aliendelea tu kuongea na Erick haku akicheka ila hakuwa na furaha wala nini, hadi wanaagana na kulala bado hakuwa na furaha sababu Erick hakuweza kujiongeza kumpatia hitaji lake.

Kulipokucha bado alikuwa akiwaza kuwa hiyo hela ataipata wapi aweze kumsaidia Fetty, akapata tena wazo la kumpigia Bahati, kwahiyo akampigia Bahati na kuanza kuongea nae,

“Nina shida na hela mwenzio”

“Unataka kama pesa ngapi?”

“Nina shida na laki mbili”

“Mmmmh kwani Erica una tatizo gani mpenzi wangu? Ila usijali, ngoja niende nikaangalie mahali nikutumie”

“Sawa, nashukuru sana Bahati”

Kwakweli kwa Bahati ilikuwa ni afadhali yake kwani Bahati ingawa hakuwa na hela nyingi lakini alikuwa hodari sana wa kumsikiliza Erica ana mahitaji gani, na kwa upande wa Erica ilikuwa rahisi sana kwake kumuomba hela Bahati kuliko mtu mwingine yoyote, alishukuru sababu alijua ni lazima Bahati angemtumia kama alivyoahidi.



Nyumbani kwa Bahati, mkewe alimuona vizuri Bahati akiongea na Erica ile asubuhi kuhusu maswala ya hela, kiukweli hakupendezewa na swala lile hata kidogo na chuki kwake dhidi ya Erica ikaongezeka, basi Bahati alivyotoka tu yeye naye akamuandaa mtoto na kutoka naye bila kujali kuwa bado ni mdogo sana, kwa muda huo aliona ni vyema afanikishe mambo ya ndoa yake kwanza.

Alifika kwa babake ili aongee nae, babake alisikitika sana kuona mwanae akitembea mwenyewe na kichanga, Nasma aliamua kumueleza babake kila kitu na jinsi Bahati alivyobadilika asivyotaka ndugu yeyote kufika nyumbani kwake,

“Pole mwanangu”

“Baba, mmeniozesha kwa mtu mwenye tabia za ajabu sana, kwakweli nateseka baba yangu”

“Pole sana mwanangu, lakini kwanini anafanya hivyo?”

“Sina raha na ndoa yangu baba, yani kila muda ni Erica tu, tukilala tukiamka ni Erica jamani hakuna hata amani baba, sasa leo asubuhi kaongea tena na erica, jamani Bahati ameondoka pale nyumbani haihai ndio sijui anaenda kumtafutia hela huyo Erica, baba natamani tufanye kitu juu ya Erica ili kukomesha tabia ya wanawake kama wale wanaopenda kutembea na waume za watu”

“Kwahiyo tufanyeje mwanangu?”

“Nataka Erica awe kichaa baba yangu, yani awe chizi kabisa”

“Unayajua majina yake matatu ndio”

“Ndio, kuna mtu kanitumia”

“Basi hiyo kazi rahisi”

“Yani sina raha baba yangu kila kitu nikishika ndani nambiwa hiko cha Erica, nyumba eti ya Erica, kitanda sijui jiko, makochi, tv vyote naambiwa vya Erica, sina raha baba”

“Usijali mwanangu, kazi rahisi sana hapa, huyo Erica atajuta kufahamu ukoo wetu. Kesho nitafanyia kazi hili swala hata usiwe na mashaka mwanangu Nasma”

“Sawa, baba ngoja nirudi nyumbani kwangu”

“Aaaah usirudi, yani naanza nay eye, atakuja kukuchukua mwenyewe hapa na safari hii utaenda na dadako kumuhudumia mtoto na Yule mumeo tutamkoroga zaidi ya pale, yani wakati Erica anaugua uchizi na yeye hata hajui kama kuna kiumbe anaitwa Erica katika hii dunia. Yani safari hii nitamfanyia dawa hivyo hatoisahau, maishani mwake maana akija kushtuka anakuta Erica alishakufa kwa uchizi huko”

“Sawa baba nashukuru”

Kwahiyo Nasma akasikiliza ushauri wa babake kuwa asiende popote maana Bahati atamfata mwenyewe pale kwao.



Erica alitumiwa ile hela na Bahati kwahiyo alishukuru sana kisha akamtumia rafiki yake Fetty ambapo Fetty nae alimshukuru sana maana amemuonyesha upendo,

“Erica nakushukuru sana kwa kuthamini shida yangu”

“Usijali tupo pamoja”

“Yani sijui niseme nini, nashukuru sana. Nitakuja kwenu wiki ijayo”

“Karibua”

Kisha akakata ile simu na sasa akapata amani na kwenda kuongea na mama yake, mama yake alianza kumsimulia kuhusu ugonjwa anaoumwa mwanae Bite,

“Yani hawa wanaume jamani hata sijui wako vipi? Kashampa mwanangu hilo gonjwa, ila nimemwambia Bite asiwe na wasiwasi atapona tu”

Wakati akiongea vile na mama yake, alifika Mage na kuwasalimia ila mama yake alimwambia,

“Mtoto mbaya wewe, ulivyojua umefanya makosa ya kumpeleka mdogo wako kwenye matambiko huko ukaona bora usije”

“Hapana mama, ila mambo yaliingiliana”

“Mambo yaliingiliana wapi? Unashindwa kweli kuja kumsalimia mama yako sababu ya mambo kuingiliana?”

“Nisamehe mama, ila hiko sio kilichonileta”

“Haya, kimekuleta kipi?”

“Jana, kulikuwa na sherehe ya rafiki yangu, kwahiyo nilienda kwenye sherehe na mume wangu, huwezi amini mama wakati tunarudi usiku kwa macho yangu haya nimemuona shemeji James akiwa na Dora Yule rafiki wa erica, wakitoka guest”

Mama Erica alishangaa sana, na kuuliza kwa mshangao

“Unasema!”

“Ndio hivyo mama, kwakweli tumeshangaa yani mume wangu alikuwa anasema kila siku Erica mbaya kumuumbua James ila kwa alichokiona jana alisema amakweli James ni mchafu, tena mama bora ingekuwa wanatoka tu ukasema hakuna kilichofanyika ila tuliwaona wakitoka na kusimama nje huku wakinyonyana midomo”

Kwakweli mama erica, alijikuta akiishiwa na la kusema kabisa,

“Mungu wangu wanafanya uchafu huo nje!”

“Ndio hivyo mama”

Erica alikuwa amekaa kimya kwa muda ila yale maneno yalimuumiza vilivyo maana Dora alishamwambia kuwa ameathirika, alijikuta akisikitika sana na kuwaambia,

“Jamani Dora aliwahi kuniambia kuwa ameathirika”

Ndio mama yao alipiga nay owe kabisa,

“Uwiiii James kaniulia mwanangu mimi jamani, hata sijui nifanyeje”

Mage aliamua kumtuliza mama yao maana ilionekana ameshachanganyikiwa,

“Mama usipaniki hivyo na wala usiongee na Bite kwa kupaniki hivyo, muite Bite uongee nae taratibu na atakuelewa,

“Jamani hivi nawezaje, huyu James huyu nimfanye nini? Kwanini anifanyie vitu vya ajabu hivi kwa mwanangu, kampa ugonjwa wa kansa ya shingo ya kizazi kaona hautoshi kampelekea na ukimwi kweli? Hapana jamani”

“Mama, usipaniki naomba keshokutwa nije na Bite najua haendi kazini, nitamfata tuje hapa nyumbani na uongee nae kirafiki tu”

“Je naweza kuvumilia hadi kesho kutwa?”

“Vumilia mama, nakuomba vumilia na jipe moyo yote yanawezekana”

Mage alijaribu pale kumpa moyo mama yake hadi akakubali maana hakuweza kuvumilia yale maneno kuwa James alikuwa na Dora.



Babuu alionekana yupo na Rahim akimshauri kuhusu mtoto aliyezaa na Erica,

“Najua Rahim ndani kwenu wanaogopa kukwambia ila hakuna kitu kibaya kama kutokuhudumia damu yako, mimi mwenyewe nilitamani sana kuzaa na Erica ila sababu hakuchagua kuzaa na mimi simlaumu kwani sijui ni kwanini aliamua kuzaa na wewe, basi wewe onyesha kumjali mtoto”

“Ila Babuu hujui tu, Yule mwanamke ana dharau sana, nishampa hela nyingi mno angekuwa ni mwanamke mwingine ningemkuta na biashara kubwa sana kwasasa, na alichonikera ni swala la kukazania ndoa na mimi wakati huku kwetu nishawekewa mke, yani Erica ni msichana mzuri kimtazamo ila ana matatizo sana, hujui tu Babuu”

“Sasa mimi namjua Erica kushinda wewe unavyomjua, mimi ndio nilikuwa mwanaume wake wa kwanza”

Rahim hakupenda kusikia vile, yani Babuu alipenda kujisifia kuwa mwanaume wa kwanza kwa Erica ila kila aliyemwambia alionekana kutokupenda kabisa swala lile ingawa aliendelea kuongea,

“Mimi ndio nimemfundisha erica mapenzi”

“Hebu na wewe nyamaza huko kama huna cha kuongea, muda mwingi nilikuwa nikiwaza kuibiwa Erica ndiomana sijawahi kupata wazo la kumuoa kabisa, tatizo ukioa mwanamke mzuri sana jua umeolea wenzio”

“Hapana sio hivyo, ila Erica hukumuelewa tu”

“Nimekwambia nyamaza kama huna cha kuongea”

Mdogo wake Salma alikuwa karibu na kuwasikia wakimuongelea Erica, kwahiyo alienda kumwambia dada yake, kitu kilichomkasirisha zaidi.

“Natamani hata huo uchizi Erica umpate hata muda huu, yani baada ya kukaa kuzungumzia mada za maana wanakaa wakimzungumzia Erica, msichana aliyewatia aibu kwa kutembea na ukoo mzima, namchukia Erica”

Yani Salma alikuwa na chuki za wazi wazi kabisa dhudi ya Erica.



Erica alirudi ndani na kumpigia simu Dora maana zile habari kuwa alikuwa na shemeji yake zilimtisha kidogo, alimpigia na Dora alipokea muda ule ule,

“Dora nasikia ulikuwa na shemeji James?”

“Umejuaje?”

“Kuna mtu kawaona Dora, kumbe umeanza na shemeji yangu”

“Sikia Erica, Yule shemeji yako alivyonibaka niliumia sana moyo, yani mimi katika kuhangaika kwangu kote sikuwahi kufanya kinyume na maumbile ila Yule shemeji yako kajitia kunibaka mbele na nyuma nab ado mahakamani akashinda kesi kuwa si yeye aliyenifanyia vibaya ingawa ushahidi wote ulikuwepo. Tena jana nilitaka nikupe habari za shemeji yako sema ndio hivyo ukaondoka, Erica nilikwambia mimi Yule James akiingia kwenye kumi na nane zangu ninae maana nimedhalilika sababu yake, na kweli kaingia kwenye kumi na nane zangu na atajuta”

“Jamani Dora, si umeathirika wewe?”

“Kuathirika kitu gani? Tena ndio vizuri na yeye aupate kwa umalaya wake, wengine tumeupata sababu ya tamaa ila sio umalaya, na yeye aupate sababu ya umalaya wake, kwahiyo kwasasa tupo kwenye mahusiano na shemeji yako”

“Kheee Dora”

“Tena sikukwambia, ana mpango wa kunipangishia na nyumba kabisa ili tuishi kama mke na mume. Na zile hela za mzee Jimmy ulizonipa ni kama nikapata kismati maana nilimuendea shemeji yako kwa mtaalamu, nimemkoroga haswaaa yani kwangu hasikii wala haoni”

“Kheee Dora, sasa madawa yako kwa waganga shemeji yangu yalimpataje”

“Ukiwa na pesa katika maisha ndio kila kitu duniani, kuna dawa hiyo nilipewa, nimuwekee kwenye tunda nikawaza ni njia gani nitatumia, nikanunua sindano nikaiweka dawa maji nikaiingiza kwenye sindano na kuichoma, kwenye tunda la apple, shemeji yako si malaya, nikamchombeza siku hiyo hadi akakubali kwenda na mimi kula ndipo nikampa tunda lile akala yani ikawa kwisha habari yake, baada ya hapo nilimualika kwetu akaja nikamuwekea dawa hiyo funga kazi ambayo lazima niitumie kunawa kwanzq sehemu za siri ndio nimuwekee kwenye chakula, nikafanya hivyo basi toka hapo Yule shemeji yako kama zuzu unajua hiyo dawa nimemfanyia jana asubuhi ndio nikashangaa usiku ule kanitafuta hawezi kulala bila kuniona, nimemkomesha shemeji yako”

“Jamani Dora, ndio umemlisha shemeji yangu uchafu”

“Ndio akome, yani mambo yote haya ni ndani ya siku tatu tu, asante Erica kwa kunipatia hela za Mzee Jimmy maana nimeweza kulipa kisasi changu”

Kwakweli Erica hakuwa na la kuongea zaidi ya kumuhurumia dada yake tu kwani shemeji yake kaponzwa na umalaya wake kwa maana hiyo asingekuwa malaya basi Dora asingempata tena.



Jioni yake Erica alipigiwa simu na Erick huku akimsisitiza kuhusu siku ya kesho,

“Erica, kumbuka kesho ni siku yetu nitakuja kukufata mama yangu”

Erica hakuweza kukataa maana ameshamzungusha Erick kwa muda mrefu sana na akaona kuzidi kumzungusha ndio kupelekea zaidi mapenzi yao kuwa pabaya, alikubaliana nae na muda wa kwenda kumchukua kisha wakaagana.

Usiku wakati wa kulala, leo Erica alipigiwa simu na Yule mwanamaombi, alipokea na kumsalimia kisha kuanza kuongea nae,

“Erica, toka jana nilikuwa najiwa na ndoto na maono kuhusu wewe, Erica kwa swala lililopo mbele yako inatakiwa kufunga na kuomba”

“Kufunga na kuomba?”

“Ndio kufunga na kuomba, tena mfungo huo itabidi tuufanye kwa siku saba yani kula jioni tu, Erica mimi nitafunga huku ila nawe ufunge huko na muda wa maombi tufanye wote ila itakuwa vyema zaidi kama ukija kanisani kwetu”

“Sawa nimekuelewa, kwahiyo inabidi kuanza lini?”

“Ni kesho Erica, haya maombi si ya mchezo, yanataka haraka, kesho tuanze mfungo na maombi”

“Mmmh!”

“Mbona unaguna Erica, hujawahi kufunga?”

“Hapana, nimewahi ila ni gafla mno”

“Maombi mengine ni ya gafla na yanatakiwa kufanyiwa kazi muda huo huo, unapofunga epuka zile dhambi ambazo unahisi zitakutenga na uwepo wa Mungu kama uzinzi na uasherati”

“Mmmh!”

“Mbona unaguna Erica?”

“Hapana, nimeguna tu na nimekuelewa”

“Basi naomba kesho tuanze hilo jukumu mimi na wewe la kufunga na kuomba, sijui nini kipo mbele yako ila naambiwa moyoni tufanye hivyo”

“Sawa, nimekuelewa”

Kwakweli Erica alijuta kutoa namba yake kwa huyu mwanamaombi maana hakuelewa hata kesho yake kuwa atamwambia kitu gani Erick amuelewe, ila moyo mwingine ukamshauri kuwa ni bora aanze huo mfungo kesho kutwa maana kesho alikuwa na ahadi yake, ila akajisemea atajaribu kuongea na Erick kama atamuelewa. Akaamua kulala tu muda huo.



Kulivyokucha akafanya kazi zake kama kawaida, na Erick alimpigia simu kuwa ajiandae na alijiandaa kabisa, kwenye mchana Erick alifika pale kwao na kumkuta mama Erica, kwakweli mama Erica alimfokea sana kwa kitendo alichomfanyia mwanae ila Erick alimuomba msamaha mama Erica kisha akamuuliza,

“Mama, vipi ile biashara yako inaendaje?”

“Aaah wamekopa zote nimemaliza, saivi nakusanya madeni tu”

“Basi ngoja nikuongezee hizi mama”

Erick alimpa mama Erica milioni tano nyingine, kwakweli mama Erica alifurahi sana na kusahau kama huyu kijana ndiye aliyemuacha mwanae kwenye mataa, na muda huo Erick aliomba kutoka na Erica ambapo mamake alimruhusu bila tatizo lolote, tena alimuita viuri kabisa,

“Erica mama fanya upesi mwenzio anakungoja”

“Sawa mama”

Erica alitoka kisha yeye na Erick wakaondoka na safari ilikuwa ni moja kwa moja hospitali kupima, majibu yakatoka na kukutwa wote ni wazima kitu kilichomfurahisha sana Erick, na kuondoka tena na kwenda na Erica moja kwa moja hotelini, Erica alijaribu kukataa ila Erick alimuonyesha sura ya huruma sana ikabidi akubali na kwenda nae chumbani, kisha akajaribu kuongea nae tena,

“Ila Erick, mimi leo nimefunga si vizuri kufanya zinaa”

“Hebu Erica acha zako, Watu kibao wanafunga na kufanya wanafanya, hakuna tatizo lolote kwenye kufanya”

“Erick zinaa ni dhambi”

“Erica, ushatenda dhambi ngapi katika maisha yako sembuse zinaa? Je kutoa mimba si dhambi? Yani kutoa mimba ni sawa na kuua ila zinaa peke yake ndio unaona dhambi”

“Hayo yalipita Erick, sasa nataka kuwa mpya. Subiri unioe tutafanya”

“Mambo gani hayo Erica? Kumbuka mimi ni mwanaume, unataka hamu zangu nimalizie wapi? Kwanini unanifanyia hivi lakini? Hunipendi tena eeeh!”

“Nakupenda sana sana ila ningeomba unisubiri”

“Hapana Erica, kila siku unanipa visingizio visivyoeleweka, kama kupima tushapima na wote ni wazima, kwanini tusifanye? Kwanini unanikosea Erica?”

“Hapana Erick, sitaki kukukosea ila sitaki kufanya hiko kitendo”

“Ila Rahim ndio anafaa kufanya na wewe eeeh!”

“Hapana sio hivyo”

“Basi nipe mimi, unataka niende wapi Erica eeeeh!”

Erick alianza kumpapasa papasa Erica ili kumtia hamasa Erica, alijikuta tu akisema sitaki huku akikubali yote anayofanyiwa na Erick, kwakweli Erick alifurahi sana kuona Erica amekubali na walipomaliza aliinuka ili apige simu mapokezi wawaletee chakula ila alishangaa kuona Erica akiwa amelala tu vile vile hata kuinuka hakuna, akahisi labda anataka waendelee bila ya kula, akamuuliza,

“Erica, tuendelee”

Ila Erica alikuwa kimya, ikabidi amsogelee na kumbusu gafla akashangaa Erica akianza kutapatapa kama mtu mwenye kifafa.





Erick alianza kumpapasa papasa Erica ili kumtia hamasa Erica, alijikuta tu akisema sitaki huku akikubali yote anayofanyiwa na Erick, kwakweli Erick alifurahi sana kuona Erica amekubali na walipomaliza aliinuka ili apige simu mapokezi wawaletee chakula ila alishangaa kuona Erica akiwa amelala tu vile vile hata kuinuka hakuna, akahisi labda anataka waendelee bila ya kula, akamuuliza,

“Erica, tuendelee”

Ila Erica alikuwa kimya, ikabidi amsogelee na kumbusu gafla akashangaa Erica akianza kutapatapa kama mtu mwenye kifafa.

Kwakweli Erick alichanganyikiwa maana si kitu alichokitarajia na wala hakuhisi kama Erica anaweza kuwa na ugonjwa wa aina hiyo, alijaribu kumshtua lakini Erica alikakamaa sana na kuwa kama mgonjwa wa degedege, akaona akiita watu kwaajili ya msaada wakati bado hajamvalisha Erica ni kumdhalilisha kwahiyo ikabidi amvalishe kwanza akiwa vile vile anatapatapa kisha akataka ambebe ili ampeleke hospitali huku akijiuliza hapo hotelini watamuonaje, alijihisi vibaya sana na ile siku ikawa mbaya kwake kupita siku zote. Mara kidogo simu ya Erica ikaita, Erick aliichukua na kuipokea huku akitetemeka na huku jasho likimtoka, mpigaji lilitokea jina la Fetty,

“Hallow Erica”

“Samahani, mimi ni mpenzi wa Erica ila nipo nae mahali kapatwa na matatizo”

Fetty akashtuka na kuuliza kwa mshangao,

“Matatizo gani?”

Erick alimueleza kwa kifupi ambavyo Erica alianza kutapatapa na kumwambia uamuzi wake wa kutaka kumpeleka hospitali,

“Unajua kuna hisia Fulani zimenijia kwenye kichwa change nikahisi kama Erica hayupo sawa ndiomana nikapiga simu muda huu, sasa naomba nikuombe kitu”

“Niambie”

“Naomba usimpeleke hospitali bora umrudishe kwao tu, Erica hana huo ugonjwa napatwa na hisia mbaya, naomba usimpeleke hospitali, mrudishe kwao na mimi mtanikuta nimefika dah! Jamani rafiki yangu”

Erick akawaza jinsi ya kutoka na Erica pale hotelini maana lazima watamshangaa, kwahiyo alimsubiri atulie na mwili wake ulegee kisha akamuona amefungua macho akiangalia tu akajaribu kumtikisa na kumuita ila Erica hakusema chochote ikabidi Erick ambebe kama mtoto mikononi kiasi kwamba waliowaona nje walihisi kuwa pengine ni aina ya mapenzi tu ndiomana wamebebana vile, na uzuri ni kwamba Erica alikuwa akiangalia tu ila hakusema chochote kile, basi alifika nae nje na kumuingiza ndani ya gari, akamkalisha vizuri na kumfunga mkanda kisha yeye akapanda na kuanza safari ya kwenda kwakina Erica huku akiwaza sana moyoni kuwa atasema nini akifika na Erica nyumbani kwao, aliwaza sana huku akiendesha gari na kuhisi kuchanganyikiwa kabisa.

Wakati anaendesha gari na mawazo akapigiwa simu na Rahim, muda huu Rahim alitaka kusema mengine kuhusu Erica ila Erick alimzuia,

“Rahim, tafadhali acha maneno yako Erica anaumwa”

“Nini tena?”

“Jua anaumwa tu, nini sijui”

Erick akakata ile simu maana alikuwa na mawazo kibao ya jinsi ya kumfikisha Erica nyumbani kwao.



Alifika nyumbani kwakina Erica huku kigiza giza kikianza kuingia maana kidogo alienda hoteli ya mbali sana na Erica, basi akamshusha na kumbeba kumuingiza ndani kwao huku akiwaza jinsi mama yake atakavyomuuliza kwa hamaki, ila alifika pale, akakuta mlango upo wazi akaingia ndani na kumkuta mama yake Erica amekaa chini na binti mmoja hivi, hakuelewa Yule binti ni nani maana hakumjua, alisogea moja kwa moja kwenye kochi na kumuweka Erica kwa kumlaza kisha akamsogelea mama yake Erica ili amuombe msamaha, ila kabla hajasema chochote mamake Erica alimzaba kibao Erick na kumwambia,

“Ndio ulichokuwa unakitaka, naona roho yako imefurahi sasa”

“Hapana mama”

“Hapana kitu gani na umeniletea mzoga nyumbani kwangu”

Mama Erica alimsogelea Erica na kumuita ila Erica alimuangalia tu mama yake bila kusema chochote ndio kumuumiza kabisa huyu mama, akamuangalia binti aliyekuwepo na kumuuliza,

“Fetty ndio unasema asipelekwe hospitali?”

Ndio hapo Erick akaelewa kuwa Yule ndio Fetty ambapo Fetty akajibu,

“Ndio mama asipelekwe, nina hisia mbaya kuwa Erica katupiwa jinni, kwahiyo mkimpeleka hospitali akichomwa sindano basi tunampoteza ndiomana nilimwambia hata huyu shemeji asimpeleke hospitali. Halafu mama huu si wakati wa kulaumiana ila ni wakati wa kujua tufanye kitu gani kunusuru maisha ya Erica.”

“Sikuelewi hata kidogo, mwanangu ana hali kama hii kweli nawezaje kukuelewa Fetty?”

Erick alikuwa kimya kabisa maana alihisi hata angechangia ni angezidisha hasira kwa mama yake Erica maradufu.

Mama Erica alimuangalia Erick na kumwambia,

“Yani wewe ndio chanzo ila huongei chochote maana nina uhakika kama mwanangu asingetoka na wewe yasingempata haya yaliyompata”

Wakati wanaongea ongea pale, simu ya Erica ilianza kuita na ilikuwa kwa Erick kwahiyo aliitoa na kumpa mama Erica aongee nayo, mamake aliichukua na kuangalia mpigaji akaona jina limeandikwa ‘Mwanamaombi’ Mama Erica akaipokea na kuanza kuongea nayo,

“Erica, sasa kuna maombi ya muongozo tutakayoenda nayo katika huu mfungo. Una peni na karatasi hapo nikwambie uyaandike!”

Mama Erica aliongea nae kwa sauti ya unyonge sana,

“Erica ni mgonjwa yani yupo akituangalia tu ila haongei chochote”

Yule mwanamaombia alishangaa sana kuwa imekuwaje tena kwa Erica kuwa vile, ikabidi aongee na mamake Erica jinsi walivyokubaliana na Erica kuwa afunge siku hiyo maana alikuwa anaona vitu sio vizuri kwa Erica, basi mamake Erica alisikitika sana vyenyewe hakushirikishwa na mwanae kuhusu hayo maombi, labda angemshirikisha basi angemuhimiza kufunga na asingemruhusu kutoka, ikabidi wakubaliane kuwa waendelee kumfanyia maombi Erica kisha Yule mwanamaombi akasema kuwa ataenda,

“Mama, najua unaamini kwamba Mungu anaweza”

“Ndio naamini”

“Basi mtoto wako usimpeleke kwa waganga kwani watamzidishia tu”

“Siwezi kwenda kwa mganga”

“Tukazane na maombi tu mama yangu, ningekuwepo mjini basi kesho ningekuja ila mpaka wiki ijayo, sema nitaendelea kuomba kwaajili ya Erica na atakuwa mzima kabisa kama mwanzoni. Pole sana mama yangu”

“Asante”

Basi ile simu ilikatika mamake Erica akawaeleza jinsi mwanamaombi huyo alivyowaambia, Erick alijilaumu kimoyo moyo maana aliona kosa ni lake kulazimisha kulala na Erica wakati alimwambia kuwa yupo kwenye mfungo, na bila kujua mwenzie kafunga sababu gani ila akamlazimisha kufanya ngono, yani alijilaumu sana, ila hakuweza kusema pale mbele ya mama yake Erica maana ingekuwa balaa zaidi, aliumia tu moyoni mwake kwa kutokumsikiliza Erica.



Nasma aliitwa na baba yake kupewa taarifa ya kitu kilichofanyika,

“Mwanangu tumeshamtengeneza huyo Erica, ulisema kuwa tumfanye awe chizi na ndio lengo letu lilivyokuwa yani awe chizi akimbie hovyo, avue nguo barabarani, wa kumbaka wambake, aokote makoto na mwisho wa siku agongwe na gari na kufa maana kumshikilia chizi ni ngumu sana, ila imeenda kinyume”

“Imekuwaje baba?”

“Badala ya kuwa chizi kawa taahira kwahiyo mataahira si unajua wanavyokuwaga, yani wale mazezeta, yani Yule atakuwa akifanyiwa kila kitu na familia yake kwamaana hiyo hatoweza kutoka kwao maana ni taahira”

“Ila hata hivyo sio mbaya baba”

“Ila ingekuwa vizuri sana kama angekuwa chizi, yani anewehuka akili zake yani pangine mpaka kesho angekuwa ameshabakwa na vijana hata kumi, yani hata akija kupona anajiona hana thamani tena katika maisha”

“Kwahiyo atapona baba?”

“Kwa dawa tulizofanya mwanangu Yule haponi, yani haponi kabisa hata ndotoni Yule haponi ataugua hadi kufa”

“Sawa, na mume wangu kuja kunichukua”

“Usijali atakuja, yani tushamkorogea dawa ya kumuita kwahiyo atakuja na nitakupa dawa nyingine ya kumuwekea kwenye chakula yani hiyo ndio atakuwa hasikii wala haoni kwako, ngoja nikakuletee”

Basi Yule mzee alienda kumletea mwanae dawa na kumkabidhi, kisha akamwambia

“Kipindi kile hatukufanya dawa kali sana sababu ya ndugu zake, ila dawa ya sasa hivi ndio kiboko yani anakuwa ni kwako kabisa, ila tuliyomvuta ni kwamba hata wazo la kukufukuza tena wewe lisiwepo sasa hii ndio funga kazi yani mwanangu hii dawa Bahati anakuwa wako milele hata usijali”

“Asante sana baba”

Kisha akamkabidhi dawa ile na kumpa masharti ya kufanya na ile dawa,

“Sasa hii dawa mwanangu inaitwa funga kazi, yani usisahau masharti yake maana ukikosea kidogo tu unaweza kumfanya awe ndodndocha hata ashindwe kutafuta hela, sasa usikosee masharti ya hii dawa, unaichanganya na maji kisha unaenda kunawa sehemu za siri unakinga bakuli maji yamwagikie humo, halafu unampikia mumeo chakula na kumuwekea maji hayo kwenye chakula kisha unamkaribisha ale, akishakula tu hakikisha hii nyingine unaitemea mate na kuichanganya na maji ya kuoga, yani akimaliza kula atataka mwenyewe kuoga basi aende kuoga, baada ya hapo mwanangu hata ukikohoa atakuuliza unataka nini, na ndio mwanzo wa kutujengea gorofa wazazi wako maana mumeo ana hela huyu”

“Asante baba, ila nina shida nyingine, najua baba yangu unanipenda sana na utanisaidia”

“Sema mwanangu, usiogope”

“Yani baba, Bahati ni mgumu kufanya tendo la ndoa na mimi, mpaka nimlazimishe, toka akili zake zimerudi ndio kabisa anasema yeye anataka kufanya na Erica tu”

“Ngojea mwanangu”

Yule mzee akainuka na kurudi na dawa nyingine, akamkabidhi mwanae na kumwambia,

“Sasa hii unainyunyiza kitandani, yani akishakula, akioga atakwenda kujilaza ili dawa ifanye kazi, baada ya hapo mwanangu utaniambia, mumeo atakuwa kama jogoo. Ila sasa mwanangu usiwe unamnyima mumeo maana atakuwa na hamu kila mara, isingekuwa hizi dawa za mwanzo basi angetoka sana nje ya ndoa ila sababu ya hizi dawa za mwanzo atakuwa anavumilia tu humo humo na kulia kwahiyo uwe unampa”

“Hakuna shida baba, nashukuru sana”

Nasma alifurahi sana, na alifurahi zaidi wanavyoshirikiana na baba yake katika mambo mbali mbali, na kweli baada ya muda mfupi tu mara akamuona Bahati huyo amekuja kwao akiomba kuondoka na mke wake huku akitubu kweli kuwa hatomkosea tena mke wake, huyu mzee kama alivyopanga kuwa Nasma aondoke na ndugu yake mmoja ili akamsaidie kulea mtoto, akaona vyema kumuita mdogo wake Nasma ili aondoke nae,

“Basi mkeo ataondoka na huyu mdogo wake Siwema maana ndio kabakia mwenyewe nyumbani, hasomi huyu wala nini toka afeli darasa la saba mwaka juzi yupo nyumbani tu. Kwahiyo mtaondoka nae, ataenda kumsaidia dada yake kulea mtoto”

“Sawa baba hakuna tatizo”

Bahati aliitikia vizuri sana, na alikuwa mnyonge kupita maelezo ya kawaida, kisha akasubiri Nasma na mdogo wake Siwema wajiandae kisha wage vizuri na kuanza dafari ya kurudi nyumbani kwao.

Walifika na kukuta Bahati alishapika chakula kwahiyo walikula tu na kwenda kulala huku nasma akijipanga kuanza kufanya dawa zake siku ya kesho.



Muda ulipoenda ilibidi Fetty aage na kuondoka ila Erick hakujihisi kuondoka kabisa, alitamani siku hiyo alale hapo kwakina Erica maana ni yeye aliyesababisha mambo ya vile kwa Erica, ila mama Erica alimwambia aondoke tu maana alishawapigia simu wanae wengine wanakuja ila Erick aliamua kusubiri kwanza wakifika ndio aondoke, kiukweli mama huyu aliumia sana moyo kumuona binti yake Erica akiwa kwenye hali hiyo, alikuwa kila muda akiingia kwenye maombi kwaajili ya kumuombea binti yake alijikuta akiishia kulia tu yani hakuwa na raha kabisa haswaaa akimsikia mtoto wa Erica akisema,

“Bibi mbona mama hasemi kitu”

Roho ilikuwa inamuuma sana, ilibidi Erick achukue jukumu la kumbembeleza Angel kwa siku hiyo hadi alipolala na kwenda kumlaza maana alionyeshwa tu chumba cha Erica na kwenda kumlaza Angel, muda kidogo alifika Mage na Bite, kwakweli Bite alikuwa amekonda sana ila kitendo cha kumuona mdogo wao katika hali ile walijikuta wakiangusha machozi kwa uchungu maana si kitu mtu yeyote alikitarajia, walipofika tu mama Erica akamruhusu Erick aondoke, kwakweli Erick aliondoka huku akiwa na mawazo sana kwani hakuwa na raha hata kidogo.

Pale nyumbani walijikuta wakilia tu bila ya kufanya chochote kile na kushauriana kila jambo la kufanya ila mama yao alibaki na msimamo ule ule wa kusema ashikilie maombi.

Siku hiyo walilala sebleni yani watoto tu ndio walienda kuwalaza chumbani, kulipokucha waliamka na kumchukua Erica kwenda kumuogesha kisha kumrudisha na kuanza kumlisha chakula ambapo kile chakula kilikuwa kinarudi tu na kufanya waumie zaidi, mpaka wamuinamishe ndio waweze kumlisha, ile asubuhi asubuhi Erick alifika tena kamavile alilala getini, kiukweli Erick hakuwa na raha kabisa kwani kwa kiasi kikubwa alijiona kuwa yeye ndio kasababisha kwa kumlazimisha Erica kufanya mapenzi wakati alikataa na kumwambia kuwa amefunga, yani Erick alijiona mkosaji sana, aliumia jinsi Erica alivyokuwa akila kwa shida na kuamua kutoa ushauri kuwa amlete daktari amfundie Erica mifumo ya kuingizia chakula huku wanaendelea na maombi, Mage aliafiki na kuona hilo swala ni zuri nap engine daktari afike pale na kumgfanyia uchunguzi kuwa ana ugonjwa gani.

Kwakweli Erick hakuchelewa kwenda kumtafuta daktari na mida kidogo alifika na daktari ambaye alimchukua Erica vipimo na kuangalia uwezekano wa kumuwezesha Erica kupata chakula kwa muda huo, daktari aliondoka na vipimo kwanza huku akiwaambia kuwa anawalete majibu.

Majibu yalipokuja ilionekana Erica hana ugonjwa wa aina yoyote na kuzidi kupata jawabu kuwa kuna kitu ambacho si cha kawaida kimempata Erica. Wote ilibidi waegamie kwenye maombi tu ingawa walipata na ushauri mbalimbali ila ilibidi wakae kwenye maombi tu.



Kwenye mida ya saa kumi na mbili siku hiyo, Nasma alifanya matayarisho ya dawa yake, amapo alimuwekea kwenye chakula, kwenye maji ya kuoga na kunyunyiza ile ya kitandani, akawa akimngoja tu Bahati atoke kwenye shughuli zake, na kweli baada ya muda Bahati alifika nyumbani, na moja kwa moja Nasma alimkaribisha mezani ili ale, akaoge na alale ila Bahati akamwambia Nasma,

“Nimechoka sana leo, nataka kupumzika tu”

“Basi ule kidogo, ukaoge ndio ukapumzike, na leo nimepika kile chakula unachopenda”

“Nasma, jioni hii hii nimekula, kuna jamaa alileta chakula pale ofisini nimekula, kwahiyo labda badae shibe ikiisha”

“Kheee jamani mme wangu”

Bahati ndio kwanza aliinuka na kwenda chumbani na kujilaza, kwakweli Nasma alihisi dawa zimefanywa ndivyo sivyo, akawa na mawazo sana ila kila alipomuamsha Bahati alikuwa hana habari zaidi ya kulala usingizi fofofo.

Alipoamka ilikuwa ni usiku tayari, ila bado Nasma alikuwa na swala moja la kumlazimisha mumewe akale,

“Basi mume wangu twende ukale”

“Aaaah nimeshiba sana Nasma”

Basi Nasma aliendelea kumbembeleza mume wake kuwa akale, ila badala yake Bahati alimtaka mke wake kimapenzi kwa muda huo,

“Ila mume wangu si unajua nimetoka kujifungua!”

“Kama hutaki basi ila mimi nataka”

“Subiri nimalize arobaini basi mme wangu, nitakupa hadi uchoke”

Bahati aliamua kuendelea kulala, kwakweli Nasma hakupatwa na usingizi alikuwa na mawazo mengi mengi maana kile kitendo cha Bahati kutaka mapenzi alihisi huenda zile dawa zimeanza kufanya kazi, yani alijilaumu sana kufanya kitu bila kufikiria madhara yake kwanza.

Palivyokucha tu, Bahati aliamka na kujiandaa kisha akaondoka yani hata kuoga hakuoga, kitu ambacho kilimchanganya sana Nasma.



Rahim alikuwa na mawazo sana baada ya kuambiwa kuwa Erica anaumwa, yani hakuwa na raha kabisa, alijikuta akitaka kufahamu kuwa Erica anasumbuliwa na tatizo gani, ila tatizo lake hakupafahamu vizuri kwakina Erica, kwahiyo aliamua kumuomba Babuu amsindikize, kwakweli Babuu alishangaa sana kuona siku hiyo Rahim akitaka kwenda kwakina Erica, ila alikubali kumpeleka kama kawaida wakati wanajadili mdogo wake Salma alisikia maongezi yale na kumpelekea dada yake,

“Dada, nimewasikia wanapanga kwenda kwakina Erica, eti anaumwa”

“Kheee jamani nifanye kitu gani ili Rahim awe anamaanisha maneno yake kuwa Erica hampendi tena! Nachukia Erica mimi, namchukia sana”

Wakati anasema hivyo mke wa John alimsikia na kwenda kuongea nae maana wote walikuwa wanakaa nyumba moja maana mama yao mwenyewe aliwaambia waoe na kuwataka wote aishi nao nyumbani kwanza mpaka familia zao zikitanuka, mke wa John aliyeitwa Neema alisogea na kuongea na Salma,

“Sikia Salma, usimchukie hivyo Erica ila jua kwanini Erica anapendwa hivyo na si wewe, ila swala la kumchukia Erica sio suluhisho”

“Wewe Neema hujui tu, unajua Rahim kakazana sana na kwa Erica yani mapenzi kwangu hayapo nkabisa yeye na Erica tu. Wewe huumii kama mimi”

“Tena bora wewe hata Rahim anakudanganyaga danganyaga kuwa hamtaki Erica, jamani mimi john mara ya kwanza kabisa aliniambia kuna msichana alikuwa akimpenda sana alikuwa anaitwa Erica, nilikuwa sijui yukoje ila nilitaka kujua ni kwanini alimpenda sana, nikawa napeleleza kwa John nijue ni kwanini alimpenda sana Erica, mbona nilivyojua basi na mimi niakjaribu kuenenda hivyo mbona John hata alimuona tena Erica hakumfatilia maana aliamini kwa mimi mke wake, sasa wewe Salma kumchukia Erica sio mwisho maana Rahim atakudanganya huku akiendelea kumpenda Erica”

“Sasa wewe uligundua ni kitu gani John alimpendea Erica?”

