KURUDI KWA MOZA - 5

 

Simulizi : Kurudi Kwa Moza

Sehemu Ya Tano (5)





Ana alibaki na wale ndugu zake huku akiwauliza kuwa atawezaje kuacha uchawi,

“Si unaacha tu”

“Haiwezekani kuacha uchawi kirahisi rahisi hivyo jamani”

Wakaangaliana kwa muda kisha kuulizana kuwa uchawi unaachwa vipi kirahisi, hakuna aliyekuwa na jibu,

“Ni vigumu sana kuacha uchawi kirahisi rahisi hivyo, itanigharimu maisha yangu yote. Natamani kuacha uchawi ila ni vigumu kwangu kuacha uchawi kirahisi rahisi”

“Mfano mama akiacha uchawi, na wewe si utaacha?”

“Mama hataki hata kusikia habari za kuacha uchawi ingawa unamtesa sana sasa hivi, ila mkiweza kumshawishi aache basi mtakuwa mmefanya vyema”

Ana aliondoka na kuelekea chumbani kwake, ila bado ndugu zake walijiuliza kama kweli Ana ana lengo la kuacha uchawi huku Sara akikumbuka alivyopofushwa na ndugu yake kichawi pia akawasimulia ndugu zake jinsi Ommy alivyopotea kwenye nyumba yao na kuwaambia kuwa nae ni mmoja wapo wa misukule wa mama yao, walikuwa wakishangaa tu uchawi wa mama yao jinsi ulivyo na bila wao kujua kama mama yao ni mchawi tena wa kudumu kiasi kile.

Waliongea sana ila badae walipoona muda umeenda sana wakakubaliana kuwa waende wakalale ila Sara akatoa tena ushauri,

“Jamani na leo kwanini tusilale wote sebleni?”

“Bado unaogopa tu kulala mwenyewe?”

“Ndio naogopa”

“Basi kalale na Ana”

“Weeee hapana jamani, siwezi kulala na Ana jamani”

“Kwanini lakini wakati kasema anaacha uchawi”

“Hata kama siwezi kulala na Ana kwakweli, bora nikalale ndani kwangu peke yangu”

Sara akainuka na kwenda ndani kwake kisha wale mapacha nao waliamua kuondoka na kwenda chumbani kwao kwahiyo pale sebleni kwao palibaki hapana mtu.

Baada ya muda kupita kidogo na kimya kutanda ndipo Rose alipoamua kwenda kufanya mambo yake sebleni sasa na kwavile aliona hakuna mtu hata mmoja akahisi ni vyema kufanyia vitu vyake hapo kwani yeye alikuwa anapenda zaidi kufanyia mambo yake sebleni kisha yanatawala nyumba nzima ila siku za hivi karibuni hakufanya sababu ya kutingwa na mambo mengi sana, taratibu alianza kufanya mambo yake pale kwa kuwasha dawa zake za kujifukiza na kuanza kujifukiza sasa.



Sara hakupata usingizi kabisa kwa usikiu huo kwani yeye alihisi kutokewa na vitu vya ajabu ajabu tu na kufanya ashindwe kulala, mara akasikia harufu kuwa kama kuna kitu kimewashwa hivi, uoga ukamshika kwani alihisi kuwa ndio huenda ni yale mambo ya ajabu yameanza tena, akatamani kujificha ila hakuwa na pakujificha ila akajivika ujasiri na kusema kuwa atatoka ili aende kuona kinbachoendelea.

Akanyanyuka taratibu huku akiwaza kuwa kama ataona vitu visivyoeleweka basi atapiga kelele ili kaka zake nao waamke na wamsaidie.

Taratibu akatoka chumbani kwake na kugundua kuwa ule moshi unatoka sebleni, kwahiyo akanyata hadi sebleni akashangaa kumuona mama yao akiwa mtupu kabisa akijifukiza na dawa zilizokuwa zikifuka moshi, akasema kwa hamaki,

“Mama!”

Mama yake aligeuka na kumtazama ila sura yake ilikuwa tofauti na alivyoizoea, ilikuwa ni sura ya kutisha sana, Sara akajishangaa kuwa anaanza kukimbia na badala ya kukimbilia chumbani alikuwa akikimbilia mlango wa kutoka nje ilia toke nje na kukimbia ila kabla hajafika mlangoni alijikwaa na kuanguka halafu mguu wake ukaanza kutoka damu, alimuona tu mama yake akiweka mikono kichwani na kusema,

“Masikini mwanangu jamani! Na yeye ndio anapotea hivyo!”

Mara gafla akatoweka, hakuwepo tena pale sebleni wala uwepo wake haukuonekana kama hata amechungulia mahali hapo, Rose aliacha kuendelea na zile dawa zake, alibeba vitu vyake na kwenda chumbani, alijibadilisha na kuwa kawaida kisha akaanza kulia huku akiumia sana moyoni,

“Sara mwanangu jamani kwanini lakini! Kwanini unataka kunifedhehesha mama yako? Kwanini unataka nikose raha mama yako, unajua ulipoenda ni pagumu sana, unaweka maisha yangu klwenye ugumu wa hali ya juu”

Rose alilia sana na kumfanya ashindwe kabisa kulala wala kuendelea na jambo lolote kwa usiku huo hadi panakucha.



Ndugu wa mama Jack walienda kwa mganga ila Yule mganga aliwatahadhalisha sana,

“Ndugu yenu aliingia kwenye mtego mbaya sana, na hata hivi ninavyoongea ameshazikwa”

“Amezikwa?”

“Ndio kazikwa, na sehemu aliyozikwa ni kaburi lenye maji kiasi kwamba siwezi hata kufanya dawa yoyote kwaajili yake, hata hivyo alikaa muda mrefu sana kabla ya nyie kugundua kifo chake.”

“Sasa tutafanyaje?”

“Sijui cha kufanya ila hata huyu mganga aliyechukua jukumu la kumzika mama yenu kwenye kaburi lililojaa maji ana jambo gumu sana na kubwa linaenda kumpata”

“Sasa ndugu yetu tutamkoa vipi?”

“Jamani ngojeni pakuche, usiku mzima nitafanya dawa zangu ila huyu aliyemfanyia mama yenu hivi lazima aumbuke kabla hapajakucha. Ngojeni nifanye dawa zangu, leo msiondoke hadi kesho tutakuwa tumepata majibu ya kueleweka”

Ndugu wa mama Jack waliamua siku hiyo kulala nyumbani kwa mganga ili kujua hatma ya ndugu yao maana kifo chake kilikuwa na utata sana.



Kulipokucha, Neema alienda kumuamsha Salome na kumkumbusha kuhusu lile swala la kwenda nae kwenye maombi, ni kweli Salome hakubisha kabisa halafu wakaanza kujiandaa walipomaliza safari yao ikaanza huku Neema akimsisitiza mwanae kuwa wakifika huko aeleze kila jambo linalomsibu ili iwe rahisi kuombewa, Salome alimuitikia mama yake na alikubaliana nae kwa kila kitu.

Walifika kituoni na kushuka kisha safari ya kuelekea kwenye maombi ikaanza sehemu yenyewe haikuwa mbali na kituo cha basi, wakati wanakaribia kufika Salome alimuomba mama yake kuwa aende dukani kununua maji mara moja kwani alikuwa na kiu sana, Neema alikubali kisha Salome akaanza kwenda dukani ambako napo hapakuwa mbali sana, ni nyuma kidogo tu na walipokuwa.

Neema akaona kama mwanae anakawia dukani na kuamua kumfata, ile anafika dukani tu alishtukia akiwa nyumbani kwake tena bado yupo chumbani kitandani yani ndio anaamka.





Walifika kituoni na kushuka kisha safari ya kuelekea kwenye maombi ikaanza sehemu yenyewe haikuwa mbali na kituo cha basi, wakati wanakaribia kufika Salome alimuomba mama yake kuwa aende dukani kununua maji mara moja kwani alikuwa na kiu sana, Neema alikubali kisha Salome akaanza kwenda dukani ambako napo hapakuwa mbali sana, ni nyuma kidogo tu na walipokuwa.

Neema akaona kama mwanae anakawia dukani na kuamua kumfata, ile anafika dukani tu alishtukia akiwa nyumbani kwake tena bado yupo chumbani kitandani yani ndio anaamka.

Neema alishangaa sana na kujiangalia mara mbili mbili, ni kweli alikuwa ametoka kuamka ysni hata kuoga alikuwa hajaoga,

“Jamani haiwezekani, yani iwe sijaamka mpaka muda huu kweli!”

Akachukua na simu yake kuangalia saa, akaona ni saa tano asubuhi na kuzidi kushangaa kwani hata kwakama kwa kawaida hana tabia hiyo ya kulala mpaka saa tano asubuhi, mara nyingi akichelewa sana basi anaamka saa mbili ila siku hiyo ilimchanganya zaidi, akajaribu kukumbuka kuwa alishajiandaa na Salome walikuwa wanaenda kwenye maombi na mara ya mwisho Salome alimuomba kuwa anaenda kununua maji halafu alikawia sana dukani, ila alipomfata dukani ndio akajikuta yupo kitandani tena akiwa naio kwanza anaamka, akajiuliza

“Hivi naota au ni kitu gani? Lakini sioti jamani mbona nilikuwa macho jamani ndoto gani hii?”

Neema alijiuliza maswali kadhaa bila ya majibu, akaamua kutoka ili ajaribu kuona kama anaota au la.

Alitoka na kumkuta Salome akiwa anaandaa kifungua kinywa, na alipomuona tu alimuamkia, Neema alishangaa sana na kumuuliza Salome,

“Inamaana bado hatujaonana?”

“Tumeonana muda gani tena mama? Si ndio umetoka kuamka?”

Neema akaganda kwa muda kisha akamwambia Salome,

“Hivi mimi na wewe hatujaenda mahali leo?”

“Mama unaota ua?”

“Sijui mwanangu, yani sijui kabisa ila ninachojua ni kuwa tulijiandaa kwenda kwenye maombi, na tulifika kabisa ila wewe ukataka kununua maji, nimekufata gafla nikajikuta kitandani ndio naamka”

Salome alicheka sana, kisha akamuangalia mama yake na kumwambia,

“Mama jamani mbona vichekesho hivyo yani uende mahali halafu ujikute gafla umelala ndani yani ndio unaamka! Unaona hilo jambo linawezekana kweli?”

“Hata mimi nashangaa mwanangu, yani sielewi kabisa”

“Hiyo ni ndoto mama isikupe presha”

“Yani hata sijui, sijui kabisa yani”

“Usijali mama ni ndoto hiyo”

Neema alikaa kwenye kochi sasa, huku akiwa na mawazo tele kuhusu yale mauzauza aliyoyapata maana hakuelewa kama ni ndoto au ni kitu gani.

Alijifikiria sana bila ya majibu, wakati anawaza vile akashtuliwa na Salome na kumwambia,

“Natoka mama”

Alitaka kuongea jambo ila hakuweza kuongea chochote zaidi ya kumuitikia mwanae tu kuwa wataonana badae.



Ndugu wa mama Jack leo waliendelea kufanyiwa dawa na Yule mganga, Yule mganga aliwaambia kuwa anaona kitu sio cha kawaida kimefanyika kisha akawaambia,

“Inaonekana mama Jack katolewa kafara na rafiki yake”

Wakashangaa sana, na kuuliza kuwa ni rafiki yake yupi ambaye kamtoa kafar mama yao,

“Huyo rafiki yake anaitwa Rose”

Watoto wa mama Jack wakashangaa sana kwani mama yao siku zote alikuwa akimsifia huyo Rose ingawa hawakujua kuwa Rose anapatikana sehemu gani. Yule mganga aliendelea kuongea,

“Yani huyo Rose anapenda sana mambo ya waganga wa kienyeji ndiomana kajikuta kamtoa rafiki yake kafara, mama yenu kosa lake ni kumsindikiza huyu Rose kwa mganga yani huyo Rose anapenda sana mambo ya waganga ndio yanayomghalimu.”

Walimshangaa mtoto mmoja wa mama Jack akishindwa hata kuendelea kumsikiliza mganga bali aliinuka na kuondoka zake.

Alienda moja kwa moja nyumbani kwao na kuchukua simu ya mama yake kisha kupekua jina la Rose, na alipolipata alimpigia simu,

“Hallow”

“Samahani nani mwenzangu?”

“Najua mama una shida, mimi ni mganga wa kienyeji. Naomba tukutane nikusaidie”

“Jamani umejuaje dah! Nashukuru sana, nielekeze ulipo nije”

Basi Yule kijana akamuelekeza Rose mahali ambapo yeye aliona panafaa kukutana na huyo Rose kwani alikuwa na uchungu sana wa mama yake kutolewa kafara ukizingatia maiti ya mama yake ilifika kwao na kutoweka kwahiyo mama yao walijua tu amekufa ila hata nafasi ya kuzika mwili wa mama yao hawakuipata, yani kijana huyu alijikuta ana uchungu uliopitiliza moyoni mwake haswaa swala la kumfikiria Rose.



Rose muda aliokuwa nyumbani kwake na mawazo sana kuhusu kutoweka kwa Sara ndio muda aliopigiwa simu na Yule kijana kwahiyo alihisi kupata mkombozi ukizingatia hakutaka kuchukua hatua ya kutoa wale misukule wake kwavile anahisi kuwa atapata matatizo ndiomana alikuwa anaogopa kuwatoa, kwahiyo ile simu aliona kama ya ukombozi kwake.

Alijiandaa haraka haraka na kutoka, ila sebleni alikuta watoto wake wale mapacha wamekaa na baada ya salamu walimuuliza mama yao,

“Mama, Sara kaenda wapi?”

“Jamani Sara ni mtu mzima, mimi siwezi jua alipoenda”

“Mama, Sara hajatoka humu ndani. Tumeenda kumuuliza mlinzi kasema hajatoka, tumemuangalia chumbani kwake hayupo pia. Sara kaenda wapi mama?”

“Jamani hebu subirini hadi jioni moune hatorudi, mtoto wa kike yule labda karuka ukuta huko kaenda kwa wanaume”

Kisha akatoka zake na kuwaacha, walijiuliza sana maswali ni kwanini mama yao kawajibu kirahisi kiasi kile maana swala la kutokuonekana kwa Sara ilitakiwa hata yeye ashtuke lakini cha ajabu yeye alikuwa akiwajibu kirahisi rahisi tu, wale mapacha walijiuliza sana kuhusu ndugu yao na kukosa jibu.

Mama yao alipoondoka, Ana nae alienda sebleni, ikabidi kaka zake wamuulize yeye,

“Sara kaenda wapi?”

“Sara!!! Sijui mimi”

“Ana, ulisema kwa uzuri kabisa unataka kuacha uchawi, Sara haonekani ndani. Mlinzi hajamuona akitoka, na kama angeenda mahali kwa hakika angetuaga hata simu yake ipo ndani, Sara yuko wapi?”

“Jamani sijui, mtanilaumu bure tu”

Hawa mapacha waliwaza sana cha kufanya ila hawakuwa na jinsi maana hakuna mwenye uhakika wa alipo Sara.



Salome leo alienda kumtembelea Mishi na kumshtua sana kwani hakutegemea kutembelewa tena na Salome, aliamini kuwa ameshamalizana nae, kwahiyo kitendo cha kumuona kaenda tena kumtembelea kilimshangaza sana, akashindwa hata kumkaribisha,

“Usishikwe na uoga Mishi, ila kilichonileta leo ni jambo moja tu. Kwanini unataka kumdanganya mzee wa watu?”

“Kumdanganya nini?”

“Si unataka kumwambia kuwa mimba hiyo ni yake!”

“Tafadhali naomba nisaidie, sitaki kuumbuka mimi, sitaki watu wajue kuwa nilibakwa ndiomana nataka kumwambia kuwa mimba ni yake”

“Msamaha wangu kwako ni kumwambia ukweli, yani wewe mueleze ukweli wote. Anakupenda, kukuacha hawezi, nataka tu ajue mtu anayempenda ni mtu wa aina gani, usimdanganye kuhusu mimba uliyobeba, mwambie ukweli wote”

Mishi alikuwa kimya tu maana huu ulikuwa ni mtihani mkubwa sana kwake, na alijua kama atamwambia huyo mzee ukweli basi ni lazima huyo mzee akikutana na mama yake Mishi atamueleza halafu yeye alitaka iwe siri,

‘Nihurumie tafadhali”

“kama husemi, nitakuumbua. Nakupa siku moja tu ya kumwambia mzee wa watu ukweli”

Ilibidi Mishi akubali kuwa atamueleza Yule mzee ukweli wa mambo ingawa alikuwa anaumia sana.



Neema alikuwa anajiuliza hadi kwenda kuoga tena alikuwa anawaza, ila badae akakata shauri na kwenda kuoga halafu akarudi akiwa anaendelea na mawazo yake, watoto wake wale mapacha walitoka shule na kumkuta mama yao pale sebleni akiwa na mawazo, mmoja akaanza kumuuliza mama yao,

“Kumbe msharudi ile safari na dada”

Akili ikamzinduka kidogo na kufanya awaulize vizuri hawa watoto wake,

“Hivi asubuhi ni nani kawaamsha na kuwaandaa muende shule?”

“Si wewe mama”

“Hivi nilirudi tena kulala?”

