MUME GAIDI - 5

 

Simulizi : Mume Gaidi

Sehemu Ya Tano (5)





Tina aliporudi ndani alimkuta Tusa anacheka.

TINA: Kinachokuchekesha ni nini sasa?

TUSA: Nilikwambia Tina, mshika mawili moja humponyoka dada.

TINA: Sasa ndio ucheke? Yani na wewe hujui madili kabisa sijui ukoje Tusa. Umenikera sana leo.

TUSA: Ndio ujipange sasa kumchagua mmoja. Kusuka au kunyoa?

TINA: Kwenda zako huko, huna lolote wewe. Yako yamekushinda, utaweza yangu wewe?? Huna ulijualo hapo ulipo.

Tina akakaa chini kwa hasira, mara akasikia anaitwa ila hakutoka kule nje, ikabidi Deborah aende ndani na kumshika Tina mkono na kutoka nae pale nje.



Tina alikuwa ameinamisha macho chini tu pale nje kwa aibu.

DEBORAH: Haya sasa, nataka utamke kwa mdomo wako mwenyewe. Wako ni Yuda au Tulo?

TINA: Sijui.

DEBORAH: Khee! Huna hata aibu, eti sijui. Inamaana hujui unampenda nani? Au hujui kama unampenda au la! Wewe ni waajabu sana. Hapa ni kusema tu wako ni yupi, na kama huwataki wote sema niwatimue hapa.

Tina akajifikiria sana, akafikiria mambo mengi na mtihani aliopewa hapo. Ikabidi achague moja kuliko kukosa vyote, alitaka amchague Tulo kwaajili ya pesa alizo nazo ila kauli ya Tusa ilimrudia sana kichwani mwake kuwa aangalie mapenzi ya kweli na si pesa, hivyo basi akaamua kumchagua Yuda.

Deborah akamuomba Tulo aondoke, Tulo aliumia sana moyo wake na kuamua kuondoka na Mwita, hakuamini kama Tina angemfanyia vile baada ya mambo yote aliyomuahidi.



Adamu na ndugu zake hawakuacha kumjadili Patrick, Deborah akawaomba sana na kuwasihi kuwa waache kumjadili Patrick.

DEBORAH: Naomba muache kumjadili Patrick, wakati familia yenu imelaaniwa.

REHEMA: Unamaana gani Deborah?

DEBORAH: Patrick nimempigia simu na amesema kesho anarudi, kesho nitaweka kikao na kuwaelezea jambo fulani najua wote mtastaajabu na kushangaa.

Hawakumuelewa Deborah, na wote wakawa wakijiuliza maswali kuwa ni jambo gani ambalo Deborah alihitaji kumwambia.



Mwita na Tulo walienda baa ili kujiliwaza kwa yale majanga yaliyomkuta Tulo siku hiyo.

Mwita alikaa karibu na Tulo ili kumchunguza zaidi kazi afanyazo ila Tulo hakulitambua hilo.

Mwita alianza kugundua mambo mengi sana kuhusu Tulo.



Patrick aliweka mtego wa kumnasa Mashaka, alimtegeshea mtego mdogo wa mtoto wa kike kwani Mashaka alipenda sana wanawake. Patrick akaona kuwa hiyo ndio itakuwa njia pekee ya kumpata Mashaka.

Patrick alitaka amshughulikie Mashaka na Maiko kwa mikono yake mwenyewe, bila ya kujua kuwa Maiko nae anampango huo huo na Mashaka.

Mashaka aliingia hotelini na binti yule bila kujua kuwa chumba alichoingia yupo Patrick.





Mashaka aliingia hotelini na binti yule bila kujua kuwa chumba alichoingia yupo Patrick.

Mashaka hakuwa na habari wala nini, akashangaa akikabwa kwa nyuma na kuanza kufurukuta, alipogeuka mbele ana kutana macho kwa macho na Patrick, kwanza kabisa Mashaka hakuamini kama ni kweli yupo mikononi mwa Patrick au anaota.

Akataka kupambana na Patrick, ila akapewa ngumi moja ya kishindo na kutulia.

PATRICK: Na utulie hivyo hivyo, tunatoka hapa hotelini kuna mahali tunaenda. Ukileta papara tu, leo nitakumaliza.

Ikabidi Mashaka awe mpole kwani hakutaka kupoteza nguvu zake kupambana na Patrick ilihali anajua wazi kuwa atashindwa.

Patrick alitoka na Mashaka kimya kimya na kuingia nae kwenye gari ya Mashaka ambapo Dereva alikuwa ni Mashaka mwenyewe, alipeleka gari kulingana na alivyoelekezwa na Patrick.



Adamu akaitwa na mama yake ili wazungumzie swala la Deborah analotaka kuwaambia.

REHEMA: Eti, unafikiri Deborah ana jambo gani la kutuambia?

ADAMU: Kwakweli sijui mama, yani sijui chochote.

REHEMA: Au huyo Patrick ni mwanao?

ADAMU: Mama, Deborah kwangu hakuondoka na mtoto wala mimba. Kwakweli hata mi mwenyewe sijui huyo mtoto amezaa na nani.

REHEMA: Kama alikuficha je kumbe alikuwa na mimba yako?

ADAMU: Mama, kwajinsi ilivyokuwa Deborah angekua na mimba ningejua tu hata kama ingekuwa ya mwanaume mwingine. Deborah kwangu hakuondoka na mimba wala mtoto na nilipojaribu kumdadisi kuhusu baba wa mtoto wake alikuwa mkali sana, mi nahisi alibakwa baada ya kutoka kwangu ndomana yupo hivyo.

REHEMA: Sasa, anachosema kuwa amegundua kuhusu familia yetu ni kitu gani?

ADAMU: Mama, hata usijipe presha. Deborah ukimzoea ndo maneno yake hayo hayo. Mi sidhani kama anachaajabu kutueleza ila nia yake kubwa ni tuache kumzungumzia huyo jangili wake.

REHEMA: Na sasa je una mpango gani na huyo Patrick?

ADAMU: Ni kumfungulia kesi tu hata kama hatuna ushahidi, ila kiukweli mama yangu simpendi yule kijana balaa, namchukia sana kwani amenitesea sana mwanangu ila nashindwa kujielewa kwanini hadi sasa nashindwa kumchukulia hatua.

Adamu akawa anatafakari kitu cha kumfanya Patrick.



Patrick alienda porini na Mashaka, kulekule alipoenda na Tulo hadi akatokewa na mzimu wa mzee Ayubu. Sasa aliamua kwenda na Mashaka.

Alikwenda nae kimzobe mzobe kwani haikuwa rahisi kwa Mashaka kuingia porini.

Mashaka akaamua kutumia nguvu zake ili kuweza kupambana na Patrick ili pengine aweze kutoka mikononi mwake, na mpambano ukawa mkali sana.

Patrick alimdhibiti Mashaka kwa kumfunga kwenye mti, mwili wote wa Mashaka ulijazwa kamba alizofungwa na Patrick, kisha Patrick akamtazama na kuanza kumuongelesha.

PATRICK: Huwa sipendi kusumbuliwa, ungetulia hata yasingefikia yote haya.

Mashaka alimuangalia tu Patrick na kukosa cha kumjibu.

PATRICK: Haya bila papara wala vurugu, nahitaji unijibu haya maswali kwa ufasaha. Kwanini umesema kuwa mimi ndiye niliyemuua mzee Ayubu?

MASHAKA: Si kwamba nilikutaja wewe, Maiko ndiye aliyekutaja. Mimi nilisema kuwa Maiko ndiye aliyeua.

PATRICK: Na kwanini ulisema kuwa Maiko ndiye aliyeua? Ulitaka nini?

MASHAKA: Sikutaka chochote.

PATRICK: Na kwanini ulitoa oda ya kumuua mzee Ayubu ilihali unajua kuwa Maiko ni mwanae?

MASHAKA: Mimi sikujua kama Maiko ni mwanae, kwanza tambua kwamba nilichokuwa najua mimi ni kuwa Maiko ni mwanangu, jambo ambalo lilikuwa sivyo. Ayubu aliwahi kuwa bwana wa dada yangu Rehema, na baada ya kuachana kumbe akahamisha makombora kwa dada yangu mwingine ila nadhani hakujua hilo kama Neema na Rehema ni ndugu.

PATRICK: Kwahiyo umemuua kwasababu hiyo tu?

MASHAKA: Hapana, ila Ayubu alinichukulia mwanamke wangu ambaye alikuwa mama wa mwanangu niliyemdhania ndiye Maiko. Niliapa kwa Ayubu kuwa nitamlipizia kisasi, oda ya kumuua ilikuja kwa hitaji la biashara na hitaji binafsi la kulipa kisasi.

PATRICK: Hadi sasa umeua watu wangapi?

MASHAKA: Kwakweli sijui.

PATRICK: Huwezi kujua ndio, idadi yao ni kubwa sana. Hivi ni nani atakayekuelewa hayo uyasemayo Mashaka? Hivi wewe ni mtu kweli katika watu? Kumlipiza mtu kisasi ndio kumuua?

Mashaka aliendelea kumtazama Patrick huku akimsihi amfungue kwenye ule mti.

PATRICK: Kwa leo adhabu yako ni hiyo, utalala hapohapo mi naondoka. Nataka ufe taratibu ili ujue uchungu wa kifo.

Halafu Patrick akaanza kuondoka, jambo pekee ambalo Patrick hakulijua ni kuwa muda wote alikuwa anafatiliwa na Maiko kwa tahadhari kubwa sana.



Kesho yake Pamela na Fausta nao wakajadili na kusemezana.

FAUSTA: Unaonaje tukimwambia Tusa ukweli kuhusu kifo cha babu yake?

PAMELA: Unamaana tumwambie kuwa Patrick ndio kaua?

FAUSTA: Hapana, ila tumueleze kuwa babu yake alishakufa ili nae apate kujua.

PAMELA: Nadhani itakuwa ni jambo la busara maana Tusa hajui chochote kile.

Wakaamua kumuita Tusa ili kumwambia ukweli.



Baada ya mikasa kutulia ya wale vijana wawili yani Tulo na Yuda. Tina alijihisi kuwa ametua mzigo uliokuwa umemuelemea ingawa alikuwa na mawazo kiasi.

TUSA: Hujakosea Tina, uamuzi uliochagua ni sahihi na ipo siku utanishukuru kwa ushauri wangu.

TINA: Sawa ila nimepiga teke fuko la hela.

TUSA: Usimdharau Yuda, anakupenda sana. Naimani ataendelea kukujali na kukutunza. Hujapoteza kitu ila umechagua jambo jema.

TINA: Vipi na wewe hatma yako?

TUSA: Ushauri wako mbovu ndio ulioniponza, hilo fuko la hela unalosema ndio linalonitesa kwasasa.

TINA: Kwani Patrick anafanya kazi gani?

Mara Tusa akaitwa na mama yake.



Walimueleza Tusa kila kitu kuhusu kuuwawa kwa babu yake kasoro hawakumwambia aliyemuua.

Tusa akalia na kuomboleza sana kwani alimpenda sana babu yake hata ile safari ya kipindi kile yeye na Sele kwenda Morogoro alitaka waende kwa babu yake huyo.

Tusa aliona huo ni mkasa mwingine katika maisha yake, na kilichomuumiza zaidi ni kule kuambiwa kuwa aliuwawa kikatili.



Tulo alikuwa na machungu bado ya kukataliwa na Tina.

TULO: Unajua bado siamini kama kweli Tina kanikataa kwaajili ya kale kavulana!

MWITA: Inabidi ukubaliane na hali halisi kwamaana hakuna cha kufanya.

TULO: Cha kufanya kipo, lazima nimkomeshe yule kijana.

MWITA: Utamfanyaje sasa?

TULO: Wewe tulia tu, mimi ndio Tulo na atajuta kuzaliwa mwanaume na kunifahamu mimi.

Mwita alizidi kuingiwa na wasiwasi juu ya mwenendo wa Tulo na hakutaka kuachana nae, aliongozana nae kila mahali kupata taarifa tu.



Marium na Anna nao wakajiandaa na kwenda kwa Deborah kwani alishawaambia kuwa anawahitaji dada zake ili atakapoyasema aliyonayo moyoni wote wawepo.

ANNA: Deborah nae anatutisha!

MARIUM: Yani kama anataka kufa vile loh!

ANNA: Ile familia nayo iliyomzunguka pale ni balaa.

MARIUM: Ile familia ni nuksi wewe, ina majanga hakuna mfano.



Rehema aliamua kuwaida Pamela na Fausta na kuwaeleza kuwa wao ni ndugu zake kabisa kwani Neema ambaye ndiye aliyekuwa mama yao alikuwa ni ndugu wa damu na yeye kwani walikuwa ni watoto wa baba mkubwa na mdogo na baba zao hao walikuwa mapacha.

Wote wakabaki wakistaajabu.

FAUSTA: Inamaana tumeoana ndugu kabisa wa damu?

REHEMA: Huo ndio ukweli.

Wakati wanazungumza hayo, mara akatokea Tusa na kuwafata tena kwa maswali kuhusu kifo cha babu yake.

TUSA: Niambieni ukweli nani kamuua babu?

PAMELA: Hatujui mwanangu.

REHEMA: Hebu mwambieni ukweli mtoto.

PAMELA: Ukweli upi mama?

REHEMA: Kama aliyemuua babu yake ni Patrick.

TUSA: Patrick yupi?

REHEMA: Patrick mumeo.

Tusa hakuamini kabisa, mara Patrick nae akawa amerudi na kuingia ndani.

Tusa alivyomuona alinyanyuka na kukimbilia jikoni, kisha akachukua kisu na kumfata nacho Patrick kwa hasira.



Tusa alivyomuona alinyanyuka na kukimbilia jikoni, kisha akachukua kisu na kumfata nacho Patrick kwa hasira.

Tusa alikuwa amejawa sana na hasira dhidi ya Patrick, alikishika kile kisu kisawasawa na moja kwa moja alitaka akilengeshe kwenye kifua cha Patrick ila kabla hajafanya hivyo Patrick alimdaka mkono Tusa na kumpokonya kile kisu.

Tusa akaanza kumzenga zenga Patrick kwa maneno mengi makali, aliongea huku akilia na machozi kumtoka.

TUSA: Niue na mimi Patrick, naomba uniue kama ulivyoua hao tengine.

PATRICK: Kwani wewe mwanamke vipi? Una mashetani au?

Kisha Patrick akamsukumia Tusa pembeni na yeye akaelekea chumbani kwake, Tusa akaona kuwa ana kazi ya ziada kwa Tusa.



Maiko alienda moja kwa moja pale ambako Mashaka alipofungwa, Mashaka alishakata tamaa kwani hakuona msaada wowote ukizingatia ni porini.

Maiko alimwangalia na kumwambia.

MAIKO: Nimekuja kukusaidia kwa lengo na nia yangu moja kubwa sana.

Mashaka hakujali nia ya Maiko kwa muda huo ni nini ila alichojari ni kupatiwa huo msaada.



Yuda nae akajitahidi kumtafakari Tina ambaye alimshangaa tabia yake kwa muda mfupi kiasi kile.

SELE: Usiumize kichwa ndugu yangu, kuwa na Tina kunahitaji uvumilivu tu hata usiwe na wasiwasi.

YUDA: Uvimilivu si tatizo, tatizo ni kuwa hana msimamo bhana. Atakuwaje na mimi halafu anamkubali mwanaume mwingije.

SELE: Usijari, Tina yupo katika mabadiliko ya maisha yake na atakuwa kwenye mstari uliyonyooka tu hata usiwe na wasiwasi ndugu yangu.

Yuda alimpenda sana Tina na ndiomana alijitoa sana dhidi ya Tina.



Adamu alipoingia pale sebleni kwa Deborah akashangaa kubambana na kilio cha binti yake, na alipouliza akagundua ukweli kuwa binti yake analia kifo ch babu yake ambaye yeye ni baba yake.

Wote walikereka kwa kutambua uwepo wa muuaji ndani ya nyumba ila wote waliogopa sana hata kumgusa, ni Tusa pekee ndiye aliyejaribu kumsogelea mwilini Patrick.

Deborah naye alipofika akakutana na lile zogo, alipoambiwa.

DEBORAH: Mnanishangaza sana nyie binadamu msio na fadhila, sasa kumnywesha hiyo sumu ya unafki Tusa mnataka afanye nini? Nadhani mnataka amchukie zaidi ya vile anavyomchukia, ila sumu mnayoipandikiza mtainywa wenyewe.

ADAMU: Sasa hukupenda aujue ukweli?

DEBORAH: Ukweli mnaushahidi? Bora mie niliyeficha ukweli kwa muda mrefu nikingoja ushahidi ila Mungu si Athumani hatimaye ushahidi nimepata.

REHEMA: Tatizo Deborah hutaki kukubali kuwa unafuga maradhi ndani.

Ndugu wa Deborah wakawasili, nao ni Marium na Anna walikuja kwaajili ya kikao ambacho Deborah amewaitia.



Tina aliyekuwa chumbani akiendelea kujitafakarisha mwenyewe, aliamua kwenda sebleni aliposikia kuna kikao. Na alipoona majonzi ya Tusa akaamua kumbembeleza kwani wao walishaliaga na yakaisha.

TUSA: Kinachoniumiza ni kusikia kuwa Patrick amehusika.

TINA: Usiamini sana Tusa, hakuna mwenye ushahidi hata hivyo Patrick hawezi kufanya unyama ule.

Tina alizidi kumbembeleza Tusa na kumliwaza.



Deborah akamuita mwanae Patrick ili waweze kuzungumza.

PATRICK: Kwani kikao kinahusu nini? Kuachana mimi na Tusa? Kama kinahusu hivyo, mimi nasema hapana. Simwachi Tusa.

TUSA: (Kwa ukali), unaning'ang'ania mimi ndugu yako?

PATRICK: Nani umesikia anahaja na undugu na wewe na ukoo wako huo? Mi nakung'ang'ania kwa pesa yangu uliyopoteza toka nakufatilia, na kama kuna wa kumlaumu kwa hili basi mlaumu Maiko aliyekuwa akinishauri nitoe pesa nyingi sana kwako. Nadhani aliwajua ukoo wake kama mnapenda pesa.

PAMELA: Halafu sisi sio kwamba tunapenda pesa kama unavyofikiria.

PATRICK: Uliona wapi mzazi mwenye mapenzi mema na mwanae akamuozesha kwa posa ya milioni kumi na tano? Si uchizi huo, ukoo wenu umelaanika nyie.

DEBORAH: Mwanangu acha kabisa hayo marumbano, leo nataka kusema kitu ambacho nimekiweka moyoni kwa muda mrefu sana.

PATRICK: Nadhani itakuwa kuhusu baba yangu ila sidhani kama hawa wengine wanahusika.

ADAMU: Ni kweli hatuhusiki, hapa tuongelee mambo ya msingi. Kwanza kabisa kwanini mwanao kaua baba yetu na pia kwanini anaendelea kumtesa mtoto wetu.

DEBORAH: Hili jambo wote linawahusu na ndiomana nimewaita wote ili nipate kuwajuza na mjue kila kitu kilichotokea. Najua Adamu unapotezea sababu hutaki maovu yako ya nyuma yawe wazi, ila kosa dogo ulilotenda kipindi hicho cha nyuma leo ndio lililozua balaa, tafrani na mtafaruku katika maisha yenu.

MARIUM: Bora tu uelezee ulichotuitia Deborah, hayo unayoyaongea hayana msaada wowote kwenye hiyo familia iliyo laanika.

Adamu akachukia sana kwa hiyo kauli juu ya familia yake kuwa imelaanika.

ADAMU: Chunga kauli yako mwanamke.

MARIUM: Kauli yangu!! Kwani uongo? Familia gani kaka na dada wanazaa pamoja, halafu baba anabaka mwanae kama sio laana ni kitu gani?

Adamu alizidi kuchukia na kutamani kutoka kwenye kile kikao.



Mwita aliomba na ruhusa kazini kwaajili ya kuendelea kuchunguza mambo ambayo yanaonyesha kumpa utata mkubwa sana. Alihisi kuwa kuna kazi ambazo si halali zinazotendwa na Tulo pamoja na baba yake bwana Maiko.

Mwita aliendelea kuwa karibu na Tulo haswa kuhusu kisasi alichotaka kulipiza kwa Yuda. Mwita alitaka kujua kuwa Tulo atafanya kitu cha aina gani, akaandaa mtego wa kumkutanisha Tulo na Yuda bila ya Tulo kujua kama ni mtego tu.



Wakiwa tayari kuanza kikao baada ya marumbano ya hapa na pale kuhusu familia ya Adamu, gafla walisikia kelele nyingi nje kama vile mtu anakabwa. Kelele zile ziliwashtua na kuwafanya watoke nje kuangalia kuna nini.

Walipotoka nje walikuta damu nyingi sana imetapakaa pale nje ila hawakuona mtu yeyote.

Wote wakashangaa kuwa ni kitu gani.

http://deusdeditmahunda.blogspot.com/

Wote wakashangaa kuwa ni kitu gani.

Marium ndio alikuwa wa kwanza kuuliza,

MARIUM: Mambo gani haya jamani?

DEBORAH: Hata sielewi ni kitu gani.

Adamu akainama na kuangalia ile damu,

ADAMU: Ila hii damu inaonyesha kuwa ni ya mtu.

PAMELA: Mtu gani sasa?

ADAMU: Sijui.

Patrick alikuwa kimya kabisa huku akitafakari mambo mbali mbali katika akili yake bila ya kupata jibu.

Alijiuliza vitu vingi bila ya majibu.

"Inamaana kuna mtu kauwawa hapa kwetu? Kama yupo je yuko wapi? Au ni mauzauza ya mzee Ayubu?"

Akakosa jibu, akawaacha wote pale nje na kurudi ndani.

Nao wakamshangaa Patrick kuonekana kamavile hajashtushwa na lile tukio, tena kamavile amelipuuzia na kuona halina maana au ni kitu cha kawaida.

REHEMA: Itakuwa anaelewa kilichotokea, wengine tunaumiza vichwa hapa wakati mwenzetu kashaelewa kilichotokea.

Tusa na Tina nao wakaamua kurudi ndani na kuwaacha wazazi wao pale nje kwani waliogopa kukutwa na makubwa pale nje.

DEBORAH: Sasa aliyeelewa ni nani?

REHEMA: Mwanao Patrick atakuwa anajua kila kitu.

DEBORAH: Naona unamchukia sana Patrick, ila ukweli utakapokuwa wazi najua utaona haya.

ADAMU: (kwa ukari), Sio maneno ya kumwambia mama yangu hayo.

DEBORAH: Wee mwanaume wewe tafadhari sana, mfokee mkeo sio mimi. Tena ukome kunikaripia, kumbuka hapa ni nyumbani kwangu, nina uhuru wa kufanya na kusema chochote ninachojisikia.

ADAMU: Siku hizi una kiburi sana wewe mwanamke.

DEBORAH: Ndio nina kiburi na jeuri pia.

FAUSTA: Jamani, msianzishe zogo lingine hapa. Kama vipi tukaendelee tu na kikao chetu.

PAMELA: Sasa nyinyi hizi damu mnaona tu ni kitu cha kawaida?

FAUSTA: Si kitu cha kawaida Pamela ila haina jinsi na hakuna la kufanya.

DEBORAH: Damu huwa ni kiashirio cha vitu vingi sana, pia najua inatukumbusha mambo mengi ya nyuma ama tuliyofanya au tuliyofanyiwa.

MARIUM: Sawa, basi turudini ndani.

Bi.Rehema akamvutia Adamu kwa pembeni wakati wengine wanarudi ndani.



Bi.Rehema akamuuliza tena Adamu kuhusu Deborah.

REHEMA: Kwani wewe na huyu mwanamke mna tatizo gani? Mliachana kwa mateke na ngumi nini?

ADAMU: Hapana mama, huyo mwanamke ni kisirani tu huwa hata sijui ana matatizo gani.

REHEMA: Au bado mnapendana?

ADAMU: Aaah mama!! Maswali gani hayo? Si unamuona mwanamke mwenyewe alivyo jeuri jamani.

REHEMA: Ndio kawaida ya wanawake wakipata mali, ila wewe vumilia mwanangu ili tuondoke hapa kwa usalama.

ADAMU: Sawa mama, hakuna tatizo.

Adamu akakubaliana na mama yake kutulia.



Tulo na Yuda wakakutana kama ambavyo Mwita amepanga mtego wa kuwakutanisha.

TULO: Niambie kidume, wewe si ndio unajifanya kidume.

YUDA: Sio najifanya, mimi ni mwanaume niliyekamilika.

TULO: Kumbe umekamilika eeh!!

YUDA: Ndio nii mwaname niliyekamilika na kujiamini sana.

TULO: Napenda sana wanaume wa aina yako.

Yuda hakutaka kuendelea kuwepo eneo lile na kuamua kuondoka hata kumshangaa aliyemuita pale bila kumuon.

Wakati Yuda anaondoka, akili ya Tulo ilishapanga kitu kingine juu ya Yuda.



Deborah na wengine wakataka kuanza kuzungumza yaliyowafanya waweke kikao humo ndani.

DEBORAH: Mbona hawarudi Adamu na mama yake?

Mara na wao wakarudi mule ndani na kukaa kwaajili ya mazungumzo.

PAMELA: Jamani mimi nina wazo, kabla ya kuanza kikao hapa wangetoka hao wanaume na kwenda kuangalia angalia nyumba nzima ili tujiamini kuwa tuko salama.

Patrick na Adamu wakajifanya kama vile hawajasikia kitu chochote kinachozungumzwa na Pamela kwani walikuwa kimya kabisa.

Pamela hakuna na imani na ile damu ukizingatia imeachwa pale nje, akapata wazo la kwenda kuifukia ile damu.



Kitu ambacho Maiko alikifanya hakuna aliyekijua kwa wakati huo ila Maiko mwenyewe alikuwa kama vile mtu aliyechanganyikiwa na hakujielewa kabisa kwa mambo aliyoyafanya.

Alidhani moyo utasawazika na kitu alichofanya, cha zaidi zaidi aliendelea kujiuliza kuwa kwanini amefanya alivyofanya.

Maiko alikuwa ndani ya gari, karibu kabisa na nyumbani kwa Deborah akatamani ajitokeze ili aongee anachotaka kusema ila alishindwa kwa kuona kuwa watamchukuliaje na kumuonaje.



Yuda akiwa anaondoka, akaamua kupita njia za mkato ili kurudi kwao.

Wakati anatembea sasa, mbele yake akazuiwa tena alizuiwa kwa kukabwa kwa nyuma.

Yuda akakukuruka sana, alipogeuka alikutana tena na Tulo, ila Tulo alikuwa tayari kwa mpambano safari hii.

Kwahiyo Tulo na Yuda wakaanza kupambana, kurushiana mateke, kupigana ngumi na kupimana mabavu. Kila mmoja alijifanya gangwe mbele ya mwingine.

