KURUDI KWA MOZA - 2

 

Simulizi : Kurudi Kwa Moza

Sehemu Ya Pili (2)





Neema alikuwa wa kwanza kuamka ila kabla hajatoka nje, mtoto wake alimuuliza

“Mama, Maria Patrick ndio nani?”

Neema akashtuka sana kwa swali lile,

“Eeeh Salome unasemaje?”

“Maria Patrick ndio nani?”

“Hata salamu hakuna? Si ndio tumetoka kuamka jamani mwanangu!”

“Ndio mama, shikamoo ila nijibu Maria Patrick ndio nani?”

“Ni mdogo wangu wa mwisho”

“Wewe mama huyo mdogo wako ni wa wapi? Kwanini hutaki kusema wazi tu kuwa Maria Patrick ni mimi”

“Salome, niache tafadhali niache. Wewe mtoto usinitafutie makubwa jamani. Wewe ni Salome, hiyo Maria imetoka wapi tena. Niache wewe mtoto nipumue”

“Mama, nahitaji kwenda kwa baba yangu”

Neema akapumua kwa hasira na kutoka nje, kisha akamuita Ashura halafu Salome nae alienda pembeni akisikiliza maongezi yao,

“Huyu mtoto mwenzangu anataka kuniletea balaa”

“Lipi tena dada?”

“Eti anataka kumjua baba yake”

“Mmmh hilo balaa kweli, mwambie alishakufa”

“Nimemwambia, ila sijui katoa wapi jina la Maria Patrick na amesema anataka kwenda kwa baba yake”

“Khee dada, hapana bhana usithubutu kufanya hivyo”

“Sasa nitafanyeje mimi?”

“Ngojea, nitajua cha kufanya dada ila usithubutu kumueleza kuhusu baba yake”

Neema aliondoka zake kujiandaa ila salome alishaelewa kinachoendelea hapo.



Rose alipoamka hotelini, alijiandaa kwa safari ya kurudi nyumbani kwake, kwakweli alikuwa anajihisi uchovu sana ingawa alilala hotelini ila bado mwili wake uligubikwa na uchovu wa hali ya juu. Aliendesha gari yake hadi nyumbani kwake, ambapo getini alifunguliwa mlango na mlinzi kama kawaida.

“Vipi, ndani humu wote wazima?”

“Nadhani, ila leo sijamuona yeyeto akitoka nje”

“Itakuwa wananisubiria”

Aliingia ndani na kukuta wote wapo chini, tena kila mmoja na pozi lake ila kwa muda huo walikuwa wamepitiwa nausingizi. Wakati anataka kuwaamsha mara akatokea Ana na kumwambia mama yake,

“Usiwaamshe waache hao”

“Vipi tena imekuwaje?”

“Ni viburi sana hao mama”

Rose hakuelewa bado, ila Ana alimvutia mama yake chumbani na kumueleza alichowafanyia ndugu zake.

“Jamani mwanangu kumbe wewe ni fundi hivi jamani!”

“Nilikuwa sizijui vizuri nguvu zangu ila saivi nimezijua”

“Aaah wewe ni kiboko, ila mwanangu watu hawa inabidi warudi kwenye hali ya kawaida maana ndio wanaotusaidia”

“Nitawarudisha wengine ila sio dada Sara”

“Hapana mwanangu, Yule ni dada yako”

“Hata kama, labda aone tu ila kuongea ni no, Yule mdada ni mbea sana”

“Ila kwanini hatukuweza kumziba mdomo Moza?”

“Achana na habari za huyo mtu mama hakuwa wa kawaida ila cha msingi hatuponae tena hapa”

“Sawa mwanangu, ila waachilie ndugu zako”

Ana akaenda chumbani kwake kufanya dawa, na muda kidogo tu pale sebleni waliamka na waliweza kuinuka na kuzungumza ila kila mmoja aliogopa kuzungumza kuhusu kitu kilichotokea. Sara nae aliweza kuangalia ila kuzungumza hakuweza.

Wale mapacha, walipoinuka kitu cha kwanza kilikuwa ni kuondoka hapo nyumbani kwao, na kumuacha Patrick na Sara hata hawakutaka kujua kama mama yao karudi au la.



Salome alikuwa makini akifatili mambo ya Ashura kwani alijua ni wazi angewasiliana na Rose kumwambia ile mada na kweli Ashura aliingia chumbani na kumpigia simu Rose kumbe Salome alikuwa amejibanza akisikiliza,

“Yani dada, ule wasiwasi ambao ulikuwa nao kipindi chote sasa unaenda kutokea. Kwa kifupi haka katoto kameanza kumchachafya mama yake kuhusu baba yake na kanataka kuja kwa baba yake”

Ashura akawa kimya sasa akisikiliza maelekezo ya Rose, ila Salome nae alikuwa makini kabisa kwani alijua ni wazi baada ya maelekezo hayo Ashura angeongea tu.

“Kwahiyo ndio wakati wa kuitumia ile dawa eeeh! Sawa dada nimekuelewa, si nimuwekee kwenye chakula! Sawa dada nitafanya hivyo. Lakini si siyo ya kuua? Sawa maana ingekuwa ya kuua ningeogopa kwakweli maana kesi hizi”

Kisha Ashura akakata simu na kwenda kwenye begi lake ambapo alionekana kama akipekua kitu kisha akatoa kichupa kidogo na kutoka nacho.

Muda kidogo akamuita Salome na kumwambia,

“Njoo ule Salome mzuri weee”

Salome alifika na kumuuliza,

“Sasa nakula peke yangu?”

“Hapana, tunakula wote. Chakula change si hicho hapo. Halafu cha kwako ni hiki”

“Sawa, ila wadogo zangu wako wapi nao waje nile nao bhana”

“Kawaite basi”

“Mi naona uvivu”

“Yani wewe mtoto loh!”

Kisha Ashura akaenda kuwaita wadogo zake Salome, ila kwa muda huo huo Salome aliweza kubadilisha zile sahani za chakula.

Ashura aliporudi akaenda kuwapakulia chakula chao watoto, kisha kwa pamoja wakaanza kula mara gafla Ashura akadondoka huku akitapatapa na povu likimtoka mdomoni.





Kisha Ashura akaenda kuwaita wadogo zake Salome, ila kwa muda huo huo Salome aliweza kubadilisha zile sahani za chakula.

Ashura aliporudi akaenda kuwapakulia chakula chao watoto, kisha kwa pamoja wakaanza kula mara gafla Ashura akadondoka huku akitapatapa na povu likimtoka mdomoni.

Hapo ndio hofu iliwashika hata wadogo zake Salome waliogopa sana na kumuuliza dada yao,

“Kwani imekuwaje dada?”

“Min a mamdogo Ashura tunacheza mchezo kwahiyo hata msiwe na mashaka”

Ila Salome alikuwa jasiri sana kwa wakati huo kwani alimchukua mamake mdogo huyo na kumburuza hadi chumbani kisha akamfunika na kitenge halafu akachukua simu ya Ashura na kuifungua halafu akaangalia namba aliyoipiga mwishoni akaona ni namba ambayo haijaandikwa jina ila akahisi ndio hiyo hiyo namba ya Rose, akaamua amtumie ujumbe mfupi,

“Dada, mbona hii dawa nimempa huyu Salome ameanguka na povu linamtoka mdomoni?”

Baada ya muda ujumbe ule ukajibiwa,

“Hahaha, tayari huyo yani hapo kazi umamiliza mdogo wangu. Unaweza ukaondoka sasa”

Naye Salome akaandika ujumbe mwingine,

“Jamani dada tayari nini tena?”

“Kwani huji? Ameshakufa huyo”

“Kheee kumbe dawa ilikuwa ya kummaliza kabisa! Mbona mwanzo hukuniambia?”

“Hivi wewe Ashura unasahau sahau nini, nilishakwambia toka mwanzo kuwa huyo mtoto nataka nimmalize. Tena toka siku ya kwanza nilikwambia hiyo dawa ni ya kummaliza kabisa, wewe cha kufanya saivi ni kuondoka hapo upesi iwezekanavyo maana kazi tushamaliza. Si nilishakwambia na nguo zako upange kabisa, nakutumia na hela muda sio mrefu ili uondoke”

Na kweli baada ya muda mfupi ikaingia meseji kwenye simu kuwa amepokea milioni mbili na elfu kumi na tano. Kisha ikafatia meseji ya kawaida,

“Toa hiyo milioni mbili itakusaidia kwenye safari yako, ukishafika nishtue nikutumie hela nyingine”

“Hivi dada hawatanikamata kweli?”

“Akukamate nani bhana, kuna mtu anapajua kwenu hapo? Hakuna anayepajua kwenu, hawakukamati wala nini. Kwanza Ashura sio jina lako, kwahiyo watakutafuta hadi wachanganyikiwe”

“Ila hawa wadogo wameona kama dada yao ameanguka”

“Achana nao hao, waondoe hapo nyumbani. Wape hata hela ya biskuti ili wakatembee. Mimi hao nao nitawatokomeza ingawa sijui kuhusu ukweli wao, ila usipoteze muda saivi. Ondoka upesi”

“Sawa dada, ngoja niondoke”

Salome akamtazama Ashura waliyeishi nae kwa kipindi kirefu sana ila kumbe kuna kazi alitumwa aifanye hapo, kisha akatoka nje na kuwapa wadogo zake hela ya biskuti kama ambavyo Rose alikuwa amemshauri Ashura kwani wale watoto walipenda sana michezo na kwa vyovyote vile wamepewa na hela ndio kabisa. Hiyo hela aliipata kwa mama yake ambayo aliiacha kwaajili ya mboga ya jioni.

Kisha Salome akarudi tena chumbani kwa Ashura na kuanza kupekua begi lake, ila alikuta nguo zote za Ashura zimepangwa vizuri sana na vitambulisho vya Ashura alivikuta, na kushangaa sana.

“Hadi vitambulisho vimeandikwa Ashura kumbe sio jina lake mmmh!”

Wakati anapekua zaidi, alikutana na pochi yenye hela, alipozihesabu zile hela ilikuwa ni milioni tatu na laki saba,

“Mmh na mbona kila siku anasemaga hana hela jamani!!”

Alipopekua vizuri aliona kijitabu kimeandikwa andikwa namba za simu, halafu kiliandikwa na namba za siri za kutolea hela kwenye simu, halafu kilikuwa na namba zenye maelezo “Hawa ni watu nitakaowatumia kupoteza ushahidi” Kidogo Salome alishtuka ila swala la kukuta namba za siri kwenye kile kitabu zilimfurahisha kwani aliona kila kitu kimetimia sasa, akitoa na zile hela atakuwa na hela za kutosha, alipojaribisha ile namba kwenye simu ili aangalie tu salio lililopo kwenye simu kakuta kuna 10,050,000/= kwakweli Salome alishangaa sana,

“Kheee milioni kumi kwenye simu! Kumbewalikuwa wanaishi na pedeshee humu ndani”

Akaona ni vyema hiyo hela kabla ya kuitoa aifanyie maarifa ya kuihamisha kwenye simu nyingine halafu ndio aitoe ila kwa wakati huo akafanya namna ya kuweza kuzima lile swala la Ashura. Hivyo akatoka na kwenda kununua viroba vikubwa vya kuweza kumtumbukiza mtu, na aliifanya kazi ile mwenyewe alimtumbukiza Ashura kwenye vile viroba halafu akavifunga kwa juu halafu akamviringisha shuka na kumtumbukiza kwenye kiroba kingine. Halafu zile namba za wale watu alizozikuta kwenye kile kitabu cha Ashura ambao alikuwa ameandika historia zao, akawasiliana nao kwa njia ya ujumbe kwa kutumia simu ya Ashura kisha akawaelekeza pale kwao na mahali alipoweka huo mzigo wa mtu kwani alikuwa ameuburuza hadi sebleni. Halafu yeye akatoka kwenda kutafuta simu nyingine na laini ya kutumia yeye kwa kutumia zile hela alizozikuta kwenye begi la Ashura, hakuwa na wasiwasi na wadogo zake kwani wale huwa wanarudi nyumbani mpaka watafutwe na kuitwa. Ila alitumia ujanja wa kujificha sehemu hadi wale vijana walipofika na kutoka na ule mwili na kuupakia kwenye gari na kutokomea zao. Hapo alirudi tena pale kwao na kufunga milango halafu akatoka.



Rose alikuwa ni mtu mwenye furaha sana kwa wakati huo hata akasahau kila kilichomtokea kwani mambo yote yalikuwa yamefutwa na kifo cha mtu mmoja tu, kifo cha Salome. Kwakweli furaha yake ilikuwa maradufu, akaenda kwa mumewe na kumwambia,

“Leo, nataka nipike mwenyewe. Sema nikupikie chakula gani?”

“Mmmh leo umefurahi na nini mke wangu jamani?”

“Wewe sema tu ni chakula gani unataka”

“Nipikie chochote tu”

Akaenda jikoni na kumuita Ana, kisha akamwambia

“Mwanangu, dadako si umuachie mdomo tu”

“Hapana mama, hawezi huyu ataropoka tu”

“Ameshajifunza mwanangu, halafu leo nina furaha sana muachie bhana”

“Furaha ya nini mama?”

“Yule mtoto aliyekuwa ananisumbua kichwa siku zote, kila nilipojaribu kummaliza nilishindwa hadi kuamua kumtafuta mtu wa kunisaidia. Ila leo naongea habari nyingine kabisa tena kwa furaha, Yule mtoto amekufa”

“Kheee mama, kweli hiyo ni habari njema tena njema haswaaa”

“Sasa sikia mwanangu, chukua simu yangu ile na utoe hela benki halafu utume kwenye namba ya Ashura. Mtumie milioni tano, nataka atulie kabisa huko alipoenda”

“Sawa mama”

Ilionyesha hii habari pia Ana ilimfurahisha sana, kwahiyo akaenda kuchukua simu ya mama yake na kufanya hivyo. Ana alikuwa ndio mtoto pekee aliyejua siri za mama yake, hata namba zake za siri zote alimwambia mwanae huyo. Alipomaliza alimfata tena mama yake na kumwambia,

“Tayari mama nimemtumia”

“Sawa, mtumie na meseji kuwa nimemtumia hela nyingine maana najua kuongea kwa sauti hawezi sababu ya hili tukio”

“Sawa mama”

Ana alituma ujumbe kwenye namba ya Ashura, na baada ya muda tu ujumbe huo ukajibiwa,

“Nimeipata asante dada, saivi ndio niko njiani naelekea kule kijijini. Nishafuta hadi ushahidi, yani hawawezi kujua Salome ametokomea wapi au amefia wapi maana nimewaagiza vijana wautokomeze mwili wake kabisa kwahiyo hakuna ushahidi, na mimi nimeondoka kabisa”

Ana alimsomea mama yake ambaye kwa hakika alikuwa na furaha zaidi, kisha akachukua simu ile kwa Ana na kuwapigia vijana ambao yeye alikuwa anawafahamu,

“Vipi mmeshafanya kazi ya Ashura?”

“Tushamaliza bi.mkubwa si unajua sisi hatucheleweshagi”

“Sasa mmemtupia wapi?”

“Kwenye mapango huko, hawezi kuonekana kamwe. Yani kama watu wataenda miaka ijayo hiyo basi watakuta mifupa. Ila Ashura ni jasiri sana kwani tumekuta amemfunga vizuri kabisa.”

“Sawa, sasa amewalipa?”

“Bado, amesema kuwa yupo safarini”

“Basi msimdai yeye hela, nawatumia sasa hivi”

Kisha Rose akakata ile simu huku akiwa na furaha zaidi halafu akawatumia hela wale vijana, kwakweli leo ilikuwa ni siku ya furaha kabisa kwake.



Salome aliamua kufanya jambo moja la akili sana, alitafuta dalali siku hiyo hiyo na kuulizia kuhusu nyumba, kwakweli ilipatikana yani maisha ukiwa na hela mkononi mambo mengi yanawezekana ila kama huna hela kila kitu kinakushinda. Salome alilipia ile nyumba waliyoipata kisha akatafuta vijana na usafiri wa kuanza kusafirisha vitu kwenye nyumba mpya, kisha akawaita wadogo zake na kwenda nao huko kupya. Walipofika walikuwa wakishangaa shangaa tu,

“Dada, tumehamia kwingine! Mamdogo na mama wako wapi?”

“Mama atakuja, ila mamdogo kagoma kuja huku”

“Jamani dada, mwambie mamdogo aje”

Mwingine akasema,

“Ila bora agome, Yule mamdogo simpendagi”

“John, usiwe hivyo bhana. Mama ametufundisha upendo”

“Hatakama tumefundishwa upendo na mama, ila si kagoma mwenyewe. Akiendelea kugoma dada Salome achana nae. Aje mama tu”

“Sawa sawa mdogo wangu John, wewe ndio kidume. Achana na Jose huyu anajifanya mlokole”

Basi Salome aliwaacha pale wadogo zake na kwenda kumalizia vitu kwenye nyumba yao, halafu alitafuta watu wa kuwapangia vitu vyao ndani. Yote hayo yaliwezekana kwa nguvu ya pesa tu.

Walipomaliza kupanga, alirudi pale kwenye nyumba yao ya zamani na kuwaacha wadogo zake kwenye nyumba mpya, alienda kwa lengo la kumsubiri mama yake kwani usiku tayari ulishaingia.

Kwenye mida ya saa mbili hivi, Neema alirudi na kuingia ndani. Alikuta nyumba yote nyeupe hakuna hata kitu ndani. Alipatwa na mashaka na kuhisi kuwa wameibiwa, wakati anataka kutoka ili aulize kwa majirani ndipo akakutana na Salome,

“Imekuwaje mwanangu mbona sielewi!”

“Tumehama mama”

“Tumehama, kivipi sikuelewi”

“Yani elewa tu kuwa tumehama mama, hapa nimekuja tu kukufata ili twende kwenye nyumba mpya”

“Tutahamaje wakati hapa kodi haijaisha?”