“Mama jamani, ulisema wewe na dada Salome mnatoka, tena hadi ukatuelekeza mahali tutakuta funguo ndiomana tumekuuliza mmesharuudi tayari”

Neema alipata kidogo mwangaza wa jambo amabalo lilitokea ingawa bado alikuwa haelewi kuwa kama jambo hilo limetokea ni hakika limemtokea yeye pamoja na Salome sasa iweje salome amwambie kuwa alikuwa anaota? Aliwaza sana, kisha akachukua simu yake na kuamua kumpigia mama Pendo ili amshirikishe hilo swala, alimpigia na kumuelezea kila kitu jinsi ilivyokuwa, kwakweli mama Pendo alishangaa sana na kuhisi kuwa huenda ni stori za kusadikika,

“Una uhakika na hayo mambo kuwa uliondoka kweli nyumbani”

“Nina uhakika, hata wanangu hawa wadogo wamenithibitishia hilo”

Akamueleza jinsi wanae mapacha walivyomwambia, yani bado mama Pendo ilikuwa ngumu kuelewa kwani mazingira ya tukio lenyewe yalikuwa ni ya utata sana,

“Sasa mi ninachoona niongee na mtumishi aje hapo nyumbani”

“Kwakweli utakuwa umenisaidia sana ukifanya hivyo, haya mambo ni ya ajabu kwangu hadi sielewi nianzie wapi na niiishie wapi”

“Pole ndugu yangu, au nije mwenyewe kuwachukua”

“Hata hivyo ni sawa ili nimwambie Salome asitoke”

“Basi nitaangalia litakalo wezekana”

Neema aliongea sana na huyu rafiki yake, basi alivyokata simu likamjia tukio la kukumbuka kuwa alishawahi kumjuangalia mwanae Salome na kumuona kama kafanana na Moza, hofu ikamshika na kujisemea,

“Hapana haiwezekani, Moza aklishakufa na mwanangu yupo hai. Haiwezekani kwakweli”

Alikuwa anajiuliza na kujijibu mwenyewe ila alipatwa na mawazo sana huku akimngoja mwanae arudi kwa siku hiyo na kumwambia kuhusu ujio wa mama Pendo kuwapeleka kwenye maombi au ujio wa mtumishi kumuombea Salome.



Ana wakati anaongea na kaka zake alikosa raha kabisa maana yeye alionekana anajua fika alipo dada yao Sara ukizingatia nyumba nzima hakujulikana alipo. Ikabidi ainuke na kwenda chumbani kwake kufanya dawa zake.

Alifika na kuzianza dawa zake, alifanya kwa muda kidogo na kumuona kuwa dada yake Sara ni miongoni mwa misukule ya mama yao. Alishtuka sana Ana na kushangaa kwanini mama yao kafikia hatua hiyo maana aliona sasa ni hatua mbaya yani mama yao hata afikie kumuweka kama msukule mtoto wake mwenyewe, maana misukule aliyokuwa anatunza mama yake ilikuwa ni tofauti na misukule ya watu wengine maana hii ililishwa kichawi na ilimsaidia kichawi kupata nguvu za ziada kiasi kwamba ni ngumu sana kwake kuitoa misukule hiyo kwani itamgharimu maisha yake yote, kwahiyo kitendo cha mama yao kumuweka Sara msukule kilimchanganya sana Ana na kumshangaza, akamuangalia mara mbili mbili dada yake alivyokuwa akisononeka na kumuonea huruma ila hata yeye Ana hakuwa na uwezo wa kuwatoa watu kwenye kile kichumba ambacho mama yao aliwahifadhi.

Kisha akajaribu kuangalia kuwa mama yao ameenda wapi, alimuona yupo porini ambapo hata njia hakuielewa halafu alikuwa akishangaa shangaa, mara wakatokea vijana watatu na kumbana, kile kitendo kilimfanya Ana atupe dawa zake zote kwa kushtuka kwani alijua wazi kuwa mama yao yupo hatarini.



Rose alienda hadi mahali ambapo alielekezwa na Yule kijana ila alifika jioni maana sehemu yenyewe ilikuwa ni safari ya mbali sana, alishangaa sehemu yenyewe ilikuwa kimya kabisa, akaanza kushangaa shangaa, mara walikuja vijana nyuma yake wakamfunga mdomo, mikono na miguu na mwisho wakamfunga macho,

“Mama mpumbavu sana wewe na habari zako za kupenda waganga, umemuua mama yangu na wewe ni lazima ufe”

Rose hakuweza kujitetea wala nini maana wale vijana walikuwa wamemziba mdono kwa kitambaa, kisha wakaanza kumpiga ambapo walimpiga sana, halafu wakakubaliana kuwa wambake, walifanya kazi ya kumbaka kwa zamu, Rose alilia sana na kujilaumu moyoni kufika sehemu bila ya tahadhari.

Wale vijana walimpiga sana Rose, kisha wakataka kumchinja kwani lengo la mtoto wa mama jack ni kumuona huyu mtu anayeitwa Rose akifa kama alivyokufa mama yao, ingawa mama yao alikufa kichawi ila walitaka huyu mtu wamuue kimacho macho.

Alishika kisu sasa akitaka kumchoma, wakati amekiinua ili amchome alishtukia mkono wake ukishikwa na kuzuiwa kumchoma, alipogeuza macho aangalie ni nani alimuona ni binti amabaye mama yao alimsaidia usiku ambapo kesho yake ndio alitokomea nae.



Alishika kisu sasa akitaka kumchoma, wakati amekiinua ili amchome alishtukia mkono wake ukishikwa na kuzuiwa kumchoma, alipogeuza macho aangalie ni nani alimuona ni binti amabaye mama yao alimsaidia usiku ambapo kesho yake ndio alitokomea nae.

Yule kijana alishangaa sana kwani haikuwa kawaida kabisa, akatupa kisu chini huku akimuangalia Yule binti aliyeonyesha yupo serious sana, kisha Yule binti akamwambia,

“Naitwa Salome, ndio mimi mwenyewe niliyekuja kwa mama yako siku moja kabla hajafa, wala hujanibahatisha. Sasa kwanini unataka kumuua huyu Rose”

“Amemuua mama yangu”

“Ulikuwepo wakati anamuua?”

“Tumeambiwa na mganga kuwa amemtoa kafara mama yangu”

“Unajua ni kwanini mama yako ametolewa kafara? Huyu mwanamke alikuwa na marafiki wangapi zaidi ya mama yako? Na mbona asiwatoe wao kafara akamtoa yeye?”

“Sijui ila ninachojua ni kuwa huyu mwanamke ni muuaji kamuuwa mama yangu”

“Ngoja nikwambie kitu, huyu mwanamke ni mchawi ila huyu mwanamke na mama yako ni bora ya huyu mwanamke, huyu hajaua watu wengi kichawi kama alivyomaliza watu mama yako, kama huamini nenda chumbani kwa mama yako halafu kuna begi lake dogo jeusi limechimbiwa chini, ni vigumu kujua lilipo ila nitakusaidia kuliona, kisha uone ni viungo vingapi vya wanadamu mama yako anavimiliki, je ndugu wa hao watu nao wangeamua kufanya maamuzi kama yako si mama yako angekuwa marehemu muda mrefu!”

“Sikuelewi”

“Huwezi kunielewa ila muachie huyu mtu aondoke zake”

“Unaniahidi nini nikimuachia?”

“Nakuahidi kuwa utaniua mimi badala yake”

Yule kijana alimuangalia Rose pale chini kisha akainua macho yake kuwaangalia wenzie ambao walimpa ishara kuwa amuachie tu, kisha akainama na kumpiga teke Rose halafu akaamua kuondoka huku akiwa ameongozana na Salome.



Rose hakuelewa chochote ila anakumbuka kuwa sauti aliyoisikia ilikuwa kama sauti ya Salome, na yale maongezi ambayo Salome aliongea na Yule kijana aliyasikia vizuri, ila hakuweza tu kuona chochote maana walimziba macho, sasa alivyopigwa lile teke akaanza kujikongoja ili ainuke na kujiona kuwa hata kuinuka hawezi kwani maguu yote ilikuwa na maumivu ukijumlisha kupigwa na kubakwa, kwahiyo Rose alikuwa na maumivu makali sana, akaamua kupiga kelele za kuomba msaada ila kumbe wale rafiki wa mtoto wa mama jack walikuwa wakimfatilia kwa nyuma kwani walifanya vile ili rafiki yao aondoke na Yule binti ila wenyewe walitaka waendelee na ule mpango wa kumuua Yule mwanamke kwani uchungu aliokuwa nao rafiki yao na wao pia waliupata na waliuhisi. Wakati Rose akipiga kelele akashtukia akizibwa mdomo na kupigwa kibao,

“Nyamaza, muuwaji mkubwa wewe”

“Jamani sijauwa mnanionea bure”

“Hujaua nini wakati umemtoa mama Jack kafara, hivi unajua ni kiasi gani Yule mama alikuwa akitusaidia. Hivi unajua ni jinsi gani tulivyokuwa karibu na Yule mama, halafu umemuua unategemea nini? Kwa taarifa yako, sisi ni makatili kupita hata Yule aliyechukuliwa na zombie lako, yani sisi hatutakuchoma kisu ila tutakuchinja taratibu ili uone kifo kina uchungu gani”

Wakaanza tena kumpiga Rose, walimpiga sana, kisha kumfungia kwenye miti kamavile wanataka kumsulubisha, yani Rose alikuwa na maumivu makali sana.



Salome aliondoka na Yule kijana mpaka nyumbani kwa mama Jack, kisha akaenda nae hadi chumbani kwa mama jack, ndugu zake na Yule kijana walikuwa bado hawajarudi kutoka kwa Yule mganga, basi akamuonyesha sehemu kuwa afukue, na Yule kijana akafanya hivyo kisha kukutana na mfuko mkubwa chini yake ambao kwa hakika kwa kawaida hata wasingeweza kudhania kuwa kuna mfuko wa aina ile ndani mwao haswa chumbani kwa mama yao, ilikuwa ni ajabu sana. Kisha Salome akamwambia Yule kijana afdungue ule mfuko, na alipoufungua alishangaa sana,

“Usishangae, hivyo ni vitu ambavyo mamako alikuwa anaamini kuwa vinamletea utajiri, mama yenu kashamaliza watu wengi tu kwa kuwatoa kafara akiangalia kupata mali na utajiri, unafikiri mali hizi mama yenu kazitoa wapi? Ngoja nikuulize, baba yenu yuko wapi?”

“Alikufa”

“Sasa unajua kuwa baba yenu alitolewa kafara”

“Kafara?”

“Ndio kafara, unakumbuka baba yenu alikufaje?”

“Alipata ajali yani gari walilopanda lilipinduka na alikufa baba peke yake”

“Wakati baba yenu anakufa, mama yenu alikuwa wapi?”

“Hakuwepo alikuwa safarini”

“Ila ndiye aliyekuja kuwapa taarifa kuwa baba yenu amekufa?”

“Ndio, anasema alioteshwa ndio akarudi na kukuta kumbe kuna ajali ilitokea na baba alikufa”

“Sasa kaa chini uelewe kuwa mama yenu alikuwa ni mchawi tena mchawi haswaaa na alikuwa anatamani amuachie mtoto mmoja uchawi wake sema katolewa kafara nay eye, na mama yenu kauwawa sababu yangu yani mimi ndio nimemsababishia mama yenu auwawe. Sipendi uchawi, nauchukia uchawi na nipo kwaajili ya kumkomesha Rose na marafiki zake, mama yenu alimshauri Rose aende kwa mganga, na Yule mganga ndiyo aliendaga yeye na kufikia hatua ya kumtoa mume wake kafara, halafu Rose naye aliambiwa awatoe watoto wake wawili kafara ila mimi nilikuja kumchukua mama yenu na akatoka badala ya watoto wawili wa Rose. Je bado unataka kuniua na mimi?”

Yule kijana alikaa chini kwanza kwani alihisi kuwa anaota, vile viungo vya binadamu kuvikuta kwenye chumba cha mama yao vilimshangaza sana, hadi akajikuta hana jibu kwa huyu mtu, kisha Rose akamuuliza tena,

“Dada yenu wa kwanza yuko wapi?”

“Alikufa”

“Hajafa”

“Hajafa! Kivipi?”

“Ngoja uone”

Muda kidogo alitokea mdada akiwa amechafuka sana, alikuwa dada yao na alikuwa hajielewi wala nini, Yule kijana bado kidpogo aanze kukimbia kwani hakutegemea kama wangefikia hatua hiyo,

“Nenda mkamshughulikie dada yenu arudi kwenye hali ya kawaida, mama yenu alimfanya msukule wake ampatie mali sababu dada yenu alikuwa na damu kali sana. Nenda mkashughulikie dada yenu, mnyoeni nywele hizo, mkateni kucha arudi kwenye hali yake ya kawaida, ila swala la mama yenu kurudi hilo halipo maana haiwezekani akarudi”

“Nitawezaje?”

“Utaweza tu, ila cha kuongezea, msimpeleke kwa mganga yoyote huyu dada yenu kama bado mnampenda. Na wala usishiriki dawa yoyote watakayokwambia ushiriki”

Kijana Yule alitia huruma zaidi kwani hata hakuelewa kama aendelee na kuchunguza ile mifupa au amsaidie dada yake, ila Salome aliondoka na kumuacha pale akitafakari bila hata kuelewa ila mwisho wa siku aliamua kumchukua dada yake na kubeba na mkasi kisha kutoka nae nje na kuanza kumkata nywele maana hata uoga ulimuisha muda huu ukizingatia alimuona dada yake akizikwa kabisa halafu katolewa akiwa mzima, ilimshangaza sana ila alijivika moyo wa ujasiri na muda mwingine kujihisi kuwa labda yupo usingizini na anafanya vile vitu ndotoni.



Wale vijana waliendelea na kumtesa Rose, kisha kila wakitaka kumuua wanajikuta mikono yao ikiwa mizito sana, na mwisho wa siku wakati wanafikia hatua kuwa wamuue kwa pamoja, Salome alitokea katikati yao na kuwafanya waogope kwani hawakuwa kwenye lile eneo la mwanzo walilokuwa kwahiyo walijiuliza kuwa huku huyu binti kapajuaje,

“Nilisemaje? Si nilisema huyu mama aachiwe?”

Wale vijana walimuangalia Salome na kumshangaa kuwa binti mdogo vile anawezaje kuwa na amri juu yao, yani anasemaje bila ya kuwa na uoga hata kidogo, wakakonyezana kuwa wamvamie na huyu Salome wamdunde ili akili yake ikae sawa, sasa ile wanataka kufanya mashambulizi kwake wakashangaa wakianza kupigwa viboko, yani walicharazwa viboko vingi vingi kisha walishangaa kuona Yule mama waliyemfunga akitoweka na hata haikujulikana ni wapi ameenda ila wao walikuwa wakitrandikwa tu viboko halafu walikuwa hawawezi kuondoka eneo lile, yani hawawezi kwenda popote ila walikuwa wakipigwa tu hadi walianguka chini na kuzimia.

Ila walipokuja kushtuka kila mtu alikuwa nyumbani kwao, kila mmoja alitafakari na kukosa jibu ya kilichotokea siku hiyo.



Ndugu wa mama jack baada ya kumaliza kwa Yule mganga na kupewa dawa wakaamua sasa warudi nyumbani ili wapange mipango vizuri kwa kile walichoambiwa na mganga wao, walishangaa kufika nyumbani wakamkuta Yule aliyewakimbia kule kwa mganga na kabla hawajamuuliza chochote akawaambia,

“Kuna kitu nataka niwaonyeshe”

“Kitu gani?”

Kila mtu alikuwa na shauku ya kujua kuwa ni kitu gani ambacho alitaka kuwaonyesha, basi Yule kijana, alienda kumchukua dada yake ambaye alimuacha chumbani kwa muda, yani alivyofika ukumbini tu wote walianza kupiga kelele na wengine kukimbia kimbia mpaka pale alipowaita na kuwaambia kuwa wasiogope ila bado walishikwa na uoga wa hali ya juu ukizingatia ni mtu ambaye wamemzika miaka mitano iliyopita kwahiyo kitendo cha kumuona mzima kiliwaogopesha sana,

“Jamani msiogope, ni mzima kabisa huyu sema saivi kuongea ni mgumu ila ataongea tu”

“Tuambie imekuwaje kuwaje?”

Ikabidi huyu kijana awaeleze ukweli wa mambo ya jinsi ilivyokuwa kuanzia alivyowasiliana na Rose hadi alivyotaka kumuua na jinsi Yule binti alivyotokea.

“Huyo binti ni nani?”

“Hata mimi mwenyewe simjui ila anasema kuwa yeye ndiye aliyempeleka mama akatolewe kafara kwa madai kuwa mama alikuwa mchawi ndio kwa kunithibitishia kamtoa huyu dada yetu kuwa alichukuliwa msukule na mama”

Wote walishangaa na ilikuwa ngumu sana kuamini ingawa uwepo wa Yule dada uliwashangaza sana ila ilikuwa vigumu sana kwao kuamini kuwa mama Jack alikuwa mchawi, ikabidi Yule kijana awaletee na ile mifupa ambayo ilikutwa chumbani kwa mama yao.

“Kwahiyo na wewe unaamini kuwa mama alikuwa mchawi?”

“Siamini ila kuna vitu sivielewi”

“Kama huamini huenda hata huyu dada alichukuliwa msukule na huyo huyo rafiki wa mama, kesho tumpeleke kwa mganga, halafu tuendelee na mipango ya dawa tuliyotoka nayo kwa mganga”

“Hapana, mimi sitashiriki hizo dawa na wala huyu dada msimpeleke kwa huyo mganga”

“Kwahiyo tumpeleke wapi?”