“Kwanza Erica ni mpole, hakuna mwanaume anayependa mwanamke machachari, mwanamke anayeongea kama cherehani hana kituo hakuna mwanaume anayependa, hakuna mwanaume anayependa mwanamke mwenye gubu, huwa wanavumilia tu lakini hakuna anayependa, tunaona Erica akipendwa na wote hawa ni sababu ya upole wake, hata sura yake inaonekana ni ya kipole na mtaratibu, halafu Erica sio mkorofi, sidhani kama huwa anagombana na watu kwa kutukanana nao au kuchambana nao, halafu Erica ni mcha Mungu, kila mwanaume anapenda apate mwanamke mcha Mungu, maana wanaume wengi wanahofia wakipata mapepe watarogwa, kwahiyo Salma jaribu kusimama kwenye nafasi yako, acha kuwaza kuhusu Erica sijui ana bomoa nyumba yako, mwanamke mpumbavu hubomoa nyumba yake kwa mikono yake mwenyewe, usiwaze hayo, mimi nilikuwa mkorofi ila nilivyosoma John hapendi mwanamke mkorofi nilianza kubadilika taratibu na sasa huwezi kunikuta nikigombana na watu au kumjibisha kitu kibaya John, nilikuwa sisali ila siku hizi nasali na kumuhimiza mume wangu twende kanisani ingawa humu ndani tupo dini tofauti”

“Sasa mbona nasikia na huyo Erica hasali!”

“Unaweza sikia hivyo ila swali wewe unasali? Jamani toka nimefika huku ndani sijawahi kukusikia hata mara moja ukienda Msikitini, nina hakika hata umesahau Misikiti ikoje, tena sijawahi hata mara moja kukuona unaswali sijawahi ila nakuonaga mara nyingi ukijifukiza, hapo utasema mbaya wako ni Erica? Mbaya ni wewe mwenyewe Salma unatakiwa kujirekebisha”

“Kwahiyo muonekano wa mtu ndio unaharibu, sina sura ya upole mimi kwahiyo niitengeneze? Siwezi kukaa kimya mtu akinisema mimi sio mjinga kiasi hiko, wewe Neema endelea hivyo hivyo ila mimi nitahakikisha mpaka jina la Erica linapotea kwenye masikio ya Rahim”

Kwakweli Neema ilibidi anyamaze tu kwani aliona kila anachomuelekeza mwenzie alikuwa haelekezeki.



Rahim na Babuu walienda hadi nyumbani kwakina Erica kumuona Erica, walifika na kuwakuta dada zake na Erica maana waliamua kukaa pale pale kwanza kumuhudumia mdogo wao sababu alikuwa akuhitaji kuhudumiwa kila kitu, kwa upande wa Erick ilikuwa kama pale ni eneo lake la kazi maana kila siku alionekana kwenye nyumba ile, kwahiyo hata Rahim na Babuu walivyofika walimkuta Erick yuko pale na alikuwa akimbeba Angel, walifika na kusalimia huku wakiulizia hali ya Erica na kuambiwa anavyoendelea ingawa kila siku kulikuwa kunaonekana maendeleo juu ya Erica kwahiyo nao wakaambiwa kuwa wamuonavyo ni anaendelea vizuri maana mwanzo alikuwa hawezi kukaa ila kwa hizo siku mbili aliweza kukaa, kilichomshangaza Rahim ni kuwa Yule mtoto hakumtaka kabisa yeye, yani alimtaka Erick tu, kile kitu kilimuumiza sana moyoni kuona mtoto wake mwenyewe akimpenda baba mwingine, aliumia sana roho.

Ila mama Erica alivyorudi na kumuona Babuu hakutaka kabisa, akamtimua na alivyotambulishwa kuwa Yule ndiye Rahim alimtimua pia,

“Sitaki kuwaona nyie vijana, sitaki kuwaona kabisa, haswaaa wewe Rahim, ondoka kwenye nyumba yangu, kwanza ulishamtishia mwanangu, kwahiyo umekuja kiunafki tu. Ondoka kwenye nyumba yangu”

Ilibidi Rahim na Babuu waondoke zao maana hawakutakiwa tena mahali hapo.

Muda kidogo alifika Fetty na kuanza kuongea na mama yake Erica na ndugu zake wengine pale,

“Mama, kuna mtu anaona ameniambia kuwa waliokuwa wakimtesa Erica ni wanawake wawili yani hao wana visasi vikubwa sana na Erica”

Mama Erica alishtuka sana na kusema,

“Wanawake wawili! Sian a Tumaini hao, jamani kwani mwanangu kawakosea nini?”

Erick alichukia pia kusikia vile kuwa dadake na msichana wake wa zamani wameamua kufanya kitu kibaya kwa Erica, yani muda huo huo aliaga na kuondoka maana hakupenda kabisa na aliwaona kuwa wabaya sana hadi kufikia hali ile aliona ni mbaya kwakweli.



Erick aliondoka mpaka dukani ambako Tumaini alikuwa akisimamia, alimfata na kumwambia,

“Tumaini kuanzia leo sitaki tena uguse duka hili”

“Erick imekuwaje tena? Si ulisema hili unaniachia mimi na lile ndio unabaki nalo wewe, imekuwaje unanifukuza tena?”

“Nimesema toka kwenye duka langu, yani kuanzia leo ni mwisho na kesho naleta msimamizi mwingine, umeniudhi sana Tumaini”

“Kosa langu ni lipi lakini?”

“Kamfate baba akupe na wewe mali zako uanze kuziendesha sio zilizoendeshwa na wenzio ufurahie tu kuzifanya, fanya zako. Na sitaki kukuona tena, yani wewe wa kumroga Erica! Sitaki tena kukuona”

“Jamani Erick, nimemroga Erica saa ngapi? Kumbuka wewe ni ndugu yangu”

“Tumaini, ole wako Erica afe yani sahau kama umewahi kuwa na ndugu kama mimi. Kwaheri”

Erick aliondoka na kumuacha Tumaini akiwa na mawazo mengi sana kuwa yeye kamroga Erica muda gani yani hakuelewa kabisa.

Erick muda huo aliondoka na kwenda kwakina Sia, kwakweli Sia alifurahi kumuona na kwenda kumkumbatia ila Erick alimsukuma pembeni na kumwambia,

“Sitaki unipigie simu, sitaki unitumie ujumbe, sitaki ukanyage kwetu”

“Kwani Erick nimefanyaje?”

“Na ole wako Erica afe ndio utanijua vizuri mimi”

Kisha Erick akaondoka hakutaka hata kurudi kwao, yani toka Erica aanze kuumwa alikuwa akishinda kwakina Erica na kulala hotelini, na hivyo alivyoambiwa kuwa wabaya wa Erica ni wanawake wawili ndio kabisa akawachukia Tumaini na sia, na hakutaka kuonana wala kuongea tena na Tumaini zaidi ya pale dukani alipomfukuza.



Ilipita wiki toka Erica apate matatizo, mamake alikuwa akialika watu mbalimbali kuja kumfanyia maombi pale nyumbani kwahiyo Erica alikuwa akiombewa kila siku na kufanya afya yake ianze kuwa imara, siku hiyo Erick akiwa amekaa pembeni ya Erica, akamuita

“Erica”

Erica akageuka na kumuangalia huku akitabasamu, kitendo hiko kilimfanya Erick ashangilie utafikiri kaona kitu gani, familia yote iliingia ndani, na walijaribu pia kumuita Erica, aliwaangalia na kutabasamu yani wote walikuwa na furaha sana, mama Erica aliamua muda ule ule kumpigia simu Yule mwanamaombi,

“Kwakweli Mungu ni mwema, leo Erica tunamuita anatuangalia na kutabasamu”

“Ooooh hiyo habari njema sana, tuingie kwenye maombi sasa tukimshukuru Mungu kwa kutenda makuu kwa Erica”

Alivyokata simu aliwataarifu wote, yani siku hiyo hata Erick ambaye huwa hawezi kuomba aliomba kwa furaha ya kumuona Erica akitabasamu tena.



Ilikuwa mida ya jioni ambapo Nasma alikuwa ameenda dukani mara moja, wakati anatoka dukani akakutana na mdada mmoja ambaye alimsimamisha kisha akamsalimia na kuanza kumwambia,

“Dada, wewe ni mwanamke mwenzangu nimeona nikwambie hili”

“Niambie tu”

“Jamani mumeo kabadilika yani kabadilika haswaaa”

“Kivipi?”

“Hadi tunakuonea huruma, jamani mumeo anatongoza hovyo, anatembea na wanawake hovyo hadi tunakuonea huruma, ile gari yake imekuwa kama guest yani mumeo anafanya mapenzi na wanawake ndani ya gari, kwakweli ni aibu. Samahani kama nimekosea kukwambia, ila nimeshindwa kuvumilia”

Kwakweli Nasma aliondoka pale akiwa na mawazo sana maana hakutegemea kama mumewe atakuwa muhuni wa kiasi kile, basi akarudi nyumbani kwake akiwa na mawazo sana.

Akafika na kukuta nyumba ipo kimya sana, akaweka vitu jikoni na kuelekea sebleni, akashangaa kumkuta Bahati na Siwema wakiwa sebleni wanafanya mapenzi.



Kwakweli Nasma aliondoka pale akiwa na mawazo sana maana hakutegemea kama mumewe atakuwa muhuni wa kiasi kile, basi akarudi nyumbani kwake akiwa na mawazo sana.

Akafika na kukuta nyumba ipo kimya sana, akaweka vitu jikoni na kuelekea sebleni, akashangaa kumkuta Bahati na Siwema wakiwa sebleni wanafanya mapenzi.

Alijikuta tu akisema kwa mshangao,

“Yani mume wangu na mdogo wangu mnanisaliti?”

Ila wala walikuwa hawamsikilizi kabisa, hadi ikabidi awafate karibu na kumvuta Bahati huku akisema,

“Yani hamna hata aibu! Naonekana hapa mnaendelea tu, heshima iko wapi jamani! Eeeeh Siwema, heshima iko wapi mdogo wangu?”

Siwema alikuwa akivaa kwa aibu tu, ila Bahati alienda chumbani na kujilaza, kwakweli Nasma alikuwa amechukia sana na kumfata Bahati huku akimuuliza kwanini amefanya vile na mdogo wake,

“Hebu wewe mwanamke tulia, nishakwambia nina hamu umesema hadi umalize arobaini kweli nitasubiri arobaini iishe? Ushaambiwa kizuri kula na nduguyo, sasa kuna ubaya gani wa mimi kulala na Siwema?”

“Hebu niondolee balaa mie Bahati, umenitia aibu haswaaa yani umenitia naibu sana”

Kisha akarudi kwa mdogo wake na kumfokea kuwa kwanini kamfanyia hivyo,

“Dada, nilikuwa nakusaidia tu maana shemeji alisema ana uhitaji”

“Mjinga wewe, nimeomba msaada wako mimi? Nakwambia na kwangu hapa unaondoka mjinga wewe”

“Jamani dada nisamehe, nimefanya na shemeji mara mbili tu sirudii tena”

“Mjinga wewe, kumbe ndio mchezo wenu eeeh! Na kwangu unaondoka kapaki vitu vyako uende, yani nikafuge mbwa ndani kwangu siwezi, sikufikiria kama una tabia mbaya kiasi hiko”

Basi ilibidi Siwema ajiandae kwaajili ya kuondoka kwa dada yake.

Nasma hakutaka tena kumuona mdogo wake maana alihisi akiondoka ndio itakuwa afadhali kwake na familia yake ili apambane tu na wanawake wa nje ambao Bahati atakuwa nao.

Mdogo wake Nasma wakati anaondoka, muda ule ule Bahati nae alitoka, kwakweli Nasma hakuelewa kuwa ni kipi kimeendelea ila Bahati hakumruhusu Siwema kurudi nyumbani na badala yake alienda kumpangishia chumba ili awe mke wake wa pili.



Nyumbani kwakina Erica ilikuwa ni mabadiliko ya kila siku juu ya uzima wa Erica kwani saivi alikuwa akielewa kila kitu kilichokuwa kikizungumzwa na kuna baadhi ya mambo alikuwa akiyafanya kama kumshika mwanae tofauti na mwanzo ambapo hakuweza kufanya chochote, ila tu hakujibu kitu lakini alionekana kuelewa kila kitu, kitu kile kilimpa matumaini na Erick na kuweza kuendelea na kazi zake zingine kwahiyo alikuwa akitoka kwenye kazi zake jioni ndio anapitia kwakina Erica kuangalia hali yake na kisha kurudi hotelini kulala.

Siku hiyo walibaki nyumbani Bite na Mage huku Mage akijiandaa andaa kwenda kuona familia yake, na mama yao hakuwepo, na muda kidogo Mage akaondoka zake kwahiyo alibaki Bite na Erica, muda kidogo wakapata ugeni na mgeni huyo alikuwa ni Dora, ambaye alifika na kugonga mlango na kukaribishwa na Bite, alishangaa kumuona Dora maana anakumbuka mara ya mwisho ni kipindi kile wakati ametimuliwa kwao baada ya kuletwa na Tony kama mchumba, ila yeye hakumtimua bali alimkaribisha ambapo Dora aliulizia Erica,

“Yani nampigia simu hapokei, natuma ujumbe hajibu ndiomana nikaamua kuja tu”

“Erica anaumwa, siku zote hizi”

Akaingia ndani na kuonyeshwa Erica aliyekuwa sebleni, akashangaa anamuitwa Erica ila anamuangalia tu bila kusema chochote,

“Kheee kwahiyo hasemi”

“Mbona ni afadhali hapo, alikuwa na hali mbaya sana yani watu wa maombi wamefanya kazi kubwa”

“Kheeee kaanzaje?”

“Yani nasikia alianguka kama kifafa, baada ya hapo ndio akaanza hivyo, alikuwa anakakamaa mwili kama mtu mwenye degedege”

“Kheeee nguvu za giza hizo”

“Kwanini umesema hivyo?”

“Erica, hajawahi kuumwa kifafa, mtu ambaye kifafa hakijawahi kumpata halafu kimpate gafla huwezi sema ni kitu cha kawaida, halafu sijui akakamae kama anaumwa degedege jamani huo ugonjwa huwa unawapata watoto tena wale wasiopewa chanjo, aje kuupata Erica kweli! Kwanza ugonjwa wenyewe huo hata ukimpata mtoto huwa unashirikishwa na nguvu za giza, wanasemaga ni jinni na ndiomana wakikosea tu tiba kwa mtoto mwenye degedege anapotea. Ila mbona hamkuniambia kama rafiki yangu kipenzi anaumwa hivi?”

“Kumbe bado ni rafiki yako eeeh!”

“Ndio, tena urafiki wangu na wake saivi umekuwa zaidi, yani wa kiwango kingine. Mngeniambia kwakweli”

“Basi ndio hivyo, ila saivi anaendelea vivuri tofauti na mwanzo alikuwa na hali mbaya zaidi”

“Kwahiyo tiba gani mmepata?”

“Watu wa maombi huja kumuombea kila mara yani Erica anaimalika sababu ya maombi”

“Ila hamuoni kama mnamchelewesha na hayo maombi”

“Kivipi?”

“Yani mngeniambia mapema, kuna mtaalamu huyo yupo Bagamoyo yani huyu Erica angechemshiwa jungu siku mbili tu angerudi kwenye hali yake, huyo mtaalamu kiboko na angesema nani kamfanyia hayo mambo, yani nyie mnakazana na maombi tu jamani!”

“Wewe acha maneno hayo, maombi yana nguvu. Kwani kuna watu wangapi tunasikia habari zao kuwa wamefia kwa waganga? Kupona kwa maombi ni kupona milele, nguvu ya Mungu ni kubwa sana kupita unavyoielewa, yani wewe ni dini gani usiyejua mambo ya maombi?”

“Mimi ni mkristo ila huwezi kunipeleka kwenye maombi maana hao wachungaji wanapenda pesa tu, kidogo utasikia sadaka, tunadanganyana tu hao wachungaji ndio wanaongoza kwenda kwa waganga, mnamchelewesha Erica hapa yani tungeenda nae kwa babu huyu mbona angekuwa mzima kabisa ila hizo habari hapana aisee”

“Wewe ndiomana tulikutimua kipindi kile sijui Erica ameanza vipi tena na urafiki na mtu kama wewe hata usiyejua uwepo wa Mungu”

“Najua vizuri kuwa Mungu yupo ila hata hao waganga wanatumia Mungu, mi ngoja niondoke maana hatutaelewana hata nishauri vipi ila nakuahidi natoka hapa kesho safari Bagamoyo kwa babu halafu nitaleta dawa uone kwa sekunde tu Erica mzima”

Bite aliamua kumtimua tu Dora na hapo hakujua kama huyo ndiye mwizi wa mume wake,ila alijikuta akimchukia tu gafla kwa maneno yake.



Kiukweli Salma hakufurahishwa na mwenendo wa Rahim kwani ilionyesha wazi Rahim toka ametimuliwa nyumbani kwakina Erica hakuwa na furaha kabisa na vile mtoto wake alivyoonekana kumpenda zaidi Erick ndio kulimfanya azidi kupata mawazo, kufikia hatua ya kuaga anaenda kwenye kazi ila alikuwa akienda kwa wanawake zake wengine na kulala huko siku mbili ndio anarudi nyumbani, hali hiyo haikumpendeza kabisa Salma, ukizingatia kila alipomueleza mama mkwe wake ila huyu mama alionekana kumtetea kabisa mtoto wake na kila Salma alichosema alionekana kumuonea,

“Mama, Rahim anakunywa pombe”

“Hebu Salma acha maneno yako Rahim na pombe wapi na wapi?”

“Kweli mama, na ana wanawake”

“Mwanangu kuzaa na Erica sio alikusudia ila ni bahati mbaya tu, mwanangu hana wanawake wengi kama usemavyo, mara nyingine jifikirie Salma, mwanangu kazunguka nchi mbalimbali lakini kaja kukuoa wewe, jiulize una kipi ambacho wanawake wengine hawana? Ila unaweza kuja kumsingizia kuwa ana wanawake kweli? Nimewapa ile nyumba pale muwe mnakaa sababu sitaki kukaa mbali na wanangu ndiomana kwenye nyumba ile mnakaa nyie tu yani wewe na mumeo na Neema na mumewe, sitaki kukaa mbali na wanangu na ningewaweka humu ndani mngeona nawabana oooh mama mkwe anatubana, haya mwanamke wa watu sitaki matatizo ile nyumba niliijenga kwaajili ya wanangu na ni wao na nyie ndio mmeanza kukaa pale, kipindi chote hiki hakuna anayekaa kwenye ile nyumba, mnapika wenyewe, mnaongea wenyewe leo hii uje uniambie mwanangu ana wanawake wengi? Hakuna hiyo kitu, mwanangu namfahamu”

Kwahiyo Salma akaona hakuna ushirikiano kabisa kati yake na mama mkwe wake, akaamua kurudi ndani kwake, ila akapata wazo la Yule mmama waliyekutana nae hospitali aliamua kumpigia simu ili kupewa maelekezo ya kitu cha kufanya,

“Sasa binti yangu itakuwa vyema ukija huku kwangu ili nikupe hiyo dawa na maelekezo”

“Sawa, nitajitahidi nije maana huyu mwanaume sasa anataka kunichanganya akili yangu, nitakuja unisaidie nahitaji kumtuliza huyu mwanaume”

“Sawa karibu sana binti yangu”

Salma aliona ni afadhali amfanyie mumewe dawa maana aliona mwenendo wake haujatulia kabisa.



Mama Erica alirudi nyumbani kisha Bite kumpa ujio wa Dora,

“Kumbe Yule Dora na Erica walianza tena urafiki?”

“Yani Erica nilishamkataza mara nyingi na Yule rafiki ila yeye alikataa kuwa na urafiki naye, ndiomana hata siku zake nikuwa sipokei”

Basi Bite akamueleza mama yake ambaye Dora aliyasema, ndio mama yake akakumbuka pia kuhusu mahusiano ya Dora na Bite, aliamua kumuuliza mwanae,

“Hivi mwanangu, ulishawahi kupima na ukimwi?”

“Ndio, nilipojigundua nina ugonjwa wa kansa ya shingo ya kizazi niliamua kupima na ukimwi ila sikuwa nao”

“Hongera, na mumeo ulipima nae?”

“Yani James alikataa kata kata kwenda kupima”

“Mmmh kapime tena mwanangu”

“Mama, toka kipindi nimejigungua nina kansa ya shingo ya kizazi sina raha kabisa, nikamwambia James tukapime aligoma basi toka kipindi hiko sishirikiani nae tendo la ndoa nilimwambia hadi akubali kwenda kupima magonjwa yote, ila hana aibu ananiambia eti ugonjwa nimeupata kwenye umalaya wangu, mama wewe ni mama yangu siwezi kukuficha, toka nianze na James sijawahi kuwa na mwanaume yeyote ndiomna roho inaniuma sana, kwakweli nimechoka kuishi na James nimechoka kabisa, anapigiwa simu na wanawake hadi usiku tukiwa tumelala mama yani hana heshima na mimi jamani”

“Kwakweli pole sana mwanangu, naelewa jinsi yanavyoumiza mambo hayo, tafadhali usishirikiane na mumeo mpaka akapime ukimwi, hajatulia kabisa Yule, yani usikubali kabisa mwanangu.”

“Siwezi kukubali mama”

“Nadhani Mage hajakwambia, waliwahi kumuona mumeo akiwa na huyo shetani aliyekuja leo Dora, tena walikuwa wakitoka nyumba za wageni”

Bite alijikuta akimchukia Dora maradufu,

“Kumbe msichana Yule ni mchafu vile?”

“Ndio, na Erica alisema kaambiwa na Dora kuwa ameathirika”

“Uwiii mume wangu jamani”

“Hebu acha uchuro na wewe, Yule ni mume au kopo? Mwanaume wa kumtaka hadi ndugu yako, sio mwanaume kabisa, nasikia mumeo alikuwa na kesi ya kumbaka Dora”

“Hiyo kesi hakutaka hata nijue mwenendo wake na sikuelewa kama ni huyu rafiki wa Erica, sasa mbona alikuwa anakataa?”

“Huwajui wanaume mwanangu? Ila Dora nae sio wa kumlaumu pengine kataka kutuonyesha kweli James alimbaka ndiomana saivi wamekubaliana nae wako wote”

“Itakuwa kweli mama, yani huyu James huyu dah najuta kuwa nae jamani, najuta kumuamini aina yake ya mwanaume. Kuna Yule mkaka alikuwa akinifatilia sana labda ningeolewa nae saivi ningekuwa nafurahia maisha ila kwa huyu James nimekosea namba kwakweli”

“Ila mwanangu usichukulie hasira sana, haya mambo yanaenda taratibu sema huyu mumeo sasa hivi sio wa kumchekea”

“Yani mama najuta, najuta mimi kuolewa na James”

Bite aliongea kwa uchungu kwani hakuwa na raha kabisa yani aliona kamavile dunia imemuonea sana.



Tumaini aliamua kwenda kwa Sia maana walipigiana simu na kujikuta wote wakiwa na janga moja, walikutana na kusalimiana kisha kujadili, Tumaini alimuuliza Sia,

“Kwani unajua kuwa huyo Erica anaumwa na nini?”

“Hata sijui mwenzangu yani nashangaa tu kuwa kwanini Erick kaja kunifokea hivi”

“Mwenzio sasa nimefukuzwa dukani, yani Erick kanifukuza kwenye lile duka lake ambalo nimeliendesha miaka yote hii eti ananiambia nikafate mali kwa baba, halafu baba mwenyewe ni jibu kabisa maana aliwahi kuniambia mali ni za mwanaume eti mimi nitumie tu, ona mwanae alichonifanya kisa mwanamke”

“Sasa Tumaini, mimi naona ni vyema ukazungumze na baba yenu yani umueleze kila kilichotokea, unajua sijui ni kwanini Erick atusingizie sisi”

“Pengine ni sababu ya kumchukia sana Erica”

Wakajipanga cha kufanya ila hawakufikia hata hitimisho, basi Tumaini akawa anaondoka na Sia kumsindikiza huku wakipanga siku moja kwenda kwakina Erica ili wajue nini kinaendelea, wakati wanatembea njiani Tumaini akamuona Dora akamkumbuka kuwa aliwahi kuwa rafiki wa Erica, akamsimamisha na kumsalimia kisha kumuuliza kuhusu Erica,

“Erica rafiki yangu anaumwa kuna wajinga wamemroga rafiki yangu ila nawaendea kwa mtaalamu”

Tumaini akauliza kwa mshangao,

“Kwa mtaalamu! Ndio atafanya nini huyo mtaalamu?”

“Yani kuna babu yupo Bagamoyo ni kiboko huyo, nakwambia Yule Erica mbona siku mbili tu kapona. Mie alinipa dawa nimemteka mwanaume huyo hafurukuti kwangu kwa siku moja tu yani mpaka leo mwanaume haoni pengine”

Tumaini akaona huyu Dora analeta stori sio zenyewe, ikabidi aagane nae na kumuacha akiendelea na safari yake kisha yeye akamuaga Sian a kuita bajaji ili aondoke zake, Sia akamwambia,

“Ila Tumaini unajiachia tu, babako ana hela, mdogo wako ana hela hivi inashindikana kununuliwa gari kweli?”

“Mmmh weee acha tu, baba ana mambo mengi sana na huyo Erick sasa ndio balaa kila nikimwambia kuwa nahitaji gari anasema nitakununulia tu”

“Unajua sielewagi, baba yenu ana hela sana, Erick ana hela sana ila wewe unaishi maisha ya kawaida kwanini? Si ilitakiwa wewe na Erick muwe na mali sawa!”

“Sia familia yetu ni pan asana kuielewa ila kwa kifupi Erick ana hela za sehemu mbili, yani sio baba peke yake anaefanya Erick awe na hela bali na mama yake nae ana hela sana halafu Yule mama mtoto wake ni Erick tu kwahiyo ni mtoto wa pekee na kwa baba nako mtoto wa kiume ni Erick tu hapo ndio kuna utofauti kati yetu. Ila usijali Erick alisema kwasasa mambo yake hayajakaa sawa ataninunulia sasa na hilo swala la Erica kuumwa duh hadi kichwa kinanichemka, tupange tu siku twende kwakina Erica”

Bajaji ilifika na Tumaini kupanda huku akiagana na Sia ila Tumaini alivyoondoka tu Sia akajikuta akimkimbilia Dora na kumuita, yani swala alilosikia kuhusu mtaalamu lilimvutia sana, Dora alisimama na kumsubiria, Sia alikimbia hadi alipo Dora,

“Samahani kuna jambo nataka kukuuliza”

“Bila samahani”

“Wakati tunaongea pale nimesikia kuhusu mtaalamu anavuta mpenzi hadi anakuwa wako, swali ni je hata kama huyo mpenzi hakutaki?”

“Yani hata kama hakutaki baada ya hiyo dawa anakutaka mwenyewe tena anakupenda balaa, atakuhonga hadi usahau”

“Kheee jamani na mimi nilikuwa namtaka huyo mtaalamu”

“Sawa, kesho nataka niende basi chukua namba yangu ili tuwasiliane twende wote”

“Nitafurahi sana, asante”

Wakabadilishana namba pale kisha kuagana, mawazo ya Sia kwa wakati huo yalikuwa kumpata Erick tu kwa hizo dawa, aliwaza kumvuta kwa dawa, aliwaza kummiliki na kufurahi sana.



Salma kama alivyopanga na Yule mama, akajiandaa vizuri na kumuachia mdogo wake mtoto kisha yeye kuonana na huyo mama, ambapo alimkuta pale alipomwambia,

“Sasa wewe unataka dawa ya kumtuliza mume, au dawa ya mume kukusikiliza kila unachosema, au dawa ya kumfanya mume awe anakupa hela zote yani wewe ndio unatoa bajeti na matumizi ndani ya nyumba”

“Kiukweli nataka dawa zote yani mume wangu asifurukute kabisa mbele yangu yani mimi niwe kila kitu kwake”

“Sawa hakuna shida, masharti utayaweza?

“Nitayaweza ndio”

Akampa dawa nyingine ya kujifukiza na nyingine ya kuweka kwenye chakula, na nyingine ya kuweka kwenye maji ya kuoga, kwakweli Salma aliifurahia sana ile dawa na alitakiwa kuifanya muda ambao mumewe hayupo,

“Yani vizia wakati mumeo kaondoka nyumbani ndio uifanye hii dawa, unawashamkaa unachukua kidogo kwenye sufuria halafu unaenda nao chumbani na kuanza kuchoma huku unanuizia hata aje kukuita nani usiinuke wala usiitike ndiomana nakwambia ni vizuri ukiwa mwenyewe yani baada ya hizi dawa mumeo atatulia hawezi tena kuhangaika nakwambia”

“Nashukuru sana, ila kuna mwanamke mmoja hivi anapendwa sana na mume wangu, mwenzangu alimfanyia dawa, tulitaka awe chizi ila nasikia ilisindikana kuwa chizi akawa tahira, sasa mume wangu anashinda huko huko hadi nakosa amani”

“Sasa huyo mto ni ndondocha ila bado mumeo anashinda huko, basi ngoja nikupe dawa”

Salma akaisubiria hiyo dawa,

“Sasa nakupa dawa ukamsalimie, wakati hiyo dawa umeishika mkononi yani utampa mkono na dawa hiyo hapo ni kwisha habari yake”

“Ila mimi siwezi kwenda nyumbani kwakina huyo msichana, naweza kumuagiza mtu?”

“Inawezekana ndio”

Mtu ambaye alimuwaza kwa muda huo ni Derick tu ndio aliona wa kumsaidia kwa kile alichokipanga, kisha akaagana na Yule mmama na kuondoka zake kurudi kwao, alipofika kwao alimuona mumewe Rahim akiongea na Neema, hakutegemea kumkuta nyumbani mumewe muda huo ila ndio alimkuta hakuwa na cha kufanya zaidi ya kuwa mpole kwanza, alisogea ili aingie ndani na kuwasalimia, Rahim akamuuliza,

“Weee Salma, umetoka wapi muda huu?”

“Aaaah nilienda hapo dukani”

“Hivi wewe mwanamke una akili? Yani mtoto bado mdogo umeanza kuzurula, haya niambie umetoka wapi? Hata kazini kwenyewe hutoa miezi mitatu ya mapumziko mtu akitoka kujifungua sembuse wewe mama wa nyumbani? Niambie umetoka wapi muda huu?”

Salma hakusema chochote na kuingia ndani, Rahim akamfata ndani na kumuuliza tena kuwa ametoka wapi,

“Jamani Rahim mbona uko hivyo! Mimi mbona sijawahi kukuuliza wewe kuwa umetoka wapi jamani? Kila mtu awe huru humu ndani”

“Wewe Salma usinipande kichwani, mimi ni mumeo nina haki ya kujua mapito yako yote, usinijibu hivyo nitakupiga sasa hivi”

“Kama unaona kupiga dili nipige basi”

Huku akimsogelea mwilini kama anayetaka kupigwa, Rahim nae hakumuachia na alimpiga kweli na kumuacha akipiga kelele tu ndani ya nyumba kisha Rahim akatoka na kuondoka, neema aliingia ndani kumbembeleza rafiki yake, alimkuta chini akilia na kuanza kumbembeleza, salma alikuwa akisema,

“Yani wanaume wana roho mbaya jamani, mimi nina mtoto mdogo halafu yeye ananipiga! Najuta kuolewa nae”

“Ila Salma usifikie kujuta, jiulize kwanza kwanini kakupiga”

“Na wewe hebu nenda huko, yani hapa ndani mtu huruhusiwi kutoka au ni kitu gani? Mbona yeye anatoka simuulizi”

“Usishindane na mwanaume”

“Wewe subiri tu huyu Rahim dawa yake inachemka tuone kama atanipiga tena na ujinga wake”

Neema alijaribu kuongea nae ila ilikuwa ngumu sana kwa Salma kumuelewa ikabidi neema atoke.

Ila alimkuta tu Rahim amekaa nje, akamfata tena na kumuuliza,

“Kwani shemeji vipi jamani mpaka umempiga Salma?”

“Yule mwanamke ni mjinga sana, huwa sipendi mwanamke anijibishe hata mara moja, mimi sio mpigaji ila alivyokuja mwilini alitaka nimfanye nini?”

“Mmmh ila shemeji hujawahi kuishi na Salma kama kipindi hiki, unatakiwa kumuonyesha upendo na sio hasira”

“Mwanamke mjinga sana, najuta kutafutiwa mwanamke, bora ningemuoa Erica wangu mimi tungelea mtoto wetu”

Salma alikuwa dirishani na kusikia yani hapo ndio hasira zilimpanda alitamani hata dawa aifanye muda huo ila kwavile tu aliambiwa ni hadi jioni.



Siku hiyo Erick alikaa na Erica akiongea nae, yani Erica hakujibu ila Erick aliongea nae kwa furaha kwani aliona jinsi Erica anavyotabasamu na kumpa moyo kuwa Erica ni mzima na karibuni atakuwa sawa kabisa,

“Erica, ile zawadi ya gari bado ipo yani usijali mpenzi wangu, siku ukipona kabisa nitaileta hapa yani nitakukabidhi hapa mpenzi wangu, ile ni zawadi yako kabisa, na unajua kitu kingine kuna zawadi kubwa nimekuandalia najua hii ndio utaipenda zaidi maana si gari tena ila ni zaidi ya gari. Nakupenda sana Erica”

Erica alikuwa akitabasamu tu na kumfanya Erick afurahi zaidi, muda huo akafika mgeni pale kwakina Erica, mgeni huyo alikuwa ni Fetty kwahiyo alifurahi sana kuwaona pamoja, Bite na Mage nao wakasogea karibu alivyofika Fetty maana mwanzo walimuacha tu Erick aongee ongee na Erica.

Bite aliamua kumuuliza Fetty,

“Eeeh leo una ujumbe gani Fetty?”

Fetty akacheka tu na kusema,

“Sina ujumbe ila watu huwa hawanielewi mimi yani mimi kama nina madudu kichwani yani huwa yananiambia vitu nisivyovielewa kabisa, ndiomana nikienda kupeleka ujumbe huwa nasema kuna mtu kaniambia ila ni madudu yangu kichwani, bite alicheka sana baada ya kusikia Fetty ana madudu kichwani, mama Erica nae alitoka ndani akiwa amesikia hiyo habari ya Fetty kuwa na madudu kichwani ila mama Erica akamshauri,

“Unatakiwa uombewe hayo madudu yatoke, huoni kama yanakusumbua?”

“Hapana hayanisumbui wala nini ila huwa yananipa habari”

“Mmmh ila ningekuwa ni wewe ningeyatoa, kuishi na madudud hapana kwakweli. Ni muda gani sasa unayo?”

“Ni ukubwani hapa hapa ndio hii hali imeanza maana nilipokuwa mdogo wala hakuna kitu”

Wakati wanaongea alifika mgeni mwingine ambaye ni nadra sana kufika mahali hapo, alifika Derick, na alionekana kuwa na lengo la kumuona Erica ila alishangaa sana kumuona Erica ameshikiliwa na Yule kijana aliyemkuta, hakumjua ni nani ila alihisi atakuwa mpenzi wa Erica tu, alikaribishwa na baada ya salamu tu aliamua kuulizia na kujifanya anayaka kumsalimia sheej yake, Mage alimtambulisha pale kwa Erick, kitu kilichomuumiza sana moyo kumfahamu Erick, yani yeye hakupenda Erica awe na Erick, kwakwe ilikuwa ni bora Erica awe na mwanaume mwingine ila sio Erick sababu tu alijua huyo mvulana anapendwa sana na Erica, Badi Derick akamsalimia pale halafu akaulizia chanzo cha ugonjwa wa Erica, kisha Mage alimueleza kwa kifupi. Kisha Derick akasogea karibu ili amguse Erica, Gafla Fetty aliinuka na kwenda kumzaba kibao Derick, kwakweli Derick alichukia sana na kuuliza,

“Wewe Fetty una nini wewe? Kwanini unipige?”

“Wewe ni mnafki, hauna lolote umesababisha pia kuumwa kwa huyu”

Derick alishangaa na wote pale walishangaa, kwakweli Derick hakutegemea kama Fetty angesema vile na hakujua kwanini alisema vile, kisha Fetty alisogea katikati yani yeye ndio akawa katikati kiasi kwamba Derick asiweze kumuona tena Erica, kisha akasema,

“Ondoka Derick, hakuna kumsalimia Erica, ondoka upesi”

Wote walikuwa wakishangaa ila kwavile mama Erica hampendagi Derick aliamua kutumia ile ile nafasi kumtimua maana huwa anamuhisi muda wote ni mnafki toka mambo ya chuo ambayo mwanae alimsimulia na mambo ya kule kwenye tambiko basi huyu mama ndio hakutaka kabisa kumuona Derick ila alimuona tu sababu ya Erica kwahiyo muda huo akapata nafasi ya kumfukuza pia.

Kwahiyo Derick hakuwa na jinsi zaidi ya kuondoka tu, na baada ya Derick kuondoka ndipo mama Erica nae akaondoka kwenda kwenye shughuli zake.



Jioni hii Salma nae aliwasha moto ili afanye ile dawa kwani aliamini sababu ya ule ugomvi wa mchana ni ngumu mumewe kurudi nyumbani, akampa mdogo wake mtoto ambebe na ambembeleze ambapo mdogo wake alimbeba na kwenda nae kwenye nyumba ya mama yao na wakina Rahim. kwahiyo aliona ndio muda pekee wa kuanza kufanya ile dawa yake, kisha kuchukua moto wa mkaa kwenye sufuria na kwenda nao ndani kunuiza kile alichofundishwa na Yule mmama, akaanza kufukiza dawa zake huku akinuiza, Neema alikuwa akiona tu moshi ukitoka kwenye kile chumba cha Salma, kiukweli alisikitika sana maana aliona anachofanya mwenzie sio sawa, kisha akamuona Rahim kama anakuja, akatamani amzuie ila hakuweza maana Rahim alishafika, Rahim hata hakumsalimia Neema kwani moja kwa moja aliingia ndani, akafungua mlango wa chumbani na kuona mgumu kufunguka, akagundua umefungwa kwa ndani na vile aliona moshi moshi alihisi tu kuna kitu si cha kawaida kwenye nyumba yake, Sema alikuwa na funguo ya ziada mfukoni ya kile chumba, akaingiza na kuangusha funguo ya ndani kisha kufungua mlango, alishangaa kumuona Salma kajifunikiza akinuizia dawa, alimuuliza kwa ukali,

“Salma, unafanya nini?”

Salma hakujibu kitu kwani alikuwa akifuata masharti, kwakweli Rahim alichukia na kujikuta akianza kumpiga Salma, alimpiga Salma hadi Salma akazirai.



Jioni ilipoingia sana Fetty akaaga na kuondoka na Erick nae kuna kazi alisema kuwa anaenda kuimalizia, Bite alimuuliza,

“Kwahiyo utarudi?”

“Ndio, nitakuja kuwaaga”

“Sawa”

Bite aliitikia ila aliweza kuona huyu kijana alikuwa na upendo wa aina gani kwa mdogo wake kwajinsi alivyoonyesha kumjali. Muda kidogo simu ya Erica iliita, dada yake Bite aliichukua na kuona ni namba ngeni akaamua kuipokea maana hakujua ni nani na anahitaji nini kwa Erica. Alipokea maana alihisi huenda akawa ni mtu wa maana, alimuuliza kwanza ni nani,

“Mzee Jimmy anaongea hapa!”