“Mama, mbona unakuwa mbishi hivyo! Nenda tu kazungumze na mwenye nyumba mkabidhi funguo atafute mpangaji mwingine, sisi tumehama”

“Wengine wote wako wapi?”

“Wapo huko kwenye nyumba mpya”

Kwakweli Neema alishindwa kuelewa kabisa kile kitendo cha kuhama kwa gafla vile halafu Salome anamwambia akakabidhi funguo.

“Hapana siwezi kukabidhi funguo wakati sijui tulipohamia”

“Inamaana mama huniamini mimi?”

“Nakuamini vizuri mwanangu ila kwa hili unanichanganya”

“Mama, tulikohamia ni mbali. Funguo twende tu ukakabidhi leoleo”

Kwavile Neema alimuamini sana binti yake, ikabidi aongozane nae mpaka kwa mwenye nyumba na kumkabidhi funguo,

“Mbona hamkusema jamani kama mnahama? Halafu mbona ni haraka haraka?”

“Nisameheni mimi ila haya ni mambo ya Salome na mdogo wangu Ashura hata sijui wamefikiria nini ila ndio hivyo tumehama”

Neema aliwaaga pale kisha akaondoka na mwanae kuelekea huko kupya walikohamia.



Walifika kwenye mida ya saa nne usiku hata wakawakuta wale wadogo zake Salome wamelala kwenye viti,

“Mmh jamani mmewachosha watoto na kuhamahama kwenu, hivi wamekula kweli hawa? Ashura, Ashura”

Neema alijikuta akimuita Ashura kwani alitaka ndiye amjibu kwani yeye ni mtu mzima na atakuwa anjua mambo mengi sana, Salome alimuangalia mama yake na kumwambia,

“Ashura hayupo”

“Wewe si nishakukataza, ni mamako mdogo Yule. Haya hayupo yuko wapi?”

“Kuna mahali ameenda, alisema atarudi kesho”

“Sasa na kuhamia hapa nani ametoa wazo hilo?”

“Ni yeye tena tumesaidiana nae hadi kuja hapa ila baada ya kupanga kila kitu akaniaga na kuondoka. Wakati huo mimi nilikuja kukufata wewe, halafu yeye alikuwa ameondoka”

“Sasa watoto wamekula hawa?”

“Ndio, walinunuliwa chips wamekula, hata wewe za kwako zipo”

Akaenda kumletea mama yake, ambaye alikula bila kuhoji zaidi kwani njaa ilikuwa inamuuma, kisha akaenda kumuonyesha chumba cha kulala yeye. Sababu alikuwa amechoka sana akasema ile nyumba ataiangalia vizuri kesho yake, Salome akawachukua na wadogo zake na kuwapeleka chumbani kulala. Kisha yeye alienda chumbani kwake. Hiyo nyumba ilikuwa na vyumba vitatu vya kulala kama ile waliyokuwa wanakaa mwanzo ila ilikuwa ni nzuri zaidi ya ile ya mwanzo.

Neema alilala fofofo kutokana na uchovu alionao wa siku hiyo kitu kilichomfanya ashindwe hata kuhoji vizuri kuhusu ile nyumba na wazo la kuhama. Ila kulipokucha alichukua simu yake, na akashtushwa na ujumbe kutoka kwa Ashura,

“Dada samahani najua utakuwa umefadhaika sana kwa kutokunikuta ila mimi lengo langu ilikuwa ni kuona dada yangu unaishi kwenye mazingira safi na mazuri. Hiyo nyumba nimelipa kodi ya mwaka mzima kwahiyo usihangaike kabisa dada yangu. Mimi nimeamua kurudi kijijini kwetu kwa ndugu zangu nimewakumbuka sana, na huko mjini sitarudi tena. Wala usihangaike kunitafuta dada yangu. Halafu huku mtandao unasumbuaga sana kwahiyo mara nyingi nitakuwa sipatikani kwenye simu. Usihangaike kumuuliza Salome, hajui chochote kuhusu kuondoka kwangu kwani ningemwambia ukweli kama naondoka angelia ndiomana nimeondoka kimya kimya. Nawapenda sana ten asana, hata msiwe na wasiwasi na mimi nipo salama kabisa”

Neema alisoma ule ujumbe mara mbili mbili ila alishindwa hata aanzie wapi kuhoji na ukizingatia kashaambiwa hata Salome asimuulize. Kwakweli alibaki kimya tu akitazama ile nyumba kisha akatoka na kwenda kuitazama vizuri zaidi.

Wakati anaenda kwenye kila chumba kukagua aliingia na kwenye chumba walicholala watoto wake mapacha na kuwaona bado wamelala, kwakweli aliuthaminisha uzuri wa ile nyumba. Kisha akaingia chumba anacholala Salome tena aliingia bila hodi, ila alimuona Salome amesimama akiwa amempa mgongo hivi ila Neema alishtuka sana na kujikuta akisema kwa mshtuko,

“Aaah Moza!!”

Salome aligeuka sasa na kumuangalia vizuri Neema, lakini Neema alijikuta anaanguka chini.





Kisha akaingia chumba anacholala Salome tena aliingia bila hodi, ila alimuona Salome amesimama akiwa amempa mgongo hivi ila Neema alishtuka sana na kujikuta akisema kwa mshtuko,

“Aaah Moza!!”

Salome aligeuka sasa na kumuangalia vizuri Neema, lakini Neema alijikuta anaanguka chini.

Salome akasogea na kumfata Neema pale chini, kisha akamwambia kwa sauti ya upole,

“Mama una nini jamani?”

“Mungu wangu, yani Salome ulivyosimama pale nimekuona kama Moza halafu ulipogeuka yani sura ya Moza kabisa ikanijia. Nilichanganyikiwa kabisa maana Moza ashakufa”

“Jamani mama una mawazo sana, mimi ni mwanao Salome yani hata usiwe na mashaka. Sasa mimi nawezaje tena kuwa Moza!”

“Hapana mwanangu, nahisi ni utu uzima huu”

Neema akapumua sasa hata jambo la kuongea alilokuwa nalo lilipotea kabisa kwani miguu yake ilikuwa kwenye mtetemeko wa hali ya juu, ikabidi Salome amsaidie Neema kuinuka pale kisha akampeleka sebleni ambapo alikuwa kimya kabisa akionekana kutafakari jambo Fulani. Muda kidogo wale wadogo zake Salome waliamka na kutoka pia kisha wakamsalimia mama yao na dada yao. Baada ya Salamu alianza kuongea John,

“Yani leo nimelala usingizi wa raha kweli yani!”

Salome akamuuliza mdogo wake huyu,

“Umelala usingizi war aha, hebu tudokeze kivipi?”

“Yani kule tulipokuwa tunakaa zamani, mindoo yote ya maji chumbani kwetu ila leo tumelala chumba cheupe chenye kitanda tu”

Mama yao nae akawaambia,

“Kumbe yale mandoo yalikuwa yanawakera eeeh! Mnatakiwa kuzoea maisha yote”

Kisha Salome akamuangalia mama yake na kumwambia,

“Mama unajua hawa watoto sasa wamekuwa wanatakiwa waende shule”

“Natambua hilo mwanangu, ila hela kwasasa sina”

“Sasa mama, ila nitafanya jambo na wataenda shule hawa. Wamekuwa sasa”

“Utafanya jambo gani? Wewe utapata wapi hela?”

“Mama tulia tu ila hela nitapata”

Kisha Salome akawachukua wadogo zake ili akawaandalie chai, kwakweli Neema alikuwa akimshangaa tu mwanae chauvivu alivyokuwa siku hizi.



Siku ya leo, Rose aliruhusu watoto wake kutoka pia alimruhusu Patrick kutoka kwani alikuwa na furaha sana, kasoro kwa Sara tu ambaye hakuweza kuongea ndio alikaa ndani kama mwali hivi, kwa upande mwingine wa moyo wake alimuhurumia mwanae Sara ila kwa upande mwingine aliona ni vyema apate adabu kidogo kwani ni yeye aliyevuruga mwenendo mzima wa mazishi ya Moza, hakutaka mtu yeyote kwenda nyumbani ila Sara sababu ya kiburi chake akaenda.

Akiwa ametulia zake sebleni, huku Sara nae yupo sebleni akiangalia tu Tv ila kuongea ndio alikuwa haongei, mara ujumbe mfupi ukaingia kwenye simu ya Rose, alipoangalia ulikuwa unatoka kwa Ashura,

“Dada niongezee hela kidogo, halafu huku mtandao unasumbua sana yani nitakuwa sipatikani kabisa. Ukiniongezea hiyo hela sitakusumbua tena”

Rose alisikika akisema,

“Aaah huyu nae kashafanya ndio kitega uchumi wake mimi loh! Namtumia hiyo hela na bora asipatikane kabisa maana sasa anaanza kuniudhi. Miela yote niliyokuwa nampaga halafu kazi yenyewe kaichelewesha hadi leo”

Sara alikuwa akimsikia tu mama yake huku akitamani kumuuliza kitu ila alishindwa, basi Moza akatuma hela na kumuandikia ujumbe,

“Nimekutumia hiyo milioni tano nyingine najua itakusaidia, na wewe kuwa makini huko utafute biashara ufanye maana kazi yangu huku mjini ushamaliza.”

Alipotuma kidogo tu akajibiwa ule ujumbe,

“Asante dada wala usijali sitakusumbua tena dada yangu”

Basi Rose akapumua sasa, ila kila alipomuangalia mtoto wake alimuonea huruma sana.

Muda mfupi wakapata mgeni, alikuwa ni Ommy. Rose alipomuona hakupendezewa nae wala nini ila alimkaribisha tu kwa shingo upande. Basi Ommy akamsalimia Sara pale ila Rose akajibu kwa niaba ya Sara,

“Anaumwa kifua huyo, sauti haitoki”

“Jamani hata kidogo ya kunijibu tu!!”

“Hivi Kiswahili unaelewa wewe, nishakwambia anaumwa kifua huyo sasa akujibu nini?”

“Sawa mama, ila ameshaenda hospitali?”

“Kwahiyo wewe ndiye unayejali afya yake sana kushinda mamake mzazi niliyemzaa! Yani nikae na mgonjwa mpaka muda huu nikisubiria ushauri wako tu! Naomba uondoke, kwanza sikupendagi wewe kijana basi tu”

Ommy akaomba msamaha, kisha akainuka na kuaga na kuondoka zake. Sara machozi yalikuwa yakimtoka tu, mamake akamuangalia na kumwambia

“Sasa kinachokuliza ni nini? Unafikiri mimi sikuhurumii? Mdomo wako ndio haukuhurumii ila mwanangu usijali nitamwomba Ana akirudi akusamehe mwanangu”

Halafu Rose akainuka na kwenda chumbani kwake, kile kitendo tu cha Rose kuinuka na kwenda chumbani, Sara nae aliinuka na kutoka nje.

Alipofika getini, mlinzi alimuuliza,

“Madam vipi unashida na Yule rafiki yako nimkimbilie”

Sara akaitikia kwa kichwa tu, ila mlinzi akaelewa na kuona kuwa kaitikiwa vile kutokana na mapozi ya matajiri ila alitoka na kumkimbilia Ommy, bahati nzuri hakuwa amefika mbali, naye ommy akasikia wito na kurudi ambapo Sara alitoka nje ili aweze kuzungumza na Ommy japo kwa vitendo.

Ommy alivyofika pale, alimkumbatia Sara na kumwambia,

“Nieleze Sara umepatwa na nini tena?”

Ila Sara hakuweza kumjibu ila alimuomba simu yake kwa vitendo, kisha alivyompa akafungua sehemu ya ujumbe na kumuandikia,

“Mdogo wangu ni mchawi Ommy, ndio amenifanya hivi. Kanifunga mdomo nisiongee kabisa. Nisaidie”

Ommy alishika simu na kusoma ule ujumbe, kwakweli alishtuka sana na kujikuta akimuuliza kwa sauti ya chinichini,

“Mdogo wako yupi? Ana au?”

Sara aliitikia kwa kichwa, ila muda si muda Ana nae alirudi kutoka shuleni hata wakamshangaa maana sio kawaida yake kutoka shuleni mapema hivyo.

Ana akamuangalia Sara kwa jicho kali sana, Sara alijikuta akitetemeka na kuingia ndani bila kujidhania kisha Ana nae akaingia ndani na kumuamuru mlinzi afunge geti. Ommy aliweza kuelewa kinagaubaga kuhusu kinachoendelea mule ndani, basi akaondoka zake.



Ana alimtanguliza Sara mbele na walipofika sebleni tu akaanza kufoka hadi mama yake akatoka nje.

“Vipi tena mwanagu kuna nini?”

“Mama, ndio mtu wa kumsamehe huyu!”

“Kafanyaje tena?”

“Nimemkuta nje ya geti anaongea na kale kamchumba kake”

“Khee alitoka nje ya geti, weee Sara wewe jamani kwanini lakini? Yani kwenda chumbani tu kidogo ukaamua ukifate kile kibwana chako? Na utaendelea kuwa bubu mpaka akili ikukae sawa”

Sara machozi yalikuwa yakimtoka tu na kwenda chumbani kwake huku akitokwa na machozi zidi ila bado kuongea hakuweza. Pale sebleni alibaki Ana na mama yake,

“Mwache nimkomeshe mama”

“Ila namuhurumia mwanangu jamani, ila mbona leo umewahi kurudi?”

“Nishawavuruga na huko shuleni”

“Kheee umewavuruga!”

“Ndio, mwlimu mkuu na walimu wake leo hawaelewani”

“Kwanini umefanya hivyo mwanangu?”

“Nimejisikia tu, kwahiyo wenyewe wameturuhusu shule nzima turudi nyumbani”

“Mmmh mwanangu, sasa huko siko. Wale ndio walimu wenu sasa ukiwafanyia hivyo mtafundishwa na nani?”

“Mama hujui tu, kuna mwalimu bonge huyo kanifokea leo yani yeye ndio kanifanya nijaribishe vitu vyangu. Kwanza nimemfanyia mchezo akaanguka chooni halafu nimetoa maelewano kwa walimu wote hadi wameturuhusu turudi nyumbani, nina hakika atajutia mule mule chooni maana sidhani kama atapata wa kumtoa”

“Mmmh mwanangu umekuwa kiboko, yani saivi sijui kama kuna mtu atatubabaisha tena”

Ana akacheka kisha akaelekea chumbani kwake.

Sara nae alikuwa chumbani kwake huku akiwaza cha kufanya akaamua kuwasha simu yake kwani alihisi huenda Ommy akamtafuta, na kweli alipowasha tu akakutana na ujumbe wa Ommy,

“Pole sana Sara kwa tatizo lako, ila kuna mzee nimekutana nae nimemueleza. Basi badae nitakupigia simu akuelekeze namna ya kufanya halafu utafanya na amesema utaongea tu”

Sara nae akamjibu Ommy,

“Nashukuru sana, simu niko nayo hapa kwahiyo ukipiga tu nitapokea yani nikipokea uanze kuongea kwani itakuwa tayari sikioni mwangu”

“Sawa, usijali Sara”

Basi Sara akaiweka ile simu makini kabisa ili akipigiwa na Ommy apokee.



Siku ya leo, Neema hakutoka kwenda popote alibaki tu nyumbani kwake akitafakari kisa na mkasa halafu akishindwa hata kumuuliza Salome kwani akikumbuka ule ujumbe ulimwambia kuwa asijisumbue kumuuliza Salome.

Akiwa amekaa sebelu yao hiyo mpya, kwenye mida ya jioni alikuja Salome na kumwambia habari ambayo alipoisikia hakuipenda hata kidogo,

“Mama, kesho nataka kwenda kwa baba yangu”

“Unasemaje wewe?”

“Kesho nataka kwenda kwa baba yangu”

“Hivi wewe Salome una matatizo gani jamani, baba yako unayemuongelea ni yupi!”

“Patrick mama, najua baba yangu anaitwa Patrick. Nataka kesho niende kwa baba yangu”

“Unapajua?”

“Ndio napajua, wewe subiria tu kesho nikienda kwa baba yangu”

“Salome una nini lakini mwanangu, mwenzio nakupenda sana na sitaki kukupoteza. Aliyekwambia baba yako ni Patrick nani?”

“Mamdogo Ashura aliniambia ukweli wote hadi anapoishi baba yangu alinielekeza, aliniambia kila kitu kuhusu baba yangu”

“Mmh haiwezekani, Ashura akwambie wewe haiwezekani”

“Sasa mimi nimejuaje?”

“Sijui ila Ashura, labda lakini siamini nitamtafuta badae aniambie vizuri”

“Wewe mtafute tu ila kesho naenda kwa baba yangu. Yule ni baba yangu mama utanificha hadi lini? Mimi ni binti mkubwa sasa”

“Salome tafadhali usinitafutie makubwa”

“Yani mama huna cha kunishawishi kwakweli hata useme nini ila kesho naenda kwa baba yangu”

Neema hakuongea neon la zaidi, akainuka na kwenda chumbani kwake. Muda huo Salome nae aliinuka na kwenda chumbani.

Basi Neema akaanza kupiga simu ya Ashura ila iliita sana bila ya kupokelewa mara akapokea ujumbe,

“Tuma meseji nipo kwenye kelele”

“Ashura mdogo wangu umeanzaje kumwambia ukweli Salome kuhusu baba yake jamani! Unajua ni mabalaa unayaanzisha, kumbuka Yule mama alisemaje!”

Muda kidogo ujumbe ule ukajibiwa,

“Dada, Salome amekua sasa ana haki ya kumjua baba yake ndiomana nimemwambia. Na ukae nae chini umueleze ukweli wote, amekua huyo dada tutamficha hadi lini? Nimemwambia ukweli kuwa baba yake yupo na anitwa Patrick halafu anapokaa nimemuelekeza. Mwache mtoto amtafute baba yake. Kila mtu ana haki ya kumjua baba yake”

Neema aliposoma huu ujumbe akapumua kidogo kwani siku zote aliyekuwa mkali kwa Salome kumjua baba yake ni Ashura sasa ilimradi huyo Ashura amekubali basi hakuna wa kupinga.