“Yule mtu amekataa kabisa kuhusu swala la kumpeleka dada kwa mganga wala mimi kushiriki dawa mlizokuja nazo”

“Mbona unatuambia mambo ya ajabu wewe, kama ukikataa shauri yako ila dawa tutafanya tu, hakuna anayeamini kuwa ndugu yetu alikuwa mchawi na alimuuwa na kumfanya msukule huyu mwanae mpendwa, lazima mwanae alichukuliwa na huyo huyo mtu wa ajabu lazima twende tena kwa mganga”

Walikuwa wanaongea ila huku wana hofu nyingi sana kuhusu Yule dada aliyerudi maana wote walimshuhudia akizikwa, kwahiyo hofu waliyokuwa nayo ilikuwa kubwa sana kiasi kwamba wote waliaga na kuondoka wakijifanya wanarudi tena kwa mganga halafu pale nyumbani walimuacha Yule Yule kijana na ndugu yake aliyetoka kwenye usukule kwani wote walikuwa wanamuogopa.



Neema alimpigia simu binti yake kuwa anarudi nyumbani muda gani kwa siku hiyo maana alishaongea na mama Pendo kwahiyo alitaka aongee na huyu binti yake ila binti yake alimshangaza sana kwani alimwambia kuwa kwa wiki hiyo atalala kwenye nyumba ya baba yake,

“Sasa wewe kwenye hiyo nyumba ya baba yako unamfata nani wakati baba yako hayupo?”

“Nawafata hawa watu wa huku nimezoeana nao sana, wananihitaji niwe karibu nao”

“Unajua unanipa mashaka wewe Salome”

“Mashaka ya nini?”

“Umeanza lini tabia ya kulala mbali na nyumbani?”

“Basi nitarudi”

“Utarudi muda gani?”

“Saa mbili usiku”

Kisha Salome akakata ile simu ila Neema alishukuru hata kwa huu muda aliyomwambia kwani alihitaji sana huyu binti yake hata akutane na mama Pendo ili nae ajaribu kumuhoji kidogo na kuona tofauti yake na kuangalia ni jinsi gani watamsaidia. Neema akampigia simu mama Pendo na kumuomba afike kwake saa mbili usiku, naye mama Pendo hakugoma bali alikubali kufanya vile.



Rose alitupwa getini kwake akiwa hajitambui kabisa, mlinzi akiwa anataka kutoka nje ili aende dukani akashangaa kumkuta bosi wake amelala chini na akiwa ameumia sana na ubaya zaidi hakujitambua, ikabidi mlinzi amuite Kulwa ambaye alikuja kisha wakaanza kusaidiana ili kumbeba wamuingize ndani ila alikuwa mzito sana kiasi kwamba aliwashinda kumbeba, Kulwa aliona ni vyema wakatafute msaada wa watu wengine wambebe kwakweli iliwashangaza sana kwa Yule mama kuwa mzito kisi kile, ila kabla Kulwa hajatoka kwenda kuomba msaada mara alifika Salome ila Kulwa alipomuona Salome ikamjia kumbukumbu ya Moza alivyowajia siku maa yao aliwaambia kuwa Salome ndiye Moza, kwahiyo kitendo cha kumuona tena Salome hapo kilimtia mashaka Kulwa na kujikuta akiacha kufanya chochote na kukimbilia ndani, mlinzi alikuwa anashangaa tu na kuuliza

“Mbona amekimbia?”

“Nikuulize wewe maana mimi ndio nimefika sasa hivi”

Mlinzi alitaka kwenda tena kumjuita Kulwa ila alipofika mlangoni, akageuka nyuma na kumkuta Salome kambeba mwenyewe Rose.

Mlinzi alishangaa sana ila kila alipozidi kumuangalia Salome akija na Rose ndani alimuona akibadilika na kuwa Moza.



Mlinzi alitaka kwenda tena kumuita Kulwa ila alipofika mlangoni, akageuka nyuma na kumkuta Salome kambeba mwenyewe Rose.

Mlinzi alishangaa sana ila kila alipozidi kumuangalia Salome akija na Rose ndani alimuona akibadilika na kuwa Moza.Hofu ilitawala kwa mlinzi kiasi kwamba hakuweza kumuangalia tena na kujikuta akitimka mbio huku akipiga kelele, na alitimkia ndani akabamiza mlango akiendelea na kelele zake. Kulwa akamuona mlinzi mlangoni sebleni kwao akipiga kelele, akamuuliza kwa mshangao,

“Vipi wewe una mashetani?”

“Kuna makubwa huko nje”

Alikuwa anaongea huku akitetemeka,

“Makubwa gani?”

“Sijui, sijui kabisa”

“Sasa wewe mlinzi gani mama amekuweka muoga muoga hivyo? Sasa wewe ukiogopa kitu sisi tufanyeje? Hebu toka hapo mlangoni tuone kuna nini”

Doto nae alitoka ndani ili kuangalia zile kelele zilikuwa za kitu gani, Kulwa alimtoa Yule mlinzi kwa nguvu na kufungua mlango ila cha kushangaza hakuona chochote cha ajabu nje, akamuangalia mlinzi na kumwambia,

“Hivi wewe Lazaro una matatiozo gani, mbona hakuna chochote cha kuogopa nje? Yani wewe sio mlinzi sio chochote, mtu mwenyewe muoga tu”

Doto aliuliza kuwa kuna nini lakini Kulwa alimjibu kuwa ni mawenge tu ya mlinzi wao, sema Yule mlinzi alikuwa kimya kabisa kwani alipigwa na butwaa asijue ni imekuwaje kuwaje na kujisemea moyoni kuwa ile nyumba ni ya kuondoka huku akikumbuka kuwa alipoondoka alirudishwa kimazingara, alipofikiria hapo alikosa raha kabisa na kujikuta akikaa chini tu. Kulwa na Doto walibaki wakimshangaa na kuona kuwa anaanza kuchanganyikiwa.

Wakakaa nae pale sebleni huku wakimuangalia jinsi alivyotoa mimacho, mara kidogo wote wakashtuka baada ya kumuona mama yao yani Rose akitoka maeneo ya chumbani huku akipiga kelele ilionyesha kama alikuwa akitandikwa viboko na mtu ambaye haonekani ila kilichosikika ni sauti ya viboko nay eye akipiga kelele, swala hilo liliwachanganya sana mule ndani ukizingatia mama yao hakuwepo ndani, sasa imekuwaje akitoka chumbani tena akionekana anatandikwa viboko huku akilia kwa maumivu, wakajikuta wakikimbilia nje, ila Rose nea alikimbilia nje huku viboko vikiendelea kumchapa, wakajikuta wakikimbia hovyo hovyo kwani mama yao alitafuta msaada kwa yeyote aliyekuwa mbele yake, ila walipofika getini ili watoke nje kabisa walishangaa kuwa geti lilifungwa kitu hicho kiliwastaajabisha sana na kuwafanya waendelee kukimbia hovyohovyo, hadi mama yao akaanguka na kutulia huku ile sauti ya viboko nayo ikiwa imetulia.



Neema aliona usiku umeingia ila mwanae hakuwa nyumbani na kumfanya ajiulize tena kuwa huyu mtoto ana nini kiasi kwamba anashindwa kurudi nyumbani kwa wakati, ila wakati anawaza hivyo akasikia mlango ukifunguliwa na Salome akiingia,

“Jamani wewe mtoto kwahiyo ndio saa hizi unarudi?”

“Mama jamani kwani kuna ubaya gani?”

“Wewe ni mtoto wa kike halafu unasema kuna ubaya gani!”

“Basi nisamehe mama”

“Mbona umekuwa mwepesi hivyo wa kuomba msamaha!”

“Kwahiyo mama ulitaka niendelee kubishana na wewe bila kukuomba msamaha!”

“Haya yaishe, kesho asubuhi mama Pendo anakuja kutufata twende kule kwenye maombi. Tafadhali kesho usiondoke”

“Sawa nipo, sitaenda popote kesho”

Kisha Salome akaelekea chumbani kwake, ila Neema alimuangalia sana mtoto wake huyu bila ya kummaliza kwani vitu vingi sana alikuwa kabadilika kiasi kwamba Neema alijikuta akipata mashaka, akainuka na kwenda chumbani kwake huku swala la kuombwa msamaha na Salome likimjia,

“Salome ni mgumu sana kuomba msamaha, au ndio kukua! Kama ndio kukua basin i vizuri maana kawa mtoto mzuri ingawa nina mashaka nae mmmh!”

Neema alijikuta akiwaza sana bila ya majibu, akatamani kumuuliza maswali kadhaa mtoto wake ilia one atamjibu nini, kwahiyo akainuka tena na kuongoza chumbani kwa Ssalome.

Alipofika alifungua mlango akijua kuwa Salome atakuwa amelala ila hakumkuta Salome kitandani,

“Kheee ametoka tena! Huyu mtoto jamani mbona ananitania. Yani arudi usiku na aondoke tena!”

Akarudishia ule mlango wa chumbani kwa Salome, na kumuangalia kila mahali mule ndani ila hakumkuta na kupata uhakika kuwa ni wazi Salome ametoroka nyumbani kwahiyo akaenda kukaa sebleni huku akisema atakaa hapo mpaka pale Salome atakaporejea, akainuka na kufunga mlango kabisa na funguo ili atakaporejea amsikie.



Mishi akiwa na mume wake, leo alijipanga kumwambia mumewe kuwa ana mimba ila alikuwa na hofu kubwa sana ya kumwambia kuwa alibakwa, kwahiyo alianza kuongea nae kwa utaratibu,

“Kuna jambo nataka nikwambie”

Huku machozi yakimlengalenga hata mumewe akawa na mashaka kuwa ni jambo gani,

“Nini tena Mishi wangu jamani!”

“Mwenzio nina mimba”

“Wow, hilo ni jambo la kheri sana. Mungu amesikia kilio changu”

Yule mwanaume akamkumbatia Mishi kwa furaha, huku akimwambia ataje zawadi yoyote akamnunulie kwani ni kipindi kirefu sana amekuwa akitafuta mtoto kwahiyo swala la Mishi kupata mimba kwa kipindi kifupi hivyo kilimpa furaha ya ajabu.

“Sema zawadi utakayo nikakutafutie kesho mke wangu”

“Sitaki zawadi yoyote zaidi ya kunitunzia siri yangu”

“Siri! Siri gani tena”

“Sitaki watu wajue kama nina mimba mpaka pale itakapokuwa kubwa”

“Sasa hiyo ni siri ya kukusumbua akili mke wangu, usijali hakuna nitakayemwambia. Sema tu zawadi yoyote mke wangu”

Mumewe akamlazimisha sana aseme zawadi ikabidi tu Mishi aseme zawadi kisha mumewe akamuahidi kuwa kesho ataenda kumnunulia zawadi hiyo, mumewe alikuwa na furaha sana kiasi kwamba Mishi hakuweza kumwambia ukweli kuwa alibakwa kabla ya ndoa yao, na mimba aliyonayo ni matokeo ya kubakwa na sio sababu ya kuolewa.

Mishi akakubaliana na moyo wake kuwa hatomwambia ukweli wowote mume wake, ila gafla mumewe aliinuka na kwenda chumbani halafu Mishi nae alijisikia kutapika na kutoka nje.

Yani alipofika nje hali yote ya kutapika iliisha, kichefuchefu chote kiliisha kwani mbele yake alimuona Salome na kumfanya aogope sana,

“Unaogopa kwavile hutaki kumwambia ukweli mumeo. Mwambie ukweli mume wako uone kama mimi nitakufata tena”

“Kwani wewe ni binadamu wa kawaida?”

“Hilo halikuhusu kabisa kabisa, unachotakiwa kufanya ni kumwambia ukweli mumeo, mwambie kuwa una mimba ya kubakwa”

“Naogopa”

“Unaogopa nini? Unaogopa mimba ya kubakwa! Mbona wakati ulikuwa ukichanganya vijana wa watu hukuogopa? Umewaweka roho juu vijana wa watu wote wakikufikiria wewe, je wewe ndiye msichana mrembo pekee ulimwenguni? Mwambie ukweli mumeo, na ole wako uanze kumchanganya mumeo na vijana wengine nitakufundisha pia. Haya niambie mumeo utamwambia ukweli humwambii?”

“Nitamwambia”

“Tena umwambie leoleo, Yani unavyoingia ndani tu umwambie”

Mishi aliitikia kwa kichwa tu kuwa atafanya hivyo na akaona ni wazi kama asipofanya hivyo huyu mtu ataendelea kumsumbua sumbua, muda kidogo Salome aliondoka halafu mume wa Mishi nae alitoka pale nje ila Mishi alimdanganya kuwa alitoka kupunga upepo kidogo na kumtaka warudi tena ndani huku akijaribu tena kuongea nae,

“Kuna jambo nataka nikwambie sijui utanichukuliaje?”

“Jambo gani tena?”

Mishi alimueleza mumewe kwa kirefu kidogo ya jinsi alivyochanganya wale mapacha na jinsi alivyopewa laana na mdada aliyemkuta nyumbani kwa wale mapacha na jinsi alivyobakwa na kujikuta kuwa ana mimba,

“Mmmh tuseme hiyo mimba ni ya kubakwa?”

“Ndio”

“Na huyo binti anayekutokea tokea ni binti wa aina gani?”

“Nilimkuta tu nyumbani kwa wale mapacha na ndio akanipa laana hadi nikabakwa na akaja kuniambia kuwa nina mimba tayari”

“Mmmh hayo mambo sio ya kawaida, sasa kesho nitakupeleka mahali”

“Wapi?”

“Tulia tu, nitakupeleka mahali kesho maana hivyo vitu sio vya kawaida. Huyo binti ni jinni hilo, na laana ya majini sio ya kuichekelea, yani tutaenda mahali hata usijali usikute wala huna mimba”

Mishi alihisi tu anaambiwa na mumewe kuwa wataenda kwa mganga, ila kwa upande mwingine alifurahia kwani alijua ndio utakuwa mwisho wa Yule binti kumfatilia fatilia.



Nyumbani kwa Rose, walisaidiana kumuingiza mama yao ndani, huku wakiwa na hofu kubwa na kutamani kuongea nae kuwa kulikoni,

“Mama pole sana, kitu gani kimekupata?”

Mama yao alikuwa kimya, na kuwafanya wagundue kuwa mama yao kaumia mdomoni ndiomana hawezi kuwajibu kitu chochote, walikaa nae pale sebleni ila kiukweli walikuwa na wasiwasi mkubwa sana, kwa wakati huo hata Yule mlinzi wao nae aliogopa kwenda kukaa getini, ilibidi wamuulize naye kwa makini,

“Uliona nini na wewe?”

“Nilimwona mama yupo chini akiwa hajitambui, nikawa nakuja ndani ili nikuite tukambebe ila kabla sijafika sijui kinini kikanishawishi kugeuka nyuma, mara nikamuona Salome akiwa kambeba mwenyewe mama wakati mimi nilimshindwa alikuwa ni mzito sana halafu kadri Yule Salome alivyokuwa akisogea alikuwa akibadilika na kuwa kama Mo…..”

Kulwa alimzuia mlinzi asiendelee kuongea,

“Ishia hapohapo tushakuelewa, usituletee makubwa bure. Usiku ushaingia sasa”

Doto akamuulizia Ana,

“Hivi na Ana yuko wapi?”

“Yupo chumbani kwake toka asubuhi, ila Yule mtoto anajijuaga mwenyewe”

Wakakubaliana kwa pamoja kuwa usiku huo walale wote sebleni hapo ukizingatia hata mlinzi alishagoma kulala kwenye lindo lake.



Palipokucha asubuhi waliamka ila mama yao hakuwa pale sebleni na wakahisi kuwa ameenda chumbani,

“Au mama aliamua kwenda kulala chumbani!”

“Jamani ningekuwa mimi nisingeweza yani kupigwa kote kule ila mama bado kaenda kulala chumbani! Kwakweli ningekuwa mimi nisingeweza jamani”

“Tumetofautiana mioyo, Lazaro kaona maajabu tu kaogopa kwenda kulala kwenye lindo lake”

“Ila inataka moyo nyie, yani haya mambo ni makubwa ila wenyewe tunayachukulia kawaida”

“Sio tunayachukulia kawaida ila hatuna cha kufanya, tukiondoka tunarudishwa unafikiri tutafanyaje”

Mlinzi ndio akashangaa hapa kuwa hata hawa nao wakiondoka wanarudishwa ila Doto akasema,

“Jamani mbona Sara kafanikiwa kuondoka na hajarudishwa?”

Ana akafika pale sebleni na kudakia zile habari za Sara,

“Jamani Sara sio kwamba ameondoka hapa nyumbani ila Sara kafungiwa na mama”

“Kafungiwa na mama!”

“Ndio kafungiwa na mama, yani mama ndiye mtu pekee wa kumtoa Sara. Hajatoroka wala nini, yupo humu humu ndani ila kafungiwa na mama”

Kulwa na Doto wakapata picha ya kile chumba ambacho Sara aliwahi kuwaonyesha na wakaganda huko, moja kwa moja wakajua kuwa ni chumba kile kile amabacho mama yao amemfungia Sara. Ila Ana alivyomaliza kuwaambia hayo aliondoka zake na kwenda jikoni kisha kwenda chumbani kwake.

