JE HAYA NI MAPENZI!! - 3

 












Simulizi : Je Haya Ni Mapenzi!!

Sehemu Ya Tatu (3)





Sam alienda moja kwa moja nyumbani kwa Sakina kama kumsalimia tu, ambapo Sakina akamueleza Sam kuhusu ujauzito wa Dorry na kumfanya Sam awapongeze kwa hilo, kisha akaondoka pale na kwenda kwa wakina Sabrina.

Alimkuta Sabrina ameshajiandaa kama ambavyo walipanga hapo awali.

Wakapakia mizigo kwenye gari na kumuaga mama yao pale kisha safari ikaanza ila kabla ya kufika mbali Sam akamwambia Sabrina,

"Kwanini tusipite na kwa Sakina ili tumuage kidogo"

"Ni jambo zuri kwakweli ukizingatia majuzi ulimpeleka yule binti aliyeumwa"

Kisha Sam akapeleka gari hadi nyumbani kwa Sakina ambapo walishuka, na Sam akambeba mtoto kisha wakaingia ndani na kumkuta Sakina akiwa na mkwe wake huyo Dorry.

Sakina aliwakaribisha ambapo Sam akamwambia lengo lao kuwa ni kumuaga.

Kisha Sabrina akamuangalia Dorry na kumuuliza,

"Unaendeleaje"

Sakina akajibu kwa shauku kamavile kaulizwa yeye,

"Anaendelea vizuri, tena kuna habari njema"

"Ipi hiyo?"

"Huyu binti ana mimba ya Jeff"

Sabrina akawa kama amepaliwa hadi akaenda nje kukohoa kisha wakampelekea maji, ila alipaliwa sana, muda kidogo mtoto wao nae akaanza kulia na kumfanya Sam awaage pale ili aondoke nao, ambapo Sabrina naye alishindwa hata kuaga kwani macho yote yalikuwa mekundu kwa kupaliwa.



Walifika hadi nyumbani kwa Sam huku Sabrina akiwa na mawazo mengi sana.

"Pole kwa kupaliwa kiasi kile mke wangu"

"Asante Sam"

"Ni kitu gani kimekufanya upaliwe vile lakini"

"Nadhani ni mate, ila hata mimi nimeshangaa kwakweli kwani sijawahi kupaliwa kiasi kile hata siku moja"

"Na mwanao sasa, kuona umepaliwa vile naye akaangua kilio cha hali ya juu. Yani Sabrina wewe na huyu mtoto kuna kitu cha karibu sana kinawaunganisha"

"Damu nzito Sam"

"Na kweli damu ni nzito"

Kisha wakaendelea na habari zingine.



Sakina na Dorry wakajikuta wakijadili sababu ya Sabrina kupaliwa baada ya kusema kuwa Dorry ana mimba ya Jeff.

"Nadhani hajapenda mi kuwa na mimba ya Jeff, labda hajapendezewa na mimi mama"

"Hapana, Sabrina hayupo hivyo. Ni mtu mwenye upendo sana yule, hata mi mwenyewe nimeshangaa kuwa kwanini imekuwa hivyo. Ila pengine ana matatizo mengine tu"

"Sawa mama iwe hivyo maana kama ulivyosema kuwa Jeff anamsikiliza sana huyu mama yake mdogo, sasa akinichukia basi na Jeff atanichukia."

"Usipate mashaka kuhusu hilo"

Kisha wakaenda kulala.

Tangu Sakina agundue kuwa Dorry ana mimba ya mtoto wake basi alipenda kuwa naye karibu tu kwahiyo hata kulala alikuwa akilala nae ili tu kufurahia uwepo wa mjukuu wake aliye tumboni.



Sabrina naye kwa usiku huo, alilala kitanda kimoja na mumewe huku mtoto wao akiwa katikati yao hadi kulipokucha.

Ambapo Sam alikuwa wa kwanza kuamka na kumshtua Sabrina,

"Usiku wangu wa leo umekuwa ni usiku mzuri sana kupita siku zote. Nimefurahi kulala na mtoto wetu"

Sabrina akatabasamu kwani aliona sasa furaha yake ikianza kurejea kama ilivyokuwa awali.

Kisha Sam akainuka na kujiandaa kwenda katika kazi yake.

Sabrina aliamka nae na kuanza kumuandalia uji mtoto wake.



Dorry naye alipoamka, alimuomba mama mkwe wake kuwa siku hiyo aende akafanye usafi kwenye chumba cha Jeff ambapo Sakina alimkubalia bila kinyongo chochote.



Sam siku hiyo kabla ya kukaa ofisini aliamua kwenda kwenye mgahawa jirani na ofisi ili kupata supu.

Wakati anakunywa ile supu akawasikia wadada watatu wakizungumza,

"Kheee eti Joy ni mjamzito tena!"

"Uwiii si ananyonyesha yule! Yani kambebea mtoto mimba jamani!"

"Naye yule anajiendekeza sana"

"Sio kujiendekeza jamani, unajua mwanamke akitoka kuzaa kizazi kinakuwa wazi sana na ni rahisi kupata mimba nyingine"

"Ndio huko kujiendekeza, kwanini asitumie njia za kuzuia mimba!"

Sam alikuwa kashamaliza kunywa supu na kuondoka, ila ile hoja ya kusema kuwa mwanamke akitoka kuzaa ni rahisi kupata mimba nyingine ikawa inajirudia katika akili yake.



Dorry alifanya usafi chumbani kwa Jeff huku akipekua vitu baadhi vya Jeff, na mara akakutana na kitabu kidogo cha Jeff akaanza kukifunua.

Mbele kabisa ya kile kitabu kulikuwa na namba ya simu, na chini yake iliandikwa,

"Mwanamke wa maisha yangu, mwanamke pekee aliyeweza kuuteka moyo wangu. Nampenda sana"

Dorry alitamani kumjua huyo mwanamke, alichukua ile namba na kuijaribisha kwenye mtandao.

Jina likaja pale, "Sabrina Deo"

Dorry akashtuka, akainuka ili aende kumuonyesha Sakina ile namba na kitabu.



Dorry alitamani kumjua huyo mwanamke, alichukua

ile namba na kuijaribisha kwenye mtandao.

Jina likaja pale, "Sabrina Deo"

Dorry akashtuka, akainuka ili aende kumuonyesha

Sakina ile namba na kitabu.

Kabla Dorry hajafika kwa Sakina ili kumuonyesha ile namba, simu yake ya mkononi ikaita.

Alipoangalia mpigaji akaona ni namba ya Sam, na kuamua kupokea bila wasiwasi wa aina yoyote ile, ila upande wa pili iliongea sauti ya kike.

"Nimesoma mpango wenu humu kwenye simu ya Sam"

Dorry akashtuka na kuogopa, akaona kamavile anataka kushtukiwa, akaikata ile simu.

Mashaka yakamjaa kwenye moyo wake, akajikuta akirudisha vile vitu chumbani kwa Jeff kisha akabeba mkoba wake na kwenda kujigelesha kwa mama wa Jeff ili aondoke.

"Mbona hivyo Dorry, uende wapi muda huu?"

"Nimepigiwa simu sasa hivi na bosi, nimeambiwa nifanye hima niende"

"Ila si bado hali yako haijatengemaa mwanangu?"

"Usijali mama, kama nitapata tatizo lolote nitakutaarifu"

Sakina akaumia sana, kwani alipenda kuwa karibu na binti huyu ili amlee mjukuu wake mwanzo mwisho, ila kwavile aling'ang'ania kuondoka hakuwa na jinsi zaidi ya kumkubalia na kumsindikiza tu.



Sabrina alishangaa kwaninh huyo Dorry amekata simu kwani hata alipoijaribisha ile namba haikupatikana tena.

Akaamua kuijaribisha kwenye simu yake lakini bado hakupatikana. Alitamani kuujua mpango wa Dorry na Sam kwa undani zaidi,

"Huyu Sam akija atanieleza vizuri juu ya ajenda aliyokuwa nayo kwa yule binti"

Kitendo cha yule binti kutokujibu kitu zaidi ya halloo kilimpa mashaka Sabrina, akajikuta amejirundikia mawazo ya kutosha kwenye akili yake.



Dorry alifikishwa stendi na Sakina kisha akapanda daladala na kuondoka.

Ila daladala ilipofika mbele kidogo akapata wazo la kwenda kuongea na Sam kwanza,

"Nitampataje sasa ikiwa tu simu yake kapiga mkewe? Mbona nimeumbuka leo!"

Akaona ni vyema aende ofisini kwa Sam kujaribisha kama atampata.

"Nikimkosa basi, nitajirudisha tu Bagamoyo kwa lazima maana sitakuwa na jinsi"

Alijawa mashaka sana kwenye moyo wake.



Sam akiwa pale ofisini kwake, akataka achukue simu yake ili ampigie mteja wake.

Akajipekua lakini hakuwa na simu,

"Au nimeiacha nyumbani? Itakuwa ni nyumbani tu maana ni muda mrefu sijaishika"

Ikabidi amalizie kazi yake ya mwisho ili awahi nyumbani kwake akachukue simu yake.



Wakati Sam ndio anataka kutoka pale ofisini, akakutana na Dorry mlangoni na kumfanya ashtuke,

"Kheee Dorry nini tatizo toto?"

Dorry akamsalimia kwanza pale na kumwambia shida yake,

"Naomba niongee na wewe kidogo tu"

Sam akasogea pembeni na Dorry akizungumza nae, kisha Dorry akamuhabarisha juu ya kupigiwa simu na mkewe, Sam akasikitika sana,

"Yani huyu Sabrina huyu sijui huwa anamatatizo gani na simu yangu. Yeye ni kuikagua tu mwanzo mwisho anapoikuta. Ila usijali"

"Lazima nijali maana mkeo ni rafiki mkubwa wa mama na anaweza kumueleza chochote kile. Ndiomana nimeaga na kuondoka"

"Huo ni wasiwasi wako tu, mi najua jinsi ya kulitengeneza hili"

Ila kwavile Dorry aling'ang'ania kuondoka ikafanya Sam amruhusu tu.

"Ila mambo yakikaa sawa nitakufata basi maana nahitaji ukae huku huku"

"Sawa hakuna tatizo baba"

Kisha Dorry akaondoka naye Sam akaianza safari ya kurudi nyumbani kwake.



Sam alipofika nyumbani kwake akashangaa kwakuto kumkuta Sabrina pale ndani, akaingia chumbani na kumkuta mtoto kitandani amelala,

"Hivi kweli Sabrina anatoka na kumuacha mtoto ndani peke yake? Mmmh!"

Ikabidi atoke nje na kwenda kumuuliza mlinzi wao pale getini,

"Eti mke wangu yuko wapi?"

"Katoka kidogo, kaniambia atarudi muda sio mrefu"

"Kasema anaenda wapi?"

"Hajaniambia anapoenda"

Sam akarudi ndani huku akitikisa kichwa tu na kujiuliza,

"Au ndio kaenda kwa Sakina? Hivi huyu Sabrina atakuwa na akili kweli jamani? Yani kamuacha mtoto ndani kalala peke yake, hivi huyu mtoto akiamka na kuanza kulia atapata wapi msaada?"

Sam alisikitika sana na kumfanya hata ajutie kidogo kumuoa Sabrina.

"Tatizo ni kumpenda huyu mwanamke laiti kama nisingempenda basi asingeweza kunifanyia haya kabisa."

Akatulia ili ajaribu kumsubiri kidogo.



Muda kidogo Sabrina akaingia ndani huku akijisemea,

"Na nimemkomesha"

Akashtuka baada ya kumuona Sam pale ndani sababu hakumtarajia kwa muda ule, Sam naye akamuuliza kwa mshangao,

"Umemkomesha nani?"

Scrina akakaa kimya huku akiinamisha kichwa chake chini.

Sam akamuangalia na kumuuliza tena,

"Ulikuwa wapi? Na kwanini umemuacha mtoto peke yake humu ndani?"

"Sikuwa mbali, na nilijua wazi sitachelewa"

"Sabrina, kumbuka kuwa huyu mtoto bado mdogo, mambo ya kijinga acha mama. Yani elimu yote ile haijakukomboa mke wangu?"

Sam alikuwa akisikitika tu kisha akamwambia Sabrina amkabidhi simu yake, naye Sabrina akampa ile simu wala Sam hakutaka kumuuliza chochote kwa muda huo kwani alijua wazi kuwa atachelewa kufanya mambo yake tu.

Sam akaondoka pale na kuelekea kwenye kazi yake.



Alifika kazini na moja kwa moja akaingia kwenye ofisi yake.

Muda kidogo akafatwa na mfanyakazi wake,

"Bosi samahani, kuna dada hapo nje ana shida na wewe"

Sam akamuuliza ni nani ila mfanyakazi akadai kwamba hamjui.

Sam akamruhusu kuwa amwambie aingie.

Alipotoka yule mfanyakazi wa Sam ndipo yule dada akaingia.

Sam akashuka kumuona na kumshangaa,

"Kheee nini tatizo Neema! Mbona umekuwa hivyo?"

Neema alikaa kwenye kiti sasa, alikuwa amejifunika khanga karibia na uso na alikuwa ameumia usoni.

Sam akamsogelea Neema pale kwenye kochi la ofisini kwake na kukaa karibu yake ili aweze kumsikiliza,

"Nini mtatizo mama?"

"Mkeo kanifanya hivi Sam"

Sam akashtuka na kushangaa,

"Kivipi?"

Neema akatoa simu yake na kufungua upande wa meseji ambapo Sam aliona jumbe zilizofululiza kana kwamba ni yeye alikuwa akichati nae,

"Uko wapi mrembo?"

"Nipo home tu nimejipumzisha"

"Unaweza kuja mitaa ya karib u na huku kwangu? Tafadhari usiseme hapana, nimekumiss sana mwenzio"

"Poa basi, nipe kama nusu saa nitakuwa huko"

"Umefika wapi sasa mama?"

"Nipo hapa karibu na grocery iliyopo karibu na kwako"

"Sogea sogea hadi hapo kwenye mti mkubwa, nakuja sasa hivi"

"Nipo hapa kwenye mti tayari, mbona sikuoni?"

"Usijali mama, sasa hivi nafika"

Sam aliyasoma hayo mazungumzo huku akitikisa kichwa, hapo ilimuonyesha wazi kuwa Sabrina aliitumia simu yake ile kumlaghai na Neema pia, kisha akamuangalia Neema kwa masikitiko makubwa sana na kumuuliza tena,

"Halafu ilikuwaje"

"Mi nimesimama pale nikamuona kijana mmoja na mkeo, nilipotaka kukimbia yule kijana akanikata mtama kisha nikaanguka chini. Halafu mkeo akamwambia yule kijana kuwa anifundishe adabu. Ndio akanifanya hivi."

Sam akasikitika tena na kumwomba msamaha Neema kwa niaba ya mkewe, kisha akainuka nae na kutoka kwa lengo la kumpeleka hospitali.



Walifika hospitali, na Neema akatibiwa vizuri kabisa sababu Sam alijulikana sana kwenye ile hospitali.

Neema alipomaliziwa matibabu yale, Sam akamchukua na kumrudisha nyumbani kwake kisha akamuaga kwani muda nao ulienda sana.

"Asante Sam, nashukuru kwa kunihudumia"

"Usijali, kesho naweza nikaja kukuona"

Kisha Sam akaondoka pale kwa Neema ili awahi kufika nyumbani kwake.



Sam alikuwa akisikitika tu kwenye gari yake dhidi ya tabia aliyokuwa nayo Sabrina kwa kipindi hiko,

"Mbona kipindi kile wakati meseji za Neema zinaingia kwenye simu yangu na simu alikuwa nayo yeye na hakufanya chochote! Kwanini kipindi hiki amekuwa hivi? Mara ampigie simu Dorry kisa tu kaikuta ile meseje, na mara aanze kumtafuta Neema kwa ugomvi, kwanini Sabrina kawa hivi? Lazima kuna kitu"

Sam aliwaza sana bila ya kupata jibu lolote la maana.



Alipofika nyumbani kwake, alimkuta Sabrina kalala kwenye kochi huku mtoto naye akiwa pembeni anacheza cheza.

Sam akamshtua Sabrina,

"Hivi kwa mfano mtoto akabilingika hapo na kuanguka utasemaje? Au utamlaumu nani?"

"Hawezi kuanguka bhana nimemshikilia"

"Umemshikilia wakati umesinzia? Sabrina acha masikhara kwa mtoto tafadhari, nampenda sana mwanangu"

Sam akamuinua yule mtoto na kumbeba mikononi na kuanza kucheza cheza naye ingawa alikuwa na mawazo ila alijitahidi kuyapoteza kwa kucheza na mtoto.

Wakati huo Sabrina nae aliendelea kulala pale pale kwenye kochi kitendo ambacho kilimchukiza Sam.

Kwavile alikuwa na hasira tayari, mtoto alipolala akaenda kumlaza chumbani naye akaenda kulala pia na kumuacha Sabrina pale pale sebleni.



Sabrina alishtuka saa kumi ya usiku na kujishangaa kuwa yupo mwenyewe sebleni.

Akasikitika na yeye,

"Yani huyu mwanaume hata kunishtua kuwa nikalale chumbani! Yani yeye kaniacha hapa hapa sebleni? Mbona amekuwa hivi hivi huyu mwanaume jamani?"

Sabrina alisikitika sana dhidi ya hiki alichokifanya Sam.

Kisha akainuka na kwenda kulala chumbani na yeye.



Kulipokucha Sam akainuka na kujiandaa na kwenda zake ofisini.

Alipokuwa kwenye gari alijisikitikia sana juu ya swala lake zima la kuoa.

"Ndiomana vijana wengi hawaoi, sasa mwanamke wa namna hii ni wa kazi gani? Mwanamke asiye na shukrani. Apate mimba ya mwanaume mwingine nilee mie mimba hadi mtoto, kila kitu nafanya mie ila bado haridhiki anataka kunipandia kichwani kabisa. Lazima nifanye kitu, kumpenda isiwe sababu ya yeye kufanya anavyojisikia. Kwanza kashanitia hasara sana huyu mwanamke na lazima nifanye kitu"

Sam alikuwa akilalamika tu njia nzima.

Aliona kuoa kwake imekuwa kero na karaha badala ya raha alizopata kusikia kwa wengine.



Sabrina nae alichukizwa na kitendo cha Sam kumuacha pale sebleni peke yake.

"Anafikiri kwetu tuna dhiki huyu mwanaume. Kunisomesha kwake sio kwamba nilikuwa mjinga. Nina akili zangu timamu na ninarudi kwetu. Sina dhiki mie."

Sabrina akaanza kujifungasha na mizigo yake ili arudi kwao.

Alipomaliza akampigia simu dereva wa gari za kukodi ili aje amfate.

Na yule dereva hakukawia kufika, kisha Sabrina akatoka na mtoto wake hadi kwenye gari.

Mlinzi wa nyumba ya Sam akamshangaa,

"Vipi mama?"

"Naenda nyumbani"

"Mbona umebeba na mabegi?"

"Kwani umeambiwa nikiwa naenda kwetu nisiende na mabegi?"

Ikabidi mlinzi akae kimya na kumuacha Sabrina aende zake, naye Sabrina akaondoka na mtoto wake.



Dorry akiwa Bagamoyo alikuwa na mawazo sana, alijikuta akimuomba Mungu kwa kila hali kuwa Sabrina asiwe ameelewa vizuri ule ujumbe.

Wakati akiyawaza hayo, wazo lingine likamjia nalo ni kuhusu barua,

"Uwiii barua, ile barua nayo inabidi niichome moto kwani inaweza kuonwa na mtu asiyependa maendeleo yangu kisha ikawa nongwa"

Akaenda ndani ili atoe toka kwenye mkoba wake.

Ila alipekua ule mkoba pasipo uelekeo wa kuipata, akaamua kumwaga kila kitu kitandani ila hakuiona. Akaanza kuvuta kumbukumbu zake dhidi ya mahali alipoiacha ile barua.

Kumbukumbu zikamjia na kumfanya ashike kichwa na kujutia zaidi.

Akakumbuka kuwa kulikuwa na karatasi za vipimo vikionyesha kuwa yeye ni mjamzito na ile barua pamoja na kile kitabu kidogo, vyote aliviacha kitandani kwa Jeff.

"Mungu wangu, hivi mama wa Jeff akiviona nitaficha wapi sura yangu mie? Uwiii hii aibu nitaiweka wapi mie!"

Dorry alikosa raha gafla, huku akiwaza kurudi kwakina Jeff na upande mwingine ukimwambia kuwa atakuwa ameshachelewa.

Dorry alihisi kuchanganyikiwa kwa siku ya leo, alijikuna kichwa kila mara ili kujaribu kuwa sawa.



Sabrina alifika nyumbani kwao na kuingiza mizigo yake ndani, na kumfanya hata mama yake amshangae.

"Weee Sabrina wewe, si umeondoka hapa majuzi tu! Vipi leo umerudi na mabegi?"

"Kwahiyo umenichoka mama?"

"Sio kwamba nimekuchoka, bali nimekuuliza tu"

Ikabidi mama yake amsaidie kuingiza ile mizigo ndani ili apate kumsikia hoja zake.

Sabrina alipoingia ndani kwao hakutaka hata kukaa sana kwani alimuachia mama yake mtoto kisha akamuaga,

"Unaenda wapi sasa?"

"Naenda kwa Sakina nina shida nae sana"

"Shida gani hiyo?"

"Nikirudi nitakwambia mama"

Kisha akaondoka.



Sakina akiwa nyumbani kwake, akaona ni vyema kuangalia usafi ambao Dorry alisema kuwa ameufanya kabla ya kuondoka.

Alipoingia chumbani kwa Jeff akashangaa kuona karatasi kitandani.

"Kheee ndio usafi gani huu kuacha karatasi kitandani!!"

Akaamua kuzikusanya, ila akashtuka kidogo na kujisemea.

"Huenda zikawa karatasi za maana"

Akakaa pale kitandani ili azipitie kidogo.



Akaamua kuzikusanya, ila akashtuka kidogo na

kujisemea.

"Huenda zikawa karatasi za maana"

Akakaa pale kitandani ili azipitie kidogo.

Akasikia mtu akimuita, kumsikilizia vizuri akagundua kuwa ni sauti ya Sabrina.

Akaamua aache zile karatasi pale kitandani kisha aende kumkaribisha Sabrina.

Sakina akatoka na kumkaribisha Sabrina pale kwake.

"Karibu mdogo wangu"

Sabrina kabla hata ya kukaa akaanza kubwabwaja,

"Yani leo ndio nimejua sababu ya wewe dada yangu kutokukaa na mumeo. Yani hawa wanaume ni kero jamani, kero kero kabisa mi nishawachoka"

Sakina akamuangalia kisha kumngoja akae kwanza na kumpa pole.

"Pole mdogo wangu, ila tatizo ni nini?"

"Nimechoka dada, yani nimechoka kwakweli"

Sabrina akaanza kumsimulia Sakina juu ya Neema.

"Yani huyo mwanamke kanivuruga halafu huyo mwanaume naye anarudi na kunivuruga pia"

"Pole mdogo wangu, ila ndoa inahitaji uvumilivu sana. Hutakiwi kuwa na hasira kiasi hicho"

"Mbona wewe hukuweza kuvumilia?"

"Mie maji yalinifika shingoni, hakuwa mume yule. Yalikuwa ni mauzauza tu"

Sabrina akamuangalia Sakina kisha akaendelea na msimamo wake kuwa Sam naye ni wale wale, hana utulivu wowote kama ambavyo Sakina amekuwa akimtetea.



Dorry aliwasili nyumbani kwa Sakina, kabla ya kubisha hodi akasikia sauti ya Sabrina na Sakina wakizungumza.

Dorry akaogopa kuingia kwani alijawa na hofu za aina mbili, moja ni kuwa huenda Sabrina kashamueleza Sakina, na mbili ni kuwa huenda bado hajamueleza ila atakapoonekana yeye anaweza kuwa kama anamkumbusha kuelezea.

Alijibanza pembeni ya nyumba ya Sakina huku akijifikiria cha kufanya kwa wakati huo.



Sam alimaliza shughuli zake siku hiyo na kuanza safari ya kurudi nyumbani kwake.

"Nataka leo niwahi kurudi, yani sipitii popote ili huyu Sabrina akanieleze vizuri tatizo lake. Maana najitahidi kumuelewa, na kumuweka sawa lakini inashindikana. Ngoja tu akaniambie tatizo lake."

Muda kidogo akawasili nyumbani kwake.

Alipoingia ndani hakumkuta Sabrina ikabidi akamuulize mlinzi wake,

"Yuko wapi mke wangu?"

"Katoka, kaniambia anaenda kwao"

Sam akajishika kichwa na kurudi ndani, akakuta Sabrina alishabeba nguo zake zote na za mtoto.

"Anamaana gani kufanya hivi? Huyu Sabrina anamatatizo gani jamani?"

Sam alijiuliza bila hata ya kupata jibu juu ya tabia ya Sabrina.



Sabrina alimuaga Sakina sasa kuwa anarudi kwao,

"Inamaana hutorudi tena kwa mumeo?"

"Sirudi hadi aje aniombe msamaha"

"Hongera, najua yote ni sababu unajua anakupenda na lazima atakuja. Umepata mume bora ingawa wewe binafsi hujakubali hilo"

"Sijui kwanini unapenda kumtetea, ila hakuna tatizo siku moja utaelewa vizuri kwanini nalalamika kiasi hiki"

Basi Sakina ikabidi akubaliane nae tu, kisha akatoka nae nje ili amsindikize kidogo.

Muda wametoka, Dorry nae akatumia nafasi hiyo kwa haraka. Na moja kwa moja, aka ingia chumbani kwa Jeff na kubeba vyote pale kitandani kisha akatoka navyo na kwenda kujibanza tena nyuma ya nyumba ili amngoje Sakina arudi kwanza nyumbani kwake kuhofia kukutana nae njiani.

Na muda kidogo tu Sakina alirudi, kisha Dorry akatoka kule alipojibanza na kuondoka zake.



Sakina akiwa nyumbani kwake, alikuwa akimsikitikia tu Sabrina kwa mambo ambayo anayafanya.

"Yule Sam anaupendo jamani, kitu gani Sabrina atake halafu Sam asimpe. Anaweza kujitetea kuwa sababu amezaa nae, ila hiyo bado siyo sababu. Kwani wangapi tumekimbiwa tukiwa na watoto, wangapi wanakimbiwa na mimba? Ila yeye kapata mwanaume mzuri, ingawa alitangulia kumpa mimba kwanza lakini alihakikisha kuwa mpaka anamuoa ili mtoto wao azaliwe ndani ya ndoa, akafanya sherehe kubwa sana kwaajili yako. Miezi yote yupo kwao na mwanaume anaenda kumuangalia kila siku, hivi kwanini watu hawapendi bahati kama hizi? Hebu ona kampeleka mwanangu nchi za nje kusoma, yote ni sababu ya upendo tu. Kwakweli sisi wanawake sijui tufanyiwe nini turidhike jamani!"

Sakina alijikuta akisikitika tu pale.

Muda kidogo akakumbuka alichokuwa anakifanya kabla ya kuongea na Sabrina,

"Ile ni barua ile nadhani Jeff aliandikiwa na mwanamke wake, na labda ndio sababu ya Dorry kuondoka haraka vile, nadhani hakupendezewa na kilichoandikwa mule. Ngoja nikamalizie kuisoma."

Muda huo alikuwa tayari ameingia chumbani kwa Jeff, akashangaa bila kuona chochote pale kitandani.

Akajiuliza kuwa vimeenda wapi, akainama uvunguni mwa kitanda lakini hakuona chochote.

Akaangaza kile chumba chote lakini hakuona kitu, akajikuta akijishika kichwa na kusema,

"Mungu wangu, ni mambo ya kichawi haya yameingia tena ndani kwangu"

Uoga ukamshika Sakina, akatoka kwa haraka kwenye kile chumba cha Jeff na kukifunga kwa funguo kabisa, kisha akaenda kukaa sebleni kwake na kujisemea,

"Itabidi kesho niende kwa mtaalamu akaniangalizie haya mambo. Uoga unanishika jamani"

Alibaki kujiuliza tu kuwa kwanini wachawi wameanza tena kumfatilia.



Sam akataka kwenda nyumbani kwakina Sabrina, ila akaona ni vyema asiende kwa siku hiyo.

Ampe nafasi kwanza kisha aende kesho yake kuonana nae.

Akapanga kwenda muda ambao atakuwa ametoka ofisini.

"Kila siku niharibu kazi yangu kwaajili ya mtu mmoja. Afanye nishindwe kusimamia chochote kile. Nitaenda baada ya kazi, tena hakuna mjadala hapo zaidi ya kurudi naye huku tu"

Sam alikuwa akiyapanga hayo kwa muda huo.



Ilipofika saa tatu usiku, Sabrina akatambua kuwa Sam hawezi kwenda tena kwa muda huo.

"Ingekuwa mapema, ningejipa matumaini kuwa atakuja. Ila mwache tu, mi namuangalia tu"

Sabrina alizidi kuweka hasira dhida ya Sam, kisha akaamua kulala.



Kulipokucha, alfajiri na mapema. Sakina alijiandaa na kuianza safari ya kwenda kwa mtaalamu ambaye amemuwazia usiku uliopita kuwa anaweza kumsaidia.

Alisafiri kwa basi kwa muda wa masaa mawili na kufika kwa huyo mtaalamu. Na kweli aliwahi kwani alikuta bado watu sio wengi mahali pale.

Muda wake ulipofika, akaingia kwa yule mganga na kuanza kumuelezea matatizo yake.

Alipomaliza kuelezea, yule mganga akaanza kucheka na kumfanya Sakina ashangae na kumuuliza,

"Mbona unacheka mtaalamu?"

"Hahahaha, tatizo lako nimeshalijua"

"Niambie basi mtaalamu"

"Kuna mtu anakufatilia, kuna mtu hataki maendeleo yako. Yani ulipowaza kuwa ni uchawi wala hukukosea. Kuna mwanamke mmoja mnene mweusi, hajapendezewa na mwanao kwenda nje kusoma ndiomana anakufanyia vituko hivyo"

Sakina alikaa na kutafakari, taswira ya mtu aliyetajiwa ikaanza kumjia katika akili yake.

"Nalijua hilo janamke, lina roho mbaya sana. Ila nani kamwambia kama mwanangu ameenda nje kusoma?"

"Wachawi huwa wanaambizana yote, ndiomana hizo karatasi zimepotea katika mazingira ya kutatanisha. Nitakupa dawa, ukaweke kila kona ya nyumba yako kwa usalama wako na mtoto wako."

Sakina akashukuru pale, kisha yule mtaalamu akampa dawa ya kunyunyiza kwenye nyumba yake na kumwambia maneno ya kunuia anapokuwa anainyunyiza.

"Halafu baada ya siku mbili niletee nguo yoyote ya mwanao niifanyie dawa ili awe salama huko alipo"

Sakina alikubaliana na yule mganga kisha akamuuliza kitu kingine,

"Nina mdogo wangu anaitwa Sabrina, yani jana kagombana na mumewe. Mi nahisi kuna kitu au waonaje mtaalamu?"

"Ni kweli kuna kitu kwani kuna mtu hapendi ndoa yao ndio anamfanyia hayo mambo. Mi nitafanya dawa ya kumtuliza huyo mumewe kwa siku mbili hizi, halafu ukiwa unakuja kuleta nguo ya mwanao uje nae"

Sakina akakubali pale kisha akaondoka zake kurudi nyumbani kwake.



Alipofika tu nyumbani kwake, akaifanya ile dawa aliyoambiwa na mganga kisha akanuia na maneno yake.

Alipomaliza aliamua kwenda kwa wakina Sabrina ili kumuuliza kuwa ameishiana vipi na mumewe na kumwambia kile alichoambiwa na yule mganga.

Alifika kwakina Sabrina na kumkuta Sabrina akiwa amejiinamia kwa mawazo,

"Pole mdogo wangu, ila nimepata suluhisho la tatizo lako"

Sabrina akamuangalia na kumuuliza,

"Lipi hilo?"

Kisha Sakina akaanza kumueleza Sabrina juu ya mahali alipoenda na vile alivyoelezwa na yule mtaalamu.

Sabrina akacheka, Sakina akamuuliza

"Mbona unacheka sasa?"

"Yani wewe dada bado unawaamini hao wataalamu?"

"Ndio nawaamini mdogo wangu, ni kweli watu wanakuonea wivu. Sio kila mtu anapenda maendeleo yako Sabrina"

"Ni kweli sio kila mtu atapenda maendeleo yangu, ila mimi wataalamu siwaamini tena"

"Kwanini?"

"Unakumbuka walivyonipa onyo kipindi kile?"

"Nakumbuka ndio, ila wamekusaidia mdogo wangu"

"Hakuna walichonisaidia, ni Mungu tu ndio amenisaidia. Kwanza waliniambia nisifanye mapenzi na mwanaume yeyote eti mwanaume huyo atakufa. Loh mbona hajafa? Walisema kuwa sitaweza kuzaa, hata nikibeba mimba itatoka mbona sasa nina mtoto?"

Sakina alimuangalia tu Sabrina,

"Kwahiyo huwaamini hata kidogo?"

"Hata chembe siwaamini, wamenifanya niishi roho juu juu. Kama utabiri wao tu hata shangazi yangu ni mtabiri pia"

"Inamaana yaliyotokea ndani kwangu kama sio mauzauza ni nini?"

"Hayo sijui ila waganga siwaamini"

Muda kidogo akawasili Sam pale nyumbani kwakina Sabrina.

Sakina alipomuona Sam akamsalimia kisha akaaga na kuondoka.

Moyo wake ukamwambia kuwa dawa ya mganga imefanya kazi na kumvuta Sam kwa Sabrina.



Sam alimuangalia Sabrina na kukaa pale karibu yake, kisha akamwambia kama staili ya kumnong'oneza,

"Nakuomba twende nyumbani Sabrina"

"Sitaki"

"Kwani tatizo ni nini mke wangu? Kosa langu ni lipi kwako Sabrina. Au kukupenda kwangu ndio imekuwa kosa? Nakuomba twende nyumbani"

Sabrina akajikuta akimuhurumia Sam kisha akakubali kurudi nyumbani kwa Sam.

Wakafungasha mizigo na kumuita mama yake kisha kumuaga.

Joy alitingisha kichwa tu na kumruhusu kwani aliiona akili ya mwanae sasa ikifanya kazi ndivyo sivyo.



Sabrina na Sam walifika nyumbani kwao, ila Sam hakumuuliza chochote cha ziada Sabrina na wala Sabrina nae hakuuliza kitu chochote.

Muda kidogo simu ya Sam ikaita, na alipopokea akaisikia ni sauti ya Dorry.

"Samahani, kuna namba nakutajia uniambie kama waijua"

Dorry akaitaja ile namba,

"Ndio naijua, ni ya mke wangu kwani vipi? Alikupigia simu?"

"Hapana, kuna mahali nimeiona ndiomana nikakuuliza"

Kabla Sam naye hajauliza swali jingine, Dorry alishakata ile simu.

Sabrina akamuuliza Sam,

"Ni nani? Na kwanini unitaje mimi?"

"Ni rafiki yangu, nadhani kuna siku nimempigia simu kwa namba yako ndio alikuwa akiulizia tu"

"Mmh"

Sabrina akaguna tu, kisha kudai kuwa anausingizi sana hivyo wakaenda kulala.



Dorry alijifikiria na kujiuliza sana,

"Iweje Jeff aandike kwenye namba ya mama yake mdogo kuwa ndiye mwanamke anayempenda sana? Kama ni upendo ule wa kawaida kwanini asiweke namba ya mama yake mzazi? Hivi inawezekana kweli kwa mtoto kumpenda zaidi mama yake mdogo kuliko mama mzazi mmh! Hapa lazima kuna kitu tu"

Dorry akataka kuanza uchunguzi wake wa taratibu ili aujue ukweli.



Usiku wa manane, Sabrina aliamka na kuchukua simu ya Sam. Kisha akapekua namba ya mwisho kumpigia, akaona jina Dorry.

Akainakili ile namba pembeni huku akijiuliza kuwa kwanini huyu Dorry anapenda sana kuwasiliana na Sam.

Akaoanisha na ule ujumbe wa mpango wao.

"Lazima wanakitu hawa na nitakijua tu"

Kisha akarudi tena kulala.



Kulipokucha, Sabrina aliamka na kuandaa chai ili aweze kunywa na Sam ukizingatia siku hiyo ilikuwa ni siku ya mapumziko.

Sabrina aliandaa ile chai kisha akamuita Sam na kuanza kunywa, Sam akamwambia

"Ingekuwa hivi siku zote kwakweli ingekuwa raha sana"

Sabrina akatabasamu na kusema,

"Huwa napenda kufanya hivi ila tatizo huwa nachoka sana halafu nashikwa na uvivu balaa"

"Pole ila nilikwambia kuhusu msichana wa kazi umekataa"

"Nikimuhitaji nitakwambia"

Muda kidogo Sabrina akakimbilia nje na kuanza kutapika, tena alitapika sana.

Sam huwa hapendi kuendekeza ugonjwa hivyo akamsaidia kujiandaa na kuanza safari ya kwenda hospitali wakiwa na mtoto wao.



Walipofika hospitali, Sabrina akapimwa vipimo vyote kisha daktari akawaletea majibu.

"Hongereni sana"

Sabrina na Sam wakaangaliana, kisha Sam akamuulizo dokta.

"Hongera ya nini?"

"Mkeo ni mjamzito"

Sabrina akajikuta akianguka na kuzimia.



Sabrina na Sam wakaangaliana, kisha Sam

akamuulizo dokta.

"Hongera ya nini?"

"Mkeo ni mjamzito"

Sabrina akajikuta akianguka na kuzimia.

Sam alijikuta akibaki na mshangao, ikabidi daktari asaidie kumnyanyua Sabrina na kumuweka kitandani.

Kisha daktari akamuuliza Sam,

"Mbona umebaki na mshangao hivyo? Hamkuitegemea hii mimba au?"

"Ungekuwa wewe ungefurahi? Unaniona kabisa hapa nimebeba mtoto tena bado mdogo halafu unaniuliza kwanini nashangaa?"

Daktari akaisoma kwa haraka haraka saikolojia ya Sam kisha akaona ni vyema asimuulize tena maswali kwani aliona wazi anaweza kupaniki muda wowote ule.

Daktari akaanza kumpa huduma Sabrina ili angalau aweze kurudi kwenye hali ya kawaida.

Akamuomba Sam atoke nje ya kile chumba ili aweze kumpa Sabrina matibabu kwa nafasi.



Sam alitoka nje ila alikuwa kamavile akili imemruka kidogo kwani alikuwa akiongea peke yake tu muda wote.

Hakujielewa kwa wakati huo, na swali kubwa alilojiuliza ni kuwa, mimba ya sasa ya Sabrina ni ya nani? Kila akifikiria hapo moyo ulikuwa unamuuma sana.

Muda kidogo, mtoto akaanza kulia na kumfanya Sam achukie zaidi.

Daktari alipotoka aliweza kuiona hasira ya Sam kwa wazi wazi, akaamua kumuomba amkabidhi yule mtoto.

Sam alimkabidhi yule mtoto daktari kisha akaondoka kwa hasira, daktari hakuelewa ila alimuangalia tu kwani hata kumuita tena hakuweza.



Kwavile Sabrina alishazinduka, daktari akaona ni vyema amkabidhi mwenyewe mtoto wake kwani muda ule alitoka nje kwa lengo la kumwambia Sam kuwa mkewe amezinduka ila kutokana na ile hasira aliyomuona nayo hakuweza kumwambia.

Daktari akamkalisha Sabrina na kumuuliza,

"Kwani mna matatizo gani na mumeo?"

"Ni historia ndefu daktari, siwezi kukueleza kwasasa. Kwanza Sam mwenyewe yuko wapi?"

"Ameshaondoka"

Sabrina akashtuka na kujisikitikia, kisha akainama kwa dakika kadhaa na kuinuka, muda wote daktari alikuwa akimuangalia tu,

"Na mimi naondoka daktari"

"Unaenda wapi sasa?"

"Naenda nyumbani"

Daktari naye akamsikitik ia Sabrina kwani alimuona jinsi alivyopooza, daktari akamuuliza tena,

"Una nauli?"

Sabrina akamuangalia daktari kisha chozi likamtoka, moja kwa moja daktari akamuelewa.

Akatoa noti ya elfu kumi na kumkabidhi, Sabrina akaipokea na kumshukuru kisha akaondoka.



Sam alikuwa na mawazo sana, alijikuta akipaki gari yake mahali na kuanza kulia ndani ya gari.

Machozi ya hasira yalimtoka kwa mfululizo, akajisemea

"Sijawahi kulia, eti leo nalizwa na mwanamke! Siamini"

Moyo wake ulimuuma sana.

Alikuwa akijifikiria tu, mawazo ya mtoto Cherry yakamjia kichwani mwake, akakumbuka jinsi katoto hako kalivyoonekana na sura ya upole, kamejaa upendo.

Sam akageuka nyuma na kusema,

"Huyu bado ni mwanangu"

Akageuza gari na kuanza kurudi hospitali.



Sabrina aliondoka pale hospitali huku kichwa chake na akili yake vikijutia.

Alipanda kwenye daladala ila bado machozi yalimtoka kiasi kwamba akaona kuwa dunia sasa imemgeuka.

Alijikuta akijuta sana na kujiona ni mwanamke mjinga, alikuwa na mawazo tu muda wote huku akijiuliza alipoipatia ile mimba.

Akakumbuka siku aliyoitwa na Jeff, roho ikamuuma sana.



Sabrina alipofika nyumbani kwao, akataka kwenda chumbani kwake moja kwa moja ila aliamua kujigelesha kwanza baada ya kumuona mama yake akiwa na wifi yake Joy.

Ikabidi asogee kuwasalimia kwanza.

Mama yake akamshangaa na kumuuliza,

"Unatatizo gani mwanangu? Mbona macho mekundu na sikuelewi"

"Sina tatizo mama ila macho tu yananiuma"

"Yani ndio Sam kakuacha uje hivyo mwenyewe?"

"Hapana, hata hajui kama macho yananiuma kwani yameanza muda sio mrefu"

Wakampa pole pale, kisha mama yake akamuhabarisha Sabrina,

"Wifi yako umuonapo hapo ana mimba"

Sabrina akashtuka kamavile ameambiwa yeye, kisha Joy naye akajitetea,

"Yani mama, wengi wananisema juu ya hili. Ila nashukuru ni mimi na mume wangu ndio tulikubaliana jambo hili mama"

Sabrina akatabasamu kinafki na kumpongeza Joy,

"Hongera wifi"

Na kabla hawajaongea lingine, aliinuka na kwenda kwenye chumba chake.

Akamlaza mwanae kitandani, kisha yeye akakaa na kujiinamia kwa mawazo.



Sam alifika hospitali na kwenda moja kwa moja kwa daktari, akamkuta na kumuuliza,

"Mke wangu yuko wapi?"

"Ameondoka"

"Ameondoka vipi wakati..... Aaarrgh"

Akatoka kwa daktari na yeye akaondoka.

Yule daktari alimshangaa Sam kuwa vile kwani sio kama alivyomzoea siku zote.



Sam alipokuwa anatoka pale hospitali huku akielekea kwenye gari yake, kuna mdada akamfata kwa nyuma na kumuita,

"Sam"

Sam akageuka na kumuangalia yule mdada, akajaribu kuvuta kumbukumbu kama kuna mahali alipowahi kuonana nae lakini kumbukumbu hazikumjia kabisa na kuona ni wazi hamfahamu ila akamshangaa kwani yule dada alionyesha uchangamfu kanakwamba ni mtu anayemfahamu.

Sam akamuangalia tu hadi yule dada alipomkaribia kabisa,

"Mambo Sam"

Sam aliitikia huku bado akionyesha kumshangaa,

"Najua unashangaa kwavile hujawahi kuniona, ila mimi nakufahamu vizuri Sam"

"Nashukuru, ila ungeniambia uliponifahamia maana nina haraka kidogo"

"Usijali, nipe mawasiliano yako badae nikutafute ili nikwambie nilipokufahamu"

Sam akazidi kumshangaa huyu dada ila kwavile hakutaka kupoteza muda, akatoa kadi yenye mawasiliano yake kisha akampatia yule dada na kumuaga.

Sam aliondoka ila yule mdada alimtazama Sam hadi alivyotokomea na gari yake.



Joy alipoaga na kuondoka, ikabidi mama wa Sabrina amfate mwanae chumbani kwani hakumuelewa kuwa ana matatizo gani.

Alimkuta Sabrina akiwa amejiinamia na kugundua wazi analia.

Alimfata na kumkumbatia, kisha akamuuliza,

"Kwani tatizo ni nini mwanangu?"

"Tatizo mimba mama, nina mimba"

Mama yake akacheka kidogo na kumuuliza,

"Sasa mimba ndio tatizo? Mimba ni baraka mwanangu"

"Baraka gani wakati nina mtoto mdogo kiasi hiki!"

"Mbona Joy naye ana mtoto mdogo tena kushinda wako ila ana mimba! Hiyo ni baraka tu mwanangu, kuna watu wanalilia mimba usiku na mchana ila hawapati"

"Mi sikuitaka hii mimba mama"

"Kama hukuitaka ungetumia njia za uzazi wa mpango"

"Mi sikujua kama mwanamke mwenye mtoto mdogo anaweza kupata mimba"

"Swala ni kwamba, mwanamke anapotoka kujifungua hata anapotoa mimba, milango ya uzazi yote inakuwa wazi na tayari kubeba mimba nyingine. Kwahiyo usishangae, ni jambo la kawaida tu. Tatizo lako binti yangu umekuwa msiri sana ndiomana hukupata elimu hii, kliniki hukwenda yani ulikuwepo tu. Na hilo ni tatizo"

Sabrina akainama chini na kufikiria, alikuwa akimfikiria Jeff tu na kuona kamavile alimfanyia mchezo wa makusudi kwavile alijua atamuacha na mimba kama hivi. Mama yake akamshtua kwenye yale mawazo,

"Ila Sam naye yupo fasta, anajua kama tayari una mimba?"

Sabrina akaitikia kwa kutikisa kichwa, aliogopa kutoa sauti akihofia siri yake kufichuka kwani angeweza kutoa machozi.

Mama yake akaendelea kumwambia,

"Kama mumeo anajua basi usiwe na wasiwasi, maana watoto ni zawadi mwanangu"

"Ni kweli mama ni zawadi ila sio katika hali yangu"

"Kwani hali yako inatatizo gani? Kuwa wazi mwanangu"

Sabrina akawa anajiuma uma tu huku moyo wake ukimshauri kuwa amwambie ukweli mama yake, ila mdomo wake ukagoma kuusema ukweli huo.

Muda kidogo wakasikia mtu akibisha hodi, mama wa Sabrina akadakia

"Ni sauti ya Sam hiyo"

Kisha akainuka kwenda kumkaribisha.

Ni kweli alikuwa Sam, ambapo mama wa Sabrina akamkaribisha vizuri ndani

"Najua umemfata mwenzio"

"Ndio mama nimemfata"

"Karibu sana"

Sam akakaa kwenye kiti na kumngoja mama wa Sabrina akamuitie Sabrina.



Sabrina alipofatwa na mama yake na kuambiwa kuwa Sam amemfata, alitamani kugoma kwenda ila atamuelezaje mama yake.

Alikosa jibu na kuamua kukubali huku akijisemea kuwa liwalo na liwe.

Sabrina alitoka na kumkuta Sam akiwa na furaha tu, kanakwamba hakuna chochote kibaya kilichotokea.

Kisha wakabeba mtoto wao na kuondoka.



Njia nzima hakuna aliyemsemesha mwenzie hadi walipofika nyumbani kwao.

Sam alishuka na mtoto, kisha Sabrina naye akashuka.

Moja kwa moja wakaingia ndani na Sam akaenda kumlaza mtoto chumbani, muda huo Sabrina alibaki sebleni huku akiwa amejiinamia tu.

Muda kidogo Sam akatoka chumbani na kwenda kukaa sebleni karibu na alipokaa Sabrina.

Wote wawili walitulia kimya huku Sam akitafakari namna ya kumuuliza Sabrina, na wakati huo Sabrina nae alikuwa akitafakari hatma yake kwa Sam.



Muda kidogo simu ya Sam ikaita, naye akaipokea

"Mambo Sam"

"Safi, nani mwenzangu?"

"Mi ni yule mdada tulikutana hospitali nikakuomba namba ya simu ili nikwambie nilivyokufahamu"

"Sawa nimekumbuka, niambie basi"

"Ngoja nakutumia meseji sasa hivi"

"Sawa basi nangoja meseji yako"

Sam akakata ile simu, lakini muda huo Sabrina alijikuta akijawa na dimbwi la wivu lakini hakuweza kuuliza kwavile tayari alikuwa na makosa.

Muda kidogo akasikia mlio wa ujumbe kwenye simu ya Sam, kisha akamuona Sam akisoma ujumbe huo na kutabasamu.

Na baada ya dakika kadhaa Sam akainuka na kumuaga Sabrina kwa kumwambia,

"Badae"

Sabrina alimuangalia tu Sam hadi alipotoka nje kabisa.

Sabrina aliinama na machozi ya uchungu kumtoka, moyo wake uliumia sana, alijiona kamavile fungu la kukosa.

Alijiuliza sasa,

"Hivi Sam ameamua kunifata nyumbani na kunirudisha huku ili kuniumiza au ni kitu gani?"

Roho yake ikaumia sana na kumfanya azidi kujutia.



Sam alienda hadi mahali alipoweza kuonana tena na yule mdada ambapo yule mdada alijawa na tabasamu tu usoni.

Wakatafuta eneo la karibu na kukaa kwaajili ya maongezi,

"Kwanza kabisa Sam samahani sana kwa kukuita hapa"

"Hata usijali, sina tatizo ndiomana nimeitikia wito "

"Sawa basi nashukuru kwa hilo, kwanza kabisa napenda ujue kuwa mimi nakufahamu wewe vizuri kabisa ila namfahamu zaidi mkeo"

Sam akashtuka baada ya kusikia kuwa mkewe anafahamika zaidi na kumfanya aanze kumsikiliza kwa makini.

"Niambie mke wangu unamfahamu vipi na mimi umenifahamu vipi?"

Kabla huyu dada hajamueleza chochote Sam, akaona ishara kama ya mtu kumuita na kumuomba samahani Sam,

"Naomba nikamsikilize kidogo, narudi muda sio mrefu"

Sam akamuitikia na yule dada akaondoka, huku Sam akitamani kujua kitu ambacho yule dada anajua kuhusu mke wake.



Dorry aliamua leo kuyachoma yale makaratasi ili kupoteza ushahidi wote ambao ulikuwepo.

Ila kabla ya kuchoma, akakifunua tena kile kitabu kidogo na kukutana na maneno mwishoni,

"Sabrina roho yangu, Sabrina mwanamke wa maisha yangu. Nakupenda na sitakuja kumpenda yeyote kama nikupendavyo wewe. Haya maneno ningependa kuyatamka mbele yako ila siwezi kwavile utaona nakukosea adabu, ila ukweli upo kwenye moyo wangu na matendo yangu. Nitakupenda milele yote"

Dorry akapata jibu la Sabrina anayeongelewa pale, alielewa wazi kuwa ni Sabrina yule yule ila bado hakuelewa kwanini Jeff awe na upendo wa namna ile kwa mama yake mdogo?

Makaratasi yake ya mimba na barua akayachoma moto ila kale kakitabu kadogo akakahifadhi kwenye mkoba wake.



Sabrina akiwa nyumbani huku mawazo yakifurika kwenye kichwa chake, akaamua kuchukua simu yake na kuingia kwenye mtandao wa kijamii.

Alikuta akiwa na ujumbe mwingi kwenye sehemu ya ujumbe iliyopo kwenye akaunti yake ya facebook.

Akaamua kufungua ujumbe alioona umebeba picha, na alipofungua tu akaona picha kubwa ikiwa imetangulia.

Sabrina akashtushwa na ile picha, kwani alijiona yeye na Jeff wakiwa kitandani, kisha ujumbe ukafata chini.

Mapigo yake ya moyo yalienda kwa kasi ya ajabu kupita ilivyo kawaida yake.



Sabrina akashtushwa na ile picha, kwani alijiona

yeye na Jeff wakiwa kitandani, kisha ujumbe ukafata

chini.

Mapigo yake ya moyo yalienda kwa kasi ya ajabu

kupita ilivyo kawaida yake.

Sabrina akausoma ule ujumbe kwa mashaka sana,

"Kamwe sitaisahau siku hii katika maisha yangu"

Akamuangalia mtumaji, alikuwa ni Prince J.

Sasa Sabrina akatambua kwa uwazi kabisa kuwa mwanaume aliyekuwa akisumbua akili yake kwenye facebook siku zote alikuwa ni Jeff.

Ila swali lililomjia kwenye akili yake ni kuwa ile picha ilipigwa na nani, wakati inaonyesha kuwa wote wawili wapo kitandani.

"Hivi huyu Jeff ananitakia nini mimi? Sikapendi haka katoto tena"

Kengele ya hatari ikalia kwenye akili yake kuwa hata mimba aliyonayo ni ya Jeff, muda kidogo ukaingia ujumbe kwenye ile akaunti yake kutoka kwa Prince J.

"Wow mamy, leo umeingia hewani. Nimekukumbuka sana, natamani niwe karibu yako. Sitajali chochote, hata ukiamua kutembea na wanaume wa ulimwengu mzima ila mimi bado nitakupenda na nitazidi kukupenda hadi mwisho wangu"

Sabrina aliamua kumuuliza,

"Wewe ni Jeff?"

"Ndio, mimi ni Jeff, mwanaume pekee ninayekupenda kuliko wote duniani"

Sabrina akatulia kidogo na kuwa kama mtu anayefikiria, ujumbe mwingine ukaingia,

"Nilitamani kusema yote haya mbele yako, mbele ya macho yako ila ulikuwa ukinikatisha. Nashukuru kwa barua yako, nitaitunza kama ambavyo natunza moyo wangu"

Swala la barua likamshtua kidogo Sabrina kwani alishasahau kama kuna barua alimuandikia Jeff, akajifikiria tena kuwa alikuwa na akili gani wakati anaandika barua ile kwani baadhi ya maneno yalimjia na kujiona kamavile ni mpumbavu.

Ujumbe mwingine ukaingia,

"Najua Sam anakupenda ila kamwe hawezi kufikia upendo ule ninaokupenda mimi. Sabrina nakupenda sana, mwambie Sam nipo huku nasoma ila najipanga pia ili nije kuishi na wewe"

Sabrina akamshangaa Jeff na kujiuliza,

"Hivi huyu mtoto ana kichaa au? Ila mimi mwenyewe je nina kichaa au? Mbona na mimi sijielewi? Kuna wakati nampenda Sam, wakati mwingine najiona kama nampenda Jeff lazima nina matatizo kama sio kurogwa"

Sabrina alijifikiria sana ila hakutaka kuendelea kusoma jumbe za Jeff na kuamua kufunga simu yake.



Sam alimngoja yule dada mpaka pale aliporejea na kukaa kwaajili ya kumueleza.

"Eeh niambie vile unavyomfahamu mke wangu"

"Sabrina ni rafiki yangu, nimesoma nae. Ingawa urafiki wetu uliishia kwenye salamu tu kwani Sabrina alikuwa na kitu ambacho kilimfanya atufiche na kuogopa kuwa na marafiki kabisa. Ila namfahamu pia kwa namna nyingine"

"Namna gani hiyo, napenda nijue"

"Ila kitu kingine ni kuwa, mi sijakufahamu wewe kupitia huyo mkeo ila kuna mdada mwingine aliyefanya nikufahamu"

"Nani huyo?"

Sam alikuwa makini sana katika kumsikiliza kwani alihitaji kujua sana kitu ambacho huyu dada anakifahamu.

"Nimekufahamu kupitia dada mmoja anaitwa Neema, ila alikataa kunipa namba yako ndiomana nikakuomba wewe mwenyewe moja kwa moja, nina mengi sana ninayoyafahamu "

"Niambie basi hayo mengi unayoyafahamu, mbona unaishia njiani kwenye maelezo?"

"Kwavile tumefahamiana Sam, jua kwamba nitakwambia mambo mengi sana"

"Basi ndio uniambie"

"Usijali Sam nitakwambia tu"

Sam akaanza kukerwa na huyu mdada sasa kwani hakuna alichomweleza zaidi ya kusema kuwa anafahamu mambo mengi sana.

Sam alimuangalia kwa hasira sasa na kwavile huyu dada alivyozidi kuzungusha habari, ikabidi ainuke na kumuaga.

"Kwaheri, mi nahitaji kurudi nyumbani kwangu"

"Jamani, ila bado nina mengi ya kuzungumza na wewe"

"Tutazungumza siku nyingine"http://deusdeditmahunda.blogspot.com/

Sam akainuka na kuanza kuondoka, yule mdada akatambua wazi kuwa Sam amenuna.

Akainuka na kwenda kumfata kwa nyuma, kisha akamshika bega na kumwambia,

"Nisamehe kama nimekukosea"

Sam akasimama, akageuka nyuma kisha akamkumbatia yule dada.

Muda kidogo akamuachia na kwenda kupanda gari yake akirudi nyumbani kwake sasa.



Yule dada alishangaa na kujiuliza kuwa kwanini Sam alimkumbatia.

Akaangalia pembeni yake, akamuona mtu na kamera kanakwamba alikuwa akiwapiga picha, alipotaka kumfata yule mtu akaondoka na kumfanya yule dada aishiwe na la kusema, huku akijiuliza kuwa kwanini yule mtu ampige picha na kwanini alipoona kuwa anataka kumfata akaondoka.

Akakosa jibu na kujiona kuwa inawezekana wakawa na misheni moja kwa Sam kisha naye akaondoka zake.



Sabrina alitulia ndani akingoja kurudi kwa Sam, na kikubwa aliwaza hatma yake, hatma ya ndoa yake kwa Sam.

Muda mwingi alijutia kitendo chake cha kumuamini Jeff na kuwa naye karibu kwani aliona kuwa ndio kitu pekee kilichomfanya awe vile, kitu pekee kilichompa Jeff nafasi ya kumbaka na hata kumpatia ile mimba.

Alibaki kujisemea tu,

"Najuta mie jamani"

Sam nae ndio alikuwa anaingia ndani kwa muda huo na kumuuliza Sabrina,

"Unajuta nini?"

Sabrina akamtazama Sam bila ya kujibu chochote, kisha Sam akamuuliza tena,

"Kati yangu mimi na wewe, ni nani anayestahili kujuta?"

Sabrina akatulia kimya na kuinamisha macho yake chini, Sam akaenda na kukaa pembeni yake kisha akamuuliza,

"Umewasiliana na Jeff?"

Sabrina akashtuka kwani ni swali ambalo hakujipanga kuulizwa, akajikuta akizidi kukaa kimya na kujipeleleza kama akubali au akatae.

"Mbona kimya Sabrina! Umewasiliana nae?"

Akatikisa kichwa akiashiria kwamba hajawasiliana nae.

"Basi mie nimewasiliana nae jana, kasema nikusalimie sana"

"Sawa nashukuru"

"Hujamkumbuka kwani? Maana ni siku nyingi zimepita tangu aondoke. Eti Sabrina hujamkumbuka Jeff?"

Sabrina akaona maswali ya Sam kukaa kimitego zaidi, akahisi kuwa kuna kitu anahitaji.

Kwa bahati mtoto alianza kulia chumbani na kumfanya Sabrina ainuke na kwenda kumchukua.



Ilikuwa usiku umeingia tayari, na Sabrina hakutaka tena kurudi sebleni kwani aliyaogopa maswali ya Sam.

Ila Sam naye alienda chumbani kwa lengo la kulala muda kidogo simu ya Sam ikaita.

Mpigaji alikuwa ni yule yule dada wa mchana.

Sam akaipokea ile simu,

"Samahani, naomba namba ya mkeo"

"Una shida nae ipi?"

"Kuna jambo nataka nimwambie"

"Niambie mimi nitamjulisha"

Yule dada akakata simu na kumfanya Sam ashangae kwani hakuelewa hata ni kwanini anamfatilia.

Sabrina akamuangalia Sam na kutamani kumuuliza kuwa alikuwa akiongea na nani ila alishindwa kwani tayari ujasiri ulishaondoka katika moyo wake.

Kwahiyo ikabidi awe kimya tu akisikilizia kama Sam atamwambia chochote, ila Sam hakumwambia kitu zaidi ya kulala tu.



Kulipokucha asubuhi na mapema, kama kawaida Sam aliamka na kujiandaa na kwenda kwenye kazi yake.

