MUME GAIDI - 4

 

Simulizi : Mume Gaidi

Sehemu Ya Nne (4)





Patrick na mama yake walifika nyumbani, Deborah alikuwa akitafakari tu jinsi Patrick alivyokuwa anapigana, akajikuta akijisemea

"Au jambazi kweli?"

Kumbe Patrick alimsikia na kumuuliza

PATRICK: Nani jambazi mama?

DEBORAH: Mmmmh aaaah hata sijui ni nani nimejisemea tu, ni wale vijana waliotuteka.

Patrick aliona kama vile mama yake ana kiwewe tu. Akaenda chumbani kwake na kuendelea kutafakari kuhusu Mashaka. Ingawa alishajua alipo ila hakutaka kuondoka siku hiyo ili kuepusha kuhisiwa vibaya na mama yake.

Deborah hakuacha kutafakari yale mapigano ya Patrick.

Marium ilibidi aondoke na Sele ili akapate kutibiwa vizuri yale majeraha ya ajari aliyopata.



Patrick alikuwa chumbani kwake akitafakari vitu vingi hasa upendo wa mama yake kwake.

"Dah! Mama yangu ananipenda sana, sijui kwavile mimi ni mtoto wake wa pekee au ni mapenzi yake tu kwangu!! Nadhani hapa duniani ni mama tu anayenipenda"

Patrick alikuwa akijaribu kuangalia lile tukio la mama yake kurudi wakati anapambana, ingawa hakupenda kumuona mama yake pale ila kwa upande mwingine alifurahia kuona anapendwa vile na mama yake.

"Natamani Tusa nae angenipenda japo kidogo tu, najua hawezi fikia upendo wa mama basi hata angenipenda kidogo tu ningefurahi sana"

Mara akasikia mtu akigonga mlango wake.

Patrick akatoka na kumkuta Tusa mlangoni.

PATRICK: Tusa!!

TUSA: Asante sana Patrick kwa kuniokoa.

Patrick alitabasamu hadi hakuamini ile shukrani aliyoitoa Tusa.



Kama walivyopanga Rehema, Adamu, Maiko na Mwita walienda nyumbani kwa Deborah.

Wakashuka kwenye gari huku Maiko akiwa na tahadhari kubwa ya kukutana na Patrick.

Anna aliyekuwa anafagia, ile kuwaona tu macho yake moja kwa moja yalienda kugonga sura ya mtu mmoja tu, akajikuta akiangusha fagio chini na kusema kwa mshangao,

"Maiko!!"

Deborah aliyekuwa anatoka ndani akashangaa sana, kilichomshangaza ni kuwa Anna amemjulia wapi Maiko.



Deborah aliyekuwa anatoka ndani akashangaa sana, kilichomshangaza ni kuwa Anna amemjulia wapi Maiko.

Deborah akamsogelea Anna na kumuuliza.

DEBORAH: Umemjulia wapi huyo mdogo wangu?

Anna alizidi kumuangalia Maiko kwa hasira hadi pale alipomuona Mwita akajikuta akimkimbilia na kumkumbatia,

ANNA: Jamani Frank, umemtolea wapi huyo shetani?

Frank nae akawa amemkumbatia Anna bila ya kusema chochote.

Deborah akaenda mlangoni kwake.

DEBORAH: Sidhani kama itakuwa busara kwa wewe Maiko kuingia humu ndani kwangu.

REHEMA: Hana nia mbaya Deborah, amekuja ili muweze kumsikiliza japo kidogo tu.

Deborah aliwaangalia sana na kuona kuwa hawajamuelewa tu, akaamua kuwaachia mlango wapite ili wajuane humo ndani.

Halafu Deborah akaamua kwenda kumuita Patrick ili aone kama kweli Patrick na Maiko wanaukaribu wowote.



Fausta na mwanae Tina siku hiyo walienda hospitali kwaajili ya uchunguzi wa hapa na pale, Fausta alitaka kujua maendeleo yake na kuonekana kuwa anaendelea vizuri na kumpima mwanae Tina, walifanya safari hii ya hospitali wakiwa wamesindikizwa na Yuda.

Tina nae alipopimwa akagundulika kuwa anaujauzito, Tina alishtuka sana na kuanza kulia, mama yake akawa anambembeleza.

TINA: Mama sitaki mimba ya kubakwa mimi sitaki kabisa.

FAUSTA: Nyamaza mwanangu, kumbe ulibakwa! Mbona hukusema mama?

TINA: Niliona aibu mama, nilibakwa na wanaume mashetani tena walinibaka kwa kupokezana. Mama sitaki hii mimba sitaki mama.

Yuda nae akasikia na kuwasogelea.

YUDA: Mimba? Nani ana mimba tena hapa?

Tina alizidi kulia na kushindwa kujielezea.

FAUSTA: Yani hapa ni tatizo juu ya tatizo jamani, sijui hata tufanyeje!

YUDA: Tina ana mimba au?

FAUSTA: Ndio, Tina ana mimba.

YUDA: Aaah!! Hapana kwakweli nasema hapana jamani yani.... Aaah! Hapana.

Tina alizidi kulia pale alipoinama.

FAUSTA: Mwanangu, haya mambo twende tukayajadili nyumbani hapa hospitali hatutaelewa cha kufanya. Twende nyumbani ili tuweze kupata maamuzi sahihi.

YUDA: Sikuzote nampenda Tina na sijawahi mlazimisha kufanya nae kitu chochote kumbe wenzangu walikuwa wanajibakia!! Aaah! Imeniuma sana.

FAUSTA: Najua kama inauma, ila turudi nyumbani kwanza jamani. Kwani mimba kitu gani bhana, cha muhimu kwasasa ni uhai. Twendeni nyumbani tukajadili.

Tina alijawa na machozi tu usoni, wakaamua wafanye safari ya kurudi nyumbani.



Marium alipotoka kumsindikiza mwanae Sele hospitali na kurudi nyumbani.

SELE: Mama, nataka kwenda kumuona Tusa.

MARIUM: Hivi mwanangu, unajua huyo mwanamke atakuu wewe!!

SELE: Hawezi kuniua mama tunapendana sana.

MARIUM: Hata kama mnapendana mwanangu, kuna kipindi kwenye mapenzi ni bora kusema inatosha sasa. Wanawake wangapi hapa mtaani wanakupenda mwanangu? Kuna wakina Sara na Maria, wanatamani hata leo utamke kuwa unawahitaji ila hawapati hiyo nafasi. Yani wewe na ndugu yako mnamng'ang'ania Tusa kama vile yeye ndiye mwanamke pekee duniani.

SELE: Mama, hao unaowasema wananipenda hawawezi kuwa kama Tusa. Nampenda sana Tusa na pia najua kuwa Tusa ananipenda, sina nia ya kumpora Tusa kwa Patrick kwasasa ila najua penzi la kweli halifi mama haijalishi nini kitatokea.

MARIUM: Penzi la kweli halifi labda kwa mwanamke na mwanaume wa kizungu ila sio sisi wenye ngozi nyeusi, tumeumbiwa tamaa na hatuna hiyo kitu mapenzi. Tusa angekupenda kweli asingekuwa na Patrick.

SELE: Inamaana wewe mama hukumpenda baba?

MARIUM: Mimi na baba yako tulipendana kweli ndomana tukadumu ila huyo Tusa hakupendi acha kujidanganya mwanangu.

Sele aliyatafakari maneno ya mama yake ila kwajinsi alivyokuwa anampenda Tusa yale maneno hayakumkaa kichwani hata kidogo.

SELE: Hivi mama unajua mimi nilimngoja sana Tusa, tangu anasoma hadi alipomaliza kama kunisaliti si angenisaliti kipindi kile jamani!

MARIUM: Hebu acha ulimbukeni wa mapenzi mwanangu, Tusa kashakuwa skrepa pale alipo. Mwanamke gani yule sasa, mimba nne ndani ya mwaka mmoja halafu wewe bado upo na msemo wa kumpenda!! Acha ujinga mwanangu, Tusa hakufai tena muachie tu Patrick maradhi yake yale. Yule Tusa pale alipo spana mkononi bora akae na Patrick atasaidiwa na pesa sasa kwako si atajifia tu? Acha kung'ang'ania mitumba iliyochoka mwanangu.

Sele akamuangalia sana mama yake halafu akaondoka, Marium akabaki akijisemea,

"Sijui karogwa jamani mwanangu mmh!! Mapenzi mabaya sana ukiyaendekeza."



Patrick alipokuwa akizungumza na Tusa pale mlangoni akaona itakuwa vyema sana kama wakikaa chumbani, kwahiyo akamuomba Tusa akae nae chumbani.

PATRICK: Kwanza pole sana Tusa kwa yote yaliyokupata, umebadilika sana Tusa yani umekuwa tofauti kabisa kama vile sio wewe niliyekuona facebook.

TUSA: Umenipitisha mapito ambayo sikuwahi kuyawaza maishani mwangu, umenifanya niwe mtu wa kilio na mateso. Nimebaki mwanamke picha tu ila si mwanamke kama nilivyotamani kuwa.

PATRICK: Naelewa Tusa ila yote hayo kwavile hukupenda kunielewa vile ninavyokupenda Tusa.

TUSA: Ubaya ni kuwa hata wewe hukupenda kunielewa kama sikupendi Patrick, umetumia nguvu nyingi na pesa nyingi sana kwaajili yangu Patrick ila kila nikitafakari yaliyopita nakuweka wewe kwenye kundi la wanaume wenye roho mbaya, ila kwasasa umenisaidia sana Patrick sinabudi.....

PATRICK: Hunabudi nini? Niambie Tusa, hunabudi kuniambia kuwa wanipenda?

Mlango wa Patrick ukagongwa ikabidi aende kufungua na kumkuta mama yake akigonga.

DEBORAH: Kuna wageni sebleni naomba twende ukaongee nao.

PATRICK: Nije na Tusa?

DEBORAH: Ndio njoo nae tena yeye anahusika zaidi.

PATRICK: Wageni gani hao mama?

DEBORAH: Nyie njoeni tu mtawaona.

PATRICK: Sawa mama tunakuja.

Ikabidi Patrick amwambie Tusa kuwa waende.

PATRICK: Halafu tutarudi kuzungumza vizuri sawa Tusa?

TUSA: Sawa, hakuna tatizo.

Patrick na Tusa wakatoka chumbani na kwenda sebleni.



Mashaka alikuwa na mawazo tu baada ya kuwakuta wale vijana wake wakiwa na hali mbaya sana, ikabidi aamue kusafiri na kwenda Arusha kuchukua baadhi ya vijana wao kwaajili ya Patrick.

Kule Arusha walimshangaa sana Mashaka kwani mawazo yalianza kumkondesha, Tulo ndio aliyempokea kwani ndio aliyeachwa kwenye himaya ya Maiko kwa muda.

TULO: Kwakweli tumeshangaa sana, kimya kirefu kwani huko Mwanza kuna tatizo gani?

MASHAKA: Mwanza hakuna tatizo ila Patrick amekuwa tatizo kubwa sana kwetu, Patrick ameua vijana wengi tu. Kwakifupi Patrick hafai, inabidi kujipanga kweli ili kwenda kupambana nae hata sijui Patrick amejifunzia wapi yale mambo ya mapigano.

TULO: Itakuwa China tu, ila Patrick inatakiwa tumuendee taratibu. Unajua yule jamaa ni jasiri sana halafu yupo kamili kila idara. Ngoja tufanye maamuzi ya taratibu tutampata tu.

MASHAKA: Tatizo muda, kazi nyingi zimelala kwaajili yake.

TULO: Hakuna tatizo, mi namjua Patrick vizuri niachie hiyo kazi kwa muda utaona majibu yake.

Mashaka akazungumza mengi na Tulo huku akiwaza hasara alizopewa na Patrick.



Patrick na Tusa walienda sebleni, Patrick ile anatokeza akabambana na sura ya Mwita, kuangalia pembeni anamuona Maiko halafu akamuona Adamu hapo akanywea na kurudi kwenye korido haraka.

TUSA: Mbona umerudi nyuma gafla?

PATRICK: Aaah! Hata sielewi.http://deusdeditmahunda.blogspot.com/

TUSA: Twende bhana, hivi hadi wewe Patrick unakuwa na aibu kwa wageni? Twende bhana.

Patrick akaona njia bora ni kujifanya kuwa wote wale hawafahamu, kwanza aliona Maiko ni longolongo tu pale alitamani akutane nae kwenye anga zake amfundishe adabu.

Patrick na Tusa wakajitokeza, na kitendo cha kwanza ni Tusa kumkimbilia baba yake na kumkumbatia huku machozi yakimtoka ilikuwa ndio anamuona kwani kule hospitali wakati Adamu alienda kumtazama alikuwa amelala.

TUSA: Jamani baba, nimefurahi kukuona baba.

Patrick alikaa na kuwasalimia kama vile watu asiowajua halafu akainuka na kutoka nje, Deborah akawa anastaajabu kuona hali ile na kujiuliza kuwa inamaana hawajuani kweli na Maiko.

Wakati Patrick alipokuwa anatoka nje akakutana na Sele mlangoni wakasalimiana halafu Sele akaingia ndani.

Patrick alikaa pale nje akitafakari uwepo wa Maiko mule ndani na kitu gani akamfanye mara gafla akamuona Sele akitoka nje kwa jazba na kubeba jiwe, Patrick akashangaa kwani alimjua Sele vizuri kuwa si mtu wa hasira kiasi kile akaamua kumfatilia Sele ndani.

Lengo la Sele lilikuwa ni kumponda Maiko na lile jiwe kwani alijua wazi asingeweza kupambana nae kwa yale maumivu yake, akalishika lile jiwe kisawasawa na kulirusha mahali alipokuwa Maiko.



Akalishika lile jiwe kisawasawa na kulirusha mahali alipokuwa Maiko.

Patrick akakimbia mbele gafla na kulidaka lile jiwe, Tusa nae akainuka pale alipokuwa amekaa na baba yake akawa anaongea kwa jazba.

TUSA: Patrick umelizuia kwanini hilo jiwe kumponda huyu shetani? Tena sikuwaona ni mashetani mawili yapo hapa, umezuia kwavile tabia zao na zako zinaendana?

Wakati Tusa alikuwa akizungumza hayo, Sele nae alikuwa amekazana kutaka kupambana na Maiko ila Patrick akawa anamzuia hata Maiko alishangaa leo kutetewa na Patrick.

PATRICK: Punguzeni hasira Sele na Tusa.

SELE: Unajua alichonifanya huyu Patrick? Unajua huyu alichonitenda?

PATRICK: Punguza hasira kwanza Sele tuzungumze, kumbuka hasira hasara.

TUSA: Yani unavyoongea Patrick kamavile na wewe ni mtu mwemaaa kumbe ndio walewale kasoro majina.

PATRICK: Tusa, usiwaze mabaya yangu tu, kumbuka na mema yangu.

TUSA: Katika wanaume ninaowachukia humu duniani ninyi watatu mnaongoza, siwapendi siwapendi siwapendi.

Tusa akatoka nje, Deborah akashangaa kuona Tusa ni muongeaji kiasi kile kwani mara nyingi huwa akimshuhudia anapolia tu. Patrick nae akaamua kutoka kumfata Tusa nje.

Deborah akamshika Sele mkono na kutoka nae nje pia.



Patrick akaamua kuzungumza na Tusa.

PATRICK: Tusa, nakuomba usinichukie. Mimi Patrick wa leo si Patrick uliyemfahamu kipindi kile nakupenda Tusa na sina roho mbaya kama unavyonifikiria na wala sina tena ushirika wowote na Maiko.

TUSA: Kama huna ushirika na Maiko mbona umemzuia Sele asimponde na jiwe?

PATRICK: Tusa, pale ndani si mahali sahihi pa kufanya hivyo. Sele angeweza kumuua Maiko na je angefunguliwa kesi ya mauaji si angefungwa maisha? Je, uko tayari kuona Sele akifungwa maisha?

TUSA: Inamaana Patrick unampenda Sele?

PATRICK: Ndio nampenda, Sele ni ndugu yangu siwezi kumchukia. Swala la Maiko ni dogo sana kwangu, hiyo kazi niachieni mimi.

TUSA: Sitapenda kuona Sele anafungwa sababu nampenda.

PATRICK: Hapo ndipo unapokosea Tusa, unatakiwa unipende mimi. Mimi Patrick ndio mumeo wa maisha.

Halafu Patrick akaenda kumfata Sele aliyekuwa ametolewa nje na Deborah.

Tusa alimuangalia Patrick na kuona kama mtu wa tofauti, akashangaa Patrick kumuhurumia mtu kufungwa, ila Tusa akajisemea,

"Sijawahi kuua katika maisha yangu ila huyo Maiko lazima nitamuua"



Anna aliyeachwa mule ndani na wale wageni.

ANNA: Kwakweli Maiko wewe ni shetani, hakuna binadamu atakayeweza kukupenda baada ya kugundua uyafanyayo. Najua wazi hata hao walioongozana na wewe hawakujui kuwa wewe ni mwanaume wa aina gani ila wakijua mambo yako watakuonea kinyaa.

ADAMU: Maiko, hebu tuweke wazi tafadhari ni mambo gani uliyoyafanya na iweje hadi binti yangu akuchukie?

Akatokea Deborah na kusema,

DEBORAH: Si binti yako tu anayemchukia, huyo Maiko unayemuona hapo mbele anachukiwa hadi na sisimizi nadhani ukimjua vizuri hata wewe mwenyewe utamchukia huyo shetani.

REHEMA: Mungu wangu, najua yote haya sababu ya kutokumlea mwanangu mimi mwenyewe, ona mambo yalivyo sasa.

PAMELA: Majuto ni mjukuu mama, huyo Maiko hapa Fausta bado hajarudi nae akirudi ana yake.

ADAMU: Hadi Fausta? Una matatizo gani Maiko? Ndugu yangu niliyekujua ukubwani, nini tatizo Maiko?

Maiko alikuwa ameinama tu kwa aibu.



Patrick akaenda kuzungumza pia na Sele.

PATRICK: Kwani yule jamaa umemjulia wapi Sele?

SELE: Kwanza ungeniachia yule mtu nimponde na jiwe, amekuwa akiniwinda muda mrefu sana. Yule ni adui yangu namba moja humu duniani.

PATRICK: Kwakweli mnanishangaza, hivi huyu Maiko ni mtu wa aina gani? Na kwanini ametenda matukio mengi ya ajabu kwa watu wengi?

SELE: Nina hasira nae sana, na siwezi kumsamehe hadi naingia kaburini.

Patrick alimtafakari sana Maiko ila alikosa jibu la kwanini Maiko amehusika kwenye matukio mengi ya ajabu.



Tina na mama yake walirudi huku macho ya Tina yakiwa yamejaa machozi.

Tusa ndiye aliyewapokea na kuwauliza kwanini Tina analia.

TINA: Nina mimba Tusa, tena mimba ya kubakwa. Naichukia Mwanza Tusa.

Tusa nae akajikuta akilia na kukumbuka mikasa yake yote ya mimba.

Ikabidi Patrick na Sele nao wawasogelee na kuamua kuingia nao ndani, Patrick alitaka kupata maelezo yakinifu juu ya uwepo wa Patrick mule ndani wakati anaonyesha kuwa ameshaumiza watu wengi.

TUSA: Pole sana Tina ndugu yangu.

Walipoingia ndani, Tina akamuona Maiko akamgeukia mama yake na kumwambia.

TINA: Mama, mwanaume mwenyewe aliyenibaka ni yule pale.

Wote wakamtazama Maiko na kumshangaa.

FAUSTA: Maiko, Maiko, Maiko yani umenibakia mwanangu? Hivi unajua kama umembaka mwanao shetani mkubwa wewe?

Fausta akaenda kumvaa Maiko mwilini, kukawa na varangati ndani ya nyumba kwani Fausta hakutaka kumuachia Maiko.

ADAMU: Haya makubwa sasa mi hata sielewi, yani Maiko umembaka Tina mtoto wetu dah!!

TUSA: Sio Tina tu hata mimi mwenyewe alinibaka.

PAMELA: Nini? Khe khe khe, Mungu wangu laana gani hii jamani!!

Wakajaribu kumtoa Fausta alipomshikilia Maiko ilikuwa ni kazi ngumu, ikabidi Maiko atumie nguvu zake mwenyewe na kutaka kukimbilia nje ila alikutana na Tusa mlangoni akiwa ameshika kisu na kumchoma nacho begani.

Damu nyingi zikamtoka Maiko ila akampushi Tusa na kutoka huku kisu kikiwa begani.

TUSA: Na bahati yako ningekubebea panga wewe.

Ikabidi Rehema nae atoke na kumfata Maiko aliyekuwa akivuja damu.



Tulo kama alivyomuahidi Mashaka akaamua kufunga safari kuelekea Mwanza ili kuweza kuonana na Patrick kwani Patrick alikuwa ni rafiki yake mkubwa sana kwahiyo alijua atampata tu.



Patrick bado alikuwa haelewi kitu, akaomba aelekezwe na Pamela akamwambia jinsi ilivyo ila bado hakuelewa.

PATRICK: Hii familia sasa imeanza kunichosha siielewi, siielewi, siielewi. Hivi inakuwaje mzazi hadi anashindwa kukaa na watoto wake hadi mambo kama haya yanatokea?

PAMELA: Sasa wewe Patrick unamlaumu nani?

PATRICK: Namlaumu huyo bibi, ila kiukweli familia ya Tusa imenichosha. Kwanza haieleweki. Familia haina mwanzo wala mwisho.

PAMELA: Usimlaumu Tusa tu, je wewe familia yako inaeleweka?

PATRICK: Ndio familia yangu inaeleweka na wote tunafahamiana sio kama familia yenu.