Kwenye mida ya jioni kabisa, Sara akiwa chumbani kwake akaingia Ana na kumuangalia dada yake. Muda kidogo simu ya Sara ikaanza kuita basi Sara akaichukua ila alienda Ana na kumpora kisha akaipokea na kuiweka sikioni ili amsikie mpigaji anasemaje maana aliona jina Ommy, kwakweli Sara aliona kabisa mwangaza wake umetoweka kwani Ana ndio alkuwa akisikiliza kila kitu ambacho mzee aliyetafutwa na Ommy alikuwa akimwambia Sara basi alipomaliza kumsikiliza akakata ile sime kisha akamuangalia dada yake na kumwambia,

“Yani wewe hukomi, hukomi kabisa eti umeamua utafutiwe mganga wa kienyeji akusaidie. Hivi hujui kuwa huyo mganga nikiamua hata yeye namfanya mbaya! Ila wewe nitakukomesha maana kinachokupa jeuri sasa ni hayo macho, na hutatazama tena”

Pale pale macho ya Sara yakajifunga na hakuweza kuangalia tena, kwakweli machozi yalikuwa yakimtoka tu.

Kisha Ana akaondoka zake na kwenda sebleni, hata kaka zao walivyorudi siku hiyo na kutaka kwenda kumtazama Sara walizuiliwwa na Ana, walitii kutokana na kile kitendo alichowafanyia siku ya kutaka kumpeleka Sara hospiatali.

Rose alijifanya kama hayupo kwenye matatizo ya mwanae huyo na wala hakuonekana kumsaidia tena, wala kwenda kumuona alivyofanywa kipofu amakweli mtu akishakuwa na roho ya kichawi anakuwa mnyama na huruma inamtoka kabisa.

Usiku ulifika na wote kwenda kulala.



Asubuhi kulivyokucha kama kawaida, watu waliondoka wote mule ndani tena na siku ya leo hata Rose aliondoka ingawa mwanae alikuwa haoni na yuko ndani.

Ila tu alimtoa na kumuweka sebleni kisha akamuacha hapo na kuondoka, kwahiyo mlinzi alikuwa anajua ndani kabakia Rose ila hakujua kama hakuwa na uwezo wa kuongea wala kuona.

Muda kidogo wakati Yule mlinzi yupo pale getini akamuona Salome na kumfanya amshangae,

“Karibu ila umekuja wakati Moza alishakufa”

“Nilipata habari ila mimi sijamfuata Moza”

“Umemfata nani kwani?”

“Kuna nani ndani?”

“Yupo Sara peke yake, wengine wote wametoka”

“Sawa, basi huyo ndio nimemfata”

Mlinzi hakuwa na jinsi zaidi ya kumkaribisha tu, ambapo Salome aliingia moja kwa moja ndani hadi sebleni na kumkuta Sara amekaa tu kwa kujiinamia huku machozi yakimtoka. Salome alimfata Sara pale alipokaa,

“Ni wewe ndiye umenifanya nije kwa wakati huu”

Sara alitamani kuongea lakini, alishindwa akaendelea tu kumsikiliza huyu Salome,

“Funua kinywa chako”

Sara alifunua kinywa na akanyunyuziwa dawa kama matone halafu gafla akajikuta akiweza kuongea, na kuuliza kwa sauti ya upole,

“Wewe ni nani uliyekuja kunisaidia?”

“Unataka kuniona?”

“Ndio nataka kukuona”

Basi Salome akachukua dawa na kunyunyiza kwenye macho ya Sara, na hapo hapo Sara akafikicha macho yake na kuona ila alipoinua macho vizuri ili amtazame aliyemsaidia alishtuka sana na kusema kwa nguvu,

“Kheee Moza!”





Basi Salome akachukua dawa na kunyunyiza kwenye macho ya Sara, na hapo hapo Sara akafikicha macho yake na kuona ila alipoinua macho vizuri ili amtazame aliyemsaidia alishtuka sana na kusema kwa nguvu,

“Kheee Moza!”

Sara alikuwa akihema juu juu na muda kidogo akazimia ila Salome akammwagia maji na kuzinduka, Sara akawa anamuangalia Salome sasa, na kumuuliza

“Mara ya mwisho nilikuona na Moza eeh!!”

“Ndio nilikuwa na Moza”

“Ila mbona wakati ule nilipoanza kuona nimekuona kama Moza!”

“Sijui, labda mawazo yako unamfikiria Moza”

“Inawezekana, ila asante kwa kunisaidia maana nilihisi ndio mwisho wangu”

“Usijali, sikuweza kuvumilia ilihali najua unateseka ingawa nataka hapa niletwe na mama yangu”

“Aaah unataka kuja kuishi hapa eeeh!”

“Ndio si kwa baba yangu, nataka niishi na baba yangu”

“Karibu sana, hivi unaitwaga nani vile maana mimi najua jina la Maria ndio alikuwa mtoto wa baba ila Moza alisema jina lingine”

“Naitwa Salome ingawa sijui ni kwanini walinibadilisha jina”

“Na umejuaje kama baba ni baba yako?”

“Siku nyingi sana nilitamani kumjua baba yangu, ila sasa nimemjua ni furaha kubwa sana kwangu. Je wewe unatambua chochote kuwa kwanini walinificha nisijue?”

“Hata sijui kwakweli, hata mimi sielewagi ni kwanini ila nilikuwa namsikia mama na Ashura wakiongea kuwa haipaswi kabisa wewe kuujua ukweli”

“Sawa, ila saivi nimeshajua. Naomba ndugu zako wasijue kama nilikuja na nimekufanya uone na kuongea”

“Hawa si ndugu zangu kwakweli, ni wachawi. Kumbe mdogo wangu Ana ni mchawi sana, hata sikujua kama nitapona. Sijui wewe ni mganga?”

“Hapana ila nimewasikia wakikuongelea roho ikaniuma sana, ndio nikaamua nikusaidie. Ila usiseme kama ni mimi nimekusaidia”

“Sawa sisemi, ila wewe utakuja lini kuhamia hapa nyumbani?”

“Nitakuja tu hata usijali!”

“Niambie ni lini bhana, mimi nitaondoka humu nyumbani hadi urudi”

“Hata usiondoke, wakukute hapa hapa na kwa hakika hawatakufanya chochote halafu wakirudi jifanye haujapona uweze kuwasikiliza maongezi yao yote kwanza. Hata usiwe na mashaka nitakusaidia, ila usimwambie yeyote kama nimekuja hapa. Kwaheri, mimi naondoka hadi wakati mwingine nitarudi rasmi”

Salome aliondoka, ila Sara alijiangalia mara mbili mbili na kwenda chumbani kujiangalia kwenye kioo ila bado hakuamini kama amepona kabisa na anaona na kuongea. Akachukua simu yake na kumpigia Ommy kuwa aje nyumbani kwao, kwakweli Ommy alifurahi sana na kumuahidi kufika muda sio mrefu.

Basi Salome nae alitoka getini na kumuangalia Yule mlinzi kisha akamwambia,

“Wewe si upendi umbea eeh halafu umbea ufanyagi, tafadhali iwe ni siri yako kama nilifika hapa siku ya leo”

Salome akaondoka zake huku mlinzi akimshangaa na kujiuliza,

“Huyu dogo aliambiwa na marehemu Moza nini kuwa mimi sipendi umbea mmmh!”

Alimshangaa sana na kumuangalia hadi alipoishia kuondoka.



Muda kidogo Ommy alifika na kugonga geti kisha kuingia ndani, na alipoingia tu akamuita sara ambaye alitoka sebleni,

“Eeeh Sara unaongea?”

“Ndio naongea”

Ommy akamkumbatia sara, pale kisha akakaa nae,

“Eeeh niambie ni dawa za Yule babu eeh!”

Sara akatamani kumueleza yaliyojiri ila akahofu kwamba Salome alimwambia kuwa asiseme,

“Mbona kama unasitasita hivi?”

“Natamani kukueleza yaliyotokea ila nashindwa sababu nimeambiwa nisiseme”

“Aaah jamani Sara umenza kunificha tena mpenzi!”

“Hapana sikuficha, ila kiukweli Yule babu amenisaidia sana. Ndio kafanya nipone kwakweli”

Ommy alifurahi sana na kumkumbatia tena Sara, kisha wakaenda pamoja jikoni na kupika chakula na kula, chakula kilikuwa kingi tu kwahiyo walikula na kubakisha kisha Sara akafunika kile chakula jikoni kwao. Kwakweli walikuwa na furaha sana, tena siku hiyo Ommy alishinda nae sana Sara hapo nyumbani kwao, hadi alivyoona jioni jioni akaaga na kuondoka zake.

Kwahiyo sara akabaki mwenyewe ndani, tena alienda kukaa pale pale sebleni, muda kidogo mama yake pamoja na Ana walikuwa wamerudi na walikaa pale pale sebleni wakizungumza kwani Sara alikuwa kama mtu aliyelala,

“Leo shuleni mwanangu imekuwaje maana sijaelewa eti”

“Mama nadhani kuna walimu pale wachawi pia”

“Kwanini?”

Nilitaka kwenda ofisini ila nikajibanza na kusikia mazungumzo yao, eti Yule mwalimu niliyemuangusha jana chooni leo kaja kazini”

“Kheee kaja kazini wakati ulisema hata kuinuka hatoweza?”

“Ndio ilitakiwa iwe hivyo mama, sasa nikamkuta Yule mwalimu akiwasimulia wenzie. Kuwa jana shule nzima ilikuwa kimya nay eye ameanguka choono mara gafla akatokea binti mmoja ambaye hamjui na hajawahi kumuona, eti binti Yule alimuinua na kumpaka dawa halafu akamwambia amepona. Eti Yule binti akaondoka na kumuacha Yule mwalimu akienda nyumbani kwake”

“Jamani mbona hiyo habari ya ajabu sana, au kuna waganga pale shuleni kwenu?”

“Mama, kwa uchawi wangu hakuna mganga anaeuweza hata nashangaa imekuwaje. Ndio wamenibamba pale nasikiliza umbea ndio wamenipa adhabu ya kukaa ofisini mpaka wewe ulipokuja kunichukua. Kwakweli wale walimu wamenikera sana ila sijawafanya chochote sababu nilikuwa na mawazo”

“Ila mwanangu inabidi tujue huyo mwalimu kwanini imekuwa hivyo. Na huyo binti aliyemtokea ni nani”

“Mama hata usijali, nitahakikisha najua kila kitu na kama ni mganga huyo mtu nitamkomesha”

“Yani nimeshangaa sana mwanangu jinsi ulivyo hatari saivi eti vinatokea vitu vya kuzuia mambo yako. Nimeshangaa sana”

“Mama tulia, nitafanya kitu utaona tu”

Akainuka na kwenda ndani, kisha Rose akamuangalia Sara aliyeonekana amelala pale kwenye kochi halafu akainuka na kwenda chumbani. Sara alikuwa akiwasanifu tu maana alisikia kila kitu walichokuwa wakiongea. Walipoenda chumbani, nae akainuka sasa na kwenda chumbani kwake.

Ila muda kidogo akakumbuka kile chakula ambacho alikifunika jikoni, basi akataka kwenda kukitoa ili wasielewe kama alipika siku hiyo, alipofika jikoni kile chakula hakukikuta ila aliona sahani nyeupe kabisa kanakwamba kuna mtu amekula,

“Inamaana muda huu huu Ana au mama ametoka kula au ni nini? Hivi wanaweza kula chakula bila kuuliza nani kapika?”

Akajiuliza na kuondoka kule jikoni kisha akarudi chumbani kwake, ila ilikuwa ngumu sana kwake kuelewa kuwa kile chakula kimeliwa na nani maana hakutegemea kutokukikuta ukizingatia mama yake pamoja na Ana walishaenda chumbani. Alikaa chumbani kwake akitafakari tu ila aliweza kuhisi sasa kuwa nyumba yao ni zaidi ya anavyoifikiria yeye.



Salome akiwa amefika nyumbani kwao, akamkuta mama yake yupo ndani, kisha Salome alipoingia tu akamuanza na maswali,

“Unajua sehemu niliyokuaga naenda asubuhi, nimeenda na kurudi. Ila sasa niambie ukweli wewe ulikuwa wapi?”

“Nilienda kwa baba”

Neema akashtuka na kujikuta akimuuliza tena,

“Unasemaje Salome?”

“Nilienda kwa baba”

“Unaoajua?”

“Napajua ndio, si mamdogo Ashura alinielekeza!”

“Wewe mtoto wewe usiniletee makubwa mimi”

“Makubwa yapi mama? Yani baba kafurahi sana kuniona na alitaka nikae pale moja kwa moja nikamwambia bado sijamuaga mama”

“Nitolee balaa lako hilo Salome”

“Sio balaa mama, yani baba kwa furaha aliyokuwa nayo kanipa hadi pesa za matumizi”

“Pesa za matumizi? Ziko wapi?”

Salome akatoa pesa ambazo zilikuwa ni elfu kumi kumi, akampa mama yake. Kwakweli Neema aliishiwa nguvu kabisa kuona zile hela akataka aanze kuzihesabu,

“Hata usijisumbue kuhesabu, kaniambia ziko milioni tatu”

“Milioni tatu? Yani Patrick akupe wewe milioni tatu! Wakati huo mke wake alikuwa wapi?”

“Mkewe alikuwepo na mbona kasapoti tu, tena alitaka niongezewe ila baba akasema hizo za kuanzia”

“Mmh Salome wewe unanishangaza”

“Mama hata usishangae ila nieleze ukweli kwanini ulinificha kuhusu baba yangu?”

“Aaah unajua mwanangu, aaah yani hata sijui nianzie wapi. Achana na hizo habari bhana”

Salome akachukua zile hela kwa mama yake,

“Sasa mbona umechukua tena wakati ulinikabidhi mwanangu!”

“Mpaka uniambie ukweli, mimi ni binti mkubwa sasa. Nataka kujua ukweli wa kwanini ulikuwa unanificha kuhusu baba yangu”

“Basi naomba nikuelezee kwa kifupi, si utanipa hizo hela eeh!”

“Mi nitakupa ila niambie ukweli”

“Ni hivi, Patrick amewahi kuwa mume wangu, tena ni mume wa ndoa kabisa. Nilifunga nae ndoa ya kanisani huko kijijini kwao. Ila niliishi nae muda mrefu sana bila ya kupata mtoto, yani mimi na Patrick tulioana mapema sana. Kipindi hicho nilikuwa na miaka kumi na sita halafu yeye alikuwa na miaka ishirini. Baada ya kuishi muda mrefu bila kuzaa takribani miaka kumi ilipita ndipo tulipohamia mjini na kuendelea tena na maisha ila sikuwahi kupata mimba hata ya kusingiziwa hata mwenyewe nilikuwa nashangaa maana sikuwahi kutoa mimba maishani mwangu. Miaka ilienda tu sibebi mimba wala mdudu wa mimba, basi mjini hapa biashara za Patrick zikaanza kutanuka akawa na mali nyingi na biashara kubwa kubwa ila kilichokosesha furaha ndoa yetu ni mtoto tu. Siku moja mume wangu alizna kufanya biashara na mwanamama aitwaye Rose, Yule Rose alikuwa Rose kweli kipindi hicho alikuwa mzuri haswaaa sio kama siku hizi hata mimi mwenyewe nikawa na mashaka ya kuibiwa penzi langu na rose ingawa alikuwa ni mkubwa sana tu kwangu. Ila naye alikuwa mfanyabiashara, gafla nikaja kusikia Patrick kuna mjengo amejenga huko anaishi na Rose kumbe mimi ananiaga kuwa anasafiri halafu anaenda kuishi na Rose, kuna kipindi alipotea kama miaka mitatu kumbe ndio yupo huko anaishi na Rose. Akarudi na kuishi na mimi kama wiki kumbe ananitafutia sababu ya kunifukuza. Siku hiyo Patrick alikuja na kuniambia wazi kuwa amechoka kuishi na mwanamke asiyezaa, miaka inaenda lakini mwanamke sizai na akaniambia ameamua kuwa na huyo Rose mwenye watoto tayari kwani anaamini huyo atamzalia ukizingatia tayari ameshazaa watoto watatu, nilisononeka sana. Patrick akanifukuza pale nyumbani kama mbwa kisha ile nyumba nasikia alipangisha. Nilianza maisha ya kutangatanga na badae nikajigundua kuwa nina ujauzito, nilijua ile mimba ni ya Patrick nikawa nataka niende kumwambia ila siku hiyo nilikutana na Rose akaniambia nikithubutu kusema basi ataninyonga na kukinyongelea mbali kitoto changu. Ila bado nilijipa matumaini kuwa Patrick akigundua atafurahi, nilihangaika na ile mimba, nakumbuka nilienda kujifungulia kijijini kwa kina Patrick, na mtoto nilimuita Maria Patrick. Jina Maria ni jina ambalo mwanangu ulipewa na bibi yako yani mama mzazi wa Patrick nami nililifurahia sana. Yule mama alinipenda na ndio akaanza kumsumbua Patrick kuwa anirudie mimi na tulee mtoto wetu lakini mambo yakawa si mambo tena, siku hiyo isiyo na jina walikuja vijana na kuvamia pale nyumbani kwa mama Patrick na ndani tulikuwa tunaishi mimi, na mtoto mdogo ambaye ni wewe pamoja na mama yake Patrick. Wale vijana walimchinja mama Patrick mbele ya macho yangu, kwa hakika siwezi kusahau kamwe na nikaambiwa niondoke tena nisionekane kabisa hapo kijijini kwani nitachinjwa na mwanangu kama walivyofanya kwa huyo mama. Walinitishia na niliogopa sana, ingawa ulikuwa ni usiku nikatoka na kukimbia kwa bahati nilikuta watu njiani wakisubiri gari lao nikawaomba lifti na kuja nao mjini. Niliteseka sana na wewe mwanangu yani sikuwa na raha ya maisha kabisa, sikutaka tena kurudi kwa Patrick wala ndugu zake kwani nilihofia yasije yakawapata kama kilichompata mama Patrick. Nilikaa kama miaka mitatu au mine mjini nikitangatanga, ndio kwa bahati nikampata Ashura aliyejitambulisha kama mdogo wangu na toka siku hiyo nikaanza kuishi na Ashura tena ni yeye aliyenishauri nikubadilishe jina ili tusifatiliwe tena. Badala ya Maria tukuite Salome tena akaniambia kuwa Rose amezaa na Patrick mtoto anaitwa Ana basi nikajua furaha ya Patrick imetimia sasa maana kama mtoto ameshapata, basi ndio imekuwa hivyo hadi leo. Naomba nisiendelee sana mwanangu, mengine utayajua taratibu tu. Basi nipe hizo hela”

Salome alichukua zile hela na kumkabidhi mama yake, kisha akainuka na kwenda chumbani ambako alikuwa akipanga mipango mipya sababu ameshajua yote aliyotaka kuyajua.