Sabrina aliinuka na mawazo yake kichwani, wazo la gafla likamjia nalo ni kutoa mimba.

"Ni kheri nikaitoe hii mimba, mfano Sam akigundua badae kuwa sina mimba tena basi nimwambie kuwa daktari alikosea kwa majibu aliyonipa mwanzo"

Wazo hilo la kutoa mimba likajengeka kwenye akili yake vilivyo sasa.

Akawaza tu pa kwenda kumuacha mwanae kabla hajatimiza lengo lake.

Akaona sehemu pekee ni nyumbani kwao.



Sabrina alifunga safari hadi nyumbani kwao, na alipofika alimkuta wifi yake Joy na kaka yake James.

Akawasalimia na kuwaaga kuwa anarudi muda sio mrefu kisha mtoto akamuacha kwa mama yake na yeye kuondoka, hata mama yake akamshangaa kwa zile harakati zake.



Njiani Sabrina akakutana na Sakina,

"Mbona una haraka hivyo unaelekea wapi?"

"Kuna mahari naenda mara moja, na wewe waenda wapi?"

"Kuna msiba hapo kwa jirani ndio naenda"

"Msiba? Wa nani tena?"

"Kuna binti yake amekufa maskini, nasikia alikuwa anatoa mimba. Sasa sijui wamemtoa vibaya amekufa"

Sakina alikuwa akisikitika tu huku akimueleza Sabrina habari hiyo, muda huo Sabrina nae mapigo ya moyo yakamuenda kwa kasi sana na kuwa kama mtu aliyepigwa na shoti ya umeme kwani Sakina alimuaga pale ila yeye aliendelea kuganda pale pale kwa dakika kadhaa kabla hajajipa maamuzi ya mwisho, akajiuliza

"Niende au nisiende!"

Upande mwingine akajishauri kuwa aende tu kwavile tayari ameshapanga na kuamua kisha akaendelea na safari yake.



Alipofika hospitali, alitulia na kumngoja daktari ambaye anajua wazi ndiye atakayeweza kumsaidia.

Daktari alipofika, moja kwa moja akaenda kwenye chumba chake na kumueleza hali halisi,

"Kwani mimba yako ina miezi mingapi?"

"Mwezi mmoja tu"

"Kam ni mwezi unatakiwa uandae laki moja ya kutolea"

"Pesa sio tatizo daktari, cha msingi ni hii mimba itoke tu basi"

"Basi hakuna tatizo, naomba kanisubiri pale kwenye viti vya wagonjwa. Nipe nusu saa tu nitakuita nikuhudumie"

Sabrina akakubali na kutoka kwenye kile chumba cha daktari na kwenda kumsubiri kwenye viti alipoelekezwa.



Joy na James wakiwa pale nyumbani kwa wakina Sabrina na mama yao, muda kidogo akawasili shangazi wa Sabrina ambapo wote wakafurahia ujio wake kasoro mama wa Sabrina kwani alikuwa kila akimuona anahisi kama kuna kitu atamuharibia.

Lakini alimkaribisha tu kwavile ni ndugu yao hakuwa na uwezo wa kumwambia ondoka.

Na moja kwa moja shangazi wa Sabrina alienda kukaa karibu na mama wa Sabrina ambapo alimkabidhi yule mtoto wa Sabrina amshike,

"Yani haka katoto ni baba yake mtupu ila katabadilika kwavile ni kakike"

James naye akadakia na kumuuliza shangazi yao,

"Na wangu je shangazi?"

Shangazi akamkabidhi mtoto wa Sabrina na kumchukua mtoto wa James kisha akasema,

"Huyu sina mashaka nae, damu moja hii"

Mama wa Sabrina aliamua kuingizia habari zingine kwani alihisi kitakachoendelea pale ni kumuumbua yeye tu.

Muda kidogo akawasili Sam pale nyumbani kwakina Sabrina na kuwasalimia.

"Sabrina yuko wapi mama?"

"Sijui, kamuacha mtoto hapa ila kaniambia kuwa atarudi muda sio mrefu"

"Aaah sawa"

Kengele ya hatari ikagonga kwenye kichwa cha Sam na kujikuta akifikiria kitu tofauti toka kwa Sabrina.

Akachukua simu yake na kumtumia Sabrina ujumbe mfupi wa maneno, akatulia dakika kadhaa kungoja majibu ila hakujibiwa.

Akaamua kumpigia simu ila Sabrina hakupokea na mwisho wa siku simu ya Sabrina haikupatikana tena.



Sam akaona ni vyema awaage pale na kuondoka kwani asingeweza kuvumilia hali ya kwamba anahisi kuwa kuna kitu kibaya kikitokea kwa Sabrina.

Kisha akainuka na kuwaaga pale,

"Nitarudi badae mama"

Sam akaondoka na kuwafanya huku nyuma wamjadili, ambapo mada ya ujadili akaianzisha Joy yani yule wifi wa Sabrina.

"Shangazi umesema mtoto wa Sabrina kafanana na baba yake, mbona hata hafanani nae?"

"Nikuulize kitu?"

"Niulize shangazi"

"Wewe unauhakika gani kama baba yako ndio baba yako mzazi?"

Joy akamshangaa kwa lile swali ambapo James akajibu,

"Mi nina uhakika kwa baba yangu, kwanza ananipenda, kanisomesha, ananijali."

"Kwani hivyo vitu ndio vinakuhakikishia kuwa ni mzazi wako?"

"Ndio"

Shangazi akacheka na kusema,

"Siri ya mtoto aijuwae mama"

James akasema tena,

"Na mama ndiye aliyenijulisha"

Shangazi akamuangalia mama wa Sabrina na kumuulize,

"Kheee hujamwambia mtoto ukweli hadi leo?"

Mama wa Sabrina hakujibu, ila akajishika tumbo na kulalamika kuwa anapatwa na maumivu makali sana.



Sabrina akiwa ametulia pale kwenye viti vya wagonjwa, akaona ujumbe umetoka kwa Sam.

Akaufungua na kuusoma,

"Tafadhari mke wangu Sabrina usiende kuitoa hiyo mimba"

Sabrina akashtuka na kujiuliza kuwa Sam kaambiwa na nani kuwa yeye anataka kwenda kutoa mimba.

Wakati akifikiria, akaona simu ya Sam ikiita.

Akaogopa kupokea kwani alijua wazi atamuuliza alipo halafu itakuwa msala zaidi, kwahiyo akaamua kuizima ile simu kabisa.



Muda kidogo, daktari akamuita Sabrina kwenye chumba na kuweka vifaa vyake tayari kwa kazi.

Sabrina akasimama huku akisikilizia maelekezo toka kwa daktari.

"Haya panda kitandani"

Sabrina alipanda kitandani huku mapigo yake ya moyo yakienda kwa kasi sana.

Kabla dokta hajafanya chochote kwani ndio kwanza alikuwa anavaa karatasi za mikononi akasikia mtu akigonga kwa nguvu mlango wa kile chumba.

Naye dokta akashtuka kwani kile chumba alichompeleka Sabrina huwa ni maalumu kwa kazi hiyo na hakutegemea mtu kuja kumgongea vile kwa usumbufu.

Akaenda kufungua, na moja kwa moja akaingia Sam.



Sabrina alipanda kitandani huku mapigo yake ya

moyo yakienda kwa kasi sana.

Kabla dokta hajafanya chochote kwani ndio kwanza

alikuwa anavaa karatasi za mikononi akasikia mtu

akigonga kwa nguvu mlango wa kile chumba.

Naye dokta akashtuka kwani kile chumba

alichompeleka Sabrina huwa ni maalumu kwa kazi

hiyo na hakutegemea mtu kuja kumgongea vile kwa

usumbufu.

Akaenda kufungua, na moja kwa moja akaingia Sam.

Alienda moja kwa moja kwenye kitanda alicholala Sabrina ambapo Sabrina naye akashtuka kwa kumuona Sam kwani hakumtegemea.

Sam akamuangalia Sabrina kisha akamwambia neno moja tu,

"Endelea"

Halafu Sam akatoka na kuondoka.

Sabrina na dokta wakatazamana kwa uoga, kisha dokta akamuuliza Sabrina,

"Ni nani yako huyo jamaa?"

"Ni mume wangu"

"Anajua kama umekuja kutoa mimba?"

"Hajui"

"Sasa nani kamwambia?"

"Hata mimi mwenyewe sijui"

"Mmh! Hii ni kesi dada, naomba uondoke hapa sasa hivi kabla hayajazuka mengine"

Sabrina aliinuka na kutoka kisha akaondoka pale hospitali.



Wakati anatembea ili akachukue daladala aweze kurudi kwao, akashangaa kuna gari imesimama mbele yake na mlango wa gari kufunguliwa.

Ni Sam alikuwepo ndani, akamuuliza Sabrina,

"Umemaliza?"

Sabrina akatulia kimya tu kwa aibu na kuinamisha macho chini.

"Haya panda kwenye gari twende"

Sabrina alijikuta akisita kupanda kwani hakujua ni kitu gani Sam anamuwazia kwa wakati huo.

Sam naye akamkazania kuwa apande ili amrudishe nyumbani.

Sabrina aliamua kupanda huku moyo wake ukiwa umejawa na mashaka ya kutosha kabisa.



Walienda hadi nyumbani kwa Sabrina kisha kabla ya kushuka Sam akamwambia Sabrina,

"Tunaenda kumchukua mtoto kisha tunarudi nyumbani sawa?"

Sabrina akaitikia kwa kutingisha kichwa.

Wakaingia ndani sasa, na moja kwa moja Sabrina akaenda kumsalimia shangazi yake ambaye ni majina wake.

Wakati Sabrina anamsalimia shangazi yake, huyo shangazi akamnong'oneza sikioni

"Mtoto una majanga wewe hadi unatia aibu"

Sabrina akainuka bila kujibu chochote bali alienda chumbani na kumchukua mtoto wake kisha kuwaaga, ambapo mama yake naye akamuuliza,

"Mbona mapema hivyo?"

Sam alidakia na kujibu,

"Kuna daktari alisema tumpeleke mtoto leo ila Sabrina alisahau ndiomana nikamfata"

Mama yao akawaitikia ila shangazi mtu alitikisa kichwa na kutaka kuongea jambo, ila kabla hajaongea Sabrina alishamvuta mkono Sam ili waondoke kwani alishayaelewa maneno ya shangazi yake siku hizi na akajua wazi atakachozungumza kama sio cha kumuharibia yeye basi kitakuwa chochote kibaya.

Kwahiyo Sam na Sabrina wakatoka nje na kuondoka.



Safari ikawa nyumbani moja kwa moja.

Walipofika walishuka na kuingia ndani, Sam alimuangalia Sabrina na kumuona yupo sawa na wasichana wengine ambao yeye aliwaona kuwa hawana akili ingawa mwanzoni alimuona kama mwanamke wa tofauti kabisa.

Akamwambia,

"Kamlaze mtoto Sabrina"

"Huyu ataamka muda sio mrefu sababu amelala sana"

"Una uhakika gani kama amelala sana? Umekaa nae muda wote leo?"

Sabrina akakaa kimya na kwenda kumlaza mtoto huku akijihoji kama arudi sebleni au la, lakini Sam alimuita na kumfanya arudi sebleni.

"Sabrina naomba leo nikuulize tena hili swali, hivi una akili kweli wewe?"

Sabrina akamuangalia Sam na kutikisa kichwa kama ishara ya kuitikia alichoulizwa.

"Umeona sasa, nakuuliza kwa mdomo unanijibu kwa kichwa. Hivi nikisema huna akili nitakuwa nakosea?"

Sabrina hakuweza kujibu na kukaa kimya, akampa Sam nafasi ya kuongea,

"Hivi nikupe nini wewe mwanamke utambue upendo wangu kwako? Nikupe uhai wangu au nikupe kitu gani Sabrina? Kwanini umekuwa ni mtu wa kutesa moyo wangu kiasi hiki?"

Sabrina aliinamisha kichwa chini kwa aibu,

"Niambie Sabrina, nikupe nini uridhike? Haya sasa mimba ya kwanza ulibakwa na hujui ya nani, ya sasa hivi je?"

Sabrina akatokwa na machozi kwani aibu na uoga vilimshika na kumfanya ashindwe kujibu chochote.

Muda kidogo mtoto alianza kulia ndani na kumfanya Sabrina aende kumchukua na kuanza kumnyonyesha.



Nyumbani kwakina Sabrina nako hali haikuwa nzuri kutokana na maneno ya shangazi yao,

"Kwakweli mimi kukaa kimya siku zote sitaweza, ipo siku nitasema ukweli tu"

Mama wa Sabrina alimuangalia wifi yake kwa jicho la chuki ya wazi wazi kwani yeye hakupenda mwanae aathirike kisaikolojia kabisa.

"Ila wifi yangu kwanini unakuwa hivyo jamani? Hayo mambo si yalishapita tayari ila wewe kutwa kucha kuyafufua sijui una matatizo gani wewe. Najuta hata kumpa mwanangu jina lako"

Muda huo James na mkewe Joy walikuwa wanajiandaa kuondoka, shangazi mtu akaona kachukizwa na kuwaambia,

"Nyie watoto kabla hamjaenda nina mazungumzo nanyi"

"Uzungumze nao nini sasa? Mbona unapenda kukuza mambo jamani? Ndiomana kipindi kile ukasumbuliwa na majini kwa umbea wako"

"Aaah mie mbea wifi? Leo umeamua kunitusi si ndio, sasa subiri nitakuonyesha umbea wangu vizuri ulivyo"

Shangazi akawa amechukia na kuchukua mkoba wake na kuondoka.

James na Joy walipotoka ndani wakashangaa kutokumkuta, James akamuuliza mama yake,

"Shangazi yuko wapi?"

"Achaneni nae yule, huwa ana matatizo kwenye akili yake"

James hakutaka kumuhoji zaidi mama yake kwani alimuona tayari akiwa amevimba kwa hasira.

Kwahiyo wakamuaga na kisha wao kuendelea na safari yao kwa wakati huo.



Sam naye aliingia chumbani na kumuangalia Sabrina akimnyonyesha yule mtoto.

Kisha Sam akawa kama anamchungulia mtoto na kusema,

"Mtoto ni mzuri sana, Mungu amsaidie asifate tabia yako"

Sabrina akamuangalia tu Sam, muda kidogo simu ya Sam ikaanza kuita, kuangalia mpigaji alikuwa ni mama yake.

Sam aliongea na ile simu huku akitabasamu ila kiuhalisia alikuwa akifikicha macho.

Alipomaliza kuongea nayo akamuangalia Sabrina na kumwambia,

"Mama anakusalimia sana"

"Nashukuru"

Simu ya Sabrina nayo ikaanza kuita na aliyekuwa anapiga kwake alikuwa ni mama yake, Sam akamwambia Sabrina aweke sauti kubwa ili naye amsikie.

Sabrina hakusita na kuweka,

"Sabrina, hivi bado unamnyonyesha huyo mtoto?"

"Ndio mama"

"Muachishe ziwa mwanangu, si u mjamzito wewe!"

"Kwani kuna tatizo mama?"

"Ndio ni tatizo, utamuharibu mtoto. Nenda umtafutie maziwa ya kopo ya watoto au ya ng'ombe umpe ila usimnyonyeshe tena"

Kisha wakamaliza maongezi yao, Sam akamuangalia Sabrina na kumwambia,

"Starehe zako na tamaa yako vinakuponza sasa, vinafanya mtoto wako akose haki yake ya msingi. Hivi Sabrina ulijifikiria nini hadi kubeba mimba tena? Tena mimba isiyokuwa ya mumeo? Ulijifikiria nini Sabrina?"

Sabrina hakujibu ila alikazana kumnyonyesha mtoto,

"Hivi alichoongea mama yako hujakisikia au ni nini?"

Sabrina machozi yakamtoka,

"Nisamehe Sam"

"Sio nikusamehe, mtoto huyu kila siku anaharisha kumbe ni sababu ya maziwa yako machafu unayomnyonyesha. Muache nikamnunulie maziwa"

Sam aliinuka na kuondoka.

Sabrina alijifikiria sana, alishindwa kujielewa mambo anayoyafanya.

Alimuangalia mtoto wake, aliangalia tumbo lake kisha machozi yakamtoka.

Ila muda wote alijiuliza,

"Je haya ni mapenzi? Sielewi, huyu Sam simuelewi"

Alijiuliza tu na alikuwa ameshika tama hadi pale Sam aliporudi na maziwa ya kumkorogea mtoto.

Walimpa mtoto maziwa na kulala bila ya kuongezea neno lolote lile.



Kulipokucha, asubuhi na mapema kama kawaida Sam aliinuka na kujiandaa kisha kuondoka.

Sabrina hakuwe9a kuuliza ingawa alijua wazi kuwa ile ni siku ya mapumziko yani mwisho wa wiki ila anaanzaje kumuuliza ikiwa tayari anamajanga.

Sam alipoondoka, ndipo Sabrina nae alipoinuka na mtoto na kuanza kumsafisha.

Alipomaliza kazi zake za hapa na pale, akataka kutoka nje angalau akaone mwanga wa jua.

Ila alipojaribu kufungua mlango wa kutokea nje akaona mlango ni mgumu na kugundua kuwa umefungwa kwa nje.

Akajiuliza kuwa kwanini mlango ufungwe, akaenda dirishani na kufungua dirisha kisha kumuita mlinzi ambapo mlinzi alifika na kumsikiliza,

"Mbona mlango umefungwa kwa nje?"

"Sijui kwanini, ila mzee mwenyewe alisema kuwa umpigie simu na kumuuliza yeye"

Sabrina alitulia kidogo na kurudi kukaa sebleni huku akijiuliza kuwa kwanini Sam amfungie nje? Na kumuuliza alishindwa na kujipa moyo tu ndani kuwa amsubirie arudi.



Dorry baada ya kuona kuwa hakuna chochote alichoulizwa na Sakina, akaamini kuwa Mungu amejibu maombi yake kwa kumfanya Sakina asijue chochote kuhusu ile mimba kuwa haihusiani na mtoto wake.

Muda kidogo Sakina mwenyewe akampigia simu,

"Nimekukumbuka sana Dorry, utakuja lini mwanangu?"

"Nitakuja mama, usijali"

"Vipi na mjukuu wangu tumboni huko anaendeleaje?"

Dorry akacheka kidogo na kujibu,

"Anaendelea vizuri tu"

"Uje jamani, mwenzenu nimewakumbuka huku. Napatwa na majanga peke yangu ila mkija nyie itakuwa kheri"

Dorry akafurahi na kumuahidi Sakina kuwa ataenda kwake hivi karibuni.



Sakina alipomaliza kuongea na Dorry, akampigia simu Sabrina.

Ila alimshangaa Sabrina kuwa mnyonge vile.

"Ila mdogo wangu ubishi utakuponza, mi nilikwambia kuhusu yule mtaalamu umekataa bure tu. Mwenzio toka siku ile mauzauza hayapo tena, watu wabaya sana duniani. Yule mtaalamu anasaidia mdogo wangu"

"Sawa dada nimekuelewa, basi acha nifikirie kwanza"

"Fikiria mdogo wangu na utakapokuwa tayari niambie nikupeleke, yani mwenzio hapa naishi kwa amani na furaha saivi, yale mauzauza hayapo tena"

Walipomaliza mazungumzo yao na kuagana, Sabrina akaikata ile simu na kuwaza kuwa huenda mtaalamu huyo anaweza kumsaidia,

"Hofu yangu ni moja tu, hawa wataalamu hawakawii kunipa masharti ambayo hayana maana yoyote kwangu. Mi nawaogopa jamani ila nitaangalia tu"

Alikuwa akingoja kuona pale atakapofika mwisho kabisa wa mawazo yake basi ndio akubali kwenda kwa huyo mtaalamu.



Mama wa Sabrina akiwa ametulia nyumbani kwake, muda kidogo akajiwa na ugeni na kumfanya ashangae.

"Kheee James!!"

"Ndio ni mimi, au unadhani umeona mzimu? Maana siku ya mahari ulizimia"

Mama wa Sabrina alikaa kimya na kumkaribisha.

"Karibu sana"

"Asante nimeshakaribia"

Moja kwa moja James akaingia ndani na kukaa, kisha akamwambia mama wa Sabrina,

"Joy, nimekuja kwako leo. Naomba uniambie ukweli wa mambo yote"

"Unamaanisha nini? Mbona sikuelewi?"

"Hunielewi nini? Niambie ukweli kuhusu mtoto wangu Joy, mi sielewi yani sielewi kabisa ila nimeambiwa kuwa kuna mtoto wangu na ukweli wote unaujua ila ulinificha, tafadhari nakuomba Joy niambie ukweli"

"Hivi ni nani amekwambia hayo maneno James jamani? Nani huyo aliyekuletea hayo maneno ya uongo jamani?"

"Joy, mtu aliyeniambia ni wa kuaminika kabisa. Tafadhari niambie wewe mwenyewe ukweli kabla sijagundua kwa namna nyingine"

Joy akafikiria na kuona wazi kuwa kuna uwezekano wifi yake Sabrina atakuwa ameyapeleka yale maneno kwa James.

Hata hakujua ni kitu gani amwambie huyu James ili aweze kumuelewa ikiwa tu ameshaambiwa kila kitu.

James akamshtua tena kwa kumwambia,

" Nangoja ukweli Joy tafadhari niambie"

Muda kidogo akasikia mlio wa gari, kuangalia alikuwa ni mumewe amekuja yani baba yao na wakina Sabrina.



Sam alikuwa maeneo ya baa na mmoja wa rafiki zake, ambapo alimshangaa Sam kwa ule muonekano wake wa siku hiyo,

"Hivi Sam mbona leo upo hivyo? Unaonekana kuwa na mawazo"

"Ni kweli nina mawazo, zamani nilikuwa nashangaa sana kusikia mume kaua mke na watoto wake. Kumbe huwa kuna sababu nyuma ya pazia inayompelekea kufanya hivyo"

Rafiki wa Sam aliyashangaa maneno ya Sam na kumuuliza,

"Sijakuelewa Sam, unamaana gani?"

"Maana yangu ni hiyo hiyo unayoifikiria wewe"

"Nieleweshe tafadhari"

"Aaaah tuachane na hizo mada, hapa tunywe halafu kila mmoja akapumzike kwake"

Muda kidogo Sam akaonekana kama akifikiria kitu fulani kisha akainuka na kumuaga rafiki yake kuwa anarudi nyumbani kwake.



Sabrina akiwa amekaa sebleni kwa muda huu bila ya kuwa na habari yoyote zaidi ya kufikiria matatizo yanayomkabili.

Muda kidogo akasikia mlango ukifunguliwa, kisha Sam akaingia ndani.

Akamsogelea Sabrina na kutoa bastora kisha akailengesha kwenye kichwa cha Sabrina na kumfanya Sabrina ashangae sana kuwa Sam amepatwa na nini.

Muda huo huo simu ya Sabrina ikaanza kuita, akamsikia Sam akisema kwa ukari

"Pokea hiyo simu Sabrina na uweke loudspeaker"

Sabrina alipoiangalia ile simu akaona ni namba ya nchi za nje, moja kwa moja akapatwa na hisia kuwa mpigaji atakuwa ni Jeff na kumfanya atetemeke zaidi.



Muda huo huo simu ya Sabrina ikaanza kuita,

akamsikia Sam akisema kwa ukari

"Pokea hiyo simu Sabrina na uweke loudspeaker"

Sabrina alipoiangalia ile simu akaona ni namba ya

nchi za nje, moja kwa moja akapatwa na hisia kuwa

mpigaji atakuwa ni Jeff na kumfanya atetemeke

zaidi.

Sabrina akiwa ametawaliwa na uoga, akashtuliwa tena na sauti kali ya Sam,

"Pokea hiyo simu Sabrina, ole wako ikatike"

Sabrina aliipokea ile simu huku akitetemeka sana na kuiweka sauti kubwa kama alivyoamriwa na Sam.

Moja kwa moja upande wa pili ukaanza kuongea,

"Shikamoo Mamdogo"

Sabrina hakuamini masikio yake kuwa ni Jeff kamsalimia hivyo na kujikuta akijibu kwa kutetemeka,

"Marahaba"

"Kheee mamdogo kimya kabisa tangu nimeondoka, huwa nawasiliana na bamdogo tu. Unaendeleaje lakini?"

"Naendelea vizuri"

"Vipi mdogo wangu Cherry hajambo? Nimekakumbuka sana hako katoto"

"Hajambo"

"Mbona unanijibu kwa mkato hivyo mamdogo? Una matatizo gani au unaumwa?"

"Hapana siumwi"

"Sasa mbona unaongea kwa kupooza kiasi hicho? Utakuwa unaumwa wewe, ngoja nitampigia simu bamdogo nimuulize. Mi nilikuwa nakusalimia tu, wasalimie wote hapo"

"Haya"

Kisha ile simu ikakatika, Sabrina bado hakuamini kama aliyekuwa akiongea nae kwa muda huo alikuwa ni Jeff kweli, bado alikuwa kaduwaa kuwa imekuwaje Jeff akaongea kistaarabu kiasi kile.

Akamuona Sam akishusha ile bastora yake na muda kidogo simu ya Sam nayo iliita, naye aliipokea kwa kuweka sauti kubwa, mpigaji alikuwa ni Jeff yule yule.

"Shikamoo bamdogo"

"Marahaba, hujambo"

"Sijambo, muda mfupi uliopita nimeongea na mamdogo anaonekana kupooza sana sijui anaumwa?"

"Aah usijali, nipo nae hapa"

"Sawa basi mi nilikuwa nawasalimia tu"

Kisha akaagana nae na kukata simu.

Sam akamuangalia Sabrina kisha bila ya kusema chochote akaenda chumbani.



Mama wa Sabrina akamkaribisha mumewe ndani, na kumfanya ashangae ule ujio wa James pale.

Kitu pekee alichokijua Deo kuhusu James ni kuwa baba mzazi wa mkwe wao Joy ila alisahau kabisa kama huyu James ndiye aliyekuwa mwalimu wa kwaya wa mke wake.

Kwahiyo alipomuona hapo hakushangaa sana na kujua kuwa amepita kusalimia ukizingatia wameshaweka kama undugu kwa watoto wao kuoana.

Deo akamsalimia James pale na kumkaribisha bila kujua jambo lililompeleka James pale nyumbani kwake.

Mama wa Sabrina alijifanya kwenda jikoni kumuandalia mumewe na kumfanya James aage na kuondoka zake.



Sabrina hakuamini kama amepona kweli, pia hakujua kwanini Sam alimnyooshea bastora,

"Inamaana leo ndio ingekuwa mwisho wangu, maisha gani haya ya kuishi roho juu juu kiasi hiki?"

Alikuwa pale pale akisikitika.

Muda kidogo Sam alitoka chumbani huku akiwa amembeba yule mtoto wao mdogo Cherry na kufika nae sebleni kisha kukaa nae karibu na Sabrina, na kuanza kusema,

"Nampenda sana huyu mtoto, siku zote mshukuru huyu mtoto Sabrina kwani huyu mtoto ndiye aliyeokoa maisha yako. Ulipata mimba kwa kubakwa ndio, hilo sijakataa wala kupinga. Ila swali linaloisumbua akili yangu kwasasa ni kuwa hiyo mimba nyingine uliyonayo ni ya nani? Najua hapo hukubakwa na baba wa mtoto unamjua vilivyo, nataka kujua ni nani huyo?"

Kisha akainua kichwa chake na kumtazama Sabrina ambaye aliinamisha kichwa chini tu, na kumfanya Sam aendelee kuongea,

"Najua hili swali huwa ni gumu sana kwako, tafadhari Sabrina. Nahitaji kujua mwenye hiyo mimba, nakupa siku mbili uniambie muhusika wa hiyo mimba"

Sabrina alikuwa akitetemeka kwa aibu tu wakati akiambiwa maneno hayo na mumewe.

Walitulia pale mpaka muda wa kulala ulipofika na kulala.



Kulipokucha kama kawaida, Sam aliondoka na kwenda kazini ila Sabrina alifungiwa ndani kama alivyofanyiwa jana yake.

Njiani Sam alikuwa akiwaza tu, kwani mwanzoni alikuwa na hisia za uhakika kabisa kama muhusika ni Jeff lakini jana ile simu ya Jeff ilimshangaza kwani aliamini kuwa lazima wangeongelea mambo ya kimapenzi ambayo yangempa hasira zaidi Sam na kumfanya atende kile alichokitarajia.

Lakini kilichomshangaza ni yale mazungumzo yao yaliyoonyesha kuwa Jeff hana hatia hata kidogo kwani alikuwa akimuheshimu sana Sabrina.

Sam hakupata jibu na kumfanya ajipe matumaini ya kuendelea kuchunguza huku akijilaumu kwa kile kitendo chake cha kumnyooshea bastora Sabrina.

"Nampenda sana, ningewezaje kumuua? Sabrina ana sura ya upole, siku zote anaonekana kuwa hana hatia ingawa anafanya makosa, nawezaje kummaliza Sabrina? Nawezaje kummaliza mtoto mdogo malaika wa Mungu asiye na hatia Cherry? Ooh Mungu nisaidie nisije rudia tena kile kitendo na kujiku......."

Akashtuka gafla na kufunga breki mbele ya mtu yani ilikuwa bado kidogo tu amgonge, alishuka upesi kwenda kumuomba msamaha ambapo alimkuta kajawa na hasira na uoga wa kugongwa.

Kumuangalia vizuri alikuwa ni yule yule Neema, wakati huo Neema nae alishangaa kumuona kuwa ni Sam.

"Kumbe ni wewe Sam ulitaka kuniua tena?"

"Tafadhari nisamehe Neema, yani hata sijui nina matatizo gani"

Ikabidi watoke pale na kuingia kwenye gari ya Sam na kuacha watu walioanza kukusanyika katika eneo lile.



Sam hakwenda moja kwa moja ofisini bali alipita kwenye baa ya karibu ili kupata supu na Neema.

Walifika na kukaa na kuagiza,

"Nisamehe bure Neema, kwakweli hata sijui kuna nini kati yetu maana si jambo la kawaida hili"

"Na kweli si jambo la kawaida maana ni mara ya pili hii unataka kunigonga. Mi nahisi kuwa kuna kitu kipo kati yetu"

"Inawezekana, ila nisamehe sana"

Wakanywa supu pale, kisha wakainuka ili Sam ampeleke Neema alipokuwa anaelekea na yeye kwenda ofisini kwake.



Sabrina nyumbani bado alikuwa na mawazo ya kutosha kabisa, na kikubwa alijiuliza kuhusu Jeff hakuamini kabisa kama Jeff ndiye aliyeongea nae jana.

Moja kwa moja akachukua simu yake na kuingia kwenye mtandao wa facebook kuangalia kuwa Jeff atatoa hoja gani.

Na alipoingia tu akashtuliwa na ujumbe toka kwa Jeff ambaye humo alijiita Prince J.

"Hellow, jana usiku nimeota. Huwezi amini mamy ila nimekuota kuwa tupo pamoja tukifurahia mapenzi yetu"

Sabrina akaamua kumuuliza Jeff,

"Hivi ni wewe kweli uliyenipigia simu jana mchana?"

"Wow, upo hewani mamy. Ni mimi ndio kwani kuna tatizo gani?"

"Nimekushangaa, mbona jana umeongea kwa ustaarabu sana?"

"Nilikumiss sana, muda kidogo kuna roho ikaniambia nikupigie simu. Ulipopokea nikahisi kama kuma mtu anasikiliza maongezi yetu ndiomana nikaongea vile. Kiukweli mimi nakupenda sana, na kuna kitu muhimu sana kati yetu ingawa wewe hutaki kukubali wala kuamini hilo"

Sabrina alisoma meseji hii mara mbili mbili na kuhisi kuwa huenda kuna kitu kweli kati yake yeye na Jeff, kisha akamuaga ila kabla hajafunga ukaingia ujumbe wa mwisho kutoka kwa Prince J naye akimuaga pia,

"Nakupenda sana, milele nitaendelea kukupenda haijalishi kitu mimi nitakupenda siku zote"

Sabrina alifunga simu yake na kujifikiria, hii ndio aina ya upendo alioutaka yeye kwani siku zote upendo wa Sam juu yake hakuuelewa kabisa kwahiyo alihitaji huu upendo anaouhisi upo kwa Jeff tu.



Sakina sasa akaamua kufunga safari na kwenda tena kwa yule mtaalamu wake ili kujua mambo yake yameishia wapi.

Alimkuta na kuanza kumuulizia,

"Nimekuja kukushukuru mtaalamu na pia unisaidie mkwe wangu arudi nyumbani"

"Usijali, mkweo lazima arudi hata usiwe na wasiwasi. Tena atarudi siku sio nyingi"

"Sawa nashukuru baba, vipi kuhusu swala la yule mdogo wangu?"

"Yule mdogo wako namsaidia sana, mwambie aje nimtengeneze. Namuhurumia sana, amezungukwa na watu wabaya, jitahidi uje nae nimsaidie kwa karibu zaidi."

"Sawa nitakuja nae hakuna tatizo hata usijali"

Yule mtaalamu akampatia Sakina dawa zingine za kuweka ndani ya nyumba yake ili azidi kuwa salama.

Kisha Sakina akaondoka zake.



Sakina akiwa njiani akashangaa gari ikisimama mbele yake na dereva kushuka, alikuwa ni Sam na kumfanya asimame na kuanza kusalimiana nae.

"Panda kwenye gari nikupeleke shemeji"

Sakina hakusita na kupanda kwenye gari ya Sam kisha safari ya kwenda nyumbani kwake.

"Hivi umeongea na Jeff shemeji? Anakusalimia sana"

"Ni jana tu hapo katoka kunipigia simu, huwa nafurahi sana shemeji"

"Vipi umemfatilia na mkwe wako Dorry?"

"Ndio niliongea nae akasema atakuja"

"Usijari, mi nitamfata na kumleta. Unatakiwa kumpenda sana yule binti, mtu kaamua kubeba mimba ya kijana wako bila tatizo unatakiwa kumpenda sana"

"Hata hivyo nampenda sana, yani hapa natamani huyo mjukuu wangu azaliwe leo kesho jamani. Natamani sana kubeba damu ya mwanangu kwenye mikono yangu"

Wakaongea mengi hadi walipofika nyumbani kwa Sakina ambapo Sakina alishuka na kumuaga Sam.

Wakati Sam anaondoka aliamua kumpigia simu Dorry na kumsihi kuwa arudi kwavile mambo yote yapo sawa.

"Huku hakuna tatizo Dorry, jitahidi tu urudi ili mtoto wako alelewe huku"

"Sawa nimekuelewa"

Kisha akakata ile simu.



Dorry alizidi kumshangaa Sam kwani ukweli wote aliujua ila bado alimsisitiza kuwa arudi kwakina Jeff ili mtoto wake akalelewe kule,

"Lazima Sam atakuwa na mipango binafsi tu, maana sio kitu rahisi eti yeye afurahie tu kuona mtu analea mimba isiyo muhusu"

Alifikiria sana lakini aliona ni jambo jema katika kumsaidia yeye malezi ya mimba na mtoto.



Deo akiwa ametulia pale nyumbani kwake na kumuuliza mke wake kuhusu watoto wao.

"Vipi huyu Sabrina hajui kama nimekuja nini? Maana naona leo siku inapita bila ya yeye kuja kuniona. Maana katika wanangu wote huyu ndio kiboko yao kwa kunipenda"

"Nilimpigia simu jana ila hakupokea, nimemtumia na ujumbe lakini hajajibu natumaini atakuja tu hata usiwe na wasiwasi"

"Wasiwasi lazima, nimewakumbuka wanangu. Wajukuu na kila kitu"

Kisha akafikiria kidogo na kuuliza,

"Na yule mkwe wetu jana alifata nini?"

"Alipita kusalimia tu"

"Mbona akaondoka aliponiona?"

Mama wa Sabrina aliamua kubadilisha mada, kwani alijua kitakachoendelea hakitakuwa sawa kabisa.



Sabrina alitulia akingoja muda ufike na Sam arejee,

"Sijui leo kutakuwa na tukio gani jipya"

Akatazama tumbo lake na kusema,

"Eeh mimba wee, siku nitakapokuzaa nitapumua kwakweli maana sina raha kabisa. Najutia yote niliyoyatenda nyuma"

Sam nae akawa amewasili na kumkuta Sabrina akiongea peke yake pale.

Alimuuliza swali moja tu,

"Umekula?"

"Ndio nimekula"

"Basi vizuri"

Kisha Sam akaenda zake chumbani na kulala.



Sabrina alibakia pale pale sebleni peke yake kwani muda huo hata mtoto wao naye alikuwa ameshalala.

Sabrina akajikuta akipitiwa na usingizi pale kwenye kochi.

Wakati amelala, akajiwa na njozi.

Akajiona anaolewa tena, kumuangalia mwanaume anayemuoa alikuwa ni Jeff tena sura yake ikiwa imejawa na furaha sana.

Sabrina nae alikuwa amejawa na furaha, Jeff akamsogelea na kumwambia.

"Siamini kama leo nakuoa mwanamke wa maisha yangu"

Sabrina akatabasamu, Jeff akamsogelea ili ambusu Sabrina mdomoni mara akatokea Sam karibu yao.

Hapo hapo Sabrina akashtuka na kujiona kuwa bado yupo sebleni.



Sam akiwa amelala, akashtuliwa na mlio wa simu yao.

Kuangalia mpigaji kwa usiku ule alikuwa ni Neema.

Sam hakutaka kupokea ile simu na kuicha iendelee kuita tu.

Alitazama mule chumbani bila kumuona Sabrina, aliamua ainuke ili aende sebleni kumfata.



Sabrina pale sebleni baada ya ile ndoto, akajikuta akikaa na kuchukua simu yake moja kwa moja na kuingia kwenye mtandao wa kijamii ili kumwambia Jeff kuhusu alichoota.

Alipoingia tu akakutana na ujumbe toka kwa Prince J ukionyesha umetumwa muda sio mrefu,

"Yani huwezi amini mamy, nimetoka kukuota muda sio mrefu eti tunaoana"

Sabrina akashangaa kuwa inakuwaje ameota ndoto moja na Jeff.

Kabla hajajibu chochote, akashangaa kumuona Sam mbele yake

"Nipe hiyo simu Sabrina, tena usibonyeze chochote"

Sabrina aliona sasa mwisho wa ujanja wake umefika.





Sabrina akashangaa kuwa inakuwaje ameota ndoto

moja na Jeff.

Kabla hajajibu chochote, akashangaa kumuona Sam

mbele yake

"Nipe hiyo simu Sabrina, tena usibonyeze chochote"

Sabrina aliona sasa mwisho wa ujanja wake

umefika.

Mwili wote ulimuisha nguvu Sabrina ukizingatia pale alikuwa akiwasiliana na Jeff kwa njia ya meseji, na ubaya zaidi yalikuwa ni maneno ya kimapenzi.

Kilichomuumiza kichwa zaidi ni ile picha ambayo alitumiwa na Jeff wakiwa wote kitandani kuwa Sam akiiona je itakuwaje.

Sabrina akataka kumpa simu Sam ili liwalo na liwe, ila nafsi yake nyingine ikamshauri kitu na kumwambia kuwa asikubali kushindwa kirahisi namna ile.

Alichokifanya Sabrina ni kuibamiza chini ile simu kisha na yeye kuanguka.

Sam alimuangalia Sabrina na kutikisa kichwa, akataka kumfata pale chini ila akasita na kuamua kumuacha pale pale na kurudi chumbani.



Sam alikaa chumbani na kusikitika sana, kama kawaida yake akaanza kumuweka Sabrina kwenye kundi la wanawake wasiokuwa na akili.

Aliona wazi kuwa alikosea sana kumuoa Sabrina,

"Ni kheri nisingemuoa tu, mambo gani haya ya kuishi na mwanamke asiyekuwa na akili? Mwanamke gani huyu wa kubwaga simu na kujifanyisha kuzimia ili nisimseme kwa makosa yake? Ni wazi alikuwa akiwasiliana na mwanaume, sijui cha kufanya kwa huyu kiumbe kwakweli"

Sam aliwaza sana na kujilaza pembezoni mwa kitanda kwani akili yake ilishavurugika kwa wakati huo.



Kulipokucha kama kawaida, aliinuka na kwenda kuoga bila ya kujali kuhusu Sabrina.

Alimaliza na kuvaa, ila alipoangalia kitandani akagundua kuwa Sabrina bado yupo sebleni, akatikisa kichwa chake na kumfanya azidi kumpunguza akili Sabrina.

Alipomaliza kuvaa akamuona mtoto wao kitandani akiwa ameamka huku akicheza cheza, akaamua kutoka mule chumbani ili akamshtue Sabrina kuwa mtoto alishaamka tayari.

Ila kufika sebleni akashangaa kumuona Sabrina akiwa pale pale chini, akatikisa kichwa,

"Hivi huyu mwanamke ana akili kweli?"

Akamsogelea na kumpiga teke kumuonyesha kwamba hataki ujinga kwa wakati huo.

Ila ile teke lilifanya kama kumsogeza Sabrina kidogo.

Sam akashangaa na kushtuka baada ya kuona damu pale ambapo kililala kichwa cha Sabrina na kumfanya ainame haraka kumchunguza.

Ni kweli kwenye sura ya Sabrina kulijaa damu na ilionekana ikimtoka mdomoni.

Sam hofu ikamjaa na huruma pia, aliamua kumbeba Sabrina juu juu na kutoka naye nje hadi kwenye gari yake huku akimuamuru mlinzi wao afungue geti kwa haraka.

Geti lilifunguliwa kwa haraka sana, kisha Sam akaondoa gari kwa kasi na kusahau kuwa kuna mtoto wamemuacha ndani ya nyumba yao.



Safari ilikuwa moja kwa moja hadi hospitali ambapo Sabrina alikuja kuchukuliwa upesi kama mgonjwa mahututi na kupelekwa moja kwa moja kwenye chumba cha daktari kwa matibabu.

Sam alitulia nje akingoja majibu huku akijikuta kuongea peke yake, daktari alimuita ili kumuhoji kidogo kuhusu kilichompata mkewe.

"Kwani imekuwaje Mr. Sam?"

"Kwakweli daktari sielewi, sijui kama alianguka au ilikuwaje"

"Wewe niambie tu unavyo elewa wewe"

"Ninachokumbuka ni kuwa, mimi nilienda kulala na kumuacha mke wangu sebleni. Nilipoamka asubuhi sikumuona chumbani na kuamua kwenda kumuangalia sebleni. Ndio hivyo nikamkuta yupo chini na damu zimetapakaa"

Daktari akasikitika kwa kutingisha kichwa kisha akamwambia Sam,

"Pole sana Bwana Sam"

Sam akashtuka na kuuliza kwa tahamaki,

"Vipi tena, mke wangu amekufa?"

Daktari alimuona Sam akinyong'onyea kabisa na gafla akaanguka na kupoteza fahamu.

Daktari akawa na kazi mbili sasa ya kumshughulikia Sabrina na kumshughulikia Sam.



Sakina akiwa nyumbani kwake, alijikuta akitaka kwenda nyumbani kwa Sabrina ili kumshauri zaidi kuhusu swala la kwenda kwa mtaalamu.

Akajaribu kuipiga simu yake ila haikupatikana,

"Atakuwa kwake tu, naenda hivyo hivyo"

Sakina akajiandaa na kuanza safari ya kwenda nyumbani kwa Sabrina.



Sakina alifika na kumkuta yule mlinzi akiwa getini kama kawaida,

"Sabrina yupo ndani?"

"Sijui, inawezekana yupo"

"Yani hujui kama yupo au hayupo? Kheee mnaishije humu?"

"Tunaishi kawaida tu, ila mzee asubuhi aliondoka kwa kasi sana, nadhani alikuwa akiwahi ofisini. Mama atakuwepo tu ndani"

Sakina akaingia na kuanza kuifata nyumba ilipo, kadri alivyozidi kusogea akasikia sauti ya mtoto inayoonekana alilia sana na inaelekea kukauka.

Sakina akashangaa kuwa iweje Sabrina amuache mtoto alie kiasi kile.

Alipofika mlangoni akagonga ila mlango haukufunguliwa na kujaribu kuita ila hakuitikiwa.

Akajaribu kufungua mlango na kuona ukifunguka hata kushangaa kuwa kumbe mlango ulikuwa wazi.

Alitembea hadi sebleni na kuona zile damu pale chini, akashtuka na kushangaa.

Aliposikilizia sauti ya mtoto akagundua kuwa ile sauti inatokea chumbani.

Akasogea na kugonga kisha kuita ila hakuitikiwa na kumfanya ajipe ujasiri wa kufungua mlango na kuingia.

Alimuona mtoto kitandani akionekana kulia sana hadi kuanza kukaukiwa na sauti.

Alimchukua na kumbeba mgongoni ila bado hakuelewa kilichotokea, aliamua kutoka na mtoto tu ili kwenda nae nyumbani kwake.



Wakati anatoka getini, mlinzi hata hakuwa na habari yoyote ila Sakina nae alitoka bila hata ya kumuaga wala kumuuliza chochote na kuondoka zake.

Alifika kwake na kumtafutia maziwa kwanza mtoto yule kisha kumnyeshwa ambapo alikunywa na kulala kisha Sakina akaanza kumkorogea uji.

Alijikuta akijiuliza maswali bila ya majibu,

"Kweli utajiri hauna maana, mlinzi kama yule anafaida gani ndani? Mlinzi asiyejua kama bosi wake yupo au hayupo? Na huyu Sabrina kapatwa na nini? Simu yake haipatikani wala mumewe hapokei simu. Hawa watu wanajielewa kweli? Unamuachaje mtoto mdogo kama huyu ndani peke yake?"

Alisikitika sana huku akiendelea kukoroga ule uji ili akishtuka ampe kisha aende kwa mama wa Sabrina kumuhabarisha.



Mama wa Sabrina na mumewe wakiwa nyumbani bila wasiwasi wowote wala taarifa yoyote.

Alishangaa kupigiwa simu na kuambiwa kuhusu hali ya mtoto wao na mkwe wao.

Ile simu iliwafanya waondoke pale nyumbani kwa haraka kuelekea hospitali.



Walifika hospitali na kukuta Sam ameshazinduka kwa muda huo kwa huduma aliyopewa, ila hawakutaka kumsumbua kwanza kwa kumuuliza maswali kwahiyo wakaacha apumzike kidogo.

Wakamuuliza daktari kuhusu mtoto,

"Mmh hawajaja na mtoto hapa"

Wakajiuliza kwa haraka haraka kuwa mtoto atakuwa wapi na jibu lao likawaelekeza kuwa lazima ameachwa nyumbani,

"Maskini mjukuu wangu ameachwa peke yake"

Ikabidi wajihimu ili kwenda kumuangalia mtoto.



Walifika kwa nyumbani kwa Sam, kama kawaida mlinzi aliwafungulia mlango na moja kwa moja wakaingia ndani tena bila ya kumuuliza chochote kile.

Ila ndani hawakukuta mtoto na kufanya watoke na kwenda kumuuliza mlinzi,

"Eti mtoto yuko wapi?"

"Mtoto! Si yupo na mama yake"

"Hivi akili yako ni nzima kweli? Unajua mama yake alipo"

"Si yupo ndani"

Ikabidi wamueleweshe kuwa yupo hospitali ila mlinzi alikuwa akishangaa tu,

"Sio unashangaa, mtoto yuko wapi?"

"Nimekumbuka, atakuwa ameondoka na yule dada wa mama mwenye nyumba"

"Dada wa mama mwenye nyumba? Yupi huyo, kwani kulikuwa na msichana wa kazi humu?"

"Hapana, ila aliyekuja kumchukua ni yule dada kabisa wa mama"

"Kivipi mbona hueleweki?"

"Namaanisha dada wa Sabrina, yule dada yake kabisa"

"Sabrina ana dada? Dada yupi? Tuna mtoto mmoja tu wa kike huyo dada ni dada yupi? Anaitwa nani?"

"Jina lake limenitoka ila linafanana na jina la mama humu"

Wakafikiria kwa haraka haraka na kuhisi kuwa huyo mtu lazima atakuwa Sakina tu kisha wakaondoka mahali pale.



Sakina alipompa yule mtoto uji, alijikuta akimuangalia sana hata hisia zake zikampeleka mbali.

Akakumbuka kipindi Jeff alivyokuwa mdogo, alivyokuwa akimlisha, anavyofanya. Alijikuta akiguna tu,

"Mmh ila huyu mtoto kafanana na mwanangu jamani, yani kila kitu kama mwanangu Jeff kasoro tu huyu ni wa kike ila kafanana sana na mwanangu"

Alikuwa akimuangalia sana na kuona kamavile amembeba Jeff mdogo,

"Sijui Dorry akijifungua mtoto atafanana na mwanangu kama hivi! Mmh duniani wawili wawili ila kwanini mtoto wa Sabrina ndio afanane kiasi hiki na mwanangu Jeff?"

Alijiuliza sana ila mwisho wa siku aliamua kukubaliana tu na hali halisi kuwa mtoto yule ni wa Sam na Sabrina.

Wakati akifikiria hayo, walifika wazazi wa Sabrina na kumkuta Sakina akimpa uji yule mtoto.

Wakashukuru sana pale na kuamua kumuaga Sakina kwani waliamini kuwa sasa mtoto yupo kwenye mikono salama.

"Yani nilijaribu kuwapigia lakini simu iliita tu bila ya kupokelewa"

"Kuchanganyikiwa mwanangu yani simu tumeacha nyumbani"

Basi Sakina akawaaga pale ili waweze kuwahi kumuona Sabrina.

Wakati wanatoka, wakapishana na Dorry ambaye alikuwa anaingia nyumbani kwa Sakina, akawasalimia pale kisha na wao kuondoka.



Dorry alitulia kidogo na kumsalimia Sakina ambapo alifurahi sana kumuona.

Ila alimshangaa yule mtoto,

"Mtoto wa nani huyo mama?"

"Mtoto wa mdogo wangu huyu, mzuri eeh!"

"Ndio ni mzuri, kafanana na Jeff huyo balaa"

Sakina akamuangalia yule mtoto tena na kutabasamu.

"Ni kweli kafanana na Jeff hata mi nimeliona hilo mwanangu."

"Kwani Jeff kafanana na nani kwenye ukoo wenu? Maana damu yake itakuwa kali sana kumfananisha ndugu yake namna hii"

Sakina akaguna kidogo na kusema,

"Natumaini hata huyo mjukuu wangu atafanana nae kwa vizuri sana maana damu ya mwanangu ni kali kwakweli"

Dorry akaitikia kwa kutikisa kichwa na kumfanya Sakina amuangalie kwa jicho la wasiwasi kidogo kisha kuendelea na mambo mengine.



Hali ya Sabrina haikuwa nzuri sana, na wote walikuwa wakingoja majibu ya daktari kuhusu hali yake.

Daktari hakuwaambia moja kwa moja na kufanya wazidi kusubiri.

Kwavile Sam alikuwa tayari anajitambua, wazazi wa Sabrina waliamua kutumia nafasi hiyo kumuuliza kilichotokea ila aliwajibu kama ambavyo alimjibu daktari alipoulizwa kuhusu swala hilo.

"Sasa sijui tatizo ni nini hapo. Haya mambo ni makubwa sana"

Wakapeana moyo na kuendelea kusikilizia hali ya Sabrina.



Sakina akiwa pale nyumbani na Dorry muda kidogo akapigiwa simu na mtoto wake na kumfanya afurahi sana,

"Tena leo nipo na Dorry hapa"

"Aah sawa ila hana umuhimu kwangu"

"Hana umuhimu kivipi wakati ana mzigo wako!"

"Mzigo wangu? Mzigo gani?"

Sakina akapewa ishara na Dorry kuwa asiseme chochote, alibadilisha mada ila hakuelewa kwanini amemzuia kusema,

"Mbona umekaa kimya mama? Achana na Dorry huyo hanihusu. Ila naomba nikuulize, mbona mamdogo Sabrina hapatikani?"

Sakina aliamua kumueleza Jeff hali halisi ilivyo na kuhusu mtoto wa Sabrina kuwa yupo nae pale.

"Maskini mamdogo jamani, ndiomana jana moyo uliniuma sana. Tafadhari mama kaa vizuri na huyo mtoto Cherry"

"Usijali mwanangu"

Kisha simu ikakatika, Sakina aliamua kumuuliza Dorry kuwa kwanini hataki Jeff aambiwe ukweli kuwa ana mimba yake,

"Mama, nataka kumfanyia Jeff surprise. Nataka siku akirudi twende uwanja wa ndege na mwanae kumpokea"

Sakina akatabasamu na kuona kuwa Dorry yupo sahihi.



Shangazi wa Sabrina naye aliitumia siku hii kwa kumuita James ambaye ni kaka wa Sabrina kwa lengo la kumkomesha wifi yake.

"James, unaniamini mimi?"

"Ndio nakuamini shangazi"

"Basi kwa ufupi tu, mimi ni shangazi yako jina yani sio kwa damu. Na yule baba yako nae ndio hivyo hivyo"

"Sikuelewi shangazi! Unamaana gani?"

"Deo sio baba yako mzazi"

James alijikuta akishtuka sana na kujishika kifuani na muda huo huo akaanguka chini.



Wazazi wa Sabrina wakiwa pale hospitali, daktari aliwaita pamoja na Sam ili kuwaambia hali ya Sabrina ilivyo.

"Jamani, nina habari mbaya kidogo ya kuhusu Sabrina"

Wote wakashtuka kusikia habari mbaya.



Wazazi wa Sabrina wakiwa pale hospitali, daktari

aliwaita pamoja na Sam ili kuwaambia hali ya

Sabrina ilivyo.

"Jamani, nina habari mbaya kidogo ya kuhusu

Sabrina"

Wote wakashtuka kusikia habari mbaya.

Mama wa Sabrina akamkazia daktari macho kamavile anamtishia kama akitoa habari mbaya.

Daktari akapumua kidogo na kumuangalia mama wa Sabrina kisha akasema,

"Sio mbaya sana jamani ndiomana nimesema kidogo. Msiniangalie kwa macho makali kiasi hicho"

"Basi tuambie daktari"

"Kwasasa Sabrina ameamka, ni jambo la kumshukuru Mungu ila tatizo ni kuwa amepoteza kumbukumbu yani kwakifupi hajui chochote kuhusu yeye wala nani"

Wote wakapumua kidogo, kisha Sam akauliza,

"Kwani kwa uchunguzi wako daktari umegundua kuwa tatizo ni nini?"

"Inaonekana alivyoanguka aliumia maeneo ya kichwani ndiomana kumbukumbu zimepotea. Kwahiyo mtakapoingia kumuona mchukulieni kama alivyo na mjitahidi kumuelekeza yale ya msingi ili iwe rahisi kwa yeye kurudisha kumbukumbu zake."

Wakakubaliana pale na daktari kisha akawapeleka kwenda kumuona Sabrina.

Na kweli walimkuta akiwashangaa tu, kwavile na giza nalo liliingia wakaamua wamuache apumzike kwanza.

Wakaongea na daktari na kuona kuwa ni vyema waje kesho kwaajili ya kumuelekeza kuhusu familia yake.

Kwahiyo wakaaga na kuondoka pale hospitali.



Moja kwa moja kabla ya kwenda kokote, sam alihitaji kumuona mtoto wake kuwa anaendeleaje, kwahiyo wote wakaelekea nyumbani kwa Sakina.

Walifika na kumkuta Sakina akiwa amembeba mtoto yule mgongoni.

"Yani katoka kuamka muda sio mrefu utafikiri amenusa kuwa mnakuja. Karibuni sana"

Sam alimchukua mwanae, kisha wakamueleza hali ya Sabrina na kumshukuru kisha kumuaga.

Ila Sakina akamwambia mama wa Sabrina,

"Si mtaondoka kesho asubuhi?"

"Ndio, kesho asubuhi"

"Basi tutaenda wote, na msihangaike chakula cha mtoto mi nitakiandaa"

Wakakubaliana pale kisha kuondoka na kumruhusu Sam kuelekea kwake, na wao kurudi na mtoto nyumbani.



Sam akiwa njiani kwenda kwake, akajiwa na mawazo ya gafla kuwa kwanini Sakina anaonekana kujali sana kuhusu yule mtoto.

"Au anajua kama ni mjukuu wake? Mmmh inawezekana anaujua ukweli yule ila sidhani"

Alijifikiria sana na kujipa maswali sana kuhusu Sakina kujua ukweli kuhusu Sabrina na Jeff.

"Mmh! Nadhani hajui, maana angejua basi lazima angeropoka kwangu"

Alienda na mawazo hivyo hadi nyumbani kwake.

Alipofika tu nyumbani kwake, akamkuta yule mlinzi getini na kumuona mdada aliyemzoea pale pale.

Mdada huyo alikuwa ni Neema.

Sam aliingiza gari yake ndani kisha akashuka na kwenda kumsalimia Neema pamoja na kumkaribisha.

"Karibu sana Neema"

Kisha akaongozana nae hadi ndani kwake.

Neema akashtuka kuona ile damu chini pale na kumuuliza Sam kilichotokea.

Sam akamueleza kama alivyowaeleza wazazi wa Sabrina na daktari, Neema akasikitika sana kisha akachukua maji na dekio na kusafisha pale sebleni.

Muda wote Sam alikuwa akimuangalia tu Neema anavyojishughulisha.

Alipomaliza, Sam akamshukuru na kumwambia,

"Asante Neema"

"Aah usijali, ni lazima nikusaidie. Wewe ni rafiki yangu bwana"

Kisha akamuuliza,

"Hivi umekula kweli?"

Sam akatikisa kichwa kuonyesha kwamba bado hajala.

"Basi ngoja nikaangalie cha kuandaa nipike ule"

"Hapana Neema, usihangaike juu ya hilo. Acha tu tukale kwenye hoteli"

"Hapana, leo utakula nitakachokuandalia mimi"

"Hapana Neema"

Ikabidi Neema asimlazimishe sana na kukubaliana nae kwenda kula hotelini.



Muda kidogo waliondoka pale na kwenda hotelini kula.

Wakati wanakula, Neema akasema tena,

"Ila mi sijapenda kuja kula huku wakati kwako pale una jiko. Ila sio tatizo ipo siku nitakuandalia"

Walipomaliza kula, Sam aliamua kumrudisha kwanza Neema nyumbani kwake kisha yeye kurudi kwake.



Ingawa ilikuwa ni usiku tayari, ila Neema alihitaji sana japo ushauri tu kuhusu Sam.

Na moja kwa moja usiku ule ule akaenda kwa rafiki yake Rose, mtu aliyemuamini kuliko wote.

"Nipe ushauri rafiki yangu tafadhari maana haya mambo yananishinda"

"Kwahiyo wewe unampenda sana huyo mwanaume hadi unatamani uwe mke wa pili!"

"Ndio nampenda sana ila kila ninachofanya imekuwa ni kawaida tu yani haiwi vile ninavyotaka mimi"

"Usijali, nitakupeleka kwa mtaalamu matata huko juu, ila twende kesho alfajiri sawa!"

"Sawa, ila hata yule wa mwanzo alikuwa matata, mbona limefanikiwa lile dili la mwanzo"

"Kwahiyo mkewe kalazwa kweli?"

"Ndio, kwisha khabari yake na kumbukumbu kapoteza"

"Wow, hiyo ni hatua nzuri sasa. Kilichobaki ni rahisi, kumdaka tu huyu mwanaume na huyo mkewe akirudiwa na fahamu anashangaa kuwa tayari upo mke mwenza. Kwani mtaalamu mwanzoni alisema itakuwaje hadi mke alazwe?"

"Mtaalamu alisema kuwa, popote yule mwanamke atakapoanguka hata kama akianguka kidogo basi ndio hapo hapo ugonjwa utampata. Na ndivyo ilivyokuwa kwa huyu mke wa Sam"

Wakafurahi kwa ule ushindi wa awali na kusubiri ushindi wa pili sasa utakaowezesha Sam kuwa upande wao.



Sam alirudi nyumbani na kumfikiria mkewe Sabrina, pia alifikiria kuhusu Neema,

"Huyu ndio mwanamke sasa, anajua kusafisha nyumba na kumjali mwanaume. Ila ndio hivyo nishaoa tayari"

Aliamua kwenda kulala sasa.

Wakati amelala akajiwa na njozi, akamuona Sabrina akiwa sebleni pale, akamuona alivyoanguka.

Mara gafla akaona kitu kama upepo kikimnyanyua Sabrina na kumponda tena pale chini.

Sam akashtuka sana kutoka usingizini huku akitetemeka na kujiuliza kama kuna ukweli wowote kwa kitu alichokiota.

"Mungu wangu, mtoto wa Sabrina tumboni atakuwa mzima kweli? Huo upepo je ni nini? Au mauzauza yangu tu!"