Kulwa na Doto walitazamana kisha wakamwambia mlinzi,

“Inabidi ukatusaidie sasa”

“Sasa niwasaidie kufanyeje?”

“Kumtoa Sara”

“Tutamtoaje?”

“Twende tukakuonyeshe”

Walienda mpaka mlangoni mwa chumba kile na kuchukua fungua kisha kufungua na kuingia ndani ya kile chumba, halafu wakamwambia mlinzi,

“Umeona pale nyuma ya kabati kuna mlango mwingine, sasa ule mlango ndio yupo Sara. Nenda kaufungue umtoe”

“Kheee nyie vipi, kwanini msiende kufungua na kumtoa wenyewe!”

“Sisi haturuhusiwi”

“Na mimi siwezi”

Yule mlinzi akatoka nje ya kile chumba, ila alipopiga jicho pembeni akamuona mama mwenye nyumba yani Rose akija kule walipo huku amevaa kaniki.



Neema aliamka pale sebleni kwahiyo siku hiyo alilala pale sebleni huku ameshika funguo, alipoamka akakumbuka matukio vivuri sana,

“Yani huyu mtoto hajarudi mpaka muda huu!”

Akainuka na kwenda kuchungulia tena chumbani kwa Salome, akashangaa kwani alimkuta amelala, akaangalia ufunguo wake mkononi ambao ulikuwa vilevile alivyoushikilia toka mwanzo, hilo swala lilimfanya ashikwe na hofu huku akijiuliza,

“Amepitia wapi huyu mtoto wakati milango yote nilikuwa nimefunga?”

Akatoka haraka chumbani kwa Salome huku uoga mwingi ukimjaa, mara akasikia mlango wa sebleni ukigongwa na kuhisi kuwa huenda ni mama Pendo amefika ingawa alishangaa kuwa mbona ni mapema mno, akaenda kufungua na kushangaa ni Salome ndio alikuwa amerudi.





Akatoka haraka chumbani kwa Salome huku uoga mwingi ukimjaa, mara akasikia mlango wa sebleni ukigongwa na kuhisi kuwa huenda ni mama Pendo amefika ingawa alishangaa kuwa mbona ni mapema mno, akaenda kufungua na kushangaa ni Salome ndio alikuwa amerudi.

Neema alishindwa kabisa kuvumilia na kujikuta akipiga kelele kwa uoga aliokuwa nao kwani kilikuwa ni kitu cha ajabu sana machoni pake, ila Salome alimuuliza

“Vipi mama mbona hivyo?”

Alikuwa akiongea huku akimsogelea ila Neema aliendelea kupiga kelele huku akisema,

“Usinisogelee, usinisogelee kabisa. Wewe ni nani?”

“Jamani mama imekuwaje tena? Mimi si mwanao Salome?”

“Hapana”

Neema alikimbia na kuelekea chumbani kwake, yani leo hata kuwaamsha wale wanae kwaajili ya shule hakufanya hivyo, kisha Yule Salome nae alielekea chumbani kwake.

Neema akiwa chumbani kwake akachukua simu na kumpigia simu mama Pendo huku akihema sana ila simu ya mama Pendo haikupatikana hewani na kuzidi kumchanganya, ikabidi amtumie ujumbe mfupi ili akiwasha tu simu basi apate ule ujumbe, alikuwa na mashaka sana ila baada ya muda kidogo akashikwa na usingizi na kulala.



Mlinzi alipomuona Rose akija halafu amevaa kaniki akaogopa sana kwani ni wazi ilionekana uchawi wake bila chenga, mlinzi alimuangalia kwa hofu kubwa sana huku uoga ukimtawala na kusema kuwa akimbie au afanye nini ila cha kushangaza Rose alimpita Yule mlinzi kama hamuoni kisha akaingia kwenye kile chumba ambamo walikuwemo Kulwa na Doto ila nao walishangaa kumuona mama yao akiwa amevaa kaniki ambapo aliwapita nao kama hawaoni vile, kitendo kile kiliwashangaza sana wakabaki wakiangaliana ila hawakuondoka kwani walitaka kujua kuwa mama yao ameenda kufanya nini.

Wakamuona akikaa chini kisha kuita vitu vilivyokuja kama dawa, halafu akapuliza ambapo kabati lile lilisogea halafu ule mlango wa kile chumba ulifunguka, Kulwa na Doto walishangaa sana na kujikuta wakitaka kusogea zaidi kwenye kile chumba ili kuona kuna nini ndani yake, ila kabla hawajasogea alikuja Ana kwa haraka sana na kuwashika mikono kisha akawatoa nje kinguvu na kuwaambia,

“Nyie msithubutu kusogelea”

“Kwanini?”

“Tuondokeni”

Akawavuta kaka zake mikono hadi sebleni ambapo Yule mlinzi nae alifata nyuma,

“Mmemuona pale mama sio akili zake zile, kashapandwa na kinyamkera yani anaweza akafanya kitu chochote pale bila kutarajia. Msishangae hajawaona, ila nyie mmemuona sababu kuna dawa iliwekwa leo na mtu anaetikisa nyumba hii. Subirini mama akitoka akiwa na akili zake timamu, tumwambie ya kuwa wote tumemuona alichokuwa anafanya, ila kitendo cha nyie kutaka kuingia kule kitawamaliza”

“Hatukuelewi”

“Nieleweni tu, mnajua Sara yuko wapi? Nadhani mnajua kuwa Sara amepotea kwenye mazingira ya kutatanisha, mnajua kapotea vipi? Je mama alitaka kumpoteza na Sara? Hapana, hata yeye kitendo cha kupotea Sara kinamuuma sana, ila kitendo cha kuachia watu kwenye chumba hiko kinamshinda sababu kitayagharimu maisha yake, ila tunatakiwa kusimama pamoja. Mama akiwa tu na akili zake timamu yani kinyamkera kikimtoka tumwambie ukweli kuwa tumemuona halafu akibisha nitawaambia cha kufanya”

“Kwanini usituambie kabisa maana mama kubisha ni lazima”

“Sitakiwi kuwaambia sasa hivi ila nyie jueni kuwa nipo upande wenu”

Walitulia wakimsikiliza Ana kwani waliamini kuwa Ana anajua mambo mengi kupita wao, ila mlinzi akawaambia jambo,

“Jamani zamani nilipokuwa mtoto nilikuwa napelekwa kanisani, na nilifundishwa kuwa vitu vya ajabu vikitokea yatupasa kufanya sala ila toka nianze kazi kwenye nyumba hii sijawahi kuwaona mkienda kanisani wala msikitini, tuseme nyie hamna dini?”

Ana akamjibu,

“Hebu tutolee habari zako na wewe, mbona wewe huendagi Kanisani wala Msikitini tuseme na wewe huna dini au? Badala ya kuangalia jinsi gani tutapambana na haya mambo kwenye nyumba yetu unatuletea habari za makanisa hapa”

Yule mlinzi ilibidi tu awe kimya kwani hakuweza kuendelea kubishana na vitu ambavyo hata yeye mwenyewe alikuwa havijui.



Neema alipoamka alijikuta kasahau kila kitu hata kuhusu kutokuwaamsha wanae waende shule alikuwa amesahau huku akijua kuwa alishawaamsha wakaenda shule na yeye akarudi kulala, kwahiyo muda huu alioga na kujiweka sawa kisha kuanza kuandaa kifungua kinywa huku akisema kuwa yani Salome ametoka bila ya kumuaga, wakati anaandaa chai sebleni akakuta barua mezani kwake ikiwa imeandikwa kwa maneno machache tu,

“Kwako mama mpendwa, mimi naenda kuishi kwenye ile nyumba aliyokuwa akiishi baba yangu, nina maana yangu ya kufanya hivi. Nitarudi nikiwa nimekamilika. Kwaheri, ni mimi mtoto wako mpendwa Salome”

Neema alishangaa sana kwa uamuzi huo uliochukuliwa na Salome,

“Ataendaje kuishi kwenye nyumba ambayo hata baba yake hayupo, si ndio watamuua huko jamani? Kwanini kaamua kufanya hivi Salome?”

Halafu sasa akagundua kuwa hiyo sehemu wala haijui sababu hajawahi kufika zaidi ya siku waliyoenda kwenye msiba wa Moza na waliishia katikati sababu walikuta ndio wanaenda kuzika kwahiyo swala la yeye kufika nyumbani kwa Rose lilikuwa ni gumu sana, akaamua kunywa chai kwanza kisha kuchukua maamuzi mengine. Alipomaliza kunywa chai aligundua kuwa lile karatasi lenye ujumbe lilimwagikiwa na chai hivyo akachukua maamuzi ya kulitoa pamoja na vyombo vichafu kisha akaenda kulidumbukiza chooni. Kisha alienda kuchukua simu yake na kukaa sebleni ili ampigie Patrick na kumpa hiyo habari ila alipochukua alikutana na ujumbe kutoka kwa mama Pendo,

“Pole sana kwa maswahibu hayo ndugu yangu, ambayo kiuhalisia naona kama ni kiini macho kwakweli ila leo nitakuja na mchungaji hapo kwako. Mwambie mwanao asitoke, tunakuja kufanya maombi”

Neema alikuwa akishangaa huu ujumbe kutoka kwa mama Pendo kwani hata yeye hakuwa na kumbukumbu kuwa ni maswahibu gani aliyokuwa amemueleza mama Pendo,

“Kwani mama Pendo anaongelea kuhusu maswahibu gani jamani, kwani kuna maswahibu yoyote yamenipata au kaoteshwa huyu?”

Alijiuliza bila ya jibu sababu hakuwa na kumbukumbu ya aina yoyote ile kichwani mwake yani hata swala la kukumbuka kuwa alimkuta Salome amelala na gafla akamkuta mlangoni akigonga mlango haikuwepo hiyo kumbukumbu katika akili yake kabisa.



Kama ambavyo Mishi aliahidiwa na mumewe kwahiyo asubuhi asubuhi waliondoka na kwenda kwa mtaalamu lengo lilikuwa ni kuangaliziwa kuhusu huyo binti halafu na kuangaliziwa kuhusu mimba aliyokuwa nayo Mishi, walimkuta mganga na wateja wachache tu na walipoisha waliingia wao na kuanza kumuelezea matatizo yao,

“Yani cha kuwaambia tu huyo mtu ambaye mmeleta malalamiko yenu hapa, yupo nje anawasubiri”

“Anatusubiri!”

Walishtuka sana,

“Ndio anawasubiria”

“Sasa tutafanya nini?”

“Sio mtu mzuri Yule, ila yupo kwaajili ya kumkomesha mtu mmoja tu sema ukijiingiza kwenye familia hiyo imekula kwako kwahiyo na nyie swala la kuja kwangu ili niwasaidie itakula kwangu na kwenu”

“Tusaidie mganga, mi sioni kama mimba hiyo ina ukweli kwa mke wangu”

“Laiti kama mkeo akitoa hiyo mimba kaa ukijua kuwa si wewe wala mkeo utaweza tena kuwa na watoto katika maisha yenu. Mkeo alikuwa na makosa ndiomana akapewa hiyo adhabu”

“Makosa gani?”

Mishi alianza kuona aibu kwani hakumwambia ukweli mume wake kuhusu makosa yake mpaka kufikia hatua ya kubakwa ila alimwambia tu kuna vijana mapacha walidhania kuwa anawachanganya ndio huyo mtu akampa laana hiyo, basi Yule mganga akamuangalia Mishi na kumuuliza,

“Je nimwambie kuhusu makosa yako?”

Mishi alitikisa kichwa kwa ishara kuwa asimwambie, ila Yule mganga aliendelea,

“Hata nisipomwambia, ilimradi anawasuburia nje, basi napo atamwambia tu. Bora nimwambie mimi”

Mume wa Mishi akamuomba mganga amwambie maana alihisi kufichwa mambo mengine, ila Mishi aliona aibu sana na kuinuka kisha akatoka nje, ila mumewe bado alikomaa kuwa aambiwe, Yule mganga aligoma kusema sababu muhusika kainuka,

“Yani mimi kusema siwezi maana mwenyewe kainuka lakini mfate tu mtaonana na Yule mtu na atakwambia ukweli maana hatakuficha lolote”

Ikabidi mume wa Mishi ainuke tu ili amfate mkewe nje maana mkewe alishatoka eneo hilo, ila alipofika alipo mkewe alishangaa kumuona mkewe kasimama na binti Fulani ambaye yeye hakumjua binti huyo, ikabidi awafate ila huyu binti kabla hata ya salamu alianza kumwambia mume wa Mishi,

“Mkeo nimempa adhabu hiyo sababu amekuwa akiumiza moyo wa wenzie sana, bora angekuwa anajiuza tungejua moja kuliko alichokuwa anafanya huyu. Yani anakuwa na wanaume zaidi ya watano kwa wakati mmoja halafu wote anawadanganya kuwa anawapenda, je ni nafasi za mabinti wangapi anaziziba ambao wangependwa na hao wanaume? Ile familia aliumiza mioyo ya watu watatu, sasa ni zamu yake nay eye kuumia moyo. Kuhusu wanaume wengine aliokuwa nao atakwambia mwenyewe, huyu mkeo ni zaidi ya wanawake wanaojiuza ila nimemwambia akithubutu kufanya hivyo na kwenye ndoa yenu nitamkomesha”

Kisha Salome akaondoka na kuwaacha, Mishi alikuwa na aibu sana. Mumewe akamuangalia kwa jicho la gadhabu na kumwambia,

“Kumbe nimeoa changudoa, mwenyewe nilijisifu kuwa mwanamke anamsimamo hataki nimuoe ananipima kwanza kumbe ni changudoa. Kwakweli Mishi umeniangusha sana, yani unajua uovu ulikuwa unautenda nab ado bila ya aibu unataka tuje kwa mganga wa kienyeji ulidhani afanyeje sasa na wakati una laana? Unafikiri machozi ya watu wote uliowaliza yameenda bure? Tena uwe mpole kabisa maana ukileta kidomo domo chako nitawaeleza ndugu zako wote ukweli kuwa ulibakwa”

Mume wa Mishi akaondoka zake ikabidi Mishi amfate nyuma huku aibu tele ikimshika moyoni kwani hakutegemea kama angeaibika kwa kiasi hicho, alikuwa akitembea kwa aibu tele tele usoni.



Nyumbani kwa Neema alifika mama Pendo na mwanaume mmoja na wanawake wengine wawili ambao mama Pendo aliwatambulisha kwa Neema kuwa ni wana maombi, ambapo Neema aliwakaribisha vizuri sana na baada ya salamu za hapa na pale mama Pendo sasa akamwambia Neema,

“Hebu sasa elezea vizuri ili hawa watu nao wakusikie kuwa ilikuwaje jana usiku”

“Ilikuwaje kivipi?”

“Si kama vile ulivyonielezea kwenye ujumbe,hebu jaribu kuelezea vizuri”

“Ujumbe gani?”

“Kheee wewe Neema vipi tena una matatizo gani?”

Ikabidi mama Pendo achukue simu yake na kujaribu kusoma ambacho aliandika Neema ili Neema ajue hata anazungumzia nini,

“Ndugu yangu nina matatizo, nakutafuta hewani hupatikani. Mwanangu jana hakuwepo nyumabni nikafunga milango yote cha kushangaza asubuhi nimekuta chumbani kwake halafu gafla mlango uligongwa halafu aliingia yeye ndani kwakweli hiyo kitu imeniogopesha sana, naomba mnisaidie maombi nipo njiapanda”

Ila bado Neema alionekana kushangaa kanakwamba hata haelewi kinachosomwa au kuzungumzwa kisha akamwambia mama Pendo,

“Unajua hata nimeshangaa ujumbe ambao umenitumia ukinipa pole, nikajiuliza pole ya nini tena. Yani sikumbuki kabisa kama nilikuandikia hiyo meseji na wala sikumbuki kama kuna jambo kama hilo lilitokea”

“Kwahiyo wewe unakumbuka nini?”

“Nakumbuka kuwa usiku ulifika nikalala, na kuamka asubuhi nikakuta ujumbe wako hata sielewi kama nilikutumia ujumbe”

Wale watu wengine wakawa wanamshangaa Neema kama ambavyo yeye alikuwa akiwashangaa wao, ikabidi wamuulize swali,

“Kwani huyo binti yako yuko wapi?”

“Yani kuhusu binti yangu alipo, nimekuta tu ujumbe wake leo kuwa ameondoka anaenda kuishi nyumbani kwa baba yake yani hajaniaga kwa mdomo ila kaniachia ujumbe huo tu”

“Ujumbe wenyewe uko wapi?”

“Kwa bahati mbaya kile kikaratsi nimekitupia chooni maana kiliingia chai”

“Basi kalete nguo ya mwanao ili tuiombee halafu akija umpe aivae”

“Sawa, ngoja nikalete”

Neem aliinuka na kwenda chumbani kwa Salome, akafungua na kushangaa sana kwani kule chumbani palikuwa na kitanda na godoro tu, vitu vyote vya Salome havikuwepo yani nguo zake zote hata begi lake dogo halikuwepo yani Salome alikuwa kahama mazima kabisa.

Alipigwa na butwaa haswaa akarudi sebleni akiwa amenyong’onyea vilivyo ikabidi wamuulize kuwa imekuwaje tena,

“Eti mwanangu kaondoka na kabeba nguo zote”

“Halafu wewe hujui?”