“Sasa nimeelewa kwanini Ashura alitumwa, lakini lazima kuna kitu kilikuwa kizuizi cha kuwachinja wahusika na kuishia kumchinja mamake Patrick. Hivi Patrick anajua kweli kama Yule mwanamke ndiye alimuulia mama yake? Najua hajui ila atajua tu”

Ila kumbe alikuwa anawaza kwa sauti halafu Neema nae alikuwa amekuja chumbani kwa Salome na kujikuta akimuuliza,

“Kujua nini?”

“Hamna mama kuna kitu nafikiria tu, ila mama na wewe jiwekee utaratibu basi wa kugonga mlango kabla ya kuingia ninapolala”

“Hivi wewe Salome utanificha nini mimi, maana mimi ni mwanamke na wewe ni mwanamke. Hakuna cha kufichana”

“Hatakama mama ila ni vizuri kuwe na utaratibu huo”

“Basi nitakuwa najitahidi, ila hizi pesa zimenichanganya yani hadi najiona kama namiliki dunia vile”

“Yani mama milioni tatu tu ndio inakuchanganya hivyo!”

“Kwa mimi ni kubwa sana, ten asana yani hapa hadi sina maneno. Ngoja kesho nikafungue akaunti benki”

Salome akacheka tu jinsi mama yake alivyopagawa na zile hela ila ukweli wa hela zile angeujua sijui angefanyeje.



Mapacha wa Rose walirudi na moja kwa moja wakaenda kumsalimia dada yao chumbani,

“Sara tumekuja kukujulia hali. Najua unatusikia tu ila kuongea na sisi huwezi ila tunakupenda dada yetu. Bado tunazunguka sehemu mbalimbali tukiulizia tiba ya tatizo lako.”

Sara akainua kichwa na kuwatazama, kisha akawaambia,

“Asanteni kwa upendo wenu”

“Khee Sara unaongea!”

“Ndio naongea”

Kwakweli walifurahi sana na kumkumbatia dada yao, yani ile furaha yao hata ikawashtua Rose na Ana. Walishtuka na kujikuta kwa pamoja wakienda chumbani kwa Sara, kwakweli nao walishangaa sana kumuona Sara anaona na kuzungumza. Naye Sara aliwauliza,

“Sasa mnashangaa nini jamani? Hamjapenda nilivyopona!”

Ana alisonya yani sonyo ambalo hata kaka zake walishtuka ila hakuna aliyemkaripia, basi Sara akaongea tena,

“Hata ukinisonya ni kazi bure tu, nimeshapona yani nimepona kabisa na huniwezi tena”

“Unasemaje wewe Sara?”

“Huniwezi tena”

Ana akataka kufanya jambo pale ila mama yake akamzuia kuwa asifanye kisha akatoka nae na kumuacha Sara na kaka zake. Mmoja akamwambia,

“Dada unajiamini sana eeh! Yule mtoto kawa noma”

“Kuna noma zaidi yake, aliniweza mwanzo ila kwasasa haniwezi tena”

Sara aliongea kwa kujiamini, hadi kaka zake wakataka sara awatajie huyo aliyemfanyia dawa akapona na huyo noma wa Ana.

“Nyie subirini tu, akija nitawaambia kwamba huyu ndio kiboko ya Ana. Anajifanya mjanja sana kumbe kuna wajanja zaidi yake, najua hata akinifanyia kitu atakuja Yule na kunisaidia. Kma ameweza kumsaidia mwalimu asiyemfahamu sembuse mimi”

Mara Ana akaingia tena chumbani kwa Sara na kusema,

“Nimekusikia yote, subiri nikuonyeshe”

Kabla hajaanza kufanya chochote chumba cha Sara kikaanza kutikisika.





Mara Ana akaingia tena chumbani kwa Sara na kusema,

“Nimekusikia yote, subiri nikuonyeshe”

Kabla hajaanza kufanya chochote chumba cha Sara kikaanza kutikisika, wote walichanganyikiwa cha kushangaza hata ile hali ilimchanganya pia na Ana hadi akajikuta akipiga kelele ambazo zilimshtua hadi mama yao chumbani. Kelele za Ana zilifanya watu wote mule chumbani wazimie. Rose aliingia chumbani na chumba kikaacha kutikisika, alikuwa akishangaa sana na kumuuliza Ana aliyekuwa amesimama na hasira,

“Kuna nini Ana?”

Ana alimpushi mama yake na kutoka nje, kwakweli Rose alikuwa akishangaa tu na kwenda kuwagusa wanae ambao walikuwa wamezimia wote. Kiukweli hakuelewa kabisa kwani kabla aliwaacha wakiwa wanaongea na Sara ambaye kapona kimuujiza halafu akakumbuka kuwa Ana alibaki nje wakati amemwambia kuwa waondoke.

Ikabidi atoke mule chumbani kwakina Sara na kwenda tena kumfata Ana chumbani kwake, aliingia na kuongea nae kwa utaratibu kabisa,

“Mwanangu Ana niambie tatizo ni nini?”

“Mama niache, tafadhali niache”

“Sawa mwanangu, ila mimi ni mama yako mwanangu jamani. Usiponiambia na mimi utamwambia nani mwingine! Mimi na wewe ndio wa kusaidiana mwanangu. Kumbuka nakupenda sana mwanangu, ndiomana wote wale nimeachana nao ingawa wamezimia ila nimekuja kuzungumza na wewe”

“Mama, kuna mtu ananichezea akili halafu Sara anajua ukweli wote”

“Mwanangu, kama Sara anaujua ukweli najua cha kumfanya aseme ukweli kwetu hata usijali”

“Kwahiyo mama utanisaidia!”

“Ndio nitakusaidia mwanangu”

“Sasa hivi hakuna siri mama, yani watoto wako wanaelewa fika kuwa mimi ni nani na nina uwezo gani. Sasa nadhani wametafuta vya kuwasaidia ndiomana imekuwa hivi, hebu fikiria mama kabla sijafanya chochote eti chumba cha cha Sara kikaanza kutikisika kwakweli nimechukia sana”

“Kheee makubwa, sasa mbona wamezimia?”

“Sauti yangu ya kelele imewafanya wazimie, ndiomana nakwambia saivi washanijua kuwa mimi ni mtu wa aina gani. Tafadhali mama fanya kitu nijue ukweli maana nasikia aliyemfanya Sara apone ndiye aliyemuokoa Yule mwalimu aliyeanguka chooni”

“Kheee mwanangu, atakuwa jinni huyo sidhani kama ni mtu wa kawaida”

“Hata kama ni jinni sidhani kama anaweza kunishinda kiasi hiki halafu kwanini nisipate hata kengele ya hatari kuwa kuna kitu kinatendeka nyuma yangu!”

Basi Ana na mama yake wakajadili sana siku hiyo, na mama yake akamwambia atakachokifanya ili Sara aseme ukweli.

Muda kidogo Patrick nae alirudi ila aliamliwa akalale siku hiyo bila hata ya kula chochote kile humo ndani.



Kulipokucha Patrick alitoka na kuruhusiwa kuondoka ila watoto wa rose walikuwa bado hawajazinduka, na baada ya Patrick kuondoka Ana nae aliondoka na kwenda shuleni kisha huku nyuma Rose aliingia chumbani kwa Sara na kuanza kuwaburuza wanae wale mapacha mmoja mmoja, hadi wote wawili akawaingiza chumbani kwako kisha akawaweka kitandani na kuwafunika mashuka halafu akaenda chumbani kwa Sara na kumuweka vizuri Sara kitandani kisha akamfunika na shuka. Baada ya muda wale mapacha walizinduka ila kila mmoja hakukumbuka kitu chochote kilichokuwa kimetokea ila walijikuta wamechoka sana na kuulizana kwa mshangao,

“Mbona tumechelewa sana kuamka!”

“Hata sielewi, sijui kwanini”

Basi ikabidi wajiandae haraka haraka na kuondoka, sebleni walimkuta mama yao na kumuaga.

“Sasa nataka niwaagize”

“Wapi tena mama?”

“Leo msafiri, muende kule shambani Morogoro”

Mmoja akadakia,

“Mama, kuna nini tena?”

“Sitaki maswali ila nataka muende kule shambani kwangu na mrudi kesho. Nadhani tunaelewana”

Akawapa na pesa kidogo ya kuwasaidia kwenye safari hiyo, waliondoka ila walijiuliza mambo mengi sana kuwa mama yao safari hii ana mpango gani maana mara ya mwisho aliwatuma Morogoro kumbe kuna kifo cha Moza, ila kwasababu hawakuwa na kumbukumbu yoyote ya kilichotokea usiku wakapuuzia na kuondoka zao.

Muda kidogo Sara nae aliamka, tena akaoga na kujiandaa kuondoka. Alipotoka sebleni akamkuta mama yao amekaa na akamuuliza swali,

“Unaenda wapi?”

“Naenda kwenye shughuli zangu mama”

“Nani amekuruhusu?”

“Mama jamani si nimepona! Je kutoka siruhusiwi?”

“Njoo ukae kwanza hapa nikuambie”

Sara alienda kukaa karibu na mama yake , kisha mama yake akamuuliza swali,

“Wewe umejizaa au nimekuzaa?”

“Umenizaa mama, ila kwanini umeniuliza hivyo?”

“Sasa niambie ukweli, ni kitu gani kimerudisha kuongea kwako na kuona kwako”

“Jamani mama inamaana haujapenda nilivyopona?”

“Wewe niambie tu umeponaje?”

“Nilikuwa nimelala hapa sebleni, mara nikasikia sauti ikisema inuka Sara umepona. Nikafungua macho yangu nikaona halafu nikajaribu kuongea napo nikaweza. Basi nikafurahi sana nimeweza kupona mama”

“Sara usinifiche, mimi ni mama yako niambie ukweli”

“Huo ndio ukweli mama wala hakuna ukweli mwingine zaidi ya huo”

“Sara, sitaki kutumia ukali mwanangu. Niambie ukweli”

“Huo ndio ukweli mama”

“Nadhani unataka kuona nitakufanya nini”

Rose akainuka na kuelekea chumbani, kisha Sara nae akainuka na kutaka kutoka nje ila akakuta mlango umefungwa kila alipojaribu kuufungua ilikuwa ni vigumu kuufungua ikabidi akae chini amsubirie tu mamake arudi.



Bado Neema alikuwa akishangaa sana jinsi Salome alivyobadilika kwani mwanae hakuwa hivyo kabla, vitu vingi sana Salome alikuwa anavifanya vya tofauti. Muda huu alikuwa nae sebleni wakiangalia luninga, mara gafla Salome akashika kichwa chake kwa nguvu na kumfanya Neema amuulize kwa mshangao huku ameinuka na kumshikilia,

“Vipi Salome mwanangu!”

Ila Salome hakujibu zaidi aliinuka na kukimbilia chumbani halafu akafunga mlango. Kwakweli Neema alishindwa kuelewa kabisa kuwa imekuwaje lakini bado hakupata jibu kabisa, akawa tu anamgongea mlango,

“Jamani mwanangu Salome fungua, una matatizo gani mwanangu!”

Hakujibiwa wala mlango haukufunguliwa na kumfanya azidi kuchanganyikiwa lakini akaamua kwenda kukaa akisikilizia tu kipi kitajili baada ya hayo.

Baada kama ya lisaa limoja Salome alitoka ndani, na alimkuta mama yake akilia. Salome alimfata mama yake na kuanza kumbembeleza,

“Usilie mama, mimi ni mzima”

“Salome mwanangu, ulinifungia mlango lazima nihisi kuna kibaya kimekupata”

“Hakuna kibaya chochote mama”

“Sasa kwanini uliondoka gafla ukishika kichwa na kwenda kujifungia ndani?”

“Kichwa kiliniuma mama, sasa niliingia ndani na kunywa dawa na kupumzika sikutaka kuacha mlango wazi kwamaana niliona ungesumbuka”

“Jamani Salome mwanangu mbona siku hizi umebadilika sana, toka lini umefanya hivyo mwanangu?”

“Nisamehe mama yangu, naomba unisamehe sana”

Neema sasa alinyamaza ila akaja kushtuliwa tena na kauli ya Salome,

“Mama nataka kwenda kwa baba”

“Kivipi Salome?”

“Nataka kwenda kuishi na baba”

“Jamani Ssalome jamani, subiri basi kesho nitakujibu”

“Sitaki kusubiria kesho, nataka leo leo iende kwa baba”

“Hapana Salome, siwezi kukuruhusu leo. Subiri utaenda tu”

“Huwezi kubadilisha mawazo yangu mama, nishajipanga kwenda. Nitakuja tena tu hapa nyumbani ila kwa leo niache niende”

“Hapana Salome”

Ila Salome akainuka na kwenda chumbani kwake kisha akatoka na begi dogo na kumwambia mama yake,

“Baki salama mama”

Halafu akatoa milioni moja na kumkabidhi mama yake, hakutaka hata kusikia mama yake atasema nini kwani muda huo huo akatoka na kuondoka, kwakweli Neema alikuwa kama amepigwa na bumbuwazi hizi kwani aliona ni mambo ya ajabu sana kutokusikilizwa na mwanae.



Wale mapacha walipokuwa wanajiandaa ili wapande basi waende Morogoro maana walichelewa sana kutokana na mambo waliyokuwa wanayafanya ndiomana ikawachelewesha, wakasikia mtu akiwaita,

“Kulwa na Doto”

Walishtuka na kumuangalia aliyewaita, kwakweli sura ya Yule mtu ilikuwa ni ngeni machoni mwao ila walipomuangalia zaidi waligundua kuwa mtu Yule amefanana na baba yao wa kambo Mr.Patrick. Walimsogelea Yule binti na kumsikiliza vizuri,

“Naitwa Salome”

Wakatazamana na kumuuliza,

“Unatujua sisi?”

“Ndio nawajua”

“Na je umetuitia nini?”

“Nimetumwa na mama ambaye ni mama yenu”

“Kwani na wewe ni mama yako?”

“Ndio ni mama yangu, kaolewa na baba yangu”

Wakashangaana kwa muda na kuuliza kwa makini kuhusu baba wa Salome, naye akawaelezea,

“Mzee Patrick ni baba yangu mzazi, nz mimi ni mtoto wake wa pekee na analitambua hilo. Nimefika leo rasmi nyumbani nyie mmeondoka, ndio mama kasema niwafate hapa stendi turudi nyumbani akawatambulishe vizuri. Hata hivyo amesema huko Morogoro ameshamalizana na wakulima tayari kwahiyo hakuna cha kuendea.”

Wale mapacha wakaangaliana na kujikuta wakikubaliana nae kile alichowaambia na kuamua kughaili kwenda Morogoro na kurudi nyumbani ila Salome aliwaaga kuwa yeye anapitia mahali kwahiyo ataonana nao nyumbani.

Wakati wanarudi njiani walikutana na baba yao ambaye ni Mr.Patrick nae akiwa kwenye gari yake akirudi nyumbani kwahiyo walimsimamisha na kushuka kwenye gari ya kukodi waliyopanda kisha kuingia kwenye gari ya Patrick.

“Baba mbona na wewe unarudi nyumbani muda huu?”

“Nimejisikia tu kurudi”

Wakaona si vyema waongee sana labda baba yao anaenda kufanyiwa kitu cha kushtukiza kwahiyo wakimwambia watakuwa wameharibu ila baba yao aliwaomba wapiti kumchukua Ana maana amepigiwa simu na walimu wa Ana kuwa arudi kwao.

Basi wakapita shuleni kwakina Ana, halafu Patrick akakabidhiwa Ana arudi nae nyumbani. Walimu walimkabidhi na barua mr.Patrick aende nayo. Walirudi na kupanda kwenye gari, kaka zake wakamuuliza kwa mshangao,

“Kwani Ana imekuwaje mdogo wetu mbona mapema sana, halafu umerudishwa nyumbani na barua juu”

“Achaneni na mimi”

“Mmmh haya bhana, tunaachana na wewe ila kumbuka elimu ndio kila kitu katika maisha”

“Naweza kupata kila kitu bila ya elimu, achaneni na mimi kabisa”

“Haya tumekuacha”

Basi safari ilikuwa inafanyika ya kurudi nyumbani.