“Mzee Jimmy? Yupi na unashida na nani?”

“Shida yangu ni Erica, maana naona sauti sio ya Erica hii, yuko wapi nina shida nae haswaaa”

“Erica anaumwa”

“Anaumwa? Nini tena?”

Bite akamueleza kwa kifupi juu ya kinachomsumbua Erica, basi Yule mzee aliahidi kwenda, na kweli kwenye mida ya saa mbili usiku Yule mzee alifika, na kugonga mlango akatoka mama yake Erica maana muda huo alikuwepo,

“Eeeeh wewe mzee usiye na haya kimekuleta kipi hapa nyumbani kwangu?”

“Nimekuja kumuangalia Erica”

“Hatuna haja ya wewe kuja kumuona, sikia nikwambia yani nakuchukia wewe mzee basi tu naomba uondoke nyumbani kwangu”

“Unanichukia bure ila jua mimi ndio mkweo”

“Huwezi kuwa mkwe wangu kamwe, siwezi kukubali mwanangu aolewe na mzee kama wewe”

Mama Erica akafunga mlango na kuingia ndani, kwahiyo mzee Jimmy aliamua kuondoka ila kuna mzigo aliacha mlangoni kwakina Erica.

Muda kidogo alifika Erick kwa lengo la kuaga, akaona bahasha mlangoni kwakina Erica, akaichukua na kuifungua akaona ina hela na kuna karatasi limeandikwa ‘Nakupenda sana Erica’







Sepa nayoooo.......!!!!!!

Mama Erica akafunga mlango na kuingia ndani, kwahiyo mzee Jimmy aliamua kuondoka ila kuna mzigo aliacha mlangoni kwakina Erica.

Muda kidogo alifika Erick kwa lengo la kuaga, akaona bahasha mlangoni kwakina Erica, akaichukua na kuifungua akaona ina hela na kuna karatasi limeandikwa ‘Nakupenda sana Erica’

Erick alisoma mara mbili mbili ule ujumbe ila kwa haraka haraka akajua umetumwa na Rahim maana Rahim ndio alifukuzwa hapo kwakina Erica, kwahiyo akahisi kutumia njia hiyo ili aweze kumpata Erica maana kwajinsi alivyomsoma mama yake Erica alionekana kupenda hela kwahiyo alihisi lazima Rahim katumia njia hiyo ili aruhusiwe kwenda tena kwakina Erica, basi akaamua kuweka kwenye begi lake ambalo huwa anatembea nalo, kisha akagonga kwakina Erica ambapo mama yake Erica alienda kufungua huku akiongea,

“Umerudi tena weee mjinga”

Alipofungua akakutana na Erick, kidogo huyu mama alihisi haya, Erick alimuuliza,

“Kwani kuna nini mama?”

“Hakuna kitu mwanangu, karibu”

Akamkaribisha ndani, ambapo Erick alikaa na kuongea ongea kidogo tu maana Erica alikuwa amelala, kisha akaaga na kuondoka.

Alipofika hotelini yani alijikuta akimchukia Rahim huku akisema,

“Kwanza kaniharibia Erica wangu, kamuongopea na kumzalisha bila malengo halafu sasa anataka tena kumchukua, siwezi kukubali hilo jambo hata kidogo. Huyu Erica ni wangu tu”

Akatoa ile bahasha na kuhesabu zile hela, akakuta zipo milioni tatu, basi akaziweka tu pembeni akasema hampelekei ila atamwambia kuwa pesa zake alichukua yeye, kisha akampigia simu muda huo huo ila simu iliita tu bila ya kupokelewa, alipiga kama mara tatu haikupokelewa na kuamua kuachana nayo.



Muda huo Rahim alikuwa hospitali maana ilibidi ampeleke mkewe hospitali baada ya kile kipigo cha haja, mama yake Rahim nae alikuwa hospitali ila walihonga madaktari ili Yule mgonjwa ijulikane alianguka na sio kupigwa.

Mrs.Peter alirudinyumbani na mwanae kwenye mida ya saa tano usiku ila muda huo huo hakujali kama muda umeenda wala nini, aliamua kuongea na mwanae,

“Hivi Rahim umeanzaje kumpiga mwanamke? Hivi unajua kama mwanamke hapigwi? Na kumpiga mwanamke ni dhambi?”

“Sikia mama, laity ningekuwa najua kuwa wanawake wa kutafutiwa wako hivi kwa hakika nisingekubali baba anitafutie Salma, kuna wanawake wengi tu nilikuwa nawaona, wenye tabia njema ila sio tabia kama za huyu Salma”

“Mwanangu, Salma hana matatizo ila unajua nini? Hakuna mwanamke duniani asiyekuwa na tabia za kike sema cha muhimu ni kumrekebisha, hata huyo unayemdhania ndio angefaa sana bila kumrekebisha hafai, na kumrekebisha mwanamke sio kumpiga, ni kumwambia tu kuwa hiki sipendi na hiki sipendi”

“Mama hujui tu, ni mengi naficha ya huyu mwanamke, kipindi kile nimerudi nilikaa nae kwa siku chache tu hata wiki haifiki ila safari hii nimeishi nae sana, kwakweli kanichosha”

“Kwani kipi hupendi kwa Salma? Maana mimi nilimuona kuwa ni msichana mzuri na aliyetulia kwani kipi hupendi kwake?”

“Mama, Salma ni msichana mbishi na hataki kuelekezwa hata umwambie nini haelekezeki, mara nyingi nimemwambia sipendi dawa za kuchoma choma zenye harufu mbaya, angekuwa anachoma udi nisingekuwa nagombana nae maana una harufu nzuri lakini sijui alikuwa na dawa gani zinaacha harufu mbaya kwenye nyumba anadai ni kinga kaletewa na ndugu zake kumkinga na mimba na mtoto atakapozaliwa. Nikavumilia, ukimwmbia kitu anataka mabishano yani kwenye nyumba haijulikani mwanamke nani mwanaume nani, namuangaliaga tu. Leo mapema nilimpiga kidogo na ndio ilikuwa mara ya kwanza kumpiga sababu ya majibu yake ya shombo na kuja mwilini nimpige, na jioni ile nimemkuta kajifungia ndani akichoma dawa gani sijui huku akiongea ongea maneno ya ajabu, mama siwezi kuishi na mwanamke mshirikina kama huyu”

“Sasa unatakaje?”

“Mama nampa Salma talaka, bora nioe mwanamke mwingine”

“Usiniambie unataka kumuoa Erica, eeeeh!”

“Erica nae ni mwanamke mama, naweza nikamuoa hata yeye”

“Hebu niondolee wazimu wako mie, Erica ni mwanamke ndio ila hana heshima hata kidogo yani hapa atatembea hadi na baba yenu, simtaki huyo mwanamke. Na kama unawazo la kumuacha Salma ili uoe huo uvchafu wako unisahau kabisa kama mimi ni mama yako”

Rahim aliondoka na kumuacha mama yake pale, kisha yeye kwenda kulala tu.



Kulipokucha mapema kabisa, simu ya Erica ilianza kuita ikabidi tena Bite apokee simu ile ya mdogo wake maana namba ilikuwa ngeni pia,

“Mzee Jimmy anaongea hapa”

“Mbona jana sikukuona tena?”

“Nilikuja ila mama yenu alinitimua”

“Aaaah kumbe ndio wewe asiyekutaka mama”

“Ndio mimi ila ananichukia bure tu kwa makosa ya miaka ya nyuma kabisa, mwambie hata maandiko yamesema samehe sabab mara sabini. Ila siyo lengo hilo, lengo ni kuwauliza kuwa ule mzigo nilioacha jana mlangoni mmeupata?”

“Mzigo? Hapana bhana hakuna mzigo tulioupata”

“Kuna mzigo niliacha jana, niliacha pesa kwenye bahasha kiasi cha milioni tatu”

“Mmmh ngoja niulize”

Bite akaenda kumuuliza mama yake maana kwa muda huo ndani walikuwa wawili tu,

“Mmmmh mbona nje mimi nimefagia sijaona kitu”

“Anasema eti aliacha mlangoni”

“Sasa nani achukue? Ingekuwa getini sawa, sasa mlangoni nani achukue?”

Bite akawaza jambo na kumuuliza mama yake,

“Kwani huyo mzee na Erick nani alitangulia kuja?”

“Yule mzee ndio alitangulia na alivyoondoka tu, muda kidogo ndio akaja Erick ila jana hajakawia sana kuondoka”

“Mmmmh nina hisia mbaya mama, sio Erick kachukua hizo hela kweli?”

“Mmmh mwanangu, Erick hana hiyo shida, yani nakataa kabisa, yani Erick achukue milioni tatu za nini? Hana hiyo shida Erick, labda huyo mzee muongo”

“Hapana mama, nina hisia ni Erick tu. Kwanza Yule kijana mdogo unamsifia ana hela, anatoa wapi hizo hela kijana mdogo vile? Mama mara nyingine kuwa makini, isije kuwa Yule kijana ni mwizi au anauza madawa ya kulevya, tunafurahia hela zake hapa kumbe tunachukua hela haramu mama yangu, kuwa makini”

“Kheee na wewe Bite, kwani James ni mkubwa? Mbona ana hela?”

“Ila sio hela nyingi kama za huyu kijana unazosema, James familia yake inajiweza, James ana kampuni yake kaachiwa na baba yake, huwezi kumfananisha na huyo Erick, hatujui ndugu zake, hatujui rafiki zake wala jamii yake, hizo hela anazitoa wapi?”

“Yule Erick nae familia yake ina hela, Yule kijana usimuingize katika hizo biashara haramu wala nini, na hawezi kuchukua hela za huyo mzee. Mwanangu huyo mzee humjui tu ila huyo mzee hafai hata kidogo, kwanza usikute ni muongo na wala hajaacha hizo hela na kama ameacha kweli basi zimesombwa na upepo ila swala la kusema Erick kachukua halipo kabisa”

“Mmmh sawa mama, nakubaliana nawe”

Hakuweza kubishana zaidi na mama yake ila kiukweli Bite hata alitamani nusu ya upendo aliokuwa nao Erick ndio ungekuwepo kwa James maana mumewe kuanza kumpenda yeye ni mpaka asemwe na watu.



Leo ndio ilikuwa siku ambayo Dora na Sia walipanga kwenda kwa babu wa Bagamoyo, kwahiyo walikutana na kuanza safari ya kwenda kwa huyo Babu ambapo alianza kuingia Dora na kueleza azma yake kisha akaonyeshwa wabaya wa Erica walioshiriki kumletea ule ugonjwa alishangaa kuona Derick nae aliungana na wale wanawake, Yule mganga akamueleza,

“Yani ni hivi, huyu mwanamke wa kwanza alienda kwa huyu mwanaume kuchukua majina ya huyo binti na kisha alipotajiwa akamtumia huyu mwanamke wa pili kisha huyu mwanamke wa pili ndio alimuendea kwa huyu mzee na kumfanya walivyomfanya, lengo lao walitaka awe chizi na mwisho wa siku rafiki yako angegongwa na gari na kufa, sema haijawezekana kuwa chizi maana rafiki yako ana imani kubwa sana na Mungu. Ila mimi nitakusaidia kukupa dawa ya kumponya kabisa na tunaweza kuwarudishia wale makombora”

“Ila ndugu zake wamekazana na maombi”

“Hii dawa waambie waache hayo maombi yao maana miungu ndio itamsaidia huyo mgonjwa wao”

“Sasa sitaweza maana hata wakiniona wananitimua, hivi nitawezaje kuwaambia waache maombi na waamini hizi dawa?”

“Najua unanijua dawa zangu huwa haziongopi na hakuna kinachoshindikana kwangu, vyote vinawezekana kuna dawa ya kunywa nitakupa ambapo muda nitakayokupa utainywa, na leo ukirudi kwako unainywa halafu kesho jiandae nenda kwa huyo rafiki yako, ukiwa unakaribia kwao inywe baada ya hapo hakikisha unaingia kwao saa saba mchana, ukiingia tu kwanza watakuwa na mshangao wa ulivyopendeza, kitendo cha wewe kuwapa salamu kitafanya wasikilize kila utakacho waambia ndio utaanza kufanya dawa kama nilivyokuelekeza na keshokutwa mtamleta huyo mgonjwa hapa kwangu ili apone kabisa maana akija hapa ndio funga kazi, yani usijali hao wenyewe watambeba mgonjwa wao na kumleta hapa, yani kwangu hakuna kinachoshindikana yani wasiokusikiliza watakusikiliza, mimi ndio kila kitu, ukisikia wananisifia babu wa Bagamoyo ujue kuna kitu kwangu ambacho wengine hawana”

Kwakweli Dora alifurahi sana kwani alitamani siku zote kupata dawa ya kusikilizwa kila anachosema, alimshukuru Yule mganga ambapo alimpa kwanza dawa hiyo ya kusikilizwa na kuinywa kama alivyoelekezwa kisha nyingine aliambiwa anywe akifika na nyingine akifika kwakina Erica, kisha akampa dawa za kumfanyia Erica na maelekezo kuwa nyingine amnyweshe na nyingine amuogeshe. Dora alishukuru sana na kuulizia ile dawa ya kusikilizwa vizuri,

“Kwahiyo nitasikilizwa na kila mtu?”

“Yani hii dawa inaenda kulainisha matamshi yako, hakuna utakachosema kisisikilizwe, hii ndio hutumiwa na wanasiasa wengi sana. Sababu wewe umekuwa mteja wangu mzuri ndiomana nimekupa, unaweza shangaa mtu kaja kakwambia jambo la ajabu tu ila umemfuta kumbe sababu yah ii dawa, matapeli wengi huitumia ndiomana anamlainisha mtu kwa maneno na mtu anatoa kila kitu baada ya hapo anajuta maana maneno yale hayana ukweli hata kidogo”

“Kwahiyo hata hawa wanaojifanya wanapenda maombi”

“Achana na habari za maombi kwangu, wewe ukifika anza na salamu ili sauti yako yenye kivutio iwaingie masikioni na hapo unajikuta umewalainisha na gafla wanaanza kukusikiliza wewe”

“Oooh asante sana babu, nashukuru sana”

Kisha akatoa laki tatu kwenye chungu cha babu kama hela ya shukrani halafu akatoka na Sia kuingia, aliambiwa aweke kifungua kilinge akatakiwa kuweka elfu hamsini sababu ya swala lake, basi Sia aliweka ile pesa, Yule babau akamwambia,

“Usishangae pesa ndefu ni sababu kazi yangu ni ya uhakika yani ukitoka hapa, leo ukimfanyia huyo mtu hiyo dawa basi nakwambia hafurukuti kwako”

Kisha akampa dawa kama alizopewa Dora za kumvuta James, ila yeye alitaka na dawa nyingine ya kumuita Erick ili aweze kumpa hiyo dawa,

“Sawa sawa, hapa hakuna kinachoshindikana ila kukuongeza dawa nyingine inabidi uandae elfu hamsini nyingine ya shukrani”

“Sawa hakuna tatizo”

Basi Yule mganga akampa dawa nyingine Sia ya kuchoma ili kumvuta Erick na akifika ampe tunda atakalokuwa ameweka dawa kisha ampe Erick na baada ya hapo ndio ampe chakula chenye dawa ili awe wake kabisa,

“Kwahiyo hii ya kuchoma uwe unachoma huku unasema Erick njoo yani unasema hivyo mpaka utakapomaliza, utaona mwenyewe yani atakuja bila kumuita sasa ndio umpe hilo tunda ale yani jitahidi kumlaghai ale hilo tunda. Ila ni vizuri uchome mchana ili jioni afike maana anaweza akalala huko huko na inakuwa rahisi kumpa chakula chenye dawa”

“Sawa, nashukuru sana”

Basi akatoa na ile hela ya shukrani na kutoka nje kisha kuongozana na Dora huku wakiondoka, yani njia nzima alikuwa akimshukuru Dora kwa kumpeleka kwa Yule mtaalamu,

“Yani sina la kukwambia nashukuru sana”

“Wewe usijali, mambo yakishakamilika niite nije nimuone shemeji”

“Sawa, hata usijali”

Muda huo Dora hakuelewa kuwa anayefanyiwa hizo dawa ni Erick Yule Yule mchumba wa Erica.



Bite alitulia na mdogo wake akiendelea kumfanyisha mazoezi mazoezi ya baadhi ya vitu, akapiga simu Yule mwanamaombi na kuwaambia kuwa amesharudi kwahiyo ataenda kesho yake kwaajili ya kumuangalia Erica na kufanya maombi pamoja nao,

“Kwahiyo utafika muda gani?”

“Nitafika nadhani mchana sababu nahitaji tufanye maombi na tusome neno kiasi”

“Karibu sana”

Bite alishukuru na kuagana nae, mama yao alivyofika alimwambia jinsi alivyoongea na Yule mwanamaombi,

“Oooh afadhali aje, nahamu sana ya kumfahamu huyo mama maana kanitia moyo sana yani sana kwa kipindi hiki cha Erica, namshukuru sana kwakweli, amakweli Mungu kamtumia huyu mama”

“Basi kesho anakuja mama”

Basi mama Erica alikaa na mwanae Erica huku akifurahi tu maana alivyoambiwa Yule mama anafika alijikuta akipata amani ya moyo kabisa.

Jioni yake alifika Erick kama kawaida ila kumuuliza chochote hawakuweza na walimwambia tu kuwa Yule mwanamaombi anafika kesho, akauliza tu ni muda gani,

“Kwahiyo kesho saa ngapi?”

“Kasema mchana”

“Kesho kuna kazi nilikuwa nataka kuzimalizia ila nitakuja kwaajili ya hayo maombi kwani hata mimi najiona nikihitaji maombi pia”

“Karibu sana”

Basi Erick aliendelea kuongea ongea na Erica pale kwani yeye ilikuwa fahari tu kwake kila anapoongea na Erica.

Ila Rrick na siku hiyo aliporudi hotelini alijaribu kumpigia tena Rahim kwani alitaka kujua ukweli wa ile hela.



Salma aliruhusiwa kurudi nyumbani, basi Rahim akamchukua kwenye gari yake na kurudi nae nyumbani, alifika nae huku akimpa pole kw akumpiga,

“Pole ya nini unanipa shetani mkubwa wewe”

“Kheee nimekuwa shetani!”

“Ndio ni shetani wewe, huna upendo hata kidogo mwanaume gani wewe. Ni malaya ila nakuvumilia, nimekuvumilia sana hadi kukuzalia mtoto ila mwanaume huna huruma unathubutu kunipiga kweli mwanamke nikiwa na mtoto mchanga kama huyu? Yani nyie wanaume mnapenda sana kutuonea wanawake”

“Wewe endelea kuongea ila dawa yako wewe ni kukuolea mke wa pili”

“Thubutuuu mlete huyo mke uone kama hajaondoka anatambaa”

“Hivi hujionei huruma Salma, kumbuka ndio kwanza umetoka hospitali. Huwezi kunyamaza”

“Sitanyamaza kamwe hadi uache uonevu wako, mmezidi kutuonea ila tunyamaze kama samaki baharini kameza maji, jamani mimi sinyamazi yani Rahim ukifikiri nitanyamaza sahau, siwezi kuvumilia uonevu kama huu”

“Aaah wewe, nadhani unanitafutia lingine, kwaheri”

Rahim aliamua kuondoka, ila Neema sababu alikuwa nje alisikia yale maongezi na kuingia ndani kwa mwenzake na kumpa pole ya ile kupigwa, ila Salma aliitikia kwa chuki maana hakuwa na furaha,

“Usiwe hivyo mwanamke mwenzangu, najua umeumia. Ni kweli wanaume wana roho mbaya ila sio wote. Unajua unaposema kwa mtu kuwa mwanaume kanipiga bila makosa na kukwambia umueleze chanzo hakika ukimueleza chanzo kama chako atakuona kuwa wewe ndiye mwenye makosa, siku ile nimeongea na wewe kuwa inatakiwa tujue wanaume zetu wanapenda nini ili tuenende na kile wanachopenda ila hukutaka kunisikiliza”

“Wewe Neema unaongea tu ila mwenzako akinyolewa zako tia maji”

“Sio hivyo Salma, ionekane kweli umeonewa labda mwanaume kaanza tu kukupiga bila sababu ila sio kama ulivyofanya wewe yani unampa sababu mwanaume ya kukupiga. Nakupenda rafiki yangu, nakupenda kama mwanamke mwenzangu ila napenda ujirekebishe na uwe mpya rafiki yangu. Nakwambia kila siku hakuna mwanaume anayependa mwanamke mwenye gubu, hakuna mwanaume anayependa mwanamke wa kubishana nae ndani ya nyumba, hakuna mwanaume anayependa mwanamke mkorofi na hakuna mwanume anayependa mwanamke mshirikina”

“Kwahiyo mimi unaniona mshirikina eeeh!”

“Kama unachoma dawa ambazo mumewe hazifahamu unafikiri ni nini? Unafikiri mumeo atakuitaje? Hivi mfano mumeo angeingia chumbani na kukukuta mkewe ukiswali angefikia hiyo hali ya kukupiga? Na kama angekupiga basi Mungu angemfundisha somo ila sio kwa ulichokuwa unafanya wewe, yani unampa mwanaume sababu za kukupiga, sio vizuri ndugu yangu. Tumeamua kuolewa basi tutulie kwenye ndoa zetu na tuwatii waume zetu”

“Kwahiyo wewe mambo uliyofundwa huko wakati unaolewa ndio unaniletea mimi eeeh! Mwanaume akuonee umuangalie tu, mwanaume akutukane umuangalie tu, siwezi kwakweli”

“Salma nadhani hunielewi, kuna mambo mtu ukifanyiwa kweli kila mtu anajua kama unaonewa lakini sio kwa stahili unayoenda nayo wewe, yani wewe ndiye unayempa sababu Rahim amfikirie Erica, ila ungejirekebisha kwa hakika angeamua kuishi nawe kwa upendo”

“Ngoja nilale mie nimekusikia”

Basi Neema alitoka ila kwa kiasi Fulani maneno aliyosema Neema yalimuingia kwani ukizingatia hata ile dawa kuifanya ilikuwa ngumu kwahiyo alijikuta akielewa tu taratibu kile kilichosemwa na Neema.



Ilikuwa ni jioni ambapo Dora na Sia walifika mjini na kuachana, basi Dora alienda kwao moja kwa moja akanywa ile dawa, alitaka kujaribu kuona inavyofanya kazi, akampigia simu mzee Jimmy akimuomba waonane ili waongee, yani mzee Jimmy alikubali kiurahisi sana, na kwenye mida ya saa tatu usiku wakakutana, Dora alianza kumueleza mzee Jimmy anachotaka ili kuangalia kama huyu mzee atamuelewa au la,

“Nimechoka kutembea kwa miguu, nahitaji gari la kutembelea”

“Umeniambia kwa haraka sana Dora, ila nitakupatia”

Kwakweli Dora hakuamini maana alikuwa akijaribisha tu kuona ile dawa inavyofanya kazi, kwahiyo swala la kukubaliwa na mzee Jimmy kwake ulikuwa ni ushindi mkubwa sana, kisha akamwambia tena,

“Sina hela ya kutumia ujue, halafu kesho nataka kwenda saluni nikatengeneze nywele na ninataka kununua nguo nyingine na viatu”

“Kwahiyo unataka kiasi gani?”

“Naomba milioni nne”

“Sikia basi, leo nitakupa milioni mbili halafu kesho njoo ofisini kwangu uchukue mbili nyingine”

“Wow, nitakuja kesho asubuhi mpenzi wangu”

“Kitu kingine ningependa unioe”

“Mmmmh kuna nini leo mbona kila kitu nakuitikia Dora?”

Ikabidi Dora abadilishe mada maana huyu mzee asije akamshtukia bure, akamuuliza kuwa gari la kutembelea atampa lini,

“Kesho njoo ofisini kuchukua hizo milioni mbili zingine halafu nitaangalia utaratibu wa wewe kupata gari maana kidogo sasa hivi mambo yangu hayajakaa sawa”

“Nashukuru sana”

“Halafu leo si utanipa tena”

“Mmmh leo nimechoka labda kesho”

“Sawa hakuna tatizo”

Yani Dora alifurahi sana vile ambavyo amesikilizwa vizuri na mzee Jimmy kisha akataka kuondoka kwahiyo Mzee Jimmy akaenda na Dora ATM na kutoa milioni mbili akamkabidhi Dora kisha kumpeleka kwao, yani Dora aliingia kwao akichekelea sana. Alienda chumbani kwake akiwa na furaha isiyo kifani na kujisemea,

“Hivi nilikuwa wapi kunua hizi dawa jamani! Sasa hivi ningekuwa tajiri mimi maana kila kitu ningekuwa nacho, huyu mzee leo kalainika kama sio yeye, kesho naenda kwa huyu mzee kwanza kuchukua hela yangu kisha naenda kwakina Erica kuharibu kabisa, hakuna cha maombi wala nini na wao wataanza kama mimi kuzunguka kwa waganga tuwe wengi mjini”

Akacheka na kujilaza kwa furaha maana kwake ilikuwa ni ushindi mkubwa sana.



Dora asubuhi na mapema aliamka na kujiandaa kisha akanywa ile dawa na kwenye mida ya saa tatu akaenda ofisini kwa mzee Jimmy, alifika na kumkuta Yule mzee ofisini kwake na kumsalimia, Yule mzee alitabasamu tu kisha kumwambia,

“Dora umekuwa mrembo sana, yani nakuona unazidi kupendeza”

Dora alikuwa akicheka huku kimoyomoyo akisema ‘mambo ya babu wa Bagamoyo haya’

Basi kabla hata hajaeleza swala la kufata pesa, alikuta Yule mzee kashamuwekea pesa kwenye bahasha na kumpatia ila Dora akamwambia,

“Ningeomba uniongezee mbili nyingine”

“Dora, saivi sipo vizuri sana maana mambo yamejichanganya ila usichukie ngoja nikakutolee”

Dora alisubiria na mzee Jimmy alienda kumtolea milioni mbili zingine na kuja kumkabidhi kisha akaahidiana nae kuonana jioni, halafu Dora akaondoka.

Mzee Jimmy alijiuliza sana kuwa inakuwaje amekuwa hivyo kwa Dora, yani Dora anakomba hela zake kama kitu gani. Hakuelewa ila alijiona ni sawa kabisa kumpa zile pesa Dora wakati gata alikuwa akihisi mambo kuwa sio sawa kwenye kampuni yake.

Dora aliondoka na kuelekea benki nyingine kuweka zile pesa alizopata kwa mzee Jimmy kisha akapitia mahali ale kabisa akivuta vuta muda wa kwenda kwakina Erica.



Erick siku hiyo alienda mapema kabisa kwakina Erica maana alitaka Yule mwanamaombi amkute tayari akiwa amefika, aliowakuta pale ni Bite, mamake Erica, Angel na Erica mwenyewe maana Mage siku hiyo alisema hatoweza kufika sababu alikuwa na mambo mengi ya kufanya. Baada ya muda waliwasiliana na Yule mwanamaombi na kumuelekeza hapo na alipofika kituoni ni Erick ndio alienda kumfata na gari yake huyo mwanamaombi, alifika kituoni na kukutana nae na kumsalimia kisha kupanda kwenye gari yake ila gafla akajisikia kama kwenda kwa Sia yani hakuwa na raha kabisa mule kwenye gari alitaka tu amfikishe Yule mwanamaombi kwakina Erica halafu yeye kuondoka, walifika kwakina Erica na kushuka, kisha kuongozana na Yule mama hadi ndani ila walipoingia tu ndani Erick alitaka kuaga ili aondoke ila Yule mama alimwambia asiondoke kwanza hadi wamshukuru Mungu, Erick alikubali ila alikuwa akitaka waombe haraka haraka na waondoke, Yule mama alianza maombi na yale maombi yake yalichukua kama robo saa hivi yani Erick hakupenda kwakweli ingawa alisema kuwa nay eye anahitaji hayo maombi ila kwa muda huo moyo wake haukuwa kwenye maombi hayo kabisa, basi walipomaliza, aliaga tena na kutaka kuondoka.

Yule mama alimshika mkono Erick kabla hajaondoka, Erick alihisi kama kuna moto unaingia kwenye mwili wake na kujikuta akianza kupiga kelele basi Yule mama alianza kumuombea Erick yani Yule mama hakushughulika kwanza na Erica aliyemgonjwa ila alishughulika na Erick maana aliona kuna kitu hakipo sawa kwa Erick, alimuombea sana Erick tena kwa muda mrefu, Erick alijikuta tu akikaa chini huku akilia na bila kujua anacholia ni kitu gani, huyu mama alipomaliza kuomba alimwambia Erick,

“Kuna nguvu za giza zilikuwa zinakuta mwanangu ila Mungu ni mwema. Roho wa Bwana alinionyesha nikuombee na sasa uko huru”

Kisha Yule mwanamke akawaomba waimbe pamoja nae nyimbo za kuabudu wakaanza kuimba, na wakati wa kuimba kuna mtu akafungua mlango na kuingia ndani, mtu huyo alikuwa ni Dora, halafu Dora kama alivyoshauriwa na Yule mganga wake alianza kwa salamu,

“Hali zenu jamani!”

Yule mama alihisi kuna kitu sio cha kawaida kipo kwa Yule msichana, wote walibaki wakimshangaa Dora, ila huyu mama alimvuta Dora mkono na alipomvuta tu Dora alianza kupiga kelele kama mtu mwenye mashetani ndipo Yule mama alianza kumuombea, Dora alianguka chini na kujikuta akisema kila kitu alichoambiwa kwa mganga yani hakuacha kitu aliropoka hadi dawa alizopewa na yule mganga, ndipo Yule mama alipokazana kumuombea Dora na alimuombea sana na kugundua kuwa Dora ana tatizo lingine la jinni mahaba, kwahiyo akafanya kazi ya kumuombea na hilo tatizo pia, ilichukua muda mrefu sana katika kumuombea Dora hadi akatoa dawa zote alizoenda nazo kwa wakati huo, kwakweli walishangaa sana kwani hakuna aliyeelewa kuwa Dora angekuja na dawa za namna ile maana lazima angeogopa sababu walishamwambia kuwa wamejikita kwenye maombi.

Alipomalizana nao ndipo alipoanza kumuombea Erica maana alishamuombeaga sana na maombi yake karibia yote ni juu ya ugonjwa uliompata Erica, alimuombea sana na baada ya muda Erica alisimama na kufanya ndugu zake wote wafurahi, Yule mama alianza kumshukuru Mungu kwa kumponya Erica.

Walipomaliza Erica alianza tena kuongea ila aliongea taratibu sema ilikuwa ni furaha sana kwani alikuwa akiongea, kwakweli waliomba kwa pamoja na hadi maombi yanamalizika Dora alijikuta hana hamu kabisa hata ya kurudi kwao alijikuta akitoa machozi tu kama anajutia kwa yale aliyokuwa akiyatenda.

Huyu mama aliwaeleza mambo yatakayowasaidia zaidi,

“Yani kuanzia sasa mnatakiwa kuwa watu wa maombi, sio kujutia tu yale uliyoyafanya nyuma ila kusimama imara na kuendelea mbele, inatakiwa tumuombe Mungu kila mara sio tu tunapopatwa na matatizo. Ukiacha kumuita Mungu basi shetani anaweza kukuangusha kwa urahisi mno. Kwahiyo ni muhimu sana kufanya ibada”

Wote waliitikia pale ila Erick hakujua kama ataweza kuanza kufanya ibada, halikadhalika na kwa upande wa Dora ila walisema kuwa watajitahidi.

Usiku ulipoingia ilibidi Erick aage kuwa anaenda kwao, ikabidi ampe lifti na Dora ya kurudi kwao muda huo Dora hakuwa hata mtu wa kuongea ongea tena mpaka alipofikishwa kwao na kushuka kisha Erick alirudi kwao moja kwa moja yani hakujisikia kabisa kwenda hotelini maana alikuwa na hamu ya kufika kwao.



Sia alishangaa sana kuwa kufanya kote dawa mpaka jioni Erick hakufika kwao, aliumia mno na ukizingatia alishaandaa tunda la kumpa Erick, alipoona usiku umeingia alijiandaa na kusema ataenda yeye mwenyewe kwakina Erick kumpa lile tunda ale kwani ile hela aliyotoa kwa mganga ilimuuma sana alitaka apate majibu ya anachokitaka.

Basi akaondoka na kwenda kwakina Erick, alipofika aligonga na mlinzi alimfungulia, akamuuliza,

“Hivi leo Erick yupo?”

“Tena amefika muda sio mrefu”

Basi akasogea hadi kwenye nyumba ya kina Erick na kuingia ndani maana alishazoeleka pale sababu ya Tumaini, akakutana na Erick mlangoni ilionyesha kama Erick alikuwa akitoka, akamsalimia Erick kisha kumpa lile tunda,

“Nini tena?”

“Chukua hili apple ule Erick, ni ishara ya upendo wangu kwako”

Erick alichukua lile tunda na kumfanya Sia atabasamu kwani alijua Erick akila tu bnasi kwisha habari yake, ile cha kushangaza Erick alisogea mpaka kwenye ukuta wa nyumba yao na kulirushia lile tunda nje.





Erick alichukua lile tunda na kumfanya Sia atabasamu kwani alijua Erick akila tu basi kwisha habari yake, ila cha kushangaza Erick alisogea mpaka kwenye ukuta wa nyumba yao na kulirushia lile tunda nje.

Kitendo kile kilimuumiza sana Sia, alijikuta kama kapatwa na uchizi hivi hata akatamani kumpa matusi Erick, yani muda huo hakuwaza tunda ila aliwaza laki yake tu, aliamua akimbilie nje upande ambao Erick alirusha lile tunda maana hakutaka ile dawa ipotee, aliona vyema aliwahi ili afanye kila hila Erick ale lile tunda, kiukweli Erick pia alimshangaa jinsi alivyoonekana kushtushwa na kile kitendo cha kutupa tunda.

Sia alikimbia akatoka nje hata mlinzi wa ile nyumba akamshangaa kuwa huyu dada imekuwaje kachanganyikiwa au nini, alikimbia na kuzunguka ule upande ambao Erick alirusha tunda, hakuamini macho yake kuona kuna kijana yupo kulifakamia lile tunda, alimshtua

“Kheee wewe kwanini umeokota hilo tunda?”

“Dada jamani, nilikuwa napita na hili tunda likanipiga kichwani kwa bahati nimelidaka ila najua matajiri wana hela sana yani tunda kama hili la gharama linatupwa? Nikaamua kulila, ubaya wangu ni nini au kosa langu ni nini?”

Sia alichukia sana kwani huyu kaka ndio kwanza alikuwa akimalizia lile tunda, kiukweli Sia hakuwa na la kufanya na kuamua kuondoka hata kuingia tena kwakina Erick hakutaka.

Sia aliingia kwao kwenye mida ya saa tano usiku, wakati anafungua mlango kuingia ndani alishtukia kuna mtu nyuma yake, kumuangalia alikuwa ni Yule kijana aliyemkuta akila tunda,

“Kheee wewe umenifata hadi kwetu kwanini?”

“Nisamehe ila sijaweza kuacha kukuangalia kwa urembo wako, nakupenda sana, yani sijaweza kuacha uondoke machoni pangu, nimekufatilia toka pale hadi hapa”

Sia alipumua maana ya siku hiyo yalikuwa makubwa kwake, kufatiliwa na asiyehusika tena ni jambo lililomkera sana, akajiuliza afanyeje na Yule kijana hakujua, alimuacha nje na kufunga mlango kisha kuingia ndani na kulala kwani kichwa chake kilikuwa kimevurugika haswaa ukizingatia kuna chakula alishapika kwaajili ya Erick na alishamuwekea dawa atafanyaje sasa, hakuwa na la kufanya zaidi ya kukubali kile kilichotokea.

Palivyokucha aliamka na kutoa vyombo vichafu nje pamoja na kile chakula alichokuwa amemtayarishia Erick, kisha akaenda kuchota maji na kusahau kama kulikuwa na kijana usiku akimfatilia sababu alikula lile tunda, basi alivyorudi na maji yake alishangaa kumuona Yule kijana akila kile chakula, kwakweli Sia alishtuka sana,

“Mungu wangu na chakula umekula, uwiiii nitafanyaje mimi. Wewe nani kakuruhusu kula chakula changu?”

“Nilikuwa na njaa sana, nikahisi kuna chakula umekifunika kwenye hivi vyombo kuliko kukitupa nikaona bora nile.”

“Haya nenda kwenu”

“Siwezi kuondoka hadi uniambie kuwa unanipenda, nakupenda sana yani nakuona kama malaika”

“Kheee makubwa, sasa hapa kwangu utaumia, nenda zako tu”

“Siwezi, nakupenda sana”

Kwakweli huu ulikuwa ni mtihani mkubwa sana kwa Sia ingawa ingekuwa hivi kwa Erick ingekuwa ni ushindi mkubwa sana kwake, inamaana huyu kijana asingemuona Sia angepata shida sana kumtafuta ila uzuri Sia mwenyewe alitoka kuangalia tunda lake kuwa limeangukia wapi.



Salma alikuwa mpole gafla maana mumewe hakurudi kabisa tangu ameondoka sababu ya kelele zake, ana maumivu ya kupigwa na mumewe hataki kurudi, ila leo alipata ugeni yani mama yake na dada yake, walikuja kusalimia na kumkuta akiwa na mawazo sana, mdogo wake alikuwa na mtoto na ndiye aliyewapokea na kuwakaribisha, waliingia ndani na kuanza kumpa hongera Salma na pole maana hawakufika toka ajifungue, mamake alimuuliza kuwa imekuwaje hana furaha kuwaona,

“Mama nyie ni wabaya sana, yani kama sina ndugu vile, kweli nimejifungua hadi leo ndio mnakuja? Mimi hospitali nakuja kuangaliwa na wakwe na majirani sijui na ndugu wa mbali? Siku nimeruhusiwa sina wa kunifata kweli? Mlichonifanyia sio sawa, hata kama wewe sio mama yangu mzazi ila haikutakiwa unifanyie hivi, angekuwa ni mtoto wako wa kumzaa ungemfanyia hivi? Bora mama yangu mzazi angekuwepo kwakweli, nateseka sababu sina mama”

Yule mama alisema,

“Yani Salma hii ni sababu ya kufanya tushindwe kufika kwa muda, yani Salma huna zuri hata moja wewe, hivi mimi kama nina roho mbaya ningemuonyesha Yule mzee kuwa wewe ndiye unafaa kuwa mke wa mwanae? Kwanini nisingeonyesha hao wanangu ila nikakuonyesha wewe? Yani Salma unashindwa kuuliza tatizo ni nini ila unabaki na lawama tu”

“Wewe mama ndio zako tu huna lolote, sijui ningemuonyesha mzee Yule watoto wangu. Kama ipo ipo tu, hata ungeonyesha watoto wako labda wasingependwa, usijitetee wala nini mmenifanyia roho mbaya tu hakuna cha sababu wala nini, ulinionyeshea mimi sababu hukutaka nikae nyumbani, ulihisi nitakuja kuteseka kwenye ndoa kwa kuolewa na mtu nisiyemfahamu”

Kiukweli hawakumuelewa kuwa imekuwaje hadi maneno yote yale yanamtoka, ila mdogo wake ndio akasema,

“Dada ana hasira hivyo sababu alipigwa na shemeji”

“Halafu wewe hayakuhusu muone vile ndiomana hunenepi”

“Sasa wewe Salma ni mnene jamani! Hata unamsema mdogo wako bure tu”

“Kwanza sihitaji kuja kuniona, ondokeni siwataki nyumbani kwangu”

Hakuna walichoongea akawasikia zaidi zaidi akaamua kuwatimua tu ikabidi wabebe mizigo yao na waondoke.