PAMELA: Kama inaeleweka mbona wewe na nduguyo kumgombea mke mmoja? Je ulifahamu kama Mwita ni mtoto wa Anna? Na je baba yako mzazi unamjua? Hata wewe familia yako haieleweki.

Kwenye swala la baba mzazi Patrick akawa ameguswa vilivyo na kuamua kumfata mama yake Deborah.

PATRICK: Mama, naomba na mimi leo unitajie baba yangu alipo sitaki mambo kama haya yatokee na kwangu. Sitaki kuwa na familia isiyoeleweka.

Deborah akajikuta akihema kwa nguvu na kuanguka.



Deborah alijikuta akihema kwa nguvu na kuanguka.

Ikabidi Patrick aanze kumpepea mama yake, Pamela nae akaenda kumsaidia hadi pale Deborah alipojisikia vizuri, akahitaji maji na Pamela akaenda kumletea.

PATRICK: Pole sana mama.

DEBORAH: Asante Patrick.

Pamela alipoyaleta yale maji, Deborah akayanywa na mengine kujimwagia kichwani.

Tusa nae akatoka ndani na kuwafata pale nje.

Patrick aliwaacha pale na kwenye nyuma ya nyumba yao kutuliza mawazo, alikuwa akifikiria kuwa kwanini mama yake hapendi kumwambia ukweli kuhusu baba yake.

PATRICK: Hii ni haki yangu, lazima niujue ukweli kama mtoto.

Kumbe Tusa alikuwa nyuma yake,

TUSA: Ukweli gani?

PATRICK: Ukweli kuhusu baba yangu, sitapenda familia yangu ikose uleleo kama familia yenu.

TUSA: Familia yetu haina uelekeo kivipi?

PATRICK: Familia yenu haieleweki, eti Maiko ni babako mdogo.

TUSA: Hapana, haiwezekani kabisa. Maiko hawezi kuwa ndugu yangu hata kidogo.

Patrick akajaribu kumuelekeza kama vile alivyoelekezwa ila Tusa akakataa kabisa, ikabidi aende ndani ili kupata ukweli wa mambo.



Rehema aliyekuwa ameongozana na Maiko akawa anajaribu kumshawishi Maiko ili warudi tena kwa Deborah na waweze kuweka mambo yote sawa.

MAIKO: Angalia mkono wangu ulivyojaa damu, unataka niende wakanichinje kabisa? Siwezi.

REHEMA: Sikia nikwambie, marumbano si mazuri kwa wanandugu. Tunatakiwa kukaa chini na kumaliza tofauti zote na kujuana, kwa mtindo huu unadhani utawajuaje ndugu zako wengine?

MAIKO: Mmh! Kurudi tena kule ni kujitakia kifo tu.

REHEMA: Hapana mwanangu, mimi mama yenu nipo.

MAIKO: Vipi baba, yuko wapi yeye? Maana nadhani itakuwa vyema nikianza kufahamiana na yeye kwanza.

REHEMA: Aliuwawa, tena alikufa kifo cha kikatili sana. Alikuwa anaishi Morogoro.

Maiko hofu ikamtanda kidogo kusikia kuwa baba yake aliuwawa tena ni Morogoro.

MAIKO: Aliitwa nani?

REHEMA: Walipendelea sana kumuita mzee Ayubu na Ayubu ndio jina lake.

Maiko akamuomba bi.Rehema warudi tena nyumbani kwa Deborah, nia yake ni kwenda kuzungumza na Patrick ili apate kujua ukweli.



Tusa aliingia ndani na kuanza kumwambia baba yake kuwa amwambie ukweli kuhusu Maiko.

Adamu akamueleza Tusa juu ya undugu wao.

Tusa akashangaa sana, kisha akamgeukia Mwita na kumuangalia tena baba yake.

TUSA: Usiniambie kuwa na huyu ni ndugu yetu.

ADAMU: Ndio ni ndugu yetu kwani ni mtoto wa Maiko.

TUSA: Baba, yani watu wote wameshindwa kuwa ndugu zetu zaidi ya hawa? Kwakweli siwapendi, siwataki na sitawakubali kamwe katika maisha yangu.

ADAMU: Mwanangu Tusa, hawa ni ndugu zetu tu hatuwezi kuwaepuka.

TUSA: Hao ni ndugu zako wewe na mama, mimi siwataki kabisa. Na laiti ungejua walivyonitenda hata usingewatetea hivyo.

Tusa akaenda chumbani, hakutaka tena kukaa pale sebleni kwani alihisi kuchanganyikiwa.

Anna alimuangalia Mwita kwa makini, kisha akamwambia.

ANNA: Natumai, matendo yako si sawa na matendo ya Maiko.

Mwita alikuwa kimya tu kwani aliona aibu kwa vitendo alivyowafanyia ndugu zake.



Fausta aliamua kumueleza Tina ukweli kuhusu Maiko, akamueleza kuwa Maiko ni baba yake.

Kwakweli Tina alilia sana na mama yake pia alilia.

PAMELA: Ila haya ni madhara ya kumficha mtoto kwa baba yake kwa kipindi kirefu.

FAUSTA: Hujui kitu wewe Pamela, unaongeaongea tu. Najua kwasababu hiki kilio ni kwangu ila kingekuwa kwako ungeyahisi maumivu yangu.

PAMELA: Basi yaishe jamani.

FAUSTA: Hujawahi umia kama hivi Pamela, mimi nimeumia. Inaniuma sana.

Tina kila alipoifikiria ile mimba alijikuta akizidi kulia zaidi na zaidi.



Patrick akaamua kumfata tena mama yake ili azungumze nae japo kidogo.

PATRICK: Ila mama nina haki ya kujua ukweli kuhusu mimi.

DEBORAH: Kweli unataka kuujua ukweli? Unataka kujijua wewe ni nani?

PATRICK: Ndio mama, nahitaji kujua.

DEBORAH: Nitakueleza ukweli, ila je ungependa nikueleze mbele ya nani?

PATRICK: Mbele ya wote wanaokufanya ulie kila unapokumbuka zamani, na mimi nitakuwa pembeni yako nikiyafuta machozi yako.http://deusdeditmahunda.blogspot.com/

DEBORAH: Kweli mwanangu?

PATRICK: Kweli mama kwani natambua kama mimi ndio faraja yako.

DEBORAH: Basi......

Wakajikuta wakishangaa kumuona bi.Rehema na Maiko wakija, Patrick akajiandaa kumdhibiti Maiko kama ataleta fujo.



Maiko akashukuru kumuona Patrick pale nje kwani ndio ilikuwa shida yake iliyompeleka pale.

Akamuomba Patrick kwaajili ya mazungumzo, mwanzoni Patrick alikuwa anasita ila badae akakubali na wakasogea kuzungumza.

MAIKO: Samahani Patrick, eti yule mzee aliyeuliwa na kundi letu kule Morogoro aliitwa nani?

PATRICK: Kwani umekumbuka nini? Yule mzee tulimuua bila hatia, roho yangu inanisuda hadi leo. Aliitwa mzee Ayubu.

MAIKO: Mungu wangu, dah nimeshiriki kumuua baba yangu.

PATRICK: Baba yako? Nani baba yako?

MAIKO: Yule mzee Ayubu ni baba yangu mzazi, ndio nimejua leo. Dah! Mashaka amemaliza familia yangu.

PATRICK: Inamaana tulimuua babu yake na Tusa! Dah!

Patrick alihisi kutokuwa sawa kimawazo, muda huohuo Maiko akaondoka akiwa amenywea bila ya bi.Rehema kujua kama kaondoka kwani yeye alibaki kuzungumza na Deborah.

Patrick nae akapigiwa simu na rafiki yake kuwa aende mjini, Patrick akaondoka nyumbani na kwenda mjini ili kupunguza mawazo kidogo.



Tulo ndiye aliyempigia simu Patrick, na alikuwa mjini akimngoja.

Patrick alipofika walipokeana vizuri na kuongea hili na lile kama marafiki, wakaagiza na vinywaji wakawa wanakunywa huku wakiendelea na maongezi.

Simu ya Patrick iliita tena na alitakiwa kwenda kuongea mbali kidogo, kumbe huku nyuma Tulo akamuwekea Patrick madawa kwenye kinywaji chake.

Patrick aliporudi akakaa na kuinua kile kinywaji ili anywe ile kukifikisha mdomoni tu akasita na kushusha chupa chini, kisha akamtazama Tulo na kumuuliza.

PATRICK: Umeniwekea nini humu?

Tulo akabaki anashangaa kuwa Patrick kajuaje.



Tulo akabaki anashangaa kuwa Patrick kajuaje.

Patrick akamuangalia tena Tulo kwa umakini kabisa,

PATRICK: Umeweka nini kwenye kinywaji changu Tulo?

TULO: Hapana, sijaweka chochote.

PATRICK: Sipendi kudanganywa Tulo, niambie ukweli kwa usalama wako.

Tulo alimwangalia Patrick aliyeonekana kubadilika usoni na kushindwa kujibu.

PATRICK: Natumai unajipenda Tulo, sema ukweli umeweka nini humu?

TULO: Nisamehe Patrick.

PATRICK: (Akacheka), Tulo wewe ni mpumbavu sana. Haya sema umeweka nini humu?

TULO: (Huku akitetemeka), nimeweka madawa ya kulevya.

PATRICK: Ili iweje?

TULO: Ili ulewe na niweze kwenda nawe Arusha kukukabidhi kwa Mashaka.

PATRICK: Kweli kuna watu hamna akili kabisa, hivi hujiulizi kwanini huyo Mashaka alishindwa kunichukua mwenyewe? Hujiulizi kabisaa yani? Halafu unajiletaleta tu.

TULO: Kwani umejuaje kama nimeweka kitu humo?

PATRICK: Sijakuona ukiweka ila nimekisia tu, kumbe hisia zangu ni za kweli. Ila wewe Tulo ni mpumbavu sana na siwezi kukusamehe kwa hili.

Sura ya Patrick ilionyesha kuchukizwa sana na kitendo hicho.

Tulo alikuwa akitetemeka tu.

TULO: Nisamehe Patrick.

PATRICK: Sikia Tulo, msamaha wangu kwako ni huu, mimi na wewe twende mahali tukapambane na kupimishana ubavu. Tafadhari usikatae ofa hii huwezi jua, unaweza jikuta umefanikiwa kunipiga sana hadi kunipeleka kwa huyo Mashaka wako.

TULO: Patrick hapana, nikishindwa mpambano je?

PATRICK: Basi utakuwa kibaraka wangu bila malipo. Na hakuna kukataa, lazima ukubali kupambana na mimi.

Tulo aliamua kukubali ili akajaribu bahati yake, huku Patrick akifurahi kumpata mtu wa kumkong'ota na kupunguza hasira yake.

Patrick akakodi usafiri na kuondoka yeye na Tulo kuelekea porini kidogo.



Tusa alienda kumbembeleza Tina kwani hata yeye alishapitia mapito kama yale na kuanza kuzungumza ya pale na hapa.

TINA: Natamani hata hii mimba itoke.

TUSA: Tina, usije ukawa kama mimi tafadhari.

TINA: Tusa, kwani wewe una tatizo gani? Wazazi wako wote wawili wapo bega kwa bega na wewe, tofauti na mie niliyebakwa na kupewa mimba na mtu ambaye naambiwa ni baba yangu. Tusa, una mume mzuri na mwenye mapenzi ya dhati, tatizo lako nini hapo?

TUSA: Huyo mume huyo unayemsema ni nyoka. Kwakweli wewe Tina na mama yangu ndio mlioniponza hadi mimi kuangukia mikononi mwa Patrick.

TINA: Tusa sikia, Patrick ni mwanaume mzuri sana. Najua wadada wengi wanatamani kuwa nae ila hawajapata hiyo bahati kwavile amekupenda wewe. Mi nadhani uache kulaumu ila ujivunie kwa kumpata mwanaume kama Patrick.

TUSA: Tina unasema kwavile hujui nini ambacho kilinipata wakati nipo Arusha na Patrick, usimuone vile Patrick, yule ni mwanaume katili sana hafai kuigwa na jamii. Ingawa ndoa yangu na Patrick ilikuwa ya kulazimisha ila kuna kipindi nilikubaliana na hali halisi na kuanza kujifunza kumpenda Patrick kama mume. Ila Patrick, ana roho mbaya, ni katili wa kutupwa kwa kifupi Patrick hana tofauti yoyote na magaidi. Patrick ni mume gaidi siwezi kumpenda hata kidogo, hata anifanyie nini sitampenda kamwe. Ukatili alionifanyia Patrick kule Arusha hautafutika kamwe kwenye mawazo yangu hadi naingia kaburini.

TINA: Ila ndio mumeo Tusa, mi sioni ubaya wowote kwa Patrick. Ni mpole, mcheshi na mkarimu. Pia anapenda kusaidia watu. Patrick ni mume mwema unaetakiwa kujivunia Tusa.

TUSA: Usilolijua Tina ni sawa na usiku wa giza, laiti ningekuwa na video nikuonyeshe matendo ya Patrick na wenzie ungenielewa.

TINA: Mmh! Hapana bhana, Patrick ni mume mwema. Jivunie kumpata Tusa.

Tusa alimuangalia sana Tina huku akisema kimoyomoyo,

"Uliniponza Tina nikatumbukia kwenye shimo lenye miiba, ila Mungu amekulaani na wewe umetumbukia kwenye shimo lenye moto"



Adamu alikuwa na wakati mgumu sana wa kuelewa.

Pale nyumbani wakashangaa kutokuonekana kwa Patrick wala Maiko.

Rehema alijikuta akiwa mwenyewe na Deborah.

Ikabidi Adamu akaongee na mama yake.

ADAMU: Mama, hata sioni umuhimu wa kuendelea kubaki hapa Mwanza, bora turudi Dar tu.

REHEMA: Ni kweli mwanangu ila itapendeza kama tukirudi wakati tumeyaweka mambo yote sawa.

ADAMU: Kwakweli mama nimechoka, hadi nahisi kuchanganyikiwa kwakifupi sielewi kitu kabisa.

REHEMA: Hata mimi sielewi ila Mungu atasaidia kila kitu kitakuwa peupe na tutaelewana tu.

Bi.Rehema alikuwa mgumu kuondoka kwani alihisi kuwa kuna vitu vingi ambavyo hawajavijua na wanatakiwa kuvijua.



Hofu ikamtanda Deborah kwani tangu alipomuona Patrick akiongea na Maiko hakuwaona tena, wasiwasi wake ni kuwa wameenda njia moja. Akaenda kumuuliza maswali Tusa. Ambapo Tusa alimweleza jinsi kulivyokuwa na ukaribu kati ya Patrick na Maiko.

DEBORAH: Inamaana Patrick na Maiko walikuwa wakifanya kazi wote?

TUSA: Ndio, walikuwa wakifanya kazi pamoja.

Deborah akajikuta akitafakari sana na kukosa jibu.

DEBORAH: Tusa, mbona hukuniambia kwa kipindi chote hiki?

TUSA: Patrick alinikataza, hakutaka wewe ujue chochote kuhusu yeye na Maiko.

Sasa Deborah akaanza kutengeneza picha mbalimbali katika akili yake.



Patrick na Tulo walifika kwenye sehemu ambayo Patrick aliona ni njema kwa wao kupambana.

PATRICK: Naomba tupambane, tumia nguvu zako zote kwaajili ya kunidhibiti hadi ufanikiwe kunipeleka kwa Mashaka.

TULO: Kwanini Patrick unasema hivyo?

PATRICK: Hakuna cha kwanini hapa, hilo si ndio lilikuwa lengo lako!

Tulo akatulia tu, Patrick akaamua kulianzisha kwa kumpiga Tulo ngumi moja ya pua, ngumi hii iliamsha hasira, maumivu na ghadhabu kwenye mwili wa Tulo na mpambano kati yao ukaanza sasa.

Patrick alikuwa anapambana kawaida tu ili kumpa nafasi Tulo kujidai kwanza kabla hajaanza kazi yake.



Maiko alipoondoka nyumbani kwa Deborah, mpango wake ulikuwa ni mmoja tu. Kwenda Arusha kupambana na Mashaka kwa kumuulia baba yake.

Maiko alijikuta akiwa na hasira za ajabu ambazo hajawahi kuwa nazo hapo kabla.

Alishajipanga kuwa huko Arusha ama zake au Mashaka na alitaka kujua kwanini Mashaka alitoa oda ya kumuua mzee huyo.



Hadi kesho yake Patrick hakuonekana nyumbani, hofu ikamtanda sana Deborah na kukosa raha kuwa ni kweli Patrick amefatana na Maiko.

Mara Adamu nae akamfata Deborah kumuuliza.

ADAMU: Niambie Deborah, hivi yule mtoto mkubwa vile umezaa na nani? Au ulitoka na mimba kwangu, niambie ukweli bhana.

DEBORAH: Hayakuhusu.

ADAMU: Yani hata kama ulitoka na mimba kwangu hayanihusu?

DEBORAH: Nadhani umeanza kupagawa wewe, kwako nilitoka na mimba? Halafu nikaenda nayo wapi? Hebu nitolee balaa mie.

Deborah alikuwa na mawazo ya kutafakari alipo Patrick tu.



Kule porini baada ya Patrick kupambana sana na Tulo bila ya Tulo kufanikiwa, Patrick akaanza sasa kumpitishia kichapo Tulo hadi Tulo akazimia halafu Patrick akatafuta sehemu kulekule porini na kulala.

Wakati amelala akatokewa na mzimu wa mzee Ayubu.



Wakati amelala akatokewa na mzimu wa mzee Ayubu.

Patrick akaanza kutetemeka kwa hofu kwani ni kitu ambacho hakukitarajia kabisa. Ule mzimu ukamwambia,

"Usiogope Patrick, sijaja kulipa kisasi na siwezi kulipa kisasi juu yako"

Patrick alikuwa bado na hofu, akatamani kuongea ila akashindwa na ule mzimu ukaendelea kusema,

"Kuna mengi unayotakiwa kufahamu Patrick, rudi kwenu na usipendelee kulala porini"

Halafu ule mzimu ukatoweka, Patrick akashtuka pale alipokuwa amelala na kujikuta akikimbia sana, alikimbilia mahali hata asipofahamu.



Maiko alifika Arusha akiwa na lengo moja tu kukutana na Mashaka.

Alipofika nyumbani kwake, aliingia moja kwa moja ndani, alienda kuangalia lile friji analohifadhia vitu vyake na kujikuta akiingiwa na huruma na kujiuliza kwanini alikuwa vile alivyokuwa.

Alienda chumba kingine na kujiandaa namna ya kukabiliana na Mashaka, alikuwa na hasira sana juu ya Mashaka.



Patrick alijikuta akikimbilia sehemu ya mbali sana, kulipokucha alijishangaa pale alipokuwa, akarudisha akili yake vizuri kwanza.

"Hivi naota au ni nini? Iweje mtu aliyekufa akanitokea na kuongea nami? Mbona mambo haya ya ajabu jamani. Ni vitu gani ninavyotakiwa kufahamu au ni kuhusu baba yangu? Mbona sielewi sasa?"

Akajikuta akijiuliza maswali mengi bila ya majibu na alikuwa ameshajichokea kwa kukimbia sana.



Deborah aliendelea kuwa na mawazo ila hayakumsaidia chochote. Kwanza alimuwaza Patrick, pia akamuwaza Maiko kwani mahusiano ya Maiko na Patrick tayari yalishamchanganya.

Kitu kingine ni vipi Maiko aliweza kuwachanganya wanawake wote wale na kuwatesa vilivyo.

Ikabidi amfate Fausta na kwenda kumuuliza, Fausta akawaambia kuwa angependa kuwaelezea wote ili wajue kwanini anamchukia Maiko na hawezi kumsamehe kamwe katika maisha yake.

Adamu nae akawa makini kumsikiliza kwani hata yeye alihitaji kujua ukweli wa kwanini Maiko anachukiwa vile.

Fausta aliamua kuelezea kwanza jinsi alivyo kutana na Maiko na vitendo ambavyo Maiko alimfanyia.



"Nilikutana na Maiko nikiwa bado msichana na si mmama kama hivi.

Maiko alikuwa na pesa sana na kuniambia kuwa ananipenda, sikujua kama pesa yake ilitumika kumnunua mwanamke yeyote amtakaye. Alinilaghai kwa pesa yake na kujikuta nikiwa kama mtumwa wake wa mapenzi sababu ya pesa, kipindi hicho niliishi nae Morogoro kwani alinipangia nyumba kubwa sana ya kuishi. Pamela hakuwahi kumjua Maiko kwani Maiko hakuwa mkaaji sana wa pale, alikuwa akija leo basi ataondoka kesho.

Nikapata ujauzito, nilipomwambia akanishauri nitoe na kusema kuwa nikishatoa vile vipande nimwambie daktari aniwekee sehemu nzuri ili nije kumkabidhi yeye, nilijua ananitania. Hatahivyo nilikataa kutoa ile mimba kwani sikutaka kufanya kitendo kama nilichofanya na mdogo wangu Pamela hapo kabla. Sikutaka ile kitu ijurudie tena katika maisha yetu kwani tulishatenda dhambi tayari ya kukitoa kiumbe kisicho na hatia.

Siku hiyo nikiwa sijui hili wala lile, alikuja Maiko na mtu mwingine pale nilipokuwa naishi, machale yakanicheza, nikatoka nje kwa muda na kutokomea moja kwa moja, nilienda kuishi kwa baba mzee Ayubu kwa muda kwani mimba yangu ilishakuwa kubwa, kumbe kitendo kile kilimchukiza sana Maiko.

Siku niliporudi kwenye ile nyumba nilikuwa tayari nimeshajifungua watoto wawili mapacha Tina na Thomas. Nikajua kuwa labda Maiko alichukia mimba ila atafurahia watoto.