Rose alikuwa anampango wa kumfanyia mambo ya ajabu sana Sara kwavile alimficha bado ila kila alichotaka kufanya aliona kuna kitu kinapingana nae na kushindwa kuelewa kuwa ni kitu gani ambacho kilikuwa kikimshinda kufanya vile alivyotaka kufanya, akamuita Sara kwa nguvu kiasi cha kufanya hadi nyumba yake itikisike ila Sara alishindwa kuinuka pale alipokuwa amekaaa ikabidi amfate kwa hasira na kutaka kumuinua kwa nguvu ila wakati anakazana kumuinua mara gafla nguo zake zote zikaanguka chini hata asielewe kwanini zimeanguka kwahiyo akawa kama alivyozaliwa, gafla mlango ulifunguliwa na waliingia ndani watoto wake na mume wake, kwakweli wote walimshangaa mama yao kuwa kama alivyozaliwa. Ikabidi Ana akimbilie nguo na kumfunika mama yake kisha wale mapacha nao wakatoka nje kwa aibu. Kwakweli siku ya leo ilikuwa ni siku ya aibu kubwa kwa Rose ambayo hajawahi kuitegemea kwa siku zote, hajawahi kutegemea kama kuna siku atadhalilika kiasi kile.

Ana alimchukua mama yake na kwenda nae chumbani huku akisikitika sana kwa kilichotokea na kumpa mama yake pole,

“Imekuwaje mama?”

“Sijui ila nguvu zangu zimepotea mwanangu, yani sina nguvu kama mwanzo. Nimedhalilika sana”

“Pole mama, ni kitu gani kimetokea?”

“Sijui ila kila nilipokuwa nafanya dawa zilikuwa zinapingana na vitu vingine. Hapo ndipo nilipotaka kwenda kumchukua kwa nguvu Sara ila ndio nguo zikanidondoka halafu nyie mkaingia”

Mara wakasikia sauti ya Sara ikiongea kwa nguvu tena kwa ujasiri,

“Sasa huyu ndio kiboko ya Ana”

Ikabidi watoke ili wakamuone huyo kiboko ya Ana, kwakweli Rose alishtushwa sana kumuona Salome.





Mara wakasikia sauti ya Sara ikiongea kwa nguvu tena kwa ujasiri,

“Sasa huyu ndio kiboko ya Ana”

Ikabidi watoke ili wakamuone huyo kiboko ya Ana, kwakweli Rose alishtushwa sana kumuona Salome. Kitendo cha Rose kumuona Salome kilimkosesha furaha na kujikuta akipatwa kama presha na kuanguka kwani mawazo yake ilikuwa ni Salome amekufa kwahiyo kitendo cha kumuona akiwa mzima kilimshangaza kabisa. Watoto wake wote walimfata pale chini na kumpeleka chumbani ambako walimuwashia feni ilia pate upepo na wazo hilo la kumuwashia feni walilipata kwa Ana, kisha wakarudi sebleni na kumuacha Ana akiwa chumbani na mama yao.

Katika watu ambao walikuwa hawaelewi kinachoendelea ni Patrick maana yeye aliona kila kitu ni cha ajabu tu hapo, alikuwa akimuangalia Salome kama mgeni kabisa machoni pake ila Salome akamtoa mashaka,

“Usiniangalie hivyo, mimi ni mtoto wako”

“Nakuangalia sababu sielewi elewi”

“Mimi ni mtoto wako, na mama yangu ni Neema”

“Yeye yuko wapi?”

“Sijaja nae sababu alikuwa hataki nije huku”

Patrick alimuangalia Salome na kujikuta akimsogelea na kumkumbatia,

“Kumbe nina binti mkubwa tu”

“Ndio ni mimi mtoto wako”

“Karibu sana hapa nyumbani”

“Asante”

Muda watoto wa Rose wanarudi sebleni ni muda ambao Salome alikuwa anaondoka na kuelekea chumbani, wote wakajikuta wakisimama na kumuangalia ataelekea kwenye chumba kipi ila alielekea kwenye chumba kile alichokuwa analala Moza. Hapo iliwashangaza sana kwani hawakutegemea kama Salome angeelekea kwenye chumba cha Moza, na baada ya muda akarudi sebleni na kuwakuta wamekaa.

“Nimeshaenda kuweka begi langu”

Pacha mmoja akamuuliza Salome,

“Mbona chumba cha kulala umeenda bila kuonyeshwa na yeyote?”

“Mbona hapa nilishawahi kuja kipindi yupo dada Moza! Nishawahi kuja hapa, najua kila sehemu. Vipi leo tunakula nini?”

Wote walikuwa kimya ila huyu mgeni wa leo aliwashangaza sana kwani alikuwa na mambo ya ajabu ajabu, kafika tu mara mama yao kazimia, mara anaenda chumbani bila kuonyeshwa saivi anawauliza watakula nini, na alipoona kimya alienda yeye jikoni kupika. Kila mtu alikuwa kimya hata Sara mwenyewe alikuwa kimya kabisa.



Rose alipozinduka bado alikuwa na mkaranganyiko wa mawazo kwani bado hakuelewa kitu chochote, akachukua simu yake na kuanza kumpigia Ashura lakini haikupatikana. Akachukua tena simu na kuwapigia wale vijana, kisha akaongea nao

“Hivi nyie mmenifanya nini? Si mlisema Yule mtoto mmeenda kumtupa mbali na hakuna wa kumuokoa iweje anaonekana tena nyumbani kwangu”

Wale vijana wakamuelezea ilivyokuwa kisha rose akawatuma waende pale alipokuwa anaishi Ashura ili kama yupo wamkamate mpaka aseme ukweli.

Alipokata tu ile simu akashangaa akipata ujumbe kutoka kwa Ashura,

“Samahani dada yangu, mimi sikuona kosa la huyu mtoto Salome na sikuona kama bi vizuri kumuua. Wale vijana niliwawekea mbwa kwenye kile kiroba ili wakuaminishe kuwa ni kweli nilimuua Salome ila kiukweli Salome sikumuua na mimi nimeondoka sipo kabisa mjini nimeenda kijijini kweli na sitaki tena kujishughulisha na hizo kazi zako.”

Kwakweli ujumbe huu aliusoma mara mbili mbili bila ya kumaliza na akiwa haamini kile anachokisoma kuwa Ashura anaweza akamgeuka namna hiyo, akaamua amtumie ujumbe pia,

“Ashura unajifanya umesahau tulivyoahidiana, hivi ningesema ukweli wa mambo yako na wewe ungeweza kukaa huko unapokaa? Mbona wewe pia una maovu mengi Ashura, umesahau Yule mganga babu ni wewe ndiye ulinipeleka? Umesahau hawa wasichana niliowafunga humu ndani ni ushauri wako, eti leo unajifanya kunigeuka Ashura! Kwanza jina lako sio Ashura wewe ila subiri nitakupata tu, mimi nina pesa”

Muda kidogo akajibiwa,

“Pesa zako wala hazinibabaishi hata mimi nina pesa, tena kwa taarifa yako ni mimi nimemueleza ukweli wote huyo Salome kuwa baba yake ni Patrick kwahiyo usishangae akija kuishi hapo. Ukweli wote nishamwambia, ujipange upya na hunipati ng’ooo, hao misukule uliowatunza utajijua nao mwenyewe”

Rose alichukizwa sana na ujumbe huu ila kila alipojaribu kupiga simu hiyo namba ya Ashura haikupatikana, yani alichukia hadi akarusha simu yak echini.



Kwa upande wa Salome ilikuwa furaha sana kwake na alijikuta akigundua siri nyingi sana za Rose maana muda wote Rose alijua anayejibishana nae kwenye ujumbe mfupi ni Ashura kumbe kuna mtu mwingine, na huyo ashura mwenyewe ni marahemu wa muda mrefu sana.

Salome alikuwa ameingia na chakula chumbani na alikuwa anakula humo, mara Sara alienda kumgongea na kuingia ila alipomkuta anakula chumbani alishtuka sana, ikabidi Salome amuulize ameshtuka kwasababu ipi,

“Hapa nyumbani hakuna mtu anayeruhusiwa kula chakula chumbani”

“Mmmh kwanini?”

“Sijui ni kwanini ila mama anakataa kabisa mtu kula chakula chumbani”

“Hujui sababu kweli! Labda ungesema mama anaogopa panya watazaliana au mende watajaa. Ila ni leo tu haitajirudia kula chakula chumbani”

“Na kwanini umechagua kulala chumba hiki?”

“Sababu hiki ni chumba alichokuwa analala mpendwa wangu Moza, namkumbuka sana ndiomana nimekuja kulala hapa”

“Ila unafikiri Moza tulimzika! Alitoweka kimiujiza”

“Alitoweka!”

“Ndio alitoweka, yani kuna binti alitumbukia kwenye kaburi walipompeleka hospitali basin a mwili wa Moza ulipotea”

“Maskini Moza wangu, kwahiyo hakuna kaburi la Moza!”

“Ndio hakuna”

“Kwa staili hiyo inamaana basi Moza hakufa, labda kwa mfano hakufa!”

“Mmmh usiongee habari hizo, mimi ni muoga nitashindwa kulala hapa usiku”

“Basi usijali”

“Ila huku ndani kuwa nako makini sana, ulisaidia macho yangu yakaona tena na mdomo wangu ukaweza kuongea ila chakula nilichopika siku ile kuna kilichopotea na sijui kimeenda wapi. Kuwa makini sana na humu ndani kuna mambo ya ajabu sana”

“Usijali, nipo makini sana”

Sara alijikuta akimpenda sana huyu Salome yani alimpenda sana kutokana na jinsi alivyomsaidia matatizo yake ya kurogwa na mdogo wake. Walipomaliza maongezi, Sara akamuomba Salome waende nae sebleni ambapo alifanya hivyo na pale sebleni walikuwepo wale mapacha na mr.Patrick ambae toka amerudi hakwenda kabisa chumbani kwa mke wake. Baada ya kimya kirefu pale sebleni, Salome akaanza kusema,

“Hata hamniulizi jamani kuwa nimejuaje kama huyu baba ni baba yangu”

Pacha mmoja akadakia,

“Eeh tuambie umejuaje!”

“Unajua mimi nimeishi bila kumjua baba kwa miaka yote hii mpaka sasa nilikuwa kidato cha tatu ila baba yangu simjui. Alipotokea msamalia mwema na kuniambia kuwa huyu ni baba yangu nilifurahi sana ndiomana sikutaka hata kupoteza muda zaidi ya kuja hapa ili nifurahi na ndugu zangu wengine. Jamani ndugu zangu, mimi ni ndugu yenu ni mtoto wa Mr.Patrick kama mlivyo nyie”

Mmoja akahamaki,

“Wewe si ulituambia pale kuwa wewe ndiye mtoto wa pekee wa mzee Patrick, haya saivi unasema na sisi ni watoto wa huyu mzee. Hapana, sisi ni watoto wake wa kambo. Labda Ana sijui”

Sara akadakia,

“Ana nae ana baba yake mwingine, ni hakika kabisa wewe Salome ndiye mtoto wa pekee wa baba”

Mama yao akiwa ameambatana na Ana walitoka chumbani na waliisikia vilivyo kauli ya Sara na iliwakera sana. Rose kabla ya kukaa alianza kwa kumuuliza Sara,

“Hivi wewe Sara una nini wewe? Kitu gani kinakuwasha mdomoni kwako?”

Kisha Rose alikaa na kumuangalia Salome na kusema,

“Haya na wewe nani kakukaribisha kwenye nyumba hii?”

“Nimekuja kwa baba yangu”

Salome alijibu kwa kujiamini kabisa.

“Sikuelewi”

“Mamdogo Ashura kaniambia kuwa hapa ni kwa babangu, hata ameshakwambia kuwa nakuja hapa”

“Kwahiyo hapa kwangu unalala chumba gani sasa?”

“Kile chumba alichokuwa analala dada Moza”

Rose akamuangalia mume wake na kumwambia waelekee chumbani ana mazungumzo nae, kwahiyo sebleni walibaki watoto tu. Ambapo Ana alimuangalia Salome na kumwambia,

“Utaondoka kama ulivyokuja, hakuna anayekutambua hapa. Ndiomana unalala chumba cha marehemu”

Kisha akaenda zake chumbani kwake, ila Sara alimuangalia Salome na kumwambia,

“Hata usijali, nitakuwa na wewe bega kwa bega”

Wale mapacha wakainuka na kwenda chumbani kwao ila Sara aliinuka na Salome na kumkaribisha Salome kwenye chumba chake,

“Humu ni chumbani kwangu Salome, muda wowote unaruhusiwa kuingia. Ukiwa na shida ya kitu chochote unaruhusiwa kuja kuchukua”

“Asante dada”

“Nimefurahi sana kupata mdogo mwenye upendo kama wewe, kwanza umeniponya macho yangu na mdomo wangu. Halafu ngoja nikuhadithie kitu bhana”

Basi Sara akaanza kumueleza Salome jinsi Ana alivyokuwa akishangaa mwalimu wake amepona kimiujiza,

“Niambie Salome, ni wewe uliyemsaidia Yule mwalimu”

Salome akacheka kidogo,

“Hapana bhana si mimi ila nimefurahi kusikia kuna mtu alifanyiwa hivyo na amepona pia”

“Mmh si wewe kweli! Sasa mimi ulijuaje kama naumwa?”

“Nilioteshwa na nilioteshwa dawa za kuja kukupa ndiomana nimekwambia hawatakusumbua tena”

“Ila mimi nimefurahi sana umekuja kuishi hapa, naomba uishi hapa milele yote”

Salome akacheka tu na kufurahi pale na Sara kisha usiku ulipoingia alimuaga na kwenda kulala kwani nyumba hiyo huwa chakula kinakuwa mezani na mwenye njaa anaenda kula mezani na kama siku hiyo hakijapikwa basi kila mmoja anajijua mwenyewe.



Salome akiwa chumbani kwake aliona ujumbe kwenye simu ya Ashura ukionekana umetoka kwa wale vijana,

“Sista mbona umefanya tupate lawama, ila mbona hupatikani hewani? Sasa ni mtu gani Yule tuliyemtupa kama sio Yule mtoto? Mama ametupa oda kuwa twende kwenye ile nyumba na tumalize yeyote tutakayemkuta pale”

Ujumbe huu ulimchanganya sana Salome, akawaza kwanza cha kuwaambia hawa vijana kisha akawatumia ujumbe,

“Basi kama nyie mnataka kuwateketeza wale wote ngojeni kwanza, msiende hivi karibuni. Subirini mpaka mwezi upite”

‘Haiwezekani sista, sisi tunataka pesa na si vinginevyo”

“Hatakama mnataka pesa, kumbukeni Yule Rose ni dada yangu, kwahiyo msifanye kitu chochote bila kuwaruhusu mimi. Yule Rose ametumia hasira tu”

“Kwahiyo tusubiri hadi lini?”

“Subirini hadi keshokutwa”

Wakamjibu tu poa, na hapo Salome akawaza cha kufanya maana ingawa kaihamisha familia yake ila waliohamia hapo watapata matatizo kwahiyo alikuwa anafikiria cha kuweza kuwasaidia na wale wengine.

Ila kabla hajalala, alianza kupekua kwanza vitu vya mule ndani ambapo alipata kijitabu kidogo ambacho kimeandikwa vitu vya maelekezo yaliyokuwa kama historia hivi ya mtu aliyeonekana ameandika hicho kitabu. Kurasa ya kwanza kabisa akaona,

“Nimeanza kazi leo kwenye hii nyumba ila usiku nilipolala nimegundua kuna chumba walichowekwa wadada wawili kama misukule. Natakiwa niwasaidie watoke”

Salome alisoma mara mbili mbili sehemu hiyo na kuwaza jambo Fulani ila kabla hajaendelea na kile kitabu, alikuja Sara chumbani kwake ikabidi kile kitabu akiweke pembeni, Sara akaanza kumwambia Salome,

“Naomba tukalale wote chumbani kwangu”

Salome alikuwa anakataa ila Sara alimbembeleza sana hadi alikubali na kwenda kulala nae.



Kulipokucha siku ya leo ilikuwa ni ya ajabu sana kwani Patrick aliwaita watoto wake wote sebleni kisha akaanza kuongea,

“Salome, sikutambui kwahiyo naomba uondoke. Jamani hatuna undugu na huyu wakuitwa Salome, simtambui mimi”

Salome akacheka kisha akamuangalia Rose na kumwambia,

“Ndio mlivyohamua hivi!”

“Ndio. Uondoke Salome, hakuna anayekutambua kwenye nyumba hii. Kama huyo unayedai ni baba yako hakutambui, je sisi tutakutambua?”

“Basi naombeni nafasi kidogo niongee na huyu baba ndio nitaondoka”

Wote walitoka pale sebleni kasoro Rose ila salome alimsihi aondoke ili yeye aweze kuzungumza na mzee Patrick halafu ataondoka, Rose alikubali kuondoka kwani alijua mzee Patrick hawezi kubadilisha maamuzi yake yoyote kutokana na alichomfanya usiku wa jana.

Kwahiyo sebleni alibaki Salome na Patrick, kisha Salome akamuangalia vizuri Patrick na kumuuliza,

“Hunitambui mimi!”

Patrick alikuwa kimya tu, ila Salome akamsogelea karibu na kumkazia macho. Mzee Patrick akashtuka na kusema,

“Aaaah kumbe Moza!”

Akaanguka chini na kuzimia.





Kwahiyo sebleni alibaki Salome na Patrick, kisha Salome akamuangalia vizuri Patrick na kumuuliza,

“Hunitambui mimi!”

Patrick alikuwa kimya tu, ila Salome akamsogelea karibu na kumkazia macho. Mzee Patrick akashtuka na kusema,

“Aaaah kumbe Moza!”