Hakuweza kulala tena, hadi kunakucha.

Asubuhi na mapema alidamka na kuelekea hospitali kumuona Sabrina.



Alipofika aliwakukuta wazazi wa Sabrina wakiwa na Sakina nao wamefika muda sio mrefu.

Aliwasalimia pale kisha wakaongozana wote kwenda kumuona Sabrina ambaye bado hakuwa na fahamu kabisa, kwahiyo wote kwake aliwaona ni wageni.

Walijaribu kukaa nae karibu na kumwambia baadhi ya mambo, wakampa mtoto wake amshike kidogo.

"Mmh! Mimi nina mtoto? Aah mnanitania nyie"

Wakamsikitikia kwani Sabrina hakujielewa kabisa.

Wakamuuliza daktari uwezekano wa kurudi nyumbani na Sabrina,

"Huyu tutamruhusu kesho au keshokutwa, ngoja tuangalie hali yake kwanza"

Basi wakakaa pale na kuondoka huku wakipanga kurudi jioni, ila Sam hakuondoka alikuwa pale pale hospitali kumuangalia Sabrina.



Muda kidogo Sam akapigiwa simu na Neema,

"Vipi Sam umekula?"

"Hapana, bado sijala"

"Basi usijali, leo nimekuandalia chakula kizuri sana. Naomba ufike kwangu tafadhari"

Sam hakutaka kukataa kwani akaona kuwa atamfanya Neema ajihisi vibaya na kuamua kwenda nyumbani kwa Neema.http://deusdeditmahunda.blogspot.com/

Na alipofika tu akaandaliwa chakula na Neema na kuanza kula huku wakibadilishana mawazo.

"Inaonekana unampenda sana mkeo Sam"

"Ni kweli nampenda sana na sitegemei kumpenda mwanamke mwingine yeyote kama ninavyompenda Sabrina"

"Hongera zake maana ni wanaume wachache sana wenye upendo wa namna hiyo"

Sam akatabasamu, kisha akamuaga Neema kuwa anarudi hospitali kumuangalia Sabrina.



Sam alipoondoka tu, Neema akaenda tena kwa rafiki yake Rose.

"Mbona kama dawa haijafanya kazi dada?"

"Kwanini?"

"Sam alikuja, kala kile chakula nilichomuwekea dawa ila cha kushangaza kaniaga na kuniambia kuwa anarudi hospitali kumuangalia mkewe"

"Usijali mdogo wangu, kila kitu taratibu. Hebu tuangalie hadi kesho, kama ikibuma tuwasiliane na yule mtaalamu maana alituahidi wazi kuwa ile dawa inafanya kazi haraka sana"

Wakakubaliana kusubiri hadi kesho yake.



Sam akiwa njiani kuelekea hospitali, gafla akaona moyo wake kuwa mgumu kwenda.

"Aah ngoja nirudi nyumbani tu, hata hivyo sioni umuhimu wa kwenda"

Kwahiyo Sam akageuza gari na kuanza safari ya kurudi nyumbani kwake.



Wazazi wa Sabrina walirudi hospitali jioni ile ila Sam hakwenda.

"Atakuwa amepumzika kidogo tu maana huyu kijana ana moyo sana"

Mama wa Sabrina akajipa matumaini juu ya hilo.

Kisha wakazungumza na daktari ambaye aliwapa uhakika wa Sabrina kuruhusiwa kesho.

Baada ya hapo wote wakarudi nyumbani.



Shangazi wa Sabrina bado alikuwa na James yule kaka wa Sabrina nyumbani kwake, kwani alipoanguka mwanzoni alimpa huduma ya kwanza na kisha kukaa nae pale nyumbani kwake.

"Shangazi, naomba leo niondoke kwani najua hata mke wangu atakuwa na mawazo na mimi"

"Sawa, ila pole kwa huo ukweli niliokupa. Sikukusudia kukuumiza ila nilitaka tu uujue ukweli mwanangu James"

"Nashukuru shangazi na nimeamini kuwa siri ya mtoto anayo mama ingawa hujanitajia kuwa baba yangu mzazi ni nani"

"Hilo kamuulize mama yako, ila kama atashindwa kukutajia basi mi nitakupeleka hadi kwa baba yako mzazi"

Basi James akamuaga tena shangazi yake pale na kuondoka.



Alifika kwa mkewe akiwa na mawazo sana, hata Joy akapatwa na mashaka juu ya hali ya mumewe.

"Hujaonekana siku mbili hapa, si kawaida yako James ndiomana shangazi aliponipigia simu na kusema nisiwe na mashaka upo kwake nikaamini hilo. Leo umerudi ila ukiwa umejawa na mawazo. Nini tatizo mume wangu? Niambie mimi pengine naweza kukusaidia"

"Hapana Joy usijali, kila kitu huenda kwa ngazi. Kwahiyo muda ukifika nitakwambia tu ukweli, ngoja nipate uhakika kwakweli"

"Sasa mimi ndio mwandani wako, usiponiambia mimi utamwambia nani tena? Tafadhari James niambie ukweli mume wangu"

James akafikiria sana na kuona wazi kuwa atakaposema ukweli basi atakosa raha zaidi kwani hakujua mkewe nae angemuongezea kwa maneno yapi, kwahiyo alikazana kumwambia kuwa atamwambia ukweli muda ukifika ingawa Joy naye alijipanga kuendelea kumbembeleza hadi amwambie ukweli wa mambo yanayomfanya awe na mawazo kwa kiasi kile.



Sam akiwa nyumbani kwake, alishangaa kichwa chake kutawaliwa na picha ya Neema. Mawazo yake yote kuwazia uzuri wa Neema,

"Huyu mwanamke mzuri, umbo lake la kuvutia, anajua kujali na sifa zake zote ni nzuri. Kwanini nisiwe na huyu mimi? Kwanini muda huu namuwaza sana?"

Akafikiria kisha akalala.

Kulipokucha asubuhi na mapema, Sam akaenda kuoga na kujiandaa kwenda hospitalini kumuangalia Sabrina.

Mara gafla moyo wake ukasita na kuwa mgumu,

"Kwani nikienda mimi ndio atapona? Hapana, madaktari watamsaidia pale. Ngoja niende kwenye kazi yangu"

Sam akaondoka na kwenda kazini.



Wazazi wa Sabrina walipoenda hospitali walishangaa kwa kutokumuona Sam kabisa ile asubuhi, na walipompigia simu iliita tu bila ya kupokelewa.

"Sijui kapatwa na matatizo? Itabidi tukitoka hapa uende ukamuangalie baba Sabrina"

Walikubaliana juu ya hilo kisha daktari naye akawapa ruhusa ya kurudi na Sabrina nyumbani kwao.

Walirudi nyumbani kisha baba wa Sabrina kwenda kumuangalia Sam nyumbani kwake na ofisini kwake kama atakuwepo.



Muda kidogo, baba wa Sabrina alirudi nyumbani.

"Umempata Sam?"

"Mmh yule kijana nahisi akili yake haipo sawa kwa leo, hebu tumuache kwanza"

"Kwani imekuwaje?"

"Nimempata, nimemkuta kwenye ofisi yake ila majibu aliyonipa mmh tutajadili siku nyingine"

Mama wa Sabrina alibaki kushangaa tu kwani hakuelewa kama Sam anaweza kuwa na majibu mabaya kiasi cha kumuudhi vile mkwe wake.



Sakina naye alienda kwa wakina Sabrina ili kumsalimia Sabrina na kuangalia hali yake.

Kwahiyo yale mazungumzo kuhusu Sam akayasikia kidogo na kusema lazima kutakuwa na kitu maana yeye mawazo yake yalikuwa yakimtuma kwenye ushirikina tu.

Kwahiyo hakukaa sana pale na kuwaaga.

Alipofika kwake napo akajiandaa upesi upesi na kumuaga Dorry kuwa atarudi badae.

Safari yake ilikuwa ni moja kwa moja kwa mtaalamu,

"Leo siendi kule ana watu wengi sana yule. Ngoja niende kwa huyu wa bondeni hadi nijue leo maana siwezi kulala na hili dukuduku"

Wakati anakaribia kufika likamjia wazo kuhusu mtoto wa Sabrina kuwa kwanini kafanana na Jeff.

"Mmh! Au Sabrina alichepuka na kutembea na shemeji zangu! Ngoja nikaulize na hili pia."

Sakina alifika na kuingia moja kwa moja kwa mtaalamu.

Kisha kukaa,

"Eeh eleza shida yako mama"

"Kwanza kabisa, kabla ya yote niangalizie kama huyu mtoto wa Sabrina ni wa mumewe kweli"

Mtaalamu akacheka, kisha akasema,

"Yule mtoto si wa mumewe"

"Mmmh amezaa na nani sasa?"

"Ni damu yako"

Sakina akashtuka na kumuangalia kwa makini yule mtaalamu.



"Eeh eleza shida yako mama"

"Kwanza kabisa, kabla ya yote niangalizie kama

huyu mtoto wa Sabrina ni wa mumewe kweli"

Mtaalamu akacheka, kisha akasema,

"Yule mtoto si wa mumewe"

"Mmmh amezaa na nani sasa?"

"Ni damu yako"

Sakina akashtuka na kumuangalia kwa makini yule

mtaalamu.

Kisha akamuuliza,

"Damu yangu kivipi?"

"Inamaana hujua ninachomaanisha kwa kusema ni damu yako?"

"Sijui ndio"

"Basi huo na uwe mtihani kwako, nenda ukajitafakari utapata jibu kwa ninachomaanisha"

"Inamaana huwezi kuniambia?"

"Ndiomana nimekupa kama mtihani, halafu nenda umchunguze vizuri yule unayehisi ni mkweo"

"Kivipi?"

"Nenda kamchunguze tu"

Sakina akaonekana kuchukizwa na lile jibu la mtaalamu na kumfanya aondoke bila ya kumuaga wala kumuuliza swali jingine.



Akiwa njiani ni njia nzima kumlaani yule mganga tu,

"Miwaganga mingine kama michoko, yani mi nimeenda kwake linipe jibu eti na lenyewe linanipa mtihani ndiomana halina watu. Kesho asubuhi nitawahi kwa yule mtaalamu wangu. Hili choko limenikera sana"

Alichukia sana hadi anaingia nyumbani kwake alikuwa akiongea peke yake huku akimlaani yule mganga.

Alimkuta Dorry ndani akiwa ameandaa kila kitu, na kumkaribisha kwa ukarimu sana, hadi akajikuta akiongea kimoyo moyo.

"Miwaganga mingine bhana, sasa binti mzuri kama huyu nimchunguze kitu gani maana huyu ndiye mkwe wangu."

Alimalizia kwa kuongea kwa sauti,

"Ndiomana yule mganga hana wateja pale"

Ikabidi Dorry amsikilize kwa makini huyu mama mkwe wake na kumuuliza kuwa anazungumzia kitu gani.

"Hamna kitu, ila kuna miwaganga inaishi kwa uongo tu. Mi nilijiuliza kuwa kwanini huyu mganga hana wateja kumbe ni liongo bhana"

"Pole mama, kakudanganya nini tena?"

"Yani wee acha tu mkwe wangu"

"Ila mama, waganga karibia wote ni waongo sio wa kuwaamini kabisa"

Huku akikumbukia alivyochukua yale makaratasi halafu mama mkwe wake kuambiwa na mganga kuwa yale makaratasi yaliondoka kichawi.

"Hujui tu Dorry, wamenisaidia sana hapa mwanangu"

Dorry hakutaka kumpinga zaidi kwa kuhofia kugundulika.

Kwahiyo akamuitikia kuhusu swala lake la kubadilisha mganga kama alivyopanga mwenyewe.



Sam alitoka ofisini na kuanza safari ya kurudi nyumbani kwake ila alipokuwa njiani alijikuta akitamani kumuona Neema.

Hamu ile ilimzidia na kumfanya ageuze gari na kuelekea kwa Neema.

Alipofika alikuta mlango umefungwa, akajaribu kumpigia simu ila haikupokelewa na kujikuta moyo wake ukiumia sana.

Akaamua kukaa na kumsubiri kidogo, ila muda ukaenda bila Neema kurudi na kumfanya Sam aumie zaidi na kuamua kuondoka kuelekea nyumbani kwake.

Alipofika nyumbani kwake alijifikiria sana, alifikiria tatizo lake ni nini.

"Mbona sijisikii kwenda kumuona mke wangu niliyempenda sana? Kwanini niende kumuona mtu asiyenihusu halafu niumie kiasi hiki?"

Sam hakujielewa kabisa, alijiona kuchoka sana na kuamua kwenda kulala.



Kulipokucha kama kawaida akajiandaa na kwenda kazini kwake ila mawazo yake yote yalikuwa kwa Neema tu na akapanga kwenye mida ya saa nne aende tena kumuona Neema maana alikosa raha kabisa kwa kutokumuona jana yake.

Kwahiyo muda aliopanga ulipofika tu akatoka ofisini na kuelekea nyumbani kwa Neema.

Alipofika, aligonga na kufunguliwa na Neema kisha akaingia ndani.

Neema alikuwa akifikicha macho kuonyesha kuwa alikuwa amelala.

"Karibu Sam"

"Khee umelala muda huu Neema?"

"Uchovu tu, kwani saa ngapi saivi?"

"Saa tano hii ndio bado umelala!"

"Sina la kufanya ndiomana nikalala hadi muda huu"

Basi Sam akatulia mule ndani akimuangalia tu Neema.

Muda kidogo alifika rafiki wa Neema ambaye hakujua kama ndani kuna mtu kwani alianzia mlangoni kuongea huku akifungua mlango,

"Kheee Neema sebene la jana ndio ume......"

Akashtuka kumuona mgeni ndani na kumsalimia,

"khabari yako shemeji"

Sam akamuangalia na kuitikia,

"Nzuri tu"

Neema nae akatoka ndani na kuanza kusalimiana na rafiki yake ambaye alikuwa ni Rose kisha akamtambulisha kwa Sam,

"Huyu ni rafiki yangu mkubwa sana, anaitwa Rose"

Kisha akamgeukia Rose na kumwambia,

"Na huyu anaitwa Sam"

Rose akamuangalia Sam kwa jicho la aibu kisha wakasalimiana tena.

Muda kidogo Sam akawaaga na kuondoka.

Neema alipobaki na rafiki yake huyo waanza kujadiliana kuhusu Sam,

"Mmh sijui atanikumbuka?"

"Kwanini?"

"Si unakumbuka mpango wetu wa kipindi kile?"

"Nakumbuka ndio, kwani ulikutana nae kweli?"

"Nilikutana nae ndio"

"Mmh tuipotezee hiyo, jifanye kama sio wewe siku nyingine"

Wakakubaliana kuhusu hilo swala.



Sam akiwa njiani akaikumbuka ile sura ya Rose yule rafiki wa Neema.

Akakumbuka jinsi alivyomwambia kuwa anamfahamu sana yeye na mkewe.

Hapo hapo swala la mkewe pia likamjia kwenye akili yake na kujishangaa kuwa kwanini anakuwa mzito vile, akakumbuka na jinsi alivyomjibu mkwe wake.

"Kwanini akili yangu imekuwa hivi jamani? Inastahili kweli kumfanyia Sabrina hivi? Ila naona ni sawa sababu amenionea sana"

Hakuona zuri lolote tena kutoka kwa Sabrina kwani muda wote Mawazo yake yalikuwa kwa Neema tu kipindi hiki, hadi akaamua kwenda kwake moja kwa moja kwani hakujisikia tena kurudi ofisini.



Sakina aliamua kwenda kwanza kwa wakina Sabrina kumuangalia mdogo wake.

Alifika na kumkuta Sabrina na mama yake huku akijaribu kumuelekeza baadhi ya mambo.

Cha kushangaza Sabrina akawa na zile kumbukumbu za alipokuwa mdogo kwani alipomuona Sakina akamshangaa na kumuuliza,

"Kheee dada ulishajifungua? Mbona tumbo lako halipo tena?"

Sakina na mama Sabrina wakacheka kidogo na kujaribu kumuelewesha hali halisi ilivyo, kama alishajifungua na mtoto yupo nje ya nchi na kila kitu kumuhusu Jeff lakini bado Sabrina hakuelewa chochote wala kukumbuka kitu.

"Ila taratibu utaelewa tu, maana kama umeanza kukumbuka mambo ya zamani basi itakuwa rahisi kukumbuka na mapya"

Wakajipa moyo pale, kisha Sakina akaaga na kuondoka.

Njiani akapanga kwenda kwa mganga kama kawaida yake, ila alipanga kwenda kesho yake ili aweze kumuwahi yule mganga anayedhani yeye kuwa ndio wa ukweli.



Sam akiwa nyumbani kwake mida ya saa nne usiku, wazo la Neema likazidi kumtawala katika kichwa chake na kuamua kupiga simu.

Ile simu iliita mara ya kwanza bila ya kupokelewa, na mara ya pili ikapokea sauti ya kiume na kumfanya Sam ashangae kuwa kwanini simu ya Neema ipokelewe na mwanaume.

Sam akaikata ile simu, na muda huo huo akapigiwa yeye na kuipokea,

"Mbona unapiga simu huongei?"

"Aaah samahani, nilikosea namba"

"Umekosea namba wapi wewe, umepiga simu ya mdada umeona kapokea mkaka ndio oooh samahani nimekosea namba. Unafikiri mi sijui? Nimejua vizuri, huna lolote wewe"

Kisha akaanza kumtukana Sam na kumfanya Sam aikate ile simu kwa hasira.

"Yani mi natukanwa sababu ya mwanamke?"

Akajisikitikia sana ila bado mawazo yake yalikuwa kwa Neema tu, ambapo aliona ndio mwanamke pekee anayemfaa kwa wakati huo katika maisha yake.

Sam aliamua kulala huku mawazo yakiwa mengi zaidi.

Alipopitiwa na usingizi akajiwa na ndoto, alimuona Sabrina upande wa kulia na Neema upande wa kushoto halafu yeye akiwa katikati yao, huku Sabrina akikazana kumuita ili aende upande wake ila hakuweza kwenda kwani alijikuta akiwa amejawa na penzi la Neema kisha akaelekea upande wa Neema.

Baada ya muda akaonyesha kumuhurumia Sabrina ila kabla hajasogea kwa Sabrina akaona kuna kijana akiondoka na Sabrina.

Sam akajikuta akishtuka usingizini huku akiongea,

"Usiende Sabrina"

Akajishangaa kuwa ilikuwa ni ndoto, akajiuliza inamaana gani katika maisha yake ila hakupata jibu lolote na kujikuta akiwa macho huku akimlinganisha Sabrina na Neema hadi panakucha.



Alfajiri na mapema Sakina kama alivyopanga akajihimu ile asubuhi ili kuwahi kwa yule mganga ambaye yeye anaona ndio anayefaa na huku akiamini kuwa atamwambia ukweli wa mambo yote.

Alitoka kwake na kumuaga Dorry kama kawaida kisha akaondoka.



Sam alitoka nyumbani kwake na kuelekea ofisini huku baadhi ya wafanyakazi wake wakitamani sana kumuuliza kuhusu Sabrina ila waliogopa kuwa inaweza kuhatarisha vibarua vyao.

Kwahiyo wengi walikuwa kimya tu.

Muda kidogo pale ofisini kwa Sam akafika Neema ambapo Sam alipomuona tu akamfata na kumkumbatia na kusahau kabisa kama jana yake alipopiga simu ilipokelewa na mwanaume.

Sam alifurahi tu kumuona Neema na muda huo huo wakatoka pale ofisini.

Muda wametoka ndipo wale wafanyakazi walipoanza kuwajadili kama kawaida yao,

"Jamani mnamuelewa bosi Sam siku hizi?"

"Mmh hata simuelewi kwa mimi, na huyu dada wa leo ndio nani?"

"Ingekuwa zamani nisingemshangaa ila bosi toka alipokuwa na Sabrina alikuwa ametulia sana. Hili kumbatio la leo hata sijalielewa, au nyie wenzangu mmelielewa?"

"Tulielewe wapi majanga tu"

Wakajadiliana pale na kucheka kwa umbea na unafki.



Sam alienda na Neema moja kwa moja kwenye hoteli kwa lengo la kupata supu.

Wakati wako pale wakafatwa na mtu ambaye anawafahamu vyema,

"Nimewaona wakati napita hapo ndio nikaona ni vyema nije niwasalimie"

Wakafurahiana pale, mtu huyo alikuwa ni Francis ambaye hakuelewa ni kwanini dada yake yupo na Sam kwa muda huo, ila akaona ni vyema kuulizia hali ya Sabrina,

"Vipi Sabrina hajambo?"

"Hajambo ndio"

"Basi msalimie ukirudi"

"Poa"

Francis hakutaka kuhoji zaidi ingawa majibu ya Sam yalimshangaza sababu alijibu kwa kifupi sana.

Kisha akawaaga pale na kuondoka zake.

Kisha wao kuendelea na mambo yao mengine mpaka muda wa Sam kurudi ofisini, akampeleka kwanza Neema nyumbani kwake kisha yeye kurudi ofisini tena bila hata ya kuuliza kuhusu simu ya usiku.



Sakina akiwa kwa yule mganga wake, kama kawaida akamueleza tatizo lililompeleka pale.

"Hebu niangalizie kwanza huyo Sam kapatwa na nini?"

"Huyu karogwa, tena aliyemroga alikuwa anamuonea wivu huyo mdogo wako"

"Na Sabrina je ule ugonjwa hajarogwa kweli?"

"Naye amerogwa"

"Sasa tufanyaje?"

"Hapa inatakiwa wapatikane ng'ombe wakubwa wawili, dume na jike hapo ndio itawezekana kuwazindua"

Sakina akapumua kidogo,

"Mmh mbona itakuwa gharama sana mtaalamu?"

"Ndio itakuwa gharama kwavile tatizo lao ni kubwa sana, tukitaka kuwasaidia lazima tufanye hivyo"

"Mmh khatari, haya nitajie basi aliyewaroga"

"Kumtaja huyo mtu inabidi apatikane kondoo mkubwa sana"

Sakina akaona sasa mambo yatamshinda na kuomba muda wa kwenda kujiandaa kisha akamuaga yule mtaalamu na kuondoka.



Akiwa njiani, akaona gari la Sam linakuja na kusimama karibu yake kisha Sam akamsalimia Sakina.

"Khabari dada"

"Nzuri shemeji, umepotea sana"

"Majukumu tu shemeji, nikija tutaongea vizuri"

Kisha Sam akawasha gari yake na kuondoka.

Sakina alimuangalia hadi alipotokomea huku akitafakari jinsi dawa zilivyofanya kazi kwa Sam.

"Mmh hata kuulizia hali ya Sabrina hakuna! Duh kweli aliyemroga amemroga sana"

Kisha akaendelea zake na kurudi kwake.



Sam alirudi nyumbani kwake huku akimuwaza Neema tu,

"Hata nimeshindwa kumuuliza kuwa kwanini jana simu yake imepokelewa na mwanaume mmh! Mapenzi yameniteka kwakweli"

Alijifikiria sana ila upendo wake kwa Neema nao uliongezeka mara dufu.



Sabrina akiwa nyumbani kwao na mama yao, akafika kaka yake ambaye ni James na akaonekana kukosa raha kabisa.

Mama wa Sabrina aliamua kumuuliza mwanae kwanini yupo vile.

"Unamatatizo gani mwanangu?"

"Mama, kichwa changu kimevurugika sana. Ila ningependa uniambie ukweli ili akili yangu iwe sawa"

"Kivipi?"

James akamvutia mama yake pembeni ili aongee naye kwa uhuru kabisa.

Muda wanaongea, kuna mtu alitokea nyuma yao.

"Mama niambie ukweli mimi baba yangu ni yupi?"

Yule mtu naye akazungumza,

"Na mimi niambie ukweli, mtoto wangu ni yupi?"

Mama wa Sabrina na mwanae wakajikuta wakigeuka na kumuangalia yule mtu.





James akamvutia mama yake pembeni ili aongee

naye kwa uhuru kabisa.

Muda wanaongea, kuna mtu alitokea nyuma yao.

"Mama niambie ukweli mimi baba yangu ni yupi?"

Yule mtu naye akazungumza,

"Na mimi niambie ukweli, mtoto wangu ni yupi?"

Mama wa Sabrina na mwanae wakajikuta wakigeuka

na kumuangalia yule mtu.

Alikuwa ni James, yule baba mkwe wa kaka wa Sabrina.

Mama wa Sabrina akamuangalia yule James mwalimu wake wa kwaya, kisha akamuangalia James mwanae na kuinamisha kichwa chini.

Akatafakari kidogo na kumuomba James mwanae akamsubiri kidogo ili azungumze na yule mwingine.

"Hapana mama, mi ndio nimewahi hapa. Unatakiwa kunisikiliza mimi kwanza"

"Tatizo nini James? Mbona umekuwa hivyo? Hutaki kunisikiliza mama yako kwanini? Kumbuka mama huwa hakosei, na kila kitu hukifanya kwa manufaa yako, yani leo hii unamthamini aliyekunywesha sumu ya uongo na kuacha kumthamini mama yako mzazi? Au umepata mama mwingine, nenda ukamuulize labda mimi sio mama yako"

James akapata uoga kidogo kwa maneno ya mama yake na kwenda kukaa ndani akimngoja amalize kwanza kuzungumza na yule mkwe wake.



Sasa mama wa Sabrina akamgeukia yule James mwalimu wake,

"Hivi ni nani kakwambia hayo maneno?"

"Joy, mimi ni mtu mzima, usidhani itakuwa rahisi kunitisha kwa maneno kama ulivyomtisha mwanao. Nimeambiwa na wifi yako, nataka unithibitishie sasa mwanangu ni yupi kati ya hao watatu?"

"Laiti ungekuwa mtu mzima kama unavyosema ni wazi ungefikiria maneno ya kuzungumza kabla ya kuzungumza. Eti mwanangu ni yupi? Huna hata aibu, jitu lenyewe ulinibaka sikuwa hata na mtoto kipindi hicho halafu unaniuliza mwanao ni yupi? Tumia akili yako changanya na akili ya aliyekwambia, sitaki maswali ya kijinga"

"Hivi Joy kwanini unifanyie hivi lakini? Najua nilitenda kosa lakini sikustahili adhabu hii jamani? Yani kunificha kuhusu mwanangu kwa miaka yote hiyo ni haki kweli? Na kwa maneno yako inamaana mwanangu ni huyu huyu James, hivi Joy kwanini kuniumiza hivi?"

Huyu James hakuweza kuvumilia kisha akamuita James kaka wa Sabrina ambapo James naye akatoka ndani.

Alipomuona tu akamsogelea na kumkumbatia,

"Mwanangu James, wewe ni damu yangu, wewe ni mwanangu"

James akawa anashangaa tu,

"Mbona sielewi?"

"Ndiomana wakakupa jina langu, ndiomana umefanana na mimi. Wewe ni damu yangu James"

"Bado sielewi"

"Mwambie mama yako akueleweshe."

Kisha akamuachia pale halafu yeye akaondoka bila hata ya kuaga.



James akiwa njiani, mawazo yote yalikuwa kwa mwanae,

"Inamaana mwanangu kamuoa mwanangu? Maana James kamuoa Joy mwanangu"

James akahisi kuchanganyikiwa kabisa, na kwa bahati mbaya hakuona gari mbele yake wala kusikia honi, alijikuta yupo chini kwani alipata ajali pale pale barabarani.

Wasamalia wema wakamchukua na kumpeleka hospitali kwani dereva wa gari lililomgonga alishakimbia na gari lake.



Huku nyumbani alibaki James na mama yake sasa, huku James akimtaka mama yake amwambie ukweli kwa kile alichokisikia.

"Tafadhari James usitake kuvuruga akili yangu, usiivuruge kabisa. Kama alivyokwambia huyo mkweo ndio hivyo hivyo, mi msinivuruge"

Kisha akamuacha James pale nje na yeye kuelekea chumbani kwake.

James naye hakujielewa pale, akaona ni vyema aende kwa mkewe wakapeane ushauri wa hapa na pale.



Sam kwa kipindi hiki alikuwa akishughulika na Neema tu, mawazo kuhusu familia ya wakina Sabrina au Sabrina na mtoto hakuwa nayo kabisa.

Wazo pekee lililojaa kwakf ilikuwa ni Neema tu, kwani alipenda kumuona mbele ya macho yake kila siku na hakuchoka kumuona kabisa.



James alifika kwa mkewe Joy, na alipomuona tu akamkumbatia na kuanza kutoa machozi.

"Nini Mume wangu? Una tatizo gani?"

"Joy wewe ni dada yangu"

"Dada yako? Umepandwa na wazimu au? Dada yako ni Sabrina na sio mimi"

"Wewe ndio dada yangu, tena dada wa damu"

"Mbona sikuelewi James, na wewe umepoteza kumbukumbu jamani?"

James alikuwa akitokwa na machozi tu.

"Niambie basi, umepatwa na nini mume wangu jamani?"

"Siamini, siamini kabisa. Mwanamke ninayempenda kimapenzi, na kuamua kumuoa na kuzaa naye kumbe ni dada yangu wa damu? Kwakweli siamini, siamini Joy"

"Jamani James, mi unanichanganya ujue"

"Baba yako Joy, ni baba yangu mzazi"

"Kivipi? Nieleweshe"

James alikuwa amechanganyikiwa kabisa huku akilia, mara simu ya Joy ikaanza kuita akaipokea sababu mpigaji alikuwa ni mama yake,

"Joy, tupo hospitali huku. Baba amepata ajali"

"Nini?"

Mama yake akampa maelekezo tu ya hospitali waliyopo.

Joy akamwambia James alichoambiwa na mama yake, James alijikuta akilia zaidi tu,

"Ooh Mungu, kwanini unaniadhibu hivi? Sina kos mie"

James akamruhusu mkewe aende kisha yeye abaki nyumbani.

"Hapana James twende wote, siwezi kukuacha na hali hiyo. Tafadhari twende"

Ikabidi wampigie simu dereva wa gari za kukodi ili awapeleke huko hospitali.



Walipofika, Joy akamuona mama yake na baadhi ya ndugu zake pale nje, akamfata mama yake,

"Kwani mama ilikuwaje? Na baba yuko wapi?"

"Hata sisi bado hatujamuona. Kwakweli nimechanganyikiwa mwanangu. Nimepigiwa simu tu mimi na mtu hata simfahamu ndio akanipa khabari hii"

Ikabidi wakae wasubiri kwenda kumuona, muda wote huo James alikuwa kajikunyata kwenye benchi pale hospitali akiomba tu kwani hakujua hatma ya maisha yake na mkewe itakuwa ni nini.

Alikuwa akitafakari tu kuwa iweje amuoe dada yake? Tena dada yake wa damu. Ila hakuwa na jibu kabisa kwani alipomtazama mtoto wao aliyebebwa na mkewe, akiitazama na ile mimba ya mke wake ndio alikosa jibu kabisa.

Muda kidogo daktari akawaita na kisha kuwauliza,

"Kuna mtu anaitwa James hapo kati yenu?"

Ikabidi wamuite James kwani bado alikuwa amejiinamia pale kwenye benchi.

"Basi huyu ndio namuomba kwa muda huu"

Kisha yule daktari akaongozana na James.



Sakina alirudi nyumbani kwake, na moja kwa moja akaenda kwa wakina Sabrina huku akitamani kumwambia Sabrina ukweli kuhusu swala zima la kurogwa ila mashaka yake ni je Sabrina atamuelewa ukizingatia kumbukumbu hana.

Alimkuta Sabrina akicheza na mwanae, kisha akamuuliza

"Hivi Sabrina unajisikiaje kulea mtoto mwenyewe wakati mume wako yupo tena tajiri tu"

"Kwani mimi nina mume?"

"Ndio, Sam ni mume wako Sabrina. Kwanini ukae bila kuelewa kuhusu mumeo?"

"Kama nina mume mbona simjui?"

"Alikujaga hospitali kukuona pale mwanzoni"

"Aaah ndio yule kaka mzuri?"

"Ndio huyo huyo, anaitwa Sam. Tena huyo mtoto umezaa nae na hiyo mimba uliyonayo ni yake, inamaana mama yako hajakueleza?"

"Mmh hajaniambia kabisa, na mbona huyo mume haji huku kwetu?"

"Subiri kesho twende nyumbani kwake labda utakumbuka vizuri kuhusu yeye"

Sakina akaona ni vyema aweze kumfanya Sabrina akumbuke hata kidogo tu ili iwe rahisi kuhusu swala zima la kwenda nae kwa mtaalamu.

Kwahiyo akapanga nae kwa siku ya kesho kwenda nyumbani kwa Sam ambapo Sabrina alikubali tu bila kinyongo.



James alipelekwa moja kwa moja alipolazwa baba mkwe wake ambaye ndiye baba yake mzazi.

Akasogea karibu yake, daktari naye akamwambia

"Ongea naye kwa ustaarabu, maana amekutaja sana hapo"

James akatikisa kichwa na kuanza kwa kumpa pole pale kitandani ambapo baba yake huyo alikuwa akiongea kwa shida sana kutokana na maumivu yake.

Alianza kwa kumwambia James,

"Nisamehe mwanangu, natamani ningepata hata fursa ya kukubeba kwenye mikono yangu ulipokuwa mdogo. Roho inaniuma sana, umeoana na dada yako. Nitaiweka wapi sura yangu mimi kwa aibu hii, kwanini Joy kanifanyia hivi?"

Machozi yakamtoka, muda huo James naye akatokwa na machozi huku akijaribu kumtuliza baba yake huyo.

"Tulia baba usilie, ngoja upone kwanza tutawekana sawa kuhusu hili"

"Sitamani kupona James, natamani kufa hata muda huu. Moyo unaniuma sana, wewe ni damu yangu. Iweje leo uwe na dada yako? Aibu kwangu, nitajilaumu maisha yangu yote. Natamani kufa kwakweli"

"Usiseme hivyo baba, bado natamani uwepo wako katika maisha yangu. Tafadhari nitazame mwanao, utaniacha katika hali gani? Utanifanya nijute kuzaliwa. Kila siku nilikuwa najiuliza kuwa kwanini baba hayupo karibu sana na mimi? Labda hajui ila damu zetu haziendani. Tafadhari usiniache, kuwa nami japo kwa muda mfupi wa maisha yangu"

Maneno haya yalimuingia vilivyo baba huyu pale kitandani, na kujikuta akiumia zaidi ya mwanzo.

Daktari akamuomba James amuache baba huyu apumzike kwanza, kisha akamchoma sindano ya usingizi.

Kwahiyo hata mkewe na baadhi ya ndugu walimuona akiwa amelala huku wengi wakimshangaa James kwa kutokwa na machozi ambapo aliamua tu kuondoka eneo lile.

Joy alipoona James katoka akaamua kumfata kwa nyuma,

"Kwani leo una tatizo gani? Na baba alipokuita alikuwa anakwambia nini?"

"Aah hamna kitu ila mi naenda nyumbani"

"Mbona hueleweki James?"

Joy hakuwa na jinsi zaidi ya kuamua kufatana nae na kurudi nyumbani kwao tu.



Sabrina kwa jioni ya siku hiyo aliamua kumuuliza mama yake kuhusu huyo mume wake aliyeambiwa na Sakina.

"Mbona mama hukunieleza tena kuhusu huyo mume wangu?"

"Achana nae huyo mwanangu, atakuumiza kichwa tu"

"Kwanini mama?"

"Hafai yule, akijisikia atarudi tu mwenyewe"

Sabrina hakutaka kumuhoji zaidi mama yake kwani alishapanga na Sakina tayari.



James alirudi nyumbani na mke wake huku mkewe akikazana kumuuliza kuhusu tatizo lake kwa siku hiyo ila bado James hakuweza kumueleza kwa uwazi kuhusu yanayomsibu kwani alijua ni lazima atachanganyikiwa tu na yeye.

Ingawa alimlazimisha sana ila bado hakumwambia.

Muda kidogo James akapigiwa simu na mama yake,

"Wee James mbona nakupigia simu muda wote hupokei?"

"Samahani mama, nilitoka halafu simu niliacha nyumbani"

"Sawa, ila uwe makini kwa yaliyotokea leo. Nakuomba urudi nyumbani ili tuweze kuzungumza"

"Hapana mama sitaweza, na hivi ninavyokwambia ni kwamba baba yupo hospitali alipata ajali mchana ule"

"Nani kapata ajali? Unamuongelea yupi?"

"Namuongelea baba yangu mzazi"

"Nani?"

"Unayemjua wewe mama"

James akamkatia mama yake simu kwani hakutaka kuendelea kuongea nae zaidi.

Ndipo Joy alipomuuliza kwa karibu zaidi mumewe ili amueleze hali halisi ilivyo.

James akamuahidi kumueleza kesho yake,

"Nakuahidi Joy, nitakueleza kila kitu kesho ila kwavile muda umeenda saizi ni bora tulale tu"

Joy hakubishana nae kwavile kashamuahidi mwenyewe kumueleza kila kitu kesho yake.



Sam alishinda kwa Neema siku hiyo hadi usiku ule ndio akarudi nyumbani kwako, ambapo nyumba yake ilikuwa imepoa vilevile kama zamani kipindi ambacho alikuwa bado hajaoa.

Aliingia na kuchukua albamu yake ya picha za harusi ya yeye na Sabrina.

Akaona na picha za mtoto mdogo Cherry, roho ya huruma ikamshika sana moyoni mwake.

"Itabidi kesho niende kuwaona, hata kwa kumsalimia tu huyu mtoto"

Alijawa na roho ya huruma sana moyoni mwake kwa muda huo hadi alipolala.



Kesho yake, kama ambavyo Sakina alipanga.

Akaenda kumchukua Sabrina ambapo alimkuta kashamuandaa na mtoto,

"Mmh Sabrina, me naona mtoto tumuache"

"Hapana, sitamuacha mwanangu. Sitaki kumsahau tena, nitaenda nae popote pale ili nilipo awepo"

Sakina hakutaka kumfanya Sabrina ajisikie vibaya ila alishamgundua kuwa akili yake ya sasa ipo tofauti na akili yake ya mwanzoni.

Kwavile mama wa Sabrina alionekana kuwa na kazi nyingi kwahiyo wakamuaga juu juu na kuondoka.

Ila Sakina ndio akambeba mtoto wa Sabrina kwa kumuhurumia na mimba ile nyingine.



Walifika nyumbani kwa Sam kama kawaida wakamkuta yule mlinzi wa Sam ambapo alimkaribisha Sabrina kwa furaha sana.

"Aah mama umerudi! Pole sana kwa matatizo, ila baba hakuniambia kama utarudi leo, hata funguo hajaniachia"

Alimshangaa Sabrina akimtazama tu kamavile ni mtu asiye mfahamu yani ambaye hajawahi kumuona kabisa.

Yule mlinzi hakuchoka na kukazana kuwakaribisha ndani ila Sabrina na Sakina walisimama pale pale nje ya geti.

Muda mfupi tu, Sabrina akasikika akipiga kelele na kuanguka, wakashangaa kuona nyoka akikimbia na damu zikimtoka Sabrina mguuni.



Yule mlinzi hakuchoka na kukazana kuwakaribisha

ndani ila Sabrina na Sakina walisimama pale pale

nje ya geti.

Muda mfupi tu, Sabrina akasikika akipiga kelele na

kuanguka, wakashangaa kuona nyoka akikimbia na

damu zikimtoka Sabrina mguuni.

Sakina naye akapiga kelele baada ya kumuona yule nyoka,

"Ni nyoka yule, uwiiiii"

Yule mlinzi alijaribu hata kutaka kumtupia jiwe yule nyoka ila alienda kwa kasi sana na haikujulikana ni wapi alipotokomea.

Wakaanza kumpa huduma ya kwanza Sabrina kwa kumfunga na kumkimbizia hospitali.



Sam alifika nyumbani kwa wakina Sabrina na kumkuta mama wa Sabrina ambapo alianza kushambuliwa na maneno tu.

"Mtoto mbaya sana wewe, hivi kweli kabisa mwanangu humjali tena? Au kwavile kapoteza kumbukumbu? Hata damu yako mwenyewe naye pia huijali?"

"Samahani mama, majukumu yalinizidia"

"Acha uongo jamani, majukumu gani hayo ya kukufanya uisahau familia yako? Yani hujali chochote kuhusu Sabrina na mwanao"

"Unanishutumu bure mama, kwanza yule mtoto si............."

Simu ya mama wa Sabrina ikaita na kumfanya Sam akatishe maneno yake kwani mama wa Sabrina aliipokea ile simu.

Na baada ya kuongea na ile simu alionekana kama kupoteza muelekeo.

"Jamani mwanangu mimi jamani jamani, kapatwa na nini mwanangu"

Akaanza kumuita baba wa Sabrina kwavile alikuwepo kwa siku hiyo.

Na alipotoka akamueleza alichoambiwa na kilichofatia ni kwenda hospitali ambapo Sam alitaka kuwabeba kwa gari yake ila baba wa Sabrina akatamka kwa hasira,

"Hatuna dhiki ya kihivyo"

Huku akimpigia simu dereva wa gari za kukodi awafate.

"Kwani tatizo ni nini mzee wangu jamani? Mbona mnafanya hivyo?"

Mama wa Sabrina akamsihi mumewe apunguze hasira kisha wakapanda kwenye ile gari ya Sam na safari ya kwenda hospitali ikaanza.



Walipofika hospitali, wazazi wa Sabrina wakashuka.

Sam naye akataka kushuka ili akamuone Sabrina ila gafla moyo wake ukasita yani akajiona kabisa kutokuwa na hamu ya kumuona Sabrina, akajilazimisha kushuka ila kabla hajafika walipoelekea wazazi wa Sabrina akapigiwa simu na Neema,

"Naumwa sana mpenzi, nipo nyumbani."

"Nakuja sasa hivi"

Sam akageuza huku akitabasamu, alifurahi kusikia Neema akimuita tena mpenzi kwahiyo kwake ikawa ni jambo la furaha sana.

Akafika kwenye gari yake na kuondoka hata akasahau kabisa kuwa alikuwa hospitali kwa lengo la kumuona Sabrina.



Wazazi wa Sabrina walifika na kukutana na Sakina ambaye aliwahabarisha ilivyokuwa na kuwafanya wasikitike sana.

"Nashukuru mtoto nilimbeba mimi maana sijui ingekuwaje kwani Sabrina angeweza hata kumuangukia mtoto"

Mlinzi wa Sam naye alikuwepo na kutoa ushuhuda wake,

"Hata mi nimeshangaa nyoka pale ametokea wapi wakati hakuna hata nyasi"

Kisha wazazi wa Sabrina wakakumbuka kama pale walienda na Sam.

"Yuko wapi sasa?"

"Yule kijana ni shetani, hafai yule hafai kabisa"

Walimsema sana kwani hakutokea hata kidogo kisha yule mlinzi wa Sam akawaaga na kuondoka kwani alihofia ikiwa Sam atarudi nyumbani na kumkosa.

Kwahiyo akaondoka pale hospitali.



Baada ya muda kidogo pale hospitali wakaruhusiwa kwenda kumuona Sabrina ambaye alikuwa amefungwa ule mguu.

Kisha daktari akawaambia,

"Huu mguu wanasema kang'atwa na nyoka ila tumejaribu kuangalia sidhani kama ni nyoka"

Akadakia Sakina,

"Tumeona kwa macho yetu daktari alikuwa ni nyoka"

"Hakuna tatizo, kuna sindano tumemchoma, kwahiyo atakuwa sawa tu na mtarudi nae nyumbani"

Wakakubaliana na daktari ila bado Sakina alikuwa na mashaka sana.



Baadae kidogo wakaruhusiwa na kurudi nyumbani huku Sabrina akiburuza ule mguu aliong'atwa na nyoka.

Walifika nyumbani na kumkuta James yuko pale nje ambapo mama yake alimfata na kumuuliza,

"Vipi mwanangu James"

"Yani mama umeshindwa hata kuja kumuona baba hospitali!"

"Unamaana gani?"

"Inamaana mama hunielewi? Wewe ni mtu gani usiyetaka kumuona hata akiwa hospitali mwanaume uleyezaa naye?"

Mama wa Sabrina akamnasa kibao James kisha akamwambia,

"Nenda zako sasa kwa huyo unayemuona ni wa maana kwako"

Kisha James akaanza kuondoka, Deo akamtazama James bila kuelewa kuwa ana matatizo gani kisha akamuita.

"James, James una matatizo gani?"

Mama wa Sabrina akamfata mumewe na kumvuta,

"Achana nae huyo mtoto kapagawa"

Kisha wakaingia ndani ila hakuna aliyeelewa kuwa kwanini James ameondoka vile zaidi ya mama yake tu kuelewa sababu.

Sakina hakutaka kufatilia hayo, yeye alikuwa na hofu tu ya Sabrina na ule mguu ambao alimuona nyoka kabisa ingawa hospitali walisema si nyoka.

Akatamani kumwambia mama wa Sabrina kuwa huenda Sabrina karogwa ila hakujua kuwa aanzaje kumwambia kwani alijua wazi atamshushua tu.

Basi aliamua kuwaaga pale na kuondoka.



Deo aliamua kumuuliza kwa ukaribu mkewe kuhusu mtoto wao James,

"Kwani huyu mtoto ana matatizo gani siku hizi?"

"Utaumia kichwa tu mume wangu, achana na mambo ya yule mtoto"

"Naachana nayo vipi wakati ni mtoto wetu!"

"Mimi naelewa hilo ila mtoto yule haelewi hilo kabisa"

Bado Deo alikuwa na mashaka na kumuuliza mkewe kwa mshangao zaidi,

"Kivipi? Kwani umemwambia ukweli?"

"Sio mimi, ni mdogo wako huyo ndio kamwambia ukweli"

"Nimeelewa sababu sasa, ndiomana amekuwa vile. Mwache kwanza ipo siku ataelewa na kutambua ingawa nami roho imeanza kuniuma"

Deo akainuka na kusema anatoka kidogo, muda huo mama wa Sabrina alibaki kimya kwani hakuwa na usemi zaidi ya kuangalia kitakachoendelea tu.



Deo aliporudi nyumbani kwake alikuwa amesha chekecha akili vya kutosha kabisa na kumuaga mkewe.

"Kesho nasafiri"

"Mbona gafla hivyo? Na unaenda wapi?"

"Kwani kila siku ninaposafiri huwa naenda wapi? Wewe tambua tu kwamba kesho nasafiri, acha nikatulize akili yangu kwanza"

"Naomba unisamehe mume wangu, ila mimi sikukusudia hili"

"Sikia Joy, sikuwa mpumbavu kumkubali huyu mtoto toka alipokuwa mdogo ingawa kosa lilishatendeka. Sikuwa mjinga kumlea kama damu yangu na kumpa chochote alichotaka. Na sikuwa mjinga kwa kutokumjua huyo mwanaume ambaye ni baba yake mzazi kwani ilinisaidia kuepusha mambo mengi kwenye fikra yangu. Na sio mpumbavu kwasasa kukuaga kuwa nasafiri ili nikapumzishe akili yangu mbali na nyumbani. Nawe hunabudi kuniacha niende"

Mama wa Sabrina akamtazama mumewe kwa masikitiko ila hakuwa na namna zaidi ya kumruhusu tu.

Na kulipokucha Deo akasafiri na kumuacha Sabrina na mama yake.



Sakina bado alitamani kumwambia mama wa Sabrina kuhusu yule mganga ila alikuwa akijifikiria kuwa ataweza kumwambia kwa namna gani ukizingatia mama wa Sabrina hayapendi mambo ya kishirikina, kwahiyo alikuwa anaenda tu kwakina Sabrina na kubaki na hoja yake moyoni.

Siku hiyo aliporudi kwake alikuwa na mawazo zaidi kuhusu Sabrina, Dorry naye alikuwa karibu kumpa moyo.

"Mama, hakuna namna hapo. Ni kumuomba Mungu tu"

"Tatizo hujui Dorry, kama mama Sabrina angekuwa muelewa basi mi ningeshamueleza na Sabrina angekuwa ameshapona."

"Kwakweli watu huwa wanabadilika jamani, yani imeshindikana kabisa kwa Sam kuja kumuona mamdogo Sabrina mmh!"

"Ni ushirikina tu mwanangu"

"Mi nitajaribu kufanya kitu mama"

"Kitu gani?"

"Subiri tu utaona mama"

Sakina akaachana na maneno ya Dorry kwani aliona hayana faida kwake.



Sam naye akiwa nyumbani kwake, alijaribu kuchekecha mambo katika akili yake ila hakuweza kuelewa.

Akakumbuka siku anaenda kumuona Sabrina hospitali na kupigiwa simu na Neema kuwa anaumwa sana.

"Mbona sikumkuta na ugonjwa wowote? Na kwanini sijisikii kwenda kumuona Sabrina? Kwani nina matatizo gani mimi siku hizi?"

Bado Sam hakujielewa ila alijiona kumjali zaidi Neema kuliko kumjali Sabrina na ubaya zaidi ni kule kutokutamani kumuona Sabrina kabisa.



Baada ya wiki moja, mama wa Sabrina akashangazwa na hali ya mguu wa mtoto wake kwani siku hiyo waliamka na kukuta ule mguu umevimba sana halafu unavuja maji.

"Jamani huo mguu tena vipi mwanangu?"

"Hata mimi sielewi mama, nimeshangaa tu leo umevimba zaidi na huku unavuja maji"

Mama hakujua cha kufanya zaidi ya kumpigia simu dereva wa gari za kukodi ili wampeleke hospitali.

Muda kidogo kabla dereva hajafika, alikuja Sakina na yeye pia kushangaa ile hali ya mguu wa Sabrina.

"Sasa mama umeamua nini juu ya hilo?"

"Niamue nini mwanangu na hali kama hiyo. Nimempigia simu dereva atupeleke hospitali"

"Hapana mama tusiende hospitali"

"Kheee Sakina, tusiende hospitali halafu twende wapi?"

"Samahani mama ila Sabrina huo ugonjwa wake ni wa kurogwa"

"Kwahiyo twende wapi?"

"Twende kwa mtaalamu mama, ila samahani kwa hilo"

"Yani Sakina akili yako mmh! Badala useme twende kwenye maombi unasema twende kwa waganga jamani loh! Twende tu hospitali"

Sakina hakuwa na la kuongezea zaidi ya kukubaliana na hali halisi tu.

Alipofika dereva wakapanda gari kwa lengo la kwenda hospitali sasa.



Walipofika hospitali moja kwa moja Sabrina akapelekwa kwa daktari.

Akampima na kila kitu kisha kuwaita mama wa Sabrina na Sakina awaeleze kwa kifupi ilivyokuwa.

Sakina akamuelezea kila kitu, lakini bado daktari alitikisa kichwa kana kwamba anautafuta ule ugonjwa kwa akili.

Kisha akawaandikia dawa,

"Leo akanywe dawa hizi, ila kesho hali ikiendelea hivi itabidi tumchome sindano"

Mama wa Sabrina akadakia,

"Kwanini usingemchoma leo sindano daktari?"

"Kila kitu huenda kwa mpangilio mama, acha leo akatumie hizi dawa"

Ikabidi wakubali pale na kuanza safari ya kurudi nyumbani kwa kutumia gari ile ile ya kukodi.



Walifika nyumbani kisha Sakina akawaacha hapo na kurudi nyumbani kwake huku akiwa na masikitiko makubwa sana.

Kama kawaida, akenda kutuliza mawazo yake kwa kushauriana na Dorry kidogo.

"Hata sijui nifanyeje, yani ingekuwa amri yangu au ningekuwa na uwezo basi ningetafuta hao ng'ombe mwenyewe ili Sabrina apone. Kwakweli namuhurumia sana. Lazima Sabrina atakuwa ametupiwa jini tu"

"Sasa hapo utafanyaje mama?"

"Sijui, ila ninachojua ni kuwa jini halipatani na sindano. Na kwa mtindo huu limejidhihirisha wazi kwa kumvimbisha Sabrina mguu, basi hapa inawezekana Sabrina akichomwa sindano tutampoteza kabisa. Jamani Sabrina mdogo wangu namuhurumia sana, yote hiyo wanamtesa kwa wivu wa kuolewa na mume tajiri"

Sakina alikuwa akisikitika tu huku akijaribu kutafakari cha kufanya.

Muda kidogo wakapigiwa simu na Jeff na kumfanya Sakina atabasamu kidogo kwani ni kitambo hajapata mawasiliano na mwanae.

"Mama, mbona mpo kimya sana! Na vipi mamdogo nae anaendeleaje?"

Sakina akaamua kumueleza kidogo Jeff kuhusu hali ya Sabrina kwani alijua kama akimueleza kiundani zaidi atamchanganya.

"Sam naye anasemaje kuhusu hilo maana naye simpati kabisa"

"Yani mwanangu ya huku yaache tu maana hali ni mbaya. Huyo Sam hata hajui huku Sabrina anaendeleaje"

Jeff akaongea na mama yake pale na mwisho wa siku akaikata ile simu.



Usiku wa siku hiyo Dorry akiwa chumbani, akashangaa kuona namba mpya ikimpigia.

Akashtuka sana kwavile ilikuwa ni namba ya nchi za nje.

Akaipokea kwa mashaka, akashangaa kusikia ni sauti ya Jeff na kujiuliza kuwa kwanini Jeff ameamua kumpigia siku hiyo.

Sauti ilikuwa ni ya Jeff ila Dorry alishangaa huyo Jeff akiongea kwa ustaarabu na kwa maelekezo zaidi.

Yani hadi ile simu inakatika bado Dorry alikuwa akishangaa ila alikumbuka maelekezo yote aliyopewa kwenye simu.



Kulipokucha asubuhi na mapema, Dorry aliamka na kujiandaa kisha akamuaga mama mkwe wake.

"Wapi asubuhi yote hii?"

"Kuna mahari naenda mama"

"Khee ndio asubuhi yote hii? Ila mi hutonikuta ukirudi hapa nitakuwa kwakina Sabrina"

Basi Dorry akaaga pale na kuondoka hadi alipoelekezwa.

Ilikuwa ni barabarani tu akingoja gari ya Sam ipite.

Na ilipopita tu akaisimamisha na kupanda.

"Khee Dorry, nimeshangaa kukuona hapo barabarani"

"Sawa, ila nilikuwa nakungoja wewe Sam. Tena chonde chonde nakuomba twende ukamuone Sabrina"

"Muda huu? Acha niende ofisini kwanza, nitakuja badae kumuona"

"Mi nakuomba Sam, wewe ni kama kaka yangu. Nakuomba twende muda huu na wala sitakusumbua tena"

Sam akaona ni vyema amridhishe tu huyu Dorry kwa kwenda kumuona huyo Sabrina.



Sakina naye alifika nyumbani kwakina Sabrina na kumkuta mama Sabrina alishamtoa Sabrina nje wakisubiri gari waende hospitali.

"Jamani, mguu ndio umevimba zaidi"

Sakina alisikitika na kutoa machozi kwani alimuhurumia Sabrina kwa ile mimba na hali aliyonayo kwa kipindi hicho.

Walikaa pale nje wakimngoja dereva tax, na muda kidogo dereva akafika na kuwafanya waanze kumkongoja Sabrina kuelekea kwenye gari.

Muda huo Sam na Dorry nao wakafika, Dorry akamuomba Sam ashuke kisha akawaita wakina Sabrina.

Sam na Dorry wakaanza kuelekea waliko kwani walisimama baada ya kuitwa, Sam akamshangaa Sabrina kwa jinsi mguu ulivyovimba na kuuliza kwa mshangao.

"Imekuwaje tena?"

Hakuna aliyemjibu, Sam akasogea na kumshika bega Sabrina kamavile mtu anayehitaji jibu.

Ila kabla ya yeyote kati yao kusema chochote, wakashangaa kumuona Sam akianguka chini na kuwa kimya kabisa.





Hakuna aliyemjibu, Sam akasogea na kumshika

bega Sabrina kamavile mtu anayehitaji jibu.

Ila kabla ya yeyote kati yao kusema chochote,

wakashangaa kumuona Sam akianguka chini na

kuwa kimya kabisa.

Ikawa heka heka nyingine sasa ya kumuinua Sam pale chini huku wakitaka wampakize kwenye gari na wampeleke hospitali.

Ila Dorry akawapinga,

"Hapana, msimpeleke hospitali"

Mama wa Sabrina akauliza kwa mshangao,

"Kwanini?!"

"Mimi ndio nimekuja nae, tusaidiane kumuingiza ndani ila tusimpeleke hospitali."

Ikabidi wasaidiane nae pale na kumuingiza ndani, kisha kumlaza sehemu nzuri kidogo ambapo Dorry aliwataka wakamlaze kitandani kwa Sabrina nao wakafanya hivyo ila kila mmoja kati yao alimshangaa Dorry hata yule dereva wa gari za kukodi aliamua kuondoka tu ili kukwepa lingine la kuzuka.

Wote kwa wakati huo walisahau kabisa kuhusu mguu wa Sabrina na kukazana kujadili kuhusu Sam.



Muda kidogo wakamuona Sam akitoka chumbani, naye alifika na kuwashangaa.

"Jamani, nimefikaje hapa?"

Wote wakashtuka kwa kumuangalia Sam na hakuna aliyemjibu, Sam naye aliwatazama kwa zamu kisha akaangalia saa yake ya mkononi na kuona wazi kuwa muda umeenda sana.

"Aah! Mpaka muda huu, ni kitu gani kimenileta huku? Ngoja niende ofisini kwanza nikitoka nitapita ili mniambie vizuri"

Sam akatoka na kuondoka zake.

Dorry naye akainuka na kumuacha pale Sakina, Sabrina na mama Sabrina kisha yeye akaondoka.

Wote walibaki wameduwaa na kumfanya mama Sabrina aulize tena,

"Ni kitu gani hiki jamani?"

"Hata sielewi"

Wakapata na wazo la kuangalia mguu wa Sabrina, nao ulionekana kuwa mzima kabisa yani haukuvimba wala kuwa na jeraha lolote.

"Hivi haya ni maajabu, miujiza au ni kitu gani jamani? Au naota mimi mama Sabrina jamani"

Kila mmoja hakuelewa kabisa, ikabidi Sakina awaage pale na kwenda nyumbani kwake ili akamuulize vizuri Dorry kwani hata yeye alibaki njiapanda.

Kwahiyo pale akabaki Sabrina na mama yake,

"Vipi na maumivu ya mguu sasa?"

"Siyasikii kabisa mama, kwani ni mambo gani yanatendeka haya? Ila namshukuru Mungu nimepona huu mguu maana ulikuwa unaniuma balaa"

"Pole sana, ila tutajua tu kisa na mkasa. Yani hadi sasa naona kamavile naota hata siamini haya yaliyotokea jamani"

Hakuna aliyeamini ila kila mmoja aliamua kuendelea na mambo mengine tu.



Sakina alifika nyumbani kwake na kumkuta Dorry akiwa amejiinamia tu.

Akamfata kwa karibu na kumuuliza,

"Hivi imekuwaje Dorry, hebu niambie maana sielewi kabisa"

"Hata mimi sielewi ila sina budi kukueleza mama"

Sakina akatulia kwa makini akingoja kuelezwa na Dorry, naye akamueleza yote toka alivyopigiwa simu na maelekezo aliyopewa,

"Kwahiyo yote niliyoyafanya leo ni maelekezo niliyopewa na Jeff kwenye simu"

"Unauhakika ni Jeff amekupa maelekezo hayo?"

"Ndio ni Jeff mama"

"Mmh! Mbona hayo maelekezo kamavile umepewa na mganga wa kienyeji? Hivi Jeff mwanangu na mambo hayo ya utaalamu wapi na wapi?"

"Kama huamini mama mpigie simu umsikie mwenyewe, maana hata mimi nimeshangaa ukizingatia haya mambo ni mageni kabisa kwangu"

Sakina alijikuta akiguna na kuchukua simu yake, akaangalia salio kwanza alipoona lipo la kutosha akampigia simu mwanae kumuuliza.

Baada ya salamu akaamua kumuuliza,

"Mwanangu kwani siku hizi umekuwa mganga wa kienyeji?"

"Kwanini mama?"

"Ila twashukuru sababu mgonjwa amepona, ila niambie ulivyo sasa mwanangu?"

"Kwani vipi mama? Mbona sikuelewi?"

"Jana umempigia simu Dorry hapa, umempa maelekezo ya kiganga kabisa ila yamesaidia"

"Nimempigia simu Dorry? Kwanza Dorry yupi?"

"Si huyu Dorry mchumba wako mwanangu"

"Kwanza kabisa mama huyo Dorry sio mchumba wangu, pili sijampigia simu kwani hata namba yake sina nilishaifutaga zamani sana"

"Khee wewe Jeff una wazimu au? Dorry sio mchumba wako wakati ana mimba yako hapa!"