Matukio yote haya yalikuwa yakishuhudiwa na Mwita aliyetumia mbinu za kijeshi kuwafatilia bila ya wao kujua.

Mpambano kati ya Yuda na Tulo ulikuwa mkali sana, Tulo akatoa bastola na kumnyooshea Yuda kwa lengo la kummaliza kabisa.

Mwita akashangaa kumuona Tulo na bastola, akajiuliza kwa raia wa kawaida kama Tulo atawezaje kumiliki bastola? Ana kibali gani cha kumiliki silaha kama ile?

Wakati Mwita akitafakari hayo, mlio mkari wa risasi ukasikika masikioni mwake "Paaaaaa"

Mwita akapatwa na mshtuko, huku moyo wake nao ukilia paaaa kwani ni yeye aliyeamua kuwakutanisha Yuda na Tulo siku hiyo ili ajue kile ambacho Tulo amepanga kumfanyia Yuda.



Sele aliyekuwa yupo ndani kwao, akapatwa hofu juu ya Yuda. Akahisi kuwa kuna kitu kibaya kimempata ndugu yake huyo.

Akaamua kumfatilia kwa njia aliyoondokea ili labda akutane nae njiani kwani hofu ilimjaa sana juu ya Yuda, ukizingatia hakuelewa kuwa Yuda aliitwa na nani kwani tangu alivyopigiwa simu na kuondoka hakurudi tena na wala hakuaga vizuri aendako.



Pamela alikuwa na uhitaji sana wa kutoka ili akaifukie ile damu kwani hakuona kuwa ni kitu kizuri wao kukaa na mazungumzo ndani wakati wanajua kuwa kuna damu imetapakaa nje ya nyumba ile.

Deborah hakutaka kujali sana kuhusu ile damu ila yeye alitaka kuendelea na maongezi yake aliyowaitia toka mwanzo.

DEBORAH: Nitapenda historia hii niieleze kwa makini ila sitahitaji swali lolote hadi pale nitakapohitimisha.

PATRICK: Kwani ni historia ya maisha yako au ni historia ya nini?

DEBORAH: Ni historia ya maisha yangu ila najua wengi itawagusa, na wengi wataelewa kile ambacho nitakieleza. Na huu ndio ukweli mtupu wa maisha yangu.

Pamela akaingilia kati wakati Deborah akiendelea kuzungumza.

PAMELA: Samahani kwa kukukatisha Deborah, ila nina ombi kidogo.

DEBORAH: Ombi gani? Hutaki niwataje majina yenu halisi kwenye stori hii.

PAMELA: Hapana sio hivyo, ombi langu ni jingine. Ila hata hivyo, unamaana unataka kuelezea yale yaliyopita zamani?

DEBORAH: Ndio, kwani kuna ubaya?

PAMELA: (Huku akisitasita), aaah hapana hakuna ubaya ila sidhani kama watoto wetu itawahusu.

DEBORAH: Itawahusu ndio, napenda wajifunze kuwa duniani kuna watu wa tofauti na umdhaniaye siye kumbe ndiye. Labda kama una lingine Pamela.

Pamela aliona Deborah anataka kumuumbua tu, jinsi yeye na Adamu walivyomsaliti ila hakuna jinsi ilimradi Deborah kaamua kuongea akaamua wamuache tu aongee.

PAMELA: Ila nilikuwa naomba nikafukie ile damu pale nje maana si kitu kizuri kuzungumza ndani wakati nje kukiwa na damu isiyoeleweka ni ya nini.

Deborah akamruhusu Pamela aende.

Pamela akatoka nje na muda huo huo akarudi ndani na kuwaambia kuwa ile damu haipo.

DEBORAH: Unamaana gani?

PAMELA: Ile damu haipo, sijaikuta pale ilipokuwa.

Deborah akaamua kwenda kuangalia mwenyewe.





Deborah akaamua kwenda kuangalia mwenyewe.

Alipofika nje hakuona chochote na kurudi ndani.

DEBORAH: Ni kweli hakuna chochote, ile damu imepotea kweli.

Wote wakabaki kumtazama tu.

FAUSTA: Sasa hiyo damu inamaana gani? Kuja na kupotea?

DEBORAH: Kiukweli inakuwa ngumu kuelewa.

MARIUM: Mi nadhani tutoke nje na kutazama nyumba kwanza.

Wote wakakubaliana kutoka nje, wakati wananyanyuka, Patrick wala hakujishughulisha nae, aliendelea kukaa pale pale walipokaa.

Tusa nae akamvuta Tina na kumzuia kutoka nje ili waweze kujadili mambo yao.



Tina alikaa karibu na Tusa pale alipomwita.

TUSA: Unajua kwanini nimekuzuia?

TINA: Niambie kwanini, mi sijui.

TUSA: Nimeona wanajisumbua tu hakuna lolote, nadhani kuna mtu anawafanyia mchezo bila ya wao kujua.

TINA: Mmmh!! Kweli Tusa?

TUSA: Huo ndio ukweli wenyewe ila hao watu huwa hawashauriki, waache wajisumbue wakisharidhika na yao watarudi ndani.

Mara wakamuona Patrick akiinuka pale kwenye kochi na kuelekea chumbani kwake.

TINA: Na mbona Patrick yuko vile?

TUSA: Atakuwa ana mipango yake mibovu tu pale alipo, roho inaniuma sana tangu nisikie kuwa kamuua babu ila sina la kufanya kwamaana Patrick ana nguvu sana. Lakini nitalipa kisasi tu.

TINA: Mi nadhani kuwa yote tumuachie Mungu.

Wakamuona Patrick akirudi tena pale sebleni, wakaamua kunyamaza kwasasa.



Wakiwa pale nje na kujadili.

REHEMA: Ila mimi nawashangaa sana, tuatoka nje ila muhusika tunamuacha ndani.

DEBORAH: Tafadharini sana, mwacheni Patrick wangu. Maswala ya kumsemasema siyapendi.

PAMELA: Mmh!!

Wakajaribu kuzunguka zunguka ila hawakuona chochote na kuamua kurudi ndani.

DEBORAH: Nadhani tukaendelee na kikao chetu.

FAUSTA: Haya mambo yanachanganya sana hadi tunakuwa kama machizi kwa kufatilia kitu tusichokijua wala kukitambua.

Wakarudi tena ndani, kama walivyotoka ndivyo walivyorudi.



Mwita aliumia sana moyoni na kuinuka pale alipokuwa kisha akaanza kukimbilia eneo ambalo Yuda na Tulo walikuwa wakipambaniana.

Kufika pale akagundua kuwa ile risasi ambayo Tulo aliipiga ilikuwa ni risasi hewa kwani alipiga hewani na si mwilini kwa Yuda.

Mwita akaanza kumsihi Tulo asifanye chochote kwani bado alikuwa ameshikilia bastola mkononi.

Mwita alipoona Tulo ni mgumu kuachia bastola, akaamua kutumia mbinu zake za kijeshi kuipata na kusahau kuwa Tulo ni jasusi.



Sele alipofika eneo la tukio alishangaa sana kuona nduguye amenyooshewa bastola.

Wakati Mwita akiwa anapokonyana ile bastola na Tulo, Sele nae akatumia muda huo kukimbia na nduguye Yuda na kuamua kukimbilia nyumbani kwa mama yao mdogo Deborah.



Deborah akaanza kuzungumza tena pale sebleni.

DEBORAH: Jamani yaliyopita yamepita, hebu tuzungumze mengine yanayotuhusu sasa.

REHEMA: Ila nyumba yako ina maajabu sana Deborah.

DEBORAH: Ila maajabu yake hayawezi kufikia maajabu ya ukoo wenu.

ADAMU: Hivi Deborah huwezi ongea bila kutaja ukoo wetu?

DEBORAH: Lazima niutaje, ukoo wenu umeniharibia sana maisha. Umeniharibia mwanangu Patrick, mtoto niliyemkuza huku nikimtegemea kuwa ni faraja yangu na atakuwa nami katika shida na raha. Ila ukoo wenu umemuharibu Patrick na bado mnataka kumuandama kwa maneno mengi na chuki.

Wote wakawa wametulia wakimsikiliza Deborah anavyobwabwaja ya moyoni mwake.

ADAMU: Sema mama sema, leo ni siku yako ya kutoa ya moyoni.

Deborah hakuacha kuwaambia jinsi gani wanamkera pale wanapomuongelea Patrick kwa mabaya tu wakati Patrick anawahusu.

Mara Yuda na Sele wanaingia kwa Deborah huku wakihema juu juu.



Ikabidi waulizwe ni kitu gani kinachowafanya waheme vile, Yuda akaelezea kwa ufupi ilivyokuwa.

Mara gafla wakamuona Patrick akiinuka na kutaka kutoka, Deborah nae akainuka na kumzuia.

DEBORAH: Mwanangu, hiki kikao kinakuhusu wewe. Tafadhari usiondoke mwanangu, si wameshasema kuwa wamemuacha na Mwita? Basi hakuna kitakachoharibika maana Mwita ni mwanajeshi.

PATRICK: Ila mama umezidi kuzungusha mambo, baada utueleze yanayohusika wewe kitu kidogo unakatisha mada. Kama nitarudi kukaa basi utueleze yanayohusika kwa makini.

DEBORAH: Usijari mwanangu, hiki kikao kina umuhimu sana kwako na maisha yako kwa ujumla. Napenda ujue ukweli wote uliojificha katika maisha yangu na katika maisha yako, kuna siri kubwa sana kati yangu na yako unatakiwa kuijua Patrick. Sitaki uende popote bila ya kuijua siri hii mwanangu.

PATRICK: Sawa mama, nimekuelewa.

Wakarudi wote pale sebleni, na wengine wakiendelea kumpa pole Yuda kwa kilichotokea.

MARIUM: Mkiambiwa msikilize maneno ya watu wazima mnayapotezea.

Haya sasa, yakishawapata ya kuwapata ndo mnakupuka mliyoonywa kabla.

Marium alikuwa kama vile anawakumbusha wanae kwa kauli zake ya kuwa waachane na Tina na Tusa kwani watawaletea mabalaa.



Kikao kiliendelea sasa na Deborah kuanza kueleza yaliyojiri, kumbe huku nje Maiko alikuwa amekuja na mfuko tena mfuko uliokuwa unavuja damu, ilionyesha kuwa kuna kitu alikibeba ndani ya mfuko huo.

Maiko na mfuko wake alisogea hadi kwenye mlango wa nyumba ya Deborah, uleule mlango wa kuingia sebleni.

Maiko ndio alisimama hapo na mfuko wake.



Maiko ndio alisimama hapo na mfuko wake.

Akatamani kugonga ule mlango ila akasita, akatamani kuingia bila ya hodi napo akasita.

Aliposikilizia kwa makini alimsikia Deborah akianza kuelezea historia ya maisha yake.

Ikabidi akae chini akiwangoja wamalize kuzungumza yale maongezi yao ili na yeye apeleke vyake.



Mwita alimshikilia Tulo na sasa alitumia kazi yake ya usalama wa taifa, hakutaka tena kuleta mambo ya urafiki.

MWITA: Tulo, unamiliki silaha kwa misingi ipi?

TULO: Maswali gani ya kuniuliza hayo bhana?

Mwita akaona hapa itakuwa longolongo, akaamua kujitoa kupambana na Tulo ili kumpeleka kituoni na maswali yale akayajibie kituoni kama wengine wafanyavyo.



Deborah alianza kwa umakini kabisa kuwaelezea na alipenda wote wapate kuelewa na kutambua ilivyokuwa toka mwanzo. Alitaka kueleza kila kitu kilivyokuwa hadi kilivyo sasa kwani yeye alijiona kama kiungo kikubwa cha katikati kwenye yale marumbano ya familia.



"Katika familia yetu ya watoto watatu yani mimi, dada yatu Marium na mdogo wetu Anna.

Wazazi walifariki na kutuacha tukiwa bado wadogo, shangazi yetu ndiye aliyechukua jukumu la kutulea sisi.

Tulikaa kwa shangazi huku tukimtegemea kwa kila kitu, kipindi hicho alikuwa akiishi hapa hapa Mwanza.

Nilipokuwa binti, alikuwa baba mdogo, ambaye ni mdogo wake na baba yetu mzazi, akamuomba shangazi anichukue mimi ili ampunguzie mzigo kidogo wa kulea, na alinichagua mimi kwavile nilikuwa mchangamfu sana na niliweza kumudu maisha mbalimbali.

Bamdogo alikuwa akiishi Arusha, hapo ndipo nikapata safari ya kutoka nje ya Mwanza na kwenda Arusha.



Kwa mara ya kwanza niliingia Arusha na kuona ni mji wa tofauti kidogo na Mwanza ambako nilikuzoea.

Bamdogo hakuwa mtu wa shida kwa kifupi alikuwa na pesa za kutosha hata nikamshangaa kwanini amechagua kunilea mimi tu wakati uwezo wa kutulea wote na ndugu zangu alikuwa nao.

Kwakweli niliyafurahia maisha ya Arusha haswaa pale nyumbani kwa bamdogo.



Kulikuwa na kijana aliyekuwa na urafiki na bamdogo, kijana huyo alikuwa anakuja mara kwa mara nyumbani kwa bamdogo, na huyu kijana ndio Maiko.

Alionyesha kuvutiwa sana na mimi kwani kila alipokuwa akija kwa bamdogo alikuwa anabeba zawadi mbalimbali na kuniletea, ila mimi sikuvutiwa nae wala sikumpenda. Nikamuona kama sehemu ya familia tu.

Kuna kipindi bamdogo alinituma nimpelekee mzigo wake Dar es salaam, alinikatia tiketi nami nikasafiri na kwenda huko.

Nilikaa Dar es salaam kwa muda wa wiki moja, nilifikia nyumbani kwa rafiki wa bamdogo yani kule nilikopeleka mzigo.



Nikiwa Dar es salaam, siku moja kabla ya safari yangu ya kurudi Arusha, nilimuomba mtoto mmoja wa ile familia niliyofikia anipeleke baharini ili nami nikashangae maji ya bahari kidogo kabla sijarudi Arusha.

Tukiwa baharini, akatokea kijana aliyejitambulisha kwetu kwa jina la Jumanne, kijana huyu alionyesha kuvutiwa sana na mimi kwani alimuomba nafasi ya kuzungumza na mimi yule mtu niliyekuwa nae kule baharini. Na yule dada akatupisha kidogo tuzungumze.

Jumanne akaanza kwa kunipa sifa kedekede na kunitongoza nikafurahia kwavile hata mimi nilivutiwa nae ila sikumuonyesha moja kwa moja kuwa namkubali, tukaongea ya hapa na pale ila nikakumbuka kuwa kesho yake natakiwa nisafiri na kurudi Arusha, nilipomwambia yule kaka alisikitika sana ila akaniomba nimuelekeze ninapoishi huko Arusha, sikukataa kumuelekeza kwavile nilivutiwa nae, nikamuelekeza kila kitu ila sikuwa na imani kama anaweza kufika Arusha kwaajili yangu tu.

Kesho yake kama ilivyopangwa, nikasafiri na kurudi Arusha.



Nilipokuwa Arusha, sura ya Jumanne haikuweza kutoka machoni mwangu. Ingawa nilimuona kwa siku moja tu ila moyo wangu ulimpenda sana ila sikufikiria kama Jumanne na yeye amenipenda kiasi kile nilichompenda mimi.

Ilikuwa hata akipita mtu mwingine mwenye jina hilo na kuitwa nilikuwa nashtuka mimi, hii yote ni jinsi gani Jumanne aliingia vizuri kwenye akili na mawazo yangu.

Siku zilipita bila barua wala mawasiliano yoyote kutoka kwa Jumanne na kipindi hicho ilikuwa simu ni kitu cha nadra sana labda zile za mezani ambayo pia namba yake nilimpa ila sikuwahi kuitwa kuwa kuna mtu ananipigia.

Nilijua Jumanne ameshanisahau kama kawaida ya wanaume ilivyo, anakukumbuka akikuona machoni tu, ukiwa mbali naye kumbukumbu juu yako anapoteza.

Ikabidi nianze kujilazimisha taratibu ili niweze kumsahau Jumanne.



Nikiwa nimetulia ndani, wazo la Jumanne likanijia tena kichwani, nikajikuta nikipiga kichwa changu kwa ulimbukeni wa kufikiri huku nikijilaumu kuwa kwanini namfikiria huyo Jumanne muda wote.

Alikuja mtoto wa bamdogo na kunishtua na huyu ndiye aliyekatisha mawazo yangu, akaniambia nje kuna mgeni wangu ananiningoja. Nikachukia sana kwani nilihisi kuwa huenda akawa Maiko kwani na yeye siku zingine alikuwa anafanya hivyo ili apate wasaa wa kuzungumza na mimi, nilitamani nisiende ila nikaamua kwenda ili nijue huyo Maiko kaja na mpya gani maana kama kumkataa nilishamkataa sana hadi kuchoka sasa.

Nilipofika nje nilimuona mtu kasimama chini ya mti halafu amegeuzia mgongo getini kwetu, nikajiuliza mgeni mwenyewe ndio yule au ni nani, nikarudi tena ndani kumuuliza mdogo wangu, akanielekeza alivyovaa ndipo nikajua kuwa mgeni mwenyewe atakuwa ni yule.

Nikatoka na kumfata pale chini ya mti, nikamgusa bega ili nimuulize kuwa ameniitia nini, kugeuka ni Jumanne.

Kwanza kabisa sikuamini macho yangu, nilijihisi kama vile naota. Nilijikuta nikimkumbatia kwa furaha, na kitu cha kwanza alichosema,

"Umeamini kuwa kweli nakupenda Deborah?"

Nikaitikia kwa kichwa tu kwani sikuamini kama Jumanne alifunga safari ya kutoka Dar kuja Arusha kwaajili yangu.

Tukaongea mengi sana pale chini ya mti, hadi alipoondoka na kuniahidi kuja tena kesho.



Penzi langu na Jumanne lilikua siku hadi siku, Jumanne alikaa Arusha kwa muda wa mwezi mmoja, akaniambia kuwa anapenda niwe mke wake ili niweze kurudi nae Dar kuishi wote kama mke na mume, nilifurahia sana na ndoto yangu kubwa ikawa kuwa mke wa Jumanne siku zote za maisha yangu.

Nilimuamini sana Jumanne kwani si kitu rahisi mtu kufunga safari ndefu vile kwaajili ya mwanamke tu wakati wanawake wapo wengi.



Usumbufu wa Maiko ulinikera sana, sikutaka hata kumuona mbele ya macho yangu, kumbe Maiko alimwambia bamdogo kuwa anataka kunioa na kuishi na mimi.

Bamdogo akaanza kunilazimisha kuwa niolewe na Maiko ila mimi nikakataa katakata, nikamwambia bamdogo kuwa nina mchumba na yupo tayari kunioa, bamdogo hakutaka hata kunisikia kuhusu huyo mchumba. Bamdogo akaniambia kuwa,

"ukiolewa na mtu mwingine tofauti na Maiko, ujue huna radhi na mimi"

Nilimuomba sana bamdogo anikubalie kuolewa na mtu nimtakae ila bamdogo alikataa kabisa, sikujua cha kufanya ili niweze kuolewa na kuishi na Jumanne.



Jumanne alikuwa na nia ya kunioa kweli kwani alitafuta watu wa karibu kule Arusha ili wazungumze na bamdogo nae apate kibali cha kuja kujitambulisha ila bamdogo hakutaka hata kumuoa Jumanne.



Hakukuwa na la kufanya kwani bamdogo alizidi kung'ang'ania kuwa mimi niolewe na Maiko, wakati Jumanne amerudi Dar nikakubaliana nae kuwa nitatoroka kwa bamdogo na kwenda Dar kuishi nae halafu tutaenda kujitambulisha kwa shangazi Mwanza.



Bamdogo aliendelea kunilazimisha kuolewa na Maiko ndipo nilipoamua kufanya nilichodhamiria, nikapanda gari na kutoroka kwenda Dar kwa Jumanne.

Tukiwa njiani, akapanda mdada aliyekaa jirani na mimi, alijitambulisha kwangu kwa jina la Pamela.

Tukajikuta tukipiga stori nyingi sana na kuzoeana gafla hadi tunafika Dar es salaam.

Kwa bahati nzuri, alipokuja Jumanne kunipokea sababu nilimpa taarifa tukajikuta na yule mdada tukienda nae mtaa mmoja.



Niliishi na Jumanne kama mke na mume, baada ya muda tukapanga safari na kwenda Mwanza kwa shangazi, nilipomuelezea shangazi hakupinga bali alitupa baraka zote na taratibu za posa zikafanyika hapo nyumbani kwa shangazi.

Mimi na Jumanne tulirudi Dar na kuishi kwa amani sasa kwani tulishatambulika kwa ndugu zetu.



Nikapata ujauzito, mtu pekee na rafiki wa karibu alikuwa ni Pamela. Alionekana kunisaidia kwa mambo mengi sana kipindi changu chote cha ujauzito hadi kujifungua.

Nilipojifungua, mume wangu alifurahi sana na nilijifungua mtoto mzuri wa kike aliyeitwa Jasmine.

Bibi yake na Jumanne alifurahi sana kumuona Jasmine na akasema amekuwa hai muda wote akingoja kumuona mjukuu atakayefanana nae, na Jasmine alifanana kweli na bibi huyo.

Jumanne alimpenda sana mtoto wetu.

Siku chache baada ya kujifungua niliona tabia ya Jumanne imebadilika, nilihisi huenda ana mwanamke mwingine nje.



Siku chache baada ya kujifungua, niliona tabia ya Jumanne imebadilika. Nilihisi huenda ana mwanamke mwingine nje.

Nikajaribu kumshirikisha swala hili rafiki yangu Pamela ili anisaidie kwa mawazo, akaniambia kuwa ni kawaida ya wanaume kuwa kama alivyo Jumanne kwa wengi huwa wanachukizwa na harufu za watoto wakiwa bado wachanga.

Nikashindwa kuelewa kuwa inakuwaje Jumanne achukizwe na harufu ya mtoto wetu? Sikuona harufu mbaya kwa mtoto kusema hadi yeye achukizwe na kubadilika kitabia.

Ilikuwa tofauti na nilivyozoea, Jumanne alikuwa anarudi usiku sana na mara nyingine analala huko huko bila taarifa yoyote ile.



Kukikucha, Pamela anakuja nyumbani kwangu tunaongea mengi na kufanya vingi pamoja. Jioni anaondoka, hata kama siku hiyo Jumanne kawahi kurudi ila anapoondoka Pamela nae alikuwa anaondoka na kutokomea huko huko.

Kwakweli sikumfikiria vibaya Pamela, nilimuamini sana kwani alikuwa mtu wa karibu yangu akinisaidia mambo mbali mbali, nilimuelezea yote yaliyonisibu, naye alikuwa mstari wa mbele kunifariji na kunibembeleza.



Mtoto wangu aliendelea kukua na kuzidi kupendwa na watu wengi, kwani alikuwa ni mtoto mzuri na anayependa kucheka muda wote. Kila mtu alimpenda Jasmine.

Mara nyingi Pamela alifika nyumbani kwangu ili tu amuone Jasmine wangu, ila bado tabia ya Jumanne ilizidi kunishangaza, nilishindwa hata kuelewa ni shetani gani aliyemkumba na kuchukua upendo wote aliokuwa akinipenda.



Baada ya miezi kadhaa nilimuona Pamela akibadilika, na kwavile hata mimi nilishawahi kuwa mjamzito nikaweza kugundua mapema kuwa naye ni mjamzito ila nilipomuuliza alipinga kuwa hana ujauzito.

Siku zikapita na hali yake ikazidi kubadilika, sasa ilionyesha wazi kuwa ni mjamzito, nikamuuliza tena ila hakunijibu chochote aliniaga na kuondoka na hakurudi kwangu tena, nikaja kusikia habari kwa majirani kuwa Pamela amesafiri yuko Morogoro na anaishi huko kwa sasa.

Nikashangaa sana kuwa kwanini ameondoka bila hata ya kuniaga, nikahisi labda hakutaka nijue kama anasafiri au basi alisahau kuaga.



Maisha yaliendelea hivyo hivyo nikiwa na mwanangu Jasmine, baada ya miezi mitatu Jumanne akaniaga kuwa anasafiri anaenda Morogoro kikazi, nikamuomba twende wote na mtoto wetu ila aligoma.

Lakini nilishukuru kwa kuagwa maana mara nyingine huondoka bila ya kutoa taarifa yoyote ile.



Hakukuwa na mawasiliano kati yangu mimi na Jumanne, kwani sikuwa na simu ya kuweza kuwasiliana nae chochote. Nilingoja barua zake au apige simu kwa jirani ila haikuwa hivyo, Jumanne alikuwa kimya kabisa kama vile hajaacha mtu nyumbani.



Mwanangu Jasmine, alipenda sana kubebwa na pia aliwahi kuongea na kutembea.

Ikitokea jirani amwambie Jasmine njoo nikubebe mgongoni, mwanangu hakusita bali alienda na kubebwa hadi pale mtaani wakamtunga jina na kumuita "cha mgongo" kwavile alikuwa anapenda sana kubebwa mgongoni.

Wengi walimpenda Jasmine kwa utundu wake na uzuri wake.



Siku moja nikiwa ndani napika, mwanangu Jasmine akiwa na umri wa mwaka mmoja na nusu alitembea toka pale jikoni hadi nje, nikajua mwanangu yupo kucheza na wenzie pale upenuni kwani pale kulikuwa na watoto wengine na wote walipenda kucheza na mwanangu Jasmine. Kwavile mwanangu alikuwa mtundu, alipotoka nje niliona afadhari ili nipike haraka haraka nikamchukue na kumpa maziwa.http://deusdeditmahunda.blogspot.com/

Na kweli nilipika haraka haraka, nilipotoka nje kwenda kumchukua mwanangu sikumuona, ikabidi niwaulize watu wa pale kuwa mwanangu kaenda wapi, mtoto mmoja wa miaka saba akanijibu kuwa Jasmine amechukuliwa na Vero mtoto wa mama mwenye nyumba kasema anaenda nae dukani.

Nikajikuta roho ikiniuma gafla na kujiuliza kwanini hakuja kuchukua ruhusa kwangu mwenye mtoto.

Nikamfata mama Vero na kumwambia kuwa tabia ya mwanae Vero kumchukua mwanangu Jasmine bila taarifa yoyote sijaipenda. Mama yake akasema kuwa akirudi atamsema Vero.



Muda ulipita bila ya Vero kurudi na mwanangu, hofu ikanitanda na uoga kunishika kuwa Vero atakuwa wapi na mwanangu maana kama ni dukani wangekuwa wamesharudi.

Ikabidi niende maduka ya karibu kuwatizama ila sikuona dalili yoyote ya uwepo wa Vero, nikamfata tena mama Vero kumwambia kuwa Vero hajarudi na mwanangu hadi muda huo.

Mama yake nae akashangaa kuwa Vero atakuwa amepitia wapi hadi hajarudi kumrudisha mtoto ila akanipa matumaini kuwa Vero atarudi tu huku akifoka kuwa akirudi atamsema sana kwa kuchukua mtoto bila taarifa na kutokomea nae.