Akaanguka chini na kuzimia. Salome alihakikisha ile sauti wengine wote hawajaisikia pia alimpulizia Yule mzee maji na kumfanya azinduke muda ule ule, ila alipozinduka sasa alikuwa na swaga mpya kwani alimsogelea Salome na kumwambia,

“Nisamehe mwanangu, jamani nisamehe wewe ni mwanangu. Damu yangu jamani nisamehe, nisamehe kwa kipindi chote bila kuwa karibu na wewe nisamehe sana mwanangu. Nataka unipeleke na kwa mamako nikamwombe msamaha”

“Usijali nitakupeleka”

Kisha Mr. Patrick akawaita tena wote sebleni, na walipokuja aliwaambia,

“Jamani huyu ni ndugu yenu, naomba tumpende”

Halafu akainuka na kutoka nje ya nyumba, kwakweli hichi kitendo kilimkera sana Rose yani alitamani sijui afanye kitu gani, alimuangalia Salome kwa hasira sana, ila alipotoka nje ili kumuangalia mume wake alikuta ameshaondoka,

“Yani leo Patrick ameondoka bila ruhusa yangu? Nitamfundisha huyu Salome na atanijua mimi ni nani”

Rose alirudi tena ndani akiwa na hasira sana na moja kwa moja akaenda chumbani kwake.

Watoto wake walikuwa sebleni wakijadiliana kasoro Ana,

“Mmmh nyie huyu mzee kama anakuwaga anaugua vile, kwajinsi alivyofanana na huyu dogo anaanzaje kumkataa!”

Walijadiliana na kuondoka kisha wakamuacha Salome akiwa na Sara, halafu Sara akamwambia Salome

“Usijali hata nyumba nzima ikikutenga jua ya kwamba nitakuwa pamoja na wewe”

“Nashukuru”

Kisha Salome akamuaga Sara kuwa anatoka kidogo, basi akaondoka kumbe mr.Patrick aliwekwa nje ya geti akimsubiria Salome, na alipotoka aliingia kwenye gari ya Patrick kisha safari ya kwenda nyumbani kwao ikaanza.



Walifika nyumbani kwakina salome na kumkuta Neema akiwa anafanya usafi, kwakweli nae alishangaa sana kumuona Patrick akiambatana na Salome ila aliwakaribisha ndani hivyo hivyo cha kushangaza Patrick alianza kwa kupiga magoti na kuomba msamaha kwa Neema,

“Nisamehe Neema, naomba unisamehe. Nisamehe sana, nimefanya makosa makubwa sana, sikumtambua mwanangu naomba unisamehe”

Kwajinsi Patrick alivyokuwa anatia huruma ikambidi Neema amuhurumie kwani hajawahi kuwaza kama ipo siku Patrick atakuja na kumpigia magoti ya kumuomba msamaha. Neema akamshika mkono Patrick na kumkaribisha kwenye kochi,

“Usijali Patrick, yale yamepita ni mapito tu na nimeshasahau. Mtoto amekua sasa na amekutambua”

“Kwakweli moyo unaniuma sana yani sana, kumkosa mwanangu mpendwa kwa kipindi chote hiki. Nisamehe kabisa Neema”

Kisha Patrick akamuuliza Neema kuhusu pale anapoishi na alimwambia kama alipanga, kwakweli Patrick alisikitika sana maana nyumba nyingi tu alikuwa nazo ila mwanamke aliyezaa nae amepanga, akamuahidi kumpa nyumba moja.

“Kweli utanipa?”

“Ni haki yako Neema, kila kitu change ni haki yako. Nitakuja tu nikukabidhi”

Muda huu Salome alikuwa chumbani kwake ila gafla akashtuka na kusema,

“Muda umeisha, itabidi nimtoe huyu mzee haraka sana mpaka kwa wakati mwingine”

Basi akatoka chumbani na kumuomba baba yake kuwa waondoke, ila Patrick alitoa begi lake na kumpatia Neema pesa zote zilizokuwepo kwenye begi hilo wala yeye hakuzihesabu ila alimpa Neema pesa zote na begi lake kisha akaondoka na Salome ambapo Salome alishuka mahali na kumuacha akiendelea na safari zake zingine.

Salome alienda kwanza kule walipokuwa wanaishi mwanzo na kumuomba mama mwenye nyumba asiweke mpangaji mwingine mpaka miezi miwili iishe kwani wao walikuwa na hatihati ya kurudi na ukizingatia kodi yao ilikuwa bado kuisha ikabidi mama mwenye nyumba asikilizane nao kumbe Salome alifanya vile ili kuepusha wale wakija wasikute mtu katika nyumba ile. Kisha Salome akarudi tena kwa mama yake ili akahesabu nae pesa zilizokuwemo kwenye lile begi.



Rose akiwa na hasira sana, kwanza alipoingia chumbani kwao na kufanya mambo yake akagundua kitu. Akagundua kuwa Patrick aliondoka na gari yake ambapo kwenye gari hiyo aliweka begi lenye pesa ili akawalipe wajenzi kwenye saiti yao na lile begi aliliweka asubuhi ya siku hiyo akiwa na lengo la kumaliza yale mazungumzo ajiandae na kwenda saiti ila sasa Patrick alishaondoka na lilke gari lenye begi,

“Mungu wangu, Patrick kaondoka na lile begi eti! Na hivi akili yake haipo sawa litakuwa limepona kweli? Ila natumai limepona maana sidhani kama anaweza kufanya ujinga.”

Ikabidi Rose ajiandae haraka haraka na kuelekea saiti.

Kufika kule alimkuta Patrick amekaa chini ya mti, akamshtua na Patrick alishtuka sana kama kashtuliwa na kitu gani. Swali la kwanza ambalo Rose alimuuliza Patrick,

“Kwanini umeondoka na gari yangu?”

“Hata mimi mwenyewe nashangaa sijui hata imekuwaje nimeondoka na gari langu”

“Natumaini hujafanya ujinga”

“Ujinga gani tena?”

Rose akainuka na kwenda kuangalia begi la hela kwenye gari, ila lile begi halikuwepo. Kwakweli Rose alikuwa na hasira sana na kumuuliza tena Patrick,

“Begi la hela liko wapi?”

“Begi! Begi lipi?”

“Inamaana hukuona begi kwenye gari hilo?”

“Sijaona begi”

“Patrick usinitanie na hela zangu, tafadhali begi langu liko wapi?”

Patrick alionekana pia akishangaa yani kama mtu anayeonewa vile kwani ilionyesha wazi hajui begi la hela limeenda wapi.

“Patrick, Patrick. Begi la hela limeenda wapi?”

“Sijui kweli mke wangu unanionea tu”

“Nakuonea kitu gani, haya sasa tutawalipa nini hawa mafundi?”

“Kachukue hela nyingine benki tuwalipe”

“Hivi wewe Patrick una matatizo gani? Yani unarahisisha tu. Haya twende nyumbani ndio utanieleza vizuri”

Akapanda kwenye gari kisha Patrick akawa gari ya mbele akiongoza kwenda nyumbani halafu Rose akiwa nyuma yake, kwakweli Patrick alikuwa haelewi kabisa kwa muda huo kuwa begi limeenda wapi na kwenye begi kulikuwa na kiasi gani.



Salome alienda tena kwa mama yake ambaye bado alikuwa akitetemeka tu kuziangalia zile hela za kwenye begi,

“Usitetemeke mama, ni zako hizo”

“Mmmh mwanangu ni miujiza hii”

“Usiwe na mashaka mama yangu, nimekuja nikusaidie kuhesabu”

Basi wakaanza kuhesabu zile hela wakakuta ni milioni thelathini na tano, kwakweli Neema alipagawa kabisa kwani hajawahi kushika hela za namna hiyo katika maisha yake kwahiyo alihisi kuchanganyikiwa.

“Sasa mwanangu nafanyaje? Nizipeleke benki!”

“Usiwe na haraka mama, benki tutazipeleka kwa utaratibu. Usizipeleke hivyo kwa mkupuo, na huo wasiwasi wako watahisi hata umeiba. Nitakupekea mwenyewe benki, yani wewe hata usiwe na mashaka”

Haya mambo Neema hakuyaamini kabisa na kwake yalikuwa kama ndoto vile hadi alijikuta akitetemeka tu, na kumfanya ashindwe kumuuliza maswali zaidi Salome kwani aliona kama kawa mokozi wake kwa kipindi hiko. Alijikuta akimwambia,

“Salome, ni kweli nimekuzaa na nimekulea ila sikutegemea kama kuna siku ungeweza kuja kufanya kitu cha namna hii. Baba yako nimemsamehe na nimefuta yote aliyonitendea, yani yote kabisa nimeyafuta. Kwahiyo mwanangu unaenda tena kwa baba yak oleo?”

“Siendi leo mama, nitaenda keshokutwa hadi nikamilishe hizi hela zako kukuwekea benki. Hata usiwe na mashaka mama yangu”

Neema alifurahi kusikia hivi na kisha Salome alikaa na mama yake huyo na kumueleza utaratibu watakaotumia kuziweka hizo hela benki.



Patrick na Rose walifika nyumbani ila kwakweli Rose alikuwa na hasira sana kwa kile kilichofanywa na Patrick kuondoka na gari lenye begi la hela na eti kujifanya hajui begi limeenda wapi, akaenda moja kwa moja na Patrick chumbani kisha akaanza kumuuliza tena,

“Patrick, hebu kumbuka vizuri begi limeenda wapi?”

“Hata sijui mke wangu yani sijui kabisa”

“Hebu kwanza niambie ulipotoka hapa ulienda wapi?”

“Yani ninachokumbuka ni kuwa nimejikuta tu nipo kule saiti, nikaa chini nikawa najifikiria bila kupata jibu kuwa nimeenda kule kufanya nini. Na mara ukaja wewe yani sielewi kabisa”

“Haya, vipi kuhusu kumkubali Salome wakati mimi nimekwambia umkatae Yule mtoto!”

“Pale nakumbuka ndio, Yule mtoto nilimkataa ila nilikuja na kumkubali. Unajua ni mwanangu Yule!”

“Hivi wewe Patrick una nini lakini? Yule kawa mwanao tangia lini jamani? Mwanao wewe si Ana!”

“Yule ni mwanangu Rose”

“Yule si mwanao, inamaana hunielewi au”

Rose akampulizia kitu uoni na Patrick akapatwa na usingizi na kulala. Kisha Rose akatoka sebleni, mara akaingia ndani Sara akiwa ameambatana na ommy, kwakweli Rose alivyowaona alichefukwa sana ukizingatia akili yake ilishavurugika kwa wakati huo,

“Na wewe kijana mwanga unataka nini nyumbani kwangu?”

Ommy alianza kwa kumsalimia ila Rose hakuitaka salamu ya Ommy zaidi ya kumfukuza tu nyumbani kwake, ikabidi Sara aingilie kati,

“Mama jamani, utamfukuzaje rafiki yangu?”

“Sara, hii ni nyumba yangu sio nyumba yako unanisikia! Sitaki ujinga kwenye nyumba yangu”

“Lakini mama huyu Ommy ni rafiki yangu”

“Kama ni rafiki yako ishia nae huko huko sio nyumbani kwangu tena usinikere”

Sara alibaki tu anamshangaa mama yake, lakini Rose alipoona wamesimama tu wakimshangaa akainuka na yeye na kumsukumia mlangoni Ommy ambaye alijikwaa kwenye mlango na kuaguka kisha damu zikamtoka ikabidi Sara ainame pale alipoangukia Ommy na kuanza kumsaidia kwenda nje ila kabla hawajafika getini Ommy alionekana akianza kuugulia kichwa ni kitu ambacho kilimshtua sana Sara na kumfanya akimbilie ndani ili akamletee huduma ya kwanza ila aliporudi hakumkuta Ommy, alimuita lakini hakumsikia sehemu yoyote ikabidi fike getini na kumuuliza mlinzi,

“Eti Ommy ametoka hapa?”

“Nimemuona tu akiingia ila kutoka sijamuona”

“Mungu wangu jamani, Ommy atakuwa ameenda wapi wakati alikuwa anaumwa. Hivi hukumuona kama nakokotana nae pale na alilala pale chini?”

“Sijawaona kabisa madam yani hata mimi unakuja kuniuliza muda huu nashangaa tu”

Sara akaangalia kwa makini pale ambapo alilala Ommy kwani alijua lazima damu zitakuwa zimebaki na kama kaelekea mahali basi ataona matone ya damu ila alipoangalia hakuona damu yoyote na hadi alipoingia ndani pale alipojigonga ommy hakuona damu yoyote. Kwkweli hiki kitu kilimuumiza sana Sara kwani hakuelewa kabisa aliona kama ndoto kwa ommy kutoweka mbele ya macho yake mwenyewe.

Akataka kumuuliza mama yake ila hakumkuta sebleni na alienda kumgongea mlango chumbani kwake ila hakuitikiwa na kujiuliza inamaana mama yake amelala kwa muda mfupi huo, hakupata jibu kwakweli na alibaki anashangaa tu ila bado alikazana kumuita mama yake ili ampe jibu.



Rose alichoshwa na kelele za Sara, na baada ya lisaa limoja rose alitoka ndani na kumfata Sara alipokuwa kisha akamuangalia kwa jicho kali sana na kuanza kumvuta hadi chumbani kwa Sara kisha akamwambia,

“Laiti kama ungejua leo ninavyojisikia au yaliyonitokea wala usingethubutu kunipigia kelele”

“Sasa mama yaliyokutokea yanamahusiano gani na kupotea kwa Ommy!”

“Hivi unajua leo nimepoteza kiasi gani cha pesa? Unajua! Yani wewe mtoto tafadhali niache usitake kukorofisha akili yangu kabisa”

“Basi mama niambie alipo Ommy wangu”

“Kwahiyo mimi huyo Ommy wako nimemla au? Wewe mtoto wewe hebu niache”

Rose akatoka na kumfungia Sara mlango kwa nje ambapo alikuwa akiugonga tu bila ya mafanikio yoyote.

Rose akaenda zake sebleni na baada ya muda watoto wake walianza kurudi na wote wakawa pale sebleni na kuzisikia kelele za Sara kuwa afunguliwe, wale mapacha walimuhurumia sana dada yao,

“Mama jamani, msamehe dada Sara, nadhani hatorudia tena”

“Hebu na nyie niacheni”

Gafla ikasikika sauti kali sana ya kelele za Sara ikisema,

“Mozaaaaaaaaa”

Na gafla kukawa kimya kabisa.





Rose akaenda zake sebleni na baada ya muda watoto wake walianza kurudi na wote wakawa pale sebleni na kuzisikia kelele za Sara kuwa afunguliwe, wale mapacha walimuhurumia sana dada yao,

“Mama jamani, msamehe dada Sara, nadhani hatorudia tena”

“Hebu na nyie niacheni”

Gafla ikasikika sauti kali sana ya kelele za Sara ikisema,

“Mozaaaaaaaaa”

Na gafla kukawa kimya kabisa.

Kitendo hicho kiliwashtua wote sebleni hata Rose mwenyewe akashtuka na kujikuta akienda kumfungulia Sara ili kujua tatizo ni nini, ila alipomfungulia alimuona Sara akiwa ameanguka chini na kuzimia, kwakweli Rose alichanganyikiwa sana kwani hakudhania kama mwanae kumfungia mule chumbani angezimia basi akamuinua mwenyewe na kumbeba hadi sebleni kisha akawaambia wale mapacha wasaidiane nae kumpepea hata wao wakashangaa kuwa mama yao kuna wakati kumbe anakuwa na huruma dhidi yao. Ana alimwambia mama yake,

“Unajichosha bure mama”

“Ni mwanangu huyu”

Ana akaondoka zake huku Rose akiendelea na wale mapacha wake kumpepea Sara, na ilimchukua muda sana kuzinduka na hata alipozinduka hakukumbuka kitu chochote yani cha kushangaza hata kuhusu kuanguka kwa Ommy na kutoweka hakukumbuka pia.

Rose alimsogelea mwanae na kumpa pole kisha akainuka nae na kwenda chumbani, akakaa nae kuzungumza,

“Mwanangu una hakika hukumbuki chochote?”

“Sikumbuki kitu mama”

“Yani vilivyofanyika leo hukumbuki?”

“Yani sikumbuki hata kuhusu leo nilitoka nimejua wewe ulivyosema ila sikumbuki chochote”

“Kheee makubwa haya, hivi anayefanya kutoa kumbukumbu kwa watu wangu wa karibu ni nani!”

Akakumbuka kuwa kauli ya mwisho ya mwanae kabla ya kuzimia ilikuwa ni neno ‘Moza’ na ilionyesha aliona kitu cha kustaajabisha sana ila akajiuliza kuwa inamaana huyo Moza karudi kama mzimu au ni kitu gani.

“Ila inawezekana maana alitoweka pale makaburini na hatukumzika. Lazima nifatilie na nijue mbichi na mbivu”

Akapanga pale na halmashauri ya kichwa chake kuwa kesho aende kwa mtaalamu mwingine ili kujua ukweli kuhusu Moza maana kitendo cha mtoto wake kusema Moza na kuzimia halafu kupoteza kumbukumbu zote kilimstaajabisha ingawa kilimfurahisha kwa kiasi Fulani kwani mwanae hakuwa na kumbukumbu za kupotea kwa Ommy. Alimuangalia pale mtoto wake aliyeonyesha kuwa hana kumbukumbu ya aina yoyote kisha akaondoka na kumuaga pale.

“Mwanangu naenda chumbani, ikiwa utapatwa na tatizo lolote usisite kuniambia. Sawa mwanangu eeh!”

“Sawa mama”

Rose alitoka ila Sara alibaki akijiuliza sana upendo wa mama yake wa siku hiyo ni waajabu sana ukizingatia na siku zingine.

Kaka zake mapacha nao wakaenda chumbani kwake na kumuuliza tena dada yao hali yake ila bado walimshangaa kuwa hana kumbukumbu ya aina yoyote.

“Yani dada hukumbuki kitu chochote!”

“Sikumbuki ndio, kwani ilikuwaje?”

“Sisi wenyewe hatuelewi ila tulisikia tu ukipiga kelele kuwa ufunguliwe na mara ukapiga kelele za nguvu ukitaja Moza, halafu kimya kikatawala. Mama alikuja kukufungulia na kukuta umezimia ndio akakuleta sebleni tukupepee”

“Kheee mama alinibeba pekeyake?”