“Ndio nilikuwa sijui, si ndio ujumbe tu nimekuta ameniandikia”

“Ila Neema nilikwambia mapema kabisa kuwa mwanao kutakuwa na tatizo sio swala la kawaida, kwanza mtoto akatae shule, halafu awe anatenda vitu vya ajabu lazima kuna kitu”

Yule mwanaume waliyeenda nae akasema,

“Kuna kitu kweli, tena sio cha kawaida kabisa. Naomba tuondoke tu halafu tufunge juu ya jambo hili, na wewe mama mtu ufunge”

“Mmmh kufunga tena jamani, kwani haiwezekani kuomba tu bila kufunga?”

“Hata kwenye biblia kwenye Mathayo 17:12 inasema (lakini namna hii haitoki, ila kwa kusali na kufunga). Ikimaanisha kuwa kuna maombi mengine tunatakiwa kufunga na kuomba”

“Jamani, sasa si mtafunga nyie tu wana maombi mpaka mimi nifunge jamani!”

“Hata wewe ni mwana maombi Neema”

“Ila kufunga siwezi mwenzenu yani njaa itanisumbuaje, siwezi kwakweli”

Ilibidi mpaka mama Pendo acheke maana Neema alivyotia huruma kwa kigezo cha njaa ni balaa, yani alionyesha wazi kuwa hilo swala linaloitwa kufunga kwake ni mtihani mzito.

“Yani wewe Neema itabidi nije nikupe somo kwakweli, kufunga ni kuzuri kunatuweka karibu na Mungu na pia tunasaidia miili yetu wenyewe. Yani wewe huwezi kuacha kula kwa masaa machache tu jamani kwaajili ya kujiponya mwenyewe! Natakiwa nikupe somo kwakweli”

“Basi mimi naomba tu mfanye maombi kwaajili ya mwanangu, swala la kufunga nitajifunza taratibu taratibu. Mwenzenu njaa jamani yani kufunga siwezi kabisa, ikifika saa tano tu asubuhi nahisi njaa balaa, sasa kufika hadi jioni si mtaniua mwenzenu jamani. Nawaomba tu mmuombee mwanangu”

Hawa walimuona huyu mama kuna vitu vimemfunga katika maisha yake ikabidi wakubali kuwa wao ndio wabebe dhamana hiyo, kisha Neema akawaomba wafanye maombi kwenye nyumba yake kwanza kabla ya kuondoka.



Kulwa, Doto, na Yule mlinzi walikuwa sebleni muda huu, mara mama yao nae alitoka ikionekana kashamaliza kazi yake kwenye kile chumba chake cha siri, alipofika tu sebleni kabla hata ya salamu Kulwa alianza kumwambia mama yake,

“Mama tumeona yote uliyokuwa unayafanya, mama kuwa na huruma japo kidogo. Sara ni mtoto wako tunamuhitaji Sara”

“Sasa kwani Sara mi nimpeleke wapi?”

“Mama, usitugeleshe. Tunajua fika kuwa Sara umemfungia kwenye chumba cahko cha siri na watu wengine. Tunamtaka Sara mama”

“Nyie watoto, mimi ni mama yenu mjue. Msiniletee habari ambazo hamna ushahidi nazo”

Rose akawa akielekea mlangoni ila alivyofungua mlango tu alianza kupiga kelele huku akirudi kwa nyuma,

“Moza amerudi, Moza amerudi, Moza amerudi”

Watoto wake wakashikwa na hofu ya hali ya juu huku kila mmoja akiogopa, ila wakasikia hatua za mtu akiingia ndani.





Rose akawa akielekea mlangoni ila alivyofungua mlango tu alianza kupiga kelele huku akirudi kwa nyuma,

“Moza amerudi, Moza amerudi, Moza amerudi”

Watoto wake wakashikwa na hofu ya hali ya juu huku kila mmoja akiogopa, ila wakasikia hatua za mtu akiingia ndani.

Hakuna aliyeona kuwa kuna yeyote akiingia ndani zaidi ya zile hatua tu, Rose nae alikuwa ameganda vilevile mlangoni na baada ya muda akaanguka na kuzimia ikabidi wamsogelee na kuanza kumpepea.

Baada ya muda alizinduka na swali la kwanza alilowauliza wanae,

“Moza yuko wapi?”

“Unaongelea nini mama?”

“Mwambieni Moza simuogopi, ananitisha sana ila simuogopi. Niitieni Moza hapa”

Walimshangaa mama yao na kuona amechanganyikiwa kwli, ni kweli kulikuwa na hisia kuwa anayewasumbua humo ndani ni Moza na hata amewahi kuwatokea na kuwatahadhalisha kuwa wasihame nyumba yao ila kwa siku hiyo ya kuwa Moza yupo ndani kwao hawakuwa na uhakika kwahiyo waliona mama yao anaongea kama mtu aliyechanganyikiwa. Ila Rose aliendelea kuongea akidai kuwa aitiwe Moza,

“Kamuiteni Moza huko”

“Tukamuitie wapi mama?”

“Nendeni chumbani kwake mkamuite”

“Mmmh mama jamani, kule chumbani kwake labda uende wewe mwenyewe si umesema kuwa humuogopi kwasasa basi nenda”

“Sijaamua tu kwenda ila simuogopi, ananichezea sana akili zangu tangu amerudi, nimejipanga kwa mapambano simuogopi”

Mara kimya kikatawala ndani yani hakuna aliyeongea chochote kile halafu Rose alionekana kuanza kuogopa jambo Fulani sababu alikuwa akisikika yeye tu huku akisema,

“Nisamehe tafadhali nisamehe, naomba unisamehe nitawaachia. Unaniumiza nisamehe tafadhali”

Walizidi kuona kuwa mama yao anachanganyikiwa sasa, na gafla akazimia tena. Ila muda huu wakapata wazo kuwa wambebe na wampeleke chumbani kwake wakamlaze, ila Kulwa alitoa wazo lingine,

“Hivi kwanini tusimbebe na kumpeleka chumbani alikokuwa analala Moza maana mama inaonyesha anakisasi na huyo mtu, kwahiyo ni vyema tukimpeleka huko ili akishtuka na kujikuta huko atamalizana nae.”

Wakajikuta kwa pamoja wakikubaliana swala la kumbeba na kumpeleka chumbani kwa Moza.



Nyumbani kwa Neema waliamua kufanya maombi kwa kifupi sana kisha kuagana na Neema halafu wao wakaondoka ila mama Pendo alibaki kidogo na Neema akizungumza nae,

“Ndugu yangu jitahidi hata kwa siku moja tu ujinyime kula na ufunge, tesa tumbo lako kwa siku hata moja upate majibu ya kile unachokihitaji”

“Inamaana mfungo wa siku moja unatosha?”

“Unatosha ndio ila ni muhimu kufunga kwa siku nyingine zaidi, kufunga sio kazi kama

unavyodhani ndugu yangu. Tusijiendekeze na kula, tunatakiwa kuwa kwenye mfungo ili kuwa karibu zaidi na Mungu wetu, Neema jitahidi utaweza. Unadhani ni jambo la kawaida hilo? Mtoto hataki shule, wewe mwenyewe unafanya vitu na kusahau. Haya sasa mtoto kahama nyumbani, yani bado tu huoni kama sio kitu cha kawaida hicho? Hiyo hali sio ya kawaida kabisa ndugu yangu, tunatakiwa kukazana na maombi tu”

“Sawa nitajitahidi basi ndugu yangu”

Basi mama Pendo alijaribu kumshawishi pale halafu aliondoka. Muda kidogo walirudi wale mapacha wa Neema, na kumsalimia mama yao, ikabidi awaulize maswali mawili matatu,

“HIvi leo nani aliwaamsha kwenda shule?”

“Ni dada ndio alituamsha na kutusaidia kujiandaa leo”

“Jana je!”

“Jana pia ni dada ndio alituamsha”

Neema akawa kimya kwa muda na kuwauliza tena watoto wake,

“Je kuna kitu chochote ambacho hamkielewi kuhusu dada yenu?”

“Hakuna kitu mama, ila mimi toka siku ambayo mamdogo Ashura kaanguka halafu dada akasema kuwa walikuwa wanacheza, na siku hiyo hiyo tukahamia hapa halafu dada akasema kuwa mamdogo Ashura kasafiri basi sijawahi kumuelewa dada tangia hapo”

“Kwanini huwa humuelewi?”

“Simuelewi tu, zamani alikuwa anakuja mara kwa mara chumbani kwetu na alikuwa akipenda kutuhadithia hadithi ila nakumbuka toka siku umerudi nae na kumkuta amelala chumbani kwetu halafu ukamwambia kuwa ni chumbani kwetu basi hajawahi tena kuja kutubembeleza kama zamani”

“Mmmh mnanifungua macho kwa kiasi fuylani, mnajua dada yenu kahama hapa nyumbani, kasema atarudi hadi akimaliza mambo yake”

“Halafu kuna jirani yetu mmoja wa kule niliwahi kumsikia akimwambia dada kuwa mbona sio Salome waliyemzoea”

“Kwahiyo nyie mnahisi ni nini?”

“Sijui labda dada kabadilika siku hizi”

Akawaruhusu tu watoto wake waendelee na mambo mengine maana kichwa chake kwa wakati huo kilikuwa kibovu kabisa maana kila alichofikiria alikosa jibu, mwishowe aliinuka tena na kwenda kwenye chumba alichokuwa akilala Salome, alikiangalia kile chumba na kuangalia kitanda vizuri ila haikuwepo nguo yoyote ya Salome, wakati anaangalia angalia chumba cha Salome kuna ujumbe mfupi alisikia ukiingia kwenye simu yake, akafungua na kuusoma,

“Mama, nimeondoka nyumbani ndio ila sio vizuri kwa wewe kuchunguza chunguza chumba changu”

Neema aliangalia kushoto na kulia kisha akatoka kwenye kile chumba cha Salome akiwa na wasiwasi kidogo kuwa huyu mtoto amejuaje kuwa atakuwa anachunguza chumba chake,

“Mmmmh labda amehisi tu, sijui”

Aliamua kwenda chumbani kwake maana alihisi kutokuelewa elewa baadhi ya mambo.



Walisaidiana kumbeba Rose na kwenda kumlaza chumbani kwa Moza kama ambavyo walikuwa wamekubaliana, walimlaza kwenye kitanda cha Moza na kutoka kuelekea sebleni, ila kila mmoja hakujua ni kwanini walipata lile wazo la kwenda kumlaza mama yao kwenye chumba cha Moza.

Wakati wamerudi sebleni alifika Ana na kuwauliza kuhusu mama yao,

“Mama bado hajatoka ndani?”

Wakamuelezea ilivyokuwa hadi kufikia hatua ya kumpeleka mama yao kwenye chumba alichokuwa analala Moza,

“Kheee nyie mna akili kweli?”

“Kwanini tena?”

“Yani nyie ni zero kabisa, kumbukeni Moza alikufa na kifo chake kimekuwa na utata mkubwa sana. Nyumba yetu imekuwa ikigubikwa na mambo ya ajabu kila leo, halafu kuna siku tulisikia kabisa sauti ya Moza ikiongea na kusema kuwa tukihama tutarudishwa, halafu nyie bila hata ya huruma mnathubutu kwenda kumuweka mama chumbani kwa Moza akiwa amezimia? Hivi mama Yule mnampenda au? Mama ni mama hata akiwa mchawi bado ni mama, kumbuka ametuzaa na kutulea, na asingeweza kututoa kafara tulipokuwa watoto, kitendo cha mama kutuacha hadi leo inamaana anatupenda sana, hivi nyie mmekosa huruma hata kidogo?”

“Unatulaumu bure Ana, mama mwenyewe alisema Moza yupo humu ndani tumuitie Moza hamuogopi, halafu mama kazimia unadhani tungefanyaje?”

“Mmeshindwa kumuacha hapa hapa sebleni au basi mngempeleka chumbani kwake”

“Dah hata sijui nini kimetupitia mpaka tukakubaliana kumpeleka kule, twendeni basi tukamtoe”

Walitazamana ila walijikuta wakisita, maneno ya Ana yaliwaingia vilivyo kuwa walichofanya si sahihi ila sasa hawakujua kuwa kitu gani wanaweza wakafanya na kikawa sahihi kwa siku hiyo, wakawa wanaambizana waende chumbani kwa Moza ili wakamtoe mama yao, ila hakuna aliyeweza kusogeza hata mguu wake kwani wote walijikuta wakisita, Ana aliwatazama na kuwaambia,

“Mbona mnasita nendeni sasa mkamtoe”

Bado walikuwa wakisita yani kila mmoja aligubikwa na uoga wa hali ya juu hata wakabaki na mshangao tu kuwa imekuwaje mpaka waogope kiasi kile,

“Nyie wengi hivyo mnaogopa, ila mama peke yake mmeenda kumuacha kule. Ni nani awezaye kulala kwenye kile chumba baada ya mambo yote haya? Kwa hakika hakuna awezaye kulala pale, nendeni mkamtoe mama. Naenda chumbani kwangu, nitakaporudi muwe mmemtoa lasivyo nitakachowafanya hamtaisahau siku ya leo”

Ana aliondoka, huku nyuma kaka zake na mlinzi walikuwa wakijiuliza sana kuwa wachukue hatua gani. Ikabidi waamue kumfata mama yao chumbani kwa Moza ila tatizo lililokuwa kubwa kwao ni kwamba walikuwa wagumu sana kufanya vile ila badae walijikuta tu wakiinuka na kuanza kusogea kwenye chumba cha Moza ili wakambebe Rose na wamrudishe sebleni, kwakweli walivyofika kwenye mlango wa chumba cha moza kila mmoja alijikuta akikaa chini halafu pale pale wakapitiwa na usingizi mzito sana.



Walikuja kuamka wakati pameshakucha kabisa, yani kila mmoja alikuwa akishangaa sahangaa tu halafu hawakujielewa kuwa pale kwenye korido wamefata nini, waliinuka na kuelekea sebleni ila walihisi njaa sana maana hawakula chochote tangu jana yake hadi muda waliopitiwa na usingizi, alianza Doto kulalamika

“Jamani nina njaa mwenzenu hadi sina nguvu”

“Hata mimi nina njaa balaa”

“Basi Kulwa kakoroge hata uji jikoni”

Kulwa wakati anainuka ili akakoroge uji, akachungulia kwenye meza ya chakula na kukuta kuna chakula kimeandaliwa, akasogea na kufunua, akakuta kuna chapati, rosti ya maini na juisi ipo kwenye jagi, akawaita wenzie kuwa mezani kuna chakula tayari,

“Mmmh itakuwa Ana ameandaa nini?”

“Jamani toka lini Ana akaweza kupika?”

Wakaona watabishana sana, bora waamini kuwa Ana ameandaa chakula kile. Walikaa na kuanza kula kwani wote walihisi njaa vilivyo.

Ana nae alitoka chumbani na kukuta wanakula, kwavile nay eye alikuwa na njaa hakusumbuka kuuliza kuwa nani kaandaa kile chakula kwani nae alikaa nao na kuanza kula, huku wakisifia kuwa chakula ni kitamu sana.

Walipomaliza kula, walikaa sebleni ila walikuwa wanaongea kwa mtindo wa usingizi kwani kila mmoja alikuwa na usingizi wa shibe, ila Ana aliwauliza sasa,

“Wote mlikuwa mnasifia kuwa chakula kitamu, nani kakiandaa sasa!”

“Kwani sio wewe umekiandaa?”

“Mimi! Toka lini mimi niweze kupika chapati, sijui mboga mboga, nimejifunza lini kupika vitu hivyo?”

“Sikia, sisi tumekuja sebleni njaa ikiwa inatuuma sana ila tukakuta chakula mezani na kuanza kula kwahiyo ndio wewe ukaja kujumuika na sisi”

“Dah jamani, nilijua ni nyie mmeandaa yani sijui tumekula mavitu yameandaliwa na nani”

Ila Doto akadakia na kuwaambia wenzie,

“Ila zile chapati radha yake ni kama zile chapati zilizokuwa zikiandaliwa na Moza”

Ila Ana aliwaambia ndugu zake kwa ukali,

“Nyamazeni na hiyo habari ya huyo mtu, eeh nimekumbuka. Mshaenda kumtoa mama!”

“Bado”

Walijibu huku wakiwa wamenyong’onyea sana, basi Ana akataka kufanya jambo juu yao ila alishangaa kuwa akishindwa kufanya jambo lolote, yani kila kitu kwake kilishindikana. Akaondoka pale sebleni na kwenda chumbani kwake, kisha akachukua ile dawa yake ambayo inakaaga chini ya godoro ila hakuikuta na kumfanya ajiulize,

“Ni nani mwenye uwezo wa kuchukua ile dawa yangu? Wengine wangeweza kuiona, ni mama tu anayeweza kuichukua na kuihamisha sehemu nyingine, tuseme ni mama! Mmh hapana”

Na kukosekana kwa ile dawa kuliharibu mambo yote ya Ana kwani kila alichokuwa akikifanya kilishindikana,

“Kosa langu ni kula yale machapati, sijui nitafanyeje mimi. Kama ile dawa ya kunisaidia nayo haipo basi nimekwisha, yani nimekwisha kabisa”

Aliwaza sana, ni kweli alipanga kuacha uchawi ila sio kwa kipindi hicho ambacho ndani kwao walikuwa wakisumbuliwa na mtu wa ajabu, kwahiyo siku zote Ana anajifungia ndani kwa lengo la kupambana na mtu huyu kwahiyo kitendo cha kukosa dawa yake aliona akishindwa mapambano kabisa maana atapambanaje bila uwepo wa hiyo dawa.