Kufika jioni ndio tunamuona Vero akirudi tena peke yake bila ya mwanangu Jasmine. Kwakweli nilipatwa na mshtuko sana, ikabidi tumuulize Vero amemuacha wapi mtoto akawa anakataa kuwa hajaondoka na mtoto wakati watu wengi walimuona akiondoka nae, tulimuuliza sana ila akagoma kusema kwakweli sikuweza kuvumilia.

Nilienda moja kwa moja kituo cha polisi na kuwaeleza kila kitu kuhusu upotevu wa mwanangu, nilihisi kuchanganyikiwa kabisa.

Polisi walifika pale tunapoishi na kumkamata Vero ili akaonyeshe mahali alipompeleka Jasmine.

Mwanzoni alikuwa anagoma ila polisi wakampiga sana na mwisho wa siku akakubali kutupeleka.



Jamani hili swala ulisikie kwa mwenzio tu, usiombe likutokee maishani mwako.

Vero alitupeleka katikati ya migomba, mwili wa mtoto mdogo ulikuwa umelala chini hauna ngozi. Mwanangu Jasmine alichunwa ngozi, ooh mwanangu mimi sijui aliliaje jamani sijui alihangaika vipi mtoto mdogo kama yule tena malaika wa Mungu, sijui alilia kilio gani mwanangu Jasmine.

Kumchunguza vizuri alikuwa amekatwa sehemu za siri, ni ukatili gani huu jamani kwa mtoto mdogo kama Jasmine. Sijui mwanangu aliwakosea nini hadi wakamfanya vile walivyomfanya.

Uchungu nilioupata hauelezeki, ni uchungu wa milele. Kila nikikumbuka mwili wa mwanangu Jasmine machozi hunitoka, najihisi kulia muda wote sijui mwanangu aliwakosea nini. (Deborah aliinama na kulia kwa muda, Patrick akasogea na kumbembeleza mama yake. Kisha akaendelea kusimulia mkasa mzima)



Sikuwa na ndugu Dar es salaam, Jumanne nae hakuwepo. Rafiki wa karibu niliyemtegemea hakuwepo, nani wa kunifariji Deborah nani wa kunifuta machozi muda huo. Nilikuwa na maumivu makubwa sana.

Mwili wa mwanangu ulipelekwa hospitali kwa uchunguzi kisha tukarudishiwa kwenda kuzika, majirani walinisaidia sana ila sikuona umuhimu wao, nilichotaka ni mwanangu Jasmine tu.

Walinisaidia na kufanikisha maziko ya mwanangu Jasmine, kilichoendelea hapo ni maumivu, uchungu na kilio nilitamani ardhi ipasuke na kunimeza kabisa ili nisiwepo katika uso wa nchi.

Vero alishikiliwa na polisi kwa uchunguzi ambapo alisema kuwa kuna vijana walimpa pesa na kutaka kupelekewa mtoto ila hao vijana hawakujulikana ni wakina nani.



Ulipita mwezi mzima bila Jumanne kurudi na mimi niliendelea na maumivu yangu.

Vero nae aliachiwa na polisi kwa kigezo kuwa wamempima na kumuona kuwa hana akili nzuri yani akili yake inakuja na kupotea. Roho iliniuma sana kumuona aliyehusika na kifo cha mwanangu akidundika mtaani.

Siku aliyorudi Jumanne jambo la kwanza ilikuwa ni kumuulizia Jasmine kuwa yuko wapi.

Nilitokwa na machozi tu bila ya kuwa na maelezo ya kuhusu Jasmine. Majirani walimuita Jumanne na kumueleza ilivyokuwa.

Jumanne aliporudi ndani nilijua atakuja kunifariji na kuomboleza wote, ila alikuja kwa maneno makali sana tena kwa kufoka.

"wewe mwanamke ni mpumbavu sana, huna akili kabisa wewe. Umemuachia mwanangu mpaka kauwawa? Hujui kulea kabisa wewe. Na kwa kiburi chako ukamzika mwanangu bila ruhusa yangu! Sijapata kuona mwanamke mpumbavu kama wewe. Kwakweli najilaumu na kujuta sana kwa uamuzi wangu wa kuishi na mwanamke mpumbavu kama wewe. Itabidi nianze kujifikiria upya kuoa mwingine"

Muda wote nilikuwa nalia tu mule chumbani.

Jumanne hakutaka hata kunisogelea, akaniambia kuwa anaondoka tena na hatarajii kurudi wala nini, alichoniomba ni kufungasha vyangu na kuondoka ili atakaporudi asinikute.



Roho iliniuma sana pale Jumanne alipoondoka kweli, nikaamua kufanya kitu cha kijasiri, kulipa kisasi japo kidogo tu.

Nikatoka nje na kumuita Vero kwa upendo kabisa huku nikimchekea kuwa kuna kitu nataka anisaidie ndani na bahati nzuri pale nje hapakuwa na mtu yeyote zaidi yake.

Alipokuja sikumlazia damu, nilimponda kichwani na kitu kizito akaanguka chini na kupoteza fahamu, kisha nikachukua upanga na kukata miguu yake kwani ile ndio iliyomtembeza kumpeleka mwanangu kuuwawa, sikujali kusema hana akili nzuri wala nini.

Baada ya hapo nikajiandaa kutoka sasa kwaajili ya kutoroka.



Baada ya hapo nikajiandaa kutoka sasa kwaajili ya kutoroka.

Nilichukua mkoba wangu uliokuwa na baadhi ya nguo na vitenge kisha nikaubeba, nikachungulia nje bado niliona kupo kimya, nikatumia mwanya huo kutoka na kuondoka.

Nakumbuka njiani nilikutana na mama Vero akiwa anarudi nyumbani, alinishangaa kwa zile harakati nilizokuwa nazo, akaniuliza "vipi unasafiri?"

Nilimjibu hapana naenda kumpelekea nguo rafiki yangu mmoja hivi, akauliza tena kuwa mbona naenda usiku, nikamjibu kwavile mchana huwa yupo kazini.

Nikaenda hadi kituoni na kupanda daladala ila kiukweli sikujua pa kuelekea ila nilitaka kujificha kwani nilijua kwamba wakijua tu kuwa nimemkata mtu miguu lazima nitafunguliwa kesi bila kujali maumivu yangu na mimi juu ya mwanangu.

Sikuwa na pesa ya kuweza kufika Mwanza, kwakweli sikujua cha kufanya.



Kufika njiani na lile daladala nikashuka, yani nilikuwa kama mtu aliyechanganyikiwa, sina pa kuelekea, sina ndugu Dar es salaam na hakuna wa kunisaidia.

Nikawa natembea bila ya kuelewa ninakoelekea, nikaona bonde, nikadhani itakuwa vyema nikienda kupumzika pale bondeni.

Kulikuwa na mti wa mwembe pale karibu na bonde, nilienda na kukaa chini ya ule mti kama vile najikinga jua wakati ulikuwa ni usiku.

Wakati nimekaa pale chini ya mti nikiwa na mawazo yangu ya pa kwenda, mara gafla nikasikia sauti ya mtoto akilia, nilidhani ni mawenge yangu juu ya Jasmine ila kadri nilivyokaa ndivyo sauti ya kitoto ilivyozidi.



Nikainuka na kuangaza huku na kule kuwa labda kuna mtu anapita na mtoto, ila eneo lile halikuwa na njia wala nini.

Ikabidi niangalie ni wapi sauti inatokea, wakati natafuta tafuta nikaona kitoto kidogo sana kimetupwa, kilikuwa kidogo kweli kimeviringishwa kwenye khanga.

Roro ya uchungu ikanishika, nikamuinua yule mtoto, nikachukua baadhi ya vitenge vyangu kumkinga na baridi. Alikuwa mdogo sana, nadhani alitoka kuzaliwa na mama yake kuamua kumtupa labda sababu ya ugumu wa maisha.

Nikakaa nae chini, alikuwa bado analia nikajua kuwa ana njaa pia.

Nikachukua ziwa langu ambalo bado lilikuwa linaendelea kutoa maziwa kwani Jasmine alikufa wakati bado sijamuachisha kunyonya. Nilipokamua chuchu yangu na kuona inatoa maziwa, nikamnyonyesha mtoto yule.

Alinyonya na kutulia, nikanyanyuka pale chini na kuendelea na safari, na sasa nilikuwa naenda kituo cha mabasi ya mikoani ili nikaombe japo msaada wa safari.



Nilikuwa naomba msaada kwa mtu yeyote aliyembele yangu huku nikimwambia kuwa nimetelekezwa na mume na kuachiwa mtoto mchanga yule niliyembeba.

Wengi walinionea huruma na kunipa pole za mdomo tu, ndipo nikakutana na huyu mzee mmoja hivi aliyejitambulisha kwangu kwa jina moja la Patrick.

Nikamuelezea tatizo langu, akanihurumia sana, akaniambia nisijari atanisaidia nifike niendako kwakuwa nilimwambia nataka kurudi kwetu Mwanza kutokana na kutelekezwa huko na mume.

Mzee huyo aliniambia kuwa kesho yake mapema yeye na familia yake wanasafiri wanaenda Sindida kwa usafiri binafsi kwahiyo nitasafiri nao kisha atanisafirisha kwenda Mwanza.

Akanipakia kwenye gari yake na kwenda nae kwake maeneo ya kimara.

Usiku kucha sikulala maana mtoto alikuwa ananisumbua sana, muda mwingi nilikuwa nambembeleza kwa kuhofia kuwakera walioko mule ndani ya ile nyumba.



Alfajiri na mapema safari ikaanza, na tulifika Singida usiku kutokana na ubovu wa barabara kipindi hiko.

Yule mzee alinitafutia nyumba ya kulala wageni na nikalala humo na mwanangu kwani yule mtoto alishakuwa mwanangu kwasasa, sikutaka kumpoteza kabisa, sikutaka atoke mikononi mwangu na kama kufa basi nilikuwa tayari afie mikononi mwangu ila namshukuru Mungu, yule mtoto alikuwa ni mkakamavu licha ya misukosuko ila bado alihimili vishindo vya dunia.



Asubuhi na mapema, yule mzee alikuja kunifata na kwenda kunipakia magari yaendayo Mwanza, kisha akanipa pesa kiasi ya kunisaidia nilimshukuru sana kwani si rahisi mtu kukusaidia hivyo wakati hakufahamu.

Safari ya kwenda Mwanza ikaanza, mawazo yangu ni vile ambavyo shangazi atanipokea, sikujua atanichukulia kwa njia gani ila nilienda tu.



Tuliingia Mwanza kwenye mida ya saa moja usiku napo ni kutokana na barabara mbona na kuharibika haribika kwa gari nililopanda na mvua iliyonyesha siku hiyo.

Nilienda moja kwa moja hadi nyumbani kwa shangazi, nikiwa mlangoni kabla sijaingia ndani nilimsikia shangazi akizungumza.

"watoto wa kuokota sio watoto kabisa, mtoto akishatupwa na wazazi wake ujue ana laana hafai kabisa. Kwakweli mimi mtu yeyote akileta mtoto wa kuokota humu ndani, nitaenda kumtupa jamani. Sitaki kabisa watoto wa kuokota"

Kwanza kabisa nilishtuka na kujiuliza shangazi amejuaje, ila sikuelewa mazungumzo yao yalihusu nini hadi shangazi kusema vile ila nikajipa moyo na kusema kuwa lazima niendelee na ileile stori ya kutelekezwa ili shangazi amuhurumie mwanangu.



Nikaingia ndani, wote wakashangaa kuniona kwani hakuna aliyetarajia kuniona kwa wakati ule.

Shangazi akauliza kwa hamaki,

"mbona gafla jamani!! Kwema huko kweli?"

Nilikuwa nalia tu, nikamwambia shangazi kuwa Jumanne kanifukuza na kunitelekeza na mtoto yule, nilijua shangazi atanielewa ila shangazi hakunielewa na hakutaka kunielewa kabisa.

"Kwa mila za kwetu, kijana anapochoka kuishi na binti inabidi aje yeye mwenyewe kukukabidhi kwetu. Kingine nimekuozesha bila mtoto halafu wewe unanirudia na mtoto kwa misingi ipi?? Haiwezekani kabisa na siwezi kukupokea, bora hata ungekuwa peke yako ila na mtoto hapana. Itabidi tu urudi kwa mumeo, leo utalala hapa ila kesho sitaki kukuona. Rudi tu kwa mumeo."

Nililia sana, nilimkumbuka baba na mama. Kweli mzazi ni mzazi, sidhani kama wazazi wangu wangekataa kunipokea kiasi kile.

Sikuwa na raha kabisa, niliwaza tu niende wapi na yule mtoto.

Wazo likanijia kuwa niende Arusha kwa bamdogo, nikamuombe msamaha labda atanipokea.



Kesho yake, nikaondoka nyumbani kwa shangazi walijua narudi Dar ila nilienda Arusha kwa bamdogo.

Mwili wangu ulikuwa unanuka sana, sikuwahi kuoga tena toka nitoke Dar kwa kuhofia kumuacha mtoto chini na kupatwa matatizo.



Kufika Arusha nyumbani kwa bamdogo, huko ndio ilikuwa balaa zaidi. Bamdogo hakutaka hata kuniona, akanifukuza kama mbwa huku akisema nitakula jeuri yangu. Bamdogo aliongea mengi sana kuwa alinikataza kuolewa na Jumanne ila kiburi changu kimeniponza.

Nilikaa nje ya nyumba ya bamdogo, chini ya ule mti ambao Jumanne alisimama kwa mara ya kwanza aliponifata Arusha kwa bamdogo.

Nilikumbuka mengi sana na kulia sana, nilijiuliza maswali mengi kuwa upendo ule wa Jumanne alionipenda Mwanzo uko wapi, maana aliniacha kabisa, hakunitaka tena wala kunitamani. Nililia sana wala sikufikiria kama Jumanne aliyenipenda kiasi kile angenitenda vile.

Mara akaja mtu na kunishika bega, kumuangalia alikuwa ni Maiko.

Akanishika mkono, akanipakiza kwenye gari yake na kunipeleka nyumbani kwake.



Kufika kwake, akaniambia nisijari. Atanilea, atanitunza mimi na mwanangu nisiwe na shaka yoyote.

Nilifurahi sana kupata msaada ila sikujua kitu kimoja, kumbe Maiko alikuwa na mpango wake kabambe juu ya yule mtoto.





Kumbe Maiko alikuwa na mipango yake iliyojificha juu ya mtoto.

Sikujua mipango yake mwanzoni, mi niliendelea kulea na kumuhudumia mwanangu.

Kuna kipindi Maiko alikuwa anasafiri safiri ila kitu kilichonishangaza nyumbani kwa Maiko kwani kuna chumba kimoja ambacho huwa anaingia na kutoka yeye mwenyewe.

Hakuna aliyeruhusiwa kuingia kwenye kile chumba zaidi ya yeye mwenyewe. Nilihisi labda hutunza baadhi ya mali zake humo ndomana hapendi watu waingie ingie.

Sikujua kazi rasmi ya Maiko, ila badae nikagundua kuwa anafanya kazi za magendo.

Maiko alikuwa akimtamani sana yule mtoto na kunitamkia wazi wazi kuwa anamtamani, sikujua anamtamani kwa lipi ila aliniambia.

"mtoto huyu asingekuwa shupavu ungesikia mengine hapa, ila nadhani atanifaa sana kwenye biashara zangu huyu"

Kumuelewa moja kwa moja ilikuwa ngumu kuwa alikuwa na mipango gani hadi kusema kuwa ningesikia mengine.



Mwanzoni nilipoamua kumuhoji kuwa anafanya kazi gani, aliniuliza.

"kwani hapa huli, hunywi, huvai?"

Nilibakia kumuangalia tu kwani alikuwa ni mtu wa ajabu kupita maelezo.

Huku nikijisemea kuwa naishi na mtu nisiyejua kazi yake, kumbe alikuwa anangoja mtoto akue kidogo ili mimi na mwanangu tuingie humo kwenye kazi yake hiyo haramu.



Mtoto alipofikisha mwaka mmoja, ndipo aliponiambia kuwa mimi nahitajika kusafiri ili kufata mzigo wa biashara, sikujua ni mzigo gani na sikuweza kukataa kwani niliishi kwake na kula kwake.

Nikamuomba niwe nasafiri na mtoto, mwanzoni alikataa ila badae akakubali.

Sikupenda kufanya safari ya mbali na kumuacha mwanangu nyuma, mwanangu niliyeamua kumpa jina la Patrick kutokana na mzee Patrick kunisaidia na kunifadhili. Nilipenda Patrick nae akiwa mkubwa awe na moyo wa kusaidia watu kama huyo mzee.



Nilianza kusafiri rasmi kwaajili ya biashara hiyo, kumbe biashara yenyewe ilikuwa ni ya madawa ya kulevya ambapo nilitakiwa kumeza, kisha nikirudi nayatoa kwa njia ya haja.

Nilikataa kazi hiyo ila Maiko akanitisha na kuniambia kuwa siwezi kukataa wakati washanifikisha eneo la tukio na sina pa kwenda kwani popote nitakapoenda atakuwa ananifatilia.

Nikakubali na kufanya hiyo kazi ya kubeba madawa tumboni mwangu.

Nikawa mtumwa wa Maiko tayari ukizingatia sina pa kwenda na mwanangu.



Kuna kipindi alikuwa anapenda kutembea sana na mtoto hadi nikapatwa na wasiwasi, kumbe alikuwa akifanya nae ile ile biashara, alimuweka madawa ya kulevya sehemu za siri kisha kuzunguka nae na kuyasambaza kwa wenzie.

Alikuwa anambebesha mzigo mkubwa sana, usipojua unaweza ukahisi kuwa labda mtoto amevishwa nepi ila haikuwa hivyo.

Maiko ni mwanaume katili sana, alikuwa anajua mtoto hana simile na kukojoa alichokuwa akikifanya ni kumfunga solotepu pale pa kutolea haja ndogo kisha kumbebesha madawa yake hayo.

Nilipomuhoji akanieleza ukweli, niliumia sana na kujaribu kumkataza ila hakutaka kunisikiliza.

Hii siri ya kumbebesha mtoto madawa ni mimi tu niliyekuwa naijua, moyo wangu uliumia sana kwa yale mateso ambayo Maiko alimpa mwanangu, yani mzigo wake ukitua tu basi mwanangu atakoma katika usambazaji.



Mtoto huyu sikumzaa ila aliniuma hakuna maelezo, nikamwambia na kumuomba Maiko aache kumtesa mwanangu ila napo alikataa.

Ikabidi nimuombe kuwa yale madawa anayombebesha mwanangu basi niwe nayabeba mimi mwenyewe na kuyasambaza, akaniambia kuwa mimi wanaweza wakanigundua, ikabidi tutafute njia mbadala.

Kwavile mwanangu alikuwa akimbebesha sehemu za siri basi nilimuomba mimi niyabebe kwenye matiti yangu, tukajaribu kufanya hivyo na kufanikiwa kuyasambaza kwani hakuna aliyejua kama kwenye matiti zangu zaidi ya sidiria kuna kingine nilikuwa nabeba.

Ila Maiko hakupenda mimi kumzuia mtoto kubeba yale madawa pia, ila nilimuomba tungoje akue.

Akasema wakati tukingoja akue itabidi mimi nibebe mzigo mkubwa zaidi tumboni wakati wa kusafirisha kwani mtoto nae angehusika ila kwavile nilimkatalia itabidi nibebe mimi mwenyewe.



Mzigo wa madawa niliokuwa naubeba ulikuwa mkubwa sana, haikuwezekana tena kutoa kwa njia ya haja bali walikuwa wakinifanyia operesheni ndogo kuyatoa.

Tumbo langu liliharibika sana kwa ile biashara, nilitamani kutoroka ila je nikitoroka nitaenda wapi? Sikuwa na pa kwenda ndio kitu pekee kilichonikalisha nyumbani kwa Maiko kwani nilijua kuwa shangazi hawezi kunikubali na mtoto hata iweje.

Niliendelea kupata mateso tu pale nyumbani kwa Maiko huku nikiyavumilia kwa kungoja mwanangu akue kidogo hata nitakapoamua kufanya nae maisha ya kuzurula mitaani iwe rahisi.



Ukiacha biashara ya madawa, Maiko alikuwa akifanya biashara nyingine ambayo kwa kipindi hiko sikuijua.

Mimi niliendelea tu kuwa kontena la madawa ya kulevya hata mwili nao ukawa umeshazoea ile hali.



Nilifanya ile biashara kwa muda mrefu sana.

Kuna kipindi Maiko alitoka kidogo na kusahau funguo wa kile chumba chake, nikaenda kufungua na kuangalia.

Nilichokiona kiliniumiza sana, viungo vya binadamu wakubwa kwa watoto, ngozi, sehemu za siri huku vichwa baadhi vya watu alikuwa ameviweka kwenye friji, niliogopa sana nilijiuliza huyu Maiko ni mtu wa aina gani.

Uchungu ulinishika pale nilipoona ngozi za watoto wadogo, moja kwa moja nilimuhusisha Maiko na kifo cha mwanangu, machozi yalinitoka sana ila bado sikupata tafsiri ya Maiko kuwa ni binadamu wa aina gani, kukaa na viungo vya watu ndani tena bila uoga wa aina yoyote ile.

Nilipotoka mule ndani akili yangu ilivurugika sana ila nikasema kuwa sitakubali hadi pale nitakapoondoka kwenye ile nyumba, nilitamani kulipa kisasi kwa Maiko ila sikujua nitaanzia wapi.



Maiko aliporudi alihisi kuwa kuna kitu nimegundua, nikakataa na kumwambia sijui chochote.

Akanipiga sana ili nimwambie ukweli, nimweleze kile nilichogundua kuhusu yeye ila bado nilikataa kwani nilijua kusema kwangu ukweli ndio kujiandalia kuuwawa na Maiko.

Baada ya kile kipigo nikaamua kubeba mwanangu na kutoroka ila Maiko alinitafuta hadi kunipata kisha mi na mwanangu akaturudisha nyumbani kwake.

Akanipiga tena sana zaidi ya pale mwanzo huku akinipa onyo kuwa nisithubutu kutoroka kwani nitakapofanya hivyo tena ataniua.



Mimi na mwanangu tukawa watumwa wa Maiko, alitutesa sana na kutuonea. Kosa dogo nilikuwa napewa kipigo cha haja huku akisema kuwa ananilipizia kwa kumkataa mwanzoni wakati ananitongoza.

Nakumbuka siku nyingine niliyojaribu kutoroka, Maiko aliponikamata akanifunga mikono na miguu kisa akachukua kisu na kukiweka kwenye moto, kikishika moto vya kutosha akawa ananibandika nacho mwilini, maumivu niliyokuwa nayapata kwakweli hayasimuliki.

Nilijuta kuzaliwa, nilijuta kumfahamu Maiko haswa nikikumbuka kifo cha mwanangu na yeye ndiye msababishaji kwani alikuwa anauza viungo vya binadamu.

Alimchukua Patrick mwanangu na kumfunga kwenye mti, kichwa chini miguu juu.

Mtoto alilia sana na mimi niliumia sana ila Maiko hakuwa mwanaume mwenye huruma hata kidogo, yeye ni ukatili tu na ukatili na yeye.



Baada ya adhabu hiyo, akanihakikishia wazi kuwa nikijaribu tena kutoroka basi kifo kinaniita tena akasema kuwa ataniua taratibu kwa kunichinja, ikabidi niwe mpole nifanye vile anavyotaka yeye.

Nilikuwa kama mke kwenye nyumba yenye mume gaidi, alinilazimisha kufanya kile anachotaka yeye hapakuwa na ladha ya mapenzi bali ni mateso tupu.

Kila alipotaka mapenzi ilikuwa ni lazima anipige kwanza, mwili wangu ulikuwa kama ngoma huku tumbo likiwa kontena la madawa ila nikajisemea kuwa yote mapito, niliamini ipo siku Mungu atasikia kilio changu na kunitoa kwenye mikono ya Maiko.



Nilifanya kila anachotaka kufanya, mengine hayaelezeki. Kwakweli Maiko alinitesa sana.

Ndipo safari hii niliondoka na huyo wa kuitwa Mashaka ili nikabebe mzigo mwingine, kufika huko nae akanibaki na kunifanya vibaya vibaya kisha kuniwekea ule mzigo nirudi nao Tanzania.

Nikiwa na mwanangu pembeni huku tumeongozana na mlinzi ambaye Maiko alitupa ili tusiweze kutoroka. Nilisema sasa inatosha.

Niliamua kufanya kitu kingine cha khatari katika maisha yangu.



Niliamua kufanya kitu kingine cha khatari katika maisha yangu.

Nacho ni kumuwinda yule kijana ambaye hakuacha hata tupumue na mwanangu, alitufata kila sehemu kitu ambacho kilinikera sana kwani yeye ndio alikuwa ni kikwazo kwangu katika kutoroka nyumbani kwa Maiko.

Madawa ambayo niliyabeba safari hii yalikuwa ni mengi sana kupita kawaida, na mara nyingi Maiko huwa na wateja wake wa kutosha kwani yeye alikuwa ni msambazaji mzuri sana wa hayo madawa hapa nchini.

Yule kijana kama kawaida alitufata huku na kule na nikajua wazi nikitoroka tu lazima itakuwa ishu kubwa na kama nikingoja hadi nirudi nyumbani kwa Maiko basi sitaweza kutoroka wakati nilishachoka na mateso ya Maiko, mi mwenyewe nilionekana kama vile mjamzito kwa yale madawa yalivyonielemea.

Baada ya kushuka uwanja wa ndege, alikuja kijana mwingine wa Maiko na gari kutupokea.

Kwakweli hawa vijana walinichefua sana, kwani sikuweza fanya chochote sababu yao.



Tukiwa kwenye gari dogo tunaelekea kwa Maiko, nilimuomba kwa hali yote yule kijana asimamishe gari niweze kujisaidia haja ndogo ambayo ilinishika vilivyo, mwanzoni alikataa katakata na kusema kuwa nitajisaidia nikifika kwa Maiko. Hadi nikaanza kutoa machozi kwa kuwaomba na badae akakubali, tukamuacha dereva kwenye gari na mwanangu halafu mimi na yule kijana tukashuka.

Nilifika mahali na kuona jiwe kubwa kiasi chini, nikachuchumaa hapo kujisaidia wazo la gafla likanijia kuwa nimponde yule kijana na lile jiwe, hata sikujifikiria mara mbili kwakweli. Nikafanya tukio la haraka sana, nikanyanyua jiwe na kumponda nalo yule kaka kichwani ambaye alikuwa anangoja nijisaidie, na hata yeye hakutarajia kwahiyo hakujiandaa kwa chochote kile, alianguka chini kama mzigo.

Nikamfata na kumpapasa mifukoni, kisha nikachukua pesa kidogo aliyokuwa nayo na bastola yake.