“Ndio alikubeba peke yake”

“Mama amewezaje kunibeba peke yake jamani wakati anasemaga siku hizi nimenenepa sana, amewezaje kunibeba peke yake nikiwa mzito hivi!”

“Yule ni mama, ametubeba wakati watoto na anaweza kutubeba hata sasa”

“Mmh jamani kaka zangu, ni mama kweli sijakataa. Katubeba wakati watoto, sijakataa lakini kumbukeni utotoni tulikuwa wadogo ila kadri tunavyokua na uzito nao unaongezeka. Mama angembeba mtu kama Ana sawa ila sio mimi na ubonge huu, yani hata nyie hamjapata mashaka. Sikumbuki kitu ila swala la kusema mama alinibeba peke yake limenishtua kidogo”

“Mmmh basi tuachane na habari hizo dada, cha muhimu unaendelea vizuri”

Kaka zake nao waliondoka na kumuacha mule chumbani.



Usiku wake Sara alikuwa amelala ila akajiwa na njozi kuwa Ommy yupo mahali anateseka sana huku akimuomba Sara msaada aokolewe,

“Nisaidie Sara, nateseka naumia kwa kosa nisilolijua. Nisaidie Sara”

“Uko wapi kwani?”

Sara akashtuka na swali lake hilo, jasho likawa linamtoka tu ingawa chumbani kule feni ilikuwa inawaka. Alikaa na kujaribu kufikiria sana kuwa Ommy amepatwa na nini ila hakuelewa, akaamua achukue simu na kumpigia Ommy ila hiyo simu ilipoanza kuita aliiona chumbani kwake na kushangaa kuwa simu ya Ommy ipo chumbani kwake, hakuelewa imekuwaje hadi simu ipo pale na ni nani aliyeiingiza ile simu chumbani kwake. Akachukua simu ya Ommy na kuanza kuipitia kwani kwa upande mwingine alifurahi kuona simu ya Ommy kuwa ataweza kuona meseji zake. Na kweli alipochukua simu ya Ommy tu alibambana na ujumbe kutoka kwa Mishi, ujumbe ulikuwa unasema,

“Mpenzi wangu Ommy uko wapi jamani? Nimekumisi sana, mpaka muda huu kweli hujaja! Nakupenda sana mpenzi wangu”

Sara alijikuta akiumia moyo kupita maelezo ya kawaida, roho ya wivu iliingia ndani kwake na hapo akajikuta akisahau kabisa kama ameota kuwa Ommy yupo kwenye matatizo zaidi kilichomuuma ni kusalitiwa na Ommy basi, akajikuta akimjibu huyu Mishi,

“Usinisumbue nipo kwa mwanamke wa maisha yangu Sara. Nampenda sana”

Akatumia hiyo meseji ila moyo wangu ulijawa na wivu kiasi kwamba alijikuta akishindwa hata kulala,

“Yani huyu Ommy nampenda kwa moyo wwangu wote, hakuna chochote anachonipa ila mimi nampa upendo. Shida yoyote kiipata namsaidia. Kila kitu nampa, eti leo ananisaliti na mwanamke sijui wa kuitwa Mishi! Lazima nimjue huyo mwanamke nijue tofauti ya mimi na yeye ni nini kwani mimi nina ubaya gani wa kuchanganywa kimapenzi na mwanamke mingine! Yani wanaume hawa”

Alijikuta machozi yakimtoka tu na hakupata usingizi hadi kunakucha, wazo lake lilikuwa moja tu la kwenda kumtafuta Mishi ili ajue ni kwanini Ommy amemsaliti kwa huyo mwanamke.



Rose siku ya leo alijiandaa kwenda kwa mganga wa kienyeji kwani bado swala la kupotelewa kwa pesa yake lilimuumiza sana na alitaka kujua huyo anayewatoa kumbukumbu familia yake bila yay eye mwenyewe kujua. Alimsihi mume wake asitoke kabisa siku ya leo,

“Tafadhali usiende popote”

“Sawa, sitaenda popote”

“Nitakuagizia mtu wa kukuletea chakula, tafadhali leo usitoke. Narudia tena na tena tafadhali sana leo usitoke”

“Nimekuelewa mke wangu sitatoka”

“Na Yule panya ambaye jana hajarudi, sitaki uende kumtafuta wala sitaki umkaribishe hapa tena”

“Panya gani huyo?”

“Si huyo shetani wa kuitwa Salome, simtaki katika nyumba yangu. Tafadhali Patrick huyo mtoto simtaki, usitake kabisa kunikera”

“Nimekuelewa mke wangu, sitafanya kinyume chako”

Rose akatoka na safari yake ikaanza ila alipitia kwanza shuleni na kumuacha mwanae Ana shuleni kisha yeye akaenda na safari yake ya kumtafuta mganga, akiwa njiani akaanza kuwaza jinsi hela zake zilivyopotea kizembe halafu jinsi mume wake akiwa hana kumbukumbu yoyote kuhusu alipozipeleka hizo pesa yani aliwaza sana, ila gafla alifunga breki ya gari kwani mbele yake aliona begi jeusi likiwa na mfanano wa lile lile begi ambalo aliliweka kwenye gari yake na mumewe akaondoka nalo. Rose alishuka kwenda kuliangalia, akasogea na kulichukua kisha akapanda nalo kwenye gari yake na kulifungua, alishangaa kuona pesa nyingi, kwakweli alishangaa sana na kujiuliza,

“Sio begi langu kweli hili? Ndio lenyewe bhana”

Alilifunga na kuweka pembezoni mwake kisha akacheka,

“Yani wamesikia naenda kwa mtaalamu wamerudisha begi, atakuwa kiboko sana Yule ninayemuendea. Na wala sirudi, naenda tu nimkomeshe huyo kidudu mtu asiyejulikana anayesumbua familia yangu”

Akawasha gari yake na kuendelea na safari.



Sara aliwasiliana na Mishi kwa njia ya ujumbe na kujifanya ni Ommy huku akimuomba msamaha kwa kauli ya jana yake, nia yake kubwa ilikuwa ni kumuona huyo Mishi anafananaje. Alifika hadi eneo alilopanga kukutana na huyo Mishi na akabahatika kumuona kabla Mishi hjamuona yeye, hasira zilimpata yani muda huo hata hakutaka kujua kuwa Ommy yuko wapi au kitu gani kimemkuta ila yeye alikuwa akiumizwa na wivu tu muda huo. Alitamani aende amsogelee huyo Mishi na amuanzishie varangati ikiwezekana amdunde maana alijiona yeye ni bonge ni Mishi ni mwembamba kwahiyo alihisi kuwa angemudu kumdunda ila kabla hajaenda kufanya chochote alishangaa akishikwa bega, kugeuka nyuma alishangaa sana maana alimuona Salome,

“Kheeee Salome! Unafanya nini hapa?”

“Nikuulize wewe dada unafanya nini hapa?”

“Kuna mtu nilikuwa namsubiri maeneo haya”

“Mmmh dada wakati ulikuwa unampango wa kwenda kupigana na Yule dada wa kuitwa Mishi”

“Umejuaje?”

“Najua tu, katu usipende kuruhusu mapenzi yakakutawala hivyo dada yangu hadi ushindwe kufanya vitu vyako vya maana”

“Sikuelewi Salome”

“Mapenzi yapo tu na siku zote yatakuwepo ila heshima yako ni kubwa sana kuliko hayo mapenzi, mfano ukaenda na kupigana na Yule Mishi akakupiga itakuwaje? Si aibu hiyo mtu bonge kupigwa na kimbau mbau. Na mfano ukaenda mkapigana weee ila ashishinde yoyote itakuwaje? Ni kujidhalilisha huko, na mfano ukaenda kupigana na mtoto wa watu bahati mbaya akaanguka na kufa, huoni kama utapata kesi ya kujibu! Dadangu usitake mapenzi yakutawale kiasi hiko, tafadhali twende nyumbani”

Maneno ya Salome yalimuingia akilini Sara kwa kiasi chake, na kujikuta akitoa wazo la kutaka kwenda kupigana na Mishi badala yake kugeuza na Salome na kurudi nyumbani.

Walifika nyumbani na moja kwa moja Sara alienda chumbani kwake ambapo Salome alimfuata kwa nyuma, Sara alifika na kulia sana ila Salome alikuwa akimuangalia tu. Sara alilia sana kuhusu mapenzi ila alipotulia kiasi Salome alisogea na kumbembeleza. Sara alimuangalia Salome,

“Wewe ni mtoto mdogo, mapenzi huyajui vizuri”

“Mimi ni mtoto kwa kuniangalia ila sio mtoto kivile unavyonifikiria. Nimekuacha ulie ili utoe uchungu wako, dada yangu narudia tena usipende mapenzi yakutawale”

“Ila kwanini Ommy anifanyie hivi? Kwanini Ommy anisaliti?”

“Ila dada jamani mara nyingine unaweza kumlaumu bure huyo Ommy ingawa ni kweli ana makosa, Ommy anakupenda sana na alitaka kukuoa ila mama yako hataki hata kunuona akikusogelea, mama yako hataki hata upate muda wa kwenda kuonana na Ommy. Jamani nae ni binadamu anamatamanio jamani”

“Khabari za Ommy wewe umezijuaje?”

“Usiniulize tu habari za Ommy nimezijuaje bali niulize pia habari za Mishi nimezijuaje, ila nakwambia tena usiruhusu mapenzi yakutawale kiasi hicho. Ommy ni binadamu kama binadamu wengine, si malaika Yule kusema atakuwa sahihi kwenye kila kitu”

“Unasema tu kwasababu huyajui mapenzi, simtaki tena Ommy. Sitaki hata kumuona, akaendelea na hiko kimishi chake si kaniona mimi bonge sifai”

“Hizo ni hasira Sara, tena hasira ni hasara. Hapo ulipo hata hujui Ommy yuko wapi ila unasema hutaki tena kumuona”

“Sitaki ndio, sitaki kujua hata alipo”

“Ila moyo unakuuma, jambo lolote usilitafutie jawabu wewe mwenyewe. Ni Ommy pekee anayeweza kukujibu kati yako wewe na Mishi anampenda nani. Tunatakiwa tufanye jitihada za kumrudisha Ommy”

“Kumrudisha kwani yuko wapi?”

“Ngoja nikuache ulale kidogo ila ukiamka utakuwa na kumbukumbu zote kuhusu Ommy”

Sara alimshangaa sana Salome ila Salome alimuaga saran a kumuacha mule chumbani kisha yeye akatoka zake.



Rose alifika kwa mganga wake na kukuta watu wengi sana kwenye foleni ila alishangaa akiitwa yeye ndani na kuwapita wote kwenye foleni huku wengine wakilalamika,

“Sababu kaja na gari, yani waganga wanapenda matajiri sababu wanajua wanahela”

Rose alitembea kwa madaha sana na kuingia kwenye kibanda cha mganga ila alishangaa kuona kibanda kile kikiwa tofauti na kwa waganga alipopazoea, na cha kushangaza alikaribishwa na sauti ya kike. Rose alikaa lakini alikuwa na wasiwasi mwingi sana, kulikuwa na mwanamke kajifunika na khanga mbele yake, mganga aliyemfata hapo ni mwanaume kwahiyo kitendo cha kuona mwanamke amekaa hapo kilimshangaza sana. Na kujikuta hata ameshindwa kusema chochote,

“Elezea matatizo yako”

Rose alishtushwa na sauti ya huyu mganga kwani ilikuwa ni sauti ya mtu anayemfahamu, akajikuta akisema kwa mshangao,

“Mozaa!!!”

Yule mganga alifunua sura yake na kumfanya Rose ashtuke zaidi kwani ni kweli alikuwa ni Moza.





Rose alishtushwa na sauti ya huyu mganga kwani ilikuwa ni sauti ya mtu anayemfahamu, akajikuta akisema kwa mshangao,

“Mozaa!!!”

Yule mganga alifunua sura yake na kumfanya Rose ashtuke zaidi kwani ni kweli alikuwa ni Moza.

Kwakweli Rose alitetemeka sana na kupata ujasiri wa gafla wa kutoka mule ndani na kuanza kukimbia yani kila mtu aliyekuwa pale alimshangaa, alikimbia sana kufika mbele akakumbuka gari yake na kujiuliza kurudi tena kuifuata, leo Rose alipatikana yani alipatikana haswaa kupita siku zote anazopatikana. Alichoka sana na kuanza kurudi kufata gari yake.

Alipofika kwenye gari yake alifungua na kuingia ndani ya gari, watu wapale karibu walimfata na kumuuliza kuwa ana tatizo gani lakini hakuna aliyemjibu zaidi ya kuondoa gari yake na kuondoka zake. Njia zima aliona kilichotokea kamavile ni ndoto tena ndoto haswaa, hadi hakujielewa jinsi anavyoendesha gari. Akapata wazo la kuangalia lile begi la hela aliloliokota kama lipo ila aliliona pale pale alipoliweka, kidogo akapata nafuu moyoni mwake kuwa begi lipo huku akiendelea na safari ya kurudi nyumbani kwake.



Salome alikuwa amekaa sebleni kwa Rose ila Patrick alitoka chumbani na kushangaa kumkuta tena Salome kwenye nyumba hiyo, alimuuliza kwa mshangao

“Wewe tena umefuata nini kwenye nyumba hii?”

“Jamani baba si nimekuja kwako, kuishi kwa baba yangu!”

“Kwani wewe ni mwanangu?”

“Ndio mimi ni mwanao, naitwa Maria”

“Maria!! Ndio yupi?”

“Mama yangu ni Neema na alinipa jina la mama yako ambaye ni bibi yangu”

Patrick alikuwa kama akitafakari jambo na alionyesha kumkumbuka sana mama yake, kisha akainuka na kumkumbatia Salome,

“Jamani kumbe ndio wewe mtoto ambaye mama aliniambia kuwa natakiwa kumfahamu, masikini mama yangu nilimkuta amekufa”

“Pole sana baba, ila mimi ndio Maria”

“Naomba uishi hapa siku zote, mama alinihusia nikupende na nikutunze ila mama yangu alikufa na sikujua kama mwanangu huyo alikuwepo”

Yani akili za Patrick zilikuwa zinakuja na kuondoka kiasi kwamba alikuwa anashindwa kutambua jambo lolote kwa wakati mmoja yani mara nyingine ilimlazimu kutafakari kwanza.

Waliongea mengi sana, Patrick alijikuta akimwambia Salome kuhusu familia yake.

“Lakini mama yangu ndio alikuwa mke wako wa ndoa!”

“Ni kweli mama yako alikuwa mke wangu wa ndoa ila alinitendea jambo bay asana siwezi kusahau ila sikutaka tu kumfungulia mashtaka mama yako, na siku zote sikujua kama wewe upo yani kulikuwa na kauli mbili kuwa ni kweli nina mtoto kwakwe ila kauli nyingine ilikuwa mtoto si wa kwangu ila ana baba mwingine”

“Alikufanyia jambo gani baya?”

“Unajua mama yako niliishi nae kwa muda mrefu sana bila kupata mtoto, hivi unafikiri ni nani anayeweza kuvumilia muishi kwa miaka karibu ishirini bila mtoto! Ni nani anayeweza kuvumilia hilo? Niliondoka takribani miaka mitatu, kurudi kidogo tu mamako akasema amepata mimba yangu, unafikiri ni rahisi kwangu kuamini hilo? Nilimfukuza nakiri hilo kabisa, na nilimfukuza kwa hasira kwani sikuwa na imani hata kidogo kuwa amepata mimba yangu. Baada ya miezi kadhaa nikapata habari kuwa anaishi kwa mamangu na mama akasema mtoto anafanana sana na mimi na wamempa jina lake. Nilifurahi kusikia hivyo na nikawa na lengo moja kwenda kumchukua mamako kwa mamangu na wewe tuishi pamoja. Cha kushangaza siku niliyoenda nilimkuta mama yangu ameuwawa kikatili sana na watu wote wakasema ni Neema tu ndiye amehusika na kifo cha mama yangu. Kiukweli niliumia san asana, yani niliumia kupita maelezo. Nilitaka kumtafuta Neema nimfungulie mashtaka akaozee jela huko ila mke wangu Rose akanishauri kuwa nisifanye hivyo na nisahau habari za Neema, nimejitahidi kuzisahau hata na mtoto aliyemzaa habari zake zilipotea kwenye akili yangu ingawa kuna baadhi ya ndugu zangu walikuwa wananishauri nimtafute mwanangu, ila napenda sana kusikia ushauri wa mke wangu na aliniambia nisifanye hivyo kwani hakuna ushahidi wowote kuwa ni mwanangu. Ila leo umenikumbusha mbali sana, kwakweli Maria mwanangu nakumbuka kifo cha mama yangu. Naomba unikutanishe na mama yako aniambie kwanini alimuua mama yangu kikatili kiasi kile”

Salome loe alimuangalia kwa makini huyu mzee aliyeonyesha anaongea kwa kujiamini kabisa halafu anaonyesha kamavile akili yake ipo salama kabisa kwa siku hii, Salome alijikuta akisema,

“Sasa huyu ndio mzee Patrick ninayeweza kuongea nae kwasasa”

“Sikuelewi”

“Utanielewa tu, kwanza tambua kuwa mama yangu hakuhusika na kifo cha bibi ila ukweli wote utaupata kwenye ndoto”

“Kwenye ndoto?”

“Ndio kwenye ndoto”

“Kivipi?”

“Subiri”

Salome alitoka nje na baada ya muda kidogo akarudi ndani na kitu kidogo kama kipande cha mkaa kisha akampa Patrick atafune naye akafanya hivyo halafu akamwambia,

“Leo ukilala utaona kila kitu kama sinema jinsi mama yako alivyouwawa”

“Mmmh kwani wewe mwanangu ni mganga wa kienyeji?”