Dorry naye akaishiwa pozi kwa yale mazungumzo kwani aliona wazi mamamkwe wake akizidi kuharibu kwa kusema kuwa Dorry ana mimba.

Muda huo Jeff naye alikuwa akimshangaa mama yake.

"Mama jamani mama yangu, sijawahi kuwa na mahusiano na huyo Dorry. Kwakifupi sio mchumba wangu wala mpenzi wangu. Sasa hiyo mimba unayosema imetokea wapi jamani mama....."

Simu ikakatika kwani vocha nayo ilishakata.

Sakina akamuangalia Dorry na kujikuta wakitazamana,

"Mbona maajabu haya, Jeff anasema hajakupigia simu na wala haitambui hiyo....."

Kabla hajamaliza, Dorry alidakia kwa kushika simu yake,

"Kama hajanipigia mbona namba yake ipo humu kwenye simu kuwa alinipigia"

Huku akijaribu kuipekua ili amuonyeshe Sakina.

Cha kushangaza ile namba hakuiona na kumfanya ajishangae mwenyewe.

"Sasa namba imeenda wapi?"

"Unaniuliza mimi wakati simu yako unayo mwenyewe muda wote"

"Ndio, ila namba siioni humu. Mbona mauzauza haya!!"

Dorry hakuelewa kabisa, akaingia chumbani na kutoka nje na begi lake kisha kumuaga mama mkwe wake.

"Sasa unaenda wapi?"

"Naenda nyumbani mama, acha nikatafakari haya nyumbani kwetu kwamaana nashindwa kuelewa kabisa mama yangu yani sielewi kitu hapa."

"Sasa kuondoka ndio suluhisho jamani?"

"Mama acha tu, akili ikikaa sawa nitarudi hata kesho"

Dorry aliogopa kuulizwa tena kuhusu ile mimba yake na kuamua kuondoka kwanza.

Sakina nae akaona kwake hapakaliki na kuamua kwenda kwakina Sabrina kwa muda.



Sam akiwa ofisini, wafanyakazi wake walimshangaa kwani alionekana ni mtu mwenye mawazo halafu shati lake lilionekana kuwa na vumbi baadhi ya sehemu ila waliogopa kumuuliza.

Muda kidogo Sam akafatwa na Rose yule rafiki wa Neema,

"Shemeji, kuna tatizo kidogo nakuomba twende tafadhari"

"Wapi tena?"

"Nyumbani kwa Neema"

Sam aliamua kutoka pale ofisini na kuondoka na Rose hadi nyumbani kwa Neema ambapo walimkuta Neema akiwa hoi kabisa.

"Sasa mtu anaumwa hivyo unashindwa kumpeleka hospitali kweli Rose? Kwanini sasa?"

"Tatizo sio ugonjwa wa hospitali"

"Ni ugonjwa wa wapi sasa?"

"Subiri"

Rose akachukua kikombe na kuweka maji, alikuwa na karatasi mkononi akafungua na kutoa kitu kama ungaunga akachanganya na maji, kisha akagawa yale maji kwenye vikombe viwili.

"Shemeji, hii ni dawa inatakiwa unywe wewe na Neema, yani kunywa kwako hii dawa ndio kuokoa maisha ya Neema."

"Mmh! Mambo gani haya? Ndio wanaita ushirikina au ni vitu gani hivi?"

"Sio ushirikina shemeji, kuna bibi yetu ndio kanipa hii dawa. Yani Neema anaumwa hivi sababu ya kukupenda wewe sana shemeji"

"Mmh hebu mpe kwanza Neema hiyo dawa halafu mi ndio nitakunywa"

Rose akampa Neema ile dawa na kuinywa yote huku akiumwa sana, kisha Sam naye akainywa ile dawa na muda huo huo Neema akawa mzima.

Sam alijikuta akistaajabu ila alishindwa kuuliza kuwa kwanini inakuwa vile.

Walikaa pale hadi jioni kabisa kisha Sam akawaaga na kuondoka zake.



Sakina nae akaenda kumueleza mama wa Sabrina alichoambiwa na Dorry na jinsi alivyojibiwa na Jeff baada ya kumuuliza.

"Khee sasa mbona haya ni mauzauza?"

"Ni mauzauza kweli mmh!"

"Ila bora mwanangu ni mzima, mengine tumuachie Mungu tu. Kwahiyo Dorry yuko wapi?"

"Mmh kaondoka hata sijui kwanini? Labda anaogopa mauzauza"

"Mmh mnanikumbusha mauzauza ya wifi yangu Sabrina leo"

"Yalikuwaje kwani"

"Mmh ni historia ndefu na sipendi ijirudie kwenye maisha yetu maana yalikuwa majanga tena majanga haswaaa"

Sakina akatamani kuyajua hayo majanga ila kwavile mama wa Sabrina aliyakatishia njiani hakuweza kumuuliza zaidi.

Ila bado aliendelea kuwepo pale kwakina Sabrina,

"Yani leo sijisikii hata kurudi kwangu"

"Kwanini uhangaike Sakina? Vyumba vipo hapa vya kutosha tu, leo lala hapa kwetu"

Wakakubaliana hivyo.



Sam alipofika nyumbani kwake akajaribu kutafakari matukio bila ya kupata jibu la aina yoyote.

"Niliondoka hapa asubuhi nikielekea kazini. Sasa niliendaje kwakina Sabrina? Na iweje nikajikuta nimelala mule ndani kwao? Mbona sielewi, eti Neema kaumwa yani dawa ninywe mimi halafu apone yeye. Mbona nimekuwa mpumbavu kiasi hiki! Kwani nina matatizo gani?"

Sam alijihoji bila ya kupata jibu la maswali yake kabisa.

Na kuamua kulala tu.



Kesho yake, Neema na rafiki yake Rose waliamua kujadiliana juu ya hali halisi.

"Kwakweli Rose nimechoka yani nimechoka kabisa, ipo siku nitakufa najiona jamani"

"Unachokaje mapema hivyo Neema? Bado hata hatujavuna matunda unachokaje kwa mfano? Dawa ni kupata mimba ya Sam tu halafu ndio tuachane na hizi dawa sababu lazima atalea mtoto wake"

"Hivi kwa unavyomuona huyu Sam kuna hata dalili ya kulala nae kweli? Mi naona tunamtesa bure tu Sabrina. Ila mi nimechoka shoga yangu, maana huyo Sam akienda tu kuonana na huyo Sabrina mi nakuwa hoi. Unajua nitakufa mimi bila sababu!"

"Maji tumeshayavulia nguo shoga yangu hatunabudi kuyaoga tu. Hapa hakuna la kufanya, ndiomana mimi nilipoona jana hali imekuchachia nikaamua kukimbilia kwa yule mganga ndio akanipa ile dawa"

"Kwahiyo ndio ilitakiwa tunywe wote mi na Sam?"

"Ndio, unadhani ningempa peke yake angekubali? Yule mganga kiboko. Ila leo hebu twende akatueleze vizuri maana kama mambo yenyewe haya wakionana tu unakuwa hoi hata mimi yatanishinda"

Wakakubaliana pale kuwa waende wote kwa mganga ili awaelekeze vizuri.

Kisha wakajiandaa na kuondoka.



Walifika kwa yule mtaalamu wao ili waweze kupata maelezo zaidi.

Yule mganga aliwaangalia kwa jicho kali sana,

"Jamani hapa tunacheza na moto, jana nilikupa tu dawa kuepusha ya mbali ila cha msingi mnatakiwa kumdhibiti yule mwanaume asiende kabisa kule. Jitahidi umuwekee ile dawa tena kwenye chakula"

"Ila kwanini unasema tunacheza na moto?"

"Kuna kitu nakiona kwa huyu dada tunayemfatilia, nadhani kuna kitu kinamlinda na ndio kilichopelekea yule kijana aende na alipofika kauvuta ugonjwa wote na kuja kwako"

Yule mganga akawaonyesha kwenye kioo chake ambapo ilionekana kama video.

Walimuona Sam alipofika kwakina Sabrina na kumgusa Sabrina kisha akaanguka na kumpeleka chumbani.

Neema na Rose walishangaa na kuduwaa,

"Khee ni wachawi nini?"

"Bado sijajua ila kuna kitu nitachunguza ili nijue ilikuwaje mpaka kuwa hivi. Ila kwasasa hivi mkawe makini sana."

Walimalizana nae pale na kuamua kuondoka.http://deusdeditmahunda.blogspot.com/

Wakiwa njiani walijidadisi sana,

"Ila huyu mganga ni noma, unajua Sabrina hatakiwi kabisa kukanyaga nyumbani kwa Sam ndiomana akang'atwa na nyoka!"

"Naelewa hilo Rose, ila kama hawa wakina Sabrina ni wachawi hapa kazi ipo sababu itakuwa tunavutana kwa kumpa madawa Sam"

Rose akacheka,

"Ndiomana wanaume wanakuwaga vichaa jamani. Ila usiwe na shaka Neema sababu Sabrina pale alipo bado hana kumbukumbu"

Walijikuta wakimuongelea Sabrina njia nzima.

Nyuma yao alikuwepo Francis na kuwaita, nao wakashtuka sana kwani hawakutegemea uwepo wa mtu anayewafahamu nyuma yao.

"Mbona mmeshtuka hivyo?"

Wakacheka na kusalimiana nae.

"Nimewasikia kama mkimtaja Sabrina, je ni huyu ninayemjua mimi au ni Sabrina yupi?"

"Francis, dunia hii ni kubwa sana na Sabrina huyupo mmoja duniani. Halafu tumtaje huyo Sabrina unayemjua wewe kwa lipi? Hapa ni mambo yetu tu"

Francis hakutaka kubishana na hawa wadada kwahiyo alichokifanya ni kuwaaga na kuendelea na safari yake tu.



Sakina bado alikuwa nyumbani kwa wakina Sabrina kwa siku hiyo pia kwani hakujisikia kabisa kurudi nyumbani kwake ukizingatia akirudi anakuwa peke yake nyumba nzima.

Akiwa pale akapigiwa simu na mtoto wake Jeff kwa siku hiyo ambapo Jeff alikuwa na hoja yake ile ile ya jana.

"Yani mama kama huyo Dorry alikwambia mimi nilimpigia simu ujue ni muongo tena muongo hafai"

"Ila Jeff mwanangu sikuelewi na hata sijui umepatwa na nini huko."

"Sijapatwa na chochote mama ila ndio hivyo. Na wala sina mahusiano na huyo msichana"

"Na ile mimba je?"

"Mimba? Mimba gani? Mama huyo msichana atakuchanganya akili tu mi simtambui. Ila nimemkumbuka sana mamdogo Sabrina naomba umsalimie sana"

"Nipo nae hapa, ngoja nimpe umsalimie"

"Wow, itakuwa vizuri sana maana simpati hewani siku hizi"

Sakina akachukua ile simu na kumkabidhi Sabrina ili aongee na Jeff.

Sabrina aliichukua ile simu na kuanza kuongea, mara gafla akaanza kulia na kumfanya Sakina ashtuke.





Sakina akachukua ile simu na kumkabidhi Sabrina

ili aongee na Jeff.

Sabrina aliichukua ile simu na kuanza kuongea,

mara gafla akaanza kulia na kumfanya Sakina

ashtuke.

Sakina akazidi kumshangaa Sabrina na kumuuliza kinachomliza kwa muda huo.

Sabrina hakujibu kwanza na kumkabidhi Sakina ile simu kisha Sakina akazungumza na Jeff,

"Vipi wewe? Mbona umemuacha mamako mdogo na kilio?"

"Hata mi nashangaa anacholilia, hebu mbembeleze mama. Tutaongea muda mwingine"

Jeff akaikata ile simu, Sakina bado akamshangaa Sabrina na kumuuliza tena kwani muda huu alikuwa kanyamaza.

"Kwani ulikuwa unalia nini Sabrina?"

"Kuna maneno kaniambia mazuri sana, ila imeniuma sababu simkumbuki"

"Maneno gani hayo?"

"Alikuwa ananiambia hivi mmh...."

Sabrina akaguna na kufikiria kidogo ila kabla hajasema cha zaidi, ile simu ya Sakina ikapigwa tena na Jeff kisha Sakina akaipokea,

"Naomba kuongea tena na mamdogo"

Sakina akampa Sabrina ile simu ambapo ilionekana kama mwanzo kuwa Jeff ndio aliyetawala maongezi yote kwani Sabrina alionekana kuitikia tu ila safari hii hakutoa machozi kama mwanzo hadi alipoikata ile simu ambapo Sakina alimuangalia na kumuuliza tena.

"Saizi kakwambia nini? Na mwanzo alikwambia nini hadi ukalia?"

"Kweli huyu ni mwanao?"

"Ndio ni mwanangu"

"Mwanao kabisa kabisa wa kumzaa?"

"Ndio, kwani tatizo ni nini Sabrina?"

"Mmh basi tuyaache tu kama yalivyo"

"Tuyaache vipi wakati ulikuwa unalia hapa mwanzoni?"

"Nililia kwavile sijamkumbuka"

"Mmh kwani alikwambia maneno gani?"

Sabrina akaamua kubadilisha mada yani ingawa hakuwa na kumbukumbu yoyote ila kwa maneno aliyoambiwa na Jeff aliweza kuelewa kitu na kuweza kubadilisha mada ingawa bado alimuacha Sakina akiwa na maswali ya kila namna.



Bado Dorry alikuwa na mawazo juu ya mtu aliyempigia simu na kuanza kumuelekeza cha kufanya kumuokoa Sabrina na jinsi Sam alivyozimia na Sabrina kupona.

"Mbona sielewi jamani ni kitu gani hiki? Maana aliyenipigia simu ni Jeff kabisa yule halafu kesho yake ananikana kwa mama yake halafu huku kwangu eti namba haipo tena"

Akashtuka kidogo na kujiuliza tena,

"Hivi huyu Jeff ni mtu wa aina gani? Mmh wanaume wengine tunawapendaga usikute sio binadamu wa kawaida. Napata mashaka juu yake jamani."

Aliwaza sana Dorry na kuogopa hata kurudi nyumbani kwa Sakina.

Muda kidogo akapigiwa na Sakina, swali lilikuwa ni atarudi lini.

"Kwakweli mama sitarudi kwasasa hivi ila nitarudi tu"

"Uje bwana mkwe wangu, njoo hata twende kwa mtaalamu tuone alikuwa ni nani"

Ikabidi Dorry ampe moyo tu kuwa ataenda ingawa hakuwa na mpango huo kwa kipindi hicho.



Sabrina alikuwa akimsikiliza kwa makini Sakina na ile simu aliyokuwa akizungumza nayo ili aweze kumuuliza anayoyahisi yeye.

Alipomaliza tu kuongea ndipo alipoanza kumuuliza,

"Kwani huyo binti ni nani?"

"Ni yule binti niliyekuwa nakaanae pale kwangu, ni mkwe wangu yule anaiwa Dorry"

"Mkwe wako kivipi?"

"Ni mchumba wa mwanangu na ana mimba yake tayari"

"Mwanao yupi?"

"Khee Sabrina, mi nina mtoto mmoja tu. Sina mtoto mwingine kabisa"

"Kwahiyo ndio huyu huyu niliyeongea nae mimi muda ule?"

"Ndio ni Jeff, mtoto wangu ni yeye tu"

Sabrina akaonekana kama kufikiria kitu.

Sakina akamuuliza,

"Kwanini umeniuliza maswali yote hayo?"

"Nilitaka kuelewa tu, halafu nipe namba za simu za huyo mwanao ili badae niongee nae"

Sakina hakuelewa lengo la Sabrina ni nini ingawa alimpatia ile namba ya Jeff na muda huo Sabrina akawa anajisachi,

"Kheee hivi sina simu eeh!"

"Inamaana siku zote hizi hujui kama huna simu Sabrina?"

"Ila si nilikuwa nayo zamani?"

"Kweli wewe umeshachanganyikiwa jamani yani hujui chochote kweli! Pole sana, simu ulikuwa nayo ndio ila uliiacha kule kwako, mi nakumbuka vizuri"

Sabrina alimuangalia tu Sakina kwani hakuwa na kumbukumbu yoyote juu ya kilichomtokea.

Sakina nae aliongea nao pale kisha kuwaaga na kurudi nyumbani kwake kwani alishapakumbuka tayari.



Maisha kwa upande wa Neema yalikuwa ni burudani ila alikosa jambo moja tu muhimu kutoka kwa Sam ambaye kwa kipindi hiko alikuwa ni mwanaume aliyempa chochote alichotaka.

Aliamua kukaa na kujadiliana na rafiki yake ili wajue cha kufanya,

"Unajua Rose, mwenzio huyu Sam simuelewi kabisa. Inamaana Sabrina ndio alikuwa mwanamke pekee kwake?"

"Kwani wewe unataka nini shoga yangu ikiwa pesa unapewa?"

"Nahitaji mapenzi, nini maana ya kuwa na pesa? Nahitaji mapenzi, napenda nami nizae na Sam ili anithamini kama ambavyo anamthamini Sabrina hata kama dawa zikiisha"

"Basi vumilia shoga yangu, tutamuandalia tego huyo Sam"

Wakakubaliana pale kumuandalia mtego Sam ili aweze kuwa na Neema kimwili na lengo kubwa la Neema ni kupata mimba ya Sam ili kumfanya Sam ampende sana.



Sam hakupata hata wazo la kuwasiliana tena na ndugu wa Sabrina hata Jeff ambaye alimpeleka mwenyewe kusoma.

Ila siku hiyo Jeff alimpigia simu Sam na baada ya salamu alimuuliza swali moja,

"Unampenda Sabrina?"

Sam akamshangaa Jeff kwa swali hilo naye akamuuliza,

"Kwani wewe unataka nini?"

"Nataka jibu tu"

"Simpendi tena Sabrina"

"Unampenda nani sasa?"

"Nampenda Neema hata nashangaa kwanini nimechelewa kutambua hili"

"Sawa, nashukuru kwa jibu lako"

Jeff akaikata ile simu ambapo Sam bado alikuwa na mashaka kuwa kwanini Jeff ampigie simu na kumuuliza maswali kama yale.

Ila kwavile hakuwa na upendo tena juu ya Sabrina aliamua kupuuzia kile kitendo na kujisemea,

"Mwache Sabrina akawe na wanaume wanaombaka hovyo na kumzalisha na kumuacha"

Kidogo akashtuka na kukumbuka kitu ila aliamua kukipuuzia kwani aliona hakina umuhimu kwake ukizingatia anampenda sana Neema kwa kipindi hiki.



Sakina akiwa nyumbani kwake usiku, akapigiwa simu na mwanae huku akimuomba mama yake aongee na Sabrina,

"Haitawezekana Jeff, saizi nipo nyumbani kwani Leo nimeamua kulala kwangu"

"Sawa mama, ila shida yangu ilikuwa ni ya muhimu sana kwa maisha ya mamdogo"

"Hakuna tatizo, nitaenda kesho asubuhi halafu nipigie ili nikupe uongee nae kwahiyo usijali mwanangu"

Basi Jeff akaagana na mama yake pale na kukata ile simu.



Sabrina akiwa nyumbani kwao kwa usiku huo, alijaribu kuvuta kumbukumbu za huyo mtu wa kuitwa Jeff kwani hakuwa na kumbukumbu yoyote juu yake ila alimtafakari sana kwa maneno ambayo alimwambia na pia akamtafakari Dorry binti ambaye ametajiwa na Sakina.

"Hivi huyu Jeff ni wa aina gani? Eti ni mtoto wa Sakina, iweje kwenye simu aniambie kuwa ananipenda sana. Na kwanini aseme huyu mtoto wangu ni wake pia? Na mbona Sakina kasema kuwa huyo Dorry anamimba ya huyo Jeff? Na mbona alinikataza kumueleza chochote Sakina sababu ni mama yake? Kama Sakina ni mama yake halafu mimi kwa Sakina ni kama mtu na mdogo wake, iweje niwe na mahusiano na mwanae?"

Sabrina alipiga piga kichwa chake ili aone kama kuna kumbukumbu yoyote atapata ila hakukumbuka chochote kile na kuamua kulala tu.



Asubuhi na mapema, Sakina akapigiwa tena simu na mwanae kwa lengo lile lile la kuongea na Sabrina.

Kwahiyo Sakina akaona ni vyema aende kwa wakina Sabrina kwani hakujua huo ujumbe unaumuhimu gani mpaka Jeff kuukazania kwa kiasi kile.

Aliondoka kwake na kwenda kwa wakina Sabrina, na alimkuta akicheza cheza na mtoto wake.

Wakasalimiana pale na baada ya salamu tu muda huo huo akapigiwa simu na Jeff akitaka kuongea na Sabrina kama kawaida, wakati Sakina anamkabidhi Sabrina ile simu Sabrina aliikataa kwa kumuuliza,

"Nani huyo tena?"

"Ni mwanangu anataka kuongea na wewe"

"Mwanao yupi? Yule yule?"

"Ndio ni Jeff"

"Kama ni yeye sitaki kuongea nae"

Sakina akajitahidi kumwambia Sabrina apokee ile simu ila bado Sabrina alikataa kabisa kuongea na ile simu na wala Sakina hakujua ni kwanini Sabrina kagoma kuongea na ile simu,

"Jeff, mamako mdogo kakataa kabisa kuongea na wewe"

"Kwanini mama?"

"Mi sijui kwakweli"

"Basi hakuna tatizo"

Kisha akaikata ile simu.

Sakina akamsogelea Sabrina na kumuuliza sababu ya kukataa kuongea na Jeff,

"Sitaki mazoea naye tu"

"Hutaki mazoea nae kivipi Sabrina jamani? Huyu Jeff ni mwanangu na wewe ni kama mwanao pia, sasa hutaki mazoea nae kivipi?"

"Sitaki tu"

Sakina hakuweza kumuelewa Sabrina anachomaanisha ila a limshangaa tu kwajinsi anavyokataa kuzungumza na Jeff kwa madai kuwa hataki mazoea naye.

Sakina aliamua kumuaga na kurudi nyumbani kwake.



Sabrina alibaki mwenyewe na mwanae, na sababu kubwa iliyomfanya agome kuongea na Jeff ni kuwa hataki kuweka mambo anayoona kumtatiza ukizingatia kashapoteza kumbukumbu.

"Nisije siku nikaropoka mambo ya kuniumbua kwakweli maana hakuna ninachokumbuka hapa. Natakiwa kuwa mpole tu na mambo yanayonichanganya niwe mbali nayo kwanza"

Sabrina aliwaza hayo na kuendelea kucheza na mwanae kwani hakukumbuka chochote kuhusu maisha yake.

Ila mama yake alipokuja karibu aliamua kumuuliza,

"Hivi mama, sisi hatuna ndugu yeyote zaidi ya baba? Mimi wadogo zangu wako wapi?"

Mama yake akasikitika tu kwani ndugu zao asilimia kubwa ni watu wasiojali.

"Mdogo wako yupo, na kaka yako pia. Watakuja tu hata usijali, ndugu nao tunao watakuja tu. Ila yule kaka yako James si alikuja hujamkumbuka?"

"Nimemkumbuka, ila mbona hajaja tena?"

"Atakuja tu"

"Na huyo mume wangu?"

"Achana na khabari zake kwanza ila atakuja tu, tushukuru Mungu unaendelea njema kwa sasa"

Wakiwa wanaendelea na maongezi pale akafika James kaka wa Sabrina na kumkuta pale mama yake na dada yake ambapo Joy hakutaka hata kuzungumza na mwanae huyo na kumfanya ainuke na kwenda ndani.

James hakupenda kile kitendo cha mama yake kuondoka pale.

Akamuangalia Sabrina na kumwambia,

"Uwe makini na wewe huenda huyu sio baba yako pia"

Sabrina akamshangaa tu James kwani hakumuelewa anaongelea kitu gani kisha James akaondoka.

James alipotoka pale alipita hospitali kumuangalia baba yake ambapo alimkuta akiendelea vizuri kiasi na daktari akamwambia kuwa kuna uwezekano wa kuruhusiwa kesho.

"Itakuwa vizuri baba ukiruhusiwa"

"Hata sitamani kurudi nyumbani, ni bora hata ningekufa tu"

James akajitahidi pale kumbembeleza na kumwambia maneno ya kumfariji ili kumtia moyo.

Kisha akamuaga na kuelekea nyumbani kwake.



James akiwa nyumbani kwake bado hakuwa na muafaka juu ya mke wake kwani tayari alishakuwa dada yake.

"Niambie ukweli mume wangu, wewe husemi chochote na baba nae hasemi kwanini?"

"Unajua nini Joy! Mimi ni kaka yako"

Joy akashangaa na kuuliza kwa makini,

"Kaka yangu? Kaka yangu kivipi?"

Ingawa James alikaa kimya kwa siku zote hizi ila hakuwa na jinsi zaidi ya kumueleza Joy ukweli tu juu ya hali halisi ya undugu wao na kumfanya Joy ashangae maradufu.

"Bado sijakuelewa James, sijakuelewa kabisa. Inamaana mimi na wewe baba yetu ni mmoja?"

"Ndio ni mmoja Joy, kwahiyo mi na wewe ni kaka na dada"

"Haiwezekani, mi nakataa"

"Joy, hata mi sikuamini hivyo hivyo mwanzoni"

"Kwahiyo itakuwaje sasa?"

"Sijui, ila ndio hivyo mi na wewe ni kaka na dada. Kwahiyo tutangoja maamuzi ya baba"

Joy hakutaka kuelewa kabisa kuwa maamuzi ya baba yao yatakuwa ni nini, akifikiria kwajinsi vile anavyopendana na James.

Akimfikiria yule mtoto wao mdogo na yule aliyepo tumboni.

"Haiwezekani, nasema haiwezekani"

Aliona kama nyumba yao inawaka moto kwenye akili zake na hakuweza tena kulala mule ndani kwake na mumewe ambaye ni kaka yake, akaamua kuondoka na kwenda kwao kabisa ili kutuliza mawazo.



Sam akiwa kazini, alipigiwa simu na Neema kuwa anashida naye sana na angependa waonane.

Sam hakuweza kukataa kwavile tayari alikuwa anampenda Neema.

Na alipotoka kazini kakwe tu alienda moja kwa moja kwa Neema na kuwakuta ndani akiwa pamoja na Rose.

Wakasalimiana pale na kuanza mazungumzo kidogo,

"Duh hatukujua kama shemeji utawahi kiasi hiki"

Neema nae akadakia,

"Mi sikujua kama atakuja moja kwa moja huku kwangu tena saizi"

Sam akawashangaa na kuwauliza,

"Kwani tatizo ni nini? Mimi kuwahi au jambo gani?"

"Hakuna tatizo shemeji"

Kisha Rose na mwenzie Neema wakainuka huku Neema akidai kuwa anamsindikiza kidogo Rose na kumuacha Sam mule ndani akiwangoja.

Baada ya muda mfupi akafika kijana mmoja ambaye Sam hakumjua na kumuuliza Sam,

"Wewe ni nani?"

Sam akamshangaa huyu kijana na kumuuliza,

"Kwani vipi?"

"Jibu swali wewe ni nani?"

Sam akatikisa kichwa kwani hakumuelewa huyu kijana anamaana gani.

"Yani huyu malaya ananiambia nisije kumbe kuna malaya mwenzie humu ndani!"

Kisha yule kijana akampiga Sam ngumi ya sura, na kumfanya Sam atokwe na damu mdomoni.





Baada ya muda mfupi akafika kijana mmoja

ambaye Sam hakumjua na kumuuliza Sam,

"Wewe ni nani?"

Sam akamshangaa huyu kijana na kumuuliza,

"Kwani vipi?"

"Jibu swali wewe ni nani?"

Sam akatikisa kichwa kwani hakumuelewa huyu

kijana anamaana gani.

"Yani huyu malaya ananiambia nisije kumbe kuna

malaya mwenzie humu ndani!"

Kisha yule kijana akampiga Sam ngumi ya sura, na

kumfanya Sam atokwe na damu mdomoni.

Huyu kijana hakuachia hapo, akamuinua Sam na kumpiga kwa ngumi nyingine na kumfanya Sam azidi kutoka na damu mdomoni.

Sam akapatwa na hasira zaidi kwa ule upuuzi aliofanyiwa na yule kijana na kuamua kutoa bastora yake anayotembea nayo kila mahari kama ulinzi wake.

Yule kijana kuona bastora akaona hali mbaya na kutaka kukimbia, ila kabla hajakimbia Sam akamfyatua na risasi moja ya begani na kumfanya aanguke chini akiugulia.

Na Sam kuona vile akatoka nje na kumuacha yule kijana pale sebleni kisha yeye kuondoka zake.



Neema na Rose waliokuwa wamesimama njiani wakiongea, wakashangaa kuona gari ya Sam ikiwapita na kuishia, wakajikuta wakiulizana.

"Vipi tena mbona Sam ameondoka bila kutuaga? Au dawa zimeanza kuisha nguvu?"

"Na ubaya kaondoka kabla ya kukamilisha mpango wetu"

"Au lile chizi lako limekuja Neema?"

"Sijui ila nilimzuia asije"

Wakakubaliana Neema ampigie simu Sam ili amuulize kuwa kwanini kaondoka bila kuaga ila simu haikupokelewa kabisa.

"Mmh hebu turudi nyumbani nisije nikaibiwa bure"

Waliamua kurudi tena nyumbani kwa Neema, walishangaa walipoingia ndani na kukuta damu imetapakaa pale chini na kumkuta yule kijana akiwa chini.

Neema alimfata pale chini huku akilia,

"Jamani John wangu nini hiki jamani"

"Neema, tufanye utaratibu wa kumpeleka hospitali. Kulia hapatasaidia kwa sasa"

Ikabidi waende kuomba msaada wa kumuwaisha yule John hospitali.



Walifika hospitali na kumuwahisha kwa daktari ambaye mwanzoni alikuwa akikataa kumuhudumia ili wakalete PF3 kwani aligundua kama amepigwa na risasi, ila baada ya kumuomba sana aliamua kumuhudumia yule kijana kwani alikuwa mahututi.

Neema na Rose walikuwa hawajielewi huku wakijiuliza tu wao wenyewe kuwa kwanini Sam ampige yule John risasi.

"Kumbe Sam anatembea na bastora?"

"Sasa tunauhakika gani kama aliyempiga ni Sam?"

"Atakuwa ni yeye tu na ndiomana ameondoka bila kuaga"

Daktari naye akawaita katika ofisi yake,

"Tumefanikiwa kumtoa huyu kijana risasi, ila hali yake si nzuri. Mnatakiwa mkaripoti polisi ili huyu mtu ashughulikiwe, mi mwenyewe nimewasaidia tu ingawa hairuhusiwi kumuhudumia mtu wa hivi bila kibali"

Kisha akawataka kumueleza ilivyokuwa, ila hata wao hawakuelewa chochote kwavile hakuna aliyeona tukio.

"Haya, nendeni mkatoe taarifa polisi"

Wakaongea kidogo pale na kuondoka.



Njiani wakafikiria kuhusu kutoa taarifa polisi,

"Inamaana Sam atakamatwa, na akishakamatwa je?"

"Si atafungwa, bora afungwe sababu ni muuaji. Mtu gani anatembea na bastora?"

"Akifungwa na mpango wetu itakuwaje? Ila huyu John naye ni mpumbavu. Mi nimeliambia vizuri tu kuwa lisije ila cha kushangaza limekuja na kuzua mabalaa kwetu sasa. Hela zote zimenitoka mie, uhuni huu umeniponza jamani"

Kwahiyo wakahairisha safari ya kwenda polisi na kuamua kurudi nyumbani, na kwavile muda ulishaenda, waliamua kwenda moja kwa moja nyumbani kwa Rose na kulala huko.



Sam hakukaa nyumbani kwake kwani alijua wazi kuwa kashafanya kosa, kwahiyo akamtafuta mwanasheria wake na kuongea nae vizuri ili kama kitatokea chochote ajue jinsi gani atamsaidia.

Na kesho yake alfajiri na mapema akasafiri na kuelekea kwao Arusha.



Joy mke wa James, alikuwa kwao akilia tu muda wote na kumfanya mama yake amshangae zaidi na hata alipomuuliza hakuweza kujibu na kumuacha apumzike kwanza.

Ila kulipokucha, aliamua kumuuliza tena mwanae juu ya jambo linalomtatiza,

"Mama, sitaki kuachana na mume wangu. Kwanini iwe hivi kwetu jamani mama?"

"Kwani imekuwaje mwanangu? Na kwanini uachane na mumeo wakati mmefunga ndoa takatifu kabisa!"

"Roho inaniuma sana mama, sitaki kukubali wala kuamini hili. Kwanini iwe hivi jamani kwanini mama, kwanini sisi?"

Bado ilikuwa ngumu kumuelewa kitu anacholalamikia au anachomaanisha.



Wakati huo, James naye alikuwa hospitali kumuona baba yao ambaye alikuwa amepewa ruhusa ya kurudi nyumbani siku hiyo.

James ndio akachukua jukumu la kurudi nae kwani mama wa Joy hakuonekana hapo hospitali kwa muda huo.



Mama wa Joy alikazana nyumbani kumuuliza mwanae kitu kinachomtatiza na kumfanya awe katika hali ile.

"Mama, James ni kaka yangu"

"Kaka yako? Kivipi?"

James na baba yao nao wakawa wamewasili muda ule ule na kumfanya mama wa Joy kwenda kuwapokea na kuwakaribisha ndani.

Baba wa Joy bado hakujielewa kwani hakujua hata anaanzaje kumueleza mke wake ila aliona ni vyema tu atoe dukuduku lake la moyoni na kumwambia ukweli kuhusu James kuwa ni mtoto wake na kumfanya mama wa Joy abaki na mshangao na kuelewa sababu ya Joy kulia na kutamka yale maneno,

"Ndiomana Joy analia! Nimeelewa sasa"

Baba wa Joy naye akaongea kwa masikitiko sana,

"Najiona sina thamani kwenye maisha haya. Itakuwaje kwa hawa wanangu? Nawezaje kuwatazama wakiishi pamoja kama mke na mume? Bora ningekufa tu kuepusha hii aibu"

Joy naye akasogea karibu ya James huku wakisikiliza hoja za wazazi wao ila muda wote Joy alionekana kutoa machozi, huku mama wa Joy akiendelea kumbembeleza mumewe,

"Usiseme hivyo mume wangu, bado tunakuhitaji sana katika maisha yetu. Mi nimekusamehe mume wangu"

"Na watoto je? Itakuwaje kuhusu James na Joy? Maana mi sitaweza kuvumilia kuwaona kama mke na mume ilihali baba yao ni mie"

Joy aliongea kwa masikitiko pia,

"Utakuwa hujatutendea haki baba, mi siwezi kuishi bila James. Kumbuka tuna mtoto tayari na sasa nina mimba yake"

Joy alionekana kuumia zaidi kuhusu hili kwani hakufikiria kuwa ipo siku atatengana na James tena kwa namna ya undugu, aliendelea kuongea kwa uchungu sana,

"Siko tayari kumuona James akiwa na mwanamke mwingine, siko tayari kabisa nampenda sana"

Ikabidi mama yake asogee karibu na mwanae akimbembeleza.

Muda huo baba yao nae akamtazama James ili kusikia maamuzi ya James pia,

"Nakusikiliza nawe mwanangu"

"Mimi hata sijielewi hapa nilipo sababu sidhani kama itatokea siku nikampenda mwanamke mwingine kama ninavyompenda Joy. Yani nampenda sana, yani sijui hata......."

Gafla baba yao akaanguka na kupoteza fahamu, ikabidi wamuwahishe hospitali.



Neema na Rose hawakutaka tena kurudi hospitali kwa kuogopa kudaiwa kibali cha polisi, walichofanya ni kuwapigia simu ndugu wa John na kuwajulisha kuwa ndugu yao amelazwa bila ya wao kujulikana.

"Kwahiyo hatutaenda kumuona huyu John"

"Bora tusiende kuliko kuanza uchunguzi na polisi, mambo yashatokea ndiobasi tena"

"Ila wewe Rose unaongea hivyo sababu John hakuhusu, ila mimi nampenda sana sema tamaa tu hii ndio inaniponza"

"Na wewe Neema acha zako hizo, huyu John kajitakia mwenyewe na alivyomkorofi nina uhakika alianzisha fujo humu ndiomana Sam akamfanya vile"

"Ila kumbuka, John akitoka hospitali hata sisi tutadakwa. Bora twende kwa Sam tukubaliane cha kufanya"

Ikabidi waondoke pale na kuelekea nyumbani kwa Sam.



Sakina kama kawaida yake, alienda tena kwakina Sabrina ili kumshawishi amkumbuke mumewe.

"Labda twende tena Sabrina, unaweza ukarejesha kumbukumbu zako"

"Kule nilipong'atwa na nyoka siwezi kwenda tena, labda uende mwenyewe"

"Sabrina, jihurumie mdogo wangu. Hapo una mtoto mdogo na mimba nyingine halafu ulee mwenyewe, tafadhari twende urejeshe kumbukumbu zako. Kwanini uteseke wakati watoto wako baba yao yupo!"

"Kwanza sina uhakika kama yule ni baba yao"

Sakina akashtuka na kumuuliza kwa makini,

"Unamaana gani Sabrina?"

Sabrina naye akajishtukia kwa maneno yake,

"Aaah sina maana yoyote ile"

Sakina hakumuelewa Sabrina ingawa alimbembeleza na kuchoka kuwa waende nyumbani kwa Sam ila Sabrina alikataa kabisa na kumfanya Sakina kuamua kwenda kuendelea na shughuli zake zingine.



Wakina Neema walipofika kwa Sam wakashangaa kumkosa, na mlinzi aliwajibu kuwa Sam amesafiri na kuwafanya kuwa na mawazo zaidi.

Wakaenda pembeni kujadiliana,

"Sasa itakuwaje? Au dawa zimeisha nguvu kweli?"

"Mi siamini kama dawa zimeisha nguvu, na kama zingekuwa zimeisha nguvu basi angekuwa ameenda kwa Sabrina na sio kusafiri. Hapa tufanye kitu tu"

"Kitu gani tufanye?"

"Hebu jaribu kuwasiliana nae na kumuomba uende alipo, akikubali tukamilishe ule mpango wetu"

Neema akakubali na kumtafuta Sam hewani ambapo Sam aliipokea ile simu na kuongea nae kwani tayari alishamkumbuka pia, hata ombi la Neema kwenda alipo aliliona kuwa ni wazo jema kwani hakuweza kupingana na moyo wake kuwa kwa kipindi hicho ni anampenda sana Neema.

Walipomaliza kuongea na simu, Neema akamwambia Rose ile khabari njema na kuifurahia kisha kuondoka na kurudi nyumbani kwa Rose kwa lengo la kujiandaa na hiyo safari.



Sam akiwa Arusha alijikuta akiwaza mambo mengi sana, akakumbuka siku ile ya kwanza kumuona Sabrina.

Akakumbuka alivyompenda na kujitoa kwaajili yake,

"Kwanini leo simpendi tena? Kwanini Sabrina amenitoka kwenye moyo wangu kabla ya kumwambia ukweli halisi kuhusu mimi? Ni nani nitakayeweza kumwambia siri yangu? Neema! Hapana, nampenda ila siwezi kumwambia hili. Na je ataweza kunivumilia kama Sabrina alivyofanya?"

Akawaza sana Sam bila ya jibu ila ukweli ulibaki pale kuwa alimpenda sana Sabrina ingawa dawa zimemfanya amchukie.



Joy alibaki nyumbani wakati wamemkimbiza baba yao hospitali kwani alikuwa kama ameshachanganyikiwa vile.

Alikaa mahali peke yake na hakutaka kuongea na mtu yeyote.

Alikuwepo mdogo wake ambaye hakuelewa ni kitu gani kinaendelea kwenye ile familia yao kwa kipindi hiko, alijaribu kwenda kukaa na dada yake ili ajue tatizo ila alimuona kuwa ameshachanganyikiwa na Joy hakutaka kabisa kuongea na mdogo wake huyo.

Na kwajinsi yule mdogo wake alipoona Joy anazidi kuchanganyikiwa, akaamua kumpigia simu mama yao ili aweze kurudi nyumbani kwa haraka.



Mama wa Joy aliamua kurudi nyumbani na kumuacha James hospitali akiendelea kungoja maelezo ya daktari kuhusu baba yao.

Alipofika nyumbani moja kwa moja akaelekea alipo Joy na kumkuta akitaka kunywa vidonge kwa lengo la kujiua.

Mama yake alishtuka sana,

"Wee Joy mwanangu jamani Joy mama nini mwanangu? Kwanini ujiue?"

"Sitaki kuishi tena mama, bora nife"

"Usifanye hivyo mwanangu, unanitesa mimi mama yako"

"Sipo tayari kuachana na James, bora nife mama"

Joy alikuwa akilia sana kama kawaida, mama yake alielewa kuwa ile mimba ndio iliyomfanya Joy awe na uchungu kiasi kile.

"Huwezi kuachana na James mwanangu, ondoa shaka juu ya hilo"

"Baba hawezi kukubali mama, bora mimi nife"

Mama wa Joy akasikitika,

" Yani nyie watu mnanifanya nitoe siri niliyoitunza miaka yote hii"

"Siri gani?"

"Nisamehe mwanangu, ila ukweli ni kuwa huyu sio baba yako mzazi"

Joy akashangaa sana na ikawa ni ngumu kumuelewa mama yake.



Neema alijiandaa kwa safari na kupanga mambo yote na Rose.

"Jitahidi safari hii ufanikiwe, maana hiyo dawa lazima ujengewe ghorofa shoga yangu"

Wakafurahiana pale na muda ulipofika, wakaelekea uwanja wa ndege kwa lengo la kusafiri kwa Neema.



Neema alifika Arusha na kupokelewa na Sam kama walivyowasiliana, na moja kwa moja akampeleka hotelini ambako Neema alifurahi sana kufikishwa hotelini.

"Twende nikakutembeze kidogo uone mandhari ya Arusha"

"Hapana, muda ushaenda na pia mi ningependa tukae tupate vinywaji na kuongea kidogo"

"Sawa hakuna tatizo, twende tukakae pale baa tunywe basi"

"Hapana, mi nataka tunywe humu ndani"

Sam hakupinga kitu na kumpigia simu muhudumu kisha kumuagiza vinywaji wanavyotaka.

Muhudumu naye hakuchelewa na kuwaletea vinywaji.

Kwavile Neema alikuwa na hamu sana na ile dawa ya kumfanyia Sam ndiomana alikuwa anaharakisha ili asije kusahau.

"Sam, samahani"

"Bila samahani"

"Naomba kanichumie jani la mti wowote nje, kuna kitu nataka kukuonyesha"

Sam hakupinga kitu na kutoka nje, Neema akatumia muda huo kuweka dawa kwenye kinywaji cha Sam.

Muda kidogo Sam akarudi bila ya jani wala nini na kumfanya Neema amshangae,

"Mbona hujaniletea jani?"

Sam akacheka na kusema,

"Nimekuona ulichokuwa unafanya, haya kwa usalama wako kunywa mwenyewe hicho kinywaji"

Sam akatoa bastora na kumlengeshea Neema.



Muda kidogo Sam akarudi bila ya jani wala nini na

kumfanya Neema amshangae,

"Mbona hujaniletea jani?"

Sam akacheka na kusema,

"Nimekuona ulichokuwa unafanya, haya kwa

usalama wako kunywa mwenyewe hicho kinywaji"

Sam akatoa bastora na kumlengeshea Neema.

Neema akatetemeka sana huku ameishika ile glasi na kujikuta akiibwaga chini na kuvunjika, ila Sam akatabasamu tu kisha akairudishia bastora yake na kukaa kwenye kitanda.

Neema alisimama vile vile akitetemeka, Sam akamuangalia na kumwambia

"Unapofanya kitu uwe unajiamini, njoo ukae hapa"

Neema alikuwa akitetemeka tu na kusitasita, ila Sam akamshika mkono na kumfanya akae.

Kisha akaanza kumuhoji,

"Sasa Neema ulikuwa unaniwekea dawa ili iweje?"

"Naomba unisamehe Sam, sikuwa na nia mbaya"

"Ulikuwa na nia gani gani?"

"Samahani, naomba unisamehe. Nia yangu ilikuwa ni kulala na wewe, na ile dawa ilikuwa ni kukufanya ulale"

Sam akacheka na kutikisa kichwa, Neema wewe ni mpumbavu kwakweli. Umeshindwa kufanya chochote cha kuniwezesha mimi kulala hadi uniwekee dawa? Mi nakupenda tayari kwahiyo sina cha kupinga kwako, na una bahati nakupenda maana vinginevyo ungebaki historia. Haya unataka kulala na mimi kiaje?"

Neema akaangalia chini na kujibu,

"Kimapenzi"

"Kwahiyo unataka kusex na mimi?"

Neema akaitikia kwa kichwa, Sam akatabasamu kisha akatulia akitafakari kitu kidogo.

"Ila huwa sipendi kufanya hivyo na mwanamke nimpendae au niliyemzoea."

"Kwanini Sam, ilihali tunapendana? Tafadhari Sam, nahitaji penzi lako."

"Basi nipe siku mbili nitakupa jibu"

Neema akamshangaa kuwa huyu ni mwanaume wa aina gani huyu ambaye kulala mpaka afikirie? Alikosa jibu na kuamua kungoja jibu baada ya hizo siku mbili.

Siku hiyo Sam alimuacha Neema peke yake na yeye kwenda kulala kwingine.



Neema aliwaza juu ya maamuzi ya Sam kwa usiku wote na kuamua kumpigia simu rafiki yake Rose kwa ushauri.

"Yani na wewe umekubali kusubiri hizo siku mbili?"

"Sasa nifanyaje hapo shoga yangu?"

"Wewe ni mwanamke, fanya kitu. Kumbuka una mimba tayari, sasa utambambikiaje kuwa ni yake? Muwahi sasa, usichelewe"

"Jamani shoga yangu, unanipa mawazo ujue?"

"Mawazo gani? Fanya kitu mpigie simu aje mlale wote, mwambie huwezi kulala mwenyewe. Yani Neema nawe hebu acha upumbavu, umeweza kutembea na wanaume wangapi hadi huyu akushinde? Mwonyeshe makeke yako ukizingatia kukupenda kashakupenda tayari"

Neema akaingiwa akilini na yake maneno ya Rose na kuona wazi kuwa achangamkie hilo wazo mapema.

Alipokata tu ile simu akaanza kumpigia Sam ili kumshawishi akalale nae, huku akijiwazia

"Yani huyu mwanaume sijui ni wa aina gani? Wanaume wenzie huwa wanalazimisha wadada kulala nao, eti yeye ndio nimlazimishe. Mmh ila sikubali hadi aje kulala na mimi"

Akaongea nae kwenye simu na kumwambia kama alivyoambiwa na rafiki yake.

"Kwahiyo nia yako nije tu kulala huko basi!"

"Ndio uje tu kulala na mimi"

"Sawa basi nakuja"

Neema akafurahi na kuona kuwa sasa atimize azma yake aliyopanga na Rose.



Muda kidogo, Sam akafika mule chumbani alipolala Neema na kama ambavyo Neema alipanga, alimkaribisha kwa makeke yote.

Sam akamuangalia tu na kumuuliza,

"Huwezi kulala peke yako?"

"Ndio siwezi, nalalaje peke yangu wakati mpenzi wangu upo?"

"Sawa basi tulale wote"

Sam akapanda pale kitandani na kujilaza, Neema alikuwa akimshangaa tu Sam na kujaribu kumfanyia mambo mbalimbali ya kumshawishi ila Sam hakuonekana kabisa kushawishika, ikabidi Neema amwambie tu tena,

"Tafadhari Sam naomba"

"Unaomba nini Neema?"

"Naomba penzi lako"

Sam akatabasamu na kumjibu,

"Mi siwezi Neema"

"Kumbe Sam hunipendi eeh!"

"Sikupendi kivipi? Nakupenda sana tu ila siwezi kukufanyia hili"

"Basi utakuwa ni mwanaume ambaye hajakamilika"

Neema alijikuta akiropoka na kumfanya Sam achukie,

"Unasema mimi ni mwanaume ambaye sijakamilika? Na nisipofanya hivi na wewe ni kuwa sikupendi?"

Neema akaangalia chini na kumfanya Sam amsogelee na kumkumbatia kisha akamwambia,

"Mi nakupenda sana Neema tena sana na ndiomana sikuweza kukudhuru kwavile nakupenda tena kuliko nilivyokuwa nampenda mke wangu Sabrina. Ila kwavile umesema bila kufanya hivyo itakuwa sikupendi basi mi nitafanya, na kwavile umesema nitakuwa sijakamilika basi mi nitakuonyesha kama ni mwanaume niliyekamilika kabisa ila nilikuwa nakuhurumia kwavile nakupenda"

Neema akatabasamu kwani aliona huo ni muda muafaka wa wao kufurahia mapenzi yao.

Kisha Sam akamtaka Neema kuzima taa ili waweze kukamilisha azma yao.



Nyumbani kwakina Joy bado ilikuwa ni kizungumkuti kwani Joy alishindwa kumuelewa mama yake kabisa kuwa yeye yule sio baba yake kivipi.

Usiku huo James alirudi nyumbani na kuwataarifu kuwa baba yao atarudi kesho yake, ikabidi Joy amfate James na kumueleza alichoambiwa na mama yake,

"Sasa huyu sio baba yako mzazi kivipi?"

"Mama hajaniambia kivipi, ila hata mimi nina maswali najiuliza. Sasa baba yangu mimi ni nani kama sio huyu?"

"Kheee! Ila mbona wamama ni waongo sana. Lazima tumuulize kivipi"

"Mwache, baba akirudi atamuuliza mwenyewe"

Kwasiku hiyo, James alilala kwa amani kidogo ila Joy alijikuta na mawazo juu ya alichoambiwa na mama yake.



Kulipokucha, James alienda hospitali na mama mkwe wake na kuruhusiwa kuondoka na mgonjwa na kurudi nae nyumbani kwani alikuwa na hali nzuri kiasi kwa siku hiyo.

Kwahiyo wakafanya safari ya kurudi nyumbani.

Walipofika nyumbani kama kawaida wakawakuta wengine na Joy pia aliyeenda kumpokea baba yao na kumkaribisha ndani.

Ila baba yao alipoingia ndani tu, hakutaka hata kupoteza muda kwani akawaita tena wote kwa mahojiano yale yale,

"Eeh, mmefikiria nini hadi sasa?"

Joy alikuwa wa kwanza kujibu kwa kumshangaa,

"Khee baba, bado unayo hayo hayo?"

"Nahitaji kujua hitimisho la haya mambo kwanza"

Ikabidi mama wa Joy amuombe mumewe waende kuzungumza wawili kwanza kwani ile khabari alijua wazi Joy anaweza kuropoka na kutawafanya washindwe kupata hitimisho lao, kwahiyo waliamua kwenda chumbani kwaajili ya kuyazungumzia hayo mambo.



Alijadiliana na mumewe ambaye alionekana kutokumuelewa kabisa, alimweleza ukweli kuhusu Joy kuwa si mtoto wake mzazi na ilikuwa ngumu kwa baba Joy kuelewa hili.

Alikuwa akitikisa kichwa tu,

"Hivi nyie wanawake mnamatatizo gani? Mapenzi gani haya? Tumeishi siku zote, miaka yote kumbe Joy sio damu yangu? Ndio kunipenda huku kwa kunidanganya kuhusu mtoto?"

"Naomba unisamehe mume wangu, haikuwa kusudio langu kufanya hivi. Nisamehe sana"

"Na kwanini ufanye hivi? Kwanini unidanganye jamani? Mama Joy, si ni wewe uliyekuwa ukiniambia usiku na mchana kuwa unanipenda sana nisije nikakusaliti? Sasa haya ndio mapenzi uliyokuwa ukiyasema? Kunidanganya kweli? Siwezi kukusamehe kwa hili?"

Mama Joy alionekana kusononeka sana,

"Mbona mi nimekusamehe na unamtoto wa nje jamani?"

"Tena usitake kuniudhi? Umenisamehe mimi kwavile unajijua kuwa unamakosa tayari, na jambo lingine mimi hili si kosa langu ila ni kosa la mwanamke kama wewe mnaopenda kuwanyima watu haki zao kwamadai mpo kwenye mapenzi ya kweli ila kiuhalisia haya si mapenzi mama Joy, si mapenzi kabisa"

Baba Joy alipaniki sana na kuumia moyo wake kwani hakutarajia hili kutoka kwa mkewe.

"Nisamehe mume wangu"

"Niache mama Joy, niache kabisa nifikirie mambo yangu"

Mama Joy akaona ni vyema atoke ili asiendelee kugombana pale na mume wake.



Kwakweli siku hiyo baba Joy hakuweza kulala kwani alijikuta akiwa na mawazo mengi sana.

Aliwaza kipindi cha kukutana na Joyce yani mama wa Sabrina, akakumbuka jinsi alivyokuwa akimpenda ila hakuweza kumwambia kwavile alikuwa ni mke wa mtu tayari.

Akakumbuka jinsi Joyce alivyoonyesha kumjali na kuwa nae karibu ingawa bado moyo wake haukuweza kumwambia wazi Joyce kuwa anampenda ingawa kiuhalisia alikuwa akimpenda sana.

Akakumbuka kipindi alipotembelewa na Joy wakati wa mgonjwa wake na kumuingilia kinguvu bila kujua kile kitendo ndio kilichofanya mimba ya James kutungwa.

Akakumbuka sasa alipokutana na mama Joyce ambaye ndiye mke wake kwa kipindi hiki anayeitwa Lucy na kupendana nae sana, huku huyu Lucy akionekana kuwa na hamu kubwa ya ndoa.

Kipindi hiko naye hakutaka kulaza damu kwani alipenda kuheshimika na kufanya wafanye mipango ya haraka dhidi ya ndoa yao huku akimtunzia mkewe huyu heshima ya kutofanya naye chochote hadi kukamilika kwa ndoa yao.

Akakumbuka mwezi mmoja baada ya ndoa yao akapata khabari njema toka kwa mkewe kuwa ni mjamzito na kuwafanya wafurahi sana.

Na kipindi kilipofika mkewe alipata mtoto wa kike na kuwafanya wafurahi sana huku mkewe akilalamika kuwa amejifungua mtoto huyo kabla ya miezi kufika na kuwafanya wamshukuru sana Mungu kwani mtoto alikuwa salama kabisa.

Ndipo alipoamua kumpa binti yao jina la Joyce kwani alikuwa ni mwanamke aliyempenda sana ingawa mkewe hakutambua hilo.

James aliwaza sana hadi kichwa kumuuma kwa yale mawazo na usingizi kukosekana kabisa hadi panakucha yeye alikuwa macho.



Kwa asubuhi hii Neema alionekana kujiinamia huku akilia sana, alilia hadi kichwa kumuuma.

Muda huu Sam alijaribu hata kumletea kinywaji ili ampunguze zile hasira alizokuwa nazo.

"Niache Sam, bora ungeniambia ukweli"

"Ukweli gani Neema?"

"Ungeniambia kama wewe sio mwanaume wa kawaida"

"Ningekuwa sio mwanaume wa kawaida ungekuwa nami usiku wote? Ungekuwa nami muda huu? Inamaana mimi sio mwanaume wa kawaida ila ni jini au ni kitu gani? Nakupenda sana Neema ila si kwa namna hii ya kutaka kunivunjia heshima"

"Sawa, ila basi mi naomba kuondoka. Acha nirudi zangu"

"Utaondokaje kwa hali hiyo? Tafadhari usiondoke"

"Basi naomba simu niwasiliane na ndugu zangu"

"Tafadhari, usimwambie yeyote kilichotokea baina yangu mimi na wewe. Na hiyo ibaki kuwa siri yako hadi pale nitakapokuruhusu mimi"

Halafu Sam akatoka bila hata ya kumkabidhi Neema simu zake aweze kuwasiliana.

Neema alibaki akilia mule chumbani na kulaumu tamaa yake,

"Tamaa imeniponza mimi, bora ningebaki na John wangu. Tulikuwa tunapendana tu na uzuri alikuwa akinielewa sana, sasa nimejitumbukiza kwenye shimo, kwenye mdomo wa mamba. Nilijua nitafaidi kumbe atanifaidi mimi, nini hatma yangu? Pesa imeniponza Neema mimi."

Hakuweza kuendelea kuwepo mahali pale kwani alijua wazi kuwa hata wahudumu wakiingia pale itakuwa ni jambo la aibu.

Kwahiyo akajiandaa kinyemela na kuondoka kwa machale sana.

Alifanikiwa kutoka nje ya ile hoteli na kukutana na bodaboda kisha akapanda na kuondoka nayo ili hata apate basi lolote la kwenda Dar kwani hakuwa na hali wala hamu ya kuendelea kubaki Arusha.



Muda kidogo Sam akaenda tena kwenye chumba alichomuacha Neema na kushangaa kumkosa.

"Huyu mwanamke ni mpumbavu sana"

Aliwaita wahudumu ili wafanye usafi kwenye kile chumba kisha yeye kujaribu kumfatilia Neema.

"Ila ananilaumu bure tu sababu nilishampa onyo kabla, labda anahisi Sabrina alikuwa akifaidi sana kwangu wakati Sabrina alikuwa ndio dawa yangu ya kusubiria matibabu. Pole yake Neema, nampenda sana ndiomana namuhurumia kwani akisema tu ndio mwisho wa khabari yake"

Sam aliongea mwenyewe huku akiendelea kumfatilia Neema kwa kukisia sehemu aliyoenda.

Neema alipofika stendi akashuka toka kwenye ile bodaboda na kumlipa yule mwenye bodaboda pesa yake.

Wakati Neema anaondoka, yule wa bodaboda akamuita.

"Dada nakuomba mara moja"

Ilibidi Neema arudi pale kwenye bodaboda,

"Samahani dada, umenichafulia bodaboda yangu"

Neema akaangalia pale kwenye kiti na kuona damu.

Aibu ikamjaa, akatoa kitambaa na kufuta kisha akachukua mtandio na kujifunga kwani alijua wazi kuwa lazima amelowa na watu watamshangaa njiani.

Kisha akatafuta sehemu ya mliwato kwenda kujisafisha, huku akitafakari namna atakavyofika mjini kwani akili yake ilishavurugika tayari na alitamani afike ili akamueleze Rose kilichompata na waweze kujadiliana cha kufanya.



Sabrina akiwa kwao bila ya kuwa na wazo lolote la kumkumbusha vitu vya nyuma, akashangaa kuona matone ya damu mbele yake kisha akasikia sauti iliyomwogopesha.



Sabrina akiwa kwao bila ya kuwa na wazo lolote la kumkumbusha vitu vya nyuma, akashangaa kuona matone ya damu mbele yake kisha akasikia sauti iliyomwogopesha.

Sauti ile ilimwambia Sabrina,

"Msaidie huyu dada"

Ila Sabrina hakuelewa chochote zaidi ya kutetemeka tu, kwa bahati alifika Sakina pale nyumbani kwakina Sabrina na kumuona Sabrina kama mtu asiyejielewa.

"Mawazo yatakumaliza mdogo wangu"

Akamuangalia Sakina na kujaribu kuangalia tena yale matone ya damu ila hakuona chochote na kumfanya atikise kichwa tu.

Sakina akaona bora ampe ushauri Sabrina ya kuwa asipende kukaa mahali pamoja kamavile na kumuomba wakatembee kidogo.

Sabrina akakubali kwani hata yeye aliona wazi kuwa kukaa ndio kunamfanya awe na mawazo.

Akaenda kujiandaa kwaajili ya matembezi hayo, kisha wakamuaga pale mama Sabrina na kuanza safari yao kidogo kidogo huku Sakina akiwa amembeba mtoto wa Sabrina.



Wakiwa njiani Sabrina na Sakina, kuna mdada akawafata na kuwasimamisha huku akionekana kumfahamu Sabrina ila kwavile Sabrina hakuwa na kumbukumbu ikawa ni ngumu kwake kumkumbuka huyu dada kabisa ila yule dada alionekana vyema kumfahamu na kumkumbuka Sabrina, kisha kuanza kumuuliza.

"Wewe si ndio mke wa yule bosi Sam?"

Ikabidi Sakina aitikie kwa niaba ya Sabrina,

"Ndio ni yeye, na huyu mgongoni ndiye mtoto wao"

"Kheee makubwa haya, Sam ana mtoto?"

"Ndio, huyu hapa"

"Na huyu dada ana mimba nyingine!!"

Huyu dada alionekana kushangaa sana na kumfanya Sakina nae amuulize kwa mshangao,

"Kwani vipi?"

"Huyu dada hanikumbuki ila mimi niliwahi kuonana nae kwenye baa fulani ambayo bosi Sam alikuwa akiipenda sana, nikatamani kumwambia ukweli kuhusu bosi Sam ila mwenyewe akatokea na kufanya nishindwe kumwambia"

"Ukweli gani huo?"