Nikawa kama jambazi wa kike sasa, nikarudi kwenye gari alipo mwanangu na dereva ambaye ni kibaraka wa Maiko.

Huyu naye alinikera sana kwani mara zote nilizotoroka yeye ndiye aliyehusika kunikamata na kunirudisha mikononi mwa Maiko, nikajikuta nikimchukia sana na huyu.

Nilipofika nilipanda kwenye gari, akageuka na kuniangalia kisha akauliza yule mwingine yuko wapi, hapa sikuchelewesha hata wakati, nikamnyooshea ile bastora kwa haraka sana na kumfyatua nayo, sikutaka hata aseme kitu.

Kisha mimi na mwanangu aliyekuwa na miaka mitano kipindi hiko tukasaidiana kumtoa kwenye gari yule dereva kisha nikapanda mimi na kuanza kuendesha kwani nilijifunza kuendesha gari nikiwa nyumbani kwa mjomba.



Safari ilikuwa moja kwa moja kwa daktari aliyependa kutumiwa na Maiko katika kunifanyia operesheni ndogo ya kutoa madawa tumboni.

Nilipofika nilimwambia kuwa nimetumwa na Maiko, hakusita akaniingiza ndani na kunifanyia operesheni hiyo.

Baada ya hapo alichukua simu yake ya mezani ili kumpigia Maiko kuwa ameshamaliza kazi, ila kabla hajapiga, nilishangaa gafla mwanangu huyu mdogo akitoa bastora na kumfyatua nayo, nilimwangalia mwanangu kwa mshtuko sana na kumuuliza kwanini amefanya hivyo akanijibu.

"Tukimuacha huyu atasema halafu tutapewa adhabu kama ya kipindi kile"

Kumbe mwanangu alijiwa na kumbukumbu ya adhabu tuliyopewa kabla.

Madawa yalikuwa mengi sana, tukayaweka kwenye begi na kuondoka hapo nyumbani kwa daktari huku na yeye akiwa chini.

Najua hata Maiko hajui kama yule daktari aliuwawa na mie.



Safari iliyofata ni kwa mteja maarufu wa Maiko, nilimpelekea mzigo na kumwambia kuwa natakiwa kuondoka na pesa kabisa mahali hapo, hakuwa na pesa za kutosha kununua mzigo wote kwahiyo alinikabidhi pesa taslimu nusu na nyingine akaniandikia hundi (cheque).

Nikakubaliana nae kuwa asimueleze Maiko ili liwe dili kati yangu na yake na ukizingatia nilimpunguzia bei alifurahi sana na nikamuahidi kumpelekea mzigo mwingine.



Baada ya kutoka hapo na pesa ile ya kutosha, tulirudi uwanja wa ndege, nikakata ndege ya safari siku hiyo. Nilikuwa tayari kupanda ya kwenda kokote ili nikatulize akili kwanza.

Tulipata ndege ya kwenda Dodoma.

Mimi na mwanangu tulisafiri hadi Dodoma na baada ya siku kadhaa tukaenda kuishi Tabora yote hiyo ni kukimbia kupatikana na Maiko.



Silaha zile nilitupa na kuanza maisha mapya na mwanangu, nikaamua kumrudia Mungu wangu kabisa kwani sikutaka kukumbuka ya kale tena ila ya kale hayakuacha kutembea akilini mwangu.

Ile pesa ya madawa ili nisaidia sana mimi na mwanangu.

Nikamtumia pesa dada yangu Marium na kumuomba anijengee nyumba huku Mwanza ila nyumba iliyo mbali kidogo na maeneo ya watu. Na wakati nahamia kweli ilikuwa mbali na watu wengine ila wote hawa wamesogea hivi karibuni.



Kwa kipindi hicho nashukuru vipindi vya dini vilimsaidia sana mwanangu kutulia na kusahau yaliyopita.

Muda mwingi nilikuwa namfundisha na kumueleza ya hapa na pale, anapojaribu kuniuliza kuhusu tulipotoka nilikuwa namgelesha na kumletea habari zingine kama hadithi za sungura na fisi.



Baada ya miaka mitano ndani ya Tabora huku nikifanya biashara ndogo ndogo ili tu kuwa makini kwa kujishughulisha niliamua kurudi Mwanza kwenye nyumba niliyomuomba dada yangu anijengee, sikutaka kufanya biashara yoyote kubwa.

Biashara yangu ilikuwa ni ndogo tu, dada yangu Marium alijaribu sana kunidadisi kuwa pesa nimetoa wapi ila sikumwambia nilimgelesha tu kwani sikutaka mtu yeyote ajue maisha yangu ya nyuma na sikutaka kukumbuka maisha ya nyuma.

Nilimuomba shemeji ambaye alikuwa ni mume wa Marium anitafutie kazi, naye akanitafutia kazi ya usafi niliyokuwa nafanya.



Kuna kipindi Patrick alienda kumtembelea bibi yake yaani shangazi yangu mimi, huko waliongea mengi sana.

Patrick alivyorudi akaja na maswali na hoja zake kibao, akauliza.

"mama, eti kuna watoto wengine huwa wanaokotwa?"

Nikamuuliza anamaana gani, akaniambia yani hutupwa na wazazi wao na wengine huwaokota kuwalea. Nikajaribu kumuelimisha mwanangu ila nikasita kumwambia ukweli kuhusu yeye, na alisema.

"Bibi kaniambia kuwa watoto wanaookotwa huwa na laana. Bora mimi nina mama na wala sijaokotwa namshukuru Mungu sana. Ingawa sina baba ila mama ninae."

Halafu akaendelea kusema huku mimi nikiumizwa na ukweli halisi.

"Asante mama kwa kutokunitupa, maana kama ningeokotwa mimi mmh ningejiua yani nisiwe na wazazi kweli? Nakupenda sana mama."

Alisogea na kunikumbatia, niliumia sana moyoni nikajisemea kuwa nitaitunza siri hii siku zote za maisha yangu.



Nilimlea Patrick na kumsomesha, sikutaka tena kuolewa, sikutamani kuishi na mwanaume yeyote yule duniani kwani Patrick alikamilisha furaha yangu hadi pale alipokua mkubwa na kuanza kuulizia kuhusu baba yake mzazi.



(muda wote ambao Deborah alikuwa akielezea, Patrick, Fausta na Pamela walionekana kuwa katika majonzi makubwa sana.)

Ila nikaja kugundua kitu na kitu hiki ndio kimefanya niwaeleze kuhusu maisha yangu.

Kitu chenyewe ni cha kushangaza na kusikitisha.





Kuna kitu ambacho nimekigundua na kitu hicho ndio kilichofanya niwaeleze kila kitu kuhusu maisha yangu.



Patrick amenisumbua kwa kipindi kirefu sana kutaka kumjua baba yake akadiriki kuniambia kuwa hata kama nilibakwa nimueleze ukweli ajue kwani yeye ni kijana mkubwa sasa.

Hakujua ni ugumu gani naupata katika kumueleza ukweli.



Nakumbuka swala la Patrick kutaka kumjua baba yake lilianza baada ya kifo cha shemeji yangu yani mume wa Marium aliyeuwawa gafla kabisa na tukamzika kiwiliwili bila kichwa, nilishangaa sana siku ambayo Maiko amefika hapa kisha dadangu akamvamia, kumbe Maiko ndiye aliyemuua shemeji. Bado sijajua huyu Maiko alikuwa na maana gani kufanya kama alivyofanya.



Ingawa Patrick nilimsomesha kwa shida ila sikumnyima uhuru, nilimruhusu kufanya chochote kinachopendeza machoni mwa watu na kumpendeza Mungu.

Mwanangu alitamani sana kuanza kazi, alishachoka kukaa nyumbani na mimi ukizingatia nilikuwa simjibu swali la alipo baba yake.

Ningemjibu vipi wakati hata mama yake simjui? Ningemwambia vipi vitu vya kuumiza kiasi hiki?

Nilimvumilia sana licha ya maneno makali aliyoongea kwangu kuhusu baba yake, kweli kuna umuhimu kwa mtoto kuwajua wazazi wake, je ningemueleza kuwa hata mimi si mama yake mzazi angejisikiaje? Kwakweli nimevumilia sana, Patrick alikuwa ni msumbufu sana katika kumjua baba yake.



Patrick alipopata kazi Arusha kwanza kabisa nilimkatalia asiende kwa kuhofia kuwa angekutana na Maiko kwani Maiko ni mtu mbaya sana na niliogopa kuwa atamfundisha tabia mbaya mwanangu ila Patrick aling'ang'ania sana kuwa lazima aende kwani kazi ndio hitaji lake kwasasa.

Nilitamani mwanangu apate kazi sehemu nyingine tu ila si Arusha.

Kitu kikubwa nilichomsisitizia Patrick ni kuwa asioe bila kuja kunitambulisha huyo mwanamke kwanza, nilihofia vitu vikubwa viwili yani kukutana na familia ya Jumanne na pia kukutana na familia ya Maiko.

Sikutaka kabisa Patrick kujihusisha na familia hizi mbili kwamaana kwa upande wangu sikuhisi kama angejenga familia njema na hizi familia mbili. Ingawa si vizuri kumchagulia mtoto mchumba ila kwa Patrick kutokana na historia za nyuma nilipenda kama ataamua kuoa basi huyo mwanamke atokee Mwanza au atoke kwenye familia tutakayotambulishana kwanza.



Patrick akiwa Arusha, mwanzoni alikuwa akiwasiliana sana na mimi tena sana hadi mara nyingine niliweza kugundua kuwa kuna kitu anatamani kuniambia ila anashindwa ila mawasiliano hayakukatika mpaka siku aliyorudi tena Mwanza na gari yake mwenyewe kunisalimia.

Aliporudi tena Arusha mambo yalibadirika sana, mawasiliano yangu na Patrick yalikuwa hafifu mno.

Haikuwa kama ilivyokuwa mwanzo, kuna kitu nilikihisi kama mama. Patrick hakuwa mwanangu wa kumzaa ila kuna kitu kikubwa sana ambacho kimeniunganisha na Patrick, siku zote sikuacha kumpenda Patrick kama mwanangu naye hakuacha kunipenda kama mama yake.

Hali ile ya mawasiliano hafifu kati yetu iliniumiza sana, mara ukimpigia hapatikani mara sijui nini nilijikuta nikiwa na mawazo tu juu ya mwanangu kipindi hicho.



Siku nilipokuta kuwa kuna namba ngeni imenipigia ila sikupokea kwakuwa nilikuwa nje nikifanya usafi, nilichukua simu na kupiga akapokea mtoto wa kike huku akilia kuwa yeye ni mke wa Patrick.

Nilipata mpasuko mkubwa sana moyoni, yani Patrick anaoa bila hata ya kunishirikisha? Anaoa kimya kimya kama vile nimemkosea kitu gani?

Ni kipindi hicho nilichomsisitiza Patrick amlete huyo mwanamke hapa nyumbani kwangu.



Siku waliyokuja sijui hata walipatwa na majanga gani huko ila nilishtuka sana kumuona huyo binti, machozi yalinitiririka.

Jamani Tusa amefanana sana na mtoto wangu Jasmine yani wamefanana, sura ya Jasmine ilikuwa hivyo hivyo kama sura ya Tusa, utafikiri Jasmine wangu amekua. Nilitoa machozi sana kumuona kumbe binti mwenyewe alifika na matatizo yake tayari. Alishaharibiwa haribiwa kila kitu na mwanangu Patrick, ila Tusa mwenyewe alikuwa akilia tu huku akihofia kusema ukweli.



Nilimsisitiza Tusa kuwajua wazazi wake kwani nilihisi lazima kuna mahusiano ya karibu kati ya Tusa na mwanangu Jasmine, na wala sikukosea.

Alipofika Pamela na kusema kuwa yeye ni mama yake Tusa, moja kwa moja nikajua baba wa Tusa lazima atakuwa Jumanne.

Katika kumuuliza Pamela ni kweli alikuwa Jumanne ila alibadili jina na kujiita Adamu, sawa sawa ni Adamu kweli sijui alibadili kwa misingi ipi labda hakutaka kukumbuka yaliyopita.



Tangu familia ya Tusa imefika hapa mambo yamekuwa shaghala bhaghala mala limetokea hili mara lile yani mambo hayaeleweki kabisa hadi pale nagundua kuwa Jumanne na Maiko ni mapacha mmh kweli kuna siri nzito hujificha kati ya mtu na mtu.



Pamela alinieleza kitu kilichonishtua sana na pale Fausta naye alivyonieleza nimegundua kuwa wazazi wa Patrick wanatokea humohumo kwenye familia ya Tusa.

Haya sasa Pamela na Fausta kazi kwenu kutambua kati yenu ni nani mama mzazi wa Patrick? Na nyie ndio mtamwambia Patrick je baba yake ni Adamu au Maiko au kuna mwingine. Mimi sina la ziada yangu ni hayo tu. Nadhani sasa nitakuwa huru na mawazo hata kama nikifa nitakufa kwa amani"



Wote walikuwa wakilia na kuomboleza, Patrick alizidi kumkumbatia mama yake huku akisema,

"mama, simtaki mama mwingine nakutaka wewe tu. Wewe ndiye mama yangu mzazi, simtaki mwingine mama"

Patrick alikuwa akitokwa na machozi tu, huku Pamela na Fausta nao wakilia tu kwa yaliyopita na kujilaumu sana.

Adamu nae alipatwa na mshituko usio na maelezo kwani nae alihusika humohumo, si Tusa wala Tina walioacha kulia. Tusa alilia sana kwani kwa vyovyote vile ametembea na kaka yake iwe ni mtoto wa Pamela au Fausta.

Wote walilia mule ndani kama vile kulikuwa na msiba.

Bi.Rehema ndio hakuwa na hali kabisa, alihisi kama vile dunia ikimzomea na kumng'ong'a.



Maiko naye na mfuko wake pale nje alipatwa na mshangao mkubwa sana kusikia kuwa Patrick ni mtoto anayewahusu katika familia yao.

Aliinuka na mfuko wake ili kujumuika na wote wa ndani. Hakujali chochote kwani mengi yalishaharibika.



Hakujali chochote kwani mengi yalishaharibika.

Maiko hakutaka kuendelea kusubiri pale nje, alitaka aingie ndani ili wawezo kumuona. Kuku akijisemea:

"Liwalo na liwe"

Hakutaka hata kujua Patrick ni mtoto wa nani kwani alihisi kwa vyovyote vile Patrick anaweza kuwa mtoto wake au wa Adamu.

Maombolezo yaliendelea mule ndani kwani wengi walijihisi kama vile wanaota au wameamka toka usingizini.

Tusa na Tina nao waliwasogelea mama zao.

TUSA: Mama tafadhari, Patrick si kaka yangu jamani.

Pamela alizidi kulia kwani maelezo hakuwa nayo ya kutosha.

Bi.Rehema akadakia kusema,

"Jamani, tuambieni basi huyo Patrick ni mtoto wa nani na kwanini mlimtupa ili tuweze kuokoa jahazi hili."

Mara Maiko akaingia ndani na mfuko wake na kuwafanya wote washtuko kwani matendo ya ajabu waliyoelezwa juu ya Maiko walihofia na wao kudhuruka.



Maiko alisimama katikati yao huku akizungumza.

MAIKO: Jamani, mazungumzo yote nimeyasikia. Deborah amewaeleza matukio ya ukweli tena ukweli mtupu, hakuna alichowaongopea. Mimi kweli ni mwanaume wa ajabu nisiyefaa katika jamii inayonizunguka"

Wote wakashtuka na kumuangalia tu kwani ilikuwa ni vitu vya kushangaza na ajabu.



Tulo alibanwa sana kule kwenye kituo cha polisi ila aligoma kusema.

Badae ikabidi Mwita aende kuzungumza nae tena.

MWITA: Tulo, ukweli humuweka mtu huru. Ni bora useme ukweli tu.

TULO: Ukweli humuweka mtu huru?? Hujielewi wewe, kuna ukweli wa kumuweka mtu huru ila ukweli mwingine unafanya ufungwe maisha. Siko tayari kufungwa, siko tayari kuozea jela.

MWITA: Sina nia mbaya Tulo, ninachotaka ni wewe kubadilika.

TULO: Unahitaji mimi kubadilika? Kabla hujanibadili mimi unatakiwa ukawabadili ndugu zako kwanza.

MWITA: Kivipi? Mbona sikuelewi?

TULO: Mimi ni rafiki tu ila kumbuka kuwa mapinduzi huanza ndani kwanza. Mimi Tulo kuna kazi naifanya inayoniingizia pesa na kunifanya nionekane tayari. Ila kazi yangu mimi sio kubwa sana kama ya baba yako Maiko, tena pia kuna ndugu yako Patrick. Nenda ukaanze na hawa kwanza kisha ndio urudi kwangu.

Mwita alimshangaa sana Tulo, kwani alikuwa tayari hata kufa kwaajili ya kuficha ukweli halisi.

Mwita akaona itakuwa vyema kama akimtafuta baba yake bwana Maiko na nduguye Patrick kuwahoji kidogo na kama akishindwa basi atumie nguvu ya dola.



Mwita aliondoka pale polisi na kuanza kuelekea kwakina Patrick kwanza kwani Maiko hakuwa na mahali pa kusema kuwa utamkuta moja kwa moja ndiomana Mwita alienda moja kwa moja kwakina Patrick.

Alipofika akasikia kuna mtu akizungumza ndani huku wengine wakisikika na vilio vya chini kwa chini.

Mwita akategesha masikio yake kujua kuna nini ila matone ya damu yalimshangaza sana pale nje na akajua tu kuwa mule ndani kuna matukio yasiyo ya kawaida, akategesha sikio dirishani ili kujua kinachoongelewa.



Maiko aliendelea kuongea bila ya kuogopa kitu chochote na bila kujali kama anawatisha watu waliopo mule ndani.

"Jamani, sijapenda kuwa kama hivi nilivyokuwa leo. Roho inaniuma sana, nimepoteza maisha ya watu wengi mno. Kinachoniuma zaidi ni kifo cha baba yangu, roho imeniuma sana kwa kummaliza baba yangu kisha viungo vyake kuvipatia kwa pesa nyingi za kutosha.



Sikuwahi kumuona wala kumjua baba yangu, nilikuwa natoa oda tu. Kwa mama naye nilishapotezwa, sikuweza tena kukutana na mama yangu ila laiti kama ningekutana na mama kama Deborah nina hakika ningekuwa na chembe kidogo ya huruma.

Jinsi Patrick alivyompa shida Deborah wakati mdogo sikufikiria kabisa kama Patrick si mtoto mzazi wa Deborah.

Mateso mengi ambayo Deborah ameyapata ni sababu ya Patrick, roho imeniuma sana kuona kumbe Patrick ni sehemu ya familia yangu.

Nilichukizwa sana kumuona Deborah ana mtoto tena mtoto mwenyewe ni kutoka kwa mwanaume aliyeng'ang'ania kuolewa naye na kuniacha mimi.

Nilikuwa namfanyia mambo mengi ya ajabu ili kumfanya Deborah ajutie kitendo cha kuolewa na mume mwingine na pia ajutie kutelekezwa na mtoto ambaye alikuwa hataki kumuweka chini.



Nakiri wazi kumuua mume wa huyo dada (akionyesha kidole kwa Marium ambaye alikuwa ameangalia chini tu akikumbuka mumewe alivyouwawa kwani kila amuonapo Maiko hukumbuka kifo cha mumewe.)

Nikweli nilimchinja, ila sababu kubwa ni kuwa nilimuona na Deborah kipindi hiko nikimsaka Deborah kwa lengo la kurudisha alivyovichukua kwangu, kweli nimeamini pesa haina mwisho.

Mimi nina pesa nyingi sana, kwa pesa aliyochukua Deborah wala sio ya kuniathiri ila nilimsaka kwa kila njia aweze kunilipa mali zangu.

Ndipo siku hiyo nilipomuona ameongozana na huyo mwanaume na kwa vyovyote vile nilijua kuwa lazima yule atakuwa mwanaume wake na nikapanga kumkomesha.

Nikaanza kumfatilia yule mwanaume, siku niliyomkuta alikuwa nje nikamfata na kumuuliza mahusiano yake na Deborah akanijibu kuwa ni shemeji yake nikahisi ananificha tu. Nikamuuliza alipo Deborah akagoma kusema, nikamvizia anapoelekea.

Aliingia kwenye chumba, nami nikaingia kwa njia za panya hakuona kama nimeingia.

Nikamuona amekaa na yule dada (akimuonyesha tena Marium) ila sikufikiria kama ni mumewe kwani walikuwa wamekaa mbali mbali, nikajitokeza mule ndani, nikambamiza na gongo nililobeba yule mwanaume akaanguka chini, mwanamke akataka kupiga kelele na kukimbia, nikamuwahi kwa kumpiga na gongo nae akazimia kisha nikachukua kisu changu na kumchinja na kuondoka na kichwa chake.

Kwakweli nilifanya tukio la ajabu sana kwa yule baba, kichwa chake nikakitunza na ninacho hadi leo nyumbani mwangu nilitaka siku Deborah akija kwangu aje kukishuhudia.



Kijana yule pale aitwaye Yuda nae pia alikuwa mfanyakazi wangu (wote wakashangaa kusikia kuwa Yuda nae yu chini ya Maiko.)

Niligombana nae baada ya kuona kile kichwa ndani kwangu kumbe alikuwa ni baba yake. Nisamehe sana Yuda ila ndio ishatokea tayari.

Tukiacha yote hayo niliyofanya kwa hiyari yangu ila mengi nilishinikizwa na mtu mmoja aitwae Mashaka.



Mashaka ni mtu mbaya sana, alinijengea kuwa na roho mbaya kupita maelezo na nimefanya mengi mabaya kwa ajili yake, yeye ndiye alikuwa shinikizo kubwa kwangu.

Najua mimi hamnielewi kama mlivyomuelewa Deborah wakati anawaelezea, mimi nishachanganyikiwa kwa mengi mabaya niliyofanya. Sina amani tena moyoni mwangu.



Kisasi changu kimemrudia Mashaka, ngoja niwaambie nilichomfanya Mashaka. Kabla ya yote, ngoja niwaonyeshe hivi vitu."



Maiko aliingiza mkono kwenye mfuko wake wa suruali kisha akatoa barua na kuiweka mezani kisha akasema,

"Hakikisheni mnaisoma hiyo barua"

Kisha akainua ule mfuko wake, akaingiza mkono na kutoa kitu.

Kilikuwa ni kichwa cha Mashaka, Maiko alikuwa amemuua Mashaka.

Kila mmoja alianza kupiga kelele mule ndani na kuogopa.



Kila mmoja alianza kupiga kelele mule ndani na kuogopa.

Maiko hakuwa na wasiwasi wowote na kile kichwa mkononi na hiyo ikawathibitishia na kufanya waamini kuwa kweli Maiko ni muuaji.

Patrick hakushangazwa sana kumuona Maiko ameua ila kitu kilichomshangaza ni kuwa Maiko amempata wapi Mashaka.

Patrick akainuka na kuanza kumsogelea Maiko.

PATRICK: Umempata wapi Mashaka?

MAIKO: Tafadhari usinisogelee.

Deborah kusikia vile akainuka na kuanza kumvuta Patrick kwani alihofia nae kupatwa na matatizo kama yale. Ila Patrick alikuwa mbishi, bado alihitaji kujua Maiko kamtoa wapi Mashaka.

PATRICK: Nataka uniambie ulipomtoa Mashaka.

MAIKO: Yote nitasema ila usinisogelee.http://deusdeditmahunda.blogspot.com/

Deborah akazidi kumvuta mwanae na kumuomba warudi kukaa. Ndio Patrick akarudi kwani hata yeye hakujua hatma yake ni nini.



Mwita pale nje hakutaka kujiuliza mara mbili mbili akachukua simu yake na kuwapigia maaskari kisha akawaelekeza eneo la tukio ili waje kumkamata muharifu yule halafu akaingia ndani, alitamani hata muujiza utokee kuwa muongeaji wa yale maneno asiwe baba yake, alitamani hata awe ni mtu mwingine.

Mwita alipoingia tu ndani, Maiko aliweza kumsikia na kumuona.

Maiko akatoa bastola na kumuwahi nayo Mwita kuwa akae chini, Maiko hakuwa kama binadamu wa kawaida. Wote walibaki kushangazwa na ile hali.

Mwita aliamua kukaa huku akivizia namna ya kumnyang'anyanya silaha hiyo baba yake kwani alijua wazi kuwa kitendo cha kumsogelea ni kuhatarisha maisha yake.



Maiko akawaelezea tena vile anavyojielewa yeye.

"Sikufikiria kama ninachokifanya ni kitu kibaya na kuwa ipo siku itanigharimu, kuhusu kukamatwa na polisi sikuwa na shaka nao haswa kwa vijana wanaopenda rushwa kama Taifa letu.

Sitaki mtu anisogelee kwavile nataka kueleza niliyonayo jambo kwa ufupi na kwa kuruka ruka ili wote mpate kunielewa.



Mtoto wa Deborah huyo Jasmine ni mimi kweli niliyetoa oda kwa vijana wakammalize mtoto huyo, sio kwamba nilikuwa na ugomvi na mume wa Deborah au Deborah mwenyewe hapana!! Ila nilifanya kwa kuifurahisha nafsi yangu, ila mwanzoni sikujua kama mtoto huyo ni wa Deborah, nilitoa sifa za mtoto na badae nikaletewa. Nilikuja kugundua wakati mtoto mwenyewe tushamteka ila nikaamua kuipotezea tu, Laiti kama ningejua kuwa Jumanne ni ndugu yangu nisingethubutu kufanya vile.

Vijana wangu walinipa taarifa juu ya kukamatwa kwa yule binti aliyetuletea mtoto, nikafanya mpango hadi yule binti akawa huru kabisa hakuwa na kesi tena hapo pesa yangu ndio iliyoongea.



Nilipomkuta Deborah tena na mtoto nilishangaa sana nikajua labda kipindi tunamteketeza mwanae alikuwa mjamzito. Sikuhisi hata kidogo kama Patrick si mtoto wa Deborah.

Huyu mwanamke ana moyo wa kijasiri sana anahitaji kuigwa.



Ni kweli mimi ni mume gaidi, Deborah hajakosea kuniita hivyo sikuwa na huruma kwa mke wala mtoto.

Nilimtenda vibaya Fausta tena bila hata ya kujua ni dada yangu. Halafu kibaya zaidi ni kitendo cha kumbaka mwanangu Tina.

Sifai kuigwa na yeyote, nilipandikizwa roho mbaya na ya kikatili moyoni mwangu ila hadi nitakapoingia kaburini nitakuwa namlaumu huyu mwenye kichwa hiki.



Msimuhukumu Patrick kwa chochote, najua vyote alivyofanya mimi ndiye chanzo. Nimemuharibu sana Patrick kimawazo na kitabia.

Ni mimi niliyempa mbinu za kumpata Tusa kwa urahisi na kumfanya atakavyo.

Patrick si mtu mbaya kwani kuna kipindi huwa anajirudi.