Ana akainuka na kwenda chumbani kwa Moza, alifika na kufungua mlango kisha kuingia ndani hukua akiangalia kila upande kuwa labda ataweza kuona chochote ambacho kitaweza kumsaidia.

Cha kushangaza alimuona mama yao amekaa chini halafu akionekana kama mtu anayetumikishwa ila anayemtumikisha hakuonekana, ila tu mama yao alionekana kwenye wakati mgumu sana.

Ana alimsogelea mama yao na kumuita,

“Mama, mama, mama”

Ila Rose hakumuitikia kabisa, aliendelea tu kutumikishwa, ikabidi amtingishe ila kitendo chake cha kumtingisha mama yao alijikuta akiwa katika sehemu nyingine kabisa.



Mishi alikosa raha kabisa baada ya siri zake kufika kwa mumewe, na akaona kuwa ile mimba ndio chanzo cha kila kitu. Akaona ni vyema kuchukua maamuzi ya kuitoa ile mimba,

“Najua Yule binti ananitokea kwa njia ya kimazingara, sasa mimi nitaenda kuitoa hii mimba hospitali. Siwezi kukubali aisee nizae kitoto ambacho nimekipata kwaajili ya kubakwa? Hapana kwakweli, naenda kuitoa hospitali”

Alimfata mumewe kwa kunyenyekea na kumuomba pesa kwaajili ya kufanya mahitaji kidogo na kusema kuwa anataka akajiandikishe na kliniki,

“Kujiandikisha na kliniki ndio hela yote hiyo!”

“Hospitali za kulipia ni gharama, ni vyema nipimwe vipimo vyote kwa usalama wangu. Hospitali za serikali hazina uangalizi mzuri”

Kwasababu huyu mwanaume alimpenda Mishi na alishakubali kuilea ile mimba kwahiyo hakuwa na pingamizi lolote la kumpa pesa, ingawa kiuhalisia moyo ulimuuma sana kuwa mwanamke anayempenda kumbe alibakwa ndio akamkubali yeye sababu alishajiona kuwa na kasoro, aliumia moyoni ila aliona cha muhimu ni kumpenda Mishi, kwahiyo akamkabidhi pesa aliyoiomba.

Mishi alienda hospitali ambazo anajua kuna daktari wazoefu na hiyo kazi ya kutoa mimba, ukizingatia bado haijawa kubwa kivile, akaonana na daktari na kuongea nae, kisha dakari akampa muda wa kwenda ili wakakamilishe hilo zoezi.

Mishi hakurudi kwake, ila alizunguka zunguka maeneo ya jirani karibu na ile hospitali ili kupoteza muda, mpaka muda ulipofika akaenda sasa kwenye chumba ambacho daktari huyo hufanyia zoezi lake hilo, na aklimkuta tayari kashaandaa na vifaa vyake,

“Kuna wenzio kama watatu tayari nishamalizana nao, yani nyie mabinti bhana mnapenda mambo yetu ila mimba hamzitaki”

“Mimba zinatuharibia ujana”

“Haya, nipe changu kabisa, nikishamaliza hili zoezi naondoka zangu maana kwa leo wewe ndio utakuwa mteja wangu wa mwisho wa zoezi hili”

Mishi alimpa pesa kisha kupanda kitandani ili daktari aanze kazi yake ya kuitoa ile mimba ambayo Mishi hakuitaka kabisa kwani kwake aliiona kama mimba ya laana.

Wakati Yule daktari akianza tu zoezi lake, Mishi alishangaa kumuona daktari akianguka chini huku akitapatapa na povu kumtoka mdomoni, wakati anamshangaa vile mara Yule daktari akawa kimya kabisa kama mtu aliyekufa.





Wakati Yule daktari akianza tu zoezi lake, Mishi alishangaa kumuona daktari akianguka chini huku akitapatapa na povu kumtoka mdomoni, wakati anamshangaa vile mara Yule daktari akawa kimya kabisa kama mtu aliyekufa.

Mishi akaanza kuogopa na kushuka kitandani, halafu akamkimbilia daktari pale chini akimshika shika huku akimuita,

“Daktari, daktari”

Ila daktari Yule alikuwa kimya kabisa, Mishi hakujielewa, alitoka kwenye kile chumba na kwenda kuita madaktari wengine ambapo walipoingia walishangaa pia, wakamchukua mwenzao kwenda kumpima ila wakati huo huo waliomba askari wa pale hospitali wamshikilie Mishi maana ilikuwa bado haijajulikana kuwa ni kitu gani kimempata mwenzao.

Mishi alikuwa kashikiliwa huku ana wasiwasi bila kiasi, alikuwa na hofu kubwa sana moyoni mwake, mara akamuona kuna daktari ambaye huwa anamfahamu akifika kama anataka kuzungumza nae ila Yule daktari alivyofika pale akamnasa kibao Mishi na kumfanya ashangae,

“Mbona umenipiga?”

“Muuaji mkubwa wewe”

“Sijaua jamani sijaua mimi”

“Mpelekeni kituoni huyu msichana ni muuaji, kamuua daktari”

Wale askari waliokuwa wamemshikilia Mishi waliita defenda kisha Mishi akapakiwa humo na kupelekwa kituoni, alijikuta akilia sana ila tu hakujua kuwa imekuwaje kuwaje maana ni kitu ambacho hakukielewa kabisa.



Ana alikuwa sehemu ya tofauti kabisa na nyumbani kwao, na sehemu aliyojikuta yupo ni nyumbani kwa mama Jack ambapo hakujua hata imekuwajekuwaje hadi kufika pale, hakuwahi kupajua kwa mama Jack ila alitambua ni nyumbani kwa mama Jack baada ya kukuta watu kwenye nyumba hiyo wakiongelea kuhusu kifo cha mama Jack, Ana alimsogelea kijana aliyeonekana akimuhadisia mdada kuhusu kifo cha mama Jack, Ana alipowatingisha walishtuka sana na kumuuliza kuwa ameingiaje,

“Umepitia wapi wewe?”

“Sijui”

“Wewe ni mwizi?”

“Hapana, mimi si mwizi ila hata mimi sijui nimeingilia wapi. Nilikuwa kwetu ila cha kushangaza nipo huku, sipajui, sijawahi kufika ila mtu mnayemuongelea namjua tena alifia nyumbani kwetu”

Hapo Yule kijana aliacha kuwa na maswali zaidi kwani alitaka kusikia kuwa mama yao alikufaje kufaje,

“Alikufa nyumbani kwenu? Ilikuwaje?”

“Mama yenu na mama yangu ni wachawi yani hilo halipingiki ila utofauti wa uchawi wao ni kuwa, mama yenu alikuwa anafanya wa jumuiya ila mama yangu ni wa peke yake, huwa anafanya uchawi kwaajili ya mambo yake tu. Mama alipelekwa kwa mganga na mama yenu, na Yule mganga alimwambia mama kuwa atoe kafara watoto wake. Kwenye familia yetu kuna mtu wa ajabu sana ameibuka na mtu huyu ana mazuri na mabaya yake, nay eye ndiye kawaponya ndugu zangu ila akasababisha mama yenu akafa”

“Kivipi, hebu tueleweshe vizuri”

Ana aliwaambia kutokana na uelewa wake, maana kidogo yeye aliweza kuelewa kuwa kifo cha mama Jack kilikuwaje, ni baada ya mama yao kuacha kutaja majina aliyoambiwa ya kutoa kafara na kuanza kutaja jina la mama Jack sababu alimkuta ndani kwake kwa mshangao.

“Mmmh na huyo mtu anayefanya vitu hivyo hatuwezi kupambana nae?”

“Kupambana na mtu huyo ni kujiingiza matatizoni, yani mnaweza mkaingia kwenye matatizo makubwa zaidi ya haya. Mama mwenyewe kajaribu mara kadhaa kupambana nae ila mwisho wa siku ni matatizo tu na anazidi kuivuruga familia sababu ya kupambana na huyo mtu”

“Ndugu zetu wameenda tena kwa mganga, na lengo ni moja tu kupambana na huyo kiumbe na kumrudisha mama yetu kama ikiwezekana”

“Hawezi kurudishwa, kwanza kazikwa kwenye kaburi lenye maji”

“Kuna uhusiano gani wa kaburi lenye maji na kurudishwa?”

“Sijui, ila ninachojua ni hawezi kurudishwa. Waaambieni hao ndugu zenu waache tu. Mimi mwenyewe hapa sijui nitarudije nyumbani, kilichoniponza ni kutaka kumsaidia mama”

Yani Yule kijana kuna baadhi ya maneno alikuwa anamuelewa Ana ila kuna baadhi ya mambo alikuwa hamuelewi kabisa, ila kwavile Ana alifika kimaajabu Yule kaka alimwambia kuwa siku hiyo alale hapo halafu kesho yake atamsindikiza kwao.



Mume wa Mishi alishangaa kupigiwa simu kuwa mkewe yupo kituo cha polisi, ikabidi afanye hima aende maana hakuelewa ni jambo gani limempata mkewe, na kweli alimkuta kituo cha polisi na alipewa muda kidogo tu wa kuzungumza nae,

“Imekuwaje Mishi tena jamani!”

Ikabidi Mishi asifiche maana tayari alifikwa na majanga,

“Nilikuwa na lengo la kutoa hii mimba, na daktari tulielewana vizuri kabisa, kilichotokea wakati anataka kunitoa ndio sikielewi hadi muda huu maana Yule daktari alianguka chini”

Mume wa Mishi alishangaa sana na kumtaka Mishi amuelezee zaidi, ambapo Mishi alimueleza ilivyokuwa hadi yeye kufikishwa hapo kituoni,

“Inasemekana Yule daktari amekufa, lakini mimi sijamuua daktari. Kwanza nimuue kwa lipi jamani, kweli mimi naweza kuua mtu jamani! Yani nimechanganyikiwa kabisa”

“Ila na wewe mke wangu ni nani alikutuma kwenda kutoa hiyo mimba?”

“Jamani sidhani kama ni wakati muafaka wa kubishana huu, fanya hima nitoke humu Napata shida ujue, nateseka mimi. Sijamuua daktari”

“Najua kama hujamuua, na ninajua kama kuua huwezi ila sijui uliingiwa na nini mke wangu hadi kwenda kutoa mimba. Kwahiyo alikutoa?”

“Hivi jamani na wewe hunielewi au ni nini? Nimekwambia wakati anataka kunitoa akaanguka, kwahiyo hakunitoa, yani hata sielewi kuwa nijielezaje. Kwa maelezo yangu pia nitafungwa maana sharia za nchi haziruhusu kutoa mimba, yani nimechanganyikiwa hapa. Naomba ufanye kitu nitoke”

Basi mume wa Mishi akaongea pale na mke wake na kumuahidi kumtafutia dhamana ili aweze kutoka halafu wafatilie kesi, ila alipoenda kwaajili ya dhamani ilikataliwa kabisa, na kushindwa kumsaidia Mishi kwa siku hiyo, na kuamua kwenda kujipanga kwa namna nyingine.



Wakati mume wa Mishi anaondoka njiani alikutana na Salome aliyekuwa akitabasamu, kisha akamsalimia mume wa Mishi,

“Habari yako?”

“Hivi tunajuana mimi na wewe?”

“Ndio tunajuana, au umechanganyikiwa sababu ya mkeo kuwa rumande!”

“Umejuaje”

“Najua”

Yani akili ya mume wa Mishi kwa wakati huo hata haikuwa ya kawaida kabisa kwani iligubikwa na mawazo mengi sana ya jinsi gani atamsaidia mkewe, kwahiyo hata hakuwa na kumbukumbu kuwa Salome ndiye aliyemwambia ukweli kuhusu mke wake kule kwa mganga,

“Nimechanganyikiwa kweli, mke wangu hata sijui nitamsaidiaje”

“Utamsaidia vipi muuwaji!”

“Sio muuwaji mke wangu, daktari alianguka mwenyewe”

“Mkeo sio muuwaji, na kile kiumbe alichotaka kukitoa sio uuwaji ule? Au kwavile unadhani mkeo ni mimba yake ya kwanza ile? Unajua ni ngapi ametoa? Mkeo ni muuwaji na kumsaidia itakuwa ni ngumu sana”

“Sikuelewi, inamaana wewe unajua kilichotokea?”

“Najua ndio”

“Basi usitangaze hivyo kuwa mke wangu alitaka kutoa mimba”

“Sasa nimetangaza au nimekwambia wewe muhusika, unaona sababu viumbe vya tumboni haviwezi kulilia haki zao, haviwezi kushtaki kuwa vimeuliwa kwa makusudi kabisa, mkeo ni muuwaji. Yule daktari nae anahaki ya kufa maana kashaua watoto wengi wasio na hatia kwa tamaaa ya pesa. Hata ufanyaje mkeo kwasasa hatotoka mule ndani mpaka ajifunze adabu na aelewe anapoambiwa kitu, maana kichwa chake ni kigumu kuelewa. Nishamwambia mara nyingi asiitoe ile mimba, najua ni mchezo wake ndiomana nikamuonya sana kuwa asiitoe ile mimba, halafu wewe unakazana kuugua moyo sababu ya Yule muuwaji! Ukitaka msaada wangu zaidi utanitafuta”

Kisha Salome akaondoka, mume wa Mishi alimuangalia Salome hadi alipoishia ndio akakumbuka kuwa ni huyu binti aliyemwambia tabia za mkewe ndipo alipokumbuka maneno ya mkewe kuwa huyo binti hakuwa mtu wa kawaida, ikabidi aendelee kwenda nyumbani ila alijipanga kwenda tena polisi ili akamuulize vizuri Mishi anapoishi Yule binti na aweze kwenda tena kuongea nae.



Nyumbani kwa Rose, walikaa watoto wake sebleni na muda kidogo alikuja Salome na kuwafanya wote washtuke maana wakikumbuka yale maneno kuwa Salome ndiye Moza walipatwa na mashaka ila Salome akawauliza,

“Mbona mnaonekana kuniogopa?”

Walikaa kimya hakuna aliyeweza kumjibu, na kufanya Salome aendelee kuongea

“Najua mama yenu atakapotoka kwenye adhabu ambayo amejipa kutokana na matendo yake yasiyoeleweka, ataenda kuwafungulia wale watu aliowafungia kwa miaka mingi”

Walikuwa kimya tu wakimsikiliza, hakuna aliyeongea chochote kwani ilionyesha wazi wanamuogopa Salome kutokana na hoja kwamba ndiye Moza, baada ya kimya kidogo Kulwa aliuliza kwa mashaka,

“Wewe ni Moza?”

Sauti yake ilikuwa ya kutetemeka sana,

“Kwa mfano mimi nikiwa ndiye Moza mtafanyaje?”

Wakawa kimya tu, na kufanya Salome aendelee kuongea

“Mimi nikiwa ndiye Moza, inamaana kuwa Moza mwenyewe yuko wapi, na Salome mwenyewe yuko wapi? Je Moza alikuwa ni jinni kiasi kwamba aweze kuingia kwenye mwili wa mtu mwingine na kufanya mambo yake? Msiniogope, mimi sipo kwaajili ya kuwatisha ila nipo kwaajili ya kuwasaidia, na kikubwa kinachonisumbua ni kuhusu hao watu ambao mama yenu kawatunza ndani, sishindwi kuwatoa ila nikiwatoa mimi nitasababisha madhara makubwa sana ndiomana nataka awatoe yeye mwenyewe”

Kidogo Salome alivyosema hivi walipata hata kauli za kuongea nae kwani uoga uliwaondoka kwa kiasi Fulani tofauti na mwanzo walivyokuwa wamejawa na uoga usio kifani, kisha akawaambia kuwa ni yeye ndiye aliyewaandalia chakula cha asubuhi, wakatamani kumuuliza kuwa mbona chapatti zilinoga kama zimepikwa na Moza, ila hakuna aliyeweza kuuliza hilo swali ingawa kwa wakati huu uoga ulikuwa umepungua.

Salome aliwaambia kuwa kwa siku hiyo wote walale hapo sebleni, yani hapakuwa na cha mlinzi wala nani kwani hakutoka tena kwenda getini, ni toka siku ile ya majanga ya kumuokota Rose, alikuwa akiishi tu mule ndani.



Kulipokucha mume wa Mishi alienda tena kituoni na kuongea na mkewe ambapo mkewe alimpa maelekezo ya anapopatikana Salome, kisha mume wa Mishi alimuahidi kufanya hivyo kwa muda huo maana hakuwa na namna nyingine yoyote, kesi ya Mishi ilikuwa ni kubwa sana na kama ikisomwa yani Mishi ana kifungo cha maisha pale, kwakweli mume wa Mishi alikuwa akihofia sana swala la mkewe kufungwa maisha ukizingatia ni siku chache tu tangu aoane na huyo mwanamke.

Aliondoka pale na kufata maelekezo hadi nyumbani kwa Rose, ila kabla hajagonga geti Salome alikuwa ameshamfungulia,

“Nilijua tu utakuja, na kwa hakika unajutia makosa ya mke wako nay eye anajutia makosa yake”

“Ni kweli anajutia sana mke wangu, mimi nipo tayari kuilea ile mimba na kulea mtoto na tena nitampenda kama mwanangu ila sasa mke wangu anawakati mgumu sana hata sijui nitafanyaje kumsaidia”

“Sasa umenifata mimi ndiyo hakimu wa kesi ya mkeo kusema nitaamuru asifungwe?”