Nilipofika pale nilikuta barua nyingi sana alizoacha Maiko, tena aliacha na pesa nyingi tu mule ndani huku akisema kuwa alichukizwa na kitendo cha mimi kutoroka ila yupo tayari kunisamehe.

Nilipoona vile nikaamua kumtumia ujumbe kuwa nisharudi na tayari nimejifungua ila sikumwambia kama nimejifungua mapacha kwa lengo la kumfanyia surplise.

Siku hiyo ambayo siwezi kuisahau, alikuja mdogo wangu Pamela pale nilipokuwa naishi ambapo na yeye alikuwa na mimba ila changa, aliniomba aondoke kidogo na mtoto mmoja akakae nae kwake japo siku mbili akamchangamshe, sikumkatalia kwani nae aliishi Morogoro kwa kipindi hicho na alimchukua Tina kwani Tina alikuwa mwepesi wa kukubali kushinda Thomas ambaye alikuwa akilia kila alipochukuliwa kwangu.

Pamela alipoondoka tu, huku nyuma alikuja Maiko bila hata ya taarifa yoyote ile.

Alinikuta nikimvalisha Thomas ambaye nilitoka kumuogesha, kufika pale nilifurahi sana na kumkaribisha.

Alipokuwa ndani alimnyanyua mtoto na kumbeba, sikumkatalia kwavile alikuwa mwanae ila sikujua kama Maiko ni mtu katili kiasi kile alichofanya, aliniambia kuwa amekuja kumchukua mwanae, mimi nikashtuka sana na kumkatalia kwa kumwambia kuwa mtoto bado mdogo angoje akue kwanza.

Akaniangalia kwa dharau kisha akasema,

"Huyu mtoto umemkatalia tumboni hadi ametoka bado wamkatalia!!"

Sikumuelewa kuwa alikuwa na maana gani kusema vile, alikuwa na begi mgongoni akafungua na kutoa pesa nyingi kisha akaziweka mezani na kuniambia kuwa nimuachie mtoto aende nae ila nikagoma kwani pesa si mtoto, nikashangaa gafla akimuweka yule mtoto chini na kutoa kamba kwenye begi lake kisha kunifunga mikono na miguu huku akiniziba mdomo kwa zile solotepu kubwa ili nisiweze sema chochote, mwanangu Thomasi alikuwa akilia sana, Maiko alitoa kisu kwenye begi lake na kumchinja yule mtoto mbele ya macho yangu bila hata huruma kwakweli sikuamini kabisa, nilijihisi kama niko ndotoni.

Maiko ni mume gaidi, ana roho mbaya iliyopitiliza sijawahi kuifikilia maishani mwangu roho ya namna ile. Maiko ni shetani tena yule shetani mwenye mapembe saba.

Akaona ile kumchinja haitoshi, akamkatakata vipande na kuweka kwenye mfuko na kutumbukiza kwenye begi lake kisha akaniambia

"Hii ndio dawa ya kiburi chako, siku nyingine ukiambiwa kitu na mtu mwenye pesa kama mimi tekeleza"

akaondoka na kunifungia mlango kwa nje, nyumba yote ilinuka damu ya mwanangu.

Kwakweli siwezi kusahau, nililia sana hadi kupoteza fahamu, hata niliposhtuka bado sikuamini, sikuweza kwenda popote kwani alinifunga pale chini.

Nashukuru Mungu, kesho yake alikuja Pamela nyumbani pale ambapo nae alikuwa na funguo za ziada za mule ndani, hakuamini kuniona pale chini huku damu nyingi zikiwa zimeganda pale ndani.

Nilimsimulia kilichonikuta na tulilia sana na mdogo wangu, tulienda kutoa taarifa polisi ila haikusaidia chochote kwani Maiko ni mtu ambaye sikumfahamu ndugu, jamaa wala rafiki yake hata mmoja. Tuliamua kuamua kuondoka kabisa eneo lile na kuihama Morogoro, tangia hapo ilikuwa nikienda Morogoro basi naenda kwa mzee Ayubu tu.

Niliona Tanzania ya uchungu na ndio kipindi hicho nikasafiri na kukaa muda mrefu bila ya kurudi, mwanangu Tina alilelewa na Pamela mdogo wangu"



Habari ile iliwasikitisha sana, Deborah nae alijikuta akilia kwa uchungu na kukumbuka mambo ambayo na yeye yalimtokea hapo nyuma akiwa kwa Adamu na akiwa kwa Maiko pia.

DEBORAH: Maiko sio mtu jamani, Maiko ni shetani. Mama umeyasikia hayo?

Bi.Rehema alikuwa akilia tu bila kuamini kama mwanae wa kumzaa mwenyewe anaweza kufanya kitendo kama kile alichosimuliwa.

Adamu akajikuta akimchukia Maiko sasa kwa kitendo alichomfanyia Fausta na vile alivyoambiwa na Tusa kuwa alimbaka.

ADAMU: Mama, nadhani mwanao Juma sio huo Maiko. Nadhani tuendelee tu kumtafuta huyo pacha wangu, siwezi kuwa na ndugu mwenye roho mbaya kiasi hiki.

PAMELA: Kumbuka na matendo yako pia Adamu, nadhani wewe na yeye mmetofautiana ila kumbuka ulichonifanyia kipindi kile Adamu kama kilikuwa sahihi.

DEBORAH: Hii familia ina makubwa sana, na huyu Maiko ni mtu mbaya sana kwenye ukoo wenu.

Kila mmoja aliwaza chake juu ya Maiko kwani hakufikiriwa kuwa kama binadamu wa kawaida.



Patrick akiwa eneo asilolitambua, anaamua kuuliza watu alipo ili aweze kurudi kwao.

Anamuona kijana mmoja akiwa amesimama kamgeuzia mgongo, akaenda kumshtua ili amuulize. Yule kijana kugeuka alikuwa ni Mporipori, wakajikuta wakitazamana na Patrick.

Mporipori hakuweza kumtazama zaidi Patrick ila alianza kumkimbia ili kumkimbia Patrick kwa kuhofia kipigo, Patrick aliamua kumkimbilia Mporipori kwa nyuma kwani aliona kuwa yeye ndiye mtu pekee atakayemsaidia ukizingatia pale alipokuwa karibia watu wote waliongea kilugha na hawakujua kiswahili.



Maiko akiwa Arusha, aliwaulizia vibaraka wake alipo Mashaka. Akaelekezwa mahali ambapo Mashaka yupo. Maiko alikuwa na hasira na Mashaka kwa kumsababishia amuue baba yake mwenyewe, huku Mashaka akiwa na hasira ya kusalitiwa na Maiko.

Wakati Maiko akimfata Mashaka, kumbe Mashaka nae alikuwa akimngoja kwa hamu mahali hapo.



Wakati Maiko akimfata Mashaka, kumbe Mashaka nae alikuwa akimngoja kwa hamu mahali hapo.

Maiko alipomuona Mashaka akamuangalia kwa jicho kali sana na kumuuliza.

MAIKO: Kwanini ulitoa oda ya kumuua mzee Ayubu?

MASHAKA: Ushajua kuwa Ayubu ni baba yako eeh!! Hata hivyo umemuua mwenyewe sababu mi nilitoa oda tu.

MAIKO: Shida yangu ni kujua, kwanini basi.

MASHAKA: Kwasababu nilikuwa simpendi, namchukia sana Ayubu.

MAIKO: Kwanini ulikuwa unamchukia?

MASHAKA: Kipindi yupo kwenye mahusiano na dadangu nilimkataza sana ila hakusikia hadi akampa mimba ndio wazazi wakaingilia kati halafu mi na yeye tushawahi kugombaniana mwanamke. Ila usisikitike sana, yule kaenda na sie tumebaki.

MAIKO: Hivi wewe Mashaka unajua umenipandikiza roho ya ajabu sana! Nimeua watu wengi kwaajili yako ila sasa sioni faida, nimeharibu familia yangu na kila kitu.

MASHAKA: Kuhusu familia hata mimi sina familia, nilikutegemea sana Maiko ila sikutegemea kama ungenisaliti.

Maiko alimuangalia sana Mashaka, alitamani amrarue ila aliona njia nzuri ni kumvizia kwani hapo Mashaka nae alikuwa na yake kwa Maiko.



Deborah na wengine wote wakawa wanasikitikia habari ya Fausta kwakweli iliwatisha na kuwasisimua sana, Deborah akafikiria mengi aliyotendewa na Maiko na kuona wote wana haki ya kumchukia Maiko.

Ikabidi wapange kikao cha familia kwajili ya kujadili kuhusu Maiko, ikabidi Deborah ampigie simu dada yake bi.Marium kuwa naye awepo kwenye kikao hicho ili aeleze alichotendewa na Patrick hadi kumchukia kiasi kile ambacho anamchukia.



Patrick aliendelea kumkimbilia Mporipori huku Mporipori nae akizidi kukimbia.

PATRICK: Tafadhari Mporipori simama, sina ubaya wowote na wewe.

Mporipori alikuwa na uoga sana juu ya Patrick, ikabidi asimame eneo lenye watu ili kama Patrick atahitaji kumdhuru basi wale watu waweze kumsaidia.

Patrick alimsogelea Mporipori na kumsalimia ila Mporipori alisita kuitikia.

PATRICK: Nisaidie ndugu yangu nimepotea.

MPORIPORI: Wewe unaomba msaada kwangu!!http://deusdeditmahunda.blogspot.com/

PATRICK: Ndio Mporipori naomba unisaidie.

MPORIPORI: Ningekufa je kule porini angekusaidia nani?

PATRICK: Ndiomana hukufa Mporipori ili uweze kunisaidia.

Mporipori alimuangalia sana Patrick na kuamua kumuelekeza, ila akamueleza njia isiyo sahihi ili kumpoteza tu.



Walikaa kwenye kikao na kuanza kujadili matendo ya Maiko ambayo amewafanyia.

Rehema alikuwa makini kusikiliza huku moyo ukimuuma sana kama mzazi.

Anna aliamua kuelezea na yeye hadi kuzaa na Maiko.

"Kuna kipindi nilienda kuishi kwa baba yetu mdogo aliyekuwa akiishi Arusha, huko ndipo nilipokutana na Maiko alinipa kila nilichohitaji, kwakweli nikajikuta nikimpenda sana.

Nikapata ujauzito, Maiko alipojua akanichukua na kunipeleka kwa daktari ambapo nilitolewa ile mimba kinguvu. Tokea hapo sikutaka tena kuendelea na Maiko ila akanitishia kuwa nikiachana nae ataniua eti kisa nimeshakula vitu vyake vingi.

Nikapata mimba nyingine, sikutaka kumwambia nikawa kimya kabisa.

Sikuweza kuendelea kuishi pale kwa bamdogo na ile mimba na huku Mwanza niliogopa kurudi na mimba wala mtoto.

Sikuwa na mahali pa kwenda, kama ilivyo kawaida mimba haina siri, tumbo likakua na kufanya Maiko agundue kuwa mimi ni mjamzito, akanilazimisha niende nae kule tulipotoa ya Mwanzo nikagoma akanipiga sana na kusema atanitoa tena kwa nguvu, bahati nzuri nilipata upenyo na kutoroka.

Niliomba msaada kwa watu wa usafiri hadi nikajikuta naingia Tanga.

Niliteseka sana na ile mimba hadi nilijikuta nikijifungulia njiani ila walipita watu wema na kunisaidia kunipeleka hospitali.

Nilipotoka hospitali sikuwa na pa kwenda,

kulikuwa na watu flani waliojitolea kulea watoto wasio na baba, nikaamua kumpeleka huko mwanangu na kumuacha akiwa na miaka miwili, mimi nikarudi Mwanza, sikusema ukweli kwani nilimjua shangazi lazima angechukizwa na kitendo cha mimi kuzaa bila ndoa.

Mara ya pili kumuona mwanangu alikuwa na miaka kumi na tano, nilifurahi na kushukuru kwa kulelewa mtoto, hawakuwa watoto wengi walioamua kuwalea pale ila nashukuru katika hao wachache na mwanangu alikuwa mmoja wao.

Ni siku hiyo aliponiuliza kuhusu baba yake nami nikampa picha ya Maiko, nikamwambia angoje kwanza atakapo pambazuka vizuri akili ndio amtafute.

Nikarudi tena Mwanza na kukutana na Maiko, sikujua alifata nini Mwanza ila alinikamata na kuniteka huko alinipiga sana kwa kusema kuwa ananifundisha adabu kwa kumkatalia mtoto wake, alinidadisi sana alipo ila sikusema.

Nilirudi nikiwa nimetenguka mkono na mguu kwa kipigo chake, ndio toka siku hiyo sijaonana nae tena hadi siku aliyokuja hapa"



Deborah alimuangalia sana Anna bila kummaliza.

DEBORAH: Kumbe uliposema umevamiwa na majambazi huyo jambazi mwenyewe ndio Maiko!!

ANNA: Maiko ni jambazi kweli.

PAMELA: Jamani, ngoja niulize swali. Huyo Maiko yeye hizo mimba changa anaenda kufanyia nini?

DEBORAH: Maiko ni shetani na huo ni ushetani mmoja wapo aliokuwa akipenda kufanya.

FAUSTA: Mi naona huyu Maiko akija tena atujibu, watoto wetu wachanga huwa anawafanya nini. Anakula nyama au anauza?

Rehema alishindwa kuelewa kama mwanae Maiko ni mtu wa kawaida kweli.



Patrick alijikuta njia aliyoenda nayo sio kabisa yani, alijiona kuzidi kupotea.

Kwa bahati akaliona gari la mkaa akalisimamisha na kuomba lifti.

Nia yake ni kufika mahali ambapo atapata uelekeo wa maana wa kurudi nyumbani kwao.

Moyoni alikuwa akijilaumu sana kwani mbio za kuukimbia mzimu ndio zilizomponza.



Maiko akamnyemelea Mashaka akiwa na lengo moja tu la kummaliza, ila wakati anamnyemelea Mashaka alishtuka na kugundua kitu.

Hapo hapo akaanza kupambana.

Mashaka na Maiko walikuwa katika mpambano wa hali ya juu yani kufa na kupona.



Yuda nae aliamua kumsimulia Sele kuhusu kichwa cha baba yao.

SELE: Dah! Yule Maiko anastahili kufa kwakweli. Simpendi hakuna mfano, yani kumkata baba yetu kichwa dah!!

YUDA: Ndo hivyo, ila dawa ya moto ni moto. Yule nae tumkate kichwa tena kichwa chake tukiache kiliwe na kunguru.

Wakaamua kwenda kwa mama yao mdogo ili kuangalia kama Maiko kaja tena na safari hii wakajipanga kwa ajili ya kupambana nae.

YUDA: Hakuna kumuachia akimbie.

SELE: Nina hasira nae sana yule jamaa.



Baada ya Anna kuelezea yake, Tusa nae akaamua kufunguka mambo aliyofanyiwa na Patrick na Maiko alivyokuwa Arusha.

Wakati Tusa anasimulia kila mtu alipigwa na butwaa na kushangaa kuwa hata Patrick waliyemuamini nae kumbe hafai.

Muda huo Patrick nae alikuwa amefika nyumbani kwao, kusogelea mlango akawa anamsikia Tusa akisimulia.





Muda huo Patrick nae alikuwa amefika nyumbani kwao, kusogelea mlango akawa anamsikia Tusa akisimulia.

Patrick roho ikamuuma sana kwani hakutaka mama yake ajue habari ile, akamuweka Tusa katika kundi la wanawake wapumbavu na wasio na akili, alibaki kusita pale mlangoni kwani hakujua sura yake itaangaliwa vipi atakapoingia ndani.

Akarudi nyuma na kutamani kuondoka hapo nyumbani kwao kwani vitendo alivyomfanyia Tusa wakati wapo Arusha hata yeye vilianza kumuumiza roho yake kwa sasa.

Akaanza kuondoka, wakati anapinda kona akakutana na Sele na Yuda ambao walikuwa wanakuja nyumbani kwao.

YUDA: Vipi Patrick?

PATRICK: Dah! Hakuna tatizo bhana, nyie nendeni tu.

YUDA: Ila mbona kama haupo sawa?

PATRICK: Aaah!! Ni Tusa bhana.

Sele kusikia vile hakutaka kuendelea kusikiliza ila alikimbia nakwenda moja kwa moja ndani kwani alihisi labda Tusa kapatwa na tatizo tena.

Patrick alizungumza kidogo pale na Yuda, halafu akaamua kuondoka.



Tusa aliendelea kuwaeleza namna ambavyo alitolewa mimba kinguvu na Patrick na jinsi ambavyo alikuwa akimfungia ndani hadi kubakwa na Maiko.

TUSA: Patrick alithubutu hata kuniingilia kinyume na maumbile bila ridhaa yangu.

DEBORAH: Mungu wangu, nini hiki!!! Yani Patrick ndio wa kufanya hayo mambo!! Dah.

Muda wote Deborah alionekana kusononeshwa tu na vitendo ambavyo aliambiwa kuwa Patrick amevitenda.

Tusa akaelezea pia alivyoteswa na wakina Maiko na kukombolewa na Patrick hadi kufika Mwanza.

Mara wakamuona Sele akiingia kwa kasi ya ajabu ndani.

MARIUM: Vipi na wewe?

SELE: Nilijua Tusa amepatwa na matatizo.

MARIUM: Kwanini?

SELE: Tumekutana na Patrick njiani anaondoka na akasema kuwa tatizo ni Tusa.

Deborah akashtuka sana na kujua kuwa kwa vyovyote vile lazima Patrick atakuwa amesikia mambo ambayo Tusa alikuwa akisimulia, ikabidi ainuke na kwenda nje ili akajaribu kumfatilia.

Wote mule ndani walibakia na mshangao kwani hawakuamini kama Patrick anaweza kufanya vitu alivyofanya kwa Tusa.

Ikabidi kikao kihairishwe na kupangwa tena kesho yake.



Pamela akamchukua mwanae Tusa na kwenda kuzungumza nae pembeni.

PAMELA: Pole sana mwanangu kwa yaliyokukuta.

TUSA: Asante mama, nimeshapoa.

PAMELA: Ila mwanangu tukiacha uovu wote huo ambao Patrick amekutendea ila inaonyesha anakupenda kwani alikukomboa.

TUSA: Hivi mama, kumbaka mtu ni upendo? Kumlazimisha atoe mimba ni upendo?

PAMELA: Sitayasemea hayo ila nadhani Patrick aliingiliwa na shetani wakati anayafanya hayo, Patrick anakufaa mwanangu usimchukie kiasi hicho. Yeye sio kama huyo Maiko wanayemsema.

TUSA: Mama, huyu Patrick hana cha kubadilika wala nini. Kama angebadilika basi asingenipulizia madawa wakati tuko hapa na kunibaka.

PAMELA: Inamaana hata wakati tuko hapa alikubaka?

TUSA: Ndio mama ila nilikaa kimya sikusema chochote.

Pamela alikuwa akitafakari mazuri na mabaya ya Patrick ili kuangalia wapi uzito umezidi.



Deborah akafata njia aliyopita Patrick bila ya mafanikio ya aina yoyote ile.

Deborah akaamua kurudi nyumbani kwake, alikaa chini na kumtafakari Patrick alivyokuwa wakati wa udogo wake.

"Alikuwa ni mtoto mchangamfu na mjanja, alikuwa mtundu sana ila ukimkataza anaelewa. Alipenda sana ibada, hakumchukia yeyote, alimpenda kila mtu. Alipokuwa na tatizo alinieleza, nilimpatia chochote alichotaka ilimradi afurahi. Kwanini Patrick umebadilika mwanangu!! Hivi hii ndio ahadi uliyoniahidi wakati mdogo kuwa utanisaidia!! Patrick, kwanini umebadilika baba?"

PAMELA: Usiwaze sana Deborah, kila mwanadamu na mapungufu yake na mara nyingine shetani hupitia kati.

DEBORAH: We acha tu Pamela.

PAMELA: Tusa ni mwanangu, na imeniuma sana kunielezea alichokuwa anafanyiwa na Patrick. Ila kwa upande mwingine Patrick ni mtu mwema, anahitaji kusamehewa tu ni shetani aliyempitia.

DEBORAH: Shetani mwenyewe si mwingine bali ni Maiko, huyu jamaa ndiye aliyemuharibu Patrick.

PAMELA: Ni kweli Deborah, Patrick si mtu mbaya.

Pamela aliendelea kumpa moyo Deborah.



Tulo aliyeachwa porini na Patrick, alipata msaada kutoka kwa wakata kuni kule porini. Walimuhurumia sana kwani alikuwa amevimba na kutokwa na damu sehemu nyingi sana.

Wale watu walimchukua na kumuhudumia ili aweze kupona na kurudi katika hali yake ya kawaida.



Maiko aliendelea kupambana na Mashaka hadi wakachoka wote wawili.

Maiko akamkaba Mashaka sasa, na Mashaka nae akawa anamzuia Maiko kumfanyia vile kwahiyo alikuwa amekazana kuitoa mikono ya Maiko. mashaka alikuwa akiongea kwa shida.

"Tafadhari Maiko naomba nikwambie kitu cha ukweli."

Maiko akaamua kumuachilia amsikilize, ila akachukua bastola yake na kumuelekezea Mashaka ili asikimbie.

MASHAKA: Nina mengi ya kuzungumza Maiko, unatakiwa uyajue mambo mengi sana. Ila je utajiri wote tuliousumbukia miaka yote mwisho wake ndio huu?

MAIKO: Huu utajiri si wa halali, na ubaya zaidi tumeua watu wengi sana wasiokuwa na hatia.

MASHAKA: Ni kweli, na je ukinimaliza mimi utakuwa umemaliza tatizo?

MAIKO: Sitaki maswali Mashaka, wee sema tu unachotaka kusema.