Patrick alimteka Mashaka, mimi nilikuwa nikimfatilia.

Patrick alimfunga Mashaka huko porini nami nimeitumia nafasi hiyo kummaliza Mashaka kwani tushamaliza watu wengi sana ila Mashaka hakuacha kutamani kuendelea kumaliza watu wasio na hatia.

Mashaka hafai tena hafai kabisa, najua hapa hakuna wa kumsamehe Mashaka wala mimi.



Narudia tena msimuhukumu Patrick, akili yake ilivurugwa.

Deborah ni mwanamke mwema, yani mateso yote yale hakuthubutu kumtupa Patrick.

Laiti kama ningerudi ujanani basi ningemfanya Deborah kufurahia maisha yake duniani.



Kifo cha baba yangu mzazi kimeniumiza sana, ni mengi nimeyafanya bila huruma. Kwangu mimi mwanamke hakuwa na thamani yoyote.

Pole mama yangu bi.Rehema najua hukutarajia kitu cha namna hii ila ndio hivyo mwanao sio mtu wa kawaida kabisa.

Mkienda Arusha mtaweza kuona uajabu wangu humo ndani.

Pole na wewe Deborah kwani uliponitoroka niliitumia nafasi hiyo kummaliza baba yako mdogo. Mimi ndiye niliyemuua.

Wote niliowaumiza nawaambia pole, poleni sana kwa kuumizwa na Maiko.

Sitaki kufungwa na siko tayari kwenda jera.



Najua hakuna wa kunisamehe, ila nawaomba kitu kimoja.

Patrick anakujua nyumbani kwangu Arusha.

Mwende huko, mkateketeze kila kitu cha ndani haswa viungo vya binadamu na mali zangu zote nawaachia nyie mtajua cha kufanya ila nawaomba myasikilize mawazo ya Deborah.

Najua kuna maswali bado mnayo ya kuniuliza ila hiyo barua itawajibu kila kitu. Nimemaliza ila sitaki mtu wa kunisogelea"



Akachukua bastola yake, mara gafla mule ndani mkavamiwa na kundi la maaskari ambao Mwita aliwapigia simu.

Wakataka kumsogelea Maiko, akawanyoonyea bastora.

MAIKO: Atakayenifata nakwenda nae na maji, siko tayari kwenda jela. Kweli nimeamini, mwisho wa ubaya ni aibu.

Wale mapolisi wakikazana kutafuta mbinu ya kumkamata Maiko hakupoteza muda, akaweka ile bastora kichwani mwake na kusema neno moja tu.

MAIKO: Kwaheri mama.

Kisha akajifyatua kwenye ubongo na kuanguka chini huku kichwa cha Mashaka kikiwa mkononi.

Ilikuwa ni tukio la kushtua sana mule ndani.

Polisi wale wakamfata Maiko pale chini aliyeonyesha kuwa bado hajakata roho vizuri,

Polisi mmoja akainama ili amsikilizie akashangaa akivutwa kwa chini.



Polisi mmoja akainama ili amsikilizie akashangaa akivutwa kwa chini.

Yule askari alizidi kuvutwa pale chini na Maiko, wote ndani ya nyumba wakastaajabu na wote wakaogopa kumsogelea.

Askari alianza kuhangaika pale chini kwani alishikwa kwa nguvu sana na Maiko, alihangaika hadi alitia huruma ila waliogopa kumsogelea. Baada ya muda roho ya Maiko ikaachana na mwili na kumuachia yule askari ambaye alikuwa amelowa damu ya Maiko na kuumia pia.

Yule askari alivyoweza kuinuka pale alijikuta akikimbia na kuwaacha maaskari wenzie mule ndani, hakutaka kurudi tena kwani aliona kuwa ni kitu cha kushangaza.

Mvua kubwa ikanyesha, hadi ikawashangaza wote mule ndani, wakajikunyata ili ikatike na haikuchukua muda mrefu ikakatika.



Mule ndani wakawa wanashauriana jinsi ya kubeba mwili wa Maiko na kichwa cha Mashaka kwenda kuzika.

Ilikuwa ngumu kwa kila mmoja kumsogelea Maiko pale chini, maaskari waliokuwepo wakaamuru mwili wa Maiko uachwe pale kwa muda kwaajili ya uchunguzi na upelelezi, na sababu zingine za kiusalama.

Wanausalama zaidi wakapigiwa simu na kufika eneo la tukio, muda huo familia nzima ilikuwa nje wakingoja kutolewa kwa mwili wa Maiko, na walioutoa walilalamika kuwa ule mwili wa Maiko ulikuwa ni mzito sana kuliko marehemu wote waliowahi kuwabeba.



Nyumba ya Deborah ikawa inatisha sana, wakajipanga namna ya kumzika Maiko.

Deborah akawa anaongea na dada yake kuhusu kifo cha Maiko.

DEBORAH: Kifo cha Maiko hakijanisikitisha hata kidogo, amekufa kirahisi sana ukiangalia na makosa aliyoyafanya.

MARIUM: Ila bora amekufa, kwani angeendelea kuwa hai angezidi kutuumiza wengine hapa.

Deborah alifurahia kwa Maiko kuamua kujiua mwenyewe na mabaya yake kudhihirika.



Kama familia wakaamua kupanga mahali ambako patafaa kumzika Maiko baada ya uchunguzi kukamilika.

REHEMA: Nadhani itakuwa vyema kama mwanangu akienda kuzikiwa alipokuwa anaishi, yani huko huko Arusha.

ADAMU: Hapana mama, itabidi tukamzike Morogoro karibu na kaburi la baba.

DEBORAH: Nawahurumia sana, kuacha kuongelea mambo ya msingi na kukazana pa kumzika Maiko. Yani jinsi Maiko alivyokuwa, bado mnapata nguvu za kumsafirisha sijui Arusha sijui Morogoro, ingekuwa amri yangu ningemtupa kwenye mto wa mamba ili mamba wamtafune na mwili wake usibaki hata chembe.

MARIUM: Kweli kabisa mdogo wangu.

Wengine wote walikuwa kimya kwani hawakujua hata waseme nini ila wakaona kuwa kumzika Morogoro itakuwa vizuri zaidi, ukizingatia Maiko alikuwa na pesa kwahiyo wakaona kuwa watatumia pesa yake hiyo na kumsafirisha kwa ndege.



Pamela alipigiwa simu na wifi yake wa Morogoro Amina, alikuwa anamtaarifu wifi yake huyo kuwa na yeye yupo Mwanza.

AMINA: Wifi dada, mimi niko Mwanza. Kwani nyie bado hamjarudi Dar?

PAMELA: Bado ila tumepatwa na matatizo, wewe umefata nini Mwanza?

TULO: Mwanangu kanipigia simu kuwa yupo huku kashikiriwa na polisi, ndio nimekuja kumuona.

Pamela hakuelewa ni mtoto yupi wa Amina, ikabidi ampe maelekezo Amina ya kufika walipo ili pia akamueleze kuhusu Maiko na undugu wao.



Nyumba ya Deborah ilikuwa inatisha sana, kama vile kulikuwa na maruweruwe ndani ya nyumba.

Tusa na Tina ndio waliogopa kabisa kukaa ndani ukizingatia wakikumbuka jinsi Maiko alivyokibeba kichwa cha Mashaka.

Rehema na Adamu wakamuomba Patrick awapeleke mahali alipomuacha Mashaka ili kuangalia mwili wake ikiwezekana kuuzika.

Waliondoka na maaskari kwenda eneo la tukio, waliukuta mwili wa Mashaka ukiwa umenyofolewa nyofolewa na ndege na kunguru pamoja na mmbwa.

Wale maaskari wakabeba viungo vilivyobaki na kupiga picha kwa uchunguzi zaidi.

Ile kesi hata haikujulikana itaendeshwa vipi ila maaskari walihitaji kupata uchunguzi wa kutosha tu.



Amina alifika hadi alipoelekezwa na Pamela, halafu akaenda nae nyumbani kwa Deborah.

Amina alishangaa sana kumuona Deborah aliyekuwa wifi yake mwanzoni, akamfata na kumkumbatia kisha kusalimiana nae.

AMINA: Deborah!! Hata sijui ulipoteaje jamani, nilishangaa tu kaka kutuletea wifi dada.

Wakaongea ya hapa na pale na kukumbuka mambo mengi yaliyopita.

Pamela akamueleza Amina juu ya tukio lililotokea na kifo cha Maiko.

AMINA: Alikuwa anaitwa nani?

PAMELA: Maiko ndio jina lake, alikuwa anaishi Arusha.

AMINA: Mungu wangu, umesema ni ndugu yetu?

PAMELA: Ndio, hata sisi wenyewe tumemjua tulivyofika Mwanza. Kwani unamjua?

Amina alikaa muda kwa kimya, kisha akaanza kutoa maelekezo ya Maiko anayemjua yeye.

PAMELA: Ndio huyohuyo, hata hujakosea.

AMINA: Yule Maiko kajiua mwenyewe? Halafu mnapanga mipango ya kumsafirisha? Hata kama ni ndugu yangu, siko tayari kumsafirisha yule shetani. Nadhani hamumjui vizuri nyie, yule Maiko si mtu wa kawaida kabisa. Mkimsafirisha mnajitafutia matatizo tu.

PAMELA: Sasa tutafanyaje?

AMINA: Hakuacha maelekezo yoyote juu ya kuzikwa kwake?

PAMELA: Kuna barua alitukabidhi ila bado hatujaisoma.

AMINA: Maiko hakuwa mtu wa kawaida, kwa ushauri wa bure tu. Someni hiyo barua yake ndipo mkamzike. Maiko hakuwa kama binadamu wengine, mi sikujua kama ni ndugu yangu ila kumbuka mimi ni daktari nishaonana na Maiko mara nyingi sana, hakuwa binadamu wa kawaida kabisa yule.

Pale nyumbani wakaafikiana kuisoma barua ya Maiko kwanza.



Amina akawapa taarifa kuwa kilichomleta Mwanza ni juu ya mtoto wake kwani amesikia kuwa amekamatwa, walipomdadisi vizuri wakagundua kuwa Tulo ni mtoto wa Amina, wote wakashangaa.

Hadi Mwita akajikuta akiuliza kwa mshangao.

MWITA: Inamaana Tulo nae ni ndugu yangu!!

ANNA: Ndio, atakuwa nduguyo.

MWITA: Sasa nimeamini maneno ya Patrick, kweli huu ukoo una laana. Kesi ya Tulo nimeishikilia mimi.

Amina akauliza kwa mshangao kuwa ni kesi gani kwani hakujua kuwa mtoto wake alikuwa na mambo ya ajabu.

Ukoo haukueleweka na kila mmoja alibaki kushangaa tu.



Nyumbani kwa Deborah ilikuwa ni gumzo tu, hakuna kulala wala nini muda mwingi walijikuta wakizungumza na kutafuta chakula tu.

Patrick aliporudi kuonyesha mwili wa Mashaka, alienda moja kwa moja na kumfata mama yake Deborah.

Alimuita na kwenda kuongea nae.

PATRICK: Mama, mimi si mtoto mzuri tena. Mama sidhani kama nastahili kuwepo kwa maisha ya sasa, najua ukishajua maovu niliyotenda utanichukia pia.

DEBORAH: Siwezi kukuchukia Patrick hata mara moja, ondoa kabisa fikra za kuchukiwa na mimi mwanangu. Ngoja tumalize haya mambo ya kina Maiko na tuanze kujenga familia yetu upya kabisa mwanangu.

Patrick alishukuru kwa kauli ya Deborah kwani hakuwa na raha wala na amani moyoni mwake.



Tusa hakuwa na raha kabisa kwani hakujua hatma yake na Patrick ni nini, Patrick nae hakuwa na raha kabisa na bado aliendelea kujishangaa kuwa kwanini aliangukia kimapenzi kwa dada yake. Kwakweli wote walikuwa na mawazo sana ndani ya familia na hawakuelewa cha kufanya.

Mwita hakuelewa afanyeje na Tulo kwani kesi ile alikuwa ameishikilia yeye na sasa anagundua kuwa Tulo ni ndugu yake anajikuta hana la kufanya.



Waliamua kusoma zile barua kama familia, ila walikuta barua mbili moja ikiwa na maelezo mengi sana na nyingine iliandikwa kwa kifupi tu.

"Nitakapokufa, naomba mwili wangu uchomwe na kuzikwa pamoja na viungo vyote vya binadamu ambavyo vipo kwenye nyumba yangu"

Familia iliangaliana na kukubali kuwa kweli Maiko hakuwa mtu wa kawaida, alikuwa ni zaidi hata ya gaidi.



Wakasafiri wote na kwenda Arusha ili kujishuhudia kila kitu kuhusu Maiko.

Kufika nyumbani kwa Maiko walikuta ukuta wa upande mmoja wa nyumba yake umeanguka, walipojaribu kuuliza mambo hayo yametokea lini, wakatajiwa siku na saa aliyokufa Maiko.

Ni familia ile nzima ndiyo iliyokuwepo hapo kustaajabu mambo ya Maiko.

Wakiwa wanashangaa, ukatokea upepo mkali sana na kuwapuliza pale nje.

Mara kuna kitu kikatoka nje ya nyumba ya Maiko.



Mara kuna kitu kikatokea nje ya nyumba ya Maiko.

Upepo mkali nao ukazidi kuvuma nje ya ile nyumba, watu wote wakaanza kuogopa hofu ikawatanda kwenye mioyo yao.

Wakatazamana bila hata kuelewa nini kinaendelea, kile kitu cha ajabu kiliwazunguka na kwenda kuishia nyuma ya ile nyuma na upepo nao ukakatika gafla.



Wakasogea pembeni na kuanza kujadiliana ile hali iliyowatokea na waliyoiona.

FAUSTA: Ndiomana mimi sikutaka kabisa kuja huku, niliyajua yote haya. Bora hata ya Tusa na Tina waliobaki nyumbani.

DEBORAH: Huu sio wakati wa kulaumiana jamani kama jambo limeshatokea hakuna jinsi zaidi ya kukubaliana na hali halisi.

REHEMA: Tuzungumzie ya kufanya jamani tusipeane lawama za bure.

AMINA: Kwa kiasi kidogo namfahamu Maiko, hakuwa binadamu wa kawaida kama mnavyodhani. Inabidi ifanyike namna nyingine ya ziada ili kukabiliana na hii hali, hata kilichotokea wakati anakata roho sio kawaida ila kama.

DEBORAH: Basi utuambie unavyomfahamu huyo Maiko, pengine inaweza kutusaidie.

Basa Amina akaanza kuwaeleza vile anavyomfahamu maiko.



"Mimi ni daktari, nilifahamiana na Maiko kipindi nipo hospitali kwenye ofisi yangu mjini Dodoma, alikuja na mgonjwa wake moja kwa moja ofisini na kuniomba nimfanyie operesheni ndogo. Nikamuuliza mgonjwa anaumwa nini, bila kificho aliniambia kuwa mgonjwa yule ana madawa ya kulevya tumboni na alitaka niyatoe.

Kwanza kabisa nikakataa, Maiko akatishia kuniua ikabidi nikubali na kumfanyia yule mgonwa operesheni ila yule mgonjwa alikuwa kachoka sana ilionyesha kuwa amekaa na madawa kwa muda mrefu tumboni na hali yake kiafya haikuwa nzuri ila Maiko hakutaka yule mgonjwa ahudumiwe zaidi badala yake alisema nimmalize kwa sindano kwakweli nilipinga kabisa swala hilo nikamwambia aondoke tu na mgonjwa wake.

Kesho yake nikiwa ofisini nikasikia kuna binti amekutwa kauwawa na kutupwa kwenye mtaro, tulipoenda kumuona alikuwa ni yule yule binti aliyeletwa na Maiko jana yake. Dah nilisikitika sana kwani sikutarajia kabisa tena aliuwawa kwa kuchinjwa.

Baada ya miezi kadhaa nilikuwa mjamzito na Maiko alinitembelea tena pale hospitali, akasema ameutamani sana ujauzito wangu, kwanza nilimshangaa pili nilimuogopa kutokana na yule binti na tatu niliogopa kuwaambia watu kuwa yule jamaa ndiye muuaji wa yule binti.

maiko aliendelea na hoja yake ya kutamani ujauzito wangu, nikaona ni kitu cha ajabu kwa mwanaume kutamani ujauzito inamaana anatamani awe yeye mjamzito au ni nini.

Akaingia nesi fulini mule ofisini, alipomuona Maiko alishtuka sana na kutoka mule ofisini, badae nikamfata na kumuuliza kwanini alishtuka akaniambia kuwa Maiko si mtu mzuri, mi nikahisi kuwa labda nae anamjua Maiko kuwa anahusika na kile kifo cha yule mdada. Halafu akanipa onyo kuwa nisipende kuwa karibu na Maiko.

Siku nyingine Maiko alikuja ofisini na kuniletea pesa nyingi sana za asante, nikashangaa ni za nini ila sikuziacha nikazipokea na siku iliyofuata mimba yangu ilitoka, kwakweli nilihudhunika sana kwani yule angekuwa mwanangu wa pili baada ya Tulo ila bado sikuelewa.

Kuna siku Maikom alikuja na kunikuta na mwanangu Tulo ofisini aliniambia kuwa amempenda sana mwanangu na atafurahi siku akifanya nae kazi moja, nikapatw na uoga na mashaka ndipo nilipoamua kumsafirisha mwanangu Tulo na kumpeleka Dar es salaam akaishi na shangazi yake.

Yule nesi alinifata tena na kuniambia kuwa Maiko si mtu mzuri, anafuga majini nyumbani kwake hata mimba yangu iliyotoka yeye ndio chanzo na hawezi kuacha kunifatilia sababu nimeshaonja utamu wa pesa yake.

Hapo ndipo nilipoamua moja, niliacha kazi na kurudi kwetu Morogoro ili niepukane na balaa la Maiko.

Nadhani hata huyo askari aliyekabwa itakuwa ni hayo majini ya Maiko yalitaka msindikizaji, na hali ya hapa kwake nadhani ni hayo majini"



Rehema aliumia sana kama mzazi wa Maiko alijihisi kuwa na mkosi kama mama wa Maiko hakujua cha kufanya kuweza kuvumiliana na ile hali halisi iliyokuwepo.

DEBORAH: Jamani hii ni khatari sana, tutafanyaje sasa?

REHEMA: Tufanye kama alichosema kwenye barua yake tu.

Adamu na Pamela walishindwa hata kuelewa cha kufanya.

MARIUM: Tusikawie jamani, hali ya huku si shwari kabisa.

Kwa waliokuwepo pale mwenye nguvu ya kufanya chochote alikuwa ni Yuda tu.



Tina na Tusa hawakwenda Arusha, Tusa hakutaka kabisa kukanyaga mji wa Arusha na pia hawakuweza kukaa nyumbani kwa Deborah kwa kuogopa kutokew na Maiko. Wao waliondoka na Sele na kwenda kukaa nyumbani kwa Marium.

TUSA: Sidhani kama mama yangu ana roho mbaya kiasi hiko cha kutupa mtoto.

TINA: Hata mimi sifikirii kama mama yangu anaweza kufanya hivyo.

TUSA: Sasa Patrick ni mtoto wa nani?

TINA: Mimi nadhani mama yake Patrick amesahau tu ila mama zetu hawawezi bhana kutupa mtoto. Hawana roho mbaya kiasi hiko.

TUSA: Na mbona walikuwa wanalia sasa?

Sele akaingilia mazungumzo yao.

SELE: Jamani yote yanawezekana ngoja tuwasubiri warudi waje kutuambia ukweli wote.

Sele alitulia sana tangu amesikia stori nzima kuhusu Patrick. Alikuwa anangoja kujua hatma ya Patrick na Tusa itakuwa ni nini.



Patrick nae hakwenda Arusha alijifungia ndani tu, hakutaka kufanya chochote ingawa mama yake alimsihi sana aende nao.

Patrick akaenda dukani na kuchukua sumu ili ajimalize, kabla hajafanya hivyo mzimu wa mzee Ayubu ukamtokea Patrick na kumsihi asifanye vile.



Mwita nae mawazo yalimjaa sana kwani hakujua cha kufanya, stori ya Maiko ilimpelekea kuamini kuwa Patrick anahusika na vifo vya wale wajeshi kwani aina ya uuaji ilifanana na aina ya uuaji aliokuwa akiufanya Maiko.

Akimfikiria Tulo nae ambaye pia ni ndugu yake alikosa jibu kabisa ya nini cha kufany ukizingatia yeye ni usalama wa Taifa. kauli ya Maiko nayo ilimrudia mara kwa mara kuwa wasimuhukumu Patrick.



Deborah aliwaambia kuwa wanatakiwa kuharakisha kwani wameacha watu wengi muhimu huko nyumbani.

Wakaamua mwili wa Maiko na Mashaka wauingize ndani ya ile nyumba na waichome moto nyumba yote.

Wakasaidiana na baadhi ya watu kufanya hivyo, hakuna aliyetaka chochote toka kwenye nyumba ya Maiko.

Viungo vya binadamu viliwatisha sana mule ndani na hapo wakaamini wote kuwa Maiko alikuwa gaidi.

Walitoa begi moja ndogo yenye mafaili toka kwenye ile nyumba kisha wakaimwagia petroli na kuichima, kwavile ilikuwa mbakli kidogo na maeneo ya watu haikuwapa shida sana kuichoma.

Wakati wanaichoma walisimama mbali kabisa, mara gafla ukasikika mlio mkubwa kama bomu.



Wakati wanaichoma ile nyumba ya Maiko, walisimama mbali kabisa. Mara gafla ukasikika mlio mkubwa kama bomu.

Wote wakaogopa na kutetemeka kwa hofu, moshi mzito ukawa unatoka pale kwenye ile nyumba na gafla mvua ikaanza kunyesha na kuwafanya wakimbie hovyohovyo kutafuta sehemu ya kujificha.

Ubaya wa eneo lenyewe lilikuwa mbali na maeneo ya watu wengine.

Mvua ilikuwa ni kubwa sana, wakabahatika kupata usafiri uliowasogeza kwenye nyumba kidogo ya jirani na pale.



Pale kwenye ile nyumba walikutana na majirani wa Maiko, ambao walishangaa sana kuelezewa kuwa Maiko amekufa tena kwa kujiua. Hawakuelewa kwanini tajiri mkubwa kama Maiko kujiua.

Na walivyoambiwa kuwa ile sauti ya bomu ilitokea nyumbani kwa Maiko napo walishangaa sana na kujiuliza je ni kitu gani, wengine wakajaribu kueleza kuwa kwavile wamechoma ile nyumba na miili ya watu ikiwa mule ndani kwahiyo huenda ile sauti ya kama bomu ni kupasuka kwa kichwa, ikabidi waamini vile wanavyoambiwa.

Mvua nayo ilizidi kunyesha eneo lile bila hata ya kukatika.



Hali ya Patrick haikuwa nzuri bado, Patrick alikuwa anaumizwa sana kwa kuujua ukweli kuwa Deborah si mama yake mzazi, hakutaka kabisa kuamini na kukubaliana na ukweli huo.

Alitamani hata ukweli huo ugeuzwe, hakutamani kuujua ukweli wa namna ile maishani mwake, mzimu wa mzee Ayubu nao haukuacha kuwa karibu yake.

Ulikuwa ukimtazama tu na kuendelea kumsihi kuwa asijidhuru.

"usijiumize Patrick wala usijidhuru, ukweli humuweka mtu huru. Kubaliana na ukweli na usijipe mawazo sana kwa yaliyopita, yaache yapite na mengine mapya yaje. Mimi ni babu yako Patrick"

Sauti ile ya mtu asiyeonekana ilizidi kumliza Patrick, uelekeo wote wa Patrick ulipotea kwani hakuwa kama vile alivyotegemea.



Mvua ilipokatika, bi.Rehema alitoa wazo la kwenda kutazama lile eneo la tukio ila Deborah alipinga na kuwaambia kuwa warudi tu Mwanza kwani hata yeye hakutaka tena kuendelea kuwepo kule Arusha.

AMINA: Nakubaliana na wazo la Deborah, bora turudi Mwanza kuliko kwenda kutazama nyumba ya Maiko huwezi jua ni kitu gani kitatupata tena huko ukizingatia nyumba yenyewe ilikuwa na majini.

FAUSTA: Hata mimi sioni umuhimu wa kwenda kuitazama, tuondokeni tu.

Wakakubaliana kuondoka ila bi.Rehema hakuafikiana nao kabisa.

Alitamani kuona yaliyojiri kwenye nyumba ya mtoto wake, ila hakuwa na la kufanya zaidi ya kufatilizana na wakina Deborah kuwa waende stendi na kuondoka kurudi Mwanza.



Walipokuwa stendi kwaajili ya kuondoka bado roho ya bi.Rehema haikukubali kabisa, alitamani kuona hata majivu yaliyobaki kwenye nyumba ya mwanae, akawaomba na kuwasihi sana. Ikabidi Adamu akubali kumpeleka tena mama yake kupaona nyumbani kwa Maiko na kwavile Yuda ndio anayepajua vizuri ilibidi yeye akubali kuwasindikiza ila Deborah na wenzie wakagoma kurudi na kuamua kwenda zao Mwanza.

Wakati wao wakisafiri kwenda Mwanza, bi.Rehema, Adamu na Yuda walipanga kwenda kwa Maiko kesho yake.

Nia kubwa ya bi.Rehema ni kuona tu jinsi nyumba ya mwanae ilivyoteketea na jinsi mwanae alivyoangamia.



Walipotua Mwanza, Deborah hakutaka kupoteza muda aliwaomba wote na kuamua kwenda moja kwa moja nyumbani kwake kumuangalia Patrick.

Walipofika Patrick alikuwa chumbani ikabidi Deborah amfate na alimkuta Patrick akiwa na hali mbaya sana, hali ya kutokujielewa kabisa.

Deborah alimfata mwanae na kumkumbatia sana.

DEBORAH: Haijalishi mambo yote yaliyotokea, wewe Patrick utaendelea kuwa mtoto wangu mpendwa na wa pekee.

PATRICK: (Akiongea kwa uchungu), kwanini mama? Kwanini mimi nisiwe mwanao wa kiukweli? Nakupenda mama na siwezi kumpenda mama yeyote kama ninavyokupenda wewe.

DEBORAH: Naelewa mwanangu Patrick ila una haki ya kujua ukweli kuhusu wazazi wako. Ni kweli mimi nimekulea na kukunyonyesha ila si mimi niliyekubeba miezi tisa Patrick.

PATRICK: Na kwanini nilitupwa?

DEBORAH: Tulia mwanangu, ukweli wote utaujua.

Wakiwa pale nyumbani kwa Deborah, Fausta na Pamela walijikuta wakikumbuka tena yaliyopita na kuanza tena kulia.

Deborah alitoka na kuwafata,

DEBORAH: Kulia hakuta wasaidia cha muhimu muwe wazi, Patrick ni mtoto wa nani kati yenu ili naye apate kuwajua ndugu zake.