Salome akacheka na kumuuliza,

“Mbona nilivyokupa dawa utafune hukuniuliza chochote? Mimi si mganga baba, ila fanya vile nilivyokuelekeza”

Patrick alitamani hata aende akalale muda huo ili kama hiyo ndoto aipate muda huo kwani miaka yote alikuwa akifikiri kuwa Neema ndiye aliyemuua mama yake ndiomana hakupenda hata kumuona na wala kile kitendo cha kwenda kwa Neema hakijui maana kilifanyika kwa namna nyingine. Patrick aliinuka pale sebleni na kumuacha Salome peke yake kisha yeye akaelekea chumbani.



Siku ya leo hii Neema alitoka nyumbani kwake na kwenda kumtembelea rafiki yake, ambaye alimshangaa kwa mabadiliko ya muda mfupi,

“Mmmh nipe siri ya mafanikio shoga maana sio kwa kung’aa huko, halafu pale kwako mbona umehama bila kusema?”

“Ndiomana nimekuja nikuhadithie”

Kisha akamuelekeza jinsi yeye alivyokuta wameshahama na jinsi Ashura alivyomtumia ujumbe,

“Mmmh kumbe Yule mdogo wako ana upendo hivyo!”

“Ndio, nakushangaa tu wewe ulikuwa na mashaka nae”

“Kwakweli nisiwe mnafki, sijawahi kumuelewa Yule mdogo wako na sijawahi kumuamini kabisa. Yani kila alichokuwa akiongea nilikuwa nakitilia mashaka, eti leo hii ndio amekutafutia nyumba nyingine ya kukaa mmmh”

“Na zaidi ya yote baba yake Salome yani Yule alikuwaga mume wangu, amejirudi yani kawa mpole huyo balaa. Aminiomba msamaha na amesema yupo tayari kumlea mtoto wake”

“Ila wanaume bhana, kaona mtoto amekuwa ndio kujifanya yupo tayari kumlea mtoto wake. Ila napo ni vizuri, halafu kitu kingine, mbona Salome simuoni shule?”

“Na hilo ndio jambo lingine limenileta ili unipe ushauri, Salome hataki shule kwasasa, unaweza kuamini hilo? Salome amesema anataka kupumzika kwahiyo nimuombee ruhusa ya ugonjwa, kwa kifupi Salome wangu hataki shule kwasasa”

“Kheee makubwa hayo, utaniletea niongee nae”

“Sawa nitakuletea maana wewe ndio mshauri wangu, na wakina Pendo wako wapi?”

“Wameenda kanisani”

“Kheee watoto wale kwa kanisa loh!”

“Ila ndio vizuri, na hakika hata wakina Salome wangependa kusali sidhani kama angekataa shule”

“Basi saivi hizo ibada ndio kama kituo cha polisi, mtoto hataki kabisa kuongelea habari hizo”

Mara akafika mgeni mwingine pale kwa mama Pendo ila huyu mgeni baada ya salamu kama alionyesha kumfahamu kidogo Neema yani ilikuwa kama kuna tukio ambalo alilifanya Neema halafu yeye analijua.

“Mmh hivi sio wewe ambaye mwanao alitumbukia kwenye kaburi!”

Neema nae alishtuka kuona kuna mtu anagundua kuhusu hilo jambo kwani yeye na Sa

lome kwenye msiba ule hakujua kama kuna watu wangetokea kuwafahamu,

“Kwani na wewe ulikuwepo kwenye ule msiba?”

“Ndio nilikuwepo, na lile tukio lilikuwa la kushangaza sana. Nakukumbuka vizuri sababu mimi ndiye ulinikuta pale njiani na nikakwambieni tunaenda kwenye msiba wa Moza, mkashangaa pale kuwa Moza amekufa kisha tukaaanza kuongozana kuelekea makaburini’

Ndio Neema nae alipoanza kukumbuka hilo tukio na kuona ni kweli kabisa kama ni yeye lazima awe anamkumbuka vizuri,

“Vipi mwanao hali yake maana kila mtu alipigwa na bumbuwazi pale msibani”

“Mwanangu amepona wala sikutaka kurudi tena kule zaidi zaidi kwenda na mwanangu nyumbani”

“Hata mngerudi kule kuna kilichokuwa kinaeleweka basi! Yalitokea makubwa sana, mwili wa marehemu ulitoweka na hadi leo hakuna anayejua kilichoendelea labda ile familia tu. Ulitokea upepo wa gafla pale makaburini na kila mmoja akikimbia na lwake. Kwakweli hali ilikuwa mbaya sana”

“Duh poleni sana, kwahiyo marehemu hakuzikwa?”

“Azikwe vipi na hata mwili wake haujaonekana”

Mama Pendo ikabidi aingilie kati maana haya maelezo hata yeye yalimchanganya kabisa,

“Unataka kuniambia Salome alitumbukia kwenye kaburi”

“Ndio alitumbukia halafu akazimia”

“Yani Neema umekaa tu na mtoto na alipatwa na makubwa kiasi hiko, anakataa shule unakaa nae tu hujiulizi! Mlete nimpeleke kwenye maombi”

“Nitajaribu kumwambia kama atakubali”

“Wewe ni mama yake bhana, atakubali tu”

Neema aliitikia pale ila hakuwa na namna ingawa Salome alimwambia kuwa wafanye siri ila atafanyaje na mambo yameshakuwa kama hivyo yani kuna watu wanamkumbuka vyema. Aliaga muda huo na kuondoka zake.



Rose alikuwa amevurugwa kabisa akili na gari alikuwa anaendesha ilimradi tu, kitendo hicho kilimfanya afike nyumbani kwake saa tano za usiku, aliingiza gari ndani na kushuka kisha akaenda sebleni kwake ila akakumbuka lile begi lenye hela akaamua kwenda kulichukua kwanza kabla na lenyewe haljachukuliwa. Cha kushangaza muda huu alienda kuliangalia mule kwenye gari hakuliona na kumfanya achanganyikiwe tena,

“Jamani, begi langu limeenda wapi tena?”

Akamuuta mlinzi kwa nguvu na kuanza kumuuliza kama ameona begi ila mlinzi alikuwa akimshangaa tu maana ni muda huo huo ameingia sasa huyo mlinzi alione begi na kulichukua aende nalo wapi.

“Mi sijaona begi mama”

“Inamaana limeibiwa na nani sasa?”

“Labda huko huko ulipotoka mama lakini hapa hakuna hata mtu mmoja anayeweza kufungua gari na kuiba”

“Hebu niondokee hapa”

Rose alijikuta akifoka tu kisha kwenda tena ndani na akiwa na mawazo lukuki kuwa begi limepotea tena kwa mara nyingine, hakukaa sana sebleni kwani watu wote kwenye nyumba yake walikuwa wamelala hivyo akaamua kwenda chumbani kwake na kumkuta mumewe akiwa amelala hoi,

“Huyu nae kalala kama mzigo leo, na wala simuamshi atajijua mwenyewe saivi nina mawazo yangu”

Akawaza pale cha kufanya kwa usiku ule ila hakupata jibu kabisa na alijiona kama sijui kitu gani ila wazo lingine likamtuma kuwa aende chumba alichokuwa analala Moza ili akapekue kitu Fulani, hakutaka kupuuza wazo hilo na moja kwa moja akaenda chumba alichokuwa analala Moza ila alipofungua mlango alimuona mtu amekaa amempa mgonga, kwa mashaka zaidi Rose aliuliza,

“Wewe ni nani?”

“Ni mimi”

“Ni nani wewe?”

Yule mtu akageuka na kumfanya Rose aanguke na kuzimia, na ilikuwa ni mara ya kwanza katika maisha yake kuzimia kwa muda mrefu kama siku hiyo.



Kulipokucha Rose alijikuta kitandani kwake na kuanza kujiuliza kuwa mara ya mwisho alikuwa wapi na mbona amepatwa na kitu ambacho hakijawahi kumpata maishani mwake,

“Yani na mimi Rose nalogwa? Haiwezekani yani haiwezekani kabisa”

Rose akakumbuka mara ya mwisho alienda kwenye chumba alichokuwa analala Moza na alimuona mtu ila sura ya Yule mtu alipogeuka hakuiona vizuri zaidi ya kuzimia. Hasira zikampanda na kujiuliza kuwa ni nani anayecheza na akili yake, akataka kuita familia yake yote sebleni siku hiyo ili ajue kinagaubaga kuwa ni nani anacheza na akili yake. Akatoka sebleni ila akagundua kuwa watu wake wote bado hawajaamka ukizingatia hata Patrick amemuacha kwenye usingizi wa hali ya juu, alianza kuita mmoja mmoja na waliokuja sebleni kwa muda huo walikuwa ni wale mapacha na Ana, akauliza kwa hasira

“Wengine wako wapi?”

“Wakina nani mama?”

“Sara na baba yenu?”

“Kuhusu Sara sidhani kama amelala hapa nyumbani jana”

“Mnasemaje nyie?”

“Hatukumkuta mama, sidhani kama amelala hapa nyumbani jana”

Rose akashikwa na hasira na kwenda chumbani kwa Sara, akafungua ila hakumkuta Sara na kumfanya apate jibu kuwa ni kweli Sara hakulala nyumbani kwa siku ya jana,

“Huyu mtoto ameanza kunichezea akili eeeh! Atalalaje nje ya nyumbani, atalalaje nje ya nyumba yangu!”

Akarudi tena sebleni kwa hasira, na kuuliza

“Ni nani alilala chumba cha Moza jana?”

“Mmmh mama, nani anayeweza kulala mule zaidi ya Yule binti Salome. Na toka ameondoka siku ile hajaja tena”

Akawaangalia wale wanae mapacha na kuwauliza,

“Ni nini mnajua kuhusu mimi?”

“Hatujui chochote mama”

“Mna uhakika?”

“Ndio hatujui chochote”

“Haya mnaweza kuondoka, na wewe Ana mwanangu unaweza kwenda kujiandaa na kwenda shule najua hata wewe unachukizwa na hali hii mwanangu”

Rose akaondoka na kuelekea chumbani, ila wale mapacha kabla nao hawajaondoka walishangaa kumuona Sara na Salome wakitokea njia ya vyumbani, na kushangaa

“Inamaana dada Sara ulikuwa chumbani?”

“Ndio, jana nililala na Salome chumbani kwa Moza”

Wale mapacha wakatazamana maana mama yao aliwauliza kuwa ni nani alilala kwa Moza jana na hawakuwa na jibu.

Kwa upande wa Rose, aliingia chumbani kwake na kumuamsha Patrick ila la kushangaza leo Patrick alivyoamka aliinuka na kumuwasha kibao Rose kisha akamwambia,

“Yani wewe mwanamke umeniulia mama yangu!”

Kabla Rose ajajitetea, alishangaa akipigwa kofi jingine.





Wale mapacha wakatazamana maana mama yao aliwauliza kuwa ni nani alilala kwa Moza jana na hawakuwa na jibu.

Kwa upande wa Rose, aliingia chumbani kwake na kumuamsha Patrick ila la kushangaza leo Patrick alivyoamka aliinuka na kumuwasha kibao Rose kisha akamwambia,

“Yani wewe mwanamke umeniulia mama yangu!”

Kabla Rose ajajitetea, alishangaa akipigwa kofi jingine. Kitendo hicho kilimchanganya sana rose na kila alipotazama sura ya mume wake ilionyesha kuwa na hasira za wazi wazi, Patrick aliendelea kwa kusema,

“Mwanamke wewe ni shetani tena shetani mwenye mapembe, yani siku zote hizi nilikuwa sijui kama naishi na shetani, yani wewe wa kuniulia mimi mama yangu!”

“Patrick sikuelewi mume wangu”

Patrick akamzabua kibao kingine Rose, cha safari hii kilikuwa cha hali ya juu hadi Rose akajihisi kizunguzungu na kuanguka chini akaona akimchekea Patrick atamuumiza, vile alivyoanguka Patrick akamsogelea na kutaka kumpiga tena ila kuna dawa Rose akampulizia machoni Patrick na muda huo huo kizunguzungu kikasmshika Patrick na kuanguka chini.

Rose alimuacha Patrick pale chini kisha yeye akatoka sebleni.



Alipofika sebleni akashangaa kumuona Salome akiwa na Sara pamoja na wale mapacha, alimuangalia Sara kwa hamaki na kumuuliza kwa kumfokea,

“Leo umelala nje eeeh!”

“Hapana mama”

“Hapana kitu gani, mbona nimekuja chumbani kwako sijakukuta”

“Nililala na Salome kwenye chumba cha Moza”

“Nini?”

Sara alirudia yale maneno ila Rose alionekana kuchukizwa zaidi, ila wakati huu huu Sara alimuuliza mama yake,

“Kilichonifanya nilale na Salome ni kuwa nilikuwa naogopa peke yangu, mama Ommy yuko wapi?”

Rose hakujibu ila aliwaangalia wale mapacha wake na kuwafokea,

“Nyie, si niliwaruhusu kuondoka”

Nao walitoka haraka haraka kwani waliogopa mama yao asije akabadilisha mawazo maana huwa hakawii. Walivyotoka alimuangalia Salome na kumuuliza,

“Na wewe nani amekuruhusu kuja tena humu ndani?”

“Yani kuja humu sitangojea ruhusa maana ni kwa babangu”

“Wewe mtoto nitakuja nikufanye kitu mbaya sana”

“Najua huwezi kunifanya lolote”

Salome akatoka pale sebleni na kwenda tena chumbani kwa Moza maana muda huo alikuwa amechukia na angeweza hata kubadilika. Sasa Rose alibaki na mwanae Sara kisha akamwambia mwanae atoke tu amuache nae Sara akafanya hivyo na moja kwa moja alienda tena chumbani kwa Moza akazungumze na Salome.

Rose alitoka tena nje kujaribu kuangalia lile begi la hela ila hakuliona bado yani hapo ndio akaamini kweli hadi yeye kafanyiwa kiini macho.

“Atakuwa ni Moza tu, na nitapambana nae. Ila nitaweza kupambana na mzimu? Mmmh! Cha kufanya ni kuwa nihakikishe haingii kwenye nyumba yangu, ngoja nizunguke nyuma”

Rose alizunguka nyuma ya nyumba ili aangalie cha kufanya na mzimu wa Moza usiingie kwenye nyumba yake.



Sara alienda kumuuliza Salome kwani yeye bado moyo ulikuwa unamuuma sana kuhusu kusalitiwa na Ommy,

“Ni kweli nimeona kuwa Ommy alitoweka, tena inawezekana ni mama kamficha Ommy ila kila ninapotaka kukazana kumsaidia Ommy naiona sura ya Mishi yani naona kama namsaidia Mishi kumpata mpenzi wake”

“Unaongozwa na wivu Sara, yani ni wivu ndio unakusumbua kwenye moyo wako. Kumbuka hata wewe Ommy unampenda, na akirudi atasema ukweli kuwa kati yako wewe na Mishi anampenda nani”

“Mfano akimchagua Mishi je?”

“Sioni kama ni tatizo hilo, atakuwa amekusaidia maana hutojiumiza tena moyo kwa kumfikiria mtu asiyekupenda. Mara nyingine kujua ukweli ni bora zaidi, mfano Ommy akifa huko wewe utapata faida gani? Utasema tu Mishi kakosa na mimi nimekosa, ila kuna faida yoyote unapata? Hakuna, mara nyingine kujua ukweli ni bora zaidi. Kuna watu wanakupenda wanakufataga ila unawakataa sababu upo na Ommy ila ukweli umeujua hakuna tena kusumbuliwa akili badala yake utaangalia unayempenda kati yao na kumkubali. Na hata ukiwa nae usiruhusu mapenzi yatawale akili yako yani akili yako isiendeshwe na hisia za kimapenzi maana ukiendeshwa na mapenzi, sehemu kubwa ya moyo wako itabebwa na wivu na utajikuta ukifanya jambo baya bila kutarajia. Fanya mapenzi ni sehemu tu ya maisha ila sio kila kitu katika maisha”

“Unajua Salome, wewe ni mtoto mdogo sana ila unayachambua mapenzi vilivyo. Kwani ushawahi kuwa na mpenzi na udogo huo?”

Salome akacheka kisha akamwambia dada yake,

“Tuachane na habari hizo ila tuangalie jinsi gani unaweza kumuokoa Ommy, tambua kwamba Ommy anatakiwa kuokolewa”

“Sawa nitafikiria na ushauri ulionipa, nitaongea na mama amuachie Ommy maana mama yangu ni mchawi kabisa ni mchawi sijui nifanyaje aache”

“Unataka mama yako aache uchawi?”

“Ndio, na mdogo wangu Ana aache uchawi tuwe watu wa kawaida tu na tuishi maisha ya kawaida”

“Ila uchawi wanakula viapo, unadhani ni rahisi hivyo kuacha?”

“Sijui”

“Uchawi inatakiwa mtu aache kwa ridhaa yake mwenyewe ila kwa kulazimishwa haachi, nitasaidia na mama yako ataacha uchawi kwa ridhaa yake mwenyewe”

Sara alikuwa anamuangalia Salome bila ya kummaliza, kisha Salome akamuomba Sara ampishe muda huu anahitaji kuvaa. Sara aliondoka na kwenda chumbani kwake, akampisha avae ila akajiuliza ni kwanini Yule Salome hawezi kuvaa mbele yake wakati yeye ni mwanamke mwenzie,

“Mmmh kila akitaka kuvaa anasema nimpishe, halafu Yule mtoto mbona anaongea mambo ya kikubwa sana!”

Akajiuliza sana, na kuamua kwenda dirishani kwake kuchungulia yani akili ilimtuma tu kufanya vile, wakati anachungulia gafla akamuona mama yake kapiga magoti kwenye ua, Sara alishangaa sana na kuamua kutoka ili amfate na kumuangalia vizuri maana uchawi wa mapema vile ulimuogopesha hata yeye kwani aliamini tu kuwa mamake ni mchawi ila hakufikiria kama uchawi unaweza kufanywa peupe vile.





ITAENDELEA