MASHAKA: Sawa mimi si baba yako Maiko ila pia ni mjomba wako. Kumbuka hilo kuwa mimi bado ni ndugu yako.

Maiko aliona Mashaka anataka kumpotezea muda tu.



Marium alipokuwa kwake akaamua kuongea vizuri na mwanae Sele.

MARIUM: Sele mwanangu, leo nimeamua kurudia tena Sele. Tusa hakufai.

SELE: Jamani mama, Mimi nampenda sana Tusa.

MARIUM: Hakufai mwanangu, Tusa amekuwa kopo tena kopo la jalalani hafai hata kidogo.

SELE: Mama, usiseme hivyo bhana.

MARIUM: Mimi ni mama yako Sele usije kusema kuwa hatukukwambia. Tusa ashaingiliwa na wanaume wengi sana, muachie huyo Patrick anayemng'ang'ania ila kwa wewe hakufai mwanangu.

SELE: Nampenda sana Tusa mama.

MARIUM: Sijui umerogwa wewe, hebu kaa chini nikusimulie kwanza aliyofanyiwa Tusa wakati yupo Arusha.

Marium akaanza kumueleza Sele yale mambo waliyosimuliwa na Tusa.



Patrick alikosa raha na kujiuliza kuwa kwanini Tusa ameamua kufanya vile, hakuelewa kwanini Tusa aliamua kuelezea mambo yao ya Arusha.

"Nitamuangaliaje mama mimi, mama atanionaje mwanae? Kuwa nimekuwa mtu mbaya!!"

Patrick alitafakari sana na kuamua kukodi chumba hotelini atacholala kwa siku hiyo huku akiendelea kutafakari jinsi ya kumueleza mama yake.

Akiwa hotelini amelala, mzimu wa mzee Ayubu ukamtokea tena.



Akatokewa na mzimu wa mzee Ayubu.

Patrick akaanza kuogopa tena ingawa alikuwa ndotoni.

"Usikimbie kwenu Patrick, rudi nyumbani ukakabiliane na tatizo. Kukimbia tatizo sio suruhisho la tatizo, unatakiwa ulikabili tatizo"

Halafu akapotea, Patrick aliogopa sana na kushtuka, akaamua kukaa sasa pale kitandani akijadili na akili yake.

"Kwanini huyu mzee anapenda kunitokea? Je, anataka nikaseme ukweli kuwa nahusika na kifo chake mmh!! Mama yangu je atanionaje??"

Patrick akajiuliza sana ila akaona itakuwa vyema kama kesho yake atarudi tena kwao.



Tangu siku Mwita alipoona wanafamilia wameamua kukaa kikao na kujadili maovu ya watu, akajua lazima na yeye atajadiliwa kwahiyo aliamua kuondoka pale kwa Deborah.

Mwita nae aliona ukoo wake haufai ukizingatia kila shutuma zilimuhusu baba yake mzazi, akaona sasa hali si shwari kabisa ukizingatia yeye ni mwanausalama na mambo aliyofanya babaye ni makubwa sana.

Alijikuta akienda kulala hotelini kwa muda ila kumbe alipanga hoteli moja na aliyopanga Patrick.



Deborah aliendelea kumuwaza mwanae Patrick, alijikuta akitokwa na machozi kwani alihisi labda Patrick ameondoka moja kwa moja na hatorudi tena kutokana na yale maneno, kwani alimjua mwanae ni mtu wa hasira sana haswa akihisi mama yake amemchukia.

Debora akawa anajisemea,

"Nakupenda mwanangu, rudi nyumbani"

Pamela aliyekuwa pembeni alimsikia na kumfata.

PAMELA: Atarudi tu Deborah, hata usiwe na shaka. Ukizingatia Patrick ni mtu mzima sasa.

DEBORAH: Mtoto ni mtoto Pamela, haijalishi ukubwa wake. Patrick amekuwa mwanangu kwa muda sasa, nimepata nae tabu na shida ila sikumtupa kwani nilimuona kama vile ni faraja yangu kwa kipindi kile kigumu cha maisha yangu.

PAMELA: Sawa Debo, ila atarudi tu. Unapataje mashaka kwa mtoto mkubwa kama Patrick jamani!!

DEBORAH: Pamela hujui uchungu wa kupoteza mtoto ndugu yangu, ukiujua uchungu huo utasema.

PAMELA: Inamaana hata uchungu wa kuzaa si uchungu?

DEBORAH: Kuzaa ni kuchungu sana ila unafarijika pale kuona uchungu wa kuzaa kwako umefutwa na mtoto uliyempakatia. Kupotelewa na mtoto inauma sana, kufiwa ndio kabisa asikwambie mtu. Hata nawashangaa wanawake wenzetu wanaotupa vitoto walivyovizaa wenyewe.

PAMELA: Ugumu wa maisha hufanya hiyo kitu, hakuna mwanamke anayependa kumtupa mtoto wake.

Pamela nae akawa anatoa machozi.

DEBORAH: Inamaana unawatetea watoa mimba na watupa watoto? Nadhani utakuwa umepitia humo kwenye ujana wako ndomana machozi yanakutoka. Kupenda usichana wakati ushakuwa mama ni kubaya sana, ukishakuwa mwanamke hunabudi kuwa mama.

PAMELA: Na kwa wale wasiozaa je!

DEBORAH: Sikia Pamela, haijalishi mtoto umemzaa au hujamzaa ila ukimlea kiukamilifu na kwa mapenzi mema mtoto yule atakupenda tena atakupenda kushinda hata mama yake mzazi. Mama mlezi naye ni mama, mwanamke yeyote anatakiwa kuwa mama kwa mtoto aliyembele yake. Kubagua watoto ndio kunakofanya tusiheshimiane wakubwa kwa watoto, ila ukijiweka kama mama mbele ya mtoto yeyote itakufanya uweze kumsaidia hata pale anapopatwa na tatizo wakati wowote hata kama mama yake mzazi hayupo.

PAMELA: Umenifundisha kitu Deborah, ningempenda Sele kama mwanangu na kumwelewa basi yote haya yasingetokea. Ila nilimdharau sana na kumchukia.

DEBORAH: Hunabudi kumuomba msamaha hata kama ni mtoto kwako kwani chuki na dharau si kitu kizuri mbele ya mwanadamu mwenzio.

Pamela akakubaliana na Deborah kuwa kesho yake atamuita Sele ili aweze kuzungumza nae na kumuomba msamaha.



Kesho yake wakati Patrick anatoka kwenye chumba chake, Mwita nae alikuwa anatoka.

Wakajikuta wapo wote kwenye ngazi wanashuka, wakaangaliana na kusalimiana.

PATRICK: Natumaini yale yaliyotokea kati yetu yameisha.

MWITA: Yote yameisha Patrick.

Kwa kuonyesha kuwa yameisha, ikabidi waende mahali kukaa na kupata supu pamoja kama kifungua kinywa.

MWITA: Unajua nini Patrick, hakuna kitu kinachoniuma kama kumtendea vile Tusa. Nilikaa mule ndani hata kumtazama Tusa mara mbili mbili sikuweza na kumbe Tusa ni dada yangu dah inaniuma sana.

PATRICK: Mara nyingi watu hufanya mambo bila kufikiri, kama baba yako nae Maiko, alikuja kwangu na kumbaka Tusa kwa lengo la kunikomesha mimi kumbe alikuwa akimtesa mwanae nadhani hata yeye hilo swala linamuumiza.

MWITA: Ni kweli, hata mimi nilifanya vile kwa lengo la kumpiku Sele kumbe namtesa dada yangu.

PATRICK: Unajua mimi mwanzoni kabisa wakati namfahamu Tusa kupitia mtandao wa facebook, nilikuwa naona jamaa yake anafaidi sana ukizingatia Tusa alikuwa haachi kumtaja Sele kila unapojaribu kutupia ndoano kwake ndomana nikatumia gharama kubwa sana kumpata Tusa. Ila badae nilitekwa na mapenzi, nilitaka Tusa anione mimi kama huyo Sele aliyekuwa akimtajataja ndomana nikafanya kila njia kumuweka Tusa karibu bila kujua kama zile njia zilimuathiri Tusa kiasi gani na bila kujua kama Sele aliyetajwatajwa ni ndugu yangu.

MWITA: Mmh!! Sasa ulivyogundua kuhusu Sele ulichukua hatua gani?

PATRICK: Sikia Frank, Tusa nilishafunga nae ndoa kwahiyo hata nilipogundua kuwa Sele ni ndugu yangu na kuwa mimi na yeye tumegombea mwanamke mmoja sikuwa na la kufanya kwakweli na kumuacha Tusa siwezi ukizingatia nishamuharibu sana.

MWITA: Sasa Sele yeye anaichukuliaje hiyo hali?

PATRICK: Muda mwingine anakubaliana nayo na muda mwingine anahitaji kurudiana na Tusa hata namshangaa utafikiri wanawake wameisha duniani! Kwakweli mtindo wa kumgombea mwanamke mmoja siupendi ila namgombea Tusa sababu nishamuharibu na kumuumiza sana.

MWITA: Mmh! Khatari, je Tusa anakupenda sasa?

PATRICK: Haijalishi ananipenda au hanipendi ila mimi ni mume wake tu.

MWITA: Ila usisahau kwamba Sele naye anamgombea Tusa sababu wanapendana.

PATRICK: Aaargh! Tuachane na habari hizo bhana, ngoja tuzungumze mengine ya maana.

Wakakubaliana kurudi nyumbani ili kuweza kukabiliana na kile ambacho kinatokea.



Mashaka alimuomba Maiko karatasi na peni ili aweze kuandika anachotaka kuandika.

Maiko akamkabidhi daftari kabisa.

MAIKO: Haya, andika humo hayo matapishi yako.

MASHAKA: Usijari Maiko, mimi leo naandika ila kesho wewe utasema.

MAIKO: Sina cha kusema mimi.

MASHAKA: Utayasema tu maovu yako yote uliyoyatenda, mimi leo nitaandika maovu yangu yote niliyoyatenda na kwanini nimeyatenda. Ila wewe utasimama na kuyasema maovu yako kwani mengi yapo wazi na ubaya ni kuwa karibia wote uliowatendea wanakujua. Nakuhurumia sana Maiko.

MAIKO: Jihurumie wewe na nafsi yako, tena usiendelee kujiongelesha nisije nikafyatua huo ubongo wako, endelea kuandika hapo.

Muda wote Maiko alikuwa ameshika bastola kwani alikuwa na uchungu sana na Mashaka haswa kwa kitendo cha yeye kutumwa kwenda kumuua baba yake mwenyewe.



Sele alimuaga mama yake kuwa ameitwa na Pamela kwaajili ya mazungumzo.

MARIUM: Mwanangu narudia tena kukwambia, swala la wewe kurudiana na Tusa lipoteze kabisa. Tusa si mwanamke wa kuoa tena.

SELE: Jamani mama!

MARIUM: Ndio hivyo. Tusa ni kopo mwanangu hafai kabisa. Sitaki kabisa umuoe huyo binti, sitaki umrudie hata kama Patrick akisema mrudiane. Tafuta mwanamke mwingine atakayekufaa lakini sio Tusa.

Sele akaondoka nyumbani kwao na kuelekea nyumbani kwa Deborah.



Tulo alipopata unafuu aliwashukuru sana wale watu waliomsaidia na kuomba kurudi mjini ili aweze kurudi kwao Arusha.

Alifika mjini salama na kuanza safari ya kwenda stendi kukata tiketi ya kurudi Arusha kwani aliona mji wa Mwanza haumfai tena.



Tusa na Tina walichukuzana siku hiyo ili kwenda magengeni kutafuta udongo ambao Tina alikuwa akiuhitaji kwa sana.

Wakiwa njiani wakakutana na Tulo aliyeonyesha akimtambua Tina.

TULE: Kheee Tina!!

Mara gafla Tina akapatwa na kizunguzungu na kuanguka.





Mara gafla Tina akapatwa na kizunguzungu na kuanguka.

Ikabidi Tulo na Tusa waanze kumpa huduma ya kwanza.

Baada ya kumpatia huduma ya kwanza Tina akazinduka ila kabla hawajafanya chochote akazimia tena.

Ikabidi waombe msaada wa kumuwaisha hospitali, walipofika hospitali ikabidi Tusa aamue kwenda nyumbani ili kutoa taarifa ya kuanguka na kuzidiwa kwa Tina.

Akaamua kumuacha Tulo pale hospitali akiendelea kutoa maelezo huku yeye akichukua uamuzi wa kuwahi nyumbani kutoa taarifa ingawa hakumuelewa Tulo vizuri.



Sele alikuwa amefika nyumbani kwa Deborah kwaajili ya wito ambao ameitiwa na Pamela.

Aliwakuta wote kasoro Tina na Tusa.

Baada ya salamu akaamua kumuulizia Tusa kwanza.

SELE: Kwani Tusa yuko wapi?

PAMELA: Tusa katoka kidogo na Tina, ila ngoja tuzungumze yetu hapa.

SELE: Ila mama, mmewaacha vipi watoke peke yao wakati wote ni wagonjwa wale?

PAMELA: Tusa kapona bhana.

Mara wakamuona Tusa akirudi mwenyewe, mama yake akamuuliza kwa mshtuko alipomuacha Tina, ikabidi awaeleze ilivyokuwa na Tina alipo, wakashangaa kusikia yale maelezo.

Wakaamua kwenda huko hospitali kuona anaendeleaje. Ikabidi waondoke nyumba nzima kasoro bi.Rehema ambaye waliona kuwa itakuwa ni vyema kumuacha nyumbani.



Walipofika pale hospitali ambapo Tusa alimuacha Tina na Tulo hawakuwakuta wote wawili.

Hofu ikawatawala sasa, Tusa ndio hakuelewa chochote.

Wakajaribu kuulizia ila hawakupa jibu la maana.

FAUSTA: Tusa, una uhakika kweli kuwa Tina umemuacha hospitali hii?

TUSA: Ndio, nilimuacha hapa na kijana mmoja hivi aliyeonyesha kumjua Tina vizuri.

PAMELA: wewe huyo kijana unamfahamu?

TUSA: Hapana mama simfahamu.

PAMELA: Mbona unaakili mbovu mwanangu? Si unajua kuwa hapa Mwanza kuna watekaji! Iweje unamuacha mwenzio na mtu usiyemfahamu. Kama kamteka je?

TUSA: Unanilaumu bure mama, mimi nilichanganyikiwa.

PAMELA: Kuchanganyikiwa gani huko, yani Tusa hauko makini kabisa wewe.

Fausta nae akahisi kuchanganyikiwa kabisa kwa kutotambulika mwanae alipo, lawama zote zikamuendea Tusa.

SELE: Mnamkandamiza Tusa bure tu wakati mnatambua kuwa na yeye alikuwa hoi siku chache tu zilizopita.

PAMELA: Hata kama ila ana wajibu wa kutupa maelezo ya kutosha juu ya alipo Tina.

Walikuwa wakibishana tu bila ya maelewano kwani hakuna aliyeelewa alipoenda huyo Tina.

PAMELA: Na huyu Tusa anatuletea kiwingu tu bora arudi nyumbani na sisi tuendelee kumtafuta huyo Tina.

DEBORAH: Sele, basi wewe ndio urudi na Tusa nyumbani ngoja sie tujaribu kuulizia hospitali zote za hapa.

Sele akaamua kuondoka na Tusa.

Adamu ndiye aliyebaki na wale wanawake watatu katika kumtafuta Tusa



Mashaka na Maiko waliendeleza yale majibizano yao huku Mashaka akiendelea kuandika ule ujumbe wake, alipomaliza akauweka pembeni na Maiko akaenda kuuchukua ikawa muda huo huo ambapo Mashaka akamgeuka Maiko na kumpokonya ile bastora kisha akamdhibiti yeye.

MASHAKA: Ila mimi sina nia ya kukumaliza kama wewe ambavyo unataka kufanya.

MAIKO: Nia yako nini wewe?

MASHAKA: Nia yangu ni kukudhibiti ili niweze kufanya yangu.

Alipomaliza kunena hayo Mashaka alitoka kinyumenyume na kuondoka.

Na safari yake ilikuwa ni kurudi tena Mwanza, nia yake ni kuonana na dada yake tena kabla ya kufanywa chochote na Maiko au Patrick.

Aliamua kufanya safari ya haraka kwa kutumia usafiri wa ndege, kwavile alikuwa na pesa bado kwahiyo haikuwa tatizo kwake katika swala la kusafiri na ndege.



Yuda na yeye aliondoka kwao kama alivyofanya Sele ila yeye alienda mjini kwa mambo yake tu.

Ndipo alipomuona Tina akiwa anakokotwa na kijana mwingine ila alipomuangalia vizuri akamtambua kuwa yule ni mfanyakazi wa Maiko na Mashaka kwahiyo aliamua kumfatilia nyumanyuma ili ajue wanapoelekea.



Tusa na Sele walirudi nyumbani, Deborah aliamua kuwa Tusa arudi na Sele kwaajili ya usalama wa Tusa kwani aliona akili ya Tusa kuwa kama akili ya mtu aliyechanganyikiwa.

Walipofika nyumbani ikabidi Sele amuhoji vizuri kwanza.

SELE: Tusa, una uhakika kuwa hospitali mliyompeleka Tina ndio ile?

TUSA: Mara ngapi niseme jamani? Nashangaa hamniamini, nishawaambia kuwa kweli ni hospitali ile.

SELE: Tusa, usifikirie vibaya bhana ni kwamba tunahitaji uhakika tu. Sina nia ya kukukandamiza wala nini.

Tusa akashangaa kuona bi.Rehema hatoki ndani kuwauliza ikabidi aende kumuangalia ila alimtazama kote bila ya mafanikio.

TUSA: Sele, simuoni bibi. Atakuwa ameenda wapi?

Sele nae akaingia ndani kumsaidia Tusa kumtafuta bi.Rehema ila hakuwepo.

SELE: Au ameenda dukani?

TUSA: Dukani kufanya nini? Huwa haendagi.

SELE: Mmh! Atakuwa wapi sasa?

TUSA: Labda kweli ameenda dukani, hebu tungoje kidogo kama atarudi.

Ikabidi wavute subira kidogo kuangalizia kama bi.Rehema atarudi.



Wakina Deborah ikabidi wagawane katika kumtafuta Tina, ikabidi wawili waende upande huu na wawili upande mwingine.

DEBORAH: Nadhani itakuwa vyema kama Adamu ukifatana na Fausta halafu mimi nikifatana na Pamela. Ila uwe makini sana safari hii.

Wakiwa wanaendelea kujadili, Fausta akamuona kijana ambaye alikuwa anamfahamu na kuanza kumuita.

FAUSTA: Tulo, Tulo.

Tulo akageuka na kutazama nani anamuita kwani safari yake ilikuwa ni kuingia ndani ya hospitali hiyo.

Tulo akamfata muitaji na kuwasalimia.

FAUSTA: Khee! Unafanya nini huku?

TULO: Tena bora nimekuona mama, nilipokuwa njiani nilikutana na Tina na mwenzie mmoja hivi ila Tina akaanguka...

Fausta hakungoja amalize, aliamua kumuuliza haraka.

FAUSTA: Yuko wapi huyo Tina?

TULO: Yupo hospitali ya chini hapo.

Ikabidi waanze safari ya kwenda nae huko hospitali.

DEBORAH: Sasa mbona Tusa alituonyesha hospitali ile?

TULO: Ni kweli tulifikia pale na Tusa akaja kuwaambia ila huduma pale ni mbovu, kuna mtu akatushauri twende pale chini kwahiyo nimempeleka Tina pale na kashafanyiwa vipimo ndio nikaja huku kumuangalia Tusa kama amerudi ili nimpe taarifa.

PAMELA: Hakuna tatizo ili mradi tumewapata.

Wakaenda hadi kufika hospitali.



Patrick na Mwita wakaongea mengi na kukubaliana kurudi nyumbani.

MWITA: Kama ulivyosema Patrick, kukimbia sio muafaka bora kurudi tu na kukabiliana na tatizo.

PATRICK: Ndio hivyo, bora kuwa nyumbani kwanza mengine yataeleweka tukifika.

Wakachukua usafiri na kwenda nyumbani.



Anna nae aliamua kwenda nyumbani kwa Marium ili kuzungumza nae kuhusu mambo yanayojiri.

ANNA: Hivi unaelewa kinachotokea kweli dada yangu?

MARIUM: Hata sielewi yani sielewi kabisa na huyo mwanangu Sele ndio ananichanganya zaidi.

ANNA: Kwani amefanyaje?

MARIUM: Nahisi amerogwa maana kule sio kupenda jamani, atakuwa amerogwa tu.

ANNA: Acha imani mbaya dada, amroge nani bhana?

MARIUM: Amerogwa na ule ukoo, kwanza haueleweki halafu yeye amekazana kung'ang'ania itabidi nimtafute mganga wa jadi nikaulizie kwanini mwanangu yuko vile.

ANNA: Utajisumbua tu dadangu, mapenzi hayaingiliwi na wala hayashauriki.

Ila Marium hakutaka kabisa kukubaliana na dhana kuwa yale ni mapenzi tu, alihisi lazima kutakuwa na kitu cha ziada.



Tusa akawa anajilalamisha kwa Sele kuwa lazima lawama zote atapewa yeye tu.

TUSA: Yani na huyu bibi asiporudi, basi mimi tu ndio nitaonekana mbaya siku zote utadhani mimi ndio mpangaji wa haya.

SELE: Usijari Tusa, yote haya yatapita na wote watarudi nyumbani.

TUSA: Ila Sele unajua kuwa mimi sistahili tena kuwa na wewe? Ila pia sitaki kuwa tena na Patrick.

SELE: Achana na hizo habari kwanza Tusa. Mimi bado nakupenda na nitakupenda siku zote za maisha yangu ila kwasasa sinabudi kukubaliana na ukweli kuwa wewe ni mke wa ndugu yangu.