Walikuwa wakitazamana na kushindwa hata kusema.



Tusa na Tina waliposikia wazazi wao wamerudi, nao wakajipanga kwenda nyumbani kwa Deborah lengo lao ni kuujua ukweli na kutambua hatma ya Tusa na Patrick itakuwa ni nini ukizingatia na ndoa ambayo walishafunga.



Mwita alienda polisi kuzungumza na Tulo, na kumtolea dhamana ya kutoka huku kesi ikiendelea.

Tulo hakuelewa kuwa kwanini amepewa dhamana ya kutoka pale polisi tena dhamana hiyo kutolewa na Mwita, wakati ni mtu aliyemgeuka na kumkamata na kumpeleka polisi, hakujua ni kitu gani kilibadilisha moyo wa Mwita.

Kesho yake Mwita na Tulo walienda nyumbani kwa Deborah na Tulo alifurahi sana kumuona mama yake, hata Amina nae alifurahi kumuona mtoto wake.

Wakamueleza Tulo kila kitu kilichotokea, ila walipomwambia kuwa kuna watu wamerudi kuitazama nyumba ya Maiko alishtuka sana na kusema wapigiwe simu na kuzuiliwa, wote wakashangaa ni kwanini.



Bi.Rehema, Adamu na Yuda wakaenda kutazama nyumba iliyoungua, kufika pale wote wakapigwa na mshangao kuona ile nyumba ikiwa nzima kabisa.

Haikuungua hata nyasi, hakuna aliyeamini kati yao wakati waliiona ikiungua.



Hakuna aliyeamini kati yao wakati waliiona ikiungua.

Kila mmoja alikuwa akishangaa na kubaki wanatazamana tu.

REHEMA: Jamani, hiyo nyumba si tumeiacha inaungua?

ADAMU: Ndio, na moshi mkali ulitoka na kusababisha mvua kubwa.

YUDA: Haya ni mauzauza jamani, tuondokeni tu.

REHEMA: Hapana tusiondoke, tunatakiwa kwenda kushuhudia humo ndani kuna vitu gani kwa sasa.

ADAMU: Hapana mama, hiyo nyuma ni ya maajabu.

REHEMA: Hapana huwezi jua bhana, labda ile mvua iliuzima ule moto sidhani kama kuna miujiza ya namna hii.

YUDA: Kama nyie mnaenda kuingia nendeni ila mimi hapana kabisa, siwezi kuingia nyumba ya maajabu kama hiyo.

Yuda alipinga kabisa, hakutaka kwenda kuingia kwenye nyumba ya Maiko ila bi.Rehema aliendelea kusisitiza kuwa anataka kwenda kuangalia ndani kama kuna vile vitu walivyoviacha mwanzoni, walimpinga sana ila aling'ang'ania ikabidi Adamu aamue kumsindikiza mama yake ndani ya nyumba ya Maiko.

Wakaondoka pale na kumuacha Yuda akiwa amesimama pale pale akiwatizama.

Wakati wanakaribia kuingia kwenye ile nyumba mara simu ya Adamu ikaanza kuita na kumfanya Adamu asimame na kuisikiliza, mwanzoni aliongea na Pamela ila badae alipewa Tulo ili kuwaeleza vizuri.

TULO: Nasikia mnataka kwenda kuitazama nyumba ya Maiko mliyoichoma. Tafadhari msiende.

ADAMU: Umeshachelewa tayari, ndio tupo huku.

TULO: (Akashtuka), mmepakutaje?

ADAMU: Tumeikuta nyumba ya Maiko ipo vile vile hata haijaungua.

TULO: Basi rudini tafadhari.

ADAMU: Tunataka kwenda kuona ndani kuna nini.

TULO: Msithubutu tafadhari, hayo ni mauzauza jamani. Rudini tu tafadhari. Hiyo sio nyumba ni mauzauza tu.

Ile simu ikakatika, Adamu akamtazama mama yake kwa makini aliyekuwa anajiandaa kuingia ndani.

Akamfata na kumshika mkono kisha akamvuta,

ADAMU: Tafadhari mama tuondoke mahali hapa.

REHEMA: Kwanini Adamu, hutaki kuona mwenzio anapatwa na nini humo ndani?

ADAMU: Mama kumbuka kuwa Maiko ni marehemu tayari hatuko nae tena. Hiyo si nyumba mama ni mauzauza tu.

REHEMA: Msinichanganye jamani, mi sioni kama ni mauza uza wala nini. Kama hutaki kwenda niache niende mwenyewe.

Adamu hakumuachia mama yake kwani alijua akimuachia lazima ataenda tu.

Bi.Rehema nae alizidi kung'ang'ania kwenda ila Adamu akazidi kumzuia huku akimvuta waondoke, Yuda kuona vile ikabidi nae asogee ili kusaidiana na Adamu katika kumvuta bi.Rehema.

Alipofika pale, mara gafla ukatokea mlipuko mkubwa sana toka kwenye nyumba ya Maiko na kuwafanya wale watatu wote kutupiwa mbali kabisa.



Nyumbani kwa Deborah bado walitaka kujua kuwa Tulo kwanini ameshtuka sana kusikia habari ya kwa Maiko haswa swala la wakina Adamu kurudi kuangalia ile nyumba.

AMINA: Kwanza mwanangu, huyo Maiko alikupatia wapi na ulimjulia wapi?

DEBORAH: Na pia alijuaje kama nyumba ile ina mambo ya ajabu?

TULO: Si mimi tu ninaejua hili nadhani hata Patrick analijua hili. Ila mimi nimekuwa msiri wa Maiko kwa kipindi kirefu sana, hata anapoondoka pale kwake ni mimi ndiye aliyekuwa ananiacha.

AMINA: Ndio useme huyo Maiko anakujuaje wewe? Kwakweli bado napigwa na mshangao sana tena sana.

TULO: Lazima mshangae ila Maiko huwa akidhamiria kitu lazima afanikiwe. Nitawaeleza mahusiano yangu na Maiko yalikuwaje na kwanini nimewakataza wale kwenda kule.

Muda huo na wakina Tusa nao wakawasili na kuwakumbatia wazazi wote ila wote walisikitika kwa yale waliyoambiwa kuwa kule Arusha wamewaacha ndugu zao wengine ambao hawajulikani kama watafika salama.



Yuda ndiye aliyekuwa wa kwanza kushtuka, kuangalia pembeni anamuona bi.Rehema na Adamu wakiwa hawajitambui kabisa, alisogea na kumshtua Adamu ambaye hakukawia kushtuka.

Na kuanza kumshtua bi.Rehema ila ilikuwa ngumu sana kushtuka kwani alikuwa hoi zaidi, wakaamua kumbeba na kuanza kujikongoja ili wafike japo barabarani kupata usafiri wa kurudi.



Tulo aliwakalisha wote ili kuwaeleza alivyofahamiana na Maiko na jinsi gani alikuwa mtu wake wa karibu.

TULO: Sikutakiwa kutoa siri hii ila nitaitoa kuyakomboa maisha ya ndugu zangu waliopo huko Arusha.

PAMELA: Inamaana wamepatwa na matatizo?

TULO: Inawezekana, kwajinsi walivyonieleza inawezekana kabisa wamepatwa na matatizo ila siri hii itaweza kuwakomboa.

DEBORAH: Tueleze basi hiyo siri.

Tulo akaanza kwa kuwaelezea namna alivyofahamiana na Maiko.



"Ilikuwa ni Dar es salaam, kwa mara ya kwanza nilionana na Maiko nikiwa ufukweni, eneo maharufu kabisa lijulikanalo kama Coco beach, kwa mimi nilijua kuwa ile ndio mara yangu ya kwanza kufahamiana nae ila yeye aliniambia kuwa ile ni mara ya pili kwa mimi na yeye kuonana na kusema kuwa amenifahamu mimi tangia mdogo na amewahi kumwambia mama yangu kuwa anatamani siku moja afanye kazi na mimi.

Nilimshangaa sana, ila sikupinga alinikaribisha kufanya nae kazi ambayo alisema itakuwa na kipato kikubwa sana.

Nilijiuliza sana aina ya kazi ila sikujari sana kwavile nilisikia kuwa ina kipato kikubwa.

Nikazoeana sana na Maiko na kuamua kumuaga shangazi kisha nikatokomea Arusha, kazi za Maiko lazima ule kiapo na kiapo anachokulisha anakuwa na maana kubwa sana, kwavile nilitaka pesa sikuwa na maswali mengi.

Maiko akaniweka kama msiri wake namba moja na hapo ndipo nilipogundua siri kubwa sana iliyojificha kwa Maiko"



Wakati Tulo akielezea hayo, Yuda na Adamu huku wakiwa wamembeba bi.Rehema walifanikiwa kufika kwenye barabara, wakaona gara likija na wakalisimamisha ili wafike mjini.

Gari likasimama na wakapanda, ile kumtazama dereva wakapambana na sura ya Maiko.



Gari likasimama na wakapanda, ile kumtazama dereva wakapambana na sura ya Maiko.

Wakapatwa na mshtuko mkubwa sana huku ile sura ikiwachekea, walitamani kuteremka ila walishindwa kwakuwa gari lilikuwa kwenye mwenye.

Adamu na Yuda hawakutambua kabisa cha kufanya, bora bi.Rehema aliyekuwa bado amezimia.

Wakiwa ndani ya lile gari, likafika mahari na kusimama na gafla lile gari likapotea na kujikuta wote wakiwa nje bila hata ya kushuka. Walikuwa mbele ya nyumba ya Maiko.

Hakuna aliyeamini lile tukio kati yao, mara gafla bi.Rehema nae akazinduka na kuwaona Yuda na Adamu wakiwa kwenye mshangao na mshtuko wa hali ya juu. Akabaki akiwashangaa, kuangalia mbele anamuona mtu kasimama mbele yao, bi.Rehema hakuamini macho yake akayafikicha sana na kutazama tena akamuona ni mwanae Maiko tena Maiko yule yule aliyejiua mbele yao na kukaa monchwari karibia wiki nzima kwa uchunguzi leo hii yupo mbele yao tena akiwa mzima kabisa.

Bi.Rehema alijikuta akiropoka,

"Hivi naota au ni kweli jamani?"

Wote wakakaa kimya kuona atakachofanya Maiko pale mbele yao.



Ndani ya nyumba ya Deborah waliendelea kusikiliza maelezo ya Tulo kuhusu Maiko.

DEBORAH: Ndio useme hiyo siri basi maana hatujui huko wapo kwenye hali gani ili kama kuna uwezo wa kuwasaidia tuwasaidie.

PAMELA: Kweli kabisa Tulo, endelea kutueleza ili tujue la kufanya.

Tulo akaendelea kuwaeleza habari za Maiko.



"Ukianza kazi kwa Maiko lazima ule kiapo, kiapo cha kutokutoa siri wala kukiuka malengo ya kazi yake. Kiapo ambacho unalishwa na Maiko kinakufanya uwe mtumwa wake na mara nyingi unafanya kitu anachotaka yeye na sio unachotaka wewe.

Mimi pia nililishwa hicho kiapo na nikawa mfanyakazi wake hodari na shupavu, nimefanya kazi nyingi kwa Maiko kama vile kusambaza madawa ya kulevya na viungo vya watu.

Katika hali ya kawaida ya ubinadamu lazima mtu utaogopa kusambaza vitu kama viungo vya binadamu ila kiapo cha Maiko kinakupa ujasiri na kukuondoa uoga kabisa.

Mashaka alikuwa mtu wa karibu sana na Maiko, yeye alikuwa akichukua viungo vya binadamu na kupeleka nje ya nchi na akirudi huko anakuja na pesa nyingi sana na kuchukua mzigo mwingine, kwakweli hadi leo sijui huwa wanafanyia nini viungo vya binadamu ingawa nimefanya nao kazi kwa muda wa kutosha tu.

Mara nyingi Mashaka ndio alikuwa anatoa oda ya kuua watu wa aina flani na kuchukua viungo vyao ila Maiko akienda kuua mtu ujue ana kisasi nae na atabeba kichwa na kukitunza ndani ya nyumba yake.

Unaweza ukamuona mtu anamuonekano ambao si wa kawaida na wengine labda ana macho makubwa sana au madogo sana, kama umeongozana na Mashaka basi atakupa oda muda huohuo kuwa anayataka macho ya yule mtu, tunachofanya ni kuwaambia vijana wakatekeleze kazi hiyo. Ndiomana Mashaka alipomuona Tusa alitoa oda mapema ya kuhitaji vitu vya mwilini mwake maana alikuwa tofauti kidogo na wengine.



Siri kubwa ya Maiko ni majini aliyoyahifadhi ndani ya nyumba yake, siri hii ni mimi pekee ndiye aliyenieleza na kunitaka niitunze nami nikamuahidi kufanya hivyo.

Maiko aliniambia kuwa aliyapata majini hayo alipokuwa Mombasa kule ufukweni ndipo alikutana nayo na yakamuahidi kumtajirisha atakavyo na kumfanyia chochote atakacho ila tu anatakiwa kuwasikiliza wanachotaka.

Maiko alianza kutajirika taratibu huku Mashaka akisaidiana nae.

Mashaka alimsaidia Maiko kutoka Mombasa na wakaanza kusafiri wote ila yale majini hayakupenda Maiko asafiri safiri mara kwa mara nje ya nchi ndipo yakamtafutia sehemu ya kuishi kule Arusha, ukiangalia ile nyumba ya Maiko ilivyokubwa na muda ambao Maiko ametumia kuijenga huwezi kufikiria hata kidogo kama inawezekana ila aliwezeshwa na yale majini.

Wakati Maiko akiishi Arusha, yale majini yalipendelea sana damu kitu kilichomfanya Maiko kuchinja ng'ombe mkubwa kila baada ya miezi mitatu kama kafara yake kwa majini hayo, haikuwa kazi kubwa kwavile Maiko ni mtu mwenye pesa tofauti na watu wengine ambao hawana pesa.

Kulikuwa na chumba maalum kwaajili ya kuchinjia ng'ombe hao.

Kiukweli wakati ananieleza kuwa ile nyumba ina majini niliogopa sana, hata kulala niliogopa ila badae nikazoea.



Majini yale yalimpa Maiko sharti moja kubwa sana kwa Maiko ila ni dogo kulingana na hali ya kawaida tena ni sharti zuri sana.

Maiko alipewa sharti la kutokuthubutu kumdhuru baba yake mzazi.

Aliponiambia hilo sharti nilimwambia ni sharti dogo sana ukizingatia babake anaishi nae vizuri hapo nilijua Mashaka ndiye mzazi wake.

Maiko akaniambia kuwa Mashaka si baba yake mzazi ila nisimwambie Mashaka na kwa kifupi alikuwa hamjui baba yake mzazi si kwa jina wala sura, aliniambia anamjua mama yake tu ambaye alimuona zamani sana hata hivyo mamake huyo amekwisha kufa.

Maiko aliona lile sharti kuwa gumu sana kwake, hivyo basi alitoa oda kuwa tukimuona mtu kafanana nae tumpe taarifa huenda akawa baba yake ili awe huru na kazi yake.

Viungo vya binadamu ambavyo Maiko alikuwa anahifadhi ndani kwake alikuwa anayahifadhia majini yake.



Majini yale yalimwambia kuwa akikiuka hilo sharti atajiharibia sana kwani mambo yake mengi yataharibika na mtu asiyemtarajia atamgeuka na nguvu zake zitapungua hataweza kumdhibiti mtu yeyote yule tena na atakosa mwelekeo wa maisha, biashara zake zitayumba, siri zake zitafichuka na maisha yake kudolola hata kuisha kabisa.

Hapo hata mimi nikajifikiria sana na kugundua kuwa mali za majini ni za mikataba ndomana wanakupa sharti ambalo wanajua siku moja utaligeuka tu na kufanya wao wakufilisi kila kitu na kukuacha patupu.



Maiko aliwahi kuniambia kuwa hata atakapokufa lazima apate wafuasi wa kwenda nao na maji.

Mambo ya Maiko yameharibika kwa kifo cha baba yake mzazi, alikuja Mwanza kumsaka Patrick ndipo alipogundua kuwa walimuua baba yake.

Maiko aliporudi Arusha alienda kuyaomba majini yake yamrejeshee nguvu zake kama zamani, Maiko alilia sana na kusema anazidiwa na Patrick. Yale majini yalimwambia kitu kimoja kuwa anatakiwa kwenda na Patrick kule Arusha kwavile yeye na Mashaka walishindwa kumpeleka Patrick kule Arusha ndiomana mimi nikajitoa kuja kumfata Patrick nimpeleke Arusha.

Mashaka alishukuru sana kwani mambo yao mengi yaliharibia ukizingatia Mashaka alimfanya Maiko kama chambo chake kwahiyo akiyumba Maiko na yeye anayumba.

Maiko alipewa onyo la mwisho kuwa hatakiwi kuguswa mwilini mwake na kitu chochote chenye asili ya moto hadi pale atakapompeleka Patrick kule Arusha kwenye majini yake, na kama akiguswa na kitu cha moto ataharibu kila kitu.



Wakati mimi niko Mwanza, nilikutana na Patrick ambaye alipogundua dhamira yangu akanipiga sana hadi nikapoteza fahamu.

Patrick ana nguvu za ajabu ambazo zinanifanya nihisi kuwa kuna kitu amepandikizwa.

Nilipopata nafuu niliwasiliana na Maiko aliyeniambia kuwa amemwagiwa maji ya moto na bi.Deborah, hamu yote ya kurudi Arusha ikaniishia hapo niliogopa kuwa huenda yale majini yakanibadilikia mimi kwani sharti limeshavunjwa tayari na Maiko alikuwa akiuguza tu kidonda chake.

Nilijua mambo yameshaharibika ila nilijikaza kiume, ndipo nilipoanza kumtokea Tina ili nipate mwanamke wa kurudi nae kule kwani majini ya Maiko yalijua sana kuwahurumia wanawake ingawa Maiko alikuwa akimchukia mwanamke kuliko mtu yeyote duniani huku akimpachika sifa kuwa mwanamke ni mtu muongo, mlaghai, mwizi, tapeli na hafai kwenye jamii.



Mliponiambia kuwa mmefata maneno aliyoacha Maiko kuwa msimzike bali mkamchome kwenye nyumba yake nikaona si mbaya sana ila ingekuwa vyema kama mngemzika tu.

Mliponiambia kuwa kuna watu wamerudi kutazama nyumba ya Maiko iliyoungua, hapo ndipo pabaya tena nilipowapigia simu na kusema wameshaenda na nyumba haijaungua kabisa hapo ndipo pabaya zaidi.

Nadhani watakuwa na matatizo na tatizo lao linaweza kutatuliwa na kitabu kidogo cha Maiko kilikuwa kwenye begi lake dogo"



Ndipo Deborah akakumbuka kuwa kuna kibegi kidogo chenye mafaili walitoka nacho kwenye nyumba ya Maiko ikabidi aende kuangalia kama kweli lile begi wamefika nalo Mwanza.

Kila mmoja aliombea hilo begi liwepo ili Tulo awaambie cha kufanya na hicho kitabu kuweza kukomboa maisha ya ndugu zao.



Hali iliendelea kuwa mbaya pale nje walipowekwa kwenye nyumba ya Maiko, wakashangaa Maiko akitangulia na wao wakimfata vilevile wakiwa chini kama wanavutwa na sumaku.

Yuda alijilaumu sana kwa kuwasindikiza, alikumbuka maneno ya mama yake kuwa warudi wote Mwanza.

Adamu nae alizidi kumlaumu mama yao kwani walikuwa katika hali mbaya ya bila kutarajia.

Wakiendelea kuvutwa kama sumaku, mara gafla yule mtu aliyekuwa Maiko akageuka kuwa mti mkubwa wa mbuyu.

Kila mmoja alibaki kutaharuki, mara ule mti ukaanza kusogea.



Kila mmoja akaanza kutaharuki, mara ule mti ukaanza kusogea.

Hofu ikazidi kuwatanda, wakashindwa cha kufanya, wakatamani kupiga kelele ila sauti zao hazikutoka.

Kufika mahali ule mti nao ukayeyuka, woga ukawatanda na wakatamani kunyanyuka na kukimbia ila walijikuta wakiwa wazito sana kuinuka, hakuna aliyeweza kunyanyuka walikuwa kama wamegandishwa pale chini.

Mara kuna kuna majimaji yenye asili ya damu yakawa yanawamwagikia pale walipokuwa.



Deborah aliendelea kusaka lile begi, Tulo aliendelea kuzungumza pale haswa na mama yake.

AMINA: Kwakweli huyu Maiko ni mtu mbaya sana, yani mimi kukuhamisha kote kule bado akakupata mmh!

TULO: Hukutakiwa kunihamisha mama, ulitakiwa uwe nami karibu kunikinga nae na hata kunipa onyo. Ila Maiko ni mtu mwenye vishawishi vingi sana, hutumia njia mbadala kumpata mtu yeyote amtakaye.

Deborah alifanikiwa kukipata kile kibegi na kukipeleka kwa Tulo ambaye alichukua na kumwaga vitu vyote kuangalia kama atakiona hicho kitabu, na kwa bahati nzuri alifanikiwa kukiona.



Kilikuwa ni kitabu kidogo sana chenye karatasi kumi tu na kimeandikwa kwa lugha ya ajabu ambayo huwezi kuisoma kama sio mmoja wao.

Tulo alikishika kile kitabu na kupitia kurasa zake za ndani huku akikisoma kwa lugha ya ajabu na wote wakabaki kumshangaa tu, kadri alivyokisoma kikawa kinabadilika rangi na kuwa nyekundu. Alipokimaliza chote kikawa na rangi ya damu ambayo ilienea hadi kwenye mikono ya Tulo.

Kisha Tulo akawatazama wote pale sebleni na kuwaambia,



"Jamani, hiki ambacho mimi nafanya ni khatari sana kwahiyo msishangae kwa chochote kile ambacho kitanipata.

Ni kheri apotee mtu mmoja kuliko kundi la watu wasiokuwa na hatia, najua yale majini hayawezi kuacha hadi siri hii imetoka.

Nimeua watu wengi kwa kushinikizwa na Maiko pamoja na majini yake, nisingependa Patrick awepo katika mlolongo wa watakao angamia.

Maiko alikiuka masharti na ndiomana hajamuweza tena Patrick ambaye amekuwa na nguvu za ajabu, napenda Patrick awe mtu wa kawaida sitapenda aangamie kama wengine."



Tulo akamuangalia Patrick kisha akamuita kuwa amsogelee.

Patrick akamsogelea Tulo na kumsikiliza.

TULO: Ulitumia kitabu hiki kula kiapo mbele ya Maiko, sasa nakuomba utumie tena kitabu hiki kuvunja kiapo ulichokula kwa Maiko.

Patrick akachukua kile kitabu na kukishika huku akivunja kiapo kwa kufatiliza maneno anayoambiwa na Tulo, baada ya hapo Tulo akamfanyia kitu ambacho Patrick alifanyiwa mwanzoni wakati wa kula kiapo.

TULO: Swala la kiapo limeisha kwako Patrick, ila kuna kitu cha ziada utakachofanya. Hiki kitabu kitachomwa na wewe ndio utahusika kufukia majivu ya kitabu hiki.

Patrick akaitikia kwa ishara kuwa ameelewa kinachoongelewa.

Tulo akaendelea kuzungumza.



"Jamani, swala kubwa la kuwakomboa wale ni kukichoma hiki kitabu.

Ila katika kukichoma hiki kitabu, kuna mambo ambayo lazima yatokee moja wapo ni mimi kuangamizwa. Napenda kusema tena kuwa ni kheri aangamie mtu mmoja na wengi wapone.

Nimeshamaliza watu wengi sana kwa kusaidiwa na Maiko kwa nguvu za majini yake.

Hiki kitabu kinamaana kubwa sana kwa Maiko na Majini yake ndiomana amekuwa akikitumia hiki kitabu katika kulisha watu kiapo na kuangamiza watu mbalimbali.

Siri ya hiki kitabu ndio ambayo itaniangamiza mimi"



Amina uoga na hofu vikamtanda kuwa huenda mtoto wake nae anataka kufa.

AMINA: Unanitisha Tulo, unamaana gani kusema utaangamia? Inamaana na wewe unataka kufa?

TULO: Mama, kufa ni kawaida ya mwanadamu. Wanadamu kifo tumeumbiwa kwahiyo usiwe na shaka.

AMINA: Nisiwe na shaka kivipi wakati maneno yako yananikosesha amani?

Ikabidi Tulo ampe mama yake maneno ya kumtuliza kisha akaendelea kuwaeleza kuhusu kile kitabu.



"Hiki kitabu ndio kina mambo yote ya majini ya Maiko, tusipokiteketeza hiki kitabu basi tutakuwa na tatizo kubwa sana. Hata Maiko alipopewa hiki kitabu alikula kiapo, na mimi nilipopewa siri za hiki kitabu nililishwa kiapo cha kutokusema siri hiyo ila leo nimeisema na pia naenda kukiteketeza hiki kitabu.

Naomba mniletee kisu, kibiriti na mfuko wa plastiki niweze kufanya hii kazi kiufasaha. Na Patrick ataenda kufukia jivu kwakuwa yeye ni shupavu na ana nguvu sana"

Wakamletea vitu alivyohitaji na kumkabidhi ili afanye ile kazi ya kukiteketeza kitabu.



Upande wa wakina bi.Rehema hali ilikuwa mbaya sana.

Uoga nao ulizidi kuwatawala kwani walikuwa wamelowa damu mwili mzima huku wakitetemeka sana.

Yule mtu wa kufanana na Maiko akawatokea tena mbele yao, safari hii alikuwa amebeba panga linalong'aa sana. Wote wakaogopa, ikabidi bi.Rehema ajaribu kujitetea,

REHEMA: Maiko mwanangu, mimi ni mama yako mzazi na hawa ni ndugu zako tuhurumie tafadhari.

Yule mtu akacheka sana kisha akaongea kwa kejeli tena kwa kutumia sauti ya Maiko.

"Mama mzazi! Huoni fahari kuwa sehemu ambayo mwanao yupo?"

Halafu akanyoosha mkono, kisha ikatua maiti ya Maiko mbele yao tena akiwa vilevile kama alivyojiua nyumbani kwa Deborah.

Wote wakaogopa, kumtazama Maiko maiti na Maiko aliyesimama.

Yule mtu alilishikilia lile panga vizuri kama vile anajiandaa kuwachinja.



Tulo alichukua kisu na kujikata kwenye kiganja na mkono wake huku damu nyingi zikimwagika zikiungana na zile damu za kwenye kijitabu.

Halafu akachukua kiberiti na kuchoma karatasi moja moja za kile kitabu na kumalizia na ganda la nje.

Kisha akakusanya jivu lote na kuliweka kwenye ule mfuko wa Plastiki, akaufunga vizuri na kumpa Patrick akafukie huku akimpa maelekezo ya namna ya kufukia lile jivu ambapo alitakiwa aende pekeyake kufukia.