Sakina aliuliza kwa mshangao sana, na huyu dada nae akajibu kwa mshangao wa kumshangaa Sabrina,

"Yani hata nashangaa hapa kuona huyu dada ana mtoto aliyezaa na bosi Sam na ana mimba nyingine. Labda kama haya maneno walimzushia tu sababu ya hela zake, ila mimi nina rafiki zangu wawili waliokufa nikiwashuhudia sababu ya huyo bosi"

Sakina nae akashangaa,

"Kivipi dada, hebu tueleweshe"

"Yani yule bosi alikuwa akilala na mwanamke sijui anamuwekea vinini maana huyo mwanamke ataingia siku zake maisha yote na anamkataza kusema, na pindi akitaka kusema tu anakufa papo hapo. Rafiki zangu wawili wamekufa nikiwatazama hivi kwa macho yangu ila hawakuweza kusema walichofanyiwa kwani walipotaka tu kusema ikawa mwisho wao. Mara nyingi tumekuwa karibu kuwatahadharisha watu kuhusu huyu bosi, na akaendaga Arusha ili kufuta haya kwanza. Ndio nikashangaa kumuona tena Dar akiwa na huyu dada, ndio siku ile nilitaka kumwambia huyu dada kuwa amchune tu yule bosi ila asikubali kulala nae ila sikufanikiwa kumwambia hayo sababu mwenyewe alitokeza na akanisemea kwa bosi wangu nami nikafukuzwa kazi ndio hadi leo nakuona tena hapa"

Sakina na Sabrina walibaki wakitazamana tu kwani hawakuelewa mbichi wala mbivu, Sabrina akajikuta akiuliza.

"Kama ndio hivyo mbona mimi nina watoto nae sasa?"

"Kwakweli sijui, ila sikuwa na nia mbaya ndugu zangu nilitaka utambue tu azma yangu ya siku ile."

Basi Sakina akaongea nae pale na kumwambia asione Sabrina kuonyesha kuwa hamjui, akamjulisha kuwa Sabrina hana kumbukumbu kwa kipindi hiko.

"Duh pole sana dada, pole sana. Mungu atakusaidia kumbukumbu zako zimerudi, ilimradi umeweza kudumu hivi na bosi Sam ujue unamaisha marefu sana"

Wakaongea nae pale na kuagana nae.

Sabrina hakuelewa kitu ila Sakina nae alijikuta na maswali ya kujiuliza, kisha akamuuliza Sabrina,

"Hivi ulikuwa unalalaje na Sam?"

Sabrina akacheka na kujibu,

"Mi sijui ila nadhani tulikuwa tunalala kawaida tu kama wengine ndiomana tukapata watoto hawa"

"Mmh! Au hayo matatizo wewe hayajakupata ila yamekimbilia kwenye kumbukumbu zako?"

"Mi sijui kwakweli sijui"

"Sabrina, naomba ukubaliane nami kuhusu hili"

"Lipi hilo?"

"Naomba twende kwa mganga akakuangalie matatizo yako"

Sabrina akafikiria kidogo kisha akamjibu,

"Kwa muda huu hapana, acha kwanza turudi nyumbani nikatafakari"

"Sio kwa muda huu bhana, namaanisha hata kesho"

Basi wakakubaliana kurudi nyumbani kwanza.



Neema akafanikiwa kupanda basi la kurudi Dar, na hakutaka kushuka popote hadi walipoingia mjini kwani alijua wazi kuwa atakuwa amechafua pale kwenye kiti.

Walipofika mjini walishuka wote, na yeye akawa wa mwisho kushuka kwa kujifunga mtandio mwingine juu yake.

Alitoka hadi nje ya stendi na kuita bodaboda kisha kuianza safari ya kumpeleka nyumbani kwake.

Neema wa leo hakuwa kama Neema yule wa juzi aliyeondoka kwa shauku na bashasha kwani leo alionekana kujichokea kupita maelezo ya kawaida.



Kwa bahati, alipofika kwake, alimuona rafiki yake Rose.

Alifurahi sana na kumuomba amsaidie kulipa pesa ya ile pikipiki ambapo Rose akaitoa ile pesa, ila Neema aliposhuka tu akatoa mtandio mwingine na kufuta pale alipokuwa amekaa kwenye ile bodaboda.

Kisha akaingia ndani na rafiki yake Rose.

"Vipi Neema mbona hivyo? Kwenye simu hujapatikana wala nini siku nzima ya leo. Na mbona unatoa harufu ya damu? Vipi mimba imetoka au ni nini?"

"Acha tu rafiki yangu, kwanza shukuru Mungu nimefika. Ila jua kwamba umeniponza sana"

"Nimekuponza kivipi?"

"Ngoja nikajisafishe kwanza"

Neema aliinuka pale chini na kuelekea maliwatoni moja kwa moja.



Baba wa Joy hakutaka hata kumuona mkewe kwani na yeye siku hiyo aliondoka kabisa pale nyumbani kwake na hakuna aliyeweza kumfata ili kumzuia kuwa asiende mbali sana.



Alipoondoka pale kwake, akaenda moja kwa moja kwenye ufukwe wa bahari.

Akakaa sehemu moja yenye michanga huku akitazama maji ya bahari yanavyoenda, mbele yake kidogo akamuona mtu anayemfahamu na kujikuta akiamua kumfata.

Mtu huyo alikuwa ni Deo yani baba wa Sabrina ambaye alikuwa amesimama tu akiangalia maji pia.

Akamsogelea na kumsalimia,

"Habari mr. Deo"

"Salama"

Deo alionekana kumshangaa kidogo kwavile hakuwa na mazoea naye,

"Samahani, naitwa James. Nimewahi kuwa mwalimu wa kwaya kwenye kanisa alilokuwa anasali mkeo"

Deo akatikisa kichwa kuashiria kwamba lile jina si geni kwenye masikio yake na wala yule mtu si mgeni pia.

Kisha baba wa Joy alijikuta akimueleza matatizo yake Deo huku akificha ukweli halisi kuwa mke wa Deo pia anahusika kwa hilo.

"Pole sana, wewe ni mwanaume unatakiwa kujikaza. Jifunze jambo moja kwenye akili yako kuwa kitanda hakizai haramu"

"Unamaana gani? Unatambua kuwa James sio mwanao?"

Deo akatabasamu,

"Natambua ndio, mimi ni mwanaume wa pekee sana. Nilikubaliana na hali halisi, tukamlea yule mtoto na kuwapata wengine na hadi leo bado naishi na mke wangu. Nilitambua kuwa haikuwa dhamira yake kunisaliti, dunia ni mzunguko. Unachokifanya leo kwa mwenzio usishange kukutokea wewe miaka ijayo"

"Kwanini unasema hivyo?"

"Stori yako na binti yako ndio inayonifanya niseme hivyo. Huyo binti ni mwanao endelea kumlea vizuri, ulicheza faulo kwa mke wangu na akatokea wa kucheza faulo kwa mkeo pia"

Baba Joy akashtuka sana baada ya kugundua kuwa Deo ameshamgundua.

Akajikuta akimuomba msamaha kwa yale aliyoyatenda miaka ya nyuma iliyopita,

"Nilishakusamehe kitambo sana, na ninampenda mke wangu. Nawe umsamehe mkeo na uendelee kumpenda. Huyo ni wako, wamwenzio si wako. Jali ulichokuwa nacho, epuka kuwafanyia wengine matatizo kwani na wewe yatakugeukia tu siku moja."

Kisha Deo akamuaga James hapo na kuondoka zake.

Baba Joy alijikuta akikosa usemi kabisa na kuona wazi amelipiziwa,

"Ila mbaya wangu ni nani? Je na yeye yatamtokea kama yaliyonitokea mimi? Inamaana siku zote huyu mzee alikuwa anajua kama mimi ndiye mbaya wake?"

Alijihoji sana na kuamua kurudi nyumbani kwake tu.



Rose alikuwa akimngoja Neema kwa hamu ili amwambie kilichojiri na kwanini yupo kwenye hali ile.

Neema alipotoka maliwatoni alienda kukaa moja kwa moja,

"Niambie Neema, umepatwa na nini?"

"Acha tu Rose, sasa nimeamini ule msemo usemao kwamba si kila king'aacho ni dhahabu, vingine ni chupa"

"Unamaanisha nini Neema?"

"Nimetembea na kila dizaini ya mwanaume, weupe, weusi, wanene, wembamba, warefu, wafupi, wakawaida na wote niliwamudu bila tatizo ila safari hii nimekutana na moto tena moto wa jehanamu sijui kama nitapona mimi. Tamaa imeniponza mie Neema."

"Jamani shoga yangu pole, ila nini kimekupata?"

Neema akakumbuka alichoambiwa na Sam kuwa asimwambie mtu yeyote na kujikuta akiendelea kulalamika tu,

"Siwezi kusema ila siku moja nitasema ili wenye tamaa kama mimi waache. Natamani nirudishe siku nyuma ili nisiwe nimeenda kwa mganga na kuchukua ile dawa ya kumteka Sam ambapo badala yake nimejiteka mimi mwenyewe. Najuta mimi Neema"

Ilikuwa ngumu sana kwa Rose kumuelewa rafiki yake huyu na kila alipojaribu kumdadisi bado alionekana kuongea kwa mafumbo tu mwanzo mwisho.

Akaona vyema amshauri kuwa akapumzike kwanza, naye Neema akafata ushauri na kwenda kujilaza kitandani kwake huku akiombea kuwa mambo yote yaliyompata yawe ni ndoto tu ili atakapoamka aanze kujipanga upya kwa maisha haya.



Sam naye alionekana kujutia kwa kitendo alichomfanyia Neema, roho ikamuuma sana.

"Niliapa kutofanya hivi na mwanamke yeyote nimpendaye. Kwanini nimemfanyia Neema? Mbona sikuweza kumfanyia Sabrina mwanamke niliyelala nae na kuamka nae kitanda kimoja kila siku?"

Akatafakari sana na kukosa jibu, ila alimuhurumia Neema kwa kuhofia kutangaza kwa watu kwani akithubutu tu kufanya hivyo itakuwa ni mwisho wake.

Aliona ni vyema na yeye arudi Dar, ila kabla ya kufanya hivyo aliamua kwenda kijijini kwao kwanza kusalimia.



Sabrina akiwa nyumbani kwao akamueleza mama yake vile alivyoshauriwa na Sakina kuhusu kwenda kwa mganga.

"Mwanangu, huyu Sakina muangaliage tu hivyo hivyo. Anapenda sana ushirikina na wala si mtu wa kumsikiliza kwakweli."

"Hata mi nimemshangaa ujue mama, yani yeye kila akiongea na mimi anazungumzia maswala ya uganga tu. Ila mama kuna kitu nataka nikwambie"

"Kitu gani?"

Sabrina akamueleza mama yake kuhusu matone ya damu aliyoyaona na sauti aliyosikia.

"Kheee! Na wewe umeanza mauzauza kama ya shangazi yako? Huyo mdada wa kumsaidia ni mdada gani?"

"Sijui mama, ila ile sauti ilinisisitizia sana kuwa nimsaidie huyo mdada"

"Sasa hayo makubwa, ndio huo ushirikina nisioupenda mimi. Haya sasa ukiamua kwenda kwa huyo mganga sababu ya hayo nendeni ila khabari za waganga mie ndio hata msinishirikishe jamani"

Muda kidogo, Deo yani baba wa Sabrina akawasili na kumfanya mama wa Sabrina kufurahi sana kwa kumuona mumewe kwani tangu aliposafiri ndio siku hiyo alikuwa amerudi.



Baba wa Joy nae alirudi nyumbani kwake na kuwaita Joy na James huku wote wakijiuliza anachotaka kuwaambia.

"Joy na James, nyie wote ni wanangu. Nendeni muendelee kuishi kwa upendo na amani."

Kisha akamuangalia Joy na kumwambia,

"Joy mwanangu, wewe ni mtoto wa kike. Unasiri kubwa ya kizazi chako, kuwa makini mshirikishe mumeo kwa kila jambo maana nyie sasa ni mwili mmoja. Msifichane chochote, James mwanangu mie ni baba yako mzazi ila aliyekulea pia ni baba yako. Jifunze kutoka kwetu, epuka kufanya makosa ya makusudi kwani makosa ya makusudi huwa yanamtindo wa kujirudia. Kuwa makini na maisha yako, mshirikishe mkeo kwa kila kitu huku mkiendelea kumtanguliza Mungu. Yangu ni hayo tu, natumaini ni wengi watajifunza kupitia mimi. Nawapenda sana, na ikumbukwe kuwa kila kitu hutokea kwasababu fulani katika hii dunia"

Alimaliza kuongea pale na kuwapa baraka zake kisha kuwaruhusu warudi kwao.



Neema alishtuka kwenye mida ya saa nne usiku, aliangalia kitanda chake na kukuta shuka lote limejaa damu.

Akapata jibu kuwa lazima mimba yake itakuwa imetoka, na kile kitendo cha damu kumtoka mfululizo toka ametoka Arusha akaona kuna uwezekano wa yeye kupungukiwa damu.

Hivyobasi akaona ni vyema kunapokucha aende hospitali kucheki afya yake, huku akikumbukia alichofanyiwa na Sam kisha machozi kumbubujika tu.



Kulipokucha asubuhi na mapema, Sakina akaenda kwakina Sabrina kwa lengo lile lile la kwenda nae kwa mtaalamu.

Ila leo Sabrina hakupinga na kuamua kumuachia mtoto mama Sabrina kisha wao kwenda kwa mtaalamu.

Walifika kwa mtaalamu na kukuta watu wengi sana na kumfanya Sabrina alalamike.

"Watu wengi hivi? Mi siwezi kusubiri, narudi nyumbani"

"Usijali, ngoja twende kwa mwingine"

Ikabidi waende kwa mtaalamu mwingine.

Na walipofika walikuta ana mtu mmoja ndani, wakasubiri atoke kisha wakaingia wao.

Yule mganga alipowaona akacheka sana na kuwaambia,

"Karibuni sana, nimewaona tokea mbali mkija"

Wakakaa chini na kumsikiliza,

"Nakuona mama umeongozana na mkwe wako, mmekuja kupata ukweli wa mambo"

Neno la mama na mkwe liliwashtua Sabrina na Sakina na kujikuta wakiangaliana tu.





Yule mganga alipowaona akacheka sana na

kuwaambia,

"Karibuni sana, nimewaona tokea mbali mkija"

Wakakaa chini na kumsikiliza,

"Nakuona mama umeongozana na mkwe wako,

mmekuja kupata ukweli wa mambo"

Neno la mama na mkwe liliwashtua Sabrina na

Sakina na kujikuta wakiangaliana tu.

Kisha wakajikuta wakiongea kwa pamoja tena kwa mshangao,

"Mama na mkwe wake!!"

Yule mganga akajua wameshangaa kuwa kawajuaje na kuanza kuwahabarisha,

"Mimi nina utambuzi mpana sana na nimejua toka mnakuja kuwa ni mtu na mkwe wake"

Sakina akamuuliza,

"Kivipi mtaalamu?"

"Kivipi tena! Huyu si ni mke wa mtoto wako?"

Sabrina akauliza kwa mshangao pia,

"Mke wa mtoto wake! Kivipi?"

Huyu mganga hakuwaelewa kuwa kwanini wanashangaa kwavile hakufanya tafiti yoyote ya kuwahusu hawa wawili.

Sakina akamuangalia Sabrina kisha akamkonyeza na kuamua kuinuka na kuondoka huku wakimuacha yule mtaalamu akicheka.



Waliondoka kabisa eneo lile na Sakina ndiye aliyeanzisha mazungumzo.

"Huyu mganga ni muongo sana ndiomana huwa hana watu"

"Leo nimeamini msemo wa mama kuwa waganga ni waongo, mtu gani anaongea ujinga tu"

"Ila sio waganga wote waongo, ni huyu huyu tu. Bora turudi kwa yule wa mwanzo."

"Hapana dada, bora tu kurudi nyumbani"

Ikabidi wakubaliane kurudi nyumbani huku njia nzima Sakina akilalamika kuhusu yule mganga.

"Hana akili yule, mi nina mtoto mmoja tu ambaye ni Jeff na wakati huo huo Jeff ni mdogo sana halafu huku anaibuka eti umekuja na mkweo, yani Sabrina uwe mkwe wangu kweli? Anajua mahusiano yetu huyu? Kweli miwaganga mingine inavamia fani tu. Sijui ni la wapi hili liganga. Najuta kuja tena kwake maana leo ndio amenichefua zaidi kuliko siku zote za nyuma."

Sakina aliendelea kulalamika tu njia nzima.



Neema nae alidamka asubuhi na mapema huku akielekea hospitali.

Alifika na kwenda kwa daktari moja kwa moja.

Kisha akamueleza tatizo lake la kutoa damu.

"Hilo tatizo limeanzaje?"

"Limeanza gafla tu, sasa nina mashaka kuwa na mimba yangu imetoka pia."

"Pole sana, je kuna maumivu yoyote unayapata?"

"Yani dokta, sina maumivu yoyote zaidi ya damu kunitoka tu"

Daktari aliamua kumpima na kugundua kuwa hana mimba tena.

"Uwii mimba yangu imetoka?"

"Pole sana dada, ngoja nikupe dawa za kukusafisha tu"

Daktari akamuandikia Neema dawa kisha Neema akaondoka pale hospitali akielekea duka la dawa.



Alipokuwa njiani kwa bahati akawaona Sakina na Sabrina ikawa alijua wazi itakuwa ni ngumu kwa Sabrina kumkumbuka yeye kwavile hakuwa na kumbukumbu ila aliamua kumuita tu.

Sabrina alimuangalia Neema kwa kumshangaa tu.

Neema akamsalimia Sabrina pale kisha akamwambia,

"Naomba unisamehe Sabrina"

Sabrina alimshangaa na kumuuliza,

"Nikusamehe kwa lipi?"

"Kwakweli nimekukosea mamangu, nimekukosea sana. Sijui kama nitaweza kusameheka. Ila je wewe umewezaje kuzaa na Sam?"

Sabrina alijikuta akitazamana na Sakina kwa mshangao, kisha akajibu,

"Kuwezaje kivipi? Kwani wengine wanazaaje na waume zao?"

"Najua huna kumbukumbu Sabrina, nisamehe bure"

Sakina naye akauliza,

"Umejuaje kama hana kumbukumbu?"

Neema akawatazama na kuwajibu,

"Niliambiwa na Sam pindi alipokuwa anaumwa"

Sakina akamuangalia tu Neema huku Neema nae akitamani kumuuliza kwa undani Sabrina ila hakuweza na kuamua kuwaaga kisha kuondoka.

Sabrina akasikia kama kitu kikimwambia moyoni mwake,

"Ni huyo dada msaidie"

Akabaki kumuangalia tu Neema akitokomea kwani hakujua kuwa atamsaidia kwa namna gani.

Sakina akamuangalia Sabrina na kumuuliza,

"Mbona unamuangalia sana? Umemkumbuka kwani?"

"Hapana sijamkumbuka ila kuna kitu kinaniambia nimsaidie hata sijui nimsaidiaje"

"Mmh umsaidie? Kivipi? Nina mashaka na hiyo sauti inayokwambia"

"Una mashaka nayo kivipi?"

"Inawezekana ukawa na jini Sabrina ndio linalokuelekeza hayo, ndiomana mimi nakukazania kuwa twende kwa wataalamu"

Ile sauti ikaendelea kumwambia Sabrina kuwa amsaidie yule dada.

Ikabidi waamue kumfatilia kwa nyuma na kumuita kwa Neema alikuwa akitembea taratibu.

Neema akawasikia na kugeuka nyuma kisha wao wakamfata alipo.

Alianza Sakina kwa kumuuliza swali Neema,

"Je unatatizo lolote dada?"

Neema akatabasamu kwa kujilazimisha na kutikisa kichwa huku akiwajibu,

"Hapana, sina tatizo lolote"

Sabrina akaguna na kumuuliza,

"Mmh! Mbona kuna kitu kinaniambia kuwa nikusaidie"

"Unisaidie? Unisaidie nini sasa? Mi nipo sawa bhana"

Huku Neema akiwa na mashaka kuwa huenda wamegundua tatizo lake.

Sakina alipoona kuwa huyu dada anamashaka nao ikabidi ajigeleshe kwa kumuomba msamaha.

"Samahani dada, hatukuwa na nia mbaya dada yangu"

"Usijali lakini"

Kisha wakaagana tena na Neema akaondoka zake.



Sakina na Sabrina waliamua kurudi nyumbani huku sauti ile ikiendelea kumwambia Sabrina kuwa amsaidie yule dada.

Sabrina aliamua kumueleza Sakina kuhusu yale matone ya damu aliyoyaona na sauti aliyoisikia.

"Sasa nadhani kuwa kuna uhusiano katika haya mambo mawili"

"Usiwaze sana Sabrina, mambo kama haya unatakiwa kuwa nayo makini sana. Ukizingatia huna kumbukumbu za nyuma. Unatakiwa kuwa makini mdogo wangu"

Wakakubaliana pale kisha Sakina akamuacha Sabrina pale kwao na kumwambia kabisa mama Sabrina kuwa wamesharudi tayari.



Neema alipofika kwake alikaa na kupumzika.

Akakumbukia walivyoonana na wakina Sabrina na akakumbuka jinsi Sabrina alivyokuwa anasema kuwa kuna kitu kinamwambia amsaidie.

Akakumbuka matatizo ya Sabrina, wakati akifikiria hayo rafiki yake Rose alikuja kumuuliza kuhusu majibu ya hospitali.

Ila Neema hakumwambia kwanza khabari za hospitali bali alimueleza alivyokutana na Sabrina na mambo yaliyoendelea.

"Sasa kwanini umekataa asikusaidie?"

"Kumbuka yule hana kumbukumbu, na je atanisaidiaje?"

"Inamaana umesahau kama yule ndio anatakiwa kubeba matatizo yako wewe?"

"Kubeba kivipi?"

"Umesahau yule mganga alivyotuambia kuwa anamtupia jini yule Sabrina kisha matatizo yako yote atakuwa anayabeba yeye, umesahau?"

"Nimeanza kukumbuka sasa ila atanisaidiaje?"

"Unakumbuka Sabrina alivyoenda kwa Sam akang'atwa na nyoka?"

"Nakumbuka ndio"

"Na aliugua sana ila Sam alipoenda kuonana nae yale matatizo yote yakarudi kwako hadi nilipoenda kufata dawa tena kwa yule mganga"

"Hayo yote nakumbuka, kwahiyo nikitaka haya matatizo yaende kwa Sabrina inatakiwa akaonane na Sam?"

"Hapana, ila Sabrina anatakiwa aende nyumbani kwa Sam ili aweze kuyabeba matatizo yako yote. Sasa pale ulitakiwa kumjibu kuwa ndio unaweza kunisaidia ila itabidi uende nyumbani kwa mumeo kwanza, na akienda tu khabari itakuwa imeishia hapo kwavile atabeba ugonjwa wako wote"

"Mmh namuonea huruma maana yote nimemsababishia mimi"

"Huruma ya nini wewe? Yani uteseke wakati wa kuwapa matatizo wapo"

"Dah! Atazidi kutia huruma, kwanza mpaka hapa sio kosa lake, ni kosa langu mimi mwenyewe na tamaa zangu ya kumng'ang'ania mwanaume ambaye hata kumjua vizuri simjui, yani huyu Sabrina namuonea tu"

"Acha ujinga wewe, halafu mmh samahani shoga yangu, mbona kama kuna kiharufu nasikia!"

"Kiharufu! Kivipi?"

"Yani kiharufu kama cha kitu kimeoza"

"Mmmh hata sijui"

Neema hakutaka kumjibu kuwa ni kiharufu cha nini bali alijigelesha tu kisha akainuka na kwenda kuoga.



Dorry hakutaka tena kurudi nyumbani kwakina Jeff huku akikumbukia jinsi alivyopigiwa simu kuwa anatakiwa kumsaidia Sabrina halafu ile namba kupotea.

Wakati akifikiria, akaona tena simu yake ikiita kwa namba ngeni kabisa tena ikionekana kuwa ni ya nchi nyingine.

Akasita kupokea ila badae akapokea na kusikia vile vile sauti kama ya Jeff ila ikiwa katika hali ya upole, huku ikimuelekeza vitu.

"Kwani wewe ni nani?"

"Kwani wewe unahisi mimi ni nani?"

"Nahisi wewe ni Jeff"

"Hapana, mimi sio Jeff"

"Basi wewe ni nani?"

"Fanya nilichokuagiza halafu utajua mimi ni nani"

Kisha ile simu ikakatika na kumfanya Dorry abaki akiduwaa tu huku akijiuliza maswali.

Kisha akajiandaa kwaajili ya safari ya kwenda kwakina Jeff.



Sabrina aliendelea kupata ushawishi wa kumsaidia yule dada aliyeonyeshwa bila ya kujua atamsaidiaje, ila kuna kitu kikamshawishi kuwa akalale kwanza kisha atapata jibu la namna ya kumsaidia.

Sabrina akainuka na kmwenda chumbani kwake kulala pamoja na mwanae.

Na alipolala tu akajiwa na ndoto kuwa kuna mahali anatakiwa kwenda, akaonyeshwa kwenye ile nyumba ya mumewe yani kwa Sam na kumfanya ashtuke.

Akakaa kitandani na kukumbuka ndio mahali alipong'atwa na nyoka,

"Inamaana nikienda huko ndio nitakuwa nimemsaidia? Na je nitakuwa nimemsaidiaje?"

Akajiuliza pale, ila mtu pekee wa kumpeleka kule ni Sakina kwani yeye hakuwa na kumbukumbu nzuri, kwahiyo akapanga kwenda kesho yake kuongea na Sakina kwani siku hiyo gizi lilishaanza kuingia.



Dorry alifika nyumbani kwa Sakina wakati kigiza giza tayari kilishaingia na kumkuta mama mkwe wake akiwa ametulia muda huo akiangalia video tu.

"Karibu Dorry, nimefurahi umekuja"

Dorry nae akafurahi kwani hakutarajia kufurahiwa vile na mkwe wake.

"Usiwe na mpango wa kuondoka tena safari hii, tafadhari sana mwanangu"

Dorry akatabasamu tu kwani kwake ilikuwa ni jambo la kheri na furaha kwa kipindi hiko.

Kisha wakatulia pale ila Dorry hakumwambia Sakina jambo ambalo lilimpeleka pale kwa siku hiyo, mpaka muda wa kulala ulipowadia na wote kwenda kulala.



Kulipokucha, asubuhi na mapema Sabrina akaamka nyumbani kwao huku ile roho ya kumtaka yeye akamsaidie Neema ikimsumbua.

Akaamua kumuaga mama yake kuwa anaenda kwa Sakina kwani mtu pekee wa kumpeleka tena kule kwa mumewe ni huyo Sakina.

"Hakikisha unaenda kweli kwa Sakina"

"Usijali kuhusu mimi mama"

"Lazima nijali, hapo ulipo huna kumbukumbu. Umesahau mambo mengi sana na ukijichanganya tu unapotea, ila je ni muhimu sana wewe kwenda kwa Sakina? Maana naweza kumpigia simu hapa akaja mwenyewe"

"Ila hata mimi naweza kufika kwake mama"

Mama wa Sabrina akaona kama machale yakimcheza na kuamua kumwambia Sabrina arudi ndani.

"Hapana, roho yangu imekataa. Tafadhari subiri nimpigie simu Sakina aje mwenyewe"

Sabrina alirudi ndani huku akiumia moyoni kwani aliona kitendo cha yeye kupoteza kumbukumbu kuwa kama kikwazo katika maisha yake kwani kilimfanya achungwe kama mtoto mdogo.

Kisha muda huo mama wa Sabrina akawasiliana na Sakina na kumuomba afike pale kwake.



Siku ya leo, Neema alijiona akiwa na hali mbaya zaidi licha ya dawa za hospitali ambazo alipewa na kuzitumia.

Lakini kile kiharufu cha kuoza bado alikisikia tena kwa hali ya juu na pia damu bado ziliendelea kumtoka kwa kasi ile ile.

Kama kawaida asubuhi hiyo na mapema, rafiki yake Rose alifika na kuendelea kumshinikiza mambo yale yale.

"Yani Rose, ingawa namuhurumia Sabrina ila kwa hali hii hapana kwakweli, maana naona kifo hicho kikinukia mbele yangu. Twende tu kwa huyo mtaalamu"

"Hapo sawa sasa, ingawa hukuniambia kuwa tatizo ni nini hadi imekuwa hivyo"

"Wee acha tu, ila bora afe yeye kuliko mimi. Watu wengi wananitegemea, familia inanitegemea, ndugu zangu, wazazi wangu yani nife niwaache sababu ya huu ujinga wangu haiwezekani lazima nipambane. Nipiganie uhai wangu, ingawa najuta kumfahamu huyu kiumbe Sam"

"Ila hujaniambia alichokufanya"

"Hayo tuyaache tu rafiki yangu"

Kisha wakaondoka pale na kwenda kwa mtaalamu wao.

Walikaa na mtaalamu wao huku wakifanya dawa za kumvuta Sabrina aende nyumbani kwa Sam ili waweze kumtupia ule ugonjwa wa Neema.



Sakina alifika pale kwakina Sabrina kisha Sabrina akamueleza Sakina ile azma yake ya siku hiyo.

"Hapo ndio naanza kukupenda Sabrina, inatakiwa kutokukata tamaa kabisa. Nipo tayari kukupeleka, yule ni mumeo ni baba wa watoto wako. Unatakiwa kupigania penzi lako mdogo wangu. Twende tu ila leo mtoto tumuache"

Wakakubaliana pale, kisha wakaamua kumuaga mama wa Sabrina na kumuachia mtoto, ingawa mtoto alikuwa akiwalilia ila waliamua kumuacha.http://deusdeditmahunda.blogspot.com/



Wakati wanatoka pale, Sakina akamuona Dorry akija mbio huku anawaita.

Wakasimama ili wamsikilize, alipowafikia akawaambia

"Tafadhari msiende"

Sakina akamshangaa Dorry na kumuuliza,

"Unajua tunapoenda?"

"Najua ndio, ila nawaomba msiende"

"Kwanini tusiende?"

"Nawaomba tu msiende"

Sabrina akamuangalia Dorry kwa jicho la chuki sana, kisha akamwambia Sakina,

"Twende bhana, asitake kutuchelewesha huyu"

Hawakumjibu kitu cha zaidi Dorry na kuendelea kwenda.

Dorry alibaki akiwaangalia tu.

Muda kidogo Dorry akiwa ameganda pale pale akasikia sauti kubwa ya mgongano wa magari na watu wengi kukimbilia barabarani, alijikuta nae akikimbilia huko eneo la tukio.

Macho yalimtoka kuona damu zimetapakaa pale, na moja wapo ya watu aliowaona alikuwa ni mmama akionekana kuvuja damu nyingi sana.

Alijishika kichwa kwani rangi ya nguo ilikuwa ni nguo ya mtu anayemfahamu.



Macho yalimtoka kuona damu zimetapakaa pale,

na moja wapo ya watu aliowaona alikuwa ni

mmama akionekana kuvuja damu nyingi sana.

Alijishika kichwa kwani rangi ya nguo ilikuwa ni

nguo ya mtu anayemfahamu.

Dorry alisogea karibu huku mawazo yote yalikuwa kwa Sakina na Sabrina.

Na kweli pale chini kulikuwa na mtu anayemfahamu ila hakuwa Sakina wala Sabrina, Dorry alihisi kuchanganyikiwa kwani Sakina na Sabrina nao walikuwa kati ya watu wanaoshangaa tukio lile, ila Sakina alipomuona Dorry akilia juu ya yule mmama aliamua kumsogelea akiwa na Sabrina huku wakimbembeleza Dorry kisha yule mmama akapakiwa kwenye gari pamoja nao kwa kumuwahisha hospitali.

Sakina na Sabrina walisahau mambo ya safari yao pale na kukazana kumbembeleza Dorry ambapo Dorry alikuwa akilia sana.

"Pole sana mwanangu Dorry, kwani huyu mama ni nani yako?"

"Huyu ni mama yangu mdogo, ni mama aliyenilea mimi. Tangu mama yangu amekufa, huyu ndiye amebaki kuwa mama yangu. Sijui kwanini apate ajali, sijui kama atapona"

Dorry alikuwa akilia sana, kwani moyo wake ulijawa na maumivu yasiyo na mwisho kwa ile damu iliyomvuja mama yake ilimfanya akose matumaini juu ya kupona kwake.

Kwahiyo Sakina na Sabrina wakapata kazi kubwa sana ya kumbembeleza.



Yule mtaalamu wa kina Neema aliamua kuwapa dawa wao wenyewe wakashughulike nayo nyumbani.

"Nendene mkashughulikie nyumbani, mi kuna kazi nyingine nataka kufanya saivi"

Ikabidi Neema na Rose wachukue ile dawa na kuondoka.

Wakiwa njiani wakaanza kujiuliza,

"Ila huyu mganga nae leo sijamuelewa"

"Hata mimi sijamuelewa kwakweli"

"Nakumbuka tulipoingia pale na kuanza kufanya dawa alisema kuwa muda ule ule wa dawa lazima mambo yetu yafanikiwe. Eti mwisho wa siku anasema tukaifanye nyumbani, kama imemshinda yeye mtaalamu sisi tutaiweza kweli?"

"Hapo sasa, ngoja tukajaribu tu"

"Ila naona kama leo katuletea magumashi tu, maana tumeanza vizuri sana. Sasa iweje aishie kati?"

"Siri yake hiyo, wewe twende tukajaribu hiyo dawa nyumbani kama yakitushinda basi tutarudi tena kwake"

"Yani mi nimechoshwa na huu ugonjwa balaa"

"Pole shoga yangu, natambua kuwa unateseka"

Kisha wakaendelea na safari yao hadi nyumbani.



Kule hospitali, mama mdogo wa Dorry aliendelea kupatiwa matibabu kisha wakawajulisha ndugu wa Dorry ambao nao walifika eneo la tukio.

Kisha Sakina akamuomba Dorry kuwa warudi nae nyumbani angalau akabadilishe nguo kwakuwa zile alizovaa zilitapakaa damu.

Mwanzoni Dorry alikuwa akikataa ila badae alikubali kisha wakaianza safari ya kwenda kwa Sakina huku akiambatana nao pamoja na Sabrina.



Walifika nyumbani na kukuta kama walivyopaacha, simu ya Dorry ilikuwa kwenye kiti na walipoingia tu ile simu nayo ikaanza kuita.

Ikabidi Dorry aipokee ile simu,

"Hallow"

Hakuangalia namba ila alishtuliwa na ile sauti ambayo siku zote huwa anaifananisha na sauti ya Jeff kisha akaanza kumsikiliza,

"Pole sana Dorry, ila ungeweza kufanya nilichokuagiza wala hayo yasingekupata"

"Unamaana gani?"

" Nilikutuma nini na umeshindwa kufanya? Hiyo ilikuwa ni namna ya kuwazuia tu"

Dorry akachukia sana na kusema kwa nguvu,

"Sitaki upuuzi wako"

Kisha akaibamiza ile simu chini na kufanya Sakina na Sabrina wamshangae kuwa kwanini ameonekana kuwa na hasira kiasi kile.

Sakina akamsogelea na kumuuliza,

"Nini tatizo mwanangu?"

Dorry alijikuta akikaa chini huku akilia kwa uchungu sana.

Sakina alijitahidi kumbembeleza tu bila ya kujua kuwa ni kitu gani kinamsumbua kwa wakati huo.



Neema na Rose wakiwa nyumbani kwa Neema, wakasikia kuna mtu akibisha kwenye mlango wao, kisha Rose akainuka na kwenda kumfungulia.

Mtu huyo hakuwa mwingine bali ni Sam, kisha Rose akamkaribisha ndani.

Sam aliingia ndani ila alisimama tu na kumuangalia Neema ila Neema alikwepesha macho yake kwani hakutaka kabisa kutazamana na Sam kisha Sam akamwambia Neema,

"Pole kwa matatizo"

Kisha akamuangalia na Rose na kusema,

"Poleni kwa matatizo"

Rose alimtazama tu huku akijiuliza kimoyo moyo kuwa kesi ya John imeishia wapi kwani hawakuwahi kufatwa kwa upelelezi wala kushtakiwa kuhusu chochote. Ila kabla Rose hajauliza kitu tayari Sam alianza kuwajibu,

"Msijali kuhusu yule kijana, mambo yote yanaenda sawa kwasasa ndiomana nimerudi kwahiyo msiwe na shaka"

Kisha akatoa kibunda cha pesa na kumkabidhi Neema, kisha akamwambia

"Endelea kutunza siri ili uendelee kuishi kwa amani. Nakupenda sana"

Kisha akatoka nje na kuondoka.

Hapo ndipo Rose alipoanza kuongea,

"Ulikuwa unalalamika bure tu shoga yangu, ona pesa yote hiyo uliyoipata. Huoni kuwa una bahati shoga yangu!"

"Rose, ni kwavile hujui tu. Ni kheri kufa masikini kuliko kufa na mawazo ya tamaa na hizi hizi pesa ndio zinazonifanya nijute kwa muda huu. Sikuwahi kufikiria kama ipo siku nitakutana na mwanaume wa aina hii kwakweli"

Rose alimuona rafiki yake kuwa kama mjinga kwani kwa muda huo yeye aliwaza pesa tu, na tamaa ya kupata pesa kama zile ikamjaa kwenye moyo wake.

Akatamani sasa awe ni yeye anayepata kiasi kile cha pesa.

Alimshangaa sana rafiki yake kwa kulalamika na kujiapia moyoni kumpindua Neema kwa Sam ili awe yeye anayepewa kiasi kile cha pesa.



Dorry alipotulia, akaenda kuoga na kubadilisha nguo ila hii familia ya kina Jeff aliona ikimpa gundu tu katika maisha yake.

"Kwani lazima niwasaidie mimi tu? Kwanini huyu mtu ananitumia mimi? Najuta kujiingiza kwenye familia ya kishirikina kama hii, ona ninavyoteseka sasa. Yani mama yangu asiye na hatia naye wamemuingiza kwenye mikosi yao. Hivi mama yangu nae alikuwa anatoka wapi na anaenda wapi? Jamani haya mambo sielewi kabisa"

Dorry alilalamika sana kwani aliona ni kitu kidogo alichokifanya yani kusema mimba ni ya Jeff wakati sio yake.

"Lakini mimi sio mwanamke wa kwanza kudanganya bhana, wangapi wanadanganya na bado hawapati matatizo?"

Roho ilimuuma sana na kujikuta akiichukia familia ya Jeff yote wakiwepo ndugu, jamaa, marafiki pamoja na majirani.

Alipomaliza kujiandaa alitoka sebleni na kukuta Sakina alishamuokotea ile simu na kumuunganishia kabisa,

"Yani hii simu yako ni imara sana, kuipigisha chini kote kule halafu bado ni nzima kabisa hata kupasuka haijapasuka"

Kisha akamkabidhi, Dorry aliipokea ile simu ilimradi tu ila kiukweli alitamani kuachana nayo kabisa kisha akawaaga na kwenda tena hospitali pamoja na Sakina huku wakimpitisha kwanza Sabrina nyumbani kwao.



Mama wa Sabrina alimuuliza mwanae kwa makini kilichowapata, kisha Sabrina akamueleza kuhusu ajali waliyoiona,

"Unaona sasa mwanangu, safari zingine sio za kung'ang'aniza sababu ni mikosi mitupi. Mi nilipokuwa nawakataza unaona kama kajinga fulani, haya sasa umeona yaliyowapata? Utulie nyumbani sasa, nishakwambia kuwa usubiri akili yako itengemae. Acha kung'ang'aniza mambo yaliyo nje ya uwezo wako. Sawa mwanangu?"

"Nimekuelewa mama"

"Yani hata Cherry hapa hakuafiki kabisa ndiomana akawa analia, watoto ni malaika mwanangu"

Sabrina aliitikia huku akiangalia tumbo lake ambalo nalo lilizidi kwenda mbele kwa ukubwa.

Muda kidogo wakati anazungumza na mama yake, baba yake naye akafika na kumsalimia pale kisha kuanza kuzungumza mambo ya hapa na pale, ambapo kabla ya muda kupita alifika James yani yule kaka wa Sabrina ambapo alienda kupiga magoti moja kwa moja kwa baba yao.

"Nisamehe baba"

"Nilishakusamehe siku nyingi sana, hata usijali. Haya ni maisha tu, siku zote ni safari ndefu cha msingi ni kukumbuka kuinuka pindi ukianguka sio ukae hapo hapo chini"

"Nisamehe sana, nilichanganyikiwa"

"Usijali James"

Kisha James akasogea kwa mama yake na kumuomba msamaha vilevile,

"Mimi ni mtoto wenu, ni nyie mliofanya niwe hivi nilivyo. Naomba mnisamehe sana"

Mama Sabrina na baba Sabrina wakainuka na kumkumbatia mtoto wao James kwa ishara kwamba walishamsamehe.

James akafurahi sana, kisha kuongea mengi na wazazi wake.

Usiku ulipoingia akawaaga na kuondoka.



James alipokuwa na mkewe Joy, alimsihi jambo moja la kuwasamehe wazazi wake.

"Huwezi kuwachukia wazazi wako kwa maisha yako yote, huna budi kuwasamehe. Na pia narudia tena, kama kuna chochote ulichonificha na mimi tafadhari niambie"

"Hakuna nilichokuficha mume wangu"

"Una uhakika Joy kuwa hakuna ulichonificha?"

"Ndio James, hakuna nilichokuficha"

James akamkumbatia mke wake kisha wakaenda kulala sasa.



Neema alilala kwa usiku ule ila kwa mateso sana, kwani alijisikia harufu vilivyo.

Alitamani arudishe siku nyuma ili aweze kuepukana na yale mambo ila ndio haikuwezekana.

Aliwaza sana hatma yake, akakumbuka walivyokuwa wakifanya dawa mchana ili kumtupia Sabrina ule ugonjwa.

Akakumbuka jinsi ilivyokuwa ngumu na kuwafanya waahirishe tu.

Alilala kwa mang'amu ng'amu hadi kunakucha.

Palipokucha alichukua kioo na kujiangalia.

Akajihurumia sana kwani sura yake ilionekana kudhoofu tofauti na alivyokuwa zamami.

Alijihurumia sana kwa tamaa yake iliyomponza na kumfanya vile alivyo kwasasa.



Rose akiwa nyumbani kwake na yeye alikuwa akiwaza jinsi ya kumteka Sam.

"Niende kwa mganga ili nimpe dawa au nitumie uanamke wangu kumteka? Ila Neema alisema kuwa yule kaka mgumu sana, ila anaweza kuwa mgumu kwangu kweli? Ngoja nitajaribu, na lazima nimpate"

Rose alichokiwaza kwa muda huo ilikuwa ni pesa tu kwani ndiyo iliyomchanganya akili yake.



Sakina akiwa anatoka hospitali siku hiyo kumuangalia mama mdogo wa Dorry, njiani akaona gari ya Sam na kuisimamisha na kweli ile gari ilisimama na Sam kutoka ndani ya ile gari kisha akasalimiana na Sakina pale.

"Sam, kwani umepatwa na tatizo gani?"

"Kwani unadhani nina matatizo dada yangu, sina matatizo. Ila mwanao Jeff karibu atarudi kwahiyo usijali."

Sakina aliposikia kuwa mwanae karibia atarudi akaamua kuachana na mada hizo hapo hapo kisha akaagana nae kwani alishukuru kuona kuwa bado mwanae anakumbukwa kwani alijua kashasahaulika kabisa.



Sakina alienda kwakina Sabrina moja kwa moja ili kumueleza kuwa ameonana na Sam.

"Yani Sam anazidi kupendeza tu, bora tufanye juu chini mrudiane Sabrina tafahari"

"Dada, kama Mungu hajapanga basi haiwezi ikawa tu. Tusilazimishe mambo, hapa ninachoomba ni kurudiwa na kumbukumbu zangu tu"

"Na khabari njema ni kuwa Jeff karibu atarudi"

"Basi itakuwa ni vyema kwani hata mi napenda kumfahamu"

Sakina akacheka tu na kumuona Sabrina kuwa ni kweli akili yake haipo sawa.



Rose alienda nyumbani kwa Neema ambaye alikuwa kitandani tu kwa siku hiyo yote.

"Ila Neema rafiki yangu ni kwanini hutaki kuniambia ukweli juu ya yaliyokupata?"

Neema alitokwa na chozi tu, hata kuzungumza hakutaka kwa siku hiyo.

Kisha Rose akachukua simu ya Neema na kuchukua namba ya Sam kisha kurudisha simu na kumuaga Neema.

Kwa wakati huo mawazo ya Rose yalikuwa juu ya pesa tu za Sam.



Rose alitoka pale nyumbani kwa Neema na kwenda nyumbani kwake huku akiwaza kumpigia simu Sam ili amchombeze kwa maneno, ila akaona kama ni kupoteza muda tu, hivyo akaamua kujiandaa tena kisha kuongoza moja kwa moja hadi nyumbani kwa Sam, na alivyofika pale akamkuta mlinzi kama kawaida.

"Sam nimemkuta?"

"Ndio yupo, je anajua kama unakuja?"

"Anajua ndio"

"Ila mi sikujui vizuri wewe"

"Kheee makubwa, ngoja nimpigie simu yake"

Rose akaona kuwa alitumia jambo la akili sana kuchukua namba ya Sam kwani yule mlinzi alianza kumuwekea kauzibe.

Rose alipoongea na Sam kwenye simu, akampa yule mlinzi ile simu kisha akamruhusu kuingia ndani.

Rose aliingia moja kwa moja na kumkuta Sam akiwa pale sebleni.



Sam hakujua kuwa ni kitu gani haswaa kilichompeleka Rose pale nyumbani kwake, ila hakuacha kumkaribisha.

"Mbona jioni hii shemeji?"

"Upweke shemeji"

"Upweke! Kivipi tena?"

Rose akamsogelea Sam na kuanza kumfanyia mambo ya kumvutia.

"Lakini si unajua kuwa mimi ni shemeji yako?"

"Shemeji kitu gani jamani? Kwani zimewekwa alama hizi kuwa hii ni ya shemeji usiguse? Acha hayo mambo Sam, nimekuja hapa kwaajili yako"

"Umekuja kwa kupenda mwenyewe au umeshawishiwa na mtu?"

"Nimependa mwenyewe Sam, nakupenda sana ni vile tu umewahiwa na rafiki yangu"

Rose akasogea karibu na kumbusu Sam, ambapo akamtia vishawishi vilivyopitiliza na kumfanya Sam atende kile ambacho Rose alikikusudia.

Kwa mara ya kwanza, yule mlinzi wa Sam pale nje alisikia sauti kali ya mtu akilia kwa nguvu na ile sauti kukatika gafla.



Rose akasogea karibu na kumbusu Sam, ambapo

akamtia vishawishi vilivyopitiliza na kumfanya Sam

atende kile ambacho Rose alikikusudia.

Kwa mara ya kwanza, yule mlinzi wa Sam pale nje

alisikia sauti kali ya mtu akilia kwa nguvu na ile

sauti kukatika gafla.

Yule mlinzi alistuka pale nje na kujiuliza kuwa ni kitu gani, alitamani kwenda kuchungulia ila hakuweza kwavile aliogopa pindi bosi wake angemuona basi ingekuwa mwisho wa kibarua chake.



Kitu alichokosea Sam kwa siku hiyo ni yule Rose kumuona maumbile yake kwenye mwanga kwani hupenda kufanyia gizani.

Ingawa Rose alipiga zile kelele na kuzimia, lakini Sam hakuweza kumuachia kwavile tayari alishajawa na tamaa ya mapenzi ambayo alipewa na huyo Rose.

Hata alipomaliza alikaa na kujilaumu kuwa kwanini amemuachia huyo binti kumshawishi yeye kiasi hicho.

Damu zilikuwa zimetapakaa pale sebleni na ndio kitu ambacho kilimfanya Sam asipende kufanya chochote na hawa wadada wa karibu yake, ila ndio basi tena ilishatokea na maji yakimwagika hayazoleki.

Ili kupoteza ile aibu, Sam alimuinua pale chini na kumvalisha nguo zake kisha akambeba na kwenda kumpakia kwenye gari yake.

Akafunga nyumba na yeye kupanda kwenye gari kisha akamuaga mlinzi wake na kuondoka.



Kwavile tayari kulikuwa na giza, Sam akaamua kumpeleka Rose moja kwa moja nyumbani kwake.

Ambapo alipekua kwenye mkoba wake na kupata funguo kisha akafungua na kumuingiza ndani kwake.

Alimuhurumia sana ila tayari alishajazwa na pepo la ngono na Rose mwenyewe kwa vishawishi alivyompa.

Rose alikuwa bado kazimia, ikabidi Sam achukue maji na kujaribu kummwagia wakiwa ndani kwa Rose, na haikuchukua muda Rose akazinduka.

"Pole sana Rose"

Rose alimuangalia kwa kumshangaa tu, kisha Sam akatoa pesa na kumpatia kisha akamwambia,

"Usimwambie yeyote"

Sam akainuka na kutoka mule ndani kwa Rose kisha akaondoka.



Rose alikuwa anajishangaa tu kuwa Sam kafikaje mule ndani kwake na kwanini amempa pesa.

Akajiuliza sana na kujaribu kuvuta kumbukumbu, ndipo alipokumbuka kuwa mara ya mwisho alikuwa nyumbani kwa Sam.

Akaangalia mezani na kuona pesa aliyoachiwa na Sam na kumfanya atabasamu,

"Yes, hiki ndicho nilichokuwa nakitaka. Ila kwanini aseme kuwa nisimwambie mtu? Na kanipa pesa kwa misingi ipi?"

Akakumbuka alivyokuwa akimshawishi Sam kuwa wafanye mapenzi, kumbukumbu ikamjia alichokiona kwa Sam baada ya kuvua nguo.

Akili ikamchemka sasa,

"Mungu wangu, Sam sio mtu wa kawaida. Asante Mungu sijafanya naye chochote"

Akajaribu kusimama sasa na kujihisi kulowa damu huku akihisi maumivu kwenye sehemu zake za siri, hakutaka kuamini kabisa kuwa ni yeye amelala na yule Sam.

Alijikuta akizitupa zile pesa mule chumbani kwake kwa hasira na kuanza kulia.

"Kwanini mimi Rose jamani? Nitapona kweli mimi?"

Alilia sana na kumkumbuka Neema jinsi alivyokuwa akitoa machozi.

Hakuweza kulala kwa usiku wote huku akitamani kurudisha masaa nyuma ili arudishe matukio na yeye asiwe ameenda kwa Sam kama alivyoenda.

Alipata uchungu sana moyoni mwake na kuilaumu tamaa yake kwani ilimponza ipasavyo.



Sam akiwa nyumbani kwake, alitazama jinsi damu zilivyotapakaa mule ndani, alijiuliza kuhusu Neema na Rose,

"Hawa wadada wanamatatizo gani? Kwanini nimelala nao, kwanini wanapenda kunishawishi nifanye nao mapenzi? Na kwanini imekuwa rahisi mimi kufanya nao?"

Sam akamkumbuka na Sabrina pia, mwanamke aliyeweza kulala nae na kuamka nae.

Mwanamke aliyefunga naye ndoa ila hakuthubutu hata siku moja kufanya naye mapenzi, hakutaka kukosea kabisa kwa mwanamke huyu wa pekee aliyempenda kama roho yake.

Akakumbuka maisha yake ya nyuma, akamkumbuka mama yake mzazi ambaye hakuweza hata kuhudhuria harusi yake ila alimpa baraka zote za ndoa, akamkumbuka mama yake mdogo aliyemlea na kumpa taratibu zote za maisha, akawakumbuka nduguze wa kike kama wakina Joy na kujiuliza tena,

"Hivi hawa wote wanatambua kama mimi naua wanawake? Hii ni siri yangu, na siku nikiamua kusema basi nitamwambia msichana mmoja tu ambaye ni Sabrina. Ingawa kwasasa simpendi tena ila huyu ndiye mwanamke pekee wa kuijua siri yangu hii, kwani yeye pia ni miongoni mwa tatizo katika maisha yangu"

Sam aliwaza sana huku akifikiria mwisho wa Neema na Rose, moyo ukamuuma sana kwani alishawazoea watu hawa.



Sam kulipokucha akaamua kwenda kuwatembelea baadhi ya ndugu zake waliopo hapo mjini ili hata aweze kuwasalimia tu.

Na safari yake ya kwanza ilikuwa kwakina Joy ambapo alimkuta Joy nje akiwa amejiinamia.

"Nini tatizo dada?"

Joy hakuweza kumficha Sam na kuamua kumueleza ukweli kuhusu yeye,

"Kwahiyo unaponiona hapa Sam, mi na wewe hatuna undugu kwani huyu mjomba wako sio baba yangu mzazi"

"Joy, wewe ni ndugu yangu haijalishi ni vipi. Jipe moyo haya ni maisha tu, tatizo lako sio kubwa hivyo hadi kukufanya ukate tamaa. Kaa utulie nikwambie kuhusu mimi"

Joy akamtazama Sam na kumsikiliza sasa ambapo Sam akamuuliza swali kwanza,

"Je huyo baba yako mzazi unajua alipo?"

"Sijui, na mama aliniambia kuwa huyo baba alishakufa"

"Sawa, sio mbaya ila mshukuru Mungu kwa hapo ulipofikia. Unaniona mimi nilivyo Joy?"

Joy akatikisha kichwa kuashiria kwamba anasikiliza yale maongezi,

"Basi mimi hapa, nimezaliwa simjui baba na wala sijawahi kumuona. Sijui kama ni mzima au alikufa, hiyo ni siri ya mama. Sitaki kuulizia kwani sijui nitamkumbusha kitu gani."

"Kwahiyo Sam umelelewa na mama pekee?"

"Tena kheri yako wewe uliyeweza kulelewa na mama yako mzazi na baba wa kufikia na wote wakakupenda kwa moyo"

"Ila baba naye hakujua kama mimi sio mwanae"

"Ila amejua sasa? Na amejuaje?"

Ikabidi Joy amsimulie na mkasa mzima wa James na kumfanya Sam azidi kuduwaa na kushangaa jinsi muelekeo mzima wa maisha ulivyo.

"Inamaana Sabrina karithi"

"Unamaana gani Sam?"

"No, tuachane na hayo tuendeleze yetu"

Joy akamaliza kumuelezea na kumsikiliza huku akitamani kujua zaidi kuhusu ya Sabrina ingawa Sam amekataa kuyaelezea.

"Ila Joy bado sio tatizo kwani nina uhakika hata mjomba ameshtuka kusikia hilo ila hawezi kuacha kukupenda kama mwanae kwani amekulea yeye toka udogo wako"

Joy akafikiria na kuona kuwa maneno ya Sam yana ukweli ndani yake,

"Upande wangu mimi sasa, kwanza sijalelewa na mama mzazi unajua ni kwanini?"

"Sijui, niambie kwanini?"

"Mama aliponizaa mimi hapakuwa na baba na sijui alitokomea wapi, ila nilipofikisha miaka mitatu mama akapata mchumba na kuolewa. Baba huyo wa kufikia hakunitaka kabisa mimi kwakifupi hakupenda uwepo wangu, hivyo akajitokeza mamdogo ambaye hakuwa na mume kunichukua mimi na kunilea ili kuokoa ndoa ya dada yake.

Nilipokuwa mkubwa nikayatambua hayo kwani mamdogo hakuwa na mtoto mwingine ila mimi na alinipenda kwa kila hali na ndiye aliyenieleza ukweli juu ya maisha yangu. Nilipata hasira ya maisha na kupambana ipasavyo hadi leo namiliki mali zangu na wote kuomba msaada kwangu. Kwahiyo mamdogo kwangu ndiye mama na ndiye baba, nampenda sana na kama angekuwa na watoto basi ningewapenda sana. Nampenda mama yangu mzazi ila siwapendi watoto aliozaa na yule baba kwani namchukia sana na pia nachukia nikikumbuka walivyowahi kunifukuza siku niliyoenda kumsalimia mama. Ni mengi nimepitia katika maisha yangu, kwahiyo usishangae ukiona napenda kuishi mwenyewe yani haya ndio maisha yangu na nikikueleza yote sitamaliza leo. Cha msingi na muhimu, wapende wazazi wako, wajali hao ndio nguzo yako, ndio waliokufikisha hapo ulipo"

Joy alimshukuru sana Sam kwani moyo wake ulisuuzika sana, akawaza kama angekuwa ni yeye angejisikiaje kwa malezi hayo.

Akatamani kumuuliza alipambanaje na kupata utajiri wote ule ila akaona kuwa anaweza kwenda nje ya mada na kuacha kama ilivyo.

Kisha akainuka na Sam pale na kumkaribisha ndani ambako walikuwepo wazazi wake na muda huo Joy alionekana kuwa na furaha sana na kumfanya hata mama yake kujiuliza kitu ambacho kimemfurahisha bintiye kwa muda huo.

Ila walifurahi tu pamoja naye.



Rose alijitahidi siku ya leo kwenda kwa rafiki yake Neema ili akamueleze kilichompata.

Alimkuta Neema akiwa amejilaza ndani huku harufu ya kuoza nayo ikizidi kutapakaa mule ndani kwake.

Rose alifika na kusogea alipo Neema huku machozi yakimtoka,

"Kweli tamaa ni mbaya rafiki yangu, tamaa haifai. Na mimi leo naumwa, ni mgonjwa kama wewe Neema, najuta mimi"

Neema hakumuelewa rafiki yake kuwa imekuwaje hadi awe vile na kwanini ajute.

Ikabidi amsikilize kwa makini sasa ambapo Rose alikuwa amejawa na aibu huku akianza kumueleza Neema.



Sakina alirudi nyumbani kwake baada ya kuridhishwa na hali ya mama wa Dorry ambaye aliruhusiwa kurudi nyumbani kwa siku hii.

Ila kabla hajafika kwake aliamua kupitia kwakina Sabrina ili kumuhabarisha kuhusu huyu mama na kama kawaida alimkuta Sabrina akiwa na mama yake kama siku zote.

"Jamani Mungu ni mwema, yule mama amepona na leo ameruhusiwa"

"Kheee afadhari jamani maana haya mambo yalikuwa makubwa sana"

Wakati wanaongea ongea pale, Sakina akapigiwa simu na mwanae na kumfanya apokee kwa shauku kwani alipenda pia kumuhabarisha kuhusu khabari ya mama wa Dorry.

"Kheee kumbe alipata ajali?"

"Ndio, yani hali ilikuwa mbaya sana hapa"

Basi Jeff akawapa pole kisha akawahabarisha juu ya swala lake la kurudi,

"Hata jana nimekutana na Sam, amenieleza kuhusu wewe. Nitafurahi sana kukuona mwanangu"

"Usijali mama, narudi"

"Mkeo nae utamkuta mimba kubwa kabisa au utamkuta tayari kajifungua"

"Mama, mbona huwa sikuelewi? Sijaacha mke mie huko jamani mama, hakuna mwenye mimba yangu. Mbona huwa sikuelewi?"

"Mmh haya, ukija utajionea mwenyewe"

Kisha wakaagana na kuikata ile simu.

Sabrina aliyekuwa akiwasikiliza kwa makini, naye akauliza kuhusu mimba inayoongelewa na Sakina siku zote.

"Hivi dada huwa unaisemaga mimba yangu au mimba ya yule binti unayekaaga naye?"

"Kheee na wewe Sabrina sasa umechoka, au ndio wakaribia kujifungua na wewe? Sasa mi niiseme mimba yako kwa lipi? Nimwambie Jeff kuwa mkewe anakaribia kujifungua huku nikimaanisha wewe si nitakuwa nakichaa mimi? Maana hata kiutani haiwezekani, ungekuwa bibi yake labda ungesema natania ila mamdogo na mtoto wapi na wapi? Wewe ngoja mumeo aje tu kukuona basi"

Sabrina akakaa kimya kwa muda kidogo kama anafikiria kitu, kisha akabadilisha mada pale na kuagana na huyo Sakina.



Sabrina alipobaki mwenyewe akafikiria siku ambayo Sakina alimpa simu na kuzungumza na huyo Jeff, akakumbuka maneno aliyoambiwa na huyo Jeff ambapo bado alionekana kuchanganywa na maneno aliyoambiwa na Sakina.

"Ila hakuna tatizo, nitajua kila kitu. Naamini Mungu atanisaidia na nitakumbuka kila kitu ila isiwe kweli hiki ninachofikiria kuhusu huyo Jeff. Mmh isiwe kweli"

Sabrina akatulia kwa muda akifikiria jambo hilo.