TUSA: Roho inaniuma sana, najiona mkosaji siku zote sijui kwanini mimi. Ila kwa yote bado wewe unaonyesha kunipenda na kunijari.

Tusa akaenda na kumkumbatia Sele, muda huo Patrick na Mwita nao wanaingia ndani.



Tusa akaenda na kumkumbatia Sele, muda huo Patrick na Mwita nao wanaingia ndani.

Patrick aliwatazama kwa jicho kali sana na wote wawili wakashtuka.

PATRICK: Mnashtuka nini? Endeleeni.

Sele na Tusa wakabaki kutazamana tu.

PATRICK: Hivi Sele, kwanini hupendi kunielewa? Nikikufanya chochote nitakuwa nimekuonea? Je upo tayari kufa kwa mapenzi?

Sele akabaki kimya huku akimsikilizia Patrick ambaye teyari alishakuwa na hasira.

Patrick akamsogelea Sele na kumpiga ngumi moja ambayo ilimpeleka hadi chini, Tusa akamfata Sele pale chini na kumuinua.

SELE: Halafu wewe jamaa sio kabisa yani huulizi wala nini unafikia kupiga tu sio vizuri bhana.

PATRICK: Sio vizurh eeh!! Haya Tusa muachie huyo mtu wako.

Tusa akabaki amemshika mkono Sele tu, sasa Patrick akaongea kwa ukali.

PATRICK: Nimesema muachie.

Tusa akatetemeka na kwenda pembeni.

Patrick akataka kumpiga tena Sele, Mwita akamsihi asifanye hivyo.

SELE: Mwache anipige bhana si kashazoea kutumia mabavu bila hata ya kujua nini tatizo.

PATRICK: Unajua Sele nitakuumiza wewe, sipendi tugombane ila wewe ndio unahitaji tugombane. Kuanzia leo, sitaki kukuona karibu na Tusa, hiyo ni amri na wala sio ombi.

Halafu Patrick akaenda chumbani kwake na kumuacha Mwita, Sele na Tusa pale sebleni.



Tina alipokuwa pale hospitali alipopelekwa na Tulo, baada ya Tulo kuondoka Tina akafatwa na Yuda.

YUDA: Tuondoke mahali hapa, hapakufai. Yule mkaka aliyekuleta ni mfanyakazi wa wakina Maiko.

TINA: Hapana Yuda, yule Tulo ni mtu mzuri tu na amekwenda kuwaita ndugu zangu.

YUDA: Tina, mi namjua yule hafai kabisa. Ni mtu mbaya, ni mfanyakazi wa wakina Maiko. Tuondoke hapa.

TINA: Hapana Yuda. Yule si mtu mbaya.

Yuda hakuelewa kuwa Tina anamjulia wapi Tulo na kwanini anamkatalia kile ambacho yeye anamwambia kuwa anamjua huyo Tulo.

YUDA: Ila basi kwa usalama wako tumuombe nesi akuweke sehemu nyingine ya mapumziko kwa muda, halafu mimi nitakuwa hapa kuangalia kama akija na ndugu zako niwalete.

TINA: Wasi wasi wako tu Yuda, ila ngoja tufanye usemacho.

Wakamuomba nesi naye akambadilisha chumba cha mapumziko.



Tulo alipofika pale alipomuacha Tina hawakumkuta na wote kushangaa.

ADAMU: Michezo gani ambayo mnatufanyia jamani!!

TULO: Jamani nilimuacha humu kweli, ngoja tuwaulize manesi.

Tulo akaenda kuuliza manesi na huku akafika Yuda na kuwaambia alipo Tina, ilibidi Fausta aulize kuwa tatizo ni nini.

YUDA: Sio mtu mzuri yule.

Wote wakabaki wanatazamana.

Yuda akaanza kuwaongoza alipo Tina na wao kumfuata ila Tulo nae alipowaona akaamua kuwafuata.



Bi.Rehema ambaye alikuwa mikononi kwa Mashaka sasa akakumbuka kuwa mara ya mwisho alikuwa nje.

MASHAKA: Sina nia mbaya dada, ila shida yangu ni kukiri kila jambo ambalo nilitenda kabla.

REHEMA: Kama nia yako ni nzuri, mbona ukaniteka sasa?

MASHAKA: Sikutaka wanione kwanza, najua wapo wenye hasira kali sana na mimi ingawa hawajawahi kuniona nikitenda huo uovu.

REHEMA: Hebu niweke wazi nijue, mwanangu tangia ameondoka pale nilipofikia hajaja tena je uko nae?

MASHAKA: Yeye yupo Arusha, mimi nataka nikiri mbele yako dada. Wewe ni ndugu yangu pekee uliyebaki, wote wameteketea sababu yangu.

REHEMA: Mmh!! Nitaweza kukusikiliza mwenyewe kweli mambo makubwa kama hayo ya kuteketeza ndugu wote? Naomba twende tukazungumze na hawa wachache waliobaki, kila mwanadamu ana haki ya kusamehewa najua hata wewe utasamehewa.

MASHAKA: Sidhani kama itakuwa rahisi hivyo.

REHEMA: Usijari mdogo wangu, kwani mimi umenifanyia mangapi mabaya na makubwa? Mbona nimekusamehe sasa, usiwe na shaka wote watakusamehe.

Bi.Rehema alikuwa akimvuta Mashaka kwa maneno ili aweze kuwa karibu nao ila kiukweli bado alikuwa na hasira kali sana dhidi ya Mashaka.



Wakaenda na kumuona Tina aliyekuwa katika mapumziko, wakati wanazungumza nae mara Tina akaanza kulalamika tumbo linamuuma, kuja kuinuka akawa amelowa damu.

Ndipo manesi wakaitwa na kuanza kumshughulikia huku ndugu zake wakiwa nje.

Badae wakaja kuambiwa kuwa mimba ya Tina imetoka, walimuhurumia Tina ila ile ikawa ni habari njema kwani aibu ambayo ingepatikana kwa mtoto ingekuwa ni kubwa sana.

DEBORAH: Kweli Mungu mkubwa, bora tu hiyo mimba imetoka.

FAUSTA: Ndio afadhari, nadhani sasa mwanangu ataishi kwa amani.

Wakatulia kungoja muda ambao Tina ataruhusiwa ili warudi nae nyumbani.



Patrick alitoka tena sebleni na kuhitaji kuzungumza na Tusa hivyo Sele na Mwita wakaamua kutoka nje kwani Tusa aligoma kwenda kuzungumza na Patrick chumbani kwake.

PATRICK: Hivi wewe Tusa unataka upendwe vipi? Unajua mambo mangapi nimefanya kwaajili yako? Hivi kweli mema yangu yote huyakumbuki? Yani wewe unakumbuka mabaya tu!

TUSA: Sio hivyo Patrick.

PATRICK: Hivi kweli isingekuwa hivyo, ungethubutu kukaa na umati wote ule humu ndani huku ukizungumza mabaya yangu? Ukafurahi sana kuzungumza maneno yale ulitaka wanione vipi?

Tusa alikuwa kimya tu kwani alikosa cha kujibu.

PATRICK: Eti alikuwa ananilazimisha mapenzi, sijui aliniingilia kinyume. Sasa hayo yanawahusu nini? Hata kama nilikulazimisha mapenzi wewe ni mke wangu na nina haki ya kupata penzi toka kwako.

TUSA: Una haki ndio ila si kwa kunilazimisha.

PATRICK: Hivi wewe Tusa lini umekubali kwa hiyari yako kunipa penzi? Lini? Ningekuwa nangoja ukubali haja zangu ningemalizia wapi wakati wewe upo! Halafu swala la kinyume unajua kabisa chanzo kilikuwa ni nini, hivi ni mwanaume gani atakayeweza kuishi na mkewe bila ya kufanya chochote ndani? Wewe ungekuwa mke au picha tu?

TUSA: Na kunitoa mimba kinguvu je?

PATRICK: Tumia akili Tusa, uliondoka na mimba yangu ukaenda na kuitoa halafu unakuja kwangu na mimba ya mwanaume mwingine ukitegemea mimi nilee! Mi sio mpumbavu kiasi hicho, ungekuwa hujawahi kutoa kweli hilo lingekuwa tatizo langu ila ulishatoa mimba kabla ulitegemea nini?

TUSA: Na kunipiga je?

PATRICK: Mwanamke yeyote jeuri dawa yake ni kipigo tu, Tusa wewe ni jeuri na kiburi. Ulitaka nikulee kama yai kuwa utavunjika? Kwangu ukileta ujeuri utasubiri dawa yako ya kipigo.

TUSA: Na kunifungia ndani je?

PATRICK: Na ule urembo wako wa kipindi kile ningekuachia vipi utembee nje? Ulitaka wajanja wa Arusha waniibie eeh!! Kwasasa nikienda nawe siwezi kukufungia ndani tena kwanza umeshachoka na huna urembo tena na mvuto wako wa mwanzoni wote umepotea. Tena ushukuru Mungu kuwa mimi bado nakujali mwanamke uliyechoka kama wewe.

Tusa alijisikia vibaya sana na machozi yakawa yanamtiririka kuona kuwa Patrick anaona kila alichomfanyia mwanzoni ni sawa.

PATRICK: Tena ngoja nikwambie, hata huyo Sele anayekufata hapa usifikiri ni mapenzi bali anakufata kwa kukuhurumia tu.

TUSA: Kwani mimi kosa langu ni nini jamani?

PATRICK: Kosa lako ni tamaa, tamaa ya mali, magari na pesa na tamaa waliyonayo wazazi wako haswaa mama yako.

Tusa akawa analia huku akikumbuka mambo ya nyuma, alimkumbuka Sele ambapo alipokuwa analia alikuwa akimbembeleza ila Patrick hakuwa hivyo na wala hakufanya hivyo.

TUSA: Kweli Patrick wewe una roho mbaya, hivi ni mwanaume gani wewe usiyejua hata kubembeleza jamani? Hata siku moja hujawahi kunifuta machozi halafu unadai unanipenda mmh!!

PATRICK: Wewe Tusa huwa unalia ujinga wako, kwahiyo mimi huwa nakuacha ulie hadi pale utakapotosheka utanyamaza.

TUSA: Hadi mamako humfanyia hivyo?

PATRICK: Mama haliagi ujinga wewe. Akilia basi ni mambo ya maana sio kama wewe unayelia ujinga ujinga.

Tusa akazidi kujiona mpumbavu.

Patrick akainuka na kutoka nje huku Tusa akiwa analia pale ndani.

Walipokuwa nje wale walioenda hospitali nao walikuwa wanarudi.

Patrick alishangaa kumuona Tulo pamoja nao.



Patrick alishangaa kumuona Tulo pamoja nao.

Akajiuliza wamemtoa wapi na kwanini wameongozana nae.

Kufika karibu Tulo nae akamuona Patrick na hofu ikamjaa, Patrick alimfata Tulo na kumkunja ikabidi Deborah ndio amtete Tulo.

DEBORAH: Patrick mwanangu muache kijana wa watu hajafanya lolote baya.

Patrick kwa heshima ya mama yake akamuachia Tulo ila akataka kupewa maelezo xa kutosha kuwa yule Tulo ni nani yao.



Walipoingia sebleni, Pamela alienda moja kwa moja mahali ambako mwanae alikuwa amekaa na kujiinamia na machozi, ikabidi ainuke nae na kwenda nae chumbani.

PAMELA: Tatizo ni nini mwanangu?

TUSA: Mama, Patrick ameniambia maneno ya fedheha na kuumiza sana.

PAMELA: Kivipi na amekwambiaje?

TUSA: Yani kweli yeye wa kuniambia mimi kuwa ni mwanamke niliyechakaa, eti nimeshachoka anaendelea nami kwa kunihurumia tu, kwakweli mama sitaweza kuishi tena na Patrick naomba myasitishe mahusiano yetu ikiwezekana anipe talaka yangu tu.

PAMELA: Mmh mbona pagumu sana hapo mwanangu!! Unadhani Patrick atakubali?

Mara Deborah naye akaingia mule chumbani na kuwauliza kinachoendelea na shida ya Tusa ni nini.

DEBORAH: Tusa jamani, kwanini tusiyasuluhishe tu haya ili muendelee kuwa pamoja?

TUSA: Mama zangu, kiukweli sijisikii kuwa na Patrick na kamwe sitajisikia kwahiyo matatizo na migogoro hii haita isha kamwe, ataendelea kunibaka na kunipiga. Nimechoka sasa, kama hamtaki kunisambaratisha nae nitajua cha kufanya.

PAMELA: Unamaana gani Tusa?

Deborah ikabidi amwombe Tusa aende sebleni kwanza ili wao waweze kujadili.

DEBORAH: Unadhani tufanyeje Pamela?

PAMELA: Mimi sijui, sijui kabisa mwanangu ana matatizo gani kwani nionavyo mimi Patrick ni mtu sahihi kwake cha muhimu ni kuelewana tu.

DEBORAH: Kwavile leo wote wapo, basi twende tukajadili ili kujaribu kuwapatanisha kwanza.

Wakakubaliana kwenda kufanya mazungumzo kwaajili ya kutatua tatizo baina ya Patrick na Tusa kwanza kabla ya chochote.



Bi.Rehema aliendelea kumuomba Mashaka kuwa akubali waende nae kwa Deborah, ila Mashaka aliendelea kukataa kufanya hicho ambacho anaambiwa na dada yake kwa kuhofia usalama wake na maisha yake.

MASHAKA: Dada, huko nitakutana na mtu mmoja anaitwa Patrick. Mtu huyo ni khatari sana dada yangu, anaweza hata kunichinja.

REHEMA: Wasiwasi wako tu ila Patrick si muuaji, yeye hupenda kusaidia watu walioko kwenye matatizo.

MASHAKA: Dada, nadhani humjui vizuri huyu Patrick na kwanini nakwambia kwamba ni mtu khatari. Patrick hafai kabisa, bora mimi chui unayenijua kuwa chui kuliko huyo Patrick. Amevaa ngozi ya kondoo kumbe ni chui mla watu.http://deusdeditmahunda.blogspot.com/

REHEMA: Mbona sikuelewi Mashaka!!

MASHAKA: Unajua Patrick kaua watu wangapi? Unadhani atashindwa vipi kunimaliza na mimi? Patrick hujifanya kuokoa mmoja na kuangamiza zaidi ya kumi.

REHEMA: Mmh!! Ila hata hivyo pale hawezi fanya chochote ukizingatia mama yake yupo tena na wengi tu.

Rehema aliendelea kumuomba Mashaka hadi akakubali.

Mashaka akamwambia Rehema kuwa aende nae huko kwa Deborah.

Kufika karibu na nyumba ya Deborah, Rehema akashuka huku akimngoja Mashaka nae ashuke waweze kwenda ila alichofanya Mashaka ni kushusha kioo cha gari kisha akamuaga dada yake kuwa atakuja siku nyingine na kuondoka zake.

Mashaka bado alikuwa na hofu ya kukutana na Patrick kwani alijua ni jinsi gani Patrick alivynkuwa na hasira juu yake.



Pamela na Deborah wakarudi sebleni na kumuulizia Tusa ili waweze kuanza hicho kikao ila wakaambiwa kuwa Tusa ameenda dukani.

PAMELA: Ameenda peke yake?

PATRICK: Ndio, ila hakuna tatizo lolote.

Ndipo hapo wakakumbuka na kitu kingine kuwa bi.Rehema hayupo, wakamuuliza Sele ambaye alifika na Tusa mwanzoni naye akasema kuwa hawakumkuta.

Hofu ikawatawala kuwa mmama yule wa makamo atakuwa wapi.

Wakaji wanajiandaa kutafuta, bi.Rehema nae akawa anarudi, wakamshangaa na kumuuliza alipokuwa.

REHEMA: Nimekuja na Mashaka hadi hapa ila amekataa kuingia ndani na kuondoka.

Patrick akashtuka kusikia Mashaka ukizingatia Tusa nae alikuwa dukani.

PATRICK: Mmekutana na Tusa?

REHEMA: Hapana, hata hatujamuona.

Patrick bado hakuridhiwa kwani alimjua vizuri Mashaka kwa Tusa, ni kama vile simba kwa swala ikabidi atoke kwenda kumuangalia ila kwa bahati akamuona Tusa anarudi ndipo hapo aliporudi tena ndani.



Marium alikazana na lengo lake la kuonana na mganga wa jadi kwaajili ya mwanae, akaenda kwa mzee mmoja aliyeambiwa kuwa anahusika sana na mambo ya asili kumuulizia.

MZEE: Mwanao na huyo mwanamke hawawezi kuachana kabisa tena hawawezi kuachana kirahisi hivyo kama unavyodhani.

MARIUM: Vipi? Mwanangu amerogwa eeh!

MZEE: Kuna kitu kati yao ambacho walikifanya huko nyuma kabla, siku moja mdadisi mwanao.

MARIUM: Kitu gani hicho?

MZEE: Jaribu kumuuliza mwanao akwambie.

MARIUM: Je, kinaweza kutenguka na wakaachana? Nisaidie mzee, kiukweli yule binti hamfai kabisa mwanangu. Naomba unisaidie.

MZEE: Kuachana kwao labda mmoja afe ila la sivyo itabidi ukubali tu matokeo. Mwanao kampenda sana yule binti na yule binti nae kampenda sana mwanao na ndiomana anapata shida hata kukaa na kutulia na mwanaume mwingine hawezi anataka kurudi kulekule na kwa mwanao nae ndio hivyohivyo. Nadhani watakuwa wanajutia juu ya walichofanya ila ndio hivyo hakiwezi kutenguka.

MARIUM: Jamani mzee nisaidie, yule binti kachoka kashabakwa na wanaume hamsini kidogo sitapenda awe na mwanangu nakuomba unipe msaada wako.

MZEE: Labda ukajaribu kwingine ila kwa mimi imeshindikana.

Marium aliondoka akiwa amenywea sana ila akasema kuwa hawezi kukubali hadi pale atakapofanikiwa kumtenganisha Sele na Tusa ili wasikumbukane tena na Sele aweze kuoa mwanamke mwingine.

"wangapi wanaachana na kuoa na kuolewa na watu wengine tena mara nyingine ndoa hazidumu wanaoa tena na kuolewa tena na tena kwanini wao ishindikane? Sele lazima amuache yule mwanamke kwani hamfai kabisa kashachoka na kuchakaa, sijui Tusa alimpa limbwata mwanangu dah!! Limbwata lake kali sana ila lazima nitalitengua tu."



Maiko kuona mambo ya Mashaka hayaeleweki akapatwa na hisia kuwa huenda Mashaka amerudi tena Mwanza kwahiyo na yeye akaamua kufanya safari ya kwenda Mwanza kwani hakumuamini Mashaka hata kidogo, alihisi kuwa anaweza kuisambaratisha familia yake ndogo aliyoijua ukubwani.



Baada ya wote kukamilika, ikabidi wafanye mazungumzo ya kumpatanisha Patrick na Tusa, walizungumza mengi ila Tusa alionekana kulia na kujiinamia muda wote.

PATRICK: Jamani mimi sina tatizo, Tusa ni mke wangu na ninampenda. Ninachomuomba ni kuwa atulie na mimi tu, tatizo lake huyu Sele anamchanganya sana akili.

DEBORAH: Achana na hayo ya Sele Patrick, tuzungumzie haya kwanza. Sele ni muelewa na hawezi kuendelea kumfatilia mke wa mtu.

Deborah alimtetea Sele bila ya kujua kuwa Sele mwenyewe muda wote mawazo ni kwa Tusa.

PAMELA: Mi ninachoona Tusa atulie tu na Patrick.

ADAMU: Ngoja tumsikie na Tusa mwenyewe ana maoni gani.

TUSA: Mimi sitaki kuendelea kuishi na Patrick kwani matatizo baina yangu na yake hayataisha. Ingawa Patrick ni mume wangu ila nakiri wazi na mbele yenu kuwa simpendi.

FAUSTA: Jamani Tusa acha kuongea maneno makali kiasi hicho.

PATRICK: Mimi nampenda Tusa na pia nakiri wazi kuwa siwezi kuachana nae.

Wakaendelea kujadili na kumsihi Tusa awe na Patrick kwakuwa ni mumewe.

PATRICK: Nimefunga nae ndoa ya gharama sana, siwezi kuachana nae jamani. Tusa ni mke wangu cha msingi ni mumshauri kuwa atulie tu.

Tusa akainuka na kwenda jikoni.

PATRICK: Tusa ana kiburi sana na jeuri, mwambieni abadilike ili tujenge maisha yetu. Sipendi kurumbana nae kila siku wakati ni mke wangu.

PAMELA: Tumekuelewa Patrick, usijari Tusa nae atakuelewa tu.

Sele alipoona muda umepita bila Tusa kurejea akaamua kwenda jikoni na kumkuta Tusa chini, akamkimbilia na kumshika kisha akawaita waliokuwa sebleni.

Wote wakashangaa kumuona Tusa akitapatapa pale chini huku povu likimtoka mdomoni.

Tusa alikuwa amekunywa sumu.



Wote wakashangaa kumuona Tusa akitapatapa pale chini huku povu likimtoka mdomoni.

Tusa alikuwa amekunywa sumu.

Pamela alipomuangalia mwanae pale chini akaangua kilio,

"Jamani mwanangu, mwanangu amekufa jamani"

Patrick akadakia na kuwaambia,

"Kweli nyie akili ni fupi, sasa kulia kutakusaidia nini?"

Patrick akainama na kumbeba Tusa begani kisha akaianza safari ya hospitali, wengine wakamfata nyuma tu.

Sele alikuwa kama vile kachanganyikiwa, alikazana kuomba kuwa Tusa apone na awe mzima.

Wengine wakaenda hospitali na wengine wakabaki nyumbani.