Wakati Patrick analifukia lile jivu, hali kwakina bi.Rehema ilikuwa mbaya sana mara mvua mara jua, mara mwanga unakuwa na rangi nyekundu mara wa kawaida, mara ile maiti ya Maiko na yule mtu vinatoweka mara vinakuja tena mbele yao.

Hali ilikuwa mbaya sana, upepo mkali ukavuma na kuwafanya wapatwe na kizunguzungu pale chini.

Mara gafla wakainuliwa juu kabisa wote watatu yani bi.Rehema, Adamu na Yuda kisha wakabwagwa chini kama mzigo wa kuni halafu wote wakapoteza fahamu.



Patrick alitumia ujasiri wa hali ya juu katika kufukia lile jivu kwani alipolitua pale chini lilikuwa zito kama vile kitu kikubwa ila kwakuwa Patrick alikuwa na nguvu sana, aliweza kulifanikisha lile zoezi halafu akarudi ndani.

Kufika ndani akawapa taarifa kuwa ameshafanikiwa kufukia lile jivu na hapo hapo Tulo akaanguka chini na povu kumtoka mdomoni.



Tulo akaanguka chini na povu kumtoka mdomoni.

Tulo alitapatapa kama vile mtu aliyekunywa sumu tena sumu kali.

Wote wakamsogelea na kujaribu kumpa huduma ya kwanza kisha kumuwahisha hospitali.

Amina alikuwa akiyakumbuka maneno ya mwanae tu kuwa lazima aangamie, alikosa imani kuwa Tulo atarudi tena katika hali ya kawaida.

Pale hospitali kila mmoja alikuwa na wasiwasi, hakuna aliyekuwa na amani kabisa.



Bi.Rehema na wenzie walizinduka na kujikuta wote wapo hospitali, kumbe wasamalia wema waliwasaidia na kuwapeleka hospitali.

Yuda ndiye aliyekuwa wa kwanza kuzinduka baada ya kupata unafuu kiasi, kisha akafatiwa na Adamu na badae bi.Rehema.

Walikuwa wamechoka sana kama vile wamefanya kazi ngumu.

Baadhi ya wasamalia wema waliowasaidia walikuwepo pale hospitali kuwaangalia hali zao zinavyoenda.

Kwakweli waliwashukuru sana na kuwauliza walipowatoa.

Mmoja wao akawaambia ilivyokuwa,

"Kwakweli tulishtuka sana kuwaona pale kando kando ya barabara tena wote mkiwa hamna fahamu, ikabidi tuwabebe na kuwawahisha hapa hospitali. Sijui mlipatwa na nini jamani!!"

Ikabidi wajifanye wamesahau kitu ambacho kiliwatokea hapo kabla.

Hawakuwa na kitu chochote si pesa wala simu, vyote vilibebwa na ndivyo ilivyo upatapo tatizo mwingine anakusaidia na mwingine anashukuru kupata nafasi ya kukuibia kwa urahisi.

http://deusdeditmahunda.blogspot.com/

Hali ya Tulo ilikuwa mbaya sana na mwisho wa siku akapoteza maisha.

Ikawa uchungu na simanzi kubwa ndani ya familia, kilio kikatawala sana uchungu na masononeko ya kumkosa Tulo.

Kila mmoja alikuwa akiilaumu kazi ya Maiko kwani ndio iliyopoteza watu wengi waliowapenda.



Wakapanga safari na kuamua kwenda kumfanyia Tulo mazishi mkoani Morogoro ili wakamzike karibu na kaburi la babu yake.

Walifika Morogoro na kupokelewa kwa kilio na mazishi ya Tulo kufanyika.



Tulo alikufa kishujaa kwani alikubali kutoa siri ya kuangamiza maisha yake ili kuwakomboa watu wengine.

Ilikuwa ni huzuni sana kwani hakuna aliyetarajia kitu cha namna ile.

Taratibu zote za mazishi zilifanyika na Tulo akazikwa pembezoni mwa kaburi la mzee Ayubu.

Patrick alipiga magoti kwenye kaburi lile, alilia sana tena sana akakumbuka jinsi alivyomzoea mzee Ayubu tena kwa muda mfupi kabisa. Akakumbuka jinsi alivyomlaghai kwa stori za hapa na pale na jinsi alivyomdanganya kwa pombe.

Akakumbuka na siku waliyommaliza kabisa mzee Ayubu, mzee ambaye hakuwa na hatia. Walimkata viganja vya mikono na kumchuna kipara chake, uchungu ulimshika sana Patrick na machozi mfululizo yalimtoka, ndipo mama yake bi.Deborah alipomsogelea na kumshika huku akimbembeleza atulie, hadi pale walipotoka makaburini.

Tusa nae alilia kwa mengi sana, alimlilia babu yake kwa uchungu uliopitilize alitamani siku zirudishwe nyuma apate kumuona tena akiongea na kutabasamu kwa ucheshi wake ila haikuwezekana kwani mzee Ayubu alishaoza mule kaburini.



Walipopata unafuu wakina bi.Rehema walihitaji kurudi Mwanza ila hawakuwa na chochote kile, wakaamua kutafuta mawasiliano ya ndugu zao na uzuri ni kuwa Yuda alikuwa anakumbukumbu ya namba nyingi kichwani.

Yuda akakumbuka moja wapo ya namba alizokuwa nazo kisha wakaazima simu na kujaribu kupiga, Deborah alipokea simu ile na kuongea nao.

Kwakweli alishukuru kusikia kuwa wamepona, ikabidi afanye mpango wa kuwatumia nauli ili wakakutane nao moja kwa moja Dar es salaam kwani nao walishapanga mipango ya kuondoka kule Morogoro na kwenda Dar es salaam ili kumaliza swala zima linalohusu wazazi wa Patrick.



Familia nzima ilifika Dar es salaam, ndugu wa Deborah hawakuacha kuambatana nae ili kujua vyote na mipango yote itakapoelekea kwani bado familia nzima iligubikwa na wasiwasi na mashaka ukizingatia mambo yaliyopita mbele yao ni makubwa sana.

Patrick hakutaka kwenda Dar es salaam ila alikubali kwenda kwa heshima ya mama yake aliyempenda kuliko kitu chochote.



Pamela aliwakaribisha vizuri ambapo Deborah alikuwa anangoja wale waliotokomea Arusha warudi pale na wapate kuondoka na Yuda kurudi nae Mwanza ili kama mipango mingine ifanywe badae.

Wakina bi.Rehema nao wakawasili na kupokelewa vizuri sana ingawa walichoka mno kutokana na hali halisi ilivyokuwa.

Wakaeleza mambo yaliyowapata. Adamu akaelezea ilivyokuwa na mambo waliyokumbana nayo.

"Kwakweli sikufikiria kama tungepona, hii itakuwa fundisho kwetu katika maisha yetu yote. Maana tusingeng'ang'ania kurudi kule yote haya yasingetupa."

Bi.Rehema aliongea kwa uchungu mno,

"Sikutegemea kabisa kama mtoto wangu wa kumzaa mwenyewe anaweza kufanana na jini kiasi kile. Sasa nakubaliana na wewe Deborah kuwa mwanangu Maiko alikuwa ni mume gaidi. Nashindwa kuamini na kuelewa hadi sasa kwa mambo yaliyotukuta"

DEBORAH: Msijari sana, katika maisha kila kitu hutokea kwasababu maalum kwahiyo yote yaliyotokea yalikuwa na maana yake na mafunzo yake ili tusirudie tena kosa lililotendeka.

Deborah alionekana sasa kuwa mtu makini sana katika kushauri kwani aliweza kuwaweka wote kwenye mstari.

Yuda hakuwa na hamu kabisa na ukoo wa Maiko ila bado aliendelea kumpenda Tina. Sele nae alikuwa anaendelea kusikilizia tu hatma ya Tusa na Patrick.



Zilipita siku mbili bila kuwepo kwa dalili yoyote ya Fausta wala Pamela kutaka kusema ukweli, ilionyesha bado hawakuwa wazi kueleza mambo ambayo yamepita nyuma katika maisha yao.

Ikabidi Deborah aamue kufanya kikao cha lazima kwani yeye na familia yake walihitaji kurudi kwao Mwanza.

DEBORAH: Jamani, ukweli humuweka mtu huru. Patrick ni kijana mkubwa sasa anatakiwa kujua ukweli kuhusu wazazi wake, nani mama yake na nani baba yake. Naona kimya kimezidi, tafadhari Fausta na Pamela fungukeni maana mimi nina hakika kuwa Patrick ni mtoto wa mmoja wenu.

PATRICK: Ila mama, mimi sihitaji kuwajua tena hao wazazi wangu. Wewe tu unanitosha.

DEBORAH: Kuna ulazima wa kuwajua Patrick, angalia hapo Tusa ni mke wako na muda huo huo ni dada yako. Ni bora ukweli ujulikane ujue hatma yako na Tusa sio kazi ya kufanya kukutenganisha na Tusa kisiri bila kujua ukweli.

Deborah aliongea hayo kwani alimuona Pamela akifanya kazi ya kumkwepesha Tusa kwa Patrick.

REHEMA: Ni kweli usemayo Deborah, mengi yamepita sasa ni wakati wa kuweka mambo yote wazi.

Pamela akainama chini kisha akapiga magoti na kumfata Patrick kwa kilio,

"Nisamehe baba, mimi ndio mama yako mzazi"

Patrick alishtuka na kushangaa kwani hakuhisi kabisa kama mama yake atakuwa Pamela, Tusa nae machozi yakawa yanamtoka.

Kila mmoja alimtazama Pamela kwa makini.



Kila mmoja alimtazama Pamela kwa umakini.

Pamela alikuwa anamwaga machozi na kugundua kuwa alichofanya nyuma ndio kimemuumbua sasa.

Patrick aliendelea kuangalia kwa mshangao.

PATRICK: Inamaana Tusa ni dada yangu?

PAMELA: (Huku akiendelea kulia) ndio ni dada yako.

PATRICK: Acha unafki wa kulia kizembe, wakati unanitupa je ulilia au mbwembwe tu.

Pamela hakuwa hata na la kujitetea na kuishia kulia tu.



Ikabidi wakina Deborah waingilie kati na kuanza kujaribu kumtuliza Patrick aliyeonyesha kuwa amepandwa na jazba.

PATRICK: Kwakweli huyu mama nitamchukia maisha yangu yote, mama aliyenilea ndiye mama yangu.

DEBORAH: Hata Pamela pia ni mama yako mwanangu.

PATRICK: Siwezi kumkubali mama alinitupa kweli, je nisingeokotwa leo hii angemuomba msamaha nani?

DEBORAH: Yote ni mapito jamani, ni mapito ya maisha ila na wewe Pamela ilikuwaje hadi ukadiriki kumtupa mtoto wako mwenyewe?

Pamela akawa analia na kujaribu kujieleza.



"Si kwamba nilitaka kumtupa mtoto wangu, hapana kabisa ni maisha tu na mimba yenyewe iliingia bahati mbaya.

Kipindi naonaoka Dar es salaam na kukimbilia Morogoro nilikuwa ni mjamzito kipindi hiko na ubaya zaidi Deborah alishanigundua kuwa nina ujauzito, nilipomueleza muhusika akanishauri niitoe ili tuendelee kufaidi maisha mengine.

Kwa hapa Dar nilijaribu mara mbili kunywa dawa za kutoa mimba ila ilishindikana, mimba haikutoka zaidi ya damu kutoka kidogo na kukata.

Ndipo nilipoamua kwenda Morogoro kwa Fausta ambaye ni dada yangu, nilipomweleza akanishauri kuwa ni bora kuitoa ila kuepukana na matatizo yasiyo ya lazima.

Fausta akaenda kuniletea dawa toka kwa daktari wake, dawa ambazo hata yeye amewahi kutumia.

Basi na mimi nikatumia zile dawa ila ikawa ola kama mwanzo ile mimba haikutoka wala nini na ikaendelea kukua, dada akanishauri niitoe kwa njia ya kujifungua mwanzoni nilikataa kabisa na mimba nayo ikaendelea kukua. Sijui ni kwa nini ilishindikana kutoa kwa njia ya kunywa dawa.

Ile mimba ilipoendelea kukua ikawa inanisumbua sana nikashindwa kufanya kitu chochote, dada akaniambia kwavile tumejaribu kuitoa mara kwa mara ndiomana imeanza kunisumbua.

Hadi pale Adamu alipofika Morogoro, akanikuta niko hoi kabisa sitamaniki kutokana na ile mimba sikuweza kufanya kitu chochote.

Adamu akatoa ushauri kuwa nikafanyie hata operesheni kuweza kukitoa kiumbe hicho na tukashauriana kama huyo mtoto tumlee au la ila Fausta akasema yule mtoto atakuwa tahira kwani atakuwa ameshaathirika na yale madawa ya kutolea mimba, na mimi sikuwa tayari kulea tahira tukashauriana kuwa tukimtoa tumtupe kwani hatokuwa mwanadamu wa kawaida.

Tukaenda hospitali moja kule Morogoro na kumuomba daktari anifungulishe naye akanipima na kukuta mimba imekaa vibaya hapo uoga na wasiwasi mwingi vikanishika.

Adamu akaamua kusafiri na kurudi Dar na kutuambia kuwa tujitahidi kukamilisha mambo kabla hayajaharibika.

Ni hapo kesho yake mimi na Fausta tukakubaliana turudi Dar kushughulikia hili swala kwani dada alikuwa anajuana na madaktari wengi, tulipofika kwa daktari tukamueleza kila kitu naye akasema ni kweli kuna uwezekano mkubwa sana wa mtoto atakayezaliwa kuwa ameathirika na madawa niliyokunywa kabla, lazima atakuwa na kasoro na kutofautiana na binadamu wa kawaida na hatoweza kuchukua muda mrefu wa kuishi.

Nilimuomba anitoe tu hivyo hivyo ili nipate kupumua.

Nikiwa mimi na dada pale hospitali, niliingizwa chumba cha kufanyia operesheni na huko nilikuwa nusu kaputi hata mtoto gani aliyezaliwa sikubahatika kumuona alivyokuwa.

Nilipozinduka jambo la kwanza niliulizia kuwa mtoto mwenyewe yuko wapi, daktari akaniambia kuwa dada yangu amemchukua nikachukia sana kwani nilihitaji kwanza kumuona mwanangu.

Daktari aliniambia mtoto niliyejifungua alikuwa wa kiume ila afya yake imedhoofika sana kutokana na madawa niliyokunywa kuitoa mimba ile.

Roho iliniuma sana kumuhusu huyu mtoto na sikujua kwanini dada amechukua maamuzi ya gafla ya kwenda kumtupa mwenyewe bila kuningoja mwenye mtoto nishtuke na nitoe maamuzi yangu.

Sikutamani hata kulala tena, nilikuwa namngoja tu dada arudi ili anipeleke alipokwenda kumtupa mwanangu laiti kama kungekuwa na simu kama sasa basi ningempigia na kumsihi asimtupe mwanangu.

Nilimngoja na hatimaye akarudi, niligombana nae sana kwa maamuzi yake ya haraka kwenda kumtupa mtoto, nikamwambia kuwa namtaka mwanangu akasema atakuwa ameshakufa nikamwambia hata kama namtaka hivyo hivyo nikamzike mwenyewe kuliko kumtupa.



Kuteseka nayo ile mimba na aibu yake ndio vilivyonifanya niwaze kuitoa na kujaribu kufanya hivyo ila alipotolewa mtoto uchungu ulinishika sana juu ya huyo mtoto, nilikuwa tayari kwa lolote juu ya mtoto huyo ila ndio hivyo alikuwa ameshatupwa.

Ilikuwa usiku hata sikutaka kusubiri pakuche kwani nilihofia kukuta mwanangu ameliwa na mbwa.

Nilimlazimisha dada anipeleke tukamchukue mwanangu, ingawa nilikuwa na maumivu ya operesheni ambako sikutakiwa kulia wala kuhangaika sana ili kuepusha nyuzi kukatika.

Niliondoka na dada pale hospitali hadi eneo alilotupa mtoto, tulitafuta sana ila hatukumuona na mawazo machafu yakanijua kuwa mwanangu atakuwa ameliwa na mbwa tu.

Nililia sana na kujikuta nikiampa lawama zote dada yangu Fausta, nililia hadi mshono ukafumuka.

Maumivu makali ya kidonda na ubaridi wa hapo sikuweza kusogea kwani nilikuwa hoi kabisa kabisa, dada akatafuta gari na kuniwahisha tena hospitali.

Nikashonwa tena, ila kila nikishtuka na kuwaza kuhusu mwanangu kuliwa na mbwa machozi yalinitiririka sikuwa na wazo kabisa kama mtoto yule ameokotwa na mtu.

Nilipopona kiasi eneo lile ndio lilikuwa mahali pa kupumzikia, nilikuwa nikimkumbuka mwanangu basi naenda kulekule ambako dada alimtupa mtoto wangu. Nalia sana na kurudi nyumbani.

Ndipo nilipoamua na dada yangu turudi pale Dar tulipokuwa tukiishi mwanzo na badae yeye kwenda Morogoro na kuniacha mimi pale, niliamua kurudi ili nikaongee na Deborah nilitaka kwenda kumueleza ukweli na kumuomba msamaha kwani niliona kama ile ni laana tu.



Kufika pale mtaani nikakutana na habari nyingi sana kuhusu mtoto wa Deborah, roho iliniuma sana kwani Jasmini nilimchukulia kama mwanangu wa kumzaa.

Ndipo nikapata habari kuwa Deborah aliacha skendo na asingeweza kurudi tena, hapo tumaini la kuonana na Deborah likaisha.

Nikaonyeshwa msichana aliyekatwa miguu na Deborah ambaye alikuwa ni mtoto wa mama mwenye nyumba yake, kwanza nilishindwa kuelewa kwanini Deborah kachukua uamuzi ule.

Yule binti alikaa hospitali mwezi mzima na aliporudi alikuwa anatembelea baskeli za walemavu kwani miguu yote miwili hakuwa nayo tena.

Na habari nyingine ni kuwa nilikuja kusikia kuwa yule binti alipata ajari na kufa.



Adamu aliporudi kwake alikutana na maskendo hayo na alitakiwa asaidie upelelezi ambapo walifika hadi Mwanza kumsaka Deborah ila hawakumpata na hakuna aliyejua alipo.

Ikabidi mahusiano yangu na Adamu yaanze upya na ni hapo tulipoamua kuhama mtaa na alipoamua kubadili jina toka Jumanne hadi Adamu ili kusahau yaliyopita na kufanya kuwa yamepita, ingawa tulipokwenda kwa mzee Ayubu akatuambia kuwa sisi ni ndugu haitakiwi tuwe mume na mke tukampuuzia na kumwambia kuwa sisi tumeshapendana hatuwezi kuachana.

Akatusihi sana ila hatukumsikiliza na sasa ndio tunaelewa laana tuliyojijengea sisi wenyewe.



Siku Deborah anaelezea historia kuhusu maisha yake na Patrick iliniuma sana kujua kuwa Patrick ni mwanangu tena kamuoa Tusa mwanangu. (Pamela akainama na kulia tena).

Roho inaniuma sana hata sijui kwanini imekuwa hivi, najua Patrick huwezi kunisamehe, najua Tusa mwanangu nimekusababishia kidonda kikubwa ambacho hakitakuja kufutika kamwe maishani mwako ila ndio hivyo Patrick ni kaka yako tena wa damu moja"



Pamela alikuwa analia sana, bi.Rehema akamsogelea kumbembeleza.

Adamu alihisi kuchanganyikiwa kabisa kuwa Tusa ameolewa na kaka yake kwani hakufikiria kabisa kama Patrick mwanae, alihisi Patrick ni mtoto wa Fausta na Maiko, kwakweli alijihisi kulaanika kabisa.

Tusa alikuwa akilia tu na yeye, huku wakibembelezana na Tina ambaye naye alibakwa na baba yake mzazi.

TUSA: Huu ukoo kweli una laana tena umelaanika toka kwenye kilele chake.

Patrick alikaa kimya kabisa akitafakari bila hata kuelewa kuwa kwanini imekuwa vile ambavyo imekuwa, hakuna aliyetarajia kuwa vile.

Marium naye aliwawaza tu watoto wake wawili Yuda na Sele ambao nao wanahitaji kuingia kwenye ukoo huo, alitamani warudi utotoni ili akawafungie ndani.

Anna alikuwa anamuwaza mwanae Mwita ambaye ni mmoja wa watu kwenye ukoo huo ambaye naye tayari alikwisha mbaka dadaye Tusa.

Ukoo ulijaa laana na ulinuka laana ambayo kiini chake hakikujulikana kwa wakati, hadi pale Mwita alipotoa barua ambayo iliachwa na Maiko kuhusu Mashaka. Barua ambayo bi.Rehema aliichukua na kuiangalia.

MWITA: Nadhani maelezo ya humu yanaweza kutupatia hata taswira ya nini kilitokea hadi kupelekea kuwa hivi, haya ni makosa yaliyofanyika tangu awali na hayakupatiwa ufumbuzi mapema ndomana ukoo umeweza kutoa magaidi ya kutosha.

Mwita aliongea hivyo kwani hata yeye mwenyewe hakuwa na tofauti sana na magaidi yaliyotangulia na ndiomana aliweza kumbaka hata dada yake bila ya kujua.

Tusa alimwangalia sana Mwita kwa kujiongelesha kuwa ukoo wao umejawa na magaidi ya kutosha.

Akajisemea moyoni,

"Ingekuwa amri yangu haya magaidi ya ukoo huu yote ningeyafyekelea mbali kasoro Patrick"

Tusa alijikuta akijawa na imani sana juu ya Patrick ingawa alishamfanyia mambo mengi mabaya.

Kila mmoja alikuwa akiwaza yake kwa muda huo kwani hakuna aliyeongea akaeleweka kwa mwingine moja kwa moja, mara gafla bi.Rehema akaanza kulia.



Gafla bi.Rehema akaanza kulia.

Wote wakamtazama kwa mshangao na kumuuliza kwanini analia,

REHEMA: Hii barua ya Mashaka imeniumiza sana na kunikumbusha vitu vingi vilivyopita.

ADAMU: Vitu gani mama?

REHEMA: Yani Tusa anaposema kuwa ukoo huu umelaaniwa hata hajakosea, tatizo limekuwa ndani ya chimbuko la ukoo wenyewe.

FAUSTA: Tueleze tupate kujua maana tushachanganyikiwa tayari.

REHEMA: Nitawaeleza kile ninachokifahamu na maelezo mengine mtayapata kwenye hii barua ya Mashaka.

Wote wakatulia ili kumsikiliza bi.Rehema maana hali ya ukoo huo tayari ishakuwa tete na inatakiwa wairekebishe kabla ya vizazi vyao vitakavyokuja mbele.

Bi.Rehema akaanza kuelezea,



"Baba yangu kwao walizaliwa mapacha yani yeye na bamdogo ambaye ni baba yake na Neema ambaye ndio mama wa Fausta na Pamela.

Baba alimuoa mama yangu na bamdogo alimuoa mama yake na Neema, kuzaliwa kwangu na Neema hakukutofautiana sana yani tulifatana sana kuzaliwa na wakatuweka kama mapacha ndomana mimi nikaitwa Rehema na yeye Neema.

Familia zetu tulipendana sana na tulikuwa tukitembeleana kila mara, haikuwa kitu cha ajabu mimi kulala kwa bamdogo au Neema kulala kwetu.

Siku zikapita taratibu na mapendo kati yetu yakaendelea kukua hadi alipokuja huyu mwanamke kwenye maisha yetu, mwanamke ambaye mimi namfananisha na shetani kwani alisambaratisha familia yetu yote na upendo wote kati yetu ukafa sababu ya huyu mwanamke.

Na hapa nikapata kujua mengi, si kila anayekuja kwenye familia ni mtu mwema wengine ni waharibifu na haitakiwi kumuamini kila mtu katika maisha wengine hawaaminiki na hawatakiwi kuaminiwa.

Kwa kipindi hiko nilikuwa mtoto wa pekee kwa baba yangu na mama alikuwa na ujauzito ambao nilitarajia kupata mdogo wangu.



Siku moja nilimsikia baba akizozana na mama, inaonyesha kuwa baba alikuwa akimwambia mama kuwa amepata mwanamke mwingine na anataka kumuoa. Mama akapinga swala la baba kuoa mke mwingine kwani mama yangu hakutaka uke wenza ila baba akaoa kwa lazima huyo mwanamke ambaye mimi namfananisha na shetani.

Mama hakukubali kumkaribisha huyo mwanamke kwenye nyumba yake, ni hapo kwa mara ya kwanza nilishuhudia baba akimpiga sana mama na alimpiga kweli bila ya kujali ujauzito aliokuwa nao. Roho iliniuma sana ila kwa utoto ule sikuwa na la kufanya.

Kesho yake mama aliamka vidonda mwili mzima, yule mwanamke alimwangalia mama na kumcheka huku akimkejeli.

Mama hakuweza kuvumilia, baba aliporudi akamdai taraka ili arudi kwao kwani hawezi kuishi na mtu ambaye hawaelewani ila baba alikataa kumpa mama taraka.

Kwa hali isiyotegemewa, siku hiyo nilimuona yule mwanamke akiingia chumbani kwa mama wakati mama amelala na baada ya muda akatoka, mimi nikakimbia kuona kuna nini maana yule mwanamke hakupatana na mama, ni hapo nilipokuta mama akiwa chini kabisa hajitambui, nikajaribu kumuamsha lakini hakuamka nikapiga yowe na watu wakafika badae nikaambiwa kuwa mama yangu amefariki nililia sana yule mwanamke akaniambia nisijari yeye atanilea ila bado nililia kwani upendo wa mama hakuna wa kufananisha nacho.

Baada ya msiba nilimueleza baba kuwa kabla ya kifo cha mama yule mwanamke aliingia mule ndani, nikamwambia kuwa nahisi amemuua mama ila baba alinikataza na kuniambia kuwa sitakiwi kuhisi watu vibaya.



Maisha yakaendelea na huyu mama mpya aliyejaa vitimbwi vya kila siku.

Akapata ujauzito, ni hapo ambapo baba akaanza kunichukia mimi na nikaamua kukimbilia kwa bibi, naye bibi akaniambia kuwa nisijari ni hali ya muda mfupi tu.

Nikiwa kwa bibi tukapata taarifa kuwa mama yake na Neema amefariki tena kifo cha gafla kabisa kwakweli nilisononeshwa sana kwani na yeye nilimuona kama mama yangu.

Kwahiyo Neema hakuwa na mama na mimi sikuwa na mama zaidi ya yule mwanamke wa baba.



Siku moja nikiwa kwa bibi na Neema, Neema akaniambia kuwa amekutana na yule mwanamke na amempa pole ya kufiwa na kumwambia kuwa asijari atamlea.

Tukafikiri kuwa labda yule mwanamke ana moyo wa upendo ila haikuwa vile tulivyodhani.

Laiti baba angejua kama yule mwanamke anafata mali basi hata asingelazimisha kumuoa.