“Najua kuwa wewe sio hakimu, ila wewe ulimpa laana mke wangu na laana hiyo ikampata. Ulimkataza mke wangu kufanya jambo lolote kinyume, na amefanya amepatwa na mabalaa makubwa sana, najua unauwezo wa kufanya mke wangu asikutwe na hatia”

“Lakini mkeo katoa mimba nyingi sana, hata akikutwa na hatia ni halali yake”

“Hawezi kurudia tena, ni ujana ndio ulikuwa unamsumbua. Naomba umsamehe mke wangu”

Mume wa Mishi alipiga magoti kwa Salome huku akionyesha simanzi ya hali ya juu,

“Nihurumie mimi, nampenda sana Mishi. Yeye ni mwanamke nimpendaye, ndoa yetu ni changa kabisa, hata miezi miwili haina ila majanga kama haya. Nakuomba nihurumie tafadhali”

Salome alicheka sana na kumwambia mume wa Mishi ainuke kisha akamwambia,

“Nenda nyumbani kwako”

“Halafu badae niende polisi!”

“Sijakwambia uende polisi, nenda nyumbani kwako kunguni wewe.”

Mume wa Mishi hakubisha na moja kwa moja alifanya safari ya kwenda nyumbani kwake, alipofika alifungua mlango na kushangaa mkewe kasharudishwa nyumbani.



Neema alikuwa nyumbani kwake na siku hiyo aliamua kuanza kufunga kama ambavyo alikuwa ameshauriwa na mama Pendo, alijitahidi afunge ingawa ilikuwa vigumu sana kwake kupambana na njaa yake, kwenye mida ya saa kumi jioni alishikwa na usingizi na kuamua kujilaza ila alijiwa na ndoto ambapo kwenye ndoto hiyo alimuona binti yake Salome amelala tena amelala kwenye kilekile chumba chake ila amelala usingizi mzito sana kiasi kwamba hashtuki kabisa, halafu akamuona Moza ambaye alionekana akibadilika kwa pembeni na wakati mwingine kuwa na mwili wa Salome na wakati mwingine kuwa na mwili wake, Neema alishtuka sana kutoka usingizini, na moja kwa moja akachukua simu yake na kumpigia mama Pendo huku akimueleza vile ambavyo ameota kwenye ndoto,

“Usihofu ndugu yangu, tunatakiwa kuingia kwenye maombi”

“Lakini naogopa”

“Usiogope, muombe Mungu akupe ujasiri na utaweza kupambana na hali yoyote. Kesho tutakuja huko”

Basi Neema alikuwa na mashaka ya hali ya juu, akaamua kwenda tena chumbani kule alipokuwa analala Salome, huku akitembea na tahadhari kubwa sana, akafungua chumba na kumfanya ashtuke vilivyo maana alimuona kweli Salome amelala hoi kitandani.





Basi Neema alikuwa na mashaka ya hali ya juu, akaamua kwenda tena chumbani kule alipokuwa analala Salome, huku akitembea na tahadhari kubwa sana, akafungua chumba na kumfanya ashtuke vilivyo maana alimuona kweli Salome amelala hoi kitandani.

Neema hakuweza kuvumilia, alikimbia hadi nje huku akihema juu juu, akaunganisha matukio ya jinsi Salome wake alivyoanguka na kukauka kwenye kaburi la Moza, na jinsi alivyoota kuhusu Salome kulala chumbani kwake halafu Moza kuonekana akiingia kwenye mwili wa Salome na vile alivyoenda chumbani kwa Salome na kumkuta kuwa ni kweli amelala chumbani kwake, Neema alikuwa na hofu kubwa moyoni huku akijikuta akiogopa kuingia ndani kwake, akaita mmoja wapo wa wanae mapacha kuwa aende ndani akamletee simu kwa madai kuwa yeye alikuwa na kazi nje kumbe kiukweli alikuwa anaogopa ndani, Yule mtoto aliingia ndani ila ilichukua muda mrefu sana na hakurudi pale nje, ikabidi amuite pacha mwingine na amuagize ila naye ikawa hivyo hivyo na kufanya hofu kubwa itande kwenye moyo wa Neema, alikuwa na uoga wa hali ya juu. Badae akajiuliza kuwa yawezekana alichokiona ni maruweruwe ya usingizi kutokana na ile ndoto aliyoota,

“Ila wanangu niliowatuma ndani mbona hawajarudi?”

Akajaribu kuwaita lakini hawakumuitikia, alikaa nje mpaka mida ya saa moja jioni badae akajisemea,

“Natakiwa niwe jasiri,hivi mama gani mimi naogopa ndani na kuwatuma watoto! Haya sasa watoto hawajarudi halafu mimi bado naogopa na cha kushangaza kabisa huko ndani kwangu eti namuogopa mtoto wangu mwenyewe Salome, itabidi tu nijiweke ujasiri”

Akajitia ujasiri na kuingia ndani kwake, kisha akawasha taa za nyumba nzima na kuanza kuwaita wale wanae mapacha ambao aliwakuta chumbani kwao wamelala hoi, akawaamsha wakaamka huku wakidai kuwa na usingizi sana,

“Amkeni mle kwanza ndio mtalala”

Akatoka nao hadi sebleni, kisha akamuagiza mmoja wao,

“Nenda chumbani kwa dadako kamuamshe nae aje kula”

Basi yeye alikuwa na hofu sana pale wakati mwanae mwingine ameenda kumuita Salome, baada ya muda kidogo mwanae alirudi na kumwambia,

“Mama, mbona dada hayupo chumbani kwake? Una uhakika alikuwa amelala?”

“Mmmh labda ametoka”

Kisha Neema akaenda jikoni kuandaa chakula cha usiku huo kwani hata kufuturu hakufuturu kutokana na uoga wake, akijipa matumaini kuwa huenda ni mawazo yake tu kuwa alimuona Salome.



Muda huu Salome aliingia ndani na moja kwa moja alienda chumbani kwake, ila Kulwa alimfatilia Salome kwa nyuma na alipofika kwenye mlango wa chumba cha Salome alichungulia kwa kutumia kitasa cha mlango, akamuona mama yao akiwa anafanya shughuli zisizoonekana ila alikuwa amechoka sana, halafu akamuona Salome akimfata mama yao, na walisikika wakiongea ambapo Salome alimuuliza Rose,

“Umechoka?”

“Nimechoka ndio”

“Upo tayari kuwaachilia wale uliowafungia?”

“Naogopa maisha yangu”

“Kwahiyo maisha yako ni bora kuliko maisha ya wale uliowafungia?”

“Naogopa tu”

“Rose, jua naweza kufanya kwa lazima ila itakugharimu maisha yako kupita vile unavyofikiria, hebu waza jinsi nitakavyowatoa wale watu kinguvu nini kitatokea kwako”

“Najua nitakufa”

“Sasa kufa na kufilisika kipi bora”

Rose alionekana kukaa kimya na kufanya Salome aendelee kuongea,

“Mali nyingi umezipata kwa njia isiyo ya halali, umetesa watu. Umefanya wengine kuwa mandondocha yako sababu tu upate mali unayoitaka. Haya sasa kuna hasara gani ya hizi mali zikipotea?”

“Mali zangu zikipotea nitaweka wapi sura yangu, siku zote nimekuwa nikihangaika sababu ya hizi mali. Nihurumie Moza”

Hapa Kulwa alishtuka sana ila kwavile aliyemuona yeye kupitia kile kitasa cha mlango alikuwa ni Salome, aliendelea kujipa moyo kuwa huenda mama yao amechanganyikiwa tu kumuita Salome kuwa Moza. Ila huyu Salome aliendelea kuongea na Rose,

“Nakupa leo tu, ukishindwa basi mimi kesho nitafanya ninavyojua mimi. Nimekuvumilia sana Rose, unatesa watu, unawaumiza watu wasio na hatia ili wewe ufurahie maisha yako, waachie watoto wa watu, wanahitajika pia kwenye familia zao. Yani watu hawajulikani walipo kwao, familia hizo zimelia hadi basi kumbe wapo kwako huku umewafungia. Waachie watoto wa watu Rose”

“Basi nitafanya hivyo leo usiku”

“Mimi nakwambia kweli usipofanya hivyo unajitafutia mabalaa, kesho nitafanya mwenyewe na utaogopa sana”

Rose alionekana kutetemeka kiasi, Kulwa nae aliondoka pale kwenye kitasa cha mlango na kwenda kuwapa taarifa wenzie kuhusu kile alichokiona na kukisikia.



Neema akiwa bado na mashaka ya maisha ingawa muda tayari ulikuwa umeenda, akataka tena kwenda kuangalia kwenye chumba cha Salome kwani muda wote alisikia kama aende kuangalia ilia one kuwa atakutana na maajabu gani, ila kabla hajaenda popote uliingia ujumbe mfupi kwenye simu yake, alipoangalia ulikuwa unatoka kwa Salome,

“Mama nimeshakwambia, achana na maswala ya kufatilia chumbani kwangu. Hakuna chochote utakachokipata zaidi zaidi kujiweka kwenye mawazo tu”

Neema aliogopa sana huku mapigo yake ya moyo yakienda kwa kasi ya ajabu, akaamua kuchukua simu na kumpigia mama Pendo ila hakumpata hewani kwa wakati huo, basi ndio moyo wake uligubikwa na uoga mwanzo mwisho. Akajikuta akiogopa kwenda kulala mwenyewe kwenye chumba chake hivyo alienda kulala na watoto wake mapacha.



Mume wa Mishi alistaajabu sana kwa uwepo wa mke wake nyumbani, akamuuliza kwa mshangao kuwa amefanikiwa vipi kupata dhamani,

“Sio kupata dhamana tu mume wangu bali sina kesi tena”

“Kivipi?”

“Unajua alikuja Yule binti niliyekwambia, ndio kanitoa polisi hata sijui kaongea nao nini ila ndio kanitoa polisi na hakuna tena kesi wala kuripoti siendi kuripoti, kwa kifupi nimefutiwa kesi”

Mume wa Mishi alishangaa sana, ikabidi amueleze Mishi kuwa alienda kupatafuta hapo anapoishi huyo binti ili kumuomba amsaidie mke wake, kwahiyo swala la kusema kuwa Yule binti alishaenda polisi na kumsaidia lilimshangaza sana, akamuuliza tena mke wake kuwa hilo swala lilitokea muda gani,

“Kwanza asante sana mume wangu maana sikujua kama ni wewe ulienda kuzungumza nae, ila nilimuona polisi pale askari waliponifungulia na kumkabidhi kuwa niondoke nae. Nilipotoka nae alinipa onyo moja kuwa nisijaribu kuitoa hii mimba tena na nisijaribu kutoka nje ya ndoa yangu. Ila aliposema hapo tu kama kawaida kimaajabu nimejikuta nipo hapa ndani, mume wangu Yule binti sio mtu wa kawaida kabisa. Mume wangu, nakuhakikishia kuanzia muda huu, mimi ni Mishi mpya tena mpya kabisa, sitashawishika tena na chochote. Hii mimba nitalea na mtoto nitampenda kupita maelezo ya kawaida, sirudii kutoa mimba, sirudii tena kuhangaika hangaika na wanaume”

“Kwahiyo Yule daktari amekufa kweli”

“Ndio Yule daktari kafa kweli, tena nasikia leo ndio ilikuwa mazishi yake. Ni amekufa, ila inasemekana Yule daktari kashiriki sana kutoa wanawake mimba, yani Yule daktari nimemjua kupitia rafiki zangu, ni wengi sana kawatoa”

“Hapo sasa unatimia ule msemo usemao, mshahara wa dhambi ni mauti. Mke wangu tabia ya kutoa mimba uache, tutaliliwa siku ya mwisho na watoto mbalimbali tuliokatisha maisha yao”

Mishi alimuahidi mumewe kubadilika kabisa kwani kwa muda aliokaa kule rumande hakutamani kurudi tena kwani aliona kama dunia ikimuelemea ukizingatia yeye alikuwa anajiona kuwa hana hatia.

Siku hiyo waliwahi sana kulala ili kupata muda wa kupumzika kutokana na ile misukosuko ya siku hiyo na zile siku za nyuma.



Kulwa alipowaeleza wenzie kwahiyo wakawa tayari kwa kuona maajabu kwa usiku huo huku uoga ukiwa wa hali ya juu, wakakubaliana kulala sebleni tena ila usiku huo Salome hakulala nao sebleni maana hakutoka kabisa chumbani kwake, kwahiyo walibaki wenyewe ila walijawa na hofu ya hali ya juu kiasi kwamba hata wakisikia mjusi anapita wanatamani wakimbie, yani siku hiyo hakuna aliyelala kabisa hadi kuna muda walisikia mlango unabamizwa walijikuta wakikimbia wote na kukimbilia mlango wa kutokea nje ila walishangaa mlango haukufunguka yani hofu ikawajaa huku wakiwaza kuwa wataona vitu vya ajabu ila muda kidogo wote watatu wakasikwa na usingizi mzito sana.

Kesho yake walishtuka kila mtu akiwa amelala sehemu yak echini pale sebleni ila hakuna cha tofauti ambacho walikiona kwenye nyumba yao kwahiyo walijiona kuwa ni uoga tu ndio uliowasumbua ndiomana walikuwa na hali ile usiku.



Ilikuwa ni siku nyingine tena ambapo Ana alimuomba Yule mkaka amsindikize sasa nyumbani kwao, ila ndugu mmoja wa Yule kaka akajaribu kumkumbusha kuwa hata mama yao kilichomponza ni kumsindikiza Yule binti,

“Ila mimi sio mchawi”

“Sasa unauhakika gani kuwa mama yetu alikuwa mchawi?”

“Mifupa tuliyoikuta chumbani kwake, na huyu dada aliyetolewa msukule”

“Wewe ndugu yangu wewe, hakuna mwenye uhakika kuwa mama alikuwa mchawi, amesingiziwa tu na Yule binti ila mimi cha kukushauri usiende peke yako huko. Nenda na mtu mwingine”

Yule kijana alikubaliana na wazo la ndugu yake huyo, ila Ana aliuliza jambo moja kwao,

“Mama yenu alizoeleka kwa jina la mama Jack, huyo Jack ndio yupi kati yenu?”

“Jack ni mtoto wa mama aliyezoeleka sana, alikuwa na mapenzi na watu wengi ndiomana mama hakuitwa majina yetu yote ila aliitwa mama Jack, tena alikuwa ni mtoto wa mwisho kwa mama yani ndio mdogo wetu. Ila cha kushangaza, mdogo wetu huyo alipoteaga na hadi leo hatujui alipo”

“Kheee kumbe! Au nae katolewa kafara?”

“Hata hatujui kwakweli, dada yetu huyu tulijua amekufa kumbe yupo katolewa kafara, ila kuhusu Jack hakuna anayejua alipo Jack, alipotea kwenye mazingira ya kutatanisha na hadi leo hajawahi kuonekana”

“Mama yenu alichukua hatua gani kuhusu kupotea kwa huyo Jack?”

“Hatujawahi kumuelewa zaidi ya kusema ataenda kuagua kwa mganga ili ajue mwanae Jack yuko wapi, ila kila siku alisema bado haijajulikana alipo”

Ana aliwaelewa kisha akaondoka nao na kuanza safari ya kuelekea nyumbani kwakina Ana.



Leo mapema kabisa Neema alimpigia simu mama Pendo kisha akamuelezea kuhusu ndoto ambayo aliota jana yake na jinsi alivyoenda chumbani kwa Salome na kukuta amelala, akamuelezea jinsi alivyowatuma wanae na kugundua kuwa ni maruweruwe,

“Hapana Neema, hapo lazima kuna kitu wala sio maruweruwe”

“Mmmh unanitisha sasa, si mtakuja leo?”

“Kuna udhuru kidogo imetokea, tutakuja kesho”

“Sasa mimi nifanyeje, jamani naogopa mwenzenu”

“Cha kukusaidia ni kuwa uendelee na mfungo leo”

“Mmmh jamani nifunge tena?”

“Ndio funga tena, halafu hujui tu unafikiri hiyo ndoto umeota burebure, ni faida ya kufunga hiyo. Kufunga kuna faida”

“Mmmh haya”

“Funga bhana, usikate tama kuna faida ya kufunga. Kuna faida ya kufanya maombi, yani wewe usijali kuwa sisi hatujaja nyumbani kwako, unaweza kuomba mwenyewe na Mungu akakusikia, cha msingi kuwa na imani tu”

Neema alimkubalia mama Pendo na kukubali kuwa siku hiyo ataingia kwenye mfungo tena ingawa mwanzoni alikuwa anaona kuwa mfungo ni swala gumu sana kwake kwani aliona njaa ndio kitu cha kusumbua zaidi akili yake.

Wakati amekaa kwenye mida ya mchana mchana alisikia hodi, na alipofungua alikuwa ni Patrick amerudi, kwa upande mwingine Neema alifurahi sana kwani aliona sasa ataishi bila uoga sababu kuna mtu mkubwa ndani ya nyumba yake, ila kwa upande mwingine aliona ni mtihani kwake kwani atatkiwa kumpikia Patrick chakula wakati yeye amefunga, kwahiyo anaweza akajikuta anaonja na kufungulia.