Pale hospitali wakaanza kumuhudumia Tusa na kugundua kuwa amekunywa sumu, ikabidi wafanye kazi yao ya kukata ile simu kwanza kisha kumuwekea dripu.

Daktari akawafuata ili azungumze nao ila Patrick akasogea na daktari pembeni ili azungumze nae yeye,

DAKTARI: Inaonyesha kuwa mgonjwa wenu amekunywa sumu.

PATRICK: Hilo tunalitambua labda useme lingine, kwani anaendeleaje?

DAKTARI: Maendeleo yake si mabaya, nadhani atapona.

PATRICK: Apone bhana ndio tunachokitaka.

DAKTARI: Mambo haya huhusiana na ripoti ya polisi sababu kujiua ni kosa kisheria na inahitajika mtuhumiwa awe chini ya ulinzi sasa.

PATRICK: Sawa nimekuelewa, kwahiyo unataka kufanya nini?

DAKTARI: Tunahitajika kuandika ripoti na kuipeleka polisi kabla hawajapata taarifa hii toka kwa wengine.

PATRICK: Wewe daktari unajipenda kweli?

DAKTARI: Ndio najipenda kwani vipi?

PATRICK: Kama unajipenda, tafadhari achana na hizo habari. Nyie muhudumieni akipona turudi nae nyumbani basi.

Daktari akashangaa kauli ya Patrick kwani yeye alikuwa anamuelezea kwaajili ya kupoozwa na vitu kama rushwa ila akashangaa jibu alilopewa na Patrick.



Yule daktari aliwafata madaktari wenzie wawili na wao wakaenda kumchungulia Patrick, daktari mmoja wapo alipomuona Patrick alishtuka sana kwani alikuwa ni yule daktari aliyetishiwa silaha na Patrick kwa kudai PF3.

DAKTARI 1: Dah! Kumbe ni yule jamaa, muacheni kama alivyo mafia yule.

DAKTARI: Kwani unamjua?

DAKTARI 1: Ndio namjua, kwanza pale usimuone vile anatembeaga na mguu wa kuku yule. Mi simo kabisa, kama mtaamua kuchonga kachongeni wenyewe tu.

DAKTARI 2: Hata mi mwenyewe namjua, akiamua kukupiga hutathubutu kuamka.

DAKTARI: Sasa kama anatumia ubabe kama huo, hajui kuwa sisi tunauwezo wa kumpoteza mgonjwa wake?

DAKTARI 1: Thubutu kama hujazikwa pamoja na huyo mgonjwa wake, jamaa yule ana machale balaa. Yule ni mafia nakwambia.

DAKTARI: Mmh! Jamani mi najipenda, naipenda kazi yangu na familia yangu naipenda, tuachaneni na mambo haya twendeni tukamuhudumie tu huyo mgonjwa.

Madaktari wakaamua kuendelea na kazi yao.



Pamela alijisikia kulia tu kwani uamuzi ambao mwanae ameuchukua uliwatisha sana, familia nzima ilijikuta ikiogopa.

Tusa akalazwa kwa takribani siku mbili ili kurejeshwa katika hali ya kawaida.



Anna alipopata habari ya Tusa ikabidi amfate dada yake Marium kwenda kumwambia na kumuuliza.

ANNA: Au kuna kitu umefanya dada yangu?

MARIUM: Kwanza mi mwenyewe hiyo habari ya Tusa kunywa sumu inanitisha na kunishangaza. Ni kweli sipendi Tusa awe na mwanangu ila siwezi kuwatenganisha kwa kifo bhana mdogo wangu.

ANNA: Basi hofu ikanishika, nilijua umeenda kwa hao waganga wako na kuwaomba wamuue maana watu hao nao wana njia nyingi kweli za kumaliza watu.

MARIUM: Itabidi twende tukamuone, haya sasa majanga ndiomana mwanangu Sele hajarudi kabisa. Yuda nae yupo kama mwizi mwizi vile haonekani nyumbani hata sijui anakuwa wapi siku hizi.

Ikabidi wajiandae na kuanza safari ya kwenda nyumbani kwa Deborah wakijua labda Tusa ameshatoka.



Yuda ambaye alibaki na Tina pale nyumbani siku hiyo ambayo bi.Rehema naye aliomba kwenda hospitali kumuona Tusa.

Yuda akaamua kuutumia muda huo kuzungumza na Tina.

YUDA: Tina natumaini sasa matatizo yako yameisha, mimi swala langu kwako lipo palepale. Nataka kuwa na wewe.

TINA: Ingawa nimebakwa na unalijua hilo, bado wataka kuwa na mimi?

YUDA: Ndio Tina, nakupenda niamini hivyo Tina. Ukikubali kuwa na mimi nitakuoa Tina.

TINA: Mmh!! Hapana, bora niolewe na mwanaume ambaye hafahamu ukweli. Wewe Yuda unajua kila kitu lazima badae utanitusi kwa kejeli tu.

YUDA: Hapana Tina, siwezi fanya hivyo. Nimekuwa nikikufatilia kwa muda mrefu sasa. Uliniambia nitafute pesa kwanza, Tina utajiri ni majaaliwa ya mwenyezi Mungu nikubalie kwanza na tutafunga ndoa na kufanya sherehe kubwa uitakayo. Nikubalie Tina, nateseka mwenzio.

Tina akamuangalia sana Yuda na kushangaa kwanini bado ana moyo wa kutaka kuwa na yeye, Yuda nae akamsogelea vizuri Tina ili apewe jibu la uhakika.

YUDA: Tafadhari Tina nijibu nakupenda sana.

Tina akatikisa kichwa kama ishara ya kukubali.

Marium na Anna walipofika kwa Deborah wakaingia sebleni moja kwa moja bila hata ya kubisha hodi kwani walishapozoea.

Wakawakuta Tina na Yuda wamekaa mikao ya kihasara hasara, jambo la kwanza alilouliza Marium ni kuwa.

MARIUM: Nini kinaendelea kati yenu?

Yuda na Tina wakabaki kumtazama tu.

MARIUM: Mbona hamnijibu?

YUDA: Mama, kwasasa Tina ni mchumba wangu mtarajiwa.

MARIUM: Mmh!! Aliyenirogea wanangu kwakweli atakuwa amekufa.

Wakati wakiendelea kuzungumza, wale waliokuwa hospitali nao wakarejea, Tina akafurahi sana kumuona Tusa. Akainuka na kwenda kumkumbatia, kisha wote wakainuka na kusalimiana kisha kukaribishana.



Maiko aliingia jijini Mwanza akiwa na lengo moja tu la kumtafuta Mashaka kwani alijua kwa vyovyote vile atakuwa amekimbilia mkoa huo.

Nia yake kubwa ilikuwa ni kummaliza Mashaka popote pale atakapo muona atakuwa halali yake.



Tulo na Mwita nao wakazoeana kutokana na lile seke seke la kumpeleka Tusa hospitali. Wakajikuta wakiongea mambo mengi sana, wakati wenzao wamerudi nyumbani wao walielekea mjini kwa kupata vinywani na kuongea mambo mbalimbali.

MWITA: Unajua kinachonishangaza ni kwanini Patrick hataki kumuacha Tusa na kwanini Tusa hataki kuishi na Patrick.

TULO: Patrick ni gaidi bhana, hastahili kuishi na Tusa. Yule binti ni mpole sana halafu hajui kuzungumza, Patrick anatakiwa aishi na wale mabinti mcharuko ila Tusa hamfai. Na kama kumtesa dah!! Amemtesa sana, yule binti usimuone vile kateseka yule hadi kawa sugu.

MWITA: Sasa kwanini hataki kumuacha?

TULO: Pesa Mwita, Patrick amemgharamikia sana Tusa na ameshafanya mambo mengi mabaya kwaajili ya yule binti ndiomana hataki kumuacha ila sidhani kama anampenda tena sababu kama angempenda basi angemuacha apumue kwanza ila yeye kamng'ang'ania kama ruba.

MWITA: Na ilikuwaje hadi akamuoa?

TULO: Yote hayo ni mambo ya pesa, aliyesema pesa ni shetani hakukosea. Pesa ni mdudu mbaya sana kwani huharibu utu wa mtu kwa sekunde tu. Patrick anaumizwa na gharama zake juu ya Tusa, kule Arusha wanawake wengi wanampenda na kumuhitaji kwa sana ila yeye amekazana na Tusa tu. Labda kuna kitu cha ziada zaidi ya pesa kinachomvuta kwa Tusa.

MWITA: Mmh!! Khatari.

TULO: Ungemuona yule binti mwanzo kwakweli hata ungekuwa wewe ungemuhurumia kwa sasa. Alikuwa mzuri, mrembo na wa kuvutia. Ila sasa yupo kama wale misukule, dah anatia huruma. Ila Patrick mbabu na hashauriki sijui hata itakuwaje, labda atamuhurumia kwasasa baada ya kutaka kujiua.

MWITA: Basi itabidi Tusa akubali kutulia na Patrick.

TULO: Kwa mateso aliyopitia hawezi nakwambia, hata ingekuwa ni mimi ningekataa pia.

Walizungumza mengi, yale yote waliyoshindwa kuyazungumza mbele ya Patrick sasa waliyasema.



Nyumbani kwa Deborah waliona itakuwa vyema kwa Tusa kupata muda wa kupumzika kabla ya kuzungumza mambo yote yaliyojiri ila safari hii waliona kuwa itakuwa vyema kukaa karibu na Tusa ili kujua tatizo lake haswa ni nini hadi anakataa kiasi kile kuishi na Patrick. Ingawa alishawaeleza mambo mengi ila walihisi kuna kitu cha ziada ambacho Tusa anakificha.

DEBORAH: Jamani inatakiwa kila mmoja afunguke ili tujue jinsi ya kuokoa tatizo hili.

Wakakubaliana kuweka tena kikao cha familia ili wawekane sawa.



Mashaka nae aliendelea na mipango yake kama kawaida, wakati yupo mjini alionwa na Maiko.

Mashaka hakujua kama anafatiliwa.

Alirudi kwenye hoteli aliyofikia, alipoingia chumbani tu akasikia mtu akigonga mlango wa chumba kile.



Alipoingia chumbani tu akasikia mtu akigonga mlango wa chumba kile.

Mashaka akaenda kufungua huku akitarajia kuwa mgongaji atakuwa ni muhudumu wa hoteli ile.

Ila alivyofungua tu, Maiko alizama moja kwa moja ndani na Mashaka akamshangaa kuwa amejuaje kama yuko hapo.

MASHAKA: Umejuaje kama niko hapa?

MAIKO: Swali gani hilo? Nimekufatilia mwanzo mwisho.

MASHAKA: Najua umekuja kutimiza ahadi yako.

MAIKO: Ndio na leo sitazitaka hizo porojo zako.

MASHAKA: Maiko, hivi umejaribu kufikiria kuwa tumepoteza kazi ngapi, tumepoteza hela ngapi kwa huu upuuzi na ujinga? Hivi unajua kama ipo siku utakuwa masikini wa kutupwa sababu kwasasa unajua kutoa na si kuingiza. Fungua macho Maiko, ingawa ni mambo ya khatari ambayo tuliyafanya ila ndio mambo hayo yanayofanya tujidai na kutanua. Kila mmoja anafanya atakacho kwa pesa tuliyo nayo. Pata picha kama tungekuwa hatuna kitu.

MAIKO: Nina uhakika, kama tusingekuwa na kitu sasa ingesaidia sana kwani ingemaanisha kuwa hatufanyi kazi haramu, kazi ambayo imetuingizia pesa haramu na kazi hizo ndio zinazofanya tugombane sasa.

MASHAKA: Najua Maiko utanilaumu mimi kwa kazi zetu, na kama hivyo wataka kunimaliza. Ila jua kwamba wewe utamalizwa na Patrick kwani atakulaumu wewe siku zote. Umejipanga vipi kukabiliana na Patrick??

Maiko akaona kuwa Mashaka anamuwekea usiku tu, akajaribu kufikiria kuhusu swala la Patrick.

MASHAKA: Tena Patrick kama vile kwaajili yako, kumbuka kuwa wewe ndiye uliyemfundisha ujangili.

MAIKO: Ila mimi nilifundishwa na wewe.

MASHAKA: Atakuamini vipi, je kile kichwa ambacho Yuda alikikuta kwako ni mimi nimekufundisha? Hivi hujishangai Maiko kama wewe si binadamu wa kawaida?

MAIKO: Mimi ni mtu wa kawaida tu kama walivyo binadamu wengine.

MASHAKA: Unajua binadamu wa kawaida hawezi kulala hata usiku mmoja pembezoni mwa maiti? Wewe sasa, una vichwa vya marehemu wengi tu ndani kwako tena bila hofu nawe unalala kwenye nyumba hiyo hiyo. Mi huchukua viungo na kwenda kuviuza ila sio kwamba nitakaa navyo ndani kwangu kama wewe ufanyavyo Maiko. Sijui kama unaweza kusamehewa duniani na huko akhera, tena bila aibu unataka kujidai kuwa umebadilika kwa kuua tena! Unataka kuniua mimi, hayo si mabadiliko Maiko bali unajiongezea dhambi mbele za Mungu tu.

MAIKO: Kumbe hadi wewe unatambua uwepo wa Mungu? Ila bado sijaridhika, upo muda ambao kichwa chako hicho kitakuwa halali yangu.

MASHAKA: Na hakuna atakaye shangaa kwani kutunza vichwa vya marehemu ni kawaida yako.

Maiko alijifanya kupotezea ila maneno mengi aliyoambiwa na Mashaka yalimuingia sana. Akaamua kuondoka kwanza huku akijiuliza kuwa kwanini anasita kummaliza Mashaka wakati yeye akiamua kitu ameamua na huwa lazima akitekeleze kitu hicho.



Mwita na Tulo walilala kwa rafiki wa Mwita siku hiyo, mahali kule alipofikia Mwita kwa mara ya kwanza.

Mjeshi huyo aliyeitwa John ndiye aliyemuhabarisha Mwita juu ya kifo cha rafiki yake Hamisi.

MWITA: Inamaana Hamisi alikufa?

JOHN: Ndio, katika wale wajeshi sita waliouwawa kikatili na yeye alikuwa mmoja wao.

Mwita alisikitika sana kwani hakupata habari yoyote ukizingatia hakuwa na mawasiliano na watu wa Singida tangia siku aliyoondoka kwani aliacha na simu kabisa kwa kuhofia kutafutwatafutwa kabla hajampata baba yake.

Baada ya ile taarifa akaamua kuwasiliana na watu wa Singida, nao wakampa taarifa rasmi huku wakimwambia kuwa wamemtafuta sana kwa mahojiano ila hakupatikana kwani Hamisi alionekana mara ya Mwisho akienda nyumbani kwa Mwita na mwili wake ulitupwa mahali ambako si mbali sana na nyumbani kwa Mwita.

Alipokata simu akamgeukia John na kumuuliza.

MWITA: Inamaana Hamisi ameuwawa nyumbani kwangu?

JOHN: Itakuwa maana hata watu wanasema kuwa kwako ilisikika harufu ya damu ingawa damu hiyo haikuonekana.

Mwita akawa na maswali mengi sana kichwani mwake, akajikuta akimuhusisha Patrick kwenye yale matukio ila upande mwingine wa akili yake ukakataa kuwa si Patrick aliyefanya yale.



Maiko aliyawaza maneno ya Mashaka kwa kina na kujiuliza kama anastahili kutubu.

"Hivi nastahili kutubu kweli? Mungu atanisamehe kweli? Sijulikani Msikitini wala Kanisani, wapi nitaenda na kupokelewa mimi? Nawachukia Mashekhe na Wachungaji, nishawafanyia mengi mabaya. Sidhani kama nitasamehewa mimi binadamu ambaye sieleweki wala sina uelekeo. Nimewaumiza wanawake wengi sana, watoto wengi na sikuwa na huruma yoyote hadi nimewabaka na wanangu na kumuua baba yangu. Nitasamehewa kweli? Huyu Mashaka huyu nae anastahili kuuwawa tu, sio kila dhambi kunigeuzia mimi tu. Lazima auwawe ila je nikimmaliza itakuwa mwisho wa utajiri wetu? Ni kweli wanausalama watalijua hili swala la mauaji ambayo nimewahi kufanya? Wapi mimi, nimekuwa mtu mbaya sana"

Alikuwa akijilalamisha tu na kuamua jambo moja kwenda kuzungumza na Patrick alijua huyo lazima amlainishe na kujaribu kufanya kitu kizuri kwa wao na familia inayoonekana mbele yao.



Hali ya Tusa sasa haikuwa mbaya sana ila walipomuhoji bado aliendelea kuwa na msimamo wake uleule wa kukataa kuishi na Patrick, na Patrick nae alipohojiwa msimamo wake ukabaki uleule wa kuishi na Tusa.

Pamela alichanganywa kabisa na maamuzi ya Tusa kwani alijua wazi Tusa akiendelea na maamuzi yale basi umasikini unawanukilia yeye na mumewe kwani Adamu hakutaka kuona mwanae akiendelea kuteseka kisa pesa ambayo Patrick alimgharamia.



Kesho yake Mwita na Tulo waliondoka nyumbani kwa John, leo hii Mwita alivaa kijeshi.

Tulo alimuuliza Mwita kama wanauhusiano gani na ile familia ya kina Patrick, Mwita akamueleza kuwa baba yake ni Maiko kwakweli Tulo alishtuka sana.

TULO: Je, unajua kazi ambayo Maiko anaifanya?

MWITA: Sijui chochote, baba mwenyewe nimemfahamu ukubwani.

TULO: Wewe ni mwanausalama wa nchi hii Mwita, hata sijui itakuwaje ukigundua.

Mwita akajaribu kumdadisi Tulo ili amuelezee ila Tulo akapotezea kwa kumletea story zingine.

TULO: Unajua mimi nimecheza sana utotoni na Tina, halafu nimesoma nae tulikuwa kama dada na kaka ila kiukweli nampenda sana.

MWITA: Unampenda kimapenzi?

TULO: Ndio, tena sana.

MWITA: Je, umewahi kumwambia?

TULO: Hapana sijawahi ila hata yeye Tina inaonyesha kuwa ananipenda, nadhani napaswa kumwambia ukweli hisia zangu.

MWITA: Ndio mwambie ajue, chelewa chelewa utamkuta mwana si wako. Wasichana wengi ni wagumu kumuanza mtu kuwa wanampenda hubaki na yao moyoni, na wewe ukijigelesha anaweza fika mjanja na kukupiku. Changamka kijana.

Wakakubaliana kwenda kwa Deborah, huku Mwita akiwa na lengo la kuzungumza na Patrick ili amdadisi kuhusu vile vifo na Tulo nae akiwa na lengo la kuzungumza na Tina.



Deborah na Fausta ikabidi wazungumze na Patrick kujua ni gharama gani ambazo anazisema kuwa kamgharamia Tusa.

PATRICK: Mama, mahali tu nilitoa shilingi milioni kumi na tano.

FAUSTA: Milioni kumi na tano!! Walikuwa wanamuuza au?

DEBORAH: Mbona pesa ni nyingi sana?

FAUSTA: Ndiomana mdogo wangu Pamela hana usemi, pesa ni nyingi mno watairudishaje pesa yote hiyo? Tunapaswa kuzungumza juu ya hili jamani.

DEBORAH: Jamani Pamela anapenda pesa sana, yani mahali milioni kumi na tano? Mahali gani hiyo? Ndiomana pesa yako inakuuma mwanangu Patrick.

Ikabidi Deborah na Fausta waingie ndani kwa mazungumzo zaidi.

Patrick alizunguka nyuma ya nyumba yao, alipopiga jicho mbele akamuona Maiko.

"Amefata nini tena huyu firauni hapa?"

Maiko hakuja kwa shari bali alienda kwa utaratibu kabisa ili kuzungumza na Patrick ila Patrick alikuwa na chuki na hasira za wazi dhidi ya Maiko haswa kitendo cha Maiko kumchinja baba yao na wakina Yuda ambaye Patrick alimuona kama baba yake pia.

Patrick alizidi kupandwa na hasira kadri Maiko alivyosogea.



Patrick alizidi kupandwa na hasira kadri Maiko alivyosogea.

Maiko nae aliendelea kumsogelea Patrick ila akaona mabadiliko ya Patrick usoni ikabidi aongee kabla hajamsogelea zaidi.

MAIKO: Tafadhari Patrick, sijaja kwa shari leo. Nina shida na mazungumzo na wewe Patrick. Nisogee hapo?

Patrick alimuangalia tu bila ya kumjibu chochote ila alitikisa kichwa kama ishara ya kukubali. Maiko nae akamsogelea zaidi ili apate kuzungumza nae.

MAIKO: Tafadhari Patrick naomba tumalize tofauti zetu.

PATRICK: Unajua wazi tofauti zetu haziwezi kuisha labda useme lingine.

MAIKO: Nataka tushirikiane kumuangamiza Mashaka.

Patrick akacheka sana, kisha akaondoka pale na kwenda mbele na kuingia ndani, Maiko akajikuta akibaki mwenyewe na kujiuliza kwanini Patrick amemcheka.



Maiko akiwa pale nje anamuona Mwita na Tulo wakifika pale.

Maiko akamshangaa Tulo kwa kumuona pale.

MAIKO: Kwani mnajuana?

MWITA: Tumejuana hapahapa, nadhani hii ni sehemu ya makutano.

MAIKO: Nadhani Tulo hapa umemfata rafiki yako Patrick, nafikiri pia itakuwa vyema kama utanisaidia kuzungumza nae.

TULO: Kuzungumza na nani, Patrick?? Hapana, namuogopa sana.

Ikabidi Maiko amuulize alichofanywa na Patrick.

MAIKO: Kwani amekufanyeje?