Walipoondoka tu kama kawaida Neema alimfata Salma na kumuonya,

“Unajua Salma unafanya mambo kwa hasira sana, umeudhiana na mume ila unachukia hadi ndugu kwa mtindo huo utamuudhi hadi mama mkwe halafu utajikuta ukiiacha ndoa yako”

“Neema sikia, nikiachika mimi hapa si utabaki wewe mkwe mwema, sitaki mafundisho yako, kafundishe ndugu zako huko”

“Ila wewe dawa yako inachemka, najua wa kumleta kwako na utakaa sawa tu”

“Hebu nitolee upuuzi si umefurahi hivi mume wangu hajarudi nyumbani, niache mie”

Kwakweli Neema alisikitika sana vile mwenzake alikuwa haelekezeki.



Dora leo aliamka na kutulia kwao huku akijitafakari sana, alikuwa akiwaza kuhusu mambo mbalimbali, mara nyingine aliona ni sawa kukombolewa ila mara nyingine aliwaza vitu vingine ila alijikosoa mwenyewe,

“Ila hela zisizokuwa na halali si nzuri kutumia, ila bora nilichukua kabisa hela za mzee Jimmy, asifikirire sijui nimebadilika ndio nitarudisha hela zake thubutuuu hii ni matunda ya kazi niliyofanya juu yao, ila mmmh kweli nilikuwa na jinni mimi mbona sijisikii hata hamu jamani, nipo kawaida kabisa. Ila kwa Yule mganga siendi tena yani tena, kwa Mungu ndio kuna nguvu kwakweli, kwa mganga hamna kitu. Ila mimi hii hali ya tamaa nadhani na mama yangu kasababusha maana anataka nilishe familia nzima bila kujali pesa nitatoa wapi”

Muda kidogo Mama yake alienda kumkurupua na kumwambia,

“Hivi Dora unajua kama mdogo wako hajarudi kabisa tangu jana”

“Aaaah mama jamani, hata salamu jamani! Hajarudi ndio ila mbona mimi sitafutwagi hivyo nisiporudi?”

“Wewe ushakuwa mkubwa, halafu nishakuchunga nimechoka ila mdogo wako hana tabia kama zako”

“Ila kumbuka Yule ni wa kiume na mimi ni wa kike yani ulitakiwa kunichunga mimi zaidi ya Yule ila unamchunga Yule na kuniacha mimi ni haki kweli hiyo?”

“Yule hajawahi kutokurudi nyumbani hata kama kakua ila sio kama wewe, mdogo wako hadi saa nne hii haonekani nakwambia hata hujali yani upo tu. Jiandae hapo tuanze kumuulizia mdogo wako maeneo mbalimbali”

Hiki ndio kitu ambacho hakupenda kwa mama yake huyu yani alionekana kumjali zaidi mdogo wake ambaye walipishana miaka miwili tu, yeye hakujaliwa kama mdogo wake alivyojaliwa, ni wa kiume ila hajaonekana nyumbani mama yake tumbo joto, hakujua ni wapi ataanza kumtafuta basi akaenda tu kuoga ili kujiweka sawa.

Alipotoka kuoga akakuta simu yake inaita, akaipokea na mpigaji alikuwa ni Sia,

“Eeeeh Sia, unatatizo gani?”

“Nina tatizo kubwa kwakweli”

“Tatizo gani?”

“Naomba njoo kwetu ili unisaidie hili tatizo nitalitatuaje, nakuomba sana nakuomba”

“Sawa hakuna shida nakuja”

Sababu aliona kuendelea kubaki kwao mama yake angemsumbua na hizo habari za kutokumuona mdogo wake, kwahiyo alijiandaa na kutoka na kuona ni veyema aende kwa kina Sia kuliko kubaki kwao.

Alivyofika kituoni, alimpigia simu Sia naye alienda kumpokea, basi akaanza kuongea nae tatizo alilokuwa nalo kulekule njiani,

“Ni hivi ndugu yangu maana ushakuwa ndugu yangu sasa, ile dawa niliyotakiwa kumuwekea Yule mwanaume kagoma kula tunda na kalitupa”

“Kalitupa? Eeeh ikawaje, nadhani jana kulikuwa na mikosi moja kwa moja maana hata mimi dawa zangu hazijafanikiwa kiasi kwamba sitaki tena kutegemea waganga, hebu nieleze imekuwaje?”

Basi Sia akamueleza jinsi alivyomkuta huyo kijana akila tunda na jinsi alivyofatwa na yule kijana na jinsi alivyukula kile chakula asubuhi.

“Uwiiii na chakula kala?”

“Ndio kala, yani hata sielewi nafanyaje na Yule kijana maana amekazana kuondoka hataki”

“Ila dawa za Yule babu kiboko, basi lile tunda huwa linakama sumaku yani asingekuona kijana wa watu angepata shida hadi angekoma ila vijana wengine waroho jamani unaona watu wanatupa halafu wewe unaokota na kula si uroho huo loh! Na tena hadi chakula kala sababu ile dawa inamvuta kula chakula ulichoweka dawa nyingine, uwiii ndio uwe nae sasa”

“Nitakuwaje nae? Kwanza simtaki halafu inaonyesha bado hana maisha, maswala ya kuishi na mtu mwenye shida ya nini? Nilikuwa namfanyia Yule sababu nilijua ningeishi kama malkia”

“Pole mwaya, sasa sijui nitakusaidiaje”

“Sijui ila naomba unisaidie yani maji yamenifika shingoni, siwezi kwakweli”

Basi wakaendelea kuongozana hadi nyumbani kwakina Sia kisha Sia akamuonyesha Dora kijana mwenyewe, Dora akashtuka sana na kuita,

“Kheee Steve!!!”

Sia akamuuliza,

“Unamfahamu kumbe!”

“Mdogo wangu huyu”

Dora alimfata Steve ambaye hakuwa hata na habari yoyote ile kwani aliona kama amefika pale kwa Sia.



Kwakina Erica ilikuwa ni furaha kubwa kumuona Erica akiwa mzima tena na walipokaa kumuuliza kuhusu hao wenye visasi nae waliomfanyia hayo mambo alishangaa pia maana hao watu hata hakuwa na ukaribu nao na wala hakuwafahamu ila ambaye alitajwa kuhusika pia ni Derick na ndiye aliyemuumiza zaidi kwani ni ndugu yake halafu kumfanyia mambo ya ajabu, Mage alipofika walimueleza yaliyotukia jana yake akashangaa sana na kuamua kumpigia simu Derick akimtaka aende tu ila hakusema kama Erica amepona, alilalamika kutimuliwa siku za nyuma ila mage alimkazania kuwa aende hatotimuliwa tena, basi derrick aliahidi kwenda muda huo.

Derick alifika pale na kuwakuta ndugu zake wakiwa ndani, alishangaa kumuona Erica ni mzima kabisa, Mage alimkalisha chini Derick na kumuuliza kwanini afanye hivyo,

“Hapana mimi sihusiki”

“Derick, kila mtu amekuona wewe kama muhusika hata sijui unakataa vipi? Unajua wewe ni ndugu yetu hivi huoni aibu kumfanyia hivyo ndugu yako?”

Muda huo Babuu na Rahim nao walifika kwani walitaka sana kuomba msamaha kwa kile kilichotokea kabla kwani bado Rahim hakuwa na furaha ya kufukuzwa kwakina Erica, ila kwavile leo walimkuta Derick akiwa kabanwa kwahiyo hawakufukuzwa, waliingia tu ndani na kusalimia kisha Derick kuendelea kutoa maelezo na muda huu aliamua kueleza alivyoulizwa na mke wa Rahim na jinsi mke wa Rahim alivyompa dawa,

“Kwahiyo mke wa Rahim ndiye aliyemfanyia Erica vitu vya ajabu?”

“Ndio, alinituma nimtajie majina matatu ya Erica, yeye aliniambia anataka Erica aachane na Rahim ila sikujua kama angempa ugonjwa kama ule, na siku ile alinipa dawa nimpake Erica kwenye paji la uso ila ni Fetty ndio alinizuia na mpaka muda huu sikujua alikuwa na maana gani”

“Hivi wewe Derick una akili kweli? Yani mtu anamteketeza ndugu yako sababu ya chuki zako unakubali? Yani wewe ni zero kabisa”

“Ila Mage nilikwambia, huyu dogo hamna kitu ona sasa Erica angekufa sababu ya mambo yake”

Muda huo akili ya Rahim ilipoteza dira kabisa kusikia mkewe ndio muhusika wa ugonjwa wa Erica na vile alivyomkuta na madawa ndio kabisa, aliinuka na kutoka bila kuaga na bila kuondoka na aliyefika nae, hakuna aliyemuelewa anaenda wapi ila aliondoka.

Pale kwakina Erica walibaki wakimsema Derick ila bado mama Erica hakutaka undugu na Derick kabisa maana aliona huyu mtoto ni muuwaji,

“Nipo tayari kujirekebisha”

“Hapana kwakweli, wewe uliyesababisha mwanangu achungulie kaburi, hapana kwakweli”

Baada yay ale maelezo mama Erica hakutaka maelezo mengine zaidi ya kumtimua tena Derick maana hakutaka kumuona kabisa.



Basi Dora aliamua kumbembeleza mdogo wake pale ili arudi nae nyumbani, akamwambia Sia amwambie mdogo wake kuwa anampenda ili aweze kurudi nae nyumbani, yani mdogo wake ilionyesha kashaelemewa na mapenzi ya Sia, kiukweli ilimuuma sana Dora kuona dawa alizompeleka Sia zimeenda kumdhuru mdogo wake kwani muda wote atakuwa akimuwaza Sia na Sia ataona ni usumbufu sababu hajamtaka huyu dogo, kwakweli aliwaza sana kuwa atawezaje kumfanya mdogo wake awe sawa tena yani afanye tu kitu bila kumuwaza Sia, basi aliagana na Sia pale na kuondoka na mdogo wake ila mdogo wake njia nzima anamwambia dada yake jinsi Sia alivyo mzuri na jinsi anavyompenda,

“Mdogo wangu sio akili zako hizo umerogwa”

“Sijarogwa dada, nampenda Yule msichana yani nampenda kutoka moyoni”

Hakuna alichoongea kikasikilizwa basi wakaendelea tu kurudi nyumbani, walipofika njiani kuna mtu alisimamisha gari karibu yao alikuwa ni Erick akielekea nyumbani kwakina Erica, alimuuliza Dora kuwa anajisikiaje toka ile jana kutolewa yale mashetani, basi Erick alishusha kioo na Dora alisogea kuongea nae,

“Nijisikiaje wapi, nimezua makubwa na mambo yangu ya waganga”

“Kivipi?”

“Kuna mtu nimesoma nae chuo anaitwa Tumaini sasa nilikutana nae na rafiki yake anaitwa Sia, nilivyokuwa nawaeleza habari za mganga ndio Yule Sia akapenda sababu kuna mwanaume wake alitaka kumteka ndio nikaenda nae kwa huyo mganga halafu kibao kimegeuka kwa mdogo wangu”

“Sikuelewi, hebu nieleze vizuri”

Kwakweli Erick kitendo cha kusikia jina la dada yake na jina la Sia vikamchanganya sana na kujikuta akitaka kujua kilichoendelea, basi Dora alimueleza ilivyokuwa kama alivyoelezwa na Sia. Kwakweli Erick alijikuta akimchukia Sia kupita alivyomchukia mwanzo na akaelewa kuwa kwanini Sia alitaka kumpa tunda lile jana yake, pia alimuhurumia Yule mdogo wake Dora ambaye hakufikiri kuwa amerogwa ila alijua ni upendo tu upo kwa Sia.

Erick alifikiria kidogo kisha akachukua simu yake na kumpigia mama yake na Erica ili amuulize namba za yulee mwanamaombi, na baada ya salamu alimuomba hizo namba kisha mama yake Erica alimtumia.

Erick alipozipata aliwaambia wakina Dora kuwa wapande nae kwenye gari awasiliane na Yule mwanamaombi kisha wampeleke Yule mdogo wake, Dora alifanya hivyo na walipowasiliana na Yule mwanamaombi waliamua kuanza safari ya kwenda huko.

Walifika nyumbani kwa Yule mama ambapo alianza maombi kwa Yule kijana na alipomaliza alianza kuwafundish wote watatu,

“Mnatakiwa kumtegemea Mungu katika maisha yenu yani msijali chochote muangalieni Mungu tu”

Dora akauliza,

“Kwahiyo tuwe tunaomba kila muda”

“Ndio kila muda ni wakati wa kumuomba Mungu”

“Mmmh nitaweza kweli?”

“Kwanini usiweze? Hakuna kisischowezekana chini ya jua”

“Tatizo nyumbani kwetu, mama yetu mwenyewe hana hayo mambo ya dini, sijui kama nitaweza halafu kuomba sijui”

“Uwe unakuja hapa nikupeleke kanisani, kunakiuwa na vipindi vya maombi yani utajifunza humo kuomba hata usiwe na shaka”

Dora alikubali pale kuwa atajiunga na hiko kipindi, kisha huyu mwanamaombi aliendelea kumwambia,

“Yani msipokuwa makini na maombi hayo madudu yatawajia tena na sio mazuri kwakweli, mnatakiwa kukumbuka maombi”

Wakaitikia na kumuaga kisha wakaondoka na Dora kurudi nyumbani na mdogo wake huku Erick akibadilisha safari na kwenda kwakina Sia kwani hakupenda kabisa kile alichokisikia.



Neema kama alivyoahidi kuwa ataenda kumtafutia mtu ili aweze kuongea na Salma, na kweli alienda kuongea na mmama mmoja mshika dini haswaaa aliitwa Zainabu, alimwambia tatizo la ndugu yake na huyo mama aliacha shughuli zake ili akaongee nae kwani alijua kama wakimpa maneno ya dini basi ataacha kuwaza ujinga anaouwazaga, basi walifika pale na kumkuta Salma akiandaa vitu vyake vya kupika, Neema alimkaribisha Zainabu ili aongee na Salma, Zainabu alimsalimia Salma, ile salamu tu Salma akahisi kuna jambo kisha akasema,

“Neema nadhani kuna kitu unakitafuta na utakipata tu, mimi nimekwambia nahitaji mshauri? Umeniona mimi nina matatizo ya akili? Neema naomba uachane na mambo yangu, na kama wewe ni mshauri haswaa basi subiri mume wangu umshauri sio kuniletea mimi habari zisizoeleweka”

“Dada, hata kunisikiliza ninachotakanachotaka kusema jamani”

“Halafu wewe Zainabu unafikiri sikufahamu au nini? Kuolewa kwenyewe hujaolewa sasa utanishauri nini mimi kama sio utumbo? Achana na habari zangu”

Huyu Zainabu hakujua kama Salma anamfahamu kuwa anaitwa Zainabu na hajaolewa ila hakupenda vile alivyosemwa na Salma,

“Dada angalia kauli zako, naweza kuwa sijaolewa ila nikawa na kauli thabiti kushinda wewe, na sio kwamba sijaolewa basi sina tabia zinazofaa ila muda wangu tu haujafika”

“Huna lolote, umeamua kuja kumtamani mume wangu. Tena sitaki ushauri wako, na wewe Neema kama ndoa yako imekushinda achana na ndoa yangu”

Basi Zainabu akawa anatoka, na getini akakutana na Rahim ndio anataka kuingia ndani, akamsalimia ila Rahim alimuangalia sana Zainabu alipenda mavazi yake na ongea yake kwani alionekana ni mwanamke aliyejiheshimu ila kwavile alikuwa na ugomvi na mke wake akabaki tu akimuangalia Zainabu kisha Neema nae akatoka kumsindikiza Zainabu.

Rahim alienda hadi kwa mke wake na kumwambia,

“Siku ile nilikupiga ila leo sitakupiga, subiri hapo hapo”

Salma akiwa anashangaa tu maana hakuelewa ni nini kinakuja mbele yake, akashangaa Rahim akitoka ndani na karatasi la taraka huku akisema kuwa amemuacha na hamtambui tena kama mke wake toka siku hiyo.



Erick moja kwa moja alienda kwakina Sia ila hakumkuta Sia muda huo kwa hakika kama angemkuta basi siku hiyo angekuwa halali yake maana alipanga kumpiga kwa hiko alichotaka kumfanyia na kujikuta akimchukia sana ingawa hakujua kama mdogo wake Dora itakuwaje ila alipata amani kiasi maana Yule dogo alishafanyiwa maombi, basi akaenda kwakina Erica na usiku ulikuwa umeshaingia, Erica alikuwa na furaha sana kipindi hiki hata mtoto wake Angel alikuwa na furaha pia, ila Erick alifurahi zaidi kumuona Erica akiongea vizuri kama mwanzo kiasi kwamba anaweza kuongea nae wakiwa wawili tu, nyumbani kwao walishaelewa kuwa wale wanapendana kwahiyo waliwapa nafasi ya kuweza kuongea, kwa muda huu Bite alitoa mkeka nje kisha Erick alikaa na Erica kwenye mkeka kwenye kibaraza cha nyumba ile huku wakiongea,

“Erica sikujua kama kwenu kuna mikeka”

“Ipo ila haina wakaliaji ndiomana ipo ndani tu muda wote”

“Halafu Erica nimefurahi sana, sijui kama unaweza kuona furaha yangu ilivyokubwa, ila kesho nitatimiza ahadi yangu”

“Ahadi gani?”

“Kesho nakuletea ile gari yako”

“Wow, asante Erick”

“Jifunze kuniita mume wangu sasa”

Erica akacheka tu maana neno mume wangu hakuwahi kulijaribisha katika ulimi wake, Erick akamuangalia na kumwambia,

“Usicheke mke wangu, mimi ni mume wako”

Erica bado alikuwa akicheka sana, ni mama Erica ndio aliingilia yale maongezi kwa kuwaambia kuwa pale nje kuna mbu wengi, kwahiyo waliingia ndani ila siku hiyo Erick aliongea kwa muda mrefu zaidi kwani alikuwa na furaha sana ya kuona Erica ni mzima kabisa.



Muda huu Sia alikuwa nyumbani kwakina Erick, lengo lake ilikuwa ni kuonana na Tumaini maana alimuita ila hakuthubutu kumwambia kuhusu habari za kwa mganga wala nini, alifika kule kisha Tumaini akaanza kumueleza azma ya alichomuitia,

“Nimekuita hapa ili tupange namna ya kwenda kwakina Erica”

“Basi twende kesho”

“Sawa, ila tumejipangeje?”

“Kwani tujipange vipi jamani Tumaini”

Basi Tumaini akamwambia namna alivyopanga kuwa wafanye na mama yake Erica anaweza kumruhusu Erick kuwa na Sia,

“Sikiliza tunafika pale kwa lengo la kumuona Erica na kufuta yote wanayofikiria kuwa sisi tumemroga Erica, baada ya hapo wewe Sia utasema kuwa una mimba ya Erick, nina uhakika mamake Erica ataelewa tu kwani pia ni mwanamke na anajua jinsi inavyosumbua kulea mimba na mtoto bila ya baba, kwahiyo atataka Erick awe karibu na wewe”

“Jamani Tumaini kwanini siku zote hizi tustumie njia hiyo, nimeipenda sana”

“Ndiomana nikakuita tujipange, Erick kanifukuza dukani kwake sababu ya Erica nina uhakika nah ii nyumba ingekuwa yake pia angenifukuza yani Yule Erica dah basi tu”

Wakakubaliana juu ya hilo jambo na wakaona njia pekee Sia ajifanye kila muda anaenda kutema mate, basi baada ya kupanga cha kufanya Sia aliamua kuondoka sasa na Tumaini kumsindikiza, njiani Sia akamuanza tena Tumaini,

“Hebu fikiria Tumaini ungekuwa na gari si ungenipeleka tu rafiki yako, hivi kweli Erick hana pesa za kukununulia gari?”

“Mwenzangu nilishamwambia hadi basi akasema mpaka mambo yake yakae sawa”

“Yani shoga yangu saivi ungekuwa unafurahia maisha tu hata sio kuhangaika kwa miguu mara vibajaji sijui pikipiki, nina uhakika Erick hela anayo ila anamalizia kwa Yule mjinga Erica”

“Hivi kweli Erick anaweza kumjali Erica kushinda anavyonijali mimi? Inawezekana kweli?”

“Kama haiwezekani mbona kakufukuza dukani!”

“Najua kanifukuza sababu ya hasira tu ila kuhusu gari Erick ataninunulia”

“Mfano ukute kamnunulia Erica kabla yako?”

“Hilo haliwezekani na hakika ikitokea hivyo nitamueleza baba ukweli wa kila kitu maana huwa simwambii mambo mengine ila kama ikifikia hiyo hali kweli nitamueleza baba na vile mamake Erick ambavyo hampendi Erica nitamwambia na yeye”

Basi wakaongea ongea na kukubaliana na maneno yao na muda wa kukutana kesho kisha wakaagana na Sia kupanda daladala la kurudi kwao.



Dora alirudi kwao na mdogo wake kiukweli mama yao alifurahi ila mdogo wake Dora alikuwa bado kama hayupo sawa maana alionekana yupo yupo tu, kisha hakuongea neno na kwenda kulala, Dora nae hata hakujisumbua kumueleza mama yake maana huwa hana maongezi sana na mama yake, alienda tu chumbani kwake, kuingia tu akapigiwa simu na James, akapokea,

“Dora, naomba nije nikuchukue yani hatujaonana jana, na leo naona kama mwaka. Niambie ulipo nije Dora”

Dora akasema kuwa atampigia ila akaona ni tatizo tayari maana alishatengeneza tatizo kwa James, ile anataka ampigie Erick amuombe namba ya mwanamaombi ili ampigie mwenyewe ajieleze na alichomfanyia James, gafla akapigiwa simu na mzee Jimmy, Dora alipokea ila kwa mashaka kiasi, leo mzee Jimmy hakuwa hata na salamu aliazna tu kusema maneno,

“Msichana tapeli wewe, yani umenitapeli hela zangu hivi hivi kwahiyo na gari langu lingetoka yani sina hamu na wewe na nitakufundisha dunia ilivyo”

“Sasa mimi nimekutapeli wapi na umenipa mwenyewe?”

“Ni kweli nimekupa mwenyewe ila haiwezekani roho iniume hivi kwasasa, ukitaka njoo nikufaidi nilipizie hela zangu”

Dora akakata simu ya huyu mzee huku akiwaza kuwa hao wanaume afanye nao nini ila hakuwa na la kufanya mwishowe akawaza au arudi tena kwa babu wa bagamoyo maana alimjibu mzee Jimmy ila aliogopa vitisho vyake ukizingatia hela zake kwa kipindi hiko kashazila sana, mwishowe aliamua kulala tu kwani hakutaka kuwaweka mawazoni zaidi.



Kesho yake kama Erick alivyoahidi alienda na gari nyumbani kwakina Erica, kwakweli wote walishangaa maana lile gari lilikuwa zuri sana tena lilionekana la gharama, Erick akaongea kwa furaha,

“Gari hii nimeiagiza muda sana toka nipo South kwaajili ya zawadi ya mpenzi wangu Erica, nampenda sana huyu mwanamke na nitafanya kila kitu kwaajili yake”

Nyumbani kwao walishangilia sana, ila gafla geti lilifunguliwa na aliyeingia alikuwa ni Tumaini na Sia.





Nyumbani kwao walishangilia sana, ila gafla geti lilifunguliwa na aliyeingia alikuwa ni Tumaini na Sia.

Basi wakajikuta wote wakiwaangalia maana waliingia bila ya kugonga hodi ingawa ni kawaida kwa geti lao watu kuingia bila hodi ila hawa waliwashangaa, Tumaini akasogea karibu na mdogo wake,

“Yani Erick umeshindwa kunipa mimi gari unampa Erica kweli?”

Erick alimuangalia na hakumjibu kitu, badala yake alikabidhi funguo na kadi ya gari kwa Erica kitu ambacho kilimuumiza moyo sana Tumaini na kujikuta akishindwa hata kusema zaidi, kisha alimuangalia Sian a kumtaka waondoke, Sia akamwambia,

“Mbona hatujatimiza lengo letu?”

“Twende Sia, hatuwezi kufanya kitu tutakuja kwa wakati mwingine”

Wakaamua kuondoka maana hata Erick mwenyewe alionekana kutokuwajali kabisa kwani aliendelea na mambo yake ya kutoa zawadi ya gari tu kwa Erica.

Ilikuwa ni furaha sana nyumbani kwakina Erica, ingawa bite mwanzoni alikuwa na mashaka na Erick ila kwasasa alianza kumuonea wivu mdogo wake kuwa anapendwa, ingawa hata yeye kashawahi kupewa zawadi ya gari mara nyingi tu ila hakupewa kwa namna ile ya upendo ambayo mdogo wake alipewa, baada ya hapo Erick aliomba ruhusa aende na Erica wakatembee tembee kidogo na hiyo gari kisha watarudi ila mama Erica aligoma,

“Hapana mwanangu hatoenda popote kwakweli, naogopa yasije yakampata mengine makubwa”

Mage akatetea,

“Ila mama, huyu kijana kaonyesha upendo mkubwa sana, sio sababu ana pesa hapana ila sababu ana upendo, wangapi wana pesa ila hawana upendo? Tena wenye pesa ndio wanajulikana sana kwa kukosa upendo ila huyu kijana ameonyesha upendo wa ajabu, mimi ningeona ungemruhusu tu akatembee kidogo na Erica”

Aliamua kuuliza kwanza,

“Kwani mnataka kwenda wapi kutembea tembea?”

Pale pale akili ya Erick ikamcheza na kumwambia,

“Nataka niende na Erica kwa Yule mwanamaombi tukapate baraka yah ii zawadi”

Basi mama Erica kusikia vile akakubali na kumfanya Erick afurahi sana kutoka na Erica, kisha Erica alienda kujiandaa na kutoka na Erick.



Tumaini alikuwa na hasira sana moyoni, yani alikuwa njiani na Sia akiongea maneno mengi mengi kwa hasira na chuki,

“Hivi kweli mtu akuache ndugu yake usote na miguu safari zote wakati uwezo wa kukununulia gari anao halafu anaenda kumnunulia gari mwanamke kweli? Yani Erick wa kunifanyia mimi hivi? Kumbuka mimi ndiye ndugu yake wa pekee ila kamthamini Yule mwanamke ambaye kaonana nae ukubwani tena ni mimi ndiye niliyemkutanisha nae ila bado ananidharau?”

Tumaini aliamini ni yeye aliyewakutanisha Erick na Erica bado hakujua kuwa Erica ndiye msichana ambaye Erick alimpenda toka wanasoma sababu ukweli wa hilo hajawahi kumwambia zaidi ya kumwambia kuwa anampenda sana, kwahiyo aliamini tu ni yeye aliyewakutanisha, Sia alimbembeleza pale huku nay eye akijilaumu,

“Unajua duniani kuna dawa Tumaini, ukisikia mtu karogwa ndio hiki kinachotokea kwa Erick, hebu kumbuka mapenzi yangu na Erick kabla ya ujio wa huyo kidudu mtu Erica, tulikuwa tunapendana, hata nikimfumania Erick ananiomba msamaha na maisha yanaendelea, wazazi wangu wote wamekufa wakiamini kuwa Erick ndiye mume wangu, yani ilikuwa mimi na Erick tu mpaka jinni kisirani alivyovamia penzi letu”

“Yani Sia najuta mimi, najuta kufahamiana na Erica. Nilimuona ni msichana mstaarabu na kutaka awe mdogo wangu, najuta mimi. Natamani kurudisha siku nyuma ili hata ile siku niliyokutana na Erica isiwepo katika maisha yangu, haiwezekani huyu msichana akachanganya akili yangu kiasi hiki”

Kisha Sia akamuuliza kuwa kwa muda huo sasa wataenda wapi,

“Sia, muda huu twende ofisini kwa mamake Erick, mimi nitamueleza uchungu wangu na wewe umueleze kuwa una mimba”

“Mmmh akisema tukapime?”

“Hawezi sema hivyo yani usijali, mimi nitatengeneza matukio yote utakuja nyumbani mara kwa mara ukijiliza kwa baba kuwa una mimba ya Erick, yani najua Erick atachukia sana, hata akikusukuma tu tunapata sababu yani nitakuwaisha hospitali na kusema mimba imetoka halafu umepata matatizo makubwa sana sababu alikusukuma vibaya, si anajifanya yeye ndio mtoto pekee kwa mama yake yani lazima mama yake ahisi homa gafla, haiwezekani Erick afanye hivi unajua yani najiuliza huyu Erica kampa nini ila sipati majibu kabisa.”

Basi safari kwa muda huo ilikuwa ni kuelekea kwa mama Erick huku wakiwa na mawazo sana maana lile tendo la kumuona Erick akimkabidhi gari Erica liliwaumiza sana.



Nyumbani kwakina Dora bado alimuona mdogo wake kutokuwa sawa kama alivyotakiwa kuwa, akakumbuka maneno ya Yule mwanamaombi kuwa hawatakiwi kuacha kuomba kwani kile kitu ni vitu ambavyo kimepandikizwa na kimenuiziwa kwahiyo kinaweza kutoka vizuri kwa maombi tu ila wakiacha itakuwa ni tatizo, Dora alimfata mama yao na kumwambia habari za kwenda tena na mdogo wake kwenye maombi, ila mama alikuwa mkali sana,

“Weee Dora, wewe na maombi wapi na wapi? Halafu huyu mdogo wako aende kwenye maombi kwani ana mapepo huyu? Labda hayo maombi uende wewe maana akili zako zimechanganyikiwa ila sio mwanangu”

“Sasa mama unamuona yupo sawa huyo anajifungia tu!”

“Yupo sawa ndio, atatoka na ataenda kujumuika na wenzio ila swala la kuanza kumuangaisha mwanangu kwa hao wachungaji hata sitaki, kwanza ni waongo wanajifanya wanaombea kumbe wanataka sadaka”

“Haya mama, hiyo sadaka utatoa wewe au mimi ninayempeleka?”

“Kama una hela hiyo ya sadaka si ulete tujichane humu ndani”

“Kiukweli mama wewe ndio uliyenipoteza mimi, ni kweli wasemao mtoto umleavyo ndivyo akuavyo yani hivi nilivyo ni matunda yako ya malezi mabaya”

“Hebu nitolee ushetani wako mie”

Dora akaona isiwe tabu akajiandaa na kwenda yeye kwa mwanamaombi kwani bado alihitaji kuongea nae vitu vingi sana, haswa kuhusu mzee Jimmy na kuhusu James.



Tumaini na Sia walifika ofisini kwa mama yake Erick na waliomba kuonana nae ambapo aliwaambia wamsubiri kidogo ili muda wa kula chakula cha mchana aende nao na wamueleze kilichowasibu, nao walifanya hivyo na muda ulipofika mama Erick alitoka na kwenda nao sehemu ya kula huku akiwasikiliza hoja zao walizokuja nazo, alianza Tumaini kuelezea,

“Mama, yani Erick ni ndugu yangu kila leo namuomba aninunulie gari anasema mpaka ajipange”

Huyu mama alimjibu Tumaini kabla hata hajamaliza,

“Sasa hilo ndio tatizo mwanangu? Baba yeni ana pesa si ni kitendo cha kumwambia tu baba nahitaji gari ya kutembelea akupe jamani! Eeeh Tumaini!”

“Hapana mama hilo sio tatizo, ila tatizo ni kukuta kampa gari Erica, tena gari lenye thamani ya milioni ishirini na tano, kweli Erick anatoa gari la namna hiyo kwa mwanamke jamani!”

“Sijakuelewa Tumaini, umesema!”

Ikabidi Tumaini arudie maelezo yake kwakweli mama Erick alishangaa sana kuona mwanae kafikia hatua hiyo na kuona kuwa sio kawaida labda kuna kitu alichofanyiwa na huyo Erica,

“Usinione nimenyamaza mwanangu Tumaini yani najitafakari, kweli Erick kafikia hatua hiyo jamani! Si bora angekupa wewe hilo gari, mbona kaanza mambo ya ajabu huyo Erick? Halafu huwezi amini tofauti na kipindi kingine ila kipindi hiki Erick hana muda na mimi kabisa, akinisalimia mara moja imetoka yani huyu mtoto hata sijui nifanyeje”

Tumaini akaendelea kuongea na kumwambia,

“Sasa mama, hili la kumpa gari Erica na kuninyima mimi sio kosa sana ila kosa kubwa la mwanao ni kuwa Sia ana mimba yake na ameikataa eti yupo kulea mtoto wa Erica”

Yani hapa ndio wakamchanganya vizuri mama Erick na kusema,

“Yani isingekuwa kesho nasafiri basi ningeenda mwenyewe huko kwakina Erica, nahitaji kuonana na mama yake kama anamfundisha mwanae hiyo tabia ya kuibia wanaume, yani mtoto uzae na mwanume mwingine ila umbambikie mwanaume mwingine alee, hiyo inawezekana kweli? Kasichana kanaonekana kapole kale kumbe kamezalia nyumbani? Jamani, ni aibu sana halafu mwanangu hata kuona haoni anamkazania huyo msichana kweli kuna mambo duniani, nilikuwa nasikia kwa watu tu kuwa kuna watu wanaroga ili wapate mapenzi na kweli nimeamini ila Yule Erica hajaroga kwaajili ya mapenzi bali ameroga kwaajili ya pesa za mwanangu”

Tumaini alimsapoti mama Erick kuwa ni kweli Erica atakuwa kamroga Erick sababu ya pesa zake,

“Ni kweli kamroga mama, yani Yule binti hata chuoni alikuwa akisifika kwa tabia za kichawi yani kamfanya vibaya mdogo wangu najuata kumfahamu”

“Ila nitamtafuta mamake mdogo na Erick ili tumtafute Yule msichana aliyechanganya akili za Erick wakati yupo shule ndio apambane na huyo Erica”

Sia alitulia tu huku akisikilizia kuwa mimba yake inapewa shauri gani ila alipoona zinaongelewa hoja zingine tu bila hoja ya mimba yake kugusiwa akaamua kugusia hoja ya mimba yake,

“Mama, na vipi kuhusu hii mimba niliyonayo ya Erick?”

“Mwanangu tulia, Erick atakuoa atake asitake, kwani mtoto bora ni Yule anayelelewa na wazazi wawili yani baba na mama asiniletee mambo ya baba yake mie”

Sia alifurahi kusikia vile maana hata kama hakuwa na mimba ila ile kauli ilimpa moyo sana na kumfanya ajihisi rah asana, kisha mama Erick aliwaaga na kurudi ofisini maana kuna mambo alitaka kumalizia na kesho yake asafiri.

Tumaini na Sia waliondoka pale wakiwa na matumaini makubwa sana kwani walijua kama mama yake Erick atalichukulia lile swala basi lazima watafanikiwa kusambaratisha penzi la Erica na Erick.



Dora alifika kwa Yule mwanamaombi na kuanza kuongea nae juu ya mambo yanayomsibu ila mwanamaombi akamshauri kuwa na huyo James amlete kwenye maombi pia,

“Mmmh sijui atakubali nitajaribu”

“Halafu mbona mdogo wako hujaja nae?”

“Mama kagoma, yani mama ni mbishi sana”

“Sasa mdogo wako anatakiwa kukombolewa maana ile dawa ilimkoroga haswaa ukizingatia hakulazimishwa kula ila alikula kwa hiyari yake mwenyewe, ulitakiwa kuja nae”

“Nitajitahidi basi nikija tena nije nae, ila kuna mzee mmoja nilikula hela zake ananisumbua sana”

“Kama utaweza huyo mzee pia ungemleta kwenye maombi maana silaha ya hao watu ni maombi tu”

“Mmmh Yule mzee sijui kama atakubali, nitajaribu”

“Unatakiwa kuingia kwenye maombi, unatakiwa na wewe ujifunze maombi”

“Ila ngoja nikuulize, hivi mfano wakati natumia zile dawa kuna pesa nilichukua kwa watu je nifanyaje nazo?”

“Unazo hizo hela?”

“Ndio ninazo?”

“Zilete tufanye maombi na kisha zipelekwe kwenye kusaidia watoto yatima”

Hapo palimshtua Dora, yani atoe pesa zake alitamani hata kubadilisha mada, kwa bahati walifika Erica na Erick kwa Yule mwanamaombi na kumkuta Dora pale akiongea nae, wakamsalimia kisha wakaanza na wao kuongea na Yule mwanamaombi ambaye aliwafanyia maombi na kuwataka kusimamia maombi tu, sababu Dora aliacha kwanza waombewe wale kwahiyo mwanamaombi alijua akimalizana na wale ataanza tena na Dora ila wakati wakina Erica walipotaka kuondoka tu Dora nae alisema wasubiri waondoke wote na kumuaga Yule mwanamaombi,

“Ila bado hatujamalizana binti, bado sijakufanyia maombi!”

“Nitakuja badae”

Akatoka nje na Wakina Erica na kupanda ile gari ambayo Erick alisema kuwa kamnunulia Erica, muda wote kwenye gari alikuwa akisifia tu,

“Gari nzuri sana jamani, kwakweli Erica umepata bahati kumpata huyu Erick”

Erica akawa anacheka tu kisha Dora aliendelea kuongea,

“Ila Erick unajua kama Erica alikuwa na mahusiano na ndugu yake Derick?”

Erica alichukia sababu alimuona Dora anaanza kuongea mada zisizomuhusu na kumuuliza,

“Unaelekea wapi Dora maana sisi tunarudi nyumbani”

“Basi nishusheni tu hapo kituoni”

Basi walivyofika kituoni wakamshusha, Erick alijifanya kama hajasikia lile swali la Dora maana hakutaka kupata tena kitu cha kumuumiza moyo kwa muda huo wa furaha.



Dora alirudi kwao ila alikuwa na mawazo sana, kwanza aliwaza kupeleka zile pesa kwa mwanamaombi yani aliona haiwezekani kwakweli maana aliona pesa kazihangaikia sana zile, ila akiwaza vitisho vya mzee Jimmy hofu ilimshika pia, ila muda huo aliamua tu kurudi nyumbani, akamkuta mama yake amekaa tu na mawazo, akamsalimia na kumuuliza

“Ni mdogo wako dora, kasema anaenda tena kwa mwanamke wake alipokuwa juzi, nasikitika sana maana kaniambia anataka amuoe kabisa”

“Kheee ila mama nilikwambia kuwa niende nae tena kwenye maombi”

“Hukuniambia mdogo wako anasumbuliwa na nini zaidi ya kukazania maombi, kumbe mdogo wako anasumbuliwa na mapenzi jamani! Sasa nayo ni kitu cha kuombewa? Nimemwambia amlete huyo mwanamke nimfahamu, ananisikitisha sana kwani bado hajajipanga kimaisha ila anataka kuoa, kuoa ni jambo jema ila kwa muda gani ndio tatizo hapo”

“Sasa mama, unavyoona mwanao yupo kwenye hali ya kawaida?”

“Ndio, ila ni mapenzi tu yanamsumbua”

Muda kidogo Dora alipigiwa simu na mpigaji alikuwa ni James, basi leo hakuona tatizo zaidi ya kuonana nae tu kwani alitaka kujaribu kumshawishi waende wote kwenye maombi.

Kwahiyo aliachana na habari za kushauriana pale na mama yake na kwenda kuonana na James, ni kweli James alikuwa na shauku sana ya kumuona Dora ila alivyomuona tu akili yake kama ilicheza na kurudi gafla, akashikana nae mkono kama salamu kisha huyu James alijikuta akimuuliza Dora,

“Kwani akili yangu ilifanyeje?”