Nyumbani kwakina Joy nako walikazana kumdadisi Sam kuhusu mkewe Sabrina na mtoto wao.

"Wako salama hao na wanaendelea vizuri"

"Ila mbona nimepata khabari kuwa toka Sabrina apoteze kumbukumbu umemrudisha nyumbani kwao na umesema humtaki tena? Sio vizuri hivyo anko, mwanamke hakimbiwi kwenye matatizo"

"Sijamkimbia mjomba ila kuna mambo tu yaliingiliana, hivi karibuni nitaenda kumchukua na kumrudisha nyumbani ili niishi nae kama zamani"

Sam aliongea hayo huku akifikiria hilo swala na kuona kuwa ni muhimu sana kufanya hivyo ukizingatia kisheria bado ana haki kwa Sabrina kama mumewe.



Rose alianza kumueleza Neema kilichotokea na kumfanya Neema amshangae sana,

"Rose jamani rafiki yangu kwanini umefanya hivyo? Kama ni pesa ungeniambia tugawane, sasa mimi nitauguzwa na nani wakati sote ni wagonjwa?"

"Tamaa, tamaa imeniponza Rose mimi."

"Pole rafiki yangu, ila hukutakiwa kunieleza"

"Siwezi kuwa kimya, nikufiche vipi wakati wewe unajua kila kitu? Kuficha kwako wewe ndio kulikonitesa mimi leo, ungeniambia ukweli hakika nisingeangukia shimoni"

"Nisamehe rafiki yangu, ila hutakiwi kusema. Ibaki kuwa siri yako"

"Nishasema tayari, liwalo na liwe"

Muda huo huo Neema akamshuhudia Rose akianguka chini na kuwa kimya kabisa.



"Nisamehe rafiki yangu, ila hutakiwi kusema. Ibaki

kuwa siri yako"

"Nishasema tayari, liwalo na liwe"

Muda huo huo Neema akamshuhudia Rose

akianguka chini na kuwa kimya kabisa.

Neema alishtuka sana na kumuangalia Rose kwa makini huku akiwa haamini anachokiona.

Akaanza kumtingisha kwa nguvu huku akimuita,

"Rose, Rose usiniache peke yangu Rose. Nabaki na nani mimi? Rose rafiki yangu, Rose msiri wangu nabaki na nani mimi Neema?"

Neema akasikia mtu akigonga mlango wake, hakuweza hata kumkaribisha kwani tayari alishachanganyikiwa.

Mtu huyo aliamua kuingia hivyo hivyo ndani kwa Neema, alikuwa ni yule mchumba wake John akiwa ameambatana na rafiki yake, nao hawakuweza kuamini walichokiona mbele yao.

Walishangaa sana, ikabidi watafute usafiri na kumuwahisha Rose hospitali.



Walipokuwa pale hospitali ndipo wakapewa majibu kamili kuwa Rose aliaga dunia.

Kwakweli Neema alichanganyikiwa kupita maelezo ya kawaida na kujikuta akilia sana hadi kuzimia.

Hapakuwa na wa kumuuliza chanzo cha kifo cha Rose ila ndio hivyo alikuwa amekufa na kufanya wote wabaki kushangaa tu kwani hawakutegemea kumkuta Rose amekufa kwa namna ile.

Ila hapakuwa na namna nyingine zaidi ya kuwaita ndugu wa Rose tu ili waweze kufika pale hospitali na kupanga taratibu za mazishi.



Sam akiwa bado nyumbani kwakina Joy, akashangaa moyo ukimuuma gafla na kugundua kuwa lazima kuna kitu kimetokea.

Hakuweza kuendelea kuwa pale kwani aliwaaga na kuondoka, na hakuweza tena kwenda kutembelea ndugu wengine bali alienda moja kwa moja nyumbani kwake.

Alijiuliza sana kuwa ni tukio gani limetokea bila ya kupata jibu ila roho ilimuuma sana na kujua lazima hilo tukio litakuwa linamuhusu yeye tu kwa lazima.

Wazo la kumuhusu Rose lika mjia kwenye akili yake, kengele ya khatari ikagonga kichwani mwake,

"Mungu wangu, Rose hayupo tena. Itakuwa ni Rose tu Mungu wangu"

Swali lake ni je Rose alimwambia nani hadi amepoteza maisha hakupata jibu,

"Kwanini hawawezi kustahimili kuwa kimya? Ni Neema tu ndio namuona kuwa mwanamke pekee aliyeweza kuvumilia kusema hadi leo. Niliapa kutokufanya wanawake waangamie tena kwaajili yangu ila sasa najiona kwenda kinyume na kiapo changu"

Ikabidi atulie na kuanza kupeleleza msiba ulipo ili aweze kwenda.



Joy alirudi kwa mumewe James huku akiwa amepatana na wazazi wake kwahiyo ikawa ni furaha baina yao.

Kisha akamueleza James kuhusiana na stori aliyoambiwa na Sam na kumfanya James amsikitikie sana Sam na kujiona yeye ni kijana mwenye bahati kwa kupendwa na baba zake wote wawili.

"Sasa imekuwaje Sam akawa tajiri kiasi kile? Maana mi nilijua kuwa ametokea familia ya kitajiri"

"Kwakweli sikujua maisha ya Sam kabla, ninachokumbuka ni baba tu kunitambulisha kuwa ni ndugu yangu yani mtoto wa dada yake. Na hata mimi nilijua kuwa yule Sam ni tajiri kutokana na familia ya kwa baba yake kumbe pale alipo hana hata baba ni yupo yeye kama yeye. Sasa utajiri wa namna hii sijui ameutoa wapi, inaweza kuwa ni siri yake au basi akiamua anaweza akatushirikisha na hilo pia"

"Sasa hata baba hawasilianagi na hao nduguze au ni nini"

"Nadhani huwa wanawasiliana ila ukoo wao siuelewi, sababu wengi wanaishi Arusha. Ila huyu Sam anajulikana sana sababu ya utajiri alionao"

Wakazungumza mengi na kwakweli siku hiyo ilikuwa ya furaha sana kwao mpaka muda wa kwenda kulala ulipowadia.

Kwenye mida ya saa nane usiku, Joy alishtuka kutoka usingizini na kuanza kulalamika maumivu ya tumbo na kiuno, ikabidi James amkimbizie mkewe hospitali.



Asubuhi na mapema siku hiyo, Sabrina alikuwa wa kwanza kuamka baada ya kuitwa na mama yake kuwa kuna mgeni wake anamsubiri.

Sabrina alitoka na kumshangaa yule mgeni kwani sura ilikuwa ni ngeni kwake kutokana na kukosa kumbukumbu ila huyo mgeni hakuwa mwingine bali alikuwa ni Fredy, mwanaume ambaye aliwahi kuwa na mahusiano naye hapo zamani.

"Nimepita kukusalimia Sabrina ila pia nina khabari mbaya"

"Khabari gani mbaya? Na mbona sikukumbuki?"

Fredy akashangaa,

"Kumbe nilivyoambiwa kuwa huna kumbukumbu siku hizi ni kweli? Dah pole sana, khabari mbaya niliyonayo ni kuwa yule rafiki wa dada yangu Neema yule wa kuitwa Rose amekufa"

Sabrina akashtushwa tu na khabari ya kifo lakini hakuna aliyemkumbuka kati ya hao aliowataja.

Fredy akajikuta akimsikitikia sana Sabrina kwani hakutegemea kabisa kumkuta akiwa hana kumbukumbu kiasi hicho kisha akawaaga na kuelekea zake msibani.

"Nitakuja tena baada ya msiba tuongee vizuri Sabrina"

Kisha akaondoka zake.

Sabrina alibaki akimuhoji mama yake juu ya huyu kijana kwani hakumfahamu kabisa.

"Na kwanini aje aniletee hizi khabari za msiba wa mtu ambaye simfahamu kabisa? Na kwanini hakuwahi kuja kuniona hapo kabla?"

Mama Sabrina ikabidi ajaribu kumueleza kidogo mwanae juu ya Fredy ingawa hakuna ambacho Sabrina alielewa wala kutambua kwani aliona kama kumpigia mbuzi gitaa tu.

Muda kidogo simu ya mama wa Sabrina ikaita na alipoipokea akapewa taarifa ya kujifungua kwa mkwe wake Joyce na kumfanya atabasamu na kufurahi sana.

Kisha yeye na Sabrina wakajiandaa kwaajili ya kwenda kumuona Joy.



Wakiwa kwenye msiba wa Rose, kila mtu alijua tu kuwa Rose amekufa gafla lakini hakuna aliyejua kitu kilichomuua Rose.

Hawakujua ni ugonjwa gani aliumwa ila daktari alishauri kuwa maiti yake isikae sana hivyo wakapanga mazishi kuwa siku hiyo kwani watu wengi, ndugu, jamaa na marafiki walikuwepo mahali pale ukizingatia kuwa walishapata khabari ya kifo chake tangia jana yake.

Mdogo wa Rose aliyejulikana kwa jina la Aisha ndio pekee alikuwa karibu na Neema kwani wengi walikaa mbali kidogo na Neema kutokana na harufu waliyosikia huku wengine wakisikika kumsema vibaya.

Aisha alikuwa karibu na Neema huku akimfariji,

"Dada, achana na maneno ya watu. Wanasema hapa kuwa wewe ni mfu anayetembea. Achana na maneno yao. Hapa roho inaniuma sana kwa kumpoteza dada yangu kipenzi Rose, na watu ninapowasikia wakikusema wewe vibaya inaniuma sana"

Alikuwa karibu akifarijiana nae hadi muda wa mazishi ulipofika.

Ambapo wakati wanaenda makaburini, Neema alishangaa kumuona Sam eneo lile na kujikuta akijawa sana na hasira moyoni mwake ila muda wote Sam alikuwa akimtafuta Neema na muda ambao Neema alimuona Sam ndio muda huo huo Sam alimuona Neema na kuwafata pale walipokuwa wamesimama na Aisha.

Neema hakutaka kupaniki pale ila kiukweli katika moyo wake hakupenda kabisa kukaribiana na Sam,

"Jamani poleni sana, najua mnavyoumia. Najua sasa tunaelekea makaburini ila kwa heshima na taadhima naomba twendeni mkapande kwenye gari yangu"

Neema akamuuliza kwa dharau,

"Kwanini tupande kwenye gari yako?"

"Najua huko mvua itanyesha, na sipo tayari kuwaona mkilowa kwenye lile gari la uwazi juu. Tafadhari Neema usikatae"

Aisha akamuangalia Neema na kumwambia kuwa bora wakubali tu kupanda kwani hata hivyo lile gari walilotaka kwenda kupanda limejaa na ukizingatia watu wanavyomtenga ndio itakuwa tatizo zaidi.

Neema akakubali na kuwafanya waingie kwenye gari ya Sam huku wakielekea makaburini.



Sabrina na mama yake wakafika hospitali alipopelekwa mke wa James na kuwakuta pale wazazi wa Joy ambapo walisalimiana pale kisha kwenda kumuona Joy na mtoto wake.

Ingawa baba wa Joy bado alikuwa na kinyongo dhidi ya mama wa Sabrina ila tu hakutaka kujionyesha mbele za watu ila kiukweli bado alikuwa na maumivu ya kutosha juu ya mama yake Sabrina.

Walitulia pale hospitali, muda kidogo mama wa Sabrina alikuwa nje akiongea na simu akamuona binti akikimbizwa leba, alipomtazama vizuri akagundua kuwa alikuwa ni Dorry na kujikuta na mshangao tu kuwa siku hiyo imekuwa ni siku ya kujifungua, na muda huo huo akachukua simu na kumpigia Sakina juu ya alichokiona hapo.



Sakina akiwa nyumbani alifurahi sana baada ya kupoka simu kuwa Dorry ameonekana hospitali akielekea leba kwani alijua moja kwa moja kuwa hiyo ni khabari njema kwake.

"Eeh Mungu, asante kwa kumfanikisha mkwe wangu"

Kisha akajihimu na kujiandaa haraka haraka kisha kwenda hospitali kumuona huyo mkwewe Dorry.



Sam alienda na wakina Neema hadi makaburini, kisha akasimamisha gari mbali kidogo huku wakina Neema wakitaka kushuka.

"Hapana, msishuke"

"Kwanini tusishuke"

"Mvua itanyesha hapa"

"Unamaana gani Sam? Toka tumetoka kule umekazana na huo huo usemi kuwa mvua itanyesha wakati hakuna mawingu wala dalili yoyote ya mvua"

"Nina maana yangu kuwaambia hivyo"

Hata Aisha naye akamshangaa huyu Sam ila Neema akaelewa kuwa Sam anajutia kitendo chake cha kuwauma sasa anasema maneno kama kujihami tu.

Wakaamua kupuuza maneno yake na kushuka ila yeye wakamuacha mule mule kwenye gari yake akiwa amejiinamia kwa mawazo.



Sam alikuwa akifikiria vitu vingi sana mule ndani ya gari, alifikiria misiba mingi sana aliyosababisha.

Alikumbuka alichokuwa anaambiwa kilichoendelea katika misiba hiyo, siku zote huwa anatuma watu ambao walienda kwa niaba yake na kumletea khabari ila huu ulikuwa ni msiba wa kwanza kuhudhuriwa na yeye kati ya wanawake wengi aliowasababishia vifo vya aina hiyo.

Alimfikiria na Neema pia na kugundua kuwa ni wazi Rose alimwambia Neema kwani kungekuwa na yeyote mwingine aliyemwambia basi yeye angekuwa akinyooshewa vidole tu pale msibani.

Alimuangalia Neema na yule binti aliyeongozana nae wakielekea mahali husika kwenye makaburi, aliwaangalia kwa jicho la huruma sana.



Neema na Aisha walisogea mpaka karibu na karibu, muda kidogo wakashangaa mvua kubwa kuanza kunyesha.

Kitu pekee kilichosaidia ni kwavile walishaanza kufukia lile karibu kwahiyo ikabidi vijana wa pale wajitahidi kufukia vile vile na mvua ila mvua nayo ilikazana na kuwafanya watu wakimbie kwenda kujibanza kwenye makazi ya watu na wengine wakimbilie kwenye magari, wakati huo Neema hata hakutaka kukimbia eneo lile na kujikuta ameachwa peke yake pale makaburini.



Aisha aliyekuwa naye amekimbia, akamuonea huruma Neema pale makaburini na kutamani kwenda kumfata ila anamfata vipi ikiwa mvua inanyesha kwa kiasi kile? Kwa bahati akapata mwamvuli kwa mtu na kuutumia mwamvuli huo kumfata Neema pale makaburini kisha akarudi nae hadi kwenye gari ya Sam ambapo Sam alifungua milango na kuwaomba wapande na walipopanda tu, Sam akaondoa lile gari na hapo hapo ile mvua iliyokuwa inanyesha pale makaburini ikakatika.



Sam akamrudisha Neema nyumbani kwake akiwa na yule Aisha kwani alishajua wazi kuwa Neema amechanganyikiwa na pengine anajiona na yeye kifo kikimkaribia.

Neema nae hakuongea lolote ila alilia sana mule ndani kwake,

"Rose, Rose wewe rudi rafiki yangu. Rose wewe ndio ndugu yangu, rudi Rose. Kwanini umekufa Rose, umeniacha na nani mimi? Rose rudi mama, njoo uone nilivyolowana Rose. Nitacheka na nani mimi, nitaongea na nani mimi?...... Kwanini Rose kwanini?"

Aisha alipata kazi kubwa ya kumtuliza Neema, hata Sam nae machozi yakamtoka na kumfanya ashindwe kustahimili, ashindwe kuvumilia na kuamua kuondoka pale nyumbani kwa Neema.

Aisha naye aliendelea kumbembeleza Neema na kumfariji bila kuchoka, Neema alikuwa akifikiria kifo chake, akifikiria jinsi mvua itakavyonyesha na watu watakavyomkimbia.

Alipatwa na uchungu sana katika moyo wake, hakuweza kuyazuia machozi yake kabisa.



Sakina alifika hospitali kwa muda muafaka kabisa kwani akapata khabari kuwa Dorry amejifungua mtoto wa kiume.

Tabasamu likajaa kwenye sura yake huku akifikiria jina la haraka haraka la kumpa mjukuu wake huo.

Dorry alipopelekwa kwenye wodi ya wazazi ndipo waliporuhusiwa kwenda kumtazama huku Sakina akiwa na hamu ya kumuona mjukuu wake tu.

Na alipoingia kitendo cha kwanza kilikuwa ni kumshika mjukuu wake huyo.

Ila alipatwa na mshangao kuona mjukuu wake huyo kuwa mweupe sana na macho madogo utafikiri ni mtoto wa kichina yani kamavile kazaliwa na mzazi mwenye asili ya China.



Na alipoingia kitendo cha kwanza kilikuwa ni

kumshika mjukuu wake huyo.

Ila alipatwa na mshangao kuona mjukuu wake

huyo kuwa mweupe sana na macho madogo

utafikiri ni mtoto wa kichina yani kamavile kazaliwa

na mzazi mwenye asili ya China.

Sakina alimshika yule mtoto huku maswali mengi akijiuliza kwenye akili yake na kukosa jibu ila hakuweza kuhoji chochote ukizingatia pale ni hospitali.

Kisha baada ya muda kidogo akamrudisha mtoto mikononi mwa wengine.

Muda kidogo wakasogea Sabrina na mama yake pale kumsalimia Dorry.

Na badae wote kutakiwa kwani Dorry naye alipewa ruhusa ya kurudi nyumbani na hapakuwa na namna nyingine zaidi ya Dorry kuongozana na Sakina ili kuelekea nyumbani kwake kwani asingeweza kwenda kwao ukizingatia mama yake ambaye ndio angemuhudumia ndiye alikuwa mgonjwa.



Wakarudi nyumbani sasa huku Sakina akiwaandalia vizuri mazingira ya chumba ili aweze kukaa humo na mtoto huku akili yake ikijiuliza maswali mengi sana juu ya muonekano wa huyu mtoto kwani hawakufanana nae hata kidogo.

Kuna muda mashaka yalimjaa sana hadi mama wa Sabrina akatambua hilo kwa Sakina na kumuita pembeni,

"Mwanangu, usiwe na mashaka kiasi hicho. Utashindwa kumuhudumia mtoto ipasavyo, ni kweli hamfanani nae lakini huwezi jua. Huenda bado ni damu yenu"

Sakina akaitikia kishingo upande kisha akaendelea kumuhudumia mkwe wake.



Kesho yake baada ya maziko ya Rose, Fredy alipita tena nyumbani kwakina Sabrina na kumkuta Sabrina na mama yake.

Alikaa pale na kuanza kuwasimulia khabari za ule msiba,

"Ule msiba ilikuwa khatari jamani, mvua imetunyeshea makaburini hadi tumekoma. Na yote, nilimuona mumeo Sam. Jamaa ana moyo sana yule, Mungu ambariki"

"Alifanyaje kwani?"

Akaulizwa swali na mama Sabrina ingawa alipenda hilo swali aulizwe na Sabrina mwenyewe,

"Alijitolea kumchukua Neema akiwa amelowa chapachapa, ila alivyoondoka nae tu na mvua ikakatika. Kwakweli ilikuwa khatari jamani, aliyemroga yule dada marehemu na alaaniwe miaka yote"

"Kheee kumbe karogwa?"

"Ndio karogwa, kuna tetesi nimesikia pale msibani eti sijui alitembea na mume wa mtu, sasa mwenye mume ndio kamroga ndiomana amekufa gafla."

Sabrina na mama yake wakasikitika sana juu ya hilo.

Kisha Fredy akaingizia khabari zingine za kwanini Sabrina haishi na mumewe ilihali mumewe yupo.

"Yani mama, ningekuwa mimi ndio nimepata hiyo bahati ya kumuoa huyu binti yako, hata kama angekuwa na tatizo gani bado ningeendelea kuwa nae karibu tu yani mtu kupoteza kumbukumbu tu ndio kuishi nae mbali mbali?"

"Aliyekwambia kuwa wanaishi mbali mbali ni nani?"

"Kuna yule ndugu yangu Francis aliniambia kuwa Sabrina anaumwa, hana kumbukumbu tena. Kuna siku nikakutana na Sam na kumuuliza kuhusu Sabrina naye akaniambia kuwa anaumwa na yupo kwao. Ndiomana jana nikapita kwanza hapa"

"Kwahiyo ulipita kuhakikisha tu?"

"Ndio, kuhakikisha na kumuonyesha Sabrina kuwa mimi ni mwanaume pekee ambaye ningekuwa bora kwake"

Mama Sabrina akatabasamu na kumuuliza,

"Kwa kazi gani unayofanya?"

"Naendesha bodaboda"

"Sasa maisha ya bodaboda kweli ungeweza kumuhudumia mwanangu wewe?"

"Jamani mama usinidharau, mapenzi ya kweli si pesa bali ni upendo uliopo baina ya watu"

"Aah nakutania tu"

Fredy aliamua kuaga na kuondoka zake ila kule kuambiwa kuwa na bodaboda angemlisha nini Sabrina kulimuumiza sana ingawa mama Sabrina alibaki akicheka tu.

Sabrina naye alimtazama mama yake na kumuuliza,

"Mbona umefurahi sana juu ya huyu mtu?"

"Alikupenda sana huyu kijana hadi nilikuwa namsikitikia"

"Na yule wa siku ile je?"

"Naye alikupenda sana mwanangu, yani hawa vijana wamekupenda balaa"

"Na mume wangu je?"

"Naye alikuwa anakupenda sana, yani huyo ndio sijui kapatwa na shetani gani? Mtu kakuoa vizuri ila leo sijui kavamiwa na nini?"

"Kwahiyo sasa hivi hakuna anayenipenda tena?"

"Lazima watakuwepo tu mwanangu, naomba tuachane na khabari hizo"

Mama wa Sabrina akaenda kushughulika na mambo mengine huku akimuacha bintiye akijiuliza maswali mwenyewe na kujijibu mwenyewe.



Ilipita wiki sasa na kumfanya Sakina akimshangaa mjukuu wake kuzidi kufanana na watoto wa kichina.

Ikabidi siku hiyo amuulize vizuri mkwe wake Dorry.

"Dorry mwanangu, mbona huyu mjukuu wangu anafanana na wachina?"

"Kumbe na wewe mama umeshangaa eeh! Basi hata mie nilishangaa hivyo hivyo, juzi nikampigia simu mamdogo na kuongea nae kumbe babu yetu alikuwa hivi hivi"

Sakina akashangaa sana na kuuliza,

"Na huyo babu yuko wapi saivi?"

"Alishakufa, ila mama kaniambia kuwa atabadilika tu huyu mtoto badae eti hadi achangamke"

Sakina akajikuta akichukia sana moyoni ukizingatia anaona kabisa akidanganywa.

Akajisemea moyoni mwake kumpa mwezi huyu Dorry ili arudi kwao kisha atakuja kukubaliana na mwanae akirudi kwani aliona akidanganywa kabisa.



Kipindi hiki ni huyu Aisha pekee aliyekaa na Neema nyumbani kwake kwani hakupenda kumuona na ule upweke alionao kwa kipindi kile kwani muda mwingi Neema alionekana kunyong'onyea kupita maelezo ya kawaida.

Siku hiyo akafika tena Sam kumsalimia Neema na kumkuta pale akiwa amelala sebleni huku Aisha akiwa pembeni kama kumliwaza.

Sam aliwasalimia pale ila Neema hakutaka kuitikia kabisa ila alimwambia neno moja tu,

"Sam, nakuomba uende"

Sam bado alisimama pale pale akimuangalia Neema kwani alikuwa akimpenda sana, ila Neema alikuwa akitokwa na machozi tu ambayo yaliumiza sana moyo wa Sam kwani alijisikia vibaya kila alipotazama chozi la Neema.

Sam akajikuta akiinama pale Neema alipo na kumbusu kwenye paji la uso,

"Sam nakuomba uende"

Neema akawa analia kwa staili ya uchungu sana na kumfanya Aisha aingilie kati kwa kumsihi Sam aondoke hadi akatoka nae nje kabisa ambapo Sam alionekana kuwa na uchungu sana.

Sam akamwambia Aisha,

"Naelewa maumivu ya Neema, najua jinsi gani anateseka"

Kisha akatoa pesa na kumkabidhi Aisha endapo kutakuwa na hitaji lolote kwa Neema.

Aisha aliporudi ndani akamkabidhi zile pesa Neema ambapo zilimtia uchungu zaidi na kumfanya akumbuke mambo yale ya nyuma.



Sakina akiwa nyumbani kwake, akapigiwa simu na mwanae Jeff, kisha wakasalimiana nae ila leo alimueleza akiwa amepooza sana,

"Mkeo kajifungua huku Jeff"

"Mke? Mama sina mke huko mbona huwa hunielewi"

"Kwahiyo huyu Dorry ni nani yako?"

"Mama, nikujibu mara ngapi kama sina utambuzi na huyo Dorry? Mi sio mtu wangu huyo mama, kwani ni mambo gani anakudanganya huyo?"

"Subiri uje ujionee mwenyewe nisije nikasema mengi na kuonekana mbaya bure"

"Mama, huyo Dorry asikudanganye lolote. Hata hivyo narudi, na ole nimkute huyo Dorry hapo nyumbani"

"Ni siku gani unarudi?"

"Sitaweza kusema ni siku gani ila wewe ujue kuwa narudi mama"

Sakina alipomaliza kuongea na mwanae akamuangalia Dorry aliyekuwa ametulia akimnyonyesha mwanae na kumfanya Sakina ajiulize kuwa kwanini Dorry anaonekana kuwa jasiri na kujiamini bila wasiwasi, akahisi kuwa huenda ikawa kweli yule ni mtoto wa Jeff ingawa alikuwa na mashaka sana juu ya swala hilo.



Sakina aliondoka pale kwake na kwenda kwakina Sabrina kwa lengo la kumsalimia Sabrina ila lengo lake kubwa ilikuwa ni kutoa dukuduku lake.

Alifika na kumkuta Sabrina akiwa na mama yake pale nyumbani.

Baada ya maongezi mawili matatu alianza kuwaeleza anavyomuona mjukuu wake,

"Jamani mi nina mashaka kabisa kuwa yule sio mtoto wa mwanangu"

Mama Sabrina akacheka na kuuliza,

"Kwanini uwe na mashaka na mjukuu wako jamani?"

"Kwakweli simuelewi, mjukuu ni mchina kabisa yani macho na kila kitu itakuwaje awe mjukuu wangu?"

"Siri ya mtoto anayo mama, ukiona mwanao kakubali basi na wewe ukubali tu mwanangu"

"Haiwezekani mama, yani nishapanga hapa Jeff akirudi tu lazima wakapime damu ingawa huyo Jeff anakataa kabisa kuhusu kuwa na mahusiano na Dorry ila mimi tu ndio nilikuwa nang'ang'aniza toka mwanzo kuwa Dorry ndio mkwe wangu ukizingatia sijawahi kumfahamu mkwe wangu kwa Jeff."

Sabrina akaanza kucheka na kufanya wamshangae, kisha Sakina akamuuliza,

"Au wewe kuna mkwe wetu mwingine unayemfahamu?"

"Huyo mwanao mwenyewe simfahamu. Sasa huyo mkweo mwingine nitamfahamia wapi?"

"Lakini nakumbuka kama uliwahi kuniambiaga kuwa Jeff alizaa na mtoto wa mwanajeshi, nilikufatilia unionyeshe mjukuu wangu huyo lakini sikufanikiwa sababu ulikuwa ukinipa vitisho tu vya mwanajeshi ila sasa nasubiri upone ili ukanionyeshe yote ya zamani"

Sabrina bado alicheka kwani hakuwa na kumbukumbu wala utambuzi wa chochote kilichokuwa kikizungumziwa pale.



Sam alikuwa akijutia sana kwani kwa hali aliyokuwa nayo Neema aliona wazi kuwa kwa vyovyote vile atakufa tu.

Ingawa Neema ndio alikuwa mwanamke msiri sana kupita wote aliokutana nao hata akashangaa kuwa ule ujasiri na usiri Neema anauwezaje, alitamani ampate mtu wa kuweza kumfanya Neema arudi katika hali yake ya kawaida ila je atampatia wapi mtu huyo kwa ugonjwa wa ajabu kama ule?

Sam aliumiza sana kichwa chake bila matumaini yoyote yale.



Siku hiyo Aisha alitoka pale kwa Neema na kwenda kumtafutia matunda, kwa bahati akakutana na rafiki yake ambaye hawakuonana nae kwa muda mrefu sana.

Alifurahi sana kukutana na rafiki yake huyo,

"Jamani Sia, hata siamini kama nimekuona leo"

Wakaongea mengi sana na kubadilishana namba za simu.

Wakati wanaongea, kuna gari ikasimama mbele yao na aliyeshuka alikuwa ni Sam ambapo alisimama ili aweze kumsalimia Aisha.

Wakasalimiana pale na kisha Aisha kumtambulisha Sam kwa yule rafiki yake Sia.

"Yani huyu ni rafiki yangu sana ila tulipotezana kidogo tu"

Sam akaona ni vyema kama akiwapandisha kwenye gari yake na kuwarudisha, wakati huo Sia nae akajitetea

"Ila mie kwetu ni mbali"

"Hakuna shida nitakupele ka, tutaenda kwanza anapokaa huyu Aisha kwasasa halafu na wewe nitakupeleka"

Wakafurahi pale kwani atakuwa amewapunguzia mambo ya nauli.



Sam aliondoka nao pale na kwenda moja kwa moja kwa Neema ili Aisha amuonyeshe rafiki yake alipo kwasasa.

"Basi haina shida, nitakuja kesho maana leo kama nilivyokwambia inabidi nimuwahi mtu nyumbani"

Sam naye hakutaka kushuka kwavile alishafika kabla na Neema kumfukuza.

Ila alitoa pesa na kumkabidhi Aisha kisha akamwambia,

"Tafadhari utampatia Neema maana hataki nikimpa mimi kabisa"

Kisha wakaagana pale na kuanza safari ya kumpeleka Sia na kujikuta wakiongea mambo mengi sana hadi pale Sia alipofika anapoelekea.

"Nashukuru sana kwa ukarimu wako kaka"

"Usijali kitu"

"Mmh sawa, basi huu ndio mwanzo mzuri wa kufahamiana. Unaweza kunipatia namba zako?"

"Hakuna tatizo"

Kisha Sam akamtajia Sia namba zake pale na kuagana nae kisha yeye kwenda kuendelea na shughuli zake zingine kwa wakati huo.



Sia alijiona wazi kuvutiwa na ule ukarimu wa Sam, ila kikubwa zaidi ni kule kumuona kuwa ni mwanaume mwenye uwezo na pesa zake na kumfanya afikirie swala la kuwa naye karibu ili aweze kumfahamu kwa undani zaidi kwani mawazo yake yalishagota juu ya huyu Sam.



Sakina alikuwa akisubiri kwa hamu ujio wa mwanae kwani muonekano huu wa mjukuu wake haukumuingia akilini kabisa, na kule kujiamini kwa Dorry kulimfanya ashindwe kumuelewa kabisa.

Dorry hakuwa na uoga wowote kwa kipindi hiki, hakuhofia kuwa Jeff anarudi wala nini, hakuwa na mashaka juu ya mtoto ingawa alijua wazi kuwa mama mkwe wake kashagundua mchezo kamili ila yeye hakutaka kujitia wasiwasi wowote na alijiamini kupita maelezo.

Sakina alikuwa akijiongelea tu,

"Yani hata kama watu husema kuwa kitanda hakizai haramu, ila safari hii kimezaa jamani mmh huyu si damu yetu ila navumilia tu"

Dorry alisikia ila akajifanya kamavile hajasikia chochote kwani aliendelea na mambo mengine kama kawaida, kitendo hicho kilimfanya Sakina aombe usiku na mchana kuwa mwanae arudi.



Sabrina akiwa amejichokea na ile mimba yake, alikuwa amekaa kwenye mkeka huku akitafakari mambo yake na kuona kama anaweza kurudisha kumbukumbu zake.

Akamuona mtu akija huku akitabasamu sana, huyu mtu alionyesha kumfahamu vizuri Sabrina ingawa yeye alikuwa akimshangaa tu.

"Unanishangaa jamani, mimi ni Jeff"

Kisha akamkumbatia Sabrina ila Sabrina bado alimshangaa na kufanya Jeff ajaribu kujieleza kwani alikuja kwa kushtukiza tena bila taarifa kamili.

Ila kabla Jeff hajajieleza, akashangaa kumuona Sabrina akianguka na kuanza kutapatapa.





Kisha akamkumbatia Sabrina ila Sabrina bado

alimshangaa na kufanya Jeff ajaribu kujieleza kwani

alikuja kwa kushtukiza tena bila taarifa kamili.

Ila kabla Jeff hajajieleza, akashangaa kumuona

Sabrina akianguka na kuanza kutapatapa.

Ikabidi Jeff aite msaada ambapo mama Sabrina alitoka ndani kisha kuanza kusaidiana na Jeff cha kufanya.

Kwavile gari ya kukodi aliyopanda Jeff ilikuwa bado haijaondoka ikabidi waitumie gari hiyo kumuwaisha Sabrina hospitali.



Walifika hospitali na moja kwa moja Sabrina akapelekwa kwa daktari kwahiyo Jeff na mama Sabrina walitulia wakingoja majibu.

"Na wewe Jeff, kwanini unakuja kwa kushtukiza kiasi hiki? Kwanini hukusema kama unarudi?"

"Nilisema kama narudi ila tu sikusema kama narudi leo"

Ikabidi pale wampigie simu na Sakina na kumtaarifu kuwa wako hospitali.



Sakina alikuwa nyumbani kwake na kushangaa tu hadi kuongea peke yake,

"Yani huyu Jeff, hata kusema kuwa anarudi hakuna. Na huyu Sabrina kapatwa na nini jamani?"

Ikabidi ajiandae na kumuaga Dorry kisha kuelekea kwenye hospitali aliyoelekezwa na mtoto wake.



Dorry pale nyumbani baada ya Sakina kuondoka akaona wazi kuwa hali itakuwa mbaya sana pale ambapo Jeff atakuwa amerudi na mama yake, alichokifanya na yeye ni kuingia chumbani kwa Sakina na kuchukua kiasi fulani cha pesa kisha kupanga mizigo yake na kumuita dereva wa gari za kukodi kisha kuondoka mahali pale.



Sakina alifika hospitali na mtu wa kwanza kumuona alikuwa ni mwanae na kumkumbatia kwa shauku yote kisha kumuuliza kilichotokea.

Jeff akamueleza mama yake kama ilivyokuwa,

"Ila wewe Jeff una matatizo sana mwanangu loh! Yani wewe badala ufike kwenu kwanza ukaona ni vyema upite kwa bibi yako. Unaona sasa majanga uliyosababisha?"

"Mama, hii ni bahati mbaya tu na wala sikuwa na nia mbaya. Sabrina atapona, nilimkumbuka sana na ndiomana nikaanzia pale"

"Ulimkumbuka sana!! Yani ulimkumbuka kushinda mie mama yako? Wewe mtoto akili yako wewe loh!"

Akafika na mama Sabrina ikabidi waanze kuongelea hali ya Sabrina huku wakingoja majibu ya daktari kumuhusu Sabrina.



muda kidogo daktari akatoka na kitanda cha kubebea wagonjwa akiwa amebebwa Sabrina na kufanya wote waanze kufatilia kwa nyumba ambapo Sabrina alipelekwa moja kwa moja kwenye chumba kingine na wao kuzuiwa nje ya chumba hicho.

Kisha daktari akawafata pale nje na kuwauliza,

"Mume wa huyu dada yuko wapi?"

Pale nje wakatazamana kwa zamu na kumfanya mama Sabrina aulize,

"Kwani anaumwa nini jamani na mume wake wa nini?"

"Kwani yuko wapi? Kama mnaweza mpigieni simu aje."

Kisha daktari akaingia tena kwenye kile chumba na kuwafanya pale nje watazamane tu,

"Tutampata wapi Sam?"

Na muda huo akawasili baba wa Sabrina na kuwakuta wakijadiliana kuhusu kumpata Sam,

"Tumpigieni simu jamani, hakuna namna nyingine hapa"

"Mumpie simu nani?"

"Tunataka tumpigie simu Sam maana daktari amesema tumuite mume wa Sabrina"

"Sitaki kusikia huo upuuzi kabisa, mwacheni huyo Sam aendelee na miujinga yake. Msimuite hapa"

Baba wa Sabrina hakutaka kuelewa wala kutambua kuhusu huyo Sam kwani alienda kukaa tu kwenye moja wapo ya mabenchi pale hospitali na kuwaacha Sakina na mama Sabrina wakijadili ambapo nao waliamua kutoka nje ili wajue cha kufanya.



Jeff aliyekuwa kaganda pale pale, aliamua kujitoa muhanga na kumfata daktari kisha akamwambia kuwa yeye ndiye mume.

"Na mbona wakati naulizia hukujitaja? Haya twende"

Daktari akatoka kwenye chumba chake na kumpeleka kwenye chumba alichopelekwa Sabrina.

"Huyu mkeo kashikwa na kifafa cha uzazi ila kuna mengi yameingilia kati, mi ni daktari ila huwa naona mambo mengi sana. Nimemleta huku ili tumfanyie operesheni ili tuokoe maisha yake ila kuna kengele ha hatari imegonga kichwani mwangu kuwa kuna uwezekano wa kumpoteza mama na mtoto kwa muda mmoja. Sasa ninachokuomba ni wewe kuweka mkono wako wa kuume chini ya tumbo lake na uombe kuwa ajifungue vyema"

Jeff alishangaa haya mambo kuyakuta hospitali ila alifanya kile alichoelekezwa na daktari huyo.

Baada ya muda mfupi tu akamuona Sabrina akitulia kule kutapatapa kwani pale hospitali alifungwa mikono na miguu ili asiweze kuanguka na kuumiza kiumbe kilichopo tumboni.

Kisha daktari akamwambia tena Jeff akamshike Sabrina kwenye paji la uso ambapo Jeff akafanya kama alivyoelekezwa.

Muda kidogo Sabrina alirejewa na ufahamu na kuweza kujifungua kawaida kabisa.



Sakina na mama Sabrina walikuwa nje na kukubaliana kumpigia simu Sam ambapo walipiga sana ila simu yao haikupokelewa wala nini na kufanya wajadiliane kitu kingine cha kufanya ukizingatia baba wa Sabrina hakuwa na msaada nao kabisa.

Wakati wako pale nje, kuna manesi wawili wakapita wakizungumza,

"Yani huyu daktari ana mambo ya kishirikina sijapata kuona jamani loh!"

"Huyu ndio alivyo, mi nahisi kachanjiwa huyu"

"Ona sasa, yule mgonjwa mule tumemfunga tu eti hadi mume wake aje loh huyu daktari jamani mmh!"

"Na hapo asipokuja huyo mumewe hali itakuwa mbaya, yani huyu daktari bora angekuwa mganga wa kienyeji tu"

Wakaendelea na safari yao huku wakiongea tu.

Sakina na mama Sabrina wakahisi wazi kuwa anaeongelewa pale ni Sabrina tu.

Wakajikuta wakiangaliana bila ya majibu yoyote.

Kisha wakaulizana tena,

"Sasa tutafanyaje?"

"Hakuna namna hapa ila kwasababu Jeff yupo itabidi atusaidie"

"Atatusaidiaje?"

"Itabidi tumuombe akamuangalie Sam ofisini na nyumbani, akimpata aje nae"

Mama Sabrina akaona kuwa lile ni wazo jema na kuamua kwenda kumuangalia Jeff ili wamwambie wazo lao.

"Mungu atusaidie akubali jamani"

"Jeff hawezi kukataa hilo"

Walifika pale walipomuacha Jeff ila hawakumuona, ikabidi wamfate baba Sabrina na kumuuliza kwani alikuwa amekaa tu pale bila wasiwasi wowote.

"Eti Jeff yuko wapi?"

"Nilimuona anazunguka zunguka na daktari, sijui hata walipoishia"

"Kwahiyo hata hujamuuliza daktari kuhusu maendeleo ya mtoto wetu?"

"Kama kungekuwa na chochote angetuambia tu"

Mama Sabrina alimuangalia mumewe na kumuona kuwa ni mtu asiye na faida hapo.

Wakajaribu kupiga simu ya Jeff ila haikupatikana.



Muda kidogo wakamuona Jeff akitoka na kuwafuata, ila kabla hawajamwambia chochote akawapa taarifa njema ya kujifungua kwa Sabrina.

"Amejifungua mtoto wa kiume, tumepata dume sasa"

Wote walionekana kusahau habari ya kumuhusu Sam huku wakifurahia kujifungua kwa Sabrina.

Ilikuwa ni furaha sana kwao na walikuwa wanangoja sasa hitimisho la daktari kama atawaruhusu kuondoka na Sabrina wao.



Sam alikuwa nyumbani kwake muda huu, alishika simu yake sasa na kukuta ni wengi waliompigia ila aliamua kumpigia mmoja tu kati yao ambaye alikuwa ni Sia.

"Khabari Sam?"

"Nzuri tu, mambo vipi?"

"Poa, si ulisema kuwa unaishi Mbezi? Mi nipo hapa stendi, itakuwa ni vizuri kama ukija kunichukua hapa ili nipafahamu kwako"

Ikabidi Sam amuulize vizuri kisha kwenda kumchukua alipo.



Sam alifika stendi na kumkuta Sia kisha akaenda nae nyumbani kwake ambapo walijikuta wakiongea mambo mengi sana.

"Vipi Sam una mke?"

"Hiyo ni historia ndefu labda tuongelee mengine. Kwani wewe una mume?"

Sia hakujibu hilo swali bali aliweka stori zingine na kusahau hayo kabisa.

Jioni ilipoingia, Sam akaamua kuondoka pale na Sia kisha wakaenda hotelini kula halafu akamrudisha kwenye mitaa yao kisha akampa hela kidogo huku akimwambia kuwa ni ya vocha, kitendo hicho kilimtia ushawishi zaidi Sia na kujikuta akifurahi sana huku akisema,

"Hawa ndio wanaume sasa, sio mwanaume hata hela ya bodaboda hana. Huyu nimeenda kwake, kanipeleka kula hotelini na kanipa pesa, eti elfu hamsini ya vocha mmh akinipa ya nguo je itakuwaje? Uwiii msichana wake anafaidi sana, natamani niwe mimi"

Sia alifikiria sana na kutamani kumjua mwanamke wa Sam kwani aliona wazi kuwa atakuwa anapata raha sana ya kuwa na mwanaume kama Sam.



Sam alirudi nyumbani kwake na kujiuliza kuwa kwanini Sakina na mama Sabrina walikuwa wanampigia, akajipa jibu

"Watakuwa walitaka kuniambia habari za Sabrina tu, hata hakuna jipya hapa"

Ila alijifikiria kwa upande mwingine na kujiona na upweke sana kwa kumkosa huyo Sabrina.

Akafikiria sana hadi alipolala.



Hospitali nako wakawaambia ndugu wa Sabrina kuwa Sabrina ataruhusiwa kesho kwahiyo ikabidi warudi nyumbani kwanza ili wawahi kesho asubuhi.

Hakuna aliyejua kuwa Jeff ndiye aliyejifanya kuwa mume wa Sabrina kwani wote walikuwa wamefurahi juu ya habari ya kujifungua kwa Sabrina.



Kulipokucha, Sam alijikuta akiamka huku akiwa na mawazo sana.

Alijikuta akimfikiria Sabrina, akakumbuka jinsi ambavyo alikuwa akilala nae na kuamka nae, akamkumbuka mtoto wao.

"Cherry mwanangu, lazima atakuwa amenikumbuka sana baba yake."

Akapatwa na wazo la kwenda kumuona Sabrina ila aliamua kwenda ofisini kwake kwanza halafu ndio aende kwakina Sabrina.



Neema katika hali yake ya ugonjwa vilevile alijikuta akikumbuka mambo mengi sana na kumuomba Mungu amsamehe kwa yote aliyokosea.

Aisha alikuwa pembeni kama kawaida akimuhurumia ila leo alimuuliza,

"Dada, kwani yule mkaka anayekujaga hapa ndio shemeji?"

"Alikuwa, ila sio shemeji yako tena. Kwanza ni mume wa mtu yule. Usiku uliona kuna karatasi nachoma?"

"Nilikuona ndio ila sikuelewa ni kwanini ulikuwa unazichoma"

"Nilikuwa najutia mambo niliyoyafanya, ni mimi ndiye niliyemuachanisha yule mkaka na mkewe"

"Kivipi dada?"

"Ni historia ndefu, ila kwa kifupi ni kuwa nilimfanyia dawa kwa mganga amsahau mkewe. Sasa yale makaratasi niliyochoma jana ni baadhi ya masharti tu niliyopewa niyatunze na yule mganga. Sasa mimi nimeamua kuyachoma ili roho yangu ibaki nyeupe. Sitaki maumivu ya zaidi ya haya niliyonayo, hata kama nikifa basi nife kwa amani"

Aisha alimuonea huruma sana Neema kwa maneno yale.

"Pole sana dada yangu, ilimradi umetambua kosa basi jua kwamba Mungu naye atakusamehe dada yangu"

"Nashukuru sana Aisha, ila ipo siku nitakupa siri kubwa sana kuhusu yule mwanaume. Ila sio kwasasa, ngoja kwanza nikamilishe toba zangu"

Neema alihofia sana kusema kwani aliogopa kifo, alijua wazi kuwa akisema basi ataishia kama rafiki yake Rose kwahiyo akawa kimya katika kuitoa siri hiyo.



Sam nae alienda moja kwa moja ofisini kama alivyopanga na kuwakuta wafanyakazi wake pale kama kawaida.

Akaweka mambo sawa, kisha akawaaga na kutoka kwani mawazo yake kwa muda huo yalikuwa juu ya Sabrina na mtoto wao Cherry.

Wakati anatoka ofisini akamuona Sia akikatisha pale na kuamua kumuita, kisha wakasalimiana.

"Ndio unapofanyia kazi hapo?"

Huku akionyesha ile ofisi,

"Yeah, ndio ofisi yangu hiyo"

"Hongera sana, sasa unaenda wapi maana unaonekana kama unatoka!"

"Nataka nikamuone mke wangu kidogo"

"Kheee kumbe una mke? Mbona jana hukuniambia?"

"Nilikwambia ni stori kidogo, hata hivyo sijaonana nae kwa miezi kadhaa nashangaa leo nimejikuta nikimkumbuka sana"

Sia akajikuta akijawa na wivu sana moyoni mwake kwani alitamani Sam asingekuwa na mke yani angekuwa hajaoa ili aweze kumpata kirahisi ila hakuwa na jinsi zaidi ya kumtakia safari njema tu.

"Basi nitakupigia simu badae, nenda salama na umsalimie sana huyo mkeo"

"Nashukuru Sia"

Kisha Sam akaingia kwenye gari yake na kuondoka pale ofisini kwake.



Sakina alijikuta akimwambia Jeff upuuzi uliofanywa na Dorry jana yake,

"Huyu binti ni mpumbavu sana, yani kachukua na pesa zangu na kuondoka nazo"

"Hapo ndio utajifunza siku nyingine mama kuwa usipokee watu usiowajua hovyo"

"Nawe unanilaumu tu badala ya kunielekeza vizuri"

"Nitakuelekeza tu mama, ila ngoja tuwahi hospitali. Sabrina atakuwa mpweke saizi"

Sakina alimuangalia mwanae na kujiuliza maswali ila hakupata jibu na kuamua kuondoka nae ile asubuhi kuelekea hospitali ambako walimkuta baba na mama Sabrina tayari wako pale.



Muda kidogo wakaruhusiwa na daktari kumuangalia Sabrina na kwenda naye nyumbani.

Kisha daktari akamwambia Jeff,

"Hapa sasa lazima uwe na uhakika kuwa ni mwanao maana asingekuwa wako lile zoezi lingebuma"

Jeff akamtazama daktari kwa jicho kama la kumkataza kwani alijua kuwa ataharibu.

Mama Sabrina naye akamtazama daktari na kumwambia,

"Tunashukuru sana dokta, umetusaidia sana"

"Msinishukuru mimi tu, mshukuruni na mumewe pia hapa"

Huku yule daktari akimtazama Jeff na kufanya wote wamtazame Jeff.





Mama Sabrina naye akamtazama daktari na

kumwambia,

"Tunashukuru sana dokta, umetusaidia sana"

"Msinishukuru mimi tu, mshukuruni na mumewe

pia hapa"

Huku yule daktari akimtazama Jeff na kufanya wote

wamtazame Jeff.

Mama Sabrina na Sakina walijikuta wakiuliza kwa pamoja,

"Mumewe? Kivipi?"

Jeff akaona hapa hali ya hewa itaharibika muda sio mrefu kwahiyo akawaomba warudi nyumbani na huko ndiko atawaeleza vizuri.

"Jamani, twendeni tukaongelee nyumbani haya mambo"

"Kwani yana uzito gani hadi ushindwe kutuambia?"

Jeff akazidi kuwasisitiza kuwa wakaongelee nyumbani hata baba Sabrina nae akaafiki juu ya hilo.

Wakati wanatoka pale, Sakina akawaomba wamsubiri kidogo kwani anaenda maliwatoni, kwahiyo wakapanda kwenye gari ya baba Sabrina huku wakimngoja Sakina.



Sakina akiwa mule maliwatoni akawaona tena wale manesi wa jana ambao walikuwa wakizungumza mambo kama ya jana yake.

"Unaambiwa yule mdada alipofika mumewe tu akajifungua bila tatizo"

"Sasa hapo huyo mumewe ndio angekuwa sio muhusika wa ile mimba wee ingekuwa khabari nyingine"

"Kwani ingekuwaje?"

"Asingejifungua na sijui hata tungefanyaje. kwakweli hii hospitali kama mtu alichepuka hata usimshauri kuja. Yani huyu daktari huyu ni shida ndiomana watu wanaiita hospitali ya babu hii"

Sakina alitoka akiwa na maswali mengi sana kwenye akili yake huku akiwaacha wale manesi wakiendelea kuongea kisha yeye kurudi kwenye gari na safari ya kwenda kwakina Sabrina ikaendelea.



Walipofika tu wakashangaa kumuona Sam nae akiwa eneo lile.

Baba Sabrina hakujishughulisha hata kumsalimia wala kuitikia salamu yake na kumfanya mama Sabrina nae ampite tu.

Sakina alichofanya ni kuitikia salamu tu na kuingia ndani.

Ni Jeff peke yake aliyebaki pale na kusalimiana na Sam kwani hata Sabrina alipita na mama yake vilevile.

"Kwahiyo mnatokea wapi saizi Jeff? Kumbe umesharudi?"

"Ndio nilirudi jana na kukutana na haya maswahibu. Ila saizi ndio tumetoka hospitali na mamdogo hapo kajifungua mtoto wa kiume"

"Jamani, hivi mimi ni mwanaume mwenye roho mbaya kiasi gani? Kumbe nimekaa muda mrefu kiasi hiki bila kuja kumuona mke wangu hadi nakuta ameshajifungua tayari! Ila Mungu ni mwema, amemsaidia Sabrina. Mimi sifai jamani"

Sam alionekana kujisikitia kwa yote aliyoyafanya ya kumsahau mkewe.

Alijiona ni mpumbavu sana ukizingatia ni huyu mwanamke anayempenda sana.

Sam akataka kuingia kwakina Sabrina ila baba Sabrina akatoka na kumzuia.

"Tafadhari Sam nakuomba tu uende zako, sina hata haja ya kukuona hapa kwangu"

Sam akaona kuwa haitakuwa vyema kwa yeye kubishana na baba mkwe wake hivyo akaamua kurudi kwenye gari yake na kuondoka.

Kisha baba Sabrina na Jeff wakaingia ndani.



Walipokuwa ndani bado mama Sabrina akakumbusha swala la daktari kumuita Jeff mume wa Sabrina.

Ikabidi Jeff achekeche akili na kuanza kuwajibu,

"Jamani sikufanya hili kwa nia mbaya. Daktari alimuhitaji mume wa Sabrina na kwa wakati ule Sam hakuwepo. Mi nikaamua nijaribu tu kujitokeza kama mume wa Sabrina ila si kwa nia mbaya"

"Aah kumbe ndiomana tukakutafuta bila kukuona, yani mi nikamshangaa kweli daktari eti mume wa Sabrina bila kujua kuwa wewe ni kama mtoto kwa Sabrina. Ila tunashukuru umetusaidia sana"

Kisha Jeff akaamua kuondoka pale ili kuepusha kuzuka kwa maneno mengine.

Kwahiyo akabaki pale Sakina na wazazi wa Sabrina na wakati wote huo Sabrina alikuwa kimya kabisa kwani hakuongea kuhusu jambo lolote.



Jeff akiwa nyumbani akayatafakari maneno ya daktari na kutabasamu,

"Kumbe na huyu pia ni mwanangu, najua Mungu anamakusudi yake kabisa kwa haya. Nampenda sana Sabrina, nampenda kutoka moyoni najua yeye ndio mke wangu wa maisha. Japo hawatanielewa kwasasa ila ipo siku watanielewa tu"

Moyo wake ukafurahi sana, na kuanza kuvuta kumbukumbu kabla ya kuondoka kwenda nje.

Akakumbuka kuwa siku mbili kabla alilala na Sabrina.

Pia akakumbuka barua aliyoandikiwa na Sabrina.

Akatabasamu tena, kisha akaenda kwenye begi lake kupekua ile barua.

Wakati anapekua akamsikia mama yake akimuita na kugundua kuwa mama yake amesharudi ikabidi aache na kwenda kumsikiliza.



Sakina hata hakujua kuwa aanzie wapi kwa anachokihisi kuhusu mtoto wake.

Ingawa Jeff aliitikia wito na kusogea alipo mama yake ila Sakina hakujua kuwa amuulizaje.

Kisha Jeff akaamua kumuuliza mama yake,

"Nimekuja mama, mbona huniambii chochote?"

Sakina akatulia kidogo na kuuliza,

"Hivi ulivyoenda kwa dokta na kusema wewe ni mume wa Sabrina ilikuwaje kuwaje yani kitu gani kilitokea?"

Jeff akamuangalia mama yake na kumuuliza,

"Nikikwambia ukweli utaniamini mama?"

"Kwanini nisikuamini mwanangu? Niambie tu"http://deusdeditmahunda.blogspot.com/

"Usijali, nitakwambia"

"Mmh! Niambie jamani mwanangu, kwanini uwe kimya"

"Tulia mama, nitakwambia tu yote niliyoyafanya kule"

Sakina akatamani kujua ila Jeff hakuendelea kuongea zaidi ya kumuaga na kutoka pale nyumbani kwao na kumfanya mama yake azidi kuwa na mawazo katika akili yake.



Neema akiendelea kuwa hoi, akajikuta akimuuliza Aisha kuhusu rafiki yake Sia.

"Vipi yule rafiki yako uliyekuja nae siku ile?"

"Namshangaa Sia kwakweli kwamaana aliniahidi vizuri tu. Alisema atakuwa anakuja kukuona ila hata namshangaa hadi leo kimya"

"Namuona macho juu juu sana, mwambie awe makini na wanaume"

"Halafu dada, kwanini wanaume unawasema kiasi hicho?"

"Ni historia ndefu mdogo wangu, ila sitaweza kukaa kimya milele. Roho inaniuma sana. Ipo siku nitasema tu. Ila jiepushe nao tafadhari"

Aisha alikuwa akimsikitikia sana Neema na akatamani sana kujua tatizo alilonalo Neema ila ilikuwa ngumu kujua kuwa Neema anasumbuliwa na nini ingawa kila siku alimuona akizidi kudhoofika tu.



Sam aliamua kwenda baa kwaajili ya kupoteza mawazo dhidi ya mke wake Sabrina na kupoteza yale mawazo ya kutimuliwa kwakina Sabrina.

"Kweli tenda mema uende zako, yani mema yote niliyofanya kwa Sabrina na familia yake, yamesahaulika kabisa sababu ya kosa moja tu nililofanya"

Kisha akajifikiria tena,

"Ila kwanini nilifanya vile? Kwanini nilikuwa simpendi Sabrina tena? Kwanini nilibadilika?"

Hakupata jibu ila moyo ulimuuma sana na kujiona mtu asiye na thamani kabisa.



Wakati Sam yupo pale baa, akatokea Sia ambaye alifurahia sana uwepo wa Sam mahali pale na kujiaminisha katika moyo wake kuwa siku hiyo ni lazima ampate huyo Sam kwani alimuona kuwa ni mwanaume anayevutia sana ila kilichompendeza zaidi kwa Sam ni pesa alizokuwa nazo.

Alikaa pale na kujaribu kuzungumza nae mawili matatu huku akimbembeleza kuwa waende nyumbani.

"Sam, pombe hata haisaidii chochote zaidi utajiumiza tu"

"Sasa nini kinachosaidia?"

"Twende nyumbani nikakuonyeshe kinachosaidia ukiwa na mawazo"

Sam akakubali kwani tayari akili yake ilikuwa imevurugika vilivyo.



Safari ya kwenda nyumbani kwa Sam ikaanza huku Sia akiamini kuwa sasa ni muda muafaka wa yeye kuwa pamoja na Sam.

Walienda mpaka nyumbani kwa Sam na kuingia ndani pamoja na Sam.

Kisha wakaenda sebleni kukaa na kuongea mawili matatu.

Sia akatamani atoe nguo zake ili Sam apate kushawishika na mwili wake ulivyo, kwani yeye alijiona kuwa na silaha kubwa ya kushawishi mwanaume wa aina yoyote ile nayo ni makalio yake.

Alikuwa na makalio makubwa ya kupendeza ambayo hata akitembea lazima yatingishike, naye akaona wazi kama akitoa nguo na kuanza kumkatikia Sam lazima apagawe.

Ila kabla wazo lake hilo halijazaa matunda, wakasikia hodi yani mlango wa Sam ukigongwa ambapo Sam aliinuka na kwenda kufungua, mgongaji alikuwa ni Jeff ambapo Sam alimkaribisha vizuri ndani.

"Afadhari Jeff umeamua kuja huku moja kwa moja yani, naamini wewe ndie mwenye uwezo wa kunipa tumaini juu ya mke wangu"

Jeff akatabasamu tu ila maneno yale yalimkera sana Sia.

Jeff naye aliketi na kumsalimia Sia ambapo Sia naye aliamua kuaga na kumuomba Sam kuwa aondoke kwani Sam alimwambia pale pale kuwa atakuwa na maongezi marefu kidogo na huyo Jeff.

Sam hakusita kumruhusu, kisha akamtoa nje kama ishara ya kumsindikiza kidogo na alipofika nae nje akampatia pesa ya kuweza kupanda gari ya kukodi ili aweze kurudi kwao.

Kisha Sam akarudi ndani kwaajili ya mazungumzo yake na Jeff.



Sia akiwa njiani akajikuta akijiwa na sura ya Jeff na kuona kama mtu anayemfahamu vizuri ila tu hakumbuki ni wapi aliwahi kumuona ila hisia zake zingine zilimuonyesha kuwa yule Jeff aliwahi kumuona akiwa mdogo ila tu hakukumbuka ni wapi.

"Duh! Basi amekua mkubwa sana saivi halafu kamekuwa kazuri zaidi mmh!"

Sia akajikuta akitabasamu na kuona wazi moyo wake ukivutiwa na muonekano wa Jeff pia.



Sam aliamua kumueleza Jeff kile anachodhani kuwa kitaweza kumsaidia kwaajili ya kumrudisha Sabrina kwake.

"Yani naomba unisaidie Jeff tafadhari, najua mke wangu hana kumbukumbu kwasasa ila najua wazi kuwa wewe ni mtu pekee unayeweza kumsaidia aweze kurudi katika hali yake ya kawaida ila hata kunisaidia katika kuwashawishi wazazi wake wanisamehe"

"Ni kweli naweza kufanya hivyo, ila je unaniruhusu?"

"Nakuruhusu Jeff na ndiomana nimekuomba, kwanza nimeshukuru sana kuja kwako kwani sikutegemea kama ungekuja huku kwangu kweli"

"Hakuna ulichonikosea kabisa, nina kila sababu ya kuitikia wito wako. Hata hivyo nilirudi bila kukutaarifu kuwa ni siku flani narudi. Ndiomana nikaja huku"

"Kwanza kuna mambo nimekosea, naomba nikiri kwako jambo hili"

Jeff akashtuka kidogo na kumsikilizia Sam kuwa ni jambo gani alilokosewa.

"Kwanza nikuulize, Dorry yupo?"

"Hayupo, na hata mimi sijamkuta kwani siku niliyofika nasikia ndio siku aliyoondoka."