TULO: Nitakueleza tu usijari.

MWITA: Na mbona uliondoka bila ya kuniaga?

MAIKO: Dah!! Kuna kitu kilinichanganya bhana. Ila usijari.

Tulo alikuwa anamuelewa Maiko na anajua kuwa Maiko si mtu wa kuaga huwa anajiondokea tu.



Mwita akaingia ndani na Tulo akabakia pale nje na kumueleza kilichompata.

MAIKO: Dah! Na wewe zoba kweli, yani ulikubali kutumwa na Mashaka kwa Patrick!! Yeye mwenyewe kamshindwa.

TULO: Ndomana sijarudi Arusha hadi leo.

MAIKO: Hakuna tatizo, fanya kuwa karibu na Patrick huwezi jua, anaweza kukubali kuwa na sisi tena.

Wakaongea mawili matatu na Tulo kumfata Mwita ndani.



Fausta alimfata Adamu kwa lengo kumuuliza.

FAUSTA: Hivi kaka, unamuozesha mtoto kwa milioni kumi na tano kweli? Ulikuwa unamuuza au ni vipi?

ADAMU: Muulize mdogo wako maana posa hiyo aliipanga yeye.

FAUSTA: Na je mkafanyia nini?

ADAMU: Vitu vingi tu vya biashara ila nyingine tulikula.

FAUSTA: Ndio kipindi kile nini ambacho mlikuwa mkitanua? Kumbe mnatanulia pesa ya posa. Mtaweza kuilipa sasa maana mwananu kagoma kuishi na huyo mwanaume.

ADAMU: Tutailipa tu ila hasara yake itakuwa kubwa sana.

Pamela akawafata na kumuuliza mumewe.

PAMELA: Baba Tusa, tutailipaje hiyo pesa? Mi nadhani swala la muhimu ni kumuomba Tusa akubali tu kuishi na Patrick.

Pamela alikuwa hajielewi kabisa kwani hata alishindwa kuwaza namna ya kuipata hiyo pesa na kuirudisha.



Patrick alienda moja kwa moja kuzungumza na Tusa.

PATRICK: Hivi Tusa unajua kuwa unaipa familia yako umaskini kwa kuachana na mimi!!

TUSA: Umaskini kivipi sasa?

PATRICK: Wazazi wako unadhani watapata wapi pesa za kunilipa! Nimekutolea mahari kubwa sana Tusa. Ingekuwa laki tisa kushuka chini ningesamehe ila milioni kumi na tano!! Siwezi kuisamehe, hapa ni mimi kuendelea na wewe au wazazi wako kuilipa hiyo pesa.

TUSA: Bora wakulipe tu, sitaweza kuendelea kuishi na wewe. Mume gani nisiyetambua hata kazi yako? Bora tu tuachane.

PATRICK: Na utakula mapumba na huyo Sele wako asiyejielewa.

TUSA: Hata tusipokula poa tu.

Patrick alifanya kama vile kumtania Tusa huku akimpa maneno ya ukweli.



Marium aliamua kuondoka na familia yake ili waende kuzungumza vizuri.

SELE: Ila mama mi nitarudi tu badae.

YUDA: Hata mimi nitarudi.

Kwahiyo Mwita na Tulo hawakuwakuta watu hawa, Maiko hakutaka hata kuingia ndani aliendelea kubaki pale pale nje akitafakari mambo yake.



Mwita alitulia pale ndani akimngoja Patrick aliyekuwa chumbani ili apate kuzungumza nae.

Tulo nae alipomuona Tina amekaa mwenyewe akaona ni vyema kuzungumza nae.

Wakaongea mengi na stori za hapa na pale.

TINA: Kwani Tulo umekuja lini Mwanza?

TULO: Mbona kama wiki mbili zilizopita.

TINA: Na unalala wapi siku zote hizo?http://deusdeditmahunda.blogspot.com/

TULO: Hotelini bhana.

TINA: Una hela za kuchezea eeh!!

TULO: Waswahili husema, tumia pesa ikuzoee. Pesa ninayo na raha ya pesa ni matumizi. Lini mtarudi Dar?

TINA: Hata sijui, vipi maisha lakini?

TULO: Yameninyookea kiasi, nina nyumba yangu. Gari mbili moja yangu na nyingine nitampa mwanamke nimpendaye.

TINA: Hongera sana, nani atapata hiyo bahati ya kukabidhiwa gari ya pili?

TULO: Unataka kumjua Tina? Tena si gari tu bali nitampa vitu vingi, kila akitakacho kwangu atapata.

TINA: Hebu nitajia huyo mwanamke ni nani na umempendea nini na kwanini umemchagua yeye na si mwinginewe.

TULO: Nampenda binti mmoja mzuri sana na anavutia, inaonyesha alipatwa na mikasa kidogo ila bado anavutia. Moyo wangu upo kwake na nitampa kila kizuri mbele yangu. Sitapenda alie, nitapenda kuona akitabasamu muda wote. Huyu binti nampenda sana.

TINA: Nitajie basi Tulo.

Tulo akaona kuwa asipoteze muda, akaanza kumueleza ukweli Tina juu ya hisia zake.

Tina akabaki kushangaa kuwa mwanamke mwenyewe ni yeye.



Maiko hakukata tamaa aliendelea kukaa pale pale nyuma akiingoja kauli ya Patrick kwani alijua wazi kuwa Patrick anamfanyia makusudi.

Maiko alijikuta akisinzia, ila alishtuliwa na ndoo ya maji aliyomwagiwa, kuangalia ni Deborah ndiye aliyeshika ndoo hiyo.

DEBORAH: Ondoka sasa hivi nyumbani kwangu sitaki kukuona shetani wewe.

MAIKO: Unanionea bure tu Deborah.

DEBORAH: Nani akuhurumie muuaji kama wewe, sitaki hata kukuona mbele ya macho yangu. Kama hao ndugu zako kutana nao hukooo ila sio hapa kwangu.

Ikambidi Maiko ajiongoze na kuondoka.



Mwita alikuwa akitafakari mambo mengi, haswaa mahali ambako wakina Patrick wanapatia pesa kwani hakuwaona hata mara moja wakienda kazini, huyo Maiko ndio kabisa hakueleweka ila alikuwa na pesa nyingi sana na hakuona shida kukodi gari kila anapokwenda. Kauli ya Tulo ikawa inatembea kichwani mwake kuwa je anajua kazi anayofanya baba yake, akajiuliza kuwa kazi hiyo inaendana vipi na usalama wake wa Taifa, kwakweli Mwita alikuwa na maswali mengi sana.

Patrick alipotoka ndani akaamua kutoka nae nje na kuzungumza nae.

MWITA: Unajua kuwa wale wanajeshi wenzangu wote waliotumika kumkamata Sele na tusa wameuwawa?

PATRICK: Kumbe wameuwawa, pole sana.

Mwita akashindwa kuelewa kwanini Patrick hana hata mshtuko.

MWITA: Hivi Patrick unafanya kazi gani?

PATRICK: Kamuulize baba yako kwanza ndipo uje kuniuliza na mimi.

Mwita alihisi kuwa lazima kuna kitu kinaendelea.

Patrick alionyesha chuki ya wazi kwa Mwita kwani huwa hapendi kuchunguzwa.



Marium alizungumza na watoto wake,

MARIUM: Hivi nyie wanangu mmerogwa jamani?

SELE: Kwanini mama?

MARIUM: Yani wote mnataka kuwa na familia ile iliyolaanika! Familia ambayo baba anambaka mwanae na kumpa mimba?

YUDA: Hatukuelewi mama?

MARIUM: Yuda mwanangu, yule Tina wa nini wewe? Hakufai yule mwanangu. Na wewe Sele, achana na Tusa si mwanamke wa kuishi nae yule.

SELE: Mama, nitakusikiliza vyote ila Tusa simuachi ng'ooo. Ananipenda ninampenda, najua ipo siku Mungu atatuweka pamoja. Haya mengine ni mapito tu.

YUDA: mama, nampenda sana Tina. Siwezi kumuacha mama.

MARIUM: Na mtawaacha tu labda mimi sio mama yenu.

Marium aliinuka kwa hasira na kusahau kuwa hata huyo Tina anayempinga ni mtoto wa rafiki yake kipenzi Fausta.



Mashaka akaamua kwenda tena nyumbani kwa Deborah ili akamuone dada yake bi.Rehema hadi akajishangaa kuwa kwanini amekuwa vile,

"Au ndio nataka kufa? Kwahiyo namuangalia angalia mara ya mwisho maana yeye ndiye ndugu yangu pekee aliyebaki.

Kufika kwa Deborah akamuona Fausta nje, kitu hiki kilimshtua Mashaka kwani hata hakujua kama Fausta anajuana na bi.Rehema.

Mashaka akabaki ameduwaa akimshangaa Fausta.



Mashaka akabaki ameduwaa akimshangaa Fausta.

Fausta hakujua kama kuna mtu anayemuangalia, aliendelea na kazi zake pale nje kama kawaida.

Bi.Rehema nae akatoka ndani na kumfata Fausta pale nje huku akizungumza nae, yote hayo Mashaka alikuwa akiyashuhudia, alitamani kumuita bi.Rehema ila alishindwa kwasababu alijua Fausta angeshtuka.

Ila mara akamuona Fausta akiingia ndani na Rehema akiwa bado pale nje, akaamua kushusha kioo cha gari alilokuwa nalo na kumuita kwani vioo vyake vilikuwa vyeusi.

Bi.Rehema alipoangalia ile sauti ilipotokea akagundua ni kwenye lile gari na akagundua kama ni ya Mashaka, akaamua kumfata.

Alipofika Mashaka akamuomba azunguke ili aingie kwenye gari na kuzungumza nae, bi.Rehema akamwamuru Mashaka asogee ule upande mwingine na yeye akaye kwenye uskani kwani hakumuamini vizuri Mashaka alihisi kuwa huenda akaondoa gari, ila Mashaka akamuomba na kumsihi sana kuwa anahitaji kusogea nae kidogo tu ili wapate kuzungumza.

REHEMA: Na ukikiuka masharti je?

MASHAKA: Nifanye chochote utakachotaka kunifanya.

REHEMA: Mmh!! Naweza kukufanya chochote kweli mimi!!

MASHAKA: Usijari dada, kiukweli najutia makosa yangu ndomana ningependa tuzungumzie hili swala kidogo.

Bi.Rehema akakubali na kupanda kwenye ile gari ya Mashaka ambaye aliiondoa mahari pale.



Fausta alipotoka tena pale nje hakumkuta bi.Rehema, akamuangalia huku na kule bila ya kumuona.

Akamfata Pamela na kumuuliza.

FAUSTA: Hivi huyu mkweo ana matatizo gani?

PAMELA: Kwanini?

FAUSTA: Ni mara ya ngapi hii anaondoka bila ya kuaga jamani?

PAMELA: Inamaana hayupo?

FAUSTA: Ndio hayupo, yani aliniagiza ndani kuzungumza na Deborah kutoka nje nilhpomuacha hayupo tena.

PAMELA: Umejaribu kumuangalia na kule nyuma maana nyumba kubwa hii.

FAUSTA: Nimemuangalia kote hayupo sijui hata ameenda wapi.

Pamela nae akajaribu kuangalia huku na kule bila hata ya kumuona bi.Rehema.

PAMELA: Halafu akirudi hata huwa hasemi alipotoka.

FAUSTA: Labda kapata buzi mzee mwenzie.

Wakaanza kucheka kwa umbea.



Deborah alifikiria maneno aliyoambiwa na kuombwa na Fausta juu ya yeye kuzungumza na Patrick kuhusu Tusa.

Deborah akaamua kumuita tena mwanae ili kuzungumza nae.

DEBORAH: Mwanangu, me nadhani tuwaachie tu mtoto wao waende nae.

PATRICK: Yani mama kirahisi hivyo!!

DEBORAH: Sasa mwanangu unadhani itakuwaje jamani?

PATRICK: Mama, mimi nahitaji kuwakomesha hawa haswaa wazazi wa Tusa ili wazazi wenye tabia kama yao ya kupenda pesa na kufanya mabinti zao kama kitega uchumi waache.

DEBORAH: Ila anaeteseka ni Tusa mwanangu!!

PATRICK: Nataka wanilipe posa yangu, gharama zingine nitahesabu hasara ila wanilipe posa yangu tu. Si waliona fahari kumuozesha mtoto wao kwa milioni kumi na tano!! Sasa nataka wailipe tena sina masikhara kwa hilo, bora hiyo pesa uitumie mama yangu utakavyo ila sio wao. Wazazi wa Tusa hawana akili kabisa, na bora huyo baba yake Tusa si baba yangu maana akili zake fupi kama mchanga.

DEBORAH: Ila mwanangu si watakuwa maskini sasa?

PATRICK: Mama, binti yao si wamemfanya mtaji basi watapata pedeshee lingine litawajengea nyumba ila sidhani kama huyo Sele watamkubali na ukapuku wake.

DEBORAH: Patrick mwanangu umebadilika sana, sinabudi kukwambia ukweli wa maisha yako labda ukawa umefanana na ndugu zako tabia, haswaa baba yako nadhani utakuwa umefanana nae na sasa imeanza kujionyesha.

PATRICK: Inamaana mama wewe humjui baba yangu kabisaaa?

DEBORAH: Hivi karibuni utaujua ukweli tu maana Patrick niliyemnyonyesha ziwa langu na kumlea kwa kukimbizana ndani kwa fujo na utundu wake sidhani kama ni wewe. Kwakweli natamani arudi Patrick wangu yule wa zamani.

Deborah akamuacha Patrick na kutoka nje ya chumba na kwenda sebleni kwani machozi yalikuwa yakimlenga lenga.



Mashaka akaanza kuzungumza na bi.Rehema kuhusu Fausta.

MASHAKA: Fausta ni nani yako dada?

REHEMA: Khee swali gani hilo? Fausta ni mtoto wa baba wa wanangu pia ni dada wa mkwe wangu.

MASHAKA: Nadhani humjui Fausta vile ninavyomjua mimi, unamkumbuka Neema?

REHEMA: Neema yupi?

MASHAKA: Yule mtoto wa bamdogo aliyekuwa pacha wa baba yetu.

REHEMA: Sawasawa nimemkumbuka.

MASHAKA: Basi yule Fausta ana mdogo wake anaitwa Pamela na Neema ndio mama yao mzazi.

REHEMA: Kheee! Kumbe wale watoto ni ndugu zangu kabisa, Mungu wangu. Mbona ukoo wetu umesambaratika sana? Unajua huyo Pamela kaolewa na mwanangu mie!!

MASHAKA: Ndio mambo ya kutokufahamiana hayo, ila si mbaya sababu mtoto wa dada mkubwa na mdogo wameoana.

Halafu akawa anacheka,

REHEMA: Kinachokuchekesha sasa? Hebu nirudishe huko.

MASHAKA: Usipanic bhana dada yangu, nenda ukawaeleweshe ila mimi sikuja kuzungumza nawe kuhusu hilo.

REHEMA: Ulitaka kusema nini? Nirudishe bhana.

Mashaka akaendesha gari na kufika pale kwa Deborah kisha akamgeukia Rehema na kumwambia.

MASHAKA: Dada, usihangaike kumtafuta mchawi au mtu mbaya kwa kifo cha mzee Ayubu.

REHEMA: Unamaana gani?

MASHAKA: Aliyemuua mzee Ayubu si mwingine bali ni mwanao Maiko.

Mashaka akajihisi kupumua kwa kumtwisha Maiko mzigo wa lawama, bi.Rehema akahisi kuchanganyikiwa kwani ilikuwa ngumu kuamini kuwa mwanae angefanya ukatili wa kiasi kile kwa mzee Ayubu.

Bi.Rehema alishuka kwenye lile gari akiwa amenyong'onyea sana.



Tulo na Mwita wakaondoka tena kwana Mwita hakupata majibu mazuri toka kwa Patrick nao wakapanga kurudi tena.

MWITA: Vipi na wewe Tulo mbona unafuraha sana?

TULO: Mtoto anaonyesha kunielewa kabisa maana hata jibu la kunipa alikosa.

MWITA: Sasa umeamua vipi?

TULO: Tunavyoenda mjini hivi nitaenda kumnunulia zawadi nzuri sana, najua Tina ataipenda na atanipa jibu zuri na la uhakika.

MWITA: Na kuaminia bhana.

Tulo alikuwa na furaha kweli kwani aliamini kuwa lazima Tina atamkubalia tu.



Adamu alimfata mkewe Pamela kwani alishachoka kuishi pale Mwanza.

ADAMU: Unajua nimechoka, kwakweli tumekuwa mzigo kwenye mikono ya Deborah bora turudi kwetu tu.

PAMELA: Kwetu ambako una mpango wa kuuza nyumba ili kuweza kulipa posa ya mtoto? Mmh! Sikujua mambo yote haya kabla laiti ningejua nisingepanga mahari kubwa kiasi kile.

ADAMU: Majuto ni mjukuu mke wangu, hatuna la kufanya inabidi tu tukubaliane na halihalisi. Ninge ni kauli ya majuto na huja baada ya maji kumwagika.

PAMELA: Natamani kama vile siku zirudishwe nyuma, kwakweli hali ni mbaya.

Wakamuona bi.Rehema akirudi huku akiwa amenywea sana.

ADAMU: Nini tatizo mama?

REHEMA: Bora tukio hili angelifanya mtu yeyote duniani ila si mwanangu Juma. Kwanini lakini? Kwanini imekuwa hivi?

Wote wakamshangaa na kumuangalia tu.



Mashaka alijiona kafanikiwa kiasi fulani kwani alikuwa kashamvurugia Maiko kuwa tena karibu na bi.Rehema na alijua wazi kuwa lazima Maiko agome kubeba mzigo na atamtupia Patrick.

"Na hapo ndio patamu, maana Patrick anajifanya mwema sana. Ngoja tu na wao waumbuke na waogopwe na kujificha kama ambavyo mimi ninafanya"

Akaishia kwa kicheko cha kujipongeza.



Ilibidi Tina amueleze Tusa kuhusu Tulo kuwa anampenda.

TINA: Anaonyesha kunipenda kweli halafu anapesa tofauti na Yuda.

TUSA: Sikushauri kuwa nae, sidhani kama huyo Tulo atakuwa tofauti na Patrick. Wanaume wote ni sawa Tina.

TINA: Hapana bhana si sawa, Tulo kashajipanga kimaisha ana nyumba na magari. Nikiwa nae nitaishi maisha ya kifahari, sijawahi kufikiria kuwa na gari ila Tulo kasema atanipa. Unajua nikiwa nae nitaanza na mia tofauti na Yuda itabidi nianze nae na moja.

TUSA: Ngoja nikuulize Tina, unachoangalia wewe ni pesa ya mtu au upendo wa mtu kwako? Angalia Mapenzi Tina, pesa kitu gani bhana. Mi mwenzio nateseka hapa sababu ya pesa.

TINA: Jamani sasa nifanyeje?

TUSA: Akili kichwani mwako, wewe ni mtu mzima sasa na ushapitia mengi. Usifikirie nakuonea wivu la hasha, nakuhurumia Tina.

Tina akatulia akitafakari kauli ya Tusa kuwa aangalie mapenzi au pesa.



Maiko aliendelea kuhitaji kuzungumza na Patrick ingawa alimwagiwa maji na Deborah ila hakuacha kwenda kuchungulia nyumbani kwa Deborah maana alitambua wazi lazima kuna muda atakaosikiliza tu.

Akaamua kwenda tena nyumbani kwa Deborah.



Bi.Rehema alizunguka nyuma ya nyumba akitafakari aliyoambiwa, alikaa na kujiinamia.

Akatokea mtu na kumshika bega, kumtazama alikuwa ni Maiko.



Akashikwa bega, alipogeuka kumtazama alikuwa ni Maiko.

Bi.Rehema akamuangalia kwa macho makali sana kisha akainama na kulia, ikabidi Maiko nae achuchumae chini kumuuliza.

MAIKO: Nini tatizo mama?

REHEMA: Siamini kama kweli nimezaa mtoto muuaji, siku zote nimekuwa nikimbia kuhusu mauaji uyafanyayo kumbe ni kweli dah!!

Maiko akaona kuwa sasa ishakuwa soo, akaamua kuuliza kwa kujigeresha.

MAIKO: Kwani nini tena?

REHEMA: Unauliza hujui? Hujui mauaji uyafanyayo? Yani wewe ni wa kumuua babako mwenyewe! Hata kama humfahamu hukustahili kumuua.

MAIKO: Unamuongelea mzee Ayubu?

REHEMA: Unauliza majibu? Kwanini umemuua mzee Ayubu? Mzee wa watu tena asiye na hatia amekukosea nini hadi umuue?

MAIKO: Unanilaumu bure mama, sijamuua mimi bhana.

REHEMA: Sasa nani kamuua?

MAIKO: Ni Mashaka ndiye aliyetutuma na aliyeenda kumuua ni Patrick.

REHEMA: Patrick!! Patrick yupi?

Kabla hajajibu akatokea Deborah kule nyuma,

DEBORAH: Yani wewe shetani Maiko umekuja tena nyumbani kwangu? Haya ondoka upesi kabla sijafanya kitu kibaya.

Maiko akawa anasuasua tu huku bi.Rehema akimtetea.

REHEMA: Jamani Deborah, hajaja kwa ubaya huyu.

DEBORAH: Wewe si ushakuwa kiziwi husikii unapoambiwa ondoka, sasa endelea kukaa hapo hapo.

Deborah akaingia ndani, Maiko na bi.Rehema hawakujua Deborah alikuwa na maana gani.

Deborah alipotoka alitoka na jagi lenye maji mkononi na kwenda kummwagia Maiko mgongoni, maji yale yalikuwa ya moto sana na kumfanya Maiko aruke ruke na kuanza kukimbia.