“Sijui, hata mimi nakushangaa”

“Hivi nimeitafuta hata familia yangu kweli?”

“Sijui, ila kuna mahali nataka twende”

“Wapi na kufanya nini?”

“Ni kwenye maombi, kuna lengo moja la kujikomboa kutoka kwenye mambo ya kishirikina”

“Inawezekana nilifanyiwa mambo ya kishirikina eeeh ndiomana sikukumbuka familia yangu”

“Ndio inawezekana”

James alikubali maana akili yake kwa muda huo hakuielewa kabisa, ilikuwa kama imerudi gafla, kwahiyo kitendo cha kumuona Dora ambaye alimfanyia dawa na kumfanya ampende aliweza kurudisha fahamu na kumbukumbu zake, basi Dora aliondoka nae na kuelekea tena kwa Yule mwanamaombi.

Dora alifika na kuongea na Yule mama kuwa aongee taratibu na James ili asigundue kuwa ni yeye ndiye aliyemfanyia madawa maana kitendo cha James kumuona tu akili yake imerudi, Yule mwanamaombi akamwambia Dora,

“Sababu wewe ndiye uliyemfanyia na wewe umekomboka ndiomana kitendo cha yeye kukuona wewe kimerudisha akili yake”

“Kwahiyo kuhusu mdogo wangu itabidi Yule mwanamke naye aje huku?”

“Ndio, inatakiwa tumkomboe pia sababu kuamini ushirikina ni kitu kisichofaa, mdogo wako ungekuwa unamleta mara kwa mara kwenye maombi angekomboka pia”

Basi Yule mwanamaombi alianza kumuombea James na hadi James alijihisi yupo vizuri ila Dora aliaga na kuondoka na James kwani hakutaka kuulizwa kuhusu swala la hela zile alizozipata kipindi cha madawa.

Alifika njiani na kuagana na James kisha yeye kwenda kwao, kwa muda huo James alijiona yupo huru sana kupita muda wowote ule ila alishangaa kwa Dora kumfahamu mtu wa maombi wakati ana matendo yasiyofaa.



Ilikuwa ni saa kumi na mbili jioni inaenda saa moja wakati James amefika nyumbani kwake ila kiukweli hakuwa na furaha kabisa kwani alijihisi ni muda mrefu hajaiona familia yake na wala hakujisumbua kuitafuta,

“Hivi mimi nimeanzaje jamani? Mbona sikumbuki nimeanzaje?”

Alimkuta msichana wa kazi pale nyumbani akisema kuwa dada yake aliondoka hapo siku nyingi tu na yeye binafsi kuna siku anarudi ila siku zingine harudi au anarudi usiku sana,

“Jamani hata kama nina tabia chafu ndio kufanya hivyo kweli!”

“Ndio na mara nyingine ulikuwa unampiga dada”

Hapo ndio alichoka kabisa maana swala la yeye kumpiga mke wake hakuwa nalo hata mkewe amfanye nini kwahiyo kufikia hiyo hali ya kumpiga mke wake aliishangaa sana yani hakuelewa kabisa kuwa alianzaje anzaje.

Hakutaka kukaa hata hapo nyumbani kwake kwani moja kwa moja aliamua kuondoka na kwenda nyumbani kwa mkwe wake ili akamuone mke wake na mtoto.

Alifika kwenye mida ya saa mbili usiku, akagonga na kufunguliwa mlango, aliyefungua alikuwa ni Mage maana ndio alikuwa anatoka kuelekea kwake, na alijua ni Erica na Erick wamerudi, kwakweli alivyoingia James walishangaa sana, Bite hakutaka hata kuongea na mume wake badala yake alienda zake kulala kwani alikuwa na hasira sana na huyu mtu, mama yao nae alimtimua tu kwani hakutaka kumsikiliza wala hakutaka kumuona kwahiyo ilibidi James aondoke zake.

Mage alisogea kumuaga mama yao, ambaye alilalamika kwanza,

“Mnaona sasa huyo Erick na Erica hadi muda huu hawajarudi jamani hebu nisaidieni kuwatafuta maana kila nikiwapigia simu wanadai wanakuja yani Napata hasira sana”

“Ila mama sidhani kama kuna ubaya wa wao kuwa pamoja na watarudi tu”

“Muda gani sasa? Na ole wake huyo Erick aniombe safari ijayo kuwa anataka kutoka na Erica”

Muda kidogo Erick alikuwa amemrudisha Erica nyumbani ila mama yao hakupenda hivyo hakutaka hata Erick kukaa kwa muda mrefu na kumtaka aondoke tu, kisha alimuangalia mwanae Erica ila leo hakumsema sana kwani aliamini bado hajapona vizuri kwahiyo alimuacha akalale tu.



Sia alitulia ndani kwake ila nje kulikuwa na mdogo wake Dora amejibanza tu ikabidi kwa siku hiyo amkaribishe ndani maana usiku ulishaingia na kujikuta wapo ndani na kuzoeana huku wakipiga story mbalimbali ila katika stori zote walizokuwa wanapiga Yule Steve alijikuta akiwa na mada moja tu kwa Sia, alimwambia kuwa anampenda sana yani hakuwa na mada nyingine zaidi ya kumwambia anampenda sana, kwakweli Sia alishangaa sana nguvu ya ile dawa hadi ingekuwa kwa Erick angefurahi sana maana dawa ina nguvu hatari hadi wakati mwingine alihisi Yule kijana akiongea kutoka moyoni kwani alionekana kuongea kwa hisia sana hata hakuweza kumtimua nje.

Kwasababu hakutaka ndugu zake wengine wajue kama Yule kijana kafika tena kwahiyo aliamua kumwambia alale kwenye kochi la pale chumbani kwake.

Ila usiku wa manane alishtuka kukuta Yule kijana akianza kumpapasa, sababu alijikuta na yeye kuwa na hamu sana akashindwa kumzuia na kujikuta akifanya nae mapenzi na kulala kama wapenzi.

Kulipokucha Sia alimuangalia Steve na kujuta sana kwani anayemtaka yeye si Steve ni Erick ila ndio imetokea vile ila na vile vile alijishangaa kuwa kumfukuza huyu mtu hawezi na alipenda kumuangalia tu jinsi anavyomuimbia wimbo wa nakupenda maana alitamani kweli siku moja atokee mtu wa kumwambia anampenda kiasi kile.

Sia aliamka na kuoga kila kitu kisha kumuamsha Steve ili aende kwao, Steve aliamka pia ila akamwambia Sia,

“Sawa, mimi nitaenda kwetu ila ningeomba nikakutambulishe kwetu maana nataka nikuoe”

“Kheee unioe?”

“Ndio, nakupenda Sia, nahitaji kukuoa yani wewe ndio mwanamke wa maisha yangu nakupenda sana”

Yani alijisikia kucheka na kulia yote yale yalifanywa na nguvu ya dawa inamaana vijana kama wale hawakumuona kabla? Na pia hakupenda kuchombezwa na kijana ambaye anaonekana yupo kawaida tu wala hana hela wakati yeye alikuwa akimtaka Erick ilia pate na hela za Erick ndiomana alitaka hata kumfanyia dawa maana anaamini kuwa hata lile gari alilopewa Erica lilikuwa ni mali yake.

Kwa muda huo ilibidi amchombeze chombeze Steve ili aondoke ila Steve aliahidi kwenda tena badae maana alijiona hawezi lolote bila ya Sia, alimuona Sia kuwa mwanamke wa maisha yake.



Siku ya leo baada ya kazi za hapa na pale Erica aliulizwa na mama yake kuhusu alipochelewa jana na Erick,

“Ni kwanini jana mlichelewa vile? Mlipitia wapi?”

“Mama, jana Erick aliamua kunipeleka kwa mama yake mdogo. Yule mama ambaye kipindi kile alikuja shule kwasababu ya kesi yangu na Erick ni mama yake mdogo ndio alinipeleka huko”

“Sasa huyo ndio kakukubali?”

“Tena amefurahi sana kuniona alivyoambiwa kuwa ni mimi ndiye Yule msichana wa shule yani Yule mama amefurahi sana na kututakia baraka zote, Erick kaniambia ilimradi Yule kakubali basi hakuna tatizo kwa mama yake”

“Basi ndio mkachelewea huko!”

“Ni mbali mama sio karibu, Erick kasema atanipeleka kwa ndugu zake wote kisha kwa baba yake na mama yake ila wazazi wake hawaishi pamoja kwahiyo inabidi awaombe wawe pamoja siku hiyo kama itawezekana akanitambulishe kwao na kama itashindikana basi atanitambulisha kwa kila mmoja kwa muda wake na ameniahidi kitu kizuri sana”

“Kitu gani hiko?”

“Utakiona Jumamosi mama, sio mbali subiri tu utaona”

Huyu mama alishindwa kuendelea kumsema mwanae kwani naye alivyoambiwa kuwa kuna kitu kizuri alingoja tu kukisikia.

Muda kidogo leo Erica alipigiwa simu na mzee Jimmy naye kuiona kweli ni namba yam zee Jimmy, akaipokea na kuongea nayo,

“Natumai mzigo wangu wa milioni tatu uliuona?”

“Mzigo hapana, hakuna mzigo nyumbani kwetu”

“Niliacha pesa hapo nyumbani kwenu Erica, mnajifanya kula kimya kimya nisijue eeeh! Sikia mwambie mama yako hiyo nimetoa ni pesa ya posa kwahiyo mahali itafuata”

“Unasemaje?”

“Ndio hivyo Erica, subiri tu siku ninavyokuja hapo na ndugu zangu kwa lengo la kukuchukua jumla yani unakuja kuwa mke wangu”

“Sikuelewi”

“Utanielewa tu siku hiyo ikifika”

Erica aliamua kukata simu ya Yule mzee kwani ndio kwana amepona halafu kupata simu za aina hiyo hakupenda kwakweli yani alichukia haswaa.

Wakati katoka tu kuongea na simu, mama yake akaondoka sababu alikuwa ameanza tena ile biashara yake kwani sasa mwanae alikuwa mzima kwahiyo aliifanya biashara tena kwa moyo, akafika mgeni alikuwa ni Babuu, alifika kwa lengo la kumuona Erica ila kwanza aliamua kuulizia kama mama Erica yupo maana alijua kama angemkuta lazima angemtimua tu.

Basi vile hakumkuta aliweza kuongea kwa uwazi zaidi, alimueleza Erica habari za Rahim kumpa mkewe talaka,

“Sasa kwanini kamuacha mke wake?”

“Rahim anataka kukuoa wewe, Rahim anakupenda”

“Mwambie nashukuru sana ila simpendi hata kidogo yani simpendi Rahim, atabaki tu kuwa baba wa mwanangu ila sio kipenzi changu”

“Hata ungesema unampenda ningekushangaa sana, ila Erica katika wanaume zako wote mimi peke yangu ndiye mwenye mapenzi ya kweli na wewe. Hebu angalia vizuri, wengine wote wanamaslahi yao binafsi”

“Babuu hayo maswala ya huyu ananipenda sana sijui huyu hanipendi nilishayamaliza na sasa nimeamua kuwa na Erick tu”

“Sasa huyo Erick humjui vizuri”

“Namjua vizuri sana hata wanawake zake nishawahi kugombana nao sijui kama unalingine la kusema? Nampenda Erick, haijalishi yuko vipi ila nampenda”

“Erica, ni hela za Erick ndio zinakuchanganya akili ila angekuwa masikini usingempenda”

“Babuu, siku zote nimekuwa nikihangaika na huyu mara Yule sababu nilikuwa nasaka upendo wa dhati na nimeupata kwa Erick, naomba uniache na Erick wangu”

Muda kidogo Erick alifika na Erica aliinuka kwenda kumpokea kwa kumkumbatia kitu kilichomtia wivu sana Babuu.



Nasma hakuwa na raha kabisa tangu tabia ya Bahati imebadilika aliamua kwenda kwa baba yake maana Bahati alianza tabia ya kutokulala nyumbani kabisa, anaweza akalala nje siku mbili au tatu ndio akarudi kwake. Kwakweli Nasma alichoshwa na tabia ile, kwahiyo aliamua kwenda kushtaki.

Alimkuta baba yake na kumueleza kila kitu kilivyokuwa,

“Baba huwezi amini yani nimemfumania na Siwema”

“Kheee Yule mtoto ana laana jamani kwenda kutembea na mume wa dada yake kweli! Ila mwanangu nilikwambia kuwa ile dawa inamfanya mwanaume awe kama jogoo sasa wewe ulipoona bado hujawa sawa usingeifanya labda ungeifanya kwa kipindi hiki, ila ubaya ni kuwa zile dawa zingine hajatumia”

“Baba imeniuma sana, nimeshangaa Bahati huwa anampenda sana Erica na wimbo wake ulikuwa ni Erica Erica, ila kwanini baada ya ile dawa hakwenda kumtafuta Erica atembee nae badala yake alienda kutembea hadi na Siwema mdogo wangu! Kwakweli imeniuma”

“Mwanangu kwanza kumbuka nilifanya dawa ya kumvuta Bahati, katika ile dawa nilifanya Bahati asahau uwepo wa Erica na aje akuchukue wewe, na ikawa hivyo sasa ile dawa inamfanya mwanaume atamani mwanamke aliyekaribu nae, ungefanya dawa zote asingetembea na mdogo wako angekuvumilia tu ila huyu Siwema nae kakubali vipi kuwa na shemeji yake? Na cha kushangaza mwanangu huyo mdogo wako Siwema hajarudi hapa na unasema ulimfukuza”

Nasma alishangaa kuwa Siwema hakurudi sababu hakujua kama Siwema kapangishiwa nyumba na Bahati, wakati wanajiuliza kuwa imekuwaje mara walishangaa kumuona Siwema akija huku ameongozana na Bahati, yani walivyofika karibu kabla ya salamu Yule mzee alianza kwa kumfokea binti yake ila Bahati akaingilia kati na kusema,

“Usimfokee ila nimekuja na Siwema kuchukua tu baraka zako maana nahitaji kumuoa Siwema na hapo alipo ana mimba yangu”

Nasma na baba yake walibaki midomo wazi.







Nasma alishangaa kuwa Siwema hakurudi sababu hakujua kama Siwema kapangishiwa nyumba na Bahati, wakati wanajiuliza kuwa imekuwaje mara walishangaa kumuona Siwema akija huku ameongozana na Bahati, yani walivyofika karibu kabla ya salamu Yule mzee alianza kwa kumfokea binti yake ila Bahati akaingilia kati na kusema,

“Usimfokee ila nimekuja na Siwema kuchukua tu baraka zako maana nahitaji kumuoa Siwema na hapo alipo ana mimba yangu”

Nasma na baba yake walibaki midomo wazi.

Bahati aliendelea kuongea na kusema,

“Huu sio wakati wa kushangaa ila ni wakati wa kunibariki kwa hiki ninachotaka kufanya”

Nasma akasimama juu na kusema,

“Haiwezekani, umuoe huyo na mimi inakuwaje?”

Bahati akatoa karatasi mfukoni na kumpa Nasma, karatasi lile lilikuwa limeandikwa talaka yani Nasma hakuweza kuangalia tena na kuzimia kabisa kwani hakutegemea kitu cha namna ile, ilikuwa ni bora Bahati angemuacha kwaajili ya Erica mwanamke wa mbali kuliko kumuacha kwaajili ya mdogo wake, aliona ni dharau kubwa sana katika maisha yake.

Baba yake alianza kumshughulikia Nasma ambapo alimuita mama yao ila Bahati na Siwema wakaondoka yani hawakutaka hata kujua kitakachoendelea nyuma, mama Nasma alifika na kuanza kumpepea pepea Nasma huku akisaidiana na mume wake kisha Nasma alipozinduka wakampeleka chumbani ili akapumzike kidogo, mama mtu alimuuliza vizuri Yule baba kuwa tatizo ni nini hadi kufikia ile hali, Yule baba alianza kumueleza kwa kifupi kuhusu kilichotokea, huyu mama akasema,

“Tatizo ni moja, kunishirikisha jambo hamtaki, kitu nikitoa ushauri unadai nina wivu na watoto wako sasa mimi niwe na wivu wa nini jamani? Mie mtu mzima nianze kuwaonea wivu wakina Nasma eti sababu mama yao hayupo basi nitakuwa mwehu, siku mlipomchukua Siwema aende nyumbani kwa Nasma nilikuonya mapema nikakwambia huyu Siwema hajatulia ila hukutaka kunisikia ukaona kama sitaki watoto wako waishi pamoja haya kiko wapi sasa?”

“Aaah tatizo la wewe mwanamke ndio hilo kila kitu unaongea kama unasutana, hivi huoni kama Siwema ana makosa hapo kumkubali shemeji yake? Na huoni kama Bahati nae ana makosa kutembea na shemeji yake?”

“Kwakweli sioni makosa yao, huyo Bahati mmemkoroga na madawa weee toka siku ya kwanza mkaka wa watu mnampika tu wengine ni watazamaji tunabaki kuangalia kuwa mtaishia wapi na hayo madawa, mmemkoroga wee na sasa yamewarudi wenyewe, huyo Siwema mwenyewe umemchanja chanja weee halafu leo ushangae kutembea na shemeji yake kweli? Mtoto umemchanja hadi akili za darasani hazipo maana kile kichwa ni umekichanja haswaa haya kafeli yupo tu nyumbani, aende huko kwenye nyumba nzuri shemeji yake amtongoze atankataa wakati akili zenyewe zimemalizwa kwa madawa? Yani si huyo Siwema wala si bahati wa kulaumiwa ila jilaumu wewe na dawa zako”

“Halafu wewe mwanamke hata sijui kwanini nilikuoa mwanamke usiyejielewa kama wewe, hebu nenda kapike huko, huyu Bahati nitamshughulikia”

“Naenda kupika ila hebu kuwa na huruma kidogo, kijana wa watu mtamfanya aokote makopo bure hebu fikiria ndio mwanao jamani!”

“Hebu nitokee wewe mwanamke bhana”

Huyu mama aliondoka ila aliona ameshawaambia la ukweli kama wanaweza walichukue na kulielewa.



Steve alirudi nyumbani kwao ila alitumia muda mfupi sana kukaa pale nyumbani maana alioga na kubadilisha nguo kisha kubeba nguo zake baadhi kwenye begi lake la mgongoni na kutoka ila nje mama yake alimsimamisha na kuanza kumuuliza maswali,

“Unajua Steve toka siku tuliyokutafuta sikuelewi kabisa, haya umerudi muda mfupi ushajiandaa unaondoka tena, unaenda wapi mwanangu?”

“Mama, nilishakwambia kuwa nataka nioe”

“Uoe? Kwa maisha yapi uliyonayo mwanangu Steve? Dada yako mwenyewe hajaolewa, labda dada yako angekuwa ameolewa ingekuwa rahisi maana mahali yake tungepeleka huko unapotaka kuoa, ila mwanangu kuoa gani kwa haraka hivyo na maisha gani uliyonayo wewe?”

“Mama, nampenda huyu mwanamke sitaweza kufanya chochote bila kumuweka katika akili yangu, nampenda sana nahitaji awe mke wangu nisije kumkosa bure”

“Kheee makubwa, ndiomana dadako anasema umerogwa”

“Achana na maneno ya Dora mama, mimi sijarogwa wala nini. Siku namuona Yule mwanamke yani moyo wangu haukutaka kuondoka kwenye sura yake, mama humjui huyo mwanamke ila ukimuona utasema nina haki ya kumpenda, naomba nikawe nae karibu tafadhali mama yangu”

“Kheee makubwa, kwakweli mimi kama mama siwezi kukuruhusu kufanya hivyo, Steve huna maisha yoyote wewe”

Steve hakumsikiliza mama yake zaidi ya kuondoka tu kwani kwa wakati huo akili yake ilikuwa kwa Sia tu. Mama yake alibaki akisikitika ila bado swala la kurogwa kwa mwanae halikumuingia akilini kwani alikuwa anajua mtu akirogwa basi lazima awe zezeta ila mtu anasema mwenyewe hakuhisi kuwa amerogwa.

Steve aliondoka na kwenda hadi kwakina Sia, sema pale Sia alikuwa na chumba chake kwahiyo toka siku ya kwanza alifikia hapo na hata muda huo alifikia hapo hapo, Sia hakuwepo ila alitulia nje akimsubiri.



Siku ya leo Erica alitulia akiongea na dada yake bite ambapo alimueleza na ujio wa James kuwa ilionyesha James alienda kwa lengo la kumuomba msamaha,

“Dada, shemeji James alianza mahusiano na rafiki yangu Dora na Yule rafiki yangu kanihakikishia kuwa ameathirika tafadhali dada yangu usimrudie shemeji kabla ya kwenda kupima”

“Mmmh naogopa, mfano nikimkuta kaathirika, nitafanyeje hapo?”

“Dada, wewe ni mtu mzima nakushauri ufanye mambo kiutu uzima yani mtu anapoona umefanya jambo aone kweli akili yako imepevuka, sitaki kukushauri uachane na shemeji au kukushauri uendelee nae ila mkishapima na kujua basi utumie busara zako kwa kuendelea nae au kuachana nae”

“Mmmh mdogo wangu mbona unaniacha njiapanda, ni vyema unishauri mapema ili nijue cha kufanya”

“Hapana dada, ushauri wangu kwasasa ni huo yani James akija tu mwambie mkapime”

“Haya sawa, wewe na huyo Erick wako mliwahi kupima? Sio mnashikana shikana tu, mshawahi kupima?”

“Ndio, mimi na Erick tulipima kabla sijapatwa na matatizo, nampenda sana ila nilimwambia tukapime kwanza, nishapita sehemu nyingi bila kupima Mungu kanisaidia ila kwasasa natakiwa niwe makini sana ndiomana nachukua shauri la kupima”

“Mdogo wangu ni kweli ulikuwa muhuni sana?”

“Hapana dada, yani mimi nilikuwa nakuwa na mahusiano kwa muda sidhani kama mtu ambaye hajachanganya wanaume kwa muda mmoja basi anawekwa kwenye kundi la umalaya. Sikuchanganya wanaume ila nilikuwa labda nikiachana na huyu ndio nakuwa na mwingine, na yote nilikuwa kwenye safari ya kutafuta penzi la dhati, sikuwa na nia nionekane malaya dada ila watu wamenihisi vibaya”

“Pole mdogo wangu ila mara nyingine na mimi bora hata ningekuwa kama wewe niweze kupata penzi la dhati kuliko hapa nilipoangukia”

“Dada, kuwa kama mimi sio suluhisho maana penzi la dhati halitafutwi kwa mtindo huu ila penzi la dhati ni kutulia kwa uliyenaye, na kama haeleweki basi usiwe chanzo cha kuyavunja hayo mahusiano bali chanzo awe yeye mwenyewe”

“Mmmmh mdogo wangu unaongea tu sababu umempata Erick anayekupenda sana, kwakweli hadi Napata wivu kwa mapenzi yenu, natamani na mimi ningepata anipendaye kama ulivyopata wewe mdogo wangu, yani safari yangu ya mapenzi naiona ni ndefu sana, na hivi mume wangu haeleweki ndio kabisa yani. Nilijua nikiwa na mtoto itakuwa nu furaha sana kwa James ila imekuwa ndivyo sivyo”

“Dada, basi zamani nilikuwa natamani kweli mume wangu nimzalie mtoto wa kwanza wa kiume kwani nilijua ukizaa mtoto wa kiume basi utapendwa sana na mwanaume, basi siku nimejifungua mtoto wa kike nikawa mpole sana ila ndio mtoto niliyepewa na Mungu nikashukuru sasa kilichonishangaza ni kwako dada umezaa mtoto wa kiume ila bado shemeji anakufanyia vituko, na vile vile Rahim mtoto wangu hakumtaka basi mkewe alinitambia kweli kliniki sijui 

mtoto wangu wa kike hatakiwi eti yeye kabeba mimba ya mtoto wa kiume, nilimjibu ila roho ilikuwa inaniuma sana sasa nimeshangaa eti amepewa talaka na mtoto wake wa kiume loh!”

“Mdogo wangu wanaume hawatabiliki yani umpate tu mwenye mapenzi nawe na watoto, maana mtoto ni mtoto haijalishi ni wa kike au wa kiume si unaona wewe, Rahim hamjali mtoto wake ila umempata mtu mwenye mapenzi ya dhati na mtoto wako, Erick anampenda mwanao kama mwanake kwamaana hiyo hata ukizaa naye atawapenda watoto wote kwa uzuri kabisa ila ni swala la kumuomba Mungu pia ili asibadilike maana sisi binadamu tunaweza kubadilika kama vinyonga”

“Mmmh Mungu amsaidie Erick wangu, ila kwanini dada mwanaume ukimuuliza makosa yake anakubadilishia mada?”

“Wanaume hawawezi kujitetea kama sisi tunavyojua kujitetea yani sisi tukipata upenyo wa kujitetea weee lazima tushinde sasa mwanaume huwa anaona ni vyema abadili mada maana kwenye swala la kujitetea kwao ni gumu sana, utaona kuna wanaume wengine wamefungwa kwa kuonewa kabisa ila sababu kujitetea hawawezi mpaka kwenye kesi apate mwanasheria mzuri ila mwanamke akisimama kujitetea uwiii unaweza kuhisi hajawahi kutenda kosa”

“Ila wapo wanaume wanaojitetea”

“Mwanaume sio anajitetea ila anakupa maneno laini kukulainisha tu ila kujitetea huwa hawawezi kama sisi wanawake. Mwanamke kaumbiwa vingi sana vya kufanya umuonee huruma tofauti na mwanaume”

Basi walijaribu pale kushauriana mambo mbalimbali na mdogo wake kwani kiukweli alikuwa akitamani sana maisha ambayo mdogo wake aliyaishi kwa kipindi hiko, maisha ya kupendwa na Erick.



Kwa upande wa Rahim, mama yake alimuita maana bado hakuelewa kwanini Rahim ampe mke wake talaka na kumrudisha kwao,

“Unajua mwanangu Rahim ulichofanya hakipendezi kabisa, mwanamke katoka kujifungua ana mtoto mdogo ila bila aibu unampa talaka, kweli ni haki hiyo mwanangu?”

“Najua mama sijawahi kukueleza maovu ya Yule mwanamke ndiomana unamtetea, Yule mwanamke ni mshirikina sijapata kuona, siku ile nimempiga sababu nilimkuta anachoma dawa huku akinuiza maneno, ilionyesha alitaka kuniweka mimi ndodndocha wake, na ubaya zaidi kamroga Erica asiye na hatia kabisa”

“Kamroga Erica!”

“Ndio alimroga Erica kumbe hufahamu? Erica ameumwa sana ten asana kumbe muhusika ni huyo mkwe wako hata sijui kwanini alikuwa akimchukia Erica kiasi kile wakati mimi nilishaachana na Erica”

“Kwa maana hiyo mwanangu umemfukuza Salma sababu ya Erica si ndio!”

“Ndio mama, Yule mwanamke ni mshirikina”

“Kwamaana hiyo unataka kumuoa Erica badala ya Salma si ndio?”

“Mama, kungekuwa na uwezekano wa mimi kumuoa Erica basi ningemuoa. Kipindi niko mbali sikuwaza ni jinsi gani nampenda Erica ila sasa nampenda sana na nimejua thamani yake, Erica kanilelea mwanangu mama, mtoto wangu hujamuona tu ila anapendeza sana kupita watoto wangu wote, yani kupita hata huyo anayelelewa na Salma ambaye bado mdogo lakini yupo kama amebemendwa, hujamuona mtoto niliyezaa na Erica mama, Yule ndio mtoto kwakweli natamani kumuoa Erica”

“Hebu niondolee ujinga wako mimi, eti ndio mtoto kwa lipi alilokuwa nalo? Huyo Erica katembea na John, katembea na wewe, katembea na Babuu sijui Derick katembea nae halafu unataka umuoe umlete hapa nyumbani kwangu ili atembee na mume wangu pia? Yani mnataka na baba yenu apate mboga ya Erica? Hivi huna kinyaa Rahim, yani mwanamke umeshea na ndugu zako kweli humuonei kinyaa jamani! Huyo Erica simtaki kwenye nyumba yangu, yani simtaki kabisa kabisa”

“Mmmh mama nawe kwani humuamini mume wako?”

“Namua,ini vizuri sana ila siwezi jua huyo Erica anawavuta na nini kiasi kwamba hamuoni kinyaa kuwa nae”

Rahim aliamua kuinuka na kumuaga mama yake kisha kuondoka kwani alihisi kuwa anaweza kumuuliza mama yake maswali yasiyostahili bure kisha akaonekana hafai.

Basi alitoka na kumkuta Neema amekaa kwenye nyumba yao ila akasema,

“Nimepooza shemeji maana mwenzangu hayupo”

“Aaaah Neema ukitaka kuongea si ukaongee na mama kule maana hata yeye anahitaji apate mtu wa kupiga nae story”

Basi Neema akawa kama anainuka ili kumfata mama mkwe wake ila REahim alimsimamisha kwanza akimuuliza,

“Hivi Yule mdada ambaye ulikuja nae nikapishana nae getini ni nani na anaishi wapi?”

“Yule anaitwa Zainabu, anaishi mtaa wa nyuma huko, kashika sana dini Yule”

“Aaah je ameolewa?”

“Hapana hajaolewa”

“Basi napenda kupata mawasiliano yake maana kwasasa nahitaji kumpata mtu anayeijua dini vizuri ili aweze kunishauri na kunipatia mwangaza”

“Basi nitakupatia shemeji”

“Ungenipatia tu sasa hivi”

Basi Neema alimpatia Rahim mawasiliano ya Zainabu kisha Rahim alimshukuru sana na kuamua kuendelea na safari.

Alifurahi sana kupata mawasiliano ya Zainabu maana aliona kama atamkosa Erica basin i vyema awe na Yule Zainabu maana alimuona ni binti aliyetulia.



Sia alikuwa kwakina Tumaini siku hiyo na akaongea nae mengi na kujikuta wakipanga vitu vingi sana, Tumaini aliamua kumwambia Sia kuwa amewahi kuambiwa na Erica kuwa au anamtaka mdogo wake,

“Yani mimi Sia nakupigania tu ila nishawahi kuambiwa na Erica au unamtaka mdogo wako, jamani hiyo kauli inaniuma sana hadi leo”

“Pole sana wifi yangu”

“Yani anafikia hatua ya kuniambia na wewe tafuta mwanaume uolewe, kwakweli kauli ya Erica hii iliniuma sana”

Wakati wanongea ongea na kupanga panga, leo Erick alirudi nyumbani mapema sana, na walimshangaa kweli haswa Tumaini, ingawa alikuwa na chuki nae ila alimuuliza kilichomrudisha mapema vile,

“Erick, tatizo nini mbona leo mapema?”

“Kumbe huwa unachunguzahadi muda wangu wa kurudi nyumbani! Alichokwambia Erica sio kibaya, unatakiwa utafute mwanaume kweli uolewe dada yangu”

Kisha Erick akaondoka zake kuelekea chumbani, hakumsalimia Sia wala nini yani kamavile hakumuona kuwa yupo pale kwao.

Kile kitendo na yale maneno yaliwaumiza sana, Tumaini akamwambia Sia,

“Unaona alivyo na dharau sababu ya Erica! Yani anasahau hata kama mimi ni dada yake wa pekee”

Sia alitamani kumwambia Tumaini kuhusu babu wa Bagamoyo ila aliogopa kuonekana mshirikina kwani hakufikiria kama Tumaini angemsapoti kuhusu hilo swala la kwenda kwa mganga ingawa ni kweli kwa yale yaliyoendelea lazima na yeye angependa kwenda kwa mganga.

Muda kidogo Erick alitoka na kuchukua chakula kisha akakaa mezani kula, yani Tumaini na Sia walikuwepo tu wanamuangalia alikula kula kisha akawaangalia na kuwaambia,

“Tena kuna kitu nimesahau”

Tumaini alimuuliza kwa shauku kwani alijua atasema kuwa amesahau kuwakaribisha labda, ingawa chakula kilikuwepo ila walitaka Erick aonekane kuona uwepo wao kwa kuwakaribisha,

“Nini umesahau tena mdogo wangu?”

“Jumamosi, nakuomba wewe na huyo mwenzako mje pale kwenye duka lile nililokuondoa”

“Kivipi? Unataka kunirudisha?”

“Utajua siku hiyo hiyo, yani mje tu msikose”

Kisha Erick alimaliza kula na kuinuka akaenda chumbani kwake, kitendo cha kutokukaribishwa kwa muda huo hawakukichukulia maanani ila kitendo cha kuitwa Jumamosi kwenye duka ambalo alikuwepo yeye ndio kikachukuliwa maanani,

“Inamaana Erick anataka kunirudisha dukani?”

“Inawezekana, kwani ulimwambia baba yenu?”

“Nampata wapi huyu mzee unadhani? Ni yupo busy muda wote, yani akitoka asubuhi anaweza akarudi au asirudi hata tushazoea kuishi bila kumuona baba hata wiki na tunaishi nae nyumba moja”

“Sasa si umfate kazini kwake?”

“Aaaah Yule mzee wangu wa kumfata kazini? Yani yeye aliniambia nikiwa na shida na hela nimtumie tu ujumbe kwenye simu yake kisha ataniingizia kwenye akaunti yangu na huwa nafanya hivyo, yani unajua mimi nilikuwa naishi kwa mama na huku kwa baba nilikuwa nakuja mara moja moja sababu ya hivi kupooza ndani na baba hashindi nyumbani, tulianza kuja kukaa kwa baba baada ya kukubaliana na Erick kuwa tufanye hivyo ila sasa humu ndani tunaishi kama watu tusio fahamiana yani unaweza usirudi mwezi mzima na hakuna atakayekuulizia kuwa umekwenda wapi, baba yupo busy hatari yani hana muda wa kukaa na watoto wake kabisa, maisha yetu sisi ni tofauti na familia zingine ila siku nataka nikipata muda nimwambie baba yote ya moyoni ndiomana sijaenda kwa mama wiki nzima hii kwani nataka siku baba akiwepo nyumbani tu basi nimwambie kila kitu.”

“Nimekuelewa Tumaini, basi tusubiri tu hiyo Jumamosi tujue ni kitu gani ambacho Erick anasema twende kwenye duka lake”

Wakawa wanaongea ongea pale kisha kukubaliana kuwa siku ya Ijumaa basi Sia aende kulala pale ili Jumamosi waongozane na huyo Erick huko aliposema waende.



Steve alikaa pale nje ya chumba cha Sia akimsubiria na siku hiyo Sia alirudi kwenye mida ya saa nne usiku na kumkuta Steve nje kwake, aliamua kumkaribisha tena ndani maana kuna muda alimuonea huruma ukizingatia sio kosa lake ila ni kosa ya dawa alizokuwa anamfanyia Erick, ila Steve kuingia mule ndani wala hakujiona kuwa anamatatizo kumsubiri muda wote huo Sian a aliendelea kumwambia jambo moja tu kuwa anampenda sana, leo Sia alijaribu kuongea kiasi na Steve kuangalia akili za ile dawa,

“Steve, unanipenda kwa kiasi gani?”

“Sijui hata nieleze vipi ila nakupenda Sia na ninakuona mpya kila muda”

Muda wote Sia alitamani haya maneno yangekuwa yanatoka kwenye kinywa cha Erick ila yalitoka kwa Steve na kumkosesha amani kabisa, basi muda ule Sia alianza kupika hukua kisaidiwa na Yule Steve kisha kwenye saa tano usiku wakala chakula na kuamua kulala, yani siku ya leo pia Sia alilala na Steve kama jana yake yani alilala nae kama mpenzi wake na kulivyokucha alijilaumu kulala nae kwani alijua kama Erick akigundua basi hatoweza kuwa nae tena maana ingawa na matukio yote ila bado alikuwa na imani ya kupiganiwa penzi lake kwa Erick maana aliona Tumaini yuko upande wake na mama Erick alikuwa upande wake. Basi kama kawaida alimuomba Steve aondoke na kumwambia kama kuja awe anakuja usiku sana,

“Ila kesho usije maana naenda kulala kwa rafiki yangu”

“Jamani, nimekuzoea sana Sia”

Ikabidi ampemaneno ya kulamlainisha na kuweza kuagana nae.



James leo alienda tena kwa lengo la kuangalia familia yake, alimkuta mama yao yupo ila leo hakumtimua bali alimwambia jambo moja tu,

“Si wewe unataka kurudiana tena na mwanangu?”

“Ndio, nahitaji kuwa karibu na familia yangu, nahitaji kuishi nao hata sijui niliingiliwa na kitu gani kilichofanya niisahau familia yangu”

“Sawa, basi kesho mguu wako na mwanangu na mimi mwenyewe tunaenda hospitali kupima yani lazima tupime afya yako na mwanangu tujue ndipo niruhusu uendelee kuishi na moto wangu”

“Sawa mama nimekubali”

Kwahiyo wakakubaliana nae kuwa kesho yake aende kuwachukua waende hospitali kupima ili kujua afya yake na mke wake, baada ya hapo akaaga na kuondoka.

Erica alimuuliza mama yake swali ambalo aliulizwa na dada yake,

“Hivi mama mfano mkimkuta shemeji kaathirika mtafanyaje?”

“Kuna cha kufanyaje hapo? Ni kumwambia tu ampe mwanangu talaka basi kila mtu aendelee na maisha yake”

“Mmmh mama hivi unadhani atakubali kiurahisi hivyo?”

“Atajijua mwenyewe hakuna aliyemtuma awe muhuni, mwanangu katulia yeye anataka kumtia uchizi tu masikini ya Mungu, acha mwanangu aendelee na maisha yake tu”

“Mfano mama shemeji akikuletea hela je!”

“Hivi unanionaje Erica, unasahau kuwa mimi ndiye niliyekwambia turudishe hela za Yule mzee Jimmy! Mimi nachagua hela, kuna hela na hela za kutumia sio kila hela inayoitwa hela ni ya kuipenda tu maana kuna hela zingine zinaweza kukutokea puani ndiomana nikasema turudishe hela za Yule mzee”

Erica akacheka tu ila simu yake ilianza kuita na namba ilikuwa mpya, akaipokea na mpigaji alikuwa ni mzee Jimmy,

“Jamani wewe mzee una nini lakini? Sitaki mawasiliano na wewe”

“Nipe mama yako niongee nae”

Erica akampa mama yake ile simu,

“Sikia, hata usianze kuniletea maneno yasiyoeleweka. Niliweka hela zangu kwenye mlango wako ukazipokea inamaana kuwa umekubali niwe mkweo, hiyo ni posa tu na siku ipo nitaleta mahari nimchukue mke wangu”

“Una akili wewe mzee? Umechanganyikiwa au?”

Simu ikakatika, Mama Erica aliangaliana na mwanae na kuanza kujadili mwenendo wa huyu mzee,

“Unajua huyu mzee simuelewi, anazungumzia hela gani jamani mbona anatuletea makubwa huyu kwenye familia yetu? Sijawahi kukubali hela ya huyu mzee maana akili zake nazielewa toka sijamfahamu machale yalinicheza ndiomana sijawahi kukubali hela zake, kweli jamani tukute hela za huyu mzee mlangoni tutumie tu inawezekana kweli?”

“Sasa hizo hela anazozisema zitakuwa wapi jamani?”