Sam aliamua kumueleza alichokifanya baada ya kusoma barua ya Dorry na jinsi alivyomshawishi adanganye kuwa ana mimba ya Jeff na jinsi mpango wao ulivyokuwa hapo mwanzoni.

"Nisamehe sana kwa hilo Jeff tafadhari"

Jeff hakuona kama hili ni kosa kubwa kiasi hicho kwake hadi kuombwa msamaha kwani yeye ndiye aliyekuwa na kosa kubwa zaidi dhidi ya Sam.

"Kumbe ndivyo ilivyokuwa! Usijali kaka, ila hiyo barua uliipata wapi?"

Sam akaamua kumuelezea Jeff mazingira ya yeye kuipata hiyo barua.

"Nilimuona Sabrina wakati akikuaga alikuwa amekuchomekea kitu kama barua, roho ikaniuma na kunifanya nitake kujua kuwa alikuwekea nini. Ndipo nilipotoka na hiyo barua ya Dorry"

Jeff akabaki kuduwaa tu kwani yeye hakuelewa kuwa hayo yote yalitokea wakati akisafiri.

"Basi bamdogo, hakuna tatizo mi nishakuelewa. Tusaidiane tu juu ya hili lililopo"

Kisha Jeff akaamua kuaga kwani aliona wazi kuwa akiendelea kukaa hapo basi Sam anaweza akamuhoji vitu ambavyo angekosa majibu kwa wakati huo.

"Sawa Jeff, ila tafadhari sana nakuomba ujitahidi kunisaidia hili swala nililokuomba"

"Hakuna tatizo juu ya hilo na nina kuahidi kuwa kila kitu kitakuwa sawa"

Kisha akaondoka zake na kumuacha Sam pale kwake.



Kwavile ilikuwa tayari usiku, Jeff alifika kwao na kwenda kulala moja kwa moja ila wazo la barua dhidi ya Sabrina halikuisha kwenye akili yake kwani alikumbuka maneno ambayo Sabrina alimuandikia kwenye ile barua na hicho kitu ndicho kilichomfanya alipofika kusoma akachagua kozi za muda mfupi ili aweze kurudi mapema kumuona Sabrina.

"Hivi huyu Sabrina kama nikimsomea ile barua yake hawezi kukumbuka kweli?"

Akatafakari hilo na kuona kuwa ni jambo linaloweza kumfanya Sabrina arudiwe na kumbukumbu zake.

Akatafakari hilo na kuona kuwa ni vyema kama kesho yake afanye hivyo.



Kulipokucha Sakina aliamka akifanya usafi ila maneno ya wale manesi bado yakarudi katika akili yake.

Akakumbuka kuwa walisema kuwa mdada aliyehitajiwa mumewe aje na kama mimba isingekuwa yake basi asingejifungua.

Akatafakari kuwa Jeff ndiye aliyesema kuwa alienda kujifanya kama mume wa Sabrina na kuwezesha Sabrina ajifungue.

"Mmh! Kuna nini hapa kati hapa? Kuna nini mbona sielewi? Eeh Mungu tafadhari isiwe kama ninachowaza mimi jamani"

Akafikiria kidogo tena,

"Hivi inawezekana kweli kwa Sabrina kutembea na mtoto aliyemlea mwenyewe? Hapana, hapana nakataa. Sabrina hawezi kufanya kitu kama hiki jamani"

Jeff naye akawa ametoka ndani muda ule na kumuaga mama yake kuwa anaenda kumuangalia Sabrina jambo ambalo likamtia mashaka Sakina kuwa anawaza vingi na iweje mwanae huyu kuamka tu na kudai kuwa anaenda kumuangalia Sabrina.

Alimuangalia tu akienda lakini akasema kuwa lazima amfate.



Jeff aliona kuwa ile asubuhi ndio ingekuwa muda muafaka wa yeye kuzungumza na Sabrina na hata kumsomea ile barua ili aone kama ataweza kurudisha kumbukumbu zake.

Alifika na kuwagongea ambapo mama wa Sabrina ndiye aliyemfungulia mlango na kumkaribisha ndani huku yeye akiendelea na shughuli zingine za usafi na huku akimuandalia Sabrina chakula cha asubuhi.



Jeff aligonga chumbani kwa Sabrina na kukaribishwa kwani Sabrina alikuwa ameshaamka tayari na mwanae yule mdogo kwani yule mwingine alikuwa akilala na mama Sabrina.

Jeff alikaa na kumsalimia Sabrina kisha akamwambia,

"Kuna kitu kidogo nataka nikueleze."

"Kitu gani?"

"Niambie kwanza kama upo tayari kunisikiliza"

"Yeah, nitakusikiliza"

Jeff akatoa ile barua na kuanza kuisoma,

"Ni usiku sana nimeamka na kuandika haya. Kwako Jeff mpenzi......."

Jeff akakwamia hapo na kushtuka kwani mlango ulifunguliwa na aliyeingia alikuwa ni Sakina.



Jeff akakwamia hapo na kushtuka kwani mlango ulifunguliwa na aliyeingia alikuwa ni Sakina.

Alimuangalia mwanae na kusimama pale mlangoni kama kwa dakika mbili hivi kisha akamwambia,

"Endelea nami nikusikilize"

Jeff akamtazama mama yake na kuona aibu kisha akaikunja ile barua na kuirudishia mfukoni.

"Vipi Jeff? Au mi sipaswi kusikia unachotaka kusoma? Mbona umeifunga hiyo barua? Endelea nami nisikie."

Jeff akaona aibu kwa mama yake na kuamua kujichekesha kidogo huku akijitetea kama ishara ya kuondoa aibu aliyokuwa nayo.

"Sio barua hii mama"

"Ila ni nini?"

"Ni kama stori tu nilikuwa nataka kumsimulia mamdogo"

Sakina akasogea na kumsalimia Sabrina kisha akakaa na kumwambia mwanae,

"Haya simulia na mimi napenda nisikie hiyo stori"

Jeff akacheka tu kisha akainuka na kumuaga Sabrina halafu akamwambia mama yake,

"Utanikuta nyumbani mama"

Sakina alitamani hata kumfokea au kumkaripia mwanae ila atamfanyiaje hivyo wakati sasa ni mtu mzima tayari, ikabidi amuangalie tu hadi alipotoka nje kabisa.

Sakina akamtazama Sabrina sasa,

"Kwani alikuwa anakwambia vitu gani huyu?"

"Sijui, ila nimemshangaa tu hata mimi"

Sakina akamtazama sana Sabrina kisha akamchukua mtoto wa Sabrina na kumshika kidogo huku akitabasamu bila ya kusema chochote.

Akakumbuka udogo wa Jeff, mtoto huyu ndio alizidi kufanana na Jeff, aliiona sura ya Jeff kabisa kwa mtoto huyu.

Akajikuta chozi likimtoka kwani kuna kitu kilimuumiza moyo.

Sabrina hakumuelewa Sakina na kumuuliza,

"Kwani vipi dada? Mbona unamuangalia mtoto huku unatabasamu halafu chozi linakutoka?"

"Aah nakumbuka udogo wa mwanangu, mtoto huyu ni mzuri sana"

Kisha akamrudisha mtoto kwa Sabrina na kuaga na kurudi nyumbani kwake.



Sakina alirudi nyumbani kwake na kumkuta Jeff kweli nyumbani ila alikuwa katika harakati za kujiandaa kutoka.

"Mmh! Unaenda wapi mwanangu?"

"Naenda kwakina Dorry"

"Mmh kufanya nini tena ikiwa ulikataa kuwa mtoto si wako?"

"Na si wangu kweli ila kuna kitu nataka nikafanye"

"Mmh kitu gani mwanangu?"

"Nitakuja kukwambia nikirudi"

"Kuwa makini tafadhari, usiniletee majanga"

Jeff akatoka na kuondoka huku mama yake akiwa na mawazo mfululizo haswa kuhusu Sabrina na kujikuta akiongea mwenyewe,

"Ila kwanini wananificha? Hivi inawezekana kweli? Sabrina kaolewa, iweje sasa watoto wale jamani mbona wanafanana na Jeff? Hivi Sabrina kama Sabrina anaweza kutembea na Jeff kweli mtoto wa kumlea mwenyewe?"

Hilo swala halikumuingia akilini kabisa Sakina na wala hakuweza kuelewa na kufanya kichwa chake kiwaze bila kuwa na muafaka wa mawazo.



Jeff mpango wake kwa Sabrina aliona umekwamishwa na mama yake ila bado alijua kuwa anayo nafasi ya kumfanya Sabrina arudi katika hali yake ya kawaida ila kwasasa aliamua kumuacha kwanza ili apate japo nguvu.

Na ndipo alipoamua kwenda kwakina Dorry tena bila hata ya kumpa taarifa kuwa anaenda.

Alifanya vile ili Dorry asikimbie kwa uoga wa makosa yake.



Dorry alikuwa nyumbani kwao, kwa yule mama yake ambaye alipata ajali.

Akashangaa kuambiwa kuwa kuna mgeni wake amekuja, ambapo mgeni huyo alikaribishwa moja kwa moja ndani.

Dorry alijikuta akiona aibu baada ya kumuona Jeff ndiye mgeni wake.

Ila Jeff alikuwa kawaida tu na kumsalimia Dorry aliyekuwa kampakata mwanae.

Jeff alikaa pale sebleni kwakina Dorry,

"Hebu na mie nimshike kidogo mtoto niweke baraka"

Dorry akampa Jeff mtoto kwa aibu, Jeff alimuangalia mtoto huku akitabasamu, kisha akamuangalia Dorry na kumwambia

"Kweli Dorry hapa ulipaniki jamani, mtoto wa kichina kabisa huyu ndio useme ni wangu?"

Dorry aliinama chini,

"Nisamehe Jeff"

"Nilishakusamehe ndiomana umeniona hapa kwenu. Na hata usiwe na shaka, Sam kashanieleza kila kitu"

Dorry akaona aibu zaidi na kuona kuwa Sam ni msaliti kwani hakutegemea kama angeweza kusema ukweli wa mambo kiasi kile.

"Ila haikuwa lengo langu kukudanganya Jeff, tafadhari nisamehe sana, sikuwa na nia ya kukudanganya. Badae niligundua kosa langu na ndiomana nikaandika barua ya kuomba msamaha Jeff"

"Natambua hilo, ila siku ile ungefanikiwa kulala na mimi ndio ungenisingizia kabisa bila chenga. Ila hata kama ungenisingizia, kwa muonekano huu wa mtoto lazima ningekataa tu na hata nisingekuwa na haja ya kupima D.N.A yani hapa najua wazi uliteleza kwa wale wachina waliokuwa wanajenga ile hoteli kule Bagamoyo"

Dorry alikuwa akiona aibu tu,

"Shida ndio iliyonifanya hivi, sikuwa na lengo la kuwa na mchina ila ni shida tu"

"Pole sana, ila siku nyingine ukitaka kumsingizia mwanaume mtoto angalia na wanaume uliotembea nao kama wanarandana. Kweli kabisa mswahili na mchina wapi na wapi? Wachina wanadamu kali sana, na uelewe wazi kuwa huyo ni mwanao peke yako sababu wale hawapeleki watoto wa nje kwao"

"Nimefanya makosa Jeff, nisamehe tu maana hapa moyo wangu unanisuta hadi basi"

Kisha Dorry akaamua kumpongeza Jeff kwa ujasiri alionao, akampongeza kwa uwezo alionao wa kukwepa vishawishi.

"Kwakweli mke wako atakuwa ni mwanamke mwenye bahati sana, kwani hata mimi ningependa kuipata bahati kama hiyo"

"Asante, namshukuru Mungu kwa hili kwani nimejikuta nikiwa na moyo wa kuridhika kwa niliye naye."

"Hongera sana, natumaini siku moja nami Mungu atanipa mume mwema kama wewe"

"Ila kumbuka kuwa Mungu atakupa mtu wa kufanana nawe, kwahiyo kama wewe utakuwa mwema basi utapewa mwema mwenzio ila sio wewe uwe mwovu na utegemee kupewa mwema. Na ukiona imetokea hivyo basi ujue Mungu analengo la kukufanya ubadilike ila ukishindikana lazima Mungu amtoe yule Mwema kwako na kumpatia mwema mwenzio kisha wewe kurudishiwa mwovu mwenzio wa kufanana nawe"

"Jamani Jeff, maneno makali hayo"

"Ila yana ukweli ndani yake, cha msingi jiangalie vizuri"

Wakazungumza mengi sana kisha Jeff akaaga kwaajili ya kuondoka, naye Dorry akamuacha mwanae pale kwao na kuamua kumsindikiza Jeff.



Dorry aliamua kumsindikiza kwani aliamini kuwa kuna mengi bado hajaongea na Jeff.

Na wakiwa njiani akamueleza jinsi alivyokuwa akipigiwa simu na kupewa maelekezo ya kumsaidia Sabrina.

"Kwakweli hadi mama yako alinihisi uongo ila nilipigiwa simu na namba ngeni na sauti ilikuwa kama yako ila ya upole sana. Cha kushangaza namba hiyo hatukuiona tena kwenye simu"

"Pole Dorry ila hata mie hiyo khabari inanishangaza jamani, maana mambo kama hayo nimezoea kuyaona kwenye filamu na kusoma kwenye vitabu vya hadithi mmh! Inamaana umepigiwa simu na jini au ni kitu gani hicho?"

"Hata mimi sielewi hadi leo, kuna siku hata nilipigiza simu chini ila mama yako aliiokota ikiwa nzima kabisa. Mambo ya ajabu haya, si umemuona mama anachechemea yani alipata ajali kwa mambo haya haya"

Jeff alizidi kushangaa tu hiyo taarifa kwani hakuwa na wazo lolote juu ya majini, kwahiyo aliona kuwa ni taarifa ya ajabu kwake.

Pia akamueleza kuhusu swala la yeye kutoa makaratasi na jinsi mama yake alivyoambiwa kuwa ile nyumba yao ina majini kwani ndio yaliyotoa yale makaratasi.

"Mwambie mama yako awe makini sana na waganga, ni waongo na wamekula hela zake bure tu"

Ila Jeff alicheka kwa hii taarifa ya sasa kuwa karatasi zilitolewa na Dorry ila mama yake akaambiwa ni jini.

Wakaongea mengi na Dorry akamuahidi kumpelekea kile kitabu chake alichokichukua katika harakati za kukimbiza ile barua.

Wakaagana hapo na Jeff kurudi nyumbani kwao.



Sam alitulia nyumbani kwake siku ya leo huku akitafakari baadhi ya mambo.

Alikuwa akitafakari kuwa Sabrina akirudisha kumbukumbu zake itakuwaje.

"Mungu asaidie ili Sabrina aendelee na upendo ule ule aliokuwa nao mwanzoni juu yangu. Hata kama kazaa na wanaume gani huko ila bado nampenda Sabrina. Kitu kimoja tu ambacho anashindwa kunielewa ni kuwa siwezi kumuua. Nitamuuaje mwanamke ninayempenda kama yeye? Sielewi hata kwa Neema ilikuwaje, Mungu naomba nisamehe"

Simu yake ikaita na mpigaji alikuwa ni Sia ambapo alikuwa akimsalimia Sam.

"Mmh ila usije leo, nitakwambia ni lini uje"

"Sawa"

Ila Sia alisononeka kwa jibu hili kutoka kwa Sam kwani alipenda akubaliwe ombi lake kwa siku hiyo.



Jeff alirudi nyumbani kwao na ilikuwa ni jioni tayari ila leo aliamua kumueleza mama yake vitu kidogo kumuhusu Dorry,

"Yani siku zote hizo niko nae hapa kumbe alikuwa akinidanganya jamani!"

"Msamehe bure mama, shida ndio zilimfanya atende haya ila kaniomba sana nimuombee msamaha kwako. Tafadhari mama msamehe"

"Kale katoto ni kapumbavu sana, yani kunidanganya mtu mzima kama mimi kweli na akili zangu timamu!"

"Mama, usilaumu sana. Kila kitu hutokea kwasababu fulani mama yangu, si unaona alisaidia kwa matatizo ya mamdogo Sabrina. Kwahiyo tusilalamike tu, tuangalie na upande wa pili"

"Hata kama, ila mi ameniudhi sana"

Kisha Jeff akamuelezea mama yake kuhusu kitu kinachomsumbua Dorry na pia jinsi mama yake alivyodanganywa na mganga.

"Kheee yani yule mganga alinidanganya jamani loh! Yani anavyojaza watu kiasi kile sikutegemea kama anaweza kuwa mganga wa uongo jamani"

Sakina akatafakari na kuona kuwa ni wazi ameshaliwa pesa zake nyingi sana na mganga huyo.

"Sikutegemea kama yule mganga alinidanganya kiasi hicho"

Jeff alimwacha mama yake pale akijisikitikia kisha yeye akaenda chumbani kwake kutuliza akili yake.



Sakina pale sebleni akajikuta akikumbuka maneno ya yule mganga wa pili na kuhisi kuwa huenda yana ukweli ndani yake kwani alishamwambia amchunguze sana Dorry, akakumbuka na alivyoambiwa kuhusu Sabrina.

Akakumbuka mara ya mwisho mganga alipowakaribisha alipoenda na Sabrina.

"Mmh! Kwanini alimuita Sabrina kuwa mkwe wangu? Mbona naona mambo yanarandana na kule hospitali? Ila bado hainiingii akilini kabisa, yani Jeff alale na Sabrina? Hapana hapana nakataa"

Kwa kipindi hiki Sakina alijiona wazi kuto kujielewa kabisa na alikuwa akijiuliza vitu na kujijibu mwenyewe.

Alishindwa kuamini wala kuelewa chochote.



Jeff alikuwa akitafakari namna atakavyoweza kuzungumza na Sabrina kwani aliona wazi kwa pale kwakina Sabrina itakuwa ngumu ila je ni sehemu gani ataweza kuzungumza nae.

Wakati akiwaza hayo, akapigiwa simu na Dorry

"Yule mtu kanipigia simu tena Jeff"

"Kakupigia tena? Alikuwa anasemaje? Vipi umebahatika kuikariri namba yake?"

"Sijabahatika kwakeli, leo iliita na kutokea jina rafiki. Nikapokea na kusikia sauti yake. Ila kwenye simu yangu hakuna jina rafiki na hata alipokata nimepekua sijaliona"

"Mmh pole sana, unatakiwa ufanye ibada Dorry yasije yakawa makubwa bure"

"Sawa, ila kaniambia kuwa nikwambie wewe umpeleke mamako mdogo sehemu ya mwisho uliyokuwa naye kwa muda mrefu na umsomee barua yake"

Jeff akashtuka na kumuuliza Dorry,

"Je amekwambia kuwa hiyo barua inahusu nini?"

"Hapana hajaniambia"

"Haya nashukuru, nitafanyia kazi hilo swala"

Jeff akakata simu na kupumua kidogo huku akimuona huyo mtu kuwa ni nuksi sasa na kuona wazi kuwa anaweza kumuumbua muda wowote ule.

Jeff akaamua kulala sasa kwani alishatafakari vya kutosha.



Kulipokucha nyumbani kwa Neema alionekana kuwa hoi sana siku ya leo kuliko siku zote.

Aisha akajaribu kumuandalia uji ili ampe ila hakuweza kunywa, alionekana kutokwa na machozi tu.

"Jamani dada, kunywa japo kidogo jamani"

"Sitaki kufa Aisha, sitaki kufa kabla ya kutubu. Nahitaji kumwambia ukweli mtu huyu, nimemkosea sana"

"Nani huyo dada?"

"Sabrina, nahitaji kumwambia ukweli Sabrina. Nimekoma kutembea na waume za watu, tamaa imeniponza Neema mimi"

"Dada, unajua sikuelewi jamani, sikuelewi kabisa dada yangu kwani una nini leo?"

Neema akaanza kuropoka kamavile mtu aliyechanganyikiwa,

"Yule mwanaume, mwanaume yule anaota miba. Yule mwanaume ana misumali, yule mwanaume anatoa usaha, yule mwanaume ana........."

Neema akaanza kuweweseka sasa na kugeuza geuza macho.



Neema akaanza kuropoka kamavile mtu

aliyechanganyikiwa,

"Yule mwanaume, mwanaume yule anaota miba.

Yule mwanaume ana misumali, yule mwanaume

anatoa usaha, yule mwanaume ana........."

Neema akaanza kuweweseka sasa na kugeuza

geuza macho.

Aisha uoga ukamjaa na kujikuta akianza kupiga kelele ila wakati anapiga kelele alimuona Neema akiwa kimya kabisa, hofu ikazidi kumtawala Aisha kwani hakujua cha kufanya.

Akaamua kutoka nje ili kwenda kutafuta msaada, kwa bahati akakutana na Sam akiwa nae anaenda hapo kwa Neema na ndiye aliyemuuliza Aisha kuwa kulikoni.

Aisha akamueleza kuhusu kuweweseka kwa Neema.

"Kwani kuna kitu kakwambia?"

"Kitu gani? Ameanza gafla tu"

Sam akagundua kuwa pale Aisha hajui chochote kile kisha akaingia nae ndani ili na yeye apate kumuangalia Neema.



Aisha akashtuka kumuona Neema amekaa wakati alimuona akiweweseka chini na kuwa kimya kabisa.

Sam hakushtuka kwavile hakujua hali halisi ilivyo, ila tu alikuwa anamshangaa Aisha kwa kushtuka vile.

Kisha Aisha akamuuliza Neema kwa sauti iliyojaa uoga,

"Kumbe mzima dada?"

"Kheee ulijua nimekufa?"

Neema alipojibu, Aisha akamsogelea karibu sasa kwani ilikuwa rahisi kugundua kuwa Neema ni mzima kweli.

Alisogea karibu zaidi na kumpa pole, ambapo Neema alicheka na kuweka kama utani,

"Duh Israel kanibeep ila sijapiga"

Huku akicheka kanakwamba tukio lililotokea ni la kawaida kabisa.

Kitu hicho ndio kilichozidi kumshangaza zaidi Aisha.

Sam naye alikaa akiwaangalia sasa, Neema naye alimuangalia Sam na kumwambia kwa hasira

"Nini kimekuleta Sam?"

"Nimekuja kukuona Neema"

"Nenda kapatane na mkeo kwanza ndio uje"

"Napatana nae vipi na hana kumbukumbu zozote?"

Neema akajisikia vibaya kwani yeye ndio chanzo cha yote yaliyompata mke wa Sam ila hakuweza kujieleza kwani alijua wazi kuwa akijieleza basi itakuwa ngumu kwa Sam kuja kumuona mara kwa mara kwani atajua kama ni mtu aliyejitakia yale yaliyompata.

"Ila jaribu kuwa nae karibu basi"

"Najitahidi ila kwao hawataki hata kuniona kutokana na yale yaliyotokea"

Neema akafikiria kitu ila kutokana na hali yake akaona ni wazi atashindwa kulitenda lile analolifikiria.

Akamfikiria rafiki yake Rose ambaye ndio alikuwa msiri wake na kuona wazi kuwa yeye ndio angeweza kufanya lile analofikiria yeye ila aliamua kumwambia Sam aende tu kwani roho yake ilikuwa ikimuuma sana kwa kuendelea kumuona Sam mahali hapo.

Hivyo Sam akaacha kiasi cha pesa cha kuwasaidia na kuondoka.



Neema alibaki na Aisha sasa ambapo Aisha alikuwa bado akimshangaa Neema kwani tukio lililotokea kabla lilikuwa la kustaajabisha mno.

"Mbona unanishangaa sana Aisha, yani tangu umeingia hapa na Sam unanishangaa tu"

Aisha aliamua kumueleza Neema jinsi ilivyokuwa na hadi pale,

"Kiukweli niliwaza mambo mengine kabisa, kwakifupi nilichanganyikiwa dada. Yani nilichanganyikiwa sana."

Neema akafikiria kwa dakika kadhaa na kujua wazi kuwa kilichomfanya apone ni kitendo cha Sam kwenda pale kwake ambapo imekuwa jambo jema kwake na la uzima ila kupona kwake yeye kwa staili hiyo ni kuendelea kumtesa Sabrina, ni kumfanya Sabrina aendelee kuteseka na kupata ugumu zaidi.

Akakumbuka dawa, ya kuwa kuna dawa moja hajaiondoa.

Ni dawa hiyo hiyo aliyoiwaza hata wakati Sam yupo ila je anawezaje kuiondoa.

Ndio hapo alipomkumbuka Rose kwani ndio aliyekuwa anajua mipango yote kwavile walikuwa wakipanga pamoja.

Neema hakuweza kwenda kuitoa hiyo dawa ila anamuagizaje Aisha kwenda kutoa dawa hiyo? Hapo ni lazima Aisha ajue siri yake na hapo ndio pagumu kwake.



Sabrina naye siku hiyo alijihisi maumivu makali ya shingo kanakwamba alikandamizwa na majinamizi usiku.

"Mwanangu sasa hapo hali ni mbaya, yani wewe ukiacha hili unaanza kuumwa lile, tufanyaje hapa jamani"

"Sijui mama"

"Ila usijali, Mungu atakusaidia. Utapona tu mwanangu"

Wakapeana imani na mama yake.



Muda kidogo siku hiyo alifika shangazi wa Sabrina ambaye ilikuwa ni siku nyingi sana bila kuwatembelea ndugu zake hao kutokana na yale mambo yaliyotokea baina yao, na kilichompeleka pale ni kwa lengo la kumsalimia Sabrina kwani alikuwa amesikia habari za kuumwa na kila kitu ila hakwenda kuwaona.

Alipofika pale alijua mama wa Sabrina hatompokea vizuri ila alipoingia mama Sabrina ndiye aliyekuwa wa kwanza kuinuka na kumpokea kwa furaha huku akifurahia sana kufika kwake.

Shangazi wa Sabrina akafurahi kukaribishwa vile na kuwafanya wazungumze mambo mengi sana bila kugusia ule ugomvi wao kwani mama Sabrina aliamini kuwa hakuna tena cha kugombana na wifi yake huyu.



Shangazi wa Sabrina alimuhurumia sana Sabrina kwa kile kitendo cha kupoteza kumbukumbu zake kwani hata shangazi yake hakumkumbuka.

"Pole sana Sabrina ila Mungu ni mwema utapona kabisa tu."

Sabrina akatabasamu tu ila akamshangaa huyu shangazi yake kuwa na maneno mengi kiasi kile kwani alikuwa anaongea tu.

"Yani nilikuwa naota ndoto mbaya mbaya kuhusu Sabrina na kunifanya niingie kwenye maombi kwaajili yake naona naye ilibaki kidogo kupatwa na majanga. Watu ni washirikina jamani"

Wakazungumza pale namna ya kuweza kumsaidia Sabrina kutoka kwenye yale matatizo.

Mpaka jioni shangazi wa Sabrina alipoondoka bado hawakujua cha kufanya katika kumsaidia Sabrina kurudisha kumbukumbu zake.



Bado Sam alikuwa na matumaini ya kwamba Sabrina anaweza kusaidiwa na Jeff juu ya kurudisha kumbukumbu zake ila alipoona siku zinaenda bila ya Jeff kumpa jibu linaloeleweka alionekana kukata tamaa juu ya hilo na kuruhusu mawasiliano kati ya yeye na Sia kupamba moto kwani Sia hakuchoka kumtafuta Sam na lengo kubwa ni kuwa nae karibu kama wapenzi.



Neema hakuwa na wa kumsaidia katika kuitoa dawa mahali alipoweka na kuamua kujitoa ufahamu kwa kumuomba Aisha amsaidie swala lake la kwenda kuitoa ile dawa.

Ingawa aibu ilimjaa ila hakuwa na jinsi zaidi ya kumwambia Aisha kwenda kuitoa ile dawa.

"Naomba unisaidie mdogo wangu tafadhari, nakuomba sana nisaidie"

Aisha alikuwa akimuangalia tu Neema huku akimuhurumia na kumshangaa pia.

Neema akamueleza Aisha mahali alipoweka hiyo dawa.

"Kwahiyo dada uliweka hiyo dawa kwa madhumuni yapi?"

"Acha tu mdogo wangu, nilimpenda Sam na alikuwa mume wa mtu kwahiyo nikaenda kuchukua dawa kwa mganga na hapo ninapokuelekeza ni mahali ambapo niliweka dawa moja wapo ya kumvutia. Ila dawa ile ilikuwa ikimdhuru huyo mke wa Sam"

Aisha akashangaa sana,

"Kwahiyo mimi haiwezi kunidhuru?"

"Haiwezi kukudhuru wewe, hata hivyo kumbuka kuwa dawa ile ilikuwa na dawa zingine huku nyumbani ambapo kuna siku uliona nachoma choma moto kwahiyo lazima imezidiwa nguvu na haiwezi kufanya chochote. Nisaidie kuitoa, nataka hata kama nikifa basi nife kwa amani"

"Amini utapona dada"

Neema akatabasamu tu, kwani ukweli wa mambo aliujua kuwa hawezi kupona kabisa, na alimshukuru Aisha kwa moyo aliokuwa nao, kwani ilikuwa si rahisi kwa mtu kuendelea kuvumilia ile harufu iliyokuwa ikitoka kwenye mwili wake.

Kwahiyo kwake Aisha alikuwa ni mtu muhimu na wa kipekee sana.

Huku Aisha naye akiwaza mambo mengi bila ya majibu yoyote yale ingawa alikubali kile alichotumwa na Neema na kuahidi kukitelekeza.



Jeff naye alifikiria sana jinsi ya yeye kuweza kumsaidia Sabrina, na alijua wazi kuwa ni lazima akimsomea ile barua Sabrina ataelewa tu.

Muda huo akaamua kutoka pale kwao na kumuaga mama yake kuwa anaenda kwakina Sabrina ambapo mama yake akamwambia,

"Ila Jeff mwanangu, mficha maradhi kifo humuumbua"

"Jamani mama, kwani mi nimeficha kitu gani?"

"Unajua mwenyewe unachonificha ila ipo siku nitajua tu ingawa inakuwa ngumu kwa mimi kuamini hili"

Jeff akamuangalia mama yake na kuhisi kuwa kuna kitu mama yake ameanza kukihisi juu yake, ingawa kwa binafsi yake haoni tatizo kwa mama yake kutambua hilo ila tu anahofia kwa upande wa Sabrina ambaye hakutaka ijulikane sehemu yoyote ile.

Basi Sam akaondoka pale kwao na kuelekea kwakina Sabrina.



Sam alikuwa nyumbani kwake huku akiwa na mawazo sana na kumngoja mgeni ambaye ametoka kuongea nae kwenye simu, huku yeye akiendelea taratibu kunywa vinywaji vyake vyenye kilevi huku akiamini kuwa ndio vitakavyomsaidia kupunguza mawazo au kuyaondoa kabisa.

Muda kidogo aliwasili mgeni wake ambaye alikuwa ni Sia.

Sam alitabasamu kumuona na kumkaribisha.

"Nashukuru umekuja Sia, sikujua kama ungekuja tena toka siku ile kwani ilionyesha umechukizwa sana. Ingawa tulikuwa tukiwasiliana ila sikujua kama ungekuja. Nisamehe sana"

"Usijali Sam, ila hujaniambia hadi leo. Vipi yule mtu alikusaidia?"

"Anisaidie wapi? Hadi leo kimya. Yule naye mzushi tu, alifanya nikuondoe wewe huku nikiamini kuwa atakuwa na msaada kwangu ila hadi leo hajanijibu chochote yani"

"Pole, ila hutakiwi kuwa na mawazo kiasi hicho. Naomba uniangalie mimi na kunisikiliza, nakuhakikishia kwa kupitia mimi utasahau kila kitu."

Sam akatabasamu pale na kuanza kumuangalia Sia sasa.



Jeff akafika nyumbani kwakina Sabrina na kumkuta akiwa ametulia na mama yake kwani watoto walikuwa wamelala.

Jeff akawasalimia kisha kumuomba Sabrina,

"Naomba twende mahali, kuna kitu nataka kukuonyesha"

"Mmh wapi huko?"

Mama Sabrina aliuliza kwa mshangao,

"Sio sehemu mbaya bibi, na wala hatutachelewa"

"Ila si unajua kama hana kumbukumbu"

"Natambua vizuri bibi, ila nitakuwa nae makini kupita maelezo ya kawaida na kama una kikitokea chochote kibaya basi iwe mimi wa kulaumiwa"

Mama Sabrina akamuangalia Jeff na kukubali ila Sabrina alikuwa kimya kabisa kanakwamba anayezungumziwa pale si yeye.

Mama Sabrina akamtazama Sabrina na kumwambia,

"Hivi haya tunayozungumza hapa unayaelewa kweli?"

"Nawaelewa ndio"

Sabrina akainuka na kumwangalia Jeff kisha akamwambia,

"Ndio tunaenda au?"

Jeff hakutaka kusita kwani alijua wazi kuwa iwapo Sabrina akibadili maamuzi basi itakuwa ni ngumu sana kuendelea kumshawishi kwenda, kwahiyo alipokubali tu akatoka naye.



Jeff aliita gari ya kukodi kisha safari ya yeye na Sabrina kuanza kuelekea kwenye ile hoteli aliyoenda mara ya mwisho na Sabrina kabla ya yeye kwenda nje kusoma.

Walipofika hotelini wakashuka na kumfanya Sabrina amuulize Jeff kwa mshangao,

"Mbona umenileta hotelini?"

"Nimekuleta si kwa nia mbaya ila kwa lengo la kukuonyesha kitu na kuangalia kama unaweza kurudiwa na kumbukumbu zako"

Jeff akamuomba Sabrina kuwa waingie ndani ila Sabrina alionekana kusita kwa hilo mpaka pale Jeff alipombembeleza na kumuhakikishia kuwa hawezi kufanya chochote kibaya.



Waliingia ndani kwenye chumba ambacho Jeff alikodi.

Kisha akamuomba Sabrina akae kwenye kochi na yeye kukaa kitandani, halafu akatoa ile barua ili amsomee.

"Tafadhari nisikilize kwa makini ninapoisoma hii barua na wala sina nia yoyote zaidi ya kusoma hii barua"

Sabrina alitulia na kumsikiliza Jeff ambaye alianza kuisoma ile barua sasa,

"Ni usiku sana nimeamka na kuandika haya. Kwako Jeff mpenzi, najua utashtuka sana baada ya mimi kukuita mpenzi hapo juu, yote hiyo imetokana na swala moja tu nalo ni upendo unaonipatia. Umekuwa mstari wa mbele katika kunipenda mimi, ni mara nyingi sana nimekuwa nikikukatisha tamaa kwa kukufokea hata kukufukuza lakini wewe umekuwa mwanaume mvumilivu kwangu.

Kesho unasafiri Jeff ndiomana nimeamua niandike haya maana hatujui mambo yajayo, jua kwamba nakupenda sana tena sana. Kitu kinachonizuia kuwa na wewe ni aibu, aibu ya umri, aibu ya mazoea.

Jeff wewe umekuwa kama mtoto kwangu, ni nani anayeweza kukubali mahusiano ya mimi na wewe? Ni nani atakayeweza kututazama mara mbili katika familia zetu? Jibu ni hakuna, ila moyo wangu na wako ndio unaojua ni jinsi gani tunapendana. Napenda iwe siri ingawa watu husema kuwa penzi ni kikohozi kulificha huwezi.

Napenda kukiri jambo hili kwako, hakuna mapenzi niliyowahi kuyafurahia kama yako. Pia napenda ujue kuwa wewe ni mwanaume wa pekee uliyefanikiwa kuwa na mimi kimwili, najua utakuwa unajiuliza kuhusu Sam ila siri ya Sam ninayo mimi. Napenda kukwambia kwamba.........."

Jeff akakwamia hapo kwani aliona kimya kimetanda, akamtazama Sabrina pale kwenye kochi alipokaa, akamuona amefunga macho huku kichwa chake kikiangalia juu ila alikuwa akitokwa na machozi mfululizo.

Jeff akainuka na kumfata pale kwenye kiti, Sabrina alionekana kuwa na maumivu ya moyo kwani alikuwa akilia kwa uchungu.

Jeff alipojaribu kumbembeleza, Sabrina alimtazama Jeff na kumzaba kibao cha nguvu.





Jeff akainuka na kumfata pale kwenye kiti, Sabrina

alionekana kuwa na maumivu ya moyo kwani

alikuwa akilia kwa uchungu.

Jeff alipojaribu kumbembeleza, Sabrina alimtazama

Jeff na kumzaba kibao cha nguvu.

Jeff alijikuta akiwa kama ameganda huku akimtazama tu Sabrina ambapo Sabrina alimnasa tena kibao cha pili na kumuuliza kwa hasira,

"Nani kakutuma unilete huku tena Jeff? Nakuuliza wewe?"

Jeff akatabasamu kwani alijua tayari Sabrina amerudiwa na kumbukumbu zake.

Ila Sabrina alichukizwa zaidi na kile kitendo cha Jeff kutabasamu na kumfanya azidi kulia kwa hasira.

Jeff akamkumbatia sasa kama ishara ya kumbembeleza na kufurahi ile hali aliyonayo ya kurudiwa na kumbukumbu.

Jeff alimkumbatia tu ingawa Sabrina bado aliendelea kulalamika,

"Kwanini Jeff kwanini umenileta tena huku? Kwanini hutaki kuheshimu ndoa yangu?"

"Nisamehe Sabrina, sijakuleta huku kwa lengo lolote baya. Nakupenda sana na nilikuwa nataka urudiwe na kumbukumbu zako"

"Kwani nilipoteza kumbukumbu?"

"Ndio Sabrina, nisamehe kwanza na pia naomba utulie ili nikueleweshe kidogo"

Sabrina akamtazama kwa makini sasa Jeff na kumuona ana mabadiliko tofauti na alivyokuwa awali.

"Ila saivi Jeff umekuwa mkubwa. Kwani ni kitu gani kinatokea hapa? Mbona sielewi?"

Jeff aliamua kumtuliza kwanza na kumwambia kwa kifupi kuwa alipoteza kumbukumbu kwa miezi kadhaa hata yeye alikuwa hamkumbuki.

"Kweli nilikuwa sikukumbuki wewe?"

"Ndio hukunikumbuka kabisa, na siku niliporudi na kukuona ndio siku hiyo ulishikwa uchungu na kwenda kujifungua"

"Kwahiyo nimeshajifungua?"

"Ndio mtoto wa kiume na amefanana na mimi balaa"

"Hapo ndio unapoanza kunikera sasa"

Akakaa na kufikiria kidogo, akaona kama mambo yamebadilika sana hakujielewa kwa muda huo.

"Naomba nipeleke kwa Sam, tafadhari Jeff"

Jeff alimuangalia kwa kumuhurumia na hakuweza kukataa lile swala ingawa hakuona kama ni vyema kwenda nae moja kwa moja kwa Sam.

"Kwanini tusirudi kwanza nyumbani halafu kwa Sam tukaenda hata kesho?"

"Hapana Jeff, nataka kumuona Sam nahitaji sana nimuone kwanza hapa sielewi chochote. Tafadhari nipeleke kwanza kwa Sam, kuna kitu nakihitaji"

Jeff akaamua kutoka pale na Sabrina kisha kuianza safari ya kwenda kwa Sam.



Aisha naye alikubaliana na Neema kuwa siku hiyo aende mahali alipomuelekeza kuwa akaitoe ile dawa, na kama alivyokubali hakuona kama hilo ni jambo zito kiasi hicho mpaka kwa yeye kushindwa kulifanya.

Kwahiyo akawa ameondoka nyumbani kwa Neema huku akiwa na maelekezo ya kutosha.

Alienda mpaka alipoelekezwa na Neema huku wakiendelea kuwasiliana kwenye simu ili ikitokea kama atasahau basi amuulize kwenye simu na aweze kumuelekeza tena.



Aisha alifika mpaka kwenye mti ambao alihisi kuwa ndio alioelekezwa na Neema huku akiangalia uwepo wa wapita njia na kujaribu kufanya kile alichoelekezwa.

"Mmh dada Neema aliwezaje kufanya haya karibia na nyumba ya mtu kiasi hiki? Hivi kwa mfano wenyewe wakatoka na kuzunguka hapa na kunikuta nitajiteteaje mimi? Mungu nisaidie kwa hili ninaloenda kufanya."

Aisha alikaa pale chini ya mti na kukaribu kufukua fukua ili aone kwani alipomuuliza Neema alimwambia ndio hapo hapo.



Sia alikuwa ndani kwa Sam akiendelea na harakati zake za kuchekecha hisia za Sam kwani alikuwa akicheza na kukatika haswa, alipoona kuwa inachukua muda mrefu kumteka Sam akaamua kuongeza sauti ya mziki huku akitoa nguo moja moja kwenye mwili wake.

Sam alikuwa akimtazama tu Sia anavyokatika, na kweli alikuwa akijua kucheza na kwa mwanaume yeyote rijali lazima mate yamtoke kwa kucheza kule tena bila nguo.

Sam akajikuta naye akiinuka na kuungana na Sia katika kucheza huku Sia akitumia nafasi hiyo kumtoa Sam nguo moja moja katika mwili wake.

Ila alipofikia kuitoa nguo ya ndani ya Sam, ni pale Sam akamzuia na kumfanya Sia ajiulize kuwa huyu mwanaume ni vipi kwanini agomee pale? Akahisi kuwa labda manjonjo yake hayakumvutia vizuri na kumfanya atafute pozi la kumvuta zaidi Sam.

Sia hakumvua tena Sam ile nguo ya ndani ila aliendelea kunengua na kucheza kitu ambacho kilimvutia zaidi Sam.

Kwavile Sia alikuwa na makalio makubwa, akaamua kutumia makalio yake hayo kumteka Sam ambapo aliinama huku anamkatikia Sam karibia na nguo yake ya ndani huku akimshawishi afanye kile anachokitaka.

Kwavile Sam naye ni mwanaume, hakuweza kustahimili zaidi hali ile na kumpa Sia anachostahili.



Kelele nyingine leo ilimshtua yule mlinzi wa Sam pale getini ila hakuielewa vizuri kwavile ilichanganyika na sauti za mziki.

Mlinzi wa Sam alijiuliza tu pale bila ya kupata majibu kwani kwa kelele ile ilikuwa ni kama mtu amekutana na kitu cha ajabu ila ni kelele ambayo aliisikia na kukatika gafla huku sauti ya mziki ikiendelea.

Hakutaka kufatilia kwani hayamuhusu na ukizingatia pale yupo kazini.



Aisha naye pale chini ya mti alibahatika kusikia ile kelele na kumfanya ashtuke sana ila hakuelewa chochote kinachoendelea huku akijaribu kuchimba haraka harana na aweze kuwahi kuondoka pale kwenye mti.

Muda kidogo akaona watu wawili wakiwa wameongozana na wanaelekea katika ile nyumba, alikuwa ni mdada na mkaka.

Aisha akaamua kujigeresha na kuacha kuchimba ili hata kama wakimuuliza aseme kuwa alikuwa amepumzika tu ila walipita bila ya kumuuliza chochote.

Aisha alipotazama kwenye kile kishimo anachokichimba kwa kisu, akaona kitu alichoelekezwa na Neema na kukivuta kwani kilikuwa kwenye mfuko ila kilikuwa kikipumua kama mtu na kumfanya Aisha atetemeke sana huku akikiweka kwenye mkoba wake.



Jeff na Sabrina walimkuta mlinzi wa Sam kama kawaida ambaye alikuwa tu akimshangaa Sabrina na kumuuliza,

"Unaendeleaje dada?"

"Naendelea vizuri, Sam yupo?"

Mlinzi alikuwa akiitikia kwa kusitasita na kumfanya Sabrina ampite pale getini na kuanza kufata nyumba huku Jeff akiwa nyuma yake.

Sabrina alishangazwa na ule mziki mkubwa aliousikia kutoka ndani kwa Sam na kushangaa sana kwani si kawaida ya Sam kusikiliza mziki mkubwa kiasi kile.

"Yani kama disko"

Huku akiendelea kuufata mlango.



Sam alimuhurumia sana Sia ila tayari ilishatokea hapakuwa na jinsi tena zaidi ya kuvaa nguo zake na kumsitiri Sia kwa kumfunika shuka kwani alikuwa amekaa huku akilia sana yani Sia hakuamini kile kilichompata kwa siku hiyo na kumfanya ahisi kupagawa huku akiwa na maumivu makali kwenye sehemu zake za siri.

Alilia sana na hakutaka hata kumtazama Sam,

"Tafadhari Sia usimwambie mtu yeyote"

Sam alikuwa akimbembeleza Sia huku amemshika bega, ila Sia aliurusha ule mkono wa Sam pembeni na kusema kwa ukali,

"Niache shetani mkubwa wewe"

Sia alichukua blezia yake na kuvaa, alipoinuka pale alipokaa alishangaa kuona pametapakaa damu na kujigundua kuwa lazima ameumizwa kupita vile anavyofikiria.

Akachukua nguo yake ya ndani na kuvaa.

Gafla wakashtuka mlango wa sebleni ukifunguliwa ndio Sam alipogundua kuwa hakuufunga mlango ule.

Macho ya Sia yakagongana na macho ya Sabrina ambapo Sabrina alimuangalia Sia kwa mshangao kwani Sia alikuwa na nguo ya ndani tu na ile blezia aliyovaa mwanzoni.

Sabrina akamwambia Sia kwa ukali,

"Sia!! Unafanya nini kwa mume wangu?"

Kisha akamuangalia Sam na kumwambia,

"Kumbe Sam nisipokuwepo ndio huwa unanifanyia hivi?"

Sam aliona aibu na kuinamisha macho chini, Sia naye aliona aibu ukizingatia kitendo alichofanyiwa na kumuona Sabrina mbele yake haikuwa rahisi kwake, alijikuta akijifunga lile shuka kwa aibu na kutoka mule ndani bila ya kuongea chochote.

Ila alipofika mlangoni, Sabrina akamvuta Sia na kumnasa kibao,

"Malaya mkubwa wewe, kuja hapa"

Sam akaona hii itakuwa khatari ukizingatia tayari Sia ameshapata pigo kama lile, ikabidi ainuke na kumshikiria Sabrina kisha kumwambia Sia achukue vitu vyake na kuondoka.

Alitoka nje na shuka huku akilia sana hata mlinzi wa Sam alimshangaa huku akiamini kuwa Sabrina atakuwa kamfanya kitu tu kwani ishakuwa kawaida yake ya kupambana na wadada wanaotembea na Sam.

Sia alishachanganyikiwa tayari, alitoka hadi nje na kukosa muelekeo kisha akarudi na kumuomba yule mlinzi wa Sam amuitie gari za kukodi.



Aisha aliyekuwa anakaribia kuondoka pale alishangaa kumuona Sia akiwa kajifunga shuka tena akionekana kuwa amechanganyikiwa na kupoteza muelekeo, kisha akamuona akirudi tena na kuamua kumfata na kumkuta akizungumza na yule mlinzi kisha akamshtua,

"Sia"

Sia akashtuka na kugeuka, akamuona Aisha na kumfata kisha akamkumbatia huku akilia sana.

Gari ya kukodi ilipofika, wakapanda na kuondoka.



Nyumbani kwakina Sabrina, alifika na Sakina kumuulizia Jeff.

"Maana leo kaondoka mapema na kudai anakuja huku"

"Ni kweli alikuja ila ameondoka na Sabrina hata nashangaa hawajarudi hadi muda huu."

Sakina alikaa kimya kwa muda akitafakari mahali ambako Jeff na Sabrina watakuwa wameenda bila ya kupata jibu huku moyo wake ukizidi kupata hofu juu yao.

"Tafadhari Mungu isiwe hivi ninavyofikiria"

Mama Sabrina akamuuliza Sakina kwa mshangao kuwa ni kitu gani anachofikiria.

"Kwakweli mama sielewi yani sielewi kabisa"

Mtoto mdogo wa Sabrina aliamka na kuanza kulia, ikabidi mama Sabrina na Sakina waingie ndani.

Kwavile mama Sabrina alikuwa kambeba Cherry mgongoni, ikabidi Sakina amchukue yule mtoto mdogo na kumbembeleza.

"Vipi mmeshampa jina huyu mama?"

"Ndio, kapewa jina na shangazi wa Sabrina kuwa aitwe Sam"

"Sam!"

"Ndio Sam mbona umeshangaa?"

"Kwahiyo ataitwa Sam Sam?"

"Ndio, hakuna ubaya kuitwa hivyo"

Sakina alikuwa akimtazama tu huyu mtoto kwani kulikuwa na kila sababu ya kumpa yeye jina kwavile alikuwa na hisia zote kuwa yule mtoto ni wa Jeff ingawa hakuwa na hakika na hisia zake.

Ila macho yake hayakubanduka kwenye sura ya mtoto huyu ukizingatia kuwa alimfananisha moja kwa moja na mwanae Jeff.



Sabrina alikuwa na hasira sana mule ndani ukizingatia kuwa yeye hajawahi kulala na Sam, kwahiyo kitendo cha kuona mwanamke vile kilimkera sana na wala hakutilia maanani kama kuna damu mule ndani kwani aliongea kwa mfululizo kisha kutoka nje.

Jeff naye alikuwepo katika kumfatilia nyuma nyuma ili kuhakikisha kwamba hawezi kupotea.

Sabrina na Jeff walipofika pale nje ndipo walipoona ile gari ya kukodi waliyopanda wakina Sia ikiishia, Sabrina akatamani kupata gari nyingine ya haraka ili wawafatilie ila Jeff akamzuia na kumsihi warudi nyumbani.

"Tafadhari twende nyumbani, kumbuka watoto tumewaacha. Kumbuka una mtoto mdogo sana anahitaji kunyonya, tafadhari twende nyumbani"

Kisha Jeff akatafuta usafiri wa kuwarudisha.



Sabrina alikuwa akilalamika tu kwenye gari mwanzo mwisho, mpaka Jeff aliamua kumuuliza kwani aliona wazi kuwa kunauwezekano mkubwa wa Sabrina kuwa anafahamiana na yule dada.

"Kwani unamfahamu yule?"

"Namfahamu vizuri sana, alikuwa rafiki yangu hapo zamani ila alinitendea kitu cha ajabu. Alifanya niende mahabusu bila makosa, alifanya nione mji mbaya halafu leo hii ananiibia mume wangu? Mngeniacha nimfundishe adabu yule, yani leo ningemkumbushia machungu yote niliyoyapata kule mahabusu"

"Pole sana, kumbe ndio huyu alifanya uteseke kipindi kile dah pole sana"

Sabrina alikuwa akisema maneno yote mabaya dhidi ya Sia huku akikumbukia alikopitia yeye mpaka kufikia hapo.

Walifika nyumbani na kumkuta Sakina na mama yake wakiendelea na harakati za kubembeleza watoto.

Sabrina alipowaona alienda kuwakumbatia kanakwamba hakuwaona kwa muda mrefu sana na kufanya wamshangae.



Aisha aliamua kwenda na Sia moja kwa moja nyumbani kwa Neema kwani hakujua ni jambo gani lililompata.

Waliingia ndani huku Sia akionekana kuchechemea.

Moyo wa Sia uliamini kuwa kilichompata ni tego, na huku akiamini hilo tego limetegwa na yule mke wa Sam ambaye alikuwa rafiki yake hapo zamani.

Alikaa chini na kuanza kumueleza Aisha,

"Mume wa mtu sumu, ni sumu kweli Aisha ndicho kilichonikuta mimi leo"

Aisha alikuwa kwa makini kumsikiliza Sia aliyekuwa akieleza kwa uchungu,

"Yani mimi nisingekuwa na ujasiri basi ningezimia kwa yaliyonipata leo"

Sia aliendelea kueleza na kumfanya Neema ashtuke chumbani kwake kwani alikuwa amejilaza muda huo, Neema aliinuka na kujikongoja ili amuwahi Sia na kumzuia asizungumze.

Ila muda Neema anatokezea pale sebleni, ni muda huo huo Sia nae alianguka na kuwa kimya kabisa.



Sia aliendelea kueleza na kumfanya Neema

ashtuke chumbani kwake kwani alikuwa amejilaza

muda huo, Neema aliinuka na kujikongoja ili amuwahi Sia na kumzuia asizungumze.

Ila muda Neema anatokezea pale sebleni, ni muda huo huo Sia nae alianguka na kuwa kimya kabisa.

Neema alimkimbilia Sia pale chini na kuanza kumtingisha huku akimuita kwa nguvu,

"Sia, Sia, Siaaaaaa"

Neema alitokwa na machozi mfululizo kwani alijua wazi Sia ameshakufa na kilichomuua ni tamaa aliyokuwa nayo kama yake, ni tamaa ya pesa tu. Neema aliumia sana pale chini.

Aisha alikuwa kama mtu aliyepigwa shoti kwani alijikuta ameduwaa kwa muda mrefu na kushangaa huku akimtazama Neema aliyekuwa akilia na Sia pale chini, kisha akajikuta akimuuliza Neema,

"Na wewe ndio ulifanyiwa hivi dada?"

Aisha alibubujikwa na machozi ila Neema hakujibu kwani alikuwa na mashaka kwakile ambacho kingemtokea ukizingatia alishawahi kumshuhudia rafiki yake Rose akifa mbele ya macho yake sababu ya kusema ukweli na sasa anamshuhudia Sia akikata roho pale.

Neema akamuomba Aisha waache kujadili na washughulike kumuwahisha Sia hospitali ingawa alijua wazi kuwa Sia ameshakufa pale.

Aisha alitoka nje kuomba msaada kisha kumuwahisha Sia hospitali na kukazana kuwapa taarifa baadhi ya ndugu zao na ndugu wa Sia.



Sam akiwa nyumbani kwake huku akili yake ikikosa muelekea, akahisi maumivu ya moyo na kujua wazi kuwa ni lazima Sia atakuwa amekufa.

Aliumia sana kuona amemuua msichana mwingine,

"Kwanini kipindi hiki jamani kwanini? Kwani hawa wanawake wanataka nini kwangu? Kwanini kunitia majaribuni kiasi hiki? Nimeishi miaka mingi na Sabrina na sijawahi kufanya nae chochote kwavile sikutaka kumuua. Mbona hakunilazimisha kiasi hiki kama hawa? Au kwavile aliwahi kubakwa? Hata kama ila jibu ni pale pale kuwa Sabrina ni mwanamke wa tofauti sana."

Sam alijiwazia sana na kujipanga kwenda msibani tu maana hapakuwa na namna nyingine.



Sabrina alikabidhiwa mtoto wake amnyonyeshe, akamuangalia sana na kuona alivyofanana na Jeff, alijikuta tu akijisemea moyoni kuwa kweli mficha maradhi kifo humuumbua kwani huyu mtoto wa sasa ilikuwa ni bora yule wa kwanza kwani huyu alifanana kila kitu na Jeff.

Sabrina hakusema kitu zaidi tu ya kumnyonyesha mwanae ambapo Sakina alikuwa akimuangalia sana Sabrina huku akimtafakari.

Jeff aliwaacha pale na kuondoka huku akimuaga mama yake kuwa anarudi nyumbani.



Sia alikufa akiwa na kunyongo dhidi ya Sabrina kwani hadi anaanguka pale licha ya kumsimulia Aisha yaliyomsibu ila bado alikuwa na kinyongo dhidi ya Sabrina.

Daktari aliwapa taarifa kuwa Sia alikuwa marehemu tayari na kufanya ndugu, jamaa na marafiki kuangua kilio pale hospitali.

Moyo wa Aisha pia uliamini kuwa huyo Sabrina ni mtu mbaya sana na hafai, alijikuta akimchukia huyo Sabrina bila hata ya kumfahamu yukoje.



Taratibu za mazishi ya Sia zikaendelea ila kuna baadhi ya ndugu wa Neema walijikuta wakihoji kuwa ndugu yao ana matatizo gani hadi Rose na Sia kufia ndani kwake? Na wote kutokuonekana na tatizo lolote zaidi ya damu.

Walijikuta wakimuhurumia Aisha aliyekuwa akiishi na Neema.

Ila Neema alielewa kila kitu kama ndugu zake wamemtenga, kwanza sababu ya harufu aliyokuwa akitoa na pia kifo cha Rose kiliwashtua sana na sasa ni kifo cha Sia.



Siku hiyo Sabrina alikaa kitandani huku akivuta kumbukumbu za matukio mbali mbali yaliyowahi kutokea katika maisha yake,

"Mara nyingine naona kama sinema vile kwa haya mambo katika maisha yangu. Sia alikuwa rafiki yangu sana, mwisho wa siku akaniunganisha na kaka yake Japhet tukawa wapenzi kisha akaungana na mpenzi wa zamani wa Japhet katika kuniangamiza mimi tena kwa kutumia njia ya uongo kuwa mimi nimempiga yule dada na kufanya mimba yake itoke wakati wao ndio walinipiga. Wakanifungulia kesi na kufanya nikalale rumande bila hatia, yani baba hasinge fahamiana na yule mkuu wa kituo hata sijui mimi ningekuwa wapi leo. Halafu leo hii anaenda kutembea na mume wangu ambaye mimi mkewe sijawahi kutembea nae kabisa mmh kweli kuna watu wapo kwaajili ya kuumiza wenzao"

Sabrina alifikiria na kulala.



Kulipokucha, Sabrina alikuwa wa kwanza kuamka na bado aliona maisha yake kuwa kama sinema.

"Eti nilipoteza kumbukumbu mmh! Maisha haya loh"

Akafanya usafi wa hapa na pale na kuwaandaa vizuri watoto wake kwani siku hiyo aling'ang'ania kulala nao wote wawili.

Mama yake alipoamka naye alimshangaa Sabrina kwa uchangamfu wake na kujua wazi kuwa kitendo cha kurudi kwa kumbukumbu zake kimesaidia sana na kumfanya arudi kwenye hali ya kawaida.

Alimfata mwanae na kumuangalia vizuri,

"Mbona unaniangalia hivyo mama?"

"Hapana mwanangu, namshukuru Mungu kwakweli maana sikujua kama ungerudi katika hali hii"

Sabrina akatabasamu tu.

Muda kidogo wakapatwa na ugeni, mgeni mwenyewe alikuwa ni Fredy na alishangaa kumuona Sabrina akitabasamu kwa kumuona,

"Karibu Fredy"

Kisha akainuka na kumkumbatia Fredy na kumkaribisha sana,

"Kheee Sabrina hongera kwa kurudiwa na kumbukumbu zako, hongera pia kwa kujifungua. Umepata mtoto gani?"

"Asante, ni mtoto wa kiume. Hivi Francis yupo?"

"Yupo ndio na hajajua tu kama umepona"

Wakaongea mambo mengi kisha Fredy akawapa taarifa kuwa anaenda msibani ndio akaamua kupitia hapo.

"Msiba wa nani tena?"

"Unamkumbuka yule dada yangu Neema?"

"Neemaaa, Neema"

Sabrina akawa kama anavuta kumbukumbu hivi,

"Yeah namkumbuka, si ndio yule aliyekuwa anamtaka mume wangu! Kafanyaje tena?"

"Kweli sasa hivi akili imekurudia"

"Ndio, kafanyaje basi?"

"Kuna mtu kafia ndani kwake na mtu huyo ni rafiki wa mtu anayeishi nae mule ndani"

"Maskini poleni, sasa huyo mtu chanzo nini hadi kufia ndani kwa Neema?"

"Chanzo hakijulikani ila ndio hivyo amekufa, Neema anatia huruma sana sababu huyu ni mtu wa pili kufia ndani kwake, kwakweli namuhurumia sana Neema"

Sabrina akampa pole pale kisha Fredy akaaga na kuondoka zake.

Mama Sabrina akamuangalia Sabrina na kumuuliza swali kulingana na yale maongezi aliyokuwa akiongea na Fredy,

"Unasema huyo dada alikuwa anatembea na Sam?"

"Ndio mama na nilimfumania mara mbili"

"Eeh niambie ilikuwaje kwani?"

Mtoto wa Sabrina akawa analia hivyo wakaanza kumbembeleza na Sabrina akamuahidi mama yake kuwa atamuelezea badae.



Jeff akiwa nyumbani kwao alijikuta akitafakari mambo mengi sana kwani aliona kuwa sasa akili yake imekua vya kutosha,

"Hivi mahusiano yangu na Sabrina nitaficha hadi lini? Hivi nitaendelea hadi lini kuficha kuhusu damu yangu mwenyewe? Watoto ni wangu ila wanapewa majina ya mtu mwingine na mimi naangalia tu. Ni kweli nilifanya kosa ila yote sababu nampenda Sabrina na kama nampenda sina budi kusimama na kutetea mapenzi yangu juu yake."

Jeff akapata wazo kwanza la kujitoa muhanga na kwenda kumueleza ukweli Sam.

Aliamua kujikaza kabisa, kisha akaondoka pale kwao na kumuaga mama yake.