Yule mwanamke ilikuwa kama una mali basi utampata.



Akajifungua mtoto wa kiume ambaye baba alimuita Mashaka, kwakweli baba alimpenda sana Mashaka kuliko mimi kwavile Mashaka alikuwa mtoto wa kiume na siku zote baba alitaka mtoto wa kiume atakayeongoza familia na kurithi mali zake.

Mashaka alipofikisha miaka miwili tabia ya mama yake ilibadilika zaidi, mara nyingi hakuonekana nyumbani wala wapi.

Kuna kipindi akapotea kwa miezi miwili, baba akamtafuta sana kuja kugundua kumbe anaishi kwa bamdogo huko anapika na kupakua.

Kwakweli sijui huyu mwanamke aliwapa nini baba zangu hawa.



Kikawekwa kikao cha familia na yule mwanamke alikiri kuwa ana ujauzito aliopewa na bamdogo.

Ikabidi bamdogo na baba waamue moja kuwa nani abaki na yule mwanamke, wote waligoma kwani baba alitaka kurudi na yule mwanamke nyumbani kwakuwa ni mke wake na wana mtoto mdogo na bamdogo nae akataka aende na yule mwanamke kwake kwakuwa ana ujauzito wake, wote wawili walimng'ang'ania ndipo wazee walipomtaka yule mwanamke achague na hawakuweza kumpa adhabu sababu ya ule ujauzito.

Yule mwanamke akachagua kwenda kwa bamdogo.

Yule mwanamke misingi yake ilikuwa ni kwa mwanaume mwenye mali na kwavile bamdogo alikuwa na mali nyingi kushinda baba ndio akachagua huko.

Ilimuuma sana baba yangu tena sana ukizingatia yule mwanamke amemtafuta mwenyewe.

Ndipo baba alipotamka kauli kuwa yeye na bamdogo wasijuane tena na undugu wao ufe, na bamdogo nae akaafiki, sijui huyu mwanamke alikuwa na mimi hadi kuweza kuua undugu wa mapacha wale.



Wazee walijitahidi sana kusuruhisha lakini ilishindikana, vikao vingi vikawekwa kwaajili ya baba na bamdogo ila bado hawakupatana.

Undugu ulikufa kabisa, si mimi wala Neema tulioruhusiwa kuonana.

Roho iliniuma sana kutenganishwa na Neema ila sikuwa na la kufanya kwani yalikuwa ni maswala ya familia.

Mara moja moja nilionana na Neema kwa bibi na alikuwa akinieleza jinsi vile mwanamke yule alivyomchoyo, Neema alikonda sana utafikiri baba yake hakuwa mtu mwenye mali nyingi.

Baada ya bibi kufariki ukawa ni mwisho wa mimi na Neema kuonana hadi ambapo nimekutana na watoto wake wawili Fausta na Pamela ambao wameingia kwenye majanga na watoto wangu.



Kwenye kukua kwangu nilikuwa na mdogo wangu Mashaka ambaye badae tabia yake ilibadilika sana.

Kwani mimi nilipoanzisha mahusiano na mzee Ayubu hadi kupata ujauzito, nyumbani walikataa nisiolewe nae kwakuwa tumetofautiana kabila.

Kwetu hawakutaka mtu aolewe na kabila tofauti, hivyo basi nilipojifungua wale mapacha na kukua kua kidogo tukaamua kugawana watoto. Wazee hawakutaka kabisa mimi nionane tena na mzee Ayubu na akafukuzwa pale kwenye kijiji chetu ndipo alipoondoka na mwanangu Jumanne na mimi kubakiwa na Juma, sikupata kumuona tena mzee Ayubu hadi pale kwenye mazishi yake.



Nilibahatika kuolewa kule kijijini na kupata mtoto wa kike, ila Mashaka aliniulia mwanangu na kufanya niachike nilipoolewa na hapo wakagundua kuwa akili ya Mashaka si nzuri, akakamatwa na kupelekwa Mirembe.

Mara ya mwisho kurudi nyumbani akadai amepona, nilimpokea kwakuwa ni mdogo wangu ila akaja kutoroka na mwanangu Juma ambaye ndio huyo nimemjua ukubwani akiwa gaidi wa kutupwa huku akitumia jina Maiko.

Kwakweli mdogo wangu Mashaka ameniumiza sana tena sana"



Bi.Rehema alimaliza huku akijifuta machozi, Deborah akauliza.

DEBORAH: Inamaana huyo mwanamke aliwapa dawa mama zenu za kuwaua au aliwapa dawa baba zenu za kumpenda?

FAUSTA: Labda aliwapa limbwata, ndiomana familia hii haieleweki. Ilitakiwa pale mwanzoni kumtokomeza huyu shetani ambaye alijivaa kwa mwanamke huyo ila kwa kipindi hiko hayakuonekana madhara makubwa kama haya.

REHEMA: Barua aliyoandika Mashaka ndiyo iliyoniliza sana, Mashaka hakuwa mtu mzuri kabisa.

Ikabidi Patrick aichukue ile barua na kuanza kuisoma,



"Mimi Mashaka, natumaini kama mmeipata barua hii na kuisoma basi sipo tena duniani ila maandishi yangu tu ndio yaliyobaki.

Najua kwa yeyote atakayesoma barua hii hatokuwa na maswali zaidi kwangu kwani hata kama akiwa nayo hayo maswali sitaweza kumjibu kwavile sipo tena duniani ila nadhani mtanielewa kwa kile nilichoandika na mtaelewa kwanini nipo kama nilivyokuwa.



Katika kukua kwangu sikufurahia kabisa maisha ya kukua bila mama tena huku nikiambiwa kuwa mama yupo kwenye familia nyingine ya bamdogo.

Kuna wakati nilikuwa nakutana na mama kinyemela akiniambia vitu vingi kuwa bado anampenda baba sema bamdogo kambana, nilitamani nikue upesi ili niweze kupapambana na bamdogo. Kwani nilidhani kuwa bamdogo ndio mtu mbaya kwa kumuiba mama toka kwa baba. Lakini bamdogo hakuwahi kulihisi hilo na hakuwahi kunifukuza nyumbani kwake ila nilimchukia sana.



Katika kukua kwangu niliwaza jambo moja tu kupapambana na bamdogo ambaye sikuwahi hata kuishi naye.

Mama hakuruhusiwa kufika nyumbani ndiomana nilikuwa naonana nae kinyemela.

Ila nilipokua nilianza kwenda mwenyewe kwa bamdogo kumsalimia mama ambaye alikuwa na mtoto wa kike, bamdogo hakuwa mtu mbaya ila mama alisisitiza kuwa bamdogo ni mtu mbaya na anamtesa sana, anatamani kurudi kwa baba ila anashindwa kwasababu ya kubanwa nae. Nilimuahidi mama kuwa nitamsaidia kwahiyo asijari kitu. Upande wa baba sikuwa na shaka nao kwani najua kuwa baba alimpenda mama na bado aliendelea kumpenda ingawa kwa kipindi hiko alikuwa ameweka mke mwingine nyumbani kwaajili ya kujiliwaza tu.

Kwa mara ya kwanza nikaamua kufanya kitu cha ajabu pale kwa bamdogo ili kumfurahisha mama.

Ila ilikuwa kinyume kwani kitu nilichofanya ndio kilichofanya niwe kama nilivyokuwa.



kitu nilichofanya ndio kilichofanya niwe kama nilivyokuwa.

Ila niliomba ushauri kwanza, kipindi hiko nilikuwa na mpenzi wa kuitwa Maria.

Nadhani Maria hakuwa mshauri mzuri kwangu kwani yeye alitakiwa kunikataza kitu hiki cha hatari ila yeye aliniruhusu na kunielekeza njia ya kufanya.

Siku hiyo nilikuwa na Maria nikamweleza kila kitu kuhusu familia yangu na kumwambia kuwa nataka kummaliza bamdogo yani kumuua kwani nilijua kwa kufanya hivyo kutampa nafasi mama ya kurudi tena kwa baba, Maria akaniambia kuwa kama nimeamua hivyo basi ni sawa na nikamuuliza nifanyeje akaniambia nitumie sumu, nimuwekee yule baba kwenye chakula anachopenda sana.

Sikuwa mtaalamu sana na maswala ya simu ila Maria alizijua sumu porini.

Sikutaka kumshirikisha mama kwa hili kwani angeniona mtoto wake ni muuaji. Wala sikutaka kumshirikisha mdogo wangu mzuri wa kike aliyezaliwa na mama kwa kupitia bamdogo, mdogo wangu mzuri Chaurembo aliyekuwa mrembo kweli kama jina lake.



Nilipokuwa tayari kwa zoezi hilo, Maria akanipeleka porini na kunichumia majani hayo ya sumu.

Akaenda kuyaponda kisha kuyachanganya na maji na kuyachuja halafu akaweka kwenye kichupa na kunikabidhi, aliniambia kuwa ile ni sumu inayoua mara moja na kweli kwa hilo hakuongopa kabisa.



Siku hiyo nikaenda kwa bamdogo kwa lengo moja la kummaliza tu.

Nilipofika nikakuta mama ameandaa chakula mezani, nikamwambia mama kuwa nina njaa ila mama akaniambia nisile kile chakula ni cha baba. Ningoje ataniandalia changu, kwakweli niliposikia hivyo nilifurahi sana, nikavizia mama ametoka nje nami nikafunua kichupa changu cha dawa na kutia kwenye bakuli la mboga ambayo ilikuwa ni nyama ya kuku iliyoungwa vizuri sana.

Baada ya kutia ile dawa, mama akaniita nje akaniambia nimuendee kwa fundi nguo kumchukulia nguo yake halafu nikirudi nitakuta chakula changu kiukweli nilichukia kwani nilitaka kumshuhudia yule baba akila kile chakula nikamuuliza kuwa kwanini asingewatuma wakina Neema na Chaurembo? Mama akaniambia kuwa nao wametoka kidogo, wamepeleka maziwa kwa wateja wao ikabidi nisibishe sana. Niliamua kwenda aliponituma mama huku nikiamini kuwa nitakaporudi lazima nitapata habari ya msiba tu.



Nilipotoka kwa fundi na nguo ya mama kwenye mfuko, nilimkuta Neema akiwa nje amekaa huku akisononeka nikajua lazima mambo yameharibika tayari nikamuuliza mbona yupo nje akaniambia kuwa njaa inamuuma, nikamshangaa wakati chakula kipo ndani nikajiuliza labda anangoja baba yake ale kwanza.

Nikamuuliza kwanini asile, alinijibu

"Mama kaniambia nisile hadi niende kuchukua mahindi kule bondeni wakati baba amekataa kula kile chakula alichoandaliwa nae amesema ameshiba, baada ya kuniachia mimi na Chaurembo tule kile chakula eti yeye ndio kaamua kula na Chaurembo sijui kwavile mimi sio mwanae wa......"

Kabla hajamalizia ile sentensi nilihisi kama moyo wangu umeripuka, niliangusha ule mfuko pale pale na kukimbilia ndani.

Nilimkuta mama akiwa chini huku akitapatapa, mdogo wangu Chaurembo ndio hakutamanika kabisa pale chini. Nilimuita Neema kwa nguvu na kumwambia alete maziwa ili tujaribu kuwanusuru ila ilisemekana kuwa maziwa yote yaliuzwa na yaliyobaki mama aliyaficha, hali ilikuwa mbaya sana ila Neema alienda kuomba maziwa kwa majirani huku tukijaribu kutafuta uwezekano wa kuwawahisha hospitali. Kwakweli ilikuwa kazi ngumu kwani hata maziwa aliyoleta Neema nayo hayakusaidia na kufika nao hospitali walikuwa tayari marehemu.



Hili lilikuwa ni pigo kubwa sana kwangu hata pale msiba ulipoisha bado nilikuwa na pigo kubwa sana.

Nilijikuta nikimchukia Maria kupita maelezo kamavile yeye ndiye aliyeshauri kuwa niue.

Ila sikuachana nae kwavile bado nilikuwa nampenda.

Ila moyoni nilikuwa namuwazia mawazo mabaya sana Maria bila ya yeye kujua laiti kama angejua basi angejiepusha na mimi mapema sana.



Nilikuwa mtu wa mawazo tu na kumuona kwangu bamdogo nikaona kama akinizidishia maumivu tu ya kuendelea kumkumbuka mama yangu.

Nikafanya mpango wa kummaliza bamdogo ila bado ilishindikana.

Kipindi hicho nyumbani kulikuwa na mgogoro wa dada yangu Rehema na mwanaume ambaye amezaa nae, wakati tukirumbana hadi kufikia kugawana wala watoto na yule mwanaume kufukuzwa pale kijijini kumbe Maria nae alikuwa amejifungua mtoto wangu ila alikaa kimya bila hata ya kuniambia.



Bado nilikuwa na uchungu juu ya bamdogo na kipindi hicho baba na bamdogo walianza kupatana patana tena, na mimi nikaitumia nafasi hiyo kummaliza bamdogo.

Nikaweka mtego shambani kwa bamdogo kwa bahati mbaya baba na bamdogo walienda pamoja kwenye lile shamba na ule mtego ukamvaa baba yangu na kummaliza papo hapo.

Ukoo mzima ukamchukia bamdogo na kumwambia kuwa ndio chanzo, bamdogo akafukuzwa pale kijijini na akaondoka na binti yake Neema kwenda kuanza maisha mengine kabisa.

Roho iliniuma kwa kusababisha kifo cha baba na mama na mdogo wangu ila yote ni katika harakati za kummaliza bamdogo.

Nikawa kama vile mtu aliyechanganyikiwa, nikapotea nyumbani na kuzamia Mombasa, nilikaa huko kwa miaka mitano huku nikipanga namna ya kummaliza bamdogo.

http://deusdeditmahunda.blogspot.com/

Niliporudi bado sikuwa na amani ya moyo, nilimkuta dada ameolewa ila akiwa mjamzito tena na katoto kake ka kwanza kakiwa kamekua kua vya kutosha.

Nikapata wazo la kumtembelea Maria, nikamkuta nae akiwa na mtoto halafu ni mjamzito.

Nilichukia sana, nilipomuuliza alidai kuwa yule mtoto ni wangu ila hakuniambia kwavile nilipotea ila ule ujauzito kuna mwanaume amempata, kuja kufatilia nikagundua kuwa huyo mwanaume ndio yule aliyezaa na dada yangu mtoto wa kwanza, roho ikaniuma sana kuona yule mwanaume kaona haitoshi kuniharibia dada yangu na sasa amehamia kwa mchumba wangu.

Nikaapa kuwa lazima nije kulipa kisasi.

Ila labla ya kuanza mapinduzi ya kisasi niliamua kwanza kuondoka na wale watoto wa kiume ili nikawafunze kazi huko Mombasa.

Dada nikamdanganya kuwa natoka na mwanae mara moja, kisha nikaenda nae hadi kijiji cha kina Maria na kumchukua mwanangu huku nikidai kuwa naenda kutembea nae tu.

Kwakweli watoto hawa wawili niliweza kuwatofautisha kwa majina tu ukizingatia sijaishi nao.

Niliondoka na watoto wale hadi Mombasa, nikakaa huko kwa siku chache kisha nikawakabidhi kwa rafiki yangu na mimi kurudi tena kijijini, lengo lilikuwa ni kumshawishi dada yangu ili niende nae Mombasa ila ile kurudi tu kijijini dada yangu akaanza kunishambulia kwa maneno na kunidai mtoto wake ila alikuwa ameshajifungua na ana mtoto mchanga, nikaachana nae pale na kuelekea kwa Maria kwani nilijua kuwa na yeye lazima atakuwa amejifungua, moyoni nikajisemea kuwa lazima nikammalize huyo mwanaume.

Nilipofika kwa Maria naye alianza kunidai mtoto wake na yule mwanaume sikumuona, nikaona Maria ananiletea longolongo tu hivyo hata sikumchelewesha, nilichukua kisu na kumchoma nacho tumboni yani sikuwa na huruma kabisa kisha nikaondoka.

Kurudi tena kwa dada naye akawa anadai mtoto wake namwambia yuko Mombasa hataki kunielewa anamtaka mwanae halafu akaniitia polisi.

Nilikuwa kama mtu niliyechanganyikiwa, nilijikuta nikimnyanyua yule mtoto mchanga wa dada na kumuinua juu kisha kumbamiza chini kama mzigo, na alilia mlio mmoja tu kisha ikawa kimya.

Wale mapolisi wakaona wanikamate kinguvu ili kuepusha majanga mengine.



Nikapelekwa jela ila mambo ambayo nilikuwa nafanya humo ikaonekana kama vile sina akili nzuri, hivyo wakanipeleka jela ya vichaa na kwakweli nilikuwa kichaa kwa kipindi hiko kwani nilifanya mambo ya ajabu hadi ya kujishtukia.

Nilikaa jela kwa miaka mitano kasoro, badae nikaanza kutafuta namna ya kutoroka pale gerezani.

Nilipopata nafasi sikuangalia nyuma nilitoroka moja kwa moja na kukimbilia kwa bamdogo kule ambako alikuwa amehamia tangia kifo cha baba, ni mimi tu niliyepajua kwa bamdogo kwakuwa ndugu zake na ukoo mzima walimtenga nami nikaona kuwa kule nitakuwa salama zaidi.



Nilimkuta Neema akiwa na mabinti wawili kwa kuwakadilia miaka huyu mkubwa alikuwa na miaka nane na mdogo miaka minne.

Pale kwa bamdogo hapakuwa na tatizo kwani Neema alinihudumia vizuri sana tatizo lilikuwa kwa huyu binti yake mkubwa huyu wa kuitwa Fausta alikuwa na nyodo sana halafu alikuwa ananidharau sana mara nikiwekewa chakula aseme kuwa mimi nakula sana, nikimtuma kitu anakataa kwakweli huyu binti alikuwa ananikera sana na kama ingekuwa amri yangu basi ningekimaliza muda mrefu sana.

Roho iliniuma kwa kusodolewa na binti mdogo kama Fausta ila nikawa navumilia tu, kitu kibaya ni kuwa Neema hakuweza kumgombeza mtoto wake huyo ingawa alikuwa anaona mambo ya ajabu aliyokuwa ananifanyia, ukimwambia anajibu ni utoto tu huo msamehe bure dah huyu mtoto nilimchukia sana.

Nilikaa kwa bamdogo miaka miwili kasoro hadi pale Fausta ambaye anatetewa na mama yake kuwa ni utoto alipokwenda kunishtaki polisi kuwa mimi ni muharifu, nilishangaa mapolisi kuja na kunikamata.

Nilichukia sana na kuapa kuwa laziama nimmalize yule mtoto nikitoka jela.



Safari hii nilikaa tena jela kwa miaka mitatu hadi pale nilipopata nafasi ya kutoroka ila niliwapa mapolisi wawili sumu na nilipotoka jela safari yangu ilikuwa ni kwa bamdogo kwa lengo la kummaliza Fausta.

Kufika pale nilimkuta mama yao ndani, nilipomuuliza alikataa kunitajia Fausta alipo hata nilipojaribu kumtishia bado hakutaja, nikaona ananiwekea usiku tu nikachukua kisu na kumchoma nacho habari yake ikaisha.

Wakati natoka nikakutana na bamdogo mlangoni.

Bila kuchelewesha muda nilimchoma na kisu ili kupoteza ushahidi kisha nikaingia chumbani na kusomba pesa zote milizozikuta na kuondoka nazo, zikaniwezesha kusafiri na kwenda tena Mombasa.

Kufika kule niliwakuta watoto wamekua kweli ila bado waliwataka mama zao nikawaambia kuwa mama zao wamekufa ila hawakutaka kukubali, Maiko alipoona nimebadilika akatulia ila Juma alijifanya mbishi na kuendelea kunisumbua sana, sikutaka kero hivyobasi nikamfyekelea mbali huku nikijua nimemfyeka mtoto wa dada yangu kumbe nimemfyeka mwanangu na kumuacha mtoto wa dada yangu dah Maiko ni mshenzi sana.



Nikawa nafanya biashara za magendo na watu wa kule ila kila leo biashara za magendo zinatanuka hadi kufikia kuuza viungo vya watu, nikasafiri nchi nyingi kupeleka viungo hivyo na nikawa na pesa nyingi pia ni hapo nilipoamua kulipa kisasi kwa yeyote niliyejisikia kummaliza, hata oda ya kummaliza mzee Ayubu niliitoa mimi kwani alitembea na mpenzi wangu.

Katika kisasi changu nimesumbuliwa na kiumbe mmoja tu huyu wa kuitwa Fausta. Mungu akupe maisha marefu ila ukweli ni kwamba nakuchukia sana na ningekumaliza siku nyingi sana wewe.

Najua mpo mtakaoumizwa na hii barua ila ndio hivyo yalishatokea ya kutokea.

Na katika watu walioniharibia mpango wangu wa kuwa bilionea kwasasa ni huyu wa kuitwa Patrick, nakuchukia sana wewe kijana. Umeharibu maisha yangu sana.

Ila samahanini kwa yote niliyowakosea, ni mimi MASHAKA"



Kila mmoja alijikuta akipumua kwa nguvu baada ya ile barua.

Kila mmoja alikuwa kimya kabisa, Deborah akauvunja ukimya ule.

DEBORAH: Jamani kila mmoja nadhani amesikia maelezo ya hiyo barua.

REHEMA: Yani nimeumizwa sana kuona mdogo wangu alifanya vitendo vya makusudi kiasi hiko. Ameharibu ukoo mzima.

DEBORAH: Ni kweli ila kinachotakiwa ni kuvunja hiyo laana kwenye ukoo wenu.

REHEMA: Kitu kingine ni ndoa ya Pamela na Adamu, nyie wawili mlikosea sana kuoana ndugu sasa watoto wenu mtawaweka wapi?

Amina alikuwa ameinama na kutoa machozi ukizingatia kifo cha mtoto wake Tulo halafu na barua iliyosomwa ilimuumiza sana, naye akaamua kusema.

AMINA: Jamani huyo Maria ndio mama yangu mzazi ambaye nilipewa habari kuwa aliuliwa kikatili kumbe aliyemuua ni huyu jamaa!!

Amina alisikitika sana na wakaamua kumbembeleza.

DEBORAH: Mmh!! Na huyo mzee Ayubu nae ilikuwaje kuzaa na huyu na huyu na huyu?

REHEMA: Ngoja nimtetee kwa hilo, kwanza kabisa alizaa na mimi ila kwetu wakamkataa na tukagawana watoto, pili akazaa na Neema nadhani bamdogo pia alimkataa kwakuwa bado anasheria za kule, tatu akaenda kuzaa na huyo Maria ambaye aliuliwa na Mashaka kwakweli hakuwa na la kufanya hapo jamani. Ila ninachomlaumu ni kuwa alipoona kijiji hakimtaki angehama kabisa na asingethubutu kuzaa na mwanamke mwingine yeyote wa karibu ila nadhani kifo cha Maria ndio kilichomkimbiza Morogoro, pole sana mzee Ayubu.



Ikabidi wajadili hatma ya Tusa na Patrick, safari hii Patrick bila kinyongo akaamua kuachana na Tusa kwa amani tu ili kuepusha mabalaa mengine katika ukoo.

PATRICK: Kwa hiyari yangu na kwa amani kabisa naamua kuachana na Tusa ila Deborah ataendelea kuwa mama yangu siku zote za maisha yangu.

Kauli ile ilimfurahisha sana Deborah kwani aliona swala la Patrick kuachana na Tusa ni swala zuri sana na pia ilikuwa furaha kwa Sele aliyempenda Tusa kupitiliza hata Tusa nae alifurahi ila kilichomuuma ni kuwa kwanini Patrick atokee kuwa kaka yake.

Adamu na Pamela waliumia kitu kimoja kikubwa nacho ni kukataliwa na Patrick.

Marium bado alikuwa na swali kwa mwanae kuwa kwanini hawezi kuachana na Tusa.

MARIUM: Hivi mwanangu Sele huyu mwanamke alikupa nini hadi hutaki kumuacha?

SELE: Mama, mimi na Tusa tulikula kiapo cha milele najua Tusa hawezi kuishi na mwanaume yeyote ila mimi. Nampenda sana naye ananipenda sana.

PATRICK: Ni kweli kabisa asemavyo Sele, Tusa hawezi kuishi na mwanaume yeyote yule. Kwa jinsi ambavyo nimeishi na Tusa na mambo mengi niliyomfanyia ni wazi kuwa Tusa hawezi kuishi na mwanaume yeyote zaidi ya huyo Sele.

DEBORAH: Kama ndio hivyo tuwaache waoane tu maana wanapendana, ingekuwa mwanaume mwingine angemuacha Tusa kitambo kwa mapito aliyopitia ila kwakuwa Sele ana mapenzi ya dhati basi na amuoe Tusa.

PATRICK: Sele anapaswa kuigwa kwenye jamii, na nitasimamia harusi yao yote.

Tusa alimshangaa sana Patrick kwani hakuwazia kuwa ipo siku Patrick atakuwa ni mwanaume wa kutamka maneno mazuri kiasi kile.

Mwita nae aliungana na ndugu zake na kuamua kuvunja laana zote ambazo zimeikumba hiyo familia.



Harusi ikapangwa kisha Sele na Tusa wakafunga ndoa.

Kila mmoja aliwatakia maisha marefu Sele na Tusa, kisha Deborah akamwambia Sele.

DEBORAH: Natumaini utakuwa mume mwema, nawatakia maisha marefu na usithubutu kuwa kama MUME GAIDI, pesa tafuta kwa njia halali na Mungu atakuwezesha.

Waliyafurahia yale mahusia na kupiga makofi.



Baada ya hapo kikafanyika kikao cha mwisho cha familia na hapo ndipo Yuda nae akatangaza kumuoa Tina na hukuna aliyepinga.

Deborah aliamua kuwaaga na ndugu zake kuwa wanataka kurudi kwao Mwanza ila kabla ya kuondoka Patrick aliweka sherehe ya kuagana na familia ya kina Tusa.

Katika sherehe hiyo alimsimamisha Deborah na kuongea maneno haya,

"Huyu mwanamke mnayemuona mbele yenu, ndiye mama yangu, chakula changu, furaha yangu, amani yangu na kila kitu katika maisha yangu. Nampenda sana huyu mama, sitamtupa wala kumtenga hadi naingia kaburini"

Kisha akamuangalia kwa karibu Deborah na kumwambia,

"Nakupenda sana mama"http://deusdeditmahunda.blogspot.com/

Akamkumbatia kwa furaha na kesho yake wakasafiri kurudi Mwanza wakiwa na furaha iliyopitiliza.

Pamela aliumia sana na kujiona kuwa na mkosi mkubwa sana maishani mwake. Kitendo cha kumtupa mtoto kilimuumiza sana.



Walipokuwa Mwanza, siku hiyo Patrick alilala usiku na kutokewa na mzimu wa mzee Ayubu kisha ukampungia mkono kama ishara ya kumuaga tena huku akitabasamu.



 MWISHO