Bite alisikia maongezi yao na kusogea karibu kuendelea kusema kuhusu hisia zake za hizo hela,

“Jamani mimi nahisi kwamba hizo hela zimechukuliwa na Erick, mnaweza mkanielewa vibaya ila hizo hela ni Erick tu amezichukua hata sio mwingine”

Basi Erica akaongea kumtetea kidogo Erick,

“Angekuwa Erick angeuliza tu jamani, ila basi isiwe kesi Jumamosi Erick alisema kuwa atakuja Yule Moses kunichukua ili anipeleke mahalia ambako nitakutana nae basi nitamuuliza na hilo swala, inawezekana ni kweli Yule mzee aliacha pesa kwetu ila inawezekana hizo pesa labda zilipeperuka”

“Zipeperuke vipi na alisema zilikuwa kwenye bahasha. Kweli milioni tatu kwenye bahasha ipeperuke? Labda kama ni upepo wa kimbunga ila sio huu wa kawaida, halafu aliacha mlangoni jamani ipeperuke vipi, mtanielewa vibaya tu ila atakuwa Erick, mnaona ana pesa ila nataka mjue uwa pesa hainaga kusema inatosha”

“Hata kama ni hivyo bado Erick hawezi kuchukua pesa nyumbani kwetu”

Walibishana tu na kumalizia kazi za siku hiyo kisha kwenda kulala ambapo usiku Erick alimpigia simu Erica kama ambavyo alikuwa akimpigia simu zamani na kuendelea kumpa ratiba ya Jumamosi,

“Sijaja kwenu leo na kesho sitakuja sababu naandaa kuhusu Jumamosi na atakuja kukuchukua Moses, sitaki ujue ni wapi anakuleta ila utajua hiyo sehemu ukifika hata usijali umesikia mpenzi wangu eeeh!”

“Sawa nimekuelewa Erick”

Wakaongea mengi mengi na kisha kuamua kuagana na kulala.



Kesho yake kama walivyopanga James alifika mapema kisha akawasubiri Bite na mama yake wajiandae halafu akatoka nao kuelekea hospitali, walipofika hospitali mama yao alikaa pembeni akisubiri waende kupima kiukweli James hakuelewa kwanini mama mkwe kaamua kufanya vile wakati yale ni mambo ya wana ndoa yani angeenda tu yeye na mke wake ila mama mkwe nae alionekana yupo bega kwa bega kutaka kujua kisa na mkasa.

Alitulia tu kwa muda kiasi wakingoja majibu na badae waliitwa kwa daktari kwaajili ya majibu na kupata majibu kuwa Bite ni mzima ila James ameathirika, kwakweli James alijaribu kuvuta picha ya wanawake wote aliopita nao ila hakujua ni yupi kamsababishia maambukizi ya virusi vya ukimwi, daktari aliwashauri pale ila waliondoka bila maelewano wala nini, na walipotoka nje kila mmoja aliondoka kivyake vyake yani James aliwaacha pale hospitali kana kwamba hakwenda nao hospitali kisha yeye kuondoka zake na kufanya Bite arudi kwa mama yake tu na kumwambia ilivyokuwa halafu na wao kuondoka.

Walipofika nyumbani mama yao alisema alijua tu,

“Yani nilitaka nishangae James awe na mahusiano na Yule Dora halafu atoke mzima hapana Yule James kayataka mwenyewe”

Erica akasema,

“Ila shemeji ni yeye mwenyewe ana tabia mbaya, tunaweza sema ni Dora tu ila usikute hata shemeji kapeleka ugonjwa kwa Dora kwani hiyo kansa ya shingo ya kizazi kaitoa kwa Dora!”

“Nimenyamaza kimya tu ila roho inaniuma sana yani siamini haya mambo naona kama maigizo vile ngoja tu nikae kimya”

Ilionyesha kuwa Bite hakuwa na furaha kabisa ila alijaribu tu kuweka furaha katika sura yake.



Jioni ya siku hiyo kama ambavyo Tumaini na Sia walivyopanga kuwa walale nyumba moja yani pale nyumbani kwakina Tumaini na ilikuwa hivyo maana Sia alienda pale na walifanya vitu pamoja siku hiyo.

Erick alirudi kwao kwenye mida ya saa tano na ilionyesha alichoka sana kwani alijikuta tu akikaa sebleni na kushikwa usingizi hapo hapo, Sia alipoona vile alimuita Tumaini na kumwambia jinsi Erick alivyolala pale sebleni na kuanza kumpa wazo lake,

“Unaonaje nisogee pale kwa Erick unipige nae picha halafu tumtumie Erica au unasemaje?”

“Umekumbuka swala muhimu sana”

Basi Sia alienda kujifunga kanga kisha kuanza kupiga picha mbalimbali na Erick huku wakitamani hata kumvua nguo ila Sia alipoanza kumfungua shati Erick alishtuka na kuchukia sana kisha kuanza kumfokea dada yake,

“Ujinga ujinga wako kama huu ndio unafanya niondoe upendo wangu kwako. Wenzio huwa upande wa kaka zao yani hupenda wachumba wale ambao kaka zao wamewachugua ila wewe unataka kunichagulia mimi mwanamke! Sikupendi Tumaini”

Kisha akainuka na kwenda chumbani kwake ila bado haikuwaingia akilini kwani zile zile picha walimtumia Erica na kumpigia simu kuwa aingie kwenye mtandao walijua tu atapaniki sana.

Kisha wakalala.

Palipokucha walijiandaa kama kawaida na kuondoka na huyo huyo Erick kuelekea kwenye lile duka lake, walishangaa walipofika jinsi palivyopambwa na jinsi wageni walivyokuwa wakiwasili pale dukani, walijiuliza kuwa kuna nini wakapata kusikia tetesi kuwa siku hiyo ni siku ambayo Erick anataka kukabidhi duka lile kwa Erica, kwakweli Tumaini alichukia sana alihisi kama kuna donge moyoni mwake, akasikia kuwa Moses ndio anaenda kumchukua Erica, kwakweli walichukia sana,

“Natamani nisingeiona hii siku aaargh”

“Ila usijali Tumaini, unajua Erica kama aliziona zile picha kwa hakika hatofika hapa”

“Kweli eeh!”

“Ndio ni kweli hatofika”

Basi muda nao ulienda na Erica hakutokezea wakahisi kuwa kweli njama zao zimefanikiwa na kujiona kuwa ni wajanja jana yake kufanya vile ingawa hawakujua kuwa Erick anataka kufanya nini, laiti wangejua basi wangefanya makubwa kushinda yale waliyoyafanya jana.

Wageni walianza kuondoka baada ya kuona muhusika hafiki, kwakweli hata Erick alichanganyikiwa kwani kila alipompigia Erica simu hakupokea simu yake.

Muda kidogo aliona gari la Moses likifika eneo lile kwahiyo Erick alijua ni Moses kamleta Erica lakini alishangaa kumuona Moses akishuka mwenyewe bila ya Erica.







Muda kidogo aliona gari la Moses likifika eneo lile kwahiyo Erick alijua ni Moses kamleta Erica lakini alishangaa kumuona Moses akishuka mwenyewe bila ya Erica.

Kwakweli Erick alichanganyikiwa kabisa na kumsogelea Moses akamkunja kuwa ameshindwa vipi kumshawishi Erica kufika pale,

“Umeshindwa vipi Moses? Unajua nakuamini sana”

“Usinilaumu bosi, nimefanya jitihada zangu zote. Angalia Yule”

Kuangalia pembeni akaona gari ya Erica ikiingia yani hapo alijikuta akijawa na tabasamu tu na kusogea karibu ili kumfungulia mlango, kisha Erica alishuka kwelye lile gari, alikuwa amechelewa ila kile kitendo cha kufika tu ilikuwa ni faraja kubwa sana kwa Erick, akamkumbatia kwa furaha ya kumuona muda huo.

Hakutaka kusikiliza maelezo ya kwanini amechelewa bali alienda kumkabidhi lile duka, kwakweli Tumaini na Sia waliondoka kwani hawakuweza kuendelea kuangalia hadi mwishoni kitu kinachotokea. Erick alimwambia Erica,

“Najua ulikuwa unatamani sana kuanza biashara, kuanzia sasa huna haja tena ya kutafuta kazi Erica maana kazi yako itakuwa kusimamia hapa na kuangalia maendeleo ya duka lako”

Erica alimsogelea Erick na kumkumbatia huku akimbusu kwa furaha.

Sababu muda ulikuwa umeenda, basi Erick alitoka na Erica eneo lile na kwenda hotelini ambako alisema wawaandalie chakula kisha walikuwa pamoja na wageni waalikwa wengine waliobaki, na baada ya kula wengi waliondoka na kuwaacha wawili tu yani Erick na Erica, kwakweli Erick alikuwa akifurahia tu uwepo wa Erica hata kumuuliza kwanini kachelewa hakuwa na wazo hilo, mpaka Erica mwenyewe akamuanza,

“Erick, jamani mbona hujaniuliza kuwa kwanini nimechelewa”

“Aaaah nimejikuta nikiwa na furaha sana mpenzi wangu hadi nimesahau kama ulichelewa yani sijaumia kuondoka kwa wageni ila ningeumia kutokukuona wewe, eeh kwanini umechelewa kipenzi changu?”

“Ni hivi, basi niliamka asubuhi vizuri tu na kuandaa nguo zangu kwaajili ya kuja sasa nikashika simu nikakuta kuna ujumbe unasema niingie facebook, si ndio nikaingia nikakuta picha zako tena na Sia, kiukweli nilishikwa na wivu wa hali ya juu unajua Erick nakupenda sana yani sana. Kiukweli niliumia kuona tumepanga vizuri na wewe kweli unaenda kutembea na Yule mwanamke ambaye huwa nagombana nae kila siku? Niliumia sana mpenzi”

Erick akataka kuonyeshwa hizo picha, basi Erica akafungua simu yake na kumuonyesha Erick,

“Kumbe jana nilipokuwa nimechoka ndio wakafanya huu ujinga, tena mpiga picha atakuwa tumaini huyo. Ngoja nirudi nyumbani atanieleza, yani ni dada yangu lakini hajielewi. Sasa mpenzi wangu ungenihukumu bila sababu tu, sijui nani kanisaidia kuongea na wewe ukaelewa na kuja dah namshukuru sana”

“Yani nilikuwa nimechukia hata kujiandaa sikutaka tena basi nikawa nimekaa tu kwa hasira, basi hadi muda Moses anafika nilikuwa sijajiandaa na akaniambia twende nikamwambia siendi tena akaanza kunibembeleza kuwa huwezi kumuelewa ila bado nilimgomea nikaenda chumbani basi mama akanifata na kuanza kuongea na mimi, nikaona nisimfiche nimwambia kuwa kuna picha nimetumiwa zako na Sia, mama akasema hao wamenipangia njama sababu kwanini wasitume siku zote hadi siku niliyopanga kuonana nawe, basi mama aliongea nami pale nikaanza anza kumuelewa ndipo nilipotoka tena na Moses kusema kuwa jana mlikuwa wote kwenye maandalizi na mmerudi mmechoka kweli, niliingia ndani nikajifikiria nikasema kwavile nakupenda acha tu nije ndio nikaenda kujiandaa basi nilipomaliza nilimwambia Moses awe mbele na gari yake na mimi nitakuwa nyuma yake na gari yangu maana nilitaka kukufanyia surprise pia ujue kama najua kuendesha gari”

“kwanza Erica nisamehe mpenzi wangu maana kuchoka kwangu ndio kumefanya wale wajinga wanipige picha ila hakuna chochote kinachoendelea baina yangu na Sia, haya ndio mambo yaliyofanya kipindi unaumwa niishi hotelini tu sababu ya ujinga kama huu. Nisamehe mpenzi wangu”

“Usijali nimekusamehe sababu nakupenda sana”

Erick alitabasamu kwani alifurahi sana kusikia Erica akimwambia tu hivyo, akamsogelea karibu na kumbusu. Alikuwa na tabasamu usoni ila alipata chuki kubwa sana juu ya dada yake Tumaini kwani aliona hamtakii mema na mapenzi yake, kisha aliendelea kufurahia uwepo wa mpenzi wake Erica na baada ya maongezi yao aliamua sasa kumrudisha nyumbani kwao,

“Mmmh Erick, narudi mwenyewe nyumbani. Kumbuka nina gari, kwahiyo naenda mwenyewe tu”

“Usiku huu Erica, acha nikurudishe halafu mimi nitampigia dereva anifate ila naomba nikurudishe sitaweza kuwa na furaha nikisikia habari mbaya juu yako, bora itupate wote”

Erica alimuangalia sana Erica na kujiuliza upendo huu wa Erick siku zote alizokuwa akitangatanga na kuumizwa na mapenzi ulikuwa wapi upendo wa hivi? Hakupata jibu kwakweli.

Kwahiyo muda huo Erica na Erick walipanda kwenye gari wakielekea nyumbani kwao na wakina Erica.



Walifika kwakina Erica ilikuwa ni usiku sana tayari maana ilikuwa inakaribia saa tano usiku, ila walipokuwa njiani tayari Erick alimuita dereva wake kwahiyo walivyofika kwakina Erica tu na dereva wake alikuwa ameshawasili basi akaingiza lile gari kwenye uwanja wa kina Erica na kumsaidia kufunga geti kisha kumuaga kwa kumbusu Erica na kuondoka amapo Erick alienda kupanda ile gari iliyokuja na dereva na kuondoka.

Erica alienda ndani kwao na kumkuta mama yake akiwa sebleni, kisha mama yake akasema

“Sijalala Erica nakusubiria wewe mwanangu. Najua na Erick itakuwa mmeitiana mambo mazuri tu ila mpaka muda huu unanipa mashaka mwanangu? Umeenda kufanya mapenzi na Erick?”

“Hapana mama, nimekubaliana nae mpaka ndoa”

“Usitake kunichekesha mie, hilo swala la kukubaliana mpaka ndoa liko wapi? Yani toka lini Simba na swala wakae pamoja halafu umwambie samba subiri nimchemshe huyo swala ndiyo umle. Erica mwanangu nakwambia kila siku wanaume sio wa kuwaamini kiasi hiko, sijakwambia hata picha za kijinga vile uziamini ila sababu mwanaume kaonyesha hitaji lake la kukuoa basi acha akuoe mwanangu kwanza”

“Sawa mama nimekuelewa hakuna tatizo mama yangu”

Kisha akamuuliza sasa kuwa ni kitu gani Erick alimuitia siku hiyo,

“Huwezi kuamini mama, Erick amenikabidhi duka yani ndio nitakuwa naenda kufanya biashara, sina sababu tena ya kutafuta kazi”

“Wow mwanangu hongera sana”

Bite alisikia na kwenda kusikiliza vizuri kwakweli alijisikia rah asana na kumuona mdogo wake kuwa na bahati ya hali ya juu. Ila akamuuliza kuhusu swali ya zile hela za mzee Jimmy,

“Eeeeh Erica umemuuliza na kuhusu hela za Yule mzee?”

“Aaah nimesahau ila nitamuuliza tu”

Basi mama yao akaendelea kuongea,

“Tena Bite kakumbusha, mwanangu Yule mzee yupo serious alikuja hapa anasema tumekula posa yake, na anasema kashaiambia familia yake kuwa atakuoa”

“Kheee huyo mzee ana wazimu mama”

“Tena ana wazimu kabisa mwanangu, yani Yule mzee hafai kabisa. Hebu umuulize Erick na kama akikataa basi huyo mzee niachieni mimi nitajua jinsi ya kula nae sahani moja, si anajifanya akili zake zimefyatuka basi zangu ndio hazipo kabisa.”

Basi Erica akaongea ongea na mama yake kisha akaenda chumbani kwake kulala.



Erick alienda nyumbani kwao na kufika tu alimuita dada yake kwani alikuwa na lengo la kumsema kwanza, Tumaini alitoka chumbani ila alikuwa amevimba kwa hasira jumlisha wivu maana kwake halikuwa swala la kawaida kuona mdogo wake anaacha kumpa yeye vitu vya thamani anampa mwanamke, anamuondoa yeye kwenye duka na kumpa mwanamke? Kwakweli aliumia sana, kwahiyo alikuwa amevimba kwa hasira hata kumsalimia Erick hakumsalimia tena na kumwambia,

“Niambie ulichoniitia”

“Unajua wewe Tumaini ni dada yangu ila hujielewi, hivi unadhani ungejielewa mimi ningefanya yote haya?”

“Usiniambie hivyo Erick, yani unamthamini mwanamke na kusahau kuwa mimi ndiye ndugu yako pekee niliyekuwepo! Hivi ukipata matatizo wewe ni nani atakayeumia hapa, unafikiri Erica ataumia kuzidi mimi?”

“Tumaini, Yule Erica si mke mwenzio ujue, yule ni wifi yako hutakiwi kuweka vita na ushindani na yeye. Nilikuthamini, nilikuheshimu dada yangu ila mambo yako unayoyafanya ndio yanafanya niwe hivi leo, haiwezekani wewe uwe upande wa Sia, huwezi kunichagulia mwanamke wa kuwa nae mimi, mara ulianza na Yule Asha sijui yani wewe dada yangu sijui una akili gani, hujui kama unatakiwa uwe upande wa kaka yako? Hivi mfano nipo na Erica haijalishi Sia alikuwa rafiki yako vipi ila unatakiwa uwe upande wa Erica ili uweze kuenenda na mimi kaka yako halafu ungeona kama ukitaka kitu ningegoma kukupatia. Hivi unadhani mimi ningeshindwa kumfungulia biashara nyingine Erica? Naweza na hata sasa naweza kumbadilishia biashara na kukurudisha pale ila kwanza akili yako hiyo isomeshe ijue inafanya kazi gani. Hivi kweli wewe wa kushirikiana na Sia kunipiga piga za ajabu unamtumia Erica ili iweje? Mara nyingine unaweza sema mawifi wakorofi sijui mke wa kaka mbaya ila kumbe mbaya ni wewe, hivi ukiwa karibu na wifi yako kungekuwa na tatizo? Mbona Erica hana tatizo na wewe ila kila siku wewe kuleta matatizo na Erica? Jirekebishe bhana”

Tumaini alichukia na kwenda zake chumbani maana hata hakutaka kusikiliza maneno ya kaka yake ingawa alichoambiwa na kaka yake kilikuwa cha ukweli.

Akawaza tu asubuhi aende kwao kwa mama yake labda akaongee nae kuhusu swala hilo maana yeye alihisi kuonewa tu.



James hakuwa na hali badala yake alikunywa sana pombe kisha akaenda kwa Yule mwanamke aliyezaa nae ambaye alikuwa ni msichana wao wa ndani, Yule mwanamke alivyomuona tena aliona kuwa neema imemuangukia kwa kumpata James tena baada ya mke wake kufanya varangati la kumrudisha James nyumbani, alimkaribisha vizuri sana na akampa malezi yote kama mume maana hakutaka tena kuachwa na James.

Yani siku hiyo aliona ndio siku ya kumuonyesha James ufundi wote aliokuwa nao ili James asinyakuliwe tena na mke wake,

“Jamani james, nilisikitika sana ambavyo uliondoka moja kwa moja sababu ya mkeo, kweli James ukagoma kabisa kuonana nami sababu ya mkeo! Ila nafurahi sana leo umekuja mume wangu”

Basi huyu dada alimpa James huduma zote na kumfanya James asahau swala la ugonjwa kabisa, alilala huku amechoka kwa furaha ya kupokelewa na Yule mwanamke jumlisha pombe alizokuwa amekunywa.

Kulipokucha, Yule dada aliamka na kumsalimia James maana aliona ndio mume wake nay eye alitamani sana ifike tena wakati ambao James angeenda kulala kwake, basi akaanza kuongea nae kimapenzi ili kumfanya ampende zaidi,

“Unajua James mimi ndio nakupenda, mtoto huyu kachukua jina lako nay eye anaitwa James sababu tu ya upendo wangu juu yako sio mkeo kumpa mtoto jina Junior sasa Junior ndio mavitu gani? Yani Yule mkeo hana hata upendo na wewe, ni mimi nikupendaye”

“Nashukuru sana mama James, nashukuru pia kumpata mrithi wa jina langu kwenye ulimwengu ila asirithi na tabia zangu”

“Hamna bhana James, wewe huna tabia mbaya ila mkeo hakujua jinsi ya kuishi na wewe. Nilikuwa naumia sana vile anakuacha uteseke eti sababu ni mjamzito, mbona mimi nilikuwa nakupa wakati nimebeba mimba ya James! Ni upendo tu, nakupenda sana tena natamani unioe kabisa kabisa”

James akatabasamu tu ila alijua wazi huyo msichana anamfurahia sababu hajajua ukweli kuwa ameenda pale baada ya kujigundua kuwa ameathirika kwahiyo alikuwa anaenda kujiliwaza tu na akili yake.

Sababu siku hiyo haikuwa siku ya kwenda kazini kwahiyo aliamka na kujiandaa tu kisha kuondoka kuelekea nyumbani kwake ili akavae nguo zingine kwani kwa muda huo shida yake ilikuwa kukutana na Dora amuulize pia kama nay eye ameathirika maana siku zilizopita alikuwa naye kwenye mahusiano.



Tumaini alienda kwa mama yake na kweli alimkuta mama yake siku hiyo alikuwa mwenyewe nyumbani kwani ndugu zake wote walitoka, akamsalimia na kumuuliza

“Kheee mama mbona nyumba ipo kimya hivi?”

“Si unajua leo siku ya mapumziko basi wameenda kwenye matembezi huko na kuniacha mwenyewe. Eeeh na wewe mbona siku hizi huji nyumbani?”

“Mama, yani acha tu. Yule mdogo wangu, ndugu yangu ambaye mimi ndiye dada yake wa kipekee kanifanyia mambo ya ajabu sana”

“Mambo gani tena mwanangu?”

Basi Tumaini akamueleza kwa kifupi kaka yake alichokifanya na jinsi anvyomjibu,

“Ila mwanangu kwani huyo wifi yako una ugomvi nae? Na ndugu yako anafikia vipi kumthamini mwanamke kushinda wewe ndugu yake? Au karogwa?”

“Ndio nahisi hivyo mama, nahisi ndugu yangu karogwa. Huyo mwanamke sina ugomvi nae ila sitaki awe na kaka yangu kwani kazaa na mwanaume mwingine. Yupo msichana mama nayempenda kwa dhati kaka yangu ndiye nataka huyo awe wifi yangu”

“Tumaini mwanangu, kwani mtu akizaa ndio hafai kupendwa tena?”

“Hapana mama ila kazaa na mwanaume mwingine”

“Pengine alibakwa!”

“Hakubakwa mama, huyo msichana ni malaya”

“Hata kama ni malaya ndio kampenda, mwanangu mwanamke yeyote akipendwa na kaka yako mwache awe nae kama ana kasoro utamwambia tu kaka yako ili azichunguze mwenyewe ila sio wewe kumuwekea chuki au kumchagulia kaka yako mwanamke wa kuishi nae. Kumbuka huyo mwanamke hatoishi na wewe, ataishi na kaka yako, maswala ya kuchaguliana wachumba yalishapitwa na wakati mwanangu. Una uhakika gani huyo unayemtaka wewe katulia?”

“Nina uhakika mama, Sia namfahamu. Ni binti mpole, mwenye hofu ya Mungu na ana upendo ila sio huyo Erica jamani huyo msichana hafai mama yangu”

“Ndio hafai mwanangu ila si wewe ambaye utaishi na huyo Erica, sikia nikwambie cha kufanya ili kula sahani moja na kaka yako kuwa nae pamoja na umsapoti kwa anachofanya kama kizuri mpe hongera na kama kibaya usimponde ila mwambie ukweli nadhani unanielewa. Kaa na kaka yako ongea nae kirafiki ujue ni kwanini anampenda huyo anayempenda na kwanini anamchukia huyo unayempenda wewe. Ongea nae kirafiki na tena mwambie kaka yako upo tayari kuwa karibu na huyo wifi yako mwingine uone kama atakufanyia tena vitu vya ajabu.”

“Mama, unasema tu ila hujui kinachoendelea namchukia huyo Erica yani simpendi kabisa, ni mbaya Yule msichana na ana roho mbaya, kafanya undugu wangu na Erick uvurugike kabisa, simpendi namchukia”

Yani Tumaini hakutaka kusikia ushauri wa mama yake kabisa kwani yeye alihisi tu kuonewa na vitu mbalimbali kwani alihisi pia kaka yake karogwa kwani hakufikiria kama ni kitu kinachowezekana yani mwanamke wan je athaminiwe zaidi kuliko damu moja.



Rahim leo hakuwa na furaha kabisa kwani toka alipopewa namba ya Zainabu alikuwa akijaribu kumpigia ili ampe hoja zake alishangaa Zainabu akiongea nae maneno ya Mungu tu, ingawa alikuwa akitaka na ushauri kweli ila lengo lake kubwa kwa Zainabu ni kumtaka kimapenzi kwahiyo swala la Zainabu kumwambia maneno ya Mungu hakulipenda kabisa na akaona ni vigumu kumvaa huyo mwanamke, alikuwa na mawazo sana ila alifika Babuu na kuongea na ndugu yake ambapo alimuuliza kuwa ana mawazo ya kitu gani,

“Sikia Babuu, nishamtimua mke wangu simtaki tena najua unatambua hilo. Najua pia kumpata Erica kwasasa ni ngumu sana, ila kuna mwanamke nimemuona na nadhani ananifaa sana katika maisha yangu”

“Umemchunguza kaka”

“Aaah hapana ila anaonekana ni mwanamke mwadilifu. Tatizo linalonifanya niwe na mawazo sana ni jinsi ya kumuingia Yule mwanamke”

“Kwani tatizo ni nini mpaka ishindikane kumuingia?”

“Yani ni mwanamke mshika dini balaa, nimejaribu kumpigia simu mara kadhaa anaanza kunieleza sijui habari za Quran na mimi sitaki hizo habari kwakweli, sijui nitawezaje kumpata”

“Sasa ndugu yangu kuzunguka kote huko hujajua jinsi ya kumuingia mwanamke? Ukimtaka mwanamke ambaye unaona ni vigumu kuingilika jifanye na wewe upo upande wake, yani kama huyo alivyo jifanye na wewe ni Muislamu safi yani anza kwenda Msikitini ndugu yangu halafu unapita na pale kwao unajifanya kuongea mambo ya dini tu. Kama mwanamke mlokole na anashindwa kuingilika unajifanya nawe mlokole, ndugu eeeh wanawake ni viumbe dhaifu na wepesi kudanganyika yani ukijifanya umefata dini utampata ila ngoja nikuulize una lengo nae kweli au?”

“Akikubali naoa kabisa, yani mimi siwezi kumrudia Salma yani huyo Zainabu akikubali ndio atakuwa mke wangu na hivi kashika dini na mimi nina watoto wengi wengi basi ataweza kulea watoto wangu”

“Kama ni hivyo basi nitakusaidia yani tutakuwa tunaenda wote kwake, nitahakikisha hadi tunampata anakuwa kwetu kaka”

“Asante sana Babuu”

Kiukweli Babuu alijitolea kumsaidia Rahim kuhusu kumpata Zainabu sio sababu anahitaji ampate ila sababu hataki amfatilie Erica kwani anahisi Rahim akiwa na Erica basi yeye ataumia sana moyo wake.



Nasma aliamua kurudi tena nyumbani kwake na safari hii aliamua kurudi na mama yake kwani aligoma kwenda na ndugu yake mwingine sababu hakuamini tena swala la kuishi na ndugu kwa mume kama Bahati, mama yake alikubali ili akaishi nae kidogo mpaka pale mtoto akichangamka zaidi, basi aliondoka na mama yake na kwenda nae nyumbani kwake.

Walivyofika mama yake alimuuliza vizuri kuhusu dawa alizopewa na baba yake na jinsi zilivyomgeuka, kumbe muda huo alifika dada yake Bahati aliposikia wanaongea ndani akajibanza pale nje akiwasikiliza,

“Yani mama tulifanya dawa ili Bahati anipende mimi tu awe haoni wala hasikii juu yangu sema zile dawa hajiweza kumfikia”

Kisha akaanza kumueleza alivyofanya dawa na kufanya Bahati abadilike kabisa maana kawa tena hashikiki na nyumbani halali maana jogoo jogoo haswaa yani kila jike lake, kumbe dada wa Bahati alisikiliza kwa makini sana akaona ile taarifa ni vyema akaipeleka kwa ndugu wengine wa Bahati maana walishangaa kwa kipindi hiko Bahati kubadilika kuwa na riho ya tofauti, ni kweli mwwanzo walishiriki katika kumpa dawa ila hawakutaka ndugu yao apewe dawa zaidi maana madhara ya dawa waliyaelewa kwahiyo ile habari ilimshtua kidogo na kuamua kwenda kuwaambia ndugu zao wengine.

Mule ndani Nasma alikuwa akiongea tu na mama yake bila kujua kinachoendelea nje kumbe wifi yake alishasikiliza kila kitu.



James alikutaka na Dora kama alivyopanga nae ili kuongea nae kuhusu lile swala ambalo lilikuwa likisumbua akili yake, alimuuliza

“Dora ushawahi kupima wewe?”

“Kupima? Aaah sijawahi”

“Basi ningependa ukapime”

“Kwani vipi James? Mbona sikuelewi?”

“Aaaah ukapime tu au twende nikusindikize”

Kwakweli akili yake haikuwa sawa kabisa na kuamua muda huo huo kwenda na James kupima, walifika hospitali na walipima wote wawili kwani hata James bado hakuwa na imani na majibu yake ya mwanzo, majibu yakaja kuwa wote wameathirika.

Kwakweli ile habari ilionekana kumchanganya sana Dora, ikabidi James ambembeleze tu na kwend akukaa nae kwenye gari yake maana yeye alishalia jana yake yakaisha kwahiyo alikuwa akimbembeleza tu Dora, yani Dora alilia huku akisema,

“Yani niliwahi kumwambia Erica kuwa nimeathirika ila nilikuwa namtania tu yani nilifanya kuwa na ukimwi kama kitu cha utani eti leo nina ukimwi kweli mimi Dora jamani, haiwezekani nilikuwa natania tu jamani”

“Yani Dora ulikuwa unatania kusema kuwa una ukimwi! Walioupata pia hawakutaka waupate ila imetokea tu yani wewe ukatania unao kweli! Au ndiomana wakakazania nikapime sababu wewe ulitania kuwa unao? Haya sasa unao kweli, kuwa mpole tu tuanze dozi”

Kiukweli Dora hakuwa na furaha kabisa hivyo kwa siku hiyo aliamua kwenda tena baa na James na kunywa sana pombe yani alirudi kwao ni usiku kabisa na alirudishwa na James na kwenda kulala tu kisha James naye alienda kwa Yule mwanamke ambaye alikuwa ndio mdada wao wa kazi.

Kulipokucha Dora aliamka akiwa na uchovu sana ukijumlisha bia za jana na mawazo basi aliamka na uchovu balaa, akainuka na kwenda kuoga ila bado alikuwa hajiamini amini kama ameathirika maana hakutegemea kabisa kama kuna muda atapatwa na virusi vya ukimwi.

Mama yake alimuona jinsi alivyo na mawazo ila Dora hakumwambia mama yake kuwa ni kitu gani kinamsumbua badala yake, aliishia tu kuongea nae mambo mengine, kisha mama yake akaanza kumueleza,

“Dora mdogo wako Steve, toka juzi hayupo hapa nyumbani yani simuelewi kabisa mdogo wako jamani ana matatizo gani?”

“Kheee hajarudi nyumbani?”

“Ndio hajarudi, jana na wewe umerudishwa hapa usiku wa manane jamani kuna watu wanazaa ila wengine sisi sijui tumezaa mavitu gani jamani yani watoto wangu wawili tu nyie ila ni kichefuchefu. Haya ukamlete basi mdogo wako ulipoenda kumtoa siku ile”

“Sawa mimi nitaenda mama ila nilikwambia tusimame kwenye maombi”

“Hayo maombi utakuwa nayo wewe bhana, jana umerudi hapa umelewa bwiii hayo maombi ya wapi ya walevi? Hata huyo anayekuombeeni naye atakuwa akili zake sio nzuri yani haoni kama anaombea vichaa, sasa ukamlete mdogo wako, mi ujinga huu siutaki kwakweli”

“Sawa mama nitaenda ila ngoja nipumzike kidogo halafu nitaenda”

“Hakikisha mdogo wako anarudi hapa nyumbani, sawa”

“Sawa mama”

Kisha Dora aliingia ndani kwake tena alikuwa na mawazo mengi sana ila alitulia kwanza ili atulize akili zake ndio ajiandae kwenda kwa Sia kumfatikia mdogo wake Steve.

“Safari hii huyo Sia itabidi nimpeleke tu kwa mwanamaombi ili mdogo wangu akomboke, yani ukisikia mchimba shimo kadumbukia mwenyewe ndio huku sasa, yani nimetumbukia hatari kwenye shimo nililochimba mwenyewe, nimeenda kwa mganga kumkorogea James dawa ila nimepata ukimwi, nilikuwa namdanganya Erica kuwa nina ukimwi ili anihurumie na nimeupata kweli. Nimempleka Sia ili amkoroge mwanaume wake mwishowe dawa zimempata mdogo wangu sasa nahangaika dah! Navuna nilichokipanda”

Kwa kiasi alikuwa anajuta kwa yale aliyoyatenda.



Siku ya leo Erick alienda kwa kina Erica na aliomba kumchukua tena ilia toke nae sema sababu ilikuwa ni mapema basi mama Erica aliruhusu waweze kutoka, na Erica akajiandaa na kuondoka na Erick,

“Tunaenda wapi Erick?”

“Utapaona tu, subiri tu”

Basi gari ikaenda na kuingia kwenye nyumba ya kifahari, akili ya Erica ikacheza na kuhisi pengine ile nyumba ni ya Erick, kwa hakika ilikuwa ni nzuri sana kiasi cha kutamani kuolewa na Erica muda huo, basi Erica aliingiza gari ndani na kushuka kisha kumfungulia mlango Erica ili ashuke na kumkaribisha,

“Najua toka tumeanza mahusiano sijawahi kukuleta kwetu, karibu kwetu leo”

“Jamani Erick kumbe unanileta kwenu! Mbona hukuniambia jamani”

“Ningekwambia ufanye nini sasa”

“Ili nijiandae, mfano kama baba yako yupo”

“Baba hayupo, na hata akiwepo ni vizuri tu ili akufahamu”

Basi akamkaribisha ndani na pale sebleni walimkuta Tumaini ambaye alichukia sana kuwaona, Erica alimsalimia Tumaini ila Tumaini hakuitikia ile salamu wala nini.

Erick alikaa na Erica pale pale sebleni na kumuuliza dada yake,

“Tumaini unaweza kuniambia ni kwanini unamchukia Erica?”

“Sina sababu ila simpendi tu, mimi nampenda Sia”

“Hivi unajua ambacho Sia alitaka kunifanyia kaka yako?”

“Sijui”

Basi Erick alimueleza kwa kifupi tu jinsi walivyompeleka mdogo wake Dora kwenye maombi sababu ya Sia,

“Haiwezekani yani hiyo kitu haipo kabisa, mimi Sia namfahamu vizuri sana na Sia hawezi kwenda kwa mganga”

“Huamini dada yangu, ila ni vyema ukamuuliza mwenyewe”

“Ngoja nimpigie simu”

Akataka kupiga simu ila kaka yake akamzuia na kumwambia,

“Hapana usipige simu ila jibebe uende nyumbani kwao ukaongee nae ana kwa ana ili akuambie machoni pako kama hii habari ni uongo au vipi?”

“Bado siamini, Sia hawezi kwenda kwa mganga, haiwezekani”

Basi aliinuka kweli na kwenda kujitayarisha kisha kuondoka zake tena bila hata ya kuwaaga wala nini maana alikuwa na chuki nao.



Tumainia alienda hadi kwakina Sia, akafika maeneo yale na kukuta Sia na Dora wamesimama nje wakiongea, huku Dora akisema

“Sia unajua ulichomfanyia mdogo wangu sio sawa kabisa, inabidi uende kwenye maombi ukatubu”

“Sio kosa langu ni kosa la mdogo wako na uroho wake”

Mara mdogo wake Dora alitoka kwenye chumba cha Sia na kusogea karibu kisha kumkumbatia Sia na kumwambia dada yake,

“Wewe ondoka zako tu maana mimi kwa Sia ndio nimefika”

Kisha akambusu Sia, haya mambo yote Tumaini aliyaona na kuyasikia kwakweli yalimstaajabisha sana.





Mara mdogo wake Dora alitoka kwenye chumba cha Sia na kusogea karibu kisha kumkumbatia Sia na kumwambia dada yake,

“Wewe ondoka zako tu maana mimi kwa Sia ndio nimefika”

Kisha akambusu Sia, haya mambo yote Tumaini aliyaona na kuyasikia kwakweli yalimstaajabisha sana.

Tumaini hakuamini kile kitu na kujihisi kama yupo ndotoni, aliamua kujitokeza katikati yao, kitendo kile cha Sia kumuona Tumaini mbele yao akamsukumiza Steve, kile kitu kilimsikitisha zaidi Tumaini na kusema,

“Sia hata usingemsukumiza huyo maana nimesikia kila kitu, ila mpaka muda huu nashindwa kuamini, hivi si ni wewe Sia uliyekunywa sumu kwaajili ya kaka yangu? Inamaana ulikuwa unaigiza kunywa sumu? Upendo uliousema unao dhidi ya kaka yangu uko wapi?”

Sia alianza kujitetea kwa kuomba msamaha

“Nisamehe Tumaini, mimi ni mwanamke mwenzio”

“Hebu nitolee ujinga mie, mwanmke mwenzangu kwenye mambo ya kijinga kama hivi! Nilikuwa nakuamini sana ila imani yangu umeipoteza.”

Dora alikuwa anaangalia tu na kushangaa aliyechukuliwa dawa alikuwa ni kaka wa Tumaini, sababu hakutaka umbea umpite akauliza,

“Huyo kaka yako ni nani Tumaini? Namfahamu?”

“Utakuwa unamfahamu ndio, anaitwa Erick”

“Kheee kumbe ni Yule Erick mpenzi wa Erica?”

“Ndio huyo huyo”

“Kheee kumbe Sia nilikubali kukupeleka kwa mganga ukamroge shemeji yangu jamani!”

Tumaini aliposikia kuwa Dora ndiye aliyempeleka Sia kwa mganga ndio akafunguka macho kabisa na kusema,

“Kumbe ni kweli alienda kwa mganga?”

“Ndio ni kweli, na bahati mbaya kakako hakula lile tunda ndio likaliwa na huyo mdogo wangu hapo ambaye hasikii kwasasa wala haoni anadai anampenda tu Sian a hakubali kuwa amerogwa”

Na kweli ingawa Steve alisukumiwa pembeni ila kusikia ile mada ya kurogwa alisogea karibu na Sian a kusema,

“Mimi sijarogwa, ni mapenzi yangu. Nampenda sana huyu mwanamke toka moyoni na ndio nitamuoa na atakuwa mke wangu daima”

Kwakweli Tumaini alizidi kushangaa sana yani alijikuta akimchukia Sia gafla maana hakutegemea kuwa Sia angeweza kwenda kwa mganga kwaajili ya kumroga Erick, kwahiyo kwa yale maneno ilikuwa kama ni uthibitisho. Alisikitika sana na kusema,

“Yani kwa ulichofanya leo Sia, sitaki tena kukuona kwetu. Sitaki tena urafiki na wewe”

“Wananisingizia Tumaini”

Tumaini hakutaka kumsikiliza Sia kwakweli maana alichokisikia hakupenda hata kidogo, moja kwa moja aliondoka. Na aliamua kwenda kwa mama yake ili amsimulie kidogo ndio aende kwao maana alihisi akili yake kutokuwa sawa kabisa.