Sakina alimuangalia sana mwanae huku akimuona kuwa ni kijana aliyepevuka na kujitambua, pia alimuona ni mtoto wa pekee mwenye kuaga mzazi pindi anapoenda katika safari zake ila kilichomuuma ni siri ya mwanae kwanini amfiche?

"Kwanini huyu mtoto ananificha? Kuna nini kati yake na Sabrina? Na kwanini Sabrina akubali kutembea na Jeff wakati na yeye ni kama mzazi wake tu? Miaka mingapi Sabrina kampita Jeff, hata kama si miaka ya kuweza kuzaa ila bado ni mkubwa sana kwake. Afadhari ingekuwa kampita mwaka mmoja au miwili, hivi Sabrina ana akili kweli? Kuweza kumvulia Jeff nguo mtoto aliyemlea mwenyewe? Hapana bado siamini na siwezi kuamini"

Sakina alijiuliza maswali na kujijibu mwenyewe kwa wakati huo huo, kwa kiuhalisia hakujielewa katika mustakabali mzima wa kilichotokea kati ya Jeff na Sabrina.



Jeff alifika nyumbani kwa Sam na kumkuta ndani ila zile damu za jana hazikuwepo tena kwani alishafanya usafi wote.

Na Jeff alipofika pale ndipo alipokumbuka kuhusiana na zile damu za jana ambapo ni yeye alizigundua ila Sabrina hakugundua kwavile alishapaniki tayari alipomuona Sia pale ndani ile jana.

Jeff alimsalimia Sam aliyeonekana kupooza sana, tena kabla Jeff hajaweka mazungumzo yoyote, Sam akamuomba kitu

"Afadhari umekuja, naomba nisindikize msibani"

"Msibani? Nani amekufa tena?"

"Kuna dada flani namfahamu ndio amekufa"

Jeff hakupinga, kisha Sam akainuka na kutoka nje kisha kuanza safari na Jeff ya kwenda huko msibani.



Neema alimuomba Aisha aende mwenyewe msibani kwani yeye hakuwa na nguvu ya kutembea, na ilikuwa ukimuangalia mwili wake ulivyodhoofu lazima umuonee huruma kwahiyo akakataa kabisa kwenda msibani hivyobasi Aisha akaamua kwenda mwenyewe msibani ili hata aweze kuwaelekeza watu wengine maeneo ya msiba ulipo.



Sam alizunguka zunguka na Jeff mpaka muda wa mazishi ulipofika ndipo walipoenda moja kwa moja makaburini na kama kawaida ya Sam alisimamisha gari yake mbali kabisa na pale wanapozika.

Jeff akamuuliza,

"Vipi mbona hatushuki kaka?"

"Kama unashuka we shuka tu ila mi nabaki humu humu kwenye gari"

"Sawa basi ngoja niangalie angalie"

Kisha Jeff akashuka na kwenda maeneo ya makaburi ambako watu wengine walikuwa wakipiga stori za wasifu wa marehemu huku wengine wakiomboleza.

Alijikuta akisogea sehemu waliyosimama vijana watatu na wakiongea kuhusu marehemu,

"Yani nilipoambiwa Sia amekufa sikuweza kuamini jamani mwenzenu, dah kweli kifo tunatembea nacho"

"Ndio hivyo jamani, mi Sia kaniuma sana. Huyu dada alikuwa mzuri jamani, sura nzuri, shepu nzuri, alikuwa na mvuto huyu ingawa alinikataa ila nilikuwa nampenda sana halafu hakuwa na makuu kwani alikuwa akinipa kampani, alikuwa hakatai kupiga picha na mimi dah kweli kizuri hakidumu"

Huku akibonyeza bonyeza simu yake na kufungua picha za Sia na zile alizopiga pamoja na Sia huku akiziangalia kwa masikitiko makubwa sana na kufanya wale wenzie kusogelea ile simu kuangalia picha za Sia.

Jeff nae akasogea karibu yao kuangalia picha za Sia, akashtuka kuona kuwa ni yule mdada wa jana na pia ndio yule yule aliyemkuta kwa Sam siku aliyoenda kwake.

Jeff alijikuta akiwauliza,

"Imekuwaje hadi kafa? Kapata ajali?"

"Bora hata angepata ajali masikini tungesema ni ajali, ila amekufa gafla kabisa yani unaambiwa ilikuwa gafla hata hospitali wamejaribu kuangalia kilichomuua bila ya kupata jibu. Yani kwakweli kifo hakina huruma"

Jeff akasikitika sana.

Wakati wakiendelea kubishana pale mvua ikaanza kunyesha na kufanya watu wote watawanyike kwanza.

Ilinyesha mvua kubwa ila kwa dakika tano tu.

Baada ya hapo ilibidi wafanye fasta kutoa maji kwenye kaburi kisha kuzika.

Jeff alisogea kwenye kundi karibu la wadada na kuwasikiliza,

"Namuonea huruma mchumba wa Sia jamani"

"Unamuonea huruma nani? Kama yule John hata usimuonee huruma walishaachana kitambo na kule alikofia Sia ndio kwa mwanamke aliyekuwa na mahusiano na John na hapo washaachana, na huyo John saivi nasikia kuwa bega moja limepinda eti aliwahi kupigwa risasi ya bega kwahiyo achana nae tu"

"Risasi ya bega alipigwa na nani?"

"Nasikia kuna tajiri mmoja alikuwa na mahusiano na Neema ndio aliyempiga John risasi ya bega. Ila kesi haikwenda popote si unajua tena pesa inaongea, tajiri na mali zake, maskini na watoto kwahiyo John yupo yupo tu"

"Ila nasikia huyo kaka ni tajiri haswa, anajulikana sana"

"Anaitwa nani kwani?"

"Kitu kama Sam ingawa sina uhakika kwani nasikia huwa hapendi kujionyesha utajiri wake. Ukimpata lazima ufurahie maisha ila usiwe na mchepuko ndio hivyo mchepuko anapigwa risasi"

Jeff alibaki kushangaa tu kwa yale mazungumzo hadi wanaondoka pale makaburini hakupata jibu la moja kwa moja kuhusu Sam.

Akarudi kwenye gari kisha Sam akaondoa gari bila ya kusema chochote.



Safari ilikuwa mpaka nyumbani kwa Sam, waliingia ndani ila Sam hakusema chochote cha ziada na alionekana kuwa na mawazo sana.

Jeff alimuangalia kwa kumshangaa huku akitamani kumwambia kinachomtatiza kuhusu yeye au kumweleza kuhusu Sabrina ila aliona ule sio wakati muafaka na kuamua kuinuka na kumuaga.

Sam alimuangalia na kumwambia,

"Tafadhari kabla hujaondoka naomba nifanye hili"

Jeff alisimama tu akimuangalia, Sam akaingia chumbani kwake na baada ya muda kidogo akatoka.

Alikuwa ameshika bastora mkononi na kumfanya Jeff ashtuke sana na kujikuta akimuita mlinzi wa Sam.

Mlinzi naye alishangaa kuitwa kwa nguvu na Jeff na muda huo huo kusikia mlio wa risasi ikipigwa na kuwa kimya gafla.



Mlinzi naye alishangaa kuitwa kwa nguvu na Jeff

na muda huo huo kusikia mlio wa risasi ikipigwa

na kuwa kimya gafla.

Mlinzi yule wasiwasi ukamjaa huku akihofia kuwa huenda kuna tatizo limetokea kati ya bosi wake mr. Sam na Jeff kwani alimjua bosi wake alivyo na hasira kiasi cha kumfanya muda mwingi aonekane kuwa hacheki.

Akataka kujisogeza ili akaangalie kilichotokea ila alisita kwani alihofia kuwa mambo yasije kumgeukia yeye.



Jeff alikuwa kama ameganda akimuangalia Sam kwani ilikuwa ni ngumu kuamini alichokifanya.

Hakuweza kumuuliza chochote zaidi ya kumuangalia tu, ila Sam akamsogelea Jeff na kumgonga gonga kwenye bega lake kisha akamwambia,

"Unatakiwa uwe ngangari, uwe imara. Wewe ni mtoto wa kiume, ukishtuka vitu vidogo kama hivi utaviweza vikubwa!"

Jeff hakujibu chochote kile zaidi ya kusema,

"Naenda"

Kisha akatoka na kuondoka.



Yule mlinzi pale alimuangalia tu Jeff akitoka, halafu akamuona Sam naye akitoka na kusimama mlangoni hadi pale Jeff alipotoka kabisa na wala yule mlinzi hakumuuliza chochote kile.



Jeff alipanda daladala huku akitafakari kuhusu Sam.

Akatafakari tukio lake la kutoka na bastora kisha kumuelekezea na kuipiga pembeni.

"Hivi alikuwa na maana gani mtu huyu?"

Alijiwazia sana moyoni hadi kuja kushtukia alijikuta ameshapitilizwa kituo na kuamua kushuka kisha kupanda gari ya kurudi tena.



Wakati yupo kwenye ile gari ya kurudi alishangazwa na baadhi ya maongezi ya wadada wawili aliokaa karibu nao,

"Unajua wadada wengi hatupo makini ila haya mambo yapo. Kuna wakaka sijui wana majini sijui ni nini yani inatakiwa kuwa nao makini sana. Ukilala nae tu unaenda na maji"

"Sasa utajuaje kuhusu wakaka wa namna hiyo?"

"Hapo ndio inatakiwa kuwa makini kuhusu mtu wake wa nyuma, watu wanakufa gafla sana ingawa sina uhakika na hizi stori ila najua zipo tu. Yani haya mambo haya huwa hayaeleweki kwakweli"

Jeff akashuka na kuwaacha na mazungumzo yao ila bado ilimfanya awe na mawazo zaidi na kufanya akili yake izidi kuchanganyikiwa.



Ilikuwa ni jioni sana ambapo Fredy alipita tena kwakina Sabrina kama alivyoahidi.

"Tumeshazika tayari"

"Poleni sana"

"Alikuwa bado binti mdogo tu maskini, yani ni rika lako tu Sabrina tena amekufa gafla"

"Kifo tunatembea nacho Fredy, ngumu kutangulia"

"Ndio hivyo, Mungu amrehemu marehemu Sia jamani"

Sabrina alishtuka sana aliposikia jina la Sia na kuuliza kwa makini,

"Anaitwa Sia?"

"Ndio anaitwa Sia kwani vipi?"

"Aaah hamna kitu"

Roho ya Sabrina ilipatwa na maumivu ya gafla hadi pale Fredy alipoaga na kuondoka ila bado Sabrina alikuwa akijihoji kuhusu huyo Sia.

"Tafadhari Mungu asiwe yule Sia ninayemfikiria mimi"

Roho yake iliumia sana na kujiona kama kapungukiwa na kitu fulani vile.



Muda wa kulala ulipofika bado Sabrina alikuwa na mawazo kumuhusu Sia, yani ingawa alimtendea mengi mabaya ila bado aliumia kuhusu swala zima la kifo cha huyo Sia.

Sabrina alijizungusha pale kitandani na hatimaye akalala.

Akiwa katikati ya usingizi mzito, akajiwa na picha ya Sia akimtazama kwa jicho kali sana na muda ule ule Sabrina akashtuka huku jasho jingi likimtoka na kumfanya ainuke na kwenda kunywa maji ili kuiweka akili yake sawa.

Alikaa kitandani na kutafakari sana ila hakuweza kulala tena kwa muda huo hadi kulipokucha.



Jeff naye akatamani kwenda kuongea na Sabrina kile ambacho alikisikia makaburini watu walipokuwa wakiongea kwa vikundi vikundi.

Kwahiyo Jeff alitoka kwao ile asubuhi akielekea kwakina Sabrina na muda huo Sakina alikuwa akimuangalia tu mwanae akitokomea kwakina Sabrina na kumfanya na yeye apate wazo jipya.

"Hapa ni kumuhoji yule yule mtu mzima, na kama kweli mwanangu ndio muhusika kwa wale watoto yani hata sijui hii aibu tutaenda kuificha wapi jamani"

Alilalamika sana ila alishajipanga kumuuliza Sabrina na kumuwezesha kujua ukweli kuhusu mahusiano yake na Jeff, na kitu gani afanye kwa ile aibu inayojitokeza kati yao huku akimuomba Mungu kuwa mawazo yake yasiwe kweli.



Jeff alifika na kumkuta Sabrina alishaamka muda mwingi sana hata watoto walikuwa bado wamelala.

"Kheee vipi mbona asubuhi asubuhi?"

"Nimekuja kukusalimia, ila pia kuna khabari nataka kukupa"

"Khabari gani?"

Sabrina aliamua kutoa viti ili waweze kukaa ndipo amsikilize vizuri.

"Jana nilipita kwa Sam"

Sabrina akaanza kumsikiliza kwa makini ila huku moyo wake ukimzodoa Jeff na kumuona kuwa ni kijana asiye na aibu wala uoga, yani kuweza kuwasiliana na mume anayejua wazi anamuibia mkewe.

Ila aliendelea kumsikiliza ambapo Jeff alimueleza swala zima la yeye kwenda na Sam msibani,

"Tena msiba wenyewe ni wa mtu unayemfahamu kabisa"

Sabrina akashtuka na kuuliza kwa mshangao,

"Ni nani huyo mtu?"

"Ni yule Sia"

Sabrina akashtuka zaidi na kuuliza kwa makini ambapo Jeff alimueleza kila kitu alichokutana nacho kule msibani na kumfanya Sabrina ashtuke zaidi,

"Na unajua kituko alichofanya mumeo wakati tumerudi toka msibani?"

"Alifanyaje tena?"

"Niliaga akaniambia nisiondoke, akaingia ndani si akatoka na bastora na kunilengeshea"

"Mungu wangu, ukafanyaje sasa"

"Nilimuita yule mlinzi wake, ila muda huo huo alifyatua risasi iliyopiga pembeni yangu. Yani ilibidi nitulie tu ila yeye alikuwa akitabasamu na kuja kunigonga gonga mgongoni kisha mi nikaondoka bila kuongea nae chochote"

"Yani akili ya huyu Sam huyu, sijui akili yake ikoje. Mi mwenyewe nishatishiwa ile bastora mara kibao, tena anazo mbili, moja inatoa sauti na nyingine ni kimya kimya yani huyu nilikuwa naishi nae kwa kubandika moyo wa chuma ndani yangu ila la sivyo hakuna anayeweza kuishi na kiumbe huyu"

Walimsikitikia Sam kwa pamoja, kisha Sabrina akamueleza Jeff kuhusu ndoto aliyoota usiku wa kuamkia leo kumuhusu huyo Sia na kuwafanya wajiulize kuwa mustakabali wa mambo yote yale ni kitu gani.

Walikosa jibu, Jeff akaingizia na utani pale,

"Angesikia mama hapa ungemsikia, twendeni kwa mtaalamu tu"

Na kumfanya Sabrina acheke.

Muda huo Sakina nae akawasili pale na kumfanya Sabrina acheke zaidi kuliko alivyocheka mwanzoni.

Sakina aliwauliza kwa mshangao,

"Jamani mwacheka nini? Au mnanicheka mimi?"

Sabrina akazidi kucheka hadi Sakina akaondoka kisha Jeff nae akaaga na kumfata mama yake.



Sam alikuwa akijiuliza maswali na akaona ni vyema akutane na Sabrina na aweze kumueleza ukweli huku akihisi kuwa huenda hiyo ndio njia pekee ya kumfanya yeye asahau kuhusu swala zima la kumsaliti na mwisho wa siku kuwa karibu nae.

"Yani wakati nipo na Sabrina sikuthubutu kufanya makosa, nilikuwa makini sana kupita maelezo ya kawaida ila toka yupo mbali nami kwa hii miezi michache tu nimejikuta nikimaliza hawa wadada. Nifanye nini kupunguza mawazo ikiwa hawa wadada ndio wenyewe wanaoniingiza katika vishawishi? Nifanyeje mie?"

Alijiwazia sana bila ya jibu na kuamua kwenda baa kwa asubuhi hiyo ili anywe hata supu aweze kuchangamsha akili yake.



Wakati Sam alipokuwa pale baa akinywa supu, alikuja mdada kumsalimia ambapo aligundua kuwa ni rafiki wa Sia,

"Shemeji, sijakuona kwenye mazishi jana"

"Mbona nilikuwepo, hili ni pigo letu sote"

"Yani mi hadi leo nashindwa kuamini, mara ya mwisho aliniaga kuwa anakuja kwako nikashangaa kupigiwa simu kuwa amekufa gafla akiwa kwakina Aisha yani hata sijui amepatwa na kitu gani kwakweli. Inasikitisha sana, hivi shemeji ulionana nae kweli marehemu Sia ile juzi?"

Sam akakaa kimya kidogo huku akitafakari cha kumjibu,

"Nilionana nae ndio ila aliniaga kuwa kuna mtu anamuwahi, maskini kumbe alikuwa anakiwahi kifo!"

Walijikuta wakisikitika kwa pamoja bila huyu rafiki wa Sia kujua siri iliyopo kwa Sam.

"Basi ndio hivyo tulimpenda ila Mungu kampenda zaidi. Tumuachie Mungu tu haya mambo kwakweli. Hivi na wewe unaitwa nani vile?"

Sam alimuuliza jina huyu rafiki wa Sia,

"Kumbe umesahau jina langu, mi naitwa Ritha"

"Sawa Ritha, sitalisahau tena"

Kisha Sam akamuaga Ritha kuwa anaondoka ila Ritha akamuomba namba ya simu kwanza,

"Samahani shem, unaweza kunipatia namba yako"

Sam hakuwa na tatizo juu ya kutoa namba yake, alimtajia pale kisha yeye akaondoka zake.



Wazo kubwa lililokaa kwenye kichwa cha Ritha muda huo ni kuhusu kupata kazi kwani alikuwa na shida sana kuhusu swala zima la kazi kwahiyo alipoelezewa kuwa Sam ana ofisi yake ndipo wazo la kutafutiwa kazi lilipomkaa kwenye akili yake.

Aliona hapa sasa ni mahali pa matumaini.

"Ila Sia angekuwepo ndio ingekuwa rahisi kwakweli maana angenisaidia juu ya kumshawishi huyu shemeji. Maskini rafiki yangu, Mungu akupokee"

Alimaliza kuongea huku akiumizwa na swala zima la kufa kwa Sia.



Jeff alimfata mama yake nyumbani na kujaribu kumbembeleza kwani alijua wazi kuwa ni lazima mama yake atakuwa amechukia baada ya Sabrina kumcheka kwahiyo alikuwa nae kumbembeleza.

"Mama, mbona kuchukia vitu vidogo tu vile?"

"Vidogo wakati mlikuwa mnanicheka jamani"

"Sio hivyo mama, usipaniki ilikuwa ni katika hali ya utani tu"

"Utani wakati kuna mambo mnanificha"

"Jamani mama, tumekuficha nini tena?"

"Nakushangaa sana Jeff mwanangu, mamako nahangaika kulea watoto wa wengine wakati wajukuu wangu wa kiukweli wapo jamani! Mnachonifanyia sio sawa kabisa"

Jeff akajaribu kutafakari kwa haraka haraka na kugundua kuwa lazima kuna kitu ambacho mama yake anakihisia kuhusu yeye na Sabrina ila anawezaje kumwambia mama yake kuwa mawazo anayoyawaza ni ya kweli.

Alitamani kumwambia mama yake ukweli lakini aliona kuwa ni wazi atamchukiza Sabrina kama tu atasema ukweli kuhusu wao, ila bado Sakina alimtolea macho mwanae akifikiria kama lipo jibu atakalopewa ila Jeff alikuwa kimya tu na kuelekea chumbani kwake.

Sakina alimuangalia mwanae bila ya kummaliza kwakweli.



Sabrina alibaki mwenyewe sasa na kwenda kuwasafisha wanae ambapo alikuta mama yake ameshafanya hivyo,

"Ila mama unanipenda sana"

"Lazima nikupende mwanangu, kwanza kabisa wewe ndio mtoto pekee wa kike kwenye tumbo langu"

Sabrina akapata upenyo wa kumuuliza mama yake swali,

"Hivi mama unaonaje mapenzi ya mdada mtu mzima na kijana mdogo wa kiume?"

"Ingawa sijakuelewa unataka nini, ila swala la mapenzi ni swala pana sana"

"Ndio nimekuuliza swali hilo, mapenzi ya kijana mdogo wa kiume na mdada mtu mzima. Je hayo ni mapenzi?"

"Kwanza kabisa utambue kwamba mapenzi yanamaanisha upendo, kama huyo kijana na huyo mdada wanapendana basi hayo ni mapenzi. Na kama ilivyo, mapenzi huwa hayachagui yani hutegemea tu na upendo uliopo baina ya hao watu wawili"

"Mmh mama, na mtu anayeolewa na mwanaume halafu hawafanyi chochote ndani kama mke na mume namaanisha lile tendo la ndoa, vipi hayo ni mapenzi?"

"Mmh Sabrina mwanangu kwani tatizo ni nini? Ningejua tatizo ingekuwa rahisi kukujibu, mume aishi na mke ndani na hawafanyi chochote mmh labda kama huyo mwanaume anatatizo ila bado sijaelewa mwanangu kwani kuna chochote kinachokutatiza?"

"Nitakueleza vizuri mama, upo muda nitakueleza vizuri tu na utanielewa mama yangu. Ni kweli kuna mambo mengi yanayonitatiza ila nitakwambia tu"

Mama Sabrina alimuangalia mwanae na kumsikitikia kwani aliumizwa sana na kitendo chake cha kufanya siri siku zote ila alishukuru hata kwa maswali aliyoulizwa na mwanae na kuona kuwa ni wazi ipo siku atamwambia siri zake.



Fredy alipigiwa simu na Neema na kwenda nyumbani kwake,

"Kaka yangu Fredy, nina ombi moja tu kwako"

"Niambie dada usiwe na wasiwasi"

Fredy alimsikiliza Neema huku akivumilia ile harufu mbaya iliyokuwa ikitoka kwa Neema.

"Nakuomba uniletee Sabrina hapa, nina shida nae nina maongezi nae"

"Mmh sidhani kama itakuwa rahisi dada, si unajua kama ana mtoto mdogo kwasasa?"

"Najua ndio, ila ningependa aje nizungumze nae tafadhari. Naomba ufanye njia yoyote uniletee Sabrina"

Fredy akajifikiria sana jinsi ya kumshawishi Sabrina ila mwisho wa siku ilibidi akubaliane na hali halisi tu kuwa Neema anashida na Sabrina kwa siku hizo na kumuahidi kulitekeleza swala lake.

Fredy alipoondoka, Aisha alimuuliza Neema kuhusu Sabrina aliyekuwa akiongelewa pale.

"Nasikia huyo Sabrina ni mtu mbaya sana"

"Hapana Sabrina si mtu mbaya ila sisi wenyewe ndio wabaya"

Kisha Neema akamuomba Sia ampatie karatasi na peni ambako alianza kuandika vitu alivyokuwa akivijua yeye mwenyewe kwani Aisha hakuelewa chochote ukizingatia hakupewa kuvisoma.



Kesho yake Fredy alifanikiwa kumshawishi Sabrina kisha kuondoka naye pale kwake hadi nyumbani kwa Neema, ambapo Aisha aliwakaribisha na wao kuingia ndani.

Sabrina alimuhurumia sana Neema kwa ile hali aliyomuona nayo, ila Neema hakusema chochote zaidi ya kuitoa ile barua aliyoiandaa na kumpa Sabrina, ambapo Sabrina alifungua ile barua na kuanza kuisoma taratibu.

Sabrina alishtushwa sana na kilichoandikwa na Neema, na alipojaribu kumtazama Neema alimuona kalala huku damu zikimtoka mdomoni.

Sabrina alishtuka na kuwashtua Fredy na Aisha.



Sabrina alishtushwa sana na kilichoandikwa na

Neema, na alipojaribu kumtazama Neema alimuona

kalala huku damu zikimtoka mdomoni.

Sabrina alishtuka na kuwashtua Fredy na Aisha.

Wakamuangalia Neema vizuri sasa na alikuwa kimya kabisa, Sabrina alihisi kama kuchanganyikiwa ila kabla ya yote alikunja ile barua na kuweka kifuani pake kisha akainama alipo Neema akimtingisha na kumuamsha ila Neema alikuwa kimya kabisa na kuwafanya wote waumie.

Fredy alienda kufata gari kisha wakasaidiana kumbeba Neema na kumuwahisha hospitali huku wote wakiwa na hofu kuwa huenda Neema amepatwa na umauti na ndivyo walivyopewa jibu na daktari baada ya muda mchache tu kuwa Neema amefariki.

Sabrina alichanganyikiwa zaidi na hakujielewa kwa wakati huo kwani hata alisahau kama alienda na mkoba kwa Neema na kuuacha huko huko.



Fredy ndiye aliyekuwa mtu pekee wa kuweza kuwasiliana na ndugu jamaa na marafiki kuhusiana na kifo cha Neema kwani hata Aisha alikuwa kachanganyikiwa tayari kwa kifo hicho na kumfanya ashindwe hata kulia kwa mshtuko wa gafla uliompata, alijikuta tu akiongea peke yake kwa masikitiko,

"Dada Neema, ulikuwa badala ya dada yangu Rose. Nikakuthamini na kukujali, sikujali harufu mbaya iliyotoka kwako kwani nilikupenda na nilikuombea siku zote urudi katika hali yako ya kawaida dada. Jamani jana umeandika barua ndefu sana, hukutaka hata kuniambia inahusu nini ila kumbuka dada uliniahidi kunieleza mambo mengi sana. Ila mbona umekufa bila ya kuniambia chochote? Kwanini dada Neema umekufa? Kwanini lakini? Kwanini dada?"

Sabrina alijikuta akimuhurumia sana Aisha na kwenda kumkumbatia kwa uchungu, ni hapo ndipo machozi yakamtoka Aisha kwani alikumbuka maneno ya Neema kuwa Sabrina hana kosa lolote kwani Neema aliamini hivyo na kujiona kuwa yeye ndio mwenye makosa kwa kufosi penzi la mume wa mtu.

Sabrina alikumbatiana pale na Aisha huku machozi yakiwatoka.

Fredy alisogea na kumuomba Sabrina kuwa amrudishe nyumbani ila kwavile Sabrina alikuwa kama mtu aliyechanganyikiwa alijikuta akikataa kuondoka kabisa na kumfanya Fredy ashindwe la kufanya zaidi ya kuamua kumpigia simu mama wa Sabrina na kumwambia hali halisi ilivyo.



Muda Fredy anampigia simu mama Sabrina ni muda huo huo Jeff nae alikuwa nyumbani kwakina Sabrina kwa lengo la kumuona.

Akamshangaa mama Sabrina kuanza kulalamika simu ilipokatika,

"Yani huyu Sabrina huyu sijui vipi, eti amegoma kurudi nyumbani"

"Amegoma? Kwani yuko wapi?"

"Sijui hospitali sijui nani kafa huko na yeye kagoma, eti mimi nikambembeleze arudi na watoto hapa itakuwaje mbona huyu Sabrina ana matatizo jamani"

"Hebu nieleze vizuri nikamfate mie mama"

"Khee mie bibi yako wewe sio mama yako, ngoja tumpigie tena simu mtu huyu atuelekeze"

Mama Sabrina akampigia simu tena Fredy aliyewapa maelekezo na muda huo huo Jeff akaondoka kwenda kumfata.



Siku ya leo Sam alikuwa nyumbani kwake na kupatwa na maumivu ya moyo ya gafla sana, akajua kuwa lazima kuna tukio limetokea, tena tukio sio la kawaida. Kengele ya khatari ikagonga kwenye akili yake,

"Ni kifo, Mungu wangu nani kafa tena?"

Hofu ikamjaa na kumuwazia Neema, akachukua simu yake na kumpigia Neema ambapo iliita tu bila ya kupokelewa.

Sam alitamani kujua kilichotokea kwani moyo wake ulikuwa na maumivu sana.

Aliamua kutoka kwenye nyumba yake na kuelekea hotelini ili tu aweze kujiliwaza japo kidogo.



Jeff alifika hospitali na kuwasiliana na Fredy aliyemuelekeza walipo.

Jeff aliwafata na kumuona Sabrina kajiinamia tu, Jeff akamsogelea Sabrina na kumfanya ainuke na kumkumbatia huku machozi yakimtoka kwa mfululizo,

"Tafadhari Sabrina, twende nyumbani"

"Sijisikii kwenda nyumbani Jeff, natamani nikae hapa hapa"

"Najua una uchungu sana, lakini fikiria kuhusu watoto wetu. Watoto wanakuhitaji mama yao, tafadhari twende mama"

Fredy alikuwa pembeni akimuangalia Jeff na harakati zake za kumbembeleza Sabrina, ila swala la kusema 'watoto wetu' hata yeye lilimshangaza kwakweli, ila baada ya maneno hayo alimuona Sabrina akikubali kuondoka kisha Jeff akamshika mkono na kumuaga Fredy pale.



Jeff alikodi gari ndogo ya kuwarudisha kwani kwajinsi Sabrina alivyoonekana kuchanganyikiwa akaona isingekuwa vyema kupanda nae daladala.

Alikaa nae karibu akimbembeleza na kumpa moyo huku akimwambia yote amwachie Mungu,

"Sabrina usichanganyikiwe, bali mshukuru Mungu kwa kila jambo mama angu. Kila kitu hutokea kwasababu fulani, usichanganyikiwe sana"

Sabrina alijiona kupata faraja ya kuwa karibu na Jeff kwani alionekana kumbembeleza sana na kumfanya hata ajisikie vizuri kiasi.

Walifika nyumbani na kushuka huku Jeff akiwa amemshika mkono na kuingia nae ndani.

Walipokuwa wanaingia, Sabrina akaona kuna nguo ya mwanae imeanguka na kuinama kuiokota, ila alipoinama na ile barua ikaanguka na kuokotwa na Jeff ambaye aliiweka mfukoni mwake bila ya kuwmwambia chochote kile Sabrina ambaye aliingia ndani na kwenda kuoga kwanza kabla ya kuwashika wanae.



Sabrina alipotoka kuoga Jeff alikuwa ameondoka kitambo sana na mama Sabrina ndiye aliyekuwepo pale sebleni na watoto ambapo Sabrina alitakiwa kumnyonyesha kwanza mtoto kabla ya mambo mengine kuendelea ndiomana akaoga kwanza.

Muda kidogo mtoto alilala na kwenda kumlaza, Sabrina akakumbuka kuhusu ile barua na kukumbuka kabisa kama aliiweka kifuani ila alipekua kwenye nguo zake bila ya kuiona na kujiuliza kuwa barua ile iko wapi,

"Mmh sijui nimeiangusha?"

Alitaka kuimalizia kuisoma kwani anakumbuka wazi kuwa aliishia mahali palipoandikwa kuwa,

"Sijui kama utafanikiwa kuimaliza barua hii kabla ya mimi mauti kunikumba"

Ni mahali hapo palipofanya amtazame Neema na kumuona akitoa damu mdomoni na huo ukawa ndio mwisho wake.

Sabrina aliumia sana kuiangusha barua hiyo ingawa alitambua kuwa chanzo cha mambo yote ni Sam.



Jeff aliingia ndani kwao na kuitoa ile barua ili aisome ila kabla ya kufanya hivyo mama yake alimuita na kumfanya aiache kwanza ile barua.

"Dorry kanipigia simu leo na kusema kuwa ameoteshwa ndoto mbaya sana"

"Ndoto mbaya? Mmh huyo Dorry nae ameanzwa kuchanganyikiwa sasa, ndoto gani hiyo?"

"Tatizo mwanangu unapenda kupinga vitu sana, ila jaribu kuwasiliana nae anaweza kukueleza vizuri"

Jeff akaona isiwe tatizo na kukubaliana na mama yake pale kisha kuwasiliana na Dorry ambaye alimwambia kuwa asingeweza kumweleza kwenye simu ila labda aende na kumfanya Jeff afunge mlango wake kisha kumuaga mama yake na kutoka akielekea kwakina Dorry.

"Sasa si utachelewa sana kurudi?"

"Ndio mama, si unajua kama kule ni mbali mama"

"Sawa basi"

Jeff akaondoka zake.



Sam alikuwa vinywaji vyake pale na kutamani hata kulala pale pale hotelini.

Ila alipigiwa simu na Ritha na kumuelekeza alipo ambaye nae alienda pale hotelini kama kumpa kampani tu ila Sam alionekana kulewa tayari,

"Kwanini ulale hapa wakati una nyumbani kwako jamani"

"Sipapendi nyumbani kwangu, pamepooza sana. Mke wangu alinikimbia, mambo hayaeleweki kabisa"

"Pole sana, ila kwanini mkeo alikukimbia?"

"Historia ndefu ila mke wangu kanikimbia, kwangu kumepooza sana"

Halafu Sam alionekana kama kulengwa na machozi na kumfanya Ritha amuonee huruma sana,

"Basi mi nakuomba, nipo chini ya miguu yako twende nyumbani. Ni usiku huu tayari"

"Nimekwambia kwangu kumepooza"

"Usijali nitakupa kampani"

"Kweli? Utanipa kampani kama hivi?"

"Ndio, wee niamini tu. Twende nyumbani tafadhari"

Sam aliona ni jambo jema kuwa na kampani na kwavile Ritha alionekana ni mdada mpole na mstaharabu hakuhisi kama anaweza kufanya nae chochote kibaya.

Kwahiyo wakapanda gari na kuelekea nyumbani kwa Sam.



Jeff alifika kwakina Dorry na kumkuta Dorry ambaye alikwenda kumkumbatia.

Jeff nae akamkumbatia pia ili aweze kumsikiliza hoja zake, ila kabla ya yote alimuuliza kwanza kuhusu mtoto,

"Mtoto yuko wapi Dorry?"

"Yupo kalala"

"Eeh niambie hiyo ndoto mbaya uliyoota kuhusu mie"

"Mmh ndio kwa kusimama hivi, hebu tuingie ndani kwanza"

Jeff akakubali na kuwafanya waingie na kukaa sebleni ila leo nyumba yakina Dorry ilikuwa kimya sana na kumfanya Jeff aulizie na hili pia.

"Vipi mbona leo kimya sana hapa kwenu? Wengine wako wapi?"

"Wameenda kwenye sherehe, yani nimebaki mwenyewe hapa basi nyumba inaboa balaa"

"Pole kwa kubaki mwenyewe, ila nieleze kuhusu hiyo ndoto si unajua huku kwenu ni mbali na giza limeshaanza lakini!"

"Naelewa hilo, ila kabla sijakwambia naomba nikuulize kitu"

"Niulize tu"

"Hivi wewe yule Sabrina unampendea nini?"

Jeff akamshangaa Dorry kwa swali lake na kujikuta akimuangalia tu kisha akamuuliza,

"Kumpendaje pendaje yani sijakuelewa"

"Mmh Jeff umenielewa vizuri sana. Mi najiuliza siku zote wewe umempendea nini Sabrina? Kwanza yule mdada ni mtu mzima kwako, pili ni kama ndugu yako, tatu mabinti wa rika lako tupo tena tuna mvuto kuliko huyo bibi. Hebu nitazame vizuri mimi nilivyo Jeff"

Dorry aliinuka na kuanza kujinengulisha kwa Jeff kuwa amtazame vizuri ila Jeff alikuwa kimya tu bila ya kuongea chochote ambapo Dorry aliendelea kusema,

"Pia yule kakomaa, si mama yako mdogo yule? Hivi umempendea nini mwanamke mtu mzima kama yule Jeff, unajua kwamba unasikitisha wewe! Yule ni mtu mzima waachie watu wazima wenzie. Yule ni bibi kwako"

Jeff akachukizwa na kauli za Dorry dhidi ya Sabrina na kumuuliza,

"Umemaliza? Hiki ndicho ulichoniitia Dorry? Yani kunitoa kwetu hadi hapa nia yako ni kumuongelea Sabrina!"

Jeff aliinuka kwa hasira na kutaka kutoka, Dorry akamvuta shati ili asiondoke ila kwavile Jeff alishapandwa na hasira tayari alijikuta akimnasa kibao Dorry kisha akaondoka zake na kumuacha Dorry akiugulia kibao alichopigwa.



Jeff alirudi nyumbani kwao na kwenda kulala moja kwa moja kwani aliumizwa na kile kitendo cha kusemwa Sabrina wakati yeye ndio chanzo cha mambo yote.

Aliona ni bora mtu atokee na kumtukana yeye matusi yote ya duniani lakini sio kwa kumtukana Sabrina kwahiyo moyo wake uliumia sana.



Sam alifika nyumbani kwake akiwa na Ritha, ambaye alishangazwa na ukubwa na uzuri wa nyumba hiyo huku magari yake yakiwa vizuri yamejipanga na kujiuliza kama mke wa Sam ana akili timamu kweli kukimbia nyumba nzuri kiasi hicho na licha ya vyote ni kumkimbia mwanaume mwenye pesa kiasi cha Sam wakati ni wanawake wengi sana wanaopenda kuishi na wanaume wenye pesa kwani hakuna mtu anayependa maisha ya shida.

Sam alimkaribisha Ritha vizuri sana na kuongea mambo ya hapa na pale.

"Kwahiyo Sam mkeo kaondoka na watoto?"

"Ndio kaondoka nao, nimebaki mpweke tu hapa"

"Pole sana"

"Asante, ila ukitaka kulala niambie kuna vyumba vingi tu vya kulala hapa"

"Kwahiyo wewe leo hutolala?"

"Kama nikipatwa na usingizi basi nitalala hapa hapa sebleni"

"Kwanini wakati chumbani kwako kupo? Kwani chumba unacholalaga kiko wapi?"

Sam akamuonyeshea tu Ritha kwa mkono kisha wakaendelea na maongezi mengine bila ya Ritha kudai kwenda kulala wala nini mpaka pale Sam aliposinzia pale pale sebleni.

Ritha akaamua kutumia uungawana na kuanza kumkongoja Sam mpaka chumbani kwake ambapo Sam alilala tu kisha Ritha kumfunika shuka na yeye kwenda sebleni kukaa.



Kwakweli nyumba ya Sam ilikuwa ni kubwa na kwa mtu muoga tena kama Ritha aliyefiwa na rafiki yake siku za karibuni ilikuwa ni ngumu kwa yeye kukaa mwenyewe pale sebleni na kugundua kuwa ni kwanini Sam hakutaka kurudi kwake.

Hivyo na yeye akaingia chumbani kwa Sam na kulala pembeni yake.



Sabrina aliwaza usiku kucha kuhusu Neema, maneno aliyoyaandika Neema kwenye ile barua yalimjia kichwani kwa mfululizo haswa neno la kusema kwamba,

"Sam ni muuaji"

Lilikuwa likijirudia kila mara kwenye akili yake na kupata wazo la kwenda kuonana tena na Sam ingawa ile barua ilikuwa imepotea.

Kwahiyo alipoamka tu alfajiri kabla ya watoto kuamka, yeye alidamka na kujiandaa ili amuwahi Sam kabla ya kwenda kazini ili hata badae apitie kwao waongee kwani kwa kipindi hiki Sabrina hakuwa na simu na hakuweza kuwasiliana na Sam kwa kupitia simu ya mama yake.



Sam naye kulipokucha akashangaa kuona Ritha kalala pembeni yake, alimuangalia tu bila ya kumuamsha huku akiinuka kutoka kitandani.

Akasikia mtu akigonga mlango, moja kwa moja akahisi ni mlinzi wake kuwa huenda ana tatizo.

Sam akaenda kumfungulia na Sabrina akaingia moja kwa moja ndani,

"Kheee mbona asubuhi asubuhi sana Sabrina?"

"Kwani mke anapangiwa muda wa kwenda nyumbani kwa mumewe?"

Sam hakusema cha zaidi ila alimkaribisha tu, muda huo Ritha nae akatoka chumbani kwa Sam na kumfanya Sabrina ashtuke na kusema kwa mshangao,

"Kheee Sam utaua wangapi?"

Ritha alibaki kuduwaa tu kwani hakujua kinachoongelewa, Sam naye alishangazwa na kauli ya Sabrina.





Sam hakusema cha zaidi ila alimkaribisha tu,

muda huo Ritha nae akatoka chumbani kwa Sam

na kumfanya Sabrina ashtuke na kusema kwa

mshangao,

"Kheee Sam utaua wangapi?"

Ritha alibaki kuduwaa tu kwani hakujua

kinachoongelewa, Sam naye alishangazwa na kauli

ya Sabrina.

Sabrina aliendelea kuwatolea macho kama anahitaji jibu kutoka kwao.

Sam akaona hapa lazima Sabrina ataleta longolongo na kumuomba Ritha aondoke mahali pale, Ritha naye hakubisha zaidi ya kuchukua mkoba wake kisha Sam akamsaidia kumtoa nje ila alimshangaa Sabrina leo bila ya kufanya vurugu zozote zaidi ya yale maneno ya kwanza tu.

Sam alirudi ndani na kumtazama Sabrina kwa lengo la kutambua tatizo lake.

"Haya niambie Sabrina"

"Hivi unajua wewe Sam hujielewi, hivi unajua kama Neema amekufa?"

"Sasa kama amekufa mimi nifanyaje?"

"Hivi Sam unathubutu kweli kusema maneno hayo? Si unajua kama amekufa kwaajili yako?"

Sam akajua moja kwa moja kuna maneno ambayo Neema alimwambia Sabrina hivyobasi akaamua kujigelesha tu kwani Sabrina alishaujua ukweli.

Sam akaanza kwa kucheka,

"Amekufa kwaajili yangu? Hebu acha kunichekesha Sabrina, mtu anakufaje kwaajili yangu bhana!"

"Kwahiyo unaniona mimi kama nimekuja kukutania vile. Au huyu mtu ametania kwa kusema wewe ni muuaji?"

"Kama mimi ni muuaji mbona sijakuua wewe? Au huyo Neema alipokuwa anakufa uliniona mimi nimekuja na kumpiga risasi au ni nini?"

Sabrina alimuona Sam akijaribu kukwepa tu ukweli wa mambo ila kwavile hata yeye hakuimalizia ile barua ya Neema ikawa ngumu kwake kujua kila kitu kilichomkabili Neema.

Alijikuta akimuangalia Sam kwa jicho la hasira sana kwani hakuona kama Sam ni mtu mzuri kwake.

"Naondoka, ila Sam uende msibani"

"Hapa tutaondoka wote, na huko msibani tutaenda wote"

Kisha Sam akaenda kufunga mlango wake kwa funguo ili aweze kujiandaa halafu Sabrina asiweze kutoka.



Jeff naye alipoamka alikaa na kutafakari yale mambo yanavyoenda, alijiuliza kuwa ni nani alimpa ujasiri Dorry na kumfanya aweze kuropoka kuhusu yeye na Sabrina.

"Huyu Dorry huyu sio bure, lazima kuna mtu anayempa ujasiri wa kufanya mambo ya kijinga kila mara. Ndiomana limezaa na mchina kisha kutelekezwa na kubaki kudandia tu wanaume wa kiswahili kuwa mtoto ni wao. Yani huyu mwanamke huyu na nitamkomesha"

Yani Jeff alikuwa amechukizwa sana na yale maneno aliyoambiwa na Dorry kuhusu Sabrina.

Alikaa sasa na kutafakari, kisha akakumbuka barua aliyoiokota toka kwa Sabrina, kisha akaitafuta ilipo na kuifungua kwa kuanza kuisoma na kushangaa barua iliyokuwa kama stori au risala.



"Kwako Sabrina, najua ni ngumu wewe kukubali kuja kwangu na kunisikiliza yale ninayotaka kukwambia ndiomana nimeamua kuandika hii barua ili angalau upate kwa kidogo kile ambacho nilitaka kukwambia.

Kwanza kabisa nisamehe sana kwani kuna mengi mabaya nimeyafanya kwako, tafadhari nisamehe sana.

Ila kabla ya yote napenda ujue kuwa Sam ni muuaji, tena ni muuaji kabisa. Ametumaliza wengi sana ingawa hadi nakufa sitaweza kujua kuwa uuaji wa Sam umesababishwa na nini ila Sam ni muuaji.

Nimeteseka sana mimi, nimeumia sana lakini chanzo cha yote ni Sam. Mauti itanifika ila ujue wazi kuwa Sam ndio chanzo cha mauti yangu. Wadada wengi wamekufa, tafadhari Sabrina kuwa mlinzi wa karibu kwa wadada wote wanaojisogeza kwa Sam kwani mauti itawakumba tu kama mimi.

Ila nakuomba utakapomaliza kuisoma barua hii uifiche, sitaki watu wajue aibu ambayo nakufa nayo.

Lakini sijui kama utafanikiwa kuimaliza barua hii kabla ya mimi mauti kunikumba.

Sabrina sina kinyongo chochote na wewe, na pia naomba tena na tena unisamehe.

Ni mimi niliyeenda kwa mganga na kushirikiana na rafiki yangu Rose ambaye naye ni marehemu kumvuta Sam kimapenzi. Na kweli tulifanikiwa kwani hata wewe ulisahaulika, pia tukakusababishia magonjwa mbali mbali. Leo nakiri kwako Sabrina kuwa ni sisi tuliokutupia jini na kukufanya upoteze kumbukumbu, mganga alitupa masharti mazito sana kuwa hairuhusiwi Sam kuja kukuona kwani akija tu inanifanya mimi kama muhusika mkuu kupatwa na magonjwa ya gafla, hivyobasi tukafanya juu chini ili Sam akusahau kabisa na tukafanikiwa kwa hilo.

Leo mimi nakufa kwani najiona kabisa mauti ikiniangalia, ila kinachoniua ni tamaa.

Tamaa ya pesa na mali, tamaa ya utajiri na maisha mazuri. Nakuomba Sabrina uwasihi sana wadada wenye tamaa kama mimi, tamaa ni mbaya Sabrina.

Mwanzoni nilijua ni wewe umefanya dawa kwa mumeo kuwa tukilala nae tuangamie ila jibu likaja kuwa ni kila mwanamke anayethubutu kulala na Sam basi anaenda na maji. Najua unajiuliza kuwa hilo jibu nimelipataje ila hata mimi nakufa huku nikijiuliza kuwa wewe umewezaje kuzaa na Sam ikiwa tu kila mwanamke anayelala nae lazima afe? Najua jibu unalo mwenyewe kuwa umewezaje ila walinde wadada waliobaki Sabrina.

Nilianza mimi ila nikakaa kimya kutunza siri hii kwa maumivu makali sana na mwisho wa siku nakufa, akafatia Rose ambaye hakuweza kukaa na siri hata masaa ishirini na nne tu naye akafa, amekuja Sia naye uzalendo ukamshinda na ameenda na maji. Nami sasa uzalendo umenishinda ila ikitokea nimepona basi nitakuwa ushuhuda katika jamaa na hata kama nikifa basi jambo hili ulishuhudie wewe.

Naumwa Sabrina, ugonjwa wangu ni toka siku ya kwanza kuingiliwa kimwili na Sam, kwakweli Sam si mwanaume wa kawaida hata nashangaa wfwe umewezaje kulala nae? Ilikuwaje hadi mkapata watoto? Ila jibu langu ni kuwa Sam sio mwanaume wa kawaida. Ningeandika mengi zaidi ila nimechoka Sabrina, nimechoka sana. Muulize Sam mwenyewe akueleze vizuri ila weka akilini kwamba kila msichana atakayethubutu kulala na Sam basi ataenda na maji kwani Sam ni zaidi ya ugonjwa wa ukimwi maana hapa nilipo ni kheri ningepata ukimwi saivi ningetumia dozi na kuendelea vizuri kuliko hali ambayo Sam anatuacha nayo.

Kwaheri Sabrina, pole kwa kukufanya uteseke na watoto, nisamehe sana.

Najutia makosa yangu kwakweli, najutia kwenda kwa mganga nipendwe badala yake nimejitesa.

Asante kwa kuisoma barua yangu hii ambayo kuna baadhi ya sehemu utakuwa na maswali ya kuniuliza ila sitaweza kukujibu kwavile nitakuwa marehemu, nenda kamuulize vizuri Sam na umwambie ukweli kuwa nilimpa dawa ya kukusahau, nilimwekea kwenye chakula ila yeye amenifanya kikubwa kuliko dawa niliyompa.

Kwaheri tena Sabrina.

Ni mimi Neema."



Jeff alipumua kwa nguvu sana baada ya kumaliza barua hii, akamfikiria Sabrina.

Akakumbuka maneno aliyowahi kuambiwa na Sabrina kwenye barua pia kuwa hajawahi kufanya tendo la ndoa na Sam, ni hapo akapata jibu kuwa kwanini alimkuta Sabrina akiwa bikra, akatambua kuwa Sabrina hakufata mkondo wa wenzie kwavile hajawahi kulala na Sam,

"Hivi inakuwaje watu waishi kama wapenzi, halafu kama wachumba na kumalizia na ndoa kabisa kama mke na mume kwa miaka hii yani walale wote na kuamka wote bila ya kufanya chochote? Mmh inawezekanaje hii? Mwanzoni niliposoma barua ya Sabrina nilijua kuwa Sam si mwanaume kamili sasa kama si mwanaume kamili amewezaje kulala na hawa? Amewezaje?"

Jeff akajifikiria sana bila ya kupata jibu la aina yoyote.

Aliikunja ile barua na kuiweka kisha akainuka na kujipanga kwenda kwakina Sabrina ili aone kama kweli ameisoma ile barua.



Sam alipomaliza kujiandaa alitoka ndani na kumwambia Sabrina,

"Haya twende sasa"

"Twende wapi na wewe?"

"Twende nyumbani tukachukue watoto wetu tulee"

"Eti tukachukue watoto wetu tulee, watoto wako na nani wale? Mwanaume wa ajabu sana wewe unajua kulala na wanawake wengine wakati mkeo hata kumgusa hujawahi ila watoto ndio useme wako"

"Hivi Sabrina hayo maneno yanakutoka wewe au? Hivi ni mwanaume gani anayekubali kulea watoto wa mwanaume mwingine?"

"Mwanaume gani anayekubali kulea watoto wa mwanaume mwingine? Inamaana hujijui au?"

Sabrina alikuwa akiongea kwa hasira na kupaniki tu bila hata ya kufikiria mara mbili kile anachoongea au madhara yake.

Sam naye alimuangalia kwa kumsikitikia tu,

"Shukuru Mungu nakupenda, shukuru Mungu sipendi kuumiza wewe wala kizazi chako. Sina kawaida ya kupenda kwani chuki niliwekewa toka nilipokuwa mtoto mdogo ila wewe nakupenda na kukuthamini shukuru sana hilo. Na usifikiri sijui kama wale watoto umezaa na mtoto mwenzao Jeff, mimi ni mtu mzima Sabrina na ninatambua kila kitu"

Sabrina alikuwa kimya gafla kama kamwagiwa maji baada ya kusikia kuwa Sam anajua kila kitu kuhusu yeye na watoto wake.

Kwahiyo ilikuwa kama mtu aliyeumbuliwa vile, Sam akamuangalia na kutabasamu kisha akasema

"Wapo watu wa kuwaficha ila sio mimi Sabrina, huwezi kunificha mimi. Nilijua kitambo sana ila sikuchukua hatua yoyote sababu nakupenda na sitaki uumie kwani najua ningemdhuru Jeff basi ningekuumiza wewe. Najua ni jinsi gani unampenda Jeff ila huweki wazi kwavile unaogopa jamii itakuchukuliaje. Sabrina, huna la kunificha mama. Haya twende sasa"

Sabrina aliinamisha kichwa chini na kuamua tu kutoka na Sam pale ndani.



Jeff alifika kwakina Sabrina na kumkuta mama wa Sabrina,

"Mmh Sabrina hata mimi namshangaa, yani kaondoka hapa asubuhi asubuhi ila hajarudi hadi muda huu. Kama unavyoniona hapa nahangaika na hawa watoto."

"Kwani ameenda wapi?"

"Alipoenda sijui kwakweli, na kama ujuavyo sasa hivi hana simu kwahiyo hata mawasiliano naye sina"

Jeff akatafakari kidogo juu ya alipoenda Sabrina bila ya kupata jibu, ila wazo likamjia kuwa huenda ameenda kwenye ule msiba wa Neema kisha akapata wazo la kwenda kumfata huko.



Jeff akiwa anatoka kwakina Sabrina, akapigiwa honi na kuangalia gari akagundua ni moja wapo kati ya magari ya Sam.

Akasimama akiangalia linapoelekea, na lilikuja na kusimama karibu yake kisha Sam na Sabrina kushuka.

Jeff aliwatazama na kuwasalimia huku akijiuliza kuwa imekuwaje kuwaje hadi waamue kuongozana vile.

Sam aliitikia salamu ya Jeff kisha wote kuingia ndani ila Sabrina alikuwa kimya tu.

Mama Sabrina nae alimshangaa mwanae kwenda pale na Sam,

"Sabrina mwanangu, si unajua baba yako hamtaki huyo mtu"

"Naelewa mama, ila kumbukeni kwamba huyu ni mume wangu. Nimefunga nae ndoa takatifu na halali iweje sasa nimfukuze jamani? Mama si jambo jema kwakweli, ni mimi mwenyewe niliyeamua kumleta"

Mama Sabrina alimuangalia Sam na kumwambia,

"Tafadhari baba naomba uende, sitapenda Baba Sabrina akukute mahali hapa"

Sam hakutaka kubisha, ila alimvuta mkono Jeff na kutoka naye nje.

Wakati huo Sabrina alitamani hata kuwafata ili ajue mbivu na mbichi ila mama yake alimzuia na kumsisitiza abembeleze watoto,

"Hivi wewe hujijui kama umeshakuwa mama? Ulivyokuwa unawabebanisha hawa watoto ulikuwa na maana gani? Haya tulia hapo ubembeleze wanao maana mimi kazi yangu ilishaisha"

Sabrina alitulia ila alitamani kujua kinachoongelewa huko nje.



Sam alienda na Jeff hadi mahali pale alipopaki gari yake, kisha akamuuliza,

"Unajisikiaje mimi kufukuzwa hapo kwakina Sabrina?"

"Kwakweli najisikia vibaya kwani hata mimi ningekuwa ni wewe ningeumia tu"

"Unauonaje upendo wangu kwa Sabrina?"

Jeff akatulia kimya kidogo kwani maswali haya ya Sam yalimpa mashaka na kumfanya ajiulize kuwa kwanini Sam amuulize maswali hayo ila alijikaza na kumjibu,

"Naona una upendo mkubwa sana juu ya Sabrina"

"Kushinda upendo uliokuwa nao wewe?"

Jeff akawa kimya akimtazama tu Sam na kumfanya Sam atabasamu,

"Ok, but sio tatizo ila ukweli utabaki pale pale"

"Ukweli gani?"

"Wewe ni mwizi"

Kisha Sam akafungua gari yake na kuingia halafu kuondoka eneo lile na kumuacha Jeff akitafakari yale maswali aliyoulizwa na Sam.



Sam alitaka kwenda moja kwa moja kwenye msiba wa Neema ila alihisi moyo wake kumuuma sana, hakuwa tayari kushuhudia Neema akizikwa au watu wakiomboleza kwa kuondokewa na Neema.

Hakuwa tayari kuona chochote na aliamua kwenda hotelini ambako alienda jana yake.

Na kwavile alikuwa mpweke sana, akaona ni vyema apate kampani kama aliyoipata jana yake, ile kampani ya Ritha na kuamua kumpigia simu.

Ritha hakusita na kuamua kwenda hotelini alipo Sam.

"Ila leo sitaenda nyumbani kwako maana ile asubuhi duh ningepigwa mie"

"Usijali, hata mimi leo sitarudi nyumbani. Leo nitalala hapa hapa hotelini"

Sam alizungumza mambo ya hapa na pale na Ritha huku wakila na kunywa.

Mwisho wa siku aliamua kwenda kwenye chumba alichokodi pale hotelini, Ritha hakuacha kumsindikiza kuelekea kwenye chumba hiko.



Wakiwa chumbani, Sam alimshukuru sana Ritha kwa moyo wake wa upendo na huruma.

Kwavile Ritha alikuwa anaaga kuwa anarudi kwao, Sam aliamua kutoa kiasi cha pesa na kumpatia kama shukrani tu.

Ritha alishukuru sana kwa hilo, kisha akainuka na kuondoka kwani muda nao ulikuwa umeenda sana.

Ila alipotoka nje Ritha alijifikiria kuwa ni zawadi gani ampatie Sam kwa pesa anazompa? Aliona kumpali kwa kumpa kampani si zawadi pekee, ukizingatia kikubwa anachokitaka toka kwa Sam ni kupata kazi katika kampuni yake.

Akajifikiria sana, kisha akajipatia jawabu na kurudi ndani.



Sam alienda maliwatoni kupunguza maji ya bia alizokunywa kwa usiku huo, na kurudi zake kwa lengo la kulala sasa.

Akashangaa kumuona Ritha akiwa kajilaza kitandani huku akiwa mtupu kabisa kwani nguo zote alitoa na alikuwa akitabasamu.





Sam alienda maliwatoni kupunguza maji ya bia

alizokunywa kwa usiku huo, na kurudi zake kwa

lengo la kulala sasa.

Akashangaa kumuona Ritha akiwa kajilaza

kitandani huku akiwa mtupu kabisa kwani nguo

zote alitoa na alikuwa akitabasamu.

Sam akamuangalia kwa kutikisa kichwa na kumuuliza,

"Unafanya nini Ritha?"

Ritha aliendelea kutabasamu na kumfanya Sam aongee tena,

"Ritha tafadhari, usitake nifanye makosa niliyoyafanya zamani sana na yanayonitesa hadi leo"

Huku Ritha akitabasamu pale kitandani akamuuliza Sam kwa sauti ya kimahaba,

"Makosa gani hayo?"

Ila kabla Sam hajajibu, tayari Ritha alishainuka na kumfata Sam alipo kisha kuanza kumpapasa katika mwili wake na kumnong'oneza kwa sauti laini kabisa hata Sam nae akalainika,

"Usiwe na tatizo mpenzi, mi ndio tiba yako"

Maneno ya Ritha yalimuingia vizuri Sam na kujikuta akikubali,

"Ila Ritha kama hii ni tiba kwangu basi ngoja nifanye"

Ritha akataka kumvua Sam nguo ila Sam akapinga na kumwambia Ritha,

"Tafadhari tuzime taa kwanza"

"Hilo si tatizo"

Ritha alihisi kuwa huenda Sam anaona aibu, na kwenda mwenyewe kuzima taa na kuhakikisha mlango kuwa umefungwa vyema, kisha akarudi alipo Sam na kuendelea na zoezi lake.



Muda kidogo Ritha alitoa kelele ya juu na kufanya watu karibu wote kwenye hoteli ile kushtuka na gafla ile kelele haikusikika kabisa.

Moja kwa moja Ritha alikuwa amezimia na Sam kumalizia shughuli yake.

Sam alipomaliza alijilaumu sana kwa kitendo kile alichomfanyia Ritha kwani alijua wazi kuwa na huyo lazima atafata nyayo za wakina Neema.

Alijikuta akijipiga piga mwenyewe kwani hata msiba wa Neema haujapita huku wa mwingine ukinukia.

"Hivi hawa wasichana wana majini au ni nini jamani? Mbona kunipa dhambi nisiyotaka kuitenda kila siku? Mbona wakinifanyia hivi? Mbona Sabrina hajawahi kuyatenda haya ingawa nimeishi nae, tuseme ni mshamba wa mapenzi au ni kitu gani? Nakumbuka nilipokuwa nikimwambia tusubiri alikuwa akichukia tu na kununa. Inakuwaje kwa hawa? Na kipi kinanivuta hivi hadi natenda mambo yasiyo stahiki?"

Sam alijiuliza maswali bila majibu huku akimtazama Ritha pale alipozimia na kupanga jinsi ya kutoka naye pale hotelini.

http://deusdeditmahunda.blogspot.com/

Sam akapata wazo la kusema kuwa amezidiwa ili aweze kumkimbiza hospitali na iwe njia moja wapo ya kuondoka naye pale hospitali.

Cha kwanza kabisa alifuta damu iliyokuwepo pale chini kisha kumvalisha nguo Ritha na kumbeba begani kisha kutoka naye.

Mlinzi wa ile hoteli aliwaona ila akajua ndio mahaba ya kileo na pia hakuweza kufatilia zaidi kwani alimtambua kuwa ni Sam na anatambua ni jinsi gani anavyopatana na mabosi wao.

Sam alimpakiza Ritha kwenye gari kisha kuondoa gari eneo lile huku akifikiria pa kwenda naye, hapakuwa na mahari pengine pa kwenda zaidi ya nyumbani kwake ili amsikilizie Ritha atakapozinduka.

Alifika na kuingia nae vizuri ndani kisha akamlaza kwenye kiti pale sebleni na hakutaka hata ashtuke muda huo kwani alijua wazi kuwa lazima angefanya fujo.







ITAENDELEA