Alimkaribisha vizuri sana, ambapo alipoingia tu cha kwanza alidai kuwa ana njaa sana, kwahiyo ikabidi Neema aende kumuandalia chakula,

“Mmmh huu ni mtihani sasa, nitaweza kuandaa chakula kweli bila kuonja? Huu ni mtihani kwangu”

Neema alijiona akianza kushindwa kufunga kwa siku hiyo mapema sana kabla hata siku haijaenda ukingoni.



Nyumbani kwa Rose, leo aliingia jikoni Salome na wote walikuwa sebleni kwa wakati huo kasoro Ana ambaye hakuwepo nyumbani, kwahiyo pale sebleni alikuwepo mlinzi, Kulwa na Doto.

Leo Salome alipika chakula na kila mmoja alisikia harufu ya kuungua kwa kile chakula,

“Jamani kama chakula kinaungua?”

“Ni kinaungua kweli”

“Ila si Salome yupo jikoni”

Ikabidi mmoja aende akamuangalie Salome jikoni, akashangaa sana kwani hakuwa Salome tena bali alikuwa ni Moza.





Ikabidi mmoja aende akamuangalie Salome jikoni, akashangaa sana kwani hakuwa Salome tena bali alikuwa ni Moza.

Uoga ulimshika na akarudi haraka haraka huku akiwapa wenzie ishara kuwa wakajishuhudie wenyewe kwa macho yao halafu yeye alikimbilia mlangoni kwa lengo la kutoka nje, nao waliinuka na kwenda jikoni, ila walipomuona Moza walipatwa na uoga wa hali ya juu, wakarudi haraka haraka na kuanza kugombeana mlango wa nje ambapo Kulwa nae alikuwa akihangaika nao ila haukufunguka ilikuwa kamavile vile usiku kuwa umejikaza na kufanya uoga uwazidi hata wasiweze kusogea kwenda mahali popote.

Wakiwa pale sebleni wakamuona Moza akitoka jikoni na kwenda pale walipo, kwa uoga waliokuwa nao hakuna aliyeweza kumtazama Moza, ila Moza aliwaambia

“Leo lazima nimalize kazi yangu, sitaweza tena kukaa, kwani Salome anatakiwa kurudi kwao”

Wote hawakuweza kumjibu kitu chochote na uoga waliokuwa nao ulikuwa ni maradufu, huku wakijiuliza kuwa Salome ni nani na Moza ni nani, iweje Salome ageuke na kuwa Moza na iweje Moza aseme kuwa Salome anatakiwa arudi kwao, hawakuweza kuuliza ila walibaki wakitetemeka kwa uoga.



Neema akiwa nyumbani kwake, gafla alijihisi kutetemeka mwili mzima halafu akawa na shauku ya kwenda tena kuchungulia chumbani kwa Salome, akainuka na kwenda kuchungulia akamuona Salome amelala, alipiga kelele za uoga ambapo Patrick nae alimfata ili kujua tatizo ni nini,

“Ni Salome”

“Kafanyaje?”

“Salome sio Salome wa kawaida”

“Kivipi sio wa kawaida?”

“Muone”

Neema alionyesha kidole alipo Salome pale kitandani, Patrick aliangalia kisha akamwambia Neema,

“Mbona mtoto amelala kawaida tu”

“Sio wa kawaida Patrick”

Patrick hakumuelewa kabisa Neema, ikabidi asogee kwenye kitanda cha Salome kisha alijaribu kumuamsha bila ya kuamka na alionekana amelala usingizi mzito sana, ndipo Neema akatoa tena wazo la kumpigia mama pendo ili awaite tena wale waombaji wamsaidie binti yake.

“Kuna tatizo huku naomba msaada wenu”

“Lakini ni mpaka kesho”

“Haiwezekani kuvumilia, Salome kalala haamki, tunamuita haitiki, sio kwamba amekufa ila kalala haamki”

Mama Pendo alishangaa sana kwa jinsi alivyoelezewa na Neema hivyo kumuahidi kuwa wanaenda na wale waombaji.



Ana alikuwa ameongozana na wale vijana hadi nyumbani kwao, alipofika mlangoni alishangaa harufu ya kuungua kwa chakula ambapo harufu hiyo ilikuwa ni kali kiasi kwamba ilimchanganya na yeye kwani anajua fika masharti ya nyumba yao kutokuunguza chakula cha aina yoyote halafu siku hiyo chakula kilikuwa kinaunguzwa kwa hali ile, akafungua mlango ila ulikuwa mgumu kwahiyo ikabidi agonge, alifunguliwa na kushangaa sana,

“Moza!!”

“Ndio ni mimi, nimekuja kumaliza kazi yangu”

Ana alitaka kukimbia ila miguu yake iligoma kwenda popote na kujikuta akiingizwa ndani pamoja na wale vijana, wakiwa wanashangaa shangaa kwa uoga pale sebleni mara walianza kuona watu wa ajabu wakitokea kwenye korido ya nyumba yao kama wakitokea vyumbani, wale watu walikuwa wakitoka mmoja mmoja na walipofika pale sebleni walikaa chini, ni hapo ndipo walipomuona Ommy na Sara wakiwa wameambatana na wale watu wengine, kiukweli kila mtu alishangaa, ila cha kushangaza zaidi ni kwa wale vijana kumuona mdogo wao jack akiwa ameambatana na wale watu,

“Mungu wangu, jamani si Jack huyu”

Walikuwa wakishangaa sana ila wale watu walitoka wote na kukaa chini pale sebleni ilionyesha kama akili zao bado haziko sawa kwani hakuna kati ya waliotoka aliyekuwa akishangaa kuwa yupo wapi na anafanya nini.

Moza aliingia jikoni na kutoka na sufuria ambayo mboga ilikuwa inaungua kisha akaweka maji halafu akaanza kummwagia mmoja mmoja kwa wale waliokaa chini ambao wametoka vyumbani, yani kitendo cha kumwagiwa kila mmoja alijikuta akili zake zikirudi timamu na kujishangaa zaidi kuhusu mahali alipo na jinsi alivyo, walikuwa jumla watu kumi na tano.

Wale vijana walimsogelea ndugu yao Jack, wakati huo Kulwa na Doto walimsogelea dada yao Sara huku wengine wakibaki wanajishangaa na kuona kuwa wamepata uhuru wa gafla bila ya kutegemea.

Moza alikuwa akitabasamu tu, na kupiga mluzi mkali ambapo Rose alitokea chumbani baada ya mluzi huo, ila alipowaona watu hao alishtuka sana na kupiga magoti kwa Moza,

“Umenimaliza Moza, umenimaliza Moza”

“Angalia ulivyowatesa watu hawa, wengine wana miaka mitano kwenye chumba chako kile kidogo umewafungia kimazingara. Unajiona bado una faida?”

“Umenimaliza Moza”

Rose alikuwa na kauli moja tu kuwa Moza umenimaliza yani alionekana kuteseka sana na kile kitu alichokifanya Moza.

Ila Moza alionekana kumpulizia kitu machoni ambapo Rose alianguka chini na kuonekana kama amezimia, watoto wake wakataka kwenda kwa mama yao ila Moza akawaambia kwa ukali,

“Asimsogelee mtu yeyote, hakuna kumsogelea Rose ni hatari kwa maisha yenu kwasasa. Haya wote tokeni nje ya nyumba hii, na mkae mbali kabisa”

Ana alijaribu kumtetea mama yake,

“Msamehe mama”

“Nyamaza na wewe, tena wewe kila kitu chako kinaenda kuteketea pamoja na uchawi wa mama yako. Hivi unadhani kuwatesa watu hawa kwa miaka yote ni vizuri? Mama yenu amekuwa mtu war oho mbaya sana kwa muda mrefu, aliweka zindiko baya kwenye nyumba yake hii, mtu usijikwae kwenye nyumba hii unapotea ili yeye azidi kufurahia maisha ya kutesa viumbe visivyokuwa na hatia. Nasema hivi ondokeni wote, tokeni nje, hapa mtuache sisi wenyewe. Nyie kakaeni mbali kabisa”

Macho ya Moza yalikuwa yanawaka kama moto hivyo kufanya wote washikwe na uoga, hakuna aliyeweza kubaki mule ndani ukizingatia Moza alikuwa anaongea kwa ukali sana halafu alikuwa anatisha, wote wakatoka nje ya nyumba yao na kukaa mbali kabisa, mara gafla wakiwa nje walishangaa kuona nyumba yao ikilipuka na moto mkubwa ukiwaka, moto ambapo uliwaka kwa muda mchache tu lakini kila kitu cha kwenye nyumba ile kiliteketea, yani kilibaki kiwanja na majivu, ilikuwa ni kitendo cha kufumba na kufumbua kila kitu hakikuwepo tena.



Wana maombi na mama Pendo walifika nyumbani kwa Neema na kwenda chumbani kwa Salome, ambapo walimkuta vile vile amelala wakambeba na kwenda nae sebleni halafu wakaanza maombi huku wakimuita Salome kuwa arudi kwani ilionyesha wazi kuwa Salome pale yupo kimwili tu.

Baada ya maombi ya muda kidogo, Salome alionekana kuamka na kukaa huku akishangaa kila alichokiona mbele yake, mama yake alikuwa bado na uoga ila alimfata na kumkumbatia.

Salome alimuangalia mama yake na kumuuliza,

“Mama niko wapi na kuna nini”

“Salome mwanangu, ulikuwa umelala ndio nimewaita waombeaji waje wakuombee”

“Nililala? Muda gani? Na kwanini niombewe?”

“Ulibeba vitu vyako vyote ukaondoka mwanangu ukaniachia ujumbe tu, ila nikakukuta umelala chumbani kwako”

“Sikuelewi”

Neema akaamua kumshika mwanae mkono ili ampeleke chumbani kwake huenda labda akamuelewa, ila alipofika kwenye chumba cha Salome alishangaa kuona kuwa nguo za Salome na vitu vya Salome vyote vilikuwepo mule ndani yani hakuna kitu ambacho kilihamishwa kama yeye alivyofikiria mwanzo, Neema alipiga kelele na kuwaita wale wanamaombi chumbani kwa binti yake, ila walimtaka awe mpole kwanza na akae chini atafakari huku akifanya mambo taratibu taratibu,

“Ukifanya kwa papara hutaelewa chochote kile, unatakiwa kuwa mpole na utafakari. Mungu ni mwema, na mwanao ni mzima kwahiyo swala la kuanza kumkandika maswali utashindwa kuelewa kipi ni kipi”

Ikabidi Neema akubaliane na ushauri wa mama Pendo ingawa kiuhalisia hali ya mwanae ilimchanganya sana kwani mwanae hakuwa na kumbukumbu yoyote ile.

Basi wale wanamaombi na mama Pendo wakaaga huku wakimsisitiza Neema ampelekage mwanae kwenye maombi hadi atakuwa sawa kabisa.



Neema alibaki ndani, yeye, mwanae na Patrick ila aliendelea kumuhoji Salome ambaye alionyesha kila kitu hakijui hata uwepo wa Patrick hakuuelewa kabisa, kwani kila kitu kilikuwa kigeni machoni mwake. Alianza kumuhoji mama yake kuhusu Patrick,

“Mama, huyu ni nani?”

“Ni baba yako huyu”

“Baba yangu! Mama si ulisemaga kuwa sina baba!”

Neema akawa kimya kwa muda kisha akamuangalia mwanae na kumwambia,

“Si wewe Salome uliyeamua kwenda kumtafuta baba yako hadi kuamua kuhamia nyumbani kwake. Huyu ni baba yako uliyemtafuta kwa kipindi chote, na ni wewe ndiye uliyemleta hapa nyumbani”

“Sikuelewi mama”

Neema alijaribu kumuelewesha vilivyo ila Salome hakumuelewa kitu chochote, halafu akauliza tena maswali yaliyomchanganya kabisa Neema,

“Vipi kule nyumbani kwetu? Mbona tuko huku, ni kwa nani huku? Yuko wapi mamdogo Ashura?”

“Mmmh hata sijui nikujibu vipi Salome yani vitu vingine unauliza wakati ulifanya mwenyewe, wewe si ulisema Ashura alitaka kukuua ukamuwahi na kummaliza”

“Kummaliza! Kivipi sikuelewi mama”

“Ashura alikufa”

Salome alianza kulia baada ya kusikia kuwa Ashura alikufa, kwakweli Neema alimshangaa sana mtoto wake na kuhisi kama kuna mchezo mbaya kachezewa mwanae,

“Mmmh wale wa maombi nao au wamefanya kitu kibaya kwa mwanangu”

Patrick aliamua kumkanusha Neema,

“Usiwaseme vibaya watu wamekuja kutusaidia, wameshasema kuwa kuna kitu hakipo sawa kuhusu mtoto wetu huyu sasa maneno ya nini. Mimi naona cha msingi labda tumpeleke Salome kule nilipokuwa naishi mimi labda ataweza kuweka kumbukumbu zake sawa na kuelewa kila kitu”

Neema aliona hilo ni wazo jema sana kwa wakati huo, kwahiyo akaenda kujiandaa kisha kuondoka kwenye gari na Salome ili wakamuonyeshe walipokuwa wanaishi.



Walifika na kushangaa watu wamejaa halafu eneo limekuwa majivu tupu, halafu Kulwa na Doto pamoja na Ana walipomuona Salome walimkimbilia na kupiga magoti mbele yake,

“Tafadhali msamehe mama yetu, najua hatorudia tena. Tunajua una uwezo wa kubadilisha huu moto na kurudisha nyumba yetu. Sisi hatuna haja na nyumba ila tunahaja na mama yetu, tusaidie Moza”

Neema na Patrick waliwashangaa sana huku wakiuliza kuwa ni kitu gani kimetokea, ila Ana alimwambia Patrick kuwa amuulize Yule binti yake anajua kila kitu,

“Huyu tumekuja nae hapa sababu tupo nyumbani haelewi chochote kile, ndiomana tumemleta hapa labda awe na kumbukumbu. Kwani kumefanyaje tena mbona nyumba imeteketea?”

Salome nae akaongea,

“Mbona umeniita Moza, Moza si alishakufa na mlivyo na roho mbaya mlinikataza hata kumuaga Moza mara ya mwisho”

Wakamshangaa, na Neema alikuwa wa kwanza kumshangaa binti yake kuwa anakumbuka vyema kitendo cha yeye kutaka kumuaga Moza na mwisho wa siku kuingia kwenye kaburi la Moza, ila hilo tukio la kuingia kaburini hakujua kama analikumbuka, ikabidi amuulize

“Walivyokukatalia kumuaga Moza ilikuwaje?”

“Sijui ila nakumbuka tulirudi nyumbani nikalala”

“Mmmh ukalala!”

“Ndio nikalala, si ni jana tu ndiyo Moza amekufa!”

Walikuwa wakimshangaa hata wale vijana waliomleta Ana na kumkuta ndugu yao Jack kwenye nyumba hiyo walishindwa kumuhoji maswali yoyote Salome kwani alionekana akiongea kama mtu asiye na mwelekeo.

Patrick alihoji kwa makini maana ile ilikuwa ni nyumba yake pia, ikabidi mlinzi wao ajaribu kumuelekeza kwa kifupi jinsi ilivyokuwa mpaka kushtukia nyumba ikiungua,

“Kwahiyo Rose ameungulia humo”

“Sijui, itakuwa hivyo maana sisi tuliamriwa tutoke nje na tulipotoka tu nyuma yake kukatokea mlipuko wa hali ya juu na gafla kila kitu kilikuwa kimeteketea kama ilivyoonekana yani hakuna tulichookoa”

“Kwahiyo huyo Moza mlimuona kabisa”

“Ndio, na mwanzoni alikuwa ni huyo Salome halafu badae ndio akageuka na kuwa Moza”

Patrick aliona kuwa hapo kutakuwa na tatizo, hivyo akamuomba Neema waondoke pamoja na Salome kurudi nyumbani maana walikuwa wakimsonga songa kumuuliza maswali Salome ambapo hakuwa na jibu ya swali hata moja.

Walimchukua Salome na kuondoka nae, huku wakiacha pale watu wakiendelea kufurika na kushangaa yale majanga ya moto, wakati wanaondoka Kulwa aliwashtua ndugu zake kuwa wawafate hao watu maana hawakuwa na pakukaa kwa kipindi hicho na wala hawakujua kuwa ni wapi waelekee.

Walipofika nyumbani, wakina Kulwa nao walikuwa wamegika,

“Tafadhalini tupokeeni, hatuna pa kwenda sisi”

Patrick aliwatazama, na kwavile hali nzima ya kilichotokea hakuielewa aliwahurumia na kuwakaribisha pale nyumbani huku akisema kuwa atatafuta utaratibu wa wao kupata sehemu ya kuishi.

Ila kwa upande wa Neema bado alikuwa na maswali kwa binti yake tu,

“Eti wewe ndio ulikuwa Moza!”

“Sikuelewi mama”

“Eti ulikuwa ukitoweka toweka?”

“Mama sikuelewi yani maswali yote unayoniuliza ni yananichanganya tu”

“Mwanangu, mimi ndio sielewi kabisa. Ulikuwa wapi kipindi chote hiki kama huna kumbukumbu ya chochote kilichotokea, inamaana kipindi chote hiki nilikuwa naishi na Moza!”

Alisisimka mwili kwa uoga, ila bado hakuelewa chochote.



Siku zilipita ila hakuonekana Rose wala Moza tena na akili ya Salome ilikuwa ikirudi kwa taratibu kwani kila kitu kilikuwa ni kipya machoni mwake kwa kipindi hiko.



MWISHO