Alifika na kumkuta mama yake, akamsalimia na kuanza kumsimulia yaliyotokea siku hiyo,

“Unaona sasa mwanangu, unagombana na kaka yako sababu ya mwanamke mshirikina. Huyo hakuwa anampenda kaka yako wala nini maana kama kumpenda asingemuendea kwa mganga maana kama mtu unampenda kweli hutotoka kumsumbua kwa madawa, utapenda akupende ule upendo halisia, na ule upendo halisia ni mzuri sana maana unajisikia kuwa unapendwa yani hata wewe unajihisi raha”

“Ila mama huyo msichana alikunywa hadi sumu sababu ya Erick”

“Hakumpenda Erick huyo mwanangu, na labda alikunywa sumu kuwapima imani tu, huyo kuna kitu alihitaji kwa Erick ndiomana kaweza kumwendea hadi kwa mganga, tena shukuru Mungu umegundua mapema kabla hajawa wifi yako maana ungejuta huyo, angefanya uone maisha machungu maana angemfanya kaka yako ndondocha yani kila ambacho ungemwambia asingekuelewa sababu yake. Mwanangu hakuna upendo mzuri kama upendo halisia, hakika hata mimi ningeangalia upendo halisia basi nisingezaa na baba yako ila hela zake zilinichanganya sana na kuhisi kuwa ananipenda na kuhisi nitaishi kama malkia kwenye himaya yake, kumbe hakuwa na upendo na mimi hata kidogo na nilimgundua baada ya kuzaa tu”

“Mmmh mama, hivi baba anampenda nani? Maana toka nikae nae sijawahi msikia akitaka kuoa wala akisema labda nimuoe mama yake Erick maana Yule mama nae anaishi mwenyewe”

“Yule baba yenu nadhani hajielewi, yupo yupo tu. Nilijua angenioa wapi, nimezaa ndio akanipiga teke kabisa, basi mama Erick nilijua atamuoa wapi, ndio kwanza amezaa nasikia hata hospitali hakwenda kumchukua yani Yule mwanamke kahudumiwa na mdogo wake mwanzo mwisho ndiomana anamthamini sana mdogo wake, Yule mzee ana wazimu Yule mpaka leo yupo yupo tu ila nasikia ana wanawake wengi balaa”

“Ila hajawahi kuwaleta nyumbani mama, baba yetu anajiheshimu”

“Angejiheshimu angeoa, pesa anayo, mali anayo, kitu gani kinamshinda asioe? Kaeni vizuri na baba yenu muulizeni vizuri kuwa kwanini haoi?”

“Sawa mama”

Tumaini aliongea ongea pale na mama yake kisha akajiandaa kurudi kwao tu maana siku hiyo alikuwa amechefuka haswaa na yale aliyoyaona kwa Sia.



Dora alimuangalia Sia bila kummaliza maana alijilaumu sana kumpeleka Sia kwa mganga kwanza kumbe ilikuwa ni kuharibu mahusiano ya rafiki yake na pia imepelekea kuharibu akili ya mdogo wake, kisha akaanza kumwambia,

“Hivi wewe Sia aliyekwambia kwamba penzi linatafutwa kwa dawa nani?”

“Na wewe hebu ukae kimya huko, kumbuka ni wewe mwenyewe ndio ulinipeleka kwa Yule mganga. Kama penzi halinunuliwi kwa mganga na wewe ulienda kufanya dawa upendwe ili iweje? Mimi bila kujua kama kuna dawa uliifanya ya kupendwa na wewe mwenyewe kunipa ushuhuda ningejuaje kama kwa mganga kuna dawa ya mapenzi? Unaponisema mimi nijiangalie na wewe kungwi”

“Sikatai ni kweli nilienda kwa mganga ila lengo langu na lako halifanani, niliamua kumfanyia James dawa sababu nilipanga kumkomesha na nilifanya vile sio sababu nilikuwa nampenda hapana, nilitaka kumchuna tu pesa zake. Sasa wewe shoga yangu kumfanyia dawa mwanaume ili akupende ni vipi hapo? Hivi unajisikiaje ukipendwa na mwanaume kwa upendo wa dawa? Inanoga kweli?”

“Bhana eeeh achana na mimi”

“Niachane na wewe kitu gani? Mdogo wangu akomboke huyu, uende kwenye maombi”

“Siendi popote, achana na mimi kwanza wewe ni mbaya sana ushanipotezea laki moja yangu jumlisha na zile hasara za nauli na chakula kwenda huko Bagamoyo ndani ndani, wala sijapenda kabisa, naomba tu uende”

“Siwezi kwenda na kumuacha mdogo wangu”

“Si umchukue, huyo hapo mchukue kama mtoto mdogo mbebe mgongoni”

Kiukweli Dora alichukia sana kama angeweza kupigana na huyu Sia kwa hakika angepigana nae ila uwezo wa kupigana na huyu Sia hakuwa nao kwani alionekana kuwa na nguvu kushinda yeye na ndiomana hata Tumaini hakuweza kumzaba vibao Sia maana amehisi kuwa pengine angepigwa yeye ndiomana alijiondokea tu.

Basi Dora akamwambia,

“Sia, subiri tu nione hivi hivi nilivyo ila hiko ulichomfanyia mdogo wangu utalipia nakwambia yani utalipia, nimeachana na mambo ya waganga ila naweza kurudi tena sababu yako kwaheri”

Dora aliondoka pale na hata mdogo wake hakujigusa kumuuliza kuwa mbona anaondoka akiwa amechukia vilke kwani yeye alijionea kawaida tu.

Dora akiwa njiani huku ananung’unika mwenyewe, kuna gari ilipaki karibu yake, kisha Yule wa kwenye gari alishusha kioo, basi Dora akamuangalia akakuta ni George akafurahi sana na kwenda kupanda kwenye gari ya George huku akimsalimia.

“Mmmh za siku George, inaonekana maisha yako mazuri siku hizi eeeh!”

“Kiasi chake kwakweli namshukuru Mungu, twende nikupeleke kwangu”

“Twende tu”

Kwa muda huo hata hakufikiria kuwa muda umeenda na anataka kurudi kwao ila aliondoka na George tu.



Tumaini alifika nyumbani kwao ilikuwa ni kwenye mida ya saa tatu usiku, alipoingia getini alimuuliza mlinzi wao,

“Vipi Erick na Yule msichana wake wameondoka?”

“Ndio wameshaondoka”

“Na lile gari pale la nani?”

“Lile gari la mzee”

“Kheee leo kaja mapema hivyo?”

“Tena karudi toka saa kumi na mbili jioni, muda ule ule walipoondoka wakina Erick tu basin a yeye akaingia”

“Kwahiyo hajawakuta”

“Ndio hajawakuta”

Basi Tumaini akaachana na Yule mlinzi na kuingia ndani kwao, yani ni kweli baba yake alikuwa na magari mengi tu ambayo si yote alikuwa ameyakariri ila ile kumwambia baba yake kuwa anauhitaji na gari alishindwa kwani hakumzoea na vile vile toka wanakaa nae hapo, basi kuonana nae ni kwa nadra sana.

Aliingia ndani kwao, na kwa mara ya kwanza alimkuta baba yake sebleni akiangalia taarifa ya habari, Tumaini akamsalimia baba yake,

“Najua umenimiss mwanangu, karibu karibu tuongee”

Tumaini akasogea karibu na baba yake,

“Kaka yako yuko wapi?”

“Sijui ila nilimuacha, nadhani katoka, na leo mbona umerudi mapema?”

“Jamani kuna muda nakaa naikumbuka familia yangu mwanangu, ila leo niliwahi kwa lengo la kuwakuta wanangu nyumbani maana kuna habari nataka niwape”

“Habari gani hiyo baba?”

“Sasa ni vyema nikaongea nanyi mwenzio akirudi, basi asubuhi mwambie asitoke ili niongee nanyi sawa!”

“Sawa baba”

Tumaini akajikuta ana hamu sana ya kujua ni kitu gani ambacho baba yao anapanga kuongea nao, kitendo hiko kilimfanya alivyoenda chumbani kumpigia simu Erick kuwa baba yao anawahitaji nyumbani na anataka kuongea nao.



Basi George alifika na Dora nyumbani kwake na kumkaribisha ndani, kwakweli dora aliona jinsi gani George alivyojipanga akamsifia sana na kumuuliza,

“Hivi George bado tu hujaoa? Au bado unatafuta bikra?”

“Nyie wanawake mnbajielewa basi! Nilipenda sana nioe mke ambaye hajawahi kupitiwa na mwanaume yeyote yani mimi niwe mwanaume wake wa kwanza”

“Mwanamke awe hajawahi kupitiwa na yeyote ila wewe umepitia kibao hatusemi, huoni kama unachofanya sio sawa? Ila hata hivyo mabikra wapo bhana, tuseme hujawapata tu! Nyumba kama hii inatakiwa awepo mwanamke ndani, umerudio kutoka kazini kama hivi akupikie na kukupetipeti”

“Aaaah mabikra kweli wapo ila wengine wana bikra feki yani wenye bikra halisi hawajulikani karne hii, nilimpata mwanamke bhana akasema yeye ni bikra tukaja nae ndani uwiiii anajua kila kitu, jamani bikra gani anayajua mapenzi kiasi kile! Nikasema hapana hapa nauziwa mbuzi kwenye gunia”

“Kwani damu haikutoka?”

“Ilitoka ila Yule nadhani alikuwa muigizaji, nikajaribu kuangalia wa vijijini ni washamba hatari na mwingine anakwambia ni bikra ila anasema msifanye hadi ndoa, sasa mtu wa namna hiyo wa nini? Nitajuaje kama bikra kweli? Naamua kumbwaga tu, ila kwasasa wala sitaki cha bikra wala nini namtaka mwenye mapenzi ya dhati”

“Basi nipo mimi George jamani, au mimi umenisahau?”

“Wewe Dora nae loh! Wewe ni hawara yangu jamani”

“Ndio mimi ni hawara yako ndiomana huwa sina wivu na wewe na hata hivyo mahawara huwa hawaachani. Umesikia wapi mahawara wanaachana? Kwanza leo nafurahi sana nimekutana na wewe, nafurahi sana nimefika kwako, sasa unafikiri leo naondoka?”

“Kheee kwahiyo huondoki?”

“Siondoki ndio, huna mke halafu mimi niondoke kwa lipi na umewahi kuwa hawara yangu. Yani leo ndio nipo nawe hadi asubuhi nami nifaidi matunda yako ya mafanikio”

George alihisi furaha sana na aliona amepata haswaa yani alijiona ni mshindi kupita njia na kuonana na Dora, kwahiyo hakupinga zaidi zaidi kumfanya Dora kama mke kwa muda huo.



Erick alikuwa amemrudisha Erica nyumbani kwao ila kwa muda huo wakati anaaga kuwa anaondoka, Bite alitamani sana kumuuliza kuhusu zile hela ila mama Erica alimkatisha kwani alihisi kama ni swala la kujiaibisha kuhisi kuwa Erick anaweza kuchukua hela kama ile wakati ana hela nyingi tu, basi Erick aliaga na kuondoka zake.

Alifika nyumbani kwao ilikuwa saa tano usiku, na dada yake akamwambia azma ya baba yake ya kutaka kuongea nao asubuhi kwahiyo dada yake alimwambia kuwa asiondoke mapemaili asubuhi waweze kuongea na baba yao.

Basi Erick alikubali na kwenda zake kulala tu maana siku hiyo alikula kwakina Erica kwahiyo hakuwa na sababu tena ya kula, zaidi ya kuoga na kwenda kulala tu, ila alipigiwa simu na Sian a hakupokea ile simu kwani alikuwa na hisia mbaya na Sia huenda akaweka hata dawa kwenye simu ashangae akiongea nae tu aanze tena kumfatilia wakati kashaamua moyo wake kuwa kwa Erica.

Kulipokucha aliamka na kujiandaa kisha alienda kukaa sebleni ili kumsubiri baba yao, ambapo Tumaini nae alienda kukaa sebleni na muda kidogo baba yao alitoka ndani na kuanza kuongea na watoto wake, walimsalimia na akaanza kuwaeleza lengo lake,

“Nadhani Erick nishawahi kukugusia kuhusu swala hili, ni hivi nahitaji kuoa”

Tumaini akashangaa na kumuuliza baba yake kwa mshangao,

“Kuoa baba”

“Ndio, nahitaji kuoa. Katika maisha yangu sijawahi kuoa yani sijawahi kuwa na mke kabisa, ila kwasasa nimeona ni bora nioe yani kuwe na mama yenu hapa nyumbani ili baba yenu na mie niwe narudi nyumbani mapema, nashinda nyumbani kama baba wengine wenye familia, naomba mniunge mkono kwa hili wanangu”

Erick akamwambia baba yangu,

“Kwa upande wangu mimi sioni kama ni tatizo tena naona umefanya maamuzi ya maana sana baba maana sijawahi kuona au kusikia mahali kuwa baba uliwahi kuoa au kuwa na mke. Na sisi kwetu ni faraja sana kuona baba ukipata mke wa kukuhudumia na kukutunza. Au unasemaje Tumaini”

“Hata mimi naona ni sawa kabisa, ila swali ni kuwa huyo mama yetu ni nani? Na hiyo harusi ni lini?”

“Swala la mama yenu ni nani subiri tu mtamjua, maana kuna maswala nilikuwa nakamilisha na yashakamilika ila hivi karibuni nimepanga kwenda kutoa mahali kwa huyo mama yenu yani mwezi huu haupiti basi mtasherekea harusi yangu, na Erick si ulisema unataka kuoa eeeh!”

“Ndio baba nataka kuoa”

“Basi hakuna tatizo, baada ya harusi yangu ndio wewe pia utaanza mipango ya harusi yako tena nitaisimamia kila kitu maana harusi yangu nataka iwe ya kawaida tu ila harusi yako, nitagharamia sherehe yote mwanangu, kipindi hiko nipo na mama yenu yani ni furaha tele”

Wote wakafurahia haswaa Erick maana aliona ni jambo la kuvutia sana kwake kuambiwa na baba yake kuwa atagharamia shughuli yote ya harusi yake, hivyo akaombea tu harusi ya baba yake ipite salama ili yake ifanyike pia.

“Baba, mzee wangu yani mimi natoa heri zote za wewe kumpata mama yetu maana ni furaha kwetu pia. Natumaini hiyo Jumamosi itakuwa kweli na tutaenda wote ili tumfahamu na mama yetu”

“Yani msijali wanangu, maandalizi yapo vizuri kabisa, siku hiyo tutaondoka hapa pamoja kwenda kumaliza kila kitu ila ninachowaomba watoto wangu tutakapofika kwa huyo mama yenu mumpende na akifika hapa nyumbani mmuheshimu, baba yenu nimechelewa kuoa sababu katika maisha yangu sijawahi kumpata mwanamke nikampenda, huyu niliyempata sasa ni mwanamke wa kwanza kupendwa na mimi kwahiyo lazima nimuoe”

Tumaini akamuuliza baba yake,

“Je na yeye anakupenda?”

“Mwanangu Tumaini hivi unaendaga kanisani kufanya nini na maandiko huyajui? Je maandiko unayasoma vizuri kweli? Unayajua vizuri maandiko? Imeandikwa enyi wake watiini waume zenu nanyi wanaume wapendeni wake zenu, kwahiyo swala la kupenda ni swala la mwanaume yani limeandikwa kabisa kuwa mwanaume lazima apende kwa maana nyingine mwanaume anatakiwa aoe anachokipenda ila mwanamke hakuna tatizo maana mwanamke anajifunza kupenda yani mwanamke anaendana mazingira yanapompeleka, yakimpeleka kwa A basi atampenda A yakimpeleka kwa B vivyo hivyo, yani mwanamke anajifunza kupenda ila mwanaume ndio haswaa anayejua kupenda”

“Ila baba mbona wanasema mwanamke akikupenda ndio kakupenda kweli”

“Sababu mwanamke anajifunza kupenda kwahiyo kitu cha kujifunza lazima uwe nacho makini na ndiomana utakuta unamtongoza mwanamke ila anakukataa kataa ila cha kushangaza badae weee anakupenda kufa maana kashajifunza kwahiyo swala la mama yenu kunipenda au kutokunipenda lisiwape shida maana atajifunza kunipenda ndani ya ndoa na nitamfanyia kila kitu cha kumfanya anipende maana wanaume tunajukumu la kuwafanya wanawake watupende kwa kuwaonyesha upendo”

“Mmmh baba umenifungua”

“Ndivyo ilivyo hiyo yani usishangae kuona mwanamke alimkataa mwanaume ila alipomkubali na kuwa nae akampenda sana, au anaweza kumkataa ila kila yule mwanaume anavyomfatilia ndio yeye anapojifunza kumpenda mwanaume yule na kumkubali, maandiko yanasema enyi wanaume ishini na wake zenu kwa akili unafikiri ni akili gani hapo tunaambiwa? Ni akili ya kumfundisha mwanamke upendo maana akikupenda hawezi kukufanyia mambo ya ajabu ila ukikosa akili ya kumfanya mwanamke akupende hata usijisumbue kumuoa maana kuna siku atakuwekea sumu ya panya huyo ufe”

“Kwahiyo baba una uhakika huyo mwanamke atakupenda?”

“Jamani tumeandikiwa upendo yani lazima atanipenda, mbona nyie watoto mnakuwa watata hivyo? Tumaini vipi, hutaki nioe mama?”

“Hapana baba, nilikuwa nauliza tu”

“Au umeshangaa vile nilivyoweza kukuchambulia maandiko wakati siendagi kanisani? Enzi zangu za ujana wangu nilikuwa naenda kanisani, kuna mwanamke mmoja nilimpenda sana alikuwa mlokole, aaah habari hiyo nitawaeleza siku nyingine ila kwasasa tuwe makini tu na maandalizi ya harusi yangu”

Kisha akainuka na kuwaaga watoto wake na kuondoka kwenda kwenye shughuli zake. Walibaki ndani Tumaini na kaka yake ambapo naye Erick alikuwa akijiandaa kutoka ila Tumaini akamwambia kidogo kuhusu baba yao.,

“Unajua Erick leo nimemshangaa baba jamani, loh hata yeye maandiko anayajua makubwa haya”

“Kwani hujawahi kusikia kuwa hadi shetani anayajua maandiko”

“Kwahiyo baba ni shetani?”

“Sina maana hiyo ila ni kitu cha kushangaza jamani, hakuna dini anayoudhuria, hakuna kipindi cha dini anachoenda ila anatuambia habari za maandiko loh! Nimesema hivyo kama mfano tu”

“Sawa lakini, kheee imeshangaza yani baba anajua maandiko loh!”

Basi wakacheka tu pale kisha Erick kutaka kuondoka ila kabla hajatoka Tumaini akamsimamisha na kumwambia,

“Ila Erick mdogo wangu hebu nionee huruma dada yako eeeh! Nakaa tu nyumbani natia huruma haswaaa yani siendi kwenye shughuli ndiomana Napata na muda wa kuanza kufatilia mambo yasiyonihusu, nirudishe dukani jamani mdogo wangu eeeh!”

“Sawa, nenda kafungue duka ila sijakurudisha rasmi maana lile duka ni la Erica, wewe nenda kafungue tu halafu tutajua cha kufanya mbele ya safari”

“Sawa, nashukuru kwa hilo. Haya mdogo wangu na usafiri je! Unajua na mimi natamani kuendesha gari, nimechoka kutembea”

“Subiri, kuna gari ya baba ipo tu gereji imepaki najua vitu vingi vya baba huvijui sababu hutaki kujua basi hiyo gari italetwa leo jioni hapa nyumbani maana funguo ninazo mimi”

“Asante sana mdogo wangu”

Basi Erick akatoka na kumfanya Tumaini ajisikie vizuri na kuona pengine siku hiyo kaongea na kaka yake kwa upendo ndiomana kaka yake amemsikiliza tofauti na siku zingine.



Dora aliamka nyumbani kwa George na kujiandaa kwaajili ya kurudi kwao, kwahiyo wakati George anaenda kazini akampitisha nay eye stendi na kumshusha, kisha Dora akamwambia,

“Ila George wewe mbahili loh! Nilijua umejifunza siku hizi kumbe huna lolote, mwanaume mbahili wewe, yani umeendelea siku hizi ila wapi ubahili tu hata kusema hela hii ya nauli hakuna! Mmmh George mbahili sana wewe”

Ila ndio kwanza George alisimamisha gari ili Dora ashuke tu basi Dora akashuka na kupanda daladala ya kurudi kwao huku akijisemea mwenyewe,

“Yani na Yule 

nimemkomesha, na nitamkomesha hadi naye apate ukimwi nilioupata mimi maana anajishauwa mtu gani hadi leo hajaoa eti anatafuta bikra, sasa sijui kama kuna bikra atamkubali na ukimwi wake. Kwanza janaume bahili kweli, sasa ukimwi utamkomesha mjinga Yule”

Kisha akaendelea na safari hadi kwao ambapo alimkuta mama yake akilalamika na malalamiko yale yale kuwa watoto wake wamebadilika,

“Dora, ulianza wewe kulala nje kwahiyo mdogo wako analala nje hata hushtuki jamani mnataka kunifanya nini mama yenu jamani? Watoto wenyewe ndio nyie wawili tu kwanini mnanifanyia hivi!”

“Mama, utanilaumu bure tu ila mimi nimekwambia kuhusu Steve twende kwenye maombi”

“Maombi gani nitakayoenda na wewe, hivi ni Mungu yupi atakayesikilkiza maombi yako wewe binti mchafu!”

“Maneno yako hayo mama ndio yanayofanya hata nisijirekebishe ujue, wewe ni mama yangu, niweke mwanao kwenye mstari, ni wewe ambaye hukunilea vyema, hivi mfano ungenifundisha kuishi katika misingi ya dini ningeacha si ingekuwa uzembe wangu mwenyewe? Ila mama hakuna ulichojaribu kwangu na Steve halafu unalalamika, nakwambia kuwa swala la Steve ni la kwenda kwenye maombi unasema hakuna Mungu wa kunisikiliza mimi. Yule mwanamaombi alinifundisha vizuri sana kuna mwanamke kahaba ila alilia miguuni pa Yesu na akasamehewa sembuse mimi! Jamani mama laiti ungejua kuwa wewe ndio unazidi kunipotosha mimi hata usingesema”

“Hebu nitolee ujinga wako hapa, unaanza hadi kujifananisha na makahaba kama na wewe sio kahaba ni nini! Kwani wewe na huyo mwanamke mnatofauti gani? Mtoto kama sijakuzaa mimi, yani hapo ulipo unanuka dhambi tu”

“Kheri mimi nanuka dhambi lakini nina hela”

“Yani unaongea kama binti ambaye hakusoma, jamani Dora umefika chuo wewe! Unaongea utumbo tu”

“Ni kweli nimefika chuo ila kumbuka kwenye elimu yangu kila hitaji nililokwambia ulisema nijiongeze, hivi mama ulitaka mwanao niwe vipi? Ndio nikajiongeza hivi”

“Unajua usiniambie hivyo mama yako mimi, nitakupiga ujue!”

Dora akaachana na mama yake ukizingatia alishachoka muda huo aliamua tu kwenda chumbani kwake kujilaza.



Siku hiyo Erica akiwa nyumbani kwao kwenye mida ya jioni jioni alienda Erick kama kawaida kumsalimia na kuangalia kama anaendeleaje maana ingawa alishampeleka kule kwenye duka ila hakutaka aanze kwa kipindi hiko mpaka awe sawa kabisa kwahiyo Erica alikuwa tu nyumbani ila huku ana uhakika na kile kinachoendelea juu yake.

Kwahiyo Erick alivyofika walitandika mkeka nje na kukaa huku wakizungumza mambo yao mbalimbali.

Basi Erick aliongea ongea nae pale na alimueleza pia lengo la baba yake kutaka kuoa,

“Hivi kwani baba yenu hajawahi kuoa?”

“Hajawahi hata mara moja mwenyewe anadai hakumpata mwanamke ampendaye ila sasa kapata ampendaye ndio anataka kuoa na ameniahidi kuwa baada ya harusi yake ndio atashughulikia yangu”

“Kwahiyo mimi na wewe Erick tutaoana mwaka huu huu!”

“Ndio mwaka huu tunaoana Erica”

Kwakweli Erica alifurahi sana kusikia vile kwani ndoto yake siku zote ni kuolewa tena kuolewa na mwanaume ampendaye kama Erick kwahiyo ilikuwa ni furaha sana kwake.

Basi baada ya maongezi yale ndipo Erick alipotaka kuondoka ila Erica alitaka ale kwanza,

“Hapana Erica, leo nahitaji twende restaurant tukale. Basi twende ukaage tu tuondoke muda huu”

“Ila mama hayupo, yupo dada Bite tu”

“Si ndio vizuri lakini maana mama nae akiwepo kutoa ruhusa ni balaa”

Basi Erica akacheka tu na kuinuka pale kutoa mkeka kupeleka ndani na kumuaga dada yake kuwa anatoka kidogo na Erick kisha yeye na Erick wakaondoka zao.

Pale nyumbani alibaki Bite akiendelea na kazi zake zingine, muda kidogo akaja mgeni na kugonga ikabidi Bite afungue, mgeni huyu alikuwa ni mtu mzima wa makamo halafu kaongozana na vijana wawili basi akawakaribisha na kuwauliza maana alikuwa akiwashangaa basi Yule mzee alijitambulisha,

“Naitwa mzee Jimmy”

“Kheee kumbe mzee Jimmy mwenyewe ndio wewe!”

“Ndio ni mimi, niliacha milioni tatu za posa ya Erica, niliacha na karatasi ndani kuonyesha nampenda Erica na leo nimekuja”

Bite akataka kuongea jambo ila huyu mzee alimzuia na kuendelea kusema,

“Leo nimeleta hii milioni moja ya chakula siku ambayo nakuja kutoa mahali na kumchukua mke wangu, jiandaeni na msifikirie kunifanyia ujinga kama mnaonifanyiaga maana posa yangu mmepokea kwahiyo mke wangu nakuja kumchukua, sitaki useme neno lolote kwasasa. Jua kwamba jumamosi nakuja kumchukua mke wangu”

“Kwahiyo kesho”

“Ndio, mjiandae yani kesho mapema kabisa nakuja kuchukua mke wangu”

Kisha Yule mzee na wale vijana wakaondoka, Bite alibaki tu kaduwaa na zile pesa mkononi maana hakujua hata anaanzia wapi na kuishia wapi na kuzirudisha kwa Yule mzee hakuweza maana alimuwekea vitisho.

Basi mama yake aliporudi alimpa zile pesa, ila alizipokea na kumuulizia Erica kwanza

“Erica yuko wapi?”

“Katoka na Erick mama”

“Yani huyu mtoto akipumzika siku mbili basi siku ya tatu lazima atatoka na Erick, kwahiyo hizi hela ni Erick kazileta?”

Basi bite akamueleza mama yake jinsi zile hela zilivyoletwa, yani mama Erica alizitupa zile hela chini huku akilalamika,

“Hizi hela ni hela za moto jamani, huyo mzee anatutakia nini jamani!”

“Mama nilisema Erick aulizwe kuhusu hiyo milioni tatu ila hajaulizwa hadi leo na habari ya hela jamani tutajuta humu ndani, na hivyo kesho ndio kasema anakuja kutoa mahali na kumchukua mke wake yani hiyo hela katoa ya chakula eti tusimtie aibu kwa wageni”

“Hivi huyo mzee ana wazimu au kitu gani jamani, ni wapi wanatoaga mahali bila mila za kabila hilo? Anajua kabila letu mila zake? Ni wapi wanatoaga mahali kinyemela hivi? Mbona huyu mzee anataka kulazimisha mambo?”

“Ndio hivyo mama, subiri mwanao Erica afike umueleze habari hizi labda ampigie huyo mzee kumzuia”

“Kheee jamani nimechoka kwakweli yani nimechoka haswaaa”

Basi kwenye mida ya saa nne, Erica alirudi nyumbani na mama yake alimfokea sana kwa kuchelewa kisha akamwambia habari za mzee Jimmy na kumtaka ampigie simu kumsitisha hiko anachotaka kukifanya, ikabidi Erica ampigie simu mzee Jimmy,

“Wewe mzee hivi unataka niongee kwa lugha gani unielewe? Sikutaki, achgana na mimi”

“Hunitaki nini wakati posa yangu nyumbani kwenu mmekula, kesho ndio utajua kama unanitaka au la”

“Sikutaki wewe mzee, achana na maisha yangu”

Erica alikata ile simu kwa hasira na kuamua tu kwenda kulala.

Kulipokucha waliendelea na mambo mengine huku kila mtu akiwa hana habari kwa chochote kile.

Kwenye mida ya mchana mama Erica alimuagiza Erica dukani kwahiyo Erica alitoka kuelekea dukani, wakati anatoka nje ya geti alishangaa kukuta pamepambwa sana kama kuna sherehe vile, aliamua kukimbia ndani kwenda kumuita mama yake.



Erick, Tumaini na baba yao waliongozana kwenye gari moja wakienda huko kumchukua mke wa baba yao. Walikubali kwenda nae ingawa aliwashtukiza tu maana hakusema kuwa ni siku gani wao wataenda huko kwa mama yao yani mke mtarajiwa wa baba yao, walipokuwa kwenye gari Yule mzee aliwasisitiza wanae,

“Yani kama mkikuta familia ya Yule mwanamke inaleta vurugu msishangae sana ni hawataki mtoto wao nimuoe sijui washachukua mahali za watu wengi wengi ila baba yenu huwa sitaki hela yangu iende bure na mwanamke nampenda. Kwahiyo msishangae”

“Sawa baba”

Safari iliendelea ila Tumaini na Erick walishangaa sana kuona mitaa ambayo wanaelekea ni mitaa ya kwakina Erica ila wakajipa moyo, walifika mahali hapo pamepambwa sana ni vigumu kujua kama ile nyumba huwa wanakuja mara kwa mara, wakashuka huku wakishangaa shangaa, Erick akasema kwa mshangao,

“Jamani hapa si kwakina Erica!”

Tumaini akajibu,

“Ndio, na Erica mwenyewe Yule pale na mama yake”

Erick aliwaangalia huku akiendelea kushangaa.





Safari iliendelea ila Tumaini na Erick walishangaa sana kuona mitaa ambayo wanaelekea ni mitaa ya kwakina Erica ila wakajipa moyo, walifika mahali hapo pamepambwa sana ni vigumu kujua kama ile nyumba huwa wanakuja mara kwa mara, wakashuka huku wakishangaa shangaa, Erick akasema kwa mshangao,

“Jamani hapa si kwakina Erica!”

Tumaini akajibu,

“Ndio, na Erica mwenyewe Yule pale na mama yake”

Erick aliwaangalia huku akiendelea kushangaa.

Kumbe na wao wakina Erica walikuwa wakishangaa pia, Erick alimuacha pale baba yake na dada yake na kwenda alipo Erica na mama yake, bila salamu aliwauliza,

“Kuna nini?”

Wakajibu kwa pamoja,

“Hata sisi tunashangaa”

Erick akatulia kimya akiwaza kuwa mke anayesemwa na baba yake ni yupi kwenye hiyo nyumba, hakupata jibu maana hata wenye nyumba nao walijibu kuwa hawaelewi kinachoendelea, wakati wametulia wakishangaana tu walimuona Mzee Jimmy akiongoza kwa kupita getini kwakina Erica na kuingia ndani huku Dora akimfata nyuma, ilibidi na wao waingie, ila kabla mzee Jimmy hajafungua mlango wa nyumbani kwakina Erica, alisikika mama yake Erica nyuma yake,

“Hivi wewe mzee unataka nini lakini?”

“Nimekuja kumalizia mahari na kumchukua mke wangu”

“Mke wako yupi unayemuona kwenye nyumba yangu?”

“Mke wangu Erica”

Pale Erick na Tumaini walishangaa kabisa kuwa baba yao ni mzima au wazimu umemuingia, kisha mzee Jimmy akageuka nyuma na kumuona Erica na mama yake, akasema,

“Si jana nimeacha pesa hapa jamani, mbona hamjampamba mke wangu?”

Hata Erick alishangaa kusikia kuwa baba yake hadi aliacha pesa ili Erica apambwe, Bite pia alitoka ndani na kushangaa ule mzozo. Kwanza alishangaa kumuona mzee Jimmy, wakati huo huo alishangaa kumuona na Erick. Tumaini akamuuliza baba yake,

“Kwahiyo baba huyo mama yetu unayetaka kumuoa ni Erica?”

“Ndio, kwani mnamfahamu”

Ni pale pale Erick alipomwambia baba yake,

“ Ndio Baba, huyu Erica ndio mwanamke ambaye nilisema kuwa nataka kumuoa”

“Unasemaje wewe!”

“Ndio hivyo baba, nampenda sana Erica”

Cha kushangaza huyu mzee alianguka chini na kuzimia, ilibidi waite vijana waliokuwa wanapamba na kumpakiza baba yao kwenye gari kisha kumuwaisha hospitali maana inaonekana presha ilimpanda mzee Yule.

Kwahiyo pale ilibaki familia ya kina Erica tu yani Erica, mama yao na Bite na vijana wachache waliokuwa wanapamba. Mama Erica aliwatazama wale vijana na kuwaamuru kuwa watandue mapambo waliyoyaweka nje ya nyumba yake, ikabidi wale vijana waende kutandua maana mwenye shughuli ndio Yule alipelekwa hospitali.



Wakina Erica waliingia ndani ila siku ile ilikuwa ni siku ambayo kuna kitendo cha ajabu kimetokea kwenye nyumba yao, walipokaa Bite alimuuliza Erica kwa mshangao,

“Inamaana Yule mzee Jimmy ndio baba yake na Erick?”

“Ndio inavyomaanisha ila nashangaa sana”

“Sasa unashangaa nini? Inamaana kipindi chote hiki hukuwajua wazazi wa Erick? Yani kipindi chote hiki hukumjua hata baba wa Erick?”

“Kweli nilikuwa simjui”

“hata jina Erica? Wewe ni mtu wa aina gani? Hata jina basi la Mzee Jimmy lingekujulisha kuwa huenda ni baba wa Erick”

“Dada, utanilaumu bire lakini mimi sikujua kabisa, na wala sijui yani mpaka muda huu nashangaa tu”

“Ok, tuseme hujui kama ni baba yao haya hata hujui Erick anaitwa Erick nani? Wewe mbona mjinga hivyo eeeh! Hebu ona hii aibu, ingejulikana mapema ungejua namna ya kumpanga Erick ila sio kwa stahili hii”

Erica aliinuka na kwenda chumbani kwake na baada ya muda alirudi na cheti cha kuzaliwa cha Angel kisha akamwambia dada yake,

“Angalia hapo kwenye majina ya Erick kama kuna herufi J au jina Jimmy ndio unilaumu”

Bite aliangalia kile cheti kweli jina la Erick lilikuwepo ila halikuwa na uhusiano wowote na jina Jimmy mahali popote, ila Bite akaanza mada nyingine kwanza,

“Kwani Erick ndio baba wa Angel? Wewe si ulisema baba wa Angel anaitwa Rahim wewe?”

Mama yao akadakia,

“Bite mwanangu, hayo ndio maajabu ya mdogo wako yalivyo. Aliuza mtoto kwa Erick bila hata kufikiria ya mbele wala ya nyuma, halafu Erick nae kwanini hana majina ya baba yake Jimmy? Au nae alinunuliwa kama Angel? Wamama sisi tuna matatizo sana, si ndio mambo ya Angel nayo yatakuwa hivi hivi mnbele ya safari! Haya sasa kumbe Erick baba yake Jimmy na Yule mzee presha imempanda yani sijui kama kuna ndoa hapa kati ya Erick na Erica mmh sijui naona chenga tu.”

“Yani mama kama Yule ni baba yao na hadi kafikia hatua ya kuzimia hivi watoto wataelewa kweli? Hivi Erick anaweza kuacha baba yake awe na hali mbaya sababu ya Erica? Kwanza wewe Erica una akili gani mdogo wangu, toka lini mtoto akauzwa jamani, hivi nani mshauri wako wewe?”

“Mshauri wake ni mapenzi, yani huyu mtoto anaendeshwa na nguvu ya mapenzi, yakimpeleka huku anaenda yakimuhamisha yupo sijui ataishia wapi”

Wote walikuwa wakimsema na alikaa kimya tu kwani bado hakuona kosa lake na alihisi kuonewa tu, Bite akaongezea kwa kumuuliza,

“Hivi Erica hujatembea kweli na Yule mzee? Ameanzaje kuzimia jamani!”

Erica hakujibu ila mama yake akaongea,

“Inawezekana Erica katembea na yule mzee, hivi mwanangu unajisikiaje kuchanganya baba na mtoto? Nafsi yako inajihisi vipi? Ndiomana Rahim alikuwa akikulalamikia unachanganya ukoo, mwanangu nikajua wale wana roho mbaya, sasa umepata mume umeenda kutembea na baba yake”

“Jamani sijawahi kutembea na Yule mzee msinikandamize jamani”

“Wapi wewe, mzee wa watu azimie tu bila sababu. Lazima umetembea nae na umekula vyake vingi sana”

“Inawezekana hata zile hela nilizokuwa nakwambia uzirudishe hkuzirudisha, itakuwa umekula vingi sana vya huyu mzee Erica. Nashangaa mtoto wangu huna hata kinyaa, hivi ulianzaje kutembea na mbaba kama Yule jamani eeeh! Sidhani kama huyo Erick atakupenda tena mwanangu kwa uchafu huo”

Erica aliinama huku akilia kwa uchungu kwani hakutarajia kabisa na ndugu zake kumkandamiza kiasi kile haswaa mama yake.

“Hata ukilia lakini tunakwambia ukweli, tumesomesha ujinga yani wewe badala ya elimu kukutoa ujinga naona imekuongeza ujinga, unakuwaje na mahusiano na mtu hata hujui ndugu zake, hata huwajui wazazi wake, si mjinga wewe yani mjinga namba moja. Erica hujifunzi yani hujifunzi kabisa, mahusiano na wanaume matapeli unayatoa wapi? Yani mwanaume anawajua ndugu zako wote hadi wale wa pembeni anawajua ila wewe hujui hata wazazi wa huyo mwanaume na unajidai kuwa unapendwa, ndio upendo huo au kichefuchefu? Wanaopendwa wametambulishwa kwao sio nyie wa vichochoroni, ukipewa shilingi mbili basi unajiona umefika, unajiona kama umeokota dodo kwenye mwarobaini, huo ni ujinga Erica yani ni ujinga haswaaa. Mwanaume wa ukweli anayekupenda kwa dhati, atakupeleka wewe kwa ndugu zake wote, atakutambulisha kwa rafiki zake wakujue, atakuonyesha kwa watu wake wa karibu uwajue, kwa Rahim yamekutokea hay ohayo, na kwa huyu Erick hay ohayo, hujifunzi tu loh! Ukipata mwanaume kwasasa, kabla ya mambo yote akutambulishe kwa ndugu zake, akigoma achana nae. Nilikwambia niwe mshauri wako ila unaenda kuchukua ushauri kwa wajinga wenzio huko na unakuwa mjinga maradufu. Natamani hata nichukue bakora nikutandike sijui nimezaa vipi toto jinga kama wewe”

Erica alijisikia uchungu sana na hivyo alikimbilia chumbani kwake na kulia sana kwani hakutegemea kwa yale aliyoambiwa na hakutegemea kuhusu mzee Jimmy alilia sana huku akijisemea,

“Hakuna ninachotenda kiwe chema katika maisha, kila jambo langu ni baya mimi Erica jamani kwanini mimi!”

Alilia sana kwa muda huo.



Tumaini na Erick walikuwa hospitali wakimngoja baba yao ambapo alikuwa akihudumiwa na madaktari walisema kuwa inaonekana presha yake ipo juu sana, Tumaini alimwambia kaka yake,

“Mmmh Erick, naomba niongee hili ila usinifikirie vibaya kiukweli Erica sio mtu mzuri yani anakuchanganya wewe na baba kweli?”