DEBORAH: Hiyo trailer, njoo tena uone picha yake mwehu wewe.

Halafu akaingia ndani.



Deborah alipoingia ndani alimkuta Patrick yupo sebleni akijiandaa kutoka.

DEBORAH: Shetani alikuja tena mwanangu. Nadhani anafata ndugu zake hao.

PATRICK: Nani tena huyo??

DEBORAH: Maiko huyo, kaja hapa tumbo mbele mbele nimemmwagia maji ya moto akome. Mwanangu bora hapa tuhame tu, hili shetani litaendelea kusumbua kila siku.

PATRICK: Sawa mama nimekuelewa.

DEBORAH: Waachie tu binti yao warudi nae kwao tupumzike, kwakweli nimechoka.

PATRICK: Sawa mama ila lazima niwakomeshe, lazima walipe mahari yangu na iwe fundisho kufanya binti zao kama kitega uchumi.

DEBORAH: Ila mwanangu nimeshachoka mamako.

PATRICK: Usijari mama, yote yataisha tu.

Patrick akamuaga mama yake na kuondoka.



Bi.Rehema alikuwa akiwaza kuhusu Patrick kuwa je ni Patrick anayemjua au ni yupi.

Adamu akamkuta mama yake pale pale alipokaa.

ADAMU: Mbona umnyonge sana mama?

REHEMA: Muda sio mrefu Maiko alikuwa mahali hapa ila alichofanywa na Deborah mmh!! Ni khatari sana.

ADAMU: Kafanywaje tena?

REHEMA: Yani Deborah kammwagia maji ya moto Maiko mgongoni, dah huwezi amini kwakweli. Kumbe Deborah ana roho mbaya kiasi hiki!

ADAMU: Ulikuwa humjui Deborah ndomana ukawa unamtetea, Deborah amewahi kumkata mtu miguu kwa upanga. Achana na Deborah kabisa.

Rehema akasikitika na kuanza kumwambia alichoelezwa na Mashaka kuhusu kifo cha mzee Ayubu na jinsi alivyoambiwa na Maiko.

ADAMU: Sasa ni Patrick yupi?

REHEMA: Hata mi mwenyewe simjui.

Wakaamua kutafuta mawasiliano ya Maiko ili waende wakapate ukweli.



Tusa aliamua kumuuliza tena Tina juu ya alipofikia na maamuzi yake.

TUSA: Kwahiyo Tina umeamuaje?

TINA: Hata sielewi.

TUSA: Unampenda nani kati yao?

TINA: Nawapenda wote.

TUSA: Acha uongo Tina, utawapenda vipi wote. Inaonyesha mmoja wapo unampendea pesa wewe. Tulo umempendea pesa zake.

TINA: Naangalia future bhana, sasa Yuda pale alipo mmh! Nitafika nae wapi?

TUSA: Yuda ni mwanaume anayependa kujishughulisha halafu ana mapenzi ya dhati. Sidhani kama Tulo ni mwanaume sahii kwako. Nakushauri uwe na Yuda, fanya maamuzi sahihi sasa usije kujutia badae.

Tamaa ya pesa ilimtawala Tina na kusahau kuwa amewahi kubakwa kwa tamaa.



Anna aliwakaribisha Tulo na Mwita nyumbani kwake, akakaa nao na kufanya maongezi nao.

Akamuona Tulo amebeba zawadi alipomuuliza akagundua kuwa anaipeleka kwa Tina na akagundua kuwa kuna kitu kinaendelea.

Baada ya maongezi ya hapa na pale wakaaga na kuondoka, muda kidogo akafika Marium.

MARIUM: Nimekuja kukutembelea leo mdogo wangu.

ANNA: Karibu dada.

MARIUM: Mwenzio naona wanangu wote wamechanganyikiwa na ule ukoo uliolaaniwa.

Anna akampa moyo kuwa asiwe na shaka kwa Tina kwani kuna mwanaume mwingine anayemfatilia.

MARIUM: Bora, maana Yuda nae anataka kuleta uchizi kama ya ndugu yake Sele.

Patrick nae akaenda kumtembelea mamake mdogo na kumkuta Marium huku ambae alikazana kumshauri na kumshawishi Patrick kuwa asimuache Tusa.



Maiko aliyekuwa akiugulia donda alilopata kwa yale maji ya moto aliyomwagiwa na Deborah, akafatwa na Rehema na Adamu kwaajili ya kumuuliza.

REHEMA: Ila mwanangu na wewe umezidi kuwachanganya hao wanawake watakuua wewe.

MAIKO: Kweli kabisa mama, wataniua.

Walipomuuliza kuhusu huyo Patrick akawahakikishia kuwa ni Patrick wanaemjua wao.

REHEMA: Mbona hafananii?

MAIKO: Kweli hafananii ila ni yeye.

ADAMU: Dah! Kijana mbaya sana yule.

MAIKO: Ila mbaya ni Mashaka maana yeye ndiye aliyesema mzee Ayubu auwawe na sikujua kama ni baba.

REHEMA: Kwahiyo nyie kazi yenu kubwa ni uuaji?

Maiko hakutaka kujibu na kujifanya kuwa kazidiwa na maumivu, hivyo bi.Rehema na Adamu wakaondoka.



Mashaka aliamua kujipongeza kwa habari aliyompa dada yake kwani alijua lazima italeta mvurugano kati yao.

Akaamua kwenda baa kujipongeza.

Wakati anakunywa akamuona Tulo na mwenzie wakipita akaamua kuwaita ili ajumuike nao, na wala hakujua nini kilimpata Tulo.



Bi.Rehema na Adamu waliporudi kwa Deborah wakaamua kumuita Fausta na Pamela na kuwaeleza hawakutaka kumwambia Tina na Tusa kwanza kwani hata hivyo Tusa hakujua kama babu yake amekufa.

FAUSTA: Mmh! Hata siamini, Patrick anaweza kuua kweli?

PAMELA: Hata mimi mwenyewe siamini.

ADAMU: Mimi naamini, yule kijana ni mbaya sana, anapiga mtu kama vile anatwanga lazima atakuwa muuaji tu.

REHEMA: Pengine ukatili huo karithi kwa mama yake.

Bi.Rehema akawaelezea jinsi Deborah alivyommwagia maji ya moto Maiko.

FAUSTA: Kwa hilo nampongeza, kama ni mimi ningemwagia moto kabisa aungue vizuri.

REHEMA: Mmh! Ila ndio hivyo jamani, Patrick ndiye aliyemuua mzee Ayubu.

Deborah aliwasikia na kuwafata.

DEBORAH: Nani muuaji?

PAMELA: Eti mwanao Patrick.

DEBORAH: Kamuua nani?

REHEMA: Mzee Ayubu.

DEBORAH: Mna uhakika?

ADAMU: Ndio uhakika upo asilimia zote.

DEBORAH: Mimi nakataa, mwanangu si muuaji na hajawahi kumuua yeyote.

REHEMA: Sadiki tuyasemayo Deborah, mwanao Patrick kamuua mzee Ayubu.

Muda huo Patrick nae ndio alikuwa amerudi nyumbani kwao.



Muda huo Patrick nae ndio alikuwa amerudi nyumbani kwao.

Waliendelea kumjadili Patrick bila ya kujua kuwa yupo nje anawasikiliza wanavyosema.

DEBORAH: Nyie nani kawaambia kama Patrick ndiye aliyeua?

PAMELA: Wameambiwa na Maiko.

DEBORAH: Tatizo hamumjui Maiko vizuri, hata siwashangai.

REHEMA: Ila ni kweli, Patrick ndiye aliyeua.

Mara Patrick akaingia ndani na kufanya wote washtuke na kunyamaza.

PATRICK: Mnashangaa nini? Endeleeni kuongea.

Wakawa kimya tu wanatazamana bila ya kusema chochote.

PATRICK: Huwa sipendi kuishi na watu wanafki, kama nimefanya kitu niambie mwenyewe sio kukaa na kunijadili bila sababu za msingi. Semeni mnachosema juu yangu.

REHEMA: Hakuna chochote baba.

PATRICK: Hiyo ni nidhani ya uoga, mama nakuomba mara moja.

Ikabidi Deborah afatane na mwanae na kuwaacha wale wengine pale sebleni.



Bi.Rehema na wengine wakabaki kutazamana.

FAUSTA: (Akacheka), kweli nidhamu ya uoga yani hata wewe kaka umeshindwa kusema!!

ADAMU: Sijajiandaa bado, huyo kijana hatabiriki bhana.

PAMELA: Kwahiyo unamuogopa?

ADAMU: Hapana simuogopi.

FAUSTA: Mbona ulinyamaza sasa wakati wewe ndio mwanaume tunayekutegemea!

ADAMU: Dah! Haya mambo nyie acheni tu ila mi nadhani kuwa cha msingi ni kufata sheria juu ya swala hili.http://deusdeditmahunda.blogspot.com/

PAMELA: Mmh!! Tutakuza mambo jamani, je tutayaweza? Hebu tufikirie kwanza.

REHEMA: Ila mi nadhani itakuwa bora kama tutaenda kuongelea nje maana humu ndani hapafai.

Wakaamua kutoka nje kwenda kuzungumzia hilo swala.



Patrick aliamua kuzungumza na mama yake.

PATRICK: Mama, kwanini mamkubwa ananisisitiza kuwa nisiachane na Tusa?

DEBORAH: Yule kashavurugwa mwanangu, kwa kifupi hata hajielewi.

PATRICK: Halafu mama wasisitizie hao watu, kuwa mi sipendi kusemwa semwa kama kuna tatizo wameliona basi wanifate mwenyewe sio kunisema pembeni.

DEBORAH: Usijari mwanangu.

Hata Deborah nae alishindwa kumuuliza mwanae kuhusiana na hiyo tetesi ya mauaji.



Tina na Tusa wala walikuwa hawaelewi kinachoendelea kwani wao walijifungia chumbani tu.

TUSA: Tina, leo Tulo anakuja. Jibu lako ni nini?

TINA: Hivi wewe Tusa huna habari zingine zaidi ya hizo? Nitaangalia kwanza akishakuja.

TUSA: Wanaume wana vishawishi vingi Tina, ni bora kuwa na jibu kabla hajafika.

TINA: Tusa, mi ni mkubwa sasa hakuna tatizo hata awe na vishawishi vya aina gani.

TUSA: Akikuletea zawadi hapo utakataa?

TINA: Kwani zawadi ina tatizo gani Tusa? Hakuna tatizo mdogo wangu niamini.

TUSA: Sawa ila nakuhurumia, je kwa mfano akifika Yuda na Tulo kwa muda mmoja utafanyaje?

TINA: Usijari Tusa, nitajua cha kufanya kama ikitokea hivyo ila najua haiwezi kutokea bhana.

Bado Tina alikuwa mgumu kuelewa.



Mashaka aliwanunulia pombe za kutosha Mwita na Tulo, wakanywa hadi kujisahau kabisa.

TULO: Itabidi ile safari yetu twende kesho Mwita.

MWITA: Sawa sawa hakuna tatizo.

Mashaka alikuwa akifurahia ushindi wake ila Mwita na Tulo hawakuelewa na waliendelea kunywa tu.

Usiku ulipofika ikabidi waende kulala hotelini, Mwita na Tulo wakalala hoteli ya karibu na Mashaka na kesho yake wakawa wakwanza kwenda kuzimua ile pombe kwa supu ili kuushtua mwili.

MWITA: Kwani Tulo unafanya kazi gani?

TULO: Kwanini?

MWITA: Tangu nimekufahamu, tunalala hoteli, kula vizuri na kukodi usafiri yaonyesha una pesa ya kutosha maana kila nikitaka kutoa pesa unanizuia na kutoa wewe. Hebu nihabarishe mwenzangu, kazi gani unafanya?

TULO: Aaah! Mi mchimba madini wewe, huko Arusha Mererani. Sisi ndio matajiri wadogo wadogo.

MWITA: Nadhani kazi yenu si ngumu ndomana hamna uchungu na pesa zenu. Inamaana unafanya kazi pamoja na Patrick maana na yeye aliniambia kuwa ni mchimba madini.

TULO: Ndio nafanya nae kazi moja, kazi yetu ukiwa unaanza ni ngumu sana ila ukiizoea inakuwa laini kama ugali na mrenda vile.

MWITA: Duh!! Haya bhana, si wengine tunahenyeka na serikali kwa mshahara kiduchu sana.

Mwita bado alikuwa na maswali kichwani mwake ila kidogo jibu la uchimbaji madini lilimridhisha kwani anajua jinsi gani madini yalivyo na pesa.



Yuda na Sele wakakaa na kujadili kauli ya mama yao.

YUDA: Unajua mama yetu utu uzima wake unampeleka vibaya sana, yani wanaume wakubwa kama sie ni wa kutuambia mwanamke anayefaa na asiyefaa kweli?

SELE: Mama kavurugwa bhana, mi badae nitaenda kwa mamdogo kusikilizia yale mambo ya Tusa na Patrick yameishia wapi.

YUDA: Kwahiyo hapo unatamani kweli Tusa apewe taraka!

SELE: Ndio ili nimpate kiurahisi.

YUDA: Bora hata mimi Tina uhakika kuliko wewe, nataka nikamnunulie Tina zawadi.

SELE: Zawadi gani?

YUDA: Yoyote nitakayopata, zawadi ni zawadi bhana.

SELE: Ila dah! Kwa huyo Tina hata mimi nakuhurumia, nakumbuka kipindi nipo na Tusa huyo Tina ndio alikuwa namba moja kumshawishi Tusa aachane na mimi. Yani Tina na mama yake Tusa wako sawasawa, wanapenda pesa balaa.

YUDA: Tina kabadilika bhana, si unakumbuka kipindi kile wakati namtongoza akaniambia nitafute pesa kwanza, mbona saivi hajaniambia? Inaonyesha kuwa ameshajifunza na kubadilika.

SELE: Kama kabadilika basi itakuwa vizuri.

Wote wawili wakajiandaa na kutoka.



Patrick alitulia kwao na kupanga cha kumfanya Maiko.

"Hivi mwanaume mzima kama Maiko bila hata aibu kuja kuwaambia hawa wasiojielewa eti Patrick kamuua mzee Ayubu. Hivi kweli mimi ningemuua mzee Ayubu bila ya yeye kunituma? Nadhani Maiko ananitafuta sasa. Na pia hawa nduguze hawamjui na hawanijui vizuri, sasa nitaenda kumchukua huyo Maiko wao na kumtoboa toboa mwili mzima mbele ya macho yao."

Patrick akaondoka nyumbani kwa lengo moja tu la kumpata Maiko.



Bi.Rehema akawaita tena watoto wake kujadili.

REHEMA: Hivi kweli tutakaa kimya hivi hivi bila kufanya chochote? Iko wapi haki ya mzee Ayubu?

PAMELA: Sasa mama tutafanyaje kwa unavyodhani?

REHEMA: Patrick achukuliwe hatua. Adamu acha kulala jamani wewe ni mwanaume unatakiwa usimame kwa hili.

ADAMU: Naona Deborah hatuamini, itabidi tumlete Maiko hapa aje kueleza.

FAUSTA: Jamani jamani naomba nitoe onyo, wengine hapa tuna aleji na huyo Maiko sasa mkija nae chochote nitakachofanya msinilaumu.

Halafu akainuka na kuondoka.

PAMELA: Achaneni na huyo kavurugwa, hebu tujadili wenyewe.

Wakaendelea kujadili yanayowasibu.



Fausta akaenda kuzungumza na Deborah.

FAUSTA: Wanavyojifanya wema utafikiri wao hawajawahi kutenda vitu vibaya.

DEBORAH: Kwani wao walifanya nini?

Fausta akaanza kumsimulia Deborah kuhusu kipindi kile cha yeye alivyokuwa mke wa Jumanne ambaye ndio huyo Adamu.

Stori aliyoambiwa ilimsisimua sana Deborah na kumfumbua macho na masikio na hata asijue itakuwaje pale ukweli wa mambo yote ukijulikana.



Kufika mjini, Yuda akaona viatu vizuri sana na kuamua kumnunulia Tina ili akamfurahishe.

Yuda na Sele wakaachana njiani kwani Sele alitaka kwenda kwanza kwa mama yao mdogo Anna halafu na Yuda akatangulia kwa Deborah.



Tulo na Mwita wakaenda nyumbani kwa Deborah, nia ya Tulo ni kuzungumza na Tina na kumkabidhi zawadi aliyomletea.

Tina alitoka sebleni akiwa na furaha ila Tusa alimuangalia kwa msononeko sana.

Wakati Tina akizungumza na Tulo pale sebleni, Yuda nae akaingia pale sebleni.



Wakati Tina akizungumza na Tulo pale sebleni, Yuda nae alingia pale sebleni.

Tina akashtuka kumuona Yuda, Yuda nae akashangaa kuuona ukaribu wa Tulo na Tina.

Yuda akamtazama Tina na kuwa kama vile anamuuliza jambo fulani kwa macho, Tina akashusha macho chini.

Mara Tusa akatokea ndani na kumuona Yuda akiwa amesimama na mfuko wake mkononi, akamfata kwa mbwembwe.

TUSA: Wow, shemeji yangu wa ukweli. Karibu sana.

Akaenda na kumpokea ule mfuko na kuuchungulia,

TUSA: Mmh!! Shemeji, umeniletea zawadi nini?

Yuda akaushangaa sana uchangamfu ule wa Tusa kwani hajawahi kumuona akiwa hivyo kabla.

TUSA: Mbona hujibu shem? Karibu tukae.

Tusa akamshika mkono Yuda na kwenda kukaa nae palepale karibu na alipokaa Tina na Tulo.

Kwakweli Tina aliona kuharibiwa siku vibaya mno kwani yeye hakupanga kabisa kuwakutanisha watu wale wawili pale.

Yuda aliendelea kumuangalia Tina kwa umakini mkubwa huku Tusa nae akiendelea kumuongelesha, Tina alijionea aibu kwani alitambua anachofanya.

Tulo hakuelewa kinachoendelea, ikabidi amuulize Tina.

TULO: Mbona umebadilika gafla Tina?

TINA: Naombe twende tukazungumze nje.

TULO: Kwanini? Mbona sielewi jamani?

TINA: Utaelewa tu tukitoka nje.

Tulo akainuka, Tina nae akainuka na Yuda nae akainuka.

YUDA: Unaenda wapi Tina? Si unajua kuwa nimekufata wewe!

Tina alikaa kimya tu, Tulo nae akamgeukia Tina na kumuuliza.

TULO: Amekufata wewe kivipi?

TINA: Twende nje bhana tukazungumze.

Wakawa wanatoka nje, na Yuda nae akawa anawafata kwa nyuma.



Patrick alifanikiwa kumuona Maiko, alimkuta akiwa amelala mgongo wazi kwani alikuwa amebabuka sana mgongoni.

Patrick akacheka sana,

PATRICK: Vipi gaidi? Umemwagiwa tindikali nini?

MAIKO: Nimemwagiwa maji ya moto na mama yako.

PATRICK: (Akacheka), kazi nzuri sana aliyofanya mama yangu. Nitaenda kumpongeza.

MAIKO: Yani, Patrick umefurahi kiasi hicho!

PATRICK: Tena nimefurahi mno, nia yangu kwako ilikuwa ni kukumaliza leo ila nitangoja kwanza hayo maumivu yako yapoe halafu ndio nije kukuongeza na maumivu mengine. Kweli mama yangu anafaa jamani.

MAIKO: Sawa, ila nitapona tu.

PATRICK: Na ukipona utakuwa mikononi mwangu. Haya niambie, nani amekutuma kuwaambia kuwa mimi ndiye nimemuua mzee Ayubu?

MAIKO: Unanionea bure Patrick, sikuwa na nia ya kusema ila yote haya ameyaanzisha Mashaka. Huyu ndio mtu mbaya Patrick.

PATRICK: Hata kama, wewe hukutakiwa kunitaja mimi. Muone ulivyo na ushetani wako hadi unaua baba yako mzazi.

Patrick aliondoka na kwenda kumtafuta Mashaka kwani alijua kuwa huyu ndiye msumbufu namba moja.



Tina na Tulo wakatoka nje na Yuda nae akawafata.

YUDA: Nahitaji kujua kuna nini kinaendelea kati yenu wawili?

TULO: Ujue wewe kama nani?

YUDA: Mimi kama nani? Kivipi?

Tina akaona mambo yatamgeukia sasa, akaamua kukimbilia ndani na kumuacha Tulo na Yuda pale nje.

Tulo na Yuda wakaanza kurumbana.http://deusdeditmahunda.blogspot.com/

YUDA: Tina ni mpenzi wangu, nakuomba ukae mbali nae.

TULO: Mimi ndiye mpenzi wake, wewe ndio unatakiwa ukae mbali nae.

Wakaanza kugombana na kupigana, Mwita akawaona na kuwafata.

MWITA: Acheni ujinga nyie, hebu angalieni mwanamke mwenyewe kawakimbia na kuwaona wapumbavu. Nyie mnaendelea kugombana wakati mnayemgombania katulia ndani.

YUDA: Huyu jamaa ni muharibifu tu na hajui wapi nimetoka na Tina.

TULO: Hata mimi pia hujui nilipotoka na Tina.

Mwita aliendelea kuwasihi waache kugombana ila hawakusikia.

Mara Deborah nae akatoka ndani na kukutana na yale marumbano kati ya Yuda na Tulo.

Ikabidi na yeye aingilie kati kwani hakujua wanagombea nini.

DEBORAH: Sitaki matatizo nyumbani kwangu, kwani mnagombea nini na nyie hapa? Semeni mnachogombea.

Ikabidi Mwita amueleze kuwa wale wawili wanamgombea Tina.

Deborah hakutaka majibishano, aliamua kumuita Tina mara moja.







ITAENDELEA