“Tumaini sidhani hiko kitu”

“Inamaana baba amechanganyikiwa kusema kuwa Erica ni wake? Na hadi baba kazimia lazima kuna kitu hapa Erick sio bure”

“Ila sidhani kama Erica alikuwa akinichanganya mimi na baba kiukweli”

“Ila wewe ni mbishi tu, kipindi tupo chuoni kulikuwa na sifa mbaya sana dhidi ya Erica kuwa anatembea na wanaume wengi, alibakwa, sijui katoa mimba yani ana kila aina ya sifa mbaya”

“yote hayo tumeyaona kama mapito kwenye mapenzi yangu na Erica maana tunapendana sana”

“Kwahiyo na hili la baba nalo ni mapito eeeh! Hebu fungua macho Erick, huyu ni baba na huna baba mwingine ila Erica ni mwanamke ambaye ukimuacha utapata mwanamke mwingine. Unapoongea chochote fikiria na maisha ya baba”

“Hivi Tumaini unafikiri mimi sifikirii? Ila na wewe unapoongea fikiria na furaha yangu, furaha yangu ni kuwa na Erica, yani Yule ndio manamke wa maisha yangu”

“Baba akifa sitakuelewa wewe wala huyo Erica”

“Sasa hizi mada zinatokea wapi jamani”

Daktari alitoka na kwenda kuwapa taarifa juu ya maendeleo ya baba yao,

“Imnaonyesha kuna habari ya mshtuko ambayo huyu mzee kaipata maana presha yake ilikuwa juu sana na tumejitahidi kwakweli kuweza kuishusha kiasi, sasa hata akija kuruhusiwa hawezi kuwa sawa kwa kipindi kidogo tena inabidi muwe nae makini sana yani msimpe habari ya kumshtua wala msimwambie kitu kibaya”

Tumaini akauliza,

“Je ameweza kuongea?”

“Hapana, bado amepumzika ila anaweza akaruhusiwa kesho. Kwahiyo kwa leo atalala tu hapahapa hospitali”

“Ila dokta, baba yetu hajawahi kuwa na presha hata mara moja”

“Inawezekana hamkujua ila ana presha tena ya kupanda”

Kwahiyo ilibidi wawe wapole tu maana tayari baba yao alikuwa amelazwa, kichwani kwa Erick kulikuwa na vitu vingi sana vinacheza kwa wakati huo na hakupata majibu ya chochote anachowaza, simu yake ikaita aliangalia mpigaji aliona ni Erica, alitamani kutokupokea ile simu ila aliamua kupokea tu, alisogea pembeni na kuongea na ile simu na kugundua kuwa Erica analia, akamuuliza

“Sasa unalia nini?”

“Najua Erick utanifikiria vibaya ila mimi sikuwa na mahusiano na baba yako kabisa”

“Kwahiyo baba yangu ni chizi kusema mwanamke wake ni wewe”

“Erick jamani, kumbuka niliwahi kukwambia kuwa kuna mzee ananifatilia na huyo mzee ndio huyo mzee Jimmy na hata sikujua kama ni baba yako Erick”

“Kwavile hukujua kama ni baba yangu ukaamua kutuchanganya baba na mtoto? Kwanini wanawake mnakuwa hivyo lakini, yani hata mpendwe vipi lakini ukimuona mwanaume ana dau kubwa unaamua kuhamisha majeshi kwake, sasa baba yangu kweli Erica!”

“Jamani Erick utanilaumu bure ila nilikueleza kuhusu huyo mzee kunifatilia jamani, sijawahi kuwa na mahusiano nae. Ila nimekupigia ili kuuliza anaendeleaje?”

“Sasa unamuulizia wa nini? Wakati ulipokuwa na mahusiano na mtu mzima kama huyu hukujua kama uanweza msababishia matatizo? Bado hajazinduka”

“Najua Erick huwezi kunielewa kwasasa, ila tuonane basi nikueleze”

“Yani nimuache baba yangu hospitali nije kuonana na wewe Erica? Inakuingia akilininhiyo kabisa? Si unakumbuka ulivyonieleza kwamba ulimpenda sana baba yako, inamaana mimi simpendi baba yangu?”

“Lakini Erick, mimi sikujua kama ni baba yako”

“Swala hapa sio kujua au kutokujua ila swala ni kwanini uchanganye mapenzi yangu na mtu mwingine? Ngoja baba azinduke ndio nitaongea na wewe vizuri ili nijue kisa na mkasa, lakini kwasasa hatutaelewana”

Kisha Erick akakata simu, kwa wakati huo hakutaka kumuelewa Erica kwa haraka kwani alitaka kujua ukweli kwanza na ukweli hawezi kuujua toka sehemu moja ni lazima apate sehemu zote mbili.



Kesho yake Mzee Jimmy alipewa ruhusa ya kurudi nyumbani ambapo alirudi na watoto wake ila hawakumuuliza chochote baba yao zaidi ya kwenda nae nyumbani tu, walipofika walimuacha akapumzike kwanza kisha Tumaini aliamua kwenda kwa mama yake ili akamueleze hali hiyo inayoendelea kwao.

Alifika kwa mama yake na kumkuta, na baada ya salamu tu alianza kumueleza yaliyojiri ila mama yake alionekana kucheka sana yani kama kasikia habari ya kituko wakati kamueleza kuwa na baba yao hali sio nzuri maana presha ilipanda, Tumaini alimuuliza mama yake,

“Mbona unacheka sasa mama?”

“Ananichekesha huyo baba yenu, hivi ujana wake ale na nani uzee amfie nani? Mzee akili zake mbili kweli huyo, kwamaana hiyo kama mwanamke mwenyewe ndio huyo huyo wa Erick kwahiyo ni binti mdogo ambaye ni lika lenu. Hivi baba yenu ana wazimu au kitu gani, mzee mzima kutaka kuoa watoto wake ndio nini? Mbona kuna wanawake wengi tu lika lake, kuna sie wajane, kuna Yule mamake Erick hajawahi kuolewa Yule si akamuoe kuliko kuanza kuaibika na kupandisha presha na uzee ule. Anataka tu kumkosesha mwanae furaha kwa ujinga wake”

“Kwahiyo mama unamshauri Erick aendelee na maswala ya ndoa na Yule binti?”

“Ndio mimi ningekuwa Erick wala nisingebabaishwa na huyo mzee, aende zake huko muda wake ulishapita”

“Mmmh mama jamani, baba akifa je!”

“Na afe tu, mzee hana akili hata kidogo alikuwa wapi kuoa kile kipindi chetu? Alijua kuchezea wanawake wala hakuwa na lengo la kuoa, iweje leo asikie mwanae anataka kuoa basin a yeye juu juu kutaka kuoa? Haya hatumkatazi kuoa, ila atafute mtu mzima wa lika lake, kilichempeleka kwa mtoto ni nini si alitaka presha ndio hiyo kaipata. Aishie zake huko”

“Jamani mama, jua unayemsema hapo ni baba yetu?”

“Kama angeithamini hiyo nafasi yake ya ubaba basi asingeenda kutafuta presha kwa kuwa na mahusiano na watoto. Simtetei hata kidogo huyo mzee yani hata kidogo, sema lingine tu Tumaini”

Kwakweli alikosa kingine cha kuongea na mama yake maana ilionyesha mama yake kuwa hana habari kabisa na ugonjwa wa baba yao, ila hakumlaumu sana kwavile hakujua kuwa baba yake alimtendea nini mama yake kipindi cha mahusiano.



Kwakweli Erica hakuwa na raha kabisa siku hii, ilikuwa ni jioni tayari na hakupata mawasiliano yoyote toka kwa Erick na alikuwa kila akimpigia simu Erick basi ile simu yake haipokelewi, kitendo hiko kilimfanya awe na mawazo sana. Dada yake Bite na mama yake kuna mahali walienda kwahiyo walimuacha yeye nyumbani kwa muda huo, mama yake akamwambia,

“Sio Erick wako anakuja unajifanya umepandisha shetani la upendo halafu uondoke na kuacha watoto ndani”

“Siwezi kuondoka na kuacha watoto mama”

“Nakwambia kabisa maana akili zako unazijua mwenyewe”

Kisha wakaondoja na kumuacha akiendelea na mawazo yake, muda kidog alifika rafiki yake Dora maana kipindi hiko alijifanya amejirekebisha na ni muda mrefu kidogo hakuja kumuona rafiki yake, Erica alimkaribisha vizuri tu ila aliamua kumwambia kile kinachomsibu au kumuumiza moyo,

“Dora rafiki yangu, mbona hujawahi kuniambia kuhusu watoto wa mzee Jimmy?”

“Kwani mzee Jimmy kafanyaje? Sasa mimi watoto wa mzee Jimmy nikwambie wa nini eeeh! Wananihusu nini, najua tu Yule mzee ana watoto wawili ila watoto wake siwafahamu”

“Mwenzangu, kumbe Erick ni mtoto wa mzee Jimmy kwahiyo Erick na Tumaini ndio watoto wa mzee Jimmy”

“Kheee kumbe!! Sasa ndio kama naanza kupata mwangaza wa mambo”

“Yapi hayo?”

Ndio Dora alianza kumueleza kilichompata mdogo wake na mpaka muda huo yupo kwakina Sia,

“Sasa nilishangaa kusikia kuwa Tumaini na Erick ni ndugu na Yule Sia alimpelekea Erick tunda halafu kalirusha nje na mdogo wangu akaliokota kumbe wale ni watoto wa mzee Jimmy!! Maana Yule mzee anaishi nmitaa ya kwetu kule, ule mtaa wa matajiri, kumbe ndiomana mdogo wangu kapata ujinga kirahisi kumbe wanakaa kule kule”

“Basi ndio huyo mzee wako kaniletea tafrani jana hapa nyumbani”

“Tena Erica usimkubali kabisa huyo mzee, ila kwavile kakuletea vioja vya kujifanya presha imepanda sababu umemkataa sijui nini na nini, nasikia watoto wa Yule mzee wanampenda sana baba yao, na kwavile ndio hao Tumaini na Erick basi inabidi ufanye kitu”

“Kitu gani sasa?”

“Wakina Erick wakikulazimisha uolewe na baba yao sababu baba yao kachanganyikiwa na wewe sijui, waambie swala moja kuwa kweli umewahurumia na unataka hali ya baba yao iwe imara ila waambie kabla ya ndoa ukapime ukimwi na baba yao. Erica Yule mzee kaathirika, asitake kukuingiza mkenge rafiki yangu, mwanzo nilifanya utani ila kiukweli Yule mzee kaathirika kabisa”

“Jamani nawezaje kukubali kuolewa na Yule mzee? Simpendi kabisa, hata kama angekuwa hajaathirika bado simpendi yani mimi nitaendelea kusimamia msimamo wangu tu wa kuwa na Erick, najua Mungu nae atanisimamia kwa hili. Sitaki kuwa kigeugeu yani huku na huku hapana kwakweli, nampenda Erick na ninamtaka Erick”

Kabla Dora hajajibu, kuna mtu aligonga mlango na Erica kumkaribisha, mtu huyo aliingia ndani alikuwa ni Derick, baada ya kutimuliwa kwa siku zote ila bado alifika. Akashangaa sana kuwa bado Erica ana urafiki na Dora, naye Dora alimshushua,

“Kwani kuna ubaya gani jamani mimi na Erica kuendelea na urafiki?”

“Ni vizuri ila mimi jlipita tu kukusalimia Erica, ila kama mama yako hayupo nashukuru ngoja niondoke sasa hivi asije akanikuta bure maana mama alivyo hanipendi huyu anaweza kunila mboga”

Basi Derick akaamua kuaga ila Dora nae aliaga pia sababu alimaliza kuongea na Erica na alihofia pia dada yake Erica kumkuta maana alihisi kuwa lazima huyo dada atakuwa na kisasi nae.

Kwahiyo Dora aliongozana na Derick na kuondoka pamoja.



Walivyofika setendi Dora alimuuliza derrick,

“Kwani muda huu unaenda wapi Derick?”

“Kwani nina pakwenda basi, leo kuna mtu kaniboa kweli ndiomana nikaja kumuona Erica mara moja”

“Kakufanyaje mtu huyo?”

“Yani kuna mdada nilikuwa na mahusiano nae, na leo nilijipanga vizuri kabisa kuwa nae sijui vipi eti anasema hayupo kwenye mood ya kuwa na mimi. Nimeachana nalo huko, kaniudhi kweli yani”

“Pole sana, na wewe una hamu zako hapo!”

“Yani weee acha tu, nimekuja hadi huku basi tu”

“Ila usijali, unajua umeletwa huku ili kuonana na mimi maana katika umalaya wako wote hujawahi kutembea na mimi”

“Na wewe Dora vipi, mwanaume haitwi malaya bhana, hata hivyo sijawahi kutembea na wewe. Nikitaka utanipa?”

“Kwanini nisikupe sasa jamani wakati wewe ni rafiki yangu!”

“Mmmh Dora kweli?”

“Ndio kweli”

“Basi tukodi bajaji tutafute sehemu ya karibu guest tukajivinjari”

“Hakuna tatizo”

Muda ule ule Derick aliita bajaji na kuondoka na bajaji ile kwenda kwenye nyumba ya kulala wageni yani huko akawa na Dora mpaka asubuhi.



Dora alitoka pale asubuhi na kuanza safari ya kuelekea kwao ila alikutana na James akiwa anaenda kazini, James akasimamisha gari yake na kumpakiza Dora kisha akamuuliza kuwa ametoka wapi muda huo.

“Asubuhi yote hii Dora, unaonekana umechoka umetoka wapi?”

“Ngoja tu nikwambie ukweli, nimetoka guest”

“Guest! Kwahiyo ulikuwa na mwanaume?”

“Sasa Guest niende peke yangu nina wazimu au? Nilikuwa na mwanaume ndio”

“Ila Dora si umeathirika wewe, huoni kuwa si vizuri hivyo unavyofanya?”

“Hivi kwani ni mimi tu mwenye dhambi duniani hadi nikapata huu ugonjwa? Yani yoyote anayejilengesha kwangu twende, habari ndio hiyo na wale wanaume wote walionisumbua kipindi cha ulimbwende wangu nawapeleka na maji, si wanaume huwa hamkumbuki kinga eeeh! Yani akili zitawakaa sawa”

“Mmmh Dora, ila ujnajua ukimwi unazunguka? Unaweza tembea na mwanaume halafu akatembea na mdogo wako”

“Kwa bahati nzuri au mbaya sina mdogo wa kike kwahiyo imekula kwao na mdogo wangu kashalishwa limbwata huko kamganda mwanamke hataki hata kurudi nyumbani”

“Hivi Dora, limbwata ndio inakuwaje kuwaje?”

Dora alicheka sana kuona kuwa James kashasahau kuwa hata yeye alilishwa limbwata na pale alimwambia tu muda huo anarudi kwao ila James alijitolea kumpleka Dora kwanza ndio yeye kwenda kazini.

Dora aliingia kwao na kama kawaida mama yake alifoka huku akisikitika na kitendo cha kutokumuona mwanae,

“Mama, kunilalamikia mimi ni sawa na kumpigia mbuzi gitaa. Nishakwambia cha kufanya, kama hutaki basi, ila hiko ndio cha kufanya”

Kisha Dora aliingia chumbani kwake, ila leo kabla ya yote aliamua kumpigia simu mzee Jimmy ili kusikia anasemaje ila ile simu ilipokelewa na Erick, na Dora aligundua baada ya kusikia ile sauti,

“Kheee Erick”

“Ndio, ni mimi wanifahamu kwani maana baba anaumwa”

“Nakufahamu, mimi ni Dora rafiki wa Erica nilikuwa nampigia simu mzee Jimmy”

“Kwahiyo na wewe unataka kujua hali ya shemeji yako sio”

“Hapana, huyo sio shemeji yangu kama unavyofikiria. Muulize vizuri kuwa Dora ni nani akueleze kuhusu mimi. Sio shemeji yake mimi”

“Baba yangu ni mgonjwa, siwezi kuondoka karibu yake maana hataki niende popote na siwezi kumuuliza swali hilo kwasasa mpaka awe sawa kabisa”

Kisha Erick akakata ile simu, ila Dora alihisi jambo kuwa mzee Jimmy anajifanyisha ili Erick asiwe karibu na Erica.

Tumaini alimuita kaka yake ambapo alitoka sebleni na kuanza kuongea naye,

“Nimekusikia ukiongea na simu nani huyo? Nikasikia shemeji”

“Ni Dora huyo, Yule rafiki wa Erica, itakuwa unamfahamu maana anajulikana sana kwa matendo yake”

“Kapata wapi namba ya baba?”

“Sijui, labda na rafiki yake Erica wamepeana huko”

“Hivi Erick sikuwahi kukuuliza, kwani Erica amewahi kukwambia habari zozote za kuhusu baba?”

“Hajawahi kuniambia zaidi zaidi aliniambia kuwa kuna mzee anamfatilia eti anasema ndio baba, ila swali linalonitatiza ni kuwa alisema kuna hela kapewa na huyo mzee sasa hazitaki na amezitumia milioni tano halafu mke wa huyo mzee anazitaka, yani nikatoa milioni tano yangu hivi hivi ili Erica asisumbuliwe na huyo mzee. Swali langu ni kuwa mke wa huyo mzee ni nani wakati baba yetu hana mke? Si change la macho lile nilipigwa na Erica?”

Mara baba yao akamuita Erica, kwahiyo ilibidi Erick aende kumsikiliza na kuacha kuongelea mada zake.



Ndugu wa Bahati leo walimuita nyumbani ndugu yao ili waongee nae kuhusu yale waliyoyasikia, Bahati alifika na kuwasikiliza tu wanachoongea ambapo dada yake alianza kwa kusema,

“Kwakweli Bahati utusamehe sana, hatukujua kuwa Nasma ni mbaya kwako na kukuozesha kwa huyo”

“Sawa hakuna tatizo, ila mimi nataka kumuoa Siwema kwasasa”

“Yani Bahati hujui tu ila bado nguvu ya dawa ipo kwako, yupo binti uliyekuwa ukimpenda sana”

“Yuko wapi huyo binti?”

“Anaitwa Erica, ulikuwa ukimpenda sana na alikuwa ni kila kitu kwako”

“Nina uhakika hata huyo binti hatonitaka tena kwa nilivyo sasa, ila nyie wenyewe si ndio mlikiri ya kwamba mlinipa dawa ili nimsahau huyo binti? Na kweli nimemsahau maana hayupo hata kwenye kumbukumbu zangu, kwahiyo haya ndio maisha ambayo mmenichagulia ndugu zangu”

“Hapana Bahati, sio hivyo yani sio kama hivyo unavyofikiria”

“Yani kuongea kwenu sidhani kama kunanisaidia maana kama kuharibika sasa nimeharibika vya kutosha, kwasasa sirudi nyumbani kwangu sababu nina tatizo lingine”

“Tatizo gani tena?”

“Nishatembea na mdogo wa huyo Nasma na sasa ana mimba yangu, nahitaji kumuoa Siwema. Ila nilirudi nyumbani kwangu na kumkuta Nasma yupo na mama yake yani mama mkwe wangu, ngoja niwaambie tu ukweli ndugu zangu nimejikuta nikianza kumpenda Yule mama tena nampenda kimapenzi”

Ndugu zake walishangaa sana, kisha Bahati akaendelea kuongea,

“Nikaamua kuondoka nyumbani kwangu na kwenda kulekule nilikompangishia nyumba Siwema sababu nikiishi pale nyumbani naweza nikambaka Yule mama mkwe, namtamani kabisa na kujizuia siwezi”

Kwakweli hii hali iliwafanya wawaze dawa ya kumfanyia Bahati mapema iwezekanavyo maana bila ya hivyo atachafua ukoo wa kina Nasma maana hali aliyokuwa nayo haikuridhisha kabisa.



Siku zilienda na Erica hakutafutwa na Erick kabisa, kwakweli kitendo hiko kilimpa mawazo sana. Halafu alianza kujihisi vibaya yani afya yake haikuwa vizuri, siku hiyo alijiandaa na kuaga pale kwao kisha akaenda zake hospitali kwa lengo la kupima malaria.

Majibu yakatoka na kuambiwa kuwa ni mjamzito, alishtuka kidogo ila alikubaliana na majibu yale kwani kabla ya ugonjwa wake anakumbuka kuwa aliwahi kukutana kimwili na Erick kwahiyo kwa vyovyote vile ile ni mimba ya Erick.

Basi akawa anatoka pale hospitalini ila kuna mtu alikumbana nae kikumbo na cheti chake kikaanguka, Yule mtu aliokota kile kicheti na kukishika. Alivyoinua macho kumtazama Yule mtu akakutana macho kwa macho na Sia yani Yule mtu alikuwa ni Sia, basi alisoma kile cheti cha Erica na kusema

“Kheee Erica, kumbe una mimba? Ya nani tena? Usije ukamsingizia Erick maana na mimi pia nina mimba ya Erick, cheti hiki hapa”

Akatoa cheti na kumpa Erica, ambapo alikisoma na kuona kweli Sia ana mimba.





Basi akawa anatoka pale hospitalini ila kuna mtu alikumbana nae kikumbo na cheti chake kikaanguka, Yule mtu aliokota kile kicheti na kukishika. Alivyoinua macho kumtazama Yule mtu akakutana macho kwa macho na Sia yani Yule mtu alikuwa ni Sia, basi alisoma kile cheti cha Erica na kusema

“Kheee Erica, kumbe una mimba? Ya nani tena? Usije ukamsingizia Erick maana na mimi pia nina mimba ya Erick, cheti hiki hapa”

Akatoa cheti na kumpa Erica, ambapo alikisoma na kuona kweli Sia ana mimba.

Erica alimuangalia kwa makini Sian a kumuuliza kwa mshangao,

“Una mimba?”

“Kwani umeshindwa kusoma cheti hiko au? Mimi nina mimba ya Erick, sijui mwenzangu kama kawaida yako ya kupachika mababa watoto wako, sikuelewi!”

Erica akaona kuendelea kuongea na mtu huyu ni kujipa mawazo ya bure wakati mwenye ukweli ni mmoja tu ambaye ni Erick, basi Erick akachukua kile cheti chake kwa Sian a kumkabidhi kile alichompa akisome kisha kuanza kuondoka, ila Sia alimfata kwa nyuma na kumwambia,

“Mbona husemi lolote sasa?”

“Unataka niseme nini?”

“Wotw tuna mimba, na huonyeshi kushtuka kama kitu ulikuwa unajua au Erick kashakwambia kuwa nina mimba yake!”

“Sia, naomba uniache tafadhali kila mtu kaja hospitali kwa mambo yake. Kama wewe una mimba na mimi nina mimba tatizo nini sasa? Sisi ni wanawake na kubeba mimba ni haki yetu”

Sia akaanza kucheka na kusema kwa kebehi,

“Ni haki yetu ndio ila tunatakiw akubeba mimba kwa malengo, yani wewe mtoto wa kwanza umezaa bila malengo na sasa wa pili huyo hujui hata baba wa mtoto ni nani na hujui hata atachukua uamuzi gani”

Erica hakumuangalia tena wala nini sababu alihisi akimchefua tu nay ale maneno yake, alitoka zake na kwenda kupanda gari lake na kuondoka ambapo alienda moja kwa moja ufukweni ili atulize mawazo kidogo.



Erica alifika ufukweni huku akiwaza na kuwazua, akafika eneo moja wapo na kulikumbuka vizuri, lilikuwa ni eneo ambalo alikutana na Bahati kwa mara ya kwanza na alikuwa akiwaza jinsi alivyoachwa na George, aliangalia lile eneo ila hakutaka kukaa tena maana aliogopa kukutana na mwanaume mwingine king’ang’anizi kama Bahati ingawa kwa upande mwingine alimkumbuka Bahati, mwanaume ambaye huwa haoni kosa kwa Erica yani kila kitu kinachofanywa na Erica kwake ni sawa tu, alitabasamu alivyomkumbuka na kurudi kwenye gari kisha kuchukua simu na kumpigia Erick kwani aliona anahitaji sana kuongea na Erick, ile simu ilipokelewa na Erica alianza kuongea,

“Erick tafadhali nina maongezi na wewe, naomba tuonane”

“Si unajua baba yangu anaumwa Erica? Nitamuachaje baba yangu?”

“Erick kumbuka ahadi uliyonipa kwenye mapenzi yetu sasa kuwa hakuna kitu kitakachotutenganisha, ulisema hatupaswi kusikiliza maneno ya watu yani sisi tukae na swala moja la kupendana tu sasa vipi leo umesahau ahadi yako?”

“Kwahiyo Erica, unataka mimi nimuache baba yangu sababu ya ahadi ambayo niliahidi kipindi cha nyuma?”

“Nina jambo muhimu nahitaji kuongea na wewe”

“Hapana, sio kwasasa”

Erick alikata simu, kitendo hiko kilimuuma sana Erica, aliamua tu kurudi nyumbani kwao ambapo mama yake alimuuliza alichoenda kuambiwa hospitali kuwa kinamsumbua ni kitu gani,

“Haya mwali wetu, nini kinakusumbua?”

Erica aliwaza kuwa akisema ni mimba itakuwa ni balaa kwa mama yake maana hatomuelewa kabisa ukizingatia maswala ya mapenzi kashamkataza sana, kwahiyo alimdanganya tu,

“Wamesema eti nina UTI”

“Oooh pole mwanangu, eeeh dawa walizokupa ziko wapi?”

Hapo ndio ukawa mtihani sasa maana uongo ule hakujipanga nao sababu ya mawazo ya Erick, alijikuta akikaa kimya kwa muda na kumuangalia tu mama yake ambapo mama yake alirudia swali,

“Dawa walizokupa ziko wapi? Au hawajakupa dawa?”

“Waliniandikia dawa kuwa nikanunue duka la madawa”

“Karatasi uliloandikiwa dawa liko wapi?”

Alianza kuhisi kuwa pengine mama yake kamgundua maana si kwa maswali yale ya mitego, ila bado aliendelea kumficha mama yake,

“Nilienda duka la madawa ila Yule nesi niliyemkuta amenipa ushauri mzuri sana. Kuwa nisijisumbue kumeza madawa maana unaweza ukameza na UTI ikakurudia, kwahiyo kanishauri nanze dozi ya vitunguu swaumu”

“Dozi ya vitunguu swaumu? Weee Erica ni mzima kweli?”

“Ndio dozi ya vitunguu swaumu, niwe natwanga halafu nameza kama dawa”

“Yani umezunguka kunitafutia uongo wa kuniambia hadi umeupata huo loh mwanangu uongo utaacha lini wewe? Nilikuwa nakuangalia tu wakati unatoka, mwanaume toka sakata la baba yake hapa hajawahi kukanyaga mguu wake tena ila wewe kiguu na njia kumfata fata, unachokitaka utakipata nakwambia, na usiniletee mimba tu, huo ujinga wa kuzaa watoto wawili nyumbani tena bila ndoa siutaki. Umesikia!”

“Nimesikia mama”

Kisha Erica akainuka na kwenda chumbani kwake huku akiwaza sana maana kama mimba tayari anayo, sasa Erick akiendelea kuzingua tu kwake itakuwa ni mtihani mkubwa sana.



Kwa upande wa Sia, alipotoka hospitali moja kwa moja alienda kwakina Tumaini na kumkuta Tumaini akiwa amekaa nje leo. Akasalimiana nae na kuanza kuongea nae, kiukweli Tumaini alitaka kumtimua Sia ila alishangaa akimuangalia tu bila kumtimua, basi Sia akampa Tumaini kile cheti cha kuonyesha kuwa ni mjamzito, Tumaini akamuuliza kwa mshangao,

“Una mimba?”

“Ndio nina mimba, ya kaka yako”

“Hebu acha zako Sia, hiyo mimba iliingia kwa upepo au? Nakumbuka tulisema uigize kuwa una mimba ila haikuwa kweli”

“Tumaini sikupima tu ila kiukweli nina mimba, na cheti hiki hapa. Huyu nimembeba ni mtoto wa Erick”

“Mmmh na Yule unayeishi naye pale kwako?”

“Yule siishi nae kama unavyofikiria ila analalaga pale nje kwetu”

“Unafikiri nina hamu na wewe? Toka nimejua kuwa wewe ni mshirikina basi sina hamu na wewe tena”

“Tatizo Tumaini hukunielewa, ila ndio nina mimba ya kaka yako”

“Sikia Sia, swala la wewe kuwa na mimba siwezi kukubali wala kukataa ila muhusika ndio atasema ukweli maana ndio mnajuana. Mimi siwezi kujua kuwa mlikutana muda gani”

Baba yao na wakina Tumaini alikuwa nje pale akinyoosha nyoosha miguu na aliwasikia wakati Tumaini na Sia wanaongea, basi akafika na kusema kuwa atambulishwe Sia kuwa ni nani? Kwa kipindi hiko wakina Tumaini walikuwa wapole wana kwa baba yao maana hawakutaka kumkera wala kumpa habari za kuudi, kwahiyo Tumaini akamtambulisha Sia kuwa aliwahi kuwa na mahusiano na Erick, halafu Sia nae akasisitiza pale pale kuwa katoka kupima ana mimba ya Erick huku akimpa baba yao cheti kinachoonyesha kuwa ana mimba. Cha kushangaza mzee Jimmy alionekana kufurahia sana ile habari na kumkaribisha Sia ndani kwao ambapo kwa muda huo Erick alikuwa ametoka kuna dawa alienda kumtafutia baba yake.

Mzee Jimmy alimkaribisha Sia huku akimuhoji maswali mbalimbali kama ana mpango gani na Erick,

“Natamani siku moja Erick awe mume wangu, yani nitafurahi sana”

“Basi usijali, siwezi kuacha mjukuu wangu alelewe bila ya baba yani lazima Erick akuoe na sherehe yote nitaigharamikia mimi”

Tumaini alikuwa jikoni kwa muda huu ila kwakweli alishangaa sana kwa baba yao ambaye siku zote toka ameanguka alionyesha kutokuwa na furaha na aliongea kwa shida kiasi kwamba Erick ndio alikuwa akimpokelea simu zake ila leo ilikuwa ni ajabu sana maana aliongea kwa furaha mno kama hakuwahi kuumwa hapo kabla.



Erick wakati anatafuta dawa za baba yake alijikuta akifika mpaka mitaa ya kwakina Erica, ingawa ilikuwa ni usiku tayari ila kwa upande mwingine alitamani kujua ni kitu gani erica alitaka kumwambia, kwahiyo alimpigia simu muda huo ambapo kwa muda mchache tu Erica alipokea simu hiyo kisha Erick alimuambia aende kituoni kwao akaongee nae.

Erica alitoka kwao kwa gia ya kwenda dukani kisha akaelekea kituoni ambako Erick alisimamisha gari yake yani siku hii hakutaka kwenda kwakina Erica kabisa maana kwa amjuavyo mamake Erica basi inaweza kuwa balaa kwake akijitokeza pale wakati hajajipanga.

Erica alifika na Erick alikuwa amesimama tu nje ya gari, Erica alimsogelea na kumkumbatia ambapo Erick hakuweza kuacha kukumbatiwa na Erica ila naye alimkumbatia pia na kugundua kuwa Erica alikuwa akitokwa na machozi, alimuuliza kwa upole kuwa tatizo ni nini ila bado Erica alionekana akilia ikabidi aingie nae kwenye gari ili aongee nae vizuri.

Alikaa nae kwenye gari huku akimkumbatia na kumbembeleza na kumuuliza kwa upole,

“Kwani Erica tatizo ni nini?”

“Nilikuwa sipo vizuri kwa hivi karibuni, nikaamua leo kwenda hospiatali. Nimekutwa na ujauzito Erick”

Erick akamuweka kwanza pembeni Erica na kumuuliza,

“Erica una mimba? Usiniambie ni mimba ya baba yangu maana sijui nitafanya nini muda huu”

“Erick, najua nitasema sana ila unaweza ukaniamini au usiniamini ila mimi sijawahi kutembea na baba yako, ni kweli kanifatilia kwa kipindi kirefu sana ila sijawahi kutembea nae. Kama huamini naomba hata uchukue muda wako umuulize Dora, mimi sijawahi kuwa na mahusiano na baba yako. Hii mimba ni yako Erick”

“Kwa mara moja tu Erica jamani! Yani mara moja tu umepata mimba yangu?”

“Ndio Erick, hii mimba ni yako yani una mashaka bure tu ila hii mimba ni yako Erick, naogopa kusema nyumbani, naogopa kumwambia ukweli mama maana sijui kama atanielewa kubeba mimba mbili nyumbani”

“Sawa, nimekuelewa Erica. Ila nina ombi moja kwako”

“Niambie Erick”

“Naomba usiitoe hiyo mimba tafadhali, naomba usiitoe. Huyo mtoto nitampenda kama nimpendavyo Angel, haijalishi ni wa nani ila nitampenda”

“Erick, huyu mtoto ni wako hutakiwi kuwa na mashaka. Ni mtoto wako huyu Erick, niamini tafadhali”

“Sawa, nimekuelewa basi ngoja nikurudishe kwenu”

“Kabla ya kunirudisha kwetu, naomba nikuulize jambo”

“Jambo gani?”

“Erick, una majina mengine kabisa hata nikashindwa kuelewa kuwa mzee Jimmy ni baba yako. Kwanini hutumii majina ya baba yako?”

“Erica, nilitaka kukwambia kuhusu mimi zamani sana ila kwavile tu mambo yaliingiliana ndiomana sikuweza kukwambia. Toka kipindi nimekwambia Angel aitwe jina langu na sikuona kama ni tatizo maana mambo kama hayo hutokea kwenye jamii. Sema historia yangu ni ndefu kidogo ila nitakwambia kwa kifupi”

“Niambie tu nitaelewa”

“Sikia nikwambie, mama yangu aliponizaa mimi, Yule baba umuonaye nasikia alizingua hivyo mama aliishi kwao ndipo babu yani baba mzaa mama akasema niitwe kwa majina yake yani hakutaka majina ya baba yawe kwangu, toka hapo niliandikishwa shule kwa majina ya babu kwahiyo vyeti vyangu vyote vina majina hayo. Na mwishowe mimi niliishi kwa mama mdogo ndio kipindi kile wakati nasoma, sasa nilivyotimuliwa pale shuleni, mamdogo alimwambia mama kuwa hatoweza tena kunilea maana nimekuwa mtukutu, kipindi hiko mama yangu alikuwa Marekani akifanya kazi za ndani, kwahiyo ujumbe ule ulichelewa sana kumfikia mama. Toka nifukuzwe shule niliishi nyumbani tu kwa mamdogo maana alisema hanitafutii shule nyingine tena, kidogo hapo katikati nina historia ndefu ndiomana mamdogo hakutaka kunitafutia tena shule na alisema ile ni shule ya mwisho kwangu. Nilikuwa napenda maisha mazuri hivyo kila akinipeleka shule zisizoeleweka nilianza kumsumbua ndio akanileta ile shule, akasema ni nzuri na kweli niliipenda na kumuahidi sitamsumbua tena na nitakuwa mtoto mzuri kwahiyo nilipofukuzwa na pale mamdogo alizira kunitafutia shule nyingine, babu naye hakuwa na uwezo wa kunisomesha ingawa nina majina yake, maana alisema ni bora kutumia majina yake anayenijali kuliko kutumia majina ya baba ambaye wala haonyeshi kunijali. Nilikaa mwaka mzima nyumbani nikiwa sijielewi wala nini yani nipo nipo tu maana tulikuwa tunangoja majibu ya mama kuwa tufanye kitu gani ila kwa kipindi hiko niliondoa matumaini ya kusoma kabisa. Siku moja katika pita pita zangu mitaani ndipo nikakutana na baba na alinisaidia bila kujua kuwa mimi ni mwanae, sasa siku naenda kumpokea mama uwanja wa ndege nikakutana tena na baba ambaye kuna ndugu yake alikuwa anaenda kumpokea pia, akanipa lifti tulipofika uwanja wa ndege ndio akakumbana na mama na palepale mama alishangaa kuona mimi na baba tulifahamiana, basi ikabidi atutambulishe vizuri na hapo ndio maisha yangu yakabadilika kwani nikaanza kuishi na baba huku nikisaidiana nae kwenye biashara zake mbalimbali, yani mimi nilikuwa nasoma huku nafanya biashara na baba, na kiukweli zile pesa zilinipa kiburi maana nilianza kuwa na wanawake wengi wengi sababu nilijua ulinikaa sababu nilikuwa sikupi pesa sasa nilikuwa na hela na kupata wanawake mbalimbali sema tu sikuwapenda kama nilivyokupenda wewe”

“Kheee kumbe, kwahiyo Tumaini ulikutana nae kwa baba yako?”

“Ndio Tumaini alikuwa akiishi kwa baba ila alikuwa akiishi sana kwa mama yake, nilipohamia mimi kwa baba ndipo na yeye akaja kuishi kwa baba na hapo ndipo alipojua historia yangu ya kufukuzwa shule sababu ya mwanamke maana mamdogo alikuwa akimsimulia kila mtu kuhusu mimi kufukuzwa shule sababu ya mwanamke, na ndio hapo Tumaini alipochukia sana kuhusu mwanamke aliyesababisha nifukuzwe shule maana mimi hadi kuendelea zaidi na masomo niligoma, unajua kitendo cha mimi kukaa mwaka mzima nyumbani bila ya kusoma kilinichukiza sana, mwishowe nilipokutana na baba nilisoma tu kutoa ujinga ila sio kusoma kwa malengo ndiomana wakati Tumaini yupo chuo mimi sikuwa chuo na usinione hivi sijafika chuo wala nini.”

“Kwahiyo mama yako alikuwa akifanya kazi za ndani?”

“Ndio mama yangu alikuwa akifanya kazi za ndani huko Marekani, watu wengi walipojua walitukebehi na kutucheka ila sasa ndio wanaoomba misaada maana mama kawa na hela hatari, anafanya atakacho, anaenda atakapo yani saivi kawa kama sio yule wa zamani. Na ni kipindi hiko aliporudi maisha yake yalibadilika moja kwa moja, nadhani alijiwekeza”

“Sasa wewe huishi na mama yako, kwahiyo anaishi na nani?”

“Mama anapenda sana kusaidia, ukienda kwake utakutana na watu mbalimbali tu ndugu zake, mimi kwasasa nishazoea kuishi kwa baba kwani kwa kiwango kikubwa sana kabadilisha maisha yangu, mama nae kabadilisha maisha yangu. Kwahiyo mimi nipo katikati, ni jicho la mama na pia baba ananitazama sana, toka amenitambua huwa hataki kunikosea na ndiomana na mimi sitaki nkumkose. Baba yangu amepatwa na presha kwasasa kwahiyo siwezi kumwambia kuwa Una mimba sijui yangu maana ninaweza msababishia matatizo zaidi”

Erica akapumua kidogo kisha akasema,

“Ila ukweli ni kuwa sijawahi kutembea na baba yako, muulize Dora ndio anajua ukweli wote maana Dora ndio alikuwa akitembea na baba yenu”

Hapo Erick alishangaa zaidi kwani hakutegemea kusikia kuwa baba yake anaweza kutembea na msichana kama Dora, aliona kweli mzee wake kaingiliwa basi alienda mbele kuendesha gari ili kumrudisha Erica kwao na kumwambia kuwa wataongea zaidi na watajua cha kufanya.

Alifika nae getini kwao, kisha Erica alifungua mlango wa gari ili aondoke ila kabla hajaondoka Erick alimuita na kushuka kwenye gari kisha akambusu Erica na kumuaga halafu akarudi kwenye gari na kuondoka zake.





ITAENDELEA